ਛੱਤੀਸਗੜ੍ਹ 'ਚ ਕਾਂਗਰਸੀ ਕਾਫ਼ਲੇ 'ਤੇ ਨਕਸਲੀ ਹਮਲਾ

ਰਾਏਪੁਰ, 25 ਮਈ (ਏਜੰਸੀ)-ਛੱਤੀਸਗੜ੍ਹ ਦੇ ਜਗਦਲਪੁਰ ਜ਼ਿਲ੍ਹੇ ਵਿਚ ਅੱਜ ਸ਼ਾਮ ਨਕਸਲੀਆਂ ਨੇ ਕਾਂਗਰਸੀ ਨੇਤਾਵਾਂ ਦੇ ਕਾਫਲੇ 'ਤੇ ਹਮਲਾ ਕਰ ਦਿੱਤਾ, ਜਿਸ ਕਾਰਨ ਉੱਘੇ ਕਾਂਗਰਸੀ ਆਗੂ ਮਹਿੰਦਰ ਕਰਮਾ, ਗੋਪੀ ਮਾਧਵਾਨੀ ਅਤੇ ਕਾਂਗਰਸੀ ਵਿਧਾਇਕ ਉਦੈ ਮੁਦਿਆਲ ਅਤੇ ਹੋਰ ਪਾਰਟੀ ਆਗੂਆਂ ਸਮੇਤ 17 ਵਿਅਕਤੀ ਮਾਰੇ ਗਏ ਅਤੇ ਸਾਬਕਾ ਕੇਂਦਰੀ ਮੰਤਰੀ ਵਿੱਦਿਆ ਚਰਨ ਸ਼ੁਕਲਾ, ਰਾਜੀਵ ਨਾਰੰਗ ਸਮੇਤ 20 ਵਿਅਕਤੀ ਜ਼ਖਮੀ ਹੋ ਗਏ | ਮੁੱਖ ਮੰਤਰੀ ਡਾ: ਰਮਨ ਸਿੰਘ ਨੇ ਨਕਸਲੀਆਂ ਵੱਲੋਂ ਮਾਰੇ ਗਏ ਕਾਂਗਰਸੀ ਆਗੂਆਂ ਨੂੰ ਸ਼ਹੀਦ ਕਰਾਰ ਦਿੰਦਿਆਂ ਸੂਬੇ ਵਿਚ ਤਿੰਨ ਦਿਨਾ ਦੇ ਸੋਗ ਦਾ ਐਲਾਨ ਕੀਤਾ ਹੈ | ਪੁਲਿਸ ਨੇ ਦੱਸਿਆ ਕਿ ਨਕਸਲੀਆਂ ਨੇ ਦਰਬਾ ਘਾਟੀ ਵਿਚ ਕਾਂਗਰਸੀ ਨੇਤਾਵਾਂ ਦੇ ਕਾਫਲੇ 'ਤੇ ਹਮਲੇ ਤੋਂ ਬਾਅਦ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਨੰਦ ਕੁਮਾਰ ਪਟੇਲ ਅਤੇ ਉਸ ਦੇ ਬੇਟੇ ਨੂੰ ਅਗਵਾ ਕਰ ਲਿਆ | ਸੂਤਰਾਂ ਅਨੁਸਾਰ ਕਾਂਗਰਸੀ ਨੇਤਾ ਰਾਜ ਸਰਕਾਰ ਖਿਲਾਫ ਪਰਿਵਰਤਨ ਰੈਲੀ ਤੋਂ ਵਾਪਸ ਪਰਤ ਰਹੇ ਸਨ ਕਿ ਸੁਕਮਾ-ਜਗਦਲਪੁਰ ਸੜਕ 'ਤੇ ਹਥਿਆਰਾਂ ਨਾਲ ਲੈਸ ਕਰੀਬ 1000 ਨਕਸਲੀਆਂ ਨੇ ਪਹਿਲਾਂ ਕਾਂਗਰਸੀਆਂ ਦੇ ਕਾਫਲੇ ਅੱਗੇ ਧਮਾਕਾ ਕੀਤਾ ਅਤੇ ਬਾਅਦ ਵਿਚ ਅੰਨ੍ਹੇਵਾਹ ਗੋਲੀਬਾਰੀ ਕਰ ਦਿੱਤੀ | ਸੂਤਰਾਂ ਦਾ ਕਹਿਣਾ ਹੈ ਕਿ ਨਕਸਲੀਆਂ ਨੇ ਜ਼ੈੱਡ ਸੁਰੱਖਿਆ ਵਾਲੇ ਕਾਂਗਰਸੀ ਨੇਤਾ ਮਹਿੰਦਰ ਕਰਮਾ ਦੀ ਗੱਡੀ ਨੂੰ ਘੇਰ ਲਿਆ ਅਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ | ਕਰਮਾ ਦੇ ਸੁਰੱਖਿਆ ਜਵਾਨਾਂ ਜਵਾਬੀ ਗੋਲੀਬਾਰੀ ਕੀਤੀ, ਪਰ ਜਦੋਂ ਸੁਰੱਖਿਆ ਕਰਮਚਾਰੀਆਂ ਤੋਂ ਗੋਲੀਆਂ ਖਤਮ ਹੋ ਗਈਆਂ ਤਾਂ ਉਨ੍ਹਾਂ ਮਹਿੰਦਰ ਕਰਮਾ 'ਤੇ ਗੋਲੀਬਾਰੀ ਕਰ ਦਿੱਤੀ | ਸੂਤਰਾਂ ਅਨੁਸਾਰ ਕਰਮਾ ਦੇ 50 ਤੋਂ ਵਧੇਰੇ ਗੋਲੀਆਂ ਲੱਗੀਆਂ ਅਤੇ ਉਹ ਮੌਕੇ 'ਤੇ ਹੀ ਦਮ ਤੋੜ ਗਏ | ਇਸ ਤੋਂ ਇਲਾਵਾ ਸਾਬਕਾ ਕੇਂਦਰੀ ਮੰਤਰੀ ਵਿੱਦਿਆ ਚਰਨ ਸ਼ੁਕਲਾ ਅਤੇ ਕਾਂਗਰਸੀ ਵਿਧਾਇਕ ਕਾਵਾਸਾਈ ਲਕਮਾ ਦੇ ਵੀ ਗੋਲੀਆਂ ਲੱਗੀਆਂ ਹਨ ਅਤੇ ਉਨ੍ਹਾਂ ਦੀ ਹਾਲਤ ਗੰਭੀਰ ਹੈ |
ਉਚਾਈ ਤੋਂ ਬਣਾਇਆ ਕਾਫ਼ਲੇ ਨੂੰ ਨਿਸ਼ਾਨਾ
ਸੁਕਾ ਦੇ ਕੇਸ਼ਲੂਰ ਨੇੜੇ ਜੀਰਮ ਘਾਟ ਇਲਾਕੇ ਵਿਚ ਮਾਓਵਾਦੀਆਂ ਨੇ ਉਚਾਈ ਵਾਲੇ ਇਲਾਕਿਆਂ ਤੋਂ ਕਾਂਗਰਸੀਆਂ ਦੇ ਕਾਫਲੇ ਨੂੰ ਨਿਸ਼ਾਨਾ ਬਣਾਇਆ | ਕਾਫਲਾ ਜਦੋਂ ਤੋਂਘਪਾਲ ਤੋਂ 8 ਕਿਲੋਮੀਟਰ ਅੱਗੇ ਇੱਕ ਪੁਲੀ ਤੋਂ ਗੁਜਰਿਆ ਤਾਂ ਕਾਫਲੇ ਦੀ 5ਵੀਂ ਗੱਡੀ ਕੋਲ ਇੱਕ ਧਮਾਕਾ ਹੋ ਗਿਆ | ਇਸ ਨਾਲ ਪੁਲੀ ਤਬਾਹ ਹੋ ਗਈ ਅਤੇ ਅੱਗੇ ਦਾ ਰਸਤਾ ਬੰਦ ਹੋ ਗਿਆ | ਮਾਓਵਾਦੀਆਂ ਨੇ ਪੂਰੇ ਜੀਰਮਘਾਟ ਇਲਾਕੇ ਦੀ ਘੇਰਾਬੰਦੀ ਕਰ ਲਈ ਅੱਤੇ ਤਾਬੜਤੋੜ ਗੋਲੀਬਾਰੀ ਕਰ ਦਿੱਤੀ | ਇਸੇ ਦੌਰਾਨ ਪਤਾ ਲੱਗਾ ਹੈ ਕਿ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਅਤੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਕੱਲ੍ਹ 26 ਮਈ ਨੂੰ ਛੱਤੀਸਗੜ੍ਹ ਵਿਖੇ ਜਾ ਕੇ ਆਪਣੇ ਵਰਕਰਾਂ ਦੀ ਸਾਰ ਲੈਣਗੇ |
ਮੁੱਖ ਮੰਤਰੀ ਵੱਲੋਂ ਹੰਗਾਮੀ ਮੀਟਿੰਗ
ਇਸੇ ਦੌਰਾਨ ਸੂਬੇ ਦੇ ਮੁੱਖ ਮੰਤਰੀ ਰਮਨ ਸਿੰਘ ਨੇ ਨਕਸਲੀ ਹਮਲੇ ਦੀ ਖ਼ਬਰ ਮਿਲਦਿਆਂ ਹੀ ਆਪਣੀ ਵਿਕਾਸ ਯਾਤਰਾ ਰੱਦ ਕਰ ਦਿੱਤੀ ਅਤੇ ਰਾਜਧਾਨੀ ਰਾਏਪੁਰ ਪਰਤ ਗਏ | ਜਿੱਥੇ ਉਹ ਰਾਜ ਦੇ ਸੀਨੀਅਰ ਪੁਲਿਸ ਅਧਿਕਾਰੀਆਂ ਨਾਲ ਹੰਗਾਮੀ ਮੀਟਿੰਗ ਕੀਤੀ ਅਤੇ ਸੁਰੱਖਿਆ ਸਥਿਤੀ ਦਾ ਜਾਇਜ਼ਾ ਲਿਆ | ਇਸੇ ਦੌਰਾਨ ਕਾਂਗਰਸੀ ਨੇਤਾ ਅਜੀਤ ਯੋਗੀ ਨੇ ਦੋਸ਼ ਲਗਾਇਆ ਹੈ ਕਿ ਸੂਬਾ ਸਰਕਾਰ ਨੇ ਨਕਸਲੀਆਂ ਦੀ ਧਮਕੀ ਦੇ ਬਾਵਜੂਦ ਵੀ ਕਾਂਗਰਸ ਦੀ ਪਰਿਵਰਤਨ ਰੈਲੀ ਨੂੰ ਲੋੜੀਂਦੀ ਸੁਰੱਖਿਆ ਮੁਹੱਈਆ ਨਹੀਂ ਕਰਵਾਈ | ਇਸੇ ਦੌਰਾਨ ਸਰਕਾਰ ਨੇ ਸੀ ਆਰ ਪੀ ਐਫ ਦੇ 600 ਜਵਾਨਾਂ ਨੂੰ ਨਕਸਲੀ ਹਮਲੇ ਵਾਲੀ ਥਾਂ 'ਤੇ ਤਾਇਨਾਤ ਕੀਤਾ ਹੈ |
ਕਾਂਗਰਸੀ ਵਰਕਰ ਸੜਕਾਂ 'ਤੇ ਉਤਰੇ
ਕਾਂਗਰਸੀ ਨੇਤਾਵਾਂ 'ਤੇ ਨਕਸਲੀ ਹਮਲੇ ਕਾਰਨ ਕਾਂਗਰਸੀ ਵਰਕਰਾਂ ਵਿਚ ਸੂਬੇ ਦੀ ਰਮਨ ਸਿੰਘ ਸਰਕਾਰ ਪ੍ਰਤੀ ਗੁੱਸੇ ਦੀ ਲਹਿਰ ਹੈ | ਵਰਕਰਾਂ ਨੇ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਨਕਸਲੀਆਂ ਨੇ ਕਾਂਗਰਸੀ ਨੇਤਾਵਾਂ ਨੂੰ ਧਮਕੀਆਂ ਵੀ ਦਿੱਤੀਆਂ ਸਨ ਪਰ ਸਰਕਾਰ ਨੇ ਰੈਲੀ ਲਈ ਲੋੜੀਂਦੀ ਸੁਰੱਖਿਆ

 ਮਹੱਈਆ ਨਹੀਂ ਕਰਵਾਈ | ਹਮਲੇ ਦੀ ਖ਼ਬਰ ਮਿਲਦਿਆਂ ਹੀ ਵੱਖ-ਵੱਖ ਜ਼ਿਲਿ੍ਹਆਂ ਵਿਚ ਕਾਂਗਰਸੀ ਵਰਕਰ ਸੜਕਾਂ 'ਤੇ ਉਤਰ ਆਏ ਅਤੇ ਉਨ੍ਹਾਂ ਸਰਕਾਰ ਵਿਰੁੱਧ ਜ਼ਬਰਦਸਤ ਨਾਅਰੇਬਾਜ਼ੀ ਕੀਤੀ | ਕਈ ਥਾਈਾ ਕਾਂਗਰਸੀ ਵਰਕਰਾਂ ਵੱਲੋਂ ਭੰਨ-ਤੋੜ ਅਤੇ ਸਾੜ-ਫੂਕ ਕੀਤੇ ਜਾਣ ਦੀਆਂ ਖ਼ਬਰਾਂ ਹਨ |
ਲੋਕਰਾਜੀ ਪ੍ਰੰਪਰਾਵਾਂ 'ਤੇ ਹਮਲਾ-ਸੋਨੀਆ
ਇਸੇ ਦੌਰਾਨ ਕਾਂਗਰਸ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਨੇ ਛੱਤੀਸਗੜ੍ਹ ਵਿਚ ਕਾਂਗਰਸੀ ਨੇਤਾਵਾਂ 'ਤੇ ਨਕਸਲੀ ਹਮਲੇ ਦੀ ਸਖਤ ਸ਼ਬਦਾਂ ਵਿਚ ਨਿਖੇਧੀ ਕਰਦਿਆਂ ਇਸ ਨੂੰ ਲੋਕਰਾਜੀ ਕਦਰਾਂ ਕੀਮਤਾਂ 'ਤੇ ਹਮਲਾ ਕਰਾਰ ਦਿੱਤਾ

 ਹੈ। ਉਨ੍ਹਾਂ ਮਾਰੇ ਗਏ ਕਾਂਗਰਸੀ ਆਗੂਆਂ ਦੇ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟ ਕੀਤੀ।

'ਸਪਾਟ ਫਿਕਸਿੰਗ'ਮਾਮਲਾ ਪੁੱਛਗਿੱਛ ਦੌਰਾਨ ਸਹਿਯੋਗ ਨਹੀਂ ਦੇ ਰਿਹਾ ਮੇਯਾਪਨ

ਮੁੰਬਈ, 25 ਮਈ (ਏਜੰਸੀ)-ਆਈ. ਪੀ. ਐਲ. ਦੇ ਸੱਟੇਬਾਜ਼ੀ ਘੁਟਾਲੇ 'ਚ ਚੇਨਈ ਸੁਪਰ ਕਿੰਗਸ ਦੇ ਮਾਲਕ ਗੁਰੂਨਾਥ ਮੇਯਾਪਨ ਦੀ ਸ਼ੁੱਕਰਵਾਰ ਰਾਤ ਗਿ੍ਫ਼ਤਾਰੀ ਪਿੱਛੋਂ ਮੁੰਬਈ ਪੁਲਿਸ ਦੀ ਅਪਰਾਧ ਸ਼ਾਖਾ ਨੇ ਕਈ ਘੰਟੇ ਖਿਚਾਈ ਕੀਤੀ ਜਿਸ ਦੌਰਾਨ ਉਹ ਪ੍ਰਸ਼ਨਾਂ ਤੋਂ ਟਾਲਾ ਵੱਟਦਾ ਰਿਹਾ ਅਤੇ ਸਹਿਯੋਗ ਨਹੀਂ ਦਿੱਤਾ | ਬੀਤੀ ਸ਼ਾਮ ਮਦੁਰਾਈ ਤੋਂ ਚਾਰਟਿਡ ਜਹਾਜ਼ 'ਚ ਇਥੇ ਪਹੁੰਚੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਦੇ ਪ੍ਰਧਾਨ ਐਨ. ਸ੍ਰੀਨਿਵਾਸਨ ਦੇ ਦਾਮਾਦ ਮੇਯਾਪਨ ਨੂੰ ਪੁਲਿਸ ਦੀ ਅਪਰਾਧ ਸ਼ਾਖਾ ਦੇ ਹੈੱਡਕੁਆਰਟਰ ਲਿਜਾਇਆ ਗਿਆ | ਉਸ ਦੀ ਗਿ੍ਫ਼ਤਾਰੀ ਦਾ ਐਲਾਨ ਬੀਤੀ ਅੱਧੀ ਰਾਤ ਨੂੰ ਪੁਲਿਸ ਕਮਿਸ਼ਨਰ ਹਿਮਾਂਸ਼ੂ ਰਾਇ ਨੇ ਕੀਤਾ | ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਸ੍ਰੀ ਰਾਇ ਨੇ ਪਹਿਲਾਂ ਪਹਿਲ ਮੇਯਾਪਨ ਤੋਂ ਢਾਈ ਘੰਟੇ ਪੁੱਛਗਿੱਛ ਕੀਤੀ ਪਰ ਉਸ ਦੀ ਗਿ੍ਫ਼ਤਾਰੀ ਪਿੱਛੋਂ 35 ਸਾਲਾ ਮੇਯਾਪਨ ਤੋਂ ਕਈ ਘੰਟੇ ਪੁੱਛਗਿੱਛ ਕੀਤੀ ਗਈ | ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਅਸੀਂ ਜਿਵੇਂ ਆਸ ਕਰਦੇ ਸੀ, ਉਸ ਤਰ੍ਹਾਂ ਉਹ ਸਹਿਯੋਗ ਨਹੀਂ ਕਰ ਰਿਹਾ | ਉਹ ਕਦੀ ਸਵਾਲਾਂ ਤੋਂ ਟਾਲਾ ਵੱਟਦਾ ਰਿਹਾ | ਗੁਰੂਨਾਥ ਜਿਸ ਨੂੰ ਅੱਜ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ, ਨੂੰ ਵਿੰਦੂ ਦਾਰਾ ਸਿੰਘ ਦੇ 21 ਮਈ ਨੂੰ ਫੜੇ ਜਾਣ ਪਿੱਛੋਂ ਸੱਟੇਬਾਜ਼ੀ ਘੁਟਾਲੇ 'ਚ ਉਸ ਦਾ ਨਾਂਅ ਸਾਹਮਣੇ ਆਉਣ ਪਿੱਛੋਂ ਮੁੰਬਈ ਪੁਲਿਸ ਨੇ ਉਸ ਨੂੰ ਤਲਬ ਕੀਤਾ ਸੀ | ਰਿਆਲਟੀ ਸ਼ੋਅ 'ਬਿਗ ਬਾਸ' ਦੇ ਤੀਸਰੇ ਸੈਸ਼ਨ ਦਾ ਜੇਤੂ ਰਹੇ ਸਾਬਕਾ ਪਹਿਲਵਾਨ-ਅਦਾਕਾਰ ਦਾਰਾ ਸਿੰਘ ਦਾ ਪੁੱਤਰ ਵਿੰਦੂ ਆਈ. ਪੀ. ਐਲ. ਦੇ ਮੈਚਾਂ ਦੌਰਾਨ ਗੁਰੂਨਾਥ ਨਾਲ ਵਾਰ-ਵਾਰ ਸੰਪਰਕ ਬਣਾ ਲੈਂਦਾ ਸੀ |
29 ਤੱਕ ਪੁਲਿਸ ਰਿਮਾਂਡ
ਮੁੰਬਈ ਦੀ ਮੈਟਰੋਪੋਲੀਟਨ ਅਦਾਲਤ ਨੇ ਗੁਰੂਨਾਥ ਮੇਯਾਪਨ ਨੂੰ 29 ਮਈ ਤੱਕ ਪੁਲਿਸ ਹਿਰਾਸਤ 'ਚ ਭੇਜ ਦਿੱਤਾ ਹੈ | ਮੇਯਾਪਨ ਨੇ ਪੁਲਿਸ ਹਿਰਾਸਤ 'ਚੋਂ ਬਾਹਰ ਆਉੁਣ ਲਈ ਪੂਰੀ ਲੜਾਈ ਲੜੀ | ਉਸ ਦੇ ਵਕੀਲਾਂ ਨੇ ਅਦਾਲਤ 'ਚ ਦਲੀਲ ਦਿੱਤੀ ਕਿ ਮੋਬਾਈਲ ਫੋਨਾਂ ਦੀ ਬਰਾਮਦਗੀ ਪੁਲਿਸ ਰਿਮਾਂਡ ਦਾ ਕਾਰਨ ਨਹੀਂ ਬਣ ਸਕਦੀ | ਉਧਰ ਪੁਲਿਸ ਅਧਿਕਾਰੀਆਂ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਮੇਯਾਪਨ ਤੇ ਵਿੰਦੂ ਦਾਰਾ ਸਿੰਘ ਵਿਚਕਾਰ ਸਬੰਧਾਂ ਦੀ ਜਾਂਚ ਕਰਨੀ ਹੈ, ਕਿਉੁਾਕਿ ਆਈ. ਪੀ. ਐਲ. ਮੈਚਾਂ ਦੌਰਾਨ ਦੋਵਾਂ ਨੇ ਆਪਸੀ ਸੰਪਰਕ ਬਣਾਇਆ ਹੋਇਆ ਸੀ |
ਸ੍ਰੀ ਨਿਵਾਸਨ ਨੂੰ ਮੁਅੱਤਲ ਕਰਨ 'ਤੇ ਵਿਚਾਰ
ਲੱਗਦਾ ਹੈ ਕਿ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਦੇ ਪ੍ਰਧਾਨ ਵਜੋਂ ਐਨ. ਸ੍ਰੀਨਿਵਾਸਨ ਦੇ ਦਿਨ ਥੋੜ੍ਹੇ ਹਨ ਕਿਉਂਕਿ ਬੋਰਡ ਅੰਦਰਲਾ ਇਕ ਧੜਾ ਇਸ ਗੱਲ 'ਤੇ ਵਿਚਾਰ ਕਰ ਰਿਹਾ ਹੈ ਕਿ ਆਈ. ਪੀ. ਐਲ. ਸਪਾਟ ਫਿਕਸਿੰਗ ਪਿੱਛੋਂ ਜੇਕਰ ਉਹ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਨਹੀਂ ਦਿੰਦਾ ਤਾਂ ਉਸ ਨੂੰ ਮੁਅੱਤਲ ਕਰਨ ਦੀ ਕਾਰਵਾਈ ਸ਼ੁਰੂ ਕੀਤੀ ਜਾਵੇ | ਸ੍ਰੀਨਿਵਾਸਨ ਦੇ ਦਾਮਾਦ ਗੁਰੂਨਾਥ ਮੇਯਾਪਨ ਨੂੰ ਸੱਟੇਬਾਜ਼ੀ 'ਚ ਕੱਲ੍ਹ ਗਿ੍ਫ਼ਤਾਰ ਕੀਤਾ ਸੀ | ਉਪਰੋਕਤ ਘਟਨਾ ਕਾਰਨ ਸ੍ਰੀਨਿਵਾਸਨ ਸੰਕਟ 'ਚ ਘਿਰ ਗਏ ਸਨ ਅਤੇ ਉਨ੍ਹਾਂ ਨੂੰ ਚੋਟੀ ਦੇ ਅਹੁਦੇ ਤੋਂ ਹਟਾਉਣ ਦੀਆਂ ਸੰਭਾਵਨਾਵਾਂ ਵਧ ਰਹੀਆਂ ਹਨ ਪਰ ਤਾਮਿਲਨਾਡੂ ਦੇ ਸ਼ਕਤੀਸ਼ਾਲੀ ਆਗੂ ਨੇ ਇਸ ਗੱਲ ਦਾ ਅਜੇ ਤੱਕ ਕੋਈ ਸੰਕੇਤ ਨਹੀਂ ਦਿੱਤਾ ਕਿ ਵਧ ਰਹੇ ਸੰਕਟ ਦੇ ਕਾਰਨ ਉਹ ਅਸਤੀਫ਼ਾ ਦੇ ਦੇਣਗੇ |
ਸ਼ਸ਼ਾਕ ਮਨੋਹਰ ਹੋਣਗੇ ਨਵੇਂ ਪ੍ਰਧਾਨ
ਕਿ੍ਕਟ ਬੋਰਡ ਦੇ ਇਕ ਚੋਟੀ ਦੇ ਅਧਿਕਾਰੀ ਮੁਤਾਬਿਕ ਐਨ ਸ੍ਰੀਨਿਵਾਸਨ ਦੀ 'ਮੈਂ ਨਾ ਮਾਨੂੰ' ਰਟ ਤੋਂ ਪੇ੍ਰਸ਼ਾਨ ਬੋਰਡ ਦੇ ਕੁਝ ਚੋਟੀ ਦੇ ਅਧਿਕਾਰੀਆਂ ਨੇ ਉਸ ਨੂੰ ਮੁਅੱਤਲ ਕਰਕੇ ਬੋਰਡ ਤੋਂ ਬਾਹਰ ਕਰਨ ਅਤੇ ਸ਼ਸ਼ਾਕ ਮਨੋਹਰ ਦੀਆਂ ਉਸ ਦੇ ਜਾਨਸ਼ੀਨ ਵਜੋਂ ਸੇਵਾਵਾਂ ਲੈਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ | ਇਸ ਅਧਿਕਾਰੀ ਮੁਤਾਬਿਕ ਨਵੀਂ ਪ੍ਰਧਾਨ ਦੀ ਚੋਣ ਹੋਣ ਤੱਕ ਸ੍ਰੀ ਮਨੋਹਰ ਅੰਤਰਿਮ ਆਧਾਰ 'ਤੇ ਬੋਰਡ ਦੇ ਪ੍ਰਧਾਨ ਬਣਨ ਲਈ ਸਹਿਮਤ ਹੋ ਗਏ ਹਨ | ਜਦੋਂ ਇਸ ਸਬੰਧੀ ਸੰਪਰਕ ਕੀਤਾ ਗਿਆ ਤਾਂ ਬੋਰਡ ਦਾ ਕੋਈ ਵੀ ਅਧਿਕਾਰੀ ਜਨਤਕ ਤੌਰ 'ਤੇ ਕੋਈ ਗੱਲ ਕਹਿਣ ਲਈ ਅੱਗੇ ਨਹੀਂ ਆਇਆ | ਬੋਰਡ ਦੇ ਸੰਵਿਧਾਨ 'ਚ ਸੋਧ ਮੁਤਾਬਿਕ ਸ੍ਰੀਨਿਵਾਸਨ ਦੇ ਅਹੁਦੇ ਦੀ ਮਿਆਦ ਸਤੰਬਰ 2014 ਨੂੰ ਖਤਮ ਹੋਵੇਗੀ | ਇਹ ਵੀ ਪਤਾ ਲੱਗਾ ਹੈ ਕਿ ਕ੍ਰਿਕਟ ਬੋਰਡ ਦੇ ਚਾਰ ਅਧਿਕਾਰੀਆਂ ਨੇ ਪਹਿਲਾਂ ਹੀ ਮਨੋਹਰ ਨੂੰ ਨਿਯੁਕਤੀ ਬਾਰੇ ਕਹਿ ਦਿੱਤਾ ਹੈ |
ਸ਼ਰਦ ਪਵਾਰ ਦੀ ਪਾਰਟੀ ਨੇ ਮੰਗਿਆ ਸ੍ਰੀਨਿਵਾਸਨ ਤੋਂ ਅਸਤੀਫ਼ਾ
ਨਵੀਂ ਦਿੱਲੀ, (ਏਜੰਸੀ)-ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ ਆਈ. ਸੀ. ਸੀ. ਦੇ ਸਾਬਕਾ ਮੁਖੀ ਸ਼ਰਦ ਪਵਾਰ ਦੀ ਪਾਰਟੀ ਐਨ. ਸੀ. ਪੀ. ਨੇ ਆਈ. ਪੀ. ਐਲ. 'ਚ ਸਪਾਟ ਫਿਕਸਿੰਗ ਮਾਮਲੇ 'ਚ ਸ਼ੱਕ ਦੇ ਘੇਰੇ 'ਚ ਆਏ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਬੀ. ਸੀ. ਸੀ. ਆਈ. ਦੇ ਮੁਖੀ ਸ੍ਰੀਨਿਵਾਸਨ ਤੋਂ ਅੱਜ ਅਸਤੀਫ਼ਾ ਮੰਗ ਲਿਆ | ਪਾਰਟੀ ਨੇ ਕਿ੍ਕਟ ਸਮੇਤ ਸਾਰੀਆਂ ਖੇਡਾਂ 'ਚ ਫਿਕਸਿੰਗ ਸਬੰਧੀ ਦੋਸ਼ੀਆਂ ਨੂੰ ਦਸ-ਦਸ ਸਾਲ ਦੀ ਸਖ਼ਤ ਸਜ਼ਾ ਅਤੇ ਉਨ੍ਹਾਂ ਦੀ ਸਾਰੀ ਸੰਪਤੀ ਜ਼ਬਤ ਕਰਨ ਦੀ ਸਜ਼ਾ ਦਿੱਤੇ ਜਾਣ ਦੀ ਮੰਗ ਕੀਤੀ ਹੈ |
ਫਿਕਸਿੰਗ ਰੋਕਣ ਲਈ ਨਵਾਂ ਕਾਨੂੰਨ ਛੇਤੀ-ਸਿੱਬਲ
ਨਵੀਂ ਦਿੱਲੀ, (ਏਜੰਸੀ)-ਕੇਂਦਰੀ ਕਾਨੂੰਨ ਮੰਤਰੀ ਕਪਿਲ ਸਿੱਬਲ ਨੇ ਅੱਜ ਕਿਹਾ ਹੈ ਕਿ ਖੇਡਾਂ ਵਿਚ ਮੈਚ ਫਿਕਸਿੰਗ ਤੇ ਸਪਾਟ ਫਿਕਸਿੰਗ ਨਾਲ ਨਜਿੱਠਣ ਲਈ ਕੇਂਦਰ ਸਰਕਾਰ ਰਾਸ਼ਟਰੀ ਪੱਧਰ 'ਤੇ ਇੱਕ ਨਵਾਂ ਅਤੇ ਵਿਆਪਕ ਕਾਨੂੰਨ ਤਿਆਰ ਕਰ ਰਹੀ ਹੈ, ਜਿਸ ਦਾ ਮੁੱਢਲਾ ਖਰੜਾ ਦੋ ਚਾਰ ਦਿਨਾਂ ਵਿਚ ਖੇਡ ਮੰਤਰਾਲੇ ਨੂੰ ਸੌਾਪ ਦਿੱਤਾ ਜਾਵੇਗਾ | ਸ੍ਰੀ ਸਿੱਬਲ ਨੇ ਇਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਅਟਾਰਨੀ ਜਨਰਲ ਨੇ ਫਿਕਸਿੰਗ ਰੋਕਣ ਲਈ ਭਾਰਤੀ ਦੰਡਾਵਲੀ 'ਚ ਸੋਧਾਂ ਕਰਨ ਦੀ ਸਲਾਹ ਦਿੱਤੀ ਹੈ ਪਰ ਸਾਡਾ ਵਿਚਾਰ ਹੈ ਕਿ ਇਸ ਸਬੰਧੀ ਨਵਾਂ ਕਾਨੂੰਨ ਬਣਾਉਣਾ ਚਾਹੀਦਾ ਹੈ ਜਿਸ ਦਾ ਘੇਰਾ ਵਿਸ਼ਾਲ ਹੋਵੇ |
ਅਸਤੀਫ਼ਾ ਨਹੀਂ ਦੇਵਾਂਗਾ-ਸ੍ਰੀਨਿਵਾਸਨ
ਦਾਮਾਦ ਮੇਯਾਪਨ ਦੀ ਗਿ੍ਫ਼ਤਾਰੀ ਕਾਰਨ ਵੱਧ ਰਹੇ ਦਬਾਅ ਦੇ ਬਾਵਜੂਦ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਦੇ ਪ੍ਰਧਾਨ ਐਨ. ਸ੍ਰੀ ਨਿਵਾਸਨ ਨੇ ਆਪਣੇ ਅਸਤੀਫ਼ੇ ਦੀ ਮੰਗ ਰੱਦ ਕਰ ਦਿੱਤੀ ਹੈ | ਮੁੰਬਈ ਤੋਂ ਨਵੀਂ ਦਿੱਲੀ ਪਹੁੰਚੇ ਸ੍ਰੀਨਿਵਾਸਨ ਨੇ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਦਾ ਪ੍ਰਧਾਨ ਦੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਦਾ ਕੋਈ ਇਰਾਦਾ ਨਹੀਂ, ਕਿਉੁਾਕਿ ਉਨ੍ਹਾਂ ਨੇ ਕੋਈ ਗਲਤ ਕੰਮ ਨਹੀਂ ਕੀਤਾ | ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ 68 ਸਾਲਾ ਕ੍ਰਿਕਟ ਬੋਰਡ ਦੇ ਮੁਖੀ ਨੇ ਕਿਹਾ ਕਿ ਕ੍ਰਿਕਟ ਕੰਟਰੋਲ ਬੋਰਡ ਸਖ਼ਤੀ ਨਾਲ ਆਪਣੇ ਨਿਯਮਾਂ ਦੀ ਪਾਲਣਾ ਕਰੇਗਾ ਅਤੇ ਕਾਨੂੰਨ ਆਪਣੇ ਕੰਮ ਆਪ ਕਰੇਗਾ |
ਚੇਨਈ ਸੁਪਰ ਕਿੰਗਸ ਆਈ. ਪੀ. ਐਲ. ਤੋਂ ਮੁਅੱਤਲ ਨਹੀਂ
ਸਪਾਟ ਫਿਕਸਿੰਗ ਦੇ ਵੱਡੇ ਘੁਟਾਲੇ ਦੇ ਬਾਵਜੂਦ ਐਤਵਾਰ ਦਾ ਅੰਤਿਮ ਮੈਚ ਪਹਿਲਾਂ ਮਿਥੀ ਸੂਚੀ ਮੁਤਾਬਿਕ ਹੋਵੇਗਾ ਅਤੇ ਸੱਟੇਬਾਜ਼ੀ ਦੇ ਦੋਸ਼ਾਂ ਵਿਚ ਚੋਟੀ ਦੇ ਅਧਿਕਾਰੀ ਦੀ ਗ੍ਰਿਫ਼ਤਾਰੀ ਦੇ ਬਾਵਜੂਦ ਚੇਨਈ ਸੁਪਰ ਕਿੰਗਸ ਇੰਡੀਆ ਪ੍ਰੀਮੀਅਰ ਲੀਗ ਦਾ ਹਿੱਸਾ ਬਣੀ ਰਹੇਗੀ। ਬੋਰਡ ਦੇ ਇਕ ਚੋਟੀ ਦੇ ਅਧਿਕਾਰੀ ਨੇ ਦੱਸਿਆ ਕਿ ਚੇਨਈ ਸੁਪਰ ਕਿੰਗਸ ਅਤੇ ਮੁੰਬਈ ਇੰਡੀਅਨਜ਼ ਦਾ ਫਾਈਨਲ ਮੈਚ ਈਡਨ ਗਾਰਡਨ ਵਿਖੇ ਹੋਵੇਗਾ।

ਤਸਵੀਰਾਂ

ਗੁਪਤ ਕਾਰੋਬਾਰ ਨੂੰ ਰੋਕਣ 'ਚ ਭੂਮਿਕਾ ਨਿਭਾਵੇ ਸੇਬੀ-ਪ੍ਰਧਾਨ ਮੰਤਰੀ

ਮੁੰਬਈ, 25 ਮਈ (ਏਜੰਸੀ)-ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ ਨੇ ਸ਼ੁੱਕਰਵਾਰ ਨੂੰ ਪੂੰਜੀ ਬਾਜ਼ਾਰ ਦੇ ਰੈਗੂਲੇਟਰੀ ਸੇਬੀ ਨੂੰ ਗੁਪਤ ਕਾਰੋਬਾਰ ਦੀ ਘਾਤਕ ਬੁਰਾਈ ਨੂੰ ਜੜ੍ਹ ਤੋਂ ਖਤਮ ਕਰਨ ਲਈ ਕਿਹਾ | ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸੰਸਥਾਨ ਦੀ ਅਸਰਦਾਇਕ ਪ੍ਰਭਾਵਸ਼ੀਲਤਾ ਇਸੇ 'ਤੇ ਨਿਰਭਰ ਹੋਵੇਗੀ | ਸੇਬੀ ਦੇ ਗੋਲਡਨ ਜੁਬਲੀ ਸਮਾਰੋਹ ਨੂੰ ਸੰਬੋਧਿਤ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸੇਬੀ ਦੀ ਅਸਰਦਾਇਕ ਪ੍ਰਭਾਵਸ਼ੀਲਤਾ ਦਾ ਇਕ ਮਹੱਤਵਪੂਰਨ ਸੰਕੇਤਕ ਗੁਪਤ ਕਾਰੋਬਾਰ ਵਰਗੇ ਅਤਿਅੰਤ ਘਾਤਕ ਰੋਗ ਨੂੰ ਜੜ੍ਹ ਤੋਂ ਪੁੱਟਣ ਦੀ ਇਸਦੀ ਸਮਰੱਥਾ 'ਤੇ ਨਿਰਭਰ ਹੋਵੇਗਾ | ਸ. ਮਨਮੋਹਨ ਸਿੰਘ ਨੇ ਕਿਹਾ ਕਿ ਭਾਰਤੀ ਸੁਰੱਖਿਆ ਬਾਜ਼ਾਰ ਦਾ ਆਕਾਰ ਅਤੇ ਜਟਿਲਤਾ ਦਾ ਤੇਜ਼ ਗਤੀ ਨਾਲ ਵਿਕਾਸ ਹੋ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਹਰ ਰੋਜ਼ ਪਹਿਲਾਂ ਤੋਂ ਕਿਤੇ ਜ਼ਿਆਦਾ ਜਟਿਲਤਾ ਦੇ ਨਾਲ ਨਵੇਂ ਉਤਪਾਦ ਨੂੰ ਵਿਕਸਿਤ ਹੁੰਦਾ ਦੇਖ ਰਹੇ ਹਾਂ | ਤਕਨੀਕ 'ਚ ਵਿਕਾਸ ਦੇ ਨਤੀਜੇ ਵਜੋਂ ਕਾਰੋਬਾਰੀ ਪ੍ਰਕਿਰਿਆ 'ਚ ਤੇਜ਼ੀ ਆਈ ਹੈ |

ਪਾਕਿਸਤਾਨ 'ਚ ਸਕੂਲੀ ਵੈਨ ਨੂੰ ਲੱਗੀ ਅੱਗ

ਇਸਲਾਮਾਬਾਦ, 25 ਮਈ (ਏਜੰਸੀ)-ਪਾਕਿਸਤਾਨ ਦੇ ਪੰਜਾਬ ਸੂਬੇ 'ਚ ਅੱਜ ਇਕ ਸਕੂਲ ਵੈਨ 'ਚ ਗੈਸ ਸਿਲੰਡਰ ਦੇ ਫੱਟ ਜਾਣ ਨਾਲ 17 ਬੱਚਿਆਂ ਅਤੇ 1 ਅਧਿਆਪਕ ਦੀ ਮੌਤ ਹੋ ਗਈ ਜਦਕਿ ਬਾਕੀ ਗੰਭੀਰ ਰੂਪ ਜ਼ਖਮੀ ਹੋ ਗਏ | ਸੂਤਰਾਂ ਅਨੁਸਾਰ ਇਹ ਧਮਾਕਾ ਇਸਲਾਮਾਬਾਦ ਤੋਂ 200 ਕਿਲੋਮੀਟਰ ਦੂਰ ਪੂਰਬੀ ਪੰਜਾਬ ਦੇ ਗੁਜਰਾਤ ਜ਼ਿਲੇ੍ਹ 'ਚ ਹੋਇਆ | ਉਨ੍ਹਾਂ ਦੱਸਿਆ ਕਿ ਇਹ ਹਾਦਸਾ ਸਵੇਰੇ 7.40 ਵਜੇ ਉਸ ਸਮੇਂ ਹੋਇਆ ਜਦੋਂ ਵੈਨ 8 ਸਾਲ ਤੋਂ 12 ਸਾਲ ਦੇ 20-25 ਬੱਚਿਆਂ ਨੂੰ ਸਕੂਲ ਲੈ ਕੇ ਜਾ ਰਹੀ ਸੀ | ਪੁਲਿਸ ਅਧਿਕਾਰੀਆਂ ਨੇ ਕਿਹਾ ਕਿ ਡ੍ਰਾਈਵਰ ਘਟਨਾ ਵਾਲੀ ਥਾਂ ਤੋਂ ਫਰਾਰ ਹੋ ਗਿਆ ਅਤੇ ਪੁਲਿਸ ਉਸ ਦੀ ਭਾਲ ਕਰ ਰਹੀ ਹੈ | ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਦੋ ਬੱਚਿਆਂ ਦੀ ਹਾਲਤ ਗੰਭੀਰ ਹੋਣ ਕਰਕੇ ਉਨ੍ਹਾਂ ਨੂੰ ਲਾਹੌਰ ਦੇ ਇਕ ਹਸਪਾਤਲ 'ਚ ਇਲਾਜ ਲਈ ਭੇਜ ਦਿੱਤਾ ਗਿਆ ਹੈ ਅਤੇ ਬਾਕੀਆਂ ਦਾ ਇਲਾਜ ਗੁਜਰਾਤ ਦੇ ਇਕ ਹਸਪਤਾਲ 'ਚ ਚੱਲ ਰਿਹਾ ਹੈ |

ਇਕ ਕਰੋੜ ਰੁਪਏ ਤੇ ਇਕ ਕਿਲੋ ਸੋਨੇ ਸਮੇਤ ਸੱਟੇਬਾਜ਼ ਗਿ੍ਫ਼ਤਾਰ

ਅਹਿਮਦਾਬਾਦ, 25 ਮਈ (ਯੂ. ਐਨ. ਆਈ.) -ਸਿਟੀ ਪੁਲਿਸ ਦੀ ਅਪਰਾਧ ਸ਼ਾਖਾ ਨੇ ਬੀਤੀ ਰਾਤ ਸ਼ਹਿਰ ਦੇ ਨਾਲ ਲੱਗਦੇ ਇਲਾਕੇ ਵਿਚੋਂ ਇਕ ਕਰੋੜ ਰੁਪਏ ਦੀ ਨਕਦੀ ਅਤੇ ਇਕ ਕਿਲੋ ਸੋਨੇ ਸਮੇਤ ਸੱਟੇਬਾਜ਼ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਅੱਜ ਬਾਅਦ ਦੁਪਹਿਰ ਇਥੇ ਪ੍ਰੈੱਸ ਕਾਨਫ਼ਰੰਸ ਨੂੰ ...

ਪੂਰੀ ਖ਼ਬਰ »

ਸਾਊਦੀ ਅਰਬ ਤੋਂ ਭਾਰਤੀਆਂ ਨੂੰ ਨਹੀਂ ਕੱਢਿਆ ਜਾਵੇਗਾ

ਰਿਆਧ, 25 ਮਈ (ਏਜੰਸੀ)- ਸਾਊਦੀ ਅਰਬ 'ਚ ਕਈ ਸਾਲਾਂ ਤੋਂ ਰਹਿ ਰਹੇ ਲੋਕਾਂ ਲਈ ਨਿਤਾਕਤ ਕਾਨੂੰਨ ਨੂੰ ਵਾਪਸੀ ਦਾ ਇਕ ਮੌਕਾ ਦੱਸਦੇ ਹੋਏ ਭਾਰਤ ਨੇ ਕਿਹਾ ਕਿ ਆਮ ਧਾਰਨਾ ਵਿਰੁੱਧ ਪਿਛਲੇ ਕੁਝ ਮਹੀਨਿਆਂ 'ਚ ਸਾਊਦੀ ਅਰਬ ਆਉਣ ਵਾਲੇ ਭਾਰਤੀਆਂ ਦੀ ਗਿਣਤੀ ਵਧੀ ਹੈ | ਸਾਊਦੀ ਅਰਬ 'ਚ ...

ਪੂਰੀ ਖ਼ਬਰ »

ਪਾਕਿਸਤਾਨ ਵੱਲੋਂ 3 ਬੱਚਿਆਂ ਸਣੇ 45 ਮਛੇਰੇ ਭਾਰਤ ਹਵਾਲੇ

ਅਟਾਰੀ, 25 ਮਈ (ਰੁਪਿੰਦਰਜੀਤ ਸਿੰਘ ਭਕਨਾ)¸ਪਾਕਿਸਤਾਨ ਨੇ ਅੱਜ 3 ਬੱਚਿਆਂ ਸਣੇ 45 ਭਾਰਤੀ ਮਛੇਰਿਆਂ ਨੂੰ ਅਟਾਰੀ ਵਾਹਗਾ ਸਰਹੱਦ ਰਸਤੇ ਭਾਰਤ ਹਵਾਲੇ ਕਰ ਦਿੱਤਾ | ਇਹ ਕਰਾਚੀ ਦੀ ਲਾਂਡੀ ਜੇਲ੍ਹ ਵਿਚ ਬੰਦ ਸਨ | ਇਹ ਮਛੇਰੇ 4 ਅਤੇ 7 ਮਹੀਨੇ ਦੀ ਸਜ਼ਾ ਕੱਟ ਕੇ ਭਾਰਤ ਪਹੰੁਚੇ ...

ਪੂਰੀ ਖ਼ਬਰ »

ਸ੍ਰੀਨਿਵਾਸਨ ਕਾਰਨ ਬੀ. ਸੀ. ਸੀ. ਆਈ. ਨਾਲ ਨਹੀਂ ਜੁੜੇਗਾ 'ਸਹਾਰਾ'

ਨਵੀਂ ਦਿੱਲੀ, 24 ਮਈ (ਏਜੰਸੀ)-ਸਹਾਰਾ ਸਮੂਹ ਦੇ ਮੁਖੀ ਸੁਬਰੋਤੋ ਰਾਏ ਨੇ ਸ਼ੁੱਕਰਵਾਰ ਨੂੰ ਭਾਰਤੀ ਕਿ੍ਕਟ ਕੰਟ੍ਰੋਲ ਬੋਰਡ ਬੀ. ਸੀ. ਸੀ. ਆਈ. ਮੁਖੀ ਐਨ. ਸ੍ਰੀਨਿਵਾਸਨ ਬਾਰੇ ਕਿਹਾ ਜਦ ਤੱਕ ਉਹ ਬੋਰਡ ਦੇ ਮੁਖੀ ਦੇ ਪਦ 'ਤੇ ਨਿਯੁਕਤ ਰਹਿਣਗੇ ਤਦ ਤੱਕ ਸਹਾਰਾ ਬੀ. ਸੀ. ਸੀ. ਆਈ. ...

ਪੂਰੀ ਖ਼ਬਰ »

ਜੈਪੁਰ ਵਿਚ 92 ਕਰੋੜ ਦੀ ਅਣ-ਐਲਾਨੀ ਆਮਦਨ ਦਾ ਪਰਦਾ ਫਾਸ਼

ਜੈਪੁਰ, 25 ਮਈ (ਏਜੰਸੀਆਂ)-ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ 'ਚ ਆਮਦਨ ਕਰ ਵਿਭਾਗ ਨੇ ਰੀਅਲ ਅਸਟੇਟ ਤੇ ਗਹਿਣਿਆਂ ਦੇ ਕਾਰੋਬਾਰ ਨਾਲ ਜੁੜੇ ਇਕ ਸਮੂਹ ਦੀ ਇਥੇ 92 ਕਰੋੜ ਰੁਪਏ ਦੀ ਅਣ-ਐਲਾਨੀ ਆਮਦਨ ਦਾ ਪਤਾ ਲਾਇਆ ਹੈ | ਵਿਭਾਗ ਦੇ ਡਾਇਰੈਕਟਰ (ਜਾਂਚ) ਸੁਨੀਲ ਮਾਥੁਰ ਨੇ ...

ਪੂਰੀ ਖ਼ਬਰ »