ਤਾਜਾ ਖ਼ਬਰਾਂ


ਬਾਘਾ ਪੁਰਾਣਾ : ਇੱਕੋ ਪਰਿਵਾਰ ਦੇ ਦੋ ਨਬਾਲਗ ਲੜਕੇ ਲਾਪਤਾ
. . .  2 minutes ago
ਬਾਘਾ ਪੁਰਾਣਾ 8 ਦਸੰਬਰ (ਬਲਰਾਜ ਸਿੰਗਲਾ)- ਬਾਘਾ ਪੁਰਾਣਾ ਦੇ ਵਾਰਡ ਨੰਬਰ 11 ਦੀ ਗਊਸ਼ਾਲਾ ਵਾਲੀ ਗਲੀ ਵਿਚੋਂ ਮੂੰਹ ਹਨੇਰੇ 2 ਨਬਾਲਗ ਲੜਕੇ ਲਾਪਤਾ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ,ਮਾਪਿਆ ਅਤੇ ਪੁਲਿਸ ਵੱਲੋਂ ਬੱਚਿਆ ਦੀ ਭਾਲ ਜਾਰੀ ਹੈ। ਅੱਜ ਸਵੇਰੇ ਕਰੀਬ 5:30...
ਮੋਗਾ 'ਚ ਪਾਣੀ ਬਚਾਓ, ਪੰਜਾਬ ਬਚਾਓ ਰੈਲੀ
. . .  15 minutes ago
ਮੋਗਾ, 8 ਦਸੰਬਰ - ਮੋਗਾ ਦੇ ਪਿੰਡ ਕਿਲੀ ਚਾਹਲਾਂ 'ਚ ਪੰਜਾਬ ਸਰਕਾਰ ਵਲੋਂ ਪਾਣੀ ਬਚਾਓ, ਪੰਜਾਬ ਬਚਾਓ ਰੈਲੀ ਕੀਤੀ ਜਾ ਰਹੀ ਹੈ। ਜਿਸ 'ਚ ਪੰਜਾਬ ਦੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ , ਡਿਪਟੀ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਤੇ ਪੰਜਾਬ ਭਾਜਪਾ...
ਗੈਰ ਸੰਵਿਧਾਨਕ ਹੈ ਤਿੰਨ ਤਲਾਕ
. . .  51 minutes ago
ਇਲਾਹਾਬਾਦ, 8 ਦਸੰਬਰ - ਇਲਾਹਾਬਾਦ ਹਾਈ ਕੋਰਟ ਨੇ ਕਿਹਾ ਹੈ ਕਿ ਤਿੰਨ ਤਲਾਕ ਗੈਰ ਸੰਵਿਧਾਨਕ ਹੈ। ਕੋਰਟ ਦਾ ਕਹਿਣਾ ਹੈ ਕਿ ਇਸ ਨਾਲ ਮੁਸਲਿਮ ਔਰਤਾਂ ਦੇ ਹੱਕਾਂ ਦਾ ਘਾਣ...
ਜਲ ਬੱਸ ਹਰੀਕੇ ਪਹੁੰਚੀ, 12 ਨੂੰ ਸੁਖਬੀਰ ਵਲੋਂ ਉਦਘਾਟਨ
. . .  about 1 hour ago
ਹਰੀਕੇ ਪੱਤਣ, 8 ਦਸੰਬਰ (ਸੰਜੀਵ ਕੁੰਦਰਾ) - ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਦਾ ਪੰਜਾਬ 'ਚ ਜਲ ਬੱਸ ਚਲਾਉਣ ਦਾ ਸੁਪਨਾ ਪੂਰਾ ਹੋਣ ਜਾ ਰਿਹਾ ਹੈ ਤੇ ਹਰੀਕੇ ਝੀਲ ਦੇ ਪਾਣੀ 'ਚ ਚੱਲਣ ਵਾਲੀ ਜਲ ਬੱਸ ਅੱਜ ਹਰੀਕੇ ਹੈੱਡ ਵਰਕਸ ਵਿਖੇ...
ਜਵਾਨਾਂ ਦੀ ਅੱਤਵਾਦੀਆਂ ਨਾਲ ਮੁੱਠਭੇੜ ਜਾਰੀ
. . .  about 1 hour ago
ਸ੍ਰੀਨਗਰ, 8 ਦਸੰਬਰ - ਦੱਖਣੀ ਕਸ਼ਮੀਰ ਦੇ ਅਨੰਤਨਾਗ ਜਿਲ੍ਹੇ 'ਚ ਅੱਜ ਸੁਰੱਖਿਆ ਬਲਾਂ ਤੇ ਅੱਤਵਾਦੀਆਂ ਵਿਚਕਾਰ ਮੁੱਠਭੇੜ ਹੋਈ। ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਅਨੰਤਨਾਗ 'ਚ ਬਿਜਬਹੇੜਾ ਇਲਾਕੇ ਦੇ ਹਸਨਪੋਰਾ ਪਿੰਡ 'ਚ ਅੱਤਵਾਦੀਆਂ ਦੇ...
ਨੋਟਬੰਦੀ 'ਤੇ ਰਾਜ ਸਭਾ 'ਚ ਹੰਗਾਮਾ ਜਾਰੀ
. . .  about 2 hours ago
ਨਵੀਂ ਦਿੱਲੀ, 8 ਦਸੰਬਰ - ਨੋਟਬੰਦੀ ਨੂੰ ਲੈ ਕੇ ਰਾਜ ਸਭਾ 'ਚ ਵਿਰੋਧੀ ਧਿਰ ਵਲੋਂ ਲਗਾਤਾਰ ਹੰਗਾਮਾ...
ਨੋਟਬੰਦੀ ਦਾ ਇਕ ਮਹੀਨਾ ਪੂਰਾ ਹੋਣ 'ਤੇ ਸਥਿਤੀ ਜਿਉਂ ਦੀ ਤਿਉਂ
. . .  about 2 hours ago
ਅਜਨਾਲਾ , 8 ਦਸੰਬਰ (ਗੁਰਪ੍ਰੀਤ ਸਿੰਘ ਢਿੱਲੋਂ) - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਕਾਲੇ ਧਨ ਨੂੰ ਬਾਹਰ ਕੱਢਣ ਲਈ 8 ਨਵੰਬਰ ਸ਼ਾਮ ਨੂੰ ਦੇਸ਼ ਭਰ 'ਚ 500 ਤੇ 1000 ਦੇ ਪੁਰਾਣੇ ਨੋਟ ਬੰਦ ਕਰਨ ਦੇ ਕੀਤੇ ਐਲਾਨ ਨੂੰ ਭਾਵੇਂ ਅੱਜ ਇਕ ਮਹੀਨਾ ਹੋ ਗਿਆ ਹੈ...
ਨੋਟਬੰਦੀ ਤੋਂ ਗਰੀਬ ਤੇ ਕਿਸਾਨ ਬਰਬਾਦ
. . .  about 2 hours ago
ਨਵੀਂ ਦਿੱਲੀ, 8 ਦਸੰਬਰ - ਨੋਟਬੰਦੀ ਨੂੰ ਅੱਜ ਇਕ ਮਹੀਨਾ ਪੂਰਾ ਹੋ ਗਿਆ ਹੈ। ਇਸ 'ਤੇ ਕਾਂਗਰਸ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਨੇ ਬੋਲਦਿਆਂ ਕਿਹਾ ਕਿ ਨੋਟਬੰਦੀ ਕਾਰਨ ਗਰੀਬ ਤੇ ਕਿਸਾਨ ਬਰਬਾਦ ਹੋ ਗਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਵਿਰੋਧੀ ਧਿਰ ਇਸ 'ਤੇ...
ਸੰਘਣੀ ਧੁੰਦ ਕਾਰਨ ਕਈ ਵਾਹਨ ਆਪਸ 'ਚ ਟਕਰਾਏ
. . .  about 2 hours ago
ਇੰਗਲੈਂਡ ਦਾ ਪਹਿਲਾ ਬੱਲੇਬਾਜ਼ੀ ਕਰਨ ਦਾ ਫੈਸਲਾ
. . .  about 2 hours ago
ਅੰਮ੍ਰਿਤਸਰ ਹਵਾਈ ਅੱਡਾ : ਸੰਘਣੀ ਧੁੰਦ ਕਾਰਨ ਉਡਾਣਾਂ 'ਚ ਦੇਰੀ
. . .  about 3 hours ago
ਮੋਗਾ 'ਚ ਅੱਜ 'ਪਾਣੀ ਬਚਾਓ ਪੰਜਾਬ ਬਚਾਓ' ਰੈਲੀ
. . .  about 4 hours ago
ਮੋਦੀ ਨੇ ਬਾਦਲ ਨੂੰ ਦਿੱਤੀ ਵਧਾਈ
. . .  about 4 hours ago
ਸੰਘਣੀ ਧੁੰਦ ਕਾਰਨ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ
. . .  about 4 hours ago
ਸੰਘਣੀ ਧੁੰਦ ਕਾਰਨ 94 ਟਰੇਨਾਂ ਦੇਰੀ 'ਚ
. . .  about 5 hours ago
ਹੋਰ ਖ਼ਬਰਾਂ..
 
ਜਲੰਧਰ : ਵੀਰਵਾਰ 24 ਮੱਘਰ ਸੰਮਤ 548
ਿਵਚਾਰ ਪ੍ਰਵਾਹ: ਕੱਟੜਤਾ ਦਾ ਧਰਮ ਨਾਲ ਕੋਈ ਸਬੰਧ ਨਹੀਂ ਹੈ, ਇਹ ਤਾਂ ਸੱਤਾ ਦੀ ਭੁੱਖ ਵਿਚੋਂ ਪੈਦਾ ਹੁੰਦੀ ਹੈ। -ਸਲਮਾਨ ਰਸ਼ਦੀ
  •     Confirm Target Language  

ਪਹਿਲਾ ਸਫ਼ਾ



ਪਾਕਿਸਤਾਨ 'ਚ ਹਵਾਈ ਜਹਾਜ਼ ਨੂੰ ਹਾਦਸਾ-48 ਮੌਤਾਂ

ਇਸਲਾਮਾਬਾਦ/ਪਿਸ਼ਾਵਰ, 7 ਦਸੰਬਰ (ਏਜੰਸੀਆਂ)-ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ ਦਾ ਇਕ ਯਾਤਰੀ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ ਹੈ ਤੇ ਇਸ 'ਚ ਸਵਾਰ ਸਾਰੇ 48 ਯਾਤਰੀਆਂ ਦੀ ਮੌਤ ਹੋ ਗਈ ਹੈ। ਪਾਕਿਸਤਾਨ ਮੀਡੀਆ ਅਨੁਸਾਰ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ ਦੀ ਫਲਾਈਟ ਪੀਕੇ-661 ਅੱਜ ਸ਼ਾਮ ਕਰੀਬ 4:30 ਵਜੇ ਰਾਡਾਰ ਤੋਂ ਗਾਇਬ ਹੋ ਗਈ। ਜਹਾਜ਼ ਨੇ ਅੱਜ ਦੁਪਹਿਰ 3:30 ਵਜੇ ਚਿਤਰਲ ਤੋਂ ਉਡਾਨ ਭਰੀ ਸੀ ਤੇ ਇਸਨੇ ਇਸਲਾਮਾਬਾਦ ਦੇ ਬੇਨਜੀਰ ਭੁੱਟੋ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਕਰੀਬ 4:40 ਵਜੇ ਉਤਰਨਾ ਸੀ ਪਰ 4:30 ਵਜੇ ਦੇ ਕਰੀਬ ਐਬਟਾਬਾਦ ਦੇ ਨੇੜੇ ਹਵੇਲੀਅਨ ਦੇ ਕੋਲ ਇਹ ਰਾਡਾਰ ਤੋਂ ਗਾਇਬ ਹੋ ਗਿਆ। ਇਸ ਜਹਾਜ਼ 'ਚ ਉਘੇ ਗਾਇਕ ਜੂਨੈਦ ਜਮਸ਼ੇਦ, ਉਨ੍ਹਾਂ ਦੀ ਪਤਨੀ ਤੇ ਚਿਤਰਾਲ ਦੇ ਡਿਪਟੀ ਕਮਿਸ਼ਨਰ ਓਸਾਮਾ ਵੜੈਚ ਵੀ ਸਵਾਰ ਸਨ, ਇਸਦੀ ਪੁਸ਼ਟੀ ਉਨ੍ਹਾਂ ਦੇ ਭਰਾ ਵੱਲੋਂ ਕੀਤੀ ਗਈ ਹੈ। ਇਸ ਹਾਦਸੇ 'ਚ ਉਕਤ ਤਿੰਨੋ ਵੀ ਮਾਰੇ ਗਏ। ਵਿਸ਼ਵ ਪੱਧਰ 'ਤੇ ਉਡਾਣਾਂ 'ਤੇ ਨਜ਼ਰ ਰੱਖਣ ਵਾਲੇ ਏਵੀਏਸ਼ਨ ਹੇਰਾਲਡ ਨੇ ਕਿਹਾ ਹੈ ਕਿ ਫਲਾਈਟ ਪੀਕੇ-661 ਦੇ ਇੰਜਣ 'ਚ ਤਕਨੀਕੀ ਖਰਾਬੀ ਆ ਜਾਣ ਕਾਰਨ ਐਬਟਾਬਾਦ ਦੇ ਨੇੜੇ ਇਹ ਜਹਾਜ਼ ਸੱਧਾ ਬਤੋਲਨੀ ਪਿੰਡ ਕੋਲ ਹਾਦਸਾਗ੍ਰਸਤ ਹੋ ਗਿਆ। ਪੀ.ਆਈ.ਏ. ਦੇ ਇਕ ਸਰਕਾਰੀ ਬੁਲਾਰੇ ਦਨਿਆਲ ਗਿਲਾਨੀ ਨੇ ਟਵੀਟ ਕੀਤਾ ਹੈ ਕਿ 42 ਲੋਕਾਂ ਨੂੰ ਲੈ ਕੇ ਪੀ.ਆਈ.ਏ. ਦਾ ਏ.ਟੀ.ਆਰ.42 ਏਅਰਕ੍ਰਾਫ਼ਟ ਜੋ ਕੇ ਪੀਕੇ-661 ਦੀ ਤਰ੍ਹਾਂ ਕੰਮ ਕਰ ਰਿਹਾ ਸੀ ਦਾ ਸੰਪਰਕ ਕੁਝ ਦੇਰ ਪਹਿਲਾਂ ਚਿਤਰਲ ਤੋਂ ਇਸਲਾਮਾਬਾਦ ਦੇ ਰਸਤੇ 'ਚ ਕੰਟਰੋਲ ਟਾਵਰ ਤੋਂ ਟੁੱਟ ਗਿਆ। ਜਿਸ ਕਾਰਨ ਜਹਾਜ਼ 'ਚ ਸਵਾਰ ਸਾਰੇ ਹੀ ਯਾਤਰੀ ਮਾਰੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਜਹਾਜ਼ 'ਚ ਅਮਲੇ ਦੇ 3 ਪਾਇਲਟ 2 ਏਅਰਹੋਸਟਸ, ਇਕ ਇੰਜੀਨੀਅਰ ਤੇ 42 ਯਾਤਰੀਆਂ ਸਮੇਤ ਕੁਲ 48 ਲੋਕ ਸਵਾਰ ਸਨ। ਉਨ੍ਹਾਂ ਦੱਸਿਆ ਕਿ ਇਸ ਜਹਾਜ਼ ਦੇ ਯਾਤਰੀਆਂ 'ਚ 31 ਪੁਰਸ਼, 9 ਔਰਤਾਂ ਅਤੇ 2 ਨਵ-ਜਨਮੇਂ ਬੱਚੇ ਸਵਾਰ ਸਨ। ਉਧਰ ਪਾਕਿਸਤਾਨੀ ਫ਼ੌਜ ਵੱਲੋਂ ਘਟਨਾ ਸਥਾਨ 'ਤੇ ਪਹੁੰਚ ਕੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ ਗਏ ਹਨ। ਫ਼ੌਜ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਹੁਣ ਤੱਕ 36 ਲਾਸ਼ਾਂ ਬਰਾਮਦ ਕੀਤੀਆਂ ਜਾ ਚੁੱਕੀਆਂ ਹਨ।
 

ਪ੍ਰਸਿੱਧ ਗਾਇਕ ਜੂਨੈਦ ਜਮਸ਼ੇਦ ਤੇ ਪਤਨੀ ਦੀ ਮੌਤ

ਸਤਲਾਣੀ ਸਾਹਿਬ, (ਰਾਜਿੰਦਰ ਸਿੰਘ ਰੂਬੀ)-ਪਾਕਿਸਤਾਨ ਦੇ ਸ਼ਹਿਰ ਚਤਰਾਲ ਤੋਂ ਇਸਲਾਮਾਬਾਦ ਆ ਰਹੇ ਪਾਕਿਸਤਾਨੀ ਹਵਾਈ ਜਹਾਜ਼ ਦੇ ਤਬਾਹ ਹੋਣ ਕਾਰਨ ਉਸ ਵਿਚ ਸਵਾਰ ਪਾਕਿਸਤਾਨ ਦੇ ਸਾਬਕਾ ਗਾਇਕ ਤੇ ਧਾਰਮਿਕ ਆਗੂ ਜੂਨੈਦ ਜਮਸ਼ੇਦ ਅਤੇ ਉਨ੍ਹਾਂ ਦੀ ਪਤਨੀ ਸਮੇਤ 47 ਲੋਕਾਂ ਦੀ ਮੌਤ ਹੋ ਗਈ। ਮਿਲੀ ਜਾਣਕਾਰੀ ਅਨੁਸਾਰ ਪਾਕਿਸਤਾਨੀ ਹਵਾਈ ਜ਼ਹਾਜ ਪੀ. ਕੇ. 661 ਨੇ ਪਾਕਿਸਤਾਨ ਦੇ ਸ਼ਹਿਰ ਚਤਰਾਲ ਦੇ ਹਵਾਈ ਅੱਡੇ ਤੋਂ ਇਸਲਾਮਾਬਾਦ ਲਈ ਉਡਾਨ ਭਰੀ ਸੀ ਕਿ ਰਸਤੇ ਵਿਚ ਆਉਂਦੇ ਪਹਾੜੀ ਇਲਾਕੇ ਹਵੇਲੀਆਂ 'ਚੋਂ ਲੰਘਦਿਆਂ ਇਹ ਹਵਾਈ ਜਹਾਜ਼ ਤਬਾਹ ਹੋ ਗਿਆ, ਜਿਸ ਵਿਚ 42 ਸਵਾਰੀਆਂ ਅਤੇ 5 ਮੈਂਬਰ ਜਹਾਜ ਅਮਲੇ ਦੇ ਸਨ, ਇਨ੍ਹਾਂ ਮ੍ਰਿਤਕਾਂ ਵਿਚ ਪਾਕਿਸਤਾਨ ਦੇ ਬਹੁਤ ਹੀ ਪ੍ਰਸਿੱਧ ਗਾਇਕ ਅਤੇ ਪਿਛਲੇ ਸਮੇਂ ਵਿਚ ਹੀ ਸਭ ਕੁਝ ਛੱਡ ਕੇ ਧਾਰਮਿਕ ਪ੍ਰਚਾਰ ਕਰਨ ਵਾਲੇ ਜੂਨੈਦ ਜਮਸ਼ੇਦ ਅਤੇ ਉਨ੍ਹਾਂ ਦੀ ਪਤਨੀ ਦੀ ਮੌਤ ਹੋ ਗਈ।

ਵਾਲ-ਵਾਲ ਬਚੇ ਸਾਬਕਾ ਕ੍ਰਿਕਟਰ ਸਈਦ ਅਨਵਰ

 ਪਾਕਿ ਦੇ ਸਾਬਕਾ ਕ੍ਰਿਕਟਰ ਸਈਦ ਅਨਵਰ ਇਸ ਹਾਦਸੇ 'ਚ ਵਾਲ-ਵਾਲ ਬਚ ਗਏ। ਸਈਦ ਅਨਵਰ ਦੇ ਇਕ ਨਜ਼ਦੀਕੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸੇ ਜਹਾਜ਼ ਵਿਚ ਚਿਤ੍ਰਾਲ ਤੋਂ ਮੁੜਨਾ ਸੀ ਪ੍ਰੰਤੂ ਅਖੀਰਲੇ ਸਮੇਂ 'ਚ ਸਈਦ ਅਨਵਰ ਨੇ ਆਪਣਾ ਪ੍ਰੋਗਰਾਮ ਰੱਦ ਕਰ ਦਿੱਤਾ।

ਆਧੁਨਿਕ ਰਿਮੋਟ ਸੈਂਸਿੰਗ ਉਪਗ੍ਰਹਿ ਸਫ਼ਲਤਾ ਪੂਰਬਕ ਸਥਾਪਤ

ਬੈਂਗਲੁਰੂ, 7 ਦਸੰਬਰ (ਏਜੰਸੀਆਂ)-ਭਾਰਤੀ ਪੁਲਾੜ ਖੋਜ ਕੇਂਦਰ (ਇਸਰੋ) ਨੇ ਅੱਜ ਇਕ ਹੋਰ ਮਿਸ਼ਨ ਨੂੰ ਸਫ਼ਲਤਾ ਪੂਰਵਕ ਅੰਜਾਮ ਦਿੰਦੇ ਹੋਏ ਆਧੁਨਿਕ ਰਿਮੋਟ ਸੈਂਸਿੰਗ ਉਪਗ੍ਰਹਿ ਰਿਸੋਰਸ ਸੈਟ-2ਏ ਨੂੰ ਸਫ਼ਲਤਾ ਪੂਰਬਕ ਪੁਲਾੜ 'ਚ ਸਥਾਪਤ ਕੀਤਾ। ਇਸਰੋ ਦਾ ਧਰੁਵੀ ਪ੍ਰੀਖਣ ਵਾਹਨ ਪੀ. ਐਸ.ਐਲ.ਵੀ.-ਸੀ36 ਨੇ ਸਵੇਰੇ 10:25 ਵਜੇ ਇਥੇ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਪਹਿਲਾਂ ਪ੍ਰੀਖਣ ਸਥਾਨ ਤੋਂ ਉਡਾਨ ਭਰੀ ਅਤੇ 17 ਮਿੰਟ ਅਤੇ 52 ਸੈਕਿੰਡ 'ਚ ਉਪਗ੍ਰਹਿ ਨੂੰ ਉਸਦੇ ਪੰਧ 'ਚ ਸਥਾਪਿਤ ਕਰ ਦਿੱਤਾ। ਇਹ ਪੀ.ਐਸ.ਐਲ.ਵੀ. ਦੀ 38ਵੀਂ ਅਤੇ 37ਵੀਂ ਲਗਾਤਾਰ ਉਡਾਨ ਹੈ। ਜਿਵੇਂ ਹੀ ਰਿਸੋਰਸ ਸੈਟ-2ਏ ਪੀ. ਐਸ. ਐਲ. ਵੀ. ਦੇ ਚੌਥੇ ਪੜਾਅ ਤੋਂ ਅਲੱਗ ਹੋਇਆ ਅਤੇ ਉਸ ਦੇ ਸੌਰ ਪੈਨਲਾਂ ਨੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਇਸਰੋ ਦੇ ਚੇਅਰਮੈਨ ਏ.ਐਸ. ਕਿਰਨ ਕੁਮਾਰ ਨੇ ਸਾਰੇ ਵਿਗਿਆਨੀਆਂ ਨੂੰ ਵਧਾਈ ਦਿੱਤੀ ਹੈ।

ਰਾਜ ਮਾਰਗਾਂ 'ਤੇ ਠੇਕਿਆਂ ਨੂੰ ਲੈ ਕੇ ਸੁਪਰੀਮ ਕੋਰਟ ਸਖ਼ਤ

ਨਵੀਂ ਦਿੱਲੀ, 7 ਦਸੰਬਰ (ਏਜੰਸੀ)-ਹਰ ਸਾਲ ਸੜਕ ਹਾਦਸਿਆਂ 'ਚ ਹੁੰਦੀਆਂ ਡੇਢ ਲੱਖ ਮੌਤਾਂ 'ਤੇ ਚਿੰਤਾ ਪ੍ਰਗਟ ਕਰਦਿਆਂ ਸੁਪਰੀਮ ਕੋਰਟ ਨੇ ਅੱਜ ਕਿਹਾ ਕਿ ਉਹ ਦੇਸ਼ ਭਰ 'ਚ ਰਾਸ਼ਟਰੀ ਮਾਰਗ ਅਤੇ ਰਾਜ ਮਾਰਗਾਂ 'ਤੇ ਸਥਿਤ ਸ਼ਰਾਬ ਦੀਆਂ ਦੁਕਾਨਾਂ ਅਤੇ ਉਨ੍ਹਾਂ ਬਾਰੇ ਲੱਗੇ ਬੋਰਡਾਂ ਨੂੰ ਹਟਾਉਣ ਦਾ ਨਿਰਦੇਸ਼ ਦੇ ਸਕਦੀ ਹੈ। ਅਦਾਲਤ ਨੇ ਕਿਹਾ ਕਿ ਅਸੀਂ ਇਹ ਤੈਅ ਕਰਾਂਗੇ ਕਿ ਅੱਗੇ ਤੋਂ ਹਾਈਵੇ 'ਤੇ ਸ਼ਰਾਬ ਦੀਆਂ ਦੁਕਾਨਾਂ ਦਿਖਾਈ ਨਾ ਦੇਣ। ਸੁਪਰੀਮ ਕੋਰਟ ਨੇ ਹਾਈਵੇ ਦੇ ਨਾਲ ਸ਼ਰਾਬ ਦੀਆਂ ਦੁਕਾਨਾਂ ਬੰਦ ਕਰਨ ਨੂੰ ਯਕੀਨੀ ਬਣਾਉਣ ਲਈ ਐਕਸਾਈਜ਼ ਕਾਨੂੰਨ 'ਚ ਸੋਧ ਕਰਨ ਦਾ ਨਿਰਦੇਸ਼ ਦੇਣ ਲਈ ਪਾਈਆਂ ਪਟੀਸ਼ਨਾਂ 'ਤੇ ਆਪਣਾ ਫੈਸਲਾ ਰਾਖਵਾਂ ਰੱਖਦਿਆਂ ਹਾਈਵੇ ਨੇੜੇ ਸ਼ਰਾਬ ਦੀਆਂ ਦੁਕਾਨਾਂ ਖੋਲ੍ਹਣ ਦੀ ਖੁੱਲ੍ਹ ਦੇਣ ਲਈ ਪੰਜਾਬ ਸਰਕਾਰ ਨੂੰ ਝਾੜ ਪਾਈ। ਅਦਾਲਤ ਨੇ ਕਿਹਾ ਕਿ ਤੁਹਾਡੇ (ਪੰਜਾਬ) ਵਲੋਂ ਦਿੱਤੇ ਗਏ ਲਾਇਸੰਸਾਂ ਦੀ ਗਿਣਤੀ ਵੱਲ ਦੇਖੋ। ਮੁੱਖ ਜੱਜ ਟੀ ਐਸ ਠਾਕੁਰ ਦੀ ਅਗਵਾਈ ਵਾਲੇ ਬੈਂਚ ਨੇ ਕਿਹਾ ਕਿ ਕਿਉਂਕਿ ਸ਼ਰਾਬ ਦੀ ਲਾਬੀ ਤਾਕਤਵਰ ਹੈ, ਹਰ ਕੋਈ ਖੁਸ਼ ਹੈ। ਐਕਸਾਈਜ਼ ਵਿਭਾਗ ਖੁਸ਼ ਹੈ, ਐਕਸਾਈਜ਼ ਮੰਤਰੀ ਖੁਸ਼ ਹੈ ਅਤੇ ਸੂਬਾ ਸਰਕਾਰ ਵੀ ਖੁਸ਼ ਹੈ ਕਿਉਂਕਿ ਉਨ੍ਹਾਂ ਨੂੰ ਪੈਸਾ ਆ ਰਿਹਾ ਹੈ। ਜੇਕਰ ਇਸ ਕਰਕੇ ਕੋਈ ਵਿਅਕਤੀ ਮਰ ਜਾਂਦਾ ਹੈ ਤਾਂ ਤੁਸੀਂ ਉਸ ਨੂੰ ਲੱਖ ਡੇਢ ਲੱਖ ਰੁਪਏ ਦੇ ਦਿੰਦੇ ਹੋ। ਉਨ੍ਹਾਂ ਕਿਹਾ ਕਿ ਤੁਹਾਨੂੰ ਸਮਾਜ ਦੀ ਭਲਾਈ ਲਈ ਸਟੈਂਡ ਲੈਣਾ ਚਾਹੀਦਾ ਹੈ। ਸ਼ਰਾਬ ਦੀ ਵਿਕਰੀ ਰੋਕਣ ਲਈ ਸੂਬਾ ਸਰਕਰ ਨੂੰ ਉਸ ਦੀ ਸੰਵਿਧਾਨਕ ਜ਼ਿੰਮੇਵਾਰੀ ਦੀ ਯਾਦ ਦਿਵਾਉਂਦਿਆਂ ਬੈਂਚ ਨੇ, ਜਿਸ ਵਿਚ ਜਸਟਿਸ ਡੀ ਵਾਈ ਚੰਦਰਚੂੜ ਅਤੇ ਐਲ ਨਾਗੇਸ਼ਵਰ ਰਾਓ ਵੀ ਸ਼ਾਮਿਲ ਸੀ, ਨੇ ਕਿਹਾ ਕਿ ਤੁਸੀਂ ਸ਼ਰਾਬ ਦੇ ਕਾਰੋਬਾਰੀਆਂ ਦੀ ਬੋਲੀ ਬੋਲ ਰਹੇ ਹੋ। ਲਗਭਗ ਡੇਢ ਲੱਖ ਲੋਕ ਹਰ ਸਾਲ ਮਰਦੇ ਹਨ, ਅਸੀਂ ਤੁਹਾਨੂੰ ਆਮ ਲੋਕਾਂ ਲਈ ਕੁਝ ਕਰਨ ਲਈ ਕਹਿ ਰਹੇ ਹਾਂ। ਬੈਂਚ ਨੇ ਵੱਖ ਵੱਖ ਰਾਜਾਂ ਵਲੋਂ ਸੜਕਾਂ ਦੇ ਕਿਨਾਰੇ 'ਤੇ ਮੌਜੂਦ ਸ਼ਰਾਬ ਦੀਆਂ ਦੁਕਾਨਾਂ ਨੂੰ ਹਟਾਉਣ ਲਈ ਵਰਤੀ ਢਿੱਲ 'ਤੇ ਵੀ ਆਪਣੀ ਨਾਖੁਸ਼ੀ ਜ਼ਾਹਰ ਕੀਤੀ। ਜਿਨ੍ਹਾਂ ਕਾਰਨ ਸ਼ਰਾਬ ਪੀ ਕੇ ਵਾਹਨ ਚਲਾਉਣ ਦਾ ਰੁਝਾਨ ਵੱਧਦਾ ਹੈ ਅਤੇ ਜਿਸ ਦੇ ਨਤੀਜੇ ਵਜੋਂ ਹਾਦਸੇ ਵਾਪਰਦੇ ਹਨ। ਬੈਂਚ ਨੇ ਕਿਹਾ ਕਿ ਇਕ ਸੂਬੇ ਅਤੇ ਇਕ ਕੇਂਦਰੀ ਸ਼ਾਸਤ ਪ੍ਰਦੇਸ਼ ਲਈ ਹਾਈਵੇ 'ਤੇ ਸ਼ਰਾਬ ਦੀ ਦੁਕਾਨ ਲਈ ਲਾਇਸੰਸ ਦੇਣ ਲਈ ਆਮਦਨ ਯੋਗ ਕਾਰਨ ਨਹੀਂ ਹੋ ਸਕਦਾ ਅਤੇ ਅਥਾਰਟੀ ਨੂੰ ਇਸ ਬੁਰਾਈ ਨੂੰ ਹਟਾਉਣ ਲਈ ਸਕਾਰਾਤਮਕ ਰਵੱਈਆ ਅਪਣਾਉਣਾ ਚਾਹੀਦਾ ਹੈ। ਅਦਾਲਤ ਨੇ ਕੇਂਦਰ ਸਰਕਾਰ ਨੂੰ ਵੀ ਇਸ ਪ੍ਰਤੀ ਕੁਝ ਨਾ ਕਰਨ 'ਤੇ ਝਾੜ ਪਾਈ। ਬੈਂਚ ਨੇ ਕਿਹਾ ਕਿ ਭਾਰਤ ਸਰਕਾਰ ਹੁਣ ਕਹਿ ਰਹੀ ਹੈ ਕਿ ਸ਼ਰਾਬ ਦੀਆਂ ਦੁਕਾਨਾਂ (ਰਾਸ਼ਟਰੀ ਜਾਂ ਰਾਜ ਮਾਰਗਾਂ 'ਤੇ) ਹਟਾਈਆਂ ਜਾਣ। ਪਿਛਲੇ 10 ਸਾਲਾਂ ਤੋਂ ਕੁਝ ਨਹੀਂ ਹੋਇਆ, ਇਹ ਹੀ ਕਾਰਨ ਹੈ ਕਿ ਅਸੀਂ ਇਹ ਕਦਮ ਚੁੱਕ ਰਹੇ ਹਾਂ।

ਇੰਡੋਨੇਸ਼ੀਆ 'ਚ ਜ਼ਬਰਦਸਤ ਭੁਚਾਲ-97 ਮੌਤਾਂ

ਜਕਾਰਤਾ, 7 ਦਸੰਬਰ (ਏਜੰਸੀਆਂ)-ਇੰਡੋਨੇਸ਼ੀਆ ਦੇ ਉੱਤਰੀ ਰਾਜ ਅਸੇਹ 'ਚ ਕੱਲ੍ਹ ਆਏ ਜ਼ਬਰਦਸਤ ਭੂਚਾਲ ਕਾਰਨ 97 ਲੋਕਾਂ ਦੀ ਮੌਤ ਹੋ ਗਈ ਅਤੇ ਸੈਂਕੜੇ ਲੋਕ ਜ਼ਖ਼ਮੀ ਹੋ ਗਏ। ਪੀਡੀ ਜੈਯਾ ਜ਼ਿਲ੍ਹੇ 'ਚ ਤੜਕੇ ਜਦੋਂ 6.5 ਤੀਬਰਤਾ ਨਾਲ ਭੂਚਾਲ ਆਇਆ ਤਾਂ ਉਸ ਸਮੇਂ ਮੁਸਲਿਮ ਆਬਾਦੀ ਵਾਲੇ ਇਲਾਕੇ 'ਚ ਕੁਝ ਲੋਕ ਸਵੇਰ ਦੀ ਨਮਾਜ ਦੀ ਤਿਆਰੀ ਕਰ ਰਹੇ ਸਨ। ਛੋਟੇ ਸ਼ਹਿਰ ਮੁਰੜੂ 'ਚ ਭੂਚਾਲ ਕਾਰਨ ਮਸਜਿਦਾਂ ਅਤੇ ਦੁਕਾਨਾਂ ਢਹਿ ਗਈਆਂ। ਭੂਚਾਲ ਤੋਂ ਘਬਰਾਏ ਲੋਕ ਆਪਣੇ ਘਰਾਂ ਤੋਂ ਬਾਹਰ ਨਿਕਲ ਆਏ। ਸੁਨਾਮੀ ਦੀ ਚਿਤਾਵਨੀ ਜਾਰੀ ਨਹੀਂ ਕੀਤੀ ਗਈ। ਸਥਾਨਕ ਆਫ਼ਤ ਪ੍ਰਬੰਧਨ ਏਜੰਸੀ ਦੇ ਮੁਖੀ ਪੁਤੇ ਹ ਮਨਫ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਇਕੱਲੇ ਹਸਪਤਾਲ 'ਚ ਵੱਡੀ ਗਿਣਤੀ 'ਚ ਜ਼ਖ਼ਮੀਆਂ ਨੂੰ ਦਾਖਲ ਕਰਵਾਇਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਜੋ ਅੰਕੜੇ ਪ੍ਰਾਪਤ ਹੋਏ ਹਨ, ਉਨ੍ਹਾਂ ਅਨੁਸਾਰ 97 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਜਦਕਿ ਸੈਂਕੜੇ ਲੋਕ ਜ਼ਖ਼ਮੀ ਹੋ ਗਏ ਹਨ। ਮਾਰੇ ਗਏ ਲੋਕਾਂ 'ਚ ਕੁਝ ਬੱਚੇ ਵੀ ਸ਼ਾਮਿਲ ਹਨ। (ਯੂ.ਐਸ.ਜੀ.ਐਸ.) ਨੇ ਦੱਸਿਆ ਕਿ ਛੋਟੇ ਜਿਹੇ ਕਸਬੇ ਰੇਓਲੇਉਏਟ ਦੇ ਉੱਤਰ 'ਚ 6.5 ਤੀਬਰਤਾ ਨਾਲ ਜ਼ਬਰਦਸਤ ਭੂਚਾਲ ਆਇਆ। ਭੂਚਾਲ ਕਾਰਨ ਮਸਜਿਦਾਂ, ਮਕਾਨ ਅਤੇ ਦੁਕਾਨਾਂ ਢਹਿ ਗਏ ਹਨ। ਸਥਾਨਕ ਆਫ਼ਤ ਪ੍ਰਬੰਧਨ ਏਜੰਸੀ ਨੇ ਕਿਹਾ ਕਿ ਢਹਿ ਗਈਆਂ ਇਮਾਰਤਾਂ ਦੇ ਮਲਬੇ ਹੇਠਾਂ ਫਸੇ ਲੋਕਾਂ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਮਲਬੇ ਹੇਠਾਂ ਦੱਬੇ ਲੋਕਾਂ ਨੂੰ ਕੱਢਣ ਲਈ 1000 ਸੈਨਿਕ ਅਤੇ 900 ਪੁਲਿਸ ਕਰਮੀ ਲਗਾਤਾਰ ਕੋਸ਼ਿਸ਼ ਕਰ ਰਹੇ ਹਨ।

ਪ੍ਰਧਾਨ ਮੰਤਰੀ ਮੋਦੀ ਵੱਲੋਂ ਮਦਦ ਦੀ ਪੇਸ਼ਕਸ਼

ਨਵੀਂ ਦਿੱਲੀ, 7 ਦਸੰਬਰ (ਏਜੰਸੀ)-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭੁਚਾਲ ਨਾਲ ਪ੍ਰਭਾਵਿਤ ਇੰਡੋਨੇਸ਼ੀਆ ਨੂੰ ਹਰ ਤਰਾਂ ਦੀ ਮਦਦ ਦੀ ਪੇਸ਼ਕਸ਼ ਕੀਤੀ ਹੈ। ਮੋਦੀ ਨੇ ਟਵੀਟ ਕਰਦਿਆਂ ਕਿਹਾ ਕਿ ਸਾਡੀਆਂ ਦੁਆਵਾਂ ਇੰਡੋਨੇਸ਼ੀਆ ਦੇ ਲੋਕਾਂ ਦੇ ਨਾਲ ਹਨ ਅਤੇ ਭਾਰਤ ਇੰਡੋਨੇਸ਼ੀਆ ਨੂੰ ਹਰ ਸੰਭਵ ਮਦਦ ਦੇਣ ਲਈ ਤਿਆਰ ਹੈ।

ਵਿਆਜ ਦਰਾਂ 'ਚ ਕੋਈ ਬਦਲਾਅ ਨਹੀਂ

ਨਹੀਂ ਘਟੇਗੀ ਈ. ਐਮ. ਆਈ.

ਮੁੰਬਈ, 7 ਦਸੰਬਰ (ਏਜੰਸੀ)-ਬਾਜ਼ਾਰ ਦੀਆਂ ਉਮੀਦਾਂ ਦੇ ਉਲਟ ਰਿਜ਼ਰਵ ਬੈਂਕ ਦੇ ਗਵਰਨਰ ਉਰਜਿਤ ਪਟੇਲ ਨੇ ਰੇਪੋ ਦਰ ਸਮੇਤ ਪ੍ਰਮੁੱਖ ਦਰਾਂ 'ਚ ਕੋਈ ਬਦਲਾਅ ਨਹੀਂ ਕੀਤਾ। ਕਿਆਸ ਲਾਏ ਜਾ ਰਹੇ ਸਨ ਕਿ ਆਰ. ਬੀ. ਆਈ. ਰੇਪੋ ਦਰ 'ਚ ਕਟੌਤੀ ਕਰ ਸਕਦੀ ਹੈ ਪਰ ਬੈਂਕ ਨੇ ਇਸ ਨੂੰ 6.25 ਫੀਸਦੀ ...

ਪੂਰੀ ਖ਼ਬਰ »

ਅੰਡੇਮਾਨ 'ਚ ਤੂਫ਼ਾਨ 1400 ਸੈਲਾਨੀ ਫਸੇ

ਪੋਰਟ ਬਲੇਅਰ (ਅੰਡੇਮਾਨ ਨਿਕੋਬਾਰ), 7 ਦਸੰਬਰ (ਏਜੰਸੀਆਂ)-ਅੰਡੇਮਾਨ ਦੇ ਹੇਬਲਾਕ ਅਤੇ ਨੀਲ ਟਾਪੂਆਂ 'ਚ ਤੂਫ਼ਾਨੀ ਮੌਸਮ ਦਾ ਕਾਰਨ ਲਗਪਗ 1400 ਸੈਲਾਨੀ ਫਸ ਗਏ ਹਨ। ਉਨ੍ਹਾਂ ਨੂੰ ਕੱਢਣ ਲਈ ਜਲ ਸੈਨਾ ਨੇ ਅੱਜ ਚਾਰ ਸਮੁੰਦਰੀ ਜਹਾਜ਼ਾਂ ਨੂੰ ਲਗਾਇਆ ਹੈ। ਪੋਰਟ ਬਲੇਅਰ ਤੋਂ ਲਗਪਗ ...

ਪੂਰੀ ਖ਼ਬਰ »

ਦਲੀਪ ਕੁਮਾਰ ਹਸਪਤਾਲ 'ਚ ਦਾਖ਼ਲ

ਮੁੰਬਈ, 7 ਦਸੰਬਰ (ਪੀ. ਟੀ. ਆਈ.)-ਸਦਾਬਹਾਰ ਅਦਾਕਾਰ ਦਲੀਪ ਕੁਮਾਰ ਨੂੰ ਸੱਜੇ ਪੈਰ 'ਚ ਦਰਦ ਅਤੇ ਸੋਜ਼ ਦੀ ਸ਼ਿਕਾਇਤ ਦੇ ਕਾਰਨ ਬੁੱਧਵਾਰ ਨੂੰ ਇੱਥੋਂ ਦੇ ਲੀਲਾਵਤੀ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ। ਹਸਪਤਾਲ ਦੇ ਸੂਤਰਾਂ ਨੇ ਦੱਸਿਆ ਕਿ ਪੈਰ 'ਚ ਸੋਜ ਦੀ ਸ਼ਿਕਾਇਤ ਦੇ ਬਾਅਦ 93 ...

ਪੂਰੀ ਖ਼ਬਰ »

ਤਰਨ ਤਾਰਨ ਜ਼ਿਲ੍ਹੇ 'ਚ 10 ਮਹੀਨਿਆਂ ਵਿਚ ਲਾਪਤਾ ਹੋਏ 37 ਵਿਅਕਤੀ

7 ਹੀ ਲੱਭੇ ਜਾ ਸਕੇ, 30 ਹੋਰਾਂ ਨੂੰ ਲੱਭਣ 'ਚ ਪੁਲਿਸ ਅਜੇ ਵੀ ਨਾਕਾਮ

ਹਰਿੰਦਰ ਸਿੰਘ ਤਰਨ ਤਾਰਨ, 7 ਦਸੰਬਰ-ਜ਼ਿਲ੍ਹਾ ਤਰਨ ਤਾਰਨ ਵਿਚ ਪਿਛਲੇ 10 ਮਹੀਨਿਆਂ ਦੌਰਾਨ 37 ਵਿਅਕਤੀ ਲਾਪਤਾ ਪਾਏ ਗਏ, ਜਿਨ੍ਹਾਂ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ ਹੈ, ਜਦਕਿ ਇਸਦੀ ਗਿਣਤੀ ਹੋਰ ਵੀ ਜ਼ਿਆਦਾ ਹੋ ਸਕਦੀ ਹੈ। ਇਨ੍ਹਾਂ ਵਿਅਕਤੀਆਂ 'ਚ ਪੁਲਿਸ ਨੇ ਸਿਰਫ਼ 7 ...

ਪੂਰੀ ਖ਼ਬਰ »

ਪੰਜਾਬ ਸਮੇਤ ਉੱਤਰੀ ਭਾਰਤ 'ਚ ਸੰਘਣੀ ਧੁੰਦ

ਨਵੀਂ ਦਿੱਲੀ, 7 ਦਸੰਬਰ (ਏਜੰਸੀਆਂ)-ਪੰਜਾਬ, ਹਰਿਆਣਾ ਅਤੇ ਦਿੱਲੀ ਸਮੇਤ ਉੱਤਰੀ ਭਾਰਤ 'ਚ ਅੱਜ ਸਵੇਰੇ ਪਈ ਸੰਘਣੀ ਧੁੰਦ ਨਾਲ ਸੜਕ, ਰੇਲ ਅਤੇ ਹਵਾਈ ਆਵਾਜਾਈ ਬੁਰੀ ਤਰ੍ਹਾਂ ਨਾਲ ਪ੍ਰਭਾਵਿਤ ਰਹੀ। ਅੱਜ ਪਈ ਸੰਘਣੀ ਧੁੰਦ ਨੇ ਰੋਜ਼ਾਨਾ ਭੱਜ ਦੌੜ ਦੀ ਜ਼ਿੰਦਗੀ ਨੂੰ ਕਾਫ਼ੀ ...

ਪੂਰੀ ਖ਼ਬਰ »

ਨੋਟਬੰਦੀ 'ਤੇ ਹੰਗਾਮੇ ਦੌਰਾਨ ਹੀ ਲੋਕ ਸਭਾ 'ਚ ਚੱਲੀ ਕਾਰਵਾਈ

ਨਵੀਂ ਦਿੱਲੀ, 7 ਦਸੰਬਰ (ਏਜੰਸੀ)-ਨੋਟਬੰਦੀ ਦੇ ਮੁੱਦੇ 'ਤੇ ਵਿਰੋਧੀ ਧਿਰਾਂ ਦੇ ਹੰਗਾਮੇ ਤੇ ਨਾਅਰੇਬਾਜ਼ੀ ਕਾਰਨ ਅੱਜ ਲੋਕ ਸਭਾ 'ਚ ਕਾਰਵਾਈ 15ਵੇਂ ਦਿਨ ਦੀ ਪ੍ਰਭਾਵਿਤ ਰਹੀ। ਵਿਰੋਧੀ ਪਾਰਟੀਆਂ ਨੇ ਇਸ ਮੁੱਦੇ 'ਤੇ ਮਤਵਿਭਾਜਨ ਦੇ ਨਾਲ ਚਰਚਾ 'ਤੇ ਜ਼ੋਰ ਦਿੱਤਾ ਜਦਕਿ ਰੌਲੇ ...

ਪੂਰੀ ਖ਼ਬਰ »

ਸੰਸਦ 'ਚ ਚਰਚਾ ਨਾ ਹੋਣ ਦੇਣਾ ਅਲੋਕਤੰਤਰਕ-ਮੋਦੀ

ਭਾਜਪਾ ਸੰਸਦੀ ਦਲ ਦੀ ਬੈਠਕ 'ਚ ਵਿਰੋਧੀ ਧਿਰਾਂ ਦੀ ਨਿੰਦਾ

ਨਵੀਂ ਦਿੱਲੀ, 7 ਦਸੰਬਰ (ਏਜੰਸੀ)-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਨੋਟਬੰਦੀ ਵਰਗੇ ਵੱਡੇ ਸੁਧਾਰਾਂ 'ਤੇ ਸੰਸਦ 'ਚ ਬਹਿਸ ਨਾ ਕਰਨ ਦੇਣ ਅਤੇ ਅੜਿੱਕਾ ਪੈਦਾ ਕਰਨ ਨੂੰ ਲੈਕੇ ਵਿਰੋਧੀ ਧਿਰਾਂ ਦੀ ਨਿੰਦਾ ਕੀਤੀ। ਨੋਟਬੰਦੀ ਦੇ ਮੁੱਦੇ 'ਤੇ ਸੰਸਦ 'ਚ ਚਰਚਾ ਨਾ ਹੋਣ ਦੇਣ ਲਈ ...

ਪੂਰੀ ਖ਼ਬਰ »

ਜਸ਼ਨਾਂ ਨੂੰ ਮਾਤਮ 'ਚ ਬਦਲਣ ਲੱਗੀਆਂ ਸ਼ਰਾਬੀਆਂ ਦੇ ਹੱਥ ਆਈਆਂ ਬੰਦੂਕਾਂ

ਪੁਲਿਸ ਦੀ ਕਾਰਵਾਈ ਅਤੇ ਪੈਲੇਸ ਮਾਲਕਾਂ ਦੀ ਜ਼ਿੰਮੇਵਾਰੀ ਬਣੀ ਖਾਨਾਪੂਰਤੀ

ਰਾਮਦਾਸ ਬੰਗੜ ਸਮਰਾਲਾ, 7 ਦਸੰਬਰ-ਪੰਜਾਬ 'ਚ ਹਥਿਆਰਾਂ ਦੇ ਵਧੇ ਸ਼ੌਕ ਨੇ ਇੱਥੋਂ ਦੇ ਸੱਭਿਆਚਾਰਕ ਰੀਤੀ-ਰਿਵਾਜਾਂ ਨੂੰ ਸੂਲ਼ੀ ਟੰਗ ਕੇ ਚਾਵਾਂ ਦੇ ਪਲਾਂ ਨੂੰ ਹਿੰਸਕ ਤੇ ਖ਼ੂਨ-ਖਰਾਬੇ 'ਚ ਬਦਲ ਦਿੱਤਾ ਹੈ, ਜਿਸ ਕਾਰਨ ਸਾਡੀਆਂ ਖੁਸ਼ੀਆਂ 'ਚ ਵਾਧਾ ਕਰਨ ਵਾਲੇ ਕਲਾਕਾਰ ਖੌਫ਼ ਦੇ ...

ਪੂਰੀ ਖ਼ਬਰ »

ਮੁਹਾਲੀ ਹਵਾਈ ਅੱਡੇ ਤੋਂ ਸਾਰੀਆਂ ਉਡਾਣਾਂ ਰੱਦ

ਐੱਸ. ਏ. ਐੱਸ. ਨਗਰ, 7 ਦਸੰਬਰ (ਨਰਿੰਦਰ ਸਿੰਘ ਝਾਂਮਪੁਰ)-ਮੁਹਾਲੀ ਕੌਮਾਂਤਰੀ ਹਵਾਈ ਅੱਡੇ ਤੋਂ ਅੱਜ ਅੰਤਰਰਾਸ਼ਟਰੀ ਅਤੇ ਘਰੇਲੂ ਉਡਾਣਾਂ ਸੰਘਣੀ ਧੁੰਦ ਕਾਰਨ ਰੱਦ ਹੋ ਗਈਆਂ, ਜਿਸ ਕਰਕੇ ਉਥੇ ਵੱਖ-ਵੱਖ ਦੇਸ਼ਾਂ ਨੂੰ ਜਾਣ ਵਾਲੇ ਵੱਡੀ ਗਿਣਤੀ 'ਚ ਯਾਤਰੀ ਪ੍ਰੇਸ਼ਾਨ ਹੁੰਦੇ ...

ਪੂਰੀ ਖ਼ਬਰ »

350ਵੇਂ ਪ੍ਰਕਾਸ਼ ਪੁਰਬ ਸਬੰਧੀ ਸਮਾਗਮਾਂ 'ਚ ਵੱਡੀ ਗਿਣਤੀ ਵਿਚ ਪ੍ਰਵਾਸੀ ਪੰਜਾਬੀ ਹੋਣਗੇ ਸ਼ਾਮਿਲ

ਚੰਡੀਗੜ੍ਹ, 7 ਦਸੰਬਰ (ਅਜੀਤ ਬਿਊਰੋ)ਂਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ 350 ਸਾਲਾ ਪ੍ਰਕਾਸ਼ ਪੁਰਬ ਸਬੰਧੀ ਪਟਨਾ ਅਤੇ ਪੰਜਾਬ ਦੇ ਪ੍ਰਮੁੱਖ ਗੁਰਦੁਆਰਿਆਂ 'ਚ ਕਰਵਾਏ ਜਾਣ ਵਾਲੇ ਸਮਾਗਮਾਂ 'ਚ ਵੱਡੀ ਗਿਣਤੀ 'ਚ ਪ੍ਰਵਾਸੀ ਪੰਜਾਬੀਆਂ ਦੇ ਸ਼ਾਮਿਲ ਹੋਣ ਦੀ ਸੰਭਾਵਨਾ ਹੈ। ...

ਪੂਰੀ ਖ਼ਬਰ »

1 ਮਹੀਨੇ ਬਾਅਦ ਵੀ ਨਕਦੀ ਤੋਂ ਵਿਰਵੇ ਹਨ ਲੋਕ ਦਿਨੋ-ਦਿਨ ਵਧ ਰਹੀਆਂ ਹਨ ਪ੍ਰੇਸ਼ਾਨੀਆਂ

ਨਵੀਂ ਦਿੱਲੀ, 7 ਦਸੰਬਰ (ਜਗਤਾਰ ਸਿੰਘ)-ਨੋਟਬੰਦੀ ਤੋਂ ਲਗਭਗ 1 ਮਹੀਨੇ ਬਾਅਦ ਵੀ ਦੇਸ਼ ਭਰ 'ਚ ਬੈਂਕਾਂ ਤੇ ਏ. ਟੀ. ਐਮ. ਦੇ ਬਾਹਰ ਕਤਾਰਾਂ ਖਤਮ ਹੋਣ ਦਾ ਨਾਂਅ ਨਹੀਂ ਲੈ ਰਹੀਆਂ ਤੇ ਆਮ ਜਨਤਾ ਦੀ ਪ੍ਰੇਸ਼ਾਨੀ ਜਿਉਂ ਦੀ ਤਿਉਂ ਬਣੀ ਹੋਈ ਹੈ। ਨੋਟਬੰਦੀ ਦੇ ਐਲਾਨ ਉਪਰੰਤ ਪ੍ਰਧਾਨ ...

ਪੂਰੀ ਖ਼ਬਰ »

ਖਾਦਾਂ 'ਤੇ ਸਬਸਿਡੀ ਅਗਲੇ ਛੇ ਮਹੀਨਿਆਂ ਤੱਕ ਜਾਰੀ ਰਹੇਗੀ

ਨਵੀਂ ਦਿੱਲੀ, 7 ਦਸੰਬਰ (ਏਜੰਸੀ)-ਕੇਂਦਰ ਸਰਕਾਰ ਨੇ ਪੋਸ਼ਕ ਤੱਤਾਂ 'ਤੇ ਆਧਾਰਿਤ ਖਾਦਾਂ 'ਤੇ ਦਿੱਤੇ ਜਾਣ ਵਾਲੀ ਸਬਸਿਡੀ ਦੀਆਂ ਦਰਾਂ ਨੂੰ ਅਗਲੇ ਛੇ ਮਹੀਨੇ ਤੱਕ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ 'ਚ ਮੰਤਰੀ ਮੰਡਲ ਦੀ ਆਰਥਿਕ ...

ਪੂਰੀ ਖ਼ਬਰ »

ਨਗਰੋਟਾ ਹਮਲੇ ਦੀ ਜਾਂਚ ਐਨ. ਆਈ. ਏ ਨੂੰ ਸੌਂਪੀ

ਸ੍ਰੀਨਗਰ, 7 ਦਸੰਬਰ (ਮਨਜੀਤ ਸਿੰਘ)-ਜੰਮੂ-ਕਸ਼ਮੀਰ ਦੇ ਨਗਰੋਟਾ ਵਿਖੇ ਫ਼ੌਜੀ ਕੈਂਪ 'ਤੇ ਹਮਲੇ ਦੇ ਸਬੰਧ 'ਚ ਕੌਮੀ ਜਾਂਚ ਏਜੰਸੀ (ਐਨ.ਆਈ.ਏ.) ਨੂੰ ਜਾਂਚ ਦਾ ਕੰਮ ਸੌਂਪ ਦਿੱਤਾ ਹੈ। ਇਕ ਉੱਚ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ 29 ਨਵੰਬਰ ਨੂੰ ਨਗਰੋਟਾ ਫ਼ੌਜੀ ਕੈਂਪ 'ਤੇ ਹੋਏ ...

ਪੂਰੀ ਖ਼ਬਰ »

ਜੈਲਲਿਤਾ ਦੀ ਮੌਤ ਦੇ ਗਮ 'ਚ 77 ਮੌਤਾਂ-ਪਾਰਟੀ ਨੇ ਕੀਤਾ ਦਾਅਵਾ

ਚੇਨਈ, 7 ਦਸੰਬਰ (ਏਜੰਸੀ)-ਤਾਮਿਲਨਾਡੂ 'ਚ ਜੈਲਲਿਤਾ ਦੀ ਮੌਤ ਦੇ ਗਮ 'ਚ ਹੁਣ ਤੱਕ 77 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਸੱਤਾਧਾਰੀ ਅੰਨਾ. ਡੀ. ਐਮ. ਕੇ. ਪਾਰਟੀ ਨੇ ਇਹ ਦਾਅਵਾ ਕੀਤਾ ਹੈ। ਪਾਰਟੀ ਵੱਲੋਂ ਹਰੇਕ ਮ੍ਰਿਤਕ ਦੇ ਪਰਿਵਾਰ ਨੂੰ 3 ਲੱਖ ਮੁਆਵਜ਼ਾ ਦੇਣ ਦਾ ਐਲਾਨ ਕੀਤਾ ਹੈ। ...

ਪੂਰੀ ਖ਼ਬਰ »






Website & Contents Copyright © Sadhu Singh Hamdard Trust, 2002-2016.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX