ਮੁੱਖ ਮੰਤਰੀ ਨੇ ਆਜ਼ਾਦੀ ਦਿਵਸ 'ਤੇ ਲਹਿਰਾਇਆ ਤਿਰੰਗਾ

ਸ਼ਹੀਦਾਂ ਦੇ ਸੁਫ਼ਨਿਆਂ ਨੂੰ ਪੂਰਾ ਕਰਨ ਲਈ ਸਵਾਰਥ ਤੋਂ ਉੱਪਰ ਉੱਠਣਾ ਜ਼ਰੂਰੀ-ਖੱਟਰ

ਹਿਸਾਰ, 16 ਅਗਸਤ (ਰਾਜ ਪਰਾਸਰ)-ਮੱੁਖ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਲੜਨ ਵਾਲੇ ਆਜ਼ਾਦੀ ਘੁਲਾਟੀਆਂ ਦੇ ਸੁਫ਼ਨਿਆਂ ਨੂੰ ਪੂਰਾ ਕਰਨ ਲਈ ਰਾਸ਼ਟਰਹਿੱਤ ਅਤੇ ਲੋਕ ਭਲਾਈ ਦੇ ਫ਼ੈਸਲੇ ਖੇਤਰਵਾਦ, ਪਰਿਵਾਰਵਾਦ ਅਤੇ ਰਾਜਨੀਤਕ ਲਾਭ ਤੋਂ ਉੱਪਰ ਉੱਠ ਕੇ ਲੈਣ ਦੀ ਲੋੜ ਹੈ | ਅਜਿਹਾ ਕਰਕੇ ਹੀ ਲੋਕਾਂ ਨੂੰ ਡਰ, ਭੁੱਖ, ਅਨਪੜ੍ਹਤਾ, ਅਸੁਰੱਖਿਆ ਦੀ ਭਾਵਨਾ, ਸਮਾਜਿਕ ਅਤੇ ਮਾਲੀ ਤੰਗੀ ਤੋਂ ਮੁਕਤੀ ਦਿਲਵਾ ਕੇ ਆਜ਼ਾਦੀ ਦਾ ਅਹਿਸਾਸ ਕਰਵਾ ਸਕਦੇ ਹਾਂ | ਮੁੱਖ ਮੰਤਰੀ 72ਵੇਂ ਆਜ਼ਾਦੀ ਦਿਹਾੜੇ 'ਤੇ ਮਹਾਬੀਰ ਸਟੇਡਅਮ 'ਚ ਕੌਮੀ ਤਿਰੰਗਾ ਝੰਡਾ ਲਹਿਰਾਉਣ ਅਤੇ ਪਰੇਡ ਦਾ ਨਿਰੀਖ਼ਣ ਕਰਨ ਤੋਂ ਬਾਅਦ ਲੋਕਾਂ ਨੂੰ ਸੰਦੇਸ਼ ਦੇ ਰਹੇ ਸਨ | ਇਸ ਤੋਂ ਪਹਿਲਾਂ ਮੁੱਖ ਮੰਤਰੀ ਨੇ ਮਿੰਨੀ ਸਕੱਤਰੇਤ ਸਥਿਤ ਸ਼ਹੀਦ ਸਮਾਰਕ 'ਤੇ ਜਾ ਕੇ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਨ ਭੇਟ ਕੀਤੇ | ਮੁੱਖ ਮੰਤਰੀ ਨੇ 160 ਖਿਡਾਰੀਆਂ ਨੂੰ 2 ਕਰੋੜ 39 ਲੱਖ 80 ਹਜ਼ਾਰ ਰੁਪਏ ਦੇ ਪੁਰਸਕਾਰ ਦਿੱਤੇ | ਉਨ੍ਹਾਂ ਨੇ ਸ਼ਹੀਦਾਂ ਦੇ ਪਰਿਵਾਰਾਂ ਅਤੇ ਵੱਖ-ਵੱਖ ਖੇਤਰਾਂ 'ਚ ਸ਼ਲਾਘਾਯੋਗ ਕੰਮ ਕਰਨ ਵਾਲਿਆਂ ਨੂੰ ਵੀ ਸਨਮਾਨਿਤ ਕੀਤਾ | ਮੁੱਖ ਮੰਤਰੀ ਨੇ ਸਿਹਤਮੰਦ ਹਰਿਆਣਾ ਤਹਿਤ ਸਾਰੇ 22 ਜ਼ਿਲਿ੍ਹਆਂ ਦੇ ਨਾਗਰਿਕ ਹਸਪਤਾਲਾਂ 'ਚ ਆਯੁਸ਼ਮਾਨ ਭਾਰਤ ਸਿਹਤ ਸੁਰੱਖਿਆ ਯੋਜਨਾ, ਸਾਡਾ ਪਿੰਡ ਜਗਮਗ ਪਿੰਡ ਯੋਜਨਾ ਤਹਿਤ ਸੂਬੇ ਦੇ ਸਾਰੇ ਪਿੰਡਾਂ 'ਚ 24 ਘੰਟੇ ਬਿਜਲੀ ਦੀ ਸਪਲਾਈ, ਸ਼ਹੀਦਾਂ ਦੇ ਪਰਿਵਾਰਾਂ ਲਈ ਗਰੁੱਪ ਬੀ ਦੀਆਂ ਭਰਤੀਆਂ 'ਚ ਰਾਖ਼ਵਾਂਕਰਨ ਦਾ ਪ੍ਰਬੰਧ, ਸਰਕਾਰੀ ਕਰਮਚਾਰੀਆ ਨੂੰ ਹੋਰ ਵਿਭਾਗਾਂ 'ਚ ਉੱਚੇ ਅਹੁਦਿਆਂ 'ਤੇ ਆਵੇਦਨ ਲਈ ਆਪਣੇ ਵਿਭਾਗ ਤੋਂ ਐਨ.ਓ.ਸੀ. ਸਰਟੀਫ਼ਿਕੇਟ ਲੈਣ ਨੂੰ ਖ਼ਤਮ ਕਰਨ ਸਮੇਤ ਕਈ ਹੋਰ ਐਲਾਨ ਵੀ ਕੀਤੇ | ਮੁੱਖ ਮੰਤਰੀ ਨੇ ਕਿਹਾ ਕਿ ਕੁੰਡਲੀ-ਮਾਨੇਸਰ-ਪਲਵਲ ਐਕਸਪ੍ਰੈਸ ਵੇ ਅਤੇ ਹਿਸਾਰ ਹਵਾਈ ਅੱਡਾ ਹਰਿਆਣਾ ਦੇ ਨੌਜਵਾਨਾਂ ਲਈ ਵੱਡੇ ਪੈਮਾਨੇ 'ਤੇ ਰੋਜ਼ਗਾਰ ਦੇ ਨਵੇਂ ਮੌਕੇ ਦੇਵੇਗਾ | ਇਸ ਮੌਕੇ 'ਤੇ ਆਜ਼ਾਦੀ ਘੁਲਾਟੀਆਂ, ਸ਼ਹੀਦਾਂ ਦੇ ਪਰਿਵਾਰਾਂ ਅਤੇ ਵੱਖ-ਵੱਖ ਖੇਤਰਾਂ 'ਚ ਸ਼ਲਾਘਾਯੋਗ ਕੰਮ ਕਰਨ ਵਾਲੇ ਤੇ ਖਿਡਾਰੀਆਂ ਨੂੰ ਵੀ ਸਨਮਾਨਿਤ ਕੀਤਾ | ਇਸ ਮੌਕੇ 'ਤੇ ਡੀ.ਸੀ. ਅਸ਼ੋਕ ਕੁਮਾਰ ਮੀਨਾ, ਏ.ਡੀ.ਜੀ.ਪੀ. ਮੁਹੰਮਦ ਅਕੀਲ, ਆਈ.ਜੀ. ਸੀ.ਆਈ.ਡੀ. ਅਨਿਲ ਰਾਵ, ਡੀ.ਆਈ.ਜੀ. ਸਤਿੰਦਰ ਗੁਪਤਾ, ਪੁਲਿਸ ਮੁਖੀ ਸ਼ਿਵਚਰਨ, ਏ.ਡੀ.ਸੀ. ਏ.ਐਸ. ਮਾਨ ਆਦਿ ਹਾਜ਼ਰ ਸਨ |
ਸਿਰਸਾ 'ਚ ਕਮਿਸ਼ਨਰ ਰਾਜੀਵ ਰੰਜਨ ਨੇ ਲਹਿਰਾਇਆ ਕੌਮੀ ਝੰਡਾ
ਸਿਰਸਾ, (ਭੁਪਿੰਦਰ ਪੰਨੀਵਾਲੀਆ)-ਜ਼ਿਲ੍ਹੇ 'ਚ ਸੁਤੰਤਰਤਾ ਦਿਵਸ ਧੂਮਧਾਮ ਨਾਲ ਮਨਾਇਆ ਗਿਆ | ਮੁੱਖ ਸਮਾਗਮ ਸ਼ਹੀਦ ਭਗਤ ਸਿੰਘ ਸਟੇਡੀਅਮ 'ਚ ਹੋਇਆ ਜਿਥੇ ਹਿਸਾਰ ਜ਼ੋਨ ਦੇ ਕਮਿਸ਼ਨਰ ਰਾਜੀਵ ਰੰਜਨ ਨੇ ਕੌਮੀ ਝੰਡਾ ਲਹਿਰਾਇਆ ਅਤੇ ਪਰੇਡ ਤੋਂ ਸਲਾਮੀ ਲਈ | ਇਸ ਮੌਕੇ 'ਤੇ ਡਿਪਟੀ ਕਮਿਸ਼ਨਰ ਪ੍ਰਭਜੋਤ ਸਿੰਘ, ਜ਼ਿਲ੍ਹਾ ਪੁਲਿਸ ਮੁਖੀ ਹਾਮਿਦ ਅਖ਼ਤਰ ਸਮੇਤ ਪ੍ਰਸ਼ਾਸਨਿਕ ਅਧਿਕਾਰੀ ਤੇ ਹੋਰ ਲੋਕ ਵੱਡੀ ਗਿਣਤੀ 'ਚ ਸ਼ਾਮਲ ਸਨ | ਝੰਡਾ ਲਹਿਰਾਉਣ ਤੋਂ ਪਹਿਲਾਂ ਕਮਿਸ਼ਨਰ ਨੇ ਮਿੰਨੀ ਸਕੱਤਰੇਤ 'ਚ ਬਣੇ ਸ਼ਹੀਦੀ ਸਮਾਰਕ ਅਤੇ ਸੁਤੰਤਰਤਾ ਸੈਨਾਨੀ ਸਮਾਰਕ 'ਤੇ ਜਾ ਕੇ ਸ਼ਹੀਦਾਂ ਨੂੰ ਫੁੱਲ ਚੜ੍ਹਾ ਕੇ ਸ਼ਧਾਂਜ਼ਲੀ ਭੇਟ ਕੀਤੀ | ਸ਼ਹੀਦ ਭਗਤ ਸਿੰਘ ਸਟੇਡੀਅਮ 'ਚ ਬਤੌਰ ਮੁੱਖ ਮਹਿਮਾਨ ਵਜੋਂ ਬੋਲਦਿਆਂ ਕਮਿਸ਼ਨਰ ਰਾਜੀਵ ਰੰਜਨ ਨੇ ਦੇਸ਼ ਦੀ ਆਜ਼ਾਦੀ ਲਈ ਆਪਣੀ ਜਾਨ ਕੁਰਬਾਨ ਕਰਨ ਵਾਲੇ ਸ਼ਹੀਦਾਂ ਨੂੰ ਯਾਦ ਕੀਤਾ ਤੇ ਦੇਸ਼ ਤੇ ਪ੍ਰਦੇਸ਼ ਵਾਸੀਆਂ ਨੂੰ ਸੁਤੰਤਰਤਾ ਦਿਵਸ ਦੀ ਵਧਾਈ ਦਿੱਤੀ | ਵੱਖ-ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ ਵਲੋਂ ੇਸ਼ ਭਗਤੀ ਦਾ ਜਜਬਾ ਪੈਦਾ ਕਰਨ ਵਾਲਾ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ | ਸਮਾਗਮ ਦੌਰਾਨ ਸੁਰੰਤਰਾਤ ਸੈਨਾਨੀਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਦੇ ਨਾਲ ਨਾਲ ਬਿਹਤਰੀਨ ਕੰਮ ਕਰਨ ਵਾਲੀਆਂ ਸਮਾਜਿਕ ਸੰਸਥਾਵਾਂ, ਹੋਣਹਾਰ ਵਿਦਿਆਰਥੀਆਂ, ਖਿਡਾਰੀਆਂ, ਕਰਮਚਾਰੀਆਂ ਅਤੇ ਪੰਚਾਇਤਾਂ ਨੂੰ ਪ੍ਰਸ਼ਸਤੀ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਹੋਈ ਪਰੇਡ 'ਚ ਸ਼ਾਹ ਸਤਨਾਮ ਜੀ ਗਰਲਜ ਸਕੂਲ ਦੀ ਐਨ.ਸੀ.ਸੀ. ਦੀ ਟੁਕੜੀ ਨੇ ਪਹਿਲਾਂ, ਸਰਕਾਰੀ ਨੈਸ਼ਨਲ ਕਾਲਜ ਦੀ ਐਨ.ਸੀ.ਸੀ. ਟੁਕੜੀ ਨੇ ਦੂਜਾ ਅਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਖੈਰਪੁਰ ਦੀ ਸਕਾਊਟ ਟੁਕੜੀ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸੇ ਤਰ੍ਹਾਂ ਸੱਭਿਆਚਾਰਕ ਪ੍ਰੋਗਰਾਮ 'ਚ ਸ਼ਾਹ ਸਤਨਾਮ ਜੀ ਬੁਆਇਜ ਸਕੂਲ ਦਾ ਐਕਰੋਬਿਟਕ ਡਾਂਸ ਪਹਿਲੇ, ਡੀ.ਏ.ਵੀ. ਸੀਨੀਅਰ ਸੈਕੰਡਰੀ ਸਕੂਲ ਸਿਰਸਾ ਦਾ ਗਿੱਧਾ ਦੂਜੇ ਅਤੇ ਸੈਂਟ ਜੇਵਿਅਰ ਹਾਈ ਸਕੂਲ ਦਾ ਰਾਜਸਥਾਨੀ ਡਾਂਸ ਤੀਜੇ ਸਥਾਨ 'ਤੇ ਰਿਹਾ | ਇਸ ਮੌਕੇ 'ਤੇ ਹੇਲਨ ਕੇਲਰ ਅੰਨ੍ਹੇ ਸੁਜਾਖੇ ਸਕੂਲ, ਪਰਿਆਸ ਅਤੇ ਦਿਸ਼ਾ ਦੇ ਵਿਸ਼ੇਸ਼ ਬੱਚਿਆਂ ਵਲੋਂ ਪੇਸ਼ ਕੀਤਾ ਗਿਆ ਪ੍ਰੋਗਰਾਮ ਲੋਕਾਂ ਦੀ ਖਿੱਚ ਦਾ ਕੇਂਦਰ ਰਿਹਾ | ਇਸ ਮੌਕੇ ਹੋਏ ਸਮਾਗਮ ਦਾ ਮੰਚ ਸੰਚਾਲਨ ਮੱਖਣ ਸਿੰਘ ਨੇ ਕੀਤਾ | ਇਸ ਮੌਕੇ 'ਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਤੋਂ ਇਲਾਵਾ ਸਕੂਲੀ ਬੱਚੇ ਤੇ ਸ਼ਹਿਰ ਦੇ ਲੋਕ ਵੱਡੀ ਗਿਣਤੀ 'ਚ ਹਾਜ਼ਰ ਸਨ |
ਬੇਅੰਤ ਵਿੱਦਿਆ ਭਵਨ ਵਿਖੇ
ਏਲਨਾਬਾਦ, (ਜਗਤਾਰ ਸਮਾਲਸਰ)-ਜੀਵਨ ਨਗਰ ਸਥਿਤ ਬੇਅੰਤ ਵਿੱਦਿਆ ਭਵਨ ਵਿਖੇ 72ਵੇਂ ਆਜ਼ਾਦੀ ਦਿਵਸ ਮੌਕੇ ਸਕੂਲ ਨੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਰੰਗਾਰੰਗ ਪ੍ਰੋਗਰਾਮ ਪੇਸ਼ ਕਰਕੇ ਆਜ਼ਾਦੀ ਦਿਵਸ ਮਨਾਇਆ | ਪ੍ਰੋਗਰਾਮ ਦੀ ਸ਼ੁਰੂਆਤ ਸਕੂਲ ਦੇ ਸ਼ਹੀਦ ਭਗਤ ਸਿੰਘ ਹਾਊਸ, ਨੇਤਾ ਜੀ ਸੁਭਾਸ਼ ਚੰਦਰ ਬੋਸ ਹਾਊਸ, ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਹਾਊਸ ਅਤੇ ਸ਼ਹੀਦ ਊਧਮ ਸਿੰਘ ਹਾਊਸ ਦੇ ਬੱਚਿਆਂ ਨੇ ਪਰੇਡ ਕਰਕੇ ਕੀਤੀ | ਸਕੂਲ ਦੇ ਪਿ੍ੰਸੀਪਲ ਜੇ.ਐਸ. ਬਾਜਵਾ ਅਤੇ ਨਿਰਦੇਸ਼ਕ ਪਰਮਜੀਤ ਕੌਰ ਸਰਾਂ ਨੇ ਝੰਡਾ ਲਹਿਰਾਇਆ | ਇਸ ਮੌਕੇ ਦੇਸ਼ ਭਗਤੀ ਦੇ ਗੀਤ, ਨਾਚ, ਕਵਿਤਾਵਾਂ ਅਤੇ ਨਾਟਕ ਪੇਸ਼ ਕਰਕੇ ਭਾਰਤੀ ਸੱਭਿਅਤਾ ਦੇ ਨਮੂਨਾ ਪੇਸ਼ ਕੀਤਾ | ਇਸ ਮੌਕੇ ਸਕੂਲ ਦੇ ਪਿ੍ੰਸੀਪਲ ਜੋਗਿੰਦਰ ਸਿੰਘ ਬਾਜਵਾ ਨੇ ਵਿਦਿਆਰਥੀਆਂ ਨੂੰ ਸਾਮਾਜਿਕ ਬੁਰਾਈਆਂ ਤੋਂ ਦੂਰ ਰਹਿ ਕੇ ਸਮਾਜ 'ਚ ਫ਼ੈਲੀ ਰੂੜੀਵਾਦੀ ਵਿਚਾਰਧਾਰਾ ਨੂੰ ਮੁੱਢੋ ਖਾਰਜ਼ ਕਰਦਿਆਂ ਇਕ ਸਿਹਤਮੰਦ ਸਮਾਜ ਸਿਰਜਣ ਲਈ ਪ੍ਰੇਰਿਤ ਕੀਤਾ | ਇਸ ਮੌਕੇ ਸਕੂਲ ਦੀਆਂ ਅਧਿਆਪਕਾਵਾਂ ਪਰਮਜੀਤ ਕੌਰ ਅਤੇ ਬਲਜੀਤ ਕੌਰ ਨੇ ਵੀ ਦੇਸ਼ ਭਗਤੀ ਦੇ ਗੀਤ ਪੇਸ਼ ਕੀਤੇ |
ਸੇਵਾਮੁਕਤ ਫ਼ੌਜੀਆਂ ਨੂੰ ਸਨਮਾਨਿਤ ਕਰਕੇ ਮਨਾਇਆ ਆਜ਼ਾਦੀ ਦਿਹਾੜਾ
ਕੁਰੂਕਸ਼ੇਤਰ/ਸ਼ਾਹਾਬਾਦ, ਅਗਸਤ (ਜਸਬੀਰ ਸਿੰਘ ਦੁੱਗਲ)-ਪਿੰਡ ਡਾਡਲੂ 'ਚ 72ਵਾਂ ਆਜ਼ਾਦੀ ਦਿਹਾੜਾ ਮੌਕੇ ਸਾਬਕਾ ਫ਼ੌਜੀਆਂ ਨੂੰ ਸਨਮਾਨਿਤ ਕਰਕੇ ਸਰਕਾਰੀ ਸਕੂਲ 'ਚ ਵੱਡੀ ਧੂਮਧਾਮ ਨਾਲ ਮਨਾਇਆ | ਪ੍ਰੋਗਰਾਮ 'ਚ ਹਰਿਆਣਾ ਪੰਜਾਬ ਦੇ ਰੋਟਰੀ ਕਲੱਬ ਦੇ ਚੇਅਰਪਰਸਨ ਵਿਸ਼ੇਸ਼ ਤੌਰ 'ਤੇ ਪੁੱਜੇ | ਮਹਿਲਾ ਸਰਪੰਚ ਮੀਨਾ ਦੇਵੀ ਅਤੇ ਸਮਾਜਸੇਵੀ ਰਾਮਚੰਦਰ ਡਾਡਲੂ ਨੇ ਸਕੂਲ ਨੂੰ ਇਨਵਰਟਰ ਬੈਟਰੀ, ਲੈਕਚਰਾਰ ਸਟੈਂਡ ਅਤੇ ਆਂਗਣਵਾੜੀ ਕੇਂਦਰ ਨੂੰ ਅਲਮਾਰੀ, ਕੁਰਸੀਆਂ ਅਤੇ ਮੇਜ, ਪਸ਼ੂ ਹਸਪਤਾਲ ਨੂੰ ਕੁਰਸੀਆਂ ਅਤੇ ਮੇਜ ਦਿੱਤੇ | ਰੋਟਰੀ ਕਲੱਬ ਦੀ ਚੇਅਰਪਰਸਨ ਨੇ ਸਕੂਲ ਨੂੰ ਮਿਊਜਿਕ ਸਿਸਟਮ, ਬੱਚਿਆਂ ਨੂੰ ਖੇਡ ਕਿਡਸ ਅਤੇ 2 ਬੱਚਿਆਂ ਨੂੰ ਸਾਈਕਲ ਦਿੱਤੇ | ਇਸ ਮੌਕੇ 'ਤੇ ਪਿੰਡ ਦੇ ਪੰਚ ਅਤੇ ਪਤਵੰਤੇ ਸੱਜਣ ਹਾਜ਼ਰ ਸਨ |
ਸੱਚਾਈ ਤੇ ਇਮਾਨਦਾਰੀ ਨਾਲ ਕੰਮ ਕਰਨ ਦੀ ਅਪੀਲ
ਥਾਨੇਸਰ, (ਅਜੀਤ ਬਿਊਰੋ)-ਹਰਿਆਣਾ ਪੱਛੜਾ ਵਰਗ ਮਹਾਂਸਭਾ ਦੇ ਸੂਬਾਈ ਪ੍ਰਧਾਨ ਰਾਮ ਕੁਮਾਰ ਰੰਬਾ ਨੇ ਆਜ਼ਾਦੀ ਦਿਹਾੜ 'ਤੇ ਆਪਣੇ ਦਫ਼ਤਰ ਵਿਖੇ ਝੰਡਾ ਲਹਿਰਾਇਆ | ਮੰਚ ਸੰਚਾਲਨ ਜਨਰਲ ਸਕੱਤਰ ਰੋਸ਼ਨ ਲਾਲ ਧੀਮਾਨ ਨੇ ਕੀਤਾ | ਸੂਬਾਈ ਪ੍ਰਧਾਨ ਨੇ ਮੋਹਰੀ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ | ਰਾਮ ਕੁਮਾਰ ਰੰਬਾ ਨੇ ਸਿੱਖਿਆ, ਸੰਸਕਾਰ, ਸੰਗਤ, ਏਕਤਾ ਅਤੇ ਪਛਾਣ 'ਤੇ ਜੋਰ ਦਿੰਦੇ ਹੋਏ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਨੂੰ ਸੁਰੱਖਿਆ ਰੱਖਣ ਲਈ ਸੱਚਾਈ ਅਤੇ ਇਮਾਨਦਾਰੀ ਨਾਲ ਕੰਮ ਕਰਨ ਦੀ ਅਪੀਲ ਕੀਤੀ | ਇਸ ਮੌਕੇ 'ਤੇ ਕੁਲਵੰਤ ਸਿੰਘ, ਰਾਮਰਤਨ ਕਟਾਰੀਆ, ਪ੍ਰੇਮ ਨਾਗਵਾਨ, ਜੋਧਾ ਸਿੰਘ, ਗੰਗਾ ਰਾਮ, ਨਕੁਲ, ਮੁਕੇਸ਼ ਸਿਸੋਦਿਆ, ਰਾਮਨਿਵਾਸ ਬੰਸਲ, ਭੀਮ ਸੈਨ, ਕੁਲਦੀਪ ਵਕੀਲ, ਮਦਨ ਲਾਲ, ਨਸੀਬ ਸਿੰਘ, ਹਰਨੇਕ ਸੈਣੀ, ਚਰਣਜੀਤ, ਰੋਪੀ ਰਾਮ, ਰਵੀ ਗੁੱਜਰ, ਰਵਿੰਦਰ ਸਿੰਘ ਆਦਿ ਹਾਜ਼ਰ ਸਨ | ਸਾਰਿਆਂ ਨੇ ਸ਼ਹੀਦਾਂ ਨੂੰ ਨਮਨ ਕਰਕੇ ਆਜ਼ਾਦੀ ਦੀ ਲੜਾਈ 'ਚ ਉਨ੍ਹਾਂ ਦੇ ਯੋਗਦਾਨ ਨੂੰ ਯਾਦ ਕੀਤਾ |
ਰਾਜਪਾਲ ਪ੍ਰੋ. ਕਪਤਾਨ ਸਿੰਘ ਸੋਲੰਕੀ ਵਲੋਂ ਡਾ. ਵਿਜੇ ਦਹੀਆ ਸਨਮਾਨਿਤ
ਜਗਾਧਰੀ, (ਜਗਜੀਤ ਸਿੰਘ)-ਤੇਜ਼ਲੀ ਖੇਡ ਸਟੇਡੀਅਮ 'ਚ ਆਜ਼ਾਦੀ ਦਿਵਸ ਮੌਕੇ ਹਰਿਆਣਾ ਦੇ ਰਾਜਪਾਲ ਪ੍ਰੋ. ਕਪਤਾਨ ਸਿੰਘ ਸੋਲੰਕੀ ਵਲੋਂ ਡਾ. ਵਿਜੇ ਦਹੀਆ ਮੈਡੀਕਲ ਪ੍ਰਧਾਨ ਸਿਵਲ ਹਸਪਤਾਲ ਯਮੁਨਾਨਗਰ ਦੀ ਸਲਾਘਾਯੋਗ ਕਾਰਜ਼ਸੈਲੀ ਕਾਰਨ ਉਨ੍ਹਾਂ ਨੂੰ ਸਲਾਘਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ | ਡਾ. ਵਿਜੇ ਦਹੀਆ ਨੇ ਪੀ.ਐਨ.ਡੀ.ਟੀ.ਦਾ ਨੋਡਲ ਅਫ਼ਸਰ ਰਹਿੰਦਿਆਂ ਹੋਏ 24 ਸਫਲ ਰੇਡਸ ਕੀਤੀਆਂ, ਜਿਨ੍ਹਾਂ ਚੋਂ 3 ਦੋਸ਼ੀਆਂ ਨੂੰ ਕੋਰਟ ਵਲੋਂ ਸਜ਼ਾ ਵੀ ਦਿੱਤੀ ਗਈ, ਜਿਸ ਕਾਰਨ ਯਮੁਨਾਨਗਰ ਜ਼ਿਲ੍ਹੇ ਦੇ ਲਿੰਗ ਅਨੁਪਾਤ 'ਚ ਸੁਧਾਰ ਵੀ ਹੋਇਆ¢ ਡਾ. ਦਹੀਆ ਨੇ ਸਿਵਲ ਹਸਪਤਾਲ 'ਚ ਸੂਬੇ ਦਾ ਪਹਿਲਾ ਹਰਬਲ ਪਾਰਕ ਅਤੇ ਪਿਰਾਮਿਡ ਆਕਾਰ ਦਾ ਮੈਡੀਟੇਸ਼ਨ ਅਤੇ ਯੋਗਾ ਸੈਂਟਰ ਵੀ ਸਥਾਪਤ ਕਰਾਇਆਂ¢ ਉਨ੍ਹਾਂ ਨੇ ਜ਼ਿਲ੍ਹੇ 'ਚ ਵੱਖ-ਵੱਖ ਸੰਸਥਾਵਾਂ ਨੂੰ ਪ੍ਰੇਰਿਤ ਕਰਕੇ 50 ਤੋਂ ਜ਼ਿਆਦਾ ਖ਼ੂਨਦਾਨ ਕੈਂਪ ਲਗਵਾਏ | ਡਾ. ਦਹੀਆਂ ਨੇ ਜ਼ਿਲ੍ਹਾ ਪੱਧਰ 'ਤੇ ਯਮੁਨਾ ਸ਼ੁੱਧੀਕਰਣ ਮੁਹਿੰਮ, ਸਵੈ ਇੱਛਕ ਖ਼ੂਨਦਾਨ, ਮੁਫ਼ਤ ਮੈਡੀਕਲ ਅਤੇ ਅੱਖਾਂ ਦੇ ਜਾਂਚ ਕੈਂਪ, ਥੇਲੈਸੀਮੀਆ ਅਤੇ ਹੀਮੋਫੀਲੀਆ ਜਾਗਰੂਕਤਾ ਕੈਂਪ, ਕੈਂਸਰ, ਟੀ.ਬੀ, ਐਚ.ਆਈ.ਵੀ., ਨਸ਼ਾਮੁਕਤੀ, ਬਾਲ ਸ਼ੋਸ਼ਣ ਵਿਰੁੱਧ ਕਈ ਜਾਗਰੂਕਤਾ ਮੁਹਿੰਮ ਚਲਾਉਣ ਦੇ ਨਾਲ ਸਮਾਜ ਭਲਾਈ ਲਈ ਹੋਰ ਵੀ ਕਾਬਿਲੇ ਤਾਰੀਫ਼ ਕੰਮ ਕੀਤੇ ਹਨ | ਇਸੇ ਕਾਰਨ ਸੂਬੇ ਦੇ ਰਾਜਪਾਲ ਪ੍ਰੋ. ਕਪਤਾਨ ਸਿੰਘ ਸੋਲੰਕੀ ਨੇ ਡਾ. ਵਿਜੇ ਦਹੀਆ ਨੂੰ ਸਲਾਘਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ¢

ਕਤਲ ਦੇ 3 ਦੋਸ਼ੀਆਂ ਨੂੰ ਉਮਰ ਕੈਦ, 2 ਮੁਕਤਵਾਸ ਕਰਾਰ

ਸੋਨੀਪਤ, 16 ਅਗਸਤ (ਅਜੀਤ ਬਿਊਰੋ)-ਹੱਤਿਆਕਾਂਡ ਮਾਮਲੇ ਦੀ ਸੁਣਵਾਈ ਕਰਦਿਆ ਕੋਰਟ ਨੇ 3 ਦੋਸ਼ੀਆਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ | ਇਹ ਫੈਸਲਾ ਅਡੀਸ਼ਨਲ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਡਾ. ਡੀ.ਐਨ. ਭਾਰਦਵਾਜ ਦੀ ਕੋਰਟ ਨੇ ਸੁਣਾਇਆ | ਇਸ ਤੋਂ ਇਲਾਵਾ ਕੋਰਟ ਨੇ 2 ਦੋਸ਼ੀਆਂ ...

ਪੂਰੀ ਖ਼ਬਰ »

ਮਹਾਨ ਸ਼ਹੀਦਾਂ ਦੇ ਕਾਰਨ ਹੀ ਸਾਨੂੰ ਆਜ਼ਾਦੀ ਦੀ ਖੁੱਲ੍ਹੀ ਹਵਾ 'ਚ ਸਾਹ ਲੈਣ ਦਾ ਅਧਿਕਾਰ ਮਿਲਿਆ- ਐਸ.ਡੀ.ਐਮ.

ਗੂਹਲਾ ਚੀਕਾ, 16 ਅਗਸਤ (ਓ.ਪੀ. ਸੈਣੀ)-ਐਸ.ਡੀ.ਐਮ. ਸੰਜੈ ਕੁਮਾਰ ਨੇ ਕਿਹਾ ਕਿ ਦੇਸ਼ ਦੇ ਮਹਾਨ ਸ਼ਹੀਦਾਂ ਦੀ ਬਦੌਲਤ ਹੀ ਦੇਸ਼ ਵਾਸੀਆਂ ਨੂੰ ਆਜ਼ਾਦੀ ਦੀ ਖੁਲ੍ਹੀ ਹਵਾ 'ਚ ਸਾਹ ਲੈਣ ਦਾ ਅਧਿਕਾਰ ਮਿਲਿਆ | ਆਜ਼ਾਦੀ ਤੋਂ ਬਾਅਦ ਦੇਸ਼ ਨੇ ਹਰ ਖੇਤਰ 'ਚ ਤਰੱਕੀ ਕੀਤੀ ਹੈ | ...

ਪੂਰੀ ਖ਼ਬਰ »

ਬਚਾਅ ਕਰਨ ਆਏ ਨੌਜਵਾਨ ਦੀ ਹੱਤਿਆ

ਕੁਰੂਕਸ਼ੇਤਰ/ਸੋਨੀਪਤ, 16 ਅਗਸਤ (ਜਸਬੀਰ ਸਿੰਘ ਦੁੱਗਲ)-ਕਿਸੇ ਗੱਲ ਨੂੰ ਲੈ ਕੇ 2 ਧੜੇ ਆਪਸ 'ਚ ਭਿੜ ਗਏ ਅਤੇ ਬਚਾਅ ਕਰਨ ਆਏ ਨੌਜਵਾਨ ਦੀ ਦੋਵੇਂ ਪੱਖਾਂ ਨੇ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ | ਘਟਨਾ ਤੋਂ ਬਾਅਦ ਦੋਸ਼ੀ ਫ਼ਰਾਰ ਹੋ ਗਏ | ਝਗੜੇ 'ਚ ਹੋਰ ਕਈ ਲੋਕਾਂ ਦੇ ਜ਼ਖ਼ਮੀ ...

ਪੂਰੀ ਖ਼ਬਰ »

ਡੰਪਰ ਨੇ 2 ਡਾਕ ਕਰਮੀਆਂ ਨੂੰ ਕੁਚਲਿਆ, 1 ਦੀ ਮੌਤ

ਸੋਨੀਪਤ, 16 ਅਗਸਤ (ਅਜੀਤ ਬਿਊਰੋ)-ਕੁੰਡਲੀ ਉਦਯੌਗਿਕ ਖੇਤਰ 'ਚ ਤੇਜ ਰਫ਼ਤਾਰ ਡੰਪਰ ਚਾਲਕ ਨੇ 2 ਡਾਕ ਕਰਮਚਾਰੀਆਂ ਨੂੰ ਕੁਚਲ ਦਿੱਤਾ | ਹਾਦਸੇ ਦੌਰਾਲ ਸਕੂਟੀ ਸਵਾਰ ਇਕ ਡਾਕ ਕਰਮਚਾਰੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਦੂਜੇ ਨੂੰ ਗੰਭੀਰ ਹਾਲਤ 'ਚ ਦਿੱਲੀ ਦੇ ਪ੍ਰਾਈਵੇਟ ...

ਪੂਰੀ ਖ਼ਬਰ »

ਮੁੱਖ ਮੰਤਰੀ ਵਲੋਂ ਹਰਿਆਣਾ ਦੇ ਪਹਿਲੇ ਹਵਾਈ ਅੱਡੇ ਦਾ ਉਦਘਾਟਨ

ਹਿਸਾਰ, 16 ਅਗਸਤ (ਰਾਜ ਪਰਾਸਰ)-ਦੇਸ਼ ਦੇ 72ਵੇਂ ਆਜ਼ਾਦੀ ਦਿਹਾੜੇ 'ਤੇ ਹਰਿਆਣਾ ਨੂੰ ਹਵਾਈ ਅੱਡੇ ਦੀ ਸੌਗਾਤ ਦਿੰਦੇ ਹੋਏ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਸੂਬੇ ਦੇ ਪਹਿਲੇ ਏਅਰਪੋਰਟ ਦਾ ਉਦਘਾਟਨ ਕੀਤਾ | ਇਸ ਮੌਕੇ 'ਤੇ ਨਾਗਰਿਕ ਉਡਯਨ ਮੰਤਰਾਲਾ ਅਤੇ ਸਪਾਈਸ ਜੈੱਟ ਵਿਚਕਾਰ ...

ਪੂਰੀ ਖ਼ਬਰ »

ਪਿੰਡ ਕੇਹਰਵਾਲਾ 'ਚ ਮਿਲਿਆ ਆਈ ਲਵ ਪਾਕਿਸਤਾਨ ਲਿਖਿਆ ਗੁੱਬਾਰਾ

ਰਾਣੀਆਂ, 16 ਅਗਸਤ (ਅਜੀਤ ਬਿਊਰੋ)-ਆਜ਼ਾਦੀ ਦਿਵਸ ਦੇ ਮੌਕੇ 'ਤੇ ਬੀਤੇ ਦਿਨੀਂ ਬਲਾਕ ਦੇ ਪਿੰਡ ਕੇਹਰਵਾਲਾ 'ਚ ਚੱਕਾ ਰੋਡ 'ਤੇ ਪਾਕਿਸਤਾਨੀ ਗੁੱਬਾਰਾ ਮਿਲਣ ਕਾਰਨ ਖੇਤਰ 'ਚ ਹੜਕੰਪ ਮੱਚ ਗਿਆ | ਗੁੱਬਾਰੇ 'ਤੇ ਆਈ ਲਵ ਪਾਕਿਸਤਾਨ ਲਿਖਿਆ ਸੀ, ਸਿਰਸਾ ਜ਼ਿਲ੍ਹੇ 'ਚ ਏਅਰਫੋਰਸ ਦੀ ...

ਪੂਰੀ ਖ਼ਬਰ »

ਜਬਰ ਜਨਾਹ ਦੇ ਦੋਸ਼ਾਂ ਤਹਿਤ ਨੌਜਵਾਨ ਿਖ਼ਲਾਫ਼ ਪਰਚਾ ਦਰਜ

ਡੱਬਵਾਲੀ, 16 ਅਗਸਤ (ਇਕਬਾਲ ਸਿੰਘ ਸ਼ਾਂਤ)-ਚੌਟਾਲਾ ਵਿਖੇ ਇਕ ਨੌਜਵਾਨ 'ਤੇ ਲੜਕੀ ਨੇ ਜਬਰ ਜਨਾਹ ਕਰਨ ਦੇ ਦੋਸ਼ ਲਗਾਏ ਗਏ ਹਨ, ਜਿਸ ਤਹਿਤ ਲੜਕੀ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਸਦਰ ਪੁਲਿਸ ਨੇ ਪਿੰਡ ਦੇ ਇਕ ਨੌਜਵਾਨ ਿਖ਼ਲਾਫ਼ ਮਾਮਲਾ ਦਰਜ ਕਰਕੇ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ | ...

ਪੂਰੀ ਖ਼ਬਰ »

ਦੇਸ਼ ਨੂੰ ਆਜ਼ਾਦ ਕਰਵਾਉਣ ਵਾਲੇ ਵੀਰਾਂ ਦੀ ਸ਼ਹਾਦਤ ਨਾ ਭੁੱਲਾਂਗੇ, ਨਾ ਭੁੱਲਣ ਦੇਵਾਂਗੇ : ਖੇਤੀ ਮੰਤਰੀ

ਜੀਂਦ, 16 ਅਗਸਤ (ਅਜੀਤ ਬਿਊਰੋ)-ਆਜ਼ਾਦੀ ਦਿਹਾੜੇ ਦੇ ਮੌਕੇ 'ਤੇ ਏਕਲਵਿਆ ਸਟੇਡੀਅਮ 'ਚ ਤਿਰੰਗਾ ਲਹਿਰਾਇਆ ਗਿਆ | ਸਮਾਰੋਹ 'ਚ ਹਰਿਆਣਾ ਦੇ ਖੇਤੀ ਮੰਤਰੀ ਓਮ ਪ੍ਰਕਾਸ਼ ਧਨਖੜ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ ਅਤੇ ਸਮਾਰੋਹ 'ਚ ਤਿਰੰਗਾ ਲਹਿਰਾਇਆ ਅਤੇ ਪਰੇਡ ਦਾ ...

ਪੂਰੀ ਖ਼ਬਰ »

ਨਾਜਾਇਜ਼ ਸਬੰਧਾਂ ਦੇ ਚਲਦਿਆਂ ਪਤਨੀ ਨੇ ਪ੍ਰੇਮੀ ਨਾਲ ਮਿਲ ਕੇ ਕੀਤਾ ਪਤੀ ਦਾ ਕਤਲ

ਜੀਂਦ, 16 ਅਗਸਤ (ਅਜੀਤ ਬਿਊਰੋ)-ਸ਼ਹਿਰ ਦੇ ਹਨੁਮਾਨ ਨਗਰ 'ਚ ਪਤਨੀ ਨੇ ਆਪਣੇ ਪ੍ਰੇਮੀ ਨਾਲ ਮਿਲ ਕੇ ਪਤੀ ਦੀ ਹੱਤਿਆ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ | ਹੱਤਿਆ ਕਰਨ ਵਾਲਾ ਦੋਸ਼ੀ ਨੌਜਵਾਨ ਮਿ੍ਤਕ ਦੀ ਮਾਸੀ ਦਾ ਲੜਕਾ ਹੈ | ਦੋਵਾਂ ਨੇ ਨਾਜਾਇਜ਼ ਸਬੰਧਾਂ ਦੇ ਚਲਦਿਆ ਇਸ ...

ਪੂਰੀ ਖ਼ਬਰ »

ਮੰਗਾਂ ਪੂਰੀਆਂ ਨਾ ਹੋਣ 'ਤੇ ਰੋਸ 'ਚ ਆਏ 320 ਦਲਿਤਾਂ ਨੇ ਧਰਮ ਬਦਲਿਆ

ਜੀਂਦ, 16 ਅਗਸਤ (ਅਜੀਤ ਬਿਊਰੋ)-ਪਿਛਲੇ ਲਗਪਗ 6 ਮਹੀਨੇ ਤੋਂ ਧਰਨੇ 'ਤੇ ਬੈਠੇ ਦਲਿਤ ਸਮਾਜ ਦੇ ਤਕਰੀਬਨ 320 ਲੋਕਾਂ ਨੇ ਹਿੰਦੂ ਧਰਮ ਛੱਡ ਕੇ ਬੌਧ ਧਰਮ ਧਾਰਨ ਕਰ ਲਿਆ | ਬੌਧ ਭਿਖਿੱਅਕਾਂ ਨੇ ਸਮੂਹਿਕ ਤੌਰ 'ਤੇ ਇਹ ਧਰਮ ਬਦਲ ਕਰਵਾਇਆ | ਦਲਿਤ ਆਗੂ ਦਿਨੇਸ਼ ਖਾਪੜ ਦਾ ਕਹਿਣਾ ਹੈ ਕਿ ...

ਪੂਰੀ ਖ਼ਬਰ »

ਦਿਨ-ਦਿਹਾੜੇ ਅਲਮਾਰੀਆਂ ਭੰਨ ਕੇ ਲੱਖਾਂ ਦੇ ਗਹਿਣੇ ਚੋਰੀ

ਕੁਰੂਕਸ਼ੇਤਰ, 16 ਅਗਸਤ (ਜਸਬੀਰ ਸਿੰਘ ਦੁੱਗਲ)-ਆਜ਼ਾਦੀ ਦਿਹਾੜੇ ਨੂੰ ਲੈ ਕੇ ਪੁਲਿਸ ਪ੍ਰਸ਼ਾਸਨ ਵਲੋਂ ਸੁਰੱਖਿਆ ਦੇ ਕੀਤੇ ਗਏ ਪ੍ਰਬੰਧਾਂ ਦੇ ਦਾਅਵਿਆਂ ਦੀ ਉਸ ਸਮੇਂ ਪੋਲ ਖੁੱਲ੍ਹ ਗਈ, ਜਦ ਚੋਰਾਂ ਨੇ ਬੁੱਧਵਾਰ ਨੂੰ ਦਿਨ-ਦਿਹਾੜੇ ਦੁੱਖਭੰਜਨ ਕਾਲੋਨੀ ਦੇ ਇਕ ਮਕਾਨ ...

ਪੂਰੀ ਖ਼ਬਰ »

ਸੂਬਾਈ ਪੱਧਰੀ ਆਜ਼ਾਦੀ ਦਿਹਾੜਾ ਧੂਮਧਾਮ ਨਾਲ ਮਨਾਇਆ

ਯਮੁਨਾਨਗਰ, 16 ਅਗਸਤ (ਗੁਰਦਿਆਲ ਸਿੰਘ ਨਿਮਰ)-ਜ਼ਿਲ੍ਹੇ ਦੇ ਤੇਜਲੀ ਖੇਡ ਸਟੇਡੀਅਮ 'ਚ 72ਵਾਂ ਸੂਬਾਈ ਪੱਧਰੀ ਆਜ਼ਾਦੀ ਦਿਹਾੜਾ ਧੂਮਧਾਮ ਨਾਲ ਮਨਾਇਆ ਗਿਆ, ਜਿਸ 'ਚ ਹਰਿਆਣਾ ਦੇ ਰਾਜਪਾਲ ਪ੍ਰੋ. ਕਪਤਾਨ ਸਿੰਘ ਸੋਲੰਕੀ ਨੇ ਦੇਸ਼ ਦਾ ਪਾਵਨ ਤਿਰੰਗਾ ਝੰਡਾ ਲਹਿਰਾਇਆ ਅਤੇ ...

ਪੂਰੀ ਖ਼ਬਰ »

19 ਅਗਸਤ ਦੀ ਰੈਲੀ ਹਰਿਆਣਾ 'ਚ ਸ਼੍ਰੋਮਣੀ ਅਕਾਲੀ ਦਲ ਦਾ ਭਵਿੱਖ ਕਰੇਗੀ ਤੈਅ

ਏਲਨਾਬਾਦ, 16 ਅਗਸਤ (ਜਗਤਾਰ ਸਮਾਲਸਰ)-ਹਰਿਆਣਾ ਵਿਧਾਨ ਸਭਾ ਦੀਆਂ ਚੋਣਾਂ 'ਚ ਭਾਵੇਂ ਅਜੇ ਇਕ ਸਾਲ ਤੋਂ ਜ਼ਿਆਦਾ ਦਾ ਸਮਾਂ ਬਾਕੀ ਹੈ, ਪਰ ਸੂਬੇ ਦੀਆਂ ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਨੇ ਚੋਣ ਬਿਗਲ ਵਜਾਉਣਾ ਸ਼ੁਰੂ ਕਰ ਦਿੱਤਾ ਹੈ | ਇਕ ਦਹਾਕਾ ਪੰਜਾਬ ਦੀ ਸੱਤਾ ਦਾ ਸੁੱਖ ...

ਪੂਰੀ ਖ਼ਬਰ »

ਕੈਬਨਿਟ ਮੰਤਰੀ ਰਾਵ ਨਰਬੀਰ ਸਿੰਘ ਨੇ ਕੁਰੂਕਸ਼ੇਤਰ 'ਚ ਲਹਿਰਾਇਆ ਕੌਮੀ ਝੰਡਾ

ਕੁਰੂਕਸ਼ੇਤਰ, 16 ਅਗਸਤ (ਜਸਬੀਰ ਸਿੰਘ ਦੁੱਗਲ)-ਹਰਿਆਣਾ ਦੇ ਲੋਕ ਨਿਰਮਾਣ ਮੰਤਰੀ ਰਾਵ ਨਰਬੀਰ ਸਿੰਘ ਨੇ ਕਿਹਾ ਕਿ ਭਾਰਤ ਮਾਤਾ ਦੇ ਵੀਰ ਸਪੂਤਾਂ ਨੇ ਆਪਣੇ ਬਲਿਦਾਨ ਨਾਲ 15 ਅਗਸਤ 1947 'ਚ ਆਜ਼ਾਦੀ ਦੀ ਇਬਾਦਤ ਲਿਖਣ ਦਾ ਕੰਮ ਕੀਤਾ | ਜਿਸ ਦੀ ਖੁਸ਼ਬੂ ਯੁਗਾਂ-ਯੁਗਾਂ ਤੱਕ ...

ਪੂਰੀ ਖ਼ਬਰ »

ਆਜ਼ਾਦੀ ਦਿਹਾੜੇ ਤੋਂ ਅਨਜਾਣ ਬੱਚਿਆਂ ਸੰਗ ਤਿਉਹਾਰ ਮਨਾਉਣਾ ਸੱਚੀ ਸਮਾਜ ਸੇਵਾ-ਹਰਿਓਮ ਪਰਿਵਰਾਜ਼ਕ

ਕੁਰੂਕਸ਼ੇਤਰ, 16 ਅਗਸਤ (ਜਸਬੀਰ ਸਿੰਘ ਦੁੱਗਲ)-ਹਮ ਫਾਊਾਡੇਸ਼ਨ ਸਮਾਜਿਕ ਸੰਸਥਾ ਵਲੋਂ ਆਜ਼ਾਦੀ ਦਿਹਾੜੇ ਤੋਂ ਅਨਜਾਨ ਬੱਚਿਆਂ ਸੰਗ ਪ੍ਰੋਗਰਾਮ ਗਾਂਧੀ ਨਗਰ 'ਚ ਕੀਤਾ ਗਿਆ | ਪ੍ਰੋਗਰਾਮ ਦੀ ਸ਼ੁਰੂਆਤ ਵਾਤਸਲਿਆ ਵਾਟੀਕਾ ਦੇ ਸੰਚਾਲਕ ਸਵਾਮੀ ਹਰਿਓਮ ਪਰਿਵਰਾਜ਼ਕ ਨੇ ...

ਪੂਰੀ ਖ਼ਬਰ »

ਤੈ੍ਰਸ਼ਤਾਬਦੀ ਦੇ ਸਮਾਗਮਾਂ ਸਬੰਧੀ ਅੱਡਣਸ਼ਾਹੀ ਸਭਾ ਦੇ ਮੁਖੀ ਮਹੰਤ ਕਰਮਜੀਤ ਸਿੰਘ ਵਲੋੋੋਂ ਸੰਗਤ ਨਾਲ ਬੈਠਕ

ਜਗਾਧਰੀ/ਯਮੁਨਾਨਗਰ, 16 ਅਗਸਤ (ਜਗਜੀਤ ਸਿੰਘ, ਗੁਰਦਿਆਲ ਸਿੰਘ ਨਿਮਰ)-ਗੁਰੂ ਤੇਗ਼ ਬਹਾਦਰ ਸਾਹਿਬ ਜੀ ਅਤੇ ਧੰਨ ਧੰਨ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਮਹਾਰਾਜ ਦੇ ਪਿਆਰੇ ਗੁਰ ਸਿੱਖ ਭਾਈ ਘਨੱਈਆ ਜੀ ਦੀ ਜੋਤੀ ਜੋਤ ਤ੍ਰੈਸ਼ਤਾਬਦੀ ਦੇ ਸਮਾਗਮਾਂ ਲਈ ਅੱਡਣਸ਼ਾਹੀ ਸਭਾ ...

ਪੂਰੀ ਖ਼ਬਰ »