9 ਸਾਲਾਂ ਵਿਚ ਭਾਰਤ ਦੇ ਉਪਰਲੇ ਕ੍ਰਮ ਦੇ ਬੱਲੇਬਾਜ਼ਾਂ ਦਾ ਸਭ ਤੋਂ ਖ਼ਰਾਬ ਪ੍ਰਦਰਸ਼ਨ
ਇਸ ਮੈਚ ਵਿਚ ਭਾਰਤ ਦੇ ਪਹਿਲੇ ਤਿੰਨ ਵਿਕਟ 3. 1 ਓਵਰਾਂ ਵਿਚ 5 ਦੌੜਾਂ 'ਤੇ ਹੀ ਡਿੱਗ ਗਏ | ਸ਼ੁਰੂਆਤੀ 19 ਗੇਂਦਾਂ ਵਿਚ ਰੋਹਿਤ, ਰਾਹੁਲ ਅਤੇ ਕੋਹਲੀ ਆਊਟ ਹੋ ਗਏ | ਇਸ ਤੋਂ ਪਹਿਲਾਂ ਜਨਵਰੀ 2010 ਵਿਚ ਸ੍ਰੀਲੰਕਾ ਿਖ਼ਲਾਫ਼ ਭਾਰਤ ਦੇ ਸ਼ੁਰੂਆਤੀ 3 ਵਿਕਟ 3.3 ਓਵਰਾਂ ਵਿਚ ਡਿੱਗੇ ਸਨ | ਨਿਊਜ਼ੀਲੈਂਡ ਦੇ ਬੋਲਟ ਅਤੇ ਹੈਨਰੀ ਨੇ ਪਹਿਲੇ 10 ਓਵਰਾਂ ਵਿਚ ਕੇਵਲ 24 ਦੌੜਾਂ ਦਿੱਤੀਆਂ | ਦੋਵਾਂ ਗੇਂਦਬਾਜ਼ਾਂ ਨੇ 4 ਭਾਰਤੀ ਬੱਲੇਬਾਜ਼ਾਂ ਨੂੰ ਬਾਹਰ ਦਾ ਰਸਤਾ ਦਿਖਾਇਆ | ਹੈਨਰੀ ਨੇ ਜਿੱਥੇ ਰੋਹਿਤ, ਰਾਹੁਲ ਅਤੇ ਕਾਰਤਿਕ ਨੂੰ ਆਊਟ ਕੀਤਾ ਉੱਥੇ ਬੋਲਟ ਨੇ ਭਾਰਤੀ ਕਪਤਾਨ ਨੂੰ ਸਸਤੇ 'ਚ ਬਾਹਰ ਕੀਤਾ |
ਜਡੇਜਾ ਦਾ ਆਊਟ ਹੋਣਾ
ਟੀਮ ਦਾ ਸਕੋਰ ਜਦੋਂ 47.5 ਓਵਰਾਂ ਵਿਚ 208 ਸੀ ਉਸ ਸਮੇਂ ਜਡੇਜਾ ਆਊਟ ਹੋ ਗਏ | ਬੋਲਟ ਦੀ ਗੇਂਦ 'ਤੇ ਵੱਡਾ ਸ਼ਾਟ ਮਾਰਨ ਦੀ ਚੱਕਰ ਵਿਚ ਉਹ ਵਿਲੀਅਮਸਨ ਨੂੰ ਕੈਚ ਦੇ ਬੈਠੇ | ਇੱਥੋਂ ਭਾਰਤ ਨੂੰ ਜਿੱਤ ਲਈ 31 ਦੌੜਾਂ ਬਣਾਉਣੀਆਂ ਸਨ |
ਧੋਨੀ ਦਾ ਰਨ ਆਊਟ ਹੋਣਾ
ਜਡੇਜਾ ਦਾ ਆਊਟ ਹੋਣ ਤੋਂ ਬਾਅਦ ਧੋਨੀ ਨੇ ਅਗਲੇ ਹੀ ਓਵਰ ਵਿਚ ਫਰਗੁਸਨ ਦੀ ਪਹਿਲੀ ਗੇਂਦ 'ਤੇ ਛੱਕਾ ਮਾਰਿਆ | ਇਸ ਤੋਂ ਬਾਅਦ ਦੂਸਰੀ ਗੇਂਦ ਖਾਲੀ ਚਲੀ ਗਈ ਅਤੇ ਤੀਸਰੀ ਗੇਂਦ 'ਤੇ ਦੋ ਦੌੜਾਂ ਲੈਣ ਦੇ ਚੱਕਰ ਵਿਚ ਉਹ ਰਨ ਆਊਟ ਹੋ ਗਏ | ਮਾਰਟਿਨ ਗੁਪਟਿਲ ਵਲੋਂ ਮਾਰੀ ਗਈ ਸਟੀਕ ਥ੍ਰੋ ਨੇ ਇਸ ਤਜ਼ਰਬੇਕਾਰ ਭਾਰਤੀ ਖਿਡਾਰੀ ਨੂੰ ਪੈਵਿਲੀਅਨ ਭੇਜ ਦਿੱਤਾ |
ਇਕ ਸਮੇਂ ਭਾਰਤੀ ਟੀਮ 24 ਦੌੜਾਂ 'ਤੇ 4 ਵਿਕਟਾਂ ਗਵਾ ਚੁੱਕੀ ਸੀ ਅਤੇ ਇਸ ਤੋਂ ਬਾਅਦ ਪੰਤ ਅਤੇ ਪਾਂਡਿਆ ਨੇ ਪੰਜਵੀਂ ਵਿਕਟ ਲਈ 47 ਦੌੜਾਂ ਦੀ ਸਾਂਝੇਦਾਰੀ ਕੀਤੀ | ਇਸ ਤਰ੍ਹਾਂ ਲੱਗ ਰਿਹਾ ਸੀ ਕਿ ਇਹ ਦੋਵੇਂ ਸੈਟ ਹੋ ਗਏ ਹਨ ਤਾਂ ਪੰਤ ਅਤੇ ਪਾਂਡਿਆ ਥੋੜੀ-ਥੋੜੀ ਸਮੇਂ ਦਾ ਅੰਤਰ ਨਾਲ ਸੈਂਟਨਰ ਦੀਆਂ ਗੇਂਦਾਂ 'ਤੇ ਆਊਟ ਹੋ ਗਏ |
ਧੋਨੀ ਨੇ ਆਖਰੀ ਵਿਸ਼ਵ ਕੱਪ ਮੈਚ 'ਚ ਲਗਾਇਆ ਅਰਧ ਸੈਂਕੜਾ
ਇਹ ਧੋਨੀ ਦਾ ਆਖਰੀ ਵਿਸ਼ਵ ਕੱਪ ਮੈਚ ਸੀ | ਉਸ ਨੇ 72 ਗੇਂਦਾਂ ਵਿਚ 50 ਦੌੜਾਂ ਬਣਾਈਆਂ | ਧੋਨੀ ਨੇ ਇਸ ਵਿਸ਼ਵ ਕੱਪ ਵਿਚ 9 ਮੈਚਾਂ ਵਿਚ 45.50 ਦੀ ਔਸਤ ਨਾਲ 297 ਦੌੜਾਂ ਬਣਾਈਆਂ | ਵਿਕਟ ਕੀਪਿੰਗ ਵਿਚ ਉਨ੍ਹਾਂ ਨੇ 7 ਕੈਚ ਅਤੇ 3 ਸਟੰਪ ਕੀਤੇ | ਧੋਨੀ ਨੇ ਪਹਿਲੀ ਵਾਰ 2007 ਵਿਚ ਵਿਸ਼ਵ ਕੱਪ ਖੇਡਿਆ ਸੀ | 2011 ਦੇ ਵਿਸ਼ਵ ਕੱਪ ਫਾਈਨਲ ਵਿਚ ਧੋਨੀ ਨੇ ਨਾਬਾਦ 91 ਦੌੜਾਂ ਬਣਾਈਆਂ ਸਨ ਅਤੇ ਉਹ ਕਪਤਾਨ ਸਨ |
ਕੋਹਲੀ ਲਗਾਤਾਰ ਤੀਸਰੇ ਸੈਮੀਫਾਈਨਲ ਵਿਚ ਫਲਾਪ
ਵਿਰਾਟ ਕੋਹਲੀ ਆਪਣੇ ਵਿਸ਼ਵ ਕੱਪ ਕਰੀਅਰ ਵਿਚ ਲਗਾਤਾਰ ਤੀਸਰੀ ਵਾਰ ਸੈਮੀਫਾਈਨਲ ਵਿਚ ਨਹੀਂ ਚੱਲੇ | ਇਸ ਤੋਂ ਪਹਿਲਾਂ 2011 ਵਿਚ ਪਾਕਿਸਤਾਨ ਿਖ਼ਲਾਫ਼ ਸੈਮੀਫਾਈਨਲ ਵਿਚ ਉਹ 9 ਦੌੜਾਂ ਬਣ ਸਕੇ ਸਨ | 2015 ਵਿਚ ਆਸਟ੍ਰੇਲੀਆ ਿਖ਼ਲਾਫ਼ ਸੈਮੀਫਾਈਨਲ ਵਿਚ ਉਹ 1 ਦੌੜ ਅਤੇ ਇਸ ਵਾਰ ਵੀ ਉਹ ਨਿਊਜ਼ੀਲੈਂਡ ਿਖ਼ਲਾਫ਼ 1 ਦੌੜ ਬਣਾ ਸਕੇ |
ਜਡੇਜਾ ਵਿਸ਼ਵ ਕੱਪ ਵਿਚ ਸਭ ਤੋਂ ਜ਼ਿਆਦਾ ਦੌੜਾਂ ਬਚਾਉਣ ਵਾਲੇ ਫੀਲਡਰ
ਜਡੇਜਾ ਇਸ ਵਿਸ਼ਵ ਕੱਪ ਵਿਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਫੀਲਡਰ ਬਣ ਗਏ ਹਨ | ਉਨ੍ਹਾਂ ਨੇ ਫਿਲਡਿੰਗ ਦੌਰਾਨ ਟੀਮ ਲਈ 41 ਦੌੜਾਂ ਬਚਾਈਆਂ |
*ਜਡੇਜਾ ਵਿਸ਼ਵ ਕੱਪ ਵਿਚ 2 ਮੈਚਾਂ ਵਿਚ ਟੀਮ ਇੰਡੀਆ ਲਈ ਖੇਡੇ ਹਨ ਪਰ ਉਹ ਬਾਕੀ ਮੈਚਾਂ ਵਿਚ ਸਬਸੀਟਿਊਟ ਫੀਲਡਰ ਦੇ ਤੌਰ 'ਤੇ ਮੈਦਾਨ ਵਿਚ ਆਉਂਦੇ ਰਹੇ |
ਦੂਜੇ ਪਾਸੇ ਵਿਲੀਅਮਸਨ ਇਕ ਵਿਸ਼ਵ ਕੱਪ ਵਿਚ ਨਿਊਜ਼ੀਲੈਂਡ ਲਈ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਬਣੇ | ਉਨ੍ਹਾਂ ਨੇ ਇਸ ਵਿਸ਼ਵ ਕੱਪ ਵਿਚ ਹੁਣ ਤੱਕ 548 ਦੌੜਾਂ ਬਣਾ ਦਿੱਤੀਆਂ ਹਨ | ਉਨ੍ਹਾਂ ਨੇ ਗੁਪਟਿਲ ਦਾ ਰਿਕਾਰਡ ਤੋੜਿਆ ਹੈ | ਗੁਪਟਿਲ ਨੇ 2015 ਵਿਚ 547 ਦੌੜਾਂ ਬਣਾਈਆਂ ਸਨ |
ਮਾਨਚੈਸਟਰ-ਮਹਿੰਦਰ ਸਿੰਘ ਧੋਨੀ ਕਦੋਂ ਸੰਨਿਆਸ ਲੈਣਗੇ ਬਾਰੇ ਜਦੋਂ ਪੱਤਰਕਾਰਾਂ ਨੇ ਕੋਹਲੀ ਨੂੰ ਪੁੱਛਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਧੋਨੀ ਨੇ ਅਜੇ ਤੱਕ ਸੰਨਿਆਸ ਬਾਰੇ ਕੁਝ ਨਹੀਂ ਦੱਸਿਆ | ਜਦੋਂ ਕੋਹਲੀ ਨੂੰ ਪੁੱਛਿਆ ਕਿ ਇਸ ਮੈਚ ਵਿਚ ਧੋਨੀ ਨੂੰ ਹਾਰਦਿਕ ਤੋਂ ...
ਨਵੀਂ ਦਿੱਲੀ-ਟੀਮ ਇੰਡੀਆ ਦੇ ਮੈਚ ਹਾਰਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਟੀਮ ਨੂੰ ਵਿਸ਼ਵ ਕੱਪ ਵਿਚ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀ | ਉਨ੍ਹਾਂ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕਿ ਜਿੱਤ-ਹਾਰ ਜੀਵਨ ਦਾ ਹਿੱਸਾ ਹਨ, ਅਸੀਂ ਭਾਰਤੀ ਟੀਮ ...
ਪਟਿਆਲਾ, 10 ਜੁਲਾਈ (ਚਹਿਲ)-ਖੇਡ ਵਿਭਾਗ ਪੰਜਾਬ ਵਲੋਂ ਸ੍ਰੀ ਗੁਰੂ ਨਾਨਕ ਦੇਵ ਦੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਸਬ-ਡਵੀਜ਼ਨ ਪੱਧਰ 'ਤੇ ਉਮਰ ਵਰਗ ਅੰਡਰ-14, ਅੰਡਰ-18 ਅਤੇ ਅੰਡਰ-25 (ਲੜਕੇ ਤੇ ਲੜਕੀਆਂ) ਦੇ ਕਬੱਡੀ ਮੁਕਾਬਲੇ (ਨੈਸ਼ਨਲ ਸਟਾਈਲ) 20 ਜੁਲਾਈ ਤੱਕ ਕਰਵਾਏ ...
Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered
by REFLEX