ਤਾਜਾ ਖ਼ਬਰਾਂ


ਲੁਟੇਰਿਆ ਵੱਲੋਂ ਟਰੱਕ ਡਰਾਈਵਰ ਨਾਲ ਲੁੱਟ
. . .  1 day ago
ਨਾਭਾ, 17 ਫਰਵਰੀ (ਅਮਨਦੀਪ ਸਿੰਘ ਲਵਲੀ) - ਨਾਭਾ ਵਿਖੇ 4-5 ਅਣਪਛਾਤੇ ਲੁਟੇਰੇ ਇੱਕ ਟਰੱਕ ਡਰਾਈਵਰ ਨਾਲ ਮਾਰਕੁੱਟ ਕਰਨ ਤੋਂ ਬਾਅਦ ਉਸ ਕੋਲੋਂ 5ਹਜਾਰ ਦੀ ਨਗਦੀ, ਮੋਬਾਈਲ ਫ਼ੋਨ...
ਰਾਜਸਥਾਨ 'ਚ ਸਵਾਈਨ ਫਲੂ ਕਾਰਨ ਇਸ ਸਾਲ 127 ਮੌਤਾਂ
. . .  1 day ago
ਜੈਪੁਰ, 17 ਫਰਵਰੀ - ਰਾਜਸਥਾਨ 'ਚ ਸਵਾਈਨ ਫਲੂ ਕਾਰਨ ਇਸ ਸਾਲ 127 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ ਸਵਾਈਨ ਫਲੂ ਦੇ 3508 ਮਰੀਜ਼ਾਂ ਦੀ ਪੁਸ਼ਟੀ ਹੋ ਚੁੱਕੀ...
ਦਿਲਜੀਤ ਦੁਸਾਂਝ ਵਲੋਂ ਸ਼ਹੀਦ ਜਵਾਨਾਂ ਦੇ ਪਰਿਵਾਰਾਂ ਨੂੰ ਮਦਦ
. . .  1 day ago
ਨਵੀਂ ਦਿੱਲੀ, 17 ਫਰਵਰੀ - ਮੀਡੀਆ ਰਿਪੋਰਟਾਂ ਮੁਤਾਬਿਕ ਦੇਸ਼ ਵਿਦੇਸ਼ ਵਿਚ ਮਕਬੂਲ ਪੰਜਾਬੀ ਸਿੰਗਰ ਦਿਲਜੀਤ ਦੁਸਾਂਝ ਨੇ ਪੁਲਵਾਮਾਂ ਦੇ ਸ਼ਹੀਦ ਜਵਾਨਾਂ ਦੇ ਪਰਿਵਾਰਾਂ ਲਈ ਆਰਥਿਕ ਮਦਦ ਦਾ ਐਲਾਨ ਕੀਤਾ ਹੈ। ਦਿਲਜੀਤ ਦੁਸਾਂਝ ਨੇ ਸੀ.ਆਰ.ਪੀ.ਐਫ. ਵਾਈਫਜ਼ ਵੈਲਫੇਅਰ...
ਪੁਲਵਾਮਾ ਹਮਲੇ 'ਤੇ ਜਸ਼ਨ ਮਨਾਉਣ 'ਤੇ 4 ਵਿਦਿਆਰਥਣਾਂ ਨੂੰ ਸਿੱਖਿਆ ਅਦਾਰੇ ਤੋਂ ਕੀਤਾ ਸਸਪੈਂਡ
. . .  1 day ago
ਜੈਪੁਰ, 17 ਫਰਵਰੀ - ਪੁਲਵਾਮਾ 'ਚ ਸੀ.ਆਰ.ਪੀ.ਐਫ. ਜਵਾਨਾਂ ਦੇ ਕਾਫ਼ਲੇ 'ਤੇ ਹੋਏ ਕਾਇਰਤਾ ਭਰੇ ਅੱਤਵਾਦੀ ਹਮਲੇ ਤੋਂ ਬਾਅਦ ਇੱਥੇ ਇਕ ਨਿੱਜੀ ਸੰਸਥਾ ਦੀਆਂ 4 ਕਸ਼ਮੀਰੀ ਵਿਦਿਆਰਥਣਾਂ ਵੱਲੋਂ ਜਸ਼ਨ ਮਨਾਏ ਜਾਣ 'ਤੇ ਸੰਸਥਾ ਨੇ ਇਨ੍ਹਾਂ ਚਾਰ ਪੈਰਾਮੈਡੀਕਲ ਵਿਦਿਆਰਥਣਾਂ...
ਔਰਤ ਦਾ ਕਤਲ, ਪਤੀ ਦੀ ਕੀਤੀ ਜਾ ਰਹੀ ਹੈ ਤਲਾਸ਼
. . .  1 day ago
ਜਲੰਧਰ, 17 ਫਰਵਰੀ - ਜਲੰਧਰ ਦੀ ਬਸਤੀ ਪੀਰ ਦਾਦ 'ਚ ਇਕ ਪਤੀ ਆਪਣੀ ਪਤਨੀ ਨੂੰ ਕਥਿਤ ਤੌਰ 'ਤੇ ਕਤਲ ਕਰਕੇ ਘਰ ਨੂੰ ਕੁੰਡੀ ਲਗਾ ਕੇ ਭੱਜ ਗਿਆ। ਘਟਨਾ ਦਾ ਖੁਲਾਸਾ ਉਸ ਵਕਤ ਹੋਇਆ। ਜਦੋਂ ਘਰ ਤੋਂ ਬਦਬੂ ਆਈ। ਫਿਲਹਾਲ ਥਾਣਾ ਬਸਤੀ ਬਾਵਾ ਖੇਲ ਦੀ ਪੁਲਿਸ...
ਚੀਫ਼ ਖ਼ਾਲਸਾ ਦੀਵਾਨ ਦੇ ਸ. ਨਿਰਮਲ ਸਿੰਘ ਬਣੇ ਨਵੇਂ ਪ੍ਰਧਾਨ
. . .  1 day ago
ਅੰਮ੍ਰਿਤਸਰ, 17 ਫਰਵਰੀ (ਜੱਸ) - ਚੀਫ਼ ਖ਼ਾਲਸਾ ਦੀਵਾਨ ਦੇ ਪ੍ਰਧਾਨ ਸਮੇਤ ਹੋਰ ਅਹੁਦੇਦਾਰਾਂ ਦੀਆਂ ਹੋਈਆਂ ਚੋਣਾਂ ਵਿਚ ਅਣਖੀ ਮਜੀਠਾ ਗਰੁੱਪ ਦੇ ਸ. ਨਿਰਮਲ ਸਿੰਘ ਜੇਤੂ ਕਰਾਰ ਦਿੱਤੇ ਗਏ ਹਨ। ਉਨ੍ਹਾਂ ਨੇ ਆਪਣੇ ਵਿਰੋਧੀ ਸਰਬਜੀਤ ਸਿੰਘ ਨੂੰ 33 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ...
ਭਾਰਤ 'ਚ ਦੇਖਣ ਨੂੰ ਨਹੀਂ ਮਿਲੇਗਾ 'ਪਾਕਿਸਤਾਨ ਸੁਪਰ ਲੀਗ' ਦਾ ਪ੍ਰਸਾਰਨ, ਡੀ ਸਪੋਰਟ ਨੇ ਲਗਾਈ ਰੋਕ
. . .  1 day ago
ਨਵੀਂ ਦਿੱਲੀ, 17 ਫਰਵਰੀ- ਜੰਮੂ ਕਸ਼ਮੀਰ ਦੇ ਪੁਲਵਾਮਾ 'ਚ ਸੀ.ਆਰ.ਪੀ.ਐਫ 'ਤੇ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਭਾਰਤ ਸਰਕਾਰ ਇਸ ਦਾ ਮੂੰਹ ਤੋੜ ਜਵਾਬ ਦੇਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਦਾ ਅਸਰ ਹੁਣ ਸਪੋਰਟਸ 'ਤੇ ਦੇਖਣ ਨੂੰ ਮਿਲ ਰਿਹਾ ....
ਖੰਨਾ 'ਚ ਸਵਾਈਨ ਫਲੂ ਕਾਰਨ ਔਰਤ ਦੀ ਹੋਈ ਮੌਤ
. . .  1 day ago
ਖੰਨਾ, 17 ਫਰਵਰੀ (ਹਰਜਿੰਦਰ ਸਿੰਘ ਲਾਲ)- ਸਵਾਈਨ ਫਲੂ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਅਜਿਹਾ ਹੀ ਮਾਮਲਾ ਖੰਨਾ 'ਚ ਸਾਹਮਣੇ ਆਇਆ ਹੈ ਜਿੱਥੇ ਇਸ ਬਿਮਾਰੀ ਕਾਰਨ ਬੀਤੀ ਰਾਤ 56 ਸਾਲ ਦੀ ਸੁਰਿੰਦਰ ਕੌਰ ....
ਇਟਲੀ 'ਚ ਪੰਜਾਬੀ ਨੌਜਵਾਨ ਦਾ ਗੋਲੀਆਂ ਮਾਰ ਕੇ ਕਤਲ, ਇੱਕ ਜ਼ਖਮੀ
. . .  1 day ago
ਮਿਲਾਨ(ਇਟਲੀ) 17 ਫਰਵਰੀ ( ਇੰਦਰਜੀਤ ਸਿੰਘ ਲੁਗਾਣਾ) - ਇਟਲੀ 'ਚ ਬੀਤੇ ਦਿਨੀਂ ਇਕ ਪੰਜਾਬੀ ਦੇ ਹੋਏ ਕਤਲ ਦਾ ਮਾਮਲਾ ਅਜੇ ਠੰਢਾ ਨਹੀ ਸੀ ਪਿਆ ਕਿ ਕਲ ਇਕ ਹੋਰ ਆਪਸੀ ਝਗੜੇ 'ਚ ਇਕ ਪੰਜਾਬੀ ਵੱਲੋਂ ਆਪਣੇ ਹੀ ਇਕ ਪੰਜਾਬੀ ਭਰਾ ਨੂੰ ਬੇਦਰਦੀ ਨਾਲ ....
'ਆਪ' ਵਿਧਾਇਕਾ ਬਲਜਿੰਦਰ ਕੌਰ ਦੇ ਵਿਆਹ ਸਮਾਗਮ 'ਚ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ ਆਗੂਆਂ ਨੇ ਕੀਤੀ ਸ਼ਮੂਲੀਅਤ
. . .  1 day ago
ਬਠਿੰਡਾ, 17 ਫਰਵਰੀ (ਕਮਲਜੀਤ ਸਿੰਘ) - ਆਮ ਆਦਮੀ ਪਾਰਟੀ ਦੀ ਵਿਧਾਇਕਾ ਬੀਬਾ ਬਲਜਿੰਦਰ ਕੌਰ ਦਾ ਅੱਜ ਮਾਝਾ ਜ਼ੋਨ ਦੇ ਪ੍ਰਧਾਨਸੁਖਰਾਜ ਸਿੰਘ ਬਲ ਨਾਲ ਵਿਆਹ ਹੋ ਗਿਆ ਹੈ। ਉਨ੍ਹਾਂ ਦਾ ਵਿਆਹ ਸਮਾਗਮ ਬਹੁਤ ਹੀ ਸਾਦੇ ਢੰਗ ਨਾਲ ਸੰਪੂਰਨ ਹੋਇਆ। ਇਸ ਮੌਕੇ ਵੱਖ-ਵੱਖ .....
ਹੋਰ ਖ਼ਬਰਾਂ..
ਜਲੰਧਰ : ਸ਼ੁੱਕਰਵਾਰ 18 ਫੱਗਣ ਨਾਨਕਸ਼ਾਹੀ ਸੰਮਤ 544
ਵਿਚਾਰ ਪ੍ਰਵਾਹ: ਮੇਰਾ ਵਿਸ਼ਵਾਸ ਹੈ ਕਿ ਚਿੰਤਾ ਜੀਵਨ ਦੀ ਦੁਸ਼ਮਣ ਹੈ। -ਸ਼ੇਕਸਪੀਅਰ

ਪਰਵਾਸੀ ਸਮਸਿਆਵਾਂ

25-2-2013

ਅਵਾਰਾ ਕੁੱਤਿਆਂ ਦੀ ਸਮੱਸਿਆ
ਮੈਂ 'ਅਜੀਤ' ਦਾ ਪੱਕਾ ਪਾਠਕ ਹਾਂ। ਮੈਨੂੰ ਇਸ 'ਤੇ ਮਾਣ ਹੈ ਕਿਉਂਕਿ ਮੈਨੂੰ ਇਸ ਤੋਂ ਦੁਨੀਆ ਭਰ ਦੀ ਜਾਣਕਾਰੀ ਮਿਲਦੀ ਹੈ। ਜਦੋਂ ਅਵਾਰਾ ਕੁੱਤਿਆਂ ਵੱਲੋਂ ਕਿਸੇ ਬੱਚੇ ਜਾਂ ਬਜ਼ੁਰਗ ਨੂੰ ਨੁਕਸਾਨ ਪਹੁੰਚਾਏ ਜਾਣ ਦੀ ਖਬਰ ਮਿਲਦੀ ਹੈ ਤਾਂ ਬਹੁਤ ਦੁੱਖ ਹੁੰਦਾ ਹੈ। 'ਹੱਡਾ ਰੋੜੀ' 'ਚੋਂ ਮਾਸ ਨਾ ਮਿਲਣ 'ਤੇ ਇਹ ਕੁੱਤੇ ਸ਼ੇਰਾਂ ਅਤੇ ਬਘਿਆੜਾਂ ਵਾਂਗ ਸ਼ਿਕਾਰ ਕਰਦੇ ਹਨ। ਹੱਡਾ ਰੋੜੀਆਂ ਲਈ ਪ੍ਰਬੰਧ ਹੀ ਅਜਿਹਾ ਹੋਣਾ ਚਾਹੀਦਾ ਹੈ ਕਿ ਅਵਾਰਾ ਕੁੱਤੇ ਉਥੇ ਪਹੁੰਚ ਹੀ ਨਾ ਸਕਣ ਅਤੇ ਇਸ ਤਰ੍ਹਾਂ ਉਨ੍ਹਾਂ ਦੇ ਮੂੰਹ ਨੂੰ ਲਹੂ ਨਾ ਲੱਗੇ ਤੇ ਉਹ ਮੀਟ ਖਾਣ ਦੇ ਆਦੀ ਨਾ ਹੋਣ। ਸਰਕਾਰ ਇਸ ਸਮੱਸਿਆ ਦੇ ਹੱਲ ਲਈ ਤੁਰੰਤ ਲੋੜੀਂਦੇ ਉਪਰਾਲੇ ਕਰੇ।

ਹਰਬੰਸ ਸਿੰਘ ਗਰੇਵਾਲ
ਸਰੀ ਬੀ. ਸੀ.
ਕੈਨਡਾ
Email : harb_2001@hotmail.com

20-2-2013

 ਗੱਲ ਰੇਲ ਟਿਕਟਾਂ ਦੀ

ਮੈਂ ਪਿਛਲੇ 1 ਹਫ਼ਤੇ ਤੋਂ ਦਿੱਲੀ ਤੋਂ ਲੁਧਿਆਣੇ ਤੱਕ ਦੀ ਰੇਲ ਟਿਕਟ ਬੁੱਕ ਕਰਨ ਦਾ ਯਤਨ ਕਰ ਰਿਹਾ ਹਾਂ। ਮੈਂ ਆਈ. ਆਰ. ਸੀ. ਟੀ. ਸੀ. ਨੂੰ ਈਮੇਲ ਵੀ ਭੇਜੀ ਪਰ ਉਨ੍ਹਾਂ ਨੇ ਮੇਰੀ ਕੋਈ ਮਦਦ ਨਹੀਂ ਕੀਤੀ। ਭਾਰਤੀ ਪਤੇ ਅਤੇ ਮੋਬਾਈਲ ਨੰਬਰ ਤੋਂ ਬਿਨਾਂ ਟਿਕਟ ਬੁੱਕ ਨਹੀਂ ਹੁੰਦੀ ਜੋ ਕਿ ਮੇਰੇ ਕੋਲ ਨਹੀਂ ਹੈ। ਜਦੋਂ ਮੈਂ ਆਪਣੇ ਖਾਤੇ ਵਿਚ ਲਾਗ ਕਰਨਾ ਚਾਹਿਆ ਤਾਂ 'ਐਰਰ' ਆਉਂਦੀ। ਮੈਂ ਪਾਸਵਰਡ ਦੁਬਾਰਾ ਸੈੱਟ ਕਰਨ ਲਈ ਕਿਹਾ ਤਾਂ ਉਨ੍ਹਾਂ ਪਾਸਵਰਡ ਹੀ ਬਦਲ ਦਿੱਤਾ ਜੋ ਕੰਮ ਹੀ ਨਹੀਂ ਕਰਦਾ। ਮੈਂ 2 ਟਿਕਟਾਂ ਹੀ ਬੁੱਕ ਕਰਾਉਣਾ ਚਾਹੁੰਦਾ ਹਾਂ ਪਰ ਭਾਰਤ ਵਿਚ ਅਜਿਹਾ ਹੋਣਾ ਵੀ ਅਸੰਭਵ ਜਾਪਦਾ ਹੈ।

ਗੁਰਪ੍ਰੀਤ
ਬਰੈਂਪਟਨ
ਕੈਨੇਡਾ
Email : ggpgill@yahoo.com

 

15-2-2013

 ਕਿਉਂ?
ਭਾਰਤ ਵਿਚ 'ਫਾਂਸੀ' ਸਿਰਫ ਘੱਟ ਗਿਣਤੀਆਂ ਲਈ ਹੀ ਕਿਉਂ ਹੈ? ਅੱਤਵਾਦੀਆਂ ਦੇ ਪੈਦਾ ਹੋਣ ਦੇ ਕਾਰਨਾਂ ਲਈ ਕੌਣ ਜ਼ਿੰਮੇਵਾਰ ਹੈ? ਬਾਬਰੀ ਮਸਜਿਦ ਢਾਹੁਣ ਵਾਲਿਆਂ ਅਤੇ 1984 ਵਿਚ ਹਜ਼ਾਰਾਂ ਸਿੱਖਾਂ ਦਾ ਕਤਲੇਆਮ ਕਰਨ ਵਾਲਿਆਂ ਨੂੰ ਹੁਣ ਤੱਕ ਸਜ਼ਾਵਾਂ ਕਿਉਂ ਨਹੀਂ ਦਿੱਤੀਆਂ ਗਈਆਂ? ਕੀ ਭਾਰਤ ਦੇ ਸਿਆਸੀ ਪ੍ਰਬੰਧ ਦੇ ਨਾਲ-ਨਾਲ ਨਿਆਇਕ ਪ੍ਰਬੰਧ 'ਚ ਵੀ ਵਿਤਕਰਾ ਭਾਰੂ ਹੈ? ਮੈਂ ਕਿਸੇ ਤਰ੍ਹਾਂ ਦੀ ਹਿੰਸਾ ਦੇ ਹੱਕ ਵਿਚ ਨਹੀਂ ਪਰ ਕੁਝ ਸਹੀ ਸਵਾਲਾਂ ਦੇ ਸਹੀ ਜਵਾਬ ਮਿਲਣੇ ਜ਼ਰੂਰੀ ਹਨ।

ਸਤਵਿੰਦਰ ਸਿੰਘ
ਕੈਨੇਡਾ

Email : satkhunkhun@hotmail.com

ਆਸਟ੍ਰੇਲੀਆ ਤੇ ਅੰਗਰੇਜ਼ੀ
ਮੈਂ 5 ਸਾਲ ਤੋਂ ਆਸਟ੍ਰੇਲੀਆ ਵਿਚ ਹਾਂ। ਇਹ ਇਕ ਬਹੁਤ ਵਧੀਆ ਦੇਸ਼ ਹੈ। ਮੈਂ ਇਹੀ ਕਹਿਣਾ ਚਾਹੁੰਦੀ ਹਾਂ ਕਿ ਆਸਟ੍ਰੇਲੀਆ ਜ਼ਰੂਰ ਆਓ ਪਰ ਅੰਗਰੇਜ਼ੀ ਸਿੱਖ ਕੇ।

ਗੁਰਪ੍ਰੀਤ
ਐਡੀਲੈਡ
ਆਸਟ੍ਰੇਲੀਆ

Email : Gurpreet13884@gmail.com

ਪਰਵਾਸੀ ਸਮਸਿਆਵਾਂ 10-2-2013

 ਰੇਤ ਸਬੰਧੀ ਘਾਲਾ-ਮਾਲਾ

ਮੇਰੇ ਭਾਰਤ ਵਿਚਲੇ ਰਿਸ਼ਤੇਦਾਰਾਂ ਨੇ ਦੱਸਿਆ ਹੈ ਕਿ ਉਧਾਰੀ ਲਈ ਲੋੜੀਂਦੀ ਰੇਤ 10,000 ਰੁਪਏ ਪ੍ਰਤੀ ਟਰਾਲੀ ਮਿਲ ਰਹੀ, ਜੋ ਕਿ ਅੱਧੀ ਰਾਤ ਨੂੰ ਰਾਤ ਦੇ ਹਨੇਰੇ ਵਿਚ ਲਾਹੀ ਜਾਂਦੀ ਹੈ। ਇਹ ਸਭ ਕੁਝ ਅਧਿਕਾਰੀਆਂ ਦੀ ਮਿਲੀਭੁਗਤ ਤੋਂ ਬਿਨਾਂ ਕਿਵੇਂ ਸੰਭਵ ਹੈ। ਪਿਛਲੇ ਸਾਲ ਇਕ ਟਰਾਲੀ 1000 ਰੁਪਏ ਦੀ ਮਿਲਦੀ ਸੀ। ਹੁਣ ਅਜਿਹਾ ਇਸ ਲਈ ਹੋ ਰਿਹਾ ਹੈ ਕਿ ਪੈਸੇ ਕਈ ਜੇਬਾਂ ਵਿਚ ਜਾਂਦੇ ਹਨ। 'ਮੇਰਾ ਭਾਰਤ ਮਹਾਨ' ਵਿਚ ਸਰਕਾਰੀ ਵਿਭਾਗਾਂ ਵਿਚਲਾ ਭ੍ਰਿਸ਼ਟਾਚਾਰ ਹੁਣ ਇਕ ਆਮ ਵਰਤਾਰਾ ਹੋ ਗਿਆ ਹੈ।

ਦਰਸ਼ਨ ਸਿੰਘ ਧਾਲੀਵਾਲ
ਕੈਲਗਰੀ, ਕੈਨੇਡਾ
Email: darshan1840@gmail.com

8-2-2013

 ਮਾਪਿਆਂ ਨੂੰ ਅਪੀਲ
ਮੈਂ ਸਭ ਨੂੰ ਕਹਿਣਾ ਚਾਹੁੰਦੀ ਹਾਂ ਕਿ ਆਪਣੀਆਂ ਧੀਆਂ ਦੇ ਵਿਆਹ ਤੋਂ ਪਹਿਲਾਂ ਮਾਂ-ਬਾਪ ਨੂੰ ਮੁੰਡੇ ਬਾਰੇ ਸਭ ਕੁਝ ਪਤਾ ਕਰਨਾ ਚਾਹੀਦਾ ਹੈ। ਸਪੇਨ ਵਿਚ ਬਹੁਤ ਸਾਰੀਆਂ ਵਿਆਹੁਤਾ ਲੜਕੀਆਂ ਅਤੇ ਦੋ-ਦੋ, ਚਾਰ-ਚਾਰ ਬੱਚਿਆਂ ਦੀਆਂ ਮਾਵਾਂ ਦਰ-ਦਰ ਧੱਕੇ ਖਾ ਰਹੀਆਂ ਹਨ। ਇਥੋਂ ਦੀ ਸਰਕਾਰ ਬਹੁਤ ਮਦਦ ਕਰ ਰਹੀ ਹੈ। ਮਾਂ-ਬਾਪ ਵਿਦੇਸ਼ ਦੇ ਨਾਂਅ ਕਰਕੇ ਹੀ ਆਪਣੀਆਂ ਧੀਆਂ ਦਾ ਵਿਆਹ ਕਰ ਦਿੰਦੇ ਹਨ। ਪਰ ਨਸ਼ਿਆਂ ਨੇ ਅਜਿਹੇ ਬਹੁਤ ਸਾਰੇ ਮੁੰਡੇ ਤੇ ਘਰ ਬਰਬਾਦ ਕੀਤੇ ਹੋਏ ਹਨ। ਸੋ, ਆਪਣੀ ਧੀ ਦਾ ਰਿਸ਼ਤਾ ਸੋਚ-ਸਮਝ ਕੇ ਹੀ ਕਰੋ।

-ਪਰਮਜੀਤ ਕੌਰ
ਫਲੋਰੀਡਾ, ਸਪੇਨ
Email : kaurparmjit38@yahoo.com

 

1-2-2013

 ਅਫ਼ਗ਼ਾਨਿਸਤਾਨ ਨਾ ਆਓ
ਮੈਂ ਸਭ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ 'ਆਰਮੀ ਬੇਸ' ਵਿਚ ਕੰਮ ਕਰਨ ਲਈ ਅਫ਼ਗ਼ਾਨਿਸਤਾਨ ਨਾ ਆਓ, ਕਿਉਂਕਿ 2013 ਵਿਚ ਸਾਰੇ ਬੇਸ ਬੰਦ ਹੋ ਰਹੇ ਹਨ। ਹੁਣ ਇਥੇ ਆਉਣ ਲਈ ਤੁਸੀਂ ਆਪਣੇ ਪੈਸੇ ਖਰਾਬ ਨਾ ਕਰੋ। ਅਸੀਂ 'ਆਰਮੀ ਬੇਸ' ਵਿਚ ਕੰਮ ਕਰਦੇ ਹਾਂ। ਸਾਨੂੰ ਵੀ ਜੂਨ ਤੱਕ ਵਾਪਸ ਚਲੇ ਜਾਣ ਲਈ ਕਹਿ ਦਿੱਤਾ ਹੈ।


ਮਨਜੀਤ ਸਿੰਘ
ਅਫ਼ਗਾਨਿਸਤਾਨ
E-mail: s.manjit1989@gmail.com

 

22-1-2013

 ਅਫ਼ਗ਼ਾਨਿਸਤਾਨ ਵਿਚਲੇ ਫ਼ੌਜੀ ਕੈਂਪ

ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਜੋ ਸ਼ਾਕਾਹਾਰੀ ਹੈ ਉਸ ਨੂੰ ਅਫ਼ਗਾਨਿਸਤਾਨ ਵਿਚਲੇ ਫ਼ੌਜੀ ਕੈਂਪਾਂ ਵਿਚ ਨੌਕਰੀ ਲਈ ਨਹੀਂ ਆਉਣਾ ਚਾਹੀਦਾ ਕਿਉਂਕਿ ਇਥੇ ਸਿਰਫ਼ ਮਾਸਾਹਾਰੀ ਭੋਜਨ ਮਿਲਦਾ ਹੈ, ਸ਼ਾਕਾਹਾਰੀ ਭੋਜਨ ਬਹੁਤ ਘੱਟ ਮਿਲਦਾ ਹੈ। ਜੋ ਮਿਲਦਾ ਵੀ ਹੈ ਉਹ ਬਿਲਕੁਲ ਸਵਾਦ ਨਹੀਂ ਹੁੰਦਾ। ਸੋ, ਇਥੇ ਸੋਚ-ਸਮਝ ਕੇ ਆਓ। ਉਂਜ ਇਥੇ ਨੌਕਰੀ ਵਧੀਆ ਹੈ।

ਮਨਜੀਤ ਸਿੰਘ
ਅਫ਼ਗਾਨਿਸਤਾਨ

ਪ੍ਰਵਾਸੀ ਸਮੱਸਿਆਵਾਂ-21-1-2013

 ਸਵਾਗਤਯੋਗ ਖ਼ਬਰ

ਮੈਂ ਤੁਹਾਡਾ ਪੱਕਾ ਪਾਠਕ ਹਾਂ। ਬੀਤੇ ਦਿਨੀਂ ਮਿੰਨੀ ਬੱਸਾਂ ਵਿਚ ਚਲਦੇ ਅਸ਼ਲੀਲ ਗੀਤਾਂ ਵਿਰੁੱਧ ਛਪੀ ਖ਼ਬਰ ਸਵਾਗਤਯੋਗ ਹੈ। ਅੱਜਕਲ੍ਹ ਬਹੁਤ ਸਾਰੀਆਂ ਬੱਸਾਂ ਵਿਚ ਉੱਚੀ ਆਵਾਜ਼ 'ਚ ਅਸ਼ਲੀਲ ਗੀਤ ਚਲਾਏ ਜਾਂਦੇ ਹਨ। ਇਹ ਰੁਝਾਨ ਹਰ ਹਾਲ ਵਿਚ ਰੁਕਣਾ ਚਾਹੀਦਾ ਹੈ। ਮੈਨੂੰ ਖੁਸ਼ੀ ਹੋਵੇਗੀ ਜੇ ਤੁਸੀਂ ਇਹ ਖ਼ਬਰ ਦੁਬਾਰਾ ਪ੍ਰਕਾਸ਼ਿਤ ਕਰੋ ਅਤੇ ਅਜਿਹੇ ਗੀਤਾਂ 'ਤੇ ਪਾਬੰਦੀ ਲੱਗਣੀ ਯਕੀਨੀ ਬਣਾਓ।

ਹਰਪ੍ਰੀਤ ਸਿੰਘ
ਬਰਤਾਨੀਆ
Email: Harpreetdehal@hotmail.co.uk

ਦੂਤਾਵਾਸ ਦਾ ਰਵੱਈਆ

ਸਾਡੀ ਸਮੱਸਿਆ ਇਹੀ ਹੈ ਕਿ ਸਾਡਾ ਦੂਤਾਵਾਸ ਹੀ ਸਾਡਾ ਸਾਥ ਨਹੀਂ ਦਿੰਦਾ, ਜੇ ਕੋਈ ਯੂਰਪ ਦੀ ਲੜਕੀ ਨਾਲ ਵਿਆਹ ਕਰਵਾਉਣਾ ਚਾਹੁੰਦਾ ਹੈ ਤਾਂ ਸਾਡਾ ਦੂਤਾਵਾਸ ਉਸ ਨੂੰ ਕੋਈ ਪਾਸਪੋਰਟ ਜਾਂ ਹੋਰ ਲੋੜੀਂਦੇ ਦਸਤਾਵੇਜ਼ ਨਹੀਂ ਦਿੰਦਾ। ਸਰਕਾਰ ਨੂੰ ਅਪੀਲ ਹੈ ਕਿ ਉਹ ਦੂਤਾਵਾਸ ਦੇ ਮਾਮਲੇ ਨੂੰ ਜਵਾਬਦੇਹ ਬਣਾਏ।

ਗੁਰਪ੍ਰੀਤ ਸਿੰਘ
ਵਿਆਨਾ, ਅਸਟਰੀਆ
Email: randhawaboy77777@gmail.com

ਨਿਊਜ਼ੀਲੈਂਡ ਆਉਣ ਲਈ....

ਮੈਂ ਨਿਊਜ਼ੀਲੈਂਡ ਵਿਚ ਪਿਛਲੇ 5 ਸਾਲ ਤੋਂ ਰਹਿ ਰਿਹਾ ਹਾਂ। ਜੇ ਤੁਸੀਂ ਨਿਊਜ਼ੀਲੈਂਡ ਆਉਣਾ ਚਾਹੁੰਦੇ ਹੋ ਤਾਂ ਗਰੈਜੂਏਸ਼ਨ ਦੀ ਡਿਗਰੀ ਪੂਰੀ ਕਰਕੇ ਆਉ ਅਤੇ ਕੰਮ ਦਾ ਵੀ ਢੁਕਵਾਂ ਤਜਰਬਾ ਹਾਸਿਲ ਕਰਕੇ ਆਉ। ਇਸ ਤੋਂ ਬਿਨਾਂ ਕੰਮ ਅਤੇ ਪੀ. ਆਰ. ਮਿਲਣੀ ਮੁਸ਼ਕਿਲ ਹੈ। ਤੁਸੀਂ ਇਮੀਗਰੇਸ਼ਨ ਨਿਊਜ਼ੀਲੈਂਡ ਦੀ ਵੈੱਬਸਾਈਟ 'ਤੇ ਸਰਚ ਕਰ ਸਕਦੇ ਹੋ ਕਿ ਕਿਹੜੀ ਪੜ੍ਹਾਈ ਰਾਹੀਂ ਪੀ. ਆਰ. ਮਿਲ ਸਕਦੀ ਹੈ। ਪਰ ਕਦੇ ਭੁੱਲ ਕੇ ਵੀ ਕਿਸੇ ਏਜੰਟ 'ਤੇ ਭਰੋਸਾ ਨਾ ਕਰੋ।

ਜਿੰਦਾ ਸਰਾਏ
ਵੈਲਿੰਗਟਨ ਨਿਊਜ਼ੀਲੈਂਡ
Email: s.harry86@yahoo.co.nz

ਵਿਗੜਿਆ ਅਕਸ

ਮੈਂ ਰੋਜ਼ਾਨਾ 'ਅਜੀਤ' ਪੜ੍ਹਦੀ ਹਾਂ ਅਤੇ ਆਪਣੇ ਦੇਸ਼ ਦੀਆਂ ਖ਼ਬਰਾਂ ਨਾਲ ਜੁੜੀ ਰਹਿੰਦੀ ਹਾਂ। ਹਰੇਕ ਨੂੰ ਆਪਣੇ ਦੇਸ਼ ਦੇ ਸੱਭਿਆਚਾਰ 'ਤੇ ਮਾਣ ਹੁੰਦਾ ਹੈ, ਜੋ ਮੈਨੂੰ ਵੀ ਹੈ। ਪਰ ਦਿੱਲੀ ਵਿਚ ਵਾਪਰੀ ਸ਼ਰਮਨਾਕ ਘਟਨਾ ਤੋਂ ਬਾਅਦ ਇਹ ਸਵਾਲ ਬਣ ਗਿਆ ਹੈ ਕਿ ਕੀ ਸੱਚੀਂ ਸਾਡਾ ਦੇਸ਼ ਮਹਾਨ ਹੈ? ਇਸ ਘਟਨਾ ਨੇ ਵਿਦੇਸ਼ਾਂ ਵਿਚ ਵੀ ਭਾਰਤੀਆਂ ਦੇ ਅਕਸ ਨੂੰ ਸੱਟ ਮਾਰੀ ਹੈ। ਲੋਕਾਂ ਦਾ ਇਹ ਵਿਚਾਰ ਬਣ ਗਿਆ ਹੈ ਕਿ ਭਾਰਤ ਵਿਚ ਔਰਤ ਦੀ ਇੱਜ਼ਤ ਨਹੀਂ ਹੁੰਦੀ। ਉਸ ਨੂੰ ਇਕ ਵਸਤ ਸਮਝਿਆ ਜਾਂਦਾ ਹੈ। ਲੋੜ ਹੈ ਅਜਿਹੀਆਂ ਘਟਨਾਵਾਂ 'ਤੇ ਸਖ਼ਤੀ ਨਾਲ ਰੋਕ ਲਾਉਣ ਦੀ ਤਾਂ ਕਿ ਔਰਤ ਦਾ ਮਾਣ-ਸਨਮਾਨ ਹੋਵੇ ਅਤੇ ਬਾਕੀ ਮੁਲਕਾਂ ਸਾਹਮਣੇ ਵੀ ਸਾਡਾ ਅਕਸ ਨਾ ਵਿਗੜੇ।

ਸ਼ੈਲੀ ਬੰਗਾ
ਕੈਨੇਡਾ
Email: s_banga17@yahoo.ca

 

ਪਰਵਾਸੀ ਸਮਸਿਆਵਾਂ

 ਵਰਕ ਪਰਮਿਟ ਬਿਨਾਂ ਨਾ ਆਓ
ਮੈਂ ਕਹਿਣਾ ਚਾਹੁੰਦਾ ਹਾਂ ਭਾਰਤ ਤੋਂ ਟੂਰਿਸਟ ਵੀਜ਼ੇ 'ਤੇ ਇਥੇ ਨਾ ਆਓ, ਸਗੋਂ ਵਰਕ ਪਰਮਿਟ ਲੈ ਕੇ ਹੀ ਆਓ। ਵਰਕ ਪਰਮਿਟ ਤੋਂ ਬਿਨਾਂ ਇਥੇ ਕੰਮ ਮਿਲ ਤਾਂ ਜਾਂਦਾ ਹੈ ਪਰ ਪੁਲਿਸ ਵੀ ਫੜ ਲੈਂਦੀ ਹੈ ਅਤੇ ਮਾਲਕ ਵੀ ਪੈਸੇ ਨਹੀਂ ਦਿੰਦੇ। ਜੇਕਰ ਆਉਣਾ ਹੀ ਹੈ ਤਾਂ ਵਰਕ ਪਰਮਿਟ 'ਤੇ ਹੀ ਆਓ।

ਸਤਪਾਲ ਸਿੰਘ
ਕੁਆਲਾਲੰਪਰ (ਮਲੇਸ਼ੀਆ)
Email : www.singhlucky538@yahoo.com

ਔਰਤਾਂ ਪ੍ਰਤੀ ਅਪਰਾਧ
ਭਾਰਤ ਵਿਚ ਔਰਤਾਂ ਪ੍ਰਤੀ ਅਪਰਾਧ ਵਧਣ ਦੇ ਕਈ ਕਾਰਨ ਹਨ। ਫ਼ਿਲਮਾਂ ਅਤੇ ਗੀਤਾਂ ਦਾ ਮਾੜਾ ਪ੍ਰਭਾਵ ਨੌਜਵਾਨਾਂ 'ਤੇ ਪੈਂਦਾ ਹੈ। ਬੱਚਾ ਜੋ ਦੇਖਦਾ ਹੈ, ਉਹੀ ਸਿੱਖਦਾ ਹੈ। ਲੜਕੀਆਂ ਨੂੰ ਵੀ ਆਪਣੇ ਪਹਿਰਾਵੇ ਪ੍ਰਤੀ ਸੁਚੇਤ ਰਹਿਣਾ ਚਾਹੀਦਾ ਹੈ, ਹਰ ਤਰ੍ਹਾਂ ਦੇ ਭੜਕਾਊ ਪਹਿਰਾਵੇ ਤੋਂ ਬਚਣਾ ਚਾਹੀਦਾ ਹੈ। ਗੀਤਾਂ ਆਦਿ ਰਾਹੀਂ ਸਮਾਜ ਨੂੰ ਸਹੀ ਸੇਧ ਦਿੱਤੀ ਜਾਣੀ ਚਾਹੀਦੀ ਹੈ, ਨਾ ਕਿ ਕੁਰਾਹੇ ਪਾਉਣਾ ਚਾਹੀਦਾ ਹੈ।

ਭੁਪਿੰਦਰ ਸਿੰਘ ਬੁਗਰਾ
ਦੁਬਈ (ਯੂ. ਏ. ਈ.)
Email : pinders123@yahoo.com

ਹੁਨਰ ਦਾ ਮਹੱਤਵ
'ਅਜੀਤ' ਦਾ ਬਹੁਤ-ਬਹੁਤ ਧੰਨਵਾਦ ਜੋ ਪ੍ਰਵਾਸੀਆਂ ਦੀਆਂ ਸਮੱਸਿਆਵਾਂ ਤੋਂ ਸਾਨੂੰ ਜਾਣੂ ਕਰਵਾਉਂਦਾ ਹੈ। ਇਸ ਤੋਂ ਸਾਨੂੰ ਪਤਾ ਲੱਗ ਜਾਂਦਾ ਹੈ ਕਿ ਕਿਹੜੇ ਮੁਲਕ ਵਿਚ ਕੀ ਹਾਲਾਤ ਹਨ। ਮੈਂ ਵੀ ਸਪੇਨ ਵਿਚ 2 ਸਾਲ ਵਿਹਲਾ ਰਹਿਣ ਕਰਕੇ ਤਣਾਅ ਵਿਚ ਸੀ। ਮੇਰੇ ਕੋਲ ਪੀ. ਆਰ. ਵੀ ਹੈ। ਮੈਂ ਭਾਰਤ ਵਿਚ ਫਰਿੱਜ ਰਿਪੇਅਰ ਦਾ ਕੰਮ ਕੀਤਾ ਸੀ। ਇਕ ਪਾਕਿਸਤਾਨੀ ਲੜਕੇ ਨੇ ਮੈਨੂੰ ਫਰਿੱਜ ਰਿਪੇਅਰ ਦੀ ਦੁਕਾਨ ਸ਼ੁਰੂ ਕਰਨ ਦੀ ਸਲਾਹ ਦਿੱਤੀ ਅਤੇ ਮੈਂ ਦੁਕਾਨ ਖੋਲ੍ਹ ਲਈ। ਅੱਜ ਮੇਰਾ ਕੰਮ ਖੂਬ ਚੱਲ ਰਿਹਾ ਹੈ। ਸੋ, ਇਥੇ ਉਨ੍ਹਾਂ ਵੀਰਾਂ ਨੂੰ ਹੀ ਆਉਣਾ ਚਾਹੀਦਾ ਹੈ ਜਿਨ੍ਹਾਂ ਕੋਲ ਕੋਈ ਹੁਨਰ ਹੋਵੇ।
ਗੁਰਨਾਮ ਸਿੰਘ ਕੰਗ ਸਾਹਬੂ

ਸਪੇਨ
Email : gamma.kang@yahoo.com

ਸਿੱਖੀ ਦੇ ਪ੍ਰਚਾਰ ਦੀ ਲੋੜ
ਨਿਊਜ਼ੀਲੈਂਡ, ਫਰਾਂਸ, ਜਰਮਨੀ, ਕੈਨੇਡਾ, ਬਰਤਾਨੀਆ ਅਤੇ ਇਟਲੀ ਆਦਿ ਦੇਸ਼ਾਂ ਵਿਚ ਗੁਰਪੁਰਬ ਮਨਾਏ ਜਾਣੇ ਬੜੀ ਖੁਸ਼ੀ ਦੀ ਗੱਲ ਹੈ। ਮੇਰੀ ਇਨ੍ਹਾਂ ਦੇਸ਼ਾਂ ਦੀਆਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਨੂੰ ਅਪੀਲ ਹੈ ਕਿ ਉਹ ਇਨ੍ਹਾਂ ਮੁਲਕਾਂ ਦੇ ਲੋਕਾਂ ਨੂੰ ਉਥੋਂ ਦੀ ਭਾਸ਼ਾ ਵਿਚ ਸਿੱਖ ਇਤਿਹਾਸ ਬਾਰੇ ਦੱਸਣ ਦੇ ਉਪਰਾਲੇ ਕਰਨ। ਸਿੱਖ ਇਤਿਹਾਸ ਪ੍ਰਤੀ ਜਾਣਕਾਰੀ ਦੀ ਘਾਟ ਕਾਰਨ ਹੀ ਵਿਦੇਸ਼ਾਂ ਵਿਚ ਸਿੱਖਾਂ ਨੂੰ ਸਮੱਸਿਆਵਾਂ ਆਉਂਦੀਆਂ ਹਨ। ਸ਼੍ਰੋਮਣੀ ਕਮੇਟੀ ਕਰੋੜਾਂ ਰੁਪਏ ਦਾ ਬਜਟ ਹੋਣ ਦੇ ਬਾਵਜੂਦ ਪ੍ਰਚਾਰ ਲਈ ਢੁਕਵੇਂ ਯਤਨ ਨਹੀਂ ਕਰ ਰਹੀ, ਜਦੋਂ ਕਿ ਇਸਾਈਆਂ ਨੇ ਬਾਈਬਲ ਨੂੰ 400 ਭਾਸ਼ਾਵਾਂ ਵਿਚ ਅਨੁਵਾਦ ਕਰਕੇ ਮੁਫ਼ਤ ਵੰਡਿਆ ਹੈ। ਭੁੱਲ-ਚੁੱਕ ਲਈ ਖਿਮਾਂ।

ਆਤਮਾ ਸਿੰਘ ਬਰਾੜ
ਬਰਤਾਨੀਆ
Email : atmabrar@yahoo.com

ਸ਼ਰਮ ਦੀ ਗੱਲ
ਦਿੱਲੀ ਵਿਚ ਮਾਸੂਮ ਲੜਕੀ ਨਾਲ ਜਬਰ-ਜਨਾਹ ਦੀ ਖ਼ਬਰ ਪੜ੍ਹ ਕੇ ਬੜਾ ਸਦਮਾ ਲੱਗਾ। ਉਸ ਦਾ ਕੀ ਕਸੂਰ ਸੀ? ਇਹ ਸਾਡੇ ਦੇਸ਼ ਲਈ ਸ਼ਰਮ ਦੀ ਗੱਲ ਹੈ ਕਿ ਇਥੇ ਔਰਤਾਂ ਸੁਰੱਖਿਅਤ ਨਹੀਂ ਹਨ। ਸਰਕਾਰ ਨੂੰ ਔਰਤਾਂ ਦੀ ਸੁਰੱਖਿਆ ਬਾਰੇ ਗੰਭੀਰਤਾ ਨਾਲ ਸੋਚਣਾ ਚਾਹੀਦਾ ਹੈ। ਬਲਾਤਕਾਰੀਆਂ ਨੂੰ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣੀਆਂ ਚਾਹੀਦੀਆਂ ਹਨ, ਜਿਵੇਂ ਕਿ ਹੱਥ-ਪੈਰ ਵੱਢ ਦੇਣੇ, ਅੱਖਾਂ ਕੱਢ ਦੇਣੀਆਂ ਆਦਿ ਤਾਂ ਕਿ ਇਸ ਤੋਂ ਬਾਕੀਆਂ ਨੂੰ ਸਬਕ ਮਿਲ ਸਕੇ।

ਹਰਦੀਪ ਨਿੱਝਰ
ਸਾਈਪ੍ਰਸ
Email : nijjardeep@yahoo.com






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX