ਤਾਜਾ ਖ਼ਬਰਾਂ


ਪੁਲਿਸ ਇੰਸਪੈਕਟਰ ਵਲੋਂ ਖੁਦਕੁਸ਼ੀ
. . .  21 minutes ago
ਕਪੂਰਥਲਾ, 19 ਜਨਵਰੀ (ਅਮਰਜੀਤ ਸਿੰਘ ਸਡਾਨਾ) - ਪੁਲਿਸ ਲਾਈਨ ਕਪੂਰਥਲਾ ਵਿਖੇ ਇਕ ਇੰਸਪੈਕਟਰ ਵੱਲੋਂ ਅੱਜ ਸਵੇਰ ਦੇ ਸਮੇਂ ਭੇਤਭਰੀ ਹਾਲਤ 'ਚ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ ਹੈ। ਘਟਨਾ ਦੀ ਸੂਚਨਾ ਮਿਲਣ ਉਪਰੰਤ ਉੱਚ ਪੁਲਿਸ ਅਧਿਕਾਰੀ ਮੌਕੇ 'ਤੇ ਪਹੁੰਚ...
ਪਾਕਿਸਤਾਨ ਦੀ ਗੋਲੀਬਾਰੀ 'ਚ ਪੰਜ ਹੋਰ ਜ਼ਖਮੀ
. . .  37 minutes ago
ਜੰਮੂ, 19 ਜਨਵਰੀ - ਅੱਜ ਪਾਕਿਸਤਾਨ ਵਲੋਂ ਲਗਾਤਾਰ ਗੋਲੀਬਾਰੀ ਦੀ ਉਲੰਘਣਾ ਕੀਤੀ ਜਾ ਰਹੀ ਹੈ, ਕਠੂਆ ਦੇ ਹੀਰਾਨਗਰ ਸੈਕਟਰ 'ਚ ਪਾਕਿਸਤਾਨ ਵਲੋਂ ਕੀਤੀ ਗਈ ਗੋਲੀਬਾਰੀ ਵਿਚ 5 ਲੋਕ ਜ਼ਖਮੀ ਹੋ ਗਏ...
ਅੰਡਰ19 ਕ੍ਰਿਕਟ ਵਿਸ਼ਵ ਕੱਪ : ਭਾਰਤ ਨੇ ਜਿੰਬਾਬਵੇ ਨੂੰ 10 ਵਿਕਟਾਂ ਨਾਲ ਹਰਾਇਆ
. . .  58 minutes ago
ਕੇਰਲਾ ਤੋਂ ਆਈ.ਐਸ. ਦਾ ਲੜਾਕਾ ਸੀਰੀਆ 'ਚ ਢੇਰ
. . .  about 1 hour ago
ਕਨੂਰ, 19 ਜਨਵਰੀ - ਸਥਾਨਕ ਪੁਲਿਸ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਸਲਾਮਿਕ ਸਟੇਟ ਵੱਲੋਂ ਕੇਰਲਾ ਦੇ ਕਨੂਰ ਤੋਂ ਭਰਤੀ ਕੀਤਾ ਗਿਆ ਲੜਾਕਾ ਅਬਦੁਲ ਮਨਫ (30) ਸੀਰੀਆ ਵਿਚ ਮਾਰਿਆ ਗਿਆ ਹੈ। ਉਸ ਦੇ ਦੋਸਤ ਨੇ ਜਾਣਕਾਰੀ ਦਿੱਤੀ ਕਿ ਮਨਫ ਬੀਤੇ ਸਾਲ...
ਸਾਂਬਾ 'ਚ ਪਾਕਿ ਗੋਲੀਬਾਰੀ 'ਚ ਦੋ ਸ਼ਹਿਰੀ ਜ਼ਖਮੀ
. . .  about 2 hours ago
ਜੰਮੂ, 19 ਜਨਵਰੀ - ਜੰਮੂ ਕਸ਼ਮੀਰ ਦੇ ਵੱਖ ਵੱਖ ਸੈਕਟਰਾਂ ਵਿਚ ਪਾਕਿਸਤਾਨ ਵਲੋਂ ਲਗਾਤਾਰ ਗੋਲੀਬਾਰੀ ਦੀ ਉਲੰਘਣਾ ਕੀਤੀ ਜਾ ਰਹੀ ਹੈ। ਆਰ.ਐਸ.ਪੂਰਾ ਸੈਕਟਰ ਵਿਚ ਜਿੱਥੇ ਦੋ ਸ਼ਹਿਰੀਆਂ ਦੀ ਮੌਤ ਹੋ ਗਈ ਹੈ ਤੇ ਉੱਥੇ ਹੀ, ਸਾਂਬਾ ਦੇ ਰਾਮਗੜ੍ਹ ਸੈਕਟਰ ਵਿਚ ਪਾਕਿਸਤਾਨੀ...
ਹਮਲਾ ਕਰਕੇ ਦੋ ਨਾਬਾਲਗ ਲੜਕੀਆਂ ਅਗਵਾ, ਤਿੰਨ ਨੂੰ ਮਾਰੀ ਗੋਲੀ
. . .  about 2 hours ago
ਲਖਨਊ, 19 ਜਨਵਰੀ - ਉਤਰ ਪ੍ਰਦੇਸ਼ ਦੀ ਵਿਗੜੀ ਹੋਈ ਕਾਨੂੰਨ ਵਿਵਸਥਾ ਦੀ ਇਕ ਹੋਰ ਉਦਾਹਰਨ ਸਾਹਮਣੇ ਆਈ ਹੈ। ਲਖਨਊ ਦੇ ਚਿੰਨ੍ਹਟ 'ਚ ਬੀਤੀ ਰਾਤ ਸੱਤ ਬਦਮਾਸ਼ਾਂ ਵਲੋਂ ਇਕ ਘਰ 'ਤੇ ਹਮਲਾ ਕਰਕੇ ਤਿੰਨ ਲੋਕਾਂ ਨੂੰ ਗੋਲੀ ਮਾਰ ਦਿੱਤੀ ਤੇ ਦੋ ਨਾਬਾਲਗ ਲੜਕੀਆਂ ਨੂੰ...
ਅੰਡਰ19 ਕ੍ਰਿਕਟ ਵਿਸ਼ਵ ਕੱਪ ਭਾਰਤ ਜ਼ਿੰਬਾਬਵੇ ਮੁਕਾਬਲਾ : ਜ਼ਿੰਬਾਬਵੇ ਨੇ ਭਾਰਤ ਨੂੰ ਦਿੱਤਾ 155 ਦੌੜਾਂ ਦੀ ਟੀਚਾ
. . .  about 3 hours ago
ਪਾਕਿ ਗੋਲੀਬਾਰੀ 'ਚ ਦੋ ਸ਼ਹਿਰੀ ਹਲਾਕ, ਚਾਰ ਫੱਟੜ
. . .  about 3 hours ago
ਸ੍ਰੀਨਗਰ, 19 ਜਨਵਰੀ - ਜੰਮੂ ਕਸ਼ਮੀਰ ਦੇ ਆਰ.ਐਸ.ਪੂਰਾ ਸੈਕਟਰ 'ਚ ਪਾਕਿਸਾਨ ਵਲੋਂ ਕੀਤੀ ਗਈ ਤਾਜ਼ਾ ਗੋਲੀਬਾਰੀ ਦੀ ਉਲੰਘਣਾ ਵਿਚ ਦੋ ਭਾਰਤੀ ਸ਼ਹਿਰੀਆਂ ਦੀ ਮੌਤ ਹੋ ਗਈ ਹੈ ਤੇ ਚਾਰ ਲੋਕ ਜ਼ਖਮੀ ਹੋ ਗਏ
ਹਾਫ਼ਿਜ਼ ਦਹਿਸ਼ਤਗਰਦ, ਪਾਕਿਸਤਾਨ ਕਰੇ ਕਾਰਵਾਈ - ਅਮਰੀਕਾ
. . .  about 4 hours ago
ਅੰਡਰ19 ਕ੍ਰਿਕਟ ਵਿਸ਼ਵ ਕੱਪ ਭਾਰਤ ਜਿੰਬਾਬਵੇ ਮੁਕਾਬਲਾ : ਜਿੰਬਾਬਵੇ 30ਓਵਰਾਂ ਤੋਂ ਬਾਅਦ 100/3
. . .  about 4 hours ago
ਹੋਰ ਖ਼ਬਰਾਂ..
ਜਲੰਧਰ : ਐਤਵਾਰ 29 ਸਾਉਣ ਸੰਮਤ 549
ਵਿਚਾਰ ਪ੍ਰਵਾਹ: ਲਾਪਰਵਾਹੀ ਅਕਸਰ ਅਗਿਆਨਤਾ ਤੋਂ ਵੀ ਜ਼ਿਆਦਾ ਨੁਕਸਾਨ ਪਹੁੰਚਾਉਂਦੀ ਹੈ। -ਫਰੈਂਕਲਿਨ
  •     Confirm Target Language  

ਸਾਹਿਤ ਫੁਲਵਾੜੀ

ਓਧਰ ਵੀ 'ਸ਼ਰੀਫ਼' ਨਹੀਂ...

ਸੱਤਰ ਸਾਲ ਪਹਿਲਾਂ... ਇਸ ਧਰਤੀ 'ਤੇ...
* ਨਾ ਪਾਕਿਸਤਾਨ ਸੀ, ਨਾ ਬੰਗਲਾਦੇਸ਼ ਸੀ, ਇਕੋ ਦੇਸ਼ ਸੀ, ਹਿੰਦੁਸਤਾਨ।
ਤੇ ਰਿਆਇਆ... ਜਨਤਾ?
* ਨਾ ਕੋਈ ਪਾਕਿਸਤਾਨੀ ਸੀ, ਤੇ ਨਾ ਬੰਗਲਾਦੇਸ਼ੀ। ਸਭੇ ਹਿੰਦੁਸਤਾਨੀ ਸਨ। ਸਭੇ ਅਲਾਮਾ ਇਕਬਾਲ ਦਾ ਰਚਿਆ ਕੌਮੀ ਤਰਾਨਾ ਬੜੇ ਜੋਸ਼ੋ-ਖਰੋਸ਼, ਦੇਸ਼-ਭਗਤੀ ਦੀ ਭਾਵਨਾ ਨਾਲ ਨੱਕੋ-ਨੱਕ ਭਰੇ, ਬੜੇ ਚਾਅ ਨਾਲ ਗਾਉਂਦੇ ਸਨ:
ਸਾਰੇ ਜਹਾਂ ਸੇ ਅੱਛਾ
ਹਿੰਦੋਸਤਾਂ ਹਮਾਰਾ।
ਹਮ ਬੁਲਬੁਲੇਂ ਹੈਂ ਇਸਕੀ,
ਯੇ ਗੁਲਸਿਤਾਂ ਹਮਾਰਾ।
ਨਾਲ ਹੀ ਪੰਜਾਬੀ ਦੇ ਉਸਤਾਦ ਕਵੀ ਚਰਨ ਸਿੰਘ ਸਫ਼ਰੀ ਨੇ ਵੀ ਰਚਿਆ ਸੀ:
ਚਮਨ 'ਚ ਬੈਠ ਕੇ ਬੁਲਬੁਲ
ਖ਼ੁਸ਼ੀ ਦੇ ਗੀਤ ਗਾਉਂਦੀ ਏ।
ਸ਼ਿਕਾਰੀ ਆਣ ਪਹੁੰਚੇ ਤਾਂ...
ਕੱਟੇ ਕੁਝ ਪਰ ਵੀ ਜਾਂਦੇ ਨੇ।
ਸੱਚਮੁੱਚ ਸ਼ਿਕਾਰੀ ਆਣ ਪਹੁੰਚੇ... ਮੁਹੰਮਦ ਅਲੀ ਜਿਨਾਹ... ਉਨ੍ਹਾਂ ਨੂੰ ਅਲਾਮਾ ਇਕਬਾਲ ਦੀ ਇਹ ਮਤ ਵੀ ਪਸੰਦ ਨਾ ਆਈ...।
ਮਜ਼ਹਬ ਨਹੀਂ ਸਿਖਾਤਾ
ਆਪਸ ਮੇਂ ਬੈਰ ਰਖਨਾ
ਹਿੰਦੀ ਹੈਂ ਹਮ ਵਤਨ ਹੈ,
ਹਿੰਦੋਸਤਾਂ ਹਮਾਰਾ।
ਉਨ੍ਹਾਂ ਨੇ ਸਿਆਪਾ ਪਾ ਦਿੱਤਾ...
ਮੁਸਲਿਮ ਹੈਂ ਹਮ, ਹਮੇਂ ਨਹੀਂ ਰਹਿਨਾ ਮਿਲ ਕੇ।
ਮਜ਼ਹਬ ਕੇ ਨਾਮ ਪੇ ਬਾਂਟ ਦੋ,
ਹਿੰਦੋਸਤਾਂ ਤੁਮ੍ਹਾਰਾ, ਪਾਕਿਸਤਾਨ ਹਮਾਰਾ।
ਕਟੇ ਗਏ ਪਰ ਮਜ਼ਹਬ ਦੇ ਨਾਂਅ 'ਤੇ, ਪੈ ਗਈਆਂ ਵੰਡੀਆਂ, ਹਿੰਦੋਸਤਾਂ, ਬਿਨਾਂ ਕੱਟੜਪੰਥੀ ਦੋਸਤਾਂ ਦੇ, ਰਹਿ ਗਿਆ ਹਮਾਰਾ, ਤੇ ਵਾਹਗੇ ਤੋਂ ਪਰ੍ਹਾਂ ਜਿਹੜੇ ਜਿਨਾਹ ਦੇ ਨਾਲ ਵਗ ਗਏ, ਉਨ੍ਹਾਂ ਦਾ ਹੋ ਗਿਆ 'ਪਾਕਿਸਤਾਨ' ਤੁਮ੍ਹਾਰਾ। ਮਗਰੋਂ ਅਲਾਮਾ ਇਕਬਾਲ ਵੀ ਪਾਕਿਸਤਾਨ ਹਿਜ਼ਰਤ ਕਰ ਗਏ, ਪਰ ਉਨ੍ਹਾਂ ਉਥੇ ਜਾ ਕੇ ਨਵਾਂ ਤਰਾਨਾ ਨਹੀਂ ਲਿਖਿਆ...
ਸਾਰੇ ਜਹਾਂ ਸੇ ਅੱਛਾ,
'ਪਾਕਿਸਤਾਨ' ਹਮਾਰਾ।
ਪਰ, ਹਿੰਦੁਸਤਾਨੀਆਂ ਨੇ ਉਨ੍ਹਾਂ ਦਾ ਤਰਾਨਾ ਪੂਰੀ ਤਰ੍ਹਾਂ ਅਪਣਾਈ ਰੱਖਿਆ, ਸਾਡੇ ਮਿਲਟਰੀ ਬੈਂਡ ਅੱਜ ਵੀ ਇਸੇ ਤਰਾਨੇ ਦੀ ਧੁੰਨ ਵਜਾਉਂਦੇ ਹਨ:
ਸਾਰੇ ਜਹਾਂ ਸੇ ਅੱਛਾ
ਹਿੰਦੋਸਤਾਂ ਹਮਾਰਾ।
ਮਜਾਲ ਐ ਜੋ ਪਾਕਿਸਤਾਨ 'ਚ ਕੋਈ ਵੀ ਪਾਕਿਸਤਾਨੀ ਇਹ ਤਰਾਨਾ ਕਦੇ ਗਾਏ?
ਚਮਨ ਦੀਆਂ ਬੁਲਬੁਲਾਂ ਤਾਂ ਹਿੰਦੁਸਤਾਨ 'ਚ ਹੀ ਰਹਿ ਗਈਆਂ। ਹਿੰਦੁਸਤਾਨ 'ਚ ਵਸਦੇ 20-21 ਕਰੋੜ ਮੁਸਲਮਾਨ, ਅੱਜ ਵੀ ਸਿਰਫ਼ ਇਹੀਓ ਤਰਾਨਾ ਗਾਉਣ ਲਈ ਤਿਆਰ ਹਨ:
ਉਹ ਕੌਮੀ ਗੀਤ 'ਵੰਦੇ ਮਾਤਰਮ' ਗਾਉਣ ਲਈ ਬਿਲਕੁਲ ਤਿਆਰ ਨਹੀਂ ਹਨ। ਜਦ ਸਾਂਝਾ ਹਿੰਦੁਸਤਾਨ ਅੰਗਰੇਜ਼ਾਂ ਦੇ ਕਬਜ਼ੇ 'ਚ ਸੀ, ਤਾਂ ਅੰਗਰੇਜ਼ਾਂ ਦੇ ਕਬਜ਼ੇ ਤੋਂ ਇਸ ਦੇਸ਼ ਨੂੰ ਆਜ਼ਾਦ ਕਰਾਉਣ ਲਈ ਸਭੇ ਕ੍ਰਾਂਤੀਕਾਰੀ ਬੜੇ ਚਾਅ ਨਾਲ ਇਹੋ ਗੀਤ ਗਾਇਆ ਕਰਦੇ ਸਨ:
'ਵੰਦੇ ਮਾਤਰਮ'
ਮਤਲਬ ਸਿਰਫ਼ ਐਨਾ ਹੈ, 'ਮੈਂ ਆਪਣੀ ਮਾਤਰ ਭੂਮੀ ਦੀ ਵੰਦਨਾ ਕਰਦਾ, ਉਸ ਅੱਗੇ ਸਿਰ ਝੁਕਾਉਂਦਾ ਹਾਂ।' ਓਵੈਸੀ ਜਿਹੇ ਕਈਆਂ ਨੇ ਭੜਕਾਇਐ, ਆਪਣੇ ਪਾਰਟੀ ਵਾਲਿਆਂ ਮੁਸਲਮਾਨਾਂ ਨੂੰ ਕਿ ਇਸਲਾਮ 'ਚ ਪਵਿੱਤਰ ਕੁਰਾਨ ਦੀ ਤਾਕੀਦ ਹੈ ਕਿ 'ਅੱਲ੍ਹਾ' ਤੋਂ ਸਿਵਾ ਕਿਸੇ ਹੋਰ ਅੱਗੇ ਸਿਰ ਨਹੀਂ ਝੁਕਾਉਣਾ।
ਉਂਜ ਇਸ ਧਰਤੀ 'ਤੇ ਸਭ ਤੋਂ ਉਤਮ ਮਨੁੱਖ ਕੋਈ ਹੈ ਤਾਂ ਉਹ 'ਮਾਂ' ਹੈ। ਮਾਂ ਨਾ ਹੁੰਦੀ ਤਾਂ ਕੋਈ ਮਨੁੱਖ, ਕਿਸੇ ਜਾਤ, ਧਰਮ ਦਾ, ਇਥੇ ਨਾ ਦਿਸਦਾ। ਮੁਸਲਮਾਨ ਲੀਡਰ ਦਾ ਇਹ ਕਥਨ ਹੈ ਕਿ ਉਹ 'ਭਾਰਤ ਮਾਤਾ ਕੀ ਜੈ' ਨਹੀਂ ਕਹਿਣਗੇ, ਪਰ 'ਜੈ ਹਿੰਦ' ਕਹਿਣ ਲਈ ਬਿਲਕੁਲ ਤਿਆਰ ਹਨ। ਪਰ ਹੁਣੇ ਹੀ ਤਾਜ਼ਾ-ਤਾਜ਼ਾ ਇਕ ਹੋਰ ਕਲੇਸ਼ ਪੈ ਗਿਆ ਹੈ। ਬਿਹਾਰ 'ਚ ਨਿਤਿਸ਼ ਕੁਮਾਰ ਦੀ ਨਵੀਂ ਸਰਕਾਰ 'ਚ ਜਦ ਇਕ ਮੁਸਲਮਾਨ ਮੰਤਰੀ ਖੁਰਸ਼ੀਦ ਅਹਿਮਦ ਨੇ ਆਪਣੇ ਅਹੁਦੇ ਦੀ ਸਹੁੰ ਚੁੱਕੀ ਤਾਂ ਸਹੁੰ ਚੁੱਕਣ ਮਗਰੋਂ, ਉਹਨੇ ਪੂਰੇ ਜੋਸ਼ੋ-ਖਰੋਸ਼ ਨਾਲ ਇਹ ਨਾਅਰਾ ਬੁਲੰਦ ਕੀਤਾ, 'ਜੈ ਸ੍ਰੀ ਰਾਮ।'
ਕਲੇਸ਼ ਪੈ ਗਿਆ।
ਪਟਨਾ ਦੇ ਇਕ ਮੌਲਾਨਾ ਮੁਫ਼ਤੀ ਨੇ ਉਹਦੇ ਖਿਲਾਫ਼ ਫਤਵਾ ਜਾਰੀ ਕਰ ਦਿੱਤਾ, ਉਹਨੂੰ ਨਾ ਕੇਵਲ ਮੁਸਲਿਮ ਧਰਮ 'ਚੋਂ ਛੇਕ ਦਿੱਤਾ, ਸਗੋਂ ਉਹਦਾ 'ਨਿਕਾਹ' ਵੀ ਖਤਮ ਕਰ ਦਿੱਤਾ। ਕਾਰਨ ਇਕੋ ਕਿ ਉਸ ਨੇ 'ਜੈ ਸ੍ਰੀ ਰਾਮ ਕਿਉਂ' ਉਚਰਿਆ। ਵਿਚਾਰੇ ਮੰਤਰੀ ਨੂੰ ਮੁਆਫ਼ੀ ਮੰਗ ਕੇ ਆਪਣੀ ਭੁੱਲ ਬਖਸ਼ਾਉਣੀ ਪਈ ਤੇ ਵਿਆਹ ਵੀ।
ਜੋ ਮੈਂ ਲਿਖ ਰਿਹਾ ਹਾਂ, ਇਹ ਗੱਲ ਬਹੁਤ ਪੁਰਾਣੀ ਹੈ। ਉਰਦੂ ਜ਼ਬਾਨ ਦੇ ਮਾਇਆਨਾਜ਼ ਸ਼ਾਇਰ ਹਿੰਦੂ ਤੇ ਸਿੱਖ ਵੀ ਹੋਏ ਹਨ।
ਯੂ.ਪੀ. ਦੇ ਇਕ ਬਹੁਤ ਵੱਡੇ ਨਾਮੀਂ ਗਿਰਾਮੀ ਹਿੰਦੂ ਸ਼ਾਇਰ ਸਨ, ਜਿਨ੍ਹਾਂ ਦਾ ਨਾਂਅ ਮੈਂ ਭੁੱਲ ਗਿਆ ਹਾਂ, ਉਨ੍ਹਾਂ ਨੂੰ ਮੁਸਲਮਾਨਾਂ ਵੱਲੋਂ ਇਕ ਮੁਸ਼ਾਇਰੇ 'ਚ ਆਪਣਾ ਕਲਾਮ ਪੜ੍ਹਨ ਦਾ ਸੱਦਾ ਦਿੱਤਾ ਗਿਆ। ਮੁਸ਼ਾਇਰੇ ਦਾ ਤਰ੍ਹਾਂ-ਮਿਸਰਾ ਇਹ ਸੀ:
ਕਾਫਿਰ ਹੈ ਵੋਹ, ਜੋ
ਈਮਾਨ ਨਾ ਲਾਏ ਇਸਲਾਮ ਪਰ।
ਸ਼ਾਇਰ ਸਾਹਿਬ ਨੇ ਇਹ ਸੱਦਾ ਖੁਸ਼ੀ-ਖੁਸ਼ੀ ਪ੍ਰਵਾਨ ਕਰ ਲਿਆ। ਮੁਸ਼ਾਇਰੇ ਦਾ ਆਯੋਜਨ ਕਰਨ ਵਾਲਿਆਂ ਨੂੰ ਪੂਰਾ ਭਰੋਸਾ ਸੀ ਕਿ ਉਸ ਦਿਨ ਉਹ ਆਪਣਾ ਕਲਾਮ ਪੇਸ਼ ਕਰਨ ਲਈ ਹਰਗਿਜ਼ ਨਹੀਂ ਆਉਣਗੇ। ਪਰ ਸਭੇ ਹੈਰਾਨ ਰਹਿ ਗਏ, ਸਭ ਤੋਂ ਪਹਿਲਾਂ ਉਹ ਹਾਜ਼ਰ ਸਨ। ਦੋ-ਤਿੰਨ ਵੱਡੇ ਕੱਦ ਵਾਲੇ ਉਰਦੂ ਸ਼ਾਇਰਾਂ ਨੇ ਆਪਣਾ ਕਲਾਮ ਪੜ੍ਹਿਆ, ਉਨ੍ਹਾਂ ਨੂੰ ਹਾਜ਼ਰੀਨ ਦੀ ਖੂਬ ਦਾਦ ਮਿਲੀ, ਫਿਰ ਸਟੇਜ 'ਤੇ ਹਾਜ਼ਰ ਇਕੱਲੇ ਹਿੰਦੂ ਸ਼ਾਇਰ ਦੀ ਵਾਰੀ ਆ ਗਈ। ਹਜ਼ਾਰਾਂ ਦੀ ਗਿਣਤੀ 'ਚ ਹਾਜ਼ਰ ਲੋਕ ਸਾਹ ਰੋਕੀ ਬੈਠੇ ਸਨ ਕਿ ਉਹ ਕੀ ਕਹਿਣਗੇ। ਉਨ੍ਹਾਂ ਪੈਂਦੀ ਸੱਟੇ ਅਰਜ਼ ਕੀਤਾ, ਆਪਣੇ ਇਕ ਹੱਥ ਨਾਲ ਉਰਦੂ ਦੇ ਅੱਖਰ ਲਾਮ (ੲ ) ਦੀ ਰੂਪ-ਰੇਖਾ ਬਣਾਉਂਦਿਆਂ ਅਰਜ਼ ਕੀਤਾ:
ਲਾਮ ਕੀ ਮੁਆਫਿਕ ਹੈ
ਗੇਸੂ ਮੇਰੇ ਘਨਸ਼ਯਾਮ ਕੇ
ਅਰੇ ਕਾਫਿਰ ਹੈ ਵੋਹ ਜੋ ਈਮਾਨ ਨਾ
ਲਾਏ ਇਸ ਲਾਮ (ੲ ) ਪਰ।
ਤਾੜੀਆਂ ਦਾ ਐਨਾ ਸ਼ੋਰ ਉਠਿਆ ਕਿ ਸਭੇ ਅਸ਼-ਅਸ਼ ਕਰ ਉਠੇ, ਮੁਸ਼ਾਇਰਾ ਲੁੱਟ ਲਿਆ ਉਨ੍ਹਾਂ ਨੇ ਐਨੀ ਦਾਦ ਕਿਸੇ ਹੋਰ ਸ਼ਾਇਰ ਨੂੰ ਨਾ ਮਿਲੀ।
ਚਲੋ, ਜਿਹੜੇ ਸਾਡੇ ਤੋਂ ਵਿਛੜ ਕੇ ਵਾਹਗਿਓਂ ਪਾਰ ਜਾ ਕੇ ਇਕ ਨਵੇਂ ਮੁਲਕ ਪਾਕਿਸਤਾਨ ਦੇ ਵਾਸੀ ਬਣ ਗਏ, ਉਹ ਆਪਣੇ ਛੋਟੇ ਜਿਹੇ ਮੁਲਕ ਨੂੰ ਵੀ ਸੰਭਾਲ ਨਾ ਸਕੇ, ਟੁੱਟ ਗਿਆ ਪਾਕਿਸਤਾਨ, ਬੰਗਲਾਦੇਸ਼ ਇਸੇ ਧਰਤੀ 'ਤੇ ਇਕ ਨਵਾਂ ਦੇਸ਼ ਬਣ ਗਿਆ।
ਅੱਧੇ ਤੋਂ ਅੱਧਾ ਰਹਿ ਗਿਆ... ਅੱਲ੍ਹਾ ਦਾ ਕਹਿਰ ਢਹਿ ਪਿਆ। ਹੁਣ ਪਾਕਿਸਤਾਨ ਦਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼, ਕੁਰਸੀ ਤੋਂ ਲਹਿ ਗਿਆ। ਪਾਕਿਸਤਾਨ ਦੀ ਸੁਪਰੀਮ ਕੋਰਟ ਦੇ ਪੰਜ ਜੱਜਾਂ ਨੇ ਇਕਮਤ ਫੈਸਲਾ ਦਿੱਤਾ, ਐਸ ਵੇਲੇ ਕੁਰਸੀ ਤੋਂ ਲੱਥੇ ਸਾਰੀ ਉਮਰ ਲਈ ਇਸ 'ਤੇ ਮੁੜ ਬੈਠਣ ਤੋਂ ਅਯੋਗ ਹਨ।
ਮੀਆਂ ਨਵਾਜ਼ ਸ਼ਰੀਫ਼, ਖਿੱਚ-ਧੂਹ ਕੇ ਨਹੀਂ ਲਾਹੇ ਗਏ ਕੁਰਸੀ ਤੋਂ ਸੁਪਰੀਮ ਕੋਰਟ ਨੇ ਕਰੰਟ ਮਾਰ ਕੇ, ਲਾਹਿਆ ਹੈ। ਤੜਫ ਕੇ ਮੀਆਂ ਨਵਾਜ਼ ਸ਼ਰੀਫ਼ ਨੇ ਇਹ ਸਵਾਲ ਕੀਤਾ ਹੈ, ਕੀ ਮੇਰੇ ਤੋਂ ਇਲਾਵਾ ਪਾਕਿਸਤਾਨ 'ਚ ਸਾਰੇ ਲੋਕ ਇਮਾਨਦਾਰ ਹਨ? 'ਕੱਲ੍ਹਾ ਮੈਂ ਹੀ ਬੇਈਮਾਨ ਹਾਂ? 70 ਸਾਲ ਪਹਿਲਾਂ ਮੀਆਂ ਨਵਾਜ਼ ਸ਼ਰੀਫ਼ ਸਾਰੇ ਜਹਾਂ ਸੇ ਅੱਛਾ ਵਾਲੇ ਹਿੰਦੋਸਤਾਂ ਨੂੰ ਪਰਿਵਾਰ ਸਮੇਤ ਛੱਡ ਕੇ ਪਾਕਿਸਤਾਨ ਚਲੇ ਗਏ ਸਨ... ਉਦੋਂ ਬੜਾ ਖ਼ੂਨ-ਖਰਾਬਾ ਹੋਇਆ ਸੀ, ਦੋਵਾਂ ਦੇਸ਼ਾਂ ਦੇ ਉਜੜੇ ਵਾਸੀਆਂ ਸੱਦਾ। ਇਸੇ ਲਈ ਪਾਕਿਸਤਾਨ ਦੇ ਉਸਤਾਦ ਕਵੀ 'ਦਾਮਨ' ਨੇ ਵਿਰਲਾਪ ਕੀਤਾ ਸੀ...
ਮੋਏ ਤੁਸੀਂ ਵੀ ਹੋ, ਮੋਏ ਅਸੀਂ ਵੀ ਹਾਂ,
ਰੋਏ ਤੁਸੀਂ ਵੀ ਹੋ, ਰੋਏ ਅਸੀਂ ਵੀ ਹਾਂ।
70 ਸਾਲਾਂ ਬਾਅਦ ਜੇ ਅੱਜ ਹੁੰਦੇ ਤਾਂ ਅੱਜ 'ਦਾਮਨ' ਜੀ ਇਉਂ ਲਿਖਦੇ...
ਕੁਰੱਪਟ ਤੁਸੀਂ ਵੀ ਹੋ, ਕੁਰੱਪਟ ਅਸੀਂ ਵੀ ਹਾਂ।
ਖੋਟੇ ਤੁਸੀਂ ਵੀ ਹੋ, ਖੋਟੇ ਅਸੀਂ ਵੀ ਹਾਂ।
ਦੁੱਧ ਦੇ ਧੋਤੇ ਨਾ ਤੁਸੀਂ ਹੋ, ਨਾ ਅਸੀਂ ਵੀ ਹਾਂ।
ਸੰਯੋਗ ਹੀ ਹੈ ਕਿ ਜਿਸ ਦਿਹਾੜੇ ਉਥੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਮੀਆਂ ਨਵਾਜ਼ ਸ਼ਰੀਫ਼ ਨੂੰ 'ਕੁਰੱਪਟ' ਹੋਣ ਕਾਰਨ ਸਾਰੀ ਉਮਰ ਲਈ, ਗੱਦੀ ਲਈ ਨਾ ਅਹਿਲ ਕਰਾਰ ਦਿੱਤਾ ਗਿਆ, ਉਸੇ ਦਿਨ ਐਧਰ ਬਿਹਾਰ ਦੇ ਇਕ ਚਾਰਾ ਘੁਟਾਲਾ ਕਰਨ ਵਾਲੇ ਸਜ਼ਾਯਾਫਤਾ ਲੀਡਰ ਲਾਲੂ ਪ੍ਰਸਾਦ ਦੇ ਗਠਬੰਧਨ ਵਾਲੀ ਸਰਕਾਰ ਇਸ ਲਈ ਤਾਰ-ਤਾਰ ਹੋ ਗਈ, ਜਦ ਲਾਲੂ, ਉਹਦੀ ਪਤਨੀ ਰਾਬੜੀ ਦੇਵੀ, ਉਹਦੇ ਪੁੱਤਰ ਤੇਜਸਵੀ ਤੇਜ ਪ੍ਰਤਾਪ ਸਿੰਘ, ਧੀ ਤੇ ਜਵਾਈ 'ਤੇ ਕਰੋੜਾਂ ਰੁਪਿਆਂ ਦੀ ਬੇਨਾਮੀ ਜਾਇਦਾਦ ਬਣਾਉਣ ਦੇ ਘਪਲੇ ਜਗ-ਜ਼ਾਹਰ ਹੋ ਗਏ। ਨਾਲੇ ਸਵਰਗੀ ਰਾਜੀਵ ਗਾਂਧੀ ਪ੍ਰਾਈਮ ਮਨਿਸਟਰ ਵੇਲੇ ਹੋਏ ਬੋਫੋਰਸ ਤੋਪਾਂ ਦੀ ਖਰੀਦ 'ਚ ਹੋਏ ਕਰੋੜਾਂ ਦੇ ਘਪਲੇ 30 ਸਾਲਾਂ ਮਗਰੋਂ ਮੁੜ ਜਗ-ਜ਼ਾਹਰ ਹੋ ਗਏ। ਇਥੇ ਵੀ ਆਵਾ ਊਤਿਆ, ਉਥੇ ਵੀ ਆਵਾ ਊਤਿਆ ਪਿਐ।
ਭ੍ਰਿਸ਼ਟਾਚਾਰ ਦਾ ਉਥੇ ਵੀ ਬੋਲਬਾਲਾ ਹੈ, ਪਰਿਵਾਰਵਾਦ ਦਾ ਇਥੇ ਵੀ ਬੋਲਬਾਲਾ ਹੈ। ਭ੍ਰਿਸ਼ਟਾਚਾਰ ਸਾਡੇ ਖ਼ੂਨ 'ਚ ਵੀ ਰਚਮਿਚ ਗਿਆ ਹੈ, ਉਨ੍ਹਾਂ ਦੇ ਖ਼ੂਨ 'ਚ ਵੀ। 70 ਸਾਲ ਪਹਿਲਾਂ ਅਸੀਂ ਪਹਿਲਾਂ ਇਕ ਸਾਂ, ਕੀ ਹੋਇਆ ਅਸੀਂ ਅੱਜ ਵੀ ਇਕੋ ਜਿਹੇ ਹਾਂ।


ਖ਼ਬਰ ਸ਼ੇਅਰ ਕਰੋ

ਕਾਵਿ-ਮਹਿਫ਼ਲ : ਸਾਵਣ ਵਿਸ਼ੇਸ਼

* ਜਸਪਾਲ ਜ਼ੀਰਵੀ * ਚੰਦਰਾ ਮਾਹੀ ਫਿਰ ਨਾ ਆਇਆ ਸਾਵਣ ਵਿਚ। ਅੰਗੜਾਈਆਂ ਲੈ ਵਕਤ ਲੰਘਾਇਆ ਸਾਵਣ ਵਿਚ। ਚੁੱਪ ਚੁਪੀਤੇ ਦਿਲਬਰ ਧਾਇਆ ਸਾਵਣ ਵਿਚ, ਸਾਡਾ ਫਿਰ ਲੂੰ-ਲੂੰ ਨਸ਼ਿਆਇਆ ਸਾਵਣ ਵਿਚ। ਬਾਲ੍ਹੇ ਮੀਂਹ ਨੇ ਪੰਗਾ ਪਾਇਆ ਸਾਵਣ ਵਿਚ, ਕੱਚਾ ਕੋਠਾ ਚੋਣਾ ਲਾਇਆ ਸਾਵਣ ...

ਪੂਰੀ ਖ਼ਬਰ »

ਚੁਗਲੀ ਨਿੰਦਿਆ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ) * ਪੇਟ ਵਿਚ ਗਿਆ ਜ਼ਹਿਰ ਸਿਰਫ਼ ਇਕ ਵਿਅਕਤੀ ਨੂੰ ਮਾਰਦਾ ਹੈ ਅਤੇ ਕੰਨ ਵਿਚ ਗਿਆ ਜ਼ਹਿਰ (ਭਾਵ ਚੁਗਲੀ ਦਾ ਜ਼ਹਿਰ) ਸੈਂਕੜੇ ਰਿਸ਼ਤਿਆਂ ਨੂੰ ਮਾਰਦਾ ਹੈ। * ਦੂਜਿਆਂ ਦੀ ਨਿੰਦਾ ਕਰਕੇ ਕਿਸੇ ਨੂੰ ਕੁਝ ਨਹੀਂ ਮਿਲਿਆ ਪਰ ਜਿਸ ਨੇ ਖੁਦ ...

ਪੂਰੀ ਖ਼ਬਰ »

ਗੀਤ

ਕਾਲੀ ਕਾਲੀ ਘਟਾ ਆਈ ਕਾਲੀ ਕਾਲੀ ਘਟਾ ਆਈ, ਤੂੰ ਵੀ ਕੋਲੇ ਆ। ਅਸੀਂ ਪੱਤਣਾਂ 'ਤੇ ਖੜ੍ਹੇ, ਸਾਨੂੰ ਪਾਰ ਤੂੰ ਲੰਘਾ। ਛਾਈ ਘਟਾ ਘਣਘੋਰ, ਤੱਕ ਨੱਚਦੇ ਨੇ ਮੋਰ। ਅਸੀਂ ਹੋਏ ਹੋਰ ਹੋਰ, ਸਾਨੂੰ ਮੋਹੇ ਤੇਰੀ ਤੋਰ। ਤੋਰ ਤੁਰਨਾ ਜੋ ਮੋਹੇ, ਉਹ ਤੂੰ ਸਾਨੂੰ ਵੀ ਸਿਖਾ। ਅਸੀਂ ...

ਪੂਰੀ ਖ਼ਬਰ »

ਕਹਾਣੀ: ਤੇਜੋ

ਤੇਜੋ ਭਾਬੀ, ਦਿੱਲੀ ਦੀ ਕੁੜੀ, ਵਿਆਹ ਕੇ ਜਲੰਧਰ ਆ ਵਸੀਂਬੜੇ ਅੱਛੇ ਪਰਿਵਾਰ ਦੀ ਨੂੰਹ ਬਣੀ। ਐਸੇ ਪਰਿਵਾਰ ਦੀ ਕਿ ਜਿਹੜੇ ਆਪਣੇ ਘਰ ਹੋਣ ਵਾਲੇ ਹਰ ਲਾਹੇਵੰਦ ਕੰਮ ਨੂੰ ਨੂੰਹ ਦੇ ਕਦਮ ਘਰ 'ਚ ਪੈਣ ਕਰਕੇ ਹੋਇਆ ਗਰਦਾਨ ਕੇ ਨੂੰਹ ਦੀ ਸਰਾਹਨਾ ਕਰਦੇ। ਪਰ ਖ਼ੁਦਾ ਦੀ ਕੁਦਰਤ ...

ਪੂਰੀ ਖ਼ਬਰ »






Website & Contents Copyright © Sadhu Singh Hamdard Trust, 2002-2017.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX