ਤਾਜਾ ਖ਼ਬਰਾਂ


ਹਰਿਆਣਾ ਦੇ 11 ਜ਼ਿਲ੍ਹਿਆਂ 'ਚ ਤਿੰਨ ਦਿਨਾਂ ਤੱਕ ਇੰਟਰਨੈੱਟ ਸੇਵਾਵਾਂ ਬੰਦ
. . .  1 day ago
ਚੰਡੀਗੜ੍ਹ, 24 ਨਵੰਬਰ (ਬਰਾੜ) - ਜੀਂਦ 'ਚ ਹੋਏ ਟਕਰਾਅ ਨੂੰ ਦੇਖਦਿਆਂ ਹਰਿਆਣਾ ਸਰਕਾਰ ਨੇ 11 ਜ਼ਿਲ੍ਹਿਆਂ 'ਚ ਅਗਲੇ ਤਿੰਨ ਦਿਨ ਲਈ ਇੰਟਰਨੈੱਟ ਸੇਵਾਵਾਂ ਬੰਦ ਕਰ ਦਿੱਤਿਆਂ...
ਲੰਡਨ ਦੇ ਆਕਸਫੋਰਡ ਸਰਕਸ ਸਟੇਸ਼ਨ 'ਤੇ ਹਾਦਸਾ
. . .  1 day ago
ਲੰਡਨ, 24 ਨਵੰਬਰ- ਸੂਤਰਾਂ ਮੁਤਾਬਿਕ ਲੰਡਨ ਦੇ ਔਕਸਫੋਰਡ ਸਰਕਸ ਸਟੇਸ਼ਨ 'ਤੇ ਹਾਦਸਾ ਹੋਣ ਦੀ ਖ਼ਬਰ...
ਬ੍ਰਿਟਿਸ਼ ਹਾਈ ਕਮਿਸ਼ਨ ਦੀ ਟੀਮ ਨੇ ਜੌਹਲ ਤੇ ਜਿੰਮੀ ਨਾਲ ਕੀਤੀ ਮੁਲਾਕਾਤ
. . .  1 day ago
ਲੁਧਿਆਣਾ, 24 ਨਵੰਬਰ- ਬ੍ਰਿਟਿਸ਼ ਹਾਈ ਕਮਿਸ਼ਨ ਦੀ ਤਿੰਨ ਮੈਂਬਰੀ ਟੀਮ ਨੇ ਹਿੰਦੂ ਨੇਤਾਵਾਂ ਦੀ ਹੱਤਿਆ ਦੇ ਮਾਮਲੇ 'ਚ ਪੰਜਾਬ ਪੁਲਿਸ ਵੱਲੋਂ ਗ੍ਰਿਫ਼ਤਾਰ ਜਗਤਾਰ ਸਿੰਘ ਜੌਹਲ ਤੇ ਤਲਜੀਤ ਸਿੰਘ ਜਿੰਮੀ...
ਸੁਰੱਖਿਆ ਕੰਪਨੀ ਦਾ ਗਾਰਡ 1 ਕਰੋੜ ਲੈ ਕੇ ਫ਼ਰਾਰ
. . .  1 day ago
ਗੁਰੂਗ੍ਰਾਮ, 24 ਨਵੰਬਰ- ਗੁਰੂਗ੍ਰਾਮ ਦੇ ਇੱਕ ਮਾਲ ਦੇ ਏ.ਟੀ.ਐਮ. 'ਚ ਪੈਸੇ ਪਾਉਣ ਗਿਆ ਇੱਕ ਸੁਰੱਖਿਆ ਕੰਪਨੀ ਦਾ ਗਾਰਡ ਇੱਕ ਕਰੋੜ ਦੀ ਰਾਸੀ ਲੈ ਕੇ ਫ਼ਰਾਰ ਹੋ ਗਿਆ ਹੈ। ਪੁਲਿਸ ਨੇ ਮਾਮਲਾ ਦਰਜ...
ਹੰਦਵਾੜਾ 'ਚ ਲਸ਼ਕਰ ਦੇ ਦੋ ਅੱਤਵਾਦੀ ਗ੍ਰਿਫ਼ਤਾਰ
. . .  1 day ago
ਕੁਪਵਾੜਾ, 24 ਨਵੰਬਰ- ਜੰਮੂ-ਕਸ਼ਮੀਰ ਦੇ ਕੁਪਵਾੜਾ ਜ਼ਿਲ੍ਹੇ ਦੇ ਹੰਦਵਾੜਾ ਤੋਂ ਸੁਰੱਖਿਆ ਬਲਾਂ ਨੇ ਲਸ਼ਕਰ-ਏ- ਤੋਇਬਾ ਦੇ ਦੋ ਅੱਤਵਾਦੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਨ੍ਹਾਂ ਕੋਲੋਂ ਰਾਈਫ਼ਲ ਤੇ 2...
ਮੁੰਬਈ ਦੇ ਜ਼ੈਵਰੀ ਬਾਜ਼ਾਰ 'ਚ ਲੱਗੀ ਅੱਗ
. . .  1 day ago
ਮੁੰਬਈ, 24 ਨਵੰਬਰ - ਇੱਥੋਂ ਦੇ ਜ਼ੈਵਰੀ ਬਾਜ਼ਾਰ 'ਚ ਅੱਗ ਲੱਗਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਅੱਗ ਬੁਝਾਊ ਦਸਤੇ ਦੀਆਂ 5 ਗੱਡੀਆਂ ਮੌਕੇ 'ਤੇ ਪਹੁੰਚ ਕੇ ਅੱਗ...
ਮਿਸਰ ਅੱਤਵਾਦੀ ਹਮਲਾ : ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ ਹੋਈ 200
. . .  1 day ago
ਨਗਰ ਕੌਂਸਲ ਸ੍ਰੀ ਅਨੰਦਪੁਰ ਸਾਹਿਬ ਦੇ ਪ੍ਰਧਾਨ ਸ. ਵਾਲੀਆ ਨੇ ਦਿੱਤਾ ਅਸਤੀਫ਼ਾ
. . .  1 day ago
ਸ੍ਰੀ ਅਨੰਦਪੁਰ ਸਾਹਿਬ, 24 ਨਵੰਬਰ (ਕਰਨੈਲ ਸਿੰਘ, ਜੇ ਐੱਸ ਨਿੱਕੂਵਾਲ)-ਨਗਰ ਕੌਂਸਲ ਸ੍ਰੀ ਅਨੰਦਪੁਰ ਸਾਹਿਬ ਦੀ ਪ੍ਰਧਾਨਗੀ ਦਾ ਪਿਛਲੇ ਕਈ ਦਿਨਾਂ ਤੋਂ ਚੱਲ ਰਿਹਾ ਰੇੜਕਾ ਅੱਜ ਉਦੋਂ ਸਮਾਪਤ ਹੋ ਗਿਆ ਜਦੋਂ ਕੌਂਸਲ ਦੇ ਅਕਾਲੀ ਭਾਜਪਾ ਗੱਠਜੋੜ ਨਾਲ ਸਬੰਧਿਤ...
ਨੋਟਬੰਦੀ ਨੇ ਪੱਥਰਬਾਜ਼ੀ ਦੀਆਂ ਘਟਨਾਵਾਂ 'ਚ ਕਮੀ - ਡੀ.ਜੀ.ਪੀ
. . .  1 day ago
ਮਿਸਰ ਅੱਤਵਾਦੀ ਹਮਲਾ : ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ ਹੋਈ 85
. . .  1 day ago
ਹੋਰ ਖ਼ਬਰਾਂ..
ਜਲੰਧਰ : ਐਤਵਾਰ 29 ਸਾਉਣ ਸੰਮਤ 549
ਵਿਚਾਰ ਪ੍ਰਵਾਹ: ਲਾਪਰਵਾਹੀ ਅਕਸਰ ਅਗਿਆਨਤਾ ਤੋਂ ਵੀ ਜ਼ਿਆਦਾ ਨੁਕਸਾਨ ਪਹੁੰਚਾਉਂਦੀ ਹੈ। -ਫਰੈਂਕਲਿਨ
  •     Confirm Target Language  

ਸਾਹਿਤ ਫੁਲਵਾੜੀ

ਓਧਰ ਵੀ 'ਸ਼ਰੀਫ਼' ਨਹੀਂ...

ਸੱਤਰ ਸਾਲ ਪਹਿਲਾਂ... ਇਸ ਧਰਤੀ 'ਤੇ... * ਨਾ ਪਾਕਿਸਤਾਨ ਸੀ, ਨਾ ਬੰਗਲਾਦੇਸ਼ ਸੀ, ਇਕੋ ਦੇਸ਼ ਸੀ, ਹਿੰਦੁਸਤਾਨ। ਤੇ ਰਿਆਇਆ... ਜਨਤਾ? * ਨਾ ਕੋਈ ਪਾਕਿਸਤਾਨੀ ਸੀ, ਤੇ ਨਾ ਬੰਗਲਾਦੇਸ਼ੀ। ਸਭੇ ਹਿੰਦੁਸਤਾਨੀ ਸਨ। ਸਭੇ ਅਲਾਮਾ ਇਕਬਾਲ ਦਾ ਰਚਿਆ ਕੌਮੀ ਤਰਾਨਾ ਬੜੇ ਜੋਸ਼ੋ-ਖਰੋਸ਼, ...

ਪੂਰੀ ਖ਼ਬਰ »

ਕਾਵਿ-ਮਹਿਫ਼ਲ : ਸਾਵਣ ਵਿਸ਼ੇਸ਼

* ਜਸਪਾਲ ਜ਼ੀਰਵੀ * ਚੰਦਰਾ ਮਾਹੀ ਫਿਰ ਨਾ ਆਇਆ ਸਾਵਣ ਵਿਚ। ਅੰਗੜਾਈਆਂ ਲੈ ਵਕਤ ਲੰਘਾਇਆ ਸਾਵਣ ਵਿਚ। ਚੁੱਪ ਚੁਪੀਤੇ ਦਿਲਬਰ ਧਾਇਆ ਸਾਵਣ ਵਿਚ, ਸਾਡਾ ਫਿਰ ਲੂੰ-ਲੂੰ ਨਸ਼ਿਆਇਆ ਸਾਵਣ ਵਿਚ। ਬਾਲ੍ਹੇ ਮੀਂਹ ਨੇ ਪੰਗਾ ਪਾਇਆ ਸਾਵਣ ਵਿਚ, ਕੱਚਾ ਕੋਠਾ ਚੋਣਾ ਲਾਇਆ ਸਾਵਣ ...

ਪੂਰੀ ਖ਼ਬਰ »

ਚੁਗਲੀ ਨਿੰਦਿਆ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ) * ਪੇਟ ਵਿਚ ਗਿਆ ਜ਼ਹਿਰ ਸਿਰਫ਼ ਇਕ ਵਿਅਕਤੀ ਨੂੰ ਮਾਰਦਾ ਹੈ ਅਤੇ ਕੰਨ ਵਿਚ ਗਿਆ ਜ਼ਹਿਰ (ਭਾਵ ਚੁਗਲੀ ਦਾ ਜ਼ਹਿਰ) ਸੈਂਕੜੇ ਰਿਸ਼ਤਿਆਂ ਨੂੰ ਮਾਰਦਾ ਹੈ। * ਦੂਜਿਆਂ ਦੀ ਨਿੰਦਾ ਕਰਕੇ ਕਿਸੇ ਨੂੰ ਕੁਝ ਨਹੀਂ ਮਿਲਿਆ ਪਰ ਜਿਸ ਨੇ ਖੁਦ ...

ਪੂਰੀ ਖ਼ਬਰ »

ਗੀਤ

ਕਾਲੀ ਕਾਲੀ ਘਟਾ ਆਈ ਕਾਲੀ ਕਾਲੀ ਘਟਾ ਆਈ, ਤੂੰ ਵੀ ਕੋਲੇ ਆ। ਅਸੀਂ ਪੱਤਣਾਂ 'ਤੇ ਖੜ੍ਹੇ, ਸਾਨੂੰ ਪਾਰ ਤੂੰ ਲੰਘਾ। ਛਾਈ ਘਟਾ ਘਣਘੋਰ, ਤੱਕ ਨੱਚਦੇ ਨੇ ਮੋਰ। ਅਸੀਂ ਹੋਏ ਹੋਰ ਹੋਰ, ਸਾਨੂੰ ਮੋਹੇ ਤੇਰੀ ਤੋਰ। ਤੋਰ ਤੁਰਨਾ ਜੋ ਮੋਹੇ, ਉਹ ਤੂੰ ਸਾਨੂੰ ਵੀ ਸਿਖਾ। ਅਸੀਂ ...

ਪੂਰੀ ਖ਼ਬਰ »

ਕਹਾਣੀ: ਤੇਜੋ

ਤੇਜੋ ਭਾਬੀ, ਦਿੱਲੀ ਦੀ ਕੁੜੀ, ਵਿਆਹ ਕੇ ਜਲੰਧਰ ਆ ਵਸੀਂਬੜੇ ਅੱਛੇ ਪਰਿਵਾਰ ਦੀ ਨੂੰਹ ਬਣੀ। ਐਸੇ ਪਰਿਵਾਰ ਦੀ ਕਿ ਜਿਹੜੇ ਆਪਣੇ ਘਰ ਹੋਣ ਵਾਲੇ ਹਰ ਲਾਹੇਵੰਦ ਕੰਮ ਨੂੰ ਨੂੰਹ ਦੇ ਕਦਮ ਘਰ 'ਚ ਪੈਣ ਕਰਕੇ ਹੋਇਆ ਗਰਦਾਨ ਕੇ ਨੂੰਹ ਦੀ ਸਰਾਹਨਾ ਕਰਦੇ। ਪਰ ਖ਼ੁਦਾ ਦੀ ਕੁਦਰਤ ਦੇਖੋ, ਤੇਜੋ ਭਾਬੀ ਦੇ ਮੱਥੇ ਦਾ ਤੇਜ ਤਾਂ ਸ਼ਾਇਦ ਸਹੁਰੇ ਘਰ ਦੇ ਜੀਆਂ ਦੀ ਆਪਣੀ ਕਲਪਨਾ ਹੀ ਸੀ। ਹਾਂ, ਜਿਉਂ-ਜਿਉਂ ਸਮਾਂ ਲੰਘਦਾ ਗਿਆ, ਇਹ ਗੱਲ ਸੌਖਿਆਂ ਹੀ ਕਹੀ ਜਾ ਸਕਦੀ ਸੀ ਕਿ ਦਾਨਾ-ਪਨ ਜਾਂ ਖ਼ਾਨਦਾਨੀ ਹੋਣ ਦੀ ਗੱਲ ਤਾਂ ਕੋਈ ਹੈ ਨਹੀਂ, ਪਰ ਤੇਜੋ ਅਸਲੀਅਤ ਵਿਚ ਬੜੀ ਤੇਜ਼ ਤੇ ਖ਼ੁੱਦਗਰਜ਼ ਹੈ। ਬਈ ਉਹਨੂੰ ਸਿਰਫ਼ ਤੇ ਸਿਰਫ਼ ਆਪਣੇ ਨਾਲ ਮਤਲਬ ਐ। ਜੇ ਉਸ ਨੂੰ ਆਪਣੀ ਅਕਲ ਦੇ ਮੁਤਾਬਿਕ ਕੁਝ ਲੈਣ ਦਾ ਵਿਚਾਰ ਆ ਗਿਆਂਠੀਕ ਜਾਂ ਗ਼ਲਤ, ਤਾਂ ਜੋਕਾਂ ਦੀ ਤਰ੍ਹਾਂ ਦਿਨ ਰਾਤ ਪਿੱਛੇ ਪੈ ਕੇ ਉਹਨੇ ਆਪਣੀ ਸੋਚ ਨੂੰ ਅਮਲੀ ਜਾਮਾ ਪਵਾ ਲੈਣੇ, ਉਹ ਸ਼ੈਅ ਲੈ ਹੀ ਲੈਣੀ ਐ।
ਕੁਝ ਦੋ/ਤਿੰਨ ਸਾਲਾਂ ਬਾਅਦ ਬੱਚੇ ਹੋ ਗਏ ਤਾਂ ਫਿਰ, ਇਕੱਠੇ ਵੱਡੇ ਪਰਿਵਾਰ ਵਿਚ ਤੇਜੋ ਨੂੰ ਸਿਰਫ਼ ਆਪਣਾ ਤੇ ਆਪਣੇ ਬੱਚਿਆਂ ਦਾ ਫਿਕਰ ਹੁੰਦਾ। ਜੇ ਉਹ ਆਪ ਬਿਮਾਰ ਹੋਵੇ ਤੇ ਡਾਕਟਰ ਕੋਈ ਟੈਸਟ ਜਾਂ ਦਵਾਈ ਦੱਸ ਦੇਵੇ, ਬਸ ਤੇਜੋ ਨੂੰ ਕਦੇ ਨਹੀਂ ਭੁੱਲਦਾ ਕਿ ਉਸ ਨੇ ਕਿਹੜੀ ਦਵਾਈ ਕਿਸ ਵੇਲੇ ਲੈਣੀ ਐ। ਸੋ, ਆਪਣੀ ਜਾਨ ਦਾ, ਆਪਣੇ ਖਾਣ ਦਾ, ਸਿਰਫ਼ ਆਪਣੇ ਬੱਚਿਆਂ ਦੇ ਖਾਣ ਬਾਰੇ ਬੜੀ ਹੀ ਚੇਤੰਨ ਹੁੰਦੀ, ਬਾਕੀ ਕਿਸੇ ਦੀ ਉਹਨੂੰ ਅਸਲ 'ਚ ਪਰਵਾਹ ਬਿਲਕੁਲ ਨਹੀਂ, ਹਾਂ ਦਿਖਾਵਾ ਭਾਵੇਂ ਕਰੀ ਜਾਵੇ।
ਸਾਰੀ ਜ਼ਿੰਦਗੀ ਇਵੇਂ ਹੀ ਟਪਾ ਦਿੱਤੀਂਜ਼ਿੰਦਗੀ ਦੇ 20/30 ਸਾਲ। ਉਸ ਦੀਆਂ ਇਹ ਖਸੂਸਤਾਂ ਰਿਸ਼ਤੇਦਾਰੀ 'ਚ ਪੂਰੀਆਂ ਮਸ਼ਹੂਰ ਸਨ। ਕਿਉਂਕਿ ਇਕ ਨਹੀਂ ਦੋ, ਦੋ ਨਹੀਂ ਚਾਰ ਵਾਰੀਆਂ ਬਾਅਦ ਤਾਂ ਪਤਾ ਹੀ ਲਗ ਜਾਂਦੈ। ਕਿਸੇ ਆਏ ਗਏ ਨੂੰ ਟਾਲ ਜਾਓ, ਪੁੱਛੋ ਗਿੱਛੋ ਨਾ ਤੇ ਕੋਈ ਭਲਾ ਜਾਏਗਾ ਕਿਉਂਂਤੁਹਾਡੇ ਘਰ। ਜਾਂਦਾ ਬੰਦਾ ਉਥੇ ਹੀ ਹੈ, ਜਿਥੇ ਕੋਈ ਖਿੜੇ ਮੱਥੇ ਝੱਲੇਗਾ, ਵਿਸ਼ਵਾਸ ਹੋਵੇ, ਨਹੀਂ ਤੇ ਕੋਈ ਨਹੀਂ ਜਾਂਦਾ। ਹਰਦਿਆਲ ਸਿੰਘ, ਉਹਦੇ ਘਰ ਵਾਲੇ ਦਾ ਦੂਰੋਂ ਮਾਸੜ ਲਗਦਾ ਸੀ, ਹੈਡਮਾਸਟਰ ਰਿਟਾਇਰਡ ਸੀ ਤੇ ਉਸ ਦਾ ਇਕੋ ਇਕ ਬੇਟਾ ਅਮਰੀਕਾ 'ਚ ਡਾਕਟਰ ਸੀ। ਸਾਫ ਦਿਲ ਇਨਸਾਨ ਸੀ ਤੇ ਜ਼ੁੱਰਅਤ ਵਾਲਾ ਸੀ। ਸਾਰੇ ਘਰ ਦੇ ਹੋਰ ਪੁੱਤਰ ਨੂੰਹਾਂ ਵਧੀਆ ਸਨ, ਪਰ ਤੇਜੋ ਭਾਬੀ ਉਹਨੂੰ ਇਸ ਘਰ 'ਚ ਬਿਲਕੁਲ ਨਾ ਫਿੱਟ ਜਾਪਦੀ ਤੇ ਕਈ ਵੇਰਾਂ ਉਹ ਸੰਕੇਤਕ ਤੌਰ 'ਤੇ ਕਹਿ ਵੀ ਦਿੰਦਾ ਤੇ ਨਾਲੇ ਹੱਸ ਦਿੰਦਾ। ਲੋਕਲ ਰਹਿੰਦਾ ਸੀ, ਅਕਸਰ ਆਉਂਦਾ-ਜਾਂਦਾ ਰਹਿੰਦਾ ਸੀ ਪਰ ਕੋਈ ਕੁਝ ਵੀ ਕਹੇ, ਤੇਜੋ ਭਾਬੀ 'ਤੇ ਕੋਈ ਅਸਰ ਨਹੀਂ ਸੀ। ਉਹ ਟਸ ਤੋਂ ਮਸ ਨਹੀਂ ਸੀ ਹੁੰਦੀ ਆਪਣੀ ਸੋਚ ਤੋਂ। ਉਹਨੇ ਤਣੀ ਨਹੀਂ ਛੁਹਾਣੀ, ਖਾਲੀ ਗੱਲਾਂ ਨਾਲ ਹੀ ਸਾਰ ਦੇਣੈ। ਜੇ ਉਸ ਤੋਂ ਬਾਅਦ ਕੋਈ ਨਾ ਸਮਝੇ, ਤੇ ਉਹਨੇ ਆਪ ਤਿਆਰ ਹੋਣ ਲੱਗ ਜਾਣੈ ਕਿ ਸਾਡਾ ਤਾਂ ਫਲਾਣੀ ਜਗ੍ਹਾ ਜਾਣ ਦਾ ਪ੍ਰੋਗਰਾਮ ਐ। ਬੰਦਾ ਆਪੇ ਹੀ ਸ਼ਰਮ ਨਾਲ ਕਹਿਣ ਲੱਗ ਪੈਂਦੈ ਕਿ ਅਸੀਂ ਤਾਂ ਆਪ ਕਿੱਧਰੇ ਜਾਣੈ ਤੇ ਉਠ ਪੈਂਦੇ।
ਤੇਜੋ ਭਾਬੀ ਦੇ ਘਰ ਵਾਲਾ ਸਰਕਾਰੀ ਨੌਕਰੀ ਕਰਦਾ ਸੀ, ਇੰਜੀਨੀਅਰ ਸੀ। ਵਿਆਹ ਤੋਂ ਕੋਈ 12/13 ਵਰ੍ਹੇ ਬਾਅਦ ਉਹਦੀ ਬਦਲੀ ਡਲਹੌਜ਼ੀ ਹੋ ਗਈ। ਪਹਾੜੀ ਸਟੇਸ਼ਨ ਸੀ, ਸੋ ਤੇਜੋ ਭਾਬੀ ਦੀ ਉਲਝਣ ਵਧ ਗਈ। ਆਪਣੇ ਪਰਿਵਾਰ 'ਚੋਂ ਤਾਂ ਕਿਸੇ ਨੇ ਜ਼ੁਰਅੱਤ ਨਹੀਂ ਨਾ ਕੀਤੀ, ਉਥੇ ਜਾਣ ਦਾ ਪ੍ਰੋਗਰਾਮ ਬਣਾਉਣ ਦੀ, ਪਰ ਇਕ ਮਾਮਾ ਸੀ ਤੇਜੋ ਭਾਬੀ ਦਾ ਉਹ ਬੜਾ ਵੱਡਾ ਅਫ਼ਸਰ ਲੱਗਾ ਹੋਇਆ ਸੀ ਕਿਤੇ। ਉਹਨੂੰ ਪਤਾ ਲੱਗਾ ਕਿ ਤੇਜੋ ਡਲਹੌਜ਼ੀ ਪਹੁੰਚ ਗਈ ਐ। ਉਹਨੇ ਖ਼ੁਸ਼ੀ ਜ਼ਾਹਿਰ ਕਰਦਿਆਂ ਸੁਨੇਹਾ ਭੇਜਿਆ ਕਿ ਉਹ ਦਸ ਦਿਨਾਂ ਤਕ ਕੋਈ 4/5 ਦਿਨਾਂ ਵਾਸਤੇ ਡਲਹੌਜ਼ੀ ਰਹਿਣ ਆਉਣਗੇ, ਬੜਾ ਪਹਾੜੀ ਇਲਾਕਾ ਐ ਤੇ ਗਰਮੀਆਂ ਦੇ ਦਿਨ ਨੇ। ਤੇਜੋ ਦੇ ਘਰ ਵਾਲੇ ਨੇ ਤਾਂ ਖੁਸ਼ੀ ਜ਼ਾਹਿਰ ਕੀਤੀ, ਪਰ ਤੇਜੋ ਤਰਲੋ ਮੱਛੀ ਹੋਣ ਲੱਗੀ। ਉਹ ਕੋਈ ਵਿਉਂਤ ਮਨ ਹੀ ਮਨ ਸੋਚਣ ਲੱਗੀ। ਘਰ ਵਾਲੇ ਨੇ ਕਾਫੀ ਸਮਝਾਇਆ ਕਿ ਆਪਣੇ ਹੀ ਆਇਆ ਕਰਦੇ ਨੇ ਤੇ ਇਕ ਮੌਕਾ ਹੁੰਦੈ, ਪਿਆਰ ਅਤੇ ਰਿਸ਼ਤੇ ਕਰਕੇ ਹੀ ਕੋਈ ਅਉਂਦੈ। ਪਰ ਨਹੀਂ, ਤੇਜੋ ਦੀ ਜਮਾਂਦਰੂ ਆਦਤ ਨੂੰ ਕੌਣ ਬਦਲ ਸਕਦਾ ਸੀ। ਕੋਈ 5/7 ਦਿਨਾਂ ਬਾਅਦ ਘਰ ਵਾਲੇ ਨੂੰ ਮਜਬੂਰ ਕਰਕੇ ਉਹਨੇ ਮਾਮੇ ਨੂੰ ਸੰਦੇਸ਼ਾ ਭੇਜ ਦਿੱਤਾ ਕਿ ਛੋਟੀ ਕੁੜੀ ਬਿਮਾਰ ਹੋਣ ਕਰਕੇ ਉਹ ਆਪ ਹੀ ਜਲੰਧਰ ਜਾ ਰਹੀ ਹੈ, ਸੋ, ਫਿਰ ਕਦੇ ਪ੍ਰੋਗਰਾਮ ਬਣਾਉਣਾ। ਸੋ, ਇਸ ਤਰ੍ਹਾਂ ਭੇਖ ਕਰਕੇ ਮਾਮੇ ਨੂੰ ਆਉਣ 'ਤੇ ਰੋਕ ਲਾ ਦਿੱਤੀ। ਤੇਜੋ ਭਾਬੀ ਨੇ ਇਸ ਗੱਲ ਦੀ ਕੋਈ ਪਰਵਾਹ ਕਦੀ ਨਹੀਂ ਸੀ ਕੀਤੀ ਕਿ ਕੋਈ ਜੇ ਸਮਝ ਗਿਆ ਤਾਂ ਕੀ ਮਹਿਸੂਸ ਕਰੇਗਾ। ਰਿਸ਼ਤੇਦਾਰ ਵੀ ਸਮਝ ਗਏ ਸਨਂਉਸ ਦੀ ਇਸ ਆਦਤ ਤੋਂ ਵਾਕਿਫ਼ ਹੋ ਗਏ ਸਨ। ਜਿਵੇਂ ਇਹ ਕਹਿ ਲਓ ਕਿ ਜਦੋਂ ਕਿਸੇ ਤੋਂ ਕੋਈ ਆਸ ਹੀ ਨਾ ਹੋਵੇ, ਤੁਹਾਡਾ ਕੁਝ ਹਰਜ਼ ਹੀ ਨਹੀਂ ਹੁੰਦਾ ਕਿਉਂਕਿ ਹਰ ਪ੍ਰੋਗਰਾਮ, ਹਰ ਵਿਉਂਤ, ਉਸ ਬੰਦੇ ਦੀਆਂ ਖਸੂਸੀਆਂ ਦੇ ਮੱਦੇ ਨਜ਼ਰ ਹੀ ਬਣਾਈ ਜਾਂਦੀ ਹੈ।
ਰੱਬ ਦੀ ਕਰਨੀ, ਕੋਈ 55ਵਰ੍ਹੇ ਦੀ ਹੋਣੀ ਏ ਤੇਜੋ ਭਾਬੀ ਕਿ ਕੈਂਸਰ ਨੇ ਜਕੜ ਲਿਆ। ਜਦੋਂ ਤੱਕ ਬਿਮਾਰੀ ਦਾ ਪਤਾ ਲੱਗਾ, ਬਹੁਤ ਫੈਲ ਚੁੱਕੀ ਸੀ। ਪਰ ਫਿਰ ਵੀ ਵਧੀਆ ਤੋਂ ਵਧੀਆ ਡਾਕਟਰ ਦੀ ਰਾਏ ਲਈ ਗਈ, ਇਲਾਜ ਕਰਾਇਆ ਗਿਆ। ਸਾਰੇ ਵੱਡੇ ਪਰਿਵਾਰ ਦੇ ਮੈਂਬਰ ਹਰਕਤ 'ਚ ਆਏ। ਸਾਰੀ ਰਿਸ਼ਤੇਦਾਰੀ ਉਹਦੇ ਘਰ ਵਾਲੇ ਤੇ ਸਾਰੇ ਵੱਡੇ ਪਰਿਵਾਰ ਦੇ ਮੈਂਬਰਾਂ ਨੂੰ ਵੇਖ ਕੇ ਅਸ਼-ਅਸ਼ ਕਰਦੀ ਕਿ ਤੇਜੋ ਦੇ ਸੁਭਾਅ ਦੇ ਬਾਵਜੂਦ ਸਾਰੇ ਹੀ ਕਿੰਨੇ ਮਾਯੂਸ ਨੇ, ਦੌੜ-ਭੱਜ ਕਰ ਰਹੇ ਨੇ ਕਿ ਉਹ ਦਾ ਵੱਡੇ ਤੋਂ ਵੱਡੇ ਡਾਕਟਰ ਕੋਲੋਂ ਇਲਾਜ ਕਰਾਇਆ ਜਾਵੇ। ਹਰ ਕੋਈ ਦੇਖਣ ਨੂੰ ਆਉਂਦਾ ਤੇ ਆਮ ਤੌਰ 'ਤੇ ਜੋ ਸਮਾਜ ਦੀ ਪ੍ਰਥਾ ਹੈ, ਇਹੀ ਕਹਿੰਦਾ ਹੈ ਕਿ ਬਈ ਗੁਰੂ ਮਹਾਰਾਜ ਦੀ ਕਿਰਪਾ ਹੋਵੇ, ਤੇਜੋ ਉਤੇ ਰਹਿਮਤ ਹੋਵੇ। ਹਰਦਿਆਲ ਸਿੰਘ ਨੇ ਵੀ ਤੇਜੋ ਦੀਆਂ ਸਾਰੀਆਂ ਰਿਪੋਰਟਾਂ ਅਮਰੀਕਾ ਭੇਜ ਕੇ ਜਿਤਨੀ ਇਲਾਜ ਸਬੰਧੀ ਮਦਦ ਹੋ ਸਕਦੀ ਸੀ, ਕੀਤੀ।
ਕੋਈ ਡੇਢ ਸਾਲ ਬਿਮਾਰੀ ਕੱਟੀ ਤੇਜੋ ਭਾਬੀ ਨੇ, ਅਣਗਿਣਤ ਪੈਸੇ ਖਰਚ ਹੋਏ। ਤੇਜੋ ਭਾਬੀ ਵਿਚ ਵੀ ਸਵੈ-ਵਿਸ਼ਵਾਸ ਬਹੁਤ ਸੀ। ਜ਼ਰਾ ਜਿਹੀ ਠੀਕ ਹੁੰਦੀ ਤਾਂ ਕਹਿੰਦੀ ਮੈਂ ਬਿਲਕੁਲ ਠੀਕ ਹਾਂ, ਕੈਂਸਰ ਤਾਂ ਅੱਜਕਲ੍ਹ ਹਰ ਤੀਜੇ ਬੰਦੇ ਨੂੰ ਹੋਇਆ ਪਇਐ। ਮੈਂ ਠੀਕ ਹੋ ਜਾਣੈ। ਫਿਰ ਕੁਝ ਦਿਨ ਮਗਰੋਂ ਕੈਂਸਰ ਜ਼ੋਰ ਪਕੜਦਾ ਤੇ ਬੇਹਾਲ ਹੋ ਜਾਂਦੀ। ਵੇਖਣ ਜਾਓ ਤੇ ਇੰਜ ਲੱਗਦਾ ਜਿਵੇਂ ਕਹਿ ਰਹੀ ਹੋਵੇ, ''ਤਰਸ ਖਾ ਕੇ ਰੱਬ ਕੋਲੋਂ ਮੇਰੇ ਵਾਸਤੇ ਜ਼ਿੰਦਗੀ ਮੰਗ ਦੇਵੋ।'' ਪਰ ਨਾਲ ਹੀ ਲਗਦਾ ਕਿ ਕਹਿੰਦਿਆਂ ਕਹਿੰਦਿਆਂ ਸੋਚ ਰਹੀ ਹੈ, ''ਤੁਸੀਂ ਕਿਉਂ ਮੰਗੋਗੇ ਰੱਬ ਕੋਲੋਂ ਮੇਰੀ ਜ਼ਿੰਦਗੀ, ਮੈਂ ਕਿਹੜੇ ਮੂੰਹ ਨਾਲ ਕਹਾਂ ਤੁਹਾਨੂੰ?''
ਦੇਖਦੇ ਦੇਖਦੇ ਤੇਜੋ ਭਾਬੀ ਦੀ ਹਾਲਤ ਕੁਝ ਹੀ ਦਿਨਾਂ 'ਚ ਬਹੁਤ ਵਿਗੜ ਗਈ। ਉਹਨੂੰ ਸ਼ਹਿਰ ਦੇ ਵੱਡੇ ਕੈਂਸਰ ਹਸਪਤਾਲ 'ਚ ਲੈ ਜਾਇਆ ਗਿਆ। ਇਕ-ਇਕ ਕਰਕੇ ਸਾਰੇ ਅੰਗ ਫੇਲ੍ਹ ਹੋ ਗਏ, ਫੇਫੜੇ, ਕਿਡਨੀ ਤੇ ਬਲੱਡ ਪ੍ਰੈਸ਼ਰ ਇਤਨਾ ਘਟ ਗਿਆ ਕਿ ਦਿਲ ਫੇਲ੍ਹ ਹੋ ਗਿਆ ਕਿਉਂਕਿ ਕੈਂਸਰ ਸਾਰੇ ਸਰੀਰ 'ਚ ਫੈਲ ਗਿਆ ਸੀ। ਕੋਈ ਇਕ ਹਫ਼ਤਾ ਹਸਪਤਾਲ 'ਚ ਬੇਹੋਸ਼ੀ ਦੀ ਹਾਲਤ 'ਚ ਰਹਿਣ ਤੋਂ ਬਾਅਦ ਤੇਜੋ ਭਾਬੀ ਨੇ ਬਖਸ਼ੇ ਸਵਾਸ ਪੂਰੇ ਕੀਤੇ।
ਤੇਜੋ ਭਾਬੀ ਦੇ ਮ੍ਰਿਤਕ ਸਰੀਰ ਨੂੰ ਨਹਿਲਾਉਣ ਉਪਰੰਤ ਸਭ ਰਿਸ਼ਤੇਦਾਰਾਂ ਨੇ ਦੋਸ਼ਾਲੇ ਕਰਾਏ। ਮਾਹੌਲ ਗਮਗੀਨ ਸੀ। ਫਿਰ ਸਾਰੇ ਵੱਡੇ ਪਰਿਵਾਰ ਦੇ ਪੁੱਤਰਾਂ ਨੂੰਹਾਂ ਨੇ ਸਮਾਜਿਕ ਰੀਤ ਅਨੁਸਾਰ ਸਸਕਾਰ ਵਾਸਤੇ ਲੈ ਜਾਣ ਤੋਂ ਪਹਿਲਾਂ ਮੱਥਾ ਟੇਕਿਆ ਤੇ ਹਰ ਇਕ ਨੇ ਕੋਈ 10/20 ਰੁਪਏ ਤੇਜੋ ਭਾਬੀ ਦੇ ਮ੍ਰਿਤਕ ਸਰੀਰ ਦੇ ਚਰਨਾਂ 'ਚ ਰੱਖੇ। ਰਿਟਾਇਰਡ ਹੈੱਡ ਮਾਸਟਰ ਹਰਦਿਆਲ ਸਿੰਘ ਵੀ ਆਇਆ ਹੋਇਆ ਸੀ। ਉਥੇ ਹੀ ਖੜ੍ਹਾ ਸੀ। ਸਭ ਕੁਝ ਦੇਖ ਰਿਹਾ ਸੀ ਪਰ ਬਿਲਕੁਲ ਚੁੱਪ ਸੀ। ਉਹਦਾ ਚਿਹਰਾ ਇੰਜ ਲਗਦਾ ਸੀ ਜਿਵੇਂ ਬਹੁਤ ਗੰਭੀਰ ਵਿਚਾਰ 'ਚ ਲਿਪਤ ਸੀ। ਇਕ-ਇਕ ਕਰਕੇ ਨੇੜੇ ਦੂਰੋਂ ਦੇ ਰਿਸ਼ਤੇ 'ਚੋਂ ਪੁੱਤਰ, ਨੂੰਹਾਂ ਵਿਧੀ-ਵਤ ਮ੍ਰਿਤਕ ਸਰੀਰ ਨੂੰ ਮੱਥਾ ਟੇਕੀ ਜਾ ਰਹੇ ਸਨ। ਇਕ ਬਜ਼ੁਰਗ ਔਰਤ ਨੇ ਆਹਿਸਤਾ ਜਿਹੇ ਪੁੱਛਿਆ, ਜੇ ਸਭ ਨੇ ਦਰਸ਼ਨ ਕਰ ਲਏ ਹੋਣ ਤਾਂ ਅਰਦਾਸ ਕਰੋ ਤੇ ਮ੍ਰਿਤਕ ਸਰੀਰ ਨੂੰ ਵੈਨ ਵਿਚ ਰੱਖੋ ਕਿਉਂਕਿ ਅਸੀਂ ਅੱਗੇ ਹੀ ਲੇਟ ਹਾਂ ਬਰਾਦਰੀ ਨੂੰ ਦੱਸੇ ਹੋਏ ਟਾਈਮ ਤੋਂ, ਕਿਉਂਕਿ ਸ਼ਮਸ਼ਾਨ ਭੂਮੀ ਬਿਰਾਦਰੀ ਇੰਤਜ਼ਾਰ ਕਰਦੀ ਹੋਏਗੀ। ਏਨੇ ਨੂੰ ਹੈੱਡਮਾਸਟਰ ਹਰਦਿਆਲ ਸਿੰਘ ਆਪਣੇ ਅੱਗੇ ਖੜ੍ਹੇ ਬੰਦਿਆਂ ਨੂੰ ਚੀਰ ਕੇ ਤੇਜੋ ਦੇ ਮ੍ਰਿਤਕ ਸਰੀਰ ਕੋਲ ਆਇਆ। ਜੇਬ 'ਚੋਂ 50 ਰੁਪਏ ਦਾ ਨੋਟ ਕੱਢਿਆ ਤੇ ਤੇਜੋ ਦੇ ਮ੍ਰਿਤਕ ਸਰੀਰ ਦੇ ਚਰਨਾਂ 'ਤੇ ਰੱਖ ਕੇ ਮੱਥਾ ਟੇਕਿਆ। ਸਾਰੇ ਹੈਰਾਨ ਸਨ ਕਿ 70 ਵਰ੍ਹੇ ਦਾ ਪ੍ਰਤਿੱਠਤ ਹੈੱਡ ਮਾਸਟਰ ਹਰਿਦਆਲ ਸਿੰਘ ਕਿਉਂ ਮੱਥਾ ਟੇਕ ਰਿਹਾ। ਪਰ ਹਰਦਿਆਲ ਸਿੰਘ ਮਨ 'ਚ ਕਹਿ ਰਿਹਾ ਸੀ, 'ਤੇਜੋ, ਬਈ ਮੈਂ ਮਾਫੀ ਮੰਗਦਾਂ ਕਿ ਅੱਜ ਤੱਕ ਮੈਂ ਜ਼ਿੰਦਗੀ 'ਚ ਕਿਸੇ ਨੂੰ ਵੀ ਪੀੜਾ 'ਚ ਦੇਖਿਆ ਤਾਂ ਉਸ ਦੇ ਭਲੇ ਲਈ ਅਰਦਾਸ ਕੀਤੀ, ਪਰ ਪਤਾ ਨੀਂ ਕਿਉਂ ਮੈਂ ਸਾਰੀ ਉਮਰ ਪਿਛਲੇ 30 ਸਾਲਾਂ ਤੋਂ ਤੈਨੂੰ ਦੇਖਦਾ ਆ ਰਿਹਾਂ ਤੇ ਮੇਰੇ ਮਨ ਨੇ ਇਕ ਵੇਰਾਂ ਵੀ ਜੁੜ ਕੇ ਤੇਰੀ ਬਿਮਾਰੀ ਦੌਰਾਨ ਅਰਦਾਸ ਕਰਨ ਦੀ ਗਵਾਹੀ ਨਹੀਂ ਭਰੀ। ਸੋ ਮੈਨੂੰ, ਮਾਫ ਕਰੀਂ, ਬਈ ਇਹ ਮੱਥਾ ਟੇਕ ਕੇ, ਮੈਂ ਪ੍ਰਾਇਸ਼ਚਿਤ ਕਰਦਾ ਹਾਂ ਕਿਉਂਕਿ ਸਭ ਦਾ ਭਲਾ ਮੰਗਣਾ ਧਰਮ ਹੈ।'

-61-ਬੀ, ਸ਼ਾਸਤਰੀ ਨਗਰ, ਮਾਡਲ ਟਾਊਨ, ਲੁਧਿਆਣਾ-141002.
ਮੋਬਾਈਲ : 98155-09390


ਖ਼ਬਰ ਸ਼ੇਅਰ ਕਰੋ






Website & Contents Copyright © Sadhu Singh Hamdard Trust, 2002-2017.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX