ਤਾਜਾ ਖ਼ਬਰਾਂ


ਅਰੁਣ ਨਾਰੰਗ ਨੇ ਸਦਨ 'ਚ ਚੁੱਕਿਆ ਰਿਸ਼ਵਤ ਲੈ ਕੇ ਬਿਜਲੀ ਦੇ ਮੀਟਰ ਲਗਾਉਣ ਦਾ ਮੁੱਦਾ
. . .  4 minutes ago
'ਪੜ੍ਹੋ ਪੰਜਾਬ ਪੜ੍ਹਾਓ ਪੰਜਾਬ' ਦੀ ਟੈਸਟਿੰਗ ਨੂੰ ਲੈ ਕੇ ਸਕੂਲਾਂ 'ਚ ਪੁਲਿਸ ਤਾਇਨਾਤ
. . .  11 minutes ago
ਨੂਰਪੁਰ ਬੇਦੀ, 22 ਫਰਵਰੀ (ਹਰਦੀਪ ਸਿੰਘ ਢੀਂਡਸਾ)- ਪੰਜਾਬ ਸਿੱਖਿਆ ਵਿਭਾਗ ਵੱਲੋਂ ਅੱਜ 'ਪੜ੍ਹੋ ਪੰਜਾਬ ਪੜ੍ਹਾਓ ਪੰਜਾਬ' ਮੁਹਿੰਮ ਦੇ ਤਹਿਤ ਸਰਕਾਰੀ ਪ੍ਰਾਇਮਰੀ ਸਕੂਲਾਂ 'ਚ ਵਿਦਿਆਰਥੀਆਂ ਦੀ ਕੀਤੀ ਜਾ ਰਹੀ ਟੈਸਟਿੰਗ ....
ਬਜਟ ਇਜਲਾਸ : ਪੰਜਾਬ 'ਚ ਸਰਕਾਰ ਵੱਲੋਂ ਨਵੇਂ ਕਾਲਜ ਬਣਾਉਣ ਦੇ ਐਲਾਨ 'ਤੇ ਚਰਚਾ ਜਾਰੀ
. . .  24 minutes ago
ਚੰਡੀਗੜ੍ਹ, 22 ਫਰਵਰੀ (ਵਿਕਰਮਜੀਤ ਸਿੰਘ ਮਾਨ)- ਪੰਜਾਬ ਵਿਧਾਨ ਸਭਾ 'ਚ ਬਜਟ ਇਜਲਾਸ ਦੀ ਕਾਰਵਾਈ ਦੌਰਾਨ ਪੰਜਾਬ 'ਚ ਸਰਕਾਰ ਵੱਲੋਂ ਨਵੇਂ ਕਾਲਜ ਬਣਾਉਣ ਦੇ ਐਲਾਨ 'ਤੇ ਚਰਚਾ....
ਪੰਜਾਬ ਵਿਧਾਨ ਸਭਾ 'ਚ ਸਵਾਲ ਜਵਾਬ ਦੀ ਕਾਰਵਾਈ ਹੋਈ ਸ਼ੁਰੂ
. . .  22 minutes ago
ਚੰਡੀਗੜ੍ਹ, 22 ਫਰਵਰੀ (ਵਿਕਰਮਜੀਤ ਸਿੰਘ ਮਾਨ)- ਪੰਜਾਬ ਵਿਧਾਨ ਸਭਾ 'ਚ ਬਜਟ ਇਜਲਾਸ ਦੀ ਕਾਰਵਾਈ ਦੌਰਾਨ ਸਵਾਲ ਜਵਾਬ ਦੀ ਕਾਰਵਾਈ ਸ਼ੁਰੂ ਹੋ....
ਫ਼ਿਰੋਜ਼ਪੁਰ 'ਚ ਬੀ. ਐੱਸ. ਐੱਫ. ਨੇ ਕੌਮਾਂਤਰੀ ਸਰਹੱਦ ਤੋਂ ਬਰਾਮਦ ਕੀਤੀ ਕਰੋੜਾਂ ਰੁਪਏ ਦੀ ਹੈਰੋਇਨ
. . .  45 minutes ago
ਫ਼ਿਰੋਜ਼ਪੁਰ, 22 (ਜਸਵਿੰਦਰ ਸਿੰਘ ਸੰਧੂ)- ਭਾਰਤ ਪਾਕਿਸਤਾਨ ਕੌਮੀ ਸਰਹੱਦ 'ਤੇ ਪੈਂਦੀ ਚੌਕੀ ਮੱਬੋ ਕੇ ਦੇ ਖੇਤਰ 'ਚ ਬੀਤੀ ਦੇਰ ਰਾਤ ਪਾਕਿਸਤਾਨੀ ਘੁਸਪੈਠੀਆਂ ਵਲੋਂ ਭਾਰਤੀ ਖੇਤਰ 'ਚ ਦਾਖਲ ਹੋਣ ਦੀ ਕੋਸ਼ਿਸ਼ ਕੀਤੀ ਗਈ। ਇਸ ਦੌਰਾਨ ਬੀ. ਐੱਸ. ਐੱਫ. ਦੇ ਜਵਾਨਾਂ ਵਲੋਂ ਲਲਕਾਰਦਿਆਂ ਚਲਾਈਆਂ ਗਈਆਂ...
ਡੀ. ਐੱਸ. ਹੁੱਡਾ ਨੇ ਕਾਂਗਰਸ 'ਚ ਸ਼ਾਮਲ ਹੋਣ ਦੀਆਂ ਖ਼ਬਰਾਂ ਨੂੰ ਨਕਾਰਿਆ
. . .  about 1 hour ago
ਨਵੀਂ ਦਿੱਲੀ, 22 ਫਰਵਰੀ- ਸਰਜੀਕਲ ਸਟ੍ਰਾਈਕ ਦੀ ਨਿਗਰਾਨੀ ਕਰਨ ਵਾਲੇ ਲੈਫ਼ਟੀਨੈਂਟ ਜਨਰਲ ਡੀ. ਐੱਸ. ਹੁੱਡਾ (ਸੇਵਾ ਮੁਕਤ) ਨੇ ਕਾਂਗਰਸ 'ਚ ਸ਼ਾਮਲ ਹੋਣ ਦੀਆਂ ਖ਼ਬਰਾਂ ਨੂੰ ਨਕਾਰ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਕਾਂਗਰਸ 'ਚ ਸ਼ਾਮਲ...
ਕਸ਼ਮੀਰੀ ਵਿਦਿਆਰਥੀਆਂ ਨੂੰ ਸੁਰੱਖਿਆ ਮੁਹੱਈਆ ਕਰਾਉਣ ਦੇ ਮੁੱਦੇ 'ਤੇ ਸੁਪਰੀਮ ਕੋਰਟ 'ਚ ਅੱਜ ਹੋਵੇਗੀ ਸੁਣਵਾਈ
. . .  about 1 hour ago
ਨਵੀਂ ਦਿੱਲੀ, 22 ਫਰਵਰੀ- ਬੀਤੇ ਹਫ਼ਤੇ ਜੰਮੂ-ਕਸ਼ਮੀਰ ਦੇ ਪੁਲਵਾਮਾ ਜ਼ਿਲ੍ਹੇ 'ਚ ਸੀ. ਆਰ. ਪੀ. ਐੱਫ. ਦੇ ਕਾਫ਼ਲੇ 'ਤੇ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ 'ਚ ਰਹਿਣ ਵਾਲੇ ਕਸ਼ਮੀਰੀ ਵਿਦਿਆਰਥੀਆਂ 'ਤੇ ਹੋ ਰਹੇ ਹਮਲਿਆਂ ਨਾਲ ਜੁੜੇ ਮਾਮਲੇ 'ਤੇ ਅੱਜ ਸੁਪਰੀਮ ਕੋਰਟ 'ਚ ਸੁਣਵਾਈ...
ਪੰਜਾਬ ਦੇ ਸਕੂਲਾਂ 'ਚ ਚੱਲ ਰਹੇ 'ਪੜ੍ਹੋ ਪੰਜਾਬ, ਪੜ੍ਹਾਓ ਪੰਜਾਬ' ਦੀ ਅੱਜ ਹੋ ਰਹੀ ਟੈਸਟਿੰਗ ਲਈ ਮੁਹੱਈਆ ਹੋਵੇਗੀ ਪੁਲਿਸ ਸੁਰੱਖਿਆ
. . .  about 2 hours ago
ਸੰਗਰੂਰ, 22 ਫਰਵਰੀ (ਧੀਰਜ ਪਸ਼ੋਰੀਆ)- ਪੰਜਾਬ ਦੇ ਸਕੂਲਾਂ 'ਚ ਚੱਲ ਰਹੇ 'ਪੜ੍ਹੋ ਪੰਜਾਬ, ਪੜ੍ਹਾਓ ਪੰਜਾਬ' ਪ੍ਰਾਜੈਕਟ ਦਾ ਬੇਸ਼ੱਕ ਵੱਡੀ ਗਿਣਤੀ 'ਚ ਅਧਿਆਪਕਾਂ ਨੇ ਅਧਿਆਪਕ ਸੰਘਰਸ਼ ਕਮੇਟੀ ਦੇ ਸੱਦੇ 'ਤੇ ਬਾਈਕਾਟ ਕੀਤਾ ਹੋਇਆ ਹੈ ਪਰ ਸਿੱਖਿਆ ਸਕੱਤਰ ਨੇ ਅੱਜ ਹਰ ਹਾਲਾਤ 'ਚ ਸਕੂਲਾਂ 'ਚ ਇਸ...
ਜੰਮੂ-ਕਸ਼ਮੀਰ 'ਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਮੁਠਭੇੜ ਜਾਰੀ
. . .  about 2 hours ago
ਸ੍ਰੀਨਗਰ, 22 ਫਰਵਰੀ- ਜੰਮੂ-ਕਸ਼ਮੀਰ ਦੇ ਬਾਰਾਮੂਲਾ ਜ਼ਿਲ੍ਹੇ ਦੇ ਵਾਰਪੋਰਾ ਇਲਾਕੇ 'ਚ ਅੱਜ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਮੁਠਭੇੜ ਚੱਲ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੁਰੱਖਿਆ ਬਲਾਂ ਨੇ ਇੱਥੇ ਕੁਝ ਅੱਤਵਾਦੀਆਂ ਨੂੰ...
ਅੱਜ ਦਾ ਵਿਚਾਰ
. . .  about 2 hours ago
ਇੱਕ ਲੜਕੀ ਤੇ ਦੋ ਨਬਾਲਗ ਲੜਕਿਆਂ ਖਾਧੀ ਜ਼ਹਿਰੀਲੀ ਦਵਾਈ, ਇੱਕ ਲੜਕੇ ਦੀ ਮੌਤ
. . .  1 day ago
ਕਲਾਨੌਰ, 21 ਫਰਵਰੀ (ਪੁਰੇਵਾਲ)-ਜ਼ਿਲ੍ਹਾ ਗੁਰਦਾਸਪੁਰ ਦੇ ਬਲਾਕ ਕਲਾਨੌਰ ਅਧੀਨ ਪੈਂਦੇ ਦੋ ਵੱਖ-ਵੱਖ ਪਿੰਡਾਂ 'ਚ ਬਾਅਦ ਦੁਪਹਿਰ ਦੋ ਨਾਬਾਲਗ ਲੜਕਿਆਂ ਅਤੇ ਇੱਕ ਲੜਕੀ ਵੱਲੋਂ ਜ਼ਹਿਰੀਲੀ ਦਵਾਈ ਖਾਣ ਦੀ ਖ਼ਬਰ ...
ਇਰਾਕ ਦੀ ਖ਼ੁਫ਼ੀਆ ਏਜੰਸੀ ਵੱਲੋਂ ਆਈ.ਐੱਸ ਨਾਲ ਸਬੰਧਿਤ 13 ਫਰਾਂਸੀਸੀ ਨਾਗਰਿਕ ਗ੍ਰਿਫ਼ਤਾਰ
. . .  1 day ago
ਬਗ਼ਦਾਦ, 21 ਫਰਵਰੀ - ਇਰਾਕ ਦੀ ਖ਼ੁਫ਼ੀਆ ਏਜੰਸੀ ਨੇ ਗੁਆਂਢੀ ਦੇਸ਼ ਸੀਰੀਆ ਤੋਂ ਆਈ.ਐੱਸ ਨਾਲ ਸਬੰਧਿਤ 13 ਫਰਾਂਸੀਸੀ ਨਾਗਰਿਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਵੋਟਾਂ ਦੀ ਰੰਜਸ਼ ਕਾਰਨ ਦੋ ਧਿਰਾਂ ਵਿਚਾਲੇ ਹੋਈ ਖ਼ੂਨੀ ਝੜਪ ਗੋਲੀ
. . .  1 day ago
ਫ਼ਤਿਹਗੜ੍ਹ ਸਾਹਿਬ ,21 ਫ਼ਰਵਰੀ [ਜਤਿੰਦਰ ਸਿੰਘ ਰਾਠੌਰ ]- ਨੇੜਲੇ ਪਿੰਡ ਹੰਸਾਲੀ ਵਿਖੇ ਵੋਟਾਂ ਦੀ. ਰੰਜਸ਼ ਕਾਰਨ ਦੋ ਧਿਰਾਂ ਵਿਚਾਲੇ ਹੋਈ ਖ਼ੂਨੀ ਝੜਪ ਵਿਚ ਇਕ ਦੇ ਲਗੀ ਗੋਲੀ ਅਤੇ ਦੂਜਾ ਗੰਭੀਰ ਰੂਪ ਨਾਲ ਜ਼ਖਮੀ ...
ਆਰਥਿਕ ਤੰਗੀ ਕਾਰਨ ਨੌਜਵਾਨ ਨੇ ਕੀਤੀ ਖ਼ੁਦਕੁਸ਼ੀ
. . .  1 day ago
ਵੇਰਕਾ 21 ਫਰਵਰੀ (ਪਰਮਜੀਤ ਸਿੰਘ ਬੱਗਾ)- ਕਸਬਾ ਵੱਲਾ ਤੇ ਮਕਬੂਲਪੁਰਾ ਵਿਚਕਾਰ ਪੈਂਦੇ ਇਲਾਕੇ ਸ਼੍ਰੀ ਗੁਰੂ ਤੇਗ ਬਹਾਦਰ ਨਗਰ ਵਿਚ ਆਰਥਿਕ ਤੰਗੀ ਤੇ ਮਾਨਸਿਕ ਪ੍ਰੇਸ਼ਾਨੀ ਕਾਰਨ 26 ਸਾਲਾਂ ਦੋ ਬੇਟੀਆਂ ਦੇ ਪਿਤਾ ਵੱਲੋਂ ਪਤਨੀ ...
ਡੇਢ ਹਫ਼ਤੇ ਬਾਅਦ ਪੁੰਛ-ਰਾਵਲਕੋਟ ਰਸਤੇ ਪਾਕਿਸਤਾਨ ਨਾਲ ਵਪਾਰ ਮੁੜ ਤੋਂ ਸ਼ੁਰੂ
. . .  1 day ago
ਪੁੰਛ, 21 ਫਰਵਰੀ - ਪਾਕਿਸਤਾਨ ਨਾਲ ਡੇਢ ਹਫ਼ਤੇ ਤੋਂ ਬਾਅਦ ਭਾਰਤ ਦਾ ਵਪਾਰ ਮੁੜ ਤੋਂ ਸ਼ੁਰੂ ਹੋ ਗਿਆ ਹੈ। ਇਸ ਸਬੰਧੀ ਕਰਾਸ ਐੱਲ.ਓ.ਸੀ ਟਰੇਡਰਜ਼ ਐਸੋਸੀਏਸ਼ਨ ਪੁੰਛ ਦੇ ਪ੍ਰਧਾਨ ਪਵਨ ਅਨੰਦ...
ਲੈਫਟੀਨੈਂਟ ਜਨਰਲ ਰਵੀ ਥੋਡਗੇ ਹੋਣਗੇ ਸੀ.ਓ.ਏ ਦੇ ਤੀਸਰੇ ਮੈਂਬਰ
. . .  1 day ago
ਹਿਮਾਚਲ ਦੇ ਲਾਹੌਲ ਤੇ ਸਪਿਤੀ 'ਚ ਹੋਈ ਤਾਜ਼ਾ ਬਰਫ਼ਬਾਰੀ
. . .  1 day ago
ਸਾਬਕਾ ਵਿਧਾਇਕ ਸੂੰਢ ਮੁੜ ਕਾਂਗਰਸ 'ਚ ਸ਼ਾਮਲ
. . .  1 day ago
ਰਾਹੁਲ ਗਾਂਧੀ ਨੇ ਰਾਸ਼ਟਰੀ ਸੁਰੱਖਿਆ ਲਈ ਬਣਾਈ ਟਾਸਕ ਫੋਰਸ
. . .  1 day ago
ਅਗਲੇ 15 ਸਾਲਾਂ 'ਚ ਸਾਡਾ ਮਕਸਦ ਚੋਟੀ ਦੇ ਤਿੰਨ ਦੇਸ਼ਾਂ 'ਚ ਸ਼ਾਮਲ ਹੋਣਾ - ਪ੍ਰਧਾਨ ਮੰਤਰੀ
. . .  1 day ago
ਹੋਰ ਖ਼ਬਰਾਂ..
ਜਲੰਧਰ : ਵੀਰਵਾਰ 27 ਅੱਸੂ ਸੰਮਤ 549
ਵਿਚਾਰ ਪ੍ਰਵਾਹ: ਲੋਕਤੰਤਰ ਵਿਚ ਫ਼ਰਜ਼ਾਂ ਦੀ ਪਾਲਣਾ ਜ਼ਿਆਦਾ ਜ਼ਰੂਰੀ ਹੈ। -ਅਚਾਰੀਆ ਨਰਿੰਦਰ ਦੇਵ

ਸੰਪਾਦਕੀ

ਕੀ ਭਾਜਪਾ ਸਰਕਾਰ ਦੀ ਮਕਬੂਲੀਅਤ ਘਟ ਰਹੀ ਹੈ ?

ਅੱਜਕਲ੍ਹ ਆਮ ਸਮਾਜਿਕ ਗੱਲਬਾਤ ਵਿਚ ਇਕ ਨਵਾਂ ਰੁਝਾਨ ਦੇਖਣ ਨੂੰ ਮਿਲ ਰਿਹਾ ਹੈ। ਖ਼ਾਸ ਤੌਰ 'ਤੇ ਉਨ੍ਹਾਂ ਥਾਵਾਂ 'ਤੇ ਜਿਥੇ ਕਾਰੋਬਾਰ ਨਾਲ ਸਬੰਧਤ ਮਹੱਤਵਪੂਰਨ ਲੋਕ ਮੌਜੂਦ ਹੋਣ। ਅਜਿਹੇ ਮੌਕੇ 'ਤੇ ਕੋਈ ਤੁਹਾਨੂੰ ਕਿਸੇ ਕੋਨੇ 'ਤੇ ਲੈ ਜਾਏਗਾ ਅਤੇ ਕਹੇਗਾ : 'ਕੀ ਮੈਂ ...

ਪੂਰੀ ਖ਼ਬਰ »

1947 ਦੇ ਫ਼ਿਰਕੂ ਫ਼ਸਾਦ ਰੋਕਣ ਲਈ

ਮਹਾਤਮਾ ਗਾਂਧੀ ਨੇ ਪੂਰਾ ਜ਼ੋਰ ਲਾਇਆ ਪਰ ਵੱਡੇ ਆਗੂਆਂ ਨੇ ਸਾਥ ਨਾ ਦਿੱਤਾ

15 ਅਗਸਤ, 1947 ਦਾ ਦਿਨ ਨੇੜੇ ਆ ਰਿਹਾ ਸੀ। ਭਾਰਤ ਦੋ ਸਦੀਆਂ ਦੀ ਗੁਲਾਮੀ ਨੂੰ ਗਲੋਂ ਲਾਹ ਕੇ ਪ੍ਰਭੂਸੱਤਾ ਸੰਪੰਨ ਆਜ਼ਾਦ ਦੇਸ਼ਾਂ ਦੇ ਭਾਈਚਾਰੇ ਵਿਚ ਸ਼ਾਮਿਲ ਹੋਣ ਵਾਲਾ ਸੀ। ਇਸ ਘੜੀ ਮਹਾਤਮਾ ਗਾਂਧੀ ਤੋਂ ਵੱਧ ਖੁਸ਼ ਹੋਰ ਕੋਈ ਨਹੀਂ ਸੀ ਹੋ ਸਕਦਾ। ਜਿਸ ਸੰਘਰਸ਼ ਦੀ ਉਨ੍ਹਾਂ ਨੇ ...

ਪੂਰੀ ਖ਼ਬਰ »

ਆਓ ਪ੍ਰਦੂਸ਼ਣ-ਮੁਕਤ ਦੀਵਾਲੀ ਲਈ ਪਹਿਲ ਕਰੀਏ

ਜਿਉਂ-ਜਿਉਂ ਦੀਵਾਲੀ ਨੇੜੇ ਆ ਰਹੀ ਹੈ, ਵਾਰ-ਵਾਰ ਪ੍ਰਦੂਸ਼ਣ ਤੇ ਸ਼ੋਰ ਦਾ ਡਰ ਚੇਤੇ ਆ ਰਿਹਾ ਹੈ। ਦੀਵਾਲੀ ਜ਼ਹਿਰੀਲੇ ਧੂੰਏਂ ਦੀ ਉਪਜ ਦਾ ਵੱਡਾ ਕਾਰਨ ਬਣ ਗਈ ਹੈ। ਨਾਲ-ਨਾਲ ਆਤਿਸ਼ਬਾਜ਼ੀ ਦੀ ਕੰਨ-ਪਾੜਵੀਂ ਆਵਾਜ਼ ਅੱਧੀ ਰਾਤ ਤੱਕ ਸੁਣਾਈ ਦਿੰਦੀ ਰਹਿੰਦੀ ਹੈ। ਖੁਸ਼ਹਾਲ ਮਾਪਿਆਂ ਦੇ ਕਾਕੇ ਵੱਡੀਆਂ ਰਕਮਾਂ ਖਰਚ ਕਰਕੇ ਬਹੁਤੀ ਆਵਾਜ਼ ਪੈਦਾ ਕਰਨ ਵਾਲੇ ਪਟਾਕੇ ਥੈਲਿਆਂ ਦੇ ਥੈਲੇ ਖ਼ਰੀਦ ਲਿਆਉਂਦੇ ਹਨ। ਜਦੋਂ ਰਾਤ ਦਸ ਕੁ ਵਜੇ ਬਹੁਤੇ ਪਰਿਵਾਰ ਸੌਣ ਦੀ ਤਿਆਰੀ ਵਿਚ ਹੁੰਦੇ ਹਨ, ਇਹ 'ਪੜ੍ਹੇ-ਲਿਖੇ ਅਨਪੜ੍ਹ' ਘਰਾਂ ਦੇ ਬਾਹਰ ਸੜਕ ਉੱਤੇ ਨਿਕਲ ਆਉਂਦੇ ਹਨ ਤੇ ਅਗਲੇ ਦੋ ਘੰਟੇ ਖੂਬ ਸ਼ੋਰ-ਪ੍ਰਦੂਸ਼ਣ ਪੈਦਾ ਕਰਦੇ ਹਨ। ਜਦੋਂ ਸਵੇਰੇ ਲੋਕ ਸੈਰ ਲਈ ਨਿਕਲਦੇ ਹਨ ਤਾਂ ਸੜਕਾਂ ਸਾੜੀ ਗਈ ਆਤਿਸ਼ਬਾਜ਼ੀ ਦੇ ਮਲਬੇ ਨਾਲ ਭਰੀਆਂ ਪਈਆਂ ਹੁੰਦੀਆਂ ਹਨ।
ਦੀਵਾਲੀ ਅਸਲ ਵਿਚ ਬਹੁਤ ਸੁੰਦਰ ਤਿਉਹਾਰ ਹੈ। ਦੀਵਾਲੀ ਦੀਪਾਵਲੀ ਦਾ ਤਦਭਵ ਰੂਪ ਹੈ। ਦੀਪ ਤੋਂ ਦੀਵਾ ਬਣਿਆ ਹੈ। ਰਾਤ ਅਨ੍ਹੇਰੀ ਹੁੰਦੀ ਹੈ। ਅਨ੍ਹੇਰੀ ਰਾਤ ਵਿਚ 'ਜਗਦਾ ਦੀਵਾ' ਮਨਮੋਹਣਾ ਦ੍ਰਿਸ਼ ਹੈ। ਬੇਆਬਾਦ ਆਲੇ-ਦੁਆਲੇ ਵਿਚ 'ਆਬਾਦੀ' ਦਾ ਦ੍ਰਿਸ਼/ਆਸ਼ਾ ਦਾ ਦ੍ਰਿਸ਼। ਸੰਘਣੇ ਹਨ੍ਹੇਰੇ ਵਿਚ ਪਿੰਡਾਂ-ਸ਼ਹਿਰਾਂ ਦੇ ਲੋਕ ਦੀਵੇ ਬਾਲ ਕੇ ਸਮੂਹ ਮਾਨਵਤਾ ਨੂੰ ਆਪਣੇ ਸਨੇਹ ਦਾ ਸੁਨੇਹਾ ਦਿੰਦੇ ਸਨ। ਨਗਰ-ਖੇੜਾ ਵਸਦਾ ਰਹੇ! ਲੋਕ ਕਹਿੰਦੇ ਸਨ ਆਓ! ਆਪਾਂ ਸਾਰੇ ਰਲ ਕੇ ਮਨੁੱਖਤਾ ਦੀ ਸੁੱਖ-ਸਾਂਦ ਮੰਗੀਏ।
ਅਸਲ ਵਿਚ ਭਾਰਤ ਦੇ ਹੋਰ ਤਿਉਹਾਰਾਂ ਵਾਂਗ ਇਹ ਤਿਉਹਾਰ ਵੀ ਭਾਰਤ ਦੀਆਂ ਬਦਲਦੀਆਂ ਰੁੱਤਾਂ ਨਾਲ ਜੁੜਿਆ ਹੋਇਆ ਹੈ। ਭਾਰਤ ਬਹੁਤ ਗਰਮ ਦੇਸ਼ ਹੈ ਪਰ ਮੌਨਸੂਨ ਦੀ ਰੁੱਤ ਗਰਮੀ ਵਿਚ ਠੰਡਕ ਵਰਤਾਉਂਦੀ ਸੀ। ਇਸੇ ਕਰਕੇ ਸੌਣ-ਭਾਦੋਂ ਦੀ ਬਰਸਾਤ ਬਾਰੇ ਅਨੇਕ ਲੋਕ ਗੀਤ ਰਚੇ ਗਏ। ਮਹਾਂਪੁਰਖ ਕਵੀਆਂ ਨੇ ਬਾਰਾਂ-ਮਾਹੇ ਲਿਖੇ। ਬਰਸਾਤ ਦੀਆਂ ਕਾਲੀਆਂ ਘਟਾਵਾਂ, ਮੀਂਹ ਦੀਆਂ ਠੰਢੀਆਂ ਫੁਹਾਰਾਂ, ਅੰਬ ਦੇ ਬਾਗਾਂ ਦੀ ਹਰਿਆਵਲ ਦੋ ਕੁ ਮਹੀਨੇ ਸੁਹਜ-ਭਰਪੂਰ ਦ੍ਰਿਸ਼ ਪੈਦਾ ਕਰੀ ਰੱਖਦੇ, ਪਰ ਜਦੋਂ ਬਰਸਾਤ ਦੇ ਮਹੀਨੇ ਮੁਕਦੇ, ਘਰਾਂ ਦੀਆਂ ਛੱਤਾਂ ਅਤੇ ਕੰਧਾਂ ਖੁਰ ਗਈਆਂ ਨਜ਼ਰ ਆਉਂਦੀਆਂ। ਉੱਦਮੀ ਪੁਰਖ-ਨਾਰੀਆਂ ਇਮਾਰਤਾਂ ਦੀ ਮੁਰੰਮਤ ਦੀ ਲੋੜ ਮਹਿਸੂਸ ਕਰਦੇ। ਅੱਸੂ ਮਹੀਨੇ ਵਿਚ ਕੱਧਾਂ 'ਤੇ ਛੱਤਾਂ ਲਿੱਪੀਆਂ ਜਾਂਦੀਆਂ ਸਨ। ਅੱਜਕਲ੍ਹ ਦੇ ਮਹਿੰਗੇ ਰੰਗ-ਰੋਗਨ ਖ਼ਰੀਦਣ ਦੀ ਥਾਂ ਜ਼ਮੀਨ ਦੀ ਡੂੰਘਾਈ ਵਿਚੋਂ ਨਿਕਲਿਆ ਪਾਂਡੂ ਸਫੈਦੀ ਦੇ ਤੌਰ 'ਤੇ ਵਰਤਿਆ ਜਾਂਦਾ ਸੀ। ਪਾਂਡੂ ਨਾਲ ਸਫੈਦ ਹੋਈਆਂ ਕੰਧਾਂ ਉੱਤੇ ਧੀਆਂ ਭੈਣਾਂ ਆਪਣੀ ਕਲਪਨਾ ਦੀ ਉਡਾਰੀ ਮੁਤਾਬਿਕ ਸਿੱਧ ਪੱਧਰੀ ਚਿੱਤਰਕਾਰੀ ਕਰ ਦਿੰਦੀਆਂ ਸਨ। ਇੰਜ ਘਰ ਅੰਦਰੋਂ ਬਾਹਰੋਂ ਸੋਹਣੇ ਬਣ ਜਾਂਦੇ ਸਨ। ਬਰਸਾਤ ਦੀ ਹਵਾੜ ਨਿਕਲ ਜਾਂਦੀ ਸੀ। ਕੂੜਾ-ਕਰਕਟ ਵੀ ਸਾਫ਼ ਹੋ ਜਾਂਦਾ। ਜਾਣੋ! ਘਰ ਲੰਮੀ ਗਰਮ ਰੁੱਤ ਤੇ ਬਰਸਾਤ ਤੋਂ ਬਾਅਦ ਆ ਰਹੇ ਸਿਆਲ ਵਿਚ ਇਕ ਵਾਰ ਫਿਰ ਵਸਣ ਯੋਗ ਥਾਵਾਂ ਬਣ ਜਾਂਦੇ ਸਨ। ਅਸਲ ਵਿਚ ਦੀਵਾਲੀ ਆ ਰਹੇ ਸਿਆਲ ਦੇ ਸਵਾਗਤ ਲਈ ਸ਼ੁਰੂ ਹੋਇਆ ਤਿਉਹਾਰ ਹੈ। ਸਿਆਲ ਦੀਆਂ ਰਾਤਾਂ ਲੰਮੀਆਂ ਹੋਣਗੀਆਂ। ਸਭ ਲੋਕਾਂ ਨੂੰ ਘਰਾਂ ਦੇ ਅੰਦਰ ਸੌਣਾ ਪਏਗਾ। ਇਸ ਲਈ ਲੋਕ ਸੋਚਦੇ, ਆਓ ਘਰ ਸਿਆਲ ਦੀਆਂ ਰਾਤਾਂ ਲਈ ਸਾਫ਼-ਸੁਥਰੇ ਕਰ ਲਈਏ। ਇਮਾਰਤਾਂ ਦੀ ਟੁੱਟ-ਭੱਜ ਦੂਰ ਕਰ ਲਈਏ।
ਦੀਵਾਲੀ ਯਾਦ ਕਰਾਉਂਦੀ ਸੀ ਕਿ ਸਭ ਰੁੱਤਾਂ ਚੰਗੀਆਂ ਹਨ ਪਰ ਉਨ੍ਹਾਂ ਲਈ ਤਿਆਰੀ ਦੀ ਲੋੜ ਹੈ। ਬਿਜਲੀ ਦੀ ਅਣਹੋਂਦ ਵਿਚ 'ਜਗਦਾ ਦੀਵਾ' ਬਹੁਤ ਮਹੱਤਵਪੂਰਨ ਕਾਢ ਸੀ। ਜਿਊਂਦੇ ਹੋਣ ਦੀ ਨਿਸ਼ਾਨੀ ਸੀ। ਮਨੁੱਖ ਦੀ ਇਸ ਸੋਚ ਦੀ ਨਿਸ਼ਾਨੀ ਸੀ ਕਿ ਬਦਲਦੇ ਮੌਸਮ ਦਾ ਸਵਾਗਤ ਕਰੋ। ਹਰ ਹਾਲਤ ਵਿਚ ਖੁਸ਼ ਰਹਿਣ ਦੀ ਆਦਤ ਪਾਓ।
ਅੱਜ ਤੋਂ ਸੱਠ ਸਾਲ ਪਹਿਲਾਂ ਆਤਿਸ਼ਬਾਜ਼ੀ ਨਾ ਹੋਣ ਦੇ ਬਰਾਬਰ ਸੀ। ਘਰ-ਘਰ ਬਿਜਲੀ ਵੀ ਨਹੀਂ ਸੀ। ਸਭ ਲੋਕਾਂ ਨੂੰ ਦੀਵੇ ਬਾਲਣੇ ਪੈਂਦੇ ਸਨ। ਦੀਵੇ ਨੂੰ ਏਨੀ ਪਵਿੱਤਰ ਵਸਤੂ ਮੰਨਿਆ ਜਾਂਦਾ ਸੀ ਕਿ ਲੋਕ ਮੂੰਹ ਤੋਂ 'ਦੀਵਾ ਬੁਝਾਉਣਾ' ਮੁਹਾਵਰਾ ਨਹੀਂ ਵਰਤਦੇ ਸਨ। ਕਹਿੰਦੇ ਸਨ, ਦੀਵੇ ਨੂੰ ਹੱਥ ਮਾਰਦੇ ਜਾਂ ਦੀਵੇ ਨੂੰ ਵੱਡਾ ਕਰਦੇ। ਦੀਵੇ ਬੁੱਝਣਾ ਜਾਂ ਬੁਝਾਉਣਾ ਤਾਂ ਮੌਤ ਦੀ ਨਿਸ਼ਾਨੀ ਸੀ।
ਕਾਰੀਗਰ ਲੋਕ ਕਲਾਮਈ ਢੰਗ ਨਾਲ ਚੱਕ ਉੱਤੇ ਗੁੰਨ੍ਹੀ ਹੋਈ ਚੀਕਣੀ ਮਿੱਟੀ ਰੱਖ ਕੇ ਦੀਵੇ ਬਣਾਉਂਦੇ ਸਨ। ਬਹੁਤੇ ਦੀਵੇ ਸਿਰਫ ਇਕ ਮੂੰਹ ਵਾਲੇ ਹੁੰਦੇ। ਪਰ ਚੌਮੁਖੀਏ ਦੀਵੇ ਵੀ ਬਣਦੇ। ਸਭ ਅਮੀਰ-ਗ਼ਰੀਬ ਪਰਿਵਾਰ ਦੀਵੇ ਖਰੀਦ ਕੇ ਲਿਆਉਂਦੇ। ਨਾਰੀਆਂ ਰੂੰ ਦੀਆਂ ਵੱਟੀਆਂ ਵੱਟਦੀਆਂ। ਸਰ੍ਹੋਂ ਦਾ ਤੇਲ ਤੇਲੀ ਤੋਂ ਖ਼ਰੀਦ ਕੇ ਲਿਆਉਂਦੇ। ਦੀਵਾਲੀ ਨੂੰ ਰਾਤ ਨੂੰ ਵੱਡੀ ਗਿਣਤੀ ਵਿਚ ਦੀਵਿਆਂ ਵਿਚ ਤੇਲ ਪਾਇਆ ਜਾਂਦਾ। ਵੱਟੀਆਂ ਸਜਾਈਆਂ ਜਾਂਦੀਆਂ। ਇਕ-ਇਕ ਦੀਵੇ ਨੂੰ ਰੌਸ਼ਨੀ ਦਿੱਤੀ ਜਾਂਦੀ। ਜਗਦੇ ਦੀਵੇ ਥਾਲੀਆਂ ਜਾਂ ਥਾਲਾਂ ਵਿਚ ਟਿਕਾਏ ਜਾਂਦੇ। ਫਿਰ ਇਹ ਜਗਦੇ ਦੀਵਿਆਂ ਨਾਲ ਸਜੇ ਥਾਲ ਚੁੱਕ ਕੇ ਸਵਾਣੀਆਂ ਬਨੇਰਿਆਂ, ਮੁੱਖਾਂ, ਖੂਹਾਂ ਦੀਆਂ ਮਣਾਂ ਉੱਤੇ ਬੜੇ ਪ੍ਰੇਮ ਨਾਲ ਟਿਕਾਉਂਦੀਆਂ। ਦੀਵੇ ਜਗਾਉਣ ਤੇ ਦੀਵੇ ਟਿਕਾਉਣ ਦਾ ਕੰਮ ਹਫੜਾ-ਤਫੜੀ ਵਿਚ ਨਹੀਂ ਕੀਤਾ ਜਾਂਦਾ ਸੀ। ਦੀਵਾ ਚਾਹੇ ਮੰਦਰ ਜਾਂ ਗੁਰਦੁਆਰੇ ਦੇ ਦੁਆਰ ਉੱਤੇ ਧਰਿਆ ਜਾਂਦਾ, ਚਾਹੇ ਖੂਹ ਦੀ ਮਣ ਉੱਤੇ ਜਾਂ ਪਿੰਡ ਦੇ ਚੌਰਾਹੇ ਵਿਚ ਪੂਰੀ ਸ਼ਰਧਾ ਨਾਲ ਰੱਖਿਆ ਜਾਂਦਾ। ਇਹ ਤਾਂ ਦੀਵੇ ਦੀ ਪੂਜਾ ਸੀ, ਦੀਵੇ ਰਾਹੀਂ ਮਨੁੱਖਤਾ ਦੇ ਭਲੇ ਲਈ ਅਰਦਾਸ ਹੁੰਦੀ ਸੀ।
ਬੱਚੇ ਤੇ ਨਵ-ਯੁਵਕ ਮਨੋਰੰਜਨ ਦਾ ਪ੍ਰਬੰਧ ਵੀ ਕਰਦੇ। ਕਿਸੇ ਦਰੱਖਤ ਦੀ ਸਿੱਧੀ ਟਹਿਣੀ ਕੱਟ-ਤਰਾਸ਼ ਕੇ ਮਸ਼ਾਲ ਬਣਾਉਣ ਲਈ ਵਰਤੀ ਜਾਂਦੀ। ਵੇਲੀ ਹੋਈ ਕਪਾਹ ਵਿਚੋਂ ਨਿਕਲੇ ਵੜੇਵੇਂ ਪੋਟਲੀ ਵਿਚ ਬੰਨ੍ਹ ਕੇ ਸੋਟੀ ਦੇ ਸਿਰੇ ਉੱਤੇ ਰੱਖੇ ਜਾਂਦੇ ਤੇ ਉੱਤੇ ਪੁਰਾਣੀਆਂ ਲੀਰਾਂ ਲਪੇਟੀਆਂ ਜਾਂਦੀਆਂ। ਲੀਰਾਂ ਦੀ ਖਿੱਦੋ ਉੱਤੇ ਗਿੱਲਾ ਗੋਹਾ ਪੋਚਿਆ ਜਾਂਦਾ। ਵੜੇਵੇਂ, ਲੀਰਾਂ ਤੇ ਗੋਹੇ ਦਾ ਖਿੱਦੋ ਸੁੱਕ ਕੇ ਮਸ਼ਾਲ ਦਾ ਜੁਗਾੜ ਬਣ ਜਾਂਦਾ। ਇਸ ਜੁਗਾੜ ਨੂੰ ਅੱਗ ਦਿਖਾਉਣ ਨਾਲ ਇਹ ਲੱਟ-ਲੱਟ ਬਲਦੀ ਮਸ਼ਾਲ ਬਣ ਜਾਂਦੀ। ਬੱਚੇ ਤੇ ਨਵਯੁਵਕ ਇਹ ਮਸ਼ਾਲਾਂ ਚੁੱਕ ਕੇ ਹਨ੍ਹੇਰੀਆਂ ਗਲੀਆਂ ਦਾ ਗੇੜਾ ਕੱਢਦੇ। ਸਾਰੀ ਆਬਾਦੀ ਜਗਦੇ ਦੀਵਿਆਂ ਨਾਲ ਸੁਹਜ ਭਰਪੂਰ ਦ੍ਰਿਸ਼ ਪੇਸ਼ ਕਰਦੀ। ਉਦੋਂ ਮਹਿੰਗੀਆਂ ਮਠਿਆਈਆਂ ਖ਼ਰੀਦਣ ਤੇ ਖਾਣ ਦਾ ਰਿਵਾਜ ਨਹੀਂ ਸੀ। ਘਰ-ਘਰ ਦੇਸੀ ਘਿਉ ਦੇ ਲੱਡੂ ਵੱਟੇ ਜਾਂਦੇ, ਜੋ ਦੀਵਾਲੀ ਦੀ ਰਾਤ ਨੂੰ ਅਤੇ ਅਗਲੀਆਂ ਕਈ ਸਵੇਰਾਂ ਨੂੰ ਖਾਦੇ ਜਾਂਦੇ।
ਤਰੱਕੀ ਦੀ ਦੌੜ ਅਤੇ ਵਧਦੀ ਆਮਦਨੀ ਨੇ ਦੀਵਾਲੀ ਦੀ ਸੁੰਦਰਤਾ ਤੇ ਚੈਨ ਨਸ਼ਟ ਕਰ ਦਿੱਤਾ ਤੇ ਇਸ ਨੂੰ ਪ੍ਰਦੂਸ਼ਿਤ ਅਤੇ ਸ਼ੋਰ-ਸ਼ਰਾਬੇ ਵਾਲਾ ਦਿਨ ਬਣਾ ਦਿੱਤਾ ਹੈ।
ਪਹਿਲਾਂ ਮਿੱਟੀ ਦੇ ਦੀਵੇ ਬੁੱਝੇ। ਬਿਜਲੀ ਦੇ ਬਲਬਾਂ ਦੀਆਂ ਲੜੀਆਂ ਆਈਆਂ। ਇਹ ਲੜੀਆਂ ਇਕ ਦੀਵਾਲੀ ਬਾਲ ਕੇ ਸੰਭਾਲ ਲਈਆਂ ਜਾਂਦੀਆਂ ਤੇ ਅਗਲੀ ਦੀਵਾਲੀ ਫਿਰ ਬਨੇਰਿਆਂ ਉੱਤੇ ਲਟਕਾ ਲਈਆਂ ਜਾਂਦੀਆਂ। ਹੁਣ ਚੀਨ ਤੋਂ ਆਈਆਂ ਧਾਗਾ-ਰੂਪ ਲੜੀਆਂ ਸੰਭਾਲਣ ਦੀ ਵੀ ਲੋੜ ਨਹੀਂ। ਬਾਲੋ ਤੇ ਕੂੜੇ ਵਿਚ ਸੁੱਟੋ। ਇੰਜ ਲਗਦਾ ਹੈ, ਅਸੀਂ ਰੌਸ਼ਨੀ ਦੀ ਕਦਰ ਭੁੱਲ ਗਏ ਹਾਂ। ਰੌਸ਼ਨੀ ਹੀ ਕੂੜੇ ਵਿਚ ਸੁੱਟੀ ਜਾ ਰਹੇ ਹਾਂ।
ਸਭ ਤੋਂ ਵੱਡਾ ਵਿਗਾੜ ਮਨੋਰੰਜਨ ਦੇ ਸਾਮਾਨ ਦਾ ਹੋਇਆ ਹੈ। ਹੱਥੀਂ ਬਣੀਆਂ ਮਸ਼ਾਲਾਂ ਭੁੱਲ ਭੁਲਾ ਗਈਆਂ। ਸ਼ਹਿਰਾਂ ਵਿਚ ਆਤਿਸ਼ਬਾਜ਼ੀ ਦਾ ਸਾਮਾਨ ਟਰੱਕਾਂ ਦੇ ਟਰੱਕ ਬਣਦਾ ਤੇ ਵਿਕਦਾ ਹੈ। ਜਲੰਧਰ ਸ਼ਹਿਰ ਵਿਚ ਬਲਟਨ ਪਾਰਕ ਵਿਚ ਕਈ ਦਰਜਨ ਦੁਕਾਨਾਂ ਇਸ ਸਾਮਾਨ ਦੀਆਂ ਸਜਦੀਆਂ ਹਨ। ਕਰੋੜਾਂ ਰੁਪਏ ਇਹ ਸਾਮਾਨ ਖ਼ਰੀਦਣ 'ਤੇ ਖਰਚੇ ਜਾਂਦੇ ਹਨ। ਨਵਯੁਵਕ ਜਿਨ੍ਹਾਂ ਨੂੰ ਦੀਵਾਲੀ ਦੇ ਸੱਭਿਆਚਾਰ ਦੀ ਬਿਲਕੁਲ ਸਮਝ ਨਹੀਂ, ਕਰੋੜਾਂ ਰੁਪਏ ਦੀ ਆਤਿਸ਼ਬਾਜ਼ੀ ਕੁਝ ਘੰਟਿਆਂ ਵਿਚ ਫੂਕ ਦਿੰਦੇ ਹਨ। ਇੰਜ ਵਾਤਾਵਰਨ ਜ਼ਹਿਰੀਲਾ ਤੇ ਰਾਤ ਦਾ ਚੈਨ ਸ਼ੋਰ-ਸ਼ਰਾਬੇ ਨਾਲ ਭਰ ਦਿੰਦੇ ਹਨ।
ਹੈਰਾਨੀ ਹੁੰਦੀ ਹੈ, ਇਹ ਸੋਚ ਕੇ ਕਿ ਪੁਰਾਣੇ ਲੋਕ ਤਾਂ ਅਨਪੜ੍ਹ ਸਨ। ਪਰ ਉਦੋਂ ਦੀਵਾਲੀ ਬਹੁਤ ਸੁੰਦਰ ਅਤੇ ਚੈਨ ਭਰਪੂਰ ਹੁੰਦੀ ਸੀ। ਹੁਣ ਸਕੂਲਾਂ ਕਾਲਜਾਂ ਦੀ ਪੜ੍ਹਾਈ ਬਹੁਤ ਹੁੰਦੀ ਹੈ। 70 ਫ਼ੀਸਦੀ ਲੋਕ ਪੜ੍ਹੇ-ਲਿਖੇ ਹਨ। ਨਵਯੁਵਕ ਵੱਡੀਆਂ-ਵੱਡੀਆਂ ਡਿਗਰੀਆਂ ਹਾਸਲ ਕਰੀ ਫਿਰਦੇ ਹਨ। ਪਰ ਅੱਜ ਦੀ ਦੀਵਾਲੀ ਵਿਚ ਪੂਜਾ ਤੇ ਅਰਦਾਸ ਦਾ ਅੰਸ਼ ਕਿਧਰੇ ਨਜ਼ਰ ਨਹੀਂ ਆ ਰਿਹਾ। ਖ਼ੁਦ ਕਮਾਈ, ਧਨ ਦੇ ਖ਼ਰਚ ਦੀ ਨੁਮਾਇਸ਼ ਅਤੇ ਦੂਜਿਆਂ ਨਾਲੋਂ ਵੱਧ ਦੂਰ ਤੱਕ ਜਾਣ ਵਾਲੀ ਮਤਾਬੀਆਂ ਚਲਾਉਣ ਦਾ ਜੋਸ਼ ਹੈ।
ਇਹ ਨਿਘਾਰ ਰੁਕਣਾ ਚਾਹੀਦਾ ਹੈ। ਸੋਚਵਾਨ ਲੋਕ ਪਹਿਲ ਕਰਨ। ਮਾਪੇ ਫਜ਼ੂਲਖਰਚੀ ਬੰਦ ਕਰਨ। ਨਵਯੁਵਕਾਂ ਨੂੰ ਸਮਝਾਉਣ।
ਸਾਨੂੰ ਪਤਾ ਹੈ, ਹੁਣ ਬਿਜਲਈ ਰੌਸ਼ਨੀ ਛੱਡ ਕੇ ਮਿੱਟੀ ਦੇ ਦੀਵਿਆਂ ਵੱਲ ਨੂੰ ਨਹੀਂ ਮੁੜਿਆ ਜਾਣਾ। ਹੁਣ ਬਿਜਲਈ ਲੜੀਆਂ ਹੀ ਲੱਗਣਗੀਆਂ, ਪਰ ਦੀਵੇ ਦੀ ਕਦਰ ਤਾਂ ਸਮਝੀਏ। ਦੀਵਾ ਖ਼ਰੀਦਣ, ਵੱਟੀ ਵੱਟਣ, ਤੇਲ ਪਾਉਣ ਤੇ ਦੀਵਾ ਬਾਲਣ ਵਿਚ ਜੋ ਵਿਸ਼ਵਾਸ ਅਤੇ ਸ਼ਰਧਾ ਸੀ, ਉਹ ਦੀਵਾਲੀ ਦੀ ਰਾਤ ਨੂੰ ਯਾਦ ਰੱਖੀਏ। ਘਰ ਦੀਆਂ ਮੁੱਖਾਂ ਉੱਤੇ ਪੰਜ-ਪੰਜ ਮੋਮਬੱਤੀਆਂ ਹੀ ਬਾਲੀਏ। ਜੇ ਹੋ ਸਕੇ, ਤਾਂ ਮਿੱਟੀ ਦੇ ਕੁਝ ਚੌਮੁਖੀਏ ਖ਼ਰੀਦੀਏ ਤੇ ਉਹ ਵੀ ਬਾਲੀਏ।
ਸਭ ਤੋਂ ਜ਼ਰੂਰੀ ਆਤਿਸ਼ਬਾਜ਼ੀ ਦਾ ਸ਼ੋਰ ਤੇ ਪ੍ਰਦੂਸ਼ਣ ਘਟਾਉਣਾ ਹੈ। ਸਭ ਮਾਪੇ ਆਪਣੀ-ਆਪਣੀ ਥਾਂ ਪਹਿਲ ਕਰਨ। ਬੱਚਿਆਂ ਤੇ ਨਵਯੁਵਕਾਂ ਨੂੰ ਪ੍ਰੇਰਨ। ਦੂਰ ਤੱਕ ਮਾਰ ਕਰਨ ਵਾਲੀਆਂ ਮਤਾਬੀਆਂ ਬਿਲਕੁਲ ਬੰਦ ਹੋ ਜਾਣੀਆਂ ਚਾਹੀਦੀਆਂ ਹਨ। ਇੰਜ ਹੀ ਜ਼ਿਆਦਾ ਆਵਾਜ਼ ਪੈਦਾ ਕਰਨ ਵਾਲੇ ਪਟਾਕੇ ਨਹੀਂ ਫਟਣੇ ਚਾਹੀਦੇ। ਉਂਜ ਵੀ ਰਾਤ ਦਸ ਵਜੇ ਤੋਂ ਬਾਅਦ ਸਿਰਫ ਰੌਸ਼ਨੀ ਨਜ਼ਰ ਆਵੇ, ਠਾਹ-ਠਾਹ ਬਿਲਕੁਲ ਬੰਦ ਹੋਵੇ।


ਖ਼ਬਰ ਸ਼ੇਅਰ ਕਰੋ

ਗੁਰਦਾਸਪੁਰ ਦੀ ਉਪ-ਚੋਣ

ਸਿਆਸੀ ਪਾਰਟੀਆਂ ਲਈ ਬਣੀ ਵਕਾਰ ਦਾ ਸਵਾਲ

ਗੁਰਦਾਸਪੁਰ ਲੋਕ ਸਭਾ ਹਲਕੇ ਦੀ ਚੋਣ ਲਗਪਗ ਸ਼ਾਂਤੀਪੂਰਨ ਢੰਗ ਨਾਲ ਸਮਾਪਤ ਹੋ ਗਈ ਹੈ। ਚੋਣਾਂ ਦੌਰਾਨ ਵੱਡੀਆਂ ਪਾਰਟੀਆਂ ਦੇ ਕੁਝ ਆਗੂ ਅਤੇ ਵਰਕਰਾਂ ਵਲੋਂ ਆਪਣੀ ਬਿਆਨਬਾਜ਼ੀ ਅਤੇ ਭਾਸ਼ਣਾਂ ਰਾਹੀਂ ਜਿਸ ਤਰ੍ਹਾਂ ਦਾ ਮਾਹੌਲ ਬਣਾਇਆ ਜਾ ਰਿਹਾ ਸੀ, ਉਸ ਤੋਂ ਇਹ ਖ਼ਦਸ਼ਾ ਜ਼ਰੂਰ ...

ਪੂਰੀ ਖ਼ਬਰ »






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX