ਏਮਜ਼ ਦੇ ਦਾਖਲਾ ਪ੍ਰੀਖਿਆ ਨਤੀਜਿਆਂ ਵਿਚ ਛਾਏ ਬਠਿੰਡਾ ਦੇ ਵਿਦਿਆਰਥੀ

ਬਠਿੰਡਾ, 18 ਜੂਨ (ਕੰਵਲਜੀਤ ਸਿੰਘ ਸਿੱਧੂ)-ਬਠਿੰਡਾ ਦੇ ਵਿਦਿਆਰਥੀਆਂ ਨੇ ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸ (ਏਮਜ਼) ਦੀ ਦਾਖ਼ਲਾ ਪ੍ਰੀਖਿਆ 'ਚ ਮੋਹਰੀ ਸਥਾਨ ਹਾਸਲ ਕਰਕੇ ਬਠਿੰਡਾ ਤੇ ਆਪਣੇ ਮਾਪਿਆਂ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਦੇਸ਼ ਪੱਧਰੀ ਮੈਰਿਟ ਵਿਚ ਮੋਹਰੀ ਸਥਾਨ ਬਣਾਉਣ ਵਾਲੇ ਬਠਿੰਡਾ ਦੇ ਇਨ੍ਹਾਂ ਵਿਦਿਆਰਥੀਆਂ ਜਿਨ੍ਹਾਂ ਵਿਚੋਂ ਵਧੇਰੇ ਵਿਦਿਆਰਥੀ ਡਾਕਟਰੀ ਕਿੱਤੇ ਨਾਲ ਸਬੰਧਿਤ ਪਰਿਵਾਰਾਂ ਵਿਚੋਂ ਆਉਂਦੇ ਹਨ, ਦਾ ਕਹਿਣਾ ਸੀ ਕਿ ਉਹ ਸੁਪਰ ਸਪੈਸ਼ਲਿਟੀ ਡਾਕਟਰ ਬਣ ਕੇ ਹੁਣ ਤੱਕ ਗੰੁਝਲਦਾਰ ਬਣੀਆਂ ਰਹੀਆਂ ਮਨੁੱਖੀ ਬਿਮਾਰੀਆਂ ਦਾ ਇਲਾਜ ਕਰਕੇ ਮਨੁੱਖਤਾ ਦੀ ਸੇਵਾ ਕਰਕੇ ਨਾਮਣਾ ਖੱਟਣਾ ਚਾਹੁੰਦੇ ਹਨ | ਬਠਿੰਡਾ ਦੇ ਡਾਕਟਰ ਦੀਪਕ ਰਾਏ ਅਤੇ ਸਿਵਲ ਹਸਪਤਾਲ ਵਿਖੇ ਗਾਇਨਾਕੋਲਜਿਸਟ ਡਾ. ਧੀਰਾ ਦੇ ਪੁੱਤਰ ਸਾਬਿਨ ਰਾਏ ਨੇ ਏਮਜ਼ ਦੀ ਪ੍ਰੀਖਿਆ ਵਿਚ 48ਵਾਂ ਰੈਂਕ ਹਾਸਲ ਕੀਤਾ ਹੈ | ਇਸ ਤੋਂ ਇਲਾਵਾ ਬਠਿੰਡਾ ਮੈਗਨੇਟ ਇੰਸਟੀਚਿਊਟ ਦੇ ਐਮ. ਡੀ. ਪਿੰਕੀ ਸ਼ੇਰਾਮਾਨੀ ਅਤੇ ਡਾਇਰੈਕਟਰ ਰਿਸ਼ੀ ਰਾਜ ਨੇ ਦੱਸਿਆ ਕਿ ਮੈਗਨੇਟ ਇੰਸਟੀਚਿਊਟ ਤੋਂ ਸਿੱਖਿਆ ਹਾਸਲ ਕਰਨ ਵਾਲੇ ਮਾਧਵਨ ਗੁਪਤਾ ਨੇ ਇਸ ਪ੍ਰੀਖਿਆ ਵਿਚ 86ਵਾਂ ਰੈਂਕ ਅਤੇ ਭਰਤੋਸ਼ ਨੇ 348ਵਾਂ ਰੈਂਕ ਅਤੇ ਅਰਮਾਨ ਦੀਪ ਵਿਰਕ ਨੇ ਆਲ ਇੰਡੀਆ 999 ਰੈਂਕ ਹਾਸਲ ਕਰਕੇ ਸੰਸਥਾ ਨੂੰ ਵੱਡਾ ਮਾਣ ਦਿਵਾਉਂਦਿਆਂ ਬਠਿੰਡਾ ਅਤੇ ਆਪਣੇ ਮਾਪਿਆਂ ਦਾ ਨਾਮ ਰੌਸ਼ਨ ਕੀਤਾ ਹੈ | ਇਸ ਮੌਕੇ ਇੰਸਟੀਚਿਊਟ ਦੇ ਐਮ.ਡੀ. ਸ੍ਰੀਮਤੀ ਪਿੰਕੀ ਸ਼ੇਰਾਮਾਨੀ ਨੇ ਸਫਲ ਹੋਣ ਵਾਲੇ ਸਾਰੇ ਵਿਦਿਆਰਥੀਆਂ ਨੂੰ ਮੁਬਾਰਕਬਾਦ ਦਿੰਦੇ ਭਵਿੱਖ ਵਿਚ ਸ਼ੁੱਭਕਾਮਨਾਵਾਂ ਦਿੱਤੀਆਂ | ਆਕਾਸ਼ ਇੰਸਟੀਚਿਊਟ ਦੇ ਸੀ.ਈ.ਓ. ਆਕਾਸ਼ ਚੌਧਰੀ ਅਤੇ ਬਠਿੰਡਾ ਯੂਨਿਟ ਦੇ ਪ੍ਰਬੰਧਕਾਂ ਨੇ ਦਾਅਵਾ ਕੀਤਾ ਕਿ ਪਹਿਲੀਆਂ 10 ਪੁਜ਼ੀਸ਼ਨਾਂ ਹਾਸਲ ਕਰਨ ਵਾਲੇ ਵਿਦਿਆਰਥੀਆਂ ਵਿਚੋਂ 4 ਵਿਦਿਆਰਥੀਆਂ ਨੇ ਉਨ੍ਹਾਂ ਦੇ ਇੰਸਟੀਚਿਊਟ ਵਿਚੋਂ ਸਿੱਖਿਆ ਲਈ ਹੈ |

ਬਠਿੰਡਾ /ਮਾਨਸਾ

ਖ਼ਬਰ ਸ਼ੇਅਰ ਕਰੋ