ਤਾਜਾ ਖ਼ਬਰਾਂ


ਪੁਲਵਾਮਾ 'ਚ ਅੱਤਵਾਦੀਆਂ ਨਾਲ ਮੁਠਭੇੜ ਦੌਰਾਨ ਚਾਰ ਜਵਾਨ ਸ਼ਹੀਦ
. . .  10 minutes ago
ਪੰਜਾਬ ਸਰਕਾਰ ਵਲੋਂ ਅੱਜ ਪੇਸ਼ ਕੀਤਾ ਜਾਵੇਗਾ ਬਜਟ
. . .  20 minutes ago
ਚੰਡੀਗੜ੍ਹ, 18 ਫਰਵਰੀ- ਪੰਜਾਬ ਸਰਕਾਰ ਵਲੋਂ ਅੱਜ ਵਿਧਾਨ ਸਭਾ 'ਚ ਸਾਲ 2019-20 ਦਾ ਬਜਟ ਪੇਸ਼ ਕੀਤਾ ਜਾਵੇਗਾ। ਇਸ ਬਜਟ ਤੋਂ ਮਹਿੰਗਾਈ ਨਾਲ ਜੂਝ ਰਹੇ ਸੂਬੇ ਦੇ ਲੋਕ ਵੱਡੀਆਂ ਆਸਾਂ ਲਾਈ ਬੈਠੇ ਹਨ। ਸੂਤਰਾਂ ਮੁਤਾਬਕ ਲੋਕ ਸਭਾ ਚੋਣਾਂ ਨੂੰ ਧਿਆਨ 'ਚ ਰੱਖ ਕੇ...
ਪੁਲਵਾਮਾ 'ਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਮੁਠਭੇੜ ਜਾਰੀ
. . .  40 minutes ago
ਸ੍ਰੀਨਗਰ, 18 ਫਰਵਰੀ- ਜੰਮੂ-ਕਸ਼ਮੀਰ ਦੇ ਪੁਲਵਾਮਾ ਜ਼ਿਲ੍ਹੇ ਦੇ ਪਿੰਗਲਾਨ ਇਲਾਕੇ 'ਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਮੁਠਭੇੜ ਚੱਲ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੁਰੱਖਿਆ ਬਲਾਂ ਨੇ 2-3 ਅੱਤਵਾਦੀਆਂ ਨੂੰ ਘੇਰ ਲਿਆ ਹੈ। ਦੋਹਾਂ ਪਾਸਿਓਂ ਲਗਾਤਾਰ...
ਅੱਜ ਦਾ ਵਿਚਾਰ
. . .  51 minutes ago
ਲੁਟੇਰਿਆ ਵੱਲੋਂ ਟਰੱਕ ਡਰਾਈਵਰ ਨਾਲ ਲੁੱਟ
. . .  1 day ago
ਨਾਭਾ, 17 ਫਰਵਰੀ (ਅਮਨਦੀਪ ਸਿੰਘ ਲਵਲੀ) - ਨਾਭਾ ਵਿਖੇ 4-5 ਅਣਪਛਾਤੇ ਲੁਟੇਰੇ ਇੱਕ ਟਰੱਕ ਡਰਾਈਵਰ ਨਾਲ ਮਾਰਕੁੱਟ ਕਰਨ ਤੋਂ ਬਾਅਦ ਉਸ ਕੋਲੋਂ 5ਹਜਾਰ ਦੀ ਨਗਦੀ, ਮੋਬਾਈਲ ਫ਼ੋਨ...
ਰਾਜਸਥਾਨ 'ਚ ਸਵਾਈਨ ਫਲੂ ਕਾਰਨ ਇਸ ਸਾਲ 127 ਮੌਤਾਂ
. . .  1 day ago
ਜੈਪੁਰ, 17 ਫਰਵਰੀ - ਰਾਜਸਥਾਨ 'ਚ ਸਵਾਈਨ ਫਲੂ ਕਾਰਨ ਇਸ ਸਾਲ 127 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ ਸਵਾਈਨ ਫਲੂ ਦੇ 3508 ਮਰੀਜ਼ਾਂ ਦੀ ਪੁਸ਼ਟੀ ਹੋ ਚੁੱਕੀ...
ਦਿਲਜੀਤ ਦੁਸਾਂਝ ਵਲੋਂ ਸ਼ਹੀਦ ਜਵਾਨਾਂ ਦੇ ਪਰਿਵਾਰਾਂ ਨੂੰ ਮਦਦ
. . .  1 day ago
ਨਵੀਂ ਦਿੱਲੀ, 17 ਫਰਵਰੀ - ਮੀਡੀਆ ਰਿਪੋਰਟਾਂ ਮੁਤਾਬਿਕ ਦੇਸ਼ ਵਿਦੇਸ਼ ਵਿਚ ਮਕਬੂਲ ਪੰਜਾਬੀ ਸਿੰਗਰ ਦਿਲਜੀਤ ਦੁਸਾਂਝ ਨੇ ਪੁਲਵਾਮਾਂ ਦੇ ਸ਼ਹੀਦ ਜਵਾਨਾਂ ਦੇ ਪਰਿਵਾਰਾਂ ਲਈ ਆਰਥਿਕ ਮਦਦ ਦਾ ਐਲਾਨ ਕੀਤਾ ਹੈ। ਦਿਲਜੀਤ ਦੁਸਾਂਝ ਨੇ ਸੀ.ਆਰ.ਪੀ.ਐਫ. ਵਾਈਫਜ਼ ਵੈਲਫੇਅਰ...
ਪੁਲਵਾਮਾ ਹਮਲੇ 'ਤੇ ਜਸ਼ਨ ਮਨਾਉਣ 'ਤੇ 4 ਵਿਦਿਆਰਥਣਾਂ ਨੂੰ ਸਿੱਖਿਆ ਅਦਾਰੇ ਤੋਂ ਕੀਤਾ ਸਸਪੈਂਡ
. . .  1 day ago
ਜੈਪੁਰ, 17 ਫਰਵਰੀ - ਪੁਲਵਾਮਾ 'ਚ ਸੀ.ਆਰ.ਪੀ.ਐਫ. ਜਵਾਨਾਂ ਦੇ ਕਾਫ਼ਲੇ 'ਤੇ ਹੋਏ ਕਾਇਰਤਾ ਭਰੇ ਅੱਤਵਾਦੀ ਹਮਲੇ ਤੋਂ ਬਾਅਦ ਇੱਥੇ ਇਕ ਨਿੱਜੀ ਸੰਸਥਾ ਦੀਆਂ 4 ਕਸ਼ਮੀਰੀ ਵਿਦਿਆਰਥਣਾਂ ਵੱਲੋਂ ਜਸ਼ਨ ਮਨਾਏ ਜਾਣ 'ਤੇ ਸੰਸਥਾ ਨੇ ਇਨ੍ਹਾਂ ਚਾਰ ਪੈਰਾਮੈਡੀਕਲ ਵਿਦਿਆਰਥਣਾਂ...
ਔਰਤ ਦਾ ਕਤਲ, ਪਤੀ ਦੀ ਕੀਤੀ ਜਾ ਰਹੀ ਹੈ ਤਲਾਸ਼
. . .  1 day ago
ਜਲੰਧਰ, 17 ਫਰਵਰੀ - ਜਲੰਧਰ ਦੀ ਬਸਤੀ ਪੀਰ ਦਾਦ 'ਚ ਇਕ ਪਤੀ ਆਪਣੀ ਪਤਨੀ ਨੂੰ ਕਥਿਤ ਤੌਰ 'ਤੇ ਕਤਲ ਕਰਕੇ ਘਰ ਨੂੰ ਕੁੰਡੀ ਲਗਾ ਕੇ ਭੱਜ ਗਿਆ। ਘਟਨਾ ਦਾ ਖੁਲਾਸਾ ਉਸ ਵਕਤ ਹੋਇਆ। ਜਦੋਂ ਘਰ ਤੋਂ ਬਦਬੂ ਆਈ। ਫਿਲਹਾਲ ਥਾਣਾ ਬਸਤੀ ਬਾਵਾ ਖੇਲ ਦੀ ਪੁਲਿਸ...
ਚੀਫ਼ ਖ਼ਾਲਸਾ ਦੀਵਾਨ ਦੇ ਸ. ਨਿਰਮਲ ਸਿੰਘ ਬਣੇ ਨਵੇਂ ਪ੍ਰਧਾਨ
. . .  1 day ago
ਅੰਮ੍ਰਿਤਸਰ, 17 ਫਰਵਰੀ (ਜੱਸ) - ਚੀਫ਼ ਖ਼ਾਲਸਾ ਦੀਵਾਨ ਦੇ ਪ੍ਰਧਾਨ ਸਮੇਤ ਹੋਰ ਅਹੁਦੇਦਾਰਾਂ ਦੀਆਂ ਹੋਈਆਂ ਚੋਣਾਂ ਵਿਚ ਅਣਖੀ ਮਜੀਠਾ ਗਰੁੱਪ ਦੇ ਸ. ਨਿਰਮਲ ਸਿੰਘ ਜੇਤੂ ਕਰਾਰ ਦਿੱਤੇ ਗਏ ਹਨ। ਉਨ੍ਹਾਂ ਨੇ ਆਪਣੇ ਵਿਰੋਧੀ ਸਰਬਜੀਤ ਸਿੰਘ ਨੂੰ 33 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ...
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਤੰਦਰੁਸਤੀ ਦਾ ਖਜ਼ਾਨਾ ਹਨ ਫਲ

ਪਪੀਤਾ : ਪਪੀਤਾ ਮਨੁੱਖ ਦੀ ਸਿਹਤ ਲਈ ਟਾਨਿਕ ਦਾ ਕੰਮ ਕਰਦਾ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਇਸ ਦੀ ਗਿਣਤੀ ਵਧੀਆ ਫਲਾਂ ਵਿਚ ਕੀਤੀ ਜਾਂਦੀ ਹੈ। ਪਪੀਤੇ ਵਿਚ ਪੇਪੇਨ, ਵਿਟਾਮਿਨ 'ਏ' ਅਤੇ ਵਿਟਾਮਿਨ 'ਸੀ' ਭਰਪੂਰ ਮਾਤਰਾ ਵਿਚ ਪਾਇਆ ਜਾਂਦਾ ਹੈ। ਪਪੀਤਾ ਪੇਟ ਦੇ ਰੋਗਾਂ, ਅੱਖਾਂ ਦੇ ਰੋਗਾਂ, ਜਿਗਰ, ਕਬਜ਼ ਆਦਿ ਨੂੰ ਦੂਰ ਕਰਦਾ ਹੈ ਅਤੇ ਉਦਰ ਸ਼ੁੱਧੀ ਲਈ ਲਾਭਦਾਇਕ ਹੈ।
ਗਰਭਵਤੀ ਅਤੇ ਦੁੱਧ ਪਿਲਾਉਣ ਵਾਲੀਆਂ ਔਰਤਾਂ ਲਈ ਇਸ ਦਾ ਸੇਵਨ ਬਹੁਤ ਲਾਭਦਾਇਕ ਹੈ। ਪਪੀਤੇ ਦੀ ਵਰਤੋਂ ਉਸ ਦੇ ਕੱਚੇ ਅਤੇ ਪੱਕੇ ਦੋਵਾਂ ਰੂਪਾਂ ਵਿਚ ਕੀਤੀ ਜਾਂਦੀ ਹੈ। ਪਪੀਤਾ ਸਿਹਤਦਾਇਕ ਤਾਂ ਹੈ ਹੀ, ਨਾਲ ਹੀ ਸੁੰਦਰਤਾਦਾਇਕ ਵੀ ਹੈ। ਇਸ ਦੇ ਟੁਕੜਿਆਂ ਜਾਂ ਗੁੱਦੇ ਨੂੰ ਚਿਹਰੇ 'ਤੇ ਲਗਾਉਣ ਨਾਲ ਝੁਰੜੀਆਂ ਅਤੇ ਛਾਈਆਂ ਤੋਂ ਛੁਟਕਾਰਾ ਮਿਲਦਾ ਹੈ। ਬਵਾਸੀਰ ਰੋਗ ਵਿਚ ਵੀ ਇਸ ਦਾ ਸੇਵਨ ਲਾਭਦਾਇਕ ਹੈ।
ਸੇਬ : ਇਹ ਤਾਂ ਅਸੀਂ ਸੁਣਦੇ ਹੀ ਆਏ ਹਾਂ ਕਿ 'ਰੋਜ਼ ਇਕ ਸੇਬ ਖਾਓ ਅਤੇ ਡਾਕਟਰ ਨੂੰ ਦੂਰ ਭਜਾਓ'। ਇਹ ਸੱਚ ਹੀ ਹੈ। ਸਾਰੇ ਫਲਾਂ ਵਿਚੋਂ ਸੇਬ ਇਕ ਅਮੁੱਲ ਫਲ ਹੈ। ਸਾਡੇ ਸਰੀਰ ਵਿਚ ਹੋਣ ਵਾਲੀਆਂ ਸਰੀਰਕ ਅਤੇ ਰਸਾਇਣਕ ਤਬਦੀਲੀਆਂ ਅਤੇ ਕਈ ਹੋਰ ਕਾਰਜਕਲਾਪਾਂ ਵਿਚ ਇਸ ਦਾ ਸੇਵਨ ਮਹੱਤਵਪੂਰਨ ਲਾਭ ਦਿੰਦਾ ਹੈ। ਪੋਸ਼ਕ ਤੱਤਾਂ ਦੇ ਪੱਖੋਂ ਇਹ ਖਣਿਜਾਂ ਅਤੇ ਵਿਟਾਮਿਨਾਂ ਦਾ ਭੰਡਾਰ ਹੈ। ਅਨੀਮੀਆ, ਕਬਜ਼, ਡਾਇਰੀਆ, ਸਿਰਦਰਦ, ਉੱਚ ਖੂਨ ਦਬਾਅ, ਦਿਲ ਦੇ ਰੋਗ, ਸਿਰਦਰਦ, ਪੇਟ ਅਤੇ ਅੱਖਾਂ ਸਬੰਧੀ ਕਈ ਰੋਗਾਂ ਦੇ ਇਲਾਜ ਵਿਚ ਵੀ ਇਸ ਦੀ ਵਰਤੋਂ ਕੀਤੀ ਜਾਂਦੀ ਹੈ।
ਇਕ ਖੋਜ ਤੋਂ ਇਹ ਵੀ ਸਾਹਮਣੇ ਆਇਆ ਹੈ ਕਿ ਸੇਬ ਅਤੇ ਸੇਬ ਦੇ ਰਸ ਵਿਚ ਅਜਿਹੇ ਰਸਾਇਣ ਪਾਏ ਜਾਂਦੇ ਹਨ ਜੋ ਰੈੱਡ ਵਾਈਨ ਅਤੇ ਚਾਹ ਦੀ ਤਰ੍ਹਾਂ ਹੀ ਲਾਭ ਦਿੰਦੇ ਹਨ ਅਤੇ ਦਿਲ ਦੇ ਰੋਗਾਂ ਤੋਂ ਬਚਾਉਂਦੇ ਹਨ। ਇਸ ਖੋਜ ਦੇ ਅਨੁਸਾਰ ਜੋ ਵਿਅਕਤੀ ਹਰ ਰੋਜ਼ ਦੋ ਸੇਬਾਂ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਵਿਚ ਐਲ.ਡੀ.ਐਲ. ਆਕਸੀਡੈਂਸ਼ਨ ਵਿਚ 20 ਫੀਸਦੀ ਕਮੀ ਪਾਈ ਗਈ।
ਹਾਂ, ਸੇਬ ਦਾ ਸੇਵਨ ਕਰਦੇ ਸਮੇਂ ਇਹ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਖਾਲੀ ਪੇਟ ਇਸ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। ਇਸ ਨਾਲ ਬਦਹਜ਼ਮੀ ਹੋ ਸਕਦੀ ਹੈ।
ਕੇਲਾ : ਕੇਲਾ ਇਕ ਅਜਿਹਾ ਫਲ ਹੈ ਜੋ ਏਨੀ ਘੱਟ ਕੀਮਤ 'ਤੇ ਮਿਲਦਾ ਹੈ ਕਿ ਹਰ ਵਿਅਕਤੀ ਇਸ ਨੂੰ ਖ਼ਰੀਦ ਸਕਦਾ ਹੈ। ਇਹ ਊਰਜਾ ਦਾ ਭੰਡਾਰ ਹੈ। ਇਕ ਕੇਲੇ ਵਿਚ ਅਨੁਮਾਨਤ 100 ਕੈਲੋਰੀ ਦੀ ਮਾਤਰਾ ਹੁੰਦੀ ਹੈ। ਇਸ ਵਿਚ ਪ੍ਰੋਟੀਨ, ਵਿਟਾਮਿਨ ਅਤੇ ਮਿਨਰਲ ਪਾਏ ਜਾਂਦੇ ਹਨ। ਦੁੱਧ ਦੇ ਨਾਲ ਇਸ ਦਾ ਸੇਵਨ ਮਹੱਤਵਪੂਰਨ ਆਹਾਰ ਮੰਨਿਆ ਜਾਂਦਾ ਹੈ।
ਅੰਤੜੀਆਂ ਸਬੰਧੀ ਰੋਗਾਂ, ਡਾਇਰੀਆ, ਪੇਚਿਸ਼, ਆਰਥਰਾਈਟਿਸ, ਗਾਊਟ, ਅਨੀਮੀਆ, ਟੀ. ਬੀ. ਅਤੇ ਅਲਰਜੀ ਆਦਿ ਰੋਗਾਂ ਵਿਚ ਇਸ ਦਾ ਸੇਵਨ ਲਾਭਦਾਇਕ ਹੈ। ਪੋਟਾਸ਼ੀਅਮ ਦਾ ਵਧੀਆ ਸਰੋਤ ਹੋਣ ਕਾਰਨ ਉਨ੍ਹਾਂ ਵਿਅਕਤੀਆਂ ਨੂੰ, ਜਿਨ੍ਹਾਂ ਦੇ ਗੁਰਦੇ ਫੇਲ੍ਹ ਹੋਏ ਹੋਣ, ਇਸ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਅਨਾਰ :ਅਨਾਰ ਇਕ ਅਜਿਹਾ ਫਲ ਹੈ ਜਿਸ ਨੂੰ ਪਚਾਉਣਾ ਦੂਜੇ ਫਲਾਂ ਦੇ ਮੁਕਾਬਲੇ ਆਸਾਨ ਹੈ। 100 ਗ੍ਰਾਮ ਅਨਾਰ ਵਿਚ ਅੰਦਾਜ਼ਨ 65 ਕੈਲੋਰੀ ਦੀ ਮਾਤਰਾ ਹੁੰਦੀ ਹੈ। ਬੁਖਾਰ ਅਤੇ ਹੋਰ ਰੋਗਾਂ ਵਿਚ ਇਸ ਦਾ ਸੇਵਨ ਫਾਇਦੇਮੰਦ ਹੁੰਦਾ ਹੈ। ਜਿਗਰ, ਦਿਲ, ਗੁਰਦੇ ਦੇ ਕੰਮਾਂ ਵਿਚ ਵੀ ਇਸ ਦਾ ਸੇਵਨ ਸੁਧਾਰ ਲਿਆਉਂਦਾ ਹੈ। ਭੋਜਨ ਤੋਂ ਵਿਟਾਮਿਨ 'ਏ' ਦੀ ਪੂਰਤੀ ਜਿਗਰ ਨੂੰ ਕਰਨ ਵਿਚ ਵੀ ਇਹ ਸਹਾਇਕ ਭੂਮਿਕਾ ਨਿਭਾਉਂਦਾ ਹੈ। ਇਨਫੈਕਸ਼ਨ ਖਾਸ ਕਰਕੇ ਟੀ.ਬੀ. ਨਾਲ ਲੜਨ ਦੀ ਪ੍ਰਤੀਰੋਧਕ ਸਮਰੱਥਾ ਨੂੰ ਇਸ ਦਾ ਸੇਵਨ ਵਧਾਉਂਦਾ ਹੈ। ਬੁਖਾਰ, ਖੁਜਲੀ, ਗੁਰਦੇ ਵਿਚ ਪੱਥਰੀ, ਦੰਦਾਂ ਅਤੇ ਮਸੂੜਿਆਂ ਸਬੰਧੀ ਰੋਗਾਂ ਆਦਿ ਦੇ ਇਲਾਜ ਵਿਚ ਇਸ ਦਾ ਸੇਵਨ ਲਾਭ ਪਹੁੰਚਾਉਂਦਾ ਹੈ।
ਚੁਕੰਦਰ : ਚੁਕੰਦਰ ਦਾ ਰਸ ਜਿਗਰ ਨੂੰ ਸਾਫ਼ ਕਰਦਾ ਹੈ। ਖੂਨ ਨੂੰ ਸਾਫ ਕਰਕੇ ਜ਼ਹਿਰੀਲੇ ਤੱਤਾਂ ਨੂੰ ਬਾਹਰ ਕੱਢਦਾ ਹੈ। ਇਹ ਕਬਜ਼ ਨੂੰ ਦੂਰ ਕਰਦਾ ਹੈ ਅਤੇ ਖੂਨ ਵਹਿਣੀਆਂ ਦੀ ਮਜ਼ਬੂਤੀ ਲਈ ਵੀ ਇਸ ਦਾ ਸੇਵਨ ਚੰਗਾ ਹੈ। ਖੂਨ ਸੰਚਾਰ ਵਿਚ ਸੁਧਾਰ ਕਰਕੇ ਕੋਲੈਸਟ੍ਰੋਲ ਦੇ ਪੱਧਰ ਵਿਚ ਕਮੀ ਲਿਆਉਂਦਾ ਹੈ। ਅਨੀਮੀਆ ਵਿਚ ਵੀ ਇਸ ਦਾ ਸੇਵਨ ਫਾਇਦੇਮੰਦ ਹੈ।
ਸੰਤਰਾ : ਇਹ ਰਸੀਲੇ ਫਲਾਂ ਵਿਚ ਬੇਹੱਦ ਲਾਭਦਾਇਕ ਫਲ ਹੈ ਅਤੇ ਸੰਤਰੇ ਦਾ ਰਸ ਤਾਂ ਆਮ ਹੀ ਹਰ ਜਗ੍ਹਾ ਉਪਲਬਧ ਹੁੰਦਾ ਹੈ। ਵਿਟਾਮਿਨ 'ਏ', 'ਬੀ', 'ਸੀ' ਅਤੇ ਕੈਲਸ਼ੀਅਮ ਨਾਲ ਭਰਪੂਰ ਸੰਤਰਾ ਇਨ੍ਹਾਂ ਦਾ ਵਧੀਆ ਸਰੋਤ ਹੈ। ਇਸ ਵਿਚ ਮੌਜੂਦ ਸ਼ੱਕਰ ਖੂਨ ਵਿਚ ਛੇਤੀ ਹੀ ਜਜ਼ਬ ਹੋ ਜਾਂਦੀ ਹੈ, ਇਸ ਲਈ ਇਸ ਨੂੰ ਖਾਂਦੇ ਸਾਰ ਹੀ ਸਰੀਰ ਵਿਚ ਊਰਜਾ ਪੈਦਾ ਹੁੰਦੀ ਹੈ।
ਸੰਤਰੇ ਦੇ ਨਿਯਮਤ ਸੇਵਨ ਨਾਲ ਸਰਦੀ, ਇਨਫਲੂਏਂਜਾ ਆਦਿ ਤੋਂ ਸੁਰੱਖਿਆ ਮਿਲਦੀ ਹੈ। ਕਬਜ਼ ਅਤੇ ਬੁਖਾਰ ਵਿਚ ਵੀ ਇਸ ਦਾ ਸੇਵਨ ਲਾਭਦਾਇਕ ਹੈ। ਕਈ ਨਵੀਆਂ ਖੋਜਾਂ ਨਾਲ ਸਾਹਮਣੇ ਆਇਆ ਹੈ ਕਿ ਰਸੀਲੇ ਫਲਾਂ ਦਾ ਸੇਵਨ ਕਈ ਗੰਭੀਰ ਰੋਗਾਂ ਤੋਂ ਵੀ ਬਚਾਉਂਦਾ ਹੈ।


ਖ਼ਬਰ ਸ਼ੇਅਰ ਕਰੋ

ਸੁਖਮਈ ਬੁਢਾਪੇ ਲਈ 10 ਨੁਸਖੇ

* ਸੁਖੀ ਬੁਢਾਪੇ ਲਈ ਸੰਤੁਲਤ ਆਹਾਰ ਲਓ ਤਾਂ ਕਿ ਸਰੀਰ ਨੂੰ ਫਲ ਅਤੇ ਸਬਜ਼ੀਆਂ ਉਚਿਤ ਮਾਤਰਾ ਵਿਚ ਮਿਲਦੀਆਂ ਰਹਿਣ।
* ਆਪਣੇ-ਆਪ ਨੂੰ ਕਬਜ਼ ਤੋਂ ਬਚਾਅ ਕੇ ਰੱਖੋ। ਕਬਜ਼ ਬਹੁਤ ਸਾਰੀਆਂ ਬਿਮਾਰੀਆਂ ਦਾ ਘਰ ਹੈ। ਇਸ ਵਾਸਤੇ ਈਸਬਗੋਲ ਦੀ ਵਰਤੋਂ ਨਿਯਮਤ ਕਰੋ ਅਤੇ ਜੇ ਮਾਫਿਕ ਆਵੇ ਤਾਂ ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਕ ਕੱਪ ਗਰਮ ਦੁੱਧ ਪੀਓ।
* ਨਿਯਮਤ ਕਸਰਤ ਕਰੋ। ਸਵੇਰੇ-ਸ਼ਾਮ ਨੇੜੇ ਦੇ ਪਾਰਕ ਵਿਚ ਸੈਰ ਲਈ ਨਿਕਲ ਜਾਓ ਪਰ ਕਸਰਤ ਡਾਕਟਰ ਦੀ ਸਲਾਹ ਨਾਲ ਹੀ ਕਰੋ।
* ਮੈਡੀਕਲ ਚੈਕਅਪ ਨਿਯਮਤ ਕਰਵਾਓ। ਨਿਯਮਤ ਜਾਂਚ ਦੇ ਨਾਲ ਲੋੜ ਪੈਣ 'ਤੇ ਦਵਾਈ ਲੈਂਦੇ ਰਹੋ।
* ਬੱਚਿਆਂ ਅਤੇ ਪਰਿਵਾਰ ਦੇ ਵਿਚ ਰਹੋ। ਸ਼ਾਮ ਦਾ ਸਮਾਂ ਬੱਚਿਆਂ ਦੇ ਨਾਲ ਬਿਤਾਓ ਅਤੇ ਪਰਿਵਾਰ ਲਈ ਸਹਾਇਕ ਬਣੋ।
* ਛੋਟੀਆਂ-ਛੋਟੀਆਂ ਗੱਲਾਂ ਲਈ ਟੋਕਾਟਾਕੀ ਤੋਂ ਬਚੋ, ਜਿਸ ਨਾਲ ਤਣਾਅ ਨੂੰ ਘੱਟ ਕੀਤਾ ਜਾ ਸਕਦਾ ਹੈ।
* ਕੁਝ ਸਮਾਂ ਸਮਾਜ ਸੇਵਾ ਲਈ ਕੱਢੋ ਜਾਂ ਹਮਉਮਰ ਦੋਸਤਾਂ ਨਾਲ ਮਿਲ ਕੇ ਖੁਸ਼ੀਆਂ ਵੰਡੋ।
* ਸਿਗਰਟਨੋਸ਼ੀ, ਸ਼ਰਾਬ ਅਤੇ ਨਸ਼ੇ ਦੀਆਂ ਆਦਤਾਂ ਤੋਂ ਆਪਣੇ-ਆਪ ਨੂੰ ਬਚਾ ਕੇ ਰੱਖੋ। ਇਨ੍ਹਾਂ ਆਦਤਾਂ ਤੋਂ ਦੂਰ ਰਹਿਣਾ ਹੀ ਚੰਗਾ ਹੈ।
* ਗੱਡੀ ਚਲਾਉਂਦੇ ਸਮੇਂ ਸੀਟਬੈਲਟ ਦੀ ਵਰਤੋਂ ਕਰੋ। ਜੇ ਕੋਈ ਹੋਰ ਗੱਡੀ ਚਲਾ ਰਿਹਾ ਹੈ ਤਾਂ ਸੀਟ 'ਤੇ ਆਪਣਾ ਸੰਤੁਲਨ ਬਣਾ ਕੇ ਬੈਠੋ। ਗਿੱਲੀਆਂ ਥਾਵਾਂ 'ਤੇ ਜਾਣ ਤੋਂ ਬਚੋ। ਬਾਥਰੂਮ ਵਿਚ ਪੈਰ ਟਿਕਾ ਕੇ ਚੱਲੋ, ਕਿਉਂਕਿ ਬੁਢਾਪੇ ਵਿਚ ਹੱਡੀਆਂ ਛੇਤੀ ਟੁੱਟਦੀਆਂ ਹਨ ਅਤੇ ਮੁਸ਼ਕਿਲ ਨਾਲ ਜੁੜਦੀਆਂ ਹਨ।
* ਜ਼ਿੰਦਗੀ ਦੇ ਪ੍ਰਤੀ ਸਾਕਾਰਾਤਮਿਕ ਦ੍ਰਿਸ਼ਟੀਕੋਣ ਬਣਾਓ। ਛੋਟੀਆਂ-ਮੋਟੀਆਂ ਤਕਲੀਫਾਂ ਜ਼ਿੰਦਗੀ ਦਾ ਅੰਗ ਹਨ। ਪਰਿਵਾਰ ਤੋਂ ਜ਼ਿਆਦਾ ਆਸਾਂ ਨਾ ਰੱਖੋ। ਆਸ ਪੂਰੀ ਨਾ ਹੋਣ 'ਤੇ ਮਨ ਖਿੰਨ ਹੁੰਦਾ ਹੈ। ਬੁਢਾਪਾ ਜੀਵਨ ਦਾ ਇਕ ਮਹੱਤਵਪੂਰਨ ਹਿੱਸਾ ਹੈ। ਇਸ ਨੂੰ ਹੱਸ ਕੇ ਸਵੀਕਾਰ ਕਰੋ ਅਤੇ ਖੁਸ਼ੀ ਨਾਲ ਰੱਬ ਦੀ ਦੇਣ ਨੂੰ ਸਵੀਕਾਰੋ।

ਖ਼ਤਰਨਾਕ ਰੋਗ ਹੈ ਜ਼ੁਕਾਮ

ਆਮ ਤੌਰ 'ਤੇ ਲੋਕ ਜ਼ੁਕਾਮ ਨੂੰ ਸਾਧਾਰਨ ਰੋਗ ਸਮਝ ਕੇ ਇਸ ਦਾ ਸਹੀ ਇਲਾਜ ਨਹੀਂ ਕਰਵਾਉਂਦੇ ਪਰ ਇਹ ਰੋਗ ਪੁਰਾਣਾ ਹੋ ਜਾਣ 'ਤੇ ਭਿਆਨਕ ਰੂਪ ਧਾਰ ਲੈਂਦਾ ਹੈ ਅਤੇ ਹੋਰ ਕੋਈ ਬਿਮਾਰੀਆਂ ਨੂੰ ਪੈਦਾ ਕਰਨ ਵਿਚ ਮੁੱਖ ਭੂਮਿਕਾ ਨਿਭਾਉਂਦਾ ਹੈ।
ਜ਼ੁਕਾਮ ਦੇ ਵਿਸ਼ਾਣੂ ਜਦੋਂ ਵਧ ਜਾਂਦੇ ਹਨ ਤਾਂ ਇਨ੍ਹਾਂ ਦਾ ਆਕਾਰ ਵਧ ਜਾਂਦਾ ਹੈ, ਜਿਸ ਕਾਰਨ ਸਾਹ ਨਲੀ ਵਿਚ ਸੋਜ ਹੋਣ ਦੇ ਕਾਰਨ ਸਾਹ ਲੈਣ ਵਿਚ ਪ੍ਰੇਸ਼ਾਨੀ ਹੁੰਦੀ ਹੈ। ਇਸ ਨਾਲ ਖੰਘ, ਨਿਮੋਨੀਆ, ਟੀ.ਬੀ. ਆਦਿ ਜਾਨਲੇਵਾ ਬਿਮਾਰੀਆਂ ਹੋ ਸਕਦੀਆਂ ਹਨ। ਇਸ ਲਈ ਸਮਾਂ ਰਹਿੰਦੇ ਹੀ ਇਸ ਦਾ ਇਲਾਜ ਕਰਾ ਲੈਣਾ ਜ਼ਰੂਰੀ ਹੈ।
ਸਾਵਧਾਨੀਆਂ
* ਜ਼ੁਕਾਮ ਦਾ ਰੋਗ ਹੋਵੇ ਤਾਂ ਭੋਜਨ ਬੰਦ ਕਰਨਾ ਚਾਹੀਦਾ ਹੈ, ਕਿਉਂਕਿ ਜ਼ੁਕਾਮ ਹੋਣ 'ਤੇ ਕੁਦਰਤੀ ਤੌਰ 'ਤੇ ਭੁੱਖ ਘੱਟ ਹੋ ਜਾਂਦੀ ਹੈ ਅਤੇ ਭੋਜਨ ਬੇਸੁਆਦ ਲੱਗਣ ਲਗਦਾ ਹੈ। ਸਰੀਰ ਦੀ ਇਸੇ ਕੁਦਰਤੀ ਕਿਰਿਆ ਦੀ ਮਦਦ ਲਈ ਭੋਜਨ ਬੰਦ ਕਰਨਾ ਜ਼ਰੂਰੀ ਹੋ ਜਾਂਦਾ ਹੈ।
* ਰਾਤ ਨੂੰ ਜ਼ਿਆਦਾ ਦੇਰ ਤੱਕ ਨਹੀਂ ਜਾਗਣਾ ਚਾਹੀਦਾ।
* ਸਰੀਰ ਨੂੰ ਠੰਢ ਤੋਂ ਬਚਾਉਣ ਲਈ ਮੋਟੇ ਅਤੇ ਊਨੀ ਕੱਪੜਿਆਂ ਦੀ ਵਰਤੋਂ ਕਰੋ।
* ਵਿਟਾਮਿਨ 'ਸੀ' ਭਰਪੂਰ ਮਾਤਰਾ ਵਿਚ ਲਓ, ਕਿਉਂਕਿ ਵਿਟਾਮਿਨ 'ਸੀ' ਦੀ ਕਮੀ ਨਾਲ ਸਰੀਰ ਵਿਚ ਬਿਮਾਰੀ ਨਾਲ ਲੜਨ ਦੀ ਸਮਰੱਥਾ ਨਹੀਂ ਰਹਿੰਦੀ।
* ਕਿਸੇ ਤਰ੍ਹਾਂ ਦਾ ਨਸ਼ਾ ਕਰਨਾ ਨੁਕਸਾਨਦਾਇਕ ਹੈ।
* ਡਾਕਟਰ ਦੀ ਸਲਾਹ ਤੋਂ ਬਿਨਾਂ ਕੋਈ ਦਵਾਈ ਨਾ ਲਓ।
* ਜ਼ੁਕਾਮ ਦੇ ਵਿਸ਼ਾਣੂ ਛੇਤੀ ਹੀ ਫੈਲ ਜਾਂਦੇ ਹਨ, ਇਸ ਲਈ ਰੋਗੀ ਦੇ ਕੱਪੜੇ ਬਿਲਕੁਲ ਵੱਖਰੇ ਹੋਣੇ ਚਾਹੀਦੇ ਹਨ।
* ਜਗ੍ਹਾ-ਜਗ੍ਹਾ ਥੁੱਕਣ ਤੋਂ ਬਚੋ। ਢੁਕਵੀਆਂ ਥਾਵਾਂ 'ਤੇ ਹੀ ਥੁੱਕੋ।
* ਜ਼ੁਕਾਮ ਜ਼ਿਆਦਾ ਦਿਨ ਤੱਕ ਠੀਕ ਨਾ ਹੋਵੇ ਤਾਂ ਡਾਕਟਰ ਦੀ ਸਲਾਹ ਲਓ, ਕਿਉਂਕਿ ਇਹ ਨਿਮੋਨੀਆ ਦਾ ਰੂਪ ਵੀ ਲੈ ਸਕਦਾ ਹੈ।
* ਬੇਹਾ ਭੋਜਨ ਕਦੇ ਨਾ ਖਾਓ।
* ਮਿਰਚ, ਮਸਾਲੇ ਵਾਲੇ ਪਦਾਰਥਾਂ ਦਾ ਸੇਵਨ ਵੀ ਜ਼ਿਆਦਾ ਨਾ ਕਰੋ।
ਇਲਾਜ
* ਜੇ ਜ਼ੁਕਾਮ ਦੇ ਨਾਲ ਕਬਜ਼ ਵੀ ਹੋਵੇ ਤਾਂ ਅੱਧਾ ਚਮਚ ਛੋਟੀ ਹਰੜ ਦਾ ਚੂਰਨ ਲੈਣ ਨਾਲ ਆਰਾਮ ਮਿਲਦਾ ਹੈ। ਨਿੰਬੂ-ਪਾਣੀ ਲੈਣਾ ਵੀ ਲਾਭਦਾਇਕ ਹੈ।
* ਤੁਲਸੀ ਦੇ ਪੱਤਿਆਂ ਨੂੰ ਪਾਣੀ ਵਿਚ ਖੂਬ ਉਬਾਲੋ। ਜਦੋਂ ਕਾੜ੍ਹਾ ਬਣ ਜਾਵੇ ਤਾਂ ਦੁੱਧ ਅਤੇ ਮਿਸ਼ਰੀ ਮਿਲਾ ਦਿਓ। ਇਸ ਦੇ ਨਿਯਮਤ ਸੇਵਨ ਨਾਲ ਜ਼ੁਕਾਮ ਦੂਰ ਹੋ ਜਾਂਦਾ ਹੈ।
* ਜ਼ੁਕਾਮ ਦੇ ਨਾਲ ਬੁਖਾਰ ਵੀ ਹੋਵੇ ਤਾਂ ਛੋਟੀ ਪੀਪਲ ਨੂੰ ਪੀਸ ਕੇ ਉਸ ਵਿਚ ਤੁਲਸੀ ਦੇ ਪੱਤਿਆਂ ਦਾ ਰਸ ਅਤੇ ਸ਼ਹਿਦ ਮਿਲਾ ਕੇ ਸੇਵਨ ਕਰੋ।
* ਅਦਰਕ ਦੇ ਰਸ ਵਿਚ ਸ਼ਹਿਦ ਮਿਲਾ ਕੇ ਚੱਟਣ ਨਾਲ ਵੀ ਲਾਭ ਹੁੰਦਾ ਹੈ।
* ਇਕ ਗਲਾਸ ਪਾਣੀ ਵਿਚ 3-4 ਲੌਂਗ ਪਾ ਕੇ ਉਬਾਲੋ। ਅੱਧਾ ਗਿਲਾਸ ਹੋਣ ਤੋਂ ਬਾਅਦ ਉਸ ਨੂੰ ਛਾਣ ਲਓ ਅਤੇ ਨਮਕ ਮਿਲਾ ਕੇ ਥੋੜ੍ਹਾ-ਥੋੜ੍ਹਾ ਕਰਕੇ ਪੀਓ। ਇਸ ਨਾਲ ਪੁਰਾਣਾ ਜ਼ੁਕਾਮ ਵੀ ਠੀਕ ਹੋ ਜਾਂਦਾ ਹੈ।

ਪੇਟ ਦੀਆਂ ਬਿਮਾਰੀਆਂ

ਸੰਗ੍ਰਹਿਣੀ-ਅਲਸਰੇਟਿਡ ਕੋਲਾਇਟਸ

ਜੋ ਭੋਜਨ ਅਸੀਂ ਖਾਂਦੇ ਹਾਂ, ਉਹ ਮੂੰਹ ਰਾਹੀਂ ਭੋਜਨ ਨਲੀ (ਫੂਡ ਪਾਈਪ) ਰਾਹੀਂ ਸਾਡੇ ਪੇਟ ਵਿਚ ਜਾਂਦਾ ਹੈ, ਮਿਹਦੇ ਤੋਂ ਛੋਟੀ ਅੰਤੜੀ ਵਿਚ ਕਈ ਤਰ੍ਹਾਂ ਦੇ ਰਸ ਨਿਕਲਦੇ ਹਨ ਜੋ ਭੋਜਨ ਹਜ਼ਮ ਕਰਨ ਵਿਚ ਸਾਡੀ ਮਦਦ ਕਰਦੇ ਹਨ। ਛੋਟੀ ਅੰਤੜੀਆਂ ਤੋਂ ਬਾਅਦ ਭੋਜਨ ਵੱਡੀ ਅੰਤੜੀ ਵਿਚ ਚਲਾ ਜਾਂਦਾ ਹੈ, ਵੱਡੀ ਅੰਤੜੀ ਅੰਦਰੋਂ ਤਿੰਨ ਹਿੱਸਿਆਂ ਵਿਚ ਵੰਡੀ ਹੁੰਦੀ ਹੈ। ਉਸ ਦਾ ਕੰਮ ਪੱਕੇ ਹੋਏ ਭੋਜਨ ਵਿਚ ਪਾਣੀ ਦੀ ਮਾਤਰਾ ਤੇ ਤਰਲ ਪਦਾਰਥ ਕੱਢਣ, ਮਲਤਿਆਗ ਕਰਨਾ ਅਤੇ ਮਲ ਨੂੰ ਇਕੱਠਾ ਕਰਕੇ ਰੱਖਣਾ ਹੁੰਦਾ ਹੈ ਤੇ ਫਿਰ ਮਲ ਜੋ ਕਿ ਪਖਾਨੇ ਰਸਤੇ ਵਿਚ ਬਾਹਰ ਨਿਕਲ ਜਾਂਦਾ ਹੈ।
ਵੱਡੀ ਅੰਤੜੀ ਦੀ ਸੋਜ ਨੂੰ 'ਅਲਸਰੇਟਿਵ ਕੋਲਾਇਟਿਸ' ਕਹਿੰਦੇ ਹਨ। ਕਈ ਵਾਰੀ ਛੋਟੀ ਅੰਤੜੀ ਦੇ ਨਾਲ-ਨਾਲ ਵੱਡੀ ਅੰਤੜੀ ਨੂੰ ਵੀ ਸੋਜ ਹੋ ਜਾਂਦੀ ਹੈ ਤਾਂ ਉਸ ਨੂੰ ਕਰੋਹਮ ਕਹਿੰਦੇ ਹਨ।
ਕਾਰਨ : ਕਈ ਤਰ੍ਹਾਂ ਦੇ ਕੀਟਾਣੂ ਤੇ ਜੀਵਾਣੂ ਸਾਡੀ ਖੁਰਾਕ ਵਾਲੀ ਵੱਡੀ ਅੰਤੜੀ ਵਿਚ ਜਾ ਕੇ ਇਕੱਠੇ ਹੋ ਜਾਂਦੇ ਹਨ। ਵੱਡੀ ਅੰਤੜੀ ਵਿਚ ਪਨਪਣ ਲਈ ਕਈ ਤਰ੍ਹਾਂ ਦੇ ਤਰਲ ਪਦਾਰਥ ਤੇ ਤੇਜ਼ਾਬੀ ਮਾਦੇ ਮਿਲ ਜਾਂਦੇ ਹਨ। ਜਦੋਂ ਉਨ੍ਹਾਂ ਦੀ ਪ੍ਰਾਪਤ ਨਮੀ ਤੇ ਪੀ.ਐਚ. ਮਿਲ ਜਾਂਦੀ ਹੈ ਤਾਂ ਵੱਡੀ ਅੰਤੜੀ ਦੀ ਝਿੱਲੀ ਵਿਚ ਜ਼ਖਮ ਕਰ ਦਿੰਦੇ ਹਨ ਤੇ ਮਰੀਜ਼ ਨੂੰ 'ਅਲਸਰੇਟਿਵ ਕੋਲਾਇਟਿਸ' ਹੋ ਜਾਂਦਾ ਹੈ।
ਸੰਗ੍ਰਹਿਣੀ ਦਾ ਭਾਵ ਹੈ ਕਿ ਬਿਮਾਰੀ ਬੜੀ ਦੇਰ ਤੱਕ ਮਰੀਜ਼ ਦੇ ਸੰਗ ਰਹਿੰਦੀ ਹੈ। ਜੇਕਰ ਮਰੀਜ਼ ਸ਼ੁਰੂ ਵਿਚ ਹੀ ਇਸ ਦਾ ਇਲਾਜ ਪੇਟ ਦੇ ਮਾਹਿਰ ਡਾਕਟਰ ਨੂੰ ਦਿਖਾ ਕੇ ਕਰਵਾ ਲਵੇ ਤਾਂ ਇਸ ਦਾ ਇਲਾਜ ਸੌਖਾ ਤੇ ਸਰਲ ਹੈ।
ਨੋਟ : ਇਸ ਬਿਮਾਰੀ ਤੋਂ ਘਬਰਾਉਣ ਦੀ ਲੋੜ ਨਹੀਂ। ਜੇਕਰ ਮਰੀਜ਼ ਨੂੰ ਖੱਬੇ ਪਾਸੇ ਵੱਖੀ ਵਿਚ ਕੋਈ 'ਛੱਲੀ' ਜਿਹੀ ਨਜ਼ਰ ਆਵੇ ਤਾਂ ਜਾਂ ਖੱਬਾ ਪਾਸਾ ਭਾਰਾ-ਭਾਰਾ ਮਹਿਸੂਸ ਹੋਵੇ, ਪਖਾਨੇ ਵਿਚ ਹਰ ਵਾਰੀ ਖੂਨ, ਪੀਕ ਆਵੇ ਜਾਂ ਪਖਾਨਾ 'ਚੌਲਾਂ ਦੀ ਪਤਲੀ ਪਰਤ' ਵਰਗਾ ਹੋਵੇ ਤਾਂ ਇਹ ਬਿਮਾਰੀ ਸੰਗ੍ਰਹਿਣੀ ਹੋ ਸਕਦੀ ਹੈ।
ਇਲਾਜ : ਸੰਗ੍ਰਹਿਣੀ ਦੀ ਤਕਲੀਫ ਦੇ ਇਲਾਜ ਲਈ ਅੱਜਕਲ੍ਹ ਬੜੀ ਨਵੀਂ ਕਿਸਮ ਦੇ 'ਫੋਮ ਰੈਕਟਸ ਅਨੀਮਾ' ਆ ਗਏ ਹਨ, ਜਿਨ੍ਹਾਂ ਰਾਹੀਂ ਜ਼ਖਮ ਵਾਲੇ ਹਿੱਸੇ 'ਤੇ ਸਿੱਧੀ ਦਵਾਈ ਲਗਦੀ ਹੈ ਤੇ ਮਰੀਜ਼ ਨੂੰ ਬਹੁਤ ਛੇਤੀ ਆਰਾਮ ਆ ਜਾਂਦਾ ਹੈ। ਆਮ ਤੌਰ 'ਤੇ ਸੰਗ੍ਰਹਿਣੀ ਦੇ ਮਰੀਜ਼ ਨੂੰ ਇਸ ਦੇ ਇਲਾਜ ਵਿਚ ਇਕੋ ਸ਼ਿਕਾਇਤ ਹੁੰਦੀ ਹੈ ਕਿ ਕਈ ਵਾਰੀ ਗੋਲੀਆਂ ਪੇਟ ਵਿਚ ਅਸਰ ਕੀਤੇ ਬਿਨਾਂ ਹੀ ਸਾਬਤ ਪਖਾਨੇ ਰਸਤੇ ਬਾਹਰ ਆ ਜਾਂਦੀਆਂ ਹਨ। ਇਸ ਦੇ ਹੱਲ ਲਈ ਬੜੀ ਨਵੀਂ ਤਰ੍ਹਾਂ ਦੇ ਗਰੇਨੀਇਊਲਜ਼ ਤੇ ਨਵੀਨਤਮ ਤਰੀਕੇ ਨਾਲ ਬਣੀ ਹੋਈ ਦਵਾਈ ਆ ਗਈ ਹੈ ਜੋ ਕਿ ਸਿਰਫ ਅਲਸਰੇਟਿਵ ਕੋਲਾਇਟਿਸ ਤੇ ਬਿਮਾਰੀ ਵਾਲੇ ਹਿੱਸੇ 'ਤੇ ਜਾ ਕੇ ਹੀ ਅਸਰ ਕਰਦੀ ਹੈ। ਅਲਸਰੇਟਿਵ ਕੋਲਾਇਟਿਸ ਦੇ ਮਰੀਜ਼ ਨੂੰ ਬਿਮਾਰੀ ਠੀਕ ਹੋਣ ਤੋਂ ਬਾਅਦ ਵੀ ਮਾਹਿਰ ਡਾਕਟਰ ਨੂੰ ਚੈੱਕ ਕਰਵਾਉਂਦੇ ਰਹਿਣਾ ਚਾਹੀਦਾ ਹੈ।
ਅੰਤੜੀ ਸੋਜ਼ : ਅੰਤੜੀਆਂ ਦੀ ਸੋਜ਼ ਦਾ ਮੁੱਖ ਕਾਰਨ ਹੁੰਦਾ ਹੈ ਕੀਟਾਣੂ, ਜੋ ਸਾਡੀਆਂ ਅੰਤੜੀਆਂ ਦੀਆਂ ਝਿੱਲੀਆਂ ਵਿਚਾਲੇ ਇਕੱਠੇ ਹੋ ਜਾਂਦੇ ਹਨ। ਅੰਤੜੀਆਂ ਦੀ ਹਜ਼ਮ ਕਰਨ ਦੀ ਤਾਕਤ ਘੱਟ ਹੋ ਜਾਂਦੀ ਹੈ ਅਤੇ ਵਾਰ-ਵਾਰ ਲੈਟਰੀਨ ਜਾਣ ਦੀ ਲੋੜ ਮਹਿਸੂਸ ਹੁੰਦੀ ਹੈ। ਪੇਟ ਦੁਖਦਾ ਹੈ ਤੇ ਪਖਾਨੇ ਵਿਚ ਲੇਸ, ਝੱਗ ਆਉਂਦੀ ਹੈ। ਇਹ ਤਕਲੀਫ ਸੰਗ੍ਰਹਿਣੀ ਤੋਂ ਬਿਲਕੁਲ ਅਲੱਗ ਹੁੰਦੀ ਹੈ। ਇਸ ਦੇ ਇਲਾਜ ਲਈ ਪੇਟ ਦੇ ਡਾਕਟਰ ਦੀ ਸਲਾਹ ਲਓ।


-ਜਸਵੰਤ ਹਸਪਤਾਲ, ਅੱਡਾ ਬਸਤੀਆਂ, ਨਾਲ ਪੈਟਰੋਲ ਪੰਪ, ਜਲੰਧਰ।

ਪੈਰਾਂ ਦੀ ਦਰਦ

ਪੈਰਾਂ ਵਿਚ ਕਈ ਤਰ੍ਹਾਂ ਦੇ ਜ਼ਖਮ ਹੁੰਦੇ ਹਨ, ਕਈ ਤਰ੍ਹਾਂ ਦੀ ਦਰਦ ਹੁੰਦੀ ਹੈ ਪਰ ਔਰਤ ਹੋਵੇ ਜਾਂ ਮਰਦ, ਸਾਰੇ ਇਸ ਦੇ ਪ੍ਰਤੀ ਲਾਪ੍ਰਵਾਹ ਦਿਸਦੇ ਹਨ ਜਾਂ ਮਿਲਦੇ ਹਨ, ਜੋ ਪੈਰ ਸਰੀਰ ਨੂੰ ਪੂਰੀ ਤਰ੍ਹਾਂ ਸੰਭਾਲ ਕੇ ਉਸ ਦੇ ਭਾਰ ਨੂੰ ਢੋਂਦੇ ਹਨ, ਉਨ੍ਹਾਂ ਦੇ ਪ੍ਰਤੀ ਲਗਾਤਾਰ ਉਦਾਸੀਨਤਾ ਕਿਸੇ ਵੱਡੀ ਸਮੱਸਿਆ ਦਾ ਕਾਰਨ ਬਣ ਸਕਦੀ ਹੈ। ਹਰ ਰੋਜ਼ ਇਸ਼ਨਾਨ ਕਰਦੇ ਸਮੇਂ, ਪੈਰ ਧੋਂਦੇ ਸਮੇਂ ਅਤੇ ਰਾਤ ਨੂੰ ਸੌਣ ਸਮੇਂ ਕੁਝ ਮਿੰਟ ਇਨ੍ਹਾਂ 'ਤੇ ਵੀ ਧਿਆਨ ਦਿਓ ਤਾਂ ਆਉਣ ਵਾਲੇ ਦਿਨਾਂ ਦੀ ਕਿਸੇ ਵੀ ਵੱਡੀ ਪ੍ਰੇਸ਼ਾਨੀ ਤੋਂ ਬਚ ਸਕਦੇ ਹੋ।
ਲਾਪ੍ਰਵਾਹੀ ਦੇ ਕਾਰਨ ਆਮ ਤੌਰ 'ਤੇ ਧੂੜ-ਮਿੱਟੀ ਦੀ ਪਰਤ ਜੰਮ ਜਾਂਦੀ ਹੈ। ਚਮੜੀ ਖੁਰਦਰੀ ਹੋ ਜਾਂਦੀ ਹੈ। ਅੱਡੀਆਂ ਫਟ ਜਾਂਦੀਆਂ ਹਨ। ਨਹੁੰ ਟੁੱਟ ਜਾਂ ਫਟ ਜਾਂਦੇ ਹਨ। ਜੇ ਕਿਸੇ ਵੀ ਵਿਅਕਤੀ ਦਾ ਮੁਖੜਾ ਜਾਂ ਪਹਿਰਾਵਾ ਸਭ ਕੁਝ ਸਾਫ਼-ਸੁਥਰਾ ਹੋਵੇ ਪਰ ਪੈਰ ਗੰਦੇ ਹੋਣ ਤਾਂ ਇਹ ਕਿਸੇ ਵੀ ਵਿਅਕਤੀ ਦੀ ਸ਼ਖ਼ਸੀਅਤ 'ਤੇ ਉਲਟ ਪ੍ਰਭਾਵ ਪਾਉਂਦੇ ਹਨ।
ਅੱਡੀ ਦਾ ਫਟਣਾ ਜਾਂ ਦਰਦ ਹੋਣਾ
ਪੈਰਾਂ ਦੀ ਦੇਖਭਾਲ ਦੀ ਕਮੀ ਕਾਰਨ ਅਜਿਹਾ ਹੁੰਦਾ ਹੈ। ਇਸ਼ਨਾਨ ਕਰਦੇ ਜਾਂ ਪੈਰ ਧੋਂਦੇ ਸਮੇਂ ਧਿਆਨ ਦੇ ਕੇ ਉਸ ਨੂੰ ਨਰਮ ਦੰਦਾਂ ਵਾਲੇ ਪਲਾਸਟਿਕ ਬੁਰਸ਼, ਖੁਰਦਰੇ ਕੱਪੜੇ ਜਾਂ ਸੋਪ ਪੱਥਰ ਨਾਲ ਸਾਫ ਕਰੋ। ਪੈਰਾਂ ਨੂੰ ਕੱਪੜੇ ਨਾਲ ਪੂੰਝ ਕੇ ਸੁਕਾਓ। ਸਰ੍ਹੋਂ ਜਾਂ ਜੈਤੂਨ ਦਾ ਤੇਲ ਲਗਾਓ ਅਤੇ ਨਿੰਬੂ, ਗੁਲਾਬ ਜਲ ਅਤੇ ਗਲਿਸਰੀਨ ਦੇ ਮਿਸ਼ਰਣ ਨੂੰ ਲਗਾਓ। ਪੈਰਾਂ 'ਤੇ ਇਸ ਨੂੰ ਰਾਤ ਨੂੰ ਲਗਾਉਣ ਨਾਲ ਜ਼ਿਆਦਾ ਲਾਭ ਮਿਲਦਾ ਹੈ।
ਪੈਰਾਂ ਵਿਚ ਸੋਜ
ਜ਼ਿਆਦਾ ਭਾਰ ਲੈ ਕੇ ਤੁਰਨ ਅਤੇ ਪੈਰਾਂ ਨੂੰ ਜ਼ਿਆਦਾ ਸਮੇਂ ਤੱਕ ਲਟਕਾ ਕੇ ਰੱਖਣ ਨਾਲ ਪੈਰਾਂ ਵਿਚ ਸੋਜ ਆਉਂਦੀ ਹੈ। ਕਈ ਲੋਕਾਂ ਨੂੰ ਸਖ਼ਤ ਜੁੱਤੀ-ਚੱਪਲ ਜ਼ਿਆਦਾ ਸਮੇਂ ਤੱਕ ਪਹਿਨਣ ਕਾਰਨ ਪੈਰਾਂ ਵਿਚ ਸੋਜ ਦੀ ਸ਼ਿਕਾਇਤ ਹੁੰਦੀ ਹੈ। ਹਫਤੇ ਵਿਚ ਸਿਰਫ ਦੋ ਵਾਰ ਗਰਮ ਪਾਣੀ ਨੂੰ ਬਾਲਟੀ ਵਿਚ ਭਰ ਲਓ। ਉਸ ਵਿਚ ਸੇਂਧਾ ਨਮਕ ਮਿਲਾਓ ਅਤੇ ਪੈਰਾਂ ਨੂੰ ਪਾ ਕੇ ਰੱਖੋ ਤਾਂ ਬਹੁਤ ਰਾਹਤ ਮਿਲੇਗੀ।
ਪੈਰਾਂ ਵਿਚ ਗੰਢਾਂ ਹੋਣੀਆਂ
ਕਈ ਵਾਰ ਗਿੱਟੇ ਦੇ ਨੇੜੇ, ਪੈਰਾਂ ਦੀ ਬਾਹਰੀ ਚਮੜੀ ਅਤੇ ਤਲੀਆਂ ਦੀ ਚਮੜੀ ਮੋਟੀ ਹੋ ਜਾਂਦੀ ਹੈ ਜੋ ਕੁਝ ਸਮੇਂ ਬਾਅਦ ਸਖਤ ਹੋ ਜਾਂਦੀ ਹੈ। ਇਹ ਆਪਣੇ-ਆਪ ਵੀ ਹੋ ਸਕਦੀ ਹੈ। ਇਸ ਦੇ ਹੱਲ ਲਈ ਪੈਰਾਂ ਵਿਚ ਸਹੀ ਨਾਪ ਦੀ ਜੁੱਤੀ-ਚੱਪਲ ਪਹਿਨੋ, ਜੁੱਤੀ, ਸੈਂਡਲ ਤੰਗ ਨਾ ਹੋਣ। ਇਨ੍ਹਾਂ ਨੂੰ ਵਿਚ-ਵਿਚ ਖੋਲ੍ਹ ਕੇ ਪੈਰਾਂ ਨੂੰ ਹਵਾ ਲੱਗਣ ਦਿਓ ਅਤੇ ਜ਼ਮੀਨ ਦਾ ਸਪਰਸ਼ ਹੋਣ ਦਿਓ। ਗੰਢਾਂ ਨੂੰ ਸੋਪ ਸਟੋਨ ਨਾਲ ਹਲਕੇ-ਹਲਕੇ ਰਗੜ ਕੇ ਸਾਫ਼ ਕਰੋ।
ਪੈਰਾਂ ਵਿਚ ਜ਼ਖ਼ਮ ਹੋਣਾ
ਸ਼ੂਗਰ ਪੀੜਤਾਂ ਨੂੰ ਆਪਣੇ ਪੈਰਾਂ 'ਤੇ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ। ਕਿਤੇ ਵੀ ਜ਼ਖਮ ਹੋਵੇ, ਲਾਲ ਨਿਸ਼ਾਨ ਦਿਸੇ ਤਾਂ ਸੁਚੇਤ ਹੋ ਜਾਣਾ ਚਾਹੀਦਾ ਹੈ। ਤੰਗ ਜੁੱਤੀ-ਸੈਂਡਲ ਅਤੇ ਸਖ਼ਤ ਚੱਪਲ ਪਹਿਨਣ ਨਾਲ ਉਹ ਕੱਟਦੇ ਹਨ ਅਤੇ ਛਾਲੇ ਪੈ ਜਾਂਦੇ ਹਨ, ਜੋ ਜ਼ਖਮ ਵਿਚ ਬਦਲ ਜਾਂਦੇ ਹਨ। ਪੈਰਾਂ ਦੀਆਂ ਉਂਗਲੀਆਂ ਦੇ ਜ਼ਿਆਦਾ ਗਿੱਲੇ ਰਹਿਣ 'ਤੇ ਉਨ੍ਹਾਂ ਦੇ ਵਿਚ ਖੁਜਲੀ ਹੁੰਦੀ ਹੈ। ਚਮੜੀ ਛਿੱਲ ਹੋ ਜਾਂਦੀ ਹੈ। ਜ਼ਖਮ ਹੋ ਜਾਂਦਾ ਹੈ ਅਤੇ ਉਸ ਵਿਚੋਂ ਪਾਣੀ ਵੀ ਨਿਕਲਦਾ ਹੈ। ਇਸ ਵਿਚ ਉੱਲੀ ਜਾਂ ਜ਼ਖਮ ਨੂੰ ਸੁਕਾਉਣ ਲਈ ਪਾਊਡਰ ਲਗਾਉਣਾ ਚਾਹੀਦਾ ਹੈ। ਦਵਾਈ ਦੀਆਂ ਦੁਕਾਨਾਂ 'ਤੇ ਇਸ ਲਈ ਠੰਢੀ ਕ੍ਰੀਮ ਅਤੇ ਮਲ੍ਹਮ ਵੀ ਮਿਲਦੀ ਹੈ। ਸਰ੍ਹੋਂ ਜਾਂ ਮਿੱਠੇ ਤੇਲ ਵਿਚ ਪਿਘਲਾ ਕੇ ਮੋਮ ਮਿਲਾਉਣ ਅਤੇ ਪੈਰਾਂ ਵਿਚ ਲਗਾਉਣ ਨਾਲ ਵੀ ਲਾਭ ਮਿਲਦਾ ਹੈ। ਵੈਸਲੀਨ ਅਤੇ ਐਂਟੀਸੈਪਟਿਕ ਕ੍ਰੀਮ ਲਗਾਉਣ ਨਾਲ ਵੀ ਲਾਭ ਮਿਲਦਾ ਹੈ।
ਮੈਲ ਦੀ ਪਰਤ
ਕਦੇ-ਕਦੇ ਪੈਰਾਂ ਦੇ ਅੰਗੂਠੇ ਅਤੇ ਗਿੱਟੇ ਦੇ ਨੇੜੇ ਮੈਲ ਦੀ ਮੋਟੀ ਪਰਤ ਜਮ੍ਹਾਂ ਹੋ ਜਾਂਦੀ ਹੈ ਜੋ ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਵੀ ਨਹੀਂ ਹਟਦੀ। ਜ਼ਿਆਦਾ ਰਗੜਨ ਨਾਲ ਝਰੀਟਾਂ ਪੈ ਜਾਂਦੀਆਂ ਹਨ ਜਾਂ ਖੂਨ ਨਿਕਲਣ ਲਗਦਾ ਹੈ। ਹਲਦੀ, ਨਹਾਉਣ ਦਾ ਸਾਬਣ ਅਤੇ ਥੋੜ੍ਹਾ ਜਿਹਾ ਗੁੜ ਮਿਲਾ ਕੇ ਪੇਸਟ ਬਣਾਓ। ਪੇਸਟ ਨੂੰ ਮੈਲੀ ਜਗ੍ਹਾ 'ਤੇ ਪੱਟੀ ਬੰਨ੍ਹ ਕੇ ਰੱਖੋ, ਬਾਅਦ ਵਿਚ ਸਾਫ ਕਰੋ। ਪੂਰੀ ਮੈਲ ਉਤਰ ਜਾਵੇਗੀ। ਹਲਦੀ ਦਾ ਪੀਲਾਪਨ ਨਹਾਉਣ, ਧੋਣ 'ਤੇ ਸਾਫ ਹੋ ਜਾਵੇਗਾ।
ਪੈਰਾਂ ਦੀ ਕਸਰਤ
ਪੈਰਾਂ ਨੂੰ ਸੁੰਦਰ ਰੱਖਣ ਲਈ ਹਲਕੀ ਜਿਹੀ ਕਸਰਤ ਕਰੋ। ਪੰਜਿਆਂ ਨੂੰ ਹੱਥਾਂ ਨਾਲ ਤੇਜ਼ੀ ਨਾਲ ਹੇਠਾਂ ਕਰੋ, ਫਿਰ ਖੋਲ੍ਹੋ। 15 ਵਾਰ ਅਜਿਹਾ ਕਰੋ। ਪੈਰਾਂ ਅਤੇ ਪੰਜਿਆਂ ਨੂੰ ਗੋਲਾਈ ਵਿਚ ਘੁਮਾਓ। ਪੈਰਾਂ ਦਾ ਖੂਨ ਸੰਚਾਰ ਚੰਗੀ ਤਰ੍ਹਾਂ ਹੋਵੇਗਾ। ਸਖ਼ਤ ਤਲੇ ਵਾਲੀ ਅਤੇ ਛੋਟੀ ਜੁੱਤੀ, ਚੱਪਲ, ਸੈਂਡਲ ਕਦੇ ਨਾ ਪਹਿਨੋ। ਇਨ੍ਹਾਂ ਨੂੰ ਖਰੀਦਣ ਲਈ ਸ਼ਾਮ ਦਾ ਸਮਾਂ ਠੀਕ ਹੁੰਦਾ ਹੈ।

ਸਿਹਤ ਖ਼ਬਰਨਾਮਾ

ਲੰਮੀ ਉਮਰ ਲਈ ਤੇਜ਼ ਚੱਲੋ

ਸੈਰ ਕਰਨਾ, ਪੈਦਲ ਚੱਲਣਾ, ਪਦ ਯਾਤਰਾ ਕਰਨੀ ਸਭ ਪੱਖਾਂ ਤੋਂ ਲਾਭਦਾਇਕ ਹੈ। ਇਨ੍ਹਾਂ ਵਿਚ ਖੂਨ ਦਾ ਪ੍ਰਵਾਹ, ਭੁੱਖ ਅਤੇ ਪਾਚਣ ਸਾਰੇ ਸਹੀ ਰਹਿੰਦੇ ਹਨ। ਇਹ ਸਰੀਰ ਨੂੰ ਜੋੜਾਂ ਦੇ ਦਰਦ ਤੋਂ ਬਚਾਉਂਦਾ ਹੈ, ਮਾਸਪੇਸ਼ੀਆਂ ਨੂੰ ਮਜ਼ਬੂਤ ਬਣਾਉਂਦਾ ਹੈ। ਇਸ ਨਾਲ ਸਾਹ-ਤੰਤਰ ਅਤੇ ਅੱਖਾਂ ਦੀ ਨਜ਼ਰ ਸਹੀ ਰਹਿੰਦੀ ਹੈ, ਇਹ ਦਿਮਾਗ ਦਰੁਸਤ ਰੱਖਦਾ ਹੈ ਅਤੇ ਸਰੀਰ ਨੂੰ ਨਵਊਰਜਾ ਨਾਲ ਭਰ ਦਿੰਦਾ ਹੈ। ਤੇਜ਼ ਚੱਲਣ ਨਾਲ ਵਿਅਕਤੀ ਲੰਮੀ ਉਮਰ ਤੱਕ ਜੀਵਤ ਰਹਿੰਦਾ ਹੈ। ਇਸ ਵਿਸ਼ੇ ਵਿਚ ਲੰਡਨ ਯੂਨੀਵਰਸਿਟੀ ਆਫ ਕਾਲਜ ਦੇ ਮੁਤਾਬਿਕ ਲੰਮੀ ਉਮਰ ਲਈ ਤੇਜ਼ ਚੱਲੋ, ਦੋਸਤਾਂ ਨੂੰ ਗਰਮਜੋਸ਼ੀ ਨਾਲ ਮਿਲੋ, ਮਜ਼ਬੂਤੀ ਨਾਲ ਹੱਥ ਮਿਲਾਓ। ਖੋਜ ਦੌਰਾਨ 70 ਸਾਲ ਤੋਂ ਜ਼ਿਆਦਾ ਉਮਰ ਦੇ ਲੋਕਾਂ ਤੋਂ ਪੁੱਛਗਿੱਛ ਨਾਲ ਇਸ ਗੱਲ ਦੀ ਪੁਸ਼ਟੀ ਹੋਈ।
ਸੀਟੀ ਵਜਾਉਣ ਨਾਲ ਖੁਸ਼ੀ ਮਿਲਦੀ ਹੈ

ਕੁਝ ਲੋਕਾਂ ਨੂੰ ਸੀਟੀ ਵਜਾਉਣ, ਸੀਟੀ ਵਜਾਉਂਦੇ ਹੋਏ ਗੱਲ ਕਰਨ ਅਤੇ ਸੀਟੀ ਵਜਾ ਕੇ ਗਾਣਾ ਗਾਉਣ ਦੀ ਆਦਤ ਹੁੰਦੀ ਹੈ। ਇਸ ਨਾਲ ਉਨ੍ਹਾਂ ਨੂੰ ਖੁਸ਼ੀ ਮਿਲਦੀ ਹੈ। ਖੋਜ ਵਿਚ ਇਹ ਪਾਇਆ ਗਿਆ ਕਿ ਸੀਟੀ ਵਜਾਉਣ ਨਾਲ ਵਿਅਕਤੀ ਤਣਾਅਮੁਕਤ ਰਹਿੰਦਾ ਹੈ। ਇਸ ਨਾਲ ਉਸ ਦਾ ਮਨ ਖੁਸ਼ ਰਹਿੰਦਾ ਹੈ। ਉਹ ਹਰ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਸਮਰੱਥ ਰਹਿੰਦਾ ਹੈ।
ਸਭ ਲਈ ਲਾਭਦਾਇਕ ਹੈ ਨਿੰਬੂ

ਨਿੰਬੂ ਇਕ ਬਾਰਾਂ ਮਹੀਨੇ ਮਿਲਣ ਵਾਲਾ ਫਲ ਹੈ, ਜੋ ਸੰਤਰੇ ਦੀ ਪ੍ਰਜਾਤੀ ਦਾ ਹੈ ਪਰ ਆਕਾਰ, ਕਿਸਮ ਵਿਚ ਇਹ ਸੰਤਰਾ ਅਤੇ ਮਸੰਮੀ ਵਿਚ ਸਭ ਤੋਂ ਛੋਟਾ ਅਤੇ ਖੱਟਾ ਫਲ ਹੈ। ਨਿੰਬੂ ਰਸਦਾਰ ਫਲ ਹੈ। ਇਹ ਔਲੇ ਵਾਂਗ ਵਿਟਾਮਿਨ 'ਸੀ' ਨਾਲ ਭਰਪੂਰ ਹੈ। ਇਹ ਸਵਾਦ ਵਿਚ ਖੱਟਾ ਹੈ ਪਰ ਖਾਣੇ ਤੋਂ ਬਾਅਦ ਜਾਂ ਰਸ ਲੈਣ ਤੋਂ ਬਾਅਦ ਇਹ ਗਲੇ ਦੇ ਹੇਠਾਂ ਜਾ ਕੇ ਖਾਰ ਵਿਚ ਬਦਲ ਜਾਂਦਾ ਹੈ, ਇਸ ਲਈ ਇਹ ਐਸੀਡਿਟੀ ਦੂਰ ਕਰਦਾ ਹੈ। ਇਹ ਭੋਜਨ ਦਾ ਸਵਾਦ ਵਧਾਉਂਦਾ ਹੈ ਅਤੇ ਪਚਾਉਣ ਵਿਚ ਮਦਦ ਕਰਦਾ ਹੈ। ਨਿੰਬੂ ਸਰਦੀ, ਜ਼ੁਕਾਮ ਅਤੇ ਅਤਿਸਾਰ ਵਿਚ ਲਾਭ ਪਹੁੰਚਾਉਂਦਾ ਹੈ। ਇਹ ਮੋਟਾਪਾ ਅਤੇ ਵਧੇ ਭਾਰ ਨੂੰ ਘੱਟ ਕਰਦਾ ਹੈ। ਇਹ ਖੂਨ ਦੇ ਦਬਾਅ ਅਤੇ ਕੋਲੈਸਟ੍ਰੋਲ ਨੂੰ ਕਾਬੂ ਕਰਦਾ ਹੈ। ਨਿੰਬੂ ਦਾ ਸੇਵਨ ਸ਼ੂਗਰ ਤੋਂ ਪੀੜਤ ਦੀ ਪਿਆਸ ਨੂੰ ਘੱਟ ਕਰਕੇ ਲਾਭ ਪਹੁੰਚਾਉਂਦਾ ਹੈ। ਨਿੰਬੂ ਦੇ ਰਸ ਨੂੰ ਪਾਣੀ ਵਿਚ ਮਿਲਾ ਕੇ ਨਮਕ ਅਤੇ ਸ਼ੱਕਰ ਮਿਲਾ ਕੇ ਸ਼ਰਬਤ ਦੇ ਰੂਪ ਵਿਚ ਸੇਵਨ ਕੀਤਾ ਜਾ ਸਕਦਾ ਹੈ। ਇਹ ਸਾਰੇ ਰੂਪਾਂ ਵਿਚ ਸਭ ਨੂੰ ਲਾਭ ਪਹੁੰਚਾਉਂਦਾ ਹੈ। ਇਸ ਦੀ ਅਚਾਰ, ਸ਼ਿਕੰਜਵੀ ਅਤੇ ਸਲਾਦ ਵਿਚ ਵਰਤੋਂ ਸਭ ਨੂੰ ਪਸੰਦ ਹੈ।






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX