ਤਾਜਾ ਖ਼ਬਰਾਂ


ਜਬਰ ਜਨਾਹ ਦਾ ਦੋਸ਼ ਲਗਾਉਣ 'ਤੇ ਲੜਕੀ ਨੂੰ ਮੌਤ ਦੀ ਸਜਾ
. . .  8 minutes ago
ਲਾਹੌਰ, 29 ਮਈ- ਪਾਕਿਸਤਾਨ ਦੇ ਪੰਜਾਬ ਪ੍ਰਾਂਤ 'ਚ ਇੱਕ ਪਿੰਡ ਦੀ ਪੰਚਾਇਤ ਨੇ 19 ਸਾਲਾ ਲੜਕੀ ਨੂੰ ਰਿਸ਼ਤੇਦਾਰ ਨਾਲ ਨਜਾਇਜ਼ ਸੰਬੰਧ ਰੱਖਣ ਕਾਰਨ ਮੌਤ ਦੀ ਸਜਾ ਸੁਣਾ ਦਿੱਤੀ। ਅਸਲ 'ਚ ਇਸ ਲੜਕੀ ਨੇ ਉਕਤ ਵਿਅਕਤੀ 'ਤੇ ਬੰਦੂਕ ਦੀ ਨੋਕ 'ਤੇ...
ਕਰਨਾਟਕ ਦੇ ਕਾਂਗਰਸੀਆਂ ਨੇ ਰਾਹੁਲ ਗਾਂਧੀ ਨਾਲ ਕੀਤੀ ਮੀਟਿੰਗ
. . .  28 minutes ago
ਨਵੀਂ ਦਿੱਲੀ, 29 ਮਈ- ਆਗਾਮੀ ਕਰਨਾਟਕ ਵਿਧਾਨ ਸਭਾ ਚੋਣ ਦੀ ਰਣਨੀਤੀ ਨੂੰ ਲੈ ਕੇ ਸੂਬੇ ਦੇ ਕਾਂਗਰਸੀਆਂ ਦੀ ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਹੋਈ। ਸੂਬੇ ਦੇ 18 ਸੀਨੀਅਰ ਕਾਂਗਰਸੀਆਂ ਨੇ ਸੂਬੇ ਦੇ ਹਾਲਾਤ ਬਾਰੇ...
ਸ਼ਰਧਾ ਨਾਲ ਮਨਾਇਆ ਜਾ ਰਿਹਾ ਪੰਚਮ ਪਾਤਸ਼ਾਹ ਜੀ ਦਾ ਸ਼ਹੀਦੀ ਦਿਹਾੜਾ
. . .  about 1 hour ago
ਅੰਮ੍ਰਿਤਸਰ, 29 ਮਈ (ਜਸਵੰਤ ਸਿੰਘ ਜੱਸ) - ਸ਼ਹੀਦਾਂ ਦੇ ਸਿਰਤਾਜ, ਪੰਚਮ ਪਾਤਸ਼ਾਹ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦਾ ਸ਼ਹੀਦੀ ਦਿਹਾੜਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਸੋਧੇ ਹੋਏ ਨਾਨਕਸ਼ਾਹੀ ਕੈਲੰਡਰ ਅਨੁਸਾਰ ਅੱਜ ਸ੍ਰੀ ਹਰਿਮੰਦਰ ਸਾਹਿਬ...
ਮਣੀਪੁਰ ਦੇ ਮੁੱਖ ਮੰਤਰੀ ਦੇ ਬੇਟੇ ਨੂੰ ਪੰਜ ਸਾਲ ਜੇਲ੍ਹ ਦੀ ਸਜਾ
. . .  about 1 hour ago
ਇੰਫਾਲ, 29 ਮਈ- ਰੋਡ ਰੇਜ ਕੇਸ 'ਚ ਮਣੀਪੁਰ ਦੇ ਮੁੱਖ ਮੰਤਰੀ ਬੀਰੇਨ ਸਿੰਘ ਦੇ ਬੇਟੇ ਨੂੰ ਸਥਾਨਿਕ ਟਰਾਇਲ ਕੋਰਟ ਨੇ ਪੰਜ ਸਾਲ ਜੇਲ੍ਹ ਦੀ...
ਜਦ ਤੱਕ ਪਾਕਿ ਵੱਲੋਂ ਅੱਤਵਾਦ ਨੂੰ ਹਮਾਇਤ, ਨਹੀਂ ਹੋਵੇਗੀ ਭਾਰਤ-ਪਾਕਿ ਸੀਰੀਜ਼- ਗੋਇਲ
. . .  about 1 hour ago
ਨਵੀਂ ਦਿੱਲੀ, 29 ਮਈ- ਖੇਡ ਮੰਤਰੀ ਵਿਜੇ ਗੋਇਲ ਨੇ ਕਿਹਾ ਕਿ ਜਦ ਤੱਕ ਪਾਕਿਸਤਾਨ ਅੱਤਵਾਦ ਨੂੰ ਹਮਾਇਤ ਸਮਾਪਤ ਨਹੀਂ ਕਰਦਾ ਉਨ੍ਹਾਂ ਸਮਾਂ ਭਾਰਤ-ਪਾਕਿ ਕ੍ਰਿਕਟ ਸੀਰੀਜ਼ ਨਹੀਂ...
ਕੇਜਰੀਵਾਲ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਹੋਏ ਨਤਮਸਤਕ
. . .  about 2 hours ago
ਅੰਮ੍ਰਿਤਸਰ, 29 ਮਈ (ਜਸਵੰਤ ਜੱਸ)- ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਨਤਮਸਤਕ ਹੋਏ। ਇਸ ਮੌਕੇ ਭਗਵੰਤ ਮਾਨ, ਐੱਚ.ਐੱਸ.ਫੂਲਕਾ ਤੇ ਆਪ ਦੀ ਹੋਰ ਸੀਨੀਅਰ ਲੀਡਰਸ਼ਿਪ ਮੌਜੂਦ ਸੀ। ਮੱਥਾ...
ਮਾਉਵਾਦੀਆਂ ਨੇ ਅਕਸ਼ੇ ਕੁਮਾਰ ਤੇ ਸਾਇਨਾ ਨਹਿਵਾਲ ਨੂੰ ਦਿੱਤੀ ਧਮਕੀ
. . .  about 2 hours ago
ਸ਼ਹਾਬੂਦੀਨ ਨੂੰ ਸੀ.ਬੀ.ਆਈ.ਨੇ ਲਿਆ ਹਿਰਾਸਤ 'ਚ
. . .  about 3 hours ago
ਨਵੀਂ ਦਿੱਲੀ, 29 ਮਈ- ਪੱਤਰਕਾਰ ਕਤਲ ਕਾਂਡ ਮਾਮਲੇ 'ਚ ਸੀ.ਬੀ.ਆਈ.ਨੇ ਲਾਲੂ ਯਾਦਵ ਦੇ ਕਰੀਬੀ ਸ਼ਹਾਬੂਦੀਨ ਨੂੰ ਹਿਰਾਸਤ...
ਪਟਿਆਲਾ ਹਾਊਸ ਕੋਰਟ ਨੇ ਵੀਰਭੱਦਰ ਦੀ ਜ਼ਮਾਨਤ 'ਤੇ ਫ਼ੈਸਲਾ ਰਾਖਵਾਂ ਰੱਖਿਆ
. . .  about 3 hours ago
ਰਾਮਪੁਰ ਛੇੜਖ਼ਾਨੀ ਮਾਮਲੇ 'ਚ ਇੱਕ ਹੋਰ ਗ੍ਰਿਫ਼ਤਾਰ
. . .  about 3 hours ago
ਹੋਰ ਖ਼ਬਰਾਂ..
  •     Confirm Target Language  

ਸਾਹਿਤ ਫੁਲਵਾੜੀ

ਹੱਡ-ਬੀਤੀ: ਸੰੁਦਰੀ-ਮੈਡਮ ਹੋਰ ਸੰੁਦਰ...

ਭਾਈਆ ਭਗਤ ਸਿੰਘ ਦਸ-ਪੰਦਰਾਂ ਸਾਲ ਪਿੰਡ ਦੇ ਸਰਪੰਚ ਰਹੇ | ਹੁਣ ਵੀ ਪਿੰਡ ਵਾਲੇ ਉਨ੍ਹਾਂ ਨੂੰ ਸਰਪੰਚ ਬਣਾਉਣਾ ਚਾਹੁੰਦੇ ਸਨ ਪਰ ਉਨ੍ਹਾਂ ਆਪਣੀ ਦਾੜ੍ਹੀ ਤੇ ਹੱਥ ਫੇਰਦਿਆਂ ਸਪੱਸ਼ਟ ਕਹਿ ਦਿੱਤਾ ਕਿ ਅੱਗੇ ਲਈ ਇਸ ਸੇਵਾ ਦਾ ਮੌਕਾ ਕਿਸੇ ਹੋਰ ਨੂੰ ਦੇਣਾ ਬਹੁਤ ਉੱਚਿਤ ਹੋਵੇਗਾ |
ਆਪਣੀ ਸਰਪੰਚੀ ਸਮੇਂ ਉਨ੍ਹਾਂ ਨੂੰ ਬਹੁਤ ਵਾਰ ਐਸ.ਡੀ.ਐਮ. ਸਾਹਿਬ ਦੇ ਦਫ਼ਤਰ ਜਾਣਾ ਪੈਂਦਾ | ਐਸ.ਡੀ.ਐਮ. ਸਾਹਿਬ ਨੂੰ ਮਿਲਣ ਤੋਂ ਪਹਿਲਾਂ ਉਹ ਦਫਤਰ ਦੀ ਕਲਰਕ ਸੰੁਦਰੀ ਮੈਡਮ ਨੂੰ ਜ਼ਰੂਰ ਮਿਲਦੇ | ਸੰੁਦਰੀ ਦਾ ਅਸਲ ਨਾਂਅ ਤਾਂ ਚੰਦਰ-ਕਲਾ ਸੀ, ਪਰ ਪਤਾ ਨਹੀਂ, ਕਿਸ ਕਲਾ ਕਾਰਨ ਸਟਾਫ਼ ਵਾਲੇ ਤੇ ਹੋਰ ਲੋਕ ਉਸ ਨੂੰ ਸੰੁਦਰੀ ਮੈਡਮ ਕਹਿ ਕੇ ਹੀ ਸੰਬੋਧਨ ਕਰਦੇ | ਭਾਈਆ ਜੀ ਸੰੁਦਰੀ ਲਈ ਤਾਜ਼ਾ ਸਬਜ਼ੀਆਂ ਕਰੇਲੇ, ਘੀਆ, ਗੋਭੀ ਆਦਿ ਜ਼ਰੂਰ ਲੈ ਕੇ ਜਾਂਦੇ | ਮੈਡਮ ਸੰੁਦਰੀ ਸਪਰੇਅ ਰਹਿਤ ਸਬਜ਼ੀਆਂ ਬਹੁਤ ਸਤਿਕਾਰ ਨਾਲ ਸਵੀਕਾਰ ਕਰਦੀ ਅਤੇ ਬਹੁਤ ਧੰਨਵਾਦੀ ਹੁੰਦੀ |
ਸਰਪੰਚ ਸਾਹਿਬ ਦੇ ਪੁੱਤਰ ਰੁਪਿੰਦਰ ਨੇ ਐਮ. ਟੈਕ. ਦੀ ਡਿਗਰੀ ਪਾਸ ਕਰ ਲਈ ਸੀ ਤੇ ਨੌਕਰੀ ਦੀ ਅਰਜ਼ੀ ਨਾਲ ਲਗਾਉਣ ਲਈ ਕੁਝ ਸਰਟੀਫਿਕੇਟਾਂ ਦੀ ਲੋੜ ਸੀ, ਜੋ ਐਸ.ਡੀ.ਐਮ. ਸਾਹਿਬ ਦੇ ਦਫਤਰ ਤੋਂ ਪ੍ਰਾਪਤ ਹੋਣੇ ਸਨ | ਰੁਪਿੰਦਰ ਦੇ ਦਿਲ ਵਿਚ ਧਾਰਨਾ ਬਣੀ ਹੋਈ ਸੀ ਕਿ ਦਫਤਰ ਵਾਲਿਆਂ, ਉਸ ਨੂੰ ਘੁਮਾ-ਘੁਮਾ ਕੇ ਖੱਜਲ ਕਰਨਾ ਹੈ | ਉਸ ਨੇ ਭਾਈਆ ਜੀ ਨਾਲ ਗੱਲ ਕੀਤੀ | ਉਨ੍ਹਾਂ ਕਿਹਾ ਕਿ ਮੈਂ ਤੇਰੇ ਨਾਲ ਜਾਵਾਂਗਾ | 'ਸਾਡੀ' ਸੰੁਦਰੀ ਮੈਡਮ ਕੰਮ ਜਲਦੀ ਕਰਵਾ ਦੇਵੇਗੀ... ਭਾਈਆ ਜੀ ਅਚਾਨਕ ਬਿਮਾਰ ਹੋ ਗਏ | ਉਧਰ ਅਪਲਾਈ ਕਰਨ ਦੀ ਤਾਰੀਖ ਨੇੜੇ ਆ ਰਹੀ ਸੀ | ਪਿਤਾ ਦੀ ਹਾਲਤ ਨੂੰ ਵੇਖਦਿਆਂ ਰੁਪਿੰਦਰ ਨੇ ਆਪ ਹੀ ਹੱਥ-ਪੱਲਾ ਮਾਰਨ ਦਾ ਮਨ ਬਣਾ ਲਿਆ |
ਦਫ਼ਤਰ ਗਿਆ... ਜੀ ਸੁਵਿਧਾ ਸੈਟਰੋਂ ਫਾਰਮ ਭਰਵਾਓ, ਫਾਰਮਾਂ ਨਾਲ ਫੀਸ ਦਿੱਤੀ,...ਕਦ ਮਿਲਣਗੇ?... ਤਿੰਨ ਦਿਨ ਬਾਅਦ ਪਤਾ ਕਰਨਾ | 'ਪਤਾ ਕਰਨਾ' ਸ਼ਬਦਾਂ ਨੇ ਰੁਪਿੰਦਰ ਨੂੰ ਅੰਦਰੋਂ ਹਿਲਾ ਕੇ ਰੱਖ ਦਿੱਤਾ | ਉਧਰ ਪਿਤਾ ਜੀ ਬਿਮਾਰ... ਮਨ 'ਚ ਵਟ ਖਾਧਾ, ਕੋਈ ਗੱਲ ਨਹੀਂ, ਕਦੇ ਤਾਂ ਵਾਰੀ ਆਊ... ਬੰਦੇ ਦੇ ਪੁੱਤ... ਕਹਿੰਦਾ ਹੋਇਆ ਘਰ ਵਾਪਸ ਆ ਗਿਆ | ਭਾਈਆ ਜੀ ਦੇ ਮੰੂਹੋਂ ਕੇਵਲ ਸੰੁਦਰੀ ਸ਼ਬਦ ਹੀ ਨਿਕਲਿਆ ਸੀ... ਰੁਪਿੰਦਰ ਕਮਰੇ ਤੋਂ ਬਾਹਰ ਆ ਗਿਆ |
ਤਿੰਨ ਦਿਨ ਬਾਅਦ ਰੁਪਿੰਦਰ ਫੇਰ ਗਿਆ, ਸੰੁਦਰੀ ਨੂੰ ਮਿਲਿਆ | ਸੰੁਦਰੀ ਨੇ ਕਿਹਾ, 'ਸਰਟੀਫਿਕੇਟ ਤਾਂ ਤਿਆਰ ਹਨ, ਸਾਹਿਬ ਦੇ ਦਸਤਖਤ ਹੋਣੇ ਬਾਕੀ ਹਨ, ਤੁਸੀਂ ਪਰਸੋਂ ਆ ਜਾਣਾ | ਸੰੁਦਰੀ ਨੇ ਇਹ ਜਵਾਬ ਤਾਂ ਦਿੱਤਾ ਪਰ ਆਪਣਾ ਸਿਰ ਚੁਕ ਕੇ ਰੁਪਿੰਦਰ ਵੱਲ ਝਾਕਿਆ ਵੀ ਨਹੀਂ |
ਰੁਪਿੰਦਰ ਨੂੰ ਭਾਈਆ ਜੀ 'ਤੇ ਬੜਾ ਕਰੋਧ ਆਇਆ-ਐਸੀ ਔਰਤ ਨੂੰ ਤਾਂ ਤਕੜੀ ਜ਼ਹਿਰ ਵਾਲੀ ਸਪਰੇਅ ਵਾਲੇ ਕਰੇਲੇ ਦੇ ਕੇ ਜਾਣੇ ਚਾਹੀਦੇ ਸਨ, ਮਾੜੀ ਸਪਰੇਅ ਵਾਲੇ ਤਾਂ ਏਨੀ ਕੁੜੱਤਣ ਨੂੰ ਕੀ ਕਰਨਗੇ... |
ਭਾਈ ਲੋੜ ਦਾ ਮੁੱਲ ਕੀ! ਰੁਪਿੰਦਰ ਨਿਸਚਿਤ ਦਿਨ ਫਿਰ ਪਹੁੰਚ ਗਿਆ | ਸੰੁਦਰੀ ਨੂੰ ਬਹੁਤ ਹੀ ਸਤਿਕਾਰ ਨਾਲ ਨਮਸਤੇ ਬੁਲਾਈ... ਕੀ ਪਤਾ ਮਨ ਮਿਹਰ ਪੈ ਹੀ ਜਾਵੇ... ਨਾਲ ਯਾਦ ਕਰਵਾ ਦਿੱਤਾ ਮੈਂ ਸਰਪੰਚ ਸਾਹਿਬ ਦਾ ਬੇਟਾ ਹਾਂ |
'ਹਾਂ... ਹਾਂ... ਮੈਨੂੰ ਪਤਾ, ਸਾਰਾ ਕੰਮ ਰੈਡੀ ਹੈ, ਸਿਰਫ਼ ਵਰਮਾ ਸਾਹਿਬ (ਦਫਤਰ ਦੇ ਸੁਪਰਟੈਂਡਟ) ਨੇ ਕਾਗਜ਼ਾਂ 'ਤੇ ਛੋਟੀ ਜਿਹੀ ਘੁੱਗੀ ਹੀ ਮਾਰਨੀ ਹੈ, ਥੋੜ੍ਹਾ ਉਡੀਕ ਲਓ, ਆਪਣੀ ਬੇਟੀ ਦਾ ਪੇਪਰ ਕਰਾਉਣ ਗਏ ਹੋਏ ਹਨ, ਬਸ ਪੇਪਰ ਖਤਮ ਹੋਇਆ, ਉਹ ਆਏ ਲਓ, ਤੁਸੀਂ ਲੈ ਕੇ ਜਾਣਾ ਆਪਣੇ ਸਰਟੀਫਿਕੇਟ ਪਰ ਸਿਰ ਦੀ ਪੁਜ਼ੀਸ਼ਨ ਪਹਿਲਾਂ ਵਾਲੀ |
ਰੁਪਿੰਦਰ ਬੈਂਚ 'ਤੇ ਬੈਠ ਗਿਆ... ਸਮਾਂ ਲੰਘਦਾ ਗਿਆ, ਲੰਚ ਬਰੇਕ, ਟੀ-ਬਰੇਕ, ਮਨ ਵਿਚ ਸੋਚਦਾ... ਘੁੱਗੀ ਮਾਰਨ-ਜੀਵ ਹੱਤਿਆ ਦਾ ਦੋਸ਼ ਕਿਤੇ ਹੁਣੇ ਤੋਂ ਹੀ ਮੇਰੇ 'ਤੇ ਅਸਰ ਕਰਨ ਲੱਗ ਪਿਆ ਹੋਵੇ... ਇਹ ਪੁੱਠੀ-ਸਿੱਧੀ ਗੱਲ ਸੋਚ ਹੀ ਰਿਹਾ ਸੀ, ਵਰਮਾ ਸਾਹਿਬ ਆ ਗਏ | ਸੰੁਦਰੀ ਨੇ ਇਸ਼ਾਰਾ ਕਰ ਦਿੱਤਾ | ਵਰਮਾ ਜੀ ਨੇ ਸਾਰੇ ਕਾਗਜ਼ਾਤ ਰੁਪਿੰਦਰ ਨੂੰ ਪਕੜਾਉਂਦੇ ਹੋਏ ਬੜੀ ਨਿਮਰਤਾ ਨਾਲ ਕਿਹਾ, 'ਵੈਰੀ ਸੌਰੀ, ਤੁਹਾਨੂੰ ਉਡੀਕਣਾ ਪਿਆ... ਸਾਰੇ ਸਰਟੀਫਿਕੇਟ ਓ. ਕੇ. ਹਨ |'
'ਸ਼ੁਕਰੀਆ ਸਰ |' ਕਹਿ ਕੇ ਰੁਪਿੰਦਰ ਜਾਣ ਲੱਗਾ ਤਾਂ ਸੰੁਦਰੀ ਨੇ ਵੀ ਬੇ-ਸੁਆਦਾ ਜਿਹਾ ਮੰੂਹ ਬਣਾ ਕੇ ਕਿਹਾ, 'ਸਰਪੰਚ ਸਾਹਿਬ ਨੂੰ ਮੇਰੇ ਵੱਲੋਂ ਨਮਸਤੇ ਬੋਲ ਦੇਣਾ |' ਰੁਪਿੰਦਰ ਨੂੰ ਉਸ ਦੇ ਮੰੂਹ ਦੀ ਬਨਾਵਟ ਵੇਖ ਕੇ ਪ੍ਰਤੀਤ ਹੋਇਆ, ਜਿਵੇਂ ਮਨ ਹੀ ਮਨ ਵਿਚ ਕਹਿ ਰਹੀ ਹੋਵੇ, ਇਸ ਦੇ ਨਾਲੋਂ ਤਾਂ ਇਸ ਦਾ ਪਿਓ ਹੀ ਸੌ ਦਰਜੇ ਚੰਗਾ, ਕਦੇ ਖਾਲੀ ਹੱਥ ਤਾਂ ਨਹੀਂ ਆਉਂਦਾ ਸੀ... ਆ ਗਏ ਜੇਬਾਂ 'ਚ ਹੱਥ ਪਾ ਕੇ... |
ਰੁਪਿੰਦਰ ਇਮਤਿਹਾਨ ਪਾਸ ਕਰਕੇ ਅਫਸਰ ਲੱਗ ਗਿਆ, ਸਾਲ ਬੀਤਦੇ ਗਏ, ਕਈ ਜਗ੍ਹਾ ਸਰਵਿਸ ਕਰਨ ਦਾ ਮੌਕਾ ਮਿਲਿਆ, ਆਖਰ ਉਹ ਦਿਨ ਵੀ ਆ ਗਿਆ ਜਦ ਉਸਦੀ ਪੋਸਟਿੰਗ ਐਸ.ਡੀ.ਐਮ. ਵਜੋਂ ਉਸ ਦਫਤਰ ਵਿਚ ਹੋ ਗਈ ਜਿਥੇ ਸੰੁਦਰੀ ਮੈਡਮ ਜੀ ਹਾਲੇ ਵੀ ਕੁਰਸੀ 'ਤੇ ਬਿਰਾਜਮਾਨ ਸਨ |
ਰੁਪਿੰਦਰ ਨੇ ਆਉਂਦੇ ਹੀ ਕੰਮ ਸ਼ੁਰੂ ਕਰ ਦਿੱਤਾ | ਕਈ ਦਿਨਾਂ ਤੋਂ ਅਫਸਰ ਨਾ ਹੋਣ ਕਾਰਨ ਦਫਤਰੀ ਕੰਮ ਦੀਆਂ ਫਾਈਲਾਂ ਦਾ ਢੇਰ ਉਸ ਦੀ ਟੇਬਲ 'ਤੇ ਲੱਗਾ ਹੋਇਆ ਸੀ | ਪਹਿਲੀ ਫਾਈਲ ਉਠਾਈ... ਇਸ ਵਿਚ ਮੈਡਮ ਸੰੁਦਰੀ ਦੀ ਲੜਕੀ ਦੀ ਸ਼ਾਦੀ ਦੀ ਅਰਜ਼ੀ ਸੀ | ਰੁਪਿੰਦਰ ਨੇ ਉਸ ਫਾਈਲ ਨੂੰ ਸਭ ਦੇ ਹੇਠ ਕਰ ਦਿੱਤਾ, ਜਿਸ ਨੂੰ ਪੰਜਾਬੀ ਅੱਖਰਾਂ ਵਿਚ 'ਨੁੱਕਰੇ ਲਾਉਣਾ' ਕਹਿੰਦੇ ਹਨ |
ਠੀਕ ਸਾਢੇ ਚਾਰ ਵਜੇ ਰੁਪਿੰਦਰ ਨੇ ਵਰਮਾ ਸਾਹਿਬ ਨੂੰ ਅੰਦਰ ਬੁਲਾਇਆ ਤੇ ਕਿਹਾ, 'ਜਿਨ੍ਹਾਂ ਫਾਈਲਾਂ 'ਤੇ 'ਅਤਿ ਜ਼ਰੂਰੀ' ਲੱਗਾ ਹੋਇਆ ਸੀ, ਸਭ ਨਿਕਲ ਗਈਆਂ ਹਨ | ਛਾਂਟੀ ਕਰ ਲਓ, ਜੇ ਕੋਈ ਰਹਿ ਗਈ ਹੋਵੇ ਤਾਂ ਉਹ ਕੱਲ੍ਹ ਸਵੇਰੇ ਆਉਂਦੇ ਸਾਰ |'
ਅਗਲੇ ਦਿਨ ਵੀ ਸੰੁਦਰੀ ਦੀ ਛੁੱਟੀ ਵਾਲੀ ਫਾਈਲ ਦੀ ਵਾਰੀ ਨਾ ਆਈ, ਕੰਮ ਬਹੁਤ ਸੀ |
ਸੰੁਦਰੀ ਨੇ ਫਟਾਫਟ ਆਪਣੀ ਛੁੱਟੀ ਵਾਲੀ ਫਾਈਲ ਦੀ ਭਾਲ ਕੀਤੀ, ਫਾਈਲ ਨਹੀਂ ਨਿਕਲੀ... ਉਸ ਨੂੰ ਇਕ ਚੱਕਰ ਜਿਹਾ ਆਇਆ, ਬੀਤੇ ਹੋਏ ਸਮੇਂ ਵਾਲੀ ਸਾਰੀ ਰੀਲ੍ਹ ਉਸ ਦੇ ਅੰਦਰ ਘੰੁਮ ਗਈ ਕਿਉਂਕਿ ਉਸ ਨੇ ਅਫਸਰ ਨੂੰ ਵੀ ਪਛਾਣ ਲਿਆ ਸੀ, ਸਰਪੰਚ ਸਾਹਿਬ ਦਾ ਬੇਟਾ ਹੈ |
ਅਗਲੇ ਦਿਨ ਰੁਪਿੰਦਰ ਆਪਣੀ ਸੀਟ 'ਤੇ ਆ ਕੇ ਬੈਠਾ ਹੀ ਸੀ ਕਿ ਮੈਡਮ ਸੰੁਦਰੀ ਇਜਾਜ਼ਤ ਲੈ ਕੇ ਅੰਦਰ ਆ ਗਈ | 'ਸਰ ਜੀ, ਮੈਂ ਇਕ ਜ਼ਰੂਰੀ ਬੇਨਤੀ ਕਰਨੀ ਹੈ, ਮੇਰੀ ਬੇਟੀ ਦੀ ਸ਼ਾਦੀ ਹੈ, ਕਾਰਡ ਵੀ ਛਪ ਚੁੱਕੇ ਹਨ, ਦਿਨ ਵੀ ਥੋੜ੍ਹੇ ਹੀ ਰਹਿ ਗਏ ਹਨ, ਉਧਰ ਬੇਟੀ ਦੇ ਪਾਪਾ ਵੀ ਸਿਰ 'ਤੇ ਨਹੀਂ ਹਨ, ਸਰ ਮੇਰੀ ਛੁੱਟੀ ਦੀ ਅਰਜ਼ੀ ਪੈਂਡਿੰਗ ਹੈ... ਸਾਰਾ ਕੰਮ... |'
ਰੁਪਿੰਦਰ ਨੇ ਵਰਮਾ ਸਾਹਿਬ ਨੂੰ ਅੰਦਰ ਬੁਲਾਇਆ, 'ਤੁਹਾਨੂੰ ਸ਼ਾਦੀ ਦਾ ਕਾਰਡ ਮਿਲ ਗਿਆ?'
'ਜੀ ਨਹੀਂ ਸਰ, ਵੈਸੇ ਸਾਡੇ ਕੋਲ ਇਨ੍ਹਾਂ ਦੀ ਛੁੱਟੀ ਲਈ ਅਰਜ਼ੀ ਆਈ ਹੋਈ ਹੈ |'
'ਠੀਕ ਹੈ, ਵਰਮਾ ਜੀ, ਕੱਲ੍ਹ ਤੁਸੀਂ ਮੇਰੇ ਪਾਸ ਲੰਚ ਟਾਈਮ ਆ ਜਾਣਾ ਵੇਖ ਲਵਾਂਗੇ |'
ਸੰੁਦਰੀ ਨੇ ਮਹਿਸੂਸ ਕੀਤਾ, ਮੈਨੂੰ ਕਿਉਂ ਨਹੀਂ ਬੁਲਾਇਆ, ਆਖਰ ਮੈਂ ਵੀ ਤਾਂ ਦਫਤਰ ਦੀ ਕਲਰਕ ਹਾਂ, ਨਾਲੇ ਲੰਚ ਟਾਈਮ ਦਾ ਕੀ ਰੌਲਾ... | ਮਨ ਦੇ ਅੰਦਰ ਵਿਰੋਧੀ ਭਾਵਨਾ ਨੇ ਸਿਰ ਨੂੰ ਚਕਰਾ ਦਿੱਤਾ |...
ਅਗਲੇ ਦਿਨ, ਲੰਚ ਟਾਈਮ, ਵਰਮਾ ਜੀ ਅੰਦਰ ਆਏ ਕਿਹਾ, 'ਸੰੁਦਰੀ ਨੂੰ ਬੁਲਾਓ |' ਮੈਡਮ ਦਾ ਦਿਲ ਜ਼ੋਰ-ਜ਼ੋਰ ਨਾਲ ਧੜਕ ਰਿਹਾ ਸੀ, ਪਤਾ ਨਹੀਂ ਕੀ ਹੋਣਾ ਹੈ | ਚੋਣਾਂ ਕਾਰਨ ਛੁੱਟੀਆਂ 'ਤੇ ਵੀ ਪਾਬੰਦੀ ਹੈ... | ਸੰੁਦਰੀ ਸਾਹਿਬ ਦੇ ਕਮਰੇ ਵਿਚ ਆ ਗਈ |
ਰੁਪਿੰਦਰ ਨੇ ਮਨਜ਼ੂਰ ਕੀਤੀ ਹੋਈ ਛੁੱਟੀ ਵਰਮਾ ਜੀ ਦੇ ਹੱਥ ਪਕੜਾ ਦਿੱਤੀ | ਸੁੰੁਦਰੀ 'ਸ਼ੁਕਰੀਆ ਸਰ' ਕਹਿ ਕੇ ਜਲਦੀ-ਜਲਦੀ ਬਾਹਰ ਜਾਣ ਲੱਗੀ |
ਰੁਪਿੰਦਰ ਨੇ ਬੜੇ ਪ੍ਰੇਮ ਨਾਲ ਕਿਹਾ, 'ਜੀ ਮੈਡਮ ਜੀ, ਜ਼ਰਾ ਰੁਕ ਤਾਂ ਜਾਓ ਕਿਤੇ ਹੁਣੇ ਕੰਮ ਸ਼ੁਰੂ ਕਰ ਦੇਣਾ ਹੈ |'
ਆਪਣੀ ਜੇਬ ਵਿਚੋਂ ਪੰਜ-ਪੰਜ ਸੌ ਦੇ ਦੋ ਨੋਟ ਕੱਢ ਕੇ ਵਰਮਾ ਜੀ ਨੂੰ ਦੇ ਦਿੱਤੇ, ਇਕ ਨੋਟ ਮੇਰੇ ਵੱਲੋਂ ਤੇ ਦੂਜਾ ਸਰਪੰਚ ਸਾਹਿਬ ਵੱਲੋਂ ਸ਼ਗਨ ਬੇਟੀ ਲਈ |
'ਸਰ, ਕਾਰਡ ਤਾਂ ਆ ਲੈਣ ਦਿਓ', ਵਰਮਾ ਜੀ ਨੇ ਨੋਟ ਫੜਦੇ ਹੋਏ ਕਿਹਾ |
'ਵਰਮਾ ਜੀ, ਸ਼ਗਨ ਤਾਂ ਬੇਟੀ ਨੂੰ ਦੇਣਾ ਹੈ... ਕਾਰਡ ਨੂੰ ਤਾਂ ਨਹੀਂ ਦੇਣਾ, 'ਜੈਸੀ ਬੇਟੀ ਮੈਡਮ ਕੀ, ਵੈਸੀ ਬੇਟੀ ਹਮਾਰੀ |' ਇਸ ਸਮੇਂ ਸਭ ਦੇ ਚਿਹਰੇ ਖਿੜ ਗਏ |
ਰੁਪਿੰਦਰ ਦੇ ਇਸ ਵਰਤਾਰੇ ਨੇ ਸੰੁਦਰੀ ਦੇ ਮਨ ਨੂੰ ਇਕ ਬਾਰ ਫਿਰ ਉਛਾਲਾ ਦਿੱਤਾ, 'ਇਹ ਕੀ ਹੋਇਆ, ਸਾਹਿਬ ਤਾਂ ਸੱਚਮੁੱਚ ਸਰਪੰਚ ਸਾਹਿਬ ਦੇ ਪੁੱਤਰ ਹਨ, ਪੁੱਤਰ ਹੀ ਨਹੀਂ ਸਗੋਂ ਉਨ੍ਹਾਂ ਨਾਲੋਂ ਵੀ ਕਈ ਗੁਣਾਂ ਉਪਰ ਹਨ |' ਹਾਲੇ ਉਹ ਇਸ ਪ੍ਰਸਥਿਤੀ ਤੋਂ ਬਾਹਰ ਨਹੀਂ ਸੀ ਆਈ, ਉਸ ਨੂੰ ਆਪਣੀ ਜ਼ਮੀਰ ਦੀ ਆਵਾਜ਼ ਸੁਣਾਈ ਦਿੱਤੀ 'ਅਰੇ ਲੜਕੀ! ਅੱਛੀ ਤਰ੍ਹਾਂ ਸਮਝ ਲੇ, ਤੰੂ ਸਰਵਿਸ ਕਰਦੀ ਏਾ, ਜਿਸ ਕੋ ਸੇਵਾ ਬੋਲਦੇ ਹਨ, ਸੇਵਾ ਦਾ ਅਰਥ ਹੈ, ਮਾਨਵ ਕੀ ਸੇਵਾ, ਗਧੀ ਗੇੜ ਕੀ ਸੇਵਾ ਨਹੀਂ, ਜੋ ਤੁਹਾਡੇ ਕੋਲ ਆਉਂਦਾ ਹੈ, ਆਸ ਲੈ ਕੇ ਆਉਂਦਾ ਹੈ, ਕਾਗਜ਼ ਦਾ ਕੰਢਾ ਮੁੜਿਆ ਹੋਇਆ ਨਾ ਦੇਖੋ..., ਲੜਕੀ! ਸਰਵਿਸ ਇਕ ਬੰਦਗੀ ਹੈ, ਜੋ ਸੇਵਾ-ਮੁਕਤੀ ਤੋਂ ਬਾਅਦ ਤੱਕ ਵੀ ਆਪਣੀ ਬਖਸ਼ਿਸ਼ ਨਾਲ ਨਿਵਾਜਦੀ ਰਹਿੰਦੀ ਹੈ | ਸੁਣ ਲਿਆ ਚੰਗੀ ਤਰ੍ਹਾਂ ਤੇ ਆਵਾਜ਼ ਬੰਦ ਹੋ ਗਈ... |'
ਸੰੁਦਰੀ ਨੂੰ ਜਾਪਿਆ... ਉਹ ਇਕੋ ਸਮੇਂ ਪ੍ਰਸੰਨਤਾ ਅਤੇ ਪਛਤਾਵੇ ਦੇ ਵਿਚਕਾਰ... ਕੱਚੇ ਧਾਗੇ ਨਾਲ ਬੱਝੀ ਹੋਈ ਉਪਰ ਵੱਲ ਖਿਚੀ ਜਾ ਰਹੀ ਹੈ... ਧਾਗਾ ਟੁੱਟ ਜਾਂਦਾ ਹੈ...ਤੇ ਉਸ ਨੂੰ ਅਨੁਭਵ ਹੋਇਆ ਕਿ ਉਹ 'ਢਹਿ ਪਈ ਸਾਹਿਬ ਕੇ ਦੁਆਰ' ਅਤੇ ਅੱਜ ਉਹ ਸਹੀ ਅਰਥਾਂ ਵਿਚ ਸੰੁਦਰੀ ਬਣ ਗਈ ਹੈ... ਸੰੁਦਰੀ ਹੀ ਨਹੀਂ ਸਗੋਂ ਹੋਰ ਸੰੁਦਰ ਹੋ ਗਈ ਹੈ... ਅਤੇ ਉਸ ਦਾ ਕੱਦ ਪਹਿਲਾਂ ਨਾਲੋਂ ਕਿਤੇ ਵਧੇਰੇ ਉੱਚਾ ਨਜ਼ਰ ਆ ਰਿਹਾ ਸੀ |

-ਪਿੰਡ ਤੇ ਡਾਕ: ਮਾਣਕ ਢੇਰੀ, ਜ਼ਿਲ੍ਹਾ ਹੁਸ਼ਿਆਰਪੁਰ-144204.
ਮੋਬਾਈਲ : 98157-10043


ਖ਼ਬਰ ਸ਼ੇਅਰ ਕਰੋ

ਸ਼ੱਕ : ਇਕ ਕੰਡਾ

• ਜੋ ਚੀਜ਼ ਜਿੰਨੀ ਸਰਲ ਹੁੰਦੀ ਹੈ, ਉਸ ਦੀ ਪਰਿਭਾਸ਼ਾ ਓਨੀ ਹੀ ਮੁਸ਼ਕਿਲ ਹੁੰਦੀ ਹੈ |
• ਸ਼ੱਕ ਰੋਗ ਨੂੰ ਮਨੋਵਿਗਿਆਨ ਵਿਚ ਪੈਰਾਨੋਈਆ ਆਖਦੇ ਹਨ | ਇਹ ਇਕ ਮਾਨਸਿਕ ਰੋਗ ਹੈ | ਛੇਤੀ ਕੀਤਿਆਂ ਇਸ ਦਾ ਪਤਾ ਨਹੀਂ ਲਗਦਾ | ਇਕ ਮਾਹਿਰ ਮਨੋਵਿਗਿਆਨਕ ਇਸ ਨੂੰ ਕਾਫ਼ੀ ਪਰਖ-ਪੜਚੋਲ ਤੋਂ ਬਾਅਦ ਹੀ ਲੱਭ ਸਕਦਾ ਹੈ |
• ਸਨਕੀ ਉਸ ਆਦਮੀ ਨੂੰ ਕਿਹਾ ਜਾਂਦਾ ਹੈ, ਜਿਹੜਾ ਫੁੱਲਾਂ ਦੀ ਮਹਿਕ ਮਹਿਸੂਸ ਕਰਨ 'ਤੇ ਆਲੇ-ਦੁਆਲੇ ਮੁਰਦੇ ਦਾ ਤਾਬੂਤ ਲੱਭਣ ਲਗਦਾ ਹੈ |
• ਜਿਹੜਾ ਆਦਮੀ ਕੀਮਤ ਤਾਂ ਹਰ ਚੀਜ਼ ਦੀ ਜਾਣਦਾ ਹੋਵੇ ਪਰ ਕਦਰ ਕਿਸੇ ਚੀਜ਼ ਦੀ ਨਾ ਕਰਦਾ ਹੋਵੇ, ਉਸ ਨੂੰ ਸਨਕੀ ਕਿਹਾ ਜਾਂਦਾ ਹੈ |
• ਅਜ਼ਬ-ਗਜ਼ਬ ਅਤੇ ਨਵੇਂ ਵਿਚਾਰਾਂ ਵਾਲਿਆਂ ਨੂੰ ਸਨਕੀ ਮੰਨਿਆ ਜਾਂਦਾ ਹੈ ਜਦੋਂ ਤੱਕ ਉਹ ਵਿਚਾਰ ਸਫਲ ਨਾ ਹੋ ਜਾਣ |
• ਮਨ ਪਹਿਲਾਂ ਸ਼ੱਕ ਕਰਦਾ ਹੈ ਤੇ ਫਿਰ ਵਿਸ਼ਵਾਸ ਕਰਦਾ ਹੈ | ਵਿਸ਼ਵਾਸ ਕਰਨਾ ਤੇ ਸ਼ੱਕ ਕਰਨਾ ਮਨ ਦੀ ਆਦਤ ਹੈ |
• ਜਿੱਥੋਂ ਵਿਸ਼ਵਾਸ ਟੁੱਟਦਾ ਹੈ, ਉੱਥੋਂ ਹੀ ਸ਼ੱਕ ਦੀ ਸ਼ੁਰੂਆਤ ਹੁੰਦੀ ਹੈ |
• ਜਦੋਂ ਕਿਸੇ ਦਾ ਬਚਪਨ ਦਾ ਸਮਾਂ ਅਸੁਰੱਖਿਅਤ ਮਾਹੌਲ ਵਿਚ ਬੀਤਿਆ ਹੋਵੇ ਜਾਂ ਹੋਰ ਕੋਈ ਕਾਰਨਾਂ ਕਰਕੇ ਹੀਣਭਾਵਨਾ ਹੋਵੇ ਤਾਂ ਉਸ ਦੇ ਮਨ ਵਿਚ ਸ਼ੱਕ ਦੀ ਭਾਵਨਾ ਪੱਕੇ ਰੂਪ ਵਿਚ ਘਰ ਕਰ ਜਾਂਦੀ ਹੈ |
• ਗ਼ੈਰ-ਸਰਗਰਮੀ ਤੋਂ ਸ਼ੱਕ ਅਤੇ ਡਰ ਦਾ ਜਨਮ ਹੁੰਦਾ ਹੈ, ਜਦੋਂ ਕਿ ਕਾਰਵਾਈ ਨਾਲ ਵਿਸ਼ਵਾਸ ਅਤੇ ਸਾਹਸ ਪੈਦਾ ਹੁੰਦੇ ਹਨ |
• ਅੱਧੇ ਦੁੱਖ ਗ਼ਲਤ ਲੋਕਾਂ 'ਤੇ ਆਸ ਰੱਖਣ ਨਾਲ ਮਿਲਦੇ ਹਨ | ਬਾਕੀ ਅੱਧੇ ਦੁੱਖ ਸੱਚੇ ਲੋਕਾਂ 'ਤੇ ਸ਼ੱਕ ਕਰਨ ਨਾਲ ਮਿਲਦੇ ਹਨ |
• ਸ਼ੱਕੀ ਸੁਭਾਅ ਦੇ ਲੱਛਣ ਨੇੜਲੇ ਲੋਕਾਂ 'ਤੇ ਵਿਸ਼ਵਾਸ ਨਾ ਹੋਣਾ, ਹਮੇਸ਼ਾ ਇਹ ਹੀ ਸੋਚ ਬਣੀ ਰਹਿਣੀ ਕਿ ਕੋਈ ਮੇਰੇ ਨਾਲ ਧੋਖਾ ਨਾ ਕਰ ਰਿਹਾ ਹੋਏ |
• ਜੋ ਸਭ 'ਤੇ ਇਤਬਾਰ ਕਰਦਾ ਹੈ, ਉਹ ਭਲਾ ਆਦਮੀ ਹੈ | ਜੋ ਸਭ'ਤੇ ਬੇਇਤਬਾਰੀ ਕਰਦਾ ਹੈ, ਉਹ ਖ਼ੁਦ ਬੇਇਤਬਾਰਾ ਤੇ ਸ਼ੈਤਾਨ ਹੈ |
• ਵਿਆਹੁਤਾ ਜੀਵਨ ਵਿਚ ਸ਼ੱਕ ਸਭ ਤੋਂ ਵੱਡਾ ਦੁਸ਼ਮਣ ਹੈ |
• ਜਿਥੋਂ ਤੱਕ ਹੋ ਸਕੇ ਸ਼ੱਕ ਨੂੰ ਆਦਤ ਵਿਚ ਨਾ ਬਦਲਣ ਦਿਓ |
• ਜਦ ਕੋਈ ਛੋਟੀਆਂ-ਛੋਟੀਆਂ ਗੱਲਾਂ 'ਤੇ ਆਪਣੇ ਕਰੀਬੀ ਲੋਕਾਂ 'ਤੇ ਸ਼ੱਕ ਕਰਨ ਲੱਗਦਾ ਹੈ ਤਾਂ ਇਹ ਸਥਿਤੀ ਉਸ ਲਈ ਠੀਕ ਨਹੀਂ ਹੁੰਦੀ |
• ਜੇਕਰ ਸ਼ੱਕ ਦੀ ਆਦਤ ਨੂੰ ਟਾਈਮ ਸਿਰ ਦੂਰ ਨਾ ਕੀਤਾ ਜਾਵੇ ਤਾਂ ਆਉਣ ਵਾਲੇ ਸਮੇਂ ਵਿਚ ਮਨੋਵਿਗਿਆਨਕ ਸਮੱਸਿਆਵਾਂ ਹੋ ਸਕਦੀਆਂ ਹਨ | (ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)

ਮੋਬਾਈਲ : 99155-63406.

...ਹੋਏਗੀ ਸ਼ਰਾਬ ਬੰਦੀ?

ਇਹ ਜੋ ਵਰਣਨ ਕਰ ਰਿਹਾ ਹਾਂ ਮੈਂ ਥੱਲੇ, ਇਹਦਾ ਮੈਂ ਪੱਕਾ ਗਵਾਹ ਹਾਂ | ਪੰਜਾਬ ਦਾ ਇਕ (ਸ਼ਹਿਰਾਂ ਵਰਗਾ) ਪਿੰਡ, ਜ਼ਿਮੀਂਦਾਰ ਦਾ ਘਰ | ਉਨ੍ਹਾਂ ਦੀ ਕੁੜੀ ਦਾ ਰਿਸ਼ਤਾ ਪੱਕਾ ਹੋ ਗਿਆ ਸੀ ਤੇ ਉਸ ਦਿਨ ਮੰੁਡੇ ਵਾਲੇ ਵਿਆਹ ਦਾ ਦਿਨ ਪੱਕਾ ਕਰਨ ਆਏ ਸਨ | ਦਿਨ ਮਿੱਥਣ 'ਚ ਕੋਈ ਦੇਰ ਨਾ ਲੱਗੀ | ਮੰੁਡੇ ਵਾਲਿਆਂ ਜਿਹੜਾ ਦਿਨ ਉਚਰਿਆ, ਕੁੜੀ ਵਾਲਿਆਂ ਬਿਨਾਂ ਕਿਸੇ ਉਜਰ ਦੇ ਹੱਥ ਜੋੜ ਕੇ ਕਬੂਲ ਲਿਆ | ਫਿਰ 'ਮੁਕਦੀ ਗੱਲ' ਇਉਂ ਮੁਕੀ, ਮੰੁਡੇ ਵਾਲਿਆਂ ਅਰਜ਼ ਕੀਤਾ, 'ਬਾਰਾਤ ਦਾ ਜ਼ਰਾ ਖਿਆਲ ਰੱਖਣਾ, ਸਾਡੇ ਸਾਰੇ ਜਣੇ ਪੀਣ ਵਾਲੇ ਨੇ |'
'ਕੋਈ ਗੱਲ ਨਹੀਂ ਜੀ, ਆਉਣ ਦਿਓ, ਸਾਰਿਆਂ ਨੂੰ ਟੰੁਨ ਕਰ ਦਿਆਂਗੇ | ਆਖੋ ਤਾਂ ਸ਼ਰਾਬ 'ਚ ਡੁਬਕੀਆਂ ਲਵਾ ਦਿਆਂਗੇ |' ਖੂਬ ਠਹਾਕੇ ਗੰੂਜੇ, ਹੱਥਾਂ ਨਾਲ ਹੱਥ ਮਿਲ ਗਏ, ਦੋਵਾਂ ਧਿਰਾਂ ਦੇ ਦਿਲ ਖਿੜ ਗਏ |'
ਇਕ ਹੋਰ ਵਿਆਹ ਦਾ ਵੀ ਮੈਂ ਪੱਕਾ ਗਵਾਹ ਹਾਂ | ਇਥੇ ਕੁੜੀ ਵਾਲਿਆਂ ਸਾਫ਼-ਸਾਫ਼ ਕਹਿ ਦਿੱਤਾ ਸੀ ਕਿ ਉਹ ਜੰਝ ਦਾ ਸਵਾਗਤ ਸ਼ਰਾਬ ਨਾਲ ਬਿਲਕੁਲ ਨਹੀਂ ਕਰਨਗੇ | ਉਹ ਜਿਸਲ ਬਾਬੇ ਨੂੰ ਮੰਨਦੇ ਹਨ, ਉਸ ਬਾਬੇ ਨੇ ਸ਼ਰਾਬ ਦੀ ਟੋਟਲ ਮਨਾਹੀ ਕੀਤੀ ਹੋਈ ਸੀ | ਸੋ, ਬਰਾਤੀਆਂ ਲਈ ਖਾਣਾ ਵੀ ਟੋਟਲ ਵੈਸ਼ਨੂੰ ਸੀ, ਪਰ ਹੈ ਬੜਾ ਸ਼ਾਨਦਾਰ ਤੇ ਕੀਮਤੀ ਸੀ | ਪੰਡਾਲ ਵੀ ਸ਼ਾਨਦਾਰ ਕਨਾਤਾਂ ਨਾਲ ਸਜਿਆ ਹੋਇਆ ਸੀ | ਮੈਂ ਤਾੜ ਲਿਆ, ਇਕ ਕਨਾਤ ਜਿਥੇ ਹਲਵਾਈ ਖਾਣਾ ਤਿਆਰ ਕਰ ਰਹੇ ਸਨ, ਉਸ ਦੇ ਪਿੱਛੇ ਬਰਾਤੀ ਇਕ-ਇਕ ਕਰਕੇ ਜਾਂਦੇ ਸਨ ਤੇ ਵਿਸਕੀ 'ਚ ਗੜੁੱਚ ਹੋ ਕੇ, ਖੁਸ਼ੀ-ਖੁਸ਼ੀ ਬਾਹਰ ਆਂਦੇ ਜਾਂਦੇ ਸਨ | ਕੁੜੀ ਦੇ ਭਰਾਵਾਂ ਨੇ ਚੋਰੀ-ਚੋਰੀ ਇਸ ਕਨਾਤ ਦੇ ਪਿੱਛੇ ਪੀਣ ਵਾਲਿਆਂ ਲਈ ਖਾਸ ਇੰਤਜ਼ਾਮ ਕੀਤਾ ਹੋਇਆ ਸੀ | ਵਿਆਹ ਸੰਪਨ ਹੋ ਗਿਆ, ਕੁੜੀ ਦੀ ਡੋਲੀ ਵਿਦਾ ਹੋ ਗਈ ਤਾਂ ਪਿਤਾ ਅੱਗੇ ਮੰੁਡਿਆਂ ਦੀ ਪੇਸ਼ੀ ਹੋ ਗਈ | ਬੜੇ ਔਖੇ ਬੋਲਾਂ 'ਚ ਉਹਨੇ ਪੁੱਤਰਾਂ ਦੀ ਝਾੜ-ਝੰਬ ਕੀਤੀ ਪਰ ਮੰੁਡਿਆਂ ਨੇ ਬੇਪ੍ਰਵਾਹ ਹੋ ਕੇ ਆਖਿਆ, 'ਜਦ ਅਸੀਂ ਦੂਜਿਆਂ ਦੇ ਘਰੋਂ ਪੀ ਕੇ ਆਉਂਦੇ ਹਾਂ, ਤਾਂ ਆਪਣੇ ਘਰੋਂ ਬੰਦੇ ਸੁੱਕੇ ਕਿਵੇਂ ਤੋਰੀਏ?' ਕੁੜ੍ਹਨ ਦਾ ਕੀ ਫਾਇਦਾ | ਜੋ ਹੋਣਾ ਸੀ ਹੋ ਗਿਆ, ਸ਼ਰਾਬ ਦਾ ਦਰਿਆ ਕਨਾਤਾਂ ਦੇ ਪਿਛੇ ਵਹਿ ਗਿਆ, ਕਈਆਂ ਨੇ ਡੁਬਕੀਆਂ ਲਾ ਲਈਆਂ, ਜੰਝ ਤਰ ਗਈ ਤੇ ਖੁਸ਼ੀ-ਖੁਸ਼ੀ ਲਾੜੀ ਲੈ ਕੇ ਤੁਰ ਗਈ |
'ਸ਼ਰ' ਸ਼ੈਤਾਨ ਨੂੰ ਆਖਦੇ ਹਨ ਤੇ 'ਆਬ' ਦਾ ਮਤਲਬ 'ਪਾਣੀ' ਸ਼ੈਤਾਨ ਦਾ ਪਾਣੀ |
ਤੌਬਾ! ਤੌਬਾ!! ਗੁਰੂਆਂ, ਪੀਰਾਂ ਦੀ ਧਰਤੀ ਪਾਣੀ ਸ਼ੈਤਾਨ ਦਾ |'
ਪੰਜਾਬ ਦੇ, ਇਕ ਸਕੂਲ ਮਾਸਟਰ ਨੇ ਬੱਚਿਆਂ ਨੂੰ ਪੁੱਛਿਆ, 'ਪੰਜਾਬ ਦਾ ਨਾਂਅ ਪੰਜਾਬ ਕਿਉਂ ਹੈ?'
ਸਾਰੇ ਬੱਚਿਆਂ ਨੇ ਹੱਥ ਖੜ੍ਹੇ ਕਰ ਦਿੱਤੇ, ਇਕ ਨੇ ਦੱਸਿਆ, 'ਪੰਜਾਬ 'ਚ ਪੰਜ ਦਰਿਆ ਨੇ |' ਮਾਸਟਰ ਜੀ ਨੇ ਬੱਚੇ ਦੇ ਮੰੂਹ 'ਤੇ ਥੱਪੜ ਜੜ੍ਹ ਦਿੱਤਾ | ਆਖਿਆ, ਗ਼ਲਤ, ਬਿਲਕੁਲ ਗ਼ਲਤ | ਪੰਜਾਬ 'ਚ ਛੇ ਦਰਿਆ ਨੇ... ਛੇਵਾਂ ਦਾਰੂ ਦਾ |'
ਬਿਲਕੁਲ ਸਹੀ ਹੈ | ਜੇਕਰ ਪੰਜਾਬ ਸਰਕਾਰ ਦਾਰੂ-ਬੰਦੀ ਨਹੀਂ ਕਰ ਸਕਦੀ ਤਾਂ ਇਹਨੂੰ ਸ਼ਰਾਬ ਨੂੰ ਇੱਜ਼ਤ ਬਖ਼ਸ਼ਣੀ ਚਾਹੀਦੀ ਹੈ, ਪੰਜਾਬ ਦਾ ਨਾਂਅ ਬਦਲ ਕੇ 'ਛੇ ਆਬ' ਕਰ ਦੇਣਾ ਚਾਹੀਦਾ ਹੈ | ਆਖਰ ਉੜੀਸ਼ਾ ਵਾਲਿਆਂ ਆਪਣੀ ਸਟੇਟ ਦਾ ਨਾਂਅ ਬਦਲ ਕੇ 'ਓਡੀਸ਼ਾ' ਕਰ ਦਿੱਤਾ ਹੈ ਤੇ 'ਮਦਰਾਸ' ਦਾ ਨਾਂਅ ਬਦਲਕੇ 'ਚੇਨਈ' ਕਰ ਦਿੱਤਾ ਗਿਆ ਹੈ |
ਦੋ ਘੁੱਟ ਪਿਲਾ ਦੇ ਸਾਕੀਆ,
ਬਾਕੀ ਮੇਰੇ 'ਤੇ ਰੋੜ੍ਹ ਦੇ |
ਸੁਰਾ-ਸੁਰਾਹੀ-ਸੰੁਦਰੀ |
ਸਾਕੀ-ਭਰ ਜਵਾਨ ਕਾਕੀ ਹੀ ਹੁੰਦੀ ਸੀ | ਪਹਿਲਾਂ ਮਹਿਫ਼ਲ 'ਚ ਬੋਤਲਾਂ 'ਚੋਂ ਨਹੀਂ ਪਿਆਈ ਜਾਂਦੀ ਸੀ, ਰਿੰਦਾਂ ਨੂੰ ਸੁਰਾਹੀਆਂ ਹੁੰਦੀਆਂ ਸਨ, ਸੰੁਦਰੀਆਂ ਦੇ ਹੱਥਾਂ 'ਚ, ਇਹ ਕਿੰਨੀ ਅਦਾ ਨਾਲ ਸੁਰਾਹੀਆਂ 'ਚੋਂ ਸੁਰਾਂ ਦੇ ਜਾਮ ਭਰਦੀਆਂ ਸਨ |
'ਪਾਣੀ ਦਾ ਘੁੱਟ ਪਿਆ
ਬਾਂਕੀਏ ਨਾਰੇ ਨੀਂ |'
ਯਾਦ ਕਰੋ, ਇਹ ਸੀਨ ਕਈ ਹਿੰਦੀ ਤੇ ਪੰਜਾਬੀ ਫ਼ਿਲਮਾਂ ਵਿਚ ਕਈ ਵਾਰ ਵਿਖਾਇਆ ਗਿਆ ਹੈ, ਖੂਹ 'ਤੇ ਪਾਣੀ ਭਰੇਂਦੀ ਨਾਰ ਨੇ ਜਦ ਘੜਾ ਭਰ ਕੇ ਕਮਰ ਨੇੜੇ ਚੁੱਕ ਲਿਆ ਤਾਂ ਉਹਦਾ ਹੀਰੋ ਉਹਦੇ ਸਾਹਮਣੇ ਗੋਡੇ ਟੇਕ ਕੇ, ਬੁਕ ਸਾਹਮਣੇ ਕਰਕੇ ਇਲਤਜ਼ਾ ਕਰਦਾ ਹੈ:
'ਪਾਣੀ ਦਾ ਘੁੱਟ ਪਿਆ,
ਬਾਂਕੀਏ ਨਾਰੇ ਨੀਂ |
ਨਾਰ ਮੰਨ ਜਾਂਦੀ ਹੈ, ਘੜੇ 'ਚੋਂ ਪਾਣੀ ਉਹਦੇ ਬੁੱਕ 'ਚ ਡਿਗਦਾ ਜਾਂਦਾ ਹੈ ਪਰ ਉਹ ਥੱਲੇ ਹੀ ਰੁੜ੍ਹਦਾ ਜਾਂਦਾ ਹੈ, ਕਿਉਂਕਿ ਉਹ ਤਾਂ ਮੋਹਿਤ ਹੋ ਕੇ ਉਹਦੇ ਚਿਹਰੇ ਨੂੰ ਹੀ ਤੱਕੀ ਜਾਂਦਾ ਹੈ |
ਫਿਰ ਤਾਂ ਉਹਦਾ ਚਿਹਰਾ ਦਿਲ 'ਚ ਘਰ ਕਰ ਜਾਂਦਾ ਹੈ, ਜਦ ਨਜ਼ਰ ਨਹੀਂ ਆਉਂਦਾ ਤਾਂ ਦਿਲ 'ਚੋਂ ਹੂਕ ਨਿਕਲਦੀ ਹੈ:
ਏਕ ਤੂੰ ਨਾ ਮਿਲੀ,
ਸਾਰੀ ਦੁਨੀਆ ਮਿਲੇ ਭੀ ਤੋ ਕਯਾ ਹੈ?
ਗ਼ਮ ਮਿਲਦਾ ਹੈ | ਗ਼ਮ ਮਿਲਦਾ ਹੈ ਤਾਂ ਗ਼ਮ ਗ਼ਲਤ ਕਰਨ ਲਈ, ਸ਼ਰ ਦਾ ਪਾਣੀ ਕੰਮ ਆਉਂਦਾ ਹੈ | ਗ਼ਮ ਕੋਈ ਐਦਾਂ ਹੀ ਇਕ-ਦੋ ਘੁੱਟ ਪੀਣ ਨਾਲ ਗ਼ਲਤ ਹੋ ਜਾਂਦੈ? ਬੋਤਲਾਂ ਤੇ ਬੋਤਲਾਂ, ਕਈ-ਕਈ ਬੋਤਲਾਂ ਖਾਲੀ ਹੋ ਜਾਂਦੀਆਂ ਹਨ, ਫਿਰ ਵੀ...
ਗ਼ਮ ਦੀਏ ਮੁਸਤਕਿਲ
ਕਿਤਨਾ ਨਾਜ਼ੁਕ ਹੈ ਦਿਲ
ਯੇਹ ਨਾ ਜਾਨਾ |
ਹਾਏ... ਹਾਏ... ਯੇਹ ਜ਼ਾਲਿਮ ਜ਼ਮਾਨਾ |
ਕੌਣ ਕੰਬਖਤ ਕਹਿੰਦਾ ਹੈ ਕਿ ਸਿਰਫ਼ ਉਹੀਓ ਪੀਂਦੇ ਨੇ ਜਿਨ੍ਹਾਂ ਨੇ ਗ਼ਮ ਗ਼ਲਤ ਕਰਨਾ ਹੁੰਦਾ ਹੈ? ਬੇਸ਼ੱਕ ਉਹ ਵੀ ਨੇ, ਜਿਨ੍ਹਾਂ ਆਪ ਮੰਨਿਐ...
ਮੈਨੂੰ ਤੇਰਾ ਸ਼ਬਾਬ ਲੈ ਬੈਠਾ |
ਪਰ ਲੈ ਬੈਠਾ ਕੌਣ... ਦਾਰੂ | ਸ਼ਰ ਦਾ ਆਬ | ਦਿਲ ਦਾ ਤਾਂ ਪਤਾ ਨਹੀਂ, ਡਾਕਟਰ ਕਹਿੰਦੇ ਨੇ, (ਲੀਵਰ) ਬਿਲਕੁਲ ਖਰਾਬ ਹੋ ਜਾਂਦਾ ਹੈ, ਫੇਰ ਕੀ? ਲੈ ਬਹਿੰਦਾ ਏ ਸਰੀਰ ਨੂੰ ਤੇ ਮਨੁੱਖ ਨੂੰ , ਤੇ ਲੈ ਜਾਂਦਾ ਏ ਅਗਲੇ ਜਹਾਨ ਨੂੰ |
ਸ਼ਰਾਬ ਇਕ ਨਸ਼ਾ ਹੈ-ਇਹਦੇ ਬਾਰੇ ਸਪੱਸ਼ਟ ਵਾਰਨਿੰਗ ਹੈ:
ਛੂਟਤੀ ਨਹੀਂ ਹੈ, ਮੰੂਹ ਸੇ
ਯੇਹ ਕਾਫਿਰ ਲਗੀ ਹੂਈ
ਸ਼ੈਤਾਨ ਨੇ ਆਪਣੇ 'ਆਬ' ਤੇ ਸ਼ਰਾਬੀਆਂ ਦਾ ਹੱਕ ਰਾਖਵਾਂ ਰੱਖਿਆ ਹੈ | ਕਿਸੇ ਮਨੁੱਖ ਦੀ ਇੱਜ਼ਤ ਨੂੰ ਸਭ ਤੋਂ ਥੱਲੇ ਸੁੱਟਣਾ ਹੋਵੇ ਤਾਂ ਉਸ ਲਈ ਇਹ ਲਫ਼ਜ਼ ਪ੍ਰਯੋਗ ਕੀਤੇ ਜਾਂਦੇ ਹਨ, 'ਸ਼ਰਾਬੀ-ਕਬਾਬੀ' |
ਸ਼ਰਾਬੀਆਂ ਨੂੰ ਆਖੋ ਨਾ, 'ਸ਼ਰਾਬ ਬੜੀ ਮਾੜੀ ਤੇ ਕੁੱਤੀ ਚੀਜ਼ ਹੈ ਉਹ ਅੱਗੋਂ ਵੱਢ ਖਾਣ ਨੂੰ ਪੈਣਗੇ |'
ਸ਼ਰਾਬ ਤੋਂ ਤੰਗ ਨੇ ਜੀ ਤੰਗ ਨੇ... ਬੁਰੀ ਤਰ੍ਹਾਂ ਤੰਗ ਨੇ... ਸ਼ਰਾਬੀਆਂ ਦੀਆਂ ਵਹੁਟੀਆਂ | ਉਹ ਵੀ ਗਰੀਬ ਤਬਕੇ ਵਾਲੀਆਂ ਵਹੁਟੀਆਂ |
ਬੁਰੇ ਨੂੰ ਖ਼ਤਮ ਕਰਨ ਦੀ ਥਾਂ ਬੁਰਾਈ ਨੂੰ ਜੜ੍ਹੋਂ ਪੁੱਟਣਾ ਚਾਹੀਦਾ ਹੈ | ਵਰਨਾ ਬੁਰਾਈ ਬੋਝ ਦੇ ਦਰੱਖਤ ਵਾਂਗ ਫੈਲਦੀ ਹੈ, ਜਿਸ ਦੀ ਹਰ ਟਾਹਣੀ 'ਚੋਂ ਨਵੀਆਂ ਜੜ੍ਹਾਂ ਲਟਕਣ ਲੱਗਦੀਆਂ ਹਨ | ਜਿਵੇਂ ਸ਼ਰਾਬੀ ਝੰੂਮਦੇ ਹਨ |
ਸ਼ਰਾਬਬੰਦੀ... ਸ਼ਰਾਬਬੰਦੀ... ਸ਼ਰਾਬਬੰਦੀ | ਇਕੋ ਇਲਾਜ ਹੈ, ਹਰ ਸੁਆਣੀ ਦੀ ਮੰਗ ਹੈ | ਮੋਦੀ ਜੀ ਨੂੰ ਨੋਟਬੰਦੀ ਤੋਂ ਪਹਿਲਾਂ ਸ਼ਰਾਬਬੰਦੀ ਕਰਨੀ ਚਾਹੀਦੀ ਸੀ |
ਸਬ ਕਾ ਵਿਕਾਸ, ਡੇਢ ਸੌ ਕਰੋੜ ਦੇਸ਼ ਵਾਸੀਆਂ 'ਚ ਅੱਧੀ ਵਸੋਂ ਬੀਬੀਆਂ ਦੀ ਹੈ | ਇਹ ਦੁਖੀ ਨੇ 'ਸ਼ਰਾਬ' ਤੋਂ, ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਇਨ੍ਹਾਂ ਦਾ ਦੁੱਖ ਵੰਡਿਆ | ਬਿਹਾਰ 'ਚ ਸ਼ਰਾਬਬੰਦੀ ਕਰ ਦਿੱਤੀ | ਬਿਹਾਰ ਦੀਆਂ ਔਰਤਾਂ ਨਿਤੀਸ਼ ਕੁਮਾਰ ਨੂੰ ਅਸੀਸਾਂ ਦਿੰਦੀਆਂ ਨਹੀਂ ਥੱਕਦੀਆਂ | ਹੁਣ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼ਿਵਰਾਜ ਚੌਹਾਨ ਨੇ ਵੀ ਐਲਾਨ ਕੀਤਾ ਹੈ ਕਿ ਉਹ ਹੌਲੀ-ਹੌਲੀ ਸਾਰੇ ਮੱਧ ਪ੍ਰਦੇਸ਼ 'ਚ ਸ਼ਰਾਬਬੰਦੀ ਕਰ ਦੇਣਗੇ |
ਉੱਤਰ ਪ੍ਰਦੇਸ਼ ਵੀ ਸ਼ਰਾਬ ਦੇ ਮਾਮਲੇ 'ਚ ਔਰਤਾਂ ਲਈ 'ਔਤਰ ਪ੍ਰਦੇਸ਼' ਹੈ | ਉਥੇ ਔਰਤਾਂ ਨੇ ਖੋਲ੍ਹੇ ਗਏ ਸ਼ਰਾਬ ਖਾਨਿਆਂ 'ਚ ਜਾ ਕੇ ਬੋਤਲਾਂ ਤੋੜਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ | ਕਈ ਦੁਕਾਨਾਂ 'ਚ ਅੱਗਾਂ ਵੀ ਲਾਈਆਂ ਹਨ | ਕਹਿੰਦੇ ਨੇ ਰਿਸ਼ੀ-ਮੁਨੀ ਵੀ ਸੋਮ ਰਸ ਪੀਂਦੇ ਸਨ ਪਰ ਹੁਣ ਵਾਲਾ ਯੋਗੀ ਅਦਿਤਯ ਨਾਥ ਇਸ ਤੋਂ ਦੂਰ ਹੈ | ਯੂ. ਪੀ. ਦੀਆਂ ਔਰਤਾਂ ਨੂੰ ਭਰੋਸਾ ਹੈ ਕਿ ਬੁਚੜਖਾਨਿਆਂ ਨੂੰ ਬੰਦ ਕਰਨ ਮਗਰੋਂ ਯੋਗੀ ਜੀ ਉਨ੍ਹਾਂ ਦੀ ਵੀ ਸੁਣਨਗੇ ਤੇ ਸ਼ਰਾਬਬੰਦੀ ਕਰ ਦੇਣਗੇ |
ਪੰਜਾਬ? ਇਥੇ ਜਿਹੜਾ ਸ਼ਰਾਬ ਦਾ ਛੇਵਾਂ ਦਰਿਆ ਵਹਿ ਰਿਹਾ ਹੈ, ਕੀ ਉਸ ਨੂੰ ਵੀ ਕੋਈ ਬੰਦ ਕਰੇਗਾ?
••

ਕਹਾਣੀ ਸੁਆਲੀਆ ਨਿਸ਼ਾਨ?

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
ਹੌਲੀ-ਹੌਲੀ ਜਦ ਸੁਧੀਰ ਦੇ ਅੱਧਿਆਂ ਤੋਂ ਜ਼ਿਆਦਾ ਟੈਸਟ ਕਲੀਅਰ ਹੋ ਗਏ ਤਾਂ ਉਸ ਨੂੰ ਘਰ ਦੇ ਬਾਕੀ ਮੈਂਬਰਾਂ ਨੂੰ ਮਿਲਣ ਦੀ ਇਜਾਜ਼ਤ ਮਿਲ ਗਈ | ਮਾਂ ਨੇ ਧਾ ਕੇ ਪੁੱਤਰ ਨੂੰ ਗਲ ਨਾਲ ਲਾਇਆ ਤੇ ਰੋ-ਰੋ ਕੇ ਪੁੱਛਿਆ, 'ਬੇਟਾ ਤੈਨੂੰ ਅਜਿਹੀ ਕਿਹੜੀ ਤਕਲੀਫ਼ ਸੀ, ਕਿਸ ਚੀਜ਼ ਦੀ ਕਮੀ ਸੀ, ਜੋ ਤੂੰ ਅਜਿਹਾ ਕੰਮ ਕੀਤਾ | ਸਾਡਾ ਤੈਨੂੰ ਜ਼ਰਾ ਵੀ ਖਿਆਲ ਨਹੀਂ ਆਇਆ ਕਿ ਤੇਰੇ ਪਿਛੋਂ ਸਾਡਾ ਕੀ ਬਣੇਗਾ |' ਸੁਧੀਰ ਨੇ ਰੋਣ ਹਾਕਾ ਹੋ ਕੇ ਕਿਹਾ, 'ਮੰਮੀ ਤੁਸੀਂ ਤਾਂ ਕਮ-ਅਜ਼-ਕਮ ਅਜਿਹਾ ਨਾ ਕਹੋ, ਮੈਂ ਕੁਝ ਨਹੀਂ ਕੀਤਾ ਮੰਮੀ ਮੈਂ ਕਿਉਂ ਅਜਿਹਾ ਕਰਾਂਗਾ | ਮੈਂ ਤਾਂ ਬਸ ਬਾਥਰੂਮ ਵਿਚ ਗਿਰਿਆ ਤੇ ਮੈਨੂੰ ਚੱਕਰ ਆ ਗਿਆ ਸੀ | ਸੁਧਾ ਆਪਣੇ ਪੇਰੈਂਟਸ ਦੇ ਘਰ ਗਈ ਹੋਈ ਸੀ | ਮੇਰਾ ਸਹਾਇਕ ਘਬਰਾ ਕੇ ਨਾਲ ਵਾਲੇ ਅਫ਼ਸਰ ਨੂੰ ਬੁਲਾ ਲਿਆਇਆ ਜੋ ਕੁਝ ਵੀ ਹੋਇਆ, ਬਸ ਉਸ ਦੀ ਸਟੇਟਮੈਂਟ 'ਤੇ ਹੀ ਹੋਇਆ ਹੈ |' ਪਰ ਉਸ ਦੀ ਇਸ ਗੱਲ 'ਤੇ ਕੋਈ ਵੀ ਵਿਸ਼ਵਾਸ ਨਹੀਂ ਸੀ ਕਰ ਰਿਹਾ | ਹੋਰ ਤਾਂ ਹੋਰ ਉਸ ਦੇ ਪਾਪਾ ਵੀ ਜੋ ਬਹੁਤ ਹੀ ਗੁੱਸੇ ਵਾਲੇ ਇਨਸਾਨ ਸਨ, ਉਸ ਦੀ ਕੋਈ ਵੀ ਗੱਲ ਸੁਣਨ ਨੂੰ ਤਿਆਰ ਨਹੀਂ ਸਨ ਤੇ ਸੁਧੀਰ ਤਾਂ ਵੈਸੇ ਹੀ ਉਨ੍ਹਾਂ ਦੇ ਸਾਹਮਣੇ ਕੁਝ ਬੋਲ ਹੀ ਨਹੀਂ ਸੀ ਸਕਦਾ |
ਜਦ ਇਹ ਕੇਸ ਮਨੋਵਿਗਿਆਨ ਦੀ ਡਾ: ਸਰਿਤਾ ਸ਼ਰਮਾ ਕੋਲ ਪੁੱਜਿਆ ਤਾਂ ਉਸ ਨੇ ਸੁਧੀਰ ਨੂੰ ਜਾਂਚਣ ਤੋਂ ਪਹਿਲਾਂ ਉਸ ਦੇ ਸਭ ਪਰਿਵਾਰਕ ਮੈਂਬਰਾਂ ਨਾਲ ਮੁਲਾਕਾਤ ਕੀਤੀ, ਲੰਬੇ ਸਮੇਂ ਤੱਕ ਉਨ੍ਹਾਂ ਦੀਆਂ ਗੱਲਾਂ ਸੁਣਨ ਤੇ ਉਨ੍ਹਾਂ 'ਤੇ ਵਿਚਾਰ ਕਰਨ ਤੋਂ ਬਾਅਦ ਫਿਰ ਸੁਧੀਰ ਦਾ ਇਲਾਜ ਸ਼ੁਰੂ ਕੀਤਾ | ਜਿਉਂ-ਜਿਉਂ ਉਹ ਸੁਧੀਰ ਬਾਬਤ ਜਾਣਦੀ ਗਈ ਤਾਂ ਉਸ ਨੂੰ ਯਕੀਨ ਹੋ ਗਿਆ ਕਿ ਇਹ ਨੌਜਵਾਨ ਅਫ਼ਸਰ ਕਦੇ ਵੀ ਖੁਦਕੁਸ਼ੀ ਨਹੀਂ ਕਰ ਸਕਦਾ, ਉਹ ਏਨਾ ਖੁਸ਼-ਖੁਸ਼ ਜ਼ਿੰਦਗੀ ਦੇ ਭਰਪੂਰ ਜਜ਼ਬਿਆਂ ਨਾਲ ਲਬਰੇਜ਼ ਇਮਾਨਦਾਰ, ਮਿਹਨਤੀ ਤੇ ਆਪਣੇ ਕੰਮਕਾਰ ਵਿਚ ਪੂਰੀ ਤਰ੍ਹਾਂ ਖੁਭਿਆ ਹੋਇਆ ਇਨਸਾਨ ਕਦੇ ਵੀ ਮਰਨ ਬਾਬਤ ਨਹੀਂ ਸੋਚ ਸਕਦਾ, ਉਹ ਤਾਂ ਹੋਰ ਲੋਕਾਂ ਨੂੰ ਵੀ ਜਿਊਣ ਦੇ ਢੰਗ ਸਿਖਾਉਣ ਤੇ ਆਪਣੇ ਹਿੱਸੇ ਦੀ ਪੂਰੀ ਜ਼ਿੰਦਗੀ ਖੁਸ਼ੀ-ਖੁਸ਼ੀ ਜੀਣ ਦਾ ਸੰਦੇਸ਼ ਦਿੰਦਾ ਸੀ, ਫਿਰ ਉਹ ਖੁਦ ਨਹੀਂ, ਨਹੀਂ ਡਾ: ਸਰਿਤਾ ਨੇ ਬਿ੍ਗੇਡੀਅਰ ਸਰੀਨ ਨਾਲ ਇਕੱਲੇ ਨਾਲ ਗੱਲ ਕੀਤੀ ਤੇ ਆਪਣੇ ਵਿਚਾਰ ਸੁਧੀਰ ਬਾਬਤ ਦੱਸੇ ਤੇ ਕਿਹਾ, 'ਸਰ ਮੈਂ ਸੁਧੀਰ ਨੂੰ ਚੰਗੀ ਤਰ੍ਹਾਂ ਜਾਂਚਿਆ ਹੈ, ਉਹ ਬਿਲਕੁਲ ਇਸ ਤਰ੍ਹਾਂ ਦਾ ਲੜਕਾ ਨਹੀਂ ਹੈ, ਉਹ ਜ਼ਰੂਰ ਕਿਸੇ ਸਾਜ਼ਿਸ਼ ਦਾ ਸ਼ਿਕਾਰ ਹੋਇਆ ਲਗਦਾ ਹੈ | ਤੁਸੀਂ ਹਾਲਾਂ ਇਸ ਦੀ ਕੈਟੇਗਿਰੀ ਦੀ ਚਿੰਤਾ ਛੱਡ ਕੇ ਇਸ ਨੂੰ ਹਸਪਤਾਲ ਤੋਂ ਛੁੱਟੀ ਦੁਆਓ ਤੇ ਆਪ ਖੁਦ ਆਪਣੇ ਤਰੀਕੇ ਨਾਲ ਇਸ ਦੇ ਕੋਲ ਰਹਿ ਕੇ ਇਸ ਦੇ ਚੌਗਿਰਦੇ, ਸਾਥੀ ਅਫ਼ਸਰ, ਮਾਤਹਿਤ ਤੇ ਸੀਨੀਅਰ ਅਫ਼ਸਰਾਂ ਦੀ ਬਾਬਤ ਪੂਰੀ ਜਾਣਕਾਰੀ ਹਾਸਲ ਕਰੋ ਤੇ ਫਿਰ ਸਹੀ ਨਤੀਜੇ 'ਤੇ ਪਹੁੰਚ ਕੇ ਇਸ ਲਈ ਜ਼ਰੂਰੀ ਕਦਮ ਉਠਾਓ, ਮੈਨੂੰ ਉਮੀਦ ਹੈ ਕਿ ਸਹੀ ਤਰੀਕੇ ਨਾਲ ਸਭ ਕੁਝ ਜਾਣਨ ਤੋਂ ਬਾਅਦ ਸੱਚ ਜ਼ਰੂਰ ਤੁਹਾਡੇ ਸਾਹਮਣੇ ਆ ਜਾਵੇਗਾ |
ਬਿ੍ਗੇਡੀਅਰ ਸਾਹਿਬ ਨੂੰ ਡਾ: ਦੀ ਗੱਲ ਜਚ ਗਈ | ਉਨ੍ਹਾਂ ਨੇ ਦੌੜ-ਭੱਜ ਕਰਕੇ ਸੁਧੀਰ ਨੂੰ ਹਸਪਤਾਲ ਤੋਂ ਛੁੱਟੀ ਦੁਆ ਦਿੱਤੀ | ਉਸ ਨੂੰ ਤਿੰਨ ਮਹੀਨਿਆਂ ਲਈ ਕੈਟੇਗਿਰੀ ਕਰ ਦਿੱਤਾ ਗਿਆ ਸੀ ਤੇ ਉਸ ਨੂੰ ਪੂਰੀ ਤਰ੍ਹਾਂ ਆਰਾਮ ਕਰਨ ਦੀ ਸਲਾਹ ਦਿੱਤੀ ਗਈ ਸੀ | ਬਿ੍ਗੇਡੀਅਰ ਸਰੀਨ ਨੇ ਉਸੇ ਦਿਨ ਪਤਨੀ ਸਮੇਤ ਸੁਧੀਰ ਦੇ ਘਰ ਡੇਰੇ ਲਾ ਲਏ, ਅਗਲੇ ਦਿਨ ਤੋਂ ਹੀ ਉਹ ਬਿਨਾਂ ਕਿਸੇ ਨੂੰ ਕੁਝ ਦੱਸਿਆਂ ਹਾਲਾਤ ਦਾ ਜਾਇਜ਼ਾ ਲੈਣ ਲੱਗ ਪਏ | ਉਹ ਗੁਪਤ ਤੌਰ 'ਤੇ ਸੁਧੀਰ ਦੇ ਸਾਥੀ ਅਫ਼ਸਰਾਂ ਨੂੰ ਮਿਲਣ ਚਲੇ ਜਾਂਦੇ | ਕਦੇ-ਕਦੇ ਉਸ ਦੇ ਦਫ਼ਤਰ ਵੀ ਚਲੇ ਜਾਂਦੇ | ਹੋਰ ਛੋਟੇ-ਮੋਟੇ ਲੋਕ ਧੋਬੀ, ਮਾਲੀ, ਨਾਈ, ਕੁੱਕ, ਬਾਰਮੈਨ ਤੇ ਘਰ ਵਿਚ ਹਰ ਟਾਈਮ ਰਹਿਣ ਵਾਲੇ ਸੇਵਾਦਾਰ ਤੋਂ ਵੀ ਪੁੱਛ-ਤਾਛ ਕੀਤੀ | ਦੋ ਮਹੀਨੇ ਦੀ ਲੱਕ ਤੋੜਵੀਂ ਮਿਹਨਤ ਤੋਂ ਬਾਅਦ ਜੋ ਸਬੂਤ ਉਨ੍ਹਾਂ ਦੇ ਸਾਹਮਣੇ ਆਏ ਉਹ ਬੇਹੱਦ ਭਿਆਨਕ ਤੇ ਹੈਰਾਨੀਜਨਕ ਸਨ | ਪਤਾ ਲੱਗਿਆ ਕਿ ਕਿੳਾੁਕਿ ਸੁਧੀਰ ਬਹੁਤ ਹੀ ਮਿਹਨਤੀ ਤੇ ਇਮਾਨਦਾਰ ਅਫਸਰ ਸੀ | ਉਹ ਆਪਣੇ ਤੋਂ ਜੂਨੀਅਰ ਅਫਸਰਾਂ ਦਾ ਬਹੁਤ ਧਿਆਨ ਕਰਦਾ ਸੀ ਤੇ ਟਾਈਮ-ਟਾਈਮ ਨਾਲ ਉਨ੍ਹਾਂ ਦੀ ਮਦਦ ਵੀ ਕਰਦਾ ਰਹਿੰਦਾ ਸੀ, ਇਸ ਕਰਕੇ ਹਰ ਕੋਈ ਉਸ ਦੀ ਬੁਹਤ ਇੱਜ਼ਤ ਕਰਦਾ ਸੀ | ਪਰ ਇਹ ਕੁਝ ਸਵਾਰਥੀ ਅਫ਼ਸਰਾਂ ਨੂੰ ਹਜ਼ਮ ਨਹੀਂ ਸੀ ਹੋ ਰਿਹਾ | ਉਹ ਉਸ ਨੂੰ ਨੁਕਸਾਨ ਪਹੁੰਚਾਉਣ ਦੀ ਪਲੈਨਿੰਗ ਕਰਦੇ ਰਹਿੰਦੇ ਸਨ | ਅਖੀਰ ਉਨ੍ਹਾਂ ਨੂੰ ਮੌਕਾ ਮਿਲ ਹੀ ਗਿਆ | ਸੁਧੀਰ ਕਈ ਦਿਨਾਂ ਤੋਂ ਲਗਾਤਾਰ ਰਾਤ-ਰਾਤ ਭਰ ਫਲਾਇੰਗ ਕਰ ਰਿਹਾ ਸੀ | ਉਸ ਦੇ ਸੁਕੈਡਰਿਨ ਵਿਚ ਪੰਜ ਅਫ਼ਸਰ ਸਨ, ਉਸ ਨੂੰ ਹਰ ਅਫ਼ਸਰ ਦੇ ਨਾਲ ਫਲਾਇੰਗ ਕਰਨੀ ਪੈਂਦੀ ਸੀ, ਕਈ ਦਿਨਾਂ ਦੀ ਲਗਾਤਾਰ ਫਲਾਇੰਗ ਤੋਂ ਬਾਅਦ ਜਾਪਦਾ ਸੀ ਉਹ ਬਹੁਤ ਥੱਕ ਗਿਆ ਸੀ | ਸੁਧਾ ਵੀ ਘਰ 'ਚ ਨਹੀਂ ਸੀ, ਉਸ ਦੀ ਦੇਖਭਾਲ ਕਰਨ ਵਾਲੀ | ਉਸ ਦਿਨ ਉਹ ਰਾਤ ਦੀ ਫਲਾਇੰਗ ਤੋਂ ਬਾਅਦ ਘਰ ਆਇਆ ਸੀ ਤੇ ਜਿਵੇਂ ਹੀ ਬਾਥਰੂਮ ਵਿਚ ਗਿਆ ਉਸ ਨੂੰ ਚੱਕਰ ਆ ਗਿਆ ਤੇ ਉਪਰ ਸਿੰਕ ਦੇ ਉਪਰ ਡਿਟਰਜੈਂਟ ਪਿਆ ਸੀ ਤੇ ਡਿੱਗਦੇ ਟਾਈਮ ਉਸ ਦਾ ਹੱਥ ਉਸ 'ਤੇ ਜਾ ਪਿਆ ਤੇ ਉਹ ਦਾੜ ਕਰਕੇ ਫਰਸ਼ 'ਤੇ ਜਾ ਪਿਆ | ਆਵਾਜ਼ ਸੁਣ ਕੇ ਉਸ ਦਾ ਸਹਾਇਕ ਭੱਜ ਕੇ ਆਇਆ ਤੇ ਸਾਹਿਬ ਨੂੰ ਡਿੱਗੇ ਹੋਏ ਦੇਖ ਕੇ ਘਬਰਾ ਕੇ ਨਾਲ ਵਾਲੇ ਅਫ਼ਸਰ ਦੇ ਘਰ ਜਾ ਕੇ ਉਸ ਨੂੰ ਬੁਲਾਇਆ | ਉਹ ਟੂ.ਆਈ.ਸੀ. ਸੀ. ਤੇ ਸੁਧਾਰ ਤੋਂ ਜਲਦਾ ਸੀ | ਉਸ ਨੇ ਝਟਪਟ ਆਪਣੇ ਵੱਲ ਦੇ 2-3 ਅਫ਼ਸਰਾਂ ਨੂੰ ਬੁਲਾ ਕੇ ਪੂਰੀ ਸਿਚੂਏਸ਼ਨ ਤਿਆਰ ਕਰ ਲਈ | ਕੁਝ ਅਜਿਹੀਆਂ ਨਿਸ਼ਾਨੀਆਂ ਸੁਧੀਰ ਦੇ ਆਸ-ਪਾਸ ਰੱਖ ਦਿੱਤੀਆਂ, ਜਿਵੇਂ ਫਿਨਾਇਲ ਦੀ ਬੋਤਲ, ਉਸ ਦਾ ਖੁੱਲਿ੍ਹਆ ਹੋਇਆ ਢੱਕਣ ਤੇ ਢੇਰ ਸਾਰੀ ਫਿਨਾਇਲ ਉਸ ਦੇ ਚਿਹਰੇ 'ਤੇ ਲੱਗੀ ਹੋਈ, ਕੁਝ ਆਸ-ਪਾਸ ਗਿਰੀ ਹੋਈ ਤੇ ਹੱਥ ਉਤੇ ਡੀਟਰਜੈਂਟ ਦਾ ਪਾਊਡਰ, ਉਸ ਨੇ ਸਭ ਨੂੰ ਦਿਖਾ ਦਿੱਤਾ ਤੇ ਝਟਪਟ ਐਾਬੂਲੈਂਸ ਬੁਲਾ ਕੇ ਉਸ ਨੂੰ ਐਮ.ਆਈ. ਰੂਮ ਵਿਚ ਸ਼ਿਫਟ ਕਰ ਦਿੱਤਾ ਤੇ ਫਿਰ ਕੋਰੀਅਰ (ਜਹਾਜ਼) ਰਾਹੀਂ ਹੇਠਾਂ ਵੱਡੇ ਹਸਪਤਾਲ ਵਿਚ ਪਹੁੰਚਾ ਦਿੱਤਾ ਤੇ ਸਭ ਨੇ ਮਿਲ ਕੇ ਇਕੋ ਜਿਹੀ ਸਟੇਟਮੈਂਟ ਦਿੱਤੀ ਕਿ ਸੁਧੀਰ ਨੇ ਆਤਮ-ਹੱਤਿਆ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਤੇ ਸਾਰੀਆਂ ਨਿਸ਼ਾਨੀਆਂ ਦਿਖਾ ਕੇ ਸਭ ਨੂੰ ਯਕੀਨ ਵੀ ਦੁਆ ਦਿੱਤਾ ਤੇ ਕਿਹਾ ਕਿ ਉਹ ਤਾਂ ਅਸੀਂ ਟਾਈਮ 'ਤੇ ਪਹੁੰਚ ਕੇ ਉਸ ਨੂੰ ਬਚਾਅ ਲਿਆ ਨਹੀਂ ਤਾਂ ਪਤਾ ਨਹੀਂ ਕੀ ਹੋ ਜਾਣਾ ਸੀ |
ਖ਼ੈਰ, ਬਿ੍ਗੇਡੀਅਰ ਸਰੀਨ (ਸੁਧਾਰ ਦੇ ਪਾਪਾ) ਦੀ ਮਿਹਨਤ ਸਦਕਾ ਸਚਾਈ ਜਦ ਸਬੰਧਤ ਏਜੰਸੀ ਦੇ ਸਾਹਮਣੇ ਰੱਖੀ ਗਈ ਤਾਂ ਇਸ ਕੇਸ ਦੀ ਬਾਕਾਇਦਾ ਇਨਕੁਆਰੀ ਹੋਈ ਤੇ ਪੂਰਾ ਸੱਚ ਉਜਾਗਰ ਹੋ ਗਿਆ ਕਿ ਕਿਸ ਤਰ੍ਹਾਂ ਇਕ ਚੰਗੇ ਭਲੇ ਬ੍ਰਾਈਟ ਅਫ਼ਸਰ ਨੂੰ (ਸਿਰਫ਼ ਨੀਚਾ ਦਿਖਾਉਣ ਲਈ ਹੀ ਇਹ ਸਾਜ਼ਿਸ਼ ਰਚੀ ਗਈ ਸੀ | ਕਿਉਂਕਿ ਉਹ ਗ਼ਲਤ ਲੋਕਾਂ ਦੀ ਜੀ-ਹਜ਼ੂਰੀ ਨਹੀਂ ਸੀ ਕਰਦਾ, ਸਿਰਫ਼ ਆਪਣੇ ਕੰਮ ਤੇ ਡਿਊਟੀ ਵੱਲ ਹੀ ਧਿਆਨ ਦਿੰਦਾ ਸੀ | ਸੋ, ਇਨਕੁਆਰੀ ਦੀ ਰਿਪੋਰਟ ਆਉਣ 'ਤੇ ਸੁਧੀਰ ਲਈ ਸਭ ਕੁਝ ਪਹਿਲੇ ਵਰਗਾ ਹੀ ਹੋ ਗਿਆ ਤੇ ਉਸ ਦੀ ਲੋ-ਮੈਡੀਕਲ ਕੈਟੇਗਿਰੀ ਵੀ ਅੱਪ ਹੋ ਗਈ ਤੇ ਉਨ੍ਹਾਂ ਅਫ਼ਸਰਾਂ ਦਾ ਕੇਸ ਵੀ ਆਰਮੀ ਹੈੱਡਕੁਆਰਟਰ ਵਿਚ ਪਹੁੰਚ ਗਿਆ | ਇਸ ਘਟਨਾ ਨੂੰ ਬੀਤਿਆਂ ਭਾਵੇਂ ਕਾਫੀ ਸਾਲ ਬੀਤ ਗਏ ਪਰ ਸੁਧੀਰ ਅਜੇ ਵੀ ਕਈ ਵਾਰੀ ਉਹ ਸਾਰਾ ਕੁਝ ਯਾਦ ਕਰਕੇ ਰਾਤ ਨੂੰ ਘਬਰਾ ਕੇ ਉੱਠ ਜਾਂਦਾ ਹੈ ਤੇ ਫਿਰ ਸਾਰੀ ਰਾਤ ਉਸ ਦੀ ਜਾਗਦਿਆਂ ਲੰਘ ਜਾਂਦੀ ਹੈ |
...ਤੇ ਬਿ੍ਗੇਡੀਅਰ ਸਰੀਨ? ਉਹ ਇਹ ਸੋਚ-ਸੋਚ ਕੇ ਬਹੁਤ ਪ੍ਰੇਸ਼ਾਨ ਤੇ ਦੁਖੀ ਹੋ ਗਏ ਹਨ ਕਿ ਹੁਣ ਤੱਕ ਇਕ ਫ਼ੌਜ ਹੀ ਸੀ, ਜੋ ਇਸ ਤਰ੍ਹਾਂ ਦੀ ਬੁਰਾਈ ਤੋਂ ਬਚੀ ਹੋਈ ਸੀ ਪਰ ਹੁਣ ਇਸ ਬੁਰਾਈ ਦੇ ਕੀਟਾਣੂ ਇਸ ਵਿਚ ਵੀ ਪ੍ਰਵੇਸ਼ ਕਰ ਗਏ ਹਨ ਤੇ ਕਈ ਪੀੜ੍ਹੀਆਂ ਤੋਂ ਉਨ੍ਹਾਂ ਦੇ ਪਰਿਵਾਰ ਵਿਚ ਚਲੀ ਆਈ ਫ਼ੌਜੀ ਨੌਕਰੀ 'ਤੇ ਅੱਗੋਂ ਇਕ ਸੁਆਲੀਆ ਨਿਸ਼ਾਨ ਲੱਗ ਗਿਆ ਹੈ ਕਿ, 'ਕੀ ਉਹ ਆਪਣੇ ਪੋਤੇ ਨੂੰ ਇੰਡੀਅਨ ਆਰਮੀ ਵਿਚ ਭੇਜਣਗੇ ਜਾਂ ਨਹੀਂ?' (ਸਮਾਪਤ)

-ਮਕਾਨ ਨੰਬਰ : 1682-7 ਫੇਜ਼, ਮੋਹਾਲੀ (ਪੰਜਾਬ) |
ਮੋਬਾਈਲ : 99881-52523.

ਮਿੰਨੀ ਕਹਾਣੀ: ਸ਼ਰਧਾਲੂ


ਉਹ ਮਹਾਨ ਧਾਰਮਿਕ ਅਸਥਾਨ ਦੇ ਦਰਸ਼ਨ ਦੀਦਾਰਿਆਂ ਪਿਛੋਂ ਰੇਲ ਗੱਡੀ ਦੁਆਰਾ ਵਾਪਸ ਘਰ ਪਰਤ ਰਿਹਾ ਸੀ |
ਇਸ ਵਾਰ ਇਹ ਇਕੱਠ, ਇਕ ਇਤਿਹਾਸਕ ਤੇ ਯਾਦਗਾਰੀ ਇਕੱਠ ਸੀ | ਜਿਸ ਦੀ ਹਰ ਗੱਲ ਨੇ ਉਸ ਨੂੰ ਬੇਹੱਦ ਪ੍ਰਭਾਵਿਤ ਕੀਤਾ ਸੀ | ਅੰਤਲੇ ਦਿਨ ਉਹਨੇ ਆਪਣੇ ਘਰ ਤੇ ਸਬੰਧੀਆਂ ਲਈ ਚੋਖੀ ਮਾਤਰਾ ਵਿਚ ਪਿੰਨੀ ਪ੍ਰਸ਼ਾਦਿ ਵੀ ਲੈ ਲਿਆ ਸੀ |
ਸੰਗਤਾਂ ਦੇ ਵੱਡੇ ਇਕੱਠ ਵਿਚ ਲੱਗੀਆਂ ਕਤਾਰਾਂ ਵਿਚ ਖਲੋ ਕੇ ਉਹਨੇ ਇਹ ਪ੍ਰਸ਼ਾਦਿ ਪ੍ਰਾਪਤ ਕੀਤਾ ਸੀ | ਉਹਨੂੰ ਮਾਨਸਿਕ ਸੰਤੁਸ਼ਟੀ ਸੀ ਕਿ ਉਹ ਸਾਰਿਆਂ ਲਈ ਮਹਾਨ ਤੀਰਥ ਅਸਥਾਨ ਤੋਂ ਗੁਰੂ ਦਾ ਪ੍ਰਸ਼ਾਦਿ ਵੀ ਲੈ ਕੇ ਜਾ ਰਿਹਾ ਸੀ |
ਜਦੋਂ ਗੱਡੀ ਇਤਿਹਾਸਕ ਸਥਾਨ ਤੋਂ ਤੁਰੀ ਤਾਂ ਸੰਗਤਾਂ ਦੇ ਜੈਕਾਰਿਆਂ ਨੇ ਸ਼ਰਧਾ ਤੇ ਪਿਆਰ ਦਾ ਇਕ ਅਲੌਕਿਕ ਦਿ੍ਸ਼ ਵੀ ਪੇਸ਼ ਕੀਤਾ ਸੀ | ਗੱਡੀ ਕਈ ਸਟੇਸ਼ਨ ਲੰਘ ਚੁੱਕੀ ਸੀ | ਸਾਰੇ ਸੰਗੀ ਹੁਣ ਆਪਣੀਆਂ ਗੱਲਾਂ ਵਿਚ ਰੱੁਝ ਚੁੱਕੇ ਸਨ | ਸਾਰਿਆਂ ਦੀ ਇਕ ਗੱਲ ਸਾਂਝੀ ਸੀ ਕਿ ਉਹ ਆਉਂਦੇ ਹੋਏ, ਭੀੜ ਤੇ ਵੱਡੇ ਇਕੱਠ ਕਾਰਨ ਪ੍ਰਸ਼ਾਦਿ ਲੈਣ ਤੋਂ ਵਿਰਵੇ ਰਹਿ ਗਏ ਸਨ |
ਸ਼ਰਧਾਲੂ ਦੇ ਦਿਲ ਵਿਚ ਆਇਆ ਕਿ ਉਹ ਚੋਖੀ ਮਾਤਰਾ ਵਿਚ ਲਿਆਂਦਾ ਪ੍ਰਸ਼ਾਦਿ ਕਿਉਂ ਨਾ ਸਾਰਿਆਂ ਨੂੰ ਵੰਡ ਦੇਵੇ ਤੇ ਉਨ੍ਹਾਂ ਦੇ ਮਨਾਂ ਦੀ ਸੰਤੁਸ਼ਟੀ ਪ੍ਰਾਪਤ ਕਰੇ |
ਅਗਲੇ ਹੀ ਪਲ ਉਹਨੇ ਆਪਣੀ ਗਠੜੀ ਵਿਚੋਂ ਸਾਰਾ ਪ੍ਰਸ਼ਾਦਿ ਕੱਢਿਆ ਤੇ ਸਾਰੇ ਹੀ ਲੋੜਵੰਦਾਂ ਵਿਚ ਵੰਡ ਦਿੱਤਾ ਸੀ |
ਹੁਣ ਉਹਨੂੰ ਖ਼ੁਸ਼ੀ ਤੇ ਤਸੱਲੀ ਸੀ ਕਿ ਉਹਦੇ ਗੁਰੂ ਨੇ ਵੀ ਕਦੇ ਇਹੋ ਰਾਹ ਅਪਣਾਇਆ ਸੀ ਤੇ ਲੋੜਵੰਦਾਂ ਦੀ ਲੋੜ ਪੂਰੀ ਕੀਤੀ ਸੀ | ਅੱਜ ਉਹਦਾ ਸੇਵਕ ਤੇ ਸ਼ਰਧਾਲੂ ਵੀ ਕਿੰਨਿਆਂ ਸੇਵਕਾਂ ਤੇ ਸ਼ਰਧਾਲੂਆਂ ਦੀ ਲੋੜ ਪੂਰੀ ਕਰ ਰਿਹਾ ਸੀ |
ਭਾਵੇਂ ਉਸ ਦੀ ਗੱਠੜੀ ਹੁਣ ਖਾਲੀ ਸੀ ਪਰ ਉਸ ਦਾ ਮਨ ਸੇਵਾ, ਸਤਿਕਾਰ, ਮੁਹੱਬਤ ਤੇ ਸ਼ਰਧਾ ਨਾਲ ਭਰਿਆ ਪਿਆ ਸੀ |







Website & Contents Copyright © Sadhu Singh Hamdard Trust, 2002-2017.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX