ਤਾਜਾ ਖ਼ਬਰਾਂ


ਸਹਾਰਨਪੁਰ : ਹਿੰਸਾ 'ਤੇ ਕਾਬੂ ਪਾਉਣ ਤੱਕ ਇੰਟਰਨੈੱਟ ਸਰਵਿਸ ਬੰਦ
. . .  20 minutes ago
ਸਹਾਰਨਪੁਰ, 24 ਮਈ- ਉੱਤਰ ਪ੍ਰਦੇਸ਼ ਦੇ ਸਹਾਰਨਪੁਰ 'ਚ ਦੋ ਜਾਤੀਆਂ ਵਿਚਾਲੇ ਹੋਈ ਹਿੰਸਾ ਕਾਰਨ ਇੱਥੇ ਸਥਿਤੀ ਤਣਾਅ ਵਾਲੀ ਬਣੀ ਹੋਈ ਹੈ। ਪ੍ਰਸ਼ਾਸਨ ਵੱਲੋਂ ਹਿੰਸਾ 'ਤੇ ਕਾਬੂ ਪਾਉਣ ਤੱਕ ਇੱਥੇ ਇੰਟਰਨੈੱਟ, ਐੱਸ.ਐਮ.ਐੱਸ...
ਜੰਮੂ-ਕਸ਼ਮੀਰ : ਪੁਲਿਸ ਕੈਂਪ 'ਤੇ ਅੱਤਵਾਦੀ ਹਮਲਾ, 3 ਨਾਗਰਿਕ ਜ਼ਖ਼ਮੀ
. . .  29 minutes ago
ਸ਼ੋਪੀਆਂ, 24 ਮਈ- ਅੱਤਵਾਦੀਆਂ ਨੇ ਇੱਥੇ ਪੁਲਿਸ ਕੈਂਪ 'ਚ ਹਮਲਾ ਕੀਤਾ ਹੈ। ਇਸ ਹਾਦਸੇ 'ਚ 3 ਨਾਗਰਿਕ ਦੇ ਜ਼ਖ਼ਮੀ ਹੋਣ...
ਹਵਾਈ ਅੱਡੇ ਤੋਂ 5 ਜਿੰਦਾ ਕਾਰਤੂਸਾਂ ਸਮੇਤ ਅਮਰੀਕੀ ਨਾਗਰਿਕ ਕਾਬੂ
. . .  about 1 hour ago
ਰਾਜਾਸਾਂਸੀ, 24 ਮਈ (ਹੇਰ)- ਸੀ.ਆਈ.ਐੱਸ.ਐਫ. ਨੇ ਸ੍ਰੀ ਗੁਰੂ ਰਾਮਦਾਸ ਹਵਾਈ ਅੱਡਾ ਰਾਜਾਸਾਂਸੀ ਤੋਂ ਇੱਕ ਅਮਰੀਕੀ ਨਾਗਰਿਕ ਨੂੰ 5 ਜਿੰਦਾ ਕਾਰਤੂਸਾਂ ਸਮੇਤ ਕਾਬੂ ਕੀਤਾ ਹੈ। ਸੁਰੱਖਿਆ ਅਧਿਕਾਰੀ ਇਸ ਮਾਮਲੇ...
29 ਮਈ ਨੂੰ ਚਾਰ ਦੇਸ਼ਾਂ ਦੀ ਯਾਤਰਾ 'ਤੇ ਜਾਣਗੇ ਪ੍ਰਧਾਨ ਮੰਤਰੀ ਮੋਦੀ
. . .  about 1 hour ago
ਨਵੀਂ ਦਿੱਲੀ, 24 ਮਈ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 29 ਮਈ ਤੋਂ ਚਾਰ ਦੇਸ਼ਾਂ ਦੀ ਯਾਤਰਾ 'ਤੇ ਜਾਣਗੇ। ਪ੍ਰਧਾਨ ਮੰਤਰੀ 3 ਜੂਨ ਤੱਕ ਰੂਸ, ਜਰਮਨੀ, ਫਰਾਂਸ ਤੇ ਸਪੇਨ ਦਾ ਦੌਰਾ...
ਕੈਬਿਨਟ ਵੱਲੋਂ ਗ੍ਰੇਟਰ ਨੌਇਡਾ ਮੈਟਰੋ ਪ੍ਰਾਜੈਕਟ ਨੂੰ ਦਿੱਤੀ ਮਨਜ਼ੂਰੀ
. . .  about 2 hours ago
ਨਵੀਂ ਦਿੱਲੀ, 24 ਮਈ- ਕੇਂਦਰ ਸਰਕਾਰ ਨੇ ਗ੍ਰੇਟਰ ਨੌਇਡਾ ਮੈਟਰੋ ਰੇਲ ਪ੍ਰਾਜੈਕਟ ਨੂੰ ਮਨਜ਼ੂਰੀ ਦਿੱਤੀ ਹੈ। 29.707 ਕਿੱਲੋਮੀਟਰ ਲੰਬੇ ਇਸ ਪ੍ਰਾਜੈਕਟ 'ਤੇ 5.503 ਕਰੋੜ ਰੁਪਏ ਖਰਚੇ ਜਾਣਗੇ। ਇਸ ਦੇ ਨਾਲ ਹੀ ਕੇਂਦਰੀ ਕੈਬਿਨਟ ਨੇ ਆਸਾਮ 'ਚ ਏਮਜ਼...
ਨੀਟ ਦੇ ਨਤੀਜਿਆਂ 'ਤੇ ਹਾਈ ਕੋਰਟ ਦਾ ਸਟੇਅ
. . .  about 2 hours ago
ਮਦਰਾਸ, 24 ਮਈ- ਮਦਰਾਸ ਹਾਈ ਕੋਰਟ ਦੇ ਬੈਂਚ ਨੇ ਨੀਟ ਦੀ ਪ੍ਰੀਖਿਆ ਦੇ ਨਤੀਜਿਆਂ ਦੇ ਐਲਾਨ ਕਰਨ 'ਤੇ ਰੋਕ ਲਗਾ...
ਮਮਤਾ ਬੈਨਰਜੀ ਕੱਲ੍ਹ ਕਰਨਗੇ ਪ੍ਰਧਾਨ ਮੰਤਰੀ ਨਾਲ ਮੁਲਾਕਾਤ
. . .  about 2 hours ago
ਨਵੀਂ ਦਿੱਲੀ, 24 ਮਈ- ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਕੱਲ੍ਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕਰਨਗੇ। ਇਹ ਮੁਲਾਕਾਤ ਦੁਪਹਿਰ...
ਲੁਟੇਰਿਆਂ ਦੀਆਂ ਅੱਖਾਂ 'ਚ ਮਿਰਚਾਂ ਪਾ ਕੇ ਲੁੱਟ ਦੀ ਕੋਸ਼ਿਸ਼ ਕੀਤੀ ਨਾਕਾਮ
. . .  about 3 hours ago
ਸ਼ੋਪੀਆਂ, 24 ਮਈ- ਜੰਮੂ-ਕਸ਼ਮੀਰ ਦੇ ਸ਼ੋਪੀਆਂ 'ਚ ਜੇ.ਐਂਡ.ਕੇ.ਬੈਂਕ ਦੇ ਸੁਰੱਖਿਆ ਗਾਰਡ ਨੇ ਲੁੱਟ ਦੀ ਕੋਸ਼ਿਸ਼ ਨੂੰ ਨਾਕਾਮਯਾਬ ਕਰ ਦਿੱਤਾ। ਗਾਰਡ ਨੇ ਲੁਟੇਰਿਆਂ ਦੀਆਂ ਅੱਖਾਂ 'ਚ ਮਿਰਚਾਂ ਪਾ ਕੇ ਲੁੱਟ ਦੀ ਕੋਸ਼ਿਸ਼...
ਲਖਵਿੰਦਰ ਜੌਹਲ ਬਣੇ ਜਲੰਧਰ ਪ੍ਰੈੱਸ ਕਲੱਬ ਦੇ ਪ੍ਰਧਾਨ
. . .  about 3 hours ago
ਜਲਾਲਾਬਾਦ ਤੋਂ ਦੋ ਬੱਚੇ ਲਾਪਤਾ
. . .  about 3 hours ago
ਹੋਰ ਖ਼ਬਰਾਂ..
  •     Confirm Target Language  

ਨਾਰੀ ਸੰਸਾਰ

ਗਰਮੀਆਂ ਵਿਚ ਇੰਜ ਮਹਿਕਦੇ ਰਹੋ

ਗਰਮੀਆਂ ਵਿਚ ਪਸੀਨੇ ਦੀ ਬਦਬੂ ਇਕ ਆਮ ਸਮੱਸਿਆ ਹੈ। ਅਜਿਹੇ ਵਿਚ ਤਾਜ਼ਗੀ ਅਤੇ ਮਹਿਕਦੇ ਅਹਿਸਾਸ ਲਈ ਫੁੱਲਾਂ ਅਤੇ ਖੱਟੇ ਫਲਾਂ ਦੇ ਮਹਿਕ ਵਾਲੇ ਇਤਰ ਦੀ ਵਰਤੋਂ ਤੁਹਾਡੇ ਦਿਲੋ-ਦਿਮਾਗ ਨੂੰ ਵੀ ਸਕੂਨ ਦੇਵੇਗੀ।
ਔਰਤਾਂ ਲਈ
* ਔਰਤਾਂ ਲਈ ਫੁੱਲਾਂ ਦੀ ਖੁਸ਼ਬੂ ਵਾਲੇ ਜਾਂ ਵੱਖ-ਵੱਖ ਫਲਾਂ ਨਾਲ ਤਿਆਰ ਇਤਰ ਚੰਗੇ ਹੁੰਦੇ ਹਨ। ਫੁੱਲਾਂ ਦੀ ਖੁਸ਼ਬੂ ਵਾਲੇ ਇਤਰ ਤੁਹਾਨੂੰ ਖੁਸ਼ਨੁਮਾ ਮਾਹੌਲ ਅਤੇ ਤਾਜ਼ਗੀ ਦਾ ਅਹਿਸਾਸ ਕਰਾਉਂਦੇ ਹਨ।
* ਫਲਾਂ ਨਾਲ ਤਿਆਰ ਇਤਰ ਗਰਮੀਆਂ ਵਿਚ ਲਗਾਉਣ ਲਈ ਸਭ ਤੋਂ ਯੋਗ ਮੰਨੇ ਜਾਂਦੇ ਹਨ। ਫੁੱਲਾਂ ਵਾਲੇ ਇਤਰ ਦੇ ਮੁਕਾਬਲੇ ਇਨ੍ਹਾਂ ਦੀ ਖੁਸ਼ਬੂ ਹਲਕੀ ਅਤੇ ਮੱਧਮ ਹੁੰਦੀ ਹੈ, ਜੋ ਹੁੰਮਸ ਭਰੇ ਮੌਸਮ ਵਿਚ ਤੁਹਾਡੇ ਲਈ ਬਿਹਤਰ ਹੈ।
* ਰੋਜ਼ਮੈਰੀ, ਲੈਵੈਂਡਰ, ਕਿਊਮਿਨ (ਜ਼ੀਰਾ), ਕਪੂਰ ਅਤੇ ਹੋਰ ਬਨਸਪਤੀਆਂ ਨਾਲ ਤਿਆਰ ਸੁਗੰਧਿਤ ਇਤਰ ਤੁਹਾਨੂੰ ਅਨੋਖੀ ਤਾਜ਼ਗੀ ਅਤੇ ਖੁਸ਼ਬੂ ਦੇ ਅਹਿਸਾਸ ਨਾਲ ਸਰੋਬਾਰ ਕਰਦੇ ਹਨ। ਇਹ ਖੱਟੇ ਅਤੇ ਤੇਜ਼ ਰੂਪ ਵਿਚ ਪੈਕ ਕੀਤੇ ਜਾਂਦੇ ਹਨ। ਗਰਮੀਆਂ ਵਿਚ ਏਰੋਮੈਟਿਕ (ਸੁਗੰਧਿਤ) ਇਤਰ ਤੁਹਾਡੇ ਲਈ ਬਿਹਤਰ ਸਾਬਤ ਹੋਣਗੇ।
* ਵੁਡੀ ਇਤਰ ਹਲਕੀ ਅਤੇ ਭੀਨੀ ਖੁਸ਼ਬੂ ਵਾਲੇ ਹੁੰਦੇ ਹਨ, ਖੱਟੇ ਫਲਾਂ ਦੇ ਰਸ ਨਾਲ ਯੁਕਤ ਵੁਡੀ ਇਤਰ ਵੀ ਗਰਮੀਆਂ ਵਿਚ ਤੁਹਾਡੇ ਲਈ ਯੋਗ ਸਾਬਤ ਹੋ ਸਕਦੇ ਹਨ।
ਮਰਦਾਂ ਲਈ
* ਨਿੰਬੂ, ਸੰਤਰਾ, ਨਾਰੰਗੀ, ਚਕੋਤਰਾ, ਲੈਮਨ ਗ੍ਰਾਸ ਅਤੇ ਮਿੰਟ ਨੋਟਸ ਆਦਿ ਨਾਲ ਤਿਆਰ ਇਤਰ ਤੁਹਾਨੂੰ ਤਾਜ਼ਗੀ ਦਾ ਅਹਿਸਾਸ ਕਰਾਉਂਦੇ ਹਨ ਅਤੇ ਗਰਮੀਆਂ ਦੇ ਦਿਨਾਂ ਵਿਚ ਇਸ ਦੀ ਮਹਿਕ ਦੇ ਨਾਲ ਤੁਸੀਂ ਬਿਹਤਰ ਅਨੁਭਵ ਕਰ ਸਕਦੇ ਹੋ।
* ਇਕਵੈਟਿਕ (ਜਲੀਯ) ਇਤਰ ਕਈ ਮਿਨਰਲਸ ਨਾਲ ਭਰਪੂਰ ਜਲ ਦੇ ਗੁਣਾਂ ਨਾਲ ਭਰਪੂਰ ਹੁੰਦੇ ਹਨ। ਇਨ੍ਹਾਂ ਵਿਚੋਂ ਸਵੱਛ ਅਤੇ ਤਾਜ਼ਗੀ ਭਰੀ ਮਹਿਕ ਦਾ ਮਿਸ਼ਰਣ ਹੁੰਦਾ ਹੈ। ਇਸ ਦਾ ਵਰਗੀਕਰਨ ਆਮ ਤੌਰ 'ਤੇ ਪਰੰਪਰਿਕ ਰੂਪ ਨਾਲ ਤਾਜ਼ੇ ਜਾਂ ਫੁੱਲਾਂ ਦੇ ਮਿਸ਼ਰਣ ਨਾਲ ਤਿਆਰ ਕੀਤੇ ਗਏ ਇਤਰ ਦੇ ਤੌਰ 'ਤੇ ਕੀਤਾ ਜਾਂਦਾ ਹੈ।
* ਸਪਾਈਸੀ ਇਤਰ ਦੀ ਖੁਸ਼ਬੂ ਬਹੁਤ ਤੇਜ਼ ਹੁੰਦੀ ਹੈ ਅਤੇ ਜ਼ਿਆਦਾ ਗਰਮੀ ਅਤੇ ਹੁੰਮਸ ਵਿਚ ਇਸ ਨੂੰ ਜ਼ਿਆਦਾ ਲਗਾਉਣਾ ਠੀਕ ਨਹੀਂ ਹੁੰਦਾ। ਇਸ ਦੀ ਖੁਸ਼ਬੂ ਜ਼ਿਆਦਾ ਦੇਰ ਤੱਕ ਬਰਕਰਾਰ ਰਹਿੰਦੀ ਹੈ ਅਤੇ ਇਸ ਦੀ ਹਲਕੀ ਖੁਸ਼ਬੂ ਹੀ ਲੋੜੀਂਦੀ ਹੁੰਦੀ ਹੈ। ਇਸ ਲਈ ਇਸ ਨੂੰ ਘੱਟ ਮਾਤਰਾ ਵਿਚ ਹੀ ਲਗਾਓ।


ਖ਼ਬਰ ਸ਼ੇਅਰ ਕਰੋ

ਬੱਚੇ ਲਈ ਸਹਾਇਕ ਰੱਖੋ ਪਰ ਸਾਵਧਾਨੀ ਵਰਤੋ

* ਬੱਚੇ ਲਈ ਸਹਾਇਕ ਦੀ ਨਿਯੁਕਤੀ ਤੋਂ ਪਹਿਲਾਂ ਨਜ਼ਦੀਕੀ ਥਾਣੇ ਵਿਚ ਉਸ ਦਾ ਰਿਕਾਰਡ ਜ਼ਰੂਰ ਦਰਜ ਕਰਵਾਓ।
* ਇਹ ਠੀਕ ਹੈ ਕਿ ਤੁਸੀਂ ਬੱਚੇ ਲਈ ਸਹਾਇਕ ਨੂੰ ਉਸ ਦੇ ਕੰਮ ਬਦਲੇ ਪੈਸੇ ਦਿੰਦੇ ਹੋ, ਫਿਰ ਵੀ ਤੁਸੀਂ ਉਸ ਨੂੰ ਨੌਕਰਾਣੀ ਨਾ ਮੰਨੋ, ਕਿਉਂਕਿ ਤੁਹਾਡੀ ਗ਼ੈਰ-ਹਾਜ਼ਰੀ ਵਿਚ ਉਹ ਤੁਹਾਡੇ ਬੱਚੇ ਦੀ ਸਾਂਭ-ਸੰਭਾਲ ਕਰਨ ਵਰਗੀ ਮਹੱਤਵਪੂਰਨ ਜ਼ਿੰਮੇਵਾਰੀ ਚੁੱਕ ਰਹੀ ਹੁੰਦੀ ਹੈ, ਉਹ ਝਾੜੂ-ਪੋਚਾ ਕਰਨ ਵਰਗਾ ਰੁਟੀਨ ਦਾ ਕੰਮ ਨਹੀਂ ਕਰਦੀ। ਇਸ ਲਈ ਉਸ ਦੇ ਪ੍ਰਤੀ ਆਪਣੀ ਮਾਨਸਿਕਤਾ ਸਕਾਰਾਤਮਿਕ ਅਤੇ ਵਿਵਹਾਕ ਠੀਕ ਰੱਖੋ।
* ਸਹਾਇਕ ਦੇ ਨਾਲ ਬੱਚੇ ਨੇ ਕਈ ਘੰਟੇ ਬਿਤਾਉਣੇ ਹੁੰਦੇ ਹਨ, ਇਸ ਲਈ ਧਿਆਨ ਦਿਓ ਕਿ ਸਹਾਇਕ ਸਾਫ਼-ਸਫ਼ਾਈ ਦਾ ਧਿਆਨ ਰੱਖੇ ਅਤੇ ਉਸ ਨੂੰ ਕਿਸੇ ਤਰ੍ਹਾਂ ਦੀ ਗੰਭੀਰ ਜਾਂ ਸੰਕ੍ਰਾਮਕ ਬਿਮਾਰੀ ਨਾ ਹੋਵੇ, ਨਹੀਂ ਤਾਂ ਬੱਚੇ ਦੇ ਸੰਕ੍ਰਮਿਤ ਹੋਣ ਦਾ ਖ਼ਤਰਾ ਰਹੇਗਾ, ਕਿਉਂਕਿ ਛੋਟੇ ਬੱਚਿਆਂ ਵਿਚ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਘੱਟ ਹੁੰਦੀ ਹੈ।
* ਬੱਚੇ ਲਈ ਸਹਾਇਕ ਦੇ ਆਉਣ ਤੋਂ ਬਾਅਦ ਜੇ ਬੱਚੇ ਦੇ ਵਿਵਹਾਰ, ਸਿਹਤ ਅਤੇ ਆਦਤਾਂ ਵਿਚ ਫਰਕ ਆ ਜਾਵੇ ਤਾਂ ਸਾਵਧਾਨ ਹੋ ਜਾਓ ਅਤੇ ਇਸ ਦੀ ਵਜ੍ਹਾ ਪਤਾ ਕਰੋ।
* ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਸਹਾਇਕ ਤੁਹਾਡੇ ਬੱਚੇ ਨੂੰ ਆਪਣੇ ਬੱਚੇ ਵਾਂਗ ਪਿਆਰ ਕਰੇ ਤਾਂ ਜ਼ਰੂਰੀ ਹੈ ਕਿ ਤੁਸੀਂ ਵੀ ਸਹਾਇਕ ਨੂੰ ਆਪਣਾ ਸਮਝੋ। ਤੁਸੀਂ ਉਸ ਦੀਆਂ ਪ੍ਰੇਸ਼ਾਨੀਆਂ-ਮੁਸ਼ਕਿਲਾਂ ਨੂੰ ਵੀ ਸਮਝੋ ਅਤੇ ਜੇਕਰ ਉਹ ਕਦੇ ਛੇਤੀ ਜਾਣਾ ਚਾਹੇ ਤਾਂ ਜਾਣ ਦਿਓ। ਕਦੇ-ਕਦਾਈਂ ਦੇਰ ਨਾਲ ਆਵੇ ਜਾਂ ਕੋਈ ਗ਼ਲਤੀ ਕਰੇ ਤਾਂ ਉਸ ਨੂੰ ਮੁਆਫ਼ ਕਰ ਦਿਓ। ਹਮੇਸ਼ਾ ਪਿਆਰ ਨਾਲ ਅਤੇ ਸਨਮਾਨ ਨਾਲ ਗੱਲ ਕਰੋ।
* ਬੱਚੇ ਲਈ ਸਹਾਇਕ ਨੂੰ ਤੁਸੀਂ ਬੱਚੇ ਦੇ ਕੰਮ ਲਈ ਰੱਖਿਆ ਹੈ ਤਾਂ ਸਿਰਫ ਉਹੀ ਕਰਵਾਓ। ਭਾਂਡੇ ਮਾਂਜਣ, ਝਾੜੂ ਲਗਾਉਣ ਵਰਗੇ ਕੰਮਾਂ ਲਈ ਉਸ ਨੂੰ ਨਾ ਕਹੋ। ਜੇਕਰ ਤੁਸੀਂ ਉਸ ਨੂੰ ਦਿਨ ਭਰ ਕੰਮ ਵਿਚ ਲਗਾਈ ਰੱਖੋਗੇ ਤਾਂ ਉਹ ਚਿੜਚਿੜੀ ਹੋ ਜਾਵੇਗੀ ਅਤੇ ਆਪਣੀ ਖਿਝ ਅਤੇ ਗੁੱਸਾ ਬੱਚੇ 'ਤੇ ਕੱਢੇਗੀ।
* ਬੱਚੇ ਲਈ ਸਹਾਇਕ ਨੂੰ ਆਪਣਾ ਅਤੇ ਪਤੀ ਦੇ ਦਫ਼ਤਰ ਦਾ ਫੋਨ ਨੰਬਰ ਦਿਓ। ਕਾਲੋਨੀ ਵਿਚ ਰਹਿੰਦੇ ਹੋ ਤਾਂ ਆਪਣੀ ਖਾਸ ਸਹੇਲੀ ਦਾ ਫੋਨ ਨੰਬਰ ਵੀ ਦਿਓ ਅਤੇ ਹਾਂ, ਆਪਣੇ ਫੈਮਿਲੀ ਡਾਕਟਰ ਦਾ ਫੋਨ ਨੰਬਰ ਵੀ ਦਿਓ, ਨਾਲ ਹੀ ਇਕ ਹਦਾਇਤ ਵੀ ਕਿ ਜੇਕਰ ਕਦੇ ਬੱਚੇ ਦੀ ਸਿਹਤ ਵਿਗੜੇ ਤਾਂ ਆਪਣੀ ਮਰਜ਼ੀ ਨਾਲ ਉਸ ਨੂੰ ਕੋਈ ਦਵਾਈ ਨਾ ਦੇਵੇ ਅਤੇ ਨਾ ਹੀ ਘਰੇਲੂ ਨੁਸਖੇ ਅਜ਼ਮਾਏ।
* ਆਪਣੇ ਗੁਆਂਢੀ ਜਾਂ ਸਹੇਲੀ ਨੂੰ ਘਰ ਦੇ ਬੱਚੇ ਅਤੇ ਸਹਾਇਕ 'ਤੇ ਨਜ਼ਰ ਰੱਖਣ ਨੂੰ ਕਹਿ ਜਾਓ। ਹੋ ਸਕੇ ਤਾਂ ਛੇਤੀ-ਛੇਤੀ ਸਹਾਇਕ ਨਾ ਬਦਲੋ। ਅਜਿਹਾ ਕਰਨ ਨਾਲ ਨੰਨ੍ਹੇ ਬੱਚੇ ਨੂੰ ਅਡਜਸਟਮੈਂਟ ਵਿਚ ਤਕਲੀਫ ਹੋਵੇਗੀ।
ਹਮੇਸ਼ਾ ਯਾਦ ਰੱਖੋ ਕਿ ਬੱਚੇ ਦੀ ਮਾਂ ਤੁਸੀਂ ਹੋ ਅਤੇ ਬੱਚੇ ਦੇ ਸਰੀਰਕ ਅਤੇ ਮਾਨਸਿਕ ਵਿਕਾਸ ਦੀ ਜ਼ਿੰਮੇਵਾਰੀ ਤੁਹਾਡੀ ਅਤੇ ਤੁਹਾਡੇ ਪਤੀ ਦੀ ਹੈ, ਇਸ ਲਈ ਜਦੋਂ ਵੀ ਘਰ ਵਿਚ ਰਹੋ, ਆਪਣੇ ਬੱਚੇ ਨੂੰ ਆਪਣੇ ਨਾਲ ਰੱਖੋ। ਉਸ ਦੇ ਕੰਮ ਵੀ ਖੁਦ ਕਰੋ, ਆਪਣੇ ਹੱਥਾਂ ਨਾਲ ਬਣਾਓ, ਖਵਾਓ। ਇਸ ਨਾਲ ਬੱਚੇ ਅਤੇ ਤੁਹਾਡੇ ਵਿਚਕਾਰ ਸੰਪਰਕ ਬਣਿਆ ਰਹੇਗਾ।

ਸਬਲਾ ਬਣੋ, ਅਬਲਾ ਨਹੀਂ

ਸਰੀਰਕ ਤੌਰ 'ਤੇ ਭਾਵੇਂ ਔਰਤਾਂ ਆਦਮੀਆਂ ਨਾਲੋਂ ਕਮਜ਼ੋਰ ਹੁੰਦੀਆਂ ਹਨ ਪਰ ਦਿਮਾਗੀ ਤੌਰ 'ਤੇ ਉਨ੍ਹਾਂ ਤੋਂ ਕਿਸੇ ਤਰ੍ਹਾਂ ਘੱਟ ਨਹੀਂ ਹੁੰਦੀਆਂ। ਅਸੀਂ ਦੇਖਦੇ ਹਾਂ ਕਿ ਯੂਨੀਵਰਸਿਟੀ ਜਾਂ ਬੋਰਡ ਆਦਿ ਦੇ ਇਮਤਿਹਾਨਾਂ ਵਿਚ ਅਕਸਰ ਲੜਕੀਆਂ ਬਹੁਤ ਹੀ ਵੱਧ ਨੰਬਰ ਲੈ ਕੇ ਪਾਸ ਹੁੰਦੀਆਂ ਹਨ। ਇਸੇ ਤਰ੍ਹਾਂ ਉੱਚ ਅਹੁਦਿਆਂ 'ਤੇ ਭਾਰੀ ਗਿਣਤੀ ਵਿਚ ਨਿਯੁਕਤ ਹਨ। ਪੁਲਿਸ ਹੋਵੇ ਜਾਂ ਫ਼ੌਜ, ਡਾਕਟਰ ਹੋਣ ਜਾਂ ਪਾਇਲਟ, ਸਭ ਤਰ੍ਹਾਂ ਦੇ ਵਿਭਾਗਾਂ ਵਿਚ ਕੰਮ ਕਰ ਰਹੀਆਂ ਹਨ। ਸੁਖੀ ਅਤੇ ਭੈ-ਰਹਿਤ ਜੀਵਨ ਜਿਊਣ ਲਈ ਸਭ ਤੋਂ ਪਹਿਲਾਂ ਪੜ੍ਹਾਈ ਜ਼ਰੂਰੀ ਹੈ ਅਤੇ ਪੜ੍ਹਾਈ ਤੋਂ ਬਾਅਦ ਕਿੱਤਾਮੁਖੀ ਕੋਰਸ ਕਰਨਾ ਵੀ ਜ਼ਰੂਰੀ ਹੈ, ਤਾਂ ਜੋ ਆਪਣੇ ਪੈਰਾਂ 'ਤੇ ਆਪ ਖੜ੍ਹੀਆਂ ਹੋ ਸਕਣ, ਜਿਵੇਂ ਕਿ ਬਾਹਰਲੇ ਮੁਲਕਾਂ ਵਿਚ ਔਰਤਾਂ ਅਤੇ ਮਰਦ ਸਭ ਕੰਮ ਕਰਦੇ ਹਨ ਅਤੇ ਆਪਣਾ ਜੀਵਨ ਨਿਰਬਾਹ ਵਧੀਆ ਢੰਗ ਨਾਲ ਕਰ ਰਹੇ ਹਨ। ਸਾਡੇ ਦੇਸ਼ ਵਿਚ ਕੰਮਕਾਜੀ ਔਰਤਾਂ ਦੀ ਗਿਣਤੀ ਬਹੁਤ ਘੱਟ ਹੈ। ਭਾਵੇਂ ਕਿ ਅੱਜਕਲ੍ਹ 'ਬੇਟੀ ਬਚਾਓ, ਬੇਟੀ ਪੜ੍ਹਾਓ' ਦੇ ਬਹੁਤ ਨਾਅਰੇ ਗੂੰਜ ਰਹੇ ਹਨ, ਸਕੂਲਾਂ-ਕਾਲਜਾਂ ਦੇ ਛੋਟੇ-ਛੋਟੇ ਬੱਚੇ ਅਤੇ ਨੌਜਵਾਨ ਇਹੀ ਨਾਅਰਾ ਲਿਖੀਆਂ ਪੱਟੀਆਂ ਫੜ ਕੇ ਰੋਡ ਸ਼ੋਅ ਵੀ ਕਰਦੇ ਹਨ। ਲੜਕੀਆਂ ਦੀਆਂ ਲੋਹੜੀਆਂ ਮਨਾਉਣ ਦਾ ਵੀ ਰਿਵਾਜ ਖੂਬ ਚੱਲ ਰਿਹਾ ਹੈ। ਇਸ ਸਭ ਕੁਝ ਦੇ ਬਾਵਜੂਦ ਔਰਤਾਂ 'ਤੇ ਜ਼ੁਲਮ ਜਾਰੀ ਹਨ, ਜਿਵੇਂ ਦਾਜ ਦੀ ਖਾਤਰ ਕੁੱਟਮਾਰ ਕਰਨੀ, ਤੇਜ਼ਾਬੀ ਹਮਲਾ ਕਰਨਾ, ਘਰੋਂ ਬਾਹਰ ਕੱਢ ਦੇਣਾ, ਲੜਕੀ ਨੂੰ ਜਨਮ ਦੇਣ 'ਤੇ ਨਫ਼ਰਤ ਭਰਿਆ ਵਤੀਰਾ ਆਦਿ।
ਬਹੁਤ ਸਾਰੀਆਂ ਔਰਤਾਂ ਨੂੰ ਵੱਖ-ਵੱਖ ਕਾਰਨਾਂ ਕਰਕੇ ਤਸ਼ੱਦਦ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਿਸ ਨੂੰ ਘਰੇਲੂ ਹਿੰਸਾ ਦਾ ਨਾਂਅ ਵੀ ਦਿੱਤਾ ਜਾ ਸਕਦਾ ਹੈ। ਕੁਝ ਇਕ ਲੜਕੀਆਂ ਤਾਂ ਖੁਦਕੁਸ਼ੀ ਦਾ ਰਸਤਾ ਅਖ਼ਤਿਆਰ ਕਰ ਲੈਂਦੀਆਂ ਹਨ। ਖੁਦਕੁਸ਼ੀ ਜਿਥੇ ਆਪਣੇ ਖਿਲਾਫ਼ ਹੋ ਰਹੇ ਜ਼ੁਲਮਾਂ ਦਾ ਟਾਕਰਾ ਕਰਨ ਤੋਂ ਭੱਜਣਾ ਹੈ, ਉਥੇ ਇਹ ਇਕ ਕਾਨੂੰਨੀ ਤੌਰ 'ਤੇ ਜੁਰਮ ਅਤੇ ਕਾਇਰਤਾ ਵੀ ਹੈ। ਇਹ ਜ਼ਿੰਦਗੀ ਵਾਰ-ਵਾਰ ਨਹੀਂ ਮਿਲਦੀ, ਹਰ ਤਰ੍ਹਾਂ ਦੇ ਹਾਲਾਤ ਨਾਲ ਨਜਿੱਠਣ ਲਈ ਹਿੰਮਤ ਅਤੇ ਜਿਗਰਾ ਮਜ਼ਬੂਤ ਹੋਣਾ ਚਾਹੀਦਾ ਹੈ। ਬਹੁਤ ਸਾਰੇ ਮਾੜੇ ਹਾਲਾਤ ਤੋਂ ਬਚਣ ਲਈ ਕੁਝ ਸਾਵਧਾਨੀਆਂ ਵਰਤਣ ਲਈ ਅਸੀਂ ਇਨ੍ਹਾਂ ਗੱਲਾਂ ਵੱਲ ਧਿਆਨ ਦੇ ਸਕਦੇ ਹਾਂ। ਕਦੇ ਵੀ ਦੇਰ ਰਾਤ ਇਕੱਲਿਆਂ ਜਾਂ ਕਿਸੇ ਇਕ-ਅੱਧ ਸਾਥੀ ਨਾਲ ਸਫ਼ਰ ਨਹੀਂ ਕਰਨਾ ਚਾਹੀਦਾ। ਇੰਜ ਕਰਨ ਨਾਲ ਖ਼ਤਰਨਾਕ ਹਾਦਸਾ ਹੋ ਸਕਦਾ ਹੈ, ਜਿਸ ਨਾਲ ਜਾਨ ਵੀ ਜਾ ਸਕਦੀ ਹੈ। ਜੇਕਰ ਤੁਸੀਂ ਇਕੱਲੇ ਬੱਸ ਦੀ ਉਡੀਕ ਕਰ ਰਹੇ ਹੋ ਤਾਂ ਕਿਸੇ ਕਾਰ ਸਵਾਰ ਦੀ ਲਿਫਟ ਦੇਣ ਦੀ ਪੇਸ਼ਕਸ਼ ਨੂੰ ਨਾਂਹ ਕਰ ਦੇਣੀ ਚਾਹੀਦੀ ਹੈ। ਵਿਆਹ ਦਾ ਭਰੋਸਾ ਦੇਣ ਤੇ ਸਬਜ਼ਬਾਗ ਦਿਖਾਉਣ ਵਾਲਿਆਂ ਦੇ ਝਾਂਸੇ ਵਿਚ ਨਹੀਂ ਫਸਣਾ ਚਾਹੀਦਾ। ਆਮ ਤੌਰ 'ਤੇ ਵਿਆਹ ਲਈ ਇਨਕਾਰ ਹੋਣ 'ਤੇ ਲੜਕੀਆਂ ਖੁਦਕੁਸ਼ੀ ਕਰ ਬੈਠਦੀਆਂ ਹਨ। 16 ਤੋਂ 20 ਸਾਲ ਦੀ ਉਮਰ ਵਿਚ ਤਾਂ ਬਹੁਤ ਹੀ ਸਾਵਧਾਨੀ ਰੱਖਣ ਦਾ ਸਮਾਂ ਹੁੰਦਾ ਹੈ। ਕੋਈ ਗ਼ਲਤ ਕਦਮ ਨਾ ਚੁੱਕਿਆ ਜਾਵੇ, ਇਸ ਲਈ ਲੜਕੀ ਨੂੰ ਤਾਂ ਬਹੁਤ ਸੋਚ-ਸਮਝ ਕੇ ਕਦਮ ਪੁੱਟਣ ਦੀ ਲੋੜ ਹੁੰਦੀ ਹੈ।


-ਲਾਅ ਸਟੂਡੈਂਟ, ਜੀ. ਐੱਨ. ਡੀ. ਯੂ., ਅੰਮ੍ਰਿਤਸਰ।

ਆਪਣੇ ਵਧਦੇ ਮੋਟਾਪੇ ਪ੍ਰਤੀ ਕਿੰਨੇ ਫਿਕਰਮੰਦ ਹੋ ਤੁਸੀਂ?

1. ਤੁਹਾਡੀ ਸਹੇਲੀ ਤੁਹਾਡੇ ਵਧਦੇ ਭਾਰ ਦਾ ਲਗਾਤਾਰ ਨੋਟਿਸ ਲੈ ਰਹੀ ਹੈ। ਉਹ ਤੁਹਾਨੂੰ ਕਹਿੰਦੀ ਹੈ ਕਿ ਤੂੰ ਮੋਟੀ ਹੋ ਰਹੀ ਹੈਂ। ਅਜਿਹੇ ਵਿਚ ਤੁਸੀਂ ਕੀ ਕਹਿੰਦੇ ਹੋ?
(ਕ) ਆਪਣੇ-ਆਪ ਨੂੰ ਤਾਂ ਦੇਖੋ, ਖੁਦ ਕਿੰਨੀ ਮੋਟੀ ਹੋ। (ਖ) ਮੈਨੂੰ ਵੀ ਅਜਿਹਾ ਲੱਗ ਰਿਹਾ ਹੈ ਅਤੇ ਆਪਣੇ ਭਾਰ ਨੂੰ ਤੋਲ ਕੇ ਦੇਖਦੇ ਹੋ। (ਗ) ਉਸ ਦੀ ਗੱਲ ਨੂੰ ਗੰਭੀਰਤਾ ਨਾਲ ਲੈ ਕੇ ਆਪਣੀ ਜੀਵਨਸ਼ੈਲੀ ਵਿਚ ਬਦਲਾਅ ਦੀ ਕੋਸ਼ਿਸ਼ ਕਰਦੇ ਹੋ।
2. 45 ਸਾਲ ਦੀ ਉਮਰ ਤੋਂ ਬਾਅਦ ਸਰੀਰ ਵਿਚ ਚਰਬੀ ਜੰਮ ਜਾਂਦੀ ਹੈ। ਇਸ ਗੱਲ ਨੂੰ ਜਾਣਨ, ਸਮਝਣ ਤੋਂ ਬਾਅਦ ਤੁਹਾਡੀ ਕੀ ਪ੍ਰਤੀਕਿਰਿਆ ਹੁੰਦੀ ਹੈ?
(ਕ) ਇਹ ਜ਼ਰੂਰੀ ਨਹੀਂ ਹੈ, ਕਈ ਔਰਤਾਂ ਇਸ ਉਮਰ ਤੋਂ ਪਹਿਲਾਂ ਵੀ ਮੋਟੀਆਂ ਹੋ ਸਕਦੀਆਂ ਹਨ। (ਖ) ਉਮਰ ਵਧਣ ਨਾਲ ਆਪਣੇ ਖਾਣ-ਪੀਣ ਦੀਆਂ ਆਦਤਾਂ ਅਤੇ ਜੀਵਨਸ਼ੈਲੀ ਵਿਚ ਬਦਲਾਅ ਬਾਰੇ ਸੋਚਦੇ ਹੋ। (ਗ) ਇਕ ਉਮਰ ਤੋਂ ਬਾਅਦ ਜਿੰਨਾ ਮਰਜ਼ੀ ਪ੍ਰਹੇਜ਼ ਕਰ ਲਓ, ਮੋਟਾਪਾ ਤਾਂ ਆਉਣਾ ਹੀ ਹੈ।
3. ਉੱਚ ਖੂਨ ਦਬਾਅ ਅਤੇ ਸ਼ੂਗਰ ਦੇ ਕਾਰਨ ਤੁਸੀਂ ਆਪਣੀ ਜੀਵਨਸ਼ੈਲੀ ਨੂੰ ਕਿਸ ਤਰ੍ਹਾਂ ਬਦਲਿਆ ਹੈ?
(ਕ) ਘੱਟ ਖਾਣਾ, ਲੋੜ ਤੋਂ ਜ਼ਿਆਦਾ ਕਸਰਤ। (ਖ) ਮੈਂ ਤਾਂ ਮੋਟੀ ਹੀ ਹਾਂ, ਕਿਵੇਂ ਪਤਲੀ ਹੋ ਸਕਦੀ ਹਾਂ? (ਗ) ਮੋਟਾਪਾ ਘਟਾਉਣ ਲਈ ਕੈਲੋਰੀਜ਼ ਘੱਟ ਅਤੇ ਨਿਯਮਤ ਕਸਰਤ ਕਰਦੇ ਹੋ।
4. ਮੋਟਾਪਾ ਘੱਟ ਕਰਨ ਅਤੇ ਪਤਲੇ ਹੋਣ ਦੇ ਨਾਂਅ 'ਤੇ ਤੁਸੀਂ ਕੀ ਕਰਦੇ ਹੋ?
(ਕ) ਬਾਹਰ ਦਾ ਖਾਣਾ ਪੂਰੀ ਤਰ੍ਹਾਂ ਬੰਦ ਕਰ ਦਿੰਦੇ ਹੋ। (ਖ) ਸਮਾਜਿਕ ਮਿਲਣੀਆਂ ਵਿਚ ਚਰਬੀ ਮੁਕਤ ਖਾਣਾ ਲੱਭਦੇ ਹੋ। (ਗ) ਅਜਿਹੀਆਂ ਚੀਜ਼ਾਂ ਜਿਨ੍ਹਾਂ ਵਿਚ ਚਰਬੀ ਅਤੇ ਕੈਲੋਰੀਜ਼ ਘੱਟ ਹੋਵੇ, ਉਹੀ ਖਾਂਦੇ ਹੋ।
5. ਭਾਰ ਘੱਟ ਕਰਨ ਲਈ ਤੁਸੀਂ ਆਪਣੀ ਰੁਟੀਨ ਕਿਵੇਂ ਬਣਾਉਂਦੇ ਹੋ?
(ਕ) ਨਿਯਮਤ ਰੂਪ ਨਾਲ ਕਸਰਤ ਕਰਨ ਤੋਂ ਇਲਾਵਾ ਰਿਫਾਇੰਡ ਕਾਰਬੋਹਾਈਡ੍ਰੇਟ ਯੁਕਤ ਖਾਧ ਪਦਾਰਥਾਂ ਦੀ ਘੱਟ ਵਰਤੋਂ ਕਰਦੇ ਹੋ। (ਖ) ਦਿਨ ਵਿਚ ਦੋ ਵਾਰ ਘੱਟ ਖਾਂਦੇ ਹੋ ਪਰ ਇਕ ਵਾਰ ਉਹ ਸਭ ਖਾਂਦੇ ਹੋ, ਜੋ ਨਹੀਂ ਖਾਣਾ ਚਾਹੀਦਾ। (ਗ) ਕਸਰਤ ਕਰਦੇ ਹੋ, ਖਾਣੇ ਪੱਖੋਂ ਜ਼ਿਆਦਾ ਪ੍ਰਹੇਜ਼ ਨਹੀਂ ਵਰਤਦੇ।
ਨਤੀਜਾ
(ਕ)-ਜੇ ਤੁਹਾਡੇ ਦੁਆਰਾ ਹਾਸਲ ਅੰਕ 20 ਤੋਂ 25 ਦੇ ਵਿਚਕਾਰ ਹਨ ਤਾਂ ਤੁਹਾਨੂੰ ਸ਼ਾਇਦ ਇਹ ਦੱਸਣ ਦੀ ਲੋੜ ਨਹੀਂ ਹੈ ਕਿ ਤੁਸੀਂ ਸੱਚਮੁੱਚ ਆਪਣੀ ਸਿਹਤ ਨੂੰ ਲੈ ਕੇ ਕਾਫੀ ਸੁਚੇਤ ਹੋ ਅਤੇ ਆਪਣੀ ਉਚਿਤ ਜੀਵਨਸ਼ੈਲੀ ਨਾਲ ਮੋਟਾਪੇ ਨੂੰ ਕਿਸੇ ਵੀ ਉਮਰ ਵਿਚ ਆਪਣੇ ਨੇੜੇ ਆਉਣ ਦੇਣਾ ਨਹੀਂ ਚਾਹੁੰਦੇ। ਇਸ ਦੇ ਲਈ ਤੁਸੀਂ ਲਗਾਤਾਰ ਯਤਨਸ਼ੀਲ ਵੀ ਰਹਿੰਦੇ ਹੋ। ਇਹ ਚੰਗੀ ਗੱਲ ਹੈ, ਕਿਉਂਕਿ ਤੁਸੀਂ ਇਸ ਗੱਲ ਨੂੰ ਚੰਗੀ ਤਰ੍ਹਾਂ ਜਾਣਦੇ ਹੋ ਕਿ ਮੋਟਾਪੇ ਨਾਲ ਤੁਹਾਨੂੰ ਜੀਵਨ ਵਿਚ ਕਿੰਨੇ ਤਰ੍ਹਾਂ ਦੀਆਂ ਪ੍ਰੇਸ਼ਾਨੀਆਂ ਅਤੇ ਬਿਮਾਰੀਆਂ ਹੋ ਸਕਦੀਆਂ ਹਨ।
(ਖ)-ਜੇਕਰ ਤੁਹਾਡੇ ਵੱਲੋਂ ਹਾਸਲ ਅੰਕ 10 ਤੋਂ 15 ਦੇ ਵਿਚਕਾਰ ਹਨ ਤਾਂ ਤੁਹਾਨੂੰ ਥੋੜ੍ਹੀ ਸਮਝਦਾਰੀ ਵਰਤਣੀ ਚਾਹੀਦੀ ਹੈ। ਅਜਿਹਾ ਲਗਦਾ ਹੈ ਕਿ ਤੁਸੀਂ ਮੋਟਾਪੇ ਦੇ ਮਾੜੇ ਨਤੀਜਿਆਂ ਨੂੰ ਜਾਣਦੇ ਹੋ ਪਰ ਤੁਸੀਂ ਇਸ ਭੁੱਲ-ਭੁਲੇਖੇ ਵਿਚ ਹੋ ਕਿ ਹੋ ਸਕਦਾ ਹੈ ਮੋਟਾਪਾ ਤੁਹਾਨੂੰ ਜ਼ਿਆਦਾ ਪ੍ਰੇਸ਼ਾਨ ਨਾ ਕਰੇ। ਚੰਗੀ ਤਰ੍ਹਾਂ ਜਾਣ ਲਓ ਮੋਟਾਪਾ ਅਤੇ ਵਧਦੇ ਭਾਰ ਨੂੰ ਲੈ ਕੇ ਤੁਹਾਨੂੰ ਥੋੜ੍ਹਾ ਹੋਰ ਗੰਭੀਰ ਹੋ ਕੇ ਸੋਚਣਾ ਪਵੇਗਾ।
(ਗ)-ਜੇਕਰ ਤੁਹਾਡੇ ਦੁਆਰਾ ਹਾਸਲ ਅੰਕ 10 ਜਾਂ ਇਸ ਤੋਂ ਵੀ ਘੱਟ ਹਨ ਤਾਂ ਉਹ ਦਿਨ ਦੂਰ ਨਹੀਂ, ਜਦੋਂ ਤੁਹਾਨੂੰ ਦੇਖਦੇ ਹੀ ਲੋਕ ਕਹਿਣਗੇ, 'ਹੈਂ, ਕਿੰਨੀ ਮੋਟੀ ਹੈ ਉਹ!' ਹੁਣ ਸੋਚੋ, ਤੁਹਾਨੂੰ ਕੀ ਇਹ ਚੰਗਾ ਲੱਗੇਗਾ ਕਿ ਲੋਕ ਤੁਹਾਡੇ ਮੋਟਾਪੇ ਵੱਲ ਇਸ਼ਾਰਾ ਕਰਕੇ ਇਕ-ਦੂਜੇ ਨੂੰ ਦੱਸਣ। ਲਗਦਾ ਹੈ ਤੁਸੀਂ ਮੋਟਾਪੇ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਅਤੇ ਪ੍ਰੇਸ਼ਾਨੀਆਂ ਨੂੰ ਜਾਣਦੇ, ਸਮਝਦੇ ਹੋਏ ਵੀ ਅਣਜਾਣ ਬਣੇ ਬੈਠੇ ਹੋ ਅਤੇ ਇਸ ਪਾਸੇ ਕੋਈ ਧਿਆਨ ਹੀ ਨਹੀਂ ਦੇ ਰਹੇ। ਸਮਾਂ ਹੈ, ਆਪਣਾ ਖਿਆਲ ਕਰੋ, ਕਿਉਂਕਿ ਮੋਟਾਪਾ ਕਾਫੀ ਹੱਦ ਤੱਕ ਖਰਾਬ ਜੀਵਨਸ਼ੈਲੀ ਦੀ ਵਜ੍ਹਾ ਨਾਲ ਹੁੰਦਾ ਹੈ। ਇਸ ਲਈ ਛੇਤੀ ਨਾਲ ਆਪਣੇ ਭਾਰ ਨੂੰ ਕਾਬੂ ਕਰਨ ਲਈ ਅਜਿਹੀ ਯੋਜਨਾ ਬਣਾਓ ਕਿ ਤੁਸੀਂ ਥੋੜ੍ਹੇ ਦਿਨ ਬਾਅਦ 20 ਤੋਂ 25 ਅੰਕ ਹਾਸਲ ਕਰਕੇ ਸਾਡੀ ਇਸ ਯੋਜਨਾ ਦੀ ਕਸੌਟੀ 'ਤੇ ਪੂਰੇ ਖਰੇ ਉਤਰ ਸਕੋ।


-ਪਿੰਕੀ ਅਰੋੜਾ
ਇਮੇਜ ਰਿਫਲੈਕਸ਼ਨ ਸੈਂਟਰ

ਸੀਰਤ ਦੀ ਸੁੰਦਰਤਾ ਸੱਚੀ ਸੁੰਦਰਤਾ

ਸੁੰਦਰ ਸ਼ਬਦ ਦਾ ਖਿਆਲ ਆਉਂਦੇ ਹੀ ਸਾਡੇ ਮਨ ਵਿਚ ਕਿਸੇ ਸੋਹਣੇ ਜਿਹੇ ਵਿਅਕਤੀ ਵੱਲ ਧਿਆਨ ਚਲਾ ਜਾਂਦਾ ਹੈ ਅਤੇ ਅਸੀਂ ਅਕਸਰ ਅਜਿਹੇ ਵਿਅਕਤੀ ਨੂੰ ਬਹੁਤ ਜ਼ਿਆਦਾ ਪਸੰਦ ਕਰਦੇ ਹਾਂ, ਜੋ ਸਾਨੂੰ ਦੇਖਣ ਵਿਚ ਬਹੁਤ ਸੋਹਣਾ ਲਗਦਾ ਹੈ। ਪਰ ਸੱਚੀ ਸੁੰਦਰਤਾ ਹਮੇਸ਼ਾ ਸੀਰਤ ਦੀ ਸੁੰਦਰਤਾ ਹੁੰਦੀ ਹੈ। ਸੀਰਤ ਦੀ ਸੁੰਦਰਤਾ ਮਤਲਬ ਭਾਵੇਂ ਵਿਅਕਤੀ ਦੇਖਣ ਵਿਚ ਸੋਹਣਾ ਨਾ ਵੀ ਹੋਵੇ ਪਰ ਉਸ ਦੀਆਂ ਆਦਤਾਂ, ਗੱਲਾਂ, ਉਸ ਦਾ ਸੁਭਾਅ ਅਤੇ ਉਸ ਵਿਅਕਤੀ ਦਾ ਵਿਹਾਰ ਜੇਕਰ ਚੰਗਾ ਹੈ ਤਾਂ ਉਹ ਵਿਅਕਤੀ ਵੀ ਸੁੰਦਰ ਹੀ ਹੈ। ਸੱਚੀ ਸੁੰਦਰਤਾ ਕਿਸੇ ਦੇ ਗੁਣਾਂ ਤੋਂ ਪਰਖੀ ਜਾਣੀ ਚਾਹੀਦੀ ਹੈ। ਅਜਿਹੇ ਗੁਣ, ਜਿਨ੍ਹਾਂ ਤੋਂ ਵਿਅਕਤੀ ਦੇ ਵਿਅਕਤੀਤਵ ਦਾ ਪਤਾ ਲਗਦਾ ਹੈ। ਕਈ ਵਾਰ ਅਸੀਂ ਅਜਿਹੇ ਵਿਅਕਤੀ ਨੂੰ ਨਾ-ਪਸੰਦ ਕਰਦੇ ਹਾਂ, ਜਿਹੜਾ ਸਾਨੂੰ ਦੇਖਣ ਵਿਚ ਚੰਗਾ ਨਹੀਂ ਲਗਦਾ ਪਰ ਜਦੋਂ ਅਸੀਂ ਉਸ ਵਿਅਕਤੀ ਨਾਲ ਮਿਲਦੇ ਹਾਂ, ਗੱਲਬਾਤ ਕਰਦੇ ਹਾਂ, ਉਸ ਵਿਅਕਤੀ ਬਾਰੇ ਜਾਣਨ ਲਗਦੇ ਹਾਂ ਤਾਂ ਸਾਨੂੰ ਉਹੀ ਵਿਅਕਤੀ ਚੰਗਾ ਲੱਗਣ ਲੱਗ ਪੈਂਦਾ ਹੈ ਅਤੇ ਅਸੀਂ ਉਸ ਵਿਅਕਤੀ ਦੀਆਂ ਸਿਫ਼ਤਾਂ ਕਰਦੇ ਨਹੀਂ ਥੱਕਦੇ। ਵੈਸੇ ਵੀ ਕੋਈ ਵੀ ਵਿਅਕਤੀ ਆਪਣੇ-ਆਪ ਨੂੰ ਅਜਿਹਾ ਨਹੀਂ ਬਣਾਉਂਦਾ ਕਿ ਉਹ ਸੋਹਣਾ ਨਾ ਲੱਗੇ। ਹਰ ਵਿਅਕਤੀ ਚਾਹੁੰਦਾ ਹੈ ਕਿ ਉਹ ਸੋਹਣਾ ਹੋਵੇ ਅਤੇ ਸੋਹਣਾ ਲੱਗੇ। ਸਾਡੀ ਸ਼ਕਲ-ਸੂਰਤ ਕੁਦਰਤ ਨੇ ਬਣਾਈ ਹੈ। ਹਰ ਵਿਅਕਤੀ ਆਪਣੇ-ਆਪ ਵਿਚ ਸੁੰਦਰ ਹੈ। ਇਸ ਲਈ ਸਾਨੂੰ ਕਿਸੇ ਨੂੰ ਮਾੜਾ ਨਹੀਂ ਕਹਿਣਾ ਚਾਹੀਦਾ। ਕਿਸੇ ਵੀ ਵਿਅਕਤੀ ਦੀ ਸੁੰਦਰਤਾ ਉਸ ਦੇ ਚਿਹਰੇ ਤੋਂ ਨਹੀਂ, ਸੀਰਤ ਤੋਂ ਦੇਖਣੀ ਚਾਹੀਦੀ ਹੈ ਅਤੇ ਸੀਰਤ ਦੀ ਸੁੰਦਰਤਾ ਸੱਚੀ ਸੁੰਦਰਤਾ ਹੈ।


-ਕੰਚਨ ਕੁਮਾਰੀ ਲਾਂਬਾ,
ਸ਼ਹਾਬਦੀ ਨੰਗਲ, ਹੁਸ਼ਿਆਰਪੁਰ। ਮੋਬਾ: 97793-68243

ਗੁੱਸਾ ਆਉਣਾ ਕਮਜ਼ੋਰੀ ਦੀ ਨਿਸ਼ਾਨੀ

ਗੁੱਸਾ ਆਪਣੀ ਇਕ ਕਮਜ਼ੋਰੀ ਹੈ ਪਰ ਲੋਕ ਇਸ ਨੂੰ ਆਪਣੀ ਤਾਕਤ ਸਮਝ ਲੈਂਦੇ ਹਨ। ਆਮ ਤੌਰ 'ਤੇ ਬੰਦਾ ਉਸ ਸਮੇਂ ਗੁੱਸੇ ਹੁੰਦਾ ਹੈ, ਜਦੋਂ ਉਸ ਦੇ ਵਿਚਾਰ ਕਿਸੇ ਦੂਜੇ ਨਾਲ ਨਹੀਂ ਮਿਲਦੇ ਅਤੇ ਕੋਈ ਵੀ ਕੰਮ ਉਸ ਦੇ ਅਨੁਸਾਰ ਨਹੀਂ ਚਲਦਾ, ਪਰ ਉਹ ਸੋਚਦਾ ਹੈ ਕਿ ਮੈਂ ਠੀਕ ਹਾਂ। ਸਾਡੀ ਹਉਮੈ ਹੀ ਸਾਡੇ ਗੁੱਸੇ ਦਾ ਕਾਰਨ ਬਣਦੀ ਹੈ। ਸਭ ਤੋਂ ਪਹਿਲਾਂ ਸਮਝਣਾ ਜ਼ਰੂਰੀ ਹੈ ਕਿ ਗੁੱਸਾ ਸਾਨੂੰ ਆਉਂਦਾ ਨਹੀਂ, ਅਸੀਂ ਆਪਣੇ-ਆਪ ਲੈ ਕੇ ਆਉਂਦੇ ਹਾਂ।
ਗੁੱਸਾ ਆਉਣਾ ਇਕ ਬਹੁਤ ਵੱਡੀ ਕਮਜ਼ੋਰੀ ਹੈ। ਅਸੀਂ ਇਸ 'ਚ ਆਪਣਾ ਹੀ ਨੁਕਸਾਨ ਕਰ ਲੈਂਦੇ ਹਾਂ, ਜਿਵੇਂ ਕਿ ਇਕ ਗੱਡੀ ਦੀ ਬ੍ਰੇਕ ਫੇਲ੍ਹ ਹੋ ਜਾਵੇ ਤਾਂ ਜੇਕਰ ਉਸ ਦਾ ਡਰਾਈਵਰ ਵਧੀਆ ਹੈ ਤਾਂ ਉਹ ਨੁਕਸਾਨ ਹੋਣ ਤੋਂ ਬਚਾਅ ਲੈਂਦਾ ਹੈ। ਉਸੇ ਤਰ੍ਹਾਂ ਹੀ ਅਸੀਂ ਵੀ ਇਸ ਗੱਡੀ ਦੇ ਡਰਾਈਵਰ ਹਾਂ। ਜੇ ਸਾਡਾ ਇਸ 'ਤੇ ਕੰਟਰੋਲ ਹੈ, ਅਸੀਂ ਕੋਈ ਵੀ ਨੁਕਸਾਨ ਹੋਣ ਤੋਂ ਬਚਾਅ ਲੈਂਦੇ ਹਾਂ। ਕੋਈ ਵੀ ਆਦਮੀ ਗੁੱਸੇ 'ਚ ਕੀਤੀ ਹੋਈ ਗ਼ਲਤੀ ਤੋਂ ਬਾਅਦ ਪਛਤਾਵਾ ਕਰਦਾ ਹੈ, ਬਸ ਸਾਡੀ ਇਹ ਸਮਝ ਹੀ ਸਾਨੂੰ ਇਸ ਤੋਂ ਬਚਾਅ ਸਕਦੀ ਹੈ।
ਗੁੱਸੇ ਦਾ ਸਿੱਧਾ ਸਬੰਧ ਹਉਮੈ ਨਾਲ ਹੈ ਪਰ ਬਹੁਤ ਲੋਕ ਨਰਾਜ਼ਗੀ ਨੂੰ ਵੀ ਗੁੱਸੇ ਨਾਲ ਜੋੜ ਦਿੰਦੇ ਹਨ। ਨਰਾਜ਼ਗੀ ਹਮੇਸ਼ਾ ਸਕਾਰਾਤਮਕ ਹੁੰਦੀ ਹੈ, ਜਿਵੇਂ ਇਕ ਪਿਤਾ ਆਪਣੇ ਬੱਚਿਆਂ ਲਈ ਚੰਗਾ ਸੋਚਦਾ ਹੈ ਪਰ ਬੱਚੇ ਉਸ ਦੀ ਗੱਲ ਨਹੀਂ ਮੰਨਦੇ। ਉਸ ਸਮੇਂ ਪਿਤਾ ਦਾ ਨਰਾਜ਼ ਹੋਣਾ ਸਕਾਰਾਤਮਕ ਹੈ, ਜਦੋਂ ਕਿ ਹਉਮੈ ਨਕਾਰਾਤਮਕ ਹੈ। ਹਉਮੈ 'ਚ ਅਸੀਂ ਆਪਣਾ ਤੇ ਦੂਜੇ ਦਾ ਨੁਕਸਾਨ ਕਰ ਬੈਠਦੇ ਹਾਂ।
ਜਦੋਂ ਸਾਨੂੰ ਇਸ ਦਾ ਇਕ ਵਾਰ ਅਸਲੀ ਗਿਆਨ ਹੋ ਗਿਆ, ਦੁਬਾਰਾ ਗੁੱਸਾ ਨਹੀਂ ਕਰਾਂਗੇ। ਪਰ ਬਹੁਤ ਵਾਰ ਅਸੀਂ ਕਹਿ ਦਿੰਦੇ ਹਾਂ ਕਿ ਸਾਨੂੰ ਪਤਾ ਹੈ ਗੁੱਸੇ ਹੋਣਾ ਠੀਕ ਨਹੀਂ, ਪਰ ਫਿਰ ਵੀ ਗੁੱਸਾ ਆ ਜਾਂਦਾ ਹੈ। ਅਸਲ ਵਿਚ ਅਸੀਂ ਗੁੱਸੇ ਤੋਂ ਜਾਣੂ ਨਹੀਂ ਹੋਏ। ਉਸ ਸਮੇਂ ਸਾਡੀ ਹਉਮੈ ਹੀ ਬੋਲਦੀ ਹੈ ਕਿ ਮੈਨੂੰ ਪਤਾ ਹੈ। ਉਦਾਹਰਨ ਦੇ ਤੌਰ 'ਤੇ ਤੁਹਾਡੇ ਅੱਗੇ ਦੋ ਬੋਤਲਾਂ ਹਨ, ਇਕ 'ਚ ਪਾਣੀ ਹੈ, ਦੂਜੀ 'ਚ ਜ਼ਹਿਰ। ਤੁਸੀਂ ਦੋਵਾਂ ਤੋਂ ਜਾਣੂ ਹੋ। ਜਦੋਂ ਤੁਹਾਨੂੰ ਪੀਣ ਲਈ ਕਿਹਾ ਜਾਵੇਗਾ ਤਾਂ ਤੁਸੀਂ ਪਾਣੀ ਵਾਲੀ ਬੋਤਲ ਚੁੱਕੋਗੇ, ਕਿਉਂਕਿ ਤੁਹਾਨੂੰ ਪਤਾ ਹੈ ਕਿ ਜ਼ਹਿਰ ਤੁਹਾਡਾ ਨੁਕਸਾਨ ਕਰੇਗੀ। ਇਸ ਤਰ੍ਹਾਂ ਜਦੋਂ ਅਸੀਂ ਗੁੱਸੇ ਤੋਂ ਜਾਣੂ ਹੋ ਜਾਵਾਂਗੇ ਤਾਂ ਦੁਬਾਰਾ ਗੁੱਸਾ ਨਹੀਂ ਕਰਾਂਗੇ।


-ਅਮ੍ਰਿਤਪਾਲ ਸਿੰਘ
E-mail : amritpal89@yahoo.com






Website & Contents Copyright © Sadhu Singh Hamdard Trust, 2002-2017.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX