ਤਾਜਾ ਖ਼ਬਰਾਂ


ਈ-ਸਾਈਕਲ 'ਤੇ ਪੁਲਿਸ ਕਰੇਗੀ ਮੁਜਰਮਾਂ ਦਾ ਪਿੱਛਾ
. . .  49 minutes ago
ਲੁਧਿਆਣਾ, 19 ਦਸੰਬਰ [ਰੁਪੇਸ਼ ਕੁਮਾਰ ]- ਪੁਲਿਸ ਹੁਣ ਈ-ਸਾਈਕਲ 'ਤੇ ਮੁਜਰਮਾਂ ਦਾ ਪਿੱਛਾ ਕਰੇਗੀ ।ਇਹ ਪਹਿਲ ਲੁਧਿਆਣਾ ਤੋਂ ਕੀਤੀ ਗਈ ਹੈ ।ਹੀਰੋ ਸਾਈਕਲ ਨੇ ਇਹ ਸਾਈਕਲਾਂ ਭੇਟ ਕੀਤੀਆਂ ਹਨ। ਅਪਰਾਧੀਆਂ ਦਾ ...
ਕਾਂਗਰਸੀ ਆਗੂ ਦੀ ਗੱਡੀ 'ਚੋਂ ਸ਼ਰਾਬ ਬਰਾਮਦ
. . .  about 2 hours ago
ਫ਼ਿਰੋਜ਼ਪੁਰ, 19 ਦਸੰਬਰ (ਜਸਵਿੰਦਰ ਸਿੰਘ ਸੰਧੂ)- ਪੰਚਾਇਤੀ ਚੋਣਾਂ ਦੇ ਚੱਲਦਿਆਂ ਪੁਲਿਸ ਵਲੋਂ ਫ਼ਿਰੋਜ਼ਪੁਰ ਛਾਉਣੀ ਵਿਖੇ ਕਾਂਗਰਸ ਭਵਨ ਲਾਗੇ ਇਕ ਇਨੋਵਾ ਗੱਡੀ ਨੰਬਰ ਪੀ.ਬੀ.10ਸੀ.ਸੀ.7770 ਵਿਚੋਂ ਵੱਡੀ ਮਾਤਰਾ 'ਚ ਨਾਜਾਇਜ਼ ਸ਼ਰਾਬ ...
ਬਰਗਾੜੀ ਇਨਸਾਫ਼ ਮੋਰਚੇ ਦੀ 20 ਦਸੰਬਰ ਵਾਲੀ ਮੀਟਿੰਗ ਰੱਦ
. . .  about 3 hours ago
ਫ਼ਿਰੋਜ਼ਪੁਰ 19 ਦਸੰਬਰ ( ਜਸਵਿੰਦਰ ਸਿੰਘ ਸੰਧੂ ) - ਬਰਗਾੜੀ ਇਨਸਾਫ਼ ਮੋਰਚੇ ਦੀ 20 ਦਸੰਬਰ ਨੂੰ ਹੋਣ ਵਾਲੀ ਮੀਟਿੰਗ ਕੁੱਝ ਕਾਰਨਾ ਕਰਕੇ ਰੱਦ ਕਰ ਦਿੱਤੇ ਜਾਣ ਦੀ ਜਾਣਕਾਰੀ ਦਿੰਦਿਆਂ ਸਰਬੱਤ ਖ਼ਾਲਸਾ ਵਲੋਂ ਐਲਾਨੇ ਗਏ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ...
ਕੈਪਟਨ ਨੂੰ ਪੀ.ਜੀ.ਆਈ. ਤੋਂ ਮਿਲੀ ਛੁੱਟੀ
. . .  about 3 hours ago
ਚੰਡੀਗੜ੍ਹ, 19 ਦਸੰਬਰ (ਮਨਜੋਤ ਸਿੰਘ ਜੋਤ) - ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜਿਨ੍ਹਾਂ ਦਾ ਲੰਘੇ ਸੋਮਵਾਰ ਪੀ.ਜੀ.ਆਈ. ਵਿਖੇ ਗੁਰਦੇ ਵਿਚੋਂ ਪਥਰੀ ਹਟਾਉਣ ਲਈ ਅਪਰੇਸ਼ਨ ਕੀਤਾ ਗਿਆ ਸੀ, ਨੂੰ ਅੱਜ ਛੁੱਟੀ ਮਿਲ ਗਈ ਹੈ। ਸਿਹਤ 'ਚ ਸੁਧਾਰ ਤੋਂ ਬਾਅਦ ਉਨ੍ਹਾਂ ਨੂੰ ਅੱਜ...
ਜੰਮੂ ਕਸ਼ਮੀਰ 'ਚ ਰਾਸ਼ਟਰਪਤੀ ਰਾਜ ਲਾਗੂ
. . .  about 3 hours ago
ਨਵੀਂ ਦਿੱਲੀ, 19 ਦਸੰਬਰ - ਜੰਮੂ ਕਸ਼ਮੀਰ 'ਚ ਗਵਰਨਰ ਰਾਜ ਦੀ 6 ਮਹੀਨਿਆਂ ਦੀ ਮਿਆਦ ਖਤਮ ਹੋਣ ਮਗਰੋਂ ਸੂਬੇ 'ਚ ਰਾਸ਼ਟਰਪਤੀ ਰਾਜ ਲਾਗੂ ਕਰ ਦਿੱਤਾ ਗਿਆ...
ਵਿਜੀਲੈਂਸ ਵਿਭਾਗ ਵਲੋਂ ਦਿਆਲ ਸਿੰਘ ਕੋਲਿਆਂਵਾਲੀ ਦੀ ਕੋਠੀ ਦੀ ਜਾਂਚ
. . .  about 3 hours ago
ਸ੍ਰੀ ਮੁਕਤਸਰ ਸਾਹਿਬ, 19 ਦਸੰਬਰ (ਰਣਜੀਤ ਸਿੰਘ ਢਿੱਲੋਂ)- ਵਿਜੀਲੈਂਸ ਵਿਭਾਗ ਦੀ ਟੀਮ ਅਤੇ ਟੈਕਨੀਕਲ ਟੀਮ ਵਲੋਂ ਅੱਜ ਪਿੰਡ ਕੋਲਿਆਂਵਾਲੀ ਵਿਖੇ ਪਹੁੰਚ ਕੇ ਸੀਨੀਅਰ ਅਕਾਲੀ ਆਗੂ ਦਿਆਲ ਸਿੰਘ ਕੋਲਿਆਂਵਾਲੀ ਦੀ ਕੋਠੀ ਦੀ ਜਾਂਚ ਕੀਤੀ ਗਈ। 4 ਘੰਟਿਆਂ ਦੀ ਜਾਂਚ...
ਲੁੱਟਾਂ ਖੋਹਾਂ ਕਰਨ ਵਾਲੇ ਗਿਰੋਹ ਦੇ 9 ਮੈਂਬਰ ਕਾਬੂ
. . .  about 3 hours ago
ਪਠਾਨਕੋਟ, 19 ਦਸੰਬਰ (ਚੌਹਾਨ/ਅਸ਼ੀਸ਼ ਸ਼ਰਮਾ)- ਜ਼ਿਲ੍ਹੇ ਅੰਦਰ ਵੱਖ-ਵੱਖ ਥਾਵਾਂ 'ਤੇ ਹੋਈਆਂ ਲੁੱਟਾਂ ਖੋਹਾਂ 'ਤੇ ਡਕੈਤੀ 'ਚ ਸ਼ਾਮਲ ਗਿਰੋਹ ਦੇ 9 ਮੈਂਬਰਾਂ ਨੂੰ ਪੁਲਿਸ ਵੱਲੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਵਿਵੇਕਸ਼ੀਲ ਸੋਨੀ ਨੇ ਦੱਸਿਆ ਕਿ ਇਨ੍ਹਾਂ ਕੋਲੋਂ...
ਬੱਸ ਮੈਨੇਜਰ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਨੂੰ ਲੈ ਕੇ ਸਾਂਝੀ ਐਕਸ਼ਨ ਕਮੇਟੀ ਵਲੋਂ ਮੁਜ਼ਾਹਰਾ
. . .  about 4 hours ago
ਸ੍ਰੀ ਮੁਕਤਸਰ ਸਾਹਿਬ, 19 ਦਸੰਬਰ (ਰਣਜੀਤ ਸਿੰਘ ਢਿੱਲੋਂ)- ਚੰਡੀਗੜ੍ਹ ਨੂੰ ਜਾਂਦੀ ਪੰਜਾਬ ਰੋਡਵੇਜ਼ ਸ੍ਰੀ ਮੁਕਤਸਰ ਸਾਹਿਬ ਡੀਪੂ ਦੀ ਵਾਲਵੋ ਬੱਸ ਨੂੰ ਰੋਕਣ ਦੇ ਮਾਮਲੇ ਨੂੰ ਲੈ ਕੇ ਪੰਜਾਬ ਰੋਡਵੇਜ਼ ਕਾਮਿਆਂ ਅਤੇ ਆਰਬਿਟ ਬੱਸ ਦੇ ਮੈਨੇਜਰ ਵਿਚਕਾਰ ਤਖ਼ਲਕਲਾਮੀ ਹੋਈ। ....
ਪੰਚਾਇਤੀ ਚੋਣਾਂ 'ਚ ਵਰਤੀ ਜਾਣ ਵਾਲੀ 200 ਪੇਟੀ ਨਜਾਇਜ਼ ਸ਼ਰਾਬ ਬਰਾਮਦ
. . .  about 4 hours ago
ਟਾਂਡਾ ਉੜਮੁੜ, 19 ਦਸੰਬਰ (ਦੀਪਕ ਬਹਿਲ)- ਪੰਚਾਇਤੀ ਚੋਣਾਂ ਦੇ ਮੱਦੇਨਜ਼ਰ ਸ਼ਰਾਬ ਦੇ ਠੇਕੇਦਾਰਾਂ ਵੱਲੋਂ ਵੋਟਰਾਂ ਨੂੰ ਕਥਿਤ ਤੌਰ 'ਤੇ ਜਾਅਲੀ ਸ਼ਰਾਬ ਤਿਆਰ ਕਰ ਕੇ ਠੇਕਿਆਂ 'ਚ ਸਪਲਾਈ ਕਰਨ ਦੇ ਮੰਤਵ ਨਾਲ ਵਰਤੀ ਜਾਣ ਵਾਲੀ ਸ਼ਰਾਬ ਦੀ ਇਕ ਵੱਡੀ ਖੇਪ ਜਿਸ 'ਚ .....
ਬਰਗਾੜੀ ਮੋਰਚੇ ਦੀ ਸਮਾਪਤੀ ਦੇ ਐਲਾਨ 'ਤੇ ਭਾਈ ਹਵਾਰਾ ਨੇ ਲਿਖਿਆ ਪੱਤਰ
. . .  about 4 hours ago
ਚੰਡੀਗੜ੍ਹ, 19 ਦਸੰਬਰ (ਅਜਾਇਬ ਸਿੰਘ ਔਜਲਾ)- ਤਿਹਾੜ ਜੇਲ੍ਹ ਦਿੱਲੀ 'ਚ ਬੰਦ ਭਾਈ ਜਗਤਾਰ ਸਿੰਘ ਹਵਾਰਾ ਦਾ ਇੱਕ ਪੱਤਰ ਅੱਜ ਚੰਡੀਗੜ੍ਹ 'ਚ ਐਡਵੋਕੇਟ ਅਮਰ ਸਿੰਘ ਚਾਹਲ ਵੱਲੋਂ ਪੱਤਰਕਾਰਾਂ ਨੂੰ ਸੌਂਪਿਆ ਗਿਆ। ਇਸ 'ਚ ਭਾਈ ਜਗਤਾਰ ਸਿੰਘ ਹਵਾਰਾ ਨੇ ਲਿਖਿਆ .....
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਮਾਂ-ਬਾਪ ਬੱਚਿਆਂ ਵੱਲ ਪੂਰਾ ਧਿਆਨ ਦੇਣ

ਮਾਂ-ਬਾਪ ਦੇ ਵਾਧੂ ਰੁਝੇਵੇਂ, ਮੋਬਾਈਲ, ਫੇਸਬੁੱਕ, ਵੱਟਸਐਪ ਆਦਿ ਦੀ ਲੋੜ ਤੋਂ ਜ਼ਿਆਦਾ ਵਰਤੋਂ ਅਤੇ ਆਧੁਨਿਕ ਬਣਨ ਦੀ ਹੋੜ ਵਿਚ ਅੱਜ ਸਾਡੇ ਬੱਚੇ ਅਣਡਿੱਠੇ ਹੋ ਰਹੇ ਹਨ। ਬੱਚਿਆਂ ਵੱਲ ਪੂਰਾ ਧਿਆਨ ਨਹੀਂ ਦਿੱਤਾ ਜਾ ਰਿਹਾ। ਕਦੇ ਤੋਹਫ਼ੇ ਤੇ ਕਦੇ ਸਮਾਰਟ ਫੋਨ ਦੇ ਕੇ ਅਕਸਰ ਬੱਚਿਆਂ ਨੂੰ ਨੌਕਰਾਂ ਦੇ ਹਵਾਲੇ ਕਰ ਦਿੱਤਾ ਜਾਂਦਾ ਹੈ। ਭੱਜ-ਦੌੜ ਦੀ ਜ਼ਿੰਦਗੀ ਵਿਚ ਸਿਰਫ ਬੱਚਿਆਂ ਵੱਲ ਘੱਟ ਧਿਆਨ ਹੀ ਨਹੀਂ ਦਿੱਤਾ ਜਾ ਰਿਹਾ, ਸਗੋਂ ਮਾਂ-ਬਾਪ ਕੋਲ ਉਨ੍ਹਾਂ ਦੀ ਗੱਲ ਸੁਣਨ ਲਈ ਵੀ ਸਮਾਂ ਨਹੀਂ ਹੈ। ਜਦੋਂ ਵੀ ਬੱਚਾ ਆਪਣੇ ਮਨ ਦੀ ਗੱਲ ਉਨ੍ਹਾਂ ਨਾਲ ਸਾਂਝੀ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਉਸ ਨੂੰ ਪੜ੍ਹਨ ਜਾਂ ਧਿਆਨ ਨਾਲ ਕੰਮ ਕਰਨ ਦੀਆਂ ਹਦਾਇਤਾਂ ਦੇ ਕੇ ਚੁੱਪ ਕਰਾ ਦਿੱਤਾ ਜਾਂਦਾ ਹੈ। ਉਹ ਮਨ ਹੀ ਮਨ ਘੁੱਟਦਾ ਰਹਿੰਦਾ ਹੈ, ਜਿਸ ਕਾਰਨ ਆਪਣੇ-ਆਪ ਨੂੰ ਇਕੱਲਾ ਮਹਿਸੂਸ ਕਰਨ ਲੱਗ ਪੈਂਦਾ ਹੈ। ਮਾਂ-ਬਾਪ ਦੁਆਰਾ ਕੀਤੀ ਗਈ ਲਾਪ੍ਰਵਾਹੀ ਬੱਚਿਆਂ 'ਤੇ ਬਹੁਤ ਭਾਰੀ ਪੈਂਦੀ ਹੈ। ਇਸ ਲਈ ਹਰ ਮਾਂ-ਬਾਪ ਨੂੰ ਆਪਣੇ ਬੱਚਿਆਂ ਦੀ ਗੱਲ ਸਿਰਫ ਧਿਆਨ ਨਾਲ ਹੀ ਨਹੀਂ ਸੁਣਨੀ ਚਾਹੀਦੀ, ਬਲਕਿ ਉਸ ਨੂੰ ਵਿਸ਼ਵਾਸ ਵਿਚ ਲੈ ਕੇ ਉਸ ਦਾ ਹੱਲ ਵੀ ਕਰਨਾ ਚਾਹੀਦਾ ਹੈ। ਕਈ ਵਾਰ ਘਰ ਵਿਚ ਤੁਹਾਡੀ ਗ਼ੈਰ-ਹਾਜ਼ਰੀ ਵਿਚ ਕੋਈ ਰਿਸ਼ਤੇਦਾਰ ਬੱਚਿਆਂ ਨਾਲ ਗ਼ਲਤ ਹਰਕਤ ਕਰਦਾ ਹੈ ਪਰ ਅਕਸਰ ਬੱਚੇ ਡਰਦੇ ਦੱਸਦੇ ਨਹੀਂ। ਜੇ ਉਨ੍ਹਾਂ ਨੂੰ ਭਰੋਸਾ ਹੋਵੇ ਕਿ ਮਾਂ-ਬਾਪ ਗੱਲ ਸੁਣ ਕੇ ਉਨ੍ਹਾਂ ਦਾ ਸਾਥ ਦੇਣਗੇ, ਬਲਕਿ ਦਬਾਉਣ ਦੀ ਕੋਸ਼ਿਸ਼ ਨਹੀਂ ਕਰਨਗੇ ਤਾਂ ਉਹ ਖੁੱਲ੍ਹ ਕੇ ਤੁਹਾਨੂੰ ਸਾਰੀ ਗੱਲ ਦੱਸਣਗੇ। ਤੁਸੀਂ ਘਰ ਵਿਚ ਬੈਠੇ ਸ਼ਰਾਰਤੀ ਤੱਤਾਂ ਤੋਂ ਬੱਚਿਆਂ ਨੂੰ ਬਚਾ ਸਕੋਗੇ।
ਕਈ ਵਾਰ ਬੱਚੇ ਸਕੂਲ ਜਾਣ ਤੋਂ ਡਰਨ ਲੱਗ ਜਾਂਦੇ ਹਨ ਪਰ ਅਸੀਂ ਉਨ੍ਹਾਂ ਦੀ ਪ੍ਰੇਸ਼ਾਨੀ ਨੂੰ ਸਮਝਣ ਦੀ ਬਜਾਏ ਜ਼ਬਰਦਸਤੀ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ, ਜਿਸ ਦਾ ਇਹ ਹੱਲ ਨਹੀਂ। ਸਾਨੂੰ ਉਸ ਦੀ ਪ੍ਰੇਸ਼ਾਨੀ ਦਾ ਕਾਰਨ ਜਾਨਣਾ ਚਾਹੀਦਾ ਹੈ ਕਿ ਉਸ ਨੂੰ ਸਹਿਪਾਠੀ ਤੋਂ ਜਾਂ ਕਿਸੇ ਅਧਿਆਪਕ ਤੋਂ ਪ੍ਰੇਸ਼ਾਨੀ ਹੈ। ਪੂਰੀ ਜਾਣਕਾਰੀ ਲੈ ਕੇ ਉਸ ਦਾ ਹੱਲ ਕਰਨਾ ਚਾਹੀਦਾ ਹੈ, ਤਾਂ ਕਿ ਬੱਚੇ ਨੂੰ ਇਹ ਹੌਸਲਾ ਹੋਵੇ ਕਿ ਉਹ ਇਕੱਲਾ ਨਹੀਂ, ਉਸ ਦੇ ਮਾਂ-ਬਾਪ ਨਾਲ ਹਨ। ਗੁਆਂਢੀ ਵੀ ਬੱਚਿਆਂ ਦੀ ਸਮੱਸਿਆ ਦਾ ਕਾਰਨ ਬਣ ਜਾਂਦੇ ਹਨ। ਅਕਸਰ ਮਾਂ-ਬਾਪ ਜਾਂਦੇ ਸਮੇਂ ਬੱਚਿਆਂ ਨੂੰ ਗੁਆਂਢੀ ਘਰ ਜਾਂ ਗੁਆਂਢੀ ਨੂੰ ਉਨ੍ਹਾਂ ਕੋਲ ਛੱਡ ਜਾਂਦੇ ਹਨ। ਮੌਕਾ ਮਿਲਣ 'ਤੇ ਕਈ ਵਾਰ ਉਹ ਇਸ ਤਰ੍ਹਾਂ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇ ਦਿੰਦੇ ਹਨ, ਜਿਸ ਨੂੰ ਬੱਚਾ ਸਾਰੀ ਉਮਰ ਨਹੀਂ ਭੁੱਲ ਸਕਦਾ। ਬੱਚਿਆਂ ਨੂੰ ਕਦੇ ਵੀ ਕਿਸੇ ਦੇ ਭਰੋਸੇ 'ਤੇ ਨਾ ਛੱਡੋ। ਜਿਥੋਂ ਤੱਕ ਹੋ ਸਕੇ, ਆਪਣੇ ਬਜ਼ੁਰਗਾਂ ਨੂੰ ਜ਼ਰੂਰ ਕੋਲ ਰੱਖੋ। ਉਨ੍ਹਾਂ ਦੁਆਰਾ ਦਿੱਤਾ ਗਿਆ ਸਮਾਂ, ਸਾਥ ਤੇ ਚੰਗੀ ਸੋਚ ਬੱਚਿਆਂ ਵਿਚ ਸਾਵਧਾਨੀ ਅਤੇ ਸੁਰੱਖਿਆ ਦੀ ਭਾਵਨਾ ਪੈਦਾ ਕਰਨ ਦੇ ਨਾਲ-ਨਾਲ ਆਤਮ-ਵਿਸ਼ਵਾਸ ਪੈਦਾ ਕਰੇਗਾ।
ਕਿਸ਼ੋਰ ਅਵਸਥਾ ਵਿਚ ਬੱਚੇ ਅਕਸਰ ਗ਼ਲਤੀਆਂ ਕਰ ਬੈਠਦੇ ਹਨ। ਇਨ੍ਹਾਂ ਹਾਲਤਾਂ ਵਿਚ ਉਨ੍ਹਾਂ ਨੂੰ ਮਾਂ-ਬਾਪ ਦੇ ਪਿਆਰ, ਸਾਥ ਅਤੇ ਹਮਦਰਦੀ ਦੀ ਖਾਸ ਲੋੜ ਹੁੰਦੀ ਹੈ। ਇਹ ਸਮਾਂ ਉਨ੍ਹਾਂ ਨੂੰ ਇਕੱਲਾ ਛੱਡਣ, ਮਾਰਨ-ਕੁੱਟਣ ਜਾਂ ਗਾਲੀ-ਗਲੋਚ ਕਰਨ ਦਾ ਨਹੀਂ ਹੁੰਦਾ, ਸਗੋਂ ਸਮੇਂ ਨੂੰ ਸੰਭਾਲਣ ਦਾ ਹੁੰਦਾ ਹੈ। ਸਾਰੀ ਉਮਰ ਪਛਤਾਉਣ ਨਾਲੋਂ ਸਮੇਂ ਨੂੰ ਸਮੇਂ ਸਿਰ ਸੰਭਾਲ ਲੈਣਾ ਹੀ ਬੜੀ ਵੱਡੀ ਜਿੱਤ ਹੁੰਦੀ ਹੈ। ਹਰ ਮਾਂ ਨੂੰ ਆਪਣੀ ਧੀ ਦੀ ਸਹੇਲੀ ਬਣ ਕੇ ਰਹਿਣਾ ਚਾਹੀਦਾ ਹੈ, ਤਾਂ ਕਿ ਉਹ ਹਰ ਗੱਲ ਮਾਂ ਨਾਲ ਸਾਂਝੀ ਕਰ ਸਕੇ। ਬਚਪਨ ਤੋਂ ਉਨ੍ਹਾਂ ਨੂੰ ਸੰਸਕਾਰ ਦੇਣੇ ਚਾਹੀਦੇ ਹਨ। ਸਮੇਂ-ਸਮੇਂ 'ਤੇ ਉਨ੍ਹਾਂ ਦੀ ਕਾਊਂਸਲਿੰਗ ਕਰਨੀ ਚਾਹੀਦੀ ਹੈ, ਤਾਂ ਕਿ ਉਹ ਬੁਰੀ ਸੰਗਤ ਤੋਂ ਬਚ ਸਕਣ।
ਮਾਂ-ਬਾਪ ਦੀ ਗ਼ੈਰ-ਹਾਜ਼ਰੀ ਵਿਚ ਨੌਕਰ ਜਾਂ ਕਈ ਮਿੱਤਰ ਬੱਚਿਆਂ ਨੂੰ ਕੁਰਾਹੇ ਪਾ ਦਿੰਦੇ ਹਨ ਅਤੇ ਉਹ ਬੁਰੀ ਸੰਗਤ ਵਿਚ ਪੈ ਕੇ ਨਸ਼ਿਆਂ ਆਦਿ ਦਾ ਸੇਵਨ ਕਰਨ ਲੱਗ ਜਾਂਦੇ ਹਨ। ਇਸ ਤਰ੍ਹਾਂ ਦੇ ਹਾਲਾਤ ਵਿਚ ਬੱਚਿਆਂ ਨੂੰ ਮਾਂ-ਬਾਪ ਦੇ ਸਾਥ ਦੀ ਸਖ਼ਤ ਲੋੜ ਹੁੰਦੀ ਹੈ। ਹਰ ਮਾਂ-ਬਾਪ ਨੂੰ ਆਪਣੇ ਫਾਲਤੂ ਰੁਝੇਵੇਂ ਘਟਾ ਕੇ ਆਪਣੇ ਬੱਚਿਆਂ ਨੂੰ ਪੂਰਾ ਸਮਾਂ ਦੇਣਾ ਚਾਹੀਦਾ ਹੈ। ਬੱਚਿਆਂ ਦੇ ਮਿੱਤਰਾਂ ਬਾਰੇ ਪੂਰੀ ਜਾਣਕਾਰੀ ਰੱਖਣ ਦੇ ਨਾਲ-ਨਾਲ ਉਨ੍ਹਾਂ ਦੀਆਂ ਗਤੀਵਿਧੀਆਂ 'ਤੇ ਵੀ ਧਿਆਨ ਰੱਖਣਾ ਚਾਹੀਦਾ ਹੈ। ਅਧਿਆਪਕਾਂ ਨੂੰ ਉਸ ਦੇ ਬਾਰੇ ਜ਼ਰੂਰ ਪੁੱਛਣਾ ਚਾਹੀਦਾ ਹੈ।
ਬੱਚਿਆਂ ਲਈ ਮਾਂ-ਬਾਪ ਰੱਬ ਵਰਗਾ ਆਸਰਾ ਹੁੰਦੇ ਹਨ। ਇਸ ਲਈ ਘਰ ਵਿਚ ਇਸ ਤਰ੍ਹਾਂ ਦਾ ਮਾਹੌਲ ਬਣਾ ਕੇ ਰੱਖੋ ਕਿ ਹਰ ਕਿਸੇ ਦੀ ਸਾਂਝ ਬਣੀ ਰਹੇ। ਹਰ ਕੋਈ ਆਪਣੀ ਗੱਲ ਦੂਜਿਆਂ ਨਾਲ ਸਾਂਝੀ ਕਰ ਸਕੇ। ਲੋੜ ਪੈਣ 'ਤੇ ਮਾਂ-ਬਾਪ ਨੂੰ ਬੱਚੇ ਨਾਲ ਚਟਾਨ ਵਾਂਗ ਖੜ੍ਹੇ ਹੋਣਾ ਚਾਹੀਦਾ ਹੈ। ਬੱਚਿਆਂ ਵਿਚ ਇਸ ਤਰ੍ਹਾਂ ਦਾ ਵਿਸ਼ਵਾਸ ਪੈਦਾ ਕਰੋ ਕਿ ਉਹ ਬਿਨਾਂ ਝਿਜਕ ਤੋਂ ਹਰ ਗੱਲ ਉਨ੍ਹਾਂ ਨਾਲ ਸਾਂਝੀ ਕਰ ਸਕੇ, ਤਾਂ ਕਿ ਉਸ ਨੂੰ ਅੰਦਰ ਦੇ ਬੋਝ ਨੂੰ ਸਾਰੀ ਉਮਰ ਹੰਢਾਉਣਾ ਨਾ ਪਵੇ। ਬੱਚੇ ਹੀ ਮਾਂ-ਬਾਪ ਦਾ ਸਭ ਤੋਂ ਕੀਮਤੀ ਧਨ ਹੁੰਦੇ ਹਨ।

-ਮੋਬਾ: 98782-49944


ਖ਼ਬਰ ਸ਼ੇਅਰ ਕਰੋ

ਮੌਕੇ ਅਨੁਸਾਰ ਸਜੋ-ਸੰਵਰੋ

ਮੌਕੇ ਅਨੁਸਾਰ ਹੀ ਸਜੋ-ਧਜੋ। ਇਸ ਨਾਲ ਤੁਸੀਂ ਖੂਬਸੂਰਤ ਤਾਂ ਦਿਸੋਗੇ ਹੀ, ਲੋਕਾਂ ਵਿਚ ਤੁਹਾਡੀ ਲੋਕਪ੍ਰਿਅਤਾ ਵੀ ਵਧੇਗੀ। ਖੂਬਸੂਰਤ ਦਿਸਣ ਲਈ ਜ਼ਰੂਰੀ ਨਹੀਂ ਕਿ ਤੁਸੀਂ ਮਹਿੰਗੀਆਂ ਚੀਜ਼ਾਂ ਹੀ ਪਹਿਨੋ, ਸਗੋਂ ਆਪਣੀ ਦਿੱਖ ਦੇ ਹਿਸਾਬ ਨਾਲ ਉਹ ਚੀਜ਼ਾਂ ਪਹਿਨੋ ਜੋ ਤੁਹਾਨੂੰ ਜਚ ਰਹੀਆਂ ਹੋਣ।
ਏਨਾ ਵੀ ਜਾਣ ਲਓ ਕਿ ਕਦੋਂ, ਕੀ ਚੰਗਾ ਨਹੀਂ ਲਗਦਾ-* ਹਲਕੀ-ਫੁਲਕੀ ਪਾਰਟੀ ਵਿਚ ਭਾਰੀ-ਭਰਕਮ ਸਾੜ੍ਹੀ ਅਤੇ ਜਿਊਲਰੀ। * ਵਿਆਹ ਆਦਿ ਵੱਡੇ ਸਮਾਰੋਹ ਵਿਚ ਹਲਕੇ ਰੰਗ ਦਾ ਸੂਟ ਜਾਂ ਸਾੜ੍ਹੀ। * ਬੱਸ ਵਿਚ ਜਾਂਦੇ ਹੋਏ ਜਾਂ ਵਿਦਾਊਟ ਸਲੀਵਸ ਸੂਟ ਆਦਿ ਪਹਿਨੇ ਹੋਏ। * ਇੰਟਰਵਿਊ ਵਿਚ ਜਾਣਾ ਹੋਵੇ ਅਤੇ ਚੁਸਤ ਕੱਪੜੇ ਪਹਿਨੇ ਹੋਣ। * ਕਿਸੇ ਪਰੰਪਰਿਕ ਸਮਾਰੋਹ ਵਿਚ ਪੱਛਮੀ ਪਰਿਧਾਨ ਪਹਿਨ ਕੇ ਜਾਣਾ। * ਦਫ਼ਤਰ ਵਿਚ ਟੁੱਟੀਆਂ ਚੱਪਲਾਂ ਅਤੇ ਫਟੇ ਕੱਪੜੇ ਪਹਿਨ ਕੇ ਜਾਣਾ। * ਫਟੀਆਂ ਅਤੇ ਗੰਦੀਆਂ ਅੱਡੀਆਂ 'ਤੇ ਪਜਾਮੀ ਦੇ ਨਾਲ ਉੱਚੀ ਅੱਡੀ ਵਾਲੇ ਸੈਂਡਲ।

ਇੰਜ ਕਰੋ ਦੇਖਭਾਲ ਊਨੀ ਕੱਪੜਿਆਂ ਦੀ

* ਜੇ ਘਰ ਵਿਚ ਉੱਨ ਰੰਗਣਾ ਚਾਹੋ ਤਾਂ ਰੰਗ ਦੇ ਨਾਲ ਪਾਣੀ ਵਿਚ ਥੋੜ੍ਹੀ ਫਟਕੜੀ ਮਿਲਾ ਦਿਓ, ਜਿਸ ਨਾਲ ਉੱਨ ਸੁੰਗੜੇਗੀ ਨਹੀਂ।
* ਨੌਸ਼ਾਦਰ ਪਏ ਪਾਣੀ ਵਿਚ ਊਨੀ ਕੱਪੜੇ ਧੋਣ ਨਾਲ ਜ਼ਿਆਦਾ ਸਾਫ਼ ਹੁੰਦੇ ਹਨ।
* ਸਵੈਟਰ ਧੋਣ ਤੋਂ ਪਹਿਲਾਂ ਉਸ ਨੂੰ ਪਾਣੀ ਵਿਚ ਡੁਬੋ ਦੇਣਾ ਚਾਹੀਦਾ ਹੈ।
* ਸਵੈਟਰ ਨੂੰ ਹਮੇਸ਼ਾ ਉਲਟਾ ਕਰਕੇ ਸੁਕਾਓ। ਸਿੱਧਾ ਸੁਕਾਉਣ 'ਤੇ ਉਹ ਘੱਟ ਦਿਨ ਚੱਲੇਗਾ, ਰੰਗ ਵੀ ਫਿੱਕਾ ਪੈ ਜਾਵੇਗਾ।
* ਸਵੈਟਰ ਧੋਣ ਤੋਂ ਬਾਅਦ ਹੈਂਗਰ ਵਿਚ ਲਟਕਾ ਕੇ ਨਾ ਸੁਕਾਓ, ਜਿਸ ਨਾਲ ਸਵੈਟਰ ਦਾ ਆਕਾਰ ਵਿਗੜ ਜਾਂਦਾ ਹੈ।
* ਜੇ ਸਵੈਟਰ ਦੀ ਉੱਨ ਜੁੜ ਗਈ ਹੋਵੇ ਤਾਂ ਪਾਣੀ ਵਿਚ ਥੋੜ੍ਹਾ ਖੱਟਾ ਦਹੀਂ ਮਿਲਾ ਲਓ।
* ਊਨੀ ਕੰਬਲ ਧੋਂਦੇ ਸਮੇਂ ਥੋੜ੍ਹੀ ਜਿਹੀ ਗਲਿਸਰੀਨ ਪਾਣੀ ਵਿਚ ਮਿਲਾ ਲਓ, ਜਿਸ ਨਾਲ ਕੰਬਲ ਮੁਲਾਇਮ ਰਹੇਗਾ। * ਊਨੀ ਕੱਪੜੇ ਧੋਂਦੇ ਸਮੇਂ ਸਾਬਣ ਵਿਚ ਥੋੜ੍ਹੀ ਜਿਹੀ ਫਟਕੜੀ ਮਿਲਾ ਲਓ, ਜਿਸ ਨਾਲ ਕੱਪੜਾ ਨਾ ਸੁੰਗੜੇਗਾ, ਨਾ ਰੰਗ ਉੱਡੇਗਾ।
* ਸਫੈਦ ਊਨੀ ਕੱਪੜੇ ਧੋਂਦੇ ਸਮੇਂ ਨਿੰਬੂ ਦੀਆਂ ਕੁਝ ਬੂੰਦਾਂ ਨਿਚੋੜ ਲਓ, ਜਿਸ ਨਾਲ ਕੱਪੜੇ ਪੀਲੇ ਨਹੀਂ ਹੋਣਗੇ।
* ਗੰਦੇ ਊਨੀ ਕੱਪੜਿਆਂ ਨੂੰ ਫਟਕੜੀ ਮਿਲੇ ਪਾਣੀ ਵਿਚ ਭਿਉਂ ਦਿਓ, ਫਿਰ ਚੰਗੇ ਡਿਟਰਜੈਂਟ ਪਾਊਡਰ ਵਿਚ ਧੋਵੋ। ਕੰਬਲ ਜ਼ਿਆਦਾ ਸਾਫ਼ ਰਹੇਗਾ।

ਰਿਸ਼ਤਿਆਂ ਵਿਚ ਤੁਸੀਂ ਕਿੰਨਾ ਨਿਵੇਸ਼ ਕਰਦੇ ਹੋ?

ਕੀ ਤੁਸੀਂ ਰਿਸ਼ਤਿਆਂ ਵਿਚ ਗਰਮਜੋਸ਼ੀ ਬਣਾਈ ਰੱਖਣ ਵਿਚ ਯਕੀਨ ਕਰਦੇ ਹੋ? ਕੀ ਤੁਹਾਨੂੰ ਸਿਰਫ ਦੇਣਾ ਹੀ ਚੰਗਾ ਲਗਦਾ ਹੈ, ਦੂਜਿਆਂ ਤੋਂ ਕੁਝ ਲੈਣਾ ਤੁਹਾਨੂੰ ਬਹੁਤ ਭਾਰੀ ਲਗਦਾ ਹੈ? ਜਾਂ ਕਿਸੇ ਨੂੰ ਕੁਝ ਦੇਣ ਦੇ ਨਾਂਅ 'ਤੇ ਪ੍ਰੇਸ਼ਾਨੀ ਵਿਚ ਪੈ ਜਾਂਦੇ ਹੋ। ਰਿਸ਼ਤਿਆਂ ਵਿਚ ਤੁਸੀਂ ਕਿੰਨਾ ਨਿਵੇਸ਼ ਕਰਦੇ ਹੋ, ਇਸ ਵਿਸ਼ੇ ਨਾਲ ਸਬੰਧਤ ਕੁਵਿਜ਼ ਰਾਹੀਂ ਆਪਣੇ-ਆਪ ਨੂੰ ਪਰਖੋ ਅਤੇ ਜਾਣੋ-1. ਤੁਹਾਨੂੰ ਹਮੇਸ਼ਾ ਲਗਦਾ ਹੈ ਕਿ ਤੁਸੀਂ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨੂੰ ਆਪ ਹੀ ਫੋਨ ਕਰਦੇ ਹੋ, ਉਹ ਤੁਹਾਨੂੰ ਕਦੇ ਫੋਨ ਨਹੀਂ ਕਰਦੇ, ਤੁਸੀਂ-(ਕ) ਇਸ ਬਾਰੇ ਵਿਚ ਜ਼ਿਆਦਾ ਨਹੀਂ ਸੋਚਦੇ ਅਤੇ ਆਪਣੀ ਆਦਤ ਅਨੁਸਾਰ ਉਨ੍ਹਾਂ ਨੂੰ ਫੋਨ ਕਰਦੇ ਹੋ।
(ਖ) ਫੋਨ ਤਾਂ ਕਰਦੇ ਹੋ ਪਰ ਉਨ੍ਹਾਂ ਨੂੰ ਇਹ ਜਤਾ ਦਿੰਦੇ ਹੋ ਕਿ ਉਨ੍ਹਾਂ ਨੂੰ ਵੀ ਕਦੇ-ਕਦੇ ਫੋਨ ਕਰਨਾ ਚਾਹੀਦਾ ਹੈ।
(ਗ) ਜੇ ਉਹ ਤੁਹਾਨੂੰ ਫੋਨ ਨਹੀਂ ਕਰਦੇ ਤਾਂ ਤੁਸੀਂ ਉਨ੍ਹਾਂ ਨੂੰ ਆਪਣੇ ਦੋਸਤੀ ਜਾਂ ਰਿਸ਼ਤੇ ਦੇ ਯੋਗ ਨਹੀਂ ਸਮਝਦੇ।
2. ਦਫਤਰ ਵਿਚ ਤੁਹਾਡੇ ਸਹਿਕਰਮੀ ਤੋਂ ਜੇ ਕੋਈ ਗ਼ਲਤੀ ਹੋ ਜਾਂਦੀ ਹੈ ਤਾਂ- (ਕ) ਉਸ ਨੂੰ ਠੀਕ ਕਰਨ ਵਿਚ ਮਦਦ ਕਰਦੇ ਹੋ ਪਰ ਬੌਸ ਨੂੰ ਇਹ ਦੱਸ ਦਿੰਦੇ ਹੋ ਕਿ ਤੁਹਾਡੀ ਗ਼ਲਤੀ ਨਹੀਂ ਸੀ। (ਖ) ਤੁਸੀਂ ਉਸ ਨੂੰ ਮਦਦ ਕਰਨ ਲਈ ਕਹਿੰਦੇ ਹੋ ਅਤੇ ਬੌਸ ਨੂੰ ਪਤਾ ਲੱਗੇ, ਇਸ ਤੋਂ ਪਹਿਲਾਂ ਹੀ ਗ਼ਲਤੀ ਸੁਧਾਰ ਦਿੰਦੇ ਹੋ। (ਗ) ਆਪਣੀ ਗ਼ਲਤੀ ਉਹ ਖੁਦ ਸੁਧਾਰੇ, ਸੋਚ ਕੇ ਛੱਡ ਦਿੰਦੇ ਹੋ।
3. ਤੁਹਾਡੀ ਦੋਸਤ ਕਿਸੇ ਸੈਰ-ਸਪਾਟੇ ਵਾਲੀ ਜਗ੍ਹਾ 'ਤੇ ਘੁੰਮਣ ਜਾਣ ਦੌਰਾਨ ਤੁਹਾਡੇ ਲਈ ਇਕ ਚੰਗਾ ਤੋਹਫ਼ਾ ਲੈ ਕੇ ਆਉਂਦੀ ਹੈ। ਅਜਿਹੇ ਵਿਚ ਤੁਸੀਂ-
(ਕ) ਉਸ ਤੋਂ ਤੋਹਫ਼ਾ ਲੈਣ ਵਿਚ ਝਿਜਕ ਮਹਿਸੂਸ ਕਰਦੇ ਹੋ, ਕਿਉਂਕਿ ਤੁਹਾਨੂੰ ਲਗਦਾ ਹੈ ਕਿ ਉਸ ਦੇ ਬਦਲੇ ਵਿਚ ਤੁਹਾਨੂੰ ਵੀ ਕੁਝ ਦੇਣਾ ਪਵੇਗਾ। (ਖ) ਉਸ ਦਾ ਸ਼ੁਕਰੀਆ ਅਦਾ ਕਰਦੇ ਹੋ। (ਗ) ਉਸ ਦੇ ਤੋਹਫ਼ਾ ਦੇਣ ਦੇ ਪਿੱਛੇ ਕੋਈ ਨਾ ਕੋਈ ਸਵਾਰਥ ਹੋਵੇਗਾ, ਅਜਿਹਾ ਸੋਚਦੇ ਹੋ।
4. ਤੁਹਾਡਾ ਗੁਆਂਢੀ ਪਿਛਲੇ ਇਕ ਹਫ਼ਤੇ ਤੋਂ ਹਸਪਤਾਲ ਵਿਚ ਭਰਤੀ ਹੈ, ਅਜਿਹੇ ਵਿਚ ਤੁਸੀਂ-
(ਕ) ਫੋਨ 'ਤੇ ਹੀ ਉਸ ਦਾ ਹਾਲ-ਚਾਲ ਜਾਣ ਲੈਂਦੇ ਹੋ।
(ਖ) ਸਮਾਂ ਕੱਢ ਕੇ ਉਸ ਨੂੰ ਦੇਖਣ ਜਾਂਦੇ ਹੋ।
(ਗ) ਰੋਜ਼ ਜਾਣ ਦਾ ਪ੍ਰੋਗਰਾਮ ਬਣਾਉਂਦੇ ਹੋ ਪਰ ਜਾ ਨਹੀਂ ਸਕੇ।
5. ਤੁਸੀਂ ਜਦੋਂ ਖ਼ਰੀਦਦਾਰੀ ਲਈ ਬਾਜ਼ਾਰ ਜਾਂਦੇ ਹੋ ਤਾਂ ਘਰ-ਪਰਿਵਾਰ ਦੇ ਲੋਕਾਂ ਲਈ ਕੁਝ ਤੋਹਫ਼ੇ ਖਰੀਦਦੇ ਹੋ-(ਕ) ਹਾਂ, ਅਕਸਰ। (ਖ) ਨਹੀਂ। (ਗ) ਕਦੇ-ਕਦੇ।
ਨਤੀਜਾ
(ਕ)-25 ਤੋਂ 30 : ਕਿਸੇ ਤੋਂ ਕੁਝ ਲੈਣਾ ਵੀ ਓਨਾ ਮਹੱਤਵਪੂਰਨ ਹੈ, ਜਿੰਨਾ ਕਿਸੇ ਨੂੰ ਕੁਝ ਦੇਣਾ। ਤੁਹਾਡੇ ਅੰਕਾਂ ਦਾ ਸਕੋਰ ਦੱਸਦਾ ਹੈ ਕਿ ਤੁਸੀਂ ਹਮੇਸ਼ਾ ਦੇਣ ਵਿਚ ਯਕੀਨ ਰੱਖਦੇ ਹੋ। ਤੁਹਾਨੂੰ ਲੈਣਾ ਚੰਗਾ ਨਹੀਂ ਲਗਦਾ। ਅਜਿਹਾ ਵੀ ਹੋ ਸਕਦਾ ਹੈ ਕਿ ਤੁਹਾਡੀ ਮਨਸ਼ਾ ਹੀ ਨਾ ਹੋਵੇ ਕਿ ਦੂਜੇ ਵੀ ਤੁਹਾਨੂੰ ਕੁਝ ਦੇਣ। ਸਿਰਫ ਦੇ ਕੇ ਨਹੀਂ, ਲੈ ਕੇ ਵੀ ਰਿਸ਼ਤਿਆਂ ਵਿਚ ਸਨਮਾਨ ਮਿਲਦਾ ਹੈ। ਤੁਹਾਨੂੰ ਆਪਣੇ ਅੰਦਰ ਥੋੜ੍ਹਾ ਬਦਲਾਅ ਕਰਨ ਦੀ ਲੋੜ ਹੈ।
(ਖ)-15 ਤੋਂ 24 : ਰਿਸ਼ਤਿਆਂ ਵਿਚ ਲੈਣ-ਦੇਣ ਦੀਆਂ ਗੱਲਾਂ ਵਿਚ ਤੁਹਾਡਾ ਵਿਵਹਾਰ ਸੰਤੁਲਿਤ ਹੈ। ਜੇ ਤੁਸੀਂ ਦੇਣ ਦਾ ਫਰਜ਼ ਸਮਝਦੇ ਹੋ ਤਾਂ ਤੁਹਾਨੂੰ ਸਾਹਮਣੇ ਵਾਲੇ ਤੋਂ ਵੀ ਲੈਣ ਦਾ ਪੂਰਾ ਹੱਕ ਹੈ ਅਤੇ ਜੇ ਤੁਸੀਂ ਕੁਝ ਦਿੰਦੇ ਹੋ ਤਾਂ ਬਦਲੇ ਵਿਚ ਤੁਹਾਨੂੰ ਕੁਝ ਨਾ ਕੁਝ ਮਿਲਣਾ ਚਾਹੀਦਾ ਹੈ।
(ਗ)-0 ਤੋਂ 14 : ਤੁਸੀਂ ਸਿਰਫ ਲੈਣ ਵਿਚ ਵਿਸ਼ਵਾਸ ਕਰਦੇ ਹੋ, ਕਿਸੇ ਨੂੰ ਕੁਝ ਦੇਣ ਦੀ ਤੁਹਾਡੀ ਕੋਈ ਮਨਸ਼ਾ ਹੀ ਨਹੀਂ ਹੁੰਦੀ। ਜੇ ਤੁਸੀਂ ਦੂਜਿਆਂ ਨੂੰ ਕੁਝ ਦੇਣ ਦੀ ਕੋਸ਼ਿਸ਼ ਕਰੋਗੇ ਤਾਂ ਇਸ ਨਾਲ ਤੁਹਾਨੂੰ ਦਿਲੀ ਸਕੂਨ ਤਾਂ ਮਿਲੇਗਾ ਹੀ, ਜ਼ਿੰਦਗੀ ਵੀ ਖੂਬਸੂਰਤ ਬਣੇਗੀ।


-ਪਿੰਕੀ ਅਰੋੜਾ
ਇਮੇਜ ਰਿਫਲੈਕਸ਼ਨ ਸੈਂਟਰ

ਘਰੇਲੂ ਕੰਮ ਕਰਦੇ ਸਮੇਂ ਥਕਾਵਟ ਤੋਂ ਕਿਵੇਂ ਬਚੀਏ?

* ਘਰੇਲੂ ਕੰਮਾਂ ਨੂੰ ਕਰਨ ਲੱਗੇ ਸਭ ਤੋਂ ਪਹਿਲਾਂ ਮਨ ਵਿਚ ਹੀ ਪੂਰੀ ਪਲੈਨਿੰਗ ਬਣਾਓ ਤੇ ਇਸ ਗੱਲ ਦਾ ਖਿਆਲ ਰੱਖੋ ਕਿ ਕਿਹੜਾ ਕੰਮ ਪਹਿਲਾਂ ਕਰਨਾ ਬਹੁਤ ਜ਼ਰੂਰੀ ਹੈ ਅਤੇ ਕਿਸ ਕੰਮ ਨੂੰ ਛੁੱਟੀ ਵਾਲੇ ਦਿਨ ਤੱਕ ਟਾਲਿਆ ਜਾ ਸਕਦਾ ਹੈ।
* ਰਸੋਈ ਵਿਚ ਤੜਕਾ ਆਦਿ ਲਗਾਉਂਦੇ ਸਮੇਂ ਰਸੋਈ ਦੀ ਸਾਂਭ-ਸੰਭਾਲ ਵੀ ਸਹੀ ਤਰੀਕੇ ਨਾਲ ਕੀਤੀ ਜਾ ਸਕਦੀ ਹੈ।
* ਰਸੋਈ ਵਿਚ ਹਰ ਚੀਜ਼ ਸਹੀ ਥਾਂ ਉੱਪਰ ਹੀ ਰੱਖਣੀ ਚਾਹੀਦੀ ਹੈ।
* ਮਸ਼ੀਨ ਵਿਚ ਕੱਪੜੇ ਧੋਂਦੇ ਸਮੇਂ ਵੀ ਘਰ ਦੀ ਝਾੜ-ਪੂੰਝ ਨਾਲੋ-ਨਾਲ ਕੀਤੀ ਜਾ ਸਕਦੀ ਹੈ।
* ਘਰੇਲੂ ਕੰਮਾਂ ਨੂੰ ਪਰਿਵਾਰ ਦੇ ਮੈਂਬਰਾਂ ਵਿਚ ਉਨ੍ਹਾਂ ਦੀ ਸਰੀਰਕ ਸਮਰੱਥਾ, ਯੋਗਤਾ, ਕੁਸ਼ਲਤਾ, ਰੁਚੀ ਅਨੁਸਾਰ ਵੰਡ ਦੇਣਾ ਚਾਹੀਦਾ ਹੈ।
* ਘਰੇਲੂ ਕੰਮ ਕਰਨ ਵੇਲੇ ਆਪਣੇ ਸਰੀਰ ਦਾ ਵੀ ਪੂਰਾ ਧਿਆਨ ਰੱਖਣਾ ਚਾਹੀਦਾ ਹੈ।
* ਰਸੋਈ ਦੀਆਂ ਸੈਲਫਾਂ ਨਾ ਬਹੁਤੀਆਂ ਉੱਚੀਆਂ ਹੋਣ ਤੇ ਨਾ ਹੀ ਨੀਵੀਆਂ ਹੋਣ, ਇਹ ਸਹੀ ਥਾਂ ਹੀ ਹੋਣੀਆਂ ਚਾਹੀਦੀਆਂ ਹਨ, ਤਾਂ ਕਿ ਕੰਮ ਕਰਨ ਵੇਲੇ ਥਕਾਵਟ ਨਾ ਹੋ ਸਕੇ।
* ਘਰੇਲੂ ਕੰਮ ਸਰੀਰ ਨੂੰ ਸਹੀ ਦਿਸ਼ਾ ਵਿਚ ਰੱਖ ਕੇ ਕਰੋ।
* ਘਰ ਨੂੰ ਕਦੇ ਵੀ ਦਫ਼ਤਰ ਨਾ ਬਣਾਓ ਅਤੇ ਦਫ਼ਤਰ ਦਾ ਕੰਮ ਦਫ਼ਤਰ ਵਿਚ ਹੀ ਨਿਬੇੜ ਲੈਣਾ ਚਾਹੀਦਾ ਹੈ।
* ਹਰ ਦਿਨ ਹੀ ਵਰਤਿਆ ਜਾਣ ਵਾਲਾ ਸਾਮਾਨ ਹੇਠਲੀਆਂ ਸੈਲਫਾਂ ਉੱਪਰ ਰੱਖੋ। ਕਦੇ-ਕਦੇ ਵਰਤਿਆ ਜਾਣ ਵਾਲਾ ਸਾਮਾਨ ਉਪਰਲੀਆਂ ਸੈਲਫਾਂ ਉੱਪਰ ਰੱਖੋ।
* ਰਸੋਈ ਵਿਚ ਪਾਣੀ ਵਾਲੀ ਟੂਟੀ ਹੋਣੀ ਬਹੁਤ ਜ਼ਰੂਰੀ ਹੈ। ਜੇ ਟੂਟੀ ਨਾ ਹੋਵੇ ਤਾਂ ਪਾਣੀ ਦੀ ਬਾਲਟੀ ਹਮੇਸ਼ਾ ਨੇੜੇ ਹੀ ਰੱਖੋ।
* ਗੈਸ ਦੇ ਕੋਲ ਹੀ ਲਾਈਟਰ, ਮਾਚਿਸ, ਚਾਹ ਬਣਾਉਣ ਦਾ ਸਾਮਾਨ ਰੱਖੋ।
* ਬਾਥਰੂਮ ਵਿਚ ਵੱਖਰੇ ਕੂੜੇਦਾਨ, ਵਾਈਪਰ ਆਦਿ ਰੱਖੋ।
* ਘਰੇਲੂ ਕੰਮ ਕਰਨ ਲੱਗੇ ਕਦੇ ਵੀ ਕਾਹਲੀ ਨਾ ਕਰੋ ਅਤੇ ਹਰ ਕੰਮ ਵਿਚ ਹੜਬੜੀ ਨਾ ਦਿਖਾਓ। ਇਸ ਤਰ੍ਹਾਂ ਕੰਮ ਕਰਨ ਨਾਲ ਥਕਾਵਟ ਬਹੁਤ ਹੁੰਦੀ ਹੈ।
* ਪਿਆਰ ਅਤੇ ਸਹੀ ਤਰੀਕੇ ਨਾਲ ਘਰੇਲੂ ਕੰਮ ਕਰਨ ਨਾਲ ਕੰਮਕਾਜੀ ਤੇ ਘਰੇਲੂ ਔਰਤਾਂ ਥੱਕਦੀਆਂ ਨਹੀਂ ਅਤੇ ਉਨ੍ਹਾਂ ਦਾ ਗ੍ਰਹਿਸਥ ਜੀਵਨ ਵੀ ਸੁਖਮਈ ਰਹਿੰਦਾ ਹੈ।


-ਲੱਕੀ ਨਿਵਾਸ, 61-ਏ, ਵਿੱਦਿਆ ਨਗਰ, ਪਟਿਆਲਾ। ਮੋਬਾ: 94638-19174





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX