ਤਾਜਾ ਖ਼ਬਰਾਂ


ਘੁਮਾਣ ਦੇ ਨਜ਼ਦੀਕ ਪਿੰਡ ਕੌੜੇ ਵਿਖੇ ਨੌਜਵਾਨ ਦੀ ਭੇਦਭਰੀ ਹਾਲਤ ਚ ਮੌਤ
. . .  4 minutes ago
ਘੁਮਾਣ, 6 ਜੂਨ (ਬਮਰਾਹ) - ਜ਼ਿਲ੍ਹਾ ਗੁਰਦਾਸਪੁਰ ਦੇ ਕਸਬਾ ਘੁਮਾਣ ਦੇ ਨਜ਼ਦੀਕ ਪਿੰਡ ਕੌੜੇ ਵਿਖੇ ਇਕ ਨੌਜਵਾਨ ਦੀ ਭੇਦਭਰੀ ਹਾਲਤ ...
ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ ਇਕ 65 ਸਾਲਾ ਔਰਤ ਨੂੰ ਹੋਇਆ ਕੋਰੋਨਾ
. . .  7 minutes ago
ਫ਼ਾਜ਼ਿਲਕਾ, 6 ਜੂਨ (ਪ੍ਰਦੀਪ ਕੁਮਾਰ)- ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ ਇਕ 65 ਸਾਲਾ ਔਰਤ ਦੀ ਕੋਰੋਨਾ ਰਿਪੋਰਟ...
ਘੱਲੂਘਾਰਾ ਦਿਵਸ ਮੌਕੇ ਖਰੜ ਸ਼ਹਿਰ 'ਚ ਪੁਲਿਸ ਅਤੇ ਪ੍ਰਸ਼ਾਸਨ ਵੱਲੋਂ ਕੀਤੇ ਗਏ ਕਰੜੇ ਸੁਰੱਖਿਆ ਪ੍ਰਬੰਧ
. . .  16 minutes ago
ਖਰੜ, 6 ਜੂਨ (ਗੁਰਮੁੱਖ ਸਿੰਘ ਮਾਨ)- ਘੱਲੂਘਾਰਾ ਦਿਵਸ ਨੂੰ ਲੈ ਕੇ ਖਰੜ ਸ਼ਹਿਰ 'ਚ ਪੁਲਿਸ ਅਤੇ ਪ੍ਰਸ਼ਾਸਨ ਵੱਲੋਂ ਕਰੜੇ ਸੁਰੱਖਿਆ...
ਬਠਿੰਡਾ ਜ਼ਿਲ੍ਹੇ 'ਚ ਕੋਰੋਨਾ ਦੇ ਇਕ ਹੋਰ ਮਰੀਜ਼ ਦੀ ਹੋਈ ਪੁਸ਼ਟੀ
. . .  45 minutes ago
ਬਠਿੰਡਾ, 6 ਜੂਨ (ਅੰਮ੍ਰਿਤਪਾਲ ਸਿੰਘ ਵਲਾਣ)- ਅੱਜ ਬਠਿੰਡਾ ਜ਼ਿਲ੍ਹੇ ਵਿੱਚ ਕੋਰੋਨਾ ਦਾ 1 ਹੋਰ ਪਾਜ਼ੀਟਿਵ ਮਾਮਲਾ ਆਇਆ...
ਪਠਾਨਕੋਟ 'ਚ ਇਕ ਗਰਭਵਤੀ ਔਰਤ ਤੇ 9 ਸਾਲਾਂ ਬੱਚੇ ਸਮੇਤ 4 ਲੋਕਾਂ ਨੂੰ ਹੋਇਆ ਕੋਰੋਨਾ
. . .  44 minutes ago
ਪਠਾਨਕੋਟ, 6 ਜੂਨ (ਸੰਧੂ/ਆਰ. ਸਿੰਘ)- ਪਠਾਨਕੋਟ 'ਚ ਇਕ ਗਰਭਵਤੀ ਔਰਤ ਸਮੇਤ 4 ਵਿਅਕਤੀਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ....
ਸੀ.ਐਮ ਸਿਟੀ ਵਿਖੇ ਕੋਰੋਨਾ ਦੇ 10 ਹੋਰ ਮਾਮਲੇ ਆਏ ਸਾਹਮਣੇ
. . .  about 1 hour ago
ਕਰਨਾਲ, 6 ਮਈ (ਗੁਰਮੀਤ ਸਿੰਘ ਸੱਗੂ) - ਸੀ.ਐਮ ਸਿਟੀ ਵਿਖੇ ਅੱਜ 10 ਵਿਅਕਤੀਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਪਾਈ ਗਈ ...
ਕਰਿਆਨਾ ਅਤੇ ਕਨਫੈਕਸ਼ਨਰੀ ਦੇ ਸਟੋਰ ਨੂੰ ਲੱਗੀ ਭਿਆਨਕ ਅੱਗ
. . .  about 1 hour ago
ਲਹਿਰਾਗਾਗਾ, 6 ਜੂਨ (ਸੂਰਜ ਭਾਨ ਗੋਇਲ)- ਸਥਾਨਕ ਥਾਣਾ ਲਹਿਰਾਗਾਗਾ ਅਤੇ ਸਾਂਝ ਕੇਂਦਰ ਨਜ਼ਦੀਕ ਅੱਜ ਇੱਥੇ ਇੱਕ ਕਰਿਆਨਾ....
ਗੁਰਦੁਆਰਾ ਸ੍ਰੀ ਦੁਖਨਿਵਾਰਨ ਸਾਹਿਬ ਵਿਖੇ ਘੱਲੂਘਾਰਾ ਦਿਵਸ ਤੇ ਛੇਵੀਂ ਪਾਤਸ਼ਾਹੀ ਦੇ ਪ੍ਰਕਾਸ਼ ਪੁਰਬ ਸੰਗਤਾਂ ਨੇ ਉਤਸ਼ਾਹ ਨਾਲ ਮਨਾਇਆ
. . .  about 1 hour ago
ਪਟਿਆਲਾ, 6 ਜੂਨ (ਅਮਨਦੀਪ ਸਿੰਘ)- ਗੁਰਦੁਆਰਾ ਸ੍ਰੀ ਦੁਖਨਿਵਾਰਨ ਸਾਹਿਬ ਵਿਖੇ ਘੱਲੂਘਾਰਾ ਦਿਵਸ ਅਤੇ ਮੀਰੀ ਪੀਰੀ ਦੇ ਮਾਲਕ ਸ਼੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ...
ਮਹਿਲ ਕਲਾਂ ਪੁਲਿਸ ਦੇ ਕਾਂਸਟੇਬਲ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 1 hour ago
ਮਹਿਲ ਕਲਾਂ, 6 ਜੂਨ (ਅਵਤਾਰ ਸਿੰਘ ਅਣਖੀ)- ਕੁੱਝ ਦਿਨ ਪਹਿਲਾਂ ਮਹਿਲ ਕਲਾਂ ਪੁਲਿਸ ਵੱਲੋਂ ਹਿਰਾਸਤ 'ਚ ਲਏ ਨਸ਼ਾ ਤਸਕਰ ਦੀ ਕੋਰੋਨਾ ਰਿਪੋਰਟ ...
ਅੰਮ੍ਰਿਤਸਰ ਨਾਲ ਸੰਬੰਧਿਤ ਇਕ ਵਿਅਕਤੀ ਲੁਧਿਆਣਾ 'ਚ ਪਾਇਆ ਗਿਆ ਕੋਰੋਨਾ ਪਾਜ਼ੀਟਿਵ
. . .  about 1 hour ago
ਲੁਧਿਆਣਾ, 6 ਜੂਨ (ਸਲੇਮਪੁਰੀ) - ਅੰਮ੍ਰਿਤਸਰ ਨਾਲ ਸਬੰਧਿਤ ਇਕ ਵਿਅਕਤੀ ਲੁਧਿਆਣਾ 'ਚ ਕੋਰੋਨਾ ਪਾਜ਼ੀਟਿਵ ਪਾਇਆ...
ਲੁਧਿਆਣਾ ਪੁਲਿਸ ਨੇ ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਗੁਰਦੀਪ ਸਿੰਘ ਗੋਸ਼ਾ ਨੂੰ ਕੀਤਾ ਗ੍ਰਿਫ਼ਤਾਰ
. . .  about 1 hour ago
ਲੁਧਿਆਣਾ, 6 ਜੂਨ (ਪਰਮਿੰਦਰ ਸਿੰਘ ਆਹੂਜਾ)- ਲੁਧਿਆਣਾ ਪੁਲਿਸ ਵੱਲੋਂ ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਗੁਰਦੀਪ ਸਿੰਘ ਗੋਸ਼ਾ ਨੂੰ ਗ੍ਰਿਫ਼ਤਾਰ...
ਰੇਲ ਮੰਤਰੀ ਪਿਯੂਸ਼ ਗੋਇਲ ਦੀ ਮਾਤਾ ਚੰਦਰਕਾਂਤ ਗੋਇਲ ਦਾ ਹੋਇਆ ਦੇਹਾਂਤ
. . .  about 1 hour ago
ਨਵੀਂ ਦਿੱਲੀ, 6 ਜੂਨ- ਰੇਲ ਮੰਤਰੀ ਪਿਯੂਸ਼ ਗੋਇਲ ਦੀ ਮਾਤਾ ਚੰਦਰਕਾਂਤ ਗੋਇਲ ਦਾ ਅੱਜ ਦੇਹਾਂਤ ਹੋ ਗਿਆ। ਇਹ ਜਾਣਕਾਰੀ ...
ਪਿੰਡ ਦੱਦਾਹੂਰ(ਮੋਗਾ) ਦੇ ਇਕ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 2 hours ago
ਮੋਗਾ, 6 ਜੂਨ- ਮੋਗਾ ਦੇ ਪਿੰਡ ਦੱਦਾਹੂਰ ਦਾ ਉੜੀਸਾ ਤੋਂ ਕੰਬਾਈਨ ਦਾ ਸੀਜ਼ਨ ਲਗਾ ਕੇ ਇਕ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ...
ਅਣ ਢਕੀ ਬਰਫ਼ ਵੇਚ ਕੇ ਨਿਯਮਾਂ ਦੀਆਂ ਉਡਾਈਆਂ ਜਾ ਰਹੀਆ ਨੇ ਧੱਜੀਆਂ
. . .  about 2 hours ago
ਸੰਗਰੂਰ, 6 ਜੂਨ (ਧੀਰਜ ਪਸ਼ੋਰੀਆ) - ਸੰਗਰੂਰ 'ਚ ਪਿਛਲੇ ਕਈ ਦਿਨਾਂ ਤੋਂ ਬਗੈਰ ਮਾਸਕ ਪਹਿਨੇ ਵਿਅਕਤੀਆਂ ਤੋਂ 5-5 ਸੌ-ਸੌ ਜੁਰਮਾਨੇ ...
ਬਿਹਾਰ ਤੇ ਯ.ਪੀ ਨਾਲ ਸਬੰਧਿਤ ਪ੍ਰਵਾਸੀ ਮਜ਼ਦੂਰ ਜਲੰਧਰ ਰੇਲਵੇ ਸਟੇਸ਼ਨ ਲਈ ਰਵਾਨਾ
. . .  about 2 hours ago
ਬਲਾਚੌਰ, 6 ਜੂਨ (ਦੀਦਾਰ ਸਿੰਘ ਬਲਾਚੌਰੀਆ)- ਜ਼ਿਲ੍ਹਾ ਪ੍ਰਸ਼ਾਸਨ ਦੀਆਂ ਹਦਾਇਤਾਂ ਅਨੁਸਾਰ ਬਲਾਚੌਰ ਪ੍ਰਸ਼ਾਸਨ ਵੱਲੋਂ ਉੱਤਰ ਪ੍ਰਦੇਸ਼ ਅਤੇ ਬਿਹਾਰ...
ਨਜਾਇਜ਼ ਸ਼ਰਾਬ ਦੀ ਤਸਕਰੀ ਦੀ ਜਾਂਚ ਲਈ ਕੈਪਟਨ ਵੱਲੋਂ ਐੱਸ.ਆਈ.ਟੀ ਦਾ ਗਠਨ
. . .  about 3 hours ago
ਚੰਡੀਗੜ੍ਹ, 6 ਜੂਨ- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਲਾਕਡਾਊਨ ਦੌਰਾਨ ਸੂਬੇ 'ਚ ਨਜਾਇਜ਼...
ਘੱਲੂਘਾਰਾ ਦਿਵਸ ਦੇ ਮੱਦੇਨਜ਼ਰ ਪੁਲਿਸ ਨੇ ਗਸ਼ਤ ਕੀਤੀ ਤੇਜ
. . .  about 3 hours ago
ਬਲਾਚੌਰ, 6 ਜੂਨ (ਦੀਦਾਰ ਸਿੰਘ ਬਲਾਚੌਰੀਆ)- ਘੱਲੂਘਾਰਾ ਦਿਵਸ ਦੇ ਮੱਦੇਨਜ਼ਰ ਅੱਜ ਬਲਾਚੌਰ ਪੁਲਿਸ ਨੇ ਜਿੱਥੇ ...
ਅਮਰੀਕਾ 'ਚ ਹਾਦਸੇ ਦਾ ਸ਼ਿਕਾਰ ਹੋਇਆ ਜਹਾਜ਼, 5 ਮੌਤਾਂ
. . .  about 3 hours ago
ਵਾਸ਼ਿੰਗਟਨ, 6 ਜੂਨ- ਅਮਰੀਕਾ ਦੇ ਜਾਰਜੀਆ 'ਚ ਇਕ ਛੋਟੇ ਜਹਾਜ਼ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਜਿਸ ਕਾਰਨ ਜਹਾਜ਼ 'ਚ ਸਵਾਰ 5 ...
ਘੱਲੂਘਾਰਾ ਦਿਵਸ ਮੌਕੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਸਮੂਹ ਸਿੱਖ ਜਥੇਬੰਦੀਆਂ ਨੂੰ ਇਕ ਜੁੱਟ ਹੋਣ ਦਾ ਸੱਦਾ ਦਿੱਤਾ
. . .  about 4 hours ago
ਅੰਮ੍ਰਿਤਸਰ, 6 ਜੂਨ (ਹਰਮਿੰਦਰ ਸਿੰਘ)- ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਮਨਾਏ ਜਾ ਰਹੇ 1984 ਦੇ ਘੱਲੂਘਾਰੇ ਸੰਬੰਧੀ ਕ...
ਮੋਹਲ਼ੇਧਾਰ ਮੀਹ ਕਾਰਨ ਕਸਬਾ ਖਾਸਾ ਹੋਇਆ ਜਲ-ਥਲ
. . .  about 4 hours ago
ਖਾਸਾ, 6 ਜੂਨ(ਗੁਰਨੇਕ ਸਿੰਘ ਪੰਨੂ) - ਅੰਮ੍ਰਿਤਸਰ ਵਿਖੇ ਅੱਜ ਤੜਕਸਾਰ ਹੁੰਦਿਆਂ ਹੀ ਕਸਬਾ ਖਾਸਾ ਵਿਖੇ ਭਾਰੀ ਮੋਹਲ਼ੇਧਾਰ ...
ਗੜ੍ਹਸ਼ੰਕਰ ਅਤੇ ਆਸ-ਪਾਸ ਦੇ ਇਲਾਕਿਆਂ 'ਚ ਤੇਜ਼ ਬਾਰਸ਼ ਹੋਈ ਸ਼ੁਰੂ
. . .  about 4 hours ago
ਗੜ੍ਹਸ਼ੰਕਰ, 6 ਜੂਨ (ਧਾਲੀਵਾਲ) - ਗੜ੍ਹਸ਼ੰਕਰ ਅਤੇ ਆਸ-ਪਾਸ ਦੇ ਇਲਾਕਿਆਂ 'ਚ ਸਵੇਰ ਤੋਂ ਸ਼ੁਰੂ ਹੋਈ ਤੇਜ਼ ਬਾਰਸ਼ ਨਾਲ ਲੋਕਾਂ ਨੂੰ ਗਰਮੀ...
ਘੱਲੂਘਾਰਾ ਦਿਵਸ ਮੌਕੇ ਪੁਲਿਸ ਅਤੇ ਗਰਮ ਖਿਆਲੀਆਂ ਵਿਚਾਲੇ ਹੋਈ ਝੜਪ
. . .  about 4 hours ago
ਅੰਮ੍ਰਿਤਸਰ, 6 ਜੂਨ (ਰਾਜੇਸ਼ ਕੁਮਾਰ ਸੰਧੂ)- 6 ਜੂਨ ਘੱਲੂਘਾਰਾ ਦਿਵਸ ਮੌਕੇ ਅੱਜ ਸ੍ਰੀ ਅਕਾਲ ਤਖ਼ਤ ਸਾਹਿਬ 'ਤੇ ਜਾਣ ਵਾਲੇ...
ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਮਨਾਏ ਜਾ ਰਹੇ ਘੱਲੂਘਾਰਾ ਦਿਵਸ ਮੌਕੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਦੀ ਆਰੰਭਤਾ
. . .  about 5 hours ago
ਅੰਮ੍ਰਿਤਸਰ, 6 ਜੂਨ (ਸੁਰਿੰਦਰਪਾਲ ਸਿੰਘ ਵਰਪਾਲ)- ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਮਨਾਏ ਜਾ ਰਹੇ ਘੱਲੂਘਾਰਾ ਦਿਵਸ ਮੌਕੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ...
ਘੱਲੂਘਾਰਾ ਦਿਵਸ ਮੌਕੇ ਅੰਮ੍ਰਿਤਸਰ ਪੂਰੀ ਤਰ੍ਹਾਂ ਸੀਲ
. . .  about 5 hours ago
ਅੰਮ੍ਰਿਤਸਰ, 6 ਜੂਨ (ਸੁਰਿੰਦਰਪਾਲ ਸਿੰਘ ਵਰਪਾਲ)- ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਅੱਜ ਘੱਲੂਘਾਰਾ ਦਿਵਸ ਮਨਾਇਆ ਜਾ ਰਿਹਾ ਹੈ ਜਿਸ 'ਚ ਸ੍ਰੀ ਅਖੰਡ ਪਾਠ ਸਾਹਿਬ...
ਅੱਜ ਦਾ ਵਿਚਾਰ
. . .  about 5 hours ago
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

5 ਜੂਨ ਨੂੰ ਵਿਸ਼ਵ ਵਾਤਾਵਰਨ ਦਿਵਸ 'ਤੇ ਵਿਸ਼ੇਸ਼

ਵਾਤਾਵਰਨ ਨੂੰ ਬਚਾਉਣ ਵਿਚ ਗ੍ਰਹਿਣੀਆਂ ਵੀ ਪਾ ਸਕਦੀਆਂ ਹਨ ਵੱਡਾ ਯੋਗਦਾਨ

ਬਿਜਲੀ ਬੱਚਤ ਦੇ ਸਾਡੇ ਕੋਲ ਕਈ ਤਰੀਕੇ ਹਨ। ਸਭ ਤੋਂ ਸੌਖਾ ਤਰੀਕਾ ਇਹ ਹੈ ਕਿ ਏ.ਸੀ. ਦੀ ਥਾਂ ਪੱਖੇ ਦੀ ਹੀ ਵਰਤੋਂ ਕੀਤੀ ਜਾਵੇ। ਮਸ਼ੀਨ ਵਿਚ ਕੱਪੜੇ ਸੁਕਾਉਣ ਦੀ ਬਜਾਏ ਧੁੱਪ ਵਿਚ ਸੁਕਾਏ ਜਾ ਸਕਦੇ ਹਨ।

ਘਰ ਦੀਆਂ ਸੁਆਣੀਆਂ ਬਹੁਤ ਵੱਡਾ ਯੋਗਦਾਨ ਵਾਤਾਵਰਨ ਨੂੰ ਬਚਾਉਣ ਵਿਚ, ਉਸ ਨੂੰ ਸਾਂਭਣ ਲਈ ਪਾ ਸਕਦੀਆਂ ਹਨ | ਛੋਟੇ-ਛੋਟੇ ਕਦਮ ਚੁੱਕਣ ਅਤੇ ਸਾਰਿਆਂ ਦੇ ਸਹਿਯੋਗ ਨਾਲ ਹੀ ਇਹ ਸੰਭਵ ਹੈ |
ਬਿਜਲੀ ਦੀ ਬੱਚਤ : ਬਿਜਲੀ ਬੱਚਤ ਦੇ ਸਾਡੇ ਕੋਲ ਕਈ ਤਰੀਕੇ ਹਨ | ਸਭ ਤੋਂ ਸੌਖਾ ਤਰੀਕਾ ਇਹ ਹੈ ਕਿ ਏ.ਸੀ. ਦੀ ਥਾਂ ਪੱਖੇ ਦੀ ਹੀ ਵਰਤੋਂ ਕੀਤੀ ਜਾਵੇ | ਮਸ਼ੀਨ ਵਿਚ ਕੱਪੜੇ ਸੁਕਾਉਣ ਦੀ ਬਜਾਏ ਧੁੱਪ ਵਿਚ ਸੁਕਾਏ ਜਾ ਸਕਦੇ ਹਨ |
ਗੈਸ ਦੀ ਘੱਟ ਵਰਤੋਂ : ਗੈਸ ਦੀ ਬੱਚਤ ਕਰਨ ਲਈ ਕਾਰ ਦੀ ਘੱਟ ਵਰਤੋਂ ਕੀਤੀ ਜਾਵੇ ਅਤੇ ਕਿਸੇ ਕੰਮ 'ਤੇ ਜਾਣ ਸਮੇਂ ਆਪਣੀਆਂ ਸਹੇਲੀਆਂ ਨਾਲ ਕਾਰ ਸਾਂਝੀ ਕੀਤੀ ਜਾ ਸਕਦੀ ਹੈ | ਇਸ ਤਰ੍ਹਾਂ ਹੋਰ ਵੀ ਬਹੁਤ ਸਾਰੇ ਪ੍ਰਭਾਵਸ਼ਾਲੀ ਤਰੀਕੇ ਹਨ ਜਿਸ ਨਾਲ ਗੈਸ ਦੀ ਬੱਚਤ ਕੀਤੀ ਜਾ ਸਕਦੀ ਹੈ |
ਮੁੜ ਵਰਤੋਂ : ਬਿਜਲੀ ਦਾ ਪੁਰਾਣਾ ਸਾਮਾਨ ਸਾਨੂੰ ਸੁੱਟਣਾ ਨਹੀਂ ਚਾਹੀਦਾ ਸਗੋਂ ਸਥਾਨਕ ਮੁਫ਼ਤ ਸਹੂਲਤ ਨਾਲ ਉਸ ਨੂੰ ਮੁੜ ਵਰਤੋੋਂ ਕਰਨਯੋਗ ਬਣਾਉਣਾ ਚਾਹੀਦਾ ਹੈ | ਇਸ ਤੋਂ ਇਲਾਵਾ ਆਪਣੇ ਪਲਾਸਟਿਕ ਦੇ ਕੰਟੇਨਰ ਨੂੰ ਦੂਜੇ ਰੱਦੀ ਦੇ ਸਾਮਾਨ ਨਾਲੋਂ ਵੱਖ ਰੱਖਣਾ ਚਾਹੀਦਾ ਹੈ |
ਖਰੀਦਦਾਰੀ ਲਈ ਕੱਪੜੇ ਦੇ ਥੈਲੇ ਦੀ ਵਰਤੋਂ : ਕੱਪੜੇ ਦੇ ਬਣੇ ਥੈਲੇ ਨੂੰ ਹਫ਼ਤੇ ਵਿਚ ਇਕ ਵਾਰ ਧੋਣ ਦੀ ਲੋੜ ਪੈਂਦੀ ਹੈ ਅਤੇ ਅਸੀਂ ਇਸ ਦੀ ਵਰਤੋਂ ਕਈ ਵਾਰ ਲੰਬੇ ਸਮੇਂ ਤੱਕ ਕਰ ਸਕਦੇ ਹਾਂ | ਇਸ ਤਰ੍ਹਾਂ ਅਸੀਂ ਆਪਣੇ ਜੀਵਨ ਵਿਚੋਂ ਪਲਾਸਟਿਕ ਦੀਆਂ ਬਹੁਤ ਸਾਰੀਆਂ ਚੀਜ਼ਾਂ ਦੀ ਵਰਤੋਂ ਘਟਾ ਸਕਦੇ ਹਾਂ | ਤੁਸੀਂ ਕੱਪੜੇ ਦੇ ਥੈਲੇ ਨੂੰ ਵਾਰ ਵਾਰ ਸਾਮਾਨ ਲਈ ਵਰਤ ਸਕਦੇ ਹੋ |
ਸਥਾਨਕ ਉਤਪਾਦਾਂ ਦੀ ਖਰੀਦ : ਜੇਕਰ ਤੁਹਾਡੇ ਕੋਲ ਸਥਾਨਕ ਕਿਸਾਨਾਂ ਕੋਲੋਂ ਉਨ੍ਹਾਂ ਦੇ ਖੇਤਾਂ ਵਿਚ ਪੈਦਾ ਕੀਤੀਆਂ ਫ਼ਸਲਾਂ ਨੂੰ ਖਰੀਦਣ ਦਾ ਵੀ ਬਦਲ ਹੋਵੇ ਤਾਂ ਇਸ ਨੂੰ ਤਰਜੀਹ ਦੇਵੋ | ਡੱਬਾਬੰਦ ਚੀਜ਼ਾਂ 'ਤੇ ਬਹੁਤ ਊਰਜਾ ਦੀ ਖਪਤ ਹੁੰਦੀ ਹੈ ਤੇ ਸਥਾਨਕ ਤਾਜ਼ਾ ਚੀਜ਼ਾਂ ਦੀ ਵਰਤੋਂ ਕਰ ਕੇ ਇਹ ਊਰਜਾ ਬਚਾਈ ਜਾ ਸਕਦੀ ਹੈ |
ਪਾਣੀ ਦੀ ਬੱਚਤ : ਪੀਣਯੋਗ ਪਾਣੀ ਦੀ ਬਹੁਤ ਜ਼ਿਆਦਾ ਘਾਟ ਹੈ | ਇਸ ਸਮੱਸਿਆ ਨੂੰ ਪਾਣੀ ਦੀ ਬੱਚਤ ਕਰਕੇ ਹੱਲ ਕੀਤਾ ਜਾ ਸਕਦਾ ਹੈ | ਇਥੇ ਪਾਣੀ ਬਚਾਉਣ ਦੇ ਬਹੁਤ ਸਾਰੇ ਤਰੀਕੇ ਹਨ | ਹਰ ਰੋਜ਼ ਪਾਣੀ ਦੀ ਵਰਤੋਂ ਲੋੜ ਅਨੁਸਾਰ ਕਰਕੇ ਪਾਣੀ ਬਚਾਇਆ ਜਾ ਸਕਦਾ ਹੈ |
ਬਿਜਲਈ ਸੁਨੇਹੇ ਰਾਹੀਂ ਵਧਾਈ ਸੰਦੇਸ਼ ਭੇਜ ਕੇ : ਤੁਸੀਂ ਆਮ ਤੌਰ 'ਤੇ ਇਸ ਦੀ ਵਰਤੋਂ ਪਹਿਲਾਂ ਹੀ ਕਰਦੇ ਹੋ | ਇਸ ਨਾਲ ਤੁਸੀਂ ਕੁਦਰਤ ਦੇ ਵਾਤਾਵਰਨ ਨਾਲ ਮਿੱਤਰਤਾ ਦੇ ਨਾਲ ਨਾਲ ਸੁਨੇਹੇ ਆਪਣੇ ਮਿੱਤਰਾਂ ਤੱਕ ਪਹੁੰਚਾ ਸਕਦੇ ਹੋ |
ਮਿੱਟੀ ਦੇ ਭਾਂਡੇ ਵਰਤ ਕੇ : ਅਸਲ ਵਿਚ ਅਸੀਂ ਆਮ ਪਲਾਸਟਿਕ, ਫੋਮ, ਕਾਗਜ਼ ਦੇ ਭਾਂਡੇ ਵਰਤਣ ਦੀ ਬਜਾਏ ਵੱਧ ਤੋਂ ਵੱਧ ਮਿੱਟੀ ਦੇ ਭਾਂਡੇ ਵਰਤ ਕੇ ਵਾਤਾਵਰਨ ਨੂੰ ਬਚਾਉਣ 'ਚ ਹਿੱਸਾ ਪਾ ਸਕਦੇ ਹਾਂ |
ਘਰ ਨੂੰ ਰਿਸਾਅ ਰਹਿਤ (ਲੀਕੇਜ ਪਰੂਫ) ਬਣਾ ਕੇ : ਇਸ ਗੱਲ ਨੂੰ ਯਕੀਨੀ ਬਣਾਓ ਕਿ ਘਰ ਵਿਚ ਗਰਮੀ ਅਤੇ ਸਰਦੀ ਦੀ ਲੀਕੇਜ ਪੂਰੀ ਤਰ੍ਹਾਂ ਬੰਦ ਹੈ | ਇਸ ਤਰ੍ਹਾਂ ਤੁਸੀਂ ਬਹੁਤ ਸਾਰੀ ਊਰਜਾ ਅਤੇ ਪੈਸਾ ਬਚਾ ਸਕਦੇ ਹੋ |
ਹਵਾ ਫਿਲਟਰ ਬਦਲ ਕੇ : ਆਪਣੇ ਘਰ ਅਤੇ ਆਪਣੀ ਕਾਰ ਦੇ ਏ.ਸੀ. ਫਿਲਟਰ ਬਦਲ ਕੇ ਤੁਸੀਂ ਬਹੁਤ ਸਾਰੀ ਊਰਜਾ ਅਤੇ ਪੈਸਾ ਬਚਾਅ ਸਕਦੇ ਹੋ |
ਦਰੱਖਤ ਲਗਾ ਕੇ : ਤੁਸੀਂ ਆਪਣੇ ਬਗੀਚੇ ਅਤੇ ਘਰ ਦੀ ਬਾਲਕੋਨੀ ਜਾਂ ਕਿਸੇ ਵੀ ਥਾਂ 'ਤੇ ਜਿਥੇ ਤੁਹਾਨੂੰ ਜਗ੍ਹਾ ਵਿਹਲੀ ਮਿਲਦੀ ਹੈ, ਤੁਸੀਂ ਫੁੱਲ ਉਗਾ ਸਕਦੇ ਹੋ | ਪੌਦੇ ਲਗਾ ਸਕਦੇ ਹੋ | ਜਿਹੜੇ ਸ਼ਹਿਦ ਦੀਆਂ ਮੱਖੀਆਂ ਨੂੰ ਆਕਰਸ਼ਿਤ ਕਰਦੇ ਹਨ |
ਤੁਹਾਡੇ ਕੋਲ ਬਗ਼ੀਚੀ ਹੈ ਤਾਂ ਤੁਸੀਂ ਪੌਦੇ ਲਗਾ ਕੇ ਵਾਤਾਵਰਨ ਦੀ ਸੇਵਾ ਕਰ ਸਕਦੇ ਹੋ | ਇਹ ਤੁਹਾਡੇ ਰਹਿਣ ਲਈ ਵਧੀਆ ਸਾਫ਼-ਸੁਥਰਾ ਹਰਿਆ-ਭਰਿਆ ਥਾਂ ਬਣ ਸਕਦਾ ਹੈ |
ਪ੍ਰਦੂਸ਼ਣੀ ਤੱਤਾਂ ਨੂੰ ਕੂੜੇਦਾਨ ਵਿਚ ਸੁੱਟ ਕੇ : ਭਾਵੇਂ ਤੁਹਾਡੇ ਘਰ ਵਿਚ ਕੰਮ ਦੌਰਾਨ, ਸਥਾਨਕ ਸੁਪਰ ਮਾਰਕੀਟ ਜਾਂ ਜਦੋਂ ਤੁਸੀਂ ਦੌੜ ਰਹੇ ਹੋ | ਜੇਕਰ ਤੁਹਾਨੂੰ ਕੋਈ ਪ੍ਰਦੂਸ਼ਣੀ ਤੱਤ ਜਿਵੇਂ ਪਲਾਸਟਿਕ ਜਾਂ ਸਟੀਓਰੋਫੋਮ ਤੁਹਾਡੇ ਰਸਤੇ ਵਿਚ ਮਿਲਦਾ ਹੈ, ਇਸ ਨੂੰ ਚੁੱਕ ਕੇ ਆਪਣੇ ਨੇੜੇ ਦੇ ਕੂੜੇਦਾਨ ਵਿਚ ਸੁੱਟ ਦਿਓ |
ਘਰਾਂ ਅੰਦਰ ਪੌਦੇ ਲਗਾਓ : ਘਰਾਂ ਅੰਦਰ ਲੱਗੇ ਪੌਦੇ ਹਵਾ ਨੂੰ ਸਾਫ਼ ਕਰਨ ਤੇ ਹਵਾ ਪ੍ਰਦੂਸ਼ਣ ਨੂੰ ਸਾਫ਼ ਕਰਨ ਲਈ ਬਹੁਤ ਸਹਾਈ ਹੁੰਦੇ ਹਨ | ਬਹੁਤ ਘੱਟ ਖਰਚਾ ਕਰ ਕੇ ਆਪਣੇ ਘਰਾਂ ਨੂੰ ਹਰਿਆ ਭਰਿਆ ਬਣਾਇਆ ਜਾ ਸਕਦਾ ਹੈ | ਅਸੀਂ ਆਪਣੀ ਸਿਹਤ ਵਿਚ ਸੁਧਾਰ ਕਰ ਸਕਦੇ ਹਾਂ | ਲੰਬੇ ਸਮੇਂ ਲਈ ਇਹ ਕੋਸ਼ਿਸ਼ ਸਿਹਤ ਲਈ ਵੱਡਾ ਰੋਲ ਅਦਾ ਕਰ ਸਕਦੀਆਂ ਹਨ |


ਖ਼ਬਰ ਸ਼ੇਅਰ ਕਰੋ

ਗਰਮੀਆਂ 'ਚ ਅੱਡੀਆਂ ਦਾ ਫਟਣਾ ਆਮ ਸਮੱਸਿਆ

ਅਕਸਰ ਇਹ ਮਹਿਸੂਸ ਕੀਤਾ ਗਿਆ ਹੈ ਕਿ ਲਗਪਗ 25 ਫ਼ੀਸਦੀ ਲੋਕ ਗਰਮੀਆਂ ਵਿਚ ਇਸ ਸਮੱਸਿਆ ਦਾ ਸਾਹਮਣਾ ਕਰਦੇ ਹਨ ਤੇ ਖ਼ਾਸ ਕਰਕੇ ਔਰਤਾਂ ਇਸ ਸਮੱਸਿਆ ਨਾਲ ਮਰਦਾਂ ਨਾਲੋਂ ਜ਼ਿਆਦਾ ਪੀੜਤ ਹੁੰਦੀਆਂ ਹਨ | ਮੌਸਮ ਬਦਲਣ ਦੇ ਉਲਟ ਅਸਰ ਸਾਡੀ ਸਿਹਤ, ਚਮੜੀ ਤੋਂ ਇਲਾਵਾ ਅੱਡੀਆਂ 'ਤੇ ਵੀ ਪੈਂਦਾ ਹੈ | ਗਰਮੀਆਂ ਵਿਚ ਤਾਪਮਾਨ ਵਧਣ ਨਾਲ ਵਾਤਾਵਰਨ ਵਿਚ ਨਮੀ ਵਿਚ ਕਮੀ ਆ ਜਾਂਦੀ ਹੈ ਜਿਸ ਦੀ ਵਜ੍ਹਾ ਨਾਲ ਸਾਡੀਆਂ ਅੱਡੀਆਂ ਤੇ ਚਮੜੀ ਸੁੱਕੀ ਹੋ ਜਾਂਦੀ ਹੈ | ਜਦੋਂ ਰੁੱਖਾਪਨ ਵਧ ਜਾਂਦਾ ਹੈ ਤਾਂ ਅੱਡੀਆਂ ਫਟ ਜਾਂਦੀਆਂ ਹਨ |
ਪਰ ਤੁਸੀਂ ਕੁਝ ਕੁਦਰਤੀ ਉਪਾਅ ਕਰਕੇ ਇਨ੍ਹਾਂ ਫਟੀਆਂ ਅੱਡੀਆਂ ਤੋਂ ਛੁਟਕਾਰਾ ਪਾ ਸਕਦੇ ਹੋ :
ਆਪਣੀ ਚਮੜੀ ਵਿਚ ਤਾਜ਼ਗੀ ਲਿਆਉਣ ਲਈ ਆਪਣੇ ਪੈਰਾਂ ਨੂੰ ਹਫ਼ਤੇ ਵਿਚ ਇਕ ਵਾਰ ਘਰ 'ਚ 'ਫੁੱਟ ਟ੍ਰੀਟਮੈਂਟ' ਜ਼ਰੂਰ ਦਿਓ | ਪੈਰਾਂ ਨੂੰ ਗਰਮ ਪਾਣੀ ਵਿਚ ਡੁਬੋਣ ਨਾਲ ਅੱਡੀਆਂ ਦੀ ਚਮੜੀ ਮੁਲਾਇਮ ਹੁੰਦੀ ਹੈ, ਜਿਸ ਨਾਲ ਮਰੀਆਂ ਕੋਸ਼ਿਕਾਵਾਂ ਨੂੰ ਹਟਾਉਣ ਵਿਚ ਮਦਦ ਮਿਲਦੀ ਹੈ | ਹਰ ਰੋਜ਼ ਪੈਰ ਅਤੇ ਅੱਡੀਆਂ ਦੀ ਸਹੀ ਦੇਖਭਾਲ ਯਕੀਨੀ ਬਣਾਉਣ ਲਈ ਨਹਾਉਣ ਤੋਂ ਪਹਿਲਾਂ ਆਪਣੇ ਪੈਰਾਂ ਵਿਚ ਸ਼ੁੱਧ ਬਦਾਮ ਤੇਲ ਦੀ ਰੋਜ਼ਾਨਾ ਮਾਲਿਸ਼ ਕਰੋ | ਨਹਾਉਣ ਤੋਂ ਬਾਅਦ ਜਦੋਂ ਪੈਰ ਗਿੱਲੇ ਹੋਣ ਤਾਂ ਪੈਰਾਂ 'ਤੇ ਕ੍ਰੀਮ ਲਾਓ ਜਿਸ ਨਾਲ ਪੈਰਾਂ ਵਿਚ ਨਮੀ ਬਰਕਰਾਰ ਰੱਖਣ ਵਿਚ ਮਦਦ ਮਿਲੇਗੀ | ਫੁੱਟ ਕ੍ਰੀਮ ਨਾਲ ਪੈਰਾਂ ਦੀ ਸਰਕੁਲਰ ਮੋਸ਼ਨ ਵਿਚ ਹਲਕੀ-ਹਲਕੀ ਮਾਲਿਸ਼ ਕਰੋ ਅਤੇ ਇਸ ਨਾਲ ਤੁਹਾਡੇ ਪੈਰ ਮੁਲਾਇਮ ਬਣੇ ਰਹਿਣਗੇ ਜਿਸ ਨਾਲ ਅੱਡੀਆਂ ਫਟਣ ਦੀ ਸਮੱਸਿਆ ਨਹੀਂ ਆਵੇਗੀ |
ਪੈਰਾਂ ਦੀ ਸਮੱਸਿਆ ਲਈ ਸ਼ਹਿਦ ਕੁਦਰਤੀ ਇਲਾਜ ਮੰਨਿਆ ਜਾਂਦਾ ਹੈ | ਸ਼ਹਿਦ ਵਿਚ ਐਾਟੀ ਬੈਕਟੀਰੀਅਲ ਅਤੇ ਐਾਟੀ ਮਾਈਕ੍ਰੋਬੀਅਲ ਗੁਣ ਮੌਜੂਦ ਹੁੰਦੇ ਹਨ ਜੋ ਕਿ ਫੱਟੀਆਂ ਅੱਡੀਆਂ ਨੂੰ ਸਾਫ਼ ਕਰ ਕੇ ਇਨ੍ਹਾਂ ਦਾ ਕੁਦਰਤੀ ਇਲਾਜ ਕਰ ਸਕਦੇ ਹਨ | ਤਿੰਨ ਲੀਟਰ ਕੋਸੇ ਪਾਣੀ ਵਿਚ ਦੋ ਚਮਚ ਸ਼ਹਿਦ ਮਿਲਾ ਕੇ ਇਸ ਵਿਚ 20 ਮਿੰਟ ਤੱਕ ਪੈਰ ਡੁਬੋ ਕੇ ਰੱਖਣ ਨਾਲ ਪੈਰਾਂ ਵਿਚ ਕੋਮਲਤਾ ਆਉਂਦੀ ਹੈ | ਤੁਸੀਂ ਸ਼ਹਿਦ ਨੂੰ 'ਫੁੱਟ ਸਕਰੱਬ' ਜਾਂ ਫੁੱਟ ਮਾਸਕ ਦੇ ਤੌਰ 'ਤੇ ਵੀ ਵਰਤੋਂ ਕਰ ਸਕਦੇ ਹੋ |
ਤੁਹਾਡੀ ਰਸੋਈ ਵਿਚ ਵੀ ਫਟੀਆਂ ਅੱਡੀਆਂ ਦਾ ਕੁਦਰਤੀ ਇਲਾਜ ਦਾ ਸਮਾਨ ਹੁੰਦਾ ਹੈ | ਨਿੰਬੂ ਨੂੰ ਕੱਟ ਕੇ ਇਸ ਦਾ ਅੱਧਾ ਹਿੱਸਾ ਲੈ ਕੇ ਇਸ ਨੂੰ ਚੀਨੀ ਵਿਚ ਮਿਲਾਓ ਅਤੇ ਇਸ ਨੂੰ ਆਪਣੀਆਂ ਅੱਡੀਆਂ 'ਤੇ ਹੌਲੀ-ਹੌਲੀ ਰਗੜੋ | ਬਾਅਦ ਵਿਚ ਅੱਡੀਆਂ ਨੂੰ ਸਾਫ਼ ਤਾਜ਼ੇ ਪਾਣੀ ਨਾਲ ਧੋ ਦਿਓ | ਇਸ ਤਰ੍ਹਾਂ ਹਫ਼ਤੇ ਵਿਚ ਦੋ ਵਾਰ ਕਰਨ ਨਾਲ ਸਾਕਾਰਾਤਮਕ ਨਤੀਜੇ ਮਿਲਣਗੇ |
ਰਾਤ ਨੂੰ ਸੌਣ ਤੋਂ ਪਹਿਲਾਂ ਗਰਮ ਪਾਣੀ ਵਿਚ ਨਮਕ ਪਾ ਕੇ ਆਪਣੇ ਪੈਰਾਂ ਨੂੰ ਅੱਧਾ ਘੰਟਾ ਭਿਉਂ ਕੇ ਰੱਖੋ ਜਿਸ ਨਾਲ ਤੁਹਾਡੀਆਂ ਅੱਡੀਆਂ ਦੀ ਚਮੜੀ ਮੁਲਾਇਮ ਹੋ ਜਾਵੇਗੀ ਅਤੇ ਇਸ ਤੋਂ ਬਾਅਦ ਬਾਥਿੰਗ ਸਪੰਜ ਨਾਲ ਰਗੜ ਕੇ ਅੱਡੀਆਂ ਤੋਂ ਮਿ੍ਤ ਕੋਸ਼ਿਕਾਵਾਂ ਨੂੰ ਹੌਲੀ-ਹੌਲੀ ਹਟਾ ਦਿਓ | ਕਦੀ ਵੀ ਧਾਤੂ ਦੇ ਸਪੰਜ ਦੀ ਵਰਤੋਂ ਨਾ ਕਰੋ ਕਿਉਂਕਿ ਇਸ ਨਾਲ ਜ਼ਖ਼ਮ ਡੂੰਘੇ ਹੋ ਸਕਦੇ ਹਨ | ਪੈਰਾਂ ਨੂੰ ਧੋਣ ਤੋਂ ਬਾਅਦ ਚਮੜੀ 'ਤੇ ਕ੍ਰੀਮ ਦੀ ਮਾਲਿਸ਼ ਕਰੋ ਤਾਂ ਕਿ ਚਮੜੀ ਇਸ ਨੂੰ ਪੂਰੀ ਤਰ੍ਹਾਂ ਸੋਖ ਲਵੇ | ਨਿੰਬੂ ਅਤੇ ਹਲਦੀ ਦੇ ਗੁਣਾਂ ਵਾਲੀ ਕ੍ਰੀਮ ਸਭ ਤੋਂ ਚੰਗੀ ਹੁੰਦੀ ਹੈ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਫੱਟੀਆਂ ਅੱਡੀਆਂ ਨੂੰ ਨਰਮ ਰੂੰ ਦੇ ਕੱਪੜੇ ਦੀ ਪੱਟੀ ਬੰਨ੍ਹ ਕੇ ਸੌਣ ਨਾਲ ਫਟੀਆਂ ਅੱਡੀਆਂ ਦੇ ਜ਼ਖ਼ਮ ਭਰਨ ਵਿਚ ਮਦਦ ਮਿਲੇਗੀ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਪੈਰਾਂ 'ਤੇ 'ਫੁੱਟਕ੍ਰੀਮ' ਲਗਾ ਕੇ ਪੈਰਾਂ ਨੂੰ ਰੂੰ ਦੇ ਕੱਪੜੇ ਦੀ ਪੱਟੀ ਬੰਨ੍ਹ ਕੇ ਸੌਣ ਨਾਲ ਜ਼ਖ਼ਮ ਜਲਦੀ ਠੀਕ ਹੋਣ ਵਿਚ ਮਦਦ ਮਿਲਦੀ ਹੈ ਅਤੇ ਬਿਸਤਰਾ ਵੀ ਖਰਾਬ ਨਹੀਂ ਹੁੰਦਾ |
ਫਟੀਆਂ ਅੱਡੀਆਂ ਲਈ ਨਾਰੀਅਲ ਤੇਲ ਵਧੀਆ ਕੰਮ ਕਰਦਾ ਹੈ | ਨਾਰੀਅਲ ਤੇਲ ਵਿਚ ਮੌਜੂਦ ਐਾਟੀ ਇੰਫਲੇਮੇਟਰੀ ਅਤੇ ਐਾਟੀ ਮਾਈਕ੍ਰੋਬਾਈਲ ਗੁਣ ਮੌਜੂਦ ਹੁੰਦੇ ਹਨ, ਜਿਸ ਨਾਲ ਚਮੜੀ ਦੀ ਨਮੀ ਬਰਕਰਾਰ ਰੱਖਣ ਵਿਚ ਮਦਦ ਮਿਲਦੀ ਹੈ ਅਤੇ ਨਾਰੀਅਲ ਤੇਲ ਨੂੰ ਸੁੱਕੀ ਚਮੜੀ ਦੇ ਇਲਾਜ ਲਈ ਸਭ ਤੋਂ ਚੰਗਾ ਮੰਨਿਆ ਜਾਂਦਾ ਹੈ | ਨਾਰੀਅਲ ਤੇਲ ਚਮੜੀ 'ਚ ਨਮੀ ਬਰਕਰਾਰ ਰੱਖਣ ਤੋਂ ਇਲਾਵਾ ਚਮੜੀ ਦੀਆਂ ਮਿ੍ਤ ਕੋਸ਼ਿਕਾਵਾਂ ਨੂੰ ਹਟਾਉਣ ਵਿਚ ਵੀ ਮਦਦਗਾਰ ਸਾਬਤ ਹੁੰਦਾ ਹੈ | ਨਾਰੀਅਲ ਤੇਲ ਨੂੰ ਹਰ ਰੋਜ਼ ਵਰਤੋਂ ਵਿਚ ਲਿਆਉਣ ਨਾਲ ਫਟੀਆਂ ਅੱਡੀਆਂ ਦੀ ਸਮੱਸਿਆ ਤੋਂ ਬਚਿਆ ਜਾ ਸਕਦਾ ਹੈ ਅਤੇ ਇਹ ਪੈਰਾਂ ਦੀ ਬਾਹਰੀ ਚਮੜੀ ਦੇ ਟਿਸ਼ੂ ਨੂੰ ਮਜ਼ਬੂਤ ਕਰਦਾ ਹੈ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਨਾਰੀਅਲ ਤੇਲ ਨਾਲ ਚਮੜੀ ਦੀ ਮਾਲਿਸ਼ ਕਰਨ ਨਾਲ ਸਵੇਰੇ ਤੁਹਾਡੇ ਪੈਰ ਨਰਮ ਅਤੇ ਮੁਲਾਇਮ ਬਣ ਕੇ ਉੱਭਰਨਗੇ | ਜੇਕਰ ਤੁਸੀਂ ਫਟੀਆਂ ਅੱਡੀਆਂ ਦੀ ਸਮੱਸਿਆ ਨਾਲ ਜੂਝ ਰਹੇ ਹੋ ਤਾਂ ਦਿਨ ਵਿਚ ਦੋ ਵਾਰ ਨਾਰੀਅਲ ਤੇਲ ਨਾਲ ਆਪਣੇ ਪੈਰਾਂ ਦੀ ਮਾਲਿਸ਼ ਕਰੋ |
ਫਟੀਆਂ ਅੱਡੀਆਂ ਦੇ ਇਲਾਜ ਵਿਚ ਜੈਤੂਨ ਦਾ ਤੇਲ ਕਾਫ਼ੀ ਪ੍ਰਭਾਵੀ ਮੰਨਿਆ ਜਾਂਦਾ ਹੈ | ਹਫ਼ਤੇ ਵਿਚ ਦੋ ਵਾਰ ਜੈਤੂਨ ਦੇ ਤੇਲ ਦੀ ਟ੍ਰੀਟਮੈਂਟ, ਫਟੀਆਂ ਅੱਡੀਆਂ ਦੀ ਸਮੱਸਿਆ ਦਾ ਪ੍ਰਭਾਵੀ ਹੱਲ ਪ੍ਰਦਾਨ ਕਰਦੀ ਹੈ | ਜੈਤੂਨ ਦੇ ਗਰਮ ਤੇਲ ਨੂੰ ਕਾਟਨ ਬਾਲ ਨਾਲ ਹੌਲੀ-ਹੌਲੀ ਪੈਰਾਂ 'ਤੇ ਗੋਲਾਕਾਰ ਲਗਾਉਣ ਨਾਲ ਚਮੜੀ ਤੇਲ ਨੂੰ ਸੋਖ ਲਵੇਗੀ | ਉਸ ਤੋਂ ਬਾਅਦ ਪੈਰਾਂ ਨੂੰ ਕਾਟਨ ਦੇ ਕੱਪੜੇ ਨਾਲ ਬੰਨ੍ਹ ਲਓ ਅਤੇ ਥੋੜ੍ਹੀ ਦੇਰ ਬਾਅਦ ਕੋਸੇ ਪਾਣੀ ਨਾਲ ਧੋ ਲਓ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਹਰ ਰੋਜ਼ ਜੈਤੂਨ ਦੇ ਤੇਲ ਨਾਲ ਪੈਰਾਂ ਦੀ ਮਾਲਿਸ਼ ਕਰਨ ਨਾਲ ਤੁਹਾਨੂੰ ਚੰਗੇ ਨਤੀਜੇ ਮਿਲ ਸਕਦੇ ਹਨ |
ਮੌਸਮ ਦੇ ਹਿਸਾਬ ਨਾਲ ਪੈਰਾਂ ਲਈ ਜੁੱਤੀਆਂ ਦੀ ਚੋਣ ਕਰੋ | ਹਵਾਈ ਚੱਪਲ, ਸੈਂਡਲ ਆਦਿ ਦੀ ਵਰਤੋਂ ਤੋਂ ਪਰਹੇਜ਼ ਕਰੋ ਅਤੇ ਬੰਦ ਜੁੱਤੀਆਂ ਨੂੰ ਵਰਤੋਂ ਵਿਚ ਲਿਆਓ | ਗਰਮੀਆਂ ਵਿਚ ਹਮੇਸ਼ਾ ਸੂਤੀ ਜੁਰਾਬਾਂ ਨੂੰ ਪਹਿਲ ਦਿਓ ਕਿਉਂਕਿ ਸਿੰਥੈਟਿਕਸ ਦੀਆਂ ਜੁਰਾਬਾਂ ਪੈਰਾਂ ਦੀ ਚਮੜੀ ਨੂੰ ਰੁੱਖਾ ਬਣਾ ਸਕਦੀਆਂ ਹਨ | ਕੈਮੀਕਲ ਯੁਕਤ ਸਾਬਣ, ਸ਼ੈਂਪੂ ਦੀ ਵਰਤੋਂ ਨੂੰ ਜ਼ਰੂਰਤ ਤੋਂ ਜ਼ਿਆਦਾ ਵਰਤੋਂ ਵਿਚ ਨਾ ਲੈ ਕੇ ਆਓ ਅਤੇ ਵਿਟਾਮਿਨ-ਈ, ਕੈਲਸ਼ੀਅਮ, ਜ਼ਿੰਕ, ਓਮੇਗਾ-3 ਆਦਿ ਨਾਲ ਭਰਪੂਰ ਡਾਈਟ ਲਓ |
ਇਹ ਧਿਆਨ ਰੱਖੋ ਕਿ ਜੇਕਰ ਤੁਹਾਡੀਆਂ ਫਟੀਆਂ ਅੱਡੀਆਂ ਦੀ ਸਮੱਸਿਆ ਸਰੀਰਕ ਬਿਮਾਰੀ ਜਾਂ ਜੀਵਨ ਸ਼ੈਲੀ ਨਾਲ ਜੁੜੀ ਹੈ ਤਾਂ ਤੁਸੀਂ ਕਿਸੇ ਮਾਹਿਰ ਦੀ ਸਲਾਹ ਤੋਂ ਬਿਨਾਂ ਕੋਈ ਵੀ ਇਲਾਜ ਬਿਲਕੁਲ ਨਾ ਕਰੋ | ਕਿਸੇ ਵੀ ਇਕ ਪੋਜ਼ੀਸ਼ਨ 'ਤੇ ਲੰਮੇ ਸਮੇਂ ਤੱਕ ਖੜ੍ਹੇ ਨਾ ਰਹੋ ਅਤੇ ਆਪਣੇ ਪੈਰਾਂ ਦੀ ਰੋਜ਼ਾਨਾ ਸਹੀ ਦੇਖਭਾਲ ਕਰੋ |

ਸਮਝਦਾਰ ਵਿਅਕਤੀ ਦੇ ਗੁਣ

ਇਕ ਸਮਝਦਾਰ ਵਿਅਕਤੀ ਜਿਥੇ ਜ਼ਰੂਰਤ ਹੋਵੇ, ਉਥੇ ਬੋਲਦਾ ਹੈ, ਜ਼ਿਆਦਾ ਲੋਕਾਂ ਨਾਲ ਬਹਿਸ ਨਹੀਂ ਕਰਦਾ | ਜਿਥੇ ਦੋ ਵਿਅਕਤੀ ਆਪਸ ਵਿਚ ਗੱਲਬਾਤ ਕਰਦੇ ਹਨ, ਉਨ੍ਹਾਂ ਵਿਚ ਨਹੀਂ ਬੋਲਦਾ |
ਸਮਝਦਾਰ ਵਿਅਕਤੀ ਜੇਕਰ ਕਿਸੇ ਲਈ ਕੋਈ ਚੰਗਾ ਕੰਮ ਕਰਦਾ ਹੈ ਤਾਂ ਵਾਰ-ਵਾਰ ਉਸ ਨੂੰ ਸੁਣਾਉਂਦਾ ਨਹੀਂ ਹੈ ਅਤੇ ਨਾ ਹੀ ਉਹ ਕਦੇ ਝੂਠ ਬੋਲਦਾ ਹੈ | ਜੇਕਰ ਕੋਈ ਵਿਅਕਤੀ ਉਸ ਤੋਂ ਕੋਈ ਚੀਜ਼ ਜਿਵੇਂ ਪੈਸੇ ਮੰਗਦਾ ਹੈ ਤਾਂ ਉਹ ਸੱਚ ਦੱਸ ਦੇਵੇਗਾ ਕਿ ਉਸ ਕੋਲ ਪੈਸੇ ਹੈ ਜਾਂ ਨਹੀਂ | ਉਹ ਕਿਸੇ ਨੂੰ ਝੂਠੇ ਲਾਰੇ ਨਹੀਂ ਲਗਾਏਗਾ |
ਸਮਝਦਾਰ ਵਿਅਕਤੀ ਕੋਈ ਵੀ ਕੰਮ ਕਰਨ ਲੱਗੇ ਕਦੇ ਵੀ ਰੌਲਾ ਨਹੀਂ ਪਾਵੇਗਾ | ਚੁੱਪਚਾਪ ਆਪਣੇ ਕੰਮ ਕਰਦਾ ਰਹੇਗਾ | ਜਦੋਂ ਵੀ ਕਿਸੇ ਦਾ ਚੰਗਾ ਕੰਮ ਹੋਵੇਗਾ, ਉਸ ਨੂੰ ਆਪਣੇ-ਆਪ ਪਤਾ ਲੱਗ ਜਾਵੇਗਾ | ਜਿਵੇਂ ਕਿਸੇ ਬੱਚੇ ਨੇ ਬਾਹਰ ਜਾਣਾ ਹੋਵੇ ਤਾਂ ਜ਼ਿਆਦਾ ਰੌਲਾ ਨਹੀਂ ਪਾਉਣਾ ਚਾਹੀਦਾ | ਜਦੋਂ ਕੰਮ ਬਣੇਗਾ ਉਦੋਂ ਸਭ ਨੂੰ ਪਤਾ ਲੱਗ ਜਾਵੇਗਾ |
ਸਮਝਦਾਰ ਵਿਅਕਤੀ ਕਦੀ ਵੀ ਟਾਈਮ ਖਰਾਬ ਨਹੀਂ ਕਰੇਗਾ | ਸਮੇਂ ਦਾ ਹਮੇਸ਼ਾ ਸਦਉਪਯੋਗ ਕਰੇਗਾ ਅਤੇ ਚੰਗੇ ਕੰਮਾਂ ਵੱਲ ਧਿਆਨ ਦੇਵੇਗਾ | ਇਕ ਸਮਝਦਾਰ ਵਿਅਕਤੀ ਆਪਣੀ ਜ਼ਿੰਦਗੀ ਦੀਆਂ ਚੰਗੀਆਂ ਆਦਤਾਂ, ਚੰਗੀਆਂ ਗੱਲਾਂ ਅਤੇ ਚੰਗੀ ਜਾਣਕਾਰੀ ਹਮੇਸ਼ਾ ਲੋਕਾਂ ਨਾਲ ਸਾਂਝੀਆਂ ਕਰੇਗਾ |
ਸਮਝਦਾਰ ਵਿਅਕਤੀ ਕਦੀ ਵੀ ਆਪਣੀ ਗ਼ਲਤੀ ਦੂਜਿਆਂ ਦੇ ਸਿਰ ਨਹੀਂ ਲਗਾਏਗਾ | ਜਿਥੇ ਉਸ ਦੀ ਗ਼ਲਤੀ ਹੋਵੇ, ਉਸ ਨੂੰ ਮੰਨ ਲਵੇਗਾ | ਉਹ ਆਪਣਾ ਖ਼ਰਚਾ ਵੀ ਆਪਣੇ ਬਜਟ ਦੇ ਹਿਸਾਬ ਨਾਲ ਹੀ ਕਰੇਗਾ | ਕਦੇ ਵੀ ਫਜ਼ੂਲ-ਖਰਚੀ ਨਹੀਂ ਕਰਦਾ | ਉਹ ਹਮੇਸ਼ਾ ਸੋਚ-ਸਮਝ ਕੇ ਹਰ ਕਦਮ ਪੁੱਟਦਾ ਹੈ |
ਸਮਝਦਾਰ ਵਿਅਕਤੀ ਵੱਡਿਆਂ ਦਾ ਆਦਰ-ਮਾਣ ਕਰਦਾ ਹੈ ਅਤੇ ਹਰ ਕੰਮ ਉਨ੍ਹਾਂ ਦੀ ਸਲਾਹ ਨਾਲ ਕਰਦਾ ਹੈ |

-ਸ਼ਹਾਬਦੀ ਨੰਗਲ, ਹੁਸ਼ਿਆਰਪੁਰ | ਮੋਬਾਈਲ : 97793-68243.

ਮੇਕਅਪ ਦਾ ਆਧਾਰ ਹੈ ਕੰਸੀਲਰ

ਮੇਕਅਪ ਚਾਹੇ ਲਾਈਟ ਹੋਵੇ ਜਾਂ ਹੈਵੀ, ਮੇਕਅਪ ਵਿਚ ਕੰਸੀਲਰ ਦੀ ਜ਼ਰੂਰਤ ਹੁੰਦੀ ਹੈ | ਕੰਸੀਲਰ ਚਿਹਰੇ ਦੇ ਦਾਗ਼ ਧੱਬਿਆਂ ਨੂੰ ਲੁਕਾਉਣ ਦਾ ਕੰਮ ਕਰਦਾ ਹੈ | ਅੱਖਾਂ ਦੇ ਹੇਠਾਂ ਦੇ ਕਾਲੇ ਘੇਰੇ, ਮੁਹਾਂਸੇ ਅਤੇ ਸਥਾਈ ਨਿਸ਼ਾਨਾਂ ਨੂੰ ਇਹ ਚੰਗੀ ਤਰ੍ਹਾਂ ਭਰ ਦਿੰਦਾ ਹੈ | ਕੰਸੀਲਰ ਦੀ ਵਰਤੋਂ ਸਹੀ ਤਰ੍ਹਾਂ ਨਾਲ ਕਰਨੀ ਚਾਹੀਦੀ ਹੈ ਤਦੇ ਚਿਹਰੇ ਦੇ ਮੇਕਅਪ ਵਿਚ ਨਿਖਾਰ ਆਉਂਦਾ ਹੈ | ਕੰਸੀਲਰ ਕਈ ਤਰ੍ਹਾਂ ਦੇ ਆਕਾਰ ਅਤੇ ਰੰਗਾਂ ਵਿਚ ਮਿਲਦੇ ਹਨ | ਸਟਿਕ ਕੰਸੀਲਰ, ਕ੍ਰੀਮ ਕੰਸੀਲਰ ਅਤੇ ਕੇਕ ਕੰਸੀਲਰ | ਸਟਿਕ ਕੰਸੀਲਰ ਵਰਤਣ ਵਿਚ ਜ਼ਿਆਦਾ ਚੰਗਾ ਰਹਿੰਦਾ ਹੈ | ਕੰਸੀਲਰ ਨੂੰ ਫਾਊਾਡੇਸ਼ਨ ਲਗਾਉਣ ਤੋਂ ਪਹਿਲਾਂ ਲਗਾਇਆ ਜਾਂਦਾ ਹੈ | ਮੇਕਅਪ ਕਰਨ ਤੋਂ ਪਹਿਲਾਂ ਚਿਹਰੇ ਦੀ ਸਫ਼ਾਈ ਕਰੋ, ਜੇਕਰ ਤੁਹਾਡੀ ਚਮੜੀ ਰੁੱਖੀ ਹੈ ਤਾਂ ਮਾਸਚਰਾਈਜ਼ਰ ਨਾਲ ਇਸ ਨੂੰ ਮਾਸਚਰਾਈਜ਼ ਕਰੋ | ਇਸ ਤੋਂ ਬਾਅਦ ਕੰਸੀਲਰ ਦੀ ਵਰਤੋਂ ਕਰਨੀ ਚਾਹੀਦੀ ਹੈ |
ਕਿਵੇਂ ਚੁਣੀਏ : ਜੇਕਰ ਤੁਹਾਡੇ ਚਿਹਰੇ 'ਤੇ ਕਿੱਲ ਮੁਹਾਂਸੇ ਦੇ ਦਾਗ਼ ਹਨ ਤਾਂ ਇਸ ਲਈ ਪੈਂਸਿਲ ਕੰਸੀਲਰ ਦੀ ਚੋਣ ਕਰੋ ਅਤੇ ਇਸ ਨੂੰ ਮੁਹਾਂਸੇ ਦੇ ਨਿਸ਼ਾਨ 'ਤੇ ਚਾਰੇ ਪਾਸੇ ਲਗਾਓ | ਰੰਗ ਦੀ ਚੋਣ ਆਪਣੇ ਚਿਹਰੇ ਦੀ ਚਮੜੀ ਦੇ ਅਨੁਸਾਰ ਕਰੋ | ਚਿਹਰੇ ਦੇ ਨਿਸ਼ਾਨ, ਅੱਖਾਂ ਦੇ ਹੇਠਾਂ ਦੇ ਕਾਲੇ ਘੇਰੇ ਅਤੇ ਚਮੜੀ ਦੀ ਕੁਦਰਤੀ ਟੋਨ ਨਾਲ ਇਕ ਤੋਂ ਦੋ ਸ਼ੇਡ ਹਲਕਾ ਕੰਸੀਲਰ ਚੁਣੋ | ਕੰਸੀਲਰ ਦਾ ਸਕਿਨ ਟੋਨ ਹੱਥ 'ਤੇ ਅਜ਼ਮਾਉਣ ਦੀ ਬਜਾਏ ਚਿਹਰੇ 'ਤੇ ਅਜ਼ਮਾਓ | ਅਜ਼ਮਾਉਂਦੇ ਸਮੇਂ ਚਿਹਰੇ 'ਤੇ ਕੋਈ ਮੇਕਅਪ ਨਹੀਂ ਚਾਹੀਦਾ | ਜੇਕਰ ਤੁਹਾਡੀਆਂ ਅੱਖਾਂ ਦੇ ਹੇਠਾਂ ਕਾਲੇ ਘੇਰੇ ਜ਼ਿਆਦਾ ਹਨ ਤਾਂ ਕੰਸੀਲਰ ਦਾ ਸ਼ੇਡ ਸਕਿਨ ਕਲਰ ਤੋਂ ਗਹਿਰਾ ਹੋਣਾ ਚਾਹੀਦਾ ਹੈ | ਜੇਕਰ ਤੁਸੀਂ ਕੰਸੀਲਰ ਦੇ ਬਦਲੇ ਫਾਊਾਡੇਸ਼ਨ ਦੀ ਵਰਤੋਂ ਕਰ ਰਹੇ ਹੋ ਤਾਂ ਇਸ ਨੂੰ ਸਾਵਧਾਨੀ ਨਾਲ ਲਗਾਓ |
ਕਿਵੇਂ ਲਗਾਈਏ : ਕੰਸੀਲਰ ਨੂੰ ਉਂਗਲੀ ਦੀ ਨੋਕ 'ਤੇ ਲਗਾ ਕੇ ਥਪਥਪਾਉਂਦੇ ਹੋਏ ਲਗਾਓ | ਨੱਕ ਅਤੇ ਅੱਖ ਦੇ ਕੋਲ ਵਾਲੇ ਕੋਨੇ ਤੋਂ ਲਗਾ ਕੇ ਬਾਹਰੀ ਕੋਨੇ ਤੱਕ ਲਗਾਓ | ਕੰਸੀਲਰ ਨੂੰ ਅੱਖਾਂ ਦੇ ਆਲੇ-ਦੁਆਲੇ ਨਾ ਰਗੜੋ ਸਗੋਂ ਬੁਰਸ਼ ਦੀ ਮਦਦ ਨਾਲ ਇਸ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰਕੇ ਲਗਾਓ | ਚਿਹਰੇ ਦੇ ਦਾਗ਼ ਧੱਬਿਆਂ ਦੇ ਉੱਪਰ ਕੰਸੀਲਰ ਲਗਾ ਕੇ ਉਂਗਲੀਆਂ ਨਾਲ ਇਸ ਨੂੰ ਹੌਲੀ-ਹੌਲੀ ਥਪਥਪਾਉਂਦੇ ਹੋਏ ਚਮੜੀ ਦੇ ਬਾਹਰ ਵੱਲ ਮਿਕਸ ਕਰਦੇ ਹੋਏ ਲਗਾਓ | ਮੁਹਾਂਸੇ 'ਤੇ ਕੰਸੀਲਰ ਮੇਕਅਪ ਬੁਰਸ਼ ਦੀ ਮਦਦ ਨਾਲ ਲਗਾਓ | ਮੁਹਾਂਸਿਆਂ ਅਤੇ ਅੱਖਾਂ ਦੇ ਘੇਰੇ 'ਤੇ ਲਗਾਉਣ ਤੋਂ ਬਾਅਦ ਉਸ ਨੂੰ ਮਿਕਸ ਕਰੋ ਅਤੇ ਉਸ ਦੇ ਉੱਪਰ ਫਾਊਾਡੇਸ਼ਨ ਦੀ ਇਕ ਲੇਅਰ ਲਗਾਓ | ਜੇਕਰ ਤੁਸੀਂ ਕੰਸੀਲਰ ਦੇ ਬਦਲੇ ਫਾਊਾਡੇਸ਼ਨ ਦੀ ਵਰਤੋਂ ਕਰ ਰਹੇ ਹੋ ਤਾਂ ਫਾਊਾਡੇਸ਼ਨ ਦੀ ਚੋਣ ਆਪਣੇ ਚਿਹਰੇ ਦੀ ਚਮੜੀ ਦੇ ਅਨੁਸਾਰ ਕਰੋ | ਕੰਸੀਲਰ ਪੂਰੇ ਚਿਹਰੇ 'ਤੇ ਲਗਾਉਣ ਦੀ ਬਜਾਏ ਜਿਥੇ ਜ਼ਿਆਦਾ ਨਿਸ਼ਾਨ ਹੋਣ, ਉਥੇ ਲਗਾਓ |
ਹਮੇਸ਼ਾ ਯੈਲੋ ਟੋਨ ਵਾਲਾ ਕੰਸੀਲਰ ਚੁਣੋ | ਇਸ ਦਾ ਕਵਰੇਜ ਚੰਗਾ ਹੁੰਦਾ ਹੈ ਅਤੇ ਇਸ ਤਰ੍ਹਾਂ ਦਾ ਕੰਸੀਲਰ ਲਓ ਜਿਸ ਵਿਚ ਮਿਨਰਲ ਤੇਲ ਵੀ ਹੋਵੇ | ਕੰਸੀਲਰ ਅਤੇ ਫਾਊਾਡੇਸ਼ਨ ਦੀ ਵਰਤੋਂ ਨਾਲ ਮੇਕਅਪ ਨੂੰ ਕੁਦਰਤੀ ਦਿੱਖ ਦੇ ਸਕਦੇ ਹਾਂ |

ਆਓ ਆਪਣੇ ਘਰ ਨੂੰ ਬਣਾਈਏ ਬੈਕਟੀਰੀਆ ਮੁਕਤ

ਘਰ ਸਾਫ਼ ਹੈ ਤਾਂ ਸਮਝੋ ਤੁਸੀਂ ਸਿਹਤਮੰਦ ਹੋ | ਸਾਫ਼ ਘਰ ਸਾਨੂੰ ਸਭ ਤਰ੍ਹਾਂ ਦੀਆਂ ਬਿਮਾਰੀਆਂ ਤੋਂ ਮੁਕਤ ਰੱਖਦਾ ਹੈ | ਸ਼ਾਇਦ ਇਸ ਲਈ ਕਿਉਂਕਿ ਸਾਫ਼ ਘਰ ਵਾਇਰਸ ਅਤੇ ਬੈਕਟੀਰੀਆ ਤੋਂ ਮੁਕਤ ਹੁੰਦਾ ਹੈ | ਇਸ ਸਮੇਂ ਪੂਰੀ ਦੁਨੀਆ ਵਿਚ ਹਰ ਪਾਸੇ ਕੋਰੋਨਾ ਦੇ ਚਰਚੇ ਹੋ ਰਹੇ ਹਨ | ਇੰਡੀਅਨ ਮੈਡੀਕਲ ਅਕੈਡਮੀ ਨੇ ਪਿਛਲੇ ਦਿਨੀਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ 1400 ਘਰਾਂ ਦਾ ਸਰਵੇ ਕੀਤਾ | ਇਹ ਘਰ ਬਾਹਰ ਤੋਂ ਦੇਖਣ ਨੂੰ ਖ਼ੂਬਸੂਰਤ ਅਤੇ ਕਾਫ਼ੀ ਸਾਫ਼-ਸੁਥਰੇ ਸਨ ਪਰ ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਘਰਾਂ ਦੀ ਰਸੋਈ ਵਾਇਰਸ ਨਾਲ ਸੰਕ੍ਰਮਿਤ ਪਾਈ ਗਈ | ਗਲੋਬਲ ਹਾਈਜੀਨ ਕਾਊਾਸਿਲ ਵਲੋਂ ਜਾਰੀ ਅੰਕੜਿਆਂ ਅਨੁਸਾਰ ਰਸੋਈ ਵਿਚ ਵਰਤੇ ਜਾਣ ਵਾਲੇ ਕੱਪੜੇ, ਚਾਕੂ, ਚੋਪਿੰਗ ਬੋਰਡ, ਫਰਿੱਜ ਦੇ ਅੰਦਰ ਅਤੇ ਉਸ ਦੇ ਸਾਰੇ ਹਿੱਸਿਆਂ ਵਿਚ 60 ਤੋਂ 90 ਫ਼ੀਸਦੀ ਹਿੱਸੇ ਸੰਕ੍ਰਮਿਤ ਪਾਏ ਗਏ |
ਹਾਈਜੀਨ ਦੀ ਕਮੀ ਦੇ ਚਲਦਿਆਂ ਬਦਹਜ਼ਮੀ, ਡਾਇਰੀਆ ਜਾਂ ਜਲਦੀ ਜਲਦੀ ਬਿਮਾਰ ਪੈਣ ਤੋਂ ਇਲਾਵਾ ਦਮਾ, ਜੋੜਾਂ ਦੇ ਦਰਦ ਵਰਗੀਆਂ ਦਰਜਨਾਂ ਸਮੱਸਿਆਵਾਂ ਹੋ ਸਕਦੀਆਂ ਹਨ | ਜੇਕਰ ਅਸੀਂ ਘਰ ਦੀ ਸਾਫ਼-ਸਫ਼ਾਈ ਵੱਲ ਧਿਆਨ ਰੱਖੀਏ ਤਾਂ ਹੈਰਾਨੀਜਨਕ ਢੰਗ ਨਾਲ ਇਨ੍ਹਾਂ ਵਰਗੀਆਂ ਜਾਂ ਇਸ ਤਰ੍ਹਾਂ ਦੀਆਂ ਕਈ ਦੂਜੀਆਂ ਸਿਹਤ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲ ਸਕਦਾ ਹੈ | ਕਈ ਲੋਕਾਂ ਨੂੰ ਲਗਦਾ ਹੈ ਕਿ ਸਾਫ਼-ਸਫ਼ਾਈ ਦਾ ਰਿਸ਼ਤਾ ਤੁਹਾਡੇ ਚੰਗੇ ਲੱਗਣ ਜਾਂ ਨਾ ਲੱਗਣ 'ਤੇ ਨਿਰਭਰ ਹੈ, ਇਸ ਤਰ੍ਹਾਂ ਨਹੀਂ ਹੈ | ਸਾਫ਼-ਸਫ਼ਾਈ ਦਾ ਰਿਸ਼ਤਾ ਸਾਡੀ ਸਿਹਤ ਨਾਲ ਵੀ ਹੈ | ਸਾਡੇ ਜੀਵਨ ਦੀਆਂ ਸਭ ਛੋਟੀਆਂ-ਛੋਟੀਆਂ ਗੱਲਾਂ ਸਿੱਧੇ ਤੌਰ 'ਤੇ ਸਾਡੀ ਸਿਹਤ ਨਾਲ ਜੁੜੀਆਂ ਹੋਈਆਂ ਹਨ | ਇਥੋਂ ਤੱਕ ਕਿ ਸਾਡੀ ਬੈੱਡਸ਼ੀਟ ਅਤੇ ਸਿਰਹਾਣੇ ਤੱਕ ਵੀ ਸਾਡੀ ਸਿਹਤ 'ਤੇ ਅਸਰ ਕਰਦੇ ਹਨ |
ਰਸੋਈ ਵਿਚ ਤੁਸੀਂ ਜਿਸ ਸਪੰਜ ਨਾਲ ਅਕਸਰ ਭਾਂਡੇ ਧੋਂਦੇ ਹੋ ਜਾਂ ਸਪੰਜ ਦੀ ਥਾਂ ਕੋਈ ਕੱਪੜਾ ਵਰਤਦੇ ਹੋ ਤਾਂ ਇਹ ਸਪੰਜ ਅਤੇ ਕੱਪੜਾ ਮੰਨ ਲਓ ਕਿਟਾਣੂਆਂ ਅਤੇ ਜੀਵਾਣੂਆਂ ਦੀ ਜਨਨੀ ਹੈ | ਇਨ੍ਹਾਂ ਨੂੰ ਇਨ੍ਹਾਂ ਦੀ ਜਨਨੀ ਹੋਣ ਤੋਂ ਤਦੇ ਰੋਕਿਆ ਜਾ ਸਕਦਾ ਹੈ, ਜਦੋਂ ਇਨ੍ਹਾਂ ਨੂੰ ਹਰ ਵਾਰ ਵਰਤੋਂ ਕਰਨ ਤੋਂ ਬਾਅਦ ਚੰਗੀ ਤਰ੍ਹਾਂ ਧੋਇਆ ਜਾਵੇ ਅਤੇ ਧੋਣ ਤੋਂ ਬਾਅਦ ਇਨ੍ਹਾਂ ਨੂੰ ਧੁੱਪ ਵਿਚ ਸੁਕਾਇਆ ਜਾਵੇ | ਕੋਈ 'ਕਿਚਨ ਕਲਾਥ' ਜਾਂ ਭਾਂਡੇ ਧੋਣ ਵਾਲਾ ਸਪੰਜ ਜਿੰਨਾ ਗਿੱਲਾ ਰਹੇਗਾ, ਉਹ ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਦੀ ਸਿਹਤ ਲਈ ਓਨਾ ਹੀ ਖ਼ਤਰਨਾਕ ਹੋਏਗਾ |
ਰਸੋਈ ਕਾਊਾਟਰਸ 'ਤੇ ਹਮੇਸ਼ਾ ਖਾਣੇ ਦੇ ਛੋਟੇ-ਛੋਟੇ ਟੁਕੜੇ ਡਿਗਦੇ ਰਹਿੰਦੇ ਹਨ | ਇਸ ਤਰ੍ਹਾਂ ਨਾ ਸਮਝੋ ਕਿ ਜੋ ਖਾਣੇ ਦੇ ਟੁਕੜੇ ਏਨੇ ਵੱਡੇ ਨਹੀਂ ਹਨ ਕਿ ਨੰਗੀ ਅੱਖ ਨਾਲ ਨਾ ਦਿਸ ਸਕਣ, ਉਹ ਹਮੇਸ਼ਾ ਪਰੇਸ਼ਾਨੀ ਵਿਚ ਨਹੀਂ ਪਾਉਣਗੇ | ਅਸਲ ਵਿਚ ਰਸੋਈ ਕਾਊਾਟਰ 'ਤੇ ਡਿਗਣ ਵਾਲੇ ਖਾਣ-ਪੀਣ ਦੇ ਛੋਟੇ-ਛੋਟੇ ਟੁਕੜੇ ਬੈਕਟੀਰੀਆ ਦਾ ਭੰਡਾਰ ਹੁੰਦੇ ਹਨ, ਇਨ੍ਹਾਂ ਨਾਲ ਕੀੜੇ ਮਕੌੜੇ ਪੈਦਾ ਹੁੰਦੇ ਹਨ ਅਤੇ ਇਨ੍ਹਾਂ ਸਭ ਦਾ ਅਸਰ ਸੁਆਣੀ ਤੋਂ ਲੈ ਕੇ ਉਸ ਘਰ ਦੇ ਲੋਕਾਂ ਦੀ ਸਿਹਤ 'ਤੇ ਪੈਂਦਾ ਹੈ | ਕੁੱਲ ਮਿਲਾ ਕੇ ਕਹਿਣ ਵਾਲੀ ਗੱਲ ਇਹ ਹੈ ਕਿ ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੇ ਘਰ ਵਿਚ ਬੈਕਟੀਰੀਆ ਅਤੇ ਵਾਇਰਸ ਦਾ ਦਾਖਲਾ ਨਾ ਹੋਵੇ ਤਾਂ ਇਸ ਦਾ ਇਕ ਸਿੱਧਾ-ਸਾਧਾ ਫਾਰਮੂਲਾ ਹੈ ਕਿ ਘਰ ਵਿਚ ਗੰਦਗੀ ਬਿਲਕੁਲ ਨਾ ਰਹਿਣ ਦਿਓ |



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX