ਤਾਜਾ ਖ਼ਬਰਾਂ


ਅੰਮ੍ਰਿਤਸਰ ਦੇ ਮਾਲ ਰੋਡ ਸਕੂਲ ਵਿਖੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਵੰਡੇ ਗਏ ਸਮਾਰਟ ਫੋਨ
. . .  2 minutes ago
ਅੰਮ੍ਰਿਤਸਰ, 12 ਅਗਸਤ ਰਾਜੇਸ਼ ਕੁਮਾਰ ਸੰਧੂ)- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਚੋਣਾਂ ਦੌਰਾਨ ਕੀਤੇ ਗਏ ਵਾਅਦੇ ਮੁਤਾਬਕ ਅੱਜ ਅੰਮ੍ਰਿਤਸਰ ਦੇ ਮਾਲ ਰੋਡ ਸਕੂਲ ਵਿਖੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਸਮਾਰਟ ਫੋਨ...
ਸੈਫ਼ ਅਤੇ ਕਰੀਨਾ ਦੇ ਘਰ ਮੁੜ ਗੂੰਜਣਗੀਆਂ ਕਿਲਕਾਰੀਆਂ
. . .  5 minutes ago
ਮੁੰਬਈ, 12 ਅਗਸਤ- ਬਾਲੀਵੁੱਡ ਅਦਾਕਾਰ ਸੈਫ਼ ਅਲੀ ਖ਼ਾਨ ਅਤੇ ਕਰੀਨਾ ਕਪੂਰ ਖ਼ਾਨ ਦੇ ਪਰਿਵਾਰ 'ਚ ਜਲਦੀ ਹੀ ਇੱਕ ਹੋਰ ਨੰਨ੍ਹਾ ਮਹਿਮਾਨ ਆਉਣ ਵਾਲਾ ਹੈ। ਅਜਿਹੀਆਂ ਖ਼ਬਰਾਂ ਸੋਸ਼ਲ ਮੀਡੀਆ 'ਤੇ ਚੱਲ ਰਹੀਆਂ ਸਨ ਪਰ ਹੁਣ...
ਜਨਮ ਅਸ਼ਟਮੀ ਮੌਕੇ ਪੁਲਿਸ ਵਲੋਂ ਸੰਗਰੂਰ 'ਚ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ
. . .  24 minutes ago
ਸੰਗਰੂਰ, 12 ਅਗਸਤ (ਧੀਰਜ ਪਸ਼ੋਰੀਆ)- ਕੋਰੋਨਾ ਮਹਾਂਮਾਰੀ ਦੇ ਚੱਲਦਿਆਂ ਜਨਮ ਅਸ਼ਟਮੀ ਮੌਕੇ ਲੋਕਾਂ 'ਚ ਘੱਟ ਉਤਸ਼ਾਹ ਹੈ ਪਰ ਇਸ ਮੌਕੇ ਪੁਲਿਸ ਪੂਰੀ ਮੁਸਤੈਦ ਹੈ। ਜਨਮ ਅਸ਼ਟਮੀ ਮੌਕੇ ਜਿੱਥੇ ਮੰਦਰਾਂ 'ਚ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ...
ਨਹੀਂ ਰੁਕ ਰਿਹਾ ਕੋਰੋਨਾ ਦਾ ਕਹਿਰ : ਕਪੂਰਥਲਾ 'ਚ 16 ਹੋਰ ਮਾਮਲੇ ਆਏ ਸਾਹਮਣੇ
. . .  28 minutes ago
ਕਪੂਰਥਲਾ, 12 ਅਗਸਤ (ਅਮਰਜੀਤ ਸਿੰਘ ਸਡਾਨਾ)- ਜ਼ਿਲ੍ਹੇ 'ਚ ਕੋਰੋਨਾ ਦੇ 16 ਹੋਰ ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ 'ਚ 13 ਕਪੂਰਥਲਾ, 1 ਫਗਵਾੜਾ ਅਤੇ 2 ਟਿੱਬਾ ਦੇ ਮਰੀਜ਼ ਸ਼ਾਮਲ...
ਕੈਪਟਨ ਨੇ ਲਾਂਚ ਕੀਤੀ 'ਪੰਜਾਬ ਸਮਾਰਟ ਕਨੈਕਟ ਸਕੀਮ'
. . .  31 minutes ago
ਚੰਡੀਗੜ੍ਹ, 12 ਅਗਸਤ (ਵਿਕਰਮਜੀਤ ਸਿੰਘ ਮਾਨ)- ਪੰਜਾਬ ਦੇ ਮੁੱਖ ਮੰਤਰੀ ਵਲੋਂ ਅੱਜ ਵੀਡੀਓ ਕਾਨਫ਼ਰੰਸਿੰਗ ਰਾਹੀਂ ਚੰਡੀਗੜ੍ਹ ਵਿਖੇ 96 ਕਰੋੜ ਵਾਲੀ 'ਪੰਜਾਬ ਸਮਾਰਟ ਕਨੈਕਟ ਸਕੀਮ' ਲਾਂਚ ਕੀਤੀ ਗਈ। ਇਸ ਮੌਕੇ ਮੁੱਖ ਮੰਤਰੀ ਵਲੋਂ...
ਧਰਮਸੋਤ ਨੇ ਪਟਿਆਲਾ 'ਚ ਵਿਦਿਆਰਥੀਆਂ ਨੂੰ ਵੰਡੇ ਮੋਬਾਇਲ ਫੋਨ
. . .  53 minutes ago
ਪਟਿਆਲਾ, 12 ਅਗਸਤ (ਗੁਰਪ੍ਰੀਤ ਸਿੰਘ ਚੱਠਾ)- ਪਟਿਆਲਾ ਵਿਖੇ ਅੱਜ ਕੈਪਟਨ ਸਰਕਾਰ ਵਲੋਂ ਵਿਦਿਆਰਥੀਆਂ ਨੂੰ ਦਿੱਤੇ ਜਾਣ ਵਾਲੇ ਸਮਾਰਟ ਫੋਨਾਂ ਦੀ ਰਸਮੀ ਸ਼ੁਰੂਆਤ ਕਰਦਿਆਂ ਕੈਬਨਿਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਨੇ ਪਟਿਆਲਾ...
ਇਤਿਹਾਸਕ ਸ਼ਹਿਰ ਸਮਾਣਾ 'ਚ ਕੋਰੋਨਾ ਦੇ 18 ਹੋਰ ਮਾਮਲੇ ਆਏ ਸਾਹਮਣੇ
. . .  56 minutes ago
ਸਮਾਣਾ (ਪਟਿਆਲਾ), 12 ਅਗਸਤ (ਸਾਹਿਬ ਸਿੰਘ)- ਇਤਿਹਾਸਕ ਸ਼ਹਿਰ ਸਮਾਣਾ 'ਚ ਕੋਰੋਨਾ ਦੇ 18 ਨਵੇਂ ਮਾਮਲੇ ਸਾਹਮਣੇ ਆਉਣ ਨਾਲ ਇੱਥੇ ਕੁੱਲ ਮਾਮਲਿਆਂ ਦੀ ਗਿਣਤੀ ਵੱਧ ਕੇ 233 ਹੋ ਗਈ ਹੈ। ਇਨ੍ਹਾਂ 'ਚੋਂ 140 ਮਰੀਜ਼ ਠੀਕ ਹੋ ਕੇ ਆਪਣੇ ਘਰਾਂ ਨੂੰ...
ਦਿੱਲੀ 'ਚ ਕੋਰੋਨਾ ਦੇ 1113 ਨਵੇਂ ਮਾਮਲੇ ਆਏ ਸਾਹਮਣੇ, 14 ਲੋਕਾਂ ਨੇ ਤੋੜਿਆ ਦਮ
. . .  about 1 hour ago
ਨਵੀਂ ਦਿੱਲੀ, 12 ਅਗਸਤ- ਰਾਜਧਾਨੀ ਦਿੱਲੀ 'ਚ ਅੱਜ ਕੋਰੋਨਾ ਦੇ 1113 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ 14 ਲੋਕਾਂ ਦੀ ਮੌਤ ਹੋਈ ਹੈ। ਇਨ੍ਹਾਂ ਨਵੇਂ ਮਾਮਲਿਆਂ ਦੇ ਸਾਹਮਣੇ ਆਉਣ ਦੇ ਨਾਲ ਹੀ ਹੁਣ ਦਿੱਲੀ 'ਚ ਕੋਰੋਨਾ ਦੇ ਕੁੱਲ ਮਾਮਲਿਆਂ ਦੀ...
ਕੋਰੋਨਾ ਕਾਰਨ ਸਿਹਤ ਮੰਤਰੀ ਨੇ 30 ਸਤੰਬਰ ਤੱਕ ਵਿਭਾਗੀ ਤਬਾਦਲਿਆਂ ਅਤੇ ਛੁੱਟੀਆਂ 'ਤੇ ਲਾਈ ਰੋਕ
. . .  40 minutes ago
ਚੰਡੀਗੜ੍ਹ, 12 ਅਗਸਤ- ਪੰਜਾਬ 'ਚ ਵੱਧ ਰਹੇ ਕੋਰੋਨਾ ਦੇ ਕਹਿਰ ਦੇ ਵਿਚਾਲੇ ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੇ ਸੂਬੇ 'ਚ ਤੁਰੰਤ ਪ੍ਰਭਾਵ ਨਾਲ 30 ਸਤੰਬਰ ਤੱਕ ਵਿਭਾਗੀ ਤਬਾਦਲਿਆਂ ਅਤੇ ਛੁੱਟੀਆਂ...
15 ਅਗਸਤ ਨੂੰ ਬੇਰੁਜ਼ਗਾਰ ਈ. ਟੀ. ਟੀ. ਟੈੱਟ ਪਾਸ ਅਧਿਆਪਕ ਵੀ ਮਨਾਉਣਗੇ 'ਕਾਲਾ ਦਿਵਸ'
. . .  about 1 hour ago
ਸੰਗਰੂਰ, 12 ਅਗਸਤ (ਧੀਰਜ ਪਸ਼ੋਰੀਆ)- ਪਿਛਲੇ ਲੰਮੇ ਸਮੇਂ ਤੋਂ ਰੁਜ਼ਗਾਰ ਦੀ ਮੰਗ ਲਈ ਸੰਘਰਸ਼ ਕਰ ਰਹੇ ਬੇਰੁਜ਼ਗਾਰ ਈ. ਟੀ. ਟੀ. ਟੈੱਟ ਪਾਸ ਬੇਰੁਜ਼ਗਾਰ ਅਧਿਆਪਕ ਯੂਨੀਅਨ ਵਲੋਂ ਫ਼ੈਸਲਾ ਕੀਤਾ ਗਿਆ ਹੈ ਕਿ 15 ਅਗਸਤ ਨੂੰ ਪੰਜਾਬ ਭਰ 'ਚ ਆਪਣੇ-ਆਪਣੇ...
15 ਅਗਸਤ ਦੇ ਮੱਦੇਨਜ਼ਰ ਅਜਨਾਲਾ ਸ਼ਹਿਰ 'ਚ ਪੁਲਿਸ ਨੇ ਕੀਤਾ ਫਲੈਗ ਮਾਰਚ
. . .  about 1 hour ago
ਅਜਨਾਲਾ, 12 ਅਗਸਤ (ਗੁਰਪ੍ਰੀਤ ਸਿੰਘ ਢਿੱਲੋਂ)- 15 ਅਗਸਤ ਦੇ ਮੱਦੇਨਜ਼ਰ ਸਰਹੱਦੀ ਖੇਤਰ 'ਚ ਸ਼ਾਂਤੀ ਬਣਾਈ ਰੱਖਣ ਦੇ ਉਦੇਸ਼ ਨਾਲ ਅੱਜ ਡੀ. ਐੱਸ. ਪੀ. ਅਜਨਾਲਾ ਵਿਪਨ ਕੁਮਾਰ ਦੀ ਅਗਵਾਈ 'ਚ ਪੁਲਿਸ ਵਲੋਂ ਸ਼ਹਿਰ ਦੇ ਵੱਖ-ਵੱਖ ਬਾਜ਼ਾਰਾਂ 'ਚ ਫਲੈਗ...
ਮਲੋਟ ਦੀ ਪੁੱਡਾ ਕਾਲੋਨੀ 'ਚ ਕੋਰੋਨਾ ਦੇ ਦੋ ਹੋਰ ਮਾਮਲੇ ਆਏ ਸਾਹਮਣੇ
. . .  about 1 hour ago
ਮਲੋਟ, 12 ਅਗਸਤ (ਪਾਟਿਲ)- ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ 'ਚ ਪੈਂਦੇ ਮਲੋਟ ਸ਼ਹਿਰ ਦੀ ਪੁੱਡਾ ਕਾਲੋਨੀ 'ਚ ਕੋਰੋਨਾ ਦੇ ਦੋ ਹੋਰ ਮਾਮਲੇ ਆਏ ਸਾਹਮਣੇ ਆਏ ਹਨ। ਇਸ ਤੋਂ ਪਹਿਲਾਂ ਪੁੱਡਾ ਕਾਲੋਨੀ 'ਚ ਇੱਕੋ ਪਰਿਵਾਰ 'ਚ ਕੋਰੋਨਾ ਦੇ ਮਰੀਜ਼ ਮਿਲੇ...
ਜਲੰਧਰ 'ਚ ਵੱਧ ਰਿਹੈ ਕੋਰੋਨਾ ਦਾ ਕਹਿਰ, ਬਾਅਦ ਦੁਪਹਿਰ 65 ਹੋਰ ਮਾਮਲੇ ਆਏ ਸਾਹਮਣੇ
. . .  about 1 hour ago
ਜਲੰਧਰ, 12 ਅਗਸਤ (ਐੱਮ. ਐੱਸ. ਲੋਹੀਆ)- ਜਲੰਧਰ 'ਚ ਅੱਜ ਸਵੇਰੇ 101 ਮਰੀਜ਼ਾਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਮਿਲਣ ਤੋਂ ਬਾਅਦ ਦੁਪਹਿਰ ਨੂੰ 65 ਹੋਰ ਸ਼ੱਕੀ ਮਰੀਜ਼ਾਂ ਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ...
ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ ਕੋਰੋਨਾ ਦੇ ਸੱਤ ਹੋਰ ਨਵੇਂ ਮਾਮਲੇ ਆਏ ਸਾਹਮਣੇ
. . .  about 2 hours ago
ਫ਼ਾਜ਼ਿਲਕਾ, 12 ਅਗਸਤ (ਪ੍ਰਦੀਪ ਕੁਮਾਰ)- ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ ਕੋਰੋਨਾ ਵਾਇਰਸ ਦੇ 7 ਹੋਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ 'ਚ ਅਬੋਹਰ ਦੇ 2 ਕੇਸ, ਪਿੰਡ ਖੁਈਖੇੜਾ 'ਚ 2 ਕੇਸ, 1 ਕੇਸ ਪਿੰਡ ਸਾਬੂਆਣਾ, 1 ਕੇਸ ਫ਼ਾਜ਼ਿਲਕਾ ਦੇ ਗਾਂਧੀ ਨਗਰ...
ਸ੍ਰੀ ਮੁਕਤਸਰ ਸਾਹਿਬ ਵਿਖੇ 8 ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ 
. . .  about 2 hours ago
ਸ੍ਰੀ ਮੁਕਤਸਰ ਸਾਹਿਬ, 12 ਅਗਸਤ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਅੱਜ 8 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ, ਜਿਨ੍ਹਾਂ ਵਿਚ 70 ਸਾਲਾਂ ਔਰਤ ਸ਼ਹੀਦ ਬਾਬਾ ਦੀਪ ਸਿੰਘ ਨਗਰ...
ਬਾਦਲ ਦਲ 'ਚ ਚਾਪਲੂਸਾਂ ਦੀ ਕਦਰ- ਪਰਮਿੰਦਰ ਸਿੰਘ ਢੀਂਡਸਾ
. . .  about 2 hours ago
ਸ੍ਰੀ ਮੁਕਤਸਰ ਸਾਹਿਬ, 12 ਅਗਸਤ (ਰਣਜੀਤ ਸਿੰਘ ਢਿੱਲੋਂ)- ਸਾਬਕਾ ਵਿੱਤ ਮੰਤਰੀ ਪਰਮਿੰਦਰ ਸਿੰਘ ਢੀਂਡਸਾ ਨੇ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਲੁਬਾਣਿਆਂਵਾਲੀ ਵਿਖੇ ਲੋਕਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਅਕਾਲੀ ਦਲ...
ਜਲੰਧਰ 'ਚ ਕੋਰੋਨਾ ਦਾ ਜ਼ਬਰਦਸਤ ਬਲਾਸਟ, 101 ਮਾਮਲੇ ਆਏ ਸਾਹਮਣੇ
. . .  1 minute ago
ਜਲੰਧਰ, 12 ਅਗਸਤ (ਐੱਮ. ਐੱਸ. ਲੋਹੀਆ)- ਜਲੰਧਰ 'ਚ ਦਿਨ ਪ੍ਰਤੀ ਦਿਨ ਕੋਰੋਨਾ ਪੀੜਤਾਂ ਦੀ ਗਿਣਤੀ 'ਚ ਵਾਧਾ ਹੋ ਰਿਹਾ ਹੈ, ਜੋ ਸ਼ਹਿਰ ਵਾਸੀਆਂ ਲਈ ਵੱਡੀ ਚਿੰਤਾ ਦਾ ਵਿਸ਼ਾ ਹੈ। ਅੱਜ ਆਈਆਂ ਰਿਪੋਰਟਾਂ ਅਨੁਸਾਰ ਜ਼ਿਲ੍ਹੇ 'ਚ 101 ਕੋਰੋਨਾ ਪਾਜ਼ੀਟਿਵ...
ਫ਼ਿਰੋਜ਼ਪੁਰ ਜ਼ਿਲ੍ਹੇ ਅੰਦਰ 29 ਕੋਰੋਨਾ ਮਰੀਜ਼ਾਂ ਦੀ ਹੋਈ ਪੁਸ਼ਟੀ
. . .  about 3 hours ago
ਫ਼ਿਰੋਜ਼ਪੁਰ 12 ਅਗਸਤ ( ਜਸਵਿੰਦਰ ਸਿੰਘ ਸੰਧੂ ) ਸਿਹਤ ਵਿਭਾਗ ਵਲੋਂ ਕੋਰੋਨਾ ਦੇ ਖਾਤਮੇ ਲਈ ਸ਼ੱਕੀਆਂ ਦੇ ਲਏ ਗਏ ਟੈਸਟਾ ਦੀਆਂ ਆਈਆਂ ਰਿਪੋਰਟਾ ਚ 29 ਜਣਿਆ ਦੇ ਕੋਰੋਨਾ ਪਾਜ਼ੀਟਿਵ ਆਉਣ ਦੀ ਪੁਸ਼ਟੀ ਹੋਈ ਹੈ । ਜਿਸ ਨਾਲ ਜ਼ਿਲ੍ਹਾ ਫ਼ਿਰੋਜ਼ਪੁਰ ਅੰਦਰ ਕੋਰੋਨਾ ਮਰੀਜਾਂ...
ਪਠਾਨਕੋਟ ਵਿਚ 14 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  about 3 hours ago
ਪਠਾਨਕੋਟ, 12 ਅਗਸਤ (ਸੰਧੂ) - ਪਠਾਨਕੋਟ ਵਿੱਚ 14 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ ਇਸ ਦੀ ਪੁਸ਼ਟੀ ਸਿਵਲ ਸਰਜਨ ਡਾ ਭੁਪਿੰਦਰ ਸਿੰਘ ਨੇ ਕਰਦੇ ਹੋਏ ਦੱਸਿਆ ਕਿ ਜ਼ਿਲ੍ਹਾ ਸਿਹਤ ਵਿਭਾਗ ਨੂੰ ਅੱਜ 486 ਵਿਅਕਤੀਆਂ ਦੀ ਜਾਂਚ ਰਿਪੋਰਟ ਪ੍ਰਾਪਤ ਹੋਈ ਹੈ ਜਿਨ੍ਹਾਂ ਵਿੱਚੋਂ 14 ਵਿਅਕਤੀਆਂ ਦੀ ਰਿਪੋਰਟ ਪਾਜ਼ੀਟਿਵ...
ਕੋਰੋਨਾ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਵਿਚ ਹੋਈ 6ਵੀਂ ਮੌਤ
. . .  about 3 hours ago
ਫ਼ਤਿਹਗੜ੍ਹ ਸਾਹਿਬ, 12 ਅਗਸਤ (ਬਲਜਿੰਦਰ ਸਿੰਘ) - ਕੋਰੋਨਾ ਕਾਰਨ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਵਿਅਕਤੀ ਦੀ ਪੀ.ਜੀ.ਆਈ. ਚੰਡੀਗੜ੍ਹ 'ਚ ਮੌਤ ਹੋ ਗਈ ਹੈ। ਇਹ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਵਿਚ ਕੋਰੋਨਾ ਕਾਰਨ...
ਐਕਟਿਵਾ ਸਵਾਰ ਭਰਾਵਾਂ ਦੀ ਆਵਾਰਾ ਸਾਨ ਨਾਲ ਟੱਕਰ, 1 ਦੀ ਮੌਤ
. . .  about 3 hours ago
ਹੁਸ਼ਿਆਰਪੁਰ, 12 ਅਗਸਤ (ਬਲਜਿੰਦਰਪਾਲ ਸਿੰਘ)-ਅੱਜ ਸਵੇਰੇ ਸੋਨਾਲੀਕਾ ਕੰਪਨੀ ’ਚੋਂ ਡਿਊਟੀ ਕਰਕੇ ਵਾਪਸ ਘਰ ਆ ਰਹੇ ਐਕਟਿਵਾ ਸਵਾਰ 2 ਭਰਾਵਾਂ ਦੀ ਆਵਾਰਾ ਸਾਨ ਨਾਲ ਟੱਕਰ ਹੋ ਗਈ। ਜਿਸ ਦੇ ਚੱਲਦਿਆਂ ਅਲੰਕਾਰ ਸੂਦ (30) ਪੁੱਤਰ ਪ੍ਰਭਾਤ ਸੂਦ ਵਾਸੀ ਮੁਹੱਲਾ ਮਾਡਲ ਟਾਊਨ ਹੁਸ਼ਿਆਰਪੁਰ ਦੀ...
ਬੈਂਗਲੁਰੂ ਹਿੰਸਾ : ਮੰਦਰ ਨੂੰ ਬਚਾਉਂਦੇ ਦਿਸੇ ਮੁਸਲਿਮ ਨੌਜਵਾਨ
. . .  about 3 hours ago
ਬੈਂਗਲੁਰੂ, 12 ਅਗਸਤ - ਕਰਨਾਟਕ ਦੀ ਰਾਜਧਾਨੀ ਬੈਂਗਲੁਰੂ 'ਚ ਸੰਪਰਦਾਇਕ ਹਿੰਸਾ ਭੜਕ ਗਈ ਪਰ ਇਸ ਦੇ ਨਾਲ ਹੀ ਬੈਂਗਲੁਰੂ ਵਿਚ ਸਮਾਜਿਕ ਏਕਤਾ ਦੀ ਤਸਵੀਰ ਵੀ ਦੇਖਣ ਨੂੰ ਮਿਲੀ। ਉਥੇ , ਗੁੱਸੇ ਨਾਲ ਭਰੀ ਭੀੜ ਤੋਂ ਮੰਦਰ ਨੂੰ ਬਚਾਉਣ...
ਸੁਸ਼ਾਂਤ ਦੀ ਪੋਸਟਮਾਰਟਮ ਰਿਪੋਰਟ 'ਤੇ ਪਰਿਵਾਰ ਵਾਲਿਆਂ ਨੂੰ ਸ਼ੱਕ
. . .  about 3 hours ago
ਮੁੰਬਈ, 12 ਅਗਸਤ - ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਖੁਦਕੁਸ਼ੀ ਮਾਮਲੇ 'ਚ ਪਰਿਵਾਰ ਦੇ ਸੂਤਰਾਂ ਮੁਤਾਬਿਕ ਸੀ.ਬੀ.ਆਈ. ਤੇ ਬਿਹਾਰ ਪੁਲਿਸ ਅੱਗੇ ਪੋਸਟ ਮਾਰਟਮ ਰਿਪੋਰਟ ਨੂੰ ਲੈ ਕੇ ਸ਼ੱਕ ਪ੍ਰਗਟਾਇਆ ਹੈ। ਪਰਿਵਾਰ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਸੁਸ਼ਾਂਤ ਦੀ ਪੋਸਟਮਾਰਟਮ ਰਿਪੋਰਟ ਕਹਿੰਦੀ ਹੈ ਕਿ ਉਨ੍ਹਾਂ ਦੀ...
ਪ੍ਰਧਾਨ ਮੰਤਰੀ ਮੋਦੀ ਭਲਕੇ ਲਾਂਚ ਕਰਨਗੇ ਟੈਕਸ ਨਾਲ ਜੁੜੀ ਨਵੀਂ ਯੋਜਨਾ
. . .  about 4 hours ago
ਨਵੀਂ ਦਿੱਲੀ, 12 ਅਗਸਤ - ਲਾਕਡਾਊਨ ਕਾਰਨ ਭਾਰਤੀ ਅਰਥਵਿਵਸਥਾ ਨੂੰ ਜੋਰਦਾਰ ਝਟਕਾ ਲੱਗਾ ਹੈ। ਹੁਣ ਅਰਥਵਿਵਸਥਾ ਨੂੰ ਦਰੁਸਤ ਕਰਨ ਲਈ ਸਰਕਾਰ ਵਲੋਂ ਯਤਨ ਜਾਰੀ ਹਨ। ਇਸ ਵਿਚਕਾਰ ਕਰਦਾਤਾ ਸਰਕਾਰ 'ਤੇ ਭਰੋਸਾ ਕਰਨ ਤੇ ਸਹੀ ਵਕਤ 'ਤੇ ਟੈਕਸ ਜਮਾਂ ਕਰਾਉਣ ਇਸ ਲਈ ਮੋਦੀ ਸਰਕਾਰ...
ਗਿਆਨੀ ਇਕਬਾਲ ਸਿੰਘ ਨੇ ਸਿੱਖ ਧਰਮ ਦਾ ਕੀਤਾ ਨਿਰਾਦਰ, ਆਪਣੀ ਸਥਿਤੀ ਸਪਸ਼ਟ ਕਰੇ - ਜਥੇਦਾਰ ਧਿਆਨ ਸਿੰਘ ਮੰਡ
. . .  about 4 hours ago
ਅੰਮ੍ਰਿਤਸਰ, 12 ਅਗਸਤ (ਰਾਜੇਸ਼ ਕੁਮਾਰ ਸੰਧੂ) - ਸਰਬਤ ਖ਼ਾਲਸਾ ਵਲੋਂ ਥਾਪੇ ਗਏ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਮੁਤਵਾਜ਼ੀ ਕਾਰਜਕਾਰੀ ਜਥੇਦਾਰ ਧਿਆਨ ਸਿੰਘ ਮੰਡ ਅੱਜ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸ੍ਰੀ ਹਰਿਮੰਦਰ ਸਾਹਿਬ ਤੇ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਨਤਮਸਤਕ ਹੋਣ ਲਈ ਪੁੱਜੇ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਉੱਚੀਆਂ ਪਦਵੀਆਂ...
ਹੋਰ ਖ਼ਬਰਾਂ..

ਬਹੁਰੰਗ

ਦਿਸ਼ਾ ਪਟਾਨੀ ਟੁੱਟ ਪੈਣਾ ਕੋਰੋਨਾ

ਖ਼ਬਰ ਆਈ ਹੈ ਕਿ ਦਿਸ਼ਾ ਦੇ ਪਿਤਾ ਜਗਦੀਸ਼ ਪਟਾਨੀ ਨੂੰ ਕੋਰੋਨਾ ਨੇ ਘੇਰ ਲਿਆ ਹੈ | ਦਿਸ਼ਾ ਦੇ ਪਿਤਾ ਯੂ.ਪੀ. ਬਿਜਲੀ ਵਿਭਾਗ 'ਚ ਹਨ ਤੇ ਉਨ੍ਹਾਂ ਦੇ ਤਿੰਨ ਸਹਿਯੋਗੀ ਕੋੋਰੋਨਾ ਲੱਛਣ ਵਾਲੇ ਹਨ ਪਰ ਸ਼ੁਕਰ ਕਿ ਦਿਸ਼ਾ ਦੇ ਪਿਤਾ ਦੀ ਕੋਰੋਨਾ ਰਿਪੋਰਟ ਨੈਗੇਟਿਵ ਆਈ ਹੈ | ਕੋਰੋਨਾ ਕਾਲ ਦੌਰਾਨ ਸੁਰੱਖਿਅਤ ਹੋ ਕੇ ਵਿਚਰ ਰਹੀ ਦਿਸ਼ਾ ਦੀਆਂ ਬਿਕਨੀ ਵਾਲੀਆਂ ਫੋਟੋਆਂ ਨੇ ਇੰਟਰਨੈੱਟ ਦਾ ਤਾਪਮਾਨ ਜ਼ਰੂਰ ਵਧਾਇਆ ਹੈ | ਟਾਈਗਰ ਸ਼ਰਾਫ਼ ਦੀ ਸਿਹਤ ਦੀ ਵੀ ਦਿਸ਼ਾ ਨੂੰ ਚਿੰਤਾ ਹੀ ਰਹਿੰਦੀ ਹੈ | ਦਿਸ਼ਾ ਅੱਜਕਲ੍ਹ ਆਪਣਾ ਸਮਾਂ ਆਪਣੇ ਪਰਿਵਾਰ ਨਾਲ ਬਤੀਤ ਕਰ ਰਹੀ ਹੈ | ਕੋਰੋਨਾ ਨੇ ਦਿਸ਼ਾ ਨੂੰ ਬਹੁਤ ਡਰਾਇਆ ਹੋਇਆ ਹੈ | ਇਸ ਦੌਰਾਨ ਉਸ ਨੇ ਆਪਣੇ ਪਾਲਤੂ ਕੁੱਤੇ ਦੇ ਨਹੁੰ ਵੀ ਕੱਟੇ ਤੇ ਇਹ ਤਸਵੀਰ ਆਪ ਇੰਸਟਾਗ੍ਰਾਮ 'ਤੇ ਪਾਈ | ਅੱਜ ਇਕ ਗੁੱਝੀ ਗੱਲ ਦਿਸ਼ਾ ਪਟਾਨੀ ਸਬੰਧੀ ਤੁਹਾਡੇ ਨਾਲ ਸਾਂਝੀ ਕਰਦੇ ਹਾਂ | ਐਮ.ਐਸ. ਧੋਨੀ ਦੀ ਬਾਇਓਪਿਕ ਕਰਨ ਵਾਲੀ ਦਿਸ਼ਾ ਪਟਾਨੀ ਯੂ.ਪੀ. ਦੇ ਆਪਣੇ ਘਰੇ ਟਨਕਪੁਰ ਜਾਣ ਨੂੰ ਕਾਹਲੀ ਹੈ ਪਰ ਇਕਾਂਤਵਾਸ ਦਾ ਝੰਜਟ ਹੈ | 500 ਰੁਪਏ ਘਰੋਂ ਲੈ ਕੇ ਮੁੰਬਈ ਆਈ ਦਿਸ਼ਾ ਹੁਣ 5 ਕਰੋੜ ਦੇ ਬੰਗਲੇ ਦੀ ਮਾਲਕਣ ਹੈ | 'ਡੇਅਰੀ ਮਿਲਕ' ਵਿਗਿਆਪਨ ਨਾਲ ਘਰ-ਘਰ ਦੀ ਪਸੰਦ ਬਣੀ ਦਿਸ਼ਾ ਨੇ 52 ਲੱਖ ਦੀ ਬੀ.ਐਮ. ਡਬਲਿਯੂ ਹੁਣੇ ਹੀ ਲਈ ਹੈ | ਏ-6 'ਆਡੀ' ਵੀ ਉਸ ਕੋਲ ਪਹਿਲਾਂ ਹੀ ਹੈ | 'ਏਕ ਵਿਲੇਨ-2' ਤੇ 'ਮਲੰਗ' ਫ਼ਿਲਮਾਂ 'ਤੇ ਇਸ ਸਮੇਂ ਨਿਰਭਰ ਦਿਸ਼ਾ ਪਟਾਨੀ ਵਾਰ-ਵਾਰ ਕਹਿੰਦੀ ਹੈ ਕਿ ਕਦ ਕੋਰੋਨਾ ਦਾ ਸਾਰਾ ਝੰਜਟ ਖਤਮ ਹੋਵੇਗਾ ਕਿਉਂਕਿ ਇਸ ਨਾਲ ਇੰਡਸਟਰੀ ਵੀ ਘਾਟੇ 'ਚ ਹੈ |

-ਸੁਖਜੀਤ ਕੌਰ


ਖ਼ਬਰ ਸ਼ੇਅਰ ਕਰੋ

ਨਵੇਂ ਧਮਾਕੇ ਦੀ ਤਿਆਰੀ ਵਿਚ ਸ਼ੈਫਾਲੀ ਜਰੀਵਾਲਾ

ਸਿਰਫ਼ ਇਕ ਗੀਤ ਕਿਸੇ ਦੀ ਕਿਸਮਤ ਕਿਵੇਂ ਬਦਲ ਸਕਦਾ ਹੈ, ਇਹ ਦੇਖਣਾ ਹੋਵੇ ਤਾਂ ਸ਼ੈਫਾਲੀ ਜਰੀਵਾਲਾ ਨੂੰ ਦੇਖ ਲਓ | ਉਹੀ ਸ਼ੈਫਾਲੀ ਜੋ ਆਮ ਜਨਤਾ ਵਿਚ 'ਕਾਂਟਾ ਲਗਾ' ਦੇ ਕਰਕੇ ਮਸ਼ਹੂਰ ਹੈ |
ਧਰਮਿੰਦਰ ਦੀ ਫ਼ਿਲਮ 'ਸਮਾਧੀ' ਵਿਚ ਆਸ਼ਾ ਪਾਰਿਖ 'ਤੇ ਫ਼ਿਲਮਾਏ ਗਏ ਗੀਤ ਨੂੰ ਰੀਮਿਕਸ ਵਰਸ਼ਨ ਵਿਚ ਸ਼ੈਫਾਲੀ ਨੂੰ ਨੱਚਦਿਆਂ ਪੇਸ਼ ਕੀਤਾ ਗਿਆ ਸੀ | ਜਿਵੇਂ ਇਸ ਗੀਤ ਵਿਚ ਚਮਕਣਾ ਉਸ ਦੀ ਕਿਸਮਤ ਵਿਚ ਲਿਖਿਆ ਸੀ | ਉਸ ਦੀ ਇਕ ਸਹੇਲੀ ਇਸ ਗੀਤ ਲਈ ਆਡੀਸ਼ਨ ਦੇਣ ਜਾ ਰਹੀ ਸੀ ਅਤੇ ਉਸ ਨੇ ਸ਼ੈਫਾਲੀ ਨੂੰ ਆਪਣੇ ਨਾਲ ਚੱਲਣ ਨੂੰ ਕਿਹਾ | ਉਥੇ ਜਦੋਂ ਚੋਣਕਰਤਾਵਾਂ ਦੀ ਨਜ਼ਰ ਸ਼ੈਫਾਲੀ 'ਤੇ ਪਈ ਤਾਂ ਉਸ ਨੂੰ ਵੀ ਆਡੀਸ਼ਨ ਦੇਣ ਨੂੰ ਕਿਹਾ ਗਿਆ ਅਤੇ ਉਹ ਇਸ ਗੀਤ ਲਈ ਚੁਣ ਲਈ ਗਈ | ਇਹ ਰੀਮਿਕਸ ਗੀਤ ਉਸ 'ਤੇ ਫ਼ਿਲਮਾਇਆ ਗਿਆ ਅਤੇ ਜਦੋਂ ਰਿਲੀਜ਼ ਹੋਇਆ ਤਾਂ ਇਸ ਦੀ ਸਫ਼ਲਤਾ ਨੇ ਇਤਿਹਾਸ ਬਣਾ ਦਿੱਤਾ | ਇਸ ਇਕ ਗੀਤ ਨੇ ਸ਼ੈਫਾਲੀ ਨੂੰ ਰਾਤੋ-ਰਾਤ ਸਟਾਰ ਬਣਾ ਦਿੱਤਾ ਅਤੇ ਉਸ ਦੇ ਕੋਲ ਸਟੇਜ ਸ਼ੋਆਂ ਦੀ ਲਾਈਨ ਲੱਗ ਗਈ | ਸ਼ੈਫਾਲੀ ਨੇ ਵੀ ਆਪਣੀ 'ਕਾਂਟਾ ਲਗਾ' ਕੁੜੀ ਦੀ ਦਿੱਖ ਦਾ ਫਾਇਦਾ ਲੈਣ ਵਿਚ ਕੋਈ ਕਸਰ ਨਹੀਂ ਛੱਡੀ | ਪਰ ਉਹ ਹੁਣ ਖ਼ੁਦ ਮਹਿਸੂਸ ਕਰਨ ਲੱਗੀ ਹੈ ਕਿ ਆਪਣੀ ਇਸ ਦਿੱਖ ਨੂੰ ਬਹੁਤ ਨਿਚੋੜ ਲਿਆ ਅਤੇ ਹੁਣ ਇਸ ਦਿੱਖ ਦੇ ਦਮ 'ਤੇ ਅੱਗੇ ਨਹੀਂ ਜਾਇਆ ਜਾ ਸਕਦਾ | ਆਪਣੀ ਇਸ ਦਿੱਖ ਦੇ ਦਾਇਰੇ ਤੋਂ ਬਾਹਰ ਨਿਕਲਣ ਲਈ ਹੁਣ ਸ਼ੈਫਾਲੀ ਨੇ ਆਪਣਾ ਵੱਖਰਾ ਜਿਹਾ ਫੋਟੋ ਸੈਸ਼ਨ ਕਰਵਾਇਆ ਹੈ ਅਤੇ ਇਸ ਵਿਚ ਆਪਣੀ ਗਲੈਮਰ ਦਿੱਖ ਨੂੰ ਪੇਸ਼ ਕੀਤਾ ਹੈ | ਸ਼ੈਫਾਲੀ ਨੂੰ ਉਮੀਦ ਹੈ ਕਿ ਇਸ ਗਲੈਮਰਸ ਦਿੱਖ ਦੀ ਬਦੌਲਤ ਉਸ ਨੂੰ ਫ਼ਿਲਮਾਂ ਜਾਂ ਵੈੱਬ ਸੀਰੀਜ਼ ਵਿਚ ਭੂਮਿਕਾ ਦੀ ਪੇਸ਼ਕਸ਼ ਹੋ ਸਕਦੀ ਹੈ |

'ਸ਼ੇਰਨੀ' ਵਿਚ ਰੁੱਝ ਗਈ ਵਿੱਦਿਆ ਬਾਲਨ

ਹਾਲੀਆ ਪ੍ਰਦਰਸ਼ਿਤ ਫ਼ਿਲਮ 'ਸ਼ਕੁੰਤਲਾ ਦੇਵੀ' ਦੇ ਪ੍ਰਮੋਸ਼ਨ ਤੋਂ ਛੁੱਟੀ ਲੈਣ ਤੋਂ ਬਾਅਦ ਹੁਣ ਵਿੱਦਿਆ ਬਾਲਨ 'ਸ਼ੇਰਨੀ' ਦੀ ਸ਼ੂਟਿੰਗ ਵਿਚ ਰੁੱਝ ਗਈ ਹੈ | ਵਿੱਦਿਆ ਵਲੋਂ ਇਸ ਵਿਚ ਜੰਗਲ ਵਿਭਾਗ ਦੇ ਅਫ਼ਸਰ ਦੀ ਭੂਮਿਕਾ ਨਿਭਾਈ ਜਾ ਰਹੀ ਹੈ | ਵਾਤਾਵਰਨ ਦੀ ਸਮੱਸਿਆ ਨੂੰ ਮੁੱਖ ਰੱਖ ਕੇ ਬਣਾਈ ਜਾ ਰਹੀ ਇਸ ਫ਼ਿਲਮ ਵਿਚ ਇਨਸਾਨ ਵਲੋਂ ਕੁਦਰਤੀ ਜਾਇਦਾਦ ਅਤੇ ਜੀਵ-ਜਾਨਵਰਾਂ ਦੀ ਹੋਂਦ ਨੂੰ ਕਿੰਨਾ ਨੁਕਸਾਨ ਪਹੁੰਚਾਇਆ ਜਾ ਰਿਹਾ ਹੈ, ਉਹ ਕਹਾਣੀ ਪੇਸ਼ ਕੀਤੀ ਗਈ ਹੈ |
ਕਹਾਣੀ ਇਕ ਅਸਲ ਸ਼ੇਰਨੀ ਅਵਨੀ ਨਾਲ ਸਬੰਧਿਤ ਹੈ | ਦੋ ਛੋਟੇ ਬੱਚਿਆਂ ਦੀ ਇਸ ਮਾਂ ਨੂੰ ਜੰਗਲ ਵਿਭਾਗ ਦੇ ਅਧਿਕਾਰੀਆਂ ਵਲੋਂ ਮਾਰ ਦਿੱਤਾ ਗਿਆ ਸੀ ਅਤੇ ਉਦੋਂ ਵਾਤਾਵਰਨ ਪ੍ਰੇਮੀਆਂ ਵਲੋਂ ਸਖ਼ਤ ਵਿਰੋਧ ਵੀ ਪ੍ਰਗਟ ਕੀਤਾ ਗਿਆ ਸੀ |
ਅਮਿਤ ਮਸੂਰਕਰ ਵਲੋਂ ਨਿਰਦੇਸ਼ਿਤ ਕੀਤੀ ਜਾ ਰਹੀ ਇਸ ਫ਼ਿਲਮ ਦੀ 35 ਫ਼ੀਸਦੀ ਸ਼ੂਟਿੰਗ ਹੋ ਚੁੱਕੀ ਹੈ ਅਤੇ ਬਾਅਦ ਵਿਚ ਤਾਲਾਬੰਦੀ ਦੇ ਚਲਦਿਆਂ ਸ਼ੂਟਿੰਗ ਨੂੰ ਰੱਦ ਕਰ ਦੇਣਾ ਪਿਆ ਸੀ | ਹੁਣ ਇਸ ਦੀ ਅੱਗੇ ਦੀ ਸ਼ੂਟਿੰਗ ਬਾਲਾਘਾਟ (ਮੱਧ ਪ੍ਰਦੇਸ਼) ਦੇ ਜੰਗਲਾਂ ਵਿਚ ਕੀਤੀ ਜਾਣੀ ਹੈ ਅਤੇ ਇਸ ਸਿਲਸਿਲੇ ਵਿਚ ਸਬੰਧਿਤ ਸਰਕਾਰੀ ਵਿਭਾਗਾਂ ਤੋਂ ਮਨਜ਼ੂਰੀ ਵੀ ਲੈ ਲਈ ਗਈ ਹੈ |
ਵਿੱਦਿਆ ਅਨੁਸਾਰ ਉਹ ਤਾਲਾਬੰਦੀ ਦੌਰਾਨ ਇਸ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋਣ ਦਾ ਕਾਫ਼ੀ ਇੰਤਜ਼ਾਰ ਕਰ ਰਹੀ ਸੀ ਕਿਉਂਕਿ ਇਸ ਵਿਚ ਉਨ੍ਹਾਂ ਗੂੰਗੇ ਜੀਵਾਂ ਦੀ ਆਵਾਜ਼ ਬੁਲੰਦ ਕੀਤੀ ਗਈ ਹੈ ਜੋ ਖ਼ੁਦ ਨਾਲ ਹੋ ਰਹੀ ਬੇਇਨਸਾਫ਼ੀ ਵਿਰੁੱਧ ਆਵਾਜ਼ ਨਹੀਂ ਚੁੱਕ ਸਕਦੇ |

ਮ ੁੜ ਸਰਗਰਮ ਹੋਈ ਗੁਗਨੀ ਗਿੱਲ

ਗੁਗਨੀ ਗਿੱਲ ਪੰਜਾਬੀ ਸਿਨੇਮਾ ਦੀ ਇਕ ਚਰਚਿਤ ਸ਼ਖ਼ਸੀਅਤ ਹੈ ਜਿਸ ਨੇ 1997-98 ਦੇ ਦੌਰ ਵਿਚ ਬਤੌਰ ਨਾਇਕਾ ਪੰਜਾਬੀ ਪਰਦੇ 'ਤੇ ਆਪਣੀ ਪਛਾਣ ਛੱਡੀ ਸੀ | ਗੁਗਨੀ ਗਿੱਲ ਨੇ ਜਿੱਥੇ ਗਲੈਮਰ ਜਗਤ 'ਚ ਵੱਡਾ ਨਾਂਅ ਬਣਾਇਆ ਉੱਥੇ ਇਕ ਸਰਗਰਮ ਸਿਆਸਤਦਾਨ, ਸਮਾਜ ਸੇਵਿਕਾ ਅਤੇ ਇਕ ਸਫ਼ਲ ਕਾਰੋਬਾਰੀ ਔਰਤ ਵਜੋਂ ਵੀ ਪਛਾਣ ਬਣਾਈ | ਖ਼ਾਸ ਗੱਲ ਕਿ ਇਹ ਪੰਜਾਬ ਦੇ ਪਿਛੋਕੜ ਨਾਲ ਜੁੜੀ ਗੁਗਨੀ ਗਿੱਲ ਕੈਨੇਡਾ ਦੀ ਵਸਨੀਕ ਹੋ ਕੇ ਵੀ ਆਪਣੀ ਮਾਂ ਬੋਲੀ, ਸੱਭਿਆਚਾਰ ਤੇ ਰਿਸ਼ਤਿਆਂ ਨਾਲ ਜੁੜੀ ਹੋਈ ਹੈ | ਭਾਵੇਂ ਕਿ ਉਸ ਦੇ ਪਿਤਾ ਉਸ ਨੂੰ ਡਾਕਟਰ ਬਣਾਉਣਾ ਚਾਹੁੰਦੇ ਸੀ ਪਰ ਉਸ ਦੀ ਖੂਬਸੂਰਤੀ ਅਤੇ ਉੱਚਾ ਲੰਮਾ ਕੱਦ ਉਸ ਨੂੰ ਮਾਡਿਲੰਗ ਖੇਤਰ ਵੱਲ ਖਿੱਚ ਲਿਆਇਆ | ਦਾਰਾ ਸਿੰਘ ਦੇ ਬੇਟੇ ਵਿੰਦੂ ਦਾਰਾ ਸਿੰਘ ਤੇ ਫ਼ਰਹਾ ਖ਼ਾਂ ਨਾਲ ਫ਼ਿਲਮ 'ਰੱਬ ਦੀਆਂ ਰੱਖਾਂ' ਤੋਂ ਉਸ ਨੇ ਆਪਣੇ ਕਲਾਕਾਰੀ ਸਫ਼ਰ ਦਾ ਆਗਾਜ਼ ਕੀਤਾ ਸੀ | ਇਸ ਤੋਂ ਬਾਅਦ 'ਵਸੀਅਤ' 'ਜਗੀਰਾ', 'ਬਦਲਾ' ਵਰਗੀਆਂ ਫ਼ਿਲਮਾਂ 'ਚ ਬਤੌਰ ਨਾਇਕਾ ਦਰਸ਼ਕਾਂ ਦੀ ਪਸੰਦ ਬਣੀ | ਫ਼ਿਲਮ 'ਦੁੱਲਾ ਵੈਲੀ' ਨਾਲ ਗੁਗਨੀ ਗਿੱਲ ਮੁੜ ਪੰਜਾਬੀ ਸਿਨੇਮੇ ਲਈ ਮੁੜ ਸਰਗਰਮ ਹੋਣ ਮਗਰੋਂ ਹੁਣ ਆਪਣੀ ਨਵੀਂ ਫ਼ਿਲਮ 'ਜੱਟੀ ਪੰਦਰਾਂ ਮੁਰੱਬਿਆਂ ਵਾਲੀ' ਲੈ ਕੇ ਆਵੇਗੀ | ਨਾਰੀ ਪ੍ਰਧਾਨ ਸਿਨੇਮਾ ਦੀ ਹਮਾਇਤ ਕਰਦੀ ਇਸ ਫਿਲਮ ਵਿਚ ਉਹ ਮੁੱਖ ਭੂਮਿਕਾ ਵਿਚ ਨਜ਼ਰ ਆਵੇਗੀ¢

–ਸੁਰਜੀਤ ਜੱਸਲ

ਆਪਣੀ ਪਹਿਚਾਣ ਬਣਾਉਣ ਲਈ ਸਰਗਰਮ ਇੰਦਰ ਗੇਹਲਣ

ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡ ਭੁੰਗਾ (ਹਰਿਆਣਾ) ਦੇ ਜੰਮਪਲ ਨੌਜਵਾਨ ਇੰਦਰਪ੍ਰੀਤ ਉਰਫ਼ ਇੰਦਰ ਗੇਹਲਣ ਨੂੰ ਅਦਾਕਾਰੀ ਦਾ ਜਨੂੰਨ ਬਚਪਨ ਤੋਂ ਚੜਿ੍ਹਆ ਹੋਇਆ ਸੀ | ਉਸ ਕੋਲ ਕਿਤਾਬਾਂ ਘੱਟ ਤੇ ਸੀ ਡੀ, ਡੀ. ਵੀ. ਡੀ. ਫ਼ਿਲਮਾਂ ਜ਼ਿਆਦਾ ਹੁੰਦੀਆਂ ਸਨ | ਉਹ ਗੁਆਂਢੀਆਂ ਦੇ ਘਰ ਜਾ ਕੇ ਟੀ. ਵੀ. ਵਿਚ ਫ਼ਿਲਮਾਂ ਵੇਖਦਾ ਅਤੇ ਫ਼ਿਲਮੀ ਦੁਨੀਆ ਵਿਚ ਗਵਾਚਿਆ ਰਹਿੰਦਾ | ਉਸ ਅਨੀਤਾ ਦੇਵਗਣ ਦੀ ਗੂਚੀ ਮੂਚੀ ਅਕੈਡਮੀ 'ਚ ਦਾਖ਼ਲਾ ਲਿਆ ਅਤੇ ਅਦਾਕਾਰੀ ਸਿੱਖਣੀ ਸ਼ੁਰੂ ਕੀਤੀ | ਉਸ ਨੇ ਫਗਵਾੜਾ ਦੇ ਬਲਵਿੰਦਰ ਪ੍ਰੀਤ ਹੋਰਾਂ ਦੇ ਥੀਏਟਰ ਗਰੁੱਪ 'ਪਰਵਾਜ਼ ਰੰਗਮੰਚ' ਵਿਚ ਕੰਮ ਕਰਨਾ ਸ਼ੁਰੂ ਕੀਤਾ | ਇੰਦਰ ਗੇਹਲਣ ਨੇ ਹੁਣ ਤੱਕ 10 ਗੀਤਾਂ ਵਿਚ ਕੰਮ ਕੀਤਾ ਹੈ | ਇਸ ਤੋਂ ਇਲਾਵਾ ਉਸ ਨੂੰ 'ਗਾਂਧੀ ਫਿਰ ਆ ਗਿਆ', 'ਜਾਸੂਸ ਰਾਜਵੀਰ', 'ਮਾਂ' ਵਰਗੀਆਂ ਸ਼ਾਰਟ ਫੀਚਰ ਮੂਵੀਜ਼ ਅਤੇ ਗੀਤਾਂ 'ਚ ਵਿਜੈ ਟੰਡਨ , ਰਾਮ ਔਜਲਾ, ਨੀਟੂ ਪੰਧੇਰ, ਬਿੰਦੂ ਭੁੱਲਰ, ਚਰਨਜੀਤ ਸੰਧੂ ਵਰਗੇ ਅਦਾਕਾਰਾਂ ਨਾਲ ਵੀ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ | ਇੰਦਰ ਗੇਹਲਣ ਅੱਜਕੱਲ੍ਹ ਜ਼ੀ ਪੰਜਾਬੀ ਚੈਨਲ ਦੇ ਲੜੀਵਾਰ ਸੀਰੀਅਲ 'ਤੂੰ ਪਤੰਗ ਮੈਂ ਡੋਰ' 'ਚ ਖ਼ਲਨਾਇਕ ਦੀ ਭੂਮਿਕਾ ਨਿਭਾ ਰਿਹਾ ਹੈ | ਸ਼ਾਹਰੁਖ ਖ਼ਾਨ ਉਸ ਦਾ ਪਸੰਦੀਦਾ ਅਦਾਕਾਰ ਹੈ | ਉਹ ਦਿਨ ਰਾਤ ਪੰਜਾਬੀ ਫ਼ਿਲਮ ਇੰਡਸਟਰੀ ਵਿਚ ਆਪਣੀ ਥਾਂ ਬਣਾਉਣ ਲਈ ਮਿਹਨਤ ਕਰ ਰਿਹਾ ਹੈ |

-ਗੁਰਭੇਜ ਸਿੰਘ ਚੌਹਾਨ
ਪੱਤਰ ਪ੍ਰੇਰਕ ('ਅਜੀਤ')

ਗੁੰਮਨਾਮੀ ਦੇ ਹਨੇਰੇ ਵਿਚ ਗਵਾਚ ਗਿਆ ਕਵੀਰਾਜ ਪ੍ਰਦੀਪ ਦਾ ਗੀਤ

ਕਹਿੰਦੇ ਹਨ ਕਿ ਸੁਨਾਰ ਦੇ ਘਰ ਵਿਚ ਸੋਨੇ ਦਾ ਕਣ ਕਿਤੇ ਵੀ ਖਿੱਲਰਿਆ ਪਿਆ ਹੋ ਸਕਦਾ ਹੈ | ਇਹ ਗੱਲ ਸਾਹਿਤਾਕਰਾਂ ਤੇ ਕਵੀਆਂ 'ਤੇ ਵੀ ਲਾਗੂ ਹੁੰਦੀ ਹੈ | ਉਨ੍ਹਾਂ ਦੀਆਂ ਕਈ ਰਚਨਾਵਾਂ ਉਨ੍ਹਾਂ ਦੇ ਆਲੇ-ਦੁਆਲੇ ਖਿੱਲਰੀਆਂ ਰਹਿੰਦੀਆਂ ਹਨ | ਗੀਤਕਾਰ ਕਵੀਰਾਜ ਪ੍ਰਦੀਪ ਆਪਣੀਆਂ ਰਚਨਾਵਾਂ ਦੀ ਬਦੌਲਤ ਅਮਰ ਹੋ ਗਏ | ਉਨ੍ਹਾਂ ਦੀ ਕਲਮ ਤੋਂ ਨਿਕਲੇ ਗੀਤ 'ਐ ਮੇਰੇ ਵਤਨ ਕੇ ਲੋਗੋ...' ਨੂੰ ਸੁਣ ਅੱਜ ਵੀ ਅੱਖਾਂ ਨਮ ਹੋ ਜਾਂਦੀਆਂ ਹਨ | ਉਨ੍ਹਾਂ ਨੇ ਇਹ ਗੀਤ 1962 ਦੇ ਭਾਰਤ-ਚੀਨ ਯੁੱਧ ਦੌਰਾਨ ਸ਼ਹੀਦ ਹੋਏ ਸਿਪਾਹੀਆਂ ਦੀ ਯਾਦ ਵਿਚ ਲਿਖਿਆ ਸੀ | ਦਿੱਲੀ ਵਿਚ ਆਯੋਜਿਤ ਕੀਤੇ ਗਏ ਪ੍ਰੋਗਰਾਮ ਦੌਰਾਨ ਜਦੋਂ ਮੰਚ 'ਤੇ ਲਤਾ ਮੰਗੇਸ਼ਕਰ ਨੇ ਇਹ ਗੀਤ ਪੇਸ਼ ਕੀਤਾ ਸੀ | ਉਦੋਂ ਤਤਕਾਲੀ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰ ਲਾਲ ਨਹਿਰੂ ਦੀਆਂ ਅੱਖਾਂ ਛਲਕ ਪਈਆਂ ਸੀ |
ਇਸ ਗੀਤ ਤੋਂ ਬਾਅਦ ਕਵੀ ਪ੍ਰਦੀਪ ਨੇ ਇਕ ਹੋਰ ਗੀਤ ਲਿਖਿਆ ਸੀ ਅਤੇ ਇਹ ਸੰਨ 65 ਦੀ ਭਾਰਤ-ਪਾਕਿ ਲੜਾਈ ਵਿਚ ਸ਼ਹੀਦ ਹੋਏ ਫ਼ੌਜੀਆਂ ਨੂੰ ਸਮਰਪਿਤ ਕੀਤਾ ਗਿਆ ਸੀ | ਇਹ ਗੀਤ ਦਿੱਲੀ ਵਿਚ ਆਯੋਜਿਤ ਚੈਰਿਟੀ ਸ਼ੋਅ ਦੌਰਾਨ ਆਸ਼ਾ ਭੌਾਸਲੇ ਵਲੋਂ ਪੇਸ਼ ਕੀਤਾ ਗਿਆ ਸੀ ਅਤੇ ਉਦੋਂ ਇਸ ਨੂੰ ਸੁਣ ਤਤਕਾਲੀ ਪ੍ਰਧਾਨ ਲਾਲ ਬਹਾਦਰ ਸ਼ਾਸਤਰੀ ਦੀਆਂ ਅੱਖਾਂ ਨਮ ਹੋ ਗਈਆਂ ਸਨ | ਗੀਤ ਦੇ ਬੋਲ ਤੋਂ ਪ੍ਰਭਾਵਿਤ ਹੋ ਕੇ ਉਹ ਪ੍ਰਦੀਪ ਦੇ ਪ੍ਰਸੰਸਕ ਬਣ ਗਏ ਸਨ | ਇਹ ਗੱਲ ਵੱਖਰੀ ਹੈ ਕਿ ਬਾਅਦ ਵਿਚ ਇਹ ਗੀਤ ਗੁੰਮਨਾਮੀ ਦੇ ਹਨੇਰੇ ਵਿਚ ਗਵਾਚ ਗਿਆ ਪਰ ਗੀਤ ਦੇ ਬੋਲ ਅੱਜ ਵੀ ਓਨੇ ਹੀ ਸਾਰਥਕ ਹਨ ਜਿੰਨੇ ਉਦੋਂ ਸੀ :
'ਪ੍ਰਣਾਮ ਉਨ ਦੁਲਹਨੋਂ ਕੋ ਮੇਰਾ,
ਜਿਨ੍ਹੋਂ ਨੇ ਅਪਨਾ ਸਬ ਕੁਛ ਗੰਵਾਇਆ,
ਵਤਨ ਯਹ ਜ਼ਿੰਦਾ ਰਹੇ ਇਸ ਲਿਏ,
ਅਪਨਾ ਸੁਹਾਗ ਸਿੰਦੂਰ ਲੁਟਾਇਆ,
ਯੇ ਹੈ ਸ਼ਹੀਦੋਂ ਕੀ ਅਮਾਨਤੇਂ,
ਹਰ ਵਿਧਵਾ ਹੈ ਪਾਵਨ ਗੰਗਾ,
ਇਨ ਬਹਿਨੋਂ ਕੇ ਬਲਿਦਾਨੋਂ ਕੋ,
ਕਭੀ ਨਾ ਭੂਲੇਗਾ ਤਿਰੰਗਾ,
ਅਪਨੀ ਮਾਂਗ ਉਜਾੜ ਉਨ੍ਹੋਂ ਨੇ,
ਹਮ ਸਬ ਕਾ ਕਸ਼ਮੀਰ ਬਚਾਇਆ,
ਪ੍ਰਣਾਮ ਉਨ ਦੁਲਹਨੋਂ ਕੋ ਮੇਰਾ,
ਜਿਨ੍ਹੋਂ ਨੇ ਅਪਨਾ ਸਬ ਕੁਛ ਗੰਵਾਇਆ... |'
ਇਹ ਸੀ ਉਸ ਗੀਤ ਦੇ ਬੋਲ ਅਤੇ ਕਹਿਣਾ ਹੋਵੇਗਾ ਕਿ ਇਸ ਵਿਚ ਵੀ ਅਮਰ ਗੀਤ ਹੋਣ ਵਾਲੇ ਸਾਰੇ ਤੱਤ ਤੇ ਸੰਵੇਦਨਸ਼ੀਲਤਾ ਮੌਜੂਦ ਹੈ ਪਰ ਇਹ ਸਮੇਂ ਦੀ ਰਫ਼ਤਾਰ ਵਿਚ ਕਿਤੇ ਗਵਾਚ ਗਿਆ |
ਖ਼ੈਰ, ਇਸ ਗੀਤ ਦੇ ਨਾਲ 'ਅਜੀਤ' ਪਰਿਵਾਰ ਵੀ ਦੇਸ਼ 'ਤੇ ਕੁਰਬਾਨ ਹੋਏ ਫ਼ੌਜੀਆਂ ਨੂੰ ਸ਼ਰਧਾਂਜਲੀ ਭੇਟ ਕਰਦਾ ਹੈ |
-ਪੰਨੂੰ

ਆ ਰਹੀ ਹੈ ਸ਼ਵੇਤਾ ਤਿਵਾੜੀ ਦੀ ਬੇਟੀ ਪਲਕ

ਲੜੀਵਾਰ 'ਕਸੌਟੀ ਜ਼ਿੰਦਗੀ ਕੀ' ਵਿਚ ਪ੍ਰੇਰਨਾ ਦੀ ਭੂਮਿਕਾ ਨਿਭਾਉਣ ਵਾਲੀ ਸ਼ਵੇਤਾ ਤਿਵਾੜੀ ਰਿਆਲਿਟੀ ਸ਼ੋਅ 'ਬਿਗ ਬੌਸ-4' ਦੀ ਜੇਤੂ ਵੀ ਰਹੀ ਹੈ ਅਤੇ ਇਨ੍ਹੀਂ ਦਿਨੀਂ ਉਹ ਲੜੀਵਾਰ 'ਮੇਰੇ ਡੈਡ ਕੀ ਦੁਲਹਨ' ਵਿਚ ਅਭਿਨੈ ਕਰਦੀ ਦਿਖਾਈ ਦਿੰਦੀ ਹੈ | ਸ਼ਵੇਤਾ ਤੋਂ ਪ੍ਰੇਰਿਤ ਹੋ ਕੇ ਹੁਣ ਉਸ ਦੀ ਬੇਟੀ ਪਲਕ ਵੀ ਅਭਿਨੈ ਦੀ ਦੁਨੀਆ ਵਿਚ ਆ ਗਈ ਹੈ | ਪਲਕ ਨੂੰ ਪੇਸ਼ ਕਰ ਰਹੀ ਫ਼ਿਲਮ ਦਾ ਨਾਂਅ ਹੈ 'ਰੋਜ਼ੀ—ਦ ਸੈਫਰਾਨ ਚੈਪਟਰ' ਅਤੇ ਇਹ ਡਰਾਉਣੀ ਫ਼ਿਲਮ ਹੈ | ਇਸ ਫ਼ਿਲਮ ਦਾ ਨਿਰਮਾਣ ਵਿਵੇਕ ਉਬਰਾਏ ਵਲੋਂ ਕੀਤਾ ਜਾ ਰਿਹਾ ਹੈ | ਇਕ ਜ਼ਮਾਨੇ ਵਿਚ ਬਾਲੀਵੁੱਡ ਵਿਚ ਹੀਰੋਇਨਾਂ ਬਾਰੇ ਇਹ ਮਾਨਤਾ ਸੀ ਕਿ ਡਰਾਉਣੀ ਫ਼ਿਲਮ ਦੀ ਹੀਰੋਇਨ ਵੱਡੀ ਸਟਾਰ ਨਹੀਂ ਬਣ ਸਕਦੀ ਪਰ ਬਿਪਾਸ਼ਾ ਬਸੂ ਨੇ 'ਰਾਜ਼' ਵਿਚ ਕੰਮ ਕੀਤਾ ਅਤੇ ਸਟਾਰਡਮ ਹਾਸਲ ਕਰ ਕੇ ਇਸ ਮਿਥ ਨੂੰ ਤੋੜ ਦਿੱਤਾ | ਉਮੀਦ ਹੈ ਪਲਕ ਵੀ ਇਸ ਇਤਿਹਾਸ ਨੂੰ ਦੁਹਰਾਉਣ ਵਿਚ ਕਾਮਯਾਬ ਹੋਵੇਗੀ |

-ਮੁੰਬਈ ਪ੍ਰਤੀਨਿਧ

ਫ਼ਿਲਮੀ ਖ਼ਬਰਾਂ

ਰਣਵੀਰ ਸਿੰਘ ਦਾ ਨਵਾਂ ਬੈਨਰ
ਰਣਵੀਰ ਸਿੰਘ ਨੇ ਆਪਣੀ ਪਤਨੀ ਦੀਪਿਕਾ ਪਾਦੂਕੋਨ ਦੇ ਨਾਲ ਮਿਲ ਕੇ 'ਚਾਕ ਐਾਡ ਚੀਜ਼ ਇੰਟਰਪ੍ਰਾਈਜ਼' ਕੰਪਨੀ ਦੀ ਸਥਾਪਨਾ ਸਾਲ 2019 ਵਿਚ ਕੀਤੀ ਸੀ | ਦੀਪਿਕਾ ਨੇ ਵੀ ਫ਼ਿਲਮ ਨਿਰਮਾਤਰੀ ਬਣ ਕੇ ਫ਼ਿਲਮ 'ਛਪਾਕ' ਦੇ ਨਿਰਮਾਣ ਵਿਚ ਹੱਥ ਵੰਡਾਇਆ ਸੀ | ਹੁਣ ਰਣਵੀਰ ਸਿੰਘ ਨੇ ਆਪਣਾ ਨਵਾਂ ਪ੍ਰੋਡਕਸ਼ਨ ਹਾਊਸ ਖੋਲ੍ਹ ਲਿਆ ਹੈ ਅਤੇ ਆਪਣੇ ਨਵੇਂ ਬੈਨਰ ਦਾ ਨਾਂਅ 'ਮਾਂ ਕਸਮ ਫ਼ਿਲਮਜ਼' ਰੱਖਿਆ ਹੈ | ਉਹ ਇਸ ਫ਼ਿਲਮੀ ਨਾਂਅ ਵਾਲੇ ਬੈਨਰ ਰਾਹੀਂ ਪੂਰੀ ਤਰ੍ਹਾਂ ਨਾਲ ਮਸਾਲਾ ਫ਼ਿਲਮਾਂ ਦਾ ਨਿਰਮਾਣ ਕਰਨਗੇ |
ਆਦਰ ਜੈਨ-ਤਾਰਾ ਵਿਚਾਲੇ ਨੇੜਤਾ ਵਧੀ
ਰਿਸ਼ੀ ਕਪੂਰ-ਰਣਧੀਰ ਕਪੂਰ ਦੇ ਭਾਣਜੇ ਤੇ ਫ਼ਿਲਮ 'ਕੈਦੀ ਬੈਂਡ' ਤੋਂ ਪੇਸ਼ ਹੋਏ ਆਦਰ ਜੈਨ ਅਤੇ ਤਾਰਾ ਸੁਤਾਰੀਆ ਵਿਚਾਲੇ ਨੇੜਤਾ ਦੀਆਂ ਗੱਲਾਂ ਸੁਣਨ ਵਿਚ ਆ ਰਹੀਆਂ ਸਨ ਪਰ ਹੁਣ ਦੋਵੇਂ ਖੁੱਲ੍ਹ ਕੇ ਸਾਹਮਣੇ ਆ ਗਏ ਹਨ | ਇਸ ਦਾ ਨਤੀਜਾ ਉਦੋਂ ਮਿਲਿਆ ਜਦੋਂ ਹਾਲੀਆ ਰੱਖੜੀ ਦੇ ਤਿਉਹਾਰ 'ਤੇ ਕਪੂਰ ਖਾਨਦਾਨ ਦੇ ਘਰ ਤਾਰਾ ਨੂੰ ਵੀ ਸੱਦਾ ਦਿੱਤਾ ਗਿਆ | ਇਸ ਪਰਿਵਾਰਕ ਮਿਲਣ ਸਮਾਰੋਹ ਵਿਚ ਆਲੀਆ ਭੱਟ ਵੀ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸੀ | ਆਲੀਆ ਖ਼ੁਦ ਇਹ ਐਲਾਨ ਕਰ ਚੁੱਕੀ ਹੈ ਕਿ ਉਹ ਰਣਬੀਰ ਕਪੂਰ ਨੂੰ ਪਸੰਦ ਕਰਦੀ ਹੈ |

-ਮੁੰਬਈ ਪ੍ਰਤੀਨਿਧ



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX