ਤਾਜਾ ਖ਼ਬਰਾਂ


ਸਾਊਦੀ ਅਰਬ ਤੋਂ ਆਏ ਪਿੰਡ ਮਠੋਲਾ ਦੇ ਵਿਅਕਤੀ ਦੀ ਰਿਪੋਰਟ ਆਈ ਕੋਰੋਨਾ ਪਾਜ਼ੀਟਿਵ
. . .  about 1 hour ago
ਘੁਮਾਣ ,16 ਜੁਲਾਈ {ਬਮਰਾਹ }-ਜ਼ਿਲ੍ਹਾ ਗੁਰਦਾਸਪੁਰ ਦੇ ਕਸਬਾ ਘੁਮਾਣ ਦੇ ਬਾਬਾ ਨਾਮਦੇਵ ਭਵਨ ਵਿੱਚ ਇਕਾਂਤਵਾਸ ਕੀਤੇ ਗਏ ਸਾਊਦੀ ਅਰਬ ਤੋਂ ਆਏ 25 ਲੋਕਾਂ ਵਿੱਚੋਂ ਇੱਕ ਵਿਅਕਤੀ ਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ । ਇਸ ਸਬੰਧੀ ...
ਸੁਨਾਮ ਦੇ ਕੱਚਾ ਪਹਾ ਰੋਡ ਦੀ ਇਕ ਔਰਤ ਦੀ ਰਿਪੋਰਟ ਆਈ ਕੋਰੋਨਾ ਪਾਜ਼ੀਟਿਵ
. . .  about 1 hour ago
ਸੁਨਾਮ ਊਧਮ ਸਿੰਘ ਵਾਲਾ ,16 ਜੁਲਾਈ (ਸਰਬਜੀਤ ਸਿੰਘ ਧਾਲੀਵਾਲ,ਹਰਚੰਦ ਸਿੰਘ ਭੁੱਲਰ)- ਸੁਨਾਮ ਸ਼ਹਿਰ 'ਚ ਕੋਰੋਨਾ ਦਾ ਕਹਿਰ ਰੁਕਣ ਦਾ ਨਾਂਅ ਨਹੀ ਲੈ ਰਿਹਾ ਕਿਉਂਕਿ ਇਕ ਦੋ ਦਿਨ ਛੱਡ ਕੇ ਸ਼ਹਿਰ 'ਚ ਕੋਰੋਨਾ ਦਾ ਕੋਈ ਨਾਂ ...
ਜਲੰਧਰ ਜ਼ਿਲ੍ਹਾ ਪ੍ਰਸ਼ਾਸਨ ਸਵ-ਡਿਵੀਜਨ ਪੱਧਰ 'ਤੇ ਸਿਵਲ ਤੇ ਪੁਲਿਸ ਅਧਿਕਾਰੀਆਂ ਦੀਆਂ ਟੀਮਾਂ ਕਰੇਗਾ ਗਠਿਤ
. . .  about 2 hours ago
ਰਾਜਪੁਰਾ 'ਚ ਕੋਰੋਨਾ ਦੇ ਤਿੰਨ ਮਰੀਜ਼ਾਂ ਦੀ ਪੁਸ਼ਟੀ
. . .  about 2 hours ago
ਰਾਜਪੁਰਾ 16 ਜੁਲਾਈ (ਰਣਜੀਤ ਸਿੰਘ)- ਰਾਜਪੁਰਾ ਸ਼ਹਿਰ 'ਚ ਅੱਜ ਫਿਰ 3 ਮਰੀਜ਼ ਕੋਰੋਨਾ ...
ਜ਼ਿਲ੍ਹਾ ਜਲੰਧਰ ਮੈਜਿਸਟਰੇਟ ਵੱਲੋਂ ਹੋਟਲਾਂ ਸਮੇਤ ਹੋਰ ਥਾਵਾਂ 'ਤੇ ਹੋਣ ਵਾਲੇ ਫੰਕਸ਼ਨਾ ਸੰਬੰਧੀ ਹਦਾਇਤਾ ਜਾਰੀ
. . .  about 2 hours ago
ਜ਼ਿਲ੍ਹਾ ਜਲੰਧਰ ਮੈਜਿਸਟਰੇਟ ਵੱਲੋਂ ਹੋਟਲਾਂ ਸਮੇਤ ਹੋਰ ਥਾਵਾਂ 'ਤੇ ਹੋਣ ਵਾਲੇ ਫੰਕਸ਼ਨਾ ਸੰਬੰਧੀ ਹਦਾਇਤਾ ਜਾਰੀ ...
ਕਣਕ ਨਾ ਮਿਲਣ ਕਾਰਨ ਲੋਕਾਂ ਨੇ ਡੀਪੂ ਅੱਗੇ ਕੀਤਾ ਰੋਸ ਪ੍ਰਦਰਸ਼ਨ
. . .  1 minute ago
ਬਾਘਾ ਪੁਰਾਣਾ, 16 ਜੁਲਾਈ (ਬਲਰਾਜ ਸਿੰਗਲਾ)- ਅੱਜ ਬਾਘਾ ਪੁਰਾਣਾ ਦੇ ਵਾਰਡ ਨੰਬਰ 1 ਵਿਚਲੇ ਡੀਪੂ ...
ਸਿਵਲ ਹਸਪਤਾਲ ਗੁਰਦਾਸਪੁਰ ਦਾ ਲੈਬ ਟੈਕਨੀਸ਼ੀਅਨ ਨੂੰ ਹੋਇਆ ਕੋਰੋਨਾ
. . .  about 3 hours ago
ਗੁਰਦਾਸਪੁਰ, 16 ਜੁਲਾਈ (ਆਰਿਫ਼)- ਸਿਵਲ ਹਸਪਤਾਲ ਗੁਰਦਾਸਪੁਰ ਦੀ ਲੈਬ ਅੰਦਰ ਕੰਮ ਕਰਦੇ ਇਕ ਸੀਨੀਅਰ ਲੈਬ...
ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੀ ਕੌਰ ਕਮੇਟੀ ਦੀ ਮੀਟਿੰਗ 'ਚ 8 ਅਹਿਮ ਮਤੇ ਕੀਤੇ ਗਏ ਪਾਸ
. . .  about 3 hours ago
ਚੰਡੀਗੜ੍ਹ, 16 ਜੁਲਾਈ (ਸੁਰਿੰਦਰਪਾਲ ਸਿੰਘ)- ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੀ ਕੌਰ ਕਮੇਟੀ ਦੀ ਮੀਟਿੰਗ ਅੱਜ ਪਾਰਟੀ ਪ੍ਰਧਾਨ...
ਨਵਾਂ ਸ਼ਹਿਰ 'ਚ ਦੋ ਡਾਕਟਰਾਂ ਸਮੇਤ 6 ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 3 hours ago
ਨਵਾਂਸ਼ਹਿਰ,16 ਜੁਲਾਈ (ਗੁਰਬਖ਼ਸ਼ ਸਿੰਘ ਮਹੇ)- ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਖ਼ਾਸ ਕਰ ਕੇ ਨਵਾਂਸ਼ਹਿਰ ਸ਼ਹਿਰੀ ਹਲਕੇ 'ਚ ...
ਸ਼ੇਰਾਂਵਾਲਾ 'ਚ ਚਾਰ ਸਾਲਾ ਬੱਚਾ, ਦਾਦਾ ਅਤੇ ਮਾਂ ਕੋਰੋਨਾ ਪਾਜ਼ੀਟਿਵ
. . .  about 3 hours ago
ਮੰਡੀ ਕਿੱਲਿਆਂਵਾਲੀ, 16 ਜੁਲਾਈ (ਇਕਬਾਲ ਸਿੰਘ ਸ਼ਾਂਤ)- ਮਹਾਂਮਾਰੀ ਦੀ ਲਾਗ ਲੰਬੀ ਹਲਕੇ ਦੇ ਪੇਂਡੂ ਖੇਤਰਾਂ 'ਚ ਘਰਾਂ 'ਚ ਵੜ...
ਖਿਲਚੀਆਂ ਪੁਲਿਸ ਵੱਲੋਂ ਪਿਸਤੌਲ ਤੇ ਅਫ਼ੀਮ ਸਮੇਤ 2 ਵਿਅਕਤੀ ਕਾਬੂ
. . .  about 3 hours ago
ਟਾਂਗਰਾ, 16 ਜੁਲਾਈ (ਹਰਜਿੰਦਰ ਸਿੰਘ ਕਲੇਰ) - ਪੁਲਿਸ ਜ਼ਿਲ੍ਹਾ ਮੁਖੀ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਡੀ.ਐੱਸ.ਪੀ ਹਰਕ੍ਰਿਸ਼ਨ ਸਿੰਘ ...
ਕੋਰੋਨਾ ਕਾਰਨ ਭਾਜਪਾ ਨੇ ਸੂਬੇ 'ਚ ਸਾਰੇ ਰਾਜਨੀਤਿਕ ਪ੍ਰੋਗਰਾਮ 31 ਜੁਲਾਈ ਤਕ ਕੀਤੇ ਮੁਲਤਵੀ
. . .  about 4 hours ago
ਪਠਾਨਕੋਟ, 16 ਜੁਲਾਈ (ਸੰਧੂ /ਚੌਹਾਨ/ਆਸ਼ੀਸ਼ ਸ਼ਰਮਾ)- ਕੋਵੀਡ -19 ਮਹਾਂਮਾਰੀ ਦੀ ਗੰਭੀਰਤਾ ਦੇ ਮੱਦੇਨਜ਼ਰ ਭਾਰਤੀ ਜਨਤਾ ਪਾਰਟੀ...
ਕੋਰੋਨਾ ਦਾ ਮਰੀਜ਼ ਨਾ ਲੱਭਣ ਕਾਰਨ ਪ੍ਰਸ਼ਾਸਨ ਨੂੰ ਪਈ ਹੱਥਾਂ ਪੈਰਾਂ ਦੀ
. . .  about 4 hours ago
ਲਹਿਰਾਗਾਗਾ ਦੇ ਚੇਅਰਮੈਨ ਨੂੰ ਹੋਇਆ ਕੋਰੋਨਾ
. . .  about 4 hours ago
ਲਹਿਰਾਗਾਗਾ, 16 ਜੁਲਾਈ (ਅਸ਼ੋਕ ਗਰਗ)- ਮਾਰਕੀਟ ਕਮੇਟੀ ਲਗਿਰਗਾਗਾ ਦੇ ਚੇਅਰਮੈਨ ਅਤੇ ਪਿੰਡ ਲਹਿਲਾ ਕਲਾਂ ...
ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ੍ਹੇ 'ਚ 3 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  about 4 hours ago
ਸ੍ਰੀ ਮੁਕਤਸਰ ਸਾਹਿਬ, 16 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)- ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ੍ਹੇ ਦੇ 3 ਹੋਰ ਕੋਰੋਨਾ...
ਲੁਧਿਆਣਾ 'ਚ ਕੋਰੋਨਾ ਦੇ 61 ਨਵੇਂ ਮਾਮਲਿਆਂ ਦੀ ਪੁਸ਼ਟੀ, 1 ਮੌਤ
. . .  about 4 hours ago
ਲੁਧਿਆਣਾ, 16 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਲੁਧਿਆਣਾ ਨਾਲ ਸਬੰਧਿਤ ਅੱਜ ਇੱਕ ਹੋਰ ਮਰੀਜ਼ ਦੀ ਕੋਰੋਨਾ ਨਾਲ....
ਅੰਮ੍ਰਿਤਸਰ 'ਚ ਕੋਰੋਨਾ ਦਾ ਉਛਾਲ, 23 ਹੋਰ ਨਵੇਂ ਮਾਮਲੇ ਆਏ ਸਾਹਮਣੇ, ਇੱਕ ਹੋਰ ਮੌਤ
. . .  about 5 hours ago
ਅੰਮ੍ਰਿਤਸਰ , 16 ਜੁਲਾਈ (ਰੇਸ਼ਮ ਸਿੰਘ)- ਅੰਮ੍ਰਿਤਸਰ 'ਚ ਕੋਰੋਨਾ ਦਾ ਮੁੜ ਉਛਾਲ ਆਇਆ ਹੈ। ਇੱਥੇ ਅੱਜ ਇੱਕੋ ਦਿਨ 'ਚ 23 ਨਵੇਂ ਮਾਮਲੇ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੇ ਸਾਹਮਣੇ ਆਏ ਹਨ। ਇਸੇ ਦੇ ਨਾਲ ਹੀ...
ਅਰਨੀਵਾਲਾ ਖੇਤਰ ਨਾਲ ਸੰਬੰਧਿਤ ਚਾਰ ਜਣਿਆਂ ਦੀ ਰਿਪੋਰਟ ਆਈ ਪਾਜ਼ੀਟਿਵ
. . .  about 5 hours ago
ਮੰਡੀ ਅਰਨੀਵਾਲਾ, 16 ਜੁਲਾਈ (ਨਿਸ਼ਾਨ ਸਿੰਘ ਸੰਧੂ)- ਸਿਹਤ ਵਿਭਾਗ ਵਲੋਂ ਕੋਰੋਨਾ ਸੰਬੰਧੀ ਕੀਤੀ ਗਈ ਸੈਂਪਲਿੰਗ ਦੌਰਾਨ ਫ਼ਾਜ਼ਿਲਕਾ ਦੇ ਅਰਨੀਵਾਲਾ ਖੇਤਰ ਨਾਲ ਸੰਬੰਧਿਤ ਚਾਰ ਜਣਿਆਂ ਦੀ ਰਿਪੋਰਟ ਪਾਜ਼ੀਟਿਵ...
ਪੰਜਾਬ ਸਰਕਾਰ ਨੇ ਕੋਰੋਨਾ ਮਰੀਜ਼ਾਂ ਦੇ ਇਲਾਜ ਲਈ ਪ੍ਰਾਈਵੇਟ ਹਸਪਤਾਲਾਂ ਦਾ ਰੇਟ ਕੀਤਾ ਨਿਰਧਾਰਿਤ
. . .  about 5 hours ago
ਚੰਡੀਗੜ੍ਹ, 16 ਜੁਲਾਈ- ਪੰਜਾਬ ਸਰਕਾਰ ਨੇ ਸੂਬੇ 'ਚ ਕੋਰੋਨਾ ਮਰੀਜ਼ਾਂ ਦੇ ਇਲਾਜ ਲਈ ਪ੍ਰਾਈਵੇਟ ਹਸਪਤਾਲਾਂ ਦਾ ਰੇਟ ਨਿਰਧਾਰਿਤ ਕਰ ਦਿੱਤਾ ਹੈ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ...
ਇਸਤਰੀ ਅਕਾਲੀ ਦਲ ਦੀ ਪ੍ਰਧਾਨ ਬੀਬੀ ਜਗੀਰ ਕੌਰ ਵਲੋਂ ਸੂਬੇ 'ਚ ਨਿੰਮ ਦੇ ਬੂਟੇ ਲਗਾਉਣ ਦਾ ਆਗਾਜ਼
. . .  about 5 hours ago
ਬੇਗੋਵਾਲ, 16 ਜੁਲਾਈ (ਸੁਖਜਿੰਦਰ ਸਿੰਘ)- ਇਸਤਰੀ ਅਕਾਲੀ ਦਲ ਵਲੋਂ ਸੂਬੇ ਭਰ 'ਚ 16 ਤੋਂ 21 ਜੁਲਾਈ ਤੱਕ ਨਿੰਮ ਦੇ ਬੂਟੇ ਲਾਉਣ ਦੀ ਮੁਹਿੰਮ ਦਾ ਆਗਾਜ਼ ਅੱਜ ਇਸਤਰੀ ਅਕਾਲੀ ਦਲ ਦੀ ਪ੍ਰਧਾਨ ਬੀਬੀ ਜਗੀਰ ਕੌਰ...
ਹੁਸ਼ਿਆਰਪੁਰ 'ਚ ਕੋਰੋਨਾ ਦੇ ਚਾਰ ਹੋਰ ਮਾਮਲੇ ਆਏ ਸਾਹਮਣੇ
. . .  about 5 hours ago
ਹੁਸ਼ਿਆਰਪੁਰ, 16 ਜੁਲਾਈ (ਬਲਜਿੰਦਰਪਾਲ ਸਿੰਘ)- ਜ਼ਿਲ੍ਹੇ 'ਚ 4 ਹੋਰ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਕੁੱਲ ਪਾਜ਼ੀਟਿਵ ਮਰੀਜ਼ਾਂ ਦੀ ਗਿਣਤੀ 220 ਹੋ ਗਈ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ...
ਸ਼ਾਹਕੋਟ : ਨਾਰੰਗਪੁਰ ਦੇ ਨੌਜਵਾਨ ਦੀ ਪਤਨੀ ਵੀ ਆਈ ਕੋਰੋਨਾ ਪਾਜ਼ੀਟਿਵ
. . .  about 2 hours ago
ਮਲਸੀਆਂ, 16 ਜੁਲਾਈ (ਅਜ਼ਾਦ ਸਚਦੇਵਾ, ਸੁਖਦੀਪ ਸਿੰਘ)- ਸ਼ਾਹਕੋਟ ਬਲਾਕ ਦੇ ਪਿੰਡ ਨਾਰੰਗਪੁਰ ਦੇ ਇੱਕ ਨੌਜਵਾਨ ਰਮਨਦੀਪ ਸਿੰਘ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਉਣ ਤੋਂ ਬਾਅਦ ਉਸ ਦੀ ਪਤਨੀ...
ਕੋਰੋਨਾ ਦਾ ਮਰੀਜ਼ ਆਉਣ ਕਾਰਨ ਅੰਮ੍ਰਿਤਸਰ ਦੇ ਓਠੀਆਂ 'ਚ ਦਹਿਸ਼ਤ ਦਾ ਮਾਹੌਲ
. . .  about 5 hours ago
ਓਠੀਆਂ, 16 ਜੁਲਾਈ (ਗੁਰਵਿੰਦਰ ਸਿੰਘ ਛੀਨਾ)- ਅੰਮ੍ਰਿਤਸਰ ਦੇ ਓਠੀਆਂ ਦੇ ਇੱਕ ਮਰੀਜ਼, ਜੋ ਕਿ ਬਿਮਾਰ ਸੀ, ਨੂੰ ਇਲਾਜ ਲਈ ਗੁਰੂ ਨਾਨਕ ਦੇਵ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ। ਹੁਣ ਉਸ ਦੀ ਕੋਰੋਨਾ ਰਿਪੋਰਟ...
ਬੀ. ਐੱਸ. ਐੱਫ. ਦੇ ਜਵਾਨਾਂ ਸਣੇ ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ 27 ਹੋਰ ਨਵੇਂ ਕੋਰੋਨਾ ਮਾਮਲੇ ਆਏ ਸਾਹਮਣੇ
. . .  about 5 hours ago
ਫ਼ਾਜ਼ਿਲਕਾ, 16 ਜੁਲਾਈ (ਪ੍ਰਦੀਪ ਕੁਮਾਰ)- ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ ਕੋਰੋਨਾ ਵਾਇਰਸ ਦੇ 27 ਹੋਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ 'ਚ 5 ਬੀ. ਐੱਸ. ਐੱਫ. ਜਵਾਨ ਵੀ ਸ਼ਾਮਲ ਹਨ। ਜਾਣਕਾਰੀ ਦਿੰਦਿਆਂ...
ਜਲਾਲਾਬਾਦ 'ਚ ਕੋਰੋਨਾ ਦੇ ਸੱਤ ਹੋਰ ਮਾਮਲੇ ਆਏ ਸਾਹਮਣੇ
. . .  about 5 hours ago
ਜਲਾਲਾਬਾਦ, 16 ਜੁਲਾਈ (ਕਰਨ ਚੁਚਰਾ)- ਜਲਾਲਾਬਾਦ 'ਚ ਅੱਜ ਕੋਰੋਨਾ ਦੇ ਸੱਤ ਹੋਰ ਮਾਮਲੇ ਸਾਹਮਣੇ ਆਏ ਹਨ। ਪੀੜਤਾਂ 'ਚ ਦੋ ਮਰਦ, ਚਾਰ ਔਰਤਾਂ ਅਤੇ ਇੱਕ ਦਸ ਸਾਲਾ ਬੱਚਾ ਸ਼ਾਮਲ ਹੈ। ਕੋਰੋਨਾ ਦੇ ਅੱਜ...
ਹੋਰ ਖ਼ਬਰਾਂ..

ਖੇਡ ਜਗਤ

ਲੜਕੀਆਂ ਲਈ ਪ੍ਰੇਰਨਾ ਸ੍ਰੋਤ ਹੈ ਸੁਜੀਨਾ ਐਸ. ਬਾਬੂ ਕੇਰਲਾ

ਕੇਰਲਾ ਪ੍ਰਾਂਤ ਦੇ ਕੋਲਾਮ ਜ਼ਿਲ੍ਹੇ ਦੇ ਇਕ ਇਕ ਛੋਟੇ ਜਿਹੇ ਕਸਬੇ ਪੋਲੀਕੋਡਿਓ ਵਿਖੇ ਪਿਤਾ ਸੁਰਿੰਦਰਾ ਬਾਬੂ ਦੀ ਲਾਡਲੀ ਸੁਜੀਨਾ ਐਸ ਬਾਬੂ ਅੱਜ ਇਕ ਹੱਥੋਂ ਅਪਾਹਜ ਹੋਣ ਦੇ ਬਾਵਜੂਦ ਵੀ ਪੂਰੇ ਦੇਸ਼ ਦੀਆਂ ਲੜਕੀਆਂ ਲਈ ਪ੍ਰੇਰਨਾ ਸ੍ਰੋਤ ਹੈ ਸੁਜੀਨਾ ਨੇ ਜਦ ਜਨਮ ਲਿਆ ਤਾਂ ਉਹ ਥੋੜ੍ਹੀ ਮੰਦਬੁੱਧੀ ਹੋਣ ਦੇ ਨਾਲ-ਨਾਲ ਉਸ ਦਾ ਸੱਜਾ ਹੱਥ ਵੀ ਪੂਰੀ ਤਰ੍ਹਾਂ ਠੀਕ ਨਹੀਂ ਸੀ ਅਤੇ ਉਹ ਜਨਮ ਤੋਂ ਹੀ ਬਹੁਤ ਹੀ ਸੁੰਗੜਿਆ ਹੋਇਆ ਸੀ ਅਤੇ ਇਸ ਗੱਲ ਤੋਂ ਮਾਂ-ਬਾਪ ਚਿੰਤਤ ਹੋ ਗਏ ਪਰ ਸੁਜੀਨਾ ਨੇ ਅਜਿਹਾ ਹੋਣ ਦੇ ਬਾਵਜੂਦ ਵੀ ਸਕੂਲ ਵਿਚ ਖੇਡਾਂ ਵਿਚ ਭਾਗ ਲੈਣਾ ਸ਼ੁਰੂ ਕਰ ਦਿੱਤਾ ਕਿਉਂਕਿ ਸਕੂਲ ਵਿਚ ਉਸ ਦੇ ਫਿਜ਼ੀਕਲ ਟ੍ਰੇਨਰ ਜੌਹਨ ਟਿਟਸ ਨੇ ਉਸ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕੀਤਾ ਭਾਵੇਂ ਕਿ ਸੁਜੀਨਾ ਦਾ ਖੇਡਾਂ ਵਿਚ ਕੋਈ ਬਹੁਤਾ ਲਗਾਓ ਨਹੀਂ ਸੀ ਪਰ ਜੌਹਨ ਟਿਟਸ ਉਸ ਨੂੰ ਹਰ ਪਲ ਪ੍ਰੇਰਦਾ ਗਿਆ | ਉਸ ਨੇ ਹਾਇਰ ਸਕੈਂਡਰੀ ਸਕੂਲ ਵਿਚ ਪੜ੍ਹਦਿਆਂ ਸਟੇਟ ਲੈਵਲ ਦੇ ਮੁਕਾਬਲੇ ਵਿਚ ਭਾਗ ਲੈ ਕੇ ਜੈਵਲਿਨ ਥ੍ਰੋਅ 'ਚੋਂ 12ਵੀਂ ਪੁਜ਼ੀਸ਼ਨ ਹਾਸਲ ਕਰ ਲਈ ਤਾਂ ਜਿੱਥੇ ਸੁਜੀਨਾ ਲਈ ਖੁਸ਼ੀ ਦਾ ਟਿਕਾਣਾ ਨਾ ਰਿਹਾ ਉਥੇ ਉਸ ਦੀ ਆਲੋਚਨਾ ਕਰਨ ਵਾਲੇ ਵੀ ਉਸ ਦੇ ਦੀਵਾਨੇ ਹੋ ਗਏ | ਜਦ ਸੁਜੀਨਾ ਕਾਲਜ ਪੜ੍ਹ ਰਹੀ ਸੀ ਤਾਂ ਉਸ ਨੂੰ ਪੈਰਾ ਉਲੰਪਕ ਬਾਰੇ ਜਾਣਕਾਰੀ ਮਿਲੀ ਤਾਂ ਸੁਜੀਨਾ ਨੇ ਫਿਜ਼ੀਕਲ ਚੈਂਲਜਡ ਕੇਰਲਾ ਸਪੋਰਟਸ ਐਸੋਸ਼ੀਏਸ਼ਨ ਦੇ ਪ੍ਰਧਾਨ ਕਿਸ਼ੋਰ ਨਾਲ ਮੁਲਾਕਾਤ ਕੀਤੀ ਤੇ ਉਸ ਨਾਲ ਜੁੜ ਗਈ ਅਤੇ ਉਸ ਦੀ ਜ਼ਿਆਦਾ ਰੁਚੀ ਤਾਇਕਵਾਂਡੋ ਵੱਲ ਗਈ ਉਸ ਨੇ ਸਖਤ ਮਿਹਨਤ ਕੀਤੀ ਅਤੇ ਉਹ ਨੈਸ਼ਨਲ ਪੱਧਰ 'ਤੇ ਚੁਣੀ ਗਈ ਅਤੇ 5ਵੀਂ ਨੈਸ਼ਨਲ ਪੈਰਾ ਤਾਇਕਵਾਂਡੋ ਵਿਚ ਉਸ ਨੇ ਹਿੱਸਾ ਲਿਆ ਜਿੱਥੇ ਉਸ ਨੇ ਕਾਂਸੀ ਦਾ ਤਗਮਾ ਆਪਣੇ ਨਾਂਅ ਕੀਤਾ ਅਤੇ ਉਹ ਕੇਰਲਾ ਦੀ ਪਹਿਲੀ ਲੜਕੀ ਸੀ ਜਿਸ ਨੇ ਤਾਇਕਵਾਂਡੋ ਵਿਚ ਕਾਂਸੀ ਦਾ ਤਗਮਾ ਜਿਤਿਆ | ਸੁਜੀਨਾ ਦੀ ਚੋਣ ਪੂਰੇ ਭਾਰਤ ਵਿਚ 8000 ਹਜ਼ਾਰ ਕਿਲੋਕੀਟਰ ਦੀ ਕੱਢੀ ਜਾਣ ਵਾਲੀ 15 ਦਿਨਾ ਜਾਗਿ੍ਤੀ ਯਾਤਰਾ ਲਈ ਹੋਈ ਸੁਜੀਨਾ ਐਸ ਬਾਬੂ ਅੱਜਕਲ੍ਹ ਫਿਜ਼ੀਕਲ ਚੈਂਲਜਡ ਆਲ ਕੇਰਲਾ ਸਪੋਰਟਸ ਐਸੋਸੀਏਸ਼ਨ ਦੀ ਸਟੇਟ ਕੋਆਰਡੀਨੇਟਰ ਹੋਣ ਦੇ ਨਾਲ-ਨਾਲ ਪੈਰਾ ਐਮਪਿਊਟ ਫੁੱਟਬਾਲ ਐਸੋਸੀਏਸ਼ਨ ਦੀ ਵਾਈਸ ਪ੍ਰੈਜ਼ੀਡੈਂਟ ਹੈ |

-ਮੋਗਾ (ਪੰਜਾਬ) ਮੋਬਾਈਲ : 98551-14484


ਖ਼ਬਰ ਸ਼ੇਅਰ ਕਰੋ

ਲਿਨ ਡੈਨ ਦਾ ਬੈਡਮਿੰਟਨ ਤੋਂ ਸੰਨਿਆਸ

ਸੰਸਾਰ ਦੇ ਸਰਬੋਤਮ ਖਿਡਾਰੀ ਦਾ ਬੈਡਮਿੰਟਨ ਤੋਂ ਸੰਨਿਆਸ ਘੋਸ਼ਿਤ ਕਰਨਾ ਇਸ ਕੋਰੋਨਾ ਸੰਕਟ ਦੇ ਸਮੇਂ ਸਾਰੇ ਖੇਡ ਪ੍ਰੇਮੀਆਂ ਨੂੰ ਹੈਰਾਨ ਕਰ ਗਿਆ | ਖੇਡ ਪਾਰਖੂਆਂ ਅਨੁਸਾਰ ਇਸ ਵੇਲੇ ਡੈਨ ਬੈਡਮਿੰਟਨ ਦੀ ਖੇਡ ਵਿਚ ਸਭ ਤੋਂ ਮਹਾਨ ਖਿਡਾਰੀ ਕਿਹਾ ਜਾ ਸਕਦਾ ਹੈ | ਇਸ ਸਾਲ ਕੋਰੋਨਾ ਮਹਾਂਮਾਰੀ ਕਰਕੇ ਜਾਪਾਨ ਵਿਚ ਓਲੰਪਿਕ ਖੇਡਾਂ ਨਹੀਂ ਹੋ ਸਕੀਆਂ ਪਰ ਅਗਲੇ ਸਾਲ ਇਸ ਦੀ ਪੂਰੀ ਸੰਭਾਵਨਾ ਹੈ ਕਿ ਇਹ ਖੇਡਾਂ ਹੋਣਗੀਆਂ | ਇਸ ਸਮੇਂ ਜਦੋਂ ਕਿ ਉਸ ਨੂੰ ਸੋਨੇ ਦੇ ਮੈਡਲ ਦਾ ਸਭ ਤੋਂ ਤਕੜਾ ਦਾਅਵੇਦਾਰ ਮੰਨਿਆ ਜਾ ਰਿਹਾ ਸੀ ਖੇਡ ਤੋਂ ਸੰਨਿਆਸ ਲੈਣਾ ਅਸੰਭਵ ਜਿਹੀ ਗੱਲ ਲਗਦੀ ਸੀ | ਜੋ ਪ੍ਰਾਪਤੀਆਂ ਚੀਨ ਦੇ ਇਸ ਖਿਡਾਰੀ ਨੇ ਪ੍ਰਾਪਤ ਕੀਤੀਆਂ ਹਨ ਕੋਈ ਹੋਰ ਇਸ ਦਾ ਮੁਕਾਬਲਾ ਨਹੀਂ ਕਰ ਸਕਦਾ | ਕੇਵਲ 28 ਸਾਲ ਦੀ ਉਮਰ ਵਿਚ ਉਸ ਨੇ ਦੋ ਵਾਰੀ ਓਲੰਪਿਕ ਦਾ ਸੋਨ ਤਮਗਾ, 2008 ਤੇ 2012 ਵਿਚ ਪ੍ਰਾਪਤ ਕੀਤਾ | ਇਸ ਦੇ ਬਰਾਬਰ ਦਾ ਤਗਮਾ ਆਲ ਇੰਗਲੈਂਡ 6 ਵਾਰ ਪ੍ਰਾਪਤ ਕੀਤਾ | ਇਸ ਛੋਟੀ ਜਿਹੀ ਉਮਰ ਵਿਚ ਹੀ ਡੈਨ ਨੇ ਸੁਪਰ ਗਰੈਂਡ ਸਲੈਮ ਆਪਣੇ ਨਾਂਅ ਕੀਤਾ | ਸੰਸਾਰ ਦੇ ਸਾਰੇ ਵੱਕਾਰੀ ਖਿਤਾਬਾਂ 'ਤੇ ਉਸ ਨੇ ਆਪਣੀ ਜਿੱਤ ਦੀ ਮੋਹਰ ਲਗਾਈ, ਇਨ੍ਹਾਂ ਵਿਚੋਂ ਓਲਿੰਪਕ, ਵਿਸ਼ਵ ਕੱਪ, ਵਿਸ਼ਵ ਚੈਂਪੀਅਨ, ਥਾਮਸ ਕੱਪ, ਸੁਦੀਰਮਨ ਕੱਪ, ਸੁਪਰਸੀਰੀਜ਼ ਮਾਸਟਰ ਫਾਈਨਲ, ਆਲ ਇੰਗਲੈਡ ਓਪਨ, ਏਸ਼ੀਆਈ ਖੇਡਾਂ ਤੇ ਏਸ਼ੀਆਈ ਚੈਂਪੀਅਨ ਵਿਚ ਭੀ ਸੋਨੇ ਦੇ ਮੈਡਲ ਜਿੱਤੇ ਤੇ ਸਦਾ ਨੰਬਰ ਇਕ 'ਤੇ ਰਿਹਾ |
ਇਸ ਪਦਵੀ ਤੱਕ ਪਹੰੁਚਣ ਵਾਲਾ ਉਹ ਪਹਿਲਾ ਚੀਨੀ ਖਿਡਾਰੀ ਹੋਇਆ ਹੈ | ਦੁਨੀਆ ਦਾ ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਬੈਡਮਿੰਟਨ ਦਾ ਖਿਡਾਰੀ 14 ਅਕਤੂਬਰ, 1983 ਵਿਚ ਚੀਨ ਵਿਚ ਪੈਦਾ ਹੋਇਆ | ਛੋਟੀ ਉਮਰ ਵਿਚ ਸਾਰੀਆਂ ਪ੍ਰਾਪਤੀਆਂ ਹਾਸਲ ਕਰਨ ਕਰ ਕੇ 2004 ਵਿਚ ਉਸ ਨੂੰ ਸੁਪਰ ਡਾਨ ਦੀ ਪਦਵੀ ਮਿਲੀ ਜੋ ਉਸ ਦਾ ਇਕ ਨਿਕ ਨੇਮ ਹੀ ਬਣ ਗਿਆ | ਉਸ ਦਾ ਜਨਮ ਇਕ ਚੀਨੀ ਹੁਕਾ ਪਰਿਵਾਰ ਵਿਚ ਹੋਇਆ ਸੀ |
ਬਚਪਨ ਵਿਚ ਉਸ ਨੂੰ ਪਿਆਨੋ ਸਿਖਣ ਲਈ ਕਿਹਾ ਜਾਣ ਲੱਗ ਪਿਆ ਪਰ ਬੈਡਮਿੰਟਨ ਖੇਡ ਦੇ ਸ਼ੌਕ ਨੇ ਉਸ ਨੂੰ ਸੰਸਾਰ ਦਾ ਸਭ ਤੋਂ ਉੱਤਮ ਖਿਡਾਰੀ ਬਣਾ ਦਿੱਤਾ | ਬਚਪਨ ਵਿਚ ਹੀ ਉਸ ਨੂੰ ਇਸ ਖੇਡ ਵਿਚ ਵਿਸ਼ੇਸ਼ ਰੁਚੀ ਸੀ | ਕੇਵਲ 5 ਸਾਲ ਦੀ ਉਮਰ ਵਿਚ ਉਸ ਦੇ ਹੱਥ ਵਿਚ ਰੈਕਟ ਫੜਾ ਦਿੱਤਾ ਗਿਆ ਤੇ ਫਿਰ ਉਸ ਨੇ ਪਿਛਾਂਹ ਮੁੜ ਕੇ ਨਹੀਂ ਦੇਖਿਆ | ਉਸ ਨੇ ਇਕ-ਇਕ ਕਰ ਕੇ ਸਾਰੇ ਇਨਾਮੀ ਤੇ ਵਕਾਰੀ ਟੂਰਨਾਮੈਂਟ ਜਿੱਤ ਲਏ | 12 ਸਾਲ ਦੀ ਉਮਰ ਵਿਚ ਉਹ ਰਾਸ਼ਟਰੀ ਪੱਧਰ 'ਤੇ ਖੇਡਣ ਲੱਗ ਪਿਆ ਤੇ ਪਹਿਲਾਂ ਜੂਨੀਅਰ ਚੈਂਪੀਅਨ ਬਣਿਆ ਤੇ 18 ਸਾਲ ਦੀ ਉਮਰ ਵਿਚ ਸੀਨੀਅਰ ਲਈ ਉਹ ਚੀਨ ਲਈ ਪਹਿਲੀ ਵਾਰ ਖੇਡਿਆ | ਉਸ ਬਾਰੇ ਇਹ ਕਿਹਾ ਜਾਂਦਾ ਹੈ ਕਿ ਉਹ ਸਦਾ ਆਪਣੀ ਮਰਜ਼ੀ ਕਰਨ ਵਾਲਾ ਖਿਡਾਰੀ ਸੀ | ਉਸ ਨੇ ਆਪਣੀ ਮਰਜ਼ੀ ਨਾਲ ਚੁੱਪ-ਚਾਪ ਮੰਗਣੀ ਕਰ ਲਈ ਤੇ 13 ਦਸੰਬਰ, 2010 ਵਿਚ ਗੁਆਗਜੂ ਵਿਚ ਸ਼ਾਦੀ ਕਰ ਲਈ | ਹੁਣ ਦੀ ਸੰਨਿਆਸ ਲੈਣ ਦੀ ਮਰਜ਼ੀ ਨੂੰ ਪਹਿਲਾਂ ਕਿਸੇ ਕੋਲ ਭਿਣਕ ਨਹੀਂ ਪੈਣ ਦਿੱਤੀ | ਇਸ ਸੰਕਟਮਈ ਸਮੇਂ ਵਿਚ ਜਦੋਂ ਸਾਰੇ ਖੇਡ ਦੇ ਮੈਦਾਨ ਸੁੰਨੇ ਪਏ ਹਨ ਲਿਨ ਡੈਨ ਦੇ ਮੈਚਾਂ ਦੇ ਵੀਡੀਓ ਖਿਡਾਰੀਆਂ ਲਈ ਆਪਣੀ ਖੇਡ ਸੁਧਾਰਨ ਦਾ ਇਕ ਸਾਧਨ ਹੋ ਸਕਦੇ ਹਨ |

-274-ਏ ਐਕਸ ਮਾਡਲ ਟਾਊਨ ਐਕਟੈਨਸ਼ਨ, ਲੁਧਿਆਣਾ | ਮੋਬਾਈਲ : 98152-55295

ਬਣਿਆ ਵਿਸ਼ਵ ਨੰਬਰ ਵੰਨ

ਗੋਲਡਨ ਪੰਚ ਲਈ ਤਿਆਰ ਅਮਿਤ ਪੰਘਾਲ

ਅਮਿਤ ਪੰਘਾਲ ਭਾਰਤੀ ਮੁੱਕੇਬਾਜ਼ੀ ਦੇ ਨਵੇਂ ਪੋਸਟਰ ਬੁਆਏ ਬਣ ਗਏ ਹਨ, ਹਰਿਆਣਾ ਦੇ ਰੋਹਤਕ ਜ਼ਿਲ੍ਹੇ ਦੇ ਪਿੰਡ ਮਿਆਨਾ 'ਚ 16 ਅਕਤੂਬਰ 1995 'ਚ ਜਨਮੇ 24 ਵਰਿ੍ਹਆਂ ਦੇ ਮੁੱਕੇਬਾਜ਼ ਅਮਿਤ ਪੰਘਾਲ ਦੀ ਵਿਸ਼ਵ ਰੈਂਕਿੰਗ 'ਚ ਨੰਬਰ ਇਕ ਵਜੋਂ ਤਾਜਪੋਸ਼ੀ ਭਾਰਤੀ ਮੁੱਕੇਬਾਜ਼ੀ ਲਈ ਇਤਿਹਾਸਕ ਪ੍ਰਾਪਤੀ ਹੈ | ਹਾਲ ਹੀ 'ਚ ਕੌਮਾਂਤਰੀ ਮੁੱਕੇਬਾਜ਼ੀ ਸੰਘ ਨੇ ਮਹਿਲਾ ਅਤੇ ਪੁਰਸ਼ ਮੁੱਕੇਬਾਜ਼ੀ ਦੀ ਵਿਸ਼ਵ ਰੈਂਕਿੰਗ 'ਚ ਅਮਿਤ ਪੰਘਾਲ ਨੂੰ 52 ਕਿੱਲੋ ਭਾਰ ਵਰਗ ਵਿਚ ਪਹਿਲਾ ਸਥਾਨ ਮਿਲਿਆ ਹੈ | ਵਰਤਮਾਨ ਸਮੇਂ ਦਰਜਾਬੰਦੀ ਦੇ ਦੋਵਾਂ ਵਰਗਾਂ (ਪੁਰਸ਼ ਅਤੇ ਮਹਿਲਾ) 'ਚ ਉਹ ਇਕਲੌਤੇ ਭਾਰਤੀ ਮੁੱਕੇਬਾਜ਼ ਹਨ, ਜੋ ਰੈਂਕਿੰਗ ਦੇ ਸਿਖਰਲੇ ਸਥਾਨ 'ਤੇ ਹਨ | ਅਮਿਤ ਭਾਰਤੀ ਮੁੱਕੇਬਾਜ਼ੀ ਦੇ ਰਾਤੋ-ਰਾਤ ਸਟਾਰ ਬਣ ਕੇ ਉਸ ਵੇਲੇ ਉੱਭਰੇ, ਜਦੋਂ ਉਸ ਨੇ ਪਿਛਲੇ ਸਾਲ ਸਤੰਬਰ 'ਚ ਹੋਈ, ਆਲਮੀ ਚੈਂਪੀਅਨਸ਼ਿਪ 'ਚ ਚਾਂਦੀ ਦਾ ਤਗਮਾ ਜਿੱਤ ਕੇ ਨਵਾਂ ਇਤਿਹਾਸ ਰਚਿਆ | ਉਹ 43 ਵਰਿ੍ਹਆਂ ਦੇ ਇਤਿਹਾਸ ਵਿਚ ਇਸ ਵੱਕਾਰੀ ਚੈਂਪੀਅਨਸ਼ਿਪ ਦੇ ਫਾਈਨਲ 'ਚ ਪਹੁੰਚਣ ਅਤੇ ਚਾਂਦੀ ਤਗਮਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਪੁਰਸ਼ ਮੁੱਕੇਬਾਜ਼ ਬਣੇ | ਇਸ ਤੋਂ ਪਹਿਲਾਂ ਵਿਜੇਂਦਰ ਸਿੰਘ (2009) ਵਿਕਾਸ ਕ੍ਰਿਸ਼ਣ (2011), ਸ਼ਿਵ ਥਾਪਾ (2015) ਅਤੇ ਗੌਰਵ ਬਿਛੂੜੀ (2017) ਨੇ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਕਾਂਸੀ ਤਗਮੇ ਹਾਸਲ ਕੀਤੇ ਹਨ | ਅਮਿਤ ਦੀ ਇਸ ਸ਼ਾਨਦਾਰੀ ਪ੍ਰਾਪਤੀ ਨਾਲ ਉਸ ਨੇ ਨਾ ਸਿਰਫ਼ ਟੋਕੀਓ ਉਲੰਪਿਕ 2021 ਲਈ ਕੁਆਲੀਫਾਈ ਕੀਤਾ, ਬਲਕਿ ਮਾਹਿਰਾਂ ਦਾ ਕਹਿਣਾ ਹੈ ਕਿ ਉਹ ਉਲੰਪਿਕ ਤਗਮੇ 'ਤੇ ਵੀ ਜ਼ਬਰਦਰਤ ਪੰਚ ਜੜਨ ਦੀ ਕਾਬਲੀਅਤ ਰੱਖਦਾ ਹੈ | ਮੁਕਾਬਲਾ ਜਿੱਤਣ ਤੋਂ ਬਾਅਦ, ਉਸ ਦੀ ਹਲਕੀ ਮੁਸਕਰਾਹਟ, ਹਵਾ 'ਚ ਲਹਿਰਾਇਆ ਪੰਚ ਤੇ ਫਿਰ ਜੇਤੂ ਅੰਦਾਜ਼ 'ਚ ਸਲੂਟ, ਉਸ ਦੇ ਜਸ਼ਨ ਮਨਾਉਣ ਦਾ ਵੱਖਰਾ ਹੀ ਅੰਦਾਜ਼ ਹੈ |
ਅਮਿਤ ਨੇ ਮੁੱਕੇਬਾਜ਼ੀ ਦੇ ਮੁਢਲੇ ਗੁਰ ਸਰ ਛੋਟੂਰਾਮ ਅਕੈਡਮੀ (2007) 'ਚ ਸਿੱਖੇ | ਅਮਿਤ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਗੁਹਾਟੀ ਦੇ ਕਰਮਵੀਰ ਨਵੀਨ ਚੰਦਰਾ ਬੋਰਦੋਲੋਈ ਤੋਂ 2016 'ਚ ਕੀਤੀ ਤੇ ਇਥੇ ਹੀ ਉਸ ਨੇ ਪਹਿਲੀ ਵਾਰ ਰਾਸ਼ਟਰੀ ਚੈਂਪੀਅਨਸ਼ਿਪ ਦਾ ਜੇਤੂ ਤਗਮਾ ਆਪਣੀ ਹਿੱਕ 'ਤੇ ਸਜਾਇਆ ਸੀ | 52 ਕਿਲੋ ਭਾਰ ਵਰਗ 'ਚ ਆਉਣ ਤੋਂ ਪਹਿਲਾਂ ਅਮਿਤ 49 ਕਿਲੋ ਭਾਰ ਵਰਗ 'ਚ ਰਿੰਗ 'ਚ ਉੱਤਰਦਾ ਸੀ, ਇਸ ਭਾਰ ਵਰਗ ਵਿਚ ਉਸ ਨੇ ਰਾਸ਼ਟਰਮੰਡਲ ਖੇਡਾਂ 'ਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ ਅਤੇ ਏਸ਼ੀਅਨ ਖੇਡਾਂ ਵਿਚ ਉਜ਼ਬੇਕਿਸਤਾਨ ਦੇ ਉਲੰਪਿਕ ਚੈਂਪੀਅਨ ਹਸਨਬਾਏ ਦੁਸਮੋਤਵ ਨੂੰ ਹਰਾ ਕੇ ਸੋਨੇ ਦਾ ਤਗਮਾ ਹਾਸਲ ਕੀਤਾ |
ਵਿਸ਼ਵ ਚੈਂਪੀਅਨਸ਼ਿਪ 'ਚ ਪਹਿਲਾ ਸੋਨ ਤਗਮਾ ਜੇਤੂ ਭਾਰਤੀ ਮੁੱਕੇਬਾਜ਼ ਅਮਿਤ ਦਾ ਖੇਡ ਕਰੀਅਰ ਸ਼ਾਨਦਾਰ ਰਿਹਾ ਹੈ, ਜਿਸ ਦੀ ਸ਼ੁਰੂਆਤ 2017 'ਚ ਏਸ਼ੀਅਨ ਚੈਂਪੀਅਨਸ਼ਿਪ 'ਚ 49 ਕਿੱਲੋ ਭਾਰ ਵਰਗ 'ਚ ਕਾਂਸੀ ਤਗਮੇ ਨਾਲ ਹੋਈ | ਬੁਲਗਾਰੀਆ ਦੇ ਵਕਾਰੀ ਸਟਰਾਦਜਾ ਯਾਦਗਾਰੀ ਟੂਰਨਾਮੈਂਟ 'ਚ ਉਸ ਨੇ ਲਗਾਤਾਰ ਦੋ ਵਾਰ ਸੋਨ ਤਗਮਾ ਜਿੱਤਿਆ | 2018 ਜਕਾਰਤਾ ਏਸ਼ਿਆਈ ਚੈਂਪੀਅਨਸ਼ਿਪ 'ਚ ਸੋਨ ਤਗਮਾ ਆਪਣੇ ਨਾਂਅ ਕੀਤਾ | ਸੰਨ 2018 'ਚ ਗੋਲਡ ਕੋਸਟ 'ਚ ਹੋਈਆਂ ਰਾਸ਼ਟਰਮੰਡਲ ਖੇਡਾਂ 'ਚ ਅਮਿਤ ਨੇ ਸ਼ਾਨਦਾਰ ਪੰਚ ਜੜਦਿਆਂ ਚਾਂਦੀ ਮੈਡਲ ਹਾਸਲ ਕੀਤਾ | ਸੰਨ 2019 ਵਿਚ ਬੈਂਕਾਕ 'ਚ ਹੋਈ ਏਸ਼ੀਅਨ ਚੈਂਪੀਅਨਸ਼ਿਪ 'ਚ ਅਮਿਤ ਦੀ ਪ੍ਰਾਪਤੀ ਸੋਨੇ ਰੰਗੀ ਰਹੀ |
ਵਰਤਮਾਨ ਸਮੇਂ ਕੋਰੋਨਾ ਮਹਾਂਮਾਰੀ ਖਿਲਾਫ਼ ਜੰਗ ਅਤੇ ਤਾਲਾਬੰਦੀ ਦੇ ਕਾਰਨ ਅਭਿਆਸ ਕੈਂਪ ਬੰਦ ਹੋਣ ਕਰਕੇ ਪਿਛਲੇ ਕਈ ਸਾਲਾਂ 'ਚ ਪਹਿਲੀ ਵਾਰ ਅਮਿਤ ਨੂੰ ਗਰਮੀਆਂ ਦਾ ਸਮਾਂ ਆਪਣੇ ਘਰ ਬਿਤਾਉਣ ਦਾ ਮੌਕਾ ਮਿਲਿਆ ਹੈ | ਕਿਸਾਨ ਪਿਤਾ ਵਿਜੇਂਦਰ ਸਿੰਘ ਦੇ ਲਾਡਲੇ ਅਮਿਤ ਨੇ ਕਿਹਾ ਕਿ ਮੈਂ ਏਨੇ ਲੰਮੇ ਸਮੇਂ ਤੱਕ ਪਹਿਲੀ ਵਾਰ ਘਰ 'ਚ ਮਾਂ ਦੇ ਹੱਥਾਂ ਦੀਆਂ ਪੱਕੀਆਂ ਚੁਲੇ੍ਹ ਦੀਆਂ ਰੋਟੀਆਂ ਖਾਣ ਦਾ ਲੁਤਫ਼ ਉਠਾ ਰਿਹਾ | ਕੋਰੋਨਾ ਮਹਾਂਮਾਰੀ ਖਿਲਾਫ ਜੰਗ 'ਚ ਅਮਿਤ ਨੇ ਪ੍ਰਧਾਨ ਮੰਤਰੀ ਰਾਹਤ ਕੋਸ਼ 'ਚ 1 ਲੱਖ 11 ਹਜ਼ਾਰ ਰੁਪਏ ਦਾ ਯੋਗਦਾਨ ਦਿੱਤਾ |
ਸੈਨਾ 'ਚ ਜੇ. ਸੀ. ਓ. ਦੇ ਅਹੁਦੇ ਦੇ ਬਿਰਾਜਮਾਨ ਅਮਿਤ ਕੋਰੋਨਾ ਮਹਾਂਮਾਰੀ ਕਰਕੇ ਖੇਡਾਂ ਦੀ ਵਿਗੜੀ ਲੈਅ ਦੇ ਬਾਵਜੂਦ ਸਖ਼ਤ ਅਭਿਆਸ 'ਚ ਜੁਟਿਆ ਹੈ, ਨਿਰਸੰਦੇਹ ਉਹ ਸਰੀਰਕ ਅਤੇ ਮਾਨਸਿਕ ਤੌਰ 'ਤੇ ਗੋਲਡਨ ਪੰਚ ਲਗਾਉਣ ਲਈ ਤਿਆਰ ਹੈ |

-ਪਿੰਡ ਤੇ ਡਾਕ: ਪਲਾਹੀ, ਫਗਵਾੜਾ |
ਮੋਬਾਈਲ : 94636-12204.

ਖ਼ੂਨ-ਪਸੀਨਾ ਵਹਾਉਣ ਵਾਲੇ ਖਿਡਾਰੀ ਆਖ਼ਰ ਖੇਡ ਗ੍ਰੇਡੇਸ਼ਨ ਹੱਥੋਂ ਜਾਂਦੇ ਨੇ ਹਾਰ

ਖੇਡ ਖੇਤਰ ਵਿਚ ਜਿੱਤ ਲਈ ਆਪਣਾ ਖ਼ੂਨ-ਪਸੀਨਾ ਵਹਾਉਣ ਵਾਲੇ ਖਿਡਾਰੀਆਂ ਨੂੰ ਜਿਥੇ ਪੰਜਾਬ ਸਰਕਾਰ ਦਾ ਖੇਡ ਵਿਭਾਗ ਨਕਦ ਇਨਾਮਾਂ ਦੇ ਨਾਲ ਸਨਮਾਨਿਤ ਕਰਦਾ ਹੈ, ਉਥੇ ਖਿਡਾਰੀਆਂ ਨੂੰ ਨੌਕਰੀਆਂ ਵੀ ਪ੍ਰਦਾਨ ਕਰਨ ਲਈ ਉਨ੍ਹਾਂ ਦੇ ਖੇਡ ਸਰਟੀਫਿਕੇਟਾਂ ਦੀ ਸਹੀ ਗ੍ਰੇਡੇਸ਼ਨ ਕਰਨ ਦੀ ਵੀ ਉਸ ਵਿਭਾਗ ਦੀ ਜ਼ਿੰਮੇਵਾਰੀ ਹੈ | ਪੰਜਾਬ ਖੇਡ ਵਿਭਾਗ ਵਲੋਂ ਆਪਣੀ 2018 ਦੀ ਖੇਡ ਨੀਤੀ ਵਿਚ ਅਥਲੈਟਿਕਸ, ਤੈਰਾਕੀ, ਬਾਸਕਟਬਾਲ, ਬੈਡਮਿੰਟਨ, ਵਾਲੀਬਾਲ, ਸਾਈਕਲਿੰਗ, ਬਾਕਸਿੰਗ, ਰੋਇੰਗ, ਸ਼ੂਟਿੰਗ, ਹਾਕੀ, ਜੂਡੋ, ਕੁ ਸ਼ਤੀ, ਵੇਟਲਿਫਟਿੰਗ, ਜਿਮਨਾਸਟਿਕ, ਚੈੱਸ, ਫੁੱਟਬਾਲ, ਟੇਬਲ ਟੈਨਿਸ ਤੇ ਕਬੱਡੀ ਨੂੰ ਹਾਈ ਪਰਿਆਰਟੀ ਗੇਮਜ਼ ਤੇ ਲਾਅਨ ਟੈਨਿਸ, ਹੈਾਡਬਾਲ, ਆਰਚਰੀ, ਸਾਫ਼ਟਬਾਲ, ਸਕੇਟਿੰਗ, ਵਾਟਰਪੋਲੋ, ਖੋ-ਖੋ, ਵੁਸ਼ੂ ਤੇ ਗਤਕਾ ਖੇਡ ਨੂੰ ਪਰਿਆਰਟੀ ਗੇਮਜ਼ ਵਜੋਂ ਥਾਂ ਦਿੱਤੀ ਗਈ ਹੈ ਤੇ ਇਨ੍ਹਾਂ ਖੇਡਾਂ ਦੇ ਅਧਾਰ 'ਤੇ ਹੀ ਪੰਜਾਬ ਖੇਡ ਵਿਭਾਗ ਖਿਡਾਰੀਆਂ ਦੇ ਖੇਡ ਸਰਟੀਫਕੇਟਾਂ ਦੀ ਗ੍ਰੇਡੇਸ਼ਨ ਕਰਦਾ ਹੈ |
ਜੇ ਵੇਖਿਆ ਜਾਵੇ ਤਾਂ ਇਸ ਗ੍ਰੇਡੇਸ਼ਨ ਦਾ ਲਾਭ ਪ੍ਰਾਈਵੇਟ ਸਕੂਲਾਂ ਦੇ ਖਿਡਾਰੀਆਂ ਤੇ ਅਸਰ ਰਸੂੂਖ ਵਾਲੇ ਪਰਿਵਾਰ ਦੇ ਬੱਚਿਆਂ ਨੂੰ ਵੱਧ ਮਿਲਦਾ ਹੈ ਤੇ ਆਮ ਖਿਡਾਰੀ ਤਾਂ ਗ੍ਰੇਡੇਸ਼ਨ ਦੇ ਚੱਕਰ ਵਿਚ ਪੈ ਕੇ ਕਈ ਵਾਰ ਖੇਡ ਛੱਡਣ ਲਈ ਮਜਬੂਰ ਹੋ ਜਾਂਦੇ ਹਨ ਕਿਉਂਕਿ ਇਸ ਵਿਚ ਏਨੇ ਗੁੰਝਲਦਾਰ ਪੇਚ ਹਨ ਜੋ ਕਿ ਆਮ ਖਿਡਾਰੀਆਂ ਦੇ ਵੱਸ ਦੀ ਗੱਲ ਨਹੀਂ ਹੈ | ਜੋ ਕੋਚ ਜਾਂ ਐਸੋਸੀਏਸ਼ਨ ਦੇ ਵੱਧ ਨੇੜੇ ਹੁੰਦਾ ਹੈ ਉਸ ਦਾ ਹੀ ਪਾਰ ਉਤਾਰਾ ਹੋ ਜਾਂਦਾ ਹੈ ਤੇ ਬਾਕੀ ਖਿਡਾਰੀਆਂ ਲਈ ਇਹ ਬਹੁਤ ਹੀ ਟੇਢੀ ਖੀਰ ਹੈ | ਸਭ ਤੋਂ ਪਹਿਲਾਂ ਤਾਂ ਇਸ ਵਿਚ ਬਾਬੂਸ਼ਾਹੀ ਖਿਡਾਰੀਆਂ 'ਤੇ ਭਾਰੂ ਹੈ ਤੇ ਫਾਰਮ ਭਰਨ ਤੋਂ ਲੈ ਕੇ ਜ਼ਿਲ੍ਹਾ ਖੇਡ ਅਫ਼ਸਰ ਦੇ ਦਫਤਰ ਵਿਚ ਜਮ੍ਹਾਂ ਕਰਵਾਉਣ ਲਈ ਖਿਡਾਰੀਆਂ ਨੂੰ ਬਾਬੂਆਂ ਦੀ ਚਮਚਾਗਿਰੀ ਕਰਨੀ ਪੈਂਦੀ ਹੈ ਤੇ ਉਹ ਪੈਰ-ਪੈਰ 'ਤੇ ਗ਼ਲਤੀਆਂ ਕੱਢਦੇ ਹਨ ਤੇ ਇਕੋ ਵਾਰੀ ਇਸ ਦਾ ਪੱਕਾ ਹੱਲ ਨਹੀਂ ਦੱਸਦੇ | ਇਸ ਤੋਂ ਬਾਅਦ ਲਿਸਟਾਂ ਲੈਣ ਵਿਚ ਵੀ ਖਿਡਾਰੀਆਂ ਨੂੰ ਕਾਫ਼ੀ ਦਿੱਕਤ ਆਉਂਦੀ ਹੈ ਤੇ ਉਨ੍ਹਾਂ ਨੂੰ ਐਸੋਸੀਏਸ਼ਨਾਂ ਤੇ ਕੋਚਾਂ ਦੇ ਤਰਲੇ ਕਰਨੇ ਪੈਂਦੇ ਹਨ | ਕਈ-ਕਈ ਵਾਰ ਤਾਂ ਲਿਸਟਾਂ ਮਿਲਣ ਵਿਚ ਬਹੁਤ ਹੀ ਮੁਸ਼ਕਿਲ ਆਉਂਦੀ ਹੈ ਤੇ ਖਿਡਾਰੀ ਥੱਕ-ਹਾਰ ਕੇ ਗ੍ਰੇਡੇਸ਼ਨ ਦਾ ਮਨ ਤਿਆਗ ਦਿੰਦਾ ਹੈ ਤੇ ਖੇਡਾਂ ਦੇ ਖੇਤਰ ਵਿਚ ਜਿੱਤ ਕੇ ਉਹ ਗ੍ਰੇਡੇਸ਼ਨ ਖੇਤਰ ਵਿਚ ਹਾਰ ਜਾਂਦਾ ਹੈ | ਇਸ ਨਾਲ ਹੀ ਹੁਣ ਵਿਭਾਗ ਨੇ ਖੇਡਾਂ ਦੀਆਂ ਟਾਈਆਂ ਦੀ ਲਿਸਟ ਵੀ ਲਾਉਣ ਦੀ ਹਦਾਇਤ ਕੀਤੀ ਹੈ ਤੇ ਖਿਡਾਰੀ ਵਿਚਾਰਾ ਟਾਈਆਂ ਦੀਆਂ ਲਿਸਟਾਂ ਕਿੱਥੋਂ ਲਿਆਵੇ ਜਦੋਂ ਟੂਰਨਾਮੈਂਟ ਹੁੰਦਾ ਹੈ ਇਕ ਇਕ ਦਿਨ ਦੀਆਂ ਟਾਈਆਂ ਪਾਈਆਂ ਜਾਂਦੀਆਂ ਹਨ ਤੇ ਉਨ੍ਹਾਂ ਨੂੰ ਵੱਟਸਐਪ 'ਤੇ ਕੋਚ ਨੂੰ ਭੇਜ ਦਿੱਤਾਂ ਜਾਂਦਾ ਹੈ ਤੇ ਬਹੁਤੀ ਵਾਰ ਫੋਨ 'ਤੇ ਕਹਿ ਦਿੱਤਾ ਜਾਦਾ ਹੈ ਕਿ ਇਸ ਸਮੇਂ 'ਤੇ ਤੁਹਾਡਾ ਇਸ ਟੀਮ ਨਾਲ ਮੈਚ ਹੈ ਖੇਡ ਲਵੋ ਤਾਂ ਟਾਈ ਕਿੱਥੇ ਗਈ | ਜਿੱਥੋਂ ਤੱਕ ਲਿਸਟਾਂ ਦਾ ਸਵਾਲ ਹੈ ਐਸੋਸੀਏਸ਼ਨਾਂ ਦੇ ਵੀ ਝਗੜੇ ਹਨ ਤੇ ਦੂਜੀ ਐਸੋਸੀਏਸ਼ਨ ਵਲੋਂ ਜਾਰੀ ਕੀਤੇ ਖੇਡ ਸਰਟੀਫਿਕੇਟ ਨੂੰ ਹੋਰ ਐਸੋਸੀਏਸ਼ਨ ਸਹੀ ਦੇਣ ਤੋਂ ਨਾਂਹ ਕਰ ਦਿੰਦੀ ਹੈ ਕਿ ਇਹ ਤਾਂ ਮਾਨਤਾ ਪ੍ਰਾਪਤ ਨਹੀਂ ਹੈ ਤੇ ਖਿਡਾਰੀ ਹੱਕਾ-ਬੱਕਾ ਰਹਿ ਜਾਂਦਾ ਹੈ | ਹੁਣ ਵਿਭਾਗ ਨੇ ਇਕ ਨਵੀਂ ਸ਼ਰਤ ਲਗਾ ਦਿੱਤੀ ਹੈ ਕਿ ਇਹ ਸਰਟੀਫਿਕੇਟ ਨਾਲ ਦਿੱਤਾ ਜਾਵੇ ਕਿ ਐਸੋਸੀਏਸ਼ਨ ਪੰਜਾਬ ਉਲੰਪਿਕ ਐਸੋਸੀਏਸ਼ਨ ਤੇ ਸਬੰਧਿਤ ਫੈੱਡਰੇਸ਼ਨ ਤੋਂ ਮਾਨਤਾ ਪ੍ਰਾਪਤ ਹੈ | ਸਰਕਾਰ ਜੀ ਜਦੋਂ ਖੇਡ ਐਸੋਸੀਏਸ਼ਨ ਸਰਟੀਫਿਕੇਟ ਜਾਰੀ ਕਰਦੀ ਹੈ ਤਾਂ ਉਸ ਦੇ ਉਪਰ ਹੀ ਲਿਖਿਆ ਹੁੰਦਾ ਹੈ ਕਿ ਪੰਜਾਬ ਉਲੰਪਿਕ ਐਸੋਸੀਏਸ਼ਨ ਤੇ ਸਬੰਧਿਤ ਫੈੱਡਰੇਸ਼ਨ ਤੋੋਂ ਐਫੀਲੀਏਟਿਡ ਹੈ ਤਾਂ ਵੱਖਰਾ ਸਰਟੀਫਿਕੇਟ ਕਿਸ ਵਾਸਤੇ ਤੇ ਪੰਜਾਬ ਖੇਡ ਵਿਭਾਗ ਹਰ ਇਕ ਐਸੋਸੀਏਸ਼ਨ ਜਾਂ ਫੈੱਡਰੇਸ਼ਨ ਨੂੰ ਆਪਣੀ ਵੱਖਰੀ ਵੈਬਸਾਈਟ ਬਣਾਉਣ ਦੇ ਲਈ ਕਿਉਂ ਹੁਕਮ ਨਹੀਂ ਦਿੰਦਾ ਤੇ ਜਿਸ 'ਤੇ ਸਾਰੇ ਖਿਡਾਰੀਆਂ ਦੀਆਂ ਟੂਰਨਾਮੈਂਟ ਵਾਈਸ ਲਿਸਟਾਂ ਅਪਲੋਡ ਹੋਣ ਤੇ ਉਸ ਤੋਂ ਹੀ ਖਿਡਾਰੀ ਡਾਊਨਲੋਡ ਕਰ ਲਵੇ ਤੇ ਵਿਭਾਗ ਵੀ ਸਾਰੀ ਜਾਣਕਾਰੀ ਖਿਡਾਰੀ ਦੀ ਉਸ ਵੈਬਸਾਈਟ ਤੋਂ ਲੈ ਸਕੇ ਤੇ ਖਿਡਾਰੀ 'ਤੇ ਵੀ ਬੋਝ ਘਟ ਜਾਵੇ | ਇਸ ਦੇ ਨਾਲ ਹੁਣ ਵਿਭਾਗ ਨੇ ਇਕ ਹੋਰ ਵੱਖਰੀ ਨਵੀਂ ਸ਼ਰਤ ਵੀ ਜੋੜ ਦਿੱਤੀ ਹੈ ਕਿ ਜ਼ਿਲ੍ਹਾ ਖੇਡ ਅਫ਼ਸਰ ਆਪਣੀ ਹਾਜ਼ਰੀ ਵਿਚ ਖਿਡਾਰੀ ਦਾ ਫੀਲਡ ਟੈਸਟ ਲਵੇ ਤੇ ਉਸ ਦੀ ਵੀਡੀਓ ਬਣਾ ਕੇ ਉਸ ਦੀ ਸੀ.ਡੀ. ਨਾਲ ਨੱਥੀ ਕਰੇ |
ਮੰਨ ਲਓ ਇਕ ਖਿਡਾਰੀ 5 ਸਾਲ ਪਹਿਲਾਂ ਖੇਡਿਆ ਹੈ ਤੇ ਹੁਣ ਇਸ ਵੇਲੇ ਉਹ ਬਿਮਾਰ ਹੈ ਜਾਂ ਉਸ ਦੇ ਸੱਟ ਲੱਗੀ ਹੈ ਜਾਂ ਉਹ ਸਹੀ ਤਰੀਕੇ ਦੇ ਨਾਲ ਉਸ ਪਰਫਾਰਮੈਂਸ ਅਨੁਸਾਰ ਆਪਣਾ ਫੀਲਡ ਟੈਸਟ ਨਹੀਂ ਦੇ ਸਕਦਾ ਤੇ ਕੀ ਉਸ ਖਿਡਾਰੀ ਦੀ ਗ੍ਰੇਡੇਸ਼ਨ ਨਹੀਂ ਹੋ ਸਕੇਗੀ? ਸਭ ਤੋਂ ਵੱਡਾ ਮਸਲਾ ਇਸ ਵੇਲੇ ਅਦਾਲਤ ਦੇ ਹੁਕਮਾਂ ਨਾਲ ਦੇਸ਼ ਭਰ ਵਿਚ ਸਾਰੀਆਂ ਖੇਡ ਫੈੱਡਰੇਸ਼ਨਾਂ ਭੰਗ ਪਈਆਂ ਹਨ | ਜੇ ਕਿਸੇ ਖਿਡਾਰੀ ਨੇ ਇਸ ਵੇਲੇ ਖੇਡ ਗ੍ਰੇਡੇਸ਼ਨ ਕਰਵਾਉਣੀ ਹੈ ਤਾਂ ਉਸ ਦੇ ਸਰਟੀਫਿਕੇਟ ਦੀ ਵੈਰੀਫੀਕੇਸ਼ਨ ਕੌਣ ਕਰੇਗਾ ਤੇ ਇਸ ਦੇ ਵਿਚ ਖਿਡਾਰੀ ਦਾ ਕੀ ਕਸੂਰ ਹੈ? ਉਸ ਨੇ ਤਾਂ ਆਪਣੀ ਖੇਡ ਦੇ ਸਰਟੀਫਿਕੇਟ ਦੀ ਗ੍ਰੇਡੇਸ਼ਨ ਕਰਵਾਉਣੀ ਹੈ |
ਸਰਕਾਰ ਜੀ ਜਿਥੋਂ ਤੱਕ ਹੋ ਸਕੇ ਖਿਡਾਰੀਆਂ ਦੀ ਖੇਡ ਗ੍ਰੇਡੇਸ਼ਨ ਨੂੰ ਸਰਲ ਕੀਤਾ ਜਾਵੇ ਤੇ ਇਸ ਨੂੰ ਲੋੜ ਤੋਂ ਵੱਧ ਗੁੰਝਲਦਾਰ ਨਾ ਬਣਾਇਆ ਜਾਵੇ ਇਕ ਤਾਂ ਪਹਿਲਾਂ ਹੀ ਖਿਡਾਰੀਆਂ ਨੂੰ ਖੇਡਾਂ ਦਾ ਕੋਈ ਖ਼ਾਸ ਲਾਭ ਨਹੀਂ ਮਿਲਦਾ ਤੇ ਕਿਤੇ 3 ਫ਼ੀਸਦੀ ਤੇ ਕਿਤੇ 5 ਫ਼ੀਸਦੀ ਦੀ ਸ਼ਰਤ ਹੈ ਤੇ ਕਿਤੇ ਮਿਲਦਾ ਹੀ ਨਹੀਂ ਤੇ ਉਪਰੋਂ ਖੇਡ ਖੇਤਰ ਵਿਚ ਜਿੱਤਣ ਦੇ ਬਾਬਜੂਦ ਵੀ ਗ੍ਰੇਡੇਸ਼ਨ ਕਰਵਾਉਣ ਲਈ ਤਰਲੋ-ਮੱਛੀ ਹੋਣ ਤੋਂ ਬਾਅਦ ਵੀ ਕੋਈ ਲਾਭ ਨਾ ਮਿਲਣ ਕਰਕੇ ਖਿਡਾਰੀ ਨਸ਼ਿਆਂ ਦੀ ਦਲਦਲ ਵਿਚ ਧਸਦੇ ਜਾ ਰਹੇ ਹਨ ਤੇ ਖੇਡ ਖੇਤਰ ਤੋਂ ਦੂਰ ਹੋ ਰਹੇ ਹਨ ਤੇ ਇਸ ਕਰਕੇ ਸਰਕਾਰ ਜੀ ਆਪਣੀ ਇਸ ਖੇਡ ਗ੍ਰੇਡੇਸ਼ਨ ਨੀਤੀ ਨੂੰ ਸੌਖੀ ਤੇ ਸਰਲ ਬਣਾਓ ਤਾਂ ਜੋ ਹਰ ਖਿਡਾਰੀ ਦੇ ਵੱਸ ਵਿਚ ਹੋਵੇ ਤੇ ਉਸ ਦੀ ਆਨਲਾਈਨ ਪ੍ਰਣਾਲੀ ਦੇ ਨਾਲ ਆਪਲਾਈ ਕਰਵਾ ਕੇ ਮਿਤੀਬੱਧ ਕਰਕੇ ਸਮੇਂ ਸਿਰ ਖਿਡਾਰੀ ਦੇ ਘਰ ਭੇਜਣ ਦਾ ਪ੍ਰਬੰਧ ਕਰੋ ਤਾਂ ਜੋ ਸਮੇਂ ਸਿਰ ਉਸ ਦਾ ਦਾਖਲਾ ਹੋ ਸਕੇ ਤੇ ਉਹ ਖੱਜਲ-ਖੁਆਰੀ ਦੀ ਇਸ ਘੁੰਮਣਘੇਰੀ ਤੋਂ ਬਚ ਸਕੇ |

ਮੋਬਾਈਲ : 98729-78781

ਕਬੱਡੀ ਵਾਲਿਆਂ ਨੂੰ ਮਿਲਿਆ ਸਵੈਮੰਥਨ ਦਾ ਅਵਸਰ

ਕੋਵਿਡ-19 ਮਹਾਂਮਾਰੀ ਨੇ ਜਨਜੀਵਨ ਦੇ ਬਹੁਤ ਸਾਰੇ ਪੱਖਾਂ 'ਚ ਆਏ ਨਿਘਾਰ ਦਾ ਮੰਥਨ ਕਰਨ ਲਈ ਮਨੁੱਖ ਜਾਤੀ ਨੂੰ ਮੌਕਾ ਪ੍ਰਦਾਨ ਕੀਤਾ ਹੈ | ਇਸੇ ਤਹਿਤ ਹੀ ਪੰਜਾਬੀਆਂ ਦੇ ਖੂਨ 'ਚ ਰਚੀ ਖੇਡ ਦਾਇਰੇ ਵਾਲੀ ਕਬੱਡੀ ਦੇ ਪ੍ਰਮੋਟਰਾਂ, ਸੰਚਾਲਕਾਂ, ਖਿਡਾਰੀਆਂ ਤੇ ਕੋਚਾਂ ਨੂੰ ਵੀ ਤਾਲਾਬੰਦੀ ਨੇ ਇਸ ਖੇਡ 'ਚ ਪੈਦਾ ਹੋਈਆਂ ਊਣਤਾਈਆਂ ਨੂੰ ਦੂਰ ਕਰਨ ਦਾ ਮੌਕਾ ਪ੍ਰਦਾਨ ਕਰ ਦਿੱਤਾ ਹੈ | ਬਹੁਤ ਸਾਰੇ ਖੇਡ ਪ੍ਰਮੋਟਰਾਂ, ਖਿਡਾਰੀਆਂ ਤੇ ਖੇਡ ਪ੍ਰੇਮੀਆਂ ਨਾਲ ਇਸ ਸਬੰਧੀ ਗੱਲਬਾਤ ਕਰਨ ਦਾ ਮੌਕਾ ਮਿਲਿਆ ਤਾਂ ਉਨ੍ਹਾਂ ਇਸ ਦੌਰ ਨੂੰ ਕਬੱਡੀ ਖੇਡ ਨੂੰ ਨਵਾਂ ਮੋੜ ਦੇਣ ਵਾਲਾ ਕਰਾਰ ਦਿੱਤਾ ਹੈ |
ਕੋਰੋਨਾ ਸੰਕਟ ਕਾਰਨ ਵੱਖ-ਵੱਖ ਤਰ੍ਹਾਂ ਦੀਆਂ ਪਾਬੰਦੀਆਂ ਦਾ ਸ਼ਿਕਾਰ ਖੇਡਾਂ ਵੀ ਹੋਈਆਂ ਹਨ | ਪੰਜਾਬ ਦੇ ਹਰ ਕੋਨੇ 'ਚ ਹਰ ਸਮੇਂ ਕਬੱਡੀ ਨਾਲ ਸਬੰਧਿਤ ਕਿਸੇ ਨਾ ਕਿਸੇ ਤਰ੍ਹਾਂ ਦੀਆਂ ਗਤੀਵਿਧੀਆਂ ਚਲਦੀਆਂ ਰਹਿੰਦੀਆਂ ਹਨ ਪਰ ਅਜੋਕੇ ਸਮੇਂ 'ਚ ਇਹ ਸਭ ਸਰਗਰਮੀਆਂ ਠੱਪ ਹੋ ਗਈਆਂ ਹਨ | ਇਨ੍ਹਾਂ ਪਾਬੰਦੀਆਂ ਕਾਰਨ ਜਿੱਥੇ ਕਬੱਡੀ ਖਿਡਾਰੀਆਂ ਨੂੰ ਆਰਥਿਕ ਪੱਖੋਂ ਨੁਕਸਾਨ ਹੋਇਆ ਹੈ, ਉੱਥੇ ਸਰੀਰਕ ਤੇ ਮਾਨਸਿਕ ਪੱਖੋਂ ਫਾਇਦਾ ਵੀ ਹੋਇਆ ਹੈ | ਨਾਮਵਰ ਜਾਫੀ ਬਲਵੀਰ ਪਾਲਾ ਜਲਾਲਪੁਰ ਦਾ ਕਹਿਣਾ ਹੈ ਕਿ ਲਗਪਗ ਸਾਰਾ ਸਾਲ ਹੀ ਦੁਨੀਆ ਦੇ ਵੱਖ-ਵੱਖ ਖਿੱਤਿਆਂ 'ਚ ਕਬੱਡੀ ਮੇਲੇ ਲਗਦੇ ਰਹਿੰਦੇ ਹਨ | ਇਸ ਕਰਕੇ ਜ਼ਿਆਦਾਤਰ ਖਿਡਾਰੀ ਲਗਪਗ ਸਾਰਾ ਸਾਲ ਹੀ ਕਬੱਡੀ ਖੇਡਣ 'ਚ ਰੁੱਝੇ ਰਹਿੰਦੇ ਹਨ | ਉਹ ਸੱਟਾਂ-ਫੇਟਾਂ ਦੀ ਪਰਵਾਹ ਨਾ ਕਰਦੇ ਹੋਏ, ਲਗਾਤਾਰ ਖੇਡਦੇ ਰਹਿੰਦੇ ਹਨ ਅਤੇ ਇਸੇ ਕਰਕੇ ਕਈ ਖਿਡਾਰੀਆਂ ਦੀਆਂ ਸੱਟਾਂ ਭਿਆਨਕ ਰੂਪ ਵੀ ਧਾਰ ਜਾਂਦੀਆਂ ਹਨ ਅਤੇ ਗੱਲ ਮਹਿੰਗੇ ਆਪਰੇਸ਼ਨਾਂ ਤੱਕ ਪੁੱਜ ਜਾਂਦੀ ਹੈ | ਅਜੋਕੇ ਕੋਰੋਨਾ ਸੰਕਟ ਦੌਰਾਨ ਕਬੱਡੀ ਖਿਡਾਰੀਆਂ ਨੂੰ ਜਿੱਥੇ ਬਾਕਾਇਦਾ ਆਰਾਮ ਕਰਨ ਦਾ ਮੌਕਾ ਮਿਲਿਆ ਹੈ, ਉੱਥੇ ਆਪਣੀਆਂ ਸੱਟਾਂ-ਫੇਟਾਂ ਨੂੰ ਠੀਕ ਕਰਨ ਦਾ ਮੌਕਾ ਵੀ ਮਿਲਿਆ | ਇਸ ਦੇ ਨਾਲ ਹੀ ਬਹੁਤ ਸਾਰੇ ਖਿਡਾਰੀਆਂ ਨੇ ਆਪਣੀ ਫਿਟਨੈੱਸ ਦਾ ਪੱਧਰ ਵੀ ਉੱਚਾ ਕੀਤਾ ਹੈ | ਪਾਲਾ ਜਲਾਲਪੁਰ ਦਾ ਕਹਿਣਾ ਹੈ ਕਿ ਇਸ ਦੌਰ ਨੇ ਖਿਡਾਰੀਆਂ ਨੂੰ ਸਿਖਾ ਦਿੱਤਾ ਹੈ ਕਿ ਖੇਡਣ ਦੇ ਨਾਲ-ਨਾਲ ਆਰਾਮ ਵੀ ਬਹੁਤ ਜ਼ਰੂਰੀ ਹੈ | ਡੋਪ ਰਹਿਤ ਕਬੱਡੀ ਖੇਡਣ ਦੇ ਪਹਿਰੇਦਾਰ ਪਿੰਕਾ ਜਰਗ ਦਾ ਕਹਿਣਾ ਹੈ ਕਿ ਉਸ ਨੇ ਇਸ ਦੌਰ 'ਚ ਆਪਣੀ ਲੰਬੇ ਸਮੇਂ ਦੀ ਤਮੰਨਾ ਮਸਕੂਲਰ ਬਾਡੀ ਬਣਾ ਕੇ ਪੂਰੀ ਕੀਤੀ ਹੈ | ਉਸ ਨੇ ਸਾਬਤ ਕਰ ਦਿੱਤਾ ਹੈ ਕਿ ਘਰ ਦੀ ਖੁਰਾਕ ਤੇ ਵਰਜਿਸ਼ ਨਾਲ ਵੀ ਇਨਸਾਨ ਜਿਹੋ-ਜਿਹਾ ਮਰਜ਼ੀ ਸਰੀਰ ਕਮਾ ਸਕਦਾ ਹੈ | ਇਸੇ ਤਰ੍ਹਾਂ ਕੋਚ ਪ੍ਰੋ: ਮਦਨ ਲਾਲ ਡਡਵਿੰਡੀ ਦਾ ਕਹਿਣਾ ਹੈ ਕਿ ਇਸ ਦੌਰ ਨੇ ਕਾਫ਼ੀ ਖਿਡਾਰੀਆਂ ਨੂੰ ਡੋਪ-ਰਹਿਤ ਹੋਣ ਦਾ ਮੌਕਾ ਪ੍ਰਦਾਨ ਕੀਤਾ ਹੈ | ਕੋਰੋਨਾ ਪਾਬੰਦੀਆਂ ਕਾਰਨ ਖਿਡਾਰੀਆਂ ਨੂੰ ਮਿਲੇ ਆਰਾਮ ਦੇ ਸਮੇਂ ਦੌਰਾਨ ਉਨ੍ਹਾਂ ਨੇ ਵਧੀਆ ਫਿਜ਼ੀਕਲ ਟ੍ਰੇਨਰਾਂ ਕੋਲੋਂ ਸਿਖਲਾਈ ਲਈ ਹੈ ਅਤੇ ਬਹੁਤ ਸਾਰੇ ਖਿਡਾਰੀ ਨਵੇਂ ਰੂਪ 'ਚ ਸਾਹਮ ਣੇ ਆਉਣਗੇ | ਉਨ੍ਹਾਂ ਦਾ ਕਹਿਣਾ ਹੈ ਕਿ ਖਿਡਾਰੀਆਂ ਨੂੰ ਸਮਝ ਲੈਣਾ ਚਾਹੀਦਾ ਹੈ ਕਿ ਡੋਪਮੁਕਤ ਹੋ ਕੇ ਖੇਡਣਾ, ਲੰਬਾ ਸਮਾਂ ਖੇਡਣ ਦਾ ਮੌਕਾ ਪ੍ਰਦਾਨ ਕਰਦਾ ਹੈ |
ਇਸ ਤੋਂ ਇਲਾਵਾ ਬਹੁਤ ਸਾਰੇ ਕਬੱਡੀ ਪ੍ਰਮੋਟਰਾਂ ਦਾ ਕਹਿਣਾ ਹੈ ਕਿ ਕੋਰੋਨਾ ਸੰਕਟ ਦੌਰਾਨ ਖਿਡਾਰੀਆਂ ਨੂੰ ਭਾਵੇਂ ਆਰਥਿਕ ਤੌਰ 'ਤੇ ਸੱਟ ਵੱਜੀ ਹੈ, ਪਰ ਕਬੱਡੀ ਸੰਚਾਲਕਾਂ ਨੂੰ ਵੀ ਕਬੱਡੀ ਦੇ ਸੁਧਾਰ ਲਈ ਮੰਥਨ ਕਰਨ ਦਾ ਮੌਕਾ ਮਿਲਿਆ ਹੈ | ਕਬੱਡੀ ਕੋਚਾਂ, ਪ੍ਰਮੋਟਰਾਂ ਤੇ ਸੰਚਾਲਕਾਂ ਦਾ ਮੰਨਣਾ ਹੈ ਕਿ ਇਸ ਦੌਰ 'ਚ ਕਬੱਡੀ ਨਾਲ ਜੁੜੇ ਹਰ ਸ਼ਖ਼ਸ ਨੂੰ ਨਵੀਆਂ ਯੋਜਨਾਵਾਂ 'ਤੇ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ, ਜੋ ਕਬੱਡੀ ਨੂੰ ਨਵਾਂ ਮੋੜ ਦੇ ਸਕਦੀਆਂ ਹਨ | ਕਬੱਡੀ ਨਾਲ ਜੁੜੇ ਬਹੁਤ ਸਾਰੇ ਬੁਲਾਰਿਆਂ ਨੇ ਵੀ ਹੋਰਨਾਂ ਖੇਤਰਾਂ 'ਚ ਜ਼ੋਰ-ਅਜ਼ਮਾਇਸ਼ ਕਰਨੀ ਸ਼ੁਰੂ ਕਰ ਦਿੱਤੀ ਹੈ | ਕੁਝ ਨੇ ਸੋਸ਼ਲ ਮੀਡੀਆ 'ਤੇ ਕਬੱਡੀ ਨਾਲ ਸਬੰਧਿਤ ਪੇਸ਼ਕਾਰੀਆਂ ਕਰਨ ਦਾ ਸਿਲਸਿਲਾ ਆਰੰਭ ਕੀਤਾ ਹੈ | ਕੁਝ ਕਬੱਡੀ ਕੁਮੈਂਟੇਟਰਾਂ ਨੇ ਜਿੱਥੇ ਇਸ ਮੰਦੀ ਵਾਲੇ ਦੌਰ 'ਚ ਹੋਰ ਕਾਰੋਬਾਰ ਸ਼ੁਰੂ ਕੀਤੇ ਹਨ, ਉੱਥੇ ਉਨ੍ਹਾਂ ਲਈ ਵਿਹਲੇ ਸਮੇਂ 'ਚ ਚੰਗੀਆਂ ਕਿਤਾਬਾਂ ਤੇ ਅਖ਼ਬਾਰ ਪੜ੍ਹ ਕੇ, ਆਪਣੀ ਕੁਮੈਂਟਰੀ ਕਲਾ ਨੂੰ ਗਿਆਨ ਭਰਪੂਰ ਬਣਾਉਣ ਦਾ ਮੌਕਾ ਹੈ | ਜਿਸ ਦਾ ਉਨ੍ਹਾਂ ਨੂੰ ਫਾਇਦਾ ਉਠਾਉਣਾ ਚਾਹੀਦਾ ਹੈ | ਪਾਬੰਦੀਆਂ ਵਾਲੇ ਇਸ ਦੌਰ 'ਚ ਕਬੱਡੀ ਮੈਚਾਂ ਦਾ ਸਿੱਧਾ ਪ੍ਰਸਾਰਨ ਕਰਨ ਵਾਲੇ ਵੀਰਾਂ ਨੂੰ ਵੀ ਆਪਣੇ-ਆਪ 'ਚ ਤਕਨੀਕੀ ਸੁਧਾਰ ਕਰਨ ਦਾ ਮੌਕਾ ਮਿਲਿਆ ਹੈ | ਬਹੁਤ ਸਾਰੇ ਵੈੱਬ ਚੈਨਲਜ਼ ਸੰਚਾਲਕ ਪੁਰਾਣੇ ਮੈਚਾਂ ਨੂੰ ਨਵੇਂ ਢੰਗ ਨਾਲ ਪੇਸ਼ ਕਰਨ 'ਚ ਲੱਗੇ ਹੋਏ ਹਨ | ਇਸ ਦੌਰ 'ਚ ਕਬੱਡੀ ਪ੍ਰੇਮੀਆਂ ਲਈ ਸਿਰਫ ਯੂਟਿਊਬ ਹੀ ਵੱਡਾ ਸਹਾਰਾ ਬਣੀ ਹੋਈ ਹੈ ਅਤੇ ਉਹ ਪੁਰਾਣੇ ਮੈਚ ਦੇਖ ਕੇ ਹੀ ਸਮਾਂ ਲੰਘਾ ਰਹੇ ਹਨ | ਸਮੁੱਚੇ ਰੂਪ 'ਚ ਦੇਖਿਆ ਜਾਵੇ ਤਾਂ ਕੋਰੋਨਾ ਸੰਕਟ ਦੌਰਾਨ ਇਕ ਗੱਲ ਸਾਹਮਣੇ ਆਈ ਹੈ ਕਿ ਕਬੱਡੀ ਵਾਲਿਆਂ ਨੂੰ ਇਸ ਖੇਡ ਦੇ ਹਰ ਪਹਿਲੂ 'ਤੇ ਮੰਥਨ ਕਰ ਕੇ ਖੇਡ ਨੂੰ ਨਵੇਂ ਮਿਆਰਾਂ 'ਤੇ ਲੈਜਾਣ ਲਈ ਵਚਨਬੱਧ ਹੋ ਜਾਣਾ ਚਾਹੀਦਾ ਹੈ |

-ਪਟਿਆਲਾ | ਮੋਬਾਈਲ : 9779590575

ਕੋਰੋਨਾ ਹਮਲੇ ਤੋਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਦੀ ਵਾਪਸੀ

8 ਜੁਲਾਈ ਨੂੰ ਕ੍ਰਿਕਟ ਦੇ ਇਤਿਹਾਸ ਵਿਚ ਇਕ ਵੱਖਰੀ ਕਿਸਮ ਦਾ ਰੁਮਾਂਚ ਸੀ | ਜਦੋਂ 117 ਦਿਨਾਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਦੀ ਵਾਪਸੀ ਹੋਈ ਹੈ | ਇੰਗਲੈਂਡ ਅਤੇ ਵੈਸਟਇੰਡੀਜ਼ ਦੀਆਂ ਟੀਮਾਂ ਆਹਮਣੇ-ਸਾਹਮਣੇ ਸਨ | ਹਾਲਾਂਕਿ ਬਾਰਿਸ਼ ਦੇ ਕਾਰਨ ਮੈਚ ਦੀ ਸ਼ੁਰੂਆਤ ਵਿਚ ਥੋੜ੍ਹੀ ਦੇਰੀ ਹੋਈ ਪਰ ਇਸ ਦੌਰਾਨ ਪੂਰੀ ਦੁਨੀਆ ਦੇ ਕ੍ਰਿਕਟ ਪ੍ਰੇਮੀਆਂ ਦੀਆਂ ਨਜ਼ਰਾਂ ਟੀ. ਵੀ. ਸਕ੍ਰੀਨ 'ਤੇ ਲੱਗੀਆਂ ਰਹੀਆਂ ਕਿਉਂਕਿ ਮੈਦਾਨ ਵਿਚ ਤਾਂ ਦਰਸ਼ਕ ਨਹੀਂ ਸਨ ਪਰ ਟੀ. ਵੀ. ਸਕ੍ਰੀਨ ਤੋਂ ਦੁਨੀਆ ਭਰ ਦੇ ਦਰਸ਼ਕ ਇਕ ਪਲ ਨੂੰ ਵੀ ਮਿਸ ਨਹੀਂ ਕਰਨਾ ਚਾਹੁੰਦੇ ਸਨ | ਅਜਿਹਾ ਹੋਵੇ ਵੀ ਕਿਉਂ ਨਾ ਆਖ਼ਰਕਾਰ ਇਸ ਸਾਲ ਮਾਰਚ ਦੇ ਬਾਅਦ ਖੇਡਿਆ ਜਾਣ ਵਾਲਾ ਇਹ ਪਹਿਲਾ ਮੈਚ ਸੀ | ਅਸਲ ਵਿਚ ਇੰਗਲੈਂਡ ਦੇ ਸਾਉਥੇਪਟਨ ਦੇ ਇਜਿਆਸ ਬਾਉਲ 'ਤੇ ਖੇਡਿਆ ਜਾ ਰਿਹਾ ਇਹ ਮੈਚ ਸਿਰਫ਼ ਕ੍ਰਿਕਟ ਹੀ ਨਹੀਂ ਸੀ, ਇਨਸਾਨ ਦੇ ਹੌਸਲਿਆਂ ਦੀ ਵੀ ਇਹ ਪ੍ਰੀਖਿਆ ਸੀ ਜੋ ਮਾਨਵ ਇਤਿਹਾਸ ਵਿਚ ਅਣਗਿਣਤ ਵਾਰੀ ਪਾਸ ਕਰ ਚੁੱਕਿਆ ਹੈ | ਫਿਰ ਵੀ ਹਰ ਵਾਰ ਜਦੋਂ ਵੀ ਸਿਰੇ ਤੋਂ ਪ੍ਰੀਖਿਆ ਦੇਣੀ ਹੁੰਦੀ ਹੈ | ਇਹ ਹੀ ਲਗਦਾ ਹੈ ਕਿ ਪਤਾ ਨਹੀਂ ਕੀ ਹੋਵੇਗਾ | ਅੰਤਰਰਾਸ਼ਟਰੀ ਕ੍ਰਿਕਟ ਦੀ ਵਾਪਸੀ ਤਾਂ ਹੋ ਗਈ ਪਰ ਇਤਿਹਾਸ ਬਦਲ ਗਿਆ ਹੈ | ਮਾਰਚ 2020 ਤੱਕ ਦੁਨੀਆ ਜਿਸ ਕ੍ਰਿਕਟ ਨੂੰ ਜਾਣਦੀ ਸੀ, ਜੁਲਾਈ, 2020 ਵਿਚ ਇਹ ਕ੍ਰਿਕਟ ਕਹਾਣੀ ਬਣ ਚੁੱਕੀ ਹੈ | ਮੈਦਾਨ ਵਿਚ ਨਵੀਂ ਦਿੱਖ ਅਤੇ ਨਵੀਂ ਸ਼ੈਲੀ ਦੀ ਕ੍ਰਿਕਟ ਹੈ | ਸ਼ਾਇਦ ਇਸ ਲਈ ਕ੍ਰਿਕਟ ਦੇ ਇਤਿਹਾਸ ਦੀ ਪੁਸਤਕ ਵਿਚ 8 ਜੁਲਾਈ ਨੂੰ ਸ਼ੁਰੂ ਹੋਏ ਇਸ ਟੈਸਟ ਮੈਚ ਦੀ ਵਿਸ਼ੇਸ਼ ਇਤਿਹਾਸਕ ਮਹੱਤਤਾ ਹੈ | ਇਹ ਪਹਿਲਾ ਅਜਿਹਾ ਟੈਸਟ ਕ੍ਰਿਕਟ ਮੈਚ ਹੈ ਜੋ ਬਿਨਾਂ ਦਰਸ਼ਕਾਂ ਦੇ ਖੇਡਿਆ ਜਾਣਾ ਸ਼ੁਰੂ ਹੋਇਆ ਹੈ | ਇਹ ਵੱਡੇ ਹੌਸਲੇ ਦਾ ਕੰਮ ਇਸ ਲਈ ਵੀ ਹੈ ਕਿਉਂਕਿ ਨੇੜੇ ਦੇ ਦਿਨਾਂ ਵਿਚ ਕੋਰੋਨਾ ਮਰੀਜ਼ਾਂ ਨੂੰ ਲੈ ਕੇ ਸੋਸ਼ਲ ਡਿਸਟੈਂਸਿੰਗ ਦਾ ਧਿਆਨ ਬਣਿਆ ਰਹਿੰਦਾ ਹੈ |
ਅਸਲ ਵਿਚ 8 ਜੁਲਾਈ, 2020 ਤੋਂ ਅੰਤਰਰਾਸ਼ਟਰੀ ਕ੍ਰਿਕਟ ਟੈਸਟ ਮੈਚ ਮਹਿਜ਼ ਇਕ ਟੈਸਟ ਮੈਚ ਨਹੀਂ ਹੈ ਬਲਕਿ ਜਾਂਚ ਪਰਖ ਦਾ ਇਹ ਨਵੇਂ ਹੌਸਲੇ ਦਾ ਇਮਤਿਹਾਨ ਹੈ | ਇਸ ਟੈਸਟ ਮੈਚ ਬਾਅਦ ਹੀ ਕੋਰੋਨਾ ਦੇ ਦੌਰ ਵਿਚ ਖੇਡੇ ਜਾਣ ਵਾਲੇ ਟੈਸਟ ਮੈਚਾਂ ਲਈ ਬਲੂ ਪਿ੍ੰਟ ਤਿਆਰ ਹੋਵੇਗਾ | ਇੰਗਲੈਂਡ ਦੇ ਕਾਰਜਕਾਰੀ ਕਪਤਾਨ ਨੇ ਸਹੀ ਹੀ ਕਿਹਾ ਹੈ ਕਿ 'ਅਸੀਂ ਇਤਿਹਾਸ ਤਾਂ ਬਣਾ ਰਹੇ ਹਾਂ ਪਰ ਡਰ ਵੀ ਬਹੁਤ ਲੱਗ ਰਿਹਾ ਹੈ | ਥੋੜ੍ਹੀ ਜਿਹੀ ਗ਼ਲਤੀ ਖੇਡ ਦਾ ਵੱਡਾ ਨੁਕਸਾਨ ਕਰ ਸਕਦੀ ਹੈ | ਵੇਨ ਸਟੋਕਸ ਦਾ ਕਹਿਣਾ ਬਿਲਕੁਲ ਸਹੀ ਹੈ | ਜੇਕਰ ਇਸ ਮੈਚ ਵਿਚ ਦੋ ਤਿੰਨ ਖਿਡਾਰੀ ਵੀ ਕੋਰੋਨਾ ਨਾਲ ਪ੍ਰਭਾਵਿਤ ਹੋ ਗਏ ਤਾਂ ਫਿਰ ਸ਼ਾਇਦ ਲੰਮੇ ਸਮੇਂ ਤੱਕ ਅੰਤਰਰਾਸ਼ਟਰੀ ਪੱਧਰ 'ਤੇ ਕ੍ਰਿਕਟ ਦੀ ਵਾਪਸੀ ਨਹੀਂ ਹੋਵੇਗੀ |
ਸਿਰਫ਼ ਕ੍ਰਿਕਟ ਦੀ ਹੀ ਗੱਲ ਕਿਉਂ ਕਰੀਏ | ਇਹ ਟੈਸਟ ਮੈਚ ਉਨ੍ਹਾਂ ਸਾਰੀਆਂ ਖੇਡਾਂ ਲਈ ਵੀ ਦਰਵਾਜ਼ੇ ਖੋਲ੍ਹੇਗਾ ਜੋ ਬਹੁਤ ਧਿਆਨ ਨਾਲ ਇਸ ਮੈਚ ਨੂੰ ਦੇਖ ਰਹੇ ਹਨ ਕਿ ਇਸ ਨਾਲ ਕੋਰੋਨਾ ਦੀ ਹਰਕਤ 'ਤੇ ਕੀ ਅਸਰ ਪਵੇਗਾ | ਕਈ ਮਹੀਨਿਆਂ ਬਾਅਦ ਜਦੋਂ ਦੋ ਅੰਤਰਰਾਸ਼ਟਰੀ ਟੀਮਾਂ ਮੈਦਾਨ ਵਿਚ ਉਤਰੀਆਂ ਤਾਂ ਸਿਰਫ਼ ਇਕ ਮਹਾਂਮਾਰੀ ਦੀ ਹੀ ਤਕਲੀਫ਼ ਖਿਡਾਰੀਆਂ ਦੇ ਮਨ ਉੱਤੇ ਨਹੀਂ ਸੀ ਬਲਕਿ ਉਨ੍ਹਾਂ ਦੀਆਂ ਜਰਸੀਆਂ ਵਿਚ ਬਲੈਕ ਲਾਈਵ ਮੈਟਰਸ ਦੇ ਲੋਗੋ ਵੀ ਲੱਗੇ ਸਨ ਜੋ ਦੱਸ ਰਹੇ ਸਨ ਕਿ ਅੱਜ ਵੀ ਦੁਨੀਆ ਕਿਸ ਤਰ੍ਹਾਂ ਦੀ ਸੋਚ ਦੀ ਸ਼ਿਕਾਰ ਹੈ |
ਦੱਸਣਯੋਗ ਹੈ ਕਿ ਵੈਸਟਇੰਡੀਜ਼ ਦੀ ਟੀਮ 9 ਜੂਨ ਤੋਂ ਮੈਨਚੈਸਟਰ ਵਿਚ ਮੌਜੂਦ ਹੈ | ਇਹ ਇਕਾਂਤਵਾਸ ਵਿਚ ਸੀ | ਉਨ੍ਹਾਂ ਆਪਸ ਵਿਚ ਹੀ ਦੋ ਮੈਚ ਖੇਡ ਕੇ ਅਭਿਆਸ ਕੀਤਾ | ਇੰਗਲੈਂਡ ਦੇ ਸਾਉਥੇਪਟਨ ਕ੍ਰਿਕਟ ਗਰਾਊਾਡ ਨੂੰ ਮਹਿਜ ਇਸ ਖੇਡ ਦੀ ਵਾਪਸੀ ਦੀ ਮੇਜ਼ਬਾਨੀ ਹੀ ਨਹੀਂ ਮਿਲੀ ਬਲਕਿ ਕ੍ਰਿਕਟ ਦੇ ਨਵੇਂ ਨਿਯਮਾਂ ਦੀ ਜ਼ਮੀਨੀ ਸ਼ੁਰੂਆਤ ਦਾ ਮੌਕਾ ਵੀ ਮਿਲਿਆ ਹੈ |
117 ਦਿਨਾਂ ਬਾਅਦ ਸ਼ੁਰੂ ਹੋਇਆ ਅੰਤਰਰਾਸ਼ਟਰੀ ਕ੍ਰਿਕਟ ਦਾ ਇਹ ਟੈਸਟ ਮੈਚ ਮਹਿਜ ਇਸ ਲਈ ਹੀ ਯਾਦ ਨਹੀਂ ਰੱਖਿਆ ਜਾਵੇਗਾ ਕਿ ਇਹ ਏਨੇ ਦਿਨਾਂ ਬਾਅਦ ਸ਼ੁਰੂ ਹੋਇਆ ਹੈ ਬਲਕਿ ਇਸ ਲਈ ਵੀ ਯਾਦ ਰੱਖਿਆ ਜਾਏਗਾ ਕਿ ਇਹ ਵਾਪਸੀ ਬਹੁਤ ਸਾਰੇ ਨਿਯਮਾਂ ਵਿਚ ਬਦਲਾਵ ਦੇ ਨਾਲ ਆਈ ਹੈ, ਜਿਸ ਤਰ੍ਹਾਂ ਹੁਣ ਕ੍ਰਿਕਟਰਾਂ ਦੀ ਜਰਸੀ 'ਤੇ 10 ਦੀ ਬਜਾਏ 32 ਸਕੁਆਇਰ ਇੰਚ ਸਪੈਂਸਰ ਲੋਗੋ ਲੱਗੇਗਾ | ਲੋਗੋ ਦੇ ਇਸ ਅਕਾਰ ਨੂੰ ਵਧਾਉਣ ਦੇ ਪਿੱਛੇ ਆਰਥਿਕ ਨੁਕਸਾਨ ਦੀ ਭਰਪਾਈ ਕਰਨ ਦਾ ਯਤਨ ਹੈ | ਇਹ ਨਿਯਮ ਤਾਂ ਹੋ ਸਕਦਾ ਹੈ ਅੱਗੇ ਚੱਲ ਕੇ ਬਦਲ ਜਾਏ ਪਰ ਕਰੀਬ ਚਾਰ ਮਹੀਨਿਆਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਦੀ ਜੋ ਵਾਪਸੀ ਹੋਈ ਹੈ, ਉਸ ਵਿਚ ਨਿਯਮ ਨਹੀਂ ਬਦਲ ਸਕਣਗੇ | ਘੱਟੋ-ਘੱਟ ਅਗਲੇ ਇਕ ਦੋ ਸਾਲ ਤਾਂ ਇਹ ਜਾਰੀ ਰਹਿਣਗੇ | ਹੁਣ ਗੇਂਦਬਾਜ਼ ਗੇਂਦ 'ਤੇ ûੱਕ ਨਹੀਂ ਲਗਾ ਸਕਣਗੇ ਜੇਕਰ ਕਿਸੇ ਗੇਂਦਬਾਜ਼ ਨੇ ਅਜਿਹਾ ਕੀਤਾ ਤਾਂ ਦੋ ਵਾਰ ਤੋਂ ਉਸ ਨੂੰ ਚਿਤਾਵਨੀ ਮਿਲੇਗੀ | ਬੈਟਿੰਗ ਟੀਮ ਨੂੰ 5 ਵਾਧੂ ਦੌੜਾਂ ਦੇ ਦਿੱਤੀਆਂ ਜਾਣਗੀਆਂ |
ਇਸ ਟੈਸਟ ਮੈਚ ਦੇ ਬਾਅਦ ਸ਼ਾਇਦ ਅਗਲੇ ਕਈ ਮਹੀਨਿਆਂ ਜਾਂ ਸਾਲਾਂ ਤੱਕ ਬਾਲ ਸਾਇਨੇਪਜ਼ਿਰ ਹੋਵੇਗੀ ਅਤੇ ਇਸ ਦੀ ਜ਼ਿੰਮੇਵਾਰੀ ਖਿਡਾਰੀ 'ਤੇ ਨਹੀਂ ਅੰਪਾਇਰ 'ਤੇ ਹੋਵੇਗੀ | ਮੈਦਾਨ ਵਿਚ ਜੋ ਚੌਕੇ, ਛੱਕੇ ਲੱਗਣਗੇ, ਉਸ ਤੋਂ ਬਾਅਦ ਗੇਂਦ ਨੂੰ ਬਾਉਂਡਰੀ ਤੋਂ ਬਾਹਰੋਂ ਚੁੱਕਣ ਲਈ ਰਾਖਵੇਂ ਖਿਡਾਰੀ ਦਸਤਾਨੇ ਪਾ ਕੇ ਜਾਣਗੇ | ਇਸ ਮੈਚ ਦੇ ਨਾਲ ਹੀ ਇਕ ਇਹ ਗੱਲ ਹੋ ਰਹੀ ਹੈ ਕਿ ਹੁਣ ਖਿਡਾਰੀ ਇਕ ਸਾਥ ਮਿਲ ਕੇ ਜਸ਼ਨ ਨਹੀਂ ਮਨਾ ਸਕਣਗੇ | ਭਾਵੇਂ ਗੇਂਦਬਾਜ਼ ਦੁਆਰਾ ਵਿਕਟ ਲੈਣ ਦਾ ਮੌਕਾ ਹੋਵੇ ਜਾਂ ਕਰੀਜ਼ ਵਿਚ ਮੌਜੂਦ ਖਿਡਾਰੀਆਂ ਵਿਚੋਂ ਇਕ ਦੁਆਰਾ ਸ਼ਾਨਦਾਰ ਚੌਕਾ, ਛੱਕਾ ਲਗਾਉਣ 'ਤੇ ਦੂਸਰੇ ਦਾ ਉਸ ਨੂੰ ਵਧਾਈ ਦੇਣ ਲਈ ਉਸ ਦੇ ਕੋਲ ਜਾਣ ਦੀ ਗੱਲ ਹੋਵੇ | ਹੁਣ ਖਿਡਾਰੀ ਬਾਲਿੰਗ ਨਾਲ ਪਹਿਲੇ ਆਪਣਾ ਸਵੈਟਰ, ਕੈਪ ਜਾਂ ਐਨਕ ਅੰਪਾਇਰ ਨੂੰ ਨਹੀਂ ਦੇ ਸਕਦਾ | ਜੇਕਰ ਉਸ ਨੂੰ ਸਾਮਾਨ ਨਾਕ ਬਾਲਿੰਗ ਕਰਨ ਲਈ ਦਿੱਕਤ ਹੋ ਰਹੀ ਹੈ ਤਾਂ ਖ਼ੁਦ ਮੈਦਾਨ ਦੇ ਬਾਹਰ ਜਾ ਕੇ ਇਨ੍ਹਾਂ ਨੂੰ ਰੱਖ ਕੇ ਆਉਣਾ ਪਵੇਗਾ |
ਇਸ ਤਰ੍ਹਾਂ ਦੇਖਿਆ ਜਾਵੇ ਤਾਂ ਇਸ ਮੈਚ ਦੇ ਦੌਰਾਨ ਜੋ ਕ੍ਰਿਕਟ ਦੁਨੀਆ ਨੂੰ ਦੇਖਣ ਲਈ ਮਿਲੇਗੀ | ਇਹ ਉਹ ਕ੍ਰਿਕਟ ਨਹੀਂ ਹੋਵੇਗੀ ਜੋ 8 ਜੁਲਾਈ, 2020 ਤੋਂ ਪਹਿਲੇ ਤੱਕ ਸੀ | ਹੁਣ ਕਿਸੇ ਜ਼ਖ਼ਮੀ ਖਿਡਾਰੀ ਦੇ ਬਦਲ ਵਜੋਂ ਕੋਈ ਖਿਡਾਰੀ ਨਹੀਂ ਮਿਲੇਗਾ | ਕਿਸੇ ਇਕ ਖਿਡਾਰੀ ਦਾ ਸਾਮਾਨ ਦੂਸਰਾ ਖਿਡਾਰੀ ਇਸਤੇਮਾਲ ਨਹੀਂ ਕਰ ਸਕੇਗਾ | ਕ੍ਰਿਕਟ ਸਟੇਡੀਅਮ ਦੇ ਪੈਵੇਲੀਅਨ ਦੇ ਸਾਰੇ ਰਸਤੇ ਦਰਵਾਜ਼ੇ, ਖਿਡਾਰੀਆਂ ਦੇ ਨੇੜੇ ਪਹੁੰਚਦੇ ਹੀ ਖੁਲ੍ਹ ਜਾਣਗੇ | ਮੈਦਾਨ ਵਿਚ ਥੋੜ੍ਹੀ-ਥੋੜ੍ਹੀ ਦੂਰ ਸੈਂਸਰ ਸੈਨੀਟਾਈਜ਼ਰ ਮਸ਼ੀਨਾਂ ਲੱਗੀਆਂ ਹੋਣਗੀਆਂ |



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX