ਤਾਜਾ ਖ਼ਬਰਾਂ


ਮੋਟਰਸਾਈਕਲ ਦੀ ਸਾਈਡ ਲੱਗਣ ਤੋਂ ਭੜਕੀ ਕੁੜੀਆਂ ਨੇ ਦੋਸਤਾਂ ਨੂੰ ਬੁਲਾ ਕੇ ਕਰਵਾਈ ਫਾਇਰਿੰਗ
. . .  1 day ago
ਜ਼ੀਰਕਪੁਰ, 4 ਜੁਲਾਈ {ਹੈਪੀ ਪੰਡਵਾਲਾ}-ਇਥੋਂ ਦੇ ਲੋਹਗੜ੍ਹ ਪਾਰਕ ‘ਚ ਕੁੜੀਆਂ ਨੇ ਗੁੰਡਾਗਰਦੀ ਕਰਦੇ ਹੋਏ ਮੋਟਰਸਾਈਕਲ ਦੀ ਥੋੜੀ ਜਿਹੀ ਸਾਈਡ ਲੱਗਣ ਤੋਂ ਭੜਕੀ ਆਪਣੀ ਦੋਸਤਾਂ ਨੂੰ ਬੁਲਾ ਕੇ ਨੌਜਵਾਨ ਦੀ ...
ਤੇਜ਼ ਮੀਂਹ ਹਨ੍ਹੇਰੀ ਝੱਖੜ ਨਾਲ ਅਜਨਾਲਾ ਅੰਮ੍ਰਿਤਸਰ ਮੁੱਖ ਮਾਰਗ 'ਤੇ ਸੜਕ ਉੱਪਰ ਡਿੱਗੇ ਦਰਖਤ
. . .  1 day ago
ਅਜਨਾਲਾ, 4 ਜੁਲਾਈ (ਗੁਰਪ੍ਰੀਤ ਸਿੰਘ ਢਿੱਲੋਂ) - ਸਰਹੱਦੀ ਖੇਤਰ ਵਿਚ ਦੇਰ ਸ਼ਾਮ ਪਏ ਭਾਰੀ ਮੀਂਹ ਹਨੇਰੀ ਅਤੇ ਝੱਖੜ ਨਾਲ ਜਿੱਥੇ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲੀ ਉੱਥੇ ਇਸ ਨਾਲ ਅਜਨਾਲਾ ਅੰਮ੍ਰਿਤਸਰ ਡੇਰਾ ਬਾਬਾ ਨਾਨਕ ਮੁੱਖ ਮਾਰਗ ਸੜਕ 'ਤੇ ਰੁੱਖ ਡਿੱਗਣ ਕਾਰਨ ਰਾਤ ਸਮੇਂ ਆਉਣ ਜਾਣ ਵਾਲੇ ਰਾਹਗੀਰਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਦੇਰ ਸ਼ਾਮ ਆਏ ਅਚਾਨਕ ਆਏ ਤੇਜ਼ ਹਨੇਰੀ ਝੱਖੜ...
ਵਿਦੇਸ਼ੋਂ ਆਏ ਕੁਆਰੰਟਾਈਨ ਕੀਤੇ ਨੌਜਵਾਨਾਂ ਨੇ ਛੁੱਟੀ ਮਿਲਣ 'ਤੇ ਘਟੀਆ ਪ੍ਰਬੰਧਾਂ ਖ਼ਿਲਾਫ਼ ਕੀਤਾ ਰੋਸ ਪ੍ਰਗਟਾਵਾ
. . .  1 day ago
ਡੇਰਾ ਬਾਬਾ ਨਾਨਕ, 4 ਜੁਲਾਈ (ਅਵਤਾਰ ਸਿੰਘ ਰੰਧਾਵਾ) ਬੀਤੇ ਦਿਨੀਂ ਦੋਹਾ ਕਤਰ ਅਤੇ ਕੁਵੈਤ ਤੋਂ ਭਾਰਤ ਪਹੁੰਚੇ ਨੌਜਵਾਨਾਂ, ਜਿਨਾ ਨੂੰ ਡੇਰਾ ਬਾਬਾ ਨਾਨਕ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਵਿਖੇ ਕੁਆਰੰਟਾਈਨ ਕੀਤਾ ਗਿਆ ਸੀ, ਨੇ ਇੱਥੇ ਪ੍ਰਬੰਧਾਂ ਦੀ ਘਾਟ ਨੂੰ ਲੈ ਕੇ ਅੱਜ ਸ਼ਾਮ ਛੁੱਟੀ ਮਿਲਣ ਉਪਰੰਤ ਭਾਰਤ ਅਤੇ ਪੰਜਾਬ ਸਰਕਾਰ...
ਮੀਂਹ ਪੈਣ ਨਾਲ ਮੌਸਮ ਬਣਿਆ ਖ਼ੁਸ਼ਗਵਾਰ
. . .  1 day ago
ਮਮਦੋਟ, 4 ਜੁਲਾਈ (ਸੁਖਦੇਵ ਸਿੰਘ ਸੰਗਮ) - ਅੱਜ ਦੇਰ ਸ਼ਾਮ ਮਮਦੋਟ ਇਲਾਕੇ ਵਿਚ ਪਏ ਮੀਂਹ ਕਾਰਨ ਮੌਸਮ ਖ਼ੁਸ਼ਗਵਾਰ ਬਣ ਗਿਆ । ਇਸ ਹੋਈ ਬਰਸਾਤ ਨਾਲ ਜਿੱਥੇ ਪਿਛਲੇ ਕਾਫੀ ਦਿਨਾਂ ਤੋਂ ਪੈ ਰਹੀ ਅੱਤ ਦੀ ਗਰਮੀ ਤੋਂ ਆਮ ਲੋਕਾਂ ਨੇ ਰਾਹਤ ਮਹਿਸੂਸ ਕੀਤੀ ਉੱਥੇ ਹੀ ਚੱਲ ਰਹੀ ਝੋਨੇ ਦੀ ਲਵਾਈ ਕਾਰਨ ਕਿਸਾਨਾਂ ਨੂੰ ਵੀ...
ਸੁਲਤਾਨਪੁਰ ਲੋਧੀ ਇਲਾਕੇ 'ਚ ਤੇਜ਼ ਹਨ੍ਹੇਰੀ ਤੇ ਮੀਂਹ ਸ਼ੁਰੂ
. . .  1 day ago
ਸੁਲਤਾਨਪੁਰ ਲੋਧੀ, 4 ਜੁਲਾਈ (ਜਗਮੋਹਨ ਸਿੰਘ ਥਿੰਦ, ਨਰੇਸ਼ ਹੈਪੀ,ਲਾਡੀ) - ਸੁਲਤਾਨਪੁਰ ਲੋਧੀ ਅਤੇ ਇਸ ਦੇ ਆਸ ਪਾਸ ਇਲਾਕਿਆਂ ਵਿਚ ਤੇਜ਼ ਹਨ੍ਹੇਰੀ ਤੇ ਮੀਂਹ ਸ਼ੁਰੂ ਹੋ ਗਿਆ ਹੈ, ਜਿਸ ਦੇ ਚੱਲਦਿਆਂ ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ ਹੁੰਮਸ ਭਰੀ ਗਰਮੀ ਤੋਂ ਲੋਕਾਂ ਨੂੰ ਵੱਡੀ ਰਾਹਤ ਮਿਲੀ ਹੈ। ਇਸ ਦੌਰਾਨ ਬਹੁਤੇ ਇਲਾਕਿਆਂ ਵਿਚ...
ਫਗਵਾੜਾ (ਕਪੂਰਥਲਾ) 'ਚ ਉਦਯੋਗਪਤੀ ਦੀ ਪਤਨੀ ਕੋਰੋਨਾ ਪਾਜ਼ੀਟਿਵ
. . .  1 day ago
ਫਗਵਾੜਾ, 4 ਜੁਲਾਈ (ਹਰੀਪਾਲ ਸਿੰਘ) - ਫਗਵਾੜਾ ਦੇ ਇਕ ਉਦਯੋਗਪਤੀ ਦੀ ਪਤਨੀ ਦੀ ਕੋਰੋਨਾ ਵਾਇਰਸ ਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਸਿਵਲ ਹਸਪਤਾਲ ਦੇ ਐੱਸ.ਐਮ.ਓ ਡਾਕਟਰ ਕਮਲ ਕਿਸ਼ੋਰ ਨੇ ਦੱਸਿਆ ਕਿ ਉਦਯੋਗਪਤੀ ਦੀ ਪਤਨੀ ਜਗਜੀਤ ਕੌਰ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਦੇ ਸੈਂਪਲ ਲਏ...
ਸਰਹੱਦੀ ਖੇਤਰ ਵਿਚ ਧੂੜ ਭਰੀ ਹਨੇਰੀ ਚੱਲਣ ਨਾਲ ਲੋਕਾਂ ਨੂੰ ਮਿਲੀ ਗਰਮੀ ਤੋਂ ਰਾਹਤ
. . .  1 day ago
ਅਟਾਰੀ, 4 ਜੁਲਾਈ (ਰੁਪਿੰਦਰਜੀਤ ਸਿੰਘ ਭਕਨਾ) - ਸਰਹੱਦੀ ਇਲਾਕੇ ਵਿਚ ਤੇਜ਼ ਰਫ਼ਤਾਰ ਧੂੜ ਭਰੀਆਂ ਹਨੇਰੀਆਂ ਚੱਲਣ ਕਾਰਨ ਨਾਲ ਲੋਕਾਂ ਨੂੰ ਗਰਮੀ...
ਸ਼ਾਹਕੋਟ ਦੇ ਰੈਸਟ ਹਾਊਸ ਨਜ਼ਦੀਕ ਪ੍ਰਵਾਸੀ ਮਜ਼ਦੂਰ ਦੀ ਮਿਲੀ ਲਾਸ਼
. . .  1 day ago
ਸ਼ਾਹਕੋਟ, 4 ਜੁਲਾਈ (ਦਲਜੀਤ ਸਚਦੇਵਾ)- ਸ਼ਾਹਕੋਟ-ਮਲਸੀਆਂ ਰੋਡ 'ਤੇ ਰੈਸਟ ਹਾਊਸ ਸ਼ਾਹਕੋਟ ਨਜ਼ਦੀਕ ਸ਼ਾਮ ਸਮੇਂ ਇਕ ਪ੍ਰਵਾਸੀ ਮਜ਼ਦੂਰ ਦੀ ਲਾਸ਼ ਮਿਲਣ ਦਾ ਸਮਾਚਾਰ ਮਿਲਿਆ ਹੈ। ਮੌਕੇ 'ਤੇ ਪਹੁੰਚੇ ਐੱਸ.ਐੱਚ.ਓ ਸ਼ਾਹਕੋਟ ਸੁਰਿੰਦਰ ਕੁਮਾਰ ਨੇ ਦੱਸਿਆ ਕਿ ਇਸ ਵਿਅਕਤੀ ਦੀ ਪਹਿਚਾਣ ਨਹੀਂ ਹੋ ਸਕੀ, ਇਸ ਲਈ ਵਿਅਕਤੀ ਦੀ ਲਾਸ਼ ਨੂੰ ਸ਼ਨਾਖ਼ਤ...
ਪੰਜਾਬ ਸਰਕਾਰ ਪੂਰੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਏਗੀ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦਾ 400 ਸਾਲਾ ਪ੍ਰਕਾਸ਼ ਪੁਰਬ - ਕੈਪਟਨ
. . .  1 day ago
ਅਜਨਾਲਾ, 4 ਜੁਲਾਈ (ਗੁਰਪ੍ਰੀਤ ਸਿੰਘ ਢਿੱਲੋਂ ) - ਹਿੰਦ ਦੀ ਚਾਦਰ ਸਾਹਿਬ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦਾ 400 ਸਾਲਾ ਪ੍ਰਕਾਸ਼ ਪੁਰਬ ਜੋ ਕਿ ਅਗਲੇ ਸਾਲ 2021 ਵਿਚ ਆ ਰਿਹਾ ਹੈ, ਪੰਜਾਬ ਸਰਕਾਰ ਪੂਰੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਏਗੀ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਫੇਸ ਬੁੱਕ ਲਾਈਵ ਪ੍ਰੋਗਰਾਮ ਦੌਰਾਨ ਸਠਿਆਲਾ...
ਬੇਅਦਬੀ ਕਾਂਡ 'ਚ ਗ੍ਰਿਫ਼ਤਾਰ 7 ਡੇਰਾ ਪ੍ਰੇਮੀਆਂ ਚੋਂ 5 ਭੇਜੇ ਪੁਲਿਸ ਰਿਮਾਂਡ 'ਤੇ, 2 ਰਿਹਾਅ
. . .  1 day ago
ਫ਼ਰੀਦਕੋਟ, 4 ਜੁਲਾਈ (ਜਸਵੰਤ ਸਿੰਘ ਪੁਰਬਾ, ਸਰਬਜੀਤ ਸਿੰਘ) - ਜ਼ਿਲ੍ਹੇ ਦੇ ਪਿੰਡ ਬੁਰਜ ਜਵਾਹਰ ਸਿੰਘ ਵਾਲਾ ਦੇ ਗੁਰਦੁਆਰਾ ਸਾਹਿਬ ਵਿਚੋਂ 1 ਜੂਨ 2014 ਨੂੰ ਚੋਰੀ ਹੋਏ ਸ਼੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੇ ਸਰੂਪ ਮਾਮਲੇ ਦੀ ਪੜਤਾਲ ਕਰ ਰਹੀ ਡੀ.ਆਈ.ਜੀ. ਰਣਬੀਰ ਸਿੰਘ ਖੱਟੜਾ ਦੀ ਅਗਵਾਈ 'ਚ ਵਿਸ਼ੇਸ਼ ਜਾਂਚ ਟੀਮ ਵੱਲੋਂ ਅੱਜ ਜ਼ਿਲ੍ਹਾ ਫ਼ਰੀਦਕੋਟ ਤੋਂ ਅੱਜ ਤੜਕੇ ਗ੍ਰਿਫ਼ਤਾਰ ਕੀਤੇ ਗਏ 7 ਡੇਰਾ ਪ੍ਰੇਮੀਆਂ ਨੂੰ ਸਥਾਨਕ...
ਕੈਪਟਨ ਨੇ ਯੂਨੀਵਰਸਿਟੀ ਤੇ ਕਾਲਜ ਪ੍ਰੀਖਿਆਵਾਂ ਰੱਦ ਕਰਨ ਦਾ ਕੀਤਾ ਐਲਾਨ
. . .  1 day ago
ਚੰਡੀਗੜ੍ਹ, 4 ਜੁਲਾਈ (ਵਿਕਰਮਜੀਤ ਮਾਨ) - ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਨੇ ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਸੂਬੇ 'ਚ ਯੂਨੀਵਰਸਿਟੀ ਤੇ ਕਾਲਜ ਪ੍ਰੀਖਿਆਵਾਂ ਰੱਦ ਕਰਨ ਦਾ ਐਲਾਨ ਕੀਤਾ ਹੈ। ਹਾਲਾਂਕਿ ਇਸ ਸਮੇਂ ਕੁੱਝ ਯੂਨੀਵਰਸਿਟੀਆਂ ਵੱਲੋਂ ਆਨਲਾਈਨ ਆਯੋਜਿਤ ਕੀਤੀਆਂ ਜਾ ਰਹੀਆਂ ਪ੍ਰੀਖਿਆਵਾਂ ਨਿਰਵਿਘਨ...
ਇਕਾਂਤਵਾਸ ਕੀਤੇ ਗਏ ਵਿਦੇਸ਼ੋਂ ਪਰਤੇ 25 ਲੋਕਾਂ ਲਈ ਪ੍ਰਸ਼ਾਸਨ ਨੇ ਨਹੀਂ ਕੀਤੇ ਪੁਖ਼ਤਾ ਪ੍ਰਬੰਧ
. . .  1 day ago
ਘੁਮਾਣ, 4 ਜੁਲਾਈ (ਬੰਮਰਾਹ) -ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਵਿਦੇਸ਼ਾਂ ਤੋਂ ਪੰਜਾਬ ਪਰਤਣ ਵਾਲੇ ਲੋਕਾਂ ਨੂੰ ਸਰਕਾਰ ਵੱਲੋਂ ਬਣਾਏ ਗਏ ਇਕਾਂਤਵਾਸ ਕੇਂਦਰਾਂ ਵਿਚ ਇਕਾਂਤਵਾਸ ਕੀਤਾ ਜਾ ਰਿਹਾ ਹੈ। ਬੀਤੀ 3 ਜੁਲਾਈ ਨੂੰ ਇੱਕ ਜਹਾਜ਼ ਰਾਹੀਂ ਵੱਖ ਵੱਖ ਮੁਲਕਾਂ ਤੋਂ ਅੰਮ੍ਰਿਤਸਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਪਹੁੰਚੇ 25 ਲੋਕਾਂ ਨੂੰ ਪ੍ਰਸ਼ਾਸਨ ਵੱਲੋਂ ਬਟਾਲਾ...
ਦਿਨ ਦਿਹਾੜੇ ਗੋਲੀਆਂ ਚਲਾ ਕੇ ਖੋਹੀ ਕਾਰ
. . .  1 day ago
ਤਲਵੰਡੀ ਭਾਈ, 4 ਜੁਲਾਈ (ਕੁਲਜਿੰਦਰ ਸਿੰਘ ਗਿੱਲ)- ਤਲਵੰਡੀ ਭਾਈ ਨੇੜੇ ਪਿੰਡ ਸਾਧੂ ਵਾਲਾ-ਹਰਾਜ ਦਰਮਿਆਨ ਕਾਰ ਸਵਾਰ ਲੁਟੇਰਿਆਂ ਵੱਲੋਂ ਪਿਸਤੌਲ ਦੀ ਨੋਕ 'ਤੇ ਵਰਨਾ ਕਾਰ ਖੋਹ ਲਏ ਜਾਣ ਦਾ ਸਮਾਚਾਰ ਹੈ। ਕਾਰ ਮਾਲਕ ਕਰਮਜੀਤ ਸਿੰਘ ਕਾਲਾ ਪੁੱਤਰ ਜਰਨੈਲ ਸਿੰਘ ਵਾਸੀ ਤਲਵੰਡੀ ਭਾਈ ਨੇ ਦੱਸਿਆ ਕਿ ਉਹ ਝੋਨੇ ਦੀ ਪਨੀਰੀ...
ਪੰਜਾਬ 'ਚ ਦਾਖਲ ਹੋਣ ਤੋਂ ਪਹਿਲਾ ਯਾਤਰੀਆਂ ਲਈ ਨਵੀਆਂ ਹਦਾਇਤਾਂ ਜਾਰੀ
. . .  1 day ago
ਚੰਡੀਗੜ੍ਹ, 4 ਜੁਲਾਈ - ਕੋਰੋਨਾ ਦੇ ਲਗਾਤਾਰ ਵੱਧ ਰਹੇ ਕੇਸਾਂ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਪੰਜਾਬ ਸਰਕਾਰ ਵਲੋਂ ਐਡਵਾਇਜ਼ਰੀ ਜਾਰੀ ਕੀਤੀ ਗਈ ਹੈ। ਜਿਸ ਤਹਿਤ 7-7-2020 ਤੋਂ ਜੋ ਵੀ ਵਿਅਕਤੀ ਰੋਡ, ਰੇਲ ਜਾਂ ਹਵਾਈ ਮਾਰਗ ਰਾਹੀਂ ਪੰਜਾਬ ਵਿਚ ਦਾਖਲ ਹੋਵੇਗਾ, ਉਸ ਨੂੰ ਅਗਲੇ...
ਇਕ ਕਿੱਲੋ ਹੈਰੋਇਨ ਤੇ ਡਰੱਗ ਮਨੀ ਸਮੇਤ ਦੋ ਗ੍ਰਿਫ਼ਤਾਰ
. . .  1 day ago
ਕਪੂਰਥਲਾ, 4 ਜੁਲਾਈ (ਅਮਰਜੀਤ ਸਿੰਘ ਸਡਾਨਾ)-ਸੀ.ਆਈ.ਏ. ਸਟਾਫ਼ ਦੀ ਪੁਲਿਸ ਪਾਰਟੀ ਨੇ ਦੋ ਨਸ਼ਾ ਤਸਕਰਾਂ ਨੂੰ ਜੈਪੁਰ, ਰਾਜਸਥਾਨ ਤੋਂ ਗ੍ਰਿਫ਼ਤਾਰ ਕਰਕੇ ਇਨ੍ਹਾਂ ਦੇ ਕਬਜ਼ੇ ਵਿਚੋਂ 1 ਕਿੱਲੋ ਹੈਰੋਇਨ ਤੇ 7 ਲੱਖ 20 ਹਜ਼ਾਰ ਰੁਪਏ ਦੀ ਡਰੱਗ ਮਨੀ ਬਰਾਮਦ ਕੀਤੀ ਹੈ। ਇਸ ਸਬੰਧੀ...
ਲੁਧਿਆਣਾ ਵਿਚ ਨਹੀਂ ਰੁਕ ਰਿਹਾ ਕੋਰੋਨਾ ਦਾ ਕਹਿਰ - 41 ਮਰੀਜ਼ ਹੋਰ ਸਾਹਮਣੇ ਆਏ
. . .  1 day ago
ਲੁਧਿਆਣਾ, 4 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਜਿਲ੍ਹਾ ਲੁਧਿਆਣਾ ਵਿਚ ਅੱਜ ਵੀ ਕੋਰੋਨਾ ਤੋਂ ਕੋਈ ਰਾਹਤ ਨਹੀਂ ਮਿਲੀ ਕਿਉਂਕਿ ਮਰੀਜ਼ਾਂ ਦਾ ਹਰ ਰੋਜ ਵੱਡੀ ਗਿਣਤੀ ਵਿਚ ਸਾਹਮਣੇ ਆਉਣਾ ਲਗਾਤਾਰ ਜਾਰੀ ਹੈ, ਜਿਸ ਕਰਕੇ ਲੋਕਾਂ ਵਿਚ ਸਹਿਮ ਦਾ ਮਾਹੌਲ ਪੈਦਾ ਹੋ ਗਿਆ ਹੈ ਕਿਉਂਕਿ...
ਦਿੱਲੀ ਗੁਰਦੁਆਰਾ ਕਮੇਟੀ ਸੋਮਵਾਰ ਤੋਂ 10 ਐਂਬੂਲੈਂਸਾਂ ਸ਼ੁਰੂ ਕਰੇਗੀ : ਸਿਰਸਾ, ਕਾਲਕਾ
. . .  1 day ago
ਨਵੀਂ ਦਿੱਲੀ, 4 ਜੁਲਾਈ - ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀ ਮਨਜਿੰਦਰ ਸਿੰਘ ਸਿਰਸਾ ਅਤੇ ਜਨਰਲ ਸਕੱਤਰ ਹਰਮੀਤ ਸਿੰਘ ਕਾਲਕਾ ਨੇ ਸੋਮਵਾਰ ਤੋਂ ਦਿੱਲੀ ਵਿਚ 10 ਐਂਬੂਲੈਂਸਾਂ ਸ਼ੁਰੂ ਕਰਨ ਅਤੇ ਗੁਰਦੁਆਰਾ ਬੰਗਲਾ ਸਾਹਿਬ ਵਿਖੇ 'ਬਾਲਾ ਪ੍ਰੀਤਮ ਦਵਾਖਾਨਾ...
ਜ਼ਿਲ੍ਹਾ ਕਪੂਰਥਲਾ ਵਿਚ 3 ਵਿਅਕਤੀ ਕੋਰੋਨਾ ਪਾਜ਼ੀਟਿਵ ਪਾਏ ਗਏ
. . .  1 day ago
ਕਪੂਰਥਲਾ, 4 ਜੁਲਾਈ (ਅਮਰਜੀਤ ਸਿੰਘ ਸਡਾਨਾ)-ਕਪੂਰਥਲਾ ਜ਼ਿਲ੍ਹੇ ਵਿਚ ਅੱਜ ਕੋਰੋਨਾ ਨਾਲ ਸਬੰਧਿਤ 3 ਨਵੇਂ ਕੇਸ ਪਾਜ਼ੀਟਿਵ ਪਾਏ ਗਏ ਹਨ। ਜਿਨ੍ਹਾਂ ਵਿਚੋਂ 1 ਕੇਸ ਫਗਵਾੜਾ ਨਾਲ ਸਬੰਧਿਤ ਹੈ ਤੇ ਦੋ ਕੇਸ ਕਪੂਰਥਲਾ ਨਾਲ ਸਬੰਧਿਤ ਹਨ। ਜਦਕਿ 555 ਸੈਂਪਲਾਂ ਦੀ ਰਿਪੋਰਟ...
ਗੁਰਦਾਸਪੁਰ ਜ਼ਿਲ੍ਹੇ ਨਾਲ ਸਬੰਧਿਤ ਕੋਰੋਨਾ ਦੇ 4 ਨਵੇਂ ਮਾਮਲੇ ਆਏ ਸਾਹਮਣੇ
. . .  1 day ago
ਗੁਰਦਾਸਪੁਰ, 4 ਜੁਲਾਈ (ਸੁਖਵੀਰ ਸਿੰਘ ਸੈਣੀ)-ਕੋਰੋਨਾ ਵਾਇਰਸ ਦੇ ਰੋਜ਼ਾਨਾ ਹੀ ਹੋ ਰਿਹਾ ਵਾਧਾ ਜਿੱਥੇ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਉੱਥੇ ਹੀ ਜ਼ਿਲ੍ਹਾ ਗੁਰਦਾਸਪੁਰ ਨਾਲ ਸਬੰਧਿਤ ਅੱਜ ਨਵੇਂ ਕੋਰੋਨਾ ਦੇ 4 ਮਾਮਲੇ ਸਾਹਮਣੇ ਆਏ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦੇ...
ਅਤਿ ਸੁਰੱਖਿਅਤ ਜੇਲ੍ਹ ਵਿੱਚ ਬੰਦੀ ਸਿੰਘਾਂ ਵੱਲੋਂ ਭੁੱਖ ਹੜਤਾਲ ਜਾਰੀ
. . .  1 day ago
ਨਾਭਾ, 4 ਜੁਲਾਈ (ਕਰਮਜੀਤ ਸਿੰਘ)- ਨਾਭਾ ਦੀ ਮੈਕਸੀਮਮ ਸਕਿਉਰਟੀ ਜੇਲ੍ਹ ਵਿੱਚ ਬੰਦ ਖਾੜਕੂ ਸਿੰਘਾਂ ਵੱਲੋਂ ਭੁੱਖ ਹੜਤਾਲ ਕੀਤੀ ਗਈ। ਦਰਅਸਲ ਪੂਰੇ ਮਾਮਲੇ ਮੁਤਾਬਿਕ ਜੇਲ੍ਹ ਪ੍ਰਸ਼ਾਸਨ ਵੱਲੋਂ ਪੰਜ ਖਾੜਕੂ ਸਿੰਘਾਂ ਨੂੰ ਪੰਜਾਬ ਦੀਆਂ ਵੱਖ ਵੱਖ ਜੇਲ੍ਹਾਂ ਵਿੱਚ ਸ਼ਿਫ਼ਟ ਕਰਨ ਤੇ ਤੇ ਜੇਲ੍ਹ...
ਕਬਾੜ ਦੀ ਦੁਕਾਨ ਦੇ ਬਾਹਰ ਕੰਮ ਕਰ ਰਹੇ 3 ਨੌਜਵਾਨਾਂ ਨੂੰ ਬੇਕਾਬੂ ਕਾਰ ਨੇ ਦਰੜਿਆ
. . .  1 day ago
ਕੀਰਤਪੁਰ ਸਾਹਿਬ/ਬੁੰਗਾ ਸਾਹਿਬ, 4 ਜੁਲਾਈ (ਬੀਰਅੰਮ੍ਰਿਤਪਾਲ ਸਿੰਘ ਸੰਨੀ, ਸੁਖਚੈਨ ਸਿੰਘ ਰਾਣਾ) - ਅੱਜ ਸ੍ਰੀ ਅਨੰਦਪੁਰ ਸਾਹਿਬ-ਕੀਰਤਪੁਰ ਸਾਹਿਬ ਮੁੱਖ ਮਾਰਗ 'ਤੇ ਪਿੰਡ ਭਗਵਾਲਾ ਨੇੜੇ ਵਾਪਰੇ ਦਰਦਨਾਕ ਸੜਕ ਹਾਦਸੇ 'ਚ ਇਕ ਬੇਕਾਬੂ ਕਾਰ ਨੇ ਕਬਾੜ ਦੀ ਦੁਕਾਨ 'ਤੇ ਕੰਮ...
ਅੰਮ੍ਰਿਤਸਰ 'ਚ 14 ਕੋਰੋਨਾ ਮਰੀਜ਼ ਆਏ ਸਾਹਮਣੇ
. . .  1 day ago
ਅੰਮ੍ਰਿਤਸਰ, 4 ਜੁਲਾਈ (ਰੇਸ਼ਮ ਸਿੰਘ) - ਅੰਮ੍ਰਿਤਸਰ ਵਿਚ ਅੱਜ 14 ਕੋਰੋਨਾ ਪਾਜ਼ੀਟਿਵ ਕੇਸ ਰਿਪੋਰਟ ਹੋਏ ਹਨ। ਇਸ ਤਰ੍ਹਾਂ ਪਾਜ਼ੀਟਿਵ ਕੇਸਾਂ ਦੀ ਕੁੱਲ ਗਿਣਤੀ 996 ਹੋਈ ਹੈ। ਡਿਸਚਾਰਜ ਕੇਸ 807, ਦਾਖਲ 93, ਹੋਮ ਆਈਸੋਲੇਸ਼ਨ 50 ਤੇ 47...
ਪਠਾਨਕੋਟ ਵਿੱਚ 4 ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  1 day ago
ਪਠਾਨਕੋਟ 4 ਜੁਲਾਈ (ਆਸ਼ੀਸ਼ ਸ਼ਰਮਾ , ਸੰਧੂ ,ਚੌਹਾਨ ) ਜ਼ਿਲ੍ਹਾ ਪਠਾਨਕੋਟ ਵਿੱਚ ਅੱਜ 1 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਕੀਤੀ ਗਈ ਹੈ ਇਸ ਦੀ ਪੁਸ਼ਟੀ ਸਿਵਲ ਸਰਜਨ ਡਾਕਟਰ ਭੁਪਿੰਦਰ ਸਿੰਘ ਨੇ ਕੀਤੀ ਉਨ੍ਹਾਂ ਦੱਸਿਆ ਕਿ ਜੋ ਹੋਰ 1 ਕੋਰੋਨਾ ਦੇ ਮਰੀਜ਼ ਮਿਿਲਆ ਹੈ ਉਨ੍ਹਾਂ...
ਸਰਕਾਰੀ ਹਸਪਤਾਲ ਚੋਂ' ਅਮਲੀਆਂ ਨੂੰ ਗੋਲੀਆਂ ਨਾ ਮਿਲਣ ਕਾਰਨ ਸਰਕਾਰ ਦਾ ਪਿੱਟ ਸਿਆਪਾ
. . .  1 day ago
ਲੌਂਗੋਵਾਲ, 4 ਜੁਲਾਈ (ਸ.ਸ.ਖੰਨਾ,ਵਿਨੋਦ) ਦੇਸ਼ ਭਗਤ ਮਾਤਾ ਧਰਮ ਕੌਰ ਸਰਕਾਰੀ ਹਸਪਤਾਲ ਲੌਂਗੋਵਾਲ ਵਿਖੇ ਨਸ਼ਾ ਛੁਡਾਊ ਦਵਾਈ ਨਾ ਮਿਲਣ ਦੇ ਰੋਸ ਵਜੋਂ ਅੱਜ ਫਿਰ ਇਲਾਕੇ ਦੇ ਅਮਲੀਆਂ ਵਲੋਂ ਹਸਪਤਾਲ ਅੱਗੇ ਪੰਜਾਬ ਸਰਕਾਰ ਦਾ ਪਿੱਟ ਸਿਆਪਾ ਕੀਤਾ ਗਿਆ। ਰੋਸ...
ਤਪਾ ਬਲਾਕ ਅਧੀਨ ਆਉਦੇ ਪਿੰਡ ਟੱਲੇਵਾਲ ਦੇ ਇਕ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  1 day ago
ਤਪਾ ਮੰਡੀ, 4 ਜੁਲਾਈ (ਵਿਜੇ ਸ਼ਰਮਾ, ਸੋਨੀ ਚੀਮਾ)- ਬਰਨਾਲਾ ਜ਼ਿਲੇ 'ਚ ਕੋਰੋਨਾ ਪਾਜੋਟਿਵ ਮਰੀਜ਼ਾਂ ਦੀ ਗਿਣਤੀ 'ਚ ਵਾਧ ਹੋ ਰਿਹਾ ਹੈ , ਇਸ ਲੜੀ ਤਹਿਤ ਪਿੰਡ ਟੱਲੇਵਾਲ ਦਾ 29 ਸਾਲ ਦੇ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ਪਾਜੀਟਿਵ ਆਉਣ ਸਬੰਧੀ ਖ਼ਬਰ ਮਿਲੀ ਹੈ , ਸਿਵਲ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਹਨੇਰੇ ਉਤੇ ਜਿੱਤ ਦੀ ਗਾਥਾ

ਹੈਲੇਨ ਕੇਲਰ

ਹੈਲੇਰ ਕੇਲਰ ਦਾ ਜਨਮ 27 ਜੂਨ, 1880 ਈ: ਨੂੰ ਅਮਰੀਕਾ ਦੇ ਐਲਬਾਮਾ ਸੂਬੇ ਵਿਚ ਹੋਇਆ. ਉਸ ਦੇ ਪਿਤਾ ਅਮਰੀਕੀ ਗ੍ਰਹਿ ਯੁੱਧ ਵੇਲੇ ਫ਼ੌਜੀ ਅਫਸਰ ਰਹੇ ਸਨ ਅਤੇ ਪਿਛੋਂ ਇਕ ਸਪਤਾਹਿਕ ਅਖ਼ਬਾਰ ਦੇ ਸੰਪਾਦਕ ਬਣੇ। 19ਵੀਂ ਸਦੀ ਦੇ ਇਸ ਸਮਾਪਤੀ ਕਾਲ ਵਿਚ ਅਮਰੀਕੀ ਸਮਾਜ ਨਵੀਆਂ ਅੰਗੜਾਈਆਂ ਲੈ ਰਿਹਾ ਸੀ। ਨਾਰੀ ਜਾਗ੍ਰਿਤੀ ਅਤੇ ਇਸਤਰੀ ਸਸ਼ਕਤੀਕਰਨ ਜਿਹੇ ਵਿਚਾਰਾਂ ਲਈ ਫ਼ਿਜ਼ਾ ਬਣ ਰਹੀ ਸੀ ਅਤੇ ਪਰੰਪਰਾਗਤ ਦਕੀਆਨੂਸੀ ਧਾਰਨਾਵਾਂ ਦੀਆਂ ਚੂਲਾਂ ਹਿੱਲ ਰਹੀਆਂ ਸਨ। ਲੜਕੀਆਂ ਦੀ ਵਿੱਦਿਆ ਲਈ ਸਕੂਲ ਖੁੱਲ੍ਹ ਰਹੇ ਸਨ।
ਕੇਲਰ ਪਰਿਵਾਰ ਦੀਆਂ ਦੋ ਬੇਟੀਆਂ ਵਿਚੋਂ ਹੈਲੇਨ ਵੱਡੀ ਸੀ। ਜਮਾਂਦਰੂ ਤੌਰ 'ਤੇ ਹੈਲੇਨ ਜਿਗਿਆਸਾ ਅਤੇ ਭਾਵ ਸੰਚਾਰ ਜਿਹੇ ਬਾਹਰਮੁਖੀ ਗੁਣ ਲੈ ਕੇ ਪੈਦਾ ਹੋਈ ਸੀ। ਸਭ ਕੁਝ ਠੀਕ ਚੱਲ ਰਿਹਾ ਸੀ। ਪਰ ਪੌਣੇ ਦੋ ਵਰ੍ਹੇ ਦੀ ਉਮਰ ਵਿਚ ਹੈਲੇਨ ਅਚਾਨਕ ਇਕ ਅਗਿਆਤ ਦਿਮਾਗੀ ਬੁਖਾਰ ਦੀ ਲਪੇਟ ਵਿਚ ਆ ਗਈ। ਕੁਝ ਦਿਨਾਂ ਦੇ ਅੰਦਰ ਹੀ ਉਸ ਦੀ ਮਾਂ ਕੈਥਰੀਨ ਨੇ ਤਾੜ ਲਿਆ ਕਿ ਇਸ ਬਿਮਾਰੀ ਕਾਰਨ ਉਨ੍ਹਾਂ ਦੀ ਲਾਡਲੀ ਬੇਟੀ ਆਪਣੀਆਂ ਦੋਵੇਂ ਅੱਖਾਂ ਦੀ ਰੌਸ਼ਨੀ ਤੋਂ ਵਾਂਝੀ ਹੋ ਚੁੱਕੀ ਹੈ ਅਤੇ ਉਸ ਦੀ ਸੁਣਨ ਸਮਰੱਥਾ ਵੀ ਜਾਂਦੀ ਰਹੀ ਹੈ। ਜੋ ਕਿ ਪਰਿਵਾਰ ਲਈ ਇਹ ਬਹੁਤ ਪੀੜਾਦਾਇਕ ਸਥਿਤੀ ਸੀ।
ਹੈਲੇਨ ਦੀ ਪ੍ਰਤਿਭਾ ਅਦਭੁਤ ਸੀ। ਅੱਖਾਂ ਅਤੇ ਕੰਨਾਂ ਰੂਪੀ ਗਿਆਨ ਇੰਦਰੀਆਂ 'ਤੇ ਜਿੰਦਰੇ ਪੈਣ ਦੇ ਬਾਵਜੂਦ ਉਸ ਨੇ ਅਗਲੇ ਚਾਰ ਸਾਲਾਂ ਦੌਰਾਨ ਪਰਿਵਾਰਕ ਸੇਵਾਦਾਰਨੀ ਦੀ ਹਮਉਮਰ ਬੇਟੀ ਨਾਲ ਸਹੇਲਪੁਣਾ ਰੱਖਿਆ। ਇਸ ਦੌਰਾਨ ਦੋਵਾਂ ਵਿਚਕਾਰ ਸੰਵਾਦ ਹਿੱਤ ਸੱਠ ਕੁ ਸੰਕੇਤ ਚਿੰਨ੍ਹ ਵਿਕਸਿਤ ਹੋ ਗਏ ਸਨ। ਹੈਲੇਨ ਆਪਣੇ ਪਰਿਵੇਸ਼ ਨੂੰ ਜਾਨਣ ਲਈ ਤੀਬਰ ਵਿਆਕੁਲਤਾ ਨਾਲ ਭਰੀ ਹੋਈ ਸੀ ਪਰ ਸਰੀਰਕ ਅਸਮਰੱਥਾਵਾਂ ਉਸ ਦੇ ਉਦੇਸ਼ ਵਿਚ ਵੱਡੀਆਂ ਰੋਕਾਂ ਸਨ। ਸਿੱਟਾ ਇਹ ਹੋਇਆ ਕਿ ਉਹ ਅਕਸਰ ਖਿਝ ਜਾਂਦੀ ਅਤੇ ਆਪਣਾ ਗੁੱਸਾ ਚੀਖ-ਚਿਹਾੜੇ, ਤੋੜ-ਫੋੜ ਦੇ ਰੂਪ ਵਿਚ ਪ੍ਰਗਟ ਕਰ ਦਿੰਦੀ। ਇਸ ਨਾਲ ਕੇਲਰ ਦੰਪਤੀ ਦਾ ਚਿੰਤਤ ਹੋਣਾ ਸੁਭਾਵਿਕ ਸੀ। ਪਰਿਵਾਰ ਦੇ ਸ਼ੁਭਚਿੰਤਕਾਂ ਨੇ ਹੈਲੇਨ ਨੂੰ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੀ ਕਿਸੇ ਸੰਸਥਾ ਵਿਚ ਦਾਖਲ ਕਰਨ ਦਾ ਸੁਝਾਅ ਦਿੱਤਾ। ਇਸੇ ਦੌਰਾਨ ਦੁਖੀ ਮਾਂ ਦੇ ਰੂਪ ਵਿਚ ਸ੍ਰੀਮਤੀ ਕੇਲਰ ਆਪਣੀ ਬੱਚੀ ਲਈ ਸਹੇਲੀਆਂ ਪਾਸੋਂ ਰਾਹ ਲੱਭਦੀ ਰਹਿੰਦੀ। ਉਸ ਨੇ ਚਾਰਲਸ ਡਿਕੇਨਜ਼ ਦੇ ਇਕ ਯਾਤਰਾ ਬਿਰਤਾਂਤ ਵਿਚ ਕਿਸੇ ਗੂੰਗੇ ਬੋਲੇ ਬੱਚੇ ਦੇ ਸੁਧਾਰ ਬਾਬਤ ਵੀ ਪੜ੍ਹਿਆ। ਮਨ ਅੰਦਰ ਆਸ ਦੀ ਕਿਰਨ ਜਾਗੀ। ਉਸ ਨੇ ਹੈਲੇਨ ਲਈ ਮਾਹਰ ਡਾਕਟਰ ਦੀ ਰਾਇ ਲੈਣ ਬਾਰੇ ਸੋਚਿਆ। ਸੋ ਹੈਲੇਨ ਨੂੰ ਨਾਲ ਲੈ ਕੇ ਮਿਸਟਰ ਆਰਥਰ ਬਾਲਟੀਮੋਰ ਸ਼ਹਿਰ ਦੇ ਡਾ: ਜੂਲੀਅਨ ਨੂੰ ਮਿਲੇ। ਜਾਂਚ ਪੜਤਾਲ ਉਪਰੰਤ ਡਾਕਟਰ ਨੇ ਉਨ੍ਹਾਂ ਨੂੰ ਪ੍ਰਸਿੱਧ ਵਿਗਿਆਨੀ ਗ੍ਰਾਹਮ ਬੈਲ ਪਾਸ ਜਾਣ ਦਾ ਸੁਝਾਅ ਦਿੱਤਾ। ਬੈੱਲ ਨੇ ਟੈਲੀਫੋਨ ਦੀ ਕਾਢ ਰਾਹੀਂ ਪ੍ਰਸਿੱਧੀ ਖੱਟੀ ਸੀ। ਕਿਸੇ ਵਿਸ਼ੇਸ਼ ਸੁਨਣ ਯੰਤਰ ਦੀ ਆਸ ਨਾਲ ਕੇਲਰ ਦੰਪਤੀ ਨੇ ਇਸ ਮਹਾਨ ਵਿਗਿਆਨੀ ਨੂੰ ਮਿਲਣ ਦਾ ਮਨ ਬਣਾਇਆ। ਉਥੇ ਜਾ ਕੇ ਵਿਚਾਰ-ਵਟਾਂਦਰੇ ਉਪਰੰਤ ਇਹ ਤੈਅ ਹੋਇਆ ਕਿ ਹੈਲੇਨ ਨੂੰ ਬੋਸਟਨ ਸ਼ਹਿਰ ਦੇ ਪਾਰਕਿੰਜ ਇੰਸਟੀਚਿਊਟ ਵਿਚ ਦਾਖਲ ਕਰਵਾਉਣਾ ਵਧੇਰੇ ਉਚਿਤ ਹੋਵੇਗਾ। ਇਹ ਸੰਸਥਾਨ ਅੰਨ੍ਹੇ ਬੱਚਿਆਂ ਦੀ ਸਿੱਖਿਆ ਨਾਲ ਸੰਬੰਧਿਤ ਸੀ। ਸੋ, ਉਨ੍ਹਾਂ ਬੋਸਟਨ ਦਾ ਰੁਖ਼ ਕੀਤਾ। ਸੰਸਥਾ ਦੇ ਡਾਇਰੈਕਟਰ ਨਾਲ ਮੁਲਾਕਾਤ ਹੋਈ। ਹੈਲੇਨ ਦੀਆਂ ਸੰਭਾਵਨਾਵਾਂ ਨੂੰ ਤਾੜਦੇ ਹੋਏ ਡਾਇਰੈਕਟਰ ਨੇ ਘਰ ਵਿਖੇ ਹੀ ਉਸ ਲਈ ਵਿਸ਼ੇਸ਼ ਟਿਊਟਰ ਰੱਖੇ ਜਾਣ ਦਾ ਸੁਝਾਅ ਦਿੱਤਾ।
(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-ਮੋਬਾਈਲ : 94634-87007.


ਖ਼ਬਰ ਸ਼ੇਅਰ ਕਰੋ

ਬਾਲ ਕਹਾਣੀ

ਬੱਚੇ ਅਤੇ ਪੰਛੀ

ਸਕੂਲ ਬੰਦ ਹੋਣ ਕਾਰਨ ਬੱਚਿਆਂ ਕੋਲ ਹੁਣ ਕਾਫ਼ੀ ਸਮਾਂ ਹੁੰਦਾ ਸੀ। ਉਹ ਸਵੇਰੇ ਸੁਵਖਤੇ ਉੱਠ ਕੇ ਘਰ ਦੇ ਵਿਹੜੇ ਦੀ ਠੰਢੀ ਹਵਾ ਵਿਚ ਬੈਠ ਜਾਂਦੇ। ਕਦੇ-ਕਦੇ ਉਨ੍ਹਾਂ ਦਾ ਧਿਆਨ ਅਸਮਾਨ ਦੇ ਉੱਡਦੇ ਪੰਛੀਆਂ ਵੱਲ ਚਲਾ ਜਾਂਦਾ। ਇਕ ਦਿਨ ਹਰੀ ਨੂੰ ਆਪਣੇ ਘਰ ਦੇ ਵਿਹੜੇ ਵਿਚ ਮੰਜੇ 'ਤੇ ਬੈਠਿਆਂ ਯਾਦ ਆਇਆ ਕਿ ਉਨ੍ਹਾਂ ਦੇ ਪੰਜਾਬੀ ਅਧਿਆਪਕ ਨੇ ਉਨ੍ਹਾਂ ਨੂੰ ਪਿਛਲੀ ਜਮਾਤ ਵਿਚ ਪੰਛੀਆਂ ਨਾਲ ਦੋਸਤੀ ਦਾ ਪਾਠ ਪੜ੍ਹਾਇਆ ਸੀ। ਉਸ ਪਾਠ ਵਿਚ ਬੱਚੇ ਪੰਛੀਆਂ ਨੂੰ ਆਪਣੇ ਦੋਸਤ ਬਣਾਉਣ ਲਈ ਆਪਣੇ ਘਰ ਦੀ ਛੱਤ ਉੱਤੇ ਚੜ੍ਹ ਕੇ ਪੰਛੀਆਂ ਨੂੰ ਦਾਣਾ, ਰੋਟੀ ਦੇ ਟੁਕੜੇ ਅਤੇ ਹੋਰ ਕਈ ਕੁਝ ਪਾਉਂਦੇ। ਹੌਲੀ-ਹੌਲੀ ਪੰਛੀ ਉਨ੍ਹਾਂ ਦੇ ਮਿੱਤਰ ਬਣ ਗਏ। ਉਨ੍ਹਾਂ ਦੇ ਘਰ ਦੇ ਬਨੇਰੇ ਉਨ੍ਹਾਂ ਦੀ ਬੈਠਣ ਦੀ ਥਾਂ ਬਣਨ ਲੱਗ ਪਈ। ਲੰਬਾ ਸਮਾਂ ਬੈਠਣ ਕਾਰਨ ਉਨ੍ਹਾਂ ਦੀ ਦੋਸਤੀ ਗੂੜ੍ਹੀ ਹੋ ਗਈ। ਉਹ ਇਕ ਦੂਜੇ ਨਾਲ ਕਾਫ਼ੀ ਘੁਲ-ਮਿਲ ਗਏ। ਉਹ ਇਕ-ਦੂਜੇ ਨਾਲ ਗੱਲਾਂ ਵੀ ਕਰਨ ਲੱਗ ਪਏ। ਇਕ ਦਿਨ ਹਰੀ ਨੇ ਆਪਣੀ ਭੈਣ ਪੂਜਾ ਅਤੇ ਭਰਾ ਪਰਮੀਤ ਨੂੰ ਉਸ ਕਹਾਣੀ ਬਾਰੇ ਦੱਸ ਕੇ ਪੰਛੀਆਂ ਨਾਲ ਦੋਸਤੀ ਪਾਉਣ ਦੀ ਗੱਲ ਕਹੀ। ਪੂਜਾ ਅਤੇ ਪਰਨੀਤ ਉਸ ਨਾਲ ਸਹਿਮਤ ਹੋ ਗਏ। ਹਰੀ ਆਪਣੀ ਕਿਤਾਬ ਦੀ ਕਹਾਣੀ ਵਾਂਗ ਦਾਣੇ ਅਤੇ ਰੋਟੀ ਦੇ ਟੁਕੜੇ ਲੈ ਕੇ ਉਨ੍ਹਾਂ ਦੋਹਾਂ ਨਾਲ ਆਪਣੇ ਘਰ ਦੀ ਛੱਤ ਉੱਤੇ ਚੜ੍ਹ ਕੇ ਕਾਫ਼ੀ ਸਮੇਂ ਤੱਕ ਬੁਲਾਉਂਦਾ ਰਹਿੰਦਾ। ਕਾਫੀ ਦਿਨਾਂ ਤੱਕ ਉਹ ਪੰਛੀਆਂ ਨੂੰ ਆਪਣੇ ਕੋਠੇ ਉੱਤੇ ਬੁਲਾਉਂਦਾ ਰਿਹਾ ਪਰ ਇਕ ਵੀ ਪੰਛੀ ਉਨ੍ਹਾਂ ਦੀ ਛੱਤ 'ਤੇ ਨਾ ਆਇਆ। ਉਹ ਥੱਕ ਹਾਰ ਕੇ ਆਪਣੇ ਨਾਲ ਲੈ ਗਏ ਦਾਣੇ ਅਤੇ ਰੋਟੀ ਦੇ ਟੁਕੜੇ ਛੱਤ ਉੱਤੇ ਹੀ ਖਿਲਾਰ ਆਉਂਦੇ। ਦੂਜੇ ਦਿਨ ਉਹ ਛੱਤ ਉੱਤੇ ਜਾ ਕੇ ਦਾਣੇ ਅਤੇ ਰੋਟੀ ਦੇ ਟੁਕੜੇ ਉਵੇਂ ਹੀ ਪਏ ਹੁੰਦੇ। ਕੁਝ ਦਿਨ ਇਸ ਤਰ੍ਹਾਂ ਕਰਨ ਤੋਂ ਬਾਅਦ ਵੀ ਕੋਈ ਵੀ ਪੰਛੀ ਨਾ ਉਨ੍ਹਾਂ ਦਾ ਦਾਣਾ ਖਾਣ ਆਇਆ ਤੇ ਨਾ ਹੀ ਮਿੱਤਰ ਬਣਿਆ।
ਬੱਚਿਓ, ਤੁਸੀਂ ਤਾਂ ਬਹੁਤ ਛੇਤੀ ਹੌਂਸਲਾ ਛੱਡ ਗਏ। ਅਜੇ ਪੰਛੀਆਂ ਨਾਲ ਤੁਹਾਡੀ ਨੇੜਤਾ ਨਹੀਂ ਬਣੀ। ਅਜੇ ਉਨ੍ਹਾਂ ਦੇ ਮਨਾਂ ਵਿਚ ਇਹ ਡਰ ਹੈ ਕਿ ਤੁਸੀਂ ਉਨ੍ਹਾਂ ਨੂੰ ਫੜ ਨਾ ਲਓ। ਜਦੋਂ ਤੁਸੀਂ ਉਨ੍ਹਾਂ ਦਾ ਵਿਸ਼ਵਾਸ ਜਿੱਤ ਲਵੋਗੇ, ਉਸ ਦਿਨ ਤੋਂ ਹੀ ਉਹ ਤੁਹਾਡੇ ਮਿੱਤਰ ਬਣ ਜਾਣਗੇ।

-ਮਾਧਵ ਨਗਰ, ਨੰਗਲ ਟਾਊਨਸ਼ਿੱਪ
ਮੋਬਾਈਲ : 98726-27136

ਸੁਰੀਲੀ ਆਵਾਜ਼ ਵਾਲਾ ਪੰਛੀ ਪਪੀਹਾ

ਬਹੁਤ ਹੀ ਸੁਰੀਲੀ, ਉੱਚੀ ਤੇ ਬਾਰੀਕ ਆਵਾਜ਼ ਕੱਢਣ ਵਾਲਾ ਇਕ ਕਬੂਤਰ ਦੇ ਆਕਾਰ ਜਿੱਡਾ ਪੰਛੀ ਹੈ ਪਪੀਹਾ। ਜਦੋਂ ਬਰਸਾਤ ਦਾ ਮੌਸਮ ਹੁੰਦਾ ਹੈ ਉਦੋਂ ਪਪੀਹਾ ਪੰਜਾਬ ਆਉਂਦਾ ਹੈ ਤੇ ਕਿਸੇ ਰੁੱਖ 'ਤੇ ਬੈਠ ਕੇ ਬਹੁਤ ਹੀ ਸੁਰੀਲੀ ਆਵਾਜ਼ 'ਚ ਗਾਉਂਦਾ ਹੈ। ਭਾਰਤ ਵਿਚ ਤਿੰਨ ਤਰ੍ਹਾਂ ਦੇ ਪਪੀਹੇ ਪਾਏ ਜਾਂਦੇ ਹਨ। ਪਪੀਹੇ ਨੂੰ ਅੰਗਰੇਜ਼ੀ ਵਿਚ 'ਕਾਮਨ ਹਾਕ ਕੁੱਕੂ' ਜਾਂ 'ਬਰੇਨ ਫੀਵਰ ਬਰਡ' ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ। ਭਾਰਤੀ ਇਸ ਪੰਛੀ ਦੀ ਆਵਾਜ਼ ਨੂੰ ਸੁਰੀਲੀ ਤੇ ਪਿਆਰ ਦਾ ਪ੍ਰਤੀਕ ਮੰਨਦੇ ਹਨ ਪਰ ਅੰਗਰੇਜ਼ ਇਸ ਪੰਛੀ ਦੀ ਆਵਾਜ਼ ਨੂੰ ਦਿਮਾਗ਼ੀ ਬੁਖਾਰ ਹੋਣਾ ਮੰਨਦੇ ਹਨ।
ਪਪੀਹਾ ਵੇਖਣ, ਉੱਡਣ 'ਤੇ ਬੈਠਣ ਵਿਚ ਬਿਲਕੁਲ ਸ਼ਿਕਰੇ ਵਰਗਾ ਲਗਦਾ ਹੈ। ਇਸ ਦੀਆਂ ਅੱਖਾਂ ਤੇ ਪਲਕਾਂ ਪੀਲੀਆਂ ਹੁੰਦੀਆਂ ਹਨ ਅਤੇ ਸਰੀਰ ਦਾ ਉੱਪਰਲਾ ਹਿੱਸਾ ਹਲਕਾ ਭੂਰੇ ਰੰਗ ਦਾ ਹੁੰਦਾ ਹੈ। ਠੋਡੀ, ਗਲਾ ਤੇ ਢਿੱਡ ਚਿੱਟਾ ਹੁੰਦਾ ਹੈ। ਪੂਛ ਤੇ ਖੰਭਾਂ ਤੇ ਗਾਚਨੀ ਪੱਟੀਆਂ ਹੁੰਦੀਆਂ ਹਨ। ਇਸ ਦੀ ਸਿੱਧੀ ਚੁੰਝ ਅਤੇ ਪੈਰ ਉੱਪਰੋਂ ਥੋੜ੍ਹੇ ਹਰੇ ਤੇ ਪੀਲੇ ਰੰਗ ਦੇ ਹੁੰਦੇ ਹਨ। ਨਰ ਅਤੇ ਮਾਦਾ ਦੇਖਣ ਵਿਚ ਇਕੋ ਜਿਹੇ ਹੀ ਲਗਦੇ ਹਨ। ਪਪੀਹਾ ਆਪਣੀ ਖੁਰਾਕ ਵਿਚ ਫਲ, ਸੁੰਡੀਆਂ, ਕੀੜੇ-ਮਕੌੜੇ, ਡੱਡੂ ਖਾਣਾ ਜ਼ਿਆਦਾ ਪਸੰਦ ਕਰਦਾ ਹੈ। ਉੱਡਣ 'ਚ ਥੋੜ੍ਹਾ ਕਮਜ਼ੋਰ ਹੋਣ ਕਰਕੇ ਪਪੀਹਾ ਜ਼ਿਆਦਾ ਸਮਾਂ ਰੁੱਖਾਂ 'ਤੇ ਹੀ ਬਿਤਾਉਂਦਾ ਹੈ।
ਪਪੀਹਾ ਲਈ ਬਰਸਾਤ ਦਾ ਮੌਸਮ ਸੰਤਾਨ ਪੈਦਾ ਕਰਨ ਲਈ ਸਭ ਤੋਂ ਵਧੀਆ ਮੌਸਮ ਹੁੰਦਾ ਹੈ ਜਿਸ ਸਮੇਂ ਨਰ ਤੇ ਮਾਦਾ ਉੱਚੀ ਆਵਾਜ਼ 'ਚ ਗਾਉਂਦੇ ਤੇ ਰੌਲਾ ਪਾਉਂਦੇ ਹਨ। ਸਦਾ ਹੀ ਰੁੱਖਾਂ ਤੇ ਰਹਿਣ ਵਾਲਾ ਇਹ ਪੰਛੀ ਨਾ ਹੀ ਆਪਣਾ ਆਲ੍ਹਣਾ ਬਣਾਉਂਦਾ ਹੈ ਤੇ ਨਾ ਹੀ ਆਪਣੇ ਬੱਚੇ ਪਾਲਦਾ ਹੈ। ਮਾਰਚ ਤੋਂ ਜੂਨ ਵਿਚਕਾਰ ਪ੍ਰਜਣਨ ਸਮੇਂ ਮਾਦਾ ਪਪੀਹਾ ਆਮ ਤੌਰ 'ਤੇ ਬੈਬਲਰ ਦੇ ਆਲ੍ਹਣੇ ਵਿਚ ਨੀਲੇ ਰੰਗ ਦੇ ਆਂਡੇ ਦਿੰਦੀ ਹੈ। ਪਪੀਹੇ ਦੇ ਬੱਚੇ ਛੇਤੀ ਜਵਾਨ ਹੋ ਜਾਂਦੇ ਹਨ।
ਪਪੀਹੇ, ਬਬੀਹਾ ਅਤੇ ਚਾਤ੍ਰਿਕ ਨਾਂਅ ਨਾਲ ਵੀ ਇਸ ਪੰਛੀ ਦਾ ਜ਼ਿਕਰ ਗੁਰਬਾਣੀ ਵਿਚ ਆਇਆ ਹੈ। ਇਸ ਦਾ ਪੰਛੀ ਦਾ ਜ਼ਿਕਰ ਸਾਡੇ ਧਾਰਮਿਕ ਗ੍ਰੰਥਾਂ, ਸੱਭਿਆਚਾਰ, ਲੋਕ ਗੀਤਾਂ, ਫ਼ਿਲਮਾਂ ਤੇ ਸਾਹਿਤ 'ਚ ਵੀ ਆਇਆ ਹੈ। ਹਰੇਕ ਵਿਆਹਾਂ-ਸ਼ਾਦੀਆਂ ਮੌਕੇ ਔਰਤਾਂ ਸਿੱਠਣੀਆਂ ਜਾਂ ਗੀਤਾਂ 'ਚ ਬੰਬੀਹਾ ਜ਼ਰੂਰ ਬੁਲਾਉਂਦੀਆਂ ਹਨ-ਬੋਲੇ ਨੀਂ ਬੰਬੀਬਾ ਬੋਲੇ...।

-ਪਿੰਡ ਸੋਹੀਆਂ, ਡਾਕ: ਚੀਮਾ ਖੁੱਡੀ,
ਜ਼ਿਲ੍ਹਾ ਗੁਰਦਾਸਪੁਰ।

ਬਾਲ ਨਾਵਲ-32

ਨਾਨਕਿਆਂ ਦਾ ਪਿੰਡ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
ਨਾਨਾ ਜੀ, ਬੱਚਿਆਂ ਦੀ ਨਬਜ਼ ਪਛਾਣਦੇ ਸਨ। ਉਨ੍ਹਾਂ ਨੇ ਨਾਨੀ ਜੀ ਨੂੰ ਕਿਹਾ, 'ਮੈਂ ਮੂੰਹ-ਹੱਥ ਬਾਅਦ ਵਿਚ ਧੋਵਾਂਗਾ, ਤੂੰ ਮੈਨੂੰ ਚਾਹ ਦਾ ਕੱਪ ਐਥੇ ਈ ਫੜਾ ਦੇ।' ਇਹ ਕਹਿੰਦਿਆਂ ਉਹ ਬੱਚਿਆਂ ਨੂੰ ਕਹਿਣ ਲੱਗੇ, 'ਸੁਣਾਓ ਬਈ ਬੱਚਿਓ, ਅੱਜ ਸਾਰਾ ਦਿਨ ਕੀ ਕੁਝ ਕੀਤਾ?'
'ਇਹੋ ਹੀ ਤਾਂ ਦੱਸਣ ਲਈ ਅਸੀਂ ਤੁਹਾਨੂੰ ਕਦੋਂ ਦੇ ਉਡੀਕ ਰਹੇ ਸਾਂ', ਸੁਖਮਨੀ ਨੇ ਕਿਹਾ।
'ਹੁਣ ਆਰਾਮ ਨਾਲ ਸਾਰੀ ਗੱਲ ਦੱਸੋ।'
'ਅਸੀਂ ਸਵੇਰੇ ਉੱਠ ਕੇ ਨਹਾ ਧੋ ਕੇ ਨਾਸ਼ਤਾ ਕੀਤਾ। ਫੇਰ ਅਸੀਂ ਸਾਰਿਆਂ ਨੇ ਇਕ ਘੰਟਾ ਪੜ੍ਹਾਈ ਕੀਤੀ ਅਤੇ ਇਕ ਘੰਟਾ ਹੋਮ ਵਰਕ ਕੀਤਾ....।' ਜੀਤੀ ਨੇ ਬੜੇ ਉਤਸ਼ਾਹ ਨਾਲ ਦੱਸਿਆ।
'ਬਸ ਸਿਰਫ਼ ਇਕ ਘੰਟਾ ਪੜ੍ਹਾਈ ਅਤੇ ਇਕ ਘੰਟਾ ਹੋਮ ਵਰਕ ਕੀਤਾ?'
'ਅਸੀਂ, ਨਾਨਾ ਜੀ ਹੌਲੀ-ਹੌਲੀ ਜ਼ਿਆਦਾ ਘੰਟੇ ਪੜ੍ਹਾਂਗੇ। ਅੱਜ ਤੇ ਸਾਡਾ ਪਹਿਲਾ ਦਿਨ ਹੀ ਸੀ ਨਾ', ਸੁਖਮਨੀ ਨੇ ਸਫ਼ਾਈ ਦਿੱਤੀ।
'ਉਸ ਤੋਂ ਬਾਅਦ ਅਸੀਂ ਬਾਹਰ ਵਿਹੜੇ ਵਿਚ ਆ ਗਏ। ਉਥੇ ਨਿੰਮ ਦੇ ਦਰੱਖ਼ਤ ਥੱਲੇ ਬੈਠ ਕੇ ਗਾਣੇ ਗਾਏ। ਅਸੀਂ ਜਦੋਂ ਗਾਣੇ ਗਾ ਰਹੇ ਸਾਂ ਤਾਂ ਇਕ ਗਾਲ੍ਹੜ (ਗਲਿਹਰੀ) ਆ ਕੇ ਕਦੀ ਨਿੰਮ ਦੇ ਉੱਪਰ ਚੜ੍ਹਦਾ ਅਤੇ ਕਦੀ ਥੱਲੇ ਉਤਰਦਾ। ਉਸ ਨੂੰ ਵੇਖ ਕੇ ਸਾਡਾ ਵੀ ਨਿੰਮ ਉੱਪਰ ਚੜ੍ਹਨ ਲਈ ਦਿਲ ਕਰ ਆਇਆ। ਪਹਿਲਾਂ ਜੀਤੀ ਨੇ ਮੰਜੇ ਉੱਪਰ ਖਲੋ ਕੇ ਚੜ੍ਹਨ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਦੇ ਹੱਥ ਸਭ ਤੋਂ ਹੇਠਲੇ ਟਾਹਣ ਤਕ ਨਹੀਂ ਸੀ ਪਹੁੰਚ ਰਹੇ। ਫੇਰ ਮੈਂ ਉਸ ਨੂੰ ਚੁੱਕ ਕੇ ਥੋੜ੍ਹਾ ਉੱਪਰ ਕੀਤਾ ਤਾਂ ਉਸ ਨੇ ਹੇਠਲੇ ਟਾਹਣ ਨੂੰ ਚੰਗੀ ਤਰ੍ਹਾਂ ਫੜ ਲਿਆ। ਉਸ ਤੋਂ ਬਾਅਦ ਦਰੱਖ਼ਤ ਦੇ ਤਣੇ ਨਾਲ ਪੈਰ ਜੋੜ ਕੇ ਉਹ ਥੋੜ੍ਹੀ ਉਪਰ ਚੜ੍ਹ ਗਈ ਅਤੇ ਹੇਠਲੇ ਟਾਹਣ ਉੱਤੇ ਬੈਠ ਗਈ।
'ਫੇਰ ਤੇ ਤੁਸੀਂ ਬੜੀਆਂ ਸ਼ਰਾਰਤਾਂ ਕੀਤੀਆਂ ਅੱਜ', ਨਾਨਾ ਜੀ ਨੇ ਬੜੇ ਪਿਆਰ ਨਾਲ ਬੱਚਿਆਂ ਵੱਲ ਵੇਖਦੇ ਹੋਏ ਕਿਹਾ।
'ਅਜੇ ਤੇ ਤੁਹਾਨੂੰ ਦੱਸਣਾ ਹੈ ਕਿ ਪੰਮੀ ਵੀ ਦਰੱਖ਼ਤ 'ਤੇ ਚੜ੍ਹ ਗਈ ਪਰ ਜਦੋਂ ਨਵਰਾਜ ਨੂੰ ਮੈਂ ਉੱਪਰ ਚੜ੍ਹਾਉਣ ਲੱਗੀ ਤਾਂ ਉਹ ਚੀਕਾਂ ਮਾਰੇ। ਕਹਿੰਦਾ ਮੈਨੂੰ ਡਰ ਲਗਦੈ। ਇਹ ਤਾਂ ਨਾਨਾ ਜੀ ਪੂਰਾ ਡਰਪੋਕ ਐ। ਸਾਰਿਆਂ ਨੇ ਉਸ ਨੂੰ ਕਿਹਾ ਕਿ ਬਹਾਦਰ ਬਣ ਪਰ ਉਹ ਡਰਦਾ ਹੀ ਰਿਹਾ', ਸੁਖਮਨੀ ਨੇ ਸਾਰੀ ਗੱਲ ਸੁਣਾ ਦਿੱਤੀ। ਹੁਣ ਸਾਰੇ ਬੱਚਿਆਂ ਦੀ ਤਸੱਲੀ ਹੋ ਗਈ ਸੀ।
'ਹੁਣ ਮੈਂ ਥੋੜ੍ਹੀ ਦੇਰ ਆਰਾਮ ਕਰ ਲਵਾਂ। ਤੁਸੀਂ ਓਨੀਂ ਦੇਰ ਪੜ੍ਹਾਈ ਕਰ ਲਵੋ।'
'ਠੀਕ ਹੈ, ਨਾਨਾ ਜੀ, ਤੁਸੀਂ ਆਰਾਮ ਵੀ ਕਰ ਲਓ ਅਤੇ ਰਾਤੀਂ ਸੁਣਾਉਣ ਵਾਸਤੇ ਕੋਈ ਕਹਾਣੀ ਵੀ ਸੋਚ ਲਵੋ', ਪੰਮੀ ਰਾਤ ਦੀ ਕਹਾਣੀ ਬਾਰੇ ਹੁਣੇ ਹੀ ਨਾਨਾ ਜੀ ਨੂੰ ਪੱਕਾ ਕਰ ਰਹੀ ਸੀ।
'ਤੁਸੀਂ ਫ਼ਿਕਰ ਨਾ ਕਰੋ, ਤੁਹਾਨੂੰ ਰਾਤੀਂ ਕਹਾਣੀ ਜ਼ਰੂਰ ਸੁਣਾਵਾਂਗਾ ਪਰ ਹੁਣ ਤੁਸੀਂ ਜਾ ਕੇ ਪੜ੍ਹਾਈ ਕਰੋ।'
ਸਾਰੇ ਬੱਚੇ ਚੁੱਪ-ਚਾਪ ਦੂਸਰੇ ਕਮਰੇ ਵੱਲ ਤੁਰ ਪਏ।
.........
ਘੰਟਾ ਕੁ ਪੜ੍ਹਾਈ ਕਰਨ ਤੋਂ ਬਾਅਦ ਬੱਚੇ ਬਾਹਰ ਵਿਹੜੇ ਵਿਚ ਆ ਕੇ ਪਾਣੀ ਤ੍ਰੌਂਕਣ ਲੱਗ ਪਏ। ਪਾਣੀ ਤ੍ਰੌਂਕਣ ਨਾਲ ਹਵਾ ਵਿਚ ਥੋੜ੍ਹੀ ਠੰਢਕ ਆ ਗਈ ਅਤੇ ਮਿੱਟੀ ਦੀ ਖ਼ੁਸ਼ਬੋ ਨੇ ਤਾਂ ਸਾਰੇ ਬੱਚਿਆਂ ਨੂੰ ਨਿਹਾਲ ਕਰ ਦਿੱਤਾ। ਹੁਣ ਬੱਚੇ ਖ਼ੁਸ਼ੀ ਖ਼ੁਸ਼ੀ ਵਿਹੜੇ ਵਿਚ ਮੰਜੀਆਂ ਡਾਹੁਣ ਲੱਗ ਪਏ।
ਰਾਤੀਂ ਰੋਟੀ-ਪਾਣੀ ਤੋਂ ਵਿਹਲੇ ਹੋ ਕੇ ਸਾਰੇ ਬੱਚੇ ਫੇਰ ਨਾਨਾ ਜੀ ਦੇ ਦੁਆਲੇ ਹੋ ਗਏ।
'ਖਾਣਾ ਖਾਣ ਤੋਂ ਬਾਅਦ ਵਾਲੇ ਤੁਸੀਂ ਸਾਰੇ ਕੰਮ ਕਰ ਲਏ ਨੇ?' ਨਾਨਾ ਜੀ ਨੇ ਪੁੱਛਿਆ।
(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-ਮੋਬਾਈਲ : 98889-24664

ਕੀ ਤੁਸੀਂ ਜਾਣਦੇ ਹੋ?

1. ਪੰਜਾਬ ਦਾ ਰਾਜ ਪੰਛੀ ਕਿਹੜਾ ਹੈ?
2. ਮਸਾਲਿਆਂ ਦਾ ਬਗੀਚਾ ਕਿਸ ਰਾਜ ਨੂੰ ਕਿਹਾ ਜਾਂਦਾ ਹੈ?
3. ਸਭ ਤੋਂ ਲੰਬਾ ਦਿਨ ਕਿਹੜਾ ਹੁੰਦਾ ਹੈ?
4. ਸੱਤ ਪਹਾੜੀਆਂ ਦਾ ਨਗਰ ਕਿਸ ਨੂੰ ਕਹਿੰਦੇ ਹਨ?
5. ਦੇਸ਼ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ ਦਾ ਨਾਂਅ ਕੀ ਹੈ?
6. ਸਭ ਤੋਂ ਵੱਡਾ ਮਹਾਂਦੀਪ ਕਿਹੜਾ ਹੈ?
7. ਲੋਕ ਸਭਾ ਦੀਆਂ ਸਭ ਤੋਂ ਜ਼ਿਆਦਾ ਸੀਟਾਂ ਵਾਲਾ ਰਾਜ ਕਿਹੜਾ ਹੈ?
8. ਲਾਲਾ ਲਾਜਪਤ ਰਾਏ ਨੂੰ ਕਿਸ ਉਪਨਾਮ ਨਾਲ ਜਾਣਿਆ ਜਾਂਦਾ ਹੈ?
9. ਰੈੱਡ ਕਰਾਸ ਦੀ ਸਥਾਪਨਾ ਕਿਸ ਨੇ ਕੀਤੀ ਸੀ?
10. ਭਾਰਤ ਰਤਨ ਪ੍ਰਾਪਤ ਕਰਨ ਵਾਲੇ ਪਹਿਲੇ ਵਿਅਕਤੀ ਕੌਣ ਸਨ?
ਉੱਤਰ : 1. ਬਾਜ, 2. ਕੇਰਲਾ, 3. 21 ਜੂਨ, 4. ਰੋਮ (ਇਟਲੀ), 5. ਸ੍ਰੀਮਤੀ ਪ੍ਰਤਿਭਾ ਦੇਵੀ ਸਿੰਘ ਪਾਟਿਲ, 6. ਏਸ਼ੀਆ, 7. ਉੱਤਰ ਪ੍ਰਦੇਸ਼, 8. ਪੰਜਾਬ ਕੇਸਰੀ, 9. ਹੈਨਰੀ ਡਿਊਨੈੱਟ, 10. ਡਾ: ਸਰਵਪੱਲੀ ਰਾਧਕ੍ਰਿਸ਼ਨਨ।

-ਪ੍ਰਿੰਸ ਅਰੋੜਾ
princearora151@gmail.com

ਪੜ੍ਹਾਈ ਬਹੁਤ ਜ਼ਰੂਰੀ ਮਿੱਤਰੋ

ਆ ਜਾ ਦੀਪੂ, ਆ ਜਾ ਭੋਲਿਆ, ਆਪਾਂ ਰਲ ਕੇ ਪੜ੍ਹੀਏ।
ਆ ਜਾਓ ਆਪਾਂ ਮਿਲ ਕੇ ਸਾਰੇ ਯਾਦ ਸਬਕ ਨੂੰ ਕਰੀਏ।
ਜ਼ਿੰਦਗੀ ਦੇ ਵਿਚ, ਜੇ ਕੁਝ ਬਣਨਾ ਤਾਂ ਪੈਣਾ ਏ ਪੜ੍ਹਨਾ,
ਪੜ੍ਹਾਈ ਬਹੁਤ ਜ਼ਰੂਰੀ ਮਿੱਤਰੋ, ਇਹਦੇ ਬਿਨ ਨ੍ਹੀਂ ਸਰਨਾ।

ਮੰਮੀ-ਡੈਡੀ ਤੇ ਦਾਦੀ-ਦਾਦੇ, ਰੱਖੀ ਸਾਡੇ 'ਤੇ ਆਸ,
ਮੈਂ ਤਾਂ ਧਾਰ ਲਿਆ ਏ ਮਨ ਵਿਚ, ਕਰਨਾ ਨ੍ਹੀਂ ਨਿਰਾਸ਼।
ਸੁਰਤ ਜੋੜ ਕੇ ਕਰਾਂ ਪੜ੍ਹਾਈ, ਫਿਰ ਕਾਲਜ ਵੀ ਪੜ੍ਹਨਾ,
ਪੜ੍ਹਾਈ ਬਹੁਤ ਜ਼ਰੂਰੀ ਮਿੱਤਰੋ, ਇਹਦੇ ਬਿਨ ਨ੍ਹੀਂ ਸਰਨਾ।

ਮੰਮੀ-ਪਾਪਾ, ਭੂਆ-ਚਾਚਾ, ਸਾਰੇ ਲਾਡ ਲਡਾਉਂਦੇ,
ਮੋਟੀਆਂ-ਮੋਟੀਆਂ ਫੀਸਾਂ ਭਰ ਕੇ ਔਖਿਆਂ ਹੋ ਪੜ੍ਹਾਉਂਦੇ।
ਉਨ੍ਹਾਂ ਦੀ ਖੁਸ਼ੀ ਲਈ, ਸਾਨੂੰ ਵੀ ਪੈਣਾ ਕੁਝ ਕਰਨਾ,
ਪੜ੍ਹਾਈ ਬਹੁਤ ਜ਼ਰੂਰੀ ਮਿੱਤਰੋ, ਇਹਦੇ ਬਿਨ ਨ੍ਹੀਂ ਸਰਨਾ।

ਟੀਚਰਾਂ ਤੇ ਮਾਪਿਆਂ ਦੀ, ਗੱਲ ਸੁਣੀਏ ਨਾਲ ਧਿਆਨ,
'ਬਾਸਰਕੇ' ਦੀ ਵੀ ਗੱਲ ਸੁਣ ਲਈਏ, ਵੰਡੇ ਜੋ ਗਿਆਨ।
ਵਿੱਦਿਆ ਬੇੜਾ ਪਾਰ ਲੰਘਾਉਣਾ, ਜੇ ਚਾਹੁੰਦੇ ਕੁਝ ਬਣਨਾ,
ਪੜ੍ਹਾਈ ਬਹੁਤ ਜ਼ਰੂਰੀ ਮਿੱਤਰੋ, ਇਹਦੇ ਬਿਨ ਨ੍ਹੀਂ ਸਰਨਾ।

-ਮਨਮੋਹਨ ਸਿੰਘ ਬਾਸਰਕੇ
ਬਾਸਰਕੇ ਹਾਊਸ, ਭੱਲਾ ਕਾਲੋਨੀ, ਛੇਹਰਟਾ, ਅੰਮ੍ਰਿਤਸਰ।
ਮੋਬਾਈਲ : 99147-16616

ਅੰਬ ਦਾ ਰੁੱਖ

ਸਾਡੇ ਵਿਹੜੇ ਅੰਬ ਦਾ ਰੁੱਖ ਇਕ ਭਾਰਾ।
ਅੰਬੀਆਂ ਦੇ ਭਰਿਆ, ਸਾਰੇ ਦਾ ਸਾਰਾ।
ਜਦੋਂ ਹਨੇਰੀ ਆਵੇ ਸਾਡਾ ਦਿਲ ਘਬਰਾਵੇ,
ਟਾਹਣਾ ਕੋਈ ਇਸ ਦਾ ਹਾਏ ਟੁੱਟ ਨਾ ਜਾਵੇ।
ਪੰਛੀ ਕਿੰਨੇ ਸਾਰੇ ਆ ਰੌਣਕਾਂ ਲਾਉਂਦੇ,
ਅੰਬੀਆਂ ਨੂੰ ਉਹ ਟੁਕ-ਟੁਕ ਸੁੱਟੀ ਜਾਂਦੇ।
ਪੰਛੀਆਂ ਨੂੰ ਅਸੀਂ ਵਾਰ-ਵਾਰ ਰਹੀਏ ਉਡਾਉਂਦੇ।
ਬਿੰਦ ਕੁ ਪਿੱਛੋਂ ਫਿਰ, ਕਈ ਹੋਰ ਆ ਜਾਂਦੇ।
ਅਚਾਰ ਇਹਦਾ ਬਣਦਾ, ਬੜਾ ਸੁਆਦੀ,
ਰੋਟੀ ਨਾਲ ਖਾਣ ਨੂੰ ਸਾਨੂੰ ਦਿੰਦੀ ਦਾਦੀ।
ਕਦੀ ਖੱਟੀ-ਮਿੱਠੀ ਚਟਣੀ ਬਣਾ ਕੇ ਖਾਈਏ,
ਕਦੇ ਕਦੇ ਬਣਾ ਕੇ ਛਾਛ ਵੀ ਪੀਂਦੇ ਜਾਈਏ।
ਪੱਕ ਕੇ ਅੰਬ ਜਦੋਂ ਹੋ ਜਾਂਦੇ ਪੀਲੇ,
ਰਸ ਨਾਲ ਭਰੇ ਲਗਦੇ ਬੜੇ ਰਸੀਲੇ।
ਫਲਾਂ ਦਾ ਇਹ ਰਾਜਾ ਅੰਬ ਕਹਾਵੇ।
ਹਰ ਕੋਈ ਇਹਨੂੰ ਚਾਅ ਨਾਲ ਖਾਣਾ ਚਾਹੇ।

-ਸੁੱਚਾ ਰਾਮ ਬੰਗਾ
ਮੋਬਾਈਲ : 82889-15733.

ਬਾਲ-ਕਵਿਤਾ

ਮਿਹਨਤ

ਪਿਆਰੇ ਬੱਚਿਓ ਮਿਹਨਤ ਕਰੋ।
ਮਿਹਨਤ ਤੋਂ ਨਾ ਤੁਸੀਂ ਡਰੋ।
ਜਿਨ੍ਹਾਂ ਬੱਚਿਆਂ ਮਿਹਨਤ ਕਰੀ
ਪ੍ਰਾਪਤੀਆਂ ਨਾਲ ਝੋਲੀ ਭਰੀ।
ਮਿਹਨਤ ਦੇ ਨਾਲ ਹੋਵੋ ਪਾਸ,
ਨਕਲ ਦੇ ਉਤੇ ਰੱਖੋ ਨਾ ਆਸ।
ਮਿਹਨਤ ਵਾਲੇ ਦੀ ਬੱਲੇ-ਬੱਲੇ,
ਵਿਹਲੜ ਜਾਵਣ ਥੱਲੇ-ਥੱਲੇ।
ਮਿਹਨਤ ਵਾਲਾ ਲੱਗੇ ਪਿਆਰਾ,
ਸਿਫਤਾਂ ਕਰੇ ਜੱਗ ਵੀ ਸਾਰਾ।
ਮਿਹਨਤ ਦਾ ਹੀ ਪਾਓ ਗਹਿਣਾ,
ਸਾਥੀਆਂ ਤੋਂ ਜੇ ਅੱਗੇ ਰਹਿਣਾ।
ਮਹਾਨ ਲੋਕਾਂ ਨੇ ਅੱਖੀਂ ਡਿੱਠਾ,
ਮਿਹਨਤ ਦਾ ਫਲ ਹੁੰਦਾ ਮਿੱਠਾ।
'ਤਲਵੰਡੀ' ਸਰ ਦੀ ਮੰਨੋ ਗੱਲ,
ਵੱਡੀ ਪ੍ਰਾਪਤੀ ਦਾ ਏਹੀ ਹੱਲ।

-ਅਮਰੀਕ ਸਿੰਘ ਤਲਵੰਡੀ ਕਲਾਂ,
ਗਿੱਲ ਨਗਰ, ਗਲੀ ਨੰ-13. ਮੁੱਲਾਂਪੁਰ ਦਾਖਾ (ਲੁਧਿਆਣਾ)
ਮੋਬਾਈਲ : 94635-42896.

ਬਾਲ ਗੀਤ

ਰਾਜਾ ਪੁੱਤ ਮੇਰਾ ਆਖੇ ਦਾਦੀ
ਰਾਜਾ ਪੁੱਤ ਮੇਰਾ ਆਖੇ ਦਾਦੀ,
ਸਕੂਲ ਦੀ ਬੱਸ ਚੜ੍ਹਾਵੇ ਦਾਦੀ।
ਉਂਗਲ ਫੜ ਮੈਨੂੰ ਲੈ ਕੇ ਜਾਵੇ,
ਚੂਰੀ ਕੁੱਟ ਬਸਤੇ ਵਿਚ ਪਾਵੇ।
ਕੋਲ ਬਹਾ ਕੇ ਦੁੱਧ ਪਿਆ ਕੇ,
ਰਾਜਾ ਪੁੱਤ ਮੇਰਾ ਆਖੇ ਦਾਦੀ।

ਛਤਰੀ ਲੈ ਕੇ ਬੱਸ ਤੋਂ ਲਾਹਵੇ
ਕੁੱਛੜ ਚੁੱਕ ਕੇ ਘਰੇ ਲਿਆਵੇ,
ਮੇਰੇ ਘਰ ਦਾ ਚੰਨ ਚਿਰਾਗ ਇਹ
ਗਲ ਨਾਲ ਲਾ ਕੇ ਆਖੇ ਦਾਦੀ,
ਰਾਜਾ ਪੁੱਤ ਮੇਰਾ ਆਖੇ ਦਾਦੀ।

ਹੋਮ ਵਰਕ ਕਰਵਾਏ ਦਾਦੀ,
ਧਰਮ ਨਾਲ ਗੱਲ ਸਮਝਾਏ ਦਾਦੀ,
ਮੰਮੀ ਜਦੋਂ ਵੀ ਝਿੜਕਾਂ ਮਾਰੇ
ਲੋਰੀ ਦੇ ਸੁਲਾਏ ਦਾਦੀ
ਇੱਲਤਾਂ ਜਦੋਂ ਕਰੀਦੀਆਂ ਆਪਾਂ,
ਵੇਖ ਵੇਖ ਮੁਸਕਰਾਏ ਦਾਦੀ,
ਰਾਜਾ ਪੁੱਤ ਮੇਰਾ ਆਖੇ ਦਾਦੀ।

ਵੱਡਿਆਂ ਦਾ ਸਤਿਕਾਰ ਕਰੀਦਾ,
ਸਭ ਨੂੰ ਨਮਸਕਾਰ ਕਰੀਦਾ।
ਸੰਤੋਖਗੜ੍ਹ ਸ਼ਹਿਰ ਕਿਵੇਂ ਸੀ ਵਸਿਆ,
ਵਿਥਿਆ ਆਪ ਸੁਣਾਏ ਦਾਦੀ,
ਰਾਜਾ ਪੁੱਤ ਮੇਰਾ ਆਖੇ ਦਾਦੀ।

-ਮਾ: ਮਲਕੀਅਤ ਸਿੰਘ
ਸੰਤੋਖਗੜ੍ਹ (ਨਜ਼ਦੀਕ ਨੰਗਲ ਡੈਮ)
ਮੋਬਾਈਲ : 98167-69794.



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX