ਤਾਜਾ ਖ਼ਬਰਾਂ


ਡੇਰਾਬਸੀ ਨਗਰ ਕੌਂਸਲ ਦੀ ਲਾਪਰਵਾਹੀ ਨੇ ਲਈ ਨੌਜਵਾਨ ਦੀ ਜਾਨ
. . .  1 day ago
ਡੇਰਾਬਸੀ,19 ਨਵੰਬਰ [ਗੁਰਮੀਤ ਸਿੰਘ]- ਜ਼ਿਲ੍ਹਾ ਮੁਹਾਲੀ ਦੇ ਕਸਬਾ ਡੇਰਾਬਸੀ ਵਿਚੇ ਅੱਜ ਦੇਰ ਸ਼ਾਮ ਨਗਰ ਕੌਂਸਲ ਦੀ ਲਾਪਰਵਾਹੀ ਕਰਕੇ ਇੱਕ ਨੌਜਵਾਨ ਦੀ ਗੰਦਗੀ ਨਾਲ ਭਰੇ ਖੂਹ 'ਚ ਡੁੱਬ ਕੇ ਮੌਤ ਹੋ ਗਈ। ਨਗਰ ਕੌਂਸਲ ...
ਪ੍ਰਕਾਸ਼ ਪੁਰਬ ਸਮਾਗਮਾਂ ਲਈ ਕੈਪਟਨ ਅਮਰਿੰਦਰ ਸਿੰਘ ਨੂੰ ਸੱਦਾ ਦੇਣ ਆਪ ਪਹੁੰਚੇ ਭਾਈ ਲੌਂਗੋਵਾਲ
. . .  1 day ago
ਅੰਮ੍ਰਿਤਸਰ, 19 ਨਵੰਬਰ { ਜਸਵੰਤ ਸਿੰਘ ਜੱਸ} - ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਸਬੰਧੀ ਇਸ ਸਾਲ ਸ਼ੁਰੂ ਕੀਤੇ ਜਾਣ ਵਾਲੇ ਸਮਾਗਮਾਂ ਦੌਰਾਨ 23 ਨਵੰਬਰ 2018 ਦੇ ਸਮਾਗਮ ਵਿਚ ਸ਼ਮੂਲੀਅਤ ਲਈ ...
ਚੱਕਦਾਨਾ ਦੇ ਕਰਿੰਦੇ ਦਾ ਅਣਪਛਾਤੇ ਵਿਅਕਤੀਆਂ ਵੱਲੋਂ ਕਤਲ
. . .  1 day ago
ਬੰਗਾ, 19 ਨਵੰਬਰ (ਜਸਬੀਰ ਸਿੰਘ ਨੂਰਪੁਰ) - ਪਿੰਡ ਚੱਕਦਾਨਾ ਵਿਖੇ ਨਹਿਰ ਕਿਨਾਰੇ ਠੇਕੇ ਨਜ਼ਦੀਕ ਬਣੇ ਅਹਾਤੇ ਦੇ ਕਰਿੰਦੇ ਸੰਤੋਸ਼ (28) ਵਾਸੀ ਉੱਤਰ ਪ੍ਰਦੇਸ਼ ਹਾਲ ਵਾਸੀ ਚੱਕਦਾਨਾ ਦੀ ਅਣਪਛਾਤੇ ਵਿਅਕਤੀਆਂ ਵੱਲੋਂ ਬੜੀ ਬੇਰਹਿਮੀ ਨਾਲ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਦੇ....
ਸਾਂਬਾ ਸੈਕਟਰ 'ਚ ਹੋਇਆ ਧਮਾਕੇ 'ਚ ਬੀ.ਐਸ.ਐਫ ਦਾ ਜਵਾਨ ਸ਼ਹੀਦ
. . .  1 day ago
ਸ੍ਰੀਨਗਰ, 19 ਨਵੰਬਰ- ਜੰਮੂ-ਕਸ਼ਮੀਰ ਦੇ ਸਾਂਬਾ ਸੈਕਟਰ 'ਚ ਹੋਏ ਧਮਾਕੇ ਕਾਰਨ ਬੀ.ਐਸ.ਐਫ ਦੇ ਇਕ ਜਵਾਨ ਦੇ ਸ਼ਹੀਦ ਹੋਣ ਦੀ ਖ਼ਬਰ...
ਸਾਂਬਾ ਸੈਕਟਰ 'ਚ ਹੋਇਆ ਧਮਾਕਾ, ਬੀ.ਐਸ.ਐਫ ਦੇ 3 ਜਵਾਨ ਜ਼ਖਮੀ
. . .  1 day ago
ਸ੍ਰੀਨਗਰ, 19 ਨਵੰਬਰ- ਜੰਮੂ-ਕਸ਼ਮੀਰ ਦੇ ਸਾਂਬਾ ਸੈਕਟਰ 'ਚ ਹੋਏ ਧਮਾਕੇ ਕਾਰਨ ਬੀ.ਐਸ.ਐਫ ਦੇ ਜਵਾਨ ਜ਼ਖਮੀ ਹੋਏ ਹਨ.....
ਪਾਕਿਸਤਾਨ ਜਾਣ ਲਈ ਸ਼੍ਰੋਮਣੀ ਕਮੇਟੀ ਦੇ ਜਥੇ ਨੂੰ ਜਾਰੀ ਹੋਏ 1227 ਵੀਜ਼ੇ
. . .  1 day ago
ਅੰਮ੍ਰਿਤਸਰ, 19 ਨਵੰਬਰ (ਜੱਸ)- ਗੁਰਦੁਆਰਾ ਸ੍ਰੀ ਨਨਕਾਣਾ ਸਾਹਿਬ ਪਾਕਿਸਤਾਨ ਵਿਖੇ ਪਹਿਲੇ ਪਾਤਸ਼ਾਹ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ 23 ਨਵੰਬਰ ਨੂੰ ਪ੍ਰਕਾਸ਼ ਪੁਰਬ ਮਨਾਉਣ ਲਈ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਸਿੱਖ ਸ਼ਰਧਾਲੂਆਂ ਦਾ ਜਥਾ 21 ਨਵੰਬਰ ਨੂੰ.....
ਚੰਦਰ ਬਾਬੂ ਨਾਇਡੂ ਨੇ ਮਮਤਾ ਬੈਨਰਜੀ ਨਾਲ ਕੀਤੀ ਮੁਲਾਕਾਤ
. . .  1 day ago
ਬੈਂਗਲੁਰੂ, 19 ਨਵੰਬਰ- ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਚੰਦਰ ਬਾਬੂ ਨਾਇਡੂ ਨੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨਾਲ ਮੁਲਾਕਾਤ ਕੀਤੀ....
ਕਾਰ ਅਤੇ ਮੋਟਰਸਾਈਕਲ ਦੀ ਟੱਕਰ ਦੌਰਾਨ ਇਕ ਦੀ ਮੌਤ, ਇਕ ਜ਼ਖਮੀ
. . .  1 day ago
ਤਪਾ ਮੰਡੀ,19 ਨਵੰਬਰ (ਪ੍ਰਵੀਨ ਗਰਗ) - ਸਥਾਨਕ ਤਪਾ-ਭਦੌੜ ਲਿੰਕ ਰੋਡ 'ਤੇ ਪਿੰਡ ਰਾਇਆ ਨਜ਼ਦੀਕ ਕਾਰ ਅਤੇ ਮੋਟਰਸਾਈਕਲ ਵਿਚਕਾਰ ਹੋਈ ਟੱਕਰ ਦੌਰਾਨ ਮੋਟਰਸਾਈਕਲ ਸਵਾਰ ਇੱਕ ਨੌਜਵਾਨ ਦੀ ਮੌਤ ਅਤੇ ਇੱਕ ਦੇ ਗੰਭੀਰ ਜ਼ਖਮੀ ਹੋਣ ਦੀ ਖ਼ਬਰ....
ਡੇਰਾ ਸਿਰਸਾ ਦੀ 45 ਮੈਂਬਰੀ ਕਮੇਟੀ ਦੇ ਦੁਨੀ ਚੰਦ ਸਮੇਤ ਪੰਜ ਬਰੀ
. . .  1 day ago
ਸੰਗਰੂਰ, 19 ਨਵੰਬਰ (ਧੀਰਜ ਪਸ਼ੋਰੀਆ)- ਡੇਰਾ ਸਿਰਸਾ ਦੇ ਮੁਖੀ ਰਾਮ ਰਹੀਮ ਨੂੰ ਪੰਚਕੂਲਾ ਦੀ ਸੀ. ਬੀ. ਆਈ. ਅਦਾਲਤ ਵਲੋਂ ਜਬਰ ਜਨਾਹ ਦੇ ਮਾਮਲੇ 'ਚ ਦੋਸ਼ੀ ਕਰਾਰੇ ਜਾਣ ਤੋਂ ਬਾਅਦ ਜ਼ਿਲ੍ਹਾ ਸੰਗਰੂਰ ਦੇ ਕਸਬੇ ਚੀਮਾ ਦੇ ਸੇਵਾ ਕੇਂਦਰ ਨੂੰ ਅੱਗ ਲਗਾਏ ਜਾਣ ਦੇ ਦੋਸ਼ਾਂ ...
ਸੂਬੇ 'ਚ ਅੱਤਵਾਦ ਦੇ ਪਨਪਣ ਦਾ ਕੋਈ ਖ਼ਤਰਾ ਨਹੀਂ -ਕੈਪਟਨ
. . .  1 day ago
ਅੰਮ੍ਰਿਤਸਰ, 19 ਨਵੰਬਰ (ਰੇਸ਼ਮ ਸਿੰਘ)- ਬੀਤੇ ਦਿਨ ਅੰਮ੍ਰਿਤਸਰ ਦੇ ਰਾਜਾਸਾਂਸੀ ਦੇ ਪਿੰਡ ਅਦਲੀਵਾਲ ਵਿਖੇ ਨਿਰੰਕਾਰੀ ਸਤਿਸੰਗ ਭਵਨ 'ਚ ਦੋ ਹਮਲਾਵਰਾਂ ਵੱਲੋਂ ਕੀਤੇ ਗਰਨੇਡ ਹਮਲੇ ਨੂੰ ਭਾਵੇ ਮੁੱਢਲੇ ਤੌਰ 'ਤੇ ਅੱਤਵਾਦੀ ਘਟਨਾ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ ਪਰ ਸੂਬੇ....
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਦਵਾਈ ਦਾ ਸੇਵਨ ਕਦੋਂ ਕਰੀਏ

ਜੇ ਤੁਸੀਂ ਵੀ ਕੋਈ ਨਿਯਮਤ ਦਵਾਈ ਲੈ ਰਹੇ ਹੋ ਤਾਂ ਆਪਣੇ ਡਾਕਟਰ ਨਾਲ ਉਸ ਦਵਾਈ ਨੂੰ ਲੈਣ ਦਾ ਸਮਾਂ ਪੁੱਛੋ। ਕੁਝ ਦਵਾਈਆਂ ਨੂੰ ਲੈਣ ਦੇ ਸਹੀ ਸਮੇਂ ਦੱਸੇ ਜਾ ਰਹੇ ਹਨ।
ਕੋਲੈਸਟ੍ਰੋਲ ਦੀ ਦਵਾਈ : ਲਿਵਰ ਵਿਚ ਕੋਲੈਸਟ੍ਰੋਲ ਦਾ ਵਾਧਾ ਦੁਪਹਿਰ ਦੀ ਤੁਲਨਾ ਵਿਚ ਰਾਤ ਨੂੰ ਜ਼ਿਆਦਾ ਹੁੰਦਾ ਹੈ। ਇਸ ਲਈ ਕੋਲੈਸਟ੍ਰੋਲ ਦੀ ਦਵਾਈ ਦਾ ਸੇਵਨ ਰਾਤ ਸਮੇਂ ਕਰਨਾ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ। ਇਸ ਦਵਾਈ ਦਾ ਸੇਵਨ ਰਾਤ ਨੂੰ ਸੌਣ ਤੋਂ ਪਹਿਲਾਂ ਕਰੋ।
ਅਲਰਜੀ ਅਤੇ ਡਿਪਰੈਸ਼ਨ ਦੀ ਦਵਾਈ : ਅਲਰਜੀ ਅਤੇ ਡਿਪਰੈਸ਼ਨ ਦੀ ਦਵਾਈ ਲੈਣ ਨਾਲ ਨੀਂਦ ਜ਼ਿਆਦਾ ਆਉਂਦੀ ਹੈ। ਜੇ ਇਸ ਨੂੰ ਦਿਨ ਵਿਚ ਲਿਆ ਜਾਵੇ ਤਾਂ ਕੰਮ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ। ਇਸ ਲਈ ਡਿਪ੍ਰੈਸ਼ਨ ਅਤੇ ਅਲਰਜੀ ਦੀ ਦਵਾਈ ਦਾ ਸੇਵਨ ਰਾਤ ਨੂੰ ਕਰਨਾ ਠੀਕ ਹੁੰਦਾ ਹੈ।
ਉੱਚ ਖੂਨ ਦਬਾਅ ਦੀ ਦਵਾਈ : ਹਾਲ ਹੀ ਵਿਚ ਹੋਈ ਖੋਜ ਅਨੁਸਾਰ ਸਟ੍ਰੋਕ ਅਤੇ ਦਿਲ ਦੇ ਦੌਰੇ ਦਾ ਖ਼ਤਰਾ ਸੌਣ ਸਮੇਂ ਜ਼ਿਆਦਾ ਹੁੰਦਾ ਹੈ। 50-55 ਸਾਲ ਤੋਂ ਵੱਡੇ ਲੋਕਾਂ ਵਿਚ ਰਾਤ ਨੂੰ ਸੌਣ ਤੋਂ ਬਾਅਦ ਵੀ ਖੂਨ ਦੇ ਦਬਾਅ ਵਿਚ ਗਿਰਾਵਟ ਨਹੀਂ ਆਉਂਦੀ। ਜਵਾਨੀ ਵਿਚ ਰਾਤ ਨੂੰ ਸੌਣ ਤੋਂ ਬਾਅਦ 10 ਤੋਂ 20 ਫੀਸਦੀ ਤੱਕ ਖੂਨ ਦਾ ਦਬਾਅ ਘੱਟ ਹੋ ਜਾਂਦਾ ਹੈ। ਇਸ ਲਈ ਉੱਚ ਖੂਨ ਦਬਾਅ ਦੀ ਦਵਾਈ ਰਾਤ ਨੂੰ ਸੌਣ ਤੋਂ ਪਹਿਲਾਂ ਖਾਣ ਨਾਲ ਸਟ੍ਰੋਕ ਅਤੇ ਦਿਲ ਦੇ ਦੌਰੇ ਦਾ ਖ਼ਤਰਾ 33 ਫੀਸਦੀ ਘੱਟ ਹੁੰਦਾ ਹੈ। ਉੱਚ ਖੂਨ ਦਬਾਅ ਦੀ ਦਵਾਈ ਲੈਣ ਤੋਂ ਬਾਅਦ ਆਰਟਰੀਜ਼ ਨੂੰ ਆਰਾਮ ਮਿਲਦਾ ਹੈ, ਇਸ ਲਈ ਰਾਤ ਨੂੰ ਦਵਾਈ ਲੈਣੀ ਬਿਹਤਰ ਹੈ।
ਅਲਸਰ ਦੀ ਦਵਾਈ : ਅਲਸਰ ਦੇ ਲੱਛਣ ਅਕਸਰ ਸਵੇਰ ਸਮੇਂ ਜ਼ਿਆਦਾ ਦੇਖਣ ਨੂੰ ਮਿਲਦੇ ਹਨ। ਜੇ ਅਸੀਂ ਰਾਤ ਵਿਚ ਅਲਸਰ ਦੀ ਦਵਾਈ ਲਈਏ ਤਾਂ ਇਹ ਜ਼ਿਆਦਾ ਅਸਰਦਾਇਕ ਹੁੰਦੀ ਹੈ। ਦਿਨ ਵੇਲੇ ਪੇਟ ਵਿਚ ਐਸਿਡ ਦਾ ਪੱਧਰ ਉੱਪਰ-ਹੇਠਾਂ ਹੁੰਦਾ ਰਹਿੰਦਾ ਹੈ। ਰਾਤ ਨੂੰ 10 ਵਜੇ ਦੇ ਨੇੜੇ-ਤੇੜੇ ਐਂਟੀ-ਅਲਸਰ ਦਵਾਈ ਦਾ ਸੇਵਨ ਲਾਭਦਾਇਕ ਹੁੰਦਾ ਹੈ।
ਆਸਟਿਓਆਰਥਰਾਇਟਸ ਦੀ ਦਵਾਈ : ਖੋਜ ਕਰਤਾਵਾਂ ਦੇ ਅਨੁਸਾਰ ਆਸਟਿਓਆਰਥਰਾਇਟਸ ਦੀ ਦਰਦ ਸ਼ੁਰੂ ਹੋਣ ਤੋਂ 6 ਘੰਟੇ ਪਹਿਲਾਂ ਦਵਾਈ ਦਾ ਸੇਵਨ ਲਾਭ ਪਹੁੰਚਾਉਂਦਾ ਹੈ। ਇਸ ਰੋਗ ਵਿਚ ਵੱਖ-ਵੱਖ ਲੋਕਾਂ ਨੂੰ ਵੱਖ-ਵੱਖ ਸਮੇਂ 'ਤੇ ਦਰਦ ਹੁੰਦੀ ਹੈ। ਜੇ ਤੁਹਾਨੂੰ ਰਾਤ ਨੂੰ ਦਰਦ ਹੁੰਦਾ ਹੈ ਤਾਂ ਦੁਪਹਿਰ ਨੂੰ ਦਵਾਈ ਲਓ, ਜੇ ਦੁਪਹਿਰ ਨੂੰ ਦਰਦ ਹੁੰਦਾ ਹੈ ਤਾਂ ਸਵੇਰੇ ਨਾਸ਼ਤੇ ਤੋਂ ਤੁਰੰਤ ਬਾਅਦ ਦਵਾਈ ਲਓ।
ਹਾਰਟ ਬਰਨ ਦੀ ਦਵਾਈ : ਐਸਿਡ ਘੱਟ ਕਰਨ ਵਾਲੀ ਦਵਾਈ ਰਾਤ ਦੇ ਖਾਣੇ ਤੋਂ 30 ਮਿੰਟ ਪਹਿਲਾਂ ਖਾਣੀ ਚਾਹੀਦੀ ਹੈ, ਤਾਂ ਕਿ ਰਾਤ ਨੂੰ ਐਸਿਡ ਨਾ ਬਣੇ। ਜ਼ਿਆਦਾ ਹਾਰਟ ਬਰਨ ਦੀ ਸਮੱਸਿਆ ਰਾਤ ਨੂੰ ਸੌਣ ਸਮੇਂ ਹੁੰਦੀ ਹੈ, ਕਿਉਂਕਿ ਉਸ ਸਮੇਂ ਸਾਡੇ ਪੇਟ ਵਿਚ ਐਸਿਡ ਜ਼ਿਆਦਾ ਬਣਦਾ ਹੈ।
**


ਖ਼ਬਰ ਸ਼ੇਅਰ ਕਰੋ

ਖੰਘ ਨੂੰ ਘਾਤਕ ਨਾ ਬਣਨ ਦਿਓ

ਖੰਘ ਇਕ ਆਮ ਸਮੱਸਿਆ ਹੈ, ਜੋ ਸਰਦੀਆਂ ਦੇ ਸਮੇਂ ਆਪਣਾ ਭਿਆਨਕ ਰੂਪ ਦਿਖਾਉਂਦੀ ਹੈ। ਇਸ ਤੋਂ ਬਚਣਾ ਸੌਖਾ ਨਹੀਂ ਹੁੰਦਾ। ਕਦੇ-ਕਦੇ ਇਹ ਖੰਘ ਘਾਤਕ ਵੀ ਸਿੱਧ ਹੋ ਸਕਦੀ ਹੈ। ਵੈਸੇ ਸਰਦੀਆਂ ਦੇ ਨਾਲ ਹੋਣ ਵਾਲੀ ਖੰਘ ਆਪਣੇ-ਆਪ ਘੱਟ ਵੀ ਹੋ ਜਾਂਦੀ ਹੈ। ਘਰੇਲੂ ਇਲਾਜ ਵੀ ਇਸ ਵਿਚ ਕਾਰਗਰ ਹੁੰਦੇ ਹਨ, ਜਿਸ ਨਾਲ ਖੰਘ ਠੀਕ ਹੋ ਸਕਦੀ ਹੈ। ਜੇ ਇਹ ਦੋ-ਤਿੰਨ ਦਿਨ ਤੋਂ ਬਾਅਦ ਵੀ ਘੱਟ ਨਹੀਂ ਹੁੰਦੀ ਤਾਂ ਇਹ ਕਿਸੇ ਰੋਗ ਦਾ ਸੂਚਕ ਹੋ ਸਕਦੀ ਹੈ।
ਖੰਘ ਨਵੀਂ ਅਤੇ ਪੁਰਾਣੀ ਦੋ ਤਰ੍ਹਾਂ ਦੀ ਹੁੰਦੀ ਹੈ। ਕਦੇ-ਕਦੇ ਪੁਰਾਣੀ ਖੰਘ ਉਗਰ ਰੂਪ ਵਿਚ ਸਾਹਮਣੇ ਆਉਂਦੀ ਹੈ। ਜਦੋਂ ਖੰਘ ਦੇ ਨਾਲ ਕਫ ਨਹੀਂ ਨਿਕਲਦਾ ਤਾਂ ਉਸ ਨੂੰ ਸੁੱਕੀ ਖੰਘ ਕਹਿੰਦੇ ਹਨ। ਇਹ ਸਵਾਸ ਪ੍ਰਣਾਲੀ ਦੇ ਉਪਰਲੇ ਭਾਗ ਤੋਂ ਉਠਦੀ ਹੈ। ਫਿਰ ਇਹ ਕੁਝ ਸਮੇਂ ਬਾਅਦ ਠੀਕ ਹੋ ਜਾਂਦੀ ਹੈ ਜਦੋਂ ਕਿ ਕਫ ਵਾਲੀ ਖੰਘ ਦੂਰ ਹੋਣ ਵਿਚ ਕੁਝ ਸਮਾਂ ਲੈਂਦੀ ਹੈ। ਇਸ ਕਫ ਦੀ ਜਾਂਚ ਦੇ ਆਧਾਰ 'ਤੇ ਹੀ ਰੋਗ ਦਾ ਕਾਰਨ ਪਤਾ ਲਗਦਾ ਹੈ ਅਤੇ ਇਲਾਜ ਦੇ ਤਰੀਕੇ ਨੂੰ ਨਿਰਧਾਰਤ ਕੀਤਾ ਜਾਂਦਾ ਹੈ।
ਕਾਰਨ ਅਤੇ ਲੱਛਣ : ਖੰਘ ਹੋਣ ਦੇ ਅਨੇਕ ਕਾਰਨ ਹਨ, ਜੋ ਵੱਖ-ਵੱਖ ਉਮਰ ਵਰਗ ਵਿਚ ਵੱਖ-ਵੱਖ ਹੁੰਦੇ ਹਨ। ਬੱਚਿਆਂ ਵਿਚ ਇਸ ਦੇ ਲੱਛਣ ਵੱਡਿਆਂ, ਬਜ਼ੁਰਗਾਂ ਨਾਲੋਂ ਵੱਖ ਹੁੰਦੇ ਹਨ। ਭੀੜ ਵਾਲੀ ਸਥਾਨ, ਗੈਸ, ਧੂੰਏਂ ਦੇ ਬਹੁਤ ਜ਼ਿਆਦਾ ਸੰਪਰਕ, ਪ੍ਰਦੂਸ਼ਿਤ ਹਵਾ, ਕਿਸੇ ਵੀ ਸੰਕ੍ਰਮਣ ਚਾਹੇ ਉਹ ਵਾਇਰਲ ਹੋਵੇ ਜਾਂ ਬੈਕਟੀਰੀਅਲ ਦੇ ਕਾਰਨ ਹੋਵੇ, ਸਭ ਖੰਘ ਦੀ ਤੀਬਰਤਾ ਨੂੰ ਵਧਾਉਂਦੇ ਹਨ। ਬਹੁਤ ਸਾਰੀਆਂ ਬਿਮਾਰੀਆਂ ਸ਼ਵਸਨ ਤੰਤਰ ਨਾਲ ਸਬੰਧਤ ਨਾ ਹੋ ਕੇ ਵੀ ਖੰਘ ਪੈਦਾ ਕਰਦੀਆਂ ਹਨ। ਇਨ੍ਹਾਂ ਕਾਰਨਾਂ ਨਾਲ ਖੰਘ ਦਾ ਕੋਈ ਵੀ ਲੱਛਣ ਪ੍ਰਮੁੱਖ ਨਹੀਂ ਹੁੰਦਾ ਹੈ।
ਥੋੜ੍ਹਾ ਜਿਹਾ ਕਫ ਖੰਘ ਦੇ ਨਾਲ ਬਹੁਤ ਦਿਨਾਂ ਜਾਂ ਹਫਤਾ ਭਰ ਜਾਂ ਤਿੰਨ ਮਹੀਨੇ ਤੱਕ ਲਗਾਤਾਰ ਆਵੇ ਤਾਂ ਇਹ ਕ੍ਰਾਨਿਕ ਬ੍ਰਾਂਕਾਈਟਿਸ ਦੇ ਰੂਪ ਵਿਚ ਬਦਲ ਜਾਂਦਾ ਹੈ। ਇਸ ਦੇ ਨਾਲ ਦੂਜੀਆਂ ਦਿਲ ਦੀਆਂ ਬਿਮਾਰੀਆਂ ਵੀ ਹੋ ਸਕਦੀਆਂ ਹਨ। ਇਸ ਤਰ੍ਹਾਂ ਦੀ ਖੰਘ ਅਕਸਰ ਬੀੜੀ, ਸਿਗਰਟ ਪੀਣ ਵਾਲੇ ਲੋਕਾਂ ਨੂੰ ਹੁੰਦੀ ਹੈ। ਉਨ੍ਹਾਂ ਵਿਚ ਹਵਾ ਫੇਫੜਿਆਂ ਵਿਚ ਭਰ ਜਾਂਦੀ ਹੈ ਅਤੇ ਹਵਾ ਦਾ ਆਵਾਗਮਨ ਰੁਕ ਜਾਂਦਾ ਹੈ, ਜਿਸ ਕਾਰਨ ਸਾਹ ਲੈਣ ਅਤੇ ਛੱਡਣ ਵਿਚ ਪ੍ਰੇਸ਼ਾਨੀ ਹੋਣ ਲਗਦੀ ਹੈ। ਹਵਾ ਦਾ ਆਉਣਾ-ਜਾਣਾ ਠੀਕ ਤਰ੍ਹਾਂ ਨਹੀਂ ਹੁੰਦਾ ਅਤੇ ਸਰੀਰ ਵਿਚ ਕਾਰਬਨ ਡਾਈਆਕਸਾਈਡ ਦੀ ਮਾਤਰਾ ਵਧ ਜਾਂਦੀ ਹੈ, ਜਿਸ ਨਾਲ ਸਰੀਰ ਵਿਚ ਸੋਜ਼ ਆ ਜਾਂਦੀ ਹੈ।
ਅੱਜਕਲ੍ਹ ਅਲਰਜੀ ਵਾਲੇ ਕਾਰਨ ਵਧ ਗਏ ਹਨ, ਜਿਸ ਕਰਕੇ ਅਲਰਜੀ ਨਾਲ ਹੋਣ ਵਾਲੀ ਖੰਘ ਵਧ ਗਈ ਹੈ। ਇਸ ਵਿਚ ਰੋਗੀ ਦੀ ਸਾਂਸ ਭਰ ਜਾਂਦੀ ਹੈ ਅਤੇ ਛਾਤੀ ਵਿਚੋਂ ਆਵਾਜ਼ ਆਉਣ ਲਗਦੀ ਹੈ। ਇਹ ਦਮੇ ਨਾਲ ਮਿਲਦੀ-ਜੁਲਦੀ ਹੁੰਦੀ ਹੈ। ਇਸ ਨੂੰ ਦੂਜੇ ਲੱਛਣਾਂ ਅਤੇ ਜਾਂਚ ਦੇ ਆਧਾਰ 'ਤੇ ਦਮੇ ਨਾਲੋਂ ਵੱਖ ਕੀਤਾ ਜਾਂਦਾ ਹੈ। ਅਲਰਜੈਂਸ ਤੋਂ ਸਾਵਧਾਨ ਰਹੋ।
ਸਾਵਧਾਨੀ ਅਤੇ ਬਚਾਅ : * ਧੂੜ, ਧੂੰਆਂ, ਧੁੰਦ, ਪ੍ਰਦੂਸ਼ਣ ਤੋਂ ਬਚੋ।
* ਤੇਜ਼ ਗਰਮੀ ਅਤੇ ਤੇਜ਼ ਠੰਢ ਤੋਂ ਬਚੋ।
* ਵਾਤਾਵਰਨ ਤੇਜ਼ੀ ਨਾਲ ਬਦਲੇ ਤਾਂ ਸੁਚੇਤ ਰਹੋ।
* ਰੋਏਂਦਾਰ ਪਾਲਤੂ ਪਸ਼ੂਆਂ ਤੋਂ ਦੂਰ ਰਹੋ।
* ਸਿਗਰਟਨੋਸ਼ੀ ਨਾ ਕਰੋ, ਨਾ ਨੇੜੇ ਜਾਓ।
* ਖੁੱਲ੍ਹੀ ਅਤੇ ਹਵਾਦਾਰ ਜਗ੍ਹਾ ਵਿਚ ਰਹੋ।
* ਸੌਣ ਤੋਂ ਪਹਿਲਾਂ ਗਰਮ ਪਾਣੀ ਨਾਲ ਕੁਰਲੀ ਕਰੋ।
* ਪਰਾਗ, ਫਫੂੰਦ ਤੋਂ ਦੂਰ ਰਹੋ।
* ਜਿਥੇ ਸਾਫ਼-ਸਫ਼ਾਈ ਹੋ ਰਹੀ ਹੋਵੇ, ਉਥੇ ਨਾ ਜਾਓ।
* ਜਿਥੇ ਨਵਾਂ ਪੇਂਟ ਹੋ ਰਿਹਾ ਹੋਵੇ, ਉਥੇ ਜ਼ਿਆਦਾ ਦੇਰ ਨਾ ਰਹੋ।
* ਮੀਂਹ ਦੇ ਪਾਣੀ ਵਿਚ ਜ਼ਿਆਦਾ ਭਿੱਜਣ ਤੋਂ ਬਚੋ।
* ਖੱਟੀਆਂ ਅਤੇ ਠੰਢੀਆਂ ਚੀਜ਼ਾਂ ਜ਼ਿਆਦਾ ਨਾ ਖਾਓ।
* ਸਿੱਲ੍ਹੇ ਮੌਸਮ ਵਿਚ ਸਾਵਧਾਨ ਰਹੋ।
* ਡਾਕਟਰ ਦੁਆਰਾ ਨਿਰਧਾਰਤ ਦਵਾਈ ਨੂੰ ਹੀ ਲਓ।
* ਸਮੇਂ-ਸਮੇਂ 'ਤੇ ਜਾਂਚ ਕਰਾਓ। ਨਿਰਦੇਸ਼ ਮੰਨੋ।
* ਸੁਣੀਆਂ-ਸੁਣਾਈਆਂ ਗੱਲਾਂ 'ਤੇ ਯਕੀਨ ਨਾ ਕਰੋ।
* ਐਂਟੀਬਾਇਟਿਕ ਦਵਾਈ ਮਦਦਗਾਰ ਨਹੀਂ ਹੁੰਦੀ।
* ਕਫ ਸਿਰਪ ਦੇ ਓਵਰਡੋਜ਼ ਨਾਲ ਦਿਲ ਦਾ ਦੌਰਾ ਪੈਣ ਦਾ ਖ਼ਤਰਾ ਰਹਿੰਦਾ ਹੈ।
* ਖੰਘ ਨੂੰ ਦਵਾਈ ਨਾਲ ਦਬਾਉਣ 'ਤੇ ਹੋਰ ਪ੍ਰੇਸ਼ਾਨੀ ਹੁੰਦੀ ਹੈ।
* ਸੁੱਕੀ ਖੰਘ ਥਕਾ ਦਿੰਦੀ ਹੈ, ਸੌਣ ਨਹੀਂ ਦਿੰਦੀ।
* ਸੁੱਕੀ ਖੰਘ ਵਾਲੇ ਤਰਲ ਚੀਜ਼ਾਂ ਜ਼ਿਆਦਾ ਲੈਣ।
* ਖੰਘ ਦੇ ਕਾਰਨਾਂ ਤੋਂ ਹਮੇਸ਼ਾ ਬਚੋ।
* ਇਲਾਜ ਵਿਚ ਲਾਪ੍ਰਵਾਹੀ ਨਾ ਵਰਤੋ।
* ਲੰਬੇ ਸਮੇਂ ਦੀ ਖੰਘ ਨਾਲ ਕਈ ਪ੍ਰੇਸ਼ਾਨੀਆਂ ਪੈਦਾ ਹੁੰਦੀਆਂ ਹਨ।
* ਹਮੇਸ਼ਾ ਸੰਤੁਲਿਤ ਭੋਜਨ ਲਓ।
* ਸੁੱਕੀ ਖੰਘ ਵਾਲੇ ਸੁੱਕੇ ਸਥਾਨ ਤੋਂ ਬਚੋ।

ਸਿਹਤਮੰਦ ਦਿਸਣ ਲਈ

ਬਹੁਤ ਸਾਰੀਆਂ ਕਲਾਵਾਂ ਹਨ, ਜਿਵੇਂ ਸ਼ਿਲਪ ਕਲਾ, ਸ਼ਿੰਗਾਰ ਕਲਾ, ਸੰਗੀਤ ਕਲਾ, ਪਾਕ ਕਲਾ ਆਦਿ। ਸਮੇਂ ਦੀ ਮੰਗ ਦੇ ਅਨੁਸਾਰ ਨੌਜਵਾਨ ਦਿਸਣਾ ਵੀ ਇਕ ਕਲਾ ਹੈ। ਆਪਣੀ ਉਮਰ ਨਾਲੋਂ ਘੱਟ ਦਿਸਣਾ, ਚੁਸਤ ਦਿਸਣਾ ਕਿਸ ਨੂੰ ਚੰਗਾ ਨਹੀਂ ਲਗਦਾ? ਪਰ ਕੁਝ ਲੈਣ ਲਈ ਕੁਝ ਦੇਣਾ ਵੀ ਪੈਂਦਾ ਹੈ। ਇਸ ਤਰ੍ਹਾਂ ਜਵਾਨ ਦਿਸਣ ਲਈ ਇਹ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਕੀ ਕਰੀਏ ਅਤੇ ਕੀ ਨਾ ਕਰੀਏ।
* ਖੰਡ ਅਤੇ ਮੈਦੇ ਤੋਂ ਬਣੀਆਂ ਚੀਜ਼ਾਂ ਦੀ ਵਰਤੋਂ ਬਹੁਤ ਘੱਟ ਕਰੋ।
* ਫਾਸਟਫੂਡ ਅਤੇ ਡੱਬਾਬੰਦ ਭੋਜਨ ਦੀ ਵਰਤੋਂ ਮਜਬੂਰੀ ਵਿਚ ਕਰੋ।
* ਹਰ ਰੋਜ਼ ਤਾਜ਼ੀਆਂ ਸਬਜ਼ੀਆਂ ਜਾਂ ਫਲਾਂ ਦਾ ਰਸ ਪੀਓ, ਕਿਉਂਕਿ ਕੱਚੀਆਂ ਸਬਜ਼ੀਆਂ ਅਤੇ ਫਲਾਂ ਦੇ ਰਸ ਵਿਚ ਐਂਟੀ-ਆਕਸੀਡੈਂਟ ਪਾਏ ਜਾਂਦੇ ਹਨ।
* ਦਿਨ ਵਿਚ ਕੱਚੀ ਸਬਜ਼ੀ ਅਤੇ ਫਲਾਂ ਦਾ ਸੇਵਨ ਕਰੋ। ਫਲਾਂ ਅਤੇ ਸਬਜ਼ੀਆਂ ਵਿਚ ਐਂਟੀਆਕਸੀਡੈਂਟ ਹੋਣ ਦੇ ਕਾਰਨ ਸਰੀਰ ਵਿਚ ਰੋਗਾਂ ਨਾਲ ਲੜਨ ਦੀ ਸ਼ਕਤੀ ਵਧਦੀ ਹੈ।
* ਸਿਗਰਟਨੋਸ਼ੀ ਅਤੇ ਸ਼ਰਾਬ ਦਾ ਸੇਵਨ ਬੰਦ ਕਰ ਦਿਓ।
* ਆਪਣੇ ਭੋਜਨ ਵਿਚ ਕੈਲਸ਼ੀਅਮ ਦੀ ਵਰਤੋਂ ਦਾ ਪੂਰਾ ਧਿਆਨ ਰੱਖੋ। ਘੱਟ ਫੈਟ ਵਾਲੇ ਦੁੱਧ ਦੇ ਦਹੀਂ, ਰਾਜਮਾਂਹ, ਸੋਇਆਬੀਨ ਅਤੇ ਛੋਲਿਆਂ ਦਾ ਸੇਵਨ ਕਰਦੇ ਰਹੋ। ਸੋਇਆਬੀਨ ਅਤੇ ਦਹੀਂ ਨਾਲ ਤੁਹਾਡੀਆਂ ਹੱਡੀਆਂ ਮਜ਼ਬੂਤ ਬਣਨਗੀਆਂ। ਘੱਟ ਤੇਲ ਨਾਲ ਬਣਿਆ ਭੋਜਨ ਖਾਓ, ਕਿਉਂਕਿ ਜ਼ਿਆਦਾ ਤੇਲ ਨਾਲ ਸਰੀਰ ਵਿਚ 'ਫ੍ਰੀ ਰੈਡੀਕਲ ਐਕਟੀਵਿਟੀਜ਼' ਨੂੰ ਉਤਸ਼ਾਹ ਮਿਲਦਾ ਹੈ, ਜੋ ਇਨਸਾਨ ਨੂੰ ਛੇਤੀ ਬੁੱਢਾ ਬਣਾ ਦਿੰਦਾ ਹੈ।
* ਆਪਣੀ ਭੁੱਖ ਦਾ ਤਿੰਨ-ਚੌਥਾਈ ਖਾਓ। ਇਕ-ਚੌਥਾਈ ਭੁੱਖਾ ਬਚਾਅ ਕੇ ਰੱਖੋ, ਜਿਸ ਨਾਲ ਪਾਚਣ ਕਿਰਿਆ ਦੀ ਮਸ਼ੀਨ ਚੰਗੀ ਤਰ੍ਹਾਂ ਆਪਣਾ ਕੰਮ ਕਰ ਸਕੇਗੀ।
* ਕਸਰਤ ਅਤੇ ਤੇਜ਼ ਸੈਰ ਕਰੋ। 30 ਤੋਂ 40 ਮਿੰਟ ਦੀ ਸੈਰ ਸਰੀਰ ਨੂੰ ਸੁਡੌਲ ਅਤੇ ਨਿਰੋਗ ਰੱਖਦੀ ਹੈ।
* ਸਾਕਾਰਾਤਮਿਕ ਸੋਚ ਰੱਖੋ।
* ਆਪਣੇ ਮਨ ਦੀ ਸ਼ਾਂਤੀ ਲਈ ਆਤਮਚਿੰਤਨ ਵੱਲ ਧਿਆਨ ਦਿਓ।
* ਆਤਮ-ਵਿਸ਼ਵਾਸ ਬਣਾਈ ਰੱਖੋ।
* ਖੁਦ ਖੁਸ਼ ਰਹੋ ਅਤੇ ਆਸ-ਪਾਸ ਖੁਸ਼ੀ ਵਾਲਾ ਵਾਤਾਵਰਨ ਫੈਲਾਓ।
* ਜੋ ਖੁਦ ਨੂੰ ਚੰਗਾ ਲੱਗੇ, ਉਹੀ ਕਰੋ। ਜੋ ਕਰੋ, ਉਹ ਅਰਥਹੀਣ ਨਾ ਹੋਵੇ। ਇਮਾਨਦਾਰੀ ਅਤੇ ਲਗਨ ਨਾਲ ਕੀਤੇ ਕੰਮ ਨਾਲ ਮਾਨਸਿਕ ਸ਼ਾਂਤੀ ਮਿਲਦੀ ਹੈ।


-ਸੁਨੀਤਾ ਗਾਬਾ

ਕਸਰਤ ਕਰੋ, ਤੰਦਰੁਸਤ ਰਹੋ

ਕਸਰਤ ਦੇ ਮਹੱਤਵ ਨੂੰ ਨਕਾਰਿਆ ਨਹੀਂ ਜਾ ਸਕਦਾ। ਕਸਰਤ ਦੁਆਰਾ ਨਾ ਸਿਰਫ਼ ਸਾਡਾ ਸਰੀਰ ਚੁਸਤ ਰਹਿੰਦਾ ਹੈ, ਸਗੋਂ ਇਸ ਨਾਲ ਸਾਨੂੰ ਬਹੁਤ ਲਾਭ ਵੀ ਮਿਲਦਾ ਹੈ। ਆਓ ਜਾਣੀਏ ਕਿ ਕਸਰਤ ਨਾਲ ਸਾਡੇ ਸਰੀਰ ਨੂੰ ਕਿੰਨਾ ਲਾਭ ਮਿਲਦਾ ਹੈ :
* ਕਸਰਤ ਕਰਨ ਨਾਲ ਸਾਡੇ ਸਰੀਰ ਦੀ ਪਾਚਣ ਪ੍ਰਣਾਲੀ ਵਿਚ ਸੁਧਾਰ ਹੁੰਦਾ ਹੈ, ਜਿਸ ਨਾਲ ਜ਼ਿਆਦਾ ਕੈਲੋਰੀ ਨਸ਼ਟ ਹੁੰਦੀ ਹੈ ਅਤੇ ਸਰੀਰ ਅਤੇ ਭਾਰ 'ਤੇ ਕਾਬੂ ਰਹਿੰਦਾ ਹੈ।
* ਕਸਰਤ ਸਾਡੇ ਸਰੀਰ ਨੂੰ ਵਾਧੂ ਊਰਜਾ ਦਿੰਦੀ ਹੈ, ਜਿਸ ਨਾਲ ਅਸੀਂ ਪੂਰੇ ਦਿਨ ਦੇ ਕੰਮ ਚੁਸਤੀ ਨਾਲ ਕਰਦੇ ਹਾਂ ਅਤੇ ਥਕਾਵਟ ਮਹਿਸੂਸ ਨਹੀਂ ਕਰਦੇ।
* ਚਰਬੀ ਦੀ ਦੁਸ਼ਮਣ ਹੈ ਕਸਰਤ। ਕਿਰਿਆਸ਼ੀਲ ਰਹਿਣ ਨਾਲ ਕੈਲੋਰੀ ਖਪਤ ਹੁੰਦੀ ਹੈ। ਇਸ ਲਈ ਸਥਾਈ ਰੂਪ ਨਾਲ ਸਰੀਰ ਨੂੰ ਇਕਹਿਰਾ ਰੱਖਣ ਦਾ ਸਿਰਫ ਇਕ ਉਪਾਅ ਕਸਰਤ ਹੈ।
* ਕਸਰਤ ਨਾਲ ਸਰੀਰ ਦੀਆਂ ਹੱਡੀਆਂ ਮਜ਼ਬੂਤ ਬਣਦੀਆਂ ਹਨ।
* ਕਸਰਤ ਦਿਲ ਅਤੇ ਫੇਫੜਿਆਂ ਦੀ ਕਾਰਜਸ਼ੀਲਤਾ ਨੂੰ ਵਧਾਉਂਦੀ ਹੈ। ਚਮੜੀ ਵਿਚ ਚਮਕ ਅਤੇ ਪੋਸ਼ਕ ਤੱਤਾਂ ਨੂੰ ਸਰੀਰ ਵਿਚ ਰਮਾਉਣ ਵਿਚ ਸਹਾਇਤਾ ਪਹੁੰਚਾਉਂਦੀ ਹੈ।
* ਕਸਰਤ ਦੁਆਰਾ ਖੂਨ ਦੇ ਦਬਾਅ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਖੂਨ ਦੇ ਦਬਾਅ 'ਤੇ ਕਾਬੂ ਲਈ ਦਵਾਈਆਂ ਨਾਲੋਂ ਵੱਧ ਪ੍ਰਭਾਵਸ਼ਾਲੀ ਕਸਰਤ ਹੈ।
* ਕਸਰਤ ਨਾਲ ਖੂਨ ਵਿਚ ਹੀਮੋਗਲੋਬਿਨ ਦੀ ਮਾਤਰਾ ਵੀ ਵਧਦੀ ਹੈ। ਖੂਨ ਵਿਚ ਹੀਮੋਗਲੋਬਿਨ ਦੀ ਸਹੀ ਮਾਤਰਾ ਚੰਗੀ ਸਿਹਤ ਦੀ ਸੂਚਕ ਹੈ।
* ਕਸਰਤ ਖੂਨ ਵਹਿਣੀਆਂ ਵਿਚ ਖੂਨ ਨੂੰ ਜੰਮਣ ਤੋਂ ਰੋਕਦੀ ਹੈ। ਖੂਨ ਵਹਿਣੀਆਂ ਦਾ ਮਾਰਗ ਜੇ ਅਵਰੁੱਧ ਹੋ ਜਾਵੇ ਤਾਂ ਇਸ ਨਾਲ ਦਿਲ ਦੇ ਦੌਰੇ ਅਤੇ ਦਿਲ ਦੇ ਰੋਗਾਂ ਦੀ ਸੰਭਾਵਨਾ ਬਹੁਤ ਵਧ ਜਾਂਦੀ ਹੈ।
* ਬਲੱਡ ਸ਼ੂਗਰ 'ਤੇ ਵੀ ਕਸਰਤ ਦੁਆਰਾ ਕਾਬੂ ਪਾਇਆ ਜਾ ਸਕਦਾ ਹੈ, ਇਸ ਲਈ ਸ਼ੂਗਰ ਦੇ ਰੋਗੀਆਂ ਲਈ ਦਵਾਈ ਤੋਂ ਇਲਾਵਾ ਕਸਰਤ ਵੀ ਜ਼ਰੂਰੀ ਹੈ।
* ਹਰ ਵਿਅਕਤੀ ਦੀ ਇੱਛਾ ਹੁੰਦੀ ਹੈ ਭਰਪੂਰ ਨੀਂਦ। ਨਿਯਮਤ ਕਸਰਤ ਦੁਆਰਾ ਚੰਗੀ ਨੀਂਦ ਆਉਂਦੀ ਹੈ।
* ਕਸਰਤ ਸਰੀਰ ਦੇ ਖੂਨ ਦੇ ਦੌਰੇ ਨੂੰ ਵਧਾਉਂਦੀ ਹੈ, ਜਿਸ ਨਾਲ ਚਮੜੀ ਵਿਚ ਸੁਧਾਰ ਆਉਂਦਾ ਹੈ।

ਨਮਕ ਨੁਕਸਾਨਦੇਹ ਵੀ

ਕਿੰਨਾ ਨਮਕ, ਕਦੋਂ ਜ਼ਰੂਰੀ : ਆਮ ਦਿਨਾਂ ਵਿਚ ਸਿਰਫ਼ 5 ਗ੍ਰਾਮ ਨਮਕ ਦੀ ਰੋਜ਼ਾਨਾ ਜ਼ਰੂਰਤ ਰਹਿੰਦੀ ਹੈ। ਇਹ ਸਿਰਫ਼ ਇਕ ਚਮਚ ਦੇ ਮਾਪ ਵਿਚ ਮਿਲ ਜਾਂਦਾ ਹੈ। ਗਰਮੀ ਅਤੇ ਬਰਸਾਤੀ ਮੌਸਮ ਵਿਚ ਸਰੀਰ ਦਾ ਤਾਪ ਵਿਚ ਵਾਧਾ ਹੋ ਜਾਂਦਾ ਹੈ, ਜਿਸ ਨਾਲ ਪਸੀਨਾ ਜ਼ਿਆਦਾ ਆਉਂਦਾ ਹੈ। ਉਦੋਂ ਇਸ ਪਸੀਨੇ ਰਾਹੀਂ ਨਮਕ ਵੀ ਬਾਹਰ ਨਿਕਲ ਜਾਂਦਾ ਹੈ। ਇਸ ਮੌਸਮ ਵਿਚ 5 ਤੋਂ ਵਧ ਕੇ 8 ਗ੍ਰਾਮ ਤਕ ਨਮਕ ਹਰ ਰੋਜ਼ ਜ਼ਰੂਰੀ ਹੈ। ਉਲਟੀ, ਦਸਤ, ਡਾਇਰੀਆ, ਅੰਤੜੀ ਰੋਗ ਨੂੰ ਨਮਕ ਦੇ ਕੇ ਹੀ ਇਸ ਰੋਗ 'ਤੇ ਕਾਬੂ ਪਾਇਆ ਜਾ ਸਕਦਾ ਹੈ। ਹੇਠ ਲਿਖੀਆਂ ਗੱਲਾਂ ਬਲੱਡ ਪ੍ਰੈਸ਼ਰ ਦੇ ਰੋਗੀਆਂ ਲਈ ਜ਼ਰੂਰੀ ਹਨ :
ਜ਼ਿਆਦਾ ਨਮਕ ਨੁਕਸਾਨਦੇਹ : ਨਿਰਧਾਰਿਤ ਮਾਤਰਾ ਤੋਂ ਜ਼ਿਆਦਾ ਨਮਕ ਖਾਣ ਵਿਚ ਖ਼ੂਨ ਦਾ ਦਬਾਅ ਵਧ ਜਾਂਦਾ ਹੈ। ਦਿਲ ਦੀ ਬਿਮਾਰੀ ਹੋ ਸਕਦੀ ਹੈ। ਗੁਰਦੇ ਫੇਲ੍ਹ ਹੋ ਜਾਂਦੇ ਹਨ। ਨਮਕ ਨਾਲ ਖਾਣ-ਪੀਣ ਸਵਾਦੀ ਹੋ ਜਾਂਦਾ ਹੈ ਅਤੇ ਇਸ ਤਰ੍ਹਾਂ ਦੀ ਸਥਿਤੀ ਵਿਚ ਜ਼ਿਆਦਾ ਖਾਣ 'ਤੇ ਵਜ਼ਨ ਤੇ ਮੋਟਾਪਾ ਅਤੇ ਤਣਾਅ ਵਧ ਜਾਂਦਾ ਹੈ। ਇਹ ਮੋਟਾਪਾ ਕਈ ਬਿਮਾਰੀਆਂ ਪੈਦਾ ਕਰ ਦਿੰਦਾ ਹੈ। ਫੇਫੜੇ ਦੀ ਬਿਮਾਰੀ ਹੁੰਦੀ ਹੈ। ਬ੍ਰੇਨ ਸਟ੍ਰੋਕ ਹੋ ਸਕਦਾ ਹੈ। ਹੱਡੀਆਂ ਕਮਜ਼ੋਰ ਹੋ ਜਾਂਦੀਆਂ ਹਨ।
ਸਾਰੀਆਂ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਵਿਚ ਹੈ ਨਮਕ : ਸਾਡੇ ਰੋਜ਼ਾਨਾ ਵਰਤੋਂ ਵਿਚ ਆਉਣ ਵਾਲੇ ਖਾਧ ਪਦਾਰਥਾਂ ਵਿਚ ਨਮਕ ਹੈ। ਸਾਰੀਆਂ ਸਬਜ਼ੀਆਂ, ਫਲਾਂ ਵਿਚ ਨਮਕ ਦੀ ਮਾਤਰਾ ਕੁਦਰਤੀ ਰੂਪ ਨਾਲ ਘੱਟ ਤੇ ਜ਼ਿਆਦਾ ਹੁੰਦੀ ਹੈ। ਦੁੱਧ ਅਤੇ ਸਾਰੇ ਅਨਾਜਾਂ ਵਿਚ ਵੀ ਨਮਕ ਮੌਜੂਦ ਹੁੰਦਾ ਹੈ। ਮਿੱਠੇ ਫਲਾਂ ਵਿਚ ਵੀ ਇਹ ਮੌਜੂਦ ਰਹਿੰਦਾ ਹੈ। ਸਾਰੀਆਂ ਆਧੁਨਿਕ ਪੀਣ ਵਾਲੀਆਂ ਚੀਜ਼ਾਂ ਵਿਚ ਵੀ ਮਿਲਿਆ ਹੁੰਦਾ ਹੈ।
ਬਾਜ਼ਾਰ ਵਿਚ ਕਈ ਤਰ੍ਹਾਂ ਦਾ ਨਮਕ ਮਿਲਦਾ ਹੈ। ਸਾਰਿਆਂ ਵਿਚ ਸੋਡੀਅਮ ਕਲੋਰਾਈਡ ਮੂਲ ਰੂਪ ਵਿਚ ਰਹਿੰਦਾ ਹੈ। ਆਇਓਡੀਨ ਨਮਕ ਵਿਚ ਮਿਲਾਇਆ ਜਾਂਦਾ ਹੈ, ਜੋ ਬੌਨਾਪਨ ਤੇ ਘੇਂਘਾ ਰੋਗ ਰੋਕਣ ਅਤੇ ਦਿਮਾਗ਼ ਲਈ ਜ਼ਰੂਰੀ ਹੈ। ਕੁਝ ਨਮਕ ਤੋਂ ਐਸਿਡ ਜਾਂ ਉੱਚ ਖੂਨ ਦਬਾਅ ਨੂੰ ਰੋਕਣ ਦਾ ਭ੍ਰਾਮਕ ਦਾਅਵਾ ਕੀਤਾ ਜਾਂਦਾ ਹੈ। ਸਿਰਫ ਲੋਨਾ ਨਮਕ ਵਿਚ ਸੋਡੀਅਮ ਕਲੋਰਾਈਡ ਦੇ ਨਾਲ ਦੁੱਗਣਾ ਪੋਟਾਸ਼ੀਅਮ ਕਲੋਰਾਈਡ ਵੀ ਮਿਲਿਆ ਹੁੰਦਾ ਹੈ, ਜੋ ਹਾਈ ਬਲੱਡ ਪ੍ਰੈਸ਼ਰ ਨੂੰ ਕਾਬੂ ਵਿਚ ਅਤੇ ਕਿਡਨੀ ਨੂੰ ਬਚਾਉਣ ਵਿਚ ਸਹਾਇਕ ਹੈ।
ਜਾਣਕਾਰੀ ਲਈ ਹੇਠ ਲਿਖੇ ਕੁਝ ਖਾਧ ਪਦਾਰਥ ਹਨ, ਜਿਨ੍ਹਾਂ ਵਿਚ ਕੁਦਰਤੀ ਰੂਪ ਨਾਲ ਨਮਕ ਜ਼ਿਆਦਾ ਮਾਤਰਾ ਵਿਚ ਮੌਜੂਦ ਹੁੰਦਾ ਹੈ, ਜਿਨ੍ਹਾਂ ਵਿਚ ਹੋਰ ਨਮਕ ਮਿਲਾਉਣ ਦੀ ਜ਼ਰੂਰਤ ਨਹੀਂ ਹੁੰਦੀ : ਛੋਲਿਆਂ ਦੀ ਦਾਲ, ਪਾਲਕ, ਟਮਾਟਰ, ਮਸਰਾਂ ਦੀ ਦਾਲ, ਕੇਲਾ, ਗਾਜਰ, ਮੂਲੀ, ਮਾਸ, ਅੰਡਾ, ਮੂੰਗ, ਕਣਕ, ਸੇਬ, ਦੁੱਧ ਆਦਿ ਦੇ ਇਕ ਸੌ ਗ੍ਰਾਮ ਮਾਤਰਾ ਵਿਚ 20 ਮਿ.ਗ੍ਰਾ. ਤੋਂ ਜ਼ਿਆਦਾ ਨਮਕ ਰਹਿੰਦਾ ਹੈ।

ਘਰ ਦਾ ਵੈਦ ਹੈ ਤੁਲਸੀ ਦਾ ਪੌਦਾ

ਤੁਲਸੀ ਦੇ ਪੌਦੇ ਤੋਂ ਅਸੀਂ ਚੰਗੀ ਤਰ੍ਹਾਂ ਜਾਣੂ ਹਾਂ। ਇਹ ਪਵਿੱਤਰ, ਧਾਰਮਿਕ, ਪ੍ਰਦੂਸ਼ਕ ਵਾਤਾਵਰਨ ਦਾ ਸ਼ੋਧਕ ਅਤੇ ਦਵਾਈ ਵਾਲੇ ਗੁਣਾਂ ਨਾਲ ਭਰਪੂਰ ਹੈ। ਉੱਤਰੀ ਭਾਰਤ ਦੀਆਂ ਧਾਰਮਿਕ ਆਸਥਾ ਵਾਲੀਆਂ ਔਰਤਾਂ ਇਸ ਦੀ ਮਹੱਤਤਾ 'ਤੇ ਵਿਸ਼ੇਸ਼ ਜ਼ੋਰ ਦਿੰਦੀਆਂ ਹਨ। ਉਹ ਹਰ ਰੋਜ਼ ਇਸ਼ਨਾਨ ਕਰਕੇ ਤੁਲਸੀ ਦੇ ਪੌਦੇ ਨੂੰ ਪਾਣੀ ਅਤੇ ਸ਼ਾਮ ਨੂੰ ਦੀਵਾ ਜ਼ਰੂਰ ਜਗਾਉਂਦੀਆਂ ਹਨ। ਇਸ ਤੋਂ ਇਲਾਵਾ ਜੇ ਸਾਡੀਆਂ ਮਾਵਾਂ-ਭੈਣਾਂ ਤੁਲਸੀ ਦੀ ਉਪਯੋਗਤਾ ਜਾਂ ਸੇਵਨ ਵਿਧੀ ਦੀ ਜਾਣਕਾਰੀ ਹਾਸਲ ਕਰ ਲੈਣ ਤਾਂ ਆਪਣੇ-ਆਪ ਨੂੰ ਤੰਦਰੁਸਤ ਰੱਖਣ ਦੇ ਨਾਲ-ਨਾਲ ਪੂਰੇ ਪਰਿਵਾਰ ਨੂੰ ਤੰਦਰੁਸਤ ਰੱਖ ਸਕਦੀਆਂ ਹਨ। ਆਯੁਰਵੈਦ ਵਿਚ ਅਨੁਭਵਾਂ ਦੇ ਆਧਾਰ 'ਤੇ ਤੁਲਸੀ ਦੀ ਚਮਤਕਾਰੀ ਵਰਤੋਂ ਇਸ ਤਰ੍ਹਾਂ ਹੈ। ਛਾਂ ਵਿਚ ਸੁਕਾਈ ਗਈ ਤੁਲਸੀ ਦੇ ਪੱਤਿਆਂ ਦੇ ਚੂਰਨ ਦਾ ਚੌਥਾਈ ਚਮਚ, ਤਾਜ਼ਾ ਅਦਰਕ ਦੋ ਗ੍ਰਾਮ, ਸੁੰਢ ਚੂਰਨ ਚੌਥਾਈ ਚਮਚ ਅਤੇ ਕਾਲੀ ਮਿਰਚ 7 ਨਗ, ਇਨ੍ਹਾਂ ਸਾਰਿਆਂ ਨੂੰ ਸੌ ਗ੍ਰਾਮ ਦੁੱਧ ਅਤੇ ਇਕ ਚਮਚ ਖੰਡ ਪਾ ਕੇ ਇਸ ਕਾੜ੍ਹੇ ਯੁਕਤ ਪੇਯ ਨੂੰ ਗਰਮ-ਗਰਮ ਪੀ ਕੇ ਆਰਾਮ ਕਰੋ। ਇਹ ਸ਼ੀਤ ਅਤੇ ਸ਼ਰਦ ਨਾਲ ਪੈਦਾ ਸਿਰਦਰਦ, ਨੱਕ ਵਿਚੋਂ ਪਾਣੀ ਵਗਣਾ, ਸਰਦੀ-ਜ਼ੁਕਾਮ, ਪੀਨਸ, ਸਾਹ ਨਲੀ ਦੀ ਸੋਜ, ਜੋੜਾਂ ਵਿਚ ਦਰਦ, ਸਾਧਾਰਨ ਜਵਰ, ਮਲੇਰੀਆ, ਬਦਹਜ਼ਮੀ ਆਦਿ ਰੋਗਾਂ ਵਿਚ ਰਾਮਬਾਣ ਦਵਾਈ ਹੈ। ਬੱਚਿਆਂ ਨੂੰ ਇਹ ਅੱਧੀ ਮਾਤਰਾ ਵਿਚ ਦੇਣੀ ਚਾਹੀਦੀ ਹੈ।


-ਕਾਮਤਾ ਨਾਥ ਤਿਵਾੜੀ

ਮਨੋਰੋਗਾਂ ਤੋਂ ਬਚਾਉਂਦੀ ਹੈ ਹਾਸ ਸੰਜੀਵਨੀ

ਸੰਸਾਰ ਦਾ ਹਰ ਵਿਅਕਤੀ ਚਾਹੁੰਦਾ ਹੈ ਕਿ ਲੋਕ ਉਸ ਤੋਂ ਪ੍ਰਭਾਵਿਤ ਹੋਣ, ਉਸ ਨੂੰ ਪਿਆਰ ਕਰਨ ਪਰ ਲੋਕਾਂ ਦਾ ਪਿਆਰ ਉਸ ਨੂੰ ਮਿਲ ਪਾਉਂਦਾ ਹੈ, ਜਿਸ ਦੇ ਚਿਹਰੇ 'ਤੇ ਮੁਸਕਾਨ ਹੁੰਦੀ ਹੈ। ਮੁਸਕਰਾਹਟ ਇਕ ਇਸ ਤਰ੍ਹਾਂ ਦੀ ਦਵਾਈ ਹੈ, ਜਿਸ ਦੇ ਆਉਂਦੇ ਹੀ ਸੜਿਆ ਚਿਹਰਾ ਵੀ ਆਕਰਸ਼ਕ ਤੇ ਮਨਮੋਹਕ ਲੱਗਣ ਲੱਗਦਾ ਹੈ।
ਅੱਜ ਦੇ ਸਮੇਂ ਵਿਚ ਇਸ ਤਰ੍ਹਾਂ ਦੇ ਵਿਅਕਤੀ ਬਹੁਤ ਹੀ ਘੱਟ ਮਿਲ ਪਾਉਂਦੇ ਹਨ, ਜੋ ਖ਼ੁਦ ਵੀ ਹੱਸਦੇ ਰਹਿਣ ਅਤੇ ਦੂਜਿਆਂ ਨੂੰ ਵੀ ਹੱਸਣ 'ਤੇ ਮਜਬੂਰ ਕਰਨ। ਹੱਸਦਾ ਚਿਹਰਾ ਦੇਖ ਕੇ ਦਰਸ਼ਕਾਂ ਦੇ ਚਿਹਰੇ ਖਿੜ ਉੱਠਦੇ ਹਨ ਅਤੇ ਪ੍ਰੇਮ ਦਾ ਅਦਾਨ-ਪ੍ਰਦਾਨ ਹੋਣ ਲਗਦਾ ਹੈ।
ਮਨ ਦੇ ਦੁਖੀ ਭਾਵਾਂ ਨੂੰ ਬਾਹਰ ਲਿਆਉਣ ਲਈ ਹਾਸਾ ਸਭ ਤੋਂ ਚੰਗਾ ਉਪਾਅ ਹੈ, ਜੋ ਖ਼ੁਦ ਨੂੰ ਹੀ ਸਿਹਤਮੰਦ ਨਹੀਂ ਰੱਖਦਾ, ਬਲਕਿ ਸੰਪਰਕ ਵਿਚ ਆਉਣ ਵਾਲੇ ਸਾਰੇ ਲੋਕਾਂ ਨੂੰ ਵੀ ਪ੍ਰਸੰਨਚਿਤ ਕਰ ਦਿੰਦਾ ਹੈ। ਮੁਸਕਾਨ ਅਤੇ ਹਾਸਾ ਇਸ ਤਰ੍ਹਾਂ ਦੀ ਦਵਾਈ ਹੈ, ਜੋ ਮਨੁੱਖ ਨੂੰ ਅੰਦਰ ਤੋਂ ਠੰਢਕ ਪ੍ਰਦਾਨ ਕਰਦਾ ਹੈ।
ਹਾਸਾ ਇਕ ਮਨੋਵਿਗਿਆਨਕ ਕਸਰਤ ਹੈ, ਜੋ ਮਾਸਪੇਸ਼ੀਆਂ ਨੂੰ ਵੀ ਅਣਚਾਹੇ ਦਬਾਅ ਤੋਂ ਮੁਕਤ ਰੱਖਦਾ ਹੈ। ਜੇਕਰ ਦਸ ਮਿੰਟ ਲਈ ਖੁੱਲ੍ਹ ਕੇ ਹੱਸਣ ਦਾ ਮੌਕਾ ਮਿਲ ਜਾਵੇ, ਤਾਂ ਦੋ ਘੰਟੇ ਤੱਕ ਬਿਨਾਂ ਕਿਸੇ ਦੁੱਖ-ਦਰਦ ਤੋਂ ਚੰਗੀ ਨੀਂਦ ਆ ਸਕਦੀ ਹੈ, ਜਿਸ ਨਾਲ ਸਰੀਰ ਦੀ ਥਕਾਨ ਦੂਰ ਹੁੰਦੀ ਹੈ ਅਤੇ ਫੁਰਤੀ ਆਉਣ ਲਗਦੀ ਹੈ।
ਹਾਸਾ-ਮੁਸਕਾਨ ਦੇ ਸਮੇਂ ਦਿਮਾਗ ਤੋਂ ਇੰਡੋਫਿੰਸ ਅਤੇ ਐਨਕੈਫੋਲਿੰਸ ਨਾਮੀ ਹਾਰਮੋਨ ਪੈਦਾ ਹੁੰਦੇ ਹਨ, ਜੋ ਪੂਰੇ ਸਰੀਰ ਨੂੰ ਚੁਸਤੀ ਪ੍ਰਦਾਨ ਕਰਦਾ ਹੈ। ਹੱਸਦੇ-ਮੁਸਕਰਾਉਂਦੇ ਰਹਿਣ ਵਾਲੀਆਂ ਔਰਤਾਂ ਵਿਚ ਨਾ ਹੱਸਣ ਵਾਲੀਆਂ ਔਰਤਾਂ ਤੋਂ ਕਿਤੇ ਜ਼ਿਆਦਾ ਸਰੀਰਕ ਚੁਸਤੀ ਬਣੀ ਰਹਿੰਦੀ ਹੈ।
ਖ਼ੁਸ਼ੀ ਇਕ ਮਾਨਸਿਕ ਗੁਣ ਹੈ, ਜਿਸ ਨੂੰ ਥੋੜ੍ਹੇ ਦਿਨਾਂ ਦੇ ਅਭਿਆਸ ਕਰਨ 'ਤੇ ਸਹਿਜੇ ਹੀ ਇਕ ਆਮ ਆਦਮ ਦੇ ਰੂਪ ਵਿਚ ਵਿਕਸਿਤ ਕੀਤਾ ਜਾ ਸਕਦਾ ਹੈ। ਹੱਸਣ ਦੀਆਂ ਸਿਰਫ਼ ਰਸਮਾਂ ਨੂੰ ਪੂਰਾ ਨਹੀਂ ਕਰਨਾ ਚਾਹੀਦਾ, ਕਿਉਂਕਿ ਬਨਾਉਟੀ ਹਾਸੇ ਨਾਲ ਕੁਝ ਮਿਲਣ ਵਾਲਾ ਨਹੀਂ ਹੁੰਦਾ। ਜਦੋਂ ਇਕ ਵਿਅਕਤੀ ਦੇ ਚਿਹਰੇ 'ਤੇ ਅੰਦਰੂਨੀ ਮੁਸਕਾਨ ਆਉਂਦੀ ਹੈ ਤਾਂ ਸੰਪਰਕ ਵਿਚ ਆਉਣ ਵਾਲੇ ਵਿਅਕਤੀ ਸਹਿਜੇ ਹੀ ਲਾਭਕਾਰੀ ਹੁੰਦੇ ਹਨ।
ਪ੍ਰਸਿੱਧ ਸਮਾਜਿਕ ਚਿੰਤਕ ਅਤੇ ਲੇਖਕ ਡੇਲ ਕਾਰਨੇਗੀ ਦਾ ਕਥਨ ਹੈ ਕਿ ਸਾਨੂੰ ਹਾਸਾ ਜਾਂ ਮੁਸਕਾਨ 'ਤੇ ਕੁਝ ਨਹੀਂ ਖਰਚ ਕਰਨਾ ਪੈਂਦਾ, ਪਰ ਇਹ ਬਹੁਤ ਕੁਝ ਪੈਦਾ ਕਰ ਸਕਦੀ ਹੈ। ਪਾਉਣ ਵਾਲਾ ਵੀ ਤ੍ਰਿਪਤ ਹੋ ਜਾਂਦਾ ਹੈ ਅਤੇ ਦੇਣ ਵਾਲਾ ਵੀ ਗ਼ਰੀਬ ਨਹੀਂ ਰਹਿੰਦਾ।
ਹਾਸੇ ਦੀ ਸੰਜੀਵਨੀ ਸ਼ਕਤੀ ਨੂੰ ਬਣਾਈ ਰੱਖ ਕੇ ਜੀਵਨ ਦੇ ਅਨੰਦ ਨੂੰ ਮਾਣਦੇ ਰਹਿਣਾ ਹੀ ਜੀਵਨ ਦੀ ਸਾਰਥਕਤਾ ਹੈ। ਹਾਸੇ ਨੂੰ ਅਖ਼ਤਿਆਰ ਕਰਕੇ ਅਨੇਕਾਂ ਮਨੋ ਰੋਗਾਂ ਤੋਂ ਬਚਿਆ ਜਾ ਸਕਦਾ ਹੈ। ਇਸ ਲਈ ਜੀਵਨ ਵਿਚ ਹਾਸੇ ਨੂੰ ਅਪਣਾਓ।

ਬਹੁਤ ਲਾਭਕਾਰੀ ਹੈ ਸੇਬ ਅਤੇ ਅਨਾਨਾਸ

ਅਨਾਨਾਸ ਵਿਚ ਵਿਟਾਮਿਨ 'ਏ' ਥੋੜ੍ਹੀ ਅਤੇ 'ਸੀ' ਜ਼ਿਆਦਾ ਮਾਤਰਾ ਵਿਚ ਪਾਇਆ ਜਾਂਦਾ ਹੈ। ਕੱਚਾ ਅਨਾਨਾਸ ਰੁਚੀਕਰ, ਕਫ ਪਿੱਤਕਾਰਕ, ਪਚਣ ਵਿਚ ਭਾਰੀ, ਦਿਲ ਲਈ ਹਿਤਕਾਰੀ ਅਤੇ ਸ਼੍ਰਮਨਾਸ਼ਕ ਹੁੰਦਾ ਹੈ। ਪੱਕਾ ਅਨਾਨਾਸ ਖੱਟਾ-ਮਿੱਠਾ, ਇਸ ਦੇ ਰਸ ਦੀ ਵਰਤੋਂ ਨਾਲ ਅੰਤੜੀਆਂ ਦੀ ਸ਼ੋਜ, ਨਿਰਬਲਤਾ, ਸਬਜ਼, ਅਜੀਰਨ, ਸਰੀਰ ਦੀ ਥਕਾਵਟ, ਸੁੱਕੀ ਖੰਘ, ਦਿਲ ਦੀ ਦੁਰਬਲਤਾ ਅਤੇ ਪਿੱਤਜਵਰ ਆਦਿ ਰੋਗਾਂ ਵਿਚ ਲਾਭ ਹੁੰਦਾ ਹੈ।
ਅਨਾਨਾਸ ਨੂੰ ਖਾਣ ਨਾਲ ਪਿੱਤ ਠੀਕ ਹੋ ਜਾਂਦੀ ਹੈ। ਇਸ ਦੇ ਟੁਕੜਿਆਂ 'ਤੇ ਖੰਡ ਅਤੇ ਕਾਲੀ ਮਿਰਚ ਦਾ ਚੂਰਨ ਛਿੜਕ ਕੇ ਖਾਣ ਨਾਲ ਜ਼ਿਆਦਾ ਲਾਭ ਮਿਲਦਾ ਹੈ। ਪੱਕੇ ਅਨਾਨਾਸ ਦੇ ਛੋਟੇ-ਛੋਟੇ ਟੁਕੜੇ ਕਰਕੇ ਇਨ੍ਹਾਂ 'ਤੇ ਪੀਪਰ ਦਾ ਚੂਰਨ ਪਾ ਕੇ ਖਾਣ ਨਾਲ ਬਹੁਮੂਤਰ ਦਾ ਰੋਗ ਠੀਕ ਹੋ ਜਾਂਦਾ ਹੈ। ਪੇਟ ਵਿਚ ਕ੍ਰਿਮ ਹੋਣ 'ਤੇ ਸੱਤ ਦਿਨਾਂ ਤੱਕ ਅਨਾਨਾਸ ਖਾਣ ਨਾਲ ਕ੍ਰਿਮ ਖ਼ਤਮ ਹੋ ਜਾਂਦੀ ਹੈ। ਪੱਕੇ ਅਨਾਨਾਸ ਦਾ ਰਸ ਕੱਢ ਲਓ। ਇਸ ਰਸ ਨਾਲੋਂ ਦੁੱਗਣੀ ਖੰਡ ਲੈ ਕੇ ਚਾਸ਼ਣੀ ਬਣਾ ਕੇ ਇਸ ਵਿਚ ਰਸ ਨੂੰ ਪਾ ਕੇ ਸ਼ਰਬਤ ਬਣਾ ਲਓ। ਇਹ ਸ਼ਰਬਤ ਗਰਮੀ (ਪਿੱਤ) ਦਾ ਸ਼ਮਨ ਕਰਦਾ ਹੈ, ਦਿਲ ਨੂੰ ਬਲ ਦਿੰਦਾ ਹੈ। ਇਸ ਦੇ ਉਪਰਲੀ ਛਿੱਲ ਅਤੇ ਵਿਚਕਾਰਲਾ ਸਖ਼ਤ ਹਿੱਸਾ ਕੱਢ ਲਓ ਅਤੇ ਇਸ ਦੇ ਫਲ ਦੇ ਛੋਟੇ-ਛੋਟੇ ਟੁਕੜੇ ਕਰੋ ਅਤੇ ਪਾਣੀ ਵਿਚ ਇਕ ਦਿਨ ਲਈ ਰੱਖ ਦਿਓ। ਦੂਜੇ ਦਿਨ ਇਨ੍ਹਾਂ ਨੂੰ ਚੂਨੇ ਦੇ ਪਾਣੀ ਵਿਚੋਂ ਕੱਢ ਕੇ ਸੁਕਾ ਦਿਓ।
ਸੇਬ
ਸੇਬ ਵਿਚ ਵਿਟਾਮਿਨ 'ਏ', 'ਬੀ' ਅਤੇ 'ਸੀ' ਪਾਇਆ ਜਾਂਦਾ ਹੈ। ਸਰੀਰ ਨੂੰ ਪੋਸਣ ਕਰਨ ਵਾਲਾ ਅਤੇ ਦਿਲ ਅਤੇ ਦਿਮਾਗ ਨੂੰ ਸ਼ਕਤੀ ਦੇਣ ਵਾਲਾ ਹੁੰਦਾ ਹੈ। ਇਸ ਨੂੰ ਖਾਣ ਨਾਲ ਕਬਜ਼ ਦੂਰ ਹੁੰਦੀ ਹੈ, ਭੁੱਖ ਵਧਦੀ ਹੈ, ਬਲ-ਵੀਰਜ, ਖੂਨ ਅਤੇ ਲੰਬੀ ਬਿਮਾਰੀ ਵਿਚ ਤਾਕਤ ਵਿਚ ਕਮੀ ਨਹੀਂ ਆਉਣ ਦਿੰਦਾ।
ਇਹ ਲਿਵਰ ਅਤੇ ਗੁਰਦੇ ਦੇ ਰੋਗੀ ਨੂੰ ਵਿਸ਼ੇਸ਼ ਲਾਭ ਦੇਣ ਵਾਲਾ ਹੁੰਦਾ ਹੈ। ਮਿੱਠਾ ਸੇਬ ਹੀ ਉਪਯੁਕਤ ਗੁਣ ਨੂੰ ਦੇਣ ਵਾਲਾ ਹੁੰਦਾ ਹੈ। ਸੇਬ ਦੇ ਛੋਟੇ ਟੁਕੜੇ ਕਰਕੇ ਕੱਚ ਦੇ ਭਾਂਡੇ ਵਿਚ ਪਾ ਕੇ ਰਾਤ ਨੂੰ ਖੁੱਲ੍ਹੀ ਜਗ੍ਹਾ ਤਰੇਲ ਪੈਣ ਲਈ ਰੱਖ ਦਿਓ। ਇਕ ਮਹੀਨੇ ਤੱਕ ਹਰ ਰੋਜ਼ ਇਸ ਦਾ ਸੇਵਨ ਕਰਨ ਨਾਲ ਸਰੀਰ ਵਿਚ ਬਲ ਆਉਂਦਾ ਹੈ।
ਇਕ ਮਿੱਠੇ ਸੇਬ ਵਿਚ 50 ਗ੍ਰਾਮ ਲੌਂਗ ਲਗਾ ਕੇ ਰੱਖ ਦਿਓ। 10 ਦਿਨਾਂ ਬਾਅਦ ਸੇਬ ਵਿਚੋਂ ਲੌਂਗ ਕੱਢ ਕੇ ਕਟੋਰੀ ਵਿਚ ਰੱਖ ਦਿਓ ਅਤੇ ਇਸ ਵਿਚੋਂ ਹਰ ਰੋਜ਼ 3 ਲੌਂਗ ਕੱਢ ਕੇ ਚਾਹ ਦੇ ਨਾਲ ਖਾਣ ਨਾਲ ਪੇਟ ਦੀ ਗੈਸ ਦੂਰ ਹੁੰਦੀ ਹੈ। ਜ਼ਿਆਦਾ ਪਿਆਸ ਲੱਗਣ ਵਾਲਿਆਂ ਲਈ ਸੇਬ ਦਾ ਰਸ 30 ਗ੍ਰਾਮ ਲੈ ਕੇ ਇਸ ਵਿਚ 60 ਗ੍ਰਮ ਪਾਣੀ ਮਿਲਾ ਕੇ ਨਿਯਮਤ ਰੂਪ ਨਾਲ ਕੁਝ ਦਿਨਾਂ ਤੱਕ ਪੀਣ ਨਾਲ ਪਿਆਸ ਦਾ ਰੋਗ ਵੀ ਦੂਰ ਹੁੰਦਾ ਹੈ।
ਭੋਜਨ ਕਰਨ ਤੋਂ 10 ਮਿੰਟ ਪਹਿਲਾਂ ਇਕ ਮਿੱਠਾ ਸੇਬ ਬਿਨਾਂ ਛਿੱਲੇ 20 ਦਿਨਾਂ ਤੱਕ ਸੇਵਨ ਕਰਨ ਨਾਲ ਦਿਮਾਗ ਨੂੰ ਤਾਕਤ ਮਿਲਦੀ ਹੈ। ਸੇਬ ਨੂੰ ਛਿੱਲ ਕੇ ਨਹੀਂ ਖਾਣਾ ਚਾਹੀਦਾ, ਇਸ ਦੀ ਛਿੱਲ ਵਿਚ ਵਿਟਾਮਿਨ 'ਸੀ' ਦੀ ਜ਼ਿਆਦਾ ਮਾਤਰਾ ਹੁੰਦੀ ਹੈ। ਹਰ ਰੋਜ਼ ਸਵੇਰੇ ਅਤੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਕ ਸੇਬ ਖਾਣ ਨਾਲ ਤੁਹਾਡੇ ਕੋਲੋਂ ਡਾਕਟਰ ਦੂਰ ਰਹਿੰਦੇ ਹਨ।
***

ਯੋਗ ਦੀ ਸਾਹ ਕਿਰਿਆ ਅਪਣਾਓ

ਮਨੁੱਖ ਨੂੰ ਭੌਤਿਕ ਸਰੀਰ, ਇੱਛਾਸ਼ਕਤੀ ਅਤੇ ਮਨ ਨੂੰ ਕਾਬੂ ਵਿਚ ਲੈ ਲੈਣਾ ਜੀਵਨ ਦੇ ਆਦਰਸ਼ ਲਈ ਬਹੁਤ ਜ਼ਰੂਰੀ ਹੈ। ਇਸੇ ਕਾਰਨ ਪਤੰਜਲੀ ਨੇ ਕੁਝ ਅਜਿਹੇ ਅਭਿਆਸਾਂ 'ਤੇ ਰੌਸ਼ਨੀ ਪਾਈ ਹੈ, ਜਿਸ ਨਾਲ ਸਰੀਰਕ ਚੰਚਲਤਾ ਅਤੇ ਵਿਕਲਤਾ ਦੂਰ ਕੀਤੀ ਜਾ ਸਕੇ। ਇਸ ਕਿਰਿਆ ਨਾਲ ਸਾਨੂੰ ਬਹੁਤ ਪ੍ਰਭਾਵਸ਼ਾਲੀ ਅਧਿਆਤਮਕ ਸ਼ਕਤੀ ਮਿਲਦੀ ਹੈ ਅਤੇ ਇਸ ਨਾਲ ਉਮਰ ਵੀ ਵਧਦੀ ਹੈ।
ਸੰਸਾਰਿਕ ਦੁੱਖਾਂ ਤੋਂ ਛੁਟਕਾਰਾ ਪਾਉਣ ਦਾ ਇਕਮਾਤਰ ਉਪਾਅ ਅਥਵਾ ਯੁਕਤੀ ਯੋਗ ਹੀ ਹੈ। ਇਸ ਲਈ ਪਰਮਾਤਮਾ ਵਿਚ ਲੀਨ ਹੋਣ ਦਾ ਯੋਗ ਹੀ ਸਾਧਨ ਹੈ। ਧਰਮ ਅਤੇ ਦਰਸ਼ਨ ਦੇ ਗਿਆਨ ਲਈ ਮਨੁੱਖ ਨੂੰ ਚਿੱਤ ਅਤੇ ਅੰਦਰੂਨੀ ਸਵਰੂਪ ਨੂੰ ਕਾਬੂ ਕਰਨਾ ਹੁੰਦਾ ਹੈ। ਦਿਲ ਦੀ ਸ਼ੁੱਧਤਾ ਅਤੇ ਮਨ ਦੀ ਸ਼ਾਂਤੀ ਗਹਿਨ ਚਿੰਤਨ ਤੋਂ ਬਿਨਾਂ ਸੰਭਵ ਨਹੀਂ ਹੈ। ਇਸ ਲਈ ਗੂੜ੍ਹ ਅਧਿਐਨ ਲਈ ਅਤੇ ਕੁਦਰਤ ਦੇ ਰਹੱਸਾਂ ਨੂੰ ਸੁਲਝਾਉਣ ਲਈ ਵੀ ਯੋਗ ਸਾਧਨਾ ਦੀ ਲੋੜ ਪੈਂਦੀ ਹੈ। ਯੋਗ ਨਾਲ ਜੀਵਨ ਦੇ ਉਦੇਸ਼ਾਂ ਦੀ ਪੂਰਤੀ ਹੁੰਦੀ ਹੈ। ਸਾਰੇ ਭਾਰਤੀ ਦਰਸ਼ਨਾਂ ਨੇ ਯੋਗ ਦੇ ਮਹੱਤਵ ਨੂੰ ਸਵੀਕਾਰ ਕੀਤਾ ਹੈ।
ਯੋਗ ਉਹ ਵਿਧੀ ਹੈ ਜੋ ਸਾਨੂੰ ਤੰਦਰੁਸਤ ਜੀਵਨ ਜਿਊਣ ਦੀ ਕਲਾ ਸਿਖਾਉਂਦੀ ਹੈ ਅਤੇ ਰੋਗਾਂ ਤੋਂ ਸਾਨੂੰ ਬਚਾਉਂਦੀ ਹੈ। ਇਹ ਇਕ ਆਤਮਿਕ ਚੇਤਨਾ ਹੈ, ਜੋ ਸਾਨੂੰ ਤੰਦਰੁਸਤ ਜੀਵਨ ਜਿਊਣ ਦਾ ਸੰਦੇਸ਼ ਦਿੰਦੀ ਹੈ।
ਸਾਹਾਂ 'ਤੇ ਆਧਾਰਿਤ ਧਿਆਨ ਯੋਗ ਜਾਦੂਈ ਅਸਰ ਕਰਦੇ ਹਨ। ਯੋਗ ਇਕ ਵਿਧੀ ਹੈ ਜੋ ਸਾਹ ਨਾਲ ਜੁੜੀ ਹੈ। ਸਾਹ ਦਾ ਪਹਿਲਾ ਸਰੋਤ ਨਾਭੀ ਨਾਲ ਹੈ। ਵਿਅਕਤੀ ਜਿੰਨਾ ਤਣਾਅਗ੍ਰਸਤ ਹੋਵੇਗਾ, ਸਾਹ ਦਾ ਬਿੰਦੂ ਓਨਾ ਹੀ ਦੂਰ ਹਟਦਾ ਜਾਂਦਾ ਹੈ। ਜਿੰਨੇ ਉੱਪਰੋਂ ਦੀ ਤੁਸੀਂ ਸਾਹ ਲੈਂਦੇ ਹੋ, ਓਨੇ ਹੀ ਤਣਾਅ ਨਾਲ ਭਰੇ ਹੋਣਗੇ ਅਤੇ ਜਿੰਨੇ ਹੇਠੋਂ ਸਾਹ ਲੈਂਦੇ ਹੋ, ਓਨੇ ਹੀ ਤੁਸੀਂ ਆਮ ਵਾਂਗ ਰਹੋਗੇ। ਸਾਹ ਨਾਭੀ ਨਾਲ ਚੱਲਣਾ ਚਾਹੀਦਾ ਹੈ। ਨਾਭੀ ਨਾਲ ਜਿਸ ਦਾ ਸਾਹ ਚੱਲ ਰਿਹਾ ਹੈ, ਉਹ ਪੂਰਨ ਤੰਦਰੁਸਤ ਹੈ।
ਜੇ ਤੁਸੀਂ ਤਣਾਅਮੁਕਤ ਹੋ ਤਾਂ ਸਾਹ ਅਨਿਵਾਰਯ ਰੂਪ ਨਾਲ ਨਾਭੀ ਕੇਂਦਰ 'ਤੇ ਪਹੁੰਚ ਜਾਵੇਗੀ। ਸਾਹ ਨੂੰ ਫੇਫੜਿਆਂ ਨਾਲ ਲੈਣਾ ਬੰਦ ਕਰਕੇ ਨਾਭੀ ਨਾਲ ਲੈਣਾ ਸ਼ੁਰੂ ਕਰੋ ਭਾਵ ਜਦੋਂ ਤੁਸੀਂ ਸਾਹ ਲਓ ਤਾਂ ਪੇਟ ਉੱਪਰ ਉੱਠੇ ਅਤੇ ਸਾਹ ਕੱਢੋ ਤਾਂ ਪੇਟ ਹੇਠਾਂ ਡਿਗੇ ਅਤੇ ਸੀਨਾ ਸ਼ਾਂਤ ਰਹੇ। 21 ਦਿਨ ਇਹ ਪ੍ਰਯੋਗ ਕਰੋ ਅਤੇ ਤੁਸੀਂ ਦੰਗ ਰਹਿ ਜਾਓਗੇ। ਤੁਸੀਂ ਮਹਿਸੂਸ ਕਰੋਗੇ ਕਿ ਸਾਹ ਦੇ ਨਾਭੀ ਨਾਲ ਚੱਲਣ ਨਾਲ ਕ੍ਰੋਧ, ਈਰਖਾ ਅਤੇ ਤਣਾਅ ਸਮਾਪਤ ਹੋ ਰਿਹਾ ਹੈ। ਤੁਹਾਡਾ ਸਰੀਰ ਹਲਕਾ, ਸੰਤੁਲਤ ਅਤੇ ਤੰਦਰੁਸਤ ਹੋਣ ਲੱਗੇਗਾ।
ਇਸ ਤਰ੍ਹਾਂ ਸਾਹ ਨੂੰ ਹੌਲੀ-ਹੌਲੀ ਨਾਭੀ 'ਤੇ ਲਾਓ, ਭਾਵ ਸੀਨੇ ਨਾਲ ਸਾਹ ਬਿਲਕੁਲ ਨਾ ਲਓ। ਸਾਹ ਜਦੋਂ ਬਾਹਰ ਜਾਵੇ ਤਾਂ ਜਿੰਨੇ ਜ਼ੋਰ ਨਾਲ ਸਾਹ ਨੂੰ ਬਾਹਰ ਕੱਢ ਸਕੋ, ਕੱਢੋ ਅਤੇ ਅੰਦਰ ਸਾਹ ਨੂੰ ਆਪਣੇ-ਆਪ ਆਉਣ ਦਿਓ ਭਾਵ ਸਾਹ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰੋ ਅਤੇ ਲੈਣਾ ਭੁੱਲ ਜਾਓ। ਜਦੋਂ ਸਾਹ ਬਾਹਰ ਜਾਵੇ ਤਾਂ ਸਮਝੋ ਕਿ ਮੈਂ ਬਾਹਰ ਚਲਾ ਗਿਆ ਅਤੇ ਜਦੋਂ ਸਾਹ ਅੰਦਰ ਜਾਵੇ ਤਾਂ ਸਮਝੋ ਕਿ ਮੈਂ ਅੰਦਰ ਆ ਗਿਆ। ਇਸ ਤਰ੍ਹਾਂ ਤੁਸੀਂ ਮਹਿਸੂਸ ਕਰੋਗੇ ਕਿ ਯੋਗ ਦੀ ਇਸ ਸਾਹ ਕਿਰਿਆ ਨਾਲ ਤੁਹਾਡਾ ਜੀਵਨ ਅਤੇ ਸ਼ਖ਼ਸੀਅਤ ਹੀ ਬਦਲ ਗਈ ਹੈ।
**

ਖਜੂਰ ਖਾਓ ਅਤੇ ਤੰਦਰੁਸਤ ਰਹੋ

ਮਿੱਠੀ-ਮਿੱਠੀ ਗੁੱਦੇਦਾਰ ਖਜੂਰ ਸਰਦੀਆਂ ਵਿਚ ਖਾਣ ਦਾ ਆਪਣਾ ਹੀ ਅਨੰਦ ਹੁੰਦਾ ਹੈ। ਮੱਧ ਪੂਰਬ ਦੇ ਲੋਕਾਂ ਦੇ ਭੋਜਨ ਦਾ ਵਿਸ਼ੇਸ਼ ਹਿੱਸਾ ਹੁੰਦਾ ਹੈ ਖਜੂਰ। ਖਜੂਰ ਸਰੀਰ ਨੂੰ ਇੰਸਟੈਂਟ ਅਨਰਜੀ ਦਿੰਦਾ ਹੈ। ਖਜੂਰ ਵਿਚ ਫਾਈਬਰ, ਕੈਲਸ਼ੀਅਮ, ਆਇਰਨ, ਮੈਗਨੀਸ਼ੀਅਮ, ਫਾਸਫੋਰਸ, ਪੋਟਾਸ਼ੀਅਮ ਬਹੁਤ ਸਾਰੇ ਪੋਸ਼ਕ ਤੱਤ ਹੁੰਦੇ ਹਨ। ਖਜੂਰ ਨੂੰ ਖਾਣੇ ਤੋਂ ਬਾਅਦ ਸਵੀਟ ਡਿਸ਼ ਦੇ ਰੂਪ ਵਿਚ ਵੀ ਖਾਧਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਨੂੰ ਹੋਰ ਤਰੀਕਿਆਂ ਨਾਲ ਵੀ ਖਾਧਾ ਜਾ ਸਕਦਾ ਹੈ।
* ਖਜੂਰ ਛੇਤੀ ਪਚਦੀ ਹੈ, ਇਸ ਲਈ ਊਰਜਾ ਵੀ ਤੁਰੰਤ ਦਿੰਦੀ ਹੈ।
* ਦੁੱਧ ਵਿਚ ਖਜੂਰ ਨੂੰ ਉਬਾਲ ਕੇ ਬੱਚਿਆਂ ਨੂੰ ਦੇਣ ਨਾਲ ਉਨ੍ਹਾਂ ਦਾ ਮਾਨਸਿਕ ਅਤੇ ਸਰੀਰਕ ਵਿਕਾਸ ਹੁੰਦਾ ਹੈ, ਕਿਉਂਕਿ ਇਸ ਵਿਚ ਕਈ ਪੋਸ਼ਕ ਤੱਤ ਹੁੰਦੇ ਹਨ।
* ਖਜੂਰ ਵਿਚ ਆਇਰਨ ਭਰਪੂਰ ਮਾਤਰਾ ਵਿਚ ਹੋਣ ਕਾਰਨ ਇਸ ਨੂੰ ਅਨੀਮੀਆ ਰੋਗੀ ਖਾ ਸਕਦੇ ਹਨ। ਨਿਯਮਤ ਸੇਵਨ ਨਾਲ ਲਾਭ ਮਿਲਦਾ ਹੈ।
* ਪੋਟਾਸ਼ੀਅਮ ਦੀ ਕਾਫੀ ਮਾਤਰਾ ਹੋਣ ਕਾਰਨ ਇਸ ਨੂੰ ਡਾਇਰੀਆ ਰੋਗੀਆਂ ਨੂੰ ਵੀ ਦਿੱਤਾ ਜਾ ਸਕਦਾ ਹੈ, ਜਿਸ ਨਾਲ ਡਾਇਰੀਆ ਕਾਬੂ ਵਿਚ ਰਹਿੰਦਾ ਹੈ।
* ਖਜੂਰ ਵਿਚ ਸ਼ੂਗਰ, ਫੈਟ ਅਤੇ ਪ੍ਰੋਟੀਨ ਹੋਣ ਦੇ ਕਾਰਨ ਪਤਲੇ ਲੋਕਾਂ ਨੂੰ ਲਾਭ ਮਿਲਦਾ ਹੈ। ਭਾਰ ਵਧਾਉਣ ਵਿਚ ਸਹਾਇਤਾ ਹੁੰਦੀ ਹੈ।

-ਸੁਨੀਤਾ ਗਾਬਾ

ਜਦੋਂ ਮੂੰਹ ਵਿਚ ਹੋ ਜਾਣ ਛਾਲੇ

ਫੰਗਲ ਇਨਫੈਕਸ਼ਨ ਨਾਲ ਹੋਣ ਵਾਲੇ ਛਾਲੇ ਕੈਂਡਿਡਾ ਅਲਬੀਨਕਨ ਨਾਮੀ ਫੰਗਲ ਨਾਲ ਹੁੰਦੇ ਹਨ। ਇਸ ਨੂੰ ਥ੍ਰਸ਼ ਕਹਿੰਦੇ ਹਨ। ਇਹ ਅਕਸਰ ਛੋਟੇ ਬੱਚਿਆਂ ਵਿਚ ਜ਼ਿਆਦਾ ਦੇਖਣ ਨੂੰ ਮਿਲਦੇ ਹਨ। ਠੀਕ ਤਰ੍ਹਾਂ ਦੁੱਧ ਦੀ ਬੋਤਲ ਧੋਤੀ ਨਾ ਹੋਣਾ, ਬੱਚਿਆਂ ਦੀ ਪਾਚਣ ਸ਼ਕਤੀ ਕਮਜ਼ੋਰ ਹੋਣਾ, ਵਿਟਾਮਿਨ ਅਤੇ ਪੋਸ਼ਕ ਤੱਤਾਂ ਦੀ ਕਮੀ ਹੋਣਾ ਅਤੇ ਹਨੇਰੇ, ਸਿੱਲ੍ਹ ਭਰੇ ਕਮਰੇ ਵਿਚ ਰਹਿਣਾ ਜਿਥੇ ਲੋੜੀਂਦੀ ਮਾਤਰਾ ਵਿਚ ਧੁੱਪ ਅਤੇ ਰੌਸ਼ਨੀ ਨਾ ਪਹੁੰਚਦੀ ਹੋਵੇ ਆਦਿ ਇਸ ਦੇ ਕਾਰਨ ਹੁੰਦੇ ਹਨ।
ਵਾਇਰਸ ਜਨਿਤ ਮੁਖਪਾਕ ਇਸ ਤਰ੍ਹਾਂ ਦੇ ਫਿਲਟ੍ਰੈਬਲ ਵਾਇਰਸ ਦੁਆਰਾ ਹੁੰਦਾ ਹੈ। ਇਹ ਵਾਇਰਸ ਅੰਤੜੀਆਂ ਦੇ ਰੋਗ, ਲੰਬੇ ਸਮੇਂ ਤੱਕ ਅਜੀਰਣ ਤੋਂ ਪੀੜਤ ਰਹਿਣ, ਪਾਚਣ ਸਬੰਧੀ ਅਨਿਯਮਤਤਾਵਾਂ ਅਤੇ ਦੂਜਿਆਂ ਦੇ ਨਾਲ ਇਕ ਹੀ ਥਾਲੀ ਵਿਚ ਖਾਣ ਆਦਿ ਨਾਲ ਪਨਪ ਸਕਦਾ ਹੈ। ਵਾਇਰਸ ਜਨਿਤ ਮੁਖਪਾਕ ਵਿਚ ਬੁੱਲ੍ਹ, ਗੱਲ੍ਹ ਜਾਂ ਜੀਭ 'ਤੇ ਵੇਦਨਾ ਯੁਕਤ ਛਾਲੇ ਹੋ ਜਾਂਦੇ ਹਨ ਅਤੇ ਫਿਰ ਖਾਣ-ਪੀਣ ਵਿਚ ਮੁਸ਼ਕਿਲ ਹੁੰਦੀ ਹੈ ਅਤੇ ਲਾਰ ਜ਼ਿਆਦਾ ਮਾਤਰਾ ਵਿਚ ਨਿਕਲਦੀ ਹੈ।
ਛਾਲੇ ਹੋਣ ਦਾ ਸਹੀ-ਸਹੀ ਕਾਰਨ ਜਾਣੇ ਬਿਨਾਂ ਉਨ੍ਹਾਂ ਤੋਂ ਛੁਟਕਾਰਾ ਪਾਉਣਾ ਸੰਭਵ ਨਹੀਂ ਹੈ। ਬਿਨਾਂ ਸਹੀ ਕਾਰਨ ਜਾਣੇ, ਅੰਧਾਧੁੰਦ ਐਂਟੀਬਾਇਓਟਿਕ ਦੀ ਵਰਤੋਂ ਨਾਲ ਫਾਇਦੇ ਦੀ ਬਜਾਏ ਨੁਕਸਾਨ ਵੀ ਹੋ ਸਕਦਾ ਹੈ। ਇਸ ਨਾਲ ਫੰਗਲ ਇਨਫੈਕਸ਼ਨ ਵਧਣ ਦਾ ਜੋਖਮ ਵੀ ਰਹਿੰਦਾ ਹੈ। ਵੈਸੇ ਵੀ ਜ਼ਿਆਦਾ ਐਂਟੀਬਾਇਓਟਿਕ ਅੰਤੜੀਆਂ ਵਿਚ ਪਾਏ ਜਾਣ ਵਾਲੇ ਸੁਭਾਵਿਕ ਅਤੇ ਲਾਭਦਾਇਕ ਬੈਕਟੀਰੀਆ ਨੂੰ ਨਸ਼ਟ ਕਰ ਦਿੰਦੇ ਹਨ। ਇਸ ਦੀ ਜ਼ਿਆਦਾ ਵਰਤੋਂ ਨਾਲ ਸਰੀਰ ਦੀ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਵੀ ਘਟਦੀ ਹੈ। ਛਾਲਿਆਂ ਦਾ ਇਲਾਜ ਨਾ ਕਰਕੇ ਜੇ ਉਨ੍ਹਾਂ ਦੇ ਹੋਣ ਵਾਲੇ ਕਾਰਨ ਦਾ ਇਲਾਜ ਕੀਤਾ ਜਾਵੇ ਤਾਂ ਰੋਗੀ ਨੂੰ ਛੇਤੀ ਰਾਹਤ ਮਿਲਦੀ ਹੈ। ਵੈਸੇ ਵੀ ਜਦੋਂ ਤੱਕ ਸਥਿਤੀ ਗੰਭੀਰ ਨਾ ਹੋਵੇ, ਸਾਨੂੰ ਦਵਾਈਆਂ ਦੇ ਮੁਕਾਬਲੇ ਨੈਸਰਗਿਕ ਇਲਾਜ ਨੂੰ ਵੀ ਪਹਿਲ ਦੇਣੀ ਚਾਹੀਦੀ ਹੈ।
ਛਾਲਿਆਂ ਤੋਂ ਛੁਟਕਾਰਾ ਪਾਉਣ ਲਈ ਮੂੰਹ ਦੀ ਚੰਗੀ ਤਰ੍ਹਾਂ ਸਾਫ਼-ਸਫ਼ਾਈ ਕਰੋ। ਕਦੇ-ਕਦੇ ਏਨਾ ਕਰ ਲੈਣ ਨਾਲ ਹੀ ਸਾਨੂੰ ਛਾਲਿਆਂ ਤੋਂ ਰਾਹਤ ਮਿਲ ਜਾਂਦੀ ਹੈ। ਮੂੰਹ ਦੀ ਸਾਫ਼-ਸਫ਼ਾਈ ਰੱਖਣ ਨਾਲ ਉਥੇ ਬੈਕਟੀਰੀਆ, ਫੰਗਸ ਅਤੇ ਵਾਇਰਸ ਨਹੀਂ ਪਨਪਦੇ, ਜਿਸ ਨਾਲ ਉਨ੍ਹਾਂ ਤੋਂ ਹੋਣ ਵਾਲੇ ਛਾਲਿਆਂ ਤੋਂ ਛੁਟਕਾਰਾ ਮਿਲਦਾ ਹੈ। ਹਰ ਮੁੱਖ ਭੋਜਨ ਤੋਂ ਬਾਅਦ ਠੀਕ ਤਰ੍ਹਾਂ ਦੰਦਾਂ ਦੀ ਸਫ਼ਾਈ ਅਤੇ ਕੁਰਲੀ ਕਰਨ ਨਾਲ ਵੀ ਮੂੰਹ ਸਾਫ਼-ਸੁਥਰਾ ਰਹਿੰਦਾ ਹੈ। ਇਸ ਨਾਲ ਮੂੰਹ ਦੀ ਬਦਬੂ ਅਤੇ ਸਾਹ ਦੀ ਬਦਬੂ ਤੋਂ ਵੀ ਛੁਟਕਾਰਾ ਮਿਲ ਜਾਂਦਾ ਹੈ।
ਕਬਜ਼ ਬਣੇ ਰਹਿਣਾ ਮੂੰਹ ਦੇ ਛਾਲਿਆਂ ਦਾ ਇਕ ਚਿਰਪਰਿਚਿਤ ਜਿਹਾ ਕਾਰਨ ਹੈ। ਲਗਾਤਾਰ ਕਬਜ਼ ਬਣੇ ਰਹਿਣਾ ਸਾਡੀ ਖਰਾਬ ਪਾਚਣ ਸ਼ਕਤੀ ਦੀ ਨਿਸ਼ਾਨੀ ਹੈ। ਇਸ ਨਾਲ ਪੇਟ ਵਿਚ ਗੈਸ ਬਣ ਸਕਦੀ ਹੈ ਅਤੇ ਖੱਟੇ ਡਕਾਰ ਆਉਂਦੇ ਹਨ। ਐਸੀਡਿਟੀ ਦੀ ਸ਼ਿਕਾਇਤ ਬਣੀ ਰਹਿੰਦੀ ਹੈ, ਜਿਸ ਨਾਲ ਪੇਟ ਦੇ ਉੱਪਰਲੇ ਹਿੱਸੇ ਤੋਂ ਲੈ ਕੇ ਗਲੇ ਤੱਕ ਜਲਣ ਹੋ ਸਕਦੀ ਹੈ। ਜ਼ਿਆਦਾ ਦਿਨਾਂ ਤੱਕ ਅਜਿਹਾ ਬਣੇ ਰਹਿਣ ਨਾਲ ਮੂੰਹ ਵਿਚ ਛਾਲੇ ਹੋਣ ਦੀ ਸੰਭਾਵਨਾ ਵਧ ਜਾਂਦੀ ਹੈ, ਜਿਸ ਦਾ ਸਹੀ ਇਲਾਜ ਕਬਜ਼ ਦਾ ਇਲਾਜ ਹੀ ਹੈ।
ਛਾਲਿਆਂ ਦਾ ਇਲਾਜ ਕਰਨ ਦੀ ਬਜਾਏ ਉਨ੍ਹਾਂ ਦੀ ਰੋਕਥਾਮ ਕਰਨਾ ਚੰਗਾ ਬਦਲ ਹੈ। ਛਾਲੇ ਨਾ ਹੋਣ, ਇਸ ਵਾਸਤੇ ਹਮੇਸ਼ਾ ਤਾਜ਼ਾ ਅਤੇ ਘੱਟ ਮਿਰਚ-ਮਸਾਲੇ ਵਾਲਾ ਭੋਜਨ ਕਰੋ। ਹਰੀਆਂ ਅਤੇ ਪੱਤੇਦਾਰ ਸਬਜ਼ੀਆਂ, ਸਲਾਦ, ਫਲ ਆਦਿ ਆਪਣੇ ਭੋਜਨ ਵਿਚ ਜ਼ਰੂਰ ਸ਼ਾਮਿਲ ਕਰੋ। ਚੋਕਰ ਵਾਲੇ ਆਟੇ ਦੀਆਂ ਰੋਟੀਆਂ ਅਤੇ ਪੁੰਗਰੇ ਅਨਾਜ ਖਾਓ। ਇਸ ਸਭ ਕੁਝ ਨਾਲ ਮੂੰਹ ਦੇ ਛਾਲਿਆਂ ਦੇ ਨਾਲ-ਨਾਲ ਕਬਜ਼ ਵੀ ਦੂਰ ਹੋਵੇਗੀ, ਜੋ ਕਿ ਛਾਲਿਆਂ ਦਾ ਇਕ ਮੁੱਖ ਕਾਰਨ ਹੈ।
ਸਵੇਰੇ ਉੱਠ ਕੇ ਢੰਗ ਨਾਲ ਮੂੰਹ ਅਤੇ ਦੰਦ ਸਾਫ ਕਰਕੇ ਇਕ-ਦੋ ਗਿਲਾਸ ਪਾਣੀ ਪੀਓ ਅਤੇ ਕੁਝ ਦੇਰ ਤੱਕ ਖੁੱਲ੍ਹੀ ਛੱਤ 'ਤੇ ਟਹਿਲੋ। ਇਸ ਨਾਲ ਵੀ ਕਬਜ਼ ਦੂਰ ਹੋਵੇਗੀ। ਸਵੇਰ ਦੀ ਚਾਹ ਦੀ ਜਗ੍ਹਾ ਇਕ ਗਿਲਾਸ ਪਾਣੀ ਵਿਚ ਅੱਧਾ ਨਿੰਬੂ ਨਿਚੋੜ ਕੇ ਪੀਓ। ਨਿੰਬੂ ਵਿਟਾਮਿਨ 'ਸੀ' ਨਾਲ ਭਰਪੂਰ ਹੁੰਦਾ ਹੈ ਅਤੇ ਛਾਲਿਆਂ ਤੋਂ ਰਾਹਤ ਦਿੰਦਾ ਹੈ। ਸਵੇਰੇ ਖਾਲੀ ਪੇਟ ਥੋੜ੍ਹੀ ਕਸਰਤ ਕਰ ਲੈਣੀ ਸੋਨੇ 'ਤੇ ਸੁਹਾਗੇ ਵਾਂਗ ਹੁੰਦੀ ਹੈ। ਇਸ ਨਾਲ ਪਾਚਣ ਕਿਰਿਆ ਠੀਕ ਰਹਿੰਦੀ ਹੈ ਅਤੇ ਸਰੀਰ ਵਿਚ ਚੁਸਤੀ-ਫੁਰਤੀ ਰਹਿੰਦੀ ਹੈ।


-ਨਰੇਂਦਰ ਦੇਵਾਂਗਨ

ਤੰਦਰੁਸਤੀ ਅਤੇ ਸੁੰਦਰਤਾ ਵਧਾਉਂਦਾ ਹੈ ਤਿਲ

ਤਿਲ ਰਸ ਵਿਚ ਤਿੱਖੇ, ਕੜਵੇ, ਮਧੁਰ ਅਤੇ ਕਸੈਲੇ ਹੁੰਦੇ ਹਨ। 6 ਰਸਾਂ ਵਿਚੋਂ 4 ਰਸ ਤਿਲ ਵਿਚ ਹਨ। ਤਿਲ ਵਿਪਾਕ ਵਿਚ ਤਿੱਖੇ, ਸਵਾਦੀ, ਚਿਕਣੇ, ਗਰਮ, ਕਫ-ਪਿੱਤ ਕਾਰਕ, ਬਲਦਾਇਕ, ਕੇਸਾਂ ਲਈ ਹਿਤਕਾਰੀ, ਸਪਰਸ਼ ਵਿਚ ਸ਼ੀਤਲ, ਚਮੜੀ ਲਈ ਲਾਭਦਾਇਕ, ਸਤਨਾਂ ਵਿਚ ਦੁੱਧ ਵਧਾਉਣ ਵਾਲੇ, ਜ਼ਖ਼ਮ ਭਰਨ ਵਾਲੇ, ਬੁੱਧੀਪ੍ਰਦ, ਦੰਦਾਂ ਲਈ ਹਿਤਕਾਰੀ, ਮੂਤਰ ਘੱਟ ਕਰਨ ਵਾਲੇ, ਗ੍ਰਾਹੀ, ਵਾਤਨਾਸ਼ਕ ਅਤੇ ਅਗਨੀ ਨੂੰ ਪ੍ਰਦੀਪਤ ਕਰਨ ਵਾਲੇ ਹਨ। ਕਾਲਾ ਤਿਲ ਸਰਬਸ੍ਰੇਸ਼ਠ ਹੁੰਦਾ ਹੈ। ਦਵਾਈ ਬਣਾਉਣ ਵਿਚ ਕਾਲੇ ਤਿਲ ਦੀ ਵਰਤੋਂ ਕਰਨੀ ਉੱਤਮ ਹੁੰਦੀ ਹੈ।
ਦਵਾਈ ਵਜੋਂ ਵਰਤੋਂ
ਬਵਾਸੀਰ : ਦੋ ਚਮਚ ਕਾਲੇ ਤਿਲ ਪਾਣੀ ਦੇ ਨਾਲ ਪੀਸ ਕੇ ਥੋੜ੍ਹੇ ਮੱਖਣ ਵਿਚ ਮਿਲਾ ਕੇ ਹਰ ਰੋਜ਼ ਸਵੇਰੇ ਚੱਟਣ ਨਾਲ ਬਵਾਸੀਰ ਤੋਂ ਆਰਾਮ ਮਿਲਦਾ ਹੈ।
ਬਹੁਮੂਤਰ : ਗੁੜ ਦੇ ਨਾਲ ਬਣਾਏ ਤਿਲ ਦੇ ਲੱਡੂ ਜਾਂ ਗੱਚਕ ਪੱਟੀ ਦਾ ਸੇਵਨ ਬਹੁਮੂਤਰ ਰੋਗ ਵਿਚ ਲਾਭਦਾਇਕ ਹੈ। ਇਹ ਮੂਤਰ ਨੂੰ ਘੱਟ ਕਰਦਾ ਹੈ।
ਚਮੜੀ ਦੀ ਖੁਸ਼ਕੀ : ਤਿਲ ਪੀਸ ਕੇ ਬਣਾਇਆ ਗਿਆ ਉਬਟਨ ਸਰੀਰ 'ਤੇ ਲਗਾ ਕੇ ਮਲਣ ਨਾਲ ਜਿਥੇ ਚਮੜੀ ਦੀ ਮੈਲ ਉਤਰਦੀ ਹੈ, ਉਥੇ ਚਮੜੀ ਦੀ ਖੁਸ਼ਕੀ ਖ਼ਤਮ ਹੋ ਕੇ ਉਸ ਵਿਚ ਕੋਮਲਤਾ ਆਉਂਦੀ ਹੈ ਅਤੇ ਸੀਤ ਦੇ ਪ੍ਰਕੋਪ ਤੋਂ ਵੀ ਰੱਖਿਆ ਹੁੰਦੀ ਹੈ।
ਕਬਜ਼ : ਹਰ ਰੋਜ਼ ਥੋੜ੍ਹੇ ਤਿਲ ਖੂਬ ਚਬਾ-ਚਬਾ ਕੇ ਖਾਣ ਨਾਲ ਇਸ ਦੇ ਰੇਸ਼ੇ, ਛਿਲਕੇ ਅਤੇ ਤੰਤੂ ਅੰਤੜੀਆਂ ਦੀ ਸਫ਼ਾਈ ਕਰਕੇ ਕਬਜ਼ ਹਟਾਉਂਦੇ ਹਨ ਅਤੇ ਸਰੀਰ ਨੂੰ ਪੁਸ਼ਟ ਅਤੇ ਤੰਦਰੁਸਤ ਬਣਾਉਂਦੇ ਹਨ।
ਆਧਾਸੀਸੀ : ਤਿਲ ਅਤੇ ਬਾਇਬਿਡਿੰਗ ਦੁੱਧ ਵਿਚ ਪੀਸ ਕੇ ਸਿਰ 'ਤੇ ਲੇਪ ਕਰਨ ਨਾਲ ਆਧਾਸੀਸੀ ਵਿਚ ਆਰਾਮ ਮਿਲਦਾ ਹੈ।
ਕਿੱਲ-ਮੁਹਾਸੇ : ਤਿਲ ਦੀ ਪੁਰਾਣੀ ਖਲੀ ਗਊ ਮੂਤਰ ਵਿਚ ਪੀਸ ਕੇ ਕਿੱਲ-ਮੁਹਾਸਿਆਂ 'ਤੇ ਲੇਪ ਕਰਨ ਨਾਲ ਲਾਭ ਹੁੰਦਾ ਹੈ।
ਕੰਨ ਦਰਦ : ਤਿਲ ਦੇ ਤੇਲ ਵਿਚ ਲਸਣ ਦੀ ਕਲੀ ਪਾ ਕੇ ਗਰਮ ਕਰਕੇ, ਉਸ ਦੀਆਂ ਬੂੰਦਾਂ ਕੰਨ ਵਿਚ ਪਾਉਣ ਨਾਲ ਕੰਨ ਦਰਦ ਅਤੇ ਕੰਨ ਦਾ ਸ਼ੂਲ ਮਿਟਦਾ ਹੈ।
ਮਜ਼ਬੂਤ ਦੰਦ : ਤਿਲ ਦੀ ਇਕ ਚਮਚ ਮਾਤਰਾ ਖੂਬ ਚਬਾ-ਚਬਾ ਕੇ ਖਾਣ ਨਾਲ ਦੰਦ ਮਜ਼ਬੂਤ ਅਤੇ ਸੁੰਦਰ ਹੁੰਦੇ ਹਨ, ਕਬਜ਼ ਦਾ ਨਾਸ ਹੁੰਦਾ ਹੈ, ਵਾਲਾਂ ਅਤੇ ਅੱਖਾਂ ਨੂੰ ਲਾਭ ਹੁੰਦਾ ਹੈ, ਸਰੀਰ ਦੀ ਚਮੜੀ ਉੱਜਲ ਹੁੰਦੀ ਹੈ।
ਮਾਲਿਸ਼ ਦੇ ਲਾਭ : ਤਿਲ ਦੇ ਤੇਲ ਦੀ ਪੂਰੇ ਸਰੀਰ 'ਤੇ ਮਾਲਿਸ਼ ਕਰਨ ਨਾਲ ਜਿਥੇ ਸਰੀਰ ਦੀ ਚਮੜੀ ਚਿਕਣੀ ਅਤੇ ਹੱਡੀਆਂ ਦੇ ਜੋੜ ਲੋਚਦਾਰ ਹੁੰਦੇ ਹਨ, ਉਥੇ ਸਰੀਰ ਵਿਚ ਕੁਪਿਤ ਵਾਤ ਅਤੇ ਪਿੱਤ ਦਾ ਵੀ ਨਾਸ ਹੁੰਦਾ ਹੈ।
ਧਿਆਨ ਰਹੇ : ਤਿਲ ਅਤੇ ਗੁੜ ਇਕੱਠੇ ਲੈਣ ਨਾਲ ਕਫ ਅਤੇ ਪਿੱਤ ਕਰਦੇ ਹਨ ਅਤੇ ਮਲ ਵਧਾਉਂਦੇ ਹਨ, ਇਸ ਲਈ ਚਮੜੀ ਰੋਗ, ਜੁਕਾਮ, ਨੇਤਰ ਰੋਗ, ਸ਼ੂਗਰ, ਖੂਨ ਵਿਕਾਰ ਆਦਿ ਦੇ ਰੋਗੀ ਇਸ ਦਾ ਸੇਵਨ ਨਾ ਕਰਨ।


-ਉਮੇਸ਼ ਕੁਮਾਰ ਸਾਹੂ

ਪੇਟ ਦੀਆਂ ਬਿਮਾਰੀਆਂ

ਕਲੇਜੇ 'ਚ ਸਾੜ-ਅੰਤੜੀ ਸੋਜ

ਹਾਰਟ ਬਰਨ ਕੀ ਹੈ? ਕਿਉਂ ਹੁੰਦਾ ਹੈ? ਇਸ ਅਤੇ ਹਾਰਟ ਅਟੈਕ ਵਿਚ ਕੀ ਫਰਕ ਹੈ? ਅਲਸਰ ਕੀ ਹੁੰਦਾ ਹੈ? ਅੱਜ ਦੇ ਮਾਹੌਲ 'ਚ ਕੋਈ ਵੀ ਵਿਅਕਤੀ ਥੋੜ੍ਹੀ ਜਿਹੀ ਮਿਹਨਤ ਕਰਕੇ ਬਹੁਤ ਜ਼ਿਆਦਾ ਤਰੱਕੀ ਚਾਹੁੰਦਾ ਹੈ। ਇਹ ਦੌੜ ਛੋਟੀ ਉਮਰ ਤੋਂ ਲੈ ਕੇ ਵੱਡੀ ਉਮਰ ਤੱਕ ਦੇ ਲੋਕਾਂ ਵਿਚ ਦੇਖਣ ਨੂੰ ਮਿਲਦੀ ਹੈ। ਇਹ ਮੁਕਾਬਲੇਬਾਜ਼ੀ ਭਰੇ ਦੌਰ 'ਚ ਜ਼ਿਆਦਾਤਰ ਲੋਕ ਤਣਾਅ ਅਤੇ ਚਿੰਤਾ ਦੇ ਸ਼ਿਕਾਰ ਰਹਿੰਦੇ ਹਨ। ਬੇਵਕਤ ਅਤੇ ਛੇਤੀ-ਛੇਤੀ ਭੋਜਨ ਕਰਨ ਨਾਲ ਅਸੀਂ ਬਿਨਾਂ ਕਾਰਨ ਪੇਟ ਦੀ ਗੈਸ ਅਤੇ ਐਸੀਡਿਟੀ ਦਾ ਸ਼ਿਕਾਰ ਹੋ ਜਾਂਦੇ ਹਾਂ। ਐਸੀਡਿਟੀ ਦੀ ਤਕਲੀਫ ਪੇਟ ਗੈਸ ਅਤੇ ਅਫਾਰੇ ਨਾਲੋਂ ਬਿਲਕੁਲ ਵੱਖਰੀ ਹੈ। ਕਈ ਵਾਰ ਮਰੀਜ਼ ਪੇਟ ਗੈਸ ਜਾਂ ਛਾਤੀ ਦੇ ਦਰਦ 'ਚੋਂ ਐਸੀਡਿਟੀ ਦਾ ਫਰਕ ਸਪੱਸ਼ਟ ਨਹੀਂ ਕਰ ਸਕਦਾ। ਕਈ ਵਾਰ ਦਰਦ ਛਾਤੀ ਵਿਚ ਖੱਬੇ ਪਾਸਿਓਂ ਸ਼ੁਰੂ ਹੋ ਕੇ ਗਰਦਨ ਵੱਲ ਜਾਂਦਾ ਹੈ ਅਤੇ ਅਜਿਹਾ ਲਗਦਾ ਹੈ ਜਿਵੇਂ ਹਾਰਟ ਅਟੈਕ ਹੋਵੇ। ਇਹ ਤਕਲੀਫ ਪੇਟ ਗੈਸ ਅਤੇ ਅਫਾਰੇ ਨਾਲੋਂ ਬਿਲਕੁਲ ਵੱਖਰੀ ਹੈ। ਇਸ ਤਕਲੀਫ ਨਾਲ ਮਰੀਜ਼ ਨੂੰ ਪਸੀਨਾ ਆ ਜਾਂਦਾ ਹੈ ਅਤੇ ਦਰਦ ਕਾਰਨ ਅੱਖਾਂ 'ਚੋਂ ਪਾਣੀ ਵਗਣ ਲਗਦਾ ਹੈ। ਇਸ ਨੂੰ ਹਾਰਟ ਅਟੈਕ ਨਹੀਂ ਸਮਝਣਾ ਚਾਹੀਦਾ।
ਕਲੇਜੇ 'ਚ ਸਾੜ ਪੈਣਾ 'ਹਾਰਟ ਬਰਨ' : ਇਸ ਵਿਚ ਮਿਹਦੇ ਦੇ ਉੱਪਰ ਅਤੇ ਖਾਣ ਵਾਲੀ ਫੂਡ ਪਾਈਪ ਦੇ ਹੇਠਾਂ ਸਾਡੀ ਛਾਤੀ ਵਿਚਕਾਰ ਹੱਡੀ ਸਟਰਨਮ ਦੇ ਹੇਠਾਂ ਤੇਜ਼ ਸੜਨ ਵਾਲੀ ਦਰਦ ਹੁੰਦੀ ਹੈ, ਜਿਸ ਨੂੰ ਹਾਰਟ ਬਰਨ ਜਾਂ ਬਰਨਿੰਗ ਸੈਂਸ਼ਨ ਕਿਹਾ ਜਾਂਦਾ ਹੈ।
ਅਲਾਮਤਾਂ : ਜਦੋਂ ਅਸੀਂ ਕੋਈ ਮੋਟੀ ਚੀਜ਼ ਨਿਗਲਦੇ ਹਾਂ ਜਾਂ ਗਰਮ-ਗਰਮ ਚਾਹ ਪੀਂਦੇ ਹਾਂ ਜਾਂ ਸ਼ਰਾਬ ਪੀਣ ਨਾਲ 'ਸਟਰਨਮ' ਦੇ ਥੱਲੇ ਬਹੁਤ ਤੇਜ਼ ਸਾੜ ਪੈਂਦਾ ਹੈ, ਇਸ ਕਾਰਨ ਕਈ ਵਾਰ ਅੱਖਾਂ ਵਿਚੋਂ ਪਾਣੀ ਵੀ ਨਿਕਲ ਆਉਂਦਾ ਹੈ। ਜੋ ਕੁਝ ਖਾਧਾ-ਪੀਤਾ ਹੁੰਦਾ ਹੈ, ਉਹ ਬਾਹਰ ਨੂੰ ਆਉਂਦਾ ਹੈ। ਛਾਤੀ ਭਾਰੀ-ਭਾਰੀ ਲਗਦੀ ਹੈ। ਮੂੰਹ ਵਿਚ ਹਰ ਵੇਲੇ ਪਾਣੀ ਭਰਿਆ ਰਹਿੰਦਾ ਹੈ। ਹੌਲੀ-ਹੌਲੀ ਮਰੀਜ਼ ਦਾ ਭਾਰ ਘਟਣਾ ਸ਼ੁਰੂ ਹੋ ਜਾਂਦਾ ਹੈ। ਸੜਨ ਦੀ ਤਕਲੀਫ ਖਾਸ ਕਰਕੇ ਭਾਰੀ ਭੋਜਨ ਕਰਨ ਤੋਂ ਬਾਅਦ ਸ਼ੁਰੂ ਹੁੰਦੀ ਹੈ ਤੇ ਲੇਟਣ ਨਾਲ ਇਹ ਤਕਲੀਫ ਕਾਫੀ ਵਧ ਜਾਂਦੀ ਹੈ। ਕਈ ਵਾਰੀ ਇਹ ਦਰਦ ਕਲੇਜੇ ਤੋਂ ਸ਼ੁਰੂ ਹੋ ਕੇ ਛਾਤੀ ਦੇ ਖੱਬੇ ਪਾਸੇ ਗਰਦਨ ਵੱਲ ਜਾਂਦਾ ਹੈ ਤਾਂ ਇਸ ਤਰ੍ਹਾਂ ਲਗਦਾ ਹੈ ਕਿ 'ਹਾਰਟ ਅਟੈਕ' ਹੈ, ਜਦਕਿ ਇਹ ਸਿਰਫ ਹਾਰਟ ਬਰਨ ਹੁੰਦਾ ਹੈ। ਕਈ ਵਾਰੀ ਇਸ ਦਰਦ ਨਾਲ ਮੂੰਹ ਵਿਚੋਂ ਖੂਨ ਆਉਂਦਾ ਹੈ ਤੇ ਟੱਟੀ ਵਿਚ ਖੂਨ ਆਉਂਦਾ ਹੈ।
ਕਾਰਨ : ਹਾਰਟ ਬਰਨ ਦੇ ਦੋ ਮੁੱਖ ਕਾਰਨ ਹਨ-ਖਾਣ ਵਾਲੀ ਨਲੀ ਦੀ ਸੋਜਿਸ਼, ਪੇਟ ਦਾ ਸ਼ੁਰੂ ਦਾ ਹਿੱਸਾ ਕਦੇ-ਕਦੇ ਖਿਸਕ ਤੇ ਫੂਡ ਪਾਈਪ ਵਿਚ ਚਲਾ ਜਾਂਦਾ ਹੈ ਤੇ ਇਸ ਤਕਲੀਫ ਦਾ ਕਾਰਨ ਬਣਦਾ ਹੈ।
ਇਲਾਜ : ਮਰੀਜ਼ ਦੀਆਂ ਅਲਾਮਤਾਂ ਚੰਗੀ ਤਰ੍ਹਾਂ ਸੁਣ ਕੇ, ਮਰੀਜ਼ ਨੂੰ ਦਵਾਈ ਪਿਲਾ ਕੇ, ਐਕਸਰੇ ਕਰਕੇ ਇਸ ਤਕਲੀਫ ਦਾ ਇਲਾਜ ਹੋ ਜਾਂਦਾ ਹੈ। ਇਸ ਬਿਮਾਰੀ ਕਾਰਨ ਘਬਰਾਉਣ ਦੀ ਲੋੜ ਨਹੀਂ ਤੇ ਨਾ ਹੀ ਇਸ ਨੂੰ ਹਾਰਟ ਅਟੈਕ ਸਮਝਣਾ ਚਾਹੀਦਾ ਹੈ। ਪੇਟ ਦੇ ਮਾਹਿਰ ਡਾਕਟਰ ਦੀ ਸਲਾਹ ਲੈ ਕੇ ਸਮੇਂ ਸਿਰ ਇਲਾਜ ਜ਼ਰੂਰੀ ਹੈ।
ਅੰਤੜੀ ਦੀ ਸੋਜ : ਸਾਡੇ ਪੇਟ ਵਿਚ ਜਦੋਂ ਅੰਤੜੀ ਦੀ ਸੋਜ ਹੋ ਜਾਂਦੀ ਹੈ ਤਾਂ ਇਸ ਨਾਲ ਪੇਟ ਫੁੱਲਿਆ-ਫੁੱਲਿਆ ਤੇ ਵੱਡਾ-ਵੱਡਾ ਨਜ਼ਰ ਆਉਂਦਾ ਹੈ। ਹੱਥ ਨਾਲ ਦਬਾਉਣ 'ਤੇ ਪੇਟ ਵਿਚ ਹਲਕੀ-ਹਲਕੀ ਦਰਦ ਹੁੰਦੀ ਹੈ। ਇਸ ਤਕਲੀਫ ਵਿਚ ਮਰੀਜ਼ ਦੀ ਭੁੱਖ ਘਟ ਜਾਂਦੀ ਹੈ। ਪਖਾਨਾ ਵਾਰ-ਵਾਰ ਆਉਂਦਾ ਹੈ ਤੇ ਪੇਟ ਸਾਫ ਨਹੀਂ ਹੁੰਦਾ। ਜਦੋਂ ਵੀ ਮਰੀਜ਼ ਕੁਝ ਖਾ ਲੈਂਦਾ ਹੈ ਤਾਂ ਪੇਟ ਇਕਦਮ ਭਾਰਾ ਹੋ ਜਾਂਦਾ ਹੈ। ਜਾਂ ਤਾਂ ਉਸੇ ਵੇਲੇ ਪਖਾਨਾ ਆ ਜਾਂਦਾ ਹੈ, ਨਹੀਂ ਤਾਂ ਹਰ ਵੇਲੇ ਪੇਟ ਵਿਚ ਹਲਕੀ-ਹਲਕੀ ਦਰਦ ਮਹਿਸੂਸ ਹੁੰਦੀ ਹੈ। ਕੁਝ ਖਾਣ ਨੂੰ ਦਿਲ ਨਹੀਂ ਕਰਦਾ, ਜ਼ਬਾਨ ਹਰ ਵੇਲੇ ਖਰਾਬ ਰਹਿੰਦੀ ਹੈ ਤੇ ਜੀਭ 'ਤੇ ਹਰ ਵੇਲੇ ਕੁਝ ਜੰਮਿਆ ਰਹਿੰਦਾ ਹੈ। ਜ਼ਿਆਦਾ ਤਕਲੀਫ ਵਿਚ ਮਨ ਖਰਾਬ ਹੁੰਦਾ ਹੈ। ਘਬਰਾਹਟ ਹੋਣ ਕਰਕੇ ਉਲਟੀ ਵੀ ਆ ਜਾਂਦੀ ਹੈ।


-ਜਸਵੰਤ ਹਸਪਤਾਲ, ਅੱਡਾ ਬਸਤੀਆਂ, ਨਾਲ ਪੈਟਰੋਲ ਪੰਪ, ਜਲੰਧਰ।

ਔਰਤਾਂ ਵੀ ਜਾਣਨ ਦਿਲ ਦੇ ਰੋਗਾਂ ਬਾਰੇ

ਆਧੁਨਿਕ ਜੀਵਨ ਸ਼ੈਲੀ, ਭੱਜ-ਦੌੜ ਦੀ ਜ਼ਿੰਦਗੀ, ਤਣਾਅਪੂਰਨ ਵਾਤਾਵਰਨ ਇਹ ਸਭ ਇਨਸਾਨ ਨੂੰ ਕਈ ਬਿਮਾਰੀਆਂ ਵੱਲ ਲਿਜਾ ਰਿਹਾ ਹੈ ਜਿਵੇਂ ਉੱਚ ਖੂਨ ਦਬਾਅ, ਕੋਲੈਸਟ੍ਰੋਲ ਦਾ ਵਧਣਾ, ਸ਼ੂਗਰ, ਮੋਟਾਪਾ ਅਤੇ ਦਿਲ ਦਾ ਦੌਰਾ ਆਦਿ। ਸਭ ਕੁਝ ਜਾਣਦੇ ਹੋਏ ਵੀ ਅਸੀਂ ਅਣਜਾਣ ਬਣ ਕੇ ਉਸ ਚੂਹੇ-ਬਿੱਲੀ ਵਾਲੀ ਦੌੜ ਨੂੰ ਨਹੀਂ ਛੱਡਣਾ ਚਾਹੁੰਦੇ, ਚਾਹੇ ਨਤੀਜਾ ਜੋ ਮਰਜ਼ੀ ਹੋਵੇ। ਆਪਣੇ ਲਈ ਦੋ ਪਲ ਨਹੀਂ ਹਨ ਸਕੂਨ ਨਾਲ ਜਿਊਣ ਲਈ।
ਔਰਤਾਂ ਵਿਚ ਦਿਲ ਦੇ ਰੋਗ ਹੋਣ ਦੇ ਕਈ ਕਾਰਨ ਹੁੰਦੇ ਹਨ। ਉਨ੍ਹਾਂ ਵਿਚੋਂ ਮੁੱਖ ਕਾਰਨ ਹਨ-
ਉੱਚ ਖੂਨ ਦਬਾਅ : ਲਗਾਤਾਰ ਉੱਚ ਖੂਨ ਦਬਾਅ ਰਹਿਣ ਨਾਲ ਦਿਲ ਦੇ ਦੌਰੇ ਦਾ ਖ਼ਤਰਾ ਕਾਫੀ ਵਧ ਜਾਂਦਾ ਹੈ। ਉਨ੍ਹਾਂ ਔਰਤਾਂ ਨੂੰ ਉੱਚ ਖੂਨ ਦਬਾਅ ਹੋਣ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ, ਜਿਨ੍ਹਾਂ ਔਰਤਾਂ ਦਾ ਭਾਰ ਜ਼ਿਆਦਾ ਹੋਵੇ, ਗਰਭ ਅਵਸਥਾ ਵਿਚ, ਕੁਝ ਗਰਭ ਨਿਰੋਧਕ ਗੋਲੀਆਂ ਦੇ ਸੇਵਨ ਨਾਲ, ਰਜੋਨਿਵਿਰਤੀ ਦੇ ਸਮੇਂ ਜਾਂ ਖਾਨਦਾਨੀ।
ਖੂਨ ਵਿਚ ਕੋਲੈਸਟ੍ਰੋਲ ਦੀ ਜ਼ਿਆਦਾ ਮਾਤਰਾ : ਖੂਨ ਵਿਚ ਜ਼ਿਆਦਾ ਮਾਤਰਾ ਵਿਚ ਕੋਲੈਸਟ੍ਰੋਲ ਹੋਣ ਨਾਲ ਖੂਨ ਧਮਨੀਆਂ ਸਖ਼ਤ ਹੋ ਜਾਂਦੀਆਂ ਹਨ, ਜਿਨ੍ਹਾਂ ਰਾਹੀਂ ਖੂਨ ਦੀ ਪੂਰਤੀ ਵਿਚ ਰੁਕਾਵਟ ਪੈਂਦੀ ਹੈ। ਅਧਿਐਨ ਕਰਤਾਵਾਂ ਦੇ ਅਨੁਸਾਰ 55 ਸਾਲ ਦੀ ਉਮਰ ਤੋਂ ਬਾਅਦ ਔਰਤਾਂ ਵਿਚ ਕੋਲੈਸਟ੍ਰੋਲ ਵਧਣ ਦੀ ਮਾਤਰਾ ਮਰਦਾਂ ਨਾਲੋਂ ਜ਼ਿਆਦਾ ਹੁੰਦੀ ਹੈ। ਜ਼ਿਆਦਾ ਕੋਲੈਸਟ੍ਰੋਲ ਹੋਣ ਨਾਲ ਦਿਲ ਦੇ ਰੋਗ ਦਾ ਖ਼ਤਰਾ ਵਧ ਜਾਂਦਾ ਹੈ।
ਸਰੀਰਕ ਮਿਹਨਤ ਦੀ ਕਮੀ : ਆਪਣੇ ਦਿਲ ਨੂੰ ਦਰੁਸਤ ਰੱਖਣ ਲਈ ਜ਼ਰੂਰੀ ਹੈ ਸਰੀਰਕ ਤੌਰ 'ਤੇ ਸਰਗਰਮ ਰਹਿਣਾ। ਜੋ ਔਰਤਾਂ ਆਰਾਮ ਦੀ ਜ਼ਿੰਦਗੀ ਜਿਊਣ ਲਗਦੀਆਂ ਹਨ, ਉਨ੍ਹਾਂ ਵਿਚ ਦਿਲ ਦੇ ਰੋਗ ਉਨ੍ਹਾਂ ਔਰਤਾਂ ਦੀ ਤੁਲਨਾ ਵਿਚ ਜ਼ਿਆਦਾ ਹੋਣ ਦੀ ਸੰਭਾਵਨਾ ਰਹਿੰਦੀ ਹੈ, ਜੋ ਸਰੀਰਕ ਮਿਹਨਤ ਜ਼ਿਆਦਾ ਕਰਦੀਆਂ ਹਨ। ਜੋ ਔਰਤਾਂ ਸਰੀਰਕ ਮਿਹਨਤ ਨਹੀਂ ਕਰਦੀਆਂ, ਉਨ੍ਹਾਂ ਵਿਚ ਉੱਚ ਖੂਨ ਦਬਾਅ, ਸ਼ੂਗਰ, ਮੋਟਾਪਾ ਅਤੇ ਦਿਲ ਦੇ ਰੋਗ ਦਾ ਖਤਰਾ ਜ਼ਿਆਦਾ ਰਹਿੰਦਾ ਹੈ।
ਤਣਾਅ : ਜਦੋਂ ਤੋਂ ਔਰਤਾਂ ਨੇ ਘਰ ਦੇ ਨਾਲ-ਨਾਲ ਬਾਹਰ ਦੇ ਕੰਮਕਾਰ ਨੂੰ ਸੰਭਾਲਣਾ ਸ਼ੁਰੂ ਕੀਤਾ ਹੈ, ਉਦੋਂ ਤੋਂ ਔਰਤਾਂ 'ਤੇ ਤਣਾਅ ਅਤੇ ਦਬਾਅ ਵਧਿਆ ਹੈ। ਅਧਿਐਨ ਕਰਤਾਵਾਂ ਅਨੁਸਾਰ ਕੰਮਕਾਜੀ ਔਰਤਾਂ ਤਣਾਅ ਅਤੇ ਦਬਾਅ ਜ਼ਿਆਦਾ ਝੱਲਦੀਆਂ ਹਨ, ਘਰੇਲੂ ਔਰਤਾਂ ਦੇ ਮੁਕਾਬਲੇ। ਉਨ੍ਹਾਂ ਨੂੰ ਦਿਲ ਦੇ ਦੌਰੇ ਦੇ ਖ਼ਤਰੇ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ, ਕਿਉਂਕਿ ਉਨ੍ਹਾਂ ਨੂੰ ਉਸੇ ਸਮੇਂ ਵਿਚ ਦੋ ਮੋਰਚੇ ਇਕੱਠੇ ਸੰਭਾਲਣੇ ਪੈਂਦੇ ਹਨ ਅਤੇ ਉਹ ਦੋਵੇਂ ਮੋਰਚਿਆਂ 'ਤੇ ਸੰਪੂਰਨ ਰਹਿਣਾ ਚਾਹੁੰਦੀਆਂ ਹਨ।
ਸ਼ੂਗਰ : ਸ਼ੂਗਰ ਤੋਂ ਪੀੜਤ ਲੋਕਾਂ ਵਿਚ ਦਿਲ ਦੇ ਰੋਗਾਂ ਦੀ ਸੰਭਾਵਨਾ ਚਾਰ ਗੁਣਾ ਜ਼ਿਆਦਾ ਹੁੰਦੀ ਹੈ। ਮਰਦਾਂ ਦੇ ਮੁਕਾਬਲੇ ਔਰਤਾਂ ਸ਼ੂਗਰ ਦਾ ਸ਼ਿਕਾਰ ਵੀ ਜ਼ਿਆਦਾ ਹੁੰਦੀਆਂ ਹਨ। ਸ਼ੂਗਰ ਵਿਚ ਦਿਲ ਦੇ ਦੌਰੇ ਦਾ ਅੰਦਾਜ਼ਾ ਹੀ ਨਹੀਂ ਹੁੰਦਾ। ਉਨ੍ਹਾਂ ਨੂੰ ਸਾਈਲੈਂਟ ਹਾਰਟ ਅਟੈਕ ਹੁੰਦਾ ਹੈ ਅਤੇ ਬਚਣ ਦੀ ਸੰਭਾਵਨਾ ਵੀ ਘੱਟ ਹੁੰਦੀ ਹੈ।
ਦਿਲ ਦੇ ਚਾਰ ਵਾਲਵ ਹੁੰਦੇ ਹਨ। ਜਦੋਂ ਉਨ੍ਹਾਂ ਵਿਚ ਵਿਕਾਰ ਹੁੰਦਾ ਹੈ ਤਾਂ ਉਸ ਨੂੰ ਵਾਲਵੁਲਰ ਦਿਲ ਦਾ ਰੋਗ ਕਹਿੰਦੇ ਹਨ। ਇਸ ਵਿਚ ਵਾਲਵ ਸੰਕੁਚਿਤ ਹੋ ਜਾਂਦੇ ਹਨ ਜਾਂ ਇਨ੍ਹਾਂ ਵਿਚ ਰਿਸਾਵ ਵੀ ਹੋ ਸਕਦਾ ਹੈ। ਅਜਿਹੇ ਕੇਸ ਵਿਚ ਰੋਗੀ ਦਾ ਵਾਲਵ ਜਾਂ ਤਾਂ ਬਦਲ ਦਿੰਦੇ ਹਨ ਜਾਂ ਵਾਲਵ ਦੀ ਮੁਰੰਮਤ ਕੀਤੀ ਜਾਂਦੀ ਹੈ।
ਦਿਲ ਦੇ ਦੌਰੇ ਦੇ ਲੱਛਣ ਮਰਦਾਂ ਅਤੇ ਔਰਤਾਂ ਵਿਚ ਕੁਝ ਵੱਖਰੇ ਹੁੰਦੇ ਹਨ ਪਰ ਬਹੁਤੇ ਲੱਛਣ ਇਕੋ ਜਿਹੇ ਹੁੰਦੇ ਹਨ, ਜਿਵੇਂ-* ਸੀਨੇ ਵਿਚ ਤੇਜ਼ ਦਰਦ ਜਾਂ ਦਬਾਅ ਦਾ ਹੋਣਾ, * ਸਾਹ ਫੁੱਲਣਾ, * ਪਸੀਨਾ ਆਉਣਾ, * ਸੀਨੇ ਵਿਚ ਜਕੜਨ, * ਮੋਢੇ, ਧੌਣ ਜਾਂ ਬਾਹਾਂ ਤੱਕ ਦਰਦ ਫੈਲ ਜਾਂਦਾ ਹੈ, * ਸੀਨੇ ਵਿਚ ਜਲਣ ਜਾਂ ਅਪਚ ਦੀ ਸ਼ਿਕਾਇਤ, ਉਲਟੀ ਆਉਣ ਦੀ ਸ਼ਿਕਾਇਤ ਹੋ ਸਕਦੀ ਹੈ, * ਅਚਾਨਕ ਉਨੀਂਦਾਪਨ ਜਾਂ ਕੁਝ ਸਮੇਂ ਲਈ ਬੇਹੋਸ਼ ਹੋਣਾ, * ਬਿਨਾਂ ਕਾਰਨ ਕਮਜ਼ੋਰੀ ਅਤੇ ਥਕਾਨ ਹੋਣੀ।

ਸਿਹਤ ਖ਼ਬਰਨਾਮਾ

ਅਲਜਾਈਮਰਸ ਤੋਂ ਬਚਾਉਂਦੀ ਹੈ ਕੌਫੀ

ਚਾਹ ਤੋਂ ਬਾਅਦ ਕੌਫੀ ਦੂਜਾ ਲੋਕਾਂ ਦੀ ਪਸੰਦ ਦਾ ਪੀਣ ਵਾਲਾ ਪਦਾਰਥ ਹੈ। ਚਾਹ ਦੀ ਤਰ੍ਹਾਂ ਇਹ ਵੀ ਹਰ ਰੁੱਤ ਵਿਚ ਮਿਲ ਜਾਂਦੀ ਹੈ। ਇਸ ਨੂੰ ਬਣਾਉਣ ਅਤੇ ਪੀਣ ਦੇ ਵੀ ਕਈ ਤਰੀਕੇ ਹਨ। ਕੌਫੀ ਵਿਚ ਚਾਹ ਦੀ ਤੁਲਨਾ ਵਿਚ ਦੁੱਗਣਾ ਨਸ਼ਾ ਅਤੇ ਊਰਜਾ ਹੈ। ਚਾਹ ਅਤੇ ਕੌਫੀ ਦੋਵਾਂ ਦੇ ਆਪਣੇ-ਆਪਣੇ ਨਫੇ ਅਤੇ ਨੁਕਸਾਨ ਹਨ। ਸੇਵਨ ਕਰਤਾ ਅਤੇ ਖੋਜ ਕਰਤਾ ਸਭ ਦਾ ਆਪਣਾ-ਆਪਣਾ ਪ੍ਰਥਕ ਨਜ਼ਰੀਆ ਹੈ। ਕੌਫੀ 'ਤੇ ਫਿਨਲੈਂਡ ਵਿਚ ਹਾਲ ਹੀ ਵਿਚ ਇਕ ਖੋਜ ਹੋਈ ਹੈ, ਜਿਸ ਵਿਚ ਇਸ ਨੂੰ ਸਮ੍ਰਿਤੀ ਹਟਾਸ ਅਤੇ ਅਲਜਾਈਮਰਸ ਦੀ ਬਿਮਾਰੀ ਵਿਚ ਦਵਾਈ ਦੀ ਤਰ੍ਹਾਂ ਸਹਾਇਕ ਦੱਸਿਆ ਗਿਆ ਹੈ। ਕੌਫੀ ਅਲਜਾਈਮਰਸ ਅਤੇ ਯਾਦਾਸ਼ਤ ਵਿਚ ਕਮੀ ਦੀਆਂ ਸਮੱਸਿਆਵਾਂ ਤੋਂ ਬਚਾਉਂਦੀ ਹੈ। ਨਿਯਮਤ ਕੌਫੀ ਪੀਣ ਵਾਲਿਆਂ ਨੂੰ ਇਨ੍ਹਾਂ ਦੋ ਬਿਮਾਰੀਆਂ ਦਾ ਖ਼ਤਰਾ ਬਹੁਤ ਘੱਟ ਹੋ ਜਾਂਦਾ ਹੈ।
ਟੀ.ਵੀ., ਕੰਪਿਊਟਰ ਨਾਲ ਹੋ ਰਹੇ ਹਨ ਬੱਚੇ ਬਿਮਾਰ

ਬੱਚੇ ਮਨੋਰੰਜਨ ਦੇ ਆਧੁਨਿਕ ਸਾਧਨਾਂ ਟੀ. ਵੀ. ਅਤੇ ਕੰਪਿਊਟਰ ਦੇ ਜਾਲ ਵਿਚ ਬੁਰੀ ਤਰ੍ਹਾਂ ਫਸ ਚੁੱਕੇ ਹਨ। ਇਨ੍ਹਾਂ ਵਿਚ ਬਹੁਤ ਜ਼ਿਆਦਾ ਰੁਚੀ ਦੇ ਕਾਰਨ ਬੱਚੇ ਕਈ-ਕਈ ਘੰਟੇ ਇਕ ਜਗ੍ਹਾ ਬੈਠੇ ਰਹਿੰਦੇ ਹਨ, ਜਿਸ ਨਾਲ ਉਨ੍ਹਾਂ ਦੀਆਂ ਬਾਹਰੀ ਖੇਡ ਗਤੀਵਿਧੀਆਂ ਵਿਚ ਕਮੀ ਆ ਗਈ ਹੈ। ਇਸ ਤੋਂ ਇਲਾਵਾ ਟੀ. ਵੀ. ਦੇਖਦੇ ਸਮੇਂ ਜਾਂ ਕੰਪਿਊਟਰ 'ਤੇ ਗੇਮ ਖੇਡਦੇ ਸਮੇਂ ਖਾਧਾ ਵੀ ਜ਼ਿਆਦਾ ਜਾਂਦਾ ਹੈ ਅਤੇ ਊਰਜਾ ਵੀ ਖਰਚ ਨਹੀਂ ਹੁੰਦੀ, ਜਿਸ ਨਾਲ ਪਾਚਣ ਸਬੰਧੀ ਵਿਕਾਰ ਪੈਦਾ ਹੁੰਦੇ ਹਨ ਅਤੇ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਜਿਵੇਂ ਮੋਟਾਪਾ, ਸ਼ੂਗਰ, ਬੀ. ਪੀ., ਹਾਇਪਰਟੈਂਸ਼ਨ ਸਰੀਰ ਦੇ ਅੰਦਰ ਦਾਖ਼ਲ ਹੋ ਜਾਂਦੀਆਂ ਹਨ ਅਤੇ ਛੋਟੀ ਉਮਰ ਵਿਚ ਹੀ ਤੁਸੀਂ ਰੋਗੀ ਬਣ ਜਾਂਦੇ ਹੋ। ਇਸ ਕਰਕੇ ਇਨ੍ਹਾਂ ਤੋਂ ਬਚਣ ਲਈ ਟੀ. ਵੀ. ਦੇਖਣ ਅਤੇ ਕੰਪਿਊਟਰ 'ਤੇ ਕੰਮ ਕਰਨ ਦਾ ਸਮਾਂ ਨਿਸਚਿਤ ਕਰ ਲਓ।





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX