ਤਾਜਾ ਖ਼ਬਰਾਂ


ਗੜ੍ਹਸ਼ੰਕਰ ਵਿਖੇ ਦੁਕਾਨ 'ਚ ਬੈਠੇ ਨੌਜਵਾਨ 'ਤੇ ਅਨ੍ਹੇਵਾਹ ਵਰ੍ਹਾਈਆਂ ਗੋਲੀਆਂ
. . .  1 day ago
ਗੜ੍ਹਸ਼ੰਕਰ (ਹੁਸ਼ਿਆਰਪੁਰ), 10 ਅਗਸਤ (ਧਾਲੀਵਾਲ)- ਗੜ੍ਹਸ਼ੰਕਰ ਵਿਖੇ ਨੰਗਲ ਰੋਡ 'ਤੇ ਇਕ ਦੁਕਾਨ 'ਚ ਬੈਠੇ ਨੌਜਵਾਨ ਨੂੰ 3 ਅਣਪਛਾਤੇ ਕਾਰ ਸਵਾਰਾਂ ਵਲੋਂ ਅਨ੍ਹੇਵਾਹ ਗੋਲੀਆਂ ਚਲਾ ਕੇ ਗੰਭੀਰ ਜ਼ਖ਼ਮੀ ...
ਕੁਸ਼ਟ ਆਸ਼ਰਮ ਦੀ ਗੱਡੀ ਤੇ ਕੈਂਟਰ ਦੀ ਭਿਆਨਕ ਟੱਕਰ ‘ਚ ਇਕ ਦੀ ਮੌਤ , ਪੰਜ ਜ਼ਖ਼ਮੀ
. . .  1 day ago
ਦਸੂਹਾ [ਹੁਸ਼ਿਆਰਪੁਰ], 10 ਅਗਸਤ (ਸੰਦੀਪ ਉੱਤਮ ) -ਦਸੂਹਾ ਵਿਖੇ ਰਾਜ ਮਾਰਗ ‘ਤੇ ਪੈਟਰੋਲ ਪੰਪ ਦੇ ਸਾਹਮਣੇ ਕੁਸ਼ਟ ਆਸ਼ਰਮ ਤੇ ਕੈਂਟਰ ਵਿਚਕਾਰ ਹੋਈ ਭਿਆਨਕ ਟੱਕਰ ‘ਚ ਇਕ ਵਿਅਕਤੀ ਦੀ ਮੌਕੇ ਤੇ ਦਰਦਨਾਕ ਮੌਤ ਹੋ ਗਈ ...
ਚੰਡੀਗੜ੍ਹ : ਕੈਪਟਨ ਸਮਾਰਟ ਕਨੈਕਟ ਸਕੀਮ ਤਹਿਤ ਕੱਲ੍ਹ ਤੋਂ ਬਾਰਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਦਿੱਤੇ ਜਾਣਗੇ ਸਮਾਰਟਫੋਨ
. . .  1 day ago
ਸਬ ਡਵੀਜ਼ਨਲ ਹਸਪਤਾਲ ਦੀ ਮਹਿਲਾ ਡਾਕਟਰ ਮਿਲੀ ਕੋਰੋਨਾ ਪਾਜ਼ੀਟਿਵ
. . .  1 day ago
ਤਲਵੰਡੀ ਸਾਬੋ ,10 ਅਗਸਤ (ਰਣਜੀਤ ਸਿੰਘ ਰਾਜੂ)- ਜ਼ਿਲ੍ਹਾ ਬਠਿੰਡਾ ਦੇ ਇਤਿਹਾਸਿਕ ਨਗਰ ਤਲਵੰਡੀ ਸਾਬੋ ਵਿੱਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਇਸੇ ਲੜੀ ਵਿੱਚ ਓਦੋਂ ਵਾਧਾ ਹੋ ਗਿਆ ਜਦੋਂ ਸਬ ...
ਰਾਜਪੁਰਾ (ਪਟਿਆਲਾ) 'ਚ 27 ਪਾਜ਼ੀਟਿਵ ਕੇਸ ਆਉਣ ਕਾਰਨ ਸਹਿਮੇ ਲੋਕ
. . .  1 day ago
ਰਾਜਪੁਰਾ, 10 ਅਗਸਤ (ਰਣਜੀਤ ਸਿੰਘ) - ਜ਼ਿਲ੍ਹਾ ਪਟਿਆਲਾ ਦੇ ਸ਼ਹਿਰ ਰਾਜਪੁਰਾ ਵਿਚ ਅੱਜ 27 ਕੋਰੋਨਾ ਟੈੱਸਟ ਪਾਜ਼ੀਟਿਵ ਪਾਏ ਗਏ ਹਨ ।ਇਸ ਗੱਲ ਨੂੰ ਲੈ ਕੇ ਰਾਜਪੁਰਾ ਸ਼ਹਿਰ ਵਿਚ ਸਥਿਤੀ ਦਿਨੋਂ ਦਿਨ ਬਦਤਰ ਹੁੰਦੀ ਜਾ ਰਹੀ ਹੈ ।ਇਸ ਸੰਬੰਧੀ...
ਸ਼ਾਹਕੋਟ (ਜਲੰਧਰ) ਬਲਾਕ 'ਚ ਅੱਜ ਹੋਰ 13 ਲੋਕ ਕੋਰੋਨਾ ਪਾਜ਼ੀਟਿਵ ਮਿਲੇ
. . .  1 day ago
ਸ਼ਾਹਕੋਟ, 10 ਅਗਸਤ (ਆਜ਼ਾਦ ਸਚਦੇਵਾ⁄ਸੁਖਦੀਪ ਸਿੰਘ) - ਸੋਮਵਾਰ ਨੂੰ ਜ਼ਿਲ੍ਹਾ ਜਲੰਧਰ ਦੇ ਸ਼ਾਹਕੋਟ ਬਲਾਕ ਵਿਚ 13 ਲੋਕ ਕੋਰੋਨਾ ਪਾਜ਼ੀਟਿਵ ਆਏ। ਇਨ੍ਹਾਂ ਵਿਚ 12 ਲੋਕ ਸ਼ਾਹਕੋਟ ਇਲਾਕੇ ਦੇ ਹਨ, ਜਦਕਿ ਇੱਕ ਧਰਮਕੋਟ ਦਾ ਹੈ। ਸੀਨੀਅਰ ਮੈਡੀਕਲ ਅਫ਼ਸਰ ਸ਼ਾਹਕੋਟ ਡਾ. ਅਮਰਦੀਪ ਸਿੰਘ ਦੁੱਗਲ ਨੇ ਦੱਸਿਆ...
ਪਟਿਆਲਾ 'ਚ ਕੋਰੋਨਾ ਨਾਲ 6 ਮੌਤਾਂ, 248 ਹੋਰ ਮਾਮਲੇ ਪਾਜ਼ੀਟਿਵ
. . .  1 day ago
ਪਟਿਆਲਾ, 10 ਅਗਸਤ (ਮਨਦੀਪ ਸਿੰਘ ਖਰੋੜ) - ਜ਼ਿਲੇ੍ਹ 'ਚ ਕੋਰੋਨਾ ਨਾਲ ਹੋਰ 6 ਵਿਅਕਤੀਆਂ ਦੀ ਮੌਤਾਂ ਹੋਣ ਦੀ ਦੁਖਦਾਈ ਘਟਨਾ ਸਾਹਮਣੇ ਆਉਣ ਦੇ ਨਾਲ 248 ਜਣਿਆਂ ਦੀ ਅੱਜ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਵੀ ਆਈ ਹੈ । ਜ਼ਿਲੇ੍ਹ 'ਚ ਮਹਾਂਮਾਰੀ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 54 ਹੋ ਗਈ...
ਪਿੰਡ ਮੁੱਛਲ (ਅੰਮ੍ਰਿਤਸਰ) ਵਿਖੇ ਵਿਧਾਇਕ ਡੈਨੀ ਬੰਡਾਲਾ ਨੇ ਪੀੜਤ ਪਰਿਵਾਰਾਂ ਨੂੰ ਕੀਤੇ ਚੈੱਕ ਤਕਸੀਮ
. . .  1 day ago
ਟਾਂਗਰਾ, 10 ਅਗਸਤ (ਹਰਜਿੰਦਰ ਸਿੰਘ ਕਲੇਰ) ਅੰਮ੍ਰਿਤਸਰ ਦੇ ਹਲਕਾ ਜੰਡਿਆਲਾ ਗੁਰੂ ਦੇ ਵਿਧਾਇਕ ਸੁਖਵਿੰਦਰ ਸਿੰਘ ਡੈਨੀ ਬੰਡਾਲਾ ਵੱਲੋਂ ਪਿੰਡ ਮੁੱਛਲ ਵਿਖੇ ਜ਼ਹਿਰੀਲੀ ਸ਼ਰਾਬ ਦੇ ਮ੍ਰਿਤਕਾਂ ਦੇ ਪਰਿਵਾਰਾਂ ...
ਸੁਨਾਮ (ਸੰਗਰੂਰ) ’ਚ ਅੱਜ 4 ਔਰਤਾਂ ਅਤੇ 2 ਬੱਚਿਆਂ ਸਮੇਤ 8 ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ
. . .  1 day ago
ਸੁਨਾਮ ਊਧਮ ਸਿੰਘ ਵਾਲਾ, 10 ਅਗਸਤ (ਸਰਬਜੀਤ ਸਿੰਘ ਧਾਲੀਵਾਲ,ਹਰਚੰਦ ਸਿੰਘ ਭੁੱਲਰ) - ਸੰਗਰੂਰ ਜ਼ਿਲੇ੍ਹ ਦੇ ਸੁਨਾਮ ਸ਼ਹਿਰ ’ਚ ਕੋਰੋਨਾ ਦਾ ਕਹਿਰ ਲਗਾਤਾਰ ਜਾਰੀ ਹੈ ਜਿਸ ਦੀ ਸਿਹਤ ਵਿਭਾਗ ਅਤੇ ਪ੍ਰਸ਼ਾਸਨ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਵੀ...
ਕੋਰੋਨਾ ਵਾਇਰਸ ਦੇ 10 ਹੋਰ ਨਵੇਂ ਮਾਮਲਿਆਂ ਦੀ ਫ਼ਾਜ਼ਿਲਕਾ ਜ਼ਿਲ੍ਹੇ ਵਿਚ ਪੁਸ਼ਟੀ
. . .  1 day ago
ਫ਼ਾਜ਼ਿਲਕਾ, 10 ਅਗਸਤ (ਪ੍ਰਦੀਪ ਕੁਮਾਰ)- ਕੋਰੋਨਾ ਵਾਇਰਸ ਦੇ 10 ਹੋਰ ਨਵੇਂ ਮਾਮਲਿਆਂ ਦੀ ਫ਼ਾਜ਼ਿਲਕਾ ਜ਼ਿਲ੍ਹੇ ਵਿਚ ਪੁਸ਼ਟੀ ਹੋਈ ਹੈ। ਸਿਹਤ ਵਿਭਾਗ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਨ੍ਹਾਂ ਨਵੇਂ ਮਾਮਲਿਆਂ ਵਿਚ ਫ਼ਾਜ਼ਿਲਕਾ ਦੇ 4 ਅਤੇ ਅਬੋਹਰ ਦੇ 6 ਮਾਮਲੇ ਹਨ। ਅਬੋਹਰ ਦੇ ਪਿੰਡ ਢੀਂਗਾ ਵਾਲੀ 25 ਸਾਲਾਂ ਨੌਜਵਾਨ...
ਲੁਧਿਆਣਾ ਵਿਚ ਕੋਰੋਨਾ ਨਾਲ 11 ਮਰੀਜ਼ਾਂ ਦੀ ਮੌਤ
. . .  1 day ago
ਲੁਧਿਆਣਾ, 10 ਅਗਸਤ ਸਲੇਮਪੁਰੀ - ਲੁਧਿਆਣਾ ਵਿਚ ਕੋਰੋਨਾ ਵਾਇਰਸ ਤੋਂ ਪੀੜਤ ਮਰੀਜ਼ਾਂ ਵਿਚੋਂ ਅੱਜ 11 ਹੋਰ ਮਰੀਜ਼ ਦਮ ਤੋੜ ਗਏ ਹਨ। ਸਿਵਲ ਸਰਜਨ ਡਾ ਰਾਜੇਸ਼ ਬੱਗਾ ਨੇ ਦੱਸਿਆ ਹੈ ਕਿ ਲੁਧਿਆਣਾ ਵਿਚ ਅੱਜ ਕੋਰੋਨਾ ਨਾਲ...
ਪਿੰਡ ਮੇਹਲੀ (ਨਵਾਂਸ਼ਹਿਰ) ਦੇ ਨੌਜਵਾਨ ਨੂੰ ਹੋਇਆ ਕੋਰੋਨਾ
. . .  1 day ago
ਮੇਹਲੀ, 10 ਅਗਸਤ (ਸੰਦੀਪ ਸਿੰਘ) - ਜ਼ਿਲ੍ਹਾ ਨਵਾਂਸ਼ਹਿਰ ਦੇ ਬਲਾਕ ਬੰਗਾ ਅਧੀਨ ਆਉਂਦੇ ਪਿੰਡ ਮੇਹਲੀ ਦੇ ਵਸਨੀਕ ਪਵਨ ਕੁਮਾਰ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਏ.ਐਨ.ਐਮ ਮੈਡਮ ਸੁਨੀਤਾ ਨੇ ਦੱਸਿਆ ਕਿ ਪਵਨ ਕੁਮਾਰ ਨੇ ਦੁਬਈ ਜਾਣ ਲਈ ਖ਼ੁਦ ਕੋਰੋਨਾ ਟੈਸਟ ਕਰਵਾਇਆ, ਜਿਸ ਵਿਚ...
ਪੁਲਿਸ ਥਾਣਾ ਰਾਜਾਸਾਂਸੀ ਦੇ ਨਵੇਂ ਐਸ.ਐਚ.ਓ ਨਰਿੰਦਰਪਾਲ ਸਿੰਘ ਨੇ ਚਾਰਜ ਸੰਭਾਲਿਆ
. . .  1 day ago
ਰਾਜਾਸਾਂਸੀ, 10 ਅਗਸਤ (ਹਰਦੀਪ ਸਿੰਘ ਖੀਵਾ) ਪੁਲਿਸ ਥਾਣਾ ਰਾਜਾਸਾਂਸੀ ਦੇ ਪਹਿਲੇ ਥਾਣਾ ਮੁੱਖੀ ਮਨਮੀਤਪਾਲ ਸਿੰਘ ਦਾ ਤਬਾਦਲਾ ਹੋਣ ਉਪਰੰਤ ਨਵੇਂ ਤਾਇਨਾਤ ਹੋਏ ਐਸ. ਐਚ. ਓ ਸਬ ਇੰਸਪੈਕਟਰ ਨਰਿੰਦਰਪਾਲ ਸਿੰਘ ਨੇ ਚਾਰਜ ਸੰਭਾਲ ਲਿਆ ਹੈ। ਚਾਰਜ ਸੰਭਾਲਣ ਉਪਰੰਤ ਥਾਣਾ ਮੁੱਖੀ ਸਬ ਇੰਸਪੈਕਟਰ...
ਜ਼ਿਲ੍ਹਾ ਕਪੂਰਥਲਾ ਵਿਚ 14 ਵਿਅਕਤੀਆਂ ਦੀ ਰਿਪੋਰਟ ਆਈ ਕੋਰੋਨਾ ਪਾਜ਼ੀਟਿਵ
. . .  1 day ago
ਕਪੂਰਥਲਾ, 10 ਅਗਸਤ (ਅਮਰਜੀਤ ਸਿੰਘ ਸਡਾਨਾ)-ਜ਼ਿਲ੍ਹਾ ਕਪੂਰਥਲਾ ਵਿਚ ਅੱਜ ਕੋਰੋਨਾ ਨਾਲ ਸਬੰਧਿਤ 14 ਮਾਮਲੇ ਨਵੇਂ ਸਾਹਮਣੇ ਆਏ ਹਨ। ਜਿਨ੍ਹਾਂ ਵਿਚੋਂ 10 ਫਗਵਾੜਾ ਦੇ, ਇਕ ਸੁਲਤਾਨਪੁਰ ਲੋਧੀ ਤਿੰਨ ਕਪੂਰਥਲਾ ਨਾਲ ਸਬੰਧਿਤ ਹਨ। ਜਦਕਿ 226...
ਦਿਨੇ ਦੁਪਹਿਰੇ ਹੋਈ ਕਰੀਬ 9 ਲੱਖ ਦੀ ਚੋਰੀ
. . .  1 day ago
ਧਾਰੀਵਾਲ, 10 ਅਗਸਤ (ਜੇਮਸ ਨਾਹਰ) - ਜ਼ਿਲ੍ਹਾ ਗੁਰਦਾਸਪੁਰ ਸਥਿਤ ਥਾਣਾ ਧਾਰੀਵਾਲ ਅਧੀਨ ਪੈਂਦੇ ਪਿੰਡ ਡਡਵਾਂ ਵਿਖੇ ਅੱਜ ਦਿਨੇ ਦੁਪਹਿਰੇ ਚੋਰਾਂ ਵੱਲੋਂ ਇੱਕ ਘਰ ਦੇ ਵਿਚ ਸੰਨ ਲਗਾ ਕੇ ਕਰੀਬ 9 ਲੱਖ ਰੁਪਏ ਦੀ ਚੋਰੀ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੈ। ਇਹ ਜਾਣਕਾਰੀ ਦਿੰਦਿਆਂ ਘਰ ਦੇ ਮੁਖੀ ਰੋਹਨ ਕੁਮਾਰ...
ਕੋਰੋਨਾ ਕਾਰਨ ਨਵਾਂਸ਼ਹਿਰ ਜ਼ਿਲ੍ਹੇ ਵਿਚ 7ਵੀਂ ਮੌਤ
. . .  1 day ago
ਨਵਾਂਸ਼ਹਿਰ,10 ਅਗਸਤ (ਗੁਰਬਖਸ਼ ਸਿੰਘ ਮਹੇ) - ਕੋਰੋਨਾ ਵਾਇਰਸ ਕਰਕੇ ਜ਼ਿਲੇ 7ਵੀਂ ਮੌਤ ਹੋ ਜਾਣ ਦੀ ਖ਼ਬਰ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਨਜ਼ਦੀਕੀ ਪਿੰਡ ਜਾਫਰਪੁਰ ਦਾ ਇਕ 85 ਸਾਲਾ ਵਿਅਕਤੀ ਜੋ ਕਿ ਗੰਭੀਰ ਰੂਪ ਵਿੱਚ ਪਹਿਲੇ ਤੋਂ ਬਿਮਾਰ ਸੀ। 6 ਅਗਸਤ ਨੂੰ ਸਿਵਲ ਹਸਪਤਾਲ ਨਵਾਂਸ਼ਹਿਰ ਤੋਂ ਪਟਿਆਲਾ...
ਅੰਮ੍ਰਿਤਸਰ ਵਿਚ 30 ਪਾਜ਼ੀਟਿਵ ਕੋਰੋਨਾ ਕੇਸ ਹੋਏ ਰਿਪੋਰਟ
. . .  1 day ago
ਅੰਮ੍ਰਿਤਸਰ, 10 ਅਗਸਤ - ਅੰਮ੍ਰਿਤਸਰ ਵਿਚ ਅੱਜ 30 ਕੋਰੋਨਾਵਾਇਰਸ ਦੇ ਕੇਸ ਦਰਜ ਹੋਏ ਹਨ ਤੇ ਇਕ 66 ਸਾਲਾ ਵਿਅਕਤੀ ਦੀ ਮੌਤ ਦਰਜ ਕੀਤੀ ਗਈ ਹੈ। ਅੰਮ੍ਰਿਤਸਰ ਵਿਚ ਕੁੱਲ 2406 ਕੋਰੋਨਾ ਪਾਜ਼ੀਟਿਵ ਕੇਸ ਹਨ। ਜਿਨ੍ਹਾਂ ਵਿਚੋਂ 1891 ਠੀਕ...
ਰੇਲ ਸੇਵਾਵਾਂ ਹੁਣ 30 ਅਗਸਤ ਤੱਕ ਰੱਦ
. . .  1 day ago
ਨਵੀਂ ਦਿੱਲੀ, 10 ਅਗਸਤ - ਭਾਰਤੀ ਰੇਲਵੇ ਵਲੋਂ ਨਿਯਮਤ ਮੇਲ/ਐਕਸਪ੍ਰੈਸ, ਪੈਸੰਜਰ ਤੇ ਲੋਕਲ ਟਰੇਨਾਂ ਦੀ ਸੇਵਾ 'ਤੇ 30 ਅਗਸਤ 2020 ਤੱਕ ਰੋਕ ਵਧਾ ਦਿੱਤੀ ਗਈ ਹੈ। ਪਰੰਤੂ ਸਪੈਸ਼ਲ ਮੇਲ/ਐਕਸਪ੍ਰੈਸ...
ਕੋਵਿਡ-19 ਟੈਸਟਿੰਗ ਲਈ ਮੋਹਾਲੀ ਦੀ ਪੰਜਾਬ ਬਾਇਓਟੈਕਨਾਲੌਜੀ ਇਨਕਿਉਬੇਟਰ ਵਾਇਰਲ ਡਾਇਗਨੋਸਟਿਕ ਲੈਬੋਰਟਰੀ ਦਾ ਉਦਘਾਟਨ
. . .  1 day ago
ਚੰਡੀਗੜ੍ਹ, 10 ਅਗਸਤ - ਸਾਇੰਸ, ਤਕਨਾਲੋਜੀ ਅਤੇ ਵਾਤਾਵਰਣ ਵਿਭਾਗ ਅਧੀਨ ਆਉਂਦੇ ਮੋਲੀਕਿਊਲਰ ਡਾਇਗਨੋਸਟਿਕ ਅਧਾਰਤ ਆਰਟੀ-ਪੀਸੀਆਰ ਦੀ ਸਮਰਥਾ ਨਾਲ ਖੁਰਾਕ, ਪਾਣੀ, ਖੇਤੀਬਾੜੀ ਅਤੇ ਵਾਤਾਵਰਣ ਦੇ ਖੇਤਰਾਂ ਵਿੱਚ ਐਨ.ਏ.ਬੀ.ਐਲ ਦੁਆਰਾ ਮਾਨਤਾ ਪ੍ਰਾਪਤ ਸਹੂਲਤਾਂ ਦੇਣ ਵਾਲੇ ਪੰਜਾਬ...
ਜ਼ਿਲ੍ਹਾ ਬਰਨਾਲਾ 'ਚ ਕੋਰੋਨਾ ਦੇ 28 ਹੋਰ ਮਾਮਲੇ ਆਏ ਸਾਹਮਣੇ
. . .  1 day ago
ਮਹਿਲ ਕਲਾਂ, 10 ਅਗਸਤ (ਅਵਤਾਰ ਸਿੰਘ ਅਣਖੀ)-ਜ਼ਿਲ੍ਹਾ ਬਰਨਾਲਾ ਅੰਦਰ ਅੱਜ ਕੋਰੋਨਾ ਵਾਇਰਸ ਦੇ 28 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਸਿਵਲ ਸਰਜਨ ਬਰਨਾਲਾ ਵਲੋਂ ਜਾਰੀ ਮੀਡੀਆ ਬੁਲੇਟਿਨ ਕੋਵਿਡ-19 ਅਨੁਸਾਰ ਅੱਜ ਆਏ 28 ਮਾਮਲਿਆਂ 'ਚ 18 ਮਾਮਲੇ ਸ਼ਹਿਰ ਬਰਨਾਲਾ, 2 ਮਾਮਲੇ ਬਲਾਕ...
ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵਿਖੇ ਸਥਾਪਤ ਕੀਤੇ ਜਾਣ ਵਾਲੇ ਸੈਂਟਰ ਫਾਰ ਇੰਟਰ ਫੇਥ ਸਟੱਡੀਜ਼ ਦਾ ਡਿਜ਼ਾਈਨ ਕੈਪਟਨ ਨੇ ਕੀਤਾ ਸਾਂਝਾ
. . .  1 day ago
ਚੰਡੀਗੜ੍ਹ, 10 ਅਗਸਤ - ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਵਿਖੇ ਸਥਾਪਤ ਕੀਤੇ ਜਾ ਰਹੇ ਸੈਂਟਰ ਫਾਰ ਇੰਟਰ ਫੇਥ ਸਟੱਡੀਜ਼ ਦੇ ਡਿਜ਼ਾਈਨ ਨੂੰ...
ਕਿਸਾਨ ਜਥੇਬੰਦੀਆਂ ਵਲੋਂ ਕੇਂਦਰ ਦੀ ਮੋਦੀ ਸਰਕਾਰ ਦੇ ਵਿਰੁੱਧ ਮੋਟਰਸਾਇਕਲਾਂ/ਸਕੂਟਰਾਂ 'ਤੇ ਸ਼ਹਿਰ ਦੇ ਅੰਦਰ ਕੀਤਾ ਰੋਸ ਮਾਰਚ
. . .  1 day ago
ਜੈਤੋ, 10 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ, ਨਿੱਜੀ ਪੱਤਰ ਪ੍ਰੇਰਕ)- ਕਿਸਾਨ ਜਥੇਬੰਦੀਆਂ ਵਲੋਂ ਕੇਂਦਰ ਦੀ ਮੋਦੀ ਸਰਕਾਰ ਦੇ ਵਿਰੁੱਧ ਮੋਟਰਸਾਇਕਲਾਂ/ਸਕੂਟਰਾਂ 'ਤੇ ਸ਼ਹਿਰ ਦੇ ਅੰਦਰ ਰੋਸ ਮਾਰਚ ਕੀਤਾ ਤੇ ਆਮ ਆਦਮੀ ਪਾਰਟੀ ਹਲਕਾ ਜੈਤੋ ਤੋਂ ਵਿਧਾਇਕ ਬਲਦੇਵ ਸਿੰਘ ਨੂੰ ਚਿਤਾਵਨੀ ਮੰਗ ਪੱਤਰ ਸਥਾਨਕ...
ਕੋਰੋਨਾ ਨਾਲ ਹੋਈ ਇਕ 80 ਸਾਲਾ ਬਜ਼ੁਰਗ ਔਰਤ ਦੀ ਮੌਤ
. . .  1 day ago
ਮੋਗਾ, 10 ਅਗਸਤ (ਗੁਰਤੇਜ ਸਿੰਘ ਬੱਬੀ) - ਅੱਜ ਮੋਗਾ ਜ਼ਿਲ੍ਹੇ ਦੇ ਕਸਬਾ ਬਾਘਾ ਪੁਰਾਣਾ ਅਧੀਨ ਪੈਂਦੇ ਪਿੰਡ ਮਾੜੀ ਮੁਸਤਫਾ ਵਾਸੀ ਇਕ 80 ਸਾਲਾ ਬਜ਼ੁਰਗ ਔਰਤ ਦੀ ਕੋਰੋਨਾ ਕਾਰਨ ਸਿਵਲ ਹਸਪਤਾਲ ਲੁਧਿਆਣਾ ਵਿਖੇ ਮੌਤ ਹੋ ਗਈ ਹੈ। ਉਕਤ ਔਰਤ ਦਿਲ ਦੀ ਬਿਮਾਰੀ ਤੋਂ ਪੀੜਤ ਸੀ ਤੇ ਉਸ ਨੂੰ ਬਠਿੰਡਾ ਤੋਂ ਸਿਵਲ...
ਸ੍ਰੀ ਮੁਕਤਸਰ ਸਾਹਿਬ ਵਿਖੇ 14 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  1 day ago
ਸ੍ਰੀ ਮੁਕਤਸਰ ਸਾਹਿਬ, 10 ਅਗਸਤ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਅੱਜ 14 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ, ਜਿਨ੍ਹਾਂ ਵਿਚ 49 ਸਾਲ ਦਾ ਵਿਅਕਤੀ ਵਾਸੀ ਗੁਰੂ ਤੇਗ ਬਹਾਦਰ ਨਗਰ ਗਲੀ ਨੰ: 8 ਸ੍ਰੀ ਮੁਕਤਸਰ ਸਾਹਿਬ, 28 ਸਾਲ ਅਤੇ 35 ਸਾਲ ਦੀਆਂ ਔਰਤਾਂ ਪਿੰਡ ਬਾਦਲ, 50 ਸਾਲ...
ਕੋਰੋਨਾ ਕਾਰਨ ਜ਼ਿਲ੍ਹਾ ਸੰਗਰੂਰ 'ਚ 3 ਵਿਅਕਤੀਆਂ ਦੀ ਮੌਤ
. . .  1 day ago
ਸੰਗਰੂਰ, 10 ਅਗਸਤ (ਧੀਰਜ ਪਸ਼ੋਰੀਆ) - ਜ਼ਿਲ੍ਹਾ ਸੰਗਰੂਰ ਵਿਚ ਕੋਰੋਨਾ ਨੇ ਤਿੰਨ ਵਿਅਕਤੀਆਂ ਦੀ ਹੋਰ ਜਾਨ ਲੈ ਲਈ ਹੈ। ਇਨ੍ਹਾਂ ਵਿਚ ਛੇ ਮਹੀਨੇ ਪਹਿਲਾਂ ਸੇਵਾ ਮੁਕਤ ਹੋਇਆ ਇਕ ਕਾਨੂੰਨਗੋ ਵੀ ਸ਼ਾਮਿਲ ਹੈ। ਉਸ ਦੀ ਮੌਤ ਕੱਲ੍ਹ ਸਵੇਰੇ ਹੋਈ ਸੀ ਅਤੇ ਕੱਲ੍ਹ ਹੀ ਉਨ੍ਹਾਂ ਦੇ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਰੱਖੜੀ ਵਾਲੇ ਨਾਨਕੇ

ਮੇਰੀ ਛੋਟੀ ਭੈਣ ਰਾਜਵੰਤ ਪਿਆਰ ਨਾਲ ਅਸੀਂ ਉਸ ਨੂੰ ਰੱਜੋ ਕਹਿੰਦੇ ਸੀ। ਮੈਨੂੰ ਅਜੇ ਤੱਕ ਯਾਦ ਆ ਮੈਂ ਪੰਜਵੀਂ ਜਮਾਤ ਵਿਚ ਸੀ। ਜਦੋਂ ਉਹ ਇਕ ਸਾਲ ਦੀ ਸੀ। ਛੋਟੀ ਅਤੇ ਪਿਆਰੀ ਜਿਹੀ ਹੋਣ ਕਰਕੇ ਉਸ ਨੂੰ ਇੰਜ ਖਿਡਾਉਂਦੇ ਰਹਿਣਾ ਜਿਵੇਂ ਜਾਨ ਵਾਲੀ ਗੁੱਡੀਆ ਨਾ ਹੋ ਕੇ ਰੂੰ ਦਾ ਪਿਡੌਣਾ ਹੋਵੇ। ਪਿਤਾ ਜੀ ਉਸ ਨੂੰ ਇਕ ਹੱਥ 'ਤੇ ਖਲ੍ਹਾਰ ਲੈਂਦੈ। ਉਹ ਉੱਚੀ-ਉੱਚੀ ਹੱਸਦੀ ਤੇ ਰੌਲਾ ਪਾਉਂਦੀ। ਸਮਾਂ ਬੀਤਦਾ ਗਿਆ।
ਮੈਂ 12ਵੀਂ ਜਮਾਤ ਪਾਸ ਕਰਕੇ ਚੰਡੀਗੜ੍ਹ ਨੌਕਰੀ 'ਤੇ ਚਲਾ ਗਿਆ। ਕੰਪਨੀ ਪ੍ਰਾਈਵੇਟ ਲਿਮਟਿਡ ਸੀ। ਰੱਜੋ ਦਾ ਮੰਗਣਾ ਕੀਤਾ ਤੇ ਛੇਤੀ ਵਿਆਹ ਕਰ ਦਿੱਤਾ। ਮਾਂ-ਪਿਉ ਇਕੱਲਾ ਹੋਣ ਕਰਕੇ ਰੱਜੋ ਅਤੇ ਪਰਾਹੁਣਾ ਜ਼ਿਆਦਾਤਰ ਮਾਂ ਅਤੇ ਪਿਤਾ ਜੀ ਕੋਲ ਰਹਿੰਦੇ। ਮੈਂ ਵੀ ਛੇਤੀ ਵਿਆਹ ਕਰਵਾ ਲਿਆ। ਰੱਜੋ ਅਤੇ ਮੇਰੀ ਘਰ ਵਾਲੀ ਦੀ ਆਪਸ ਵਿਚ ਨਹੀਂ ਸੀ ਬਣਦੀ, ਮੇਰਾ ਘਰ ਤੋਂ ਦੂਰ ਰਹਿਣ ਕਰਕੇ ਰੱਜੋ ਚਾਹੁੰਦੀ ਸੀ ਕਿ ਮਕਾਨ ਅਤੇ ਪਿਉ ਦੀ ਪੈਨਸ਼ਨ 'ਤੇ ਉਸ ਦਾ ਹੱਕ ਬਣਿਆ ਰਹੇ। ਸ਼ਾਇਦ ਇਹ ਪਰਾਹੁਣੇ ਦੇ ਕਹਿਣ 'ਤੇ ਹੀ ਹੋ ਰਿਹਾ ਸੀ।
ਮੈਂ ਦੋ ਦਿਨ ਵਾਸਤੇ ਘਰ ਆਇਆ ਤਾਂ ਰੱਜੋ ਕਹਿਣ ਲੱਗੀ ਭਰਜਾਈ ਮਾਂ ਪਿਉ ਦੀ ਸੇਵਾ ਨਹੀਂ ਕਰਦੀ। ਆਖਿਰ ਮੈਨੂੰ ਬੋਲਣਾ ਹੀ ਪਿਆ ਕਿ ਤੂੰ ਆਪਣੇ ਘਰ ਜਾਹ ਅਸੀਂ ਆਪੇ ਮਾਂ-ਪਿਉ ਦੀ ਸੇਵਾ ਕਰ ਲਵਾਂਗੇ। ਰੱਜੋ ਬੜਾ ਉੱਚਾ-ਨੀਵਾਂ ਬੋਲੀ। ਜਾਣ ਲੱਗਿਆਂ ਕਹਿ ਗਈ ਕਿ ਸਮਝ ਲੈਣਾ ਕਿ ਰੱਜੋ ਤੁਹਾਡੇ ਲਈ ਮਰ ਗਈ ਤੇ ਪਰਾਹੁਣੇ ਨੂੰ ਨਾਲ ਲੈ ਕੇ ਆਪਣੇ ਸਹੁਰੇ ਘਰ ਚਲੀ ਗਈ। ਦੂਜੇ ਸਾਲ ਚਾਰ ਪੰਜ ਮਹੀਨੇ ਦੀ ਵਿਥ 'ਤੇ ਮਾਂ ਅਤੇ ਪਿਤਾ ਜੀ ਰੱਬ ਨੂੰ ਪਿਆਰੇ ਹੋ ਗਏ। ਉਹ ਮੇਰੇ ਗਲ ਲੱਗ ਕੇ ਬਹੁਤ ਰੋਈ। ਵਰ੍ਹੀਣੇ ਦੇ ਸ੍ਰੀ ਅਖੰਡ ਪਾਠ 'ਤੇ ਆਈ ਓਪਰਿਆਂ ਵਾਂਗ ਰਹੀ। ਮੈਂ ਸੋਚਿਆ ਸੀ ਕਿ ਸਾਰਾ ਖਿਲਾਰਾ ਮੇਰੇ ਨਾਲ ਸਾਂਭ ਕੇ ਜਾਏਗੀ, ਪਰ ਚੰਗਾ ਵੀਰ, ਘਰ ਕੰਮ ਆ ਕਹਿ ਕੇ ਰੋਂਦੀ ਹੋਈ ਜ਼ਨਾਨੀਆਂ ਨਾਲ ਚਲੀ ਗਈ।
ਮੈਂ ਮੰਜੇ 'ਤੇ ਬੈਠਿਆ ਸੋਚਾਂ ਵਿਚ ਪੈ ਗਿਆ। ਮਾਂ ਕਿਥੇ ਬੈਠ ਕੇ ਰੋਟੀ ਪਕਾਉਂਦੀ ਸੀ, ਪਿਤਾ ਜੀ ਡੰਗਰਾਂ ਨੂੰ ਪੱਠੇ ਪਾਉਂਦੇ, ਰੱਜੋ ਕਿਵੇਂ ਭੱਜ-ਭੱਜ ਕੇ ਘਰ ਸਵਾਰਦੀ, ਰੱਖੜੀ ਬੰਨ੍ਹ ਕੇ ਜੇਬ ਵਿਚੋਂ ਪੈਸੇ ਕੱਢ ਕੇ ਭੱਜ ਜਾਂਦੀ, ਸਾਰਾ ਗੁਜ਼ਰਿਆ ਕੱਲ੍ਹ ਅੱਖਾਂ ਵਿਚੋੋਂ ਸੁਪਨੇ ਵਾਂਗ ਨਿਕਲ ਗਿਆ। ਮੈਂ ਆਪਣੀ ਘਰ ਵਾਲੀ ਕੁਲਵੰਤ ਕੌਰ ਨਾਲ ਗੱਲ ਕੀਤੀ ਆਪਾਂ ਇਹ ਘਰ ਰੱਜੋ ਨੂੰ ਨਾ ਦੇ ਦੇਈਏ, ਇਸੇ ਕਰਕੇ ਉਹ ਆਪਣੇ ਨਾਲ ਨਾਰਾਜ਼ ਆ। ਵੇਖੋ ਜੀ, ਕਦੀ ਵੀ ਦੁੱਖ ਅਤੇ ਖ਼ੁਸ਼ੀ ਵੇਲੇ ਕੋਈ ਵੱਡਾ ਫੈਸਲਾ ਨਹੀਂ ਲਿਆ ਜਾਂਦਾ, ਇਸ ਸਮੇਂ ਲਏ ਫ਼ੈਸਲੇ ਸਹੀ ਨਹੀਂ ਹੁੰਦੇ। ਨੌਕਰੀ ਤੋਂ ਬਾਅਦ ਤਾਂ ਆਪਾਂ ਘਰ ਹੀ ਆਉਣਾ ਹੈ। ਆਪਣੇ ਕੋਲ ਕਿਹੜੀ ਹੋਰ ਜਾਇਦਾਦ ਆ ਜਿਸ ਨੂੰ ਵੇਚ ਕੇ ਚੰਡੀਗੜ੍ਹ ਵਿਚ ਮਕਾਨ ਲੈ ਲਵਾਂਗੇ। ਅੱਗੇ ਜੋ ਤੁਸੀਂ ਚੰਗਾ ਸਮਝੋ। ਘਰ ਵਾਲੀ ਦੀ ਗੱਲ ਵੀ ਸਹੀ ਸੀ। ਰੱਜੋ ਕੋਲ ਤਾਂ ਆਪਣਾ ਘਰ ਹੈ। ਉਸ ਦਿਨ ਤੋਂ ਬਾਅਦ ਅੱਜ ਤੱਕ ਨਾ ਰੱਜੋ ਨੇ ਉਸ ਨੂੰ ਮਿਲਣ ਦੀ ਕੋਸ਼ਿਸ਼ ਕੀਤੀ ਤੇ ਨਾ ਮਂੈ ਚੰਡੀਗੜ੍ਹ ਤੋਂ ਪਿੰਡ ਆਇਆ।
ਦਫ਼ਤਰ ਦਾ ਕੰਮ ਇਮਾਨਦਾਰੀ ਨਾਲ ਕੀਤਾ। ਪ੍ਰਮੋਸ਼ਨ ਹੋ ਗਈ। ਦਫ਼ਤਰ ਮਿਲ ਗਿਆ। ਨਵੇਂ ਯਾਰ-ਦੋਸਤ। ਨਵੀਆਂ ਰਿਸ਼ਤੇਦਾਰੀਆਂ। ਪੰਜ ਸਾਲ ਕਦੋਂ ਬੀਤ ਗਏ ਪਤਾ ਨਹੀਂ ਲੱਗਿਆ। ਆਪਣੀ ਭੈਣ ਰੱਜੋ, ਚਾਚੇ-ਚਾਚੀਆਂ, ਤਾਏ-ਤਾਈਆਂ ਪਿੰਡ ਦੇ ਯਾਰ-ਦੋਸਤ ਲੋਹੜੀ, ਦੀਵਾਲੀ, ਰੱਖੜੀ ਮੱਸਿਆ, ਪੁੰਨਿਆ, ਗੁਰਦੁਆਰਾ ਸਾਹਿਬ, ਆਪਣੇ ਮਾਂ-ਪਿਉ ਦੀ ਯਾਦ ਵਾਲਾ ਮੇਰਾ ਆਪਣਾ ਘਰ ਸਭ ਕੁਝ ਭੁੱਲ ਗਿਆ ਸੀ ਮੈਂ, ਸਿਰਫ ਕੰਮ ਨੂੰ ਹੀ ਪਹਿਲ ਦਿੱਤੀ। ਤਰੱਕੀ ਤਾਂ ਹੋਈ, ਪਰ ਆਪਣਿਆਂ ਤੋਂ ਦੂਰ, ਕੀ ਇਹੀ ਜ਼ਿੰਦਗੀ ਸੀ?
ਮਨ ਉਦਾਸ ਜਿਹਾ ਰਹਿਣ ਲੱਗ ਗਿਆ, ਮੈਂ ਅੰਮ੍ਰਿਤਸਰ ਬਦਲੀ ਕਰਵਾ ਲਈ। ਮੇਰੀ ਬੇਟੀ ਨੂੰ ਚਾਚੀਆਂ-ਤਾਈਆਂ, ਬੱਚੇ ਇਸ ਤਰ੍ਹਾਂ ਚੁੱਕੀ ਫਿਰਦੇ ਜਿਵੇਂ ਅਸੀਂ ਰੱਜੋ ਨੂੰ ਚੁੱਕੀ ਫਿਰਦੇ ਸੀ। ਵਿਹੜੇ ਵਿਚ ਭੱਜੀ ਫਿਰਦੀ ਮੇਰੀ ਬੇਟੀ ਸ਼ੁਭ ਰੱਜੋ ਵਾਂਗ ਲਗਦੀ। ਮੈਨੂੰ ਇੰਜ ਲਗ ਰਿਹਾ ਸੀ ਮੇਰਾ ਵੀਹ ਸਾਲ ਪਹਿਲਾਂ ਬੀਤਿਆ ਸਮਾਂ ਫਿਰ ਵਾਪਸ ਆ ਗਿਆ ਹੋਵੇ। ਇਕ ਦਿਨ ਤਾਈ ਆਈ ਤੇ ਕਹਿਣ ਲੱਗੀ ਪੁੱਤ ਇਸ ਵਾਰ ਰੱਖੜੀ 'ਤੇ ਰੱਜੋ ਕੋਲ ਤੂੰ ਜਾ ਕੇ ਆ, ਉਹ ਨਹੀਂ ਆਉਂਦੀ ਤਾਂ ਤੂੰ ਚਲਿਆ ਜਾਹ, ਵੀਰ ਨੂੰ ਵੇਖੇਗੀ ਤਾਂ ਸਾਰੇ ਗੁੱਸੇ ਗਿਲੇ ਦੂਰ ਹੋ ਜਾਣਗੇ, ਜਾਈਂ ਮੇਰਾ ਪੁੱਤ। ਸ਼ਾਇਦ ਇਹੋ ਜਿਹੀਆਂ ਰਿਸ਼ਤੇਦਾਰੀਆਂ ਸ਼ਹਿਰ ਵਿਚ ਹੁੰਦੀਆਂ ਤੇ ਮਂੈ ਪੰਜ ਸਾਲ ਆਪਣਿਆਂ ਤੋਂ ਦੂਰ ਨਾ ਰਹਿੰਦਾ।
ਰੱਖੜੀ ਵਿਚ ਅਜੇ ਚਾਰ ਦਿਨ ਬਾਕੀ ਸਨ, ਮੈਂ ਬੁਗਨੀ ਤੋੜੀ, ਤਿਆਰ ਹੋਇਆ ਸਕੂਟਰ ਲੈ ਕੇ ਰੱਜੋ ਭੈਣ ਦੇ ਪਿੰਡ ਵੱਲ ਚੱਲ ਪਿਆ। ਰਸਤੇ ਵਿਚ ਸੋਚਾਂ ਵਿਚ ਸਕੂਟਰ ਆਪ-ਮੁਹਾਰਾ ਹੀ ਚੱਲ ਰਿਹਾ ਸੀ। ਕਿਹੋ ਜਿਹਾ ਮਾਹੌਲ ਹੋਵੇਗਾ, ਏਨੇ ਚਿਰ ਬਾਅਦ ਆਇਆ ਹਾਂ। ਕੀ ਕਹਾਂਗਾ ਸੋਚਦਾ-ਸੋਚਦਾ ਘਰ ਦੇ ਦਰਵਾਜ਼ੇ ਅੱਗੇ ਸਕੂਟਰ ਜਾ ਰੋਕਿਆ। ਇਕ ਛੋਟਾ ਬੱਚਾ ਅੱਧੇ ਗੇਟ ਨੂੰ ਹੋਰ ਖੋਲ੍ਹਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। 'ਮੰਮੀ, ਮੰਮੀ' ਆਪਣੀ ਮਾਂ ਨੂੰ ਆਵਾਜ਼ ਦੇ ਰਿਹਾ ਸੀ ਕਿ ਕੋਈ ਬਾਹਰ ਆਇਆ ਹੈ। ਪਰ ਮੈਨੂੰ ਇੰਜ ਲੱਗਾ ਜਿਵੇਂ ਬੱਚੇ ਨੇ ਕਿਹਾ ਹੋਵੇ ਮਾਮਾ ਬਾਹਰ ਆਇਆ ਹੈ। ਮੇਰੇ ਦਿਮਾਗ ਦੀਆਂ ਸਾਰੀਆਂ ਨਾੜੀਆਂ ਵਿਚੋਂ ਤੇਜ਼ੀ ਨਾਲ ਖ਼ੂਨ ਦੌੜਿਆ, ਸਿਰ ਸੁੰਨ ਹੋ ਗਿਆ।
'ਰੁਕ ਜਾ ਰਣਜੀਤ ਵੀਰੇ ਅਜੇ ਅੰਦਰ ਨਾ ਆਈਂ।' ਤੇਲ ਚੋਅ ਕੇ ਮੈਨੂੰ ਅੰਦਰ ਲੰਘਾਇਆ। ਅਸੀਂ ਦੋਵੇਂ ਭੈਣ ਭਰਾ ਮਿਲ ਕੇ ਏਨੇ ਰੋਏ ਕਿ 6 ਸਾਲਾਂ ਦਾ ਅੱਖਾਂ ਵਿਚ ਰੁਕਿਆ ਹੰਝੂਆਂ ਰੂਪੀ ਪਾਣੀ ਸਾਉਣ ਦੇ ਮੀਂਹ ਵਾਂਗ ਵਹਿ ਤੁਰਿਆ। ਜੀਜੇ ਨੇ ਰੱਜੋ ਨੂੰ ਚਾਹ ਬਣਾਉਣ ਲਈ ਕਿਹਾ। ਸੁੱਖ-ਸਾਂਦ ਦਾ ਵਿਚਾਰ-ਵਟਾਂਦਰਾ ਹੋਇਆ। ਰੱਜੋ ਨੂੰ ਬੜਾ ਚਾਅ ਚੜ੍ਹਿਆ, ਪਰ ਹਰ ਪਲ ਨੂੰ ਯਾਦ ਕਰਕੇ ਵਾਰ-ਵਾਰ ਅੱਖਾਂ ਵਿਚੋਂ ਹੰਝੂ ਵਗਣ ਲੱਗ ਪੈਂਦੇ । ਵੀਰੇ ਤੈਨੂੰ ਉਡੀਕਦੇ-ਉਡੀਕਦੇ ਤਾਂ ਮੇਰੀਆਂ ਅੱਖਾਂ ਪੱਕ ਗਈਆਂ। ਬਚਪਨ ਤੋਂ ਲੈ ਕੇ ਹੁਣ ਤੱਕ ਦੀਆਂ ਸਾਰੀਆਂ ਗੱਲਾਂ ਕੀਤੀਆਂ, ਹੱਸੇ ਘੱਟ ਤੇ ਰੋਏ ਜ਼ਿਆਦਾ।
ਰੱਜੋ, ਮੈਂ ਰੱਖੜੀ ਬੰਨ੍ਹਾਉਣ ਆਇਆ ਹਾਂ। ਦੇਰ ਆਏ ਦਰੁਸਤ ਆਏ, ਰੱਜੋ ਨੇ ਗੁੱਸਾ ਜ਼ਾਹਰ ਕੀਤਾ। ਝੱਲੀ ਜਿਹੀ ਰੱਜੋ ਬਹੁਤ ਸਿਆਣੀਆਂ ਗੱਲਾਂ ਕਰਨ ਲੱਗ ਗਈ ਸੀ। ਸ਼ਾਇਦ ਰੱਜੋ ਨੇ ਚਾਹ ਦੇ ਨਾਲ ਹੀ ਰੱਖੜੀ ਦੀ ਤਿਆਰੀ ਕਰ ਲਈ ਸੀ। ਥਾਲੀ ਵਿਚ ਹੱਥਾਂ ਨਾਲ ਬਣਾਈ ਰੱਖੜੀ ਅਤੇ ਲੱਡੂ ਲਿਆ ਕੇ ਰੱਖੇ। ਰੱਜੋ ਨੇ ਵਾਹਿਗੁਰੂ ਦਾ ਨਾਂਅ ਲੈ ਕੇ ਰੱਖੜੀ ਬੰਨ੍ਹੀ, ਮੈਂ ਤਿੰਨ ਹਜ਼ਾਰ ਰੁਪਏ ਰੱਜੋ ਦੇ ਹੱਥ 'ਤੇ ਰੱਖੇ, 'ਰੱਜੋ 6 ਸਾਲ ਰੱਖੜੀ ਨਹੀਂ ਬੰਨ੍ਹੀ ਹਰ ਸਾਲ ਦੇ 500 ਰੁਪਏ ਮੈਂ ਬੁਗਨੀ ਵਿਚ ਤੇਰੀ ਰੱਖੜੀ ਦਾ ਜਮ੍ਹਾਂ ਕਰ ਦਿੰਦਾ ਸੀ। ਮੈਂ ਸੋਚਦਾ ਸੀ ਕਦੇ ਤਾਂ ਰੱਜੋ ਆਏਗੀ ਪਰ ਤੂੰ ਤਾਂ ਭੁੱਲ ਗਈ।'
'ਮੈਂ ਵੀ ਤਾਂ ਨਹੀਂ ਭੁੱਲੀ ਵੀਰੇ' ਰੱਜੋ ਨੇ ਪੁਰਾਣਾ ਗੱਤੇ ਦਾ ਡੱਬਾ ਖੋਲ੍ਹਿਆ, ਜਿਸ ਵਿਚ ਪੱਸ਼ਮ ਨਾਲ ਬਣਾਈਆਂ ਪੰਜ ਰੱਖੜੀਆਂ ਸਨ। 'ਵੀਰੇ ਮੈਂ ਵੀ ਹਰ ਸਾਲ ਰੱਖੜੀ ਬਣਾ ਕੇ ਡੱਬੇ ਵਿਚ ਰੱਖ ਦਿੰਦੀ ਸੀ। ਉਸ ਨੇ ਵਾਰੀ-ਵਾਰੀ ਪੰਜ ਰੱਖੜੀਆਂ ਬੰਨ੍ਹ ਕੇ ਮੇਰਾ ਗੁੱਟ ਭਰ ਦਿੱਤਾ ਤੇ ਰੋਈ ਵੀ ਗਈ।
ਮੈਨੂੰ ਇੰਜ ਲੱਗਾ ਕਿ ਅਸੀਂ ਭੈਣ-ਭਰਾ ਭਾਵੇਂ 6 ਸਾਲ ਤੋਂ ਨਹੀਂ ਮਿਲੇ ਪਰ ਭੈਣ ਭਰਾਵਾਂ ਦੀਆਂ ਰੂਹਾਂ ਹਰ ਸਾਲ ਜ਼ਰੂਰ ਮਿਲਦੀਆਂ ਰਹੀਆਂ ਸਨ। ਇਹ ਸਾਰੇ ਪੈਸੇ ਤੇਰੇ ਆ ਰੱਜੋ, ਹੁਣ ਰੱਜੋ ਭੈਣ ਹਰ ਸਾਲ ਰੱਖੜੀ ਬੰਨ੍ਹਣ ਆਇਆ ਕਰੇਗੀ, ਤੂੰ ਵੀ ਨਾਲ ਆਏਗੀ ਨਾ ਸਿਮਰਨ ਆਪਣੇ ਨਾਨਕੇ, ਮੈਂ ਆਪਣੀ ਪੰਜ ਸਾਲ ਦੀ ਭਾਣਜੀ ਨੂੰ ਕੁੱਛੜ ਚੁੱਕ ਕੇ ਕਿਹਾ। ਮਾਮਾ ਜੀ ਲੋਕਾਂ ਦੀਆਂ ਮੰਮੀਆਂ ਤਾਂ ਨਾਨਕੇ ਰੱਖੜੀ ਬੰਨ੍ਹਣ ਜਾਂਦੀਆਂ ਨੇ ਜਿਥੇ ਨਾਨਾ-ਨਾਨੀ ਹੁੰਦੇ ਨੇ, ਤੁਸੀਂ ਤਾਂ ਚੰਡੀਗੜ੍ਹ ਸ਼ਹਿਰ ਰਹਿੰਦੇ ਹੋ, ਉਹ ਰੱਖੜੀ ਵਾਲੇ ਨਾਨਕੇ ਤੇ ਨਾ ਹੋਏ। ਪੁੱਤਰ ਜਦੋਂ ਮਾਂ-ਪਿਉ ਮਰ ਜਾਂਦੇ ਨੇ ਉਦੋਂ ਵੱਡੇ ਮਾਮਾ-ਮਾਮੀ, ਨਾਨਾ-ਨਾਨੀ ਬਣ ਜਾਂਦੇ ਨੇ, ਹੁਣ ਅਸੀਂ ਸ਼ਹਿਰ ਨਹੀਂ ਤੇਰੇ ਨਾਨਾ-ਨਾਨੀ ਵਾਲੇ ਪਿੰਡ ਆ ਗਏ ਆਂ। ਹੁਣ ਤਾਂ ਮੇਰੀ ਭਾਣਜੀ ਸਿਮਰਨ ਰੱਖੜੀ ਵਾਲੇ ਨਾਨਕੇ ਜ਼ਰੂਰ ਆਏਗੀ।


-ਤਰਨ ਤਾਰਨ
ਮੋਬਾਈਲ : 91496-60589.


ਖ਼ਬਰ ਸ਼ੇਅਰ ਕਰੋ

ਮਿੱਟੀ ਦੀ ਢੇਰੀ

ਮਿੱਟੀ ਦੇ ਢੇਰ 'ਤੇ ਪਸੀਨੋ-ਪਸੀਨੀ ਹੋਇਆ ਇਕ ਕਿਸਾਨ ਸ਼ਾਂਤ ਬੈਠਾ ਸੀ। ਦੂਰ ਤੋਂ ਹੀ ਇਕ ਏ.ਸੀ. ਗੱਡੀ ਵਿਚ ਬੈਠਾ ਵਿਅਕਤੀ ਉਸ ਨੂੰ ਦੇਖ ਰਿਹਾ ਸੀ। ਉਸ ਨੇ ਕਿਹਾ 'ਬਾਬਾ, ਤੁਸੀਂ ਏਨਾ ਸ਼ਾਂਤ ਕਿਵੇਂ ਹੋ?' ਉਸ ਨੇ ਕਿਹਾ, 'ਬੇਟਾ! ਇਨਸਾਨ ਜਿੰਨਾ ਮਰਜ਼ੀ ਉੱਡ ਲਏ ਆਖਿਰ ਉਸ ਨੇ ਜ਼ਮੀਨ 'ਤੇ ਆਉਣਾ ਹੈ ਤੇ ਇਕ ਦਿਨ ਮਿੱਟੀ ਦੀ ਢੇਰੀ ਹੀ ਬਣ ਕੇ ਰਹਿ ਜਾਣਾ ਹੈ। ਇਸ ਕਰਕੇ ਮੇਰਾ ਮਨ ਸ਼ਾਂਤ ਹੈ ਕਿ ਮੈਂ ਤਾਂ ਪਹਿਲਾਂ ਹੀ ਮਿੱਟੀ ਦੀ ਢੇਰੀ 'ਤੇ ਬੈਠਾ ਹਾਂ। ਘੱਟ ਉਡਾਂਗਾ ਤਾਂ ਮਨ ਸ਼ਾਂਤ ਹੀ ਰਹੇਗਾ। ਉਚਾਈ ਤੋਂ ਡਿਗਿਆ ਤਾਂ ਸੱਟ ਜ਼ਿਆਦਾ ਲਗਦੀ ਏ। ਅਮੀਰ ਹੋਣ ਨਾਲ ਆਦਮੀ ਦੀ ਪਿਆਸ, ਭੁੱਖ, ਗਰਮੀ, ਸਰਦੀ ਸਭ ਮਹਿੰਗੀ ਹੋ ਜਾਂਦੀ ਏ। ਅਮੀਰ ਹੋ ਕੇ ਕੋਈ ਵਿਅਕਤੀ ਸ਼ਾਂਤ ਰਹਿ ਸਕਦਾ ਹੈ, ਜੇ ਉਸ ਦੀ ਭੁੱਖ, ਪਿਆਸ, ਸਰਦੀ, ਗਰਮੀ, ਸਸਤੀ ਰਹੇ ਤੇ ਗ਼ਰੀਬ ਦਾ ਦਰਦ ਆਪਣਾ ਸਮਝੇ।' ਅਮੀਰ ਵਿਅਕਤੀ ਦੇ ਚਿਹਰੇ 'ਤੇ ਰੌਣਕ ਸੀ। ਇੰਜ ਲੱਗ ਰਿਹਾ ਸੀ ਕਿ ਜਿਵੇਂ ਉਸ ਨੂੰ ਕਈ ਪ੍ਰਸ਼ਨਾਂ ਦਾ ਉੱਤਰ ਮਿਲ ਗਿਆ ਹੋਵੇ।


-ਮਾਹਿਲਪੁਰ, ਹੁਸ਼ਿਆਰਪੁਰ। ਮੋਬਾ : 94177-58355.

ਸਾਉਣ ਮਹੀਨਾ

ਸਾਉਣ ਮਹੀਨੇ ਆਈਆਂ ਧੀਆਂ,
ਪਿੱਪਲੀਂ ਪੀਂਘਾਂ ਪਾਈਆਂ ਧੀਆਂ।
ਪਿੱਪਲ ਦਾ ਸੀ ਰੁੱਖ ਪੁਰਾਣਾ,
ਇਕ ਪਾਸੇ ਸੀ ਮੋਟਾ ਟਾਹਣਾ,
ਰੱਸੇ ਨਾਲ ਲਿਆਈਆਂ ਧੀਆਂ...।
ਦੋ ਜਣੀਆਂ ਰਲ ਪੀਂਘ ਚੜਾਈ,
ਅੰਬਰੀਂ ਜਿਵੇਂ ਉਡਾਰੀ ਲਾਈ,
ਬੋਲੀਆਂ ਕਈ ਸੁਣਾਈਆਂ ਧੀਆਂ...।
ਹਰੇ ਗੁਲਾਬੀ ਘੱਗਰੇ ਘੁੰਮਣ,
ਨਾਲ ਪਰਾਂਦਿਆਂ ਬੰਨ੍ਹੇ ਫੁੰਮਣ,
ਸਾਊ ਘਰਾਂ ਦੀਆਂ ਜਾਈਆਂ ਧੀਆਂ...।
ਮਾਪਿਆਂ ਲਈ ਕਰਨ ਦੁਆਵਾਂ,
ਮੈਂ ਇਨ੍ਹਾਂ ਤੋਂ ਸਦਕੇ ਜਾਵਾਂ,
ਸਭ ਨੇ ਗਲ ਨਾਲ ਲਾਈਆਂ ਧੀਆਂ...।
ਦੁਨੀਆ ਦੀ ਇਹ ਰੀਤ ਪੁਰਾਣੀ,
ਮੁਟਿਆਰ ਹੋਈ ਤਾਂ ਵਿਆਹੀ ਜਾਣੀ,
ਪੇਕਿਆਂ ਦੇ ਘਰ ਆਈਆਂ ਧੀਆਂ...।
'ਸੰਧੂ' ਸੁਣਾਵੇ ਦਿਲ ਦੀ ਗੱਲ
ਮੇਰੇ ਘਰ ਵੀ ਧੀ ਇਕ ਘੱਲ,
ਸੋਹਣੀ ਮਾਂ ਨੇ ਜਾਈਆਂ ਧੀਆਂ...।


-ਹਰੀ ਸਿੰਘ ਸੰਧੂ ਸੁਖੇਵਾਲਾ
ਮੋਬਾਈਲ : 098774-76161.

ਕਾਵਿ-ਵਿਅੰਗ

ਜਿੱਤ ਬਨਾਮ ਹਾਰ
* ਨਵਰਾਹੀ ਘੁਗਿਆਣਵੀ *

ਗੱਲਾਂ ਗੱਲਾਂ ਦੀ ਦੋਸਤੀ, ਦੋਸਤੀ ਨਹੀਂ,
ਲੋੜਵੰਦ ਸਬੰਧੀ ਦੀ ਸਾਰ ਲਈਏ।
ਜਿਹੜੇ ਭਾਅ ਵੀ ਮਿਲੇ ਜਹਾਨ ਕੋਲੋਂ,
ਜਸ ਖੱਟੀਏ ਅਤੇ ਪਿਆਰ ਲਈਏ।
ਤਿਗੜਮਬਾਜ਼ੀਆਂ ਹੈਨ ਫ਼ਜ਼ੂਲ ਸੱਭੇ,
ਜਿੰਦ ਵੇਚ ਕੇ ਜੁੰਡੀ ਦਾ ਯਾਰ ਲਈਏ,
ਵੱਡੀ ਜਿੱਤ ਦੀ ਜ਼ਾਮਨੀ ਭਰੇ ਜਿਹੜੀ,
ਮਿਲੇ ਹਾਰ ਤਾਂ ਹੱਸ ਕੇ ਹਾਰ ਲਈਏ।

ਤੁਲਹਾ
ਅਣਖ-ਹੀਣ ਮਨੁੱਖ ਨੂੰ ਤੁਸੀਂ ਭਾਵੇਂ,
ਮੁਰਦ-ਵੰਸ਼ ਦੇ ਵਿਚ ਸ਼ੁਮਾਰ ਕਰ ਲਓ।
ਦੂਜੇ ਬੰਨੇ ਦਰਵੇਸ਼ ਫ਼ਕੀਰ ਵਿਚੋਂ,
ਸਿਰਜਣਹਾਰ ਦਾ ਸਾਫ਼ ਦੀਦਾਰ ਕਰ ਲਓ।
ਜਿਥੇ ਦਿਲਾਂ ਦੀ ਸਾਂਝ ਪਰਪੱਕ ਹੋਵੇ,
ਬਿਨਾਂ ਝਿਜਕ ਦੇ ਅੱਖੀਆਂ ਚਾਰ ਕਰ ਲਓ।
ਤੁਲਹਾ ਪਿਆਰ ਦਾ ਰਹੇ ਤਿਆਰ ਹਰਦਮ,
ਜਦੋਂ ਜੀਅ ਚਾਹੇ ਨਦੀ ਪਾਰ ਕਰ ਲਓ।


-ਫਰੀਦਕੋਟ। ਮੋਬਾਈਲ : 98150-02302.

ਸਿਰ ਪੀੜ ਲਾਉਣ ਵਾਲੇ ਡਾਕਟਰ

ਪੰਜਾਬੀ ਦੇ ਪ੍ਰਸਿੱਧ ਕਹਾਣੀਕਾਰ ਮਰਹੂਮ ਤਲਵਿੰਦਰ ਸਿੰਘ ਦੇ ਘਰ ਦੀਵਾ ਬਲੇ ਸਾਰੀ ਰਾਤ ਪ੍ਰੋਗਰਾਮ ਤਹਿਤ ਕਹਾਣੀ ਪਾਠ ਹੋ ਰਿਹਾ ਸੀ। ਪੰਜਾਬੀ ਦੇ ਉੱਘੇ ਕਥਾਕਾਰ ਆਪਣੀਆਂ ਕਹਾਣੀਆਂ ਪੜ੍ਹਨ ਲਈ ਪਧਾਰੇ ਹੋਏ ਸਨ। ਇਨ੍ਹਾਂ ਵਿਚ ਕਈ ਨਵੇਂ ਕਹਾਣੀਕਾਰ ਵੀ ਸਨ। ਪੜ੍ਹੀਆਂ ਜਾਣ ਵਾਲੀਆਂ ਕਹਾਣੀਆਂ 'ਤੇ ਵਿਚਾਰ ਚਰਚਾ ਕਰਨ ਲਈ ਪੰਜਾਬੀ ਦੇ ਉੱਘੇ ਆਲੋਚਕ ਡਾ: ਅਨੂਪ ਸਿੰਘ ਬਟਾਲੇ ਵਾਲੇ ਵੀ ਹਾਜ਼ਰ ਸਨ। ਇਸ ਮਹਿਫ਼ਿਲ ਵਿਚ ਮਿੰਨੀ ਕਹਾਣੀ ਦੇ ਹਸਤਾਖਰ ਤੇ ਵੱਖ-ਵੱਖ ਵਿਸ਼ਿਆਂ ਦੇ ਮਾਹਿਰ ਲੇਖਕ ਡਾ: ਸ਼ਿਆਮ ਸੁੰਦਰ ਦੀਪਤੀ ਪ੍ਰੋਫੈਸਰ ਮੈਡੀਕਲ ਕਾਲਜ ਅੰਮ੍ਰਿਤਸਰ ਵਾਲੇ ਮੌਜੂਦ ਸਨ। ਪੜ੍ਹੀਆਂ ਜਾਂਦੀਆਂ ਕਹਾਣੀ ਤੇ ਡਾ: ਅਨੂਪ ਸਿੰਘ ਆਪਣੀ ਵਿਦਵਤਾ ਦਾ ਪ੍ਰਗਟਾਵਾ ਕਰਦੇ, ਆਪਣੇ ਵਿਚਾਰ ਪੇਸ਼ ਕਰ ਰਹੇ ਸਨ। ਜਦੋਂ ਮੰਚ ਸੰਚਾਲਨ ਕਰ ਰਹੇ ਵਲੋਂ ਹਰ ਵਾਰ ਡਾ: ਅਨੂਪ ਸਿੰਘ ਨੂੰ ਡਾ: ਸਾਹਿਬ ਕਰਕੇ ਬੁਲਾਇਆ ਜਾਂਦਾ ਤਾਂ ਇਕ ਪਾਠਕ ਜੋ ਕਿ ਡਾ: ਅਨੂਪ ਸਿੰਘ ਨੂੰ ਪਹਿਲਾਂ ਨਹੀਂ ਸੀ ਜਾਣਦਾ ਤੇ ਡਾ: ਸ਼ਿਆਮ ਸੁੰਦਰ ਦੀਪਤੀ ਨੂੰ ਬੜੀ ਚੰਗੀ ਤਰ੍ਹਾਂ ਜਾਣਦਾ ਸੀ, ਤਾਂ ਉਸ ਨੇ ਚਾਹ ਪਾਣੀ ਦੀ ਬਰੇਕ ਸਮੇਂ ਡਾ: ਅਨੂਪ ਸਿੰਘ ਤੋਂ ਇਹ ਪੁੱਛ ਲਿਆ, 'ਸ: ਅਨੂਪ ਸਿੰਘ ਜੀ ਡਾ: ਸ਼ਿਆਮ ਸੁੰਦਰ ਦੀਪਤੀ ਤਾਂ ਡਾਕਟਰ ਹਨ, ਪਰ ਤੁਸੀਂ ਵੀ ਡਾਕਟਰ ਹੋ। ' ਇਸ 'ਤੇ ਡਾਕਟਰ ਅਨੂਪ ਸਿੰਘ ਨੇ ਹਾਜ਼ਰ ਜਵਾਬੀ ਦੀ ਕਮਾਲ ਕਰ ਦਿੱਤੀ, 'ਜੀ ਹਾਂ, ਮੈਂ ਵੀ ਡਾਕਟਰ ਹਾਂ ਮੈਂ ਸਿਰਪੀੜ ਲਾਉਣ ਵਾਲਾ ਡਾਕਟਰ ਹਾਂ ਪਰ ਦੀਪਤੀ ਸਾਹਿਬ ਸਿਰ ਪੀੜ ਹਟਾਉਣ ਵਾਲੇ ਡਾਕਟਰ ਹਨ। '


-ਪਿੰਡ ਤੇ ਡਾਕ: ਚੇਤਨਪੁਰਾ, ਜ਼ਿਲ੍ਹਾ ਅੰਮ੍ਰਿਤਸਰ-143606.



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX