ਤਾਜਾ ਖ਼ਬਰਾਂ


ਅਹਿਮ ਮੁੱਦਿਆਂ 'ਤੇ ਗੱਲਬਾਤ ਕਰਨ ਲਈ ਕੈਪਟਨ ਨੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਕੀਤੀ ਮੁਲਾਕਾਤ
. . .  28 minutes ago
ਨਵੀਂ ਦਿੱਲੀ, 18 ਅਕਤੂਬਰ- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅਹਿਮ ਮੁੱਦਿਆਂ 'ਤੇ ਵਿਚਾਰ ਵਟਾਂਦਰਾ ਕਰਨ ਦੇ ਲਈ ਪ੍ਰਧਾਨ ਮੰਤਰੀ ਮੋਦੀ ਨਾਲ ਮੁਲਾਕਾਤ ਕੀਤੀ ਹੈ। ਇਸ ਦੇ ਨਾਲ ਹੀ ਕੈਪਟਨ ਨੇ ਪਰਾਲੀ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਦੇ ਲਈ .....
ਹਯਾਤ ਹੋਟਲ ਮਾਮਲਾ : ਦਿੱਲੀ ਪੁਲਿਸ ਨੇ ਅਸ਼ੀਸ਼ ਪਾਂਡੇ ਨੂੰ ਕੀਤਾ ਗ੍ਰਿਫਤਾਰ
. . .  44 minutes ago
ਨਵੀਂ ਦਿੱਲੀ, 18 ਅਕਤੂਬਰ- ਦਿੱਲੀ ਦੇ ਹਯਾਤ ਰਿਜੈਂਸੀ ਹੋਟਲ 'ਚ ਬੀਤੇ ਦਿਨ ਜੰਮ ਕੇ ਹੰਗਾਮਾ ਕਰਨ ਵਾਲੇ ਅਸ਼ੀਸ਼ ਪਾਂਡੇ ਦੀ ਰਿਮਾਂਡ ਦਿੱਲੀ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ...
ਸਬਰੀਮਾਲਾ ਮੰਦਰ ਮਾਮਲਾ : ਸੁਪਰੀਮ ਕੋਰਟ ਕਾਨੂੰਨ ਦੇਖਦਾ ਹੈ, ਪਰੰਪਰਾਵਾਂ ਨਹੀਂ - ਮੁੱਖ ਪੁਜਾਰੀ
. . .  about 1 hour ago
ਤਿਰੂਵਨੰਤਪੁਰਮ, 18 ਅਕਤੂਬਰ - ਸਬਰੀਮਾਲਾ ਮੰਦਰ ਦੇ ਮੁੱਖ ਪੁਜਾਰੀ ਕੰਦਾਰਾਰੁ ਰਾਜੀਵਾਰੁ ਨੇ ਕਿਹਾ ਕਿ ਸੁਪਰੀਮ ਕੋਰਟ ਸਿਰਫ਼ ਕਾਨੂੰਨ ਦੇਖਦਾ ਹੈ ਰੀਤੀ ਰਿਵਾਜ਼ਾਂ ਅਤੇ ਪਰੰਪਰਾਵਾਂ ਨੂੰ ਨਹੀਂ ਸਮਝਦਾ। ਉਨ੍ਹਾਂ ਕਿਹਾ ਕਿ ਬਹੁਤ ਸਾਰੇ ਸ਼ਰਧਾਲੂ ਚਾਹੁੰਦੇ ਹਨ ਕਿ ਸਬਰੀਮਾਲਾ...
ਰਾਮ ਮੰਦਰ ਬਣਨ ਨਾਲ ਦੇਸ਼ 'ਚ ਸਦਭਾਵਨਾ ਅਤੇ ਏਕਤਾ ਦਾ ਬਣੇਗਾ ਮਾਹੌਲ - ਭਾਗਵਤ
. . .  about 1 hour ago
ਨਵੀਂ ਦਿੱਲੀ, 18 ਅਕਤੂਬਰ -ਆਰ.ਐਸ.ਐਸ. ਮੁਖੀ ਮੋਹਨ ਭਾਗਵਤ ਨੇ ਸਬਰੀਮਾਲਾ ਮੰਦਰ ਦੇ ਮੁੱਦੇ 'ਤੇ ਬੋਲਦਿਆਂ ਕਿਹਾ ਕਿ ਔਰਤਾਂ ਅਤੇ ਪੁਰਸ਼ਾਂ ਦੀ ਸਮਾਨਤਾ ਚੰਗੀ ਗੱਲ ਹੈ, ਪਰ ਇੰਨੇ ਸਾਲਾਂ ਤੋਂ ਚਲੀ ਆ ਰਹੀ ਪਰੰਪਰਾ ਅਤੇ ਉਸ ਦਾ ਪਾਲਨ ਕਰਨ ਵਾਲੇ ਲੋਕਾਂ ਦੀਆਂ....
ਹਯਾਤ ਹੋਟਲ ਮਾਮਲਾ : ਅਸ਼ੀਸ ਪਾਂਡੇ ਨੇ ਪਟਿਆਲਾ ਹਾਊਸ ਕੋਰਟ 'ਚ ਕੀਤਾ ਆਤਮ ਸਮਰਪਣ
. . .  about 2 hours ago
ਨਵੀਂ ਦਿੱਲੀ, 18 ਅਕਤੂਬਰ- ਦਿੱਲੀ ਦੇ ਹਯਾਤ ਰਿਜੈਂਸੀ ਹੋਟਲ 'ਚ ਬੀਤੇ ਦਿਨ ਜੰਮ ਕੇ ਹੰਗਾਮਾ ਕਰਨ ਵਾਲੇ ਅਸ਼ੀਸ਼ ਪਾਂਡੇ ਨੇ ਦਿੱਲੀ ਦੀ ਪਟਿਆਲਾ ਹਾਊਸ ਕੋਰਟ 'ਚ ਆਤਮ ਸਮਰਪਣ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਅਸ਼ੀਸ਼ ਨੇ ਆਤਮ ਸਮਰਪਣ ਲਈ ਅਰਜ਼ੀ ਦਿੱਤੀ ਸੀ....
ਐਸ.ਜੀ.ਪੀ.ਸੀ. ਦੀ ਅੰਤ੍ਰਿੰਗ ਕਮੇਟੀ ਦੀ ਮੀਟਿੰਗ ਸੁਲਤਾਨਪੁਰ ਲੋਧੀ ਵਿਖੇ ਹੋਈ ਸ਼ੁਰੂ
. . .  about 2 hours ago
ਸੁਲਤਾਨ ਪੁਰ ਲੋਧੀ, 18 ਅਕਤੂਬਰ (ਥਿੰਦ, ਹੈਪੀ, ਸੋਨੀਆ) - ਸਾਹਿਬ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਗੁਰਪੁਰਬ ਮੌਕੇ ਕਰਵਾਏ ਜਾਣ ਵਾਲੇ ਸਮਾਗਮਾਂ ਦੀ ਰੂਪ ਰੇਖਾ ਉਲੀਕਣ ਲਈ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਅੰਤ੍ਰਿੰਗ ਕਮੇਟੀ ਦੀ ਮੀਟਿੰਗ...
ਰੇਲਵੇ ਫਾਟਕ 'ਤੇ ਰਾਜਧਾਨੀ ਐਕਸਪ੍ਰੈੱਸ ਨਾਲ ਟਕਰਾਇਆ ਟਰੱਕ
. . .  about 2 hours ago
ਭੋਪਾਲ, 18 ਅਕਤੂਬਰ- ਗੋਧਰਾ ਅਤੇ ਰਤਲਾਮ ਵਿਚਕਾਰ ਤ੍ਰਿਵਿੰਦਰਮ ਰਾਜਧਾਨੀ ਐਕਸਪ੍ਰੈੱਸ ਨਾਲ ਟਰੱਕ ਦੀ ਟੱਕਰ ਹੋ ਗਈ। ਇਸ ਹਾਦਸੇ 'ਚ ਟਰੱਕ ਡਰਾਈਵਰ ਦੀ ਮੌਤ ਹੋ ਗਈ ਜਦਕਿ ਰੇਲ ਗੱਡੀ ਦੇ ਦੋ ਡਿੱਬੇ ਪਟਰੀ ਤੋਂ ਉਤਰ ਗਏ। ਜਾਣਕਾਰੀ ਲਈ ਦੱਸ ਦੇਈਏ ਕਿ
ਆਪਣੀਆਂ ਮੰਗਾਂ ਨੂੰ ਲੈ ਕੇ ਅਧਿਆਪਕਾਂ ਨੇ ਪਟਿਆਲਾ 'ਚ ਕੀਤਾ ਰੋਡ ਜਾਮ
. . .  23 minutes ago
ਪਟਿਆਲਾ, 18 ਅਕਤੂਬਰ (ਅਮਨਦੀਪ ਸਿੰਘ)- 12 ਦਿਨ ਤੋਂ ਮਰਨ ਵਰਤ 'ਤੇ ਬੈਠੇ ਅਧਿਆਪਕਾਂ ਨੇ ਅੱਜ ਆਪਣੇ ਇਕ ਸਾਥੀ ਨੂੰ ਸਹੀ ਮੈਡੀਕਲ ਸਹੂਲਤ ਨਾ ਮਿਲਣ ਦੇ ਵਿਰੋਧ 'ਚ ਦੂਖ-ਨਿਵਾਰਨ ਸਾਹਿਬ ਚੌਕ 'ਚ ਜਾਮ ਲੱਗਾ ਦਿੱਤਾ। ਇਨ੍ਹਾਂ ਅਧਿਆਪਕਾਂ ਨੇ ਦੋਸ਼ ...
ਪੰਜਾਬ ਸਰਕਾਰ ਦੇ ਪੁਤਲੇ ਸਾੜ ਕੇ ਅਧਿਆਪਕ ਮਨਾਉਣਗੇ ਦੁਸਹਿਰਾ
. . .  about 4 hours ago
ਸੰਗਰੂਰ, 18 ਅਕਤੂਬਰ (ਧੀਰਜ ਪਸ਼ੌਰੀਆ) - ਐਸ.ਐਸ.ਏ/ ਅਸਾ ਅਧਿਆਪਕਾਂ ਨੂੰ ਰੈਗੂਲਰ ਕਰਨ ਦੇ ਨਾਂਅ ਹੇਠ ਪੰਜਾਬ ਸਰਕਾਰ ਵਲੋਂ ਤਨਖਾਹਾਂ 'ਚ ਕੀਤੀ ਕਟੌਤੀ ਤੇ ਸੰਘਰਸ਼ ਕਰ ਰਹੇ ਕਈ ਅਧਿਆਪਕਾਂ ਦੀ ਮੁਅੱਤਲੀ ਖਿਲਾਫ ਅੱਜ ਜ਼ਿਲ੍ਹਾ ਹੈੱਡ ਕੁਆਰਟਰਾਂ 'ਤੇ ਅਧਿਆਪਕਾਂ ਵਲੋਂ ਸਾਂਝਾ ਅਧਿਆਪਕ ਮੋਰਚਾ...
ਤੇਲ ਦੀਆਂ ਕੀਮਤਾਂ 'ਚ ਆਈ ਮਾਮੂਲੀ ਆਈ ਗਿਰਾਵਟ
. . .  about 4 hours ago
ਨਵੀਂ ਦਿੱਲੀ, 18 ਅਕਤੂਬਰ - ਪੈਟਰੋਲ ਡੀਜਲ ਦੀਆਂ ਕੀਮਤਾਂ 'ਚ ਅੱਜ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ। ਅੱਜ ਦਿੱਲੀ 'ਚ ਪੈਟਰੋਲ ਦੀ ਕੀਮਤ 'ਚ 21 ਪੈਸੇ ਦੀ ਕਮੀ ਹੋਣ ਨਾਲ ਪੈਟਰੋਲ 82.62 ਰੁਪਏ ਹੋ ਗਿਆ ਤੇ ਉਥੇ ਹੀ, ਡੀਜ਼ਲ ਦੀ ਕੀਮਤ 'ਚ ਵੀ 11 ਪੈਸੇ ਦੀ ਕਮੀ ਦਰਜ ਕੀਤੇ ਜਾਣ ਨਾਲ ਡੀਜਲ 75...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਬੱਚਿਆਂ ਦੇ ਪ੍ਰਸਿੱਧ ਕਾਰਟੂਨ ਚਰਿੱਤਰ-27 ਪਿਕਾਚੂ

ਦਹਾਕੇ ਬੀਤ ਜਾਣ ਉਪਰੰਤ ਅੱਜ ਵੀ ਜਾਪਾਨੀ ਕਾਰਟੂਨ ਚਰਿੱਤਰ ਪਿਕਾਚੂ ਦਾ ਬਾਲ ਮਨਾਂ ਉਪਰ ਜਾਦੂ ਉਵੇਂ ਹੀ ਕਾਇਮ ਹੈ | ਇਸ ਪਾਤਰ ਬਾਰੇ ਬੱਚੇ ਲੋਕ-ਕਹਾਣੀਆਂ ਵਿਚ ਪਹਿਲਾਂ ਹੀ ਸੁਣ ਚੁੱਕੇ ਹਨ | ਇਹ ਪੌਕੇਮਾਨ ਸੀਰੀਜ਼ ਦਾ ਪ੍ਰਸਿੱਧ ਪਾਤਰ ਹੈ, ਜੋ ਕਾਫੀ ਤੇਜ਼-ਤਰਾਰ ਹੈ | ਇਸ ਚਰਿੱਤਰ ਨੂੰ ਆਟਸੁਕੋ ਨਿਸ਼ਿਦਾ ਅਤੇ ਕੇਨ ਸੁਗੀਮੋਰੀ ਵਲੋਂ ਡਿਜ਼ਾਈਨ ਕੀਤਾ ਗਿਆ ਸੀ | ਪਿਛਲੇ ਪੈਰਾਂ ਉੱਪਰ ਖੜ੍ਹਾ ਅਤੇ ਅਗਲੇ ਪੈਰਾਂ ਨੂੰ ਬਾਹਾਂ ਵਾਂਗ ਖੋਲ੍ਹ ਕੇ ਇਹ ਅਨੋਖਾ ਪਾਤਰ ਇਹ ਕਹਿੰਦਾ ਪ੍ਰਤੀਤ ਹੁੰਦਾ ਹੈ ਕਿ ਆਓ ਆਪਾਂ ਮਿਲੀਏ | ਇਸ ਨਾਲ ਸਬੰਧਤ ਪਹਿਲੀ ਵੀਡੀਓ ਗੇਮ 'ਪੋਕੇਮੈਨ ਰੈਡ ਐਾਡ ਬਲਿਊ' (1996) ਬਣੀ ਸੀ | ਇਸ ਨੂੰ ਅੰਗਰੇਜ਼ੀ ਆਵਾਜ਼ ਇਕੂ ਓਟਾਨੀ, ਰੇਚੀਅਲ ਲਿੱਲੀ ਅਤੇ ਕਰੇਗ ਬਲੇਅਰ ਨੇ ਅਤੇ ਜਾਪਾਨੀ ਆਵਾਜ਼ ਚਿਕਾ ਸਕੈਮੈਟੋ ਅਤੇ ਸਟੋਮੀ ਕੋਰੋਗੀ ਨੇ ਦਿੱਤੀ ਸੀ | ਇਸ ਕਾਰਟੂਨ ਪਾਤਰ ਨੇ ਕਰੋੜਾਂ ਦੀ ਗਿਣਤੀ ਵਿਚ ਬਾਲ ਪਾਠਕਾਂ ਅਤੇ ਦਰਸ਼ਕਾਂ ਨੂੰ ਆਪਣੇ ਨਾਲ ਅੱਜ ਵੀ ਜੋੜ ਕੇ ਰੱਖਿਆ ਹੋਇਆ ਹੈ |

-ਪੰਜਾਬੀ ਯੂਨੀਵਰਸਿਟੀ ਕੈਂਪਸ, ਪਟਿਆਲਾ |
ਮੋਬਾ: 98144-23703
dsaasht@yahoo.co.in


ਖ਼ਬਰ ਸ਼ੇਅਰ ਕਰੋ

ਬਾਲ ਕਹਾਣੀ: ਮਤਲਬੀ ਯਾਰ

ਪੁਰਾਣੇ ਸਮੇਂ ਦੀ ਗੱਲ ਹੈ ਇਕ ਸੰਘਣੇ ਜੰਗਲ 'ਚ ਬਹੁਤ ਉੱਚੇ-ਉੱਚੇ ਤੇ ਬਹੁਤ ਹੀ ਸੰਘਣੇ ਦਰੱਖਤ ਸਨ | ਉਸ ਜੰਗਲ 'ਚ ਇਕ ਖਰਗੋਸ਼ ਰਹਿੰਦਾ ਸੀ | ਉਹ ਖਰਗੋਸ਼ ਆਪਣੇ-ਆਪ ਨੂੰ ਬਹੁਤ ਚਲਾਕ ਸਮਝਦਾ ਸੀ ਤੇ ਹਰ ਇਕ ਨਾਲ ਚਲਾਕੀਆਂ ਕਰਦਾ ਰਹਿੰਦਾ ਸੀ ਪਰ ਉਹ ਬਹੁਤ ਲਾਈਲੱਗ ਸੀ ਤੇ ਬੜੀ ਛੇਤੀ ਹਰ ਇਕ ਦੀਆਂ ਗੱਲਾਂ 'ਚ ਆ ਜਾਂਦਾ ਸੀ | ਜੇਕਰ ਕਿਸੇ ਨੇ ਇਹ ਕਹਿ ਦੇਣਾ ਕਿ 'ਦੇਖੋ ਓਏ ਇਹ ਪਿੱਦਾ ਜਿਹਾ ਖਰਗੋਸ਼ ਕਿੰਨਾ ਸੋਹਣਾ ਏ', ਤਾਂ ਇਹ ਸੁਣ ਕੇ ਆਪਣੇ-ਆਪ ਨੂੰ ਪਤਾ ਨਹੀਂ ਕੀ ਸਮਝਣ ਲੱਗ ਪੈਂਦਾ ਤੇ ਉਹ ਉੱਚੀ-ਉੱਚੀ ਟਪੂਸੀਆਂ ਮਾਰਨ ਲੱਗ ਜਾਂਦਾ | ਪੱਪੂ ਦੇ ਸਾਰੇ ਦੋਸਤਾਂ ਨੂੰ ਪਤਾ ਸੀ ਕਿ ਉਹ ਬਹੁਤ ਲਾਈਲੱਗ ਹੈ ਤੇ ਬੜੀ ਛੇਤੀ ਮਗਰ ਲੱਗ ਜਾਂਦਾ ਹੈ | ਜੇਕਰ ਉਨ੍ਹਾਂ ਸਾਰਿਆਂ ਨੂੰ ਖਾਣਾ ਨਾ ਮਿਲਦਾ ਤਾਂ ਉਹ ਇਹ ਕਹਿ ਦਿੰਦੇ ਕਿ ਦੇਖ ਲਵੀਂ ਇਹ ਆਪਣਾ ਯਾਰ ਬਹੁਤ ਫੁਰਤੀਲਾ ਤੇ ਬੁੱਧੀਮਾਨ ਹੈ, ਹੁਣੇ ਆਪਣੇ ਵਾਸਤੇ ਖਾਣਾ ਲੈ ਕੇ ਆਵੇਗਾ | ਪੱਪੂ ਛੇਤੀ ਹੀ ਉਨ੍ਹਾਂ ਦੇ ਕਹਿਣ 'ਤੇ ਖਾਣਾ ਲੱਭਣ ਲਈ ਤੁਰ ਪੈਂਦਾ | ਉਸ ਦੀ ਮਾਂ ਨੇ ਬਹੁਤ ਵਾਰੀ ਰੋਕਿਆ 'ਦੇਖ ਪੁੱਤ, ਕਦੇ ਵੀ ਕਿਸੇ ਦੇ ਮਗਰ ਨਹੀਂ ਲੱਗੀਦਾ, ਕਿਉਂਕਿ ਤੇਰੇ ਇਹ ਦੋਸਤ ਤੈਨੂੰ ਗ਼ਲਤ ਰਾਹ ਪਾ ਰਹੇ ਹਨ | ਇਹ ਤੇਰੇ ਦੋਸਤ ਨਹੀਂ, ਸਗੋਂ ਤੇਰੇ ਸਭ ਤੋਂ ਵੱਡੇ ਦੁਸ਼ਮਣ ਹਨ | ਇਹ ਦੋਸਤ ਸਿਰਫ਼ ਮਤਲਬੀ ਦੋਸਤ ਹਨ |'
ਉਸ ਨੇ ਕਿਹਾ ਕਿ 'ਇਹ ਮੇਰੇ ਸੱਚੇ ਮਿੱਤਰ ਹਨ, ਤੂੰ ਇਨ੍ਹਾਂ ਨੂੰ ਗਲਤ ਨਾ ਕਹਿ |' ਇਹ ਕਹਿ ਕੇ ਪੱਪੂ ਬਾਹਰ ਖੇਡਣ ਭੱਜ ਗਿਆ | ਇਕ ਦਿਨ ਇਕ ਦੋਸਤ ਨੇ ਕਿਹਾ ਕਿ ਇਕ ਜੱਟ ਦੇ ਖੇਤ 'ਚ ਮੈਂ ਬਹੁਤ ਸਾਰੀਆਂ ਗਾਜਰਾਂ ਲੱਗੀਆਂ ਹੋਈਆਂ ਦੇਖੀਆਂ ਹਨ, ਆਪਾਂ ਸਭ ਨੇ ਰਲ ਕੇ ਇਹ ਸਭ ਗਾਜਰਾਂ ਖਾਣੀਆਂ ਹਨ ਪਰ ਇਕ ਨੇ ਕਿਹਾ ਕਿ ਗਾਜਰਾਂ ਲੈ ਕੇ ਕੌਣ ਆਏਗਾ? ਕਿਉਂਕਿ ਜੱਟ ਨੇੇ ਆਪਣੇ ਖੇਤ ਵਿਚ ਇਕ ਭਿਆਨਕ ਕੁੱਤਾ ਰੱਖਿਆ ਹੋਇਆ ਹੈ | ਇਹ ਸੁਣ ਕੇ ਸਭ ਚੁੱਪ ਕਰ ਗਏ ਪਰ ਗਾਜਰਾਂ ਵੀ ਜ਼ਰੂਰ ਖਾਣੀਆਂ ਹਨ | ਉਨ੍ਹਾਂ ਨੇ ਰਲ ਕੇ ਇਕ ਖੇਡ ਖੇਡੀ ਅਤੇ ਕਿਹਾ ਕਿ ਇਹ ਗਾਜਰਾਂ ਆਪਣਾ ਬਹਾਦਰ ਯਾਰ ਪੱਪੂ ਲੈ ਕੇ ਆਵੇਗਾ | ਪਹਿਲਾਂ ਤਾਂ ਪੱਪੂ ਡਰ ਗਿਆ ਪਰ ਉਹ ਸਾਰੇ ਰਲ ਕੇ ਕਹਿਣ ਲੱਗੇ ਕਿ 'ਪੱਪੂ ਤੂੰ ਬਹੁਤ ਫੁਰਤੀਲਾ ਤੇ ਬਹਾਦਰ ਏਾ, ਤੇਰੀ ਤਾਕਤ ਦੇ ਸਾਹਮਣੇ ਇਹ ਕੁੱਤਾ ਕੀ ਚੀਜ਼ ਏ?' ਇਹ ਸੁਣ ਕੇ ਪੱਪੂ ਉਨ੍ਹਾਂ ਦੀਆਂ ਚਾਲਾਂ ਵਿਚ ਆ ਗਿਆ | ਅਗਲੇ ਦਿਨ ਉਹ ਸਾਰੇ ਰਲ ਕੇ ਉਸ ਜੱਟ ਦੇ ਖੇਤ ਕੋਲ ਪਹੰੁਚ ਗਏ | ਜੱਟ ਦੇ ਖੇਤ 'ਚ ਐਨੀਆਂ ਗਾਜਰਾਂ ਦੇਖ ਕੇ ਸਭ ਦੇ ਮੂੰਹ 'ਚ ਪਾਣੀ ਆ ਗਿਆ ਪਰ ਉਹ ਜੱਟ ਦੇ ਰੱਖੇ ਕੁੱਤੇ ਤੋਂ ਡਰ ਗਏ | ਉਨ੍ਹਾਂ ਨੇ ਪੱਪੂ ਨੂੰ ਕਿਹਾ ਕਿ, 'ਤੂੰ ਬਹੁਤ ਫੁਰਤੀਲਾ ਤੇ ਬਹਾਦਰ ਏਾ, ਤੇਰੀ ਤਾਕਤ ਦੇ ਸਾਹਮਣੇ ਇਹ ਕੁੱਤਾ ਕੀ ਚੀਜ਼ ਏ? ਅਸੀ ਸਭ ਤੇਰੇ ਮਗਰ ਹਾਂ |'
ਪੱਪੂ ਲਾਈਲੱਗ ਸੀ | ਉਹ ਇਕੱਲਾ ਹੀ ਜੱਟ ਦੇ ਖੇਤ 'ਚ ਵੜ ਗਿਆ ਅਤੇ ਪੱਪੂ ਨੇ ਬਹੁਤ ਸਾਰੀਆਂ ਗਾਜਰਾਂ ਪੁੱਟ ਲਈਆਂ ਸਨ ਪਰ ਉਸੇ ਸਮੇਂ ਜੱਟ ਦੇ ਕੁੱਤੇ ਨੇ ਹਮਲਾ ਕਰ ਦਿੱਤਾ | ਪੱਪੂ ਦੇ ਸਾਰੇ ਯਾਰ ਕੁੱਤੇ ਨੂੰ ਦੇਖ ਕੇ ਭੱਜ ਗਏ, ਬਸ ਰਹਿ ਗਿਆ ਇਕੱਲਾ ਪੱਪੂ | ਜਦੋਂ ਕੁੱਤੇ ਨੇ ਦੇਖਿਆ ਕੇ ਅਜੇ ਵੀ ਇਕ ਖਰਗੋਸ਼ ਬੈਠਾ ਏ ਤਾਂ ਉਸ ਨੇ ਤੇਜ਼ੀ ਨਾਲ ਹਮਲਾ ਕਰ ਦਿੱਤਾ ਪਰ ਪੱਪੂ ਬੜੀ ਹੁਸ਼ਿਆਰੀ ਨਾਲ ਟਪੂਸੀ ਮਾਰ ਕੇ ਉਸ ਕੁੱਤੇ ਦੇ ਪੰਜਿਆਂ 'ਚੋਂ ਬਾਹਰ ਨਿਕਲ ਗਿਆ | ਕੁੱਤਾ ਪੱਪੂ ਦੇ ਮਗਰ ਤੇ ਪੱਪੂ ਉਸ ਦੇ ਮੂਹਰੇ | ਆਖਰ ਪੱਪੂ ਬੜੀ ਤੇਜ਼ੀ ਨਾਲ ਝਾੜੀਆਂ 'ਚ ਜਾ ਵੜਿਆ | ਕੁੱਤਾ ਝਾੜੀਆਂ 'ਚ ਭਾਲ ਕੇ ਬਾਹਰ ਨਿਕਲ ਆਇਆ | ਜਦ ਪੱਪੂ ਨੇ ਦੇਖਿਆ ਕਿ ਕੁੱਤਾ ਕਾਫੀ ਦੂਰ ਚਲਾ ਗਿਆ ਹੈ ਤਾਂ ਫਿਰ ਪੱਪੂ ਝਾੜੀਆਂ 'ਚੋਂ ਬਾਹਰ ਨਿਕਲਿਆ ਅਤੇ ਸਭ ਤੋਂ ਪਹਿਲਾਂ ਉਸ ਨੇ ਰੱਬ ਦਾ ਸ਼ੁਕਰੀਆ ਕੀਤਾ ਤੇ ਅੱਗੇ ਤੋਂ ਇਹ ਸੋਚ ਲਿਆ ਕਿ ਉਹ ਕਦੇ ਵੀ ਕਿਸੇ ਦੇ ਮਗਰ ਨਹੀਂ ਲੱਗੇਗਾ | ...ਤੇ ਇਸ ਤਰ੍ਹਾਂ ਪੱਪੂ ਨੇ ਆਪਣੀ ਜਾਨ ਬਚਾਈ |
ਸੋ ਪਿਆਰੇ ਬੱਚਿਓ, ਸਾਨੂੰ ਕਦੇ ਵੀ ਬਿਨਾਂ ਸੋਚੇ-ਸਮਝੇ ਕਿਸੇ ਦੇ ਮਗਰ ਨਹੀਂ ਲੱਗਣਾ ਚਾਹੀਦਾ |

-ਘੋਲੀਆ ਕਲਾਂ (ਮੋੋਗਾ) | ਮੋਬਾ: 99148-82357

ਕੀ ਤੁਸੀਂ ਜਾਣਦੇ ਹੋ?

• ਮਨਰੇਗਾ ਸਕੀਮ ਕੀ ਹੈ?
-ਮਹਾਤਮਾ ਗਾਂਧੀ ਨੈਸ਼ਨਲ ਪੇਂਡੂ ਰੁਜ਼ਗਾਰ ਗਾਰੰਟੀ |
• ਪਾਕਿਸਤਾਨ ਦਾ ਸਭ ਤੋਂ ਵੱਡਾ ਸ਼ਹਿਰ ਕਿਹੜਾ ਹੈ? -ਕਰਾਚੀ |
• ਉਹ ਕਿਹੜਾ ਦਰੱਖਤ ਹੈ, ਜਿਸ ਨੂੰ ਅੱਗ ਨਹੀਂ ਲਗਦੀ?
-ਰੈੱਡਵੱੁਡ ਨਾਂਅ ਦੇ ਦਰੱਖਤ ਨੂੰ ਅੱਗ ਨਹੀਂ ਲਗਦੀ | ਇਸ ਦਾ ਆਕਾਰ 350 ਫੱੁਟ ਤੱਕ ਲੰਬਾ ਅਤੇ ਭਾਰ ਤਕਰੀਬਨ 5000 ਕੁਇੰਟਲ ਤੱਕ ਦਾ ਹੁੰਦਾ ਹੈ |
• ਭਾਰਤ ਵਿਚ ਸਭ ਤੋਂ ਵੱਧ ਬ੍ਰਾਂਚਾਂ ਕਿਸ ਬੈਂਕ ਦੀਆਂ ਹਨ?

-ਸਟੇਟ ਬੈਂਕ ਆਫ ਇੰਡੀਆ ਦੀਆਂ (ਲਗਪਗ 13000) |
-ਅਵਤਾਰ ਸਿੰਘ ਕਰੀਰ, ਮੋਗਾ |

ਓਹਮ ਦਾ ਨਿਯਮ ਬਣਾਉਣ ਵਾਲਾਵਿਗਿਆਨੀ ਜਾਰਜ ਸਾਈਮਨ ਓਹਮ

ਇਹ ਜ਼ਰੂਰੀ ਨਹੀਂ ਕਿ ਜੇ ਸਾਡੇ ਮਾਤਾ-ਪਿਤਾ ਪੜ੍ਹੇ-ਲਿਖੇ ਨਹੀਂ ਜਾਂ ਸਾਡੇ ਘਰ ਦੀ ਆਰਥਿਕ ਸਥਿਤੀ ਚੰਗੀ ਨਹੀਂ ਹੈ ਤਾਂ ਅਸੀਂ ਸਫਲ ਨਹੀਂ ਹੋ ਸਕਦੇ | ਜੇ ਸੱਚੇ ਦਿਲ ਅਤੇ ਪੂਰੀ ਲਗਨ ਨਾਲ ਕਿਸੇ ਵੀ ਕੰਮ ਨੂੰ ਕੀਤਾ ਜਾਵੇ ਤਾਂ ਉਸ ਕੰਮ ਵਿਚ ਸਫਲਤਾ ਜ਼ਰੂਰ ਮਿਲਦੀ ਹੈ | ਇਸ ਗੱਲ ਨੂੰ ਜਰਮਨੀ ਦੇ ਵਿਗਿਆਨਿਕ 'ਜਾਰਜ ਸਾਈਮਨ ਓਹਮ' ਨੇ ਬਾਖੂਬੀ ਸੱਚ ਕਰ ਦਿਖਾਇਆ | ਇਲੈਕਟਿ੍ਕ ਕਰੰਟ ਅਤੇ ਪ੍ਰਤੀਰੋਧ (ਰੈਜ਼ਿਸਟੈਂਸ) ਸੰਬੰਧੀ 'ਓਹਮ ਦੇ ਨਿਯਮ' ਦੀ ਖੋਜ ਕਰਨ ਵਾਲੇ ਇਸ ਵਿਗਿਆਨਕ ਦਾ ਪੂਰਾ ਜੀਵਨ ਸੰਘਰਸ਼ ਭਰਿਆ ਰਿਹਾ | ਉਨ੍ਹਾਂ ਦੇ ਨਾਂਅ 'ਤੇ ਹੀ ਇਸ ਦੇ ਨਿਯਮ ਦਾ ਨਾਂਅ ਰੱਖਿਆ ਗਿਆ |
ਗਰੀਬ ਪਰਿਵਾਰ ਨਾਲ ਸਬੰਧਤ ਹੋਣ ਦੇ ਬਾਵਜੂਦ ਓਹਮ ਦਾ ਸੁਪਨਾ ਸੀ ਕਿ ਉਹ ਪ੍ਰੋਫੈਸਰ ਬਣੇ | ਉਨ੍ਹਾਂ ਦੇ ਪਿਤਾ ਇਕ ਜਿੰਦਰਾਸਾਜ਼ ਸਨ, ਪਰ ਉਨ੍ਹਾਂ ਨੇ ਬੱਚਿਆਂ ਦੀ ਪੜ੍ਹਾਈ ਵਿਚ ਕੋਈ ਕਮੀ ਨਹੀਂ ਆਉਣ ਦਿੱਤੀ | ਓਹਮ ਬਚਪਨ ਤੋਂ ਹੀ ਵਿਗਿਆਨੀ ਬਣਨਾ ਚਾਹੁੰਦੇ ਸਨ | ਆਰਥਿਕ ਤੰਗੀ ਦੇ ਚਲਦਿਆਂ, ਪੜ੍ਹਾਈ ਤੋਂ ਬਾਅਦ ਉਹ ਸਕੂਲ ਵਿਚ ਛੋਟੀ-ਮੋਟੀ ਨੌਕਰੀ ਵੀ ਕਰਦੇ ਸਨ | ਉਹ ਵਿਹਲੇ ਸਮੇਂ ਵਿਚ ਇਲੈਕਟਿ੍ਕ ਕਰੰਟ ਅਤੇ ਇਸ ਦੇ ਪ੍ਰਯੋਗਾਂ ਵਿਚ ਰੁੱਝੇ ਰਹਿੰਦੇ ਸਨ | ਪੜ੍ਹਨ ਤੋਂ ਵੱਧ ਪ੍ਰਯੋਗਾਂ ਵਿਚ ਰੁਚੀ ਰੱਖਣ ਵਾਲੇ ਓਹਮ ਨੇ ਇਲੈਕਟਿ੍ਕ ਸਰਕਿੱਟ ਨਾਲ ਜੁੜੀ ਇਕ ਅਜਿਹੀ ਖੋਜ ਕੀਤੀ, ਜਿਸ ਨਾਲ ਅੱਗੇ ਚੱਲ ਕੇ ਬਿਜਲੀ ਦੀ ਖਪਤ ਘੱਟ ਹੋਣ ਲੱਗੀ | ਐਰਲਾਂਜੇਨ ਯੂਨੀਵਰਸਿਟੀ ਤੋਂ ਉਨ੍ਹਾਂ ਨੇ ਕਾਲਜ ਦੀ ਪੜ੍ਹਾਈ ਪੂਰੀ ਕੀਤੀ | ਉਨ੍ਹਾਂ ਨੇ ਵੱਖ-ਵੱਖ ਮੋਟਾਈ ਦੀਆਂ ਤਾਰਾਂ ਵਿਚੋਂ ਇਲੈਕਟਿ੍ਕ ਕਰੰਟ ਪ੍ਰਵਾਹਿਤ ਕਰਕੇ ਤਾਪ ਸੰਬੰਧੀ ਪ੍ਰਯੋਗ ਕੀਤੇ |
ਉਨ੍ਹਾਂ ਨੇ ਸਿੱਧ ਕਰ ਦਿਖਾਇਆ ਕਿ ਜੇ ਕਿਸੇ ਤਾਰ ਦੇ ਸਿਰਿਆਂ ਵਿਚ ਇਕ ਵੋਲਟ ਪੁਟੈਂਸ਼ੀਅਲ ਅੰਤਰ ਲਗਾਇਆ ਜਾਵੇ ਅਤੇ ਉਸ ਵਿਚ ਇਕ ਅਮਪੀਅਰ ਕਰੰਟ ਪ੍ਰਵਾਹਿਤ ਕੀਤਾ ਜਾਵੇ ਤਾਂ ਉਸ ਤਾਰ ਦਾ ਪ੍ਰਤੀਰੋਧ ਇਕ ਓਹਮ ਹੋਵੇਗਾ | ਆਖਰ ਸੰਨ 1827 ਵਿਚ ਜਾ ਕੇ ਉਨ੍ਹਾਂ ਨੇ ਕਰੰਟ, ਵੋਲਟੇਜ ਅਤੇ ਪ੍ਰਤੀਰੋਧ ਵਿਚ ਇਕ ਸੰਬੰਧ ਸਥਾਪਿਤ ਕਰਨ ਵਿਚ ਸਫਲਤਾ ਹਾਸਲ ਕੀਤੀ | ਉਨ੍ਹਾਂ ਨੇ ਸਿੱਧ ਕਰ ਦਿਖਾਇਆ ਕਿ ਪੁਟੈਂਸ਼ੀਅਲ ਅੰਤਰ ਅਤੇ ਪ੍ਰਤੀਰੋਧ ਇਕ-ਦੂਜੇ ਦੇ ਵਿਪਰੀਤਾਨੁਪਾਤੀ (ਇੰਨਵਰਸਲੀ ਪ੍ਰੋਪੋਰਸ਼ਨਲ) ਹੁੰਦੇ ਹਨ {V=9R} | ਇਸੇ ਦੇ ਆਧਾਰ 'ਤੇ ਓਹਮ, ਵੱਖ-ਵੱਖ ਸਰਕਿੱਟਾਂ ਵਿਚ ਕਰੰਟ, ਵੋਲਟੇਜ ਅਤੇ ਪ੍ਰਤੀਰੋਧ ਸਬੰਧੀ ਗਣਨਾਵਾਂ ਕਰਨ ਦੇ ਸਮਰੱਥ ਹੋ ਸਕੇ | ਹੌਲੀ-ਹੌਲੀ ਜਰਮਨੀ ਦੇ ਲੋਕਾਂ ਨੇ ਵੀ ਓਹਮ ਦੇ ਇਸ ਨਿਯਮ ਦੇ ਮਹੱਤਵ ਨੂੰ ਸਮਝਿਆ | ਸੰਨ 1842 ਵਿਚ ਉਨ੍ਹਾਂ ਦੇ ਕਾਰਜਾਂ ਲਈ ਉਨ੍ਹਾਂ ਨੂੰ 'ਰੌਇਲ ਸੋਸਾਇਟੀ ਆਫ ਲੰਡਨ' ਦੀ ਮੈਂਬਰਸ਼ਿਪ ਪ੍ਰਾਪਤ ਹੋਈ ਅਤੇ ਫਿਰ ਓਹਮ ਨੂੰ 'ਕੋਪਲੇਅ ਮੈਡਲ' ਨਾਲ ਨਿਵਾਜਿਆ ਗਿਆ |
ਅੱਜ 'ਓਹਮ ਦਾ ਨਿਯਮ' ਭੌਤਿਕ ਵਿਗਿਆਨ ਦੀ 'ਕਰੰਟ ਇਲੈਕਟ੍ਰੀਸਿਟੀ' ਸ਼ਾਖਾ ਦੀ ਅਹਿਮ ਕੜੀ ਮੰਨਿਆ ਜਾਂਦਾ ਹੈ | ਆਪਣੀ ਮੌਤ ਤੋਂ 5 ਸਾਲ ਪਹਿਲਾਂ ਉਨ੍ਹਾਂ ਨੂੰ ਸੰਨ 1849 ਵਿਚ ਮਿਊਨਿਖ ਯੂਨੀਵਰਸਿਟੀ ਵਿਚ ਪ੍ਰੋਫੈਸਰ ਦਾ ਅਹੁਦਾ ਪ੍ਰਾਪਤ ਹੋਇਆ, ਜਿਸ ਨਾਲ ਉਨ੍ਹਾਂ ਦਾ ਚਿਰਾਂ ਦਾ ਸੁਪਨਾ ਪੂਰਾ ਹੋਇਆ | 6 ਜੁਲਾਈ, 1854 ਨੂੰ ਓਹਮ 65 ਸਾਲ ਦੀ ਉਮਰ ਭੋਗ ਕੇ ਇਸ ਸੰਸਾਰ ਨੂੰ ਸਦਾ ਲਈ ਅਲਵਿਦਾ ਕਹਿ ਗਏ |

maninderkaurcareers@gmail.com

ਬੁਝਾਰਤਾਂ

1. ਖਿੜਿਆ ਫੱੁਲ ਗੁਲਾਬ ਦਾ, ਕੋਈ ਛੂਹ ਨਾ ਸਕੇ |
2. ਪਹਾੜੋਂ ਆਏ ਰੋੜੇ, ਆਉਂਦਿਆਂ ਦੇ ਸਿਰ ਤੋੜੇ |
3. ਆਬੀ ਭੋਜਨ ਫੱੁਲਾਂ ਭਰਿਆ, ਲਾਲਾ ਜੀ ਦੇ ਅੱਗੇ ਧਰਿਆ |
4. ਇਕ ਜਾਨਵਰ ਮੇਜ਼ 'ਤੇ ਬੈਠਾ, ਨਾ ਪੀਵੇ ਨਾ ਕੁਝ ਖਾਵੇ |
ਕੰਨ ਮਰੋੜੀਦਾ ਤਾਂ ਸੌ-ਸੌ ਗੱਲਾਂ, ਗੀਤ-ਸੰਗੀਤ ਸੁਣਾਵੇ |
5. ਲੱਗ-ਲੱਗ ਕਹੇ ਨਾ ਲੱਗੇ, ਬਿਨ ਕਹੇ ਲੱਗ ਜਾਏ |
6. ਹਵਾ ਖਾਵੇ ਤਾਂ ਜੁਗ-ਜੁਗ ਜੀਵੇ, ਮਰ ਜਾਵੇ ਜੇ ਪਾਣੀ ਪੀਵੇ |
7. ਦਸ ਜਣੇ ਖਵਾਉਣ ਵਾਲੇ, ਬੱਤੀ ਜਣੇ ਖਾਣ ਵਾਲੇ,
ਝੰਡੋ ਕੁੜੀ ਸਮੇਟਣ ਵਾਲੀ, ਮੌਜ ਭੈਣ ਸਾਂਭਣ 'ਤੇ |
8. ਹਰੀ ਹਰਿਆਲੀ ਹਾਂ, ਮੋਤੀਆਂ ਦੀ ਡਾਲੀ ਹਾਂ,
ਚੰਦ ਦੀ ਭੈਣ ਹਾਂ, ਸੂਰਜ ਦੀ ਸਾਲੀ ਹਾਂ |
9. ਚੱਪਾ ਜਿੰਨੀ ਦਰਿਆਈ, ਪੰਜ ਰੱੁਖਾਂ ਹੇਠ ਵਿਛਾਈ |
10. ਕਾਲੀ ਹਾਂ ਪਰ ਕਾਂ ਨਹੀਂ, ਲੰਮੀ ਹਾਂ ਪਰ ਡੋਰ ਨਹੀਂ,
ਬੰਨ੍ਹੀ ਜਾਂਦੀ ਹਾਂ ਪਰ ਪਸ਼ੂ ਨਹੀਂ |
ਉੱਤਰ : (1) ਸੂਰਜ, (2) ਅਨਾਰ, (3) ਤਾਰੇ, (4) ਟੈਲੀਵਿਜ਼ਨ, (5) ਬੱੁਲ੍ਹ, (6) ਅੱਗ, (7) ਉਂਗਲਾਂ, ਦੰਦ, ਜੀਭ ਤੇ ਢਿੱਡ, (8) ਤਰੇਲ, (9) ਹਥੇਲੀ, (10) ਗੱੁਤ |

-ਤਸਵਿੰਦਰ ਸਿੰਘ ਬੜੈਚ,
ਪਿੰਡ ਦੀਵਾਲਾ, ਤਹਿ: ਸਮਰਾਲਾ (ਲੁਧਿਆਣਾ) | ਮੋਬਾ: 98763-22677

ਬਾਲ ਨਾਵਲ-59: ਖੱਟੀਆਂ-ਮਿੱਠੀਆਂ ਗੋਲੀਆਂ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
ਹਰੀਸ਼ ਨੇ ਅੱਜ ਕਾਲਜ ਤੋਂ ਆ ਕੇ ਸਾਰਾ ਨਵਾਂ ਪ੍ਰੋਗਰਾਮ, ਜਿਹੜਾ ਪਰਸੋਂ ਤੋਂ ਸ਼ੁਰੂ ਹੋਣਾ ਸੀ, ਮਾਤਾ ਜੀ ਨੂੰ ਦੱਸ ਦਿੱਤਾ | ਮਾਤਾ ਜੀ ਨੇ ਉਸੇ ਵਕਤ ਆਸ਼ਾ ਨੂੰ ਬੁਲਾ ਕੇ ਸਮਝਾ ਦਿੱਤਾ ਕਿ 'ਪਰਸੋਂ ਸੋਮਵਾਰ ਤੋਂ ਹਰੀਸ਼ ਨੇ ਸਵੇਰੇ ਜਲਦੀ ਜਾਇਆ ਕਰਨੈ, ਇਸ ਕਰਕੇ ਇਸ ਨੂੰ ਸਵੇਰੇ ਜਲਦੀ ਨਾਸ਼ਤਾ ਅਤੇ ਦੁਪਹਿਰ ਦੀ ਰੋਟੀ ਪੈਕ ਕਰਕੇ ਦੇਣੀ ਹੈ | ਇਸੇ ਤਰ੍ਹਾਂ ਜਿਸ ਵਕਤ ਸ਼ਾਮੀਂ ਇਹ ਘਰ ਆਏ, ਉਸੇ ਵਕਤ ਇਸ ਨੂੰ ਚਾਹ-ਪਾਣੀ ਦੇਣਾ ਹੈ, ਕਿਉਂਕਿ ਇਸ ਨੇ ਫਿਰ ਪੜ੍ਹਨ ਜਾਇਆ ਕਰਨੈ |'
ਇਕ ਵਾਰੀ ਟਿਊਸ਼ਨਾਂ ਸ਼ੁਰੂ ਹੋਈਆਂ ਤਾਂ ਹਰੀਸ਼ ਨੂੰ ਇਸ ਤਰ੍ਹਾਂ ਲੱਗਣ ਲੱਗਾ ਜਿਵੇਂ ਦਿਨਾਂ ਨੇ ਦੌੜਨਾ ਸ਼ੁਰੂ ਕਰ ਦਿੱਤਾ ਹੋਵੇ | ਸ਼ਾਮ ਦੀ ਟਿਊਸ਼ਨ ਤੋਂ ਆ ਕੇ ਉਹ ਦਸ-ਪੰਦਰਾਂ ਮਿੰਟ ਮਾਤਾ ਜੀ ਦੇ ਕੋਲ ਆ ਕੇ ਬੈਠਦਾ ਅਤੇ ਫਿਰ ਪੜ੍ਹਾਈ ਸ਼ੁਰੂ ਕਰ ਦਿੰਦਾ | ਰਾਤ ਦੀ ਰੋਟੀ ਉਹ ਬਹੁਤੀ ਵਾਰੀ ਮਾਤਾ ਜੀ ਦੇ ਕਮਰੇ ਵਿਚ ਉਨ੍ਹਾਂ ਦੇ ਨਾਲ ਹੀ ਖਾਂਦਾ ਪਰ ਜੇ ਕਦੇ ਕੰਮ ਜ਼ਿਆਦਾ ਹੁੰਦਾ ਤਾਂ ਉਹ ਆਪਣੇ ਕਮਰੇ ਵਿਚ ਲੈ ਜਾਂਦਾ |
ਉਹ ਰਾਤੀਂ ਲੇਟ ਸੌਾਦਾ ਅਤੇ ਸਵੇਰੇ ਤੜਕੇ ਦਾ ਫਿਰ ਅਲਾਰਮ ਲਗਾ ਲੈਂਦਾ | ਉਸ ਨੂੰ ਇੰਜ ਮਹਿਸੂਸ ਹੁੰਦਾ ਕਿ ਅਜੇ ਕੱਲ੍ਹ ਹੀ ਨਵਾਂ ਹਫਤਾ ਚੜਿ੍ਹਆ ਹੈ ਅਤੇ ਨਾਲ ਹੀ ਸਨਿਚਰਵਾਰ ਆ ਗਿਐ | ਉਸ ਨੂੰ ਪਤਾ ਹੀ ਨਾ ਲੱਗਾ ਕਿ ਕਿਵੇਂ ਛੇ ਮਹੀਨੇ ਲੰਘ ਗਏ |
ਹੁਣ ਉਸ ਦੀ ਬੌਟਨੀ ਅਤੇ ਜ਼ਿਓਲੋਜੀ ਦੀ ਟਿਊਸ਼ਨ ਵੀ ਸ਼ੁਰੂ ਹੋ ਗਈ, ਜਿਸ ਕਰਕੇ ਉਹ ਇਕ ਘੰਟਾ ਹੋਰ ਪਹਿਲਾਂ ਜਾਣ ਲੱਗ ਪਿਆ ਅਤੇ ਸ਼ਾਮੀਂ ਵੀ ਇਕ ਘੰਟਾ ਲੇਟ ਆਉਣ ਲੱਗ ਪਿਆ | ਟਿਊਸ਼ਨਾਂ ਵਧਣ ਦੇ ਨਾਲ ਉਸ ਨੇ ਆਪਣੀ ਨੀਂਦ ਨੂੰ ਘਟਾ ਲਿਆ | ਜੇ ਉਹ ਨੀਂਦ ਨਾ ਘਟਾਉਂਦਾ ਤਾਂ ਉਸ ਕੋਲ ਘਰ ਆ ਕੇ ਦੁਹਰਾਈ ਜੋਗਾ ਵਕਤ ਨਹੀਂ ਸੀ ਬਚਦਾ |
ਮਾਤਾ ਜੀ ਉਸ ਨੂੰ ਰਾਤੀਂ ਇਕ-ਅੱਧ ਵਾਰ ਆ ਕੇ ਜ਼ਰੂਰ ਕਹਿੰਦੇ, 'ਸੌਾ ਜਾ ਹੁਣ, ਰਾਤ ਕਾਫੀ ਹੋ ਗਈ ਐ | ਸਵੇਰੇ ਤੰੂ ਫਿਰ ਜਲਦੀ ਉੱਠਣਾ ਏ |'
ਉਹ ਹਮੇਸ਼ਾ ਇਹੋ ਜਵਾਬ ਦਿੰਦਾ, 'ਬਸ, ਇਕ-ਦੋ ਸਫੇ ਹੀ ਰਹਿ ਗਏ ਨੇ ਪੜ੍ਹਨ ਵਾਲੇ, ਇਹ ਪੜ੍ਹ ਕੇ ਸੌਾ ਜਾਵਾਂਗਾ |'
ਇਹ ਸੁਣ ਕੇ ਮਾਤਾ ਜੀ ਦੀ ਤਸੱਲੀ ਹੋ ਜਾਂਦੀ ਅਤੇ ਉਹ ਆਪਣੇ ਕਮਰੇ ਵਿਚ ਚਲੇ ਜਾਂਦੇ |
(ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)

ਮੋਬਾ: 98889-24664

ਆਮ ਪਰ ਖਾਸ ਗੱਲਾਂ

• ਚੰਗੀਆਂ ਕਿਤਾਬਾਂ ਹਮੇਸ਼ਾ ਘਰ ਵਿਚ ਉਥੇ ਰੱਖੋ, ਜਿਸ ਜਗ੍ਹਾ 'ਤੇ ਸਾਰੇ ਪੜ੍ਹ ਸਕਣ |
• ਜ਼ਰੂਰੀ ਨਹੀਂ ਕਿ ਦਾਨ ਧਾਰਮਿਕ ਥਾਵਾਂ 'ਤੇ ਹੀ ਦੇਣਾ, ਜਿਸ ਨੂੰ ਜ਼ਰੂਰਤ ਹੈ, ਉਸ ਨੂੰ ਦੇਵੋ, ਪਰਮਾਤਮਾ ਤੁਹਾਡਾ ਉਹ ਦਾਨ ਵੀ ਪ੍ਰਵਾਨ ਕਰੇਗਾ |
• ਕੁਝ ਸਿੱਖਣ ਲਈ ਹਮੇਸ਼ਾ ਮੋਬਾਈਲ ਜਾਂ ਕੰਪਿਊਟਰ ਦੀ ਵਰਤੋਂ ਨਾ ਕਰੋ, ਕਦੇ ਘਰ ਵਿਚ ਬੈਠੇ ਬਜ਼ੁਰਗਾਂ ਕੋਲ ਬੈਠ ਕੇ ਸਿੱਖਣ ਲਈ ਕੋਸ਼ਿਸ਼ ਕਰੋ, ਬਹੁਤ ਕੁਝ ਸਿੱਖੋਗੇ |
• ਜੋ ਹਮੇਸ਼ਾ ਅੰਗਰੇਜ਼ੀ ਵਿਚ ਦਸਤਖਤ ਕਰਦੇ ਹਨ, ਕਦੇ ਮਾਤ-ਭਾਸ਼ਾ ਵਿਚ ਦਸਤਖਤ ਕਰਕੇ ਦੇਖੋ, ਉਹ ਤੁਹਾਨੂੰ ਉਸ ਪੇਜ਼ 'ਤੇ ਹੀ ਵੱਖਰੀ ਪਹਿਚਾਣ ਬਣਾਉਣ ਵਿਚ ਮਦਦ ਕਰੇਗੀ |
• ਬੱਸ ਵਿਚ ਹਮੇਸ਼ਾ ਗੱਲ ਹੁੰਦੀ ਹੈ ਕਿ ਔਰਤਾਂ ਲਈ ਸੀਟ ਛੱਡਣੀ ਚਾਹੀਦੀ ਹੈ ਜੋ ਕਿ ਚੰਗੀ ਗੱਲ ਹੈ | ਪਰ ਕਦੇ ਮਜ਼ਦੂਰੀ ਕਰਕੇ ਥੱਕੇ ਆਏ ਮਜ਼ਦੂਰ ਨੂੰ ਸੀਟ 'ਤੇ ਬਿਠਾ ਕੇ ਦੇਖੋ, ਉਹ ਮਜ਼ਦੂਰ ਅਤੇ ਤੁਸੀਂ ਕਿੰਨਾ ਆਰਾਮ ਮਹਿਸੂਸ ਕਰੋਗੇ |
• ਦਰੱਖਤ ਲਗਾਉਣ ਦੀਆਂ ਹਮੇਸ਼ਾ ਗੱਲਾਂ ਹੁੰਦੀਆਂ ਹਨ | ਕਦੇ ਲੱਗੇ ਹੋਏ ਦਰੱਖਤਾਂ ਦੀ ਸੰਭਾਲ ਵੀ ਕਰੋ, ਉਹ ਵੀ ਚੰਗਾ ਕੰਮ ਹੀ ਹੈ |

-ਜੀਵਨ ਮੌੜ
ਮੋਬਾ: 75083-34108

ਬਾਲ ਸਾਹਿਤ

ਗਿਆਨ ਦਾ ਖ਼ਜ਼ਾਨਾ
ਲੇਖਿਕਾ : ਵੀਰਪਾਲ ਕੌਰ ਭੱਠਲ
ਪ੍ਰਕਾਸ਼ਕ : ਪਰਵਾਜ਼ ਪ੍ਰਕਾਸ਼ਨ, ਜਲੰਧਰ |
ਮੁੱਲ : 60 ਰੁਪਏ, ਪੰਨੇ : 48
ਸੰਪਰਕ : 85679-92445

ਪੰਜਾਬੀ ਬਾਲ ਸਾਹਿਤ ਦੇ ਮੈਦਾਨ ਵਿਚ ਹੁਣੇ-ਹੁਣੇ ਕਦਮ ਰੱਖਣ ਵਾਲੀ ਲੇਖਿਕਾ ਵੀਰਪਾਲ ਕੌਰ ਭੱਠਲ ਨੇ ਬੱਚਿਆਂ ਲਈ 'ਗਿਆਨ ਦਾ ਖ਼ਜ਼ਾਨਾ' ਪੁਸਤਕ ਰਚੀ ਹੈ | ਇਸ ਪੁਸਤਕ ਵਿਚ ਕੁੱਲ 11 ਕਹਾਣੀਆਂ 'ਚਮਤਕਾਰ', 'ਗਿਆਨ ਦਾ ਖ਼ਜ਼ਾਨਾ', 'ਰੁੱਖ ਤੇ ਮਨੁੱਖ', 'ਨਿੱਕੇ ਲੋਕ', 'ਸਾਇਕਲ ਰੇਸ', 'ਬਜ਼ੁਰਗ ਦੀ ਸਿਆਣਪ', 'ਸੁਪਰਮੈਨ', 'ਹੌਸਲੇ ਦੀ ਉਡਾਣ', 'ਵਰਦਾਨ', 'ਰੌਸ਼ਨੀ ਦੀ ਕਿਰਨ' ਅਤੇ 'ਹੰਕਾਰ ਦੀ ਮਾਰ' ਸ਼ਾਮਿਲ ਹਨ | ਜਿਵੇਂ ਕਿ ਬਹੁਤੀਆਂ ਕਹਾਣੀਆਂ ਦੇ ਸਿਰਲੇਖਾਂ ਤੋਂ ਹੀ ਸੰਕੇਤ ਮਿਲ ਜਾਂਦੇ ਹਨ, ਇਹ ਕਹਾਣੀਆਂ ਬੱਚਿਆਂ ਵਿਚ ਨੈਤਿਕ ਕਦਰਾਂ-ਕੀਮਤਾਂ ਅਤੇ ਚੰਗੀ ਸੋਚ ਪੈਦਾ ਕਰਦੀਆਂ ਹਨ | ਇਨ੍ਹਾਂ ਕਹਾਣੀਆਂ ਵਿਚ ਵਹਿਮਾਂ-ਭਰਮਾਂ, ਚਮਤਕਾਰਾਂ, ਰੂੜ੍ਹੀਵਾਦੀ ਕਦਰਾਂ-ਕੀਮਤਾਂ ਅਤੇ ਥੋਥੀਆਂ ਰਵਾਇਤਾਂ ਦਾ ਤਰਕਸ਼ੀਲਤਾ ਅਤੇ ਬੁੱਧ ਵਿਵੇਕ ਨਾਲ ਖੰਡਨ ਕਰਦੀਆਂ ਹਨ | ਚੇਤਨ ਬੁੱਧੀ ਵਾਲੇ ਪਾਤਰ ਅਗਿਆਨੀ, ਅੰਧਵਿਸ਼ਵਾਸੀ, ਆਲਸੀ ਅਤੇ ਕੰਮ-ਚੋਰ ਪਾਤਰਾਂ ਨੂੰ ਸਿੱਧੇ ਰਸਤੇ ਪਾਉਂਦੇ ਹਨ | ਕਹਾਣੀਆਂ ਦੇ ਨਾਇਕ ਅਤੇ ਨਾਇਕਾਵਾਂ ਜ਼ੁਲਮ ਨਾਲ ਲੜਨ ਦੀ ਸਮਰੱਥਾ ਰੱਖਦੇ ਹਨ ਅਤੇ ਇਨਸਾਨੀਅਤ ਦੀ ਕਦਰ ਕਰਨ ਦਾ ਸੁਨੇਹਾ ਦਿੰਦੇ ਹਨ | ਹਰ ਕਹਾਣੀ ਦਾ ਘਟਨਾਕ੍ਰਮ ਤੇਜ਼ੀ ਨਾਲ ਅੱਗੇ ਵਧਦਾ ਹੈ ਅਤੇ ਉਤਸੁਕਤਾ ਨੂੰ ਕਾਇਮ ਰੱਖਦਾ ਹੈ | 'ਹੌਸਲੇ ਦੀ ਉਡਾਣ' ਕਹਾਣੀ ਦੇ ਅੰਤ ਵਿਚ ਮੁੱਖ ਅਧਿਆਪਕ ਵਲੋਂ ਅਮਨ ਨੂੰ ਆਖੇ ਗਏ ਸ਼ਬਦ, 'ਸੁਪਨੇ ਦੇਖਣ ਦਾ ਹੱਕ ਵੀ ਉਸ ਨੂੰ ਹੁੰਦਾ ਹੈ, ਜਿਹੜਾ ਉਨ੍ਹਾਂ ਨੂੰ ਪੂਰਾ ਕਰ ਸਕਦਾ ਹੋਵੇ |' ਜੀਵਨ ਦੀ ਹਕੀਕਤ ਵੱਲ ਸੰਕੇਤ ਕਰਦੇ ਹਨ | ਕਹਾਣੀਆਂ ਨਾਲ ਖ਼ੂਬਸੂਰਤ ਚਿੱਤਰ ਸਿਰਜੇ ਗਏ ਹਨ ਪਰ ਪੁਸਤਕ ਵਿਚ ਚਿੱਤਰਕਾਰ ਦਾ ਨਾਂਅ ਨਾ ਦੇਣਾ ਚਿੱਤਰਕਾਰ ਦੀ ਕਲਾ ਨਾਲ ਅਨਿਆਂ ਹੈ | ਫਿਰ ਵੀ ਪੁਸਤਕ ਪੜ੍ਹਨਯੋਗ ਅਤੇ ਮਾਣਨਯੋਗ ਹੈ |

-ਦਰਸ਼ਨ ਸਿੰਘ 'ਆਸ਼ਟ' (ਡਾ:)

ਰੱੁਖਾਂ ਦੀ ਕਰੋ ਸੰਭਾਲ

ਪ੍ਰਦੂਸ਼ਣ ਨੂੰ ਹੈ ਕਿਵੇਂ ਘਟਾਉਣਾ,
ਬਣਿਆ ਇਕ ਸਵਾਲ |
ਇਕੋ-ਇਕ ਹੈ ਹੱਲ ਏਸ ਦਾ,
ਰੱੁਖਾਂ ਦੀ ਕਰੋ ਸੰਭਾਲ |
ਇਕ ਰੱੁਖ ਤੇ ਅਨੇਕਾਂ ਸੱੁਖ,
ਇਸ ਨੂੰ ਚੇਤੇ ਰੱਖੀਏ |
ਰੱੁਖ ਨੇ ਸਾਡੇ ਅਸਲੀ ਮਿੱਤਰ,
ਇਨ੍ਹਾਂ ਤੋਂ ਨਾ ਅੱਕੀਏ |
ਬੱਚਿਆਂ ਵਾਂਗਰ ਇਨ੍ਹਾਂ ਨੂੰ ਵੀ,
ਰਲ-ਮਿਲ ਲਈਏ ਪਾਲ |
ਪ੍ਰਦੂਸ਼ਣ ਨੂੰ ਹੈ ਕਿਵੇਂ ਘਟਾਉਣਾ... |
ਪ੍ਰਦੂਸ਼ਣ ਅੱਜ ਬਣੀ ਸਮੱਸਿਆ,
ਸਾਰੇ ਨੇ ਗੰਭੀਰ |
ਰੱੁਖਾਂ ਦੀ ਘੱਟ ਕਰੋ ਕਟਾਈ,
ਇਕੋ ਹੱਲ ਅਖੀਰ |
ਇਨ੍ਹਾਂ ਦੇ ਨਾਲ ਪਿਆਰ ਵਧਾਓ,
ਫਿਰ ਦੇਖੋ ਕਮਾਲ |
ਪ੍ਰਦੂਸ਼ਣ ਨੂੰ ਹੈ ਕਿਵੇਂ ਘਟਾਉਣਾ... |
ਹਨੇਰੀ, ਝੱਖੜ, ਗਰਮੀ-ਸਰਦੀ,
ਆਪਣੇ ਉੱਪਰ ਨੇ ਸਹਿੰਦੇ |
ਫਿਰ ਵੀ ਸਭ ਕੁਝ ਹੁੰਦਿਆਂ ਹੋਇਆਂ,
ਖਿੜੇ-ਖਿੜੇ ਨੇ ਰਹਿੰਦੇ |
ਨਿਮਰਤਾ ਅਤੇ ਸਹਿਣਸ਼ੀਲਤਾ ਦੀ,
ਉਹ ਨੇ ਇਕ ਮਿਸਾਲ |
ਪ੍ਰਦੂਸ਼ਣ ਨੂੰ ਹੈ ਕਿਵੇਂ ਘਟਾਉਣਾ,
ਬਣਿਆ ਇਕ ਸਵਾਲ |

-ਮਾਸਟਰ ਦੇਵ ਰਾਜ ਖੁੰਡਾ,
ਸ੍ਰੀ ਰਾਮ ਸ਼ਰਨਮ ਕਾਲੋਨੀ, ਗੁਰਦਾਸਪੁਰ | ਮੋਬਾ: 99883-13281





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX