ਤਾਜਾ ਖ਼ਬਰਾਂ


ਇਨਕਮ ਟੈਕਸ ਵਿਭਾਗ ਦੀ ਪਰੀਤਾ ਹਰਿਤ ਕਾਂਗਰਸ 'ਚ ਹੋਈ ਸ਼ਾਮਿਲ
. . .  1 day ago
ਨਵੀਂ ਦਿੱਲੀ ,20 ਮਾਰਚ -ਮੇਰਠ ਦੀ ਇਨਕਮ ਟੈਕਸ ਮੁਖੀ ਪਰੀਤਾ ਹਰਿਤ ਨੇ ਆਪਣੇ ਅਹੁਦੇ ਨੂੰ ਛੱਡ ਕੇ ਕਾਂਗਰਸ 'ਚ ਸ਼ਾਮਿਲ ਹੋ ਗਈ ।ਉੱਤਰ ਪ੍ਰਦੇਸ਼ ਇਕਾਈ ਦੇ ਮੁਖੀ ਰਾਜ ਬਾਬਰ ਨੇ ਉਨ੍ਹਾਂ ਨੂੰ ਜੀ ਆਇਆਂ ...
ਅਣਪਛਾਤੇ ਕਾਰ ਸਵਾਰਾਂ ਨੇ ਚਲਾਈਆਂ ਗੋਲੀਆਂ
. . .  1 day ago
ਢਿਲਵਾਂ{ਕਪੂਰਥਲਾ },20 ਮਾਰਚ {ਪਲਵਿੰਦਰ,ਸੁਖੀਜਾ ,ਪਰਵੀਨ }- 3 ਅਣਪਛਾਤੇ ਕਾਰ ਸਵਾਰਾਂ ਵੱਲੋਂ ਅੰਨ੍ਹੇਵਾਹ ਗੋਲੀਆਂ ਚਲਾਈਆਂ ਗਈਆਂ । ਇਸ ਮੌਕੇ 'ਤੇ 2 ਲੋਕ ਜ਼ਖ਼ਮੀ ਹੋਏ ਹਨ। ਇਸ ਘਟਨਾ ਤੋਂ ਬਾਅਦ ਸਹਿਮ...
ਭਗਵੰਤ ਮਾਨ ਨੂੰ ਹਰਾਉਣ ਵਾਸਤੇ ਸ਼੍ਰੋਮਣੀ ਅਕਾਲੀ ਦਲ ਕੋਲ ਤਕੜਾ ਹਥਿਆਰ - ਸੁਖਬੀਰ ਬਾਦਲ
. . .  1 day ago
ਮਹਿਲ ਕਲਾਂ, 20 ਮਾਰਚ (ਅਵਤਾਰ ਸਿੰਘ ਅਣਖੀ)-ਆਮ ਆਦਮੀ ਪਾਰਟੀ ਦੇ ਸੰਸਦ ਮੈਂਬਰ ਭਗਵੰਤ ਮਾਨ ਨੂੰ ਹਰਾਉਣ ਵਾਸਤੇ ਸ਼੍ਰੋਮਣੀ ਅਕਾਲੀ ਦਲ ਕੋਲ ਤਕੜਾ ਹਥਿਆਰ ਮੌਜੂਦ ਹੈ, ਜਿਸ ਦਾ ਖੁਲਾਸਾ ਆਉਣ ...
ਪਾਕਿਸਤਾਨ ਨੇ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘੇ ਲਈ 600 ਲੋਕਾਂ ਨੂੰ ਘਰਾਂ-ਜ਼ਮੀਨਾਂ ਤੋਂ ਹਟਾਇਆ
. . .  1 day ago
ਅੰਮ੍ਰਿਤਸਰ, 20 ਮਾਰਚ (ਸੁਰਿੰਦਰ ਕੋਛੜ)- ਪਾਕਿਸਤਾਨ ਦੇ ਜ਼ਿਲ੍ਹਾ ਨਾਰੋਵਾਲ ਦੇ ਪਿੰਡ ਕੋਠੇ ਖ਼ੁਰਦ ਤੇ ਡੋਡੇ ਦੇ ਵਸਨੀਕਾਂ ਨੇ ਪਾਕਿ ਸਰਕਾਰ ਦੇ ਵਿਰੁੱਧ ਰੋਸ ਪ੍ਰਦਰਸ਼ਨ ਕਰਦਿਆਂ ਦੋਸ਼ ਲਗਾਇਆ ਹੈ ਕਿ ਭਾਰਤੀ ਸਿੱਖ ਸ਼ਰਧਾਲੂਆਂ ਨੂੰ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਦੇ .....
ਪੀ.ਐਨ.ਬੀ. ਘੋਟਾਲਾ : 29 ਮਾਰਚ ਨੂੰ ਹੋਵੇਗੀ ਗ੍ਰਿਫ਼ਤਾਰ ਨੀਰਵ ਮੋਦੀ 'ਤੇ ਅਗਲੀ ਸੁਣਵਾਈ
. . .  1 day ago
ਲੰਡਨ, 20 ਮਾਰਚ- ਪੰਜਾਬ ਨੈਸ਼ਨਲ ਬੈਂਕ ਘੋਟਾਲੇ ਦੇ ਫ਼ਰਾਰ ਦੋਸ਼ੀ ਨੀਰਵ ਮੋਦੀ ਨੂੰ ਲੰਡਨ 'ਚ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਗ੍ਰਿਫ਼ਤਾਰੀ ਤੋਂ ਬਾਅਦ ਨੀਰਵ ਮੋਦੀ ਨੂੰ ਲੰਡਨ ਦੀ ਵੈਸਟਮਿੰਸਟਰ ਅਦਾਲਤ 'ਚ ਪੇਸ਼ ਕੀਤਾ ਗਿਆ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ ਹੁਣ ....
ਹਲਕਾ ਬੱਲੂਆਣਾ ਦੇ ਸਾਬਕਾ ਵਿਧਾਇਕ ਗੁਰਤੇਜ ਘੁੜਿਆਣਾ ਅੱਜ ਸ਼੍ਰੋਮਣੀ ਅਕਾਲੀ ਦਲ 'ਚ ਕਰਨਗੇ ਘਰ ਵਾਪਸੀ
. . .  1 day ago
ਅਬੋਹਰ, 20 ਮਾਰਚ (ਸੁਖਜਿੰਦਰ ਸਿੰਘ ਢਿੱਲੋਂ)- ਸ਼੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਬੱਲੂਆਣਾ ਤੋਂ ਤਿੰਨ ਵਾਰ ਵਿਧਾਇਕ ਰਹੇ ਸਰਦਾਰ ਗੁਰਤੇਜ ਸਿੰਘ ਘੁੜਿਆਣਾ ਅੱਜ ਦੋ ਸਾਲਾਂ ਬਾਅਦ ਕਾਂਗਰਸ ਛੱਡ ਕੇ ਸ਼੍ਰੋਮਣੀ ਅਕਾਲੀ ਦਲ 'ਚ ਘਰ ਵਾਪਸੀ ਕਰਨਗੇ। ਸਰਦਾਰ ....
ਸਮਝੌਤਾ ਐਕਸਪ੍ਰੈੱਸ ਧਮਾਕਾ ਮਾਮਲੇ 'ਚ ਅਸੀਮਾਨੰਦ ਸਮੇਤ ਸਾਰੇ ਦੋਸ਼ੀ ਬਰੀ
. . .  1 day ago
ਪੰਚਕੂਲਾ, 20 ਮਾਰਚ- ਪੰਚਕੂਲਾ ਦੀ ਵਿਸ਼ੇਸ਼ ਐਨ.ਆਈ.ਏ ਅਦਾਲਤ ਨੇ ਸਮਝੌਤਾ ਐਕਸਪ੍ਰੈੱਸ ਧਮਾਕਾ ਮਾਮਲੇ 'ਚ ਅਸੀਮਾਨੰਦ ਸਮੇਤ ਚਾਰ ਦੋਸ਼ੀਆਂ ਨੂੰ ਬਰੀ ਕਰ ਦਿੱਤਾ ਹੈ। ਅਸੀਮਾਨੰਦ ਦੇ ਇਲਾਵਾ ਲੋਕੇਸ਼ ਸ਼ਰਮਾ, ਕਮਲ ਚੌਹਾਨ ਅਤੇ ਰਾਜਿੰਦਰ ਚੌਧਰੀ ਇਸ ਮਾਮਲੇ ....
ਸੱਯਦ ਅਲੀ ਸ਼ਾਹ ਗਿਲਾਨੀ ਦੇ ਜਵਾਈ ਤੋਂ ਪੁੱਛਗਿੱਛ ਕਰੇਗੀ ਈ.ਡੀ.
. . .  1 day ago
ਨਵੀਂ ਦਿੱਲੀ, 20 ਮਾਰਚ - ਜੰਮੂ-ਕਸ਼ਮੀਰ ਦੇ ਵੱਖਵਾਦੀ ਨੇਤਾ ਸੱਯਦ ਅਲੀ ਸ਼ਾਹ ਗਿਲਾਨੀ ਦੇ ਜਵਾਈ ਅਲਤਾਫ਼ ਸ਼ਾਹ ਤੋਂ ਅੱਤਵਾਦੀ ਫੰਡਿਗ ਮਾਮਲੇ 'ਚ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ.ਡੀ) ਪੁੱਛਗਿੱਛ ਕਰੇਗੀ। ਦਿੱਲੀ ਦੀ ਇੱਕ ਅਦਾਲਤ ਨੇ ਬੁੱਧਵਾਰ ਨੂੰ.....
ਮਨੀ ਲਾਂਡਰਿੰਗ ਮਾਮਲੇ 'ਚ ਵਾਡਰਾ ਨੇ ਦਿੱਲੀ ਹਾਈਕੋਰਟ ਦਾ ਖੜਕਾਇਆ ਦਰਵਾਜ਼ਾ
. . .  1 day ago
ਨਵੀਂ ਦਿੱਲੀ, 20 ਮਾਰਚ- ਰਾਬਰਟ ਵਾਡਰਾ ਨੇ ਦਿੱਲੀ ਹਾਈਕੋਰਟ ਦਾ ਦਰਵਾਜ਼ਾ ਖੜਕਾਉਂਦੇ ਹੋਏ ਈ.ਡੀ. ਵੱਲੋਂ ਉਨ੍ਹਾਂ ਖ਼ਿਲਾਫ਼ ਮਨੀ ਲਾਂਡਰਿੰਗ ਮਾਮਲੇ 'ਚ ਪਟੀਸ਼ਨ ਦਾਇਰ ਕਰਨ ਦੀ.....
ਹਰ ਫਰੰਟ 'ਤੇ ਫੇਲ੍ਹ ਹੋਈ ਕੈਪਟਨ ਸਰਕਾਰ- ਸੁਖਬੀਰ ਬਾਦਲ
. . .  1 day ago
ਤਪਾ ਮੰਡੀ/ਸ਼ਹਿਣਾ, 20 ਮਾਰਚ (ਵਿਜੇ ਸ਼ਰਮਾ, ਸੁਰੇਸ਼ ਗੋਗੀ)- ਸੂਬੇ ਦੀ ਕੈਪਟਨ ਸਰਕਾਰ ਹਰ ਫਰੰਟ 'ਤੇ ਫੇਲ੍ਹ ਹੋਈ ਹੈ, ਕਿਉਂਕਿ ਹਰ ਵਰਗ ਆਪਣੀਆਂ ਹੱਕੀ ਮੰਗਾਂ ਨੂੰ ਲੈ ਸੜਕਾਂ 'ਤੇ ਧਰਨੇ ਦੇ ਰਿਹਾ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੇ...
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਜਦੋਂ ਪਤੀ ਹੋਵੇ ਸ਼ੱਕੀ ਅਤੇ ਗੁਸੈਲ...

ਸ਼ੱਕੀ, ਗੁਸੈਲ, ਈਰਖਾਲੂ ਅਤੇ ਝਗੜਾਲੂ ਪਤੀ ਨਾਲ ਜ਼ਿੰਦਗੀ ਸਹੀ ਤਰੀਕੇ ਨਾਲ ਬਤੀਤ ਕਰਨ ਲਈ ਜ਼ਰੂਰੀ ਹੈ ਕਿ ਤੁਸੀਂ ਪਿਆਰ ਨਾਲ ਸਾਰੀ ਸਥਿਤੀ ਨੂੰ ਸਮਝੋ ਅਤੇ ਆਪਣੇ ਪਤੀ ਨੂੰ ਸਹੀ ਤਰੀਕੇ ਨਾਲ ਹੈਂਡਲ ਕਰੋ।
* ਤੁਸੀਂ ਪਤੀ ਦੇ ਹਰ ਸ਼ੱਕ ਨੂੰ ਦੂਰ ਕਰਨ ਦਾ ਯਤਨ ਕਰੋ ਪਰ ਬੇਤੁਕੇ ਦੋਸ਼ਾਂ ਵੱਲ ਧਿਆਨ ਹੀ ਨਾ ਦਿਓ।
* ਪਤੀ ਦੇ ਸਾਹਮਣੇ ਆਪਣੇ ਮਾਪਿਆਂ ਕੋਲ ਕਦੇ ਵੀ ਸਹੁਰਾ ਘਰ ਅਤੇ ਸੱਸ-ਸਹੁਰੇ, ਨਣਦ, ਦਿਓਰ ਦੀ ਬੁਰਾਈ ਨਾ ਕਰੋ।
* ਪਤੀ ਦੇ ਘਰ ਵਿਚ ਹੋਣ 'ਤੇ ਕਿਸੇ ਨਾਲ ਚੁਪਕੇ-ਚੁਪਕੇ ਫੋਨ ਉੱਪਰ ਗੱਲ ਨਾ ਕਰੋ।
* ਪਤੀ ਨੂੰ ਪਿਆਰ ਨਾਲ ਇਹ ਅਹਿਸਾਸ ਕਰਵਾਓ ਕਿ ਜਿਵੇਂ ਤੁਹਾਡੇ ਲਈ ਉਹ ਜ਼ਰੂਰੀ ਹਨ ਤਾਂ ਉਨ੍ਹਾਂ ਦੀ ਜ਼ਿੰਦਗੀ ਵਿਚ ਵੀ ਤੁਹਾਡਾ ਬਹੁਤ ਮਹੱਤਵ ਹੈ।
* ਪਤੀ ਦੇ ਗੁੱਸੇ ਵਿਚ ਬੋਲਣ 'ਤੇ ਪਲਟ ਕੇ ਜਵਾਬ ਨਾ ਦਿਓ, ਸਗੋਂ ਪਿਆਰ ਨਾਲ ਸਾਰੀ ਸਥਿਤੀ ਸੰਭਾਲੋ।
* ਜੇ ਹੋ ਸਕੇ ਤਾਂ ਪੇਕੇ ਜਾਂਦੇ ਸਮੇਂ ਆਪਣੇ ਪਤੀ ਨੂੰ ਨਾਲ ਹੀ ਲੈ ਕੇ ਜਾਵੋ।
* ਪਤੀ ਦੀਆਂ ਚੰਗੀਆਂ ਆਦਤਾਂ ਦਾ ਗੁਣਗਾਣ ਵੀ ਕਰੋ।
* ਪਤੀ ਨੂੰ ਸਮਝਾਓ ਕਿ ਤੁਹਾਨੂੰ ਉਨ੍ਹਾਂ ਦੀ ਕਿਹੜੀ ਆਦਤ ਚੰਗੀ ਲਗਦੀ ਹੈ।
* ਪਤੀ ਦੀ ਪਸੰਦ ਦੇ ਕੱਪੜੇ ਪਾਓ।
* ਪਤੀ ਦੀ ਪਸੰਦ ਦੇ ਪਕਵਾਨ ਬਣਾਓ।
* ਜਿਨ੍ਹਾਂ ਗੱਲਾਂ ਤੋਂ ਪਤੀ ਨੂੰ ਨਫਰਤ ਹੈ, ਉਨ੍ਹਾਂ ਗੱਲਾਂ ਨੂੰ ਪਤੀ ਦੇ ਸਾਹਮਣੇ ਨਾ ਕਰੋ।
* ਪਤੀ ਦੇ ਦਿਲ ਦੀ ਗੱਲ ਸਮਝੋ ਅਤੇ ਉਸ ਦੀ ਵੀ ਸੁਣੋ। ਹਮੇਸ਼ਾ ਆਪਣੀਆਂ ਹੀ ਨਾ ਮਾਰੀ ਜਾਵੋ।
* ਚਾਂਦਨੀ ਰਾਤ ਵਿਚ ਬੈਠ ਕੇ ਪਤੀ ਨਾਲ ਪਿਆਰ ਦਾ ਪ੍ਰਗਟਾਵਾ ਕਰੋ।
* ਪਤੀ ਤੋਂ ਕੋਈ ਚੀਜ਼ ਮੰਗਵਾਉਣ ਤੋਂ ਪਹਿਲਾਂ ਪਤੀ ਦਾ ਮੂਡ ਠੀਕ ਕਰੋ।
* ਜੇ ਪਤੀ ਜ਼ਿਆਦਾ ਹੀ ਗੁੱਸਾ ਦਿਖਾਵੇ ਤਾਂ ਉਸ ਦੀ ਗੱਲ ਦਾ ਕੋਈ ਵੀ ਉੱਤਰ ਨਾ ਦਿਓ ਅਤੇ ਫਿਰ ਸਾਰਾ ਦਿਨ ਪਤੀ ਨਾਲ ਗੱਲ ਨਾ ਕਰੋ।
* ਪਤੀ ਦੀ ਜਿਹੜੀ ਗੱਲ ਤੁਹਾਨੂੰ ਬਹੁਤ ਬੁਰੀ ਲਗਦੀ ਹੈ, ਉਸ ਬਾਰੇ ਪਤੀ ਨੂੰ ਪਿਆਰ ਨਾਲ ਸਮਝਾਓ।
* ਪਤੀ ਦੇ ਕੱਪੜੇ ਪ੍ਰੈੱਸ ਕਰਕੇ ਦੇਵੋ ਅਤੇ ਉਸ ਨੂੰ ਦੱਸੋ ਕਿ ਕਿਹੜਾ ਸੂਟ ਉਸ ਉੱਪਰ ਸੋਹਣਾ ਲਗਦਾ ਹੈ।


-ਲੱਕੀ ਨਿਵਾਸ, 61-ਏ, ਵਿੱਦਿਆ ਨਗਰ, ਨੇੜੇ ਕੁੜੀਆਂ ਦਾ ਹੋਸਟਲ, ਪਟਿਆਲਾ।


ਖ਼ਬਰ ਸ਼ੇਅਰ ਕਰੋ

... ਤਾਂ ਜੋ ਬੱਚੇ ਬਣਨ ਆਤਮਵਿਸ਼ਵਾਸੀ

ਮਾਪਿਆਂ ਦੀ ਪਰਵਰਿਸ਼ ਬੱਚਿਆਂ ਦੀ ਸ਼ਖ਼ਸੀਅਤ ਵਿਚੋਂ ਸਾਫ਼ ਝਲਕਦੀ ਹੈ। ਵੈਸੇ ਤਾਂ ਹਰ ਇਕ ਮਾਂ-ਪਿਓ ਆਪਣੇ ਬੱਚੇ ਨੂੰ ਚੰਗੇ ਸੰਸਕਾਰ ਹੀ ਦੇਣਾ ਚਾਹੁੰਦਾ ਹੈ ਅਤੇ ਦੇਣ ਦੀ ਪੂਰੀ ਕੋਸ਼ਿਸ਼ ਵੀ ਕਰਦਾ ਹੈ, ਫਿਰ ਵੀ ਕਈ ਵਾਰ ਬੱਚੇ ਸਾਡੀ ਉਮੀਦ 'ਤੇ ਜਾਂ ਕਹਿ ਲਓ ਸਮਾਜਿਕ ਉਮੀਦ 'ਤੇ ਖਰੇ ਨਹੀਂ ਉਤਰਦੇ। ਬੱਚਿਆਂ ਲਈ ਕੁਝ ਮਾਪੇ ਬਹੁਤ ਜ਼ਿਆਦਾ ਸਖਤ ਅਤੇ ਕੁਝ ਬਹੁਤ ਜ਼ਿਆਦਾ ਨਰਮ ਰੁਖ਼ ਰੱਖਦੇ ਹਨ, ਜਦੋਂ ਕਿ ਚਾਹੀਦਾ ਇਹ ਹੈ ਕਿ ਅਸੀਂ ਵਿਚ ਦਾ ਰਸਤਾ ਅਪਣਾਈਏ।
* ਜਦੋਂ ਬੱਚੇ ਵੱਡੇ ਹੋਣ ਲਗਦੇ ਹਨ ਤਾਂ ਛੋਟੇ-ਛੋਟੇ ਫੈਸਲਿਆਂ ਵਿਚ ਉਨ੍ਹਾਂ ਦੀ ਮਦਦ ਜ਼ਰੂਰ ਕਰੀਏ ਪਰ ਧੱਕਾ ਨਹੀਂ। ਉਨ੍ਹਾਂ ਦੀ ਸਮਰੱਥਾ, ਪਸੰਦ-ਨਾਪਸੰਦ ਮੁਤਾਬਿਕ ਹੀ ਉਮੀਦ ਰੱਖੀਏ। ਸਹੀ ਅਤੇ ਗ਼ਲਤ ਬਾਰੇ ਉਸ ਨੂੰ ਵੀ ਸੋਚਣ ਦਾ ਮੌਕਾ ਦੇਈਏ।
* ਬੱਚਿਆਂ 'ਤੇ ਏਨਾ ਜ਼ਿਆਦਾ ਡਰ ਹਾਵੀ ਨਾ ਕਰੀਏ ਕਿ ਉਹ ਤੁਹਾਡੇ ਨਾਲ ਖੁੱਲ੍ਹ ਕੇ ਗੱਲ ਵੀ ਨਾ ਕਰ ਸਕਣ। ਏਨਾ ਕੁ ਡਰ ਹੀ ਹੋਣਾ ਚਾਹੀਦਾ ਹੈ ਕਿ ਉਹ ਤੁਹਾਡਾ ਸਤਿਕਾਰ ਵੀ ਕਰਨ ਅਤੇ ਆਪਣੇ ਮਨ ਦੀ ਗੱਲ ਖੁੱਲ੍ਹ ਕੇ ਵੀ ਰੱਖ ਸਕਣ। ਨਿਗਰਾਨੀ ਭਰਪੂਰ ਖੁੱਲ੍ਹਾ ਮਾਹੌਲ ਦੇਣ ਨਾਲ ਹੀ ਬੱਚੇ ਆਤਮਵਿਸ਼ਵਾਸੀ ਤੇ ਆਤਮਨਿਰਭਰ ਬਣਦੇ ਹਨ।
* ਮਾਪੇ ਹਰ ਵਕਤ ਬੱਚੇ ਦੇ ਨਾਲ ਨਹੀਂ ਰਹਿ ਸਕਦੇ। ਜ਼ਿੰਦਗੀ 'ਚ ਆਉਣ ਵਾਲੀਆਂ ਛੋਟੀਆਂ-ਛੋਟੀਆਂ ਪ੍ਰੇਸ਼ਾਨੀਆਂ ਅਤੇ ਉਲਟ ਹਾਲਾਤ ਦੇ ਮੌਕੇ ਉਸ ਨੂੰ ਖੁਦ ਲੜਨਾ ਸਿਖਾਉਂਦੇ ਹਨ ਅਤੇ ਹਰ ਸਮੇਂ ਉਸ 'ਤੇ ਆਪਣੀ ਮਰਜ਼ੀ ਨਾ ਥੋਪੀਏ। ਕਦੇ-ਕਦੇ ਗ਼ਲਤੀ ਵੀ ਫਾਇਦੇਮੰਦ ਹੁੰਦੀ ਹੈ। ਆਪਣੀ ਗ਼ਲਤੀ ਦੇ ਅਹਿਸਾਸ ਤੋਂ ਬਾਅਦ ਬੱਚੇ ਅਕਸਰ ਜ਼ਿਆਦਾ ਸਮਝਦਾਰ ਤੇ ਆਤਮਵਿਸ਼ਵਾਸੀ ਹੋ ਜਾਂਦੇ ਹਨ।
* ਆਪਣੇ ਬੱਚੇ ਦੀ ਤੁਲਨਾ ਕਦੇ ਵੀ ਦੂਜੇ ਬੱਚਿਆਂ ਨਾਲ ਨਾ ਕਰੋ। ਪਰਮਾਤਮਾ ਨੇ ਹਰ ਬੱਚੇ ਨੂੰ ਵੱਖਰੇ ਅਤੇ ਵਿਲੱਖਣ ਗੁਣ ਦੇ ਕੇ ਇਸ ਧਰਤੀ 'ਤੇ ਭੇਜਿਆ ਹੈ। ਤੁਲਨਾ ਕਰਨ ਨਾਲ ਬੱਚਿਆਂ ਦਾ ਆਤਮਵਿਸ਼ਵਾਸ ਘਟ ਜਾਂਦਾ ਹੈ। ਚੰਗੇ ਕੰਮ ਕਰਨ ਵਾਲੇ ਬੱਚਿਆਂ ਦੀ ਤਾਰੀਫ ਤੁਸੀਂ ਜ਼ਰੂਰ ਆਪਣੇ ਬੱਚੇ ਸਾਹਮਣੇ ਕਰੋ ਪਰ ਤੁਲਨਾ ਭੁੱਲ ਕੇ ਵੀ ਨਹੀਂ।
* ਬੱਚੇ ਸਾਨੂੰ ਪਿਆਰ ਕਰਨ ਅਤੇ ਸਤਿਕਾਰ ਦੇਣ, ਇਸ ਲਈ ਸਾਨੂੰ ਵੀ ਉਨ੍ਹਾਂ ਨੂੰ ਪਿਆਰ, ਸਤਿਕਾਰ ਦੇਣਾ ਚਾਹੀਦਾ ਹੈ। ਬੱਚਿਆਂ ਦੀ ਹਰ ਜ਼ਰੂਰਤ ਨੂੰ ਪੈਸਾ ਪੂਰਾ ਨਹੀਂ ਕਰ ਸਕਦਾ, ਕੁਝ ਜ਼ਰੂਰਤਾਂ ਪੂਰੀਆਂ ਕਰਨ ਲਈ ਤੁਹਾਨੂੰ ਆਪਣਾ ਕੀਮਤੀ ਸਮਾਂ ਉਨ੍ਹਾਂ ਨੂੰ ਦੇਣਾ ਪਵੇਗਾ, ਅਜੋਕੇ ਸਮੇਂ ਵਿਚ ਮਾਪਿਆਂ ਕੋਲ ਜਿਸ ਦੀ ਬਹੁਤ ਕਮੀ ਹੈ। ਮਾਪਿਆਂ ਦਾ ਬਦਲ ਨੌਕਰ ਜਾਂ ਕੋਈ ਹੋਰ ਨਹੀਂ ਹੋ ਸਕਦਾ।
ਬੱਚੇ ਨੂੰ ਇਕ ਚੰਗਾ ਇਨਸਾਨ ਬਣਾਉਣ ਦੀ ਪ੍ਰਕਿਰਿਆ ਵਿਚ ਮਾਪਿਆਂ ਦਾ ਬਹੁਤ ਵੱਡਾ ਹੱਥ ਹੁੰਦਾ ਹੈ। ਸੋ, ਆਪਣੇ ਬੱਚਿਆਂ ਨੂੰ ਪਿਆਰ ਨਾਲ, ਸਤਿਕਾਰ ਨਾਲ ਅਤੇ ਆਪਣੇ ਕੀਮਤੀ ਸਮੇਂ ਨਾਲ ਇਕ ਚੰਗਾ ਇਨਸਾਨ ਬਣਾਉਣ ਦੀ ਕੋਸ਼ਿਸ਼ ਕਰੀਏ।


-738/7, ਗੁਰੂ ਨਾਨਕ ਨਗਰ, ਪਟਿਆਲਾ।

ਮੌਨਸੂਨ ਵਿਚ ਕਰੋ ਪੈਰਾਂ ਦੀ ਦੇਖਭਾਲ

ਮੌਨਸੂਨ ਦੇ ਦਿਨਾਂ ਦੀ ਸਭ ਤੋਂ ਵੱਡੀ ਮਾਰ ਤੁਹਾਡੇ ਪੈਰਾਂ ਨੂੰ ਝੱਲਣੀ ਪੈਂਦੀ ਹੈ, ਜਦੋਂ ਚਿੱਕੜ ਨਾਲ ਭਰੇ ਰਾਹਾਂ, ਪਾਣੀ ਨਾਲ ਤਾਲੋਤਾਲ ਗਲੀਆਂ, ਨਮੀ ਨਾਲ ਭਰੇ ਠੰਢੇ ਵਾਤਾਵਰਨ ਅਤੇ ਸਿੱਲ੍ਹ ਵਿਚ ਚੱਲਣ ਨਾਲ ਜੁੱਤੀਆਂ ਚਿਪਚਿਪੀਆਂ ਹੋ ਜਾਂਦੀਆਂ ਹਨ ਅਤੇ ਪੈਰਾਂ ਵਿਚੋਂ ਬਦਬੂਦਾਰ ਪਸੀਨਾ ਨਿਕਲਣਾ ਸ਼ੁਰੂ ਹੁੰਦਾ ਹੈ, ਜਿਸ ਨਾਲ ਪੈਰਾਂ ਵਿਚ ਦਾਦ, ਖਾਜ, ਖੁਜਲੀ ਅਤੇ ਲਾਲ ਨਿਸ਼ਾਨ ਪੈ ਜਾਂਦੇ ਹਨ।
ਮੌਨਸੂਨ ਦੇ ਦਿਨਾਂ ਵਿਚ ਪੈਰਾਂ ਦੀ ਦੇਖਭਾਲ ਬਹੁਤ ਜ਼ਿਆਦਾ ਜ਼ਰੂਰੀ ਹੁੰਦੀ ਹੈ। ਇਸ ਮੌਸਮ ਵਿਚ ਪੈਰਾਂ ਦੇ ਨੇੜੇ-ਤੇੜੇ ਦੇ ਭਾਗ ਵਿਚ ਸੰਕ੍ਰਮਣ ਪੈਦਾ ਹੁੰਦਾ ਹੈ, ਜਿਸ ਵਿਚੋਂ ਬਦਬੂ ਪੈਦਾ ਹੁੰਦੀ ਹੈ।
ਪਸੀਨੇ ਦੇ ਨਾਲ ਨਿਕਲਣ ਵਾਲੇ ਗੰਦੇ ਦ੍ਰਵਾਂ ਨੂੰ ਹਰ ਰੋਜ਼ ਧੋ ਕੇ ਸਾਫ਼ ਕਰਨਾ ਜ਼ਰੂਰੀ ਹੁੰਦਾ ਹੈ ਤਾਂ ਕਿ ਬਦਬੂ ਨੂੰ ਰੋਕਿਆ ਜਾ ਸਕੇ ਅਤੇ ਪੈਰ ਤਾਜ਼ਗੀ ਅਤੇ ਸ਼ੁੱਧਤਾ ਦਾ ਅਹਿਸਾਸ ਕਰ ਸਕਣ। ਸਵੇਰੇ ਨਹਾਉਂਦੇ ਸਮੇਂ ਆਪਣੇ ਪੈਰਾਂ ਦੀ ਸ਼ੁੱਧਤਾ 'ਤੇ ਵਿਸ਼ੇਸ਼ ਧਿਆਨ ਦਿਓ, ਪੈਰਾਂ ਨੂੰ ਧੋਣ ਤੋਂ ਬਾਅਦ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਸੁੱਕਣ ਦਿਓ ਅਤੇ ਉਸ ਤੋਂ ਬਾਅਦ ਪੈਰਾਂ ਅਤੇ ਉਂਗਲੀਆਂ ਦੇ ਵਿਚ ਟੈਲਕਮ ਪਾਊਡਰ ਦਾ ਛਿੜਕਾਅ ਕਰੋ। ਜੇ ਤੁਸੀਂ ਬੰਦ ਜੁੱਤੀ ਪਹਿਨਦੇ ਹੋ ਤਾਂ ਜੁੱਤੀ ਦੇ ਅੰਦਰ ਟੈਲਕਮ ਪਾਊਡਰ ਦਾ ਛਿੜਕਾਅ ਕਰੋ। ਬਰਸਾਤ ਦੇ ਮੌਸਮ ਦੌਰਾਨ ਸਲਿਪਰ ਅਤੇ ਖੁੱਲ੍ਹੇ ਸੈਂਡਲ ਪਹਿਨਣੇ ਜ਼ਿਆਦਾ ਫਾਇਦੇਮੰਦ ਸਾਬਤ ਹੁੰਦੇ ਹਨ, ਕਿਉਂਕਿ ਇਸ ਨਾਲ ਪੈਰਾਂ ਵਿਚ ਹਵਾ ਦਾ ਵੱਧ ਤੋਂ ਵੱਧ ਸੰਚਾਲਨ ਹੁੰਦਾ ਹੈ ਅਤੇ ਪਸੀਨੇ ਨੂੰ ਸੁਕਾਉਣ ਵਿਚ ਵੀ ਮਦਦ ਮਿਲਦੀ ਹੈ ਪਰ ਖੁੱਲ੍ਹੀਆਂ ਜੁੱਤੀਆਂ ਦੀ ਵਜ੍ਹਾ ਨਾਲ ਪੈਰਾਂ 'ਤੇ ਗੰਦਗੀ ਅਤੇ ਧੂੜ ਜੰਮ ਜਾਂਦੀ ਹੈ, ਜਿਸ ਨਾਲ ਪੈਰਾਂ ਦੀ ਸਫ਼ਾਈ 'ਤੇ ਅਸਰ ਪੈਂਦਾ ਹੈ। ਦਿਨ ਭਰ ਥਕਾਨ ਤੋਂ ਬਾਅਦ ਘਰ ਪਹੁੰਚਣ 'ਤੇ ਠੰਢੇ ਪਾਣੀ ਵਿਚ ਥੋੜ੍ਹਾ ਜਿਹਾ ਨਮਕ ਪਾ ਕੇ ਪੈਰਾਂ ਨੂੰ ਚੰਗੀ ਤਰ੍ਹਾਂ ਭਿਉਂਵੋ ਅਤੇ ਉਸ ਤੋਂ ਬਾਅਦ ਪੈਰਾਂ ਨੂੰ ਖੁੱਲ੍ਹੀ ਜਗ੍ਹਾ ਵਿਚ ਸੁੱਕਣ ਦਿਓ। ਇਸ ਮੌਸਮ ਵਿਚ ਜੁਰਾਬਾਂ ਪਹਿਨਣ ਤੋਂ ਪ੍ਰਹੇਜ਼ ਕਰਦੇ ਹੋਏ ਖੁੱਲ੍ਹੀ ਜੁੱਤੀ ਪਹਿਨੋ, ਟੈਲਕਮ ਪਾਊਡਰ ਦੀ ਵਰਤੋਂ ਕਰੋ ਅਤੇ ਪੈਰਾਂ ਨੂੰ ਵੱਧ ਤੋਂ ਵੱਧ ਖੁਸ਼ਕ ਰੱਖੋ। ਜੇ ਜੁਰਾਬਾਂ ਪਹਿਨਣੀਆਂ ਜ਼ਰੂਰੀ ਹੋਣ ਤਾਂ ਸੂਤੀ ਜੁਰਾਬਾਂ ਹੀ ਪਹਿਨੋ। ਅਸਲ ਵਿਚ ਗਰਮ, ਨਮੀ ਭਰੇ ਮੌਸਮ ਵਿਚ ਪੈਰਾਂ ਨੂੰ ਵੱਧ ਤੋਂ ਵੱਧ ਸਮੇਂ ਤੱਕ ਖੁੱਲ੍ਹਾ ਰੱਖਣਾ ਚਾਹੀਦਾ ਹੈ। ਮੌਨਸੂਨ ਵਿਚ ਪੈਰਾਂ ਦੀ ਦੇਖਭਾਲ ਲਈ ਕੁਝ ਹੇਠ ਲਿਖੇ ਘਰੇਲੂ ਇਲਾਜ ਵੀ ਅਪਣਾਏ ਜਾ ਸਕਦੇ ਹਨ-
ਪੈਰਾਂ ਨੂੰ ਧੋਣਾ
ਬਾਲਟੀ ਵਿਚ ਇਕ-ਚੌਥਾਈ ਗਰਮ ਪਾਣੀ, ਅੱਧਾ ਕੱਪ ਖੁਰਖੁਰਾ ਨਮਕ, 10 ਬੂੰਦਾਂ ਨਿੰਬੂ ਰਸ ਜਾਂ ਸੰਤਰੇ ਦਾ ਸੁਗੰਧਿਤ ਤੇਲ ਪਾਓ। ਇਸ ਮਿਸ਼ਰਣ ਵਿਚ 10-15 ਮਿੰਟ ਤੱਕ ਪੈਰਾਂ ਨੂੰ ਭਿਉਂ ਕੇ ਬਾਅਦ ਵਿਚ ਸੁਕਾ ਲਓ।
ਪੈਰਾਂ ਲਈ ਲੋਸ਼ਨ
3 ਚਮਚ ਗੁਲਾਬ ਜਲ, 2 ਚਮਚ ਨਿੰਬੂ ਰਸ ਅਤੇ ਇਕ ਚਮਚ ਸ਼ੁੱਧ ਗਲਿਸਰੀਨ ਦਾ ਮਿਸ਼ਰਣ ਤਿਆਰ ਕਰਕੇ ਇਸ ਨੂੰ ਪੈਰਾਂ 'ਤੇ ਅੱਧੇ ਘੰਟੇ ਤੱਕ ਲਗਾਉਣ ਤੋਂ ਬਾਅਦ ਪੈਰਾਂ ਨੂੰ ਤਾਜ਼ੇ-ਸਾਫ਼ ਪਾਣੀ ਨਾਲ ਧੋਣ ਤੋਂ ਬਾਅਦ ਸੁਕਾ ਲਓ।
ਖੁਸ਼ਕ ਪੈਰਾਂ ਦੀ ਦੇਖਭਾਲ
ਇਕ ਬਾਲਟੀ ਦੇ ਚੌਥਾਈ ਹਿੱਸੇ ਤੱਕ ਠੰਢਾ ਪਾਣੀ ਭਰੋ ਅਤੇ ਇਸ ਪਾਣੀ ਵਿਚ ਦੋ ਚਮਚ ਸ਼ਹਿਦ, ਇਕ ਚਮਚ ਹਰਬਲ ਸ਼ੈਂਪੂ, ਇਕ ਚਮਚ ਬਦਾਮ ਤੇਲ ਮਿਲਾ ਕੇ ਇਸ ਮਿਸ਼ਰਣ ਵਿਚ 20 ਮਿੰਟ ਤੱਕ ਪੈਰ ਭਿਉਂਵੋ ਅਤੇ ਬਾਅਦ ਵਿਚ ਪੈਰਾਂ ਨੂੰ ਤਾਜ਼ੇ ਸ਼ੁੱਧ ਪਾਣੀ ਨਾਲ ਧੋ ਕੇ ਸੁਕਾ ਲਓ।
ਠੰਢਾ ਮਾਲਿਸ਼ ਤੇਲ
100 ਮਿ: ਲੀ: ਜੈਤੂਨ ਤੇਲ, 2 ਬੂੰਦਾਂ ਨੀਲਗਿਰੀ ਤੇਲ, 2 ਚਮਚ ਰੋਜਮੇਰੀ ਤੇਲ, 3 ਚਮਚ ਖਸ ਜਾਂ ਗੁਲਾਬ ਦਾ ਤੇਲ ਮਿਲਾ ਕੇ ਇਸ ਮਿਸ਼ਰਣ ਨੂੰ ਹਵਾਬੰਦ ਗਿਲਾਸ ਜਾਰ ਵਿਚ ਪਾ ਲਓ। ਇਸ ਮਿਸ਼ਰਣ ਨੂੰ ਹਰ ਰੋਜ਼ ਪੈਰਾਂ ਦੀ ਮਸਾਜ ਲਈ ਵਰਤੋ। ਇਸ ਨਾਲ ਪੈਰਾਂ ਨੂੰ ਠੰਢਕ ਮਿਲੇਗੀ ਅਤੇ ਇਹ ਚਮੜੀ ਨੂੰ ਸੁਰੱਖਿਆ ਪ੍ਰਦਾਨ ਕਰਕੇ ਇਸ ਨੂੰ ਸਿਹਤਮੰਦ ਰੱਖੇਗਾ।

ਉਪਯੋਗੀ ਸੁਝਾਅ

* ਛੋਟੇ ਮੂੰਹ ਵਾਲੀਆਂ ਬੋਤਲਾਂ, ਥਰਮਸ ਆਦਿ ਸਾਫ਼ ਕਰਨ ਲਈ ਸ਼ੀਸ਼ੀ ਧੋਣ ਵਾਲਾ ਬਰੁਸ਼ ਜਾਂ ਪੁਰਾਣੇ ਟੁੱਥ ਬਰੁਸ਼ ਨੂੰ ਸਾਬਣ ਲਗਾ ਕੇ ਚਾਰੋ ਪਾਸੇ ਘੁਮਾ ਦਿਓ। ਇਸ ਨਾਲ ਸਾਬਣ ਘੱਟ ਖਰਚ ਹੋਵੇਗਾ।
* ਨਹਾਉਣ ਤੋਂ ਪਹਿਲਾਂ ਸਾਬਣ ਸਾਰੇ ਸਰੀਰ 'ਤੇ ਨਾ ਲਗਾ ਕੇ ਝਾਵੇਂ 'ਤੇ ਲਗਾਓ, ਫਿਰ ਝਾਵਾਂ ਸਾਰੇ ਸਰੀਰ 'ਤੇ ਰਗੜੋ।
* ਖੀਰਾ, ਆਲੂ ਕਸੋ। ਫਿਰ ਉਸ ਦਾ ਰਸ ਕੱਢ ਕੇ, ਪੁਣ ਕੇ ਸ਼ੀਸ਼ੀ ਵਿਚ ਰੱਖੋ। ਨਾਲ ਹੀ ਨਿੰਬੂ ਦਾ ਰਸ, ਗੁਲਾਬ ਜਲ, ਸ਼ਹਿਦ ਅਤੇ ਥੋੜ੍ਹੀ ਜਿਹੀ ਹਲਦੀ ਵੀ ਮਿਕਸ ਕਰਕੇ ਫਰਿੱਜ ਵਿਚ ਰੱਖਣ ਨਾਲ ਇਹ ਛੇਤੀ ਖਰਾਬ ਵੀ ਨਹੀਂ ਹੋਵੇਗਾ। ਜਦੋਂ ਵੀ ਚਾਹੋ, ਰੂੰ ਦੇ ਫਹੇ ਨਾਲ ਚਿਹਰਾ, ਗਰਦਨ 'ਤੇ ਲਗਾਓ। ਸੁੱਕਣ 'ਤੇ ਬਰਫ਼ ਮਲੋ। ਚਿਹਰਾ ਚਮਕ ਉੱਠੇਗਾ।
* ਸੂਜੀ, ਮੈਦਾ, ਮਲਾਈ, ਹਲਦੀ, ਨਿੰਬੂ ਦਾ ਰਸ, ਵੇਸਣ, ਹਲਕਾ ਜਿਹਾ ਤੇਲ, ਦੁੱਧ ਸਭ ਮਿਲਾ ਕੇ ਉਬਟਨ ਬਣਾਓ। ਚਿਹਰੇ 'ਤੇ ਲਗਾਓ। ਚਮੜੀ ਖਿੜ ਕੇ ਮੁਲਾਇਮ ਬਣੇਗੀ।
* ਲੱਤਾਂ ਵਿਚ ਦਰਦ ਹੈ ਤਾਂ ਮਿੱਟੀ ਦਾ ਤੇਲ ਲਗਾ ਕੇ ਮਾਲਿਸ਼ ਕਰੋ, ਆਰਾਮ ਮਿਲੇਗਾ ਜਾਂ ਸਰ੍ਹੋਂ ਦੇ ਤੇਲ ਵਿਚ ਨਮਕ ਮਿਲਾ ਕੇ ਗਰਮ ਕਰਕੇ ਰਗੜੋ, ਫਾਇਦਾ ਹੋਵੇਗਾ।
* ਘਮੌਰੀਆਂ ਹੋਣ 'ਤੇ ਸਾਰੇ ਸਰੀਰ 'ਤੇ ਦੇਸੀ ਘਿਓ ਰਗੜੋ। ਘਮੌਰੀਆਂ ਖ਼ਤਮ ਹੋ ਜਾਣਗੀਆਂ ਅਤੇ ਦੁਬਾਰਾ ਹੋਣਗੀਆਂ ਹੀ ਨਹੀਂ।
* ਜ਼ੁਕਾਮ ਵਿਚ ਪਾਣੀ ਨੱਕ ਬੰਦ ਕਰਕੇ ਪੀਤਾ ਜਾਵੇ ਤਾਂ ਜ਼ੁਕਾਮ 1-2 ਦਿਨ ਵਿਚ ਹੀ ਠੀਕ ਹੋ ਜਾਵੇਗਾ।
* ਨਹੁੰ ਪਾਲਿਸ਼ ਲਗਾ ਕੇ ਹੱਥਾਂ ਨੂੰ ਪਾਣੀ ਵਿਚ ਡੁਬੋ ਕੇ ਰੱਖੋ। ਖਰਾਬ ਹੋਣ ਦਾ ਡਰ ਨਹੀਂ ਅਤੇ ਨਹੁੰ ਪਾਲਿਸ਼ ਵੀ ਸੁੱਕ ਜਾਵੇਗੀ।


-ਅਲਕਾ ਅਮਰੀਸ਼ ਚੌਧਰੀ

ਬਚੋ ਪਰਸ ਵਿਚ ਫਾਲਤੂ ਸਾਮਾਨ ਪਾਉਣ ਤੋਂ

ਅੱਜਕਲ੍ਹ ਪਰਸ ਦੀ ਵਰਤੋਂ ਸਿਰਫ ਰੁਪਏ ਰੱਖਣ ਲਈ ਨਹੀਂ ਹੁੰਦੀ। ਪਰਸ ਦੀ ਵਰਤੋਂ ਜ਼ਰੂਰੀ ਸਾਮਾਨ ਰੱਖਣ ਲਈ ਵੀ ਹੁੰਦੀ ਹੈ। ਕੰਮਕਾਜੀ ਔਰਤ ਲਈ ਤਾਂ ਪਰਸ ਹੀ ਇਕ ਅਜਿਹਾ ਸਾਧਨ ਹੈ, ਜਿਸ ਵਿਚ ਉਹ ਪੂਰੇ ਦਿਨ ਵਿਚ ਵਰਤੋਂ ਵਿਚ ਆਉਣ ਵਾਲੀਆਂ ਸਾਰੀਆਂ ਜ਼ਰੂਰੀ ਚੀਜ਼ਾਂ ਰੱਖ ਸਕਦੀ ਹੈ ਪਰ ਕਈ ਔਰਤਾਂ ਇਸ ਨੂੰ ਸਟੋਰ ਹਾਊਸ ਬਣਾ ਲੈਂਦੀਆਂ ਹਨ, ਜਿਸ ਵਿਚ ਜ਼ਰੂਰੀ ਸਾਮਾਨ ਘੱਟ ਅਤੇ ਫਾਲਤੂ ਦੀਆਂ ਚੀਜ਼ਾਂ ਜ਼ਿਆਦਾ ਭਰੀਆਂ ਹੁੰਦੀਆਂ ਹਨ।
* ਤੁਹਾਡੇ ਪਰਸ ਵਿਚ ਸਭ ਤੋਂ ਜ਼ਰੂਰੀ ਸਾਮਾਨ ਹੋਣਾ ਚਾਹੀਦਾ ਹੈ ਤੁਹਾਡੀ ਪਛਾਣ। ਇਕ ਛੋਟੀ ਜਿਹੀ ਡਾਇਰੀ ਜ਼ਰੂਰ ਨਾਲ ਰੱਖੋ, ਜਿਸ ਵਿਚ ਤੁਹਾਡਾ ਨਾਂਅ, ਪਤਾ, ਫੋਨ ਨੰਬਰ, ਤੁਹਾਡੇ ਡਾਕਟਰ ਦਾ ਫੋਨ ਨੰਬਰ, ਤੁਹਾਡੇ ਰਿਸ਼ਤੇਦਾਰਾਂ ਅਤੇ ਗੁਆਂਢੀਆਂ ਦੇ ਫੋਨ ਨੰਬਰ ਹੋਣ। ਇਹ ਅਜਿਹੀਆਂ ਮਹੱਤਵਪੂਰਨ ਸੂਚਨਾਵਾਂ ਹਨ ਜੋ ਔਖੇ ਸਮੇਂ ਤੁਹਾਡੇ ਲਈ ਮਦਦਗਾਰ ਸਾਬਤ ਹੋਣਗੀਆਂ। ਕਦੇ ਤੁਹਾਡੇ ਨਾਲ ਕੋਈ ਦੁਰਘਟਨਾ ਹੋ ਜਾਣ 'ਤੇ ਤੁਹਾਡੀ ਪਛਾਣ ਤੁਹਾਨੂੰ ਸੁਰੱਖਿਆ ਦੇਵੇਗੀ।
* ਤੁਹਾਡੇ ਪਰਸ ਵਿਚ ਮੇਕਅੱਪ ਕਿੱਟ ਹੋਣੀ ਵੀ ਜ਼ਰੂਰੀ ਹੈ। ਇਸ ਕਿੱਟ ਵਿਚ ਤੁਹਾਡੀ ਲੋੜ ਵਾਲੀਆਂ ਚੀਜ਼ਾਂ ਹੋਣੀਆਂ ਚਾਹੀਦੀਆਂ ਹਨ, ਜਿਵੇਂ ਹੇਅਰ ਬਰੱਸ਼ ਜਾਂ ਕੰਘੀ ਆਦਿ। ਸਾਰਾ ਦਿਨ ਦਫ਼ਤਰ ਵਿਚ ਕੰਮ ਕਰਨ ਤੋਂ ਬਾਅਦ ਫਰੈਸ਼ ਹੋਣ ਲਈ ਪੇਪਰ ਸੋਪ, ਲਿਪਸਟਿਕ ਆਦਿ ਪਰਸ ਵਿਚ ਜ਼ਰੂਰ ਹੋਣੀ ਚਾਹੀਦੀ ਹੈ। ਲਿਪਸਟਿਕ ਇਕ ਫਿੱਕੀ ਅਤੇ ਇਕ ਗੂੜ੍ਹੀ ਸ਼ੇਡ ਦੀ ਰੱਖ ਲਓ। ਇਸ ਤੋਂ ਇਲਾਵਾ ਹੇਅਰ ਕਲਿਪ ਜਾਂ ਹੇਅਰ ਬੈਂਡ ਰੱਖ ਲਓ ਤਾਂ ਕਿ ਵਾਲ ਬੰਨ੍ਹਣ ਦੀ ਲੋੜ ਮਹਿਸੂਸ ਹੋਵੇ ਤਾਂ ਤੁਹਾਡੇ ਕੋਲ ਸਾਮਾਨ ਉਪਲਬਧ ਹੋਵੇ। ਇਕ ਛੋਟੀ ਜਿਹੀ ਬੋਤਲ ਮਾਇਸਚਰਾਈਜ਼ਰ ਦੀ ਰੱਖ ਲਓ।
* ਪਰਸ ਵਿਚ ਸੋਨੇ ਦੇ ਗਹਿਣੇ, ਕ੍ਰੀਮ ਕਦੇ ਵੀ ਨਾ ਰੱਖੋ। ਇਹ ਬਹੁਤ ਹੀ ਅਸੁਰੱਖਿਅਤ ਜਗ੍ਹਾ ਹੈ। ਦਫ਼ਤਰ ਵਿਚ ਤੁਹਾਡਾ ਪਰਸ ਜੇ ਪੱਧਰੇ ਹੀ ਪਿਆ ਰਹਿੰਦਾ ਹੈ ਤਾਂ ਕੋਈ ਤੁਹਾਡੇ ਗਹਿਣੇ ਕੱਢ ਸਕਦਾ ਹੈ।
* ਪਰਸ ਵਿਚ ਪੈਸੇ ਵੀ ਓਦਾਂ ਹੀ ਨਾ ਰੱਖੋ। ਆਪਣੇ ਵੱਡੇ ਪਰਸ ਵਿਚ ਇਕ ਛੋਟਾ ਜਿਹਾ ਪਰਸ ਰੱਖੋ, ਜਿਸ ਵਿਚ ਪੈਸੇ ਰੱਖੋ। ਜਦੋਂ ਵੀ ਤੁਹਾਨੂੰ ਪੈਸੇ ਦੀ ਲੋੜ ਪਵੇ ਤਾਂ ਛੋਟੇ ਪਰਸ ਵਿਚੋਂ ਕੱਢਣ ਵਿਚ ਤੁਹਾਨੂੰ ਅਸਾਨੀ ਹੋਵੇਗੀ।
* ਜੇ ਤੁਸੀਂ ਕ੍ਰੈਡਿਟ ਕਾਰਡ ਰੱਖਦੇ ਹੋ ਤਾਂ ਉਸ ਦੇ ਲਈ ਪਰਸ ਵਿਚ ਵੱਖਰੀ ਜਗ੍ਹਾ ਬਣਾਓ। ਪਰਸ ਦੇ ਅੰਦਰ ਦੋ ਜਾਂ ਤਿੰਨ ਜੇਬਾਂ ਹੁੰਦੀਆਂ ਹਨ। ਉਨ੍ਹਾਂ ਵਿਚੋਂ ਇਕ ਜੇਬ ਵਿਚ ਇਸ ਨੂੰ ਰੱਖੋ ਤਾਂ ਕਿ ਲੋੜ ਪੈਣ 'ਤੇ ਤੁਹਾਨੂੰ ਇਹ ਅਸਾਨੀ ਨਾਲ ਮਿਲ ਜਾਵੇ।
* ਪਰਸ ਵਿਚ ਟਿਫਿਨ ਨਾ ਰੱਖੋ, ਕਿਉਂਕਿ ਕਿਸੇ ਵੀ ਕਾਰਨ ਜੇ ਸਬਜ਼ੀ ਪਰਸ ਵਿਚ ਡਿੱਗ ਗਈ ਤਾਂ ਤੁਹਾਡੀਆਂ ਜ਼ਰੂਰੀ ਚੀਜ਼ਾਂ ਦਾ ਨੁਕਸਾਨ ਹੋ ਜਾਵੇਗਾ। ਤੁਹਾਡਾ ਪਰਸ ਖਰਾਬ ਹੋ ਜਾਵੇਗਾ ਅਤੇ ਪਰਸ ਦਾ ਆਕਾਰ ਵੀ ਖਰਾਬ ਹੋ ਜਾਵੇਗਾ।
ਤੁਹਾਡਾ ਪਰਸ ਤੁਹਾਡੀ ਸ਼ਖ਼ਸੀਅਤ ਵਿਚ ਨਿਖਾਰ ਲਿਆਉਂਦਾ ਹੈ। ਸਿਰਫ ਬਾਹਰੋਂ ਹੀ ਨਹੀਂ, ਸਗੋਂ ਅੰਦਰੋਂ ਵੀ ਪਰਸ ਸਟੋਰਹਾਊਸ ਨਹੀਂ, ਸਗੋਂ ਆਕਰਸ਼ਕ ਲੱਗਣਾ ਚਾਹੀਦਾ ਹੈ।

ਤੁਹਾਡੇ ਘਰ ਦੇ ਲੋਕਾਂ ਦੀਆਂ ਖਾਣ-ਪੀਣ ਦੀਆਂ ਆਦਤਾਂ

ਸਿਹਤ ਬਾਰੇ ਤੁਹਾਡੀ ਸਮਝ ਨੂੰ ਕਿਹੋ ਜਿਹਾ ਦੱਸਦੀਆਂ ਹਨ?

1. ਤੁਹਾਡਾ ਬੱਚਾ ਅਕਸਰ ਹੀ ਖੜ੍ਹੇ-ਖੜ੍ਹੇ ਖਾਣਾ ਖਾਂਦਾ ਹੈ-
(ਕ) ਇਸ ਬਾਰੇ ਵਿਚ ਉਸ ਨੂੰ ਹਰ ਵਾਰ ਤੁਸੀਂ ਬੈਠ ਕੇ ਖਾਣ ਦੀ ਹਦਾਇਤ ਕਰਦੇ ਹੋ ਅਤੇ ਇਸ ਦੇ ਫਾਇਦੇ ਦੱਸਦੇ ਹੋ।
(ਖ) ਸੋਚਦੇ ਹੋ ਕਿ ਆਖਰ ਬੱਚਾ ਹੈ ਤਾਂ ਵੱਡਿਆਂ ਦੀ ਤਰ੍ਹਾਂ ਬਹੁਤ ਅਨੁਸ਼ਾਸਿਤ ਹੋ ਕੇ ਤਾਂ ਖਾਣਾ ਖਾਏਗਾ ਨਹੀਂ, ਇਸ ਲਈ ਬਿਨਾਂ ਕੁਝ ਸੋਚੇ ਜਿਵੇਂ ਖਾਂਦਾ ਹੈ, ਖਾਣ ਦਿੰਦੇ ਹੋ।
(ਗ) ਇਸ ਬਾਰੇ ਤਾਂ ਕਦੇ ਕੁਝ ਸੋਚਿਆ ਹੀ ਨਹੀਂ।
2. ਤੁਹਾਡੇ ਪਤੀ ਵਿਆਹ ਤੋਂ ਪਹਿਲਾਂ ਕੰਮ 'ਤੇ ਜਾਣ ਵੇਲੇ ਸਵੇਰੇ ਇਕ ਵਾਰ ਹੀ ਚੰਗੀ ਤਰ੍ਹਾਂ ਖਾਣਾ ਖਾ ਕੇ ਜਾਂਦੇ ਰਹੇ ਹਨ, ਪਰ ਵਿਆਹ ਤੋਂ ਬਾਅਦ ਤੁਸੀਂ-
(ਕ) ਇਹ ਨਿਯਮ ਤੁੜਵਾ ਦਿੱਤਾ ਹੈ, ਕਿਉਂਕਿ ਤੁਹਾਨੂੰ ਪਤਾ ਹੈ ਕਿ ਇਕ ਵਾਰ ਦੀ ਬਜਾਇ ਦੋ ਤੋਂ ਤਿੰਨ ਵਾਰ ਥੋੜ੍ਹਾ-ਥੋੜ੍ਹਾ ਖਾਣਾ ਸਿਹਤ ਲਈ ਫਾਇਦੇਮੰਦ ਹੈ।
(ਖ) ਵਿਆਹ ਤੋਂ ਪਹਿਲਾਂ ਦੀ ਕਿਸੇ ਆਦਤ ਨੂੰ ਬਦਲਣ ਜਾਂ ਉਸ ਵਿਚ ਫੇਰਬਦਲ ਕਰਨ ਨੂੰ ਤੁਸੀਂ ਸਹੀ ਨਹੀਂ ਮੰਨਦੇ।
(ਗ) ਕੀ ਫਰਕ ਪੈਂਦਾ ਹੈ ਜੇ ਤਿੰਨ ਵਾਰ ਦਾ ਖਾਣਾ ਇਕ ਵਾਰ ਵਿਚ ਹੀ ਖਾ ਲਿਆ ਜਾਵੇ? ਜ਼ਿਆਦਾਤਰ ਆਪਣਾ ਕੰਮ ਕਰਨ ਵਾਲੇ ਲੋਕ ਤਾਂ ਅਜਿਹਾ ਹੀ ਕਰਦੇ ਹਨ।
3. ਤੁਹਾਡੇ ਹਿਸਾਬ ਨਾਲ ਖਾਣੇ ਦੀ ਮਾਤਰਾ ਕਦੋਂ ਕਿਹੋ ਜਿਹੀ ਚਾਹੀਦੀ ਹੈ?
(ਕ) ਦਿਨ ਵਿਚ ਜ਼ਿਆਦਾ, ਰਾਤ ਨੂੰ ਘੱਟ।
(ਖ) ਦਿਨ ਵਿਚ ਘੱਟ ਪਰ ਰਾਤ ਨੂੰ ਜ਼ਿਆਦਾ, ਕਿਉਂਕਿ ਫਿਰ ਤਾਂ ਬਸ ਆਰਾਮ ਹੀ ਕਰਨਾ ਹੈ।
(ਗ) ਦਿਨ ਹੋਵੇ ਜਾਂ ਰਾਤ, ਜਦੋਂ ਜਿੰਨੀ ਭੁੱਖ ਲੱਗੇ, ਭਰਪੂਰ ਖਾਣਾ ਚਾਹੀਦਾ ਹੈ।
4. ਤੁਹਾਡੇ ਹਿਸਾਬ ਨਾਲ ਖਾਣੇ ਲਈ ਭੁੱਖ ਲੱਗਣਾ ਮਹੱਤਵਪੂਰਨ ਹੈ ਜਾਂ ਖਾਣੇ ਦਾ ਇਕ ਨਿਸਚਿਤ ਸਮਾਂ?
(ਕ) ਭੁੱਖ ਲੱਗਣਾ।
(ਖ) ਇਕ ਨਿਸਚਿਤ ਸਮੇਂ 'ਤੇ ਹੀ ਨਿਯਮਤ ਰੂਪ ਨਾਲ ਖਾਣਾ ਖਾਣਾ ਚਾਹੀਦਾ ਹੈ।
(ਗ) ਖਾਣੇ ਲਈ ਕਿਸੇ ਤਰ੍ਹਾਂ ਦੇ ਨਿਯਮ ਦਾ ਪਾਲਣ ਕਰਨਾ ਜ਼ਰੂਰੀ ਨਹੀਂ ਹੈ।
5. ਖਾਣਾ ਖਾਂਦੇ ਸਮੇਂ ਤੁਸੀਂ-
(ਕ) ਆਪਣੇ ਘਰ ਦੇ ਲੋਕਾਂ ਨਾਲ ਖਾਂਦੇ ਸਮੇਂ ਅਕਸਰ ਲਗਾਤਾਰ ਗੱਲਬਾਤ ਕਰਦੇ ਹੋ।
(ਖ) ਖਾਣਾ ਖਾਂਦੇ ਸਮੇਂ ਤੁਹਾਡੇ ਘਰ ਦੇ ਲੋਕ ਧਾਰਮਿਕ ਅਤੇ ਸੰਸਾਰਿਕ ਕਾਰਨਾਂ ਕਰਕੇ ਚੁੱਪ ਰਹਿਣਾ ਪਸੰਦ ਕਰਦੇ ਹਨ।
(ਗ) ਤੁਹਾਡੇ ਘਰ ਦੇ ਲੋਕ ਖਾਣਾ ਖਾਂਦੇ ਸਮੇਂ ਨਾ ਤਾਂ ਜ਼ਿਆਦਾ ਬੋਲਦੇ ਹਨ ਅਤੇ ਨਾ ਹੀ ਚੁੱਪ ਰਹਿੰਦੇ ਹਨ।
ਨਤੀਜਾ : ਜੇ ਤੁਸੀਂ ਇਥੇ ਪੁੱਛੇ ਗਏ ਸਾਰੇ ਸਵਾਲਾਂ ਨੂੰ ਧਿਆਨ ਨਾਲ ਪੜ੍ਹਿਆ ਹੈ ਅਤੇ ਉਨ੍ਹਾਂ ਜਵਾਬਾਂ 'ਤੇ ਕਲਿੱਕ ਕੀਤਾ ਹੈ, ਜੋ ਤੁਹਾਡੇ ਹਿਸਾਬ ਨਾਲ ਤੁਹਾਡੇ ਅਸਲ ਵਿਚ ਜਵਾਬ ਹਨ ਤਾਂ ਖਾਣ-ਪੀਣ ਦੀ ਸਜਗਤਾ ਦੀ ਤੁਹਾਡੀ ਸ਼੍ਰੇਣੀ ਕੁਝ ਇਸ ਤਰ੍ਹਾਂ ਹੈ-
(ਕ) ਜੇਕਰ ਤੁਹਾਡੇ ਕੁੱਲ ਹਾਸਲ ਅੰਕ 8 ਜਾਂ 8 ਤੋਂ ਘੱਟ ਹਨ ਤਾਂ ਖਾਣ-ਪੀਣ ਨੂੰ ਲੈ ਕੇ ਤੁਸੀਂ ਕਦੇ ਦਿਮਾਗ ਨਾਲ ਨਹੀਂ ਸੋਚਦੇ ਅਤੇ ਦਿਲ ਨਾਲ ਸੋਚਦੇ ਹੋਏ ਇਸ ਦੀ ਪ੍ਰਵਾਹ ਨਹੀਂ ਕਰਦੇ। ਕੁੱਲ ਮਿਲਾ ਕੇ ਤੁਹਾਡੇ ਘਰ ਦੇ ਲੋਕਾਂ ਦੀਆਂ ਆਦਤਾਂ ਵਿਚ ਵੀ ਖਾਣ-ਪੀਣ ਨੂੰ ਲੈ ਕੇ ਇਹੀ ਬੇਫਿਕਰੀ ਦਿਸਦੀ ਹੈ, ਜੋ ਸਹੀ ਨਹੀਂ ਹੈ।
(ਖ) ਜੇਕਰ ਤੁਹਾਡੇ ਕੁੱਲ ਹਾਸਲ ਅੰਕ 15 ਜਾਂ ਇਸ ਤੋਂ ਘੱਟ ਹਨ ਪਰ 8 ਤੋਂ ਜ਼ਿਆਦਾ ਹਨ ਤਾਂ ਤੁਹਾਨੂੰ ਖਾਣ-ਪੀਣ ਦੇ ਸਬੰਧ ਵਿਚ ਚੰਗੀ ਜਾਣਕਾਰੀ ਤਾਂ ਹੈ ਪਰ ਖਾਣੇ ਨੂੰ ਦਵਾਈ ਦੀ ਤਰ੍ਹਾਂ ਨਹੀਂ ਖਾਂਦੇ। ਤੁਹਾਡੇ ਘਰ ਦੇ ਲੋਕ ਵੀ ਅਰਧ-ਜਾਗਰੂਕ ਹਨ। ਕਦੇ ਸੁਚੇਤ ਰਹਿੰਦੇ ਹਨ ਅਤੇ ਕਦੇ ਸੁਚੇਤ ਨਹੀਂ ਰਹਿੰਦੇ ਹਨ।
(ਗ) ਜੇ ਤੁਹਾਡੇ ਕੁੱਲ ਹਾਸਲ ਅੰਕ 20 ਜਾਂ 20 ਤੋਂ ਉੱਪਰ ਹਨ ਤਾਂ ਬਿਨਾਂ ਸ਼ੱਕ ਤੁਹਾਡੀਆਂ ਖਾਣ-ਪੀਣ ਸਬੰਧੀ ਗਤੀਵਿਧੀਆਂ ਤੁਹਾਡੇ ਬਾਰੇ ਵਿਚ ਦੱਸਦੀਆਂ ਹਨ ਕਿ ਤੁਹਾਨੂੰ ਖਾਣ-ਪੀਣ ਦੀ ਬਹੁਤ ਚੰਗੀ ਸਮਝ ਹੈ। ਤੁਹਾਡੀ ਇਹ ਸਮਝ ਤੁਹਾਡੇ ਪਰਿਵਾਰ ਦੀਆਂ ਆਦਤਾਂ ਵਿਚ ਵੀ ਝਲਕਦੀ ਹੈ।


-ਇਮੇਜ ਰਿਫਲੈਕਸ਼ਨ ਸੈਂਟਰ






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX