ਤਾਜਾ ਖ਼ਬਰਾਂ


ਟਾਂਗਰਾ ਨੇੜੇ 2 ਗੱਡੀਆਂ ਦੀ ਟੱਕਰ 'ਚ 2 ਦੀ ਮੌਤ
. . .  12 minutes ago
ਟਾਂਗਰਾ ,17 ਜਨਵਰੀ ( ਹਰਜਿੰਦਰ ਸਿੰਘ ਕਲੇਰ ) - ਜੀ ਟੀ ਰੋਡ ਟਾਂਗਰਾ ਵਿਖੇ ਦੋ ਕਾਰਾ ਦੀ ਆਪਸੀ ਜ਼ਬਰਦਸਤ ਟੱਕਰ ਹੋਣ ਕਰਕੇ ਗੱਡੀਆਂ ਵਿਚ ਸਵਾਰ ਬੁਰੀ ਤਰ੍ਹਾਂ ਫੱਟੜ ਹੋਣ ਕਰਕੇ 2 ਸਵਾਰਾਂ ਦੀ ਮੌਤ ਹੋ ਗਈ ਤੇ ...
ਸਾਬਕਾ ਕੈਬਨਿਟ ਮੰਤਰੀ ਰਣੀਕੇ ਦੀ ਅਗਵਾਈ 'ਚ ਅਕਾਲੀ ਵਰਕਰਾਂ ਵੱਲੋਂ ਥਾਣਾ ਕੰਬੋਅ ਮੂਹਰੇ ਧਰਨਾ
. . .  18 minutes ago
ਰਾਜਾਸਾਂਸੀ, 17 ਜਨਵਰੀ (ਹਰਦੀਪ ਸਿੰਘ ਖੀਵਾ)- ਵਿਧਾਨ ਸਭਾ ਹਲਕਾ ਅਟਾਰੀ ਦੇ ਅਧੀਨ ਆਉਂਦੇ ਪਿੰਡ ਧੌਲ਼ ਕਲਾਂ ਦੇ ਅਕਾਲੀ ਵਰਕਰ ਚੈਂਚਲ ਸਿੰਘ ਤੇ ਕਾਂਗਰਸ ਪਾਰਟੀ ਦੇ ਇਸ਼ਾਰੇ 'ਤੇ ਪੁਲਿਸ ਥਾਣਾ ਕੰਬੋਅ ਵੱਲੋਂ ਝੂਠਾ ਮੁਕੱਦਮਾ ਦਰਜ ਕਰਨ ...
ਰਾਜਕੋਟ ਦੂਸਰਾ ਵਨਡੇ : ਭਾਰਤ ਨੇ ਆਸਟਰੇਲੀਆ ਨੂੰ 36 ਦੌੜਾਂ ਨਾਲ ਹਰਾਇਆ
. . .  about 1 hour ago
ਮੋਟਰਸਾਈਕਲ ਤੇ ਇਨੋਵਾ ਕਾਰ ਦੀ ਆਹਮੋ-ਸਾਹਮਣੀ ਟੱਕਰ 'ਚ 1 ਦੀ ਮੌਤ
. . .  about 2 hours ago
ਭਿੰਡੀ ਸੈਦਾਂ,17 ਜਨਵਰੀ ( ਪ੍ਰਿਤਪਾਲ ਸਿੰਘ ਸੂਫ਼ੀ )- ਪੁਲਿਸ ਥਾਣਾ ਭਿੰਡੀ ਸੈਦਾਂ ਅਧੀਨ ਪੈਂਦੇ ਪਿੰਡ ਜਸਰਾਓਰ ਦੇ ਅੱਡੇ ‘ਤੇ ਸਥਿਤ ਬੱਤਰਾ ਪੈਟਰੋਲ ਪੰਪ ਦੇ ਨਜ਼ਦੀਕ ਦੇਰ ਸ਼ਾਮੀੰ ਇਨੋਵਾ ਗੱਡੀ ਤੇ ਬੁਲੇਟ ਮੋਟਰਸਾਈਕਲ ...
ਮਾਈਨਿੰਗ ਮਾਫ਼ੀਆ ਦੇ ਕਰਿੰਦਿਆਂ ਨੇ ਪੁਲਿਸ ਚੌਕੀ ਇੰਚਾਰਜ ਸਮੇਤ ਤਿੰਨ ਮੁਲਾਜ਼ਮਾਂ ਨਾਲ ਕੀਤੀ ਕੁੱਟਮਾਰ
. . .  about 2 hours ago
ਡੇਰਾਬਸੀ,17 ਜਨਵਰੀ ( ਸ਼ਾਮ ਸਿੰਘ ਸੰਧੂ )-ਹਰਿਆਣਾ 'ਚ ਮਾਈਨਿੰਗ ਕਰਨ ਵਾਲਿਆਂ ਦਾ ਪਿੱਛਾ ਕਰਦਿਆਂ ਪੰਜਾਬ ਦੀ ਹੱਦ 'ਚ ਵੜੇ ਹਰਿਆਣਾ ਪੁਲਿਸ ਦੇ ਇੱਕ ਚੌਕੀ ਇੰਚਾਰਜ ਸਮੇਤ ਮੁਲਾਜ਼ਮਾਂ ਨੂੰ ਮਾਈਨਿੰਗ ਮਾਫ਼ੀਆ ਦੇ ਕਰਿੰਦਿਆਂ ਨੇ ਘੇਰ...
ਰਾਜਕੋਟ ਦੂਸਰਾ ਵਨਡੇ : 16 ਓਵਰਾਂ ਮਗਰੋਂ ਆਸਟਰੇਲੀਆ 86/2 'ਤੇ , ਟੀਚਾ 341 ਦੌੜਾਂ ਦਾ
. . .  about 3 hours ago
ਅਧਿਆਪਕਾਂ ਦੀਆਂ ਖਾਲੀ ਅਸਾਮੀਆਂ ਦੇ ਰੋਸ ਵਜੋਂ ਸ਼ੁਤਰਾਣਾ ਸਕੂਲ ਅੱਗੇ ਵਿਦਿਆਰਥੀਆਂ ਨੇ ਲਾਇਆ ਧਰਨਾ
. . .  about 3 hours ago
ਸ਼ੁਤਰਾਣਾ, 17 ਜਨਵਰੀ (ਬਲਦੇਵ ਸਿੰਘ ਮਹਿਰੋਕ)- ਪਟਿਆਲਾ ਜ਼ਿਲ੍ਹੇ ਦੇ ਕਸਬਾ ਸ਼ੁਤਰਾਣਾ ਵਿਖੇ ਸਰਕਾਰੀ ਸੀਨੀਅਰ ਸਕੈਂਡਰੀ ਸਕੂਲ ਵਿਚ ਅਧਿਆਪਕਾਂ ਦੀ ਘਾਟ ਹੋਣ ਕਰਕੇ ਵਿਦਿਆਰਥੀਆਂ ਦੀ ਪੜ੍ਹਾਈ ਦੇ ਹੋ ਰਹੇ ਭਾਰੀ ਨੁਕਸਾਨ ਕਾਰਨ ਸਕੂਲ ਦੇ ਵਿਦਿਆਰਥੀਆਂ ਨੇ ਸਕੂਲ...
ਪੰਜਾਬ ਰਾਜ ਅਧਿਆਪਕ ਯੋਗਤਾ ਟੈੱਸਟ 19 ਜਨਵਰੀ ਨੂੰ
. . .  about 3 hours ago
ਅਜਨਾਲਾ, 17 ਜਨਵਰੀ (ਗੁਰਪ੍ਰੀਤ ਸਿੰਘ ਢਿੱਲੋਂ) - ਸਿੱਖਿਆ ਵਿਭਾਗ ਵੱਲੋਂ ਪੰਜਾਬ ਰਾਜ ਅਧਿਆਪਕ ਯੋਗਤਾ ਟੈੱਸਟ 19 ਜਨਵਰੀ ਦਿਨ ਐਤਵਾਰ ਨੂੰ ਲਿਆ ਜਾ ਰਿਹਾ ਹੈ । ਇਸ ਦੇ ਸਬੰਧ ਵਿਚ ਸਕੂਲ ਸਿੱਖਿਆ ਸਕੱਤਰ-ਕਮ-ਚੇਅਰਮੈਨ ਪੰਜਾਬ ਸਕੂਲ ਸਿੱਖਿਆ ਬੋਰਡ ਕ੍ਰਿਸ਼ਨ ਕੁਮਾਰ...
ਰਾਜਕੋਟ ਦੂਸਰਾ ਵਨਡੇ : 10 ਓਵਰਾਂ ਮਗਰੋਂ ਆਸਟਰੇਲੀਆ 55/1 'ਤੇ , ਟੀਚਾ 341 ਦੌੜਾਂ ਦਾ
. . .  about 4 hours ago
ਸ਼੍ਰੋਮਣੀ ਅਕਾਲੀ ਦਲ ਦੇ ਐਸ.ਸੀ ਵਿੰਗ ਦੇ ਜਰਨਲ ਸਕੱਤਰ ਵਲੋਂ ਆਪਣੇ ਅਹੁਦੇ ਤੋਂ ਅਸਤੀਫਾ
. . .  about 4 hours ago
ਭਵਾਨੀਗੜ੍ਹ, 17 ਜਨਵਰੀ (ਰਣਧੀਰ ਸਿੰਘ ਫੱਗੂਵਾਲਾ)- ਸ਼੍ਰੋਮਣੀ ਅਕਾਲੀ ਦਲ ਦੇ ਐਸ.ਸੀ ਵਿੰਗ ਦੇ ਸੂਬਾ ਜਰਨਲ ਸਕੱਤਰ ਰਾਮ ਸਿੰਘ ਮੱਟਰਾਂ ਵਲੋਂ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਣ ਦਾ ਐਲਾਨ ਕੀਤਾ। ਇਸ ਸਬੰਧੀ ਅਸਤੀਫੇ ਦੀਆਂ ਕਾਪੀਆਂ ਦਿੰਦਿਆਂ ਰਾਮ ਸਿੰਘ ਮੱਟਰਾਂ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਛੋਟੀਆਂ ਬਿੱਲੀਆਂ ਦੀ ਦੁਨੀਆ

ਬੱਚਿਓ, ਸ਼ੇਰ, ਬੱਬਰ ਸ਼ੇਰ, ਤੇਂਦੂਆ ਅਤੇ ਚੀਤਾ ਇਕ ਮੰਨੇ ਹੋਏ ਸ਼ਿਕਾਰੀ ਹਨ | ਇਹ ਸਾਰੇ ਵੱਡੀਆਂ ਜੰਗਲੀਆਂ ਬਿੱਲੀਆਂ ਅਖਵਾਉਂਦੇ ਹਨ | ਇਨ੍ਹਾਂ ਦੇ ਪਰਿਵਾਰ ਵਿਚ ਛੋਟੀਆਂ ਬਿੱਲੀਆਂ ਵੀ ਹੁੰਦੀਆਂ ਹਨ ਜੋ ਕੁਝ ਦਹਾਕੇ ਪਹਿਲਾਂ ਸਾਡੇ ਕੱਚੇ ਘਰਾਂ ਵਿਚ ਆਮ ਘੁੰਮਦੀਆਂ ਰਹਿੰਦੀਆਂ ਸਨ | ਬਿੱਲੀ ਆਪਣੇ ਨਵਜਨਮੇ ਬੱਚਿਆਂ ਨੂੰ ਕਈ ਘਰਾਂ ਵਿਚ ਘੁਮਾਉਂਦੀ ਹੈ ਅਤੇ ਬਿੱਲੀ ਨੂੰ ਮਾਰਨਾ ਵੀ ਸਾਡੇ ਸਮਾਜ ਵਿਚ ਚੰਗਾ ਨਹੀਂ ਸਮਝਿਆ ਜਾਂਦਾ |
ਕਿਸਮਾਂ : • ਸਰਵਾਲ : ਇਨ੍ਹਾਂ ਦਾ ਸਿਰ ਛੋਟਾ ਅਤੇ ਲੱਤਾਂ ਲੰਬੀਆਂ ਹੁੰਦੀਆਂ ਹਨ | ਇਹ ਬਹੁਤ ਹੀ ਨਾਜ਼ੁਕ ਹੁੰਦੀਆਂ ਹਨ | ਇਹ ਦਰਮਿਆਨੇ ਜੰਗਲਾਂ ਅਤੇ ਅਫਰੀਕਾ ਦੇ ਸਹਾਰਾ ਮਾਰੂਥਲ ਵਿਚ ਪਾਈਆਂ ਜਾਂਦੀਆਂ ਹਨ | ਇਹ ਜ਼ਿਆਦਾ ਕਰਕੇ ਤਿ੍ਕਾਲਾਂ ਸਮੇਂ ਹੀ ਕਿਰਲੀਆਂ ਅਤੇ ਚੂਹਿਆਂ ਆਦਿ ਨੂੰ ਆਪਣਾ ਸ਼ਿਕਾਰ ਬਣਾਉਂਦੀਆਂ ਹਨ |
• ਯੂਰਪੀ ਜੰਗਲੀ ਬਿੱਲੀ : ਇਨ੍ਹਾਂ ਨੂੰ ਆਪਣੇ ਘਰਾਂ ਵਿਚ ਰਹਿਣ ਵਾਲੀਆਂ ਬਿੱਲੀਆਂ ਦੇ ਵਡੇਰੇ ਮੰਨਿਆ ਜਾਂਦਾ ਹੈ | ਇਸ ਨੂੰ ਏਸ਼ੀਆ, ਪੱਛਮੀ ਯੂਰਪ, ਅਫਰੀਕਾ ਦੇ ਜੰਗਲਾਂ ਅਤੇ ਘਾਹ ਦੇ ਮੈਦਾਨਾਂ ਵਿਚ ਪਾਇਆ ਜਾਂਦਾ ਹੈ | ਇਹ ਜ਼ਿਆਦਾ ਕਰਕੇ ਚੂਹਿਆਂ ਨੂੰ ਹੀ ਆਪਣਾ ਸ਼ਿਕਾਰ ਬਣਾਉਂਦੀਆਂ ਹਨ | ਜੇਕਰ ਇਨ੍ਹਾਂ ਨੂੰ ਮੌਕਾ ਮਿਲੇ ਤਾਂ ਇਹ ਘਰਾਂ ਵਿਚੋਂ ਦੱੁਧ ਵੀ ਪੀ ਜਾਂਦੀਆਂ ਹਨ | ਸੰਕਟ ਸਮੇਂ ਇਹ ਇਕ ਝੁੰਡ ਬਣਾ ਕੇ ਦੁਸ਼ਮਣ ਦਾ ਮੁਕਾਬਲਾ ਕਰਦੀਆਂ ਹਨ |
• ਕਰਕਾਲ ਬਿੱਲੀ : ਇਨ੍ਹਾਂ ਨੂੰ ਮਾਰੂਥਲਾਂ ਦੀਆਂ ਬਿੱਲੀਆਂ ਵੀ ਕਿਹਾ ਜਾਂਦਾ ਹੈ, ਜੋ ਭਾਰਤ ਅਤੇ ਅਫਰੀਕਾ ਦੇ ਮਾਰੂਥਲਾਂ ਵਿਚ ਰਹਿੰਦੀਆਂ ਹਨ | ਇਹ ਚੂਹਿਆਂ ਅਤੇ ਛੋਟੇ ਪੰਛੀਆਂ ਨੂੰ ਸ਼ਿਕਾਰ ਬਣਾਉਂਦੀਆਂ ਹਨ | ਇਹ ਦੁਸ਼ਮਣ ਦੀ ਆਵਾਜ਼ ਨੂੰ ਆਪਣੇ ਕੰਨਾਂ ਦਾ ਇਕ ਗੱੁਛਾ ਜਿਹਾ ਬਣਾ ਕੇ ਸੁਣ ਲੈਂਦੀਆਂ ਹਨ ਅਤੇ ਦੌੜ ਜਾਂਦੀਆਂ ਹਨ |
• ਬੌਬਕੈਟ : ਇਹ ਉੱਤਰੀ ਅਮਰੀਕਾ ਵਿਚ ਰਹਿੰਦੀਆਂ ਹਨ ਅਤੇ ਇਨ੍ਹਾਂ ਨੇ ਆਪਣੇ-ਆਪ ਨੂੰ ਉੱਚੀਆਂ ਪਹਾੜੀਆਂ, ਦਲਦਲੀ ਜ਼ਮੀਨਾਂ, ਜੰਗਲਾਂ ਅਤੇ ਮਾਰੂਥਲਾਂ ਵਿਚ ਰਹਿਣ ਲਈ ਢਾਲ ਲਿਆ ਹੈ | ਇਹ ਖਰਗੋਸ਼, ਸਹੇ ਅਤੇ ਚੂਹਿਆਂ ਨੂੰ ਆਪਣਾ ਸ਼ਿਕਾਰ ਬਣਾਉਂਦੀਆਂ ਹਨ |

-ਨਿਊ ਕੁੰਦਨਪੁਰੀ, ਲੁਧਿਆਣਾ |


ਖ਼ਬਰ ਸ਼ੇਅਰ ਕਰੋ

ਬਾਲ ਕਹਾਣੀ: ਜ਼ਿੰਮੇਵਾਰੀ ਦਾ ਅਹਿਸਾਸ

ਵਿਨੈਜੀਤ ਆਪਣੇ ਮਾਪਿਆਂ ਦਾ ਇਕਲੌਤਾ ਪੱੁਤਰ ਸੀ | ਉਸ ਤੋਂ ਛੋਟੀਆਂ ਦੋ ਉਸ ਦੀਆਂ ਭੈਣਾਂ ਦੀਕਸ਼ਾ ਅਤੇ ਚੰਦਾ ਸਨ | ਉਸ ਦੇ ਪਿਤਾ ਦੇਵ ਨਾਥ ਦੀ 5 ਕੁ ਵਰ੍ਹੇ ਪਹਿਲਾਂ ਕੈਂਸਰ ਦੀ ਬਿਮਾਰੀ ਕਾਰਨ ਮੌਤ ਹੋ ਚੱੁਕੀ ਸੀ | ਉਹ ਅਜੇ ਪਿੰਡ ਦੇ ਸਕੂਲ 'ਚ ਚੌਥੀ ਜਮਾਤ 'ਚ ਪੜ੍ਹਦਾ ਸੀ | ਉਸ ਦੀ ਭੈਣ ਦੀਕਸ਼ਾ ਉਦੋਂ ਤਿੰਨ ਵਰਿ੍ਹਆਂ ਦੀ ਅਤੇ ਛੋਟੀ ਚੰਦਾ ਸਾਲ ਭਰ ਦੀ ਸੀ | ਬੱਚਿਆਂ ਨੂੰ ਪਾਲਣ ਅਤੇ ਘਰ ਚਲਾਉਣ ਦੀ ਜ਼ਿੰਮੇਵਾਰੀ ਉਸ ਦੀ ਮਾਂ ਸਤਵੰਤ ਰਾਣੀ ਇਕੱਲੀ ਦੇ ਮੋਢਿਆਂ ਉੱਤੇ ਆਣ ਪਈ |
ਵਿਨੈਜੀਤ ਹੁਣ ਨੌਵੀਂ ਜਮਾਤ ਵਿਚ ਪੜ੍ਹਦਾ ਸੀ | ਮਾਂ ਸਤਵੰਤ ਰਾਣੀ ਨੂੰ ਉਸ ਤੋਂ ਬੜੀਆਂ ਆਸਾਂ ਸਨ ਕਿ ਉਹ ਵੱਡਾ ਹੋ ਕੇ ਪੜ੍ਹ-ਲਿਖ ਕੇ ਕੁਝ ਬਣੇਗਾ ਅਤੇ ਘਰ ਦੀ ਜ਼ਿੰਮੇਵਾਰੀ ਸਾਂਭੇਗਾ | ਪਰ ਇਹ ਕੀ? ਵਿਨੈਜੀਤ ਤਾਂ ਜਿਉਂ-ਜਿਉਂ ਵੱਡਾ ਹੋ ਰਿਹਾ ਸੀ, ਉਹ ਤਾਂ ਪੜ੍ਹਾਈ ਤੋਂ ਜੀਅ ਚੁਰਾਉਣ ਲੱਗਾ ਸੀ | ਉਸ ਦੇ ਸਕੂਲ ਤੋਂ ਵੀ ਉਸ ਦੇ ਸਕੂਲ ਦਾ ਕੰਮ ਨਾ ਕਰਨ ਦੀਆਂ ਸ਼ਿਕਾਇਤਾਂ ਆਉਣ ਲੱਗੀਆਂ ਸਨ | ਉਸ ਦੀ ਮਾਂ ਸਤਵੰਤ ਰਾਣੀ ਨੇ ਜੋ ਆਪਣੇ ਪੱੁਤਰ ਨੂੰ ਲੈ ਕੇ ਸੁਪਨੇ ਦੇਖੇ ਸਨ, ਉਹ ਉਸ ਨੂੰ ਟੱੁਟਦੇ ਹੋਏ ਨਜ਼ਰ ਆਉਣ ਲੱਗੇ | ਸਕੂਲ ਦੇ ਸਾਰੇ ਅਧਿਆਪਕ ਵੀ ਵਿਨੈਜੀਤ ਨੂੰ ਸਮਝਾਉਂਦੇ ਸਨ | ਪਰ ਵਿਨੈਜੀਤ ਦੇ ਕੰਨਾਂ 'ਤੇ ਜੰੂ ਨਾ ਸਰਕਦੀ | ਪਰ ਸਕੂਲ ਵਿਚ ਇਕ ਅਧਿਆਪਕਾ ਜੋ ਉਸ ਨੂੰ ਹਿੰਦੀ ਪੜ੍ਹਾਉਂਦੇ ਸਨ, ਉਹ ਸਨ ਮੈਡਮ ਸ਼ਕੁੰਤਲਾ, ਜੋ ਅਕਸਰ ਉਸ ਨੂੰ ਬੇਹੱਦ ਪਿਆਰ ਨਾਲ ਇਸ ਗੱਲ ਦਾ ਅਹਿਸਾਸ ਕਰਾਉਂਦੇ ਕਿ ਹੁਣ ਉਸ ਦੇ ਪਿਤਾ ਇਸ ਦੁਨੀਆ 'ਚ ਨਹੀਂ ਹਨ | ਘਰ 'ਚ ਉਹੀ ਹੁਣ ਇਕ ਪੁਰਸ਼ ਮੈਂਬਰ ਹੈ, ਜਿਸ ਨੇ ਘਰ ਦੀ, ਆਪਣੀ ਮਾਂ ਦੀ ਅਤੇ ਭੈਣਾਂ ਨੂੰ ਪੜ੍ਹਾਉਣ ਦੀ ਜ਼ਿੰਮੇਵਾਰੀ ਸੰਭਾਲਣੀ ਹੈ | ਮੈਡਮ ਸ਼ਕੁੰਤਲਾ ਦੀਆਂ ਗੱਲਾਂ ਦਾ ਉਸ 'ਤੇ ਕਾਫੀ ਅਸਰ ਹੁੰਦਾ | ਪਰ ਫਿਰ ਪਤਾ ਨਹੀਂ ਕਿਉਂ ਉਹ ਪੜ੍ਹਾਈ ਵੱਲ ਧਿਆਨ ਨਹੀਂ ਸੀ ਦੇ ਰਿਹਾ |
ਇਕ ਸ਼ਾਮ ਨੂੰ ਜਦੋਂ ਉਹ ਆਪਣੇ ਹਾਣੀ ਮੁੰਡਿਆਂ ਨਾਲ ਖੇਡ ਕੇ ਘਰ ਪਰਤਿਆ ਤਾਂ ਉਸ ਨੇ ਦੇਖਿਆ ਕਿ ਮਾਂ ਰਸੋਈ 'ਚ ਚੱੁਲ੍ਹੇ 'ਤੇ ਰੋਟੀਆਂ ਪਕਾ ਰਹੀ ਸੀ | ਉਸ ਦੀਆਂ ਅੱਖਾਂ 'ਚੋਂ ਹੰਝੂਆਂ ਦੀ ਝੜੀ ਲੱਗੀ ਹੋਈ ਸੀ | ਉਸ ਦਾ ਦਿਲ ਮਾਂ ਪ੍ਰਤੀ ਤਰਸ ਦੀ ਭਾਵਨਾ ਨਾਲ ਭਰ ਗਿਆ | ਉਹ ਆਣ ਕੇ ਮਾਂ ਦੇ ਕੋਲ ਬੈਠ ਗਿਆ | ਉਸ ਦਾ ਦਿਲ ਵੀ ਮਾਂ ਦੀ ਹਾਲਤ ਦੇਖ ਕੇ ਭਰ ਆਇਆ ਸੀ | ਉਹ ਵੀ ਅੱਖਾਂ 'ਚ ਹੰਝੂ ਭਰ ਕੇ ਮਾਂ ਨੂੰ ਪੱੁਛਣ ਲੱਗਾ ਕਿ ਉਹ ਰੋ ਕਿਉਂ ਰਹੀ ਹੈ? ਮਾਂ ਕੁਝ ਨਾ ਬੋਲੀ | ਉਸ ਦੀਆਂ ਅੱਖਾਂ 'ਚੋਂ ਹੰਝੂ ਹੋਰ ਵੀ ਤੇਜ਼ੀ ਨਾਲ ਵਹਿਣ ਲੱਗੇ | ਉਸ ਤੋਂ ਮਾਂ ਦੀ ਹਾਲਤ ਦੇਖੀ ਨਾ ਗਈ | ਉਸ ਨੇ ਜ਼ੋਰ ਦੇ ਕੇ ਜਦੋਂ ਮਾਂ ਤੋਂ ਪੱੁਛਿਆ ਕਿ ਉਹ ਕਿਉਂ ਰੋ ਰਹੀ ਹੈ ਤਾਂ ਮਾਂ ਨੇ ਜ਼ਾਰੋ-ਜਾਰ ਰੋਂਦਿਆਂ ਕਿਹਾ, 'ਮੈਂ ਤੇਰੇ ਕਰਕੇ ਰੋ ਰਹੀ ਹਾਂ | ਤੰੂ ਮੇਰਾ ਕਹਿਣਾ ਨਹੀਂ ਮੰਨਦਾ | ਤੇਰੇ ਅਧਿਆਪਕ ਵੀ ਤੈਨੂੰ ਪੜ੍ਹਨ ਲਈ ਕਹਿੰਦੇ ਹਨ ਪਰ ਤੰੂ ਕਿਸੇ ਦੀ ਗੱਲ ਨਹੀਂ ਸੁਣਦਾ | ਬਿਨਾਂ ਪੜ੍ਹਾਈ ਦੇ ਤੰੂ ਕਿਵੇਂ ਵੱਡਾ ਆਦਮੀ ਬਣੇਗਾ? ਘਰ ਦੀ ਜ਼ਿੰਮੇਵਾਰੀ ਕਿਵੇਂ ਸਾਂਭੇਂਗਾ?'
ਵਿਨੈਜੀਤ ਦੇ ਮਨ ਨੂੰ ਬੜੀ ਵੱਡੀ ਠੋਕਰ ਵੱਜੀ | ਉਸ ਨੂੰ ਇਕਦਮ ਆਪਣੀ ਜ਼ਿੰਮੇਵਾਰੀ ਦਾ ਅਹਿਸਾਸ ਹੋਇਆ | ਉਸ ਨੇ ਮਾਂ ਨੂੰ ਕਿਹਾ, 'ਮਾਂ, ਤੰੂ ਰੋ ਨਾ | ਮੈਨੂੰ ਜ਼ਿੰਮੇਵਾਰੀ ਦਾ ਅਹਿਸਾਸ ਹੋ ਗਿਆ ਹੈ | ਮੈਂ ਅੱਜ ਤੋਂ ਪੜ੍ਹਾਈ ਵਿਚ ਡਟ ਕੇ ਮਿਹਨਤ ਕਰਾਂਗਾ | ਜ਼ਿੰਮੇਵਾਰੀ ਨਾਲ ਪੜ੍ਹ ਕੇ ਕੁਝ ਬਣ ਕੇ ਦਿਖਾਵਾਂਗਾ |' ਮਾਂ ਨੇ ਉਸ ਵੱਲ ਦੇਖਿਆ ਤਾਂ ਉਸ ਨੂੰ ਲੱਗਾ ਕਿ ਉਸ ਦਾ ਪੱੁਤਰ ਸੱਚਮੱੁਚ ਹੁਣ ਵੱਡਾ ਹੋ ਗਿਆ | ਉਸ ਨੇ ਵਿਨੈਜੀਤ ਨੂੰ ਆਪਣੇ ਕਲਾਵੇ ਵਿਚ ਲੈ ਲਿਆ |

-ਮੋਬਾ: 98146-81444

ਜਹਾਜ਼ ਚਿੱਟੀ ਲਕੀਰ ਕਿਉਂ ਤੇ ਕਿਵੇਂ ਛੱਡਦੇ ਹਨ?

ਪਿਆਰੇ ਬੱਚਿਓ, ਆਮ ਬਰਫ ਬਾਰੇ ਤਾਂ ਤੁਸੀਂ ਸੁਣਿਆ ਹੀ ਹੋਵੇਗਾ | ਇਕ ਬਰਫ ਪਹਾੜਾਂ ਉੱਪਰ ਕੁਦਰਤੀ ਰੰੂ ਬਣ ਕੇ ਥੱਲੇ ਡਿਗਣ ਵਾਲੀ ਹੁੰਦੀ ਹੈ ਜੋ ਥੱਲੇ ਡਿਗਦਿਆਂ ਹੀ ਠੋਸ ਬਣ ਜਾਂਦੀ ਹੈ | ਦੂਜੀ ਬਰਫ਼ ਵਰਖਾ ਵੇਲੇ ਗੜਿਆਂ ਦੇ ਰੂਪ ਵਿਚ ਡਿਗਦੀ ਹੈ | ਇਹ ਦੋਵੇਂ ਬਰਫ਼ਾਂ ਖੁਰਨ ਤੋਂ ਬਾਅਦ ਕੱਪੜਿਆਂ ਜਾਂ ਬਨਸਪਤੀ ਨੂੰ ਗਿੱਲਾ ਕਰਦੀਆਂ ਹਨ ਪਰ ਇਕ ਤੀਜੀ ਕਿਸਮ ਦੀ ਬਰਫ਼ ਦੀ ਫਰਾਂਸ ਦੇ ਰਸਾਇਣ ਵਿਗਿਆਨੀ ਨੇ ਉਸ ਵਕਤ ਖੋਜ ਕੀਤੀ, ਜਦ ਉਸ ਨੇ ਦੇਖਿਆ ਕਿ ਤਰਲ ਕਾਰਬਨ ਡਾਈਆਕਸਾਈਡ ਨੂੰ ਜਦੋਂ ਸਿਲੰਡਰਾਂ ਵਿਚ ਭਰ ਕੇ ਆਮ ਦਬਾਅ ਨਾਲੋਂ 5 ਗੁਣਾ ਵੱਧ ਦਬਾਅ ਨਾਲ ਦਬਾਇਆ ਜਾਂਦਾ ਹੈ ਤਾਂ ਇਹ ਤਰਲ ਕਾਰਬਨ ਡਾਈਆਕਸਾਈਡ ਬਹੁਤ ਠੰਢੀ ਹੋ ਕੇ ਜੰਮ ਜਾਂਦੀ ਹੈ | ਇਸ ਨੂੰ ਸੱੁਕੀ ਬਰਫ਼ ਕਹਿੰਦੇ ਹਨ | ਵਾਯੂਮੰਡਲ ਦੇ ਸੰਪਰਕ ਵਿਚ ਆਉਣ 'ਤੇ ਇਹ ਪਿਘਲ ਜਾਂਦੀ ਹੈ ਤੇ ਰੰੂ ਵਾਂਗ ਹਵਾ ਵਿਚ ਉੱਡ ਜਾਂਦੀ ਹੈ | ਇਸ ਸੱੁਕੀ ਬਰਫ਼ ਨੂੰ ਮੁਸਾਫਰ ਜਹਾਜ਼ਾਂ ਦੇ ਹਵਾ ਵਾਲੇ ਚੈਂਬਰਾਂ ਵਿਚ ਭਰਿਆ ਜਾਂਦਾ ਹੈ | ਜਹਾਜ਼ਾਂ ਦੀਆਂ ਉਡਾਣਾਂ ਦੌਰਾਨ ਧੰੂਏਾ ਦੇ ਨਾਲ-ਨਾਲ ਥੋੜ੍ਹੀ-ਥੋੜ੍ਹੀ ਮਾਤਰਾ ਵਿਚ ਛੱਡਿਆ ਜਾਂਦਾ ਹੈ | ਕਈ ਵਾਰ ਇਸ ਸੱੁਕੀ ਬਰਫ਼ ਨੂੰ ਜ਼ਿਆਦਾ ਮਾਤਰਾ ਵਿਚ ਛੱਡਿਆ ਜਾਂਦਾ ਹੈ ਤਾਂ ਇਹ ਚਿੱਟੀ ਲਕੀਰ ਦੇ ਰੂਪ ਵਿਚ ਕਈ ਸੌ ਕਿਲੋਮੀਟਰ ਲੰਬੀ ਦਿਸਦੀ ਰਹਿੰਦੀ ਹੈ | ਹੌਲੀ-ਹੌਲੀ ਵਗਦੀ ਹਵਾ ਦੀ ਦਿਸ਼ਾ ਵਿਚ ਉੱਡ ਕੇ ਵਾਯੂਮੰਡਲ ਦੀ ਨਮੀ ਨਾਲ ਮਿਲ ਕੇ ਬੱਦਲਾਂ ਵਿਚ ਤਬਦੀਲ ਹੋ ਜਾਂਦੀ ਹੈ | ਜਦ ਕਈ ਦੇਸ਼ਾਂ ਦੇ ਉੱਪਰ ਦਾ ਤਾਪਮਾਨ ਵਧਣ ਦੀਆਂ ਸੰਭਾਵਨਾਵਾਂ ਵਧਣ ਤਾਂ ਬਨਾਉਟੀ ਬੱਦਲ ਬਣਾ ਕੇ ਬਣਾਉਟੀ ਵਰਖਾ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ, ਜਿਸ ਵਿਚ ਵਿਗਿਆਨੀ ਕਈ ਵਾਰ ਸਫ਼ਲ ਹੋ ਚੱੁਕੇ ਹਨ | ਸੱੁਕੀ ਬਰਫ਼ ਨੂੰ ਫੈਲਾਉਣ ਵਾਲੇ ਮੁਸਾਫ਼ਿਰ ਜਹਾਜ਼ ਆਮ ਤੌਰ 'ਤੇ ਆਸਟ੍ਰੇਲੀਆ, ਭਾਰਤ ਤੋਂ ਉਡਾਣਾਂ ਭਰ ਕੇ ਯੂਰਪੀ ਦੇਸ਼ਾਂ ਵੱਲ ਜਾਂਦੇ ਹਨ ਜਾਂ ਯੂਰਪੀ ਦੇਸ਼ਾਂ ਤੋਂ ਭਾਰਤ ਅਤੇ ਦੱਖਣੀ ਦੇਸ਼ਾਂ ਵੱਲ ਆਉਂਦੇ ਹਨ | ਹੈ ਨਾ, ਕਮਾਲ! ਬਨਾਉਟੀ ਬੱਦਲ, ਬਨਾਉਟੀ ਮੀਂਹ | ਵਿਗਿਆਨੀਆਂ ਦੀਆਂ ਕਾਢਾਂ ਨੂੰ ਸਲਾਮ ਕਹਿਣਾ ਬਣਦਾ ਹੈ |

-ਬਾਬਾ ਨਾਮਦੇਵ ਪਬਲਿਕ ਸਕੂਲ,
ਭੱਟੀਵਾਲ (ਗੁਰਦਾਸਪੁਰ) |

ਬਾਲ ਗੀਤ: ਲੋਹੜੀ

ਇਸ ਵੇਰ ਲੋਹੜੀ ਅਸੀਂ, ਸਕੂਲ ਵਿਚ ਮਨਾਵਾਂਗੇ |
ਖਾਣ-ਪੀਣ ਦਾ ਸਾਮਾਨ, ਸ਼ਹਿਰੋਂ ਜਾ ਲਿਆਵਾਂਗੇ |
ਜਿਨ੍ਹਾਂ ਘਰ ਨਵੇਂ ਵੀਰ, ਨਵੀਂ ਭੈਣ ਆਈ ਏ |
ਉਨ੍ਹਾਂ ਸਭ ਬੱਚਿਆਂ ਨੂੰ , ਦੇਣੀ ਅਸਾਂ ਵਧਾਈ ਏ |
ਮੁੰਡਾ ਕੁੜੀ ਦੇ ਸਮਾਨ, ਸਭ ਨੂੰ ਹੀ ਸਮਝਾਵਾਂਗੇ |
ਇਸ ਵੇਰ ਲੋਹੜੀ ਅਸੀਂ....... |
ਲੋਹੜੀ ਕਿਉਂ ਮਨਾਈਦੀ, ਸਾਡੇ ਸਰ ਸਮਝਾਉਣਗੇ |
ਦੁੱਲੇ ਭੱਟੀ ਦੀ ਕਹਾਣੀ, ਉਹ ਵੀ ਸਾਨੂੰ ਸੁਣਾਉਣਗੇ |
ਧੂਣੀ ਵੀ ਅਸੀਂ ਬਾਲਾਂਗੇ, ਤਿਲ ਧੂਣੀ ਉੱਤੇ ਪਾਵਾਂਗੇ |
ਇਸ ਵੇਰ ਲੋਹੜੀ ਅਸੀਂ...... |
ਪੜ੍ਹਨੇ ਦਾ ਬੋਝ ਲਾਹ ਕੇ, ਖੁਸ਼ੀ ਰੱਜ ਕੇ ਮਨਾਵਾਂਗੇ |
ਕੁੜੀਆਂ ਨੇ ਪਾਉਣਾ ਗਿੱਧਾ, ਭੰਗੜਾ ਅਸੀਂ ਪਾਵਾਂਗੇ |
'ਤਲਵੰਡੀ' ਦੇ ਲਿਖੇ ਗੀਤ, ਉਹ ਵੀ ਰਲ ਗਾਵਾਂਗੇ |
ਇਸ ਵੇਰ ਲੋਹੜੀ ਅਸੀਂ........ |

-ਅਮਰੀਕ ਸਿੰਘ ਤਲਵੰਡੀ ਕਲਾਂ,
ਗਿੱਲ ਨਗਰ, ਗਲੀ ਨੰ: 13, ਮੱੁਲਾਂਪੁਰ ਦਾਖਾ (ਲੁਧਿਆਣਾ) | ਮੋਬਾ: 94635-42896

ਬਾਲ ਨਾਵਲ-14" ਨਾਨਕਿਆਂ ਦਾ ਪਿੰਡ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
'ਕੀ ਗੱਲ? ਜੀਤੀ-ਪੰਮੀ ਅਜੇ ਤਿਆਰ ਨਹੀਂ ਹੋਈਆਂ?'
'ਉਹ ਤੇ ਬੜੀ ਦੇਰ ਦੀਆਂ ਤਿਆਰ ਹੋਈਆਂ ਨੇ | ਅੱਗੋਂ-ਪਿੱਛੋਂ ਉਹ ਉੱਠਦੀਆਂ ਨਹੀਂ, ਅੱਜ ਤੜਕੇ ਹੀ ਉੱਠ ਕੇ ਬੈਠ ਗਈਆਂ |'
'ਮੈਂ ਵੀ ਮਾਸੀ ਜੀ, ਅੱਜ ਸਭ ਤੋਂ ਪਹਿਲਾਂ ਉੱਠ ਪਈ ਸਾਂ | ਅੱਛਾ, ਹੁਣ ਤੁਸੀਂ ਕਿੰਨੀ ਕੁ ਦੇਰ ਤੱਕ ਤੁਰੋਗੇ?'
'ਬਸ ਬੇਟਾ, ਅੱਧੇ ਕੁ ਘੰਟੇ ਤੱਕ ਤੁਰਾਂਗੇ | ਅਸੀਂ ਤੁਹਾਡੇ ਕੋਲ ਬਾਰਾਂ-ਸਵਾ ਬਾਰਾਂ ਤੱਕ ਪਹੁੰਚ ਜਾਵਾਂਗੇ | ਦੀਦੀ ਕਿੱਥੇ ਹਨ?'
'ਮੰਮੀ ਰਸੋਈ ਵਿਚ ਸਬਜ਼ੀ ਬਣਾ ਰਹੇ ਹਨ |'
'ਉਨ੍ਹਾਂ ਨੂੰ ਕਹਿ ਕਿ ਕੋਈ ਖੇਚਲ ਕਰਨ ਦੀ ਲੋੜ ਨਹੀਂ, ਅਸੀਂ ਬਸ ਦਾਲ-ਫੁਲਕਾ ਹੀ ਖਾਵਾਂਗੇ |'
'ਮਾਸੀ ਜੀ, ਇਹ ਤੁਸੀਂ ਮੰਮੀ ਨਾਲ ਆਪੇ ਗੱਲ ਕਰੋ', ਇਹ ਕਹਿੰਦਿਆਂ ਸੁਖਮਨੀ ਰਸੋਈ ਵਿਚ ਪਹੁੰਚ ਗਈ 'ਐਹ ਮਾਸੀ ਜੀ ਨਾਲ ਗੱਲ ਕਰੋ', ਸੁਖਮਨੀ ਨੇ ਮੰਮੀ ਨੂੰ ਮੋਬਾਈਲ ਫੜਾਇਆ ਅਤੇ ਆਪਣੇ ਕਮਰੇ ਵੱਲ ਚਲੀ ਗਈ |
ਨਵਰਾਜ ਤਿਆਰ ਹੋ ਕੇ ਦੁਬਾਰਾ ਲੇਟ ਗਿਆ ਸੀ | ਲਗਦਾ ਸੀ ਜਿਵੇਂ ਉਸ ਨੂੰ ਸੁਸਤੀ ਪੈ ਰਹੀ ਹੋਵੇ |
ਸੁਖਮਨੀ ਨੂੰ ਵੀ ਸਮਝ ਨਹੀਂ ਸੀ ਲੱਗ ਰਹੀ ਕਿ ਉਹ ਕੀ ਕਰੇ | ਉਹ ਵੀ ਨਵਰਾਜ ਕੋਲ ਆ ਕੇ ਮੰਜੇ 'ਤੇ ਬੈਠ ਗਈ, 'ਹੁਣੇ ਮੈਂ ਮਾਸੀ ਜੀ ਨੂੰ ਫ਼ੋਨ ਕੀਤਾ ਸੀ | ਉਨ੍ਹਾਂ ਨੇ ਅਜੇ ਦੋ-ਢਾਈ ਘੰਟੇ ਤੱਕ ਪਹੁੰਚਣੈ |'
'ਐਨੀ ਲੇਟ! ਨਾਨਾ ਜੀ-ਨਾਨੀ ਜੀ ਤੇ ਸਾਨੂੰ ਉਡੀਕਦੇ ਹੋਣੇ ਨੇ', ਨਵਰਾਜ ਨੂੰ ਫ਼ਿਕਰ ਲੱਗ ਗਿਆ ਲੱਗਦਾ ਸੀ |
ਇਸੇ ਤਰ੍ਹਾਂ ਦੀਆਂ ਛੋਟੀਆਂ-ਛੋਟੀਆਂ ਗੱਲਾਂ ਕਰਦੇ-ਕਰਦੇ ਉਹ ਦੋਵੇਂ ਸੌਾ ਗਏ |
ਰਸੋਈ ਦੇ ਕੰਮ ਤੋਂ ਵਿਹਲੀ ਹੋ ਕੇ ਰਹਿਮਤ ਨੇ ਵੇਖਿਆ ਕਿ ਦੋਵੇਂ ਬੱਚੇ ਘੂਕ ਸੁੱਤੇ ਪਏ ਨੇ | ਪਹਿਲਾਂ ਤਾਂ ਉਹ ਉਨ੍ਹਾਂ ਨੂੰ ਜਗਾਉਣ ਲੱਗੀ, ਫੇਰ ਉਸ ਨੇ ਸੋਚਿਆ ਕਿ ਸਵੇਰੇ ਤੜਕੇ ਦੇ ਉੱਠੇ ਹੋਏ ਹਨ, ਥੋੜ੍ਹੀ ਦੇਰ ਸੌਾ ਜਾਣ ਤਾਂ ਚੰਗਾ ਹੈ | ਇਸ ਕਰਕੇ ਉਹ ਨਹਾਉਣ ਚਲੀ ਗਈ | ਨਹਾ ਕੇ ਤਿਆਰ ਹੋ ਕੇ ਉਸ ਨੇ ਘੜੀ ਵੇਖੀ ਤਾਂ ਬਾਰਾਂ ਵੱਜਣ ਵਾਲੇ ਸਨ | 'ਅਸੀਸ ਹੁਰੀਂ ਸਾਰੇ ਬਸ ਆਉਣ ਵਾਲੇ ਹੀ ਹੋਣੇ ਨੇ' ਉਸ ਨੇ ਮਨ ਵਿਚ ਸੋਚਿਆ ਅਤੇ ਬਾਹਰ ਦਾ ਦਰਵਾਜ਼ਾ ਖੋਲ੍ਹਣ ਚਲੀ ਗਈ |
ਦਰਵਾਜ਼ਾ ਖੋਲ੍ਹ ਕੇ ਉਹ ਖਾਣੇ ਵਾਲਾ ਮੇਜ਼ ਸੈੱਟ ਕਰਨ ਲੱਗੀ | ਉਸ ਨੇ ਅਜੇ ਅੱਧਾ ਕੁ ਮੇਜ਼ ਹੀ ਸੈੱਟ ਕੀਤਾ ਸੀ ਕਿ ਜੀਤੀ-ਪੰਮੀ ਦੌੜਦੀਆਂ ਹੋਈਆਂ ਅੰਦਰ ਆ ਗਈਆਂ |
'ਸਤਿ ਸ੍ਰੀ ਅਕਾਲ, ਮਾਸੀ ਜੀ |'
ਰਹਿਮਤ ਨੇ ਹੱਥ 'ਚੋਂ ਪਲੇਟਾਂ ਰੱਖਦਿਆਂ ਦੋਹਾਂ ਬੱਚਿਆਂ ਨੂੰ ਘੁੱਟ ਕੇ ਜੱਫ਼ੀ ਪਾ ਲਈ |
'ਦੀਦੀ ਅਤੇ ਨਵਰਾਜ ਕਿਥੇ ਨੇ?' ਜੀਤੀ ਨੇ ਚਾਰੇ ਪਾਸੇ ਨਜ਼ਰ ਫੇਰਦਿਆਂ ਪੁੱਛਿਆ |
'ਉਹ ਦੋਵੇਂ ਆਪਣੇ ਕਮਰੇ ਵਿਚ ਸੁੱਤੇ ਪਏ ਨੇ, ਜਾਓ ਜਾ ਕੇ ਜਗਾਓ ਉਨ੍ਹਾਂ ਨੂੰ |'
ਐਨੀ ਦੇਰ ਵਿਚ ਜਗਮੀਤ ਅਤੇ ਅਸੀਸ ਵੀ ਅੰਦਰ ਆ ਗਏ | ਰਹਿਮਤ ਬੜੇ ਪਿਆਰ ਨਾਲ ਦੋਵਾਂ ਨੂੰ ਮਿਲੀ | ਜੀਤੀ-ਪੰਮੀ, ਸੁਖਮਨੀ-ਨਵਰਾਜ ਨੂੰ ਉਠਾਉਣ ਲਈ ਕਮਰੇ ਵਿਚ ਚਲੀਆਂ ਗਈਆਂ | ਉਨ੍ਹਾਂ ਦੀ ਇਕੋ ਆਵਾਜ਼ ਨਾਲ ਸੁਖਮਨੀ ਅਤੇ ਨਵਰਾਜ ਉੱਠ ਕੇ ਬੈਠ ਗਏ | ਉਨ੍ਹਾਂ ਨੂੰ ਮਿਲਣ ਤੋਂ ਬਾਅਦ ਉਹ ਬਾਹਰ ਆ ਗਏ, ਜਿਥੇ ਸਾਰੇ ਬੈਠੇ ਸਨ | ਮਾਸੀ ਜੀ, ਮਾਸੜ ਜੀ ਨੂੰ ਬੱਚੇ ਘੁੱਟ ਕੇ ਜੱਫ਼ੀ ਪਾ ਕੇ ਮਿਲੇ ਤਾਂ ਮਾਸੀ ਜੀ ਨੇ ਪੁੱਛਿਆ, 'ਤੁਸੀਂ ਐਸ ਵੇਲੇ ਸੌਾ ਗਏ?'
'ਮਾਸੀ ਜੀ, ਅਸੀਂ ਦੋਵੇਂ ਤੁਹਾਨੂੰ ਸਾਰਿਆਂ ਨੂੰ ਉਡੀਕਦਿਆਂ ਗੱਲਾਂ ਕਰ ਰਹੇ ਸਾਂ, ਸਾਨੂੰ ਪਤਾ ਈ ਨਹੀਂ ਲੱਗਾ ਕਿ ਕਦੋਂ ਨੀਂਦ ਆ ਗਈ', ਸੁਖਮਨੀ ਨੇ ਸਾਰੀ ਗੱਲ ਦੱਸ ਦਿੱਤੀ |
'ਬੇਟੇ, ਪਾਪਾ ਕਿਥੇ ਐ?' ਐਤਕੀਂ ਮਾਸੜ ਜੀ ਨੇ ਸੁਖਮਨੀ ਨੂੰ ਪੁੱਛਿਆ |
ਸੁਖਮਨੀ ਦੇ ਜਵਾਬ ਦੇਣ ਤੋਂ ਪਹਿਲਾਂ ਹੀ ਰਹਿਮਤ ਬੋਲ ਪਈ, 'ਉਹ ਥੋੜ੍ਹੀ ਦੇਰ ਲਈ ਫੈਕਟਰੀ ਗਏ ਸੀ | ਮੈਂ ਫ਼ੋਨ ਕਰ ਕੇ ਬੁਲਾਉਂਦੀ ਆਂ |' ਰਹਿਮਤ ਨੇ ਇੰਦਰਪ੍ਰੀਤ ਨੂੰ ਫ਼ੋਨ ਕਰ ਕੇ ਦੱਸ ਦਿੱਤਾ ਕਿ ਜਗਮੀਤ-ਅਸੀਸ ਅਤੇ ਬੱਚੇ ਆ ਗਏ ਨੇ |
ਪੰਦਰਾਂ ਕੁ ਮਿੰਟਾਂ ਵਿਚ ਹੀ ਇੰਦਰਪ੍ਰੀਤ ਆ ਗਿਆ | ਸਾਰਿਆਂ ਨੂੰ ਮਿਲਣ ਤੋਂ ਬਾਅਦ ਉਸ ਨੇ ਸੁਖਮਨੀ ਨੂੰ ਕਿਹਾ, 'ਵੇਖ ਲੈ ਬੇਟਾ, ਅੱਜ ਮੈਂ ਲੇਟ ਨਹੀਂ ਹੋਇਆ |'
'ਅੱਜ ਤੇ ਪਾਪਾ, ਤੁਸੀਂ ਕਮਾਲ ਕਰ ਦਿੱਤੀ |'
(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-ਮੋਬਾਈਲ : 98889-24664

ਚੁਟਕਲੇ

• ਪਤੀ (ਪਤਨੀ ਨੂੰ )-ਬਿੱਟੂ ਦੀ ਮੰਮੀ, ਸਬਜ਼ੀ ਬਹੁਤ ਕੱਚੀ ਐ |
ਪਤਨੀ (ਵੇਲਣਾ ਚੱੁਕ ਕੇ ਤੇ ਲਾਲ ਅੱਖਾਂ ਕੱਢ ਕੇ)-ਕੀ ਕਿਹਾ?
ਪਤੀ-ਸਬਜ਼ੀ ਬਹੁਤ ਤੱਤੀ ਐ |
• ਬੇਟਾ (ਮੰਮੀ ਨੂੰ )-ਮੰਮੀ, ਅੱਜ ਤੁਸੀਂ ਮੇਰੇ ਡੈਡੀ ਨੂੰ ਬਹੁਤ ਝਾੜਾਂ ਮਾਰੀਆਂ, ਵਿਚਾਰਾ ਦਫ਼ਤਰ ਰੋਟੀ ਖਾ ਕੇ ਵੀ ਨਹੀਂ ਗਿਆ |
ਮੰਮੀ-ਬੇਟਾ, ਉਨ੍ਹਾਂ ਨੂੰ ਝਾੜਾਂ ਖਾਣ ਤੋਂ ਬਾਅਦ ਭੱੁਖ ਹੀ ਨਹੀਂ ਲਗਦੀ |
• ਨੌਕਰ (ਮਾਲਕ ਨੂੰ )-ਸਰ, ਅੱਜ ਸ਼ਾਮ ਨੂੰ ਖਾਣੇ ਵਿਚ ਮੁਰਗਾ ਚੱਲੇਗਾ?
ਮਾਲਕ-ਮੁਰਗਾ ਲੈ ਆ, ਪਰ ਜੇ ਤੰੂ ਮੁਰਗਾ ਬਣਾਉਂਦੇ ਸਮੇਂ ਅੱਖ ਬਚਾ ਕੇ ਇਕ ਵੀ ਸੈਂਖੀ ਖਾਧੀ ਤਾਂ ਤੈਨੂੰ ਮੁਰਗਾ ਵੀ ਬਣਾਵਾਂਗਾ ਤੇ ਘਸੁੰਨ ਵੀ ਚੱਲੇਗਾ |

-ਸਰਵਨ ਸਿੰਘ ਪਤੰਗ,
ਪਿੰਡ ਮਾਣੂਕੇ (ਮੋਗਾ) |
ਮੋਬਾ: 98783-28501

ਬਾਲ ਸਾਹਿਤ

ਜੀ ਕਰਦੈ ਬੱਦਲ ਬਣ ਜਾਵਾਂ
ਕਵੀ : ਸੁਦਰਸ਼ਨ ਗਾਸੋ (ਡਾ:)
ਪ੍ਰਕਾਸ਼ਕ : ਚੇਤਨਾ ਪ੍ਰਕਾਸ਼ਨ, ਲੁਧਿਆਣਾ |
ਮੁੱਲ : 150 ਰੁਪਏ, ਪੰਨੇ : 36
ਸੰਪਰਕ : 98962-01036

ਅਧਿਆਪਨ ਕਿੱਤੇ ਨੂੰ ਪ੍ਰਣਾਏ ਡਾ: ਸੁਦਰਸ਼ਨ ਗਾਸੋ ਦੀ ਪਲੇਠੀ ਕਾਵਿ ਪੁਸਤਕ 'ਜੀ ਕਰਦੈ ਬੱਦਲ ਬਣ ਜਾਵਾਂ' ਬਾਲ ਭਾਵਨਾਵਾਂ ਨੂੰ ਸਮਝ ਕੇ ਲਿਖੀ ਗਈ ਹੈ, ਜਿਸ ਵਿਚ ਬੱਚਿਆਂ ਨੂੰ ਸਮਝ ਆਉਣ ਵਾਲੇ ਵਿਸ਼ਾ ਵਸਤੂ ਨੂੰ ਦਿਲਚਸਪ ਤਰੀਕੇ ਨਾਲ ਬਿਆਨਿਆ ਗਿਆ ਹੈ | ਸਮਾਜਿਕ ਆਲੇ-ਦੁਆਲੇ, ਨਿੱਜ ਜਾਂ ਘਰ-ਪਰਿਵਾਰ ਨਾਲ ਸਬੰਧ ਰੱਖਦੇ ਇਨ੍ਹਾਂ ਵੰਨ-ਸੁਵੰਨੇ ਵਿਸ਼ਿਆਂ ਬਾਰੇ ਬਾਲ ਪਾਠਕ ਆਪਣੇ ਗਿਆਨ ਵਿਚ ਵਾਧਾ ਹੀ ਨਹੀਂ ਕਰਦੇ, ਸਗੋਂ ਖ਼ੁਦ ਵੀ ਉਸਾਰੂਕਰਨ ਵਿਚ ਦਿਲਚਸਪੀ ਲੈਂਦੇ ਵਿਖਾਈ ਦਿੰਦੇ ਹਨ | ਉਸਾਰੂ ਬਾਲ ਸਾਹਿਤ ਦਾ ਇਹੋ ਮਹੱਤਵ ਹੈ ਕਿ ਉਹ ਪ੍ਰੇਰਨਾਮਈ ਹੋਵੇ | ਅਸਲ ਵਿਚ ਇਹ ਪੁਸਤਕ ਇਕ ਮਾਸੂਮ ਬਾਲ ਦੀ ਅਭਿਲਾਸ਼ਾ ਹੈ, ਜਿਸ ਵਿਚ ਬੱਚਾ ਪੰਛੀ ਬਣ ਕੇ ਅੰਬਰ ਵਿਚ ਆਲ੍ਹਣਾ ਪਾਉਣ ਦਾ ਲੋਚਕ ਹੈ, ਉਡਾਰੀਆਂ ਮਾਰਨਾ ਚਾਹੁੰਦਾ ਹੈ ਅਤੇ ਕੁਦਰਤ ਨਾਲ ਸਾਂਝ ਪਾਉਣੀ ਚਾਹੁੰਦਾ ਹੈ | ਕਦੇ ਕਵੀ ਦਾ ਬਾਲ ਮਨ ਬੱਦਲ ਬਣਨ ਦੀ ਚੇਸ਼ਟਾ ਰੱਖਦਾ ਹੈ, ਕਿਉਂਕਿ ਬੱਦਲ ਵੀ ਪ੍ਰਕਿ੍ਤੀ ਦੇ ਬਹੁਤ ਨੇੜੇ ਹੈ, ਜੋ ਉਪਕਾਰੀ ਕਾਰਜ ਕਰਦਾ ਹੈ, ਮਨੁੱਖ ਨੂੰ ਖੁਸ਼ੀ ਦਿੰਦਾ ਹੈ ਅਤੇ ਮਾਨਵੀ ਜੀਵਨ ਨੂੰ ਜਿਉਣ ਜੋਗਾ ਬਣਾਉਣ ਵਿਚ ਭੂਮਿਕਾ ਨਿਭਾਉਂਦਾ ਹੈ | ਉਹ ਮੋਢੇ ਬਸਤਾ ਪਾ ਕੇ ਸਕੂਲੇ ਊੜਾ-ਐੜਾ ਸਿੱਖਣ ਦੀ ਉਤਸੁਕਤਾ ਦਰਸਾਉਂਦਾ ਹੈ, ਜੋ ਮਾਂ-ਬੋਲੀ ਪ੍ਰਤੀ ਲਗਾਓ ਦਾ ਪ੍ਰਮਾਣ ਹੈ | 'ਜੀਅ ਕਰਦੈ ਸਾਈਕਲ ਬਣ ਜਾਵਾਂ' ਕਵਿਤਾ ਵਰਤਮਾਨ ਦੌਰ ਦੀ ਨਵੀਂ ਪੀੜ੍ਹੀ ਲਈ ਹੀ ਨਹੀਂ, ਵੱਡੀ ਉਮਰ ਦੇ ਵਿਅਕਤੀਆਂ ਲਈ ਵੀ ਬਹੁਤ ਜ਼ਰੂਰੀ ਸੁਨੇਹਾ ਲੈ ਕੇ ਆਈ ਹੈ, ਕਿਉਂਕਿ ਸਿਹਤਮੰਦ ਰਹਿਣ ਵਿਚ ਸਾਈਕਲ ਚਲਾਉਣ ਦੀ ਵਿਸ਼ੇਸ਼ ਭੂਮਿਕਾ ਸਵੀਕਾਰ ਕੀਤੀ ਗਈ ਹੈ | ਇਹ ਪੁਸਤਕ ਬਾਲਾਂ ਲਈ ਮਾਰਗ ਦਰਸ਼ਕ ਹੈ |

-ਦਰਸ਼ਨ ਸਿੰਘ 'ਆਸ਼ਟ' (ਡਾ:)
ਮੋਬਾ: 98144-23703

ਬਾਲ ਗੀਤ/ਸਾਥ

ਉਸ ਦਿਨ ਮੈਂ ਸੀ ਬਹੁਤ ਬਿਮਾਰ,
ਏਨਾ ਚੜਿ੍ਹਆ ਤੇਜ਼ ਬੁਖ਼ਾਰ |
ਮੈਂ ਸਕੂਲੋਂ ਛੁੱਟੀ ਕੀਤੀ,
ਉਹ ਦਿਹਾੜੀ ਔਖੀ ਬੀਤੀ |
ਸ਼ਾਮੀ ਜਦੋਂ ਸਹੇਲੀ ਆਈ,
ਉਸ ਨੇ ਬਹੁਤ ਹੀ ਰੌਣਕ ਲਾਈ |
ਗੱਲੀਂ ਪਾ ਕੇ ਬਹੁਤ ਹਸਾ ਕੇ,
ਮੁੜਗੀ ਘਰ, ਬੁਖ਼ਾਰ ਉਹ ਲਾਹ ਕੇ |
ਕੱਲਿਆਂ ਔਖਾ ਹੁੰਦਾ ਰਹਿਣਾ,
ਸੱਚ ਦੱਸਾਂ ਮੈਂ ਇਹ ਸੀ ਕਹਿਣਾ |

-ਕਮਲਜੀਤ ਨੀਲੋਂ
ਨੀਲੋਂ ਕਲਾਂ (ਲੁਧਿਆਣਾ) | ਮੋਬਾ: 94174-68668

ਬਾਲ ਗੀਤ: ਮਾੜੀ ਸੰਗਤ ਤੋਂ ਬਚੀਏ

ਮਾੜੀ ਸੰਗਤ ਬੱਚਿਓ ਕਦੇ ਨਾ ਕਰਨੀ,
ਚੰਗਿਆਂ ਦੇ ਵਿਚ ਬਹਿਣਾ ਸਿੱਖੋ |
ਝੂਠ ਬੋਲਣਾ ਮਾੜੀ ਆਦਤ,
ਸੱਚ 'ਤੇ ਪਹਿਰਾ ਦੇਣਾ ਸਿੱਖੋ |
ਪੇਪਰਾਂ ਵਿਚ ਨਹੀਂ ਨਕਲ ਮਾਰਨੀ,
ਨੰਬਰ ਪੜ੍ਹਕੇ ਲੈਣਾ ਸਿੱਖੋ |
ਅਧਿਆਪਕ ਹੁੰਦੇ ਗੁਰੂ ਤੁਹਾਡੇ,
ਇਨ੍ਹਾਂ ਦਾ ਮੰਨਣਾ ਕਹਿਣਾ ਸਿੱਖੋ |
ਮੋਬਾਈਲਾਂ ਨਾਲ ਨਾ ਚੁੰਬੜੇ ਰਹਿਣਾ,
ਮਾਪਿਆਂ ਕੋਲ ਵੀ ਬਹਿਣਾ ਸਿੱਖੋ |
ਆਪਸ ਵਿਚ ਨਾ ਕਦੇ ਵੀ ਲੜਨਾ,
ਰਲ ਮਿਲ ਕੇ ਸਾਰੇ ਰਹਿਣਾ ਸਿੱਖੋ |
ਜਾਨਵਰਾਂ ਨਾਲ ਵੀ ਪਿਆਰ ਕਰੋ,
ਇਨ੍ਹਾਂ ਨੂੰ ਚੋਗਾ ਪਾਉਣਾ ਸਿੱਖੋ |

-ਮਨਪ੍ਰੀਤ ਕੌਰ ਬਸਰਾ
ਪਿੰਡ ਗਿੱਲਾਂ, ਡਾਕ: ਚਮਿਆਰਾ (ਜਲੰਧਰ) |
ਮੋਬਾਈਲ : 97790-43348





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX