ਤਾਜਾ ਖ਼ਬਰਾਂ


ਅੱਜ ਦਾ ਵਿਚਾਰ
. . .  7 minutes ago
ਨਗਰੋਟਾ ਆਰਮੀ ਕੈਂਪ 'ਤੇ ਹੋਏ ਅੱਤਵਾਦੀ ਹਮਲੇ ਦਾ ਮੁੱਖ ਦੋਸ਼ੀ ਗ੍ਰਿਫ਼ਤਾਰ
. . .  1 day ago
ਨਵੀਂ ਦਿੱਲੀ, 29 ਅਕਤੂਬਰ- ਕੌਮੀ ਜਾਂਚ ਏਜੰਸੀ ਨੂੁੰ ਨਗਰੋਟਾ ਆਰਮੀ ਕੈਂਪ 'ਤੇ ਹੋਏ ਅੱਤਵਾਦੀ ਹਮਲੇ ਦੇ ਕੇਸ 'ਚ ਵੱਡੀ ਸਫਲਤਾ ਹਾਸਿਲ ਹੋਈ ਹੈ। ਕੌਮੀ ਜਾਂਚ ਏਜੰਸੀ ਨੇ ਇਸ ਮਾਮਲੇ ਦੇ ਮੁੱਖ ਦੋਸ਼ੀ ਮੁਹੰਮਦ ਅਸ਼ਰਫ਼ ਖਾਂਡੇ ਨੂੰ ਇੰਦਰਾ ਗਾਂਧੀ ਕੌਮਾਂਤਰੀ ਏਅਰਪੋਰਟ ਤੋਂ ...
ਅਫ਼ਗ਼ਾਨਿਸਤਾਨ 'ਚ ਚੋਣਾਂ ਦੌਰਾਨ ਹੋਏ ਧਮਾਕੇ 'ਚ ਮਾਰੇ ਗਏ 130 ਤੋਂ ਵੱਧ ਲੋਕ
. . .  1 day ago
ਕਾਬੂਲ, 29 ਅਕਤੂਬਰ - ਅਫ਼ਗ਼ਾਨਿਸਤਾਨ 'ਚ ਚੋਣਾਂ ਦੌਰਾਨ ਹੋਏ ਧਮਾਕੇ 'ਚ ਲਗਭਗ 130 ਲੋਕਾਂ ਦੀ ਮੌਤ ਹੋ ਗਈ । ਚੋਣ ਅਧਿਕਾਰੀਆਂ ਵੱਲੋਂ ਮਿਲੀ ਜਾਣਕਾਰੀ ਅਨੁਸਾਰ, ਸਕੂਲ 'ਚ ਪੈ ਰਹੀਆਂ ਵੋਟਾਂ ਦੌਰਾਨ ਜਦ ਧਮਾਕਾ ਹੋਇਆ ਤਾਂ ਵੋਟਰਾਂ 'ਚ ਭੱਜ-ਦੌੜ ਮੱਚ ਗਈ....
ਮਜ਼ਦੂਰਾਂ ਵੱਲੋਂ ਪ੍ਰਵਾਸੀ ਮਜ਼ਦੂਰ ਨਾਲ ਕੁੱਟ ਮਾਰ, ਮੌਤ
. . .  1 day ago
ਕੋਟਕਪੂਰਾ, 20 ਅਕਤੂਬਰ (ਮੋਹਰ ਗਿੱਲ)- ਕੋਟਕਪੂਰਾ ਦੀ ਨਵੀ ਦਾਣਾ ਮੰਡੀ 'ਚ ਕੁੱਝ ਪ੍ਰਵਾਸੀ ਮਜ਼ਦੂਰਾਂ ਵੱਲੋਂ ਕੁੱਟ-ਮਾਰ ਕਰ ਕੇ ਇਕ ਪ੍ਰਵਾਸੀ ਮਜ਼ਦੂਰ ਵਿਕਰਮ (16) ਚੌਰਗਾਂਓ ਜ਼ਿਲ੍ਹਾ ਮੁੰਗੇਰ (ਬਿਹਾਰ), ਜੋ ਕਿ ਇੱਥੇ ਝੁੱਗੀਆਂ ਬਣਾ ਕੇ ਰਹਿ ਰਹੇ ਹਨ, ਨੂੰ ਮੌਤ ਦੇ ਘਾਟ....
ਜੰਮੂ-ਕਸ਼ਮੀਰ 'ਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਾਲੇ ਮੁੱਠਭੇੜ
. . .  1 day ago
ਸ੍ਰੀਨਗਰ, 20 ਅਕਤੂਬਰ -ਜੰਮੂ-ਕਸ਼ਮੀਰ ਦੇ ਪੁਲਵਾਮਾ 'ਚ ਅੱਤਵਾਦੀਆਂ ਅਤੇ ਸੁਰੱਖਿਆ ਬਲਾਂ ਵਿਚਾਲੇ ਮੁੱਠਭੇੜ ਜਾਰੀ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਜਵਾਨਾਂ ਨੇ ਪਠਾਨ ਇਲਾਕੇ 'ਚੋਂ ਤਿੰਨ ਅੱਤਵਾਦੀਆਂ ਨੂੰ ਘੇਰ ਲਿਆ ਹੈ। ਫਿਲਹਾਲ ਦੋਵਾਂ ਪਾਸੀਓ ਗੋਲਾਬਾਰੀ ਜਾਰੀ ....
ਜੰਮੂ-ਕਸ਼ਮੀਰ ਸਥਾਨਕ ਨਗਰ ਨਿਗਮ ਚੋਣ ਨਤੀਜੇ, 43 ਸੀਟਾਂ 'ਤੇ ਜਿੱਤੀ ਭਾਜਪਾ
. . .  1 day ago
ਸ੍ਰੀਨਗਰ, 20 ਅਕਤੂਬਰ- ਜੰਮੂ-ਕਸ਼ਮੀਰ ਸਥਾਨਕ ਨਗਰ ਨਿਗਮ ਦੇ 75 ਵਾਰਡਾਂ 'ਚ 43 ਸੀਟਾਂ 'ਤੇ ਭਾਜਪਾ, 14 'ਤੇ ਕਾਂਗਰਸ ਅਤੇ 18 ਸੀਟਾਂ 'ਤੇ ਆਜ਼ਾਦ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ। ਇਸ ਦੇ ਨਾਲ ਹੀ ਮਿਊਂਸੀਪਲ ਕਮੇਟੀ ਦੇ 7 ਵਾਰਡਾਂ 'ਚੋਂ ਭਾਜਪਾ ਨੇ 2 ...
ਦੱਖਣੀ ਅਫ਼ਰੀਕਾ 'ਚ ਵਾਪਰੇ ਦਰਦਨਾਕ ਸੜਕ ਹਾਦਸੇ 'ਚ 27 ਲੋਕਾਂ ਦੀ ਮੌਤ
. . .  1 day ago
ਜੋਹਨਸਬਰਗ, 20 ਅਕਤੂਬਰ- ਦੱਖਣੀ ਅਫ਼ਰੀਕਾ ਦੇ ਲਿਮਪੋਪੋ ਸੂਬੇ 'ਚ ਇੱਕ ਟਰੱਕ ਦੇ ਦੂਜੇ ਵਾਹਨਾਂ ਨਾਲ ਟਕਰਾਉਣ ਕਾਰਨ 27 ਲੋਕਾਂ ਦੀ ਮੌਤ ਹੋ ਗਈ। ਇਸ ਹਾਦਸੇ 'ਚ ਕਈ ਹੋਰ ਜ਼ਖ਼ਮੀ ਵੀ ਹੋਏ ਹਨ। ਸੂਬੇ ਦੇ ਆਵਾਜਾਈ ਮੰਤਰੀ ਮਕੋਮਾ ਮੁਖਰੂਪੇਟੇ ਨੇ ਦੱਸਿਆ ਕਿ...
ਅਸਾਮ 'ਚ ਬੱਸ ਦੇ ਤਲਾਅ 'ਚ ਡਿੱਗਣ ਕਾਰਨ 7 ਮੌਤਾਂ, 20 ਜ਼ਖਮੀ
. . .  1 day ago
ਦਿਸ ਪੁਰ, 20 ਅਕਤੂਬਰ - ਅਸਮ ਰੋਡਵੇਜ਼ ਦੀ ਬੱਸ ਬੇਕਾਬੂ ਹੋ ਕੇ ਗੁਹਾਟੀ ਅਤੇ ਮੁਕਲਮੁਆ ਦੇ ਤਲਾਅ 'ਚ ਡਿਗ ਗਈ। ਇਸ ਹਾਦਸੇ 'ਚ ਲੋਕਾਂ ਦੀ ਮੌਤ ਹੋ ਗਈ ਜਦਕਿ 20 ਲੋਕ ਜ਼ਖਮੀ ਹੋ ਗਏ। ਜ਼ਖਮੀ ਲੋਕਾਂ ਨੂੰ ਨੇੜੇ ਦੇ ਨਿੱਜੀ ਹਸਪਤਾਲ 'ਚ ਦਾਖਲ ਕਰਵਾਇਆ ....
ਕੈਪਟਨ ਦਾ ਨਿਰਦੇਸ਼- ਪੰਜਾਬ 'ਚ ਧਾਰਮਿਕ-ਸਮਾਜਿਕ ਆਯੋਜਨਾਂ ਦੀ ਮਨਜ਼ੂਰੀ ਲਈ ਤਿਆਰ ਹੋਣ ਦਿਸ਼ਾ-ਨਿਰਦੇਸ਼
. . .  1 day ago
ਨਵੀਂ ਦਿੱਲੀ, 20 ਅਕਤੂਬਰ- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਗ੍ਰਹਿ ਸਕੱਤਰ ਐੱਨ. ਐੱਸ. ਕਲਸੀ ਨੂੰ ਸੂਬੇ 'ਚ ਧਾਰਮਿਕ ਅਤੇ ਸਮਾਜਿਕ ਆਯੋਜਨਾਂ ਦੀ ਮਨਜ਼ੂਰੀ ਸੰਬੰਧੀ ਵਿਸਥਾਰਪੂਰਵਕ ਦਿਸ਼ਾ-ਨਿਰਦੇਸ਼ ਬਣਾਉਣ ਦੇ ਨਿਰਦੇਸ਼ ਦਿੱਤੇ ਹਨ ਤਾਂ ਜੋ...
ਰਾਏਕੋਟ ਪੁਲਿਸ ਵੱਲੋਂ ਜਾਅਲੀ ਸਰਟੀਫਿਕੇਟ ਤਿਆਰ ਕਰਨ ਵਾਲੇ ਗਿਰੋਹ ਦਾ ਪਰਦਾਫਾਸ਼
. . .  1 day ago
ਰਾਏਕੋਟ, 20 ਅਕਤੂਬਰ (ਸੁਸ਼ੀਲ) - ਸਥਾਨਕ ਥਾਣਾ ਸਦਰ ਪੁਲਿਸ ਨੇ ਜਾਅਲੀ ਸਰਟੀਫਿਕੇਟ ਤਿਆਰ ਕਰਨ ਵਾਲੇ ਇਕ ਅੰਤਰਰਾਜੀ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ। ਇਸ ਸਬੰਧੀ ਥਾਣਾ ਰਾਏਕੋਟ 'ਚ ਇੱਕ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਡੀ.ਐੱਸ.ਪੀ. ਗੁਰਮੀਤ ਸਿੰਘ ਅਤੇ....
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਬਾਲ ਗੀਤ: ਸਾਉਣ ਦਾ ਮਹੀਨਾ

ਸਾਉਣ ਦਾ ਮਹੀਨਾ ਸਾਨੂੰ, ਬੜਾ ਲੱਗਦਾ ਪਿਆਰਾ |
ਨੱਚ-ਟੱਪ ਗਲੀਆਂ 'ਚ, ਆਵੇ ਨਹਾਉਣ ਦਾ ਨਜ਼ਾਰਾ |
ਕਾਲੀਆਂ ਘਟਾਵਾਂ ਵੇਖ, ਮਾਰਦੇ ਹਾਂ ਕਿਲਕਾਰੀਆਂ |
ਛੇਤੀ ਹੋਵੇ ਜਲ-ਥਲ, ਲਾਈਏ ਅਸੀਂ ਤਾਰੀਆਂ |
ਝੱਟ-ਪੱਟ ਸਾਂਭੀਏ, ਫਿਰ ਕਿਤਾਬਾਂ ਦਾ ਖਿਲਾਰਾ |
ਸਾਉਣ ਦਾ ਮਹੀਨਾ........ |
ਚਿੱਕੜ ਦੇ ਵਿਚ ਅਸੀਂ, ਜਾਣ-ਬੱੁਝ ਤਿਲਕੀਏ |
ਘੂਰਨ ਜਦੋਂ ਘਰ ਦੇ, ਉਦੋਂ ਫਿਰ ਵਿਲਕੀਏ |
ਇਕੋ ਜਿਹਾ ਕਰ ਲੀਏ, ਅਸੀਂ ਮੰੂਹ-ਮੱਥਾ ਸਾਰਾ |
ਸਾਉਣ ਦਾ ਮਹੀਨਾ........ |
ਗੰਦੇ ਕੱਪੜੇ ਵੇਖ ਸਾਡੇ, ਮੰਮੀ ਸਾਨੂੰ ਘੂਰਦੀ |
ਦਾਦੀ ਮਾਂ ਉਦੋਂ ਫਿਰ, ਪੱਖ ਸਾਡਾ ਪੂਰਦੀ |
ਮੰਮੀ ਨੱਕ-ਬੱੁਲ੍ਹ ਚਾੜ੍ਹੇ, ਜਦੋਂ ਲਾਹੇ ਸਾਥੋਂ ਗਾਰਾ,
ਸਾਉਣ ਦਾ ਮਹੀਨਾ........ |
ਬੱਚਿਆਂ ਦਾ ਟੋਲਾ ਜਦੋਂ, ਮੀਂਹ ਵਿਚ ਨਹਾਂਵਦਾ |
'ਤਲਵੰਡੀ' ਦੇ 'ਅਮਰੀਕ' ਨੂੰ ਬਚਪਨ ਯਾਦ ਆਂਵਦਾ |
ਬੈਠਾ ਸੋਚਦਾ ਹੈ ਰਹਿੰਦਾ, ਬੱਚਾ ਬਣ ਜਾਂ ਦੁਬਾਰਾ |
ਸਾਉਣ ਦਾ ਮਹੀਨਾ........... |

-ਅਮਰੀਕ ਸਿੰਘ ਤਲਵੰਡੀ ਕਲਾਂ,
ਗਿੱਲ ਨਗਰ, ਗਲੀ ਨੰ: 13, ਮੱੁਲਾਂਪੁਰ ਦਾਖਾ (ਲੁਧਿਆਣਾ) | ਮੋਬਾ: 94635-42896


ਖ਼ਬਰ ਸ਼ੇਅਰ ਕਰੋ

ਬਾਲ ਕਹਾਣੀ: ਕੰਮ ਦੀ ਸੁੰਦਰਤਾ

ਗੁਰਪਿੰਦਰ ਤੀਜੀ ਜਮਾਤ ਵਿਚ ਹੋ ਗਿਆ ਸੀ | ਉਹ ਆਪਣਾ ਹਰ ਕੰਮ ਬਹੁਤ ਕਾਹਲੀ ਵਿਚ ਕਰਦਾ ਸੀ | ਹੋਮਵਰਕ ਕਰਨਾ ਜਿਵੇਂ ਉਸ ਲਈ ਗਲੋਂ ਭਾਰ ਲਾਹੁਣਾ ਸੀ | ਉਹ ਏਨੀ ਛੇਤੀ ਹੋਮਵਰਕ ਕਰਦਾ ਕਿ ਉਸ ਦੀ ਲਿਖਾਈ ਕਿਸੇ ਨੂੰ ਸਮਝ ਨਾ ਆਉਂਦੀ | ਉਸ ਦੇ ਮਾਤਾ-ਪਿਤਾ ਉਸ ਨੂੰ ਬਹੁਤ ਸਮਝਾਉਂਦੇ ਕਿ 10 ਮਿੰਟ ਵੱਧ ਲੱਗ ਜਾਣਗੇ ਪਰ ਤੰੂ ਸੋਹਣਾ ਲਿਖਿਆ ਕਰ, ਇਸ ਤਰ੍ਹਾਂ ਤਾਂ ਤੇਰੇ ਨੰਬਰ ਵੀ ਵਧੀਆ ਨਹੀਂ ਆਉਣੇ | ਪਰ ਗੁਰਪਿੰਦਰ ਇਸ ਗੱਲ ਨੂੰ ਨਹੀਂ ਸਮਝਦਾ ਸੀ | ਉਹ ਫਟਾਫਟ ਕੰਮ ਕਰਕੇ ਖੇਡਣ ਦੀ ਸੋਚਦਾ | ਗੁਰਪਿੰਦਰ ਦੇ ਪਿਤਾ ਜੀ ਵਿਹੜੇ 'ਚ ਬੈਠੇ ਮਿੱਟੀ ਦੀਆਂ ਮੂਰਤੀਆਂ ਬਣਾ ਰਹੇ ਸਨ | ਏਨੇ ਨੂੰ ਗੁਰਪਿੰਦਰ ਆ ਗਿਆ ਅਤੇ ਮੂਰਤੀਆਂ ਦੇਖਣ ਲੱਗ ਗਿਆ | ਉਸ ਦੇ ਪਿਤਾ ਨੇ ਉਸ ਨੂੰ ਮੂਰਤੀਆਂ ਥੈਲੇ ਵਿਚ ਪਾਉਣ ਲਈ ਕਿਹਾ ਜੋ ਕਿ ਬਾਜ਼ਾਰ ਜਾ ਕੇ ਵੇਚਣੀਆਂ ਸਨ | ਅੱਜ ਗੁਰਪਿੰਦਰ ਵੀ ਪਿਤਾ ਨਾਲ ਮੂਰਤੀਆਂ ਵੇਚਣ ਗਿਆ | ਸ਼ਾਮ ਨੂੰ ਜਦ ਉਹ ਮੂਰਤੀਆਂ ਵੇਚ ਕੇ ਆਏ ਤਾਂ ਗੁਰਪਿੰਦਰ ਕਹਿਣ ਲੱਗਾ, 'ਪਿਤਾ ਜੀ, ਤੁਸੀਂ ਕਿਸੇ ਮੂਰਤੀ ਦੇ ਪੈਸੇ ਵੱਧ ਲਏ ਅਤੇ ਕਿਸੇ ਦੇ ਘੱਟ, ਏਦਾਂ ਕਿਉਂ?' ਉਸ ਦੇ ਪਿਤਾ ਨੇ ਸਮਝਾਇਆ ਕਿ 'ਪੱੁਤ, ਜੋ ਮੂਰਤੀ ਜ਼ਿਆਦਾ ਵਧੀਆ ਬਣੀ ਸੀ, ਜਿਸ 'ਤੇ ਜ਼ਿਆਦਾ ਮਿਹਨਤ ਲੱਗੀ, ਉਸ ਦਾ ਮੱੁਲ ਵੀ ਵੱਧ ਹੁੰਦਾ ਤੇ ਜੋ ਮੂਰਤੀ ਘੱਟ ਵਧੀਆ ਹੋਵੇ, ਉਹ ਸਸਤੀ ਵਿਕਦੀ ਹੈ |' ਨਾਲ ਹੀ ਪਿਤਾ ਜੀ ਨੇ ਗੁਰਪਿੰਦਰ ਨੂੰ ਕਿਹਾ, 'ਜਿਵੇਂ ਜੇ ਤੰੂ ਸੋਹਣਾ ਲਿਖੇਂਗਾ, ਆਰਾਮ ਨਾਲ ਕੰਮ ਕਰੇਂਗਾ ਤਾਂ ਤੈਨੂੰ ਵੀ ਪੇਪਰਾਂ ਵਿਚੋਂ ਵਧੀਆ ਅੰਕ ਮਿਲਣਗੇ | ਜੇ ਤੰੂ ਕਾਹਲੀ ਵਿਚ ਕੰਮ ਕਰੇਂਗਾ ਤਾਂ ਤੇਰੀ ਲਿਖਾਈ ਦੇਖ ਕੇ ਤੈਨੂੰ ਘੱਟ ਅੰਕ ਮਿਲਣਗੇ ਅਤੇ ਫਿਰ ਤੰੂ ਪੜ੍ਹਾਈ ਵਿਚ ਪਿੱਛੇ ਰਹਿ ਜਾਏਾਗਾ |' ਗੁਰਪਿੰਦਰ ਸਮਝ ਗਿਆ ਕਿ ਦਿਲ ਨਾਲ ਕੀਤਾ ਗਿਆ ਕੰਮ ਹੀ ਮੱੁਲ ਪਾਉਂਦਾ ਹੈ | ਉਸ ਨੇ ਹੁਣ ਆਰਾਮ ਨਾਲ ਹੋਮਵਰਕ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਹੌਲੀ-ਹੌਲੀ ਉਸ ਦੀ ਲਿਖਾਈ ਵਿਚ ਬਹੁਤ ਸੁਧਾਰ ਆ ਗਿਆ | ਹੁਣ ਗੁਰਪਿੰਦਰ ਵੀ ਖੁਸ਼ ਤੇ ਉਸ ਦੇ ਮਾਤਾ-ਪਿਤਾ ਵੀ |
ਸੋ, ਪਿਆਰੇ ਬੱਚਿਓ! ਸਿਰਫ ਹੋਮਵਰਕ ਪੂਰਾ ਕਰਨਾ ਹੀ ਜ਼ਰੂਰੀ ਨਹੀਂ, ਬਲਕਿ ਇਹ ਵੀ ਜ਼ਰੂਰੀ ਹੈ ਕਿ ਤੁਸੀਂ ਹੋਮਵਰਕ ਕਿਵੇਂ ਪੂਰਾ ਕਰਦੇ ਹੋ | ਜ਼ਿੰਦਗੀ ਵਿਚ ਕਦਰ ਉਸ ਕੰਮ ਦੀ ਹੀ ਹੁੰਦੀ ਹੈ, ਜਿਸ ਨੂੰ ਸੁੰਦਰ ਤਰੀਕੇ ਨਾਲ ਕੀਤਾ ਹੋਵੇ |

-ਪਿੰਡ ਤੇ ਡਾਕ: ਢੱੁਡੀਕੇ (ਮੋਗਾ)-142053. ਮੋਬਾ: 99146-89690

ਆਓ ਮਾਊਾਟ ਆਬੂ ਦੀ ਸੈਰ ਕਰੀਏ

ਬੱਚਿਓ! ਪਹਾੜੀ ਸੈਰ-ਸਪਾਟਾ ਥਾਵਾਂ ਵਿਚੋਂ ਮਾਊਾਟ ਆਬੂ ਦੀ ਖਾਸ ਥਾਂ ਹੈ | ਮਾਊਾਟ ਆਬੂ ਭਾਰਤ ਦੇ ਰਾਜਸਥਾਨ ਪ੍ਰਾਂਤ ਵਿਚ ਸਥਿਤ ਹੈ | ਇਹ ਰਾਜਸਥਾਨ ਦੀ ਅਰਾਵਲੀ ਪਰਬਤ ਸ਼੍ਰੇਣੀ ਦੀ ਸਭ ਤੋਂ ਉੱਚੀ ਚੋਟੀ 'ਤੇ ਵਸਿਆ ਹੋਇਆ ਹੈ | ਮਾਊਾਟ ਆਬੂ 'ਤੇ 13ਵੀਂ ਸਦੀ ਤੱਕ ਪਰਮਾਰ ਵੰਸ਼, ਫਿਰ ਦੇਵੜਾ ਚੌਹਾਨ, ਬਾਅਦ ਵਿਚ ਸਿਰੋਹੀ ਦੇ ਮਹਾਰਾਜ ਅਤੇ ਫਿਰ ਅੰਗਰੇਜ਼ਾਂ ਦਾ ਰਾਜ ਰਿਹਾ | ਇਥੋਂ ਦੀਆਂ ਹਰੀਆਂ-ਭਰੀਆਂ ਵਾਦੀਆਂ, ਇਤਿਹਾਸਿਕ ਭਵਨਾ, ਝੀਲਾਂ ਦੀ ਸੁੰਦਰਤਾ ਅਤੇ ਇਥੋਂ ਦੀ ਕੁਦਰਤੀ ਸੁੰਦਰਤਾ ਨੂੰ ਦੇਖ ਕੇ ਹਰ ਕੋਈ ਖੁਸ਼ ਹੋ ਜਾਂਦਾ ਹੈ | ਮਾਊਾਟ ਆਬੂ ਨੱਕੀ-ਝੀਲ ਦੇ ਚਾਰੇ ਪਾਸੇ ਵਸਿਆ ਹੋਇਆ ਹੈ | ਇਸ ਝੀਲ ਦੇ ਕਿਨਾਰੇ 'ਤੇ ਟੋਡ ਰਾਕ ਨਾਂਅ ਦੀ ਚਟਾਨ ਵੀ ਦੇਖਣਯੋਗ ਹੈ | ਇਸ ਚਟਾਨ ਦੀ ਸ਼ਕਲ ਮੇਂਡਕ (ਡੱਡੂ) ਦੇ ਆਕਾਰ ਵਰਗੀ ਹੈ | ਸੂਰਜ ਛੁਪਣ ਦਾ ਨਜ਼ਾਰਾ ਦੇਖਣ ਲਈ ਯਾਤਰੂ ਦੂਰੋਂ-ਦੂਰੋਂ ਇਥੇ ਆਉਂਦੇ ਹਨ | ਆਧਰ ਦੇਵੀ ਮੰਦਿਰ, ਓਮ ਸ਼ਾਂਤੀ ਭਵਨ, ਸਨਸੈੱਟ ਪੁਆਇੰਟ, ਪੀਸ ਪਾਰਕ, ਅਚੱਲਗੜ੍ਹ ਦਾ ਕਿਲ੍ਹਾ, ਦਿਲਵਾੜਾ ਜੈਨ ਮੰਦਰ ਆਦਿ ਪ੍ਰਸਿੱਧ ਨਜ਼ਦੀਕੀ ਥਾਵਾਂ ਮਾਊਾਟ ਆਬੂ ਆ ਕੇ ਦੇਖਣਯੋਗ ਹਨ |
ਬੱਚਿਓ! ਮਾਊਾਟ ਆਬੂ ਦਾ ਸਭ ਤੋਂ ਨਜ਼ਦੀਕੀ ਰੇਲਵੇ ਸਟੇਸ਼ਨ ਆਬੂ ਰੋਡ ਹੈ | ਇਹ ਮਾਊਾਟ ਆਬੂ ਤੋਂ ਲਗਪਗ 25 ਕਿਲੋਮੀਟਰ ਦੂਰ ਹੈ | ਮਾਊਾਟ ਆਬੂ ਭਾਰਤ ਦੇ ਮੱੁਖ ਸ਼ਹਿਰਾਂ ਦਿੱਲੀ, ਮੁੰਬਈ, ਅਹਿਮਦਾਬਾਦ, ਵਡੋਦਰਾ, ਜੈਪੁਰ ਆਦਿ ਨਾਲ ਰੇਲ ਮਾਰਗ ਰਾਹੀਂ ਜੁੜਿਆ ਹੋਇਆ ਹੈ | ਇਥੇ ਆਉਣ ਲਈ ਸਿੱਧੀ ਬੱਸ ਸੇਵਾ ਵੀ ਉਪਲਬਧ ਹੈ | ਬੱਚਿਓ! ਮਾਊਾਟ ਆਬੂ ਵਿਖੇ ਬਰਸਾਤ ਦੇ ਮੌਸਮ ਵਿਚ, ਜ਼ਿਆਦਾ ਗਰਮੀ ਅਤੇ ਜ਼ਿਆਦਾ ਸਰਦੀ ਦੇ ਮੌਸਮ ਵਿਚ ਜਾਣਾ ਠੀਕ ਨਹੀਂ | ਇਸ ਤੋਂ ਇਲਾਵਾ ਹੋਰ ਕਿਸੇ ਵੀ ਮੌਸਮ ਵਿਚ ਮਾਊਾਟ ਆਬੂ ਵਿਖੇ ਜਾਣਾ ਸਹੀ ਹੈ | ਬੱਚਿਓ! ਜ਼ਿੰਦਗੀ ਵਿਚ ਜਦ ਕਦੇ ਵੀ ਮੌਕਾ ਮਿਲੇ, ਮਾਊਾਟ ਆਬੂ ਵਿਖੇ ਜ਼ਰੂਰ ਘੁੰਮ ਕੇ ਆਉਣਾ |

-ਸ੍ਰੀ ਅਨੰਦਪੁਰ ਸਾਹਿਬ |
ਮੋਬਾ: 94785-61356

ਅਨਮੋਲ ਬਚਨ

• ਟੈਲੀਵਿਜ਼ਨ ਨੇ ਲਿਖਣ-ਪੜ੍ਹਨ ਦਾ ਰੁਝਾਨ ਘੱਟ ਕਰ ਦਿੱਤਾ ਹੈ |
• ਵਕਤ ਨੂੰ ਮਾਣਨਯੋਗ ਬਣਾਉਣ ਵਾਲੀ ਚੀਜ਼ 'ਕਲਾ' ਹੈ |
• ਮਨੱੁਖ ਸਲਾਹ ਨਹੀਂ, ਆਪਣੇ ਫ਼ੈਸਲਿਆਂ ਦੀ ਪ੍ਰੋੜ੍ਹਤਾ ਮੰਗਦਾ ਹੈ |
• ਤਰੱਕੀ ਉਸ ਨੂੰ ਕਿਹਾ ਜਾਂਦਾ ਹੈ ਜਦੋਂ ਚਪੜਾਸੀ ਦਾ ਪੱੁਤਰ ਅਫ਼ਸਰ ਬਣਦਾ |
• ਪਛਤਾਵਾ ਪ੍ਰਗਟਾਉਣਾ ਹਰ ਇਕ ਦੇ ਵੱਸ ਦੀ ਗੱਲ ਨਹੀਂ |
• ਸਿੱਖਿਆ ਦਾ ਪਹਿਲਾ ਸਬਕ ਹੈ ਸਫ਼ਾਈ |

-ਕਵਲਪ੍ਰੀਤ ਕੌਰ,
ਬਟਾਲਾ (ਗੁਰਦਾਸਪੁਰ) | ਮੋਬਾ: 98760-98338

ਉਂਗਲਾਂ 'ਤੇ ਨਹੁੰ ਕਿਉਂ ਹੁੰਦੇ ਹਨ

ਬੱਚਿਓ, ਹਰੇਕ ਹੱਥ ਅਤੇ ਪੈਰ ਦੀਆਂ ਪੰਜ ਉਂਗਲਾਂ ਹੁੰਦੀਆਂ ਹਨ | ਹਰੇਕ ਉਂਗਲ ਦੇ ਸਿਰੇ ਦੇ ਉੱਪਰ ਇਕ ਪਲੇਟ ਹੁੰਦੀ ਹੈ, ਜਿਸ ਨੂੰ ਨਹੁੰ ਕਹਿੰਦੇ ਹਨ | ਇਹ ਪ੍ਰੋਟੀਨ ਦੇ ਬਣੇ ਹੋਏ ਹੁੰਦੇ ਹਨ, ਜਿਸ ਨੂੰ ਅਲਫਾ ਕੈਰਾਟਿਨ ਕਹਿੰਦੇ ਹਨ | ਇਹ ਮਰੇ ਹੋਏ ਸੈੱਲ ਹੁੰਦੇ ਹਨ |
ਨਹੁੰ ਦਾ ਮੱੁਖ ਕੰਮ ਉਂਗਲਾਂ ਨੂੰ ਚੋਟ ਤੋਂ ਬਚਾਉਣਾ ਹੈ | ਨਹੁੰ ਉਂਗਲਾਂ ਦੇ ਸਿਰੇ ਦੇ ਉਪਰਲੇ ਹਿੱਸੇ 'ਤੇ ਮਜ਼ਬੂਤੀ ਨਾਲ ਜੁੜੇ ਹੁੰਦੇ ਹਨ | ਉਂਗਲਾਂ ਦੇ ਸਿਰੇ ਹੇਠਾਂ ਤੋਂ ਚਪਟੇ ਹੋ ਜਾਂਦੇ ਹਨ | ਪੈਰਾਂ ਦੀਆਂ ਉਂਗਲਾਂ ਦਾ ਖੇਤਰਫਲ ਵਧ ਜਾਂਦਾ ਹੈ, ਜਿਸ ਕਾਰਨ ਉਂਗਲਾਂ ਨਹੁੰ ਦੇ ਕਾਰਨ ਸਰੀਰ ਦੇ ਭਾਰ ਨੂੰ ਸਹਿਣ ਵਿਚ ਮਦਦ ਕਰਦੀਆਂ ਹਨ | ਪੈਰਾਂ ਦਾ ਅੰਗੂਠਾ ਅਤੇ ਚਾਰ ਉਂਗਲਾਂ ਸਰੀਰ ਦੇ 50 ਫ਼ੀਸਦੀ ਭਾਰ ਨੂੰ ਸਹਿਣ ਕਰਦੇ ਹਨ | ਨਹੁੰ ਕਾਰਨ ਉਂਗਲਾਂ ਧਰਤੀ ਨਾਲ ਚੰਗੀ ਪਕੜ ਬਣਾਉਂਦੀਆਂ ਹਨ, ਜਿਸ ਕਾਰਨ ਵਿਅਕਤੀ ਤਿਲਕਦਾ ਨਹੀਂ ਹੈ | ਉਹ ਅਸਾਨੀ ਨਾਲ ਚੱਲ ਸਕਦਾ ਹੈ |
ਹੱਥਾਂ ਦੀਆਂ ਉਂਗਲਾਂ ਦੇ ਨਹੁੰ ਰੋਜ਼ ਦੇ ਅਨੇਕਾਂ ਕੰਮ ਕਰਨ ਵਿਚ ਸਹਾਇਕ ਹੁੰਦੇ ਹਨ | ਨਹੁੰ ਫਲਾਂ ਦਾ ਛਿਲਕਾ ਲਾਹੁਣ, ਸਰੀਰ 'ਤੇ ਖਾਜ ਕਰਨ, ਸਰੀਰ ਦੇ ਹਿੱਸਿਆਂ ਦੀ ਸਫ਼ਾਈ ਕਰਨ, ਗੱਠਾਂ ਖੋਲ੍ਹਣ, ਖੱੁਡ ਪੱੁਟਣ ਲਈ ਅਤੇ ਵਸਤੂਆਂ ਨੂੰ ਮਜ਼ਬੂਤੀ ਨਾਲ ਫੜਨ ਆਦਿ ਲਈ ਕੰਮ ਕਰਦੇ ਹਨ |

-ਸਾਇੰਸ ਮਾਸਟਰ, ਖ਼ਾਲਸਾ ਸਕੂਲ, ਖੰਨਾ |
ਮੋਬਾ: 79864-99563

ਚੁਟਕਲੇ

• ਅਧਿਆਪਕ (ਵਿਦਿਆਰਥੀ ਨੂੰ )-ਜੇਕਰ ਤੰੂ ਕੱਲ੍ਹ ਤੱਕ ਫ਼ੀਸ ਜਮ੍ਹਾਂ ਨਾ ਕਰਵਾਈ ਤਾਂ ਪ੍ਰੀਖਿਆ ਵਿਚ ਨਹੀਂ ਬੈਠ ਸਕੇਂਗਾ |
ਵਿਦਿਆਰਥੀ-ਕੋਈ ਗੱਲ ਨ੍ਹੀਂ ਸਰ ਜੀ, ਮੈਂ ਖੜ੍ਹਾ ਹੋ ਕੇ ਹੀ ਪੇਪਰ ਦੇ ਦਿਆਂਗਾ |
• ਪਹਿਲਾ ਗੱਪੀ (ਦੂਜੇ ਨੂੰ )-ਉਹ ਯਾਰ, ਮੈਂ ਕੁਤਬ ਮੀਨਾਰ ਨੂੰ ਬੜਾ ਧੱਕਾ ਲਗਾਇਆ ਪਰ ਉਹ ਜ਼ਰਾ ਜਿੰਨੀ ਵੀ ਹਿੱਲੀ ਨਹੀਂ |
ਦੂਜਾ ਗੱਪੀ-ਹਿਲਦੀ ਕਿਵੇਂ? ਦੂਜੇ ਪਾਸੇ ਤਾਂ ਮੈਂ ਉਸ ਨੂੰ ਫੜ ਕੇ ਖੜ੍ਹਾ ਸੀ |
• ਪੱਪੂ (ਰਾਜੇਸ਼ ਨੂੰ )-ਅੱਜ ਤੰੂ ਬਹੁਤ ਵਧੀਆ ਭਾਸ਼ਣ ਦਿੱਤਾ |
ਰਾਜੇਸ਼-ਪਰ ਸੁਣਨ ਵਾਲੇ ਸਾਰੇ ਗਧੇ ਸੀ |
ਪੱਪੂ-ਤੰੂ ਠੀਕ ਕਹਿਨੈ, ਇਸੇ ਲਈ ਤੰੂ ਵਾਰ-ਵਾਰ ਕਹਿ ਰਿਹਾ ਸੀ, ਮੇਰੇ ਪਿਆਰੇ ਭਰਾਵੋ, ਮੈਨੂੰ ਧਿਆਨ ਨਾਲ ਸੁਣੋ |
• ਮਾਂ (ਆਪਣੇ ਛੋਟੇ ਜਿਹੇ ਬੇਟੇ ਨੂੰ )-ਕਿਉਂ ਬੇਟਾ, ਤੇਰੀ ਕਲਾਸ ਦੇ ਸਾਰੇ ਬੱਚੇ ਪਾਸ ਹੋ ਗਏ?
ਬੇਟਾ-ਹਾਂ ਮਾਂ ਪਰ ਮੈਡਮ ਫੇਲ੍ਹ ਹੋ ਗਈ |
ਮਾਂ-ਕੀ ਮਤਲਬ?
ਬੇਟਾ-ਅਸੀਂ ਤਾਂ ਸਾਰੇ ਦੂਜੀ ਕਲਾਸ ਵਿਚ ਹੋ ਗਏ ਹਾਂ ਪਰ ਮੈਡਮ ਵਿਚਾਰੀ ਪਹਿਲੀ ਕਲਾਸ ਵਿਚ ਹੀ ਰਹਿ ਗਈ |


-ਮਨਪ੍ਰੀਤ ਕੌਰ ਬਸਰਾ,
ਪਿੰਡ ਗਿੱਲਾਂ, ਡਾਕ: ਚਮਿਆਰਾ (ਜਲੰਧਰ) | ਮੋਬਾ: 81461-87521

ਬੁਝਾਰਤ-9

ਭੱਜਿਆ ਜਾਵਾਂ ਭਜਾਈ ਜਾਵਾਂ,
ਸਿੰਙਾਂ ਨੂੰ ਹੱਥ ਪਾਈ ਜਾਵਾਂ |
ਹਵਾ ਦੇ ਵਿਚ ਉਡਦਾ ਜਾਵਾਂ,
ਧਰਤੀ ਉੱਤੇ ਪੈਰ ਨਾ ਲਾਵਾਂ |
ਜੇ ਮੈਂ ਆਪਣਾ ਪੈਰ ਦਬਾਵਾਂ,
ਸਗੋਂ ਹੋਰ ਵੀ ਤੇਜ਼ ਹੋ ਜਾਵਾਂ |
ਬੱਚਿਆਂ ਨੂੰ ਇਹ ਬਾਤ ਮੈਂ ਪਾਵਾਂ,
ਛੇਤੀ ਉੱਤਰ ਪੱੁਛਣਾ ਚਾਹਵਾਂ |
ਪਹਿਲਾਂ ਮੰੂਹੋਂ ਭਿਆਂ ਕਹਾਵਾਂ,
ਫੇਰ ਦੱਸਦਾ ਦੇਰ ਨਾ ਲਾਵਾਂ |
           -0-
ਜਿਸ ਵਿਚ ਕਦੇ ਤੇਲ ਨਾ ਪਾਵਾਂ,
'ਸਾਈਕਲ' ਜਿਸ ਨੂੰ ਮੁਫ਼ਤ ਚਲਾਵਾਂ |

-ਜਸਵੀਰ ਸਿੰਘ ਭਲੂਰੀਆ,
ਪਿੰਡ ਤੇ ਡਾਕ: ਭਲੂਰ (ਮੋਗਾ) |

ਬਾਲ ਨਾਵਲ-72 : ਖੱਟੀਆਂ-ਮਿੱਠੀਆਂ ਗੋਲੀਆਂ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
ਹਰੀਸ਼ ਨੇ ਆਪਣੇ ਬੂਟ ਉਤਾਰੇ, ਪਜਾਮਾ ਪਾਇਆ | ਉਸ ਨੂੰ ਗਰਮੀ ਮਹਿਸੂਸ ਹੋ ਰਹੀ ਸੀ, ਇਸ ਕਰਕੇ ਪਹਿਲਾਂ ਉਸ ਨੇ ਛੱਤ ਵਾਲਾ ਪੱਖਾ ਤੇਜ਼ ਕੀਤਾ ਅਤੇ ਫਿਰ ਕਮਰੇ ਦੀ ਬਾਰੀ ਖੋਲ੍ਹੀ | ਬਾਰੀ ਖੋਲ੍ਹ ਕੇ ਉਹ ਕਿੰਨੀ ਦੇਰ ਬਾਰੀ ਕੋਲ ਹੀ ਖੜ੍ਹਾ ਰਿਹਾ | ਦੂਰ ਦਿਸਦੀ ਸੜਕ 'ਤੇ ਕਾਫੀ ਆਵਾਜਾਈ ਸੀ ਪਰ ਉਸ ਆਵਾਜਾਈ ਨਾਲੋਂ ਵੀ ਤੇਜ਼, ਉਸ ਦੇ ਦਿਮਾਗ ਵਿਚ ਖਿਆਲਾਂ ਦੀ ਲੜੀ ਘੁੰਮ ਰਹੀ ਸੀ |
ਉਹ ਕਿਥੋਂ ਤੁਰਿਆ ਅਤੇ ਕਿਥੇ ਪਹੁੰਚ ਗਿਆ | ਉਹ ਸੋਚ ਰਿਹਾ ਸੀ ਕਿ ਜੇ ਮੈਨੂੰ ਸਿਧਾਰਥ ਵੀਰ ਜੀ ਨਾ ਮਿਲੇ ਹੁੰਦੇ ਤਾਂ ਸ਼ਾਇਦ ਉਹ ਅਜੇ ਤੱਕ ਉਨ੍ਹਾਂ ਗਲੀਆਂ ਵਿਚ ਹੀ ਖੱਟੀਆਂ-ਮਿੱਠੀਆਂ ਗੋਲੀਆਂ ਵੇਚ ਰਿਹਾ ਹੁੰਦਾ | ਉਸ ਨੂੰ ਅਜੇ ਤੱਕ ਉਨ੍ਹਾਂ ਸਾਰੇ ਬੱਚਿਆਂ ਦੀਆਂ ਸ਼ਕਲਾਂ ਯਾਦ ਸਨ, ਜਿਹੜੇ ਉਸ ਕੋਲੋਂ ਗੋਲੀਆਂ-ਟੌਫੀਆਂ ਖਰੀਦਦੇ ਸਨ | ਉਸ ਨੂੰ ਉਸ ਬੱਚੇ ਦੀ ਮੰਮੀ ਦੀ ਸ਼ਕਲ ਵੀ ਯਾਦ ਸੀ, ਜਿਸ ਦੇ ਥੜ੍ਹੇ 'ਤੇ ਉਹ ਗਰਮੀ ਅਤੇ ਭੱੁਖ ਕਾਰਨ ਬੇਹੋਸ਼ ਹੋ ਗਿਆ ਸੀ | ਉਸ ਮੰਮੀ ਜੀ ਨੇ ਉਸ ਨੂੰ ਅੰਦਰ ਪੱਖੇ ਥੱਲੇ ਬਿਠਾ ਕੇ ਠੰਢਾ ਪਾਣੀ ਅਤੇ ਠੰਢੇ-ਮਿੱਠੇ ਦੱੁਧ ਦਾ ਗਿਲਾਸ ਪਿਆਇਆ ਸੀ |
ਇਸੇ ਤਰ੍ਹਾਂ ਦੀਆਂ ਖੱਟੀਆਂ-ਮਿੱਠੀਆਂ ਯਾਦਾਂ ਦੇ ਨਾਲ ਉਹ ਆਪਣੀ ਮੰਜੀ ਉੱਪਰ ਆ ਕੇ ਲੇਟ ਗਿਆ | ਹੁਣ ਉਸ ਨੂੰ ਆਪਣੇ ਵੀਰ ਜੀ ਦੀ ਯਾਦ ਸਤਾਉਣ ਲੱਗੀ | ਉਸ ਦਾ ਮੋਬਾਈਲ ਅਜੇ ਚਾਲੂ ਨਹੀਂ ਸੀ ਹੋਇਆ, ਨਹੀਂ ਤੇ ਉਸ ਨੇ ਹੁਣੇ ਉਨ੍ਹਾਂ ਨਾਲ ਗੱਲ ਕਰ ਲੈਣੀ ਸੀ | ਇਨ੍ਹਾਂ ਯਾਦਾਂ ਵਿਚ ਗਵਾਚੇ ਨੂੰ ਕਿਸ ਵੇਲੇ ਨੀਂਦ ਆਈ, ਉਸ ਨੂੰ ਪਤਾ ਨਾ ਚੱਲਿਆ |
ਅੱਜ ਹਰੀਸ਼ ਦਾ ਮੈਡੀਕਲ ਕਾਲਜ ਵਿਚ ਪਹਿਲਾ ਦਿਨ ਸੀ | ਅੱਜ ਤੋਂ ਕਲਾਸਾਂ ਸ਼ੁਰੂ ਹੋ ਗਈਆਂ ਸਨ | ਕਲਾਸ ਵਿਚ ਤਕਰੀਬਨ ਅੱਧੀਆਂ ਕੁ ਕੁੜੀਆਂ ਸਨ | ਮਹਾਰਾਸ਼ਟਰ ਦੇ ਵਿਦਿਆਰਥੀਆਂ ਦੀ ਗਿਣਤੀ ਜ਼ਿਆਦਾ ਸੀ | ਉਨ੍ਹਾਂ ਤੋਂ ਇਲਾਵਾ ਕਾਫੀ ਸਟੇਟਾਂ ਦੇ ਬੱਚੇ ਦਿਖਾਈ ਦੇ ਰਹੇ ਸਨ |
ਪਹਿਲੇ ਦਿਨ ਪ੍ਰੋਫੈਸਰਾਂ ਨੇ ਬੱਚਿਆਂ ਨਾਲ ਜਾਣ-ਪਛਾਣ ਕੀਤੀ | ਸਾਰੇ ਪ੍ਰੋਫੈਸਰਾਂ ਨੇ ਆਪੋ-ਆਪਣੇ ਸਬਜੈਕਟ ਦੀਆਂ ਕੁਝ ਜ਼ਰੂਰੀ ਕਿਤਾਬਾਂ ਬਾਰੇ ਦੱਸਿਆ | ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਇਹ ਸਾਰੀਆਂ ਕਿਤਾਬਾਂ ਦੀਆਂ ਕਈ-ਕਈ ਕਾਪੀਆਂ ਕਾਲਜ ਦੀ ਲਾਇਬ੍ਰੇਰੀ ਵਿਚ ਵੀ ਹਨ, ਜੋ ਤੁਸੀਂ ਵਾਰੋ-ਵਾਰੀ ਕਢਵਾ ਕੇ ਪੜ੍ਹ ਸਕਦੇ ਹੋ |
ਹਰੀਸ਼ ਨੂੰ ਅੱਜ ਕਾਲਜ ਦਾ ਪਹਿਲਾ ਦਿਨ ਬੜਾ ਹੀ ਚੰਗਾ-ਚੰਗਾ ਲੱਗਿਆ | ਉਸ ਨੂੰ ਸਾਰੇ ਲੜਕੇ-ਲੜਕੀਆਂ ਵੀ ਕਾਫੀ ਗੰਭੀਰ ਲੱਗੇ | ਕਲਾਸਾਂ ਖਤਮ ਹੋਣ 'ਤੇ ਲਾਇਬ੍ਰੇਰੀ ਦਾ ਪਤਾ ਕਰਕੇ ਉਹ ਉਧਰ ਨੂੰ ਤੁਰ ਪਿਆ |
ਪਹਿਲੇ ਕੁਝ ਦਿਨ ਹਰੀਸ਼ ਦਾ ਬਿਲਕੁਲ ਦਿਲ ਨਾ ਲੱਗਾ | ਉਹ ਕਲਾਸ ਤੋਂ ਬਾਅਦ ਉਦਾਸ-ਉਦਾਸ ਰਹਿੰਦਾ | ਕੁਝ ਦਿਨਾਂ ਬਾਅਦ ਉਸ ਦੀਆਂ ਕਲਾਸਾਂ ਜ਼ੋਰ-ਸ਼ੋਰ ਨਾਲ ਲੱਗਣੀਆਂ ਸ਼ੁਰੂ ਹੋ ਗਈਆਂ | ਹੋਸਟਲ ਵਿਚ ਵੀ ਪੂਰੀ ਰੌਣਕ ਹੋ ਗਈ | ਉਸ ਦੇ ਕਮਰੇ ਦਾ ਸਾਥੀ ਲੜਕਾ ਵੀ ਆ ਗਿਆ | ਉਹ ਚੰਗੇ ਸੁਭਾਅ ਦਾ ਲਗਦਾ ਸੀ ਅਤੇ ਅੰਬਾਲੇ ਤੋਂ ਆਇਆ ਸੀ | ਉਸ ਦੇ ਦੋ-ਤਿੰਨ ਦੋਸਤ ਵੀ ਬਣ ਗਏ | ਹੁਣ ਉਸ ਦਾ ਦਿਲ ਲੱਗਣਾ ਸ਼ੁਰੂ ਹੋ ਗਿਆ |
(ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)

-404, ਗ੍ਰੀਨ ਐਵੇਨਿਊ, ਅੰਮਿ੍ਤਸਰ-143001. ਮੋਬਾ: 98889-24664

ਬਾਲ ਸਾਹਿਤ

ਝੂਟੇ ਮਾਟੇ
ਲੇਖਿਕਾ : ਗੁਰਪ੍ਰੀਤ ਕੌਰ ਧਾਲੀਵਾਲ
ਪ੍ਰਕਾਸ਼ਕ : ਏਸ਼ੀਆ ਵਿਜ਼ਨ
ਮੱੁਲ : 50 ਰੁਪਏ, ਸਫੇ : 32
ਸੰਪਰਕ : 98780-02110

ਬਾਲਾਂ ਦੇ ਸਰਬਪੱਖੀ ਵਿਕਾਸ ਲਈ ਜ਼ਰੂਰੀ ਹੈ ਕਿ ਬਾਲਾਂ ਨੂੰ ਸਿਲੇਬਸ ਦੇ ਨਾਲ-ਨਾਲ ਵਧੀਆ ਸਾਹਿਤ ਪੜ੍ਹਨ ਲਈ ਮਿਲੇ, ਜੋ ਉਨ੍ਹਾਂ ਦੇ ਹਾਣ ਦਾ ਹੋਵੇ | ਵੰਨ-ਸੁਵੰਨੀਆਂ ਕਵਿਤਾਵਾਂ, ਗੀਤ ਤੇ ਕਹਾਣੀਆਂ ਉਨ੍ਹਾਂ ਦਾ ਮਨੋਰੰਜਨ ਵੀ ਕਰਨ ਅਤੇ ਜੀਵਨ ਜਾਚ ਸਿਖਾਉਣ ਵਿਚ ਮਦਦ ਕਰਨ | ਹਥਲੀ ਪੁਸਤਕ ਪੜ੍ਹਦੇ ਸਮੇਂ ਇਸ ਗੱਲ ਦੀ ਤਸੱਲੀ ਹੁੰਦੀ ਹੈ ਕਿ ਸਾਡੇ ਬਾਲ ਸਾਹਿਤਕਾਰ ਅੱਜ ਦੇ ਬਾਲਾਂ ਪ੍ਰਤੀ ਕਾਫੀ ਚਿੰਤਤ ਹਨ | 'ਝੂਟੇ ਮਾਟੇ' ਵਿਚਲੀਆਂ 22 ਕਵਿਤਾਵਾਂ ਬਾਲਾਂ ਦਾ ਮਨੋਰੰਜਨ ਹੀ ਨਹੀਂ ਕਰਦੀਆਂ, ਬਲਕਿ ਉਨ੍ਹਾਂ ਨੂੰ ਵਧੀਆ ਇਨਸਾਨ ਬਣਨ ਲਈ ਪ੍ਰੇਰਦੀਆਂ ਹਨ |
'ਟੀਚਰ ਸਭ ਇਕ ਸਮਾਨ,
ਭੱੁਲ ਕੇ ਵੀ ਨਾ ਕਰੀਏ,
ਕਦੇ ਕਿਸੇ ਦਾ ਅਪਮਾਨ |
ਪੱੁਠਾ ਸਿੱਧਾ ਨਾ ਧਰੀਏ,
ਕਦੇ ਕਿਸੇ ਦਾ ਨਾਮ |
ਭੈੜੀ ਵਾਦੀ ਨੂੰ ਛੱਡੀਏ,
ਬਣਦਾ ਦੇਈਏ ਸਭ ਨੂੰ ਮਾਣ |' (ਅਧਿਆਪਕ)
ਬਾਲਾਂ ਦੇ ਮਨੋਰੰਜਨ ਲਈ-
'ਬਾਂਦਰ ਹੁੰਦਾ ਬੜਾ ਨਕਲਚੀ,
ਨਕਲਾਂ ਉਹ ਲਾਉਂਦਾ ਹੈ |
ਲਾਹ-ਲਾਹ ਨਕਲਾਂ ਸਾਡੀਆਂ,
ਸਾਨੂੰ ਖੂਬ ਹਸਾਉਂਦਾ ਹੈ |' (ਨਕਲਚੀ)
ਇਸੇ ਤਰ੍ਹਾਂ 'ਨਾ ਝਿੜਕ ਨਾ ਮਾਰ ਮੈਡਮ', 'ਸੱਚੇ ਦੋਸਤ ਰੱੁਖ', 'ਛੱੁਟੀਆਂ ਹੋਈਆਂ', 'ਮਾਂ ਦੀ ਜਾਦੂਗਰੀ', 'ਮੇਰਾ ਸਵਾਲ', 'ਬੱਚਤ', 'ਮੇਰਾ ਬਚਪਨ' ਆਦਿ ਖੂਬਸੂਰਤ ਰਚਨਾਵਾਂ ਹਨ | ਕਵਿਤਾਵਾਂ ਨਾਲ ਬਣੇ ਖੂਬਸੂਰਤ ਚਿੱਤਰ ਸੋਨੇ 'ਤੇ ਸੁਹਾਗਾ ਹਨ | ਪੁਸਤਕ ਬਾਲਾਂ ਨੂੰ ਜ਼ਰੂਰ ਪੜ੍ਹਨੀ ਚਾਹੀਦੀ ਹੈ | ਗੁਰਪ੍ਰੀਤ ਕੌਰ ਧਾਲੀਵਾਲ ਦਾ ਪਲੇਠਾ ਯਤਨ ਸ਼ਲਾਘਾ ਵਾਲਾ ਹੈ | ਵਧੀਆ ਪੁਸਤਕ ਲਿਖਣ ਲਈ ਲੇਖਿਕਾ ਵਧਾਈ ਦੀ ਪਾਤਰ ਹੈ | 'ਝੂਟੇ ਮਾਟੇ' ਦਾ ਪੰਜਾਬੀ ਬਾਲ ਸਾਹਿਤ ਵਿਚ ਸਵਾਗਤ ਹੈ |

-ਅਵਤਾਰ ਸਿੰਘ ਸੰਧੂ,
ਮੋਬਾ: 99151-82971

ਬੁਝਾਰਤਾਂ

1. ਉਹ ਕਿਹੜੀ ਬੀਨ ਹੈ, ਜਿਸ ਨੂੰ ਅਸੀਂ ਵਜਾ ਨਹੀਂ ਸਕਦੇ?
2. ਉਹ ਕਿਹੜਾ ਮਿਲਕ ਹੈ, ਜਿਸ ਨੂੰ ਅਸੀਂ ਪੀਂਦੇ ਨਹੀਂ, ਖਾਂਦੇ ਹਾਂ?
3. ਊਠ ਦਾ ਦੇਸੀ ਨਾਂਅ ਕੀ ਹੈ?
4. ਉਹ ਕਿਹੜਾ ਗੱੁਲੀ-ਡੰਡਾ ਹੈ, ਜਿਸ ਨਾਲ ਅਸੀਂ ਖੇਡ ਨਹੀਂ ਸਕਦੇ?
5. ਕਿਹੜੇ ਫਲ ਦਾ ਛਿਲਕਾ ਸਾਡੇ ਪਾਸੇ ਭੰਨ ਦਿੰਦਾ ਹੈ?
6. ਉਹ ਕਿਹੜੀ ਸਬਜ਼ੀ ਹੈ, ਜਿਸ ਦੇ ਫੋੜੇ-ਫਿਨਸੀਆਂ ਨਿਕਲੀਆਂ ਹੁੰਦੀਆਂ ਹਨ?
7. ਉਹ ਕਿਹੜਾ ਸਾਈਕਲ ਹੈ, ਜੋ ਤੇਲ ਨਾਲ ਚਲਦਾ ਹੈ?
8. ਉਹ ਕਿਹੜੀ ਗੈਸ ਹੈ, ਜੋ ਸਾਡੇ ਕੰਮ ਨਹੀਂ ਆਉਂਦੀ?
9. ਕਿਹੜੇ ਜਾਨਵਰ ਦੀ ਪੂਛ 12 ਸਾਲ ਨਲੀ 'ਚ ਪਾ ਕੇ ਰੱਖੋ, ਫਿਰ ਵੀ ਸਿੱਧੀ ਨਹੀਂ ਹੁੰਦੀ?
ਉੱਤਰ : (1) ਦੂਰਬੀਨ, (2) ਮਿਲਕ ਕੇਕ, (3) ਬੋਤਾ, (4) ਕਣਕ ਦਾ ਨਦੀਨ ਗੱੁਲੀ-ਡੰਡਾ, (5) ਕੇਲੇ ਦਾ ਛਿਲਕਾ (6) ਕਰੇਲੇ ਦੇ, (7) ਮੋਟਰਸਾਈਕਲ, (8) ਪੇਟ ਗੈਸ, (9) ਕੱੁਤੇ ਦੀ |

-ਤਸਵਿੰਦਰ ਸਿੰਘ ਬੜੈਚ,
ਪਿੰਡ ਦੀਵਾਲਾ, ਤਹਿ: ਸਮਰਾਲਾ, ਜ਼ਿਲ੍ਹਾ ਲੁਧਿਆਣਾ | ਮੋਬਾ: 98763-22677





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX