ਤਾਜਾ ਖ਼ਬਰਾਂ


ਤਰਨਤਾਰਨ : ਯੂਥ ਕਾਂਗਰਸ ਦੀਆਂ ਚੋਣਾਂ 'ਚ ਯੋਧਵੀਰ ਸਿੰਘ ਬਣੇ ਜ਼ਿਲ੍ਹੇ ਦੇ ਵਾਈਸ ਪ੍ਰਧਾਨ
. . .  12 minutes ago
ਪੱਟੀ, 7 ਦਸੰਬਰ (ਅਵਤਾਰ ਸਿੰਘ ਖਹਿਰਾ)- ਯੂਥ ਕਾਂਗਰਸ ਦੀਆਂ ਹੋਈਆਂ ਚੋਣਾਂ ਦੌਰਾਨ ਯੋਧਵੀਰ ਸਿੰਘ 217 ਵੋਟਾਂ ਪ੍ਰਾਪਤ ਕਰਕੇ ਜ਼ਿਲ੍ਹਾ...
ਹਲਕਾ ਭੁਲੱਥ ਤੋਂ ਯੂਥ ਕਾਂਗਰਸ ਦੀ ਚੋਣ 'ਚ ਐਡਵੋਕੇਟ ਘੁੰਮਣ 35 ਵੋਟਾਂ ਨਾਲ ਜਿੱਤੇ
. . .  20 minutes ago
ਭੁਲੱਥ, 7 ਦਸੰਬਰ (ਸੁਖਜਿੰਦਰ ਸਿੰਘ ਮੁਲਤਾਨੀ)- ਹਲਕਾ ਭੁਲੱਥ ਤੋਂ ਕਾਂਗਰਸ ਇੰਚਾਰਜ ਰਣਜੀਤ ਸਿੰਘ ਰਾਣਾ ਦੇ ਬੇਟੇ ਐਡਵੋਕੇਟ ਹਰਸਿਮਰਨ ਸਿੰਘ ਘੁੰਮਣ ਯੂਥ ਕਾਂਗਰਸ ਦੀ ਚੋਣ...
ਯੂਥ ਕਾਂਗਰਸ ਚੋਣਾਂ : ਤੋਸ਼ਿਤ ਮਹਾਜਨ ਬਣੇ ਜ਼ਿਲ੍ਹਾ ਪਠਾਨਕੋਟ ਦੇ ਯੂਥ ਵਿੰਗ ਜ਼ਿਲ੍ਹਾ ਪ੍ਰਧਾਨ
. . .  25 minutes ago
ਪਠਾਨਕੋਟ, 7 ਦਸੰਬਰ (ਚੌਹਾਨ)- ਯੂਥ ਕਾਂਗਰਸ ਦੀਆਂ ਹੋਈਆਂ ਚੋਣਾਂ 'ਚ ਤੋਸ਼ਿਤ ਮਹਾਜਨ ਜ਼ਿਲ੍ਹਾ ਪਠਾਨਕੋਟ ਤੋਂ ਯੂਥ ਕਾਂਗਰਸ ਪ੍ਰਧਾਨ ਬਣੇ ਹਨ। ਜ਼ਿਲ੍ਹਾ ਪ੍ਰਧਾਨ ਲਈ ਦੋ ਉਮੀਦਵਾਰ ਤੋਸ਼ਿਤ ਮਹਾਜਨ...
ਅੱਪਰਬਾਰੀ ਦੁਆਬ ਨਹਿਰ 'ਚੋਂ ਮਿਲੀ ਸਾੜੇ ਗਏ ਡਰੋਨ ਦੀ ਮੋਟਰ
. . .  29 minutes ago
ਝਬਾਲ, 7 ਦਸੰਬਰ (ਸੁਖਦੇਵ ਸਿੰਘ)- ਝਬਾਲ ਵਿਖੇ ਬੰਦ ਪਈ ਲਕਸ਼ਮੀ ਰਾਈਸ ਮਿੱਲ 'ਚ ਸਾੜੇ ਗਏ ਡਰੋਨ ਨੂੰ ਖ਼ੁਰਦ-ਬੁਰਦ ਕਰਨ ਲਈ ਅੱਪਰਬਾਰੀ ਦੁਆਬ ਨਹਿਰ 'ਚ ਸੁੱਟੇ ਗਏ ਪੁਰਜ਼ਿਆਂ ਨੂੰ ਮੁੜ ਦੋ ਮਹੀਨੇ...
ਬਲਵੀਰ ਸਿੰਘ ਢਿੱਲੋਂ ਨੇ ਯੂਥ ਕਾਂਗਰਸ ਪ੍ਰਧਾਨ ਹਲਕਾ ਗੜ੍ਹਸ਼ੰਕਰ ਦੀ ਚੋਣ ਜਿੱਤੀ
. . .  44 minutes ago
ਗੜ੍ਹਸ਼ੰਕਰ, 7 ਦਸੰਬਰ (ਧਾਲੀਵਾਲ)- ਬੀਤੇ ਦਿਨੀਂ ਯੂਥ ਕਾਂਗਰਸ ਦੇ ਅਹੁਦੇਦਾਰਾਂ ਦੀਆਂ ਹੋਈਆਂ ਚੋਣਾਂ 'ਚ ਵਿਧਾਨ ਸਭਾ ਹਲਕਾ ਗੜ੍ਹਸ਼ੰਕਰ ਤੋਂ ਯੂਥ ਕਾਂਗਰਸ ਦੇ ਪ੍ਰਧਾਨ ਦੀ ਚੋਣ ਬਲਵੀਰ ਸਿੰਘ ਢਿੱਲੋਂ...
ਯੂਥ ਕਾਂਗਰਸ ਦੀਆਂ ਚੋਣਾਂ 'ਚ ਸੰਗਰੂਰ ਜ਼ਿਲ੍ਹੇ 'ਚ ਬਾਜਵਾ ਅਤੇ ਹਲਕੇ 'ਚ ਕਾਂਗੜਾ ਪਰਿਵਾਰ ਪਿਆ ਭਾਰੂ
. . .  about 1 hour ago
ਸੰਗਰੂਰ, 7 ਦਸੰਬਰ (ਦਮਨਜੀਤ ਸਿੰਘ)- ਕਾਂਗਰਸ ਪਾਰਟੀ ਵਲੋਂ ਕਾਰਵਾਈਆਂ ਗਈਆਂ ਯੂਥ ਵਿੰਗ ਦੀਆਂ ਚੋਣਾਂ 'ਚ ਜ਼ਿਲ੍ਹਾ ਸੰਗਰੂਰ ਦੀ ਪ੍ਰਧਾਨਗੀ 'ਤੇ ਗੋਬਿੰਦਰ ਸਿੰਘ ਨਾਂ ਦੇ ਨੌਜਵਾਨ ਨੇ...
ਯੂਥ ਕਾਂਗਰਸ ਚੋਣਾਂ : ਗੁਰੂਹਰਸਹਾਏ ਤੋਂ ਤੀਜੀ ਵਾਰ ਹਲਕਾ ਪ੍ਰਧਾਨ ਬਣੇ ਵਿੱਕੀ ਸਿੱਧੂ
. . .  about 1 hour ago
ਗੁਰੂਹਰਸਹਾਏ, 7 ਦਸੰਬਰ (ਹਰਚਰਨ ਸਿੰਘ ਸਿੱਧੂ)- ਯੂਥ ਕਾਂਗਰਸ ਦੀਆਂ ਹੋਈਆਂ ਚੋਣਾਂ 'ਚ ਕੈਬਨਿਟ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਦੇ ਧੜੇ ਨਾਲ ਸੰਬੰਧਿਤ ਸੁਦਾਗਰ ਸਿੰਘ ਵਿੱਕੀ ਸਿੱਧੂ ਲਗਾਤਾਰ ਤੀਜੀ...
ਬੰਦੂਕ ਦੀ ਨੋਕ 'ਤੇ ਬੈਂਕ 'ਚੋਂ ਲੱਖਾਂ ਦੀ ਨਕਦੀ ਲੁੱਟ ਕੇ ਫ਼ਰਾਰ ਹੋਏ ਲੁਟੇਰੇ
. . .  about 1 hour ago
ਟਾਂਗਰਾ, 7 ਦਸੰਬਰ (ਹਰਜਿੰਦਰ ਸਿੰਘ ਕਲੇਰ)- ਅੰਮ੍ਰਿਤਸਰ ਦੇ ਅੱਡਾ ਟਾਂਗਰਾ ਦੇ ਨਜ਼ਦੀਕੀ ਪਿੰਡ ਛੱਜਲਵੱਢੀ ਵਿਖੇ 5-6 ਲੁਟੇਰਿਆਂ ਵਲੋਂ ਬੰਦੂਕ ਦੀ ਨੋਕ 'ਤੇ ਪੰਜਾਬ ਐਂਡ ਸਿੰਧ ਬੈਂਕ 'ਚੋਂ 7 ਲੱਖ, 83 ਹਜ਼ਾਰ ਰੁਪਏ ਦੀ ਨਕਦੀ ਲੁੱਟ...
ਬਲਜੀਤ ਸਿੰਘ ਪਾਹੜਾ ਬਣੇ ਗੁਰਦਾਸਪੁਰ ਜ਼ਿਲ੍ਹਾ ਯੂਥ ਕਾਂਗਰਸ ਦੇ ਪ੍ਰਧਾਨ
. . .  about 1 hour ago
ਗੁਰਦਾਸਪੁਰ, 7 ਦਸੰਬਰ (ਆਰਿਫ਼)- ਪੰਜਾਬ ਅੰਦਰ ਹੋਈਆਂ ਯੂਥ ਕਾਂਗਰਸ ਦੀਆ ਚੋਣਾਂ 'ਚ ਗੁਰਦਾਸਪੁਰ ਦੇ ਵਿਧਾਇਕ ਬ੍ਰਿੰਦਰਮੀਤ ਸਿੰਘ ਪਾਹੜਾ ਦੇ ਭਰਾ ਅਤੇ ਮਿਲਕ ਪਲਾਂਟ ਗੁਰਦਾਸਪੁਰ...
ਅਮਿਤ ਤਿਵਾੜੀ ਖੰਨਾ ਜ਼ਿਲ੍ਹਾ ਅਤੇ ਅੰਕਿਤ ਸ਼ਰਮਾ ਖੰਨਾ ਵਿਧਾਨ ਸਭਾ ਯੂਥ ਕਾਂਗਰਸ ਦੇ ਪ੍ਰਧਾਨ ਬਣੇ
. . .  about 1 hour ago
ਖੰਨਾ, 7 ਦਸੰਬਰ (ਹਰਜਿੰਦਰ ਸਿੰਘ ਲਾਲ)- ਜ਼ਿਲ੍ਹਾ ਯੂਥ ਕਾਂਗਰਸ ਦੀਆਂ ਚੋਣਾਂ 'ਚ ਵਿਧਾਇਕ ਗੁਰਕੀਰਤ ਸਿੰਘ ਦੇ ਨਜ਼ਦੀਕੀ ਅਮਿਤ ਤਿਵਾੜੀ ਜ਼ਿਲ੍ਹਾ ਯੂਥ ਕਾਂਗਰਸ ਖੰਨਾ ਦੇ ਪ੍ਰਧਾਨ ਚੁਣੇ ਗਏ ਹਨ। ਉਨ੍ਹਾਂ ਨੂੰ...
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਬਿਮਾਰੀਆਂ ਤੋਂ ਛੁਟਕਾਰੇ ਲਈ ਟੀ. ਵੀ. ਦੇਖਣਾ ਘੱਟ ਕਰੋ

ਸਰੀਰ ਨੂੰ ਕਿਰਿਆ ਕਰਨ ਦੀ ਲੋੜ ਹੁੰਦੀ ਹੈ ਪਰ ਟੀ. ਵੀ. ਦੇਖਣ ਦੌਰਾਨ ਸਰੀਰ ਸਥਿਰ ਹੁੰਦਾ ਹੈ। ਇਸ ਨਾਲ ਮੋਟਾਪਾ ਵਧਦਾ ਹੈ। ਇਸ ਲਈ ਬੱਚਿਆਂ ਨੂੰ ਪ੍ਰੇਰਿਤ ਕਰੋ ਕਿ ਟੀ. ਵੀ. ਦੇ ਸਾਹਮਣੇ ਬੈਠੇ ਰਹਿਣ ਦੀ ਬਜਾਏ ਸਾਈਕਲ ਚਲਾਉਣ ਜਾਂ ਫਿਰ ਮੈਦਾਨ ਵਿਚ ਜਾ ਕੇ ਖੇਡਣ।
ਬਹੁਤ ਸਾਰੇ ਲੋਕ ਟੀ. ਵੀ. ਸਾਹਮਣੇ ਅਜਿਹੀ ਸਥਿਤੀ ਵਿਚ ਬੈਠਦੇ ਹਨ ਕਿ ਉਨ੍ਹਾਂ ਦੀ ਰੀੜ੍ਹ ਦੀ ਹੱਡੀ 'ਤੇ ਦਬਾਅ ਪੈਂਦਾ ਹੈ। ਨਤੀਜੇ ਵਜੋਂ ਕਮਰ ਅਤੇ ਮਾਸਪੇਸ਼ੀਆਂ ਵਿਚ ਦਰਦ ਰਹਿਣ ਲਗਦੀ ਹੈ। ਤੁਸੀਂ ਚੰਗੇ ਕੁਸ਼ਨ ਦੀ ਵਰਤੋਂ ਕਰ ਸਕਦੇ ਹੋ ਪਰ ਕਿਉਂ ਨਾ ਸ਼ਾਮ ਨੂੰ ਅੱਧਾ ਘੰਟਾ ਤੁਸੀਂ ਆਪਣੇ ਹੀ ਘਰ ਦੇ ਨੇੜੇ-ਤੇੜੇ ਸੈਰ ਕਰ ਲਓ।
ਟੀ. ਵੀ. ਦੇ ਬਹੁਤ ਨੇੜੇ ਬੈਠਣ ਨਾਲ ਅੱਖਾਂ ਵਿਚ ਜਲਣ ਅਤੇ ਸਿਰਦਰਦ ਹੋ ਸਕਦੀ ਹੈ। ਬੱਚਿਆਂ ਨੂੰ ਟੀ. ਵੀ. ਦੇ ਸਾਹਮਣੇ ਫਰਸ਼ ਜਾਂ ਬੈੱਡ 'ਤੇ ਪਸਰਨ ਨਾ ਦਿਓ ਅਤੇ ਘੱਟ ਤੋਂ ਘੱਟ ਟੀ. ਵੀ. ਸੈੱਟ ਤੋਂ 6 ਫੁੱਟ ਜਾਂ ਉਸ ਤੋਂ ਜ਼ਿਆਦਾ ਦੂਰੀ 'ਤੇ ਬੈਠੋ।
ਆਵਾਜ਼ ਘੱਟ ਹੀ ਰੱਖੋ। ਬਹੁਤ ਜ਼ਿਆਦਾ ਸ਼ੋਰ ਨਾਲ ਬੋਲੇਪਨ ਦੀ ਸਮੱਸਿਆ ਆ ਸਕਦੀ ਹੈ। ਟੀ. ਵੀ. ਦੇ ਸਾਹਮਣੇ ਬੈਠ ਕੇ ਲਗਾਤਾਰ ਕੁਝ ਨਾ ਕੁਝ ਖਾਣ ਨਾਲ ਤੁਹਾਨੂੰ ਪੇਟ ਦੇ ਰੋਗ ਹੋ ਸਕਦੇ ਹਨ। ਇਸ ਨਾਲ ਬਦਹਜ਼ਮੀ ਵੀ ਹੋ ਸਕਦੀ ਹੈ। ਇਸ ਲਈ ਕੋਸ਼ਿਸ਼ ਕਰੋ ਕਿ ਟੀ.ਵੀ. ਦੇ ਸਾਹਮਣੇ ਬੈਠ ਕੇ ਲਗਾਤਾਰ ਨਾ ਖਾਓ।
ਡਰਾਉਣੀਆਂ ਫਿਲਮਾਂ ਦੇਖਣ ਨਾਲ ਡਰਾਉਣੇ ਸੁਪਨੇ ਆਉਂਦੇ ਹਨ ਅਤੇ ਨੀਂਦ ਖਰਾਬ ਹੁੰਦੀ ਹੈ। ਦੇਰ ਰਾਤ ਇਸ ਤਰ੍ਹਾਂ ਦੀ ਫਿਲਮ ਦੇਖਣ ਤੋਂ ਬਚੋ। ਕੁਝ ਵਿਜ਼ੁਅਲਸ ਦੇਖ ਕੇ ਭਾਵੁਕ ਲੋਕ ਪ੍ਰੇਸ਼ਾਨ ਹੋ ਜਾਂਦੇ ਹਨ। ਜ਼ਿਆਦਾ ਸਮੇਂ ਤੱਕ ਟੀ. ਵੀ. ਦੇਖਣ ਦਾ ਮਤਲਬ ਹੈ ਸੰਵਾਦ ਦੀ ਕਮੀ। ਇਸ ਦਾ ਨਤੀਜਾ ਤਣਾਅ, ਇਕੱਲਾਪਨ ਅਤੇ ਸਬੰਧਾਂ ਵਿਚ ਟੁੱਟਣ ਦੇ ਰੂਪ ਵਿਚ ਸਾਹਮਣੇ ਆ ਸਕਦਾ ਹੈ।
ਇਹ ਤਾਂ ਸਿੱਧ ਹੀ ਹੋ ਚੁੱਕਾ ਹੈ ਕਿ ਜ਼ਿਆਦਾ ਦੇਰ ਤੱਕ ਟੀ. ਵੀ. ਦੇਖਣ ਨਾਲ ਤੁਹਾਡੀ ਯਾਦਾਸ਼ਤ ਅਤੇ ਕਲਪਨਾ ਸ਼ਕਤੀ ਘੱਟ ਹੁੰਦੀ ਹੈ। ਟੀ. ਵੀ. 'ਤੇ ਜੋ ਲੁਭਾਉਣੀਆਂ ਮਸ਼ਹੂਰੀਆਂ ਆਉਂਦੀਆਂ ਹਨ, ਉਨ੍ਹਾਂ ਨੂੰ ਲਗਾਤਾਰ ਦੇਖਣ ਨਾਲ ਲੋਕ ਆਪਣੇ ਜੀਵਨ ਦੇ ਪ੍ਰਤੀ ਅਸੰਤੁਸ਼ਟ ਅਤੇ ਕੁੰਠਿਤ ਹੋ ਜਾਂਦੇ ਹਨ।
ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ ਟੀ. ਵੀ. ਸਿੱਖਿਆ ਅਤੇ ਮਨੋਰੰਜਨ ਦੇ ਸਾਧਨ ਵਜੋਂ ਵਧੀਆ ਚੀਜ਼ ਹੈ ਪਰ ਅੱਤ ਹਰ ਚੀਜ਼ ਦੀ ਬੁਰੀ ਹੁੰਦੀ ਹੈ। ਜੇ ਤੁਹਾਨੂੰ ਜਾਂ ਤੁਹਾਡੇ ਘਰ ਵਿਚ ਕਿਸੇ ਨੂੰ ਵੀ ਟੀ. ਵੀ. ਦੇਖਣ ਦੀ ਲਤ ਹੈ ਤਾਂ ਉਸ ਨੂੰ ਕਾਬੂ ਕਰੋ, ਇਸ ਤੋਂ ਪਹਿਲਾਂ ਕਿ ਦੇਰ ਹੋ ਜਾਵੇ। ਜੇ ਤੁਹਾਡੇ ਕੋਲ ਸਮਾਂ ਹੈ ਤਾਂ ਆਪਣੇ ਕਿਸੇ ਸ਼ੌਕ ਵੱਲ ਧਿਆਨ ਦਿਓ, ਆਪਣਾ ਸਮਾਜਿਕ ਦਾਇਰਾ ਵਧਾਓ। ਲਿਖਣ-ਪੜ੍ਹਨ ਦਾ ਸ਼ੌਕ ਅਪਣਾਓ। ਇਸ ਤਰ੍ਹਾਂ ਤੁਸੀਂ ਤੰਦਰੁਸਤ ਰਹੋਗੇ, ਸਰੀਰਕ ਤੌਰ 'ਤੇ ਅਤੇ ਮਾਨਸਿਕ ਤੌਰ 'ਤੇ ਵੀ।


ਖ਼ਬਰ ਸ਼ੇਅਰ ਕਰੋ

ਚਾਹ ਪੀਓ ਪਰ ਧਿਆਨ ਨਾਲ

ਚਾਹ ਦੇ ਸ਼ੌਕੀਨ ਲੋਕ ਅਕਸਰ ਹੀ ਇਹ ਕਹਿੰਦੇ ਹੋਏ ਦੇਖੇ ਜਾ ਸਕਦੇ ਹਨ ਕਿ ਚਾਹ ਸਿਹਤ ਲਈ ਫਾਇਦੇਮੰਦ ਹੁੰਦੀ ਹੈ। ਦੂਜੇ ਪਾਸੇ ਜੋ ਲੋਕ ਚਾਹ ਨਹੀਂ ਪੀਂਦੇ, ਉਹ ਕਹਿੰਦੇ ਹਨ ਕਿ ਚਾਹ ਨੁਕਸਾਨਦਾਇਕ ਹੈ। ਜੇ ਗੌਰ ਨਾਲ ਦੇਖਿਆ ਜਾਵੇ ਤਾਂ ਇਹ ਦੋਵੇਂ ਹੀ ਗੱਲਾਂ ਆਪਣੀ ਜਗ੍ਹਾ ਠੀਕ ਹਨ।
ਅਸਲ ਵਿਚ ਚਾਹ ਵਿਚ ਕੈਫੀਨ ਨਾਮਕ ਤੱਤ ਹੁੰਦਾ ਹੈ, ਜਿਸ ਨਾਲ ਸਿਰਦਰਦ ਵਰਗੀ ਸਮੱਸਿਆ ਤੋਂ ਕੁਝ ਹੱਦ ਤੱਕ ਰਾਹਤ ਮਿਲ ਸਕਦੀ ਹੈ ਪਰ ਜੇ ਚਾਹਪੱਤੀ ਨੂੰ ਜ਼ਿਆਦਾ ਉਬਾਲਿਆ ਜਾਵੇ ਤਾਂ ਕੈਫੀਨ ਆਪਣਾ ਜ਼ਿਆਦਾ ਅਸਰ ਦਿਖਾਉਂਦੀ ਹੈ। ਹੌਲੀ-ਹੌਲੀ ਚਾਹ ਪੀਣ ਵਾਲੇ ਇਸ ਦਾ ਆਦੀ ਹੋ ਜਾਂਦਾ ਹੈ ਅਤੇ ਫਿਰ ਚਾਹ ਨਾ ਮਿਲਣ ਦੀ ਸਥਿਤੀ ਵਿਚ ਸਿਰ ਵਿਚ ਦਬਾਅ ਮਹਿਸੂਸ ਕਰਦਾ ਹੈ ਅਤੇ ਜਦੋਂ ਤੱਕ ਚਾਹ ਨਾ ਪੀ ਲਵੇ, ਉਦੋਂ ਤੱਕ ਦਬਾਅ ਬਣਿਆ ਹੀ ਰਹਿੰਦਾ ਹੈ।
ਕੁਝ ਲੋਕ ਜਦੋਂ ਥਕਾਨ ਮਹਿਸੂਸ ਕਰਦੇ ਹਨ ਜਾਂ ਦੇਰ ਰਾਤ ਤੱਕ ਕੰਮ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਚਾਹ ਦੀ ਲੋੜ ਮਹਿਸੂਸ ਹੁੰਦੀ ਹੈ, ਕਿਉਂਕਿ ਚਾਹ ਵਿਚ ਅਜਿਹੇ ਤੱਤ ਪਾਏ ਜਾਂਦੇ ਹਨ ਜਿਨ੍ਹਾਂ ਨਾਲ ਵਿਅਕਤੀ ਥਕਾਨ ਵਿਚ ਰਾਹਤ ਮਹਿਸੂਸ ਕਰਦਾ ਹੈ। ਅਸਲ ਵਿਚ ਚਾਹ ਦੇ ਅਨੇਕ ਲਾਭ ਹਨ ਪਰ ਨਾਲ-ਨਾਲ ਇਸ ਦਾ ਜ਼ਿਆਦਾ ਸੇਵਨ ਲਾਭ ਦੀ ਬਜਾਏ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਇਸ ਲਈ ਲੋੜ ਹੈ ਕਿ ਚਾਹ ਦੀ ਵਰਤੋਂ ਸਹੀ ਤਰੀਕੇ ਨਾਲ ਕੀਤੀ ਜਾਵੇ ਅਤੇ ਚਾਹ ਪੀਂਦੇ ਸਮੇਂ ਹੇਠ ਲਿਖੀਆਂ ਗੱਲਾਂ ਦਾ ਧਿਆਨ ਰੱਖਿਆ ਜਾਵੇ-
* ਸਵੇਰੇ-ਸਵੇਰੇ ਉਠਦੇ ਹੀ ਚਾਹ ਦਾ ਸੇਵਨ ਕਰਨ ਤੋਂ ਪਹਿਲਾਂ ਕੁਰਲੀ ਜਾਂ ਬੁਰਸ਼ ਆਦਿ ਜ਼ਰੂਰ ਕਰੋ।
* ਵੈਸੇ ਬੈੱਡ ਟੀ ਲੈਣਾ ਕੋਈ ਖ਼ਰਾਬ ਆਦਤ ਨਹੀਂ ਹੈ ਪਰ ਜੇ ਉਸ ਦੇ ਨਾਲ ਨਮਕੀਨ ਬਿਸਕੁਟ ਹੋਣ ਤਾਂ ਠੀਕ ਰਹੇਗਾ, ਕਿਉਂਕਿ ਖਾਲੀ ਪੇਟ ਚਾਹ ਪੀਣ ਨਾਲ ਲਾਭ ਦੀ ਬਜਾਏ ਨੁਕਸਾਨ ਦੀ ਜ਼ਿਆਦਾ ਸੰਭਾਵਨਾ ਰਹਿੰਦੀ ਹੈ।
* ਰੇਲਵੇ ਸਟੇਸ਼ਨਾਂ ਜਾਂ ਟੀ ਸਟਾਲਾਂ 'ਤੇ ਵਿਕਣ ਵਾਲੀ ਚਾਹ ਦਾ ਸੇਵਨ ਜੇ ਨਾ ਕਰੋ ਤਾਂ ਬਿਹਤਰ ਹੋਵੇਗਾ, ਕਿਉਂਕਿ ਇਹ ਭਾਂਡੇ ਨੂੰ ਸਾਫ਼ ਕੀਤੇ ਬਿਨਾਂ ਕਈ ਵਾਰ ਉਸੇ ਵਿਚ ਚਾਹ ਬਣਾਉਂਦੇ ਰਹਿੰਦੇ ਹਨ, ਜਿਸ ਕਾਰਨ ਕਈ ਵਾਰ ਚਾਹ ਜ਼ਹਿਰੀਲੀ ਹੋ ਜਾਂਦੀ ਹੈ।
* ਚਾਹ ਨੂੰ ਕਦੇ ਵੀ ਦੁਬਾਰਾ ਗਰਮ ਕਰ ਕੇ ਨਾ ਪੀਓ ਤਾਂ ਬਿਹਤਰ ਹੋਵੇਗਾ।
* ਕਈ ਵਾਰ ਅਸੀਂ ਬਚੀ ਹੋਈ ਚਾਹ ਨੂੰ ਥਰਮਸ ਵਿਚ ਪਾ ਕੇ ਰੱਖ ਦਿੰਦੇ ਹਾਂ। ਪਰ ਕਦੇ ਵੀ ਜ਼ਿਆਦਾ ਦੇਰ ਤੱਕ ਥਰਮਸ ਵਿਚ ਰੱਖੀ ਚਾਹ ਦਾ ਸੇਵਨ ਨਾ ਕਰੋ।
* ਜਿੰਨਾ ਹੋ ਸਕੇ, ਚਾਹਪੱਤੀ ਨੂੰ ਘੱਟ ਉਬਾਲੋ ਅਤੇ ਇਕ ਵਾਰ ਚਾਹ ਬਣ ਜਾਣ 'ਤੇ ਵਰਤੀ ਗਈ ਚਾਹਪੱਤੀ ਨੂੰ ਸੁੱਟ ਦਿਓ।
* ਚਾਹ ਪੱਤੀ ਖਰੀਦਦੇ ਸਮੇਂ ਸੀਲਪੈਕ ਚਾਹ ਦੀ ਹੀ ਚੋਣ ਕਰੋ, ਕਿਉਂਕਿ ਕਈ ਵਾਰ ਖੁੱਲ੍ਹੀ ਚਾਹ ਵਿਚੋਂ ਕਈ ਤਰ੍ਹਾਂ ਗੰਧ ਆ ਰਹੀ ਹੁੰਦੀ ਹੈ, ਜਿਸ ਨਾਲ ਚਾਹ ਦਾ ਸਵਾਦ ਖਰਾਬ ਹੋਣ ਦੀ ਸੰਭਾਵਨਾ ਰਹਿੰਦੀ ਹੈ।
* ਬਹੁਤ ਜ਼ਿਆਦਾ ਗਰਮ ਚਾਹ ਦਾ ਸੇਵਨ ਵੀ ਨਾ ਕਰੋ। ਇਸ ਨਾਲ ਦੰਦ ਖਰਾਬ ਹੋਣ ਦਾ ਡਰ ਰਹਿੰਦਾ ਹੈ।
**

ਖੇਡੋ ਅਤੇ ਤੰਦਰੁਸਤ ਰਹੋ

ਜੀਵਨ ਵਿਚ ਹਰੇਕ ਵਿਅਕਤੀ ਕਿਸੇ ਨਾ ਕਿਸੇ ਤਰ੍ਹਾਂ ਨਾਲ ਖੇਡਾਂ ਨਾਲ ਜ਼ਰੂਰ ਹੀ ਜੁੜਿਆ ਹੁੰਦਾ ਹੈ, ਫਿਰ ਚਾਹੇ ਉਹ ਮੈਦਾਨਾਂ ਵਿਚ ਖੇਡੇ, ਘਰ ਵਿਚ ਬੈਠੇ-ਬੈਠੇ ਖੇਡੇ ਜਾਂ ਆਪਣੇ ਦੋਸਤਾਂ ਨਾਲ ਮੁਹੱਲੇ ਦੀਆਂ ਗਲੀਆਂ ਵਿਚ ਹੀ ਕਿਉਂ ਨਾ ਖੇਡੇ। ਹਰ ਤਰ੍ਹਾਂ ਨਾਲ ਇਹ ਖੇਡਾਂ ਮਨੁੱਖ ਦੇ ਜੀਵਨ ਨੂੰ ਸੰਵਾਰਨ ਵਿਚ ਸਹਾਇਕ ਹੁੰਦੀਆਂ ਹਨ। ਖੇਡਾਂ ਸਾਨੂੰ ਤੰਦਰੁਸਤ ਹੀ ਨਹੀਂ ਰੱਖਦੀਆਂ, ਸਗੋਂ ਚੁਸਤੀ-ਫੁਰਤੀ ਅਤੇ ਸਰੀਰਕ ਸਮਰੱਥਾਵਾਂ ਵੀ ਪ੍ਰਦਾਨ ਕਰਦੀਆਂ ਹਨ, ਜਿਨ੍ਹਾਂ ਕਾਰਨ ਅਸੀਂ ਆਪਣੇ ਜੀਵਨ ਵਿਚ ਕਈ ਹੋਰ ਕੰਮਾਂ ਨੂੰ ਅਸਾਨੀ ਨਾਲ ਕਰ ਸਕਦੇ ਹਾਂ। ਏਨਾ ਹੀ ਨਹੀਂ, ਸਰੀਰਕ ਲਾਭ ਦੇ ਨਾਲ-ਨਾਲ ਖੇਡਾਂ ਸਾਨੂੰ ਮਾਨਸਿਕ ਲਾਭ ਵੀ ਪਹੁੰਚਾਉਂਦੀਆਂ ਹਨ। ਮਾਨਸਿਕ ਚੁਸਤੀ ਲਈ ਵੀ ਖੇਡਾਂ ਬਹੁਤ ਜ਼ਰੂਰੀ ਹੁੰਦੀਆਂ ਹਨ। ਇਨ੍ਹਾਂ ਖੇਡਾਂ ਦੇ ਕਾਰਨ ਹੀ ਭੁੱਖ ਵੀ ਠੀਕ ਲੱਗਦੀ ਰਹਿੰਦੀ ਹੈ ਅਰਥਾਤ ਵਿਕਾਸ ਲਈ ਅਸੀਂ ਪੌਸ਼ਟਿਕ ਭੋਜਨ ਲੈਣਾ ਸ਼ੁਰੂ ਕਰ ਦਿੰਦੇ ਹਾਂ। ਜੇ ਕੋਈ ਵਿਅਕਤੀ ਖੇਡਾਂ ਨਾਲ ਜੁੜਿਆ ਰਹਿੰਦਾ ਹੈ ਤਾਂ ਉਸ ਦੀ ਪਾਚਣ ਸ਼ਕਤੀ ਵੀ ਠੀਕ-ਠਾਕ ਰਹਿੰਦੀ ਹੈ ਅਤੇ ਉਸ ਦੀ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਵੀ ਵਧ ਜਾਂਦੀ ਹੈ। ਦੂਜੇ ਪਾਸੇ ਖੇਡਾਂ ਸਾਨੂੰ ਆਪਣੇ ਆਂਢ-ਗੁਆਂਢ, ਆਪਣੇ ਮਿੱਤਰਾਂ ਅਤੇ ਦੇਸ਼-ਵਿਦੇਸ਼ ਵਿਚ ਇਕ ਪਹਿਚਾਣ ਦਿਵਾਉਂਦੀਆਂ ਹਨ। ਅਸੀਂ ਖੇਡਦੇ-ਖੇਡਦੇ ਕਦੋਂ ਇਕ-ਦੂਜੇ ਨਾਲ ਮਿੱਤਰਤਾ ਕਰ ਲੈਂਦੇ ਹਾਂ, ਇਸ ਗੱਲ ਦਾ ਪਤਾ ਵੀ ਨਹੀਂ ਲੱਗਦਾ। ਇਨ੍ਹਾਂ ਖੇਡਾਂ ਨੂੰ ਜਦੋਂ ਅਸੀਂ ਮੁਕਾਬਲੇ ਦੇ ਰੂਪ ਵਿਚ ਲੈਂਦੇ ਹਾਂ ਜਾਂ ਜੀਵਨ ਦਾ ਨਿਸ਼ਾਨਾ ਬਣਾ ਲੈਂਦੇ ਹਾਂ ਤਾਂ ਸ਼ੁਰੂ ਹੁੰਦਾ ਹੈ ਇਕ ਸਖ਼ਤ ਮਿਹਨਤ ਅਤੇ ਲਗਾਤਾਰ ਮਿਹਨਤ ਦਾ ਦੌਰ। ਇਹ ਇਸ ਲਈ ਕਿ ਫਿਰ ਸ਼ੁਰੂ ਹੁੰਦਾ ਹੈ ਇਕ ਮਨੁੱਖ ਨੂੰ ਪਰਖ ਦੁਆਰਾ ਖਿਡਾਰੀ ਵਿਚ ਤਬਦੀਲ ਕਰਨ ਦਾ ਦੌਰ। ਉਸ ਵੱਲ ਧਿਆਨ ਦਿੱਤਾ ਜਾਂਦਾ ਹੈ। ਇਕ ਨਿਸਚਿਤ ਦਿਸ਼ਾ ਵਿਚ ਕਈ ਲੋਕ ਮਿਲ ਕੇ ਉਸ ਨੂੰ ਕੋਚਿੰਗ ਦਿੰਦੇ ਹਨ ਤਾਂ ਕਿ ਆਪਣੇ ਸਰੀਰਕ ਅਤੇ ਖੇਡ ਦੇ ਪ੍ਰਮੁੱਖ ਨਿਯਮਾਂ ਦੇ ਤਹਿਤ ਮਾਹਿਰਾਂ ਦੁਆਰਾ ਦਿੱਤੀ ਗਈ ਕੋਚਿੰਗ ਨਾਲ ਉਹ ਇਨ੍ਹਾਂ ਵਿਚ ਵਿਸ਼ੇਸ਼ਤਾ ਅਤੇ ਛੇਤੀ ਸਥਾਨ ਗ੍ਰਹਿਣ ਕਰ ਸਕੇ।
ਇਸ ਖੇਤਰ ਵਿਚ ਭਾਵ ਖੇਡ ਜਗਤ ਵਿਚ ਸਿਰਫ ਤਿੰਨ ਸਥਾਨ ਹੁੰਦੇ ਹਨ ਅਰਥਾਤ ਸਿਰਫ ਸੋਨ, ਚਾਂਦੀ ਅਤੇ ਕਾਂਸੀ ਦਾ ਤਗਮਾ ਜਿੱਤਣ ਵਾਲੇ ਨੂੰ ਹੀ ਲੋਕ ਜਾਣਦੇ ਹਨ ਜਦੋਂ ਕਿ ਅਸੀਂ ਜਦੋਂ ਸਿੱਖਿਆ ਦਾ ਪਹਿਲੂ ਲਈਏ ਤਾਂ ਉਥੇ ਸ਼ਤ ਪ੍ਰਤੀਸ਼ਤ ਤੋਂ ਲੈ ਕੇ ਸਿਰਫ ਅਸਫਲ ਹੋਣ ਵਾਲੇ ਨੂੰ ਵੀ ਕੋਈ ਨਾ ਕੋਈ ਸਥਾਨ ਜੀਵਨ ਵਿਚ ਮਿਲ ਹੀ ਜਾਂਦਾ ਹੈ। ਇਸ ਤਰ੍ਹਾਂ ਉਨ੍ਹਾਂ ਤਿੰਨ ਵਿਸ਼ੇਸ਼ਤਾਵਾਂ 'ਤੇ ਪੂਰੀ ਦੁਨੀਆ ਦੀ ਨਜ਼ਰ ਹੁੰਦੀ ਹੈ ਅਤੇ ਉਨ੍ਹਾਂ ਦੀ ਜਿੱਤ 'ਤੇ ਸਾਰਾ ਸੰਸਾਰ ਆਪਣੇ-ਆਪਣੇ ਤਰੀਕੇ ਨਾਲ ਜਸ਼ਨ ਮਨਾਉਂਦਾ ਹੈ। ਇਸ ਤਰ੍ਹਾਂ ਖੇਡਾਂ ਦੇ ਕਾਰਨ ਹੀ ਖਿਡਾਰੀਆਂ ਦੀ ਪ੍ਰਸਿੱਧੀ ਦਾ ਪ੍ਰਸਾਰ ਹੁੰਦਾ ਰਹਿੰਦਾ ਹੈ। ਖੇਡ-ਖੇਡ ਵਿਚ ਹੀ ਦੁਨੀਆ ਦੇ ਲੱਖਾਂ ਰੰਗ ਹਨ ਅਤੇ ਇਨ੍ਹਾਂ ਨੂੰ ਖੇਡਣ ਵਾਲਿਆਂ ਦੀ ਹੀ ਨਹੀਂ, ਸਗੋਂ ਦੇਖਣ ਅਤੇ ਸਰਾਹੁਣ ਵਾਲਿਆਂ ਦੀ ਵੀ ਆਪਣੀ ਇਕ ਅਲੱਗ ਅਤੇ ਵਿਸ਼ੇਸ਼ ਪਛਾਣ ਹੁੰਦੀ ਹੈ। ਜਦੋਂ ਏਨਾ ਕੁਝ ਹੈ ਇਨ੍ਹਾਂ ਖੇਡਾਂ ਵਿਚ ਤਾਂ ਫਿਰ ਕਿਉਂ ਅਸੀਂ ਅੱਜ ਵੀ ਖੇਡ ਜਗਤ ਵਿਚ ਕਦਮ ਰੱਖਣ ਤੋਂ ਸੰਕੋਚ ਕਰਦੇ ਹਾਂ। ਅੱਗੇ ਵਧੋ, ਖੁੱਲ੍ਹ ਕੇ ਰੱਖੋ ਕਦਮ, ਕੁਝ ਨਹੀਂ ਤਾਂ ਆਪਣਾ ਸਭ ਤੋਂ ਵੱਧ ਵਿਕਾਸ ਤਾਂ ਨਿਸਚਿਤ ਹੀ ਹੈ।

ਪੇਟ ਦੀਆਂ ਬਿਮਾਰੀਆਂ

ਕੀ ਅੰਤੜੀ ਸੋਜ ਹੀ ਕਬਜ਼ ਬਣਦੀ ਹੈ?
ਕਬਜ਼ : ਪਖਾਨਾ ਸਮੇਂ ਸਿਰ ਨਾ ਆਉਣਾ ਇਕ ਆਮ ਬਿਮਾਰੀ ਹੈ। ਕਬਜ਼ ਹੋਣ ਕਰਕੇ ਸਰੀਰ 'ਚ ਕਈ ਤਰ੍ਹਾਂ ਦੇ ਰੋਗ ਜਿਵੇਂ ਸਿਰਦਰਦ, ਪੇਟ ਵਿਚ ਹਲਕਾ ਦਰਦ, ਭੁੱਖ ਨਾ ਲੱਗਣਾ, ਸਰੀਰ ਸੁਸਤ ਤੇ ਪੇਟ ਵਿਚ ਅਫਾਰਾ ਤੇ ਗੈਸ ਬਣਨਾ ਆਦਿ ਹੋ ਸਕਦੇ ਹਨ। ਜਦੋਂ ਵੀ ਕਿਸੇ ਦੀ ਪਖਾਨਾ ਜਾਣ ਦੀ ਆਦਤ ਵਿਚ ਤਬਦੀਲੀ ਹੋ ਜਾਵੇ ਤਾਂ ਉਸ ਨੂੰ ਕਬਜ਼ ਦੀ ਤਕਲੀਫ ਕਿਹਾ ਜਾਂਦਾ ਹੈ। ਸਾਡੇ ਲੋਕਾਂ ਵਿਚ ਕਬਜ਼ ਬਾਰੇ ਕਈ ਧਾਰਨਾਵਾਂ ਹਨ। ਜੇਕਰ ਕਿਸੇ ਨੂੰ ਆਮ ਕਰਕੇ ਦੋ ਜਾਂ ਤਿੰਨ ਵਾਰ ਪਖਾਨਾ ਆਉਂਦਾ ਹੈ ਜਾਂ ਫਿਰ ਪਖਾਨਾ ਆਉਣ ਵੇਲੇ ਸਮਾਂ ਜ਼ਿਆਦਾ ਲਗਦਾ ਹੈ ਜਾਂ ਸਖ਼ਤ ਪਖਾਨਾ ਆਉਂਦਾ ਹੈ ਤਾਂ ਇਹ ਕੋਈ ਕਬਜ਼ ਦੀ ਨਿਸ਼ਾਨੀ ਨਹੀਂ। ਆਮ ਤੌਰ 'ਤੇ ਜਿਸ ਤਰ੍ਹਾਂ ਦਾ ਭੋਜਨ ਕਰਦੇ ਹਾਂ, ਉਸੇ ਤਰ੍ਹਾਂ ਦਾ ਹੀ ਮਲ ਪਦਾਰਥ ਸਾਡੇ ਸਰੀਰ ਅੰਦਰੋਂ ਬਾਹਰ ਨਿਕਲਦਾ ਹੈ। ਉਦਾਹਰਨ ਦੇ ਤੌਰ 'ਤੇ ਜੇ ਪਿਛਲੇ 8-10 ਸਾਲਾਂ ਤੋਂ 2-3 ਦਿਨ ਬਾਅਦ ਪਖਾਨਾ ਜਾਣ ਦੀ ਆਦਤ ਹੋਵੇ ਤਾਂ ਇਸ ਨੂੰ ਅਸੀਂ ਕਬਜ਼ ਨਹੀਂ ਕਹਿ ਸਕਦੇ। ਜੇਕਰ ਕਿਸੇ ਮਰੀਜ਼ ਦੀ ਪਖਾਨਾ ਜਾਣ ਦੀ ਆਦਤ ਵਿਚ ਇਕਦਮ ਤਬਦੀਲੀ ਆ ਜਾਵੇ ਤਾਂ ਉਸ ਨੂੰ ਅਸੀਂ ਕਬਜ਼ ਦੀ ਤਕਲੀਫ ਕਹਿ ਸਕਦੇ ਹਾਂ।
ਕਾਰਨ : ਕਬਜ਼ ਦੇ ਹੇਠ ਲਿਖੇ ਕਾਰਨ ਹਨ-
* ਸੁੱਕਾ ਭੋਜਨ ਖਾਣ ਕਰਕੇ ਭੋਜਨ ਪਦਾਰਥਾਂ ਵਿਚ ਤਰਲਤਾ ਦੀ ਕਮੀ।
* ਭੋਜਨ ਵਿਚ ਹਰੀਆਂ ਸਬਜ਼ੀਆਂ ਤੇ ਸਲਾਦ ਦੀ ਕਮੀ।
* ਅੰਤੜੀਆਂ ਦਾ ਘੱਟ ਕੰਮ ਕਰਨਾ।
* ਜੋ ਲੋਕ ਜ਼ਿਆਦਾ ਚਿਰ ਬੈਠ ਕੇ ਕੰਮ ਕਰਦੇ ਹਨ, ਉਨ੍ਹਾਂ ਨੂੰ ਵੀ ਕਬਜ਼ ਹੋ ਜਾਂਦੀ ਹੈ।
* ਚਿੰਤਾ, ਜ਼ਿਆਦਾ ਸੋਚਣਾ, ਨਾਜ਼ੁਕ ਜਿਹੇ ਸੁਭਾਅ ਦਾ ਹੋਣਾ।
* ਅੰਤੜੀਆਂ ਜਾਂ ਪੇਟ ਦੀਆਂ ਮਾਸਪੇਸ਼ੀਆਂ ਦਾ ਕਮਜ਼ੋਰ ਹੋਣਾ।
* ਭੋਜਨ ਹਜ਼ਮ ਕਰਨ ਵਾਲੇ ਤੱਤਾਂ ਦੀ ਕਮੀ।
* ਜਿਗਰ ਦੀ ਕਮਜ਼ੋਰੀ ਕਰਕੇ।
* ਜ਼ਿਆਦਾ ਉਲਟੀਆਂ ਆਉਣ ਕਰਕੇ।
* ਸਰੀਰ ਵਿਚੋਂ ਚਮੜੀ ਰਾਹੀਂ ਜਾਂ ਗੁਰਦੇ ਰਾਹੀਂ ਜ਼ਿਆਦਾ ਪਾਣੀ ਦੀ ਮਾਤਰਾ ਨਿਕਲਣ ਕਰਕੇ ਵੀ ਕਬਜ਼ ਹੋ ਜਾਂਦੀ ਹੈ।
ਲੱਛਣ : * ਕਬਜ਼ ਬਾਰੇ ਮਰੀਜ਼ ਨੂੰ ਸਿਰਦਰਦ, ਕਮਜ਼ੋਰ ਸਰੀਰ, ਚਿੰਤਾ ਆਦਿ ਦੀ ਤਕਲੀਫ ਬਹੁਤ ਹੁੰਦੀ ਹੈ।
* ਮਰੀਜ਼ ਇਸ ਤਕਲੀਫ ਬਾਰੇ ਜਿੰਨਾ ਸੋਚਦਾ ਹੈ, ਓਨੀ ਹੀ ਤਕਲੀਫ ਵਧਦੀ ਜਾਂਦੀ ਹੈ।
* ਮਰੀਜ਼ ਦੀ ਜੀਭ ਹਰ ਵੇਲੇ ਸੁੱਕੀ ਰਹਿੰਦੀ ਹੈ।
* ਕਈ ਵਾਰ ਮਰੀਜ਼ ਨੂੰ ਬਵਾਸੀਰ ਵੀ ਹੋ ਜਾਂਦੀ ਹੈ।
ਅੰਤੜੀ ਦੀ ਸੋਜ : ਅੰਤੜੀਆਂ ਦਾ ਰੋਗ ਸਾਡੇ ਪੇਟ ਵਿਚ ਇਕ ਤਰ੍ਹਾਂ ਨਾਲ ਅੰਤੜੀਆਂ ਦੀ ਸੋਜ ਦਾ ਸਿੱਟਾ ਹੈ। ਸਾਡੇ ਪੇਟ ਵਿਚ ਕੀਟਾਣੂ ਗੰਦੇ ਪਾਣੀ ਦੁਆਰਾ ਚਲੇ ਜਾਂਦੇ ਹਨ। ਇਹ ਕੀਟਾਣੂ ਪੇਟ ਅੰਦਰ ਜਾ ਕੇ ਅੰਤੜੀਆਂ ਦੇ ਆਸ-ਪਾਸ ਲੱਗੀ ਝਿੱਲੀ ਅਤੇ ਅੰਤੜੀਆਂ 'ਚ ਜਾ ਕੇ ਪਨਪਦੇ ਹਨ, ਜਿਸ ਕਰਕੇ ਅੰਤੜੀਆਂ ਵਿਚ ਸੋਜ ਹੋ ਜਾਂਦੀ ਹੈ। ਵਿਅਕਤੀ ਅੰਤੜੀ ਦਾ ਰੋਗੀ ਹੋ ਜਾਂਦਾ ਹੈ। ਮਰੀਜ਼ ਨੂੰ ਵਾਰ-ਵਾਰ ਪਖਾਨਾ, ਪਖਾਨੇ ਨਾਲ ਲੇਸ ਤੇ ਖੂਨ ਆਉਂਦਾ ਹੈ। ਜੀਭ 'ਤੇ ਚਿੱਟੀ ਪਰਤ ਜੰਮ ਜਾਂਦੀ ਹੈ ਤੇ ਪੇਟ ਦਰਦ ਹੁੰਦਾ ਹੈ।
ਇਲਾਜ : ਇਸ ਬਿਮਾਰੀ ਤੋਂ ਬਚਣ ਲਈ ਸਾਫ਼-ਸੁਥਰਾ ਪਾਣੀ ਉਬਾਲ ਕੇ, ਠੰਢਾ ਕਰਕੇ ਪੀਓ। ਆਪਣੇ ਆਲੇ-ਦੁਆਲੇ ਦੇ ਵਾਤਾਵਰਨ ਨੂੰ ਸਾਫ਼-ਸੁਥਰਾ ਰੱਖੋ। ਜਦੋਂ ਵੀ ਕਿਸੇ ਨੂੰ ਇਸ ਰੋਗ ਦੇ ਲੱਛਣਾਂ ਬਾਰੇ ਪਤਾ ਲੱਗੇ ਤਾਂ ਉਸ ਤੋਂ ਘਬਰਾਉਣ ਦੀ ਲੋੜ ਨਹੀਂ। ਪੇਟ ਰੋਗਾਂ ਦੇ ਮਾਹਿਰ ਡਾਕਟਰ ਦੀ ਸਲਾਹ ਅਨੁਸਾਰ ਇਲਾਜ ਕਰਵਾਓ। ਅੱਜਕਲ੍ਹ ਬਹੁਤ ਹੀ ਨਵੇਂ ਤਰੀਕੇ ਦੀ ਫਲੈਕਸੀਬਲ ਟਾਈਬਰ ਉਪਟੀਕ ਐਂਡੋਸਕੋਪੀ (ਦੂਰਬੀਨ) ਆ ਗਈ ਹੈ। ਇਸ ਨਾਲ ਪੇਟ ਦੀ ਹਰ ਬਿਮਾਰੀ ਦਾ ਇਲਾਜ ਹੋ ਜਾਂਦਾ ਹੈ।


-ਜਸਵੰਤ ਹਸਪਤਾਲ, ਅੱਡਾ ਬਸਤੀਆਂ, ਨਾਲ ਪੈਟਰੋਲ ਪੰਪ, ਜਲੰਧਰ।

ਗਲੇ ਦੀ ਖਿਚ-ਖਿਚ : ਘਬਰਾਓ ਨਾ

ਸਰਦੀ ਇਸ ਸਮੇਂ ਆਪਣੇ ਜੋਬਨ 'ਤੇ ਹੈ। ਭਰਪੂਰ ਸਰਦੀ ਦੇ ਕਾਰਨ ਸਰਦੀ-ਜ਼ੁਕਾਮ, ਗਲਾ ਖਰਾਬ, ਖੰਘ, ਬੁਖਾਰ ਦਾ ਹੋਣਾ ਆਮ ਗੱਲ ਹੈ। ਬਹੁਤੇ ਲੋਕ ਇਨ੍ਹਾਂ ਇਨਫੈਕਸ਼ਨਾਂ ਤੋਂ ਪ੍ਰੇਸ਼ਾਨ ਹਨ। ਥੋੜ੍ਹੀ ਜਿਹੀ ਲਾਪ੍ਰਵਾਹੀ ਸਿੱਧਾ ਗਲੇ 'ਤੇ ਪ੍ਰਭਾਵ ਪਾਉਂਦੀ ਹੈ। ਨਤੀਜੇ ਵਜੋਂ ਗਲੇ ਦੀ ਖਿਚ-ਖਿਚ, ਖੰਘ ਆਉਣੀ ਸੁਭਾਵਿਕ ਜਿਹੀ ਗੱਲ ਹੈ। ਜੇ ਸਮਾਂ ਰਹਿੰਦੇ ਇਸ ਖਿਚ-ਖਿਚ ਨੂੰ ਕਾਬੂ ਨਾ ਕੀਤਾ ਜਾਵੇ ਤਾਂ ਇਹ ਸਮੱਸਿਆ ਬਣ ਸਕਦੀ ਹੈ।
ਗਲੇ ਦਾ ਦਰਦ ਏਨਾ ਵਧ ਜਾਂਦਾ ਹੈ ਕਿ ਗੱਲ ਕਰਨਾ ਤਾਂ ਮੁਸ਼ਕਿਲ ਹੁੰਦਾ ਹੀ ਹੈ, ਉਸ ਦੇ ਨਾਲ-ਨਾਲ ਨਾ ਤੁਸੀਂ ਕੁਝ ਖਾ ਸਕਦੇ ਹੋ, ਨਾ ਪੀ ਸਕਦੇ ਹੋ। ਪਾਣੀ ਪੀਣਾ ਵੀ ਬਹੁਤ ਮੁਸ਼ਕਿਲ ਹੋ ਜਾਂਦਾ ਹੈ ਅਤੇ ਦਿਨ ਭਰ ਦਰਦ ਵੀ ਹੁੰਦੀ ਰਹਿੰਦੀ ਹੈ। ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ ਕੁਝ ਗੱਲਾਂ 'ਤੇ ਧਿਆਨ ਦਿਓ ਤਾਂ ਕਿ ਗਲੇ ਦੀ ਇਨਫੈਕਸ਼ਨ ਤੋਂ ਬਚਿਆ ਜਾ ਸਕੇ।
ਨਮਕ ਵਾਲੇ ਗਰਮ ਪਾਣੀ ਦੇ ਗਰਾਰੇ
ਗਰਮ ਪਾਣੀ ਵਿਚ ਨਮਕ ਮਿਲਾ ਕੇ ਗਰਾਰੇ ਕਰਨ ਨਾਲ ਗਲੇ ਨੂੰ ਰਾਹਤ ਮਿਲਦੀ ਹੈ। ਇਸ ਨਾਲ ਗਲੇ ਦੀ ਸੋਜ ਘੱਟ ਹੁੰਦੀ ਹੈ। ਗਰਾਰੇ ਕਰਨ ਤੋਂ ਇਕਦਮ ਬਾਅਦ ਥੋੜ੍ਹਾ ਜਿਹਾ ਨਮਕ ਮਿਲਿਆ ਕੋਸਾ ਪਾਣੀ ਪੀ ਲਓ ਤਾਂ ਕਿ ਅੰਦਰ ਤੱਕ ਗਲੇ ਨੂੰ ਰਾਹਤ ਮਿਲ ਸਕੇ। ਗਰਾਰੇ ਤੁਸੀਂ ਦਿਨ ਵਿਚ 3 ਤੋਂ 4 ਵਾਰ ਕਰ ਸਕਦੇ ਹੋ ਪਰ ਖਾਣੇ ਤੋਂ ਇਕਦਮ ਬਾਅਦ ਗਰਾਰੇ ਨਾ ਕਰੋ। ਗਰਾਰੇ ਕਰਨ ਤੋਂ ਬਾਅਦ ਬਾਹਰ ਠੰਢ ਵਿਚ ਵੀ ਨਾ ਨਿਕਲੋ ਅਤੇ ਨਾ ਹੀ ਕੁਝ ਠੰਢਾ ਲਓ। ਗਲੇ 'ਤੇ ਮਫਲਰ ਜਾਂ ਸਟੋਲ ਪਾਓ।
ਗਰਮ ਤਰਲ ਪਦਾਰਥ ਲਓ
ਗਲੇ ਵਿਚ ਦਰਦ ਅਤੇ ਇਨਫੈਕਸ਼ਨ ਹੋਣ 'ਤੇ ਹਰ ਥੋੜ੍ਹੀ ਦੇਰ ਵਿਚ ਕੁਝ ਨਾ ਕੁਝ ਗਰਮ ਤਰਲ ਪਦਾਰਥ ਲੈਂਦੇ ਰਹੋ ਜਿਵੇਂ ਕੋਸੇ ਪਾਣੀ ਵਿਚ ਸ਼ਹਿਦ ਮਿਲਾ ਕੇ, ਨਿੰਬੂ ਮਿਲਾ ਕੇ, ਦਿਨ ਵਿਚ 2-3 ਵਾਰ ਅਦਰਕ, ਤੁਲਸੀ ਵਾਲੀ ਚਾਹ, ਤਾਜ਼ੀਆਂ ਸਬਜ਼ੀਆਂ ਦਾ ਸੂਪ, ਘਰੇਲੂ ਚੀਜ਼ਾਂ ਨਾਲ ਬਣਿਆ ਕਾੜ੍ਹਾ (ਪਾਣੀ ਵਿਚ ਥੋੜ੍ਹਾ ਅਦਰਕ, ਤੁਲਸੀ ਦੇ ਪੱਤੇ, ਇਕ ਚੁਟਕੀ ਹਲਦੀ, ਇਕ ਚੁਟਕੀ ਕਾਲੀ ਮਿਰਚ ਪੀਸੀ ਹੋਈ, ਚੁਟਕੀ ਕੁ ਨਮਕ, ਕਰੀ ਪੱਤੇ ਦੇ ਕੁਝ ਪੱਤੇ, ਖੰਡ ਜਾਂ ਮਿਸ਼ਰੀ ਪਾ ਕੇ ਘੱਟ ਸੇਕ 'ਤੇ ਉਬਾਲਣ ਤੋਂ ਬਾਅਦ ਉਸ ਨੂੰ ਪੁਣ ਕੇ ਸਿਪ-ਸਿਪ ਕਰ ਕੇ ਪੀਓ। ਜੇ ਘਰ ਵਿਚ ਸ਼ਹਿਦ ਹੈ ਤਾਂ ਖੰਡ-ਮਿਸ਼ਰੀ ਦੀ ਜਗ੍ਹਾ ਕੱਪ ਵਿਚ ਸ਼ਹਿਦ ਪਾ ਕੇ ਉੱਪਰੋਂ ਦੀ ਗਰਮ ਕਾੜ੍ਹਾ ਪੁਣ ਕੇ ਪਾਓ। ਇਸ ਦੇ ਸੇਵਨ ਤੋਂ ਬਾਅਦ 2 ਘੰਟੇ ਤੱਕ ਕੁਝ ਵੀ ਠੰਢਾ ਨਾ ਲਓ ਅਤੇ ਬਾਹਰ ਨਾ ਨਿਕਲੋ।
ਭਾਫ਼ ਲਓ
ਸਰਦੀ ਵਿਚ ਠੰਢ ਲੱਗਣ 'ਤੇ ਭਾਫ ਬਹੁਤ ਲਾਭਦਾਇਕ ਹੁੰਦੀ ਹੈ, ਖਾਸ ਕਰਕੇ ਜਦੋਂ ਤੁਸੀਂ ਬੰਦ ਕਮਰੇ ਵਿਚ ਬਿਸਤਰ 'ਤੇ ਬੈਠੇ ਜਾਂ ਲੇਟੇ ਆਰਾਮ ਕਰ ਰਹੇ ਹੁੰਦੇ ਹੋ। ਸਟੀਮਰ ਚਲਾ ਕੇ ਦਰਵਾਜ਼ੇ-ਖਿੜਕੀਆਂ ਬੰਦ ਕਰ ਦਿਓ। ਥੋੜ੍ਹੀ ਦੇਰ ਵਿਚ ਕਮਰੇ ਵਿਚ ਭਾਫ ਫੈਲ ਜਾਵੇਗੀ। ਇਸ ਨਾਲ ਤੁਹਾਨੂੰ ਖੰਘ, ਸਰਦੀ ਅਤੇ ਗਲੇ ਦੇ ਦਰਦ ਤੋਂ ਆਰਾਮ ਮਿਲੇਗਾ। ਚਾਹੋ ਤਾਂ ਸਟੀਮਰ ਦੇ ਪਾਣੀ ਵਿਚ ਯੁਕਿਲਪਟਸ ਤੇਲ ਦੀਆਂ ਕੁਝ ਬੂੰਦਾਂ ਜਾਂ ਥੋੜ੍ਹੀ ਜਿਹੀ ਵਿਕਸ ਪਾ ਸਕਦੇ ਹੋ। ਗਲੇ ਦੀਆਂ ਸਾਰੀਆਂ ਨਸਾਂ-ਨਾੜੀਆਂ ਭਾਫ ਲੈਣ ਨਾਲ ਖੁੱਲ੍ਹ ਜਾਂਦੀਆਂ ਹਨ।
ਸਲਾਈਵਾ ਬਣਦਾ ਰਹੇ, ਲਓ ਕੁਝ ਚੂਸਣ ਵਾਲੀਆਂ ਗੋਲੀਆਂ
ਜਦੋਂ ਗਲਾ ਦਰਦ ਹੋਵੇ ਤਾਂ ਕੁਝ ਵੀ ਖਾਣਾ-ਪੀਣਾ ਮੁਸ਼ਕਿਲ ਹੋ ਜਾਂਦਾ ਹੈ ਅਤੇ ਗਲਾ ਬਹੁਤ ਖੁਸ਼ਕ ਵੀ ਰਹਿੰਦਾ ਹੈ। ਇਸ ਖੁਸ਼ਕੀ ਤੋਂ ਛੁਟਕਾਰਾ ਪਾਉਣ ਲਈ ਆਯੁਰਵੈਦਿਕ ਜਾਂ ਐਲੋਪੈਥੀ ਦੀਆਂ ਗੋਲੀਆਂ ਚੂਸਦੇ ਰਹੋ ਤਾਂ ਕਿ ਸਲਾਈਵਾ ਬਣਦਾ ਰਹੇ ਅਤੇ ਸਲਾਈਵਾ ਜਦੋਂ ਗਲੇ ਵਿਚ ਜਾਵੇਗਾ ਤਾਂ ਦਵਾਈ ਦਾ ਪ੍ਰਭਾਵ ਵੀ ਗਲੇ ਨੂੰ ਮਿਲੇਗਾ ਅਤੇ ਆਰਾਮ ਮਿਲੇਗਾ।
ਦੇਸੀ ਘਿਓ ਗਰਮ ਕਰ ਕੇ ਗਲੇ 'ਤੇ ਹਲਕੀ ਮਾਲਿਸ਼ ਕਰੋ। ਦਿਨ ਵਿਚ 2 ਵਾਰ ਕਰੋ। ਧਿਆਨ ਰਹੇ ਕਿ ਮਾਲਿਸ਼ ਤੋਂ ਬਾਅਦ ਬਾਹਰ ਨਾ ਨਿਕਲੋ। ਗਲੇ 'ਤੇ ਮਫਲਰ ਜਾਂ ਸੂਤੀ ਚੁੰਨੀ ਲਪੇਟ ਲਓ। ਕਾਫੀ ਆਰਾਮ ਮਹਿਸੂਸ ਹੋਵੇਗਾ।

ਅਨੇਕ ਬਿਮਾਰੀਆਂ ਤੋਂ ਬਚਾਉਂਦਾ ਹੈ ਲੋਹ ਤੱਤ

ਲੋਹ ਤੱਤ ਦੀ ਘਾਟ ਨਾਲ ਵਿਅਕਤੀ ਵਿਚ ਅਨੇਕਾਂ ਬਿਮਾਰੀਆਂ ਪੈਦਾ ਹੋਣ ਤੋਂ ਇਲਾਵਾ ਸਮਾਜਿਕ ਅਤੇ ਭਾਵਨਾਤਮਕ ਵਿਕਾਸ ਵਿਚ ਰੁਕਾਵਟ ਆਉਂਦੀ ਹੈ ਅਤੇ ਅਨੀਮੀਆ ਵਰਗੀ ਘਾਤਕ ਬਿਮਾਰੀ ਵੀ ਹੋ ਜਾਂਦੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਓਡੀਨ ਅਤੇ ਵਿਟਾਮਿਨ ਏ ਦੀ ਤਰ੍ਹਾਂ ਹੀ ਸਰੀਰ ਵਿਚ ਲੋਹ ਤੱਤ ਦੀ ਪੂਰਤੀ ਵੀ ਜ਼ਰੂਰੀ ਹੈ ਕਿਉਂਕਿ ਲੋਹ ਤੱਤ ਨਾਲ ਹੋਣ ਵਾਲੀਆਂ ਅਨੇਕ ਬਿਮਾਰੀਆਂ ਤੋਂ ਬਚਾਉਂਦਾ ਹੈ। ਲੋਹ ਤੱਤ ਦੀ ਘਾਟ ਨਾਲ ਸਰੀਰ ਦੀ ਰੋਗ-ਪ੍ਰਤੀਰੋਧੀ ਤਾਕਤ ਵਿਚ ਘਾਟ ਹੋ ਜਾਂਦੀ ਹੈ ਅਤੇ ਰੋਗਾਂ ਵਿਚ ਵਾਧਾ ਹੋ ਜਾਂਦਾ ਹੈ।

ਸਿਹਤ ਖ਼ਬਰਨਾਮਾ

ਦਿਲ ਲਈ ਲਾਭਕਾਰੀ ਹੈ ਚਾਹ

ਅਮਰੀਕਨ ਕਾਲਜ ਆਫ਼ ਕਾਰਡੀਓਲਾਜੀ ਦੇ ਮਾਹਿਰਾਂ ਵਲੋਂ ਕੀਤੇ ਗਏ ਖੋਜ ਕਾਰਜ ਅਨੁਸਾਰ ਚਾਹ ਵਿਚ ਐਂਟੀਆਕਸੀਡੈਂਟ ਪਾਏ ਜਾਂਦੇ ਹਨ ਜੋ ਦਿਲ ਦੀਆਂ ਨਾੜੀਆਂ 'ਚ ਆਕਸੀਜਨ ਨਾਲ ਹੋਣ ਵਾਲੇ ਨੁਕਸਾਨ ਤੋਂ ਬਚਾਅ ਕਰਦੇ ਹਨ। ਚਾਹ ਦਾ ਸੇਵਨ ਖੂਨ ਦੇ ਥੱਕੇ ਬਣਨ ਦੀ ਪ੍ਰਕਿਰਿਆ ਨੂੰ ਕੰਟਰੋਲ ਵਿਚ ਰੱਖਦਾ ਹੈ। ਥੱਕੇ ਜ਼ਿਆਦਾ ਬਣਨ ਦੇ ਕਾਰਨ ਦਿਲ ਦਾ ਦੌਰਾ ਪੈਣ ਦੀ ਸੰਭਾਵਨਾ ਵਧ ਜਾਂਦੀ ਹੈ। ਇਹ ਖੂਨ ਵਿਚ ਐਂਟੀਆਕਸੀਡੈਂਟ ਦੀ ਮਾਤਰਾ ਨੂੰ ਵਧਾਉਂਦੀ ਹੈ, ਅਖੀਰ ਚਾਹ ਥਕਾਵਟ ਨੂੰ ਦੂਰ ਕਰਨ ਦੇ ਨਾਲ-ਨਾਲ ਸਿਹਤ ਲਈ ਵੀ ਲਾਭਕਾਰੀ ਮੰਨੀ ਜਾਂਦੀ ਹੈ।
ਦਿਲ ਨੂੰ ਕਮਜ਼ੋਰ ਬਣਾਉਂਦਾ ਹੈ 'ਗੁੱਸਾ'

ਯੂਨੀਵਰਸਿਟੀ ਆਫ਼ ਕੈਲੀਫੋਰਨੀਆ ਦੇ ਖੋਜਕਰਤਾਵਾਂ ਅਨੁਸਾਰ ਗੁੱਸਾ ਕਰਨ ਨਾਲ ਖੂਨ ਨਾੜੀਆਂ ਦੀ ਅੰਦਰੂਨੀ ਦੀਵਾਰ 'ਤੇ ਘਾਤਕ ਕੋਲੇਸਟਰੋਲ ਜ਼ਿਆਦਾ ਜੰਮਣ ਲੱਗਦੇ ਹਨ। ਇਸ ਕਾਰਨ ਖੂਨ ਨਾੜੀਆਂ ਛੋਟੀਆਂ ਹੋ ਜਾਂਦੀਆਂ ਹਨ ਅਤੇ ਨਤੀਜੇ ਵਜੋਂ ਦਿਲ ਨੂੰ ਜ਼ਰੂਰਤ ਤੋਂ ਘੱਟ ਮਾਤਰਾ ਵਿਚ ਖੂਨ ਦੀ ਪੂਰਤੀ ਹੁੰਦੀ ਹੈ। ਇਸ ਲਈ ਗੁੱਸੇ 'ਤੇ ਕੰਟਰੋਲ ਕਰ ਕੇ ਲੰਮੇ ਅਤੇ ਸਿਹਤਮੰਦ ਜੀਵਨ ਨੂੰ ਹਾਸਲ ਕੀਤਾ ਜਾ ਸਕਦਾ ਹੈ।
ਚੀਨੀ ਕਰ ਰਹੀ ਹੈ ਜ਼ਿੰਦਗੀ ਨੂੰ ਛੋਟਾ

ਗੁੜ ਅਤੇ ਚੀਨੀ ਕੁਝ ਸਮਾਂ ਪਹਿਲਾਂ ਤੱਕ ਘਰ ਦੀ ਰਸੋਈ ਵਿਚ ਆਮ ਤੌਰ 'ਤੇ ਮਿਲ ਜਾਇਆ ਕਰਦੀ ਸੀ ਪਰ ਹੁਣ ਲੋਕਾਂ ਨੇ ਇਨ੍ਹਾਂ ਨੂੰ ਛੱਡ ਕੇ 'ਚੀਨੀ' ਨਾਲ ਸਬੰਧ ਜੋੜ ਲਿਆ ਹੈ। ਹਾਰਟ ਕੇਅਰ ਫਾਊਂਡੇਸ਼ਨ ਆਫ਼ ਇੰਡੀਆ ਨੇ ਇਸ ਦਾ ਖੁਲਾਸਾ ਕਰਦੇ ਹੋਏ ਦੱਸਿਆ ਹੈ ਕਿ ਚੀਨੀ ਨੂੰ ਬਣਾਉਣ ਦੀ ਪ੍ਰਕਿਰਿਆ ਵਿਚ ਉਸ ਦੇ ਸਾਰੇ ਲਾਭਕਾਰੀ ਐਨਜਾਈਮ, ਖਣਿਜ ਪਦਾਰਥ, ਵਿਟਾਮਿਨ ਅਤੇ ਹੋਰ ਵੀ ਮੌਜੂਦ ਫਾਇਦੇਮੰਦ ਤੱਤ ਨਸ਼ਟ ਹੋ ਜਾਂਦੇ ਹਨ। ਇਸ ਤਰ੍ਹਾਂ ਦੀ ਸਥਿਤੀ ਵਿਚ ਚੀਨੀ ਖਾਧ ਵਸਤੂ ਨਹੀਂ ਰਹਿ ਜਾਂਦੀ। ਇਸ ਸਫੇਦ ਚੀਨੀ ਨੂੰ ਖਾਂਦੇ ਰਹਿਣ ਨਾਲ ਜੋੜਾਂ ਵਿਚ ਜਕੜਨ ਅਤੇ ਧਮਨੀਆਂ ਵਿਚ ਰੁਕਾਵਟ ਦੀ ਹਾਲਤ ਬਣਨੀ ਸ਼ੁਰੂ ਹੋ ਜਾਂਦੀ ਹੈ ਅਤੇ ਅੱਖਾਂ ਵਿਚ ਮੋਤੀਆਬਿੰਦ ਵੀ ਹੋ ਸਕਦਾ ਹੈ। ਦਿਲ ਰੋਗ, ਕੈਂਸਰ ਅਤੇ ਜੋੜਾਂ ਦੇ ਦਰਦ ਦਾ ਇਕ ਕਾਰਨ ਵੀ ਚੀਨੀ ਦਾ ਨਿਰੰਤਰ ਸੇਵਨ ਵੀ ਹੋ ਸਕਦਾ ਹੈ।





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX