ਤਾਜਾ ਖ਼ਬਰਾਂ


ਗੁਰਇਕਬਾਲ ਸਿੰਘ ਮਾਹਲ ਦੀ ਅਗਵਾਈ 'ਚ ਹਲਕਾ ਕਾਦੀਆਂ 'ਚ ਕਾਂਗਰਸ ਸਰਕਾਰ ਖ਼ਿਲਾਫ਼ ਸ਼ਾਂਤਮਈ ਧਰਨੇ ਮੁਜ਼ਾਹਰੇ
. . .  5 minutes ago
ਬਟਾਲਾ, 6 ਅਗਸਤ (ਕਾਹਲੋਂ)- ਕਾਂਗਰਸ ਸਰਕਾਰ ਦੇ ਖ਼ਿਲਾਫ਼ ਅੱਜ ਵਿਧਾਨ ਸਭਾ ਹਲਕਾ ਕਾਦੀਆਂ 'ਚ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਸੀਨੀਅਰ ਅਕਾਲੀ....
ਵਿਜੈ ਮਾਲਿਆ ਦੀ ਸਮੀਖਿਆ ਪਟੀਸ਼ਨ 'ਤੇ ਸੁਣਵਾਈ 20 ਅਗਸਤ ਤੱਕ ਮੁਲਤਵੀ
. . .  19 minutes ago
ਨਵੀਂ ਦਿੱਲੀ, 6 ਅਗਸਤ- ਸ਼ਰਾਬ ਕਾਰੋਬਾਰੀ ਵਿਜੈ ਮਾਲਿਆ ਦੀਆਂ ਮੁਸ਼ਕਲਾਂ ਵੱਧ ਦੀਆਂ ਨਜ਼ਰ ਆ ਰਹੀਆਂ ਹਨ। ਸੁਪਰੀਮ ਕੋਰਟ ਨੇ ਭਗੌੜੇ ਵਿਜੈ ਮਾਲਿਆ ....
ਸੁਲਝਣ ਦਾ ਨਾਮ ਨਹੀਂ ਲੈ ਰਿਹਾ ਪਿੰਡ ਕਲਿਆਣਾ ਦੇ ਗੁਰਦੁਆਰਾ ਸਾਹਿਬ 'ਚੋਂ ਗ਼ਾਇਬ ਹੋਏ ਸੌ ਸਾਲ ਪੁਰਾਣੇ ਪਾਵਨ ਸਰੂਪ ਦਾ ਮਾਮਲਾ
. . .  37 minutes ago
ਪਟਿਆਲਾ, 6 ਅਗਸਤ (ਧਰਮਿੰਦਰ ਸਿੰਘ ਸਿੱਧੂ)- ਪਟਿਆਲਾ ਨੇੜਲੇ ਪਿੰਡ ਕਲਿਆਣ ਵਿਖੇ ਗੁਰਦੁਆਰਾ ਅਰਦਾਸਪੁਰਾ ਸਾਹਿਬ 'ਚੋਂ ਗ਼ਾਇਬ ....
ਖਮਾਣੋਂ (ਫ਼ਤਿਹਗੜ੍ਹ ਸਾਹਿਬ) 'ਚ ਤਿੰਨ ਹੋਰ ਔਰਤਾਂ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  47 minutes ago
ਖਮਾਣੋਂ, 6 ਅਗਸਤ (ਮਨਮੋਹਣ ਸਿੰਘ ਕਲੇਰ)- ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਦੇ ਖਮਾਣੋਂ 'ਚ ਅੱਜ ਤਿੰਨ ਔਰਤਾਂ 'ਚ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ....
ਅਹਿਮਦਾਬਾਦ ਦੇ ਹਸਪਤਾਲ 'ਚ ਲੱਗੀ ਅੱਗ ਦੀ ਘਟਨਾ ਦੀ ਜਾਂਚ ਸ਼ੁਰੂ
. . .  about 1 hour ago
ਗਾਂਧੀ ਨਗਰ, 6 ਅਗਸਤ- ਅਹਿਮਦਾਬਾਦ ਦੇ ਹਸਪਤਾਲ 'ਚ ਅੱਗ ਦੀ ਘਟਨਾ 'ਤੇ ਜੇ.ਸੀ.ਪੀ ਨੇ ਕਿਹਾ ਕਿ ਅਸੀਂ ਜਾਂਚ 'ਚ ਫਾਇਰ ਅਤੇ...
ਮਸਤੂਆਣਾ (ਸੰਗਰੂਰ) ਵਿਖੇ ਸ੍ਰੀ ਹਰਿਮੰਦਰ ਸਾਹਿਬ ਦੀ ਹੂਬਹੂ ਨਕਲ 'ਤੇ ਬਣਾਏ ਜਾ ਰਹੇ ਗੁਰਦੁਆਰੇ ਦੀ ਤਬਦੀਲੀ ਸੰਬੰਧੀ ਜਥੇਦਾਰ ਨੂੰ ਮੰਗ ਪੱਤਰ
. . .  about 1 hour ago
ਅੰਮ੍ਰਿਤਸਰ, 6 ਅਗਸਤ (ਰਾਜੇਸ਼ ਕੁਮਾਰ ਸੰਧੂ) - ਮਸਤੂਆਣਾ (ਸੰਗਰੂਰ) ਵਿਖੇ ਸ੍ਰੀ ਹਰਿਮੰਦਰ ਸਾਹਿਬ ਦੀ ਹੂਬਹੂ ਨਕਲ ਦੇ ਬਣਾਏ ਜਾ ਰਹੇ ਗੁਰਦੁਆਰੇ ....
ਪਿਛਲੇ 24 ਘੰਟਿਆਂ ਦੌਰਾਨ ਭਾਰਤ 'ਚ ਕੋਰੋਨਾ ਦੇ 56,282 ਨਵੇਂ ਮਾਮਲੇ ਆਏ ਸਾਹਮਣੇ
. . .  about 1 hour ago
ਨਵੀਂ ਦਿੱਲੀ, 6 ਅਗਸਤ- ਭਾਰਤ 'ਚ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਮਰੀਜ਼ਾਂ ਦੀ ਗਿਣਤੀ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਪਿਛਲੇ 24 ਘੰਟਿਆਂ ਦੌਰਾਨ....
ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਪੰਜਾਬ ਸਰਕਾਰ ਦੇ ਖ਼ਿਲਾਫ਼ ਦਿੱਤਾ ਗਿਆ ਧਰਨਾ
. . .  about 1 hour ago
ਨਾਭਾ, 6 ਅਗਸਤ (ਕਰਮਜੀਤ ਸਿੰਘ) - ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸ. ਸੁਖਬੀਰ ਸਿੰਘ ਬਾਦਲ ਪਿਛਲੇ ਦਿਨੀਂ ਗਰੀਬ ਪਰਿਵਾਰਾਂ ਤੇ ਦਲਿਤ ਸਮਾਜ ਨਾਲ ਕੀਤੀ ....
ਸੰਗਰੂਰ 'ਚ ਕੋਰੋਨਾ ਤੋਂ ਪੀੜਤ ਦੋ ਮਰੀਜ਼ਾਂ ਦੀ ਹੋਈ ਮੌਤ
. . .  about 1 hour ago
ਸੰਗਰੂਰ, 6 ਅਗਸਤ (ਧੀਰਜ ਪਸ਼ੋਰੀਆ) - ਜ਼ਿਲ੍ਹਾ ਸੰਗਰੂਰ 'ਚ ਕੋਰੋਨਾ ਨੇ ਦੋ ਹੋਰ ਜਾਨਾਂ ਲੈ ਲਈਆਂ ਹਨ। ਧੂਰੀ ਦੀ ਕੋਰੋਨਾ ਪੀੜਤ 44 ਸਾਲਾ....
ਮੁੱਖ ਮੰਤਰੀ ਰੁਪਾਨੀ ਨੇ ਅਹਿਮਦਾਬਾਦ ਦੇ ਹਸਪਤਾਲ 'ਚ ਲੱਗੀ ਅੱਗ ਦੀ ਜਾਂਚ ਦੇ ਦਿੱਤੇ ਹੁਕਮ
. . .  about 2 hours ago
ਗਾਂਧੀ ਨਗਰ, 6 ਅਗਸਤ- ਗੁਜਰਾਤ ਦੇ ਮੁੱਖ ਮੰਤਰੀ ਦਫ਼ਤਰ ਨੇ ਕਿਹਾ, ਮੁੱਖ ਮੰਤਰੀ ਵਿਜੇ ਰੁਪਾਨੀ ਨੇ ਅਹਿਮਦਾਬਾਦ ਦੇ ਸ਼੍ਰੇਅ ਹਸਪਤਾਲ....
ਪ੍ਰਧਾਨ ਮੰਤਰੀ ਮੋਦੀ ਵੱਲੋਂ ਅਹਿਮਦਾਬਾਦ ਹਸਪਤਾਲ 'ਚ ਅੱਗ ਲੱਗਣ ਕਾਰਨ 8 ਲੋਕਾਂ ਦੀ ਹੋਈ ਮੌਤ 'ਤੇ ਦੁੱਖ ਦਾ ਪ੍ਰਗਟਾਵਾ
. . .  1 minute ago
ਗਾਂਧੀ ਨਗਰ, 6 ਅਗਸਤ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਹਿਮਦਾਬਾਦ ਦੇ ਇੱਕ ਹਸਪਤਾਲ 'ਚ 8 ਲੋਕਾਂ ਦੀ ਮੌਤ 'ਤੇ ਦੁੱਖ ਦਾ ਪ੍ਰਗਟਾਵਾ...
ਅਹਿਮਦਾਬਾਦ 'ਚ ਕੋਵਿਡ-19 ਹਸਪਤਾਲ 'ਚ ਭਿਆਨਕ ਅੱਗ ਲੱਗਣ ਕਾਰਨ 8 ਲੋਕਾਂ ਦੀ ਹੋਈ ਮੌਤ
. . .  about 3 hours ago
ਗਾਂਧੀ ਨਗਰ, 6 ਅਗਸਤ- ਗੁਜਰਾਤ ਦੇ ਅਹਿਮਦਾਬਾਦ ਦੇ ਇਕ ਹਸਪਤਾਲ 'ਚ ਭਿਆਨਕ ਅੱਗ ਲੱਗਣ ਦੀ ਖ਼ਬਰ....
ਮਨੋਜ ਸਿਨਹਾ ਹੋਣਗੇ ਜੰਮੂ ਕਸ਼ਮੀਰ ਦੇ ਨਵੇਂ ਉਪ ਰਾਜਪਾਲ
. . .  about 3 hours ago
ਸ੍ਰੀਨਗਰ, 6 ਅਗਸਤ- ਸਾਬਕਾ ਕੇਂਦਰੀ ਮੰਤਰੀ ਅਤੇ ਭਾਰਤੀ ਜਨਤਾ ਪਾਰਟੀ ਦੇ ਨੇਤਾ ਮਨੋਜ ਸਿਨਹਾ ਹੁਣ ਜੰਮੂ-ਕਸ਼ਮੀਰ ਦੇ ਨਵੇਂ ਉਪ ਰਾਜਪਾਲ...
ਅੱਜ ਦਾ ਵਿਚਾਰ
. . .  about 4 hours ago
ਰਾਜਪੁਰਾ (ਪਟਿਆਲਾ) 'ਚ 17 ਨਵੇਂ ਕੋਰੋਨਾ ਕੇਸ ਪਾਜ਼ੀਟਿਵ
. . .  1 day ago
ਰਾਜਪੁਰਾ, 5 ਅਗਸਤ (ਰਣਜੀਤ ਸਿੰਘ) ਜ਼ਿਲ੍ਹਾ ਪਟਿਆਲਾ ਦੇ ਰਾਜਪੁਰਾ ਸ਼ਹਿਰ 'ਚ ਕੋਰੋਨਾ ਪਾਜ਼ੀਟਿਵ ਕੇਸਾਂ ਦਾ ਕਹਿਰ ਜਾਰੀ ਹੈ ।ਅੱਜ ਇੱਥੋਂ ਦੇ ਆਨੰਦ ਨਗਰ, ਨਿਊ ਆਫ਼ੀਸਰ ਕਲੋਨੀ, ਮਿਰਚ ਮੰਡੀ, ਸੁੰਦਰ ਨਗਰ, ਐਮ ਐਲ ਏ ਰੋਡ, ਬਾਬਾ ਦੀਪ ਸਿੰਘ ਕਲੋਨੀ, ਸ਼ਿਆਮ ਨਗਰ, ਭਾੜੀ ਵਾਲਾ ਮੁਹੱਲਾ, ਫੋਕਲ ਪੁਆਇੰਟ, ਨਿਊ ਡਾਲੀਮਾਂ ਵਿਹਾਰ, ਤੋਂ ਕੋਰੋਨਾ...
ਸ਼ਾਹਕੋਟ (ਜਲੰਧਰ) 'ਚ ਲਾਇਸੈਂਸ ਲਈ ਮੈਡੀਕਲ ਕਰਵਾਉਣ ਗਏ ਬਜ਼ੁਰਗ ਨਿਕਲੇ ਕੋਰੋਨਾ ਪਾਜ਼ੀਟਿਵ
. . .  1 day ago
ਸ਼ਾਹਕੋਟ, 5 ਅਗਸਤ (ਅਜ਼ਾਦ ਸਚਦੇਵਾ⁄ਸੁਖਦੀਪ ਸਿੰਘ)- ਜ਼ਿਲ੍ਹਾ ਜਲੰਧਰ ਦੇ ਸ਼ਾਹਕੋਟ ਬਲਾਕ 'ਚ ਬੁੱਧਵਾਰ ਨੂੰ ਦੋ ਲੋਕਾਂ ਦੀ ਰਿਪੋਰਟ ਕੋਰੋਨਾ ਪਾਜ਼ੀਟਿਵ ਆਈ ਹੈ। ਸੀਨੀਅਰ ਮੈਡੀਕਲ ਅਫ਼ਸਰ ਸ਼ਾਹਕੋਟ ਡਾ. ਅਮਰਦੀਪ ਸਿੰਘ ਦੁੱਗਲ ਨੇ ਦੱਸਿਆ ਕਿ ਪਰਜੀਆਂ ਕਲਾਂ ਦਾ ਰਹਿਣ ਵਾਲਾ ਇੱਕ ਵਿਅਕਤੀ ਜਲੰਧਰ ਵਿਖੇ ਬਿਜਲੀ ਵਿਭਾਗ ਦੇ ਦਫ਼ਤਰ ਵਿੱਚ...
ਚੰਡੀਗੜ੍ਹ 'ਚ ਕੋਰੋਨਾ ਦੇ 64 ਨਵੇਂ ਮਾਮਲੇ
. . .  1 day ago
ਚੰਡੀਗੜ੍ਹ, 5 ਅਗਸਤ (ਮਨਜੋਤ ਸਿੰਘ ਜੋਤ) - ਚੰਡੀਗੜ੍ਹ ਵਿਚ ਕੋਰੋਨਾ ਵਾਇਰਸ ਦਾ ਕਹਿਰ ਜਾਰੀ ਹੈ। ਸ਼ਹਿਰ ਵਿਚ ਕੋਰੋਨਾ ਦੇ ਅੱਜ 64 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਹ ਨਵੇਂ ਮਾਮਲੇ ਆਉਣ ਉਪਰੰਤ ਚੰਡੀਗੜ੍ਹ ਵਿਚ ਕੋਰੋਨਾ ਮਰੀਜ਼ਾਂ ਦਾ ਅੰਕੜਾ 1270 ਤੱਕ...
ਲੁਧਿਆਣਾ 'ਚ ਕੋਰੋਨਾ ਨਾਲ 9 ਮਰੀਜ਼ਾਂ ਦੀ ਮੌਤ, 326 ਨਵੇਂ ਮਾਮਲੇ
. . .  1 day ago
ਲੁਧਿਆਣਾ, 5 ਅਗਸਤ (ਸਲੇਮਪੁਰੀ) - ਲੁਧਿਆਣਾ ਵਿਚ ਅੱਜ ਕੋਰੋਨਾ ਦਾ ਵੱਡਾ ਧਮਾਕਾ ਹੋਇਆ ਹੈ, ਜਿਸ ਨਾਲ ਲੋਕਾਂ ਵਿਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ ਹੈ। ਸਿਵਲ ਸਰਜਨ ਡਾ. ਰਾਜੇਸ਼ ਬੱਗਾ ਨੇ ਦੱਸਿਆ ਕਿ ਅੱਜ ਲੁਧਿਆਣਾ ਵਿਚ ਕੋਰੋਨਾ ਵਾਇਰਸ ਤੋਂ ਪੀੜਤ ਮਰੀਜ਼ਾਂ ਵਿਚੋਂ 9 ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ ਜਦਕਿ 326 ਨਵੇਂ ਮਾਮਲੇ ਹੋਰ ਸਾਹਮਣੇ ਆਏ ਹਨ...
ਜ਼ਹਿਰੀਲੀ ਸ਼ਰਾਬ ਮਾਮਲੇ 'ਚ ਤੇਜ਼ੀ ਨਾਲ ਕਾਰਵਾਈ ਲਈ ਡੀ.ਜੀ.ਪੀ ਵੱਲੋਂ 2 ਐੱਸ.ਆਈ ਟੀ ਗਠਿਤ ਕਰਨ ਦੇ ਹੁਕਮ
. . .  1 day ago
ਅਜਨਾਲਾ, 5 ਅਗਸਤ (ਗੁਰਪ੍ਰੀਤ ਸਿੰਘ ਢਿੱਲੋਂ) - ਡੀ.ਜੀ.ਪੀ ਪੰਜਾਬ ਦਿਨਕਰ ਗੁਪਤਾ ਨੇ 2 ਵਿਸ਼ੇਸ਼ ਜਾਂਚ ਟੀਮਾਂ (ਐੱਸ.ਆਈ.ਟੀ) ਦੇ ਗਠਨ ਦੇ ਹੁਕਮ ਦਿੱਤੇ ਹਨ, ਜੋ ਕਿ ਜ਼ਹਿਰੀਲੀ ਸ਼ਰਾਬ ਮਾਮਲੇ 'ਤੇ ਤੇਜ਼ੀ ਨਾਲ ਕਾਰਵਾਈ ਕਰਨਗੀਆਂ। ਇਨ੍ਹਾਂ ਟੀਮਾਂ ਦੀ ਨਿਗਰਾਨੀ ਏ.ਡੀ.ਜੀ.ਪੀ (ਕਾਨੂੰਨ ਵਿਵਸਥਾ) ਈਸ਼ਵਰ ਸਿੰਘ ਕਰਨਗੇ। ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ ਨੂੰ ਲੈ ਕੇ ਕੁੱਲ...
ਡੇਰਾਬਸੀ (ਮੋਹਾਲੀ) ਤਹਿਸੀਲ ਦੇ ਫ਼ਰਦ ਕੇਂਦਰ ਦਾ 24 ਲੱਖ ਬਿੱਲ ਬਕਾਇਆ, ਬਿਜਲੀ ਕੁਨੈਕਸ਼ਨ ਕੱਟਿਆ
. . .  1 day ago
ਡੇਰਾਬਸੀ, 5 ਅਗਸਤ (ਗੁਰਮੀਤ ਸਿੰਘ )- ਜ਼ਿਲ੍ਹਾ ਮੋਹਾਲੀ ਦੇ ਡੇਰਾਬਸੀ ਤਹਿਸੀਲ ਕੰਪਲੈਕਸ ਵਿਖੇ ਸਥਿਤ ਫ਼ਰਦ ਕੇਂਦਰ ਬਿਜਲੀ ਬਿੱਲ ਜਮ੍ਹਾ ਨਾ ਹੋਣ ਉੱਤੇ ਪਾਵਰਕਾਮ ਵਿਭਾਗ ਨੇ ਅੱਜ ਫ਼ਰਦ ਕੇਂਦਰ ਦਾ ਬਿਜਲੀ ਕੁਨੈਕਸ਼ਨ ਕੱਟ ਦਿੱਤਾ ਹੈ। ਇਸ ਦੇ ਚਲਦੇ ਇੱਥੇ ਕੰਮ ਕਰਾਉਣ ਲਈ ਆਉਣ ਵਾਲੇ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਪਾਵਰ ਕਾਮ...
ਟਰਾਲੇ ਤੇ ਐਕਟਿਵਾ ਦੀ ਭਿਆਨਕ ਟੱਕਰ ਵਿਚ 52 ਸਾਲਾ ਵਿਅਕਤੀ ਦੀ ਮੌਤ
. . .  1 day ago
ਫ਼ਿਰੋਜ਼ਪੁਰ, 5 ਅਗਸਤ (ਕੁਲਬੀਰ ਸਿੰਘ ਸੋਢੀ) - ਫ਼ਿਰੋਜ਼ਪੁਰ ਤੋਂ ਜ਼ੀਰਾ ਰੋਡ 'ਤੇ ਪੈਂਦੇ ਪਿੰਡ ਵਲੂਰ ਦੇ ਅੱਡੇ ਨੇੜੇ ਟਰਾਲੇ ਤੇ ਐਕਟਿਵਾ ਵਿਚਕਾਰ ਹੋਈ ਭਿਆਨਕ ਟੱਕਰ ਦੌਰਾਨ ਇਕ 52 ਸਾਲ ਦੇ ਵਿਅਕਤੀ ਦੀ ਮੌਕੇ 'ਤੇ ਮੌਤ ਹੋ ਜਾਣ ਦਾ ਸਮਾਚਾਰ ਹੈ। ਉਕਤ ਵਿਅਕਤੀ ਦੀ ਪਹਿਚਾਣ ਗੁਰਦੇਵ ਸਿੰਘ ਪੁੱਤਰ ਕਾਲਾ ਸਿੰਘ ਵਾਸੀ ਪਿੰਡ ਗੋਡੋਡੂ, ਜ਼ੀਰਾ ਰੋਡ...
ਨਵੰਬਰ ਤੱਕ ਮਿਲਣਗੇ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ 1.73 ਲੱਖ ਸਮਾਰਟ ਫ਼ੋਨ
. . .  1 day ago
ਅਜਨਾਲਾ, 5 ਅਗਸਤ (ਗੁਰਪ੍ਰੀਤ ਸਿੰਘ ਢਿੱਲੋਂ) - ਪੰਜਾਬ ਕੈਬਨਿਟ ਨੇ ਮੀਟਿੰਗ ਦੌਰਾਨ ਸਰਕਾਰੀ ਸਕੂਲਾਂ ਦੇ ਲੜਕੇ ਅਤੇ ਲੜਕੀਆਂ ਨੂੰ ਨਵੰਬਰ ਮਹੀਨੇ ਤੱਕ 1,73,823 ਸਮਾਰਟ ਫ਼ੋਨ ਵੰਡਣ ਦਾ ਰਾਹ ਪੱਧਰਾ ਕਰ ਦਿੱਤਾ ਹੈ। ਕੋਰੋਨਾ ਮਹਾਂਮਾਰੀ ਦੇ ਚੱਲਦਿਆਂ 12ਵੀਂ ਦੀ ਪ੍ਰੀਖਿਆ ਆਨ ਲਾਈਨ ਲੈਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। 50000 ਫੋਨਾਂ ਦੇ ਪਹਿਲੇ ਬੈਚ...
ਖਮਾਣੋਂ (ਫ਼ਤਿਹਗੜ੍ਹ ਸਾਹਿਬ) 'ਚ 4 ਹੋਰ ਕੋਰੋਨਾ ਪਾਜ਼ੀਟਿਵ ਮਾਮਲੇ ਆਏ ਸਾਹਮਣੇ
. . .  1 day ago
ਖਮਾਣੋਂ, 5 ਅਗਸਤ (ਮਨਮੋਹਨ ਸਿੰਘ ਕਲੇਰ ) - ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਦੇ ਖਮਾਣੋਂ 'ਚ ਅੱਜ 4 ਹੋਰ ਕੋਰੋਨਾ ਪਾਜ਼ੀਟਿਵ ਮਾਮਲੇ ਸਾਹਮਣੇ ਆਏ ਹਨ। ਸੀਨੀਅਰ ਮੈਡੀਕਲ ਅਫ਼ਸਰ ਖਮਾਣੋਂ ਡਾ. ਹਰਭਜਨ ਰਾਮ ਨੇ ਦਸਿਆ ਕਿ ਇਹਨਾਂ ਮਾਮਲਿਆਂ ਚ 3 ਪਿੰਡ ਮਨੈਲਾਂ ਦੇ ਉਸ ਪਾਜ਼ੀਟਿਵ ਪੁਲਿਸ ਮੁਲਾਜ਼ਮ ਦੀ ਪਤਨੀ(49), ਪਿਤਾ (84) ਅਤੇ ਪੁੱਤਰ (18) ਸ਼ਾਮਿਲ ਹਨ, ਜਦਕਿ 1 ਮਾਮਲੇ...
ਮੋਗਾ 'ਚ 2 ਹੋਰ ਕੋਰੋਨਾ ਕੇਸ ਪਾਜ਼ੀਟਿਵ
. . .  1 day ago
ਮੋਗਾ, 5 ਅਗਸਤ (ਗੁਰਤੇਜ ਸਿੰਘ ਬੱਬੀ) - ਮੋਗਾ 'ਚ ਸਿਹਤ ਵਿਭਾਗ ਨੇ ਕੋਰੋਨਾ ਦੇ 2 ਹੋਰ ਪਾਜ਼ੀਟਿਵ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਹੈ। ਇਸ ਨਾਲ ਜ਼ਿਲ੍ਹੇ ਵਿਚ ਹੁਣ ਕੋਰੋਨਾ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ...
ਜ਼ਿਲ੍ਹਾ ਪਠਾਨਕੋਟ 'ਚ 5 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  1 day ago
ਪਠਾਨਕੋਟ, 5 ਅਗਸਤ (ਸੰਧੂ) - ਜ਼ਿਲ੍ਹਾ ਪਠਾਨਕੋਟ ਵਿੱਚ 5 ਹੋਰ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਪੁਸ਼ਟੀ ਕੀਤੀ ਗਈ ਹੈ। ਇਸ ਸਬੰਧੀ ਸਿਵਲ ਸਰਜਨ ਡਾਕਟਰ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ 5 ਵਿਅਕਤੀਆਂ ਦੀ ਐਂਟੀਜਨ ਟੈਸਟਿੰਗ ਵਿੱਚ ਕੋਰੋਨਾ ਰਿਪੋਰਟ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਵਿਗਿਆਨੀਆਂ ਦਾ ਬਚਪਨ-4-ਗਤੀ ਨਿਯਮਾਂ ਦਾ ਪਿਤਾਮਾ ਨਿਊਟਨ

ਇਕ ਬੱਚੇ ਦਾ ਜਦੋਂ ਜਨਮ ਹੋਇਆ, ਉਸ ਦੀ ਦਾਈ ਕਹਿੰਦੀ, ਇਸ ਮਾੜਕੂ ਜਿਹੇ ਬੱਚੇ ਨੂੰ ਤਾਂ ਮੈਂ ਛੋਟੇ ਭਬਕੇ ਵਿਚ ਟਿਕਾ ਸਕਦੀ ਹਾਂ। ਮੈਨੂੰ ਨਹੀਂ ਲਗਦਾ ਕਿ ਇਹ ਬੱਚਾ ਬਚੇਗਾ ਵੀ? ਪਰ ਦਾਈ ਨੂੰ ਕੀ ਪਤਾ ਸੀ ਕਿ ਇਹੀ ਮਾੜਕੂ ਬੱਚਾ ਅੱਗੇ ਜਾ ਕੇ ਵਿਸ਼ਵ ਪ੍ਰਸਿੱਧ ਵਿਗਿਆਨੀ ਬਣੇਗਾ। ਤੁਹਾਨੂੰ ਪਤਾ ਕਿ ਉਹ ਬੱਚਾ ਕੌਣ ਸੀ? ਉਹ ਬੱਚਾ ਆਈਜੈਕ ਨਿਊਟਨ ਸੀ। ਉਹੀ ਨਿਊਟਨ, ਜਿਸ ਨੇ ਗਤੀ ਦੇ ਨਿਯਮ ਲੱਭੇ ਸਨ। ਗੁਰੂਤਾ ਆਕਰਸ਼ਣ ਦਾ ਨਿਯਮ ਖੋਜਿਆ। ਗਣਿਤ ਵਿਚ ਵਿਲੱਖਣ ਖੋਜਾਂ ਕੀਤੀਆਂ ਸਨ।
ਨਿਊਟਨ ਇਕ ਸਰਦੇ-ਪੁੱਜਦੇ ਜ਼ਿਮੀਂਦਾਰ ਦਾ 'ਕੱਲਾ-'ਕੱਲਾ ਪੁੱਤਰ ਸੀ। ਉਦੋਂ ਉਹ ਆਪਣੀ ਮਾਂ ਦੇ ਗਰਭ ਵਿਚ ਹੀ ਸੀ, ਜਦੋਂ ਉਸ ਦੇ ਪਿਤਾ ਦੀ ਮੌਤ ਹੋ ਗਈ ਸੀ। ਤਿੰਨ ਸਾਲ ਲੰਘੇ, ਉਸ ਦੀ ਮਾਂ 'ਹਨਾ' ਨੇ ਨਿੱਕੇ ਨਿਊਟਨ ਨੂੰ ਉਸ ਦੇ ਨਾਨੇ ਕੋਲ ਛੱਡ ਦਿੱਤਾ। ਆਪ ਪਾਦਰੀ ਬਾਰਨਬਾਸ ਸਮਿੱਥ ਨਾਲ ਦੂਜੀ ਸ਼ਾਦੀ ਕਰ ਲਈ ਅਤੇ ਰਹਿਣ ਲਈ ਉਸ ਕੋਲ ਚਲੀ ਗਈ ਸੀ। ਨਿਊਟਨ ਨੇ ਮਾਂ-ਪਿਓ ਤੋਂ ਬਿਨਾਂ ਉਮਰ ਦਾ ਜੋ ਸਮਾਂ ਬਿਤਾਇਆ, ਉਹ ਇਕ ਡਰ ਬਣ ਕੇ , ਉਸ ਦੀ ਰੂਹ ਵਿਚ ਬੈਠ ਗਿਆ। ਜ਼ਿੰਦਗੀ ਭਰ ਉਸ ਵਿਚ ਅਸੁਰੱਖਿਅਤਾ ਦੀ ਭਾਵਨਾ ਬਣੀ ਰਹੀ ਸੀ। ਸ਼ੁਰੂ ਤੋਂ ਹੀ ਉਹ ਅਜੀਬ ਸੁਭਾਅ ਦਾ ਬੱਚਾ ਸੀ। ਇਕੱਲਾ ਰਹਿਣਾ ਪਸੰਦ ਕਰਦਾ। ਹੋਰਾਂ ਜੁਆਕਾਂ ਨਾਲ ਖੇਡਦਾ ਵੀ ਨਾ। ਲੱਕੜੀ ਦੇ ਟੁਕੜੇ, ਮੇਖਾਂ ਅਤੇ ਹਥੌੜੀ ਹਮੇਸ਼ਾ ਆਪਣੇ ਕੋਲ ਰੱਖਦਾ। ਖ਼ੁਦ ਖਿਡੌਣੇ ਤਿਆਰ ਕਰ ਲੈਂਦਾ। ਪਹਿਲਾਂ ਤਾਂ ਉਸ ਨੂੰ ਪਿੰਡ ਦੇ ਸਕੂਲ ਵਿਚ ਪੜ੍ਹਨੇ ਪਾਇਆ ਗਿਆ। ਫਿਰ ਉਸ ਨੂੰ ਕਿੰਗਜ ਸਕੂਲ ਗਰੰਥਮ ਵਿਚ ਪੜ੍ਹਨ ਲਗਾ ਦਿੱਤਾ। ਇੱਥੇ ਉਸ ਦੀ ਮਾਂ ਦੀ ਕਿਸੇ ਸਹੇਲੀ ਦੇ ਘਰ ਉਸ ਦੇ ਰਹਿਣ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਸਕੂਲ ਦੀ ਪੜ੍ਹਾਈ ਉਸ ਨੂੰ ਨੀਰਸ ਲੱਗਦੀ ਸੀ। ਘਰੇ ਉਹ ਲੱਕੜੀਆਂ ਠੋਕ ਕੇ ਨਵੇਂ-ਨਵੇਂ ਖਿਡੌਣੇ ਬਣਾਉਂਦਾ ਰਹਿੰਦਾ।
ਸਕੂਲ ਵਿਚ ਉਹ ਇਕ ਔਸਤ ਪੱਧਰ ਦਾ ਵਿਦਿਆਰਥੀ ਸੀ। ਇੱਥੇ ਸਕੂਲ ਵਿਚ ਇਕ ਘਟਨਾ ਵਾਪਰ ਗਈ। ਨਿਊਟਨ ਦਾ ਕਿਸੇ ਵਿਦਿਆਰਥੀ ਨਾਲ ਝਗੜਾ ਹੋ ਗਿਆ। ਦੋਸਤਾਂ ਨੇ ਨਿਊਟਨ ਨੂੰ ਹਵਾ ਦੇ ਦਿੱਤੀ। ਨਿਊਟਨ ਨੇ ਉਸ ਵਿਦਿਆਰਥੀ ਨੂੰ ਚੰਗਾ ਕੁੱਟਿਆ। ਇਸ ਘਟਨਾ ਪਿੱਛੋਂ ਨਿਊਟਨ ਦਾ ਕਲਾਸ ਵਿਚ ਦਬਦਬਾ ਵਧ ਗਿਆ ਸੀ। ਪਰ ਉਸ ਮੁੰਡੇ ਨੂੰ ਕੁੱਟਣ ਪਿੱਛੋਂ ਨਿਊਟਨ ਮਨੋ-ਮਨ ਬੜਾ ਪਛਤਾਇਆ। ਉਹ ਮੁੰਡਾ ਉਸ ਦੀ ਕਲਾਸ ਦਾ ਸਭ ਤੋਂ ਹੁਸ਼ਿਆਰ ਵਿਦਿਆਰਥੀ ਸੀ। ਨਿਊਟਨ ਦੇ ਮਨ ਵਿਚ ਵੀ ਖੁੰਦਕ ਜਾਗ ਪਈ ਕਿ ਉਹ ਵੀ , ਉਸ ਮੁੰਡੇ ਨਾਲੋਂ ਵੱਧ ਹੁਸ਼ਿਆਰ ਬਣ ਕੇ ਦਿਖਾਵੇਗਾ। ਉਹ ਸਖ਼ਤ ਮਿਹਨਤ ਕਰਨ ਲੱਗਾ। ਦੇਰ ਰਾਤ ਤੀਕ ਜਾਗਦਾ ਰਹਿੰਦਾ। ਉਹ ਵੀ ਸਮਾਂ ਆ ਗਿਆ ਜਦੋਂ ਨਤੀਜਾ ਨਿਕਲਿਆ ਅਤੇ ਉਹ ਕਲਾਸ ਵਿਚੋਂ ਪਹਿਲੇ ਸਥਾਨ 'ਤੇ ਰਿਹਾ ਸੀ। ਨਿਊਟਨ ਉਸ ਹੁਸ਼ਿਆਰ ਮੁੰਡੇ ਤੋਂ ਵੱਧ ਅੰਕ ਪ੍ਰਾਪਤ ਕਰਨ ਵਿਚ ਕਾਮਯਾਬ ਰਿਹਾ ਸੀ। ਹੁਣ ਤਾਂ ਉਹ ਹਰ ਸਾਲ ਕਲਾਸ ਵਿਚੋਂ ਅੱਵਲ ਹੀ ਰਹਿੰਦਾ ਸੀ। ਹੁਸ਼ਿਆਰ ਹੋਣ ਦੇ ਨਾਲ ਉਹ ਪੌਣ ਚੱਕੀ, ਜਲ ਘੜੀ ਅਤੇ ਧੁੱਪ ਘੜੀਆਂ ਦੇ ਮਾਡਲ ਬਨਾਉਣ ਕਰਕੇ ਵੀ ਬੜਾ ਚਰਚਿਤ ਹੋ ਗਿਆ ਸੀ। ਲਓ ਇਸ ਬਾਰੇ ਪੂਰੀ ਕਹਾਣੀ ਵੀ ਸੁਣ ਲਓ। ਉਨ੍ਹਾਂ ਦਿਨਾਂ ਵਿਚ ਗਰੰਥਮ ਅਤੇ ਗਨਖੀ
ਵਿਚਾਲੇ ਇਕ ਪੌਣ ਚੱਕੀ (w}nd m}&&) ਲਗਾਈ ਜਾ ਰਹੀ ਸੀ। ਇਸ ਚੱਕੀ ਨੂੰ ਦਾਲਾਂ ਅਤੇ ਅਨਾਜ ਪੀਸਣ ਲਈ ਵਰਤਿਆ ਜਾਣਾ ਸੀ। ਇਹ ਚੱਕੀ ਪੌਣ ਦੇ ਬੁੱਲ੍ਹਿਆਂ ਨਾਲ ਚੱਲਦੀ ਸੀ। ਨਿਊਟਨ ਨੇ ਪੌਣ ਚੱਕੀ ਦੇ ਕਈ ਮਾਡਲ ਤਿਆਰ ਕੀਤੇ। ਉਸ ਨੇ ਇਕ ਜਲ ਘੜੀ ਵੀ ਬਣਾਈ। ਇਕ ਡੱਬੇ ਵਿਚ ਪਾਣੀ ਭਰ ਕੇ ਲੱਕੜੀ ਦੇ ਟੁਕੜਿਆਂ ਨਾਲ ਦੋ ਸੂਈਆਂ ਲਟਕਾ ਦਿੱਤੀਆਂ ਸਨ। ਉਨ੍ਹਾਂ ਉੱਪਰ ਤੁਪਕਾ ਤੁਪਕਾ ਪਾਣੀ ਡੇਗਣ ਦਾ ਪ੍ਰਬੰਧ ਕੀਤਾ ਗਿਆ। ਪਾਣੀ ਤੁਪਕਾ-ਤੁਪਕਾ ਡਿਗੀ ਜਾਂਦਾ ਅਤੇ ਘੜੀ ਦੀਆਂ ਸੂਈਆਂ ਗਤੀ ਕਰਦੀਆਂ ਸਨ। ਇੰਜ ਸਮੇਂ ਦਾ ਗਿਆਨ ਸਹਿਜੇ ਹੀ ਹੋ ਜਾਂਦਾ ਸੀ। ਇਸ ਤੋਂ ਪ੍ਰੇਰਨਾ ਲੈ ਕੇ ਉਸ ਨੇ ਧੁੱਪ ਘੜੀ ਬਣਾਈ ਸੀ।
ਇਕ ਵਾਰ ਨਿਊਟਨ ਨੂੰ ਪਤੰਗ ਉਡਾਉਣ ਦਾ ਸ਼ੌਕ ਜਾਗ ਪਿਆ। ਉਹ ਹੋਰਾਂ ਨਾਲੋਂ ਵੱਖਰੇ ਤਰੀਕੇ ਨਾਲ ਪਤੰਗ ਉਡਾਉਣਾ ਚਾਹੁੰਦਾ ਸੀ। ਉਸ ਨੇ ਆਪਣੇ ਦੋਸਤਾਂ ਨਾਲ ਮਿਲ ਕੇ ਜਗਦੀ ਬੱਤੀ ਡੋਰ ਨਾਲ ਬੰਨ੍ਹ ਕੇ ਪਤੰਗ ਉਡਾਇਆ। ਪਤੰਗ ਸਫਲਤਾ ਨਾਲ ਉੱਡਣ ਲੱਗਾ। ਲਹਿੰਦੀ ਅਤੇ ਚੜ੍ਹਦੀ ਰੌਸ਼ਨੀ ਦੇਖ ਕੇ ਲੋਕ ਹੈਰਾਨ ਰਹਿ ਗਏ। ਛੋਟੇ ਹੁੰਦੇ ਉਸ ਨੂੰ ਤੁੱਕਾਂ ਜੋੜਨ ਦੀ ਵੀ ਆਦਤ ਸੀ। ਉਹ ਕੋਇਲੇ ਨਾਲ ਕੰਧਾਂ 'ਤੇ ਅਜਬ ਗ਼ਜ਼ਬ ਆਕ੍ਰਿਤੀਆਂ ਬਣਾਇਆ ਕਰਦਾ ਸੀ।

-ਮੋਬਾਈਲ : 97806-67686


ਖ਼ਬਰ ਸ਼ੇਅਰ ਕਰੋ

ਆਓ 'ਰਾਜੀਵ ਗਾਂਧੀ ਖੇਲ ਰਤਨ' ਪੁਰਸਕਾਰ ਬਾਰੇ ਜਾਣੀਏ

ਪਿਆਰੇ ਬੱਚਿਓ, ਭਾਰਤ ਸਰਕਾਰ ਹਰ ਸਾਲ ਵੱਖ-ਵੱਖ ਖੇਤਰਾਂ ਵਿਚ ਸਰਬਉੱਚ ਪੁਰਸਕਾਰ ਪ੍ਰਦਾਨ ਕਰਦੀ ਹੈ, ਜਿਵੇਂ ਫ਼ੌਜ ਦਾ 'ਪਰਮਵੀਰ ਚੱਕਰ', ਸਾਹਿਤ ਦਾ 'ਗਿਆਨਪੀਠ ਪੁਰਸਕਾਰ', ਫ਼ਿਲਮਾਂ ਦਾ 'ਕੌਮੀ ਫ਼ਿਲਮ ਪੁਰਸਕਾਰ', ਖੇਤੀਬਾੜੀ ਦਾ 'ਕੌਮੀ ਕ੍ਰਿਸ਼ੀ ਵਿਗਿਆਨ ਪੁਰਸਕਾਰ', ਸਿੱਖਿਆ ਖੇਤਰ ਦਾ 'ਰਾਸ਼ਟਰੀ ਪੁਰਸਕਾਰ' ਅਤੇ ਖੇਡਾਂ ਦਾ 'ਰਾਜੀਵ ਗਾਂਧੀ ਖੇਲ ਰਤਨ' ਪੁਰਸਕਾਰ ਆਦਿ।
ਸੋ ਬੱਚਿਓ, ਅੱਜ ਆਪਾਂ ਰਾਜੀਵ ਗਾਂਧੀ ਖੇਲ ਰਤਨ ਪੁਰਸਕਾਰ ਬਾਰੇ ਜਾਣਕਾਰੀ ਹਾਸਲ ਕਰਦੇ ਹਾਂ। ਇਹ ਪੁਰਸਕਾਰ ਭਾਰਤ ਦੇ ਰਹਿ ਚੁੱਕੇ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਦੇ ਨਾਂਅ 'ਤੇ ਸਾਲ 1991-92 ਵਿਚ ਸ਼ੁਰੂ ਕੀਤਾ ਗਿਆ। ਇਹ ਪੁਰਸਕਾਰ ਹਰ ਸਾਲ 29 ਅਗਸਤ ਨੂੰ ਖੇਡ ਦਿਵਸ ਮੌਕੇ ਰਾਸ਼ਟਰਪਤੀ ਦੁਆਰਾ ਉਨ੍ਹਾਂ ਖਿਡਾਰੀਆਂ ਨੂੰ ਦਿੱਤਾ ਜਾਂਦਾ ਹੈ, ਜਿਨ੍ਹਾਂ ਨੇ ਉਲਪਿੰਕ ਖੇਡਾਂ, ਕਾਮਨਵੈੱਲਥ ਖੇਡਾਂ ਤੇ ਏਸ਼ਿਆਈ ਖੇਡਾਂ ਵਿਚ ਭਾਰਤ ਦੇਸ਼ ਦਾ ਨਾਂਅ ਚਮਕਾਇਆ ਹੋਵੇ। ਇਹ ਪੁਰਸਕਾਰ ਪ੍ਰਾਪਤ ਕਰਨ ਵਾਲੇ ਖਿਡਾਰੀ ਨੂੰ ਨਕਦ ਸੱਤ ਲੱਖ ਪੰਜਾਹ ਹਜ਼ਾਰ ਰੁਪਏ ਅਤੇ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਜਾਂਦਾ ਹੈ। ਜੇਕਰ ਖਿਡਾਰੀਆਂ ਦੀ ਇਸ ਪੁਰਸਕਾਰ ਲਈ ਚੋਣ ਦੀ ਗੱਲ ਕਰੀਏ ਤਾਂ ਖੇਡ ਮੰਤਰਾਲੇ ਵਲੋਂ 31 ਮਈ ਤੱਕ ਖਿਡਾਰੀਆਂ ਦੀ ਨਾਮਜ਼ਦਗੀ ਲਈ ਅਰਜ਼ੀਆਂ ਮੰਗੀਆਂ ਜਾਂਦੀਆਂ ਹਨ। ਭਾਰਤ ਸਰਕਾਰ ਵਲੋਂ ਤੇ ਖੇਡ ਮੰਤਰਾਲੇ ਦੁਆਰਾ ਇਕ ਕਮੇਟੀ ਦਾ ਗਠਨ ਕੀਤਾ ਜਾਂਦਾ ਹੈ, ਜਿਸ ਦੁਆਰਾ ਇਸ ਪੁਰਸਕਾਰ ਲਈ ਖਿਡਾਰੀ ਦੀ ਚੋਣ ਹੁੰਦੀ ਹੈ। ਇਹ ਪੁਰਸਕਾਰ ਖਿਡਾਰੀ ਨੂੰ ਜ਼ਿੰਦਗੀ ਵਿਚ ਸਿਰਫ਼ ਇਕ ਵਾਰ ਹੀ ਦਿੱਤਾ ਜਾਂਦਾ ਹੈ। ਇਹ ਪੁਰਸਕਾਰ ਕਿਸੇ ਵੀ ਖਿਡਾਰੀ ਨੂੰ ਮਰਨ ਉਪਰੰਤ ਵੀ ਦਿੱਤਾ ਜਾ ਸਕਦਾ ਹੈ। ਸੋ, ਪਿਆਰੇ ਬੱਚਿਓ, ਇਸ ਪੁਰਸਕਾਰ ਨੂੰ ਪ੍ਰਾਪਤ ਕਰਨਾ ਹਰੇਕ ਖਿਡਾਰੀ ਦਾ ਸੁਪਨਾ ਹੁੰਦਾ ਹੈ।

-ਸ਼ਹੀਦ ਜੈਮਲ ਸਿੰਘ ਸੀਨੀ. ਸੈਕੰ. ਸਕੂਲ, ਘਲੋਟੀ (ਮੋਗਾ)।
ਮੋਬਾਈਲ : 98555-40392

ਬਾਲ ਕਹਾਣੀ-ਕਿੱਤਾ ਅਤੇ ਨਿਪੁਨੰਤਾ

ਟਿੱਕਾ ਅਤੇ ਜਿੰਦੂ ਦੋਵੇਂ ਬਚਪਨ ਦੇ ਆੜੀ ਸਨ। ਦਸਵੀਂ ਜਮਾਤ ਤੱਕ ਦੋਵੇਂ ਇੱਕਠੇ ਪੜ੍ਹੇ ਪਰ ਅੱਗੋਂ ਉਨ੍ਹਾਂ ਆਪੋ-ਆਪਣੇ ਘਰ ਦੀ ਹਾਲਤ ਨੂੰ ਮੁੱਖ ਰੱਖ ਕੋਈ ਕੰਮ-ਧੰਦਾ ਸਿੱਖਣਾ ਹੀ ਠੀਕ ਸਮਝਿਆ। ਟਿੱਕਾ ਮੁੱਢ ਤੋਂ ਹੀ ਟਿਕਵੇਂ ਸੁਭਾਅ ਦਾ ਮਾਲਕ ਰਿਹਾ ਪਰ ਚੰਚਲ ਜਿੰਦੂ ਝੱਟ ਹੀ ਕਾਹਲਾ ਪੈ ਜਾਂਦਾ ਸੀ। ਸਕੂਲੀ ਪੜ੍ਹਾਈ ਦੇ ਮੁੱਕਦਿਆਂ ਹੀ ਟਿੱਕੇ ਨੇ ਇੱਕ ਵੈਲਡਿੰਗ ਵਾਲੇ ਦੀ ਦੁਕਾਨ 'ਤੇ ਵੈਲਡਰ ਦਾ ਕੰਮ ਸਿੱਖਣਾ ਸ਼ੁਰੂ ਕਰ ਦਿੱਤਾ। ਆਪਣੇ ਕੰਮ 'ਚ ਅਜਿਹੀ ਲਗਨ ਲਗਾਈ ਕਿ ਉਹ ਛੇਤੀ ਹੀ ਸਾਰਾ ਕੰਮ ਸਿੱਖ਼ ਗਿਆ ਤੇ ਉਸ ਦੇ ਹੁਨਰ ਨੂੰ ਪਛਾਣਦਿਆਂ ਦੁਕਾਨ ਮਾਲਿਕ ਨੇ ਹੁਣ ਉਸ ਨੂੰ ਮਿਹਨਤਾਨਾ ਵੀ ਦੇਣਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਉਲਟ ਜਿੰਦੂ ਹੁਣ ਤੱਕ ਇੰਨੇ ਹੀ ਸਮੇਂ ਵਿਚ ਤਿੰਨ ਕੰਮ ਬਦਲ ਚੁੱਕਾ ਸੀ। ਪਹਿਲਾਂ ਉਸ ਨੇ ਥੋੜ੍ਹਾ ਚਿਰ ਬਿਜਲੀ ਰਿਪੇਅਰ ਦਾ ਕੰਮ ਸਿੱਖਿਆ। ਫ਼ਿਰ ਇਹ ਕੰਮ ਵਿਚਾਲੇ ਛੱਡ, ਉਹ ਰਾਜ ਮਿਸਤਰੀਆਂ ਨਾਲ ਜਾਣ ਲੱਗਾ। ਸਿਖ਼ਰ ਦੁਪਹਿਰੇ ਉੱਚੀਆਂ ਪੈੜਾਂ 'ਤੇ ਚੜ੍ਹਦਿਆਂ-ਉੱਤਰਦਿਆਂ ਉਸ ਨੂੰ ਇਹ ਕੰਮ ਵੀ ਔਖ਼ਾ ਜਾਪਿਆ ਤੇ ਹੁਣ ਉਹ ਇਕ ਫ਼ਰਨੀਚਰ ਹਾਊਸ 'ਤੇ ਕਾਰਪੇਂਟਰ ਦਾ ਕੰਮ ਸਿੱਖਣ ਲੱਗਾ ਸੀ। ਇੱਥੇ ਵੀ ਉਸ ਨੂੰ ਅਕਸਰ ਟੇਢੇ-ਮੇਢੇ ਚੀਰਾਂ ਕਾਰਨ ਮਾਲਕ ਕੋਲੋਂ ਝਿੜਕੇ ਸੁਣਨੇ ਪੈ ਜਾਂਦੇ।
ਇੱਕ ਦਿਨ ਦੋਵੇਂ ਦੋਸਤ ਕਈ ਚਿਰ ਪਿੱਛੋਂ ਇੱਕਠੇ ਹੋਏ ਤਾਂ ਉਹ ਇੱਕ-ਦੂਜੇ ਦਾ ਹਾਲ ਪੁੱਛਣ ਲੱਗੇ। ਜਦੋਂ ਟਿੱਕੇ ਨੇ ਖ਼ੁਸ਼ ਹੁੰਦਿਆਂ ਇਹ ਦੱਸਿਆ ਕਿ ਹੁਣ ਤਾਂ ਉਸ ਨੂੰ ਕੰਮ ਤੋਂ ਤਨਖ਼ਾਹ ਵੀ ਮਿਲਣ ਲੱਗੀ ਹੈ ਤਾਂ ਜਿੰਦੂ ਬਹੁਤ ਹੈਰਾਨ ਹੋਇਆ। ਮੂੰਹ ਅੱਡਦਿਆਂ ਉਹ ਕਹਿਣ ਲੱਗਾ, 'ਅੱਛਾ! ਫ਼ੇਰ ਤੇਰਾ ਕੰਮ ਤਾਂ ਵਧੀਆ, ਮੇਰੇ ਵਾਲੇ ਕੰਮ 'ਤੇ ਤਾਂ ਹਾਲੇ ਝਿੜਕੇ ਹੀ ਮਿਲਦੇ।'
ਉਸ ਦੀ ਇਹ ਗੱਲ ਸੁਣ ਟਿੱਕੇ ਨੇ ਉਸ ਨੂੰ ਸਮਝਾਇਆ, 'ਭਰਾਵਾ, ਕੰਮ ਤਾਂ ਤੇਰੇ ਵਾਲਾ ਵੀ ਮਾੜਾ ਨਹੀਂ ਪਰ ਤੂੰ ਕਿਤੇ ਟਿਕੇ ਵੀ ਤਾਂ ਸਹੀ।'
ਉਸ ਦੀ ਇਹ ਗੱਲ ਸੁਣ ਜਿੰਦੂ ਨੇ ਗੁੱਸੇ ਨਾਲ ਮੂੰਹ ਫ਼ੁਲਾ ਲਿਆ, ' ਤੈਨੂੰ ਕੰਮ ਵਧੀਆ ਮਿਲ ਗਿਆ, ਤਾਂ ਹੀ ਤੈਨੂੰ ਗੱਲਾਂ ਆਉਂਦੀਆਂ।' ਉਨ੍ਹਾਂ ਦੋਨਾਂ ਦੀਆਂ ਗੱਲਾਂ ਕੋਲੋਂ ਲੰਘ ਰਿਹਾ ਇੱਕ ਬਜ਼ੁਰਗ ਗੇਜਾ ਸਿਹੁੰ ਵੀ ਸੁਣ ਰਿਹਾ ਸੀ। ਵੈਸੇ ਵੀ ਉਨ੍ਹਾਂ ਦੋਵਾਂ ਦੇ ਗੁਆਂਢ 'ਚ ਰਹਿੰਦਾ ਹੋਣ ਕਰਕੇ ਉਹ ਦੋਵਾਂ ਦੇ ਸੁਭਾਅ ਤੋਂ ਚੰਗੀ ਤਰਾਂ ਜਾਣੂੰ ਸੀ। ਸਮਝਾਉਂਦਿਆਂ ਉਹ ਉਨ੍ਹਾਂ ਦੋਵਾਂ ਨੂੰ ਕਹਿਣ ਲੱਗਾ, 'ਪੁੱਤਰੋ! ਕਿੱਤਾ ਭਾਵੇਂ ਕੋਈ ਵੀ ਹੋਵੇ ਮੁੱਲ ਤਾਂ ਨਿਪੁੰਨਤਾ ਦਾ ਪੈਂਦਾ ਹੈ।'

-ਬਗੀਚੀ ਮੁਹੱਲਾ ਮਾਹਿਲਪੁਰ ਹੁਸ਼ਿਆਰਪੁਰ।
ਮੋਬਾਈਲ : 98550-24495

ਮਹੱਤਵਪੂਰਨ ਜਾਣਕਾਰੀ

ਸਭ ਤੋਂ ਲੰਮੀ ਨਦੀ (ਗੰਗਾ 2525 ਕਿਲੋਮੀਟਰ)
ਸਭ ਤੋਂ ਲੰਮਾ ਬੰਨ੍ਹ (ਹੀਰਾ ਕੁੰਡ ਬੰਨ੍ਹ, ਓਡੀਸ਼ਾ)
ਸਭ ਤੋਂ ਲੰਮੀ ਸਮੁੰਦਰੀ ਬੀਚ (ਮਰੀਆਨਾ ਬੀਚ, ਚੇਨਈ)
ਸਭ ਤੋਂ ਉੱਚੀ ਝੀਲ (ਦੇਵਤਲ ਝੀਲ, ਉੱਤਰਾਖੰਡ)
ਸਭ ਤੋਂ ਉੱਚਾ ਬੰਨ੍ਹ (ਭਾਖੜਾ ਨੰਗਲ ਡੈਮ, ਪੰਜਾਬ)
ਸਭ ਤੋਂ ਵੱਡੀ ਝੀਲ (ਵੁੱਲਰ ਝੀਲ, ਜੰਮੂ-ਕਸ਼ਮੀਰ)
ਤਾਜ਼ੇ ਪਾਣੀ ਦੀ ਸਭ ਤੋਂ ਵੱਡੀ ਝੀਲ (ਵੁੱਲਰ ਝੀਲ)
ਲੰਮਾ ਸਮੁੰਦਰੀ ਪੁਲ (ਬਾਂਦਰਾ ਵਰਲੀ, ਸਮੁੰਦਰੀ ਲਿੰਕ)
ਸਭ ਤੋਂ ਵੱਡਾ ਮਾਰੂਥਲ (ਥਾਰ, ਰਾਜਸਥਾਨ)
ਸਭ ਤੋਂ ਵੱਡਾ ਡੈਲਟਾ (ਸੁੰਦਰਬਨ, ਪੱਛਮੀ ਬੰਗਾਲ)
ਸਭ ਤੋਂ ਲੰਮੀ ਸੁਰੰਗ (ਜਵਾਹਰ ਸੁਰੰਗ, ਬਨੀਹਾਲ ਪਾਸ ਜੰਮੂ-ਕਸ਼ਮੀਰ)
ਸਭ ਤੋਂ ਉੱਚਾ ਖਿਤਾਬ (ਭਾਰਤ ਰਤਨ)
ਜ਼ਿਆਦਾ ਆਬਾਦੀ ਵਾਲਾ ਸ਼ਹਿਰ (ਮੁੰਬਈ)
ਸਭ ਤੋਂ ਵੱਡਾ ਚਿੜੀਆਘਰ (ਜ਼ੂਲੋਜੀਕਲ ਬਾਗ਼, ਕੋਲਕਾਤਾ)
ਸਭ ਤੋਂ ਲੰਮਾ ਪਲੇਟਫਾਰਮ (ਗੋਰਖਪੁਰ, ਉੱਤਰ ਪ੍ਰਦੇਸ਼)
ਸਭ ਤੋਂ ਉੱਚਾ ਹਵਾਈ ਅੱਡ (ਲੇਹ-ਲੱਦਾਖ)

-ਸੰਜੀਵ ਸਿੰਘ ਸੈਣੀ, ਮੁਹਾਲੀ

ਬਾਲ ਨਾਵਲ-36-ਨਾਨਕਿਆਂ ਦਾ ਪਿੰਡ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
ਨਾਨਾ ਜੀ ਦੇ ਬਾਹਰ ਜਾਣ ਤੋਂ ਬਾਅਦ ਬੱਚਿਆਂ ਨੇ ਨਹਾ ਧੋ ਕੇ ਨਾਸ਼ਤਾ ਕੀਤਾ ਅਤੇ ਚੁੱਪ-ਚਾਪ ਪੜ੍ਹਨ ਬੈਠ ਗਏ। ਪਹਿਲਾਂ ਉਨ੍ਹਾਂ ਨੇ ਇਕ ਘੰਟਾ ਪੜ੍ਹਾਈ ਕੀਤੀ ਅਤੇ ਫੇਰ ਦੋ ਘੰਟੇ ਛੁੱਟੀਆਂ ਦਾ ਕੰਮ ਕੀਤਾ। ਨਾਨੀ ਜੀ ਦੋ ਤਿੰਨ ਵਾਰੀ ਬੱਚਿਆਂ ਨੂੰ ਵੇਖਣ ਆਏ ਪਰ ਬੱਚਿਆਂ ਨੂੰ ਪੜ੍ਹਾਈ ਵਿਚ ਰੁੱਝਿਆ ਵੇਖ ਕੇ, ਕਮਰੇ ਦੇ ਬਾਹਰੋਂ ਹੀ ਵਾਪਸ ਆ ਜਾਂਦੇ ਰਹੇ।
ਤਿੰਨ ਘੰਟੇ ਲਗਾਤਾਰ ਪੜ੍ਹਾਈ ਕਰਨ ਦੇ ਬਾਅਦ ਬੱਚੇ ਨਾਨੀ ਜੀ ਕੋਲ ਗਏ, 'ਨਾਨੀ ਜੀ ਥੋੜ੍ਹੀ-ਥੋੜ੍ਹੀ ਭੁੱਖ ਲੱਗ ਰਹੀ ਐ, ਕੁਝ ਖਾਣ ਨੂੰ ਦਿਓ।'
'ਰੋਟੀ ਤਾਂ ਮੈਂ ਅਜੇ ਪਕਾਈ ਨਹੀਂ, ਤੁਸੀਂ ਐਸ ਤਰ੍ਹਾਂ ਕਰੋ ਕਿ ਦਹੀਂ ਵਿਚ ਖੰਡ ਜਾਂ ਸ਼ੱਕਰ ਪਾ ਕੇ ਖਾ ਲਓ ਜਾਂ ਚਾਟੀ ਦੀ ਲੱਸੀ ਰਿੜਕੀ ਪਈ ਐ, ਉਸ ਵਿਚ ਥੋੜ੍ਹਾ ਮੱਖਣ ਪਾ ਕੇ ਪੀ ਲਓ।'
'ਦਹੀਂ ਤਾਂ ਅਸੀਂ ਸ਼ਹਿਰ ਵੀ ਖਾਂਦੇ ਰਹਿੰਦੇ ਹਾਂ, ਤੁਸੀਂ ਸਾਨੂੰ ਮੱਖਣ ਤੋਂ ਬਿਨਾਂ ਲੱਸੀ ਵਿਚ ਖੰਡ ਪਾ ਕੇ ਦਿਓ', ਸੁਖਮਨੀ ਨੇ ਆਪਣੀ ਪਸੰਦ ਦੱਸੀ, ਜਿਹੜੀ ਸਾਰਿਆਂ ਨੂੰ ਪਸੰਦ ਆਈ।
ਨਾਨੀ ਜੀ ਨੇ ਜੱਗ ਵਿਚ ਲੱਸੀ ਪਾ ਕੇ ਖੰਡ ਪਾਈ ਅਤੇ ਉਸ ਨੂੰ ਚੰਗੀ ਤਰ੍ਹਾਂ ਹਿਲਾ ਕੇ ਰਲਾ ਦਿੱਤਾ। ਫੇਰ ਉਸ ਨੂੰ ਚਾਰ ਗਲਾਸਾਂ ਵਿਚ ਪਾ ਕੇ ਉੱਪਰ ਥੋੜ੍ਹਾ-ਥੋੜ੍ਹਾ ਮੱਖਣ ਵੀ ਪਾ ਦਿੱਤਾ। ਬੱਚੇ ਬਿਨਾਂ ਕਿਸੇ ਨਾਂਹ-ਨੁੱਕਰ ਦੇ ਬੜੇ ਸਵਾਦ ਨਾਲ ਮੱਖਣ ਵੀ ਖਾ ਗਏ ਅਤੇ ਲੱਸੀ ਵੀ ਪੀ ਗਏ।
ਲੱਸੀ ਪੀਣ ਤੋਂ ਬਾਅਦ ਉਹ ਨਾਨੀ ਜੀ ਨੂੰ ਪੁੱਛਣ ਲੱਗੇ, 'ਹੁਣ ਅਸੀਂ ਥੋੜ੍ਹੀ ਦੇਰ ਖੇਡ ਲਈਏ, ਨਾਨੀ ਜੀ? ਸਵੇਰ ਦੇ ਬੈਠੇ ਬੈਠੇ ਥੱਕ ਗਏ ਆਂ। ਰੋਟੀ ਖਾਣ ਤੋਂ ਬਾਅਦ ਅਸੀਂ ਹੋਰ ਪੜ੍ਹ ਲਵਾਂਗੇ।'
ਬੱਚਿਆਂ ਦੇ ਭੋਲੇ ਜਿਹੇ ਬਣਾਏ ਚਿਹਰਿਆਂ ਨੂੰ ਵੇਖ ਕੇ ਨਾਨੀ ਜੀ ਮੁਸਕਰਾਂਦੇ ਹੋਏ ਕਹਿਣ ਲੱਗੇ, 'ਹੁਣ ਤੁਸੀਂ ਜੇ ਖੇਡਣ ਦਾ ਮੂਡ ਬਣਾ ਹੀ ਲਿਆ ਐ ਤਾਂ ਥੋੜ੍ਹੀ ਦੇਰ ਖੇਡ ਲਓ, ਪਰ ਪੜ੍ਹਾਈ ਦਾ ਯਾਦ ਰੱਖਣਾ, ਖੇਡਾਂ ਵਿਚ ਕਿਤੇ ਭੁੱਲ ਨਾ ਜਾਣਾ।
'ਤੁਸੀਂ ਫ਼ਿਕਰ ਨਾ ਕਰੋ, ਅਸੀਂ ਥੋੜ੍ਹੀ ਦੇਰ ਤਕ ਆਪੇ ਹੀ ਪੜ੍ਹਾਈ ਸ਼ੁਰੂ ਕਰ ਦਿਆਂਗੇ', ਵਿਹੜੇ ਵਿਚ ਨੱਚਦੇ ਹੋਏ ਬੱਚਿਆਂ ਨੇ ਨਾਨੀ ਜੀ ਨੂੰ ਤਸੱਲੀ ਦਿਵਾਈ।'
ਕੁਝ ਦੇਰ ਖੇਡਣ ਤੋਂ ਬਾਅਦ ਅਤੇ ਨਾਨਾ ਜੀ ਦੇ ਘਰ ਆਉਣ ਤੋਂ ਪਹਿਲਾਂ ਸਾਰੇ ਬੱਚੇ ਚੁੱਪ-ਚਾਪ ਕਮਰੇ ਵਿਚ ਜਾ ਕੇ ਪੜ੍ਹਨ ਬੈਠ ਗਏ। ਬੱਚਿਆਂ ਨੂੰ ਅਜੇ ਦਸ-ਪੰਦਰਾਂ ਮਿੰਟ ਹੀ ਪੜ੍ਹਦਿਆਂ ਹੋਏ ਸਨ ਕਿ ਨਾਨੀ ਜੀ ਨੇ ਆਵਾਜ਼ਾਂ ਮਾਰਨੀਆਂ ਸ਼ੁਰੂ ਕਰ ਦਿੱਤੀਆਂ, 'ਆਓ ਬੱਚਿਓ, ਖਾਣਾ ਤਿਆਰ ਐ।'
'ਆ ਰਹੇ ਹਾਂ, ਨਾਨੀ ਜੀ', ਸਾਰੇ ਬੱਚੇ ਇਕੱਠੇ ਬੋਲ ਪਏ।
'ਜਲਦੀ ਆ ਜਾਓ, ਨਹੀਂ ਤਾਂ ਦਾਲ-ਸਬਜ਼ੀ ਸਭ ਕੁਝ ਠੰਢਾ ਹੋ ਜਾਏਗਾ।'
ਬੱਚੇ ਉਥੇ ਹੀ ਕਿਤਾਬਾਂ-ਕਾਪੀਆਂ ਰੱਖ ਕੇ ਰਸੋਈ ਵੱਲ ਦੌੜ ਪਏ। ਨਾਨੀ ਜੀ ਚੁੱਲ੍ਹੇ 'ਤੇ ਗਰਮ-ਗਰਮ ਰੋਟੀਆਂ ਬਣਾ ਰਹੇ ਸਨ। ਬੱਚਿਆਂ ਨੂੰ ਵੇਖ ਕੇ ਨਾਨੀ ਜੀ ਨੇ ਕਿਹਾ, 'ਬੱਚਿਓ ਆਪੇ ਥਾਲੀਆਂ, ਕੌਲੀਆਂ ਚਮਚੇ ਫੜੋ, ਮੈਂ ਤੁਹਾਨੂੰ ਦਾਲ-ਸਬਜ਼ੀ ਪਾਈ ਜਾਵਾਂ। ਰੋਟੀ ਲੈ ਕੇ ਤੁਸੀਂ ਅੰਦਰ ਪੱਖੇ ਥੱਲੇ ਚਲੇ ਜਾਓ, ਅੱਜ ਰਸੋਈ ਵਿਚ ਗਰਮੀ ਕੁਝ ਜ਼ਿਆਦਾ ਹੀ ਐ। ਨਾਲੇ ਰੋਟੀ ਹਿਸਾਬ ਨਾਲ ਖਾਣੀ ਕਿਉਂਕਿ ਤੁਹਾਡੇ ਸਾਰਿਆਂ ਦੇ ਮਨ-ਪਸੰਦ ਗੁੜ ਵਾਲੇ ਚੌਲ ਵੀ ਬਣਾਏ ਹਨ।
'ਵਾਹ ਵੀ ਵਾਹ! ਅੱਜ ਤੇ ਅਸੀਂ ਗੁੜ ਵਾਲੇ ਚਾਵਲ ਹੀ ਖਾਵਾਂਗੇ, ਰੋਟੀ ਦੀ ਤੇ ਲੋੜ ਹੀ ਨਹੀਂ', ਸੁਖਮਨੀ ਤੇ ਜੀਤੀ ਨੇ ਕਿਹਾ।
'ਚੌਲ ਤੁਸੀਂ ਜਿੰਨੇ ਮਰਜ਼ੀ ਖਾ ਲੈਣੇ ਪਰ ਰੋਟੀ ਨਾਲ ਜ਼ਰੂਰ ਖਾਣੀ ਐ।'
'ਚਲੋ ਅਸੀਂ ਇਕ-ਇਕ ਫੁਲਕਾ ਖਾ ਲਵਾਂਗੇ, ਬਾਕੀ ਗੁੜ ਵਾਲੇ ਚਾਵਲ ਹੀ ਖਾਵਾਂਗੇ', ਐਦਕੀਂ ਪੰਮੀ ਤੇ ਨਵਰਾਜ ਬੋਲੇ।
'ਠੀਕ ਐ ਬਾਬਾ, ਤੁਸੀਂ ਜਿੰਨੀ ਰੋਟੀ ਖਾਣੀ ਐ ਖਾ ਲੈਣੀ। ਚੌਲ ਵੀ ਬਥੇਰੇ ਬਣੇ ਪਏ ਨੇ। ਜੇ ਤੁਸੀਂ ਹੁਣ ਰੋਟੀ ਘੱਟ ਖਾਧੀ ਤਾਂ ਤੁਹਾਨੂੰ ਰਾਤੀਂ ਵੀ ਐਹੋ ਦਾਲ-ਸਬਜ਼ੀ ਖਵਾਣੀ ਐ।' (ਚਲਦਾ)

-ਮੋਬਾਈਲ : 98889-24664

ਬਾਲ ਕਹਾਣੀ-ਸਬਕ

ਇਕ ਛੋਟੇ ਜਿਹੇ ਪਿੰਡ ਦੇ ਬਾਹਰਵਾਰ ਖੇਤਾਂ ਵਿਚ ਵਿਸ਼ਾਲ ਦਾ ਘਰ ਸੀ। ਵਿਸ਼ਾਲ ਪੰਜਵੀਂ ਕਲਾਸ ਵਿਚ ਪੜ੍ਹਦਾ ਸੀ। ਉਹ ਬਹੁਤ ਹੀ ਜ਼ਿੱਦੀ ਤੇ ਸ਼ਰਾਰਤੀ ਸੀ। ਇਸ ਦੇ ਨਾਲ ਉਹ ਰੋਜ਼ ਰੋਟੀ ਖਾਣ ਵੇਲੇ ਬਹੁਤ ਕਾਹਲੀ ਕਰਦਾ। ਉਸ ਦੀ ਦਾਦੀ ਉਸ ਨੂੰ ਰੋਜ਼ ਕਹਿੰਦੀ ਕਿ ਪੁੱਤ ਰੋਟੀ ਹੌਲੀ-ਹੌਲੀ, ਚਬਾ-ਚਬਾ ਕੇ ਤੇ ਛੋਟੀਆਂ ਬੁਰਕੀਆਂ ਕਰ ਕੇ ਖਾਈਦੀ ਹੈ। ਪਰ ਵਿਸ਼ਾਲ ਦਾਦੀ ਦੀਆਂ ਗੱਲਾਂ ਤੋਂ ਚਿੜ੍ਹਦਾ ਅਤੇ ਸਗੋਂ ਵੱਡੀਆਂ-ਵੱਡੀਆਂ ਬੁਰਕੀਆਂ ਕਰ ਕੇ ਜਲਦੀ-ਜਲਦੀ ਖਾਣਾ ਗਪਲ-ਗਪਲ ਖ਼ਤਮ ਕਰ ਦਿੰਦਾ। ਜਲਦੀ-ਜਲਦੀ ਅਤੇ ਵੱਡੀਆਂ-ਵੱਡੀਆਂ ਬੁਰਕੀਆਂ ਨਾਲ ਭੋਜਨ ਹਜ਼ਮ ਨਹੀਂ ਹੁੰਦਾ। ਉਲਟੀ ਆ ਸਕਦੀ ਹੈ ਅਤੇ ਢਿੱਡ ਪੀੜ ਵੀ ਹੋ ਸਕਦਾ ਹੈ।
ਇਕ ਰਾਤ ਇਸ ਤਰ੍ਹਾਂ ਹੀ ਹੋਇਆ। ਵਿਸ਼ਾਲ ਆਪਣੀ ਆਦਤ ਅਨੁਸਾਰ ਜਲਦੀ-ਜਲਦੀ ਭੋਜਨ ਖਾ ਕੇ ਸੌਂ ਗਿਆ। ਪਰ ਨੀਂਦ ਕਿੱਥੇ। ਅਜੇ ਉਸ ਨੂੰ ਸੁੱਤੇ ਨੂੰ ਘੰਟਾ ਕੁ ਹੀ ਹੋਇਆ ਸੀ ਕਿ ਉਸ ਦੇ ਪੇਟ ਵਿਚ ਦਰਦ ਹੋਣ ਲੱਗ ਗਿਆ। ਦਰਦ ਵੀ ਅਜਿਹਾ ਸ਼ੁਰੂ ਹੋਇਆ ਕਿ ਅਸਹਿ ਸੀ। ਘਰ ਵਿਚ ਕੋਈ ਦਵਾਈ ਨਹੀਂ ਸੀ। ਪਿੰਡ ਵਿਚ ਵੀ ਕੋਈ ਡਾਕਟਰ ਨਹੀਂ ਸੀ ਅਤੇ ਉਸ ਦਾ ਪਿੰਡ ਸ਼ਹਿਰ ਤੋਂ ਕਾਫੀ ਦੂਰ ਸੀ। ਉਸ ਦੇ ਮਾਤਾ ਪਿਤਾ ਘਰ ਵਿਚ ਮੌਜੂਦ ਚੀਜ਼ਾਂ, ਦੇਸੀ ਓਹੜ-ਪੋਹੜ ਕਰਦੇ ਰਹੇ ਪਰ ਵਿਸ਼ਾਲ ਨੂੰ ਰਤਾ ਫ਼ਰਕ ਨਾ ਪਿਆ। ਉਹ ਦਰਦ ਨਾਲ ਕਰਾਹ ਰਿਹਾ ਸੀ। ਹੁਣ ਉਸ ਨੂੰ ਆਪਣੀ ਦਾਦੀ ਦੀਆਂ ਗੱਲਾਂ ਯਾਦ ਆ ਰਹੀਆਂ ਸਨ। ਸਾਰੀ ਰਾਤ ਉਹ ਤੌਬਾ ਕਰ ਰਿਹਾ ਸੀ ਕਿ ਰੱਬ ਜੀ ਹੁਣ ਮੈਨੂੰ ਠੀਕ ਕਰ ਦਿਓ, ਅੱਗੇ ਤੋਂ ਮੈਂ ਰੋਟੀ ਚਬਾ-ਚਬਾ ਕੇ ਅਤੇ ਹੌਲੀ-ਹੌਲੀ ਖਾਵਾਂਗਾ।
ਸਵੇਰ ਹੋਣ 'ਤੇ ਡਾਕਟਰ ਨੇ ਜਦੋਂ ਦਵਾਈ ਦਿੱਤੀ ਤੇ ਠੀਕ ਹੋਣ ਉਪਰੰਤ ਵਿਸ਼ਾਲ ਨੇ ਸੁੱਖ ਦਾ ਸਾਹ ਲਿਆ। ਸੋ ਬੱਚਿਓ, ਸਾਨੂੰ ਖਾਣਾ ਖਾਣ ਵੇਲੇ ਕਦੇ ਕਾਹਲ ਨਹੀਂ ਕਰਨੀ ਚਾਹੀਦੀ। ਭੋਜਨ ਹਮੇਸ਼ਾ ਹੱਥ ਧੋ ਕੇ ਹੌਲੀ-ਹੌਲੀ ਚਬਾ ਕੇ ਖਾਣਾ ਚਾਹੀਦਾ ਹੈ।

-ਸ. ਐ. ਸਕੂਲ ਚੱਬਾ, ਬਲਾਕ ਅੰਮ੍ਰਿਤਸਰ-1, (ਅੰਮ੍ਰਿਤਸਰ)
ਮੋਬਾਈਲ : 88724-00194

ਬਾਲ ਗੀਤ-ਸਾਉਣ

ਸਾਉਣ ਕਾਲੀਆਂ ਘਟਾਵਾਂ ਲਿਆਇਆ।
ਠੰਢੀਆਂ ਮਿੱਠੀਆਂ ਹਵਾਵਾਂ ਲਿਆਇਆ।
ਖੇਤਾਂ ਤੋਂ ਉੱਡ ਗਈ ਸੀ ਹਰਿਆਲੀ।
ਮੁਰਝਾਏ ਸਨ, ਪੱਤੇ ਫੁੱਲ ਡਾਲੀ।
ਫ਼ਸਲਾਂ ਉੱਪਰੋਂ ਬੱਦਲ ਲੰਘ ਗਏ,
ਵਰੇ ਵੀ ਨਾ, ਆਏ ਸਨ ਖਾਲੀ।
ਕੋਇਲ ਨੇ ਵਰਖਾ ਦਾ ਗੀਤ ਗਾਇਆ।
ਸਾਉਣ ਕਾਲੀਆਂ ਘਟਾਵਾਂ ਲਿਆਇਆ।
ਪਹਾੜਾਂ ਨਾਲ ਟਕਰਾ, ਵਾਪਸ ਨਸਿਆ।
ਗੱਜਦਾ ਚਮਕਦਾ ਮੋਹਲੇਧਾਰ ਵਸਿਆ।
ਫ਼ਸਲਾਂ, ਛੱਪੜ, ਟੋਭੇ ਭਰ ਗਏ,
ਬਾਗਾਂ ਵਿਚ ਅੰਬ ਜਾਮਨੂੰ ਰਸਿਆ।
ਮੌਸਮ ਖੂਬਸੂਰਤ ਸੁਹਾਵਣਾ ਬਣਾਇਆ।
ਸਾਉਣ ਕਾਲੀਆਂ ਘਟਾਵਾਂ ਲਿਆਇਆ।

-ਮੁਖ਼ਤਾਰ ਗਿੱਲ
ਪ੍ਰੀਤ ਨਗਰ -143109 (ਅੰਮ੍ਰਿਤਸਰ)।
ਮੋਬਾਈਲ : 98140-82217

ਬਾਲ ਗੀਤ-ਪਿੰਡ ਵੇਖ ਕੇ ਆਵਾਂਗੇ

ਦਾਦਾ ਜੀ ਕੋਲ ਜਾਵਾਂਗੇ
ਸਭ ਪਿੰਡਾਂ ਤੋਂ ਸੋਹਣਾ ਆਪਣਾ
ਪਿੰਡ ਵੇਖ ਕੇ ਆਵਾਂਗੇ।
ਦਾਦਾ ਜੀ ਨੇ ਪਿੰਡ 'ਚ ਰਹਿੰਦੇ
ਸਾਰੇ ਪਿੰਡ ਨੂੰ ਸੋਹਣਾ ਕਹਿੰਦੇ
ਦਾਦਾ ਜੀ ਨੂੰ ਮਿਲਣ ਬਹਾਨੇ
ਪਿੰਡ ਦੇ ਦਰਸ਼ਨ ਪਾਵਾਂਗੇ
ਪਿੰਡ ਵੇਖ ਕੇ...।
ਛੱਪੜ ਸਾਰਾ ਸਾਫ਼ ਹੈ ਕਰਿਆ,
ਸਾਫ਼ ਪਾਣੀ ਦੇ ਨਾਲ ਹੈ ਭਰਿਆ
ਰੰਗ-ਬਿਰੰਗੀ ਕਿਸ਼ਤੀ ਤਾਈਂ
ਪਾਣੀ ਵਿਚ ਭਜਾਵਾਂਗੇ
ਪਿੰਡ ਵੇਖ ਕੇ....।
ਰਸਤੇ ਸਾਰੇ ਵਧੀਆ ਬਣਾਏ
ਕਈ ਕਿਸਮਾਂ ਦੇ ਰੁੱਖ ਨੇ ਲਾਏ
ਅਸੀਂ ਵੀ ਸੋਹਣੇ ਬੂਟੇ ਲਾ ਕੇ,
ਪਿੰਡ ਦੀ ਸ਼ਾਨ ਵਧਾਵਾਂਗੇ,
ਪਿੰਡ ਵੇਖਕੇ...।
ਵੱਡਾ ਸਕੂਲ ਸਮਾਰਟ ਬਣਾਇਆ
ਖੇਡ ਸਟੇਡੀਅਮ ਬਹੁਤ ਸਜਾਇਆ
'ਅਮਰਜੀਤ' ਅੰਕਲ ਦਾ ਸਾਈਕਲ,
ਵਿਚ ਗਰਾਊਂਡ ਭਜਾਵਾਂਗੇ।
ਪਿੰਡ ਵੇਖ ਕੇ ਆਵਾਂਗੇ।

-ਅਮਰਜੀਤ ਸਨ੍ਹੇਰਵੀ
ਮਖੂ ਰੋਡ, ਜ਼ੀਰਾ (ਫਿਰੋਜ਼ਪੁਰ)।
ਮੋਬਾਈਲ : 99142-16191.



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX