ਤਾਜਾ ਖ਼ਬਰਾਂ


ਵਿਜੀਲੈਂਸ ਟੀਮ ਵੱਲੋਂ ਮਾਲ ਵਿਭਾਗ ਦਾ ਪਟਵਾਰੀ ਚਾਰ ਹਜ਼ਾਰ ਰੁਪਏ ਰਿਸ਼ਵਤ ਲੈਂਦਾ ਰੰਗੇ ਹੱਥੀਂ ਕਾਬੂ
. . .  8 minutes ago
ਜ਼ੀਰਾ, 16 ਜੁਲਾਈ- ਪੰਜਾਬ ਸਰਕਾਰ ਵੱਲੋਂ ਭ੍ਰਿਸ਼ਟਾਚਾਰ ਵਿਰੁੱਧ ਚਲਾਈ ਗਈ ਮੁਹਿੰਮ ਤਹਿਤ ਵਿਜੀਲੈਂਸ ਟੀਮ ਫ਼ਿਰੋਜ਼ਪੁਰ ਨੇ ਤਹਿਸੀਲ ਜ਼ੀਰਾ ਦੇ ਮਾਲ ਹਲਕਾ ਠੱਠਾ ਕਿਸ਼ਨ ਸਿੰਘ 'ਚ ਤਾਇਨਾਤ ਪਟਵਾਰੀ ਰਾਜਿੰਦਰ ਸਿੰਘ ਉਰਫ਼ ਰਾਜੂ ਨੂੰ ਇੱਕ ਕਿਸਾਨ ਪਾਸੋਂ 4 ਹਜ਼ਾਰ ...
ਨਕਲੀ ਬੀਜ ਅਤੇ ਕੀੜੇਮਾਰ ਦਵਾਈਆਂ ਵੇਚਣ ਵਾਲਿਆਂ ਖ਼ਿਲਾਫ਼ ਸਖ਼ਤ ਹੋਈ ਸਰਕਾਰ
. . .  18 minutes ago
ਚੰਡੀਗੜ੍ਹ, 16 ਜੁਲਾਈ- ਕਿਸਾਨਾਂ ਨੂੰ ਨਕਲੀ ਬੀਜ ਅਤੇ ਕੀੜੇਮਾਰ ਦਵਾਈਆਂ ਵੇਚਣ ਵਾਲਿਆਂ ਨਾਲ ਸਖ਼ਤੀ ਨਾਲ ਨਜਿੱਠਣ ਲਈ ਪੰਜਾਬ ਸਰਕਾਰ ਨੇ ਇੱਕ ਮੋਬਾਇਲ ਹੈਲਪ ਲਾਈਨ ਨੰਬਰ 8437312288 ਅਤੇ ਈ-ਮੇਲ...
ਕੈਪਟਨ ਵੱਲੋਂ ਪੰਜਾਬ ਦੇ ਸੰਸਦ ਮੈਂਬਰਾਂ ਨਾਲ ਮੁਲਾਕਾਤ
. . .  32 minutes ago
ਨਵੀਂ ਦਿੱਲੀ, 16 ਜੁਲਾਈ - ਸੂਬੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅੱਜ ਪੰਜਾਬ ਦੇ ਸੰਸਦ ਮੈਂਬਰਾਂ ਨਾਲ ਮੁਲਾਕਾਤ ਕੀਤੀ। ਇਸ ਮੌਕੇ ਮੁੱਖ ਮੰਤਰੀ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸੰਸਦ ਮੈਂਬਰਾਂ ਨੂੰ ਮਿਲ ਕੇ ਉਨ੍ਹਾਂ ਨੂੰ ਬਹੁਤ ਖ਼ੁਸ਼ੀ ਹੋਈ। ਉਨ੍ਹਾਂ ਕਿਹਾ ਕਿ ਸੰਸਦ ....
ਨਸ਼ੀਲੀਆਂ ਗੋਲੀਆਂ ਸਮੇਤ ਇੱਕ ਵਿਅਕਤੀ ਨੂੰ ਕੀਤਾ ਗਿਆ ਕਾਬੂ
. . .  52 minutes ago
ਨਾਭਾ, 16 ਜੁਲਾਈ (ਕਰਮਜੀਤ ਸਿੰਘ)- ਥਾਣਾ ਕੋਤਵਾਲੀ ਦੇ ਸਹਾਇਕ ਥਾਣੇਦਾਰ ਸੁਰੇਸ਼ ਕੁਮਾਰ ਵੱਲੋਂ ਇੱਕ ਵਿਅਕਤੀ ਨੂੰ 480 ਨਸ਼ੀਲੀਆਂ ਗੋਲੀਆਂ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਗ੍ਰਿਫ਼ਤਾਰ ਕੀਤੇ ਵਿਅਕਤੀ ਦੀ ਪਹਿਚਾਣ ਮਲਕਿੰਦਰ ਸਿੰਘ ਵਾਸੀ ਰਾਮਦਾਸੀਆਂ ....
ਪੰਜਾਬ ਨੂੰ ਤਬਾਹੀ ਦੇ ਕੰਡੇ 'ਤੇ ਲਿਆਏ ਅਕਾਲੀ ਅਤੇ ਕਾਂਗਰਸੀਏ -ਬੈਂਸ
. . .  about 1 hour ago
ਸ੍ਰੀ ਮੁਕਤਸਰ ਸਾਹਿਬ, 16 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)- ਲੋਕ ਇਨਸਾਫ਼ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਨੇ ਦੂਜੇ ਸੂਬਿਆਂ ਤੋਂ ਪਾਣੀ ਦੀ ਕੀਮਤ ਵਸੂਲੀ ਸਬੰਧੀ ਸ਼ੁਰੂ ਕੀਤੇ ਅੰਦੋਲਨ ਤਹਿਤ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਲੋਕਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ...
ਕਰਨਾਟਕ ਦੇ ਬਾਗ਼ੀ ਵਿਧਾਇਕਾਂ ਦੀ ਅਰਜ਼ੀ 'ਤੇ ਸੁਪਰੀਮ ਕੋਰਟ ਵਲੋਂ ਕੱਲ੍ਹ ਸੁਣਾਇਆ ਜਾਵੇਗਾ ਫ਼ੈਸਲਾ
. . .  about 1 hour ago
ਨਵੀਂ ਦਿੱਲੀ, 16 ਜੁਲਾਈ- ਸੁਪਰੀਮ ਕੋਰਟ ਵਲੋਂ ਕਰਨਾਟਕ ਦੇ ਬਾਗ਼ੀ ਵਿਧਾਇਕਾਂ ਦੀ ਅਰਜ਼ੀ 'ਤੇ ਫ਼ੈਸਲਾ ਕੱਲ੍ਹ ਭਾਵ ਕਿ ਬੁੱਧਵਾਰ ਸਵੇਰੇ ਸੁਣਾਇਆ ਜਾਵੇਗਾ। ਅਦਾਲਤ ਵਲੋਂ ਫ਼ੈਸਲਾ ਸਵੇਰੇ...
ਭੇਦਭਰੇ ਹਾਲਾਤ 'ਚ ਮਿਲੀ ਔਰਤ ਅਤੇ ਮਾਸੂਮ ਬੱਚੀ ਦੀ ਲਾਸ਼
. . .  about 1 hour ago
ਚੋਹਲਾ ਸਾਹਿਬ, 16 ਜੁਲਾਈ (ਬਲਵਿੰਦਰ ਸਿੰਘ ਚੋਹਲਾ)- ਇੱਥੋਂ ਨਜ਼ਦੀਕੀ ਪਿੰਡ ਰਾਣੀ ਵਲਾਹ ਵਿਖੇ ਪਾਣੀ ਵਾਲੇ ਸੂਏ 'ਚੋਂ ਭੇਦਭਰੇ ਹਾਲਾਤ 'ਚ ਇੱਕ ਔਰਤ ਅਤੇ ਇੱਕ ਬੱਚੀ ਦੀ ਲਾਸ਼ ਮਿਲੀ ਹੈ। ਜਾਣਕਾਰੀ ਮਿਲਣ ਤੋਂ ਬਾਅਦ ਮੌਕੇ 'ਤੇ ਪਹੁੰਚੀ ਥਾਣਾ ਚੋਹਲਾ ਸਾਹਿਬ...
ਤਪਾ ਖੇਤਰ 'ਚ ਤੇਜ਼ ਮੀਂਹ ਕਾਰਨ ਪਾਣੀ 'ਚ ਡੁੱਬੀ ਸੈਂਕੜੇ ਏਕੜ ਝੋਨੇ ਦੀ ਫ਼ਸਲ
. . .  about 1 hour ago
ਤਪਾ ਮੰਡੀ, 16 ਜੁਲਾਈ(ਵਿਜੇ ਸ਼ਰਮਾ)- ਤਪਾ ਖੇਤਰ 'ਚ ਪੈ ਰਹੇ ਤੇਜ਼ ਮੀਂਹ ਕਾਰਨ ਤਪਾ ਅਤੇ ਹੋਰ ਪਿੰਡਾਂ ਦੇ ਕਿਸਾਨਾਂ ਦੀ ਝੋਨੇ ਤੇ ਨਰਮੇ ਦੀ ਸੈਂਕੜੇ ਏਕੜ ਫ਼ਸਲ ਤਬਾਹ ਹੋ ਗਈ ਜਿਸ ਕਾਰਨ ਕਿਸਾਨਾਂ ਦੇ ਚਿਹਰਿਆਂ 'ਤੇ ਨਿਰਾਸ਼ਾ ਦਿਖਾਈ ਦੇ ਰਹੀ ਹੈ। ਇਸ ਸੰਬੰਧੀ ਕਿਸਾਨਾਂ ....
22 ਜੁਲਾਈ ਨੂੰ ਮੁੱਖ ਮੰਤਰੀ ਦੀ ਕੋਠੀ ਅੱਗੇ ਦਿੱਤਾ ਜਾਵੇਗਾ ਧਰਨਾ
. . .  about 1 hour ago
ਸੰਗਰੂਰ, 16 ਜੁਲਾਈ (ਧੀਰਜ ਪਸ਼ੋਰੀਆ)- ਪੰਜਾਬ 'ਚ ਬਿਜਲੀ ਬਿੱਲਾਂ ਦੇ ਨਾਂ 'ਤੇ ਲੋਕਾਂ ਦੀ ਹੋ ਰਹੀ ਅੰਨ੍ਹੀ ਲੁੱਟ ਵਿਰੁੱਧ ਪੰਜਾਬ ਏਕਤਾ ਪਾਰਟੀ ਵਲੋਂ 22 ਜੁਲਾਈ ਨੂੰ ਚੰਡੀਗੜ੍ਹ ਸਥਿਤ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਕੋਠੀ ਅੱਗੇ ਧਰਨਾ ਦਿੱਤਾ ਜਾਵੇਗਾ। ਪਾਰਟੀ ਦੇ...
ਪਾਣੀ ਦਾ ਫਲੋ ਵਧਣ ਕਾਰਨ ਪਟਿਆਲਾ 'ਚ ਖ਼ਾਲੀ ਕਰਵਾਈਆਂ ਗਈਆਂ ਕਾਲੋਨੀਆਂ
. . .  about 1 hour ago
ਪਟਿਆਲਾ, 16 ਜੁਲਾਈ (ਅਮਨਦੀਪ ਸਿੰਘ)- ਪਟਿਆਲਾ 'ਚ ਵੱਡੀ ਨਦੀ ਦੇ ਪਾਣੀ ਦਾ ਫਲੋ ਵਧਣ ਕਾਰਨ ਗੋਪਾਲ ਕਾਲੋਨੀ ਅਤੇ ਇਸ ਦੇ ਨਾਲ ਲਗਦੀਆਂ ਕਾਲੋਨੀਆਂ ਖ਼ਾਲੀ ਕਰਵਾਈਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਕਾਲੋਨੀ ਵਾਸੀਆਂ ਨੂੰ ਹਦਾਇਤਾਂ ਦਿੱਤੀਆਂ ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਕਹਾਣੀ: ਫੁੱਲ ਚਲਾਨ ਕੰਨਸੈਸ਼ਨ

ਅੱਜ ਬਾਜ਼ਾਰ ਵੱਲ ਜਾਂਦੇ ਮੇਨ ਮੋੜ ਉਤੇ ਪੁਲਿਸ ਵਾਲਿਆਂ ਸਵੇਰ ਤੋਂ ਹੀ ਨਾਕਾ ਲਾਇਆ, ਹਰ ਆਉਂਦੇ-ਜਾਂਦੇ ਸਕੂਟਰ, ਮੋਟਰਸਾਈਕਲ, ਗੱਡੀਆਂ ਆਦਿ ਨੂੰ ਰੋਕ ਕਾਗਜ਼ ਚੈੱਕ ਕੀਤੇ ਜਾ ਰਹੇ ਸਨ | ਆਰ. ਸੀ., ਪ੍ਰਦੂਸ਼ਣ, ਹੈਲਮੇਟ, ਇੰਸ਼ੋਰੈਂਸ ਦੀ ਘਾਟ ਵਾਲਿਆਂ ਦੇ ਚਲਾਨ ਕੱਟੇ ਜਾ ਰਹੇ ਸਨ, ਕਈਆਂ ਨੇ ਮੁਆਫ਼ੀ ਦੀ ਅਪੀਲ ਵੀ ਕੀਤੀ ਪਰ ਸਿਪਾਹੀਆਂ ਨੇ ਥਾਣੇਦਾਰ ਵੱਲ ਇਸ਼ਾਰਾ ਕਰਦੇ ਹੋਏ ਕਿਹਾ ਉਹ ਸਾਡੇ ਨਵੇਂ ਸਾਬ੍ਹ ਬਹੁਤ ਸਖ਼ਤ ਹਨ, ਮੁਆਫ਼ੀ ਦੀ ਕੋਈ ਗੰੁਜਾਇਸ਼ ਹੀ ਨਹੀਂ | ਕਈਆਂ ਨੇ ਦੂਰੋਂ ਹੀ ਪੁਲਿਸ ਨਾਕਾ ਦੇਖ ਆਪਣੇ ਵਹੀਕਲ ਪਿਛਾਂਹ ਮੋੜ ਲਏ | ਇਕ ਨੌਜਵਾਨ ਉਮਰ ਕੋਈ 30-32 ਸਾਲ ਬਿਨਾਂ ਕਿਸੇ ਡਰ ਤੋਂ ਮੋਟਰਸਾਈਕਲ ਉਪਰ ਧੀਮੀ ਚਾਲ ਤੇ ਹੈਲਮੈਟ ਪਹਿਨੇ ਨਾਕੇ ਵੱਲ ਜਾ ਰਿਹਾ ਸੀ, ਕਈ ਰਾਹਗੀਰਾਂ ਨੇ ਇਸ਼ਾਰੇ-ਇਸ਼ਾਰੇ ਨਾਲ ਸਮਝਾਉਣ ਦਾ ਯਤਨ ਵੀ ਕੀਤਾ ਕਿ ਅੱਗੇ ਪੁਲਿਸ ਨਾਕਾ ਹੈ ਪਰ ਉਹ ਨੌਜਵਾਨ ਬਿਨਾਂ ਕਿਸੇ ਵੱਲ ਧਿਆਨ ਦਿੱਤੇ ਨਾਕੇ ਕੋਲ ਆ ਪਹੁੰਚਿਆ | ਸਿਪਾਹੀ ਨੇ ਹੱਥ ਹਿਲਾ ਮੋਟਰਸਾਈਕਲ ਰੋਕਣ ਦਾ ਇਸ਼ਾਰਾ ਕੀਤਾ | ਨੌਜਵਾਨ ਮੋਟਰਸਾਈਕਲ ਸਾਈਡ 'ਤੇ ਲਗਾ ਕੇ ਹੈਲਮੈਟ ਉਤਾਰ ਹੀ ਰਿਹਾ ਸੀ ਕਿ ਸਿਪਾਹੀ ਬੋਲਿਆ, 'ਲਿਆਓ ਕਾਕਾ ਜੀ ਮੋਟਰਸਾਈਕਲ ਦੇ ਕਾਗਜ਼ ਕੱਢੋ |' ਨੌਜਵਾਨ ਨੇ ਸਾਰੇ ਕਾਗਜ਼ ਸਿਪਾਹੀ ਦੇ ਹੱਥ 'ਤੇ ਰੱਖੇ, ਸਿਪਾਹੀ ਸਾਰੇ ਕਾਗਜ਼ ਥਾਣੇਦਾਰ ਕੋਲ ਲੈ ਗਿਆ, ਥਾਣੇਦਾਰ ਕਾਗਜ਼ ਚੈੱਕ ਕਰਨ ਪਿਛੋਂ ਭਾਰੀ ਆਵਾਜ਼ ਵਿਚ ਬੋਲਿਆ, 'ਮੋਟਰਸਾਈਕਲ ਦਾ ਇੰਸ਼ੋਰੈਂਸ ਕਿੱਥੇ ਆ?' ਨੌਜਵਾਨ ਬੋਲਿਆ, 'ਬਣਾਇਆ ਨਹੀਂ ਸਰ ਪਿਛਲੇ 3-4 ਸਾਲਾਂ ਤੋਂ |' ਥਾਣੇਦਾਰ ਚਲਾਨ ਕਾਪੀ ਕੱਢਦੇ ਹੋਏ ਬੋਲਿਆ, 'ਚਲਾਨ ਹੋਊ ਪੁੱਤ ਤੇਰਾ ਹੁਣ, ਨਾਂਅ ਬੋਲ ਆਪਣਾ |' ਨੌਜਵਾਨ ਨੇ ਬੜੇ ਹੀ ਸਹਿਜੇ ਕਿਹਾ ਜੀ, 'ਬੇਰੁਜ਼ਗਾਰ', ਥਾਣੇਦਾਰ ਇਕਦਮ ਉਹਦੇ ਮੰੂਹ ਵੱਲ ਵੇਖ ਕਹਿਣ ਲੱਗਿਆ, 'ਓਏ ਇਹ ਕੀ ਮੈਂ ਤੇਰਾ ਨਾਂਅ ਪੁੱਛਿਆ?' ਨੌਜਵਾਨ ਬੋਲਿਆ, 'ਸਰ ਮੇਰੇ ਵਰਗੇ ਲਗਪਗ ਸਾਰੇ ਨੌਜਵਾਨਾਂ ਦਾ ਨਾਂਅ ਬੇਰੁਜ਼ਗਾਰ ਹੀ ਹੈ, ਕੋਈ ਸ਼ੱਕ ਆ ਤਾਂ ਪੁੱਛ ਲਓ ਕਿਸੇ ਤੋਂ ਵੀ 100 ਵਿਚੋਂ 90 ਨੌਜਵਾਨਾਂ ਦਾ ਨਾਂਅ ਬੇਰੁਜ਼ਗਾਰ ਨਾ ਹੋਇਆ ਤਾਂ ਮੇਰਾ ਨਾਂਅ ਬਦਲ ਦਿਓ |' ਥਾਣੇਦਾਰ ਉਸ ਦੇ ਮੰੂਹ ਵੱਲ ਵੇਖ ਰਿਹਾ ਸੀ ਤੇ ਨੌਜਵਾਨ ਬਿਨਾਂ ਕਿਸੇ ਡਰ ਅਤੇ ਝਿਜਕ ਤੋਂ ਬੋਲ ਰਿਹਾ ਸੀ | ਸਰ 10-10 ਸਾਲ ਹੋ ਗਏ ਡਿਗਰੀਆਂ ਕੰਪਲੀਟ ਕੀਤੇ ਹੋਏ, ਸਰਕਾਰ ਵਲੋਂ ਕੋਈ ਸਾਰ ਨਹੀਂ ਲਈ ਜਾ ਰਹੀ, ਕਿਸੇ ਪ੍ਰਾਈਵੇਟ ਅਦਾਰੇ ਵਿਚ ਕੰਮ ਕਰ ਰਹੇ ਹਾਂ, ਉਹ ਵੀ 5-6 ਹਜ਼ਾਰ ਮਹੀਨਾ ਤਨਖਾਹ 'ਤੇ | ਹੁਣ ਦੱਸੋ ਤੁਸੀਂ ਕਿ ਇਨ੍ਹਾਂ ਪੈਸਿਆਂ ਨਾਲ ਘਰ ਦਾ ਖਰਚ ਚਲਾਈਏ ਜਾਂ ਆਹ ਇੰਸ਼ੋਰੈਂਸ ਬਣਾਈਏ | ਥਾਣੇਦਾਰ ਜੋ ਪਹਿਲਾਂ ਨਾਲੋਂ ਨਰਮ ਹੋ ਗਿਆ ਸੀ, ਬੋਲਿਆ, 'ਪੁੱਤਰ ਫਿਰ ਮੈਂ ਕੀ ਕਰ ਸਕਦਾਂ |' ਨੌਜਵਾਨ ਹੱਸ ਕੇ ਕਹਿੰਦਾ, 'ਸਰ ਜੇ ਤੁਸੀਂ ਕੁਝ ਨਹੀਂ ਕਰ ਸਕਦੇ ਤਾਂ ਘੱਟੋ-ਘੱਟ ਫੁੱਲ ਚਲਾਨ ਕੰਨਸ਼ੈਸਨ ਹੀ ਦੇ ਦਿਓ |' ਥਾਣੇਦਾਰ ਹੁਣ ਤੱਕ ਬਿਲਕੁਲ ਸੰੁਨ ਹੋ ਗਿਆ ਸੀ, ਬਿਨਾਂ ਕੁਝ ਬੋਲੇ ਹੱਥ ਦੇ ਇਸ਼ਾਰੇ ਨਾਲ ਨੌਜਵਾਨ ਨੂੰ ਜਾਣ ਲਈ ਆਖਿਆ ਅਤੇ ਕਿੰਨਾ ਹੀ ਚਿਰ ਪਿਛੋਂ ਉਸ ਨੌਜਵਾਨ ਨੂੰ ਜਾਂਦੇ ਹੋਏ ਦੇਖਦਾ ਰਿਹਾ | ਸ਼ਾਇਦ ਉਸ ਨੌਜਵਾਨ ਵਿਚ ਉਸ ਨੂੰ ਆਪਣੇ ਬੱਚਿਆਂ ਦਾ ਧੰੁਦਲਾ ਅਕਸ ਸਾਫ਼ ਦਿਖਾਈ ਦੇ ਰਿਹਾ ਸੀ |

-(ਸੰਗਰੂਰ) | ਮੋਬਾਈਲ : 62803-90598.


ਖ਼ਬਰ ਸ਼ੇਅਰ ਕਰੋ

ਵਿਅੰਗ ਟਿਕਟ ਬਨਾਮ ਗਿੱਦੜਸਿੰਗੀ

'ਡੈਡੀ ਜੀ ਆਹ ਹਰ ਰੋਜ਼ ਹੀ ਅਖ਼ਬਾਰਾਂ ਤੇ ਟੀ.ਵੀ. ਵਿਚ ਟਿਕਟਾਂ ਲੈਣ-ਦੇਣ ਦਾ ਕਾਹਦਾ ਰੌਲਾ ਪੈਂਦਾ ਰਹਿੰਦਾ ਹੈ? ਫਲਾਣੇ ਨੂੰ ਟਿਕਟ ਦੇਤੀ, ਢਿਮਕੇ ਨੂੰ ਟਿਕਟ ਨਹੀਂ ਮਿਲੀ ਤੇ ਉਹ ਗਿਰਗਿਟ ਦੇ ਰੰਗ ਬਦਲਣ ਵਾਂਗ ਪਾਰਟੀ ਬਦਲ ਗਿਆ, ਅਗਲਾ ਊਠ ਦੇ ਬੁੱਲ੍ਹ ਵਾਂਗ ਟਿਕਟ ਨੂੰ ਉਡੀਕਦਾ ਰਹੂ | ਕੰਡਕਟਰ ਏਨਾਂ ਨੂੰ ਟਿਕਟ ਕਿਉਂ ਨਹੀਂ ਦਿੰਦਾ? ਪੈਸੇ ਦੇਣ ਤੇ ਟਿਕਟ ਲੈਣ ਭਾਵੇਂ ਦਿੱਲੀ-ਕਲਕੱਤੇ ਦਾ ਲੈ ਲੈਣ', ਅੱਠ ਸਾਲ ਦੇ ਪਿੰ੍ਰਸ ਨੇ ਆਪਣੇ ਦਾਦੇ ਬਲਵੰਤ ਸਿੰਘ ਨੂੰ ਪੁੱਛਿਆ |
ਬਲਵੰਤ ਸਿੰਘ ਜੋ ਕਿ ਆਪਣੇ ਘਰ ਦੇ ਬਿਜਲੀ ਦੇ ਮੀਟਰ ਬਾਰੇ ਸੋਚ ਰਿਹਾ ਸੀ, ਜਿਸਨੂੰ ਵੀਹ ਹਜ਼ਾਰ ਦਾ ਬਿੱਲ ਨਾ ਦੇ ਸਕਣ ਕਰਕੇ ਬਿਜਲੀ ਵਾਲੇ ਲਾਹ ਕੇ ਲੈ ਗਏ ਸਨ | ਉਹ ਆਪਣੇ ਮਾਸੂਮ ਤੇ ਅਣਭੋਲ ਪੋਤੇ ਨੂੰ ਕਹਿਣ ਲੱਗਾ, 'ਬੇਟੇ ਇਹ ਬੱਸ ਦੀਆਂ ਟਿਕਟਾਂ ਦੀ ਗੱਲ ਨਹੀਂ, ਨਾ ਹੀ ਡਾਕ ਦੀਆਂ, ਰੇਲ ਗੱਡੀ ਦੀਆਂ, ਸਿਨੇਮੇ ਦੀਆਂ ਤੇ ਨਾ ਹੀ ਹਵਾਈ ਜਹਾਜ਼ ਦੀਆਂ ਟਿਕਟਾਂ ਦੀ ਗੱਲ ਹੈ, ਜਿਨ੍ਹਾਂ ਨਾਲ ਇਕ ਦੋ ਘੰਟੇ ਤੋਂ ਲੈ ਕੇ ਤਿੰਨ-ਚਾਰ ਦਿਨ ਦਾ ਸਫਰ ਹੋ ਸਕਦਾ ਹੈ | ਬੇਟੇ ਜਿਸ ਟਿਕਟ ਦੀ ਇਹ ਲੋਕ ਗੱਲ ਕਰਦੇ ਹਨ, ਉਹ ਤਾਂ ਪੰਜ ਸਾਲ ਦੇ ਲੰਬੇ ਸਫਰ ਦੀ ਟਿਕਟ ਹੈ | ਇਹ ਟਿਕਟ ਜਿਸ ਨੂੰ ਇਕ ਵਾਰ ਮਿਲ ਜਾਵੇ, ਉਸ ਦੀ ਸਮਝੋ ਲਾਟਰੀ ਲੱਗ ਗਈ ਤੇ ਪੁੱਤਾਂ-ਪੋਤਰਿਆਂ ਦੀਆਂ ਰੋਟੀਆਂ ਮਿਲ ਗਈਆਂ | ਇਹ ਟਿਕਟਾਂ ਰਾਜਸੀ ਪਾਰਟੀਆਂ ਦੇ ਪ੍ਰਧਾਨ ਦਿੰਦੇ ਹਨ ਆਪਣੇ ਪੁੱਤਾਂ, ਚਹੇਤਿਆਂ ਨੂੰ , ਰਿਸ਼ਤੇਦਾਰਾਂ ਨੂੰ ਜਿਨ੍ਹਾਂ ਨੇ ਪੰਜ ਸਾਲ ਲੋਕਾਂ ਦੀਆਂ ਆਸਾਂ ਦਾ ਖ਼ੂਨ ਕਰਨਾ ਹੁੰਦਾ ਹੈ ਤੇ ਆਪਣੀਆਂ ਫੈਕਟਰੀਆਂ, ਸ਼ੈਲਰ ਤੇ ਪੰਜ ਤਾਰਾ ਹੋਟਲ ਬਣਾਉਣੇ ਹੁੰਦੇ ਹਨ | ਇਕ ਵਾਰ ਟਿਕਟ ਮਿਲ ਗਈ ਸਮਝੋ ਸਵਰਗ ਦੇ ਦਰਵਾਜ਼ੇ ਖੁੱਲ੍ਹ ਗਏ | ਥੋੜ੍ਹਾ ਜਿਹਾ ਜ਼ੋਰ ਲਾਉਣਾ ਪੈਂਦਾ ਹੈ ਲੋਕਾਂ ਨੂੰ ਸ਼ਰਾਬ ਦੇ ਦਰਿਆ ਵਗਾ ਕੇ, ਭੁੱਕੀ ਵੰਡ ਕੇ ਥੋੜ੍ਹਾ ਨਕਦ ਨਰੈਣ ਦੇ ਕੇ ਤੇ ਹੋਰ ਕਈ ਤਰ੍ਹਾਂ ਦੇ ਢੰਗ-ਤਰੀਕੇ ਵਰਤ ਕੇ ਮੂਰਖ ਬਣਾ ਕੇ | ਹੋਰ ਦੋਂਹ ਚੰਹੁ ਦਿਨਾਂ ਨੂੰ ਵੇਖ ਲਵੀਂ, ਇਹ ਬਰਸਾਤੀ ਡੱਡੂਆਂ ਵਾਂਗ ਪਿੰਡ ਵਿਚ ਆਉਣਗੇ, ਮਿੰਨਤਾਂ ਤਰਲੇ ਪਾਉਣਗੇ, ਪੈਰੀਂ ਹੱਥ ਲਾਉਣਗੇ, ਸਬਜ਼ ਬਾਗ ਦਿਖਾਉਣਗੇ, ਲੋਕਾਂ ਦੇ ਗੁਣ ਗਾਉਣਗੇ, ਰੁੱਸਿਆਂ ਨੂੰ ਮਨਾਉਣਗੇ ਕਿ ਬਾਪੂ ਚਾਚਾ ਜੀ ਸਾਨੂੰ ਵੋਟ ਪਾਇਓ | ਅਸੀਂ ਥੋਡੀ ਗਰੀਬੀ ਦੂਰ ਕਰਾਂਗੇ, ਬੇਰੁਜ਼ਗਾਰਾਂ ਨੂੰ ਨੌਕਰੀਆਂ ਦੇਵਾਂਗੇ ਤੇ ਬੁਢੇਪਾ ਪੈਨਸ਼ਨ ਤਿੱਗਣੀ ਕਰ ਦਿਆਂਗੇ | ਪਰ ਜਦ ਇਹ ਲੋਕ ਜਿੱਤ ਜਾਣਗੇ, ਸਰਕਾਰ ਬਣਾ ਕੇ ਚੰਡੀਗੜ੍ਹ ਦਿੱਲੀ ਬਹਿ ਜਾਣਗੇ | ਚਾਰ ਚਾਰ ਲੱਖ ਚਪੜਾਸੀ ਦੀ ਨੌਕਰੀ ਦਾ ਲੈਣਗੇ, ਆਪਣੇ ਕੁਨਬੇ ਪਾਲਣਗੇ ਤੇ ਲੋਕਾਂ ਨੂੰ ਉਂਗਲਾਂ 'ਤੇ ਨਚਾਉਣਗੇ | ਕਾਤਲਾਂ, ਚੋਰਾਂ, ਡਾਕੂਆਂ, ਲੁਟੇਰਿਆਂ ਤੋਂ ਰਿਸ਼ਵਤਾਂ ਲੈ ਕੇ ਕੇਸ ਬਣਨ ਤੋਂ ਪਹਿਲਾਂ ਛੁਡਾਉਣਗੇ | ਗ਼ਰੀਬੀ ਲੁੱਟ-ਘਸੁੱਟ, ਗੰੁਡਾਗਰਦੀ ਵਧਾਉਣਗੇ, ਸ਼ਰਾਬ, ਭੁੱਕੀ, ਘਰ-ਘਰ ਵਰਤਾਉਣਗੇ |'
'ਬੱਸ ਦਾਦਾ ਜੀ ਬੱਸ, ਇਹ ਤਾਂ ਟਿਕਟਾਂ ਨਾ ਹੋਈਆਂ ਸਗੋਂ ਗਿੱਦੜਸਿੰਗੀ ਹੋਈ ਜੋ ਭਿਖਾਰੀਆਂ ਤੋਂ ਰਾਜੇ ਰਾਣੇ ਬਣਾ ਦਿੰਦੀ ਹੈ', ਇਹ ਆਖ ਕੇ ਪਿੰ੍ਰਸ ਆਪਣੀ ਪੰਜਵੀਂ ਦੀ ਡੇਢ ਕਿਲੋ ਦੀ ਗਾਈਡ ਚੁੱਕ ਕੇ ਪੜ੍ਹਨ ਦਾ ਬਹਾਨਾ ਕਰਦਾ ਸੋਚਾਂ ਵਿਚ ਪੈ ਗਿਆ ਕਿ ਕਾਸ਼ ਇਹ ਟਿਕਟ ਮੇਰੇ ਦਾਦਾ ਜੀ ਨੂੰ ਮਿਲ ਜਾਵੇ ਤੇ ਸਾਡਾ ਘੁਣ ਖਾਧੇ ਸ਼ਤੀਰਾਂ ਵਾਲਾ ਮਕਾਨ, ਇਕ ਆਲੀਸ਼ਾਨ ਕੋਠੀ ਵਿਚ ਬਦਲ ਜਾਵੇ ਤੇ ਸਾਡਾ ਬਿਜਲੀ ਦਾ ਮੀਟਰ ਦੁਬਾਰਾ ਲੱਗ ਜਾਵੇ |

-ਪਿੰਡ ਮਾਣੂਕੇ (ਮੋਗਾ)
ਮੋਬਾਈਲ : 98783-28501.

ਸ਼ੱਕ

ਸੁਖਵੀਰ ਦੀ ਮਾਂ ਜੀਤੋ ਅੱਡੀਆਂ ਚੁੱਕ-ਚੁੱਕ ਆਪਣੀ ਨੂੰ ਹ ਨਵਨੀਤ ਨੂੰ ਆਖ ਰਹੀ ਸੀ, ਮੈਨੂੰ ਤਾਂ ਪਹਿਲਾਂ ਹੀ ਸ਼ੱਕ ਸੀ | ਤੂੰ ਹੀ ਪੱਟ ਰਹੀ ਏਾ ਘਰ ਨੂੰ , ਮੇਰੇ ਪੁੱਤ ਨੂੰ ਮੇਰੇ ਿਖ਼ਲਾਫ਼ ਉਂਗਲਾਂ ਲਾ ਕੇ, ਦੂਸਰੇ ਪਾਸੇ ਨਵਨੀਤ ਨੇ ਵੀ ਖੌਰੂ ਪਾ ਰੱਖਿਆ ਸੀ | ਉਹ ਆਪਣੀ ਸੱਸ ਜੀਤੋ ਨੂੰ ਭੱਦੀ ਸ਼ਬਦਾਵਲੀ ਵਰਤ ਕੇ ਆਖ ਰਹੀ ਸੀ, 'ਤੂੰ ਹੀ ਫਰਕ ਪਵਾ ਤਾ ਸਾਡੇ ਦੋਵਾਂ ਵਿਚ | ਮੇਰੇ ਪਤੀ ਨੂੰ ਮੇਰੇ ਿਖ਼ਲਾਫ਼ ਭੜਕਾ ਕੇ, ਸੁਖਵੀਰ ਜਿਸ ਨੇ ਅੱਜ ਤੱਕ ਦੋਵਾਂ ਤੋਂ ਕਦੇ ਇਕ-ਦੂਸਰੀ ਿਖ਼ਲਾਫ਼ ਗੱਲ ਨਹੀਂ ਸੁਣੀ ਸੀ, ਖੜ੍ਹਾ ਉਨ੍ਹਾਂ ਵੱਲ ਵਿਟਰ-ਵਿਟਰ ਝਾਕ ਰਿਹਾ ਸੀ ਤੇ ਸੋਚ ਰਿਹਾ ਸੀ ਕਿ ਇਨ੍ਹਾਂ ਦੇ ਸ਼ੱਕ ਨੇ ਘਰ ਨੂੰ ਨਰਕ ਬਣਾ ਕੇ ਰੱਖ ਦਿੱਤਾ |

-ਪਿੰਡ ਬੁਰਜ ਸੇਮਾਂ (ਤਲਵੰਡੀ ਸਾਬੋ), ਜ਼ਿਲ੍ਹਾ ਬਠਿੰਡਾ |
ਮੋਬਾ : 98558-11260.

ਕਾਵਿ-ਵਿਅੰਗ

ਦੋ ਕਾਵਿ-ਵਿਅੰਗ

ਸਨਮਾਨ ਕਿ ਅਪਮਾਨ
* ਨਵਰਾਹੀ ਘੁਗਿਆਣਵੀ *
ਜੀਹਦੇ ਵਿਚੋਂ ਅਪਮਾਨ ਦੀ ਬੋਅ ਆਵੇ,
ਇਹੋ ਜਿਹੇ ਸਨਮਾਨ ਨੂੰ ਕੀ ਕਹੀਏ?
ਜਿਹੜੀ ਮਾਪਿਆਂ ਤਾਈਂ ਸਿਆਣਦੀ ਨਹੀਂ,
ਪੱਥਰ ਚਿੱਤ ਸੰਤਾਨ ਨੂੰ ਕੀ ਕਹੀਏ?
ਜਿਹੜਾ ਜਾਣ ਦਾ ਲਵੇ ਨਾ ਨਾਂਅ ਛੇਤੀ,
ਐਸੇ ਢੀਠ ਮਹਿਮਾਨ ਨੂੰ ਕੀ ਕਹੀਏ?
ਔਸ਼ਧੀ ਵਿਚ ਮਿਲਾਵੇ ਜ਼ਹਿਰ ਮਾਰੂ,
ਬੰਦੇ-ਮਾਰ ਲੁਕਮਾਨ ਨੂੰ ਕੀ ਕਹੀਏ?

ਪਰਮ-ਟਿਕਾਅ

ਵਧਦੀ ਵਸੋਂ ਸਮੱਸਿਆ ਬਹੁਤ ਵੱਡੀ,
ਸੰਜਮ, ਸੂਝਹੀ ਅਸਲ ਉਪਾਅ ਇਸ ਦਾ।
ਮਨੁੱਖ ਵੰਸ਼ ਖੁਦਾ ਵੀ ਦੱਸਦੇ ਨੇ,
ਕਿਉਂ ਅੱਜ ਹੋ ਗਿਆ ਤਲਖ ਸੁਭਾਅ ਇਸ ਦਾ?
ਕਿਸ ਕਾਰਨੇ ਲੱਥ ਗਿਆ ਲੀਹ ਉਤੋਂ,
ਹੋਇਆ ਬਦੀ ਦੇ ਵੱਲ ਝੁਕਾਅ ਇਸ ਦਾ।
ਚਿੰਤਾ ਰਹਿੰਦੀ ਹੈ ਲੋਕ-ਹਿਤੈਸ਼ੀਆਂ ਨੂੰ,
ਕਿਥੋਂ ਟੋਲੀਏ ਪਰਮ ਟਿਕਾਅ ਇਸ ਦਾ?

-ਨਹਿਰ ਨਜ਼ਾਰਾ, ਨਵਾਂ ਹਰਿੰਦਰ ਨਗਰ, ਫਰੀਦਕੋਟ-151203.
ਮੋਬਾਈਲ : 98150-02302.

ਇਨਸਾਨੀਅਤ

ਜੀ.ਟੀ. ਰੋਡ 'ਤੇ ਰਾਤ ਅੱਠ ਕੁ ਵਜੇ ਇਕ ਟਰੱਕ ਨੇ ਚਾਰ ਜਾਂਦੇ ਰਾਹੀਆਂ ਨੂੰ ਟੱਕਰ ਮਾਰ ਦਿੱਤੀ | ਇਕ ਰਾਹੀ ਦੇ ਸੱਟ ਕੁਝ ਜ਼ਿਆਦਾ ਹੀ ਲੱਗ ਗਈ | ਉਸ ਦੀ ਬਾਂਹ ਤੇ ਲੁੱਤ ਟੁੱਟ ਗਈਆਂ | ਸੜਕ ਉੱਪਰ ਡਿੱਗਣ ਕਾਰਨ ਸਿਰ 'ਤੇ ਸੱਟ ਲੱਗ ਗਈ ਤੇ ਖੂਨ ਨਿਕਲਣ ਲੱਗਾ |
ਲੋਕ ਬੇਬਸੀ ਨਾਲ ਉਸ ਬੰਦੇ ਨੂੰ ਵੇਖਣ ਲੱਗੇ | ਉਸੇ ਵੇਲੇ ਹੀ ਇਕ 22 ਕੁ ਸਾਲ ਦੀ ਲੜਕੀ ਆਪਣੀ ਸਕੂਟਰੀ 'ਤੇ ਆਈ ਅਤੇ ਅੱਖ ਦੇ ਫੋਰ ਵਿਚ ਉਸ ਨੂੰ ਉਠਾਉਣ ਲੱਗੀ | ਇਕ ਦੋ ਬੰਦੇ ਹੋਰ ਵੀ ਉਸ ਦੀ ਮਦਦ ਲਈ ਆ ਗਏ | ਉਨ੍ਹਾਂ ਨੇ ਉਸ ਜ਼ਖ਼ਮੀ ਬੰਦੇ ਨੂੰ ਸਕੂਟਰੀ ਦੇ ਪਿਛੇ ਬਿਠਾਇਆ |
ਲੜਕੀ ਨੇ ਸਕੂਟਰੀ ਸਿਵਲ ਹਸਪਤਾਲ ਵੱਲ ਦੌੜਾ ਲਈ | ਹਸਪਤਾਲ ਪਹੁੰਚਦਿਆਂ ਹੀ ਉਹ ਮਰੀਜ਼ ਨੂੰ ਐਮਰਜੈਂਸੀ ਵਿਚ ਲੈ ਗਈ | ਡਾਕਟਰਾਂ ਨੇ ਜਲਦੀ ਨਾਲ ਉਸ ਦੀ ਲੱਤ ਤੇ ਬਾਂਹ 'ਤੇ ਪੱਟੀ ਕੀਤੀ | ਕੁਝ ਟੀਕੇ ਵੀ ਲਗਾਏ ਪਰ ਸਿਰ ਦੀ ਸੱਟ ਕਰਕੇ ਜਲੰਧਰ ਵਾਸਤੇ ਰੈਫਰ ਕਰ ਦਿੱਤਾ | ਡਾਕਟਰਾਂ ਦੀ ਅਣਥੱਕ ਮਿਹਨਤ ਰੰਗ ਲਿਆਈ | ਸਮਾਂ ਪਾ ਕੇ ਉਹ ਵਿਅਕਤੀ ਠੀਕ ਹੋ ਗਿਆ | ਉਹ ਆਪਣੇ ਪਰਿਵਾਰ ਸਮੇਤ ਉਸ ਲੜਕੀ ਨੂੰ ਮਿਲਣ ਉਸ ਦੇ ਘਰ ਗਿਆ |
'ਧੀਏ ਤੂੰ ਤੇ ਮੇਰਾ ਘਰ ਬਰਬਾਦ ਹੋਣ ਤੋਂ ਬਚਾ ਲਿਆ... ਜੇ ਤੂੰ ਨਾ ਬਹੁੜਦੀ ਤਾਂ ਪਤਾ ਨਹੀਂ ਅੱਜ ਮੇਰੇ ਘਰ ਵਾਲਾ ਇਸ ਦੁਨੀਆ 'ਚ ਹੁੰਦਾ ਜਾਂ ਨਾ ਹੁੰਦਾ...' ਉਸ ਵਿਅਕਤੀ ਦੇ ਘਰ ਵਾਲੀ ਉਸ ਦਲੇਰ ਤੇ ਹਿੰਮਤੀ ਲੜਕੀ ਦਾ ਧੰਨਵਾਦ ਕਰ ਰਹੀ ਸੀ |
'ਆਂਟੀ ਜੀ... ਮੈਂ ਤੇ ਇਨਸਾਨੀਅਤ ਦੇ ਨਾਤੇ ਆਪਣਾ ਫ਼ਰਜ਼ ਨਿਭਾਇਆ ਏ.... ਹੋਰ ਕੁਝ ਨਹੀਂ ਕੀਤਾ... ਅੰਕਲ ਜੀ ਆਪ ਹੀ ਬੜੇ ਹੌਸਲੇ ਵਾਲੇ ਨੇ... ਏਸ ਲਈ ਭਗਵਾਨ ਨੇ ਇਨ੍ਹਾਂ ਨੂੰ ਨਵਾਂ ਜੀਵਨ ਦਿੱਤਾ ਏ...' ਦਲੇਰ ਲੜਕੀ ਆਖ ਰਹੀ ਸੀ |

-ਮੋਬਾਈਲ : 98552-35424.

ਰੰਗ ਤੇ ਵਿਅੰਗ: ਸ਼ਰਤ

ਪਤਨੀ, 'ਇਕ ਗੱਲ ਦੱਸਾਂ, ਤੁਸੀਂ ਨਾਰਾਜ਼ ਤਾਂ ਨਹੀਂ ਹੋਵੋਂਗੇ?'
ਪਤੀ, 'ਨਹੀਂ, ਬਿਲਕੁਲ ਨਹੀਂ | '
ਪਤਨੀ ਡਰਦੀ ਹੋਈ, 'ਮੇਰੀ ਹੀਰੇ ਦੀ ਮੰੁਦਰੀ ਕਿਧਰੇ ਗੁਆਚ ਗਈ ਹੈ | '
ਪਤੀ, 'ਇਕ ਸ਼ਰਤ 'ਤੇ ਮੁਆਫ਼ ਕਰ ਸਕਦਾ ਹਾਂ |'
ਪਤਨੀ, 'ਕਿਹੜੀ ਸ਼ਰਤ 'ਤੇ?'
ਪਤੀ, 'ਇਹੋ ਕਿ ਅੱਗੇ ਤੋਂ ਤੁਸੀਂ ਮੇਰੀ ਜੇਬ ਵਿਚ ਹੱਥ ਨਹੀਂ ਮਾਰੋਂਗੇ, ਤੁਹਾਡੀ ਮੰੁਦਰੀ ਮੇਰੀ ਜੇਬ ਵਿਚੋਂ ਮਿਲੀ ਹੈ | '

-ਸੁਖਮੰਦਰ ਸਿੰਘ ਤੂਰ
ਪਿੰਡ ਤੇ ਡਾਕ: ਖੋਸਾ ਪਾਂਡੋ, ਜ਼ਿਲ੍ਹਾ ਮੋਗਾ-142048.
sukhmandar25@gmail.com






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX