ਤਾਜਾ ਖ਼ਬਰਾਂ


ਮਾਨਸਿਕ ਪਰੇਸ਼ਾਨੀ ਦੇ ਚੱਲਦਿਆਂ ਨੌਜਵਾਨ ਵਲੋਂ ਫਾਹਾ ਲੈ ਕੇ ਖ਼ੁਦਕੁਸ਼ੀ
. . .  3 minutes ago
ਜੋਧਾਂ, 21 ਅਪ੍ਰੈਲ (ਗੁਰਵਿੰਦਰ ਸਿੰਘ ਹੈਪੀ)- ਲੁਧਿਆਣਾ ਜ਼ਿਲ੍ਹੇ ਦੇ ਨਾਮਵਰ ਪਿੰਡ ਗੁੱਜਰਵਾਲ ਵਿਖੇ ਅੱਜ ਇੱਕ ਨੌਜਵਾਨ ਵਲੋਂ ਮਾਨਸਿਕ ਪਰੇਸ਼ਾਨੀ ਦੇ ਚੱਲਦਿਆਂ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੀ ਪਹਿਚਾਣ 22 ਸਾਲਾ ਚਰਨਜੀਤ ਸਿੰਘ ਪੁੱਤਰ ਸੁਖਵਿੰਦਰ ਸਿੰਘ...
'ਸ਼ਬਦ ਗੁਰੂ ਯਾਤਰਾ' ਦਾ ਗੁਰਦੁਆਰਾ ਗੁਰੂ ਕੀ ਬੇਰ ਸਾਹਿਬ ਮੱਤੇਵਾਲ ਪੁੱਜਣ 'ਤੇ ਮਜੀਠੀਆ ਅਤੇ ਸੰਗਤਾਂ ਵਲੋਂ ਸਵਾਗਤ
. . .  14 minutes ago
ਮੱਤੇਵਾਲ, 21 ਅਪ੍ਰੈਲ (ਗੁਰਪ੍ਰੀਤ ਸਿੰਘ ਮੱਤੇਵਾਲ)- ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ 'ਸ਼ਬਦ ਗੁਰੂ ਯਾਤਰਾ' ਅੱਜ ਹਲਕਾ ਮਜੀਠਾ ਦੇ ਪਿੰਡ ਨਾਥ ਦੀ ਖੂਹੀ, ਮੱਤੇਵਾਲ ਵਿਖੇ ਸਥਿਤ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਦੀ ਚਰਨ ਛੋਹ ਪ੍ਰਾਪਤ...
ਸ੍ਰੀਲੰਕਾ 'ਚ ਹੋਏ ਲੜੀਵਾਰ ਧਮਾਕਿਆਂ 'ਚ ਮਰਨ ਵਾਲਿਆਂ ਦੀ ਗਿਣਤੀ ਹੋਈ 129
. . .  31 minutes ago
ਕੋਲੰਬੋ, 21 ਅਪ੍ਰੈਲ- ਈਸਟਰ ਮੌਕੇ ਅੱਜ ਰਾਜਧਾਨੀ ਕੋਲੰਬੋ ਅਤੇ ਸ੍ਰੀਲੰਕਾ 'ਚ ਇੱਕੋ ਸਮੇਂ ਕਈ ਥਾਈਂ ਹੋਏ ਲੜੀਵਾਰ ਬੰਬ ਧਮਾਕਿਆਂ 'ਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 129 ਹੋ ਗਈ ਹੈ। ਉੱਥੇ ਹੀ ਇਨ੍ਹਾਂ ਧਮਾਕਿਆਂ 'ਚ 450 ਲੋਕ ਜ਼ਖ਼ਮੀ ਹੋਏ ਹਨ। ਧਮਾਕੇ ਰਾਜਧਾਨੀ...
ਅਣਪਛਾਤੇ ਵਾਹਨ ਵਲੋਂ ਟੱਕਰ ਮਾਰੇ ਜਾਣ ਕਾਰਨ ਆਟੋ ਚਾਲਕ ਦੀ ਮੌਤ
. . .  51 minutes ago
ਜਲੰਧਰ, 21 ਅਪ੍ਰੈਲ- ਜਲੰਧਰ-ਅੰਮ੍ਰਿਤਸਰ ਹਾਈਵੇਅ 'ਤੇ ਗੁਰੂ ਗੋਬਿੰਦ ਸਿੰਘ ਐਵਨਿਊ ਨੇੜੇ ਅੱਜ ਇੱਕ ਅਣਪਛਾਤੇ ਵਾਹਨ ਵਲੋਂ ਟੱਕਰ ਮਾਰੇ ਜਾਣ ਕਾਰਨ ਆਟੋ ਰਿਕਸ਼ਾ ਚਾਲਕ ਦੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਹਿਚਾਣ ਅਜੇ ਤੱਕ ਨਹੀਂ ਹੋ ਸਕੀ ਹੈ। ਦੱਸਿਆ ਜਾ ਰਿਹਾ ਹੈ...
ਵਿਸਾਖੀ ਮਨਾਉਣ ਲਈ ਪਾਕਿਸਤਾਨ ਗਿਆ ਸਿੱਖ ਜਥਾ ਭਾਰਤ ਪਰਤਿਆ
. . .  about 1 hour ago
ਅਟਾਰੀ, 21ਅਪ੍ਰੈਲ (ਰੁਪਿੰਦਰਜੀਤ ਸਿੰਘ ਭਕਨਾ)- ਪਾਕਿਸਤਾਨ ਸਥਿਤ ਗੁਰਦੁਆਰਾ ਪੰਜਾ ਸਾਹਿਬ ਵਿਖੇ ਖ਼ਾਲਸੇ ਦਾ ਸਾਜਨਾ ਦਿਵਸ ਵਿਸਾਖੀ ਦਾ ਤਿਉਹਾਰ ਮਨਾਉਣ ਅਤੇ ਹੋਰ ਗੁਰਧਾਮਾਂ ਦੇ ਦਰਸ਼ਨਾਂ 'ਤੇ ਗਿਆ ਸਿੱਖ ਸ਼ਰਧਾਲੂਆਂ ਦਾ ਜਥਾ ਅੱਜ ਵਾਪਸ ਪਰਤ ਆਇਆ...
ਸ੍ਰੀਲੰਕਾ ਧਮਾਕੇ : ਕੋਲੰਬੋ 'ਚ ਭਾਰਤੀ ਹਾਈ ਕਮਿਸ਼ਨਰ ਨਾਲ ਲਗਾਤਾਰ ਸੰਪਰਕ 'ਚ ਹਾਂ- ਸੁਸ਼ਮਾ
. . .  about 1 hour ago
ਕੋਲੰਬੋ, 21 ਅਪ੍ਰੈਲ- ਸ੍ਰੀਲੰਕਾ 'ਚ ਅੱਜ ਤਿੰਨ ਚਰਚਾਂ ਅਤੇ ਤਿੰਨ ਹੋਟਲਾਂ 'ਚ ਧਮਾਕਿਆਂ ਦੀ ਖ਼ਬਰ ਨਾਲ ਕਰੋੜਾਂ ਭਾਰਤੀ ਵੀ ਚਿੰਤਾ 'ਚ ਹਨ। ਵੱਡੀ ਗਿਣਤੀ ਭਾਰਤੀ ਨਾਗਰਿਕ ਅਤੇ ਭਾਰਤੀ ਮੂਲ ਦੇ ਲੋਕ ਸ੍ਰੀਲੰਕਾ 'ਚ ਰਹਿੰਦੇ ਹਨ। ਹਾਲਾਂਕਿ ਇਨ੍ਹਾਂ ਧਮਾਕਿਆਂ 'ਚ ਅਜੇ ਤੱਕ...
ਸ੍ਰੀਲੰਕਾ 'ਚ ਹੋਏ ਲੜੀਵਾਰ ਧਮਾਕਿਆਂ ਕਾਰਨ 49 ਲੋਕਾਂ ਦੀ ਮੌਤ, 300 ਤੋਂ ਵੱਧ ਜ਼ਖ਼ਮੀ
. . .  about 1 hour ago
ਕੋਲੰਬੋ, 21 ਅਪ੍ਰੈਲ- ਈਸਟਰ ਮੌਕੇ ਰਾਜਧਾਨੀ ਕੋਲੰਬੋ ਸਮੇਤ ਸ੍ਰੀਲੰਕਾ 'ਚ ਅੱਜ ਇੱਕੋ ਸਮੇਂ ਕਈ ਥਾਈਂ ਲੜੀਵਾਰ ਧਮਾਕੇ ਹੋਏ, ਜਿਨ੍ਹਾਂ 'ਚ 49 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 300 ਤੋਂ ਵੱਧ ਹੋਰ ਜ਼ਖ਼ਮੀ ਹੋਏ ਹਨ। ਸ੍ਰੀਲੰਕਾ ਦੀ ਪੁਲਿਸ ਵਲੋਂ ਜਾਰੀ ਬਿਆਨ 'ਚ ਕਿਹਾ ਗਿਆ ਹੈ...
ਈਸਟਰ ਮੌਕੇ ਸ੍ਰੀਲੰਕਾ 'ਚ ਲੜੀਵਾਰ ਧਮਾਕੇ, ਚਰਚਾਂ ਅਤੇ ਹੋਟਲਾਂ ਨੂੰ ਬਣਾਇਆ ਗਿਆ ਨਿਸ਼ਾਨਾ
. . .  about 2 hours ago
ਕੋਲੰਬੋ, 21 ਅਪ੍ਰੈਲ- ਰਾਜਧਾਨੀ ਕੋਲੰਬੋ ਸਮੇਤ ਸ੍ਰੀਲੰਕਾ ਦੇ ਕਈ ਇਲਾਕਿਆਂ 'ਚ ਅੱਜ ਈਸਟਰ ਮੌਕੇ ਬੰਬ ਧਮਾਕੇ ਹੋਣ ਦੀ ਖ਼ਬਰ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਧਮਾਕੇ ਇੱਥੇ ਦੋ ਚਰਚਾਂ ਤੇ ਹੋਟਲਾਂ 'ਚ ਹੋਏ ਹਨ ਅਤੇ ਇਨ੍ਹਾਂ 'ਚ ਕਈ ਲੋਕਾਂ ਦੇ ਮਾਰੇ ਜਾਣ ਤੇ ਜ਼ਖ਼ਮੀ ਹੋਣ ਦਾ...
ਛੱਤੀਸਗੜ੍ਹ 'ਚ ਸੁਰੱਖਿਆ ਬਲਾਂ ਨਾਲ ਮੁਠਭੇੜ 'ਚ ਦੋ ਨਕਸਲੀ ਢੇਰ
. . .  about 1 hour ago
ਰਾਏਪੁਰ, 21 ਅਪ੍ਰੈਲ- ਛੱਤੀਸਗੜ੍ਹ ਦੇ ਨਕਸਲ ਪ੍ਰਭਾਵਿਤ ਖੇਤਰ ਬੀਜਾਪੁਰ ਦੇ ਪਾਮੇੜ ਪਿੰਡ ਦੇ ਜੰਗਲਾਂ 'ਚ ਅੱਜ ਸੁਰੱਖਿਆ ਬਲਾਂ ਅਤੇ ਨਕਸਲੀਆਂ ਵਿਚਾਲੇ ਮੁਠਭੇੜ ਹੋਈ। ਇਸ ਮੁਠਭੇੜ 'ਚ ਸੁਰੱਖਿਆ ਬਲਾਂ ਨੇ ਦੋ ਅੱਤਵਾਦੀਆਂ ਨੂੰ ਢੇਰ...
ਨਾਨਕੇ ਪਿੰਡ ਆਏ ਨੌਜਵਾਨ ਦੀ ਸ਼ੱਕੀ ਹਾਲਤ ਵਿਚ ਮਿਲੀ ਲਾਸ਼
. . .  about 3 hours ago
ਅਮਰਕੋਟ, 21 ਅਪ੍ਰੈਲ (ਗੁਰਚਰਨ ਸਿੰਘ ਭੱਟੀ)- ਸਰਹੱਦੀ ਖੇਤਰ ਦੇ ਪਿੰਡ ਵਲਟੋਹਾ ਵਿਖੇ ਬੀਤੀ ਰਾਤ ਇਕ ਨੌਜਵਾਨ ਦੇ ਕਤਲ ਹੋਣ ਦਾ ਪਤਾ ਲੱਗਾ, ਜਾਣਕਾਰੀ ਅਨੁਸਾਰ ਪਿੰਡ ਵਲਟੋਹਾ ਵਿਖੇ ਆਪਣੇ ਨਾਨਕੇ ਘਰ ਆਏ ਨੌਜਵਾਨ ਮਲਕੀਤ ਸਿੰਘ ਪੁੱਤਰ ਸਤਨਾਮ ਸਿੰਘ ਪਿੰਡ ਨੂਰਵਾਲਾ ਜੋ ਕਿ ਬੀਤੀ ਰਾਤ ਆਪਣੇ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਮਿੰਨੀ ਕਹਾਣੀਆਂ

ਪਾਣੀ ਦਾ ਸੰਕਟ
ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਅਧਿਆਪਕ ਵੱਲੋਂ ਪੰਜਵੀਂ ਜਮਾਤ ਦੇ ਬੱਚਿਆਂ ਨੂੰ ਪਾਣੀ ਦੀ ਸਾਂਭ-ਸੰਭਾਲ ਅਤੇ ਇਸਦੇ ਸੰਕਟ ਬਾਰੇ ਭਾਰੀ ਚਿੰਤਤ ਹੁੰਦਿਆਂ ਵਿਸਥਾਰਪੂਰਵਕ ਚਾਨਣਾ ਪਾਇਆ ਜਾ ਰਿਹਾ ਸੀ ਤਾਂ ਇੱਕ ਬੱਚੇ ਨੇ ਮਾਸਟਰ ਜੀ ਨੂੰ ਸਵਾਲ ਕੀਤਾ 'ਮਾਸਟਰ ਜੀ ਤੁਸੀਂ ਅੰਕੜੇ ਕੱਢ ਕੇ ਦੱਸਿਆ ਹੈ ਕਿ ਸਰਕਾਰੀ ਟੂਟੀ ਦੇ ਫਾਲਤੂ ਚੱਲ ਰਹੇ ਪਾਣੀ ਕਾਰਨ ਹਜ਼ਾਰਾਂ ਲੀਟਰ ਪਾਣੀ ਅਜਾੲੀਂ ਜਾ ਸਕਦਾ ਹੈ | ਪ੍ਰੰਤੂ ਮਾਸਟਰ ਜੀ, ਜਦੋਂ ਤੁਸੀਂ ਆਪਣੀਆਂ ਹੱਕੀ ਮੰਗਾਂ ਬਾਰੇ ਪਟਿਆਲੇ ਜਾਂ ਚੰਡੀਗੜ ਵਗੈਰਾ ਜਾਂਦੇ ਹੋ...? ਤਾਂ ਉਸ ਸਮੇਂ ਤੁਹਾਡੇ ਤੇ ਸਰਕਾਰੀ ਹੁਕਮਾਂ ਮੁਤਾਬਕ ਪਾਣੀ ਦੀਆਂ ਬੇਸ਼ੁਮਾਰ ਬੁਛਾੜਾਂ ਛੱਡੀਆਂ ਜਾਂਦੀਆਂ ਹਨ ਤਾਂ ਉਸ ਟਾਇਮ ਕਿੰਨ੍ਹੇ ਹਜ਼ਾਰਾਂ ਲੀਟਰ ਪਾਣੀ ਦਾ ਨੁਕਸਾਨ ਹੁੰਦਾ ਹੈ...?
ਹੁਣ ਬੱਚੇ ਦਾ ਸਵਾਲ ਸੁਣਦਿਆਂ ਹੀ ਮਾਸਟਰ ਜੀ ਦੀਆਂ ਪਲਕਾਂ 'ਚੋਂ ਟਪਕੇ ਅੱਥਰੂ ਉਸ ਦੀਆਂ ਗਲਾਂ 'ਤੇ ਮੀਲ ਪੱਥਰ ਵਾਂਗ ਅਟਕੇ ਹੋਏ ਸਭ ਲਈ ਲਾਜਵਾਬ ਹੋਏ ਨਜ਼ਰ ਆ ਰਹੇ ਸਨ |

-ਡਾ: ਸਾਧੂ ਰਾਮ ਲੰਗੇਆਣਾ
ਪਿੰਡ: ਲੰਗੇਆਣਾ ਕਲਾਂ | ਮੋਬਾਈਲ : 98781-17285.

ਪੁੱਤਰਾਂ ਲਈ ਦਾਜ
ਰਿੰਪੀ ਦੇ ਭਾਵੇਂ ਕੋਈ ਧੀ ਨਹੀਂ ਸੀ ਪਰ ਫਿਰ ਵੀ ਉਸ ਨੂੰ ਦਾਜ ਬਣਾਉਣ ਦੀ ਫ਼ਿਕਰ ਲੱਗੀ ਰਹਿੰਦੀ ਸੀ | ਇਸ ਬਾਰੇ ਇਕ ਦਿਨ ਉਸ ਦੀ ਗੁਆਂਢਣ ਕਸ਼ਮੀਰੋ ਨੇ ਉਸ ਨੂੰ ਪੁੱਛਿਆ ਕਿ ਭੈਣੇ ਤੇਰੇ ਤਾਂ ਕੋਈ ਧੀ ਨਹੀਂ ਪਰ ਫਿਰ ਵੀ ਤੈਨੂੰ ਦਾਜ ਬਣਾਉਣ ਦੀ ਫ਼ਿਕਰ ਕਿਉਂ ਲੱਗੀ ਰਹਿੰਦੀ ਹੈ ਤਾਂ ਇਹ ਸਭ ਸੁਣ ਕੇ ਰਿੰਪੀ ਨੇ ਸਹਿਜੇ ਜਿਹੇ ਸੁਭਾਅ ਨਾਲ ਆਪਣੀ ਗੁਆਂਢਣ ਨੂੰ ਉੱਤਰ ਦਿੱਤਾ ਕਿ ਭੈਣੇ ਕੌਣ ਕਹਿੰਦਾ ਸਿਰਫ ਧੀਆਂ ਵਾਲਿਆਂ ਨੂੰ ਹੀ ਦਾਜ ਦੀ ਫ਼ਿਕਰ ਰਹਿੰਦੀ ਹੈ, ਸਗੋਂ ਜਿਨ੍ਹਾਂ ਦੇ ਪੁੱਤਰ ਬਾਹਰਲੇ ਦੇਸ਼ਾਂ ਵਿਚ ਪੜ੍ਹਾਈ ਕਰਨ ਜਾਂਦੇ ਹਨ, ਪਿੱਛੋਂ ਪਰਿਵਾਰ ਹਰ ਮਹੀਨੇ ਪੈਸੇ ਦੇ ਰੂਪ ਵਿਚ ਦਾਜ ਭੇਜਦਾ ਹੈ | ਪਹਿਲਾਂ ਜ਼ਮੀਨ ਗਹਿਣੇ ਰੱਖ, ਲੱਖਾਂ ਰੁਪਏ ਲਗਾ ਕੇ ਉਸ ਨੂੰ ਬਾਹਰਲੇ ਮੁਲਕ ਵਿਚ ਪੜ੍ਹਾਈ ਕਰਨ ਲਈ ਭੇਜਦੇ ਹਨ, ਫਿਰ ਦੀਵਾਲੀ, ਲੋਹੜੀ, ਵਰਤ ਦੇ ਤਿਉਹਾਰਾਂ ਵਾਂਗ ਉਨ੍ਹਾਂ ਦੀਆਂ ਫੀਸਾਂ ਭਰਦੇ ਹਨ | ਇਹ ਸੁਣਦੇ ਸਾਰ ਹੀ ਰਿੰਪੀ ਦੀ ਗੁਆਂਢਣ ਕਸ਼ਮੀਰੋ ਦੀਆਂ ਅੱਖਾਂ ਨਮ ਹੋ ਗਈਆਂ ਤੇ ਉਹ ਵੀ ਸੋਚਣ ਲੱਗ ਪਈ ਕਿ ਰਿੰਪੀ ਦੀ ਗੱਲ ਠੀਕ ਹੈ | ਬਾਹਰਲੇ ਦੇਸ਼ਾਂ ਵਿਚ ਭੇਜੇ ਪੁੱਤਰਾਂ ਨੂੰ ਪਿੱਛੋਂ ਘਰਦਿਆਂ ਵਲੋਂ ਫੀਸਾਂ ਦੇ ਰੂਪ ਵਿਚ ਦਾਜ ਦੇਣਾ ਪੈਂਦਾ ਹੈ |

-ਜਗਦੀਪ ਸਿੰਘ
ਮੋ: 94174-25749


ਖ਼ਬਰ ਸ਼ੇਅਰ ਕਰੋ

ਇਕ ਅਭੁੱਲ ਯਾਦ

ਭੈਣ ਦੇ ਇੰਗਲੈਂਡ ਵਿਆਹ ਹੋ ਜਾਣ ਤੋਂ ਬਾਅਦ ਕੋਈ ਦਸ ਕੁ ਸਾਲ ਬਾਅਦ ਮੈਂ ਉਸ ਨੂੰ ਮਿਲਣ ਵਿਦੇਸ਼ੀ ਧਰਤੀ 'ਤੇ ਜਾ ਪਹੁੰਚਾ | ਬਹੁਤ ਅਦਭੁਤ ਸਾਫ਼ ਸਫਾਈ, ਸੁਚੱਜਤਾ ਅਤੇ ਸਤਿਕਾਰ ਦਾ ਅਹਿਸਾਸ ਉਸ ਧਰਤੀ 'ਤੇ ਪੈਰ ਰਖਦਿਆਂ ਹੀ ਹੋ ਗਿਆ | ਅੱਗੇ ਮੈਨੂੰ ਏਅਰਪੋਰਟ 'ਤੇ ਲੈਣ ਆਈ ਭੈਣ ਦੀ ਖ਼ੁਸ਼ੀ ਉਸ ਦੀਆਂ ਅੱਖਾਂ ਵਿਚੋਂ ਸਾਫ਼ ਦਿਖਾਈ ਦੇ ਰਹੀ ਸੀ | ਕੁਝ ਦਿਨਾਂ ਬਾਅਦ ਸਕਾਟਲੈਂਡ ਕਿਸੇ ਰਿਸ਼ਤੇਦਾਰ ਦੇ ਵਿਆਹ 'ਤੇ ਜਾਣ ਦਾ ਸਬੱਬ ਬਣਿਆ | ਗਲਾਸਗੋ ਸ਼ਹਿਰ ਦੇ ਮੈਰਿਜ ਪੈਲੇਸ ਹਾਲ ਵਿਚ ਵਿਆਹ ਦਾ ਜਸ਼ਨ ਚਲ ਰਿਹਾ ਸੀ | ਮੈਂ ਉਤਸੁਕਤਾ-ਵੱਸ ਹਾਲ ਤੋਂ ਬਾਹਰ, ਕੁਦਰਤੀ ਨਜ਼ਾਰਾ ਦੇਖਣ ਲਈ ਨਿਕਲ ਗਿਆ | ਸਕਾਟਲੈਂਡ ਕੁਦਰਤੀ ਖੂਬਸੂਰਤੀ ਦਾ ਖਜ਼ਾਨਾ ਹੈ | ਸਾਹਮਣੇ ਪਾਰਕ ਵਿਚ ਵੜਦਿਆਂ ਤਿੰਨ-ਚਾਰ ਸਿਆਣੀ ਉਮਰ ਦੀਆਂ ਗੋਰੀਆਂ ਬੈਂਚ 'ਤੇ ਬੈਠੀਆਂ ਸਨ | ਅਚਾਨਕ ਮੈਨੂੰ ਕੁਝ ਕਹਿਣ ਲੱਗੀਆਂ | ਮੈਂ ਉਨ੍ਹਾਂ ਦੇ ਲਾਗੇ ਜਾ ਕੇ ਕਿਹਾ ਕਿ ਮੈਂ ਤੁਹਾਡੇ ਮੁਲਕ ਵਿਚ ਨਵਾਂ ਹਾਂ ਅਤੇ ਜੋ ਤੁਸੀਂ ਕਹਿ ਰਹੀਆਂ ਹੋ, ਉਹ ਮੈਨੂੰ ਸਮਝ ਨਹੀਂ ਆ ਰਿਹਾ | ਫਿਰ ਥੋੜ੍ਹੀ ਦੇਰ ਗੱਲ ਕਰਨ ਤੋਂ ਬਾਅਦ ਸਮਝ ਆਇਆ ਕਿ ਉਹ ਮੈਨੂੰ ਕਹਿ ਰਹੀਆਂ ਸਨ ਕਿ ਬੇਟਾ ਤੂੰ ਪਲੇਨ ਕਮੀਜ਼ ਕਿਉਂ ਪਾਈ ਹੋਈ ਹੈ? ਜਦਕਿ ਅੱਜਕਲ੍ਹ ਤਾਂ ਚੈੱਕਦਾਰ ਕਮੀਜ਼ਾਂ ਦਾ ਰਿਵਾਜ ਹੈ ਅਤੇ ਸਾਰੇ ਨੌਜਵਾਨ ਚੈੱਕਦਾਰ ਕਮੀਜ਼ਾਂ ਹੀ ਪਾਉਂਦੇ ਹਨ | ਬੇਟਾ ਤੇਰੇ ਵੀ ਉਸ ਡਿਜ਼ਾਈਨ ਦੀ ਪਾਈ ਹੋਈ ਕਮੀਜ਼ ਬਹੁਤ ਸੋਹਣੀ ਲੱਗੇਗੀ | ਮੈਂ ਹੱਸ ਕੇ ਇਸ ਸਲਾਹ ਲਈ ਉਨ੍ਹਾਂ ਦਾ ਸ਼ੁਕਰੀਆ ਅਦਾ ਕੀਤਾ | ਫਿਰ ਵਾਪਸ ਮੈਰਿਜ ਹਾਲ ਅੰਦਰ ਆ ਗਿਆ | ਵਿਦੇਸ਼ੀ ਧਰਤੀ 'ਤੇ ਕਿਸੇ ਜਾਣ-ਪਛਾਣ ਤੋਂ ਬਿਨਾਂ ਉਨ੍ਹਾਂ ਬਜ਼ੁਰਗ ਗੋਰੀਆਂ ਔਰਤਾਂ ਦਾ ਮੈਨੂੰ ਬੁਲਾ ਕੇ ਅਪਣੱਤ ਭਰਿਆ ਵਿਹਾਰ ਮੇਰੀ ਇੰਗਲੈਂਡ ਫੇਰੀ ਦੀ ਇਕ ਅਭੁੱਲ ਯਾਦ ਬਣ ਗਿਆ |

-ਮਕਾਨ ਨੰਬਰ 86, ਗਲੀ ਨੰਬਰ 2, ਸ਼ਹੀਦ ਬਾਬੂ ਲਾਭ ਸਿੰਘ ਨਗਰ, ਜਲੰਧਰ ਸ਼ਹਿਰ-144008.
ਮੋਬਾਈਲ : 98722-94881.

ਮੰੂਹ ਆਈ ਗੱਲ

ਲੁੱਟਣ ਵਾਲੇ ਕੌਣ...?

ਸਾਡੀ ਪਾਰਟੀ ਨੂੰ ਵੋਟ ਦਿਓ, ਅਸੀਂ ਤੁਹਾਨੂੰ ਸਾਰੀਆਂ ਸਹੂਲਤਾਂ ਮੁਹੱਈਆ ਕਰਾਵਾਂਗੇ | ਬੁਢਾਪਾ ਪੈਨਸ਼ਨ, ਬੇਰੁਜ਼ਗਾਰੀ ਭੱਤਾ, ਬੀਮਾ, ਸਰਕਾਰੀ ਨੌਕਰੀਆਂ ਅਤੇ ਬੇਘਰਿਆਂ ਨੂੰ ਘਰ, ਹੋਰ ਜੋ ਵੀ ਸਾਡੇ ਵੱਸ ਹੋਇਆ ਵੱਧ ਤੋਂ ਵੱਧ ਸਹੂਲਤਾਂ ਦਿੱਤੀਆਂ ਜਾਣਗੀਆਂ | ਹਾਂ, ਇਸ ਗੱਲ ਦਾ ਧਿਆਨ ਜ਼ਰੂਰ ਰੱਖਿਓ ਕਿਤੇ ਉਹ ਨਾ ਜਿੱਤ ਜਾਣ, ਉਹ ਬਹੁਤ ਝੂਠੇ ਜੇ, ਉਹ ਹੀ ਲੁੱਟ ਕੇ ਖਾਹ ਗਏ... ਉਨ੍ਹਾਂ ਤੁਹਾਡਾ ਪਹਿਲਾਂ ਵੀ ਕੱਖ ਨਹੀਂ ਜੇ ਸਵਾਰਿਆ ਤੇ ਅੱਗੇ ਵੀ ਨਹੀਂ ਜੇ ਸੰਵਾਰਨਾ | ਨੇਤਾ ਜੀ ਇਕੋ ਸਾਹੇ ਬੋਲੀ ਜਾ ਰਹੇ ਸਨ |
ਲੋਕ ਸੁਣ ਰਹੇ ਸਨ | ਸੁਣ ਕੇ ਤਾਲੀਆਂ ਮਾਰ ਰਹੇ ਸਨ | ਨਿਮਾਣਾ ਸਿਹੰੁ ਦੀ ਰਿਹਾਇਸ਼ ਦੇ ਨੇੜੇ ਹੀ ਮੈਦਾਨ ਵਿਚ ਰੈਲੀਆਂ ਦਾ ਸਿਲਸਿਲਾ ਚੱਲ ਰਿਹਾ ਸੀ | ਲਾਊਡ ਸਪੀਕਰਾਂ ਦੀ ਕੰਨ ਪਾੜ੍ਹਵੀਂ ਆਵਾਜ਼ ਨਿਮਾਣੇ ਦੇ ਘਰ ਗੰੂਜ ਰਹੀ ਸੀ | ਰੈਲੀ ਖਤਮ ਹੋਈ, ਲੋਕ ਘਰਾਂ ਨੂੰ ਜਾਣ ਲੱਗੇ | ਦਿਨ-ਬਦਿਨ ਰੈਲੀਆਂ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ | ਦੂਸ਼ਣਬਾਜ਼ੀ ਦੀਆਂ ਆਵਾਜ਼ਾਂ ਹਰ ਰੋਜ਼ ਸੁਣਨ ਨੂੰ ਮਿਲਦੀਆਂ | ਨਿਮਾਣਾ ਆਲੇ-ਦੁਆਲੇ ਭਰਵਾਂ ਇਕੱਠ ਅਤੇ ਬੇਰੁਜ਼ਗਾਰੀ ਭਰੇ ਹਾਲਾਤ ਵੇਖ ਚਕਰੀਆਂ ਖਾਂਦਾ ਸੋਚਦਾ ਕਿ ਝੂਠੇ ਅਤੇ ਲੁੱਟਣ ਵਾਲੇ ਕੌਣ ਨੇ...?

-ਅੰਮਿ੍ਤਸਰ |

ਗੱਲ ਸਮਝੋ

ਮੱਖਣ ਦੀ ਟਿੱਕੀ ਖਰੀਦੋ
ਵਾਈਫ਼ ਦੀ ਬਟਰਿੰਗ ਕਰੋ
ਗਹਿਣੇ ਕਾਬੂ ਕਰੋ...
ਪੰਪ ਖਰੀਦੋ
ਸੱਸ-ਸਹੁਰੇ ਤੇ ਸਾਲੀ ਨੂੰ ਫੂਕ ਛਕਾਓ
ਪੈਸੇ ਝਾੜੋ... ਵੱਧ ਵਿਆਜ ਦਾ ਲਾਲਚ ਦੇਵੋ
ਮਾਂ-ਬਾਪ ਨੂੰ
'ਈਮੋਸ਼ਨਲ ਬਲੈਕਮੇਲ' ਕਰੋ
ਕਰ ਦਿਓ ਖਾਤੇ ਸਾਫ਼
ਬੈਂਕ ਜਾਓ ਦੁਕਾਨ
ਮਕਾਨ ਗਹਿਣੇ ਰੱਖੋ
ਕਰਜ਼ਾ ਲਓ
ਮਿੱਤਰ/ਗੁਆਂਢੀ ਤੋਂ ਮੰਗੋ
ਭਾਵੇਂ ਕਿਡਨੀ ਵੇਚੋ,
ਕਰੰਸੀ ਇਕੱਠੀ ਕਰੋ
ਅਰਜੁਨ ਵਾਂਗ ਮੱਛੀ ਦੀ ਅੱਖ ਦੇਖੋ
'ਆਈਲੈਟਸ-ਐਰੋਪਲੇਨ' ਤੋਂ ਬਿਨਾਂ
ਜਵਾਨ ਧੀ-ਪੁੱਤ ਦਾ ਏਥੇ ਕੋਈ ਭਵਿੱਖ ਨਹੀਂ
ਮੇਰੀ ਗੱਲ ਸਮਝ ਲਓ, ਧਿਆਨ ਨਾਲ
ਇਹ 'ਚਿੱਟ ਕੱਪੜੀਏ ਲੱਕੜਬੱਘੇ'
ਭਰੋਸੇਯੋਗ ਨਹੀਂ
ਕੱਖ ਨਹੀਂ ਕੀਤਾ ਇਨ੍ਹਾਂ ਤੁਹਾਡੇ ਲਈ
ਕੱਖ ਨਹੀਂ ਕਰਨਾ ਇਨ੍ਹਾਂ ਤੁਹਾਡੇ ਲਈ |

-ਭਾਖੜਾ ਡੈਮ ਰੋਡ, ਨੰਗਲ-140124.
ਮੋਬਾਈਲ : 98156-24927.

ਜੱਗ ਨਾਲ ਰਲੇਵਾਂ

ਬਚਪਨ ਵਿਚ ਹਰ ਸਾਲ ਜੂਨ ਮਹੀਨੇ ਦੀ ਬਹੁਤ ਬੇਸਬਰੀ ਨਾਲ ਉਡੀਕ ਹੁੰਦੀ ਸੀ | ਇਸ ਮਹੀਨੇ ਸਕੂਲਾਂ ਵਿਚ ਪੂਰੇ ਇਕ ਮਹੀਨੇ ਲਈ ਗਰਮੀਆਂ ਦੀਆਂ ਛੁੱਟੀਆਂ ਹੁੰਦੀਆਂ ਸਨ | ਇਸ ਮਹੀਨੇ ਸਕੂਲ ਹੋਈਆਂ ਛੁੱਟੀਆਂ ਤੇ ਸਖ਼ਤ ਸੁਭਾਅ ਪਿਤਾ ਜੀ ਦੇ ਦਬਕਿਆਂ ਤੋਂ ਦੂਰ ਨਾਨਕੇ ਪਿੰਡ ਜਾਣ ਦਾ ਅਨੋਖਾ ਚਾਅ ਹੁੰਦਾ ਸੀ | ਮੈਂ ਉਦੋਂ ਕੋਈ ਸੱਤ ਕੁ ਵਰਿ੍ਹਆਂ ਦਾ ਹੋਵਾਂਗਾ ਤੇ ਮੇਰੀ ਵੱਡੀ ਭੈਣ ਕੋਈ ਨੌਾ ਕੁ ਵਰਿ੍ਹਆਂ ਦੀ ਜਦੋਂ ਅਸੀਂ ਦੋਵੇਂ ਨਾਨਕੇ ਪਿੰਡ ਜਾਣ ਲਈ ਬੇਬੇ ਨਾਲ ਤਿਆਰ ਹੋ ਬੈਠੇ | ਨਾਨੇ-ਨਾਨੀ, ਮਾਮਿਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਮਿਲਣ ਦਾ ਮਨ ਵਿਚ ਚਾਅ ਲਈ ਅਸੀਂ ਸੁਵੱਖਤੇ ਬੱਸ ਦੀ ਜਾ ਸਵਾਰੀ ਕੀਤੀ | ਰਸਤੇ ਵਿਚ ਨਾਨਕੇ ਪਰਿਵਾਰ, ਆਂਢ-ਗੁਆਂਢ ਵਿਚ ਰਹਿੰਦੇ ਬੱਚਿਆਂ ਨਾਲ ਖੇਡੀਆਂ ਜਾਣ ਵਾਲੀਆਂ ਖੇਡਾਂ ਤੇ ਹੋਰ ਅਨੇਕ ਸੁਪਨੇ ਬੁਣਦੇ ਹੋਏ ਅਸੀਂ ਕਦੋਂ ਨਾਨਕੇ ਪਿੰਡ ਪਹੁੰਚ ਗਏ, ਪਤਾ ਹੀ ਨਾ ਚੱਲਿਆ |
ਦਰਵਾਜ਼ਾ ਮੇਰੀ ਨਾਨੀ ਨੇ ਖੋਲਿ੍ਹਆ, 'ਮਾਂ ਸਦਕੇ ਨੀ, ਮਾਂ ਵਾਰੀ, ਸਵੇਰ ਦਾ ਬਨੇਰੇ 'ਤੇ ਕਾਂ ਬੋਲਦਾ ਸੀ | ਮੈਨੂੰ ਲਗਦਾ ਸੀ ਮੇਰੀ ਧੀ ਆਊ |' ਨਾਨੀ ਮਾਂ ਨੇ ਪਹਿਲਾਂ ਮੇਰੀ ਮਾਂ ਤੇ ਫੇਰ ਮੈਨੂੰ ਤੇ ਭੈਣ ਨੂੰ ਵਾਰੀ-ਵਾਰੀ ਆਪਣੇ ਕਲਾਵੇ ਵਿਚ ਲਿਆ ਅਤੇ ਸਾਨੂੰ ਅੰਦਰ ਲੈ ਗਈ | ਭਾਵੇਂ ਕਿ ਛੱਤ ਉੱਪਰ ਪੱਖਾ ਚੱਲ ਰਿਹਾ ਸੀ ਪਰ ਸਾਡੀ ਮਾਮੀ ਨੇ ਇਕ ਹੋਰ ਪੱਖਾ ਟੇਬਲ ਉੱਤੇ ਲਿਆ ਧਰਿਆ | ਜੂਨ ਦੇ ਮਹੀਨੇ ਦੀ ਗਰਮੀ ਭਾਵੇਂ ਜ਼ੋਰਾਂ 'ਤੇ ਸੀ ਪਰ ਨਾਨਕੇ ਪਰਿਵਾਰ ਵਲੋਂ ਮਿਲਿਆ ਪਿਆਰ ਠੰਢਕ ਦਾ ਅਹਿਸਾਸ ਕਰਾ ਰਿਹਾ ਸੀ | ਮੇਰੀ ਮਾਂ ਨੂੰ ਮਿਲ ਕੇ ਸ਼ਾਇਦ ਮੇਰੀ ਨਾਨੀ ਦਾ ਵੀ ਕੁਝ ਇਹੋ ਜਿਹਾ ਹੀ ਹਾਲ ਸੀ | ਸਾਡੀ ਤਿੰਨਾਂ ਦੀ ਚਾਹ-ਪਾਣੀ ਦੀ ਸੇਵਾ ਕਰਨ ਤੋਂ ਬਾਅਦ ਨਾਨੀ ਨੇ ਕਿਹਾ, 'ਬਹੁਤ ਗਰਮੀ ਹੈ, ਧੁੱਪ ਵੀ ਬਹੁਤ ਤੇਜ਼ ਹੈ, ਤੁਸੀਂ ਸਾਰੇ ਅਰਾਮ ਕਰੋ, ਕੁਝ ਸਫ਼ਰ ਦਾ ਥਕੇਵਾਂ ਵੀ ਲਹਿ ਜਾਵੇਗਾ |' ਨਾਨੀ ਦੇ ਹੁਕਮ ਨੂੰ ਰੱਬੀ ਹੁਕਮ ਮੰਨ ਅਸੀਂ ਸੌਾ ਗਏ |
ਬਾਅਦ ਦੁਪਹਿਰ ਜਦੋਂ ਜਾਗ ਖੁੱਲ੍ਹੀ ਤਾਂ ਸਾਨੂੰ ਨਾਨਕੇ ਪਿੰਡ ਵਾਲੇ ਸਾਥੀਆਂ ਨਾਲ ਖੇਡਣ ਦੀ ਯਾਦ ਸਤਾਉਣ ਲੱਗੀ | ਨਾਨੀ ਤੇ ਬਾਕੀ ਪਰਿਵਾਰ ਤੋਂ ਆਗਿਆ ਲੈ ਅਸੀਂ ਨਾਨਕਿਆਂ ਦੇ ਘਰ ਲਾਗੇ ਸਥਿਤ ਸ਼ਰੀਕੇ ਪਰਿਵਾਰ ਦੇ ਘਰ ਪਹੁੰਚ ਗਏ | ਮੈਨੂੰ ਤੇ ਮੇਰੀ ਭੈਣ ਨੂੰ ਆਇਆਂ ਦੇਖ ਹਮਉਮਰ ਬੱਚਿਆਂ ਨੂੰ ਵੀ ਚਾਅ ਚੜ੍ਹ ਗਿਆ |
ਇਕੱਠੇ ਹੋਏ ਸਾਰੇ ਸਾਥੀਆਂ ਨੇ ਮੇਰੀ ਮਾਂ ਦੇ ਰਿਸ਼ਤੇ ਵਿਚ ਲਗਦੇ ਸਕੇ ਚਾਚੇ ਦੇ ਘਰ ਸਥਿਤ ਜਾਮਣ ਦੇ ਬੂਟੇ 'ਤੇ ਹਮਲਾ ਕਰਨ ਦੀ ਵਿਉਂਤ ਬਣਾਈ | ਵਿਹੜੇ ਵਿਚ ਲੱਗੇ ਜਾਮਣ ਦੇ ਬੂਟੇ ਉੱਤੇ ਪੱਕੀਆਂ ਜਾਮਨਾਂ ਸ਼ਾਇਦ ਸਾਨੂੰ ਆਵਾਜ਼ਾਂ ਮਾਰ ਰਹੀਆਂ ਸਨ | 'ਬਾਪੂ ਬਿਸ਼ਨ ਸਿੰਘ ਤੋਂ ਬਚ ਕੇ ਰਹਿਉ ਉਏ', ਬਲਕਾਰੇ ਨੇ ਸਖ਼ਤ ਸ਼ਬਦਾਂ ਵਿਚ ਤਾੜਨਾ ਕੀਤੀ | 'ਜੇ ਕਾਬੂ ਆ ਗਏ ਤਾਂ ਫੰਡੇ ਜਾਉਗੇ |' ਦੁਪਹਿਰ ਭਾਵੇਂ ਕੁਝ ਢਲ ਗਈ ਸੀ ਪਰ ਅਜੇ ਵੀ ਗਰਮੀ ਕਾਫ਼ੀ ਸੀ | ਕੋਈ ਵਿਰਲਾ ਟਾਵਾਂ ਹੀ ਘਰਾਂ ਤੋਂ ਬਾਹਰ ਨਿਕਲਿਆ ਸੀ | ਨਾਨਕਿਆਂ ਦਾ ਪਿੰਡ, ਹਮਉਮਰਾਂ ਦਾ ਸਾਥ ਤੇ ਜਾਮਣੂੰਆਂ ਦਾ ਸੁਆਦ ਜ਼ਿੰਦਗੀ ਜਿਵੇਂ ਅਨੰਦਮਈ ਹੋ ਗਈ ਸੀ |
'ਖਲੋ ਜੋ ਜ਼ਰਾ, ਤੁਹਾਨੂੰ ਖਵਾਉਨਾਂ ਜਾਮਨੂੰ, ਹੇੜ ਪਤਾ ਨਹੀਂ ਕਿਥੋਂ ਆ ਗਈ ਇਕੱਠੀ ਹੋ ਕੇ?' ਬਾਪੂ ਬਿਸ਼ਨ ਸਿੰਘ ਆਪਣੀ ਡੇਅਰੀ ਵਿਚੋਂ ਗਰਜਿਆ | ਸਾਡੇ ਪੂਰੇ ਲਾਣੇ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ | ਇਕ ਦੂਸਰੇ ਦੇ ਉੱਪਰੋਂ ਦੀ ਡਿੱਗਦੇ ਹੋਏ ਅਸੀਂ ਸੰਤੋੜ ਆਪਣੇ ਮਾਮੇ ਦੇ ਘਰ ਨੂੰ ਭੱਜ ਪਏ | ਸਾਡੇ ਨਾਲ ਹੀ ਬਾਕੀ ਸਾਥੀ ਵੀ ਸਾਡੇ ਨਾਨਕੇ ਘਰ ਹੀ ਆ ਗਏ | ਮੈਂ ਨਾਨੀ ਮਾਂ ਦੀ ਗੋਦੀ ਵਿਚ ਬੈਠ ਗਿਆ, 'ਨਾਨੀ ਜੀ, ਬਾਪੂ ਬਿਸ਼ਨ ਸਿੰਘ ਏਨਾ ਕੌੜਾ ਕਿਉਂ ਹੈ?' ਮੈਂ ਨਾਲ ਹੀ ਦੂਸਰਾ ਸਵਾਲ ਵੀ ਕਰ ਦਿੱਤਾ, 'ਉਹ ਸਾਨੂੰ ਬੱਚਿਆਂ ਨੂੰ ਬਾਕੀ ਨਾਨਕੇ ਪਰਿਵਾਰਾਂ ਦੀ ਤਰ੍ਹਾਂ ਪਿਆਰ ਕਿਉਂ ਨਹੀਂ ਕਰਦਾ? ਉਸ ਨੇ ਸਾਨੂੰ ਆਪਣੇ ਘਰੋਂ ਜਾਮਨੂੰ ਖਾਣੋਂ ਰੋਕ ਕੇ ਕਿਉਂ ਭਜਾ ਦਿੱਤਾ?' ਮੈਂ ਸ਼ਾਇਦ ਹੋਰ ਵੀ ਸਵਾਲ ਕਰਦਾ ਪਰ ਮੇਰੀ ਨਾਨੀ ਨੇ ਮੈਨੂੰ ਵਿਚਾਲਿਓਾ ਰੋਕ ਕੇ ਕਿਹਾ, 'ਪੁੱਤ ਉਸ ਦਾ ਕਸੂਰ ਨਹੀਂ, ਉਹ ਅਜੇ ਜੱਗ ਨਾਲ ਨਹੀਂ ਰਲਿਆ | ਜਿਸ ਦਿਨ ਉਹ ਜੱਗ ਨਾਲ ਰਲ ਗਿਆ ਆਪੇ ਸਭ ਠੀਕ ਹੋਜੂ |' ਨਾਨੀ ਨੇ ਭਾਵੇਂ ਆਪਣੀ ਵਲੋਂ ਪੂਰਾ ਤਸੱਲੀਬਖ਼ਸ਼ ਉੱਤਰ ਦੇ ਦਿੱਤਾ ਸੀ ਪਰ ਇਹ ਜੁਆਬ ਪੂਰੀ ਤਰ੍ਹਾਂ ਮੇਰੀ ਸਮਝ ਤੋਂ ਬਾਹਰ ਸੀ | ਇਨ੍ਹਾਂ ਵਾਕਾਂ ਵਿਚ ਗੁੱਝੇ ਅਰਥਾਂ ਦੀ ਸਮਝ ਸ਼ਾਇਦ ਮੇਰੇ ਕਿਸੇ ਸਾਥੀ ਨੂੰ ਵੀ ਨਾ ਆਈ ਹੋਵੇ | ਬਾਪੂ ਬਿਸ਼ਨ ਸਿੰਘ ਨਾਲ ਲੁਕਣ-ਮੀਚੀ ਖੇਡਦੇ ਅਤੇ ਨਾਨਕਿਆਂ ਦਾ ਭਰਪੂਰ ਪਿਆਰ ਮਾਣ ਕੇ ਸਕੂਲ ਖੁੁੱਲ੍ਹਣ ਤੋਂ ਪਹਿਲਾਂ ਅਸੀਂ ਵਾਪਸ ਆਪਣੇ ਪਿੰਡ ਆ ਗਏ | ਇਸ ਦੇ ਨਾਲ ਹੀ ਅਗਲੀ ਜੂਨ ਆਉਣ ਲਈ ਦਿਨਾਂ ਦੀ ਗਿਣਤੀ ਵੀ ਸ਼ੁਰੂ ਹੋ ਗਈ ਸੀ |
(ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)

-ਸਾਇੰਸ ਮਾਸਟਰ, ਬਾਬਾ ਨਾਮਦੇਵ ਸਰਕਾਰੀ ਸੀਨੀ. ਸੈਕੰ. ਸਕੂਲ, ਘੁਮਾਣ (ਮੁੰਡੇ), ਗੁਰਦਾਸਪੁਰ |

ਸ਼ਾਂਤ

ਸੰਜਨਾ ਨੇ ਫੋਨ ਚੁੱਕਦਿਆਂ ਹੀ ਅੱਗਿਓਾ ਰੋਣ ਦੀ ਆਵਾਜ਼ ਆਉਣ 'ਤੇ ਘਾਬਰ ਕੇ ਪੁੱਛਿਆ, 'ਕੀ ਗੱਲ...ਕੀ ਹੋਇਆ... ਕੁਝ ਬੋਲ ਵੀ |'
ਕੋਲ ਬੈਠੇ ਸੰਜਨਾ ਦੇ ਪਤੀ ਵਿਵੇਕ ਨੇ ਕਿਹਾ, 'ਵੱਟ ਹੈਪਨ, ਫੋਨ ਹੈਾਡ ਫ੍ਰੀ ਕਰ |'
ਫੋਨ ਹੈਾਡ ਫ੍ਰੀ ਹੁੰਦਿਆਂ ਹੀ ਅੱਗੋਂ ਉਨ੍ਹਾਂ ਦਾ ਪੁੱਤਰ ਰੋਂਦੇ ਹੋਏ ਬੋਲਿਆ, 'ਮੌਮ ਮੇਰੇ ਘਰ ਦੂਜੀ ਕੁੜੀ ਹੋ ਗਈ ਹੈ', ਉਸ ਦਾ ਰੋਣਾ ਜਾਰੀ ਸੀ |
ਵਿਵੇਕ ਫੋਨ ਫੜ ਕੇ ਬੋਲਿਆ, 'ਪੁੱਤਰਾ ਤੁਸੀਂ ਮੇਰੇ ਦੋ ਪੁੱਤਰ ਹੁੰਦਿਆਂ ਹੋਇਆਂ ਵੀ ਮੈਨੂੰ ਤੁਹਾਡੇ ਤੋਂ ਕੀ ਲਾਭ ਏ, ਜਿਹੜਾ ਲਾਭ ਤੂੰ ਆਪਣੇ ਘਰ ਪੁੱਤਰ ਜੰਮਣ ਤੋਂ ਭਾਲਦਾ ਏਾ |'
ਵਿਵੇਕ ਦੇ ਦੋ ਸ਼ਬਦਾਂ ਨਾਲ ਰੋਣ ਦੀ ਆਵਾਜ਼ ਹੁਣ ਸ਼ਾਂਤ ਹੋ ਗਈ ਸੀ |

-ਮਾਤਾ ਗੁਜਰੀ ਖ਼ਾਲਸਾ ਕਾਲਜ, ਕਰਤਾਰਪੁਰ |
ਮੋਬਾਈਲ : 98142-09399.






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX