ਤਾਜਾ ਖ਼ਬਰਾਂ


ਸੀ.ਬੀ.ਆਈ ਵੱਲੋਂ ਸਾਂਈ ਦੇ ਠਿਕਾਣਿਆਂ 'ਤੇ ਛਾਪੇਮਾਰੀ
. . .  1 day ago
ਨਵੀਂ ਦਿੱਲੀ, 17 ਜਨਵਰੀ - ਸੀ.ਬੀ.ਆਈ ਵੱਲੋਂ ਰਿਸ਼ਵਤ ਦੇ ਮਾਮਲੇ 'ਚ ਸਪੋਰਟਸ ਅਥਾਰਿਟੀ ਆਫ਼ ਇੰਡੀਆ (ਸਾਈ) ਦੇ ਠਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਗਈ ਹੈ।
ਨਵੇਂ ਸਰਪੰਚਾਂ ਨੂੰ ਗਰਾਮ ਪੰਚਾਇਤਾਂ ਦਾ ਰਿਕਾਰਡ 21 ਤੱਕ ਦੇਣ ਦੇ ਹੁਕਮ
. . .  1 day ago
ਖਮਾਣੋਂ ,17 ਜਨਵਰੀ {ਮਨਮੋਹਣ ਸਿੰਘ ਕਲੇਰ}- ਰਾਜ ਦੇ ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿਭਾਗ {ਚੋਣ ਸ਼ਾਖਾ} ਵੱਲੋਂ ਰਾਜ ਸਮੂਹ ਜ਼ਿਲ੍ਹਾ ਵਿਕਾਸ ਅਫ਼ਸਰਾਂ ਅਤੇ ਬਲਾਕ ਵਿਕਾਸ ਅਫ਼ਸਰਾਂ ਨੂੰ ਇਕ ਪੱਤਰ ਜਾਰੀ ਕਰਦੇ ਹੋਏ ਮੌਜੂਦਾ ...
ਕੈਬਨਿਟ ਦੀ ਨਿਯੁਕਤ ਕਮੇਟੀ ਨੇ ਘਟਾਇਆ ਰਾਕੇਸ਼ ਅਸਥਾਨਾ ਸਮੇਤ 4 ਅਫਸਰਾਂ ਦਾ ਕਾਰਜਕਾਲ
. . .  1 day ago
ਨਵੀਂ ਦਿੱਲੀ, 17 ਜਨਵਰੀ - ਸੀ.ਬੀ.ਆਈ ਦੇ ਵਿਸ਼ੇਸ਼ ਨਿਰਦੇਸ਼ਕ ਰਾਕੇਸ਼ ਅਸਥਾਨਾ ਅਤੇ ਤਿੰਨ ਹੋਰ ਸੀ.ਬੀ.ਆਈ ਅਫਸਰਾਂ ਦਾ ਕਾਰਜਕਾਲ ਕੇਂਦਰੀ ਕੈਬਨਿਟ ਦੀ ਨਿਯੁਕਤ ਕਮੇਟੀ ਵੱਲੋਂ...
ਸੱਚ ਦੀ ਜਿੱਤ ਹੋਈ ਹੈ - ਅੰਸ਼ੁਲ ਛਤਰਪਤੀ
. . .  1 day ago
ਪੰਚਕੂਲਾ, 17 ਜਨਵਰੀ - ਪੱਤਰਕਾਰ ਰਾਮਚੰਦਰ ਛਤਰਪਤੀ ਹੱਤਿਆ ਮਾਮਲੇ 'ਚ ਡੇਰਾ ਸਿਰਸਾ ਪ੍ਰਮੁੱਖ ਗੁਰਮੀਤ ਰਾਮ ਰਹੀਮ ਸਮੇਤ ਚਾਰ ਦੋਸ਼ੀਆਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਏ...
ਸੈਰ ਸਪਾਟਾ ਵਿਭਾਗ ਨੇ 7.90 ਕਰੋੜ ਦੀ ਲਾਗਤ ਨਾਲ ਛੱਤਬੀੜ ਦੀ ਕੀਤੀ ਕਾਇਆ ਕਲਪ - ਸਿੱਧੂ
. . .  1 day ago
ਜ਼ੀਰਕਪੁਰ, 17 ਜਨਵਰੀ (ਹਰਦੀਪ ਸਿੰਘ ਹੈਪੀ ਪੰਡਵਾਲਾ) - ਪੰਜਾਬ ਵਿੱਚ ਜੰਗਲੀ ਜੀਵ ਸੈਲਾਨੀਆਂ ਦੀ ਗਿਣਤੀ ਨੂੰ ਵਧਾਉਣ ਲਈ ਪੰਜਾਬ ਹੈਰੀਟੇਜ ਐਂਡ ਟੂਰਿਜ਼ਮ ਪ੍ਰਮੋਸ਼ਨ ਬੋਰਡ ਵੱਲੋਂ ਛੱਤਬੀੜ...
ਛਤਰਪਤੀ ਹੱਤਿਆ ਮਾਮਲੇ 'ਚ ਰਾਮ ਰਹੀਮ ਨੂੰ ਉਮਰ ਕੈਦ ਦੀ ਸਜ਼ਾ
. . .  1 day ago
ਪੰਚਕੂਲਾ, 17 ਜਨਵਰੀ (ਰਾਮ ਸਿੰਘ ਬਰਾੜ) - ਪੱਤਰਕਾਰ ਰਾਮਚੰਦਰ ਛਤਰਪਤੀ ਹੱਤਿਆ ਮਾਮਲੇ 'ਚ ਸੀ.ਬੀ.ਆਈ ਦੀ ਵਿਸ਼ੇਸ਼ ਅਦਾਲਤ ਨੇ ਡੇਰਾ ਸੱਚਾ ਸੌਦਾ ਪ੍ਰਮੁੱਖ ਗੁਰਮੀਤ ਰਾਮ ਰਹੀਮ...
ਭਾਰਤ ਅਤੇ ਆਸਟ੍ਰੇਲੀਆ ਵਿਚਕਾਰ ਤੀਸਰਾ ਇੱਕ ਦਿਨਾਂ ਮੈਚ ਕੱਲ੍ਹ
. . .  1 day ago
ਮੈਲਬੌਰਨ, 17 ਜਨਵਰੀ - ਭਾਰਤ ਅਤੇ ਆਸਟ੍ਰੇਲੀਆ ਵਿਚਕਾਰ ਤੀਸਰਾ ਅਤੇ ਆਖ਼ਰੀ ਇੱਕ ਦਿਨਾਂ ਮੈਚ 18 ਜਨਵਰੀ ਨੂੰ ਮੈਲਬੌਰਨ 'ਚ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ 1-1 ਮੈਚ ਜਿੱਤ...
ਮਹਿਲਾ ਕ੍ਰਿਕਟ : ਬੀ.ਸੀ.ਸੀ.ਆਈ ਵੱਲੋਂ ਇੰਗਲੈਂਡ ਖ਼ਿਲਾਫ਼ ਘਰੇਲੂ ਲੜੀ ਲਈ ਪ੍ਰੋਗਰਾਮ ਦਾ ਐਲਾਨ
. . .  1 day ago
ਮੁੰਬਈ, 17 ਜਨਵਰੀ - ਬੀ.ਸੀ.ਸੀ.ਆਈ ਨੇ ਇੰਗਲੈਂਡ ਖ਼ਿਲਾਫ਼ ਘਰੇਲੂ ਲੜੀ ਲਈ ਪ੍ਰੋਗਰਾਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਲੜੀ ਤਹਿਤ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਅਤੇ ਇੰਗਲੈਂਡ...
ਸੋਸ਼ਲ ਮੀਡੀਆ 'ਤੇ ਆਮ ਚੋਣਾਂ ਦੀ ਫ਼ਰਜ਼ੀ ਤਾਰੀਖ਼ ਜਾਰੀ ਕਰਨ ਵਾਲਿਆ ਖ਼ਿਲਾਫ਼ ਕਾਰਵਾਈ ਹੋਵੇ - ਚੋਣ ਕਮਿਸ਼ਨ
. . .  1 day ago
ਨਵੀਂ ਦਿੱਲੀ, 10 ਜਨਵਰੀ - ਚੋਣ ਕਮਿਸ਼ਨ ਨੇ ਦਿੱਲੀ ਦੇ ਚੋਣ ਅਧਿਕਾਰੀ ਨੂੰ ਸੋਸ਼ਲ ਮੀਡੀਆ 'ਤੇ ਆਮ ਚੋਣਾਂ ਦੀ ਫ਼ਰਜ਼ੀ ਤਾਰੀਖ਼ ਜਾਰੀ ਕਰਨ ਵਾਲਿਆ ਖ਼ਿਲਾਫ਼ ਕਾਰਵਾਈ...
ਬੱਚਿਆ ਨਾਲ ਕਥਿਤ ਸ਼ੋਸ਼ਣ ਨੂੰ ਲੈ ਕੇ ਸੀ.ਬੀ.ਆਈ ਵੱਲੋਂ ਐੱਫ.ਆਈ.ਆਰ ਦਰਜ
. . .  1 day ago
ਪਟਨਾ, 17 ਜਨਵਰੀ - ਬਿਹਾਰ ਦੇ ਸ਼ੈਲਟਰ ਹੋਮ 'ਚ ਬੱਚਿਆ ਨਾਲ ਕਥਿਤ ਸ਼ੋਸ਼ਣ ਨੂੰ ਲੈ ਕੇ ਸੀ.ਬੀ.ਆਈ ਨੇ 8 ਐੱਫ.ਆਈ.ਆਰ ਦਰਜ ਕੀਤੀਆਂ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਬਾਲ ਕਹਾਣੀ

ਝੂਠੇ ਦਾ ਮੂੰਹ ਕਾਲਾ

ਪਿਆਰੇ ਬੱਚਿਓ! ਝੂਠ ਬੋਲਣ ਵਾਲੇ ਬੰਦੇ ਨੂੰ ਅੰਤ ਵਿਚ ਕਿਵੇਂ ਪਛਤਾਉਣਾ ਪਿਆ ਹੈ ਅਤੇ ਉਸ ਨੂੰ ਹੋਰ ਵੀ ਸ਼ਰਮਿੰਦਾ ਕਰਨ ਲਈ ਕਿਵੇਂ ਉਸ ਦਾ ਮੂੰਹ ਕਾਲਾ ਕੀਤਾ ਗਿਆ, ਇਸ ਕਹਾਣੀ ਵਿਚ ਦੱਸਿਆ ਗਿਆ ਹੈ। ਇਸ ਕਹਾਣੀ ਮੁਤਾਬਿਕ ਇਕ ਸ਼ੰਕਰ ਨਾਂਅ ਦਾ ਮੁੰਡਾ ਕੋਈ ਕੰਮ ਨਹੀਂ ਕਰਦਾ ਸੀ। ਉਸ ਦੇ ਘਰਦਿਆਂ ਨੇ ਉਸ ਨੂੰ ਘਰੋਂ ਕੱਢ ਦਿੱਤਾ। ਅੰਤ ਉਹ ਕੰਮ ਦੀ ਭਾਲ ਵਿਚ ਘਰੋਂ ਤੁਰ ਪਿਆ। ਤੁਰਦਾ-ਤੁਰਦਾ ਉਹ ਇਕ ਪਿੰਡ ਦੇ ਬੱਸ ਅੱਡੇ 'ਤੇ ਪੁੱਜਾ। ਉਥੇ ਇਕ ਰੋਟੀ ਖਾਣ ਵਾਲਾ ਢਾਬਾ ਸੀ। ਸ਼ੰਕਰ ਬੱਸ ਅੱਡੇ ਦੇ ਇਕ ਬੈਂਚ 'ਤੇ ਬੈਠ ਗਿਆ। ਉਸ ਦਾ ਧਿਆਨ ਢਾਬੇ ਵੱਲ ਗਿਆ ਤਾਂ ਉਸ ਨੇ ਦੇਖਿਆ ਕਿ ਢਾਬੇ ਦੇ ਤੰਦੂਰ 'ਤੇ ਇਕ ਔਰਤ ਰੋਟੀਆਂ ਲਗਾ ਰਹੀ ਸੀ। ਉਸ ਨੇ ਦੇਖਿਆ ਕਿ ਉਹ ਔਰਤ ਇਕ-ਇਕ ਕਰਕੇ ਤੰਦੂਰ ਵਿਚ ਰੋਟੀਆਂ ਲਗਾ ਰਹੀ ਸੀ। ਜਦੋਂ ਉਹ ਤੰਦੂਰ 'ਚ ਰੋਟੀ ਲਗਾਉਂਦੀ ਤਾਂ ਦੋਵਾਂ ਹੱਥਾਂ ਨਾਲ ਤਾੜੀ ਮਾਰਦੀ। ਸ਼ੰਕਰ ਉਹ ਤਾੜੀਆਂ ਗਿਣਨ ਲੱਗਾ। ਅੰਤ ਵਿਚ ਢਾਬੇ ਵਾਲੀ ਉਸ ਔਰਤ ਨੇ ਰੋਟੀਆਂ ਲਗਾਉਣੀਆਂ ਬੰਦ ਕਰ ਦਿੱਤੀਆਂ।
ਇਹ ਦੇਖ ਕੇ ਉਸ ਨੂੰ ਇਕ ਚਲਾਕੀ ਸੁੱਝੀ। ਉਹ ਮੁਫਤ ਵਿਚ ਉਸ ਔਰਤ ਕੋਲੋਂ ਰੋਟੀ ਖਾਣੀ ਚਾਹੁੰਦਾ ਸੀ। ਪੈਸੇ ਉਸ ਕੋਲ ਕੋਈ ਨਹੀਂ ਸੀ। ਢਾਬੇ ਵਾਲੀ ਔਰਤ ਦਾ ਉਸ ਵੱਲ ਧਿਆਨ ਨਹੀਂ ਗਿਆ। ਉਹ ਭੁਲੇਖਾ ਜਿਹਾ ਖਾ ਕੇ ਢਾਬੇ 'ਤੇ ਇਉਂ ਪਹੁੰਚਿਆ ਜਿਵੇਂ ਉਹ ਕੋਈ ਕਰਨੀ ਵਾਲਾ ਫ਼ਕੀਰ ਹੋਵੇ। ਉਹ ਆਪਣੇ ਫਟੇ ਹਾਲ ਕੱਪੜਿਆਂ ਤੋਂ ਲਗਦਾ ਵੀ ਫ਼ਕੀਰ ਹੀ ਸੀ। ਉਸ ਫ਼ਕੀਰਾਂ ਦੀ ਭਾਸ਼ਾ ਵਿਚ ਢਾਬੇ ਵਾਲੀ ਔਰਤ ਨੂੰ ਕਿਹਾ, 'ਬੀਬੀ ਤੂੰ ਤੰਦੂਰ ਵਿਚ ਰੋਟੀਆਂ ਲਗਾ ਕੇ ਹਟੀ ਏਂ। ਤੰਦੂਰ ਤੂੰ ਢਕਿਆ ਹੋਇਆ ਏ। ਜੇ ਮੈਂ ਇਹ ਦੱਸ ਦੇਵਾਂ ਕਿ ਤੂੰ ਤੰਦੂਰ ਵਿਚ ਕਿੰਨੀਆਂ ਰੋਟੀਆਂ ਲਗਾਈਆਂ ਨੇ ਤਾਂ?' ਇਹ ਕਹਿ ਕੇ ਸ਼ੰਕਰ ਨੇ ਅੱਖਾਂ ਮੀਚ ਲਈਆਂ। ਉਸ ਔਰਤ ਦੀ ਫ਼ਕੀਰਾਂ 'ਤੇ ਬੜੀ ਸ਼ਰਧਾ ਸੀ। ਉਸ ਨੇ ਕਿਹਾ, 'ਬਾਬਾ, ਫਿਰ ਤਾਂ ਤੁਸੀਂ ਪਹੁੰਚੇ ਹੋਏ ਫ਼ਕੀਰ ਹੋਏ।' ਇਹ ਸੁਣ ਕੇ ਸ਼ੰਕਰ ਕਹਿੰਦਾ, 'ਤਾਂ ਸੁਣ ਫਿਰ ਇਸ ਫ਼ਕੀਰ ਕੋੋਲੋਂ ਸੱਚ। ਤੂੰ ਆਪਣੇ ਤੰਦੂਰ ਵਿਚ ਪੰਦਰਾਂ ਰੋਟੀਆਂ ਲਗਾਈਆਂ ਹਨ। ਕੀ ਇਹ ਸੱਚ ਹੈ?' ਇਹ ਸੁਣ ਕੇ ਔਰਤ ਬਹੁਤ ਹੈਰਾਨ ਹੋਈ। ਉਹ ਕਹਿਣ ਲੱਗੀ, 'ਸੱਚ ਬਾਬਾ ਜੀ, ਤੁਸੀਂ ਸੱਚ ਕਿਹਾ।' ਉਸ ਨੇ ਖੁਸ਼ ਹੋ ਕੇ ਫ਼ਕੀਰ ਬਣੇ ਸ਼ੰਕਰ ਨੂੰ ਰੋਟੀ ਖੁਆ ਦਿੱਤੀ। ਰੋਟੀ ਖਾ ਕੇ ਉਹ ਉਸ ਅੱਡੇ ਦੇ ਨੇੜੇ ਹੀ ਆਪਣਾ ਡੇਰਾ ਲਾ ਕੇ ਬੈਠ ਗਿਆ।
ਪਿੰਡ ਵਿਚ ਉਸ ਬਾਰੇ ਗੱਲ ਘੁੰਮ ਗਈ ਕਿ ਉਹ ਕਰਨੀ ਵਾਲਾ ਫ਼ਕੀਰ ਹੈ। ਦੂਜੇ ਦਿਨ ਇਕ ਮਾਈ ਉਸ ਕੋਲ ਆਈ। ਦੋਵੇਂ ਹੱਥ ਜੋੜ ਕੇ ਬੇਨਤੀ ਕਰਨ ਲੱਗੀ ਕਿ ਉਸ ਦੀ ਮੱਝ ਗਵਾਚ ਗਈ, ਉਹ ਦੱਸ ਦੇਵੇ, ਉਹ ਸ਼ਰਧਾ ਨਾਲ ਉਸ ਦੀ ਸੇਵਾ ਕਰੇਗੀ। ਸ਼ੰਕਰ ਬੜਾ ਕਸੂਤਾ ਫਸਿਆ। ਉਸ ਨੇ ਸੋਚਿਆ ਕਿ ਉਹ ਮੱਝ ਕਿਥੋਂ ਲੱਭੇਗਾ? ਪਰ ਉਹ ਉਪਰਲੇ ਮਨੋਂ ਕਹਿੰਦਾ, 'ਮਾਈ! ਚਿੰਤਾ ਨਾ ਕਰ, ਤੇਰੀ ਮੱਝ ਤੇਰੇ ਘਰ ਆਪਣੇ-ਆਪ ਆ ਜਾਵੇਗੀ।' ਮਾਈ ਤਾਂ ਮੱਥਾ ਟੇਕ ਕੇ ਚਲੀ ਗਈ ਪਰ ਸ਼ੰਕਰ ਫਿਕਰਾਂ ਵਿਚ ਪੈ ਗਿਆ। ਫਿਕਰਾਂ 'ਚ ਪਿਆ ਉਹ ਰਾਤ ਸਮੇਂ ਉੱਠਿਆ ਤੇ ਪਿੰਡ ਵਿਚ ਘੁੰਮ ਕੇ ਮਾਈ ਦੀ ਮੱਝ ਲੱਭਣ ਲੱਗਾ। ਉਸ ਦੀ ਮਿਹਨਤ ਰੰਗ ਲਿਆਈ। ਉਸ ਨੂੰ ਮੱਝ ਦੂਰ ਪਿੰਡ ਦੇ ਬਾਹਰੋਂ ਖੇਤਾਂ 'ਚੋਂ ਲੱਭ ਗਈ। ਰਾਤੋ-ਰਾਤ ਉਸ ਨੇ ਮੱਝ ਉਸ ਮਾਈ ਦੇ ਪਸ਼ੂਆਂ ਵਾਲੇ ਵਾੜੇ ਵਿਚ ਲਿਆ ਬੰਨ੍ਹੀ। ਸਵੇਰੇ ਜਦੋਂ ਮਾਈ ਨੇ ਮੱਝ ਆਪਣੇ ਵਾੜੇ ਵਿਚ ਖੁਰਲੀ 'ਤੇ ਬੱਝੀ ਦੇਖੀ ਤਾਂ ਉਸ ਨੇ ਪਿੰਡ ਵਿਚ ਹੋਰ ਵੀ ਵੱਡੇ ਪੱਧਰ 'ਤੇ ਗੱਲ ਫੈਲਾਅ ਦਿੱਤੀ ਕਿ ਪਿੰਡ ਦੇ ਅੱਡੇ ਦੇ ਨੇੜੇ ਡੇਰਾ ਲਾ ਕੇ ਬੈਠਾ ਫ਼ਕੀਰ ਬਹੁਤ ਸ਼ਕਤੀ ਵਾਲਾ ਹੈ।
ਇਹ ਸੁਣ ਕੇ ਪਿੰਡ ਦਾ ਸਰਪੰਚ ਕੁਝ ਮੋਹਤਬਰ ਬੰਦੇ ਲੈ ਕੇ ਉਸ ਕੋਲ ਆਇਆ। ਕਹਿਣ ਲੱਗਾ, 'ਬਾਬਾ ਜੀ! ਜੇ ਆਗਿਆ ਹੋਵੇ ਤਾਂ ਪਿੰਡ ਦੀ ਸਾਂਝੀ ਜਗ੍ਹਾ 'ਚ ਤੁਹਾਨੂੰ ਇਕ ਕੁਟੀਆ ਛੱਤ ਦਈਏ?' ਸ਼ੰਕਰ ਨੇ ਹਾਮੀ ਭਰ ਦਿੱਤੀ। ਸਰਪੰਚ ਕਹਿੰਦਾ, 'ਠੀਕ ਹੈ ਬਾਬਾ ਜੀ, ਪਰ ਮੈਂ ਤੁਹਾਡੀ ਪਹਿਲਾਂ ਪਰਖ ਕਰਨੀ ਚਾਹੁੰਦਾ ਹਾਂ।' ਸ਼ੰਕਰ ਦਾ ਘਬਰਾਹਟ ਨਾਲ ਰੰਗ ਉੱਡ ਗਿਆ। ਪਰ ਉਹ ਹੌਸਲਾ ਕਰਕੇ ਬੋਲਿਆ, 'ਕੋਈ ਨਹੀਂ ਭਗਤਾ! ਕਰ ਲਓ ਪਰਖ।' ਸਰਪੰਚ ਨੇ ਆਪਣੇ ਕੁੜਤੇ ਦੀ ਜੇਬ 'ਚ ਹੱਥ ਪਾ ਕੇ ਕੱਢਿਆ ਅਤੇ ਮੁੱਠੀ ਬੰਦ ਕਰਕੇ ਬੋਲਿਆ, 'ਦੱਸੋ ਮੇਰੀ ਮੁੱਠੀ ਵਿਚ ਕੀ ਏ?' ਸ਼ੰਕਰ ਘਬਰਾ ਗਿਆ। ਉਹ ਕਿਵੇਂ ਦੱਸ ਸਕਦਾ ਸੀ? ਉਸ ਦਾ ਦਿਲ ਕਰੇ ਕਿ ਉਹ ਉਥੋਂ ਨੱਠ ਜਾਵੇ। ਪਰ ਸਰਪੰਚ ਅਤੇ ਉਸ ਦੇ ਬੰਦਿਆਂ ਨੇ ਉਸ ਨੂੰ ਚਾਰੇ ਪਾਸਿਓਂ ਘੇਰਿਆ ਹੋਇਆ ਸੀ। ਅੰਤ ਸ਼ੰਕਰ ਸਰਪੰਚ ਦੇ ਪੈਰਾਂ 'ਤੇ ਡਿਗ ਪਿਆ ਅਤੇ ਮੁਆਫ਼ੀ ਮੰਗਣ ਲੱਗਾ। ਇਹ ਦੇਖ ਕੇ ਸਰਪੰਚ ਨੂੰ ਗੁੱਸਾ ਆ ਗਿਆ। ਉਹ ਕਹਿਣ ਲੱਗਾ ਕਿ ਤੂੰ ਸਾਡੇ ਪਿੰਡ ਵਾਸੀਆਂ ਨੂੰ ਮੂਰਖ ਬਣਾਇਆ ਏ। ਤੈਨੂੰ ਇਹਦੀ ਸਜ਼ਾ ਮਿਲੇਗੀ। ਉਹ ਸਾਰੇ ਸ਼ੰਕਰ ਨੂੰ ਫੜ ਕੇ ਪਿੰਡ ਦੀ ਸੱਥ ਵਿਚ ਲੈ ਗਏ। ਲੋਕਾਂ ਨੂੰ ਇਕੱਠੇ ਕਰਕੇ ਸਾਰੇ ਪਿੰਡ ਦੇ ਸਾਹਮਣੇ ਉਸ ਨੂੰ ਕੁਟਾਪਾ ਵੀ ਚਾੜ੍ਹਿਆ ਅਤੇ ਉਸ ਦਾ ਮੂੰਹ ਕਾਲਾ ਕਰਕੇ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਸੋ, ਝੂਠ ਤੇ ਪਾਖੰਡ ਦਾ ਸਹਾਰਾ ਲੈਣ ਵਾਲਿਆਂ ਨਾਲ ਇੰਜ ਹੀ ਹੁੰਦਾ ਹੈ।


-ਮੋਬਾ: 98146-81444


ਖ਼ਬਰ ਸ਼ੇਅਰ ਕਰੋ

ਪਾਣੀ ਵਿਚ ਵਸਿਆ ਹੈ ਇਟਲੀ ਦਾ ਵੀਨਸ ਸ਼ਹਿਰ

ਪਿਆਰੇ ਬੱਚਿਓ, ਸਾਰਾ ਯੂਰਪ ਸਵਰਗ ਵਾਂਗ ਹੈ। ਯੂਰਪ ਦੀ ਧਰਤੀ ਉੱਪਰ ਵਸਦਾ ਹਰੇਕ ਮਨੁੱਖ ਆਪਣੀ ਜ਼ਿੰਦਗੀ ਕੁਦਰਤ ਦੀ ਗੋਦ ਵਿਚ ਜੀਅ ਰਿਹਾ ਹੈ। ਕੁਦਰਤ ਦੇ ਲਾਸਾਨੀ ਨਜ਼ਾਰਿਆਂ, ਖੂਬਸੂਰਤ ਝੀਲਾਂ ਤੇ ਬਰਫ਼ਾਨੀ ਪਰਬਤਾਂ ਦੇ ਅਨੰਦਿਤ ਦ੍ਰਿਸ਼ ਸਾਰੇ ਯੂਰਪ ਵਿਚ ਦੇਖਣ ਨੂੰ ਮਿਲਦੇ ਹਨ। ਯੂਰਪ ਦਾ ਹੀ ਇਕ ਹਿੱਸਾ ਹੈ ਇਟਲੀ ਦਾ ਪਾਣੀ ਵਿਚ ਵਸਦਾ ਸ਼ਹਿਰ ਵੀਨਸ, ਜੋ ਇਟਲੀ ਦੇ ਉੱਤਰ-ਪੂਰਬ ਵਿਚ ਸਥਿਤ ਹੈ। ਇਸ ਸੁੰਦਰ ਸ਼ਹਿਰ ਦਾ ਰਕਬਾ 414.57 ਵਰਗ ਕਿਲੋਮੀਟਰ ਵਿਚ ਫੈਲਿਆ ਹੋਇਆ ਹੈ। ਦੁਨੀਆ ਦੇ ਇਸ ਪ੍ਰਸਿੱਧ ਸ਼ਹਿਰ ਨੂੰ 118 ਛੋਟੇ-ਛੋਟੇ ਟਾਪੂਆਂ ਦੁਆਰਾ 400 ਪੁਲਾਂ ਨਾਲ ਜੋੜਿਆ ਹੋਇਆ ਹੈ। ਜਿਸ ਤਰ੍ਹਾਂ ਸਾਡੇ ਦੇਸ਼ ਵਿਚ ਹਰ ਘਰ ਵਿਚ ਕੋਈ ਨਾ ਕੋਈ ਸਾਧਨ ਮੌਜੂਦ ਹੈ, ਉਸੇ ਤਰ੍ਹਾਂ ਵੀਨਸ ਸ਼ਹਿਰ ਵਿਚ ਆਉਣ-ਜਾਣ ਲਈ ਹਰ ਘਰ ਵਿਚ ਛੋਟੀਆਂ-ਵੱਡੀਆਂ ਕਿਸ਼ਤੀਆਂ ਹਨ। ਲੋਕ ਸ਼ਹਿਰ ਦਾ ਸਾਰਾ ਸਫ਼ਰ ਕਿਸ਼ਤੀਆਂ ਰਾਹੀਂ ਹੀ ਤੈਅ ਕਰਦੇ ਹਨ। ਇਸ ਸ਼ਹਿਰ ਵਿਚ ਪਾਣੀ ਵਾਲੀਆਂ ਸੜਕਾਂ 'ਤੇ ਹੀ ਸਕੂਲ, ਕਾਲਜ, ਹਸਪਤਾਲ ਤੇ ਬਾਜ਼ਾਰ ਹਨ। ਇਸ ਅਦਭੁੱਤ ਸ਼ਹਿਰ ਦੀ ਆਪਣੀ ਵਸੋਂ 2,60,897 ਹੈ। ਇਥੇ ਦੁਨੀਆ ਦੇ ਲੱਖਾਂ ਲੋਕ ਸੈਲਾਨੀਆਂ ਵਜੋਂ ਸਾਰਾ ਸਾਲ ਆਉਂਦੇ-ਜਾਂਦੇ ਹਨ। ਵੀਨਸ ਸ਼ਹਿਰ ਪੁਰਾਤਨ ਸੱਭਿਅਤਾ ਦੀ ਵਡਮੁੱਲੀ ਤੇ ਉੱਤਮ ਕਲਾ ਦਾ ਨਮੂਨਾ ਹੈ। ਇਥੋਂ ਦੀ ਭਵਨ ਨਿਰਮਾਣ ਕਲਾ ਦੇਖ ਕੇ ਮਨੁੱਖ ਹੈਰਾਨ ਰਹਿ ਜਾਂਦਾ ਹੈ। ਇਹ ਸ਼ਹਿਰ ਸਥਾਨਕ ਲੋਕਾਂ ਦੇ ਵਿਦੇਸ਼ੀਆਂ ਲਈ ਰੁਜ਼ਗਾਰ ਦਾ ਇਕ ਵੱਡਾ ਕੇਂਦਰ ਵੀ ਹੈ। ਯੂਨੈਸਕੋ ਵਲੋਂ ਇਸ ਸ਼ਹਿਰ ਨੂੰ ਵਿਸ਼ਵ ਹੈਰੀਟੇਜ ਦਾ ਦਰਜਾ ਵੀ ਪ੍ਰਾਪਤ ਹੈ। ਯੂਰਪ ਦੀ ਸੈਰ ਕਰਦੇ ਸਮੇਂ ਸਾਨੂੰ ਵੀਨਸ ਸ਼ਹਿਰ ਦੀ ਯਾਤਰਾ ਵੀ ਜ਼ਰੂਰ ਕਰਨੀ ਚਾਹੀਦੀ ਹੈ।


-ਪਿੰਡ ਤੇ ਡਾਕ: ਕੋਟਲੀ ਖਾਸ, ਤਹਿ: ਮੁਕੇਰੀਆਂ (ਹੁਸ਼ਿਆਰਪੁਰ)। ਮੋਬਾ: 94653-69343

ਠੰਢੇ ਸੁਭਾਅ ਦਾ ਮਾਲਕ ਕੱਛੂਕੁੰਮਾ

ਬੱਚਿਓ, ਅੱਜ ਤੁਹਾਨੂੰ ਇਕ ਅਜਿਹੇ ਜੀਵ ਬਾਰੇ ਜਾਣਕਾਰੀ ਦਿੰਦੇ ਹਾਂ, ਜਿਸ ਨੇ ਕਦੇ ਘੁਮੰਡੀ ਖਰਗੋਸ਼ ਨਾਲ ਦੌੜ ਲਗਾਉਣ ਦਾ ਚੈਲਿੰਜ ਹੀ ਕਬੂਲ ਨਹੀਂ ਕੀਤਾ ਸਗੋਂ ਜਿੱਤ ਕੇ ਉਸ ਘੁਮੰਡੀ ਦਾ ਸਿਰ ਨੀਵਾਂ ਵੀ ਕੀਤਾ। ਤੁਸੀਂ ਸਮਝ ਹੀ ਗਏ ਹੋਵੋਗੇ ਕਿ ਮੇਰੀ ਮੁਰਾਦ ਕੱਛੂਕੁੰਮਾ ਤੋਂ ਹੈ।
ਇਸ ਦੀਆਂ ਲਗਪਗ 250 ਕਿਸਮਾਂ ਜੀਵਤ ਹਨ, ਜੋ ਬਨਸਪਤੀ ਖਾ ਕੇ ਗੁਜ਼ਾਰਾ ਕਰਦੀਆਂ ਹਨ। ਇਹ ਰੀਂਘਣ ਵਾਲੇ ਜੀਵ ਹਨ। ਇਨ੍ਹਾਂ ਦੀ ਉਪਰਲੀ ਖੱਲ ਬਹੁਤ ਸਖ਼ਤ ਹੁੰਦੀ ਹੈ। ਸਮੁੰਦਰ ਵਿਚ ਰਹਿਣ ਵਾਲੇ ਕੱਛੂਆਂ ਨੂੰ ਸਮੁੰਦਰੀ ਕੱਛੂਕੁੰਮਾ ਅਤੇ ਧਰਤੀ 'ਤੇ ਰਹਿਣ ਵਾਲੇ ਕੱਛੂਆਂ ਨੂੰ ਕੱਛੂਕੁੰਮਾ ਕਹਿੰਦੇ ਹਨ। ਇਨ੍ਹਾਂ ਦੇ ਦੰਦਾਂ ਦੀ ਥਾਂ ਬੁੱਲ੍ਹਾਂ ਉੱਪਰ ਤਿੱਖੀਆਂ ਸੂਲਾਂ ਹੁੰਦੀਆਂ ਹਨ, ਜਿਨ੍ਹਾਂ ਰਾਹੀਂ ਇਹ ਦੁਸ਼ਮਣ ਨਾਲ ਟੱਕਰ ਲੈਂਦੇ ਹਨ। ਜੇਕਰ ਦੁਸ਼ਮਣ ਤਕੜਾ ਹੋਵੇ ਤਾਂ ਇਹ ਆਪਣੀ ਗਰਦਨ ਸਰੀਰ ਵਿਚ ਲੁਕੋ ਲੈਂਦੇ ਹਨ ਅਤੇ ਦੁਸ਼ਮਣ ਨੂੰ ਧੋਖਾ ਦੇਣ ਦੀ ਕੋਸ਼ਿਸ਼ ਕਰਦੇ ਹਨ। ਮੁੱਖ ਕਿਸਮਾਂ :
ਸਮੁੰਦਰੀ ਕੱਛੂਕੁੰਮਾ : ਇਨ੍ਹਾਂ ਦੀਆਂ ਸਿਰਫ 7 ਕਿਸਮਾਂ ਹਨ। ਲੈਦਰਬੈਗ ਸਭ ਤੋਂ ਵੱਡੀ ਕਿਸਮ ਹੈ, ਜੋ 1.8 ਮੀਟਰ (6 ਫੁੱਟ) ਲੰਬੀ ਅਤੇ 680 ਕਿਲੋ ਤੱਕ ਭਾਰੀ ਹੁੰਦੀ ਹੈ। ਇਹ ਭੋਜਨ ਦੀ ਤਲਾਸ਼ ਵਿਚ ਅਤੇ ਪਰਿਵਾਰ ਵਿਚ ਵਾਧਾ ਕਰਨ ਲਈ ਲੰਬਾ ਫਾਸਲਾ ਤਹਿ ਕਰ ਜਾਂਦੇ ਹਨ। ਮਾਦਾ ਕੱਛੂ ਇਕੋ ਸਮੇਂ ਲਗਪਗ 160 ਆਂਡੇ ਦਿੰਦੇ ਹਨ, ਜਿਨ੍ਹਾਂ ਨੂੰ ਉਹ ਰੇਤੇ ਵਿਚ ਲੁਕੋ ਦਿੰਦੀ ਹੈ।
ਕੱਛੂਕੁੰਮਾ : ਇਹ ਜ਼ਿਆਦਾ ਕਰਕੇ ਪਾਣੀ ਦੇ ਸਰੋਤਾਂ ਦੇ ਕੰਢਿਆਂ 'ਤੇ ਰਹਿੰਦੇ ਹਨ। ਇਨ੍ਹਾਂ ਦੀਆਂ ਲੱਤਾਂ ਛੋਟੀਆਂ ਪਰ ਉਪਰਲੀ ਚਮੜੀ ਕਾਫੀ ਉੱਚੀ ਹੁੰਦੀ ਹੈ। ਗਾਲ ਪਗੌਸ ਅਤੇ ਐਲਡਾਬਰਾ ਇਨ੍ਹਾਂ ਦੀਆਂ ਮੁੱਖ ਕਿਸਮਾਂ ਹਨ, ਜਿਨ੍ਹਾਂ ਦਾ ਭਾਰ 250 ਕਿਲੋ ਅਤੇ ਉਮਰ 150 ਸਾਲ ਤੱਕ ਹੁੰਦੀ ਹੈ। ਜਿਵੇਂ-ਜਿਵੇਂ ਇਨ੍ਹਾਂ ਦੀ ਉਮਰ ਵਧਦੀ ਹੈ, ਇਨ੍ਹਾਂ ਦੀ ਚਮੜੀ ਉੱਪਰ ਪੀਲੇ ਰੰਗ ਦੀਆਂ ਧਾਰੀਆਂ ਪੈ ਜਾਂਦੀਆਂ ਹਨ।
ਬੱਚਿਓ, ਇਨ੍ਹਾਂ ਦੀਆਂ ਬਹੁਤ ਸਾਰੀਆਂ ਕਿਸਮਾਂ ਅਲੋਪ ਹੋ ਰਹੀਆਂ ਹਨ, ਕਿਉਂਕਿ ਮਨੁੱਖ ਇਨ੍ਹਾਂ ਦੀ ਸਖ਼ਤ ਚਮੜੀ, ਮਾਸ ਪ੍ਰਾਪਤ ਕਰਨ ਲਈ ਇਨ੍ਹਾਂ ਨੂੰ ਮਾਰ ਦਿੰਦਾ ਹੈ। ਇਥੋਂ ਤੱਕ ਕਿ ਇਨ੍ਹਾਂ ਦੇ ਆਂਡੇ ਵੀ ਚੁਰਾ ਲਏ ਜਾਂਦੇ ਹਨ।


-8/29, ਨਿਊ ਕੁੰਦਨਪੁਰੀ, ਲੁਧਿਆਣਾ।

ਬਾਲ ਨਾਵਲ-94

ਖੱਟੀਆਂ-ਮਿੱਠੀਆਂ ਗੋਲੀਆਂ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
'ਸਖ਼ਤ ਗਰਮੀਆਂ ਦੀ ਇਕ ਦੁਪਹਿਰੇ, ਠੰਢੇ ਪਾਣੀ ਦਾ ਇਕ ਗਿਲਾਸ ਅਤੇ ਫਿਰ ਠੰਢੇ-ਮਿੱਠੇ ਦੁੱਧ ਦਾ ਇਕ ਗਿਲਾਸ ਪਿਆ ਕੇ। ਕੁਝ ਯਾਦ ਆਇਆ?'
'ਪਤਾ ਨਹੀਂ ਤੂੰ ਕਿਹੜੀਆਂ ਗੱਲਾਂ ਕਰਦਾ ਪਿਆ ਏਂ... ਪਾਣੀ ਦਾ ਗਿਲਾਸ... ਦੁੱਧ ਦਾ ਗਿਲਾਸ...?'
'ਮੰਮੀ ਜੀ, ਬਹੁਤ ਸਾਲ ਪਹਿਲਾਂ ਤੁਹਾਡੀ ਗਲੀ ਵਿਚ ਇਕ ਅੱਠ-ਦਸ ਸਾਲ ਦਾ ਲੜਕਾ ਖੱਟੀਆਂ-ਮਿੱਠੀਆਂ ਗੋਲੀਆਂ, ਚਾਕਲੇਟ ਵਾਲੀਆਂ ਗੋਲੀਆਂ ਵੇਚਣ ਆਉਂਦਾ ਹੁੰਦਾ ਸੀ। ਇਕ ਵਾਰੀ ਉਹ ਲੜਕਾ ਭੁੱਖ ਅਤੇ ਗਰਮੀ ਕਾਰਨ ਤੁਹਾਡੇ ਘਰ ਦੇ ਥੜ੍ਹੇ 'ਤੇ ਨੀਮ ਬੇਹੋਸ਼ ਹੋ ਗਿਆ ਸੀ। ਮਨਜੀਤ ਨੇ ਤੁਹਾਨੂੰ ਆਵਾਜ਼ ਮਾਰ ਕੇ ਬਾਹਰ ਬੁਲਾਇਆ ਅਤੇ ਤੁਸੀਂ ਫਟਾਫਟ ਉਸ ਨੂੰ ਅੰਦਰ ਪੱਖੇ ਥੱਲੇ ਲੈ ਗਏ। ਫਿਰ ਉਸ ਨੂੰ ਠੰਢਾ ਪਾਣੀ ਅਤੇ ਠੰਢਾ ਦੁੱਧ ਪਿਆਇਆ, ਜਿਸ ਨਾਲ ਉਸ ਦੀ ਹੋਸ਼ ਪਰਤਣੀ ਸ਼ੁਰੂ ਹੋ ਗਈ...।'
ਮੰਮੀ ਜੀ ਨੂੰ ਕੋਈ ਭੁੱਲੀ-ਵਿਸਰੀ ਗੱਲ ਯਾਦ ਆਈ ਤਾਂ ਉਹ ਵਿਚੋਂ ਹੀ ਬੋਲ ਪਏ, 'ਹਾਂ... ਹਾਂ... ਇਕ ਬੜਾ ਪਿਆਰਾ ਜਿਹਾ ਬੱਚਾ ਆਉਂਦਾ ਹੁੰਦਾ ਸੀ। ਉਹ ਇਕ ਦਿਨ ਗਰਮੀ ਵਿਚ ਘਬਰਾ ਗਿਆ ਸੀ... ਪਰ ਤੈਨੂੰ ਸਾਰੀ ਗੱਲ ਦਾ ਕਿਵੇਂ ਪਤਾ ਏ?'
ਮਨਜੀਤ ਨੂੰ ਵੀ ਕੁਝ-ਕੁਝ ਯਾਦ ਆਉਣਾ ਸ਼ੁਰੂ ਹੋਇਆ, 'ਹਾਂ, ਹਾਂ ਡਾਕਟਰ ਜੀ, ਮੈਂ ਇਕ ਲੜਕੇ ਕੋਲੋਂ ਗੋਲੀਆਂ ਲੈਂਦਾ ਹੁੰਦਾ ਸਾਂ...। ਪਰ ਉਸ ਨੇ ਇਕਦਮ ਹੀ ਆਉਣਾ ਛੱਡ ਦਿੱਤਾ ਸੀ।'
'ਹਾਂ ਜੀ, ਉਸ ਨੇ ਇਕਦਮ ਆਉਣਾ ਛੱਡ ਦਿੱਤਾ ਸੀ। ਉਹ ਲੜਕਾ ਹੋਰ ਕੋਈ ਨਹੀਂ, ਮੈਂ ਹੀ ਸਾਂ', ਇਹ ਕਹਿੰਦਿਆਂ-ਕਹਿੰਦਿਆਂ ਹਰੀਸ਼ ਦੀਆਂ ਅੱਖਾਂ ਭਰ ਆਈਆਂ।
ਮੰਮੀ ਜੀ ਅਤੇ ਮਨਜੀਤ ਹੈਰਾਨ ਹੋਏ ਡਾ: ਹਰੀਸ਼ ਦੇ ਮੂੰਹ ਵੱਲ ਦੇਖ ਰਹੇ ਸਨ।
ਮਨਜੀਤ ਦੇ ਮੰਮੀ ਠੀਕ ਹੋ ਕੇ ਆਪਣੇ ਸ਼ਹਿਰ, ਆਪਣੇ ਘਰ ਵਾਪਸ ਚਲੇ ਗਏ ਪਰ ਡਾ: ਹਰੀਸ਼ ਦੇ ਦਿਲ ਵਿਚ ਕਈ ਤਰ੍ਹਾਂ ਦੀ ਹਲਚਲ ਪੈਦਾ ਕਰ ਗਏ। ਉਸ ਨੂੰ ਆਪਣਾ ਸ਼ਹਿਰ ਅਤੇ ਆਪਣੇ ਸ਼ਹਿਰ ਦੇ ਲੋਕ ਯਾਦ ਆਉਣ ਲੱਗੇ। ਉਸ ਦੇ ਮਨ ਵਿਚ ਇਹ ਗੱਲ ਬੈਠਣ ਲੱਗੀ ਕਿ ਉਸ ਦੇ ਸ਼ਹਿਰ ਨੂੰ, ਉਸ ਦੀ ਜ਼ਰੂਰਤ ਹੈ। ਮਨਜੀਤ ਤਾਂ ਆਪਣੇ ਮੰਮੀ ਜੀ ਨੂੰ ਔਖਾ-ਸੌਖਾ ਹੋ ਕੇ ਦਿੱਲੀ ਵਰਗੇ ਸ਼ਹਿਰ ਵਿਚ ਲੈ ਆਇਐ ਪਰ ਬਹੁਤੇ ਲੋਕ ਆਪਣੀਆਂ ਆਰਥਿਕ ਮਜਬੂਰੀਆਂ ਕਾਰਨ ਆਪਣੇ ਮਾਂ-ਬਾਪ ਜਾਂ ਭੈਣ-ਭਰਾ ਨੂੰ ਨਹੀਂ ਲਿਆ ਸਕਦੇ। ਉਹ ਜਦੋਂ ਵੀ ਇਸ ਬਾਰੇ ਸੋਚਦਾ ਤਾਂ ਉਸ ਨੂੰ ਆਪਣੇ ਅੰਦਰੋਂ ਹਮੇਸ਼ਾ ਇਕੋ ਹੀ ਜਵਾਬ ਮਿਲਦਾ ਕਿ 'ਭਾਵੇਂ ਸਾਰੇ ਭਾਰਤ ਦੇ ਲੋਕ ਆਪਣੇ ਹਨ ਪਰ ਇਸ ਦੇ ਬਾਵਜੂਦ ਵੀ ਮੈਨੂੰ ਆਪਣੇ ਸ਼ਹਿਰ ਜਾ ਕੇ ਆਪਣੇ ਲੋਕਾਂ ਦੀ ਸੇਵਾ ਕਰਨੀ ਚਾਹੀਦੀ ਹੈ, ਜਿਨ੍ਹਾਂ ਨੇ ਮੈਨੂੰ ਇਥੋਂ ਤੱਕ ਪਹੁੰਚਾਇਆ ਹੈ।'
ਹੌਲੀ-ਹੌਲੀ ਉਸ ਦੇ ਮਨ ਵਿਚ ਇਹ ਗੱਲ ਜ਼ੋਰ ਫੜ ਗਈ ਅਤੇ ਉਸ ਨੇ ਅੰਮ੍ਰਿਤਸਰ ਦੇ ਸਭ ਤੋਂ ਵੱਡੇ ਨਿੱਜੀ ਹਸਪਤਾਲ ਵਿਚੋਂ ਪਤਾ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ 'ਤੁਹਾਡੇ ਲਈ ਇਸ ਹਸਪਤਾਲ ਦੇ ਦਰਵਾਜ਼ੇ ਹਰ ਸਮੇਂ ਖੁੱਲ੍ਹੇ ਹਨ। ਤੁਸੀਂ ਜਿੰਨੀ ਛੇਤੀ ਹੋ ਸਕੇ, ਆ ਕੇ ਜੁਆਇਨ ਕਰ ਲਵੋ।'
ਆਪਣੇ ਹਸਪਤਾਲ ਵਿਚ ਹਰੀਸ਼ ਨੇ ਅਸਤੀਫਾ ਦੇ ਦਿੱਤਾ ਅਤੇ ਅੰਮ੍ਰਿਤਸਰ ਜਾਣ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ।
ਹਰੀਸ਼ ਅੰਮ੍ਰਿਤਸਰ ਆ ਗਿਆ। ਹਰੀਸ਼ ਦੇ ਅੰਮ੍ਰਿਤਸਰ ਆਉਣ ਦੀ ਸਭ ਤੋਂ ਜ਼ਿਆਦਾ ਖੁਸ਼ੀ ਸਿਧਾਰਥ ਅਤੇ ਮਾਤਾ ਜੀ ਨੂੰ ਹੋਈ। ਮਾਤਾ ਜੀ ਨੂੰ ਤਾਂ ਜਿਵੇਂ ਚਾਅ ਚੜ੍ਹ ਗਿਆ ਸੀ।
ਹਰੀਸ਼ ਨੂੰ ਅੰਮ੍ਰਿਤਸਰ ਵਾਲੇ ਹਸਪਤਾਲ ਜਾਂਦਿਆਂ ਹਫ਼ਤੇ ਤੋਂ ਉੱਪਰ ਹੋ ਗਿਆ। ਹਸਪਤਾਲ ਬਹੁਤ ਵੱਡਾ ਸੀ। ਡਾਕਟਰ ਸਾਰੇ ਬੜੇ ਲਾਇਕ ਅਤੇ ਆਪੋ-ਆਪਣੀ ਲਾਈਨ ਦੇ ਮਾਹਿਰ ਸਨ। ਹੁਣ ਉਹ ਹਸਪਤਾਲ ਦੇ ਵਾਤਾਵਰਨ ਤੋਂ ਵਾਕਿਫ ਹੋ ਰਿਹਾ ਸੀ।
ਮਹੀਨੇ ਦੇ ਵਿਚ-ਵਿਚ ਉਸ ਨੇ ਹਸਪਤਾਲ ਵਿਚ ਆਪਣੀ ਚੰਗੀ ਥਾਂ ਬਣਾ ਲਈ। ਉਹ ਸਵੇਰੇ ਤੋਂ ਲੈ ਕੇ ਸ਼ਾਮ ਤੱਕ ਰੁੱਝਾ ਰਹਿੰਦਾ। ਸ਼ਾਮ ਨੂੰ ਉਹ ਮਾਤਾ ਜੀ ਕੋਲ ਘਰ ਚਲਾ ਜਾਂਦਾ। ਉਹੀ ਕਮਰਾ ਮਾਤਾ ਜੀ ਨੇ ਉਸ ਵਾਸਤੇ ਰੱਖਿਆ ਹੋਇਆ ਸੀ। ਉਹ ਜਦੋਂ ਬੰਬਈ ਪੜ੍ਹਾਈ ਵਾਸਤੇ ਗਿਆ ਸੀ ਤਾਂ ਮਾਤਾ ਜੀ ਉਸ ਕਮਰੇ ਨੂੰ 'ਹਰੀਸ਼ ਦਾ ਕਮਰਾ' ਹੀ ਕਹਿੰਦੇ ਸਨ।
(ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)


-404, ਗ੍ਰੀਨ ਐਵੇਨਿਊ, ਅੰਮ੍ਰਿਤਸਰ-143001. ਮੋਬਾ: 98889-24664

ਚੁਟਕਲੇ

* ਪਤਨੀ-ਆਪਣੇ ਵਿਆਹ ਨੂੰ ਪੰਜ ਸਾਲ ਹੋ ਗਏ, ਤੁਸੀਂ ਕਿਤੇ ਘੁਮਾ ਕੇ ਨਹੀਂ ਲਿਆਏ।
ਪਤੀ-ਠੀਕ ਐ, ਅੱਜ ਸ਼ਾਮ ਨੂੰ ਚੱਲਾਂਗੇ।
ਸ਼ਾਮ ਨੂੰ ਪਤੀ ਆਪਣੀ ਪਤਨੀ ਨੂੰ ਸ਼ਮਸ਼ਾਨਘਾਟ ਲੈ ਗਿਆ।
ਪਤਨੀ-ਇਹ ਤੁਸੀਂ ਕਿੱਥੇ ਲੈ ਆਏ, ਇਹ ਕੋਈ ਘੁੰਮਣ ਦੀ ਜਗ੍ਹਾ ਹੈ?
ਪਤੀ-ਕਮਲੀਏ, ਲੋਕੀਂ ਤਾਂ ਮਰਦੇ ਐ, ਇੱਥੇ ਆਉਣ ਲਈ।
* ਪਤਨੀ ਸੌਂ ਰਹੀ ਸੀ ਤੇ ਉਹਦੇ ਪੈਰਾਂ ਵਿਚ ਇਕ ਨਾਗਿਨ ਕੁੰਡਲੀ ਮਾਰ ਕੇ ਬੈਠੀ ਹੋਈ ਸੀ। ਪਤੀ ਨੇ ਦੇਖਿਆ ਤੇ ਹੌਲੀ ਜਿਹੇ ਨਾਗਿਨ ਨੂੰ ਕਿਹਾ 'ਡਸ ਲੈ, ਡਸ ਲੈ।' ਅੱਗੋਂ ਨਾਗਿਨ ਬੋਲੀ 'ਕਮੀਨੇ ਇਹ ਤਾਂ ਸਾਡੀ ਗੁਰੂ ਐ, ਮੈਂ ਤਾਂ ਪੈਰੀਂ ਹੱਥ ਲਾਉਣ ਆਈ ਸੀ।'
* ਪਤਨੀ ਨਾਲ ਲੜ ਕੇ ਪਤੀ ਘਰ ਛੱਡ ਕੇ ਚਲਾ ਗਿਆ। ਗੁੱਸਾ ਸ਼ਾਂਤ ਹੋਣ 'ਤੇ ਸ਼ਾਮ ਨੂੰ ਪਤੀ ਨੇ ਪਤਨੀ ਨੂੰ ਫੋਨ ਕੀਤਾ, 'ਅੱਜ ਸਬਜ਼ੀ ਕੀ ਬਣਾਈ ਐ?' ਅੱਗੋਂ ਪਤਨੀ ਬੋਲੀ 'ਜ਼ਹਿਰ ਬਣਾਇਆ।' ਪਤੀ ਬੋਲਿਆ 'ਮੈਂ ਦੇਰ ਨਾਲ ਆਵਾਂਗਾ ਤੂੰ ਖਾ ਕੇ ਸੌਂ ਜਾਵੀਂ, ਲੜਾਈ ਤਾਂ ਚਲਦੀ ਰਹਿਣੀ ਐ।'
* ਬੱਚਾ-ਮੰਮੀ ਤੇਰਾ ਵਿਆਹ ਕੀਹਦੇ ਨਾਲ ਹੋਇਆ ਸੀ?
ਮੰਮੀ-ਮਰ ਜਾਣਿਆ ਤੇਰੇ ਪਿਓ ਨਾਲ ਹੋਇਆ ਸੀ ਹੋਰ ਕੀਹਦੇ ਨਾਲ ਹੋਣਾ।
ਬੱਚਾ-ਤੂੰ ਤਾਂ ਘਰ ਦੇ ਬੰਦੇ ਨਾਲ ਹੀ ਕਰਵਾ ਲਿਆ, ਹੋਰ ਨੀ ਲੱਭਿਆ ਕੋਈ?


-ਮਨਜੀਤ ਪਿਓਰੀ ਗਿੱਦੜਬਾਹਾ
ਨੇੜੇ ਭਾਰੂ ਗੇਟ, ਗਿੱਦੜਬਾਹਾ। ਮੋਬਾ: 94174-47986

ਬੁਝਾਰਤ-30

ਦੇਖਿਆ ਇਕ ਅਨੋਖਾ ਮੰਦਰ,
ਜਾਤ-ਪਾਤ ਨਹੀਂ ਇਸ ਦੇ ਅੰਦਰ।
ਇਕ ਨਹੀਂ ਅਨੇਕ ਪੁਜਾਰੀ,
ਜਿਨ੍ਹਾਂ 'ਤੇ ਵੱਡੀ ਜ਼ਿੰਮੇਵਾਰੀ।
ਬੁੱਝੋ ਬੱਚਿਓ ਮੰਦਰ ਕਿਹੜਾ,
ਹਰ ਪਿੰਡ, ਹਰ ਸ਼ਹਿਰ 'ਚ ਜਿਹੜਾ।
ਕਿਸੇ ਬੱਚੇ ਨਾ ਚੁੱਕਿਆ ਹੱਥ,
ਭਲੂਰੀਏ ਨੇ ਫਿਰ ਦਿੱਤਾ ਦੱਸ।
-f-
ਮਨੁੱਖੀ ਜ਼ਿੰਦਗੀ ਦਾ ਇਹ ਮੂਲ,
ਬੱਚਿਓ ਇਹ ਤਾਂ ਹੈ 'ਸਕੂਲ'।


-ਜਸਵੀਰ ਸਿੰਘ ਭਲੂਰੀਆ,
ਪਿੰਡ ਤੇ ਡਾਕ: ਭਲੂਰ (ਮੋਗਾ)।
ਮੋਬਾ: 99159-95505

ਬਾਲ ਸਾਹਿਤ

ਧਰਮ ਕੰਮੇਆਣਾ ਦੀਆਂ ਦੋ ਪ੍ਰੇਰਨਾਮਈ ਪੁਸਤਕਾਂ

ਪੰਜਾਬੀ ਗੀਤਕਾਰੀ ਵਿਚ ਮਕਬੂਲ ਧਰਮ ਸਿੰਘ ਕੰਮੇਆਣਾ ਨੇ ਪਿਛਲੇ ਕੁਝ ਅਰਸੇ ਤੋਂ ਆਪਣੀ ਕਲਮ ਦਾ ਰੁਖ਼ ਬਾਲ ਸਾਹਿਤ ਵੱਲ ਮੋੜਿਆ ਹੈ। ਉਸ ਦੀਆਂ ਦੋ ਤਾਜ਼ੀਆਂ ਪੁਸਤਕਾਂ 'ਮਿਹਨਤ ਦਾ ਫ਼ਲ' ਅਤੇ 'ਇਨਾਯਾ' ਮੇਰੇ ਸਨਮੁੱਖ ਹਨ। ਪਹਿਲੀ ਪੁਸਤਕ 'ਮਿਹਨਤ ਦਾ ਫ਼ਲ' ਬਾਲ ਨਾਵਲ ਹੈ। ਇਸ ਦਾ ਕੇਂਦਰੀ ਵਿਸ਼ਾ-ਵਸਤੂ ਇਕ ਗ਼ਰੀਬ ਵਿਦਿਆਰਥੀ ਚੇਤਨ ਦੁਆਲੇ ਘੁੰਮਦਾ ਹੈ, ਜਿਸ ਦਾ ਪਿਤਾ ਗੱਜਣ ਪਿੰਡ ਛੱਡ ਕੇ ਪਰਿਵਾਰ ਨਾਲ ਸ਼ਹਿਰ ਆ ਕੇ ਮਜ਼ਦੂਰੀ ਕਰਨ ਲੱਗਦਾ ਹੈੈ। ਚੇਤਨ ਆਪਣੀ ਭੈਣ ਸਿੰਮੀ ਵਾਂਗ ਮਿਹਨਤ, ਅਨੁਸ਼ਾਸਨ ਅਤੇ ਲਗਨ ਵਿਚ ਵਿਸ਼ਵਾਸ ਰੱਖਦਾ ਹੈ। ਕਾਲਜ ਦੀ ਪੜ੍ਹਾਈ ਪੂਰੀ ਕਰਕੇ ਉਹ ਪੀ.ਸੀ.ਐਸ. ਦੀ ਲਿਖਤੀ ਪ੍ਰੀਖਿਆ ਦਿੰਦਾ ਹੈ ਅਤੇ ਐਸ.ਡੀ.ਐਮ. ਨਿਯੁਕਤ ਹੋ ਕੇ ਸਿੱਧ ਕਰ ਦਿੰਦਾ ਹੈ ਕਿ ਸੱਚੀਂ ਦ੍ਰਿੜ੍ਹ ਨਿਸਚਾ ਕਦੇ ਅਜਾਈਂ ਨਹੀਂ ਜਾਂਦਾ। ਇਸ ਬਾਲ ਨਾਵਲ ਵਿਚਲੇ ਬਾਲ ਪਾਤਰਾਂ ਮਿੰਦੇ, ਚੇਤਨ ਅਤੇ ਸਿੰਮੀ ਦੀ ਵਾਰਤਾਲਾਪ ਉਨ੍ਹਾਂ ਦੇ ਸੁਭਾਅ ਦੇ ਅਨੁਕੂਲ ਹੈ। ਇਹ ਪੁਸਤਕ ਬਾਲ ਨਾਵਲ ਪਰੰਪਰਾ ਨੂੰ ਸਾਰਥਿਕ ਢੰਗ ਨਾਲ ਅੱਗੇ ਤੋਰਦੀ ਹੈ। ਇਸ ਪੁਸਤਕ ਦੇ 30 ਪੰਨੇ ਹਨ।
ਕੰਮੇਆਣਾ ਦੀ ਦੂਜੀ ਪੁਸਤਕ 'ਇਨਾਯਾ' ਬਾਲ ਕਵਿਤਾਵਾਂ ਨਾਲ ਸਬੰਧਿਤ ਹੈ, ਜੋ ਕਵੀ ਦੀ ਪੋਤਰੀ ਹੈ। ਇਸ ਪੁਸਤਕ ਵਿਚ ਨੰਨ੍ਹੇ ਬਾਲ ਮਾਸੂਮ ਭਾਵਨਾਵਾਂ ਅਤੇ ਇੱਛਾਵਾਂ ਦਾ ਪ੍ਰਗਟਾਵਾ ਕਰਦੇ ਵਿਖਾਈ ਦਿੰਦੇ ਹਨ। ਜੇਕਰ ਇਨਾਯਾ ਘਰ ਦੀ ਰੌਣਕ ਹੈ ਤਾਂ 'ਮੇਰਾ ਵੀਰਾ' ਕਵਿਤਾ ਵਿਚ ਨਿੱਕੀ ਭੈਣ ਆਪਣੇ ਭਰਾ ਨਾਲ ਲਾਡ ਲਡਾਉਂਦੀ ਖੀਵੀ ਹੁੰਦੀ ਨਜ਼ਰ ਆਉਂਦੀ ਹੈ। ਕਵੀ ਨੇ 'ਪੰਛੀ', 'ਰੁੱਖ', 'ਪਹਾੜਾਂ ਦੀ ਸੈਰ' ਅਤੇ 'ਸਾਡੀ ਬਗੀਚੀ' ਆਦਿ ਕਵਿਤਾਵਾਂ ਦੇ ਮਾਧਿਅਮ ਦੁਆਰਾ ਚੌਗਿਰਦੇ ਅਤੇ ਕੁਦਰਤੀ ਸਰੋਤਾਂ ਦੀ ਸਾਂਭ-ਸੰਭਾਲ ਦਾ ਕਾਰਗਰ ਸੁਨੇਹਾ ਦਿੱਤਾ ਹੈ। 'ਰਿਸ਼ਤੇ' ਕਵਿਤਾ ਪੰਜਾਬੀ ਸੱਭਿਆਚਾਰ ਦੇ ਉਨ੍ਹਾਂ ਪੁਰਾਣੇ ਸਮਾਜਿਕ ਰਿਸ਼ਤੇ-ਨਾਤਿਆਂ ਨੂੰ ਉਜਾਗਰ ਕਰਦੀ ਹੈ, ਜਿਨ੍ਹਾਂ ਨੂੰ 'ਅੰਕਲ ਤੇ ਆਂਟੀ' ਵਰਗੇ ਅੰਗਰੇਜ਼ੀ ਰਿਸ਼ਤੇ ਖਾ ਗਏ ਹਨ। ਇਸ ਪੁਸਤਕ ਦੇ ਕੁੱਲ 40 ਪੰਨੇ ਹਨ। ਇਨ੍ਹਾਂ ਦੋਵਾਂ ਪੁਸਤਕਾਂ ਦੇ ਮੁੱਖ ਚਿੱਤਰ ਬਾਲ ਮਨ ਨੂੰ ਪਹਿਲੀ ਨਜ਼ਰ ਤੋਂ ਹੀ ਲੁਭਾਉਂਦੇ ਹਨ ਅਤੇ ਮਾਸੂਮੀਅਤ ਦੇ ਪ੍ਰਤੀਕ ਹਨ ਦੋਵਾਂ ਪੁਸਤਕਾਂ ਦੀ ਪ੍ਰਤੀ ਕਾਪੀ ਕੀਮਤ 100 ਰੁਪਏ ਹੈ। ਇਹ ਪੁਸਤਕਾਂ ਸਨਾਵਰ ਪਬਲੀਕੇਸ਼ਨ, ਪਟਿਆਲਾ ਵਲੋਂ ਛਾਪੀਆਂ ਗਈਆਂ ਹਨ।


ਸੰਪਰਕ : 98760-62229
-ਦਰਸ਼ਨ ਸਿੰਘ 'ਆਸ਼ਟ' (ਡਾ:)
ਮੋਬਾ: 98144-23703

ਕਵਿਤਾ

ਬਚਪਨ

ਬਚਪਨ ਦੀਆਂ ਮੌਜਾਂ ਬੱਚਿਓ,
ਸਾਰੇ ਰਲ-ਮਿਲ ਕੇ ਮਨਾਉਂਦੇ ਨੇ।
ਕਿਸੇ ਦੀ ਰੋਕ-ਟੋਕ ਨਹੀਂ ਚਲਦੀ,
ਬੱਚੇ ਆਪਣੇ ਮਨ ਦੀਆਂ ਕਰਦੇ ਨੇ।
ਪੜ੍ਹਾਈ ਦੀ ਕੋਈ ਪ੍ਰਵਾਹ ਨਹੀਂ ਕਰਦੇ,
ਖੇਡਾਂ ਖੇਡ ਕੇ ਮਨ ਆਪਣਾ ਪ੍ਰਚਾਉਂਦੇ ਨੇ।
ਬਚਪਨ ਦੀਆਂ ਮੌਜਾਂ ਬੱਚਿਓ...
ਬੱਚੇ ਤਾਂ ਰੱਬ ਦਾ ਰੂਪ ਹੁੰਦੇ ਨੇ
ਕਹਿੰਦੇ ਲੋਕ ਸਿਆਣੇ ਨੇ।
ਵੱਡਿਆਂ ਦਾ ਦਿਲ ਛੂਹ ਕੇ ਇਹ
ਪਿਆਰ ਸਭ ਦਾ ਪਾਉਂਦੇ ਨੇ।
ਬਚਪਨ ਦੀਆਂ ਮੌਜਾਂ ਬੱਚਿਓ...


-ਹਰਜੋਤ ਕੌਰ,
ਜਮਾਤ 9ਵੀਂ (ਬੀ), ਸ: ਸੀ: ਸੈ: ਸਕੂਲ, ਲਮੀਣ (ਹੁਸ਼ਿਆਰਪੁਰ)।

ਗਿਆਨ-ਵਿਗਿਆਨ ਦੀਆਂ ਗੱਲਾਂ

1. ਮਾਚਿਸ ਦੀ ਡੱਬੀ 'ਤੇ ਕੀ ਲਗਾਇਆ ਜਾਂਦਾ ਹੈ?
2. ਪਾਣੀ ਕਿਨ੍ਹਾਂ ਗੈਸਾਂ ਨਾਲ ਮਿਲ ਕੇ ਬਣਦਾ ਹੈ?
3. ਘੜੀ ਦੇ ਅੰਦਰ ਹਨੇਰੇ ਵਿਚ ਚਮਕਣ ਵਾਲਾ ਕੀ ਹੁੰਦਾ ਹੈ?
4. ਥਰਮਾਮੀਟਰ ਵਿਚ ਕੀ ਭਰਿਆ ਹੁੰਦਾ ਹੈ?
5. ਸਭ ਤੋਂ ਜ਼ਹਿਰੀਲੀ ਮੱਛੀ ਕਿਹੜੀ ਹੁੰਦੀ ਹੈ?
6. ਸਭ ਤੋਂ ਖ਼ਤਰਨਾਕ ਮੱਛੀ ਕਿਹੜੀ ਹੁੰਦੀ ਹੈ?
7. ਕਿਸ ਪੰਛੀ ਦਾ ਆਂਡਾ ਸਭ ਤੋਂ ਵੱਡਾ ਹੁੰਦਾ ਹੈ?
8. ਬਿਜਲੀ ਦੇ ਬਲਬ ਵਿਚ ਕਿਹੜੀ ਗੈਸ ਭਰੀ ਹੁੰਦੀ ਹੈ?
9. ਉਹ ਕਿਹੜੀ ਜਗ੍ਹਾ ਹੈ, ਜਿਥੇ ਦਿਨ ਵਿਚ ਵੀ ਤਾਰੇ ਦਿਖਾਈ ਦਿੰਦੇ ਹਨ?
10. ਸਭ ਤੋਂ ਮਹਿੰਗੀ ਧਾਤ ਕਿਹੜੀ ਹੈ?
11. ਉਹ ਕਿਹੜਾ ਪੰਛੀ ਹੈ, ਜੋ ਮੀਲਾਂ ਦੂਰੋਂ ਆਪਣਾ ਸ਼ਿਕਾਰ ਦੇਖ ਲੈਂਦਾ ਹੈ?
ਉੱਤਰ : (1) ਰੈੱਡ ਫਾਸਫੋਰਸ, (2) ਹਾਈਡ੍ਰੋਜਨ ਤੇ ਆਕਸੀਜਨ, (3) ਰੇਡੀਅਮ, (4) ਪਾਰਾ, (5) ਸਟੋਨਫਿਸ਼, (6) ਸ਼ਾਰਕ, (7) ਸ਼ੁਤਰਮੁਰਗ, (8) ਨਾਈਟ੍ਰੋਜਨ ਗੈਸ, (9) ਪੁਲਾੜ, (10) ਹੀਰਾ, (11) ਬਾਜ।


-ਬਲਵਿੰਦਰਜੀਤ ਕੌਰ,
ਪਿੰਡ ਚੱਕਲਾਂ (ਰੋਪੜ)।

ਬਾਲ ਕਹਾਣੀ: ਮਿਹਨਤ ਹੀ ਸਫ਼ਲਤਾ ਦੀ ਕੁੰਜੀ

ਪਿਆਰੇ ਬੱਚਿਓ, ਰਾਹੁਲ ਛੇਵੀਂ ਕਲਾਸ ਵਿਚ ਪੜ੍ਹਦਾ ਸੀ | ਉਹ ਹਰ ਕੰਮ ਸੌਖੇ ਅਤੇ ਛੇਤੀ ਕਰਨਾ ਚਾਹੁੰਦਾ ਸੀ | ਉਸ ਨੂੰ ਕੋਈ ਵੀ ਅਜਿਹਾ ਕੰਮ, ਜਿਸ ਵਿਚ ਮਿਹਨਤ ਲਗਦੀ ਹੋਵੇ ਜਾਂ ਲੰਬਾ ਸਮਾਂ ਲਗਦਾ ਹੋਵੇ, ਕਰਨਾ ਪਸੰਦ ਨਹੀਂ ਸੀ |
ਰਾਹੁਲ ਦੇ ਪੇਪਰ ਕੁਝ ਹੀ ਦਿਨਾਂ ਵਿਚ ਸ਼ੁਰੂ ਹੋਣੇ ਸਨ | ਉਹ ਲਗਾਤਾਰ ਟਿਕ ਕੇ ਪੜ੍ਹ ਨਹੀਂ ਸੀ ਸਕਦਾ | ਉਹ ਸੋਚਦਾ ਸੀ ਕਿ ਜੇ ਕੋਈ ਅਜਿਹਾ ਤਰੀਕਾ ਮਿਲ ਜਾਵੇ, ਜਿਸ ਨਾਲ ਬਿਨਾਂ ਮਿਹਨਤ ਕੀਤਿਆਂ ਉਹ ਪਾਸ ਹੋ ਜਾਵੇ ਤਾਂ ਵਧੀਆ |
ਰਾਹੁਲ ਇਹੋ ਸੋਚਦਾ-ਸੋਚਦਾ ਸੱਥ ਵਿਚ ਪਹੁੰਚ ਜਾਂਦਾ ਹੈ, ਜਿਥੇ ਕਈ ਬਜ਼ੁਰਗ ਬੈਠੇ ਗੱਲਾਂ ਕਰ ਰਹੇ ਸਨ | ਰਾਹੁਲ ਉਨ੍ਹਾਂ ਕੋਲ ਜਾਂਦਾ ਹੈ ਤੇ ਕਹਿੰਦਾ ਹੈ ਕਿ ਮੈਨੂੰ ਕੁਝ ਅਜਿਹਾ ਦੱਸੋ, ਜਿਸ ਨਾਲ ਮੈਂ ਵਧੀਆ ਨੰਬਰ ਲੈ ਕੇ ਪਾਸ ਹੋ ਜਾਵਾਂ | ਇਕ ਬਜ਼ੁਰਗ, ਇਕ ਪੇਪਰ ਉੱਪਰ ਉਸ ਨੂੰ ਕੁਝ ਲਿਖ ਕੇ ਦਿੰਦਾ ਹੈ ਅਤੇ ਕਹਿੰਦਾ ਹੈ ਕਿ ਇਸ ਪਰਚੀ ਉੱਪਰ ਜੋ ਲਿਖਿਆ ਹੈ, ਉਸ ਨਾਲ ਤੰੂ ਜ਼ਰੂਰ ਪਾਸ ਹੋ ਜਾਵੇਂਗਾ | ਰਾਹੁਲ ਖੁਸ਼ੀ ਵਿਚ ਨੱਚ ਉੱਠਿਆ, ਉਸ ਨੂੰ ਲੱਗਾ ਕਿ ਉਸ ਨੂੰ ਹੁਣ ਪੜ੍ਹਨ ਦੀ ਕੋਈ ਲੋੜ ਹੀ ਨਹੀਂ, ਉਸ ਨੇ ਪਾਸ ਤਾਂ ਹੋ ਹੀ ਜਾਣਾ ਹੈ |
ਪੇਪਰ ਹੋ ਗਏ, ਨਤੀਜਾ ਆ ਗਿਆ ਅਤੇ ਰਾਹੁਲ ਫੇਲ੍ਹ ਹੋ ਗਿਆ | ਰਾਹੁਲ ਨੂੰ ਬਹੁਤ ਬੁਰਾ ਲੱਗਾ | ਉਸ ਦੇ ਅਧਿਆਪਕ ਨੇ ਉਸ ਨੂੰ ਰੋਕ ਕੇ ਪੱੁਛਿਆ ਕਿ ਤੰੂ ਕਿਉਂ ਨਹੀਂ ਪੜਿ੍ਹਆ ਤਾਂ ਰਾਹੁਲ ਉਹ ਪਰਚੀ ਵਾਲੀ ਗੱਲ ਦੱਸ ਦਿੰਦਾ ਹੈ | ਰਾਹੁਲ ਦੇ ਅਧਿਆਪਕ ਨੇ ਕਿਹਾ ਕਿ ਤੰੂ ਉਹ ਪਰਚੀ ਖੋਲ੍ਹ ਕੇ ਦੇਖੀ ਸੀ? ਤਾਂ ਰਾਹੁਲ ਨੇ ਨਾਂਹ ਵਿਚ ਸਿਰ ਹਿਲਾਇਆ | ਰਾਹੁਲ ਨੇ ਉਹ ਪਰਚੀ ਅਧਿਆਪਕ ਨੂੰ ਫੜਾ ਦਿੱਤੀ | ਅਧਿਆਪਕ ਨੇ ਪਰਚੀ ਖੋਲ੍ਹੀ ਅਤੇ ਪੜ੍ਹ ਲਈ ਅਤੇ ਫਿਰ ਰਾਹੁਲ ਅੱਗੇ ਕਰ ਦਿੱਤੀ ਕਿ ਤੰੂ ਵੀ ਦੇਖ ਲੈ ਕਿ ਕੀ ਲਿਖਿਆ ਇਸ ਪਰਚੀ ਵਿਚ?
ਰਾਹੁਲ ਦੀ ਹੈਰਾਨੀ ਦੀ ਹੱਦ ਨਾ ਰਹੀ ਜਦ ਉਸ ਨੇ ਪਰਚੀ ਪੜ੍ਹੀ, ਕਿਉਂਕਿ ਪਰਚੀ 'ਤੇ ਲਿਖਿਆ ਸੀ ਕਿ, 'ਮਿਹਨਤ ਹੀ ਸਫ਼ਲਤਾ ਦੀ ਕੁੰਜੀ ਹੈ |'

-ਪਿੰਡ ਤੇ ਡਾਕ: ਢੱੁਡੀਕੇ (ਮੋਗਾ)-142053. ਮੋਬਾ: 99146-89690

ਆਓ ਗੋਲਾ ਕਬੂਤਰ ਬਾਰੇ ਜਾਣੀਏ

ਪਿਆਰੇ ਬੱਚਿਓ, ਗੋਲਾ ਕਬੂਤਰ ਘੁੱਗੀਆਂ-ਕਬੂਤਰਾਂ ਦੇ ਟੱਬਰ ਦਾ ਇਕ ਪੰਛੀ ਹੈ | ਅੰਗਰੇਜ਼ੀ ਵਿਚ ਇਸ ਨੂੰ ਰਾਕ ਡਵ ਜਾਂ ਰਾਕ ਪਿਜਨ ਆਖਦੇ ਹਨ ਪਰ ਪੰਜਾਬੀ ਵਿਚ ਆਮ ਤੌਰ 'ਤੇ ਲੋਕ ਇਸ ਨੂੰ ਕਬੂਤਰ ਹੀ ਆਖਦੇ ਹਨ | ਇਸ ਦਾ ਵਿਗਿਆਨਕ ਨਾਂਅ ਕੋਲੰਬਾ ਲਿਵੀਆ ਹੈ | ਗੋਲਾ ਕਬੂਤਰ ਯੂਰਪ, ਉੱਤਰੀ ਅਫ਼ਰੀਕਾ ਤੇ ਦੱਖਣੀ ਏਸ਼ੀਆ ਦੇ ਕਈ ਦੇਸ਼ਾਂ ਵਿਚ ਪਾਇਆ ਜਾਂਦਾ ਹੈ | ਇਲਾਕੇ ਦੇ ਹਿਸਾਬ ਨਾਲ ਇਸ ਦੇ ਰੰਗ ਵਿਚ ਥੋੜ੍ਹਾ-ਬਹੁਤਾ ਫ਼ਰਕ ਪੈ ਜਾਂਦਾ ਹੈ | ਗੋਲਾ ਕਬੂਤਰ ਘਰਾਂ ਦੇ ਬਨੇਰਿਆਂ, ਰੌਸ਼ਨਦਾਨਾਂ, ਪੁਰਾਣੀਆਂ ਇਮਾਰਤਾਂ ਵਿਚ ਦੇਖਣ ਨੂੰ ਮਿਲਦਾ ਹੈ | ਇਸ ਪੰਛੀ ਦਾ ਰੰਗ ਨੀਲਾ-ਸਲੇਟੀ ਰੰਗਾ ਹੁੰਦਾ ਹੈ | ਧੌਣ ਤੋਂ ਇਸ ਦਾ ਰੰਗ ਐਨਾ ਲਿਸ਼ਕਵਾਂ ਗੂੜ੍ਹਾ ਹੁੰਦਾ ਹੈ ਕਿ ਧੁੱਪ ਵਿਚ ਨੀਲੀ, ਹਰੀ ਅਤੇ ਜਾਮਨੀ ਰੰਗਾਂ ਦੀ ਰਲੀ-ਮਿਲੀ ਭਾਅ ਮਾਰਦਾ ਹੈ | ਇਹ ਰੰਗ ਧੌਣ 'ਤੇ ਤੇਜ਼ ਰੌਸ਼ਨੀ ਪੈਣ ਨਾਲ ਉੱਭਰਦੇ ਰਹਿੰਦੇ ਹਨ | ਇਸ ਦਾ ਲੱਕ ਥੋੜ੍ਹਾ ਜਿਹਾ ਚਿੱਟਾ ਹੁੰਦਾ ਹੈ, ਜਿਸ ਉੱਤੇ ਦੋ ਕਾਲੀਆਂ ਧਾਰੀਆਂ ਹੁੰਦੀਆਂ ਹਨ | ਗੋਲਾ ਕਬੂਤਰ ਦੀਆਂ ਅੱਖਾਂ ਲਾਲ, ਚੁੰਝ ਸੁਰਮਈ ਅਤੇ ਪੌਾਹਚੇ ਗੂੜ੍ਹੇ ਗੁਲਾਬੀ ਲਾਲ ਹੁੰਦੇ ਹਨ | ਇਹ ਇਕ ਅਜਿਹਾ ਪੰਛੀ ਹੈ, ਜੋ ਰਹਿਣ-ਸਹਿਣ ਦੇ ਮਾਮਲੇ ਵਿਚ ਬਹੁਤ ਖੁੱਲ੍ਹਾ-ਡੁੱਲ੍ਹਾ ਹੈ | ਭਾਵੇਂ ਕਿਸੇ ਤਰ੍ਹਾਂ ਦੀ ਵੀ ਥਾਂ ਹੋਵੇ, ਇਹ ਆਪਣਾ ਗੁਜ਼ਾਰਾ ਕਰ ਲੈਂਦਾ ਹੈ | ਇਹ ਇਕ ਝੁੰਡ ਵਿਚ ਜਾਂ ਇਕੱਲੇ ਹੀ ਦੂਰ ਦੇ ਖੇਤਾਂ ਵਿਚ ਚੁਗਣ ਚਲੇ ਜਾਂਦੇ ਹਨ ਤੇ ਸ਼ਾਮ ਹੁੰਦਿਆਂ ਹੀ ਆਪਣੇ ਆਲ੍ਹਣੇ 'ਚ ਆ ਜਾਂਦੇ ਹਨ | ਫ਼ਸਲਾਂ ਦੇ ਬੀਅ, ਦਾਣੇ, ਕੀੜੇ-ਮਕੌੜੇ, ਬਰੈੱਡ, ਫੁੱਲੇ ਇਨ੍ਹਾਂ ਦੀ ਖੁਰਾਕ ਹੈ | 15 ਸਾਲ ਦੀ ਉਮਰ ਤੱਕ ਜਿਊਾਦਾ ਰਹਿਣ ਵਾਲੇ ਇਸ ਕਬੂਤਰ ਨੂੰ ਮਨੁੱਖਾਂ ਤੋਂ ਕੋਈ ਡਰ-ਭੈਅ ਨਹੀਂ ਹੁੰਦਾ ਤੇ ਇਹ ਉੱਥੇ ਹੀ ਆਪਣਾ ਆਲ੍ਹਣਾ ਪਾਉਂਦਾ ਹੈ, ਜਿੱਥੇ ਮਨੁੱਖ ਦਾ ਰੈਣ ਬਸੇਰਾ ਹੁੰਦਾ ਹੈ | ਬਿੱਲੀ ਨੂੰ ਦੇਖ ਕੇ ਭਾਵੇਂ ਇਹ ਅੱਖਾਂ ਮੀਚ ਲੈਂਦਾ ਹੈ ਪਰ ਇਹ ਕਬੂਤਰ ਦੇਖਣ 'ਚ ਬਹੁਤ ਸੋਹਣਾ (ਗੋਲਾ ਨਹੀਂ ਬੀਬਾ) ਲਗਦਾ ਹੈ |
ਨਰ ਤੇ ਮਾਦਾ ਵੇਖਣ ਨੂੰ ਦੋਵੇਂ ਇਕੋ ਜਿਹੇ ਹੀ ਜਾਪਦੇ ਹਨ, ਪਰ ਮਾਦਾ ਦੀ ਧੌਣ ਦੇ ਰੰਗ 'ਚ ਥੋੜ੍ਹਾ ਜਿਹਾ ਫ਼ਰਕ ਹੁੰੰਦਾ ਹੈ | ਇਸ ਦੀ ਲੰਬਾਈ 29 ਤੋਂ 37 ਸੈਂ:ਮੀ:, ਭਾਰ 380 ਗ੍ਰਾਮ ਤੇ ਪਰਾਂ ਦਾ ਫੈਲਾਅ 62 ਤੋਂ 72 ਸੈਂ:ਮੀ: ਹੁੰਦਾ ਹੈ | ਇਸ ਦਾ ਇਕ ਪਰ ਸਾਢੇ ਨੌਾ ਤੋਂ ਗਿਆਰਾਂ ਸੈਂ:ਮੀ: ਤੇ ਚੁੰਝ 1.8 ਸੈਂ:ਮੀ: ਤੋਂ 3.5 ਸੈਂ:ਮੀ: ਹੁੰਦੀ ਹੈ | ਇਹ ਕਬੂਤਰ ਆਂਡੇ ਦੇਣ ਲਈ ਆਲ੍ਹਣਾ ਚਟਾਨਾਂ ਦੀਆਂ ਵਿੱਥਾਂ, ਮਕਾਨਾਂ ਜਾਂ ਸ਼ਹਿਰੀ ਇਮਾਰਤਾਂ ਵਿਚ ਬਣਾਉਂਦੇ ਹਨ | ਮਾਦਾ ਇਕ ਵਾਰ ਦੋ ਚਿੱਟੇ ਆਂਡੇ ਦਿੰਦੀ ਹੈ, ਜਿਨ੍ਹਾਂ ਨੂੰ ਨਰ ਤੇ ਮਾਦਾ ਦੋਵੇਂ ਵਾਰੋ-ਵਾਰੀ ਉੱਤੇ ਬਹਿ ਕੇ ਪਾਲਦੇ ਹਨ | 17 ਤੋਂ 19 ਦਿਨ ਆਂਡੇ ਸੇਕਣ ਮਗਰੋਂ ਬੋਟ ਨਿਕਲਦੇ ਹਨ | ਨਰ ਤੇ ਮਾਦਾ ਆਪਣੇ ਬੱਚਿਆਂ ਨੂੰ ਇਕ ਤਰਲ ਪਦਾਰਥ ਪਿਜਨ ਜਾਂ ਮਿਲਕ ਦਿੰਦੇ ਹਨ | ਬੋਟ ਆਂਡਿਆਂ 'ਚੋਂ ਨਿਕਲਣ ਦੇ 25 ਤੋਂ 26 ਦਿਨਾਂ ਬਾਅਦ ਉਡਾਰੀ ਮਾਰ ਜਾਂਦੇ ਹਨ | ਨਰ ਤੇ ਮਾਦਾ ਸਾਰਾ ਸਾਲ ਆਂਡੇ ਦਿੰਦੇ ਰਹਿੰਦੇ ਹਨ, ਬੱਚਿਆਂ ਦੀ ਦੇਖਭਾਲ ਕਰਦੇ ਹਨ ਤੇ ਆਂਡੇ ਦੇਣ ਲਈ ਹਰ ਵਾਰ ਇਕੋ ਆਲ੍ਹਣਾ ਵਰਤਦੇ ਹਨ | ਭਾਵੇਂ ਕਿੰਨਾ ਵੀ ਘੁੱਗ ਵਸਦਾ ਸ਼ਹਿਰ, ਬਾਜ਼ਾਰ ਜਾਂ ਪਿੰਡਾਂ 'ਚ ਖਾਲੀ ਪਈਆਂ ਕੋਠੀਆਂ, ਪੁਰਾਣੀਆਂ ਇਮਾਰਤਾਂ, ਰੌਸ਼ਨਦਾਨਾਂ, ਵਰਾਂਡਿਆਂ ਦੀਆਂ ਛੱਤਾਂ ਹੋਣ, ਇਹ ਬੜੀ ਮਿਹਨਤ ਨਾਲ ਤੀਲ੍ਹਾ-ਤੀਲ੍ਹਾ ਜੋੜ ਕੇ ਆਪਣਾ ਆਲ੍ਹਣਾ ਬਣਾ ਲੈਂਦੇ ਅਤੇ ਉੱਥੇ ਆਰਾਮ ਨਾਲ ਰਹਿੰਦੇ ਹਨ | ਹੁਣ ਘਰਾਂ ਵਿਚ ਪਾਲਤੂ ਕਬੂਤਰ ਰੱਖਣ ਦਾ ਸ਼ੌਾਕ ਵੀ ਘਟ ਗਿਆ ਹੈ ਤੇ ਅੱਜ ਦੇ ਆਧੁਨਿਕ ਯੁੱਗ ਵਿਚ ਚਿੱਠੀਆਂ ਭੇਜਣ ਲਈ ਹੁਣ ਕਬੂਤਰ ਨਹੀਂ ਵਰਤੇ ਜਾਂਦੇ | ਅੱਜ ਦੇ ਸਮੇਂ ਪ੍ਰਦੂਸ਼ਤ ਵਾਤਾਵਰਨ ਹੋਣ ਕਰਕੇ ਗੋਲੇ ਕਬੂਤਰ ਪਹਿਲਾਂ ਨਾਲੋਂ ਘਟ ਗਏ ਹਨ |

-ਪਿੰਡ ਸੋਹੀਆਂ, ਡਾਕ: ਚੀਮਾਂ ਖੁੱਡੀ, ਜ਼ਿਲ੍ਹਾ ਗੁਰਦਾਸਪੁਰ |

ਆਓ ਜਾਣੀਏ ਫੈਕਸ ਮਸ਼ੀਨ ਬਾਰੇ

ਪਿਆਰੇ ਬੱਚਿਓ, ਤੁਸੀਂ ਸਕੂਲਾਂ, ਕਾਲਜਾਂ, ਬੈਂਕਾਂ, ਸਰਕਾਰੀ ਅਤੇ ਪ੍ਰਾਈਵੇਟ ਦਫ਼ਤਰਾਂ ਵਿਚ ਫੈਕਸ ਮਸ਼ੀਨ ਜ਼ਰੂਰ ਦੇਖੀ ਹੋਵੇਗੀ | ਇਸ ਮਸ਼ੀਨ ਦੁਆਰਾ ਅਸੀਂ ਕਿਸੇ ਵੀ ਦਸਤਾਵੇਜ਼, ਗਰਾਫ, ਫੋਟੋ ਨੂੰ ਇਕ ਥਾਂ ਤੋਂ ਦੂਜੀ ਥਾਂ ਬਹੁਤ ਹੀ ਛੇਤੀ ਭੇਜ ਸਕਦੇ ਹਾਂ | ਕਿਸੇ ਨੂੰ ਦਸਤਾਵੇਜ਼ ਭੇਜਣ ਲਈ ਉਸ ਦੇ ਦਫ਼ਤਰ ਵਿਚ ਵੀ ਫੈਕਸ ਮਸ਼ੀਨ ਹੋਣਾ ਜ਼ਰੂਰੀ ਹੈ | ਇਸ ਮਸ਼ੀਨ ਨੂੰ ਚਲਾਉਣ ਲਈ ਤੁਹਾਡੇ ਕੋਲ ਟੈਲੀਫੋਨ ਕੁਨੈਕਸ਼ਨ ਹੋਣਾ ਚਾਹੀਦਾ ਹੈ |
ਇਸ ਮਸ਼ੀਨ ਦੀ ਖੋਜ ਐਲਕਸਅੰਡਰ ਬੇਨ ਨੇ 1843 ਈ: ਵਿਚ ਕੀਤੀ | ਫੈਕਸ ਮਸ਼ੀਨ ਉੱਪਰ ਕੀ-ਬੋਰਡ ਹੁੰਦਾ ਹੈ, ਜਿਸ ਉੱਪਰ 0 ਤੋਂ 9 ਤੱਕ ਅੰਕ ਅਤੇ ਅੰਗਰੇਜ਼ੀ ਦੇ 'ਏ' ਤੋਂ 'ਜ਼ੈੱਡ' ਸ਼ਬਦ ਹੁੰਦੇ ਹਨ, ਜਿਨ੍ਹਾਂ ਰਾਹੀਂ ਕੋਈ ਵੀ ਡਾਟਾ ਫੀਡ ਕੀਤਾ ਜਾ ਸਕਦਾ ਹੈ | ਇਸ ਉੱਪਰ ਇਕ ਡਿਸਪਲੇਅ ਪੈਨਲ ਹੁੰਦਾ ਹੈ | ਜਦੋਂ ਕਿਸੇ ਨੇ ਫੈਕਸ ਭੇਜਣੀ ਹੋਵੇ ਤਾਂ ਇਸ ਉੱਪਰ 'ਸੈਂਡਿੰਗ ਪੇਜ' ਆਉਂਦਾ ਹੈ ਅਤੇ ਜਦੋਂ ਫੈਕਸ ਪ੍ਰਾਪਤ ਕਰਨੀ ਹੋਵੇ ਤਾਂ 'ਰਿਸੀਵਿੰਗ ਪੇਜ' ਆਉਂਦਾ ਹੈ | ਇਕ ਬਟਨ ਸਟਾਰਟ ਕਰਨ ਲਈ ਹੁੰਦਾ ਹੈ, ਜਿਸ ' ਫੈਕਸ ਪ੍ਰਾਪਤ ਕਰਨ ਜਾਂ ਭੇਜਣ ਲੱਗਿਆਂ ਦਬਾ ਦਿੱਤਾ ਜਾਂਦਾ ਹੈ | ਇਸ ਬਟਨ ਤੋਂ ਹੀ ਫੈਕਸ ਟੋਨ ਦਿੱਤੀ ਜਾਂ ਪ੍ਰਾਪਤ ਕੀਤੀ ਜਾਂਦੀ ਹੈ | ਇਕ ਬਟਨ ਆਟੋ ਰਿਸੀਵ ਦਾ ਲੱਗਾ ਹੁੰਦਾ ਹੈ, ਜਿਸ ਨੂੰ ਦਬਾਉਣ ਨਾਲ ਲਾਲ ਲਾਈਟ ਜਗ ਪੈਂਦੀ ਹੈ, ਜਿਸ ਦਾ ਮਤਲਬ ਹੈ ਕਿ ਫੈਕਸ ਆਉਣੀ ਸ਼ੁਰੂ ਹੋ ਗਈ ਹੈ | ਫੈਕਸ ਮਸ਼ੀਨ ਉੱਪਰ ਇਕ ਬਟਨ ਸਪੀਕਰ ਦਾ ਲੱਗਾ ਹੁੰਦਾ ਹੈ, ਜਿਸ ਰਾਹੀਂ ਅਸੀਂ ਗੱਲਬਾਤ ਵੀ ਕਰ ਸਕਦੇ ਹਾਂ |
ਫੈਕਸ ਮਸ਼ੀਨ ਦਾ ਪਿਛਲਾ ਢੱਕਣ ਖੋਲ੍ਹ ਕੇ ਇਸ ਵਿਚ ਕਾਗਜ਼ ਦਾ ਰੋਲ ਪਾ ਦਿੱਤਾ ਜਾਂਦਾ ਹੈ ਅਤੇ ਫੈਕਸ ਮਸ਼ੀਨ ਦੇ ਅਗਲੇ ਪਾਸੇ ਰਾਹੀਂ ਇਹ ਕਾਗਜ਼ ਪਿੰ੍ਰਟ ਹੋ ਕੇ ਬਾਹਰ ਨਿਕਲ ਆਉਂਦਾ ਹੈ | ਇਹ ਸਾਰੀ ਗਤੀਵਿਧੀ ਪਿੰ੍ਰਟਿੰਗ ਲੇਜ਼ਰ ਰਾਹੀਂ ਹੁੰਦੀ ਹੈ | ਇਹ ਪਿੰ੍ਰਟ 2-3 ਮਿੰਟ ਵਿਚ ਹੀ ਸੱੁਕ ਜਾਂਦਾ ਹੈ ਪਰ ਇਸ ਪਿੰ੍ਰਟ ਦੀ ਲਾਈਫ 2-3 ਮਹੀਨੇ ਹੀ ਹੁੰਦੀ ਹੈ | ਇਸ ਲਈ ਪਿੰ੍ਰਟ ਦੀ ਫੋਟੋ ਕਾਪੀ ਕਰ ਲੈਣੀ ਚਾਹੀਦੀ ਹੈ ਤਾਂ ਕਿ ਇਸ ਨੂੰ ਲੰਬੇ ਸਮੇਂ ਲਈ ਵਰਤਿਆ ਜਾ ਸਕੇ |
ਬੱਚਿਓ, ਫੈਕਸ ਮਸ਼ੀਨ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਦੁਨੀਆ ਦੇ ਕਿਸੇ ਕੋਨੇ ਵਿਚ ਕੋਈ ਵੀ ਸੂਚਨਾ ਪਿੰ੍ਰਟ ਰੂਪ ਵਿਚ ਕੁਝ ਕੁ ਸਕਿੰਟਾਂ ਵਿਚ ਪਹੁੰਚ ਜਾਂਦੀ ਹੈ | ਦੂਜਾ ਇਸ ਮਸ਼ੀਨ ਨੂੰ ਟੈਲੀਫੋਨ ਦੇ ਤੌਰ 'ਤੇ ਵੀ ਵਰਤਿਆ ਜਾ ਸਕਦਾ ਹੈ | ਇਸ ਮਸ਼ੀਨ ਨੂੰ ਫੋਟੋ ਸਟੈਟ ਦੇ ਤੌਰ 'ਤੇ ਵੀ ਵਰਤੋਂ ਵਿਚ ਲਿਆਂਦਾ ਜਾ ਸਕਦਾ ਹੈ | ਇਸ ਕਰਕੇ ਇਸ ਮਸ਼ੀਨ ਦੀ ਵਰਤੋਂ ਅੱਜਕਲ੍ਹ ਹਰੇਕ ਦਫ਼ਤਰ ਵਿਚ ਹੋ ਰਹੀ ਹੈ |

-ਮੋਗਾ | ਮੋਬਾ: 94170-05183

ਅਨਮੋਲ ਬਚਨ

• ਦੋ ਚੀਜ਼ਾਂ ਦੀ ਗਿਣਤੀ ਕਰਨੀ ਛੱਡ ਦਿਓ, ਆਪਣਾ ਦੱੁਖ ਤੇ ਦੂਜਿਆਂ ਦਾ ਸੱੁਖ, ਜ਼ਿੰਦਗੀ ਸੌਖੀ ਹੋ ਜਾਵੇਗੀ |
• ਜਿਵੇਂ-ਜਿਵੇਂ ਉਮਰ ਬੀਤ ਰਹੀ ਹੈ, ਅਹਿਸਾਸ ਹੋਣ ਲਗਦਾ ਹੈ ਕਿ ਮਾਂ-ਬਾਪ ਹਰ ਚੀਜ਼ ਦੇ ਬਾਰੇ ਸਹੀ ਕਹਿੰਦੇ ਸੀ |
• ਕਦੇ ਵੀ ਪਿਤਾ ਦੀ ਝਿੜਕ ਦਾ ਬੁਰਾ ਨਾ ਮੰਨੋ, ਕਿਉਂਕਿ ਕੁਝ ਇਸ ਝਿੜਕ ਲਈ ਤਰਸ ਜਾਂਦੇ ਹਨ |
• ਲੋਕਾਂ ਨੂੰ ਓਨੀ ਹੀ ਇੱਜ਼ਤ ਦਿਓ, ਜਿਸ ਨਾਲ ਤੁਹਾਡੀ ਆਪਣੀ ਘੱਟ ਨਾ ਹੋਵੇ, ਜ਼ਿਆਦਾ ਇੱਜ਼ਤ ਦੇਣ ਨਾਲ ਕੁਝ ਲੋਕ ਸਿਰ 'ਤੇ ਚੜ੍ਹ ਜਾਂਦੇ ਹਨ |
• ਦੁਨੀਆ ਵਿਚ ਕੋਈ ਵੀ ਚੀਜ਼ ਏਨੀ ਛੇਤੀ ਨਹੀਂ ਬਦਲਦੀ, ਜਿੰਨੀ ਛੇਤੀ ਇਨਸਾਨ ਦੀ ਨੀਯਤ ਤੇ ਨਜ਼ਰ ਬਦਲਦੀ ਹੈ |

-ਜਗਜੀਤ ਸਿੰਘ ਭਾਟੀਆ,
ਨੂਰਪੁਰ ਬੇਦੀ (ਰੋਪੜ) | ਮੋਬਾ: 9501810181

ਬਾਲ ਗੀਤ: ਰਿੱਝ ਗਿਆ ਸਾਗ

ਰਿੱਝ ਗਿਆ ਸਾਗ, ਰੋਟੀ ਮੱਕੀ ਦੀ ਪਕਾਈ
ਸਾਗ ਪਾਈ ਮੱਖਣੀ ਨੇ, ਮਹਿਕ ਖਿੰਡਾਈ
ਕੌਲ ਸਾਗ ਵਾਲਾ ਭਰ, ਰੋਟੀ ਥਾਲੀ ਵਿਚ ਧਰ
ਮੰੂਹੋਂ ਮੰਗ ਕੋਈ ਬਰ, ਮੈਨੂੰ 'ਵਾਜ਼ ਦੇ ਕੇ ਪਰ
ਮੇਰੇ ਬਾਪੂ ਮੈਥੋਂ ਇਕ, ਹਰੀ ਮਿਰਚ ਮੰਗਾਈ
ਸਾਗ ਪਾਈ ਮੱਖਣੀ ਨੇ ਮਹਿਕ ਖਿੰਡਾਈ
ਬਾਪੂ ਜਦੋਂ ਤੋੜੇ ਰੋਟੀ, ਰੀਝਾਂ ਨਾਲ ਸਾਗ ਖਾਵੇ
ਮੱਲੋ-ਮੱਲੀ ਸਾਡੇ ਮੰੂਹ ਦੇ ਵਿਚ ਪਾਣੀ ਭਰ ਜਾਵੇ
ਕਹਿੰਦੇ ਲੱਸੀ ਵਾਲੇ ਛੰਨੇ ਨੇ ਵੀ ਗੱਲ ਹੈ ਬਣਾਈ
ਸਾਗ ਪਾਈ ਮੱਖਣੀ ਨੇ, ਮਹਿਕ ਖਿੰਡਾਈ
ਹੋਵੇ ਗੱਭਰੂ ਜਾਂ ਬਾਲ, ਚਾਹੇ ਬਿਰਧ ਨਿਢਾਲ
ਜਦੋਂ ਚੜ੍ਹਦਾ ਸਿਆਲ, ਸਾਰੇ ਕਰਦੇ ਨੇ ਭਾਲ
ਚਾਈਾ-ਚਾਈਾ ਸਾਰੇ ਆ ਕੇ ਸਾਗ ਮੰਗਦੇ ਨੇ ਭਾਈ
ਸਾਗ ਪਾਈ ਮੱਖਣੀ ਨੇ ਮਹਿਕ ਖਿੰਡਾਈ
ਸਾਗ ਸਰ੍ਹੋਂ ਵਾਲਾ ਸੋਹਣਾ ਹੋਵੇ ਦੇਸ਼ ਪੰਜਾਬੇ
ਜਿਥੇ ਸਰ੍ਹੋਆਂ ਉਗਾਈਆਂ ਖੇਤ ਲਗਦੇ ਨੇ ਕਾਬੇ
ਖੁਸ਼ ਰਹੋ 'ਸੁਰਜੀਤ' ਫੱੁਲਾਂ ਗੱਲ ਸਮਝਾਈ
ਸਾਗ ਪਾਈ ਮੱਖਣੀ ਨੇ, ਮਹਿਕ ਖਿੰਡਾਈ
ਰਿੱਝ ਗਿਆ ਸਾਗ, ਰੋਟੀ ਮੱਕੀ ਦੀ ਪਕਾਈ
ਸਾਗ ਪਾਈ ਮੱਖਣੀ ਨੇ, ਮਹਿਕ ਖਿੰਡਾਈ |



ਬਾਲ ਨਾਵਲ-92: ਖੱਟੀਆਂ-ਮਿੱਠੀਆਂ ਗੋਲੀਆਂ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
'ਉਹ ਤਾਂ ਸਭ ਠੀਕ ਐ ਪਰ ਤੁਸੀਂ ਇਕਦਮ ਬੜਾ ਗ਼ਲਤ ਕੀਤੈ', ਮਨਜੀਤ ਦੀ ਗੱਲ ਸੁਣ ਕੇ ਉਸ ਦੇ ਮੰਮੀ ਇਕਦਮ ਥੋੜ੍ਹਾ ਗੱੁਸੇ ਵਿਚ ਬੋਲੇ, 'ਤੰੂ ਕੀ ਕਹਿ ਰਿਹੈਾ ਮਨਜੀਤ, ਜ਼ਰਾ ਸੋਚ ਕੇ ਗੱਲ ਕਰਿਆ ਕਰ |'
'ਮੈਂ ਠੀਕ ਕਹਿ ਰਿਹਾਂ ਮੰਮੀ ਜੀ, ਡਾਕਟਰ ਵੀਰ ਜੀ ਨੇ ਇਕ ਜ਼ਿਆਦਾ ਹੀ ਗ਼ਲਤ ਕੰਮ ਕੀਤੈ', ਮਨਜੀਤ ਨੇ ਹਰੀਸ਼ ਵੱਲ ਦੇਖਦਿਆਂ ਕਿਹਾ |
'ਮੈਂ ਤਾਂ ਕੋਈ ਗ਼ਲਤ ਕੰਮ ਨਹੀਂ ਕੀਤਾ | ਤੰੂ ਠੀਕ ਗੱਲ ਨੂੰ ਗ਼ਲਤ ਕਹੀ ਜਾਏਾ ਤਾਂ ਵੱਖਰੀ ਗੱਲ ਏ |'
'ਮੈਨੂੰ ਤਾਂ ਤੁਹਾਡੀ ਕੋਈ ਗੱਲ ਸਮਝ ਨਹੀਂ ਲੱਗ ਰਹੀ | ਤੁਸੀਂ ਆਪਸ ਵਿਚ ਹੀ ਠੀਕ-ਗ਼ਲਤ ਕਰੀ ਜਾ ਰਹੇ ਹੋ | ਮੇਰੇ ਪੱਲੇ ਵੀ ਕੁਝ ਪਾਓ', ਮੰਮੀ ਜੀ, ਅਸਲੀਅਤ ਨੂੰ ਜਾਣਨਾ ਚਾਹੁੰਦੇ ਸਨ ਕਿ ਹੋਇਆ ਕੀ ਹੈ?
'ਮੰਮੀ ਜੀ, ਮੈਂ ਹਸਪਤਾਲ ਦੇ ਅਕਾਊਾਟੈਂਟ ਕੋਲ ਕਈ ਵਾਰ ਗਿਆ ਸਾਂ ਕਿ ਉਹ ਦੱਸਣ ਕਿ ਬਿੱਲ ਕਿੰਨਾ ਕੁ ਬਣ ਰਿਹਾ ਹੈ? ਉਹ ਹਰ ਵਾਰੀ ਇਹੋ ਕਹਿੰਦੇ ਸਨ ਕਿ 'ਤੁਹਾਡੇ ਬਿੱਲਾਂ ਦਾ ਡਾ: ਹਰੀਸ਼ ਜੀ ਨੂੰ ਪਤਾ ਏ |' ਜਦੋਂ ਮੈਂ ਡਾਕਟਰ ਵੀਰ ਜੀ ਕੋਲੋਂ ਬਿੱਲਾਂ ਦਾ ਪੱੁਛਿਆ ਤਾਂ ਇਹ ਕਹਿੰਦੇ ਕਿ, 'ਜਦੋਂ ਮੰਮੀ ਜੀ ਨੂੰ ਛੱੁਟੀ ਮਿਲੇਗੀ, ਉਦੋਂ ਸਾਰੇ ਇਕੱਠੇ ਬਿੱਲ ਮਿਲਣਗੇ |' ਅੱਜ ਜਦੋਂ ਤੁਹਾਨੂੰ ਛੱੁਟੀ ਮਿਲੀ ਤਾਂ ਮੈਂ ਫਿਰ ਅਕਾਊਾਟ ਬ੍ਰਾਂਚ ਵਿਚ ਗਿਆ ਤਾਂ ਉਹ ਕਹਿੰਦੇ ਕਿ 'ਤੁਹਾਡਾ ਸਾਰਾ ਹਿਸਾਬ ਸਾਫ਼ ਹੈ, ਤੁਸੀਂ ਕੋਈ ਹੋਰ ਪੈਸਾ ਨਹੀਂ ਦੇਣਾ | ਜੇ ਇਸ ਬਾਰੇ ਕੋਈ ਗੱਲ ਪੱੁਛਣੀ ਹੈ ਤਾਂ ਡਾ: ਹਰੀਸ਼ ਜੀ ਕੋਲ ਜਾਓ |' ਹੁਣ ਤੁਸੀਂ ਦੱਸੋ ਕਿ ਇਨ੍ਹਾਂ ਨੇ ਚੰਗਾ ਕੀਤਾ ਹੈ ਜਾਂ ਮਾੜਾ?' ਮਨਜੀਤ ਨੇ ਮੰਮੀ ਜੀ ਨੂੰ ਸਾਰੀ ਗੱਲ ਦੱਸ ਦਿੱਤੀ |
'ਬੇਟਾ, ਮਨਜੀਤ ਕੀ ਕਹਿ ਰਿਹਾ ਏ? ਸਾਰਾ ਬਿੱਲ ਤੰੂ ਭਰਿਆ ਏ?'
'ਨਹੀਂ ਮੰਮੀ ਜੀ, ਮਨਜੀਤ ਨੇ ਜਿਹੜੇ ਐਡਵਾਂਸ ਪੈਸੇ ਜਮ੍ਹਾਂ ਕਰਵਾਏ ਸਨ, ਉਸੇ ਵਿਚ ਹੀ ਸਾਰਾ ਬਿੱਲ ਭੁਗਤ ਗਿਆ ਏ', ਹਰੀਸ਼ ਨੇ ਅੱਖਾਂ ਨੀਵੀਆਂ ਪਾਉਂਦਿਆਂ ਥੋੜ੍ਹਾ ਝੂਠ ਬੋਲਿਆ |
'ਇਹ ਤੇ ਕਦੇ ਹੋ ਹੀ ਨਹੀਂ ਸਕਦਾ ਕਿ ਐਡੇ ਵੱਡੇ ਹਸਪਤਾਲ ਵਿਚ ਐਨੇ ਥੋੜ੍ਹੇ ਪੈਸਿਆਂ ਨਾਲ ਕੰਮ ਹੋ ਜਾਵੇ', ਮਨਜੀਤ ਨੇ ਕਿਹਾ |
ਮਨਜੀਤ ਦੀ ਗੱਲ ਦੀ ਹਾਮੀ ਭਰਦੇ ਹੋਏ ਮੰਮੀ ਜੀ ਕਹਿਣ ਲੱਗੇ, 'ਬੇਟਾ, ਤੇਰੀ ਮਿਹਨਤ ਅਤੇ ਤੇਰੇ ਪਿਆਰ ਸਦਕਾ ਤਾਂ ਮੈਂ ਐਡੀ ਜਲਦੀ ਠੀਕ ਹੋ ਗਈ ਹਾਂ | ਅਸੀਂ ਤੇਰੀ ਸੇਵਾ ਅਤੇ ਹਮਦਰਦੀ ਦੀਆਂ ਹੀ ਦੇਣੀਆਂ ਨਹੀਂ ਦੇ ਸਕਦੇ, ਤੰੂ ਉੱਪਰੋਂ ਹੋਰ ਭਾਰ ਚੜ੍ਹਾਈ ਜਾਂਦਾ ਏਾ | ਸੋ, ਤੰੂ ਮਨਜੀਤ ਨੂੰ ਬਿੱਲ ਦੱਸ ਦੇ, ਤਾਂ ਜੋ ਉਹ ਪੈਸੇ ਦੇ ਦੇਵੇ |'
'ਮੰਮੀ ਜੀ, ਇਕ ਗੱਲ ਦੱਸੋ ਕਿ ਇਕ ਪਾਸੇ ਤਾਂ ਤੁਸੀਂ ਮੈਨੂੰ ਬੇਟਾ ਕਹਿ ਰਹੇ ਹੋ ਅਤੇ ਦੂਜੇ ਪਾਸੇ ਜੇ ਮੈਂ ਥੋੜ੍ਹੀ ਜਿਹੀ ਆਪਣੀ ਮਾਂ ਦੀ ਸੇਵਾ ਕੀਤੀ ਹੈ ਤਾਂ ਉਸ ਨੂੰ ਤੁਸੀਂ ਬੋਝ ਸਮਝ ਰਹੇ ਹੋ', ਹਰੀਸ਼ ਨੇ ਮੰਮੀ ਜੀ ਦੇ ਮੱਥੇ 'ਤੇ ਹੱਥ ਫੇਰਦਿਆਂ ਕਿਹਾ |
'ਮੇਰੀ ਇਕ ਗੱਲ ਮੰਨ ਲੈ | ਤੰੂ ਆਪਣੀ ਫੀਸ ਵਿਚ ਭਾਵੇਂ ਪੂਰੀ ਰਿਆਇਤ ਕਰ ਦੇ ਪਰ ਮੈਂ ਦਵਾਈਆਂ, ਕਮਰੇ ਦੇ ਅਤੇ ਹੋਰ ਸਾਰੇ ਖਰਚੇ ਦੇ ਕੇ ਜਾਣੇ ਨੇ', ਮੰਮੀ ਜੀ ਨੇ ਆਪਣਾ ਫੈਸਲਾ ਸੁਣਾਇਆ |
'ਤੁਹਾਨੂੰ ਸ਼ਾਇਦ ਇਸ ਗੱਲ ਦਾ ਨਹੀਂ ਪਤਾ ਕਿ ਮੈਂ ਤੁਹਾਨੂੰ ਕੋਈ ਰਿਆਇਤ ਨਹੀਂ ਕਰ ਰਿਹਾ, ਨਾ ਹੀ ਕੋਈ ਅਹਿਸਾਨ ਕਰ ਰਿਹਾ ਹਾਂ ਅਤੇ ਨਾ ਹੀ ਮੈਂ ਪੱਲਿਓਾ ਕੋਈ ਪੈਸਾ ਖਰਚ ਕਰ ਰਿਹਾਂ | ਤੁਹਾਡੇ 'ਤੇ ਜਿੰਨਾ ਵੀ ਖਰਚ ਹੋਇਐ, ਉਸ ਤੋਂ ਕਈ ਗੁਣਾ ਜ਼ਿਆਦਾ ਤੁਸੀਂ ਮੈਨੂੰ ਬੜੇ ਸਾਲ ਪਹਿਲਾਂ ਹੀ ਦੇ ਚੱੁਕੇ ਹੋ', ਹਰੀਸ਼ ਨੇ ਗੰਭੀਰ ਹੁੰਦਿਆਂ ਕਿਹਾ |
'ਇਹ ਕੀ ਬੁਝਾਰਤਾਂ ਪਾ ਰਿਹੈਾ, ਬੇਟਾ?'
'ਇਹ ਕੋਈ ਬੁਝਾਰਤ ਨਹੀਂ ਮੰਮੀ ਜੀ, ਮੈਂ ਤਾਂ ਆਪਣਾ ਕਰਜ਼ ਉਤਾਰ ਰਿਹਾਂ |'
'ਕਰਜ਼?'
'ਹਾਂ, ਮੰਮੀ ਜੀ, ਕਰਜ਼ | ਇਹ ਕਰਜ਼ ਤੁਸੀਂ ਮੇਰੇ 'ਤੇ ਤਕਰੀਬਨ ਵੀਹ ਸਾਲ ਪਹਿਲਾਂ ਚੜ੍ਹਾਇਆ ਸੀ |'
'ਉਹ ਕਿਵੇਂ?'

(ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)
-404, ਗ੍ਰੀਨ ਐਵੇਨਿਊ, ਅੰਮਿ੍ਤਸਰ-143001. ਮੋਬਾ: 98889-24664

ਬੁਝਾਰਤ-29

ਪਦਾਰਥ ਇਕ ਅਜਿਹਾ ਡਿੱਠਾ,
ਅੱਗ 'ਤੇ ਸੜ ਕੇ ਵੀ ਜੋ ਮਿੱਠਾ |
ਅੱਗ 'ਤੇ ਇਸ ਦਾ ਹੋਵੇ ਜਨਮ,
ਮਿਠਾਸ ਵੰਡਣੀ ਇਸ ਦਾ ਕਰਮ |
ਇਕੋ ਵੀਰ ਤੇ ਦੋ ਨੇ ਭੈਣਾਂ,
ਦੱਸਦੇ ਕਿੱਦਾਂ ਦੱੁਖ ਹੈ ਸਹਿਣਾ |
ਬੜਾ ਹੀ ਇਹ ਗੁਣਕਾਰੀ ਹੈ,
ਤਾਂ ਹੀ ਰਹਿੰਦੀ ਮੰਗ ਭਾਰੀ ਹੈ |
ਬੱੁਝੋ ਬੱਚਿਓ ਬਾਤ ਹੁਣ ਮੇਰੀ,
ਹੋਵੇ ਥੋਡੀ ਉਮਰ ਲੰਮੇਰੀ |
ਸਾਰੇ ਹੀ ਬੱਚੇ ਸੋਚਣ ਲੱਗੇ,
ਕਿਸੇ ਨੂੰ ਨਾ ਉੱਤਰ ਲੱਭੇ |
ਆਖਰ ਨੂੰ ਸਭ ਕਰਗੇ ਨਾਂਹ,
ਕਹਿੰਦੇ ਅੰਕਲ ਸਾਡੀ ਭਿਆਂ |
—f—
ਸੁਣ ਲਓ ਫਿਰ ਪਿਆਰੇ ਪੱੁਤਰ,
ਮਿੱਠਾ 'ਗੁੜ' ਹੈ ਇਹਦਾ ਉੱਤਰ |

-ਜਸਵੀਰ ਸਿੰਘ ਭਲੂਰੀਆ,
ਪਿੰਡ ਤੇ ਡਾਕ: ਭਲੂਰ (ਮੋਗਾ) | ਮੋਬਾ: 99159-95505

ਬਾਲ ਸਾਹਿਤ

ਜਨਮੇਜਾ ਸਿੰਘ ਜੌਹਲ ਦੀਆਂ ਦੋ ਬਾਲ ਪੁਸਤਕਾਂ
ਪੰਜ ਤੋਂ ਅੱਠ ਸਾਲ ਦੇ ਉਮਰ-ਜੁੱਟ ਦੇ ਬਾਲ-ਪਾਠਕਾਂ ਲਈ ਜਨਮੇਜਾ ਸਿੰਘ ਜੌਹਲ ਦੁਆਰਾ ਸੰਪਾਦਿਤ ਦੋ ਨਵੀਆਂ ਪੁਸਤਕਾਂ ਛਪ ਕੇ ਆਈਆਂ ਹਨ | ਪਹਿਲੀ ਪੁਸਤਕ 'ਬਚਪਨ ਦੀਆਂ ਸ਼ਰਾਰਤਾਂ' ਹੈ | ਇਸ ਵਿਚ ਵੱਡੀ ਗਿਣਤੀ ਵਿਚ ਲੇਖਕਾਂ ਨੇ ਆਪਣੇ ਬਚਪਨ ਦੀਆਂ ਯਾਦਾਂ ਨੂੰ ਕਲਮਬੱਧ ਕੀਤਾ ਹੈ | ਉਨ੍ਹਾਂ ਨੂੰ ਬਚਪਨ ਵਿਚ ਕਿਹੜੀਆਂ-ਕਿਹੜੀਆਂ ਸਮੱਸਿਆਵਾਂ ਦਰਪੇਸ਼ ਆਈਆਂ ਜਾਂ ਸੰਕਟ ਦੀ ਘੜੀ ਵਿਚ ਉਨ੍ਹਾਂ ਕਿਵੇਂ ਮੁਸੀਬਤ ਉਪਰ ਕਾਬੂ ਪਾਇਆ?, ਦੋਸਤਾਂ-ਮਿੱਤਰਾਂ ਜਾਂ ਸਕੇ-ਸਬੰਧੀਆਂ ਨਾਲ ਕਿਹੜੀਆਂ ਕਿਹੜੀਆਂ ਸ਼ਰਾਰਤਾਂ ਕੀਤੀਆਂ, ਕਿਵੇਂ ਕੁੱਟਾਂ ਖਾਧੀਆਂ, ਝਿੜਕਾਂ ਅਤੇ ਨਮੋਸ਼ੀਆਂ ਸਹੀਆਂ? ਲੇਖਕਾਂ ਨੇ ਇਨ੍ਹਾਂ ਅਨੇਕ ਪੱਖਾਂ ਨੂੰ ਬੜੀ ਦਿਲਚਸਪੀ ਨਾਲ ਉਭਾਰਿਆ ਹੈ | ਲੇਖਕਾਂ ਨੇ ਵਡੇਰੀ ਉਮਰ ਵਿਚ ਆ ਕੇ ਇਨ੍ਹਾਂ ਅਭੁੱਲ ਯਾਦਾਂ ਰਾਹੀਂ ਆਪਣੇ ਬਚਪਨ ਨੂੰ ਮੁੜ ਜੀਵਿਆ ਹੈ | ਇਸ ਪ੍ਰੇਰਨਾਮਈ ਪੁਸਤਕ ਦੇ ਪੰਨੇ 72 ਹਨ |
ਦੂਜੀ ਪੁਸਤਕ 'ਬਾਲ ਰੰਗ' ਕਵਿਤਾਵਾਂ, ਕਹਾਣੀਆਂ, ਕਾਵਿ-ਕਹਾਣੀਆਂ, ਲੇਖ, ਬੁਝਾਰਤਾਂ ਅਤੇ ਇਕਾਂਗੀ ਆਦਿ ਵੰਨਗੀਆਂ ਨਾਲ ਸਬੰਧਿਤ ਹੈ | ਇਸ ਪੁਸਤਕ ਦੇ ਮਾਧਿਅਮ ਦੁਆਰਾ ਬਾਲ-ਪਾਠਕਾਂ ਨੂੰ ਉਸਾਰੂ ਜੀਵਨ ਬਿਤਾਉਣ ਲਈ ਉਪਦੇਸ਼ ਦੇਣ ਦੇ ਨਾਲ-ਨਾਲ ਉਨ੍ਹਾਂ ਦੀ ਬੁੱਧੀ ਦੀ ਪਰਖ ਵੀ ਕੀਤੀ ਗਈ ਹੈ | ਲਗਪਗ ਹਰ ਰਚਨਾ ਦੇ ਅੰਤ ਵਿਚ ਅਭਿਆਸ ਦਿੱਤੇ ਗਏ ਹਨ, ਜਿਨ੍ਹਾਂ ਵਿਚੋਂ ਪਾਠਕਾਂ ਨੂੰ ਪ੍ਰਸ਼ਨਾਂ ਦੇ ਉਤਰ ਦੇਣ, ਖਾਲੀ ਥਾਵਾਂ ਭਰਨ, ਸਹੀ ਜਵਾਬ 'ਤੇ ਨਿਸ਼ਾਨੀ ਲਗਾਉਣ, ਸਹੀ ਸ਼ਬਦਾਂ ਦਾ ਮੇਲ ਕਰਨ, ਵਿਰੋਧੀ ਸ਼ਬਦ ਲਿਖਣ, ਪੰਕਤੀਆਂ ਅਤੇ ਚਿੱਤਰ-ਕਹਾਣੀ ਪੂਰਾ ਕਰਨ ਦੀ ਕੋਸ਼ਿਸ਼ ਕਰਨ ਲਈ ਪ੍ਰੇਰਿਤ ਕੀਤਾ ਗਿਆ ਹੈ | ਇਨ੍ਹਾਂ ਲਿਖਤਾਂ ਵਿਚ ਦਿਲਚਸਪੀ ਦੇ ਅੰਸ਼ ਬਰਕਰਾਰ ਹਨ | ਭਾਸ਼ਾ ਬਾਲ ਸਾਹਿਤ ਦਾ ਮਹੱਤਵਪੂਰਨ ਅੰਗ ਹੈ | ਇਸ ਪੁਸਤਕ ਵਿਚ ਅਨੇਕ ਸੌਖੇ, ਸਰਲ ਤੇ ਸੰਖੇਪ ਸ਼ਬਦਾਂ ਦੇ ਜੋੜ ਗ਼ਲਤ ਛਪ ਗਏ ਹਨ | ਇਨ੍ਹਾਂ ਪੱਖਾਂ ਵੱਲ ਵਿਸ਼ੇਸ਼ ਧਿਆਨ ਦੇਣ ਦੀ ਜ਼ਰੂਰਤ ਸੀ | ਕੁੱਲ ਪੰਨੇ 55 ਹਨ |
ਦੋਵਾਂ ਪੁਸਤਕਾਂ ਵਿਚ ਚਿੱਤਰ ਹੁੰਦੇ ਤਾਂ ਇਹ ਹੋਰ ਵੀ ਪ੍ਰਭਾਵਸ਼ਾਲੀ ਬਣ ਸਕਦੀਆਂ ਸਨ | ਪੁਸਤਕਾਂ ਉਪਰ ਕੀਮਤ ਵੀ ਅੰਕਿਤ ਨਹੀਂ ਹੈ | ਖ਼ੈਰ, ਪੰਜਾਬੀ ਸ਼ਬਦ ਅਕਾਡਮੀ, ਲੁਧਿਆਣਾ ਵਲੋਂ ਛਾਪੀਆਂ ਦੋਵੇਂ ਪੁਸਤਕਾਂ ਦਿਲਚਸਪ ਹਨ |

-ਦਰਸ਼ਨ ਸਿੰਘ 'ਆਸ਼ਟ' (ਡਾ:)
ਮੋਬਾ: 98144-23703

ਚੁਟਕਲੇ

• ਇਕ ਵਾਰੀ ਇਕ ਬੰਦੇ ਦਾ ਪੇਟ ਟਰੱਕ ਹੇਠ ਆ ਕੇ ਕੁਚਲਿਆ ਗਿਆ | ਉਹ ਡਾਕਟਰ ਕੋਲ ਗਿਆ ਤੇ ਡਾਕਟਰ ਨੇ ਕਿਹਾ, 'ਦੇਖ ਭਾਈ, 10-15 ਟਾਂਗੇ ਲੱਗਣਗੇ |' ਬੰਦਾ ਕਹਿੰਦਾ, 'ਹੁਣ ਕਰ ਵੀ ਕੀ ਸਕਦੇ ਹਾਂ, ਡਾਕਟਰ ਸਾਹਿਬ ਲਾ ਦਿਓ |' ਡਾਕਟਰ ਨੇ ਟਾਂਕੇ ਲਗਾ ਦਿੱਤੇ ਅਤੇ ਬੋਲਿਆ ਕਿ 'ਹੁਣ ਤੰੂ ਖ਼ਤਰੇ ਤੋਂ ਬਾਹਰ ਏਾ |'
ਬੰਦਾ ਬੋਲਿਆ, 'ਪਰ ਡਾਕਟਰ ਸਾਹਿਬ, ਮੈਨੂੰ ਤਾਂ ਅਜੇ ਵੀ ਡਰ ਲੱਗ ਰਿਹਾ ਹੈ |' ਡਾਕਟਰ ਨੇ ਪੱੁਛਿਆ, 'ਕਿਉਂ?' ਬੰਦਾ ਕਹਿਣ ਲੱਗਾ, 'ਕਿਉਂਕਿ ਉਸ ਟਰੱਕ ਪਿੱਛੇ ਲਿਖਿਆ ਸੀ, ਫਿਰ ਮਿਲਾਂਗੇ |'
• ਮਿੰਟੂ ਜਲੇਬੀਆਂ ਖਾਣ ਤੋਂ ਬਾਅਦ ਹਲਵਾਈ ਨੂੰ ਬੋਲਿਆ, 'ਭਾਈ ਸਾਹਿਬ, ਥੋੜ੍ਹੀ ਜਿਹੀ ਚੀਨੀ ਦੇਣਾ |'
ਹਲਵਾਈ-ਕਿਉਂ ਬਈ?
ਮਿੰਟੂ-ਸੋਚ ਰਿਹਾ ਹਾਂ ਕਿ ਖਾਣੇ ਤੋਂ ਬਾਅਦ ਥੋੜ੍ਹਾ ਮਿੱਠਾ ਹੋ ਜਾਵੇ |
• ਮਾਸਟਰ (ਕੁਲਵਿੰਦਰ ਨੂੰ )-ਬਸ ਇਰਾਦੇ ਬੁਲੰਦ ਹੋਣੇ ਚਾਹੀਦੇ ਹਨ, ਪੱਥਰ ਵਿਚੋਂ ਵੀ ਪਾਣੀ ਕੱਢਿਆ ਜਾ ਸਕਦਾ ਹੈ |
ਕੁਲਵਿੰਦਰ-ਮੈਂ ਤਾਂ ਲੋਹੇ 'ਚੋਂ ਵੀ ਪਾਣੀ ਕੱਢ ਸਕਦਾ ਹਾਂ |
ਮਾਸਟਰ-ਕਿਵੇਂ?
ਕੁਲਵਿੰਦਰ-ਹੈਾਡ ਪੰਪ ਰਾਹੀਂ |

-ਹਰਜਿੰਦਰਪਾਲ ਸਿੰਘ ਬਾਜਵਾ,
ਵਿਜੇ ਨਗਰ, ਹੁਸ਼ਿਆਰਪੁਰ |






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX