ਤਾਜਾ ਖ਼ਬਰਾਂ


ਸੀ.ਬੀ.ਆਈ ਵੱਲੋਂ ਸਾਂਈ ਦੇ ਠਿਕਾਣਿਆਂ 'ਤੇ ਛਾਪੇਮਾਰੀ
. . .  1 day ago
ਨਵੀਂ ਦਿੱਲੀ, 17 ਜਨਵਰੀ - ਸੀ.ਬੀ.ਆਈ ਵੱਲੋਂ ਰਿਸ਼ਵਤ ਦੇ ਮਾਮਲੇ 'ਚ ਸਪੋਰਟਸ ਅਥਾਰਿਟੀ ਆਫ਼ ਇੰਡੀਆ (ਸਾਈ) ਦੇ ਠਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ ਗਈ ਹੈ।
ਨਵੇਂ ਸਰਪੰਚਾਂ ਨੂੰ ਗਰਾਮ ਪੰਚਾਇਤਾਂ ਦਾ ਰਿਕਾਰਡ 21 ਤੱਕ ਦੇਣ ਦੇ ਹੁਕਮ
. . .  1 day ago
ਖਮਾਣੋਂ ,17 ਜਨਵਰੀ {ਮਨਮੋਹਣ ਸਿੰਘ ਕਲੇਰ}- ਰਾਜ ਦੇ ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿਭਾਗ {ਚੋਣ ਸ਼ਾਖਾ} ਵੱਲੋਂ ਰਾਜ ਸਮੂਹ ਜ਼ਿਲ੍ਹਾ ਵਿਕਾਸ ਅਫ਼ਸਰਾਂ ਅਤੇ ਬਲਾਕ ਵਿਕਾਸ ਅਫ਼ਸਰਾਂ ਨੂੰ ਇਕ ਪੱਤਰ ਜਾਰੀ ਕਰਦੇ ਹੋਏ ਮੌਜੂਦਾ ...
ਕੈਬਨਿਟ ਦੀ ਨਿਯੁਕਤ ਕਮੇਟੀ ਨੇ ਘਟਾਇਆ ਰਾਕੇਸ਼ ਅਸਥਾਨਾ ਸਮੇਤ 4 ਅਫਸਰਾਂ ਦਾ ਕਾਰਜਕਾਲ
. . .  1 day ago
ਨਵੀਂ ਦਿੱਲੀ, 17 ਜਨਵਰੀ - ਸੀ.ਬੀ.ਆਈ ਦੇ ਵਿਸ਼ੇਸ਼ ਨਿਰਦੇਸ਼ਕ ਰਾਕੇਸ਼ ਅਸਥਾਨਾ ਅਤੇ ਤਿੰਨ ਹੋਰ ਸੀ.ਬੀ.ਆਈ ਅਫਸਰਾਂ ਦਾ ਕਾਰਜਕਾਲ ਕੇਂਦਰੀ ਕੈਬਨਿਟ ਦੀ ਨਿਯੁਕਤ ਕਮੇਟੀ ਵੱਲੋਂ...
ਸੱਚ ਦੀ ਜਿੱਤ ਹੋਈ ਹੈ - ਅੰਸ਼ੁਲ ਛਤਰਪਤੀ
. . .  1 day ago
ਪੰਚਕੂਲਾ, 17 ਜਨਵਰੀ - ਪੱਤਰਕਾਰ ਰਾਮਚੰਦਰ ਛਤਰਪਤੀ ਹੱਤਿਆ ਮਾਮਲੇ 'ਚ ਡੇਰਾ ਸਿਰਸਾ ਪ੍ਰਮੁੱਖ ਗੁਰਮੀਤ ਰਾਮ ਰਹੀਮ ਸਮੇਤ ਚਾਰ ਦੋਸ਼ੀਆਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਏ...
ਸੈਰ ਸਪਾਟਾ ਵਿਭਾਗ ਨੇ 7.90 ਕਰੋੜ ਦੀ ਲਾਗਤ ਨਾਲ ਛੱਤਬੀੜ ਦੀ ਕੀਤੀ ਕਾਇਆ ਕਲਪ - ਸਿੱਧੂ
. . .  1 day ago
ਜ਼ੀਰਕਪੁਰ, 17 ਜਨਵਰੀ (ਹਰਦੀਪ ਸਿੰਘ ਹੈਪੀ ਪੰਡਵਾਲਾ) - ਪੰਜਾਬ ਵਿੱਚ ਜੰਗਲੀ ਜੀਵ ਸੈਲਾਨੀਆਂ ਦੀ ਗਿਣਤੀ ਨੂੰ ਵਧਾਉਣ ਲਈ ਪੰਜਾਬ ਹੈਰੀਟੇਜ ਐਂਡ ਟੂਰਿਜ਼ਮ ਪ੍ਰਮੋਸ਼ਨ ਬੋਰਡ ਵੱਲੋਂ ਛੱਤਬੀੜ...
ਛਤਰਪਤੀ ਹੱਤਿਆ ਮਾਮਲੇ 'ਚ ਰਾਮ ਰਹੀਮ ਨੂੰ ਉਮਰ ਕੈਦ ਦੀ ਸਜ਼ਾ
. . .  1 day ago
ਪੰਚਕੂਲਾ, 17 ਜਨਵਰੀ (ਰਾਮ ਸਿੰਘ ਬਰਾੜ) - ਪੱਤਰਕਾਰ ਰਾਮਚੰਦਰ ਛਤਰਪਤੀ ਹੱਤਿਆ ਮਾਮਲੇ 'ਚ ਸੀ.ਬੀ.ਆਈ ਦੀ ਵਿਸ਼ੇਸ਼ ਅਦਾਲਤ ਨੇ ਡੇਰਾ ਸੱਚਾ ਸੌਦਾ ਪ੍ਰਮੁੱਖ ਗੁਰਮੀਤ ਰਾਮ ਰਹੀਮ...
ਭਾਰਤ ਅਤੇ ਆਸਟ੍ਰੇਲੀਆ ਵਿਚਕਾਰ ਤੀਸਰਾ ਇੱਕ ਦਿਨਾਂ ਮੈਚ ਕੱਲ੍ਹ
. . .  1 day ago
ਮੈਲਬੌਰਨ, 17 ਜਨਵਰੀ - ਭਾਰਤ ਅਤੇ ਆਸਟ੍ਰੇਲੀਆ ਵਿਚਕਾਰ ਤੀਸਰਾ ਅਤੇ ਆਖ਼ਰੀ ਇੱਕ ਦਿਨਾਂ ਮੈਚ 18 ਜਨਵਰੀ ਨੂੰ ਮੈਲਬੌਰਨ 'ਚ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ 1-1 ਮੈਚ ਜਿੱਤ...
ਮਹਿਲਾ ਕ੍ਰਿਕਟ : ਬੀ.ਸੀ.ਸੀ.ਆਈ ਵੱਲੋਂ ਇੰਗਲੈਂਡ ਖ਼ਿਲਾਫ਼ ਘਰੇਲੂ ਲੜੀ ਲਈ ਪ੍ਰੋਗਰਾਮ ਦਾ ਐਲਾਨ
. . .  1 day ago
ਮੁੰਬਈ, 17 ਜਨਵਰੀ - ਬੀ.ਸੀ.ਸੀ.ਆਈ ਨੇ ਇੰਗਲੈਂਡ ਖ਼ਿਲਾਫ਼ ਘਰੇਲੂ ਲੜੀ ਲਈ ਪ੍ਰੋਗਰਾਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਲੜੀ ਤਹਿਤ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਅਤੇ ਇੰਗਲੈਂਡ...
ਸੋਸ਼ਲ ਮੀਡੀਆ 'ਤੇ ਆਮ ਚੋਣਾਂ ਦੀ ਫ਼ਰਜ਼ੀ ਤਾਰੀਖ਼ ਜਾਰੀ ਕਰਨ ਵਾਲਿਆ ਖ਼ਿਲਾਫ਼ ਕਾਰਵਾਈ ਹੋਵੇ - ਚੋਣ ਕਮਿਸ਼ਨ
. . .  1 day ago
ਨਵੀਂ ਦਿੱਲੀ, 10 ਜਨਵਰੀ - ਚੋਣ ਕਮਿਸ਼ਨ ਨੇ ਦਿੱਲੀ ਦੇ ਚੋਣ ਅਧਿਕਾਰੀ ਨੂੰ ਸੋਸ਼ਲ ਮੀਡੀਆ 'ਤੇ ਆਮ ਚੋਣਾਂ ਦੀ ਫ਼ਰਜ਼ੀ ਤਾਰੀਖ਼ ਜਾਰੀ ਕਰਨ ਵਾਲਿਆ ਖ਼ਿਲਾਫ਼ ਕਾਰਵਾਈ...
ਬੱਚਿਆ ਨਾਲ ਕਥਿਤ ਸ਼ੋਸ਼ਣ ਨੂੰ ਲੈ ਕੇ ਸੀ.ਬੀ.ਆਈ ਵੱਲੋਂ ਐੱਫ.ਆਈ.ਆਰ ਦਰਜ
. . .  1 day ago
ਪਟਨਾ, 17 ਜਨਵਰੀ - ਬਿਹਾਰ ਦੇ ਸ਼ੈਲਟਰ ਹੋਮ 'ਚ ਬੱਚਿਆ ਨਾਲ ਕਥਿਤ ਸ਼ੋਸ਼ਣ ਨੂੰ ਲੈ ਕੇ ਸੀ.ਬੀ.ਆਈ ਨੇ 8 ਐੱਫ.ਆਈ.ਆਰ ਦਰਜ ਕੀਤੀਆਂ...
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਭੋਜਨ ਜੋ ਬਦਲ ਸਕਦਾ ਹੈ ਤੁਹਾਡਾ ਮੂਡ

ਖੁਰਾਕ ਸਾਡੀ ਸਿਹਤ ਨੂੰ ਤਾਂ ਪ੍ਰਭਾਵਿਤ ਕਰਦੀ ਹੈ ਪਰ ਸਹੀ ਖੁਰਾਕ ਲੈ ਕੇ ਅਸੀਂ ਆਪਣੀਆਂ ਨਕਾਰਾਤਮਿਕ ਭਾਵਨਾਵਾਂ 'ਤੇ ਵੀ ਜਿੱਤ ਪਾ ਸਕਦੇ ਹਨ। ਥਕਾਨ, ਭਾਰ 'ਤੇ ਕਾਬੂ ਅਤੇ ਸਿਹਤ ਵਿਚ ਸੁਧਾਰ ਤਾਂ ਅਸੀਂ ਸਹੀ ਖੁਰਾਕ ਲੈ ਕੇ ਪਾ ਲੈਂਦੇ ਹਾਂ ਪਰ ਇਹ ਵੀ ਸੱਚ ਹੈ ਕਿ ਜੇ ਅਸੀਂ ਆਪਣੇ ਸਰੀਰ ਨੂੰ ਸਹੀ ਪੋਸ਼ਣ ਦੇਈਏ ਤਾਂ ਆਪਣੀ ਮਾਨਸਿਕ ਸਿਹਤ ਵਿਚ ਸੁਧਾਰ ਲਿਆ ਸਕਦੇ ਹਾਂ ਅਤੇ ਅਸੀਂ ਚੰਗਾ ਮਹਿਸੂਸ ਕਰ ਸਕਦੇ ਹਾਂ। ਸਾਡਾ ਮੂਡ ਵੀ ਚੰਗਾ ਬਣ ਸਕਦਾ ਹੈ, ਆਓ ਜਾਣੀਏ ਕਿਵੇਂ-
* ਦਾਲਾਂ, ਰਾਜਮਾਂਹ, ਨਟਸ, ਮੱਛੀ, ਮੀਟ, ਆਂਡੇ, ਦੁੱਧ ਅਤੇ ਹੋਰ ਡੇਅਰੀ ਉਤਪਾਦ, ਤਾਜ਼ੇ ਫਲ ਅਤੇ ਸਬਜ਼ੀਆਂ ਨੂੰ ਆਪਣੀ ਖੁਰਾਕ ਵਿਚ ਸ਼ਾਮਿਲ ਕਰੋ। ਇਨ੍ਹਾਂ ਵਿਚ ਐਂਟੀ-ਆਕਸੀਡੈਂਟ ਵਿਟਾਮਿਨ 'ਏ', ਬੈਟਾ ਕੇਰੋਟੀਨ, ਵਿਟਾਮਿਨ 'ਸੀ', 'ਈ', ਸੇਲੇਨਿਅਮ, ਜ਼ਿੰਕ, ਕਾਪਰ ਆਦਿ ਹੁੰਦੇ ਹਨ, ਜੋ ਤਣਾਅ ਦੂਰ ਕਰਨ ਵਿਚ ਸਹਾਇਕ ਹਨ।
* ਅਨਾਜ, ਪਾਤਤਾ, ਸੁੱਕੇ ਬੀਨਸ, ਨਟਸ, ਚਿੱਟੇ ਚੌਲ, ਦੁੱਧ, ਫਲ ਅਤੇ ਸਬਜ਼ੀਆਂ ਵਿਚ ਬੀ ਕੰਪਲੈਕਸ ਵਿਟਾਮਿਨ ਵਰਗੇ ਨਾਈਸੀਨ, ਥਾਈਮੀਨ, ਰਿਬੋਫਲੇਵਿਨ, ਕੋਬਾਲਾਮਿਨ ਹੁੰਦੇ ਹਨ, ਜੋ ਦਿਮਾਗ ਦੇ ਸਹੀ ਕਾਰਜਕਲਾਪ ਵਿਚ ਸਹਾਇਕ ਹੁੰਦੇ ਹਨ। ਖੂਨ ਦੇ ਦਬਾਅ ਵਿਚ ਸੁਧਾਰ ਲਿਆਉਂਦੇ ਹਨ ਅਤੇ ਜੋ ਭੋਜਨ ਅਸੀਂ ਕਰਦੇ ਹਾਂ, ਉਸ ਨੂੰ ਊਰਜਾ ਵਿਚ ਬਦਲਦੇ ਹਨ, ਤਾਂ ਜੋ ਦਿਮਾਗ ਉਸ ਦੀ ਵਰਤੋਂ ਕਰ ਸਕੇ। ਦਿਮਾਗ ਦੇ ਨਿਊਰੋ ਟ੍ਰਾਂਸਮੀਟਰਸ ਦੇ ਕਾਰਜਕਲਾਪ ਵਿਚ ਸੁਧਾਰ ਲਿਆ ਕੇ ਸਾਡੇ ਸੋਚਣ, ਸਮਝਣ ਅਤੇ ਸਿੱਖਣ ਦੀ ਸਮਰੱਥਾ ਵਿਚ ਸੁਧਾਰ ਲਿਆਉਂਦੇ ਹਨ।
* ਜੇ ਤੁਸੀਂ ਥੱਕਿਆ-ਥੱਕਿਆ ਮਹਿਸੂਸ ਕਰ ਰਹੇ ਹੋ ਅਤੇ ਆਪਣੇ-ਆਪ ਵਿਚ ਊਰਜਾ ਚਾਹੁੰਦੇ ਹੋ ਤਾਂ ਹਰੀਆਂ ਸਬਜ਼ੀਆਂ, ਮਟਰ, ਸੀਤਾਫਲ, ਬ੍ਰੋਕਲੀ ਦਾ ਸੇਵਨ ਕਰੋ ਅਤੇ ਤੁਰੰਤ ਊਰਜਾ ਪਾਓ, ਕਿਉਂਕਿ ਇਹ ਖਣਿਜ ਦਾ ਚੰਗਾ ਸਰੋਤ ਹੈ। ਇਨ੍ਹਾਂ ਵਿਚ ਆਇਰਨ, ਮੈਗਨੀਸ਼ੀਅਮ, ਪੋਟਾਸ਼ੀਅਮ ਵਰਗੇ ਖਣਿਜ ਪਾਏ ਜਾਂਦੇ ਹਨ, ਜੋ ਥਕਾਵਟ ਦੂਰ ਕਰਕੇ ਤੁਹਾਡੀ ਸਰੀਰਕ ਅਤੇ ਮਾਨਸਿਕ ਸਿਹਤ ਵਿਚ ਸੁਧਾਰ ਲਿਆਉਂਦੇ ਹਨ।
* ਜੇ ਤੁਸੀਂ ਦੁਖੀ, ਉਦਾਸ ਜਾਂ ਕਿਸੇ ਉਲਝਣ ਵਿਚ ਹੋ ਤਾਂ ਆਪਣੇ ਮਨ ਨੂੰ ਖੁਸ਼ ਕਰਨ ਲਈ ਮੀਟ, ਸੀ ਫੂਡ, ਕੇਲਾ, ਪਾਲਕ ਅਤੇ ਹਰੀਆਂ ਸਬਜ਼ੀਆਂ ਲਓ। ਇਨ੍ਹਾਂ ਵਿਚ ਮੈਗਨੀਸ਼ੀਅਮ ਹੁੰਦਾ ਹੈ, ਜੋ ਤੁਹਾਨੂੰ ਇਨ੍ਹਾਂ ਨਕਾਰਾਤਮਿਕ ਭਾਵਨਾਵਾਂ ਵਿਚੋਂ ਬਾਹਰ ਕੱਢਣ ਵਿਚ ਮਦਦਗਾਰ ਸਿੱਧ ਹੋ ਸਕਦਾ ਹੈ।
* ਜੇ ਤੁਸੀਂ ਚਿੜਚਿੜਾਪਨ ਮਹਿਸੂਸ ਕਰ ਰਹੇ ਹੋ ਅਤੇ ਗੁੱਸੇ ਹੋਣ ਦੀ ਸਥਿਤੀ ਵਿਚ ਹੋ ਤਾਂ ਫਾਈਬਰ ਵਾਲੇ ਖਾਧ ਪਦਾਰਥਾਂ ਦਾ ਸੇਵਨ ਕਰੋ ਜਿਵੇਂ ਚੁਕੰਦਰ, ਬੰਦਗੋਭੀ, ਫਲ ਅਤੇ ਸਬਜ਼ੀਆਂ ਆਦਿ।
* ਤੁਸੀਂ ਆਪਣੇ ਹਰ ਰੋਜ਼ ਦੇ ਕੰਮ ਵਿਚ ਤਣਾਅ ਮਹਿਸੂਸ ਕਰਦੇ ਹੋ ਅਤੇ ਤਣਾਅ ਦੇ ਕਾਰਨ ਕਮਜ਼ੋਰੀ ਵੀ ਹੋਵੇ ਤਾਂ ਆਪਣੀਆਂ ਖਾਣ-ਪੀਣ ਦੀਆਂ ਆਦਤਾਂ ਵਿਚ ਤਬਦੀਲੀ ਲਿਆਓ। ਦਿਨ ਵਿਚ ਤਿੰਨ ਵਾਰ ਭੋਜਨ ਕਰਨ ਦੀ ਬਜਾਏ ਹਰ ਵਾਰ ਥੋੜ੍ਹੀ-ਥੋੜ੍ਹੀ ਮਾਤਰਾ ਵਿਚ ਭੋਜਨ ਲਓ।
* ਤੁਹਾਡੇ ਹਮਲਾਵਰ ਰਵੱਈਏ ਦੇ ਕਾਰਨ ਤੁਹਾਡੇ ਦੁਆਰਾ ਜ਼ਿਆਦਾ ਚਾਹ, ਕੌਫੀ ਜਾਂ ਕੋਲਾ ਪੀਣ ਵਾਲੇ ਪਦਾਰਥਾਂ ਦਾ ਸੇਵਨ ਹੋ ਸਕਦਾ ਹੈ ਅਤੇ ਜੇ ਤੁਸੀਂ ਅਲਕੋਹਲ, ਤੰਬਾਕੂ ਅਤੇ ਸਿਗਰਟਨੋਸ਼ੀ ਦੇ ਸ਼ੌਕੀਨ ਹੋ ਤਾਂ ਤੁਹਾਡੇ ਵਿਚ ਗੁੱਸੇਖੋਰ ਹੋਣ ਸੰਭਾਵਨਾ ਹੋਰ ਵਧ ਜਾਂਦੀ ਹੈ।
* ਜੇ ਤੁਸੀਂ ਮੀਟ ਦਾ ਬਹੁਤ ਜ਼ਿਆਦਾ ਮਾਤਰਾ ਵਿਚ ਸੇਵਨ ਕਰ ਰਹੇ ਹੋ ਤਾਂ ਤੁਹਾਡੀ ਫੈਸਲੇ ਲੈਣ ਦੀ ਸਮਰੱਥਾ ਪ੍ਰਭਾਵਿਤ ਹੋ ਰਹੀ ਹੈ ਅਤੇ ਤੁਹਾਡੀ ਯੋਗਤਾ ਵਿਚ ਕਮੀ ਆ ਰਹੀ ਹੈ। ਤੁਸੀਂ ਘਬਰਾਹਟ ਵੀ ਮਹਿਸੂਸ ਕਰ ਸਕਦੇ ਹੋ, ਇਸ ਲਈ ਜ਼ਿਆਦਾ ਮਾਤਰਾ ਵਿਚ ਮੀਟ ਦਾ ਸੇਵਨ ਨਾ ਕਰੋ।
* ਖਾਣਾ ਖਾਂਦੇ ਸਮੇਂ ਜੇ ਮਾਹੌਲ ਚੰਗਾ ਨਹੀਂ ਹੈ ਤਾਂ ਤੁਹਾਨੂੰ ਪਾਚਣ ਸਬੰਧੀ ਸ਼ਿਕਾਇਤਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਇਸ ਲਈ ਤਣਾਅ ਭਰੇ ਮਾਹੌਲ ਵਿਚ ਭੋਜਨ ਨਾ ਕਰੋ।
* ਚਰਬੀ ਦਾ ਸੇਵਨ ਅੱਜ ਇਕ ਹਊਆ ਜਿਹਾ ਬਣ ਗਿਆ ਹੈ ਅਤੇ ਹਰ ਵਿਅਕਤੀ ਇਸ ਨੂੰ ਆਪਣੇ ਤੋਂ ਦੂਰ ਰੱਖ ਰਿਹਾ ਹੈ ਪਰ ਸਰੀਰਕ ਅਤੇ ਮਾਨਸਿਕ ਕਾਰਜਕਲਾਪਾਂ ਲਈ ਕੁਝ ਮਾਤਰਾ ਵਿਚ ਚਰਬੀ ਦਾ ਸੇਵਨ ਜ਼ਰੂਰੀ ਹੈ। ਤਾਕਤ ਲਈ ਹਾਰਮੋਨਜ਼ ਦੀ ਪੈਦਾਵਾਰ ਲਈ ਵੀ ਚਰਬੀ ਜ਼ਰੂਰੀ ਹੈ। ਬਲ ਲਈ ਹਾਰਮੋਨਜ਼ ਵਿਅਕਤੀ ਦੇ ਵਿਵਹਾਰ ਨੂੰ ਪ੍ਰਭਾਵਿਤ ਕਰਦੇ ਹਨ ਅਤੇ ਹਾਰਮੋਨ ਸੰਤੁਲਨ ਲਈ ਚਰਬੀ ਦਾ ਸੇਵਨ ਜ਼ਰੂਰੀ ਹੈ। ਸੂਰਜਮੁਖੀ, ਸੋਇਆਬੀਨ, ਜੈਤੂਨ ਦੇ ਤੇਲ ਦਾ ਸੇਵਨ ਕਰੋ।
* ਇਸ ਤੋਂ ਇਲਾਵਾ ਨਿਯਮਤ ਕਸਰਤ ਤਣਾਅ ਦੂਰ ਕਰਨ, ਮੂਡ ਵਿਚ ਸੁਧਾਰ ਲਿਆਉਣ ਅਤੇ ਕਈ ਤਰ੍ਹਾਂ ਦੇ ਰਸਾਇਣਾਂ ਦੀ ਸਰੀਰ ਵਿਚ ਪੈਦਾਵਾਰ ਲਈ ਫਾਇਦੇਮੰਦ ਹੈ। ਇਸ ਨੂੰ ਵੀ ਜ਼ਰੂਰ ਨਿਯਮਤ ਕਰੋ।


ਖ਼ਬਰ ਸ਼ੇਅਰ ਕਰੋ

ਗੁਰਦੇ ਖ਼ਰਾਬ ਤਾਂ ਜੀਵਨ ਬਰਬਾਦ

ਘੱਟ ਪਾਣੀ ਪੀਣਾ
ਕਹਿੰਦੇ ਹਨ ਕਿ ਜੇ ਤੁਸੀਂ ਘੱਟ ਪਾਣੀ ਪੀਓਗੇ ਤਾਂ ਗੁਰਦੇ ਨੂੰ ਖੂਨ ਸਾਫ਼ ਕਰਨ ਲਈ ਜੋ ਤਰਲ ਚਾਹੀਦੇ ਹਨ, ਉਹ ਲੋੜੀਂਦੀ ਮਾਤਰਾ ਵਿਚ ਨਹੀਂ ਮਿਲਦੇ ਅਤੇ ਤੁਹਾਡੇ ਖੂਨ ਵਿਚ ਇਕੱਤਰ ਗੰਦਗੀ ਤੁਹਾਡੇ ਸਰੀਰ ਵਿਚ ਹੀ ਰਹਿ ਜਾਂਦੀ ਹੈ। ਨਤੀਜੇ ਵਜੋਂ ਤੁਹਾਡਾ ਗੁਰਦਾ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ।
ਜ਼ਿਆਦਾ ਦੇਰ ਪਿਸ਼ਾਬ ਰੋਕਣ ਨਾਲ
ਬਹੁਤੇ ਡਾਕਟਰ ਦੱਸਦੇ ਹਨ ਕਿ ਜੇ ਤੁਸੀਂ ਰੋਜ਼ਾਨਾ ਪਿਸ਼ਾਬ ਨੂੰ ਰੋਕਦੇ ਹੋ ਤਾਂ ਇਹ ਤੁਹਾਡੇ ਗੁਰਦੇ ਲਈ ਬਹੁਤ ਖ਼ਤਰਨਾਕ ਸਾਬਤ ਹੋ ਸਕਦਾ ਹੈ, ਕਿਉਂਕਿ ਇਸ ਤਰ੍ਹਾਂ ਗੁਰਦੇ ਵਿਚ ਪੱਥਰੀ ਬਣਨ ਦੀ ਸੰਭਾਵਨਾ ਕਾਫੀ ਵਧ ਜਾਂਦੀ ਹੈ। ਇਸ ਲਈ ਜਦੋਂ ਵੀ ਪਿਸ਼ਾਬ ਆਵੇ ਤਾਂ ਰੋਕਣ ਦੀ ਕੋਸ਼ਿਸ਼ ਕਦੇ ਨਾ ਕਰੋ।
ਤੇਜ਼ ਨਮਕ ਖਾਣ ਨਾਲ
ਭੋਜਨ ਵਿਚ ਜ਼ਿਆਦਾ ਨਮਕ ਖਾਣ ਦੀ ਆਦਤ ਖੂਨ ਦੇ ਦਬਾਅ ਨੂੰ ਵਧਾਉਂਦੀ ਹੈ, ਨਾਲ ਹੀ ਗੁਰਦੇ 'ਤੇ ਵੀ ਵਾਧੂ ਬੋਝ ਪਾਉਂਦੀ ਹੈ। ਸੋ, ਦਿਨ ਵਿਚ 5 ਗ੍ਰਾਮ ਤੋਂ ਜ਼ਿਆਦਾ ਲੂਣ ਨਹੀਂ ਖਾਣਾ ਚਾਹੀਦਾ।
ਜ਼ਿਆਦਾ ਦਵਾਈਆਂ ਲੈਣ ਨਾਲ
ਅਸੀਂ ਸਾਰੇ ਅਕਸਰ ਛੋਟੀਆਂ-ਛੋਟੀਆਂ ਸਮੱਸਿਆਵਾਂ ਵਿਚ ਦਰਦ-ਨਿਵਾਰਕ ਅਤੇ ਐਂਟੀਬਾਇਓਟਿਕ ਦਵਾਈਆਂ ਦੀ ਵਰਤੋਂ ਕਰਨ ਵਿਚ ਕਦੇ ਗੁਰੇਜ਼ ਨਹੀਂ ਕਰਦੇ ਤਾਂ ਹੁਣ ਜ਼ਰਾ ਸੰਭਲ ਜਾਓ। ਇਹ ਦਵਾਈਆਂ ਸਾਡੇ ਗੁਰਦੇ ਨੂੰ ਖਰਾਬ ਕਰਦੀਆਂ ਹਨ, ਇਸ ਲਈ ਅਜਿਹੀਆਂ ਦਵਾਈਆਂ ਦੇ ਜ਼ਿਆਦਾ ਸੇਵਨ ਤੋਂ ਬਚੋ।
ਜ਼ਿਆਦਾ ਕੋਲਡ ਡ੍ਰਿੰਕਸ ਪੀਣ ਨਾਲ
ਵਿਆਹ-ਪਾਰਟੀ ਵਗੈਰਾ ਵਿਚ ਜ਼ਿਆਦਾ ਕੋਲਡ ਡ੍ਰਿੰਕਸ ਦਾ ਸੇਵਨ ਕਰਨ ਨਾਲ ਤੁਹਾਡੇ ਸਰੀਰ ਦਾ ਪ੍ਰੋਟੀਨ ਤੁਹਾਡੇ ਪਿਸ਼ਾਬ ਰਾਹੀਂ ਬਾਹਰ ਨਿਕਲ ਜਾਂਦਾ ਹੈ, ਜਿਸ ਦਾ ਸਿੱਧਾ ਅਸਰ ਤੁਹਾਡੇ ਗੁਰਦਿਆਂ 'ਤੇ ਪੈਂਦਾ ਹੈ। ਇਸ ਤਰ੍ਹਾਂ ਇਹ ਸਹੀ ਸਮੇਂ 'ਤੇ ਕੰਮ ਕਰਨ ਵਿਚ ਅਸਮਰੱਥ ਹੋ ਜਾਂਦੇ ਹਨ ਅਤੇ ਅਖੀਰ ਨਕਾਰਾ ਹੋ ਜਾਂਦੇ ਹਨ।
ਭਰਪੂਰ ਨੀਂਦ ਨਾ ਲੈਣ ਨਾਲ
ਤੰਦਰੁਸਤ ਸਰੀਰ ਲਈ ਹਮੇਸ਼ਾ ਪੂਰੀ ਅਤੇ ਚੰਗੀ ਨੀਂਦ ਦਾ ਹੋਣਾ ਬਹੁਤ ਲਾਜ਼ਮੀ ਹੁੰਦਾ ਹੈ। ਜੇ ਤੁਸੀਂ ਰਾਤ ਨੂੰ ਸਹੀ ਤਰ੍ਹਾਂ ਨਹੀਂ ਸੌਂਦੇ ਹੋ ਤਾਂ ਯਕੀਨ ਮੰਨੋ, ਇਸ ਕਿਰਿਆ ਵਿਚ ਵੀ ਰੁਕਾਵਟ ਆਵੇਗੀ ਅਤੇ ਤੁਹਾਡੇ ਗੁਰਦੇ ਖਰਾਬ ਹੋ ਜਾਣਗੇ।
ਮਾਸਾਹਾਰੀ ਭੋਜਨ ਕਰਨ ਨਾਲ
ਯਾਦ ਰੱਖੋ ਕਿ ਜ਼ਿਆਦਾ ਮਾਸਾਹਾਰੀ ਭੋਜਨ ਕਰਨ ਨਾਲ ਵੀ ਤੁਹਾਡੇ ਗੁਰਦੇ ਦੇ ਮੈਟਾਬਾਲਿਜ਼ਮ 'ਤੇ ਜ਼ਿਆਦਾ ਦਬਾਅ ਪੈਂਦਾ ਹੈ। ਜੇ ਤੁਸੀਂ ਆਪਣੀ ਖੁਰਾਕ ਵਿਚ ਜ਼ਿਆਦਾ ਪ੍ਰੋਟੀਨ ਲੈਣ ਤੋਂ ਬਾਜ ਨਹੀਂ ਆਉਂਦੇ ਤਾਂ ਸਪੱਸ਼ਟ ਹੈ ਕਿ ਤੁਹਾਡੇ ਗੁਰਦੇ ਨੂੰ ਬਹੁਤ ਜ਼ਿਆਦਾ ਨੁਕਸਾਨ ਉਠਾਉਣਾ ਪੈ ਸਕਦਾ ਹੈ।
ਜ਼ਿਆਦਾ ਸ਼ਰਾਬ ਪੀਣ ਨਾਲ
ਜਾਣਕਾਰ ਲੋਕਾਂ ਅਨੁਸਾਰ ਜ਼ਿਆਦਾ ਮਾਤਰਾ ਵਿਚ ਅਤੇ ਲਗਾਤਾਰ ਅਲਕੋਹਲ ਦਾ ਸੇਵਨ ਕਰਨ ਨਾਲ ਵੀ ਤੁਹਾਡੇ ਲਿਵਰ ਅਤੇ ਗੁਰਦੇ 'ਤੇ ਬਹੁਤ ਬੁਰਾ ਅਸਰ ਪੈਂਦਾ ਹੈ। ਨਤੀਜੇ ਵਜੋਂ ਤੁਹਾਡਾ ਗੁਰਦਾ ਛੇਤੀ ਆਪਣਾ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ।
ਵਿਟਾਮਿਨਜ਼ ਦੀ ਕਮੀ ਨਾਲ
ਦੇਖਣ ਵਿਚ ਆਉਂਦਾ ਹੈ ਕਿ ਕਈ ਵਾਰ ਗੁਰਦੇ ਦੇ ਫੇਲ੍ਹ ਹੋਣ ਅਤੇ ਪੱਥਰੀ ਬਣਨ ਦੀ ਜ਼ਿਆਦਾ ਸੰਭਾਵਨਾ ਉਦੋਂ ਹੁੰਦੀ ਹੈ ਜਦੋਂ ਸਾਡੇ ਭੋਜਨ ਵਿਚ ਮਿਨਰਲਸ ਅਤੇ ਵਿਟਾਮਿਨਾਂ ਦੀ ਕਮੀ ਹੁੰਦੀ ਹੈ। ਇਸ ਲਈ ਜਿਥੋਂ ਤੱਕ ਸੰਭਵ ਹੋ ਸਕੇ, ਇਨ੍ਹਾਂ ਦੀ ਕਮੀ ਨੂੰ ਪੂਰਾ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੋ।
ਜ਼ਿਆਦਾ ਮਿੱਠਾ ਖਾਣ ਨਾਲ
ਇਹ ਸੱਚੀ ਗੱਲ ਹੈ ਕਿ ਜਦੋਂ ਅਸੀਂ ਖਾਣੇ ਵਿਚ ਖੰਡ ਦੀ ਜ਼ਿਆਦਾ ਵਰਤੋਂ ਕਰਦੇ ਹਾਂ ਤਾਂ ਇਹ ਸਾਡੇ ਖੂਨ ਦਾ ਸ਼ੂਗਰ ਦਾ ਪੱਧਰ ਵਧਾ ਦਿੰਦੀ ਹੈ, ਜੋ ਕਿ ਅੱਗੇ ਚੱਲ ਕੇ ਸਾਡੇ ਲਿਵਰ ਅਤੇ ਗੁਰਦੇ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ। ਇਸ ਲਈ ਖੰਡ ਦਾ ਸੇਵਨ ਘੱਟ ਤੋਂ ਘੱਟ ਕਰੋ।
ਇੰਜ ਬਚਾਓ ਆਪਣੇ ਗੁਰਦੇ ਨੂੰ ਖ਼ਰਾਬ ਹੋਣ ਤੋਂ
* ਰੋਜ਼ਾਨਾ ਵੱਧ ਤੋਂ ਵੱਧ ਪਾਣੀ ਪੀਣ ਦੀ ਕੋਸ਼ਿਸ਼ ਕਰੋ। ਘੱਟ ਤੋਂ ਘੱਟ 8 ਤੋਂ 10 ਗਿਲਾਸ ਪਾਣੀ ਜ਼ਰੂਰ ਪੀਓ।
* ਫਲ ਅਤੇ ਹਰੀਆਂ ਸਬਜ਼ੀਆਂ ਨੂੰ ਆਪਣੇ ਭੋਜਨ ਵਿਚ ਜ਼ਿਆਦਾ ਮਾਤਰਾ ਵਿਚ ਸ਼ਾਮਿਲ ਕਰੋ। ਅੰਗੂਰ ਖਾਣੇ ਬਿਲਕੁਲ ਵੀ ਨਾ ਭੁੱਲੋ, ਕਿਉਂਕਿ ਇਹ ਗੁਰਦੇ ਵਿਚੋਂ ਫਾਲਤੂ ਯੂਰਿਕ ਐਸਿਡ ਬਾਹਰ ਕੱਢ ਕੇ ਸੁੱਟਦੇ ਹਨ।
* ਕਹਿੰਦੇ ਹਨ ਕਿ ਮੈਗਨੀਸ਼ੀਅਮ ਗੁਰਦੇ ਨੂੰ ਸਹੀ ਕੰਮ ਕਰਨ ਵਿਚ ਮਦਦ ਕਰਦਾ ਹੈ। ਇਸ ਲਈ ਜ਼ਿਆਦਾ ਮੈਗਨੀਸ਼ੀਅਮ ਵਾਲੀਆਂ ਚੀਜ਼ਾਂ ਅਰਥਾਤ ਗੂੜ੍ਹੇ ਰੰਗ ਵਾਲੀਆਂ ਸਬਜ਼ੀਆਂ ਜ਼ਰੂਰ ਖਾਓ।
* ਆਪਣੇ ਖਾਣੇ ਵਿਚ ਨਮਕ ਦੀ ਮਾਤਰਾ ਨੂੰ ਘੱਟ ਕਰੋ। ਸੋਡੀਅਮ ਅਤੇ ਪ੍ਰੋਟੀਨ ਦੀ ਮਾਤਰਾ ਵੀ ਘਟਾ ਦਿਓ।
* 30 ਸਾਲ ਦੀ ਉਮਰ ਤੋਂ ਬਾਅਦ ਸਾਲ ਵਿਚ ਘੱਟ ਤੋਂ ਘੱਟ ਇਕ ਵਾਰ ਖੂਨ ਦੇ ਦਬਾਅ ਅਤੇ ਸ਼ੂਗਰ ਦੀ ਜਾਂਚ ਜ਼ਰੂਰ ਕਰਾਓ। ਇਸ ਤੋਂ ਇਲਾਵਾ ਖੂਨ ਦੇ ਦਬਾਅ ਅਤੇ ਸ਼ੂਗਰ ਦੇ ਲੱਛਣ ਮਿਲਣ 'ਤੇ ਹਰ ਛੇ ਮਹੀਨੇ ਵਿਚ ਪਿਸ਼ਾਬ ਅਤੇ ਖੂਨ ਦੀ ਵੀ ਜਾਂਚ ਕਰਾਉਣੀ ਕਦੇ ਨਾ ਭੁੱਲੋ।
* ਅਖੀਰ ਵਿਚ ਨਿਊਟ੍ਰੀਸ਼ੀਅਨ ਨਾਲ ਭਰਪੂਰ ਭੋਜਨ ਕਰਨ, ਲਗਾਤਾਰ ਮਿਹਨਤ ਅਤੇ ਭਾਰ ਕਾਬੂ ਕਰਨ ਨਾਲ ਵੀ ਗੁਰਦੇ ਦੀ ਭਿਆਨਕ ਬਿਮਾਰੀ ਨੂੰ ਖੁਦ ਤੋਂ ਦੂਰ ਰੱਖਿਆ ਜਾ ਸਕਦਾ ਹੈ।

ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਸੇਬ

ਸੇਬ ਨੂੰ ਸਭ ਤੋਂ ਸਿਹਤਮੰਦ ਅਤੇ ਬਹੁਰੰਗੀ ਫਲ ਮੰਨਿਆ ਜਾਂਦਾ ਹੈ। ਇਕ ਅਨੁਮਾਨ ਅਨੁਸਾਰ ਸੇਬ ਦੀ ਪੈਦਾਵਾਰ ਕਰਨ ਵਾਲੇ ਮੁਲਕਾਂ ਵਿਚ ਚੀਨ ਅਤੇ ਅਮਰੀਕਾ ਕ੍ਰਮਵਾਰ ਪਹਿਲੇ ਅਤੇ ਦੂਜੇ ਸਥਾਨ 'ਤੇ ਹਨ। ਸੇਬ ਨਾ ਸਿਰਫ ਖਾਣ ਵਿਚ ਸਵਾਦ ਹੁੰਦਾ ਹੈ, ਸਗੋਂ ਇਸ ਦੇ ਤੰਦਰੁਸਤੀ ਵਾਲੇ ਕਈ ਗੁਣ ਵੀ ਹਨ। ਆਓ ਜਾਣਦੇ ਹਾਂ ਕਿ ਸੇਬ ਕਿਸ ਤਰ੍ਹਾਂ ਤੁਹਾਨੂੰ ਸਿਹਤਮੰਦ ਰੱਖਣ ਵਿਚ ਮਦਦਗਾਰ ਹੁੰਦਾ ਹੈ।
ਦਿਲ ਨੂੰ ਰੱਖੇ ਸਿਹਤਮੰਦ : ਸੇਬ ਐਂਟੀਆਕਸੀਡੈਂਟ, ਪਾਲੀਫਿਨਾਲ ਅਤੇ ਫਲੇਵੋਨਾਇਡ ਦਾ ਉਚਿਤ ਸਰੋਤ ਹੈ। ਇਹ ਸਭ ਦਿਲ ਨੂੰ ਤੰਦਰੁਸਤ ਰੱਖਣ ਵਿਚ ਕਾਫੀ ਮਦਦਗਾਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਇਨ੍ਹਾਂ ਨਾਲ ਤੁਹਾਡੇ ਸਰੀਰ ਨੂੰ ਜ਼ਰੂਰੀ ਮਿਨਰਲ, ਜਿਵੇਂ ਪੋਟਾਸ਼ੀਅਮ ਮਿਲਦਾ ਹੈ, ਜੋ ਤੁਹਾਡੇ ਦਿਲ ਲਈ ਬਹੁਤ ਜ਼ਰੂਰੀ ਹੁੰਦਾ ਹੈ। ਫਿਰ ਰੋਜ਼ਾਨਾ ਇਕ ਗਿਲਾਸ ਸੇਬ ਦਾ ਰਸ ਤੁਹਾਡੇ ਹਿਰਦੇ ਨੂੰ ਸਹੀ ਤਰ੍ਹਾਂ ਕੰਮ ਕਰਨ ਵਿਚ ਮਦਦ ਕਰਦਾ ਹੈ।
ਅਸਥਮਾ ਤੋਂ ਬਚਾਉਂਦਾ ਹੈ : ਸੇਬ ਦਾ ਇਕ ਵੱਡਾ ਫਾਇਦਾ ਇਹ ਹੈ ਕਿ ਇਸ ਵਿਚ ਫਲੇਵੋਨਾਇਡਸ ਹੁੰਦੇ ਹਨ। ਇਹ ਬੇਜੋੜ ਪੌਸ਼ਕ ਤੱਤ ਅਸਥਮਾ ਤੋਂ ਬਚਾਉਣ ਦੇ ਆਪਣੇ ਗੁਣਾਂ ਦੇ ਕਾਰਨ ਕਾਫੀ ਪ੍ਰਸਿੱਧ ਹੈ। ਇਸ ਦੇ ਨਾਲ ਹੀ ਫਲੇਵੋਨਾਇਡ ਫੇਫੜਿਆਂ ਨੂੰ ਜ਼ਿਆਦਾ ਮਜ਼ਬੂਤ ਬਣਾਉਂਦਾ ਹੈ ਅਤੇ ਉਨ੍ਹਾਂ ਦੀ ਕਾਰਜ ਸਮਰੱਥਾ ਵਧਾਉਂਦਾ ਹੈ। ਤਾਜ਼ਾ ਖੋਜਾਂ ਵਿਚ ਇਹ ਗੱਲ ਸਾਬਤ ਹੋ ਚੁੱਕੀ ਹੈ ਕਿ ਉਹ ਲੋਕ ਜੋ ਨਿਯਮਿਤ ਤੌਰ 'ਤੇ ਸੇਬ ਦੇ ਰਸ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਦੇ ਫੇਫੜੇ ਦੂਜੇ ਲੋਕਾਂ ਦੇ ਮੁਕਾਬਲੇ ਬਿਹਤਰ ਕੰਮ ਕਰਦੇ ਹਨ।
ਲਿਵਰ ਨੂੰ ਸਾਫ਼ ਰੱਖਦਾ ਹੈ : ਸੇਬ ਵਿਚ ਮੌਜੂਦ ਕਸ਼ਾਰੀਅਤਾ ਲਿਵਰ ਵਿਚ ਮੌਜੂਦ ਟਾਕਸਿਨ ਅਤੇ ਅਪਸ਼ਿਸ਼ਟ ਪਦਾਰਥਾਂ ਨੂੰ ਬਾਹਰ ਕਰਕੇ ਉਸ ਨੂੰ ਮਜ਼ਬੂਤ ਬਣਾਈ ਰੱਖਦੀ ਹੈ। ਇਸ ਨਾਲ ਚਮੜੀ ਦਾ ਪੀ. ਐੱਚ. ਪੱਧਰ ਆਮ ਬਣਿਆ ਰਹਿੰਦਾ ਹੈ। ਸੇਬ ਦੀ ਛਿੱਲ ਵਿਚ ਮੌਜੂਦ ਤੱਤ ਸਾਡੀ ਪਾਚਣ ਕਿਰਿਆ ਨੂੰ ਦਰੁਸਤ ਰੱਖਣ ਵਿਚ ਮਦਦਗਾਰ ਹੁੰਦੇ ਹਨ।
ਹੱਡੀਆਂ ਨੂੰ ਮਜ਼ਬੂਤ ਅਤੇ ਸਿਹਤਮੰਦ ਬਣਾਉਂਦਾ ਹੈ : ਸੇਬ ਵਿਚ ਵਿਟਾਮਿਨ 'ਸੀ', ਆਇਰਨ ਅਤੇ ਬੋਰੋਨ ਵਰਗੇ ਕਈ ਪੌਸ਼ਕ ਤੱਤ ਹੁੰਦੇ ਹਨ। ਇਹ ਪੌਸ਼ਕ ਤੱਤ ਇਕੱਠੇ ਮਿਲ ਕੇ ਤੁਹਾਡੀਆਂ ਹੱਡੀਆਂ ਨੂੰ ਮਜ਼ਬੂਤ ਅਤੇ ਸਿਹਤਮੰਦ ਬਣਾਉਣ ਵਿਚ ਮਦਦ ਕਰਦੇ ਹਨ।
ਪ੍ਰਤੀਰੱਖਿਆ ਪ੍ਰਣਾਲੀ ਨੂੰ ਬਣਾਉਂਦਾ ਹੈ ਮਜ਼ਬੂਤ : ਵਿਟਾਮਿਨ 'ਸੀ' ਦੀ ਬਹੁਤਾਤ ਦੇ ਕਾਰਨ ਸੇਬ ਸਾਡੀ ਪ੍ਰਤੀਰੱਖਿਆ ਪ੍ਰਣਾਲੀ ਨੂੰ ਮਜ਼ਬੂਤ ਬਣਾਉਣ ਵਿਚ ਮਦਦ ਕਰਦਾ ਹੈ, ਜਿਸ ਨਾਲ ਬੈਕਟੀਰੀਆ ਅਤੇ ਕੀਟਾਣੂਆਂ ਨਾਲ ਲੜਨ ਦੀ ਸਾਡੀ ਸਰੀਰਕ ਸਮਰੱਥਾ ਵਿਚ ਵਾਧਾ ਹੁੰਦਾ ਹੈ।
ਕੈਂਸਰ ਤੋਂ ਬਚਾਉਂਦਾ ਹੈ : ਸੇਬ ਦਾ ਰਸ ਕੈਂਸਰ ਅਤੇ ਟਿਊਮਰ ਤੋਂ ਬਚਾਉਣ ਵਿਚ ਬੇਹੱਦ ਫਾਇਦੇਮੰਦ ਹੈ। ਖਾਸ ਤੌਰ 'ਤੇ ਫੇਫੜਿਆਂ ਦੇ ਕੈਂਸਰ ਤੋਂ ਬਚਾਉਣ ਵਿਚ ਸੇਬ ਦੇ ਰਸ ਦਾ ਕੋਈ ਤੋੜ ਨਹੀਂ। ਟਿਊਮਰ ਕੋਸ਼ਿਕਾਵਾਂ ਨੂੰ ਰੋਕਣ ਵਿਚ ਫਲੇਵੋਨਾਇਡ ਅਤੇ ਫਿਨਾਲਿਕ ਐਸਿਡ ਨੂੰ ਬੇਹੱਦ ਕਾਰਗਰ ਮੰਨਿਆ ਗਿਆ ਹੈ।
ਕਬਜ਼ ਦਾ ਇਲਾਜ : ਜਦੋਂ ਵੱਡੀ ਅੰਤੜੀ ਜ਼ਿਆਦਾ ਮਾਤਰਾ ਵਿਚ ਪਾਣੀ ਸੋਖ ਲੈਂਦੀ ਹੈ ਤਾਂ ਕਬਜ਼ ਦੀ ਪ੍ਰੇਸ਼ਾਨੀ ਹੁੰਦੀ ਹੈ। ਸੇਬ ਵਿਚ ਸੋਰਬਿਟਾਲ ਹੁੰਦਾ ਹੈ, ਜੋ ਇਸ ਸਮੱਸਿਆ ਨੂੰ ਖ਼ਤਮ ਕਰਨ ਵਿਚ ਮਦਦ ਕਰਦਾ ਹੈ। ਹੁਣ ਇਹ ਤੱਤ ਵੱਡੀ ਅੰਤੜੀ ਵਿਚ ਪਹੁੰਚਦਾ ਹੈ ਤਾਂ ਇਹ ਕੋਲੋਨ ਵਿਚ ਪਾਣੀ ਪਹੁੰਚਾਉਂਦਾ ਹੈ। ਇਸ ਨਾਲ ਸਥੂਲ ਨਰਮ ਹੋ ਜਾਂਦਾ ਹੈ ਅਤੇ ਆਸਾਨੀ ਨਾਲ ਪਾਸ ਹੋ ਜਾਂਦਾ ਹੈ।
ਸੁੰਦਰਤਾ ਵਧਾਏ ਸੇਬ ਦਾ ਰਸ : ਵਾਲਾਂ ਅਤੇ ਚਮੜੀ ਲਈ ਵੀ ਸੇਬ ਦਾ ਰਸ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਚਮੜੀ ਸਬੰਧੀ ਕਈ ਪਰੇਸ਼ਾਨੀਆਂ ਜਿਵੇਂ ਸੋਜ, ਖੁਜਲੀ, ਫਟੀ ਚਮੜੀ ਅਤੇ ਝੁਰੜੀਆਂ ਲਈ ਘਰੇਲੂ ਉਪਾਅ ਦੇ ਤੌਰ 'ਤੇ ਵਰਤਿਆ ਜਾਂਦਾ ਹੈ। ਸਿਰ ਦੀ ਚਮੜੀ 'ਤੇ ਸੇਬ ਦਾ ਰਸ ਲਗਾਉਣ ਨਾਲ ਸਿੱਕਰੀ ਅਤੇ ਸਕਲੇਪ ਸਬੰਧੀ ਕਈ ਰੋਗਾਂ ਤੋਂ ਛੁਟਕਾਰਾ ਮਿਲਦਾ ਹੈ।

ਲਓ ਆ ਗਈ ਸਰਦੀ

ਠੰਢ ਦਾ ਮੌਸਮ ਭਾਵ ਸਿਹਤ ਬਣਾਉਣ ਵਾਲੇ ਮੌਸਮ ਵਿਚ ਅਸੀਂ ਅਕਸਰ ਬਿਮਾਰੀਆਂ ਦੀ ਚਪੇਟ ਵਿਚ ਆ ਜਾਂਦੇ ਹਾਂ। ਆਖਰ ਠੰਢ ਦੇ ਬੁਰੇ ਅਸਰ ਤੋਂ ਕਿਵੇਂ ਬਚਿਆ ਜਾਵੇ?
ਆਪਣੇ ਤਨ ਨੂੰ ਠੰਢ ਤੋਂ ਬਚਾਉਣ ਲਈ ਅਸੀਂ ਤਰ੍ਹਾਂ-ਤਰ੍ਹਾਂ ਦੇ ਯਤਨ ਕਰਦੇ ਹਾਂ। ਵੈਸੇ ਤਾਂ ਠੰਢ ਤੋਂ ਬਚਣ ਲਈ ਜਾਂ ਸਰੀਰ ਦੀ ਰੱਖਿਆ ਲਈ ਖੁਰਾਕ ਅਤੇ ਕੱਪੜਿਆਂ ਦੀ ਅਹਿਮ ਭੂਮਿਕਾ ਹੈ, ਫਿਰ ਵੀ ਇਸ ਪ੍ਰਕਿਰਤੀ ਪ੍ਰਦੱਤ ਸਰੀਰ ਨੂੰ ਠੰਢ ਤੋਂ ਬਚਾਉਣ ਲਈ ਕੁਦਰਤ ਨੇ ਖੁਦ ਹੀ ਰੱਖਿਆ ਕਵਚ ਦਾ ਸਹਾਰਾ ਦੇ ਰੱਖਿਆ ਹੈ। ਆਓ ਜਾਣੀਏ ਇਹ ਕਿਵੇਂ?
ਜਦੋਂ ਸਰੀਰ ਨੂੰ ਕੱਪੜਿਆਂ ਅਤੇ ਭੋਜਨ ਆਦਿ ਤੋਂ ਲੋੜੀਂਦੀ ਸੁਰੱਖਿਆ ਪ੍ਰਾਪਤ ਨਹੀਂ ਹੁੰਦੀ ਤਾਂ ਉਹ ਆਪਣੀਆਂ ਹੀ ਪ੍ਰਕਿਰਿਆਵਾਂ ਦੁਆਰਾ ਆਪਣੀ ਰੱਖਿਆ ਕਰਨ ਲਗਦਾ ਹੈ। ਤੰਤਤ੍ਰਿਕਾਵਾਂ ਦੁਆਰਾ ਸਰੀਰ ਵਿਚ ਫੈਲੀਆਂ ਹੋਈਆਂ ਅਣਗਿਣਤ ਮਾਸਪੇਸ਼ੀਆਂ ਤਾਪਮਾਨ ਡਿਗਦੇ ਹੀ ਦਿਮਾਗ ਨੂੰ ਸੁਚੇਤ ਕਰ ਦਿੰਦੀਆਂ ਹਨ ਭਾਵ ਦਿਮਾਗ ਤੁਰੰਤ ਮਾਸਪੇਸ਼ੀਆਂ ਦੇ ਫੈਲਣ ਅਤੇ ਸੁੰਗੜਨ ਦਾ ਕਾਰਜਕ੍ਰਮ ਸ਼ੁਰੂ ਕਰ ਦਿੰਦਾ ਹੈ। ਠੰਢ ਦੇ ਕਾਰਨ ਜੋ ਕੰਬਣੀ ਪੈਦਾ ਹੁੰਦੀ ਹੈ, ਉਸ ਦੀ ਰਗੜ ਨਾਲ ਗਰਮੀ ਪੈਦਾ ਹੁੰਦੀ ਹੈ ਅਤੇ ਸਰੀਰ ਦਾ ਤਾਪਮਾਨ ਜਿਉਂ ਦਾ ਤਿਉਂ ਬਣਿਆ ਰਹਿੰਦਾ ਹੈ।
ਸਰੀਰ ਦੀ ਥੋੜ੍ਹੀ ਜਿਹੀ ਗਤੀਵਿਧੀ ਜਾਂ ਇਹ ਕਹਿ ਲਓ ਕਿ ਚੱਲਣ-ਫਿਰਨ ਜਾਂ ਉੱਠਣ-ਬੈਠਣ ਨਾਲ ਹੀ ਸਰੀਰ ਦੇ ਅੰਦਰ ਚੱਲਣ ਵਾਲੀਆਂ ਪਾਚਣ ਕਿਰਿਆਵਾਂ ਦੇ ਦੌਰਾਨ ਹੀ ਰਸਾਇਣਕ ਕਿਰਿਆਵਾਂ ਵਿਚ ਉਸ਼ਮਾ ਪੈਦਾ ਹੋ ਜਾਂਦੀ ਹੈ। ਸਾਡਾ ਸਰੀਰ ਲਗਾਤਾਰ ਊਰਜਾ ਉਤਪਾਦਨ ਕਰਦਾ ਰਹਿੰਦਾ ਹੈ ਅਤੇ ਹੁਣ ਊਰਜਾ ਦੀ ਬਹੁਤਾਤ ਹੋ ਜਾਂਦੀ ਹੈ ਤਾਂ ਇਹ ਗਰਮੀ ਦੇ ਰੂਪ ਵਿਚ ਚਮੜੀ ਰਾਹੀਂ ਵਿਕਿਰਨ ਦੁਆਰਾ ਜਾਂ ਪਸੀਨੇ ਨਾਲ ਜਾਂ ਸਾਹ ਨਾਲ ਭਾਫ ਦੁਆਰਾ ਸਰੀਰ ਵਿਚੋਂ ਬਾਹਰ ਨਿਕਲ ਜਾਂਦੀ ਹੈ।
ਅਕਸਰ ਦੇਖਿਆ ਗਿਆ ਹੈ ਕਿ ਸੀਤ ਲਹਿਰ ਦੀ ਚਪੇਟ ਵਿਚ ਉਹ ਹੀ ਲੋਕ ਆਉਂਦੇ ਹਨ, ਜਿਨ੍ਹਾਂ ਨੂੰ ਪੋਸ਼ਟਿਕ ਆਹਾਰ ਅਤੇ ਪੇਟ ਭਰ ਭੋਜਨ ਨਾ ਮਿਲਣ ਦੇ ਕਾਰਨ ਲੋੜੀਂਦੀ ਊਰਜਾ ਨਹੀਂ ਮਿਲਦੀ ਅਤੇ ਉਹ ਮੌਤ ਨੂੰ ਗਲੇ ਲਗਾ ਲੈਂਦੇ ਹਨ। ਮਨੁੱਖੀ ਸਰੀਰ ਵਿਚ ਹਾਈਪੋਥੈਲੇਮਸ ਊਰਜਾ ਦੇ ਉਤਪਾਦਨ ਅਤੇ ਹੋਰ ਊਰਜਾ ਦੇ ਸਰੀਰ ਨਾਲ ਨਿਸ਼ਕਾਸਨ 'ਤੇ ਕਾਬੂ ਰਹਿੰਦਾ ਹੈ।
ਸਰਦੀ ਵਿਚ ਸਰੀਰਕ ਕੰਮ ਵੀ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਇਸ ਨਾਲ ਸਾਡੇ ਸਰੀਰ ਨੂੰ ਅਤਿ ਦੀ ਸਰਦੀ ਵਿਚ ਊਰਜਾ ਪ੍ਰਾਪਤ ਹੁੰਦੀ ਹੈ। ਸਰੀਰਕ ਕੰਮ ਕਰਨ ਜਾਂ ਹਾਕੀ ਅਤੇ ਫੁੱਟਬਾਲ ਵਰਗੀਆਂ ਖੇਡਾਂ ਖੇਡਣ ਨਾਲ ਲਗਪਗ 400-500 ਕਿਲੋ ਕੈਲੋਰੀ ਤੱਕ ਊਰਜਾ ਪੈਦਾ ਹੁੰਦੀ ਹੈ। ਇਸੇ ਤਰ੍ਹਾਂ ਉਚਾਈ 'ਤੇ ਚੜ੍ਹਨ ਨਾਲ 240 ਅਤੇ ਟਹਿਲਣ ਨਾਲ 140 ਕਿਲੋ ਕੈਲੋਰੀ ਊਰਜਾ ਪੈਦਾ ਹੁੰਦੀ ਹੈ।
ਸਰਦੀ ਵਿਚ ਚਮੜੀ ਦੀ ਦੇਖਭਾਲ : ਚਮੜੀ ਦਾ ਫਟਣਾ, ਉਸ ਦਾ ਕਾਲਾ ਪੈ ਜਾਣਾ, ਬੁੱਲ੍ਹਾਂ ਅਤੇ ਅੱਡੀਆਂ ਦਾ ਫਟਣਾ ਸਰਦੀ ਦੇ ਮੌਸਮ ਦੀਆਂ ਆਮ ਸਮੱਸਿਆਵਾਂ ਹਨ। ਇਨ੍ਹਾਂ ਤੋਂ ਇਲਾਵਾ ਸਰਦੀ ਰੁੱਤ ਵਿਚ ਚਮੜੀ ਦਾ ਰੁੱਖਾਪਨ ਵੀ ਇਕ ਵੱਖਰੀ ਸਮੱਸਿਆ ਹੈ। ਚਮੜੀ ਰੁੱਖੀ ਹੋਣ 'ਤੇ ਉਸ 'ਤੇ ਅਕਸਰ ਲਾਲ ਨਿਸ਼ਾਨ ਪੈਦਾ ਹੋ ਜਾਂਦੇ ਹਨ। ਕੁਝ ਦਿਨ ਬਾਅਦ ਇਹ ਲਾਲ ਨਿਸ਼ਾਨ ਆਪਣੇ-ਆਪ ਖ਼ਤਮ ਹੋ ਜਾਂਦੇ ਹਨ ਅਤੇ ਚਮੜੀ ਖਿੱਚਣ ਲਗਦੀ ਹੈ। ਇਸ ਲਈ ਚਮੜੀ ਨੂੰ ਗਰਮੀ ਦੇ ਮੌਸਮ ਨਾਲੋਂ ਵੀ ਜ਼ਿਆਦਾ ਦੇਖਭਾਲ ਦੀ ਲੋੜ ਸਰਦੀ ਦੇ ਮੌਸਮ ਵਿਚ ਹੁੰਦੀ ਹੈ।
ਬਿਹਤਰ ਖੂਨ ਸੰਚਾਰ ਲਈ : ਮਾਲਿਸ਼ ਵੀ ਚਮੜੀ ਦੀ ਨਮੀ ਲਈ ਬਹੁਤ ਜ਼ਰੂਰੀ ਹੈ। ਮਾਲਿਸ਼ ਨਾਲ ਖੂਨ ਸੰਚਾਰ ਬਿਹਤਰ ਹੁੰਦਾ ਹੈ, ਠੰਢੀ ਰੁੱਤ ਵਿਚ ਹਫ਼ਤੇ ਵਿਚ ਘੱਟ ਤੋਂ ਘੱਟ ਦੋ ਵਾਰ ਮਾਲਿਸ਼ ਕਰਨ ਤੋਂ ਬਾਅਦ ਪਾਣੀ ਨਾਲ ਇਸ਼ਨਾਨ ਕਰੋ। ਸਰਦੀ ਦੇ ਮੌਸਮ ਵਿਚ ਚਮੜੀ ਦੀ ਸਫ਼ਾਈ ਲਈ ਕਲੀਨਿੰਗ ਦੀ ਵਰਤੋਂ ਕਰੋ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਕਲੀਨਿੰਗ ਦੀ ਵਰਤੋਂ ਜ਼ਰੂਰ ਕਰੋ। ਸਰਦ ਰੁੱਤ ਵਿਚ ਕ੍ਰੀਮ ਦੀ ਵਰਤੋਂ ਜ਼ਿਆਦਾ ਕਰੋ। ਬਾਜ਼ਾਰ ਵਿਚ ਉਪਲਬਧ ਕਲੀਨਰ ਮ੍ਰਿਤ ਚਮੜੀ ਨੂੰ ਤਾਂ ਹਟਾਉਂਦੇ ਹੀ ਹਨ, ਉਸ ਨੂੰ ਕੋਮਲਤਾ ਵੀ ਦਿੰਦੇ ਹਨ। ਕਿਉਂਕਿ ਇਨ੍ਹਾਂ ਵਿਚ ਜੜ੍ਹੀ ਬੂਟੀਆਂ ਅਤੇ ਫਲ-ਸਬਜ਼ੀਆਂ ਦਾ ਰਸ ਅਤੇ ਕੁਦਰਤੀ ਖਣਿਜ ਮੌਜੂਦ ਹੁੰਦੇ ਹਨ।
ਸਰਦ ਰੁੱਤ ਵਿਚ ਆਪਣੇ ਹੱਥਾਂ-ਪੈਰਾਂ ਦਾ ਵੀ ਵਿਸ਼ੇਸ਼ ਧਿਆਨ ਰੱਖੋ। ਇਸ ਨੂੰ ਅਣਡਿੱਠ ਨਾ ਕਰੋ। ਹੱਥਾਂ 'ਤੇ ਮਲਾਈ, ਨਿੰਬੂ, ਗਲਿਸਰੀਨ ਦੀ ਵਰਤੋਂ ਕਰੋ। ਆਂਡੇ ਦੀ ਜਰਦੀ ਵਿਚ ਸ਼ਹਿਦ ਅਤੇ ਬਦਾਮ ਦਾ ਤੇਲ ਮਿਲਾ ਕੇ ਹੱਥਾਂ 'ਤੇ ਮਲੋ ਅਤੇ ਇਕ ਘੰਟੇ ਬਾਅਦ ਸਿਰਕੇ ਵਾਲੇ ਪਾਣੀ ਨਾਲ ਹੱਥ ਧੋ ਲਓ। ਜੈਤੂਨ ਜਾਂ ਬਦਾਮ ਵਾਲੇ ਤੇਲ ਨਾਲ ਮਾਲਿਸ਼ ਕਰੋ।

ਸਿਹਤ ਖ਼ਬਰਨਾਮਾ

ਚੁਸਤ ਰਹਿਣ ਲਈ ਕਰੋ ਥੋੜ੍ਹਾ ਆਰਾਮ

ਅਮਰੀਕਾ ਵਿਚ ਕਾਰਨੇਲ ਯੂਨੀਵਰਸਿਟੀ ਦੇ ਖੋਜ ਕਰਤਾਵਾਂ ਦੁਆਰਾ ਕੀਤੀ ਗਈ ਇਕ ਖੋਜ ਨਾਲ ਇਹ ਸਾਹਮਣੇ ਆਇਆ ਹੈ ਕਿ ਜੋ ਲੋਕ ਦੁਪਹਿਰ ਨੂੰ 15-20 ਮਿੰਟ ਝਪਕੀ ਲੈਣ ਤੋਂ ਬਾਅਦ ਕੰਮ ਕਰਦੇ ਹਨ, ਉਨ੍ਹਾਂ ਵਿਚ ਜ਼ਿਆਦਾ ਫੁਰਤੀ ਹੁੰਦੀ ਹੈ। ਚੁਸਤ ਹੋਣ ਕਾਰਨ ਵਿਅਕਤੀ ਗ਼ਲਤੀਆਂ ਵੀ ਘੱਟ ਕਰਦਾ ਹੈ ਅਤੇ ਸਾਰੇ ਕੰਮ ਚੁਸਤੀ ਨਾਲ ਕਰ ਲੈਂਦਾ ਹੈ, ਜਦੋਂ ਕਿ ਜੋ ਲੋਕ ਬਿਨਾਂ ਝਪਕੀ ਲਏ ਕੰਮ ਕਰਦੇ ਹਨ, ਉਹ ਘੱਟ ਫੁਰਤੀਲੇ ਪਾਏ ਗਏ। ਇਸ ਖੋਜ ਤੋਂ ਪਹਿਲਾਂ ਇਸ ਗੱਲ ਨੂੰ ਭਾਰਤੀ ਪ੍ਰਾਚੀਨ ਇਲਾਜ ਵਿਧੀਆਂ ਵਿਚ ਵੀ ਮੰਨਿਆ ਗਿਆ ਹੈ ਕਿ ਦੁਪਹਿਰ ਦੇ ਭੋਜਨ ਤੋਂ ਬਾਅਦ ਇਕ ਝਪਕੀ ਲੈਣ ਨਾਲ ਵਿਅਕਤੀ ਜ਼ਿਆਤਾ ਫੁਰਤੀਲਾ ਰਹਿੰਦਾ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਕੁਝ ਦੇਰ ਦਾ ਆਰਾਮ ਵਿਅਕਤੀ ਦੀ ਥਕਾਵਟ ਨੂੰ ਦੂਰ ਕਰ ਦਿੰਦਾ ਹੈ ਅਤੇ ਵਿਅਕਤੀ ਚੁਸਤ ਮਹਿਸੂਸ ਕਰਦਾ ਹੈ।
ਵਿਸ਼ਾਣੂਆਂ ਨੂੰ ਖ਼ਤਮ ਕਰਦਾ ਹੈ ਤਾਂਬਾ
ਹਾਲ ਹੀ ਵਿਚ ਕੀਤੀ ਗਈ ਇਕ ਨਵੀਂ ਵਿਗਿਆਨਕ ਖੋਜ ਅਨੁਸਾਰ ਤਾਂਬੇ ਵਿਚ ਖਾਧ ਪਦਾਰਥਾਂ ਨੂੰ ਜ਼ਹਿਰੀਲਾ ਬਣਾਉਣ ਵਾਲੇ ਵਿਸ਼ਾਣੂਆਂ ਨੂੰ ਮਾਰਨ ਦੀ ਅਦਭੁੱਤ ਸਮਰੱਥਾ ਹੈ। ਖੋਜਾਂ ਰਾਹੀਂ ਪਤਾ ਲੱਗਾ ਹੈ ਕਿ 'ਇਕੋਲੀ-0157' ਨਾਮਕ ਵਿਸ਼ਾਣੂ ਸਟੀਲ ਦੇ ਭਾਂਡਿਆਂ ਵਿਚ ਇਕ ਮਹੀਨੇ ਤੋਂ ਵੀ ਜ਼ਿਆਦਾ ਸਮੇਂ ਤੱਕ ਜ਼ਿੰਦਾ ਰਹਿ ਸਕਦਾ ਹੈ, ਜਦੋਂ ਕਿ ਤਾਂਬੇ ਦੇ ਭਾਂਡਿਆਂ ਵਿਚ ਇਹ 3-4 ਘੰਟਿਆਂ ਦੇ ਅੰਦਰ ਹੀ ਮਰ ਜਾਂਦਾ ਹੈ। ਵਿਗਿਆਨੀਆਂ ਅਨੁਸਾਰ ਤਾਂਬਾ ਇਕ ਫਾਇਦੇਮੰਦ ਧਾਤੂ ਹੈ। ਚੰਗੀ ਤਰ੍ਹਾਂ ਸ਼ੁੱਧ ਤਾਂਬੇ ਦੇ ਭਾਂਡਿਆਂ ਵਿਚ ਜੇ ਰਾਤ ਭਰ ਪਾਣੀ ਰੱਖ ਕੇ ਸਵੇਰੇ ਪੀਤਾ ਜਾਵੇ ਤਾਂ ਇਸ ਨਾਲ ਕਫ, ਖੰਘ, ਮੋਟਾਪਾ ਅਤੇ ਕਬਜ਼ ਵੀ ਮਿਟ ਜਾਂਦੀ ਹੈ ਅਤੇ ਅੱਖਾਂ ਦੀ ਰੌਸ਼ਨੀ ਵਿਚ ਵੀ ਵਾਧਾ ਹੁੰਦਾ ਹੈ।
ਗਾਲ ਬਲੈਡਰ ਵਿਚ ਪੱਥਰੀ ਨਾਲ ਵੀ ਹੋ ਸਕਦਾ ਹੈ ਕੈਂਸਰ

ਅਖਿਲ ਭਾਰਤੀ ਆਯੁਰਵੈਦਿਕ ਸੰਸਥਾਨ ਦੇ ਡਾਕਟਰ ਮਹੇਸ਼ ਚੰਦਰ ਮਿਸ਼ਰ ਅਨੁਸਾਰ ਜੇ ਸਮਾਂ ਰਹਿੰਦੇ ਪੱਥਰੀ ਦਾ ਇਲਾਜ ਨਹੀਂ ਕਰਾਇਆ ਗਿਆ ਤਾਂ ਉਹ ਕੈਂਸਰ ਦਾ ਰੂਪ ਧਾਰਨ ਕਰ ਲੈਂਦੀ ਹੈ ਅਤੇ ਉਹ ਮੌਤ ਦਾ ਕਾਰਨ ਬਣ ਜਾਂਦੀ ਹੈ। ਖਾਸ ਕਰਕੇ ਗਾਲ ਬਲੈਡਰ ਦੀ ਪੱਥਰੀ ਬਹੁਤ ਜ਼ਿਆਦਾ ਖ਼ਤਰਨਾਕ ਹੁੰਦੀ ਹੈ। ਵਿਗਿਆਨੀਆਂ ਅਨੁਸਾਰ ਔਰਤਾਂ ਵਿਚ ਜ਼ਿਆਦਾਤਰ ਗਾਲ ਬਲੈਡਰ ਦੀ ਪੱਥਰੀ ਦੀ ਸੰਭਾਵਨਾ ਪਾਈ ਜਾਂਦੀ ਹੈ, ਕਿਉਂਕਿ ਗਰਭ ਅਵਸਥਾ ਦੌਰਾਨ ਉਨ੍ਹਾਂ ਨੂੰ ਚਰਬੀ, ਘਿਓ-ਤੇਲ ਵਾਲੇ ਆਹਾਰ ਦਾ ਸੇਵਨ ਜ਼ਿਆਦਾ ਕਰਨਾ ਪੈਂਦਾ ਹੈ।

ਜ਼ਹਿਰੀਲੀ ਹਵਾ ਤੋਂ ਕਿਵੇਂ ਬਚੀਏ?

ਦੇਸ਼ ਵਿਚ ਪ੍ਰਦੂਸ਼ਣ ਨਾਲ ਦਿੱਲੀ ਸਮੇਤ ਅਨੇਕ ਸ਼ਹਿਰਾਂ ਦੀ ਹਵਾ ਜ਼ਹਿਰੀਲੀ ਹੋ ਗਈ ਹੈ, ਜੋ ਬਿਮਾਰੀਆਂ ਫੈਲਾਅ ਰਹੀ ਹੈ। ਇਸ ਤੋਂ ਆਪਣਾ ਬਚਾਅ ਕਰਨਾ ਹੁਣ ਜ਼ਰੂਰੀ ਹੋ ਗਿਆ ਹੈ। ਹਵਾ ਵਿਚ ਜ਼ਹਿਰੀਲੀਆਂ ਗੈਸਾਂ ਦੀ ਮਾਤਰਾ ਵਧਣ ਨਾਲ ਲੋਕਾਂ ਨੂੰ ਸਾਹ ਲੈਣ ਵਿਚ ਮੁਸ਼ਕਿਲ ਹੋਣ ਦੇ ਨਾਲ-ਨਾਲ ਅੱਖਾਂ ਵਿਚ ਜਲਣ ਦੀ ਵੀ ਸ਼ਿਕਾਇਤ ਸਾਹਮਣੇ ਆ ਰਹੀ ਹੈ।
ਆਕਸੀਜਨ ਦੀ ਕਮੀ : ਆਕਸੀਜਨ ਨਾ ਮਿਲਣ ਦੇ ਕਾਰਨ ਖੂਨ ਦੀਆਂ ਧਮਨੀਆਂ ਫਟ ਜਾਂਦੀਆਂ ਹਨ, ਜਿਸ ਨਾਲ ਦਿਮਾਗ ਵਿਚ ਖੂਨ ਦੀ ਸਪਲਾਈ ਬੰਦ ਹੋ ਜਾਂਦੀ ਹੈ। ਖੂਨ ਦੀ ਸਪਲਾਈ ਬੰਦ ਹੋਣ ਨਾਲ ਥੱਕੇ ਜੰਮਣੇ ਸ਼ੁਰੂ ਹੋ ਜਾਂਦੇ ਹਨ, ਜਿਸ ਨਾਲ ਬ੍ਰੇਨ ਸਟ੍ਰੋਕ ਜਾਂ ਬ੍ਰੇਨ ਹੈਮਰੇਜ ਦਾ ਖ਼ਤਰਾ ਵਧ ਜਾਂਦਾ ਹੈ। ਇਸ ਤੋਂ ਇਲਾਵਾ ਕੰਮ ਦਾ ਤਣਾਅ, ਉੱਚ ਖੂਨ ਦਬਾਅ ਅਤੇ ਸਿਗਰਟਨੋਸ਼ੀ ਵੀ ਬ੍ਰੇਨ ਸਟ੍ਰੋਕ ਦਾ ਇਕ ਕਾਰਨ ਹੈ। ਸਵੇਰ ਦੀ ਕਸਰਤ ਹੋਈ ਖ਼ਤਰਨਾਕ : ਸਵੇਰ ਦੇ ਸਮੇਂ ਕਸਰਤ ਕਰਨਾ ਸਿਹਤ ਲਈ ਸਭ ਤੋਂ ਜ਼ਿਆਦਾ ਲਾਭਦਾਇਕ ਮੰਨਿਆ ਜਾਂਦਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਵਾਤਾਵਰਨ ਵਿਚ ਵਧਦੇ ਪ੍ਰਦੂਸ਼ਣ ਕਾਰਨ ਹੁਣ ਸਵੇਰ ਦੇ ਸਮੇਂ ਕਸਰਤ ਕਰਨੀ ਸਿਹਤ ਲਈ ਸਭ ਤੋਂ ਵੱਧ ਘਾਤਕ ਬਣ ਚੁੱਕੀ ਹੈ। ਸਵੇਰੇ ਅਤੇ ਸ਼ਾਮ ਨੂੰ ਪ੍ਰਦੂਸ਼ਣ ਦਾ ਪੱਧਰ ਸਭ ਤੋਂ ਖ਼ਤਰਨਾਕ ਹੱਦ ਤੱਕ ਪਹੁੰਚ ਜਾਂਦਾ ਹੈ। ਨਤੀਜੇ ਵਜੋਂ ਇਸ ਦੌਰਾਨ ਖੁੱਲ੍ਹੀ ਜਗ੍ਹਾ 'ਤੇ ਕਸਰਤ ਕਰਨ ਵਾਲੇ ਲੋਕਾਂ ਨੂੰ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਆਪਣਾ ਸ਼ਿਕਾਰ ਬਣਾ ਸਕਦੀਆਂ ਹਨ। ਅਸਲ ਵਿਚ ਵਧਦੇ ਪ੍ਰਦੂਸ਼ਣ ਦੇ ਚਲਦੇ ਇਹ ਪ੍ਰੇਸ਼ਾਨੀਆਂ ਹੋਣੀਆਂ ਆਮ ਗੱਲ ਹੈ।
ਸਮਾਗ ਅਰਥਾਤ ਧੂੰਏਂ ਅਤੇ ਧੁੰਦ ਦਾ ਮਿਸ਼ਰਣ : ਹੁਣ ਘੱਟ ਤਾਪਮਾਨ ਅਤੇ ਕੋਹਰਾ ਮਿਲ ਕੇ ਵਾਤਾਵਰਨ ਵਿਚ ਕੰਬਲ ਦੀ ਤਰ੍ਹਾਂ ਪ੍ਰਦੂਸ਼ਣ ਦੀ ਇਕ ਪਰਤ ਤਿਆਰ ਕਰਦੇ ਹਨ। ਇਸ ਪਰਤ 'ਤੇ ਧੂੜ ਦੇ ਕਣ ਇਕੱਠੇ ਹੋ ਜਾਂਦੇ ਹਨ ਅਤੇ ਵਾਪਸ ਵਾਤਾਵਰਨ ਵਿਚ ਘੁੰਮਦੇ ਰਹਿੰਦੇ ਹਨ। ਪ੍ਰਦੂਸ਼ਣ ਦੇ ਵਿਚ ਇਨ੍ਹਾਂ ਦਿਨਾਂ ਵਿਚ ਸਮਾਗ ਸ਼ਬਦ ਵੀ ਬਹੁਤ ਚਰਚਾ ਵਿਚ ਹੈ। ਸਮਾਗ ਦੋ ਸ਼ਬਦਾਂ ਨੂੰ ਮਿਲ ਕੇ ਬਣਿਆ ਇਕ ਸ਼ਬਦ ਹੈ। ਇਸ ਦਾ ਮਤਲਬ ਹੈ ਧੂੰਆਂ ਅਤੇ ਧੁੰਦ ਦਾ ਮਿਸ਼ਰਣ।
ਪ੍ਰਦੂਸ਼ਣ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਦੇ ਲੱਛਣ : ਜ਼ੁਕਾਮ ਹੋਣਾ, ਸਾਹ ਲੈਣ ਵਿਚ ਅੜਚਣ, ਅੱਖਾਂ ਵਿਚ ਜਲਣ, ਖੰਘ, ਟੀ. ਬੀ. ਅਤੇ ਗਲੇ ਵਿਚ ਸੰਕ੍ਰਮਣ, ਸਾਇਨਸ, ਅਸਥਮਾ, ਫੇਫੜਿਆਂ ਨਾਲ ਸਬੰਧਿਤ ਬਿਮਾਰੀਆਂ।
ਹਵਾ ਪ੍ਰਦੂਸ਼ਣ ਤੋਂ ਬਚਾਅ : * ਘਰੋਂ ਬਾਹਰ ਨਿਕਲਦੇ ਸਮੇਂ ਹਮੇਸ਼ਾ ਮੂੰਹ 'ਤੇ ਮਾਸਕ ਦੀ ਵਰਤੋਂ ਕਰੋ। ਇਸ ਤੋਂ ਇਲਾਵਾ ਅੱਖਾਂ 'ਤੇ ਚਸ਼ਮਾ ਵੀ ਲਗਾਓ। ਧਿਆਨ ਰੱਖੋ, ਚਿਹਰੇ 'ਤੇ ਲੱਗੇ ਮਾਸਕ ਨੂੰ ਵਾਰ-ਵਾਰ ਛੂਹਣਾ ਨਹੀਂ ਚਾਹੀਦਾ।
* ਇਕ ਮਾਸਕ ਨੂੰ ਇਕ ਵਾਰ ਹੀ ਵਰਤੋ। ਇਕ ਹੀ ਮਾਸਕ ਦੀ ਵਰਤੋਂ ਵਾਰ-ਵਾਰ ਕਰਕੇ ਤੁਸੀਂ ਵਾਇਰਸ ਅਤੇ ਕਈ ਤਰ੍ਹਾਂ ਦੇ ਸੰਕ੍ਰਮਣ ਫੈਲਾਉਣ ਵਾਲੇ ਬੈਕਟੀਰੀਆ ਦੀ ਚਪੇਟ ਵਿਚ ਆ ਸਕਦੇ ਹੋ।
* ਘਰ ਦੇ ਬਾਹਰ ਦੀ ਸੜਕ ਨੂੰ ਗਿੱਲਾ ਕਰਕੇ ਰੱਖੋ ਤਾਂ ਕਿ ਧੂੜ ਦੇ ਦੂਸ਼ਿਤ ਕਣ ਹਵਾ ਵਿਚ ਨਾ ਉੱਡਣ। ਇਸ ਤੋਂ ਇਲਾਵਾ ਘਰ ਵਿਚ ਵੀ ਸਾਫ਼-ਸਫ਼ਾਈ ਦਾ ਪੂਰਾ ਧਿਆਨ ਰੱਖੋ।
* ਘਰੋਂ ਬਾਹਰ ਟਹਿਲਣ ਲਈ ਉਦੋਂ ਹੀ ਨਿਕਲੋ, ਜਦੋਂ ਵਾਤਾਵਰਨ ਵਿਚ ਪ੍ਰਦੂਸ਼ਣ ਦਾ ਪੱਧਰ ਘੱਟ ਹੋਵੇ।
ਆਹਾਰ
* ਖਾਣਾ ਖਾਣ ਤੋਂ ਬਾਅਦ ਥੋੜ੍ਹਾ ਜਿਹਾ ਗੁੜ ਜ਼ਰੂਰ ਖਾਓ। ਗੁੜ ਖੂਨ ਸਾਫ਼ ਕਰਦਾ ਹੈ। ਇਸ ਨਾਲ ਤੁਸੀਂ ਪ੍ਰਦੂਸ਼ਣ ਤੋਂ ਬਚੇ ਰਹੋਗੇ।
* ਫੇਫੜਿਆਂ ਨੂੰ ਧੂੜ ਦੇ ਕਣਾਂ ਤੋਂ ਬਚਾਉਣ ਲਈ ਤੁਸੀਂ ਰੋਜ਼ਾਨਾ ਇਕ ਗਿਲਾਸ ਗਰਮ ਦੁੱਧ ਜ਼ਰੂਰ ਪੀਓ।
* ਅਦਰਕ ਦਾ ਰਸ ਅਤੇ ਸਰ੍ਹੋਂ ਦਾ ਤੇਲ ਨੱਕ ਵਿਚ ਬੂੰਦ-ਬੂੰਦ ਕਰਕੇ ਪਾਉਣ ਨਾਲ ਵੀ ਤੁਸੀਂ ਹਾਨੀਕਾਰਕ ਧੂੜ ਦੇ ਕਣਾਂ ਤੋਂ ਬਚੇ ਰਹੋਗੇ।
* ਖੁਦ ਨੂੰ ਪ੍ਰਦੂਸ਼ਣ ਦੇ ਪ੍ਰਭਾਵ ਤੋਂ ਬਚਾਉਣ ਲਈ ਤੁਸੀਂ ਵੱਧ ਤੋਂ ਵੱਧ ਪਾਣੀ ਦਾ ਸੇਵਨ ਕਰੋ।
ਕੁਝ ਆਯੁਰਵੈਦਿਕ ਉਪਾਅ
* ਸ਼ਹਿਦ ਵਿਚ ਕਾਲੀ ਮਿਰਚ ਮਿਲਾ ਕੇ ਖਾਓ। ਤੁਹਾਡੇ ਫੇਫੜਿਆਂ ਵਿਚ ਜੰਮੀ ਕਫ ਅਤੇ ਗੰਦਗੀ ਬਾਹਰ ਨਿਕਲ ਜਾਵੇਗੀ।
* ਅਜ਼ਵਾਇਣ ਦੀਆਂ ਪੱਤੀਆਂ ਦਾ ਪਾਣੀ ਪੀਣ ਨਾਲ ਵੀ ਵਿਅਕਤੀ ਦਾ ਖੂਨ ਸਾਫ਼ ਹੋਣ ਨਾਲ ਸਰੀਰ ਦੇ ਅੰਦਰ ਮੌਜੂਦ ਦੂਸ਼ਿਤ ਤੱਤ ਬਾਹਰ ਨਿਕਲ ਜਾਂਦੇ ਹਨ।
* ਤੁਲਸੀ ਪ੍ਰਦੂਸ਼ਣ ਤੋਂ ਤੁਹਾਡੀ ਰੱਖਿਆ ਕਰਦੀ ਹੈ। ਇਸ ਲਈ ਰੋਜ਼ਾਨਾ ਤੁਲਸੀ ਦੇ ਪੱਤਿਆਂ ਦਾ ਪਾਣੀ ਪੀਣ ਨਾਲ ਤੁਸੀਂ ਤੰਦਰੁਸਤ ਰਹੋਗੇ।
* ਠੰਢੇ ਪਾਣੀ ਦੀ ਜਗ੍ਹਾ ਕੋਸੇ ਪਾਣੀ ਦਾ ਸੇਵਨ ਕਰਨਾ ਸ਼ੁਰੂ ਕਰ ਦਿਓ।
**

ਦੁੱਧ ਕਿੰਨਾ ਜ਼ਰੂਰੀ ਹੈ ਸਰੀਰਕ ਵਿਕਾਸ ਲਈ

ਦੁੱਧ ਇਕ ਅਜਿਹਾ ਪੀਣ ਵਾਲਾ ਪਦਾਰਥ ਹੈ, ਜਿਸ ਨੂੰ ਹਰ ਉਮਰ ਵਾਲਾ ਪੀ ਸਕਦਾ ਹੈ, ਕਿਉਂਕਿ ਇਸ ਵਿਚ ਮੌਜੂਦ ਕੈਲਸ਼ੀਅਮ ਅਤੇ ਵਿਟਾਮਿਨ ਸਰੀਰ ਨੂੰ ਤੰਦਰੁਸਤ ਰੱਖਣ ਵਿਚ ਮਦਦ ਕਰਦੇ ਹਨ। ਸ਼ਾਇਦ ਇਸੇ ਲਈ ਮਾਵਾਂ ਬਚਪਨ ਤੋਂ ਹੀ ਬੱਚਿਆਂ ਨੂੰ ਦੁੱਧ ਪਿਲਾਉਂਦੀਆਂ ਹਨ, ਤਾਂ ਕਿ ਬੱਚਿਆਂ ਦਾ ਸਰੀਰਕ ਵਿਕਾਸ ਢੰਗ ਨਾਲ ਹੋ ਸਕੇ ਅਤੇ ਉਨ੍ਹਾਂ ਦੇ ਦੰਦ, ਹੱਡੀਆਂ ਮਜ਼ਬੂਤ ਬਣੀਆਂ ਰਹਿਣ। ਬੱਚਿਆਂ ਅਤੇ ਵੱਡਿਆਂ ਦੋਵਾਂ ਨੂੰ ਦੁੱਧ ਨਾਲ ਪੋਸ਼ਟਿਕ ਤੱਤ ਮਿਲਦੇ ਹਨ। ਤਾਂ ਹੀ ਇਸ ਨੂੰ ਸੰਪੂਰਨ ਖੁਰਾਕ ਵੀ ਮੰਨਿਆ ਗਿਆ ਹੈ।
ਕੈਲਸ਼ੀਅਮ ਦਾ ਚੰਗਾ ਸਰੋਤ ਹੈ ਦੁੱਧ : ਦੁੱਧ ਵਿਚ ਕੈਲਸ਼ੀਅਮ ਦੀ ਮਾਤਰਾ ਹੁੰਦੀ ਹੈ। ਹਰ 100 ਗ੍ਰਾਮ ਦੁੱਧ ਵਿਚ 280 ਤੋਂ 300 ਮਿ: ਗ੍ਰਾ: ਕੈਲਸ਼ੀਅਮ ਪਾਇਆ ਜਾਂਦਾ ਹੈ। ਜੇ ਅਸੀਂ ਬਚਪਨ ਤੋਂ ਨਿਯਮਤ ਦੁੱਧ ਪੀਈਏ ਤਾਂ ਸਾਡੇ ਸਰੀਰ ਵਿਚ ਕੈਲਸ਼ੀਅਮ ਦੀ ਮਾਤਰਾ ਕੁਦਰਤੀ ਰੂਪ ਨਾਲ ਜਾਂਦੀ ਰਹੇਗੀ, ਜੋ ਹੱਡੀਆਂ ਅਤੇ ਦੰਦਾਂ ਦੀ ਮਜ਼ਬੂਤੀ ਲਈ ਜ਼ਰੂਰੀ ਹੈ।
ਦੁੱਧ ਆਪਣੇ-ਆਪ ਵਿਚ ਪੂਰਨ ਆਹਾਰ ਹੈ : ਦੁੱਧ ਵਿਚ ਨਿਊਟ੍ਰੀਏਂਟਸ ਦੀ ਮਾਤਰਾ ਕਾਫੀ ਹੁੰਦੀ ਹੈ, ਜਿਵੇਂ ਪ੍ਰੋਟੀਨ, ਵਿਟਾਮਿਨ 'ਏ', 'ਬੀ-12', ਕੈਲਸ਼ੀਅਮ, ਫਾਸਫੋਰਸ, ਜ਼ਿੰਕ, ਮੈਗਨੀਸ਼ੀਅਮ ਅਤੇ ਪੋਟਾਸ਼ੀਅਮ ਆਦਿ। ਕਾਫੀ ਪੋਸ਼ਟਿਕ ਤੱਤਾਂ ਨਾਲ ਭਰਪੂਰ ਦੁੱਧ ਨੂੰ ਪੂਰਨ ਆਹਾਰ ਮੰਨਿਆ ਜਾਂਦਾ ਹੈ। ਦੁੱਧ ਤੋਂ ਇਲਾਵਾ ਵੀ ਸਾਨੂੰ ਅਜਿਹੇ ਖਾਧ ਪਦਾਰਥਾਂ ਦਾ ਨਿਯਮਤ ਸੇਵਨ ਕਰਨਾ ਚਾਹੀਦਾ ਹੈ, ਜਿਨ੍ਹਾਂ ਵਿਚ ਵਿਟਾਮਿਨ 'ਸੀ' ਅਤੇ ਆਇਰਨ ਵੀ ਹੋਵੇ, ਤਾਂ ਹੀ ਸਾਡੀ ਖੁਰਾਕ ਸੰਤੁਲਤ ਹੋਵੇਗੀ।
ਨਾਸ਼ਤੇ ਵਿਚ ਪੀਓ ਦੁੱਧ : ਦੁੱਧ ਵਿਚ ਕਾਫੀ ਸਾਰੇ ਪੋਸ਼ਟਿਕ ਤੱਤ ਹੋਣ ਕਾਰਨ ਨਾਸ਼ਤੇ ਵਿਚ ਇਸ ਦਾ ਸੇਵਨ ਚੰਗਾ ਹੁੰਦਾ ਹੈ। ਖਾਲੀ ਦੁੱਧ ਨਾ ਲਓ। ਇਸ ਦੇ ਨਾਲ ਦਲੀਆ, ਓਟਸ, ਸੀਰਿਯਲਸ ਆਦਿ ਲਓ ਤਾਂ ਕਿ ਤੁਹਾਡਾ ਨਾਸ਼ਤਾ ਪੋਸ਼ਟਿਕਤਾ ਨਾਲ ਭਰਪੂਰ ਹੋਵੇ। ਰਾਤ ਦੇ ਖਾਣੇ ਅਤੇ ਨਾਸ਼ਤੇ ਵਿਚ 8 ਤੋਂ 10 ਘੰਟੇ ਦਾ ਫਰਕ ਹੁੰਦਾ ਹੈ, ਇਸ ਲਈ ਨਾਸ਼ਤਾ ਪੋਸ਼ਟਿਕਤਾ ਨਾਲ ਭਰਪੂਰ ਹੋਣਾ ਚਾਹੀਦਾ ਹੈ।
ਚਮੜੀ ਲਈ ਦੁੱਧ ਚੰਗਾ ਹੈ : ਨਿਯਮਤ ਦੁੱਧ ਦੇ ਸੇਵਨ ਨਾਲ ਤੁਹਾਡੀ ਚਮੜੀ ਵਿਚ ਕੁਦਰਤੀ ਨਮੀ ਬਣੀ ਰਹਿੰਦੀ ਹੈ, ਜਿਸ ਨਾਲ ਚਮੜੀ ਖੁਸ਼ਕ ਨਹੀਂ ਹੁੰਦੀ। ਕੱਚੇ ਦੁੱਧ ਨੂੰ ਚਮੜੀ 'ਤੇ ਵੀ ਲਗਾਇਆ ਜਾ ਸਕਦਾ ਹੈ ਅਤੇ ਹੋਰ ਚੀਜ਼ਾਂ ਨਾਲ ਮਿਲਾ ਕੇ ਇਸ ਨਾਲ ਉਬਟਨ ਤਿਆਰ ਕੀਤਾ ਜਾ ਸਕਦਾ ਹੈ, ਜੋ ਚਮੜੀ ਦੀ ਰੰਗਤ ਸਾਫ਼ ਕਰਨ ਵਿਚ ਮਦਦ ਕਰਦਾ ਹੈ। ਦੁੱਧ ਲਗਾਉਣ ਤੋਂ ਪਹਿਲਾਂ ਉਸ ਨੂੰ ਚਮੜੀ, ਕੂਹਣੀ ਦੇ ਅੰਦਰ ਲਗਾ ਕੇ ਕੁਝ ਸਮੇਂ ਲਈ ਛੱਡ ਦਿਓ, ਕਿਉਂਕਿ ਮਿਲਾਵਟੀ ਦੁੱਧ ਚਮੜੀ ਨੂੰ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ।
ਹੱਡੀਆਂ ਨੂੰ ਮਿਲਦੀ ਹੈ ਮਜ਼ਬੂਤੀ : ਇਹ ਸੱਚ ਹੈ ਕਿ ਦੁੱਧ ਦਾ ਨਿਯਮਤ ਸੇਵਨ ਹੱਡੀਆਂ ਨੂੰ ਮਜ਼ਬੂਤ ਬਣਾਉਂਦਾ ਹੈ। ਵਧਦੀ ਉਮਰ ਵਿਚ ਬੱਚਿਆਂ ਨੂੰ ਦਿਨ ਵਿਚ ਦੋ ਵਾਰ ਦੁੱਧ ਦਿਓ। ਇਕ ਸਰਵੇਖਣ ਅਨੁਸਾਰ ਕਈ ਦੇਸ਼ਾਂ ਵਿਚ ਬੱਚਿਆਂ ਵਿਚ ਹੱਡੀਆਂ ਦੀ ਸਮੱਸਿਆ ਪਾਈ ਗਈ, ਜਿਸ ਦੀ ਵਜ੍ਹਾ ਦੁੱਧ ਦਾ ਬਹੁਤ ਘੱਟ ਸੇਵਨ ਸੀ।
**

ਇੰਜ ਕਰੋ ਭੋਜਨ ਪਦਾਰਥਾਂ ਵਿਚ ਮਿਲਾਵਟ ਦੀ ਪਛਾਣ

ਅੱਜ ਦੀ ਤਾਰੀਖ ਵਿਚ ਸਭ ਖਾਧ ਪਦਾਰਥ ਵਿਸ਼ੇਸ਼ ਕਰਕੇ ਕਣਕ, ਚੌਲ, ਦਾਲਾਂ, ਦੁੱਧ, ਮਸਾਲੇ, ਚਾਹ ਦੀ ਪੱਤੀ, ਤੇਲ, ਘਿਓ ਅਤੇ ਨਮਕ ਆਦਿ ਵਿਚ ਮਿਲਾਵਟ ਹੋਣੀ ਇਕ ਆਮ ਗੱਲ ਹੋ ਗਈ ਹੈ, ਜਿਸ ਦੀ ਵਜ੍ਹਾ ਨਾਲ ਵਿਅਕਤੀ ਨੂੰ ਆਪਣਾ ਸਰੀਰ ਤੰਦਰੁਸਤ ਬਣਾਈ ਰੱਖਣਾ ਬੜੀ ਟੇਢੀ ਖੀਰ ਸਾਬਤ ਹੋ ਰਿਹਾ ਹੈ।
ਕੀ ਹਨ ਮਿਲਾਵਟ ਵਾਲੇ ਖਾਧ ਪਦਾਰਥ
ਜਦੋਂ ਕਿਸੇ ਖਾਧ ਪਦਾਰਥ ਵਿਚ ਕੋਈ ਬਾਹਰੀ ਚੀਜ਼ ਮਿਲਾ ਕੇ ਉਸ ਵਿਚੋਂ ਜ਼ਰੂਰੀ ਤੱਤਾਂ ਨੂੰ ਕੱਢ ਲਿਆ ਜਾਂਦਾ ਹੈ ਜਾਂ ਗ਼ਲਤ ਤਰੀਕੇ ਨਾਲ ਸੰਗ੍ਰਹਿਤ ਕੀਤਾ ਜਾਂਦਾ ਹੈ ਅਤੇ ਇਸ ਨਾਲ ਉਸ ਦੀ ਸ਼ੁੱਧਤਾ ਵਿਚ ਕਮੀ ਆ ਜਾਂਦੀ ਹੈ ਤਾਂ ਉਸ ਖਾਧ ਸਮੱਗਰੀ ਜਾਂ ਖਾਧ ਪਦਾਰਥ ਨੂੰ ਮਿਲਾਵਟ ਵਾਲਾ ਪਦਾਰਥ ਕਿਹਾ ਜਾਂਦਾ ਹੈ।
ਇਸ ਤਰ੍ਹਾਂ ਦੀ ਮਿਲਾਵਟ ਨਾਲ ਖਾਣ ਵਾਲਿਆਂ ਨੂੰ ਖਾਧ ਪਦਾਰਥਾਂ ਵਿਚੋਂ ਮਿਲਣ ਵਾਲੇ ਜ਼ਰੂਰੀ ਪੋਸ਼ਕ ਤੱਤਾਂ ਤੋਂ ਵਾਂਝਾ ਹੋਣਾ ਪੈਂਦਾ ਹੈ ਅਤੇ ਉਹ ਇਸ ਜ਼ਿਆਦਾ ਮਿਲਾਵਟੀ ਆਹਾਰ ਨੂੰ ਲੈਣ ਨਾਲ ਅਨੇਕ ਬਿਮਾਰੀਆਂ ਦੇ ਸ਼ਿਕਾਰ ਹੋ ਜਾਂਦੇ ਹਨ। ਇਸ ਲਈ ਖਪਤਕਾਰਾਂ ਨੂੰ ਹਮੇਸ਼ਾ ਸਾਮਾਨ ਖਰੀਦਦੇ ਸਮੇਂ ਉਸ ਦੇ ਗੁਣਾਂ, ਰੰਗਾਂ ਤੋਂ ਇਲਾਵਾ ਸ਼ੁੱਧਤਾ ਨੂੰ ਜਾਂਚਣ ਦੀ ਜਾਣਕਾਰੀ ਜ਼ਰੂਰ ਹੋਣੀ ਚਾਹੀਦੀ ਹੈ। ਇਸ ਲਈ ਖਾਧ ਪਦਾਰਥਾਂ ਵਿਚ ਮਿਲਾਵਟ ਲਾਭ ਕਮਾਉਣ ਲਈ ਕੀਤੀ ਜਾਂਦੀ ਹੈ।
ਕਿਵੇਂ ਕਰੀਏ ਮਿਲਾਵਟ ਦੀ ਪਛਾਣ?
ਵੈਸੇ ਤਾਂ ਮਿਲਾਵਟੀ ਪਦਾਰਥਾਂ ਦੀ ਪਛਾਣ ਕਰਨੀ ਕਾਫੀ ਮੁਸ਼ਕਿਲ ਹੈ ਪਰ ਜੇ ਤੁਸੀਂ ਕੁਝ ਘਰੇਲੂ ਤਰੀਕਿਆਂ ਨਾਲ ਜਾਂਚ ਕਰਦੇ ਹੋ ਤਾਂ ਜ਼ਰੂਰ ਇਸ ਦੀ ਅਸਲੀ ਸ਼ੁੱਧਤਾ ਦੀ ਪਰਖ ਕਰ ਸਕਦੇ ਹੋ। ਖਪਤਕਾਰਾਂ ਨੂੰ ਇਸ ਗੱਲ ਦੀ ਜਾਣਕਾਰੀ ਜ਼ਰੂਰ ਹੋਣੀ ਚਾਹੀਦੀ ਹੈ ਕਿ ਖਾਧ ਪਦਾਰਥਾਂ ਵਿਚ ਕਿਸ-ਕਿਸ ਤਰ੍ਹਾਂ ਦੀ ਮਿਲਾਵਟ ਕੀਤੀ ਜਾਂਦੀ ਹੈ ਅਤੇ ਇਸ ਨੂੰ ਕਿਵੇਂ ਜਾਂਚਿਆ ਜਾ ਸਕਦਾ ਹੈ। ਆਓ ਜਾਣੀਏ-
ਦੁੱਧ : ਦੁੱਧ ਦੀ ਸਚਾਈ ਜਾਣਨ ਲਈ ਤੁਹਾਨੂੰ ਲੈਕਟੋਮੀਟਰ ਦੀ ਲੋੜ ਪਵੇਗੀ। ਤਾਂ ਹੀ ਇਸ ਦੀ ਅਸਲੀਅਤ ਜਾਂਚ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਤੁਸੀਂ ਦੁੱਧ ਦੀ ਸ਼ੁੱਧਤਾ ਨੂੰ ਨਾਈਟ੍ਰਿਕ ਐਸਿਡ ਦੇ ਜ਼ਰੀਏ ਵੀ ਨਾਪ ਸਕਦੇ ਹੋ। ਇਸ ਵਾਸਤੇ ਦੁੱਧ ਵਿਚ ਦੋ ਬੂੰਦਾਂ ਨਾਈਟ੍ਰਿਕ ਐਸਿਡ ਦੀਆਂ ਮਿਲਾਓ। ਤੁਸੀਂ ਦੇਖੋਗੇ ਕਿ ਦੁੱਧ ਅਤੇ ਪਾਣੀ ਦੋਵੇਂ ਵੱਖ-ਵੱਖ ਹੋ ਗਏ ਹਨ। ਇਸ ਨਾਲ ਵੀ ਵਿਅਕਤੀ ਦੀ ਸਿਹਤ ਕਾਫੀ ਹੱਦ ਤੱਕ ਪ੍ਰਭਾਵਿਤ ਹੁੰਦੀ ਹੈ।
ਹਲਦੀ : ਬੇਸਣ ਅਤੇ ਹਲਦੀ ਵਿਚ ਅਕਸਰ ਰੰਗ ਮਿਲਾਇਆ ਜਾਂਦਾ ਹੈ, ਜਿਸ ਵਾਸਤੇ ਇਕ ਚਮਚ ਹਲਦੀ ਨੂੰ ਇਕ ਪਰਖ ਨਲੀ ਵਿਚ ਪਾਉਣ ਤੋਂ ਬਾਅਦ ਉਸ ਵਿਚ ਸਾਂਦ੍ਰ ਹਾਈਡ੍ਰੋਕਲੋਰਿਕ ਅਮਲ ਦੀਆਂ ਕੁਝ ਕੁ ਬੂੰਦਾਂ ਪਾਓ। ਜੇ ਬੈਂਗਣੀ ਰੰਗ ਦਿਸਦਾ ਹੈ ਅਤੇ ਮਿਸ਼ਰਣ ਵਿਚ ਪਾਣੀ ਪਾਉਣ 'ਤੇ ਇਹ ਰੰਗ ਓਝਲ ਹੋ ਜਾਂਦਾ ਹੈ ਤਾਂ ਹਲਦੀ ਸ਼ੁੱਧ ਹੈ, ਨਹੀਂ ਤਾਂ ਮਿਲਾਵਟੀ ਹੈ, ਜੋ ਕਿ ਪ੍ਰਜਨਣ ਤੰਤਰ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ ਅਤੇ ਯਕ੍ਰਤ ਅਤੇ ਗੁਰਦੇ ਨੂੰ ਵੀ ਨੁਕਸਾਨ ਪਹੁੰਚਾ ਦੇਵੇਗੀ।
ਚਾਹ ਦੀ ਪੱਤੀ : ਚਾਹ ਦੀ ਪੱਤੀ ਵਿਚ ਮਿਲਾਵਟ ਦਾ ਪਤਾ ਲਗਾਉਣ ਲਈ ਕਿਸੇ ਸਫੈਦ ਗਿੱਲੇ ਕਾਗਜ਼ 'ਤੇ ਸਭ ਤੋਂ ਪਹਿਲਾਂ ਉਸ ਨੂੰ ਪਾਓ। ਜੇ ਕੋਈ ਰੰਗ ਮਿਲਾਇਆ ਗਿਆ ਹੋਵੇਗਾ ਤਾਂ ਤੁਰੰਤ ਕਾਗਜ਼ 'ਤੇ ਉਤਰ ਆਵੇਗਾ, ਜੋ ਕਿ ਭਵਿੱਖ ਵਿਚ ਤੁਹਾਨੂੰ ਆਹਾਰ ਤੰਤਰ ਰੂਪੀ ਕਈ ਬਿਮਾਰੀਆਂ ਲਾ ਸਕਦਾ ਹੈ।
ਸਰ੍ਹੋਂ ਦਾ ਤੇਲ : ਸਰ੍ਹੋਂ ਦੇ ਤੇਲ ਵਿਚ ਵੀ ਸੋਇਆਬੀਨ, ਰੇਪਸੀਡ ਅਤੇ ਆਰਜਿਮੋਨ ਤੇਲ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਮਿਲਾਵਟ ਦੀ ਸਟੀਕ ਜਾਂਚ ਲਈ ਟੈਸਟ ਟਿਊਬ ਵਿਚ ਸਲਫਿਊਰਿਕ ਐਸਿਡ ਅਤੇ ਤੇਲ ਮਿਲਾ ਕੇ ਹਿਲਾਓ। ਜੇ ਤੇਲ ਮਿਲਾਵਟੀ ਹੋਵੇਗਾ ਤਾਂ ਹੇਠਾਂ ਪੀਲਾ ਰੰਗ ਦਿਖਾਈ ਦੇਣ ਲੱਗੇਗਾ, ਜੋ ਕਿ ਅੱਗੇ ਚੱਲ ਕੇ ਬੇਕਾਬੂ ਜਬਰ ਨਾਲ ਜੂਝਣ 'ਤੇ ਮਜਬੂਰ ਕਰ ਦੇਵੇਗਾ।
ਕਾਲੀ ਮਿਰਚ : ਅੰਤ ਵਿਚ ਅਸੀਂ ਗੱਲ ਕਰਦੇ ਹਾਂ ਕਾਲੀ ਮਿਰਚ ਦੀ। ਵੈਸੇ ਤਾਂ ਕਾਲੀ ਮਿਰਚ ਵਿਚ ਪਪੀਤੇ ਦੇ ਬੀਜ ਹੀ ਮਿਲਾਏ ਜਾਂਦੇ ਹਨ, ਜਿਸ ਦੀ ਪਛਾਣ ਦੇਖਣ ਨਾਲ ਹੀ ਹੋ ਜਾਂਦੀ ਹੈ ਪਰ ਜੇ ਫਿਰ ਵੀ ਸ਼ੁੱਧਤਾ ਵਿਚ ਸ਼ੱਕ ਰਹਿ ਜਾਂਦਾ ਹੈ ਤਾਂ ਕਾਲੀ ਮਿਰਚ ਨੂੰ ਪਾਣੀ ਵਿਚ ਪਾ ਦਿਓ। ਜੇ ਪਪੀਤੇ ਦੇ ਬੀਜਾਂ ਦਾ ਮਿਸ਼ਰਣ ਹੈ ਤਾਂ ਉਹ ਪਾਣੀ ਵਿਚ ਤੈਰਨ ਲੱਗੇਗਾ ਅਤੇ ਸ਼ੁੱਧ ਕਾਲੀ ਮਿਰਚ ਡੁੱਬ ਜਾਵੇਗੀ। ਇਸ ਤਰ੍ਹਾਂ ਤੁਸੀਂ ਇਸ ਵਿਚ ਹੋਈ ਮਿਲਾਵਟ ਦੀ ਪਛਾਣ ਨੂੰ ਅਸਾਨੀ ਨਾਲ ਦੇਖਣ ਵਿਚ ਸਫ਼ਲ ਹੋ ਜਾਓਗੇ।

ਨਿਯਮਤ ਦੇਖਭਾਲ ਜ਼ਰੂਰੀ ਹੈ ਕਿੱਲ-ਮੁਹਾਸਿਆਂ ਦੀ

ਜਵਾਨੀ ਦੀ ਦਹਿਲੀਜ਼ 'ਤੇ ਪੈਰ ਰੱਖਦੇ ਹੀ ਅੱਲੜ੍ਹ-ਮੁਟਿਆਰਾਂ ਵਿਚ ਹੋਣ ਵਾਲੇ ਹਾਰਮੋਨਲ ਪਰਿਵਰਤਨਾਂ ਨਾਲ ਚਿਹਰੇ 'ਤੇ ਮੁਹਾਸੇ ਨਿਕਲਣੇ ਸ਼ੁਰੂ ਹੋ ਜਾਂਦੇ ਹਨ। ਇਸ ਤੋਂ ਇਲਾਵਾ ਖਾਣ-ਪੀਣ ਦੀਆਂ ਗ਼ਲਤ ਆਦਤਾਂ ਵੀ ਇਸ ਦੀਆਂ ਜ਼ਿੰਮੇਵਾਰ ਹੁੰਦੀਆਂ ਹਨ। ਸਮੇਂ ਸਿਰ ਭੋਜਨ ਨਾ ਕਰਨਾ, ਖੂਬ ਤਲੀਆਂ-ਭੁੰਨੀਆਂ ਚੀਜ਼ਾਂ ਖਾਣੀਆਂ, ਖਾਣੇ ਵਿਚ ਸਟਾਰਚ, ਖੰਡ ਅਤੇ ਚਰਬੀ ਦੀ ਜ਼ਿਆਦਾ ਵਰਤੋਂ ਇਨ੍ਹਾਂ ਦਾ ਕਾਰਨ ਹੁੰਦਾ ਹੈ।
ਕਬਜ਼ ਰਹਿਣ ਨਾਲ ਵੀ ਮੁਹਾਸੇ ਹੋ ਜਾਂਦੇ ਹਨ। ਖਰਾਬ ਵਾਤਾਵਰਨ ਵਿਚ ਰਹਿਣ ਨਾਲ ਵੀ ਮੁਹਾਸੇ ਹੋ ਜਾਂਦੇ ਹਨ। ਜ਼ਿਆਦਾ ਮਾਤਰਾ ਵਿਚ ਚਾਹ, ਕੌਫੀ, ਤੰਬਾਕੂ ਸੇਵਨ ਨਾਲ ਵੀ ਮੁਹਾਸੇ ਹੋ ਸਕਦੇ ਹਨ। ਚਿਹਰੇ 'ਤੇ ਜ਼ਿਆਦਾ ਮੇਕਅਪ ਕਰਨ ਨਾਲ ਚਿਹਰੇ ਦੀ ਚਮੜੀ ਦੇ ਮੁਸਾਮ ਬੰਦ ਹੋ ਜਾਂਦੇ ਹਨ। ਇਸ ਕਾਰਨ ਵੀ ਮੁਹਾਸੇ ਨਿਕਲ ਆਉਂਦੇ ਹਨ। ਤੇਲੀ ਚਮੜੀ ਦੇ ਕਾਰਨ ਵੀ ਗੰਦਗੀ ਅਤੇ ਧੂੜ ਜੰਮ ਕੇ ਮੁਸਾਮਾਂ ਨੂੰ ਬੰਦ ਕਰਦੀ ਹੈ ਅਤੇ ਇਸ ਨਾਲ ਮੁਹਾਸੇ ਨਿਕਲ ਆਉਂਦੇ ਹਨ। ਜ਼ਿਆਦਾ ਸ਼ਰਾਬ ਪੀਣ ਕਰਕੇ ਵੀ ਮੁਹਾਸੇ ਨਿਕਲਦੇ ਹਨ।
ਕ੍ਰਿਤਰਮ ਇਲਾਜ : ਮੁਹਾਸਿਆਂ ਦੇ ਇਲਾਜ ਦੇ ਕਿਸੇ ਲੇਪ ਜਾਂ ਮਲ੍ਹਮ ਦੀ ਵਰਤੋਂ ਨਾਲ ਸਥਾਈ ਲਾਭ ਨਹੀਂ ਹੁੰਦਾ। ਇਸ ਨਾਲ ਚਰਬੀ ਗ੍ਰੰਥੀਆਂ ਅਸਥਾਈ ਰੂਪ ਨਾਲ ਦੱਬ ਜਾਂਦੀਆਂ ਹਨ। ਜੇ ਚਿਹਰੇ 'ਤੇ ਮੁਹਾਸੇ ਹੋਣ ਤਾਂ ਚਿਹਰੇ ਦੀ ਚੰਗੀ ਤਰ੍ਹਾਂ ਸਫ਼ਾਈ ਕਰਨੀ ਚਾਹੀਦੀ ਹੈ। ਦਿਨ ਵਿਚ ਦੋ ਜਾਂ ਤਿੰਨ ਵਾਰ ਕਲੀਂਜ਼ਿੰਗ ਮਿਲਕ ਜਾਂ ਕਿਸੇ ਚੰਗੇ ਲੋਸ਼ਨ ਨੂੰ ਰੂੰ 'ਤੇ ਲਗਾ ਕੇ ਚਿਹਰਾ ਸਾਫ਼ ਕਰਨਾ ਚਾਹੀਦਾ ਹੈ। ਫਿਰ ਸ਼ੁੱਧ ਪਾਣੀ ਨਾਲ ਚਿਹਰਾ ਚੰਗੀ ਤਰ੍ਹਾਂ ਧੋਣਾ ਚਾਹੀਦਾ ਹੈ।
ਚਿਹਰੇ ਦੀ ਸਫ਼ਾਈ ਲਈ ਸਾਧਾਰਨ ਸਾਬਣ ਦੀ ਵਰਤੋਂ ਕਦੇ ਨਹੀਂ ਕਰਨੀ ਚਾਹੀਦੀ। ਹਮੇਸ਼ਾ ਮੈਡੀਕੇਟਿਡ ਜਾਂ ਐਂਟੀਸੈਪਟਿਕ ਸਾਬਣ ਜਾਂ ਫੇਸ ਵਾਸ਼ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਚਿਹਰੇ ਦੀ ਚਮੜੀ ਦੀ ਬਾਹਰੀ ਸਫ਼ਾਈ ਕਰਨ ਨਾਲੋਂ ਜ਼ਿਆਦਾ ਜ਼ਰੂਰੀ ਹੈ ਚਮੜੀ ਦੇ ਅੰਦਰੋਂ ਸਫ਼ਾਈ ਕਰਨੀ। ਇਸ ਲਈ ਘੱਟ ਤੋਂ ਘੱਟ ਇਕ ਵਾਰ 5 ਤੋਂ 8 ਮਿੰਟ ਤੱਕ ਭਾਫ ਲੈਣੀ ਜ਼ਰੂਰੀ ਹੈ। ਭਾਫ ਲੈਣ ਲਈ ਇਕ ਪਤੀਲੇ ਵਿਚ ਪਾਣੀ ਉਬਾਲੋ। ਉਸ ਵਿਚ ਇਕ ਵੱਡਾ ਚਮਚ ਸੋਢਾ ਬਾਈਕਾਰਬੋਨੇਟ ਪਾਓ ਅਤੇ ਤੌਲੀਏ ਨਾਲ ਢਕ ਕੇ ਚਿਹਰੇ 'ਤੇ ਭਾਫ ਦਿਓ। ਇਸ ਤੋਂ ਬਾਅਦ ਬਰਫ ਨਾਲ ਮਾਲਿਸ਼ ਕਰੋ ਅਤੇ ਐਸਟ੍ਰਿੰਜੈਂਟ ਲਗਾਓ। ਕਬਜ਼ ਤੋਂ ਬਚੋ, ਪੇਟ ਹਮੇਸ਼ਾ ਸਾਫ਼ ਰੱਖੋ।
ਕਬਜ਼ ਦੂਰ ਕਰਨ ਲਈ ਸਵੇਰੇ ਉੱਠਣ ਤੋਂ ਬਾਅਦ ਇਕ ਗਿਲਾਸ ਕੋਸੇ ਪਾਣੀ ਵਿਚ ਇਕ ਚੁਟਕੀ ਸਾਫ਼ ਨਮਕ ਅਤੇ ਇਕ ਨਿੰਬੂ ਦਾ ਰਸ ਪਾ ਕੇ ਪੀਓ। ਇਸ ਨਾਲ ਪੇਟ ਸਾਫ਼ ਹੋਣ ਦੇ ਨਾਲ-ਨਾਲ ਖੂਨ ਵੀ ਸਾਫ਼ ਹੁੰਦਾ ਹੈ, ਸਰੀਰ ਵੀ ਤੰਦਰੁਸਤ ਰਹਿੰਦਾ ਹੈ ਅਤੇ ਮੁਹਾਸੇ ਵੀ ਘੱਟ ਨਿਕਲਦੇ ਹਨ। ਜੇ ਚਿਹਰੇ 'ਤੇ ਜ਼ਿਆਦਾ ਮੁਹਾਸੇ ਹੋਣ ਅਤੇ ਜ਼ਿਆਦਾ ਦਿਨਾਂ ਤੋਂ ਠੀਕ ਨਾ ਹੋ ਰਹੇ ਹੋਣ ਤਾਂ ਵਿਟਾਮਿਨ 'ਏ' ਦਾ ਸੇਵਨ ਕਰੋ। ਵਿਟਾਮਿਨ 'ਏ' ਦੀ ਗੋਲੀ ਨਿਯਮਤ ਇਕ ਮਹੀਨੇ ਤੱਕ ਲੈਣ ਨਾਲ ਲਾਭ ਹੁੰਦਾ ਹੈ।
ਕੁਦਰਤੀ ਇਲਾਜ : ਮੁਹਾਸਿਆਂ ਤੋਂ ਪੀੜਤ ਵਿਅਕਤੀ ਨੂੰ ਲਗਪਗ ਇਕ ਹਫ਼ਤੇ ਤੱਕ ਸਿਰਫ ਫਲਾਂ ਅਤੇ ਉਨ੍ਹਾਂ ਦੇ ਰਸਾਂ ਨੂੰ ਹੀ ਭੋਜਨ ਦੇ ਰੂਪ ਵਿਚ ਲੈਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਰੋਗੀ ਨੂੰ ਸਿਰਫ ਤਿੰਨ ਸਮੇਂ ਫਲ ਖਾਣ ਲਈ ਦਿੱਤੇ ਜਾਂਦੇ ਹਨ, ਜਿਨ੍ਹਾਂ ਵਿਚ ਸੇਬ, ਨਾਸ਼ਪਾਤੀ, ਅੰਗੂਰ, ਅਨਾਨਾਸ ਅਤੇ ਆੜੂ ਵਰਗੇ ਰਸੀਲੇ ਫਲ ਹੀ ਸ਼ਾਮਿਲ ਹਨ। ਸੰਤਰਾ, ਨਿੰਬੂ, ਕੇਲੇ, ਸੁੱਕੇ ਮੇਵੇ ਅਤੇ ਡੱਬਾਬੰਦ ਫਲ ਖਾਣੇ ਸਖ਼ਤ ਮਨ੍ਹਾਂ ਹਨ।
ਨਿੰਬੂ-ਪਾਣੀ ਜਾਂ ਸਾਦਾ ਪਾਣੀ ਪੀਣ ਲਈ ਕਿਹਾ ਜਾਂਦਾ ਹੈ। ਹਲਕਾ ਕੋਸਾ ਪਾਣੀ ਜ਼ਿਆਦਾ ਲਾਭਦਾਇਕ ਹੁੰਦਾ ਹੈ। ਪਾਣੀ ਦਾ ਸੇਵਨ ਵੱਧ ਤੋਂ ਵੱਧ ਕਰਨਾ ਚਾਹੀਦਾ ਹੈ। ਇਕ ਹਫ਼ਤਾ ਫਲਾਂ 'ਤੇ ਰੱਖ ਕੇ ਫਿਰ ਹੌਲੀ-ਹੌਲੀ ਰੋਗੀ ਨੂੰ ਸੰਤੁਲਿਤ ਭੋਜਨ ਦਿੱਤਾ ਜਾਂਦਾ ਹੈ। ਇਸ ਵਿਚ ਤਾਜ਼ੇ ਫਲ, ਹਰੀਆਂ ਸਬਜ਼ੀਆਂ, ਪੁੰਗਰੇ ਛੋਲੇ, ਮੂੰਗ, ਕੜੀ ਛਿੱਲ ਵਾਲੇ ਫਲ, ਰੇਸ਼ੇਯੁਕਤ ਖਾਧ ਪਦਾਰਥ ਸ਼ਾਮਿਲ ਹੋਣ। ਸਟਾਰਚ, ਪ੍ਰੋਟੀਨ ਅਤੇ ਚਰਬੀ ਵਾਲਾ ਭੋਜਨ ਨਾ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਮਾਸ, ਖੰਡ, ਸ਼ਰਾਬ, ਚਾਹ, ਕੌਫੀ, ਮਿਰਚ, ਮਸਾਲਾ, ਸਾਫਟ ਡ੍ਰਿੰਕ, ਆਈਸਕ੍ਰੀਮ ਦਾ ਘੱਟ ਤੋਂ ਘੱਟ ਸੇਵਨ ਕਰਨਾ ਚਾਹੀਦਾ ਹੈ। ਮੈਦੇ ਤੋਂ ਬਣੇ ਖਾਧ ਪਦਾਰਥਾਂ ਦਾ ਸੇਵਨ ਵੀ ਨਹੀਂ ਕਰਨਾ ਚਾਹੀਦਾ।
ਘਰੇਲੂ ਇਲਾਜ : ਸੰਤਰੇ ਦੀ ਛਿੱਲ ਮੁਹਾਸਿਆਂ ਲਈ ਕਾਫੀ ਫਾਇਦੇਮੰਦ ਹੁੰਦੀ ਹੈ। ਸੰਤਰਿਆਂ ਦੀਆਂ ਛਿੱਲਾਂ ਨੂੰ ਪਾਣੀ ਵਿਚ ਪੀਸ ਕੇ ਮੁਹਾਸਿਆਂ 'ਤੇ ਲੇਪ ਦੀ ਤਰ੍ਹਾਂ ਲਗਾਓ। ਥੋੜ੍ਹੀ ਦੇਰ ਬਾਅਦ ਸ਼ੁੱਧ ਪਾਣੀ ਨਾਲ ਚਿਹਰਾ ਧੋ ਦਿਓ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਕ ਚਮਚਾ ਹਰੇ ਧਨੀਏ ਦੇ ਪੱਤੇ ਪੀਸ ਕੇ ਮੁਹਾਸਿਆਂ 'ਤੇ ਲਗਾਓ ਤਾਂ ਕਾਫੀ ਲਾਭ ਹੁੰਦਾ ਹੈ।

ਫੇਫੜਿਆਂ ਦੇ ਸੰਕ੍ਰਮਣ ਦਾ ਨਤੀਜਾ ਹੈ ਟੀ.ਬੀ.

ਯਕਸ਼ਮਾ, ਕਸ਼ਯ ਰੋਗ, ਤਪਦਿਕ ਅਤੇ ਥਾਇਸਿਸ ਆਦਿ ਨਾਵਾਂ ਨਾਲ ਜਾਣਿਆ ਜਾਣ ਵਾਲਾ ਟੀ. ਬੀ. ਰੋਗ ਇਕ ਸੰਕ੍ਰਾਮਕ ਰੋਗ ਹੈ, ਜੋ ਇਕ ਬੈਕਟੀਰੀਆ ਦੇ ਸੰਕ੍ਰਮਣ ਦੇ ਕਾਰਨ ਹੁੰਦਾ ਹੈ। ਵੈਸੇ ਤਾਂ ਇਹ ਫੇਫੜਿਆਂ ਦਾ ਰੋਗ ਹੈ ਪਰ ਇਹ ਫੇਫੜਿਆਂ ਤੋਂ ਖੂਨ ਪ੍ਰਵਾਹ ਦੇ ਨਾਲ ਹੱਡੀਆਂ, ਹੱਡੀਆਂ ਦੀਆਂ ਸੰਧੀਆਂ, ਲਿੰਫ ਗ੍ਰੰਥੀਆਂ, ਅੰਤੜੀ, ਮੂਤਰ ਅਤੇ ਪ੍ਰਜਨਣ ਤੰਤਰ ਦੇ ਅੰਗ, ਦਿਮਾਗ ਅਤੇ ਚਮੜੀ ਆਦਿ ਸਰੀਰ ਦੇ ਦੂਜੇ ਅੰਗਾਂ ਵਿਚ ਵੀ ਫੈਲ ਸਕਦਾ ਹੈ।
ਇਸ ਰੋਗ ਦੇ ਬੈਕਟੀਰੀਆ ਸਾਹ ਦੁਆਰਾ ਸਰੀਰ ਵਿਚ ਜਾਂਦੇ ਹਨ। ਰੋਗੀ ਵਿਅਕਤੀ ਦੇ ਖੰਘਣ, ਬੋਲਣ, ਛਿੱਕਣ ਜਾਂ ਥੁੱਕਣ ਸਮੇਂ ਬਲਗਮ ਜਾਂ ਥੁੱਕ ਦੀਆਂ ਛੋਟੀਆਂ-ਛੋਟੀਆਂ ਬੂੰਦਾਂ ਹਵਾ ਵਿਚ ਫੈਲ ਜਾਂਦੀਆਂ ਹਨ। ਇਨ੍ਹਾਂ ਵਿਚ ਮੌਜੂਦ ਇਸ ਰੋਗ ਦੇ ਬੈਕਟੀਰੀਆ ਕਈ ਘੰਟਿਆਂ ਤੱਕ ਹਵਾ ਵਿਚ ਜੀਵਤ ਰਹਿੰਦੇ ਹਨ ਅਤੇ ਤੰਦਰੁਸਤ ਵਿਅਕਤੀ ਦੇ ਸਰੀਰ ਵਿਚ ਇਹ ਬੈਕਟੀਰੀਆ ਸਾਹ ਰਾਹੀਂ ਦਾਖਲ ਹੋ ਕੇ ਉਸ ਨੂੰ ਰੋਗੀ ਬਣਾ ਦਿੰਦੇ ਹਨ। ਰੋਗ ਤੋਂ ਪ੍ਰਭਾਵਿਤ ਅੰਗਾਂ ਵਿਚ ਛੋਟੀਆਂ-ਛੋਟੀਆਂ ਗੰਢਾਂ ਬਣ ਜਾਂਦੀਆਂ ਹਨ। ਇਲਾਜ ਨਾ ਕਰਾਉਣ 'ਤੇ ਰੋਗਗ੍ਰਸਤ ਅੰਗ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ, ਜਿਸ ਨਾਲ ਰੋਗੀ ਦੀ ਮੌਤ ਹੋ ਜਾਂਦੀ ਹੈ।
ਕਾਰਨ : ਇਹ ਰੋਗ ਕਈ ਕਾਰਨਾਂ ਕਰਕੇ ਹੁੰਦਾ ਹੈ ਪਰ ਗਰੀਬੀ, ਨਾਕਾਫੀ ਅਤੇ ਅਪੋਸ਼ਟਿਕ ਭੋਜਨ, ਘੱਟ ਜਗ੍ਹਾ ਵਿਚ ਜ਼ਿਆਦਾ ਲੋਕਾਂ ਦਾ ਰਹਿਣਾ, ਗੰਦਗੀ, ਗਾਂ ਦਾ ਕੱਚਾ ਦੁੱਧ ਪੀਣਾ ਆਦਿ ਇਸ ਰੋਗ ਦੇ ਕੁਝ ਕਾਰਨ ਹਨ। ਰੋਗੀ ਦੇ ਸੰਪਰਕ ਵਿਚ ਰਹਿਣ ਜਾਂ ਉਸ ਦੀਆਂ ਚੀਜ਼ਾਂ ਦੀ ਵਰਤੋਂ ਕਰਨ ਨਾਲ ਵੀ ਰੋਗ ਹੁੰਦਾ ਹੈ। ਲਾਪ੍ਰਵਾਹੀ ਨਾਲ ਰੋਗੀ ਦਾ ਖੂਨ ਕਿਸੇ ਹੋਰ ਵਿਅਕਤੀ ਨੂੰ ਚੜ੍ਹਾਉਣ ਨਾਲ ਉਹ ਵਿਅਕਤੀ ਵੀ ਇਸ ਦਾ ਸ਼ਿਕਾਰ ਹੋ ਜਾਂਦਾ ਹੈ।
ਟੀ. ਬੀ. ਦੇ ਮਰੀਜ਼ ਵਲੋਂ ਜਗ੍ਹਾ-ਜਗ੍ਹਾ ਥੁੱਕਣ ਨਾਲ ਇਸ ਦੇ ਵਿਸ਼ਾਣੂ ਤੰਦਰੁਸਤ ਵਿਅਕਤੀ ਦੇ ਸਰੀਰ ਵਿਚ ਦਾਖਲ ਹੋ ਕੇ ਉਸ ਨੂੰ ਰੋਗੀ ਬਣਾ ਦਿੰਦੇ ਹਨ। ਕੱਪੜਾ ਮਿੱਲ ਵਿਚ ਕੰਮ ਕਰਨ ਵਾਲੇ ਮਜ਼ਦੂਰ, ਰੇਸ਼ੇ-ਰੂੰ ਦੇ ਸੰਪਰਕ ਵਿਚ ਰਹਿਣ ਵਾਲੇ ਲੋਕ, ਬੁਨਕਰ, ਧੂੜ ਦੇ ਸੰਪਰਕ ਵਿਚ ਰਹਿਣ ਵਾਲੇ ਲੋਕ ਅਤੇ ਹਨੇਰੀਆਂ ਕੋਠੜੀਆਂ ਜਾਂ ਚਾਲਾਂ ਵਿਚ ਰਹਿਣ ਵਾਲੇ ਲੋਕ ਵੀ ਇਸ ਰੋਗ ਦਾ ਸ਼ਿਕਾਰ ਹੋ ਜਾਂਦੇ ਹਨ। ਸ਼ਰਾਬ ਪੀਣ, ਸਿਗਰਟਨੋਸ਼ੀ ਅਤੇ ਰੋਗਗ੍ਰਸਤ ਪਸ਼ੂ ਦਾ ਮਾਸ ਖਾਣ ਵਾਲੇ ਲੋਕ ਵੀ ਟੀ. ਬੀ. ਦਾ ਸ਼ਿਕਾਰ ਹੋ ਸਕਦੇ ਹਨ।
ਰੋਗ ਦਾ ਫੈਲਣਾ : ਰੋਗ ਦੇ ਬੈਕਟੀਰੀਆ ਸਾਹ ਰਾਹੀਂ ਫੇਫੜਿਆਂ ਵਿਚ ਪਹੁੰਚ ਜਾਂਦੇ ਹਨ ਅਤੇ ਉਥੇ ਆਪਣੀ ਗਿਣਤੀ ਵਧਾਉਣ ਲਗਦੇ ਹਨ। ਇਨ੍ਹਾਂ ਦੇ ਸੰਕ੍ਰਮਣ ਦੇ ਕਾਰਨ ਫੇਫੜਿਆਂ ਵਿਚ ਛੋਟੇ-ਛੋਟੇ ਜ਼ਖਮ ਬਣ ਜਾਂਦੇ ਹਨ, ਜਿਸ ਦਾ ਪਤਾ ਐਕਸਰੇ ਦੁਆਰਾ ਲੱਗ ਜਾਂਦਾ ਹੈ। ਜ਼ਿਆਦਾਤਰ ਰੋਗੀਆਂ ਵਿਚ ਰੋਗ ਦੇ ਲੱਛਣ ਨਹੀਂ ਪੈਦਾ ਹੁੰਦੇ ਪਰ ਸਰੀਰ ਵਿਚ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਘੱਟ ਹੋਣ 'ਤੇ ਰੋਗ ਦੇ ਲੱਛਣ ਛੇਤੀ ਦਿਖਾਈ ਦੇਣ ਲਗਦੇ ਹਨ ਅਤੇ ਉਹ ਪੂਰੀ ਤਰ੍ਹਾਂ ਰੋਗਗ੍ਰਸਤ ਹੋ ਜਾਂਦਾ ਹੈ। ਅਜਿਹੇ ਰੋਗੀਆਂ ਦੇ ਫੇਫੜਿਆਂ ਜਾਂ ਲਿੰਫ ਗ੍ਰੰਥੀਆਂ ਵਿਚ ਟੀ. ਬੀ. ਦੇ ਬੈਕਟੀਰੀਆ ਪਾਏ ਜਾਂਦੇ ਹਨ। ਵੈਸੇ ਰੋਗੀਆਂ ਵਿਚ, ਜਿਨ੍ਹਾਂ ਦੀ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਜ਼ਿਆਦਾ ਹੁੰਦੀ ਹੈ, ਉਹ ਜੀਵਾਣੂ ਆਪਣੇ-ਆਪ ਨੂੰ ਕੈਲਸ਼ੀਅਮ ਜਾਂ ਫਾਈਬ੍ਰੋਸਿਸ ਦੇ ਖੋਲ ਦੇ ਅੰਦਰ ਬੰਦ ਕਰ ਲੈਂਦੇ ਹਨ। ਅਜਿਹੇ ਜੀਵਾਣੂ ਸਰੀਰ ਵਿਚ ਕਈ ਸਾਲਾਂ ਤੱਕ ਰਹਿ ਸਕਦੇ ਹਨ। ਅਜਿਹੀ ਹਾਲਤ ਵਿਚ ਸਰੀਰ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾਉਂਦੇ ਪਰ ਇਨ੍ਹਾਂ ਦੇ ਵਿਰੁੱਧ ਵੀ ਕੁਝ ਨਹੀਂ ਕੀਤਾ ਜਾ ਸਕਦਾ। ਜਦੋਂ ਸਰੀਰ ਦੀ ਰੋਗਾਂ ਨਾਲ ਲੜਨ ਦੀ ਸਮਰੱਥਾ ਘਟਦੀ ਹੈ, ਉਦੋਂ ਰੋਗ ਦੇ ਲੱਛਣ ਪੈਦਾ ਹੋਣ ਲਗਦੇ ਹਨ।
ਇਸ ਰੋਗ ਦੇ ਲੱਛਣ ਨਿਮੋਨੀਆ, ਬ੍ਰੋਂਕਾਈਟਿਸ ਅਤੇ ਫੇਫੜਿਆਂ ਦੇ ਕੈਂਸਰ ਆਦਿ ਰੋਗਾਂ ਦੇ ਲੱਛਣ ਵਰਗੇ ਹੀ ਹੁੰਦੇ ਹਨ। ਇਸ ਲਈ ਜਦੋਂ ਤੱਕ ਕਿਸੇ ਰੋਗ ਦਾ ਨਿਸਚਿਤ ਹੱਲ ਨਾ ਹੋ ਜਾਵੇ, ਇਸ ਰੋਗ ਦੇ ਹੋਣ ਦੀ ਸੰਭਾਵਨਾ ਹੁੰਦੀ ਹੈ।

ਥਕਾਵਟ ਨੂੰ ਦੂਰ ਕਰਦੀ ਹੈ ਮਾਲਿਸ਼

ਮਾਲਿਸ਼ ਥਕਾਵਟ ਨੂੰ ਦੂਰ ਕਰਨ ਲਈ ਇਕ ਵਧੀਆ ਉਪਾਅ ਹੈ। ਇਹ ਇਕ ਤਰ੍ਹਾਂ ਨਾਲ ਸਰੀਰ ਦੀਆਂ ਮਾਸਪੇਸ਼ੀਆਂ ਦੀ ਕਸਰਤ ਹੈ। ਇਸ ਨਾਲ ਸਰੀਰ ਵਿਚ ਚੁਸਤੀ-ਫੁਰਤੀ ਆਉਂਦੀ ਹੈ। ਮਾਲਿਸ਼ ਲਕਵਾ, ਉਨੀਂਦਰਾ, ਮੋਟਾਪਾ, ਪੋਲੀਓ, ਉੱਚ ਖੂਨ ਦਬਾਅ ਆਦਿ ਰੋਗਾਂ ਵਿਚ ਵੀ ਲਾਭਕਾਰੀ ਹੈ।
* ਮਾਲਿਸ਼ ਕਰਨ ਤੋਂ ਪਹਿਲਾਂ ਹੱਥਾਂ ਦੇ ਨਹੁੰਆਂ ਨੂੰ ਜ਼ਰੂਰ ਕੱਟ ਲਓ।
* ਭੋਜਨ ਤੋਂ ਤੁਰੰਤ ਬਾਅਦ ਅਤੇ ਭੁੱਖੇ ਪੇਟ ਮਾਲਿਸ਼ ਕਰਨਾ ਹਾਨੀਕਾਰਕ ਹੈ।
* ਸਰਦੀਆਂ ਵਿਚ ਕੋਸੇ ਤੇਲ ਨਾਲ ਮਾਲਿਸ਼ ਕਰਨੀ ਲਾਭਦਾਇਕ ਹੈ।
* ਮਾਲਿਸ਼ ਧੁੱਪ ਵਿਚ ਕੀਤੀ ਜਾਵੇ ਤਾਂ ਚੰਗਾ ਹੋਵੇਗਾ।
* ਮਾਲਿਸ਼ ਕਰਨ ਤੋਂ ਪਹਿਲਾਂ ਹੱਥਾਂ ਨੂੰ ਪਰਸਪਰ ਰਗੜ ਕੇ ਗਰਮ ਕਰ ਲੈਣਾ ਚਾਹੀਦਾ ਹੈ। * ਹਵਾਦਾਰ ਜਗ੍ਹਾ ਵਿਚ ਮਾਲਿਸ਼ ਕਰਨੀ ਲਾਭਦਾਇਕ ਹੈ।
* ਮਾਲਿਸ਼ 25 ਤੋਂ 30 ਮਿੰਟ ਤੱਕ ਹੀ ਕਰੋ। * ਛੋਟੇ ਬੱਚੇ ਦੀ ਮਾਲਿਸ਼ ਹੌਲੀ-ਹੌਲੀ ਹੀ ਕਰੋ। ਧਿਆਨ ਰਹੇ ਕਿ ਬੱਚੇ ਦੇ ਸਰੀਰ ਦੇ ਅੰਗ ਦੱਬੇ ਨਾ ਜਾਣ।
* ਤੇਲ ਨਾਲ ਮਾਲਿਸ਼ ਕਰਨ ਤੋਂ ਬਾਅਦ ਕੋਸੇ ਪਾਣੀ ਨਾਲ ਨਹਾਉਣਾ ਚਾਹੀਦਾ ਹੈ, ਕਿਉਂਕਿ ਤੇਲ ਨਾਲ ਚਮੜੀ ਦੇ ਮੁਸਾਮਾਂ ਵਿਚ ਮੈਲ ਭਰ ਜਾਂਦੀ ਹੈ। ਜੇ ਤੁਸੀਂ ਨਹਾਉਣਾ ਨਹੀਂ ਚਾਹੁੰਦੇ ਤਾਂ ਸਰੀਰ ਨੂੰ ਕੋਸੇ ਪਾਣੀ ਨਾਲ ਚੰਗੀ ਤਰ੍ਹਾਂ ਪੂੰਝ ਲਓ।
-ਭਾਸ਼ਣਾ ਬਾਂਸਲ

ਸਿਹਤ ਖ਼ਬਰਨਾਮਾ

ਅਨਾਜ ਦੌਰੇ ਦੀ ਸੰਭਾਵਨਾ ਨੂੰ ਘੱਟ ਕਰਦਾ ਹੈ

ਹਾਲ ਹੀ ਵਿਚ ਇਕ ਨਵੀਂ ਖੋਜ ਅਨੁਸਾਰ ਅਨਾਜਾਂ ਦਾ ਸੇਵਨ ਦੌਰੇ ਦੀ ਸੰਭਾਵਨਾ ਨੂੰ ਘੱਟ ਕਰਦਾ ਹੈ। ਇਸ ਖੋਜ ਵਿਚ 1,21,000 ਔਰਤਾਂ 'ਤੇ ਇਕ ਅਧਿਐਨ ਕੀਤਾ ਗਿਆ। ਇਸ ਵਿਚੋਂ 75,000 ਔਰਤਾਂ ਨੂੰ ਨਾ ਤਾਂ ਕਦੇ ਸ਼ੂਗਰ ਅਤੇ ਨਾ ਹੀ ਦਿਲ ਦਾ ਰੋਗ ਹੋਇਆ ਸੀ। ਮਾਹਿਰਾਂ ਨੇ ਇਨ੍ਹਾਂ ਔਰਤਾਂ ਦੀਆਂ ਖਾਣੇ ਦੀਆਂ ਆਦਤਾਂ ਨੂੰ ਜਾਣਿਆ ਅਤੇ ਪਾਇਆ ਕਿ ਜੋ ਔਰਤਾਂ ਅਨਾਜਾਂ ਦਾ ਜ਼ਿਆਦਾ ਸੇਵਨ ਕਰਦੀਆਂ ਹਨ, ਉਨ੍ਹਾਂ ਨੂੰ ਅਨਾਜਾਂ ਦਾ ਸੇਵਨ ਨਾ ਕਰਨ ਵਾਲੀਆਂ ਔਰਤਾਂ ਦੀ ਤੁਲਨਾ ਵਿਚ 40 ਫੀਸਦੀ ਘੱਟ ਦਿਮਾਗੀ ਦੌਰਾ ਪੈਣ ਦੀ ਸੰਭਾਵਨਾ ਪਾਈ ਗਈ। ਮੰਦੇ ਭਾਗਾਂ ਨਾਲ ਬਹੁਤੇ ਲੋਕ ਰਿਫਾਇੰਡ ਅਨਾਜ ਵਰਗੇ ਬ੍ਰੈੱਡ, ਪਾਸਤਾ ਆਦਿ ਦਾ ਸੇਵਨ ਕਰਦੇ ਹਨ, ਜਿਸ ਨਾਲ ਉਨ੍ਹਾਂ ਨੂੰ ਲੋੜੀਂਦੇ ਪੋਸ਼ਕ ਤੱਤ ਨਹੀਂ ਮਿਲਦੇ, ਇਸ ਲਈ ਸਫੈਦ ਚੌਲ ਦੀ ਜਗ੍ਹਾ ਬਰਾਊਨ ਚੌਲ, ਮੈਦੇ ਦੀ ਜਗ੍ਹਾ ਆਟੇ ਦਾ ਸੇਵਨ ਕਰੋ।
ਓਮੇਗਾ-3 ਫੈਟੀ ਐਸਿਡ ਸਿਹਤ ਲਈ ਲਾਭਦਾਇਕ

ਨਵੀਆਂ ਖੋਜਾਂ ਅਨੁਸਾਰ ਮੱਛੀ ਦਾ ਸੇਵਨ ਦੌਰੇ ਦੀ ਸੰਭਾਵਨਾ ਨੂੰ ਘੱਟ ਕਰਦਾ ਹੈ। ਇਹ ਖੋਜ 80,000 ਅਮਰੀਕਨ ਔਰਤਾਂ 'ਤੇ ਕੀਤੀ ਗਈ, ਜਿਨ੍ਹਾਂ ਦੀ ਉਮਰ 34-35 ਸਾਲ ਸੀ। ਇਸ ਖੋਜ ਅਨੁਸਾਰ ਜਿਨ੍ਹਾਂ ਔਰਤਾਂ ਨੇ ਮੱਛੀ ਦਾ ਜ਼ਿਆਦਾ ਸੇਵਨ ਕੀਤਾ, ਉਨ੍ਹਾਂ ਵਿਚ ਮੱਛੀ ਦਾ ਸੇਵਨ ਨਾ ਕਰਨ ਵਾਲੀਆਂ ਔਰਤਾਂ ਦੀ ਤੁਲਨਾ ਵਿਚ ਦੌਰਾ ਪੈਣ ਦੀ ਸੰਭਾਵਨਾ 52 ਫੀਸਦੀ ਘੱਟ ਪਾਈ ਗਈ। ਇਸ ਖੋਜ ਦੇ ਮਾਹਿਰ ਡਾ: ਕੈਥਰੀਨ ਐਮ. ਰੇਕਸਰੋਡ ਦਾ ਕਹਿਣਾ ਹੈ ਕਿ ਦੌਰੇ ਦੀ ਸੰਭਾਵਨਾ ਘੱਟ ਹੋਣ ਦਾ ਕਾਰਨ ਓਮੇਗਾ-3 ਫੈਟੀ ਅਮਲਾਂ ਦੁਆਰਾ ਖੂਨ ਦੇ ਥੱਕਿਆਂ ਨੂੰ ਬਣਾਉਣ ਤੋਂ ਰੋਕਦਾ ਹੈ। ਦੌਰਾ ਪੈਣ ਦਾ 80 ਫੀਸਦੀ ਕਾਰਨ ਇਹ ਥੱਕੇ ਹੀ ਹਨ।






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX