ਤਾਜਾ ਖ਼ਬਰਾਂ


ਜ਼ਿਲ੍ਹਾ ਸੰਗਰੂਰ 'ਚ ਕੋਰੋਨਾ ਕਾਰਨ ਬਜ਼ੁਰਗ ਦੀ ਮੌਤ, 49 ਹੋਰ ਪਾਜ਼ੀਟਿਵ ਮਾਮਲੇ ਆਏ ਸਾਹਮਣੇ
. . .  4 minutes ago
ਸੰਗਰੂਰ, 9 ਅਗਸਤ (ਧੀਰਜ ਪਸ਼ੋਰੀਆ) - ਜ਼ਿਲ੍ਹਾ ਸੰਗਰੂਰ ਵਿਚ ਕੋਰੋਨਾ ਨਾਲ ਇਕ 80 ਸਾਲਾ ਬਜ਼ੁਰਗ ਦੀ ਮੌਤ ਹੋਣ ਨਾਲ ਜ਼ਿਲ੍ਹੇ ਵਿਚ ਕੋਰੋਨਾ ਨਾਲ ਹੋਈਆਂ ਮੌਤਾਂ ਦੀ ਗਿਣਤੀ 36 ਹੋ ਗਈ ਹੈ। ਇਸੇ ਦੌਰਾਨ 49 ਹੋਰ ਮਾਮਲੇ ਆਉਣ ਜ਼ਿਲ੍ਹੇ ਵਿਚ ਕੋਰੋਨਾ...
ਠੇਕੇ 'ਤੇ ਕੰਮ ਕਰਦੇ ਕਰਿੰਦੇ ਦੇ ਦੋ ਅਣਪਛਾਤੇ ਵਿਅਕਤੀਆਂ ਨੇ ਮਾਰੀਆਂ ਗੋਲੀਆਂ-ਹਾਲਤ ਗੰਭੀਰ
. . .  40 minutes ago
ਗੁਰਦਾਸਪੁਰ, 9 ਅਗਸਤ (ਭਾਗਦੀਪ ਸਿੰਘ ਗੋਰਾਇਆ)-ਇਥੋਂ ਨਜ਼ਦੀਕੀ ਪਿੰਡ ਸਿੰਘੋਵਾਲ ਵਿਖੇ ਸਥਿਤ ਇਕ ਸ਼ਰਾਬ ਦੇ ਠੇਕੇ 'ਤੇ ਕੰਮ ਕਰਦੇ ਕਰਿੰਦੇ ਦੇ ਦੋ ਮੋਟਰਸਾਈਕਲ ਅਣਪਛਾਤੇ ਵਿਅਕਤੀਆਂ ਵਲੋਂ ਗੋਲੀਆਂ ਮਾਰ ਕੇ ਗੰਭੀਰ ਜ਼ਖਮੀ ਕਰ ਦਿੱਤਾ ਗਿਆ ਹੈ। ਜਾਣਕਾਰੀ ਦਿੰਦੇ ਠੇਕੇ ਦੇ ਮਾਲਕ ਵਿਨੋਦ ਰਾਣਾ ਨੇ...
ਗਰਨੇਡ ਮਿਲਣ ਕਾਰਨ ਇਲਾਕੇ 'ਚ ਫੈਲੀ ਸਨਸਨੀ
. . .  57 minutes ago
ਪਠਾਨਕੋਟ, 9 ਅਗਸਤ (ਚੌਹਾਨ) - ਜਲੰਧਰ ਨੈਸ਼ਨਲ ਹਾਈਵੇ 'ਤੇ ਪਠਾਨਕੋਟ ਸਰਹੱਦ ਡਮਟਾਲ ਦੀਆਂ ਪਹਾੜੀਆਂ 'ਤੇ ਗਰਨੇਡ ਮਿਲਣ ਨਾਲ ਦਹਿਸ਼ਤ ਫੈਲ ਗਈ। ਸੂਚਨਾ ਮਿਲਦੇ ਹੀ ਪੁਲਿਸ ਤੇ ਆਰਮੀ ਅਧਿਕਾਰੀ ਮੌਕੇ 'ਤੇ...
ਅੱਜ ਜ਼ਿਲ੍ਹਾ ਬਰਨਾਲਾ 'ਚ ਕੋਰੋਨਾ ਦੇ 20 ਹੋਰ ਮਾਮਲੇ ਆਏ ਸਾਹਮਣੇ
. . .  about 1 hour ago
ਮਹਿਲ ਕਲਾਂ, 9 ਅਗਸਤ (ਅਵਤਾਰ ਸਿੰਘ ਅਣਖੀ)-ਜ਼ਿਲ੍ਹਾ ਬਰਨਾਲਾ ਅੰਦਰ ਅੱਜ ਕੋਰੋਨਾ ਵਾਇਰਸ ਦੇ 20 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਸਿਵਲ ਸਰਜਨ ਬਰਨਾਲਾ ਵਲੋਂ ਜਾਰੀ ਮੀਡੀਆ ਬੁਲੇਟਿਨ ਕੋਵਿਡ-19 ਅਨੁਸਾਰ ਅੱਜ ਕੋਰੋਨਾ ਵਾਇਰਸ ਦੇ 20 ਮਾਮਲਿਆਂ 'ਚ 10 ਮਾਮਲੇ ਸ਼ਹਿਰ ਬਰਨਾਲਾ, 7 ਮਾਮਲੇ...
ਲੁਧਿਆਣਾ ਵਿਚ ਕੋਰੋਨਾ ਤੋਂ ਪ੍ਰਭਾਵਿਤ 10 ਮਰੀਜ਼ਾਂ ਦੀ ਮੌਤ, 246 ਨਵੇਂ ਮਾਮਲੇ ਸਾਹਮਣੇ ਆਏ
. . .  about 1 hour ago
ਲੁਧਿਆਣਾ, 9 ਅਗਸਤ (ਸਲੇਮਪੁਰੀ) - ਲੁਧਿਆਣਾ ਵਿਚ ਕੋਰੋਨਾ ਦਾ ਕਹਿਰ ਨਿਰਵਿਘਨ ਜਾਰੀ ਹੈ ਅਤੇ ਅੱਜ ਫਿਰ ਕੋਰੋਨਾ ਤੋਂ ਪ੍ਰਭਾਵਿਤ 10 ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ। ਸਿਵਲ ਸਰਜਨ ਡਾ ਰਾਜੇਸ਼ ਬੱਗਾ ਨੇ ਦੱਸਿਆ ਹੈ ਕਿ ਅੱਜ ਜਿਹੜੇ ਮਰੀਜ਼ਾਂ ਦੀ ਮੌਤ ਹੋਈ ਹੈ, ਸਾਰੇ ਲੁਧਿਆਣਾ ਜ਼ਿਲ੍ਹੇ ਨਾਲ ਸਬੰਧਿਤ ਹਨ...
ਪ੍ਰੋ. ਗੱਜਣਮਾਜਰਾ ਨੇ ਲੋਕ ਇਨਸਾਫ਼ ਪਾਰਟੀ ਨੂੰ ਕਿਹਾ ਅਲਵਿਦਾ
. . .  about 1 hour ago
ਅਮਰਗੜ੍ਹ/ਕੁੱਪ ਕਲਾਂ (ਸੰਗਰੂਰ) 9 ਅਗਸਤ ( ਝੱਲ , ਸਰੌਦ ) - ਉੱਘੇ ਕਾਰੋਬਾਰੀ ਪ੍ਰੋ. ਜਸਵੰਤ ਸਿੰਘ ਗੱਜਣਮਾਜਰਾ ਨੇ ਲੋਕ ਇਨਸਾਫ਼ ਪਾਰਟੀ ਨੂੰ ਅਲਵਿਦਾ ਕਹਿੰਦਿਆਂ ਸਾਰੇ ਅਹੁਦਿਆਂ ਤੋਂ ਅਸਤੀਫਾ ਦੇ ਦਿੱਤਾ ਹੈ , ਉਹ ਲੋਕ ਇਨਸਾਫ ਪਾਰਟੀ ਦੇ ਸਕੱਤਰ ਜਨਰਲ ਅਤੇ ਵਿਧਾਨ ਸਭਾ ਹਲਕਾ ਅਮਰਗੜ੍ਹ ਤੋਂ ਇੰਚਾਰਜ...
ਪਾਕਿ ਵਿਚ 16 ਸਾਲਾ ਹਿੰਦੂ ਲੜਕੀ ਕੀਤੀ ਅਗਵਾ - ਮਨਜਿੰਦਰ ਸਿੰਘ ਸਿਰਸਾ
. . .  about 1 hour ago
ਨਵੀਂ ਦਿੱਲੀ, 9 ਅਗਸਤ - ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਦੱਸਿਆ ਕਿ ਪਾਕਿਸਤਾਨ ਵਿਚ ਹਿੰਦੂ ਅਤੇ ਸਿੱਖਾਂ ਸਮੇਤ ਘੱਟ ਗਿਣਤੀਆਂ 'ਤੇ ਜ਼ੁਲਮ ਅਤੇ ਤਸ਼ੱਦਦ ਢਾਹੁਣ ਦਾ ਸਿਲਸਿਲਾ ਰੁਕਣ ਦਾ ਨਾਂ ਲਈਂ ਲੈ ਲਿਆ ਤੇ ਹੁਣ 16 ਸਾਲਾ ਲੜਕੀ ਕਵਿਤਾ ਨੂੰ ਆਦਿਲ...
ਮੈਂ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੀ ਚੜ੍ਹਦੀ ਕਲਾ ਲਈ ਹਮੇਸ਼ਾ ਕਾਰਜਸ਼ੀਲ ਰਹਾਂਗਾ-ਜਥੇਦਾਰ ਸਿਧਵਾਂ
. . .  about 1 hour ago
ਡੇਅਰੀਵਾਲ ਦਰੋਗਾ (ਬਟਾਲਾ), 9 ਅਗਸਤ (ਹਰਦੀਪ ਸਿੰਘ) - ਸ਼੍ਰੋਮਣੀ ਅਕਾਲੀ ਦਲ ਨਾਲੋਂ ਵੱਖ ਹੋ ਕੇ ਆਪਣੀ ਨਵੀਂ ਪਾਰਟੀ ਬਣਾ ਚੁੱਕੇ ਸ. ਸੁਖਦੇਵ ਸਿੰਘ ਢੀਂਡਸਾ ਵੱਲੋਂ ਬੀਤੇ ਦਿਨ ਬਟਾਲਾ ਵਿਖੇ ਕੀਤੀ ਗਈ ਮੀਟਿੰਗ ਵਿੱਚ ਮੇਰੀ ਸ਼ਮੂਲੀਅਤ ਬਾਰੇ ਪ੍ਰਕਾਸ਼ਤ ਹੋਈਆਂ ਖ਼ਬਰਾਂ ਗਲਤ ਹਨ ਕਿਉਂਕਿ ਮੈਂ ਬਟਾਲਾ ਵਿਖੇ...
ਸ਼ਾਹਕੋਟ ’ਚ ਯੂਕੋ ਬੈਂਕ ਦੇ ਮੁਲਾਜਮ ਸਮੇਤ ਤਿੰਨ ਵਿਅਕਤੀਆਂ ’ਚ ਕੋਰੋਨਾ ਦੀ ਪੁਸ਼ਟੀ
. . .  about 1 hour ago
ਸ਼ਾਹਕੋਟ, (ਜਲੰਧਰ) 9 ਅਗਸਤ (ਅਜ਼ਾਦ ਸਚਦੇਵਾ/ਸੁਖਦੀਪ ਸਿੰਘ) ਸਿਹਤ ਬਲਾਕ ਸ਼ਾਹਕੋਟ ਵਿੱਚ ਐਤਵਾਰ ਨੂੰ ਤਿੰਨ ਕੋਰੋਨਾ ਪਾਜੀਟਿਵ ਮਰੀਜ ਮਿਲੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਵਿਅਕਤੀ ਯੂਕੋ ਬੈਂਕ ਦਾ ਮੁਲਾਜ਼ਮ ਹੈ, ਜਦਕਿ ਬਾਕੀ ਦੋ ਵਿੱਚੋਂ ਇੱਕ ਆਟੋ ਡ੍ਰਾਇਵਰ ਅਤੇ ਇੱਕ ਹਾਕੀ ਖਿਡਾਰੀ ਹੈ। ਸੀਨੀਅਰ ਮੈਡੀਕਲ...
ਜੋਧਾਂ (ਲੁਧਿਆਣਾ) 'ਚ ਕੋਰੋਨਾ ਮਰੀਜਾਂ ਦੀ ਗਿਣਤੀ ਵਧਣ ਲੱਗੀ
. . .  about 1 hour ago
ਜੋਧਾਂ, 9 ਅਗਸਤ (ਗੁਰਵਿੰਦਰ ਸਿੰਘ ਹੈਪੀ)- ਕਸਬਾ ਜੋਧਾਂ (ਲੁਧਿਆਣਾ) ਵਿਖੇ ਪਿਛਲੇ ਦਿਨੀ ਇੱਕ ਪਰਿਵਾਰ ਦੇ 6 ਮੈਬਰਾਂ ਦੇ ਕੋਰੋਨਾ ਪਾਜ਼ੀਟਿਵ ਆਉਣ ਤੋਂ ਬਾਅਦ ਆਲੇ ਦੁਆਲੇ ਨੂੰ ਸੀਲ ਕੀਤਾ ਗਿਆ ਸੀ। ਸੀਲ ਕੀਤੇ ਗਏ ਇਲਾਕੇ ਵਿੱਚੋ ਲੋਕਾਂ ਦੇ ਕੋਵਿੰਡ-19 ਦੇ ਟੈਸਟ ਕੀਤੇ ਗਏ। ਜਿਨ੍ਹਾਂ ਵਿੱਚੋਂ ਤਿੰਨ ਵਿਅਕਤੀਆਂ...
ਮਾਨਸਾ 'ਚ ਨਿੱਜੀ ਡਾਕਟਰ ਸਮੇਤ 12 ਨੂੰ ਕੋਰੋਨਾ ਦੀ ਪੁਸ਼ਟੀ
. . .  about 1 hour ago
ਮਾਨਸਾ, 9 ਅਗਸਤ (ਬਲਵਿੰਦਰ ਸਿੰਘ ਧਾਲੀਵਾਲ)-ਮਾਨਸਾ ਜ਼ਿਲੇ 'ਚ 12 ਨੂੰ ਕੋਰੋਨਾ ਦੀ ਪੁਸ਼ਟੀ ਹੋਈ ਹੈ। ਪਾਜ਼ੀਟਿਵ ਪਾਏ ਗਏ ਵਿਅਕਤੀਆਂ 'ਚ ਸਥਾਨਕ ਸ਼ਹਿਰ ਦੀ ਇੱਕ ਨਿੱਜੀ ਡਾਕਟਰ, ਦਵਾਈ ਵਿਕਰੇਤਾ ਤੇ ਉਨਾਂ ਦੇ ਸਬੰਧੀ ਵੀ ਸ਼ਾਮਲ...
ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ਵਿਚ ਕੋਰੋਨਾ ਦਾ ਵੱਡਾ ਧਮਾਕਾ ਇੱਕੋ ਦਿਨ ਵਿਚ ਆਏ 41 ਨਵੇਂ ਮਾਮਲੇ
. . .  about 2 hours ago
ਫਤਿਹਗੜ੍ਹ ਸਾਹਿਬ 9 ਅਗਸਤ (ਬਲਜਿੰਦਰ ਸਿੰਘ )- ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ਵਿਚ ਕੋਰੋਨਾ ਮਹਾਂਮਾਰੀ ਨੇ ਬੜੀ ਤੇਜ਼ੀ ਨਾਲ ਆਪਣੇ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ ਹਨ ਜਿਸ ਦੇ ਚੱਲਦਿਆਂ ਅੱਜ ਜ਼ਿਲ੍ਹੇ ਵਿੱਚ ਕਰੋਨਾ ਦੇ ਨਵੇਂ 41 ਮਾਮਲੇ ਸਾਹਮਣੇ ਆਉਣ ਨਾਲ ਲੋਕਾਂ ਦੇ ਵਿੱਚ ਸਹਿਮ ਤੇ ਦਹਿਸ਼ਤ ਦਾ ਮਾਹੌਲ...
ਮੈਂ ਅਕਾਲੀ ਦਲ ਡੈਮੋਕ੍ਰੇਟਿਕ 'ਚ ਸ਼ਾਮਿਲ ਨਹੀਂ ਹੋਇਆ, ਪੰਥਕ ਲਹਿਰ ਦਾ ਸਰਗਰਮ ਮੈਂਬਰ ਰਹਾਂਗਾ : ਜਥੇਦਾਰ ਅਮਰੀਕ ਸਿੰਘ ਸ਼ਾਹਪੁਰ
. . .  about 2 hours ago
ਡੇਰਾ ਬਾਬਾ ਨਾਨਕ, 9 ਅਗਸਤ (ਅਵਤਾਰ ਸਿੰਘ ਰੰਧਾਵਾ)-ਬੀਤੇ ਦਿਨ ਬਟਾਲਾ ਨੇੜੇ ਪੈਂਦੇ ਪਿੰਡ ਧੁੱਪਸੜੀ ਦੇ ਗੁਰਦੁਆਰਾ ਸਾਹਿਬ ਵਿਖੇ ਅਕਾਲੀ ਦਲ ਡੈਮੋਕ੍ਰੇਟਿਕ ਪਾਰਟੀ ਵਲੋਂ ਇਕ ਪ੍ਰਭਾਵਸ਼ਾਲੀ ਪ੍ਰੋਗਰਾਮ ਕੀਤਾ ਗਿਆ ਸੀ ਜਿਸ ਵਿਚ ਸਾਥੀਆਂ ਸਮੇਤ ਪਹੁੰਚੇ ਆਪਣਾ ਪੰਜਾਬ ਪਾਰਟੀ ਦੇ ਸੀਨੀਅਰ ਮੀਤ ਪ੍ਰਧਾਨ...
ਦੇਸ਼ ਲਈ ਸ਼ਹੀਦ ਹੋਣ ਵਾਲਿਆਂ ਦੀ ਕੁਰਬਾਨੀ ਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ - ਰਾਣਾ ਗੁਰਮੀਤ ਸਿੰਘ ਸੋਢੀ
. . .  about 2 hours ago
ਨੱਥੂਵਾਲਾ ਗਰਬੀ (ਜ਼ਿਲ੍ਹਾ ਮੋਗਾ), 9 ਅਗਸਤ (ਸਾਧੂ ਰਾਮ ਲੰਗੇਆਣਾ) - ਬੀਤੇ ਦਿਨੀਂ ਚੀਨ ਦੀ ਸਰਹੱਦ ਉਤੇ ਦੇਸ਼ ਲਈ ਡਿਊਟੀ ਦੇਣ ਦੌਰਾਨ ਸ਼ਹੀਦ ਹੋਏ ਸਿਪਾਹੀ ਲਖਵੀਰ ਸਿੰਘ ਨਮਿਤ ਅੰਤਿਮ ਅਰਦਾਸ ਅਤੇ ਸ਼ਰਧਾਂਜਲੀ ਸਮਾਗਮ ਅੱਜ ਉਸਦੇ ਜੱਦੀ ਪਿੰਡ ਡੇਮਰੂ ਖੁਰਦ ਵਿਖੇ ਹੋਇਆ, ਜਿਸ ਵਿੱਚ ਪੰਜਾਬ ਸਰਕਾਰ...
ਟੋਲ ਪਲਾਜਾ ਨਿੱਝਰਪੁਰਾ ਵਿਖੇ ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਅਤੇ ਟੋਲ ਪਲਾਜਾ ਪ੍ਰਬੰਧਕਾਂ ਵਿਚਕਾਰ ਹੋਇਆ ਤਕਰਾਰ 
. . .  about 2 hours ago
ਜੰਡਿਆਲਾ ਗੁਰੂ, 9 ਅਗਸਤ (ਰਣਜੀਤ ਸਿੰਘ ਜੋਸਨ) - ਜੰਡਿਆਲਾ ਗੁਰੂ ਨਜਦੀਕ ਨੈਸ਼ਨਲ ਹਾਈਵੇ ਤੇ ਬਣੇ ਟੋਲ ਪਲਾਜਾ ਨਿੱਝਰਪੁਰਾ ਵਿਖੇ ਅੱਜ ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਵੱਲੋਂ ਟੋਲ ਪਲਾਜ਼ਾ ਪ੍ਰਬੰਧਕਾਂ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਗਈ ਅਤੇ ਟੋਲ ਪਲਾਜਾ ਵਾਲਿਆਂ ਵੱਲੋਂ ਕੀਤੀ ਜਾਂਦੀ ਮਨਮਰਜ਼ੀ...
ਸੰਸਦ ਮੈਂਬਰ ਔਜਲਾ ਦੀ ਕੋਰੋਨਾ ਰਿਪੋਰਟ ਆਈ ਨੈਗੇਟਿਵ
. . .  about 2 hours ago
ਅੰਮ੍ਰਿਤਸਰ, 9 ਅਗਸਤ - ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਮੈਂਬਰ ਪਾਰਲੀਮੈਂਟ ਗੁਰਜੀਤ ਸਿੰਘ ਔਜਲਾ ਦੀ ਕੋਰੋਨਾ ਰਿਪੋਰਟ ਨੈਗੇਟਿਵ...
ਜ਼ਿਲ੍ਹਾ ਪਠਾਨਕੋਟ ਵਿੱਚ 5 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  about 2 hours ago
ਪਠਾਨਕੋਟ, 9 ਅਗਸਤ (ਸੰਧੂ) - ਜ਼ਿਲ੍ਹਾ ਪਠਾਨਕੋਟ ਵਿੱਚ 5 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਕੀਤੀ ਗਈ ਹੈ ਇਸ ਸਬੰਧੀ ਪੁਸ਼ਟੀ ਸਿਵਲ ਸਰਜਨ ਡਾਕਟਰ ਭੁਪਿੰਦਰ ਸਿੰਘ ਨੇ ਕਰਦੇ ਹੋਏ ਦੱਸਿਆ ਕਿ 5 ਵਿਅਕਤੀਆਂ ਦੀ ਐਂਟੀਜਨ ਟੈਸਟਿੰਗ...
ਸ੍ਰੀ ਮੁਕਤਸਰ ਸਾਹਿਬ ਵਿਖੇ 7 ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  about 2 hours ago
ਸ੍ਰੀ ਮੁਕਤਸਰ ਸਾਹਿਬ, 9 ਅਗਸਤ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਅੱਜ 7 ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ, ਜਿਨ੍ਹਾਂ ਵਿਚ 3 ਮਰੀਜ਼ ਸ੍ਰੀ ਮੁਕਤਸਰ ਸਾਹਿਬ (ਇਕ ਮਰੀਜ 29 ਸਾਲ, ਦੂਜਾ ਮਰੀਜ ਬੂੜਾ ਗੁੱਜਰ ਰੋਡ 50 ਸਾਲ ਅਤੇ ਤੀਜਾ 23 ਸਾਲਾਂ ਮਰੀਜ਼ ਆਦਰਸ਼ ਨਗਰ ਗਲੀ ਨੰਬਰ 1), ਇਕ ਮਰੀਜ਼ ਪਿੰਡ...
ਪਰਮਬੰਸ ਸਿੰਘ ਰੋਮਾਣਾ ਨੂੰ ਸਦਮਾ, ਮਾਤਾ ਦਾ ਦੇਹਾਂਤ
. . .  about 2 hours ago
ਫ਼ਰੀਦਕੋਟ, 9 ਅਗਸਤ (ਜਸਵੰਤ ਸਿਘ ਪੁਰਬਾ)-ਸ਼੍ਰੋਮਣੀ ਅਕਾਲੀ ਦਲ ਦੇ ਬੁਲਾਰੇ ਅਤੇ ਯੂਥ ਅਕਾਲੀ ਦਲ ਦੇ ਕੌਮੀ ਪ੍ਰਧਾਨ ਪਰਮਬੰਸ ਸਿੰਘ ਬੰਟੀ ਰੋਮਾਣਾ ਨੂੰ ਉਸ ਵਕਤ ਵੱਡਾ ਸਦਮਾ ਪੁੱਜਿਆ ਜਦੋਂ ਉਨ੍ਹਾਂ ਸਤਿਕਾਰਯੋਗ ਮਾਤਾ ਪਰਮਜੀਤ ਕੌਰ ਰੋਮਾਣਾ (ਪੰਮੀ ਰੋਮਾਣਾ ਧਰਮ ਪਤਨੀ ਸਵ: ਹਰਬੰਸ ਸਿੰਘ ਰੋਮਾਣਾ...
ਅੰਮ੍ਰਿਤਸਰ 'ਚ ਕੋਰੋਨਾ ਦੇ 69 ਪਾਜ਼ੀਟਿਵ ਮਰੀਜ਼ਾਂ ਦੀ ਹੋਈ ਪੁਸ਼ਟੀ, 4 ਦੀ ਮੌਤ
. . .  about 2 hours ago
ਅੰਮ੍ਰਿਤਸਰ, 9 ਅਗਸਤ (ਜਸਵੰਤ ਸਿੰਘ ਜੱਸ/ ਰਾਜੇਸ਼ ਸ਼ਰਮਾ) : ਅੰਮ੍ਰਿਤਸਰ ਚ ਅੱਜ 69 ਹੋਰ ਕੋਰੋਣਾ ਪੋਸਿਟੀਵ ਮਰੀਜਾਂ ਦੀ ਪੁਸ਼ਟੀ ਹੋਈ ਹੈ। ਇਸ ਤੋਂ ਇਲਾਵਾ 4 ਵਿਅਕਤੀ ਦੀ ਮੌਤ ਹੋ ਗਈ ਹੈ। ਇਸ ਨਾਲ ਹੀ ਹੁਣ ਅੰਮ੍ਰਿਤਸਰ ਵਿਚ ਕੋਰੋਣਾ ਪੋਸਿਟੀਵ ਮਰੀਜਾਂ ਦੀ...
ਮੋਗਾ ਵਿਚ 24 ਹੋਰ ਆਏ ਕੋਰੋਨਾ ਪਾਜ਼ੀਟਿਵ ਮਾਮਲੇ
. . .  about 2 hours ago
ਮੋਗਾ, 9 ਅਗਸਤ (ਗੁਰਤੇਜ ਸਿੰਘ ਬੱਬੀ) - ਅੱਜ ਸਿਹਤ ਵਿਭਾਗ ਮੋਗਾ ਨੂੰ ਪ੍ਰਾਪਤ ਹੋਈਆਂ ਰਿਪੋਰਟਾਂ ਵਿਚ 24 ਜਣਿਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ ਤੇ ਹੁਣ ਜ਼ਿਲ੍ਹੇ ਵਿਚ ਮਰੀਜ਼ਾਂ ਦੀ ਕੁੱਲ ਗਿਣਤੀ 600 ਤੇ ਐਕਟਿਵ ਕੇਸਾਂ ਦੀ ਗਿਣਤੀ 277 ਹੋ...
ਸੀ.ਆਈ.ਏ ਸਟਾਫ਼ ਜੈਤੋ ਵਲੋਂ 20 ਹਜ਼ਾਰ ਨਸ਼ੀਲੀਆਂ ਗੋਲੀਆਂ ਸਮੇਤ 3 ਵਿਅਕਤੀਆਂ ਨੂੰ ਕੀਤਾ ਗ੍ਰਿਫਤਾਰ
. . .  about 2 hours ago
ਜੈਤੋ, 9 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ, ਨਿੱਜੀ ਪੱਤਰ ਪ੍ਰੇਰਕ)-ਸੀ.ਆਈ.ਏ. ਸਟਾਫ਼ ਜੈਤੋ ਵਲੋਂ 3 ਵਿਅਕਤੀਆਂ ਨੂੰ ਕਰੀਬ 20 ਹਜ਼ਾਰ ਨਸ਼ੀਲੀਆਂ ਗੋਲੀਆਂ ਤੇ ਦੋ ਕਾਰਾਂ ਸਮੇਤ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ...
ਕਾਂਗਰਸ ਦਾ ਮੈਨੀਫੈਸਟੋ ਫਰੇਮ ਕਰਵਾ ਕੇ ਕਾਂਗਰਸੀ ਵਿਧਾਇਕਾ ਨੂੰ ਵਾਪਸ ਮੋੜਨਗੇ ਸਸਅ/ਮਿਡ ਡੇ ਮੀਲ ਦਫ਼ਤਰੀ ਮੁਲਾਜ਼ਮ
. . .  about 2 hours ago
ਫ਼ਾਜ਼ਿਲਕਾ, 9 ਅਗਸਤ (ਪ੍ਰਦੀਪ ਕੁਮਾਰ)- “ਐਮ.ਐਲ.ਏ ਸਾਹਿਬ ਆਪਣਾ ਮੈਨੀਫੈਸਟੋ ਰੱਖ ਲਓ, ਸਾਡੇ ਤਾਂ ਕਿਸੇ ਕੰਮ ਨਹੀਂ ਆਇਆ” ਇਸ ਨਾਅਰੇ ਤਹਿਤ ਸਰਵ ਸਿੱਖਿਆ ਅਭਿਆਨ/ ਮਿਡ ਡੇ ਮੀਲ ਦਫ਼ਤਰੀ ਕਰਮਚਾਰੀ 13 ਅਗਸਤ ਨੂੰ ਸੂਬੇ ਭਰ ਵਿਚ ਕਾਂਗਰਸ ਦੇ ਮੰਤਰੀ ਅਤੇ ਵਿਧਾਇਕਾ ਨੂੰ ਚੋਣ ਮਨੋਰਥ...
ਘਰੇਲੂ ਕਲੇਸ਼ ਕਾਰਨ ਵਿਆਹੁਤਾ ਲੜਕੀ ਵਲੋਂ ਖ਼ੁਦਕੁਸ਼ੀ
. . .  about 3 hours ago
ਮੀਆਂਵਿੰਡ, 9 ਅਗਸਤ (ਗੁਰਪ੍ਰਤਾਪ ਸਿੰਘ ਸੰਧੂ) - ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਹਲਕਾ ਬਾਬਾ ਬਕਾਲਾ ਸਾਹਿਬ ਥਾਣਾ ਵੈਰੋਵਾਲ ਅਧੀਨ ਆਉਂਦੇ ਪਿੰਡ ਸਰਾਂ ਤਲਵੰਡੀ ਵਿਖੇ ਘਰੇਲੂ ਕਲੇਸ਼ ਕਾਰਨ ਰਿੰਪਲਜੀਤ ਕੌਰ ਨਾਂਅ ਦੀ ਵਿਆਹੁਤਾ ਲੜਕੀ ਨੇ ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ ਕਰ...
ਕੋਵਿਡ19 : ਕਪੂਰਥਲਾ 'ਚ ਅੱਜ 6 ਪਾਜ਼ੀਟਿਵ ਤੇ 97 ਨੈਗੇਟਿਵ
. . .  about 3 hours ago
ਕਪੂਰਥਲਾ, 9 ਅਗਸਤ (ਅਮਰਜੀਤ ਸਿੰਘ ਸਡਾਨਾ) - ਜਿਲ੍ਹੇ ਵਿਚ ਕੋਰੋਨਾ ਨਾਲ ਸਬੰਧਤ 6 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਜਿਨ੍ਹਾਂ ਵਿਚੋਂ 3 ਸ਼ਹਿਰ ਦੇ ਮੁਹੱਲਾ ਮੱਛੀ ਚੌਕ, ਇੱਕ ਮਹੁੱਬਤ ਨਗਰ,ਇੱਕ ਪੀਰ ਚੋਧਰੀ ਰੋਡ ਤੇ ਇੱਕ ਮਰੀਜ਼ ਗੁਰੂ ਤੇਗ਼ ਬਹਾਦਰ...
ਹੋਰ ਖ਼ਬਰਾਂ..

ਬਹੁਰੰਗ

ਜਾਹਨਵੀ 'ਗੁੰਜਨ' ਵਿਚ ਸੂਰਬੀਰਤਾ ਦਾ ਜਜ਼ਬਾ ਬਹੁਤ ਹੈ

ਆਪਣੀ ਪਹਿਲੀ ਫ਼ਿਲਮ 'ਧੜਕ' ਵਿਚ ਪ੍ਰੇਮ ਵਿਚ ਪਾਗਲ ਕੁੜੀ ਦੀ ਭੂਮਿਕਾ ਨਿਭਾਉਣ ਵਾਲੀ ਜਾਹਨਵੀ ਕਪੂਰ ਨੇ ਹੁਣ ਫ਼ਿਲਮ 'ਗੁੰਜਨ ਸਕਸੈਨਾ' ਵਿਚ ਜਾਂਬਾਜ਼ ਲੜਾਕੂ ਔਰਤ ਪਾਇਲਟ ਦੀ ਭੂਮਿਕਾ ਨਿਭਾਈ ਹੈ। ਇਹ ਭੂਮਿਕਾ ਅਸਲ ਜ਼ਿੰਦਗੀ ਦੇ ਕਿਰਦਾਰ 'ਤੇ ਆਧਾਰਿਤ ਹੈ। ਕਾਰਗਿਲ ਯੁੱਧ ਦੌਰਾਨ ਔਰਤ ਪਾਇਲਟ ਗੁੰਜਨ ਸਕਸੈਨਾ ਨੇ ਭਾਰਤੀ ਫ਼ੌਜ ਨੂੰ ਮੋਰਚੇ 'ਤੇ ਰਸਦ ਪਹੁੰਚਾਉਣ ਦੀ ਡਿਊਟੀ ਨਿਭਾਈ ਸੀ ਅਤੇ ਇਸ ਕੰਮ ਨੂੰ ਗੁੰਜਨ ਨੇ ਬੜੀ ਬਹਾਦਰੀ ਨਾਲ ਨਿਭਾਇਆ ਸੀ।
ਆਪਣੇ ਕਰੀਅਰ ਦੇ ਸ਼ੁਰੂਆਤੀ ਦੌਰ ਵਿਚ ਹੀ ਇਸ ਤਰ੍ਹਾਂ ਦੀ ਵੱਖਰੀ ਜਿਹੀ ਭੂਮਿਕਾ ਪਾਉਣ ਲਈ ਜਾਹਨਵੀ ਵਾਕਈ ਖੁਸ਼ਨਸੀਬ ਕਹੀ ਜਾਵੇਗੀ। ਇਸ ਤਰ੍ਹਾਂ ਦੀ ਭੂਮਿਕਾ ਨਿਭਾਉਣ ਦੀ ਇੱਛਾ ਉਸ ਦੀ ਵੀ ਸੀ। ਇਸ ਬਾਰੇ ਉਹ ਕਹਿੰਦੀ ਹੈ, 'ਜਦੋਂ ਮੈਂ ਆਪਣੀ ਕਜ਼ਨ ਸੋਨਮ ਦੀ ਫ਼ਿਲਮ 'ਨੀਰਜਾ' ਦੇਖੀ ਸੀ, ਉਦੋਂ ਸੋਚਿਆ ਸੀ ਕਿ ਜਦੋਂ ਕਦੀ ਅਭਿਨੈ ਦੀ ਦੁਨੀਆ ਵਿਚ ਜਾਵਾਂਗੀ ਤਾਂ ਇਸ ਤਰ੍ਹਾਂ ਦੀ ਭੂਮਿਕਾ ਲਈ ਜ਼ਰੂਰ ਹਾਂ ਕਹਾਂਗੀ। ਖ਼ੁਸ਼ੀ ਦੀ ਗੱਲ ਇਹ ਰਹੀ ਹੈ ਕਿ ਮੇਰੀ ਇਹ ਇੱਛਾ ਜਲਦ ਪੂਰੀ ਹੋ ਗਈ। ਕਮਰੇ ਦੇ ਸਾਹਮਣੇ ਅਸਲ ਜ਼ਿੰਦਗੀ ਦੇ ਕਿਰਦਾਰ ਨੂੰ ਨਿਭਾਉਣਾ ਕਿੰਨਾ ਚੁਣੌਤੀਪੂਰਨ ਹੁੰਦਾ ਹੈ, ਇਸ ਦਾ ਅਨੁਭਵ ਇਥੇ ਹੋ ਗਿਆ। ਵੱਡੀ ਚੁਣੌਤੀ ਇਹ ਸੀ ਕਿ ਇਥੇ ਖ਼ੁਦ ਨੂੰ ਗੁੰਜਨ ਦੇ ਕਿਰਦਾਰ ਵਿਚ ਤਾਂ ਢਾਲਣਾ ਹੀ ਸੀ, ਨਾਲ ਹੀ ਪਾਇਲਟ ਦੇ ਕਿਰਦਾਰ ਵਿਚ ਵੀ ਪੇਸ਼ ਹੋਣਾ ਸੀ। ਇਨ੍ਹੀਂ ਦਿਨੀਂ ਜ਼ਿੰਮੇਵਾਰੀਆਂ ਨਿਭਾਉਣ ਲਈ ਨਿਰਦੇਸ਼ਕ ਸ਼ਰਨ ਸ਼ਰਮਾ ਦੀ ਬਹੁਤ ਮਦਦ ਮਿਲੀ। ਫ਼ਿਲਮ ਰਾਹੀਂ ਇਹ ਨੇੜੇ ਤੋਂ ਜਾਣਨ ਦਾ ਮੌਕਾ ਮਿਲਿਆ ਕਿ ਦੇਸ਼ ਦਾ ਸੁਰੱਖਿਆ ਦਲ ਕਿਹੜੇ ਹਾਲਾਤ ਰਾਹੀਂ ਆਪਣੇ ਫ਼ਰਜ਼ ਨਿਭਾਉਂਦਾ ਹੈ। ਮੈਂ ਉਨ੍ਹਾਂ ਦੀ ਬਹਾਦਰੀ ਨੂੰ ਸਲਾਮ ਕਰਦੀ ਹਾਂ। ਯੁੱਧ 'ਤੇ ਆਧਾਰਿਤ ਫ਼ਿਲਮ ਲਈ ਬਹਾਦਰੀ ਦਾ ਜਜ਼ਬਾ ਬਹੁਤ ਹੈ ਅਤੇ 'ਗੁੰਜਨ' ਵਿਚ ਬਹਾਦਰੀ ਦਾ ਜਜ਼ਬਾ ਵੀ ਬਹੁਤ ਹੈ।


ਖ਼ਬਰ ਸ਼ੇਅਰ ਕਰੋ

ਭਾਗਿਆਸ੍ਰੀ ਫਿਰ ਕੈਮਰੇ ਸਾਹਮਣੇ

ਹਾਲਾਂਕਿ ਭਾਗਿਆਸ੍ਰੀ ਨੇ 'ਤਿਆਗੀ', 'ਪਾਇਲ', 'ਕੈਦ ਮੇਂ ਹੈ ਬੁਲਬੁਲ', 'ਘਰ ਆਇਆ ਮੇਰਾ ਪਰਦੇਸੀ', 'ਮਾਂ ਸੰਤੋਸ਼ੀ ਮਾਂ' ਸਮੇਤ ਕੁਝ ਹੋਰ ਹਿੰਦੀ ਤੇ ਸੂਬਾਈ ਫ਼ਿਲਮਾਂ ਵਿਚ ਕੰਮ ਕੀਤਾ ਪਰ ਉਹ ਰਾਜਸ੍ਰੀ ਦੀ ਫ਼ਿਲਮ 'ਮੈਨੇ ਪਿਆਰ ਕੀਆ' ਦੀ ਬਦੌਲਤ ਹਰ ਵੇਲੇ ਯਾਦ ਕੀਤੀ ਜਾਂਦੀ ਰਹੀ ਹੈ। ਇਸ ਵਿਚ ਭੋਲੀ-ਭਾਲੀ ਸੁਮਨ ਦੀ ਭੂਮਿਕਾ ਨਿਭਾ ਕੇ ਭਾਗਿਆਸ੍ਰੀ ਨੇ ਦਰਸ਼ਕਾਂ ਦੇ ਨਾਲ ਡੂੰਘਾ ਰਿਸ਼ਤਾ ਬਣਾ ਲਿਆ ਸੀ।
ਇਕ ਜ਼ਮਾਨੇ ਤੋਂ ਅਭਿਨੈ ਤੋਂ ਦੂਰ ਰਹੀ ਭਾਗਿਆਸ੍ਰੀ ਹੁਣ ਫਿਰ ਕੈਮਰੇ ਸਾਹਮਣੇ ਆ ਗਈ ਹੈ। ਇਨ੍ਹੀਂ ਦਿਨੀਂ ਉਹ ਦੋ ਫ਼ਿਲਮਾਂ ਕਰ ਰਹੀ ਹੈ। ਇਨ੍ਹਾਂ ਵਿਚੋਂ ਇਕ ਹੈ 'ਥਲੈਵੀ' ਜੋ ਦੱਖਣ ਦੀਆਂ ਫ਼ਿਲਮਾਂ ਦੀ ਸਟਾਰ ਅਤੇ ਤਾਮਿਲਨਾਡੂ ਦੀ ਮੁੱਖ ਮੰਤਰੀ ਰਹਿ ਚੁੱਕੀ ਜਯਲਲਿਤਾ ਦੀ ਜ਼ਿੰਦਗੀ 'ਤੇ ਆਧਾਰਿਤ ਹੈ। ਇਸ ਵਿਚ ਕੰਗਨਾ ਰਣੌਤ ਵਲੋਂ ਜਯਲਲਿਤਾ ਦੀ ਭੂਮਿਕਾ ਨਿਭਾਈ ਜਾ ਰਹੀ ਹੈ। ਭਾਗਿਆਸ੍ਰੀ ਦੀ ਦੂਜੀ ਫ਼ਿਲਮ ਦਾ ਨਾਂਅ ਹੈ 'ਰਾਧੇ ਸ਼ਿਆਮ' ਅਤੇ ਇਹ ਪ੍ਰੇਮ ਕਹਾਣੀ 'ਤੇ ਆਧਾਰਿਤ ਹੈ। ਇਸ ਵਿਚ ਮੁੱਖ ਜੋੜੀ ਦੇ ਰੂਪ ਵਿਚ ਪ੍ਰਭਾਸ ਅਤੇ ਪੂਜਾ ਹੇਗੜੇ ਨੂੰ ਚਮਕਾਇਆ ਗਿਆ ਹੈ। ਇਸ ਦੀ ਕਾਫ਼ੀ ਸ਼ੂਟਿੰਗ ਜੌਰਜੀਆ ਵਿਚ ਕੀਤੀ ਗਈ ਹੈ। ਅਭਿਨੈ ਵਿਚ ਆਪਣੀ ਵਾਪਸੀ ਬਾਰੇ ਭਾਗਿਆਸ੍ਰੀ ਕਹਿੰਦੀ ਹੈ, 'ਜਦੋਂ ਮੇਰਾ ਬੇਟਾ ਅਭਿਮੰਨਿਊ 'ਮਰਦ ਕੋ ਦਰਦ ਨਹੀਂ ਹੋਤਾ' ਦੀ ਸ਼ੂਟਿੰਗ ਕਰ ਰਿਹਾ ਸੀ ਉਦੋਂ ਅਕਸਰ ਉਹ ਘਰ ਆ ਕੇ ਸ਼ੂਟਿੰਗ ਦੇ ਕਿੱਸੇ ਸੁਣਾਇਆ ਕਰਦਾ ਸੀ ਅਤੇ ਉਦੋਂ ਮੇਰੀਆਂ ਅੱਖਾਂ ਸਾਹਮਣੇ ਆਪਣੀਆਂ ਫ਼ਿਲਮਾਂ ਦੀ ਸ਼ੂਟਿੰਗ ਦੇ ਦ੍ਰਿਸ਼ ਆ ਜਾਂਦੇ ਸਨ। ਉਦੋਂ ਹੀ ਮਨ ਵਿਚ ਦੁਬਾਰਾ ਕੈਮਰੇ ਦੇ ਸਾਹਮਣੇ ਆਉਣ ਦੀ ਇੱਛਾ ਜ਼ੋਰ ਮਾਰਨ ਲੱਗੀ ਸੀ। ਮੈਂ ਦੱਖਣ ਦੀਆਂ ਕੁਝ ਫ਼ਿਲਮਾਂ ਕੀਤੀਆਂ ਹਨ ਅਤੇ ਉਥੋਂ ਦੀਆਂ ਫ਼ਿਲਮਾਂ ਵਿਚ ਹੀਰੋਇਨ ਦੇ ਕਿਰਦਾਰ ਨੂੰ ਵੀ ਮਜ਼ਬੂਤੀ ਨਾਲ ਪੇਸ਼ ਕੀਤਾ ਜਾਂਦਾ ਰਿਹਾ ਹੈ। ਸੋ, ਮਨ ਵਿਚ ਇਹ ਇੱਛਾ ਸੀ ਕਿ ਮਜ਼ਬੂਤ ਚਰਿੱਤਰ ਵਾਲੀ ਫ਼ਿਲਮ ਮਿਲੇ ਤਾਂ ਮਜ਼ਾ ਆ ਜਾਵੇ। ਜਿਨ੍ਹਾਂ ਦੋ ਫ਼ਿਲਮਾਂ ਵਿਚ ਕੰਮ ਕਰ ਰਹੀ ਹਾਂ ਦੋਵਾਂ ਵਿਚ ਮੇਰਾ ਮਜ਼ਬੂਤ ਚਰਿੱਤਰ ਹੈ। ਸੋ, ਮੈਂ ਕਹਿ ਸਕਦੀ ਹਾਂ ਕਿ ਮੇਰੀ ਨਵੀਂ ਪਾਰੀ ਦੀ ਸ਼ੁਰੂਆਤ ਸਹੀ ਢੰਗ ਨਾਲ ਹੋ ਰਹੀ ਹੈ।
ਭਾਗਿਆਸ੍ਰੀ ਨੇ 'ਮੈਨੇ ਪਿਆਰ ਕੀਆ' ਦੌਰਾਨ ਵਿਆਹ ਕਰਵਾ ਲਿਆ ਸੀ ਅਤੇ ਜਦੋਂ ਉਹ ਦੁਬਾਰਾ ਫ਼ਿਲਮਾਂ ਵਿਚ ਆਈ ਸੀ ਤਾਂ ਆਪਣੇ ਪਤੀ ਹਿਮਾਲਿਆ ਦੇ ਨਾਲ ਆਈ ਸੀ। ਉਦੋਂ ਦਰਸ਼ਕਾਂ ਨੇ ਹਿਮਾਲਿਆ ਦੇ ਨਾਲ-ਨਾਲ ਭਾਗਿਆਸ੍ਰੀ ਨੂੰ ਵੀ ਨਕਾਰ ਦਿੱਤਾ ਸੀ।
ਉਮੀਦ ਹੈ ਕਿ ਹੁਣ ਹਿਮਾਲਿਆ ਨੂੰ ਆਪਣੇ ਨਾਲ ਲਿਆਉਣ ਦੀ ਗ਼ਲਤੀ ਉਹ ਨਹੀਂ ਦੁਹਰਾਏਗੀ।

ਚੰਗੇ ਕਿਰਦਾਰਾਂ ਨੂੰ ਪਹਿਲ ਦੇਵਾਂਗੀ ਰਾਖੀ ਹੁੰਦਲ

ਗਾਇਕੀ ਖੇਤਰ 'ਚ ਪੈਰ ਜਮਾਉਣ ਤੋਂ ਬਾਅਦ ਹਰ ਗਾਇਕ ਦਾ ਅਗਲਾ ਸੁਪਨਾ ਫ਼ਿਲਮੀ ਪਰਦੇ 'ਤੇ ਆਉਣਾ ਹੁੰਦਾ ਹੈ। ਬਿਨਾਂ ਸ਼ੱਕ ਫ਼ਿਲਮੀ ਬੇੜੀ 'ਚ ਸਵਾਰ ਹੋਏ ਅਨੇਕਾਂ ਗਾਇਕ ਕਲਾਕਾਰ ਅੱਜ ਇਕ ਵੱਖਰਾ ਮੁਕਾਮ ਹਾਸਲ ਕਰ ਚੁੱਕੇ ਹਨ। ਹੋਰਨਾਂ ਗਾਇਕਾਂ ਵਾਂਗ ਖੂਬਸੂਰਤ ਗਾਇਕਾ ਰਾਖੀ ਹੁੰਦਲ ਨੇ ਵੀ ਪੰਜਾਬੀ ਫ਼ਿਲਮ 'ਨਿੱਕਾ ਜ਼ੈਲਦਾਰ2' ਰਾਹੀਂ ਫ਼ਿਲਮੀ ਦੁਨੀਆ ਵਿਚ ਪ੍ਰਵੇਸ਼ ਕਰਕੇ 'ਕੁੜਮਾਈਆਂ', 'ਕਾਲਾ ਸ਼ਾਹ ਕਾਲਾ', 'ਛੱਲੇ ਮੁੰਦੀਆਂ' ਅਤੇ 'ਮੁਕਲਾਵਾ' ਇਕ ਸੰਧੂ ਹੁੂੰਦਾ ਸੀ, ਆਦਿ ਫ਼ਿਲਮਾਂ ਨਾਲ ਇਕ ਵੱਡੀ ਪੁਲਾਂਘ ਪੁੱਟੀ ਹੈ।
ਜ਼ਿਕਰਯੋਗ ਹੈ ਕਿ ਰਾਖੀ ਹੁੰਦਲ 90 ਦਹਾਕੇ 'ਚ ਬਣਨ ਵਾਲੀਆਂ ਪੰਜਾਬੀ ਫ਼ਿਲਮਾਂ ਦੀ ਮਰਹੂਮ ਅਦਾਕਾਰਾ ਲੱਖੀ ਹੁੰਦਲ ਦੀ ਭੈਣ ਹੈ। ਫ਼ਿਲਮੀ ਪਰਦੇ ਵੱਲ ਆ ਕੇ ਉਹ ਆਪਣੀ ਭੈਣ ਦੇ ਅਧੂਰੇ ਸੁਪਨੇ ਪੂਰੇ ਕਰ ਰਹੀ ਹੈ। ਇਹ ਉਸਦੀ ਖੁਸ਼ਕਿਸਮਤੀ ਹੈ ਕਿ ਉਸਨੂੰ ਹਮੇਸ਼ਾ ਵੱਡੇ ਬੈਨਰ ਤੇ ਨਾਮਵਰ ਸ਼ਖ਼ਸੀਅਤਾਂ ਨਾਲ ਹੀ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ।
ਰਾਖੀ ਹੁੰਦਲ ਹਰਿਆਣਾ ਦੇ ਸਿਰਸਾ ਸ਼ਹਿਰ ਦੀ ਜੰਮਪਲ ਹੈ ਤੇ ਹੁਣ ਚੰਡੀਗੜ੍ਹ ਦੀ ਵਸਨੀਕ ਹੈ। ਪਿਛਲੇ 30 ਸਾਲਾਂ ਤੋਂ ਗਾਇਕੀ ਖੇਤਰ 'ਚ ਵਿਚਰਦਿਆਂ ਉਸ ਨੇ ਪਰਿਵਾਰਕ ਅਤੇ ਸੱਭਿਆਚਾਰਕ ਗਾਇਕੀ ਨਾਲ ਸਰੋਤਿਆਂ ਦਾ ਭਰਪੂਰ ਮਨੋਰੰਜਨ ਕੀਤਾ। ਫ਼ਿਲਮੀ ਖੇਤਰ ਨਾਲ ਉਸਦੀ ਖਾਨਦਾਨੀ ਸਾਂਝ ਹੈ। ਉਸਦੀ ਵੱਡੀ ਭੈਣ ਮਰਹੂਮ ਲੱਖੀ ਹੁੰਦਲ 90 ਦੇ ਸਮਿਆਂ ਵਿਚ ਬਣਨ ਵਾਲੀਆਂ ਪੰਜਾਬੀ ਫ਼ਿਲਮਾਂ ਦੀ ਇਕ ਨਾਮਵਰ ਸਰਗਰਮ ਨਾਇਕਾ ਰਹੀ ਹੈ। ਉਨ੍ਹਾਂ ਸਮਿਆਂ 'ਚ ਰਾਖੀ ਦੀ ਉਮਰ ਭਾਵੇਂ ਛੋਟੀ ਸੀ ਪਰ ਆਪਣੀ ਭੈਣ ਨਾਲ ਫ਼ਿਲਮਾਂ ਦੀ ਸ਼ੂਟਿੰਗ 'ਤੇ ਜਾਣ ਦਾ ਕਈ ਵਾਰ ਮੌਕਾ ਮਿਲਿਆ। ਭਾਵੁਕ ਹੁੰਦਿਆਂ ਰਾਖੀ ਨੇ ਕਿਹਾ ਕਿ ਉਹ ਆਪਣੀ ਭੈਣ ਲੱਖੀ ਦੇ ਅਧੂਰੇ ਸੁਪਨੇ ਨੂੰ ਪੂਰਾ ਕਰਨ ਦੀ ਕੋਸ਼ਿਸ ਕਰੇਗੀ। ਭਵਿੱਖ ਵਿਚ ਉਸ ਨੂੰ ਕਈ ਫ਼ਿਲਮਾਂ ਦੀਆਂ ਪੇਸ਼ਕਸ਼ਾਂ ਆਈਆਂ ਹਨ ਪਰ ਉਹ ਚੰਗੇ ਕਿਰਦਾਰਾਂ ਨੂੰ ਹੀ ਪਹਿਲ ਦੇਵੇਗੀ ਤੇ ਗਾਇਕੀ ਨੂੰ ਵੀ ਬਰਾਬਰ ਜਾਰੀ ਰੱਖੇਗੀ।

ਹਰਮਨ ਪਿਆਰਤਾ ਦੇਖ ਕੇ ਹੈਰਾਨ ਹੋਏ ਜੇਠਾਲਾਲ

ਲੜੀਵਾਰ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਦੇ ਜੇਠਾਲਾਲ ਭਾਵ ਦਿਲੀਪ ਜੋਸ਼ੀ ਨੇ ਉਂਝ ਤਾਂ 'ਦਾਲ ਮੇਂ ਕਾਲਾ', 'ਦੋ ਔਰ ਦੋ ਪਾਂਚ', 'ਹਮ ਸਬ ਏਕ ਹੈਂ' ਸਮੇਤ ਕਈ ਲੜੀਵਾਰ ਅਤੇ 'ਮੈਨੇ ਪਿਆਰ ਕੀਆ', 'ਹਮ ਆਪਕੇ ਹੈਂ ਕੌਨ', 'ਹਮਰਾਜ', 'ਸਰ ਆਂਖੋਂ ਪਰ' ਸਮੇਤ ਕਈ ਫ਼ਿਲਮਾਂ ਵਿਚ ਕੰਮ ਕੀਤਾ ਪਰ ਇਹ ਸੱਚ ਹੈ ਕਿ 'ਤਾਰਕ ਮਹਿਤਾ...' ਦੀ ਬਦੌਲਤ ਉਹ ਬਹੁਤ ਨਾਂਅ ਤੇ ਪੈਸਾ ਕਮਾਉਣ ਵਿਚ ਸਫ਼ਲ ਰਹੇ ਹਨ। ਆਪਣੀ ਹਰਮਨਪਿਆਰਤਾ ਨਾਲ ਉਨ੍ਹਾਂ ਦੀ ਨਵੀਂ ਪਛਾਣ ਉਦੋਂ ਬਣੀ ਜਦੋਂ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਵਿਚ ਆਪਣਾ ਦਾਖਲਾ ਕਰਨ ਦੇ ਇਰਾਦੇ ਨਾਲ ਇੰਸਟਾਗ੍ਰਾਮ 'ਤੇ ਆਉਣ ਬਾਰੇ ਸੋਚਿਆ।
ਪਹਿਲਾਂ ਉਨ੍ਹਾਂ ਨੇ ਇਸ ਲਈ ਸੋਸ਼ਲ ਮੀਡੀਆ ਤੋਂ ਦੂਰੀ ਬਣਾਈ ਸੀ ਕਿ 12 ਸਾਲਾਂ ਤੋਂ ਪ੍ਰਸਾਰਿਤ ਹੋ ਰਹੇ ਲੜੀਵਾਰ 'ਤਾਰਕ ਮਹਿਤਾ...' ਵਿਚ ਆਪਣੇ ਰੁਝੇਵੇਂ ਦੀ ਬਦੌਲਤ ਉਹ ਸੋਸ਼ਲ ਮੀਡੀਆ ਲਈ ਸਮਾਂ ਨਹੀਂ ਕੱਢ ਪਾ ਰਹੇ ਸਨ। ਹੁਣ ਜਦੋਂ ਤਾਲਾਬੰਦੀ ਦੀ ਵਜ੍ਹਾ ਨਾਲ ਲੜੀਵਾਰਾਂ ਦੀ ਸ਼ੂਟਿੰਗ ਨਹੀਂ ਹੋ ਰਹੀ ਸੀ ਤਾਂ ਫੁਰਸਤ ਮਿਲੀ ਦੇਖ ਕੇ ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਆਪਣਾ ਅਕਾਊਂਟ ਖੋਲ੍ਹਣ ਬਾਰੇ ਸੱਚਿਆ। ਉਹ ਉਦੋਂ ਹੈਰਾਨ ਰਹਿ ਗਏ ਜਦੋਂ ਪਤਾ ਲੱਗਾ ਕਿ ਇੰਸਟਾਗ੍ਰਾਮ 'ਤੇ 500 ਤੋਂ ਜ਼ਿਆਦਾ ਅਕਾਊਂਟ ਜੇਠਾਲਾਲ ਅਤੇ ਦਿਲੀਪ ਜੋਸ਼ੀ ਦੇ ਨਾਂਅ 'ਤੇ ਪਹਿਲਾਂ ਤੋਂ ਹੀ ਮੌਜੂਦ ਹਨ। ਉਹ ਆਪਣੀ ਹਰਮਨਪਿਆਰਤਾ ਦੇਖ ਕੇ ਖੁਸ਼ ਵੀ ਹੋਏ ਪਰ ਵੱਡੀ ਚਿੰਤਾ ਇਹ ਸੀ ਕਿ ਹੁਣ ਆਪਣੇ ਅਕਾਊਂਟ ਦਾ ਕੀ ਨਾਂਅ ਰੱਖਿਆ ਜਾਵੇ। ਕਾਫ਼ੀ ਸੋਚ-ਵਿਚਾਰ ਕਰਕੇ ਉਨ੍ਹਾਂ ਨੇ ਫ਼ਿਲਮੀ ਟਚ ਵਾਲਾ ਨਾਂਅ ਸੋਚਿਆ ਅਤੇ ਆਪਣੇ ਅਕਾਊਂਟ ਦਾ ਨਾਂਅ ਰੱਖਿਆ 'ਮਾਂ ਕਸਮ ਦਿਲੀਪ ਜੋਸ਼ੀ'। ਪਹਿਲਾਂ ਤਾਂ ਲੋਕਾਂ ਨੇ ਇਸ ਵੱਖਰੇ ਜਿਹੇ ਨਾਂਅ ਵਾਲੇ ਅਕਾਊਂਟ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਪਰ ਜਦੋਂ ਉਨ੍ਹਾਂ ਨੇ ਆਪਣੀ ਨਿੱਜੀ ਤਸਵੀਰ ਸ਼ੇਅਰ ਕੀਤੀ ਤਾਂ ਦੇਖਦੇ ਹੀ ਦੇਖਦੇ ਉਨ੍ਹਾਂ ਦੇ ਫੋਲੋਅਰਜ਼ ਦੀ ਗਿਣਤੀ ਦੋ ਲੱਖ ਤੋਂ ਜ਼ਿਆਦਾ ਹੋ ਗਈ।
ਅਤੇ ਹਾਂ, ਇਨ੍ਹਾਂ ਤਸਵੀਰਾਂ ਨੂੰ ਦੇਖਣ ਲਈ ਉਲਟਾ ਚਸ਼ਮਾ ਪਾਉਣ ਦੀ ਜ਼ਰੂਰਤ ਨਹੀਂ ਪੈਂਦੀ।

ਗਾਇਕੀ ਵਿਚ ਰੁੱਝੀ ਹੋਈ ਹੈ ਸ਼ਰੂਤੀ ਹਾਸਨ

ਪ੍ਰਿਅੰਕਾ ਚੋਪੜਾ, ਸ਼ਰਧਾ ਕਪੂਰ, ਆਲੀਆ ਭੱਟ ਆਦਿ ਹੀਰੋਇਨਾਂ ਦੀ ਤਰਜ਼ 'ਤੇ ਹੁਣ ਸ਼ਰੂਤੀ ਹਾਸਨ ਵੀ ਗਾਇਕੀ ਦੇ ਖੇਤਰ ਵਿਚ ਆਪਣਾ ਨਾਂਅ ਰੌਸ਼ਨ ਕਰਨ ਲੱਗੀ ਹੈ।
ਇਸ ਤਰ੍ਹਾਂ ਦੀ ਗੱਲ ਨਹੀਂ ਹੈ ਕਿ ਹੀਰੋਇਨ ਬਣਨ ਤੋਂ ਬਾਅਦ ਸ਼ਰੂਤੀ ਦਾ ਗਾਇਕੀ ਪ੍ਰਤੀ ਰਸ ਪੈਦਾ ਹੋਇਆ ਹੈ, ਉਹ ਜਦੋਂ ਛੋਟੀ ਸੀ, ਉਦੋਂ ਵੀ ਮਾਈਕ੍ਰੋਫੋਨ ਸਾਹਮਣੇ ਆਪਣਾ ਕਮਾਲ ਦਿਖਾ ਚੁੱਕੀ ਹੈ। ਸ਼ਰੂਤੀ ਦੇ ਪਿਤਾ ਕਮਲ ਹਾਸਨ ਦੀ ਫ਼ਿਲਮ 'ਚਾਚੀ 420' ਦਾ ਗੀਤ 'ਚਿਕਨੀ ਚੁਪੜੀ ਚਾਚੀ...' ਨੂੰ ਸ਼ਰੂਤੀ ਨੇ ਆਵਾਜ਼ ਦਿੱਤੀ ਸੀ। ਉਦੋਂ ਨੰਨ੍ਹੀ ਸ਼ਰੂਤੀ ਨੇ 'ਥੇਵਰ ਮਗਨ ਸਮੇਤ ਕਈ ਤਾਮਿਲ ਫ਼ਿਲਮਾਂ ਦੇ ਗੀਤ ਵੀ ਗਾਏ ਸਨ। ਹੀਰੋਇਨ ਬਣੀ ਸ਼ਰੂਤੀ ਨੇ ਗਾਇਕੀ ਨਾਲ ਆਪਣਾ ਨਾਤਾ ਬਰਕਰਾਰ ਰੱਖਿਆ ਅਤੇ 'ਲਕ', 'ਡੀ ਡੇਅ' ਸਮੇਤ ਹੋਰ ਹਿੰਦੀ ਫ਼ਿਲਮਾਂ ਵਿਚ ਵੀ ਗੀਤ ਗਾਏ। ਜਦੋਂ ਤਾਲਾਬੰਦੀ ਐਲਾਨੀ ਗਈ ਉਦੋਂ ਸ਼ਰੂਤੀ ਲੰਡਨ ਵਿਚ ਸੀ ਅਤੇ ਉਥੇ ਰਹਿ ਕੇ ਉਸ ਨੇ ਕਈ ਬੰਦਿਸ਼ਾਂ ਤਿਆਰ ਕੀਤੀਆਂ। ਹੁਣ ਜਦੋਂ ਸ਼ਰੂਤੀ ਕੋਲ ਚੰਗੇ ਗੀਤਾਂ ਦਾ ਕੁਲੈਕਸ਼ਨ ਹੋ ਗਿਆ ਹੈ ਤਾਂ ਉਹ ਇਨ੍ਹਾਂ ਨੂੰ ਆਨਲਾਈਨ ਰਿਲੀਜ਼ ਕਰਨਾ ਚਾਹੁੰਦੀ ਹੈ। ਨਾਲ ਹੀ ਉਹ ਆਪਣੇ ਗੀਤਾਂ ਨੂੰ ਲੈ ਕੇ ਸ਼ੋਅ ਕਰਨ ਦੀ ਵੀ ਯੋਜਨਾ ਬਣਾ ਰਹੀ ਹੈ। ਸ਼ਰੂਤੀ ਦੀ ਇੱਛਾ ਹੈ ਕਿ ਉਹ ਬਾਲੀਵੁੱਡ ਦੀਆਂ ਨਾਮੀ ਹੀਰੋਇਨਾਂ ਦੇ ਲਈ ਵੀ ਗੀਤ ਗਾਏ। ਪਿਛਲੇ ਕੁਝ ਸਮੇਂ ਤੋਂ ਸ਼ਰੂਤੀ ਹਿੰਦੀ ਫ਼ਿਲਮਾਂ ਚੋਂ ਗ਼ਾਇਬ ਹੈ। ਇਸ ਤਰ੍ਹਾਂ ਇਸ ਗਾਇਕਾ-ਨਾਇਕਾ ਲਈ ਇਹੀ ਕਹਿਣਾ ਸਹੀ ਰਹੇਗਾ ਕਿ 'ਵੈੱਲਕਮ ਬੈਕ'।

ਕੁਦਰਤ ਨਾਲ ਗੱਲਾਂ ਕਰਦਾ-ਫ਼ਿਲਮੀ ਸ਼ਾਇਰ ਸ਼ਮੀ ਜਲੰਧਰੀ

ਆਸਟ੍ਰੇਲੀਆ ਵਸਦਾ ਸ਼ਾਇਰ ਸ਼ਮੀ ਜਲੰਧਰੀ ਪੰਜਾਬੀ ਤੇ ਹਿੰਦੀ ਫ਼ਿਲਮੀ ਸ਼ਾਇਰ ਹੈ ਜਿਸ ਦੀ ਸ਼ਾਇਰੀ ਨੂੰ ਨੂਰਾਂ ਭੈਣਾਂ ਤੇ ਆਰਿਫ਼ ਲੋਹਾਰ ਜਿਹੇ ਨਾਮੀ ਫ਼ਨਕਾਰ ਆਪਣੀ ਆਵਾਜ਼ ਦੇ ਚੁੱਕੇ ਹਨ ਅਤੇ ਪ੍ਰਸਿੱਧ ਸੰਗੀਤਕਾਰ ਮੁਖਤਾਰ ਸਹੋਤਾ ਉਹਦੇ ਗੀਤਾਂ ਨੂੰ ਸੰਗੀਤ ਦੇ ਚੁੱਕਾ ਹੈ ।
ਇਹ ਇਸ਼ਕ ਦੀਆਂ ਪੀੜਾਂ, ਹਾਏ ਜਰੀਆਂ ਨਾ ਜਾਵਣ
ਇਹ ਦਿਲ ਦੀਆਂ ਮਰਜ਼ਾਂ ਨੇ ਕਦੇ ਫੜੀਆਂ ਨਾ ਜਾਵਣ।
ਸ਼ਮੀ ਦਾ ਇਹ ਗੀਤ ਨੂਰਾਂ ਭੈਣਾਂ ਨੇ ਇਕ ਪੰਜਾਬੀ ਫ਼ਿਲਮ ਵਿਚ ਗਾਇਆ ਜਿਸ ਦਾ ਸੰਗੀਤ ਪ੍ਰਸਿੱਧ ਸੰਗੀਤਕਾਰ ਮੁਖਤਾਰ ਸਹੋਤਾ ਨੇ ਦਿੱਤਾ ਸੀ। ਸ਼ਮੀ ਦਾ ਇਕ ਹੋਰ ਗੀਤ ਪ੍ਰਸਿੱਧ ਪਾਕਿਸਤਾਨੀ ਗਾਇਕ ਆਰਿਫ਼ ਲੋਹਾਰ ਨੇ ਵੀ ਰਿਕਾਰਡ ਕੀਤਾ ਜੋ ਬਹੁਤ ਜਲਦੀ ਰਿਲੀਜ਼ ਹੋਵੇਗਾ । ਫਿਲਮਾਂ ਦੇ ਨਾਲ ਨਾਲ ਪੰਜਾਬੀ ਸਾਹਿਤ ਵਿਚ ਵੀ ਉਸ ਆਪਣਾ ਯੋਗਦਾਨ ਪਾਇਆ ਹੈ। ਪਹਿਲੀ ਬਾਰਿਸ਼ ਉਨ੍ਹਾਂ ਦਾ ਤੀਜਾ ਕਾਵਿ-ਸੰਗ੍ਰਹਿ ਹੁਣੇ ਹੁਣੇ ਆਇਆ ਹੈ। ਅਕਸਰ ਤੁਸੀਂ ਕਿਸੇ ਵੀ ਸ਼ਾਇਰ ਦੀ ਲੇਖਣੀ ਤੋ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਓਹ ਲਹਿੰਦੇ ਪੰਜਾਬ ਦਾ ਹੈ ਜਾਂ ਚੜ੍ਹਦੇ ਪੰਜਾਬ ਦਾ, ਉਸ ਦੀਆਂ ਕਵਿਤਾਵਾਂ ਵਿਚੋਂ ਉਸ ਦੇ ਮਜ਼ਹਬ ਦਾ ਅਕਸ ਦੇਖ ਸਕਦੇ ਓ। ਸ਼ਮੀ ਜਲੰਧਰੀ ਦੇ ਨਾਮ ਤੋਂ ਹੀ ਅੰਦਾਜ਼ਾ ਲਗਦਾ ਹੈ ਕਿ ਉਸ ਦਾ ਤਾਲੁਕ ਜਲੰਧਰ ਸ਼ਹਿਰ ਨਾਲ ਹੈ ਪਰ ਉਸ ਦੀ ਸ਼ਾਇਰੀ ਸਾਰੀਆਂ ਹੱਦਾਂ ਬੰਨਿਆਂ ਨੂੰ ਤੋੜਦੀ ਹੋਈ ਇਕ ਬਾਰਿਸ਼ ਦਾ ਰੂਪ ਲੈ ਗਈ ਕਿਉਂਕਿ ਬਾਰਿਸ਼ ਕਦੇ ਵੀ ਕਿਸੇ ਘੇਰੇ ਅੰਦਰ ਰਹਿ ਕੇ ਨਹੀਂ ਵਰ੍ਹਦੀ । ਹਿੰਦ ਪਾਕਿ ਦੇ ਸਾਂਝੇ ਮੁਸ਼ਾਇਰਿਆਂ ਦੀ ਸ਼ਾਨ ਬਣ ਚੁੱਕੇ ਸ਼ਮੀ ਜਲੰਧਰੀ ਦਾ ਜਿੰਨਾ ਗੂੜ੍ਹਾ ਰਿਸ਼ਤਾ ਚੜ੍ਹਦੇ ਪੰਜਾਬ ਨਾਲ ਹੈ ਉਨਾਂ ਹੀ ਲਹਿਦੇ ਪੰਜਾਬ ਨਾਲ ਹੈ। ਸ਼ਮੀ ਦੀ ਲੇਖਣੀ ਵਿਚ ਮੁਹੱਬਤਾਂ ਤੋਂ ਉਪਰ ਕੁਝ ਵੀ ਨਹੀਂ ਹੈ। ਇਸੇ ਲਈ ਓਹ ਲਿਖਦਾ ਹੈ
ਮੁਹੱਬਤ ਫ਼ਜ਼ਲ ਆਸਮਾਨੀ
ਮੁਹੱਬਤ ਰਮਜ਼ ਹੈ ਰੂਹਾਨੀ
ਮੁਹੱਬਤ ਹੈ ਆਦਮ ਹਵਾ
ਮੁਹੱਬਤ ਰੀਤ ਹੈ ਪੁਰਾਣੀ
ਸ਼ਮੀ ਪੰਜਾਬੀ ਦਾ ਸ਼ੈਦਾਈ ਹੈ। ਉਹ ਦੇ ਅੰਦਰ ਸਮੁੱਚਾ ਪੰਜਾਬ ਸਮੋਇਆ ਹੋਇਆ ਹੈ। ਉਹ ਪੰਜਾਬੀ ਦੀ ਸਿਫ਼ਤ ਕਰਦਾ ਥੱਕਦਾ ਨਹੀਂ :
ਮੈਨੂੰ ਚੁੰਮਿਆ ਆਣ ਫਰੀਦਾ
ਮੈਨੂੰ ਇਸ਼ਕ? ਦਮੋਦਰ ਕੀਤਾ
ਨਾਨਕ ਦੀ ਮੈਂ ਅਸੀਸ ਹਾਂ
ਬਾਹੂ ਦਾ ਜੀਣ ਸਲੀਕਾ
ਬੁੱਲ੍ਹੇ ਦੀ ਸੂਫ਼ੀ ਬੋਲਣੀ
ਵਾਰਿਸ ਦਾ ਮੈਂ ਅਕੀਦਾ
ਮੇਰੇ ਬਿਰਖ ਉਗਾਵੇ ਪਾਤਰ
ਮੇਰੇ ਦਰਦ ਨੂੰ ਸ਼ਿਵ ਨੇ ਪੀਤਾ
ਮੈਂ ਅੱਖਰ-ਅੱਖਰ ਸਭ ਦਿਲਾਂ ਵਿਚ
ਵਸਦੀ ਰਹਿਣਾ ਏ
ਮੈਂ ਪੰਜਾਬੀ ਸੂਰਜ ਵਾਂਗਰ
ਮੱਘਦੀ ਰਹਿਣਾ ਏ
ਪਹਿਲੀ ਬਾਰਿਸ਼ ਗੁਰਮੁਖੀ ਤੇ ਸ਼ਾਹਮੁਖੀ ਦੋਵਾਂ ਲਿਪੀਆਂ ਵਿਚ ਲਿਖੀ ਗਈ ਹੈ। ਇਸ ਬਾਰੇ ਪ੍ਰਸਿੱਧ ਸ਼ਾਇਰ ਬਾਬਾ ਨਜ਼ਮੀ ਲਿਖਦੇ ਹਨ ਕਿ ਸ਼ਮੀ ਦੀ ਸ਼ਾਇਰੀ ਸੂਫਿਆਨਾ ਤੇ ਬੜੀ ਸਾਦਾ ਮਿਜ਼ਾਜ਼ ਹੈ। ਬੜੇ ਉਚੇ ਖਿਆਲਾਂ ਦੀ ਉਡਾਣ ਭਰਦਾ ਹੈ। ਸ਼ਾਇਰ ਸਾਬਿਰ ਅਲੀ ਸਾਬਿਰ ਲਿਖਦੇ ਹਨ ਕਿ ਇਹ ਕਿਤਾਬ ਵਾਕਿਆ ਹੀ ਬਾਰਿਸ਼ ਵਰਗੀ ਹੈ ਕਿਉਂਕਿ ਬਾਰਿਸ਼ ਕਦੇ ਵੀ ਹੱਦਾਂ ਬੰਨਿਆਂ ਦੇ ਅੰਦਰ ਮਹਿਦੂਦ ਰਹਿ ਕੇ ਨਹੀਂ ਵਰ੍ਹਦੀ।
ਐਡੀਲੇਡ ਦੱਖਣੀ, ਆਸਟ੍ਰੇਲੀਆ।

ਫਿਰ ਫ਼ਿਲਮ ਨਿਰਮਾਣ ਵਿਚ ਉਤਰੇ ਆਫ਼ਤਾਬ

ਅਦਾਕਾਰ ਆਫ਼ਤਾਬ ਸ਼ਿਵਦਾਸਾਨੀ ਨੇ ਪਹਿਲਾਂ ਫ਼ਿਲਮ ਨਿਰਮਾਣ ਵਿਚ ਆਪਣਾ ਹੱਥ ਅਜ਼ਮਾਉਂਦੇ ਹੋਏ ਫ਼ਿਲਮ 'ਆਓ ਵਿਸ਼ ਕਰੇਂ' ਦਾ ਨਿਰਮਾਣ ਕੀਤਾ ਸੀ। ਇਸ ਵਿਚ ਇਕ ਚਮਤਕਾਰੀ ਖੂਹ ਦੀ ਕਹਾਣੀ ਪੇਸ਼ ਕੀਤੀ ਗਈ ਸੀ। ਨਤੀਜਾ ਇਹ ਨਿਕਲਿਆ ਕਿ ਟਿਕਟ ਖਿੜਕੀ 'ਤੇ ਇਹ ਅਸਫ਼ਲ ਰਹੀ ਸੀ। ਇਸ ਵਿਚ ਆਫ਼ਤਾਬ ਦੇ ਨਾਲ ਆਮਨਾ ਸ਼ਰੀਫ਼ ਨੇ ਅਭਿਨੈ ਕੀਤਾ ਸੀ ਅਤੇ ਇਸ ਫ਼ਿਲਮ ਨੇ ਆਫ਼ਤਾਬ ਦੇ ਕਰੀਅਰ ਨੂੰ ਨੁਕਸਾਨ ਵੀ ਪਹੁੰਚਾਇਆ ਸੀ। ਹੁਣ ਇਕ ਵਕਫ਼ੇ ਬਾਅਦ ਆਫ਼ਤਾਬ ਫਿਰ ਇਕ ਵਾਰ ਫ਼ਿਲਮ ਨਿਰਮਾਣ ਵਿਚ ਉਤਰੇ ਹਨ ਅਤੇ ਹੁਣ ਦੀ ਵਾਰ ਉਹ ਆਪਣੀ ਪਤਨੀ ਨਿਨ ਦੋਸਾਂਝ ਨਾਲ ਮਿਲ ਕੇ ਫ਼ਿਲਮ ਦਾ ਨਿਰਮਾਣ ਕਰ ਰਹੇ ਹਨ। ਉਨ੍ਹਾਂ ਨੇ ਆਪਣੀ ਫ਼ਿਲਮ ਦਾ ਨਾਂਅ 'ਧੁੰਧ' ਰੱਖਿਆ ਹੈ। ਇਸ ਦੇ ਨਾਂਅ ਬਾਰੇ ਇਹ ਦੱਸਣ ਦੀ ਜ਼ਰੂਰਤ ਨਹੀਂ ਕਿ ਇਹ ਸਸਪੈਂਸ-ਥ੍ਰਿਲਰ ਫ਼ਿਲਮ ਹੋਵੇਗੀ। ਫ਼ਿਲਮ ਦੀ ਸ਼ੂਟਿੰਗ ਵਿਦੇਸ਼ ਵਿਚ ਕੀਤੀ ਜਾਵੇਗੀ ਅਤੇ ਕਲਾਕਾਰਾਂ ਦੀ ਚੋਣ ਜਾਰੀ ਹੈ। -ਪੰਨੂੰ

ਨਵੇਂ ਜ਼ਮਾਨੇ ਨਾਲ ਚੱਲਣ ਵਾਲਾ ਨਿਰਦੇਸ਼ਕ ਜੀਤ ਮਠਾੜੂ

'ਅੱਡੀ ਟੱਪਾ' ਤੇ 'ਕੁਦੇਸਣ' ਪੰਜਾਬੀ ਦੀਆਂ ਫ਼ਿਲਮਾਂ ਸਨ। ਇਨ੍ਹਾਂ ਫ਼ਿਲਮਾਂ ਦੇ ਡਾਇਰੈਕਟਰ ਜੀਤ ਮਠਾੜੂ ਨੇ 'ਰੀਅਲ' ਮਨੋਰੰਜਨ ਤੇ ਅਲੱਗ ਤਰ੍ਹਾਂ ਦੇ ਸਿਨੇਮਾ ਨੂੰ ਪਾਲੀਵੁੱਡ 'ਚ ਸਥਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ 'ਸਿੱਕਾ' ਜਿਹੀ ਫ਼ਿਲਮ ਵੀ ਕੀਤੀ। ਹੁਨਰ ਦਾ ਵਿਕਾਸ ਜੀਤ ਮਠਾੜੂ ਦੀ ਸੋਚ ਰਹੀ ਹੈ। ਇਧਰ ਕੋਰੋਨਾ ਮਹਾਂਮਾਰੀ ਆਈ, ਸਭ ਕੁਝ ਬੰਦ ਤੇ ਫਿਰ ਨਵੇਂ ਸਾਧਨਾਂ ਦੀ ਉਪਜ 'ਚ ਜੀਤ ਨੇ ਵੀ ਪ੍ਰਵੇਸ਼ ਕੀਤਾ ਹੈ। ਜੀਤ ਮਠਾੜੂ ਜਾਣਦੇ ਹਨ ਕਿ ਸਮਾਂ 'ਓਟੀਟੀ' ਦਾ ਆ ਗਿਆ ਹੈ। ਸਿਨੇਮਾ ਜਾਣ ਤੋਂ ਦੁਨੀਆ ਡਰੇਗੀ, ਘਟੇਗੀ ਜਦ ਕਿ ਘਰੇ ਹੀ 'ਨੈਟਫਲਿਕਸ' 'ਐਮਾਜ਼ੋਨ' 'ਤੇ ਦਰਸ਼ਕ ਮਨਚਾਹਿਆ ਮਨੋਰੰਜਨ ਪ੍ਰਾਪਤ ਕਰ ਰਹੇ ਹਨ। ਲੰਦਨ ਤੋਂ ਜੀਤ ਮਠਾੜੂ ਅਜਿਹੀ ਹੀ ਇਕ 'ਐਪਸ' ਸ਼ੁਰੂ ਕਰ ਰਿਹਾ ਹੈ, ਜਿਸ ਰਾਹੀਂ ਉਹ ਆਪਣੇ ਕੰਮ ਤੋਂ ਇਲਾਵਾ ਅੰਗਰੇਜ਼ੀ, ਫਰੈਂਚ, ਜਰਮਨ, ਸਪੈਨਿਸ਼, ਰਸ਼ੀਅਨ, ਹਿੰਦੀ, ਅਰਬੀ, ਪੰਜਾਬੀ, ਉਰਦੂ, ਮਰਾਠੀ, ਇਟਾਲੀਅਨ-ਬੰਗਾਲੀ ਆਦਿ ਭਾਸ਼ਾਵਾਂ ਦੀਆਂ ਵੈੱਬ ਸੀਰੀਜ਼ ਫ਼ਿਲਮਾਂ ਦਾ ਪ੍ਰਸਾਰਨ ਕਰੇਗਾ। ਜੀਤ ਮਠਾੜੂ ਦਾ ਕਹਿਣਾ ਹੈ ਕਿ ਚੰਗੇ ਸਿਨੇਮਾ/ਫ਼ਿਲਮਾਂ ਲਈ ਦਰਸ਼ਕ ਹਨ ਪਰ ਮਲਟੀਪਲੈਕਸ, ਕਲਚਰ ਪੰਜਾਬੀ ਫ਼ਿਲਮਾਂ ਲਈ ਘੱਟ ਸਮਾਂ ਤੇ ਕਲਾ ਫ਼ਿਲਮਾਂ ਨੂੰ ਗ਼ੈਰ-ਸੰਜੀਦਾ ਸਮਾਂ ਆਦਿ ਦੇ ਕੇ ਨਿਰਉਤਸ਼ਾਹਿਤ ਕਰ ਰਿਹਾ ਹੈ। ਹੁਣ ਤਾਂ ਇੰਟਰਨੈੱਟ ਮੋਬਾਈਲ ਦੌਰ 'ਚ 'ਨੈਟਫਲਿਕਸ' ਦੀ ਤਰ੍ਹਾਂ ਚੰਗੇ ਪਲੇਟਫਾਰਮ ਸਥਾਪਿਤ ਕਰ ਕੇ ਤੁਸੀਂ ਆਪਣੀ ਕਲਾ/ ਹੁਨਰ ਦਾ ਪ੍ਰਗਟਾਵਾ ਕਰ ਸਕਦੇ ਹੋ। ਬਾਕੀ ਸਿਨੇਮਾ ਨਾਲ ਸਬੰਧਿਤ ਹਾਂ, ਫ਼ਿਲਮਾਂ ਦਾ ਕੰਮ ਤੇ ਪੰਜਾਬੀ ਫ਼ਿਲਮਾਂ ਦੀ ਹਮੇਸ਼ਾ ਪਹਿਲ ਰਹੇਗੀ।

-ਸੁਖਜੀਤ ਕੌਰ



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX