ਤਾਜਾ ਖ਼ਬਰਾਂ


ਅਚਨਚੇਤ ਗੋਲੀ ਚੱਲਣ ਨਾਲ ਹੋਮਗਾਰਡ ਦੇ ਜਵਾਨ ਦੀ ਮੌਤ
. . .  16 minutes ago
ਮਲੋਟ, 21 ਮਾਰਚ (ਗੁਰਮੀਤ ਸਿੰਘ ਮੱਕੜ) -ਸਥਾਨਕ ਥਾਣਾ ਸਦਰ ਵਿਖੇ ਤਾਇਨਾਤ ਹੋਮਗਾਰਡ ਦੇ ਜਵਾਨ ਗੁਰਮੀਤ ਸਿੰਘ (48) ਪੁੱਤਰ ਪ੍ਰੀਤਮ ਸਿੰਘ ਦੀ ਅਚਨਚੇਤ ਗੋਲੀ ਚੱਲਣ ਨਾਲ...
ਜੰਗਬੰਦੀ ਦੀ ਉਲੰਘਣਾ 'ਚ ਇੱਕ ਜਵਾਨ ਸ਼ਹੀਦ
. . .  32 minutes ago
ਸ੍ਰੀਨਗਰ, 21 ਮਾਰਚ - ਜੰਮੂ-ਕਸ਼ਮੀਰ ਦੇ ਸੁੰਦਰਬਨੀ ਸੈਕਟਰ 'ਚ ਪਾਕਿਸਤਾਨ ਵੱਲੋਂ ਅੱਜ ਕੀਤੀ ਗਈ ਜੰਗਬੰਦੀ ਦੀ ਉਲੰਘਣਾ 'ਚ ਭਾਰਤੀ ਫੌਜ ਦਾ 24 ਸਾਲਾਂ ਰਾਈਫਲਮੈਨ ਯਸ਼ ਪਾਲ...
ਪੁਲਵਾਮਾ ਹਮਲਾ ਇੱਕ ਸਾਜ਼ਿਸ਼ - ਰਾਮ ਗੋਪਾਲ ਯਾਦਵ
. . .  54 minutes ago
ਲਖਨਊ, 21 ਮਾਰਚ - ਸਮਾਜਵਾਦੀ ਪਾਰਟੀ ਦੇ ਸੀਨੀਅਰ ਆਗੂ ਰਾਮ ਗੋਪਾਲ ਯਾਦਵ ਦਾ ਕਹਿਣਾ ਹੈ ਪੈਰਾ ਮਿਲਟਰੀ ਫੋਰਸਸ ਸਰਕਾਰ ਤੋਂ ਦੁਖੀ ਹਨ, ਕਿਉਂਕਿ ਵੋਟਾਂ ਲਈ ਜੰਮੂ ਕਸ਼ਮੀਰ...
ਅਧਿਆਪਕਾਂ ਨੇ ਅਨੋਖੇ ਢੰਗ ਨਾਲ ਮਨਾਈ ਹੋਲੀ
. . .  about 1 hour ago
ਸੰਗਰੂਰ, 21 ਮਾਰਚ (ਧੀਰਜ ਪਿਸ਼ੌਰੀਆ) - ਪੂਰੇ ਦੇਸ਼ ਭਰ ਵਿਚ ਜਿੱਥੇ ਲੋਕਾਂ ਨੇ ਇੱਕ ਦੂਸਰੇ ਦੇ ਰੰਗਾ ਲਗਾ ਕੇ ਅਤੇ ਨੱਚ ਟੱਪ ਕੇ ਹੋਲੀ ਦਾ ਤਿਉਹਾਰ ਮਨਾਇਆ, ਉੱਥੇ ਹੀ ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ...
ਅੱਤਵਾਦੀਆਂ ਦੇ ਹਮਲੇ 'ਚ ਐੱਸ.ਐੱਚ.ਓ ਸਮੇਤ 2 ਪੁਲਿਸ ਮੁਲਾਜ਼ਮ ਜ਼ਖਮੀ
. . .  about 1 hour ago
ਸ੍ਰੀਨਗਰ, 21 ਮਾਰਚ - ਜੰਮੂ-ਕਸ਼ਮੀਰ ਦੇ ਸੋਪੋਰ ਵਿਖੇ ਅੱਤਵਾਦੀਆਂ ਵੱਲੋਂ ਕੀਤੇ ਗਏ ਹਮਲੇ ਵਿਚ ਐੱਸ.ਐੱਚ.ਓ ਸਮੇਤ ਜੰਮੂ ਕਸ਼ਮੀਰ ਪੁਲਿਸ ਦੇ 2 ਮੁਲਾਜ਼ਮ ਜ਼ਖਮੀ ਹੋ...
ਨਹੀ ਲੜਗਾ ਲੋਕ ਸਭਾ ਚੋਣ - ਕਲਰਾਜ ਮਿਸ਼ਰਾ
. . .  about 1 hour ago
ਲਖਨਊ, 21 ਮਾਰਚ - ਸੀਨੀਅਰ ਭਾਜਪਾ ਆਗੂ ਅਤੇ ਉੱਤਰ ਪ੍ਰਦੇਸ਼ ਦੇ ਦਿਓਰੀਆ ਤੋਂ ਸੰਸਦ ਮੈਂਬਰ ਕਲਰਾਜ ਮਿਸ਼ਰਾ ਨੇ ਇਹ ਕਹਿਕੇ ਲੋਕ ਸਭਾ ਚੋਣ ਲੜਨ ਤੋਂ ਇਨਕਾਰ ਕਰ ਦਿੱਤਾ ਹੈ ਕਿ ਪਾਰਟੀ...
ਸਾਬਕਾ ਵਿਧਾਇਕ ਗੁਰਤੇਜ ਸਿੰਘ ਘੁੜਿਆਣਾ ਦੀ ਸ਼੍ਰੋਮਣੀ ਅਕਾਲੀ ਦਲ ਵਿਚ ਹੋਈ ਘਰ ਵਾਪਸੀ
. . .  about 1 hour ago
ਅਬੋਹਰ, 21 ਮਾਰਚ (ਸੁਖਜਿੰਦਰ ਸਿੰਘ ਢਿੱਲੋਂ) - ਸ਼੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਬੱਲੂਆਣਾ ਤੋਂ ਤਿੰਨ ਵਾਰ ਵਿਧਾਇਕ ਰਹੇ ਸ. ਗੁਰਤੇਜ ਸਿੰਘ ਘੁੜਿਆਣਾ ਦੀ ਅੱਜ ਸ਼੍ਰੋਮਣੀ ਅਕਾਲੀ ਦਲ ਵਿਚ ਘਰ ਵਾਪਸੀ ਹੋ ਗਈ ਹੈ। ਉਨ੍ਹਾਂ ਨੂੰ ਪਾਰਟੀ ਪ੍ਰਧਾਨ ਸ. ਸੁਖਬੀਰ ਸਿੰਘ ਬਾਦਲ ਨੇ ਸਿਰੋਪਾ ਭੇਟ ਕਰਕੇ ਪਾਰਟੀ ਵਿਚ...
ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਸ਼੍ਰੋਮਣੀ ਕਮੇਟੀ ਵੱਲੋਂ ਅੱਜ ਤੇ ਨਿਹੰਗ ਜਥੇਬੰਦੀਆਂ ਵੱਲੋਂ ਭਲਕੇ ਕੱਢਿਆ ਜਾਵੇਗਾ ਮਹੱਲਾ
. . .  about 2 hours ago
ਸ੍ਰੀ ਅਨੰਦਪੁਰ ਸਾਹਿਬ, 21 ਮਾਰਚ (ਜੇ.ਐਸ. ਨਿੱਕੂਵਾਲ) - ਖ਼ਾਲਸਾ ਪੰਥ ਦੀ ਜਨਮ ਭੂਮੀ ਸ੍ਰੀ ਅਨੰਦਪੁਰ ਸਾਹਿਬ ਵਿਖੇ ਚੱਲ ਰਹੇ ਹੋਲਾ ਮਹੱਲਾ ਦੌਰਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਅੱਜ ਅਤੇ ਨਿਹੰਗ ਸਿੰਘ ਜਥੇਬੰਦੀਆਂ ਵੱਲੋਂ ਭਲਕੇ 22 ਮਾਰਚ ਨੂੰ ਮਹੱਲਾ ਕੱਢਿਆ ਜਾ...
ਸੁਖਬੀਰ ਸਿੰਘ ਬਾਦਲ ਅੱਜ ਸੰਗਰੂਰ 'ਚ ਕਰ ਸਕਦੇ ਨੇ ਪਾਰਟੀ ਉਮੀਦਵਾਰ ਦਾ ਐਲਾਨ
. . .  about 2 hours ago
ਸੰਗਰੂਰ,21 ਮਾਰਚ(ਦਮਨਜੀਤ ਸਿੰਘ)- ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਅਤੇ ਸਾਬਕਾ ਉਪ ਮੁੱਖ ਮੰਤਰੀ ਸ.ਸੁਖਬੀਰ ਸਿੰਘ ਬਾਦਲ ਅੱਜ ਸੰਗਰੂਰ ਵਿਖੇ ਅਕਾਲੀ ਆਗੂਆਂ ਅਤੇ ਵਰਕਰਾਂ ਨਾਲ ਮੁਲਾਕਾਤ ਕਰਨ ਲਈ ਪਹੁੰਚ ਰਹੇ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ.ਬਾਦਲ ਅੱਜ ਲੋਕ ਸਭਾ ਹਲਕਾ ਸੰਗਰੂਰ...
ਨਿਊਜ਼ੀਲੈਂਡ 'ਚ ਫ਼ੌਜੀ ਸ਼ੈਲੀ ਦੀਆਂ ਸਾਰੀਆਂ ਬੰਦੂਕਾਂ 'ਤੇ ਪਾਬੰਦੀ ਆਇਦ
. . .  about 2 hours ago
ਨਵੀਂ ਦਿੱਲੀ, 21 ਮਾਰਚ - ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਨ ਨੇ ਸਾਰੇ ਪ੍ਰਕਾਰ ਦੇ ਸੈਮੀ ਆਟੋਮੈਟਿਕ ਹਥਿਆਰਾਂ ਦੀ ਵਿੱਕਰੀ 'ਤੇ ਪਾਬੰਦੀ ਲਗਾਉਣ ਦਾ ਐਲਾਨ ਕੀਤਾ ਹੈ। ਕ੍ਰਾਈਸਟਚਰਚ ਹਮਲੇ ਦੇ ਮੱਦੇਨਜ਼ਰ ਉਨ੍ਹਾਂ ਨੇ ਇਹ ਕਦਮ ਚੁੱਕਿਆ ਹੈ। ਕ੍ਰਾਈਸਟਚਰਚ 'ਚ ਪਿਛਲੇ ਸ਼ੁੱਕਰਵਾਰ ਨੂੰ ਦੋ ਮਸਜਿਦਾਂ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਪੇਪਰਾਂ ਦੀ ਤਿਆਰੀ ਲਈ ਮਹੱਤਵਪੂਰਨ ਨੁਸਖੇ

ਪਿਆਰੇ ਬੱਚਿਓ! ਤੁਹਾਨੂੰ ਸਭ ਨੂੰ ਪਤਾ ਹੈ ਕਿ ਸਕੂਲਾਂ ਵਿਚ ਪੇਪਰਾਂ ਦੇ ਦਿਨ ਸ਼ੁਰੂ ਹੋ ਚੱੁਕੇ ਹਨ | ਬਾਰ੍ਹਵੀਂ ਦੇ ਪੇਪਰ 1 ਮਾਰਚ ਅਤੇ ਦਸਵੀਂ ਦੇ ਪੇਪਰ 15 ਮਾਰਚ ਤੋਂ ਸ਼ੁਰੂ ਹਨ | ਹੁਣ ਸਮਾਂ ਬਹੁਤ ਘੱਟ ਰਹਿ ਗਿਆ ਹੈ | ਬੱਚਿਓ! ਤੁਸੀਂ ਹੁਣ ਆਪਣੇ ਵਿਸ਼ੇ ਤੇ ਸਿਲੇਬਸ ਦੇ ਅਨੁਸਾਰ ਪੜ੍ਹਾਈ ਸ਼ੁਰੂ ਕਰੋ | ਤੁਸੀਂ ਆਪਣੀ ਸਮਾਂ ਸਾਰਨੀ ਬਣਾ ਲਓ ਤੇ ਉਸ ਦੇ ਅਨੁਸਾਰ ਹੀ ਪੜ੍ਹੋ | ਜੋ ਵਿਸ਼ਾ ਤੁਹਾਨੂੰ ਸੌਖਾ ਲਗਦਾ ਹੈ, ਉਸ ਨੂੰ ਅਣਦੇਖਿਆ ਨਾ ਕਰੋ | ਉਸ ਨੂੰ ਸਮਾਂ ਸਾਰਨੀ ਵਿਚ ਘੱਟ ਸਮਾਂ ਦੇ ਦਿਓ, ਕਿਉਂਕਿ ਸੌਖੇ ਵਿਸ਼ੇ ਸਕੋਰਿੰਗ ਹੁੰਦੇ ਹਨ | ਇਨ੍ਹਾਂ ਵਿਸ਼ਿਆਂ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾ ਸਕਦਾ ਹੈ | ਔਖੇ ਵਿਸ਼ੇ ਨੂੰ ਸਮਾਂ ਸਾਰਨੀ ਵਿਚ ਵੱਧ ਸਮਾਂ ਦੇ ਦਿਓ | ਸਾਰੇ ਵਿਸ਼ਿਆਂ ਦੀ ਤਿਆਰੀ ਸਿਲੇਬਸ ਨੂੰ ਸਾਹਮਣੇ ਰੱਖ ਕੇ ਕਰੋ | ਬੱਚਿਓ! ਇਕ ਗੱਲ ਵੱਲ ਖਾਸ ਧਿਆਨ ਦੇਣਾ ਕਿ ਕਿਸੇ ਵੀ ਵਿਸ਼ੇ ਦਾ ਕੋਈ ਵੀ ਹਿੱਸਾ ਛੱਡ ਕੇ ਨਹੀਂ ਜਾਣਾ | ਜੇ ਨਹੀਂ ਕੁਝ ਯਾਦ ਹੋ ਰਿਹਾ ਤਾਂ ਰੱਟਾ ਮਾਰਨ ਦੀ ਜਗ੍ਹਾ ਉਸ ਪਾਠ ਨੂੰ ਸਾਰਾ ਪੜ੍ਹ ਕੇ ਉਸ ਦੀ ਰੂਪ-ਰੇਖਾ ਤਿਆਰ ਕਰ ਲਓ ਤੇ ਉਸ 'ਤੇ ਆਧਾਰਿਤ ਤੁਸੀਂ ਪ੍ਰਸ਼ਨ ਦਾ ਜਵਾਬ ਦੇ ਸਕਦੇ ਹੋ | ਪੇਪਰ ਸ਼ੁਰੂ ਕਰਨ ਤੋਂ ਪਹਿਲਾਂ ਪ੍ਰਸ਼ਨ ਪੱਤਰ ਨੂੰ ਧਿਆਨ ਨਾਲ ਪੜ੍ਹ ਲੈਣਾ ਚਾਹੀਦਾ ਹੈ | ਉਸ ਵਿਚ ਜੋ ਪ੍ਰਸ਼ਨ ਸੌਖੇ ਲੱਗਣ, ਉਨ੍ਹਾਂ ਨੂੰ ਪਹਿਲਾਂ ਹੱਲ ਕਰ ਲੈਣਾ ਚਾਹੀਦਾ ਹੈ |
ਬੱਚਿਓ! ਜਦੋਂ ਤੁਸੀਂ ਪੇਪਰ ਲਿਖਦੇ ਹੋ ਤਾਂ ਪੁਆਇੰਟ ਨੂੰ ਅੰਡਰਲਾਈਨ ਜ਼ਰੂਰ ਕਰਨਾ ਹੈ ਤੇ ਪੁਆਇੰਟ ਦੇ ਅੱਗੇ ਨੰਬਰ ਵੀ ਜ਼ਰੂਰ ਲਿਖਣੇ ਹਨ | ਕਵਿਤਾ ਦਾ ਵਿਸ਼ਾ ਵਸਤੂ ਲਿਖਣ ਸਮੇਂ ਪਹਿਲਾਂ ਉਸ ਦੇ ਕਵੀ ਤੇ ਕਵਿਤਾ ਦਾ ਨਾਂਅ ਜ਼ਰੂਰ ਲਿਖਣਾ ਹੈ | ਕੋਈ ਵੀ ਲੇਖ ਸ਼ੁਰੂ ਕਰਨ ਸਮੇਂ ਭੂਮਿਕਾ ਤੇ ਅੰਤ ਵਿਚ ਸਿੱਟਾ ਜ਼ਰੂਰ ਲਿਖਣਾ ਹੈ | ਹਿਸਾਬ ਦੇ ਸਵਾਲ ਜੇ ਤੁਸੀਂ ਕ੍ਰਮਵਾਰ ਕਰੋਗੇ ਤਾਂ ਤੁਹਾਡੀ ਕੈਲਕੂਲੇਸ਼ਨ ਵਿਚ ਕੋਈ ਗ਼ਲਤੀ ਨਹੀਂ ਆਵੇਗੀ ਤੇ ਜਵਾਬ ਵੀ ਸਹੀ ਆਵੇਗਾ | ਇਸ ਨਾਲ ਸਮੇਂ ਦੀ ਵੀ ਬੱਚਤ ਹੁੰਦੀ ਹੈ | ਵਿਗਿਆਨ ਦੇ ਵਿਸ਼ੇ ਵਿਚ ਜੇ ਹੋ ਸਕੇ ਤਾਂ ਚਿੱਤਰ ਜ਼ਰੂਰ ਬਣਾ ਕੇ ਆਉਣਾ | ਛੋਟੇ ਉੱਤਰਾਂ ਵਾਲੇ ਪ੍ਰਸ਼ਨਾਂ ਵਿਚ ਬਹੁਤ ਜ਼ਿਆਦਾ ਭੂਮਿਕਾ ਬੰਨ੍ਹਣ ਦੀ ਲੋੜ ਨਹੀਂ ਹੁੰਦੀ | ਬੱਚਿਓ! ਇਕ ਖਾਸ ਗੱਲ ਵੱਲ ਧਿਆਨ ਦੇਣਾ ਕਿ ਜਦੋਂ ਕੋਈ ਪ੍ਰਸ਼ਨ ਖ਼ਤਮ ਹੁੰਦਾ ਹੈ ਤਾਂ ਉਸ ਦੇ ਹੇਠਾਂ ਲਾਈਨ ਜ਼ਰੂਰ ਲਗਾਉਣੀ ਹੈ | ਕੋਈ ਵੀ ਖਾਸ ਨਾਂਅ, ਸੰਨ ਜਾਂ ਜਗ੍ਹਾ ਦੀ ਗੱਲ ਹੁੰਦੀ ਹੈ ਤਾਂ ਉਸ ਦੇ ਹੇਠਾਂ ਵੀ ਲਾਈਨ ਜ਼ਰੂਰ ਲਗਾ ਦਿਓ | ਪੇਪਰ ਵਿਚ ਕਟਿੰਗ ਘੱਟ ਤੋਂ ਘੱਟ ਕਰਨੀ ਚਾਹੀਦੀ ਹੈ | ਪੇਪਰ ਖ਼ਤਮ ਹੋਣ 'ਤੇ ਆਪਣਾ ਨਾਂਅ, ਰੋਲ ਨੰਬਰ, ਹਸਤਾਖਰ ਚਾਰਟ 'ਤੇ ਹਸਤਾਖਰ ਸਭ ਦੇਖ ਕੇ ਹੀ ਪੇਪਰ ਹਾਲ ਵਿਚੋਂ ਬਾਹਰ ਆਓ | ਮੈਨੂੰ ਆਸ ਹੈ ਕਿ ਇਹ ਗੱਲਾਂ ਤੁਹਾਡੇ ਬਹੁਤ ਕੰਮ ਆਉਣਗੀਆਂ | ਬੱਚਿਓ! ਪੇਪਰਾਂ ਲਈ ਤੁਹਾਨੂੰ ਬਹੁਤ ਸ਼ੱੁਭ-ਕਾਮਨਾਵਾਂ |

-ਐਸ.ਐਲ.ਏ., ਸ: ਸੀ: ਸੈ: ਸਕੂਲ (ਲ), ਫਿਰੋਜ਼ਪੁਰ |


ਖ਼ਬਰ ਸ਼ੇਅਰ ਕਰੋ

ਬੈਟਰੀ ਦੀ ਦਿਲਚਸਪ ਕਹਾਣੀ

ਪਿਆਰੇ ਬੱਚਿਓ ਅਜੋਕੇ ਜੀਵਨ ਵਿਚ ਜਿਥੇ ਬਿਜਲੀ ਦੀ ਅਤਿ ਮਹੱਤਵਪੂਰਨ ਭੂਮਿਕਾ ਹੈ, ਉਥੇ ਹੀ ਚਾਰਜ ਹੋਣ ਯੋਗ ਜਾਂ ਚਾਰਜ ਨਾ ਹੋਣ ਯੋਗ ਬੈਟਰੀਆਂ ਦੀ ਭੂਮਿਕਾ ਵੀ ਘੱਟ ਮਹੱਤਵਪੂਰਨ ਨਹੀਂ ਹੈ | ਆਓ ਅੱਜ ਅਸੀਂ ਬੈਟਰੀ ਦੀ ਕਾਰਜਸ਼ੈਲੀ ਅਤੇ ਇਸ ਦੇ ਹੋਂਦ ਵਿਚ ਆਉਣ ਪਿੱਛੇ ਦਿਲਚਸਪ ਇਤਿਹਾਸ ਬਾਰੇ ਕੁਝ ਦਿਲਚਸਪ ਗੱਲਾਂ ਜਾਣੀਏ-
ਬੱਚਿਓ, ਬੈਟਰੀ ਇਕ ਅਜਿਹਾ ਸਾਧਨ ਹੈ, ਜੋ ਰਸਾਇਣਕ ਸ਼ਕਤੀ ਨੂੰ ਬਿਜਲਈ ਸ਼ਕਤੀ ਵਿਚ ਤਬਦੀਲ ਕਰ ਦਿੰਦਾ ਹੈ | ਹਰੇਕ ਬੈਟਰੀ 'ਚ ਦੋ ਇਲੈਕਟ੍ਰੌਡ ਭਾਵ ਐਨੋਡ (ਧਨਾਤਮਕ) ਅਤੇ ਕੈਥੋਡ (ਰਿਣਾਤਮਕ) ਹੁੰਦੇ ਹਨ | ਇਕ ਬਿਜਲਈ ਮਾਰਗ ਇਨ੍ਹਾਂ ਦੋਵਾਂ ਦੇ ਵਿਚਕਾਰ ਸਥਿਤ ਹੁੰਦਾ ਹੈ ਜੋ ਇਕ ਇਲੈਕਟ੍ਰੋਲਾਈਟ ਰਸਾਇਣ 'ਚੋਂ ਹੋ ਕੇ ਲੰਘਦਾ ਹੈ | ਇਹ ਰਸਾਇਣ ਤਰਲ ਜਾਂ ਠੋਸ ਕਿਸੇ ਵੀ ਰੂਪ ਵਿਚ ਹੋ ਸਕਦਾ ਹੈ | ਦੋ ਇਲੈਕਟ੍ਰੋਡਾਂ ਵਾਲੇ ਇਸ ਯੂਨਿਟ ਨੂੰ 'ਸੈੱਲ' ਵੀ ਕਿਹਾ ਜਾਂਦਾ ਹੈ |
ਇਟਲੀ ਦੇ ਹੀ ਇਕ ਹੋਰ ਵਿਗਿਆਨੀ ਅਲੈਗਜ਼ੈਂਡਰੋ ਐਨਟੋਨੀਓ ਵੋਲਟਾ (18 ਫਰਵਰੀ, 1745-05 ਮਾਰਚ, 1827) ਨੇ ਇਹ ਪਤਾ ਲਗਾਇਆ ਸੀ ਕਿ ਮਰੇ ਡੱਡੂ ਦੀਆਂ ਮਾਸਪੇਸ਼ੀਆਂ 'ਚ ਆਈ ਕੰਬਣੀ ਦਾ ਕਾਰਨ ਬਿਜਲਈ ਕਰੰਟ ਸੀ, ਜੋ ਕਿ ਰਸਾਇਣਾਂ ਨੇ ਪੈਦਾ ਕੀਤਾ ਸੀ | ਉਸ ਨੇ ਸੰਨ 1800 ਵਿਚ ਕੈਮੀਕਲ ਬੈਟਰੀ ਦੀ ਕਾਢ ਵੀ ਕੱਢੀ ਸੀ | 'ਵੋਲਟਾਇਕ ਪਾਇਲਜ਼' ਦੇ ਨਾਂਅ ਨਾਲ ਜਾਣੀ ਜਾਂਦੀ ਉਸ ਦੀ ਪਹਿਲੀ ਬੈਟਰੀ ਜ਼ਿੰਕ ਅਤੇ ਸਿਲਵਰ ਦੀਆਂ ਪਲੇਟਾਂ ਨਾਲ ਬਣੀ ਸੀ, ਜਿਨ੍ਹਾਂ ਵਿਚਕਾਰ ਕੱਪੜਾ ਰੱਖਿਆ ਗਿਆ ਸੀ |
ਆਂਦਰੇ ਐਮਪੀਅਰ, ਉਹ ਫਰਾਂਸੀਸੀ ਵਿਗਿਆਨੀ ਸੀ, ਜਿਸ ਨੇ ਸੰਨ 1820 ਵਿਚ ਅਜਿਹੇ ਕਈ ਸਿਧਾਂਤ ਖੋਜੇ ਸਨ, ਜੋ ਬਿਜਲੀ ਤੇ ਚੁੰਬਕਤਾ ਦੇ ਸਬੰਧਾਂ ਅਤੇ ਬੈਟਰੀ ਦੀ ਕਾਰਜਸ਼ੈਲੀ 'ਤੇ ਚਾਨਣਾ ਪਾਉਂਦੇ ਸਨ | ਐਮਪੀਅਰ ਨੇ ਇਹ ਵੀ ਦੱਸਿਆ ਸੀ ਕਿ ਬਿਜਲੀ ਅਸਲ ਵਿਚ ਕੰਡਕਟਰਾਂ ਰਾਹੀਂ ਅੱਗੇ ਵਧਦੀ ਸੀ ਤੇ ਬਿਜਲਈ ਚਾਰਜ ਇਕ ਇਲੈਕਟ੍ਰੌਡ ਤੋਂ ਦੂਜੇ ਇਲੈਕਟ੍ਰੋਡ ਵੱਲ ਸਫ਼ਰ ਕਰਦਾ ਸੀ | ਉਸ ਨੇ ਅਜਿਹੀ ਸੂਈ ਦੀ ਕਾਢ ਵੀ ਕੱਢੀ ਸੀ, ਜੋ ਬਿਜਲਈ ਕਰੰਟ ਦਾ ਪਤਾ ਵੀ ਲਗਾਉਂਦੀ ਸੀ |
ਪਿਆਰੇ ਬੱਚਿਓ, ਰੀਚਾਰਜ ਭਾਵ ਮੁੜ ਤੋਂ ਚਾਰਜ ਹੋ ਸਕਣ ਵਾਲੀਆਂ ਬੈਟਰੀਆਂ ਨੂੰ ਸਟੋਰੇਜ ਬੈਟਰੀਆਂ ਵੀ ਕਿਹਾ ਜਾਂਦਾ ਹੈ | ਸਭ ਤੋਂ ਪਹਿਲੀ ਸਟੋਰੇਜ ਬੈਟਰੀ ਦੀ ਕਾਢ ਫਰਾਂਸ ਦੇ ਵਿਗਿਆਨੀ ਗੈਸਟਨ ਪਲਾਂਟ ਨੇ ਸੰਨ, 1859 ਵਿਚ ਕੱਢੀ ਸੀ | ਇਸ ਬੈਟਰੀ ਵਿਚ ਲੈੱਡ ਤੋਂ ਬਣੀਆਂ ਦੋ ਪਲੇਟਾਂ ਨੂੰ ਤਾਰਾਂ ਦੀ ਮਦਦ ਨਾਲ ਜੋੜ ਕੇ ਸਲਫਿਊਰਿਕ ਐਸਿਡ ਇਲੈਕਟ੍ਰੋਲਾਈਟ ਵਿਚ ਡੋਬ ਕੇ ਰੱਖਿਆ ਗਿਆ ਸੀ | ਤਰਲ ਇਲੈਕਟ੍ਰੋਲਾਈਟ ਵਰਤਿਆ ਹੋਣ ਕਾਰਨ ਇਹ ਬੈਟਰੀ ਵੱਡੀ ਅਤੇ ਕਾਫੀ ਭਾਰੀ ਸੀ |
ਖੁਸ਼ਕ ਸੈੱਲ ਵਜੋਂ ਜਾਣੀ ਜਾਂਦੀ ਬੈਟਰੀ ਦੀ ਖੋਜ ਸੰਨ 1870 ਵਿਚ ਜਾਰਜ ਲਿਕਾਂਚੇ ਨੇ ਕੀਤੀ ਸੀ | ਉਸ ਨੇ ਇਲੈਕਟ੍ਰੋਲਾਈਟ ਦੀ ਵਰਤੋਂ ਪੇਸਟਨੁਮਾ ਆਕਾਰ 'ਚ ਕੀਤੀ ਸੀ | ਖੁਸ਼ਕ ਸੈੱਲ ਅਸਲ ਵਿਚ ਵੋਲਟਾਇਕ ਸੈੱਲ ਦਾ ਹੀ ਸੁਧਰਿਆ ਰੂਪ ਹੈ, ਜਿਸ ਦਾ ਬਾਹਰੀ ਖੋਲ ਜ਼ਿੰਕ ਤੋਂ ਬਣਿਆ ਹੁੰਦਾ ਹੈ ਤੇ ਕਾਰਬਨ ਦੀ ਇਕ ਡੰਡੀ ਇਸ ਦੇ ਕੇਂਦਰ 'ਚ ਹੁੰਦੀ ਹੈ, ਜਿਸ ਦੇ ਆਲੇ-ਦੁਆਲੇ ਗ੍ਰੇਫਾਈਟ ਹੁੰਦਾ ਹੈ | ਇਹ ਬੈਟਰੀ ਜਦੋਂ ਵਰਤੋਂ ਵਿਚ ਨਾ ਵੀ ਹੋਵੇ, ਉਦੋਂ ਵੀ ਖ਼ਤਮ ਹੋ ਜਾਂਦੀ ਹੈ |
ਮਹਾਨ ਵਿਗਿਆਨੀ ਥਾਮਸ ਐਲਵਾ ਐਡੀਸਨ ਦੁਆਰਾ ਜੋ ਐਲਕੇਲਾਈਨ ਬੈਟਰੀਆਂ ਦੀ ਕਾਢ ਕੱਢੀ ਗਈ ਸੀ, ਉਹ ਸਟੋਰੇਜ ਬੈਟਰੀਆਂ ਦਾ ਹੀ ਸੁਧਰਿਆ ਹੋਇਆ ਤੇ ਵਿਕਸਿਤ ਰੂਪ ਮੰਨਿਆ ਜਾਂਦਾ ਹੈ | ਇਨ੍ਹਾਂ ਬੈਟਰੀਆਂ ਵਿਚ ਐਸਿਡ ਦੀ ਥਾਂ ਐਲਕੇਲਾਈਨ ਇਲੈਕਟ੍ਰੋਲਾਈਟ ਦੀ ਵਰਤੋਂ ਕੀਤੀ ਗਈ ਹੁੰਦੀ ਹੈ | ਇਸ ਦੇ ਇਲੈਕਟ੍ਰੌਡ, ਨਿੱਕਲ ਆਕਸਾਈਡ ਅਤੇ ਲੋਹੇ ਦੀਆਂ ਪਲੇਟਾਂ ਤੋਂ ਬਣੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਕਾਸਟਿਕ ਪੋਟਾਸ਼ ਇਲੈਕਟ੍ਰੋਲਾਈਟ ਵਿਚ ਡੋਬ ਕੇ ਰੱਖਿਆ ਹੁੰਦਾ ਹੈ |

-410, ਚੰਦਰ ਨਗਰ, ਬਟਾਲਾ | ਮੋਬਾ: 97816-46008

ਬਾਲ ਕਹਾਣੀ: ਚਿੜੀ ਦਾ ਆਲ੍ਹਣਾ

ਜੰਗਲ ਵਿਚ ਇਕ ਚਿੜੀ ਦਰੱਖਤ 'ਤੇ ਆਲ੍ਹਣਾ ਬਣਾ ਕੇ ਖ਼ੁਸ਼ੀ-ਖ਼ੁਸ਼ੀ ਰਹਿ ਰਹੀ ਸੀ | ਇਕ ਦਿਨ ਉਹ ਚੋਗਾ-ਪਾਣੀ ਦੇ ਚੱਕਰ ਵਿਚ ਥੋੜ੍ਹੀ ਦੂਰ ਚੰਗੀ ਫ਼ਸਲ ਵਾਲੇ ਖੇਤ ਵਿਚ ਪਹੁੰਚ ਗਈ | ਖੇਤ ਵਿਚ ਦਾਣਾ-ਪਾਣੀ ਚੰਗਾ ਹੋਣ 'ਤੇ ਚਿੜੀ ਬਹੁਤ ਖ਼ੁਸ਼ ਹੋਈ ਤੇ ਰਾਤ ਨੂੰ ਉਹ ਘਰ ਆਉਣਾ ਵੀ ਭੁੱਲ ਗਈ | ਉਸੇ ਸ਼ਾਮ ਨੂੰ ਇਕ ਕਬੂਤਰ ਉਸ ਦਰੱਖਤ ਦੇ ਕੋਲ ਆਇਆ, ਜਿੱਥੇ ਚਿੜੀ ਦਾ ਆਲ੍ਹਣਾ ਸੀ | ਕਬੂਤਰ ਨੇ ਆਲ੍ਹਣੇ ਵਿਚ ਝਾਕ ਕੇ ਵੇਖਿਆ ਤਾਂ ਆਲ੍ਹਣਾ ਖਾਲੀ ਪਿਆ ਸੀ | ਆਲ੍ਹਣਾ ਬਹੁਤ ਸੋਹਣਾ ਪਾਇਆ ਹੋਇਆ ਸੀ | ਕਬੂਤਰ ਸੋਚਣ ਲੱਗਾ ਕਿ ਉਹ ਇਸ ਵਿਚ ਆਰਾਮ ਨਾਲ ਰਹਿ ਸਕਦਾ ਹੈ | ਉਸ ਨੂੰ ਇਹ ਬਣਿਆ-ਬਣਾਇਆ ਆਲ੍ਹਣਾ ਪਸੰਦ ਆ ਗਿਆ ਅਤੇ ਉਸ ਨੇ ਆਲ੍ਹਣੇ ਵਿਚ ਰਹਿਣ ਦਾ ਫ਼ੈਸਲਾ ਕਰ ਲਿਆ |
ਕੁਝ ਦਿਨਾਂ ਬਾਅਦ ਚਿੜੀ ਖਾ-ਖਾ ਕੇ ਮੋਟੀ ਹੋ ਗਈ ਤੇ ਆਪਣੇ ਆਲ੍ਹਣੇ ਦੀ ਯਾਦ ਆਉਣ ਲੱਗੀ | ਜਦੋਂ ਉਹ ਆਪਣੇ ਆਲ੍ਹਣੇ ਵਿਚ ਵਾਪਸ ਆਈ ਤਾਂ ਵੇਖਿਆ ਕਿ ਆਲ੍ਹਣੇ ਵਿਚ ਕਬੂਤਰ ਆਰਾਮ ਨਾਲ ਬੈਠਾ ਸੀ | ਇਹ ਦੇਖ ਕੇ ਚਿੜੀ ਨੂੰ ਗ਼ੁੱਸਾ ਆ ਗਿਆ ਤੇ ਉਸ ਨੇ ਕਬੂਤਰ ਨੂੰ ਕਿਹਾ, 'ਚੋਰ ਕਿਸੇ ਥਾਂ ਦਾ | ਮੈਂ ਆਲ੍ਹਣੇ ਵਿਚ ਨਹੀਂ ਸੀ ਤਾਂ ਮੇਰੇ ਘਰ ਵਿਚ ਵੜ ਗਿਆ? ਚਲਾ ਜਾਹ ਮੇਰੇ ਆਲ੍ਹਣੇ 'ਚੋਂ |' ਕਬੂਤਰ ਨਿਮਰਤਾ ਨਾਲ ਜਵਾਬ ਦੇਣ ਲੱਗਾ, 'ਕਿਹੜਾ ਤੁਹਾਡਾ ਘਰ? ਇਹ ਤਾਂ ਮੇਰਾ ਘਰ ਹੈ | ਤੂੰ ਪਾਗਲ ਹੋ ਗਈ ਏਾ |' ਇਹ ਗੱਲ ਸੁਣ ਕੇ ਚਿੜੀ ਕਹਿਣ ਲੱਗੀ ਕਿ 'ਬਹਿਸ ਕਰਨ ਨਾਲ ਕੁਝ ਨਹੀਂ ਹੋਣਾ | ਆਪਾਂ ਦੋਵੇਂ ਕਿਸੇ ਹੋਰ ਦੀ ਰਾਇ ਲੈਂਦੇ ਹਾਂ | ਜਿਸ ਦੇ ਹੱਕ ਵਿਚ ਫ਼ੈਸਲਾ ਹੋਵੇਗਾ, ਉਸ ਨੂੰ ਆਲ੍ਹਣਾ ਮਿਲ ਜਾਵੇਗਾ |' ਉਸ ਦਰਖਤ ਦੇ ਕੋਲ ਇਕ ਨਦੀ ਵਗਦੀ ਸੀ | ਨਦੀ ਦੇ ਕਿਨਾਰੇ ਇਕ ਭੂਰੇ ਰੰਗ ਦੀ ਬਿੱਲੀ ਬੈਠੀ ਸੀ | ਉਂਜ ਬਿੱਲੀ ਇਨ੍ਹਾਂ ਦੋਵਾਂ ਦੀ ਵੈਰੀ ਸੀ | ਪਰ ਉੱਥੇ ਹੋਰ ਕੋਈ ਵੀ ਨਹੀਂ ਸੀ | ਇਸ ਲਈ ਉਨ੍ਹਾਂ ਦੋਵਾਂ ਨੇ ਬਿੱਲੀ ਕੋਲ ਜਾਣਾ ਹੀ ਸਹੀ ਸਮਝਿਆ | ਸਾਵਧਾਨੀ ਵਰਤਦੇ ਹੋਏ ਬਿੱਲੀ ਦੇ ਕੋਲ ਜਾ ਕੇ ਉਨ੍ਹਾਂ ਨੇ ਆਪਣੀ ਸਮੱਸਿਆ ਦੱਸੀ | ਹੁਣ ਇਸ ਦਾ ਹੱਲ ਕੀ ਹੈ? ਇਸ ਦਾ ਜਵਾਬ ਤੁਹਾਡੇ ਤੋਂ ਚਾਹੁੰਦੇ ਹਾਂ | ਜੋ ਵੀ ਠੀਕ ਹੋਵੇਗਾ, ਉਸ ਨੂੰ ਉਹ ਆਲ੍ਹਣਾ ਮਿਲ ਜਾਵੇਗਾ ਅਤੇ ਜੋ ਝੂਠਾ ਹੋਵੇਗਾ ਉਸ ਨੂੰ ਤੁਸੀਂ ਖਾ ਲੈਣਾ |
ਬਿੱਲੀ ਝੱਟ ਬੋਲੀ! ਮੈਂ ਇਹ ਪਾਪ ਨਹੀਂ ਕਰ ਸਕਦੀ ਕਿ ਮੈਂ ਕਿਸੇ ਨੂੰ ਖਾਵਾਂ ਤੇ ਨਰਕ ਵਿਚ ਜਾਵਾਂ | ਮੈਂ ਤੁਹਾਡਾ ਫ਼ੈਸਲਾ ਕਰਾਂਗੀ | ਪਰ ਝੂਠੇ ਨੂੰ ਖਾਣ ਦੀ ਗੱਲ ਮੈਥੋਂ ਨਹੀਂ ਹੋਣੀ | ਮੈਂ ਇਕ ਗੱਲ ਤੁਹਾਨੂੰ ਦੋਵਾਂ ਨੂੰ ਕੰਨਾਂ ਵਿਚ ਕਹਿਣਾ ਚਾਹੁੰਦੀ ਹਾਂ | ਤੁਸੀਂ ਮੇਰੇ ਨੇੜੇ ਆਓ | ਕਬੂਤਰ ਤੇ ਚਿੜੀ ਖ਼ੁਸ਼ ਹੋ ਗਏ ਕਿ ਹੁਣ ਫ਼ੈਸਲਾ ਹੋਵੇਗਾ | ਜਿਉਂ ਹੀ ਉਹ ਦੋਵੇਂ ਬਿੱਲੀ ਦੇ ਨੇੜੇ ਗਏ ਤਾਂ ਬਿੱਲੀ ਨੇ ਕਬੂਤਰ ਨੂੰ ਪੰਜੇ ਵਿਚ ਫੜ ਕੇ ਮੂੰਹ ਨਾਲ ਚਿੜੀ ਨੂੰ ਨੋਚ ਲਿਆ | ਆਪਣੀ ਚਲਾਕੀ ਨਾਲ ਬਿੱਲੀ ਦੋਵਾਂ ਨੂੰ ਖਾ ਗਈ | ਆਪਣੇ ਵੈਰੀ ਨੂੰ ਪਛਾਣਦੇ ਹੋਏ ਵੀ ਕਬੂਤਰ ਅਤੇ ਚਿੜੀ ਨੂੰ ਆਪਣੀ ਜਾਨ ਗਵਾਉਣੀ ਪਈ ਤੇ ਆਲ੍ਹਣਾ ਦੋਵਾਂ ਦਾ ਨਾ ਹੋ ਸਕਿਆ |

-ਮੋਬਾ: 70878-00168

ਚੁਟਕਲੇ

• ਨਤਾਸ਼ਾ (ਪਤੀ ਨੂੰ )-ਦੇਖੋ ਜੀ, ਸਾਡੇ ਘਰ ਦੇ ਦਰਵਾਜ਼ੇ-ਖਿੜਕੀਆਂ ਸਭ ਜ਼ੋਰ-ਜ਼ੋਰ ਨਾਲ ਹਿੱਲ ਰਹੇ ਹਨ |
ਪਤੀ-ਤੰੂ ਚੱੁਪਚਾਪ ਸੌਾ ਜਾ, ਸਾਡਾ ਮਕਾਨ ਤਾਂ ਕਿਰਾਏ ਦਾ ਹੈ, ਹਿੱਲੇ ਜਾਂ ਟੱੁਟੇ, ਸਾਨੂੰ ਕੀ?
• ਜੋਨੀ (ਡਾਕਟਰ ਨੂੰ )-ਡਾਕਟਰ ਸਾਹਿਬ, ਹੁਣ ਵੀ ਜਦ ਮੈਂ ਭਾਸ਼ਣ ਦੇਣ ਲਗਦਾ ਹਾਂ ਤਾਂ ਜ਼ਬਾਨ ਤਾਲੂ ਨਾਲ ਚਿਪਕ ਜਾਂਦੀ ਹੈ ਤੇ ਬੱੁਲ੍ਹ ਕੰਬਣ ਲਗਦੇ ਹਨ |
ਡਾਕਟਰ-ਇਸ ਵਿਚ ਘਬਰਾਉਣ ਵਾਲੀ ਕੋਈ ਗੱਲ ਨਹੀਂ, ਝੂਠ ਬੋਲਦੇ ਸਮੇਂ ਅਜਿਹਾ ਹੁੰਦਾ ਹੀ ਹੈ |
• ਦੁਕਾਨਦਾਰ ਕੱਪੜਾ ਦਿਖਾਉਂਦਾ ਹੋਇਆ (ਸ਼ਿੰਕੂ ਬਾਬੂ ਨੂੰ )-ਬਾਬੂ ਜੀ, ਇਹ ਕੱਪੜਾ ਤੁਹਾਡੇ 'ਤੇ ਬਹੁਤ ਹੀ ਜਚੇਗਾ, ਇਸ ਦਾ ਰੰਗ ਤੁਹਾਡੇ ਚਿਹਰੇ ਨਾਲ ਬਹੁਤ ਮਿਲਦਾ ਹੈ |
ਸ਼ਿੰਕੂ ਬਾਬੂ-ਪਰ ਭਾਈ, ਮੇਰੇ ਮੰੂਹ ਦਾ ਰੰਗ ਅਜਿਹਾ ਨਹੀਂ, ਇਹ ਤਾਂ ਕੱਪੜੇ ਦਾ ਰੇਟ ਸੁਣ ਕੇ ਅਜਿਹਾ ਬਣ ਗਿਆ ਹੈ |
• ਇਕ ਤਲਾਕ ਦੇ ਮੁਕੱਦਮੇ ਵਿਚ ਜੱਜ (ਮਹਿਲਾ ਨੂੰ )-ਕੀ ਤੁਹਾਡਾ ਪਤੀ ਤੁਹਾਨੂੰ ਮਾਰਦਾ ਵੀ ਸੀ?
ਮਹਿਲਾ-ਹਾਂ ਜੀ, ਗੱੁਸੇ ਵਿਚ ਕੰਧ 'ਤੇ ਜ਼ੋਰ-ਜ਼ੋਰ ਨਾਲ ਮੱੁਕੇ ਮਾਰਦਾ ਸੀ ਅਤੇ ਕਹਿੰਦਾ ਸੀ ਕਿ ਕਾਸ਼! ਤੰੂ ਇਸ ਥਾਂ 'ਤੇ ਹੁੰਦੀ |

-ਅਜੇਸ਼ ਗੋਇਲ ਬਿੱਟੂ,
ਹੁਸਨਰ ਰੋਡ, ਗਿੱਦੜਬਾਹਾ |
ਮੋਬਾ: 98140-97917

ਬਾਲ ਨਾਵਲ-102: ਖੱਟੀਆਂ-ਮਿੱਠੀਆਂ ਗੋਲੀਆਂ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
ਮੇਰੇ ਕੋਲ ਚੌਵੀ ਘੰਟਿਆਂ ਵਿਚ ਜਦੋਂ ਮਰਜ਼ੀ ਕੋਈ ਵੀ ਮਰੀਜ਼ ਮੈਨੂੰ ਵਿਖਾ ਸਕਦਾ ਹੈ, ਮੇਰੀ ਸਲਾਹ ਲੈ ਸਕਦਾ ਹੈ | ਅਸੀਂ ਇਸ ਹਸਪਤਾਲ ਵਿਚ ਸਾਰੇ ਕੰਮ ਕਰਨ ਵਾਲੇ ਕਾਮੇ ਹਾਂ ਅਤੇ ਕਾਮੇ ਤੋਂ ਇਲਾਵਾ ਕੁਝ ਵੀ ਨਹੀਂ | ਸਾਡਾ ਸਾਰਿਆਂ ਦਾ ਇਕੋ ਮੰਤਵ ਹੈ ਅਤੇ ਉਹ ਹੈ ਮਨੱੁਖਤਾ ਦੀ ਸੇਵਾ ਕਰਨੀ | ਜੇ ਸੱਚੇ ਦਿਲੋਂ ਕਿਸੇ ਦੀ ਵੀ ਸੇਵਾ ਕਰਨੀ ਹੋਵੇ ਤਾਂ ਦਿਨ-ਰਾਤ ਨਹੀਂ ਦੇਖਿਆ ਜਾਂਦਾ | ਮਨੱੁਖਤਾ ਦੀ ਸੇਵਾ ਹੀ ਸਭ ਤੋਂ ਵੱਡੀ ਭਗਤੀ ਹੈ | ਮੈਂ ਤਾਂ ਜਦੋਂ ਵੀ ਕਿਸੇ ਮਰੀਜ਼ ਦਾ ਇਲਾਜ ਕਰ ਰਿਹਾ ਹੋਵਾਂ ਜਾਂ ਸੇਵਾ ਕਰ ਰਿਹਾ ਹੋਵਾਂ ਤਾਂ ਮੈਨੂੰ ਇਸ ਤਰ੍ਹਾਂ ਮਹਿਸੂਸ ਹੋ ਰਿਹਾ ਹੁੰਦੈ ਜਿਵੇਂ ਮੈਂ ਆਪਣੀ ਮਾਂ ਦੀ ਸੇਵਾ ਕਰ ਰਿਹਾ ਹੋਵਾਂ... |' ਇਹ ਕਹਿੰਦਿਆਂ ਹਰੀਸ਼ ਦਾ ਮਨ ਭਰ ਆਇਆ ਅਤੇ ਉਸ ਕੋਲੋਂ ਹੋਰ ਨਾ ਬੋਲਿਆ ਗਿਆ |
ਡਾ: ਹਰੀਸ਼ ਦੀਆਂ ਗੱਲਾਂ ਸੁਣ ਕੇ ਹਾਲ ਵਿਚ ਬੈਠੇ ਸਾਰੇ ਲੋਕ ਭਾਵੁਕ ਹੋ ਗਏ | ਉਹ ਸਾਰੇ ਖੜ੍ਹੇ ਹੋ ਕੇ ਤਾੜੀਆਂ ਮਾਰਨ ਲੱਗੇ | ਤਾੜੀਆਂ ਦੀ ਆਵਾਜ਼ ਨਾਲ ਸਾਰਾ ਹਾਲ ਗੰੂਜਣ ਲੱਗਾ |
ਸਿਧਾਰਥ ਨੇ ਉੱਠ ਕੇ ਸਾਰਿਆਂ ਨੂੰ ਬੈਠਣ ਦਾ ਇਸ਼ਾਰਾ ਕੀਤਾ | ਜਦੋਂ ਸਾਰੇ ਬੈਠ ਗਏ ਤਾਂ ਉਸ ਨੇ ਡਾ: ਹਰੀਸ਼ ਦੇ ਸੰਖੇਪ ਪਰ ਭਾਵਪੂਰਤ ਭਾਸ਼ਣ ਦੀ ਤਾਰੀਫ ਕਰਦਿਆਂ ਕਿਹਾ ਕਿ ਹੁਣ ਅਸੀਂ ਅੱਜ ਦੇ ਅਸਲ ਪ੍ਰੋਗਰਾਮ ਯਾਨੀ ਹਸਪਤਾਲ ਦੇ ਉਦਘਾਟਨ ਦੀ ਰਸਮ ਕਰਾਂਗੇ | ਅਸੀਂ ਇਸ ਹਸਪਤਾਲ ਦਾ ਉਦਘਾਟਨ ਕਿਸੇ ਵੱਡੇ ਲੀਡਰ ਜਾਂ ਸ਼ਹਿਰ ਦੇ ਕਿਸੇ ਅਮੀਰ ਪਤਵੰਤੇ ਕੋਲੋਂ ਨਹੀਂ ਕਰਵਾ ਰਹੇ, ਸਗੋਂ ਅੱਜ ਸਾਡੇ ਹਸਪਤਾਲ ਦੇ ਉਦਘਾਟਨ ਦੀ ਰਸਮ ਸਾਡੇ ਮਾਤਾ ਜੀ ਅਤੇ ਮਨਜੀਤ ਦੇ ਮੰਮੀ ਜੀ ਕਰਨਗੇ |
ਮਾਤਾ ਜੀ ਅਤੇ ਮਨਜੀਤ ਦੇ ਮੰਮੀ ਜੀ ਨੂੰ ਉਠਾ ਕੇ ਨੇੜੇ ਹੀ ਇਕ ਕਮਰੇ ਅੱਗੇ ਬੱਝੇ ਰਿਬਨ ਕੋਲ, ਸਟੇਜ 'ਤੇ ਸਾਰੇ ਬੈਠੇ ਲੋਕ, ਲੈ ਆਏ | ਤਾੜੀਆਂ ਦੀ ਗੰੂਜ ਵਿਚ ਮਾਤਾ ਜੀ ਅਤੇ ਮਨਜੀਤ ਦੇ ਮੰਮੀ ਜੀ ਦੋਵਾਂ ਨੇ ਇਕੱਠੇ ਰਿਬਨ ਕੱਟਿਆ |
ਮਾਤਾ ਜੀ ਦੇ ਬਜ਼ੁਰਗ ਚਿਹਰੇ 'ਤੇ ਅੱਜ ਇਕ ਵੱਖਰੀ ਕਿਸਮ ਦੀ ਚਮਕ ਸੀ | ਮਨਜੀਤ ਦੇ ਮੰਮੀ ਜੀ ਵੀ ਰਿਬਨ ਕੱਟਣ ਤੋਂ ਬਾਅਦ ਬੜੇ ਮਾਣਮੱਤੇ ਮਹਿਸੂਸ ਕਰ ਰਹੇ ਸਨ | ਡਾ: ਹਰੀਸ਼ ਨੇ ਹਸਪਤਾਲ ਦੇ ਕਮਰੇ ਅੰਦਰ ਦਾਖਲ ਹੋਣ ਤੋਂ ਪਹਿਲਾਂ ਮਾਤਾ ਜੀ ਦੇ, ਮੰਮੀ ਜੀ ਦੇ ਪੈਰਾਂ ਨੂੰ ਹੱਥ ਲਗਾਏ | ਉਹ ਜਦੋਂ ਸਿਧਾਰਥ ਦੇ ਪੈਰਾਂ ਨੂੰ ਹੱਥ ਲਗਾਉਣ ਲੱਗਾ ਤਾਂ ਸਿਧਾਰਥ ਨੇ ਉਸ ਦੇ ਹੱਥ ਫੜ ਕੇ ਘੱੁਟ ਕੇ ਜੱਫੀ ਪਾ ਲਈ | ਮੇਘਾ ਨੇ ਵੀ ਇਸੇ ਤਰ੍ਹਾਂ ਕੀਤਾ |
ਕਮਰੇ ਅੰਦਰ ਕੁਝ ਕੁਰਸੀਆਂ ਪਈਆਂ ਸਨ | ਹਰੀਸ਼, ਮਾਤਾ ਜੀ ਅਤੇ ਮੰਮੀ ਜੀ ਨੂੰ ਉਥੇ ਬੈਠਣ ਲਈ ਕਹਿਣ ਲੱਗਾ ਪਰ ਮਾਤਾ ਜੀ ਨੇ ਉਸ ਨੂੰ ਫੜ ਕੇ ਪਹਿਲਾਂ ਕੁਰਸੀ 'ਤੇ ਬਿਠਾ ਦਿੱਤਾ ਅਤੇ ਫਿਰ ਦੂਜੇ ਡਾਕਟਰ ਜਿਹੜੇ ਆਏ ਹੋਏ ਸਨ, ਨੂੰ ਵੀ ਹਰੀਸ਼ ਦੇ ਨਾਲ ਵਾਲੀਆਂ ਕੁਰਸੀਆਂ 'ਤੇ ਬੈਠਣ ਲਈ ਕਿਹਾ | ਉਨ੍ਹਾਂ ਦੇ ਬੈਠ ਜਾਣ ਤੋਂ ਬਾਅਦ ਮਾਤਾ ਜੀ ਅਤੇ ਮੰਮੀ ਜੀ ਕੁਰਸੀਆਂ 'ਤੇ ਬੈਠੇ |
ਸਾਰੇ ਵਿਦਿਆਰਥੀ ਮਾਤਾ ਜੀ, ਸਿਧਾਰਥ, ਹਰੀਸ਼ ਨੂੰ ਅਤੇ ਆਪਸ ਵਿਚ ਇਕ-ਦੂਜੇ ਨੂੰ ਮੁਬਾਰਕਾਂ ਦੇ ਰਹੇ ਸਨ | ਇਸ ਤੋਂ ਬਾਅਦ ਸਕੂਲ ਦੇ ਵਿਹੜੇ ਵਿਚ ਚਾਹ-ਪਾਣੀ ਦਾ ਪ੍ਰੋਗਰਾਮ ਸੀ | ਸਿਧਾਰਥ ਸਾਰਾ ਮੁਆਇਨਾ ਕਰ ਆਇਆ ਸੀ | ਚਾਹ ਤਿਆਰ ਸੀ ਅਤੇ ਗਰਮ-ਗਰਮ ਪਕੌੜੇ ਬਣਨੇ ਸ਼ੁਰੂ ਹੋ ਗਏ ਸਨ | ਹੁਣ ਉਹ ਸਾਰਿਆਂ ਨੂੰ ਚਾਹ ਵਾਲੇ ਪਾਸੇ ਚੱਲਣ ਲਈ ਕਹਿ ਰਿਹਾ ਸੀ |

(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)
-ਮੋਬਾ: 98889-24664

ਬਾਲ ਸਾਹਿਤ

ਡਾਕਟਰ ਅੰਬੇਡਕਰ
ਜੀਵਨ ਮਿਸ਼ਨ
ਲੇਖਕ : ਡਾ: ਐਸ.ਐਲ. ਵਿਰਦੀ ਐਡਵੋਕੇਟ
ਪ੍ਰਕਾਸ਼ਕ : ਦਲਿਤ ਸਾਹਿਤ ਅਕਾਡਮੀ, ਪੰਜਾਬ |
ਪੰਨੇ : 48, ਮੁੱਲ : 50 ਰੁਪਏ
ਸੰਪਰਕ : 98145-17499
ਡਾ: ਐਸ.ਐਲ. ਵਿਰਦੀ ਐਡਵੋਕੇਟ ਵਲੋਂ ਰਚਿਤ ਬਾਲ-ਪੁਸਤਕ 'ਡਾਕਟਰ ਅੰਬੇਡਕਰ ਜੀਵਨ ਮਿਸ਼ਨ' ਵਿਚ ਡਾਕਟਰ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਦੀ ਜੀਵਨੀ ਨੂੰ ਬਿਆਨਿਆ ਗਿਆ ਹੈ | ਪੁਸਤਕ ਦੇ ਆਰੰਭ ਵਿਚ ਹੀ ਲੇਖਕ ਨੇ ਡਾ: ਅੰਬੇਡਕਰ ਦੇ ਜਨਮ ਦੀ ਅਵਸਥਾ ਨੂੰ ਦਿ੍ਸ਼ਟੀਗੋਚਰ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਘਟਨਾਵਾਂ ਨੂੰ ਸੰਖੇਪ ਰੂਪ ਵਿਚ ਬਿਆਨ ਕੀਤਾ ਹੈ, ਜਿਹੜੀਆਂ ਬਾਲਕ ਅੰਬੇਡਕਰ ਦੇ ਬਚਪਨ ਵਿਚ ਵਾਪਰੀਆਂ | ਉਦਾਹਰਨ ਦੇ ਤੌਰ 'ਤੇ ਇਸ ਬਾਲ ਨੂੰ ਅਛੂਤ ਸਮਝਦੇ ਹੋਏ ਨਾਈ ਵਲੋਂ ਉਸ ਦੇ ਵਾਲ ਕੱਟਣ ਤੋਂ ਇਨਕਾਰ ਕਰਨਾ, ਸਕੂਲ ਵਿਚ ਦਾਖ਼ਲਾ ਨਾ ਦੇਣਾ, ਪਾਣੀ ਪੀਣ ਦੀ ਆਗਿਆ ਨਾ ਮਿਲਣੀ, ਬੱਘੀ ਵਿਚੋਂ ਥੱਲੇ ਸੁੱਟਣਾ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦੁਆਰਾ ਅਪਮਾਨਿਤ ਕਰਨਾ, ਸੰਸਕਿ੍ਤ ਭਾਸ਼ਾ ਨਾ ਪੜ੍ਹਨ ਦੇਣਾ ਆਦਿ ਅਜਿਹੀਆਂ ਘਟਨਾਵਾਂ ਹਨ ਜਿਹੜੀਆਂ ਬਾਲ ਅੰਬੇਡਕਰ ਦੇ ਜੀਵਨ ਵਿਚ ਚੁਣੌਤੀਆਂ ਬਣ ਕੇ ਉੱਭਰਦੀਆਂ ਹਨ | ਸਟਰੀਟ ਲਾਈਟ ਥੱਲੇ ਪੜ੍ਹਨ ਵਾਲਾ ਅਤੇ ਬਿਨਾਂ ਦਾਜ ਤੋਂ ਸ਼ਾਦੀ ਕਰਨ ਵਾਲਾ ਇਹ ਆਤਮਵਿਸ਼ਵਾਸੀ ਅਤੇ ਮਿਹਨਤੀ ਅੰਬੇਡਕਰ ਵੱਡਾ ਹੋ ਕੇ ਵੀ ਹਿੰਮਤ ਨਹੀਂ ਹਾਰਦਾ, ਸਗੋਂ ਦੇਸ਼ ਲਈ ਸੰਪੂਰਨ ਆਜ਼ਾਦੀ ਦੇ ਅੰਦੋਲਨ ਵਿਚ ਸ਼ਾਮਿਲ ਹੁੰਦਾ ਹੈ | ਇਸ ਪੁਸਤਕ ਵਿਚ ਲੇਖਕ ਨੇ ਡਾ: ਅੰਬੇਡਕਰ ਨੂੰ ਇਕ ਵਿਸ਼ਵ ਵਿਆਪੀ ਗਿਆਨਵਾਨ ਪੁਰਸ਼ ਹੋਣ ਦੇ ਨਾਲ-ਨਾਲ ਮਾਨਵਤਾ ਪ੍ਰੇਮੀ ਵਜੋਂ ਪੇਸ਼ ਕੀਤਾ ਹੈ, ਜਿਸ ਨੇ ਸੰਸਾਰ ਵਿਚ ਸ਼ਾਂਤੀ ਸਥਾਪਿਤ ਕਰਨ ਲਈ ਵੱਡੇ ਕਾਰਜ ਕੀਤੇ ਅਤੇ ਸਮੂਹ ਮਨੁੱਖਾਂ ਲਈ ਆਜ਼ਾਦੀ, ਸਮਾਨਤਾ ਅਤੇ ਭਾਈਚਾਰੇ ਦਾ ਸੁਨੇਹਾ ਦਿੱਤਾ | ਲਗਪਗ ਹਰ ਘਟਨਾ ਨਾਲ ਢੁਕਵਾਂ ਚਿੱਤਰ ਦਿੱਤਾ ਗਿਆ ਹੈ | ਲੇਖਕ ਨੇ ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ ਵਜੋਂ ਡਾ: ਅੰਬੇਡਕਰ ਦੇ ਸਮੁੱਚੇ ਜੀਵਨ, ਸੰਘਰਸ਼ ਅਤੇ ਵਡਮੁੱਲੇ ਕਾਰਜਾਂ ਨੂੰ ਆਸਾਨੀ ਨਾਲ ਸਮਝਾਇਆ ਹੈ | ਪੁਸਤਕ ਦੇ ਆਰੰਭ ਤੋਂ ਲੈ ਕੇ ਅੰਤ ਤੱਕ ਉਤਸੁਕਤਾ ਬਰਕਰਾਰ ਰਹਿੰਦੀ ਹੈ | ਇਹ ਪੁਸਤਕ 8 ਤੋਂ 12 ਸਾਲਾਂ ਦੇ ਬਾਲ ਪਾਠਕਾਂ ਲਈ ਵਿਸ਼ੇਸ਼ ਤੌਰ 'ਤੇ ਪੜ੍ਹਨਯੋਗ ਹੈ |

-ਦਰਸ਼ਨ ਸਿੰਘ 'ਆਸ਼ਟ' (ਡਾ:)
ਮੋਬਾ: 98144-23703

ਸਾਡੇ ਅਸਲੀ ਹੀਰੋ

ਸਾਰੇ ਦੇਸ਼ ਨੂੰ ਜਿਨ੍ਹਾਂ 'ਤੇ ਮਾਣ,
ਬੱਚਿਓ ਉਹ ਨੇ ਆਪਣੇ ਫੌਜੀ ਜਵਾਨ |
ਜੋ ਨਾ ਕਦੇ ਵੀ ਮਰਨੋ ਡਰਦੇ,
ਸਰਹੱਦਾਂ 'ਤੇ ਸਾਡੀ ਰਾਖੀ ਕਰਦੇ |
ਮੀਂਹ ਹੋਵੇ ਜਾਂ ਕੜਕਦੀਆਂ ਧੱੁਪਾਂ,
ਦਿਨ-ਰਾਤ ਨੇ ਹਾਜ਼ਰੀ ਭਰਦੇ |
ਏਸੇ ਕਰਕੇ ਹੀ ਆਪਾਂ ਸਾਰੇ,
ਆਪਣੇ ਘਰਾਂ 'ਚ ਮੌਜਾਂ ਕਰਦੇ |
ਆਪਾਂ ਆਰਾਮ ਦੀ ਨੀਂਦ ਹਾਂ ਸੌਾਦੇ,
ਪਰ ਇਹ ਸੂਰਮੇ ਬਰਫਾਂ 'ਤੇ ਠਰਦੇ |
ਇਹ ਨੇ ਸਾਡੇ ਅਸਲੀ ਹੀਰੋ,
ਨਵੇਂ-ਨਵੇਂ ਕਾਰਨਾਮੇ ਜੋ ਕਰਦੇ |
ਸਭ ਇਨ੍ਹਾਂ ਲਈ ਕਰੋ ਦੁਆਵਾਂ,
ਦੂਰ ਇਨ੍ਹਾਂ ਤੋਂ ਰਹਿਣ ਬੁਲਾਵਾਂ |
ਚੜ੍ਹਦੀ ਕਲਾ 'ਚ ਰਹਿਣ ਹਮੇਸ਼ਾ,
'ਬਸਰੇ' ਲੱਗਣ ਨਾ ਤੱਤੀਆਂ ਹਵਾਵਾਂ |

-ਮਨਪ੍ਰੀਤ ਕੌਰ ਬਸਰਾ,
ਪਿੰਡ ਗਿੱਲਾਂ, ਡਾਕ: ਚਮਿਆਰਾ (ਜਲੰਧਰ) | ਮੋਬਾ: 97790-43348

ਬੁਝਾਰਤਾਂ

1. ਨਿੱਕੀ ਜਿਹੀ ਕੁੜੀ, ਕਿਸੇ ਤੋਂ ਨ੍ਹੀਂ ਘੱਟ,
ਮਾਰਦੀ ਜਾਵੇ ਛਾਲਾਂ, ਭਰਦੀ ਜਾਵੇ ਫੱਟ |
2. ਕਿਹੜਾ ਪੰਛੀ ਦੱਸੋ ਐਸਾ, ਜਿਸ ਦੀ ਪੂਛ 'ਤੇ ਟਿਕਿਆ ਪੈਸਾ?
3. ਮਾਂ ਸਾਰੇ ਜਗਤ ਦੀ, ਇਸ ਤੋਂ ਬਾਝ ਨਾ ਕੋਈ |
ਬੱੁਢੀ ਲੱਖਾਂ ਵਰਿ੍ਹਆਂ ਦੀ, ਪਰ ਅਜੇ ਵੀ ਨਵੀਂ-ਨਰੋਈ |
4. ਨਿੱਕੀ ਜਿਹੀ ਕੌਲੀ, ਲਾਹੌਰ ਜਾ ਕੇ ਬੋਲੀ |
5. ਮਿੰਦੋ ਦੇ ਪਾਪਾ ਦੇ ਪੰਜ ਬੱਚੇ, ਪਹਿਲਾ ਜਾਨਵਰੀ, ਦੂਜਾ ਫਰਵਰੀ, ਤੀਜਾ ਮਾਰਚ, ਚੌਥਾ ਅਪ੍ਰੈਲ ਤੇ ਪੰਜਵੇਂ ਦਾ ਕੀ ਹੋਵੇਗਾ ਨਾਂਅ?
7. ਤੁਰਦੀ ਹਾਂ ਤਾਂ ਪੈਰ ਨਹੀਂ, ਦੇਵਾਂ ਸਭ ਨੂੰ ਜਾਨ,
ਦੋ ਅੱਖਰਾਂ ਦੀ ਚੀਜ਼ ਹਾਂ, ਬੱੁਝੋ ਮੇਰਾ ਨਾਂਅ |
ਉੱਤਰ : (1) ਸੂਈ, (2) ਮੋਰ, (3) ਧਰਤੀ, (4) ਟੈਲੀਫੋਨ, (5) ਮਿੰਦੋ, (6) ਹਵਾ |

-ਰਾਜੀ ਬਿੰਜਲ,
ਮੋਬਾ: 98889-52041

ਬੁਝਾਰਤ (39)

ਕਦੇ ਕਦੇ ਇਹ ਨਜ਼ਰੀਂ ਪੈਂਦਾ,
ਰਾਤੀਂ ਜਾਗੇ ਦਿਨ ਨੂੰ ਸੌਾਦਾ |
ਕਿਸੇ 'ਤੇ ਤਰਸ ਕਰੇ ਨਾ ਭੋਰਾ,
ਇਹ ਪੰਛੀ ਹੈ ਮਾਸਖੋਰਾ |
ਪਰਿੰਦਿਆਂ ਦਾ ਇਹ ਕਰੇ ਸ਼ਿਕਾਰ,
ਪੰਜਿਆਂ ਦੇ ਨਾਲ ਕਰਦਾ ਵਾਰ |
ਇਨਸਾਨ ਜਿਹਾ ਗੋਲ ਹੈ ਚਿਹਰਾ,
ਦੱਸੋ ਬੱਚਿਓ ਪੰਛੀ ਕਿਹੜਾ |
ਪਹਿਲਾਂ ਬੋਲਿਆ ਸੀ ਦਿਲਰਾਜ,
ਸਰ ਜੀ ਇਹ ਹੈ ਪੰਛੀ ਬਾਜ਼ |
         --0--
ਫੇਰ ਝੱਟ ਖੜ੍ਹਾ ਹੋਇਆ ਬਿੱਲੂ,
ਭਲੂਰੀਆ ਸਰ ਜੀ ਇਹ ਹੈ ਉੱਲੂ |

-ਜਸਵੀਰ ਸਿੰਘ ਭਲੂਰੀਆ,
ਪਿੰਡ ਤੇ ਡਾਕ: ਭਲੂਰ (ਮੋਗਾ) | ਮੋਬਾ: 99159-95505

ਬਾਲ ਕਵਿਤਾ: ਨਕਲ ਅਕਲ ਦੀ ਵੈਰੀ

ਨਕਲ ਹੈ ਅਕਲ ਦੀ ਵੈਰੀ ਬੱਚਿਓ,
ਮਿੱਠੀ ਨਹੀਂ ਹੈ ਜ਼ਹਿਰੀ ਬੱਚਿਓ |
ਸਾਰੇ ਵਿਸ਼ੇ ਪੜ੍ਹਨੇ ਕੋਈ ਨਈਾ ਛੱਡਣਾ,
ਨਕਲ ਦਾ ਕੋਹੜ ਹੈ ਜੜ੍ਹਾਂ ਤੋਂ ਵੱਢਣਾ |
ਵਿੱਦਿਆ, ਗਿਆਨ ਪੜ੍ਹ-ਪੜ੍ਹ ਮਿਲਦੇ,
ਮਿਹਨਤਾਂ ਦੇ ਫੱੁਲ ਜ਼ਿੰਦਗੀ 'ਚ ਖਿੜਦੇ |
ਨਕਲਾਂ ਨਲਾਇਕ ਬੱਚਿਓ ਬਣਾਉਂਦੀਆਂ,
ਫਸਟ ਡਵੀਜ਼ਨਾਂ ਕਦੇ ਨਈਾ ਆਉਂਦੀਆਂ |
ਦਿਨ-ਰਾਤ ਬੱਚੇ ਜੋ ਪੜ੍ਹਾਈਆਂ ਕਰਦੇ,
ਪਾਸ ਹੁੰਦੇ ਪੇਪਰਾਂ ਤੋਂ ਨਈਾ ਉਹ ਡਰਦੇ |
ਚਿੱਤ ਲਾ ਕੇ ਬੀਬਿਓ ਪੜ੍ਹਾਈ ਕਰ ਲਓ,
ਫੇਲ੍ਹ ਨਹੀਂ ਹੋਣਾ ਪੱਕਾ ਵਾਅਦਾ ਕਰ ਲਓ |
'ਅਰਮਨ' ਸਰ ਦੀ ਜੋ ਗੱਲ ਅਪਣਾਊਗਾ,
ਮੈਰਿਟ 'ਚ ਉਸ ਦਾ ਹੀ ਨਾਮ ਆਊਗਾ |

-ਅਰਮਨ ਪ੍ਰੀਤ (ਡਾ:),
ਪੰਜਾਬੀ ਲੈਸਚਰਾਰ, ਸ: ਸੀ: ਸੈ: ਸਕੂਲ ਬੀਰਮਪੁਰ (ਟਾਂਡਾ), ਜ਼ਿਲ੍ਹਾ ਹੁਸ਼ਿਆਰਪੁਰ |
ਮੋਬਾ: 98722-31840

ਬਾਲ ਕਹਾਣੀ: ਝੂਠ ਬੋਲਣ ਦੀ ਸਜ਼ਾ

ਪਿਆਰੇ ਬੱਚਿਓ! ਜਦੋਂ ਕੋਈ ਬੰਦਾ ਝੂਠ ਬੋਲਦਾ ਹੈ, ਉਸ ਨੂੰ ਕੋਈ ਹੋਰ ਸਜ਼ਾ ਦੇਵੇ ਜਾਂ ਨਾ ਦੇਵੇ ਪਰ ਉਸ ਦੀ ਝੂਠ ਬੋਲਣ ਦੀ ਗ਼ਲਤੀ ਹੀ ਉਸ ਨੂੰ ਅਜਿਹੀ ਸਜ਼ਾ ਦਿੰਦੀ ਹੈ ਕਿ ਪਛਤਾਵੇ ਤੋਂ ਬਿਨਾਂ ਉਸ ਕੋਲ ਕੋਈ ਚਾਰਾ ਨਹੀਂ ਰਹਿੰਦਾ | ਬਸ ਉਸ ਪੱਲੇ ਕੇਵਲ ਹੰਝੂ ਵਹਾਉਣਾ ਹੀ ਰਹਿ ਜਾਂਦਾ ਹੈ | ਛੇਵੀਂ ਜਮਾਤ ਵਿਚ ਪੜ੍ਹਦੀ ਮਿਨਾਕਸ਼ੀ ਨਾਂਅ ਦੀ ਲੜਕੀ ਨਾਲ ਅਜਿਹਾ ਹੀ ਵਾਪਰਿਆ | ਉਸ ਦੇ ਪਿਤਾ ਵਿਦੇਸ਼ ਤੋਂ ਉਸ ਲਈ ਇਕ ਬਹੁਤ ਹੀ ਖੂਬਸੂਰਤ ਗੱੁਡੀ ਲੈ ਕੇ ਆਏ | ਉਸ ਗੱੁਡੀ ਦੇ ਭੂਰੇ, ਚਮਕਦਾਰ ਵਾਲ, ਪਿਆਰੀਆਂ ਨੀਲੀਆਂ ਅੱਖਾਂ ਦੇਖਣ ਵਾਲੇ ਨੂੰ ਮੋਹ ਲੈਂਦੀਆਂ | ਉਹ ਸਕੂਲੋਂ ਆ ਕੇ ਕਈ-ਕਈ ਘੰਟੇ ਉਸ ਗੱੁਡੀ ਨਾਲ ਖੇਡਦੀ ਰਹਿੰਦੀ | ਇਥੋਂ ਤੱਕ ਕਿ ਕਈ ਵਾਰ ਸਕੂਲੋਂ ਘਰ ਦਾ ਮਿਲਿਆ ਕੰਮ ਕਰਨਾ ਵੀ ਉਸ ਨੂੰ ਭੱੁਲ ਜਾਂਦਾ, ਜਿਸ ਕਰਕੇ ਅਧਿਆਪਕਾਂ ਤੋਂ ਵੀ ਉਸ ਨੂੰ ਡਾਂਟ ਖਾਣੀ ਪੈਂਦੀ |
ਉਸ ਦੀ ਮੰਮੀ ਅਕਸਰ ਉਸ ਨੂੰ ਸਮਝਾਉਂਦੀ ਕਿ ਉਹ ਸਕੂਲ ਦਾ ਕੰਮ ਖ਼ਤਮ ਕਰਕੇ ਹੀ ਗੱੁਡੀ ਨਾਲ ਖੇਡਿਆ ਕਰੇ | ਉਸ ਦਾ ਗੱੁਡੀ ਨਾਲ ਅਥਾਹ ਪਿਆਰ ਦੇਖ ਕੇ ਮੰਮੀ ਉਸ ਨੂੰ ਗੱੁਡੀ ਨੂੰ ਧਿਆਨ ਨਾਲ ਸੰਭਾਲ ਕੇ ਰੱਖਣ ਲਈ ਕਹਿੰਦੀ ਪਰ ਮਿਨਾਕਸ਼ੀ ਨੂੰ ਗਲੀ-ਗੁਆਂਢ ਦੇ ਬੱਚਿਆਂ ਦੇ ਘਰਾਂ 'ਚ ਜਾ ਕੇ ਆਪਣੀ ਗੱੁਡੀ ਦਿਖਾ ਸ਼ੇਖੀਆਂ ਮਾਰਨ ਦੀ ਭੈੜੀ ਵਾਦੀ ਸੀ | ਮੰਮੀ ਉਸ ਨੂੰ ਸ਼ੇਖੀਆਂ ਮਾਰਨ ਤੋਂ ਰੋਕਦੀ ਰਹਿੰਦੀ ਪਰ ਮਿਨਾਕਸ਼ੀ ਆਦਤ ਤੋਂ ਮਜਬੂਰ ਸੀ | ਇਸ ਆਦਤ ਨੂੰ ਪੂਰਾ ਕਰਨ ਲਈ ਕਈ ਵਾਰ ਉਹ ਮੰਮੀ ਨਾਲ ਝੂਠ ਵੀ ਬੋਲਦੀ | ਇਕ ਦਿਨ ਉਸ ਦੇ ਮਨ ਵਿਚ ਆਇਆ ਕਿ ਉਹ ਗੱੁਡੀ ਨੂੰ ਸਕੂਲ ਲਿਜਾ ਕੇ ਆਪਣੀਆਂ ਹਮਜਮਾਤਣ ਕੁੜੀਆਂ ਨੂੰ ਦਿਖਾ ਕੇ ਆਪਣੀ ਟੌਹਰ ਬਣਾਵੇ | ਇਹ ਸੋਚ ਕੇ ਉਸ ਨੇ ਮੰਮੀ ਤੋਂ ਅੱਖ ਬਚਾ ਕੇ ਗੱੁਡੀ ਆਪਣੇ ਸਕੂਲ ਬੈਗ ਵਿਚ ਪਾ ਲਈ | ਮੰਮੀ ਨੇ ਉਸ ਨੂੰ ਪੱੁਛਿਆ ਕਿ ਉਸ ਨੇ ਗੱੁਡੀ ਨੂੰ ਸੰਭਾਲ ਕੇ ਆਪਣੇ ਕਮਰੇ ਵਿਚ ਰੱਖ ਦਿੱਤਾ ਹੈ? ਉਸ ਨੇ ਤੁਰੰਤ ਝੂਠ ਬੋਲਦਿਆਂ ਕਿਹਾ ਕਿ ਆਪਣੇ ਕਮਰੇ ਦੀ ਅਲਮਾਰੀ ਵਿਚ ਉਸ ਨੇ ਗੱੁਡੀ ਨੂੰ ਸੰਭਾਲ ਕੇ ਰੱਖ ਦਿੱਤਾ ਹੈ | ਸਕੂਲ ਆ ਕੇ ਉਹ ਆਪਣੀਆਂ ਸਹੇਲੀਆਂ ਨੂੰ ਗੱੁਡੀ ਦਿਖਾ ਕੇ ਸ਼ੇਖੀਆਂ ਮਾਰਦਿਆਂ ਟੌਹਰ ਬਣਾਉਣ ਲੱਗੀ | ਵਿਹਲੇ ਪੀਰੀਅਡ ਜਦੋਂ ਉਹ ਗੱੁਡੀ ਲੈ ਕੇ ਸਹੇਲੀਆਂ ਨਾਲ ਖੇਡ ਰਹੀ ਸੀ ਤਾਂ ਬੱਬੀ ਨਾਂਅ ਦੀ ਕੁੜੀ ਨੇ ਸ਼ਰਾਰਤੀ ਢੰਗ ਨਾਲ ਉਸ ਤੋਂ ਗੱੁਡੀ ਖੋਹ ਲਈ | ਜਦੋਂ ਉਸ ਨੇ ਬੱਬੀ ਤੋਂ ਮੁੜ ਗੱੁਡੀ ਖੋਹਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਸ ਖਿੱਚਾਧੂਹੀ ਵਿਚ ਉਸ ਦੀ ਸੋਹਣੀ ਅਤੇ ਖੂਬਸੂਰਤ, ਨੀਲੀਆਂ ਅੱਖਾਂ ਵਾਲੀ, ਭੂਰੇ ਚਮਕਦਾਰ ਵਾਲਾਂ ਵਾਲੀ ਗੱੁਡੀ ਬੁਰੀ ਤਰ੍ਹਾਂ ਟੱੁਟ ਕੇ ਖਿਲਰ ਗਈ | ਇਹ ਦੇਖ ਕੇ ਉਹ ਫੱੁਟ-ਫੱੁਟ ਕੇ ਰੋਣ ਲੱਗੀ | ਹੁਣ ਕੁਝ ਨਹੀਂ ਸੀ ਹੋ ਸਕਦਾ | ਜੇ ਘਰ ਦੱਸਦੀ ਤਾਂ ਮੰਮੀ ਨੇ ਗੱੁਸੇ ਹੋਣਾ ਸੀ, ਕਿਉਂਕਿ ਉਹ ਘਰੋਂ ਮੰਮੀ ਕੋਲ ਝੂਠ ਬੋਲ ਕੇ ਗੱੁਡੀ ਲਿਆਈ ਸੀ | ਮਿਨਾਕਸ਼ੀ ਨੂੰ ਝੂਠ ਬੋਲਣ ਦੀ ਸਜ਼ਾ ਮਿਲ ਚੱੁਕੀ ਸੀ | ਸੋ ਬੱਚਿਓ, ਝੂਠ ਬੋਲਣਾ ਜਾਂ ਸ਼ੇਖੀ ਮਾਰਨਾ ਕਈ ਵਾਰ ਮਹਿੰਗਾ ਪੈਂਦਾ ਹੈ |

ਲੈਂਪ ਵਾਲੀ ਲੇਡੀ ਕੌਣ ਸੀ?

ਬੱਚਿਓ, 19ਵੀਂ ਸਦੀ ਵਿਚ ਔਰਤਾਂ ਨੂੰ ਨਰਸਾਂ ਬਣਨਾ ਚੰਗਾ ਨਹੀਂ ਸਮਝਿਆ ਜਾਂਦਾ ਸੀ, ਕਿਉਂਕਿ ਉਹ ਅਣਸਿੱਖਿਅਤ ਅਤੇ ਮੁਸ਼ਕਿਲ ਹਾਲਾਤ ਵਿਚ ਕੰਮ ਕਰਦੀਆਂ ਸਨ | ਇਕ ਔਰਤ ਨੇ ਆਪਣੀ ਮਿਹਨਤ ਅਤੇ ਲਗਨ ਨਾਲ ਨਰਸ ਦੇ ਕਿੱਤੇ ਨੂੰ ਅਪਣਾਇਆ ਹੀ ਨਹੀਂ, ਬਲਕਿ ਬਣਦਾ ਮਾਣ-ਸਤਿਕਾਰ ਵੀ ਦਿਵਾਇਆ | ਇਸ ਮਹਾਨ ਨਰਸ ਦਾ ਨਾਂਅ ਫਲੋਰੈਂਸ ਨਾਈਟਿੰਗੇਲ ਸੀ, ਜਿਸ ਨੂੰ ਲੇਡੀ ਵਿਦ ਦੀ ਲੈਂਪ' ਵੀ ਕਿਹਾ ਜਾਂਦਾ ਹੈ |
ਫਲੋਰੈਂਸ ਦਾ ਜਨਮ 1820 ਈ: ਵਿਚ ਇਟਲੀ ਦੇ ਸ਼ਹਿਰ ਫਲੋਰੈਂਸ ਵਿਚ ਇਕ ਅਮੀਰ ਪਰਿਵਾਰ ਵਿਚ ਹੋਇਆ | ਉਹ ਸਾਰਾ ਜੀਵਨ ਬਿਨਾਂ ਕੰਮ ਕੀਤਿਆਂ ੍ਰਸ਼ਾਹੀ ਠਾਠਾਂ ਵਾਂਗ ਬਿਤਾ ਸਕਦੀ ਸੀ ਪਰ ਉਸ ਵਿਚ ਨਰਸ ਬਣ ਕੇ ਲੋਕਾਂ ਦੀ ਸੇਵਾ ਕਰਨ ਦਾ ਜਨੂੰਨ ਕੱੁਟ-ਕੱੁਟ ਕੇ ਭਰਿਆ ਹੋਇਆ ਸੀ | ਉਸ ਨੇ ਨਰਸ ਦੀ ਸਿਖਲਾਈ ਪ੍ਰਾਪਤ ਕੀਤੀ ਅਤੇ ਇਕ ਹਸਪਤਾਲ ਵਿਚ ਨਰਸ ਲੱਗ ਗਈ |
1853 ਈ: ਵਿਚ ਕਰੀਮਨ ਪ੍ਰਾਇਦੀਪ ਵਿਚ ਉਟੇਮਨ ਵਿਖੇ ਸ਼ਾਸਕ ਬਣਨ ਲਈ ਲੰਬੀ ਲੜਾਈ ਲੱਗ ਗਈ | ਉਸ ਨੇ ਲੜਾਈ ਵਿਚ ਜਾਣ ਦੀ ਪ੍ਰਵਾਨਗੀ ਪ੍ਰਾਪਤ ਕੀਤੀ ਤੇ ਆਪਣੀਆਂ ਹੋਰ 37 ਸਾਥਣਾਂ ਨਾਲ ਕਰੀਮਨ ਦੇ ਸਕੁਰਤੀ ਮਿਲਟਰੀ ਹਸਪਤਾਲ ਵਿਚ ਪਹੁੰਚ ਗਈ | ਹਸਪਤਾਲ ਦੀ ਹਾਲਤ ਬਹੁਤ ਹੀ ਭੈੜੀ ਸੀ | ਉਸ ਨੇ ਹਸਪਤਾਲ ਦੀ ਸਫ਼ਾਈ ਕਰਵਾਈ ਅਤੇ ਲੋੜੀਂਦੀਆਂ ਵਸਤੂਆਂ ਮੁਹੱਈਆ ਕਰਵਾਈਆਂ | ਉਹ ਜ਼ਖਮੀ ਮਰੀਜ਼ਾਂ ਦਾ ਨਿੱਜੀ ਧਿਆਨ ਰੱਖਦੀ ਸੀ | ਬਿਜਲੀ ਨਾ ਹੋਣ ਕਰਕੇ ਉਹ ਸਾਰੀ-ਸਾਰੀ ਰਾਤ ਬਲਦਾ ਲੈਂਪ ਲੈ ਕੇ ਮਰੀਜ਼ਾਂ ਨੂੰ ਦੇਖਦੀ ਸੀ ਕਿ ਉਹ ਠੀਕ-ਠਾਕ ਹਨ ਜਾਂ ਨਹੀਂ?
1856 ਵਿਚ ਲੜਾਈ ਖ਼ਤਮ ਹੋਈ | ਜਦੋਂ ਉਹ ਬਰਤਾਨੀਆ ਵਾਪਸ ਪੱੁਜੀ ਤਾਂ ਲੋਕਾਂ ਨੇ ਉਸ ਨੂੰ ਆਪਣੇ ਹੱਥਾਂ ਉੱਪਰ ਚੱੁਕ ਲਿਆ ਅਤੇ 'ਲੇਡੀ ਵਿਦ ਦੀ ਲੈਂਪ' ਖਿਤਾਬ ਦਿੱਤਾ | ਸੰਨ 1860 ਵਿਚ ਉਸ ਨੇ ਲੰਡਨ ਵਿਚ ਨਰਸਾਂ ਲਈ ਇਕ ਸਕੂਲ ਦੀ ਸਥਾਪਨਾ ਵੀ ਕੀਤੀ | ਉਸ ਦੀਆਂ ਸੇਵਾਵਾਂ ਬਦਲੇ ਬਰਤਾਨੀਆ ਸਰਕਾਰ ਨੇ ਉਸ ਨੂੰ ਉੱਚਾ ਸਿਵਲੀਅਨ ਇਨਾਮ ਦੇ ਕੇ ਸਨਮਾਨਿਤ ਕੀਤਾ |
ਇਹ ਮਹਾਨ ਨਾਇਕਾ 90 ਸਾਲ ਦੀ ਉਮਰ ਵਿਚ ਸੰਨ 1910 ਵਿਚ ਸਦਾ ਲਈ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਈ | ਬੱਚਿਓ, ਆਪਣੇ ਜੀਵਨ ਕਾਲ ਵਿਚ ਉਸ ਨੇ ਨਰਸਾਂ ਦੇ ਰੁਤਬੇ ਨੂੰ ਉੱਚਾ ਹੀ ਨਹੀਂ ਕੀਤਾ, ਸਗੋਂ ਆਸ ਤੋਂ ਵੱਧ ਹਸਪਤਾਲਾਂ ਦੀ ਹਾਲਤ ਵਿਚ ਸੁਧਾਰ ਵੀ ਹੋਇਆ |

-8/29, ਨਿਊ ਕੁੰਦਨਪੁਰੀ, ਲੁਧਿਆਣਾ |

ਖ਼ੂਬਸੂਰਤ ਝਰਨਿਆਂ ਦੀ ਧਰਤੀ ਹੈ ਸਹਸਰਧਾਰਾ (ਦੇਹਰਾਦੂਨ)

ਪਿਆਰੇ ਬੱਚਿਓ, ਸਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਸਿੱਖਿਆ ਦੇ ਖੇਤਰ ਵਿਚ ਦੇਹਰਾਦੂਨ (ਰਾਜਧਾਨੀ ਉੱਤਰਾਖੰਡ) ਨੂੰ ਸਿੱਖਿਆ ਦੀ ਹੱਬ ਕਿਹਾ ਜਾਂਦਾ ਹੈ | ਇਥੇ ਇੰਡੀਅਨ ਫਾਰੈਸਟ ਰਿਸਰਚ ਸੈਂਟਰ, ਇੰਡੀਅਨ ਮਿਲਟਰੀ ਅਕੈਡਮੀ, ਪੈਟਰੋਲੀਅਮ ਯੂਨੀਵਰਸਿਟੀ ਅਤੇ ਦੂਨ ਪਬਲਿਕ ਸਕੂਲ ਵਰਗੀਆਂ ਸੰਸਥਾਵਾਂ ਹਨ, ਜਿਨ੍ਹਾਂ ਨੂੰ ਕੇਵਲ ਭਾਰਤ ਵਿਚ ਹੀ ਨਹੀਂ, ਸਗੋਂ ਸਾਰੇ ਏਸ਼ੀਆ ਵਿਚ ਵੀ ਜਾਣਿਆ ਜਾਂਦਾ ਹੈ | ਦੇਹਰਾਦੂਨ ਦਾ ਆਲਾ-ਦੁਆਲਾ ਬਹੁਤ ਹੀ ਖੂਬਸੂਰਤ ਹੈ ਅਤੇ ਕੁਦਰਤੀ ਨਜ਼ਾਰਿਆਂ ਨਾਲ ਭਰਪੂਰ ਹੈ | ਮਿਡਲ ਹਿਮਾਲਿਆ ਰੇਂਜ ਵਿਚ ਦੇਹਰਾਦੂਨ ਤੋਂ ਚੜ੍ਹਦੇ ਪਾਸੇ ਲਗਪਗ ਵੀਹ ਕਿੱਲੋਮੀਟਰ ਦੀ ਦੂਰੀ 'ਤੇ ਸਥਿਤ ਹੈ ਖੂਬਸੂਰਤ ਝਰਨਿਆਂ ਦੀ ਧਰਤੀ ਸਹਸਰਧਾਰਾ, ਜਿਥੇ ਲਗਾਤਾਰ ਸੌ ਤੋਂ ਵੱਧ ਝਰਨੇ ਵਗਦੇ ਹਨ | ਲਗਾਤਾਰ ਝਰਨਿਆਂ ਦੀਆਂ ਕਈ ਧਾਰਾਵਾਂ ਵਹਿਣ ਕਾਰਨ ਇਸ ਪ੍ਰਸਿੱਧ ਸੈਰਗਾਹ ਨੂੰ ਸਹਸਰਧਾਰਾ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ | ਪ੍ਰਾਚੀਨ ਇਤਿਹਾਸਕ ਹਵਾਲਿਆਂ ਅਨੁਸਾਰ ਕੌਰਵਾਂ, ਪਾਂਡਵਾਂ ਦੇ ਪ੍ਰਸਿੱਧ ਗੁਰੂ ਦਰੋਣਾਚਾਰੀਆ ਨੇ ਇਸ ਸੁੰਦਰ ਧਰਤੀ ਉੱਪਰ ਕਈ ਸਾਲ ਤਪੱਸਿਆ ਕੀਤੀ ਸੀ | ਝਰਨਿਆਂ ਦਾ ਸੀਤਲ ਜਲ ਪਹਾੜੀ ਢਲਾਨਾਂ ਵਿਚੋਂ ਵਗਦਾ ਹੋਇਆ ਦਿਲਕਸ਼ ਸੰਗੀਤ ਪੈਦਾ ਕਰਦਾ ਹੈ | ਇਸ ਪਾਣੀ ਵਿਚ ਗੰਧਕ ਦਾ ਮਿਸ਼ਰਣ ਹੋਣ ਕਾਰਨ ਇਸ ਨੂੰ ਪੀਣ ਅਤੇ ਇਸ ਵਿਚ ਨਹਾਉਣ ਨਾਲ ਮਨੱੁਖ ਦੇ ਪੇਟ ਅਤੇ ਚਮੜੀ ਦੇ ਰੋਗ ਸਦਾ ਲਈ ਦੂਰ ਹੋ ਜਾਂਦੇ ਹਨ | ਝਰਨਿਆਂ ਦੇ ਪਾਣੀਆਂ ਨੂੰ ਥਾਂ-ਥਾਂ 'ਤੇ ਰੋਕ ਕੇ ਛੋਟੇ-ਛੋਟੇ ਤਲਾਬ ਬਣਾਏ ਗਏ ਹਨ, ਜਿਥੇ ਸੈਲਾਨੀ ਮੌਜਮਸਤੀ ਕਰਦੇ ਹੋਏ ਆਮ ਦੇਖੇ ਜਾ ਸਕਦੇ ਹਨ | ਸੈਲਾਨੀ ਇਨ੍ਹਾਂ ਝਰਨਿਆਂ 'ਚ ਤਰਦੇ ਹੋਏ ਜ਼ਿੰਦਗੀ ਦਾ ਲਾਸਾਨੀ ਆਨੰਦ ਪ੍ਰਾਪਤ ਕਰਦੇ ਹਨ | ਇਨ੍ਹਾਂ ਝਰਨਿਆਂ ਦੇ ਆਲੇ-ਦੁਆਲੇ ਸੁੰਦਰ ਮਾਰਕੀਟ ਬਣੀ ਹੋਈ ਹੈ | ਪੌੜੀ-ਦਰ-ਪੌੜੀ ਚੜ੍ਹਦਿਆਂ ਇਹ ਮਾਰਕੀਟ ਪਹਾੜਾਂ ਦੇ ਉੱਪਰ ਤੱਕ ਚਲੀ ਜਾਂਦੀ ਹੈ, ਜੋ ਸੈਲਾਨੀਆਂ ਲਈ ਰੁਮਾਂਚਿਕ ਨਜ਼ਾਰਾ ਪੇਸ਼ ਕਰਦੀ ਹੈ | ਝਰਨਿਆਂ ਦੀ ਇਸ ਖੂਬਸੂਰਤ ਧਰਤੀ ਨੂੰ ਨਿਹਾਰਨ ਤੋਂ ਬਾਅਦ ਮਨੱੁਖ ਨੂੰ ਮਾਨਸਿਕ ਸੰਤੁਸ਼ਟੀ ਮਿਲਦੀ ਹੈ | ਇਸ ਸੈਰਗਾਹ 'ਤੇ ਅਸਾਨੀ ਨਾਲ ਪਹੁੰਚਿਆ ਜਾ ਸਕਦਾ ਹੈ | ਬੱਚਿਓ, ਆਓ ਅਸੀਂ ਇਸ ਖੂਬਸੂਰਤ ਸੈਰਗਾਹ ਦਾ ਆਨੰਦ ਮਾਣੀਏ |

-ਪਿੰਡ ਤੇ ਡਾਕ: ਕੋਟਲੀ ਖਾਸ, ਤਹਿ: ਮੁਕੇਰੀਆਂ (ਹੁਸ਼ਿਆਰਪੁਰ) | ਮੋਬਾ: 94653-69343

ਬੁਝਾਰਤਾਂ

1. ਮੈਂ ਲਿਆਂਦੀ ਮੱਝ, ਉਹਦੇ ਸਿੰਗ ਨਾ,
ਮੈਂ ਪਾਈ ਤੂੜੀ, ਉਹਦੇ ਪਸੰਦ ਨਾ,
ਮੈਂ ਪਾਇਆ ਖੋਰ, ਕਹਿੰਦੀ ਹੋਰ ਲਿਆ ਹੋਰ |
2. ਵੱਡਾ ਮੈਂ ਜਲ ਜੀਵ,
ਹਿਲਾ ਨਹੀਂ ਸਕਦਾ ਆਪਣੀ ਜੀਭ |
3. ਚਾਹ ਗਰਮ ਹੈ, ਗਰਮ ਹੈ ਰਹਿੰਦੀ ਕੌਫੀ, ਬੀਤੇ ਘੰਟੇ ਕਿੰਨੇ,
ਬੜੇ ਕੰਮ ਦੀ ਚੀਜ਼ ਸਫ਼ਰ ਵਿਚ, ਲੋਕ ਹੋ ਚਾਹੇ ਜਿੰਨੇ |
4. ਐਡੀ ਕੁ ਟਾਟ, ਭਰੀ ਸਬਾਤ |
5. ਸੋਨੇ ਰੰਗੀ ਤਿੱਤਰ ਖੰਭੀ, ਨਾਂਅ ਉਸ ਦਾ ਮਸਤਾਨੀ |
ਬੱੁਝਣੀ ਹੈ ਤਾਂ ਬੱੁਝ, ਨਹੀਂ ਤਾਂ ਰੱਖ ਅਠਿਆਨੀ |
6. ਭੱਜੀ ਜਾ ਭਜਾਈ ਜਾ, ਸਿੰਗਾਂ ਨੂੰ ਹੱਥ ਪਾਈ ਜਾ |
7. ਸਿਰ 'ਤੇ ਮੁਕਟ, ਗਲੇ ਵਿਚ ਥੈਲਾ,
ਮੇਰਾ ਨਾਂਅ ਹੈ ਅਜਬ ਅਲਬੇਲਾ |
8. ਚਾਰ ਘੜੇ ਭਰੇ ਖੜ੍ਹੇ, ਮੂਧੇ ਐ ਪਰ ਡੱੁਲ੍ਹਦੇ ਨਹੀਂ |
9. ਇਕ ਨਾਰ ਨਾ ਕੁਝ ਵਿਗਾੜੇ, ਲੰਘਦੀ ਜਾਂਦੀ ਕੱਪੜੇ ਪਾੜੇ |
ਉੱਤਰ : (1) ਖੋਤਾ, (2) ਮਗਰਮੱਛ, (3) ਥਰਮਸ, (4) ਦੀਵਾ, (5) ਭੰੂਡ, (6) ਸਾਈਕਲ, (7) ਮੁਰਗਾ, (8) ਮੱਝ ਦੇ ਥਣ, (9) ਕੈਂਚੀ |

-ਤਸਵਿੰਦਰ ਸਿੰਘ ਬੜੈਚ,
ਪਿੰਡ ਦੀਵਾਲਾ, ਤਹਿ: ਸਮਰਾਲਾ (ਲੁਧਿਆਣਾ) |
ਮੋਬਾ: 98763-22677

ਬਾਲ ਨਾਵਲ-101

ਖੱਟੀਆਂ-ਮਿੱਠੀਆਂ ਗੋਲੀਆਂ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
'ਸਾਡੀ ਇੱਛਾ ਹੈ ਕਿ ਅਸੀਂ ਮਰੀਜ਼ਾਂ ਨੂੰ ਚੰਗੀਆਂ ਤੋਂ ਚੰਗੀਆਂ ਸੇਵਾਵਾਂ ਦੇ ਸਕੀਏ | ਤੁਹਾਡੇ ਸਾਰਿਆਂ ਦੇ ਸਹਿਯੋਗ ਨਾਲ ਆਪਣੇ ਵੀਰ ਜੀ ਦੇ ਨਾਂਅ ਨਾਲ ਜੁੜੇ ਇਸ ਹਸਪਤਾਲ ਨੂੰ ਸ਼ਹਿਰ ਦਾ ਨੰਬਰ ਇਕ ਹਸਪਤਾਲ ਬਣਾਈਏ |'
ਸਿਧਾਰਥ ਦੀਆਂ ਹਸਪਤਾਲ ਬਾਰੇ ਗੱਲਾਂ, ਭਵਿੱਖ ਦਾ ਪ੍ਰੋਗਰਾਮ ਅਤੇ ਡਾਕਟਰ ਹਰੀਸ਼ ਦੀ ਹਸਪਤਾਲ ਪ੍ਰਤੀ ਲਗਨ ਸੁਣ ਕੇ ਸਾਰਾ ਹਾਲ ਤਾੜੀਆਂ ਨਾਲ ਗੰੂਜ ਉੱਠਿਆ |
ਇਸ ਤੋਂ ਬਾਅਦ ਪੁਰਾਣੇ ਵਿਦਿਆਰਥੀਆਂ ਨੇ ਪਿੰ੍ਰਸੀਪਲ ਰਣਬੀਰ ਸਿੰਘ ਚੈਰੀਟੇਬਲ ਹਸਪਤਾਲ ਬਾਰੇ ਆਪਣੇ ਸ਼ੱੁਭ ਵਿਚਾਰ ਦੱਸੇ | ਉਨ੍ਹਾਂ ਨੇ ਆਪਣੇ ਵਲੋਂ ਅਤੇ ਆਪਣੇ ਸਾਥੀਆਂ ਵਲੋਂ ਵੱਧ ਤੋਂ ਵੱਧ ਆਰਥਿਕ ਸਹਾਇਤਾ ਕਰਨ ਦਾ ਵਾਅਦਾ ਕੀਤਾ | ਹਾਲ ਵਿਚ ਬੈਠੇ ਸਾਰੇ ਵਿਦਿਆਰਥੀਆਂ ਨੇ ਹੱਥ ਖੜ੍ਹੇ ਕਰਕੇ ਬੁਲਾਰਿਆਂ ਨਾਲ ਮਦਦ ਕਰਨ ਦੀ ਹਾਮੀ ਭਰੀ |
ਸਾਰੇ ਬੁਲਾਰਿਆਂ ਤੋਂ ਬਾਅਦ ਡਾ: ਹਰੀਸ਼ ਨੂੰ ਕੁਝ ਵਿਚਾਰ ਪੇਸ਼ ਕਰਨ ਲਈ ਕਿਹਾ ਗਿਆ | ਹਰੀਸ਼ ਨੇ ਡਾਇਸ ਅੱਗੇ ਆ ਕੇ ਸਾਰਿਆਂ ਨੂੰ 'ਜੀ ਆਇਆਂ' ਅਤੇ ਆਉਣ ਦਾ ਧੰਨਵਾਦ ਕਰਨ ਤੋਂ ਬਾਅਦ ਕਹਿਣਾ ਸ਼ੁਰੂ ਕੀਤਾ, 'ਮੈਂ ਕੋਈ ਬੁਲਾਰਾ ਨਹੀਂ ਅਤੇ ਨਾ ਹੀ ਮੈਨੂੰ ਜਾਚ ਹੈ ਕਿ ਸਟੇਜ ਤੋਂ ਕਿਸ ਤਰ੍ਹਾਂ ਬੋਲੀਦਾ ਐ | ਮੈਂ ਤਾਂ ਤੁਹਾਡੇ ਸਾਰਿਆਂ ਨਾਲ ਦਿਲ ਦੀਆਂ ਦੋ-ਚਾਰ ਗੱਲਾਂ ਹੀ ਸਾਂਝੀਆਂ ਕਰਨੀਆਂ ਹਨ | ਸਭ ਤੋਂ ਪਹਿਲਾਂ ਤਾਂ ਮੈਂ ਇਸ ਸਕੂਲ ਦਾ, ਮਾਤਾ ਜੀ ਦਾ ਅਤੇ ਉਨ੍ਹਾਂ ਦੇ ਪਰਿਵਾਰ ਦਾ, ਸਿਧਾਰਥ ਵੀਰ ਜੀ ਦਾ, ਇਸ ਸਕੂਲ ਦੇ ਪੁਰਾਣੇ ਵਿਦਿਆਰਥੀਆਂ ਦਾ, ਖਾਸ ਕਰਕੇ ਸਿਧਾਰਥ ਵੀਰ ਜੀ ਦੇ ਜਮਾਤੀਆਂ ਦਾ, ਜਿਨ੍ਹਾਂ ਵਿਚੋਂ ਬਹੁਤੇ ਏਥੇ ਮੌਜੂਦ ਨੇ, ਸ਼ੁਕਰਗੁਜ਼ਾਰ ਹਾਂ | ਆਪਣੇ ਦੋਸਤ ਮਨਜੀਤ ਦੇ ਮੰਮੀ ਜੀ ਦਾ ਅਤੇ ਉਨ੍ਹਾਂ ਸਾਰਿਆਂ ਦਾ, ਜਿਨ੍ਹਾਂ ਕਰਕੇ ਅੱਜ ਮੈਂ ਤੁਹਾਡੇ ਸਾਹਮਣੇ ਖੜ੍ਹਾ ਹਾਂ | ਇਨ੍ਹਾਂ ਸਾਰਿਆਂ ਦੀ ਮਦਦ ਨੇ, ਪਿਆਰ ਨੇ ਅਤੇ ਹਰ ਤਰ੍ਹਾਂ ਦੇ ਸਹਿਯੋਗ ਨੇ ਮੈਨੂੰ ਹਨੇਰੀ ਕੋਠੜੀ 'ਚੋਂ ਕੱਢ ਕੇ ਚਾਨਣ ਵੱਲ ਦਾ ਰਾਹ ਵਿਖਾਇਐ | ਅੱਜ ਜੇ ਮੈਂ ਡਾਕਟਰ ਬਣਿਆ ਹਾਂ ਤਾਂ ਇਸ ਦਾ ਸਿਹਰਾ ਸਿਧਾਰਥ ਵੀਰ ਜੀ, ਮੇਘਾ ਭਾਬੀ ਜੀ ਅਤੇ ਮਾਤਾ ਜੀ ਨੂੰ ਜਾਂਦੈ | ਜੇ ਮੈਨੂੰ ਸਿਧਾਰਥ ਵੀਰ ਜੀ ਨਾ ਮਿਲਦੇ ਤਾਂ ਮੈਂ ਸ਼ਾਇਦ ਅੱਜ ਵੀ ਇਸੇ ਸ਼ਹਿਰ ਦੀਆਂ ਗਲੀਆਂ ਵਿਚ ਖੱਟੀਆਂ-ਮਿੱਠੀਆਂ ਗੋਲੀਆਂ ਵੇਚ ਰਿਹਾ ਹੁੰਦਾ |'
'ਮੈਂ ਜੇ ਇਸ ਹਸਪਤਾਲ ਵਿਚ ਥੋੜ੍ਹੀ-ਬਹੁਤੀ ਸੇਵਾ ਕਰ ਰਿਹਾ ਹਾਂ ਤਾਂ ਮੈਂ ਕਿਸੇ ਉੱਤੇ ਕੋਈ ਵੀ ਅਹਿਸਾਨ ਨਹੀਂ ਕਰ ਰਿਹਾ, ਸਗੋਂ ਮੈਂ ਆਪਣੇ ਸਿਰ 'ਤੇ ਚੜ੍ਹੇ ਕਰਜ਼ਿਆਂ ਅਤੇ ਅਹਿਸਾਨਾਂ ਦੇ ਬੋਝ ਨੂੰ ਥੋੜ੍ਹਾ ਘੱਟ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ... | ਮੈਂ ਆਪਣੇ ਸਿਧਾਰਥ ਵੀਰ ਜੀ ਦੇ ਵੀਰ ਜੀ, ਪਿੰ੍ਰਸੀਪਲ ਰਣਬੀਰ ਸਿੰਘ ਜੀ ਦੇ ਦਰਸ਼ਨ ਤਾਂ ਨਹੀਂ ਕੀਤੇ ਪਰ ਉਨ੍ਹਾਂ ਦੀ ਸ਼ਖ਼ਸੀਅਤ ਦੇ ਦਰਸ਼ਨ ਉਨ੍ਹਾਂ ਦੇ ਸਾਰੇ ਵਿਦਿਆਰਥੀਆਂ, ਮਾਤਾ ਜੀ ਅਤੇ ਉਨ੍ਹਾਂ ਦੇ ਪਰਿਵਾਰ ਵਿਚੋਂ ਹੋ ਰਹੇ ਹਨ |
'ਮੇਰੇ ਲਈ ਇਹ ਹਸਪਤਾਲ ਨਹੀਂ, ਮੇਰੀ ਪੂਜਾ ਕਰਨ ਦਾ ਸਥਾਨ ਹੈ | ਅੱਜ ਤੋਂ ਇਹੋ ਮੇਰਾ ਘਰ ਹੈ, ਇਹੋ ਮੇਰੀ ਜ਼ਿੰਦਗੀ ਹੈ | ਮੈਂ ਆਪਣੇ ਦੂਜੇ ਹਸਪਤਾਲ ਤੋਂ ਅਸਤੀਫਾ ਦੇ ਕੇ ਮੁਕਤ ਹੋ ਚੱੁਕਾ ਹਾਂ | ਹੁਣ ਮੈਂ ਚੌਵੀ ਘੰਟੇ ਤਨ, ਮਨ ਅਤੇ ਧਨ ਨਾਲ ਤੁਹਾਡੇ ਸਾਰਿਆਂ ਲਈ ਇਥੇ ਹੀ ਹਾਜ਼ਰ ਹਾਂ | (ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-404, ਗ੍ਰੀਨ ਐਵੇਨਿਊ, ਅੰਮਿ੍ਤਸਰ-143001. ਮੋਬਾ: 98889-24664

ਬੁਝਾਰਤ (34)

ਜੱਗ ਵਿਚ ਜੀਵ ਨੇ ਲੱਖ ਕਰੋੜ,
ਮੈਂ ਹਾਂ ਸਭ ਦੀ ਦੂਜੀ ਲੋੜ |
ਮੇਰੀ ਆਦਤ ਨੀਵੇਂ ਰਹਿਣਾ,
ਪਰ ਉੱਚਿਆਂ ਦੇ ਨਾਲ ਖਹਿਣਾ |
ਬੱਚਿਓ ਜਿਧਰ ਵੀ ਮੈਂ ਜਾਵਾਂ,
ਆਪਣਾ ਰਾਹ ਆਪ ਬਣਾਵਾਂ |
ਮੇਰੇ ਬਿਨ ਕੋਈ ਸਕੇ ਨਾ ਜੀਅ,
ਦੱਸੋ ਬੱਚਿਓ ਮੇਰਾ ਨਾਂਅ ਹੈ ਕੀ |
ਭਲੂਰੀਆ ਜੀ ਇਹ ਬਾਤ ਹੈ ਔਖੀ,
ਸਾਨੂੰ ਲਗਦੀ ਬੜੀ ਅਨੋਖੀ |
ਸਾਡੀ ਅਕਲ ਦੇ ਨਹੀਂ ਹੈ ਵੱਸ,
ਆਪੇ ਹੀ ਤੁਸੀਂ ਦਿਉ ਹੁਣ ਦੱਸ
           --0--
ਬੱਚਿਓ ਸਾਰੇ ਪੀਣ ਪ੍ਰਾਣੀ,
ਕੁਦਰਤ ਦੀ ਇਹ ਦਾਤ ਹੈ ਪਾਣੀ |
ਬੱਚਿਓ ਜ਼ਿੰਦਗੀ ਪਾਣੀ ਨਾਲ,
ਸਾਰੇ ਇਸ ਦੀ ਕਰੋ ਸੰਭਾਲ |

-ਜਸਵੀਰ ਸਿੰਘ ਭਲੂਰੀਆ,
ਪਿੰਡ ਤੇ ਡਾਕ: ਭਲੂਰ (ਮੋਗਾ) |
ਮੋਬਾ: 99159-95505

ਆਮ ਗਿਆਨ ਦੀਆਂ ਗੱਲਾਂ

1. ਸਭ ਤੋਂ ਵੱਧ ਸਮੇਂ ਤੱਕ ਸ਼ਾਸਨ ਕਰਨ ਵਾਲੇ ਮੁਗ਼ਲ ਬਾਦਸ਼ਾਹ ਦਾ ਕੀ ਨਾਂਅ ਸੀ?
2. ਕਿਸ ਦੇਸ਼ ਦਾ ਕਾਨੂੰਨ ਸਭ ਤੋਂ ਸਖ਼ਤ ਮੰਨਿਆ ਜਾਂਦਾ ਹੈ?
3. ਵਿਸ਼ਵ ਦਾ ਸਭ ਤੋਂ ਗਰੀਬ ਦੇਸ਼ ਕਿਹੜਾ ਮੰਨਿਆ ਜਾਂਦਾ ਹੈ?
4. ਕਿਹੜੀ ਮੱਛੀ ਹੈ, ਜੋ ਬੱਚਿਆਂ ਨੂੰ ਜਨਮ ਦਿੰਦੀ ਤੇ ਦੱੁਧ ਪਿਆਉਂਦੀ ਹੈ?
5. ਸਭ ਤੋਂ ਤੇਜ਼ ਵਧਣ ਵਾਲਾ ਪੌਦਾ ਕਿਹੜਾ ਹੈ?
6. ਕਿਹੜਾ ਜੀਵ ਹੈ ਜੋ ਬਿਨਾਂ ਪੈਰਾਂ ਤੋਂ ਕਾਫੀ ਤੇਜ਼ ਦੌੜਦਾ ਹੈ?
7. ਭਾਰਤ ਦੀ ਸਭ ਤੋਂ ਪਹਿਲੀ ਮਹਿਲਾ ਪ੍ਰਧਾਨ ਮੰਤਰੀ ਕੌਣ ਸੀ?
8. ਉਹ ਕਿਹੜੀ ਭਾਸ਼ਾ ਹੈ, ਜਿਸ ਵਿਚ ਮਾਤਰਾ ਨਹੀਂ ਹੁੰਦੀ?
9. ਭਾਰਤ ਦੀ ਯਾਤਰਾ ਕਰਨ ਵਾਲੇ ਪਹਿਲੇ ਚੀਨੀ ਯਾਤਰੀ ਦਾ ਨਾਂਅ ਦੱਸੋ?
10. ਭਾਰਤ ਵਿਚ ਸੋਨਾ ਕਿਸ ਰਾਜ ਵਿਚ ਮਿਲਦਾ ਹੈ?
11. ਭਾਰਤ ਦਾ ਸੰਵਿਧਾਨ ਬਣਾਉਣ ਵਿਚ ਕੁਲ ਕਿੰਨਾ ਸਮਾਂ ਲੱਗਾ?
12. ਸਭ ਤੋਂ ਵੱਧ ਜਿਉਣ ਵਾਲਾ ਜੀਵ ਕਿਹੜਾ ਹੈ?
ਜਵਾਬ : (1) ਔਰੰਗਜ਼ੇਬ, (2) ਸਾਊਦੀ ਅਰਬ, (3) ਭੂਟਾਨ, (4) ਸੀਲ ਵੇਲ੍ਹ ਮੱਛੀ, (5) ਬਾਂਸ, (6) ਸੱਪ, (7) ਸ੍ਰੀਮਤੀ ਇੰਦਰਾ ਗਾਂਧੀ, (8) ਅੰਗਰੇਜ਼ੀ, (9) ਫਾਹਿਯਾਨ, (10) ਕਰਨਾਟਕ, (11) 2 ਸਾਲ 11 ਮਹੀਨੇ 18 ਦਿਨ, (12) ਕਛੂਆ, 300 ਸਾਲ (ਲਗਪਗ) |

-ਬਲਵਿੰਦਰਜੀਤ ਕੌਰ,
ਚੱਕਲਾਂ (ਰੋਪੜ) |
balwinderjitbajwa9876@gmail.com

ਸੁਣ ਲਓ ਬੱਚਿਓ

ਸੁਣ ਲਓ ਬੱਚਿਓ, ਧੋਇਓ ਮਨ ਨੂੰ |
ਗ੍ਰਹਿਣ ਨਾ ਰਹਿੰਦਾ, ਸਦਾ ਹੀ ਚੰਨ ਨੂੰ |
ਸੁਣ ਲਓ ਬੱਚਿਓ, ਕਰਿਓ ਠੀਕ |
ਵਾਹਿਓ ਨਾ ਕਦੇ, ਫਰਕ ਦੀ ਲੀਕ |
ਸੁਣ ਲਓ ਬੱਚਿਓ, ਛੱਡਿਓ ਝਾਕ |
ਆਪਣੇ ਪੈਂਡੇ, ਗਾਹਇਓ ਆਪ |
ਸੁਣ ਲਓ ਬੱਚਿਓ, ਨਾ ਕਰਿਓ ਸ਼ੱਕ |
ਸਦਾ ਬਚਾਇਓ, ਆਪਣਾ ਨੱਕ |
ਸੁਣ ਲਓ ਬੱਚਿਓ, ਬਣੋ ਚਰਾਗ |
ਲਿਖਿਓ ਆਪੇ, ਆਪਣੇ ਭਾਗ |

-ਕੁੰਦਨ ਲਾਲ ਭੱਟੀ

ਅਨਮੋਲ ਬਚਨ

• ਰਿਸ਼ਤੇ ਉਹ ਹੀ ਕਾਮਯਾਬ ਹੁੰਦੇ ਹਨ ਜੋ ਦੋਵਾਂ ਪਾਸਿਆਂ ਤੋਂ ਨਿਭਾਏ ਜਾਂਦੇ ਹੋਣ, ਕਿਉਂਕਿ ਇਕ ਪਾਸਾ ਸੇਕ ਕੇ ਤਾਂ ਰੋਟੀ ਵੀ ਨਹੀਂ ਬਣਾਈ ਜਾ ਸਕਦੀ |
• ਨਿੰਮ ਤੇ ਕਰੇਲਾ ਤਾਂ ਐਵੇਂ ਹੀ ਬਦਨਾਮ ਹਨ, ਕੌੜੇ ਤਾਂ ਇਨਸਾਨ ਵੀ ਹੁੰਦੇ ਹਨ |
• ਗ਼ਲਤੀ ਕਬੂਲ ਕਰਨ ਤੇ ਗੁਨਾਹ ਛੱਡਣ ਵਿਚ ਕਦੇ ਦੇਰ ਨਾ ਕਰਨਾ, ਕਿਉਂਕਿ ਸਫਰ ਜਿੰਨਾ ਲੰਬਾ ਹੋਵੇਗਾ, ਵਾਪਸੀ ਓਨੀ ਹੀ ਮੁਸ਼ਕਿਲ ਹੋ ਜਾਂਦੀ ਹੈ |
• ਜੇਕਰ ਜ਼ਿੰਦਗੀ ਵਿਚ ਸਫਲ ਹੋਣਾ ਹੈ ਤਾਂ ਪੈਸਿਆਂ ਨੂੰ ਹਮੇਸ਼ਾ ਜੇਬ ਵਿਚ ਰੱਖਣਾ ਦਿਮਾਗ ਵਿਚ ਨਹੀਂ |
• ਜਦੋਂ ਲੋਕ ਅਨਪੜ੍ਹ ਸੀ ਤਾਂ ਪਰਿਵਾਰ ਇਕ ਹੁੰਦਾ ਸੀ ਪਰ ਟੱੁਟੇ ਪਰਿਵਾਰਾਂ ਵਿਚ ਅਕਸਰ ਪੜ੍ਹੇ-ਲਿਖੇ ਲੋਕ ਦੇਖੇ ਹਨ |
• ਭੁਲਾ ਦਿੰਦੇ ਨੇ ਪਲਾਂ 'ਚ ਭੁਲਾ ਦੇਣ ਵਾਲੇ, ਯਾਦ ਰੱਖਣ ਵਾਲੇ ਤਾਂ ਆਖਰੀ ਸਾਹ ਤੱਕ ਯਾਦ ਰੱਖਦੇ ਹਨ |

-ਜਗਜੀਤ ਸਿੰਘ ਭਾਟੀਆ,
ਨੂਰਪੁਰ ਬੇਦੀ (ਰੋਪੜ) | ਮੋਬਾ: 95018-10181

ਬਾਲ ਗੀਤ: ਅੰਬਰ

ਅੰਬਰਾਂ ਵਿਚੋਂ ਇਕ ਨੰਨ੍ਹੀ ਜਿਹੀ ਪਰੀ ਧਰਤ 'ਤੇ ਆਈ,
ਅੰਬਰ ਹੈ ਓਸ ਦਾ ਨਾਂਅ |
ਤੋਤਲੇ ਜਿਹੇ ਪਾਕ ਬੋਲਾਂ ਨੇ ਘਰ ਵਿਚ ਰੌਣਕ ਲਾਈ,
ਜਿਵੇਂ ਫਜ਼ਰ ਦੀ ਕੋਈ ਅਜ਼ਾਨ |
ਅੰਬਰ ਹੈ ਉਸ ਦਾ ਨਾਂਅ |
ਨਿੱਕੇ-ਨਿੱਕੇ ਹੱਥਾਂ ਦੇ ਨਾਲ,
ਜਦ ਉਹ ਜੁਗਨੂੰ ਫੜਦੀ ਏ |
ਇਉਂ ਲਗਦਾ ਕਾਇਨਾਤ ਏ ਸਾਰੀ,
ਉਸ ਨੂੰ ਸਜਦਾ ਕਰਦੀ ਏ |
ਖੁਸ਼ਬੂ ਉਹਦੀ ਜਿਵੇਂ ਕਲੀ 'ਚੋਂ,
ਮਹਿਕਦਾ ਗੁਲਸਤਾਨ |
ਅੰਬਰ ਹੈ ਉਸ ਦਾ ਨਾਂਅ |
ਉਹ ਤਿਤਲੀਆਂ ਮਗਰ ਦੌੜਦੀ,
ਮੈਂ ਉਸ ਪਿੱਛੇ ਦੌੜਾਂ |
ਧੀ ਜਿਸ ਘਰ ਵਿਚ ਖੇਡੇ,
ਖੁਸ਼ੀਆਂ ਖੇਡਣ ਲੱਖ-ਕਰੋੜਾਂ |
ਉਹਦੇ ਕੇਸਾਂ ਵਿਚ ਸਤਰੰਗੀ,
ਪੀਂਘ ਦੀਆਂ ਰਿਸ਼ਮਾਂ |
ਅੰਬਰ ਹੈ ਉਸ ਦਾ ਨਾਂਅ |
ਭੋਲੇ-ਭਾਲੇ ਮੱੁਖੜੇ ਉੱਤੇ,
ਨੂਰ ਇਲਾਹੀ ਰਹਿੰਦਾ |
ਕਈ ਵਾਰੀ ਉਹਨੂੰ ਦੇਖ ਕੇ,
ਰੱਬ ਦਾ 'ਮਾਨ' ਭੁਲੇਖਾ ਪੈਂਦਾ |
ਸਾਰੇ ਬੋਝ ਉੱਤਰ ਜਾਵਣ,
ਜਦੋਂ ਗੋਦੀ ਚੱੁਕ ਲਵਾਂ |
ਅੰਬਰ ਹੈ ਉਸ ਦਾ ਨਾਂਅ |


-ਸਿਮਰ ਮਾਨ,
ਮੋਬਾ: 98786-95547






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX