ਤਾਜਾ ਖ਼ਬਰਾਂ


ਸ੍ਰੀਲੰਕਾ ਧਮਾਕਾ : ਕੋਲੰਬੋ 'ਚ ਕਰਫ਼ਿਊ ਲਾਉਣ ਦੇ ਹੁਕਮ
. . .  12 minutes ago
ਕੋਲੰਬੋ, 22 ਅਪ੍ਰੈਲ- ਸ੍ਰੀਲੰਕਾ 'ਚ ਹੋਏ ਲੜੀਵਾਰ ਬੰਬ ਧਮਾਕਿਆਂ ਤੋਂ ਬਾਅਦ ਰਾਜਧਾਨੀ ਕੋਲੰਬੋ 'ਚ ਰਾਤੀਂ 8 ਵਜੇ ਤੋਂ ਲੈ ਕੇ ਸਵੇਰੇ 4 ਵਜੇ ਤੱਕ ਕਰਫ਼ਿਊ ਲਾਉਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਦੱਸ ਦਈਏ ਕਿ ਸਭ ਤੋਂ ਵੱਧ ਧਮਾਕੇ ਕੋਲੰਬੋ 'ਚ ਹੋਏ ਸਨ ਅਤੇ ਅੱਜ ਵੀ...
ਅਕਾਲੀ ਦਲ ਭਲਕੇ ਕਰੇਗਾ ਬਠਿੰਡਾ ਅਤੇ ਫ਼ਿਰੋਜ਼ਪੁਰ ਤੋਂ ਉਮੀਦਵਾਰਾਂ ਦਾ ਐਲਾਨ
. . .  23 minutes ago
ਸੰਗਰੂਰ, 22 ਅਪ੍ਰੈਲ (ਦਮਨਜੀਤ, ਬਿੱਟਾ)- ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸ. ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਹੈ ਕਿ ਬਠਿੰਡਾ ਅਤੇ ਫ਼ਿਰੋਜ਼ਪੁਰ ਸੀਟਾਂ 'ਤੇ ਅਕਾਲੀ ਉਮੀਦਵਾਰਾਂ ਦਾ ਐਲਾਨ ਕੱਲ੍ਹ ਸਵੇਰੇ ਕਰ ਦਿੱਤਾ ਜਾਵੇਗਾ। ਸੰਗਰੂਰ ਦੇ ਅਕਲੀ ਵਰਕਰਾਂ ਨੂੰ ਮਿਲਣ ....
ਚੱਲਦੀ ਗੱਡੀ 'ਚ ਅਚਾਨਕ ਲੱਗੀ ਅੱਗ, ਵਾਲ-ਵਾਲ ਬਚਿਆ ਬਜ਼ੁਰਗ ਜੋੜਾ
. . .  32 minutes ago
ਚੰਡੀਗੜ੍ਹ, 22 ਅਪ੍ਰੈਲ- ਚੰਡੀਗੜ੍ਹ ਦੇ ਸੈਕਟਰ 7-8 ਦੇ ਚੌਕ 'ਚ ਅੱਜ ਇੱਕ ਚੱਲਦੀ ਗੱਡੀ 'ਚ ਅਚਾਲਕ ਅੱਗ ਲੱਗ ਗਈ। ਇਸ ਹਾਦਸੇ 'ਚ ਕਾਰ ਸਵਾਰ ਬਜ਼ੁਰਗ ਜੋੜਾ ਵਾਲ-ਵਾਲ ਬਚ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਗੱਡੀ 'ਚੋਂ ਪਹਿਲਾਂ ਅਚਾਨਕ ਧੂੰਆ ਨਿਕਲਣ...
ਪਟਿਆਲਾ 'ਚ ਵਾਹਨ ਚੋਰੀ ਕਰਨ ਵਾਲਾ ਆਇਆ ਪੁਲਿਸ ਅੜਿੱਕੇ
. . .  38 minutes ago
ਪਟਿਆਲਾ, 22 ਅਪ੍ਰੈਲ (ਅਮਨ)- ਇੱਥੇ ਅੱਜ ਪਟਿਆਲਾ ਪੁਲਿਸ ਨੇ ਸ਼ਹਿਰ ਅੰਦਰੋਂ ਵਾਹਨ ਚੋਰੀ ਕਰ ਕੇ ਮਲੇਰਕੋਟਲਾ ਅਤੇ ਆਲੇ-ਦੁਆਲੇ ਵੇਚਣ ਵਾਲੇ ਨੂੰ ਗ੍ਰਿਫ਼ਤਾਰ ਕਰ ਕੇ 52 ਵਾਹਨ ਬਰਾਮਦ ਕਰਨ 'ਚ ਸਫਲਤਾ ਪ੍ਰਾਪਤ ਹੋਈ ਹੈ। ਜ਼ਿਕਰਯੋਗ ਹੈ ਕਿ ਉਕਤ ਦੋਸ਼ੀ ਦੀ ....
ਭਾਜਪਾ ਨੂੰ ਲੱਗਾ ਵੱਡਾ ਝਟਕਾ : ਸੁਰੇਸ਼ ਚੰਦੇਲ ਕਾਂਗਰਸ 'ਚ ਹੋਏ ਸ਼ਾਮਲ
. . .  48 minutes ago
ਨਵੀਂ ਦਿੱਲੀ, 22 ਅਪ੍ਰੈਲ- ਹਿਮਾਚਲ ਪ੍ਰਦੇਸ਼ ਦੇ ਹਮੀਰਪੁਰ ਲੋਕ ਸਭਾ ਹਲਕੇ ਤੋਂ ਤਿੰਨ ਬਾਰ ਸੰਸਦ ਮੈਂਬਰ ਰਹੇ ਭਾਜਪਾ ਆਗੂ ਸੁਰੇਸ਼ ਚੰਦੇਲ ਦਿੱਲੀ 'ਚ ਰਾਹੁਲ ਗਾਂਧੀ ਦੀ ਮੌਜੂਦਗੀ 'ਚ ਕਾਂਗਰਸ 'ਚ ਸ਼ਾਮਲ ਹੋ ਗਏ ਹਨ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਕਾਂਗਰਸ ਪ੍ਰਦੇਸ਼ ਪ੍ਰਧਾਨ ....
ਟਿਕ ਟਾਕ ਮਾਮਲੇ 'ਤੇ 24 ਅਪ੍ਰੈਲ ਤੱਕ ਮਦਰਾਸ ਹਾਈਕੋਰਟ ਕਰੇ ਵਿਚਾਰ- ਸੁਪਰੀਮ ਕੋਰਟ
. . .  about 1 hour ago
ਨਵੀਂ ਦਿੱਲੀ, 22 ਅਪ੍ਰੈਲ - ਭਾਰਤ 'ਚ ਟਿਕ-ਟਾਕ ਐਪ 'ਤੇ ਬੈਨ ਦੇ ਮਾਮਲੇ 'ਚ ਕੰਪਨੀ ਨੇ ਸੁਪਰੀਮ ਕੋਰਟ ਦਾ ਦਰਵਾਜ਼ਾ ਖੜਕਾਇਆ ਹੈ। ਸੋਮਵਾਰ ਨੂੰ ਇਸ ਮਾਮਲੇ 'ਤੇ ਹੋਈ ਸੁਣਵਾਈ ਦੇ ਦੌਰਾਨ ਕੰਪਨੀ ਨੇ ਕੋਰਟ 'ਚ ਕਿਹਾ ਹੈ ਕਿ ਮਦਰਾਸ ਹਾਈਕੋਰਟ ਨੇ ਬਿਨਾਂ ਸਾਡਾ ਪੱਖ ..../
ਕੈਪਟਨ ਅਤੇ ਕੇ.ਪੀ. ਦੀ ਹਾਜ਼ਰੀ 'ਚ ਚੌਧਰੀ ਸੰਤੋਖ ਸਿੰਘ ਨੇ ਭਰਿਆ ਨਾਮਜ਼ਦਗੀ ਪੱਤਰ
. . .  54 minutes ago
ਜਲੰਧਰ, 22 ਅਪ੍ਰੈਲ (ਚਿਰਾਗ਼)- ਲੋਕ ਸਭਾ ਚੋਣਾਂ ਦੇ ਚੱਲਦਿਆਂ ਜਲੰਧਰ ਵਿਖੇ ਅੱਜ ਕਾਂਗਰਸੀ ਉਮੀਦਵਾਰ ਚੌਧਰੀ ਸੰਤੋਖ ਸਿੰਘ ਨੇ ਆਪਣੇ ਨਾਮਜ਼ਦਗੀ ਪੱਤਰ ਭਰੇ ਹਨ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਮਹਿੰਦਰ ਸਿੰਘ ....
ਸੜਕ 'ਤੇ ਪਲਟਿਆ ਟਰੈਕਟਰ-ਟਰਾਲੀ, ਆਵਾਜਾਈ ਹੋਈ ਠੱਪ
. . .  about 1 hour ago
ਗੁਰੂਹਰਸਹਾਏ , 22 ਅਪ੍ਰੈਲ(ਹਰਚਰਨ ਸਿੰਘ ਸੰਧੂ)- ਫ਼ਿਰੋਜ਼ਪੁਰ ਜਲਾਲਾਬਾਦ ਸੜਕ 'ਤੇ ਸਥਿਤ ਗੁਰਦੁਆਰਾ ਸਾਹਿਬ ਦੇ ਨੇੜੇ ਦੋ ਟਰੈਕਟਰ - ਟਰਾਲੀਆਂ ਦੇ ਅਚਾਨਕ ਪਲਟ ਜਾਣ ਕਾਰਨ ਆਵਾਜਾਈ ਠੱਪ ਹੋ ਗਈ। ਇਹ ਦੋਵੇਂ ਟਰੈਕਟਰ ਟਰਾਲੀ 'ਤੇ ਫ਼ਿਰੋਜ਼ਪੁਰ ਤੋਂ ਬਰਾਦਾ ....
ਦਿੱਲੀ 'ਚ ਮਨੋਜ ਤਿਵਾੜੀ ਨੇ ਕੀਤਾ ਰੋਡ ਸ਼ੋਅ
. . .  about 1 hour ago
ਨਵੀਂ ਦਿੱਲੀ, 22 ਅਪ੍ਰੈਲ- ਉੱਤਰ ਪੂਰਬੀ ਦਿੱਲੀ ਤੋਂ ਭਾਜਪਾ ਦੇ ਉਮੀਦਵਾਰ ਮਨੋਜ ਤਿਵਾੜੀ ਵੱਲੋਂ ਦਿੱਲੀ 'ਚ ਰੋਡ ਸ਼ੋਅ ਕੀਤਾ ਜਾ ਰਿਹਾ ਹੈ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਕੇਂਦਰੀ ਮੰਤਰੀ ਵਿਜੇ ਗੋਇਲ ਅਤੇ ਅਦਾਕਾਰਾ ਸਪਨਾ ਚੌਧਰੀ ਵੀ ਮੌਜੂਦ.....
ਮੋਗਾ ਦੇ ਪ੍ਰਬੰਧਕੀ ਕੰਪਲੈਕਸ ਅੰਦਰ ਬਣੀ ਬੈਂਕ 'ਚੋਂ ਲੱਖਾਂ ਦੀ ਨਗਦੀ ਸਮੇਤ ਸੋਨਾ ਚੋਰੀ
. . .  about 2 hours ago
ਮੋਗਾ, 22 ਅਪ੍ਰੈਲ (ਗੁਰਤੇਜ ਸਿੰਘ/ਸੁਰਿੰਦਰ ਪਾਲ ਸਿੰਘ) - ਬੀਤੀ ਰਾਤ ਅਣਪਛਾਤੇ ਚੋਰਾਂ ਵੱਲੋਂ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਅੰਦਰ ਬਣੀ ਬੈਂਕ ਆਫ਼ ਇੰਡੀਆ 'ਚੋਂ ਚੋਰਾਂ ਵੱਲੋਂ ਕੈਸ਼ ਵਾਲੀ ਸੇਫ਼ ਖੋਲ੍ਹ ਕੇ ਉਸ 'ਚੋਂ 17.65 ਹਜ਼ਾਰ ਰੁਪਏ ਚੋਰੀ ਕੀਤੇ ਜਾਣ ਦੀ ਖ਼ਬਰ ਹੈ। ਇਸ ਦੇ ....
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਆਪਣੇ 'ਵੋਟ ਅਧਿਕਾਰ' ਲਈ ਕਿੰਨੇ ਸੁਚੇਤ ਹੋ ਤੁਸੀਂ?

ਚੋਣਾਂ ਵਿਚ ਇਕ-ਇਕ ਵੋਟ ਦਾ ਵੀ ਬਹੁਤ ਮਹੱਤਵ ਹੁੰਦਾ ਹੈ, ਕਿਉਂਕਿ ਸਿਰਫ ਇਕ ਵੋਟ ਨਾਲ ਕੋਈ ਉਮੀਦਵਾਰ ਹਾਰ ਜਾਂਦਾ ਹੈ ਅਤੇ ਇਕ ਵੋਟ ਨਾਲ ਹੀ ਕਿਸੇ ਦੇ ਸਿਰ 'ਤੇ ਜਿੱਤ ਦਾ ਸਿਹਰਾ ਬੱਝ ਜਾਂਦਾ ਹੈ। ਇਹ ਵੋਟ ਤੁਹਾਡਾ ਵੀ ਹੋ ਸਕਦਾ ਹੈ ਅਤੇ ਕਿਸੇ ਹੋਰ ਦਾ ਵੀ। ਕੀ ਤੁਸੀਂ ਆਪਣੀ ਵੋਟ ਦੀ ਇਸ ਨਜ਼ਰੀਏ ਨਾਲ ਕਦੇ ਮਹੱਤਤਾ ਆਂਕੀ ਹੈ? ਚਲੋ ਇਸ ਕੁਇਜ਼ ਰਾਹੀਂ ਜਾਣਦੇ ਹਾਂ ਕਿ ਤੁਸੀਂ ਆਪਣੀ ਵੋਟ ਦਾ ਕਿੰਨਾ ਮਹੱਤਵ ਜਾਣਦੇ ਹੋ।
1. ਹਫ਼ਤੇ ਦੇ ਅਖ਼ੀਰ ਵਿਚ ਤੁਹਾਡੇ ਇਲਾਕੇ ਵਿਚ ਵੋਟਾਂ ਹਨ, ਇਸ ਲਈ ਤੁਹਾਡੀ ਛੁੱਟੀ ਹੈ। ਪਰ ਤੁਹਾਡੀ ਸਹੇਲੀ ਨੇੜੇ ਦੇ ਕਿਸੇ ਦੂਜੇ ਸ਼ਹਿਰ ਵਿਚ ਰਹਿੰਦੀ ਹਨ, ਉਸ ਦਾ ਫੋਨ ਆਉਂਦਾ ਹੈ ਕਿ ਵੋਟ-ਵੂਟ ਛੱਡ, ਲੰਬੇ ਸਮੇਂ ਤੋਂ ਆਪਾਂ ਦੋਵੇਂ ਮਿਲੀਆਂ ਨਹੀਂ, ਇਸ ਲਈ ਆ ਜਾ, ਛੁੱਟੀ ਵਾਲੇ ਦਿਨ ਗੱਪ-ਸ਼ੱਪ ਕਰਾਂਗੇ। ਇਸ 'ਤੇ ਤੁਸੀਂ-
(ਕ) ਸੋਚਦੇ ਹੋ ਕਿ ਸਹੀ ਤਾਂ ਕਹਿ ਰਹੀ ਹੈ, ਵੋਟ ਨਾ ਵੀ ਪਾਈ ਤਾਂ ਕੀ ਹੋ ਜਾਵੇਗਾ ਅਤੇ ਉਸ ਦੇ ਕੋਲ ਜਾਣ ਦਾ ਪ੍ਰੋਗਰਾਮ ਬਣਾ ਲੈਂਦੇ ਹੋ। (ਖ) ਸਹੇਲੀ ਨੂੰ ਸਪੱਸ਼ਟ ਕਹਿ ਦਿੰਦੇ ਹੋ ਕਿ ਨਹੀਂ, ਇਸ ਦਿਨ ਆਉਣਾ ਸੰਭਵ ਨਹੀਂ ਹੈ, ਕਿਉਂਕਿ ਮੈਂ ਵੋਟ ਪਾਉਣੀ ਹੈ। (ਗ) ਸਹੇਲੀ ਨੂੰ ਕਹਿੰਦੇ ਹੋ ਕਿ ਦੇਖਾਂਗੀ, ਜੇ ਪਤੀਦੇਵ ਤਿਆਰ ਹੋ ਜਾਂਦੇ ਹਨ ਤਾਂ ਆਵਾਂਗੀ।
2. ਪਤੀਦੇਵ ਦੇ ਨਾਲ ਤੁਸੀਂ ਵੋਟ ਪਾਉਣ ਜਾ ਰਹੇ ਹੋ, ਉਹ ਰਾਹ ਵਿਚ ਕਹਿੰਦੇ ਹਨ ਕਿਸ ਨੂੰ ਵੋਟ ਪਾਓਗੀ ਅਤੇ ਤੁਸੀਂ ਜਿਸ ਉਮੀਦਵਾਰ ਦਾ ਨਾਂਅ ਦੱਸਦੇ ਹੋ, ਪਤੀਦੇਵ ਕਹਿੰਦੇ ਹਨ ਨਹੀਂ, ਉਸ ਨੂੰ ਨਹੀਂ, ਸਗੋਂ ਦੂਜੇ ਨੂੰ ਵੋਟ ਪਾਉਣੀ, ਜਿਸ ਨੂੰ ਮੈਂ ਪਾ ਰਿਹਾ ਹਾਂ। ਤੁਸੀਂ ਇਸ 'ਤੇ ਬਹਿਸ ਕਰਨੀ ਚਾਹੁੰਦੇ ਹੋ ਪਰ ਪਤੀਦੇਵ ਕਹਿੰਦੇ ਹਨ ਕਿ ਜੋ ਕਹਿ ਦਿੱਤਾ ਹੈ, ਓਨਾ ਹੀ ਸੁਣਨਾ... ਅਤੇ ਤੁਸੀਂ-
(ਕ) ਉਸ ਨੂੰ ਹੀ ਵੋਟ ਪਾਉਂਦੇ ਹੋ, ਜਿਸ ਨੂੰ ਪਾਉਣੀ ਤੁਸੀਂ ਤੈਅ ਕੀਤੀ ਹੈ, ਨਾ ਕਿ ਉਸ ਨੂੰ ਜਿਸ ਨੂੰ ਤੁਹਾਡੇ ਪਤੀ ਨੇ ਕਿਹਾ ਹੈ। (ਖ) ਸੋਚਦੇ ਹੋ ਕਿ ਵੋਟ ਲਈ ਕੀ ਝਗੜਾ ਕਰਨਾ, ਜਿਸ ਨੂੰ ਪਤੀ ਕਹਿ ਰਹੇ ਹਨ, ਉਸ ਨੂੰ ਹੀ ਪਾ ਦਿੰਦੀ ਹਾਂ। (ਗ) ਪਾਉਣੀ ਤਾਂ ਆਪਣੀ ਮਰਜ਼ੀ ਨਾਲ ਚਾਹੁੰਦੇ ਹੋ ਪਰ ਡਰਦੇ ਹੋ ਕਿ ਕਿਤੇ ਪਤਾ ਲੱਗ ਗਿਆ ਤਾਂ ਕੀ ਹੋਵੇਗਾ, ਇਸ ਲਈ ਨੋਟਾ ਦਾ ਬਟਨ ਦਬਾਅ ਦਿੰਦੇ ਹੈ।
3. ਕੀ ਤੁਸੀਂ ਜਾਣਦੇ ਹੋ ਕਿ ਅਮਰੀਕਾ, ਬ੍ਰਿਟੇਨ ਅਤੇ ਭਾਰਤ ਇਨ੍ਹਾਂ ਚਾਰਾਂ ਦੇਸ਼ਾਂ ਵਿਚੋਂ ਕਿਸ ਦੇਸ਼ ਦੀਆਂ ਔਰਤਾਂ ਨੂੰ ਆਪਣੇ ਵੋਟ ਦਾ ਅਧਿਕਾਰ ਹਾਸਲ ਕਰਨ ਵਿਚ ਸਭ ਤੋਂ ਘੱਟ ਸੰਘਰਸ਼ ਕਰਨਾ ਪਿਆ ਹੈ?
(ਕ) ਅਮਰੀਕਾ (ਖ) ਬ੍ਰਿਟੇਨ (ਗ) ਭਾਰਤ
4. ਕੀ ਤੁਸੀਂ ਜਾਣਦੇ ਹੋ ਕਿ ਆਜ਼ਾਦੀ ਤੋਂ ਪਹਿਲਾਂ ਦੇਸ਼ ਦੇ ਕਿਹੜੇ ਦੋ ਪ੍ਰਾਂਤਾਂ ਵਿਚ ਸਭ ਤੋਂ ਪਹਿਲਾਂ ਔਰਤਾਂ ਨੂੰ ਸੀਮਤ ਵੋਟ ਦਾ ਅਧਿਕਾਰ ਦਿੱਤਾ ਗਿਆ?
(ਕ) ਬਿਹਾਰ ਅਤੇ ਬੰਗਾਲ। (ਖ) ਮੁੰਬਈ ਅਤੇ ਮਦਰਾਸ। (ਗ) ਇਕੱਠੇ ਇਲਾਕੇ ਅਤੇ ਕੇਂਦਰੀ ਇਲਾਕੇ।
5. ਵੋਟ ਪਾਉਣ ਵਿਚ 'ਪਿੰਕ ਬੂਥ' ਦਾ ਸਬੰਧ ਕਿਸ ਨਾਲ ਹੈ?
(ਕ) ਔਰਤਾਂ ਨਾਲ। (ਖ) ਸੰਵੇਦਨਸ਼ੀਲਤਾ ਨਾਲ। (ਗ) ਅਨਿਵਾਸੀ ਵੋਟਰਾਂ ਨਾਲ।
ਨਤੀਜਾ : ਜੇ ਤੁਸੀਂ ਸਾਰੇ ਸਵਾਲਾਂ ਨੂੰ ਧਿਆਨ ਨਾਲ ਪੜ੍ਹਿਆ ਹੈ ਅਤੇ ਇਨ੍ਹਾਂ ਸਵਾਲਾਂ ਦੇ ਉਨ੍ਹਾਂ ਜਵਾਬਾਂ 'ਤੇ ਸਹੀ ਦਾ ਨਿਸ਼ਾਨ ਲਗਾਇਆ ਹੈ, ਜਿਸ ਨਾਲ ਤੁਸੀਂ ਵਾਕਿਆ ਸਹਿਮਤ ਹੋ ਤਾਂ ਅਸੀਂ ਦੱਸਦੇ ਹਾਂ ਕਿ ਤੁਸੀਂ ਆਪਣੇ ਵੋਟ ਦੇ ਅਧਿਕਾਰ ਨੂੰ ਲੈ ਕੇ ਕਿੰਨੇ ਸੁਚੇਤ ਹੋ।
ਕ-ਜੇ ਤੁਸੀਂ 10 ਜਾਂ ਇਸ ਤੋਂ ਘੱਟ ਅੰਕ ਪ੍ਰਾਪਤ ਕੀਤੇ ਹਨ ਤਾਂ ਤੁਸੀਂ ਵੋਟ ਦਾ ਮਤਲਬ ਤਾਂ ਜਾਣਦੇ ਹੋ ਪਰ ਇਸ ਵਾਸਤੇ ਹਾਲੇ ਪੂਰੀ ਤਰ੍ਹਾਂ ਸੁਚੇਤ ਨਹੀਂ ਹੋ। ਤੁਸੀਂ ਮਤਦਾਨ ਤਾਂ ਕਰਦੇ ਹੋ ਪਰ ਇਹ ਤੁਹਾਡੀ ਪਹਿਲੀ ਪ੍ਰਾਥਮਿਕਤਾ ਨਹੀਂ ਹੈ। ਇਸ ਲਈ ਆਪਣੇ ਵੋਟ ਦੇ ਅਧਿਕਾਰ ਨੂੰ ਲੈ ਕੇ ਤੁਹਾਨੂੰ ਹੋਰ ਸੰਵੇਦਨਸ਼ੀਲ ਹੋਣ ਦੀ ਲੋੜ ਹੈ।
ਖ-ਜੇ ਤੁਸੀਂ 10 ਤੋਂ ਜ਼ਿਆਦਾ ਪਰ 15 ਜਾਂ ਇਸ ਤੋਂ ਘੱਟ ਅੰਕ ਪ੍ਰਾਪਤ ਕੀਤੇ ਹਨ ਤਾਂ ਉਸ ਦਾ ਮਤਲਬ ਇਹ ਹੈ ਕਿ ਤੁਹਾਨੂੰ ਆਪਣੇ ਵੋਟ ਦੇ ਅਧਿਕਾਰ ਦਾ ਮਹੱਤਵ ਤਾਂ ਪਤਾ ਹੈ ਪਰ ਇਸ ਸਬੰਧ ਵਿਚ ਸਪੱਸ਼ਟਤਾ ਅਤੇ ਦ੍ਰਿੜ੍ਹਤਾ ਹਾਲੇ ਓਨੀ ਨਹੀਂ ਹੈ, ਜਿੰਨੀ ਕਿ ਇਕ ਸੁਚੇਤ ਨਾਰੀਵਾਦੀ ਔਰਤ ਵਿਚ ਆਪਣੇ ਵੋਟ ਦੇ ਅਧਿਕਾਰ ਨੂੰ ਲੈ ਕੇ ਹੁੰਦੀ ਹੈ।
ਗ-ਜੇ ਤੁਸੀਂ 15 ਤੋਂ ਜ਼ਿਆਦਾ ਅੰਕ ਹਾਸਲ ਕੀਤੇ ਹਨ ਤਾਂ ਤੁਸੀਂ ਆਪਣੇ ਵੋਟ ਦੇ ਅਧਿਕਾਰ ਨੂੰ ਲੈ ਕੇ ਨਾ ਸਿਰਫ ਪੂਰੀ ਤਰ੍ਹਾਂ ਸੁਚੇਤ ਹੋ, ਸਗੋਂ ਸੰਵੇਦਨਸ਼ੀਲ ਵੀ ਹੈ।


-ਪਿੰਕੀ ਅਰੋੜਾ,
ਇਮੇਜ ਰਿਫਲੈਕਸ਼ਨ ਸੈਂਟਰ


ਖ਼ਬਰ ਸ਼ੇਅਰ ਕਰੋ

ਬਗ਼ੀਚੀ ਦੇ ਪੌਦਿਆਂ ਨੂੰ ਪਾਣੀ ਕਦੋਂ ਅਤੇ ਕਿਵੇਂ ਦੇਈਏ

ਪੌਦਿਆਂ ਨੂੰ ਤੇਜ਼ ਧੁੱਪ ਵਿਚ ਪਾਣੀ ਦੀ ਜ਼ਿਆਦਾ ਲੋੜ ਹੁੰਦੀ ਹੈ। ਬਗ਼ੀਚੀ ਵਿਚ ਲੱਗੇ ਪੌਦਿਆਂ ਨੂੰ ਉਨ੍ਹਾਂ ਦੀ ਕਿਸਮ ਅਤੇ ਲੋੜ ਦੇ ਹਿਸਾਬ ਨਾਲ ਪਾਣੀ ਕਦੋਂ ਅਤੇ ਕਿਵੇਂ ਦੇਣਾ ਹੈ, ਆਓ ਇਸ ਬਾਰੇ ਜਾਣੀਏ-
ਸਹੀ ਸਮਾਂ : ਕਈ ਮੌਸਮਾਂ ਵਿਚ ਪੌਦਿਆਂ ਨੂੰ ਪਾਣੀ ਸਵੇਰ ਦੇ ਸਮੇਂ ਦੇਣਾ ਚਾਹੀਦਾ ਹੈ। ਰਾਤ ਨੂੰ ਕੋਹਰੇ ਅਤੇ ਪਾਲੇ ਨਾਲ ਪੌਦਿਆਂ ਨੂੰ ਜੋ ਨੁਕਸਾਨ ਹੁੰਦਾ ਹੈ, ਉਸ ਦੀ ਪੂਰਤੀ ਸੂਰਜ ਦੀ ਧੁੱਪ ਅਤੇ ਗਰਮੀ ਨਾਲ ਉਨ੍ਹਾਂ ਨੂੰ ਊਰਜਾ ਮਿਲਣ 'ਤੇ ਹੋ ਜਾਂਦੀ ਹੈ। ਗਰਮੀ ਦੇ ਦਿਨਾਂ ਵਿਚ ਸੂਰਜ ਛੁਪਣ ਤੋਂ ਬਾਅਦ ਪਾਣੀ ਦਿਓ। ਗਰਮੀ ਦੌਰਾਨ ਜੇ ਧੁੱਪ ਵਿਚ ਉਨ੍ਹਾਂ ਨੂੰ ਪਾਣੀ ਦਿੱਤਾ ਜਾਂਦਾ ਹੈ ਤਾਂ ਪਾਣੀ ਵਾਸ਼ਪੀਕ੍ਰਿਤ ਹੋ ਜਾਂਦਾ ਹੈ ਅਤੇ ਪੌਦੇ ਮੁਰਝਾ ਜਾਂਦੇ ਹਨ।
ਕਿੰਨਾ ਪਾਣੀ ਦਿਓ : ਪੌਦਿਆਂ ਵਿਚ ਏਨਾ ਪਾਣੀ ਪਾਓ ਕਿ ਉਹ ਜੜ੍ਹਾਂ ਤੱਕ ਪਹੁੰਚ ਸਕੇ। ਪੌਦਿਆਂ ਵਿਚ ਰੋਜ਼ ਪੱਤਿਆਂ 'ਤੇ ਪਾਣੀ ਦੇ ਸਿਰਫ ਛਿੜਕਾਅ ਨਾਲ ਮਿੱਟੀ ਦਾ ਉਪਰਲਾ ਸਿਰਾ ਸੁੱਕਾ ਰਹਿੰਦਾ ਹੈ ਅਤੇ ਪੌਦਾ ਜੜ੍ਹ ਦੇ ਆਸ-ਪਾਸ ਤੋਂ ਹੀ ਵਿਕਾਸ ਕਰਦਾ ਹੈ, ਇਸ ਲਈ ਪੌਦਿਆਂ ਨੂੰ ਪਾਣੀ ਜੜ੍ਹ ਵਿਚ ਦੇਣਾ ਚਾਹੀਦਾ ਹੈ।
ਪੌਦਾ ਜੇ ਵੱਡਾ ਹੋਵੇ ਤਾਂ ਇਕ ਹੀ ਜਗ੍ਹਾ 'ਤੇ ਜ਼ਿਆਦਾ ਪਾਣੀ ਪਾਓ। ਛੋਟੇ ਅਤੇ ਕੋਮਲ ਪੌਦਿਆਂ ਨੂੰ ਹਲਕੇ ਹੱਥਾਂ ਨਾਲ ਪਾਣੀ ਦਿਓ। ਹੌਲੀ-ਹੌਲੀ ਛਿੜਕਾਓ ਨਾਲ ਉਸ ਦੀ ਮਿੱਟੀ ਇਧਰ-ਉਧਰ ਨਹੀਂ ਹੁੰਦੀ ਅਤੇ ਛੋਟੇ ਪੌਦੇ ਆਪਣੀ ਜਗ੍ਹਾ 'ਤੇ ਖੜ੍ਹੇ ਰਹਿੰਦੇ ਹਨ।
ਨਮੀ ਬਣੀ ਰਹੇ : ਮਿੱਟੀ ਵਿਚ ਨਮੀ ਦੀ ਮਾਤਰਾ ਨੂੰ ਬਣਾਈ ਰੱਖਣ ਲਈ ਉਸ ਦੇ ਉਪਰਲੇ ਸਿਰੇ 'ਤੇ ਛੋਟੀਆਂ ਟਹਿਣੀਆਂ ਦੀ ਸੁਰੱਖਿਆ ਦੇਣੀ ਚਾਹੀਦੀ ਹੈ, ਇਸ ਨਾਲ ਉਨ੍ਹਾਂ ਦੀਆਂ ਜੜ੍ਹਾਂ ਵਿਚ ਮੌਜੂਦ ਪਾਣੀ ਵਾਸ਼ਪੀਕ੍ਰਿਤ ਹੋ ਕੇ ਉਡਦਾ ਨਹੀਂ ਹੈ ਅਤੇ ਪੌਦਿਆਂ ਵਿਚ ਨਮੀ ਬਣੀ ਰਹਿੰਦੀ ਹੈ।
ਤੇਜ਼ ਧੁੱਪ ਵਿਚ ਪਾਣੀ ਨਾ ਦਿਓ: ਤੇਜ਼ ਧੁੱਪ ਵਿਚ ਪੌਦਿਆਂ ਨੂੰ ਪਾਣੀ ਦੇਣ ਨਾਲ ਉਨ੍ਹਾਂ ਦੇ ਪੱਤੇ ਸੜ ਜਾਂਦੇ ਹਨ। ਇਸ ਲਈ ਪਾਣੀ ਸੂਰਜ ਚੜ੍ਹਨ ਤੋਂ ਪਹਿਲਾਂ ਅਤੇ ਸੂਰਜ ਛੁਪਣ ਤੋਂ ਬਾਅਦ ਹੀ ਦੇਣਾ ਚਾਹੀਦਾ ਹੈ।
ਫੁਹਾਰੇ ਦੁਆਰਾ ਸਿੰਚਾਈ : ਲੰਬੇ ਪੌਦਿਆਂ ਨੂੰ ਪਾਣੀ ਦੇਣ ਲਈ ਜੇ ਫੁਹਾਰੇ ਦੀ ਵਰਤੋਂ ਕੀਤੀ ਜਾਂਦੀ ਹੈ ਤਾਂ ਇਹ ਕੁਝ ਮੀਟਰ ਦੀ ਦੂਰੀ 'ਤੇ ਹੋਣੀ ਚਾਹੀਦੀ ਹੈ। ਇਸ ਨਾਲ ਪੌਦਿਆਂ ਦੇ ਉੱਪਰੋਂ ਦੀ ਪਾਣੀ ਛਿੜਕਿਆ ਜਾਂਦਾ ਹੈ ਅਤੇ ਉਨ੍ਹਾਂ ਦੀਆਂ ਟਹਿਣੀਆਂ ਅਤੇ ਮਿੱਟੀ ਵਿਚ ਨਮੀ ਬਣੀ ਰਹਿੰਦੀ ਹੈ। ਫੁਹਾਰੇ ਦੁਆਰਾ ਪੌਦਿਆਂ ਨੂੰ ਪਾਣੀ ਦੇਣ ਨਾਲ ਉਨ੍ਹਾਂ ਵਿਚ ਜੰਮੀ ਧੂੜ ਅਤੇ ਮਿੱਟੀ ਧੋ ਹੋ ਜਾਂਦੀ ਹੈ।


-ਇਮੇਜ ਰਿਫਲੈਕਸ਼ਨ ਸੈਂਟਰ

ਬਦਲਦੇ ਮੌਸਮ ਵਿਚ ਬਰਕਰਾਰ ਰੱਖੋ ਚਮੜੀ ਦੀ ਸੁੰਦਰਤਾ

ਪੱਤਝੜ ਤੋਂ ਬਾਅਦ ਬਸੰਤ ਪੰਚਮੀ ਆਉਣ ਦੇ ਨਾਲ ਹੀ ਚਾਰੇ ਪਾਸੇ ਖੁਸ਼ਹਾਲੀ ਦਾ ਵਾਤਾਵਰਨ ਛਾ ਜਾਂਦਾ ਹੈ। ਬਸੰਤ ਰੁੱਤ ਨੂੰ ਰੁੱਤਾਂ ਦੀ ਰਾਣੀ ਕਿਹਾ ਜਾਂਦਾ ਹੈ, ਕਿਉਂਕਿ ਇਸ ਮੌਸਮ ਵਿਚ ਰਾਗ ਰੰਗ ਅਤੇ ਅਨੇਕ ਤਿਉਹਾਰ ਮਨਾਏ ਜਾਂਦੇ ਹਨ। ਇਸ ਮੌਸਮ ਵਿਚ ਹਰ ਪਾਸੇ ਰੰਗ-ਬਿਰੰਗੀਆਂ ਤਿਤਲੀਆਂ ਉਡਣ ਲਗਦੀਆਂ ਹਨ। ਕੋਇਲ ਦੀ ਕੁਹੂ-ਕੁਹੂ ਦੀ ਆਵਾਜ਼ ਮਨ ਨੂੰ ਮੋਹ ਜਾਂਦੀ ਹੈ। ਮੌਸਮ ਦਾ ਗਰਮ ਹੋਣਾ, ਖੇਤਾਂ ਵਿਚ ਪੀਲੇ ਫੁੱਲਾਂ ਦਾ ਖਿੜਨਾ, ਵਾਤਾਵਰਨ ਵਿਚ ਹਰਿਆਲੀ, ਬਰਫ਼ ਦਾ ਪਿਘਲਣਾ, ਰੁੱਖਾਂ ਵਿਚ ਨਵੇਂ ਪੱਤੇ ਅਤੇ ਅੰਬ ਦੇ ਪੌਦਿਆਂ 'ਤੇ ਬੂਰ ਦਾ ਆਉਣਾ ਬਸੰਤ ਰੁੱਤ ਦੀ ਖਾਸੀਅਤ ਮੰਨੀ ਜਾਂਦੀ ਹੈ। ਇਸ ਰੁੱਤ ਵਿਚ ਸਰਦੀ ਖ਼ਤਮ ਹੋਣ ਦੇ ਨਾਲ ਹੀ ਗਰਮੀ ਦਾ ਅਹਿਸਾਸ ਹੋਣਾ ਸ਼ੁਰੂ ਹੋ ਜਾਂਦਾ ਹੈ, ਜਦੋਂ ਕਿ ਇਹ ਮੌਸਮ ਸੰਤੁਲਿਤ ਮੰਨਿਆ ਜਾਂਦਾ ਹੈ ਪਰ ਮੌਸਮ ਦੇ ਬਦਲਣ ਦੇ ਨਾਲ ਹੀ ਸੁੰਦਰਤਾ ਨਾਲ ਜੁੜੀਆਂ ਅਨੇਕਾਂ ਸਮੱਸਿਆਵਾਂ ਖੜ੍ਹੀਆਂ ਹੋ ਜਾਂਦੀਆਂ ਹਨ। ਬਸੰਤ ਰੁੱਤ ਵਿਚ ਮੌਸਮ ਵਿਚ ਖੁਸ਼ਕ ਹਵਾ ਅਤੇ ਤਾਪਮਾਨ ਵਿਚ ਵਾਧੇ ਨਾਲ ਚਮੜੀ ਦੇ ਜਲਣ ਅਤੇ ਹੋਰ ਸੁੰਦਰਤਾ ਸਮੱਸਿਆ ਆ ਜਾਂਦੀਆਂ ਹਨ। ਮੌਸਮ ਵਿਚ ਬਦਲਾਅ ਦੇ ਨਾਲ ਹੀ ਸਾਨੂੰ ਆਪਣੀ ਸੁੰਦਰਤਾ ਲੋੜਾਂ ਨੂੰ ਬਦਲ ਕੇ ਮੌਸਮ ਦੇ ਅਨੁਸਾਰ ਢਾਲਣਾ ਚਾਹੀਦਾ ਹੈ ਤਾਂ ਕਿ ਸਾਡੀ ਚਮੜੀ ਅਤੇ ਵਾਲਾਂ ਨੂੰ ਲੋੜੀਂਦੀ ਦੇਖਭਾਲ ਮਿਲ ਸਕੇ।
ਅਸੀਂ ਹਰ ਮੌਸਮ ਵਿਚ ਸੁੰਦਰ ਦਿਸਣਾ ਚਾਹੁੰਦੇ ਹਾਂ ਪਰ ਇਸ ਵਾਸਤੇ ਚਮੜੀ ਦੀ ਪ੍ਰਕ੍ਰਿਤੀ ਮੌਸਮ ਦੇ ਮਿਜ਼ਾਜ ਅਤੇ ਇਸ ਦੀਆਂ ਪੋਸ਼ਕ ਲੋੜਾਂ ਦੇ ਪ੍ਰਤੀ ਨਿਰੰਤਰ ਸੁਚੇਤ ਰਹਿਣਾ ਪੈਂਦਾ ਹੈ। ਬਸੰਤ ਰੁੱਤ ਸ਼ੁਰੂ ਹੁੰਦੇ ਹੀ ਚਮੜੀ ਰੁੱਖੀ ਅਤੇ ਪੇਪੜੀਦਾਰ ਹੋ ਜਾਂਦਾ ਹੈ। ਇਸ ਮੌਸਮ ਵਿਚ ਚਮੜੀ ਵਿਚ ਨਮੀ ਦੀ ਵਜ੍ਹਾ ਨਾਲ ਰੁੱਖੇ ਲਾਲ ਦਾਗ ਵੀ ਪੈ ਜਾਂਦੇ ਹਨ। ਦਾਗ ਹੋਣ 'ਤੇ ਤੁਰੰਤ ਰਸਾਇਣਕ ਸਾਬਣ ਦੀ ਵਰਤੋਂ ਬੰਦ ਕਰ ਦੇਣੀ ਚਾਹੀਦੀ ਹੈ। ਸਾਬਣ ਦੀ ਬਜਾਏ ਸਵੇਰੇ-ਸ਼ਾਮ ਕਲੀਨਜ਼ਰ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਸੇ ਤਰ੍ਹਾਂ ਘਰੇਲੂ ਆਯੁਰਵੈਦਿਕ ਇਲਾਜ ਦੇ ਤੌਰ 'ਤੇ ਚਮੜੀ 'ਤੇ ਤਿਲਾਂ ਦੇ ਤੇਲ ਦੀ ਮਾਲਿਸ਼ ਕਰ ਸਕਦੇ ਹੋ। ਬਦਲਵੇਂ ਤੌਰ 'ਤੇ ਦੁੱਧ ਵਿਚ ਕੁਝ ਸ਼ਹਿਦ ਦੀਆਂ ਬੂੰਦਾਂ ਪਾ ਕੇ ਇਸ ਨੂੰ ਚਮੜੀ 'ਤੇ ਲਗਾ ਕੇ 10-15 ਮਿੰਟ ਤੱਕ ਲੱਗਾ ਰਹਿਣ ਦਿਓ ਅਤੇ ਬਾਅਦ ਵਿਚ ਇਸ ਨੂੰ ਤਾਜ਼ੇ ਸ਼ੁੱਧ ਪਾਣੀ ਨਾਲ ਧੋ ਦਿਓ। ਇਹ ਇਲਾਜ ਆਮ ਅਤੇ ਖੁਸ਼ਕ ਦੋਵੇਂ ਤਰ੍ਹਾਂ ਦੀ ਚਮੜੀ ਲਈ ਫ਼ਾਇਦੇਮੰਦ ਹੈ।
ਜੇ ਚਮੜੀ ਤੇਲੀ ਹੈ ਤਾਂ 50 ਮਿਲੀਲਿਟਰ ਗੁਲਾਬ ਜਲ ਵਿਚ ਇਕ ਚਮਚ ਗਲਿਸਰੀਨ ਮਿਲਾਓ। ਇਸ ਮਿਸ਼ਰਣ ਨੂੰ ਬੋਤਲ ਵਿਚ ਪਾ ਕੇ ਇਸ ਨੂੰ ਪੂਰੀ ਤਰ੍ਹਾਂ ਮਿਲਾ ਕੇ ਇਸ ਮਿਸ਼ਰਣ ਨੂੰ ਚਿਹਰੇ 'ਤੇ ਲਗਾ ਲਓ। ਇਸ ਨਾਲ ਚਮੜੀ ਵਿਚ ਲੋੜੀਂਦਾ ਆਦਰਤਾ ਬਣੀ ਰਹਿੰਦੀ ਅਤੇ ਤਾਜ਼ਗੀ ਦਾ ਅਹਿਸਾਸ ਹੋਵੇਗਾ। ਤੇਲੀ ਚਮੜੀ 'ਤੇ ਵੀ ਸ਼ਹਿਦ ਦਾ ਲੇਪ ਕਰ ਸਕਦੇ ਹੋ। ਸ਼ਹਿਦ ਪ੍ਰਭਾਵਸ਼ਾਲੀ ਪ੍ਰਕਿਰਤੀ ਆਦਰਤਾ ਪ੍ਰਦਾਨ ਕਰਕੇ ਚਮੜੀ ਨੂੰ ਮੁਲਾਇਮ ਅਤੇ ਕੋਮਲ ਬਣਾਉਂਦਾ ਹੈ। ਅਸਲ ਵਿਚ ਬਸੰਤ ਰੁੱਤ ਦੇ ਦੌਰਾਨ ਰੋਜ਼ਾਨਾ 15 ਮਿੰਟ ਤੱਕ ਸ਼ਹਿਦ ਦਾ ਲੇਪ ਚਿਹਰੇ 'ਤੇ ਕਰਕੇ ਉਸ ਨੂੰ ਸ਼ੁੱਧ ਤਾਜ਼ੇ ਪਾਣੀ ਨਾਲ ਧੋ ਸਕਦੇ ਹੋ। ਇਸ ਨਾਲ ਚਮੜੀ 'ਤੇ ਸਰਦੀਆਂ ਦੇ ਦੌਰਾਨ ਪਏ ਉਲਟ ਪ੍ਰਭਾਵ ਨੂੰ ਘੱਟ ਕਰਨ ਵਿਚ ਮਦਦ ਮਿਲਦੀ ਹੈ। ਬਸੰਤ ਰੁੱਤ ਵਿਚ ਐਲਰਜੀ ਦੀ ਸਮੱਸਿਆ ਵਧ ਜਾਂਦੀ ਹੈ, ਜਿਸ ਨਾਲ ਚਮੜੀ 'ਤੇ ਖਾਰਿਸ਼, ਚਕੱਤੇ ਅਤੇ ਲਾਲ ਧੱਬੇ ਹੋ ਜਾਂਦੇ ਹਨ। ਅਜਿਹੇ ਵਿਚ ਚੰਦਨ ਕ੍ਰੀਮ ਨੂੰ ਚਮੜੀ ਦਾ ਸੰਰਕਸ਼ਣ ਅਤੇ ਰੰਗਤ ਰੱਖਣ ਵਿਚ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ।
ਚਮੜੀ ਦੇ ਰੋਗਾਂ ਖਾਸ ਕਰਕੇ ਫੋੜੇ-ਫਿਨਸੀਆਂ, ਲਾਲ ਦਾਗ ਅਤੇ ਚਕੱਤੇ ਵਿਚ ਵੀ ਬਹੁਤ ਫਾਇਦੇਮੰਦ ਹਨ। ਚਮੜੀ ਦੇ ਘਰੇਲੂ ਇਲਾਜ ਵਿਚ ਨਿੰਮ ਅਤੇ ਪੁਦੀਨੇ ਦੇ ਪੱਤਿਆਂ ਨੂੰ ਵੀ ਕਾਫੀ ਸਹਾਇਕ ਮੰਨਿਆ ਜਾਂਦਾ ਹੈ।
ਬਸੰਤ ਰੁੱਤ ਵਿਚ ਘਰੇਲੂ ਇਲਾਜ
* ਚਮੜੀ ਦੀ ਖ਼ਾਜ, ਖ਼ੁਜਲੀ ਅਤੇ ਫ਼ਿਨਸੀਆਂ ਵਿਚ ਚੰਦਨ ਪੇਸਟ ਦਾ ਲੇਪ ਕਰੋ। ਚੰਦਨ ਪੇਸਟ ਵਿਚ ਥੋੜ੍ਹਾ ਜਿਹਾ ਗੁਲਾਬ ਜਲ ਮਿਲਾ ਕੇ ਉਸ ਨੂੰ ਪ੍ਰਭਾਵਿਤ ਚਮੜੀ 'ਤੇ ਲਗਾ ਕੇ ਅੱਧੇ ਘੰਟੇ ਬਾਅਦ ਤਾਜ਼ੇ ਸ਼ੁੱਧ ਪਾਣੀ ਨਾਲ ਧੋ ਦਿਓ।
* ਚੰਦਨ ਦੀਆਂ 2 ਜਾਂ 3 ਬੂੰਦਾਂ ਤੇਲ ਨੂੰ 50 ਮਿਲੀਲਿਟਰ ਗੁਲਾਬ ਜਲ ਵਿਚ ਮਿਲਾਓ ਅਤੇ ਇਸ ਨੂੰ ਪ੍ਰਭਾਵਿਤ ਜਗ੍ਹਾ 'ਤੇ ਲਗਾਓ। ਚਮੜੀ ਦੀ ਖ਼ਾਰਿਸ਼ ਵਿਚ ਸੇਬ ਦਾ ਸਿਰਕਾ ਕਾਫ਼ੀ ਮਦਦਗਾਰ ਸਾਬਤ ਹੁੰਦਾ ਹੈ। ਇਸ ਨਾਲ ਗਰਮੀ ਦੀ ਜਲਣ ਅਤੇ ਵਾਲਾਂ ਵਿਚ ਸਿੱਕਰੀ ਦੀ ਸਮੱਸਿਆ ਨੂੰ ਹਟਾਉਣ ਵਿਚ ਮਦਦ ਮਿਲਦੀ ਹੈ।
* ਨਿੰਬੂ ਦੇ ਪੱਤੇ ਨੂੰ 4 ਕੱਪ ਪਾਣੀ ਵਿਚ ਹਲਕੀ ਅੱਗ 'ਤੇ ਇਕ ਘੰਟਾ ਉਬਾਲੋ। ਇਸ ਮਿਸ਼ਰਣ ਨੂੰ ਬੰਦ ਜਾਰ ਵਿਚ ਰਾਤ ਭਰ ਰਹਿਣ ਦਿਓ। ਅਗਲੀ ਸਵੇਰ ਮਿਸ਼ਰਣ ਵਿਚੋਂ ਪਾਣੀ ਨਿਚੋੜ ਕੇ ਪੱਤਿਆਂ ਦਾ ਪੇਸਟ ਬਣਾ ਲਓ ਅਤੇ ਇਸ ਪੇਸਟ ਨੂੰ ਪ੍ਰਭਾਵਿਤ ਚਮੜੀ 'ਤੇ ਲਗਾ ਲਓ।
* ਇਕ ਚਮਚ ਮੁਲਤਾਨੀ ਮਿੱਟੀ ਨੂੰ ਗੁਲਾਬ ਜਲ ਵਿਚ ਮਿਲਾ ਕੇ ਇਸ ਪੇਸਟ ਨੂੰ ਪ੍ਰਭਾਵਿਤ ਜਗ੍ਹਾ 'ਤੇ ਲਗਾ ਕੇ 15-20 ਮਿੰਟ ਬਾਅਦ ਧੋ ਦਿਓ। ਚਮੜੀ ਦੀ ਖਾਰਸ਼ ਵਿਚ ਬਾਈਕਾਰਬੋਨੇਟ ਸੋਢਾ ਵੀ ਬਹੁਤ ਜ਼ਿਆਦਾ ਪ੍ਰਭਾਵਸ਼ਾਲੀ ਸਾਬਤ ਹੁੰਦਾ ਹੈ। ਬਾਈਕਾਬੋਨੇਟ ਸੋਢੇ ਅਤੇ ਮੁਲਤਾਨੀ ਮਿੱਟੀ ਅਤੇ ਗੁਲਾਬ ਜਲ ਦਾ ਮਿਸ਼ਰਣ ਬਣਾ ਕੇ ਪੈਕ ਬਣਾ ਲਓ ਅਤੇ ਇਸ ਨੂੰ ਖ਼ਾਰਿਸ਼, ਖ਼ੁਜਲੀ, ਚਕੱਤੇ ਅਤੇ ਫੋੜੇ-ਫਿਨਸੀਆਂ 'ਤੇ ਲਗਾ ਕੇ 10 ਮਿੰਟ ਬਾਅਦ ਤਾਜ਼ੇ ਸ਼ੁੱਧ ਪਾਣੀ ਨਾਲ ਧੋ ਲਓ। ਇਸ ਨਾਲ ਚਮੜੀ ਨੂੰ ਕਾਫ਼ੀ ਰਾਹਤ ਮਿਲੇਗੀ।
**

ਖ਼ੁਦ ਹੀ ਸਿੱਖੇ ਔਰਤ ਆਪਣੇ ਪੈਰਾਂ 'ਤੇ ਤੁਰਨਾ

ਅਕਸਰ ਬੇਲੋੜੀਆਂ ਉਮੀਦਾਂ ਅਤੇ ਆਸਾਂ ਤੁਹਾਨੂੰ ਸਭ ਤੋਂ ਵੱਧ ਨਿਰਾਸ਼ ਕਰਦੀਆਂ ਹਨ। ਬਿਗਾਨੀਆਂ ਛਾਵਾਂ ਨਾਲੋਂ ਆਪਣੀ ਧੁੱਪ ਕਿਤੇ ਵੱਧ ਚੰਗੀ ਹੁੰਦੀ ਹੈ। ਅਕਸਰ ਮੰਗਣ ਨਾਲ ਉਹੀ ਕੁਝ ਮਿਲਦਾ ਹੈ ਜੋ ਦੇਣ ਵਾਲਾ ਤੁਹਾਨੂੰ ਦੇਣਾ ਚਾਹੁੰਦਾ ਹੈ। ਜ਼ਿੰਦਗੀ ਆਕਾਸ਼ ਵਿਚ ਉਡ ਰਹੀ ਉਸ ਪਤੰਗ ਦੀ ਤਰ੍ਹਾਂ ਹੈ, ਜਿਸ ਦੀ ਡੋਰ ਤੁਹਾਡੇ ਆਪਣੇ ਹੱਥ ਹੁੰਦੀ ਹੈ। ਸਾਡੇ ਸਮਾਜ ਵਿਚ ਔਰਤ ਦੀ ਜ਼ਿੰਦਗੀ ਦਾ ਸਭ ਤੋਂ ਕਮਜ਼ੋਰ ਪੱਖ ਉਸ ਦਾ ਬਿਗਾਨੀਆਂ ਆਸਾਂ ਉਮੀਦਾਂ ਦੇ ਅਨੁਸਾਰ ਜਿਊਣਾ ਹੈ। ਕਈ ਵਾਰ ਮੰਜ਼ਿਲ ਮਿਲ ਜਾਂਦੀ ਹੈ ਪਰ ਮਨ ਨੂੰ ਸ਼ਾਂਤੀ ਨਹੀਂ ਮਿਲਦੀ। ਤਕਦੀਰਾਂ ਸਿਰਜਣ ਵਾਲੀ ਜਦੋਂ ਆਪਣੀ ਜ਼ਿੰਦਗੀ ਦੇ ਫੈਸਲੇ ਖੁਦ ਕਰਨੇ ਸਿੱਖ ਲਵੇਗੀ ਤਾਂ ਉਸ ਦੀ ਜ਼ਿੰਦਗੀ ਦੇ ਕਈ ਕਮਜ਼ੋਰ ਪੱਖ ਆਪਣੇ-ਆਪ ਮਜ਼ਬੂਤ ਹੋ ਜਾਣਗੇ। ਅਸਲ ਸੁਪਨੇ ਤਾਂ ਉਹ ਹੁੰਦੇ ਹਨ ਜੋ ਖੁਦ ਸੋਚੇ ਤੇ ਸਿਰਜੇ ਜਾਂਦੇ ਹਨ। ਖਿਆਲ ਜਿੰਨੇ ਵੀ ਵੱਧ ਅਮੀਰ ਹੋਣਗੇ, ਤੁਸੀਂ ਓਨੇ ਹੀ ਵੱਧ ਖੁਸ਼ਹਾਲ ਹੋਵੋਗੇ। ਤੁਹਾਡੀਆਂ ਅੱਖਾਂ ਵਿਚਲੀ ਚਮਕ ਹੀ ਦੱਸ ਦਿੰਦੀ ਹੈ ਕਿ ਤੁਹਾਡੀ ਜ਼ਿੰਦਗੀ ਦਾ ਮਨੋਰਥ ਕੀ ਹੈ। ਇਕ ਮਿੰਟ ਦੀ ਗ਼ਲਤੀ ਦੀ ਸਜ਼ਾ ਕਈ ਵਾਰ ਪੂਰੀ ਜ਼ਿੰਦਗੀ ਨੂੰ ਭੁਗਤਣੀ ਪੈਂਦੀ ਹੈ। ਸਮਾਜ ਦਾ ਔਰਤ ਪ੍ਰਤੀ ਕੀ ਨਜ਼ਰੀਆ ਹੈ, ਇਸ ਨਾਲੋਂ ਇਹ ਜ਼ਿਆਦਾ ਮਹੱਤਵਪੂਰਨ ਹੈ ਕਿ ਔਰਤ ਦਾ ਆਪਣੇ-ਆਪ ਪ੍ਰਤੀ ਕੀ ਨਜ਼ਰੀਆ ਹੈ। ਔਰਤ ਦੀ ਜ਼ਿੰਦਗੀ ਦੇ ਕਮਜ਼ੋਰ ਪੱਖਾਂ 'ਤੇ ਹੀ ਮਰਦ ਪ੍ਰਧਾਨ ਸਮਾਜ ਰਾਜ ਕਰਦਾ ਹੈ। ਕਿਸੇ ਵੀ ਸਮਾਜ ਵਿਚ ਔਰਤ ਦੇ ਸਹੀ ਫੈਸਲੇ ਹੀ ਉਸ ਸਮਾਜ ਨੂੰ ਮਜ਼ਬੂਤ ਕਰਦੇ ਹਨ। ਦੁਨੀਆ ਦੇ ਨਕਸ਼ੇ 'ਤੇ ਉਹੀ ਸਮਾਜ ਖੁਸ਼ਹਾਲ ਹੋਏ ਹਨ, ਜਿਸ ਸਮਾਜ ਵਿਚ ਔਰਤ ਆਪਣੀ ਜ਼ਿੰਦਗੀ ਦੇ ਫੈਸਲੇ ਖੁਦ ਕਰਦੀ ਹੈ।
ਅਕਸਰ ਕਈ ਵਾਰ ਜ਼ਿੰਦਗੀ ਦੇ ਦੀਵੇ ਨੂੰ ਡਰ ਦੀ ਹਵਾ ਬੁਝਾ ਦਿੰਦੀ ਹੈ। ਜੇਕਰ ਸੋਚ ਸਹੀ ਨਾ ਹੋਵੇ ਤਾਂ ਅੰਦਾਜ਼ੇ ਵੀ ਗ਼ਲਤ ਹੀ ਹੁੰਦੇ ਹਨ। ਕੋਈ ਵੀ ਮਸਲਾ ਉਦੋਂ ਹੀ ਗੰਭੀਰ ਬਣਦਾ ਹੈ, ਜਦੋਂ ਅਸੀਂ ਉਸ ਨੂੰ ਖੁਦ ਹੱਲ ਕਰਨ ਦੀ ਤਾਕਤ ਗੁਆ ਦਿੰਦੇ ਹਾਂ। ਇਕ ਚੰਗੀ ਪੁਸਤਕ ਤੁਹਾਡੀ ਉਦਾਸ ਰਹਿਣ ਦੀ ਆਦਤ ਨੂੰ ਬਦਲ ਦਿੰਦੀ ਹੈ। ਅੱਖਾਂ ਮੀਚ ਕੇ ਪਰੰਪਰਾ ਨਾਲ ਬੱਝੇ ਰਹਿਣ ਦੀ ਬਜਾਏ ਤੁਸੀਂ ਖੁਦ ਇਕ ਨਵੀਂ ਪਰੰਪਰਾ ਨੂੰ ਸਿਰਜੋ। ਇਕ ਅਜਿਹੀ ਪਰੰਪਰਾ, ਜੋ ਦੂਜਿਆਂ ਦੀ ਜ਼ਿੰਦਗੀ ਲਈ ਵੀ ਚਾਨਣ ਮੁਨਾਰਾ ਬਣੇ। ਤਬਦੀਲੀ ਕੁਦਰਤੀ ਨਿਯਮ ਹੈ ਅਤੇ ਉਹ ਲੋਕ ਸਭ ਤੋਂ ਵੱਧ ਦੁਖੀ ਹੁੰਦੇ ਹਨ, ਜੋ ਕੁਦਰਤ ਦੇ ਇਸ ਨਿਯਮ ਨੂੰ ਸਵੀਕਾਰ ਨਹੀਂ ਕਰਦੇ। ਕਿਸੇ ਵੀ ਔਰਤ ਦੇ ਸਿਰਫ ਆਰਥਿਕ ਪੱਖ ਤੋਂ ਆਤਮਨਿਰਭਰ ਹੋਣ ਨੂੰ ਉਸ ਦੇ ਪੈਰਾਂ 'ਤੇ ਖਲੋ ਜਾਣਾ ਨਹੀਂ ਮੰਨਿਆ ਜਾ ਸਕਦਾ, ਬਲਕਿ ਇਹ ਜ਼ਿੰਦਗੀ ਦਾ ਸਿਰਫ ਇਕ ਪੱਖ ਹੈ। ਲੋੜ ਤਾਂ ਤੰਗ ਨਜ਼ਰੀਏ ਤੋਂ ਮੁਕਤ ਹੋਣ ਦੀ ਹੈ। ਕੋਈ ਵੀ ਵਿਅਕਤੀ ਤੁਹਾਨੂੰ ਓਨਾ ਤੰਗ ਨਹੀਂ ਕਰਦਾ, ਜਿੰਨਾ ਤੰਗ ਤੁਹਾਨੂੰ ਤੁਹਾਡੀ ਆਪਣੀ ਸੋਚ ਅਤੇ ਸੁਆਰਥ ਕਰਦਾ ਹੈ। ਭੀੜ ਵਿਚ ਸਾਰੇ ਲੋਕ ਚੰਗੇ ਨਹੀਂ ਹੁੰਦੇ ਅਤੇ ਚੰਗੇ ਲੋਕਾਂ ਦੀ ਕਦੇ ਭੀੜ ਨਹੀਂ ਹੁੰਦੀ।
ਜੇਕਰ ਤੁਹਾਡਾ ਅੱਜ ਤੁਹਾਡੇ ਕੱਲ੍ਹ ਤੋਂ ਬਿਹਤਰ ਨਹੀਂ ਹੈ ਤਾਂ ਸਮਝੋ ਜ਼ਰੂਰ ਤੁਹਾਡੇ ਵਿਚ ਕੋਈ ਕਮੀ ਹੈ। ਜਿਥੇ ਤੁਸੀਂ ਕੁਝ ਵੀ ਨਹੀਂ ਕਰ ਸਕਦੇ, ਉਥੇ ਤੁਸੀਂ ਕੋਸ਼ਿਸ਼ ਜ਼ਰੂਰ ਕਰੋ। ਕਿਸਮਤ ਦੇ ਜਿੰਦਰੇ ਨੂੰ ਖੋਲ੍ਹਣ ਲਈ ਸਿਰਫ ਇਕੋ ਚਾਬੀ ਹੁੰਦੀ ਹੈ ਅਤੇ ਉਹ ਹੈ ਮਿਹਨਤ। ਰਸਤੇ ਦੀ ਹਰ ਠੋਕਰ ਤੁਹਾਨੂੰ ਇਹ ਸਿੱਖਿਆ ਦਿੰਦੀ ਹੈ-ਸਿੱਖੋ, ਸੰਭਲੋ ਅਤੇ ਸੁਧਰੋ। ਅਕਸਰ ਮਹਿਕਾਂ ਦੇਣ ਦੀ ਉਮਰ ਵਿਚ ਫੁੱਲ ਤੋੜ ਲਏ ਜਾਂਦੇ ਹਨ। ਵਿਖਾਵਾ ਦੂਜਿਆਂ ਦੀ ਰੀਸ ਕਰਨ ਦੀ ਸੋਚ ਵਿਚੋਂ ਪੈਦਾ ਹੁੰਦਾ ਹੈ। ਖਰੀਦੀਆਂ ਜਾਣ ਵਾਲੀਆਂ ਚੀਜ਼ਾਂ ਨੂੰ ਕਿਸੇ ਸਮੇਂ ਵੀ ਖਰੀਦਿਆ ਜਾ ਸਕਦਾ ਹੈ ਪਰ ਇਕ ਉਸਾਰੂ ਸੋਚ, ਜ਼ਿੰਦਗੀ ਦੇ ਅਸੂਲ, ਨਿਯਮ, ਚਰਿੱਤਰ, ਵਿਹਾਰ, ਸਲੀਕਾ ਆਦਿ ਅਜਿਹੀਆਂ ਬੁਨਿਆਦਾਂ ਹਨ, ਜਿਨ੍ਹਾਂ ਨੂੰ ਜ਼ਿੰਦਗੀ ਵਿਚ ਢਾਲਣ ਲਈ ਖੁਦ ਹੀ ਮਿਹਨਤ ਕਰਨ ਦੀ ਲੋੜ ਨਹੀਂ ਪੈਂਦੀ ਕਿ ਤੁਸੀਂ ਸਹੀ ਹੋ। ਆਪਣੀ ਗ਼ਲਤੀ ਨੂੰ ਨਾ ਮੰਨਣਾ ਘੁਮੰਡ ਹੈ। ਸਿੱਖਣ ਦੀ ਕੋਸ਼ਿਸ਼ ਨਾ ਕਰਨਾ ਮੂਰਖਤਾ ਹੈ। ਸਹੀ ਵਕਤ 'ਤੇ ਸਹੀ ਫੈਸਲਾ ਕਰਨਾ ਸਿਆਣਪ ਹੈ। ਚੰਗੇ-ਬੁਰੇ ਦੀ ਪਛਾਣ ਕਰ ਲੈਣਾ ਅਨੇਕਾਂ ਮੁਸ਼ਕਿਲਾਂ ਦਾ ਹੱਲ ਹੈ। ਸਸਤੇ ਲੋਕ ਨਹੀਂ ਜਾਣਦੇ ਕਿ ਤੁਹਾਡੀ ਇੱਜ਼ਤ ਕਿੰਨੀ ਕੀਮਤੀ ਹੈ। ਉਸਾਰੂ ਤੇ ਸਹੀ ਸੋਚ ਜਿੰਨੀ ਵੱਧ ਤਾਕਤਵਰ ਹੁੰਦੀ ਹੈ, ਗ਼ਲਤ ਸੋਚ ਓਨਾ ਹੀ ਵੱਧ ਤੁਹਾਨੂੰ ਕਮਜ਼ੋਰ ਕਰਦੀ ਹੈ। ਜੇਕਰ ਤਾਕਤ ਜ਼ਿੰਮੇਵਾਰੀ ਵਿਚ ਤਬਦੀਲ ਹੋ ਜਾਵੇ ਤਾਂ ਅਨੇਕਾਂ ਮਸਲੇ ਆਪਣੇ-ਆਪ ਹੀ ਹੱਲ ਹੋ ਜਾਂਦੇ ਹਨ। ਜ਼ਿਆਦਾਤਰ ਕੰਮ ਤਾਕਤ ਨਾਲ ਨਹੀਂ, ਸਗੋਂ ਪਿਆਰ ਨਾਲ ਹੁੰਦੇ ਹਨ। ਸਹੀ ਸਮੇਂ 'ਤੇ ਤੁਰਨ ਵਾਲੇ ਵਿਅਕਤੀ ਨੂੰ ਕਦੇ ਦੌੜਨਾ ਨਹੀਂ ਪੈਂਦਾ। ਸਾਨੂੰ ਆਪਣੀ ਮੂਰਖਤਾ ਦਾ ਗਿਆਨ ਨਹੀਂ ਹੈ, ਇਸੇ ਲਈ ਅਸੀਂ ਸਿਆਣੇ ਨਹੀਂ ਹਾਂ। ਅਸੀਂ ਸਮਝਦਾਰ ਨਹੀਂ ਹਾਂ, ਇਸੇ ਲਈ ਅਸੀਂ ਦੂਜਿਆਂ ਨੂੰ ਸਿਆਣੇ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ। ਕਿਸੇ ਵੀ ਸਮੱਸਿਆ ਪ੍ਰਤੀ ਸਾਡੇ ਨਜ਼ਰੀਏ ਦਾ ਸਹੀ ਨਾ ਹੋਣਾ ਹੀ ਸਭ ਤੋਂ ਵੱਡੀ ਸਮੱਸਿਆ ਹੈ।
ਤੁਸੀਂ ਆਪਣੀਆਂ ਬੇਟੀਆਂ ਨੂੰ ਪੜ੍ਹਾ-ਲਿਖਾ ਕੇ ਉਨ੍ਹਾਂ ਨੂੰ ਸੋਚ ਅਤੇ ਸਮਝ ਪੱਖੋਂ ਅਮੀਰ ਬਣਾਓ, ਜਿਸ ਦਿਨ ਤੁਸੀਂ ਇਨ੍ਹਾਂ ਪੱਖਾਂ ਤੋਂ ਆਪਣੀਆਂ ਧੀਆਂ ਨੂੰ ਖੁਸ਼ਹਾਲ ਬਣਾ ਦਿੱਤਾ ਤਾਂ ਸਮਝੋ ਤੁਸੀਂ ਸਮਾਜ ਵਿਚ ਆਪਣਾ ਬਣਦਾ ਯੋਗਦਾਨ ਪਾ ਚੁੱਕੇ ਹੋਵੋਗੇ। ਵਿੱਦਿਆ ਔਰਤ ਦਾ ਸਿਰਫ ਗਹਿਣਾ ਹੀ ਨਹੀਂ, ਦੌਲਤ ਅਤੇ ਪਹਿਰਾਵਾ ਵੀ ਹੈ। ਤੁਸੀਂ ਆਪਣੇ ਪੈਰਾਂ 'ਤੇ ਆਪ ਤੁਰਨਾ ਸਿੱਖੋ ਤਾਂ ਕਿ ਤੁਸੀਂ ਵੀ ਕਿਸੇ ਨੂੰ ਤੁਰਨ ਦੀ ਜਾਚ ਸਿਖਾ ਸਕੋ।


-ਪਿੰਡ ਗੋਲੇਵਾਲਾ (ਫ਼ਰੀਦਕੋਟ)। ਮੋਬਾ: 94179-49079

ਸੇਲ ਦੇ ਨਾਂਅ 'ਤੇ ਕਿਤੇ ਤੁਸੀਂ ਲੁੱਟ ਦਾ ਸ਼ਿਕਾਰ ਤਾਂ ਨਹੀਂ ਹੋ ਰਹੇ?

ਹਰ ਬਾਜ਼ਾਰ/ਸ਼ਹਿਰ ਦੀ ਸੜਕ ਜਾਂ ਕਿਸੇ ਵੀ ਸ਼ਾਪਿੰਗ ਕੰਪਲੈਕਸ ਨੂੰ ਦੇਖ ਲਓ, ਉਥੇ 'ਸੇਲ' ਦੇ ਵੱਡੇ-ਵੱਡੇ ਬੈਨਰ, ਬੋਰਡ ਅਤੇ ਹੋਰਡਿੰਗ ਨਜ਼ਰੀਂ ਪੈਣਗੇ, ਜਿਨ੍ਹਾਂ 'ਤੇ ਦਿਲਖਿੱਚਵੇਂ ਅੱਖਰ ਦੇਖ ਕੇ ਹਰ ਕੋਈ ਦੁਕਾਨ ਦੇ ਅੰਦਰ ਜਾਣ ਨੂੰ ਮਜਬੂਰ ਹੋ ਜਾਂਦਾ ਹੈ। ਸੇਲ ਕਿਸੇ ਚੀਜ਼ ਦੀ ਹੋਵੇ, ਹਿਸਾਬ ਸਭ ਦਾ ਇਕੋ ਹੀ ਹੁੰਦਾ ਹੈ ਕਿ ਸੇਲ ਦੇ ਨਾਂਅ 'ਤੇ ਵੱਧ ਤੋਂ ਵੱਧ ਗਾਹਕਾਂ ਨੂੰ ਆਪਣੇ ਵੱਲ ਖਿੱਚਣਾ ਤੇ ਆਪਣੀ ਦੁਕਾਨਦਾਰੀ ਵਧਾਉਣਾ। ਗਾਹਕ ਨੂੰ ਇਸ ਦੇ ਬਦਲੇ ਮਿਲਦੀ ਹੈ ਘਟੀਆ, ਆਊਟ ਡੇਟਿਡ, ਪੁਰਾਣੀ ਤੇ ਛਾਂਟੀ ਹੋਈ ਚੀਜ਼। ਬਿਹਤਰ ਤਾਂ ਇਹੀ ਹੈ ਕਿ ਸੇਲ ਤੋਂ ਬਚਿਆ ਜਾਵੇ ਪਰ ਜੇਕਰ ਤੁਸੀਂ ਸੇਲ ਤੋਂ ਵਸਤਾਂ ਖਰੀਦਣਾ ਹੀ ਚਾਹੁੰਦੇ ਹੋ ਤਾਂ ਹੇਠ ਲਿਖੀਆਂ ਗੱਲਾਂ ਦਾ ਧਿਆਨ ਰੱਖੋ ਤਾਂ ਕਿ ਤੁਹਾਨੂੰ ਘੱਟ ਤੋਂ ਘੱਟ ਨੁਕਸਾਨ ਹੋਵੇ-
* ਪਹਿਲੀ ਵਾਰੀ 'ਚ ਹੀ ਢੇਰ ਸਾਰੇ ਕੱਪੜੇ ਨਾ ਖਰੀਦੋ, ਸਿਰਫ ਇਕ-ਦੋ ਕੱਪੜੇ ਖਰੀਦ ਕੇ ਉਨ੍ਹਾਂ ਨੂੰ 2-3 ਵਾਰੀ ਧੋ/ਪਾ ਕੇ ਦੇਖੋ ਤੇ ਸੰਤੁਸ਼ਟੀ ਹੋਵੇ ਤਾਂ ਫਿਰ ਉਸ ਦੁਕਾਨ ਦੀ ਸੇਲ ਤੋਂ ਹੀ ਕੱਪੜੇ ਖ਼ਰੀਦੋ।
* ਕੱਪੜੇ ਦੀ ਛਪਾਈ ਵੱਲ ਧਿਆਨ ਦਿਓ ਕਿ ਪ੍ਰਿੰਟ ਠੀਕ ਹੈ ਜਾਂ ਨਹੀਂ। ਕਈ ਵਾਰੀ ਪ੍ਰਿੰਟ ਵਿਚ ਤੋਂ ਉਡਿਆ ਹੀ ਹੁੰਦਾ ਹੈ ਜਾਂ ਕਿਤੇ ਗੂੜ੍ਹਾ ਤੇ ਕਿਤੇ ਫਿੱਕਾ ਹੁੰਦਾ ਹੈ। ਛਾਪਾ ਪੱਕਾ ਹੈ ਜਾਂ ਨਹੀਂ, ਇਹ ਵੀ ਦੇਖ ਲਓ।
* ਇਹ ਵੀ ਯਕੀਨੀ ਬਣਾ ਲਓ ਕਿ ਪਲੇਨ ਕੱਪੜੇ ਦਾ ਰੰਗ ਵੀ ਪੱਕਾ ਹੈ? ਕੱਚਾ ਤਾਂ ਨਹੀਂ, ਪਲੇਨ ਕੱਪੜਾ ਵੀ ਕਿਤਿਓਂ ਫਿੱਕਾ ਜਾਂ ਗੂੜ੍ਹਾ ਹੋ ਸਕਦਾ ਹੈ। ਇਸ ਲਈ ਇਕ ਚਿੱਟੇ ਰੁਮਾਲ ਨਾਲ ਕੋਲ ਪਏ ਪਾਣੀ 'ਚ ਭਿਉਂ ਕੇ ਰੰਗਦਾਰ ਕੱਪੜੇ 'ਤੇ ਰਗੜੋ, ਜੇਕਰ ਰੰਗ ਕੱਚਾ ਹੋਇਆ ਤਾਂ ਰੁਮਾਲ 'ਤੇ ਚੜ੍ਹ ਜਾਵੇਗਾ।
* ਜਿਹੜਾ ਸਾਮਾਨ ਤੁਸੀਂ ਸੇਲ 'ਚ ਖਰੀਦਣ ਜਾ ਰਹੇ ਹੋ, ਉਸ ਦਾ ਬਾਜ਼ਾਰ ਵਿਚਲਾ ਰੇਟ ਪਹਿਲਾਂ ਪਤਾ ਹੋਣਾ ਚਾਹੀਦਾ ਹੈ। ਜੇਕਰ ਸੇਲ ਦੇ ਨਾਂਅ 'ਤੇ ਤੁਹਾਨੂੰ ਬਾਜ਼ਾਰ ਵਾਲੇ ਰੇਟ 'ਤੇ ਹੀ ਸਾਮਾਨ ਮਿਲ ਰਿਹਾ ਹੈ ਤਾਂ ਫਿਰ ਸੇਲ ਦਾ ਕੀ ਫਾਇਦਾ, ਫਿਰ ਬਾਜ਼ਾਰ 'ਚੋਂ ਹੀ ਤਾਜ਼ਾ ਅਤੇ ਗਰੰਟੀਸ਼ੁਦਾ ਸਾਮਾਨ ਹੀ ਖਰੀਦੋ।
* ਜਿਹੜਾ ਸਾਮਾਨ ਤੁਸੀਂ ਖ਼ਰੀਦ ਰਹੇ ਹੋ, ਇਹ ਦੇਖੋ ਕਿ ਉਸ ਵਿਚ ਕੋਈ ਖਰਾਬੀ ਤਾਂ ਨਹੀਂ। ਜਿਵੇਂ ਕਰਾਕਰੀ ਆਦਿ 'ਤੇ ਦਾਗ ਪਏ ਹੋਣ, ਸਾੜ੍ਹੀ ਰਫੂ ਕੀਤੀ ਹੋਵੇ, ਸ਼ੋਅ-ਪੀਸ ਪੇਂਟਿੰਗਜ਼ ਆਦਿ ਪੁਰਾਣੇ ਪੈ ਗਏ ਹੋਣ, ਮੈਟੀਰੀਅਲ ਘਟੀਆ ਹੋਵੇ ਆਦਿ ਤਾਂ ਉਸ ਨੂੰ ਖ਼ਰੀਦਣ ਦਾ ਕੀ ਲਾਭ? ਅਜਿਹੀ ਕਰਾਕਰੀ/ਬਰਤਨ ਆਦਿ ਕਿਸੇ ਮਹਿਮਾਨ ਅੱਗੇ ਰੱਖੇ ਚੰਗੇ ਵੀ ਨਹੀਂ ਲਗਦੇ।
* ਇਸੇ ਤਰ੍ਹਾਂ ਕੂਲਰ, ਪੱਖਾ, ਵਾਸ਼ਿੰਗ ਮਸ਼ੀਨ, ਫਰਿੱਜ ਆਦਿ ਉਪਕਰਨ ਵੀ ਸਸਤੇ ਸਮਝ ਕੇ ਸੇਲ 'ਚੋਂ ਨਾ ਲਵੋ। ਅਕਸਰ ਇਹ ਸੇਲ ਲੋਕਲ ਕੰਪਨੀਆਂ ਵਲੋਂ ਲਗਾਈ ਜਾਂਦੀ ਹੈ, ਜਿਸ ਵਿਚ ਘਟੀਆ ਮਸ਼ੀਨਰੀ, ਸਸਤੀ ਟੀਨ ਆਦਿ 'ਤੇ ਕੰਮ ਚਲਾਊ ਰੰਗ ਕੀਤਾ ਗਿਆ ਹੁੰਦਾ ਹੈ। ਫਿਰ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਨ੍ਹਾਂ ਚੀਜ਼ਾਂ ਨੂੰ ਆਈ.ਐਸ.ਆਈ. ਮਾਰਕ ਨਹੀਂ ਮਿਲਿਆ ਹੁੰਦਾ, ਜਿਸ ਲਈ ਇਹ ਚੀਜ਼ਾਂ ਜਾਨ ਲਈ ਸੁਰੱਖਿਅਤ ਨਹੀਂ ਹੁੰਦੀਆਂ ਅਤੇ ਛੇਤੀ ਹੀ ਕਬਾੜ ਬਣ ਜਾਂਦੀਆਂ ਹਨ।
ਮੁੱਕਦੀ ਗੱਲ ਇਹ ਹੈ ਕਿ ਸੇਲ ਦੇ ਨਾਂਅ 'ਤੇ ਮਚਾਈ ਜਾ ਰਹੀ ਲੁੱਟ ਤੋਂ ਬਚੋ। ਸੇਲ ਇਕ ਖੇਡ ਹੈ, ਜਿਸ ਵਿਚ ਹਾਰ ਗਾਹਕ ਦੀ ਹੀ ਹੁੰਦੀ ਹੈ।


-ਪਿੰਡ ਤੇ ਡਾਕ: ਖੋਸਾ ਪਾਂਡੋ (ਮੋਗਾ)-142048

ਉੱਨੀ ਕੱਪੜਿਆਂ ਨੂੰ ਰੱਖੋ ਸੰਭਾਲ ਕੇ

ਵੈਸੇ ਹੀ ਸਰਦੀ ਦੇ ਮੌਸਮ ਤੋਂ ਬਾਅਦ ਥੋੜ੍ਹਾ ਬਦਲਾਅ ਆਉਂਦਾ ਹੈ ਤਾਂ ਸਭ ਤੋਂ ਵੱਡਾ ਕੰਮ ਔਰਤਾਂ ਨੂੰ ਉੱਨੀ ਕੱਪੜੇ ਜਾਂ ਗਰਮ ਕੱਪੜੇ ਸੰਭਾਲਣ ਦਾ ਹੁੰਦਾ ਹੈ।
ਵੈਸੇ ਤਾਂ ਕੁਝ ਉੱਨੀ ਕੱਪੜੇ ਡ੍ਰਾਈਕਲੀਨ ਹੁੰਦੇ ਹਨ ਅਤੇ ਕੁਝ ਨੂੰ ਘਰ ਵਿਚ ਧੋਣਾ ਪੈਂਦਾ ਹੈ। ਬਿਨਾਂ ਸਾਫ਼ ਕੀਤੇ ਗਰਮ ਕੱਪੜਿਆਂ ਨੂੰ ਸੰਭਾਲਣਾ ਨੁਕਸਾਨਦਾਇਕ ਹੋ ਸਕਦਾ ਹੈ। ਗਰਮ ਕੱਪੜਿਆਂ ਨੂੰ ਸਾਧਾਰਨ ਕੱਪੜਿਆਂ ਨਾਲੋਂ ਧੋਣ ਦਾ ਤਰੀਕਾ ਵੱਖਰਾ ਹੁੰਦਾ ਹੈ, ਕਿਉਂਕਿ ਨਾ ਤਾਂ ਇਨ੍ਹਾਂ ਨੂੰ ਜ਼ੋਰ ਲਗਾ ਕੇ ਨਿਚੋੜਿਆ ਜਾਂਦਾ ਹੈ ਅਤੇ ਨਾ ਹੀ ਬੁਰਸ਼ ਦੀ ਸਹਾਇਤਾ ਨਾਲ ਧੋਤਾ ਜਾਂਦਾ ਹੈ। ਇਨ੍ਹਾਂ ਨੂੰ ਤਾਂ ਬਸ ਕੋਸੇ ਪਾਣੀ ਵਿਚ ਡਿਟਰਜੈਂਟ ਪਾ ਕੇ ਅੱਧੇ ਘੰਟੇ ਤੱਕ ਭਿਉਂਇਆ ਜਾਂਦਾ ਹੈ, ਫਿਰ ਹਲਕੇ ਹੱਥਾਂ ਨਾਲ ਮਲ ਕੇ ਸਾਫ਼ ਪਾਣੀ ਨਾਲ ਨਿਖਾਰਿਆ ਜਾਂਦਾ ਹੈ। ਹਲਕੇ-ਹਲਕੇ ਦਬਾਅ ਕੇ ਸਾਫ਼ ਪਾਣੀ ਨਾਲ ਨਿਖਾਰੋ। ਫਿਰ ਉਨ੍ਹਾਂ ਨੂੰ ਸਮਤਲ ਜਗ੍ਹਾ 'ਤੇ ਸੁਕਾਓ। ਅਜਿਹਾ ਕਰਨ ਨਾਲ ਉਨ੍ਹਾਂ ਦਾ ਆਕਾਰ ਸਹੀ ਰਹੇਗਾ ਅਤੇ ਇਨ੍ਹਾਂ ਦੇ ਮੁਲਾਇਮ ਰੇਸ਼ੇ ਵੀ ਬਰਕਰਾਰ ਰਹਿਣਗੇ।
ਜਦੋਂ ਚੰਗੀ ਤਰ੍ਹਾਂ ਉੱਨੀ ਕੱਪੜੇ ਸੁੱਕ ਜਾਣ ਤਾਂ ਹੁਣ ਇਨ੍ਹਾਂ ਨੂੰ ਸੰਭਾਲ ਕੇ ਰੱਖ ਸਕਦੇ ਹੋ।
ਨੁਸਖੇ :
* ਸੰਭਾਲਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਧੋ ਕੇ, ਸੁਕਾ ਕੇ ਰੱਖੋ। ਜੇ ਕਿਸੇ ਕੱਪੜੇ 'ਤੇ ਕੁਝ ਖਾਣ ਜਾਂ ਪੀਣ ਵਾਲਾ ਡਿਗ ਜਾਵੇ ਤਾਂ ਉਸ ਜਗ੍ਹਾ ਤੋਂ ਵਿਸ਼ੇਸ਼ ਰੂਪ ਨਾਲ ਹਲਕਾ ਜਿਹਾ ਮਲ ਕੇ ਧੋਵੋ।
* ਜੈਕਟਾਂ, ਮਰਦਾਨਾ ਗਰਮ ਸੂਟ ਸੰਭਾਲਣ ਤੋਂ ਪਹਿਲਾਂ ਡ੍ਰਾਈਕਲੀਨ ਜ਼ਰੂਰ ਕਰਵਾ ਲਓ।
* ਮਹਿੰਗੇ ਕੱਪੜਿਆਂ ਨੂੰ ਹਵਾਬੰਦ ਬੈਗ ਵਿਚ ਸੰਭਾਲ ਕੇ ਰੱਖੋ।
* ਸਾਰੇ ਕੱਪੜਿਆਂ ਨੂੰ ਧੁੱਪ ਲਗਵਾ ਕੇ ਹੀ ਅੰਦਰ ਰੱਖੋ।
* ਧਿਆਨ ਦਿਉ ਕਿ ਕਿਸੇ ਵੀ ਕੱਪੜੇ ਵਿਚ ਕੋਈ ਨਮੀ ਨਾ ਰਹੇ। ਜੇ ਅਜਿਹਾ ਮਹਿਸੂਸ ਹੋਵੇ ਤਾਂ ਉਸ ਨੂੰ ਧੁੱਪ, ਹਵਾ ਦੁਬਾਰਾ ਲਗਵਾਓ।
* ਵੱਖ-ਵੱਖ ਸਵੈਟਰ, ਸ਼ਾਲ ਅਤੇ ਜੈਕਟਾਂ ਨੂੰ ਪੋਲੀਥੀਨ ਵਿਚ ਸੰਭਾਲੋ ਤਾਂ ਕਿ ਉਨ੍ਹਾਂ ਦੇ ਰੇਸ਼ੇ ਰਗੜ ਨਾ ਖਾ ਸਕਣ।
* ਹਰ ਸਵੈਟਰ, ਸ਼ਾਲ ਵਿਚ ਅਖ਼ਬਾਰ ਦਾ ਟੁਕੜਾ ਰੱਖੋ ਤਾਂ ਕਿ ਉਨ੍ਹਾਂ ਨੂੰ ਕੀੜਾ ਨਾ ਲੱਗੇ। ਇਸ ਨਾਲ ਸਵੈਟਰ ਦਾ ਆਕਾਰ ਵੀ ਖ਼ਰਾਬ ਨਹੀਂ ਹੋਵੇਗਾ।
* ਉੱਨੀ ਕੱਪੜਿਆਂ ਨੂੰ ਸੰਭਾਲਦੇ ਸਮੇਂ ਨੇਪਥਾਲੀਨ ਗੋਲੀਆਂ ਦੀ ਵਰਤੋਂ ਜ਼ਰੂਰ ਕਰੋ। ਨੇਪਥਾਲੀਨ ਗੋਲੀਆਂ ਉੱਨੀ ਕੱਪੜਿਆਂ ਨੂੰ ਕੀੜਿਆਂ ਦੇ ਖਤਰੇ ਤੋਂ ਦੂਰ ਰੱਖਦੀਆਂ ਹਨ।
* ਸਰਦੀ ਰੁੱਤ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਇਕ ਵਾਰ ਸਾਰੇ ਗਰਮ ਕੱਪੜਿਆਂ ਨੂੰ ਧੁੱਪ ਲਗਵਾ ਕੇ ਦੁਬਾਰਾ ਸੰਭਾਲ ਦਿਓ।

ਪਾਵਨ ਹੋਲੀ ਦੌਰਾਨ ਵਾਲਾਂ ਅਤੇ ਚਮੜੀ ਦੀ ਦੇਖਭਾਲ

ਹੋਲੀ ਦਾ ਤਿਉਹਾਰ ਖੁਸ਼ੀਆਂ, ਮਸਤੀ, ਰੋਮਾਂਚ ਅਤੇ ਉਤਸ਼ਾਹ ਲੈ ਕੇ ਆਉਂਦਾ ਹੈ ਪਰ ਰੰਗਾਂ ਦੇ ਇਸ ਤਿਉਹਾਰ ਨੂੰ ਅਸੀਂ ਸਾਰੇ ਲੋਕ ਉਤਸ਼ਾਹ ਨਾਲ ਮਨਾਉਣ ਦੇ ਨਾਲ ਹੀ ਰੰਗ ਖੇਡਣ ਵਿਚ ਜ਼ਿਆਦਾ ਰੰਗ ਲਾਹੁਣ, ਚਮੜੀ ਅਤੇ ਵਾਲਾਂ ਨੂੰ ਹੋਏ ਨੁਕਸਾਨ ਨੂੰ ਲੈ ਕੇ ਚਿੰਤਾ ਵਿਚ ਜ਼ਿਆਦਾ ਰਹਿੰਦੇ ਹਾਂ, ਕਿਉਂਕਿ 'ਬੁਰਾ ਨਾ ਮੰਨੋ, ਹੋਲੀ ਹੈ' ਕਹਿ ਕੇ ਰੰਗ ਸੁੱਟਣ ਵਾਲੇ ਅੱਲੜ੍ਹ ਨੌਜਵਾਨਾਂ-ਮੁਟਿਆਰਾਂ ਦੀਆਂ ਟੋਲੀਆਂ ਪਿਚਕਾਰੀ, ਗੁਬਾਰਿਆਂ, ਡਾਈ ਜਾਂ ਗੁਲਾਲ ਵਿਚ ਬਾਜ਼ਾਰ ਵਿਚ ਵਿਕਣ ਵਾਲੇ ਜਿਨ੍ਹਾਂ ਰੰਗਾਂ ਦੀ ਵਰਤੋਂ ਕਰਦੇ ਹਨ ਉਨ੍ਹਾਂ ਵਿਚ ਮਾਇਕਾ, ਲੈੱਡ ਵਰਗੇ ਹਾਨੀਕਾਰਕ ਰਸਾਇਣਕ ਮਿਲੇ ਹੁੰਦੇ ਹਨ, ਜਿਸ ਨਾਲ ਵਾਲ ਅਤੇ ਚਮੜੀ ਰੁੱਖੀ ਅਤੇ ਬੇਜਾਨ ਹੋ ਜਾਂਦੀ ਹੈ, ਵਾਲ ਝੜਨੇ ਸ਼ੁਰੂ ਹੋ ਜਾਂਦੇ ਹਨ ਅਤੇ ਚਮੜੀ ਵਿਚ ਜਲਣ ਅਤੇ ਖਾਰਸ਼ ਸ਼ੁਰੂ ਹੋ ਜਾਂਦੀ ਹੈ। ਹੋਲੀ ਵਿਚ ਵਰਤੇ ਜਾਣ ਵਾਲੇ ਰੰਗਾਂ ਨਾਲ ਚਮੜੀ ਵਿਚ ਅਲਰਜੀ, ਅੱਖਾਂ ਵਿਚ ਜਲਣ ਅਤੇ ਪੇਟ ਦੀਆਂ ਅਨੇਕ ਸਮੱਸਿਆਵਾਂ ਖੜ੍ਹੀਆਂ ਹੋ ਜਾਂਦੀਆਂ ਹਨ। ਸਭ ਤੋਂ ਪਹਿਲਾਂ ਤੁਸੀਂ ਇਹ ਕੋਸ਼ਿਸ਼ ਕਰੋ ਕਿ ਤੁਸੀਂ ਆਰਗੈਨਿਕਸ/ਹਰਬਲ ਰੰਗਾਂ ਨਾਲ ਹੀ ਹੋਲੀ ਖੇਡੋ ਪਰ ਇਨ੍ਹਾਂ ਰੰਗਾਂ ਦੀ ਪਛਾਣ ਵੀ ਜ਼ਰੂਰੀ ਹੈ। ਹੋਲੀ ਦੌਰਾਨ ਬਾਜ਼ਾਰਾਂ ਵਿਚ ਇਕੋ ਫ੍ਰੈਂਡਲੀ ਰੰਗਾਂ ਦੀ ਭਰਮਾਰ ਆ ਜਾਂਦੀ ਹੈ ਪਰ ਜੇ ਇਨ੍ਹਾਂ ਰੰਗਾਂ ਵਿਚੋਂ ਕਿਸੇ ਰਸਾਇਣ ਜਾਂ ਪੈਟਰੋਲ ਦੀ ਮਹਿਕ ਆ ਜਾਵੇ ਜਾਂ ਰੰਗ ਪਾਣੀ ਵਿਚ ਅਸਾਨੀ ਨਾਲ ਨਾ ਘੁਲਣ ਤਾਂ ਤੁਸੀਂ ਉਨ੍ਹਾਂ ਨੂੰ ਕਦੇ ਨਾ ਖਰੀਦੋ, ਕਿਉਂਕਿ ਤੁਰੰਤ ਪੈਸਾ ਕਮਾਉਣ ਦੇ ਚੱਕਰ ਵਿਚ ਲੋਕ ਅਕਸਰ ਤਿਉਹਾਰਾਂ ਨੂੰ ਹੀ ਚੁਣਦੇ ਹੋ। ਆਰਗੈਨਿਕ ਰੰਗਾਂ ਵਿਚ ਗੂੜ੍ਹੇ ਸ਼ੇਡ ਵਿਚ ਚਮਕਦਾਰ ਕਣ ਕਦੇ ਨਹੀਂ ਹੁੰਦੇ, ਇਸ ਲਈ ਕਾਲਾ, ਸਿਲਵਰ, ਗੂੜ੍ਹਾ ਪੀਲਾ ਰੰਗ ਕਦੇ ਨਾ ਖਰੀਦੋ।
ਇਹ ਕੋਈ ਜ਼ਰੂਰੀ ਨਹੀਂ ਹੈ ਕਿ ਤੁਸੀਂ ਸਿਰਫ ਮਸ਼ਹੂਰ ਕੰਪਨੀਆਂ ਦੇ ਬਾਜ਼ਾਰ ਵਿਚ ਵਿਕਣ ਵਾਲੇ ਰੰਗਾਂ ਨੂੰ ਹੀ ਚੁਣੋ, ਸਗੋਂ ਬਿਹਤਰ ਰਹੇਗਾ ਜੇ ਤੁਸੀਂ ਘਰ ਵਿਚ ਹੀ ਹਰਬਲ ਰੰਗਾਂ ਨੂੰ ਬਣਾਓ। ਤੁਸੀਂ ਬੇਸਣ ਵਿਚ ਹਲਦੀ ਮਿਲਾ ਕੇ ਪੀਲਾ ਹਰਬਲ ਰੰਗ ਬਣਾ ਸਕਦੇ ਹੋ। ਗੇਂਦੇ ਦੇ ਫੁੱਲਾਂ ਦੇ ਪੱਤਿਆਂ ਨੂੰ ਪਾਣੀ ਵਿਚ ਉਬਾਲ ਕੇ ਪਿਚਕਰੀ ਲਈ ਪੀਲਾ ਰੰਗ ਬਣਾ ਸਕਦੇ ਹੋ ਜਦੋਂ ਕਿ ਗੁੜਹਲ ਫੁੱਲਾਂ ਦੇ ਪੱਤਿਆਂ ਦੇ ਪਾਊਡਰ ਨੂੰ ਆਟੇ ਨਾਲ ਮਿਲਾਉਣ ਨਾਲ ਲਾਲ ਰੰਗ ਬਣ ਜਾਂਦਾ ਹੈ। ਪਾਣੀ ਵਿਚ ਕੇਸਰ ਜਾਂ ਮਹਿੰਦੀ ਮਿਲ ਕੇ ਨਾਰੰਗੀ ਰੰਗ ਬਣ ਜਾਂਦਾ ਹੈ। ਇਸੇ ਤਰ੍ਹਾਂ ਅਨਾਰ ਦੇ ਦਾਣੇ ਪਾਣੀ ਵਿਚ ਮਿਲਾ ਕੇ ਗੁਲਾਬੀ ਰੰਗ ਦਾ ਪਾਣੀ ਬਣ ਜਾਂਦਾ ਹੈ।
ਹੋਲੀ ਦੇ ਪਾਵਨ ਤਿਉਹਾਰ ਵਿਚ ਆਪਣੀ ਚਮੜੀ ਦੀ ਰੱਖਿਆ ਲਈ ਹੋਲੀ ਖੇਡਣ ਤੋਂ 20 ਮਿੰਟ ਪਹਿਲਾਂ ਚਮੜੀ 'ਤੇ 20 ਐਸ.ਪੀ.ਐਫ. ਸਨਸਕ੍ਰੀਨ ਦਾ ਲੇਪ ਕਰੋ। ਜੇ ਤੁਹਾਡੀ ਚਮੜੀ 'ਤੇ ਫੋੜੇ, ਫਿਨਸੀਆਂ ਆਦਿ ਹਨ ਤਾਂ 20 ਐਸ.ਪੀ.ਐਫ. ਤੋਂ ਜ਼ਿਆਦਾ ਦਰਜ ਦੀ ਸਨਸਕ੍ਰੀਨ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਜ਼ਿਆਦਾਤਰ ਸਨਸਕ੍ਰੀਨ ਵਿਚ ਮਾਇਸਚਰਾਈਜ਼ਰ ਹੀ ਮੌਜੂਦ ਹੁੰਦਾ ਹੈ। ਜੇ ਤੁਹਾਡੀ ਚਮੜੀ ਬਹੁਤ ਜ਼ਿਆਦਾ ਖੁਸ਼ਕ ਹੈ ਤਾਂ ਪਹਿਲਾਂ ਸਨਸਕ੍ਰੀਨ ਲਗਾਉਣ ਤੋਂ ਬਾਅਦ ਕੁਝ ਸਮਾਂ ਇੰਤਜ਼ਾਰ ਕਰਨ ਤੋਂ ਬਾਅਦ ਚਮੜੀ 'ਤੇ ਮਾਇਸਚਰਾਈਜ਼ਰ ਦਾ ਲੇਪ ਕਰੋ।
ਤੁਸੀਂ ਆਪਣੀਆਂ ਬਾਹਾਂ ਅਤੇ ਸਾਰੇ ਨੰਗੇ ਅੰਗਾਂ 'ਤੇ ਮਾਇਸਚਰਾਈਜ਼ਰ ਲੋਸ਼ਣ ਜਾਂ ਕ੍ਰੀਮ ਦੀ ਵਰਤੋਂ ਕਰੋ। ਹੋਲੀ ਖੇਡਣ ਤੋਂ ਪਹਿਲਾਂ ਸਿਰ ਦੇ ਵਾਲਾਂ 'ਤੇ ਹੇਅਰ ਸੀਰਮ ਜਾਂ ਕੰਡੀਸ਼ਨਰ ਦੀ ਵਰਤੋਂ ਕਰੋ। ਇਸ ਨਾਲ ਵਾਲਾਂ ਨੂੰ ਗੁਲਾਲ ਦੇ ਰੰਗਾਂ ਕਾਰਨ ਹੋਣ ਵਾਲੇ ਸੁੱਕੇਪਣ ਤੋਂ ਸੁਰੱਖਿਆ ਮਿਲੇਗੀ ਅਤੇ ਸੂਰਜ ਦੀਆਂ ਕਿਰਨਾਂ ਨਾਲ ਹੋਣ ਵਾਲੇ ਨੁਕਸਾਨ ਤੋਂ ਵੀ ਬਚਾਅ ਰਹੇਗਾ।
ਅੱਜਕਲ੍ਹ ਬਾਜ਼ਾਰ ਵਿਚ ਸਨਸਕ੍ਰੀਨ ਸਹਿਤ ਹੇਅਰ ਕ੍ਰੀਮ ਅਸਾਨੀ ਨਾਲ ਉਪਲਬਧ ਹੋ ਜਾਂਦੀ ਹੈ। ਥੋੜ੍ਹੀ ਜਿਹੀ ਹੇਅਰ ਕ੍ਰੀਮ ਲੈ ਕੇ ਉਸ ਨੂੰ ਦੋਵਾਂ ਹਥੇਲੀਆਂ 'ਤੇ ਫੈਲਾਅ ਕੇ ਵਾਲਾਂ ਦੀ ਹਲਕੀ-ਹਲਕੀ ਮਾਲਿਸ਼ ਕਰੋ। ਇਸ ਵਾਸਤੇ ਤੁਸੀਂ ਵਿਸ਼ੁੱਧ ਨਾਰੀਅਲ ਤੇਲ ਦੀ ਵਾਲਾਂ 'ਤੇ ਮਾਲਿਸ਼ ਵੀ ਕਰ ਸਕਦੇ ਹੋ। ਇਸ ਨਾਲ ਵੀ ਰਸਾਇਣਕ ਰੰਗਾਂ ਨਾਲ ਵਾਲਾਂ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਬਚਿਆ ਜਾ ਸਕਦਾ ਹੈ।
ਹੋਲੀ ਦੇ ਰੰਗਾਂ ਤੋਂ ਨਹੁੰਆਂ ਨੂੰ ਬਚਾਉਣ ਲਈ ਨਹੁੰਆਂ 'ਤੇ ਤੇਲ ਵਾਰਨਿਸ਼ ਦੀ ਮਾਲਿਸ਼ ਕਰਨੀ ਚਾਹੀਦੀ ਹੈ। ਹੋਲੀ ਖੇਡਣ ਤੋਂ ਬਾਅਦ ਚਮੜੀ ਅਤੇ ਵਾਲਾਂ 'ਤੇ ਜੰਮੇ ਰੰਗਾਂ ਨੂੰ ਲਾਹੁਣਾ ਬਹੁਤ ਮੁਸ਼ਕਿਲ ਕੰਮ ਹੈ। ਇਸ ਵਾਸਤੇ ਸਭ ਤੋਂ ਪਹਿਲਾਂ ਚਿਹਰੇ ਨੂੰ ਵਾਰ-ਵਾਰ ਸਾਫ ਠੰਢੇ ਪਾਣੀ ਨਾਲ ਧੋਵੋ ਅਤੇ ਇਸ ਤੋਂ ਬਾਅਦ ਕਲੀਜ਼ਿੰਗ ਕ੍ਰੀਮ ਜਾਂ ਲੋਸ਼ਨ ਦਾ ਲੇਪ ਕਰ ਲਓ ਅਤੇ ਕੁਝ ਸਮੇਂ ਬਾਅਦ ਇਸ ਨੂੰ ਗਿੱਲੇ ਰੂੰ ਨਾਲ ਧੋ ਦਿਓ। ਅੱਖਾਂ ਦੇ ਆਲੇ-ਦੁਆਲੇ ਦੇ ਹਿੱਸੇ ਨੂੰ ਹਲਕੇ-ਹਲਕੇ ਸਾਫ ਕਰਨਾ ਨਾ ਭੁੱਲੋ। ਕਲੀਜ਼ਿੰਗ ਜੈੱਲ ਨਾਲ ਚਿਹਰੇ 'ਤੇ ਲੱਗੇ ਰੰਗਾਂ ਨੂੰ ਧੋਣ ਅਤੇ ਲਾਹੁਣ ਵਿਚ ਕਾਫੀ ਮਦਦ ਮਿਲਦੀ ਹੈ। ਆਪਣਾ ਘਰੇਲੂ ਕਲੀਂਜ਼ਰ ਬਣਾਉਣ ਲਈ ਅੱਧਾ ਕੱਪ ਠੰਢਾ ਦੁੱਧ ਵਿਚ ਤਿਲ, ਜੈਤੂਨ, ਸੂਰਜਮੁਖੀ ਜਾਂ ਕੋਈ ਵੀ ਬਨਸਪਤੀ ਤੇਲ ਮਿਲਾ ਲਓ। ਰੂੰ ਨੂੰ ਇਸ ਮਿਸ਼ਰਣ ਵਿਚ ਡੁਬੋ ਕੇ ਚਮੜੀ ਨੂੰ ਸਾਫ ਕਰਨ ਲਈ ਵਰਤੋ। ਸਰੀਰ ਤੋਂ ਰਸਾਇਣਕ ਰੰਗਾਂ ਨੂੰ ਹਟਾਉਣ ਵਿਚ ਤਿਲ ਦੇ ਤੇਲ ਦੀ ਮਾਲਿਸ਼ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ। ਇਸ ਨਾਲ ਨਾ ਸਿਰਫ ਰਸਾਇਣਕ ਰੰਗ ਹਟ ਜਾਣਗੇ ਸਗੋਂ ਚਮੜੀ ਨੂੰ ਵਾਧੂ ਸੁਰੱਖਿਆ ਵੀ ਮਿਲੇਗੀ। ਤਿਲ ਦੇ ਤੇਲ ਦੀ ਮਾਲਿਸ਼ ਨਾਲ ਸੂਰਜ ਦੀਆਂ ਕਿਰਨਾਂ ਨਾਲ ਹੋਏ ਨੁਕਸਾਨ ਦੀ ਭਰਪਾਈ ਕਰਨ ਵਿਚ ਵੀ ਮਦਦ ਮਿਲਦੀ ਹੈ। ਨਹਾਉਂਦੇ ਸਮੇਂ ਸਰੀਰ ਨੂੰ ਕੱਪੜੇ ਦੀ ਮਦਦ ਨਾਲ ਸਕਰੱਬ ਕਰੋ ਅਤੇ ਨਹਾਉਣ ਤੋਂ ਤੁਰੰਤ ਬਾਅਦ ਸਰੀਰ ਅਤੇ ਚਿਹਰੇ 'ਤੇ ਮਾਇਸਚਰਾਈਜ਼ਰ ਦੀ ਵਰਤੋਂ ਕਰੋ। ਇਸ ਨਾਲ ਸਰੀਰ ਵਿਚ ਨਮੀ ਬਣਾਈ ਰੱਖਣ ਵਿਚ ਮਦਦ ਮਿਲੇਗੀ।
ਜੇ ਚਮੜੀ 'ਤੇ ਖੁਜਲੀ ਹੈ ਤਾਂ ਪਾਣੀ ਦੇ ਮੱਗ ਵਿਚ ਦੋ ਚਮਚ ਸਿਰਕਾ ਮਿਲਾ ਕੇ ਉਸ ਨੂੰ ਚਮੜੀ 'ਤੇ ਵਰਤੋ ਤਾਂ ਇਸ ਨਾਲ ਖੁਜਲੀ ਖ਼ਤਮ ਹੋ ਜਾਵੇਗੀ। ਇਸ ਤੋਂ ਬਾਅਦ ਵੀ ਚਮੜੀ 'ਤੇ ਖੁਜਲੀ ਨਾ ਹਟੇ ਤਾਂ ਚਮੜੀ 'ਤੇ ਲਾਲ ਦਾਗ ਅਤੇ ਦਾਣੇ ਉੱਭਰ ਆਉਂਦੇ ਹਨ ਤਾਂ ਤੁਹਾਡੀ ਚਮੜੀ ਨੂੰ ਰੰਗਾਂ ਤੋਂ ਅਲਰਜੀ ਹੋ ਗਈ ਹੈ ਅਤੇ ਇਸ ਵਾਸਤੇ ਤੁਹਾਨੂੰ ਡਾਕਟਰ ਨਾਲ ਜ਼ਰੂਰ ਸੰਪਰਕ ਕਰਨਾ ਚਾਹੀਦਾ ਹੈ। ਵਾਲਾਂ ਨੂੰ ਸਾਫ਼ ਕਰਨ ਲਈ ਵਾਲਾਂ ਵਿਚ ਫਸੇ ਸੁੱਕੇ ਰੰਗਾਂ ਅਤੇ ਮਾਈਕਾ ਨੂੰ ਹਟਾਉਣ ਲਈ ਵਾਲਾਂ ਨੂੰ ਵਾਰ-ਵਾਰ ਸਾਦੇ ਤਾਜ਼ੇ ਪਾਣੀ ਨਾਲ ਧੋਂਦੇ ਰਹੋ। ਇਸ ਤੋਂ ਬਾਅਦ ਵਾਲਾਂ ਨੂੰ ਹਲਕੇ ਹਰਬਲ ਸ਼ੈਂਪੂ ਨਾਲ ਧੋਵੋ ਅਤੇ ਉਂਗਲੀਆਂ ਦੀ ਮਦਦ ਨਾਲ ਸ਼ੈਂਪੂ ਨੂੰ ਪੂਰੇ ਸਿਰ 'ਤੇ ਫੈਲਾਅ ਲਓ ਅਤੇ ਇਸ ਨੂੰ ਪੂਰੀ ਤਰ੍ਹਾਂ ਲਗਾਉਣ ਤੋਂ ਬਾਅਦ ਪਾਣੀ ਨਾਲ ਚੰਗੀ ਤਰ੍ਹਾਂ ਧੋ ਦਿਓ।
ਹੋਲੀ ਤੋਂ ਅਗਲੇ ਦਿਨ ਦੋ ਚਮਚ ਸ਼ਹਿਦ ਨੂੰ ਅੱਧਾ ਕੱਪ ਦਹੀਂ ਵਿਚ ਮਿਲਾ ਕੇ ਥੋੜ੍ਹੀ ਜਿਹੀ ਹਲਦੀ ਵਿਚ ਮਿਲਾਓ ਅਤੇ ਇਸ ਮਿਸ਼ਰਣ ਨੂੰ ਚਿਹਰੇ, ਬਾਹਾਂ ਅਤੇ ਸਾਰੇ ਨੰਗੇ ਅੰਗਾਂ 'ਤੇ ਲਗਾ ਲਓ। ਇਸ ਨੂੰ 20 ਮਿੰਟ ਲੱਗਾ ਰਹਿਣ ਦਿਓ ਅਤੇ ਬਾਅਦ ਵਿਚ ਸਾਫ਼-ਤਾਜ਼ੇ ਪਾਣੀ ਨਾਲ ਧੋ ਦਿਓ। ਇਸ ਨਾਲ ਚਮੜੀ ਤੋਂ ਕਾਲਾਪਨ ਹਟ ਜਾਵੇਗਾ ਅਤੇ ਚਮੜੀ ਮੁਲਾਇਮ ਹੋ ਜਾਵੇਗੀ। ਹੋਲੀ ਤੋਂ ਅਗਲੇ ਦਿਨਾਂ ਦੌਰਾਨ ਆਪਣੀ ਚਮੜੀ ਅਤੇ ਵਾਲਾਂ ਨੂੰ ਪੋਸ਼ਾਹਾਰ ਤੱਤਾਂ ਦੀ ਪੂਰਤੀ ਕਰੋ। ਇਕ ਚਮਚ ਸ਼ੁੱਧ ਨਾਰੀਅਲ ਤੇਲ ਵਿਚ ਇਕ ਚਮਚ ਅਰੰਡੀ ਦਾ ਤੇਲ ਮਿਲਾ ਕੇ ਇਸ ਨੂੰ ਗਰਮ ਕਰਕੇ ਆਪਣੇ ਵਾਲਾਂ 'ਤੇ ਲਗਾ ਲਓ। ਕਿ ਤੌਲੀਏ ਨੂੰ ਗਰਮ ਪਾਣੀ ਵਿਚ ਭਿਉਂ ਕੇ ਪਾਣੀ ਨੂੰ ਨਿਚੋੜ ਦਿਓ ਅਤੇ ਤੌਲੀਏ ਨੂੰ ਸਿਰ 'ਤੇ ਲਪੇਟ ਲਓ ਅਤੇ ਇਸ ਨੂੰ 5 ਮਿੰਟ ਤੱਕ ਪਗੜੀ ਵਾਂਗ ਸਿਰ 'ਤੇ ਬੱਝਾ ਰਹਿਣ ਦਿਓ। ਇਸ ਪ੍ਰਕਿਰਿਆ ਨੂੰ 4-5 ਵਾਰ ਦੁਹਰਾਓ। ਇਸ ਨੂੰ ਖੋਪੜੀ 'ਤੇ ਤੇਲ ਨੂੰ ਜੰਮਣ ਵਿਚ ਮਦਦ ਮਿਲਦੀ ਹੈ। ਇਕ ਘੰਟਾ ਬਾਅਦ ਵਾਲਾਂ ਨੂੰ ਸਾਫ਼-ਤਾਜ਼ੇ ਪਾਣੀ ਨਾਲ ਧੋ ਦਿਓ।

ਨੰਨ੍ਹੇ-ਮੁੰਨੇ ਬੱਚੇ ਦਾ ਸਕੂਲ 'ਚ ਦਾਖਲਾ ਸੋਚ-ਸਮਝ ਕੇ

ਸਕੂਲਾਂ ਅੰਦਰ ਦਾਖ਼ਲਿਆਂ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਵੱਖ-ਵੱਖ ਥਾਵਾਂ 'ਤੇ ਸਕੂਲਾਂ 'ਚ ਦਾਖ਼ਲੇ ਸਬੰਧੀ ਵੱਡੇ-ਵੱਡੇ ਫਲੈਕਸ ਅਤੇ ਇਸ਼ਤਿਹਾਰ ਆਦਿ ਦਿਖਾਈ ਦੇਣ ਲੱਗੇ ਹਨ। ਅਜਿਹੀ ਹਾਲਤ 'ਚ ਆਪਣੇ ਨੰਨ੍ਹੇ-ਮੁੰਨੇ ਬੱਚੇ ਨੂੰ ਸਕੂਲ 'ਚ ਦਾਖਲ ਕਰਵਾਉਣ ਦੇ ਚਾਹਵਾਨ ਮਾਪੇ ਅਕਸਰ ਦੁਚਿੱਤੀ 'ਚ ਪੈ ਜਾਂਦੇ ਹਨ, ਕਿਉਂਕਿ ਇਸ ਦੌਰ 'ਚ ਹਰੇਕ ਸਕੂਲ ਦੇ ਪ੍ਰਬੰਧਕ ਆਪਣੇ ਸਕੂਲ ਨੂੰ ਸਭ ਤੋਂ ਉੱਤਮ ਦਰਸਾ ਰਹੇ ਹਨ। ਅਜਿਹੀ ਹਾਲਤ 'ਚ ਜੇਕਰ ਤੁਸੀਂ ਆਪਣੇ ਬੱਚੇ ਨੂੰ ਕਿਸੇ ਸਕੂਲ 'ਚ ਦਾਖਲ ਕਰਵਾਉਣ ਜਾ ਰਹੇ ਹੋ ਤਾਂ ਤੁਹਾਨੂੰ ਇਹ ਫ਼ੈਸਲਾ ਪੂਰੀ ਸਮਝਦਾਰੀ ਨਾਲ ਲੈਣਾ ਚਾਹੀਦਾ ਹੈ। ਬੇਸ਼ੱਕ ਆਧੁਨਿਕ ਸਮੇਂ ਦੌਰਾਨ ਜ਼ਿਆਦਾਤਰ ਮਾਪੇ ਪੜ੍ਹੇ-ਲਿਖੇ ਅਤੇ ਅਗਾਂਹਵਧੂ ਸੋਚ ਦੇ ਧਾਰਨੀ ਹਨ। ਪਰ ਅਕਸਰ ਸਮੇਂ ਦੀ ਘਾਟ ਦੇ ਚੱਲਦਿਆਂ ਇਹ ਮਹੱਤਵਪੂਰਨ ਫ਼ੈਸਲਾ ਲੈਂਦੇ ਸਮੇਂ ਅਨੇਕਾਂ ਮਾਪੇ ਅਣਗਹਿਲੀ ਵਰਤ ਜਾਂਦੇ ਹਨ। ਪਰ ਜਾਗਰੂਕ ਮਾਪੇ ਹੋਣ ਦਾ ਸਬੂਤ ਦਿੰਦੇ ਹੋਏ ਤੁਹਾਡੇ ਲਈ ਜ਼ਰੂਰੀ ਹੈ ਕਿ ਤੁਸੀਂ ਆਪਣੇ ਬੱਚੇ ਨੂੰ ਪੌੜੀ ਦੇ ਪਹਿਲੇ ਡੰਡੇ 'ਤੇ ਖੜ੍ਹਾ ਕਰਨ ਲਈ ਫ਼ੈਸਲਾ ਪੂਰੀ ਸਮਝਦਾਰੀ ਨਾਲ ਲਵੋ। ਇਸ ਦੇ ਲਈ ਆਪਣੇ ਨੰਨ੍ਹੇ-ਮੁੰਨੇ ਬੱਚੇ ਨੂੰ ਕਿਸੇ ਸਕੂਲ 'ਚ ਦਾਖਲ ਕਰਵਾਉਣ ਤੋਂ ਪਹਿਲਾਂ ਤੁਹਾਨੂੰ ਸਬੰਧਿਤ ਸਕੂਲ ਬਾਰੇ ਕੁਝ ਜ਼ਰੂਰੀ ਤੇ ਮੁੱਢਲੀ ਜਾਣਕਾਰੀ ਪ੍ਰਾਪਤ ਕਰ ਲੈਣੀ ਚਾਹੀਦੀ ਹੈ।
* ਸਭ ਤੋਂ ਪਹਿਲਾਂ ਇਹ ਜ਼ਰੂਰ ਦੇਖਣਾ ਚਾਹੀਦਾ ਹੈ ਕਿ ਸਕੂਲ ਦੀ ਇਮਾਰਤ ਕਿੰਨੀ ਸੁਰੱਖਿਅਤ ਅਤੇ ਅਨੁਕੂਲ ਹੈ। ਇਹ ਕਿਤੇ ਜ਼ਿਆਦਾ ਭੀੜ-ਭੜੱਕੇ ਵਾਲੇ ਇਲਾਕੇ 'ਚ ਤਾਂ ਨਹੀਂ ਹੈ। ਇਸ ਨੂੰ ਜਾਣ ਵਾਲੇ ਰਸਤੇ ਕਿੰਨੇ ਸੁਰੱਖਿਅਤ ਹਨ।
* ਇਸ ਗੱਲ ਦੀ ਵੀ ਘੋਖ ਕਰਨ ਦੀ ਸਖ਼ਤ ਜ਼ਰੂਰਤ ਹੈ ਕਿ ਕਿਸੇ ਸਕੂਲ ਪ੍ਰਬੰਧਕ/ਮਾਲਕ ਤੁਹਾਡੇ ਤੋਂ ਦਾਖ਼ਲੇ ਦੇ ਨਾਂਅ 'ਤੇ ਮੋਟੀ ਰਕਮ ਲੈ ਕੇ ਤੁਹਾਡੇ ਨਾਲ ਠੱਗੀ ਤਾਂ ਨਹੀਂ ਮਾਰ ਰਹੇ। ਫ਼ੀਸ ਦੇ ਬਦਲੇ ਸਕੂਲ 'ਚ ਕਿਹੜੀਆਂ ਅਤੇ ਕਿਸ ਪੱਧਰ ਦੀਆਂ ਸਹੂਲਤਾਂ ਉਪਲਬਧ ਹਨ।
* ਸਕੂਲ ਅੰਦਰ ਕਿਸ ਤਰ੍ਹਾਂ ਦੇ ਅਧਿਆਪਕ ਤਾਇਨਾਤ ਹਨ ਅਤੇ ਉਨ੍ਹਾਂ ਦਾ ਵਰਤਾਓ ਕਿਸ ਤਰ੍ਹਾਂ ਹੈ। * ਲੋੜ ਪੈਣ 'ਤੇ ਬੱਚੇ ਨੂੰ ਸਾਂਭਣ ਲਈ ਚੌਥਾ ਦਰਜਾ ਮਹਿਲਾ ਮੁਲਾਜ਼ਮ ਤਾਇਨਾਤ ਹਨ ਜਾਂ ਨਹੀਂ, ਕਿਉਂਕਿ ਇਨ੍ਹਾਂ ਦਾ ਹੋਣਾ ਬੇਹੱਦ ਜ਼ਰੂਰੀ ਹੈ।
* ਕਿਤਾਬੀ ਪੜ੍ਹਾਈ ਦੇ ਨਾਲ-ਨਾਲ ਬੱਚਿਆਂ ਨੂੰ ਹੋਰ ਕਿਹੜੀਆਂ ਗਤੀਵਿਧੀਆਂ ਕਰਵਾਈਆਂ ਜਾਂਦੀਆਂ ਹਨ ਅਤੇ ਸਕੂਲ ਅੰਦਰ ਸਮੇਂ-ਸਮੇਂ ਸਮਾਗਮ ਹੁੰਦੇ ਹਨ ਜਾਂ ਨਹੀਂ।
* ਸਕੂਲ ਅੰਦਰ ਖੋਲ੍ਹੀ ਗਈ ਕੰਟੀਨ 'ਚ ਕਿਸ ਪੱਧਰ ਦੇ ਖਾਧ ਪਦਾਰਥ ਹਨ, ਕੰਟੀਨ ਦੀ ਸਫ਼ਾਈ ਅਤੇ ਪੀਣ ਵਾਲੇ ਪਾਣੀ ਆਦਿ ਬਾਰੇ ਵੀ ਪਤਾ ਕਰਨਾ ਚਾਹੀਦਾ ਹੈ।


-ਵਰਸੋਲਾ (ਗੁਰਦਾਸਪੁਰ)। ਮੋਬਾ: 84379-25062

ਤੁਹਾਡੇ ਕੋਲ ਕਿੰਨੀ ਹੈ ਖ਼ੁਸ਼ੀ ਦੀ ਪੂੰਜੀ?

ਕਿਸੇ ਦੇ ਕੋਲ ਬਹੁਤ ਉੱਚੇ ਅਹੁਦੇ ਦੀ ਨੌਕਰੀ ਹੁੰਦੀ ਹੈ, ਫਿਰ ਵੀ ਉਹ ਹਰ ਸਮੇਂ ਤਣਾਅਗ੍ਰਸਤ ਰਹਿੰਦਾ ਹੈ। ਕਿਸੇ ਦੇ ਕੋਲ ਭਰਪੂਰ ਲੋਕਪ੍ਰਿਅਤਾ ਹੁੰਦੀ ਹੈ, ਪਰ ਨਿੱਜੀ ਜ਼ਿੰਦਗੀ ਵਿਚ ਉਹ ਬੁਝਿਆ-ਬੁਝਿਆ ਜਿਹਾ ਰਹਿੰਦਾ ਹੈ। ਕਿਸੇ ਦੇ ਕੋਲ ਕਈ-ਕਈ ਮਹਿੰਗੀਆਂ ਗੱਡੀਆਂ ਹੁੰਦੀਆਂ ਹਨ ਪਰ ਉਸ ਦਾ ਕਿਤੇ ਵੀ ਜਾਣ ਨੂੰ ਮਨ ਨਹੀਂ ਕਰਦਾ। ਆਖਰ ਕਿਉਂ? ਕਿਉਂਕਿ ਇਨ੍ਹਾਂ ਸਾਰੇ ਲੋਕਾਂ ਦੇ ਜੀਵਨ ਵਿਚ ਅਨੇਕਾਂ ਜ਼ਿਕਰਯੋਗ ਸਫਲਤਾਵਾਂ ਤਾਂ ਹਨ ਪਰ ਖੁਸ਼ੀਆਂ ਨਹੀਂ ਹਨ। ਜੀਵਨ ਵਿਚ ਖੁਸ਼ੀ ਭਾਵ ਉਮੰਗ ਭਰੀਆਂ ਖੁਸ਼ੀਆਂ ਇਸ ਦੀ ਸਭ ਤੋਂ ਵੱਡੀ ਪੂੰਜੀ ਹੈ। ਹੋਲੀ ਵਰਗੇ ਤਿਉਹਾਰ ਇਸੇ ਪੂੰਜੀ ਦੀ ਮਹੱਤਤਾ ਨੂੰ ਦਰਸਾਉਂਦੇ ਹਨ। ਪਰ ਸਵਾਲ ਹੈ ਕਿ ਤੁਹਾਡੇ ਕੋਲ ਇਹ ਪੂੰਜੀ ਹੈ? ਆਓ ਪਰਖਦੇ ਹਾਂ-
1. ਹਰ ਦਿਨ ਤੁਸੀਂ ਸਵੇਰੇ ਜਦੋਂ ਘਰੋਂ ਦਫ਼ਤਰ ਲਈ ਨਿਕਲਦੇ ਹੋ ਤਾਂ-
(ਕ) ਤੁਸੀਂ ਕਾਫੀ ਗੰਭੀਰ ਹੁੰਦੇ ਹੋ, ਪੂਰੇ ਦਿਨ ਦਾ ਪ੍ਰੋਗਰਾਮ ਦਿਮਾਗ ਵਿਚ ਚਲਦਾ ਰਹਿੰਦਾ ਹੈ।
(ਖ) ਰਹਿ-ਰਹਿ ਕੇ ਕੁਝ ਸੋਚਦੇ ਹੋਏ ਇਕੱਲੇ ਹੀ ਮੁਸਕੁਰਾਉਣ ਲਗਦੇ ਹੋ।
(ਗ) ਭੱਜ-ਦੌੜ ਦੀ ਹਾਲਤ ਮਨ ਵਿਚ ਹੁੰਦੀ ਹੈ ਅਤੇ ਸੋਚਦੇ ਹੋ ਕਿ ਅੱਜ ਦੇਰ ਹੋ ਗਈ, ਕੱਲ੍ਹ ਤੋਂ ਸਮੇਂ ਸਿਰ ਨਿਕਲਾਂਗੇ।
2. ਤੁਸੀਂ ਤਿੰਨ ਜਗ੍ਹਾ ਨੌਕਰੀ ਲਈ ਅਰਜ਼ੀ ਦਿੱਤੀ ਹੈ ਅਤੇ ਤਿੰਨੋਂ ਜਗ੍ਹਾ ਤੁਹਾਨੂੰ ਬੁਲਾਇਆ ਗਿਆ ਹੈ। ਇਕ ਜਗ੍ਹਾ ਸਕੂਲ ਅਧਿਆਪਕ ਦਾ ਕੰਮ ਹੈ, ਜੋ ਤੁਹਾਨੂੰ ਹਮੇਸ਼ਾ ਤੋਂ ਪਸੰਦ ਹੈ ਪਰ ਉਸ ਵਿਚ ਤਨਖਾਹ ਘੱਟ ਹੈ। ਦੂਜੇ ਦੋਵੇਂ ਕੰਮ ਮਾਰਕੀਟਿੰਗ ਦੇ ਹਨ, ਜਿਨ੍ਹਾਂ ਵਿਚ ਚੰਗਾ ਪੈਸਾ ਹੈ। ਅਜਿਹੇ ਵਿਚ ਤੁਸੀਂ-
(ਕ) ਸਕੂਲ ਅਧਿਆਪਕ ਦੀ ਨੌਕਰੀ ਕਰੋਗੇ। ਕਿਉਂਕਿ ਪੜ੍ਹਾਉਣਾ ਤੁਹਾਡਾ ਮਨਪਸੰਦ ਕੰਮ ਹੈ।
(ਖ) ਜੀਵਨ ਵਿਚ ਸਭ ਤੋਂ ਮਹੱਤਵਪੂਰਨ ਹੈ ਪੈਸਾ। ਇਸ ਲਈ ਤੁਸੀਂ ਮਾਰਕੀਟਿੰਗ ਦਾ ਕੰਮ ਕਰੋਗੇ।
(ਗ) ਕਿਸੇ ਦੋਸਤ ਦੀ ਸਲਾਹ ਲਓਗੇ, ਉਸੇ ਦੇ ਮੁਤਾਬਿਕ ਕਦਮ ਚੁੱਕੋਗੇ।
3. ਤੁਹਾਡਾ ਮੰਨਣਾ ਹੈ ਕਿ ਸਾਨੂੰ ਖੁਸ਼ੀ-
(ਕ) ਆਪਣੇ ਸੁਭਾਅ ਨਾਲ ਮਿਲਦੀ ਹੈ। (ਖ) ਆਪਣੀ ਪਰਿਵਾਰਕ ਹੈਸੀਅਤ ਨਾਲ ਮਿਲਦੀ ਹੈ। (ਗ) ਪੈਸੇ ਨਾਲ ਮਿਲਦੀ ਹੈ।
4. ਤੁਹਾਨੂੰ ਸਵੇਰੇ-ਸਵੇਰੇ ਲੰਬੀ ਸੈਰ ਕਰਨੀ ਬਹੁਤ ਪਸੰਦ ਹੈ ਪਰ ਤੁਹਾਨੂੰ ਇਕ ਵੈੱਬਸਾਈਟ ਨੇ ਬਿਲਕੁਲ ਸਵੇਰੇ-ਸਵੇਰੇ ਦੀ ਲਾਈਵ ਕੁਮੈਂਟਰੀ ਦਾ ਕੰਮ ਦਿੱਤਾ ਹੈ। ਤੁਸੀਂ ਇਹ ਕੰਮ ਕਰਦੇ ਹੋ ਤਾਂ ਆਪਣੀ ਸਵੇਰ ਦੀ ਸੈਰ ਨਾਲ ਸਮਝੌਤਾ ਕਰਨਾ ਪਵੇਗਾ। ਅਜਿਹੇ ਵਿਚ ਤੁਸੀਂ-
(ਕ) ਕੰਮ ਕਰ ਲਓਗੇ। ਸਵੇਰ ਦੀ ਸੈਰ ਤਾਂ ਜੀਵਨ ਵਿਚ ਕਦੇ ਵੀ ਕੀਤੀ ਜਾ ਸਕਦੀ ਹੈ।
(ਖ) ਜੀਵਨ ਵਿਚ ਖੁਸ਼ੀਆਂ ਹਨ ਤਾਂ ਸਭ ਕੁਝ ਹੈ ਅਤੇ ਤੁਹਾਨੂੰ ਸਵੇਰ ਦੀ ਸੈਰ ਕਰਨੀ ਖੁਸ਼ੀ ਦਿੰਦੀ ਹੈ, ਇਸ ਲਈ ਤੁਸੀਂ ਸਵੇਰ ਦੇ ਕੰਮ ਨੂੰ ਠੁਕਰਾ ਦਿਓਗੇ।
(ਗ) ਅਜਿਹੇ ਮੌਕੇ ਹਮੇਸ਼ਾ ਕਿਸੇ ਤੀਜੇ ਦਾ ਸੁਝਾਅ ਠੀਕ ਹੁੰਦਾ ਹੈ, ਤੁਸੀਂ ਵੀ ਲੈਣਾ ਚਾਹੋਗੇ।
5. ਅਸੀਂ ਅਕਸਰ ਪ੍ਰੇਸ਼ਾਨ ਇਸ ਲਈ ਹੁੰਦੇ ਹਾਂ, ਕਿਉਂਕਿ ਜੀਵਨ ਦੇ ਪ੍ਰਤੀ ਅਸੀਂ ਸਕਾਰਾਤਮਕ ਨਜ਼ਰੀਆ ਨਹੀਂ ਰੱਖਦੇ। ਕੀ ਇਸ ਕਥਨ ਨੂੰ ਤੁਸੀਂ ਸਹੀ ਮੰਨਦੇ ਹੋ?
(ਕ) ਨਹੀਂ, ਖੁਸ਼ੀਆਂ ਸਿਰਫ ਨਜ਼ਰੀਏ ਨਾਲ ਨਹੀਂ ਹੁੰਦੀਆਂ।
(ਖ) ਹਾਂ, ਨਜ਼ਰੀਆ ਸਾਡੇ ਅਹਿਸਾਸ ਨੂੰ ਆਧਾਰ ਦਿੰਦਾ ਹੈ।
(ਗ) ਖੁਸ਼ੀ ਲਈ ਇਹ ਵੱਡੀਆਂ-ਵੱਡੀਆਂ ਦਾਰਸ਼ਨਿਕ ਗੱਲਾਂ ਮੈਨੂੰ ਸਮਝ ਨਹੀਂ ਆਉਂਦੀਆਂ।
ਨਤੀਜਾ : ਜੇ ਤੁਸੀਂ ਇਥੇ ਪੁੱਛੇ ਗਏ ਸਾਰੇ ਸਵਾਲਾਂ ਦੇ ਉਨ੍ਹਾਂ ਬਦਲਾਂ 'ਤੇ ਆਪਣੀ ਸਹਿਮਤੀ ਦਿੱਤੀ ਹੈ, ਜਿਨ੍ਹਾਂ ਨੂੰ ਇਮਾਨਦਾਰੀ ਨਾਲ ਤੁਸੀਂ ਆਪਣੇ ਦਿਲ ਦੇ ਕਰੀਬ ਮੰਨਦੇ ਹੋ ਤਾਂ ਅਸੀਂ ਦੱਸਦੇ ਹਾਂ ਕਿ ਤੁਹਾਡੇ ਕੋਲ ਖੁਸ਼ੀ ਦੀ ਪੂੰਜੀ ਕਿੰਨੀ ਹੈ?
ਕ-ਜੇ ਤੁਸੀਂ 10 ਤੋਂ ਜ਼ਿਆਦਾ ਪਰ 15 ਤੋਂ ਘੱਟ ਅੰਕ ਹਾਸਲ ਕੀਤੇ ਹਨ ਤਾਂ ਤੁਸੀਂ ਕਿਸੇ ਹੱਦ ਤੱਕ ਵਿਵਹਾਰਕ ਹੋ, ਜ਼ਿੰਮੇਵਾਰ ਹੈ ਅਤੇ ਇਸ ਤੋਂ ਸੰਤੁਸ਼ਟ ਵੀ ਰਹਿੰਦੇ ਹੋ। ਪਰ ਸੰਤੁਸ਼ਟ ਰਹਿਣ ਦਾ ਮਤਲਬ ਇਹ ਨਹੀਂ ਹੈ ਕਿ ਤੁਸੀਂ ਖੁਸ਼ ਵੀ ਰਹਿੰਦੇ ਹੋ। ਖੁਸ਼ੀ ਸੰਤੁਸ਼ਟੀ ਤੋਂ ਉੱਪਰ ਵਾਲੀ ਗੱਲ ਹੈ।
ਖ-ਜੇ ਤੁਹਾਡੇ ਕੁਲ ਹਾਸਲ ਅੰਕ 16 ਤੋਂ ਜ਼ਿਆਦਾ ਪਰ 19 ਜਾਂ 19 ਤੋਂ ਘੱਟ ਹਨ ਤਾਂ ਤੁਸੀਂ ਖੁਸ਼ੀਆਂ ਲੱਭਣ ਲਈ ਇਮਾਨਦਾਰੀ ਨਾਲ ਕੋਸ਼ਿਸ਼ ਕਰ ਰਹੇ ਹੋ ਅਤੇ ਤੁਸੀਂ ਆਪਣੀ ਮੰਜ਼ਿਲ ਦੇ ਬਿਲਕੁਲ ਕਰੀਬ ਹੋ।
ਗ-ਜੇ ਤੁਹਾਡੇ ਕੁੱਲ ਹਾਸਲ ਅੰਕ 19 ਤੋਂ ਜ਼ਿਆਦਾ ਹਨ ਤਾਂ ਤੁਹਾਡੀ ਜ਼ਿੰਦਗੀ ਵਿਚ ਖੁਸ਼ੀਆਂ ਦੀ ਭਰਪੂਰ ਪੂੰਜੀ ਹੈ। ਤੁਸੀਂ ਨਾ ਸਿਰਫ ਮਾਲਾ-ਮਾਲ ਹੋ, ਸਗੋਂ ਤੁਹਾਡੀ ਇਹ ਪੂੰਜੀ ਤੁਹਾਡੇ ਆਸ-ਪਾਸ ਦੇ ਲੋਕਾਂ ਨੂੰ ਵੀ ਖੁਸ਼ ਰੱਖਦੀ ਹੈ।


-ਪਿੰਕੀ ਅਰੋੜਾ,
ਇਮੇਜ ਰਿਫਲੈਕਸ਼ਨ ਸੈਂਟਰ

ਵਧ ਰਹੀ ਉਮਰ ਦੇ ਨਾਲ-ਨਾਲ ਸਰੀਰਕ ਜਾਂਚ ਵੀ ਜ਼ਰੂਰੀ ਹੈ

ਬਿਲਕੁਲ ਸੱਚ ਜੀ, ਵਧ ਰਹੀ ਉਮਰ ਦੇ ਨਾਲ-ਨਾਲ ਸਰੀਰਕ ਜਾਂਚ ਵੀ ਬਹੁਤ ਜ਼ਰੂਰੀ ਹੈ ਜੀ। ਪਰ ਅੱਜਕਲ੍ਹ ਹਰ ਇਨਸਾਨ ਇੰਨਾ ਕੁ ਆਪਣੇ ਰੁਝੇਵਿਆਂ ਵਿਚ ਰੁੱਝਿਆ ਹੋਇਆ ਹੈ ਕਿ ਹਰ ਪਲ ਅਮੀਰ ਹੋਣ ਦੇ ਲਾਲਚ ਵਿਚ ਮਸ਼ੀਨ ਵਾਂਗ ਕੰਮ ਕਰਦਾ ਰਹਿੰਦਾ ਹੈ। ਜਵਾਨੀ ਤੋਂ ਲੈ ਕੇ ਬੁਢਾਪੇ ਤੱਕ ਦੇ ਸਫਰ ਨੂੰ ਤਾਂ ਕੰਮਾਕਾਰਾਂ ਵਿਚ ਲੰਘਦਿਆ ਜਿਵੇਂ ਪਤਾ ਹੀ ਨਾ ਲੱਗਾ ਹੋਵੇ। ਫਿਰ ਇਕ ਉਮਰ ਆ ਜਾਂਦੀ ਹੈ ਕਿ ਸਾਨੂੰ ਆਪਣੀ ਵਧ ਰਹੀ ਉਮਰ ਦਾ ਪਤਾ ਜਿਹਾ ਲੱਗਣ ਲੱਗ ਜਾਂਦਾ ਹੈ, ਬੱਸ ਉਹੀ ਉਮਰ ਵਿਚ ਸਾਨੂੰ ਵੱਧ ਤੋਂ ਵੱਧ ਲੋੜ ਹੁੰਦੀ ਹੈ ਜੀ ਸਰੀਰਕ ਜਾਂਚ ਦੀ, ਕਿਉਂਕਿ ਉਮਰ ਮੁਤਾਬਿਕ ਸਾਡੇ ਸਰੀਰ ਦੀ ਪਾਚਣ ਸ਼ਕਤੀ ਕਮਜ਼ੋਰ ਹੋ ਜਾਂਦੀ ਹੈ ਤੇ ਸਰੀਰ ਨੂੰ ਬਿਮਾਰੀਆਂ ਵੀ ਘੇਰ ਲੈਂਦੀਆਂ ਹਨ। ਇਸ ਲਈ ਤੰਦਰੁਸਤ ਰਹਿਣ ਲਈ ਸਰੀਰਕ ਜਾਂਚ ਬਹੁਤ ਜ਼ਰੂਰੀ ਹੈ। ਇਸ ਦੇ ਨਾਲ-ਨਾਲ ਹਲਕਾ ਅਤੇ ਤਾਜ਼ਾ ਭੋਜਨ ਕਰਨਾ ਵੀ ਸਰੀਰ ਦੀ ਤੰਦਰੁਸਤੀ ਵਿਚ ਬਹੁਤ ਕਾਰਗਰ ਸਿੱਧ ਹੁੰਦਾ ਹੈ। ਕਿਉਂਕਿ ਅਸੀਂ ਔਰਤਾਂ ਆਪਣੇ ਸਰੀਰ ਪ੍ਰਤੀ ਬਹੁਤ ਹੀ ਲਾਪ੍ਰਵਾਹੀ ਵਰਤਦੀਆਂ ਹਾਂ। ਜਿਵੇਂ ਪੇਟ ਦਰਦ, ਕਮਰ ਦਰਦ, ਜੋੜਾਂ ਦਾ ਦਰਦ, ਸਿਰ ਦਰਦ, ਬਲੱਡ ਪ੍ਰੈਸ਼ਰ ਅਤੇ ਹੋਰ ਵੀ ਔਰਤਾਂ ਦੇ ਅਨੇਕਾਂ ਰੋਗ ਜਿਨ੍ਹਾਂ ਦੇ ਹੋਣ 'ਤੇ ਦਵਾਈ ਲੈਣ ਜਾਣ ਤੋਂ ਆਨਾਕਾਨੀ ਕਰਕੇ ਕਿਸੇ ਭਿਆਨਕ ਰੋਗ ਨੂੰ ਸੱਦਾ ਦੇਣ ਵਾਲੀ ਗੱਲ ਕਰ ਬੈਠਦੀਆਂ ਹਨ, ਜੋ ਬਿਲਕੁਲ ਗਲਤ ਹੈ।
ਮੇਰੇ ਹਿਸਾਬ ਨਾਲ ਸਾਨੂੰ ਇਕ ਸਾਲ ਵਿਚ ਇਕ ਵਾਰ ਜ਼ਰੂਰ ਹੀ ਸਰੀਰਕ ਜਾਂਚ ਕਰਾਉਣੀ ਚਾਹੀਦੀ ਹੈ ਅਤੇ ਆਪਣੀ ਖੁਰਾਕ ਵੱਲ ਵੀ ਖਾਸ ਧਿਆਨ ਦੇਣਾ ਚਾਹੀਦਾ ਹੈ। ਜਿਵੇਂ ਔਰਤਾਂ ਵਿਚ ਵਡੇਰੀ ਉਮਰ ਵਿਚ ਜਾ ਕੇ ਕੈਲਸ਼ੀਅਮ ਦੀ ਕਮੀ ਹੋ ਜਾਂਦੀ ਹੈ, ਇਸ ਕਮੀ ਨੂੰ ਪੂਰਾ ਕਰਨ ਲਈ ਸਾਨੂੰ ਦੁੱਧ, ਦਹੀਂ, ਪਨੀਰ ਅਤੇ ਕੈਲਸ਼ੀਅਮ ਦੀਆਂ ਗੋਲੀਆਂ ਖਾਣੀਆਂ ਚਾਹੀਦੀਆਂ ਹਨ ਤਾਂ ਕਿ ਹੱਡੀਆਂ ਦੀ ਮਜ਼ਬੂਤੀ ਬਣੀ ਰਹੇ। ਸੋ ਦੋਸਤੋ! ਸਮੇਂ-ਸਮੇਂ 'ਤੇ ਸਰੀਰਕ ਜਾਂਚ ਕਰਵਾਓ ਤੇ ਤੰਦਰੁਸਤੀ ਪਾਓ। ਨਾਲ-ਨਾਲ ਨਾਮ ਸਿਮਰਨ ਕਰਕੇ ਚੰਗੇ ਵਿਚਾਰਾਂ ਦੇ ਧਾਰਨੀ ਬਣੋ ਤੇ ਜੀਵਨ ਖੁਸ਼ਹਾਲ ਬਣਾਉ।


-ਭਗਤਾ ਭਾਈ ਕਾ।
ਮੋਬਾ: 94786-58384

ਪੂਰਾ ਲਾਭ ਉਠਾਓ ਅਲਮਾਰੀ ਦਾ

* ਹਰੇਕ ਕੱਪੜੇ ਦੀ ਇਕ ਨਿਸਚਿਤ ਥਾਂ ਬਣਾਓ।
* ਸਾੜ੍ਹੀਆਂ ਕੀਮਤੀ ਹੋਣ ਜਾਂ ਸਸਤੀਆਂ, ਸੂਤੀ ਹੋਣ ਜਾਂ ਰੇਸ਼ਮੀ, ਸਾਰਿਆਂ ਨੂੰ ਮੈਚਿੰਗ ਬਲਾਊਜ਼ ਦੇ ਨਾਲ ਹੈਂਗਰ ਵਿਚ ਸਲੀਕੇ ਨਾਲ ਟੰਗ ਕੇ ਰੱਖੋ। ਦੋ ਹੈਂਗਰਾਂ ਦੇ ਵਿਚ ਏਨੀ ਦੂਰੀ ਹੋਵੇ ਕਿ ਸਾੜ੍ਹੀਆਂ ਕੱਢਦੇ ਸਮੇਂ ਉਨ੍ਹਾਂ ਦੀ ਪ੍ਰੈੱਸ ਖਰਾਬ ਨਾ ਹੋਵੇ।
* ਅੰਤਰੰਗ ਕੱਪੜਿਆਂ ਵਾਂਗ ਰੁਮਾਲ, ਜੁਰਾਬਾਂ ਦੀ ਵੀ ਜਗ੍ਹਾ ਨਿਸਚਿਤ ਕਰੋ।
* ਸਾੜ੍ਹੀਆਂ ਵਾਂਗ ਸਲਵਾਰ-ਕਮੀਜ਼ਾਂ ਨੂੰ ਵੀ ਹੈਂਗਰਾਂ ਵਿਚ ਟੰਗ ਕੇ ਰੱਖੋ। ਉਨ੍ਹਾਂ ਦੇ ਨਾਲ ਹੀ ਉਨ੍ਹਾਂ ਦੇ ਨਾਲ ਵਾਲਾ ਦੁਪੱਟਾ ਵੀ ਨਾਲ ਹੀ ਰੱਖੋ।
* ਪਾਰਟੀ ਜਾਂ ਬਾਜ਼ਾਰ ਤੋਂ ਆਉਣ ਤੋਂ ਬਾਅਦ ਸਾੜ੍ਹੀਆਂ ਦੀ ਗੰਦਗੀ ਤੁਰੰਤ ਸਾਫ਼ ਕਰ ਦਿਓ ਤਾਂ ਕਿ ਉਸ ਨੂੰ ਦੁਬਾਰਾ ਪਹਿਨਦੇ ਸਮੇਂ ਤੁਹਾਨੂੰ ਪ੍ਰੇਸ਼ਾਨੀ ਨਾ ਹੋਵੇ।
* ਅਲਮਾਰੀ ਵਿਚ ਕੱਪੜੇ ਰੱਖਦੇ ਸਮੇਂ ਉਸ ਨੂੰ ਚੰਗੀ ਤਰ੍ਹਾਂ ਰੱਖੋ। ਜੇ ਕੱਪੜਿਆਂ ਵਿਚ ਪ੍ਰੈੱਸ ਨਹੀਂ ਹੋਏ ਹਨ ਤਾਂ ਵੀ ਉਨ੍ਹਾਂ ਨੂੰ ਤਹਿ ਲਗਾ ਕੇ ਰੱਖੋ ਤਾਂ ਕਿ ਲੋੜ ਪੈਣ 'ਤੇ ਉਨ੍ਹਾਂ ਨੂੰ ਪਹਿਨਿਆ ਜਾ ਸਕੇ।
* ਰੇਸ਼ਮੀ ਅਤੇ ਕਾਮਦਾਰ ਸਾੜ੍ਹੀਆਂ ਨੂੰ ਹਮੇਸ਼ਾ ਡਰਾਈਕਲੀਨ ਕਰਵਾ ਕੇ ਹੀ ਰੱਖੋ ਤਾਂ ਕਿ ਉਨ੍ਹਾਂ ਦੀ ਚਮਕ ਅਤੇ ਉਮਰ ਵਿਚ ਕਮੀ ਨਾ ਆਵੇ।
* ਸਲਵਾਰ-ਕਮੀਜ਼-ਬਲਾਊਜ਼ ਨੂੰ ਅਲਮਾਰੀ ਵਿਚ ਰੱਖਣ ਤੋਂ ਪਹਿਲਾਂ ਉਸ ਦੇ ਪਸੀਨੇ ਨੂੰ ਸੁਕਾ ਲਓ ਤਾਂ ਕਿ ਉਸ ਵਿਚੋਂ ਬਦਬੂ ਨਾ ਆਵੇ।
* ਜੇ ਘਰ ਵਿਚ ਸਿਰਫ ਇਕ ਹੀ ਅਲਮਾਰੀ ਹੈ ਤਾਂ ਉਸ ਵਿਚ ਪਤੀ ਅਤੇ ਬੱਚਿਆਂ ਦੇ ਕੱਪੜਿਆਂ ਨੂੰ ਵੀ ਜਗ੍ਹਾ ਦਿਓ।
* ਅਲਮਾਰੀ ਵਿਚ ਕੱਪੜੇ ਝਾੜਨ ਵਾਲਾ ਇਕ ਬੁਰਸ਼ ਜ਼ਰੂਰ ਰੱਖੋ।
* ਅਲਮਾਰੀ ਦੀ ਸਹੀ ਵਿਵਸਥਾ ਅਤੇ ਸਫ਼ਾਈ ਤਨ ਅਤੇ ਮਨ ਦੋਵਾਂ ਨੂੰ ਹੀ ਤਰੋਤਾਜ਼ਾ ਅਤੇ ਖੁਸ਼ ਰੱਖੇਗੀ।
* ਰੋਜ਼ਾਨਾ ਪਹਿਨਣ ਵਾਲੇ ਗਹਿਣੇ ਲਾਕਰ ਵਿਚ ਨਾ ਰੱਖੋ। ਇਸ ਨਾਲ ਵਾਰ-ਵਾਰ ਲਾਕਰ ਖੋਲ੍ਹਣ ਵਿਚ ਪ੍ਰੇਸ਼ਾਨੀ ਹੋ ਸਕਦੀ ਹੈ।
* ਸੈੱਟ ਦੇ ਨਾਲ ਹੀ ਸਾਰੀਆਂ ਚੀਜ਼ਾਂ ਜਿਵੇਂ ਹਾਰ, ਟੌਪਸ ਅਤੇ ਅੰਗੂਠੀ ਹਮੇਸ਼ਾ ਇਕ ਹੀ ਡੱਬੇ ਵਿਚ ਰੱਖੋ।
* ਹੀਰੇ-ਜਵਾਹਰਾਤ ਅਤੇ ਮਹਿੰਗੇ ਗਹਿਣੇ ਹਮੇਸ਼ਾ 'ਚੋਰ ਲਾਕਰ' ਵਿਚ ਹੀ ਸਾਵਧਾਨੀ ਨਾਲ ਰੱਖੋ।
* ਅਲਮਾਰੀ ਵਿਚ ਪੱਤਰ-ਪੱਤ੍ਰਿਕਾਵਾਂ ਵਰਗੀਆਂ ਚੀਜ਼ਾਂ ਨਾ ਰੱਖੋ।
* ਕੱਚ ਦੀਆਂ ਚੂੜੀਆਂ ਲਈ ਅਲਮਾਰੀ ਦੇ ਦਰਵਾਜ਼ੇ ਦੇ ਹੁੱਕ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX