ਤਾਜਾ ਖ਼ਬਰਾਂ


ਆਵਾਰਾ ਸਾਨ੍ਹ ਨੇ ਲਈ ਬਜ਼ੁਰਗ ਦੀ ਜਾਨ
. . .  0 minutes ago
ਖਮਾਣੋਂ, 25 ਜੂਨ (ਪਰਮਵੀਰ ਸਿੰਘ)- ਇੱਥੋਂ ਦੇ ਨਜ਼ਦੀਕੀ ਪਿੰਡ ਰਾਵਣਾ ਦੇ ਇੱਕ ਬਜ਼ੁਰਗ ਦੀ ਆਵਾਰਾ ਸਾਨ੍ਹ ਵਲੋਂ ਮਾਰੇ ਜਾਣ ਕਾਰਨ ਮੌਤ ਹੋ ਗਈ। ਮ੍ਰਿਤਕ ਦੀ ਪਹਿਚਾਣ ਜੋਧ ਸਿੰਘ ਦੇ ਰੂਪ 'ਚ ਹੋਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਸਾਨ੍ਹ ਵਲੋਂ ਮਾਰੇ ਜਾਣ ਕਾਰਨ ਬਜ਼ੁਰਗ...
ਅੱਜ ਦਾ ਵਿਚਾਰ
. . .  22 minutes ago
ਅਫ਼ਗ਼ਾਨਿਸਤਾਨ-ਬੰਗਲਾਦੇਸ਼ ਮੈਚ : ਬੰਗਲਾਦੇਸ਼ ਨੇ ਅਫ਼ਗ਼ਾਨਿਸਤਾਨ ਨੂੰ 62 ਦੌੜਾਂ ਨਾਲ ਹਰਾਇਆ
. . .  1 day ago
ਝੌਂਪੜ 'ਤੇ ਖੰਭਾਂ ਡਿੱਗਣ ਕਾਰਨ ਇਕ ਬਜ਼ੁਰਗ ਔਰਤ ਦੀ ਮੌਤ ,ਇਕ ਗੰਭੀਰ
. . .  1 day ago
ਬਲਾਚੌਰ,24 ਜੂਨ (ਦੀਦਾਰ ਸਿੰਘ ਬਲਾਚੌਰੀਆ)--ਅੱਜ ਬਾਅਦ ਦੁਪਹਿਰ ਹੋਈ ਬਾਰਸ਼ ਸ਼ੈਲਰ ਕਾਲੋਨੀ ਵਾਰਡ ਨੰਬਰ 3 ਨੇੜੇ ਕਚਰਾ ੳੇਠਾਉਣ ਵਾਲੇ ਪ੍ਰਵਾਸੀ ਮਜ਼ਦੂਰਾਂ ਦੇ ਇਕ ਪਰਿਵਾਰ ਲਈ ਆਫ਼ਤ ਬਣ ਗਈ ...
ਆਵਾਰਾ ਸਾਨ੍ਹ ਨੇ ਟੱਕਰ ਮਾਰ ਕੇ ਵਿਅਕਤੀ ਨੂੰ ਮੌਤ ਦੇ ਘਾਟ ਉਤਾਰਿਆ
. . .  1 day ago
ਖਮਾਣੋਂ, 24 ਜੂਨ (ਮਨਮੋਹਣ ਸਿੰਘ ਕਲੇਰ)- ਅੱਜ ਸ਼ਾਮ ਪਿੰਡ ਰਣਵਾਂ ਵਿਖੇ ਇਕ ਆਵਾਰਾ ਸਾਨ੍ਹ ਨੇ ਟੱਕਰ ਮਾਰ ਕੇ ਜੋਧ ਸਿੰਘ ਨਾਮਕ ਵਿਅਕਤੀ ਨੂੰ ਮੌਕੇ 'ਤੇ ਹੀ ਜਾਨੋਂ ਮਾਰ ਦਿੱਤਾ। ਮ੍ਰਿਤਕ ਦੇ ਭਰਾ ਕਸ਼ਮੀਰ ਸਿੰਘ ਅਤੇ ਬਚਿੱਤਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦਾ ਭਰਾ ...
ਅਰਬਨ ਸਪਲਾਈ ਦੀ ਤਾਰ ਟੁੱਟ ਕੇ ਨੌਜਵਾਨ 'ਤੇ ਡਿੱਗੀ, ਮੌਤ
. . .  1 day ago
ਖਡੂਰ ਸਾਹਿਬ, 24 ਜੂਨ (ਮਾਨ ਸਿੰਘ)- ਪਾਵਰ ਕਾਮ ਸਬ ਡਵੀਜ਼ਨ ਨਾਗੋਕੇ ਅਧੀਨ ਆਉਂਦੇ ਪਿੰਡ ਰਾਮਪੁਰ ਭੂਤਵਿੰਤ ਵਿਖੇ ਬਿਜਲੀ ਦਾ ਕਰੰਟ ਲੱਗਣ ਕਾਰਨ ਨੌਜਵਾਨ ਦੀ ਮੌਤ ਹੋ ਜਾਣ ਸਬੰਧੀ ਖ਼ਬਰ ਮਿਲੀ ਹੈ। ਮੌਕੇ ਤੋਂ ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਨੌਜਵਾਨ ....
ਅਫ਼ਗ਼ਾਨਿਸਤਾਨ-ਬੰਗਲਾਦੇਸ਼ ਮੈਚ : 5 ਓਵਰਾਂ ਤੋਂ ਬਾਅਦ ਅਫ਼ਗ਼ਾਨਿਸਤਾਨ 21/0
. . .  1 day ago
ਸਬ-ਡਵੀਜ਼ਨ ਤਪਾ 'ਚ ਪੁਲਿਸ ਤੇ ਪੈਰਾ ਮਿਲਟਰੀ ਫੋਰਸ ਨੇ ਕੱਢਿਆ ਫਲੈਗ ਮਾਰਚ
. . .  1 day ago
ਤਪਾ ਮੰਡੀ, 24 ਜੂਨ (ਵਿਜੇ ਸ਼ਰਮਾ)- ਪਿਛਲੇ ਦਿਨੀਂ ਨਾਭਾ ਜੇਲ੍ਹ 'ਚ ਬੰਦ ਡੇਰਾ ਸਿਰਸਾ ਦੇ ਕੱਟੜ ਸਮਰਥਕ ਮਹਿੰਦਰਪਾਲ ਬਿੱਟੂ ਦੇ ਹੋਏ ਕਤਲ ਨੂੰ ਲੈ ਕੇ ਸਬ-ਡਵੀਜ਼ਨ ਦੇ ਡੀ.ਐੱਸ.ਪੀ ਰਵਿੰਦਰ ਸਿੰਘ ਰੰਧਾਵਾ ਦੀ ਅਗਵਾਈ 'ਚ ਪੈਰਾ ਮਿਲਟਰੀ ਫੋਰਸ ਦੇ ਸਹਿਯੋਗ ਨਾਲ ....
ਸਰਹੱਦੀ ਚੌਂਕੀ ਸ਼ਾਹਪੁਰ ਨੇੜਿਓਂ ਬੀ.ਐੱਸ.ਐਫ ਨੇ ਇਕ ਵਿਅਕਤੀ ਨੂੰ ਕੀਤਾ ਕਾਬੂ
. . .  1 day ago
ਅਜਨਾਲਾ, 24 ਜੂਨ (ਐੱਸ. ਪ੍ਰਸ਼ੋਤਮ)- ਅਜਨਾਲਾ ਸੈਕਟਰ ਦੇ ਸਰਹੱਦੀ ਚੌਂਕੀ ਸ਼ਾਹਪੁਰ ਨੇੜਿਓਂ ਬੀ.ਐੱਸ.ਐਫ. 32 ਬਟਾਲੀਅਨ ਦੇ ਇੰਸਪੈਕਟਰ ਸੰਜੀਵ ਕੁਮਾਰ ਵੱਲੋਂ ਕੌਮਾਂਤਰੀ ਸਰਹੱਦ ਦੇ ਮਨਾਹੀ ਵਾਲੇ ਖੇਤਰ 'ਚ ਘੁੰਮ ਰਹੇ ਇਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕੀਤਾ। ਕਾਬੂ ...
ਬੰਗਲਾਦੇਸ਼ ਨੇ ਅਫ਼ਗ਼ਾਨਿਸਤਾਨ ਨੂੰ ਜਿੱਤ ਲਈ ਦਿੱਤਾ 263 ਦੌੜਾਂ ਦਾ ਟੀਚਾ
. . .  1 day ago
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਕਿਵੇਂ ਪਹਿਨੇ ਔਰਤ ਸਾੜ੍ਹੀ?

• ਸਾੜ੍ਹੀ ਦਾ ਚੋਣ ਮੌਸਮ, ਸਮੇਂ ਅਤੇ ਮੌਕੇ ਦੇ ਅਨੁਕੂਲ ਹੀ ਕਰਨੀ ਚਾਹੀਦੀ ਹੈ | ਸਾੜ੍ਹੀ ਦੀ ਚੋਣ ਦੇ ਨਾਲ-ਨਾਲ ਜੇ ਬਲਾਊਜ਼ ਦੀ ਚੋਣ ਵਿਚ ਵੀ ਸੂਝ-ਬੂਝ ਵਰਤੀ ਜਾਵੇ ਤਾਂ ਇਸ ਨਾਲ ਸਾੜ੍ਹੀ ਵਿਚ ਹੋਰ ਵੀ ਨਿਖਾਰ ਆਉਂਦਾ ਹੈ |
• ਸਾੜ੍ਹੀ ਦੇ ਨਾਲ ਹਮੇਸ਼ਾ ਮੈਚਿੰਗ ਬਲਾਊਜ਼ ਹੀ ਪਹਿਨਣਾ ਚਾਹੀਦਾ ਹੈ | ਜੇ ਮੈਚਿੰਗ ਨਾ ਹੋਵੇ ਤਾਂ ਕੰਟਰਾਸਟ ਪਹਿਨੋ | ਵੈਸੇ ਵੀ ਅੱਜਕਲ੍ਹ ਸਾੜ੍ਹੀ ਦੇ ਨਾਲ ਕੰਟਰਾਸਟ ਰੰਗ ਵਾਲੇ ਬਲਾਊਜ਼ ਦਾ ਹੀ ਰਿਵਾਜ ਹੈ | ਜੇ ਤੁਹਾਨੂੰ ਕੰਟਰਾਸਟ ਰੰਗ ਪਸੰਦ ਹੈ ਤਾਂ ਜ਼ਰੂਰ ਪਹਿਨੋ ਪਰ ਬੇਮੇਲ ਰੰਗ ਦਾ ਬਲਾਊਜ਼ ਨਾ ਪਹਿਨੋ | ਇਹ ਸਾੜ੍ਹੀ ਦੀ ਸ਼ੋਭਾ ਨੂੰ ਘੱਟ ਕਰ ਦਿੰਦਾ ਹੈ |
• ਹਲਕੀ ਅਤੇ ਬਰੀਕ ਸਾੜ੍ਹੀ ਦੇ ਹੇਠਾਂ ਗੰਦਾ ਅਤੇ ਉਡਿਆ ਹੋਇਆ ਜਾਂ ਬੇਮੇਲ ਰੰਗ ਦਾ ਪੇਟੀਕੋਟ ਨਾ ਪਹਿਨੋ | ਇਸ ਨਾਲ ਸਾੜ੍ਹੀ ਭੱਦੀ ਦਿਖਾਈ ਦੇਵੇਗੀ | ਪੇਟੀਕੋਟ ਦੀ ਡੋਰੀ (ਨਾੜੇ) ਨੂੰ ਜ਼ਿਆਦਾ ਕੱਸ ਕੇ ਨਾ ਬੰਨ੍ਹੋ, ਕਿਉਂਕਿ ਇਸ ਨਾਲ ਕਮਰ 'ਤੇ ਕਾਲਾ ਨਿਸ਼ਾਨ ਪੈ ਸਕਦਾ ਹੈ |
• ਜੇ ਤੁਸੀਂ ਸ਼ਾਮ ਨੂੰ ਕਿਸੇ ਪਾਰਟੀ ਵਿਚ ਜਾ ਰਹੇ ਹੋ ਜਾਂ ਫਿਰ ਖਰੀਦੋ-ਫਰੋਖਤ ਲਈ ਜਾ ਰਹੇ ਹੋ ਤਾਂ ਉਲਟੇ ਪੱਲੇ ਦੀ ਸਾੜ੍ਹੀ ਬੰਨ੍ਹੋ ਜਾਂ ਵੱਖ-ਵੱਖ ਤਰ੍ਹਾਂ ਪੱਲੇ ਵਾਲੀ ਸਾੜ੍ਹੀ ਬੰਨ੍ਹੋ | ਇਸ ਤੋਂ ਇਲਾਵਾ ਆਕਰਸ਼ਕ ਪੱਲੇ ਵਾਲੀ ਸਾੜੀ ਦੀ ਚੋਣ ਕਰਨੀ ਹੋਵੇਗੀ |
• ਸਿੱਧੇ ਪੱਲੇ ਵਾਲੀ ਸਾੜ੍ਹੀ ਸਾਰਿਆਂ ਦਾ ਮਨ ਮੋਹ ਲੈਂਦੀ ਹੈ | ਜੇ ਹਲਕੇ ਪਿੰ੍ਰਟ ਵਾਲੀ ਸਾੜ੍ਹੀ ਸਿੱਧਾ ਪੱਲਾ ਲੈ ਕੇ ਪਹਿਨੀ ਜਾਵੇ ਤਾਂ ਉਹ ਖੂਬਸੂਰਤੀ ਨੂੰ ਹੋਰ ਵਧਾ ਦੇਵੇਗੀ | • ਮੋਢੇ 'ਤੇ ਪੱਲੇ ਵਾਲੀ ਸਾੜ੍ਹੀ ਪਹਿਨਣ ਲਈ ਸਾੜ੍ਹੀ ਬੰਨ੍ਹ ਕੇ ਲਹਿਰਾਉਂਦਾ ਪੱਲਾ ਮੋਢੇ 'ਤੇ ਪਾਓ | ਅਜਿਹਾ ਕਰਕੇ ਤੁਸੀਂ ਨਾ ਜਾਣੇ ਕਿੰਨਿਆਂ ਦਾ ਦਿਲ ਚੁਰਾ ਲਓਗੇ | ਸ਼ਾਲੀਨਤਾ ਦਾ ਦਿਖਾਵਾ ਜ਼ਰੂਰੀ ਹੈ |
• ਸਾੜ੍ਹੀ ਪਹਿਨਦੇ ਸਮੇਂ ਘੱਟ ਤੋਂ ਘੱਟ ਪਿੰਨਾਂ ਦੀ ਵਰਤੋਂ ਕਰੋ | ਥੋੜ੍ਹੀ ਜਿਹੀ ਵੀ ਖਿੱਚਣ 'ਤੇ ਪੱਲੇ ਅਤੇ ਪਲੇਟਾਂ ਦੇ ਫਟਣ ਦਾ ਡਰ ਬਣਿਆ ਰਹਿੰਦਾ ਹੈ |
• ਸਾੜ੍ਹੀ ਪਹਿਨ ਕੇ ਉਸ 'ਤੇ ਤਿੱਖੇ ਪਰਫਿਊਮ ਦਾ ਸਿੱਧਾ ਛਿੜਕਾਅ ਨਾ ਕਰੋ, ਕਿਉਂਕਿ ਇਸ ਨਾਲ ਸਾੜ੍ਹੀ ਦੀ ਜਰੀ, ਕਢਾਈ, ਰੰਗ ਅਤੇ ਪਿੰ੍ਰਟ ਖਰਾਬ ਹੋ ਸਕਦੇ ਹਨ | ਪਰਫਿਊਮ ਨੂੰ ਕਨਪਟੀ, ਗਲੇ ਦੇ ਹੇਠਾਂ, ਗੱੁਟਾਂ 'ਤੇ ਲਗਾਇਆ ਜਾ ਸਕਦਾ ਹੈ |
• ਲੰਬੇ ਕੱਦ ਵਾਲੀਆਂ ਔਰਤਾਂ ਨੂੰ ਵੱਡੇ ਪਿੰ੍ਰਟ ਦੀ ਸਾੜ੍ਹੀ ਜਾਂ ਧਾਰੀ ਵਾਲੀ ਅਤੇ ਛੋਟੇ ਕੱਦ ਦੀਆਂ ਔਰਤਾਂ ਨੂੰ ਛੋਟੇ ਪਿੰ੍ਰਟ ਵਾਲੀ ਅਤੇ ਲੰਬੀ ਧਾਰੀ ਵਾਲੀ ਸਾੜ੍ਹੀ ਪਹਿਨਣੀ ਚਾਹੀਦੀ ਹੈ |
• ਛੋਟੇ ਕੱਦ ਵਾਲੀਆਂ ਔਰਤਾਂ ਇਕ ਹੀ ਰੰਗ ਦੀ ਸਾੜ੍ਹੀ-ਬਲਾਊਜ਼ ਪਹਿਨਣ ਤਾਂ ਚੰਗਾ ਹੈ | ਵੱਡੇ ਵੇਲ-ਬੂਟੇ, ਛੋਟੇ ਬਾਰਡਰ ਅਤੇ ਆਡੇ ਰੁਖ਼ ਧਾਰੀਆਂ ਵਾਲੀ ਸਾੜ੍ਹੀ ਉਨ੍ਹਾਂ ਨੂੰ ਕਦੇ ਨਹੀਂ ਪਹਿਨਣੀ ਚਾਹੀਦੀ | ਇਸ ਨਾਲ ਉਨ੍ਹਾਂ ਦਾ ਕੱਦ ਹੋਰ ਵੀ ਛੋਟਾ ਲੱਗੇਗਾ | ਲੰਬੇ ਕੱਦ ਵਾਲੀਆਂ ਔਰਤਾਂ 'ਤੇ ਚੌੜੇ ਬਾਰਡਰ ਵਾਲੀ ਅਤੇ ਸਾੜ੍ਹੀ ਦੇ ਉਲਟ ਰੰਗ ਦਾ ਬਲਾਊਜ਼ ਜ਼ਿਆਦਾ ਜਚਦਾ ਹੈ |
• ਭਾਰੀ ਸਰੀਰ ਵਾਲੀਆਂ ਔਰਤਾਂ ਨੂੰ ਵੱਡੇ ਪਿੰ੍ਰਟ, ਆਡੇ ਰੁਖ਼ ਧਾਰੀਆਂ ਵਾਲੀ, ਜਾਰਜੈੱਟ, ਸ਼ਿਫਾਨ ਅਤੇ ਕਲਫ ਲੱਗੀਆਂ ਸਾੜ੍ਹੀਆਂ ਨਹੀਂ ਪਹਿਨਣੀਆਂ ਚਾਹੀਦੀਆਂ | ਭਾਰੀ ਸਰੀਰ ਵਾਲੀਆਂ ਔਰਤਾਂ ਨੂੰ ਢਿੱਲਾ-ਖੱੁਲ੍ਹਾ ਪੇਟੀਕੋਟ ਨਾ ਪਹਿਨ ਕੇ ਕੁਝ ਟਾਈਟ ਫਿਟਿੰਗ ਵਾਲਾ ਪੇਟੀਕੋਟ ਹੀ ਪਹਿਨਣਾ ਚਾਹੀਦਾ ਹੈ |
• ਪਤਲੇ-ਦੁਬਲੇ ਸਰੀਰ ਵਾਲੀਆਂ ਔਰਤਾਂ ਜੇ ਸੂਤੀ, ਆਰਗੇਂਜਾ, ਸੂਤੀ ਸਿਲਕ, ਡੋਰੀਆ ਜਾਂ ਵਾਇਲ ਦੀ ਸਾੜ੍ਹੀ ਪਹਿਨਣ ਅਤੇ ਢਿੱਲਾ-ਖੱੁਲ੍ਹਾ ਪੇਟੀਕੋਟ ਪਹਿਨਣ ਤਾਂ ਉਨ੍ਹਾਂ ਦਾ ਪਤਲਾਪਨ ਕਾਫੀ ਹੱਦ ਤੱਕ ਲੁਕ ਜਾਂਦਾ ਹੈ |
• ਗੋਰੀਆਂ ਔਰਤਾਂ 'ਤੇ ਹਲਕੇ ਅਤੇ ਗੂੜ੍ਹੇ ਦੋਵੇਂ ਹੀ ਰੰਗ ਖਿੜਦੇ ਹਨ ਪਰ ਸਾਂਵਲੀ ਔਰਤ ਨੂੰ ਹਲਕੇ ਰੰਗ ਦੀ ਹੀ ਸਾੜ੍ਹੀ ਪਹਿਨਣੀ ਚਾਹੀਦੀ ਹੈ | ਬਹੁਤ ਪਤਲੀ ਔਰਤ ਨੂੰ ਗੂੜ੍ਹੇ ਰੰਗ ਦੀ ਸਾੜ੍ਹੀ ਜ਼ਿਆਦਾ ਜਚਦੀ ਹੈ |
• ਪ੍ਰੌੜ੍ਹ ਅਤੇ ਬਜ਼ੁਰਗ ਔਰਤਾਂ ਨੂੰ ਗੂੜ੍ਹੇ ਅਤੇ ਚਟਕ ਰੰਗ ਦੀ ਸਾੜ੍ਹੀ ਨਹੀਂ ਪਹਿਨਣੀ ਚਾਹੀਦੀ | ਕਿਸੇ ਵੀ ਮੌਕੇ 'ਤੇ ਉਨ੍ਹਾਂ ਨੂੰ ਸਾਦੀ ਸਾੜ੍ਹੀ ਹੀ ਪਹਿਨਣੀ ਚਾਹੀਦੀ ਹੈ |
• ਹਮੇਸ਼ਾ ਆਪਣੀ ਸ਼ਖ਼ਸੀਅਤ ਨਾਲ ਮੇਲ ਖਾਂਦੇ ਰੰਗਾਂ ਦੀ ਹੀ ਚੋਣ ਕਰਨੀ ਚਾਹੀਦੀ ਹੈ |


ਖ਼ਬਰ ਸ਼ੇਅਰ ਕਰੋ

ਔਰਤ ਨੂੰ ਵੀ ਜਾਗਣ ਦੀ ਲੋੜ

ਬਹੁਤ ਹੱਦ ਤੱਕ ਔਰਤ ਦੇ ਆਪਣੇ ਹੱਥ ਵਿਚ ਹੈ ਆਪਣੀ ਜਾਤੀ ਦਾ ਮਾਣ-ਸਨਮਾਨ ਕਰਨਾ ਅਤੇ ਉਸ ਨੂੰ ਸਸ਼ਕਤ ਬਣਾਉਣਾ | ਅੱਜ ਉਸ ਨੂੰ ਆਪਣੇ-ਆਪ ਨੂੰ ਕਮਜ਼ੋਰ ਮੰਨਣ ਵਾਲੀ ਮਾਨਸਿਕਤਾ ਦੇ ਵਿਰੱੁਧ ਆਵਾਜ਼ ਉਠਾਉਣੀ ਪਵੇਗੀ | ਪਰ ਉਸ ਤੋਂ ਵੀ ਪਹਿਲਾਂ ਹਰ ਔਰਤ ਨੂੰ ਔਰਤ ਦੇ ਪ੍ਰਤੀ ਨਜ਼ਰੀਆ ਬਦਲਣਾ ਪਵੇਗਾ | ਇਸ ਲਈ ਤਾਂ ਕਹਿੰਦੇ ਹਨ ਕਿ ਜੇ ਔਰਤ ਇਕ-ਦੂਜੇ ਦਾ ਸਾਥ ਦੇਵੇ ਤਾਂ ਉਹ ਪੁਰਖ ਦੀ ਮਾਨਸਿਕਤਾ ਵੀ ਬਦਲ ਸਕਦੀ ਹੈ, ਤਾਂ ਕਿ ਸਮਾਜ ਉਸ ਦੇ ਪ੍ਰਤੀ ਆਪਣੀ ਸੋਚ ਬਦਲਣ ਲਈ ਮਜਬੂਰ ਹੋ ਜਾਵੇ | ਜੇ ਧਿਆਨ ਨਾਲ ਦੇਖਿਆ ਜਾਵੇ ਤਾਂ ਸਾਡੇ ਸਮਾਜ ਵਿਚ ਜਿੰਨੇ ਵੀ ਰੀਤੀ-ਰਿਵਾਜ ਹਨ, ਉਹ ਔਰਤਾਂ ਨਾਲ ਜ਼ਿਆਦਾ ਜੁੜੇ ਹੋਏ ਹਨ | ਜਿਥੇ ਵੀ ਉਹ ਪੂਰੇ ਉਤਸ਼ਾਹ ਅਤੇ ਜੋਸ਼ ਨਾਲ ਨਹੀਂ ਨਿਭਾਏ ਜਾਂਦੇ ਜਾਂ ਉਮੀਦਾਂ 'ਤੇ ਖਰੇ ਨਹੀਂ ਉਤਰਦੇ ਤਾਂ ਉਥੇ ਹੀ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਖੜ੍ਹੀਆਂ ਹੋ ਜਾਂਦੀਆਂ ਹਨ | ਪਰ ਕਦੇ ਇਸ 'ਤੇ ਵਿਚਾਰ ਕੀਤਾ ਹੈ ਕਿ ਇਹ ਕਿਉਂ ਹੋ ਰਿਹਾ ਹੈ? ਸਮਾਜ ਨੇ ਕਦੇ ਧਰਮ ਤੇ ਕਦੇ ਸੰਸਕਾਰਾਂ ਦਾ ਨਾਂਅ ਲੈ ਕੇ ਸਾਰੀਆਂ ਜ਼ਿੰਮੇਵਾਰੀਆਂ ਔਰਤ ਦੀ ਝੋਲੀ ਵਿਚ ਪਾ ਦਿੱਤੀਆਂ ਅਤੇ ਨਾਲ ਹੀ ਔਰਤ ਨੂੰ ਔਰਤ ਦੇ ਵਿਰੱੁਧ ਹਥਿਆਰ ਬਣਾ ਕੇ ਖੜ੍ਹਾ ਕਰ ਦਿੱਤਾ, ਜਿਸ ਕਾਰਨ ਇਨ੍ਹਾਂ ਦੇ ਆਪਸੀ ਰਿਸ਼ਤਿਆਂ ਵਿਚ ਨਿੱਘ ਦੀ ਬਹੁਤ ਘਾਟ ਹੈ | ਸ਼ਾਇਦ ਇਹੀ ਕਾਰਨ ਹੈ ਕਿ ਸੱਸ ਮਾਂ ਨਹੀਂ ਬਣ ਸਕੀ ਅਤੇ ਨੂੰ ਹ ਧੀ ਨਹੀਂ ਬਣ ਸਕੀ |
ਆਮ ਤੌਰ 'ਤੇ ਸ਼ੁਰੂ ਤੋਂ ਹੀ ਲੜਕੀਆਂ ਨੂੰ ਇਸ ਤਰ੍ਹਾਂ ਦੇ ਮਾਹੌਲ ਵਿਚ ਪਾਲਿਆ ਜਾਂਦਾ ਹੈ ਜਿਵੇਂ ਉਹ ਬਹੁਤ ਕਮਜ਼ੋਰ ਹੋਣ | ਗੱਲ-ਗੱਲ 'ਤੇ ਉਨ੍ਹਾਂ ਨੂੰ ਪਰਾਇਆ ਧਨ ਹੋਣ ਦਾ ਅਹਿਸਾਸ ਕਰਵਾਇਆ ਜਾਂਦਾ ਹੈ | ਇਹ ਦਰਦ ਉਸ ਨੂੰ ਉਮਰ ਭਰ ਹੰਢਾਉਣਾ ਪੈਂਦਾ ਹੈ | ਕਿਤੇ ਪੱੁਤ ਦੀ ਆਸ ਵਿਚ ਧੀ ਨੂੰ ਗਰਭ ਵਿਚ ਹੀ ਮਾਰਿਆ ਜਾਂਦਾ ਹੈ | ਬਹੁਤੇ ਘਰਾਂ ਵਿਚ ਧੀ ਤੇ ਪੱੁਤਰ ਦੇ ਪਾਲਣ-ਪੋਸ਼ਣ ਵਿਚ ਬਹੁਤ ਫਰਕ ਕੀਤਾ ਜਾਂਦਾ ਹੈ ਅਤੇ ਉਸ ਨੂੰ ਦੂਜੇ ਦਰਜਾ ਦਾ ਲਿੰਗ ਸਮਝਿਆ ਜਾਂਦਾ ਹੈ | ਇਸ ਤਰ੍ਹਾਂ ਦਾ ਫਰਕ ਉਸ ਦੇ ਵਿਕਾਸ ਵਿਚ ਬਹੁਤ ਵੱਡੀ ਰੁਕਾਵਟ ਬਣਦਾ ਹੈ |
ਜਦੋਂ ਅਸੀਂ ਸਭ ਜਾਣਦੇ ਹਾਂ ਕਿ ਸਮਾਜ ਵਿਚ ਹਰ ਰਿਸ਼ਤੇ ਦੀ ਆਪਣੀ ਅਹਿਮੀਅਤ ਹੈ, ਸਮੇਂ ਸਿਰ ਬਣਦੇ ਹੱਕ ਉਸ ਨੂੰ ਮਿਲਣੇ ਚਾਹੀਦੇ ਹਨ | ਜੇ ਇਸ ਤਰ੍ਹਾਂ ਨਹੀਂ ਹੋਵੇਗਾ ਤਾਂ ਘਰ ਵਿਚ ਕਲੇਸ਼ ਰਹੇਗਾ | ਇਸ ਤਰ੍ਹਾਂ ਦਾ ਮਾਹੌਲ ਘਰ ਵਿਚ ਕਈ ਤਰ੍ਹਾਂ ਦੀਆਂ ਪ੍ਰੇਸ਼ਾਨੀਆਂ ਨੂੰ ਜਨਮ ਦਿੰਦਾ ਹੈ | ਇਸ ਲਈ ਘਰ ਨੂੰ ਇਕਮੱੁਠ ਕਰਨ ਵਿਚ ਘਰ ਦੀ ਸਭ ਤੋਂ ਵੱਡੀ ਔਰਤ ਦਾ ਬਹੁਤ ਵੱਡਾ ਹੱਥ ਹੁੰਦਾ ਹੈ | ਮਾਵਾਂ ਅਕਸਰ ਧੀਆਂ ਦੀਆਂ ਸਾਰੀਆਂ ਗ਼ਲਤੀਆਂ ਨਜ਼ਰਅੰਦਾਜ਼ ਕਰਕੇ ਪਰਦੇ ਪਾ ਦਿੰਦੀਆਂ ਹਨ ਅਤੇ ਨੂੰ ਹਾਂ ਦੀ ਛੋਟੀ ਜਿਹੀ ਗ਼ਲਤੀ ਨੂੰ ਰਾਈ ਦਾ ਪਹਾੜ ਬਣਾ ਦਿੰਦੀਆਂ ਹਨ | ਦਰਾਣੀ-ਜੇਠਾਣੀ, ਨੂੰ ਹ-ਸੱਸ, ਨਣਾਨ-ਭਰਜਾਈ, ਸਾਰੇ ਰਿਸ਼ਤਿਆਂ ਦੀ ਧੁਰੀ ਔਰਤ ਹੈ | ਇਸ ਲਈ ਉਸ ਨੂੰ ਸੋਚਣਾ, ਸਮਝਣਾ ਅਤੇ ਜਾਗਣਾ ਪਵੇਗਾ, ਤਾਂ ਕਿ ਉਹ ਰਿਸ਼ਤੇ ਵਿਚ ਗਰਮਾਹਟ ਪੈਦਾ ਕਰ ਸਕੇ | ਜੇ ਇਨ੍ਹਾਂ ਰਿਸ਼ਤਿਆਂ ਨੂੰ ਨਿੱਘ ਮਿਲ ਜਾਵੇ ਤਾਂ ਸਮਾਜ ਵਿਚ ਮਿਸਾਲ ਬਣ ਜਾਂਦੇ ਹਨ |
ਬਹੁਤ ਸਾਰੀਆਂ ਸਮੱਸਿਆਵਾਂ ਅਸੀਂ ਆਪ ਪੈਦਾ ਕਰ ਲੈਂਦੇ ਹਾਂ | ਹਰ ਰਿਸ਼ਤਾ ਕੁਝ ਚਾਹੁੰਦਾ ਹੈ, ਉਸ ਦੀ ਕਦਰ ਕਰੋ, ਸਤਿਕਾਰ ਕਰੋ ਅਤੇ ਉਸ ਨੂੰ ਉਸ ਦੇ ਢੰਗ ਜਿਊਣ ਦਿਓ | ਦੂਜਿਆਂ ਦੇ ਜੀਵਨ ਵਿਚ ਘੱਟ ਤੋਂ ਘੱਟ ਦਖਲਅੰਦਾਜ਼ੀ ਕਰੋ | ਹਰ ਸਮੇਂ ਦੂਜਿਆਂ ਬਾਰੇ ਸੋਚਣ ਦੀ ਬਜਾਏ ਜੇ ਕੁਝ ਸਮਾਂ ਚੰਗੀਆਂ ਕਿਤਾਬਾਂ ਜਾਂ ਸਾਹਿਤ ਪੜਿ੍ਹਆ ਜਾਵੇ ਤਾਂ ਲਾਭਦਾਇਕ ਹੋਵੇਗਾ | ਜੇ ਕੁਝ ਸਮਾਂ ਸਮਾਜ ਕਲਿਆਣ ਵਾਸਤੇ ਵਰਤਿਆ ਜਾਵੇ ਤਾਂ ਔਰਤ ਜਾਤ ਨੂੰ ਲਾਭ ਹੋਵੇਗਾ | ਨਵੀਂ ਪੀੜ੍ਹੀ ਨਾਲ ਆਪਣੇ ਅਨੁਭਵ ਸਾਂਝੇ ਕੀਤੇ ਜਾ ਸਕਦੇ ਹਨ | ਇਸ ਤਰ੍ਹਾਂ ਸਾਡੀ ਸੋਚ ਬਦਲੇਗੀ ਅਤੇ ਹਰ ਔਰਤ ਇਕ-ਦੂਜੇ ਦੀ ਹਮਦਰਦ ਬਣ ਕੇ ਢਾਲ ਵਾਂਗ ਔਖੇ ਵੇਲੇ ਖੜ੍ਹੀ ਹੋਵੇਗੀ | ਆਪਸੀ ਤਾਲਮੇਲ ਨਾਲ ਹੀ ਭਰੂਣਹੱਤਿਆ, ਦਹੇਜ ਪ੍ਰਥਾ ਅਤੇ ਬਿਰਧ ਆਸ਼ਰਮ ਵਰਗੀਆਂ ਬੁਰਾਈਆਂ ਖ਼ਤਮ ਹੋ ਸਕਦੀਆਂ ਹਨ | ਨਿਰੋਏ ਸਮਾਜ ਦੀ ਸਿਰਜਣਾ ਲਈ ਔਰਤ ਦਾ ਔਰਤ ਦੇ ਪ੍ਰਤੀ ਜਾਗਣਾ ਅਤੇ ਉਸ ਦਾ ਹਮਦਰਦ ਬਣਨਾ ਸਮੇਂ ਦੀ ਬਹੁਤ ਵੱਡੀ ਜ਼ਰੂਰਤ ਹੈ, ਜਿਸ ਨਾਲ ਬਹੁਤ ਸਾਰੀਆਂ ਬੁਰਾਈਆਂ ਦਾ ਖਾਤਮਾ ਹੋ ਜਾਵੇਗਾ ਅਤੇ ਰਿਸ਼ਤੇ ਸਤਿਕਾਰ ਦਾ ਨਿੱਘ ਮਾਨਣਗੇ | -ਮੋਬਾ: 98782-49944


ਸੁੰਦਰਤਾ ਵਿਚ ਆਮ ਗ਼ਲਤੀਆਂ

(ਲੜੀ ਜੋੜਨ ਲਈ ਪਿਛਲੇ ਸ਼ੁੱਕਰਵਾਰ ਦਾ ਅੰਕ ਦੇਖੋ)
• ਵਾਲਾਂ ਨੂੰ ਸਾਫ਼ ਰੱਖਣ ਲਈ ਹਰ ਰੋਜ਼ ਸ਼ੈਂਪੂ ਦੀ ਵਰਤੋਂ ਨੁਕਸਾਨਦੇਹ ਸਾਬਤ ਹੁੰਦੀ ਹੈ | ਹਫਤੇ ਵਿਚ 3 ਦਿਨ ਤੋਂ ਜ਼ਿਆਦਾ ਸ਼ੈਂਪੂ ਦੀ ਵਰਤੋਂ ਤੋਂ ਪ੍ਰਹੇਜ਼ ਕਰੋ ਤਾਂ ਬਿਹਤਰ ਰਹੇਗਾ |
• ਰਾਤ ਨੂੰ ਅੱਖਾਂ ਦੇ ਆਸ-ਪਾਸ ਰਾਤ ਭਰ ਕ੍ਰੀਮ ਲਗਾਉਣ ਨਾਲ ਝੁਰੜੀਆਂ ਰੋਕਣ ਵਿਚ ਕਦੇ ਮਦਦ ਨਹੀਂ ਮਿਲਦੀ ਅਤੇ ਇਹ ਗ਼ਲਤ ਪਰੰਪਰਾ ਹੈ | ਅਸਲ ਵਿਚ ਅੱਖਾਂ ਦੇ ਆਸ-ਪਾਸ ਦੀ ਚਮੜੀ ਬਾਕੀ ਖੇਤਰਾਂ ਦੇ ਮੁਕਾਬਲੇ ਕਾਫੀ ਸੰਵੇਦਨਸ਼ੀਲ ਅਤੇ ਪਤਲੀ ਹੁੰਦੀ ਹੈ | ਕ੍ਰੀਮ ਨੂੰ ਰਾਤ ਭਰ ਅੱਖਾਂ ਦੇ ਆਸ-ਪਾਸ ਲਗਾ ਕੇ ਨਹੀਂ ਛੱਡਣਾ ਚਾਹੀਦਾ | ਇਕ ਵਿਸ਼ੇਸ਼ ਤਰ੍ਹਾਂ ਦੀ ਪਛਅੰਡਰ ਆਈਪਸ਼ ਕ੍ਰੀਮ ਨੂੰ ਅੱਖਾਂ ਦੇ ਆਸ-ਪਾਸ ਦੀ ਚਮੜੀ 'ਤੇ ਲਗਾ ਕੇ 10 ਮਿੰਟ ਬਾਅਦ ਧੋ ਦੇਣਾ ਚਾਹੀਦਾ ਹੈ |
• ਆਮ ਚਮੜੀ ਨੂੰ ਵੀ ਨਿਯਮਤ ਦੇਖਭਾਲ ਦੀ ਲੋੜ ਹੁੰਦੀ ਹੈ | ਚਮੜੀ 'ਤੇ ਜੰਮੀ ਮੈਲ ਅਤੇ ਪ੍ਰਦੂਸ਼ਣ ਨੂੰ ਹਟਾਉਣ ਲਈ ਸਾਰੇ ਤਰ੍ਹਾਂ ਦੀ ਚਮੜੀ ਨੂੰ ਨਿਯਮਤ ਦੇਖਭਾਲ ਦੀ ਲੋੜ ਹੁੰਦੀ ਹੈ ਤਾਂ ਕਿ ਉਸ ਦੀ ਸੁੰਦਰਤਾ ਅਤੇ ਤੰਦਰੁਸਤੀ ਨੂੰ ਬਣਾਈ ਰੱਖਿਆ ਜਾ ਸਕੇ |
• ਇਹ ਸਹੀ ਨਹੀਂ ਹੈ ਕਿ ਕਾਲੇ ਮੱਸੇ ਅਤੇ ਮੁਹਾਸੇ ਮੁਸਾਮਾਂ 'ਤੇ ਜਮ੍ਹਾਂ ਗੰਦਗੀ ਹੁੰਦੀ ਹੈ, ਜਦੋਂ ਕਿ ਸਚਾਈ ਇਹ ਹੈ ਕਿ ਕਾਲੇ ਮੱਸੇ ਅਤੇ ਮੁਹਾਸੇ ਚਮੜੀ ਦੇ ਕੁਦਰਤੀ ਤੇਲ ਸੀਵਮ ਦੇ ਸਖ਼ਤ ਹੋਣ ਦੀ ਵਜ੍ਹਾ ਨਾਲ ਹੁੰਦੇ ਹਨ | ਕਿਉਂਕਿ ਚਮੜੀ ਦੇ ਮੁਸਾਮ ਖੱੁਲ੍ਹੇ ਹੁੰਦੇ ਹਨ ਅਤੇ ਇਨ੍ਹਾਂ ਦੀ ਨੋਕ ਹਵਾ ਵੱਲ ਉਜਾਗਰ ਹੁੰਦੀ ਹੈ, ਜਿਸ ਨਾਲ ਇਸ ਦਾ ਆਕਸੀਕਰਨ ਹੋ ਜਾਂਦਾ ਹੈ ਅਤੇ ਇਸ ਦਾ ਰੰਗ ਕਾਲਾ ਪੈ ਜਾਂਦਾ ਹੈ, ਜਿਸ ਨਾਲ ਇਸ ਨੂੰ ਕਾਲੇ ਮੱਸੇ ਕਹਿੰਦੇ ਹਨ |
• ਹੇਅਰ ਪ੍ਰੋਡਕਟਸ ਦੀ ਲੋੜ ਤੋਂ ਜ਼ਿਆਦਾ ਵਰਤੋਂ ਤੋਂ ਬਚਣਾ ਚਾਹੀਦਾ ਹੈ | ਹੇਅਰ ਆਇਲ ਟ੍ਰੀਟਮੈਂਟ ਜਾਂ ਸੀਰਮ ਆਦਿ ਦੀ ਹਫਤੇ ਵਿਚ ਇਕ ਵਾਰ ਹੀ ਵਰਤੋਂ ਕਰਨੀ ਬਿਹਤਰ ਰਹੇਗੀ ਅਤੇ ਇਸ ਤੋਂ ਜ਼ਿਆਦਾ ਵਰਤੋਂ ਨਾਲ ਵਾਲ ਖਰਾਬ ਹੋ ਸਕਦੇ ਹਨ |
• ਇਹ ਬਿਲਕੁਲ ਗ਼ਲਤ ਸਲਾਹ ਹੈ ਕਿ ਅੱਲੜ੍ਹ ਬੱਚਿਆਂ ਨੂੰ ਮੁਹਾਸਿਆਂ ਦੀ ਕੋਈ ਪ੍ਰਵਾਹ ਨਹੀਂ ਕਰਨੀ ਚਾਹੀਦੀ, ਇਹ ਆਪਣੇ-ਆਪ ਹੀ ਹਟ ਜਾਣਗੇ | ਅਸਲ ਵਿਚ ਅੱਲੜ੍ਹ ਬੱਚਿਆਂ ਨੂੰ ਮੁਹਾਸਿਆਂ ਤੋਂ ਬਚਾਅ ਅਤੇ ਇਲਾਜ ਦੀ ਜ਼ਿਆਦਾ ਲੋੜ ਹੁੰਦੀ ਹੈ, ਕਿਉਂਕਿ ਇਹ ਸਰੀਰ ਦੇ ਦੂਜੇ ਹਿੱਸਿਆਂ ਵਿਚ ਫੈਲ ਕੇ ਵਿਆਪਕ ਨੁਕਸਾਨ ਪਹੁੰਚਾ ਸਕਦੇ ਹਨ | ਮੁਹਾਸਿਆਂ ਨੂੰ ਹਰ ਰੋਜ਼ ਉਚਿਤ ਇਲਾਜ ਨਾਲ ਰੋਕਿਆ ਅਤੇ ਨਿਯਮਤ ਕੀਤਾ ਜਾ ਸਕਦਾ ਹੈ |
• ਇਹ ਸੱਚ ਨਹੀਂ ਹੈ ਕਿ ਚਿਹਰੇ 'ਤੇ ਨਿਸ਼ਾਨ ਅਤੇ ਧੱਬੇ ਗਰਭ ਅਵਸਥਾ ਤੋਂ ਬਾਅਦ ਹੀ ਉੱਭਰਦੇ ਹਨ | ਚਿਹਰੇ 'ਤੇ ਦਾਗ-ਧੱਬਿਆਂ ਦੇ ਨਿਸ਼ਾਨ ਗਰਭ ਅਵਸਥਾ ਤੋਂ ਪਹਿਲਾਂ ਵੀ ਉੱਭਰ ਸਕਦੇ ਹਨ, ਕਿਉਂਕਿ ਇਹ ਚਮੜੀ ਵਿਚ ਲਚੀਲੇਪਨ ਦੀ ਕਮੀ ਨਾਲ ਪੈਦਾ ਹੁੰਦੇ ਹਨ | ਇਹ ਆਮ ਤੌਰ 'ਤੇ ਭਾਰ ਵਧਣ ਤੋਂ ਬਾਅਦ ਘਟਾਉਣ ਦੀ ਪ੍ਰਕਿਰਿਆ ਦੌਰਾਨ ਉੱਭਰਦੇ ਹਨ |
• ਸਰਦੀਆਂ ਵਿਚ ਸਨਸਕ੍ਰੀਨ ਲਗਾਉਣ ਦੀ ਵੀ ਲੋੜ ਹੁੰਦੀ ਹੈ | ਸਨਸਕ੍ਰੀਨ ਨੂੰ ਸਰਦੀਆਂ ਵਿਚ ਵੀ ਲਗਾਉਣਾ ਚਾਹੀਦਾ ਹੈ, ਖਾਸ ਕਰਕੇ ਜਦੋਂ ਸਰਦੀਆਂ ਵਿਚ ਕਾਫੀ ਸਮਾਂ ਸੂਰਜ ਦੀਆਂ ਕਿਰਨਾਂ ਦਾ ਸਾਹਮਣਾ ਕਰਨਾ ਪਵੇ | ਸਨਸਕ੍ਰੀਨ ਚਮੜੀ ਨੂੰ ਨੁਕਸਾਦਾਇਕ ਕਿਰਨਾਂ ਤੋਂ ਬਚਾਉਣ ਵਿਚ ਮਦਦਗਾਰ ਸਾਬਤ ਹੁੰਦਾ ਹੈ |
• ਨਹਾਉਣ ਤੋਂ ਬਾਅਦ ਵਾਲਾਂ ਨੂੰ ਕੁਦਰਤੀ ਤੌਰ 'ਤੇ ਸੱੁਕਣ ਦਿਓ ਅਤੇ ਤੌਲੀਏ ਜਾਂ ਹੇਅਰ ਡਰਾਇਰ ਦੀ ਘੱਟ ਵਰਤੋਂ ਕਰੋ, ਕਿਉਂਕਿ ਇਸ ਨਾਲ ਵਾਲਾਂ ਦੇ ਟੱੁਟਣ ਦੀ ਸਮੱਸਿਆ ਖੜ੍ਹੀ ਹੋ ਜਾਂਦੀ ਹੈ |
• ਇਹ ਸਹੀ ਨਹੀਂ ਹੈ ਕਿ ਜੇ ਵਾਲ ਲਗਾਤਾਰ ਝੜ ਰਹੇ ਹਨ ਅਤੇ ਸਿਰ ਵਿਚ ਤੇਲ ਦੀ ਮਾਲਿਸ਼ ਕਰਨ ਨਾਲ ਵਾਲ ਵਧਦੇ ਹਨ | ਜੇ ਵਾਲ ਝੜ ਰਹੇ ਹਨ ਤਾਂ ਵਾਲਾਂ ਦੀਆਂ ਜੜ੍ਹਾਂ ਕਮਜ਼ੋਰ ਹਨ ਅਤੇ ਵਾਲਾਂ ਦੀ ਮਾਲਿਸ਼ ਕਰਨ ਨਾਲ ਵਾਲਾਂ ਦਾ ਝੜਨਾ ਵਧ ਸਕਦਾ ਹੈ | ਮਾਲਿਸ਼ ਕਰਦੇ ਸਮੇਂ ਵਾਲਾਂ ਨੂੰ ਨਾ ਰਗੜੋ | ਅਸਲ ਵਿਚ ਖੋਪੜੀ ਦੀ ਚਮੜੀ ਨੂੰ ਉਂਗਲੀਆਂ ਨਾਲ ਗੋਲਾਕਾਰ ਤਰੀਕੇ ਨਾਲ ਮਾਲਿਸ਼ ਕਰੋ |
• ਅੱਖਾਂ ਵਿਚ ਕੱਜਲ ਲਗਾਉਂਦੇ ਸਮੇਂ ਪੂਰੀ ਸਾਵਧਾਨੀ ਵਰਤੋ ਅਤੇ ਆਪਣੇ ਹੱਥਾਂ ਦੀਆਂ ਉਂਗਲੀਆਂ ਨਾਲ ਕਦੇ ਕੱਜਲ ਨਾ ਲਗਾਓ, ਕਿਉਂਕਿ ਇਸ ਨਾਲ ਹੱਥਾਂ 'ਤੇ ਜਮ੍ਹਾਂ ਕੀਟਾਣੂ ਅੱਖਾਂ ਵਿਚ ਪ੍ਰਵੇਸ਼ ਕਰਕੇ ਅਲਰਜੀ ਪੈਦਾ ਕਰ ਦਿੰਦੇ ਹਨ, ਜਿਸ ਨਾਲ ਅੱਖਾਂ ਨੂੰ ਨੁਕਸਾਨ ਹੁੰਦਾ ਹੈ | (ਸਮਾਪਤ)

ਆਓ ਕੁਝ ਕਰੀਏ ਅਜਿਹਾ ਕਿ ਲਹਿਰਾਉਣ ਲੱਗਣ ਵਾਲ

ਵਾਲਾਂ ਨੂੰ ਸੁੰਦਰ, ਸਿਹਤਮੰਦ ਅਤੇ ਰੇਸ਼ਮੀ ਬਣਾਉਣ ਲਈ ਔਰਤਾਂ ਕੀ ਕੁਝ ਨਹੀਂ ਕਰਦੀਆਂ, ਪਰ ਵਾਲਾਂ ਨੂੰ ਆਪਣੇ ਅਨੁਸਾਰ ਉਹ ਫਿਰ ਵੀ ਨਹੀਂ ਢਾਲ ਪਾਉਂਦੀਆਂ | ਅਸਲੀਅਤ ਤਾਂ ਇਹ ਹੈ ਕਿ ਜੋ ਕੁਦਰਤ ਦੀ ਦੇਣ ਹੈ, ਉਸ ਵਿਚ ਫੇਰਬਦਲ ਜ਼ਿਆਦਾ ਕੀਤੀ ਹੀ ਨਹੀਂ ਜਾ ਸਕਦੀ |
ਜੇ ਤੁਹਾਡੇ ਵਾਲ ਰੱੁਖੇ ਹਨ ਤਾਂ ਤੁਸੀਂ ਉਨ੍ਹਾਂ ਨੂੰ ਨਾਰਮਲ ਵੀ ਨਹੀਂ ਬਣਾ ਸਕਦੇ | ਜੇ ਤੁਹਾਡੇ ਵਾਲ ਤੇਲੀ ਹਨ ਤਾਂ ਤੁਸੀਂ ਉਨ੍ਹਾਂ ਨੂੰ ਰੱੁਖੇ ਅਤੇ ਤੇਲੀ ਨਹੀਂ ਬਣਾ ਸਕਦੇ | ਸੱਚ ਪੱੁਛੋ ਤਾਂ ਕੋਈ ਵੀ ਔਰਤ ਆਪਣੇ ਵਾਲਾਂ ਤੋਂ ਪੂਰੀ ਤਰ੍ਹਾਂ ਸੰਤੁਸ਼ਟ ਨਹੀਂ ਹੁੰਦੀ | ਕੋਈ ਨਾ ਕੋਈ ਵਾਲਾਂ ਦੀ ਸਮੱਸਿਆ ਹਰ ਕਿਸੇ ਨੂੰ ਘੇਰੀ ਰੱਖਦੀ ਹੈ | ਵੱਖ-ਵੱਖ ਤਰ੍ਹਾਂ ਦੇ ਸਾਬਣ, ਸ਼ੈਂਪੂ ਅਤੇ ਤੇਲ ਲਗਾਉਣ ਦੇ ਬਾਵਜੂਦ ਤੁਸੀਂ ਆਪਣੇ ਵਾਲਾਂ ਨੂੰ ਮਨਚਾਹਿਆ ਨਹੀਂ ਬਣਾ ਸਕਦੇ | ਕਿਸੇ ਦੇ ਵਾਲ ਬਹੁਤ ਛੇਤੀ ਵਧਦੇ ਹਨ ਅਤੇ ਗੋਡਿਆਂ ਤੋਂ ਵੀ ਹੇਠਾਂ ਚਲੇ ਜਾਂਦੇ ਹਨ ਅਤੇ ਉਨ੍ਹਾਂ ਔਰਤਾਂ ਨੂੰ ਜੇ ਛੋਟੇ ਵਾਲ ਪਸੰਦ ਹੋਣ ਤਾਂ ਵਾਲਾਂ ਨੂੰ ਵਾਰ-ਵਾਰ ਕਟਵਾਉਣਾ ਉਨ੍ਹਾਂ ਲਈ ਮਹਿੰਗਾ ਪੈ ਸਕਦਾ ਹੈ | ਵਾਰ-ਵਾਰ ਬਿਊਟੀਪਾਰਲਰ ਦੇ ਚੱਕਰ ਲਗਾਉਣਾ ਉਹ ਪਸੰਦ ਨਹੀਂ ਕਰਨਗੀਆਂ | ਉਨ੍ਹਾਂ ਦੇ ਵਾਲ ਹੋਰ ਨਾ ਵਧਣ, ਇਸ ਵਾਸਤੇ ਉਹ ਵਾਲਾਂ ਦੀ ਦੇਖਭਾਲ ਕਰਨੀ ਬੰਦ ਕਰ ਦੇਣਗੀਆਂ | ਸ਼ਾਇਦ ਇਸ ਨਾਲ ਉਨ੍ਹਾਂ ਦੇ ਵਾਲਾਂ ਦੀ ਚਮਕ ਹੀ ਖ਼ਤਮ ਹੋ ਜਾਵੇ ਅਤੇ ਵਾਲ ਵਧਣੇ ਫਿਰ ਵੀ ਘੱਟ ਨਾ ਹੋਣ | ਕੁਦਰਤੀ ਤੌਰ 'ਤੇ ਵਾਲ ਜਿਹੋ ਜਿਹੇ ਹਨ, ਉਹੋ ਜਿਹੇ ਹੀ ਰਹਿਣਗੇ | ਥੋੜ੍ਹੀ ਜਿਹੀ ਲਾਪ੍ਰਵਾਹੀ ਨਾਲ ਤੁਸੀਂ ਉਨ੍ਹਾਂ ਦੀ ਸੁੰਦਰਤਾ ਵੀ ਗੁਆ ਬੈਠੋਗੇ |
ਕਿਸੇ ਵੀ ਕੁਦਰਤੀ ਚੀਜ਼ ਨੂੰ ਤੁਸੀਂ ਬਦਲ ਨਹੀਂ ਸਕਦੇ ਪਰ ਤੁਸੀਂ ਉਸ ਨੂੰ ਸੰਵਾਰ ਜ਼ਰੂਰ ਸਕਦੇ ਹੋ | ਜੇ ਤੁਹਾਡੇ ਵਾਲ ਰੱੁਖੇ ਹਨ ਤਾਂ ਵਾਲਾਂ ਨੂੰ ਕੁਦਰਤੀ ਤੇਲ ਵਿਚ ਡੁਬੋ ਕੇ ਮਾਲਿਸ਼ ਕਰੋ | ਜੇ ਤੁਹਾਡੇ ਵਾਲ ਆਮ ਹਨ ਤਾਂ ਉਨ੍ਹਾਂ ਨੂੰ ਹਫ਼ਤੇ ਵਿਚ ਇਕ ਵਾਰ ਤੇਲ ਲਗਾਓ ਅਤੇ ਜੇ ਤੁਹਾਡੇ ਵਾਲ ਤੇਲੀ ਹਨ ਤਾਂ ਵੀ ਆਪਣੇ ਵਾਲਾਂ ਵਿਚ ਕਦੇ-ਕਦੇ ਤੇਲ ਲਗਾਉਣਾ ਨਾ ਭੱੁਲੋ | ਹਾਂ, ਵਾਲਾਂ ਨੂੰ ਤੇਲ ਵਿਚ ਤਰ ਤਾਂ ਹੀ ਕਰੋ ਜੇ ਉਹ ਰੱੁਖੇ ਹੋਣ, ਤੇਲੀ ਨਹੀਂ | ਉਸੇ ਸ਼ੈਂਪੂ ਅਤੇ ਉਸੇ ਤੇਲ ਦੀ ਵਰਤੋਂ ਕਰੋ, ਜੋ ਤੁਹਾਡੇ ਵਾਲਾਂ ਦੇ ਅਨੁਕੂਲ ਹੋਵੇ |
ਜੇ ਤੁਹਾਡੇ ਵਾਲ ਝੜਦੇ ਹਨ ਤਾਂ ਇਸ ਦਾ ਇਲਾਜ ਕੋਈ ਦਵਾਈ, ਖਾਸ ਸ਼ੈਂਪੂ ਜਾਂ ਸਾਬਣ ਨਹੀਂ, ਸਗੋਂ ਸੰਤੁਲਤ ਭੋਜਨ ਹੈ | ਭੋਜਨ ਵਿਚ ਜੇ ਤੁਸੀਂ ਪ੍ਰੋਟੀਨ ਸੰਤੁਲਤ ਮਾਤਰਾ ਵਿਚ ਲੈਂਦੇ ਹੋ ਤਾਂ ਤੁਹਾਡੇ ਵਾਲਾਂ ਦਾ ਝੜਨਾ ਨਿਸਚਿਤ ਹੀ ਘੱਟ ਹੋ ਜਾਵੇਗਾ | ਵਾਲਾਂ ਨੂੰ ਵੀ ਭੋਜਨ ਦੀ ਲੋੜ ਹੁੰਦੀ ਹੈ ਅਤੇ ਉਨ੍ਹਾਂ ਦਾ ਭੋਜਨ ਹੈ ਪ੍ਰੋਟੀਨ | ਵਾਲ ਕਿਉਂਕਿ ਨਿਰਜੀਵ ਹੁੰਦੇ ਹਨ, ਸੋ ਜ਼ਰੂਰਤ ਹੈ ਉਨ੍ਹਾਂ ਦੀ ਜ਼ਿਆਦਾ ਦੇਖਭਾਲ ਦੀ | ਤੁਸੀਂ ਜੇ ਵਾਲਾਂ ਨੂੰ ਜ਼ਿਆਦਾ ਕੰਘੀ ਕਰੋਗੇ ਤਾਂ ਵਾਲ ਝੜਨਗੇ ਹੀ | ਵਾਲਾਂ ਵਿਚ ਸਿਕਰੀ ਅਤੇ ਵਾਲਾਂ ਦੇ ਸਫੈਦ ਹੋਣ ਦਾ ਕਾਰਨ ਸੰਤੁਲਿਤ ਭੋਜਨ ਦੀ ਕਮੀ ਹੈ |
ਆਪਣੇ ਵਾਲਾਂ ਨੂੰ ਗੰਦਾ ਨਾ ਹੋਣ ਦਿਓ | ਹਫ਼ਤੇ ਵਿਚ ਦੋ ਵਾਰ ਵਾਲਾਂ ਨੂੰ ਜ਼ਰੂਰ ਧੋਵੋ | ਵਾਲਾਂ ਵਿਚ ਰੋਜ਼ ਕੰਘੀ ਕਰੋ | ਇਸ ਨਾਲ ਵਾਲਾਂ ਦੀ ਗੰਦਗੀ ਦੂਰ ਹੋਵੇਗੀ | ਵਾਲਾਂ 'ਤੇ ਜ਼ਿਆਦਾ ਸਮੇਂ ਲਈ ਸਕਾਰਫ ਵੀ ਨਹੀਂ ਬੰਨ੍ਹ ਕੇ ਰੱਖਣਾ ਚਾਹੀਦਾ | ਇਸ ਨਾਲ ਵਾਲਾਂ ਦੇ ਟੱੁਟਣ ਦੀ ਸਮੱਸਿਆ ਜ਼ਿਆਦਾ ਬਣ ਜਾਂਦੀ ਹੈ | ਵਾਲਾਂ ਦੀ ਸਾਫ਼-ਸਫ਼ਾਈ ਨਾਲ ਵੀ ਬਹੁਤ ਫਰਕ ਪੈਂਦਾ ਹੈ | ਫਿਰ ਕਿਉਂ ਨਹੀਂ ਪਾਓਗੇ ਤੁਸੀਂ ਲਹਿਰਾਉਂਦੇ ਹੋਏ ਵਾਲ?

ਗਰਮੀਆਂ ਵਿਚ ਤਾਜ਼ਗੀ ਅਤੇ ਫ਼ੁਰਤੀ ਦੇਵੇਗਾ ਮਾਕਟੇਲ ਡਿੰ੍ਰਕ

ਫਰੂਟ ਪੰਚ
ਸਮੱਗਰੀ : 1 ਕੱਪ ਸੰਤਰੇ ਦਾ ਰਸ, 1 ਕੱਪ ਅਨਾਨਾਸ ਦਾ ਰਸ, 1/2 ਕੱਪ ਫਰੈਸ਼ ਕ੍ਰੀਮ, 1/2-1 ਛੋਟਾ ਚਮਚ ਰੂਹਅਫਜ਼ਾ |
ਸਜਾਵਟ ਲਈ : ਅੰਬ ਅਤੇ ਤਰਬੂਜ ਦੇ ਟੁਕੜੇ, ਕਾਲੇ ਅੰਗੂਰ, ਪੁਦੀਨੇ ਦੇ ਪੱਤੇ ਠੰਢੇ ਪਾਣੀ ਵਿਚ ਭਿੱਜੇ ਹੋਏ |
ਵਿਧੀ : 1. ਮੈਂਗੋ ਟੁਕੜੇ, ਅੰਗੂਰ ਅਤੇ ਤਰਬੂਜ ਟੁਕੜੇ ਨੂੰ ਪੁਦੀਨੇ ਦੇ ਪੱਤਿਆਂ ਨਾਲ ਇਕ ਲੱਕੜੀ ਦੇ ਟੁਕੜਿਆਂ ਵਿਚ ਪਾਓ ਅਤੇ ਮਿਕਸ ਕਰਨ ਲਈ ਇਕ ਪਾਸੇ ਰੱਖੋ | 2. ਪੰਚ ਦੀ ਸਾਰੀ ਸਮੱਗਰੀ ਨੂੰ ਇਕੱਠੀ ਕਰਕੇ ਮਿਕਸੀ ਵਿਚ ਚਲਾਓ | 3. ਬਰਫ਼ ਦੇ ਟੁਕੜਿਆਂ ਨੂੰ ਇਕ ਗਿਲਾਸ ਵਿਚ ਰੱਖੋ | ਮਿਕਸਚਰ ਨੂੰ ਉੱਪਰ ਪਾਓ | 4. ਫਲਾਂ ਨਾਲ ਬਣੀ ਹੋਈ ਸਟਿਕ ਨੂੰ ਗਿਲਾਸ ਵਿਚ ਰੱਖੋ | ਸਟ੍ਰਾਅ ਦੇ ਨਾਲ ਸਰਵ ਕਰੋ |
ਜਿੰਜਰ ਪੰਚ
ਸਮੱਗਰੀ : ਇਕੱਠੇ ਉਬਾਲੋ-
100 ਗ੍ਰਾਮ ਅਦਰਕ ਧੋ ਕੇ, ਛਿੱਲ ਸਮੇਤ ਕੱੁਟ ਲਓ, 1 ਕੱਪ ਖੰਡ, 3 ਕੱਪ ਪਾਣੀ, 6-8 ਅਦਰਕ ਦੇ ਪਤਲੇ ਟੁਕੜੇ (ਗਲਾਸ ਵਿਚ ਰੱਖਣ ਲਈ), ਬਲੈਕ ਟੀ, 2 ਕੱਪ ਪਾਣੀ, ਛੋਟੇ ਚਮਚ ਸਾਧਾਰਨ ਚਾਹ ਪੱਤੀ |
ਹੋਰ ਸਮੱਗਰੀ : 1 ਕੱਪ ਸੰਤਰੇ ਦਾ ਰਸ, 8 ਵੱਡੇ ਚਮਚ ਨਿੰਬੂ ਦਾ ਰਸ, 3 ਕੱਪ ਕੱੁਟੀ ਹੋਈ ਬਰਫ਼ |
ਵਿਧੀ : 1. ਕੱੁਟਿਆ ਹੋਇਆ ਅਦਰਕ, ਅਦਰਕ ਦੇ ਟੁਕੜੇ, ਖੰਡ ਅਤੇ 3 ਕੱਪ ਸੌਸ ਪੈਨ ਵਿਚ ਉਬਾਲੋ | ਉਬਾਲਾ ਆਉਣ ਤੋਂ ਬਾਅਦ ਘੱਟ ਸੇਕ 'ਤੇ 10 ਮਿੰਟ ਪਕਾਓ | ਜਿੰਜਰ ਸਿਰਪ ਛਾਣ ਲਓ | ਅਦਰਕ ਦੇ ਟੁਕੜਿਆਂ ਉੱਪਰ ਪਾਉਣ ਲਈ ਵੱਖਰੇ ਰੱਖੋ | 2. ਬਲੈਕ ਟੀ ਬਣਾਉਣ ਲਈ ਚਾਹ-ਪੱਤੀ 'ਤੇ 2 ਕੱਪ ਉਬਲਦਾ ਪਾਣੀ ਪਾਓ | ਠੰਢਾ ਹੋਣ ਦਿਓ | 3. ਜਿੰਜਰ ਸਿਰਪ ਵਿਚ ਬਲੈਕ ਟੀ ਅਤੇ ਹੋਰ ਸਮੱਗਰੀ ਮਿਲਾਓ | 4. ਗਿਲਾਸ ਵਿਚ ਅਦਰਕ ਦੇ ਟੁਕੜੇ ਪਾਓ ਅਤੇ ਉੱਪਰੋਂ ਜਿੰਜਰ ਪੰਚ ਪਾ ਕੇ ਪਰੋਸੋ |

-ਨੀਤਾ ਮਹਿਤਾ

ਬੱਚਿਆਂ ਵਿਚ ਮੁੱਢ ਤੋਂ ਹੀ ਪਾਓ ਚੰਗੀਆਂ ਆਦਤਾਂ

ਬੱਚਾ ਆਪਣੇ ਮਾਂ-ਬਾਪ, ਪਰਿਵਾਰ ਅਤੇ ਆਲੇ-ਦੁਆਲੇ ਤੋਂ ਹਮੇਸ਼ਾ ਹੀ ਸਿੱਖਦਾ ਰਹਿੰਦਾ ਹੈ, ਜੋ ਕੁਦਰਤ ਦਾ ਨਿਯਮ ਵੀ ਹੈ | ਉਹ ਚੰਗੇ-ਬੁਰੇ ਤੋਂ ਬੇਖਬਰ ਹੁੰਦਾ ਹੈ | ਜੋ ਵੀ ਦੇਖਦਾ ਹੈ, ਉਹੀ ਸਿੱਖਦਾ ਹੈ | ਇਥੇ ਮਾਂ ਜਾਂ ਬਾਪ ਹੋਣ ਦੇ ਨਾਤੇ ਸਾਡਾ ਪਹਿਲਾ ਫ਼ਰਜ਼ ਇਹੀ ਬਣਦਾ ਹੈ ਕਿ ਉਸ ਦੀ ਸਿੱਖਣ ਪ੍ਰਕਿਰਿਆ ਉੱਤੇ ਨਿਗਰਾਨੀ ਰੱਖੀ ਜਾਵੇ ਕਿ ਉਹ ਕੀ ਅਨੁਕਰਣ ਕਰਦਾ ਹੈ, ਜੇ ਸਹੀ ਹੈ ਤਾਂ ਸਿੱਖਣ ਦਿਓ, ਨਹੀਂ ਤਾਂ ਉਸ ਨੂੰ ਮੋੜੋ | ਸਾਨੂੰ ਕੁਝ ਵੀ ਵਾਧੂ ਨਹੀਂ ਸਿਖਾਉਣਾ ਚਾਹੀਦਾ, ਕਿਉਂਕਿ ਸਿੱਖਣ ਲਈ ਤਾਂ ਉਹ ਆਪ ਹੀ ਬਹੁਤ ਉਤਾਵਲਾ ਹੁੰਦਾ ਹੈ, ਸਾਡਾ ਫ਼ਰਜ਼ ਹੈ ਉਸ ਦੇ ਚੰਗੇ ਜਾਂ ਬੁਰੇ ਪ੍ਰਭਾਵਾਂ 'ਤੇ ਪਹਿਰਾ ਦੇਣਾ | ਜਦ ਉਹ ਥੋੜ੍ਹਾ ਜਿਹਾ ਪ੍ਰਪੱਕ ਹੋਣ ਲੱਗੇ ਤਾਂ ਸਾਨੂੰ ਉਸ ਵਿਚ ਚੰਗੀਆਂ ਆਦਤਾਂ ਵਿਕਸਿਤ ਕਰਨੀਆਂ ਚਾਹੀਦੀਆਂ ਹਨ | ਨਿੱਕਾ ਬੱਚਾ ਸਭ ਨੂੰ ਪਿਆਰਾ ਲਗਦਾ ਹੈ | ਉਸ ਦੀਆਂ ਗੱਲਾਂ ਵੀ ਸਭ ਨੂੰ ਮੋਂਹਦੀਆਂ ਹਨ ਪਰ ਕਈ ਵਾਰ ਜੇ ਬੱਚਾ ਕੋਈ ਮਾੜੀ ਗੱਲ ਜਾਂ ਹਰਕਤ ਵੀ ਕਰਦਾ ਹੈ ਜਾਂ ਗਲਤ ਸ਼ਰਾਰਤ ਕਰਦਾ ਹੈ ਤਾਂ ਅਸੀਂ ਉਸ ਨੂੰ ਦੇਖ ਕੇ ਹੱਸਦੇ ਹਾਂ, ਉਸ ਨੂੰ ਟੋਕਣ ਦੀ ਥਾਂ ਉਸ ਦੀਆਂ ਹਰਕਤਾਂ ਨੂੰ ਉਤਸ਼ਾਹਿਤ ਕਰਕੇ ਉਸ ਤੋਂ ਵਾਰ-ਵਾਰ ਉਹੀ ਨਕਲ ਕਰਾਉਂਦੇ ਹਾਂ ਪਰ ਅੱਗੇ ਜਾ ਕੇ ਉਸ ਦਾ ਅੰਜਾਮ ਗਲਤ ਨਿਕਲਦਾ ਹੈ |
ਬੱਚਾ ਜਦ ਸੁਰਤ ਸੰਭਾਲਦਾ ਹੈ, 2-3 ਵਰਿ੍ਹਆਂ ਦਾ ਹੁੰਦਾ ਹੈ ਤਾਂ ਸਾਨੂੰ ਉਸ ਦੀਆਂ ਆਦਤਾਂ ਦਾ ਬਰੀਕੀ ਨਾਲ ਨਿਰੀਖਣ ਕਰਕੇ ਇਹ ਅੰਦਾਜ਼ਾ ਲਗਾ ਲੈਣਾ ਚਾਹੀਦਾ ਹੈ ਕਿ ਉਹ ਸਹੀ ਪਾਸੇ ਜਾ ਰਿਹਾ ਹੈ ਜਾਂ ਗਲਤ | ਉਸ ਨੂੰ ਹਰ ਰੋਜ਼ ਕਦਮ-ਕਦਮ 'ਤੇ ਇਕ-ਇਕ ਕਰਕੇ ਕੋਈ ਵਧੀਆ ਆਦਤ ਤੇ ਸੰਸਕਾਰ ਸਿਖਾਇਆ ਜਾਵੇ, ਖਾਣ-ਪੀਣ ਦਾ, ਬੈਠਣ-ਉਠਣ ਦਾ, ਬੋਲਣ-ਚੱਲਣ ਦਾ ਢੰਗ ਸੋਧਿਆ ਜਾਵੇ | ਬੱਚੇ ਇਕਦਮ ਸਖਤੀ ਨਾਲ ਨਹੀਂ ਸਿੱਖਦੇ, ਬੱਚੇ ਨਕਲ ਕਰਕੇ ਸਿੱਖਦੇ ਹਨ | ਜਿਵੇਂ ਅਸੀਂ ਕਰਾਂਗੇ, ਉਵੇਂ ਹੀ ਉਹ ਸਿੱਖਦੇ ਹਨ, ਜਿਵੇਂ ਅਸੀਂ ਬੋਲਾਂਗੇ, ਉਠਾਂਗੇ, ਬੈਠਾਂਗੇ, ਖਾਵਾਂਗੇ, ਪੀਵਾਂਗੇ, ਦੂਜਿਆਂ ਨਾਲ ਵਿਚਰਾਂਗੇ, ਉਵੇਂ ਹੀ ਕਰਨਗੇ | ਇਸ ਲਈ ਸਾਨੂੰ ਖੁਦ ਨੂੰ ਉਨ੍ਹਾਂ ਦਾ ਸ਼ੀਸ਼ਾ ਬਣਨਾ ਪਵੇਗਾ | ਥੋੜ੍ਹਾ ਜਿਹਾ ਹੋਰ ਵੱਡਾ ਹੋਣ ਲਗਦਾ ਹੈ 4-5 ਕੁ ਵਰਿ੍ਹਆਂ ਦਾ, ਤਾਂ ਹੋਰ ਆਲੇ-ਦੁਆਲੇ ਨੂੰ ਸਵਾਰ ਕੇ ਰੱਖਣ ਦੀਆਂ ਆਦਤਾਂ ਪਾਓ, ਜਿਵੇਂ ਕਿ ਹਰ ਚੀਜ਼ ਟਿਕਾਣੇ 'ਤੇ ਰੱਖਣੀ, ਆਪਣੀਆਂ ਚੀਜ਼ਾਂ ਤੇ ਖਿਡੌਣਿਆਂ ਨੂੰ ਸੰਭਾਲ ਕੇ ਰੱਖਣਾ, ਕੁਝ ਵੀ ਖਾ ਕੇ ਬਰਤਨ ਜਾਂ ਲਿਫ਼ਾਫ਼ਾ ਵਗੈਰਾ ਉਥੇ ਹੀ ਨਹੀਂ ਸੱੁਟਣਾ, ਸਫ਼ਾਈ ਬਾਰੇ ਵੀ ਜਾਗਰੂਕ ਕਰਨਾ ਆਦਿ ਕਈ ਗੱਲਾਂ |
ਮੁੱਢ ਤੋਂ ਇਕ ਹੋਰ ਅਹਿਮ ਗਲਤ ਆਦਤ ਤੋਂ ਉਸ ਨੂੰ ਦੂਰ ਰੱਖਣਾ ਜੋ ਕਿ ਅੱਜ ਦੇ ਯੁੱਗ ਦੀ ਵੱਡੀ ਸਮੱਸਿਆ ਹੈ, ਉਹ ਹੈ 'ਮੋਬਾਈਲ ਫ਼ੋਨ' | ਕਈ ਵਾਰ ਅਸੀਂ ਖੇਡਣ ਦੇ ਤੌਰ 'ਤੇ ਬੱਚਿਆਂ ਨੂੰ ਫ਼ੋਨ ਦੇ ਦਿੰਦੇ ਹਾਂ ਤੇ ਬੱਚਿਆ ਨੂੰ ਵੀ ਬਹੁਤ ਜ਼ਬਰਦਸਤ ਚਸਕਾ ਲੱਗ ਜਾਂਦਾ ਹੈ ਕਿ ਫ਼ੋਨ ਤੋਂ ਬਿਨਾਂ ਨਾ ਖਾਣਾ, ਨਾ ਪੀਣਾ, ਨਾ ਕੋਈ ਹੋਰ ਕੰਮ ਦੇ ਆਖੇ ਲੱਗਣਾ | ਬਾਅਦ 'ਚ ਮਾਪਿਆਂ ਨੂੰ ਖੁਦ ਦੀ ਸਹੇੜੀ ਮੁਸੀਬਤ ਬਹੁਤ ਤੰਗ ਕਰਦੀ ਹੈ | ਇਸ ਲਈ ਕੋਸ਼ਿਸ਼ ਇਹੀ ਹੋਵੇ ਕਿ ਬੱਚਿਆਂ ਦੀ ਮੌਜੂਦਗੀ ਵਿਚ ਫ਼ੋਨ ਜਾਂ ਟੀ.ਵੀ. ਦੀ ਬਹੁਤ ਹੀ ਘੱਟ ਵਰਤੋਂ ਕਰਨੀ ਚਾਹੀਦੀ ਹੈ ਅਤੇ ਉਨ੍ਹਾਂ ਦੀ ਪਹੁੰਚ ਤੋਂ ਪਾਸੇ ਹੀ ਰੱਖਣਾ ਚਾਹੀਦਾ ਹੈ | ਦੂਜੀ ਵੱਡੀ ਮੁਸੀਬਤ ਹੈ ਅੱਜ ਦੇ ਸਮੇਂ ਵਿਚ 'ਜੰਕ ਫ਼ੂਡ, ਟਾਫ਼ੀਆਂ ਅਤੇ ਸਨੈਕਸ' | ਜੋ ਵੀ ਘਰ ਵਿਚ ਪੱਕਿਆ, ਉਹੀ ਖਵਾਓ ਤਾਂ ਜੋ ਉਨ੍ਹਾਂ ਦੇ ਮੂੰਹ ਨੂੰ ਸਾਰੇ ਭੋਜਨ ਲੱਗ ਜਾਣ ਤੇ ਬਾਹਰ ਦਾ ਖਾਣ ਦੀ ਉਨ੍ਹਾਂ ਵਿਚ ਲਾਲਸਾ ਨਾ ਵਧੇ | ਅਸੀਂ ਸ਼ੌਾਕ ਨਾਲ ਉਨ੍ਹਾਂ ਨੂੰ ਬਾਹਰੋਂ ਵੰਨ-ਸੁਵੰਨੀਆਂ ਚੀਜ਼ਾਂ ਲਿਆ ਕੇ ਪਰੋਸਦੇ ਹਾਂ | ਬਸ ਫ਼ਿਰ ਜੋ ਇਕ ਵਾਰ ਮੂੰਹ ਨੂੰ ਸਵਾਦ ਲੱਗ ਗਿਆ, ਉਸ ਤੋਂ ਖਹਿੜਾ ਛੁਡਾਉਣਾ ਨਾਮੁਮਕਿਨ ਹੈ ਤੇ ਘਰੇਲੂ ਭੋਜਨ ਤੋਂ ਬੱਚਾ ਮੂੰਹ ਮੋੜ ਲੈਂਦਾ ਹੈ ਤੇ ਇਸ ਗੱਲ ਦੇ ਜੋ ਸਰੀਰਕ ਤੇ ਬੌਧਿਕ ਨੁਕਸਾਨ ਹਨ, ਉਹ ਅਸੀਂ ਚੰਗੀ ਤਰ੍ਹਾਂ ਜਾਣਦੇ ਹਾਂ | ਜੇ ਇਨ੍ਹਾਂ ਚੀਜ਼ਾਂ ਤੋਂ ਬੱਚਾ ਵਾਕਿਫ਼ ਨਹੀਂ, ਅਸੀਂ ਉਹਨੂੰ ਵਾਕਿਫ਼ ਕਿਉਂ ਕਰਾਉਂਦੇ ਹਾਂ?
ਬਾਕੀ ਰਹੀ ਗੱਲ ਆਦਤਾਂ ਅਤੇ ਸੰਸਕਾਰਾਂ ਦੀ ਤਾਂ ਇਹ ਸਾਡੀ ਪਲ-ਪਲ ਦੀ ਮਿਹਨਤ ਹੁੰਦੀ ਹੈ, ਅਸੀਂ ਬੱਚੇ ਦੀ ਕੋਈ ਵੀ ਚੰਗੀ-ਬੁਰੀ ਗੱਲ ਨਜ਼ਰਅੰਦਾਜ਼ ਨਹੀਂ ਕਰ ਸਕਦੇ, ਕਿਉਂਕਿ ਜੋ ਆਦਤ ਇਕ ਵਾਰ ਪੱਕ ਗਈ, ਉਸ ਨੂੰ ਬਦਲਣਾ ਬਹੁਤ ਮੁਸ਼ਕਿਲ ਹੈ, ਜਿਸ ਨਾਲ ਬੱਚੇ ਨੂੰ ਵੀ ਕਈ ਵਾਰ ਕੁੱਟ ਜਾਂ ਝਿੜਕਾਂ ਪੈਂਦੀਆਂ ਹਨ, ਜਿਸ ਨਾਲ ਉਹ ਹੋਰ ਬਾਗ਼ੀ ਹੋ ਜਾਂਦਾ ਹੈ ਤੇ ਅਸੀਂ ਵੀ ਪ੍ਰੇਸ਼ਾਨ ਹੁੰਦੇ ਹਾਂ | ਸੋ ਕੁਦਰਤ ਦੇ ਨਿਯਮਾਂ ਅਨੁਸਾਰ ਚਲਦੇ ਹੋਏ ਮਸ਼ੀਨੀ ਯੁੱਗ ਵਿਚੋਂ ਨਿਕਲ ਕੇ ਬੱਚੇ ਨੂੰ ਕੁਦਰਤੀ ਰੂਪ ਵਿਚ ਸਿਖਾਓ, ਤਾਂ ਜੋ ਬੱਚੇ ਦਾ, ਮਾਪਿਆਂ ਦਾ ਤੇ ਕੁਦਰਤ ਦਾ ਕੋਈ ਨੁਕਸਾਨ ਨਾ ਹੋਵੇ |

-ਸ: ਸ: ਸ: ਰੱਲੀ (ਮਾਨਸਾ) | ਮੋਬਾ: 82838-32839

ਪਛਾਣੋ ਆਪਣੀ ਜ਼ਿੰਦਗੀ ਦਾ ਅਸਲ ਮਨੋਰਥ

ਬਿਨਾਂ ਕਿਸੇ ਮਨੋਰਥ ਤੋਂ ਜ਼ਿੰਦਗੀ ਉਸ ਦੌੜ ਵਾਂਗ ਹੈ, ਜਿਸ ਵਿਚ ਦੌੜਨ ਵਾਲਾ ਦੌੜਦਾ ਤਾਂ ਬਹੁਤ ਹੈ ਪਰ ਪਹੁੰਚਦਾ ਕਿਤੇ ਵੀ ਨਹੀਂ। ਹਰ ਦੌੜਦੀ ਚੀਜ਼ ਮਗਰ ਦੌੜਨ ਵਾਲੇ ਇਨਸਾਨ ਦੀ ਨਾ ਤਾਂ ਕੋਈ ਮੰਜ਼ਿਲ ਹੁੰਦੀ ਹੈ ਅਤੇ ਨਾ ਹੀ ਉਸ ਦਾ ਕੋਈ ਮਨੋਰਥ। ਅਕਸਰ ਜਿਨ੍ਹਾਂ ਚੀਜ਼ਾਂ ਮਗਰ ਅਸੀਂ ਜ਼ਿਆਦਾ ਦੌੜਦੇ ਹਾਂ, ਉਹ ਚੀਜ਼ਾਂ ਸਾਨੂੰ ਮਿਲਦੀਆਂ ਨਹੀਂ ਅਤੇ ਜਿਨ੍ਹਾਂ ਚੀਜ਼ਾਂ ਤੋਂ ਅਸੀਂ ਬਚਣ ਦੀ ਕੋਸ਼ਿਸ਼ ਕਰਦੇ ਹਾਂ, ਉਹ ਚੀਜ਼ਾਂ ਸਾਡਾ ਖਹਿੜਾ ਨਹੀਂ ਛੱਡਦੀਆਂ। ਅਸੀਂ ਆਪਣੇ ਹੀ ਡਰ ਤੋਂ ਸਭ ਤੋਂ ਵੱਧ ਡਰਦੇ ਹਾਂ ਅਤੇ ਇਸੇ ਗੱਲ ਦੀ ਚਿੰਤਾ ਹੀ ਜ਼ਿੰਦਗੀ ਭਰ ਸਾਨੂੰ ਚਿੰਬੜੀ ਰਹਿੰਦੀ ਹੈ। ਅਸੀਂ ਖੁਸ਼ੀਆਂ ਪ੍ਰਾਪਤ ਕਰਨਾ ਚਾਹੁੰਦੇ ਹਾਂ ਪਰ ਸਾਨੂੰ ਇਕ ਛੋਟੀ ਜਿਹੀ ਖੁਸ਼ੀ ਦੀ ਕੀਮਤ ਹੀ ਅਦਾ ਕਰਨੀ ਨਹੀਂ ਆਉਂਦੀ। ਇਕ-ਇਕ ਨਿੱਕੀ-ਨਿੱਕੀ ਖੁਸ਼ੀ ਹੀ ਖੁਸ਼ੀਆਂ ਦਾ ਸਬੱਬ ਬਣਦੀ ਹੈ ਅਤੇ ਇਹ ਖੁਸ਼ੀਆਂ ਹੀ ਜ਼ਿੰਦਗੀ ਦੀ ਖੁਸ਼ਹਾਲੀ ਬਣਦੀਆਂ ਹਨ। ਜ਼ਰਾ ਆਪ ਹੀ ਸੋਚੋ, ਅਸੀਂ ਹਰ ਰੋਜ਼ ਕਿੰਨੇ ਕੁ ਲੋਕਾਂ ਦੀਆਂ ਖੁਸ਼ੀਆਂ ਦਾ ਸਬੱਬ ਬਣਦੇ ਹਾਂ? ਅਸੀਂ ਉਹੀ ਕੁਝ ਪ੍ਰਾਪਤ ਕਰਦੇ ਹਾਂ, ਜੋ ਅਸੀਂ ਦੂਜਿਆਂ ਨੂੰ ਵੰਡਦੇ ਹਾਂ। ਘਰ ਵਿਚ ਘਰੇਲੂ ਕੰਮ ਕਰਨ ਵਾਲੀ ਔਰਤ ਨੂੰ ਕਈ ਵਾਰ ਇੰਜ ਲਗਦਾ ਹੈ ਕਿ ਜਿਵੇਂ ਉਸ ਦੀ ਆਪਣੀ ਜ਼ਿੰਦਗੀ ਦਾ ਕੋਈ ਮਨੋਰਥ ਨਹੀਂ ਹੁੰਦਾ।
ਕਈ ਪੜ੍ਹੀਆਂ-ਲਿਖੀਆਂ ਕੁੜੀਆਂ ਵਿਆਹ ਉਪਰੰਤ ਇਸੇ ਲਈ ਪ੍ਰੇਸ਼ਾਨ ਰਹਿੰਦੀਆਂ ਹਨ ਕਿ ਉਹ ਪੜ੍ਹ-ਲਿਖ ਕੇ ਵੀ ਨੌਕਰੀ ਨਹੀਂ ਕਰ ਸਕੀਆਂ ਅਤੇ ਘਰੇਲੂ ਕੰਮ ਕਰਦੀਆਂ ਉਹ ਐਨੀਆਂ ਨੀਰਸ ਅਤੇ ਨਿਰਉਤਸ਼ਾਹ ਹੋ ਜਾਂਦੀਆਂ ਹਨ ਕਿ ਉਨ੍ਹਾਂ ਨੂੰ ਘਰ ਜੇਲ੍ਹ ਲੱਗਣ ਲਗਦਾ ਹੈ। ਹੌਲੀ-ਹੌਲੀ ਉਨ੍ਹਾਂ ਦੇ ਸੁਭਾਅ ਵਿਚ ਚਿੜਚਿੜਾਪਨ ਆਉਣਾ ਸ਼ੁਰੂ ਹੋ ਜਾਂਦਾ ਹੈ ਅਤੇ ਅਕਸਰ ਮਨ ਅਸ਼ਾਂਤ ਅਤੇ ਦਿਲ ਉਦਾਸ ਰਹਿਣਾ ਸ਼ੁਰੂ ਹੋ ਜਾਂਦਾ ਹੈ। ਅਕਸਰ ਅਜਿਹੀਆਂ ਔਰਤਾਂ ਨੂੰ ਸਫਲਤਾ ਦੀ ਪਰਿਭਾਸ਼ਾ ਦਾ ਗਿਆਨ ਤਾਂ ਹੁੰਦਾ ਹੈ ਪਰ ਖੁਸ਼ੀਆਂ ਦੀ ਵਿਆਕਰਣ ਦੇ ਨੇਮਾਂ ਨੂੰ ਉਹ ਨਹੀਂ ਜਾਣਦੀਆਂ ਕਿ ਇਹ ਵੀ ਜ਼ਿੰਦਗੀ ਦਾ ਇਕ ਮਨੋਰਥ ਹੈ। ਦੂਜਿਆਂ ਨਾਲ ਮੁਕਾਬਲੇ ਦੀ ਇੱਛਾ ਹਮੇਸ਼ਾ ਤੰਗ ਕਰਦੀ ਹੈ। ਤੁਹਾਡੇ ਆਲੇ-ਦੁਆਲੇ ਕਿੰਨੇ ਲੋਕ ਹਨ, ਜਿਹੜੇ ਚੰਗੇ ਅਹੁਦਿਆਂ 'ਤੇ ਕਾਬਜ਼ ਹਨ ਅਤੇ ਵੱਡੀਆਂ ਤਨਖਾਹਾਂ ਲੈਂਦੇ ਹਨ ਪਰ ਫਿਰ ਵੀ ਉਹ ਖੁਸ਼ ਨਹੀਂ ਹਨ। ਅਸਲ ਵਿਚ ਉਹ ਲੋਕ ਉਸ ਮੁਕਾਬਲੇ ਦੀ ਦੌੜ ਵਿਚ ਹਨ, ਜਿਥੇ ਉਹ ਜਿੱਤ ਤਾਂ ਸਕਦੇ ਹਨ ਪਰ ਜੇਤੂ ਨਹੀਂ ਰਹਿ ਸਕਦੇ। ਲਾਲਚ ਦਾ ਪੇਟ ਕਦੇ ਨਹੀਂ ਭਰਦਾ। ਅੱਖਾਂ ਵਿਚ ਤ੍ਰਿਸ਼ਨਾ ਕਦੇ ਖ਼ਤਮ ਨਹੀਂ ਹੁੰਦੀ। ਇਹ ਨਾ ਸੋਚੋ ਕਿ ਕਿੰਨੇ ਲੋਕ ਤੁਹਾਡੇ ਤੋਂ ਵੱਧ ਸਫਲ ਹੋਏ ਹਨ, ਬਲਕਿ ਇਹ ਵਿਚਾਰਨ ਵਾਲੀ ਗੱਲ ਹੈ ਕਿੰਨੇ ਕੁ ਲੋਕ ਹਨ, ਜੋ ਤੁਹਾਡੀ ਵਜ੍ਹਾ ਕਰਕੇ ਜ਼ਿੰਦਗੀ ਵਿਚ ਸਫਲ ਹੋਏ ਹਨ।
ਨੇਕੀ ਦੀ ਅਸਲ ਤਾਕਤ ਨੇਕੀ ਕਰਕੇ ਭੁੱਲ ਜਾਣ ਵਿਚ ਹੈ। ਤੁਸੀਂ ਆਪਣੀ ਘਰੇਲੂ ਜ਼ਿੰਦਗੀ ਨੂੰ ਨਿਗੁਣਾ, ਛੋਟਾ ਅਤੇ ਮਨੋਰਥਹੀਣ ਨਾ ਸਮਝੋ। ਸਿਆਣੀ ਅਤੇ ਸਮਝਦਾਰ ਔਰਤ ਕਦੇ ਬੇਰੁਜ਼ਗਾਰ ਨਹੀਂ ਹੁੰਦੀ। ਸੁਖੀ ਰਹਿਣ ਦਾ ਤਰੀਕਾ ਹੈ ਕਿ ਜੇਕਰ ਤੁਹਾਨੂੰ ਪਸੰਦ ਦੀ ਚੀਜ਼ ਨਹੀਂ ਮਿਲੀ ਤਾਂ ਤੁਸੀਂ ਉਸ ਚੀਜ਼ ਨੂੰ ਆਪਣੀ ਪਸੰਦ ਬਣਾ ਲਵੋ ਜੋ ਤੁਹਾਡੇ ਕੋਲ ਹੈ। ਜੋ ਕੋਲ ਨਹੀਂ ਹੈ, ਉਸ ਦੀ ਚਿੰਤਾ ਹੈ ਅਤੇ ਜੋ ਕੋਲ ਹੈ ਉਸ ਦੀ ਕੀਮਤ ਦਾ ਅਹਿਸਾਸ ਨਹੀਂ। ਧੁਰ ਅੰਦਰੋਂ ਜ਼ਿੰਦਗੀ ਨੂੰ ਮਹਿਸੂਸ ਕਰਨ ਵਾਲੇ ਹੀ ਜ਼ਿੰਦਗੀ ਨੂੰ ਮਾਣ ਸਕਦੇ ਹਨ। ਕਈ ਚੀਜ਼ਾਂ ਯਤਨ ਕਰਨ ਨਾਲ ਨਹੀਂ, ਸਗੋਂ ਸਬਰ ਰੱਖਣ ਨਾਲ ਮਿਲਦੀਆਂ ਹਨ। ਤੁਹਾਡਾ ਸੁਭਾਅ ਵੀ ਤੁਹਾਡਾ ਭਵਿੱਖ ਤੈਅ ਕਰਦਾ ਹੈ। ਜੇਕਰ ਤੁਹਾਡੇ ਕੋਲ ਚੰਗੀ ਸਿਹਤ ਹੈ, ਸੋਚ ਅਤੇ ਸਮਝ ਹੈ ਅਤੇ ਏਨਾ ਹੋਣ ਦੇ ਬਾਵਜੂਦ ਵੀ ਤੁਸੀਂ ਜੇਕਰ ਖੁਸ਼ ਨਹੀਂ ਹੋ ਤਾਂ ਇਹ ਕਮੀ ਜ਼ਰੂਰ ਤੁਹਾਡੇ ਇਰਾਦੇ ਵਿਚ ਹੋਵੇਗੀ। ਗ਼ਲਤ ਤਰੀਕੇ ਨਾਲ ਪੂਰੀ ਰੋਟੀ ਖਾਣ ਦੀ ਬਜਾਏ ਸਹੀ ਤਰੀਕੇ ਨਾਲ ਕਮਾਈ ਅੱਧੀ ਰੋਟੀ ਕਿਤੇ ਵੱਧ ਸੰਤੁਸ਼ਟੀ ਦਿੰਦੀ ਹੈ। ਤੁਹਾਡੇ ਅੰਦਰ ਦੀ ਭਾਵਨਾ ਜਿੰਨੀ ਵੱਧ ਸ਼ੁੱਧ ਹੋਵੇਗੀ, ਓਨੀ ਹੀ ਤੁਹਾਡੇ ਕੰਮਾਂ ਦੀ ਤਾਕਤ ਵੱਧ ਹੋਵੇਗੀ। ਜੇਕਰ ਤੁਸੀਂ ਦੂਜਿਆਂ ਦੀ ਸਫਲਤਾ ਵਿਚ ਯੋਗਦਾਨ ਪਾਓਗੇ ਤਾਂ ਤੁਹਾਨੂੰ ਆਪਣੀ ਅਸਫਲਤਾ ਦੇ ਸਾਰੇ ਦਰਦ ਦੂਰ ਹੋ ਗਏ ਮਹਿਸੂਸ ਹੋਣਗੇ। ਦੂਜਿਆਂ ਦੇ ਮਨੋਰਥ ਨੂੰ ਪੂਰਾ ਕਰਨ ਵਿਚ ਸਹਾਈ ਹੋਣਾ ਤੁਹਾਡੀ ਜ਼ਿੰਦਗੀ ਦਾ ਇਕ ਅਜਿਹਾ ਮਨੋਰਥ ਹੈ, ਜੋ ਇਕ ਦਿਨ ਇਤਿਹਾਸ ਦਾ ਹਿੱਸਾ ਬਣਦਾ ਹੈ।
ਕਈ ਲੋਕ ਕੈਰੀਅਰ ਬਣਾਉਂਦੇ ਹਨ ਅਤੇ ਕਈ ਮਦਦ ਕਰਨ ਵਾਲੇ ਲੋਕ ਇਤਿਹਾਸ ਬਣਾਉਂਦੇ ਹਨ। ਸਭ ਤੋਂ ਵੱਡਾ ਨੁਕਸ ਹੈ ਆਪਣੇ ਕਿਸੇ ਨੁਕਸ ਦਾ ਨਜ਼ਰ ਨਾ ਆਉਣਾ। ਉਨ੍ਹਾਂ ਲੋਕਾਂ ਦੀ ਸਲਾਹ ਜ਼ਰੂਰ ਲਵੋ, ਜੋ ਜ਼ਿੰਦਗੀ ਵਿਚ ਖੁਦ ਸਫਲਤਾ ਦੀ ਮਿਸਾਲ ਬਣਦੇ ਹਨ, ਕਿਉਂਕਿ ਅਜਿਹੇ ਲੋਕ ਉਸਾਰੂ ਸੋਚ ਦੇ ਮਾਲਕ ਹੁੰਦੇ ਹਨ। ਮਨੋਰਥ ਸਿਰਫ ਨੌਕਰੀ, ਪੈਸਾ, ਕਾਰੋਬਾਰ, ਡਿਗਰੀ ਜਾਂ ਅਹੁਦਾ ਨਹੀਂ ਹੁੰਦਾ। ਜ਼ਿੰਦਗੀ ਇਕ ਸੰਗੀਤ ਹੈ। ਇਸ ਨੂੰ ਸੁਣੋ ਅਤੇ ਮਾਣੋ। ਜ਼ਿੰਦਗੀ ਇਕ ਮੌਕਾ ਹੈ ਚੰਗਾ ਇਨਸਾਨ ਬਣਨ ਦਾ। ਖੁਸ਼ੀਆਂ ਮਾਣੋ ਅਤੇ ਵੰਡੋ। ਚੰਗੀ ਖੁਰਾਕ, ਚੰਗੀ ਸਿਹਤ ਅਤੇ ਚੰਗੀਆਂ ਆਦਤਾਂ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਖੂਬਸੂਰਤੀ ਹੈ। ਕਿਸੇ ਲਈ ਦੁਆ ਅਤੇ ਕਿਸੇ ਲਈ ਅਰਦਾਸ ਬਣੋ। ਕਿਸੇ ਲਈ ਰੌਸ਼ਨੀ ਅਤੇ ਕਿਸੇ ਲਈ ਗਿਆਨ। ਉਮੀਦਾਂ ਜਿੰਨੀਆਂ ਘੱਟ ਹੁੰਦੀਆਂ ਹਨ, ਖੁਸ਼ੀ ਓਨੀ ਵੱਧ ਮਿਲਦੀ ਹੈ। ਕਿਸੇ ਵੀ ਔਰਤ ਦੀ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਅਮਾਨਤ ਉਸ ਦੀ ਇੱਜ਼ਤ ਹੈ ਅਤੇ ਇੱਜ਼ਤ ਗੁਆ ਕੇ ਪ੍ਰਾਪਤ ਕੀਤੇ ਮਨੋਰਥ ਸ਼ੋਹਰਤ ਤਾਂ ਦੇ ਸਕਦੇ ਹਨ ਪਰ ਤਸੱਲੀ, ਖੁਸ਼ੀ ਜਾਂ ਸ਼ਾਂਤੀ ਨਹੀਂ। ਸਿਰਫ ਪਹੁੰਚ ਜਾਣਾ ਜਾਂ ਪ੍ਰਾਪਤ ਕਰ ਲੈਣਾ ਜ਼ਿੰਦਗੀ ਦੀ ਮੰਜ਼ਿਲ ਤਾਂ ਹੋ ਸਕਦਾ ਹੈ ਪਰ ਮਨੋਰਥ ਨਹੀਂ। ਮਨੋਰਥ ਦਿਲਾਂ ਵਿਚ ਪਲਦੇ ਹਨ, ਰੂਹਾਂ ਨਾਲ ਬਣਦੇ ਹਨ ਅਤੇ ਆਖਰੀ ਸਾਹਾਂ ਤੱਕ ਵੀ ਚਲਦੇ ਰਹਿੰਦੇ ਹਨ।


-ਪਿੰਡ ਗੋਲੇਵਾਲਾ (ਫ਼ਰੀਦਕੋਟ)।
ਮੋਬਾ: 94179-49079

ਸੁੰਦਰਤਾ ਵਿਚ ਆਮ ਗ਼ਲਤੀਆਂ

ਔਰਤਾਂ ਨੂੰ ਮੇਕਅੱਪ ਦਾ ਖਾਸ ਸ਼ੌਕ ਹੁੰਦਾ ਹੈ, ਕਿਉਂਕਿ ਮੇਕਅਪ ਖੂਬਸੂਰਤੀ ਦੇ ਨਾਲ ਆਤਮਵਿਸ਼ਵਾਸ ਵੀ ਵਧਾਉਂਦਾ ਹੈ। ਕੁਦਰਤੀ ਸੁੰਦਰਤਾ ਨੂੰ ਨਿਖਾਰਨ ਲਈ ਲੋੜੀਂਦਾ ਸਮਾਂ ਅਤੇ ਵਾਧੂ ਯਤਨਾਂ ਦੀ ਲੋੜ ਹੁੰਦੀ ਹੈ ਅਤੇ ਇਸ ਵਿਚ ਸ਼ਾਰਟਕੱਟ ਜ਼ਿਆਦਾਤਰ ਤੁਹਾਡੇ 'ਤੇ ਭਾਰੀ ਪੈ ਜਾਂਦੇ ਹਨ ਪਰ ਫਿਰ ਵੀ ਜ਼ਿਆਦਾਤਰ ਔਰਤਾਂ ਸਮੇਂ ਦੀ ਕਮੀ ਦੀ ਵਜ੍ਹਾ ਨਾਲ ਕਾਹਲੀ ਵਿਚ ਅੰਤਿਮ ਸਮੇਂ ਵਿਚ ਜ਼ਿਆਦਾਤਰ ਗ਼ਲਤੀਆਂ ਕਰ ਬੈਠਦੀਆਂ ਹਨ, ਕਿਉਂਕਿ ਮੇਕਅੱਪ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ ਹੁੰਦੀ। ਹਰ ਰੋਜ਼ ਤਿਆਰ ਹੋਣ ਲਈ ਹਮੇਸ਼ਾ ਮਹਿੰਗੇ ਬਿਊਟੀ ਪਾਰਲਰ ਜਾਂ ਬਿਊਟੀਸ਼ੀਅਨ ਦੀ ਮਦਦ ਲੈਣਾ ਸੰਭਵ ਨਹੀਂ ਹੁੰਦਾ।
ਆਮ ਤੌਰ 'ਤੇ ਔਰਤਾਂ ਦੀ ਸੁੰਦਰਤਾ ਸਬੰਧੀ ਧਾਰਨਾਵਾਂ ਨੂੰ ਕਦੇ ਜ਼ਿਆਦਾਤਰ ਮਾਮਲਿਆਂ ਵਿਚ ਸਪੱਸ਼ਟ ਨਹੀਂ ਕੀਤਾ ਜਾਂਦਾ, ਇਸ ਲਈ ਉਹ ਵਾਰ-ਵਾਰ ਆਮ ਗ਼ਲਤੀਆਂ ਨੂੰ ਦੁਹਰਾਉਂਦੀਆਂ ਰਹਿੰਦੀਆਂ ਹਨ, ਜਿਸ ਦੀ ਵਜ੍ਹਾ ਨਾਲ ਉਨ੍ਹਾਂ ਨੂੰ ਨੁਕਸਾਨ ਸਹਿਣਾ ਪੈਂਦਾ ਹੈ। ਇਸ ਆਲੇਖ ਵਿਚ ਸੁੰਦਰਤਾ ਸਬੰਧੀ ਕੁਝ ਆਮ ਗ਼ਲਤੀਆਂ ਅਤੇ ਧਾਰਨਾਵਾਂ ਨੂੰ ਸਪੱਸ਼ਟ ਕੀਤਾ ਗਿਆ ਹੈ।
* ਸਾਡੀ ਉਮਰ ਵਧਣ ਨਾਲ ਚਮੜੀ ਦੀਆਂ ਨਵੀਆਂ ਸਮੱਸਿਆਵਾਂ ਖੜ੍ਹੀਆਂ ਹੋ ਜਾਂਦੀਆਂ ਹਨ ਜਦੋਂ ਕਿ ਫੇਸ ਵਾਸ਼ ਸਹਿਤ ਹੋਰ ਸੁੰਦਰਤਾ ਪ੍ਰਸਾਧਨ ਅਸੀਂ ਬਦਲਣ ਨੂੰ ਤਿਆਰ ਹੀ ਨਹੀਂ ਹੁੰਦੇ, ਜਦੋਂ ਸਾਨੂੰ ਉਮਰ ਦੇ ਹਿਸਾਬ ਨਾਲ ਫੇਸ ਵਾਸ਼ ਅਤੇ ਹੋਰ ਸੁੰਦਰਤਾ ਪ੍ਰਸਾਧਨ ਵਰਤਣੇ ਚਾਹੀਦੇ ਹਨ।
* ਅੱਜਕਲ੍ਹ ਮੋਬਾਈਲ ਸਾਡੀ ਜੀਵਨਸ਼ੈਲੀ ਦਾ ਹਿੱਸਾ ਬਣ ਗਿਆ ਹੈ। ਮੋਬਾਈਲ ਤੋਂ ਬਿਨਾਂ ਅਕਸਰ ਔਰਤਾਂ ਨੂੰ ਬੇਚੈਨੀ ਵੀ ਮਹਿਸੂਸ ਹੁੰਦੀ ਹੈ ਅਤੇ ਮੋਬਾਈਲ ਨਾਲ ਆਪਣੇ ਜਾਣਕਾਰਾਂ ਦੇ ਸੰਪਰਕ ਵਿਚ ਰਹਿਣ ਨਾਲ ਸੁਰੱਖਿਆ ਦਾ ਅਹਿਸਾਸ ਵੀ ਹੁੰਦਾ ਹੈ ਪਰ ਮੋਬਾਈਲ ਦੀ ਜ਼ਿਆਦਾ ਵਰਤੋਂ ਤੁਹਾਡੀ ਚਮੜੀ ਨੂੰ ਖਰਾਬ ਕਰ ਦਿੰਦੀ ਹੈ। ਦਰਅਸਲ ਮੋਬਾਈਲ 'ਤੇ ਗੱਲ ਕਰਦੇ ਸਮੇਂ ਤੁਸੀਂ ਮੋਬਾਈਲ ਨੂੰ ਆਪਣੇ ਚਿਹਰੇ ਨਾਲ ਸਿੱਧੇ ਜੋੜ ਦਿੰਦੇ ਹੋ, ਜਿਸ ਨਾਲ ਮੋਬਾਈਲ ਵਿਚ ਮੌਜੂਦ ਬੈਕਟੀਰੀਆ ਚਮੜੀ ਨੂੰ ਖਰਾਬ ਕਰ ਦਿੰਦਾ ਹੈ।
* ਇਹ ਇਕ ਆਮ ਧਾਰਨਾ ਹੈ ਕਿ ਸਾਬਣ ਅਤੇ ਪਾਣੀ ਨਾਲ ਮੂੰਹ ਧੋਣਾ ਚੰਗਾ ਸ਼ੁੱਧ ਤਰੀਕਾ ਹੈ ਜਦੋਂ ਕਿ ਅਸਲ ਵਿਚ ਸਾਬਣ ਨਾਲ ਬਨਾਉਟੀ ਸੁੰਦਰਤਾ, ਮੈਲ ਅਤੇ ਪ੍ਰਦੂਸ਼ਣ ਪੂਰੀ ਤਰ੍ਹਾਂ ਨਹੀਂ ਹਟਾਏ ਜਾ ਸਕਦੇ। ਇਸ ਤੋਂ ਬਾਅਦ ਬਹੁਤੇ ਸਾਬਣ ਖਾਰੇ ਹੁੰਦੇ ਹਨ ਜੋ ਕਿ ਚਮੜੀ ਦੇ ਆਮ ਅਮਲੀਯ ਖਾਰੇ ਸੰਤੁਲਨ ਨੂੰ ਵਿਗਾੜਦੇ ਹਨ ਅਤੇ ਚਮੜੀ ਨੂੰ ਖੁਸ਼ਕ ਵੀ ਬਣਾ ਦਿੰਦੇ ਹਨ।
* ਅਕਸਰ ਅਸੀਂ ਕਾਫੀ ਸਾਲਾਂ ਤੋਂ ਇਕ ਹੀ ਫੇਸ ਵਾਸ਼, ਕ੍ਰੀਮ, ਪਾਊਡਰ ਆਦਿ ਸੁੰਦਰਤਾ ਪ੍ਰਸਾਧਨ ਵਰਤਦੇ ਰਹਿੰਦੇ ਹਾਂ ਅਤੇ ਸਾਡੀ ਕੁਝ ਸੁੰਦਰਤਾ ਪ੍ਰਸਾਧਨਾਂ ਦੇ ਪ੍ਰਤੀ ਬ੍ਰਾਂਡ ਲਾਇਲਟੀ ਵੀ ਹੋ ਜਾਂਦੀ ਹੈ, ਪਰ ਬਚਪਨ ਤੋਂ ਲੈ ਕੇ ਚਮੜੀ ਵਿਚ ਅਨੇਕ ਬਦਲਾਅ ਆਉਂਦੇ ਹਨ ਅਤੇ ਇਨ੍ਹਾਂ ਬਦਲਾਵਾਂ ਦੇ ਮੱਦੇਨਜ਼ਰ ਸਾਨੂੰ ਆਪਣੇ ਸੁੰਦਰਤਾ ਪ੍ਰਸਾਧਨਾਂ ਨੂੰ ਬਦਲਣ ਦੀ ਜ਼ਰੂਰਤ ਹੁੰਦੀ ਹੈ ਜੋ ਕਿ ਉਸ ਉਮਰ ਦੇ ਹਿਸਾਬ ਨਾਲ ਠੀਕ ਰਹੇ।
* ਆਮ ਤੌਰ 'ਤੇ ਇਹ ਮੰਨਿਆ ਜਾਂਦਾ ਹੈ ਕਿ ਚਿਕਨਾਈ ਵਾਲੀ ਅਤੇ ਜਟਿਲ ਚਮੜੀ ਲਈ ਚਿਹਰੇ ਨੂੰ ਸਾਬਣ ਅਤੇ ਪਾਣੀ ਨਾਲ ਵਾਰ-ਵਾਰ ਧੋਣਾ ਚਾਹੀਦਾ ਹੈ ਜਦੋਂ ਕਿ ਇਹ ਸਹੀ ਨਹੀਂ ਹੈ। ਚਮੜੀ ਨੂੰ ਸਾਬਣ ਅਤੇ ਪਾਣੀ ਨਾਲ ਦਿਨ ਵਿਚ ਦੋ ਵਾਰ ਤੋਂ ਵੱਧ ਨਹੀਂ ਧੋਣਾ ਚਾਹੀਦਾ। ਸਾਬਣ ਦੀ ਲਗਾਤਾਰ ਵਰਤੋਂ ਨਾਲ ਚਮੜੀ ਵਿਚ ਖਾਰਾਪਨ ਵਧ ਜਾਂਦਾ ਹੈ, ਜਿਸ ਨਾਲ ਚਮੜੀ 'ਤੇ ਬੈਕਟੀਰੀਅਲ ਹਮਲੇ ਦੀ ਪ੍ਰਵਿਰਤੀ ਵਧ ਜਾਂਦੀ ਹੈ ਅਤੇ ਇਸ ਨਾਲ ਚਮੜੀ 'ਤੇ ਕਾਲੇ ਮੁਹਾਸੇ ਪੈਦਾ ਹੋ ਜਾਂਦੇ ਹਨ।
* ਸੁੰਦਰਤਾ ਲਈ ਵਰਤੇ ਜਾਣ ਵਾਲੇ ਬੁਰਸ਼ ਆਦਿ ਦੀ ਸਾਫ਼-ਸਫ਼ਾਈ ਵੀ ਓਨੀ ਹੀ ਜ਼ਰੂਰੀ ਹੁੰਦੀ ਹੈ ਜਿੰਨੀ ਸਾਡੇ ਚਿਹਰੇ ਦੀ ਸੁੰਦਰਤਾ ਦੀ। ਅਸੀਂ ਅਕਸਰ ਬੁਰਸ਼ ਨੂੰ ਸਾਫ਼ ਕਰਨ ਵਿਚ ਕੁਤਾਹੀ ਕਰ ਬੈਠਦੇ ਹਾਂ, ਜਿਸ ਨਾਲ ਬੁਰਸ਼ ਵਿਚ ਲੱਗਿਆ ਤੇਲ, ਕਰੀਮ, ਧੂੜ ਆਦਿ ਬੁਰਸ਼ 'ਤੇ ਜੰਮ ਜਾਂਦੀ ਹੈ ਅਤੇ ਜਦੋਂ ਅਸੀਂ ਇਸੇ ਬੁਰਸ਼ ਨੂੰ ਬਿਨਾਂ ਸਾਫ਼ ਕੀਤੇ ਜਾਂ ਉਚਿਤ ਤਰੀਕੇ ਨਾਲ ਸਾਫ਼ ਕੀਤੇ ਬਿਨਾਂ ਵਰਤਦੇ ਹਾਂ ਤਾਂ ਇਸ ਨਾਲ ਚਮੜੀ ਦੀ ਅਲਰਜੀ ਹੋ ਜਾਂਦੀ ਹੈ ਅਤੇ ਸੁੰਦਰਤਾ ਨਾਲ ਜੁੜੀਆਂ ਅਨੇਕ ਸਮੱਸਿਆਵਾਂ ਖੜ੍ਹੀਆਂ ਹੋ ਜਾਂਦੀਆਂ ਹਨ। ਇਹ ਅਤਿਅੰਤ ਜ਼ਰੂਰੀ ਹੈ ਕਿ ਸੁੰਦਰਤਾ ਨਾਲ ਜੁੜੀਆਂ ਸਾਰੀਆਂ ਉਪਕਰਨਾਂ ਨੂੰ ਉਚਿਤ ਤਰੀਕੇ ਨਾਲ ਸਾਫ਼ ਕਰਕੇ ਇਕ ਸਹੀ ਜਗ੍ਹਾ 'ਤੇ ਰੱਖਿਆ ਜਾਵੇ ਅਤੇ ਵਰਤੋਂ ਕਰਨ ਤੋਂ ਪਹਿਲਾਂ ਪੂਰੀ ਤਰ੍ਹਾਂ ਸਾਫ਼ ਕੀਤਾ ਜਾਵੇ।
* ਅਸੀਂ ਇਹ ਮੰਨਦੇ ਹਾਂ ਕਿ ਸੈਲੂਨ ਫੇਸ਼ੀਅਲ ਮਸਾਜ ਸਾਰੇ ਤਰ੍ਹਾਂ ਦੀ ਚਮੜੀ ਲਈ ਫਾਇਦੇਮੰਦ ਸਾਬਤ ਹੁੰਦੀ ਹੈ, ਜਦਕਿ ਸਚਾਈ ਇਹ ਹੈ ਕਿ ਸੈਲੂਨ ਫੇਸ਼ੀਅਲ ਮਸਾਜ ਵਿਚ ਵੱਖ-ਵੱਖ ਤਰ੍ਹਾਂ ਦੀਆਂ ਕ੍ਰੀਮਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ ਅਤੇ ਤੇਲੀ ਚਮੜੀ ਦੀ ਕ੍ਰੀਮ ਨਾਲ ਮਾਲਿਸ਼ ਨਹੀਂ ਕੀਤੀ ਜਾਣੀ ਚਾਹੀਦੀ, ਕਿਉਂਕਿ ਇਸ ਨਾਲ ਤੇਲੀ ਗ੍ਰੰਥੀਆਂ ਉਤੇਜਿਤ ਹੁੰਦੀਆਂ ਹਨ। ਜੇ ਤੇਲੀ ਚਮੜੀ ਵਿਚ ਫੇਸ਼ੀਅਲ ਕਰਨਾ ਹੋਵੇ ਤਾਂ ਉਸ ਵਿਚ ਸਿਰਫ ਕਲੀਜ਼ਿੰਗ, ਟੋਨਿੰਗ ਮਾਸਕ ਅਤੇ ਇਕਸਫੋਲੀਏਸ਼ਨ ਦੀ ਹੀ ਵਰਤੋਂ ਕਰਨੀ ਚਾਹੀਦੀ ਹੈ।
* ਚਮੜੀ 'ਤੇ ਕ੍ਰੀਮ ਨੂੰ ਲਗਾ ਕੇ ਪੂਰੀ ਰਾਤ ਤੱਕ ਚਮੜੀ 'ਤੇ ਲੱਗੀ ਨਹੀਂ ਰਹਿਣ ਦੇਣਾ ਚਾਹੀਦਾ, ਕਿਉਂਕਿ ਚਮੜੀ ਇਕ ਸੀਮਾ ਤੱਕ ਹੀ ਕ੍ਰੀਮ ਸੋਖ ਸਕਦੀ ਹੈ ਅਤੇ ਇਸ ਤੋਂ ਬਾਅਦ ਉਹ ਕ੍ਰੀਮ ਦੀ ਵਰਤੋਂ ਨਹੀਂ ਕਰ ਸਕਦੀ। ਅਸਲ ਵਿਚ ਸੌਣ ਸਮੇਂ ਚਮੜੀ ਦੇ ਮੁਸਾਮ ਕ੍ਰੀਮ ਤੋਂ ਪੂਰੀ ਤਰ੍ਹਾਂ ਮੁਕਤ ਹੋਣੇ ਚਾਹੀਦੇ ਹਨ। ਫਿਰ ਵੀ ਜੇ ਚਮੜੀ ਬਹੁਤ ਜ਼ਿਆਦਾ ਖੁਸ਼ਕ ਹੈ ਤਾਂ ਵਾਧੂ ਕ੍ਰੀਮ ਨੂੰ ਗਿੱਲੇ ਰੂੰ ਨਾਲ ਹਟਾ ਕੇ ਹਲਕਾ ਦ੍ਰਵ ਮਾਇਸਚਰਾਈਜ਼ਰ ਲਗਾਇਆ ਜਾ ਸਕਦਾ ਹੈ। (ਬਾਕੀ ਅਗਲੇ ਸ਼ੁੱਕਰਵਾਰ ਦੇ ਅੰਕ 'ਚ)

ਆਈਸ ਕ੍ਰੀਮ ਦੀ ਆਈ ਬਹਾਰ

ਕੇਲਾ (ਬਨਾਨਾ) ਆਈਸ ਕ੍ਰੀਮ

ਸਮੱਗਰੀ : ਫੁਲਕ੍ਰੀਮ ਦੁੱਧ-375 ਮਿ: ਲਿ:, ਪੱਕੇ ਹੋਏ ਕੇਲੇ-3, ਖੰਡ-100 ਗ੍ਰਾਮ।
ਵਿਧੀ : ਕੇਲਿਆਂ ਨੂੰ ਚੰਗੀ ਤਰ੍ਹਾਂ ਮੈਸ਼ ਕਰ ਲਓ। ਇਸ ਵਿਚ ਦੁੱਧ ਅਤੇ ਖੰਡ ਮਿਲਾਓ। ਇਸ ਮਿਸ਼ਰਣ ਨੂੰ ਆਈਸ ਕ੍ਰੀਮ ਮੇਕਰ ਵਿਚ ਪਾ ਕੇ ਫਰੀਜ਼ਰ ਵਿਚ ਜੰਮਣ ਲਈ ਰੱਖ ਦਿਓ।
ਅੰਬ (ਮੈਂਗੋ) ਆਈਸ ਕ੍ਰੀਮ
ਸਮੱਗਰੀ : ਆਂਡੇ-4, ਅੰਬ ਪੱਕੇ ਹੋਏ-2, ਖੰਡ-2 ਵੱਡੇ ਚਮਚ, ਕ੍ਰੀਮ-ਅੱਧਾ ਕੱਪ।
ਵਿਧੀ : ਆਂਡਿਆਂ ਨੂੰ ਚੰਗੀ ਤਰ੍ਹਾਂ ਫੈਂਟ ਲਓ, ਜਿਸ ਨਾਲ ਉਨ੍ਹਾਂ ਦਾ ਸੰਘਣਾ ਪੇਸਟ ਬਣ ਜਾਵੇ। ਫਿਰ ਇਸ ਵਿਚ ਖੰਡ ਅਤੇ ਕ੍ਰੀਮ ਮਿਲਾ ਕੇ ਚੰਗੀ ਤਰ੍ਹਾਂ ਫੈਂਟੋ। ਜਦੋਂ ਮਿਸ਼ਰਣ ਸੰਘਣਾ ਅਤੇ ਕ੍ਰੀਮੀ ਹੋ ਜਾਵੇ ਤਾਂ ਇਸ ਵਿਚ ਅੰਬ ਦੇ ਟੁਕੜੇ ਮਿਲਾਓ। ਇਸ ਨੂੰ ਖੂਬ ਫੈਂਟੋ। ਫਿਰ ਫ੍ਰੀਜ਼ਰ ਵਿਚ ਜੰਮਣ ਲਈ ਰੱਖ ਦਿਓ।

ਤਣਾਅ ਤੋਂ ਬਚਣ ਔਰਤਾਂ

ਤਣਾਅ ਪੈਦਾ ਹੋਣ ਦੇ ਕਾਰਨ ਹਨ ਸ਼ੱਕ, ਬੇਵਿਸ਼ਵਾਸੀ, ਬੇਚੈਨੀ, ਗ਼ਲਤ-ਫਹਿਮੀ, ਆਸਾਂ-ਉਮੀਦਾਂ, ਅਸਫਲਤਾਵਾਂ, ਲਾਲਸਾਵਾਂ, ਡਰ, ਈਰਖਾ, ਹੰਕਾਰ ਆਦਿ, ਜਿਸ ਦਾ ਨਤੀਜਾ ਅਸੀਂ ਅਸੰਤੋਸ਼ ਅਤੇ ਮਾਨਸਿਕ ਸੰਤਾਪ ਦੇ ਰੂਪ ਵਿਚ ਦੇਖਦੇ ਹਾਂ।
ਤਣਾਅ ਦੇ ਅਨੇਕ ਮਾੜੇ ਨਤੀਜੇ ਸਾਨੂੰ ਦੇਖਣ ਨੂੰ ਮਿਲਦੇ ਹਨ। ਤਣਾਅ ਨਾਲ ਸਾਡੀਆਂ ਮਾਸਪੇਸ਼ੀਆਂ ਵਿਚ ਖਿਚਾਅ ਪੈਦਾ ਹੁੰਦਾ ਹੈ, ਫਿਰ ਅਸੀਂ ਬੇਚੈਨੀ ਮਹਿਸੂਸ ਕਰਦੇ ਹਾਂ। ਇਸ ਨਾਲ ਖੂਨ ਦਾ ਦਬਾਅ ਵਧ ਜਾਂਦਾ ਹੈ। ਮਾਨਸਿਕ ਅਸੰਤੁਲਨ, ਸਾਡੇ ਨਿੱਜੀ ਅਤੇ ਪਰਿਵਾਰਕ ਜੀਵਨ ਵਿਚ ਬਿਖਰਾਅ ਤੋਂ ਇਲਾਵਾ ਹੋਰ ਸਰੀਰਕ ਅਤੇ ਮਾਨਸਿਕ ਬਿਮਾਰੀਆਂ ਸਾਨੂੰ ਘੇਰ ਲੈਂਦੀਆਂ ਹਨ। ਕਿਤੇ-ਕਿਤੇ ਤਾਂ ਆਤਮ-ਹੱਤਿਆ ਕਰਨ ਵਰਗੇ ਕਦਮ ਵੀ ਮਨੁੱਖ ਤਣਾਅਵੱਸ ਚੁੱਕ ਬੈਠਦਾ ਹੈ।
ਤਣਾਅ ਨਾਲ ਸਾਡੀ ਮੌਲਿਕਤਾ ਖ਼ਤਮ ਹੋ ਜਾਂਦੀ ਹੈ, ਪ੍ਰਗਤੀ ਦੇ ਸਾਰੇ ਰਾਹ ਬੰਦ ਹੋ ਜਾਂਦੇ ਹਨ, ਅਸੀਂ ਆਪਣੇ ਨਿਸ਼ਾਨੇ ਤੋਂ ਭਟਕ ਜਾਂਦੇ ਹਾਂ ਅਤੇ ਜੀਵਨ ਦੀਆਂ ਸਮੁੱਚੀਆਂ ਚੰਗੀਆਂ ਭਾਵਨਾਵਾਂ ਸਾਡਾ ਸਾਥ ਛੱਡ ਦਿੰਦੀਆਂ ਹਨ ਅਤੇ ਅਸ਼ਾਂਤੀ, ਨਿਰਾਸ਼ਾ ਵਰਗੀਆਂ ਮਾੜੀਆਂ ਪ੍ਰਵਿਰਤੀਆਂ ਸਾਨੂੰ ਘੇਰ ਲੈਂਦੀਆਂ ਹਨ। ਤਣਾਅ ਨਾਲ ਸਾਡੀ ਇੱਛਾ ਸ਼ਕਤੀ ਖ਼ਤਮ ਹੋ ਜਾਂਦੀ ਹੈ। ਅਸੀਂ ਖੁਦ ਨੂੰ ਕੁਝ ਵੀ ਕਰਨ ਯੋਗ ਨਹੀਂ ਸਮਝਦੇ।
ਸਾਨੂੰ ਤਣਾਅ ਤੋਂ ਮੁਕਤੀ ਪਾਉਣ ਦਾ ਉਪਾਅ ਖੋਜਣਾ ਚਾਹੀਦਾ ਹੈ। ਇਸ ਤੋਂ ਮੁਕਤ ਹੋਣ ਦੇ ਉਪਾਅ ਬਹੁਤ ਸਹਿਜ ਹਨ। ਸਾਨੂੰ ਚਾਹੀਦਾ ਹੈ ਕਿ ਅਸੀਂ ਬਹੁਤੇ ਆਸ਼ਾਵਾਦੀ ਨਾ ਬਣੀਏ। ਇੱਛਾਵਾਂ ਅਤੇ ਆਸਾਂ ਪੂਰੀਆਂ ਨਾ ਹੋਣ 'ਤੇ ਤਣਾਅ ਹੋ ਜਾਂਦਾ ਹੈ, ਇਸ ਲਈ ਇੱਛਾਵਾਂ 'ਤੇ ਕਾਬੂ ਰੱਖੋ। ਸੰਤੁਸ਼ਟ ਰਹਿਣਾ ਸਿੱਖੋ।
ਕਿਸੇ ਦੂਜੇ ਨੂੰ ਦੇਖ ਕੇ ਨਾ ਤਾਂ ਉਸ ਦੀਆਂ ਸੁਖ ਸਹੂਲਤਾਂ ਤੋਂ ਖਿਝੋ ਅਤੇ ਨਾ ਹੀ ਖੁਦ ਨੂੰ ਛੋਟਾ ਜਾਂ ਹੀਣ ਸਮਝੋ। ਮਾੜੇ ਹਾਲਾਤ ਵਿਚ ਵੀ ਧੀਰਜ ਬਣਾਈ ਰੱਖੋ। ਜੀਵਨ ਨੂੰ ਸਦਾਚਾਰੀ, ਸਾਧਾਰਨ ਅਤੇ ਨੈਤਿਕਤਾ ਭਰਪੂਰ ਬਣਾਓ। ਗ਼ਲਤ ਆਦਤਾਂ ਨੂੰ ਆਪਣੇ ਜੀਵਨ ਵਿਚ ਜਗ੍ਹਾ ਨਾ ਦਿਓ।
ਤੁਹਾਡਾ ਜੀਵਨ, ਤੁਹਾਡੀ ਤੰਦਰੁਸਤੀ, ਤੁਹਾਡੀ ਤਰੱਕੀ, ਤੁਹਾਡੀ ਉਮਰ, ਸਮਾਜ ਵਿਚ ਮਾਣ-ਸਨਮਾਨ, ਹਰਮਨਪਿਆਰਤਾ ਸਭ ਤੁਹਾਡੇ ਹੱਥ ਵਿਚ ਹੈ। ਖੁਦ 'ਤੇ ਵਿਸ਼ਵਾਸ ਰੱਖੋ। ਜੀਵਨ ਨੂੰ ਭਾਰ ਨਾ ਸਮਝੋ। ਹੱਸਦੇ-ਮੁਸਕਰਾਉਂਦੇ ਜ਼ਿੰਦਗੀ ਜਿਊਣ ਦੀ ਆਦਤ ਪਾਓ। ਹਿੰਮਤ ਕਦੇ ਨਾ ਹਾਰੋ। ਸਹਿਣਸ਼ੀਲ ਅਤੇ ਧੀਰਜਵਾਨ ਬਣੋ। ਸਾਧਾਰਨ ਭੋਜਨ ਕਰੋ।
ਮਿੱਤਰਾਂ, ਰਿਸ਼ਤੇਦਾਰਾਂ ਨਾਲ ਸਬੰਧਾਂ ਨੂੰ ਮਧੁਰ ਬਣਾਈ ਰੱਖੋ। ਸਵੇਰੇ-ਸ਼ਾਮ ਟਹਿਲਣ ਦੀ ਆਦਤ ਪਾਓ। ਆਪਣੀਆਂ ਖਾਮੀਆਂ ਨੂੰ ਨਜ਼ਰਅੰਦਾਜ਼ ਕਰਕੇ ਜੀਵਨ ਵਿਚ ਕੁਝ ਬਣਨ ਬਾਰੇ ਸੋਚੋ। ਪਾਣੀ ਜ਼ਿਆਦਾ ਪੀਓ, ਕ੍ਰੋਧ ਵਿਚ ਨਾ ਰਹੋ।
ਹਰ ਗੱਲ ਨੂੰ ਸਹਿਜ ਅਤੇ ਸਰਲ ਤਰੀਕੇ ਨਾਲ ਲਓ। ਇਨ੍ਹਾਂ ਸਭ ਗੱਲਾਂ ਨੂੰ ਅਮਲ ਵਿਚ ਲਿਆ ਕੇ ਤੁਸੀਂ ਖੁਦ ਤਾਂ ਤਣਾਅ ਤੋਂ ਬਚੋਗੇ ਹੀ, ਤੁਹਾਡੇ ਘਰ-ਪਰਿਵਾਰ ਵਾਲਿਆਂ ਦੇ ਵੀ ਤੁਸੀਂ ਪਿਆਰੇ ਬਣੇ ਰਹੋਗੇ।

ਇੰਟਰਨੈੱਟ ਗੇਮਾਂ ਦਾ ਨਸ਼ਾ

ਦੋਸਤੋ, ਪਹਿਲਾਂ ਅਸੀਂ ਅੱਜ ਤੱਕ ਇਹ ਸੁਣਦੇ ਆਏ ਹਾਂ ਕਿ ਹਿੰਦੁਸਤਾਨ ਵਿਚ ਅਨੇਕਾਂ ਹੀ ਤਰ੍ਹਾਂ ਦਾ ਨਸ਼ਾ ਚੱਲ ਰਿਹਾ ਹੈ ਜਿਵੇਂ ਕਿ ਚਿੱਟਾ, ਅਫੀਮ, ਪੋਸਤ ਆਦਿ ਹੋਰ ਕਈ ਤਰ੍ਹਾਂ ਦੇ ਸਿੰਥੈਟਿਕ ਨਸ਼ੇ। ਪਰ ਜ਼ਰਾ ਗੌਰ ਕਰੋ, ਇਨ੍ਹਾਂ ਸਭ ਦੇ ਨਾਲ ਨੌਜਵਾਨ ਪੀੜ੍ਹੀ ਇਕ ਹੋਰ ਨਸ਼ੇ ਦਾ ਸੇਵਨ ਕਰ ਰਹੀ ਹੈ, ਜਿਸ ਦਾ ਨਾਂਅ ਹੈ ਇੰਟਰਨੈੱਟ ਗੇਮਾਂ ਦਾ ਨਸ਼ਾ। ਇੰਟਰਨੈੱਟ ਗੇਮਾਂ 'ਚ ਕਈ ਤਰ੍ਹਾਂ ਦੀਆਂ ਗੇਮਾਂ ਹਨ ਜਿਵੇਂ ਕਿ ਪੱਬ ਜੀ, ਮਿੰਨੀ ਮਿਲਟੀਆ, ਏਟ ਬਾਲ ਪੂਲ, ਬਲੂ ਵੇਲ, ਪਾਕਿਮਾਨ ਗੈ ਆਦਿ। ਹਾਲਾਂਕਿ ਇਨ੍ਹਾਂ ਵਿਚੋਂ ਕਈ ਜਾਨਲੇਵਾ ਗੇਮਾਂ 'ਤੇ ਸਰਕਾਰ ਵਲੋਂ ਰੋਕ ਲਗਾ ਦਿੱਤੀ ਗਈ ਹੈ। ਜਿਸ ਤਰ੍ਹਾਂ ਨਸ਼ੇ ਨੌਜਵਾਨਾਂ ਦੀ ਬਰਬਾਦੀ ਦਾ ਕਾਰਨ ਬਣ ਰਹੇ ਹਨ, ਉਸੇ ਤਰ੍ਹਾਂ ਇਹ ਗੇਮਾਂ ਵੀ ਨੌਜਵਾਨਾਂ ਦੇ ਭਵਿੱਖ ਅਤੇ ਸਰੀਰ ਦੀ ਬਰਬਾਦੀ ਦਾ ਕਾਰਨ ਬਣ ਰਹੀਆਂ ਹਨ। ਅੱਜ ਦੇ ਨੌਜਵਾਨ ਆਪਣਾ ਬਹੁਤ ਜ਼ਿਆਦਾ ਕੀਮਤੀ ਸਮਾਂ ਇਨ੍ਹਾਂ ਗੇਮਾਂ ਨੂੰ ਖੇਡਦੇ ਹੋਏ ਬਰਬਾਦ ਕਰ ਦਿੰਦੇ ਹਨ। ਇਨ੍ਹਾਂ ਗੇਮਾਂ ਨੂੰ ਖੇਡਦੇ ਸਮੇਂ ਉਹ ਆਪਣੀਆਂ ਜ਼ਿੰਮੇਵਾਰੀਆਂ ਭਾਵੇਂ ਪੜ੍ਹਾਈ ਹੋਵੇ ਜਾਂ ਕੋਈ ਕੰਮਕਾਰ, ਭੁੱਲ ਜਾਂਦੇ ਹਨ। ਇਹ ਗੇਮਾਂ ਵੀ ਇਸ ਤਰ੍ਹਾਂ ਤਿਆਰ ਕੀਤੀਆਂ ਗਈਆਂ ਹਨ, ਜਿਵੇਂ-ਜਿਵੇਂ ਤੁਸੀਂ ਅੱਗੇ ਵਧਦੇ ਜਾਓਗੇ, ਉਵੇਂ ਹੀ ਤੁਹਾਡਾ ਰੁਝਾਨ ਵਧਦਾ ਜਾਵੇਗਾ ਤੇ ਤੁਹਾਨੂੰ ਹੋਰ ਜ਼ਿਆਦਾ ਪੁਆਇੰਟ ਬਣਾਉਣ ਦੀ ਰੁਚੀ ਬਣੇਗੀ। ਇਹ ਵੀ ਬਿਲਕੁਲ ਉਸੇ ਤਰ੍ਹਾਂ ਹੀ ਹੈ ਜਿਵੇਂ ਕਿਸੇ ਦੂਜੇ ਨਸ਼ੇ ਦੀ ਤੋੜ ਲਗਦੀ ਹੈ। ਅੱਜਕਲ੍ਹ ਤਾਂ ਬੱਚਿਆਂ ਨੂੰ ਇਨ੍ਹਾਂ ਗੇਮਾਂ ਦੀ ਵੀ ਤੋੜ ਲੱਗਣ ਲੱਗ ਗਈ ਹੈ। ਕਈ ਵਾਰ ਤਾਂ ਆਪਣਾ ਕੰਮਕਾਰ ਅਧੂਰਾ ਛੱਡ ਕੇ ਇਨ੍ਹਾਂ ਗੇਮਾਂ ਦੁਆਲੇ ਲੱਗ ਜਾਂਦੇ ਹਨ। ਮੰਨ ਲਓ ਉਸ ਤੋਂ ਫੋਨ ਜਾਂ ਲੈਪਟਾਪ ਖੋਹ ਲਿਆ ਜਾਵੇ ਤਾਂ ਉਹ ਬਿਲਕੁਲ ਉਸ ਤਰ੍ਹਾਂ ਹੀ ਹਰਕਤਾਂ ਕਰਦਾ ਹੈ, ਜਿਵੇਂ ਕਿਸੇ ਨਸ਼ੇੜੀ ਤੋਂ ਕੋਈ ਨਸ਼ਾ ਖੋਹ ਲਿਆ ਜਾਵੇ।
ਅੱਜਕਲ੍ਹ ਇਹ ਆਮ ਹੀ ਦੇਖਣ ਨੂੰ ਮਿਲਦਾ ਹੈ ਕਿ ਕਾਲਜਾਂ ਦੇ ਅਤੇ ਸਕੂਲਾਂ ਦੇ ਬੱਚੇ ਸਕੂਲ ਵਿਚ ਹੀ 5-7 ਵਿਅਕਤੀਆਂ ਦਾ ਗਰੁੱਪ ਬਣਾ ਕੇ ਖੇਡਦੇ ਹਨ। ਇਸ ਦਾ ਪੱਧਰ ਤਾਂ ਇਥੋਂ ਤੱਕ ਚਲਾ ਗਿਆ ਹੈ ਕਿ ਕਈ-ਕਈ ਵਿਦਿਆਰਥੀ ਤਾਂ ਲੈਕਚਰ ਦੇ ਸਮੇਂ ਵੀ ਕਲਾਸ ਰੂਮ ਵਿਚ ਇਹ ਗੇਮਾਂ ਖੇਡਦੇ ਦੇਖੇ ਜਾ ਸਕਦੇ ਹਨ।
ਹੁਣ ਇਕ ਹੋਰ ਪਤੇ ਦੀ ਗੱਲ ਕਰੀਏ ਤਾਂ ਸਾਨੂੰ ਇਹ ਗੇਮਾਂ ਖੇਡ ਕੇ ਇਕ ਫੁੱਟੀ ਕੌਡੀ ਦਾ ਵੀ ਫਾਇਦਾ ਨਹੀਂ ਹੁੰਦਾ। ਦੂਜੇ ਪਾਸੇ ਜਿਹੜੇ ਇਹ ਗੇਮਾਂ ਦੇ ਨਿਰਮਾਤਾ ਹਨ, ਉਹ ਕਰੋੜਾਂ ਰੁਪਿਆ ਕਮਾ ਰਹੇ ਹਨ। ਅਸੀਂ ਆਪਣਾ ਬਹੁਤ ਕੁਝ ਗਵਾ ਰਹੇ ਹਾਂ ਇਹ ਗੇਮਾਂ ਖੇਡ ਕੇ। ਦੋਸਤੋ, ਇਨ੍ਹਾਂ ਗੇਮਾਂ ਦਾ ਸਾਡੇ ਅਤੇ ਸਾਡੀ ਸਿਹਤ 'ਤੇ ਬਹੁਤ ਹੀ ਮਾੜਾ ਅਸਰ (ਦੁਸ਼ਪ੍ਰਭਾਵ) ਪੈ ਰਿਹਾ ਹੈ, ਜਿਵੇਂ ਕਿ ਜਦੋਂ ਅਸੀਂ ਘੰਟਿਆਂ ਬੱਧੀ ਇਨ੍ਹਾਂ 'ਤੇ ਅੱਖਾਂ ਟਿਕਾਈ ਰੱਖਦੇ ਹਾਂ ਤਾਂ ਸਾਡੀਆਂ ਅੱਖਾਂ 'ਤੇ ਸਿੱਧਾ ਪ੍ਰਭਾਵ ਪੈਂਦਾ ਹੈ, ਉਵੇਂ ਹੀ ਅਸੀਂ ਹੱਥਾਂ ਵਿਚ ਮੋਬਾਈਲ ਫੜ ਕੇ ਬੈਠੇ ਰਹਿੰਦੇ ਹਾਂ ਤਾਂ ਸਾਡੇ ਹੱਥਾਂ ਦੀਆਂ ਮਾਸਪੇਸ਼ੀਆਂ 'ਤੇ ਸਿੱਧਾ-ਸਿੱਧਾ ਅਸਰ ਪੈਂਦਾ ਹੈ। ਇਹ ਗੇਮਾਂ ਖੇਡਣ ਨਾਲ ਸਾਡੇ ਦਿਮਾਗ 'ਤੇ ਵੀ ਸਿੱਧਾ ਅਸਰ ਪੈਂਦਾ ਹੈ। ਸਕੂਲਾਂ-ਕਾਲਜਾਂ ਦੇ ਵਿਦਿਆਰਥੀਆਂ ਦੀ ਪੜ੍ਹਾਈ ਤੋਂ ਇਕਾਗਰਤਾ ਹਟਣ ਦਾ ਇਹ ਮੁੱਖ ਕਾਰਨ ਹੈ। ਕਈ ਵਾਰ ਬੱਚੇ ਕਿਤਾਬ ਬਾਅਦ 'ਚ ਚੁੱਕਦੇ ਹਨ ਤੇ ਇਨ੍ਹਾਂ ਖੇਡਾਂ ਬਾਰੇ ਸੋਚਣ ਲੱਗ ਜਾਂਦੇ ਹਨ। ਇਕ ਰੋਜ਼ਾਨਾ ਅਖ਼ਬਾਰ ਦੇ ਅਨੁਸਾਰ ਇਹ ਪਤਾ ਲੱਗਾ ਹੈ ਕਿ ਪਿਛਲੇ ਸਮੇਂ ਨਾਲੋਂ ਹੁਣ ਦੇ ਸਮੇਂ ਵਿਚ ਫੌਜ ਦਾ ਸਰੀਰਕ ਟੈਸਟ ਪਾਸ ਕਰਨ ਵਾਲੇ ਨੌਜਵਾਨਾਂ ਵਿਚ ਕਾਫੀ ਕਮੀ ਆਈ ਹੈ।
ਇਨ੍ਹਾਂ ਗੇਮਾਂ ਨੂੰ ਛੱਡ ਕੇ ਸਾਨੂੰ ਉਹ ਗੇਮਾਂ ਖੇਡਣੀਆਂ ਚਾਹੀਦੀਆਂ ਹਨ, ਜਿਸ ਨਾਲ ਸਾਡਾ ਸਰੀਰ ਤਰੋਤਾਜ਼ਾ ਹੋਵੇ ਤੇ ਸਰੀਰ ਨੂੰ ਥੋੜ੍ਹੀ-ਬਹੁਤ ਖੇਚਲ ਮਿਲੇ। ਬਾਹਰਲੀਆਂ ਖੇਡਾਂ ਖੇਡਣ ਨਾਲ ਸਾਡਾ ਸਰੀਰ ਤੰਦਰੁਸਤ ਹੁੰਦਾ ਹੈ ਤੇ ਬਿਮਾਰੀ-ਰਹਿਤ ਹੁੰਦਾ ਹੈ। ਦੋਸਤੋ, ਨਸ਼ਾ ਤਾਂ ਨਸ਼ਾ ਹੀ ਹੁੰਦਾ ਹੈ, ਭਾਵੇਂ ਉਹ ਅਫੀਮ, ਸ਼ਰਾਬ ਦਾ ਹੋਵੇ, ਭਾਵੇਂ ਉਹ ਇੰਟਰਨੈੱਟ ਗੇਮਾਂ ਦਾ। ਅਜੇ ਵੀ ਸਮਾਂ ਹੈ, ਸਾਨੂੰ ਰੱਬ ਨੇ ਦਿਮਾਗ ਦਿੱਤਾ, ਸਾਨੂੰ ਉਸ ਤੋਂ ਕੰਮ ਲੈਣਾ ਚਾਹੀਦਾ ਹੈ, ਨਹੀਂ ਤਾਂ ਉਹ ਦਿਨ ਦੂਰ ਨਹੀਂ, ਜਿਸ ਦਿਨ ਸਾਡਾ ਸਰੀਰ ਗੰਭੀਰ ਬਿਮਾਰੀਆਂ ਦਾ ਸ਼ਿਕਾਰ ਹੋ ਜਾਵੇਗਾ। ਅੱਜਕਲ੍ਹ ਕਈ ਵਾਰ ਛੋਟੀ ਉਮਰ ਦੇ ਬੱਚਿਆਂ ਨੂੰ ਹੀ ਫੋਨ ਫੜਾ ਦਿੱਤਾ ਜਾਂਦਾ ਹੈ, ਜੋ ਕਿ ਬਹੁਤ ਗ਼ਲਤ ਹੈ। ਉਸ ਨਾਲ ਬੱਚੇ ਦੇ ਵਿਕਾਸ ਦੀ ਦਰ ਘਟ ਜਾਂਦੀ ਹੈ। ਮਾਂ-ਪਿਓ ਨੂੰ ਵੀ ਥੋੜ੍ਹਾ ਜਾਗਰੂਕ ਹੋਣਾ ਪਵੇਗਾ। ਆਸ ਕਰਦਾ ਹਾਂ ਕਿ ਆਪਾਂ ਸਾਰੇ ਆਪਣੀ ਸਿਹਤ ਅਤੇ ਤਰੱਕੀ ਵੱਲ ਧਿਆਨ ਦੇਈਏ ਤੇ ਜ਼ਿੰਦਗੀ ਵਿਚ ਸਫ਼ਲ ਹੋਈਏ, ਕਿਉਂਕਿ ਇਕ ਅੰਗਰੇਜ਼ੀ ਦੀ ਕਹਾਵਤ 'ਹੈਲਥ ਇਜ ਵੈਲਥ' ਅਨੁਸਾਰ 'ਤੰਦਰੁਸਤੀ ਹੀ ਇਨਸਾਨ ਦੀ ਸਭ ਤੋਂ ਵੱਡੀ ਦੌਲਤ ਹੈ।'


-ਪਿੰਡ ਚਾਂਦਪੁਰ, ਡਾਕ: ਪਤਾਰਾ (ਜਲੰਧਰ)। ਮੋਬਾ: 95920-61456

ਨਵੇਂ ਤਰੀਕੇ ਨਾਲ ਭਾਂਡਿਆਂ ਦੀ ਧੁਆਈ

ਭਾਵੇਂ ਤੁਸੀਂ ਪੌਸ਼ਟਿਕ ਆਹਾਰ ਲੈ ਰਹੇ ਹੋ ਪਰ ਜਿਨ੍ਹਾਂ ਭਾਂਡਿਆਂ ਦਾ ਇਸਤੇਮਾਲ ਕਰ ਰਹੇ ਹੋ, ਜੇ ਉਹੀ ਸਾਫ਼ ਨਹੀਂ ਹਨ ਤਾਂ ਤੁਹਾਡੀ ਪੌਸ਼ਟਿਕ ਖੁਰਾਕ ਕੋਈ ਮਾਇਨੇ ਨਹੀਂ ਰੱਖਦੀ। ਪਹਿਲਾਂ ਲੋਕ ਸੁਆਹ ਨਾਲ ਭਾਂਡੇ ਸਾਫ਼ ਕਰਦੇ ਸੀ ਪਰ ਹੈਰਾਨੀ ਦੀ ਗੱਲ ਹੈ ਕਿ ਜੋ ਖੁਦ ਹੀ ਸ਼ੁੱਧ ਨਹੀਂ, ਉਹ ਕਿਸੇ ਚੀਜ਼ ਨੂੰ ਸਾਫ਼ ਕਿਵੇਂ ਕਰ ਸਕਦੀ ਹੈ।
ਅਪਣਾਓ ਕੁਝ ਨਵਾਂ : ਭਾਂਡਿਆਂ ਨੂੰ ਚੰਗੀ ਤਰ੍ਹਾਂ ਅਤੇ ਘੱਟ ਮਿਹਨਤ ਨਾਲ ਧੋਣ ਦੀ ਇੱਛਾ ਅੱਜ ਹਰ ਔਰਤ ਦੀ ਹੈ। ਇਸੇ ਲੋੜ ਨੂੰ ਧਿਆਨ ਵਿਚ ਰੱਖਦੇ ਹੋਏ ਬਾਜ਼ਾਰ ਵਿਚ ਆਧੁਨਿਕ ਤਰੀਕਿਆਂ ਨਾਲ ਬਣੇ ਤਰਲ ਕਲੀਨਰ ਪੇਸ਼ ਕੀਤੇ ਗਏ ਹਨ। ਇਨ੍ਹਾਂ ਨਾਲ ਭਾਂਡਿਆਂ ਨੂੰ ਸਾਫ਼ ਕਰਨਾ ਆਸਾਨ ਹੋ ਗਿਆ ਹੈ।
ਆਧੁਨਿਕ ਤਕਨੀਕ : ਆਮ ਤੌਰ 'ਤੇ ਸਾਰੇ ਤਰਲ ਕਲੀਨਰ ਸੰਤੁਲਤ ਪੀ.ਐਚ. ਫਾਰਮੂਲੇ ਨਾਲ ਬਣੇ ਹੁੰਦੇ ਹਨ। ਇਨ੍ਹਾਂ ਨੂੰ ਬਣਾਉਣ ਲਈ ਨਿੰਬੂ ਅਤੇ ਸਿਰਕੇ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਭਾਂਡਿਆਂ ਨੂੰ ਪਰੰਪਰਿਕ ਸਾਧਨਾਂ ਨਾਲੋਂ ਵਧੀਆ ਸਾਫ਼ ਕਰ ਸਕਦੇ ਹਨ। ਕੀਟਾਣੂ ਰਹਿਤ ਹੋਣ ਕਾਰਨ ਇਹ ਭਾਂਡਿਆਂ ਨੂੰ ਜਰਮ ਮੁਕਤ ਬਣਾਉਂਦੇ ਹਨ।
ਆਮ ਤੌਰ 'ਤੇ ਤਰਲ ਕਲੀਨਰਾਂ ਵਿਚ ਟਾਕਿੰਸਸ ਦੀ ਵਰਤੋਂ ਨਹੀਂ ਹੁੰਦੀ, ਇਸ ਲਈ ਇਹ ਪੂਰੀ ਤਰ੍ਹਾਂ ਸੁਰੱਖਿਅਤ ਹੁੰਦੇ ਹਨ। ਜ਼ਿੱਦੀ ਦਾਗਾਂ ਅਤੇ ਤਲੇ ਤੋਂ ਜਲਣ ਦੇ ਕਾਰਨ ਭਾਂਡਿਆਂ 'ਤੇ ਦਾਗ-ਧੱਬੇ ਪੈ ਜਾਂਦੇ ਹਨ, ਜੋ ਦੇਖਣ ਵਿਚ ਬਹੁਤ ਭੱਦੇ ਲਗਦੇ ਹਨ ਪਰ ਤਰਲ ਕਲੀਨਰ ਅਜਿਹੇ ਰਸਾਇਣਾਂ ਨਾਲ ਬਣਾਏ ਜਾਂਦੇ ਹਨ, ਜਿਨ੍ਹਾਂ ਨਾਲ ਜਿੱਦੀ ਦਾਗ ਵੀ ਸਾਫ਼ ਹੋ ਜਾਂਦੇ ਹਨ।
ਚੀਨੀ ਦੇ ਬਰਤਨਾਂ ਲਈ ਫਾਇਦੇਮੰਦ : ਤਰਲ ਕਲੀਨਰਾਂ ਨਾਲ ਸਾਰੇ ਤਰ੍ਹਾਂ ਦੇ ਭਾਂਡੇ ਜਿਵੇਂ ਬੋਨਚਾਈਨਾ, ਮੈਲਾਮਾਈਨ, ਕੱਚ ਅਤੇ ਸਟੀਲ ਦੇ ਭਾਂਡਿਆਂ ਨੂੰ ਸੌਖਿਆਂ ਧੋਤਾ ਜਾ ਸਕਦਾ ਹੈ। ਬਾਰ ਜਾਂ ਪਾਊਡਰ ਦੀ ਵਰਤੋਂ ਨਾਲ ਇਨ੍ਹਾਂ 'ਤੇ ਸਕਰੱਬ ਦੇ ਘਸਣ ਨਾਲ ਨਿਸ਼ਾਨ ਪੈ ਜਾਂਦੇ ਹਨ ਅਤੇ ਇਨ੍ਹਾਂ ਨੂੰ ਸਾਫ਼ ਕਰਨ ਲਈ ਕਾਫੀ ਮਿਹਨਤ ਵੀ ਕਰਨੀ ਪੈਂਦੀ ਹੈ ਪਰ ਤਰਲ ਕਲੀਨਰਾਂ ਨਾਲ ਧੋਣ ਨਾਲ ਇਹ ਘਸਦੇ ਨਹੀਂ, ਜਿਸ ਨਾਲ ਡੇਲੀਕੇਟ ਕ੍ਰਾਕਰੀ ਵੀ ਸੁਰੱਖਿਅਤ ਤਰੀਕੇ ਨਾਲ ਸਾਫ਼ ਕੀਤੀ ਜਾ ਸਕਦੀ ਹੈ।
ਚਮੜੀ ਨਾਲ ਮਿੱਤਰਤਾ : ਹੋਰ ਸਾਧਨਾਂ ਨਾਲ ਭਾਂਡੇ ਸਾਫ਼ ਕਰਨ ਨਾਲ ਹੱਥਾਂ ਦੀ ਚਮੜੀ ਰੁੱਖੀ ਹੋ ਕੇ ਫਟਣ ਲਗਦੀ ਹੈ ਪਰ ਤਰਲ ਕਲੀਨਰ ਚਮੜੀ ਦੇ ਮਿੱਤਰ ਹੁੰਦੇ ਹਨ। ਇਨ੍ਹਾਂ ਨੂੰ ਬਣਾਉਣ ਲਈ ਤੇਜ਼ ਰਸਾਇਣਾਂ ਦੀ ਵਰਤੋਂ ਨਹੀਂ ਕੀਤੀ ਜਾਂਦੀ। ਤਰਲ ਕਲੀਨਰ ਦੁਆਰਾ ਭਾਂਡੇ ਧੋਣ ਵਿਚ ਸਕਰਬਰ ਦੀ ਜਗ੍ਹਾ 'ਤੇ ਸਟੈਂਡਿੰਗ ਬੁਰਸ਼ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਸ ਨਾਲ ਭਾਂਡੇ ਸਾਫ਼ ਕਰਨੇ ਜ਼ਿਆਦਾ ਆਸਾਨ ਹੋ ਜਾਂਦੇ ਹਨ, ਕਿਉਂਕਿ ਬਿਨਾਂ ਛੂਹੇ ਹੀ ਭਾਂਡਿਆਂ ਨੂੰ ਅਸਾਨੀ ਨਾਲ ਰਗੜਿਆ ਜਾ ਸਕਦਾ ਹੈ। ਬਸ ਇਕ ਬੂੰਦ ਪਾਓ ਅਤੇ ਬੁਰਸ਼ ਨਾਲ ਸਾਫ਼ ਕਰੋ।






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX