ਤਾਜਾ ਖ਼ਬਰਾਂ


ਆਵਾਰਾ ਸਾਨ੍ਹ ਨੇ ਲਈ ਬਜ਼ੁਰਗ ਦੀ ਜਾਨ
. . .  3 minutes ago
ਖਮਾਣੋਂ, 25 ਜੂਨ (ਪਰਮਵੀਰ ਸਿੰਘ)- ਇੱਥੋਂ ਦੇ ਨਜ਼ਦੀਕੀ ਪਿੰਡ ਰਾਵਣਾ ਦੇ ਇੱਕ ਬਜ਼ੁਰਗ ਦੀ ਆਵਾਰਾ ਸਾਨ੍ਹ ਵਲੋਂ ਮਾਰੇ ਜਾਣ ਕਾਰਨ ਮੌਤ ਹੋ ਗਈ। ਮ੍ਰਿਤਕ ਦੀ ਪਹਿਚਾਣ ਜੋਧ ਸਿੰਘ ਦੇ ਰੂਪ 'ਚ ਹੋਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਸਾਨ੍ਹ ਵਲੋਂ ਮਾਰੇ ਜਾਣ ਕਾਰਨ ਬਜ਼ੁਰਗ...
ਅੱਜ ਦਾ ਵਿਚਾਰ
. . .  25 minutes ago
ਅਫ਼ਗ਼ਾਨਿਸਤਾਨ-ਬੰਗਲਾਦੇਸ਼ ਮੈਚ : ਬੰਗਲਾਦੇਸ਼ ਨੇ ਅਫ਼ਗ਼ਾਨਿਸਤਾਨ ਨੂੰ 62 ਦੌੜਾਂ ਨਾਲ ਹਰਾਇਆ
. . .  1 day ago
ਝੌਂਪੜ 'ਤੇ ਖੰਭਾਂ ਡਿੱਗਣ ਕਾਰਨ ਇਕ ਬਜ਼ੁਰਗ ਔਰਤ ਦੀ ਮੌਤ ,ਇਕ ਗੰਭੀਰ
. . .  1 day ago
ਬਲਾਚੌਰ,24 ਜੂਨ (ਦੀਦਾਰ ਸਿੰਘ ਬਲਾਚੌਰੀਆ)--ਅੱਜ ਬਾਅਦ ਦੁਪਹਿਰ ਹੋਈ ਬਾਰਸ਼ ਸ਼ੈਲਰ ਕਾਲੋਨੀ ਵਾਰਡ ਨੰਬਰ 3 ਨੇੜੇ ਕਚਰਾ ੳੇਠਾਉਣ ਵਾਲੇ ਪ੍ਰਵਾਸੀ ਮਜ਼ਦੂਰਾਂ ਦੇ ਇਕ ਪਰਿਵਾਰ ਲਈ ਆਫ਼ਤ ਬਣ ਗਈ ...
ਆਵਾਰਾ ਸਾਨ੍ਹ ਨੇ ਟੱਕਰ ਮਾਰ ਕੇ ਵਿਅਕਤੀ ਨੂੰ ਮੌਤ ਦੇ ਘਾਟ ਉਤਾਰਿਆ
. . .  1 day ago
ਖਮਾਣੋਂ, 24 ਜੂਨ (ਮਨਮੋਹਣ ਸਿੰਘ ਕਲੇਰ)- ਅੱਜ ਸ਼ਾਮ ਪਿੰਡ ਰਣਵਾਂ ਵਿਖੇ ਇਕ ਆਵਾਰਾ ਸਾਨ੍ਹ ਨੇ ਟੱਕਰ ਮਾਰ ਕੇ ਜੋਧ ਸਿੰਘ ਨਾਮਕ ਵਿਅਕਤੀ ਨੂੰ ਮੌਕੇ 'ਤੇ ਹੀ ਜਾਨੋਂ ਮਾਰ ਦਿੱਤਾ। ਮ੍ਰਿਤਕ ਦੇ ਭਰਾ ਕਸ਼ਮੀਰ ਸਿੰਘ ਅਤੇ ਬਚਿੱਤਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦਾ ਭਰਾ ...
ਅਰਬਨ ਸਪਲਾਈ ਦੀ ਤਾਰ ਟੁੱਟ ਕੇ ਨੌਜਵਾਨ 'ਤੇ ਡਿੱਗੀ, ਮੌਤ
. . .  1 day ago
ਖਡੂਰ ਸਾਹਿਬ, 24 ਜੂਨ (ਮਾਨ ਸਿੰਘ)- ਪਾਵਰ ਕਾਮ ਸਬ ਡਵੀਜ਼ਨ ਨਾਗੋਕੇ ਅਧੀਨ ਆਉਂਦੇ ਪਿੰਡ ਰਾਮਪੁਰ ਭੂਤਵਿੰਤ ਵਿਖੇ ਬਿਜਲੀ ਦਾ ਕਰੰਟ ਲੱਗਣ ਕਾਰਨ ਨੌਜਵਾਨ ਦੀ ਮੌਤ ਹੋ ਜਾਣ ਸਬੰਧੀ ਖ਼ਬਰ ਮਿਲੀ ਹੈ। ਮੌਕੇ ਤੋਂ ਪ੍ਰਾਪਤ ਕੀਤੀ ਜਾਣਕਾਰੀ ਅਨੁਸਾਰ ਨੌਜਵਾਨ ....
ਅਫ਼ਗ਼ਾਨਿਸਤਾਨ-ਬੰਗਲਾਦੇਸ਼ ਮੈਚ : 5 ਓਵਰਾਂ ਤੋਂ ਬਾਅਦ ਅਫ਼ਗ਼ਾਨਿਸਤਾਨ 21/0
. . .  1 day ago
ਸਬ-ਡਵੀਜ਼ਨ ਤਪਾ 'ਚ ਪੁਲਿਸ ਤੇ ਪੈਰਾ ਮਿਲਟਰੀ ਫੋਰਸ ਨੇ ਕੱਢਿਆ ਫਲੈਗ ਮਾਰਚ
. . .  1 day ago
ਤਪਾ ਮੰਡੀ, 24 ਜੂਨ (ਵਿਜੇ ਸ਼ਰਮਾ)- ਪਿਛਲੇ ਦਿਨੀਂ ਨਾਭਾ ਜੇਲ੍ਹ 'ਚ ਬੰਦ ਡੇਰਾ ਸਿਰਸਾ ਦੇ ਕੱਟੜ ਸਮਰਥਕ ਮਹਿੰਦਰਪਾਲ ਬਿੱਟੂ ਦੇ ਹੋਏ ਕਤਲ ਨੂੰ ਲੈ ਕੇ ਸਬ-ਡਵੀਜ਼ਨ ਦੇ ਡੀ.ਐੱਸ.ਪੀ ਰਵਿੰਦਰ ਸਿੰਘ ਰੰਧਾਵਾ ਦੀ ਅਗਵਾਈ 'ਚ ਪੈਰਾ ਮਿਲਟਰੀ ਫੋਰਸ ਦੇ ਸਹਿਯੋਗ ਨਾਲ ....
ਸਰਹੱਦੀ ਚੌਂਕੀ ਸ਼ਾਹਪੁਰ ਨੇੜਿਓਂ ਬੀ.ਐੱਸ.ਐਫ ਨੇ ਇਕ ਵਿਅਕਤੀ ਨੂੰ ਕੀਤਾ ਕਾਬੂ
. . .  1 day ago
ਅਜਨਾਲਾ, 24 ਜੂਨ (ਐੱਸ. ਪ੍ਰਸ਼ੋਤਮ)- ਅਜਨਾਲਾ ਸੈਕਟਰ ਦੇ ਸਰਹੱਦੀ ਚੌਂਕੀ ਸ਼ਾਹਪੁਰ ਨੇੜਿਓਂ ਬੀ.ਐੱਸ.ਐਫ. 32 ਬਟਾਲੀਅਨ ਦੇ ਇੰਸਪੈਕਟਰ ਸੰਜੀਵ ਕੁਮਾਰ ਵੱਲੋਂ ਕੌਮਾਂਤਰੀ ਸਰਹੱਦ ਦੇ ਮਨਾਹੀ ਵਾਲੇ ਖੇਤਰ 'ਚ ਘੁੰਮ ਰਹੇ ਇਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕੀਤਾ। ਕਾਬੂ ...
ਬੰਗਲਾਦੇਸ਼ ਨੇ ਅਫ਼ਗ਼ਾਨਿਸਤਾਨ ਨੂੰ ਜਿੱਤ ਲਈ ਦਿੱਤਾ 263 ਦੌੜਾਂ ਦਾ ਟੀਚਾ
. . .  1 day ago
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਗੁਣਾਂ ਨਾਲ ਭਰਪੂਰ ਹੈ ਗੁਲਾਬ

ਗੁਲਾਬ ਦਾ ਫੱੁਲ ਫੱੁਲਾਂ ਦਾ ਰਾਜਾ ਮੰਨਿਆ ਜਾਂਦਾ ਹੈ, ਜਿਸ ਨੂੰ ਮਾਲਾ ਬਣਾਉਣ, ਗੁਲਦਸਤਾ ਸਜਾਉਣ, ਘਰ ਦੀ ਸਜਾਵਟ ਲਈ ਵਰਤਿਆ ਜਾਂਦਾ ਹੈ | ਗੁਲਾਬ ਸਜਾਵਟ ਦੇ ਨਾਲ-ਨਾਲ ਤੰਦਰੁਸਤੀ ਅਤੇ ਸੁੰਦਰਤਾ ਲਈ ਵੀ ਵਰਤਿਆ ਜਾਂਦਾ ਹੈ | ਗੁਲਾਬ ਦੀਆਂ ਪੰਖੜੀਆਂ ਨਾਲ ਗੁਲਾਬ ਦਾ ਸ਼ਰਬਤ, ਇਤਰ, ਅਰਕ, ਗੁਲਾਬ ਜਲ ਅਤੇ ਗੁਲਕੰਦ ਬਣਾਇਆ ਜਾਂਦਾ ਹੈ | ਇਸ ਤੋਂ ਇਲਾਵਾ ਗੁਲਾਬ ਦੇ ਹੋਰ ਕਈ ਫਾਇਦੇ ਹਨ | ਆਓ ਦੇਖੀਏ ਕਿ ਅਸੀਂ ਇਸ ਨੂੰ ਕਿਸ ਤਰ੍ਹਾਂ ਵਰਤੋਂ ਵਿਚ ਲਿਆ ਕੇ ਵੱਧ ਤੋਂ ਵੱਧ ਲਾਭ ਲੈ ਸਕਦੇ ਹਾਂ |
• ਅੱਖਾਂ ਦੀ ਜਲਣ, ਖੁਜਲੀ ਦੂਰ ਕਰਨ ਲਈ ਦੋਵੇਂ ਅੱਖਾਂ ਵਿਚ 2-2 ਬੰੂਦਾਂ ਗੁਲਾਬ ਜਲ ਪਾਉਣ ਨਾਲ ਇਨ੍ਹਾਂ ਸ਼ਿਕਾਇਤਾਂ ਨੂੰ ਦੂਰ ਕੀਤਾ ਜਾ ਸਕਦਾ ਹੈ |
• ਕਬਜ਼ ਦੂਰ ਕਰਨ ਲਈ ਨਿਯਮਤ ਰੂਪ ਨਾਲ 2 ਚਮਚ ਗੁਲਕੰਦ ਦਾ ਸੇਵਨ ਸਵੇਰੇ-ਸ਼ਾਮ ਕਰਨ ਨਾਲ ਲਾਭ ਮਿਲਦਾ ਹੈ |
• ਮੰੂਹ ਵਿਚ ਛਾਲੇ ਹੋਣ 'ਤੇ ਗੁਲਾਬ ਦੇ ਫੱੁਲਾਂ ਦਾ ਕਾੜ੍ਹਾ ਬਣਾ ਕੇ ਕੁਰਲੀ ਕਰਨ ਨਾਲ ਛਾਲੇ ਦੂਰ ਹੁੰਦੇ ਹਨ | ਗੁਲਕੰਦ ਦੋ ਚਮਚ ਸਵੇਰੇ ਅਤੇ ਸ਼ਾਮ ਨੂੰ ਖਾਣ ਨਾਲ ਪੱਕਿਆ ਹੋਇਆ ਮੰੂਹ ਠੀਕ ਹੁੰਦਾ ਹੈ |
• ਦਿਲ ਦੀ ਧੜਕਣ ਤੇਜ਼ ਹੋਣ 'ਤੇ ਸੱੁਕੇ ਗੁਲਾਬ ਦੀਆਂ ਪੰਖੜੀਆਂ ਦਾ ਚੂਰਨ ਅਤੇ ਮਿਸ਼ਰੀ ਬਰਾਬਰ ਮਾਤਰਾ ਵਿਚ ਇਕ ਚਮਚ ਸਵੇਰੇ, ਇਕ ਚਮਚ ਸ਼ਾਮ ਨੂੰ ਦੱੁਧ ਨਾਲ ਲਓ | ਧੜਕਣ ਠੀਕ ਹੋ ਜਾਂਦੀ ਹੈ |
• ਕੰਨ ਦਰਦ ਵਿਚ ਗੁਲਾਬ ਜਲ ਦੀਆਂ 2-2 ਬੰੂਦਾਂ ਦੋਵੇਂ ਕੰਨਾਂ ਵਿਚ ਪਾਉਣ ਨਾਲ ਦਰਦ ਵਿਚ ਆਰਾਮ ਮਿਲਦਾ ਹੈ |
• ਹੱਥਾਂ-ਪੈਰਾਂ ਜਾਂ ਸਰੀਰ ਵਿਚ ਜਲਣ ਹੋਣ 'ਤੇ ਚੰਦਨ ਦੇ ਪਾਊਡਰ ਵਿਚ ਗੁਲਾਬ ਜਲ ਮਿਲਾ ਕੇ ਜਲਣ ਵਾਲੀ ਜਗ੍ਹਾ 'ਤੇ ਲੇਪ ਕਰੋ | ਥੋੜ੍ਹੀ ਦੇਰ ਵਿਚ ਜਲਣ ਸ਼ਾਂਤ ਹੀ ਜਾਵੇਗੀ |
• ਗੁਲਾਬ ਜਲ ਵਿਚ ਚੰਦਨ ਤੇਲ ਨੂੰ ਬਰਾਬਰ ਮਾਤਰਾ ਵਿਚ ਮਿਲਾ ਕੇ ਲਗਾਉਣ ਨਾਲ ਛਪਾਕੀ ਠੀਕ ਹੁੰਦੀ ਹੈ | ਭੋਜਨ ਤੋਂ ਤੁਰੰਤ ਬਾਅਦ ਗੁਲਕੰਦ ਖਾਣ ਨਾਲ ਹਾਜ਼ਮਾ ਠੀਕ ਹੁੰਦਾ ਹੈ |
• ਲੂ ਲੱਗ ਜਾਣ ਦੀ ਸਥਿਤੀ ਵਿਚ ਪਾਣੀ ਵਿਚ ਗੁਲਾਬ ਜਲ ਮਿਲਾ ਕੇ ਮੱਥੇ 'ਤੇ ਪੱਟੀ ਕਰਨ ਨਾਲ ਸਥਿਤੀ ਵਿਚ ਸੁਧਾਰ ਆਉਂਦਾ ਹੈ |
• ਅੱਧੇ ਸਿਰ ਦੇ ਦਰਦ ਵਿਚ 10 ਮਿ: ਲਿ: ਗੁਲਾਬ ਜਲ ਵਿਚ ਪੀਸਿਆ ਹੋਇਆ 1 ਗ੍ਰਾਮ ਨੌਸ਼ਾਦਰ ਮਿਲਾ ਲਓ | ਫਿਰ 2-2 ਬੰੂਦਾਂ ਨੱਕ ਵਿਚ ਟਪਕਾ ਕੇ ਸਾਹ ਜ਼ੋਰ ਨਾਲ ਖਿੱਚੋ | ਕੁਝ ਹੀ ਦੇਰ ਵਿਚ ਅੱਧੇ ਸਿਰ ਦਾ ਦਰਦ ਦੂਰ ਹੋ ਜਾਵੇਗਾ |
• ਸਰੀਰਕ ਕਮਜ਼ੋਰੀ ਨੂੰ ਦੂਰ ਕਰਨ ਲਈ ਗੁਲਕੰਦ ਦਾ ਨਿਯਮਤ ਸੇਵਨ ਕਰਨਾ ਚਾਹੀਦਾ ਹੈ |


ਖ਼ਬਰ ਸ਼ੇਅਰ ਕਰੋ

ਪਤਲਾ ਅਤੇ ਫਿੱਟ ਸਰੀਰ ਪਾਓ

ਆਧੁਨਿਕ ਜੀਵਨ ਸ਼ੈਲੀ ਨੇ ਵਿਅਕਤੀ ਨੂੰ ਮੋਟਾਪੇ ਦਾ ਸ਼ਿਕਾਰ ਬਣਾ ਦਿੱਤਾ ਹੈ | ਅੱਜ ਜੇ ਅਸੀਂ ਆਪਣੇ ਆਸ-ਪਾਸ ਧਿਆਨ ਮਾਰੀਏ ਤਾਂ ਦੇਖਾਂਗੇ ਕਿ ਗਰੀਬ ਲੋਕ ਜਿਵੇਂ ਮਜ਼ਦੂਰ ਸ਼੍ਰੇਣੀ, ਰਿਕਸ਼ਾ ਚਾਲਕ ਆਦਿ ਤਾਂ ਤੰਦਰੁਸਤ ਅਤੇ ਸਹੀ ਭਾਰ ਦੇ ਨਜ਼ਰ ਆਉਣਗੇ ਪਰ ਉਹ ਲੋਕ, ਜਿਨ੍ਹਾਂ ਕੋਲ ਆਧੁਨਿਕ ਸੁੱਖ ਸਹੂਲਤਾਂ ਹਨ, ਉਹ ਸ਼ਾਇਦ ਉਨ੍ਹਾਂ ਸਹੂਲਤਾਂ ਉੱਪਰ ਨਿਰਭਰ ਹੋਣ ਦੇ ਕਾਰਨ ਮੋਟੇ ਅਤੇ ਬਿਮਾਰ ਦਿਸਦੇ ਹਨ |
ਵੱਡੇ ਹੀ ਨਹੀਂ, ਅੱਜਕਲ੍ਹ ਬੱਚਿਆਂ ਵਿਚ ਵੀ ਮੋਟਾਪਾ ਇਕ ਪ੍ਰਮੱੁਖ ਸਿਹਤ ਸਮੱਸਿਆ ਬਣਦਾ ਜਾ ਰਿਹਾ ਹੈ | ਇਸ ਦਾ ਕਾਰਨ ਗ਼ਲਤ ਭੋਜਨ, ਆਧੁਨਿਕ ਸੁੱਖ-ਸਹੂਲਤਾਂ 'ਤੇ ਨਿਰਭਰਤਾ, ਸਰੀਰਕ ਮਿਹਨਤ ਦੀ ਕਮੀ ਅਤੇ ਆਲਸ ਆਦਿ ਪ੍ਰਮੱੁਖ ਹਨ | ਅੱਜਕਲ੍ਹ ਵਿਅਕਤੀ ਦੇ ਖਾਣੇ ਦਾ ਸਮਾਂ ਵੀ ਨਿਸਚਿਤ ਨਹੀਂ ਹੈ ਤਾਂ ਮਾਤਰਾ ਨਿਸਚਿਤ ਹੋਣੀ ਤਾਂ ਬਹੁਤ ਦੂਰ ਦੀ ਗੱਲ ਹੋਵੇਗੀ | ਜਦੋਂ ਜੀਅ ਕੀਤਾ, ਖਾਣਾ ਸ਼ੁਰੂ ਅਤੇ ਜੇ ਵਾਧੂ ਖਾ ਹੋ ਗਿਆ ਤਾਂ ਕੋਈ ਪ੍ਰੇਸ਼ਾਨੀ ਵਾਲੀ ਗੱਲ ਨਹੀਂ |
ਵਾਧੂ ਖਾਣ ਨਾਲ ਸਭ ਤੋਂ ਵੱਡੀ ਸਮੱਸਿਆ ਹੈ ਗ਼ਲਤ ਖਾਧ ਪਦਾਰਥਾਂ ਦਾ ਸੇਵਨ | ਵੈਫਰਸ, ਬਰਗਰ, ਚਾਕਲੇਟ, ਆਈਸਕ੍ਰੀਮ, ਸਮੋਸਾ, ਪੀਜ਼ਾ, ਪੇਸਟ੍ਰੀਸ ਦਾ ਜ਼ਿਆਦਾ ਸੇਵਨ ਅਤੇ ਫਲਾਂ, ਸਲਾਦ, ਸਬਜ਼ੀਆਂ, ਦਾਲਾਂ ਦਾ ਘੱਟ ਸੇਵਨ ਭਾਰ ਕਾਬੂ ਕਰਨ ਦਾ ਸਹੀ ਪਹਿਲੂ ਹੈ | ਵੈਫਰਜ਼, ਬਿਸਕੁਟ, ਚਾਕਲੇਟ, ਪੇਸਟਰੀ ਦਾ ਸੇਵਨ ਬੰਦ ਕਰੋ | ਜੇ ਅਜਿਹੇ ਖਾਧ ਪਦਾਰਥਾਂ ਨੂੰ ਤੁਸੀਂ ਘਰ ਵਿਚ ਨਹੀਂ ਰੱਖੋਗੇ ਤਾਂ ਤੁਸੀਂ ਪਤਲੇ ਰਹਿ ਸਕਦੇ ਹੋ |
ਇਨ੍ਹਾਂ ਦੀ ਬਜਾਏ ਤੁਸੀਂ ਖਾਓ ਸੇਬ, ਸੰਤਰਾ, ਅਨਾਰ ਅਤੇ ਸਲਾਦ | ਜਦੋਂ ਵੀ ਤੁਹਾਨੂੰ ਭੱੁਖ ਮਹਿਸੂਸ ਹੋਵੇ, ਫਲ, ਸਬਜ਼ੀਆਂ ਨੂੰ ਖਾਓ | ਇਨ੍ਹਾਂ ਦਾ ਸੇਵਨ ਤੁਹਾਡੀ ਭੱੁਖ ਨੂੰ ਵੀ ਛੇਤੀ ਸੰਤੁਸ਼ਟ ਕਰੇਗਾ ਅਤੇ ਤੁਹਾਨੂੰ ਕੈਲੋਰੀ ਦੀ ਮਾਤਰਾ ਵੀ ਘੱਟ ਮਿਲੇਗੀ | ਇਸ ਲਈ ਘਰ ਵਿਚ ਚਰਬੀ ਅਤੇ ਕੈਲੋਰੀ ਨਾਲ ਭਰਪੂਰ ਚੀਜ਼ਾਂ ਨੂੰ ਸਟੋਰ ਕਰਕੇ ਨਾ ਰੱਖੋ |
ਇਸ ਦਾ ਅਰਥ ਇਹ ਵੀ ਨਹੀਂ ਕਿ ਤੁਸੀਂ ਵੈਫਰਜ਼, ਚਾਕਲੇਟ, ਬਰਗਰ ਦਾ ਸੇਵਨ ਕਦੇ ਵੀ ਨਾ ਕਰੋ | ਕਦੇ-ਕਦੇ ਤੁਸੀਂ ਇਨ੍ਹਾਂ ਦਾ ਸੇਵਨ ਕਰੋ ਪਰ ਜਿੰਨੀ ਲੋੜ ਹੋਵੇ, ਓਨਾ ਹੀ ਲਓ | ਇਹ ਨਹੀਂ ਕਿ ਇਨ੍ਹਾਂ ਨੂੰ ਘਰ ਵਿਚ ਸਟੋਰ ਕਰ ਲਓ ਅਤੇ ਜਦੋਂ ਮਨ ਕਰੇ, ਖਾਣਾ ਸ਼ੁਰੂ ਕਰ ਦਿਓ |
ਜੇ ਵਿਅਕਤੀ ਤੰਦਰੁਸਤ ਰਹਿਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਸਵਾਦ ਨੂੰ ਘੱਟ ਮਹੱਤਵ ਦੇਣਾ ਪਵੇਗਾ ਅਤੇ ਪੌਸ਼ਟਿਕਤਾ ਨੂੰ ਜ਼ਿਆਦਾ | ਜੇ ਤੁਹਾਡਾ ਜੀਅ ਲਲਚਾ ਵੀ ਰਿਹਾ ਹੋਵੇ ਤਾਂ ਉਸ 'ਤੇ ਕਾਬੂ ਰੱਖੋ | ਤਾਂ ਹੀ ਤੁਸੀਂ ਆਪਣੀ ਪਤਲੇ ਹੋਣ ਦੀ ਇੱਛਾ ਨੂੰ ਪੂਰੀ ਕਰ ਸਕੋਗੇ | ਜੇ ਤੁਸੀਂ ਧਿਆਨ ਦਿਓ ਤਾਂ ਦੇਖੋਗੇ ਕਿ ਪੌਸ਼ਟਿਕਤਾ ਨਾਲ ਭਰਪੂਰ ਖਾਧ ਪਦਾਰਥਾਂ ਨੂੰ ਖਾ ਕੇ ਤੁਹਾਨੂੰ ਸੰਤੁਸ਼ਟੀ ਮਿਲਦੀ ਹੈ ਪਰ ਵੈਫਰਸ, ਚਾਕਲੇਟ ਦਾ ਸੇਵਨ ਸ਼ੁਰੂ ਕੀਤਾ ਤਾਂ ਆਦਮੀ ਖਾਂਦਾ ਹੀ ਚਲਾ ਜਾਂਦਾ ਹੈ ਅਰਥਾਤ ਇਹ ਚੀਜ਼ਾਂ ਤੁਹਾਡੀ ਭੱੁਖ ਨੂੰ ਸੰਤੁਸ਼ਟ ਨਹੀਂ ਕਰਦੀਆਂ, ਸਗੋਂ ਉਸ ਨੂੰ ਹੋਰ ਵਧਾਉਂਦੀਆਂ ਹਨ, ਇਸ ਲਈ ਇਨ੍ਹਾਂ ਖਾਧ ਪਦਾਰਥਾਂ ਨੂੰ ਆਪਣੇ ਤੋਂ ਦੂਰ ਰੱਖੋ |
ਇਸ ਤੋਂ ਇਲਾਵਾ ਭਾਰ ਕਾਬੂ ਕਰਨ ਵਿਚ ਇਕ ਹੋਰ ਮਹੱਤਵਪੂਰਨ ਗੱਲ ਇਹ ਹੈ ਕਿ ਤੁਹਾਨੂੰ ਇਸ ਗੱਲ ਦਾ ਪਤਾ ਹੋਣਾ ਚਾਹੀਦਾ ਹੈ ਕਿ ਕਿਸ ਖਾਧ ਪਦਾਰਥ ਵਿਚ ਕਿੰਨੀ ਕੈਲੋਰੀ ਹੈ | ਜੇ ਤੁਹਾਨੂੰ ਇਸ ਗੱਲ ਦਾ ਪਤਾ ਨਹੀਂ ਹੁੰਦਾ ਤਾਂ ਭਾਵੇਂ ਤੁਸੀਂ ਡਾਇਟਿੰਗ ਕਰ ਰਹੇ ਹੋ ਪਰ ਤੁਹਾਡਾ ਭਾਰ ਘਟਣ ਦੀ ਬਜਾਏ ਵਧਦਾ ਹੀ ਜਾਵੇਗਾ, ਕਿਉਂਕਿ ਕਹਿਣ ਨੂੰ ਤਾਂ ਤੁਸੀਂ ਪੂਰੇ ਦਿਨ ਵਿਚ ਸਿਰਫ ਕੋਲਡ ਡਿੰ੍ਰਕਸ ਅਤੇ ਵੈਫਰਸ ਹੀ ਖਾ ਰਹੇ ਹੋ ਪਰ ਇਹ ਨਹੀਂ ਪਤਾ ਕਿ ਇਸ ਤਰ੍ਹਾਂ ਦਾ ਭੋਜਨ ਤੁਹਾਨੂੰ ਕਿੰਨੀ ਕੈਲੋਰੀ ਦੇ ਰਿਹਾ ਹੈ | ਇਸ ਲਈ ਆਪਣੀ ਡਾਇਰੀ ਵਿਚ ਜ਼ਿਆਦਾ ਕੈਲੋਰੀ ਅਤੇ ਘੱਟ ਕੈਲੋਰੀ ਵਾਲੇ ਖਾਧ ਪਦਾਰਥਾਂ ਨੂੰ ਨੋਟ ਕਰੋ | ਇਸ ਨਾਲ ਤੁਹਾਨੂੰ ਖਿਆਲ ਰਹੇਗਾ ਕਿ ਤੁਸੀਂ ਜ਼ਿਆਦਾ ਕੈਲੋਰੀ ਦਾ ਸੇਵਨ ਕਰ ਰਹੇ ਹੋ | ਇਸ ਤੋਂ ਇਲਾਵਾ ਚਰਬੀ ਵਾਲੇ ਭੋਜਨ ਦਾ ਸੇਵਨ ਨਾ ਕਰੋ |
ਪਤਲੇ ਰਹਿਣ ਦਾ ਇਕ ਨੁਸਖਾ ਹੈ ਗਤੀਸ਼ੀਲ ਰਹਿਣਾ | ਗਤੀਸ਼ੀਲ ਰਹਿਣ ਨਾਲ ਤੁਸੀਂ ਸਰੀਰਕ ਅਤੇ ਮਾਨਸਿਕ ਤੌਰ 'ਤੇ ਫਿੱਟ ਰਹੋਗੇ | ਗਤੀਸ਼ੀਲ ਰਹਿਣ ਨਾਲ ਤੁਹਾਡੀ ਭੱੁਖ ਵੀ ਸ਼ਾਂਤ ਰਹੇਗੀ, ਕਿਉਂਕਿ ਤੁਸੀਂ ਆਪਣੇ ਕੰਮ ਵਿਚ ਰੱੁਝੇ ਰਹਿੰਦੇ ਹੋ, ਇਸ ਲਈ ਸਰੀਰਕ ਤੌਰ 'ਤੇ ਗਤੀਸ਼ੀਲ ਰਹੋ | ਕਸਰਤ ਕਰੋ | ਇਸ ਨਾਲ ਤੁਹਾਡੀ ਕੈਲੋਰੀ ਵੀ ਖਰਚ ਹੋਵੇਗੀ |
ਸਭ ਤੋਂ ਜ਼ਰੂਰੀ ਗੱਲ ਇਹ ਕਿ ਸਾਰੇ ਆਧੁਨਿਕ ਸੁੱਖ-ਸਹੂਲਤਾਂ ਮਨੱੁਖ ਦੀਆਂ ਗੁਲਾਮ ਹਨ, ਮਨੱੁਖ ਇਨ੍ਹਾਂ ਦਾ ਨਹੀਂ | ਇਨ੍ਹਾਂ 'ਤੇ ਨਿਰਭਰਤਾ ਘੱਟ ਕਰੋ | ਵਾਸ਼ਿੰਗ ਮਸ਼ੀਨ, ਕਾਰ ਆਦਿ ਦੀ ਸਹੂਲਤ ਹੋਣ 'ਤੇ ਇਨ੍ਹਾਂ ਦੀ ਵਰਤੋਂ ਕਰੋ ਪਰ ਆਪਣੇ ਹੱਥਾਂ-ਪੈਰਾਂ ਨੂੰ ਚਲਾਉਣ ਦੀ ਕੋਸ਼ਿਸ਼ ਪਹਿਲਾਂ ਕਰੋ | ਕਾਰਨ, ਵਾਸ਼ਿੰਗ ਮਸ਼ੀਨ 'ਤੇ ਜੰਗ ਲੱਗ ਜਾਣ ਨਾਲ ਤੁਸੀਂ ਉਸ ਨੂੰ ਦੁਬਾਰਾ ਖਰੀਦ ਸਕਦੇ ਹੋ ਪਰ ਜੇ ਤੁਹਾਡੇ ਸਰੀਰ ਨੂੰ ਜੰਗ ਲੱਗ ਗਿਆ ਤਾਂ ਉਸ ਦੀ ਦੁਬਾਰਾ ਪ੍ਰਾਪਤੀ ਅਸੰਭਵ ਹੈ |
ਸੰਖੇਪ ਵਿਚ ਤੰਦਰੁਸਤ ਅਤੇ ਪਤਲੇ ਰਹਿਣ ਦੇ ਨੁਸਖੇ ਹਨ ਸਰੀਰਕ ਗਤੀਸ਼ੀਲਤਾ, ਸਹੀ ਭੋਜਨ, ਸਹੀ ਜੀਵਨ ਸ਼ੈਲੀ, ਖਾਣ-ਪੀਣ ਦੀਆਂ ਸਹੀ ਆਦਤਾਂ ਅਤੇ ਆਧੁਨਿਕ ਸੱੁਖ-ਸਹੂਲਤਾਂ 'ਤੇ ਘੱਟ ਨਿਰਭਰਤਾ |

ਗੁਰਦੇ ਲਈ ਖ਼ਤਰਨਾਕ ਹੈ ਜ਼ਿਆਦਾ ਨਮਕ ਦਾ ਸੇਵਨ

ਬਹੁਤੇ ਲੋਕ ਇਹੀ ਮੰਨਦੇ ਹਨ ਕਿ ਨਮਕ ਤੋਂ ਬਿਨਾਂ ਕਿਸੇ ਵੀ ਚੀਜ਼ ਦਾ ਸਵਾਦ ਅਧੂਰਾ ਰਹਿੰਦਾ ਹੈ | ਅਜਿਹਾ ਮੰਨ ਕੇ ਸਾਰੇ ਗ਼ਲਤੀ ਕਰਦੇ ਹਨ, ਕਿਉਂਕਿ ਸਾਰੇ ਖਾਧ ਪਦਾਰਥਾਂ ਵਿਚ ਲੂਣ ਕੁਦਰਤੀ ਰੂਪ ਵਿਚ ਮੌਜੂਦ ਹੁੰਦਾ ਹੈ | ਸਾਰੇ ਅਨਾਜ, ਦਾਲ, ਫਲ, ਸਬਜ਼ੀਆਂ ਵਿਚ ਨਮਕ ਦੀ ਕੁਦਰਤੀ ਮਾਤਰਾ ਮਿਲਦੀ ਹੈ | ਸੇਬ, ਸੰਤਰਾ, ਪਪੀਤਾ, ਅੰਬ, ਅਮਰੂਦ, ਗੰਨਾ, ਖਜੂਰ, ਗੁੜ ਸਾਰਿਆਂ ਵਿਚ ਨਮਕ ਮੌਜੂਦ ਹੈ | ਅਜਿਹੇ ਵਿਚ ਦਾਲ, ਤਾਜ਼ਾ ਫਲ, ਸਬਜ਼ੀ, ਸਲਾਦ ਦੇ ਨਾਲ ਬਾਹਰੀ ਨਮਕ ਲੈ ਕੇ ਅਸੀਂ ਗ਼ਲਤੀ ਕਰਦੇ ਹਾਂ |
ਸਵਾਦ ਦੇ ਚੱਕਰ ਵਿਚ ਅਸੀਂ ਜ਼ਿਆਦਾ ਮਾਤਰਾ ਵਿਚ ਲੂਣ ਖਾਣ ਲਗਦੇ ਹਾਂ | ਇਸ ਨਾਲ ਸਰੀਰ ਨੂੰ ਲਾਭ ਹੋਣ ਦੀ ਬਜਾਏ ਨੁਕਸਾਨ ਹੁੰਦਾ ਹੈ | ਨਮਕ ਇਕ ਜ਼ਰੂਰੀ ਤੱਤ ਹੈ, ਇਸ ਦੀ ਸੀਮਤ ਮਾਤਰਾ ਸਾਰਿਆਂ ਲਈ ਜ਼ਰੂਰੀ ਹੈ | ਰੋਜ਼ਾਨਾ ਭੋਜਨ ਵਿਚ ਇਕ ਚਮਚ ਨਮਕ ਦੀ ਲੋੜ ਪੈਂਦੀ ਹੈ | ਇਹ ਖਾਣ-ਪੀਣ ਦੇ ਮਾਧਿਅਮ ਰਾਹੀਂ ਮਿਲ ਜਾਂਦਾ ਹੈ | ਜ਼ਿਆਦਾ ਨਮਕ ਨਾਲ ਹੱਡੀਆਂ ਕਮਜ਼ੋਰ ਹੋ ਜਾਂਦੀਆਂ ਹਨ ਅਤੇ ਗੁਰਦੇ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ |

ਚੰਗੀ ਨੀਂਦ ਤੁਹਾਡੀ ਦਿਮਾਗੀ ਸਮਰੱਥਾ ਵਧਾਉਂਦੀ ਹੈ

ਅਕਸਰ ਲੋਕ ਇਹ ਨਹੀਂ ਸਮਝਦੇ ਕਿ ਨੀਂਦ ਕਿੰਨੀ ਮਹੱਤਵਪੂਰਨ ਹੈ | ਸਾਡੀ ਤਣਾਅਗ੍ਰਸਤ ਜੀਵਨਸ਼ੈਲੀ ਨੇ ਵੀ ਉਨੀਂਦਰੇ ਵਰਗੀ ਸਮੱਸਿਆ ਨੂੰ ਵਧਾਇਆ ਹੈ | ਮਾਹਿਰਾਂ ਦਾ ਇਹ ਵੀ ਮੰਨਣਾ ਹੈ ਕਿ ਉਨੀਂਦਰੇ ਦੀ ਸਮੱਸਿਆ ਨਾਲ ਨਿਪਟਣ ਲਈ ਜ਼ਰੂਰੀ ਹੈ ਆਪਣੀਆਂ ਸੌਣ ਦੀਆਂ ਆਦਤਾਂ ਵਿਚ ਤਬਦੀਲੀ ਲਿਆਉਣਾ | ਜਿਸ ਤਰ੍ਹਾਂ ਅਸੀਂ ਬੱਚਿਆਂ ਨੂੰ ਸਵਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ, ਉਸੇ ਤਰ੍ਹਾਂ ਖੁਦ ਨੂੰ ਵੀ ਸਵਾਉਣ ਦੀ ਕੋਸ਼ਿਸ਼ ਕਰਨੀ ਜ਼ਰੂਰੀ ਹੈ | ਆਓ ਜਾਣਦੇ ਹਾਂ ਕਿ ਮਾਹਿਰ ਚੰਗੀ ਨੀਂਦ ਲਈ ਕੀ ਸਲਾਹ ਦਿੰਦੇ ਹਨ-
• ਮਾਹਿਰਾਂ ਅਨੁਸਾਰ ਜਿਵੇਂ ਤੁਸੀਂ ਆਪਣੀ ਰੋਜ਼ਮਰ੍ਹਾ ਲਈ ਇਕ ਡਾਇਰੀ ਬਣਾਉਂਦੇ ਹੋ, ਉਸੇ ਤਰ੍ਹਾਂ ਇਕ ਸੌਣ ਦਾ ਕੈਲੰਡਰ ਬਣਾਓ, ਜਿਸ ਵਿਚ ਲਿਖੋ ਕਿ ਤੁਸੀਂ ਕਦੋਂ ਸੌਾਦੇ ਹੋ, ਕਦੋਂ ਉੱਠਦੇ ਹੋ, ਉੱਠਣ 'ਤੇ ਕਿਵੇਂ ਮਹਿਸੂਸ ਕਰਦੇ ਹੋ, ਕੀ ਦਵਾਈਆਂ ਲੈ ਰਹੇ ਹੋ | ਇਕ-ਦੋ ਹਫ਼ਤੇ ਤੱਕ ਆਪਣੇ ਕੈਲੰਡਰ 'ਤੇ ਧਿਆਨ ਦਿਓ | ਸ਼ਾਇਦ ਤੁਸੀਂ ਇਨ੍ਹਾਂ ਆਦਤਾਂ ਵਿਚ ਥੋੜ੍ਹੀ ਤਬਦੀਲੀ ਲਿਆ ਕੇ ਆਪਣੀ ਨੀਂਦ ਲੈ ਸਕੋ |
• ਆਪਣੇ ਬਿਸਤਰ 'ਤੇ ਜਾਣ ਦੇ ਸਮੇਂ ਅਤੇ ਸਵੇਰੇ ਉੱਠਣ ਦੇ ਸਮੇਂ ਦਾ ਨਿਰਧਾਰਨ ਕਰ ਲਓ | ਛੱੁਟੀ ਵਾਲੇ ਦਿਨ ਵੀ ਨਿਰਧਾਰਤ ਸਮੇਂ 'ਤੇ ਸੌਵੋਂ ਅਤੇ ਉੱਠੋ |
• ਸੌਣ ਤੋਂ ਪਹਿਲਾਂ ਅਲਕੋਹਲ ਦਾ ਸੇਵਨ ਕਦੇ ਨਾ ਕਰੋ | ਇਹ ਜੋ ਨਸ਼ਾ ਤੁਹਾਨੂੰ ਦੇਵੇਗੀ, ਉਹ ਅਸਥਾਈ ਹੁੰਦਾ ਹੈ | ਕੈਫ਼ੀਨ, ਚਾਕਲੇਟ, ਸਿਗਰਿਟ ਆਦਿ ਦਾ ਸੇਵਨ ਨਾ ਕਰੋ | ਸਿਗਰਿਟਨੋਸ਼ੀ ਦੇ ਕਾਰਨ ਅਕਸਰ ਸਰੀਰ ਨਿਕੋਟੀਨ ਦਾ ਆਦੀ ਹੋ ਜਾਂਦਾ ਹੈ ਅਤੇ ਨਿਕੋਟੀਨ ਦਾ ਪੱਧਰ ਰਾਤ ਦੀ ਨੀਂਦ ਵਿਚ ਰੁਕਾਵਟ ਬਣਦਾ ਹੈ |
• ਕਸਰਤ ਕਰੋ | ਇਸ ਨਾਲ ਵੀ ਤੁਹਾਡੀ ਨੀਂਦ ਪ੍ਰਭਾਵਿਤ ਹੁੰਦੀ ਹੈ | ਪਰ ਸੌਣ ਤੋਂ ਇਕਦਮ ਪਹਿਲਾਂ ਕਸਰਤ ਨਾ ਕਰੋ | ਸੌਣ ਤੋਂ 4-5 ਘੰਟੇ ਪਹਿਲਾਂ ਕਸਰਤ ਕਰੋ, ਜਿਸ ਨਾਲ ਤੁਹਾਡੇ ਸਰੀਰ ਨੂੰ ਰਿਲੈਕਸ ਹੋਣ ਦਾ ਸਮਾਂ ਮਿਲ ਜਾਵੇ |
• ਰਾਤ ਨੂੰ ਸੌਣ ਸਮੇਂ ਘੱਟ ਰੌਸ਼ਨੀ ਰੱਖੋ | ਜਿੰਨੀ ਘੱਟ ਰੌਸ਼ਨੀ ਹੋਵੇਗੀ, ਓਨੀ ਛੇਤੀ ਨੀਂਦ ਆਵੇਗੀ |
• ਰਾਤ ਨੂੰ ਸੌਣ ਸਮੇਂ ਅਜਿਹੀਆਂ ਗੱਲਾਂ ਨਾ ਸੋਚੋ, ਜਿਨ੍ਹਾਂ ਨਾਲ ਕਿ ਤੁਹਾਡਾ ਦਿਮਾਗ ਗਤੀਸ਼ੀਲ ਹੋ ਜਾਵੇ |
• ਰਾਤ ਨੂੰ ਸੌਣ ਤੋਂ ਪਹਿਲਾਂ ਨਹਾਉਣਾ ਵੀ ਤੁਹਾਨੂੰ ਰਾਹਤ ਦੇਵੇਗਾ | ਇਸ ਨਾਲ ਤੁਹਾਡੇ ਸਰੀਰ ਨੂੰ ਆਰਾਮ ਮਿਲੇਗਾ ਅਤੇ ਤੁਹਾਨੂੰ ਚੰਗੀ ਨੀਂਦ ਆਵੇਗੀ |
• ਜੇਕਰ ਰਾਤ ਨੂੰ ਨੀਂਦ ਨਾ ਆ ਰਹੀ ਹੋਵੇ ਤਾਂ ਕੋਈ ਰੌਚਕ ਪੁਸਤਕ ਨਾ ਪੜ੍ਹੋ ਸਗੋਂ ਕੋਈ ਅਜਿਹੀ ਪੁਸਤਕ ਪੜ੍ਹੋ ਜੋ ਬੋਰੀਅਤ ਮਹਿਸੂਸ ਕਰਾਉਣ ਵਾਲੀ ਹੋਵੇ | ਟੀ. ਵੀ. 'ਤੇ ਅਜਿਹਾ ਪ੍ਰੋਗਰਾਮ ਦੇਖੋ ਜੋ ਤੁਹਾਨੂੰ ਨਾਪਸੰਦ ਹੋਵੇ ਅਤੇ ਫਿਰ ਕੁਝ ਸਮੇਂ ਬਾਅਦ ਫਿਰ ਸੌਣ ਲਈ ਜਾਓ | ਤੁਹਾਨੂੰ ਛੇਤੀ ਨੀਂਦ ਆ ਜਾਵੇਗੀ |
• ਕਈ ਲੋਕ ਦਿਨ ਵਿਚ ਜ਼ਿਆਦਾ ਦੇਰ ਸੌਾਦੇ ਹਨ, ਜਿਸ ਨਾਲ ਉਨ੍ਹਾਂ ਨੂੰ ਰਾਤ ਨੂੰ ਜਾਗਣਾ ਪੈਂਦਾ ਹੈ | ਜੇ ਤੁਸੀਂ ਰਾਤ ਨੂੰ ਨੀਂਦ ਨਾ ਆਉਣ ਤੋਂ ਪ੍ਰੇਸ਼ਾਨ ਹੋ ਤਾਂ ਦਿਨ ਵਿਚ ਝਪਕੀ ਲੈਣੀ ਬੰਦ ਕਰ ਦਿਓ |
• ਕਾਲ ਸੈਂਟਰ, ਮਲਟੀਨੈਸ਼ਨਲ ਕੰਪਨੀ ਵਿਚ ਕੰਮ ਕਰਨ ਵਾਲੇ ਵਿਅਕਤੀਆਂ ਨੂੰ ਦਫ਼ਤਰ ਵਿਚ ਦੇਰ ਰਾਤ ਤੱਕ ਬੈਠਣਾ ਪੈਂਦਾ ਹੈ, ਜਿਸ ਨਾਲ ਉਨ੍ਹਾਂ ਦੇ ਖਾਣ-ਪੀਣ ਅਤੇ ਸੌਣ ਦਾ ਸਮਾਂ ਅਰਥਾਤ ਸੰਪੂਰਨ ਰੋਜ਼ਮਰ੍ਹਾ ਵਿਗੜ ਜਾਂਦੀ ਹੈ ਅਤੇ ਉਨ੍ਹਾਂ ਤੋਂ ਪੂਰੀ ਨੀਂਦ ਨਹੀਂ ਲੈ ਹੁੰਦੀ | ਅੱਜ ਦੀ ਆਧੁਨਿਕ ਜੀਵਨਸ਼ੈਲੀ ਵੀ ਨੀਂਦ ਨਾਲ ਜੁੜੀਆਂ ਬਿਮਾਰੀਆਂ ਦਾ ਕਾਰਨ ਹੈ | ਧਿਆਨ ਨਾਲ ਵੀ ਤੁਹਾਨੂੰ ਲਾਭ ਮਿਲ ਸਕਦਾ ਹੈ ਅਤੇ ਤੁਸੀਂ ਚੰਗੀ ਨੀਂਦ ਲੈ ਸਕਦੇ ਹੋ |
• ਦੇਰ ਰਾਤ ਤੱਕ ਟੀ. ਵੀ. ਨਾ ਦੇਖੋ | ਕੰਪਿਊਟਰ 'ਤੇ ਕੰਮ ਨਾ ਕਰੋ | ਆਪਣੇ ਸੌਣ ਦਾ ਸਮਾਂ ਨਿਰਧਾਰਤ ਕਰ ਲਓ ਅਤੇ ਠੀਕ ਸਮੇਂ 'ਤੇ ਬਿਸਤਰ 'ਤੇ ਲੰਮੇ ਪੈ ਕੇ ਸੌਣ ਦੀ ਕੋਸ਼ਿਸ਼ ਕਰੋ |
• ਤਣਾਅਮੁਕਤ ਰਹੋ | ਸੌਣ ਸਮੇਂ ਆਪਣੀਆਂ ਪ੍ਰੇਸ਼ਾਨੀਆਂ ਨੂੰ ਦੂਰ ਰੱਖੋ | ਉਨ੍ਹਾਂ ਦੇ ਬਾਰੇ ਵਿਚ ਨਾ ਸੋਚੋ | ਸ਼ਾਂਤ ਮਨ ਨਾਲ ਸੌਣ ਦੀ ਕੋਸ਼ਿਸ ਕਰੋ | ਕੋਈ ਪਾਠ ਜਾਂ ਪਰਮਾਤਮਾ ਵੱਲ ਧਿਆਨ ਲਗਾਓ, ਜਿਸ ਨਾਲ ਤੁਹਾਡੇ ਮਨ ਨੂੰ ਸ਼ਾਂਤੀ ਮਿਲੇ ਅਤੇ ਸ਼ਾਂਤ, ਸਥਿਰ ਚਿੱਤ ਹੋ ਕੇ ਚੰਗੀ ਨੀਂਦ ਆਵੇ |
• ਕਾਰਬੋਹਾਈਡ੍ਰੇਟ ਵਾਲੇ ਖਾਧ ਪਦਾਰਥਾਂ ਵਰਗੇ ਬਰਾਊਨ ਰਾਈਸ, ਫਲਾਂ, ਸਬਜ਼ੀਆਂ ਆਦਿ ਦਾ ਸੇਵਨ ਕਰੋ | ਮਾਹਿਰਾਂ ਦੇ ਅਨੁਸਾਰ ਕਾਰਬੋਹਾਈਡ੍ਰੇਟ ਸਾਡੇ ਸਰੀਰ ਵਿਚ ਸੇਰੋਟੋਨਿਨ ਨਾਮਕ ਹਾਰਮੋਨ ਪੈਦਾ ਕਰਦਾ ਹੈ, ਜੋ ਨੀਂਦ ਦਿੰਦਾ ਹੈ |
• ਰਾਤ ਨੂੰ ਹਮੇਸ਼ਾ ਹਲਕਾ ਭੋਜਨ ਕਰਕੇ ਹੀ ਸੌਵੋਂ, ਜੋ ਅਸਾਨੀ ਨਾਲ ਪਚ ਜਾਵੇ | ਜ਼ਿਆਦਾ ਭੋਜਨ ਕਰਨ ਨਾਲ ਵੀ ਨੀਂਦ ਵਿਚ ਰੁਕਾਵਟ ਆਉਂਦੀ ਹੈ | ਰਾਤ ਨੂੰ ਦੱੁਧ ਦਾ ਸੇਵਨ ਚੰਗਾ ਹੈ, ਕਿਉਂਕਿ ਇਸ ਵਿਚ ਅਮੀਨੋ ਐਸਿਡ ਟ੍ਰਾਈਟਯੋਫਾਨ ਹੁੰਦਾ ਹੈ, ਜੋ ਤੁਹਾਨੂੰ ਚੰਗੀ ਨੀਂਦ ਦਿੰਦਾ ਹੈ |
••

ਹੋਮਿਓਪੈਥੀ ਦੇ ਝਰੋਖੇ 'ਚੋਂ ਲਾਇਲਾਜ ਨਹੀਂ ਬਵਾਸੀਰ ਤੇ ਰਸੌਲੀਆਂ

ਬਵਾਸੀਰ ਜ਼ਿਆਦਾਤਰ ਸਾਡੇ ਖਾਣ-ਪੀਣ, ਰਹਿਣ-ਸਹਿਣ ਦੀਆਂ ਆਦਤਾਂ ਕਾਰਨ ਹੁੰਦੀ ਹੈ | ਇਹ ਜ਼ਿਆਦਾਤਰ ਉਨ੍ਹਾਂ ਲੋਕਾਂ ਵਿਚ ਹੁੰਦੀ ਹੈ, ਜਿਨ੍ਹਾਂ ਦੀ ਆਮ ਜ਼ਿੰਦਗੀ ਕਾਫੀ ਉਥਲ-ਪੁਥਲ ਭਰੀ ਹੁੰਦੀ ਹੈ | ਖਾਣ-ਪੀਣ ਵਿਚ ਬਹੁਤ ਕੁਤਾਹੀ ਵਰਤਦੇ ਹਨ | ਜੰਕ ਫੂਡਜ਼ ਅਤੇ ਮਿਰਚ-ਮਸਾਲੇਦਾਰ ਚੀਜ਼ਾਂ ਦਾ ਜ਼ਿਆਦਾ ਇਸਤੇਮਾਲ ਕਰਦੇ ਹਨ | ਇਹ ਕਬਜ਼, ਗੈਸ, ਐਸੀਡਿਟੀ ਤੋਂ ਪੀੜਤ ਰਹਿੰਦੇ ਹਨ | ਹੋਮਿਓਪੈਥੀ ਵਿਚ ਅਲਾਮਤਾਂ ਦੇ ਅਨੁਸਾਰ ਦਵਾਈਆਂ ਦਿੱਤੀਆਂ ਜਾਂਦੀਆਂ ਹਨ ਜੋ ਰੋਗੀ ਨੂੰ ਨਾ ਸਿਰਫ ਕਬਜ਼, ਗੈਸ, ਐਸੀਡਿਟੀ ਤੋਂ ਮੁਕਤੀ ਦਿਵਾਉਂਦੀਆਂ ਹਨ, ਸਗੋਂ ਬਵਾਸੀਰ ਨੂੰ ਵੀ ਜੜ੍ਹੋਂ ਖ਼ਤਮ ਕਰਦੀਆਂ ਹਨ |
ਕਈ ਵਾਰ ਇਸ ਤਰ੍ਹਾਂ ਵੀ ਹੁੰਦਾ ਹੈ ਕਿ ਦਿਲ ਦੀਆਂ ਅਲਾਮਤਾਂ ਪ੍ਰਗਟ ਹੋ ਜਾਂਦੀਆਂ ਹਨ, ਜਿਵੇਂ ਕਿ ਛਾਤੀ 'ਚ ਦਰਦ, ਧੜਕਣ ਤੇਜ਼ ਪਰ ਕਮਜ਼ੋਰ, ਖੂਨ ਦੇ ਦਬਾਅ ਦਾ ਵਧਣਾ ਤੇ ਆਰਾਮ ਮਿਲੇ ਤਾਂ ਖੂਨੀ ਬਵਾਸੀਰ ਉਜਾਗਰ ਹੋ ਜਾਂਦੀ ਤੇ ਜੇ ਖੂਨੀ ਬਵਾਸੀਰ ਤੋਂ ਰਾਹਤ ਮਿਲੇ ਤਾਂ ਫਿਰ ਦਿਲ ਦੀਆਂ ਅਲਾਮਤਾਂ ਉਜਾਗਰ ਹੋ ਜਾਂਦੀਆਂ ਹਨ | ਅਜਿਹੀ ਹਾਲਤ ਵਿਚ ਕੋਲੀਨਿਸੋਲੀਆ ਸਭ ਤੋਂ ਵਧੀਆ ਇਲਾਜ ਹੈ | ਮੋਹਕੇ ਹੋਣ ਤਾਂ ਕਲੌਸਾ ਦੀ ਵਰਤੋਂ ਕੀਤੀ ਜਾਂਦੀ ਹੈ |
ਇਸ ਤਰ੍ਹਾਂ ਅਲਾਮਤਾਂ ਦੇ ਆਧਾਰ 'ਤੇ ਦਵਾਈ ਦੀ ਵਰਤੋਂ ਕਰਕੇ ਬਿਮਾਰੀ ਨੂੰ ਜੜ੍ਹੋਂ ਖ਼ਤਮ ਕਰ ਦਿੱਤਾ ਜਾਂਦਾ ਹੈ | ਔਰਤਾਂ ਵਿਚ ਛਾਤੀ ਦੀਆਂ ਗਿਲਟੀਆਂ ਹੋ ਜਾਂਦੀਆਂ ਹਨ ਜੋ ਕਈ ਵਾਰ ਬਹੁਤ ਦਰਦ ਵੀ ਪੈਦਾ ਕਰਦੀਆਂ ਹਨ | 2-4 ਮਹੀਨੇ ਦੇ ਇਲਾਜ ਨਾਲ ਗਿਲਟੀਆਂ ਜਾਂ ਰਸੌਲੀਆਂ ਨੂੰ ਜੜ੍ਹੋਂ ਖ਼ਤਮ ਕੀਤਾ ਜਾ ਸਕਦਾ ਹੈ | ਇਸੇ ਤਰ੍ਹਾਂ ਅਲਸਰ ਆਦਿ ਨੂੰ ਖ਼ਤਮ ਕਰਨ ਲਈ ਹੋਮਿਓਪੈਥਿਕ ਦਵਾਈਆਂ ਬਹੁਤ ਲਾਹੇਵੰਦ ਸਿੱਧ ਹੋਈਆਂ ਹਨ | ਇਸ ਤੋਂ ਇਲਾਵਾ ਸਭ ਤੋਂ ਵੱਧ ਮਹੱਤਵਪੂਰਨ ਇਹ ਹੈ ਕਿ ਹੋਮਿਓਪੈਥਿਕ ਦਵਾਈਆਂ ਸਰੀਰ ਦੀਆਂ ਨਾੜਾਂ ਵਿਚ ਆਈ ਰੁਕਾਵਟ ਨੂੰ ਵੀ ਦੂਰ ਕਰਦੀਆਂ ਹਨ | ਇਨ੍ਹਾਂ ਦੇ ਕੋਈ ਮਾੜੇ ਪ੍ਰਭਾਵ ਵੀ ਨਹੀਂ ਹਨ |

-323/16, ਕ੍ਰਿਸ਼ਨਾ ਨਗਰ, ਜਲੰਧਰ |

ਹਰ ਉਮਰ ਵਿਚ ਅਲੱਗ ਹਨ ਸਰੀਰ ਦੀਆਂ ਲੋੜਾਂ

ਆਓ, ਦੇਖੀਏ ਵੱਖ-ਵੱਖ ਉਮਰਾਂ ਵਿਚ ਕਿਵੇਂ ਭੋਜਨ ਲੈ ਕੇ ਸਰੀਰ ਨੂੰ ਤੰਦਰੁਸਤ ਰੱਖਿਆ ਜਾ ਸਕਦਾ ਹੈ |
ਅੱਲ੍ਹੜ (13-19) : ਇਸ ਉਮਰ ਵਿਚ ਸਰੀਰ ਆਪਣੀ ਗਤੀਸ਼ੀਲਤਾ ਦੀ ਸੀਮਾ 'ਤੇ ਹੁੰਦਾ ਹੈ ਅਤੇ ਸਾਡੀ ਪਾਚਣ ਦਰ ਕਾਫੀ ਤੇਜ਼ ਹੁੰਦੀ ਹੈ | ਇਸ ਲਈ ਜੋ ਕੁਝ ਵੀ ਖਾਧਾ ਜਾਵੇ, ਆਸਾਨੀ ਨਾਲ ਪਚ ਜਾਂਦਾ ਹੈ | ਇਸੇ ਕਾਰਨ ਅਕਸਰ ਇਸ ਉਮਰ ਵਰਗ ਵਿਚ ਫਾਸਟ ਫੂਡ ਸਭ ਤੋਂ ਵੱਧ ਲੋਕਪਿ੍ਆ ਹੈ ਅਤੇ ਅਕਸਰ ਪੋਸ਼ਣ ਬਾਰੇ ਕੋਈ ਨਹੀਂ ਸੋਚਦਾ |
ਅੱਲ੍ਹੜਾਂ ਨੂੰ ਆਪਣੇ ਭੋਜਨ ਵਿਚ ਪਨੀਰ ਅਤੇ ਸੋਇਆ ਦਾ ਕਿਸੇ ਵੀ ਰੂਪ ਵਿਚ ਨਿਯਮਿਤ ਸੇਵਨ ਕਰਨਾ ਚਾਹੀਦਾ ਹੈ | ਘਰ ਦਾ ਬਣਿਆ ਕੱਚਾ ਪਨੀਰ ਸਿਹਤ ਲਈ ਜ਼ਿਆਦਾ ਲਾਭਦਾਇਕ ਹੈ ਪਰ ਪਨੀਰ ਦੇ ਪਕਵਾਨ ਵੀ ਲਾਭਦਾਇਕ ਹਨ | ਬਾਜ਼ਾਰ ਦਾ ਬਣਿਆ ਪਨੀਰ ਓਨਾ ਲਾਭਦਾਇਕ ਨਹੀਂ ਹੁੰਦਾ | ਸੋਇਆ ਦਾ ਸੇਵਨ ਸੋਇਆ ਵੜੀਆਂ ਜਾਂ ਟੋਫੂ ਦੇ ਰੂਪ ਵਿਚ ਵੀ ਕੀਤਾ ਜਾ ਸਕਦਾ ਹੈ |
ਨੌਜਵਾਨ (20-30) : ਇਸ ਉਮਰ ਵਿਚ ਵੀ ਅਕਸਰ ਜਵਾਨ ਪੋਸ਼ਣ ਦਾ ਧਿਆਨ ਰੱਖੇ ਬਿਨਾਂ ਹਰ ਤਰ੍ਹਾਂ ਦੇ ਫਾਸਟ ਫੂਡ ਖਾਂਦੇ ਰਹਿੰਦੇ ਹਨ | ਇਸ ਉਮਰ ਵਿਚ ਵੀ ਹੱਡੀਆਂ ਦਾ ਵਿਕਾਸ ਹੋ ਰਿਹਾ ਹੁੰਦਾ ਹੈ, ਇਸ ਲਈ ਤੰਦਰੁਸਤ ਖਾਣ-ਪੀਣ ਬਹੁਤ ਮਹੱਤਵਪੂਰਨ ਹੈ | ਪ੍ਰੋਟੀਨ ਅਤੇ ਕਾਰਬੋਹਾਈਡ੍ਰੇਟ ਦੀ ਸਹੀ ਮਾਤਰਾ ਲੈਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਕਾਰਬੋਹਾਈਡ੍ਰੇਟ ਲੈਣ ਨਾਲ ਜ਼ਿਆਦਾ ਸਮੇਂ ਤੱਕ ਸੰਤੁਸ਼ਟੀ ਦਾ ਅਨੁਭਵ ਹੁੰਦਾ ਹੈ, ਜਿਸ ਨਾਲ ਜੰਕ ਫੂਡ ਦੀ ਲੋੜ ਨਹੀਂ ਪੈਂਦੀ |
ਕੇਲਾ, ਆਲੂ ਅਤੇ ਮਸ਼ਰੂਮ ਦਾ ਸੇਵਨ ਵੀ ਲਾਭਦਾਇਕ ਹੈ | ਯੁਵਾ ਅਵਸਥਾ ਦੇ ਤਣਾਅ ਦੂਰ ਰੱਖਣ ਲਈ ਵਿਟਾਮਿਨ 'ਸੀ' ਵਾਲੇ ਸੰਤਰੇ ਦਾ ਸੇਵਨ ਨਿਯਮਿਤ ਕਰਨਾ ਚਾਹੀਦਾ ਹੈ | ਜੇ ਇਸ ਉਮਰ ਵਿਚ ਹੱਡੀਆਂ ਦੇ ਵਿਕਾਸ ਦਾ ਧਿਆਨ ਨਾ ਰੱਖਿਆ ਗਿਆ ਹੋਵੇ ਤਾਂ ਹੱਡੀ ਘਿਸਾਵਟ ਦੀ ਸਮੱਸਿਆ ਹੋ ਸਕਦੀ ਹੈ |
ਜਵਾਨ (31-40) : ਇਸ ਉਮਰ ਵਰਗ ਵਿਚ ਸਰੀਰ ਸ਼ਕਤੀਆਂ ਦਾ ਹਰਾਸ ਹੋਣਾ ਸ਼ੁਰੂ ਹੋ ਜਾਂਦਾ ਹੈ ਅਤੇ ਭਵਿੱਖ ਵਿਚ ਸੰਭਾਵਿਤ ਬਿਮਾਰੀਆਂ ਦੀ ਚਿਤਾਵਨੀ ਮਿਲਣ ਲਗਦੀ ਹੈ | ਪਰ ਸਹੀ ਭੋਜਨ ਦੁਆਰਾ ਇਨ੍ਹਾਂ ਬਿਮਾਰੀਆਂ ਅਤੇ ਦਰਦਾਂ ਨੂੰ ਦੂਰ ਰੱਖਿਆ ਜਾ ਸਕਦਾ ਹੈ | ਅਸਲ ਵਿਚ ਕੰਮ ਵਿਚ ਰੱੁਝੇ ਰਹਿਣ ਕਾਰਨ ਸਾਡੀ ਸਰੀਰਕ ਗਤੀਸ਼ੀਲਤਾ ਘੱਟ ਹੋ ਜਾਂਦੀ ਹੈ, ਜਦੋਂ ਕਿ ਅਸੀਂ ਭੋਜਨ ਵਿਚ ਕੋਈ ਕਟੌਤੀ ਨਹੀਂ ਕਰਦੇ, ਜਿਸ ਨਾਲ ਇਹ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ |
ਇਸ ਉਮਰ ਵਰਗ ਵਿਚ ਪਹੁੰਚਣ 'ਤੇ ਤੇਲ ਅਤੇ ਮਿੱਠੇ ਪਦਾਰਥਾਂ ਦੇ ਸੇਵਨ ਵਿਚ ਕਾਫੀ ਕਟੌਤੀ ਕਰ ਦੇਣੀ ਚਾਹੀਦੀ ਹੈ | ਵ੍ਹਾਈਟ ਬ੍ਰੈੱਡ ਦੀ ਜਗ੍ਹਾ 'ਤੇ ਆਟੇ ਦੀ ਬ੍ਰੈੱਡ ਦਾ ਸੇਵਨ ਕਰਨਾ ਚਾਹੀਦਾ ਹੈ | ਤਲੇ ਅਤੇ ਨਮਕੀਨ ਸਨੈਕਸ ਦੀ ਜਗ੍ਹਾ ਫਲ, ਸਬਜ਼ੀਆਂ ਦੀ ਵਰਤੋਂ ਕਰਨਾ ਹੀ ਬਿਹਤਰ ਹੈ | ਇਸ ਉਮਰ ਤੱਕ ਹੱਡੀਆਂ ਦਾ ਪੂਰਨ ਵਿਕਾਸ ਹੋ ਚੱੁਕਾ ਹੁੰਦਾ ਹੈ, ਇਸ ਲਈ ਹੱਡੀਆਂ ਦੀ ਮਜ਼ਬੂਤੀ ਬਣਾਈ ਰੱਖਣ ਲਈ ਕੈਲਸ਼ੀਅਮ, ਵਿਟਾਮਿਨ 'ਡੀ' ਅਤੇ 'ਕੇ' ਵਾਲੇ ਖਾਧ ਪਦਾਰਥਾਂ ਦਾ ਸੇਵਨ ਕਰਨਾ ਚਾਹੀਦਾ ਹੈ |
41-50 ਸਾਲ ਤੱਕ : ਇਸ ਉਮਰ ਵਰਗ ਵਿਚ ਸਿਹਤ ਦਾ ਵਿਸ਼ੇਸ਼ ਧਿਆਨ ਰੱਖਣ ਦੀ ਲੋੜ ਹੁੰਦੀ ਹੈ, ਕਿਉਂਕਿ ਉੱਚ ਖੂਨ ਦਬਾਅ, ਕੋਲੈਸਟ੍ਰੋਲ ਵਧਣ ਅਤੇ ਦਿਲ ਦੇ ਰੋਗਾਂ ਦਾ ਖਤਰਾ ਵਧ ਜਾਂਦਾ ਹੈ, ਕਿਉਂਕਿ ਸਰੀਰ ਦੀ ਪ੍ਰਤੀਰੱਖਿਆ ਸ਼ਕਤੀ ਕਮਜ਼ੋਰ ਹੋਣ ਲਗਦੀ ਹੈ | ਕਈ ਲੋਕ ਕਾਰਬੋਹਾਈਡ੍ਰੇਟ ਦੀ ਮਾਤਰਾ ਕਾਫੀ ਘੱਟ ਕਰ ਦਿੰਦੇ ਹਨ ਪਰ ਅਜਿਹਾ ਕਰਨਾ ਵੀ ਠੀਕ ਨਹੀਂ ਹੈ, ਕਿਉਂਕਿ ਸਾਡੇ ਸਰੀਰਕ ਕੰਮਾਂ ਲਈ ਸ਼ਕਤੀ ਕਾਰਬੋਹਾਈਡ੍ਰੇਟ ਤੋਂ ਹੀ ਮਿਲਦੀ ਹੈ | ਰੇਸ਼ੇਦਾਰ ਪਦਾਰਥ ਨਿਯਮਿਤ ਖਾਣੇ ਵੀ ਜ਼ਰੂਰੀ ਹਨ, ਕਿਉਂਕਿ ਇਨ੍ਹਾਂ ਨਾਲ ਸਾਡਾ ਪਾਚਣ ਸਹੀ ਬਣਿਆ ਰਹਿੰਦਾ ਹੈ |
ਜੇ ਜੀਵਨਸ਼ੈਲੀ ਠੀਕ ਨਾ ਹੋਵੇ ਤਾਂ ਮੋਟਾਪਾ, ਕੋਲੈਸਟ੍ਰੋਲ ਵਧਣਾ, ਖੂਨ ਦਾ ਦਬਾਅ ਆਦਿ ਸਮੱਸਿਆਵਾਂ ਆ ਸਕਦੀਆਂ ਹਨ | ਕਈ ਲੋਕਾਂ ਵਿਚ ਗੁਰਦੇ ਜਾਂ ਲਿਵਰ ਸਬੰਧੀ ਸਮੱਸਿਆਵਾਂ ਵੀ ਸ਼ੁਰੂ ਹੋ ਸਕਦੀਆਂ ਹਨ |
51 ਤੋਂ ਉੱਪਰ : ਇਸ ਉਮਰ ਵਰਗ ਵਿਚ ਆ ਕੇ ਸਰੀਰ ਦੀ ਪ੍ਰਤੀਰੱਖਿਆ ਸ਼ਕਤੀ ਹੋਰ ਕਮਜ਼ੋਰ ਹੋ ਜਾਂਦੀ ਹੈ ਅਤੇ ਸਰੀਰਕ ਸ਼ਕਤੀਆਂ ਦਾ ਕਸ਼ਰਣ ਹੋਣਾ ਸ਼ੁਰੂ ਹੋ ਜਾਂਦਾ ਹੈ | ਭੋਜਨ ਵਿਚ ਸਾਵਧਾਨੀ ਵਰਤ ਕੇ ਹੀ ਇਸ ਪ੍ਰਕਿਰਿਆ ਨੂੰ ਹੌਲੀ ਕੀਤਾ ਜਾ ਸਕਦਾ ਹੈ | ਕਈ ਲੋਕਾਂ ਵਿਚ 'ਸੈਕੁਲਰ ਡਿਜਨਰੇਸ਼ਨ' ਦੀ ਸਮੱਸਿਆ ਸ਼ੁਰੂ ਹੋ ਜਾਂਦੀ ਹੈ, ਜਿਸ ਵਿਚ ਅੱਖਾਂ ਦੇ ਦੇਖਣ ਦੀ ਸ਼ਕਤੀ ਹੌਲੀ-ਹੌਲੀ ਘੱਟ ਹੋ ਜਾਂਦੀ ਹੈ | ਇਸ ਤੋਂ ਬਚਾਅ ਲਈ ਪਾਲਕ ਦਾ ਸੇਵਨ ਨਿਯਮਿਤ ਕਰਨਾ ਚਾਹੀਦਾ ਹੈ | ਇਸ ਤੋਂ ਇਲਾਵਾ 'ਬੀ' ਸਮੂਹ ਦੇ ਵਿਟਾਮਿਨ, ਐਾਟੀਆਕਸੀਡੈਂਟ, ਕੈਲਸ਼ੀਅਮ ਅਤੇ ਵਿਟਾਮਿਨ 'ਡੀ' ਦਾ ਸੇਵਨ ਨਿਯਮਿਤ ਕੀਤਾ ਜਾਣਾ ਲਾਭਦਾਇਕ ਹੈ |

ਸਿਹਤ ਖ਼ਬਰਨਾਮਾ

ਦਰਦ ਘੱਟ ਹੁੰਦਾ ਹੈ ਸੰਗੀਤ ਨਾਲ
ਆਸਟਰੀਆ ਦੇ ਖੋਜ ਕਰਤਾਵਾਂ ਨੇ ਦਰਦ ਦੂਰ ਕਰਨ ਦੀ ਇਕ ਨਵੀਂ ਦਵਾਈ ਖੋਜੀ ਹੈ ਤੇ ਇਹ ਦਵਾਈ ਹੈ ਸੰਗੀਤ |
ਖੋਜ ਕਰਤਾਵਾਂ ਨੇ ਸਲਿਪ ਡਿਸਕ ਜਾਂ ਹਾਲਿਆ ਸਰਜਰੀ ਵਾਲੇ 65 ਮਰੀਜ਼ਾਂ ਨੂੰ ਫਿਜ਼ਿਓਥੈਰੇਪੀ ਦਿੰਦੇ ਸਮੇਂ ਉਨ੍ਹਾਂ 'ਤੇ ਸੰਗੀਤ ਦੇ ਪ੍ਰਭਾਵ ਦਾ ਅਧਿਐਨ ਕੀਤਾ | ਉਨ੍ਹਾਂ ਵਿਚੋਂ ਅੱਧੇ ਮਰੀਜ਼ਾਂ ਨੂੰ ਫਿਜ਼ਿਓਥੈਰੇਪੀ ਦਿੰਦੇ ਸਮੇਂ ਸੰਗੀਤ ਸੁਣਾਇਆ ਗਿਆ, ਜਦੋਂ ਕਿ ਅੱਧੇ ਮਰੀਜ਼ਾਂ ਨੂੰ ਕਿਸੇ ਹੋਰ ਤਰੀਕੇ ਨਾਲ ਤਣਾਅ ਰਹਿਤ ਕੀਤਾ ਗਿਆ | ਤਿੰਨ ਹਫ਼ਤੇ ਬਾਅਦ ਪਾਇਆ ਗਿਆ ਕਿ ਸੰਗੀਤ ਸੁਣਦੇ ਸਮੇਂ ਫਿਜ਼ਿਓਥੈਰੇਪੀ ਲੈਣ ਵਾਲੇ ਰੋਗੀਆਂ ਵਿਚ ਦਰਦ ਦਾ ਪੱਧਰ ਜ਼ਿਆਦਾ ਘੱਟ ਹੋਇਆ ਸੀ |
ਖੋਜ ਕਰਤਾਵਾਂ ਨੇ ਸੰਗੀਤ ਸੁਣਨ ਅਤੇ ਤਣਾਅਮੁਕਤ ਹੋਣ ਦੇ ਸਬੰਧ ਵਿਚ ਤਾਂ ਹਾਲੇ ਖੋਜ ਨਹੀਂ ਕੀਤੀ ਪਰ ਇਸ ਤੋਂ ਪਹਿਲਾਂ ਦੇ ਅਧਿਐਨ ਵਿਚ ਵੀ ਇਹ ਪਾਇਆ ਗਿਆ ਸੀ ਕਿ ਸੰਗੀਤ ਦਰਦ ਦੇ ਪ੍ਰਭਾਵ ਨੂੰ ਘੱਟ ਕਰਦਾ ਹੈ | ਖੋਜ ਕਰਤਾਵਾਂ ਦੇ ਅਨੁਸਾਰ ਸੰਗੀਤ ਉਨ੍ਹਾਂ ਰਸਾਇਣਾਂ ਦਾ ਪੱਧਰ ਘੱਟ ਕਰਦਾ ਹੈ, ਜੋ ਸਰੀਰ ਵਿਚ ਦਰਦ ਨੂੰ ਫੈਲਾਉਂਦੇ ਹਨ | ਹਾਂ, ਇਸ ਉਦੇਸ਼ ਲਈ ਤਣਾਅਰਹਿਤ ਕਰਨ ਵਾਲੇ ਹਲਕੇ ਸੰਗੀਤ ਦੀ ਵਰਤੋਂ ਕਰਨੀ ਚਾਹੀਦੀ ਹੈ |
ਜਿੰਮ ਵਧਾ ਸਕਦਾ ਹੈ ਤੁਹਾਡਾ ਭਾਰ
ਅਕਸਰ ਲੋਕ ਪਤਲੇ ਹੋਣ ਲਈ ਜਿੰਮ ਜਾਣਾ ਸ਼ੁਰੂ ਕਰਦੇ ਹਨ ਪਰ ਕਦੇ-ਕਦੇ ਉਲਟਾ ਵੀ ਹੋ ਜਾਂਦਾ ਹੈ | ਕਈ ਲੋਕ ਜਿੰਮ ਜਾ ਕੇ ਕਸਰਤ ਕਰਦੇ ਹਨ ਅਤੇ ਮੋਟੇ ਹੋ ਜਾਂਦੇ ਹਨ | ਖੋਜ ਕਰਤਾਵਾਂ ਨੇ 14 ਔਰਤਾਂ ਅਤੇ 16 ਮਰਦਾਂ ਦਾ ਅਧਿਐਨ ਕਰਕੇ ਪਾਇਆ ਕਿ ਜੋ ਲੋਕ ਖੇਡਾਂ ਵਿਚ ਜਾਂ ਜਿੰਮ ਵਿਚ ਕਸਰਤ ਵਿਚ ਭਾਗ ਲੈਂਦੇ ਸੀ, ਉਹ ਆਪਣੇ ਬਾਕੀ ਜੀਵਨ ਵਿਚ ਜ਼ਿਆਦਾ ਗਤੀਸ਼ੀਲ ਨਹੀਂ ਸਨ ਅਤੇ ਕੁਲ ਮਿਲਾ ਕੇ ਉਨ੍ਹਾਂ ਲੋਕਾਂ ਤੋਂ ਘੱਟ ਕੈਲੋਰੀ ਖਰਚ ਕਰਦੇ ਸਨ, ਜੋ ਨਿਯਮਤ ਸੈਰ ਕਰਦੇ ਸੀ ਜਾਂ ਸਾਈਕਲ ਚਲਾਉਂਦੇ ਸੀ | ਇਸ ਲਈ ਜੇ ਤੁਹਾਨੂੰ ਜਿੰਮ ਜਾਣਾ ਚੰਗਾ ਲਗਦਾ ਹੈ ਤਾਂ ਉਸ ਤੋਂ ਇਲਾਵਾ ਵੀ ਗਤੀਸ਼ੀਲ ਜੀਵਨ ਬਿਤਾਓ ਅਤੇ ਜੰਕ ਫੂਡ ਅਤੇ ਤਲੇ ਖਾਧ ਪਦਾਰਥ ਨਾ ਖਾਓ |

ਕੀ ਤੁਸੀਂ ਅਲਰਜੀ ਤੋਂ ਪ੍ਰੇਸ਼ਾਨ ਹੋ?

ਅਲਰਜੀ ਦਾ ਨਾਂਅ ਸੁਣਦੇ ਹੀ ਯਾਦ ਆਉਂਦਾ ਹੈ ਜ਼ੁਕਾਮ, ਖੰਘ, ਨੱਕ ਵਗਣਾ, ਤੇਜ਼ ਸੁਗੰਧ ਅਤੇ ਬਦਬੂ ਦਾ ਬਰਦਾਸ਼ਤ ਨਾ ਹੋਣਾ, ਛਿੱਕਾਂ ਆਉਣੀਆਂ, ਨੱਕ ਦਾ ਬੰਦ ਹੋਣਾ, ਨੱਕ ਰਾਹੀਂ ਖੂਨ ਆਉਣਾ, ਤਕਲੀਫ ਹੋਣਾ ਆਦਿ। ਇਹ ਸਭ ਅਲਰਜੀ ਦੇ ਕਾਰਨ ਹੀ ਹੁੰਦੇ ਹਨ।
ਇਨ੍ਹਾਂ ਵਿਚੋਂ ਸਭ ਤੋਂ ਜ਼ਿਆਦਾ ਅਲਰਜੀ ਸਾਹ ਪ੍ਰਣਾਲੀ ਵਿਚ ਸੰਕ੍ਰਮਣ ਦੇ ਦਾਖਲ ਹੋਣ ਨਾਲ ਹੁੰਦੀ ਹੈ, ਕਿਉਂਕਿ ਸਾਹ ਪ੍ਰਣਾਲੀ ਸਾਡੀ ਸਾਹ ਲੈਣ ਅਤੇ ਛੱਡਣ ਦੀ ਪ੍ਰਕਿਰਿਆ ਵਿਚ ਸਹਿਯੋਗ ਕਰਦੀ ਹੈ। ਨੱਕ ਵਿਚ ਕਿਸੇ ਵੀ ਤਰ੍ਹਾਂ ਦਾ ਸੰਕ੍ਰਮਣ ਜਾਂ ਰੁਕਾਵਟ ਇਸ ਪ੍ਰਕਿਰਿਆ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
ਅਲਰਜੀ ਵੈਸੇ ਕਈ ਤਰ੍ਹਾਂ ਨਾਲ ਹੋ ਸਕਦੀ ਹੈ ਜਿਵੇਂ ਭੋਜਨ ਅਲਰਜੀ, ਵਾਯੂਮੰਡਲ ਵਿਚ ਪੈਦਾ ਹੋਣ ਵਾਲੀ ਅਲਰਜੀ, ਦਵਾਈਆਂ ਦੁਆਰਾ ਅਲਰਜੀ, ਪੇਂਟ, ਤਾਰਪੀਨ ਤੇਲ, ਸੈਂਟ, ਡਿਓ ਦੀ ਤੇਜ਼ ਮਹਿਕ ਤੋਂ ਅਲਰਜੀ, ਬਿਮਾਰਾਂ ਦੇ ਸੰਪਰਕ ਨਾਲ ਅਲਰਜੀ।
ਕਦੇ-ਕਦੇ ਵਿਰੋਧੀ ਖਾਧ ਪਦਾਰਥਾਂ ਨੂੰ ਖਾਣ ਨਾਲ ਅਲਰਜੀ ਹੋ ਜਾਂਦੀ ਹੈ, ਜਿਸ ਨਾਲ ਸਰੀਰ 'ਤੇ ਦਾਗ ਪੈਣ ਲਗਦੇ ਹਨ ਅਤੇ ਉਲਟੀ ਆਉਣ ਨੂੰ ਕਰਦੀ ਹੈ। ਅਕਸਰ ਤੁਹਾਨੂੰ ਅਜਿਹਾ ਮਹਿਸੂਸ ਹੁੰਦਾ ਹੈ ਤਾਂ ਤੁਸੀਂ ਆਪਣੇ ਰੋਜ਼ਾਨਾ ਖਾਣ-ਪੀਣ ਨੂੰ ਨੋਟ ਕਰੋ ਅਤੇ ਦੇਖੋ ਕਿ ਕਿਸ ਦਿਨ ਕੀ ਖਾਣ ਨਾਲ ਤੁਹਾਨੂੰ ਅਲਰਜੀ ਹੋਈ ਹੈ। ਕਿਸੇ-ਕਿਸੇ ਨੂੰ ਆਂਡਾ, ਕਣਕ, ਪੇਸਟਰੀ ਆਦਿ ਤੋਂ ਅਲਰਜੀ ਹੋ ਸਕਦੀ ਹੈ।
ਜਦੋਂ ਮੌਸਮ ਵਿਚ ਬਦਲਾਅ ਆਉਂਦਾ ਹੈ, ਜਿਵੇਂ ਗਰਮੀਆਂ ਤੋਂ ਬਾਅਦ ਬਰਸਾਤ ਅਤੇ ਬਰਸਾਤ ਤੋਂ ਬਾਅਦ ਸਰਦੀਆਂ ਆਉਣ 'ਤੇ ਕੁਝ ਲੋਕਾਂ ਦਾ ਨੱਕ ਬੰਦ ਹੋ ਜਾਂਦਾ ਹੈ, ਕੁਝ ਦਾ ਜ਼ਿਆਦਾ ਵਗਣ ਲਗਦਾ ਹੈ। ਸਾਧਾਰਨ ਖੰਘ, ਜ਼ੁਕਾਮ, ਛਿੱਕਾਂ ਆਦਿ ਤੁਹਾਡੇ ਸਰੀਰ 'ਤੇ ਪ੍ਰਭਾਵ ਪਾਉਂਦੀਆਂ ਹਨ। ਇਸ ਦਾ ਅਰਥ ਹੈ ਵਾਤਾਵਰਨ ਵਿਚ ਬਦਲਾਅ ਦੇ ਕਾਰਨ ਅਜਿਹਾ ਹੋ ਰਿਹਾ ਹੈ। ਆਪਣੇ-ਆਪ ਨੂੰ ਪਹਿਲਾਂ ਹੀ ਬਦਲਾਅ ਲਈ ਤਿਆਰ ਰੱਖੋ।
ਜਿਨ੍ਹਾਂ ਦਿਨਾਂ ਵਿਚ ਫਸਲਾਂ ਕੱਟੀਆਂ ਜਾਂਦੀਆਂ ਹਨ, ਉਨ੍ਹਾਂ ਦਿਨਾਂ ਵਿਚ ਵਾਤਾਵਰਨ ਵਿਚ ਪ੍ਰਾਗਕਣ ਉਡਦਾ ਹੈ। ਇਹ ਵੀ ਅਲਰਜੀ ਦਾ ਕਾਰਨ ਹੈ। ਪ੍ਰਦੂਸ਼ਣ ਵੀ ਅਲਰਜੀ ਦਾ ਬਹੁਤ ਵੱਡਾ ਕਾਰਨ ਹੈ। ਆਵਾਜਾਈ ਦੇ ਸਾਧਨਾਂ ਵਿਚੋਂ ਨਿਕਲਣ ਵਾਲਾ ਧੂੰਆਂ, ਸੁੱਕੇ ਪੱਤਿਆਂ ਨੂੰ ਸਾੜਨ ਨਾਲ ਨਿਕਲਣ ਵਾਲਾ ਧੂੰਆਂ, ਫੈਕਟਰੀਆਂ ਵਿਚੋਂ ਨਿਕਲਣ ਵਾਲਾ ਧੂੰਆਂ ਆਦਿ ਸਾਹ ਨਲੀ ਰਾਹੀਂ ਅੰਦਰ ਪਹੁੰਚ ਕੇ ਸਾਹ ਪ੍ਰਕਿਰਿਆ ਨੂੰ ਪ੍ਰਭਾਵਿਤ ਕਰਦਾ ਹੈ।
ਬਹੁਤ ਸਾਰੇ ਲੋਕਾਂ ਨੂੰ ਇਤਰ ਜਾਂ ਸੁਗੰਧ ਜਾਂ ਕਿਸੇ ਚੀਜ਼ ਦੀ ਤੇਜ਼ ਮਹਿਕ ਤੋਂ ਅਲਰਜੀ ਹੁੰਦੀ ਹੈ। ਸਰੀਰ 'ਤੇ ਛੋਟੇ-ਛੋਟੇ ਦਾਣੇ ਜਾਂ ਦਾਗ ਹੋ ਜਾਂਦੇ ਹਨ, ਜਿਨ੍ਹਾਂ 'ਤੇ ਬਹੁਤ ਖੁਜਲੀ ਹੁੰਦੀ ਹੈ। ਅਜਿਹੇ ਵਿਚ ਇਤਰ ਦੀ ਵਰਤੋਂ ਨਾ ਕਰੋ, ਬਦਬੂ ਵਾਲੀਆਂ ਚੀਜ਼ਾਂ ਜਾਂ ਜਗ੍ਹਾ ਤੋਂ ਦੂਰ ਰਹੋ।
ਸਾਧਾਰਨ ਬਚਾਅ ਦੇ ਉਪਾਅ : ਪੋਲੇਨ ਅਤੇ ਧੂੜ ਤੋਂ ਅਲਰਜੀ ਹੋਣ 'ਤੇ ਮਾਸਕ ਦੀ ਵਰਤੋਂ ਕਰੋ।
* ਜ਼ਿਆਦਾ ਠੰਢਾ ਪਾਣੀ, ਕੋਲਡ ਡ੍ਰਿੰਕਸ, ਜ਼ਿਆਦਾ ਗਰਮ ਪੀਣ ਵਾਲੀਆਂ ਚੀਜ਼ਾਂ ਦਾ ਸੇਵਨ ਨਾ ਕਰੋ।
* ਨਮੀ ਵਾਲੀਆਂ ਥਾਵਾਂ 'ਤੇ ਨਾ ਰਹੋ।
* ਘਰ ਨੂੰ ਅਲਰਜੀ ਮੁਕਤ ਬਣਾਓ। ਘਰ ਨੂੰ ਸਾਫ਼ ਰੱਖੋ। ਪਾਲਤੂ ਜਾਨਵਰ ਨਾ ਪਾਲੋ, ਦਿਨ ਵਿਚ ਖਿੜਕੀ, ਦਰਵਾਜ਼ੇ ਥੋੜ੍ਹੀ ਦੇਰ ਲਈ ਖੋਲ੍ਹ ਦਿਓ।
* ਘਰ ਵਿਚ ਜ਼ਿਆਦਾ ਫਰਨੀਚਰ ਜਾਂ ਸਾਮਾਨ ਦੀ ਭੀੜ ਨਾ ਰੱਖੋ।
* ਪਰਦਿਆਂ, ਚਾਦਰਾਂ, ਸਿਰਹਾਣੇ ਦੇ ਗ਼ਿਲਾਫ਼ ਨੂੰ ਨਿਯਮਤ ਸਮੇਂ ਬਾਅਦ ਬਦਲਦੇ ਰਹੋ। ਜਾਂਚ ਕਰਦੇ ਰਹੋ। ਜਦੋਂ ਵੀ ਫੋਮ, ਰਬੜ ਟੁੱਟਣ ਲੱਗੇ, ਤੁਰੰਤ ਬਦਲ ਦਿਓ।
* ਪਾਲਤੂ ਜਾਨਵਰਾਂ ਤੋਂ ਦੂਰੀ ਬਣਾ ਕੇ ਰੱਖੋ।
* ਜ਼ਿਆਦਾ ਐਂਟੀ ਅਲਰਜਿਕ ਦਵਾਈਆਂ ਦੀ ਵਰਤੋਂ ਨਾ ਕਰੋ। ਇਸ ਨਾਲ ਇਮਿਊਨਟੀ ਸਿਸਟਮ ਪ੍ਰਭਾਵਿਤ ਹੁੰਦਾ ਹੈ।
* ਨਿਯਮਤ ਕਸਰਤ ਕਰੋ। ਭੋਜਨ ਪੌਸ਼ਟਿਕ ਅਤੇ ਹਲਕਾ ਕਰੋ।
**

ਤੁਸੀਂ ਵੀ ਗੈਸਟ੍ਰਿਕ ਤੋਂ ਬਚ ਸਕਦੇ ਹੋ

ਖਾਣ-ਪੀਣ ਅਤੇ ਜੀਵਨਸ਼ੈਲੀ ਵਿਚ ਕੁਝ ਬਦਲਾਅ ਆਉਂਦੇ ਹੀ ਕਈ ਬਿਮਾਰੀਆਂ ਤੁਹਾਡੇ ਸਰੀਰ ਵਿਚ ਅਚਾਨਕ ਦਾਖਲ ਹੋ ਜਾਂਦੀਆਂ ਹਨ, ਜਿਨ੍ਹਾਂ ਦਾ ਪਤਾ ਕੁਝ ਦੇਰੀ ਨਾਲ ਲਗਦਾ ਹੈ। ਕਦੇ-ਕਦੇ ਕੁਝ ਬਿਮਾਰੀਆਂ ਸਰੀਰ ਲਈ ਬਹੁਤ ਦੁਖਦਾਈ ਬਣ ਜਾਂਦੀਆਂ ਹਨ।
* ਅਜਿਹੇ ਵਿਚ ਜ਼ਿਆਦਾ ਚਰਬੀ ਵਾਲਾ ਭੋਜਨ ਨਾ ਕਰੋ।
* ਵਿਟਾਮਿਨ 'ਸੀ' ਨਾਲ ਭਰਪੂਰ ਫਲਾਂ ਦਾ ਸੇਵਨ ਬਹੁਤ ਘੱਟ ਕਰੋ, ਜਿਵੇਂ ਸੰਤਰਾ, ਨਿੰਬੂ, ਟਮਾਟਰ ਆਦਿ।
* ਕੌਫੀ ਅਤੇ ਚਾਹ ਦਾ ਸੇਵਨ ਵੀ ਨਾ ਦੇ ਬਰਾਬਰ ਕਰੋ। ਚਾਹ ਪੀਣ ਦੇ ਜ਼ਿਆਦਾ ਆਦੀ ਹੋਣ 'ਤੇ ਪਹਿਲਾਂ ਪਾਣੀ ਪੀਓ, ਫਿਰ ਚਾਹ ਠੰਢੀ ਕਰਕੇ ਪੀਓ।
* ਭੋਜਨ ਕਰਦੇ ਸਮੇਂ ਪਾਣੀ ਦੀ ਵਰਤੋਂ ਜਿਥੋਂ ਤੱਕ ਸੰਭਵ ਹੋਵੇ, ਬਹੁਤ ਘੱਟ ਮਾਤਰਾ ਵਿਚ ਕਰੋ।
* ਮੁੱਖ ਰੂਪ ਨਾਲ ਦੋ ਵਾਰ ਪੇਟ ਭਰ ਕੇ ਖਾਣ ਦੀ ਬਜਾਏ ਦਿਨ ਵਿਚ 4-5 ਵਾਰ ਥੋੜ੍ਹੀ ਮਾਤਰਾ ਵਿਚ ਖਾਓ।
* ਰਾਤ ਨੂੰ ਭੋਜਨ ਸੌਣ ਤੋਂ 2-3 ਘੰਟੇ ਪਹਿਲਾਂ ਕਰੋ। ਰਾਤ ਨੂੰ ਭੋਜਨ ਕਰਨ ਤੋਂ ਤੁਰੰਤ ਬਾਅਦ ਨਾ ਸੌਵੋਂ।
* ਜ਼ਿਆਦਾ ਭਾਰ ਵਾਲੇ ਲੋਕਾਂ ਨੂੰ ਕਸਰਤ ਕਰਕੇ ਅਤੇ ਲਗਾਤਾਰ ਸੈਰ ਕਰਕੇ ਆਪਣਾ ਭਾਰ ਕਾਬੂ ਵਿਚ ਰੱਖਣਾ ਚਾਹੀਦਾ ਹੈ।
* ਨਸ਼ੀਲੀਆਂ ਚੀਜ਼ਾਂ ਦੀ ਵਰਤੋਂ ਨਾ ਕਰੋ, ਜਿਵੇਂ ਸ਼ਰਾਬ, ਸਿਗਰਟ, ਤੰਬਾਕੂ, ਪਾਨ ਮਸਾਲਾ ਅਤੇ ਬੀੜੀ ਆਦਿ।
* ਚਾਕਲੇਟ ਦੀ ਵਰਤੋਂ ਆਪਣੇ ਭੋਜਨ ਵਿਚੋਂ ਹਟਾ ਦੇਣ ਵਿਚ ਤੁਹਾਡੀ ਭਲਾਈ ਹੈ।
* ਠੰਢੇ ਬੋਤਲਬੰਦ ਪੀਣ ਵਾਲੇ ਪਦਾਰਥਾਂ ਦੀ ਵਰਤੋਂ ਘੱਟ ਤੋਂ ਘੱਟ ਕਰੋ।
* ਸੌਣ ਸਮੇਂ ਮਨ ਨੂੰ ਸ਼ਾਂਤ ਰੱਖੋ, ਜਿਸ ਨਾਲ ਤੁਸੀਂ ਚੰਗੀ ਨੀਂਦ ਲੈ ਸਕੋ।
* ਜੀਵਨ ਨੂੰ ਨੀਰਸ ਨਾ ਬਣਾ ਕੇ ਮਨੋਰੰਜਨ ਦੇ ਵੱਖ-ਵੱਖ ਤਰੀਕਿਆਂ ਨਾਲ ਜੀਵਨ ਵਿਚ ਰਸ ਬਣਾਈ ਰੱਖੋ।
* ਕੋਈ ਹੋਰ ਬਿਮਾਰੀ ਹੋਣ 'ਤੇ ਡਾਕਟਰ ਨੂੰ ਆਪਣੀ ਗੈਸਟ੍ਰਿਕ ਸਮੱਸਿਆ ਦੇ ਬਾਰੇ ਵਿਚ ਜ਼ਰੂਰ ਦੱਸੋ, ਕਿਉਂਕਿ ਅਜਿਹੇ ਵਿਚ ਕੁਝ ਦਵਾਈਆਂ ਜ਼ਿਆਦਾ ਅਮਲ ਬਣਾਉਣ ਵਿਚ ਸਹਾਇਕ ਹੁੰਦੀਆਂ ਹਨ।
* ਜਿਸ ਬਿਸਤਰ 'ਤੇ ਤੁਸੀਂ ਸੌਣ ਜਾ ਰਹੇ ਹੋ, ਸਿਰ ਵਾਲੀ ਜਗ੍ਹਾ ਨੂੰ 5 ਜਾਂ 6 ਇੰਚ ਉੱਚੀ ਰੱਖੋ। ਸਿਰ ਵੱਲ ਬਿਸਤਰ ਦੇ ਹੇਠਾਂ ਇੱਟ ਜਾਂ ਲੱਕੜੀ ਦੇ ਟੁਕੜੇ ਰੱਖ ਸਕਦੇ ਹੋ।
ਇਸ ਤਰ੍ਹਾਂ ਦਵਾਈ ਦੇ ਨਾਲ ਆਪਣੀ ਜੀਵਨਸ਼ੈਲੀ ਅਤੇ ਖਾਣ-ਪੀਣ ਵਿਚ ਜ਼ਰੂਰ ਬਦਲਾਅ ਲਿਆਓ, ਤਾਂ ਹੀ ਤੁਸੀਂ ਇਸ ਰੋਗ ਤੋਂ ਛੁਟਕਾਰਾ ਪਾ ਸਕਦੇ ਹੋ।

ਕੁਦਰਤੀ ਤਰੀਕੇ ਨਾਲ ਫਿੱਟ ਰਹਿਣ ਦੇ ਕੁਝ ਮੰਤਰ

* ਫਲ ਖਾਣ ਤੋਂ ਪਹਿਲਾਂ ਖਾਣੇ ਦੇ ਨਾਲ ਜਾਂ ਖਾਣੇ ਤੋਂ ਬਾਅਦ ਨਾ ਖਾਓ। ਫਲ ਇਕ ਸਮੇਂ ਦੇ ਭੋਜਨ ਦੀ ਜਗ੍ਹਾ 'ਤੇ ਖਾਓ।
* ਫਲ ਹਮੇਸ਼ਾ ਇਕ ਸਮੇਂ 'ਤੇ ਇਕ ਹੀ ਤਰ੍ਹਾਂ ਦਾ ਖਾਓ, ਜਿਵੇਂ ਸੇਬ, ਕੇਲਾ, ਸੰਤਰਾ ਇਕੱਠੇ 2 ਤੋਂ 3 ਖਾ ਸਕਦੇ ਹੋ ਪਰ ਇਕ-ਇਕ ਮਿਲਾ ਕੇ ਇਕੱਠੇ ਨਾ ਖਾਓ।
* ਜਿੰਨੀ ਮਿਹਨਤ ਕਰੋ, ਓਨਾ ਹੀ ਖਾਣਾ ਖਾਓ।
* ਖਾਣਾ ਭੁੱਖ ਲੱਗਣ 'ਤੇ ਹੀ ਚਬਾ-ਚਬਾ ਕੇ ਖਾਓ।
* ਪਾਣੀ ਵੀ ਪਿਆਸ ਲੱਗਣ 'ਤੇ ਪੀਓ, ਇਕਦਮ ਪੂਰਾ ਗਿਲਾਸ ਪਾਣੀ ਇਕੱਠਾ ਨਾ ਪੀਓ, ਥੋੜ੍ਹਾ-ਥੋੜ੍ਹਾ ਕਰਕੇ ਪੀਓ। ਲੋੜ ਤੋਂ ਜ਼ਿਆਦਾ ਪੀਤਾ ਪਾਣੀ ਗੁਰਦੇ 'ਤੇ ਬੋਝ ਪਾਉਂਦਾ ਹੈ।
* ਸਲਾਦ ਵਿਚ ਵੱਖ-ਵੱਖ ਕੱਚੀਆਂ ਸਬਜ਼ੀਆਂ ਮਿਲਾ ਕੇ ਖਾਓ। ਇਨ੍ਹਾਂ ਨੂੰ ਵੀ ਖਾਣੇ ਦੇ ਨਾਲ, ਖਾਣੇ ਤੋਂ ਪਹਿਲਾਂ ਜਾਂ ਖਾਣੇ ਤੋਂ ਬਾਅਦ ਨਾ ਖਾਓ। ਦੋ ਖਾਣਿਆਂ ਦੇ ਵਿਚਕਾਰ ਸਨੈਕ ਦੀ ਤਰ੍ਹਾਂ ਸਲਾਦ ਦਾ ਸੇਵਨ ਕਰੋ।
* ਸਲਾਦ ਵਿਚ ਕਿਸੇ ਤਰ੍ਹਾਂ ਦਾ ਨਮਕ ਜਾਂ ਨਿੰਬੂ ਨਾ ਮਿਲਾਓ। ਸਲਾਦ ਵਾਲੀਆਂ ਚੀਜ਼ਾਂ ਅਲਕਲਾਈਨ ਹੁੰਦੀਆਂ ਹਨ। ਨਿੰਬੂ ਅਤੇ ਲੂਣ ਵਿਚ ਐਸਿਡ ਹੁੰਦਾ ਹੈ।
* ਹੋ ਸਕੇ ਤਾਂ ਦਿਨ ਦੀ ਸ਼ੁਰੂਆਤ ਨਾਰੀਅਲ ਪਾਣੀ ਅਤੇ ਸਫੈਦ ਪੇਠੇ ਦੇ ਰਸ ਨਾਲ ਕਰੋ।
* ਪੱਕਿਆ ਹੋਇਆ ਭੋਜਨ ਇਕ ਵਾਰ ਲੈਣਾ ਬਹੁਤ ਉੱਤਮ ਹੁੰਦਾ ਹੈ। ਰਾਤ ਨੂੰ ਪੱਕਿਆ ਹੋਇਆ ਭੋਜਨ ਛੇਤੀ 6 ਤੋਂ 7 ਵਜੇ ਤੱਕ ਕਰ ਲਓ ਤਾਂ ਲਾਭ ਪੂਰਾ ਮਿਲਦਾ ਹੈ। ਦੇਰ ਰਾਤ ਵਿਚ ਪੱਕਿਆ ਭੋਜਨ ਲੈਣ ਨਾਲ ਪਾਚਣ ਪ੍ਰਕਿਰਿਆ ਨੂੰ ਬਹੁਤ ਮਿਹਨਤ ਕਰਨੀ ਪੈਂਦੀ ਹੈ ਅਤੇ ਪੂਰਾ ਪਚਦਾ ਵੀ ਨਹੀਂ ਹੈ।
* ਬੈਠਣ ਅਤੇ ਸੌਣ ਵਾਲੀ ਜਗ੍ਹਾ ਸਖ਼ਤ ਹੋਣੀ ਬਿਹਤਰ ਹੁੰਦੀ ਹੈ। ਜ਼ਿਆਦਾ ਨਰਮ ਗੱਦੇ ਜਾਂ ਕੁਰਸੀ ਦੀ ਗੱਦੀ ਸਰੀਰ ਲਈ ਠੀਕ ਨਹੀਂ।
* ਖੁਸ਼ ਰਹੋ। ਵਾਤਾਵਰਨ ਵਿਚ ਖੁਸ਼ੀ ਫੈਲਾਓ ਤਾਂ ਕਿ ਖੁਸ਼ੀ ਵਾਲੀ ਸਾਕਾਰਾਤਮਿਕ ਊਰਜਾ ਤੁਹਾਨੂੰ ਵਾਪਸ ਮਿਲ ਸਕੇ।
* ਕਿਸੇ ਲੋੜਵੰਦ ਦੀ ਮਦਦ ਹੋ ਸਕੇ ਤਾਂ ਜ਼ਰੂਰ ਕਰੋ।
* ਆਪਣੀ ਜ਼ਬਾਨ ਮਿੱਠੀ ਰੱਖੋ। ਜੋ ਬੋਲੋ, ਤੋਲ ਕੇ ਬੋਲੋ। ਦੂਜਿਆਂ ਨੂੰ ਆਪਣੀ ਭਾਸ਼ਾ ਨਾਲ ਆਹਤ ਨਾ ਕਰੋ।


-ਸੁਨੀਤਾ ਗਾਬਾ

ਹੱਸਣਾ-ਹਸਾਉਣਾ ਹੀ ਜ਼ਿੰਦਗੀ ਹੈ

ਅੱਜ ਦੀ ਜ਼ਿੰਦਗੀ ਵਿਚ ਸਿਵਾਏ ਭੱਜ-ਦੌੜ ਦੇ ਹੈ ਹੀ ਕੀ? ਜ਼ਿੰਦਗੀ ਦੀ ਇਸ ਭੱਜ-ਦੌੜ ਵਿਚ ਇਨਸਾਨ ਲਈ ਸੁਖ ਅਤੇ ਤੰਦਰੁਸਤੀ ਕਲਪਨਾ ਹੀ ਬਣ ਕੇ ਰਹਿ ਜਾਂਦੀ ਹੈ। ਇਸ ਬੇਢੰਗੀ ਜ਼ਿੰਦਗੀ ਨੂੰ ਜ਼ਿੰਦਾਦਿਲ ਜ਼ਿੰਦਗੀ ਬਣਾਉਣ ਦਾ ਇਕ ਹੀ ਸੌਖਾ ਉਪਾਅ ਹੈ ਹੱਸਣਾ-ਹਸਾਉਣਾ, ਮੌਜ ਮਨਾਉਣਾ।
ਜੇ ਚਿਹਰੇ 'ਤੇ ਹਾਸਾ, ਦਿਲ ਵਿਚ ਖੁਸ਼ੀ ਹੋਵੇ ਤਾਂ ਸਿਹਤ 'ਤੇ ਭੱਜ-ਦੌੜ ਦਾ ਜ਼ਿਆਦਾ ਅਸਰ ਨਹੀਂ ਪਵੇਗਾ।
ਹੱਸਣ-ਹਸਾਉਣ ਦਾ ਇਹ ਮਤਲਬ ਨਹੀਂ ਕਿ ਦਿਨ-ਰਾਤ ਇਨਸਾਨ ਹੱਸਦਾ ਅਤੇ ਹਸਾਉਂਦਾ ਹੀ ਰਹੇ। ਇਨਸਾਨ ਜੇ ਦਿਨ ਵਿਚ 3-4 ਵਾਰ ਖੁਸ਼ ਹੋ ਕੇ ਜ਼ੋਰ ਨਾਲ ਖਿੜਖਿੜਾ ਕੇ ਹੱਸ ਲਵੇ ਤਾਂ ਉਸ ਦੇ ਸਾਰੇ ਦੁੱਖ, ਪ੍ਰੇਸ਼ਾਨੀਆਂ ਅਤੇ ਰੋਗ ਦੂਰ ਹੋ ਜਾਂਦੇ ਹਨ।
ਖਿੜਖਿੜਾ ਕੇ ਹੱਸਣ ਨਾਲ ਫੇਫੜਿਆਂ 'ਤੇ ਇਕ ਤੋਂ ਬਾਅਦ ਇਕ, 3-4 ਝਟਕੇ ਲਗਦੇ ਹਨ। ਹਰੇਕ ਝਟਕੇ ਦੇ ਨਾਲ ਖ਼ੂਨ ਵਹਿਣੀਆਂ ਨਾਲੀਆਂ ਦਾ ਖ਼ੂਨ ਦਿਲ ਤੱਕ ਪਹੁੰਚਦਾ ਹੈ ਅਤੇ ਖ਼ੂਨ ਦਾ ਸੰਚਾਰ ਵਧਦਾ ਹੀ ਜਾਂਦਾ ਹੈ, ਜਿਸ ਨਾਲ ਫੇਫੜਿਆਂ ਵਿਚ ਸ਼ੁੱਧ ਹਵਾ ਪਹੁੰਚਦੀ ਹੈ ਅਤੇ ਦੂਸ਼ਤ ਹਵਾ ਦੂਰ ਹੁੰਦੀ ਹੈ। ਨਾਲ ਹੀ ਨਾਲ ਭੋਜਨ ਪਚਦਾ ਵੀ ਹੈ, ਜਿਸ ਨਾਲ ਲੋਕਾਂ ਨੂੰ ਪੇਟ ਸਬੰਧੀ ਕੋਈ ਰੋਗ ਨਹੀਂ ਹੁੰਦਾ।
ਇਕ ਨਿਰਾਸ਼ ਵਿਅਕਤੀ ਜੋ ਕਦੇ ਹੱਸਦਾ ਹੀ ਨਹੀਂ ਹੈ, ਜੇ ਉਸ ਨੂੰ ਦੇਖਿਆ ਜਾਵੇ ਤਾਂ ਪਤਾ ਲਗਦਾ ਹੈ ਕਿ ਉਸ ਨੂੰ ਕਿਸੇ ਭਿਅੰਕਰ ਰੋਗ ਨੇ ਘੇਰ ਲਿਆ ਹੈ ਜਾਂ ਉਸ ਦੀ ਉਮਰ ਸੀਮਤ ਹੈ।
ਜਿਸ ਤਰ੍ਹਾਂ ਜ਼ਿੰਦਗੀ ਜਿਊਣ ਲਈ ਚੰਗੀ ਹਵਾ ਅਤੇ ਚੰਗੇ ਵਾਤਾਵਰਨ ਦਾ ਹੋਣਾ ਜ਼ਰੂਰੀ ਹੈ, ਠੀਕ ਉਸੇ ਤਰ੍ਹਾਂ ਜ਼ਿੰਦਗੀ ਦੇ ਸੱਚੇ ਮਜ਼ੇ ਲਈ ਹੱਸਣਾ ਜ਼ਰੂਰੀ ਹੈ। ਅੱਜਕਲ੍ਹ ਤਾਂ ਡਾਕਟਰ ਰੋਗੀ ਨੂੰ ਹਸਾ-ਹਸਾ ਕੇ ਠੀਕ ਕਰ ਦਿੰਦੇ ਹਨ। ਨਿਰਾਸ਼ ਵਿਅਕਤੀ ਹੱਸਦਾ ਨਹੀਂ ਹੈ, ਜਿਸ ਨਾਲ ਉਸ ਦੇ ਅੰਦਰ ਦਾ ਵਿਕਾਰ ਦੂਰ ਨਹੀਂ ਹੁੰਦਾ। ਇਸ ਦੀ ਤੁਲਨਾ ਵਿਚ ਹੱਸਣ ਵਾਲਾ ਵਿਅਕਤੀ ਤੰਦਰੁਸਤ ਅਤੇ ਰੋਗਹੀਣ ਰਹਿੰਦਾ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਹੱਸਣਾ ਇਕ ਉੱਤਮ ਕਸਰਤ ਹੈ, ਜਿਸ ਨਾਲ ਦਿਮਾਗ ਵਿਚ ਭਰਪੂਰ ਮਾਤਰਾ ਵਿਚ ਖ਼ੂਨ ਦਾ ਸੰਚਾਰ ਹੁੰਦਾ ਹੈ, ਸਮਰਣ ਸ਼ਕਤੀ ਵਧਦੀ ਹੈ ਅਤੇ ਛੋਟੇ-ਵੱਡੇ ਰੋਗ ਦੂਰ ਹੋ ਜਾਂਦੇ ਹਨ। ਇਸ ਲਈ ਜਵਾਨੀ ਨੂੰ ਤਰੋਤਾਜ਼ਾ ਬਣਾਈ ਰੱਖਣ ਲਈ ਜ਼ਿੰਦਗੀ ਦਾ ਸੁਖ ਲੈਣ ਲਈ, ਸਿਹਤ ਠੀਕ ਰੱਖਣ ਲਈ ਅਤੇ ਪੱਤਝੜ ਜਿਹੀ ਜ਼ਿੰਦਗੀ ਵਿਚ ਹਰਿਆਲੀ ਲਿਆਉਣ ਲਈ ਹੱਸਣਾ ਬਹੁਤ ਜ਼ਰੂਰੀ ਹੈ।
ਫਿਰ ਆਓ ਆਪਾਂ ਅੱਜ ਤੋਂ ਹੀ ਭੱਜ-ਦੌੜ ਦੀ ਜ਼ਿੰਦਗੀ ਦੀ ਰਫ਼ਤਾਰ ਵਧਾਈਏ, ਕਿਉਂਕਿ ਅਰਥਯੁਗ ਵਿਚ ਇਸ ਦਾ ਕਾਫੀ ਮਹੱਤਵ ਹੈ ਪਰ ਇਕ ਮੰਤਰ ਯਾਦ ਕਰ ਲਈਏ ਕਿ ਹੱਸਣਾ-ਹਸਾਉਣਾ ਹੀ ਜ਼ਿੰਦਗੀ ਹੈ।
ਇਸ ਨੂੰ ਜਾਣਨ ਨਾਲ ਨਹੀਂ, ਅਪਣਾਉਣ ਨਾਲ ਫਾਇਦਾ ਹੋਵੇਗਾ। ਇਸ ਲਈ ਖੂਬ ਹੱਸੋ ਅਤੇ ਜ਼ਿੰਦਗੀ ਨੂੰ ਜ਼ਿੰਦਾ ਦਿਲ ਬਣਾਈ ਰੱਖੋ।
**

ਸਿਹਤ ਲਈ ਵਰਦਾਨ ਹੈ ਅੰਬ

ਗਰਮੀਆਂ ਵਿਚ ਜਗ੍ਹਾ-ਜਗ੍ਹਾ ਰਸੀਲੇ ਅੰਬਾਂ ਦੇ ਢੇਰ ਦੇਖ ਕੇ ਇਨ੍ਹਾਂ ਦੇ ਜ਼ਿਆਦਾ ਸਵਾਦ ਦਾ ਮਜ਼ਾ ਲੈਣ ਨੂੰ ਕਿਸ ਦਾ ਮਨ ਨਹੀਂ ਕਰਦਾ? ਅੰਬ ਆਪਣੇ ਵਧੀਆ ਸਵਾਦ ਦੇ ਨਾਲ-ਨਾਲ ਅਨੇਕ ਬਿਮਾਰੀਆਂ ਦੇ ਇਲਾਜ ਅਤੇ ਉਨ੍ਹਾਂ ਦੀ ਰੋਕਥਾਮ ਵਿਚ ਵੀ ਕਾਫੀ ਫਾਇਦੇਮੰਦ ਫਲ ਹੈ।
ਗਰਮੀਆਂ ਦਾ ਬਿਹਤਰੀਨ ਤੋਹਫ਼ਾ ਬਾਗਾਂ ਦੀ ਰੌਣਕ ਅਤੇ ਫਲਾਂ ਦਾ ਸਿਰਤਾਜ ਅੰਬ ਇਕ ਅਜਿਹਾ ਮੌਸਮੀ ਫਲ ਹੈ, ਜਿਸ ਦੇ ਸਵਾਦ ਦਾ ਖੱਟਾ-ਮਿੱਠਾ ਮਜ਼ਾ ਸਦੀਆਂ ਤੋਂ ਇਨਸਾਨ ਦੀ ਪਹਿਲੀ ਪਸੰਦ ਰਹੀ ਹੈ। ਅੰਬ ਸਵਾਦ ਵਿਚ ਮਧੁਰ ਅਤੇ ਪੌਸ਼ਟਿਕਤਾ ਨਾਲ ਭਰਪੂਰ ਹੁੰਦਾ ਹੈ। ਇਸ ਤੋਂ ਇਲਾਵਾ ਭਰਪੂਰ ਮਾਤਰਾ ਵਿਚ ਵਿਟਾਮਿਨ 'ਏ' ਤੋਂ ਇਲਾਵਾ ਵਿਟਾਮਿਨ 'ਬੀ' ਅਤੇ ਵਿਟਾਮਿਨ 'ਸੀ' ਵੀ ਮੌਜੂਦ ਹੁੰਦਾ ਹੈ।
ਅੰਬ ਦੇ ਪੱਤੇ, ਰੁੱਖ ਦੀ ਛਿੱਲ, ਅੰਬ ਦਾ ਫਲ, ਕੋਂਪਲ, ਅੰਬ ਦੇ ਫਲ ਦੀ ਗਿਟਕ ਦੀ ਗਿਰੀ, ਇਹ ਸਾਰੇ ਦਵਾਈਆਂ ਦੇ ਰੂਪ ਵਿਚ ਵੀ ਵਰਤੇ ਜਾਂਦੇ ਹਨ। ਆਸਟ੍ਰੇਲੀਆ ਦੇ ਵਿਗਿਆਨੀਆਂ ਦੁਆਰਾ ਕੀਤੀ ਗਈ ਵਿਆਪਕ ਖੋਜ ਨਾਲ ਪਤਾ ਲੱਗਾ ਹੈ ਕਿ ਅੰਬ ਸ਼ੂਗਰ ਅਤੇ ਕੋਲੈਸਟ੍ਰੋਲ ਦੀ ਸਮੱਸਿਆ ਨੂੰ ਦੂਰ ਕਰਦਾ ਹੈ। ਸੇਟੀਨ ਅਤੇ ਨੇਰਾਥਾਈਰੀਓਲ ਨਾਮਕ ਰਸਾਇਣ ਅੰਬ ਦੀ ਛਿੱਲ ਵਿਚ ਵਿਸ਼ੇਸ਼ ਮਾਤਰਾ ਵਿਚ ਮੌਜੂਦ ਹੁੰਦੇ ਹਨ, ਜੋ ਸ਼ੂਗਰ ਵਿਚ ਲਾਭਦਾਇਕ ਹੁੰਦੇ ਹਨ। ਅਸਲ ਵਿਚ ਇਹ ਫਲਾਂ ਦਾ ਸਿਰਤਾਜ ਅੰਬ ਸਸਤਾ ਅਤੇ ਮਿਲਣਦਾਇਕ ਫਲ ਸ੍ਰੇਸ਼ਠ ਗੁਣਾਂ ਦਾ ਭੰਡਾਰ ਹੈ।
ਅੰਬ ਦੇ ਦਵਾਈ ਵਾਲੇ ਗੁਣਾਂ 'ਤੇ ਇਕ ਨਜ਼ਰ : ਗਰਮੀ ਦੇ ਮੌਸਮ ਵਿਚ ਲੂ ਲੱਗਣ ਦੀ ਸੰਭਾਵਨਾ ਕਾਫੀ ਜ਼ਿਆਦਾ ਹੁੰਦੀ ਹੈ। ਇਸ ਤੋਂ ਬਚਾਅ ਲਈ ਕੱਚੇ ਅੰਬ ਨੂੰ ਪਕਾ ਕੇ ਜਾਂ ਉਬਾਲ ਕੇ ਇਸ ਦੀ ਛਿੱਲ ਅਤੇ ਗਿਟਕ ਨੂੰ ਅਲੱਗ ਕਰਕੇ ਉਸ ਦੇ ਗੁੱਦੇ ਵਿਚ ਹਰਾ ਪੁਦੀਨਾ, ਭੁੰਨਿਆ ਹੋਇਆ ਪੀਸਿਆ ਜ਼ੀਰਾ, ਕਾਲਾ ਨਮਕ ਅਤੇ ਸਵਾਦ ਅਨੁਸਾਰ ਖੰਡ ਜਾਂ ਗੁੜ ਦੇ ਨਾਲ ਚੰਗੀ ਤਰ੍ਹਾਂ ਮਿਲਾ ਕੇ ਸਵੇਰੇ-ਸ਼ਾਮ ਸੇਵਨ ਕਰਨ ਨਾਲ ਲੂ ਲੱਗਣ ਦੀ ਸੰਭਾਵਨਾ ਖ਼ਤਮ ਹੋ ਜਾਂਦੀ ਹੈ।
ਰੇਸ਼ੇਦਾਰ ਅੰਬ ਜ਼ਿਆਦਾ ਪਚਣਯੋਗ, ਗੁਣਕਾਰੀ ਅਤੇ ਕਬਜ਼ ਨੂੰ ਦੂਰ ਕਰਨ ਵਾਲਾ ਹੁੰਦਾ ਹੈ। ਅੰਬ ਦੇ ਸੇਵਨ ਨਾਲ ਦਿਮਾਗ ਦੀ ਕਾਰਜ ਸਮਰੱਥਾ ਅਤੇ ਯਾਦ ਸ਼ਕਤੀ ਵਿਚ ਵਾਧਾ ਹੁੰਦਾ ਹੈ।
ਪਾਚਣ ਕਿਰਿਆ ਰਹਿਣ ਰੱਖਣ, ਭੁੱਖ ਵਧਾਉਣ ਅਤੇ ਤੁਰੰਤ ਸ਼ਕਤੀ ਅਤੇ ਚੁਸਤੀ ਪ੍ਰਾਪਤ ਕਰਨ ਲਈ ਅੰਬ ਨੂੰ ਇਕ ਵਧੀਆ ਟਾਨਿਕ ਮੰਨਿਆ ਜਾਂਦਾ ਹੈ। ਇਹ ਮਿਹਦੇ ਦੀ ਨਿਰਬਲਤਾ ਅਤੇ ਖੂਨ ਦੀ ਕਮੀ ਨੂੰ ਠੀਕ ਕਰਦਾ ਹੈ।
ਅੰਬ ਦੇ ਰਸ ਦੇ ਸੇਵਨ ਨਾਲ ਸ਼ੂਗਰ ਰੋਗ ਵੀ ਠੀਕ ਹੋ ਜਾਂਦਾ ਹੈ। ਲੋਕਾਂ ਨੂੰ ਇਹ ਭਰਮ ਹੈ ਕਿ ਅੰਬ ਵਿਚ ਮਿਠਾਸ ਹੋਣ ਨਾਲ ਸ਼ੂਗਰ ਵਿਚ ਲਾਭ ਨਹੀਂ ਹੁੰਦਾ ਪਰ ਇਸ ਫਲ ਵਿਚ ਇਹ ਵਿਸ਼ੇਸ਼ਤਾ ਹੈ ਕਿ ਇਸ ਦੇ ਰਸ ਨਾਲ ਪੇਟ ਸਾਫ਼ ਹੋ ਜਾਂਦਾ ਹੈ ਅਤੇ ਪਾਚਣ ਸ਼ਕਤੀ ਵਿਚ ਵਾਧਾ ਹੋਣ ਨਾਲ ਸਰੀਰ ਵਿਚ ਇੰਸੁਲਿਨ ਦਾ ਨਿਰਮਾਣ ਹੁੰਦਾ ਹੈ, ਜੋ ਸ਼ੂਗਰ ਦੀ ਬੇਜੋੜ ਦਵਾਈ ਹੈ। ਅੰਬ ਖਾਣ ਨਾਲ ਖੂਨ ਵਧਦਾ ਹੈ ਅਤੇ ਸਰੀਰ ਵਿਚ ਚੁਸਤੀ ਆਉਂਦੀ ਹੈ।
ਅੰਬ ਦੀਆਂ ਗਿਟਕਾਂ ਦੀ ਗਿਰੀ ਵੀ ਕਾਫੀ ਫਾਇਦੇਮੰਦ ਹੁੰਦੀ ਹੈ, ਜਿਸ ਨੂੰ ਅਸੀਂ ਅਕਸਰ ਅੰਬ ਖਾਣ ਤੋਂ ਬਾਅਦ ਕੂੜੇ ਵਿਚ ਸੁੱਟ ਦਿੰਦੇ ਹਾਂ। ਆਯੁਰਵੈਦ ਅਨੁਸਾਰ ਅੰਬ ਦੀ ਗਿਟਕ ਦੀ ਗਿਰੀ ਦੇ ਚੂਰਨ ਦਾ ਨਿਯਮਤ ਸੇਵਨ ਕਰਨ ਨਾਲ ਅਨੇਕ ਰੋਗ ਜਿਵੇਂ ਖੰਘ, ਸਾਹ ਦੀ ਬਿਮਾਰੀ, ਪਤਲੇ ਦਸਤ, ਸ਼ਵੇਤ ਅਤੇ ਖੂਨ ਪ੍ਰਦਰ ਤੋਂ ਇਲਾਵਾ ਕ੍ਰਮਿ ਰੋਗ ਤੋਂ ਵੀ ਛੁਟਕਾਰਾ ਮਿਲਦਾ ਹੈ। ਅੰਬ ਦੇ ਪੱਤਿਆਂ ਦਾ ਰਸ ਕੱਢ ਕੇ ਦੰਦਾਂ 'ਤੇ ਮਾਲਿਸ਼ ਕਰਨ ਨਾਲ ਪਾਇਰੀਆ ਰੋਗ ਵਿਚ ਲਾਭ ਹੁੰਦਾ ਹੈ।
ਸਾਵਧਾਨੀਆਂ
* ਅੰਬ ਨੂੰ ਖਾਣ ਤੋਂ ਪਹਿਲਾਂ ਹਮੇਸ਼ਾ ਇਸ ਨੂੰ ਠੰਢਾ ਕਰਕੇ ਅਤੇ ਇਸ ਦੀ ਗਰਮੀ ਕੱਢ ਕੇ ਹੀ ਸੇਵਨ ਕਰਨਾ ਚਾਹੀਦਾ ਹੈ।
* ਮੋਟੇ ਵਿਅਕਤੀਆਂ ਨੂੰ ਅੰਬ ਦਾ ਸੇਵਨ ਘੱਟ ਤੋਂ ਘੱਟ ਮਾਤਰਾ ਵਿਚ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਹ ਮੋਟਾਪਾ ਵਧਾਉਂਦਾ ਹੈ।
* ਜਿਥੋਂ ਤੱਕ ਸੰਭਵ ਹੋਵੇ, ਹਮੇਸ਼ਾ ਸ਼ੁੱਧ ਅਤੇ ਤਾਜ਼ੇ ਅੰਬ ਦਾ ਹੀ ਸੇਵਨ ਕਰਨਾ ਚਾਹੀਦਾ।

ਘਰੇਲੂ ਨੁਸਖ਼ੇ

* ਸਬਜ਼ੀਆਂ ਨੂੰ ਹਮੇਸ਼ਾ ਵੱਡੇ-ਵੱਡੇ ਡੱਕਰਿਆਂ ਵਿਚ ਕੱਟੋ। ਇਸ ਤਰ੍ਹਾਂ ਉਨ੍ਹਾਂ ਦੇ ਵਿਟਾਮਿਨ ਵੱਧ ਤੋਂ ਵੱਧ ਰਹਿ ਸਕਣਗੇ ਅਤੇ ਤੁਹਾਨੂੰ ਪੂਰਾ ਪੋਸ਼ਣ ਮਿਲ ਜਾਵੇਗਾ।
* ਮੌਸਮ ਕੋਈ ਵੀ ਹੋਵੇ, ਦਿਨ ਵਿਚ ਬਾਹਰ ਨਿਕਲਣ ਤੋਂ ਪਹਿਲਾਂ ਇਕ ਗਿਲਾਸ ਪਾਣੀ ਜ਼ਰੂਰ ਪੀਓ।
* ਆਇਰਨ ਅਤੇ ਵਿਟਾਮਿਨ 'ਬੀ' ਆਪਣੀ ਖੁਰਾਕ ਵਿਚ ਜ਼ਰੂਰ ਸ਼ਾਮਿਲ ਕਰੋ। ਇਹ ਸਰੀਰ ਨੂੰ ਊਰਜਾ ਦਿੰਦਾ ਹੈ। ਵਿਦਿਆਰਥੀਆਂ ਲਈ ਇਹ ਕਾਫੀ ਲਾਭਦਾਇਕ ਹੈ।
* ਮਟਰ ਵਿਚ ਪ੍ਰੋਟੀਨ ਦੀ ਮਾਤਰਾ ਬਹੁਤ ਜ਼ਿਆਦਾ ਪਾਈ ਜਾਂਦੀ ਹੈ। ਇਸ ਤੋਂ ਇਲਾਵਾ ਦੁੱਧ, ਟੋਫੂ, ਯੋਗਰਟ ਅਤੇ ਸੋਇਆ ਵੀ ਪ੍ਰੋਟੀਨ ਦੇ ਚੰਗੇ ਸਰੋਤ ਹਨ। ਇਨ੍ਹਾਂ ਚੀਜ਼ਾਂ ਦਾ ਸੇਵਨ ਸਿਹਤ ਨੂੰ ਫਿੱਟ ਰੱਖਣ ਵਿਚ ਫਾਇਦੇਮੰਦ ਹੁੰਦਾ ਹੈ। ਵਧਦੇ ਬੱਚਿਆਂ ਲਈ ਇਹ ਚੀਜ਼ਾਂ ਬਹੁਤ ਜ਼ਰੂਰੀ ਹੈ।
* ਜੇ ਤੁਸੀਂ ਰੋਜ਼ਾਨਾ ਦੁੱਧ ਨਾਲ ਥੋੜ੍ਹੀ ਜਿਹੀ ਹਲਦੀ ਲੈਂਦੇ ਹੋ ਤਾਂ ਇਸ ਨਾਲ ਤੁਹਾਡੀਆਂ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ। ਇਹ ਆਸਟਿਓਪੋਰੋਸਿਸ ਤੋਂ ਵੀ ਬਚਾਉਂਦਾ ਹੈ।
* ਮੂਲੀ ਕਈ ਤਰ੍ਹਾਂ ਦੇ ਰੋਗਾਂ ਵਿਚ ਵਧੀਆ ਦਵਾਈ ਹੈ। ਜਿਵੇਂ ਪੀਲੀਏ ਵਿਚ ਮੂਲੀ ਦਾ ਰਸ ਪੀਣ ਨਾਲ ਇਹ ਕਾਫੀ ਹੱਦ ਤੱਕ ਠੀਕ ਹੋ ਜਾਂਦਾ ਹੈ। ਇਸ ਵਿਚ ਗੰਨੇ ਦਾ ਰਸ ਵੀ ਕਾਫੀ ਅਸਰਦਾਰ ਹੁੰਦਾ ਹੈ।
* ਬਦਾਮ ਖਾਣਾ ਸਿਹਤ ਲਈ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਇਹ ਦਿਲ ਦੀ ਬਿਮਾਰੀ ਹੋਣ ਦੀ 50 ਫੀਸਦੀ ਸੰਭਾਵਨਾ ਘੱਟ ਕਰ ਦਿੰਦਾ ਹੈ। ਨਾਲ ਹੀ ਬਦਾਮ ਦੇ ਤੇਲ ਦੀ ਮਸਾਜ ਵਾਲਾਂ ਅਤੇ ਤੁਹਾਡੇ ਸਰੀਰ ਨੂੰ ਵੀ ਮਜ਼ਬੂਤ ਬਣਾਉਂਦੀ ਹੈ।
* ਛਿੱਲ ਵਾਲੀ ਕਣਕ, ਜੌਂ, ਚੌਲ, ਮੂੰਗੀ ਦੀ ਦਾਲ, ਖੀਰਾ, ਤੋਰੀ, ਲੌਕੀ, ਬਾਥੂ, ਮੇਥੀ ਅਤੇ ਮੱਕੀ ਹਲਕੇ ਅਤੇ ਪਚਣਯੋਗ ਹਨ, ਇਸ ਲਈ ਇਨ੍ਹਾਂ ਨੂੰ ਆਪਣੇ ਖਾਣੇ ਵਿਚ ਵੱਧ ਤੋਂ ਵੱਧ ਮਾਤਰਾ ਵਿਚ ਸ਼ਾਮਿਲ ਕਰੋ।
* ਇਕ ਵਾਰ ਵਿਚ ਪੇਟ ਭਰ ਕੇ ਨਾ ਖਾਓ। ਦਿਨ ਭਰ ਵਿਚ 4 ਜਾਂ 5 ਵਾਰ ਖਾਣਾ ਖਾਓ। ਇਸ ਨਾਲ ਮੋਟਾਪਾ ਨਹੀਂ ਵਧਦਾ ਅਤੇ ਤੁਹਾਨੂੰ ਦਿਨ ਭਰ ਵਿਚ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤ ਪ੍ਰਾਪਤ ਹੋ ਜਾਂਦੇ ਹਨ।
**

ਗੁਣਕਾਰੀ ਹਨ ਸਬਜ਼ੀਆਂ ਦੇ ਰਸ

ਤਾਜ਼ੇ ਫਲਾਂ ਅਤੇ ਸਬਜ਼ੀਆਂ ਦੇ ਰਸ ਸਰੀਰ ਵਿਚ ਖੂਨ ਦੀ ਸ਼ੁੱਧੀ ਅਤੇ ਸਰੀਰ ਨੂੰ ਊਰਜਾ ਦੇਣ ਵਿਚ ਸਹਾਇਕ ਹੁੰਦੇ ਹਨ। ਹਰ ਸਬਜ਼ੀ ਅਤੇ ਫਲ ਦਾ ਰਸ ਸਰੀਰ ਨੂੰ ਵੱਖਰੇ ਢੰਗ ਨਾਲ ਲਾਭ ਪਹੁੰਚਾਉਂਦਾ ਹੈ।
ਪਾਲਕ ਦਾ ਰਸ : ਪਾਲਕ ਦਾ ਰਸ ਅੰਤੜੀਆਂ ਦੀ ਸਫ਼ਾਈ ਲਈ ਬਹੁਤ ਚੰਗਾ ਹੁੰਦਾ ਹੈ। ਪਾਲਕ ਦੇ ਰਸ ਵਿਚ ਵਿਟਾਮਿਨ 'ਈ' ਦੀ ਮਾਤਰਾ ਭਰਪੂਰ ਹੁੰਦੀ ਹੈ। ਇਸ ਨੂੰ ਗਾਜਰ ਦੇ ਰਸ ਨਾਲ ਮਿਲਾ ਕੇ ਪੀਤਾ ਜਾ ਸਕਦਾ ਹੈ। ਕਬਜ਼ ਦੀ ਸ਼ਿਕਾਇਤ ਹੋਣ 'ਤੇ ਤਾਜ਼ੀ ਪਾਲਕ ਦਾ ਰਸ ਲਾਭ ਪਹੁੰਚਾਉਂਦਾ ਹੈ। ਗਰਭਵਤੀ, ਸਤਨਪਾਨ ਕਰਨ ਵਾਲੀਆਂ ਔਰਤਾਂ ਲਈ ਪਾਲਕ ਦਾ ਰਸ ਬਹੁਤ ਗੁਣਕਾਰੀ ਹੁੰਦਾ ਹੈ। ਪੱਥਰੀ ਦੇ ਰੋਗੀਆਂ ਨੂੰ ਇਸ ਦਾ ਸੇਵਨ ਬਿਨਾਂ ਡਾਕਟਰ ਦੀ ਸਲਾਹ ਦੇ ਨਹੀਂ ਕਰਨਾ ਚਾਹੀਦਾ।
ਸ਼ਲਗਮ ਦਾ ਰਸ : ਸ਼ਲਗਮ ਫਲ ਅਤੇ ਪੱਤੇ ਦੋਵੇਂ ਹੀ ਸਿਹਤ ਲਈ ਲਾਭਦਾਇਕ ਹਨ। ਸ਼ਲਗਮ ਵਿਚ ਵਿਟਾਮਿਨ 'ਸੀ' ਅਤੇ ਕੈਲਸ਼ੀਅਮ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ। ਕੈਲਸ਼ੀਅਮ ਦੀ ਭਰਪੂਰ ਮਾਤਰਾ ਹੋਣ ਕਾਰਨ ਸ਼ਲਗਮ ਦੰਦਾਂ ਅਤੇ ਹੱਡੀਆਂ ਲਈ ਲਾਭਦਾਇਕ ਹੁੰਦਾ ਹੈ। ਸ਼ਲਗਮ ਦਾ ਸਵਾਦ ਹਲਕਾ ਜਿਹਾ ਖਾਰਾ ਹੋਣ ਦੇ ਕਾਰਨ ਨਿੰਬੂ ਦੇ ਰਸ ਦੇ ਨਾਲ ਮਿਲਾ ਕੇ ਲੈਣਾ ਚਾਹੀਦਾ ਹੈ। ਸ਼ਲਗਮ ਦਾ ਰਸ ਨਿਯਮਤ ਲੈਣ ਨਾਲ ਖੰਘ ਤੋਂ ਵੀ ਆਰਾਮ ਮਿਲਦਾ ਹੈ।
ਟਮਾਟਰ ਦਾ ਰਸ : ਰਸ ਵਿਚ ਵਿਟਾਮਿਨ 'ਡੀ', 'ਈ', ਕੈਲਸ਼ੀਅਮ, ਪੋਟਾਸ਼ੀਅਮ ਅਤੇ ਖਣਿਜ ਆਦਿ ਕਾਫੀ ਮਾਤਰਾ ਵਿਚ ਹੁੰਦੇ ਹਨ। ਟਮਾਟਰ ਦਾ ਰਸ ਸਰੀਰ ਦੀ ਪਾਚਣ ਕਿਰਿਆ ਅਤੇ ਖੂਨ ਸਬੰਧੀ ਸਮੱਸਿਆਵਾਂ ਨੂੰ ਦੂਰ ਕਰਦਾ ਹੈ। ਜ਼ਿਆਦਾ ਖੱਟੇ ਟਮਾਟਰ ਦਾ ਰਸ ਇਕੱਲਾ ਨਾ ਲਓ। ਉਸ ਵਿਚ ਮੌਸਮ ਅਨੁਸਾਰ ਗਾਜਰ ਜਾਂ ਪਾਲਕ ਮਿਲਾ ਕੇ ਲੈਣਾ ਚਾਹੀਦਾ ਹੈ। ਗਾਜਰ ਅਤੇ ਪਾਲਕ ਦਾ ਰਸ ਮਿਲਾ ਕੇ ਪੀਣ ਨਾਲ ਖੂਨ ਦੀ ਕਮੀ ਵੀ ਦੂਰ ਹੁੰਦੀ ਹੈ। ਬੱਚਿਆਂ ਦੇ ਵਿਕਾਸ ਲਈ ਟਮਾਟਰ ਦਾ ਰਸ ਲਾਭਦਾਇਕ ਹੁੰਦਾ ਹੈ। ਗੁਰਦੇ ਦੇ ਪੱਥਰੀ ਵਾਲੇ ਰੋਗੀਆਂ ਨੂੰ ਟਮਾਟਰ ਦਾ ਰਸ ਡਾਕਟਰ ਦੀ ਸਲਾਹ ਅਨੁਸਾਰ ਹੀ ਲੈਣਾ ਚਾਹੀਦਾ ਹੈ।
ਖੀਰੇ-ਤਰ ਦਾ ਰਸ : ਖੀਰੇ-ਤਰ ਦਾ ਰਸ ਗੁਰਦੇ ਅਤੇ ਮੂਤਰਸ਼ਯ ਦੀਆਂ ਬਿਮਾਰੀਆਂ ਲਈ ਗੁਣਕਾਰੀ ਹੁੰਦਾ ਹੈ। ਖੀਰੇ, ਤਰ ਦੇ ਰਸ ਦੇ ਸੇਵਨ ਨਾਲ ਪਿਸ਼ਾਬ ਜ਼ਿਆਦਾ ਬਣਦਾ ਹੈ। ਖੀਰਾ-ਤਰ ਚਮੜੀ ਲਈ ਉੱਤਮ ਮੰਨੇ ਗਏ ਹਨ। ਇਸ ਦਾ ਸੇਵਨ ਕੱਚਾ ਖਾ ਕੇ ਵੀ ਕੀਤਾ ਜਾ ਸਕਦਾ ਹੈ ਅਤੇ ਰਸ ਪੀ ਕੇ ਵੀ।
ਬੰਦਗੋਭੀ ਦਾ ਰਸ : ਬੰਦਗੋਭੀ ਦਾ ਰਸ ਭਾਰ ਘੱਟ ਕਰਨ ਵਿਚ ਸਹਾਇਕ ਹੁੰਦਾ ਹੈ। ਖੂਨ ਨੂੰ ਸ਼ੁੱਧ ਕਰਨ ਅਤੇ ਮਾਸਪੇਸ਼ੀਆਂ ਦੇ ਨਿਰਮਾਣ ਵਿਚ ਵੀ ਬੰਦਗੋਭੀ ਦਾ ਰਸ ਸਹਾਇਕ ਹੁੰਦਾ ਹੈ। ਇਸ ਵਿਚ ਵਿਟਾਮਿਨ 'ਸੀ' ਕਾਫੀ ਮਾਤਰਾ ਵਿਚ ਹੁੰਦਾ ਹੈ। ਇਸ ਦਾ ਰਸ ਮਸੂੜਿਆਂ ਦੀ ਬਿਮਾਰੀ ਵਿਚ ਵੀ ਲਾਭ ਪਹੁੰਚਾਉਂਦਾ ਹੈ।
ਰਸ ਪੀਣ ਤੋਂ ਪਹਿਲਾਂ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ। ਰਸ ਤਾਜ਼ਾ ਕੱਢ ਕੇ ਉਸੇ ਸਮੇਂ ਪੀਣਾ ਚਾਹੀਦਾ ਹੈ। ਕੱਢ ਕੇ ਰੱਖਿਆ ਹੋਇਆ ਰਸ ਨਾ ਪੀਓ। ਰਸ ਕੱਢਣ ਤੋਂ ਪਹਿਲਾਂ ਭਾਂਡੇ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰ ਲਓ। ਰਸ ਕੱਢਣ ਵਾਲੀਆਂ ਸਬਜ਼ੀਆਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਨਮਕ ਵਾਲੇ ਪਾਣੀ ਵਿਚ ਇਕ ਘੰਟੇ ਤੱਕ ਭਿਉਂ ਦਿਓ, ਤਾਂ ਕਿ ਜੇ ਉਨ੍ਹਾਂ ਵਿਚ ਕੀੜੇ ਹੋਣ ਤਾਂ ਮਰ ਜਾਣ। ਧਿਆਨ ਰੱਖੋ, ਸਬਜ਼ੀਆਂ ਤਾਜ਼ੀਆਂ ਅਤੇ ਸਾਫ਼-ਸੁਥਰੀਆਂ ਹੋਣ। ਗਲੀਆਂ-ਸੜੀਆਂ ਸਬਜ਼ੀਆਂ ਦਾ ਰਸ ਲਾਭ ਦੀ ਬਜਾਏ ਨੁਕਸਾਨ ਪਹੁੰਚਾਉਂਦਾ ਹੈ।

ਸਿਹਤ ਖ਼ਬਰਨਾਮਾ

ਪੈਦਲ ਚੱਲਣਾ ਸਭ ਤੋਂ ਚੰਗਾ

ਸਿਹਤ ਪ੍ਰਤੀ ਜਾਗਰੂਕ ਲੋਕ ਪੈਦਲ ਚੱਲਣ ਨੂੰ ਸਭ ਤੋਂ ਜ਼ਿਆਦਾ ਪਹਿਲ ਦਿੰਦੇ ਹਨ। ਕੁਝ ਇਕ ਵੇਲੇ ਅਤੇ ਕੁਝ ਦੋਵੇਂ ਵੇਲੇ ਪੈਦਲ ਚੱਲਣ ਲਈ ਸਮਾਂ ਕੱਢਦੇ ਹਨ। ਪੈਦਲ ਚੱਲਣਾ ਸਰੀਰਕ ਗਤੀਸ਼ੀਲਤਾ ਲਈ ਕਸਰਤ ਦੀ ਇਕ ਅਜਿਹੀ ਕਿਸਮ ਹੈ, ਜੋ ਸਭ ਨੂੰ ਭਾਉਂਦੀ ਹੈ। ਇਸ ਨਾਲ ਜਿਮ ਜਾਣ ਅਤੇ ਪਸੀਨੇ ਵਹਾਉਣ ਵਰਗੇ ਕੰਮ ਨਹੀਂ ਕਰਨੇ ਪੈਂਦੇ।
ਪੈਦਲ ਚੱਲਣ ਨੂੰ ਮਹੱਤਵ ਦੇਣ ਵਾਲੇ ਜਦੋਂ ਮਨ ਕਰਦਾ ਹੈ, ਪੈਦਲ ਨਿਕਲ ਪੈਂਦੇ ਹਨ। ਇਸ ਨਾਲ ਸਰੀਰਕ ਗਤੀ ਤੋਂ ਇਲਾਵਾ ਊਰਜਾ ਦੀ ਖਪਤ ਹੁੰਦੀ ਹੈ। ਭਾਰ ਅਤੇ ਮੋਟਾਪਾ ਘੱਟ ਹੁੰਦਾ ਹੈ। ਫੇਫੜੇ ਸਹੀ ਕੰਮ ਕਰਦੇ ਹਨ। ਖੂਨ ਸੰਚਾਰ ਸੁਧਰਦਾ ਹੈ। ਦਿਲ ਠੀਕ ਕੰਮ ਕਰਦਾ ਹੈ। ਖੂਨ ਦਾ ਦਬਾਅ, ਦਿਲ ਦੇ ਰੋਗ ਅਤੇ ਸ਼ੂਗਰ ਕਾਬੂ ਵਿਚ ਆਉਂਦੇ ਹਨ। ਪੈਦਲ ਘੁੰਮਣ ਦਾ ਕੰਮ ਘਰ-ਬਾਹਰ ਕਿਤੇ ਵੀ ਕੀਤਾ ਜਾ ਸਕਦਾ ਹੈ।
ਭਾਰਤੀਆਂ 'ਤੇ ਕੰਮ ਦਾ ਦਬਾਅ ਵਧਿਆ

ਭੌਤਿਕ ਸੁੱਖ ਸਾਧਨਾਂ ਦੀ ਇੱਛਾ ਅਤੇ ਮਹਿੰਗਾਈ ਦੇ ਕਾਰਨ ਭਾਰਤੀਆਂ 'ਤੇ ਕੰਮ ਦਾ ਬੋਝ ਵਧ ਗਿਆ ਹੈ। ਉਹ ਕੰਮ ਕਰਨ ਵਾਲੀਆਂ ਥਾਵਾਂ 'ਤੇ 6 ਤੋਂ 8 ਘੰਟੇ ਕੰਮ ਕਰਨ ਦੀ ਬਜਾਏ 11-11 ਘੰਟੇ ਕੰਮ ਕਰ ਰਹੇ ਹਨ। ਇਸ ਆਪਾਧਾਪੀ ਵਿਚ ਘਰ ਦੇ ਸਮੇਂ ਦਾ ਸੰਤੁਲਨ ਵਿਗੜ ਗਿਆ ਹੈ।
ਲੋਕ ਇਕੋ ਵੇਲੇ ਦੋ-ਦੋ ਥਾਵਾਂ 'ਤੇ ਵੀ ਕੰਮ ਕਰ ਰਹੇ ਹਨ। ਇਹ ਜਨ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ। ਇਕ ਆਰਥਿਕ ਸਰਵੇਖਣ ਮੁਤਾਬਿਕ ਕੰਮ ਦੀ ਇਸ ਬਹੁਤਾਤ ਦੇ ਕਾਰਨ ਅੱਗੇ ਚੱਲ ਕੇ ਕੰਮ ਕਰਨ ਵਾਲਿਆਂ ਦੀ ਸਿਹਤ ਗੜਬੜਾ ਸਕਦੀ ਹੈ, ਜਿਸ ਨਾਲ ਕੁਲ ਉਤਪਾਦਨ 'ਤੇ ਪ੍ਰਭਾਵ ਪੈ ਸਕਦਾ ਹੈ। ਇਹ ਵੈਸ਼ਵਿਕ ਫਰਮ ਰੇਗਸ ਦੀ ਸਰਵੇ ਰਿਪੋਰਟ ਵਿਚ ਕਿਹਾ ਗਿਆ ਹੈ।






Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX