ਤਾਜਾ ਖ਼ਬਰਾਂ


ਨਵੋਦਿਆ ਵਿਦਿਆਲਿਆ 'ਚ ਇਕਾਂਤਵਾਸ ਕੀਤੇ ਦੋ ਲੋਕਾਂ 'ਚ ਕੋਰੋਨਾ ਦੀ ਪੁਸ਼ਟੀ
. . .  17 minutes ago
ਸ਼ਾਹਕੋਟ, 14 ਜੁਲਾਈ (ਦਲਜੀਤ ਸਚਦੇਵਾ)- ਜਵਾਹਰ ਨਵੋਦਿਆ ਵਿਦਿਆਲਿਆ ਤਲਵੰਡੀ ਮਾਧੋ (ਸ਼ਾਹਕੋਟ) ਵਿਖੇ ਇਕਾਂਤਵਾਸ ਕੀਤੇ ਗਏ ਦੋ ਲੋਕਾਂ 'ਚ ਵੀ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ਹੋਈ ਹੈ। ਬੀ.ਈ.ਈ ਚੰਦਨ ਮਿਸ਼ਰਾ ਨੇ ਦੱਸਿਆ ਕਿ ਜਵਾਹਰ ਨਵੋਦਿਆ ਵਿਦਿਆਲਿਆ ਵਿਖੇ ਬੀਤੇ ਦਿਨੀਂ ਵਿਦੇਸ਼ ਤੋਂ ਆਏ ਲੋਕਾਂ ਦਾ ਕੋਰੋਨਾ ਟੈਸਟ...
8 ਕੋਰੋਨਾ ਪਾਜ਼ੀਟਿਵ ਕੇਸ ਆਉਣ ਕਾਰਨ ਦਹਿਲਿਆ ਰਾਜਪੁਰਾ ਸ਼ਹਿਰ
. . .  19 minutes ago
ਰਾਜਪੁਰਾ, 14 ਜੁਲਾਈ (ਰਣਜੀਤ ਸਿੰਘ) - ਰਾਜਪੁਰਾ ਸ਼ਹਿਰ ਵਿੱਚ ਅੱਜ 8ਹੋਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਪਟਿਆਲਾ ਡਾ. ਹਰੀਸ਼ ਮਲਹੋਤਰਾ ਨੇ ਦੱਸਿਆ ਕਿ ਗੁਰੂ ਨਾਨਕ ਕਲੋਨੀ ਵਿਚ 3, ਗੁਰੂ ਨਾਨਕ ਨਗਰ ਨਲਾਸ ਰੋਡ ਅਤੇ ਆਨੰਦ ਨਗਰ ਤੋਂ 2-2 ਅਤੇ ਇਕ ਹੋਰ...
ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੇ ਕਰਵਾਇਆ ਕੋਰੋਨਾ ਪਾਜ਼ੀਟਿਵ ਮਰੀਜ਼ ਦਾ ਅੰਤਿਮ ਸੰਸਕਾਰ
. . .  27 minutes ago
ਜਲਾਲਾਬਾਦ, 14 ਜੁਲਾਈ (ਕਰਨ ਚੁਚਰਾ) - ਵਿਧਾਨ ਸਭਾ ਹਲਕੇ ਜਲਾਲਾਬਾਦ ਅਧੀਨ ਪੈਂਦੇ ਪਿੰਡ ਰੱਤਾ ਖੇੜਾ ਦੇ 50 ਸਾਲਾ ਕੋਰੋਨਾ ਪਾਜ਼ੀਟਿਵ ਵਿਅਕਤੀ ਦੀ ਪਹਿਲੀ ਮੌਤ ਹੋਣ ਦਾ ਸਮਾਚਾਰ ਹੈ। ਮ੍ਰਿਤਕ ਦੀ ਲਾਸ਼ ਨੂੰ ਸਿਹਤ ਵਿਭਾਗ ਦੀ ਟੀਮ ਵੱਲੋਂ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਹਸਪਤਾਲ ਫ਼ਰੀਦਕੋਟ ਤੋਂ ਲਿਆਂਦਾ ਗਿਆ ਹੈ। ਜਲਾਲਾਬਾਦ...
ਡੀ.ਜੀ.ਪੀ ਦਿਨਕਰ ਗੁਪਤਾ ਵੱਲੋਂ ਕਾਨਫ਼ਰੰਸ ਦੌਰਾਨ ਖ਼ਾਲਿਸਤਾਨ ਐਲਾਨੇ ਨੌਜਵਾਨਾਂ ਦੇ ਮਾਮਲੇ ਚ ਨਵਾਂ ਮੋੜ
. . .  about 1 hour ago
ਸਮਾਣਾ, 14 ਜੁਲਾਈ ( ਹਰਵਿੰਦਰ ਸਿੰਘ ਟੋਨੀ) ਬੀਤੀ 30 ਜੂਨ ਨੂੰ ਡੀ.ਜੀ.ਪੀ ਦਿਨਕਰ ਗੁਪਤਾ ਵੱਲੋਂ ਪਟਿਆਲਾ ਵਿਖੇ ਕੀਤੀ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਯੂ.ਪੀ.ਏ ਤਹਿਤ ਗ੍ਰਿਫ਼ਤਾਰ ਤਿੰਨ ਨੌਜਵਾਨਾਂ ਦੇ ਮਾਮਲੇ 'ਚ ਉਸ ਵੇਲੇ ਨਵਾਂ ਮੋੜ ਆ ਗਿਆ ਜਦੋਂ ਪੁਲਿਸ ਵੱਲੋਂ ਇਨ੍ਹਾਂ ਚੋਂ ਇੱਕ ਨੌਜਵਾਨ ਜਸਪ੍ਰੀਤ ਸਿੰਘ ਨੂੰ ਪੁਖ਼ਤਾ ਸਬੂਤ ਨਾ ਮਿਲਣ ਕਾਰਨ ਮਾਣਯੋਗ ਅਦਾਲਤ...
ਪਠਾਨਕੋਟ ਦੇ 1 ਹੋਰ ਵਿਅਕਤੀ ਦੀ ਕੋਰੋਨਾ ਨਾਲ ਮੌਤ, ਇੱਕ ਹੋਰ ਪਾਜ਼ੀਟਿਵ
. . .  about 1 hour ago
ਪਠਾਨਕੋਟ, 14 ਜੁਲਾਈ (ਆਰ. ਸਿੰਘ) - ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਅੱਜ ਪਠਾਨਕੋਟ 'ਚ ਇੱਕ ਹੋਰ ਵਿਅਕਤੀ ਦੀ ਮੌਤ ਹੋ ਗਈ ਹੈ ਅਤੇ ਇਕ ਹੋਰ ਕੋਰੋਨਾ ਪਾਜ਼ੀਟਿਵ ਆਇਆ ਹੈ। ਇਸ ਦੀ ਪੁਸ਼ਟੀ ਸਿਵਲ ਸਰਜਨ ਪਠਾਨਕੋਟ ਡਾਕਟਰ ਭੁਪਿੰਦਰ ਸਿੰਘ ਨੇ ਕੀਤੀ। ਉਨ੍ਹਾਂ ਦੱਸਿਆ ਕਿ 1 ਕੋਰੋਨਾ ਪਾਜ਼ੀਟਿਵ ਦੀ ਮੌਤ ਪੀ ਜੀ ਆਈ ਚੰਡੀਗੜ੍ਹ ਵਿਖੇ ਹੋਈ ਹੈ ਜੋ ਜੇਰੇ ਇਲਾਜ...
ਦੁਕਾਨਦਾਰ ਦੀ ਅੰਨ੍ਹੇਵਾਹ ਗੋਲੀਆਂ ਮਾਰ ਕੇ ਹੱਤਿਆ
. . .  about 1 hour ago
ਮੋਗਾ, 14 ਜੁਲਾਈ (ਗੁਰਤੇਜ ਸਿੰਘ ਬੱਬੀ) - ਮੋਗਾ ਦੇ ਭੀੜ ਭਾੜ ਵਾਲੇ ਇਲਾਕੇ ਨਿਊ ਟਾਊਨ ਗਲੀ ਵਿਚ ਮੋਟਰਸਾਈਕਲ ਸਵਾਰ 2 ਨਕਾਬਪੋਸ਼ਾਂ ਨੇ ਦੁਕਾਨ ਅੰਦਰ ਵੜ ਕੇ ਦੁਕਾਨਦਾਰ ਨੂੰ ਅੰਨ੍ਹੇਵਾਹ ਗੋਲੀਆਂ ਮਾਰ ਕੇ ਜ਼ਖਮੀ ਕਰ ਦਿੱਤਾ। ਜ਼ਖਮੀ ਹਾਲਤ ਵਿਚ ਦੁਕਾਨਦਾਰ ਤਜਿੰਦਰ ਸਿੰਘ ਉਰਫ ਪਿੰਕਾ ਪੁੱਤਰ ਦਰਸ਼ਨ ਸਿੰਘ ਵਾਸੀ ਬਾਗ ਗਲੀ ਮੋਗਾ ਨੂੰ ਸਿਵਲ ਹਸਪਤਾਲ...
ਕਾਲੀ ਸੂਚੀ 'ਚ ਸ਼ਾਮਲ ਪਰਮਜੀਤ ਪੰਮਾ ਦੀ ਰਿਹਾਇਸ਼ 'ਚ ਐਨ.ਆਈ.ਏ ਵਲੋਂ ਲਈ ਗਈ ਤਲਾਸ਼ੀ
. . .  about 2 hours ago
ਐੱਸ.ਏ.ਐੱਸ ਨਗਰ, 12 ਜੁਲਾਈ (ਜਸਬੀਰ ਸਿੰਘ ਜੱਸੀ)- ਕੇਂਦਰ ਸਰਕਾਰ ਵੱਲੋਂ ਕਾਲੀ ਸੂਚੀ 'ਚ ਸ਼ਾਮਲ ਕੀਤੇ ਪਰਮਜੀਤ....
ਪਟਿਆਲਾ 'ਚ 78 ਹੋਰ ਵਿਅਕਤੀਆਂ ਨੂੰ ਹੋਇਆ ਕੋਰੋਨਾ
. . .  about 2 hours ago
ਪਟਿਆਲਾ, 14 ਜੁਲਾਈ (ਮਨਦੀਪ ਸਿੰਘ ਖਰੋੜ)- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ...
ਸ੍ਰੀ ਮੁਕਤਸਰ ਸਾਹਿਬ 'ਚ ਕੋਰੋਨਾ ਦੇ 4 ਹੋਰ ਮਰੀਜ਼ਾਂ ਦੀ ਪੁਸ਼ਟੀ
. . .  about 2 hours ago
ਸ੍ਰੀ ਮੁਕਤਸਰ ਸਾਹਿਬ, 14 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)- ਸ੍ਰੀ ਮੁਕਤਸਰ ਸਾਹਿਬ ਜ਼ਿਲ੍ਹੇ ਵਿਚ 4 ਹੋਰ ਕੋਰੋਨਾ ਮਰੀਜ਼ਾਂ...
ਕਪੂਰਥਲਾ 'ਚ ਕੋਰੋਨਾ ਦੇ ਦੋ ਨਵੇਂ ਮਾਮਲੇ ਆਏ ਸਾਹਮਣੇ
. . .  about 2 hours ago
ਕਪੂਰਥਲਾ, 14 ਜੁਲਾਈ (ਅਮਰਜੀਤ ਸਿੰਘ ਸਡਾਨਾ)- ਕਪੂਰਥਲਾ ਜ਼ਿਲ੍ਹੇ 'ਚ ਅੱਜ ਦੋ ਕੋਰੋਨਾ ਪਾਜ਼ੀਟਿਵ ਦੇ ਕੇਸ ...
ਦੂਸਰੇ ਟੈਸਟ 'ਚ ਕੈਬਨਿਟ ਮੰਤਰੀ ਤ੍ਰਿਪਤ ਰਾਜਿੰਦਰ ਸਿੰਘ ਬਾਜਵਾ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 2 hours ago
ਜਲੰਧਰ, 14 ਜੁਲਾਈ (ਪਵਨ)- ਦੁਨੀਆ ਭਰ 'ਚ ਕੋਰੋਨਾ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਇਸ ਦੇ ਚੱਲਦਿਆਂ ਪੰਜਾਬ ਦੇ...
ਲੁਧਿਆਣਾ 'ਚ ਕੋਰੋਨਾ ਦੇ 106 ਮਾਮਲੇ ਆਏ ਸਾਹਮਣੇ, 5 ਮੌਤਾਂ
. . .  about 3 hours ago
ਲੁਧਿਆਣਾ, 14 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਮਿਲੀ ਜਾਣਕਾਰੀ ਅਨੁਸਾਰ ਲੁਧਿਆਣਾ ਵਿਚ ਅੱਜ ਕੋਰੋਨਾ ਤੋਂ ਪ੍ਰਭਾਵਿਤ ...
ਨਵਾਂਸ਼ਹਿਰ 'ਚ 4 ਔਰਤਾਂ ਸਮੇਤ 9 ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 3 hours ago
ਨਵਾਂਸ਼ਹਿਰ, 14 ਜੁਲਾਈ (ਗੁਰਬਖ਼ਸ਼ ਸਿੰਘ ਮਹੇ)- ਨਵਾਂਸ਼ਹਿਰ ਦੇ ਵੱਖ-ਵੱਖ ਮੁਹੱਲਿਆਂ 'ਚ ਵੀ ਹੁਣ ਕੋਰੋਨਾ ਵਾਇਰਸ ਨੇ ਲੋਕਾਂ ਨੂੰ ਜਕੜਨਾ ਸ਼ੁਰੂ ਕਰ ਦਿੱਤਾ....
ਹੁਸ਼ਿਆਰਪੁਰ ਨਾਲ ਸਬੰਧਿਤ ਨਿਆਇਕ ਅਧਿਕਾਰੀ ਕੋਰੋਨਾ ਪਾਜ਼ੀਟਿਵ
. . .  about 3 hours ago
ਹੁਸ਼ਿਆਰਪੁਰ, 14 ਜੁਲਾਈ (ਬਲਜਿੰਦਰਪਾਲ ਸਿੰਘ)- ਹੁਸ਼ਿਆਰਪੁਰ ਸ਼ਹਿਰ ਨਾਲ ਸਬੰਧਿਤ ਇੱਕ ਨਿਆਇਕ ਅਧਿਕਾਰੀ...
ਪੰਜਾਬ ਪੁਲਿਸ ਦੇ ਮੁਲਾਜ਼ਮ ਸਮੇਤ ਫ਼ਾਜ਼ਿਲਕਾ 'ਚ ਕੋਰੋਨਾ ਦੇ ਦੋ ਨਵੇਂ ਮਾਮਲੇ ਆਏ ਸਾਹਮਣੇ
. . .  about 2 hours ago
ਮੰਡੀ ਅਰਨੀਵਾਲਾ/ਫ਼ਾਜ਼ਿਲਕਾ ,14 ਜੁਲਾਈ (ਨਿਸ਼ਾਨ ਸਿੰਘ ਸੰਧੂ/ਪ੍ਰਦੀਪ ਕੁਮਾਰ)- ਫ਼ਾਜ਼ਿਲਕਾ ਜ਼ਿਲ੍ਹੇ ਵਿਚ ਪੰਜਾਬ ..
ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਮਹੇਸ਼ਇੰਦਰ ਗਰੇਵਾਲ ਨੇ ਰੰਧਾਵਾ 'ਤੇ ਸਾਧਿਆ ਨਿਸ਼ਾਨਾ
. . .  about 3 hours ago
ਚੰਡੀਗੜ੍ਹ, 14 ਜੁਲਾਈ (ਸੁਰਿੰਦਰਪਾਲ)- ਅਕਾਲੀ ਦਲ ਦੇ ਨੇਤਾ ਮਹੇਸ਼ ਇੰਦਰ ਗਰੇਵਾਲ ਨੇ ਕਿਹਾ ਕਿ ਹੁਣ ਡੇਰੇ ਦੀ ਸਥਿਤੀ...
ਜਲੰਧਰ 'ਚ ਆਏ 63 ਕੋਰੋਨਾ ਮਰੀਜ਼ਾਂ 'ਚੋਂ 7 ਸ਼ਾਹਕੋਟ ਨਾਲ ਹਨ ਸਬੰਧਿਤ
. . .  about 3 hours ago
ਸ਼ਾਹਕੋਟ, 14 ਜੁਲਾਈ (ਦਲਜੀਤ ਸਚਦੇਵਾ)- ਸ਼ਾਹਕੋਟ ਇਲਾਕੇ 'ਚ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਗਿਣਤੀ...
ਕੋਰੋਨਾ ਦੇ ਚੱਲਦਿਆਂ ਸ਼੍ਰੋਮਣੀ ਅਕਾਲੀ ਦਲ ਦੀਆਂ ਬੈਠਕਾਂ ਅਗਲੇ 15 ਦਿਨਾਂ ਲਈ ਮੁਲਤਵੀ
. . .  about 3 hours ago
ਚੰਡੀਗੜ੍ਹ, 14 ਜੁਲਾਈ (ਅ.ਬ)- ਸ਼੍ਰੋਮਣੀ ਅਕਾਲੀ ਦਲ ਨੇ ਕੋਰੋਨਾ ਮਹਾਂਮਾਰੀ ਨੂੰ ਧਿਆਨ 'ਚ ਰੱਖਦਿਆਂ ਪਾਰਟੀਆਂ ਦੀਆਂ...
ਜ਼ਮੀਨੀ ਵਿਵਾਦ ਨੂੰ ਲੈ ਕੇ ਚੱਲੀ ਗੋਲੀ 'ਚ ਦੋ ਜ਼ਖਮੀ
. . .  about 4 hours ago
ਗੁਰੂਹਰਸਹਾਏ, 14 ਜੁਲਾਈ (ਹਰਚਰਨ ਸਿੰਘ ਸੰਧੂ)- ਹਲਕਾ ਗੁਰੂਹਰਸਹਾਏ ਦੇ ਪਿੰਡ ਚੱਕ ਪੰਜੇ ਕੇ ਵਿਖੇ ਪੁਰਾਣੇ ਜ਼ਮੀਨੀ...
ਕੋਰੋਨਾ ਕਾਰਨ ਲੁਧਿਆਣਾ 'ਚ ਇੱਕ ਹੋਰ ਮਰੀਜ਼ ਦੀ ਮੌਤ
. . .  about 4 hours ago
ਲੁਧਿਆਣਾ, 14 ਜੁਲਾਈ (ਸਿਹਤ ਪ੍ਰਤੀਨਿਧੀ)- ਲੁਧਿਆਣਾ 'ਚ ਕੋਰੋਨਾ ਵਾਇਰਸ ਤੋਂ ਪੀੜਤ ਇੱਕ ਹੋਰ ਮਰੀਜ਼ ਦੀ ਮੌਤ ਹੋ ਗਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਉਕਤ ਮਰੀਜ਼ ਨੂੰ ਸਿਵਲ ਹਸਪਤਾਲ...
ਡੇਰਾ ਸੱਚਾ ਸੌਦਾ ਅਤੇ ਕਾਂਗਰਸ ਵਲੋਂ ਅਕਾਲੀ ਦਲ 'ਤੇ ਲਾਏ ਗਏ ਦੋਸ਼ ਬੇਬੁਨਿਆਦ- ਬਲਵਿੰਦਰ ਭੂੰਦੜ
. . .  about 4 hours ago
ਚੰਡੀਗੜ੍ਹ, 14 ਜੁਲਾਈ (ਸੁਰਿੰਦਰਪਾਲ ਸਿੰਘ)- ਅਕਾਲੀ ਦਲ ਦੇ ਨੇਤਾ ਬਲਵਿੰਦਰ ਸਿੰਘ ਭੂੰਦੜ ਨੇ ਅੱਜ ਕਿਹਾ ਹੈ ਕਿ ਬੀਤੇ ਦਿਨ ਡੇਰਾ ਸੱਚਾ ਸੌਦਾ ਅਤੇ ਅੱਜ ਕਾਂਗਰਸ ਨੇਤਾ ਸੁਨੀਲ ਜਾਖੜ ਨੇ ਪ੍ਰੈੱਸ ਕਾਨਫ਼ਰੰਸ...
ਜੰਮੂ-ਕਸ਼ਮੀਰ ਭਾਜਪਾ ਪ੍ਰਧਾਨ ਨੂੰ ਹੋਇਆ ਕੋਰੋਨਾ, ਕੇਂਦਰੀ ਮੰਤਰੀ ਜਤਿੰਦਰ ਸਿੰਘ ਨੇ ਖ਼ੁਦ ਨੂੰ ਕੀਤਾ ਇਕਾਂਤਵਾਸ
. . .  about 4 hours ago
ਨਵੀਂ ਦਿੱਲੀ, 14 ਜੁਲਾਈ- ਜੰਮੂ-ਕਸ਼ਮੀਰ ਦੇ ਭਾਜਪਾ ਪ੍ਰਧਾਨ ਰਵਿੰਦਰ ਰੈਨਾ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ। ਉਨ੍ਹਾਂ ਨੇ ਟਵੀਟ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ। ਜਾਣਕਾਰੀ ਮੁਤਾਬਕ ਉਨ੍ਹਾਂ ਨੂੰ ਕਟੜਾ...
ਹੁਸ਼ਿਆਰਪੁਰ 'ਚ ਕੋਰੋਨਾ ਦੇ ਦੋ ਹੋਰ ਮਾਮਲੇ ਆਏ ਸਾਹਮਣੇ
. . .  about 4 hours ago
ਹੁਸ਼ਿਆਰਪੁਰ, 14 ਜੁਲਾਈ (ਬਲਜਿੰਦਰਪਾਲ ਸਿੰਘ)- ਜ਼ਿਲ੍ਹੇ 'ਚ ਦੋ ਹੋਰ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਪਾਜ਼ੀਟਿਵ ਮਰੀਜ਼ਾਂ ਦੀ ਕੁੱਲ ਗਿਣਤੀ 209 ਹੋ ਗਈ ਹੈ। ਇਸ ਸੰਬੰਧੀ...
ਅੰਮ੍ਰਿਤਸਰ 'ਚ ਕੋਰੋਨਾ ਦੇ 15 ਨਵੇਂ ਮਾਮਲੇ ਆਏ ਸਾਹਮਣੇ, ਇੱਕ ਮਰੀਜ਼ ਦੀ ਮੌਤ
. . .  about 5 hours ago
ਅੰਮ੍ਰਿਤਸਰ, 14 ਜੁਲਾਈ (ਰੇਸ਼ਮ ਸਿੰਘ)- ਅੰਮ੍ਰਿਤਸਰ 'ਚ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਗਿਣਤੀ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਅੱਜ ਜ਼ਿਲ੍ਹੇ 'ਚ 15 ਹੋਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ...
ਅਕਾਲ ਤਖ਼ਤ ਦੇ ਜਥੇਦਾਰ ਨੇ 267 ਪਾਵਨ ਸਰੂਪ ਘੱਟ ਹੋਣ ਦੇ ਮਾਮਲੇ ਸੰਬੰਧੀ ਰਿਕਾਰਡ ਸੀਲ ਕਰਵਾਇਆ
. . .  about 5 hours ago
ਅੰਮ੍ਰਿਤਸਰ, 14 ਜੁਲਾਈ ( ਜਸਵੰਤ ਸਿੰਘ ਜੱਸ, ਰਾਜੇਸ਼ ਕੁਮਾਰ ਸੰਧੂ)- ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪਬਲੀਕੇਸ਼ਨ ਵਿਭਾਗ 'ਚੋਂ 267 ਪਾਵਨ ਸਰੂਪ ਘੱਟ ਪਾਏ ਜਾਣ ਦੇ ਮਾਮਲੇ ਦੀ ਜਾਂਚ ਸ਼੍ਰੋਮਣੀ ਕਮੇਟੀ...
ਹੋਰ ਖ਼ਬਰਾਂ..

ਖੇਡ ਜਗਤ

ਆਇਆ ਵਿਅਕਤੀਗਤ ਖੇਡਾਂ ਦਾ ਜ਼ਮਾਨਾ

ਕੋਵਿਡ-19 ਮਹਾਂਮਾਰੀ ਨੇ ਮਨੁੱਖੀ ਜੀਵਨ ਦੀ ਹਰ ਸਰਗਰਮੀ ਦਾ ਸਰੂਪ ਬਦਲ ਦਿੱਤਾ ਹੈ। ਇਸੇ ਤਹਿਤ ਹੀ ਖੇਡ ਸਰਗਰਮੀਆਂ ਵੀ ਲਗਪਗ ਠੱਪ ਹੀ ਹੋ ਗਈਆਂ ਹਨ। ਇਕ ਵਾਰ ਤਾਂ ਤਾਲਾਬੰਦੀ ਕਾਰਨ ਬਿਲਕੁਲ ਹੀ ਖੇਡ ਮੈਦਾਨ ਸੁੰਨੇ ਹੋ ਗਏ ਸਨ ਪਰ ਸੋਸ਼ਲ ਡਿਸਟੈਂਸ ਨੂੰ ਧਿਆਨ 'ਚ ਰੱਖ ਕੇ ਕੁਝ ਖੇਡ ਸਰਗਰਮੀਆਂ ਹੌਲੀ-ਹੌਲੀ ਸ਼ੁਰੂ ਹੋ ਰਹੀਆਂ ਹਨ। ਟੀਮਾਂ ਵਾਲੀਆਂ ਖੇਡਾਂ ਤੋਂ ਇਲਾਵਾ ਸਰੀਰਕ ਸੰਪਰਕ ਵਾਲੀਆਂ ਖੇਡਾਂ ਨਾਲ ਸਬੰਧਿਤ ਸਰਗਰਮੀਆਂ ਤਾਂ ਬਿਲਕੁਲ ਹੀ ਬੰਦ ਹੋ ਗਈਆਂ ਹਨ। ਜਿਸ ਤਰ੍ਹਾਂ ਦੇ ਦੁਨੀਆ ਭਰ 'ਚ ਹਾਲਾਤ ਚੱਲ ਰਹੇ ਹਨ, ਉਸ ਤੋਂ ਜਾਪਦਾ ਹੈ ਕਿ ਖੇਡ ਸਰਗਰਮੀਆਂ ਸ਼ੁਰੂ ਹੋਣ 'ਚ ਅਜੇ ਕਾਫੀ ਵਕਤ ਲੱਗੇਗਾ।
ਕੋਰੋਨਾ ਵਾਇਰਸ ਤੋਂ ਬਚਾਅ ਨੂੰ ਧਿਆਨ 'ਚ ਰੱਖਦੇ ਹੋਏ ਦੁਨੀਆ ਭਰ ਦੇ ਖੇਡ ਮੈਦਾਨ ਖਾਲੀ ਪਏ ਹਨ ਅਤੇ ਕੁਝ ਦੇਸ਼ਾਂ 'ਚ ਤਾਂ ਖੇਡ ਸਟੇਡੀਅਮਾਂ ਨੂੰ ਇਕਾਂਤਵਾਸ ਕੇਂਦਰ ਵੀ ਬਣਾਇਆ ਗਿਆ ਹੈ। ਸਾਡੇ ਦੇਸ਼ 'ਚ ਵੀ ਭਾਵੇਂ ਕੁਝ ਵਿਅਕਤੀਗਤ ਖੇਡਾਂ ਦੇ ਨੇਤਾ ਜੀ ਸੁਭਾਸ਼ ਨੈਸ਼ਨਲ ਇੰਸਟੀਚਿਊਟ ਆਫ ਸਪੋਰਟਸ (ਐਨ.ਆਈ.ਐਸ.) ਪਟਿਆਲਾ ਵਿਖੇ ਕੌਮੀ ਸਿਖਲਾਈ ਕੈਂਪ ਪਿਛਲੇ ਮਹੀਨੇ ਸ਼ੁਰੂ ਹੋ ਗਏ ਸਨ ਪਰ ਜ਼ਿਆਦਾਤਰ ਖੇਡ ਸਰਗਰਮੀਆਂ ਅਜੇ ਬੰਦ ਹੀ ਹਨ। ਦੇਖਿਆ ਜਾਵੇ ਤਾਂ ਕੁਝ ਵਿਅਕਤੀਗਤ ਖੇਡਾਂ ਦੀਆਂ ਸਰਗਰਮੀਆਂ ਛੇਤੀ ਸ਼ੁਰੂ ਹੋਣ ਦੇ ਆਸਾਰ ਬਣਦੇ ਨਜ਼ਰ ਆ ਰਹੇ ਹਨ। ਜਿਨ੍ਹਾਂ 'ਚ ਬੈਡਮਿੰਟਨ, ਟੇਬਲ ਟੈਨਿਸ, ਟੈਨਿਸ, ਭਾਰ ਤੋਲਣ, ਤੀਰਅੰਦਾਜ਼ੀ, ਯੋਗਾ, ਨਿਸ਼ਾਨੇਬਾਜ਼ੀ, ਅਥਲੈਟਿਕਸ (ਗੋਲਾ, ਡਿਸਕਸ, ਹੈਮਰ ਸੁੱਟਣਾ, ਉੱਚੀ, ਲੰਬੀ ਤੇ ਤੀਹਰੀ ਛਾਲ) ਵਰਗੇ ਮੁਕਾਬਲੇ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਟੀਮ ਮੁਕਾਬਲੇ ਵਾਲੀਆਂ ਜਾਂ ਸਰੀਰਕ ਸੰਪਰਕ ਵਾਲੀਆਂ ਖੇਡਾਂ (ਕੁਸ਼ਤੀ, ਕਬੱਡੀ, ਜੂਡੋ, ਮੁੱਕੇਬਾਜ਼ੀ ਤੇ ਤਾਇਕਵਾਂਡੋ ਆਦਿ) ਦੇ ਦੀਆਂ ਸਰਗਰਮੀਆਂ ਦੇ ਸ਼ੁਰੂ ਹੋਣ ਬਾਰੇ ਅਜੇ ਭਵਿੱਖਬਾਣੀ ਕਰਨੀ ਔਖੀ ਹੈ। ਅਜੋਕੇ ਹਾਲਾਤਾਂ 'ਚ ਜ਼ਿਆਦਾਤਰ ਖਿਡਾਰੀ ਮੁਕਾਬਲੇਬਾਜ਼ੀ ਤੋਂ ਦੂਰ ਹਨ ਅਤੇ ਆਪਣੇ ਘਰਾਂ 'ਚ ਹੀ ਵਰਜਿਸ਼ ਕਰ ਰਹੇ ਹਨ। ਸਰੀਰ ਨੂੰ ਫਿੱਟ ਰੱਖਣ ਲਈ ਬਹੁਤ ਸਾਰੇ ਖਿਡਾਰੀ ਭਾਵੇਂ ਆਪਣੇ ਪਿੰਡਾਂ-ਸ਼ਹਿਰਾਂ ਦੇ ਖੇਡ ਮੈਦਾਨਾਂ ਜਾਂ ਪਾਰਕਾਂ 'ਚ ਵਰਜਿਸ਼ ਕਰਦੇ ਤਾਂ ਨਜ਼ਰ ਆਉਂਦੇ ਹਨ ਪਰ ਅਜੇ ਮੁਕਾਬਲੇਬਾਜ਼ੀ ਰਾਹੀਂ ਕੀਤੇ ਜਾਣ ਵਾਲੇ ਅਭਿਆਸ ਦੇ ਨਜ਼ਾਰੇ ਕਿਧਰੇ ਵੀ ਦੇਖਣ ਨੂੰ ਨਹੀਂ ਮਿਲ ਰਹੇ। ਇਸ ਸੰਕਟਮਈ ਦੌਰ ਨੇ ਜਿੱਥੇ ਬਹੁਤ ਸਾਰੀਆਂ ਖੇਡਾਂ ਨਾਲ ਸਬੰਧਿਤ ਖਿਡਾਰੀਆਂ ਦੇ ਭਵਿੱਖ 'ਤੇ ਸਵਾਲੀਆ ਨਿਸ਼ਾਨ ਲਗਾ ਦਿੱਤੇ ਹਨ, ਉੱਥੇ ਇਨ੍ਹਾਂ ਖੇਡਾਂ ਨਾਲ ਜੁੜੇ ਕੋਚਾਂ ਜਾਂ ਸੰਸਥਾਵਾਂ 'ਤੇ ਵੀ ਆਰਥਿਕ ਸੰਕਟ ਦੇ ਬੱਦਲ ਮੰਡਰਾ ਰਹੇ ਹਨ। ਸਾਡੇ ਦੇਸ਼ 'ਚ ਵਿਅਕਤੀਗਤ ਖੇਡਾਂ ਨਾਲ ਸਬੰਧਿਤ ਸਰਗਰਮੀਆਂ ਨਾਲ ਖ਼ਾਸ ਤੌਰ 'ਤੇ ਬਹੁਤ ਸਾਰੇ ਕੋਚਾਂ/ਸੰਚਾਲਕਾਂ ਦਾ ਰੁਜ਼ਗਾਰ ਜੁੜਿਆ ਹੋਇਆ ਹੈ। ਬਹੁਤ ਸਾਰੇ ਹੋਣਹਾਰ ਨੌਜਵਾਨਾਂ ਨੇ ਵੱਖ-ਵੱਖ ਵਿਅਕਤੀਗਤ ਖੇਡਾਂ ਦੇ ਸਿਖਲਾਈ ਕੇਂਦਰ ਚਲਾਏ ਹੋਏ ਸਨ, ਜੋ ਕੋਰੋਨਾ ਸੰਕਟ ਦੀ ਲਪੇਟ 'ਚ ਆ ਗਏ ਹਨ। ਅਜੋਕੇ ਦੌਰ ਨੇ ਬਹੁਤ ਸਾਰੇ ਪ੍ਰਾਈਵੇਟ ਖੇਡ ਸਿਖਲਾਈ ਕੇਂਦਰਾਂ ਦੇ ਸੰਚਾਲਕ ਵਿਹਲੇ ਕਰ ਦਿੱਤੇ ਹਨ। ਖ਼ਾਸ ਤੌਰ 'ਤੇ ਵਿਅਕਤੀਗਤ ਖੇਡਾਂ ਬਹੁਤ ਸਾਰੇ ਕੋਚਾਂ ਲਈ ਰੋਜ਼ੀ-ਰੋਟੀ ਦਾ ਜ਼ਰੀਆ ਬਣੀਆਂ ਹੋਈਆਂ ਹਨ।
ਅੱਜਕਲ੍ਹ ਸੋਸ਼ਲ ਡਿਸਟੈਂਸ ਦੇ ਮੱਦੇਨਜ਼ਰ ਬਹੁਤ ਸਾਰੇ ਲੋਕ ਆਪੋ-ਆਪਣੇ ਘਰਾਂ ਜਾਂ ਨੇੜਲੀਆਂ ਖੁੱਲ੍ਹੀਆਂ ਥਾਵਾਂ 'ਤੇ ਵਿਅਕਤੀਗਤ ਖੇਡਾਂ ਖੇਡਦੇ ਨਜ਼ਰ ਆ ਰਹੇ ਹਨ। ਇਸ ਤਰ੍ਹਾਂ ਜਾਪਦਾ ਹੈ ਕਿ ਕੋਰੋਨਾ ਨੇ ਟੀਮਾਂ ਵਾਲੀਆਂ ਖੇਡਾਂ 'ਤੇ ਪਾਬੰਦੀ ਹੀ ਲਗਾ ਦਿੱਤੀ ਹੈ। ਹੁਣ ਦੇਖਣ ਵਾਲੀ ਗੱਲ ਇਹ ਹੈ ਕਿ ਸਰਕਾਰ ਵਿਅਕਤੀਗਤ ਖੇਡਾਂ ਨੂੰ ਖੇਡ ਮੈਦਾਨਾਂ 'ਚ ਖੇਡਣ ਦੀ ਆਗਿਆ ਕਦੋਂ ਦੇਵੇਗੀ। ਦੂਸਰੀ ਸਮੱਸਿਆ ਇਹ ਹੈ ਕਿ ਸਰਕਾਰ ਨੇ ਜੇਕਰ ਉਕਤ ਖੇਡਾਂ ਦੇ ਮੁਕਾਬਲਿਆਂ ਦੀ ਇਜਾਜ਼ਤ ਦੇ ਦਿੱਤੀ ਤਾਂ ਉਨ੍ਹਾਂ ਨੂੰ ਦੇਖਣ ਲਈ ਦਰਸ਼ਕਾਂ ਦੀ ਘਾਟ ਰੜਕੇਗੀ ਜਾਂ ਦਰਸ਼ਕਾਂ ਨੂੰ ਵੀ ਸੋਸ਼ਲ ਡਿਸਟੈਂਸ ਨਿਯਮਾਂ ਤਹਿਤ ਹੀ ਖੇਡ ਸਟੇਡੀਅਮਾਂ 'ਚ ਜਾਣ ਦੀ ਆਗਿਆ ਵੀ ਮਿਲ ਜਾਵੇਗੀ। ਸਮੁੱਚੇ ਰੂਪ 'ਚ ਨਜ਼ਰ ਮਾਰੀ ਜਾਵੇ ਤਾਂ ਕੋਰੋਨਾ ਸੰਕਟ ਨੇ ਬਹੁਤ ਸਾਰੇ ਖਿਡਾਰੀਆਂ ਦੇ ਭਵਿੱਖ 'ਤੇ ਸਵਾਲੀਆ ਨਿਸ਼ਾਨ ਲਗਾ ਦਿੱਤੇ ਹਨ। ਇਸ ਵੇਲੇ ਆਪਣੀ ਕਾਰਗੁਜ਼ਾਰੀ ਦੇ ਸਿਖਰ 'ਤੇ ਚੱਲ ਰਹੇ ਖਿਡਾਰੀਆਂ ਲਈ ਉਲੰਪਿਕ ਤੇ ਹੋਰ ਵਿਸ਼ਵ ਪੱਧਰੀ ਮੁਕਾਬਲਿਆਂ 'ਚ ਹਿੱਸਾ ਲੈਣ ਦੇ ਮੌਕੇ ਖੁੰਝ ਗਏ ਹਨ। ਖ਼ਾਸ ਤੌਰ 'ਤੇ ਭਾਰਤੀ ਖਿਡਾਰੀ ਅਜਿਹੇ ਮੁਕਾਬਲਿਆਂ 'ਚੋਂ ਤਗਮੇ ਜਿੱਤ ਕੇ, ਵਧੀਆ ਰੁਜ਼ਗਾਰ ਤੇ ਇਨਾਮਾਂ ਨਾਲ ਆਪਣਾ ਭਵਿੱਖ ਸੁਰੱਖਿਅਤ ਕਰ ਲੈਂਦੇ ਹਨ। ਸਭ ਨੂੰ ਉਡੀਕ ਹੈ ਕਿ ਮੁੜ ਕਦੋਂ ਖੇਡ ਮੈਦਾਨ ਭਰੇ ਨਜ਼ਰ ਆਉਣਗੇ।

-ਪਟਿਆਲਾ
ਮੋਬਾਈਲ : 97795-90575


ਖ਼ਬਰ ਸ਼ੇਅਰ ਕਰੋ

ਕੋਰੋਨਾ ਪੀੜਤਾਂ ਦੀ ਮਦਦ ਲਈ ਅੱਗੇ ਆਏ ਫੁੱਟਬਾਲਰ ਕ੍ਰਿਸਟਿਆਨੋ ਰੋਨਾਲਡੋ ਤੇ ਲਿਓਨੈਲ ਮੈਸੀ

ਕ੍ਰਿਸਟਿਆਨੋ ਰੋਨਾਲਡੋ ਦਾ। ਪੁਰਤਗਾਲ ਵਲੋਂ ਖੇਡਣ ਵਾਲੇ ਕ੍ਰਿਸਟਿਆਨੋ ਰੋਨਾਲਡੋ ਨੇ ਆਪਣੇ ਹੋਟਲ, ਹਸਪਤਾਲਾਂ ਵਿਚ ਬਦਲ ਦਿੱਤੇ। ਵਿਸ਼ਵ ਪ੍ਰਸਿੱਧ ਇਸ ਫੁੱਟਬਾਲਰ ਦੀ ਹੋਟਲਾਂ ਦੀ ਇਕ ਕੰਪਨੀ ਹੈ ਉਨ੍ਹਾਂ ਹਸਪਤਾਲਾਂ ਵਿਚ ਕੰਮ ਕਰਨ ਵਾਲੇ ਡਾਕਟਰ ਤੇ ਹੋਰ ਅਮਲੇ ਦੀ ਤਨਖਾਹ ਵੀ ਕ੍ਰਿਸਟਿਆਨੋ ਰੋਨਾਲਡੋ ਖੁਦ ਦੇਵੇਗਾ।
ਕੋਰੋਨਾ ਵਾਇਰਸ ਨਾਲ ਜੂਝ ਰਹੀ ਦੁਨੀਆ ਵਿਚ ਸਰਕਾਰ ਤੋਂ ਇਲਾਵਾ ਕੁਝ ਵੱਡੀਆਂ ਸੰਸਥਾਵਾਂ, ਫ਼ਿਲਮੀ ਸਿਤਾਰੇ, ਨੇਤਾਵਾਂ ਤੇ ਖਿਡਾਰੀਆਂ ਨੇ ਵੀ ਕੋਰੋਨਾ ਪੀੜਤਾਂ ਲਈ ਮਦਦ ਕੀਤੀ ਹੈ ਕੋਰੋਨਾ ਮਹਾਂਮਾਰੀ ਨਾਲ ਸਾਰੀ ਦੁਨੀਆ ਪ੍ਰਭਾਵਿਤ ਹੋਈ ਹੈ। ਖੇਡਾਂ ਵੀ ਇਸ ਤੋਂ ਨਹੀਂ ਬਚ ਸਕੀਆਂ। ਸਭ ਤੋਂ ਵੱਡੇ ਖੇਡ ਮੇਲੇ ਉਲੰਪਿਕ ਨੂੰ ਰੱਦ ਕਰਨਾ ਪਿਆ ਪਰ ਕੁਝ ਅਜਿਹੀਆਂ ਖੇਡ ਸ਼ਖ਼ਸੀਅਤ ਹਨ ਜਿਨ੍ਹਾਂ ਜਿੰਨਾ ਖੇਡਾਂ ਵਿਚ ਨਾਮਣਾ ਖੱਟਿਆ ਹੈ ਓਨੀ ਕੋਰੋਨਾ ਪੀੜਤਾਂ ਦੀ ਮਦਦ ਕੀਤੀ। ਮਦਦ ਕਰਨ ਵਾਲਿਆਂ ਵਿਚ ਦੋ ਵਿਸ਼ਵ ਪ੍ਰਸਿੱਧ ਫੁੱਟਬਾਲ ਖਿਡਾਰੀ ਸਭ ਤੋਂ ਅੱਗੇ ਰਹੇ। ਇਹ ਦੋ ਫੁੱਟਬਾਲ ਸਿਤਾਰੇ ਹਨ ਕ੍ਰਿਸਟਿਆਨੋ ਰੋਨਾਲਡੋ ਤੇ ਲਿਓਨੈਲ ਮੈਸੀ।
ਸਭ ਤੋਂ ਪਹਿਲਾਂ ਜ਼ਿਕਰ ਕਰਦੇ ਹਾਂ ਕ੍ਰਿਸਟਿਆਨੋ ਰੋਨਾਲਡੋ ਦਾ। ਪੁਰਤਗਾਲ ਵਲੋਂ ਖੇਡਣ ਵਾਲੇ ਕ੍ਰਿਸਟਿਆਨੋ ਰੋਨਾਲਡੋ ਨੇ ਆਪਣੇ ਹੋਟਲ, ਹਸਪਤਾਲਾਂ ਵਿਚ ਬਦਲ ਦਿੱਤੇ। ਵਿਸ਼ਵ ਪ੍ਰਸਿੱਧ ਇਸ ਫੁੱਟਬਾਲਰ ਦੀ ਹੋਟਲਾਂ ਦੀ ਇਕ ਕੰਪਨੀ ਹੈ ਉਨ੍ਹਾਂ ਹਸਪਤਾਲਾਂ ਵਿਚ ਕੰਮ ਕਰਨ ਵਾਲੇ ਡਾਕਟਰ ਤੇ ਹੋਰ ਅਮਲੇ ਦੀ ਤਨਖਾਹ ਵੀ ਕ੍ਰਿਸਟਿਆਨੋ ਰੋਨਾਲਡੋ ਖੁਦ ਦੇਵੇਗਾ। ਕ੍ਰਿਸਟਿਆਨੋ ਰੋਨਾਲਡੋ ਨੇ 10 ਲੱਖ ਯੂਰੋ (ਸਵਾ 8 ਕਰੋੜ ਰੁਪਏ) ਲਗਪਗ ਦਿੱਤੇ। ਅਰਜਨਟੀਨਾ ਦੇ ਸਟਾਰ ਫਾਰਵਰਡ ਲਿਓਨੈਲ ਮੈਸੀ ਨੇ ਵੀ ਬਾਰਸੀਲੋਨਾ ਦੇ ਇਕ ਹਸਪਤਾਲ ਨੂੰ 10 ਲੱਖ ਯੂਰੋ ਦਾਨ ਵਜੋਂ ਦਿੱਤੇ ਹਨ। ਕੋਵਿਡ-19 ਮਹਾਂਮਾਰੀ ਖਿਲਾਫ਼ ਚਲਾਈ ਜਾ ਰਹੀ ਮੁਹਿੰਮ ਵਿਚ ਹੋਰ ਕਈ ਖੇਡ ਸਿਤਾਰਿਆਂ ਨੇ ਮਦਦ ਕੀਤੀ। ਬਾਰਸੀਲੋਨਾ ਕਲੱਬ ਦੇ ਸਾਬਕਾ ਮੈਨੇਜਰ (ਪੇਪ ਗਾਡਰੀਯੋਲਾ) ਨੇ ਬਾਰਸੀਲੋਨਾ ਵਿਚ ਇਕ ਐਨ. ਜੀ. ਓ. ਨੂੰ 10 ਲੱਖ ਯੂਰੋ ਦਿੱਤੇ।
ਲਿਓਨੈਲ ਮੈਸੀ 24 ਜੂਨ, 1987 ਨੂੰ ਅਰਜਨਟੀਨਾ ਵਿਚ ਜਨਮਿਆ। ਮੈਸੀ ਕੋਈ ਬਹੁਤੀ ਜਾਣ-ਪਛਾਣ ਦਾ ਮੁਥਾਜ ਨਹੀਂ ਹੈ ਮੈਸੀ 2006 ਤੇ 2010 ਵਿਸ਼ਵ ਕੱਪ ਦੁਨੀਆ ਦੇ ਮਹਾਨ ਫੁੱਟਬਾਲਰ ਡਿਆਗੋ ਮਾਰਾਡੋਨਾ ਦੀ ਕੋਚਿੰਗ ਵਿਚ ਖੇਡਿਆ। (ਦਿ ਫੀਲੀਨਾ ) ਨਾਂਅ ਨਾਲ ਜਾਣੇ ਜਾਂਦੇ ਲਿਓਨੈਲ ਮੈਸੀ ਨੇ ਆਪਣੇ ਫੁੱਟਬਾਲ ਕਲੱਬ ਬਾਰਸੀਲੋਨਾ ਵਲੋਂ ਯਾਦਗਾਰੀ ਪ੍ਰਦਰਸ਼ਨ ਕੀਤੇ। ਬਾਰਸੀਲੋਨਾ ਕਲੱਬ ਵਲੋਂ ਮੈਸੀ ਨੇ ਦਿ ਕੋਪਾ, ਸਪੈਨਿਸ਼ ਲਾ ਲੀਗਾ, ਚੈਪੀਅਨਸ਼ਿਪ ਲੀਗ ਜਿਹੇ ਬਿਹਤਰੀਨ ਟੂਰਨਾਮੈਂਟ ਜਿੱਤਣ ਦਾ ਮਾਣ ਹਾਸਲ ਕੀਤਾ। 2005 ਵਿਚ ਅਰਜਨਟੀਨਾ ਵਲੋਂ ਅੰਡਰ-20 ਵਿਸ਼ਵ ਕੱਪ ਜਿੱਤਿਆ ਮੈਸੀ ਵੀ ਇਸ ਵਿਸ਼ਵ ਕੱਪ ਜੇਤੂ ਟੀਮ ਦਾ ਮੈਂਬਰ ਰਿਹਾ 2008 ਵਿਚ ਬੀਜਿੰਗ ਉਲੰਪਿਕ ਵਿਚ ਅਰਜਨਟੀਨਾ ਟੀਮ ਨੇ ਸੋਨ ਤਗਮਾ ਜਿੱਤਿਆ। 2014 ਵਿਸ਼ਵ ਕੱਪ ਵਿਚ ਮੈਸੀ ਦੀ ਕਪਤਾਨੀ ਵਿਚ ਅਰਜਨਟੀਨਾ ਨੇ ਚਾਂਦੀ ਦੇ ਤਗਮੇ ਉੱਪਰ ਕਬਜ਼ਾ ਕੀਤਾ। ਮੈਸੀ 6 ਵਾਰ ਫੀਫਾ ਪਲੇਅਰ ਆਫ ਦਾ ਈਅਰ ਰਿਹਾ। ਮੈਸੀ 2009, 2010 , 2011, 2012, 2015 ਤੇ 2019 ਵਿਚ ਪਲੇਅਰ ਆਫ ਦਾ ਈਅਰ ਐਲਾਨਿਆ ਗਿਆ। ਮੈਸੀ ਨੇ ਵੀ ਕੋਰੋਨਾ ਪੀੜਤਾਂ ਲਈ 10 ਲੱਖ ਯੂਰੋ ਦਾਨ ਵਜੋਂ ਦਿੱਤੇ ਹਨ।

ਮੋਬਾਈਲ : 97792-07572

ਕੌੜੀਆਂ ਤੇ ਮਿੱਠੀਆਂ ਯਾਦਾਂ ਖੇਡ ਕਰੀਅਰ ਦਾ ਅਟੁੱਟ ਹਿੱਸਾ

ਜੇ ਗਹੁ ਨਾਲ ਵਿਚਾਰਿਆ ਜਾਵੇ ਤਾਂ ਖਿਡਾਰੀਆਂ ਦਾ ਜੀਵਨ ਇਕ ਸੰਘਰਸ਼ ਤਪੱਸਿਆ, ਤਿਆਗ ਅਤੇ ਜੱਦੋ-ਜਹਿਦ ਦੀ ਇਕ ਲੰਮੀ ਕਹਾਣੀ ਹੋਇਆ ਕਰਦੀ ਹੈ। ਬੜਾ ਸਕੂਨ ਮਿਲਦਾ ਹੈ ਖਿਡਾਰੀਆਂ ਨੂੰ, ਜਦੋਂ ਉਨ੍ਹਾਂ ਦਾ ਖੇਡ ਕਰੀਅਰ ਸਫ਼ਲਤਾਪੂਰਵਕ ਪ੍ਰਵਾਨ ਚੜ੍ਹਦਾ ਹੈ, ਜਿੱਤਾਂ ਨਸੀਬ ਹੁੰਦੀਆਂ ਹਨ, ਇਨਾਮ ਤੇ ਸਨਮਾਨ ਮਿਲਦੇ ਨੇ, ਖੇਡ ਪ੍ਰੇਮੀਆਂ ਵਲੋਂ ਹੱਲਾਸ਼ੇਰੀ ਮਿਲਦੀ, ਪ੍ਰਸ਼ਾਸਨ, ਸਰਕਾਰ ਉਨ੍ਹਾਂ ਦੀ ਸ਼ਖ਼ਸੀਅਤ ਨੂੰ ਮਹਤੱਤਤਾ ਦਿੰਦੀ ਹੈ। ਬੜਾ ਦੁੱਖ ਮਿਲਦਾ ਹੈ ਜਦੋਂ ਖਿਡਾਰੀਆਂ ਨੂੰ ਖੇਡ ਕਰੀਅਰ ਦੌਰਾਨ ਉਨ੍ਹਾਂ ਨਾਲ ਹੋਈਆਂ ਬੇਇਨਸਾਫ਼ੀਆਂ ਯਾਦ ਆਉਂਦੀਆਂ ਹਨ। ਹਾਰ ਦਾ ਚੇਤਾ ਆਉਂਦਾ ਹੈ, ਉਹ ਪਲ ਯਾਦ ਆਉਂਦੇ ਨੇ ਜਦੋਂ ਉਹ ਜਿੱਤਦੇ ਜਿੱਤਦੇ ਹਾਰ ਜਾਂਦੇ ਹਨ, ਕਠਿਨ ਮਿਹਨਤ ਤੋਂ ਬਾਅਦ, ਚੰਗੀਆਂ ਪ੍ਰਾਪਤੀਆਂ ਦੇ ਬਾਵਜੂਦ ਜਦੋਂ ਉਨ੍ਹਾਂ ਨੂੰ ਨੌਕਰੀ ਨਹੀਂ ਮਿਲਦੀ, ਜਿਹੜੀਆਂ ਹਸਰਤਾਂ ਦਿਲ 'ਚ ਲੈ ਕੇ ਖੇਡ ਮੈਦਾਨ 'ਚ ਕੁੱਦੇ ਸਨ, ਜਦੋਂ ਉਹ ਪੂਰੀਆਂ ਨਹੀਂ ਹੁੰਦੀਆਂ ਤਾਂ ਇਹ ਸਭ ਕੁਝ ਉਨ੍ਹਾਂ ਦੀਆਂ ਕੌੜੀਆਂ ਯਾਦਾਂ 'ਚ ਸ਼ਾਮਿਲ ਹੋ ਜਾਂਦਾ ਹੈ।
ਪਰ ਹਕੀਕਤ ਇਹ ਹੈ ਕਿ ਕਿਸੇ ਵੀ ਖਿਡਾਰੀ ਦੀ ਜ਼ਿੰਦਗੀ 'ਚ ਕੌੜੀਆਂ ਤੇ ਮਿੱਠੀਆਂ ਯਾਦਾਂ ਦੋਵੇਂ ਹੀ ਹੁੰਦੀਆਂ ਹਨ, ਸਾਨੂੰ ਲਗਦਾ ਹੈ ਕਿ ਜਿਥੇ ਫੁੱਲ ਹੋਵੇਗਾ, ਉਥੇ ਕੰਡਾ ਹੋਣਾ ਹੀ ਹੋਣਾ। ਮੇਜਰ ਧਿਆਨ ਚੰਦ, ਮਿਲਖਾ ਸਿੰਘ, ਦਾਰਾ ਸਿੰਘ, ਪੀ. ਟੀ. ਊਸ਼ਾ, ਧਨਰਾਜ ਪਿੱਲੇ, ਪ੍ਰਗਟ ਸਿੰਘ ਵਰਗੇ ਬਹੁਚਰਚਿਤ ਅਤੇ ਅਨੁਭਵੀ ਖਿਡਾਰੀਆਂ ਦੀਆਂ ਜੀਵਨ ਕਹਾਣੀਆਂ ਵੀ ਕੌੜੀਆਂ ਤੇ ਮਿੱਠੀਆਂ ਯਾਦਾਂ ਵਿਚ ਹੀ ਘਿਰੀਆਂ ਰਹੀਆਂ। ਮਨੋਵਿਗਿਆਨਕ ਤੌਰ 'ਤੇ ਵੇਖਿਆ ਜਾਵੇ ਤਾਂ ਕਈ ਵਾਰ ਕੌੜੀਆਂ ਦੁਖਦਾਇਕ ਯਾਦਾਂ ਦਾ ਅਹਿਸਾਸ ਖਿਡਾਰੀ 'ਚ ਜੋਸ਼ ਅਤੇ ਜਜ਼ਬੇ ਦੀ ਚਿਣਗ ਨੂੰ ਚੁਆਤੀ ਵੀ ਲਾਉਂਦਾ ਹੈ। ਉਸ 'ਚ ਹੋਰ ਅੱਗੇ ਵਧਣ ਦੀ ਪ੍ਰੇਰਨਾ ਜਗਾਉਂਦਾ ਹੈ, ਜੇ ਉਹ ਖਿਡਾਰੀ ਹਿੰਮਤੀ ਹੈ, ਆਸ਼ਾਵਾਦੀ ਦ੍ਰਿਸ਼ਟੀਕੋਣ ਰੱਖਦਾ ਹੈ ਤਾਂ ਉਹ ਕੌੜੀਆਂ ਯਾਦਾਂ ਨੂੰ ਭਵਿੱਖ 'ਚ ਸੁਖਦਾਇਕ ਪਲਾਂ 'ਚ ਤਬਦੀਲ ਕਰਨ ਦੀ ਪੁਰਜ਼ੋਰ ਕੋਸ਼ਿਸ਼ ਕਰੇਗਾ। ਇਹ ਸੱਚ ਹੈ ਕਿ ਖਿਡਾਰੀਆਂ ਦੇ ਖੇਡ ਕਰੀਅਰ ਦਾ ਸਮਾਂ ਕੋਈ ਬਹੁਤਾ ਲੰਮਾ ਨਹੀਂ ਹੁੰਦਾ। ਕਿਸੇ ਵੱਡੀ ਮੰਜ਼ਿਲ ਨੂੰ ਪਾਉਣ ਲਈ ਹਮੇਸ਼ਾ ਹੀ ਉਤੇਜਿਤ ਬਣੇ ਰਹਿਣ ਦੀ ਲੋੜ ਹੁੰਦੀ ਹੈ। ਉਤੇਜਨਾ ਨਿਰਾਸ਼ ਨਹੀਂ ਹੋਣ ਦਿੰਦੀ, ਉਤੇਜਨਾ ਉਦਾਸ ਨਹੀਂ ਹੋਣ ਦਿੰਦੀ। ਅਸੀਂ ਕੁੱਲ ਮਿਲਾ ਕੇ ਕਹਿਣਾ ਇਹ ਚਾਹੁੰਦੇ ਹਾਂ ਕਿ ਖਿਡਾਰੀ ਆਪਣੇ ਦਿਲ ਦੇ ਮੌਸਮ ਨੂੰ ਸਦਾਬਹਾਰ ਰੱਖਣ। ਪੱਤਝੜ ਦੀਆਂ ਯਾਦਾਂ ਨੂੰ ਭਵਿੱਖ 'ਚ ਬਹਾਰ ਆਉਣ ਦੀ ਉਮੀਦ ਨਾਲ ਭੁਲਾਉਂਦੇ ਜਾਣਾ ਚਾਹੀਦਾ ਹੈ। ਕਠਿਨ ਪ੍ਰਸਥਿਤੀਆਂ ਮੁਸ਼ਕਿਲ ਹਾਲਾਤ, ਸਾਡੇ ਰਾਹ ਦੀ ਰੁਕਾਵਟ ਨਹੀਂ ਬਣਨੇ ਚਾਹੀਦੇ। ਇਕ ਮਿਸਾਲ ਹੈ ਕੋਰੋਨਾ ਵਾਇਰਸ ਨੇ ਸਾਡੇ ਖੇਡ ਜਗਤ ਅਤੇ ਖਿਡਾਰੀ ਵਰਗ ਦੇ ਹੁਸੀਨ ਸੁਪਨਿਆਂ ਨੂੰ ਚਕਨਾਚੂਰ ਕਰਨ ਦੀ ਜ਼ਿੱਦ ਹੀ ਫੜ ਲਈ ਹੈ, ਪਰ ਇਸ ਮਹਾਂਮਾਰੀ ਵਿਚ ਕਈ ਖਿਡਾਰੀ ਜੋ ਉਤਸ਼ਾਹੀ ਹਨ, ਹੌਸਲੇ ਵਾਲੇ ਹਨ, ਹਿੰਮਤ ਵਾਲੇ ਹਨ, ਇਸ ਕੁਦਰਤੀ ਕਰੋਪੀ ਵਿਚ ਵੀ ਆਪਣੇ ਦਿਲ ਦੇ ਮੌਸਮ ਨੂੰ ਉਦਾਸ ਨਹੀਂ ਹੋਣ ਦੇਣਗੇ। ਕੋਰੋਨਾ ਵਾਇਰਸ ਦੇ ਪ੍ਰਭਾਵ ਦੀਆਂ ਕੌੜੀਆਂ ਯਾਦਾਂ ਨੂੰ ਇਸ ਸਮੇਂ ਦੇ ਖਿਡਾਰੀ ਆਪਣੇ ਖੇਡ ਕਰੀਅਰ 'ਚੋਂ ਮਨਫ਼ੀ ਨਹੀਂ ਕਰ ਸਕਣਗੇ।
ਅਸੀਂ ਪਹਿਲਾਂ ਵੀ ਜ਼ਿਕਰ ਕੀਤਾ ਹੈ ਖਿਡਾਰੀ ਦੇ ਖੇਡ ਕਰੀਅਰ ਦਾ ਸਮਾਂ ਜ਼ਿਆਦਾ ਲੰਮਾ ਨਹੀਂ ਹੁੰਦਾ। ਕੋਰੋਨਾ ਕਰਕੇ ਇਕ-ਦੋ ਸਾਲ ਜੇ ਅਜਾਈਂ ਚਲੇ ਗਏ ਤਾਂ ਖਿਡਾਰੀਆਂ ਦੇ ਭਵਿੱਖ ਦਾ ਕੀ ਬਣੇਗਾ?
ਹਕੀਕਤ ਇਹ ਹੈ ਖੇਡ ਕਰੀਅਰ ਦੇ ਨਾਲ ਬਹੁਤ ਸਾਰੇ ਸੁਪਨੇ ਹੋਰ ਵੀ ਜੁੜੇ ਹੁੰਦੇ ਹਨ। ਪਰ ਕੁੱਲ ਦੁਨੀਆ ਵਿਚ ਅਜਿਹੇ ਖਿਡਾਰੀ ਵੀ ਜ਼ਰੂਰ ਹੋਣਗੇ, ਜੋ ਇਸ ਮਹਾਂਮਾਰੀ ਦੇ ਬਾਵਜੂਦ ਆਪਣੇ-ਆਪ ਨੂੰ ਕਦੇ ਮਾਯੂਸ ਨਹੀਂ ਹੋਣ ਦੇਣਗੇ। ਕਦੇ ਇਰਾਦਿਆਂ ਦੇ ਅੱਗੇ ਹਾਰ ਨਹੀਂ ਮੰਨਣਗੇ। ਉਨ੍ਹਾਂ ਨੂੰ ਪਤਾ ਹੈ ਕਿ ਆਪਣੇ-ਆਪ ਨੂੰ ਉਤਸ਼ਾਹਿਤ ਰੱਖਣਾ ਹੀ ਉਨ੍ਹਾਂ ਦੀ ਦਲੇਰੀ ਹੈ, ਹਿੰਮਤ ਹੈ ਤੇ ਕੋਰੋਨਾ ਵਰਗੀ ਕੌੜੀ ਯਾਦ ਉਨ੍ਹਾਂ ਦੇ ਵੱਸ ਦੀ ਗਲ ਨਹੀਂ। ਸਪੋਰਟਸਮੈਨਸ਼ਿਪ ਸਿਰਫ਼ ਖੇਡ ਮੈਦਾਨਾਂ 'ਚ ਨਹੀਂ ਸਗੋਂ ਖਿਡਾਰੀਆਂ ਦੀ ਜ਼ਿੰਦਗੀ ਵੀ ਇਸ ਜਜ਼ਬੇ ਨਾਲ ਭਰਪੂਰ ਹੋਣੀ ਚਾਹੀਦੀ ਹੈ।

-ਡੀ.ਏ.ਵੀ. ਕਾਲਜ, ਅੰਮ੍ਰਿਤਸਰ।
ਮੋਬਾਈਲ : 98155-35410.

ਇਕ ਹੱਥ ਤੋਂ ਅਪਾਹਜ ਪਰ ਦੇਸ਼ ਦਾ ਅੰਤਰਰਾਸ਼ਟਰੀ ਫੁੱਟਬਾਲਰ ਹੈ ਅਨਿਲ ਕੁਮਾਰ ਕੇਰਲਾ

ਅਨਿਲ ਕੁਮਾਰ ਕੇਰਲਾ ਦਾ ਜਨਮ 1 ਜਨਵਰੀ, 1979 ਨੂੰ ਕੇਰਲਾ ਵਿਖੇ ਹੋਇਆ ਅਤੇ ਜਦ ਉਸ ਦਾ ਜਨਮ ਹੋਇਆ ਤਾਂ ਸਾਰੇ ਪਰਿਵਾਰ ਨੂੰ ਮਣਾਂਮੂੰਹੀਂ ਚਾਅ ਚੜ੍ਹਿਆ ਪਰ ਜਨਮ ਵੇਲੇ ਜਦ ਪਰਿਵਾਰ ਨੇ ਵੇਖਿਆ ਕਿ ਉਸ ਦਾ ਖੱਬਾ ਹੱਥ ਬਿਲਕੁਲ ਪੂਰੀ ਤਰ੍ਹਾਂ ਸੁੰਗੜਿਆ ਹੋਇਆ ਸੀ ਤਾਂ ਪੂਰੇ ਦਾ ਪੂਰਾ ਪਰਿਵਾਰ ਇਕ ਵਾਰ ਉਦਾਸ ਹੋ ਗਿਆ ਪਰ ਇਸ ਦੇ ਬਾਵਜੂਦ ਵੀ ਪਰਿਵਾਰ ਨੇ ਅਨਿਲ ਕੁਮਾਰ ਦਾ ਚਾਅ ਨਾਲ ਪਾਲਣ ਪੋਸ਼ਣ ਸ਼ੁਰੂ ਕੀਤਾ ਅਤੇ ਉਸ ਨੂੰ ਗੋਪਾਲ ਕ੍ਰਿਸ਼ਨਾ ਸਕੂਲ ਵਿਚ ਪੜ੍ਹਨ ਲਾ ਦਿੱਤਾ ਗਿਆ ਅਤੇ ਅਨਿਲ ਕੁਮਾਰ ਸਕੂਲ ਵਿਚ ਇਕ ਹੱਥ ਵਾਲਾ ਕਰਕੇ ਜਾਣਿਆ ਜਾਣ ਲੱਗਾ। ਇਕ ਹੱਥ ਤੋਂ ਅਪਾਹਜ ਹੋਣ ਦੇ ਬਾਵਜੂਦ ਵੀ ਉਸ ਨੇ ਆਪਣਾ ਝੁਕਾਅ ਖੇਡਾਂ ਵੱਲ ਕਰ ਲਿਆ ਅਤੇ ਛੇਤੀ ਹੀ ਉਹ ਖੇਡਾਂ ਦੇ ਵਿਚ ਇਨਾਮ ਜਿੱਤਣ ਲੱਗਿਆ ਅਤੇ ਸਕੂਲ ਦਾ ਉਹ ਹਰਮਨ ਪਿਆਰਾ ਵਿਦਿਆਰਥੀ ਬਣਿਆ। ਪ੍ਰਾਇਮਰੀ ਵਿਚ ਪੜ੍ਹਨ ਤੋਂ ਬਾਅਦ ਉਸ ਨੇ ਸੈਂਟ ਜੌਸਫ ਹਾਈ ਸਕੂਲ ਵਿਚ ਦਾਖਲਾ ਲੈ ਲਿਆ ਅਤੇ ਉਥੇ ਵੀ ਉਸ ਨੇ ਆਪਣੀਆਂ ਖੇਡ ਸਰਗਰਮੀਆਂ ਨੂੰ ਜਾਰੀ ਰੱਖਿਆ ਅਤੇ ਬੈਡਮਿੰਟਨ, ਫੁੱਟਬਾਲ ਅਤੇ ਵਾਲੀਬਾਲ ਵਿਚ ਇਕੋ ਸਮੇਂ ਹਿੱਸਾ ਲੈਂਦਾ ਅਤੇ ਸਕੂਲ ਪੱਧਰ 'ਤੇ ਉਸ ਨੇ ਜ਼ਿਲ੍ਹਾ ਅਤੇ ਸਟੇਟ ਪੱਧਰ 'ਤੇ ਕਈ ਜਿਤਾਂ ਦਰਜ ਕਰ ਕੇ ਆਪਣਾ ਅਤੇ ਆਪਣੇ ਸਕੂਲ ਦਾ ਨਾਂਅ ਰੌਸ਼ਨ ਕੀਤਾ। ਕਾਲਜ ਵਿਚ ਦਾਖਲਾ ਲਿਆ ਤਾਂ ਉਥੇ ਕੋਈ ਵੀ ਖੇਡ ਸਰਗਰਮੀ ਨਾ ਹੋਣ ਕਰਕੇ ਉਹ ਨਿਰਾਸ਼ ਤਾਂ ਹੋਇਆ ਪਰ ਉਸ ਨੇ ਹਿੰਮਤ ਅਤੇ ਹੌਸਲਾ ਨਾ ਛੱਡਿਆ ਕਿਉਂਕਿ ਉਸ ਦਾ ਸੁਪਨਾ ਸੀ ਕਿ ਇਕ ਦਿਨ ਉਹ ਦੇਸ਼ ਦਾ ਚੰਗਾ ਖਿਡਾਰੀ ਬਣੇਗਾ ਅਤੇ ਇਸ ਮੁਕਾਮ 'ਤੇ ਪਹੁੰਚਣ ਲਈ ਉਹ ਹਰ ਕਦਮ ਯਤਨਸ਼ੀਲ ਸੀ ਪਰ ਅਚਾਨਕ ਉਸ ਦੇ ਪਿਤਾ ਦੀ ਮੌਤ ਹੋ ਗਈ ਅਤੇ ਸਾਰੇ ਘਰ ਦੀ ਜ਼ਿੰਮੇਵਾਰੀ ਅਨਿਲ ਕੁਮਾਰ ਦੇ ਮੋਢਿਆਂ 'ਤੇ ਆ ਗਈ ਅਤੇ ਘਰ ਦਾ ਗੁਜ਼ਾਰਾ ਚਲਾਉਣ ਲਈ ਉਸ ਨੂੰ ਛੋਟੀ-ਮੋਟੀ ਨੌਕਰੀ ਕਰਨੀ ਪਈ ਪਰ ਉਸ ਦਾ ਅਸਲ ਨਿਸ਼ਾਨਾ ਇਕ ਚੰਗਾ ਤੇ ਦਮਦਾਰ ਖਿਡਾਰੀ ਬਣਨ ਦਾ ਸੀ। ਗਾਹੇ ਬਗਾਹੇ ਉਸ ਨੂੰ ਪਤਾ ਲੱਗਿਆ ਕਿ ਫਿਜ਼ੀਕਲ ਚੈਲੰਜਡ ਆਲ ਸਪੋਰਟਸ ਐਸੋਸੀਏਸ਼ਨ ਬਣੀ ਹੋਈ ਹੈ ਜਿਥੇ ਅਪਾਹਜ ਨੌਜਵਾਨਾਂ ਨੂੰ ਪੈਰਾ ਖੇਡਾਂ ਲਈ ਤਿਆਰ ਕੀਤਾ ਜਾਂਦਾ ਹੈ ਅਤੇ ਉਹ ਉਸ ਐਸੋਸੀਏਸ਼ਨ ਨੂੰ ਚਲਾ ਰਹੇ ਕਿਸ਼ੋਰ ਜੀ ਨੂੰ ਮਿਲਿਆ ਅਤੇ ਉਸ ਨੇ ਅਪਾਹਜ ਪੈਰਾ ਫੁੱਟਬਾਲ ਟੀਮ ਲਈ ਆਪਣਾ ਟਰਾਇਲ ਦਿਤਾ ਜਿੱਥੇ ਉਹ ਫੁੱਟਬਾਲ ਟੀਮ ਲਈ ਚੁਣਿਆ ਗਿਆ ਅਤੇ ਛੇਤੀ ਹੀ ਉਹ ਆਪਣੀ ਮਿਹਨਤ ਸਦਕਾ ਭਾਰਤੀ ਟੀਮ ਦਾ ਵੀ ਹਿਸਾ ਬਣ ਗਿਆ ਅਤੇ ਕਿਸ਼ੋਰ ਜੀ ਦੇ ਯਤਨਾਂ ਸਦਕਾ ਉਨ੍ਹਾਂ ਦੀ ਟੀਮ ਕੀਨੀਆ ਖੇਡਣ ਗਈ ਜਿੱਥੇ ਉਨ੍ਹਾਂ ਜਿੱਤ ਪ੍ਰਾਪਤ ਕੀਤੀ ਅਤੇ ਅਨਿਲ ਕੁਮਾਰ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਾ ਰਿਹਾ ਕਿਉਂਕਿ ਅੱਜ ਉਸ ਨੇ ਆਪਣਾ ਸੁਪਨਾ ਸਾਕਾਰ ਕਰ ਲਿਆ ਸੀ ਛੇਤੀ ਹੀ ਅਨਿਲ ਕੁਮਾਰ ਦੀ ਫੁੱਟਬਾਲ ਟੀਮ ਨੇ ਅਫਰੀਕਨ ਕੱਪ ਵਿਚ ਹਿੱਸਾ ਲਿਆ ਜਿਥੇ ਉਨ੍ਹਾਂ ਦੀ ਟੀਮ ਰਨਰ-ਅੱਪ ਰਹੀ। ਅਨਿਲ ਕੁਮਾਰ ਆਪਣੀ ਟੀਮ ਨਾਲ ਮਲੇਸ਼ੀਆ ਵਿਚ ਹੋਣ ਵਾਲੇ ਐਮ. ਏ.ਐਫ. ਏ. ਇੰਟਰਨੈਸ਼ਲ ਫੁੱਟਬਾਲ ਕੱਪ ਦੀ ਤਿਆਰੀ ਬੜੇ ਜ਼ੋਰਾਂ-ਸ਼ੋਰਾਂ ਨਾਲ ਕਰ ਰਹੇ ਹਨ। ਅਨਿਲ ਕੁਮਾਰ ਦਾ ਸੁਨਹਿਰੀ ਸਫ਼ਰ ਜਾਰੀ ਹੈ।

-ਮੋਗਾ (ਪੰਜਾਬ) ਮੋ: 98551-14484

ਇਕੋ ਸਾਲ ਵਿਚ ਤਿੰਨ ਵੱਡੇ ਖ਼ਿਤਾਬ ਜਿੱਤ ਕੇ ਲਿਵਰਪੂਲ ਫੁੱਟਬਾਲ ਕਲੱਬ ਨੇ ਰਚਿਆ ਨਵਾਂ ਇਤਿਹਾਸ

ਇੰਗਲੈਂਡ ਦੇ ਇਤਿਹਾਸਕ ਕਲੱਬ, ਲਿਵਰਪੂਲ ਨੇ ਦੁਨੀਆ ਦੀ ਸਭ ਤੋਂ ਬਿਹਤਰੀਨ ਅਤੇ ਫਸਵੀਂ ਫੁੱਟਬਾਲ ਲੀਗ, ਇੰਗਲੈਂਡ ਦੀ ਪ੍ਰੀਮੀਅਰ ਲੀਗ ਦੇ ਇਸ ਸੀਜ਼ਨ ਦਾ ਖਿਤਾਬ ਜਿੱਤ ਕੇ ਫੁੱਟਬਾਲ ਦੀ ਖੇਡ ਵਿਚ ਇਕ ਨਵਾਂ ਇਤਿਹਾਸ ਸਿਰਜ ਦਿੱਤਾ ਹੈ। ਲਿਵਰਪੂਲ ਨੇ 30 ਸਾਲ ਦੇ ਲੰਮੇ ਇੰਤਜ਼ਾਰ ਦੇ ਬਾਅਦ ਜਦੋਂ ਪ੍ਰੀਮੀਅਰ ਲੀਗ ਦਾ ਖਿਤਾਬ ਜਿੱਤਿਆ ਤਾਂ ਨਾਲ ਦੀ ਨਾਲ ਹੋਰ ਵੀ ਕਈ ਰਿਕਾਰਡ ਬਣਾ ਧਰੇ ਹਨ, ਜੋ ਕਿਸੇ ਹੋਰ ਟੀਮ ਦੇ ਹਿੱਸੇ ਨਹੀਂ ਆਉਂਦੇ। ਇਕ ਸਾਲ ਦੇ ਅੰਦਰ-ਅੰਦਰ ਫੁੱਟਬਾਲ ਜਗਤ ਦੇ ਤਿੰਨ ਵੱਡੇ ਖਿਤਾਬ ਜਿੱਤ ਕੇ ਲਿਵਰਪੂਲ ਨੇ ਇਕ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ। ਪ੍ਰੀਮੀਅਰ ਲੀਗ ਵਿਚ ਲਿਵਰਪੂਲ ਦੀ ਟੀਮ ਨੇ ਪਿਛਲੇ ਦੋ ਸੀਜ਼ਨਾਂ ਵਿਚ ਲਗਾਤਾਰ 44 ਮੈਚ ਅਜੇਤੂ ਰਹਿਣ ਦਾ ਰਹਿਣ ਰਿਕਾਰਡ ਬਣਾਇਆ ਹੈ, ਪੂਰੇ ਸੀਜ਼ਨ ਸਿਰਫ ਇਕ ਇਕ ਮੈਚ ਹੀ ਹਾਰਿਆ ਹੈ, ਰਿਕਾਰਡ ਤੋੜ ਅੰਕ ਅਤੇ ਘਰੇਲੂ ਮੈਦਾਨ ਉੱਤੇ ਹਰ ਮੈਚ ਜਿੱਤ ਕੇ ਸੌ ਫੀਸਦੀ ਜਿੱਤ ਦਾ ਰਿਕਾਰਡ ਵੀ ਬਣਾਇਆ ਹੈ। ਇਸ ਵੇਲੇ ਲਿਵਰਪੂਲ ਕੋਲ ਰਿਕਾਰਡ ਜਿੱਤਾਂ, ਰਿਕਾਰਡ ਅੰਕ, ਰਿਕਾਰਡ ਡਿਫੈਂਸ ਅਤੇ ਅਜੇਤੂ ਹੋਣ ਦਾ ਰਿਕਾਰਡ ਮੌਜੂਦ ਹੈ। ਲਿਵਰਪੂਲ ਨੇ ਖਿਤਾਬ ਜਿੱਤਣਾ ਮਾਰਚ ਮਹੀਨੇ ਹੀ ਪੱਕਾ ਕਰ ਲਿਆ ਸੀ ਅਤੇ ਲੀਗ ਸੀਜ਼ਨ ਵਿਚ ਸਭ ਤੋਂ ਜਲਦੀ ਜੇਤੂ ਬਣਨ ਦਾ ਵੀ ਰਿਕਾਰਡ ਬਣਾ ਦਿੱਤਾ ਕਿਉਂਕਿ ਜਿਸ ਵੇਲੇ ਲਿਵਰਪੂਲ ਨੇ ਖਿਤਾਬ ਜਿੱਤਿਆ ਉਸ ਵੇਲੇ ਸੱਤ ਗੇੜ ਖੇਡਣੇ ਹਾਲੇ ਬਾਕੀ ਸਨ।
ਇਸ ਤੋਂ ਪਹਿਲਾਂ, ਦਸੰਬਰ ਮਹੀਨੇ ਲਿਵਰਪੂਲ ਨੇ ਫ਼ੀਫ਼ਾ ਕਲੱਬ ਵਰਲਡ ਕੱਪ ਜਿੱਤਿਆ ਸੀ ਅਤੇ ਇਸ ਤੋਂ ਪਹਿਲਾਂ ਯੂਏਫਾ ਸੂਪਰ ਕੱਪ ਅਤੇ ਦੁਨੀਆ ਦੇ ਸਭ ਤੋਂ ਵੱਡੇ ਕਲੱਬ ਫੁੱਟਬਾਲ ਟੂਰਨਾਮੈਂਟ 'ਯੂਏਫਾ ਚੈਂਪੀਅਨਜ਼ ਲੀਗ' ਦੇ ਖਿਤਾਬ ਨੂੰ ਜਿੱਤਦੇ ਹੋਏ ਵੀ ਇਕ ਨਵਾਂ ਇਤਿਹਾਸ ਪਹਿਲਾਂ ਹੀ ਰਚ ਚੁੱਕੀ ਹੈ। ਯਾਨਿ ਇਕੋ ਸਾਲ ਦੇ ਅੰਦਰ-ਅੰਦਰ ਲਿਵਰਪੂਲ ਦੀ ਟੀਮ ਨੇ ਪਹਿਲਾਂ ਯੂਰਪ ਜੇਤੂ ਦਾ ਖਿਤਾਬ, ਫੇਰ ਵਿਸ਼ਵ ਜੇਤੂ ਦਾ ਖਿਤਾਬ ਅਤੇ ਹੁਣ ਆਪਣਾ ਸਭ ਤੋਂ ਕੀਮਤੀ, ਪ੍ਰੀਮੀਅਰ ਲੀਗ ਦਾ ਖਿਤਾਬ ਵੀ ਜਿੱਤ ਲਿਆ ਹੈ। ਲਿਵਰਪੂਲ ਕੋਚ ਜਰਗਨ ਕਲੌਪ, ਜੋ ਕਿ ਫ਼ੀਫ਼ਾ ਵਲੋਂ ਦੁਨੀਆ ਦੇ ਸਭ ਤੋਂ ਵਧੀਆ ਫੁੱਟਬਾਲ ਕੋਚ ਐਲਾਨੇ ਜਾ ਚੁੱਕੇ, ਦੀ ਪਿਛਲੇ ਚਾਰ ਸਾਲਾਂ ਦੀ ਮਿਹਨਤ ਰੰਗ ਲਿਆਈ ਹੈ ਜਿਨ੍ਹਾਂ ਨੇ ਸਾਲ 2015 ਵਿਚ ਆਪਣੀ ਨਿਯੁਕਤੀ ਵੇਲੇ ਕਲੱਬ ਨੂੰ ਚਾਰ ਸਾਲਾਂ ਵਿਚ, ਵਿਚ ਖਿਤਾਬ ਜਿਤਾਉਣ ਦੀ ਗੱਲ ਕਹੀ ਸੀ। ਪਿਛਲੇ ਸਾਲ, ਮਹਿਜ਼ ਇਕ ਅੰਕ ਨਾਲ ਪ੍ਰੀਮੀਅਰ ਲੀਗ ਦੇ ਖਿਤਾਬ ਤੋਂ ਵਾਂਝੇ ਰਹਿਣ ਤੋਂ ਬਾਅਦ, ਸਮੁੱਚੇ ਲਿਵਰਪੂਲ ਕਲੱਬ ਲਈ ਇਹ ਖਿਤਾਬੀ ਜਿੱਤ ਕਾਫੀ ਮਾਅਨੇ ਰੱਖਦੀ ਹੈ ਕਿਉਂਕਿ ਲਿਵਰਪੂਲ ਨੇ ਇਹ ਖਿਤਾਬ ਵਿਸ਼ਵ ਦੇ ਬਿਹਤਰੀਨ ਕੋਚ ਪੈੱਪ ਗੁਆਰਡੀਓਲਾ ਦੀ ਟੀਮ, ਮਾਨਚੈਸਟਰ ਸਿਟੀ ਨਾਲ ਟੱਕਰ ਲੈ ਕੇ ਜਿੱਤਿਆ ਹੈ ਜੋ ਪਿਛਲੇ ਦੋ ਸੀਜ਼ਨ ਤੋਂ ਛਾਈ ਹੋਈ ਸੀ ਅਤੇ ਇਹ ਵੀ ਇਕ ਬਹੁਤ ਵੱਡੀ ਪ੍ਰਾਪਤੀ ਹੈ।
ਇਤਿਹਾਸ ਬਣਾਉਣ ਵਾਲੀ ਇਸ ਲਿਵਰਪੂਲ ਟੀਮ ਦੇ ਖਿਡਾਰੀਆਂ ਦਾ ਵੀ ਖਾਸ ਜ਼ਿਕਰ ਕਰਨਾ ਬਣਦਾ ਹੈ। ਲਿਵਰਪੂਲ ਕਲੱਬ ਕੋਲ ਦੁਨੀਆਂ ਦੇ ਸਭ ਤੋਂ ਵਧੀਆ ਗੋਲਕੀਪਰ ਬ੍ਰਾਜ਼ੀਲ ਦੇ ਐਲੀਸਨ ਬੈਕਰ ਅਤੇ ਡਿਫੈਂਸ ਵਿਚ ਹਰ ਮੈਚ ਦਾ ਹਰ ਮਿੰਟ ਖੇਡਣ ਵਾਲੇ ਵਰਜਿਲ ਵੈਨ ਡਾਈਕ ਨੇ ਆਪਣੇ ਆਪ ਨੂੰ ਦੁਨੀਆ ਦਾ ਸਭ ਤੋਂ ਵਧੀਆ ਡਿਫੈਂਡਰ ਸਾਬਤ ਕਰ ਦਿੱਤਾ ਹੈ ਜਦਕਿ ਟੀਮ ਦੇ ਫੁੱਲ ਬੈਕ ਟ੍ਰੈਂਟ ਐਲੇਕਜ਼ੈਂਡਰ ਆਰਨਲਡ ਅਤੇ ਐਂਡੀ ਰਾਬਰਟਸਨ ਨੇ ਹਮਲਾਵਰ ਖੇਡ ਨੂੰ ਨਵੀਂ ਪਰਿਭਾਸ਼ਾ ਦਿੱਤੀ ਹੈ। ਲਿਵਰਪੂਲ ਦੇ ਤਿੰਨੇ ਫ਼ਾਰਵਰਡ ਮੁਹੰਮਦ ਸਲਾਹ, ਰੋਬਰਟੋ ਫਰਮੀਨੋ ਅਤੇ ਸਾਡੀਓ ਮਾਨੇ ਨੇ ਗੋਲ ਦਾਗਣ ਦੇ ਰਿਕਾਰਡ ਬਣਾਏ ਜਦਕਿ ਮਿਡਫੀਲਡਰ ਫ਼ਾਬਿਨਹੋ, ਜੇਮਸ ਮਿਲਨਰ ਅਤੇ ਜੀਨੀ ਵਾਈਨਾਲਡਮ ਵੀ ਟੀਮ ਦੇ ਕਪਤਾਨ ਜੌਰਡਨ ਹੈਂਡਰਸਨ ਦੀ ਸੁਯੋਗ ਅਗਵਾਈ ਵਿਚ ਸਾਰਾ ਸਾਲ ਸ਼ਾਨਦਾਰ ਖੇਡੇ ਅਤੇ ਇਸ ਇਤਿਹਾਸਕ ਟੀਮ ਦੀ ਇਤਿਹਾਸਕ ਜਿੱਤ ਪੱਕੀ ਕੀਤੀ। ਲਿਵਰਪੂਲ ਦੀ ਇਸ ਖਿਤਾਬੀ ਜਿੱਤ ਨੂੰ ਫੁੱਟਬਾਲ ਜਗਤ ਇਕ ਹੱਕਦਾਰ ਟੀਮ ਦੀ ਜਿੱਤ ਵਜੋਂ ਵੇਖਦਾ ਹੈ ਕਿਉਂਕਿ ਇਸ ਟੀਮ ਨੇ ਸਾਰਾ ਸੀਜ਼ਨ ਬਿਹਤਰੀਨ ਖੇਡ ਵਿਖਾਈ ਸੀ ਅਤੇ ਇਸ ਦਾ ਖਿਤਾਬ ਜਿੱਤਣਾ ਬਣਦਾ ਵੀ ਸੀ।

-ਪਿੰਡ: ਢਿੱਲਵਾਂ, ਡਾਕ: ਦਕੋਹਾ, ਜ਼ਿਲਾ: ਜਲੰਧਰ 144023
E-mail: sudeepsdhillon@ymail.com

ਭਾਰਤ-ਨਿਪਾਲ ਫੁੱਟਬਾਲ ਦੇ ਨਿੱਘੇ ਰਿਸ਼ਤੇ

ਦਰਅਸਲ ਧਮਾਕੇ ਦੀ ਤਰ੍ਹਾਂ ਜਦੋਂ ਦੋ ਦੇਸ਼ਾਂ ਦਰਮਿਆਨ ਸਰਹੱਦ 'ਤੇ ਸੈਨਿਕ ਤਣਾਅ ਹੁੰਦਾ ਹੈ ਤਾਂ ਸਿਰਫ਼ ਜਾਨਮਾਲ ਦੇ ਨੁਕਸਾਨ ਹੋਣ ਦਾ ਹੀ ਖਤਰਾ ਨਹੀਂ ਹੁੰਦਾ ਹੈ ਬਲਕਿ ਬਹੁਤ ਕੁਝ ਬਿਖਰ ਜਾਂਦਾ ਹੈ। ਉਨ੍ਹਾਂ ਵਿਚ ਸਭ ਤੋਂ ਪਹਿਲਾਂ ਖੇਡ ਸਬੰਧ ਪ੍ਰਭਾਵਿਤ ਹੁੰਦੇ ਹਨ।
ਹੁਣ ਨਿਪਾਲ ਨਾਲ ਲਗਦੀ ਸਰਹੱਦ 'ਤੇ ਸੈਨਿਕ ਤਣਾਅ ਹੈ, ਤਾਂ ਦੋਵੇਂ ਦੇਸ਼ਾਂ ਦੇ ਉਭਰਦੇ ਹੋਏ ਫੁਟਬਾਲ ਖਿਡਾਰੀਆਂ ਨੂੰ ਮੈਦਾਨ ਵਿਚ ਮੁਕਾਬਲਾ ਕਰਨਾ ਅਤੇ ਆਪਣੀ ਮੁਹਾਰਤ ਨੂੰ ਨਿਖਾਰਨ ਵਿਚ ਮੁਸ਼ਕਿਲ ਆ ਰਹੀ ਹੈ। ਭਾਰਤ ਅਤੇ ਨਿਪਾਲ ਵਿਚ ਸਦਾ ਹੀ ਰੋਟੀ-ਬੇਟੀ ਦੀ ਸਾਂਝ ਰਹੀ ਹੈ। ਨਿਪਾਲੀ ਦਿਨ ਵਿਚ ਇਸ ਪਾਸੇ ਕੰਮ ਲਈ ਆਉਂਦੇ ਹਨ ਅਤੇ ਸ਼ਾਮ ਨੂੰ ਉਸ ਪਾਸੇ ਜਾਂਦੇ ਹਨ। ਜੋ ਬਹਾਦਰ ਸਾਡੀ ਕਾਲੋਨੀ ਦੀ ਚੌਕੀਦਾਰੀ ਕਰਦਾ ਹੈ ਤਾਂ ਕਿ ਅਸੀਂ ਚੈਨ ਦੀ ਨੀਂਦ ਸੌਂ ਸਕੀਏ ਜਾਂ ਢਾਬੇ 'ਤੇ ਚਾਊਮਿਨ ਤਿਆਰ ਕਰਦਾ ਹੈ। ਉਹ ਸਾਨੂੰ ਕਦੇ ਵੀ ਬੇਗਾਨਾ ਮਹਿਸੂਸ ਨਹੀਂ ਹੋਇਆ। ਦੋਵੇਂ ਦੇਸ਼ਾਂ ਵਿਚ ਸਰਹੱਦੀ ਸ਼ਹਿਰਾਂ ਵਿਚ ਜਿਹੜੇ ਸਥਾਨਕ ਫੁਟਬਾਲ ਮੁਕਾਬਲੇ ਹੁੰਦੇ ਹਨ, ਉਨ੍ਹਾਂ ਵਿਚ ਕਦੇ ਲੱਗਿਆ ਹੀ ਨਹੀਂ ਕਿ ਨਿਪਾਲੀ ਖਿਡਾਰੀ ਬੇਗਾਨੇ ਹਨ। ਇਹ ਹੀ ਨਜ਼ਰੀਆ ਭਾਰਤੀ ਖਿਡਾਰੀਆਂ ਸਬੰਧੀ ਨਿਪਾਲੀ ਜਨਤਾ ਦਾ ਰਿਹਾ ਹੈ।
ਪਰ ਜਦ ਨਿਪਾਲ ਨੇ ਅਧਿਕਾਰਤ ਤੌਰ 'ਤੇ ਉਤਰਾਖੰਡ ਵਿਚ ਲਿਪੁਲੇਖ ਲਿੰਪੀਆਧੁਰਾ ਅਤੇ ਕਾਲਾਪਾਣੀ ਨੂੰ ਆਪਣੀ ਸੰਪੰਤੀ ਐਲਾਨ ਕਰ ਦਿੱਤਾ ਤਾਂ ਇਸ ਨਾਲ ਬਹੁਤ ਕੁਝ ਢਹਿ ਗਿਆ। ਖੇਡਾਂ ਦੇ ਨਜ਼ਰੀਏ ਤੋਂ ਇਸ ਦਾ ਅਸਰ ਉਨ੍ਹਾਂ ਸਥਾਨਕ ਫੁਟਬਾਲ ਮੁਕਾਬਲਿਆਂ 'ਤੇ ਪਿਆ ਜਿਹੜੇ ਦੋਵੇਂ ਸਰਹੱਦੀ ਇਲਾਕਿਆਂ ਵਿਚ ਕਰਵਾਏ ਜਾਂਦੇ ਸਨ। ਭਾਰਤ ਅਤੇ ਨਿਪਾਲ ਵਿਚ ਸਰਹੱਦ ਸਬੰਧੀ ਕਿਸੇ ਇਧਰ ਆਉਣ ਜਾਂ ਇਧਰੋਂ ਉਧਰ ਜਾਣ 'ਤੇ ਕੋਈ ਸਮੱਸਿਆ ਨਹੀਂ ਸੀ। ਉਨ੍ਹਾਂ ਦੀ ਟੀਮ ਇਧਰ ਆ ਕੇ ਮੁਕਾਬਲੇ 'ਚ ਹਿੱਸਾ ਲੈ ਲੈਂਦੀ ਹੈ ਅਤੇ ਸਾਡੀ ਟੀਮ ਉਧਰ ਜਾ ਕੇ ਮੁਕਾਬਲੇ ਵਿਚ ਹਿੱਸਾ ਲੈ ਲੈਂਦੀ ਸੀ। ਪਰ ਪਹਿਲਾਂ ਲਾਕਡਾਊਨ ਦੇ ਚਲਦਿਆਂ ਸਰਹੱਦ ਨੂੰ ਬੰਦ ਕੀਤਾ ਗਿਆ ਅਤੇ ਹੁਣ ਰਾਜਨੀਤਕ ਸਥਿਤੀ ਦੇ ਕਾਰਨ ਲਗਦਾ ਹੈ ਕਿ ਸਰਹੱਦ ਲੰਬੇ ਸਮੇਂ ਲਈ ਬੰਦ ਰਹੇਗੀ। ਇਸ ਦਾ ਅਰਥ ਇਹ ਹੋਇਆ ਕਿ ਗੁਆਂਢੀ ਦੇਸ਼ ਦੀ ਟੀਮ ਮੁਕਾਬਲੇ ਵਿਚ ਹਿੱਸਾ ਨਹੀਂ ਲੈ ਸਕੇਗੀ।
ਇਕ ਫੁਟਬਾਲ ਮੁਕਾਬਲਾ ਜਿਸ 'ਤੇ ਸਰਹੱਦ ਸੀਲ ਹੋਣ ਦਾ ਵੱਡਾ ਅਸਰ ਇਹ ਪਿਆ ਹੈ ਕਿ ਆਲ ਇੰਡੀਆ ਕਾਲੀ ਕੁਮਾਊਂ ਕੱਪ ਵਿਚ ਚੰਪਾਵਤ ਜ਼ਿਲ੍ਹੇ ਵਿਚ ਟਨਕਪੁਰ ਵਿਖੇ ਹਰ ਸਾਲ ਕਰਵਾਇਆ ਜਾਂਦਾ ਹੈ, ਇਸ ਵਿਚ ਕੋਈ 250 ਤੋਂ ਜ਼ਿਆਦਾ ਖਿਡਾਰੀ ਭਾਗ ਲੈਂਦੇ ਹਨ, ਜਿਨ੍ਹਾਂ ਵਿਚ 40 ਨਿਪਾਲ ਤੋਂ ਹੁੰਦੇ ਹਨ। ਮੁਕਾਬਲੇ ਦੇ ਪ੍ਰਬੰਧਕ ਨੀਰਜ ਜੋਸ਼ੀ ਦਾ ਕਹਿਣਾ ਹੈਕਿ ਸਾਡੀ ਪ੍ਰਤੀਯੋਗਤਾ ਦਾ ਵੱਡਾ ਆਕਰਸ਼ਣ ਨਿਪਾਲੀ ਖਿਡਾਰੀ ਹੁੰਦੇ ਹਨ। ਉਨ੍ਹਾਂ ਨੂੰ ਸਰਹੱਦ ਪਾਰ ਕਰਕੇ ਟਨਕਪੁਰ ਆਉਣ 'ਤੇ ਸਿਰਫ਼ ਇਕ ਘੰਟਾ ਹੀ ਲਗਦਾ ਹੈ। ਨਿਪਾਲ ਦੇ ਖਿਡਾਰੀ ਬਹੁਤ ਚੰਗੇ ਹਨ। ਇਸ ਲਈ ਸਾਡੇ ਸਥਾਨਕ ਲੋਕ ਬਹੁਤ ਪਸੰਦ ਕਰਦੇ ਹਨ। ਮੁਕਾਬਲੇ ਦੀ ਪ੍ਰਬੰਧਕ ਕਮੇਟੀ ਦੇ ਇਕ ਹੋਰ ਮੈਂਬਰ ਪ੍ਰਦੀਪ ਬੋਰਾ ਦਾ ਕਹਿਣਾ ਹੈ ਕਿ ਸਰਹੱਦੀ ਸ਼ਹਿਰਾਂ ਵਿਚ ਭਾਰਤੀ ਅਤੇ ਨਿਪਾਲੀ ਖਿਡਾਰੀਆਂ ਦਾ ਆਪਸ ਵਿਚ ਮਿਲ ਕੇ ਖੇਡਣਾ ਦਹਾਕਿਆਂ ਤੋਂ ਜਾਰੀ ਹੈ।
ਬੋਰਾ ਦੇ ਅਨੁਸਾਰ ਸਾਡੇ ਲਈ ਇਹ ਸਿਲਸਿਲਾ 1970 ਦੇ ਦਹਾਕੇ ਵਿਚ ਸ਼ੁਰੂ ਹੋਇਆ ਸੀ। ਜਦੋਂ ਮਹਿੰਦਰ ਨਗਰ ਤੋਂ ਨਿਪਾਲ ਵਪਾਰੀ ਆਪਣਾ ਸਮਾਨ ਵੇਚਣ ਲਈ ਟਨਕਪੁਰ ਆਇਆ ਕਰਦੇ ਸੀ। ਇਸ ਪ੍ਰਕਿਰਿਆ ਵਿਚ ਇਹ ਸਥਾਨਕ ਲੋਕਾਂ ਨਾਲ ਮਿਲਣ-ਗਿਲਣ ਲੱਗੇ ਅਤੇ ਫੁਟਬਾਲ ਵੀ ਖੇਡਣ ਲੱਗੇ। ਨਿਪਾਲ ਦੇ ਨਾਲ ਜੋ ਉਤਰਾਖੰਡ ਦੇ ਸ਼ਹਿਰ ਹਨ, ਜਿਵੇਂ ਖਟੀਸਾ, ਟਨਕਪੁਰ, ਬਨਬਸਾ, ਚੱਕਰਪੁਰ ਅਤੇ ਲੋਹਾਘਾਟ ਉਨ੍ਹਾਂ ਸਭ ਵਿਚ ਫੁਟਬਾਲ ਮੁਕਾਬਲੇ ਕਰਵਾਏ ਜਾਂਦੇ ਹਨ ਅਤੇ ਸਾਰਿਆਂ ਵਿਚ ਨਿਪਾਲੀ ਖਿਡਾਰੀ ਹਿੱਸਾ ਲੈਂਦੇ ਹਨ। ਇਹ ਗੱਲ ਹੀ ਫੁਟਬਾਲ ਦੇ ਸਥਾਨਕ ਪਸੰਸਕਾਂ ਨੂੰ ਆਕਰਸ਼ਿਤ ਕਰਦੀ ਹੈ। ਊਧਮ ਸਿੰਘ ਨਗਰ ਵਿਚ ਖਟੀਸਾ ਮੁਕਾਬਲੇ ਦੇ ਪ੍ਰਬੰਧਕ ਅਮਿਤ ਘਿਲਿਡਿਆਲ ਦਾ ਕਹਿਣਾ ਹੈ ਕਿ ਨਿਪਾਲੀਆਂ ਨਾਲ ਖੇਡ ਦਾ ਪੱਧਰ ਵੀ ਉੱਚਾ ਹੋ ਜਾਂਦਾ ਹੈ ਅਤੇ ਉਨ੍ਹਾਂ ਦੀ ਸ਼ਮੂਲੀਅਤ ਨਾਲ ਮੁਕਾਬਲੇ ਤੇ ਵਿਦੇਸ਼ੀ ਮੁਕਾਬਲੇ ਦਾ ਟੈਗ ਵੀ ਲੱਗ ਜਾਂਦਾ ਹੈ। ਜਿਸ ਨਾਲ ਦਰਸ਼ਕ ਦੌੜੇ ਆਉਂਦੇ ਹਨ। ਇਸ ਨਾਲ ਸਾਡੇ ਖਿਡਾਰੀਆਂ ਨੂੰ ਵੀ ਆਪਣੀ ਖੇਡ ਸੁਧਾਰਨ ਦਾ ਮੌਕਾ ਮਿਲਦਾ ਹੈ ਕਿਉਂਕਿ ਉਨ੍ਹਾਂ ਦੀ ਨਿਪਾਲੀ ਖੇਡ ਸ਼ੈਲੀ ਦਾ ਪਤਾ ਲਗਦਾ ਹੈ।
ਵਰਤਮਾਨ ਰਾਜਨੀਤਕ ਤਣਾਅ ਦੇ ਬਾਵਜੂਦ ਫੁਟਬਾਲ ਲੀਜੈਂਡ ਸ਼ਿਆਮ ਥਾਪਾ ਨੂੰ ਆਸ ਹੈ ਕਿ ਭਾਰਤ ਤੇ ਨਿਪਾਲ ਦੇ ਸਬੰਧ ਹਮੇਸ਼ਾ ਠੀਕ ਰਹਿਣਗੇ।



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX