ਤਾਜਾ ਖ਼ਬਰਾਂ


ਇਲਾਕਾ ਸੰਦੌੜ ਅੰਦਰ ਪੈਰ ਪਸਾਰਨ ਲੱਗਿਆ ਕੋਰੋਨਾ , ਵੱਖ-ਵੱਖ ਪਿੰਡਾਂ ਦੇ ਦੋ ਵਿਅਕਤੀ ਕੋਰੋਨਾ ਪਾਜ਼ੀਟਿਵ ਆਏ
. . .  1 day ago
ਸੰਦੌੜ ,8 ਜੁਲਾਈ ( ਜਸਵੀਰ ਸਿੰਘ ਜੱਸੀ ) ਪਿੰਡ ਝੁਨੇਰ ਵਿਖੇ ਇੱਕ ਪੁਲਿਸ ਅਧਿਕਾਰੀ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਉਣ ਦੀ ਪੁਸ਼ਟੀ ਸਿਹਤ ਵਿਭਾਗ ਵੱਲੋਂ ਕੀਤੀ ਗਈ । ਜਾਣਕਾਰੀ ਅਨੁਸਾਰ ਨੇੜਲੇ ਪਿੰਡ ਝੁਨੇਰ ਦਾ ਸਾਧੂ ਸਿੰਘ ਜੋ ...
ਵਿਸ਼ਾਖਾਪਟਨ ਤੋਂ ਛੁੱਟੀ ‘ਤੇ ਆਏ ਬੋਹਾ ਦੇ ਫੌਜੀ ਜਵਾਨ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  1 day ago
ਮਾਨਸਾ/ਬੁਢਲਾਡਾ ,8 ਜੁਲਾਈ (ਬਲਵਿੰਦਰ ਸਿੰਘ ਧਾਲੀਵਾਲ/ਸਵਰਨ ਸਿੰਘ ਰਾਹੀ)- ਬੀਤੇ ਕੱਲ੍ਹ ਸਬ-ਡਵੀਜਨ ਬੁਢਲਾਡਾ ਦੀ ਨਗਰ ਪੰਚਾਇਤ ਬੋਹਾ ਦੇ ਬਾਹਰੋਂ ਪਰਤੇ ਇੱਕ 33 ਸਾਲਾ ਨੌਜਵਾਨ ਦਾ ...
ਸੜਕ ਹਾਦਸੇ 'ਚ ਇੱਕ ਬਜ਼ੁਰਗ ਦੀ ਮੌਤ
. . .  1 day ago
ਨਾਭਾ, 8 ਜੁਲਾਈ (ਕਰਮਜੀਤ ਸਿੰਘ ) - ਸਥਾਨਕ ਸਰਕਲਰ ਰੋਡ ਸਥਿਤ ਨਵੀਂ ਅਨਾਜ ਮੰਡੀ ਸਾਹਮਣੇ ਇੱਕ ਬਜ਼ੁਰਗ ਓਮ ਪ੍ਰਕਾਸ਼ (68) ਪੁੱਤਰ ਬਨਾਰਸੀ ਦਾਸ ਵਾਸੀ ਢੀਂਗਰਾ ਕਾਲੋਨੀ ਨਾਭਾ ਦੀ ਸੜਕ ਹਾਦਸੇ ਵਿਚ ਮੌਤ ਹੋ ਗਈ।ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਖਾਲੀ ਟਰੱਕ ਤੇਜ਼ ਰਫ਼ਤਾਰੀ ਨਾਲ ਓਮ ਪ੍ਰਕਾਸ਼ ਜੋ ਕਿ ਐਕਟਿਵਾ 'ਤੇ ਸਵਾਰ ਸੀ ਨੂੰ ਫੇਟ ਮਾਰ ਕੇ ਫ਼ਰਾਰ...
ਟਰੂ ਨਾਟ ਮਸ਼ੀਨ 'ਤੇ ਨਵਾਂਸ਼ਹਿਰ ਦੇ 2 ਵਿਅਕਤੀ ਆਏ ਕੋਰੋਨਾ ਪਾਜ਼ੀਟਿਵ
. . .  1 day ago
ਨਵਾਂਸ਼ਹਿਰ, 8 ਜੁਲਾਈ (ਗੁਰਬਖਸ਼ ਸਿੰਘ ਮਹੇ, ਹਰਵਿੰਦਰ ਸਿੰਘ) - ਜ਼ਿਲ੍ਹਾ ਹਸਪਤਾਲ ਨਵਾਂਸ਼ਹਿਰ ਵਿਖੇ ਟਰੂ ਨਾਟ ਮਸ਼ੀਨ 'ਤੇ ਟੈੱਸਟ ਕਰਵਾਉਣ ਆਏ ਨਵਾਂਸ਼ਹਿਰ ਦੇ ਦੋ ਵਸਨੀਕ ਪਾਜ਼ੀਟਿਵ ਪਾਏ ਗਏ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਡਾ. ਆਰ. ਪੀ. ਭਾਟੀਆ ਨੇ ਦੱਸਿਆ...
ਬਠਿੰਡਾ ਦੇ ਸੈਸ਼ਨ ਜੱਜ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ
. . .  1 day ago
ਬਠਿੰਡਾ, 8 ਜੁਲਾਈ (ਅੰਮ੍ਰਿਤਪਾਲ ਸਿੰਘ ਵਲਾਣ) - ਅੱਜ ਸ਼ਾਮੀਂ ਬਠਿੰਡਾ ਦੇ ਸੈਸ਼ਨ ਜੱਜ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਸੈਸ਼ਨ ਜੱਜ ਚੰਡੀਗੜ੍ਹ ਤੋਂ ਹਨ ਅਤੇ ਉੱਥੇ ਹੀ ਡਾਕਟਰੀ ਦੇਖ ਰੇਖ ਵਿਚ ਹਨ।ਸਵੇਰੇ 3 ਵਿਅਕਤੀਆਂ ਦੀ ਰਿਪੋਰਟ ਪਾਜ਼ੀਟਿਵ ਮਿਲੀ ਸੀ, ਜਿਨ੍ਹਾਂ ਵਿਚ ਇਕ ਕੁਵੈਤ ਤੋਂ ਪਰਤਿਆ ਵਿਅਕਤੀ...
ਕੋਰੋਨਾ ਪਾਜ਼ੀਟਿਵ ਸਾਬਕਾ ਸਰਪੰਚ ਦੇ 7 ਪਰਿਵਾਰਕ ਮੈਂਬਰਾਂ ਅਤੇ ਇੱਕ ਕਰੀਬੀ ਦੀ ਰਿਪੋਰਟ ਵੀ ਪਾਜ਼ੀਟਿਵ
. . .  1 day ago
ਜੰਡਿਆਲਾ ਮੰਜਕੀ, 8 ਜੁਲਾਈ (ਸੁਰਜੀਤ ਸਿੰਘ ਜੰਡਿਆਲਾ) - ਨਜ਼ਦੀਕੀ ਪਿੰਡ ਸਮਰਾਏ ਦੇ ਸਾਬਕਾ ਸਰਪੰਚ ਜੋ ਕਿ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਉਣ ਕਾਰਨ ਕੱੁਝ ਦਿਨਾਂ ਤੋਂ ਲੁਧਿਆਣਾ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖ਼ਲ ਹਨ ਦੇ ਪਰਿਵਾਰਕ ਮੈਂਬਰਾਂ ਅਤੇ ਉਨ੍ਹਾਂ ਦੇ ਸੰਪਰਕ ਵਿੱਚ ਆਉਣ ਵਾਲੇ ਕੁੱਲ 30 ਪਿੰਡ ਵਾਸੀਆਂ...
ਪਿੰਡ ਫਰਵਾਲੀ (ਸੰਗਰੂਰ) ਦੇ ਇਕ ਵਿਅਕਤੀ ਨੂੰ ਹੋਇਆ ਕੋਰੋਨਾ
. . .  1 day ago
ਸੰਦੌੜ, 8 ਜੁਲਾਈ (ਗੁਰਪ੍ਰੀਤ ਸਿੰਘ ਚੀਮਾ) - ਨਜ਼ਦੀਕੀ ਪਿੰਡ ਫਰਵਾਲੀ ਦੇ ਇਕ ਵਿਅਕਤੀ ਨੂੰ ਕੋਰੋਨਾ ਹੋਣ ਦੀ ਸਿਹਤ ਵਿਭਾਗ ਨੇ ਪੁਸ਼ਟੀ ਕੀਤੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਫਰਵਾਲੀ ਨਾਲ ਸਬੰਧਿਤ ਮਿਸਤਰੀ ਬਲਵਿੰਦਰ ਸਿੰਘ ਜੋ ਕਿ ਰਸੌਲੀ ਦੇ ਆਪ੍ਰੇਸ਼ਨ ਕਰਵਾਉਣ ਲਈ ਲੁਧਿਆਣਾ...
ਫ਼ਾਜ਼ਿਲਕਾ ਜ਼ਿਲ੍ਹੇ 'ਚ ਬੀ.ਐਸ.ਐਫ. ਦੇ 14 ਜਵਾਨਾਂ ਨੇ  ਕਰੋਨਾ ’ਤੇ ਪਾਈ ਫਤਿਹ  
. . .  1 day ago
ਫ਼ਾਜ਼ਿਲਕਾ, 8 ਜੁਲਾਈ (ਪ੍ਰਦੀਪ ਕੁਮਾਰ)- ਬੀ.ਐਸ.ਐਫ. ਲਈ ਇਕ ਵੱਡੀ ਰਾਹਤ ਵਾਲੀ ਖ਼ਬਰ ਹੈ, ਫ਼ਾਜ਼ਿਲਕਾ ਜ਼ਿਲ੍ਹੇ ਵਿਚ 14 ਕੋਰੋਨਾ ਪਾਜੀਟਿਵ ਬੀ.ਐਸ. ਐਫ. ਦੇ ਜਵਾਨਾਂ ਸਿਹਤਮੰਦ ਹੋ ਗਏ ਹਨ, ਜਾਣਕਾਰੀ ਦੇਂਦਿਆ ਫ਼ਾਜ਼ਿਲਕਾ ਜ਼ਿਲ੍ਹੇ ਦੇ ਸਿਵਲ ਸਰਜਨ ਡਾ. ਸੀ.ਐਮ. ਕਟਾਰੀਆ ਨੇ ਦੱਸਿਆ ਕਿ ਬੀ.ਐਸ.ਐਫ. ਦੇ 14 ਜਵਾਨਾਂ ਨੇ ਮਿਸ਼ਨ ਫਤਿਹ ਮੁਹਿੰਮ ਤਹਿਤ...
ਐਸ.ਡੀ.ਐਮ. ਫਗਵਾੜਾ ਤੇ ਗ੍ਰਾਮੀਣ ਬੈਂਕ ਦੇ ਇਕ ਮੁਲਾਜ਼ਮ ਦੀ ਰਿਪੋਰਟ ਕੋਰੋਨਾ ਪਾਜ਼ਟਿਵ
. . .  1 day ago
ਕਪੂਰਥਲਾ, 8 ਜੁਲਾਈ (ਅਮਰਜੀਤ ਕੋਮਲ) - ਜ਼ਿਲ੍ਹੇ ਵਿਚ ਅੱਜ 2 ਵਿਅਕਤੀਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ, ਇਨ੍ਹਾਂ ਵਿਚ ਐਸ.ਡੀ.ਐਮ. ਫਗਵਾੜਾ ਪਵਿੱਤਰ ਸਿੰਘ ਤੇ ਪੰਜਾਬ ਗ੍ਰਾਮੀਣ ਬੈਂਕ ਕਪੂਰਥਲਾ ਦਾ ਇਕ ਮੁਲਾਜ਼ਮ ਸ਼ਾਮਲ ਹੈ। ਡਾ: ਰਾਜੀਵ ਭਗਤ ਨੇ ਦੱਸਿਆ ਕਿ ਐਸ.ਡੀ.ਐਮ. ਫਗਵਾੜਾ ਦੀ ਕੋਰੋਨਾ...
ਬਿਨਾਂ ਆਗਿਆ ਧਰਨਾ ਦੇਣ ਦੇ ਦੋਸ਼ ਹੇਠ ਲਾਲੀ ਰਣੀਕੇ ਤੇ ਹੋਰ ਅਕਾਲੀ ਆਗੂਆਂ ਖ਼ਿਲਾਫ਼ ਮਾਮਲਾ ਦਰਜ
. . .  1 day ago
ਅਟਾਰੀ, 8 ਜੁਲਾਈ (ਰੁਪਿੰਦਰਜੀਤ ਸਿੰਘ ਭਕਨਾ) - ਪੁਲਿਸ ਥਾਣਾ ਘਰਿੰਡਾ ਵੱਲੋਂ ਮਹਿੰਗਾਈ ਖ਼ਿਲਾਫ਼ ਗੁਰਿੰਦਰਪਾਲ ਸਿੰਘ ਲਾਲੀ ਰਣੀਕੇ ਮੈਂਬਰ ਸ਼੍ਰੋਮਣੀ ਕਮੇਟੀ ਦੀ ਅਗਵਾਈ ਹੇਠ ਹਲਕਾ ਅਟਾਰੀ ਵਿੱਚ ਬਿਨਾਂ ਆਗਿਆ ਧਰਨਾ ਦੇਣ ਦੇ ਦੋਸ਼ ਹੇਠ ਗੁਰਿੰਦਰਪਾਲ ਸਿੰਘ ਲਾਲੀ ਰਣੀਕੇ ਅਤੇ ਹੋਰ ਅਕਾਲੀ...
ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਕੋਰੋਨਾ ਦੇ 3 ਹੋਰ ਮਾਮਲੇ ਆਏ ਸਾਹਮਣੇ
. . .  1 day ago
ਸ੍ਰੀ ਮੁਕਤਸਰ ਸਾਹਿਬ, 8 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਅੱਜ 3 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਕ ਮਰੀਜ਼ ਉਮਰ 60 ਸਾਲ ਪੰਡਿਤ ਜੈ ਦਿਆਲ ਸਟਰੀਟ ਸ੍ਰੀ ਮੁਕਤਸਰ ਸਾਹਿਬ, ਦੂਜਾ ਮਰੀਜ਼ ਪਿੰਡ ਰੁਪਾਣਾ ਉਮਰ 26 ਸਾਲ...
ਡੀ.ਜੀ.ਪੀ. ਵੱਲੋਂ ਥਾਣਾ ਮੁਖੀ ਸੁਰਿੰਦਰ ਕੁਮਾਰ ਭੱਲਾ ਨੂੰ ਮਿਲਿਆ ਡੀ.ਜੀ.ਪੀ ਡਿਸਕ ਐਵਾਰਡ
. . .  1 day ago
ਲਹਿਰਾਗਾਗਾ, 8 ਜੁਲਾਈ (ਅਸ਼ੋਕ ਗਰਗ) – ਪੁਲਿਸ ਥਾਣਾ ਲਹਿਰਾਗਾਗਾ ਵਿਖੇ ਸੇਵਾ ਨਿਭਾਅ ਰਹੇ ਥਾਣਾ ਮੁਖੀ ਸੁਰਿੰਦਰ ਕੁਮਾਰ ਭੱਲਾ ਨੂੰ ਡੀ.ਜੀ.ਪੀ. ਪੰਜਾਬ ਦਿਨਕਰ ਗੁਪਤਾ ਨੇ ਡੀ.ਜੀ.ਪੀ. ਡਿਸਕ ਐਵਾਰਡ ਦੇ ਕੇ ਸਨਮਾਨਿਤ ਕੀਤਾ ਹੈ।ਇਹ ਐਵਾਰਡ ਉਨ੍ਹਾਂ ਨੂੰ ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ...
ਡੇਰਾ ਸਿਰਸਾ ਰਾਸ਼ਟਰੀ ਕਮੇਟੀ ਮੈਂਬਰਾਂ ਹਰਸ਼ ਧੂਰੀ, ਪ੍ਰਦੀਪ ਕਲੇਰ ਅਤੇ ਸੰਦੀਪ ਬਰੇਟਾ ਦੇ ਗ੍ਰਿਫ਼ਤਾਰੀ ਵਾਰੰਟ ਜਾਰੀ
. . .  1 day ago
ਫ਼ਰੀਦਕੋਟ, 8 ਜੁਲਾਈ (ਜਸਵੰਤ ਸਿੰਘ ਪੁਰਬਾ) - ਫ਼ਰੀਦਕੋਟ ਜ਼ਿਲ੍ਹੇ ਦੇ ਪਿੰਡ ਬੁਰਜ ਜਵਾਹਰ ਸਿੰਘ ਵਾਲਾ ਵਿਖੇ ਪੰਜ ਵਰ੍ਹੇ ਪਹਿਲਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਾਵਨ ਸਰੂਪ ਚੋਰੀ ਕਰਨ ਅਤੇ ਬਾਅਦ ਵਿਚ ਬੇਅਦਬੀ ਦੀ ਸਾਜ਼ਿਸ਼ ਰਚਣ ਵਾਲੇ ਤਿੰਨ ਡੇਰਾ ਸਿਰਸਾ ਰਾਸ਼ਟਰੀ ਕਮੇਟੀ ਦੇ ਮੈਂਬਰਾਂ ਹਰਸ਼ ਧੂਰੀ, ਪ੍ਰਦੀਪ ਕਲੇਰ ਅਤੇ ਸੰਦੀਪ ਬਰੇਟਾ ਦੇ ਅਦਾਲਤ ਨੇ ਗ੍ਰਿਫ਼ਤਾਰੀ...
ਫ਼ਰੀਦਕੋਟ ਜ਼ਿਲ੍ਹੇ 'ਚ 7 ਆਂਗਣਵਾੜੀ ਵਰਕਰ, 1 ਪੁਲਿਸ ਕਰਮਚਾਰੀ ਸਮੇਤ 17 ਕੋਰੋਨਾ ਪਾਜ਼ੀਟਿਵ
. . .  1 day ago
ਫ਼ਰੀਦਕੋਟ, 8 ਜੁਲਾਈ (ਜਸਵੰਤ ਸਿੰਘ ਪੁਰਬਾ) - ਸਿਵਲ ਸਰਜਨ ਫ਼ਰੀਦਕੋਟ ਡਾ. ਰਜਿੰਦਰ ਕੁਮਾਰ ਨੇ ਦੱਸਿਆ ਕਿ ਫ਼ਰੀਦਕੋਟ ਜ਼ਿਲ੍ਹੇ ਅੰਦਰ ਕੋਰੋਨਾ ਦੇ ਕੇਸਾਂ ਵਿਚ ਇਜ਼ਾਫਾ ਹੋ ਰਿਹਾ ਹੈ। ਅੱਜ ਪ੍ਰਾਪਤ ਹੋਈਆਂ ਰਿਪੋਰਟਾਂ 'ਚ 17 ਨਵੇਂ ਕੋਰੋਨਾ ਪਾਜ਼ੀਟਿਵ ਕੇਸ ਆਏ ਹਨ। 17 ਨਵੇਂ ਕੋਰੋਨਾ ਪਾਜ਼ੀਟਿਵ ਕੇਸਾਂ ਵਿਚ ਕੋਟਕਪੂਰਾ ਦੇ 9, ਪਿੰਡ ਵਾਂਦਰ ਜਟਾਣਾ...
ਪਠਾਨਕੋਟ 'ਚ 4 ਹੋਰ ਦੀ ਰਿਪੋਰਟ ਕੋਰੋਨਾ ਪਾਜੀਟਿਵ
. . .  1 day ago
ਪਠਾਨਕੋਟ, 8 ਜੁਲਾਈ (ਆਰ. ਸਿੰਘ/ਸੰਧੂ/ਚੌਹਾਨ/ਆਸ਼ੀਸ਼ ਸ਼ਰਮਾ) - ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਸਿਵਲ ਹਸਪਤਾਲ ਪਠਾਨਕੋਟ ਵੱਲੋਂ ਅੰਮ੍ਰਿਤਸਰ ਭੇਜੇ ਗਏ 410 ਸੈਂਪਲਾਂ ਵਿਚੋਂ ੪ ਵਿਅਕਤੀ ਦੀ ਰਿਪੋਰਟ ਕੋਰੋਨਾ ਪਾਜ਼ੀਟਿਵ ਆਈ ਹੈ। ਜਦੋਂਕਿ 406 ਲੋਕਾਂ ਦੀ ਰਿਪੋਰਟ ਨੈਗੇਟਿਵ ਆਈ ਹੈ। ਇਸ ਦੀ ਪੁਸ਼ਟੀ ਸਿਵਲ ਸਰਜਨ ਪਠਾਨਕੋਟ...
ਹੁਸ਼ਿਆਰਪੁਰ ਦੇ ਐੱਸ.ਡੀ.ਐਮ. ਤੇ ਨਗਰ ਨਿਗਮ ਕਮਿਸ਼ਨਰ ਦਾ ਕੋਰੋਨਾ ਟੈਸਟ ਪਾਜ਼ੀਟਿਵ
. . .  1 day ago
ਹੁਸ਼ਿਆਰਪੁਰ, 8 ਜੁਲਾਈ (ਬਲਜਿੰਦਰਪਾਲ ਸਿੰਘ)-ਹੁਸ਼ਿਆਰਪੁਰ ਦੇ ਐੱਸ.ਡੀ.ਐਮ. ਅਮਿਤ ਮਹਾਜਨ ਅਤੇ ਨਗਰ ਨਿਗਮ ਦੇ ਕਮਿਸ਼ਨਰ ਬਲਬੀਰ ਰਾਜ ਸਿੰਘ ਦੋਵੇਂ ਅਧਿਕਾਰੀ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਡਾ: ਜਸਬੀਰ ਸਿੰਘ ਨੇ ਦੱਸਿਆ...
ਮੋਗਾ 'ਚ ਪੁਲਿਸ ਮੁਲਾਜ਼ਮ ਸਮੇਤ 3 ਨੂੰ ਹੋਇਆ ਕੋਰੋਨਾ
. . .  1 day ago
ਮੋਗਾ, 8 ਜੁਲਾਈ (ਗੁਰਤੇਜ ਸਿੰਘ ਬੱਬੀ) - ਅੱਜ ਸਿਹਤ ਵਿਭਾਗ ਨੂੰ ਮਿਲੀਆਂ ਰਿਪੋਰਟਾਂ 'ਚ ਇੱਕ ਪੁਲਿਸ ਮੁਲਾਜ਼ਮ ਸਮੇਤ 2 ਹੋਰਨਾਂ ਨੂੰ ਕੋਰੋਨਾ ਹੋਣ ਦੀ ਪੁਸ਼ਟੀ ਹੋਈ ਹੈ। ਕੋਰੋਨਾ ਪੀੜਤ 34 ਸਾਲਾ ਪੁਲਿਸ ਮੁਲਾਜ਼ਮ ਬਾਘਾ ਪੁਰਾਣਾ ਥਾਣੇ ਨਾਲ ਸਬੰਧਿਤ ਹੈ, ਜਦਕਿ ਇੱਕ 55 ਸਾਲਾ ਵਿਅਕਤੀ...
ਅੰਮ੍ਰਿਤਸਰ 'ਚ ਕੋਰੋਨਾ ਦੇ 13 ਹੋਰ ਮਾਮਲੇ ਆਏ ਸਾਹਮਣੇ, ਇੱਕ ਹੋਰ ਮਰੀਜ਼ ਦੀ ਮੌਤ
. . .  1 day ago
ਅੰਮ੍ਰਿਤਸਰ, 8 ਜੁਲਾਈ (ਰੇਸ਼ਮ ਸਿੰਘ)- ਅੰਮ੍ਰਿਤਸਰ 'ਚ ਅੱਜ ਕੋਰੋਨਾ ਦੇ 13 ਹੋਰ ਮਾਮਲੇ ਆਏ ਸਾਹਮਣੇ ਆਏ ਹਨ ਅਤੇ ਇੱਕ ਹੋਰ ਮਰੀਜ਼ ਦੀ ਮੌਤ ਹੋ ਗਈ ਹੈ। ਇਨ੍ਹਾਂ ਨਵੇਂ ਮਾਮਲਿਆਂ ਦੇ ਸਾਹਮਣੇ ਆਉਣ ਦੇ ਨਾਲ...
ਉਦਯੋਗਿਕ ਫੋਕਲ ਪੁਆਇੰਟ ਦਾ 16 ਕਰੋੜ ਰੁਪਏ ਦੀ ਲਾਗਤ ਨਾਲ ਹੋਵੇਗਾ ਵਿਕਾਸ- ਸੁੰਦਰ ਸ਼ਾਮ ਅਰੋੜਾ
. . .  1 day ago
ਡੇਰਾਬੱਸੀ, 8 ਜੁਲਾਈ (ਗੁਰਮੀਤ ਸਿੰਘ)- ਉਦਯੋਗਿਕ ਖੇਤਰ ਪੰਜਾਬ ਦੀ ਆਰਥਿਕਤਾ ਦੀ ਰੀੜ੍ਹ ਦੀ ਹੱਡੀ ਹੈ ਅਤੇ ਸਿਰਫ਼ ਇਕ ਮਜ਼ਬੂਤ ਉਦਯੋਗਿਕ ਢਾਂਚਾ ਹੀ ਸੂਬੇ ਦੇ ਨੌਜਵਾਨਾਂ ਲਈ ਰੁਜ਼ਗਾਰ ਦੇ ਮੌਕਿਆਂ ਨੂੰ ਯਕੀਨੀ ਬਣਾ...
ਲੁਧਿਆਣਾ 'ਚ ਕੋਰੋਨਾ ਦੇ 53 ਹੋਰ ਮਾਮਲੇ ਆਏ ਸਾਹਮਣੇ
. . .  1 day ago
ਲੁਧਿਆਣਾ, 8 ਜੁਲਾਈ (ਸਿਹਤ ਪ੍ਰਤੀਨਿਧੀ)- ਜ਼ਿਲ੍ਹਾ ਸਿਹਤ ਪ੍ਰਸ਼ਾਸਨ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਲੁਧਿਆਣਾ 'ਚ ਕੋਰੋਨਾ ਵਾਇਰਸ ਦੇ 53 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ 'ਚੋਂ ਪੰਜ ਮਾਮਲੇ ਲੁਧਿਆਣਾ...
ਹੁਣ ਹਰ ਮਹੀਨੇ ਸੂਬੇ ਦੀ ਵਿੱਤੀ ਸਥਿਤੀ ਦੀ ਸਮੀਖਿਆ ਕਰਨਗੇ ਕੈਪਟਨ
. . .  1 day ago
ਚੰਡੀਗੜ੍ਹ, 8 ਜੁਲਾਈ (ਵਿਕਰਮਜੀਤ ਸਿੰਘ ਮਾਨ)- ਪਹਿਲੀ ਤਿਮਾਹੀ 'ਚ 21 ਫ਼ੀਸਦੀ ਦੇ ਮਾਲੀਏ 'ਤੇ ਪਏ ਵੱਡੇ ਘਾਟੇ ਨੂੰ ਧਿਆਨ 'ਚ ਰੱਖਦਿਆਂ ਪੰਜਾਬ ਸਰਕਾਰ ਨੇ ਹੁਣ ਫ਼ੈਸਲਾ ਕੀਤਾ ਹੈ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ...
ਲੁਧਿਆਣਾ 'ਚ ਕੋਰੋਨਾ ਕਾਰਨ ਇੱਕ ਹੋਰ ਮਰੀਜ਼ ਦੀ ਮੌਤ
. . .  1 day ago
ਲੁਧਿਆਣਾ, 8 ਜੁਲਾਈ (ਸਿਹਤ ਪ੍ਰਤੀਨਿਧੀ)- ਲੁਧਿਆਣਾ 'ਚ ਕੋਰੋਨਾ ਵਾਇਰਸ ਤੋਂ ਪੀੜਤ ਇੱਕ ਹੋਰ ਮਰੀਜ਼ ਦੀ ਮੌਤ ਹੋ ਗਈ ਹੈ। ਜ਼ਿਲ੍ਹਾ ਮਲੇਰੀਆ ਅਫ਼ਸਰ ਡਾ. ਰਾਮੇਸ਼ ਭਗਤ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ...
ਹੁਸ਼ਿਆਰਪੁਰ 'ਚ ਨਰਸ ਸਮੇਤ 2 ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ, ਗਿਣਤੀ 191 ਹੋਈ
. . .  1 day ago
ਹੁਸ਼ਿਆਰਪੁਰ, 8 ਜੁਲਾਈ (ਬਲਜਿੰਦਰਪਾਲ ਸਿੰਘ)- ਜ਼ਿਲ੍ਹੇ 'ਚ 2 ਹੋਰ ਕੋਰੋਨਾ ਪਾਜ਼ੀਟਿਵ ਮਰੀਜ਼ਾਂ ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਕੁੱਲ ਪਾਜ਼ੀਟਿਵ ਕੇਸਾਂ ਦੀ ਗਿਣਤੀ 191 ਹੋ ਗਈ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ...
ਸ੍ਰੀ ਦਰਬਾਰ ਸਾਹਿਬ ਦੇ ਸਰੋਵਰ 'ਚ ਡੁੱਬਣ ਵਾਲੇ ਨੌਜਵਾਨ ਦੀ ਹੋਈ ਸ਼ਨਾਖਤ
. . .  1 day ago
ਅੰਮ੍ਰਿਤਸਰ, 8 ਜੁਲਾਈ (ਜਸਵੰਤ ਸਿੰਘ ਜੱਸ)- ਬੀਤੇ ਦਿਨ ਸ੍ਰੀ ਦਰਬਾਰ ਸਾਹਿਬ ਦੇ ਸਰੋਵਰ 'ਚ ਛਾਲ ਮਾਰ ਕੇ ਡੁੱਬਣ ਵਾਲੇ ਨੌਜਵਾਨ ਦੀ ਲਾਸ਼ ਅੱਜ ਤੜਕੇ ਬਰਾਮਦ ਹੋ ਗਈ ਹੈ। ਪ੍ਰਾਪਤ ਵੇਰਵਿਆਂ ਮੁਤਾਬਕ ਇਸ ਨੌਜਵਾਨ...
ਪੰਜਾਬ 'ਚ ਦੋ ਨਵੇਂ ਉਦਯੋਗਿਕ ਪਾਰਕਾਂ ਦੀ ਸਥਾਪਨਾ ਨੂੰ ਪੰਜਾਬ ਕੈਬਨਿਟ ਵਲੋਂ ਮਨਜ਼ੂਰੀ
. . .  1 day ago
ਚੰਡੀਗੜ੍ਹ, 8 ਜੁਲਾਈ- ਸੂਬੇ ਦੀ ਅਰਥ ਵਿਵਸਥਾ ਅਤੇ ਉਦਯੋਗਿਕ ਬੁਨਿਆਦੀ ਢਾਂਚੇ ਨੂੰ ਹੋਰ ਉਤਸ਼ਾਹਿਤ ਕਰਨ ਲਈ ਪੰਜਾਬ ਕੈਬਨਿਟ ਨੇ ਅੱਜ ਲੁਧਿਆਣਾ ਜ਼ਿਲ੍ਹੇ ਦੇ ਮੱਤੇਵਾੜਾ ਅਤੇ ਪਟਿਆਲਾ ਜ਼ਿਲ੍ਹੇ ਦੇ ਰਾਜਪੁਰਾ 'ਚ...
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਬਰਸਾਤ ਰੁੱਤ ਵਿਚ ਬੱਚਿਆਂ ਦੇ ਖਾਣ-ਪੀਣ ਵੱਲ ਧਿਆਨ ਦਿਓ

ਬਰਸਾਤ ਦਾ ਮੌਸਮ ਮਸਤ ਕਰਨ ਵਾਲਾ ਮੌਸਮ ਹੈ। ਗਰਮੀ ਰੁੱਤ ਤੋਂ ਬਾਅਦ ਬਰਸਾਤ ਰੁੱਤ ਆਉਣ 'ਤੇ ਸਭ ਉਸ ਦਾ ਦਿਲੋਂ ਸਵਾਗਤ ਕਰਦੇ ਹਨ। ਉਸ ਦੀਆਂ ਮਿੱਠੀਆਂ-ਮਿੱਠੀਆਂ ਫੁਹਾਰਾਂ ਬੱਚਿਆਂ ਨੂੰ ਚੰਗੀਆਂ ਲਗਦੀਆਂ ਹਨ। ਇਸ ਮਸਤ ਕਰ ਦੇਣ ਵਾਲੇ ਮੌਸਮ ਵਿਚ ਥੋੜ੍ਹੀ ਜਿਹੀ ਲਾਪ੍ਰਵਾਹੀ ਨਾਲ ਬਿਮਾਰੀਆਂ ਵੀ ਬਿਨ ਬੁਲਾਏ ਮਹਿਮਾਨ ਬਣ ਕੇ ਆਉਣ ਨੂੰ ਤਿਆਰ ਰਹਿੰਦੀਆਂ ਹਨ। ਖ਼ਾਸ ਕਰਕੇ ਬੱਚਿਆਂ ਵਿਚ ਰੋਗ ਪ੍ਰਤੀਰੋਧੀ ਸ਼ਕਤੀ ਘੱਟ ਹੋਣ ਨਾਲ ਬੱਚੇ ਇਸ ਦੀ ਗ੍ਰਿਫ਼ਤ ਵਿਚ ਛੇਤੀ ਆ ਜਾਂਦੇ ਹਨ। ਇਸ ਤਰ੍ਹਾਂ 'ਚ ਮਾਵਾਂ ਨੂੰ ਭੋਜਨ ਸਬੰਧੀ ਚੀਜ਼ਾਂ ਪ੍ਰਤੀ ਵਿਸ਼ੇਸ਼ ਚੌਕੰਨਾ ਰਹਿਣ ਦੀ ਜ਼ਰੂਰਤ ਹੁੰਦੀ ਹੈ। ਬੱਚੇ ਅਣਜਾਨ ਹੁੰਦੇ ਹਨ, ਇਸ ਲਈ ਮਾਪਿਆਂ ਦੀ ਜ਼ਿੰਮੇਵਾਰੀ ਜ਼ਿਆਦਾ ਵਧ ਜਾਂਦੀ ਹੈ।
ਮਾਹਿਰਾਂ ਅਨੁਸਾਰ ਮਾਵਾਂ ਨੂੰ ਭੋਜਨ ਬਣਾਉਂਦੇ ਸਮੇਂ ਇਹ ਧਿਆਨ ਜ਼ਰੂਰ ਰੱਖਣਾ ਚਾਹੀਦਾ ਹੈ ਕਿ ਬੱਚਿਆਂ ਲਈ ਸੰਤੁਲਿਤ ਭੋਜਨ ਤਿਆਰ ਕਰੀਏ। ਸੰਤੁਲਿਤ ਭੋਜਨ ਦਾ ਮਤਲਬ ਮਹਿੰਗੀ ਸਬਜ਼ੀ ਅਤੇ ਫਲ ਨਹੀਂ ਸਗੋਂ ਮੌਸਮ ਅਨੁਸਾਰ ਕੁਦਰਤ ਵਲੋਂ ਦਿੱਤੀਆਂ ਗਈਆਂ ਸਬਜ਼ੀਆਂ, ਫਲਾਂ ਅਤੇ ਅਨਾਜਾਂ ਦੀ ਚੋਣ ਹੈ। ਆਓ ਧਿਆਨ ਵਿਚਾਰ ਕਰੀਏ ਕਿ ਕਿਹੜੇ ਖਾਣ ਵਾਲੇ ਪਦਾਰਥਾਂ ਦੇ ਮਿਸ਼ਰਨ ਨਾਲ ਬੱਚਿਆਂ ਦੀ ਸਿਹਤ ਦਾ ਧਿਆਨ ਰੱਖਿਆ ਜਾ ਸਕਦਾ ਹੈ। ਬਰਸਾਤ ਰੁੱਤ ਦੇ ਨਾਂਅ ਤੋਂ ਹੀ ਪਤਾ ਲੱਗ ਜਾਂਦਾ ਹੈ ਕਿ ਇਸ ਮੌਸਮ ਵਿਚ ਹਵਾ ਵਿਚ ਨਮੀ ਜ਼ਿਆਦਾ ਹੁੰਦੀ ਹੈ ਅਤੇ ਇਸ ਮੌਸਮ ਵਿਚ ਜ਼ਿਆਦਾ ਪਾਣੀ ਵਾਲੇ ਪਦਾਰਥ ਖਾਣ ਵਿਚ ਚੰਗੇ ਨਹੀਂ ਲਗਦੇ। ਜਿਵੇਂ ਖਰਬੂਜਾ, ਹਦਵਾਣਾ, ਫਾਲਸੇ, ਖੀਰਾ, ਕੱਦੂ ਆਦਿ। ਇਸ ਤਰ੍ਹਾਂ ਦੇ ਪਦਾਰਥ ਬੱਚਿਆਂ ਨੂੰ ਨਾ ਦਿਓ। ਇਨ੍ਹਾਂ ਨਾਲ ਉਨ੍ਹਾਂ ਵਿਚ ਖਾਣ ਪ੍ਰਤੀ ਰੁਚੀ ਘੱਟ ਪੈਦਾ ਹੋਵੇਗੀ। ਬਰਸਾਤ ਦੇ ਮੌਸਮ ਵਿਚ ਕੇਲਾ, ਪਪੀਤਾ, ਕਰੇਲਾ, ਭਿੰਡੀ, ਪਰਵਲ ਆਦਿ ਜ਼ਿਆਦਾ ਮਾਤਰਾ ਵਿਚ ਦੇਣੇ ਚਾਹੀਦੇ ਹਨ। ਇਨ੍ਹਾਂ ਵਿਚ ਵਿਟਾਮਿਨ ਅਤੇ ਲੋਹ ਤੱਤ ਭਰਪੂਰ ਮਾਤਰਾ ਵਿਚ ਹੁੰਦੇ ਹਨ ਜੋ ਬੱਚਿਆਂ ਦੀ ਰੋਗ ਪ੍ਰਤੀਰੋਧੀ ਸ਼ਕਤੀ ਨੂੰ ਵਧਾਉਂਦੇ ਹਨ। ਇਸ ਤੋਂ ਇਲਾਵਾ ਬੱਚੇ ਦਿਨ ਵਿਚ ਇਕ ਡੇਢ ਗਿਲਾਸ ਦੁੱਧ ਅਤੇ ਦਿਨ ਦੇ ਭੋਜਨ ਵਿਚ ਇਕ ਕੌਲੀ ਦਹੀਂ ਲੈ ਸਕਦੇ ਹਨ। ਇਨ੍ਹੀਂ ਦਿਨੀਂ ਬੱਚਿਆਂ ਨੂੰ ਉੱਬਲਿਆ ਹੋਇਆ ਪਾਣੀ ਠੰਢਾ ਕਰਕੇ ਪੀਣ ਨੂੰ ਦਿਓ ਕਿਉਂਕਿ ਬਰਸਾਤਾਂ ਦੇ ਮੌਸਮ ਵਿਚ ਪਾਣੀ ਚੰਗਾ ਨਹੀਂ ਆਉਂਦਾ। ਭੋਜਨ ਦੇ ਨਾਲ-ਨਾਲ ਇਸ ਮੌਸਮ ਵਿਚ ਹੋਰ ਕੁਝ ਗੱਲਾਂ 'ਤੇ ਵੀ ਧਿਆਨ ਦੇਣਾ ਚਾਹੀਦਾ। ਬੱਚਿਆਂ ਨੂੰ ਜ਼ਿਆਦਾ ਭਿੱਜਣ ਨਾ ਦਿਓ। ਭਿੱਜਣ 'ਤੇ ਹੀ ਬੱਚਿਆਂ ਨੂੰ ਸੁੱਕੇ ਤੌਲੀਏ ਨਾਲ ਪੂੰਝ ਕੇ ਸੁੱਕੇ ਕੱਪੜੇ ਪਵਾਓ। ਜ਼ਿਆਦਾ ਦੇਰ ਭਿੱਜੇ ਰਹਿਣ ਨਾਲ ਬੱਚਿਆਂ ਦੀ ਚਮੜੀ ਵਿਚ ਫੰਗਸ ਅਤੇ ਦਾਣੇ ਆਦਿ ਹੋ ਸਕਦੇ ਹਨ। ਬੱਚਿਆਂ ਨੂੰ ਖਾਣਾ ਸਾਫ਼-ਸੁਥਰੇ ਸੁੱਕੇ ਭਾਂਡਿਆਂ ਵਿਚ ਦਿਓ ਅਤੇ ਬਣਾਉਂਦੇ ਸਮੇਂ ਵੀ ਸਾਫ਼ ਭਾਂਡਿਆਂ ਦੀ ਵਰਤੋਂ ਕਰੋ। ਖਾਣ ਵਾਲੇ ਪਦਾਰਥ ਢਕ ਕੇ ਰੱਖੋ। ਪਹਿਲਾਂ ਤੋਂ ਕੱਟੇ ਹੋਏ ਫਲ ਤੇ ਸਲਾਦ ਬੱਚਿਆਂ ਨੂੰ ਨਾ ਦਿਓ। ਖਾਣਾ ਪਰੋਸਣ ਅਤੇ ਬਣਾਉਣ ਤੋਂ ਪਹਿਲਾਂ ਆਪਣੇ ਹੱਥ ਧੋਵੋ ਅਤੇ ਖਾਣਾ ਖਾਣ ਤੋਂ ਪਹਿਲਾਂ ਬੱਚਿਆਂ ਦੇ ਹੱਥ ਵੀ ਧੋਵੋ।
ਸਾਗ, ਸਬਜ਼ੀ, ਫਲ ਆਦਿ ਚੰਗੀ ਤਰ੍ਹਾਂ ਨਾਲ ਧੋ ਕੇ ਪਕਾਓ ਅਤੇ ਖਾਣ ਨੂੰ ਦਿਓ ਕਿਉਂਕਿ ਬਰਸਾਤ ਦੇ ਮੌਸਮ ਵਿਚ ਫਲ ਅਤੇ ਸਬਜ਼ੀਆਂ ਨੂੰ ਛੇਤੀ ਕੀੜਾ ਲਗਦਾ ਹੈ। ਬਾਜ਼ਾਰ ਦੀ ਬਰਫ਼ ਦੀ ਬਣੀ ਕੋਈ ਚੀਜ਼ ਬੱਚਿਆਂ ਨੂੰ ਖਾਣ ਨੂੰ ਨਾ ਦਿਓ। ਬਾਜ਼ਾਰ ਵਿਚ ਦੁੱਧ ਤੋਂ ਬਣੇ ਵਿਅੰਜਨ ਵੀ ਨਾ ਖਾਓ। ਮਾਸ, ਮਛਲੀ ਵੀ ਘਰ ਹੀ ਚੰਗੀ ਤਰ੍ਹਾਂ ਪਕਾ ਕੇ ਖਵਾਓ। ਬਰਸਾਤ ਦੇ ਮੌਸਮ ਵਿਚ ਫਾਸਟ ਫੂਡਜ਼ ਤੇ ਠੰਢਾ ਪੀਣ ਵਾਲੇ ਪਾਣੀ ਦਾ ਸੇਵਨ ਘੱਟ ਤੋਂ ਘੱਟ ਕਰਨ ਦਿਓ।
ਘਰ 'ਚ ਨੂਡਲਜ਼, ਬਰਗਰ ਬਣਾਉਂਦੇ ਸਮੇਂ ਪਨੀਰ ਦਾ ਮਿਸ਼ਰਨ ਕਰੋ ਤਾਂ ਕਿ ਬੱਚਿਆਂ ਨੂੰ ਕੁਝ ਪੌਸ਼ਟਕਿਤਾ ਮਿਲ ਸਕੇ। ਜ਼ਿਆਦਾ ਪੁਰਾਣਾ ਬਣਿਆ ਖਾਣਾ ਜੋ ਫਰਿੱਜ ਵਿਚ ਪਿਆ ਹੋਵੇ ਖਾਣ ਨੂੰ ਨਾ ਦਿਓ। ਤਾਜ਼ਾ ਭੋਜਨ ਹੀ ਦਿਓ। ਬੱਚਿਆਂ ਨੂੰ ਸਬਜ਼ੀਆਂ ਅਤੇ ਦਾਲਾਂ ਵਾਲੀ ਖਿਚੜੀ ਅਤੇ ਦਲੀਆ ਖਾਣ ਨੂੰ ਦਿਓ ਜੋ ਪੌਸ਼ਟਿਕਤਾ ਦੇ ਨਾਲ-ਨਾਲ ਛੇਤੀ ਹਜ਼ਮ ਹੁੰਦਾ ਹੈ।


ਖ਼ਬਰ ਸ਼ੇਅਰ ਕਰੋ

ਕੰਮ ਦੀਆਂ ਗੱਲਾਂ ਕਰੋ ਸਹੀ ਪਰਫਿਊਮ ਦੀ ਚੋਣ

ਗਰਮੀਆਂ ਵਿਚ ਪਸੀਨੇ ਦੀ ਬਦਬੂ ਆਮ ਸਮੱਸਿਆ ਹੈ, ਜਦਕਿ ਇਕ ਸੁਖਦ ਸੁਗੰਧ ਤਨ, ਮਨ ਦੋਵਾਂ ਨੂੰ ਅਨੰਦਿਤ ਕਰ ਦਿੰਦੀ ਹੈ। ਗਰਮੀਆਂ ਵਿਚ ਪਰਫਿਊਮ ਲਗਾਉਣਾ ਹਰ ਕੋਈ ਪਸੰਦ ਕਰਦਾ ਹੈ ਅਤੇ ਬਾਜ਼ਾਰ ਵਿਚ ਤੁਹਾਨੂੰ ਇਸ ਦੀਆਂ ਅਣਗਿਣਤ ਕਿਸਮਾਂ ਮਿਲ ਜਾਂਦੀਆਂ ਹਨ। ਕੁਝ ਲੋਕਾਂ ਵਿਚ ਪਰਫਿਊਮ ਲਗਾਉਣ ਦਾ ਸ਼ੌਕ ਕਿਸੇ ਪਸੰਦ ਤੋਂ ਘੱਟ ਨਹੀਂ ਹੁੰਦਾ ਕਿਉਂਕਿ ਜਿਸ ਦੇ ਕੋਲੋਂ ਖੁਸ਼ਬੂ ਆਉਂਦੀ ਹੈ, ਉਸ ਵੱਲ ਦੂਸਰੇ ਵਿਅਕਤੀ ਖਿੱਚੇ ਆਉਂਦੇ ਹਨ।
ਗਰਮੀਆਂ ਵਿਚ ਮੂਡ ਨੂੰ ਖੁਸ਼ਮਿਜਾਜ਼ ਰੱਖਣਾ ਬੇਹੱਦ ਜ਼ਰੂਰੀ ਹੁੰਦਾ ਹੈ ਭਾਵ ਕਈ ਲੋਕ ਇਸ ਚਿੰਤਾ ਵਿਚ ਰਹਿੰਦੇ ਹਨ ਕਿ ਕਿਸ ਤਰ੍ਹਾਂ ਦਾ ਪਰਫਿਊਮ ਲਗਾਇਆ ਜਾਵੇ ਕਿਉਂਕਿ ਪਸੀਨੇ ਦੀ ਬਦਬੂ ਨੂੰ ਰੋਕਣਾ, ਦਿਲੋ-ਦਿਮਾਗ ਨੂੰ ਸਕੂਨ ਦੇਣ ਲਈ ਪਰਫਿਊਮ ਦੀ ਜ਼ਰੂਰਤ ਹੁੰਦੀ ਹੈ ਜੋ ਕਿ ਤੁਹਾਡੀ ਚਮੜੀ ਅਤੇ ਵਿਅਕਤੀਗਤ ਦੋਵਾਂ ਦੇ ਅਨੁਕੂਲ ਹੋਵੇ ਭਾਵ ਤੁਹਾਨੂੰ ਖੁਸ਼ੀ ਦਾ ਅਹਿਸਾਸ ਕਰਵਾ ਸਕੇ।
ਸਸਤੇ ਅਤੇ ਘਟੀਆ ਪਰਫਿਊਮ ਨਾਲ ਤੁਹਾਡੀ ਚਮੜੀ ਨੂੰ ਨੁਕਸਾਨ (ਐਲਰਜੀ) ਹੋ ਸਕਦਾ ਹੈ ਭਾਵ ਚਮੜੀ 'ਤੇ ਛਾਲੇ ਪੈ ਸਕਦੇ ਹਨ। ਜੇਕਰ ਤੁਹਾਨੂੰ ਕਿਸੇ ਬਰਾਂਡ ਦਾ ਪਰਫਿਊਮ ਵਧੀਆ ਲਗਦਾ ਹੈ ਤਾਂ ਉਸ ਦੀ ਵਰਤੋਂ ਕਰਦੇ ਰਹੋ, ਵਾਰ-ਵਾਰ ਬਰਾਂਡ ਨਹੀਂ ਬਦਲਣੇ ਚਾਹੀਦੇ। ਕਦੀ ਵੀ ਪਰਫਿਊਮ ਨੂੰ ਨੰਗੇ ਸਰੀਰ 'ਤੇ ਨਹੀਂ ਪਾਉਣਾ ਚਾਹੀਦਾ ਕਿਉਂਕਿ ਇਸ ਨਾਲ ਚਮੜੀ ਨੂੰ ਲਾਗ ਲੱਗਣ ਦਾ ਖ਼ਤਰਾ ਵਧ ਜਾਂਦਾ ਹੈ। ਪਰਫਿਊਮ ਖਰੀਦਣ ਤੋਂ ਪਹਿਲਾਂ ਇਸ ਵਿਚ ਐਸਿਡ ਦੀ ਮਾਤਰਾ ਜ਼ਰੂਰ ਚੈੱਕ ਕਰ ਲੈਣੀ ਚਾਹੀਦੀ ਹੈ ਕਿਉਂਕਿ ਐਸਿਡ ਦੀ ਮਾਤਰਾ ਜ਼ਿਆਦਾ ਹੋਣ ਨਾਲ ਸਰੀਰ 'ਤੇ ਖਾਜ, ਦਾਣਿਆਂ ਆਦਿ ਦੀ ਸਮੱਸਿਆ ਹੋ ਸਕਦੀ ਹੈ। ਪਰਫਿਊਮ ਦੀ ਉਪਯੋਗਤਾ ਚੈੱਕ ਕਰਨ ਲਈ ਇਸ ਨੂੰ ਆਪਣੀ ਬਾਂਹ 'ਤੇ 10 ਮਿੰਟ ਤੱਕ ਲਗਾਓ, ਜੇ ਇਸ ਜਗ੍ਹਾ 'ਤੇ 10 ਮਿੰਟ ਤੱਕ ਕੋਈ ਖਾਜ ਜਾਂ ਕਾਲਾ ਧੱਬਾ ਨਹੀਂ ਪੈਂਦਾ ਤਾਂ ਤੁਹਾਡੀ ਚਮੜੀ ਦੇ ਅਨੁਕੂਲ ਹੈ। ਹਮੇਸ਼ਾ ਕੁਦਰਤੀ ਖੁਸ਼ਬੂ ਵਾਲਾ ਪਰਫਿਊਮ ਬਿਹਤਰ ਸਾਬਤ ਹੁੰਦਾ ਹੈ। ਇਹ ਇਕ ਆਮ ਨਿਯਮ ਹੈ ਕਿ ਲੜਕੀਆਂ ਨੂੰ ਹਲਕਾ ਅਤੇ ਲੜਕਿਆਂ ਨੂੰ ਤੇਜ਼ ਪਰਫਿਊਮ ਦਾ ਉਪਯੋਗ ਕਰਨਾ ਚਾਹੀਦਾ ਹੈ।
ਬਦਲਦੇ ਮੌਸਮ ਵਿਚ ਜਿਸ ਤਰ੍ਹਾਂ ਪਹਿਰਾਵੇ, ਗਹਿਣੇ, ਫੁਟਵੀਅਰ ਦੀ ਚੋਣ ਕਰਦੇ ਹਾਂ, ਵੈਸੇ ਹੀ ਹਰ ਮੌਸਮ ਜਾਂ ਕਿਸੇ ਮੌਕੇ 'ਤੇ ਮੈਚ ਕਰਦਾ ਪਰਫਿਊਮ ਵਰਤੋ ਤਾਂ ਕਿ ਤੁਸੀਂ ਤਾਜ਼ਾ ਅਤੇ ਆਨੰਦਿਤ ਮਹਿਸੂਸ ਕਰ ਸਕੋ। ਗਰਮੀਆਂ ਵਿਚ ਧੂੜ, ਮਿੱਟੀ, ਗੰਦਗੀ, ਪਸੀਨਾ ਸ਼ਾਮ ਤੱਕ ਪੂਰੇ ਸਰੀਰ ਨੂੰ ਬਦਬੂਦਾਰ ਬਣਾ ਦਿੰਦਾ ਹੈ। ਅਜਿਹੇ ਵਿਚ ਤੁਹਾਡੇ ਸਰੀਰ ਦੇ ਕੁਦਰਤੀ ਕੈਮੀਕਲਜ਼ ਦੇ ਨਾਲ ਮੇਲ ਖਾਂਦੇ ਪਰਫਿਊਮ ਤੁਹਾਡੇ ਲਈ ਬਿਹਤਰ ਸਾਬਤ ਹੋਣਗੇ। ਪਰਫਿਊਮ ਦੀ ਸਹੀ ਚੋਣ ਤੁਹਾਡੀ ਸ਼ਖ਼ਸੀਅਤ ਨਾਲ ਜੁੜ ਜਾਂਦੀ ਹੈ ਭਾਵ ਤੁਹਾਡੇ ਲਾਈਫ਼ ਸਟਾਈਲ ਦੀ ਨਿਸ਼ਾਨੀ ਬਣ ਜਾਂਦੀ ਹੈ। ਗਰਮੀਆਂ ਵਿਚ ਖੁਸ਼ਬੂ ਤੇਜ਼ੀ ਨਾਲ ਛੂਮੰਤਰ ਹੋ ਜਾਂਦੀ ਹੈ, ਇਸ ਲਈ ਫੁੱਲਾਂ ਦੀ ਖੁਸ਼ਬੂ ਵਾਲੇ ਪਰਫਿਊਮ ਤੁਹਾਡੇ ਮਨ ਨੂੰ ਬੁਲੰਦ ਕਰਨਗੇ। ਗਰਮੀਆਂ ਵਿਚ ਜ਼ਿਆਦਾ ਖੁਸ਼ਬੂ ਵਾਲੇ ਪਰਫਿਊਮ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਤਾਂ ਕਿ ਗਰਮੀ ਪਸੀਨੇ ਨੂੰ ਝੱਲ ਸਕੇ। ਗਰਮੀਆਂ ਵਿਚ ਤੁਹਾਨੂੰ ਆਪਣੀ ਸ਼ਖ਼ਸੀਅਤ ਨਾਲ ਮੇਲ ਖਾਂਦਾ ਪਰਫਿਊਮ ਚੁਣਨਾ ਚਾਹੀਦਾ ਹੈ ਜੋ ਕਿ ਲੰਬੇ ਸਮੇਂ ਤੱਕ ਖੁਸ਼ਬੂ ਪ੍ਰਦਾਨ ਕਰ ਸਕੇ।
ਜ਼ਿਆਦਾਤਰ ਡਿਊਡਰੈਂਟ ਸਰੀਰ 'ਚ ਪਸੀਨਾ ਰੋਕਣ ਦਾ ਕੰਮ ਕਰਦੇ ਹਨ। ਅਜਿਹੇ ਵਿਚ ਰੋਲ-ਆਨ ਦੀ ਬਜਾਏ ਸਪਰੇਅ ਜ਼ਿਆਦਾ ਉਪਯੋਗੀ ਮੰਨਿਆ ਗਿਆ ਹੈ। ਗਰਮੀਆਂ ਦੇ ਮੌਸਮ ਵਿਚ ਹਲਕੀ ਖੁਸ਼ਬੂ ਦਾ ਡਿਓਡਰੈਂਟ ਜ਼ਿਆਦਾ ਅਸਰਦਾਰ ਮੰਨਿਆ ਜਾਂਦਾ ਹੈ ਕਿਉਂਕਿ ਤੇਜ਼ ਖੁਸ਼ਬੂ ਵਾਲੇ ਪਸੀਨੇ ਨੂੰ ਰੋਕਣ ਵਾਲੇ ਡਿਓਡਰੈਂਟ ਦੇ ਪ੍ਰਯੋਗ ਨਾਲ ਚਮੜੀ 'ਚ ਜਲਣ ਜਾਂ ਰਿਐਕਸ਼ਨ ਹੋ ਸਕਦਾ ਹੈ।
ਮੌਸਮ ਜਾਂ ਵਾਤਾਵਰਨ ਸਹੀ ਪਰਫਿਊਮ ਚੁਣਨ ਵਿਚ ਮਹੱਤਵਪੂਰਨ ਭੂਮਿਕਾ ਅਦਾ ਕਰਦੇ ਹਨ। ਨਮੀ ਭਰੇ ਗਰਮ ਵਾਤਾਵਰਨ ਵਿਚ ਹਲਕੇ ਭਾਵ ਤਾਜ਼ਾ ਖੁਸ਼ਬੂ ਵਾਲੇ ਪਰਫਿਊਮ ਬਿਹਤਰ ਨਤੀਜਾ ਦਿੰਦੇ ਹਨ ਕਿਉਂਕਿ ਇਸ ਮੌਸਮ ਵਿਚ ਪਰਫਿਊਮ ਦਾ ਪ੍ਰਭਾਵ ਤੇਜ਼ ਹੋ ਜਾਂਦਾ ਹੈ। ਤੇਜ਼ ਖੁਸ਼ਬੂ ਵਾਲੇ ਪਰਫਿਊਮ ਤੁਹਾਨੂੰ ਅਸਹਿਜ ਕਰ ਸਕਦੇ ਹਨ।

ਕਰੋ ਸਫ਼ਾਇਆ ਕੀੜਿਆਂ, ਮੱਖੀਆਂ ਅਤੇ ਮੱਛਰਾਂ ਦਾ

ਬਰਸਾਤੀ ਮੌਸਮ ਸ਼ੁਰੂ ਹੁੰਦਾ ਹੈ ਤਾਂ ਮੱਖੀ-ਮੱਛਰਾਂ ਦਾ ਆਗਮਨ ਵੀ ਸ਼ੁਰੂ ਹੋ ਜਾਂਦਾ ਹੈ ਅਤੇ ਬਰਸਾਤੀ ਮੌਸਮ ਦੇ ਖ਼ਤਮ ਹੋਣ ਤੱਕ ਇਨ੍ਹਾਂ ਦਾ ਸਾਥ ਸਾਡੇ ਘਰਾਂ ਵਿਚ ਬਣਿਆ ਰਹਿੰਦਾ ਹੈ। ਬਰਸਾਤੀ ਮੌਸਮ ਵਿਚ ਤਾਂ ਕੀੜੇ ਵੀ ਪ੍ਰੇਸ਼ਾਨ ਕਰਨ ਲਗਦੇ ਹਨ ਪਰ ਤੁਸੀਂ ਪ੍ਰੇਸ਼ਾਨ ਨਾ ਹੋਵੋ। ਹੇਠ ਲਿਖੇ ਉਪਾਅ ਕਰਕੇ ਤੁਸੀਂ ਆਪਣੀਆਂ ਪ੍ਰੇਸ਼ਾਨੀ ਘੱਟ ਕਰ ਸਕਦੇ ਹੋ।
* ਮੱਖੀਆਂ ਦੂਰ ਭਜਾਉਣ ਲਈ ਖੁੱਲ੍ਹੇ ਪੈਨ ਵਿਚ ਕੌਫ਼ੀ ਭੁੰਨੋ। ਮੱਖੀਆਂ ਭੱਜ ਜਾਣਗੀਆਂ।
* ਜੇਕਰ ਘਰ ਵਿਚ ਚੂਹੇ ਹੋਣ ਤਾਂ ਦਰਵਾਜ਼ਿਆਂ ਦੇ ਹੇਠਾਂ ਪਿੱਛੇ ਰਬੜ ਲਗਵਾ ਲਓ ਤਾਂ ਕਿ ਬਾਹਰ ਤੋਂ ਚੂਹਿਆਂ ਨੂੰ ਅੰਦਰ ਆਉਣ ਦਾ ਰਸਤਾ ਨਾ ਮਿਲੇ। ਚੂਹਿਆਂ ਤੋਂ ਬਚਣ ਲਈ ਰਸੋਈ ਦੀਆਂ ਨਾਲੀਆਂ ਬੰਦ ਰੱਖੋ ਅਤੇ ਸਾਰੇ ਖਾਣ ਵਾਲੇ ਪਦਾਰਥ ਢਕ ਕੇ ਰੱਖੋ।
* ਕਾਕਰੋਚ ਅਤੇ ਕੀੜੀਆਂ ਜਿਥੋਂ ਨਿਕਲਦੀਆਂ ਹੋਣ, ਉਸ ਥਾਂ 'ਤੇ ਹਲਦੀ ਛਿੜਕ ਦਿਓ। ਰਸੋਈ ਦੇ ਸਿੰਕ ਅਤੇ ਜਾਲੀ 'ਤੇ ਉਬਲਦਾ ਹੋਇਆ ਪਾਣੀ ਹਰ ਰੋਜ਼ ਇਕ ਵਾਰ ਪਾਓ ਤਾਂ ਕਿ ਨਾਲੀਆਂ ਤੋਂ ਕਾਕਰੋਚ ਬਾਹਰ ਨਾ ਆਉਣ।
* ਨਾਲੀ ਦੀ ਜਾਲੀ 'ਤੇ ਕਪੂਰ ਦੀਆਂ ਟਿੱਕੀਆਂ ਰੱਖੋ ਤਾਂ ਕਿ ਮੱਖੀਆਂ, ਮੱਛਰ ਪੈਦਾ ਨਾ ਹੋਣ। ਉਸ ਦੀ ਬਦਬੂ ਨਾਲ ਚੂਹੇ ਵੀ ਭੱਜ ਜਾਂਦੇ ਹਨ। ਕਾਕਰੋਚ ਨੂੰ ਦੂਰ ਭਜਾਉਣ ਲਈ ਸਪ੍ਰੇਅ ਛਿੜਕੋ।
* ਛਿਪਕਲੀ ਨੂੰ ਭਜਾਉਣ ਲਈ ਘਰ ਵਿਚ ਜਾਲੇ ਨਾ ਲੱਗਣ ਦਿਓ। ਜਾਲਿਆਂ ਨੂੰ ਲਾਹੁਣ ਲਈ ਇਕ ਡੰਡੇ 'ਤੇ ਗਿੱਲਾ ਕੱਪੜਾ ਬੰਨ੍ਹ ਕੇ ਜਾਲੇ ਲਾਹ ਦਿਓ।
* ਕੀੜੀਆਂ ਨੂੰ ਦੂਰ ਭਜਾਉਣ ਲਈ ਦਰਵਾਜ਼ਿਆਂ ਦੀਆਂ ਝੀਥਾਂ 'ਤੇ ਮਿੱਟੀ ਦਾ ਤੇਲ ਛਿੜਕ ਦਿਓ। ਕੀੜੀਆਂ ਮਿੱਟੀ ਦੇ ਤੇਲ ਦੀ ਬਦਬੂ ਨਾਲ ਦੂਰ ਭੱਜਦੀਆਂ ਹਨ। ਕੀੜੀਆਂ ਹੋਣ 'ਤੇ ਬੋਰਿਕ ਪਾਊਡਰ ਵੀ ਛਿੜਕ ਸਕਦੇ ਹੋ ਅਤੇ ਲਕਸ਼ਣ ਰੇਖਾ ਨਾਲ ਵੀ ਕੀੜੀਆਂ ਭੱਜ ਜਾਂਦੀਆਂ ਹਨ।
* ਪੁਰਾਣੀ ਬੀਅਰ ਦੀ ਛੋਟੇ ਮੂੰਹ ਵਾਲੀ ਬੋਤਲ ਨੂੰ ਖੋਲ੍ਹ ਕੇ ਰਸੋਈ ਵਿਚ ਰੱਖ ਦਿਓ। ਬੀਅਰ ਦੀ ਬਦਬੂ ਨਾਲ ਕਾਕਰੋਚ ਬੋਤਲ ਵਿਚ ਭਰਦੇ ਚਲੇ ਜਾਣਗੇ। ਕਾਕਰੋਚ ਨੂੰ ਭਜਾਉਣ ਲਈ ਬੋਰਿਕ ਐਸਿਡ ਵਿਚ ਚੀਨੀ ਦੁੱਧ ਮਿਲਾ ਕੇ ਪੇਸਟ ਬਣਾ ਕੇ ਕਾਕਰੋਚ ਦੇ ਜਮਵਾੜੇ 'ਤੇ ਲਗਾ ਦਿਓ।
* ਜੇਕਰ ਸਿਉਂਕ ਘਰ ਵਿਚ ਆ ਗਈ ਹੋਵੇ ਤਾਂ ਉਸ ਥਾਂ 'ਤੇ ਉੱਬਲਦਾ ਹੋਇਆ ਗਰਮ ਪਾਣੀ ਪਾਓ ਜਾਂ ਫਿਰ ਮਿੱਟੀ ਦੇ ਤੇਲ ਅਤੇ ਕੀਟਨਾਸ਼ਕ ਦਵਾਈ ਨਾਲ ਸਪ੍ਰੇਅ ਕਰੋ, ਸਿਉਂਕ ਖ਼ਤਮ ਹੋ ਜਾਵੇਗੀ। ਜੇਕਰ ਫਿਰ ਵੀ ਸਿਉਂਕ ਹੋਵੇ ਤਾਂ ਕਾਰਪੇਂਟਰ ਦੀ ਸਹਾਇਤਾ ਨਾਲ ਉਸ ਹਿੱਸੇ ਦੀ ਲਕੜੀ ਕਟਵਾ ਕੇ ਸੁੱਟ ਦਿਓ।
* ਮੱਖੀਆਂ ਨੂੰ ਦੂਰ ਭਜਾਉਣ ਲਈ ਘਰ ਦੇ ਫਰਸ਼ 'ਤੇ ਫਿਨਾਇਲ ਅਤੇ ਮਿੱਟੀ ਦੇ ਤੇਲ ਦਾ ਪੋਚਾ ਲਗਵਾਓ। ਪੁਦੀਨੇ ਦੀਆਂ ਪੱਤੀਆਂ ਦਾ ਚੂਰਾ ਕਰਕੇ ਵੱਖ-ਵੱਖ ਕੋਨਿਆਂ ਵਿਚ ਰੱਖੋ। ਮੱਖੀਆਂ ਭੱਜ ਜਾਣਗੀਆਂ ਜਾਂ ਪਾਣੀ ਦੀ ਕਟੋਰੀ ਵਿਚ ਸਰ੍ਹੋਂ ਦੇ ਤੇਲ ਦੀਆਂ ਕੁਝ ਬੂੰਦਾਂ ਪਾ ਕੇ ਕੋਨੇ ਵਿਚ ਰੱਖੋ ਤਾਂ ਕਿ ਮੱਖੀਆਂ ਦੂਰ ਰਹਿਣਗੀਆਂ।
ਕੀਟਨਾਸ਼ਕ ਦਵਾਈਆਂ ਅਤੇ ਕੀਟਨਾਸ਼ਕ ਸਪ੍ਰੇਅ ਦੀ ਵਰਤੋਂ ਘੱਟ ਤੋਂ ਘੱਟ ਕਰੋ ਕਿਉਂਕਿ ਇਨ੍ਹਾਂ ਵਿਚ ਕਈ ਤਰ੍ਹਾਂ ਦੇ ਜ਼ਹਿਰੀਲੇ ਕੈਮੀਕਲਜ਼ ਹੁੰਦੇ ਹਨ ਜੋ ਬੱਚਿਆਂ ਵਾਲੇ ਘਰ ਵਿਚ ਖ਼ਤਰਨਾਕ ਸਾਬਤ ਹੋ ਸਕਦੇ ਹਨ।

ਰਸੋਈ ਵਿਚ ਇਨ੍ਹਾਂ ਦੀ ਸਫ਼ਾਈ ਹੈ ਜ਼ਰੂਰੀ

ਤੁਸੀਂ ਰਸੋਈ ਨੂੰ ਸਾਫ਼ ਕਰਨ ਲਈ ਜਿੰਨੀ ਸਫ਼ਾਈ ਕਰੋ ਓਨੀ ਘੱਟ ਹੈ ਕਿਉਂਕਿ ਰਸੋਈ ਇਕ ਇਸ ਤਰ੍ਹਾਂ ਦੀ ਥਾਂ ਹੈ, ਜਿਥੇ ਭੋਜਨ ਬਣਾਉਣ ਦੌਰਾਨ ਖਿਲਾਰਾ ਪੈ ਹੀ ਜਾਂਦਾ ਹੈ। ਅਸੀਂ ਰਸੋਈ ਦੇ ਤੌਲੀਏ, ਭਾਂਡੇ, ਸਟੋਵ, ਸਲੈਬ ਅਤੇ ਜ਼ਮੀਨ ਤਾਂ ਸਾਫ਼ ਕਰ ਲੈਂਦੇ ਹਾਂ ਪਰ ਰਸੋਈ ਵਿਚ ਕੁਝ-ਇਕ ਅਜਿਹੀਆਂ ਥਾਵਾਂ ਹੁੰਦੀਆਂ ਹਨ ਜਿਨ੍ਹਾਂ ਨੂੰ ਅਸੀਂ ਨਜ਼ਰ ਅੰਦਾਜ਼ ਕਰ ਦਿੰਦੇ ਹਾਂ। ਆਓ! ਜਾਣਦੇ ਹਾਂ ਕਿਹੜੀਆਂ ਹਨ ਇਹ ਥਾਵਾਂ ਜਿਨ੍ਹਾਂ ਨੂੰ ਸਾਨੂੰ ਸਾਫ਼ ਕਰਨਾ ਚਾਹੀਦਾ ਹੈ।
ਸਬਜ਼ੀ ਕੱਟਣ ਵਾਲਾ ਬੋਰਡ : ਕਟਿੰਗ ਬੋਰਡ 'ਤੇ ਸਬਜ਼ੀਆਂ ਕੱਟਣਾ ਰੋਜ਼ ਦਾ ਕੰਮ ਹੁੰਦਾ ਹੈ ਪਰ ਇਸ ਨੂੰ ਸਿਰਫ਼ ਖਾਲੀ ਪਾਣੀ ਅਤੇ ਸਰਫ਼ ਨਾਲ ਸਾਫ ਕਰਨ ਨਾਲ ਹੀ ਕੰਮ ਨਹੀਂ ਚਲਦਾ। ਬੋਰਡ ਦੇ ਹੈਂਡਲ 'ਤੇ ਗਹਿਰਾਈ ਨਾਲ ਕੀਟਾਣੂ ਇਕੱਠੇ ਹੋ ਜਾਂਦੇ ਹਨ। ਟਮਾਟਰ ਦੇ ਬੀਜ ਅਤੇ ਮਿਰਚ ਦੇ ਬੀਜ ਗਹਿਰਾਈ ਤੱਕ ਚਲੇ ਜਾਂਦੇ ਹਨ, ਜਿਨ੍ਹਾਂ ਨੂੰ ਬਾਅਦ ਵਿਚ ਕੱਢਣਾ ਮੁਸ਼ਕਿਲ ਹੋ ਜਾਂਦਾ ਹੈ ਇਸ ਲਈ ਬੋਰਡ ਨੂੰ ਹਰ ਰੋਜ਼ ਵਰਤੋਂ ਕਰਨ ਤੋਂ ਬਾਅਦ ਚੰਗੀ ਤਰ੍ਹਾਂ ਸਾਫ਼ ਕਰੋ। ਨਾਲ ਹੀ ਮੀਟ ਅਤੇ ਸਬਜ਼ੀਆਂ ਨੂੰ ਕੱਟਣ ਵਾਲਾ ਬੋਰਡ ਵੱਖਰਾ-ਵੱਖਰਾ ਰੱਖੋ।
ਰਸੋਈ ਸਿੰਕ : ਸਿੰਕ ਵਿਚ ਗੰਦੇ ਭਾਂਡਿਆਂ ਨੂੰ ਜ਼ਿਆਦਾ ਦੇਰ ਤੱਕ ਰੱਖਣ ਨਾਲ ਬਿਮਾਰੀ ਪੈਦਾ ਹੋ ਸਕਦੀ ਹੈ। ਇਸ ਲਈ ਸਿੰਕ ਵਿਚ ਭਾਂਡੇ ਰੱਖਣ ਤੋਂ ਪਹਿਲਾਂ ਉਸ ਦਾ ਬਚਿਆ ਹੋਇਆ ਜੂਠਾ ਖਾਣਾ ਬਾਹਰ ਸੁੱਟ ਦਿਓ। ਆਪਣੀ ਰਸੋਈ ਸਿੰਕ ਨੂੰ ਗਰਮ ਪਾਣੀ ਅਤੇ ਸਰਫ਼ ਨਾਲ ਧੋਵੋ। ਨਾਲ ਹੀ ਬੇਕਿੰਗ ਸੋਢਾ ਦੀ ਵਰਤੋਂ ਸਿੰਕ ਦੇ ਕੋਨੋ-ਕੋਨੇ ਵਿਚ ਕਰੋ ਜਿਸ ਨਾਲ ਬੈਕਟੀਰੀਆ ਨਾ ਪੈਦਾ ਹੋਣ।
ਸਪੰਜ ਅਤੇ ਸਕਰੱਬ : ਤੁਹਾਨੂੰ ਪਤਾ ਹੋਵੇਗਾ ਕਿ ਨਮੀ ਅਤੇ ਗਿਲੀ ਥਾਂ 'ਤੇ ਕੀਟਾਣੂ ਜ਼ਿਆਦਾ ਤੇਜ਼ੀ ਨਾਲ ਫੈਲਦੇ ਹਨ। ਇਸ ਲਈ ਸਪੰਜ ਅਤੇ ਭਾਂਡੇ ਮਾਂਜਣ ਵਾਲੇ ਤਾਰ ਨੂੰ ਹਰ ਮਹੀਨੇ ਵਿਚ ਇਕ ਵਾਰ ਜ਼ਰੂਰ ਬਦਲ ਲੈਣਾ ਚਾਹੀਦਾ। ਹਰ ਵਰਤੋਂ ਤੋਂ ਬਾਅਦ ਸਪੰਜ ਨੂੰ ਪਾਣੀ ਨਾਲ ਧੋ ਕੇ ਨਿਚੋੜ ਦਿਓ ਅਤੇ ਸੁੱਕਣ ਲਈ ਰੱਖ ਦਿਓ।
ਚਾਕੂ ਸਟੈਂਡ : ਲਕੜੀ ਦੇ ਚਾਕੂ ਸਟੈਂਡ ਬੈਕਟੀਰੀਆ ਦਾ ਘਰ ਹੁੰਦੇ ਹਨ। ਸਟੈਂਡ ਵਿਚ ਕਦੀ ਵੀ ਗਿੱਲਾ ਚਾਕੂ ਨਾ ਰੱਖੋ। ਲਕੜੀ ਬਹੁਤ ਹੀ ਸੌਖਿਆਂ ਪਾਣੀ ਸੋਖ ਲੈਂਦੀ ਹੈ, ਜਿਸ ਨਾਲ ਉਹ ਰੋਗਾਣੂ ਅਤੇ ਬੈਕਟੀਰੀਆ ਦਾ ਘਰ ਬਣ ਜਾਂਦੀ ਹੈ। ਹਮੇਸ਼ਾ ਸਟੀਲ ਜਾਂ ਪਲਾਸਟਿਕ ਦੇ ਹੈਂਡਲ ਵਾਲੇ ਚਾਕੂ ਦੀ ਵਰਤੋਂ ਕਰੋ ਜਿਸ ਨਾਲ ਉਸ ਨੂੰ ਧੋਣ, ਸੁੱਕਣ ਅਤੇ ਸਫਾਈ ਕਰਨ ਵਿਚ ਪ੍ਰੇਸ਼ਾਨੀ ਨਾ ਹੋਵੇ।
ਰਸੋਈ ਰੈਕ ਹੈਂਡਲ : ਅਸੀਂ ਰਸੋਈ ਰੈਕ ਦੀ ਵਰਤੋਂ ਹਮੇਸ਼ਾ ਕੁਝ ਨਾ ਕੁਝ ਲੈਣ ਲਈ ਕਰਦੇ ਹੀ ਹਾਂ। ਕਦੇ-ਕਦਾਈ ਅਸੀਂ ਰਸੋਈ ਹੈਂਡਲ ਨੂੰ ਆਪਣੇ ਗੰਦੇ ਹੱਥ ਨਾਲ ਹੀ ਪੂੰਝ ਦਿੰਦੇ ਹਾਂ। ਇਸ ਲਈ ਜਦੋਂ ਵੀ ਸਮਾਂ ਮਿਲੇ, ਉਦੋਂ ਆਪਣੇ ਰਸੋਈ ਰੈਕ ਨੂੰ ਸਰਫ਼ ਅਤੇ ਪਾਣੀ ਨਾਲ ਧੋਣਾ ਬਿਲਕੁਲ ਨਾ ਭੁੱਲੋ।

ਮੇਕਅਪ ਵਿਚ 'ਬੇਸ' ਦੇ ਮਹੱਤਵ ਨੂੰ ਤੁਸੀਂ ਕਿੰਨਾ ਜਾਣਦੇ ਹੋ?

ਕਹਿੰਦੇ ਹਨ, ਜੇਕਰ ਮੇਕਅਪ ਸਹੀ ਢੰਗ ਨਾਲ ਕੀਤਾ ਜਾਵੇ ਤਾਂ ਕੋਈ ਸਧਾਰਨ ਰੂਪਰੰਗ ਵਾਲੀ ਔਰਤ ਵੀ ਬਹੁਤ ਖ਼ੂਬਸੂਰਤ ਲੱਗਣ ਲਗਦੀ ਹੈ। ਮੇਕਅਪ ਦੇ ਜਾਣਕਾਰਾਂ ਅਨੁਸਾਰ ਸਹੀ ਮੇਕਅਪ ਦਾ ਮਤਲਬ ਹੁੰਦਾ ਹੈ ਉਸ ਦੇ ਬੇਸ ਦਾ ਸਹੀ ਹੋਣਾ। ਮਤਲਬ ਇਹ ਕਿ ਚੰਗੇ ਮੇਕਅਪ ਵਿਚ ਬੇਸ ਦਾ ਬਹੁਤ ਮਹੱਤਵ ਹੈ। ਕੀ ਤੁਸੀਂ ਇਸ ਗੱਲ ਨੂੰ ਜਾਣਦੇ ਹੋ? ਆਓ! ਇਸ ਪ੍ਰਸ਼ਨ-ਉੱਤਰੀ ਜ਼ਰੀਏ ਪਰਖਦੇ ਹਾਂ।
1. ਮੇਕਅਪ ਤੋਂ ਪਹਿਲਾਂ ਚਿਹਰੇ 'ਤੇ ਬਰਫ਼ ਲਗਾਉਣ ਦੀ ਜ਼ਰੂਰਤ ਕਦੋਂ ਹੁੰਦੀ ਹੈ?
(ੳ) ਜਦੋਂ ਤੁਸੀਂ ਲੰਮੇ ਸਮੇਂ ਲਈ ਮੇਕਅਪ ਕਰਨਾ ਹੋਵੇ।
(ਅ) ਜਦੋਂ ਤੁਸੀਂ ਮੇਕਅਪ ਕਰਕੇ ਸਖ਼ਤ ਧੁੱਪ ਵਿਚ ਬਾਹਰ ਜਾ ਰਹੇ ਹੋਵੋ।
(ੲ) ਜਦੋਂ ਤੁਸੀਂ ਮੇਕਅਪ ਦਾ ਠੰਢਾ ਠੰਢਾ ਆਨੰਦ ਲੈਣਾ ਹੋਵੇ।
2. ਪ੍ਰਭਾਵਸ਼ਾਲੀ ਮੇਕਅਪ ਲਈ ਤੁਸੀਂ ਹਮੇਸ਼ਾ
(ੳ) ਇਕ ਹੀ ਰੰਗ ਅਤੇ ਬ੍ਰਾਂਡ ਦਾ ਫਾਊਂਡੇਸ਼ਨ ਵਰਤੋਂ ਕਰਦੇ ਹੋ।
(ਅ) ਬ੍ਰਾਂਡ ਇਕ ਪਰ ਵੱਖ-ਵੱਖ ਰੰਗਾਂ ਦੇ ਫਾਊਂਡੇਸ਼ਨ ਵਰਤਦੇ ਹੋ।
(ੲ) ਇਸ ਬਾਰੇ ਕਦੀ ਕੁਝ ਸੋਚਿਆ ਨਹੀਂ, ਜੋ ਹੋਇਆ ਉਸ ਦੀ ਵਰਤੋਂ ਕਰ ਲਈ।
3. ਫਾਊਂਡੇਸ਼ਨ ਵਿਚ ਮਾਸਚਾਈਜ਼ਰ ਮਿਲਣਾ ਕਦੋਂ ਚੰਗੇ ਮੇਕਅਪ ਲਈ ਜ਼ਰੂਰੀ ਹੁੰਦਾ ਹੈ?
(ੳ) ਜਦੋਂ ਚਮੜੀ ਤੇਲਯੁਕਤ ਹੋਵੇ।
(ਅ) ਜਦੋਂ ਚਮੜੀ ਡ੍ਰਾਈ ਹੋਵੇ।
(ੲ) ਜਦੋਂ ਮੌਸਮ ਵਿਚ ਹੁੰਮਸ ਹੋਵੇ।
4. ਮੇਕਅਪ ਦੇ ਚੰਗੇ ਨਿਖਾਰ ਲਈ ਜ਼ਰੂਰੀ ਹੈ ਕਿ ਫਾਊਂਡੇਸ਼ਨ
(ੳ) ਸਿਰਫ਼ ਗੱਲ੍ਹਾਂ 'ਤੇ ਲਗਾਓ।
(ਅ) ਪੂਰੇ ਚਿਹਰੇ 'ਤੇ ਲਗਾਓ।
(ੲ) ਜਿਵੇਂ ਸਮਾਂ ਹੋਵੇ ਉਵੇਂ ਤੈਅ ਕਰ ਲਓ।
5. ਮੇਕਅਪ ਵਿਚ ਕੰਸੀਲਰ ਦੀ ਵਰਤੋਂ ਹੁੰਦੀ ਹੈ
(ੳ) ਦਾਗ਼ ਧੱਬਿਆਂ ਨੂੰ ਲੁਕਾਉਣ ਲਈ।
(ਅ) ਚਮੜੀ ਨੂੰ ਜ਼ਿਆਦਾ ਸਾਫ਼ ਦਿਖਾਉਣ ਲਈ।
(ੲ) ਚਮੜੀ ਨੂੰ ਐਲਰਜੀ ਤੋਂ ਬਚਾਉਣ ਲਈ।
ਨਤੀਜਾ : ਜੇਕਰ ਤੁਸੀਂ ਸਾਰੇ ਸਵਾਲਾਂ ਨੂੰ ਧਿਆਨ ਨਾਲ ਪੜ੍ਹਿਆ ਹੈ ਅਤੇ ਉਸੇ ਹਿਸਾਬ ਨਾਲ ਜਵਾਬ 'ਤੇ ਟਿੱਕ ਕੀਤਾ ਹੈ, ਜਿਸ ਨਾਲ ਤੁਸੀਂ ਪੂਰੀ ਤਰ੍ਹਾਂ ਨਾਲ ਸਹਿਮਤ ਹੋ ਤਾਂ ਤੁਸੀਂ ਇਹ ਜਾਣਨ ਲਈ ਤਿਆਰ ਹੋ ਜਾਓ ਕਿ ਤੁਸੀਂ ਮੇਕਅਪ ਵਿਚ ਬੇਸ ਦੇ ਮਹੱਤਵ ਨੂੰ ਲੈ ਕੇ ਕਿੰਨਾ ਜਾਣਦੇ ਹੋ?
(ੳ) ਜੇਕਰ ਤੁਹਾਡੇ ਕੁੱਲ ਹਾਸਲ ਅੰਕ 9 ਤੋਂ ਜ਼ਿਆਦਾ ਪਰ 15 ਤੋਂ ਘੱਟ ਹਨ ਤਾਂ ਤੁਹਾਨੂੰ ਠੀਕ ਠਾਕ ਜਾਣਕਾਰੀ ਹੈ, ਪਰ ਕਈ ਵਾਰ ਤੁਸੀਂ ਵੀ ਗ਼ਲਤੀ ਕਰ ਜਾਂਦੇ ਹੋ।
(ਅ) ਜੇਕਰ ਤੁਹਾਡੇ ਕੁੱਲ ਹਾਸਲ ਅੰਕ 8 ਜਾਂ 8 ਤੋਂ ਘੱਟ ਹਨ ਤਾਂ ਮਾਫ਼ ਕਰਨਾ, ਤੁਸੀਂ ਮੇਕਅਪ ਬਾਰੇ ਬਹੁਤ ਕੁਝ ਨਹੀਂ ਜਾਣਦੇ।
(ੲ) ਜੇਕਰ ਤੁਹਾਡੇ ਕੁੱਲ ਹਾਸਲ ਅੰਕ 20 ਜਾਂ ਇਸ ਤੋਂ ਜ਼ਿਆਦਾ ਹਨ ਤਾਂ ਤੁਹਾਨੂੰ ਕੁਝ ਵੀ ਦੱਸਣ ਦੀ ਜ਼ਰੂਰਤ ਨਹੀਂ ਹੈ। ਤੁਸੀਂ ਨਾ ਸਿਰਫ਼ ਸਹੀ ਬਿਊਟੀਸ਼ੀਅਨ ਹੋ ਸਗੋਂ ਮੇਕਅਪ ਵਿਚ ਬੇਸ ਦੇ ਮਹੱਤਵ ਨੂੰ ਚੰਗੀ ਤਰ੍ਹਾਂ ਜਾਣਦੇ ਵੀ ਹੋ।
**

ਇੰਝ ਬਣਾਈਏ ਘਰ ਨੂੰ ਆਕਰਸ਼ਿਤ

ਯਕੀਨ ਕਰਿਓ ਹਰ ਘਰ ਆਪਣੇ ਬਾਰੇ ਬਹੁਤ ਕੁਝ ਦੱਸਦਾ ਹੈ। ਭਾਵੇਂ ਤੁਹਾਨੂੰ ਨਾ ਪਤਾ ਲੱਗੇ ਪਰ ਤੁਹਾਡੇ ਘਰ ਆਉਣ ਵਾਲੇ ਹਰ ਮਹਿਮਾਨ ਨਾਲ ਘਰ ਗੁਫ਼ਤਗੂ ਕਰਦਾ ਹੈ। ...ਤੇ ਹੁਣ ਤੁਸੀਂ ਦੱਸੋ ਕਿ ਤੁਹਾਡਾ ਘਰ, ਘਰ ਆਏ ਮਹਿਮਾਨਾਂ ਨੂੰ ਕਿਹੜੀ ਕਹਾਣੀ ਸੁਣਾਉਂਦਾ ਹੈ? ਪਰ ਇਸ ਤੋਂ ਪਹਿਲਾਂ ਇਹ ਦੱਸੋ ਕਿ ਤੁਹਾਡੇ ਘਰ ਦੇ ਸਾਰੇ ਕਮਰੇ ਚੰਗੀ ਤਰ੍ਹਾਂ ਸਜੇ ਹੋਏ ਹਨ ਜਾਂ ਖਿਲਰੇ ਹੋਏ ਹਨ? ਘਰ ਦੇ ਰੰਗਾਂ ਦੀ ਸਕੀਮ ਕਿਸ ਤਰ੍ਹਾਂ ਦੀ ਹੈ? ਹਲਕੀ ਜਾਂ ਗੂੜ੍ਹੀ? ਕਿਸ ਤਰ੍ਹਾਂ ਦਾ ਹੈ ਤੁਹਾਡੇ ਘਰ ਦਾ ਫਰਨੀਚਰ? ਦਾਦਾ ਜੀ ਦੇ ਜ਼ਮਾਨੇ ਤੋਂ ਚਲੇ ਆ ਰਿਹਾ ਫਰਨੀਚਰ ਨਾਲ ਕੀ ਤੁਹਾਨੂੰ ਏਨਾ ਜ਼ਿਆਦਾ ਪਿਆਰ ਹੈ ਕਿ ਤੁਸੀਂ ਉਸ ਨੂੰ ਬਦਲਣ ਬਾਰੇ ਹਾਲੇ ਤੱਕ ਕੁਝ ਸੋਚਿਆ ਨਹੀਂ ਹੈ। ਸਾਡਾ ਘਰ ਸਾਡੀ ਸ਼ਖ਼ਸੀਅਤ ਦਾ ਸ਼ੀਸ਼ਾ ਹੁੰਦਾ ਹੈ। ਇਹ ਸਾਡੇ ਦਿਲੋ-ਦਿਮਾਗ਼ ਨੂੰ ਸੈੱਟ ਕਰਦਾ ਹੈ। ਘਰ ਦਾ ਸਕਾਰਾਤਮਕ ਮਾਹੌਲ ਬੁਰੇ ਦਿਨਾਂ ਵਿਚ ਵੀ ਸਾਡੇ ਅੰਦਰ ਹਾਂ-ਪੱਖੀ ਤਾਕਤ ਬਣਾ ਕੇ ਰੱਖਦਾ ਹੈ। ਬਹੁਤ ਸਾਰੀਆਂ ਇਸ ਤਰ੍ਹਾਂ ਦੀਆਂ ਚੀਜ਼ਾਂ ਹਨ ਜੋ ਸਾਡੇ ਘਰ ਦੀ ਥਾਂ ਨੂੰ ਖੁਸ਼ਨੁਮਾ ਬਣਾ ਕੇ ਰੱਖਦੀਆਂ ਹਨ।
ਸ਼ਾਂਤ ਵਾਤਾਵਰਨ : ਆਪਣੇ ਬੈੱਡਰੂਮ ਵਿਚ ਸਕੂਨ ਦੇਣ ਵਾਲੀ ਸਾਫ਼ਟ ਲਾਈਟਿੰਗ ਲਗਵਾਓ। ਘਰ ਦੇ ਖਾਲੀ ਥਾਂ ਵਿਚ ਅਖ਼ਬਾਰ, ਜਰਨਲ, ਮੈਗਜ਼ੀਨ ਰੱਖੋ। ਘਰ ਦੀ ਫ਼ਿਜ਼ਾ ਨੂੰ ਖ਼ੁਸ਼ਨੁਮਾ ਬਣਾਉਣ ਲਈ ਸੁਗੰਧੀ ਵਾਲੀਆਂ ਮੋਮਬੱਤੀਆਂ ਜਲਾਓ।
ਥਾਂ ਨੂੰ ਊਰਜਾਵਾਨ ਬਣਾਓ : ਘਰ ਦਾ ਜਿਹੜਾ ਕੋਨਾ ਤੁਹਾਨੂੰ ਬੇਹੱਦ ਪਸੰਦ ਹੋਵੇ, ਉਸ ਨੂੰ ਸਜਾਓ। ਗੈਲਰੀ ਵਿਚ ਪਰਿਵਾਰਕ ਤਸਵੀਰ ਨੂੰ ਸਲੀਕੇ ਨਾਲ ਲਗਾਓ। ਘਰ ਵਿਚ ਇਕ ਤਰੀਕ ਦੇਖਣ ਵਾਲਾ ਕੈਲੰਡਰ ਜ਼ਰੂਰ ਰੱਖੋ। ਵਾਸਤੂ ਸ਼ਾਸਤਰ ਅਨੁਸਾਰ ਇਹ ਸੁਖ-ਸਮ੍ਰਿਧੀ ਅਤੇ ਖੁਸ਼ੀ ਦਿੰਦਾ ਹੈ।
ਸੰਤੁਲਨ ਬਣਾਓ : ਐਨਰਜੀ ਦੇ ਸੰਤੁਲਨ ਲਈ ਛੋਟੀਆਂ ਅਤੇ ਵੱਡੀਆਂ ਚੀਜ਼ਾਂ ਨੂੰ ਮਿਲਾ ਕੇ ਸਜਾਓ। ਡੈਕੋਰੇਸ਼ਨ ਵਿਚ ਪੇਸਟਲ ਅਤੇ ਬ੍ਰਾਈਟ ਰੰਗ ਦੇ ਕੰਟਰਾਸਟ ਬਣਾਓ। ਘਰ ਦੇ ਇੰਟੀਰੀਅਰ ਵਿਚ ਸਜੇ ਫੁੱਲ, ਬੂਟੇ ਅਤੇ ਪੱਥਰ ਤਣਾਅ ਨੂੰ ਦੂਰ ਭਜਾਉਂਦੇ ਹਨ।
ਘਰ ਦੀਆਂ ਛੱਤਾਂ ਹੋਣ ਉੱਚੀਆਂ : ਘਰ ਦੀ ਉੱਚੀ ਛੱਤ ਕਮਰਿਆਂ ਵਿਚ ਖੁੱਲ੍ਹੇਪਨ ਦਾ ਅਹਿਸਾਸ ਕਰਾਉਂਦੀ ਹੈ, ਇਸ ਨਾਲ ਘਰ ਦਾ ਵਾਤਾਵਰਨ ਵੀ ਸਾਫ਼ ਰਹਿੰਦਾ ਹੈ। ਕਮਰਿਆਂ ਵਿਚ ਘਰ ਦੇ ਮੈਂਬਰ ਰਚਨਾਤਮਕਤਾ ਨਾਲ ਆਪਣੇ ਕੰਮ 'ਤੇ ਧਿਆਨ ਦਿੰਦੇ ਹਨ। ਉਨ੍ਹਾਂ ਦਾ ਮੂਡ ਵੀ ਚੰਗਾ ਰਹਿੰਦਾ ਹੈ।
ਹਰੇ ਬੂਟੇ : ਘਰ ਵਿਚ ਹਰਿਆਲੀ ਰਚਨਾਤਮਕਤਾ ਨੂੰ ਜਨਮ ਦਿੰਦੀ ਹੈ। ਘਰ ਦੇ ਅੰਦਰ ਰੱਖੇ ਅੰਦਰੂਨੀ ਬੂਟੇ ਹਰਿਆਲੀ, ਊਰਜਾ ਅਤੇ ਸੁੰਦਰਤਾ ਲਿਆਉਂਦੇ ਹਨ।
ਰੰਗਾਂ ਦੀ ਚੋਣ : ਲਿਵਿੰਗ ਸਪੇਸ ਵਿਚ ਦੀਵਾਰਾਂ 'ਤੇ ਵਾਰਮ ਕਲਰ ਵਰਗੇ ਹਲਕਾ ਪੀਲਾ, ਕ੍ਰੀਮ ਚੰਗਾ ਲਗਦਾ ਹੈ। ਘਰ ਦੀਆਂ ਦੀਵਾਰਾਂ ਦਾ ਹਰਾ ਰੰਗ ਮਾਹੌਲ ਨੂੰ ਖੁਸ਼ਨੁਮਾ ਬਣਾਉਂਦਾ ਹੈ ਅਤੇ ਨਵੀਂ ਤਾਜ਼ਗੀ ਨਾਲ ਸਰਾਬੋਰ ਕਰਦਾ ਹੈ।
ਮਿੱਠੀ ਧੁਨੀ : ਘਰ ਦੇ ਗਾਰਡਨ, ਦਾਖਲਾ ਦੁਆਰ, ਬਾਲਕੋਨੀ ਵਿਚ ਮਧੁਰ ਧੁਨੀ ਪੈਦਾ ਕਰਨ ਵਾਲੀ ਮੈਟਲ ਐਕਸਰਸੀਰੀਜ਼ ਦੀ ਵਰਤੋਂ ਕਰੋ। ਇਸ ਨਾਲ ਘਰ ਦਾ ਪੂਰਾ ਵਾਤਾਵਰਨ ਸੰਗੀਤਮਈ ਹੋ ਉੱਠਦਾ ਹੈ।
ਘੱਟ ਹੋਵੇ ਆਰਟ ਵਰਕ : ਜੇਕਰ ਤੁਸੀਂ ਆਪਣੇ ਘਰ ਦੇ ਕਮਰਿਆਂ ਲਈ ਇਕ ਲਾਈਨ ਦੀ ਡਰਾਇੰਗ ਪੇਂਟਿੰਗ ਜਾਂ ਦੂਜੀ ਤਰ੍ਹਾਂ ਦੇ ਆਰਟ ਵਰਕ ਨਾਲ ਘਰ ਨੂੰ ਸਜਾਉਂਦੇ ਹੋ ਤਾਂ ਇਕ ਕਮਰੇ ਵਿਚ ਹੀ ਬਹੁਤ ਸਾਰੀਆਂ ਚੀਜ਼ਾਂ ਨੂੰ ਇਕੱਠੇ ਨਾ ਲਗਾਓ। ਥਾਂ ਅਨੁਸਾਰ ਇਨ੍ਹਾਂ ਦੀ ਚੋਣ ਕਰੋ।



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX