ਤਾਜਾ ਖ਼ਬਰਾਂ


ਰਾਸ਼ਟਰਪਤੀ ਨੇ 2001 'ਚ ਸੰਸਦ ਹਮਲੇ ਦੇ ਸ਼ਹੀਦਾਂ ਨੂੰ ਦਿੱਤੀ ਸ਼ਰਧਾਂਜਲੀ
. . .  17 minutes ago
ਨਵੀਂ ਦਿੱਲੀ, 13 ਦਸੰਬਰ- ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਸ਼ੁੱਕਰਵਾਰ ਨੂੰ ਅੱਜ ਦੇ ਦਿਨ ਹੀ 2001 'ਚ ਸੰਸਦ 'ਤੇ ਹੋਏ ਹਮਲੇ 'ਚ ਜਾਨ ਗਵਾਉਣ...
ਜੇਰੇਮੀ ਕੋਰਬੀਨ ਨੇ ਲੇਬਰ ਪਾਰਟੀ ਦੇ ਨੇਤਾ ਦੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਦਾ ਕੀਤਾ ਐਲਾਨ
. . .  27 minutes ago
ਨਵੀਂ ਦਿੱਲੀ, 13 ਦਸੰਬਰ- ਯੂ.ਕੇ ਮੀਡੀਆ ਦੇ ਮੁਤਾਬਿਕ, ਜੇਰੇਮੀ ਕੋਰਬੀਨ ਨੇ ਬ੍ਰਿਟੇਨ ਚੋਣਾਂ 'ਚ ਪਾਰਟੀ ਦੇ ਲਈ ਭਾਰੀ ਹਾਰ ਦੇ ਰੁਝਾਨ ਤੋਂ ਬਾਅਦ ਲੇਬਰ ਪਾਰਟੀ...
ਉੱਤਰਾਖੰਡ: ਅਲਮੋੜਾ ਜ਼ਿਲ੍ਹੇ ਦੇ ਚੌਬਟੀਆ 'ਚ ਹੋਈ ਭਾਰੀ ਬਰਫ਼ਬਾਰੀ
. . .  30 minutes ago
ਦੇਹਰਾਦੂਨ, 13 ਦਸੰਬਰ- ਉੱਤਰਾਖੰਡ ਦੇ ਅਲਮੋੜਾ ਜ਼ਿਲ੍ਹੇ ਦੇ ਚੌਬਟੀਆ 'ਚ ਭਾਰੀ ਬਰਫ਼ਬਾਰੀ ਹੋਈ ਹੈ। ਇਸ ਦੇ ਨਾਲ ਹੀ ਮੌਸਮ ਵਿਭਾਗ ਵੱਲੋਂ ...
ਮੀਂਹ ਕਾਰਨ ਪਾਣੀ 'ਚ ਡੁੱਬੀਆਂ ਕਣਕਾਂ
. . .  59 minutes ago
ਅਜਨਾਲਾ, 13 ਦਸੰਬਰ (ਗੁਰਪ੍ਰੀਤ ਸਿੰਘ ਢਿੱਲੋਂ)- ਪੰਜਾਬ 'ਚ ਕੱਲ੍ਹ ਤੋਂ ਰੁਕ-ਰੁਕ ਕੇ ਹੋ ਰਹੀ ਬਾਰਸ਼ ਤੋਂ ਬਾਅਦ ਅੱਜ ਸਵੇਰੇ ਤੇਜ਼ ਬਾਰਸ਼ ਹੋਣ ਕਾਰਨ ਸਰਹੱਦੀ ਖੇਤਰ 'ਚ ਕਈ ਜਗ੍ਹਾ ਅਤੇ ਨੀਵੇਂ ਖੇਤਾਂ 'ਚ ਕਣਕਾਂ ਪਾਣੀ 'ਚ ਡੁੱਬ ਗਈਆਂ ...
ਹਿਮਾਚਲ ਪ੍ਰਦੇਸ਼: ਕੁੱਲੂ ਅਤੇ ਮਨਾਲੀ 'ਚ ਹੋਈ ਭਾਰੀ ਬਰਫ਼ਬਾਰੀ
. . .  about 1 hour ago
ਸ਼ਿਮਲਾ, 13 ਦਸੰਬਰ- ਹਿਮਾਚਲ ਪ੍ਰਦੇਸ਼ ਦੇ ਕੁੱਲੂ ਅਤੇ ਮਨਾਲੀ 'ਚ ਭਾਰੀ ਬਰਫ਼ਬਾਰੀ ਹੋਈ ਹੈ। ਬਰਫ਼ਬਾਰੀ ਦਾ ਇੱਕ ਵੀਡੀਓ ਸਾਹਮਣੇ ਆਇਆ...
ਲਗਾਤਾਰ ਹੋ ਰਹੀ ਕਣ -ਮਿਣ ਅਤੇ ਤੇਜ ਹਵਾਵਾਂ ਚੱਲਣ ਕਾਰਨ ਠੰਢ 'ਚ ਹੋਇਆ ਭਾਰੀ ਵਾਧਾ
. . .  about 1 hour ago
ਸੁਲਤਾਨਪੁਰ ਲੋਧੀ, 13 ਦਸੰਬਰ (ਥਿੰਦ, ਹੈਪੀ, ਲਾਡੀ)- ਸੁਲਤਾਨਪੁਰ ਲੋਧੀ ਅਤੇ ਇਸ ਦੇ ਆਸ -ਪਾਸ ਇਲਾਕਿਆਂ 'ਚ ਪਿਛਲੇ 24 ਘੰਟਿਆਂ ਤੋਂ ਹੋ ਰਹੀ ...
ਭਾਰਤੀ ਪਹੁੰਚੀ ਇੰਡੋਨੇਸ਼ੀਆ ਦੀ ਵਿਦੇਸ਼ ਮੰਤਰੀ
. . .  about 2 hours ago
ਨਵੀਂ ਦਿੱਲੀ, 13 ਦਸੰਬਰ- ਇੰਡੋਨੇਸ਼ੀਆ ਦੇ ਵਿਦੇਸ਼ ਮੰਤਰੀ ਰੇਟਨੋ ਐਲ.ਪੀ ਮਾਰਸੂਦੀ ਭਾਰਤ ਪਹੁੰਚ ਗਏ ...
ਅੱਜ ਦਾ ਵਿਚਾਰ
. . .  about 2 hours ago
ਸ੍ਰੀ ਗੰਗਾਨਗਰ-ਹਾਵੜਾ ਉਧੈਨ ਆਭਾ ਐਕਸਪ੍ਰੈਸ ਖ਼ਰਾਬ ਮੌਸਮ ਤੇ ਧੁੰਦ ਕਾਰਨ ਇਕ ਮਹੀਨੇ ਲਈ ਰੱਦ
. . .  1 day ago
ਦਿੱਲੀ ਵਿਚ ਮੌਸਮ ਦੀ ਖ਼ਰਾਬੀ ਹੋਣ ਕਾਰਨ ਪਟਨਾ ਤੋਂ ਦਿੱਲੀ ਆਉਣ ਵਾਲੀ ਹਵਾਈ ਉਡਾਣ ਨੂੰ ਰਾਜਾਸਾਂਸੀ ਦੇ ਹਵਾਈ ਅੱਡੇ 'ਤੇ ਉਤਾਰਿਆ
. . .  1 day ago
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਕਿਹੋ ਜਿਹਾ ਹੈ ਤੁਹਾਡਾ ਸਰਦੀ ਨਾਲ ਨਿਪਟਣ ਲਈ ਪ੍ਰਬੰਧ?

ਜੇ ਤੁਹਾਨੂੰ ਲਗਦਾ ਹੈ ਕਿ ਸਿਹਤ ਦੇ ਨਜ਼ਰੀਏ ਤੋਂ ਗਰਮੀ, ਸਰਦੀ ਦੇ ਮੁਕਾਬਲੇ ਜ਼ਿਆਦਾ ਖ਼ਤਰਨਾਕ ਮੌਸਮ ਹੈ ਤਾਂ ਸਮਝ ਲਓ ਕਿ ਤੁਹਾਡੀ ਜਾਣਕਾਰੀ ਗ਼ਲਤ ਹੈ। ਕਿਉਂਕਿ ਸਰਦੀ ਦਾ ਮੌਸਮ ਗਰਮੀ ਦੇ ਮੁਕਾਬਲੇ ਸਿਹਤ ਲਈ ਕਿਤੇ ਜ਼ਿਆਦਾ ਖ਼ਤਰਨਾਕ ਹੈ। ਕਿਉਂਕਿ ਜ਼ਿਆਦਾ ਸਰਦੀ ਵਿਚ ਸਾਡੀ ਪ੍ਰਤੀਰੋਧਕ ਸਮਰੱਥਾ ਘਟ ਜਾਂਦੀ ਹੈ। ਸ਼ਾਇਦ ਸਾਡੇ ਬਜ਼ੁਰਗ ਇਸ ਸਭ ਕੁਝ ਨੂੰ ਚੰਗੀ ਤਰ੍ਹਾਂ ਜਾਣਦੇ ਸਨ, ਤਾਂ ਹੀ ਤਾਂ ਉਹ ਸਰਦੀਆਂ ਨਾਲ ਨਿਪਟਣ ਦੀ ਭਰਪੂਰ ਤਿਆਰੀ ਕਰਦੇ ਸੀ। ਸਵਾਲ ਹੈ ਕਿ ਕੀ ਤੁਸੀਂ ਵੀ ਸਰਦੀਆਂ ਨਾਲ ਨਿਪਟਣ ਦੀ ਕੋਈ ਤਿਆਰੀ ਕਰਦੇ ਹੋ? ਆਖਰ ਕਿਹੋ ਜਿਹਾ ਹੈ ਤੁਹਾਡਾ ਬੀਟ ਦ ਵਿੰਟਰ ਮੈਨੇਜਮੈਂਟ? ਆਓ ਇਸ ਪ੍ਰਸ਼ਨੋਤਰੀ ਦੇ ਜ਼ਰੀਏ ਪਰਖਦੇ ਹਾਂ।
1. ਸਰਦੀਆਂ ਵਿਚ ਸਰੀਰ ਨੂੰ ਤੇਲ ਮਾਲਿਸ਼ ਦੀ ਨਿਯਮਿਤ ਜ਼ਰੂਰਤ ਹੁੰਦੀ ਹੈ, ਕਿਉਂਕਿ-
(ਕ) ਇਸ ਨਾਲ ਸਰੀਰ ਵਿਚ ਗਰਮੀ ਬਣੀ ਰਹਿੰਦੀ ਹੈ।
(ਖ) ਇਸ ਨਾਲ ਚਮੜੀ ਦਾ ਰੁੱਖਾਪਣ ਦੂਰ ਹੁੰਦਾ ਹੈ।
(ਗ) ਖਾਰਸ਼ ਨਹੀਂ ਹੁੰਦੀ।
2. ਸਰਦੀਆਂ ਵਿਚ ਜਦੋਂ ਛੋਟੇ ਬੱਚਿਆਂ ਦੇ ਨਾਲ ਕਿਸੇ ਸਫ਼ਰ 'ਤੇ ਜਾਂਦੇ ਹੋ ਤਾਂ ਕਿਸ ਚੀਜ਼ ਦੀ ਮੌਜੂਦਗੀ ਨੂੰ ਯਕੀਨੀ ਬਣਾਉਂਦੇ ਹੋ-
(ਕ) ਪੀਣ ਵਾਲਾ ਪਾਣੀ।
(ਖ) ਗਰਮ ਕੱਪੜੇ, ਖਾਸ ਕਰਕੇ ਸਿਰ ਢਕਣ ਵਾਲੇ।
(ਗ) ਵਾਧੂ ਨਕਦੀ।
3. ਤੁਹਾਡੀ ਸੱਸ ਦਮੇ ਦੀ ਮਰੀਜ਼ ਹੈ। ਅਜਿਹੇ ਵਿਚ ਤੁਸੀਂ ਉਨ੍ਹਾਂ ਦੇ ਸੈਰ ਕਰਨ ਦਾ ਇਨ੍ਹਾਂ ਦਿਨਾਂ ਵਿਚ ਕਿਵੇਂ ਪ੍ਰਬੰਧ ਕਰੋਗੇ?
(ਕ) ਧੁੱਪ ਨਿਕਲਣ ਤੋਂ ਬਾਅਦ ਹੀ ਸਵੇਰ ਦੀ ਸੈਰ 'ਤੇ ਜਾਣ ਦਿਓਗੇ।
(ਖ) ਨੱਕ, ਕੰਨ ਅਤੇ ਸਿਰ ਪੂਰੀ ਤਰ੍ਹਾਂ ਢਕ ਕੇ ਸਵੇਰ ਦੀ ਸੈਰ ਲਈ ਜਾਣ ਦਿਓਗੇ।
(ਗ) ਸਵੇਰ ਦੀ ਸੈਰ ਦਾ ਉਨ੍ਹਾਂ ਦਾ ਜਿਹੋ ਜਿਹਾ ਢੰਗ-ਤਰੀਕਾ ਹੈ, ਉਹ ਚੱਲਣ ਦਿਓਗੇ।
4. ਘਰ ਦੇ ਕਿਸੇ ਮੈਂਬਰ ਨੂੰ ਸਰਦੀ ਨਾ ਲੱਗੇ, ਇਸ ਵਾਸਤੇ ਕੀ ਕਰੋਗੇ?
(ਕ) ਸਰਦੀ ਦੇ ਮੌਸਮ ਵਿਚ ਗਰਮ ਤਾਸੀਰ ਅਤੇ ਵਿਟਾਮਿਨ 'ਸੀ' ਨਾਲ ਭਰਪੂਰ ਖਾਣਾ ਬਣਾਓਗੇ।
(ਖ) ਸਭ ਨੂੰ ਹਲਕੀ-ਫੁਲਕੀ ਕਸਰਤ ਕਰਨ ਨੂੰ ਕਹੋਗੇ।
(ਗ) ਜਿਵੇਂ ਨਿਯਮਿਤ ਜੀਵਨ ਸ਼ੈਲੀ ਹੈ, ਉਵੇਂ ਹੀ ਰੱਖੋਗੇ।
5. ਸਰਦੀ ਵਿਚ ਪ੍ਰਬੰਧ ਕਰਨ ਦੇ ਮਾਇਨੇ ਹਨ-
(ਕ) ਕਿਸੇ ਦੀ ਤਬੀਅਤ ਖਰਾਬ ਨਾ ਹੋਵੇ।
(ਖ) ਕਿਸੇ ਨੂੰ ਸਰਦੀ ਨਾ ਲੱਗੇ, ਸਰੀਰ ਵਿਚ ਗਰਮਾਇਸ਼ ਦਾ ਅਹਿਸਾਸ ਰਹੇ।
(ਗ) ਜ਼ਿਆਦਾ ਸਰਦੀਆਂ ਵਿਚ ਕੋਈ ਘਰੋਂ ਨਾ ਨਿਕਲੇ।
ਨਤੀਜਾ :
ਕ 0 ਤੋਂ 10 : ਸਰਦੀਆਂ ਨੂੰ ਲੈ ਕੇ ਤੁਹਾਡੀ ਤਿਆਰੀ ਜਾਂ ਪ੍ਰਬੰਧ ਯੋਗ ਨਹੀਂ ਹੈ। ਬਿਹਤਰ ਹੈ ਹੋਰ ਜ਼ਿਆਦਾ ਸੁਚੇਤ ਹੋਵੋ ਅਤੇ ਆਪਣਾ ਪ੍ਰਬੰਧ ਸੁਧਾਰੋ।
ਖ 11 ਤੋਂ 15 : ਸਰਦੀਆਂ ਨੂੰ ਲੈ ਕੇ ਤੁਹਾਡੀ ਸੁਚੇਤਤਾ ਅਤੇ ਇਨ੍ਹਾਂ ਨਾਲ ਨਿਪਟਣ ਦੀ ਤੁਹਾਡਾ ਪ੍ਰਬੰਧ ਠੀਕ-ਠਾਕ ਹੈ। ਪਰ ਸੰਕਟਮਈ ਸਥਿਤੀਆਂ ਨਾਲ ਨਿਪਟਣ ਲਈ ਇਹ ਯੋਗ ਨਹੀਂ ਹੈ। ਇਸ ਲਈ ਇਸ ਵਿਚ ਥੋੜ੍ਹਾ ਹੋਰ ਸੁਧਾਰ ਕਰੋ।
ਗ 16 ਤੋਂ 25 : ਸਰਦੀਆਂ ਦੇ ਖਤਰਿਆਂ ਨੂੰ ਲੈ ਕੇ ਤੁਹਾਡੀ ਸਮਝ ਅਤੇ ਇਨ੍ਹਾਂ ਨਾਲ ਨਿਪਟਣ ਵਿਚ ਤੁਹਾਡਾ ਪ੍ਰਬੰਧ ਬਿਲਕੁਲ ਸੰਪੂਰਨ ਹੈ। ਇਸ ਲਈ ਤੁਹਾਨੂੰ ਕਿਸੇ ਦੀ ਨਸੀਹਤ ਦੀ ਲੋੜ ਨਹੀਂ ਹੈ।


ਖ਼ਬਰ ਸ਼ੇਅਰ ਕਰੋ

ਤੁਹਾਡੀ ਸੀਰਤ ਹੀ ਬਣਾਉਂਦੀ ਹੈ ਤੁਹਾਨੂੰ ਖ਼ੂਬਸੂਰਤ

ਕਈ ਲੋਕ ਗ਼ਲਤ ਰਸਤੇ ਉੱਪਰ ਤੁਰਦਿਆਂ-ਤੁਰਦਿਆਂ ਅੱਗੇ ਐਨੇ ਜ਼ਿਆਦਾ ਨਿਕਲ ਜਾਂਦੇ ਹਨ ਕਿ ਉਨ੍ਹਾਂ ਲਈ ਫਿਰ ਵਾਪਸ ਮੁੜਨਾ ਬਹੁਤ ਮੁਸ਼ਕਿਲ ਹੋ ਜਾਂਦਾ ਹੈ। ਜਿਹੜੇ ਲੋਕ ਹਮੇਸ਼ਾ ਆਪਣੇ ਸਹੀ ਹੋਣ ਦੀ ਜ਼ਿੱਦ ਕਰਦੇ ਹਨ, ਉਹ ਅਸਲ ਵਿਚ ਆਪਣੇ ਸਹੀ ਹੋਣ ਦੇ ਮੌਕਿਆਂ ਨੂੰ ਗੁਆ ਰਹੇ ਹੁੰਦੇ ਹਨ। ਕਈ ਆਪਣੇ ਚੰਗੇ ਹੋਣ ਦਾ ਮਹਿਜ਼ ਦਿਖਾਵਾ ਕਰਦੇ ਹਨ। ਉਹ ਆਪਣੇ ਦਾਇਰੇ ਵਿਚ ਰਹਿੰਦੇ ਲੋਕਾਂ ਦੇ ਸਾਹਮਣੇ ਆਪਣੇ ਚੰਗੇ ਹੋਣ ਦਾ ਨਾਟਕ ਕਰਦੇ ਹਨ, ਜਦ ਕਿ ਅਸਲੀਅਤ ਵਿਚ ਉਹ ਸੋਚ ਕੁਝ ਹੋਰ ਰਹੇ ਹੁੰਦੇ ਹਨ। ਹਮੇਸ਼ਾ ਸਹੀ ਹੋਣ ਦੀ ਜ਼ਿੱਦ ਘੁਮੰਡ ਦੀ ਉਹ ਵੰਨਗੀ ਹੈ, ਜਿਸ ਵਿਚ ਤੁਸੀਂ ਇਸ ਗੱਲ ਨੂੰ ਸਵੀਕਾਰ ਨਹੀਂ ਕਰ ਰਹੇ ਹੁੰਦੇ ਕਿ ਤੁਸੀਂ ਗ਼ਲਤ ਵੀ ਹੋ ਸਕਦੇ ਹੋ।
ਨਿਮਰਤਾ ਸਾਰੇ ਗੁਣਾਂ ਦੀ ਮਾਂ ਹੈ। ਘੁਮੰਡ ਸਾਰੇ ਔਗੁਣਾਂ ਦਾ ਬਾਪ ਹੈ। ਜ਼ਰਾ ਸੋਚੋ! ਜਦੋਂ ਸਮਾਜ ਵਲੋਂ ਤੁਹਾਨੂੰ ਆਜ਼ਾਦੀ ਮਿਲਦੀ ਹੈ ਤਾਂ ਤੁਸੀਂ ਕਿਹੋ ਜਿਹੇ ਲੋਕਾਂ ਦੇ ਸੰਪਰਕ ਵਿਚ ਰਹਿਣਾ ਪਸੰਦ ਕਰਦੇ ਹੋ? ਤੁਹਾਡਾ ਉਨ੍ਹਾਂ ਲੋਕਾਂ ਨਾਲ ਵਿਹਾਰ ਕਿਸ ਤਰ੍ਹਾਂ ਦਾ ਹੈ, ਜੋ ਤੁਹਾਡੇ ਨਾਲ ਰਹਿੰਦੇ ਹਨ? ਤੁਹਾਡੇ ਦੋਸਤ ਅਤੇ ਅਧਿਆਪਕ ਤੁਹਾਡੇ ਪ੍ਰਤੀ ਕਿਸ ਤਰ੍ਹਾਂ ਦੀ ਰਾਇ ਰੱਖਦੇ ਹਨ? ਜੇਕਰ ਤੁਹਾਡੇ ਮਾਪਿਆਂ, ਦੋਸਤਾਂ ਅਤੇ ਅਧਿਆਪਕਾਂ ਦੀ ਤੁਹਾਡੇ ਪ੍ਰਤੀ ਚੰਗੀ ਰਾਇ ਨਹੀਂ ਹੈ ਤਾਂ ਸਮਝ ਲੈਣਾ ਚਾਹੀਦਾ ਹੈ ਕਿ ਤੁਸੀਂ ਕਿਸ ਦਿਸ਼ਾ ਵੱਲ ਜਾ ਰਹੇ ਹੋ। ਜ਼ਿੱਦ ਅਤੇ ਜਜ਼ਬੇ ਦੇ ਅੰਤਰ ਨੂੰ ਸਮਝਣ ਦੀ ਕੋਸ਼ਿਸ਼ ਕਰੋ। ਜ਼ਿੱਦ ਹਉਮੈ ਹੈ ਅਤੇ ਜਜ਼ਬਾ ਤੁਹਾਡਾ ਇਰਾਦਾ। ਅਕਸਰ ਜ਼ਿੱਦੀ ਵਿਅਕਤੀ ਜ਼ਿਆਦਾ ਗੁੱਸੇ ਵਾਲੇ ਹੁੰਦੇ ਹਨ। ਗੁੱਸੇ ਸਮੇਂ ਸਾਡੀ ਅਕਲ ਦੇ ਸਾਰੇ ਦਰਵਾਜ਼ੇ ਬੰਦ ਹੋ ਜਾਂਦੇ ਹਨ।
ਸੂਰਤ ਦੇ ਨਾਲ-ਨਾਲ ਸੀਰਤ ਅਤੇ ਸਿਹਤ ਵੀ ਜ਼ਰੂਰੀ ਹਨ। ਤੁਹਾਡੀ ਗੱਲਬਾਤ, ਭਾਸ਼ਾ, ਵਿਚਾਰ, ਕੰਮ ਤੁਹਾਡੀ ਪਹਿਚਾਣ ਹਨ। ਆਪਣੇ-ਆਪ ਨੂੰ ਪਿਆਰ ਕਰਨਾ ਸਿੱਖੋ। ਆਪਣੇ ਸਰੀਰ ਦੇ ਹਰ ਅੰਗ ਨਾਲ ਮੁਹੱਬਤ ਕਰੋ ਅਤੇ ਇਨ੍ਹਾਂ ਦੀ ਤੰਦਰੁਸਤੀ ਦਾ ਖਿਆਲ ਰੱਖੋ। ਆਪਣੇ ਦਿਲ ਨੂੰ ਜਵਾਨ ਰਖੋ। ਬੁੱਢੇ ਤੇ ਕਮਜ਼ੋਰ ਵਿਚਾਰ ਤੁਹਾਡੇ ਮਨ ਅਤੇ ਦਿਲ ਨੂੰ ਕਮਜ਼ੋਰ ਕਰਦੇ ਹਨ। ਜੋ ਜਵਾਨ ਹੈ, ਉਹੀ ਤਾਜ਼ਾ ਹੈ, ਜੋ ਤਾਜ਼ਾ ਹੈ, ਉਹੀ ਰਾਜਾ ਹੈ। ਜਿਹੜੇ ਕੰਮ ਕੀਤਿਆਂ ਬਗੈਰ ਵੀ ਸਾਡਾ ਗੁਜ਼ਾਰਾ ਹੋ ਸਕਦਾ ਹੋਵੇ, ਉਹ ਕੰਮ ਕਰਨੇ ਸਾਡਾ ਸ਼ੌਕ ਹੁੰਦਾ ਹੈ। ਲਿਆਕਤ ਦਾ ਜਨਮ ਸਿਆਣਪ ਵਿਚੋਂ ਹੁੰਦਾ ਹੈ ਅਤੇ ਸਿਆਣਪ ਨਿਮਰਤਾ ਦੀ ਪੈਦਾਵਾਰ। ਕੋਮਲਤਾ ਕਮਜ਼ੋਰੀ ਦੀ ਨਿਸ਼ਾਨੀ ਨਹੀਂ ਹੈ।
ਕਈ ਗੱਲਾਂ ਨੂੰ ਅਣਦੇਖਿਆ, ਅਣਡਿੱਠ ਕਰਨਾ, ਭੁੱਲ ਜਾਣਾ, ਛੱਡ ਦੇਣਾ, ਤਿਆਗ ਦੇਣਾ ਹੀ ਸਿਆਣਪ ਹੁੰਦੀ ਹੈ। ਖੁਸ਼ੀਆਂ ਲੱਭਣ ਵਾਲੇ ਤਾਂ ਹਰ ਨਿੱਕੀ-ਨਿੱਕੀ ਗੱਲ ਵਿਚੋਂ ਖੁਸ਼ੀ ਲੱਭ ਲੈਂਦੇ ਹਨ। ਬਹਾਨੇ ਲਾਉਣ ਵਾਲਿਆਂ ਕੋਲ ਬਹਾਨਿਆਂ ਦੀ ਘਾਟ ਨਹੀਂ ਹੁੰਦੀ। ਮੌਕੇ ਤਲਾਸ਼ਣ ਵਾਲਿਆਂ ਕੋਲ ਮੌਕੇ ਲੱਭਣ, ਮੌਕੇ ਸੰਭਾਲਣ ਅਤੇ ਮੌਕੇ ਦਾ ਲਾਭ ਲੈਣ ਦਾ ਹੁਨਰ ਹੁੰਦਾ ਹੈ। ਸੱਚ ਨੂੰ ਅੱਖੋਂ-ਪਰੋਖੇ ਕਰਨ ਨਾਲ ਝੂਠ ਦਾ ਬੋਝ ਵਧਦਾ ਜਾਂਦਾ ਹੈ। ਦੂਜਿਆਂ ਨਾਲ ਪੜ੍ਹਨ ਵਿਚ ਸਮਾਂ ਗੁਆਉਣ ਨਾਲੋਂ ਤੁਸੀਂ ਆਪਣੇ ਹਾਲਾਤ ਨਾਲ ਲੜਨਾ ਸਿੱਖੋ। ਡਿਗਣ ਦਾ ਮਤਲਬ ਹਾਰ ਨਹੀਂ ਹੁੰਦਾ। ਕਿਸੇ ਵਿਅਕਤੀ 'ਤੇ ਐਨਾ ਜ਼ਿਆਦਾ ਵੀ ਭਰੋਸਾ ਨਾ ਕਰੋ ਕਿ ਤੁਸੀਂ ਇਕ ਦਿਨ ਠੱਗੇ ਮਹਿਸੂਸ ਕਰੋ। ਇਹ ਸੱਚ ਹੈ ਕਿ ਜੇਕਰ ਅਸੀਂ ਖੁਦ ਖੁਸ਼ ਰਹਿਣਾ ਚਾਹੁੰਦੇ ਹਾਂ ਤਾਂ ਸਾਨੂੰ ਕੋਈ ਦੁਖੀ ਨਹੀਂ ਕਰ ਸਕਦਾ ਅਤੇ ਜੇਕਰ ਅਸੀਂ ਦੁਖੀ ਰਹਿਣਾ ਚਾਹੁੰਦੇ ਹਾਂ ਤਾਂ ਸਾਨੂੰ ਕੋਈ ਸੁਖੀ ਨਹੀਂ ਕਰ ਸਕਦਾ। ਦੁਖੀ ਤਾਂ ਅਸੀਂ ਹੁੰਦੇ ਹੀ ਹਾਂ ਪਰ ਖੁਸ਼ ਰਹਿਣਾ ਸਾਡੀ ਆਪਣੀ ਮਰਜ਼ੀ। ਅਸਫਲ ਤਾਂ ਅਸੀਂ ਹੁੰਦੇ ਹੀ ਹਾਂ ਪਰ ਸਫਲ ਹੋਣਾ ਸਾਡੇ ਆਪਣੇ 'ਤੇ ਨਿਰਭਰ ਹੈ। ਖੁਸ਼ ਰਹਿਣ ਲਈ, ਸੁਖੀ ਹੋਣ ਲਈ, ਸਫਲ ਅਤੇ ਚੰਗੇ ਬਣਨ ਲਈ ਹੀ ਯਤਨ ਕਰਨੇ ਪੈਂਦੇ ਹਨ, ਨਹੀਂ ਤਾਂ ਅਸੀਂ ਦੁਖੀ, ਅਸਫਲ, ਬੁਰੇ ਤਾਂ ਬਿਨਾਂ ਕੋਸ਼ਿਸ਼ ਕੀਤਿਆਂ ਵੀ ਹੁੰਦੇ ਹਾਂ। ਦੋਸਤ ਗ਼ਲਤ ਨਹੀਂ ਹੁੰਦੇ, ਬਲਕਿ ਸਾਡੀ ਦੋਸਤ ਬਣਾਉਣ ਦੀ ਚੋਣ ਗ਼ਲਤ ਹੁੰਦੀ ਹੈ। ਅਸਫਲਤਾ ਤੁਹਾਡੇ ਕੋਲ ਹੈ ਜਦਕਿ ਸਫਲਤਾ ਵੱਲ ਖੁਦ ਚੱਲ ਕੇ ਜਾਣਾ ਪੈਂਦਾ ਹੈ। ਤੁਹਾਡੀ ਚੰਗਿਆਈ ਹੀ ਤੁਹਾਡੀ ਰੂਹ ਦਾ ਵਿਟਾਮਿਨ ਹੈ। ਤੁਸੀਂ ਆਪਣੇ ਸਮੇਂ ਨੂੰ ਮੁਸਕਰਾ ਕੇ ਗੁਜ਼ਾਰੋ, ਕਿਉਂਕਿ ਕਿਸੇ ਨੂੰ ਨਹੀਂ ਪਤਾ ਕਿ ਇਹ ਕਿੰਨਾ ਬਾਕੀ ਹੈ। ਤੁਸੀਂ ਉਨ੍ਹਾਂ ਲੋਕਾਂ ਨੂੰ ਜਾਣਦੇ ਹੋ ਜੋ ਤੁਹਾਡੀ ਜ਼ਿੰਦਗੀ ਵਿਚ ਰੁਕਾਵਟਾਂ ਖੜ੍ਹੀਆਂ ਕਰਦੇ ਹਨ ਪਰ ਤੁਸੀਂ ਇਹ ਗੱਲ ਜਾਣਨ ਦੀ ਕੋਸ਼ਿਸ਼ ਨਹੀਂ ਕਰਦੇ ਕਿ ਇਹ ਰੁਕਾਵਟਾਂ ਬਣਦੀਆਂ ਹੀ ਕਿਉਂ ਹਨ? ਤੁਹਾਡੀਆਂ ਨਾਸਮਝੀਆਂ, ਤੁਹਾਡੀਆਂ ਬੇਵਕੂਫੀਆਂ, ਤੁਹਾਡੇ ਗ਼ਲਤ ਫ਼ੈਸਲੇ, ਤੁਹਾਡਾ ਗ਼ਲਤ ਵਿਹਾਰ ਆਦਿ ਵੀ ਅਜਿਹੀਆਂ ਰੁਕਾਵਟਾਂ ਹਨ, ਜੋ ਤੁਹਾਨੂੰ ਜ਼ਿੰਦਗੀ ਵਿਚ ਅੱਗੇ ਵਧਣ ਤੋਂ ਰੋਕਦੇ ਹਨ।-ਪਿੰਡ

ਗੋਲੇਵਾਲਾ (ਫ਼ਰੀਦਕੋਟ)।
ਮੋਬਾ: 94179-49079

ਭੋਜਨ ਨੂੰ ਆਕਰਸ਼ਕ ਕਿਵੇਂ ਬਣਾਈਏ

ਘਰ ਵਿਚ ਵੀ ਭੋਜਨ ਨੂੰ ਆਕਰਸ਼ਕ ਬਣਾਇਆ ਜਾ ਸਕਦਾ ਹੈ ਅਤੇ ਵਧੀਆ ਢੰਗ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ। ਬਸ ਥੋੜ੍ਹਾ ਧਿਆਨ ਦੇਣ ਦੀ ਲੋੜ ਹੈ। ਇਸ ਵਾਸਤੇ ਵੱਖਰੇ ਤੌਰ 'ਤੇ ਕਿਸੇ ਸਾਮਾਨ ਦੀ ਲੋੜ ਨਹੀਂ ਹੈ। ਘਰ ਵਿਚ ਮੌਜੂਦ ਸਾਮਾਨ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਜਿਵੇਂ-
* ਜਦੋਂ ਤੁਸੀਂ ਨਾਸ਼ਤੇ ਵਿਚ ਪੋਹਾ ਤਿਆਰ ਕਰਦੇ ਹੋ ਤਾਂ ਪਲੇਟ ਵਿਚ ਪੋਹਾ ਰੱਖ ਕੇ ਵਿਚਕਾਰ ਨਾਰੀਅਲ ਚੂਰਾ ਪਾ ਕੇ ਚਾਰੋ ਪਾਸੇ ਹਰੇ ਧਨੀਏ ਨਾਲ ਸਜਾ ਦਿਓ। ਫਿਰ ਦੇਖੋ ਖਾਣ ਵਾਲੇ ਕਿੰਨੇ ਚਾਅ ਨਾਲ ਖਾਂਦੇ ਹਨ।
* ਜਦੋਂ ਤੁਸੀਂ ਪੁਡਿੰਗ, ਕਸਟਰਡ ਜਾਂ ਖੀਰ ਬਣਾਓ ਤਾਂ ਉੱਪਰੋਂ ਦੀ ਵੱਖ-ਵੱਖ ਰੰਗਾਂ ਦੀ ਚੈਰੀ ਪਾ ਕੇ ਵਿਚਾਲੇ ਗੁਲਾਬ ਦੀਆਂ ਪੰਖੜੀਆਂ ਨਾਲ ਸਜਾ ਦਿਓ।
* ਦਾਲ ਵਿਚ ਮਿੱਠੀ ਨਿੰਮ ਦਾ ਤੜਕਾ ਲਗਾਓ। ਨਾਲ ਹੀ ਹਰਾ ਧਨੀਆ ਉੱਪਰੋਂ ਦੀ ਪਾਓ। ਇਸ ਨਾਲ ਖੁਸ਼ਬੂ ਅਤੇ ਸੁੰਦਰਤਾ ਦੋਵੇਂ ਵਧਣਗੀਆਂ।
* ਜਦੋਂ ਤੁਸੀਂ ਕੋਫਤੇ ਬਣਾਉਂਦੇ ਹੋ ਤਾਂ ਕੁਝ ਵੱਡੇ ਹੀ ਬਣਾਓ। ਪੇਸ਼ ਕਰਨ ਲਈ ਤੁਸੀਂ ਕਟੋਰੀ ਵਿਚ ਕੋਫਤੇ ਪਾਓ ਸ਼ੋਰਬੇ ਸਹਿਤ, ਫਿਰ ਬਰੀਕ ਕੱਟਿਆ ਹੋਇਆ ਧਨੀਆ ਪਾਓ। ਉੱਪਰੋਂ ਦੀ ਨਾਰੀਅਲ ਚੂਰਾ ਪਾਓ। ਉਸ ਦੇ ਉੱਪਰ ਇਕ ਛੋਟਾ ਟੁਕੜਾ ਟਮਾਟਰ ਦਾ ਰੱਖੋ। ਇਸ ਨਾਲ ਕੋਫਤਿਆਂ ਦਾ ਆਕਰਸ਼ਣ ਵਧ ਜਾਵੇਗਾ।
* ਪਰੋਸਣ ਤੋਂ ਪਹਿਲਾਂ ਦੋ ਚਮਚ ਤੇਲ, ਰਾਈ ਅਤੇ ਜੀਰਾ ਪਾ ਕੇ ਚੌਲ ਫਰਾਈ ਕਰੋ, ਉੱਪਰੋਂ ਦੀ ਪੀਸ ਕੇ ਹਰਾ ਧਨੀਆ ਅਤੇ ਹਰੀ ਮਿਰਚ, ਨਮਕ ਅਤੇ ਗਰਮ ਮਸਾਲਾ ਮਿਲਾਓ।
* ਸਬਜ਼ੀ ਵਿਚ ਜੇ ਗਾਜਰ, ਮੂਲੀ ਅਤੇ ਤਰ (ਕਕੜੀ) ਹੈ ਤਾਂ ਇਨ੍ਹਾਂ ਨੂੰ ਅਲੱਗ ਕੱਦੂਕਸ਼ ਕਰ ਲਓ, ਫਿਰ ਇਕ ਪਲੇਟ ਵਿਚ ਲੜੀ ਨਾਲ ਤਿਰੰਗੇ ਦੇ ਰੂਪ ਵਿਚ ਸਜਾਓ।
* ਜੇ ਤੁਸੀਂ ਬਿਨਾਂ ਪਿਆਜ਼ ਦੀ ਸਬਜ਼ੀ ਬਣਾਉਂਦੇ ਹੋ ਜਾਂ ਕੋਈ ਰਸੇਦਾਰ ਸਬਜ਼ੀ ਬਣਾਉਂਦੇ ਹੋ ਤਾਂ ਉਸ ਵਿਚ ਭਾਵੇਂ ਹੀ ਹਰੀ ਮਿਰਚ ਘੱਟ ਜਾਂ ਨਾ ਪਾਓ ਪਰ ਲਾਲ ਮਿਰਚ ਜ਼ਰੂਰ ਪਾਓ। ਟਮਾਟਰ ਨੂੰ ਵੱਖਰੇ ਤੌਰ 'ਤੇ ਰਾਈ ਅਤੇ ਜੀਰੇ ਨਾਲ ਤੜਕਾ ਕੇ ਫਿਰ ਸਬਜ਼ੀ ਵਿਚ ਮਿਲਾਓ। ਉੱਪਰੋਂ ਦੀ ਧਨੀਆ ਪਾ ਕੇ ਪੇਸ਼ ਕਰੋ।
* ਪੁਲਾਵ ਵਿਚ ਰੰਗ-ਬਿਰੰਗੀ ਚੈਰੀ ਮਿਲਾਓ ਅਤੇ ਨਾਰੀਅਲ ਦੇ ਲੰਬੇ ਅਤੇ ਪਤਲੇ ਟੁਕੜੇ ਘਿਓ ਵਿਚ ਤਲ ਕੇ ਪਾਓ। ਨਾਲ ਹੀ ਗੁਲਾਬ ਦੀਆਂ ਪੰਖੜੀਆਂ ਨਾਲ ਸਜਾਓ। ਇਸ ਵਿਚ ਕੇਵੜਾ ਪਾਣੀ ਵੀ ਪਾਓ ਤਾਂ ਪੁਲਾਵ ਦੀ ਸੁੰਦਰਤਾ ਅਤੇ ਜਾਇਕਾ ਵਧ ਜਾਵੇਗਾ।
* ਮਿੱਠੀਆਂ ਚੀਜ਼ਾਂ ਵਿਚ ਫਲੇਵਰ ਇਸੇਂਸ ਦੀ ਵਰਤੋਂ ਜ਼ਰੂਰ ਕਰੋ।

ਮਸ਼ੀਨਾਂ ਦੇ ਘਰ ਵਿਚ ਕੈਦ ਹੈ ਬਚਪਨ

ਅੱਜ ਬੱਚਿਆਂ ਕੋਲ ਨਾ ਖੇਡਣ ਲਈ ਖੁੱਲ੍ਹੀ ਜਗ੍ਹਾ ਅਤੇ ਨਾ ਦੇਖਣ ਲਈ ਖੁੱਲ੍ਹਾ ਅਸਮਾਨ, ਉਨ੍ਹਾਂ ਕੋਲ ਹੁਣ ਹਰੀ-ਭਰੀ ਖੁੱਲ੍ਹੀ ਦੁਨੀਆ ਕਿੱਥੇ ਹੈ ਜੋ ਕੁਦਰਤ ਦੇ ਨਜ਼ਾਰਿਆਂ ਦਾ ਅਹਿਸਾਸ ਕਰਵਾ ਸਕਣ? ਆਪਣੀ ਮਰਜ਼ੀ ਨਾਲ ਬਚਪਨ ਦੇ ਕੈਨਵਸ ਵਿਚ ਰੰਗ ਭਰ ਸਕਣ? ਉਹ ਤਾਂ ਟੀ. ਵੀ., ਕੰਪਿਊਟਰ ਦੇ ਅੱਗੇ ਬੈਠ ਕੇ ਵੱਡੇ ਹੋ ਰਹੇ ਹਨ। ਉਨ੍ਹਾਂ ਦੀ ਦੁਨੀਆ ਲੈਪਟਾਪ, ਆਈਪੈਡ, ਆਈਫੋਨ, ਫੇਸਬੁੱਕ, ਵੀਡੀਓ ਗੇਮਜ਼ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਮੋਬਾਈਲ ਅਤੇ ਵੱਟਸਐਪ ਬੱਚਿਆਂ ਦੇ ਮਿੱਤਰ ਹਨ। ਹਿੰਸਕ ਗੇਮਜ਼ ਵੀ ਉਨ੍ਹਾਂ ਦੇ ਕੋਰੇ ਮਨ 'ਤੇ ਨਕਾਰਾਤਮਕ ਪ੍ਰਭਾਵ ਪਾਉਂਦੀਆਂ ਹਨ। ਇਹ ਬਚਪਨ ਤੋਂ ਹੀ ਉਨ੍ਹਾਂ ਨੂੰ ਗੁਸੈਲ ਅਤੇ ਝਗੜਾਲੂ ਬਣਾ ਦਿੰਦੀਆਂ ਹਨ। ਹਿੰਸਾ, ਤਣਾਅ, ਈਰਖਾ ਅਤੇ ਬੇਚੈਨੀ ਪੈਦਾ ਹੋਣ ਕਰਕੇ ਕਈ ਵਾਰ ਹਿੰਸਕ ਘਟਨਾਵਾਂ ਨੂੰ ਅੰਜ਼ਾਮ ਦੇ ਦਿੰਦੇ ਹਨ। ਇਸ ਦਾ ਮੁੱਖ ਕਾਰਨ ਮਾਂ-ਬਾਪ ਦੁਆਰਾ ਬੱਚਿਆਂ ਨੂੰ ਸਮਾਂ ਨਾ ਦੇਣਾ ਹੈ। ਉਹ ਆਪਣੇ-ਆਪ ਨੂੰ ਇਕੱਲਾ ਅਤੇ ਅਸੁਰੱਖਿਅਤ ਮਹਿਸੂਸ ਕਰ ਰਹੇ ਹਨ।
ਜਿਥੇ ਮਾਂ-ਬਾਪ ਦੋਵੇਂ ਕੰਮਕਾਜੀ ਹੋਣ ਦੇ ਨਾਲ ਏਕਲ ਪਰਿਵਾਰ ਵਿਚ ਰਹਿੰਦੇ ਹਨ, ਉਥੇ ਬੱਚੇ ਸਹਾਇਕਾਂ ਦੇ ਹਵਾਲੇ ਹੁੰਦੇ ਹਨ। ਇਸ ਸਮੇਂ ਮਾਂ-ਬਾਪ ਭੁੱਲ ਜਾਂਦੇ ਹਨ ਕਿ ਆਉਣ ਵਾਲੇ ਸਮੇਂ ਵਿਚ ਇਨ੍ਹਾਂ ਗੈਜਟਸ ਦਾ ਅਸਰ ਉਨ੍ਹਾਂ ਦੀ ਸਿਹਤ 'ਤੇ ਕੀ ਹੋਵੇਗਾ। ਕੁਝ ਬੱਚੇ ਤਾਂ ਬੇਜ਼ਬਾਨ ਖਿਡੌਣਿਆਂ ਨੂੰ ਹੀ ਆਪਣੇ ਮਿੱਤਰ ਸਮਝ ਬੈਠਦੇ ਹਨ। ਉਨ੍ਹਾਂ ਨਾਲ ਹੀ ਉੱਠਦੇ-ਬੈਠਦੇ, ਖੇਡਦੇ-ਨੱਚਦੇ ਅਤੇ ਝਗੜਦੇ-ਰੁੱਸਦੇ ਹਨ। ਅਸੀਂ ਇਸ ਗੱਲ ਵੱਲ ਕਦੇ ਧਿਆਨ ਹੀ ਨਹੀਂ ਦਿੱਤਾ ਕਿ ਬੰਦ ਕਮਰੇ ਵਿਚ ਬੇਜਾਨ ਖਿਡੌਣੇ ਤੇ ਮਸ਼ੀਨਾਂ ਕਿਸ ਤਰ੍ਹਾਂ ਬੱਚਿਆਂ ਦੀ ਤਾਕਤ ਬਣ ਸਕਦੀਆਂ ਹਨ? ਇਹ ਕਹਿਣਾ ਗ਼ਲਤ ਨਹੀਂ ਹੋਵੇਗਾ ਕਿ ਅੱਜ ਦਾ ਬਚਪਨ ਹੈਰਾਨ, ਪ੍ਰੇਸ਼ਾਨ ਅਤੇ ਬੇਜਾਨ ਹੁੰਦਾ ਜਾ ਰਿਹਾ ਹੈ। ਭਾਵਨਾਵਾਂ ਦਾ ਸਮੁੰਦਰ ਅੱਜ ਸਿਮਟ ਕੇ ਇਕ ਬੂੰਦ ਹੋ ਗਿਆ ਹੈ, ਜਿਸ ਦੀ ਮਾਸੂਮੀਅਤ ਬੰਦ ਕਮਰਿਆਂ ਵਿਚ ਮਸ਼ੀਨਾਂ ਨੇ ਸੰਭਾਲ ਲਈ ਹੈ।
ਦੂਜੇ ਪਾਸੇ ਅੱਜ ਦੇ ਬੱਚੇ ਬਹੁਤ ਹੁਸ਼ਿਆਰ ਹਨ, ਆਪਣੀ ਗੱਲ ਕਹਿਣਾ ਪਸੰਦ ਕਰਦੇ ਹਨ ਪਰ ਕਿਸੇ ਦੀ ਸੁਣਨਾ ਨਹੀਂ ਚਾਹੁੰਦੇ। ਆਪਣੀ ਹਰ ਇੱਛਾ ਪੂਰੀ ਕਰਨਾ ਚਾਹੁੰਦੇ ਹਨ ਪਰ ਦੂਜਿਆਂ ਦੀਆਂ ਭਾਵਨਾਵਾਂ ਦੀ ਉਨ੍ਹਾਂ ਦੇ ਮਨ ਵਿਚ ਕੋਈ ਕਦਰ ਨਹੀਂ ਹੁੰਦੀ। ਉਨ੍ਹਾਂ ਦੀ ਆਪਣੇ ਬਜ਼ੁਰਗਾਂ ਪ੍ਰਤੀ ਸਤਿਕਾਰ ਅਤੇ ਹਮਦਰਦੀ ਘਟ ਰਹੀ ਹੈ। ਉਹ ਬਹੁਤ ਸੁਆਰਥੀ ਹੋ ਚੁੱਕੇ ਹਨ, ਆਪਣੀ ਖੁਸ਼ੀ ਨਾਲ ਹੀ ਮਤਲਬ ਰੱਖਦੇ ਹਨ। ਬਾਹਰਲੀ ਦੁਨੀਆ ਤੋਂ ਪਰਾਏ ਹੋ ਰਹੇ ਹਨ, ਉਨ੍ਹਾਂ ਦੀ ਹਰ ਚੀਜ਼ ਸਟੇਟਸ ਸਿੰਬਲ ਹੋ ਰਹੀ ਹੈ। ਉਨ੍ਹਾਂ ਦੀ ਹਰ ਖਾਹਿਸ਼ ਪੂਰੀ ਹੋ ਰਹੀ ਹੈ, ਉਨ੍ਹਾਂ ਕੋਲ ਇੰਨੀਆਂ ਸਹੂਲਤਾਂ ਹਨ ਕਿ ਉਹ ਚੀਜ਼ਾਂ ਦੀ ਕੀਮਤ ਹੀ ਨਹੀਂ ਸਮਝਦੇ, ਬਿਨਾਂ ਮੰਗੇ ਸਭ ਕੁਝ ਮਿਲ ਰਿਹਾ ਹੈ। ਉਨ੍ਹਾਂ ਕੋਲ ਇੰਨੇ ਵਿਕਲਪ ਹਨ ਕਿ ਕਿਸੇ ਇਕ ਨੂੰ ਚੁਣਨ ਦੀ ਸਮੱਸਿਆ ਸਾਹਮਣੇ ਆ ਰਹੀ ਹੈ ਪਰ ਕੁਝ ਕਰ ਗੁਜ਼ਰਨ ਦੀ ਸ਼ਕਤੀ ਬਹੁਤ ਘਟ ਰਹੀ ਹੈ। ਉਹ ਸੁਰੱਖਿਅਤ ਮਾਹੌਲ ਵਿਚ ਵੀ ਡਰਪੋਕ ਬਣ ਰਹੇ ਹਨ ਅਤੇ ਆਤਮਵਿਸ਼ਵਾਸ ਬਹੁਤ ਦੂਰ ਦੀ ਗੱਲ ਹੈ।
ਮਸ਼ੀਨਾਂ ਵਿਚ ਕੈਦ ਬਚਪਨ ਨੂੰ ਸੰਭਾਲਣਾ ਵੀ ਤਾਂ ਬਹੁਤ ਜ਼ਰੂਰੀ ਹੈ। ਮਾਂ-ਬਾਪ ਨੂੰ ਭਵਿੱਖ ਨੂੰ ਬਚਾਉਣ ਲਈ ਬਚਪਨ ਨੂੰ ਸੰਭਾਲਣਾ ਪਵੇਗਾ। ਸਕੂਲਾਂ ਵਿਚ ਅਧਿਆਪਕ ਵੀ ਅਹਿਮ ਭੂਮਿਕਾ ਨਿਭਾਅ ਸਕਦੇ ਹਨ। ਬਚਪਨ ਕਮਜ਼ੋਰ ਹੋਣ ਦਾ ਮਤਲਬ ਬੱਚਿਆਂ ਦਾ ਸਹੀ ਰਾਹ ਤੋਂ ਭਟਕਣਾ ਹੈ, ਜਿਸ ਦਾ ਸਿੱਧਾ ਅਸਰ ਸਮਾਜ ਅਤੇ ਦੇਸ਼ ਦੇ ਵਿਕਾਸ ਅਤੇ ਤਰੱਕੀ 'ਤੇ ਪੈਂਦਾ ਹੈ। ਬੱਚਿਆਂ ਨੂੰ ਸਾਹਿਤ ਤੇ ਕਲਾ ਨਾਲ ਜੋੜਨਾ ਪਵੇਗਾ, ਮਾਡਰਨ ਸੋਚ ਵਿਚ ਥੋੜ੍ਹਾ ਜਿਹਾ ਹਿੱਸਾ ਆਪਣੀ ਸੱਭਿਅਤਾ ਅਤੇ ਸੰਸਕ੍ਰਿਤੀ ਦਾ ਜ਼ਰੂਰ ਪਾਉਣਾ ਪਵੇਗਾ। ਜਿਵੇਂ ਸਮਾਜਿਕ ਤੀਜ-ਤਿਉਹਾਰਾਂ ਨੂੰ ਇਕੱਠੇ ਮਨਾਉਣਾ, ਰਿਸ਼ਤਿਆਂ ਦੀ ਸਾਂਝ ਨੂੰ ਵਧਾਉਣਾ, ਸੰਸਕਾਰਾਂ ਨਾਲ ਜਾਣੂ ਕਰਵਾਉਣਾ ਆਦਿ। ਬੱਚਿਆਂ ਨੂੰ ਇਸ ਤਰ੍ਹਾਂ ਦਾ ਮਾਹੌਲ ਦਿਓ ਕਿ ਉਹ ਬਾਹਰੀ ਦੁਨੀਆ ਨੂੰ ਛੱਡ ਕੇ ਆਪਣਿਆਂ ਦੀ ਖਿੱਚ ਮਹਿਸੂਸ ਕਰਨ। ਹਰ ਚੀਜ਼ ਵੀ ਇੰਨੀ ਅਸਾਨੀ ਨਾਲ ਨਾ ਦਿਓ ਤਾਂ ਕਿ ਉਹ ਇਨ੍ਹਾਂ ਦੀ ਕੀਮਤ ਨੂੰ ਸਮਝ ਸਕਣ, ਇੰਤਜ਼ਾਰ ਕਰਨਾ ਸਿੱਖਣ। ਇਸ ਤਰ੍ਹਾਂ ਉਨ੍ਹਾਂ ਵਿਚ ਸਹਿਣਸ਼ੀਲਤਾ ਦੇ ਨਾਲ-ਨਾਲ ਸਬਰ ਤੇ ਸੰਤੋਖ ਵਰਗੇ ਗੁਣ ਵੀ ਪੈਦਾ ਹੋਣਗੇ। ਨੈਤਿਕ ਸਿੱਖਿਆ ਦੇ ਗੁਣ ਸਿਖਾਉਣਾ ਵੀ ਬਹੁਤ ਜ਼ਰੂਰੀ ਹੈ। ਇਸ ਲਈ ਆਧੁਨਿਕਤਾ ਅਤੇ ਪਰੰਪਰਾ ਦਾ ਵਿਚਕਾਰਲਾ ਰਸਤਾ ਅਪਣਾਓ। ਬੱਚਿਆਂ ਨੂੰ ਸਹੂਲਤਾਂ ਦੇ ਗੁਲਾਮ ਨਾ ਬਣਨ ਦਿਓ, ਬਲਕਿ ਸਹੂਲਤਾਂ ਪ੍ਰਾਪਤ ਕਰਨ ਦੇ ਯੋਗ ਬਣਾਓ। ਮਸ਼ੀਨਾਂ ਦੇ ਬੰਦ ਕਮਰਿਆਂ ਵਿਚੋਂ ਬਚਪਨ ਨੂੰ ਕੱਢ ਕੇ ਖੁੱਲ੍ਹੇ ਵਾਤਾਵਰਨ ਵਿਚ ਜਿਊਣਾ ਸਿਖਾਓ।

-ਮੋਬਾ: 98782-49944

ਸਿਹਤ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ ਘਰ ਦੀ ਧੂੜ

ਘਰ ਵਿਚ ਅਸੀਂ ਭਾਵੇਂ ਹੀ ਨਿਯਮਿਤ ਸਫ਼ਾਈ ਕਰੀਏ, ਪਰ ਰਸੋਈ ਅਤੇ ਬਾਥਰੂਮ ਨੂੰ ਸਫ਼ਾਈ ਤੋਂ ਇਲਾਵਾ ਹੋਰ ਵੀ ਕਈ ਤਰੀਕਿਆਂ ਨਾਲ ਸਾਫ਼ ਕਰਨ ਦੀ ਲੋੜ ਹੁੰਦੀ ਹੈ। ਘਰ ਵਿਚ ਰਸੋਈ ਅਤੇ ਬਾਥਰੂਮ ਅਜਿਹੀ ਜਗ੍ਹਾ ਹੈ, ਜਿਥੇ ਖਾਸ ਧਿਆਨ ਦੇਣਾ ਚਾਹੀਦਾ ਹੈ। ਪੂਰੇ ਘਰ ਦੀ ਵੈਕਿਊਮ ਕਲੀਨਿੰਗ ਹਰ ਰੋਜ਼ ਕਰਨੀ ਚਾਹੀਦੀ ਹੈ। ਰੋਜ਼ ਸਫ਼ਾਈ ਕਰਨ ਦੇ ਨਾਲ-ਨਾਲ ਹਰ ਹਫ਼ਤੇ ਅਤੇ ਮਹੀਨੇ ਵਿਚ ਚੰਗੀ ਤਰ੍ਹਾਂ ਘਰ ਸਾਫ਼ ਕਰਨਾ ਚਾਹੀਦਾ ਹੈ।
ਬਾਥਰੂਮ ਦੀ ਸਫ਼ਾਈ
* ਬਾਥਰੂਮ ਨੂੰ ਰੋਜ਼ ਸਾਫ਼ ਕਰੋ ਅਤੇ ਇਸ ਨੂੰ ਸੁੱਕਾ ਰੱਖੋ, ਤਾਂ ਕਿ ਇਸ ਵਿਚ ਬੈਕਟੀਰੀਆ ਨਾ ਪਨਪੇ। ਬਾਥਰੂਮ ਦਾ ਫਰਸ਼, ਟਾਇਲਟ ਸੀਟ ਅਤੇ ਵਾਸ਼ਵੇਸਿਨ ਨੂੰ ਚੰਗੀ ਤਰ੍ਹਾਂ ਧੋਵੋ ਅਤੇ ਸੁਕਾਓ।
* ਹਰ ਰੋਜ਼ ਕੂੜਾਦਾਨ ਦੀ ਸਫ਼ਾਈ ਕਰੋ।
* ਬਾਥਰੂਮ ਦੀਆਂ ਖਿੜਕੀਆਂ ਨੂੰ ਦਿਨ ਸਮੇਂ ਖੋਲ੍ਹ ਕੇ ਰੱਖੋ, ਜਿਸ ਨਾਲ ਧੁੱਪ ਅੰਦਰ ਆ ਸਕੇ।
ਹਫ਼ਤਾਵਾਰੀ ਸਫ਼ਾਈ
* ਹਫ਼ਤੇ ਵਿਚ ਇਕ ਵਾਰ ਪੂਰੇ ਫਰਸ਼ ਨੂੰ ਰਗੜੋ, ਕੰਧਾਂ ਦੀਆਂ ਟਾਇਲਾਂ ਨੂੰ ਸਾਬਣ ਨਾਲ ਸਾਫ਼ ਕਰ ਕੇ ਉਨ੍ਹਾਂ ਨੂੰ ਬੈਕਟੀਰੀਆ ਮੁਕਤ ਕਰੋ।
* ਬਾਥਰੂਮ ਦੇ ਸ਼ਾਵਰ ਨੂੰ ਅੰਦਰੋਂ ਅਤੇ ਬਾਹਰੋਂ ਚੰਗੀ ਤਰ੍ਹਾਂ ਸਾਫ਼ ਕਰੋ, ਇਸ ਦੀ ਸਿਮ ਨਾਲ ਸਭ ਤੋਂ ਜ਼ਿਆਦਾ ਬੈਕਟੀਰੀਆ ਪਨਪਦੇ ਹਨ।
* ਵੈਨੇਟੀ ਕਾਊਂਟਰ, ਕੈਬਿਨੇਟ ਦੀ ਐਕਸਸਿਰੀਜ਼ ਅਤੇ ਦੂਜੀ ਐਕਸਸਿਰੀਜ਼ ਨੂੰ ਸਾਫ਼ ਕਰੋ, ਇਨ੍ਹਾਂ ਦੇ ਪੇਪਰ ਬਦਲੋ।
* ਕੂੜੇਦਾਨ ਦੀ ਸਫ਼ਾਈ ਕਰੋ। ਵਾਈਪਰ ਅਤੇ ਡਸਟਰ ਨੂੰ ਹਰ ਤਿੰਨ ਮਹੀਨੇ ਬਾਅਦ ਸਾਬਣ ਅਤੇ ਗਰਮ ਪਾਣੀ ਨਾਲ ਸਾਫ਼ ਕਰੋ।
* ਖਿੜਕੀਆਂ ਦੀ ਜਾਲੀ ਅਤੇ ਐਗਜ਼ਾਸਟ ਫੈਨ ਦੀ ਸਫ਼ਾਈ ਕਰੋ। ਬਾਥਰੂਮ ਦੀ ਜਾਲੀ ਨੂੰ ਡ੍ਰੈਨੇਕਸ ਨਾਲ ਸਾਫ਼ ਕਰੋ, ਗਰਮ ਪਾਣੀ ਅਤੇ ਸਿਰਕੇ ਨਾਲ ਵੀ ਬੰਦ ਹੋਈ ਜਾਲੀ ਖੁੱਲ੍ਹੀ ਜਾਂਦੀ ਹੈ।
ਰਸੋਈ ਦੀ ਸਫ਼ਾਈ
* ਰਸੋਈ ਵਿਚ ਖਾਣਾ ਬਣਾਉਣ ਦੌਰਾਨ ਗੰਧ ਅਤੇ ਤੇਲ ਮਿਲ ਕੇ ਜ਼ਿਆਦਾ ਬੈਕਟੀਰੀਆ ਦੇ ਬਣਨ ਦਾ ਕਾਰਨ ਬਣਦੇ ਹਨ। ਕਿਉਂਕਿ ਅਸੀਂ ਉਥੇ ਖਾਣਾ ਬਣਾਉਣਾ ਹੁੰਦਾ ਹੈ, ਇਸ ਲਈ ਰਸੋਈ ਦੀ ਸਫ਼ਾਈ 'ਤੇ ਖਾਸ ਧਿਆਨ ਦੇਣਾ ਚਾਹੀਦਾ ਹੈ।
ਰੋਜ਼ਾਨਾ ਸਫ਼ਾਈ
* ਹਰ ਰੋਜ਼ ਭਾਂਡੇ ਸਾਫ਼ ਕਰੋ। ਉਨ੍ਹਾਂ ਨੂੰ ਹਵਾ ਵਿਚ ਸੁਕਾਓ ਜਾਂ ਸੁੱਕੇ ਕੱਪੜੇ ਨਾਲ ਪੂੰਝੋ। ਰਸੋਈ ਦੀ ਸਲੈਬ ਅਤੇ ਸਿੰਕ ਨੂੰ ਰੋਜ਼ ਸਾਫ਼ ਕਰੋ। ਸਿੰਕ ਵਿਚ ਖੁੱਲ੍ਹਦਾ ਹੋਇਆ ਪਾਣੀ ਪਾਓ ਤਾਂ ਕਿ ਨਾਲੀ ਵਿਚ ਬੈਕਟੀਰੀਆ ਨਾ ਪਨਪੇ।
* ਕੂੜੇਦਾਨ ਨੂੰ ਢਕ ਕੇ ਰੱਖੋ।
ਹਫ਼ਤਾਵਾਰੀ ਸਫ਼ਾਈ
* ਹਰ ਹਫ਼ਤੇ ਫਰਿੱਜ ਦੀ ਸਫ਼ਾਈ ਕਰੋ। ਬੇਹੀਆਂ ਚੀਜ਼ਾਂ ਨੂੰ ਬਾਹਰ ਕੱਢੋ। ਬਲੈਂਡਰ, ਟੋਸਟਰ ਅਤੇ ਕੁਕਿੰਗ ਰੇਂਜ ਨੂੰ ਸਾਫ਼ ਕਰੋ। ਇਨ੍ਹਾਂ ਦੇ ਬਾਹਰਲੇ ਹਿੱਸੇ ਨੂੰ ਸੁੱਕੇ ਕੱਪੜੇ ਨਾਲ ਪੂੰਝੋ, ਫਿਰ ਹਲਕੇ ਡਿਟਰਜੈਂਟ ਵਿਚ ਸਪੰਜ ਨੂੰ ਭਿਉਂ ਕੇ ਉਸ ਦੀ ਸਫ਼ਾਈ ਕਰੋ। ਰਸੋਈ ਦੀਆਂ ਖਿੜਕੀਆਂ, ਕੈਬਿਨੇਟ ਅਤੇ ਸੈਲਫ ਨੂੰ ਸਕਰੱਬ ਕਰ ਕੇ ਸਾਫ਼ ਕਰੋ। ਟਾਇਲਾਂ ਅਤੇ ਫਰਸ਼ ਦੀ ਸਫ਼ਾਈ ਬੈਕਟੀਰੀਆਰੋਧੀ ਕਲੀਨਰ ਨਾਲ ਕਰੋ।
* ਭਾਂਡਿਆਂ ਦੀ ਸਫ਼ਾਈ ਅਤੇ ਸਲੈਬ ਲਈ ਵੱਖ-ਵੱਖ ਤਰ੍ਹਾਂ ਦੇ ਕੱਪੜੇ ਦੀ ਵਰਤੋਂ ਕਰੋ। ਸਫ਼ਾਈ ਵਾਲੇ ਕੱਪੜਿਆਂ ਨੂੰ ਗਰਮ ਪਾਣੀ ਨਾਲ ਧੋ ਕੇ ਉਨ੍ਹਾਂ ਨੂੰ ਰੋਗਾਣੂ ਮੁਕਤ ਕਰੋ।
ਮਾਸਿਕ ਸਫ਼ਾਈ
* ਰਸੋਈ ਦੇ ਐਗਜ਼ਾਸਟ ਫੈਨ, ਚਿਮਨੀ ਅਤੇ ਪੱਖੇ ਨੂੰ ਸਾਫ਼ ਕਰੋ।
* ਇਸ ਦੀਆਂ ਨਾਲੀਆਂ ਨੂੰ ਸਿਰਕੇ ਅਤੇ ਗਰਮ ਪਾਣੀ ਨਾਲ ਖੋਲ੍ਹੋ।
* ਕੈਬਿਨੇਟ ਖੋਲ੍ਹ ਕੇ ਕੰਟੇਨਰਸ ਦੀ ਸਫ਼ਾਈ ਕਰੋ।





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX