ਤਾਜਾ ਖ਼ਬਰਾਂ


ਭਾਜਪਾ ਆਗੂਆਂ ਨੇ ਪਿੰਡ ਮੁੱਛਲ ਵਿਖੇ ਪਹੁੰਚ ਕੇ ਜ਼ਹਿਰੀਲੀ ਸ਼ਰਾਬ ਕਾਰਨ ਮਰਨ ਵਾਲਿਆਂ ਦੇ ਪਰਿਵਾਰ ਨਾਲ ਵੰਡਾਇਆ ਦੁੱਖ
. . .  6 minutes ago
ਟਾਂਗਰਾ, 6 (ਹਰਜਿੰਦਰ ਸਿੰਘ ਕਲੇਰ)- ਭਾਰਤੀ ਜਨਤਾ ਪਾਰਟੀ ਦੇ ਪ੍ਰਧਾਨ ਅਸ਼ਵਨੀ ਸ਼ਰਮਾ, ਮੈਂਬਰ ਪਾਰਲੀਮੈਂਟ ਸ਼ਵੇਤ ਮਲਿਕ, ਕੇਵਲ ਕੁਮਾਰ, ਬਲਵਿੰਦਰ ਗਿੱਲ, ਰਾਜੇਸ਼ ਹਨੀ, ਪ੍ਰਧਾਨ ਹਰਦਿਆਲ ਸਿੰਘ ਆਦਿ ਪਾਰਟੀ ਆਗੂਆਂ ਨੇ ਅੱਜ ਅੰਮ੍ਰਿਤਸਰ ਦੇ ਪਿੰਡ ਮੁੱਛਲ...
ਅਦਾਲਤ ਨੇ 7 ਦਿਨਾਂ ਲਈ ਪੁਲਿਸ ਹਿਰਾਸਤ 'ਚ ਭੇਜਿਆ ਸੰਨੀ ਇਨਕਲੇਵ ਦਾ ਮਾਲਕ ਬਾਜਵਾ
. . .  14 minutes ago
ਖਰੜ, 6 ਅਗਸਤ (ਗੁਰਮੁੱਖ ਸਿੰਘ ਮਾਨ )-ਖਰੜ ਦੀ ਅਦਾਲਤ ਵਲੋਂ ਧੋਖਾਧੜੀ ਦੇ ਮਾਮਲੇ 'ਚ ਸਦਰ ਪੁਲਿਸ ਖਰੜ ਵਲੋਂ ਗ੍ਰਿਫ਼ਤਾਰ ਕੀਤੇ ਗਏ ਸੰਨੀ ਇਨਕਲੇਵ ਦੇ ਮਾਲਕ...
ਨਵਨਿਯੁਕਤ ਡੀ.ਐਸ.ਪੀ.ਸੁਖਵਿੰਦਰਪਾਲ ਸਿੰਘ ਨੇ ਆਪਣਾ ਅਹੁਦਾ ਸੰਭਾਲਿਆ
. . .  27 minutes ago
ਜੰਡਿਆਲਾ ਗੁਰੂ, 6 ਅਗਸਤ-(ਰਣਜੀਤ ਸਿੰਘ ਜੋਸਨ)- ਹਾਲ ਹੀ ਚ ਪੰਜਾਬ ਸਰਕਾਰ ਵੱਲੋਂ ਕੀਤੇ ਗਏ ਤਬਾਦਲਿਆਂ ਤਹਿਤ ਜੰਡਿਆਲਾ ਗੁਰੂ ਦੇ ਨਵੇਂ ਡੀ. ਐਸ. ਪੀ. ਸੁਖਵਿੰਦਰਪਾਲ ਸਿੰਘ ਨੇ ਅੱਜ ਆਪਣਾ ਅਹੁਦਾ ਸੰਭਾਲ ਲਿਆ ਹੈ। ਜੋ ਕਿ ਡੀ. ਐਸ. ਪੀ. ਹੈਡਕੁਆਰਟਰ ਬਰਨਾਲਾ...
ਅਣਪਛਾਤੇ ਵਿਅਕਤੀਆਂ ਨੇ ਰਾਤ ਸਮੇਂ ਛੱਪੜ ਵਿਚ ਸੁੱਟੇ ਸ਼ਰਾਬ ਪੈਕਿੰਗ ਕਰਨ ਵਾਲੀਆਂ ਗੱਤੇ ਦੀਆਂ ਪੇਟੀਆਂ ਦੇ ਬੰਡਲ
. . .  33 minutes ago
ਖਡੂਰ ਸਾਹਿਬ, 6 ਅਗਸਤ ( ਰਸ਼ਪਾਲ ਸਿੰਘ ਕੁਲਾਰ) - ਜ਼ਿਲਾ ਤਰਨ ਤਾਰਨ ਦੀ ਸਬ ਡਵੀਜ਼ਨ ਖਡੂਰ ਸਾਹਿਬ ਦੇ ਪਿੰਡ ਅਲੀਆ ਵਿਖੇ ਅਣਪਛਾਤੇ ਵਿਅਕਤੀਆਂ ਵੱਲੋਂ ਰਾਤ ਸਮੇਂ ਸ਼ਰਾਬ ਪੈਕਿੰਗ ਕਰਨ ਵਾਲੀਆਂ ਗੱਤੇ ਦੀਆਂ ਪੇਟੀਆਂ ਦੇ ਛੱਪੜ ਵਿਚ ਬੰਡਲ ਸੁਟ ਕੇ ਫਰਾਰ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ...
ਪੰਜਾਬ ਸਰਕਾਰ ਨੇ ਜ਼ਹਿਰੀਲੀ ਸ਼ਰਾਬ ਨਾਲ ਮਰਨ ਵਾਲੇ ਵਿਅਕਤੀਆਂ ਦੇ ਪਰਿਵਾਰਾਂ ਨੂੰ ਦਿੱਤੇ 2-2 ਲੱਖ ਦੇ ਚੈੱਕ
. . .  39 minutes ago
ਤਰਨਤਾਰਨ 6 ਅਗਸਤ( ਹਰਿੰਦਰ ਸਿੰਘ, ਵਿਕਾਸ ਮਰਵਾਹਾ ) - ਜ਼ਹਿਰੀਲੀ ਸ਼ਰਾਬ ਨਾਲ ਜ਼ਿਲ੍ਹਾ ਤਰਨਤਾਰਨ ਅੰਦਰ ਮਰਨ ਵਾਲੇ 84 ਵਿਅਕਤੀਆਂ ਦੇ ਪਰਿਵਾਰਾਂ ਨਾਲ ਦੁੱਖ ਸਾਂਝਾ ਕਰਨ ਲਈ ਪੰਜਾਬ ਸਰਕਾਰ ਦੇ ਹੁਕਮਾਂ ਤਹਿਤ ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ, ਸੁਖਬਿੰਦਰ ਸਿੰਘ ਸਰਕਾਰੀਆ ਅਤੇ ਰਾਜ ਕੁਮਾਰ ਵੇਰਕਾ ਤੋਂ ਇਲਾਵਾ ਹੋਰ ਵਿਧਾਇਕ...
ਵਿਆਹ ਤੋਂ ਹਫ਼ਤਾ ਪਹਿਲਾਂ ਨੌਜਵਾਨ ਦਾ ਗੋਲੀਆਂ ਮਾਰ ਕੇ ਹੱਤਿਆ
. . .  41 minutes ago
ਫ਼ਿਰੋਜ਼ਪੁਰ, 6 ਅਗਸਤ (ਗੁਰਿੰਦਰ ਸਿੰਘ): ਫ਼ਿਰੋਜ਼ਪੁਰ ਦੇ ਥਾਣਾ ਸਦਰ ਅਧੀਨ ਪੈਂਦੇ ਸਰਹੱਦੀ ਪਿੰਡ ਨਵਾਂ ਬਾਰੇ ਕੇ 'ਚ ਬੀਤੀ ਰਾਤ ਅਣਪਛਾਤਿਆਂ ਵੱਲੋਂ ਇਕ ਨੌਜਵਾਨ ਦੇ ਘਰ ਵਿਚ ਵੜ ਕੇ ਗੋਲੀਆਂ ਮਾਰ ਕੇ ਹੱਤਿਆ ਕਰਨ ਦਾ ਮਾਮਲਾ ਸਾਹਮਣੇ...
ਗਿੱਦੜਬਾਹਾ ਵਿਖੇ ਇੱਕ ਹੋਰ ਕੋਰੋਨਾ ਮਰੀਜ਼ ਦੀ ਪੁਸ਼ਟੀ
. . .  1 minute ago
ਸ੍ਰੀ ਮੁਕਤਸਰ ਸਾਹਿਬ, 6 ਅਗਸਤ (ਰਣਜੀਤ ਸਿੰਘ ਢਿੱਲੋਂ)- ਜ਼ਿਲ੍ਹਾ ਸ੍ਰੀ ਸ੍ਰੀ ਮੁਕਤਸਰ ਸਾਹਿਬ ਦੇ ਗਿੱਦੜਬਾਹਾ ਵਿਖੇ ਇੱਕ ਹੋਰ ਕੋਰੋਨਾ ਮਰੀਜ਼ ਦੀ ਪੁਸ਼ਟੀ ਹੋਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੱਜ ਜ਼ਿਲ੍ਹੇ 'ਚ 2 ਕੋਰੋਨਾ...
ਜ਼ਹਿਰੀਲੀ ਸ਼ਰਾਬ ਮਾਮਲੇ 'ਚ ਜਲੰਧਰ ਡਵੀਜ਼ਨ ਦੇ ਕਮਿਸ਼ਨਰ ਨੇ ਜਾਂਚ ਕੀਤੀ ਸ਼ੁਰੂ
. . .  about 1 hour ago
ਜਲੰਧਰ, 6 ਅਗਸਤ- ਪੰਜਾਬ ਦੇ ਸਰਹੱਦੀ ਜ਼ਿਲ੍ਹਿਆਂ 'ਚ ਜ਼ਹਿਰੀਲੀ ਸ਼ਰਾਬ ਨਾਲ ਹੋਈਆਂ ਮੌਤਾਂ ਦੇ ਮਾਮਲੇ 'ਚ ਜਲੰਧਰ ਡਵੀਜ਼ਨ ਦੇ ਕਮਿਸ਼ਨਰ ਵਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਉਹ ਤਿੰਨਾਂ...
ਜ਼ਹਿਰੀਲੀ ਸ਼ਰਾਬ ਨਾਲ ਹੋਈਆਂ ਮੌਤਾਂ ਦਾ ਮਾਮਲਾ : ਭਾਜਪਾ ਮਹਿਲਾ ਮੋਰਚਾ ਵਲੋਂ ਸਿੰਗਲਾ ਦੀ ਕੋਠੀ ਅੱਗੇ ਨਾਅਰੇਬਾਜ਼ੀ
. . .  about 1 hour ago
ਸੰਗਰੂਰ, 6 ਅਗਸਤ (ਧੀਰਜ ਪਸ਼ੋਰੀਆ)- ਪੰਜਾਬ ਦੇ ਸਰਹੱਦੀ ਜ਼ਿਲ੍ਹਿਆਂ 'ਚ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਹੋਈਆਂ ਮੌਤਾਂ ਮਾਮਲੇ 'ਤੇ ਅੱਜ ਭਾਜਪਾ ਮਹਿਲਾ ਮੋਰਚਾ ਦੇ ਝੰਡੇ ਹੇਠ ਵੱਡੀ ਗਿਣਤੀ 'ਚ ਔਰਤਾਂ ਨੇ ਜ਼ਿਲ੍ਹਾ ਪ੍ਰਧਾਨ...
ਜ਼ਿਲ੍ਹਾ ਮੁਕਤਸਰ ਸਾਹਿਬ ਦੇ ਪਿੰਡ ਸ਼ਾਮਖੇੜਾ 'ਚ ਕੋਰੋਨਾ ਦਾ ਇੱਕ ਹੋਰ ਮਾਮਲਾ ਆਇਆ ਸਾਹਮਣੇ
. . .  about 1 hour ago
ਮਲੋਟ, 6 ਅਗਸਤ (ਗੁਰਮੀਤ ਸਿੰਘ ਮੱਕੜ)- ਜ਼ਿਲ੍ਹਾ ਮੁਕਤਸਰ ਸਾਹਿਬ ਦੇ ਮਲੋਟ ਹਲਕੇ 'ਚ ਕੋਰੋਨਾ ਮਰੀਜ਼ਾਂ ਦਾ ਵਾਧਾ ਲਗਾਤਾਰ ਜਾਰੀ ਹੈ। ਸ਼ਹਿਰ ਦੇ ਨੇੜਲੇ ਪਿੰਡ ਸ਼ਾਮਖੇੜਾ ਦੀ ਇੱਕ 50...
ਟੀ.ਵੀ ਅਦਾਕਾਰ ਸਮੀਰ ਸ਼ਰਮਾ ਵੱਲੋਂ ਖ਼ੁਦਕੁਸ਼ੀ
. . .  about 1 hour ago
ਮੁੰਬਈ, 6 ਅਗਸਤ- ਮੁੰਬਈ 'ਚ ਟੀ.ਵੀ ਅਦਾਕਾਰ ਸਮੀਰ ਸ਼ਰਮਾ ਦੀ ਲਾਸ਼ ਉਸ ਦੇ ਘਰ 'ਚ ਪੱਖੇ ਨਾਲ ਲਟਕਦੀ ਮਿਲੀ....
ਗੜ੍ਹਸ਼ੰਕਰ (ਹੁਸ਼ਿਆਰਪੁਰ) 'ਚ ਸਬਜ਼ੀ ਵੇਚਣ ਵਾਲੇ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 1 hour ago
ਗੜ੍ਹਸ਼ੰਕਰ, 6 ਅਗਸਤ (ਧਾਲੀਵਾਲ) - ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਗੜ੍ਹਸ਼ੰਕਰ ਸ਼ਹਿਰ 'ਚ ਕੁੱਝ ਦਿਨ ਪਹਿਲਾ ਆਏ 50 ਸਾਲਾ ਸਬਜ਼ੀ ਵੇਚਣ ਵਾਲੇ ਵਿਅਕਤੀ ...
ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਕੈਪਟਨ ਸਰਕਾਰ ਖ਼ਿਲਾਫ਼ ਜ਼ਬਰਦਸਤ ਰੋਸ ਪ੍ਰਦਰਸ਼ਨ ਤੇ ਨਾਅਰੇਬਾਜ਼ੀ
. . .  about 2 hours ago
ਧਾਰੀਵਾਲ, 6 ਅਗਸਤ (ਜੇਮਸ ਨਾਹਰ)- ਅੱਜ ਵਿਧਾਨ ਸਭਾ ਹਲਕਾ ਕਾਦੀਆਂ ਦੇ ਸੀਨੀਅਰ ਨੇਤਾ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਕੌਮੀ ....
ਚੰਡੀਗੜ੍ਹ ਪੁਲਿਸ ਦੇ ਏ.ਐੱਸ.ਆਈ ਭੁਪਿੰਦਰ ਸਿੰਘ ਨੂੰ ਹੋਇਆ ਕੋਰੋਨਾ
. . .  about 2 hours ago
ਚੰਡੀਗੜ੍ਹ, 6 ਅਗਸਤ (ਸੁਰਿੰਦਰਪਾਲ)- ਚੰਡੀਗੜ੍ਹ ਪੁਲਿਸ ਦੇ ਏ.ਐੱਸ.ਆਈ ਪੰਜਾਬੀ ਸਿੰਘ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਪਾਈ ਗਈ ....
ਜਲੰਧਰ 'ਚ ਕੋਰੋਨਾ ਦਾ ਹੋਇਆ ਜ਼ਬਰਦਸਤ ਧਮਾਕਾ, 92 ਮਾਮਲਿਆਂ ਦੀ ਪੁਸ਼ਟੀ, 1 ਮੌਤ
. . .  about 2 hours ago
ਜਲੰਧਰ, 6 ਅਗਸਤ (ਐਮ. ਐੱਸ. ਲੋਹੀਆ) - ਜਲੰਧਰ 'ਚ ਕੋਰੋਨਾ ਪੀੜਤਾਂ ਦੀ ਗਿਣਤੀ 'ਚ ਲਗਾਤਾਰ ਵਾਧਾ ਹੋ ਰਿਹਾ....
ਫ਼ਿਰੋਜ਼ਪੁਰ ਅੰਦਰ ਕੋਰੋਨਾ ਦੇ 32 ਹੋਰ ਮਾਮਲੇ ਆਏ ਸਾਹਮਣੇ
. . .  about 2 hours ago
ਫ਼ਿਰੋਜ਼ਪੁਰ, 6 ਅਗਸਤ (ਜਸਵਿੰਦਰ ਸਿੰਘ ਸੰਧੂ)- ਕੋਰੋਨਾ ਮਹਾਂਮਾਰੀ ਦੇ ਦਿਨੋ-ਦਿਨ ਵੱਧ ਰਹੇ ਕਹਿਰ ਦੇ ਚੱਲਦਿਆਂ ਜ਼ਿਲ੍ਹਾ ਫ਼ਿਰੋਜ਼ਪੁਰ....
ਨਵਜੰਮੇ ਬੱਚੇ ਦੇ ਮਿਲਣ ਨਾਲ ਇਲਾਕੇ 'ਚ ਫੈਲੀ ਸਨਸਨੀ
. . .  about 2 hours ago
ਜਲੰਧਰ, 6 ਅਗਸਤ- ਜਲੰਧਰ ਦੇ ਬੂਟਾ ਮੰਡੀ ਇਲਾਕੇ 'ਚ ਇਕ ਨਵਜੰਮੇ ਬੱਚੇ ਦੇ ਮਿਲਣ ਨਾਲ ਇਲਾਕੇ 'ਚ ਸਨਸਨੀ ਫੈਲ ਗਈ। ਇਸ ਘਟਨਾ ਦੀ ਜਾਣਕਾਰੀ ਮਿਲਦਿਆਂ ....
ਸਾਬਕਾ ਵਿਧਾਇਕ ਜਸਟਿਸ ਨਿਰਮਲ ਸਿੰਘ ਸਾਥੀਆਂ ਸਮੇਤ ਅਕਾਲੀ ਦਲ (ਡੀ) 'ਚ ਹੋਏ ਸ਼ਾਮਲ
. . .  about 2 hours ago
ਬੱਸੀ ਪਠਾਣਾਂ, 6 ਅਗਸਤ (ਰਵਿੰਦਰ ਮੋਦਗਿਲ, ਡਾ. ਰੁਪਾਲ, ਐੱਚ.ਐੱਸ ਗੋਤਮ)- ਅਕਾਲੀ ਦਲ ਬਾਦਲ ਤੋਂ ਵੱਖ ਹੋਏ ਸੁਖਦੇਵ ਸਿੰਘ ਢੀਂਡਸਾ ਨੇ ਬੱਸੀ 'ਚ ਰਖੇ ਸਮਾਗਮ '....
ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਮਾਰੇ ਗਏ ਵਿਅਕਤੀ ਦੇ ਪਰਿਵਾਰਕ ਮੈਂਬਰਾਂ ਨੂੰ ਰਣਜੀਤ ਸਿੰਘ ਛੱਜਲਵੱਢੀ ਵੱਲੋਂ ਦਿੱਤੀ ਗਈ ਸਹਾਇਤਾ ਰਾਸ਼ੀ
. . .  about 2 hours ago
ਟਾਂਗਰਾ (ਅੰਮ੍ਰਿਤਸਰ), 6 ਅਗਸਤ (ਹਰਜਿੰਦਰ ਸਿੰਘ ਕਲੇਰ)- ਹਲਕਾ ਜੰਡਿਆਲਾ ਗੁਰੂ ਅਧੀਨ ਪੈਂਦੇ ਪਿੰਡ ਮੁੱਛਲ ਵਿਖੇ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਮਾਰੇ ਗਏ ਵਿਅਕਤੀ....
ਪੰਜਾਬ ਦੇ ਕੈਬਨਿਟ ਮੰਤਰੀ ਸੁੱਖ ਸਰਕਾਰੀਆ ਨੇ ਕੀਤਾ ਪੀੜਤ ਪਰਿਵਾਰਾਂ ਨਾਲ ਦੁੱਖ ਸਾਂਝਾ
. . .  about 3 hours ago
ਤਰਨਤਾਰਨ, 6 ਅਗਸਤ (ਹਰਿੰਦਰ ਸਿੰਘ, ਵਿਕਾਸ ਮਰਵਾਹਾ) - ਤਰਨ ਤਾਰਨ 'ਚ ਪਿਛਲੇ ਦਿਨੀਂ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ ਹੋਈਆਂ....
ਰੈਪੋ ਰੇਟ ਅਤੇ ਰਿਵਰਸ ਰੈਪੋ ਰੇਟ 'ਚ ਕੋਈ ਬਦਲਾਅ ਨਹੀਂ - ਆਰ.ਬੀ.ਆਈ
. . .  about 3 hours ago
ਨਵੀਂ ਦਿੱਲੀ, 6 ਅਗਸਤ- ਆਰ.ਬੀ.ਆਈ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਦੀ ਅਗਵਾਈ ਵਾਲੀ ਮੁਦਰਾ ਨੀਤੀ ਕਮੇਟੀ (ਐਮ.ਪੀ.ਸੀ) ਦੀ ਬੈਠਕ 'ਚ ਲਏ ਗਏ....
ਗੁਰਇਕਬਾਲ ਸਿੰਘ ਮਾਹਲ ਦੀ ਅਗਵਾਈ 'ਚ ਹਲਕਾ ਕਾਦੀਆਂ 'ਚ ਕਾਂਗਰਸ ਸਰਕਾਰ ਖ਼ਿਲਾਫ਼ ਸ਼ਾਂਤਮਈ ਧਰਨੇ ਮੁਜ਼ਾਹਰੇ
. . .  about 3 hours ago
ਬਟਾਲਾ, 6 ਅਗਸਤ (ਕਾਹਲੋਂ)- ਕਾਂਗਰਸ ਸਰਕਾਰ ਦੇ ਖ਼ਿਲਾਫ਼ ਅੱਜ ਵਿਧਾਨ ਸਭਾ ਹਲਕਾ ਕਾਦੀਆਂ 'ਚ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਸੀਨੀਅਰ ਅਕਾਲੀ....
ਵਿਜੈ ਮਾਲਿਆ ਦੀ ਸਮੀਖਿਆ ਪਟੀਸ਼ਨ 'ਤੇ ਸੁਣਵਾਈ 20 ਅਗਸਤ ਤੱਕ ਮੁਲਤਵੀ
. . .  about 3 hours ago
ਨਵੀਂ ਦਿੱਲੀ, 6 ਅਗਸਤ- ਸ਼ਰਾਬ ਕਾਰੋਬਾਰੀ ਵਿਜੈ ਮਾਲਿਆ ਦੀਆਂ ਮੁਸ਼ਕਲਾਂ ਵੱਧ ਦੀਆਂ ਨਜ਼ਰ ਆ ਰਹੀਆਂ ਹਨ। ਸੁਪਰੀਮ ਕੋਰਟ ਨੇ ਭਗੌੜੇ ਵਿਜੈ ਮਾਲਿਆ ....
ਸੁਲਝਣ ਦਾ ਨਾਮ ਨਹੀਂ ਲੈ ਰਿਹਾ ਪਿੰਡ ਕਲਿਆਣਾ ਦੇ ਗੁਰਦੁਆਰਾ ਸਾਹਿਬ 'ਚੋਂ ਗ਼ਾਇਬ ਹੋਏ 100 ਸਾਲ ਪੁਰਾਣੇ ਪਾਵਨ ਸਰੂਪ ਦਾ ਮਾਮਲਾ
. . .  about 2 hours ago
ਪਟਿਆਲਾ, 6 ਅਗਸਤ (ਧਰਮਿੰਦਰ ਸਿੰਘ ਸਿੱਧੂ)- ਪਟਿਆਲਾ ਨੇੜਲੇ ਪਿੰਡ ਕਲਿਆਣ ਵਿਖੇ ਗੁਰਦੁਆਰਾ ਅਰਦਾਸਪੁਰਾ ਸਾਹਿਬ 'ਚੋਂ ਗ਼ਾਇਬ ....
ਖਮਾਣੋਂ (ਫ਼ਤਿਹਗੜ੍ਹ ਸਾਹਿਬ) 'ਚ ਤਿੰਨ ਹੋਰ ਔਰਤਾਂ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 4 hours ago
ਖਮਾਣੋਂ, 6 ਅਗਸਤ (ਮਨਮੋਹਣ ਸਿੰਘ ਕਲੇਰ)- ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਦੇ ਖਮਾਣੋਂ 'ਚ ਅੱਜ ਤਿੰਨ ਔਰਤਾਂ 'ਚ ਕੋਰੋਨਾ ਵਾਇਰਸ ਦੀ ਪੁਸ਼ਟੀ ....
ਹੋਰ ਖ਼ਬਰਾਂ..

ਸਾਹਿਤ ਫੁਲਵਾੜੀ

ਕਹਾਣੀ

ਮਹਾਂਪੁਰਸ਼

ਪੰਜਾਬ ਦੇ ਪਿਛੜੇ ਇਲਾਕੇ ਅਤੇ ਹਿੰਦ-ਪਾਕਿ ਸੀਮਾ ਦੇ ਨਜ਼ਦੀਕ ਪੈਂਦਾ ਹੈ ਪ੍ਰਸਿੱਧ ਸ਼ਹਿਰ ਗੁਰਦਾਸਪੁਰ। ਇਸ ਸ਼ਹਿਰ ਵਿਖੇ ਇਕ ਪ੍ਰਸਿੱਧ ਕਹਾਣੀਕਾਰ ਪੁਰਾਣੀ ਸਬਜ਼ੀ ਮੰਡੀ ਦੇ ਨਜ਼ਦੀਕ ਕਿਰਾਏ ਦੇ ਸਾਧਾਰਨ ਘਰ ਵਿਚ ਸਮੇਤ ਪਰਿਵਾਰ ਰਹਿੰਦਾ ਸੀ। ਇਸ ਲੇਖਕ ਨੇ ਪ੍ਰਾਇਮਰੀ ਅਧਿਆਪਕ ਤੋਂ ਆਪਣੀ ਸਰਕਾਰੀ ਨੌਕਰੀ ਸ਼ੁਰੂ ਕੀਤੀ ਤੇ ਇਕ ਪ੍ਰਾਈਵੇਟ ਮਾਨਤਾ ਪ੍ਰਾਪਤ ਕਾਲਜ ਦੇ ਪ੍ਰਿੰਸੀਪਲ ਦੀਆਂ ਸੇਵਾਵਾਂ ਤੋਂ ਸੇਵਾਮੁਕਤੀ ਲਈ। ਇਸ ਲੇਖਕ ਨੂੰ ਸਤਿਕਾਰ ਨਾਲ ਸਭ ਬਾਊ ਜੀ ਕਹਿ ਕੇ ਬੁਲਾਉਂਦੇ। ਬਾਊ ਜੀ ਆਪਣੀ ਸ਼ਖ਼ਸੀਅਤ ਦਾ ਪੂਰਾ-ਪੂਰਾ ਖ਼ਿਆਲ ਰੱਖਦੇ। ਗਰਮੀਆਂ ਨੂੰ ਵਧੀਆ ਗਰਮੀਆਂ ਵਾਲੇ ਕੱਪੜੇ ਅਤੇ ਸਰਦੀਆਂ ਵਿਚ ਪੈਂਟ ਕੋਟ ਟਾਈ ਅਤੇ ਜੱਚਵੀਂ ਪੱਗ ਬੰਨ੍ਹਦੇ। ਉਨ੍ਹਾਂ ਦੇ ਕੱਪੜੇ ਕੁਝ ਅਲੱਗ ਹੀ ਹੁੰਦੇ, ਵਿਦੇਸ਼ੀ ਜਿਹੇ ਨਜ਼ਰ ਆਉਂਦੇ, ਜਿਵੇਂ ਬੜੇ ਕੀਮਤੀ ਕੱਪੜੇ ਹੋਣ। ਬੋਲਚਾਲ ਵਿਚ ਹਲੀਮੀ, ਠਰੰਮਾ, ਮਿਠਾਸ ਅਤੇ ਸੰਤੁਲਿਤ ਭਾਸ਼ਾ ਉਨ੍ਹਾਂ ਦੀ ਕਰਮਠਾ ਵਿਚ ਲਬਰੇਜ਼ ਸੀ। ਉਹ ਬਿਲਕੁਲ ਸ਼ਾਕਾਹਾਰੀ ਸਨ ਤੇ ਸਾਧਾਰਨ ਪੱਧਰ ਦਾ ਭੋਜਨ ਕਰਦੇ ਸਨ। ਲੇਖਕ ਛੋਟਾ ਹੋਵੇ ਜਾਂ ਵੱਡਾ, ਨਵਾਂ ਹੋਵੇ ਜਾਂ ਪੁਰਾਣਾ, ਬਾਊ ਜੀ ਹਰ ਇਕ ਦੇ ਸਮਾਗਮ ਵਿਚ ਜ਼ਰੂਰ ਜਾਂਦੇ। ਘੱਟ ਲੇਖਕ ਹਨ ਜੋ ਮਹਾਨਤਾ ਤੇ ਇਨਸਾਨੀਅਤ ਦੇ ਪੂਰਕ ਹੁੰਦੇ ਹਨ। ਬਾਊ ਜੀ ਦੀਆਂ ਕਹਾਣੀਆਂ ਦੇ ਪਾਤਰ ਝੁਕਦੇ ਨਹੀਂ ਤੇ ਨਾ ਹੀ ਝੁਕਾਉਂਦੇ ਹਨ ਪਰ ਸਹਿਮਤੀ ਦੇ ਮੌਕੇ 'ਤੇ ਬਦਲਾਵ ਕਰਵਾਉਣ ਦੀ ਕਰਮਠ ਸ਼ਕਤੀ ਰੱਖਦੇ ਹਨ। ਜੋ ਸਮੇਂ ਦਾ ਦੀਪਕ ਨ੍ਹੇਰਾ ਦੂਰ ਨਹੀਂ ਕਰਦਾ, ਉਸ ਨੂੰ ਬਦਲਣ ਦੀ ਸਮਰਥਾ ਰੱਖਦੇ। ਉਨ੍ਹਾਂ ਦੇ ਸੁਭਾਅ ਵਿਚ ਚਿੰਤਨ ਤੇ ਆਚਰਨ ਇਸ ਤਰ੍ਹਾਂ ਦੇ ਸਨ ਕਿ ਸਹਿਜ ਰੂਪ ਵਿਚ ਕੇਵਲ ਸ਼ੁਭ, ਸ਼ੁੱਧ ਅਤੇ ਉਤਮ ਤੱਤਾਂ ਨੂੰ ਗ੍ਰਹਿਣ ਕਰਨ ਦੀ ਸਮਰੱਥਾ ਰੱਖਦੇ ਅਤੇ ਅਤਿਅੰਤ ਮੁਸ਼ਕਿਲ ਨੂੰ ਵੀ ਹੱਲ ਕਰਨ ਤੇ ਝੱਲਣ ਦੀ ਸਮਰਥਾਸ਼ਕਤੀ ਰੱਖਦੇ। ਚਿੰਤਨ ਨੂੰ ਜਗਾਉਣ ਲਈ ਉਨ੍ਹਾਂ ਦੀਆਂ ਕਹਾਣੀਆਂ ਦੇ ਪਾਤਰ ਅਗਨੀ ਦਾ ਕਾਰਜ ਕਰਦੇ। ਉਨ੍ਹਾਂ ਦੀਆਂ ਕਹਾਣੀਆਂ ਵਰਤਮਾਨ ਸਮੇਂ ਦੀਆਂ ਸੰਵੇਦਨਸ਼ੀਲ ਘਟਨਾਵਾਂ 'ਤੇ ਆਧਾਰਿਤ ਹੁੰਦੀਆਂ। ਜਿਊਣ ਦੇ ਜੋ ਸਾਧਨ ਹੁੰਦੇ ਹਨ ਉਹ ਸੰਘਰਸ਼ ਦੇ ਪ੍ਰਤੀਕ ਹੁੰਦੇ ਹਨ। ਇਹੋ ਸੰਘਰਸ਼ ਸਾਹਿਤ ਤੇ ਕਲਾ ਨੂੰ ਆਪਣੇ ਉੱਤਮ ਕਰਮ ਤੱਕ ਪਹੁੰਚਾਉਂਦਾ ਹੈ। ਸਮਾਜਿਕ ਕੁਰੀਤੀਆਂ ਤੇ ਪਰੰਪਰਾਂ ਨੂੰ ਤੋੜਨ ਦੀ ਸਫ਼ਲ ਕੋਸ਼ਿਸ਼ ਅਤੇ ਧਰਮ ਵਰਗੀਆਂ ਕੁਰੀਤੀਆਂ ਨੂੰ ਤੋੜਨ ਦੀ ਲਲਕ ਰੱਖਦੀਆਂ ਸਨ ਉਨ੍ਹਾਂ ਦੀਆਂ ਕਹਾਣੀਆਂ। ਮਹਾਂਪੁਰਸ਼ ਉਤਸ਼ਾਹੀ ਅਤੇ ਪਰਉਪਕਾਰੀ ਹੁੰਦੇ ਹਨ। ਲੋਕਾਂ ਦੇ ਪ੍ਰਤੀ ਸੱਚੇ ਇਮਾਨਦਾਰ ਹੋਣ ਦੇ ਕਾਰਨ ਆਪਣਾ ਸਵਾਰਥ ਤਿਆਗ ਕੇ ਲੋਕਾਂ ਦੇ ਕੰਮਾਂ ਨੂੰ ਪ੍ਰਾਥਮਿਕਤਾ ਦਿੰਦੇ। ਇਕ ਵਾਰ ਕੰਮ ਸਵੀਕਾਰ ਕਰ ਲੈਣ 'ਤੇ ਉਹਨੂੰ ਪੂਰਾ ਕਰਕੇ ਹੀ ਛੱਡਦੇ। ਹਰ ਤੜਫ਼ਦੀ ਸ਼ੈਅ ਨੂੰ ਆਪਣਾ ਹੀ ਕਲੇਜਾ ਸਮਝ ਲੈਣ ਦੀ ਸਮਰੱਥਾ ਰੱਖਦੇ। ਇਹ ਮਹਾਂਪੁਰਸ਼ ਹੀ ਹੁੰਦੇ ਹਨ ਜੋ ਵਕਤ ਦੇ ਸਾਂਚੇ ਬਦਲ ਦਿੰਦੇ ਹਨ।
ਬਾਊ ਜੀ ਦੀਆਂ ਕਹਾਣੀਆਂ ਵਿਚ ਬੇਇਨਸਾਫ਼ੀ ਦੇ ਖ਼ਿਲਾਫ਼ ਡਟ ਕੇ ਖਲੋਣ ਦੀ ਸਮਰੱਥਾ ਵਾਲੇ ਸੱਚੇ ਪਾਤਰਾਂ ਦੀ ਲਲਕਾਰ ਹੁੰਦੀ। ਕਹਾਣੀਆਂ ਦੇ ਪਾਤਰ ਜਾਨ ਤਲੀ 'ਤੇ ਰੱਖ ਕੇ ਤੁਰਦੇ ਫਿਰਦੇ ਹਨ ਬੇਇਨਸਾਫ਼ੀ ਦੇ ਖ਼ਿਲਾਫ਼। ਚੁਣੌਤੀ ਭਰਪੂਰ ਲਲਕਾਰ ਜੋ ਆਪਣੇ ਅਰਥਾਂ ਨੂੰ ਸਾਕਾਰਤਮਕ ਰੂਪ ਦੇਣ ਲਈ ਤੱਤਪਰ ਰਹਿੰਦੀ। ਉਨ੍ਹਾਂ ਦੀਆਂ ਕਹਾਣੀਆਂ ਵਿਚ ਇਕ ਚਿੰਗਾਰੀ ਮਘਦੀ ਰਹਿੰਦੀ। ਇਕ ਸੰਘਣਾ ਧੂੰਆਂ ਅਸਮਾਨ ਨੂੰ ਉਠਦਾ ਨਜ਼ਰ ਆਉਂਦਾ। ਇਕ ਅਗਨੀ ਭਾਂਬੜ ਦੇ ਰੂਪ ਵਿਚ ਸਮਾਜ ਨੂੰ ਰੋਸ਼ਨੀ ਦਿੰਦੀ ਪ੍ਰਤੀਤ ਹੁੰਦੀ। ਸ਼ਾਂਤ ਠੰਢੇ ਸਮੁੰਦਰ ਵਿਚ ਉਠਦੇ ਜਵਾਲਾਮੁਖੀ ਦੀ ਤਰ੍ਹਾਂ ਸੰਵਾਦ ਹੁੰਦੇ ਜੋ ਕਿਤੇ ਨਾ ਕਿਤੇ ਕਿਸੇ ਕ੍ਰਾਂਤੀ ਨੂੰ ਜਨਮ ਦੇਣ ਵਿਚ ਸਹਾਈ ਸਿੱਧ ਹੁੰਦੇ। ਬੇਇਨਸਾਫ਼ੀ ਦੇ ਖ਼ਿਲਾਫ਼ ਹੱਕ ਸੱਚ ਇਨਸਾਫ਼ ਦੇ ਬੁਨਿਆਦੀ ਪੌਦਿਆਂ ਨੂੰ ਜ਼ਰੂਰਤ ਦੀ ਪਿਉਂਦ ਹੀ ਨਹੀਂ ਸਨ ਲਗਾਉਂਦੇ, ਬਲਕਿ ਉਨ੍ਹਾਂ ਦੀ ਹਿਫ਼ਾਜ਼ਤ ਲਈ ਇਕ ਸੱਚਾ ਮਾਲੀ ਵੀ ਲਿਆ ਖੜਾ ਕਰਦੇ। ਨ੍ਹੇਰੀਆਂ ਤੂਫ਼ਾਨਾਂ ਨੂੰ ਰੋਕਣ ਲਈ ਕਹਾਣੀਆਂ ਦੇ ਪਾਤਰ ਇਵੇਂ ਸੰਵਾਦ ਰਚਾਉਂਦੇ ਕਿ ਪਰਬਤ ਬਣਨ ਦੀ ਸਮਰੱਥਾ ਰੱਖਦੇ। ਉਨ੍ਹਾਂ ਦੀਆਂ ਕਹਾਣੀਆਂ ਵਿਚ ਲਾਚਾਰ, ਬੇਵੱਸ, ਬੇਪੱਤ, ਬੇਇੱਜ਼ਤ ਹੁੰਦੀਆਂ ਮੁਟਿਆਰਾਂ ਔਰਤਾਂ ਦੇ ਹੱਥਾਂ ਵਿਚ ਖੰਜਰ ਤਲਵਾਰਾਂ ਅਤੇ ਬੁਰੇ ਸਮਾਜ ਨਾਲ ਲੜਨ ਲਈ ਮੁਕਾਬਲਾ ਕਰਨ ਲਈ ਜੋਸ਼ ਦਲੇਰੀ ਅਤੇ ਕਤਲ ਕਰਨ ਦੀ ਜ਼ੁਅਰਤ ਹੁੰਦੀ, ਨਾ ਕਿ ਖੁਦਕੁਸ਼ੀ ਕਰਨ ਲਈ ਡਰਪੋਕ ਹੋਣ। ਸਮਾਜ ਦੀਆਂ ਕੁਰੀਤੀਆਂ ਅਤੇ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਉਨ੍ਹਾਂ ਡਟ ਕੇ ਲਿਖਿਆ। ਬੇਗਾਨਿਆਂ ਤੇ ਬੇਸਹਾਰਿਆਂ ਨੂੰ ਕਲੇਜੇ ਨਾਲ ਲਗਾ ਕੇ ਮਦਦ ਕਰਨ ਦੇ ਮਸੀਹਾ।
ਬਾਊ ਜੀ ਇਨਸਾਨੀ ਕਦਰਾਂ ਕੀਮਤਾਂ ਨੂੰ ਤਰਜੀਹ ਦੇਣ ਦੇ ਸੁਭਾਅ ਵਾਲੇ ਸਰਲ ਵਿਅਕਤੀ ਸਨ। ਜਦੋਂ ਬਾਊ ਜੀ ਇਕ ਜੇ.ਬੀ.ਟੀ. ਅਧਿਆਪਕ ਦੀਆਂ ਸੇਵਾਵਾਂ ਜਵਾਨੀ ਵਿਚ ਨਿਭਾਅ ਰਹੇ ਸਨ ਉਦੋਂ ਉਨ੍ਹਾਂ ਦੇ ਪਰਿਵਾਰ ਦੇ ਲਗਭਗ ਪੰਜ ਧੀਆਂ ਪੁੱਤਰ ਵੀ ਸਨ ਜੋ ਪ੍ਰਾਇਮਰੀ ਤੇ ਮਿਡਲ ਸਕੂਲ ਤੱਕ ਦੀ ਸਿੱਖਿਆ ਲੈ ਰਹੇ ਸਨ। ਜਵਾਨੀ ਵਿਚ ਹੀ ਉਨ੍ਹਾਂ ਦੀਆਂ ਕਈ ਕਹਾਣੀਆਂ ਦੀਆਂ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਸਨ। ਉਮਰ ਵਧਣ ਦੇ ਨਾਲ-ਨਾਲ ਉਨ੍ਹਾਂ ਨੇ ਅਨੇਕਾਂ ਲੇਖਕ, ਯਾਰ-ਦੋਸਤ, ਪ੍ਰਸ਼ੰਸਕ ਤੇ ਅਨੁਯਾਈ ਬਣ ਚੁੱਕੇ ਸਨ।
ਬਾਊ ਜੀ ਦਾ ਇਕ ਸਿਰ ਕੱਢ ਲੇਖਕ ਦੋਸਤ ਦੂਸਰੇ ਸ਼ਹਿਰ ਵਿਚ ਰਹਿੰਦਾ ਸੀ। ਉਸ ਦੋਸਤ ਲੇਖਕ ਦੀਆਂ ਛੋਟੀਆਂ-ਛੋਟੀਆਂ ਕੋਈ ਚਾਰ-ਪੰਜ ਸਾਲ ਦੀਆਂ ਦੋ ਧੀਆਂ ਸਨ। ਅਚਾਨਕ ਹੀ ਇਸ ਲੇਖਕ ਦੋਸਤ ਅਤੇ ਉਸ ਦੀ ਪਤਨੀ ਦੀ ਕਾਰ ਹਾਦਸੇ ਵਿਚ ਮੌਤ ਹੋ ਗਈ। ਹੁਣ ਘਰ ਵਿਚ ਦੋ ਨ੍ਹੰਨੀਆਂ ਜਾਨਾਂ ਨੂੰ ਕੌਣ ਸੰਭਾਲੇ?
ਬਾਊ ਜੀ ਤੱਕ ਲੇਖਕ ਦੋਸਤ ਦੇ ਹਾਦਸੇ ਵਿਚ ਹੋਈ ਮੌਤ ਦੀ ਖ਼ਬਰ ਪਹੁੰਚੀ ਤੇ ਇਹ ਵੀ ਪਤਾ ਲੱਗਾ ਕਿ ਉਸ ਦੀਆਂ ਦੋ ਧੀਆਂ ਨੂੰ ਕੋਈ ਵੀ ਸਾਂਭਣ ਲਈ ਤਿਆਰ ਨਹੀਂ। ਕਿਸੇ ਉਦਮ ਨਾਲ ਬਾਊ ਜੀ ਨੇ ਉਨ੍ਹਾਂ ਦੋਵਾਂ ਲੜਕੀਆਂ ਨੂੰ ਆਪਣੇ ਘਰ ਲੈ ਆਂਦਾ। ਆਪਣੇ ਘਰ ਪਰਵਰਿਸ਼ ਲਈ ਰੱਖ ਲਿਆ। ਇਕ ਜੇ.ਬੀ.ਟੀ. ਮਾਸਟਰ ਉਪਰੋਂ ਪੰਜ ਬੱਚੇ ਆਪਣੇ 'ਤੇ ਹੋਰ ਬੇਗਾਨੀਆਂ ਲੜਕੀਆਂ ਦੀ ਜ਼ਿੰਮੇਵਾਰੀ ਕਿਸੇ ਵੱਡੇ ਪਰਬਤ ਦੇ ਭਾਰ ਨਾਲੋਂ ਘੱਟ ਨਹੀਂ ਸੀ। ਬਾਊ ਜੀ ਨੇ ਉਨ੍ਹਾਂ ਦੋਵਾਂ ਲੜਕੀਆਂ ਨੂੰ ਆਪਣੀਆਂ ਧੀਆਂ ਵਾਂਗ ਪਾਲਣਾ ਪੋਸ਼ਣਾ ਸ਼ੁਰੂ ਕਰ ਦਿੱਤਾ।
ਸਮਾਂ ਖੰਭ ਲਗਾ ਕੇ ਉਡਦਾ ਗਿਆ। ਬਾਊ ਜੀ ਨੇ ਆਪਣੇ ਬੱਚਿਆਂ ਨੂੰ ਕਾਲਜ ਤੱਕ ਦੀ ਸਿੱਖਿਆ ਦਿਵਾਈ ਤੇ ਉਨ੍ਹਾਂ ਦੋਵਾਂ ਲੜਕੀਆਂ ਨੂੰ ਐਮ.ਏ., ਐਮ. ਫਿਲ ਤੇ ਪੀ.ਐਚ.ਡੀ. ਕਰਵਾ ਕੇ ਉਨ੍ਹਾਂ ਦੇ ਚੰਗੇ ਘਰਾਂ ਵਿਚ ਵਿਆਹ ਕਰ ਦਿੱਤੇ। ਦੋਵੇਂ ਲੜਕੀਆਂ ਵਿਸ਼ਵ-ਵਿਦਿਆਲੇ ਵਿਚ ਪ੍ਰਾਧਿਆਪਕਾ ਦੀਆਂ ਸੇਵਾਵਾਂ ਨਿਭਾਉਣ ਲੱਗੀਆਂ। ਇਹ ਦੋਵੇਂ ਲੜਕੀਆਂ ਬਾਊ ਜੀ ਨੂੰ ਬਹੁਤ ਪਿਆਰ ਸਤਿਕਾਰ ਦਿੰਦੀਆਂ ਤੇ ਆਪਣੇ ਸਕੇ ਬਾਪ ਵਾਂਗ ਹੀ ਮਿਲਦੀਆਂ ਸਨ ਅਤੇ ਬਾਊ ਜੀ ਵੀ ਉਨ੍ਹਾਂ ਨੂੰ ਦਿਲ ਜਾਨੋਂ ਧੀਆਂ ਤੋਂ ਵੱਧ ਪਿਆਰ ਸਤਿਕਾਰ ਦਿੰਦੇ।
ਸਮਾਂ ਕਲਾਚੇ ਭਰਦਾ ਚਲਾ ਗਿਆ। ਹਿੰਮਤੀ ਲੋਕ ਸਮੇਂ ਦੇ ਗ਼ੁਲਾਮ ਨਹੀਂ ਹੁੰਦੇ, ਸਮਾਂ ਉਨ੍ਹਾਂ ਦਾ ਗ਼ੁਲਾਮ ਹੋ ਜਾਂਦਾ ਹੈ। ਸਮੇਂ ਦੀ ਹਿੱਕ ਉਪਰ ਵਰਤਮਾਨ ਅਤੇ ਭਵਿੱਖ ਦਾ ਇਤਿਹਾਸ ਸਿਰਜਦੇ ਜਾਂਦੇ ਹਨ। ਇਸ ਤਰ੍ਹਾਂ ਦੇ ਲੋਕ ਸੂਰਜ ਵਾਂਗ ਹੁੰਦੇ ਹਨ ਜਿਨ੍ਹਾਂ ਦੀ ਰੋਸ਼ਨੀ ਨਾਲ ਅੰਬਰ ਹੀ ਨਹੀਂ, ਸਾਰੀ ਸ੍ਰਿਸ਼ਟੀ ਤੇ ਕਾਇਨਾਤ ਜਗਦੀ ਹੈ ਤੇ ਸੂਰਜ ਦੇ ਪਾਰਸ ਨਾਲ ਲੱਗ ਕੇ ਸਗੋਂ ਕਈ ਸੂਰਜ ਹੋਰ ਪੈਦਾ ਹੁੰਦੇ ਜਾਂਦੇ ਹਨ।
ਬਾਊ ਜੀ ਆਪਣੀ ਸੇਵਾਮੁਕਤੀ ਤੋਂ ਬਾਅਦ ਆਪਣੇ ਲੇਖਨ ਵਿਚ ਹੋਰ ਰੁੱਝ ਗਏ ਤੇ ਆਪਣੇ ਚੰਗੇ ਸ਼ਾਗਿਰਦਾਂ ਨੂੰ ਚੰਗੇ ਰਸਤੇ, ਚੰਗੀ ਅਗਵਾਈ ਕਰਨ ਦੇ ਫਰਜ਼ ਦੇਣ ਲਈ ਕਿਰਿਆਸ਼ੀਲ ਤੇ ਹੋਰ ਕਰਮਠ ਹੋ ਗਏ। ਭਾਵੇਂ ਉਨ੍ਹਾਂ ਨੂੰ ਬਹੁਤ ਉੱਚ-ਕੋਟੀ ਦੇ ਮਾਣ-ਸਨਮਾਨ ਨਹੀਂ ਮਿਲੇ, ਜੋ ਸਨਮਾਨ ਮਿਲੇ ਉਹ ਬੁਢਾਪੇ ਵਿਚ ਮਿਲੇ।
ਹੁਣ ਉਨ੍ਹਾਂ ਦੀ ਉਮਰ ਕਾਫ਼ੀ ਵਡੇਰੀ ਹੋ ਗਈ ਤੇ ਉਹ ਇਕ ਛੋਟੀ ਜਿਹੀ ਬਿਮਾਰੀ ਤੋਂ ਬਾਅਦ ਇਸ ਫ਼ਾਨੀ ਦੁਨੀਆ ਨੂੰ ਅਲਵਿਦਾ ਕਹਿ ਗਏ। ਉਨ੍ਹਾਂ ਦੇ ਸਸਕਾਰ ਤੇ ਅੰਤਿਮ ਅਰਦਾਸ ਦੇ ਸਮੇਂ ਅਨੇਕਾਂ ਲੇਖਕ, ਪੱਤਰਕਾਰ, ਬੁੱਧੀਜੀਵੀ, ਸੰਪਾਦਕ, ਰਿਸ਼ਤੇਦਾਰ, ਯਾਰ-ਦੋਸਤ, ਪ੍ਰਸ਼ੰਸਕ ਅਤੇ ਉਨ੍ਹਾਂ ਵਲੋਂ ਅਪਣਾਈਆਂ ਦੋ ਧੀਆਂ ਦੇ ਪਰਿਵਾਰ ਵੀ ਪਹੁੰਚੇ। ਉਨ੍ਹਾਂ ਦੀ ਸੋਗ ਦੀ ਘੜੀ ਦੇ ਸਮੇਂ ਸਭ ਤੋਂ ਜ਼ਿਆਦਾ ਉਹ ਦੋ ਲੜਕੀਆਂ ਰੋ ਰਹੀਆਂ ਸਨ ਕਿ ਉਹ ਰੋਂਦੇ ਹੋਏ ਕਹਿ ਰਹੀਆਂ ਸਨ ਕਿ ਲੋਕੋ ਅੱਜ ਰੱਬ ਮਰ ਗਿਆ ਜੇ, ਸਾਡੇ ਪਿਤਾ ਜੀ ਸਾਡੇ ਤੋਂ ਦੂਰ ਚਲੇ ਗਏ, ਸਾਨੂੰ ਨਿਮਾਣੀਆਂ ਨੂੰ ਜ਼ਿੰਦਗੀ ਦੇ ਗਏ। ਉਨ੍ਹਾਂ 'ਚੋਂ ਇਕ ਧੀ ਨੇ ਬੁਸਕਦੇ ਹੋਏ ਕਿਹਾ ਕਿ ਬਾਊ ਜੀ ਵਰਗਾ ਦੁਨੀਆ 'ਤੇ ਕੋਈ ਨਹੀਂ ਹੋ ਸਕਦਾ ਤੇ ਨਾ ਹੀ ਹੋਵੇਗਾ। ਉਨ੍ਹਾਂ 'ਚੋਂ ਇਕ ਧੀ ਕਹਿ ਰਹੀ ਸੀ ਕਿ ਬਾਊ ਜੀ ਨੇ ਸਾਰੀ ਉਮਰ ਰੈਗ ਦੇ ਕੱਪੜੇ ਅਤੇ ਸੈਕੰਡਹੈਂਡ ਬੂਟ ਹੀ ਹੰਢਾਏ। ਉਨ੍ਹਾਂ ਦੇ ਬੂਟ ਕਈ ਜਗ੍ਹਾ ਤੋਂ ਗੰਢੇ ਹੋਏ ਹੁੰਦੇ ਸਨ। ਉਹ ਪੈਂਟ ਕੋਟ ਟਾਈ ਵੀ ਰੈਗ ਵਾਲੇ ਕੱਪੜਿਆਂ ਦੀ ਦੁਕਾਨ ਤੋਂ ਲਿਆਉਂਦੇ ਸਨ। ਉਹ ਮਹਾਨ ਆਤਮਾ ਸਨ ਜਿਨ੍ਹਾਂ ਨੇ ਆਪਣੀਆਂ ਇਛਾਵਾਂ ਦੀ ਕੁਰਬਾਨੀ ਦੇ ਕੇ ਦੂਜਿਆਂ ਨੂੰ ਜ਼ਿੰਦਗੀ ਬਖ਼ਸ਼ੀ। ਉਹ ਮਹਾਨ ਬਾਪ, ਦਾਰਸ਼ਨਿਕ, ਲੇਖਕ, ਵਧੀਆ ਇਨਸਾਨ, ਵਧੀਆ ਦੋਸਤ ਤੇ ਮਹਾਂਪੁਰਸ਼ ਤਾਂ ਸੀ ਪਰ ਉਹ ਆਪਣਿਆਂ ਦੇ ਤਾਂ ਹੈ ਹੀ ਸਨ, ਪਰ ਬੇਗਾਨਿਆਂ ਦੇ ਵੀ ਮਸੀਹਾ ਸਨ। ਸੱਚ ਹੱਕ ਦੀ ਮੂਰਤ ਸਨ। ਉਨ੍ਹਾਂ ਦੀਆਂ ਯਾਦਾਂ ਦੀ ਖ਼ੁਸ਼ਬੂ ਕਦੇ ਨਹੀਂ ਮਰੇਗੀ।

-ਗੁਰਦਾਸਪੁਰ (ਪੰਜਾਬ)
ਮੋਬਾਈਲ : 98156-25409


ਖ਼ਬਰ ਸ਼ੇਅਰ ਕਰੋ

ਵਿਅੰਗ

ਜਦੋਂ ਪਾਂਡੇ ਜੀ ਮੇਰੇ ਘਰ ਆਏ

ਪਾਂਡੇ ਜੀ ਮੇਰੇ ਬਹੁਤ ਨਜ਼ਦੀਕੀ ਦੋਸਤ ਹਨ। ਉਨ੍ਹਾਂ ਦੇ ਬੇਟੇ ਦੀ ਸ਼ਾਦੀ ਹੋਈ ਤਾਂ ਅਸੀਂ ਰਿਵਾਜ ਮੁਤਾਬਿਕ ਪੂਰੇ ਪਰਿਵਾਰ ਨੂੰ ਰੋਟੀ 'ਤੇ ਬੁਲਾਇਆ।
ਪਾਂਡੇ ਜੀ, ਭਾਬੀ ਜੀ, ਉਨ੍ਹਾਂ ਦਾ ਬੇਟਾ ਤੇ ਬਹੂ ਜਦੋਂ ਸਾਡੇ ਘਰ ਆਏ ਤਾਂ ਮੈਂ ਉਨ੍ਹਾਂ ਨੂੰ ਬਾਹਰ ਜਾ ਕੇ ਜੀ ਆਇਆਂ ਕੀਤਾ। ਪ੍ਰਾਚੀ (ਮੇਰੀ ਬੇਟੀ) ਨੇ ਰਿਵਾਜ ਮੁਤਾਬਿਕ ਤੇਲ ਚੋਇਆ ਤਾਂ ਮੈਂ ਉਨ੍ਹਾਂ ਨੂੰ ਅੰਦਰ ਲੈ ਕੇ ਆਇਆ।
ਆਉਂਦੇ ਮੇਰੀ ਮੈਡਮ ਨੇ ਸਿਰ ਢਕ ਕੇ ਦੋਵੇਂ ਹੱਥ ਜੋੜ ਕੇ ਰੱਬ ਅੱਗੇ ਬੇਨਤੀ ਕੀਤੀ ਹੇ ਪਰਮਾਤਮਾ ਨਵੀਂ ਜੋੜੀ 'ਤੇ ਮੇਹਰ ਭਰਿਆ ਹੱਥ ਰੱਖੀਂ, ਬੁਰੀ ਨਜ਼ਰ ਤੋਂ ਬਚਾਈਂ, ਫਿਰ ਸਾਨੂੰ ਸਾਰਿਆਂ ਨੂੰ ਮਿਸਰੀ ਦਾ ਪ੍ਰਸ਼ਾਦ ਦਿੱਤਾ।
ਪਾਂਡੇ ਜੀ ਨੂੰ ਇਹ ਸਵਾਗਤ ਬਹੁਤ ਵਧੀਆ ਲੱਗਿਆ ਤੇ ਕਹਿੰਦੇ ਡਾਕਟਰ 'ਸਾਹਬ ਹਮ ਨੇ ਐਸਾ ਸਵਾਗਤ ਪਹਿਲੀ ਵਾਰ ਦੇਖਾ ਹੈ, ਬੁਹਤ ਹੀ ਅੱਛਾ ਲਗਾ।'
ਪਾਂਡੇ ਜੀ ਇਹ ਪੰਜਾਬ ਦਾ ਰਿਵਾਜ ਐ। ਜੇ ਤੁਹਾਨੂੰ ਵਧੀਆ ਲੱਗਿਆ ਤਾਂ ਇਕ ਗੱਲ ਕਹਾਂ।
'ਹਾਂ ਹਾਂ ਕਿਉਂ ਨਹੀਂ' ਪਾਂਡੇ ਜੀ ਬੋਲੇ।
ਸਾਡੇ ਇਹ ਰਿਵਾਜ ਐ ਕਿ ਜਿਹੜਾ ਤੇਲ ਚੋਵੇ ਉਸ ਨੂੰ ਸ਼ਗਨ ਜ਼ਰੂਰ ਦੇਈਦਾ।
'ਅਰੇ ਅੱਛਾ ਕੀਆ ਆਪ ਨੇ ਬਤਾ ਦਿਆ, ਮੇਰੇ ਕੋ ਪਤਾ ਨਹੀਂ ਥਾ', ਕਹਿ ਕੇ ਪਾਂਡੇ ਜੀ ਨੇ 500 ਰੁਪਏ ਪ੍ਰਾਚੀ ਨੂੰ ਦੇ ਦਿੱਤੇ।
ਵੈਸੇ ਅੰਕਲ ਜੀ ਵੈਲਕਮ ਦੇ ਟਾਈਮ ਮੈਂ ਵੀ ਤਾਂ ਪ੍ਰਾਚੀ ਦੇ ਨਾਲ ਹੀ ਖੜ੍ਹਾ ਸੀ। ਪ੍ਰਤੀਕ (ਮੇਰੇ ਬੇਟੇ) ਨੇ ਕਿਹਾ।
ਅਰੇ ਕਿਉਂ ਨਹੀਂ, ਮੇਰੇ ਲੀਏ ਤੋ ਆਪ ਦੋਨੋਂ ਬਰਾਬਰ ਹੋ, ਕਹਿ ਕੇ ਪਾਂਡੇ ਜੀ ਨੇ 500 ਰੁਪਏ ਪ੍ਰਤੀਕ ਨੂੰ ਵੀ ਦੇ ਦਿੱਤੇ।
ਮੈਨੂੰ ਮਜ਼ਾਕ ਸੁੱਝਿਆ, ਮੈਂ ਆਪਣੀ ਮੈਡਮ ਕੋਲ ਜਾ ਕੇ ਬੋਲਿਆ (ਜਦੋਂ ਕਿ ਉਸ ਨੂੰ ਗੱਲ ਦਾ ਵੀ ਨਹੀਂ ਸੀ ਪਤਾ)
'ਹਾਂ... ਅੱਛਾ... ਉਹ... ਨਹੀਂ ਨਹੀਂ, ਮੈਂ ਐਂ ਕਿਉਂ ਕਰੂੁੰਗਾ।'
ਤਾਂ ਪਾਂਡੇ ਜੀ ਮੇਰੀ ਆਵਾਜ਼ ਸੁਣ ਕੇ ਕਹਿੰਦੇ, 'ਡਾਕਟਰ ਸਾਹਿਬ ਕਿਆ ਕਹਿ ਰਹੇ ਹੋ ਭਾਬੀ ਜੀ ਕੋ। ਨਹੀਂ-ਨਹੀਂ, ਕੁਝ ਨੀ, ਉਹ ਤਾਂ ਮੈਨੂੰ ਕਹਿ ਰਹੇ ਸੀ ਕਿ ਹੁਣ ਕਿਤੇ ਤੁਸੀਂ ਨਾ ਜੇ ਕਹਿਣ ਲੱਗ ਜਾਇਓ ਕਿ ਪਾਂਡੇ ਜੀ ਮੈਂ ਵੀ ਤੁਹਾਡੇ ਤੋਂ ਛੋਟਾ ਆਂ।'
ਅਰੇ ਹਾਂ, ਬਾਤ ਤੋ ਆਪ ਕੀ ਭੀ ਠੀਕ ਐ, ਹੋ ਤੋ ਆਪ ਵੀ ਮੇਰੇ ਸੇ ਛੋਟੇ ਕਹਿ ਕੇ ਪਾਂਡੇ ਜੀ ਨੇ 500 ਰੁਪਏ ਮੈਨੂੰ ਵੀ ਦੇ ਦਿੱਤੇ।
ਮੈਂ ਫਿਰ ਆਪਣੀ ਘਰਵਾਲੀ ਕੋਲ ਗਿਆ (ਸ਼ੋਅ ਐਂ ਕਰਿਆ ਕਿ ਉਹ ਮੈਨੂੰ ਬੁਲਾ ਰਹੀ ਐ) ਹਾਂ ਗੱਲ ਤਾਂ ਤੇਰੀ ਠੀਕ ਐ, ਪਰ ਯਾਰ ਚੰਗਾ ਨੀ ਲਗਦਾ, ਪਾਂਡੇ ਜੀ ਕੀ ਸੋਚਣਗੇ।
ਡਾਕਟਰ ਸਾਹਿਬ 'ਕਿਆ ਕਹਿ ਰਹੇ ਹੋ, ਭਾਬੀ ਜੀ' ਪਾਂਡੇ ਨੇ ਪੁੱਛਿਆ।
ਨਹੀਂ ਨਹੀਂ ਕੁਝ ਨਹੀਂ, ਉਹ ਤਾਂ ਗੁੱਸਾ ਕਰ ਰਹੇ ਸੀ, ਕਿ ਮੂੰਹ ਮਿੱਠਾ ਮੈਂ ਕਰਵਾਵਾਂ, ਸ਼ਗਨ ਆਪਣੇ ਭਰਾ, ਭਤੀਜੇ ਤੇ ਭਤੀਜੀ ਨੂੰ... ਆਹੋ ਭਾਈ ਮੈਨੂੰ ਬੇਗਾਨੀ ਧੀ ਨੂੰ ਕੌਣ ਪੁੱਛਦੈ?
ਅਰੇ ਓ ਸੌਰੀ ਸੌਰੀ ਭਾਬੀ ਜੀ ਆਪ ਕਾ ਗੁੱਸਾ ਬਿਲਕੁਲ ਸਹੀ ਹੈ। ਮੇਰੇ ਤੋ ਦਿਮਾਗ ਮੇਂ ਈ ਨਹੀਂ ਰਹਾ, ਕਹਿ ਕੇ ਪਾਂਡੇ ਜੀ ਨੇ 500 ਰੁਪਏ ਮੇਰੀ ਮੈਡਮ ਨੂੰ ਵੀ ਦੇ ਦਿੱਤੇ।
ਚਾਹ-ਪਾਣੀ ਪੀਣ ਤੋਂ ਬਾਅਦ ਪਾਂਡੇ ਜੀ ਫਿਰ ਕਹਿੰਦੇ, 'ਡਾਕਟਰ ਸਾਹਿਬ ਵੈਲਕਮ ਦਾ ਤਰੀਕਾ ਬਹੁਤ ਅੱਛਾ ਲਗਾ। ਮੈਨੇ ਪਹਿਲੀ ਵਾਰ ਦੇਖਾ ਹੈ।'
'ਅੱਛਾ ਚਲੋ ਬਈ ਉਠੋ ਦੁਬਾਰਾ ਵੈਲਕਮ ਕਰੀਏ, ਮੇਰੇ ਕਹਿੰਦੇ ਈ ਸਾਡੇ ਤੋਂ ਪਹਿਲਾਂ ਪਾਂਡੇ ਜੀ ਛਾਲ ਮਾਰ ਕੇ ਉੱਠੇ, ਅਰੇ ਨਹੀਂ ਨਹੀਂ, ਵਾਰ-ਵਾਰ ਵੈਲਕਮ ਅੱਛਾ ਨਹੀਂ ਲਗਤਾ। ਪਾਂਡੇ ਜੀ ਸ਼ਾਇਦ ਸੋਚ ਰਹੇ ਸੀ ਕਿ 2000 ਦੁਬਾਰਾ ਫਿਰ ਦੇਣਾ ਪਊ।'

-ਮੋਬਾਈਲ : 98553-27940.

ਨਹਿਲੇ 'ਤੇ ਦਹਿਲਾ

ਕੁੱਤੇ ਵਾਲਾ ਕਾਫ਼

ਇਹ ਘਟਨਾ ਪਾਕਿਸਤਾਨ ਦੇ ਮਿੰਟਗੁਮਰੀ ਜ਼ਿਲ੍ਹੇ ਦੀ ਹੈ। ਉਥੇ ਤਾਇਨਾਤ ਸਨ ਆਨਰੇਰੀ ਮੈਜਿਸਟ੍ਰੇਟ ਸਰਦਾਰ ਕਰਤਾਰ ਸਿੰਘ। ਉਹ ਬਹੁਤ ਇਮਾਨਦਾਰ ਅਫ਼ਸਰ ਸਨ। ਉਹ ਕਦੇ ਵੀ ਕਿਸੇ ਦੀ ਸਿਫਾਰਸ਼ ਨਹੀਂ ਸਨ ਮੰਨਦੇ। ਉਨ੍ਹਾਂ ਦੀ ਕੋਸ਼ਿਸ਼ ਹੁੰਦੀ ਸੀ ਕਿ ਹਰ ਮੁਕੱਦਮੇ ਵਿਚ ਹੱਕਦਾਰ ਨੂੰ ਹੱਕ ਅਤੇ ਇਨਸਾਫ਼ ਮਿਲੇ। ਉਹ ਥੋੜ੍ਹਾ ਆਰਾਮ ਤਲਬ ਵੀ ਸਨ। ਉਹ ਦੁਪਹਿਰ ਤੱਕ ਕਚਹਿਰੀ ਵਿਚ ਰਹਿੰਦੇ। ਉਸ ਤੋਂ ਬਾਅਦ ਲੰਚ ਕਰਕੇ ਆਰਾਮ ਕਰਦੇ ਸਨ।
ਇਕ ਵਾਰੀ ਇਕ ਵਕੀਲ ਉਨ੍ਹਾਂ ਨੂੰ ਮਿਲਣ ਲਈ ਆਇਆ ਪਰ ਸਰਦਾਰ ਕਰਤਾਰ ਸਿੰਘ ਅਦਾਲਤ ਬਰਖਾਸਤ ਕਰਕੇ ਘਰ ਚਲੇ ਗਏ ਸਨ। ਵਕੀਲ ਨੇ ਉਨ੍ਹਾਂ ਦੇ ਰੀਡਰ ਤੋਂ ਕੋਈ ਨਾਜਾਇਜ਼ ਕੰਮ ਕਰਵਾਉਣਾ ਚਾਹਿਆ ਜੋ ਉਸ ਨੇ ਨਹੀਂ ਕੀਤਾ। ਇਸ 'ਤੇ ਨਾਰਾਜ਼ ਹੋ ਕੇ ਵਕੀਲ ਸ: ਕਰਤਾਰ ਸਿੰਘ ਦੀ ਪਤਨੀ ਨੂੰ ਜਾ ਮਿਲਿਆ ਅਤੇ ਉਨ੍ਹਾਂ ਨੂੰ ਰੀਡਰ ਸਾਹਿਬ ਬਾਰੇ ਗ਼ਲਤ ਗੱਲਾਂ ਦੱਸ ਕੇ ਭੜਕਾਇਆ। ਉਹਨੇ ਕਿਹਾ, 'ਸਰਦਾਰ ਸਾਹਿਬ ਬੜੇ ਇਮਾਨਦਾਰ, ਸੱਚੇ-ਸੁੱਚੇ ਕਿਰਦਾਰ ਦੇ ਅਫਸਰ ਹਨ। ਇਹ ਕਿਸੇ ਦੀ ਸਿਫਾਰਸ਼ ਨਹੀਂ ਮੰਨਦੇ, ਕਿਸੇ ਕੇਸ ਵਿਚ ਬੇਈਮਾਨੀ ਨਹੀਂ ਕਰਦੇ। ਇਨ੍ਹਾਂ ਦੀ ਪੂਰੀ ਕੋਸ਼ਿਸ਼ ਹੁੰਦੀ ਹੈ ਕਿ ਹਕਦਾਰ ਨੂੰ ਉਹਦਾ ਹੱਕ ਮਿਲੇ, ਪੂਰਾ ਇਨਸਾਫ਼ ਮਿਲੇ। ਪਰ ਇਨ੍ਹਾਂ ਦਾ ਰੀਡਰ ਬੜਾ ਮਾੜਾ ਬੰਦਾ ਹੈ, ਉਹ ਸਰਦਾਰ ਕਰਤਾਰ ਸਿੰਘ ਦਾ ਨਾਂਅ ਕੁੱਤੇ ਵਾਲੇ ਕਾਫ਼ ਨਾਲ ਲਿਖਦਾ ਹੈ। ਇਹ ਸਾਹਿਬ ਜੀ ਦਾ ਅਪਮਾਨ ਹੈ। ਇਹ ਜਾਣ ਕੇ ਸਰਦਾਰਨੀ ਜੀ ਬਹੁਤ ਨਾਰਾਜ਼ ਹੋਈ ਅਤੇ ਆਪਣੇ ਪਤੀ ਨੂੰ ਰੀਡਰ ਨੂੰ ਤਬਦੀਲ ਕਰਨ ਲਈ ਕਿਹਾ। ਨਾਲ ਹੀ ਦੱਸਿਆ ਕਿ ਇਹ ਤੁਹਾਡਾ ਨਾਂਅ ਕਰਤਾਰ ਸਿੰਘ ਕੁੱਤੇ ਵਾਲੇ ਕਾਫ਼ ਨਾਲ ਲਿਖਦਾ ਹੈ।' ਇਹ ਸੁਣ ਕੇ ਮੈਜਿਸਟ੍ਰੇਟ ਸਾਹਿਬ ਹੱਸ ਪਏ ਅਤੇ ਆਪਣੀ ਪਤਨੀ ਨੂੰ ਸਮਝਾਇਆ ਕਿ ਉਰਦੂ ਵਿਚ ਕੱਕੇ ਦੀ ਆਵਾਜ਼ ਵਾਲੇ ਦੋ ਅੱਖਰ ਹੁੰਦੇ ਹਨ। ਇਕ ਕੁਆਫ਼ ਜਿਸ ਦੇ ਪੈਰ ਥੱਲੇ ਬਿੰਦੀ ਲਗਦੀ ਹੈ ਉਹ ਕਾਬਿਸ, ਕੁਦਰਤ, ਕਾਲੀਨ ਆਦਿ ਲਿਖੇ ਜਾਂਦੇ ਹਨ ਪਰ ਬਿਨਾਂ ਥੱਲੇ ਵਾਲੀ ਬਿੰਦੀ ਦੇ ਅੱਖਰ ਨੂੰ ਕਾਫ਼ ਕਹਿੰਦੇ ਹਨ, ਜਿਸ ਦਾ ਨਾਲ ਕਰਤਾਰ, ਕਰਨੈਲ, ਕੁੱਤਾ, ਕਰਤਬ ਲਿਖੇ ਜਾਂਦੇ ਹਨ। ਕਰਤਾਰ ਲਿਖਣ ਵੇਲੇ ਕਾਫ਼ ਦੀ ਲੋੜ ਹੁੰਦੀ ਹੈ, ਇਸ ਲਈ ਤੁਹਾਡਾ ਇਹ ਇਤਰਾਜ਼ ਠੀਕ ਨਹੀਂ।'

-ਖੰਨਾ-141401 (ਪੰਜਾਬ)।
ਮੋਬਾਈਲ : 94170-91668.

ਸਹਿਣਸ਼ੀਲਤਾ

(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
* ਅੱਜ ਮਨੁੱਖ ਵਿਚ ਘਟ ਰਹੀ ਸਹਿਣਸ਼ੀਲਤਾ ਚਿੰਤਾ ਦਾ ਵਿਸ਼ਾ ਹੈ।
* ਸਹਿਣਸ਼ੀਲਤਾ, ਨਿਮਰਤਾ, ਮਿਠਾਸ ਵਰਗੇ ਚੰਗੇ ਗੁਣ ਮਨੁੱਖ ਵਿਚੋਂ ਦੂਰ ਹੋ ਰਹੇ ਹਨ, ਜਿਨ੍ਹਾਂ ਦੀ ਜਗ੍ਹਾ ਹੰਕਾਰ, ਆਕੜ, ਹਉਮੈ ਅਤੇ ਤੰਗਦਿਲੀ ਨੇ ਲੈ ਲਈ ਹੈ। ਅੱਗੇ ਵਧਣ ਦੇ ਮੁਕਾਬਲੇ ਵਿਚ ਮਨੁੱਖਤਾ ਪਿੱਛੇ ਛੁੱਟਦੀ ਜਾ ਰਹੀ ਹੈ।
* ਜਿਨ੍ਹਾਂ ਕੋਲ ਸਹਿਣਸ਼ੀਲਤਾ ਨਹੀਂ ਹੁੰਦੀ, ਉਨ੍ਹਾਂ ਨੂੰ ਗ਼ਰੀਬ ਸਮਝਿਆ ਜਾਂਦਾ ਹੈ। ਕੀ ਅੱਜ ਤੱਕ ਕੋਈ ਜ਼ਖ਼ਮ ਬਿਨਾਂ ਸਹਿਣਸ਼ੀਲਤਾ ਤੋਂ ਠੀਕ ਹੋਇਆ ਹੈ।
* ਸਹਿਣਸ਼ੀਲਤਾ ਦੀ ਘਾਟ ਦੇ ਸਭ ਤੋਂ ਵੱਧ ਦਰਸ਼ਨ ਨੌਜਵਾਨ ਪੀੜ੍ਹੀ ਵਿਚ ਹੁੰਦੇ ਹਨ। ਅਸਹਿਣਸ਼ੀਲ ਖੁਦ ਵੀ ਬੇਚੈਨ ਰਹਿੰਦਾ ਹੈ ਅਤੇ ਹੋਰਨਾਂ ਨੂੰ ਵੀ ਬੇਚੈਨ ਰੱਖਦਾ ਹੈ।
* ਐਸਾ ਨਹੀਂ ਹੈ ਕਿ ਦੁੱਖ ਵਧ ਗਏ ਹਨ ਬਲਕਿ ਸਚਾਈ ਇਹ ਹੈ ਕਿ ਸਹਿਣਸ਼ੀਲਤਾ ਘੱਟ ਹੋ ਗਈ ਹੈ। ਪ੍ਰਸਿੱਧ ਕਹਾਵਤ ਹੈ ਕਿ ਜਿਸ ਨੂੰ ਸਹਿਣਾ ਆ ਗਿਆ, ਸਮਝੋ ਉਸ ਨੂੰ ਰਹਿਣਾ ਆ ਗਿਆ। ਅੱਜ ਇਸ ਕਹਾਵਤ 'ਤੇ ਅਮਲ ਕਰਨ ਦੀ ਲੋੜ ਹੈ। ਕਿਉਂਕਿ ਅਸਹਿਣਸ਼ੀਲਤਾ ਮਨੁੱਖਤਾ ਲਈ ਸਭ ਤੋਂ ਵੱਡਾ ਖ਼ਤਰਾ ਹੈ।
* ਸਹਿਣਸ਼ੀਲਤਾ ਦੀ ਘਾਟ ਕਾਰਨ ਹੀ ਅੱਜ ਤਲਾਕਾਂ ਦੀ ਗਿਣਤੀ 'ਚ ਵਾਧਾ ਹੋ ਰਿਹਾ ਹੈ।
* ਜਿਸ ਵਿਅਕਤੀ ਕੋਲ ਸਹਿਣਸ਼ੀਲਤਾ ਤੇ ਸ਼ਾਂਤੀ ਨਹੀਂ, ਉਸ ਦੇ ਹੋਰ ਚੰਗੇ ਗੁਣ ਵੀ ਔਗੁਣ ਵਾਂਗ ਬਣ ਜਾਂਦੇ ਹਨ।
* ਏਨੇ ਵੀ ਸਹਿਣਸ਼ੀਲ ਨਾ ਬਣੋ ਕਿ ਤੁਸੀਂ ਅਸਹਿਣਸ਼ੀਲ ਨੂੰ ਵੀ ਸਹਿਣ ਕਰੋ।
* ਬੁਰਾਈ ਇਸ ਲਈ ਨਹੀਂ ਪਨਪਦੀ ਕਿ ਬੁਰਾ ਕਰਨ ਵਾਲੇ ਲੋਕ ਵਧ ਗਏ ਹਨ, ਬਲਕਿ ਇਸ ਲਈ ਵਧਦੀ ਹੈ ਕਿ ਸਹਿਣ ਕਰਨ ਵਾਲੇ ਲੋਕ ਵਧ ਗਏ ਹਨ।
* ਜਦੋਂ ਤੁਸੀਂ ਇਹ ਮਹਿਸੂਸ ਕਰਦੇ ਹੋ ਕਿ ਤੁਹਾਨੂੰ ਬਹੁਤ ਕੁਝ ਸਹਿਣ ਕਰਨਾ ਪੈ ਰਿਹਾ ਹੈ ਤਾਂ ਇਸ ਦਾ ਅਰਥ ਹੈ ਕਿ ਤੁਸੀਂ ਅਜੇ ਵੀ ਸਹਿਣ ਕਰਨ ਦਾ ਯਤਨ ਕਰ ਰਹੇ ਹੋ।
* ਸਹਿਣਸ਼ੀਲਤਾ ਬਹੁਤ ਵੱਡਾ ਗਹਿਣਾ ਹੈ ਪਰ ਕਈ ਵਾਰੀ ਕਈ ਲੋਕ ਇਸ ਨੂੰ ਕਿਸੇ ਦੀ ਕਮਜ਼ੋਰੀ ਜਾਂ ਮੂਰਖਤਾ ਸਮਝਦੇ ਹਨ। ਪਰ ਇਸ ਗੱਲ ਦਾ ਵੀ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਸਹਿਣਸ਼ੀਲਤਾ ਦੀ ਵੀ ਇਕ ਸੀਮਾ ਜ਼ਰੂਰ ਹੁੰਦੀ ਹੈ। ਕਿਸੇ ਦੀ ਸਹਿਣਸ਼ੀਲਤਾ ਨੂੰ ਜ਼ਰੂਰਤ ਤੋਂ ਜ਼ਿਆਦਾ ਨਹੀਂ ਪਰਖਣਾ ਚਾਹੀਦਾ ਕਿਉਂਕਿ ਜਦੋਂ ਕੋਈ ਬੰਦਾ ਤੰਗ ਹੋ ਕੇ ਸਹਿਣਸ਼ੀਲਤਾ ਛੱਡਦਾ ਹੈ ਤਾਂ ਨਤੀਜੇ ਠੀਕ ਨਹੀਂ ਨਿਕਲਦੇ।
* ਸਹਿਣਸ਼ੀਲ ਹੋਣਾ ਜੰਗੀ ਗੱਲ ਹੈ ਪਰ ਅਨਿਆਂ ਦਾ ਵਿਰੋਧ ਕਰਨਾ ਉਸ ਤੋਂ ਵੀ ਵਧੀਆ ਗੱਲ ਹੈ।
* ਜੇ ਮਨੁੱਖ ਰਹਿਣਾ, ਕਹਿਣਾ ਅਤੇ ਸਹਿਣਾ ਸਿੱਖ ਲਵੇ ਤਾਂ ਜ਼ਿੰਦਗੀ ਵਿਚ ਉਹ ਕਦੇ ਅਸਫਲ ਨਹੀਂ ਹੋ ਸਕਦਾ।
* ਨਿਮਰਤਾ, ਪ੍ਰੇਮ ਭਰੇ ਵਤੀਰੇ ਅਤੇ ਸਹਿਣਸ਼ੀਲਤਾ ਨਾਲ ਮਨੁੱਖਤਾ ਕੀ ਦੇਵਤੇ ਵੀ ਵੱਸ 'ਚ ਹੋ ਜਾਂਦੇ ਹਨ।
* ਸਹਿਣਸ਼ੀਲਤਾ ਜ਼ਿੰਦਗੀ ਵਿਚ ਤੇਲ ਵਾਂਗ ਕੰਮ ਕਰਦੀ ਹੈ, ਜਿਸ ਨਾਲ ਝਗੜਾ ਖ਼ਤਮ ਹੋ ਜਾਂਦਾ ਹੈ।
(ਬਾਕੀ ਅਗਲੇ ਐਤਵਾਰ ਦੇ ਅੰਕ 'ਚ)

-ਮੋਬਾਈਲ : 99155-63406.

ਕਹਾਣੀ

ਠੱਕ-ਠੱਕ ਦੀ ਆਵਾਜ਼

ਪਿਛਲੇ ਕੁਝ ਦਿਨਾਂ ਤੋਂ ਘਰਾਂ ਦੇ ਬੰਦ ਦਰਵਾਜ਼ਿਆਂ ਅੰਦਰ ਬੈਠਿਆਂ ਨੂੰ ਅੰਦਰਲੀ ਜ਼ਿੰਦਗੀ ਦਾ ਅਹਿਸਾਸ ਹੋਇਆ। ਪਹਿਲੇ ਕੁੱਝ ਦਿਨ ਤਾਂ ਆਪਸੀ ਤਕਰਾਰ ਵਿਚ ਲੰਘੇ। ਹਰ ਇਕ ਮੈਂਬਰ ਆਵਦੇ ਕੰਮ ਅਤੇ ਆਵਦੀ ਨੌਕਰੀ ਦੇ ਮਹੱਤਵ ਬਾਰੇ ਹੀ ਬੋਲਦਾ ਰਿਹਾ....ਉਨ੍ਹਾਂ ਨੂੰ ਲਗਦਾ ਸੀ ਕਿ ਸਾਡੇ ਨਾ ਜਾਣ ਨਾਲ ਜ਼ਿੰਦਗੀ ਅਤੇ ਕੰਮ ਜਿਵੇਂ ਰੁਕ ਹੀ ਜਾਣਗੇ। ਫੇਰ ਸਾਰਿਆਂ ਦਾ ਧਿਆਨ ਘਰ ਦੇ ਰਾਸ਼ਨ ਅਤੇ ਜ਼ਰੂਰੀ ਸਾਮਾਨ ਲਿਆਉਣ ਵੱਲ ਹੋ ਗਿਆ। ਸਵੇਰ ਦੀ ਭੱਜ-ਦੌੜ ਮੱਠੀ ਪੈ ਗਈ ....ਨਾ ਨਹਾਉਣ ਦੀ ਕਾਹਲ....ਨਾ ਤਿਆਰ ਹੋਣ ਦਾ ਝੰਜਟ....ਸਾਰੇ ਉੱਠ ਕੇ ਮਾਂ ਜੀ ਦੇ ਕਮਰੇ ਵਿਚ ਜਾ ਕੇ ਬੈਠ ਜਾਂਦੇ.... ਉੱਥੇ ਹੀ ਨਾਸ਼ਤਾ ਕਰਦੇ....ਬਾਪੂ ਜੀ ਨਵੀਂ ਬਿਮਾਰੀ ਕਰੋਨਾ ਦਾ ਪਰਹੇਜ਼ ਕਰਨ ਲਈ ਹਦਾਇਤਾਤਾਂ ਦਿੰਦੇ....ਪੁਰਾਣੀ ਮਹਾਂਮਾਰੀ ਬਾਰੇ ਦੱਸਦੇ ।
ਦਸ ਕੁ ਦਿਨਾਂ ਬਾਅਦ ਘਰ ਦਾ ਮਾਹੌਲ ਬਿਲਕੁਲ ਬਦਲਿਆ ਹੋਇਆ ਸੀ ਕਿਉਂਕਿ ਕੰਮ ਵਾਲੀ ਆਉਂਦੀ ਨਹੀਂ ਸੀ, ਸਾਰਾ ਕੰਮ ਆਪ ਹੀ ਕਰਨਾ ਸੀ। ਮੇਰੇ ਨੂੰਹਾਂ-ਪੁੱਤ ਅਤੇ ਪੋਤੇ-ਪੋਤੀਆਂ ਨੇ ਹੁਣ ਘਰ ਦੀ ਸਫ਼ਾਈ ਵਿਢ ਲਈ....ਅੰਦਰਲੇ ਕਮਰੇ ਦੀਆਂ ਪੇਟੀਆਂ ਦੇ ਸਾਮਾਨ ਨੂੰ ਧੁੱਪ ਲਗਵਾ ਕੇ ਵਿਚ ਰੱਖਿਆ.....ਪੜਛੱਤੀ ਦਾ ਸਾਰਾ ਸਾਮਾਨ ਵਿਹੜੇ 'ਚ ਖਿਲਾਰ ਲਿਆ....ਪੁਰਾਣੇ ਪਿੱਤਲ ਦੇ ਵੱਡੇ ਭਾਂਡੇ...ਹੋਰ ਹਜ਼ਾਰ ਨਿੱਕ-ਸੁੱਕ ਵਿਚੋਂ ਗਡੀਰਾ ਨਿਕਲਿਆ....ਜਦੋਂ ਮੈਂ ਜਵਾਕਾਂ ਨੂੰ ਦੱਸਿਆ ਕਿ ਤੁਹਾਡਾ ਪਿਓ ਏਹਦੇ ਨਾਲ ਤੁਰਨਾ ਸਿੱਖਿਆ ਸੀ....ਖੂਬ ਹਾਸੜ ਪਈ .....ਜਵਾਕ ਚਾਈਂ-ਚਾਈਂ ਉਸ ਨਾਲ ਖੇਡਣ ਲੱਗੇ.....ਫੇਰ ਇਕ ਗਾਚੀ ਨਾਲ ਪੋਚੀ ਫੱਟੀ ਮਿਲੀ ਜਿਸ 'ਤੇ ੳ, ਅ, ੲ, ਸ, ਹ ਲਿਖਿਆ ਹੋਇਆ ਸੀ। ਅੱਜਕਲ੍ਹ ਦੇ ਬੱਚਿਆਂ ਲਈ ਇਹ ਇਕ ਅਚੰਭਾ ਹੀ ਸੀ....ਫੇਰ ਕੀ ਸੀ ਮੋਬਾਈਲ ਨਾਲ ਫੋਟੋਆਂ ਖਿੱਚੀਆਂ ਗਈਆਂ ਅਤੇ ਨੈੱਟ 'ਤੇ ਪਾ ਦਿੱਤੀਆਂ ਗਈਆਂ। ਅਗਲੇ ਦਿਨ ਅਲਮਾਰੀਆਂ ਦੀ ਵਾਰੀ ਆਈ। ਵਿਚੋਂ ਪੁਰਾਣੀਆਂ ਐਲਬਮ ਅਤੇ ਫੋਟੋਆਂ ਨਿਕਲ ਆਈਆਂ ਜੋ ਕਾਫੀ ਸਮੇਂ ਤੋਂ ਸੰਭਾਲੀਆਂ ਪਈਆਂ ਸੀ। ਸਾਰੇ ਕੰਮ ਛੱਡ ਕੇ ਫੋਟੋਆਂ ਦੇਖਣ ਲੱਗ ਪਏ.....ਆਵਦੇ ਬਚਪਨ ਦੀਆਂ, ਵਿਆਹ-ਸ਼ਾਦੀ ਅਤੇ ਸਕੂਲਾਂ-ਕਾਲਜਾਂ ਦੀਆਂ....ਕਈਆਂ ਬਾਰੇ ਮੇਰੇ ਤੋਂ ਪੁੱਛਦੇ....ਪੁਰਾਣੀਆਂ ਯਾਦਾਂ ਨਵੀਆਂ ਹੋ ਗਈਆਂ।
ਇਨ੍ਹਾਂ ਦਿਨਾਂ ਵਿਚ ਮੈਂ ਸੇਵੀਆਂ ਉਬਾਲ ਕੇ ਵਿਚ ਬੂਰਾ ਖੰਡ ਅਤੇ ਦੇਸੀ ਘਿਓ ਪਾ ਕੇ ਸਾਰਿਆਂ ਨੂੰ ਖੁਆਈਆਂ । ਮੈਗੀ,ਚਾਉਮਿਨ ਅਤੇ ਨੂਡਲ ਖਾਣ ਵਾਲਿਆਂ ਨੂੰ ਅੱਜ ਪਤਾ ਲੱਗਾ ਕਿ ਘਰ ਦੀਆਂ ਸੇਵੀਆਂ ਐਨੀਆਂ ਸੁਆਦ ਹੁੰਦੀਆਂ ਨੇ। ਇਸ ਤੋਂ ਇਲਾਵਾ ਮਿੱਠੀ ਚੂਰੀ ਦੇ ਲੱਡੂ, ਮਿੱਠੀਆਂ ਰੋਟੀਆਂ, ਖੀਰ-ਪੂੜੇ ਅਤੇ ਗੁੜ ਵਾਲੇ ਮਿੱਠੇ ਚੌਲਾਂ ਦਾ ਸੁਆਦ ਵੀ ਚੱਖਿਆ। ਮੇਰੀ ਪੋਤੀ ਦਾ ਜਨਮ ਦਿਨ ਆ ਗਿਆ। ਅਸੀਂ ਸਵੇਰੇ ਉੱਠ ਕੇ ਸੁਖਮਨੀ-ਸਾਹਿਬ ਦਾ ਪਾਠ ਕੀਤਾ, ਦੇਗ ਬਣਾਈ, ਸਰਬੱਤ ਦੇ ਭਲੇ ਲਈ ਅਤੇ ਦੁਨੀਆ ਨੂੰ ਇਸ ਬਿਮਾਰੀ ਤੋਂ ਬਚਾਉਣ ਲਈ ਅਰਦਾਸ ਕੀਤੀ... ਭੋਗ ਤੋਂ ਬਾਅਦ ਪੂਰੀਆਂ-ਛੋਲਿਆਂ ਦਾ ਪ੍ਰਸ਼ਾਦਾ ਤਿਆਰ ਕੀਤਾ, ਸਾਰਿਆਂ ਨੇ ਥੱਲੇ ਦਰੀਆਂ-ਚਟਾਈਆਂ ਵਿਛਾ ਕੇ ਛਕਿਆ....ਅਨੰਦ ਆ ਗਿਆ।
ਇਕ ਰਾਤ ਦੋ ਕੁ ਵਜੇ ਮੇਰੀ ਦਰਾਣੀ ਦਾ ਫੋਨ ਆਇਆ ਕਿ ਪੋਤੇ ਨੂੰ ਬੁਖਾਰ ਹੈ ਤੇ ਘਰ ਕੋਈ ਦਵਾਈ ਵੀ ਨਹੀਂ । ਮੈਂ ਤੇ ਮੇਰਾ ਬੇਟਾ ਗਏ ਦਵਾਈ ਦਿੱਤੀ....ਬੇਟਾ ਤਾਂ ਵਾਪਸ ਆ ਗਿਆ, ਮੈਨੂੰ ਉਸ ਨੇ ਉੱਥੇ ਹੀ ਰੱਖ ਲਿਆ, ਕੁਝ ਸਮੇਂ 'ਚ ਹੀ ਕਾਕੇ ਦਾ ਬੁਖ਼ਾਰ ਲਹਿ ਗਿਆ ਅਤੇ ਉਹ ਸੌਂ ਗਿਆ। ਸਾਨੂੰ ਗੱਲਾਂ ਮਾਰਦੀਆਂ ਨੂੰ ਦਿਨ ਚੜ੍ਹ ਗਿਆ.....ਨਿੱਕੀਆਂ-ਮੋਟੀਆਂ ਗੱਲਾਂ ਦੇ ਗੁੱਸੇ-ਗਿਲੇ ਇਨ੍ਹਾਂ ਬੰਦ ਦਰਵਾਜ਼ਿਆਂ ਨੇ ਖ਼ਤਮ ਕਰ ਕੇ ਦਿਲ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ ਸਨ ਆਪਣੇਪਣ ਦਾ ਅਹਿਸਾਸ ਜਾਗ ਪਿਆ ਸੀ।
ਇਕ ਦਿਨ ਸਵੇਰੇ ਮੈਨੂੰ ਘਰ ਦੀ ਪਿਛਲੀ ਕੰਧ 'ਤੇ ਠੱਕ-ਠੱਕ ਦੀ ਆਵਾਜ਼ ਸੁਣਾਈ ਦਿੱਤੀ.....ਸਾਡੇ ਘਰ ਦੇ ਪਿਛਲੇ ਪਾਸੇ ਕਈ ਸਾਲਾਂ ਤੋਂ ਕੁਝ ਪੱਲੇਦਾਰਾਂ ਦੀ ਰਿਹਾਇਸ਼ ਸੀ....ਮੈਂ ਕੋਠੇ ਤੋਂ ਜਾ ਕੇ ਪੁੱਛਿਆ....ਉਨ੍ਹਾਂ ਨੇ ਕਿਹਾ, 'ਅਸੀਂ ਕੱਲ੍ਹ ਦੀ ਚਾਹ ਨਹੀਂ ਪੀਤੀ ਦੁੱਧ ਨਹੀਂ ਹੈ.....ਜੁਆਕ ਮੰਗਦੇ ਹਨ....ਅਸੀਂ ਤਾਂ ਡਰਦੇ ਬਾਹਰ ਨਹੀਂ ਗਏ...।' ਮੈਂ ਡੋਲੂ 'ਚ ਦੁੱਧ ਪਾ ਕੇ ਰੱਸੀ ਨਾਲ ਲਮਕਾਇਆ ਕਿਉਂਕਿ ਓਧਰ ਪੌੜੀਆਂ ਨਹੀਂ ਸਨ ।"
ਮੈਂ ਆ ਕੇ ਆਪਣੇ ਕਮਰੇ 'ਚ ਬੈਠ ਗਈ। ਮੈਂ ਸੋਚਿਆ ਸੁਣਿਆ ਸੀ ਕਿ ਪਰਮਾਤਮਾ ਦੇ ਹੁਕਮ ਦੇ ਬਿਨਾਂ ਪੱਤਾ ਨਹੀਂ ਹਿਲਦਾ.....ਅੱਜ ਦੇਖ ਲਿਆ.....ਕਿਵੇਂ ਸਾਰੀ ਦੁਨੀਆ ਨੂੰ ਇਕ ਹੀ ਝਟਕੇ ਵਿਚ ਘਰਾਂ 'ਚ ਬੰਦ ਕਰ ਦਿੱਤਾ ਹੈ....ਰੱਬ ਦੇ ਰੰਗਾਂ ਤੋਂ ਵਾਰੇ-ਵਾਰੇ ਜਾਈਏ...ਹੁਣ ਲਗਦਾ ਕਿ ਬੰਦਾ ਐਵੇਂ ਭਟਕਦਾ ਫਿਰਦਾ...ਲੋੜਾਂ ਤਾਂ ਬਸ ਇਹੀ ਹਨ.....ਅੰਤ ਤਾਂ ਖੁਆਇਸ਼ਾਂ ਦਾ ਹੀ ਨਹੀਂ ਹੁੰਦਾ।
ਮੈਨੂੰ ਇਸ ਸ਼ਾਂਤ ਮਾਹੌਲ ਵਿਚ ਇਸ ਗੱਲ ਦਾ ਅਹਿਸਾਸ ਹੋਇਆ ਕਿ ਜ਼ਿੰਦਗੀ ਦੇ ਸ਼ੋਰ-ਸ਼ਰਾਬੇ ਅਤੇ ਮਨ ਦੀਆਂ ਬੇਚੈਨੀਆਂ ਵਿਚ ਮੈਨੂੰ ਕਦੇ ਆਵਦੇ ਦਿਲ ਦੀ ਧੜਕਨ ਦੀ ਆਵਾਜ਼ ਸੁਣਾਈ ਨਹੀਂ ਸੀ ਦਿੱਤੀ ਤੇ ਅੱਜ ਮੈਨੂੰ ਗੁਆਂਢੀਆਂ ਵਲੋਂ ਕੰਧ 'ਤੇ ਕੀਤੀ ਠੱਕ-ਠੱਕ ਵੀ ਸੁਣਾਈ ਦੇ ਗਈ....।

-ਗਿੱਦੜਬਾਹਾ। ਮੋਬਾਈਲ : 82888-42066.

ਕਾਵਿ-ਮਹਿਫ਼ਲ

ਦੋਹੇ

* ਡਾ: ਹਰਨੇਕ ਸਿੰਘ ਕੋਮਲ *
ਬਾਪੂ ਬੁੱਢਾ ਹੋ ਗਿਆ, ਹੋਇਆ ਪੁੱਤ ਜਵਾਨ,
'ਘਰ' ਪੁਰਾਣਾ ਵੇਚ ਕੇ, ਪਾਇਆ ਨਵਾਂ ਮਕਾਨ।

ਖੋਹੇ ਪੱਤੇ ਬਿਰਖ ਤੋਂ, ਆਈ ਕੈਸੀ ਰੁੱਤ,
ਡਾਲਰ ਪੌਂਡ ਲੈ ਗਏ, ਖੋਹ ਮਾਵਾਂ ਤੋਂ ਪੁੱਤ।

ਅੱਧਾ ਵਿਹੜਾ ਵਿਲਕਿਆ, ਉਠੀ ਅੱਧੀ ਕੂਕ,
ਵਿਕਿਆ ਵਿਚ ਕਬਾੜ ਦੇ, ਬੇਬੇ ਦਾ ਸੰਦੂਕ।

ਇਸ ਵਿਚ ਲੋਰੀ ਮਾਂ ਦੀ, ਇਸ ਵਿਚ ਮਾਂ ਦਾ ਮੋਹ,
ਇਸ ਵਿਚ ਮੇਰੀ ਜਾਨ ਹੈ, ਮਾਂ ਬੋਲੀ ਨਾ ਖੋਹ।

ਫੁੱਲਾਂ ਵਾਂਗਰ ਮਹਿਕਦੇ, ਐਵੇਂ ਦਿਨ ਦੋ ਚਾਰ,
ਰਿਸ਼ਤੇ ਹੁਣ ਨਾ ਦੋਸਤੋ, ਬਹੁਤੇ ਹੰਢਣਸਾਰ।

ਚੜ੍ਹੀ ਜਵਾਨੀ ਸ਼ੂਕਦੀ, ਮ੍ਰਿਗਾਂ ਵਰਗੀ ਚਾਲ,
ਠੇਡੇ ਖਾਂਦਾ ਬਿਰਧ ਹੈ, ਤੁਰਦਾ ਖੂੰਡੀ ਨਾਲ।

ਬਾਪੂ ਬੜਾ ਉਦਾਸ ਹੈ, ਮਿੱਟੀ ਰਿਹਾ ਫਰੋਲ,
ਖੂੰਡਾ ਗਿਆ ਗੁਆਚ ਹੈ, ਖੂੰਡੀ ਰਹਿ ਗਈ ਕੋਲ।

ਹੋਈ ਕੋਈ ਗੱਲ ਨਾ, ਸਾਲ ਗਏ ਨੇ ਬੀਤ,
ਯਾਰ ਪੁਰਾਣੇ ਬਣ ਗਏ, ਭੁੱਲੇ ਵਿਸਰੇ ਗੀਤ

ਨਾ ਰੁਤਬੇ ਦੀ ਲਾਲਸਾ, ਨਾ ਦੌਲਤ ਦੀ ਭੁੱਖ,
ਭਿੱਜਿਆ ਬਾਰਿਸ਼ ਵਿਚ ਨਾ, ਧੰਨ ਹੈ ਉਹ ਮਨੁੱਖ।

-ਮੋਬਾਈਲ: 93177-61414.

ਗ਼ਜ਼ਲ

* ਅਮਰ 'ਸੂਫ਼ੀ' *

ਚਲੋ! ਇਕਬਾਲ ਕਰਦਾਂ, ਹੁਣ ਮੁਹੱਬਤ ਭਾਲਦੀ ਮੈਨੂੰ।
ਨਚਾਅ ਕੇ ਪੋਟਿਆਂ ਉੱਤੇ, ਰਹੀ ਜੋ ਟਾਲਦੀ ਮੈਨੂੰ।

ਵਸਲ ਦੀ ਥਾਂ ਜੁਦਾਈ ਤੇ ਗ਼ਮਾਂ ਦੀ ਦਾਤ ਬਖ਼ਸ਼ੀ ਜਿਸ,
ਜ਼ਰਾ ਵੀ ਸਮਝ ਨਾ ਆਈ ਹੈ ਉਸ ਦੀ ਚਾਲ ਦੀ ਮੈਨੂੰ।

ਪਤਾ ਨਈਂ ਲੋੜ ਕੀ ਹੈ, ਕੁੱਟ ਕੇ ਹੁਣ ਚੂਰਮਾ ਭੇਜੇ,
ਸਰੀ ਨਾ ਸੀ ਕਦੇ ਜਿਸ ਤੋਂ ਕਟੋਰੀ ਦਾਲ ਦੀ ਮੈਨੂੰ।

ਕਵੀ ਦੀ ਥਾਂ ਪਤਾ ਨਈਂ ਕਿਸ ਤਰ੍ਹਾਂ ਦਾ ਸ਼ਖ਼ਸ ਹੁੰਦਾ ਮੈਂ,
ਜੇ ਲੋਰੀ ਦੇ ਕੇ ਮੇਰੀ ਮਾਂ ਨਾ ਕਿਧਰੇ ਪਾਲਦੀ ਮੈਨੂੰ।

ਪੁਰਾਣੇ ਖ਼ਤ ਫਰੋਲੇ ਜਦ, ਮਿਲੀ ਤਸਵੀਰ ਉਸ ਦੀ, ਇਉਂ,
ਮੈਂ ਹੋਵਾਂ ਲੱਭਦਾ ਉਸ ਨੂੰ, ਉਹ ਹੋਵੇ ਭਾਲਦੀ ਮੈਨੂੰ।

ਜ਼ਮਾਨੇ ਦੇ ਥਪੇੜੇ ਕੀ ਪਤਾ ਕਿੱਥੇ ਲਿਜਾਅ ਸੁਟਦੇ,
ਮੁਸੀਬਤ ਵਿਚ, ਮੁਹੱਬਤ ਨਾ ਅਗਰ ਸੰਭਾਲਦੀ ਮੈਨੂੰ।

ਕਦੇ ਵੀ ਖੇਡ ਸ਼ਬਦਾਂ ਦੀ ਨਾ ਆਉਂਦੀ ਖੇਡਣੀ ਹੁਣ ਤਕ,
ਕੁਠਾਲੀ ਵਿਚ ਪਾ, ਜੇ ਜ਼ਿੰਦਗੀ ਨਾ ਢਾਲਦੀ ਮੈਨੂੰ।

ਕਿਤਾਬਾਂ 'ਚੋਂ ਹਮੇਸ਼ਾ ਭਾਲਦਾ ਹਾਂ ਜ਼ਿੰਦਗੀ 'ਸੂਫ਼ੀ',
ਵਿਚਾਰੀ ਜ਼ਿੰਦਗੀ ਸ਼ਬਦਾਂ 'ਚੋਂ ਰਹਿੰਦੀ ਭਾਲਦੀ ਮੈਨੂੰ।

-ਮੋਗਾ-142001. ਮੋਬਾਈਲ : 98555-43660.
E-mail : amarsufi@yahoo.in



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX