ਤਾਜਾ ਖ਼ਬਰਾਂ


ਜ਼ਿਲ੍ਹਾ ਸੰਗਰੂਰ 'ਚ ਕੋਰੋਨਾ ਕਾਰਨ ਬਜ਼ੁਰਗ ਦੀ ਮੌਤ, 49 ਹੋਰ ਪਾਜ਼ੀਟਿਵ ਮਾਮਲੇ ਆਏ ਸਾਹਮਣੇ
. . .  4 minutes ago
ਸੰਗਰੂਰ, 9 ਅਗਸਤ (ਧੀਰਜ ਪਸ਼ੋਰੀਆ) - ਜ਼ਿਲ੍ਹਾ ਸੰਗਰੂਰ ਵਿਚ ਕੋਰੋਨਾ ਨਾਲ ਇਕ 80 ਸਾਲਾ ਬਜ਼ੁਰਗ ਦੀ ਮੌਤ ਹੋਣ ਨਾਲ ਜ਼ਿਲ੍ਹੇ ਵਿਚ ਕੋਰੋਨਾ ਨਾਲ ਹੋਈਆਂ ਮੌਤਾਂ ਦੀ ਗਿਣਤੀ 36 ਹੋ ਗਈ ਹੈ। ਇਸੇ ਦੌਰਾਨ 49 ਹੋਰ ਮਾਮਲੇ ਆਉਣ ਜ਼ਿਲ੍ਹੇ ਵਿਚ ਕੋਰੋਨਾ...
ਠੇਕੇ 'ਤੇ ਕੰਮ ਕਰਦੇ ਕਰਿੰਦੇ ਦੇ ਦੋ ਅਣਪਛਾਤੇ ਵਿਅਕਤੀਆਂ ਨੇ ਮਾਰੀਆਂ ਗੋਲੀਆਂ-ਹਾਲਤ ਗੰਭੀਰ
. . .  40 minutes ago
ਗੁਰਦਾਸਪੁਰ, 9 ਅਗਸਤ (ਭਾਗਦੀਪ ਸਿੰਘ ਗੋਰਾਇਆ)-ਇਥੋਂ ਨਜ਼ਦੀਕੀ ਪਿੰਡ ਸਿੰਘੋਵਾਲ ਵਿਖੇ ਸਥਿਤ ਇਕ ਸ਼ਰਾਬ ਦੇ ਠੇਕੇ 'ਤੇ ਕੰਮ ਕਰਦੇ ਕਰਿੰਦੇ ਦੇ ਦੋ ਮੋਟਰਸਾਈਕਲ ਅਣਪਛਾਤੇ ਵਿਅਕਤੀਆਂ ਵਲੋਂ ਗੋਲੀਆਂ ਮਾਰ ਕੇ ਗੰਭੀਰ ਜ਼ਖਮੀ ਕਰ ਦਿੱਤਾ ਗਿਆ ਹੈ। ਜਾਣਕਾਰੀ ਦਿੰਦੇ ਠੇਕੇ ਦੇ ਮਾਲਕ ਵਿਨੋਦ ਰਾਣਾ ਨੇ...
ਗਰਨੇਡ ਮਿਲਣ ਕਾਰਨ ਇਲਾਕੇ 'ਚ ਫੈਲੀ ਸਨਸਨੀ
. . .  57 minutes ago
ਪਠਾਨਕੋਟ, 9 ਅਗਸਤ (ਚੌਹਾਨ) - ਜਲੰਧਰ ਨੈਸ਼ਨਲ ਹਾਈਵੇ 'ਤੇ ਪਠਾਨਕੋਟ ਸਰਹੱਦ ਡਮਟਾਲ ਦੀਆਂ ਪਹਾੜੀਆਂ 'ਤੇ ਗਰਨੇਡ ਮਿਲਣ ਨਾਲ ਦਹਿਸ਼ਤ ਫੈਲ ਗਈ। ਸੂਚਨਾ ਮਿਲਦੇ ਹੀ ਪੁਲਿਸ ਤੇ ਆਰਮੀ ਅਧਿਕਾਰੀ ਮੌਕੇ 'ਤੇ...
ਅੱਜ ਜ਼ਿਲ੍ਹਾ ਬਰਨਾਲਾ 'ਚ ਕੋਰੋਨਾ ਦੇ 20 ਹੋਰ ਮਾਮਲੇ ਆਏ ਸਾਹਮਣੇ
. . .  about 1 hour ago
ਮਹਿਲ ਕਲਾਂ, 9 ਅਗਸਤ (ਅਵਤਾਰ ਸਿੰਘ ਅਣਖੀ)-ਜ਼ਿਲ੍ਹਾ ਬਰਨਾਲਾ ਅੰਦਰ ਅੱਜ ਕੋਰੋਨਾ ਵਾਇਰਸ ਦੇ 20 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਸਿਵਲ ਸਰਜਨ ਬਰਨਾਲਾ ਵਲੋਂ ਜਾਰੀ ਮੀਡੀਆ ਬੁਲੇਟਿਨ ਕੋਵਿਡ-19 ਅਨੁਸਾਰ ਅੱਜ ਕੋਰੋਨਾ ਵਾਇਰਸ ਦੇ 20 ਮਾਮਲਿਆਂ 'ਚ 10 ਮਾਮਲੇ ਸ਼ਹਿਰ ਬਰਨਾਲਾ, 7 ਮਾਮਲੇ...
ਲੁਧਿਆਣਾ ਵਿਚ ਕੋਰੋਨਾ ਤੋਂ ਪ੍ਰਭਾਵਿਤ 10 ਮਰੀਜ਼ਾਂ ਦੀ ਮੌਤ, 246 ਨਵੇਂ ਮਾਮਲੇ ਸਾਹਮਣੇ ਆਏ
. . .  about 1 hour ago
ਲੁਧਿਆਣਾ, 9 ਅਗਸਤ (ਸਲੇਮਪੁਰੀ) - ਲੁਧਿਆਣਾ ਵਿਚ ਕੋਰੋਨਾ ਦਾ ਕਹਿਰ ਨਿਰਵਿਘਨ ਜਾਰੀ ਹੈ ਅਤੇ ਅੱਜ ਫਿਰ ਕੋਰੋਨਾ ਤੋਂ ਪ੍ਰਭਾਵਿਤ 10 ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ। ਸਿਵਲ ਸਰਜਨ ਡਾ ਰਾਜੇਸ਼ ਬੱਗਾ ਨੇ ਦੱਸਿਆ ਹੈ ਕਿ ਅੱਜ ਜਿਹੜੇ ਮਰੀਜ਼ਾਂ ਦੀ ਮੌਤ ਹੋਈ ਹੈ, ਸਾਰੇ ਲੁਧਿਆਣਾ ਜ਼ਿਲ੍ਹੇ ਨਾਲ ਸਬੰਧਿਤ ਹਨ...
ਪ੍ਰੋ. ਗੱਜਣਮਾਜਰਾ ਨੇ ਲੋਕ ਇਨਸਾਫ਼ ਪਾਰਟੀ ਨੂੰ ਕਿਹਾ ਅਲਵਿਦਾ
. . .  about 1 hour ago
ਅਮਰਗੜ੍ਹ/ਕੁੱਪ ਕਲਾਂ (ਸੰਗਰੂਰ) 9 ਅਗਸਤ ( ਝੱਲ , ਸਰੌਦ ) - ਉੱਘੇ ਕਾਰੋਬਾਰੀ ਪ੍ਰੋ. ਜਸਵੰਤ ਸਿੰਘ ਗੱਜਣਮਾਜਰਾ ਨੇ ਲੋਕ ਇਨਸਾਫ਼ ਪਾਰਟੀ ਨੂੰ ਅਲਵਿਦਾ ਕਹਿੰਦਿਆਂ ਸਾਰੇ ਅਹੁਦਿਆਂ ਤੋਂ ਅਸਤੀਫਾ ਦੇ ਦਿੱਤਾ ਹੈ , ਉਹ ਲੋਕ ਇਨਸਾਫ ਪਾਰਟੀ ਦੇ ਸਕੱਤਰ ਜਨਰਲ ਅਤੇ ਵਿਧਾਨ ਸਭਾ ਹਲਕਾ ਅਮਰਗੜ੍ਹ ਤੋਂ ਇੰਚਾਰਜ...
ਪਾਕਿ ਵਿਚ 16 ਸਾਲਾ ਹਿੰਦੂ ਲੜਕੀ ਕੀਤੀ ਅਗਵਾ - ਮਨਜਿੰਦਰ ਸਿੰਘ ਸਿਰਸਾ
. . .  about 1 hour ago
ਨਵੀਂ ਦਿੱਲੀ, 9 ਅਗਸਤ - ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ੍ਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਦੱਸਿਆ ਕਿ ਪਾਕਿਸਤਾਨ ਵਿਚ ਹਿੰਦੂ ਅਤੇ ਸਿੱਖਾਂ ਸਮੇਤ ਘੱਟ ਗਿਣਤੀਆਂ 'ਤੇ ਜ਼ੁਲਮ ਅਤੇ ਤਸ਼ੱਦਦ ਢਾਹੁਣ ਦਾ ਸਿਲਸਿਲਾ ਰੁਕਣ ਦਾ ਨਾਂ ਲਈਂ ਲੈ ਲਿਆ ਤੇ ਹੁਣ 16 ਸਾਲਾ ਲੜਕੀ ਕਵਿਤਾ ਨੂੰ ਆਦਿਲ...
ਮੈਂ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੀ ਚੜ੍ਹਦੀ ਕਲਾ ਲਈ ਹਮੇਸ਼ਾ ਕਾਰਜਸ਼ੀਲ ਰਹਾਂਗਾ-ਜਥੇਦਾਰ ਸਿਧਵਾਂ
. . .  about 1 hour ago
ਡੇਅਰੀਵਾਲ ਦਰੋਗਾ (ਬਟਾਲਾ), 9 ਅਗਸਤ (ਹਰਦੀਪ ਸਿੰਘ) - ਸ਼੍ਰੋਮਣੀ ਅਕਾਲੀ ਦਲ ਨਾਲੋਂ ਵੱਖ ਹੋ ਕੇ ਆਪਣੀ ਨਵੀਂ ਪਾਰਟੀ ਬਣਾ ਚੁੱਕੇ ਸ. ਸੁਖਦੇਵ ਸਿੰਘ ਢੀਂਡਸਾ ਵੱਲੋਂ ਬੀਤੇ ਦਿਨ ਬਟਾਲਾ ਵਿਖੇ ਕੀਤੀ ਗਈ ਮੀਟਿੰਗ ਵਿੱਚ ਮੇਰੀ ਸ਼ਮੂਲੀਅਤ ਬਾਰੇ ਪ੍ਰਕਾਸ਼ਤ ਹੋਈਆਂ ਖ਼ਬਰਾਂ ਗਲਤ ਹਨ ਕਿਉਂਕਿ ਮੈਂ ਬਟਾਲਾ ਵਿਖੇ...
ਸ਼ਾਹਕੋਟ ’ਚ ਯੂਕੋ ਬੈਂਕ ਦੇ ਮੁਲਾਜਮ ਸਮੇਤ ਤਿੰਨ ਵਿਅਕਤੀਆਂ ’ਚ ਕੋਰੋਨਾ ਦੀ ਪੁਸ਼ਟੀ
. . .  about 1 hour ago
ਸ਼ਾਹਕੋਟ, (ਜਲੰਧਰ) 9 ਅਗਸਤ (ਅਜ਼ਾਦ ਸਚਦੇਵਾ/ਸੁਖਦੀਪ ਸਿੰਘ) ਸਿਹਤ ਬਲਾਕ ਸ਼ਾਹਕੋਟ ਵਿੱਚ ਐਤਵਾਰ ਨੂੰ ਤਿੰਨ ਕੋਰੋਨਾ ਪਾਜੀਟਿਵ ਮਰੀਜ ਮਿਲੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਵਿਅਕਤੀ ਯੂਕੋ ਬੈਂਕ ਦਾ ਮੁਲਾਜ਼ਮ ਹੈ, ਜਦਕਿ ਬਾਕੀ ਦੋ ਵਿੱਚੋਂ ਇੱਕ ਆਟੋ ਡ੍ਰਾਇਵਰ ਅਤੇ ਇੱਕ ਹਾਕੀ ਖਿਡਾਰੀ ਹੈ। ਸੀਨੀਅਰ ਮੈਡੀਕਲ...
ਜੋਧਾਂ (ਲੁਧਿਆਣਾ) 'ਚ ਕੋਰੋਨਾ ਮਰੀਜਾਂ ਦੀ ਗਿਣਤੀ ਵਧਣ ਲੱਗੀ
. . .  about 1 hour ago
ਜੋਧਾਂ, 9 ਅਗਸਤ (ਗੁਰਵਿੰਦਰ ਸਿੰਘ ਹੈਪੀ)- ਕਸਬਾ ਜੋਧਾਂ (ਲੁਧਿਆਣਾ) ਵਿਖੇ ਪਿਛਲੇ ਦਿਨੀ ਇੱਕ ਪਰਿਵਾਰ ਦੇ 6 ਮੈਬਰਾਂ ਦੇ ਕੋਰੋਨਾ ਪਾਜ਼ੀਟਿਵ ਆਉਣ ਤੋਂ ਬਾਅਦ ਆਲੇ ਦੁਆਲੇ ਨੂੰ ਸੀਲ ਕੀਤਾ ਗਿਆ ਸੀ। ਸੀਲ ਕੀਤੇ ਗਏ ਇਲਾਕੇ ਵਿੱਚੋ ਲੋਕਾਂ ਦੇ ਕੋਵਿੰਡ-19 ਦੇ ਟੈਸਟ ਕੀਤੇ ਗਏ। ਜਿਨ੍ਹਾਂ ਵਿੱਚੋਂ ਤਿੰਨ ਵਿਅਕਤੀਆਂ...
ਮਾਨਸਾ 'ਚ ਨਿੱਜੀ ਡਾਕਟਰ ਸਮੇਤ 12 ਨੂੰ ਕੋਰੋਨਾ ਦੀ ਪੁਸ਼ਟੀ
. . .  about 1 hour ago
ਮਾਨਸਾ, 9 ਅਗਸਤ (ਬਲਵਿੰਦਰ ਸਿੰਘ ਧਾਲੀਵਾਲ)-ਮਾਨਸਾ ਜ਼ਿਲੇ 'ਚ 12 ਨੂੰ ਕੋਰੋਨਾ ਦੀ ਪੁਸ਼ਟੀ ਹੋਈ ਹੈ। ਪਾਜ਼ੀਟਿਵ ਪਾਏ ਗਏ ਵਿਅਕਤੀਆਂ 'ਚ ਸਥਾਨਕ ਸ਼ਹਿਰ ਦੀ ਇੱਕ ਨਿੱਜੀ ਡਾਕਟਰ, ਦਵਾਈ ਵਿਕਰੇਤਾ ਤੇ ਉਨਾਂ ਦੇ ਸਬੰਧੀ ਵੀ ਸ਼ਾਮਲ...
ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ਵਿਚ ਕੋਰੋਨਾ ਦਾ ਵੱਡਾ ਧਮਾਕਾ ਇੱਕੋ ਦਿਨ ਵਿਚ ਆਏ 41 ਨਵੇਂ ਮਾਮਲੇ
. . .  about 2 hours ago
ਫਤਿਹਗੜ੍ਹ ਸਾਹਿਬ 9 ਅਗਸਤ (ਬਲਜਿੰਦਰ ਸਿੰਘ )- ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ਵਿਚ ਕੋਰੋਨਾ ਮਹਾਂਮਾਰੀ ਨੇ ਬੜੀ ਤੇਜ਼ੀ ਨਾਲ ਆਪਣੇ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ ਹਨ ਜਿਸ ਦੇ ਚੱਲਦਿਆਂ ਅੱਜ ਜ਼ਿਲ੍ਹੇ ਵਿੱਚ ਕਰੋਨਾ ਦੇ ਨਵੇਂ 41 ਮਾਮਲੇ ਸਾਹਮਣੇ ਆਉਣ ਨਾਲ ਲੋਕਾਂ ਦੇ ਵਿੱਚ ਸਹਿਮ ਤੇ ਦਹਿਸ਼ਤ ਦਾ ਮਾਹੌਲ...
ਮੈਂ ਅਕਾਲੀ ਦਲ ਡੈਮੋਕ੍ਰੇਟਿਕ 'ਚ ਸ਼ਾਮਿਲ ਨਹੀਂ ਹੋਇਆ, ਪੰਥਕ ਲਹਿਰ ਦਾ ਸਰਗਰਮ ਮੈਂਬਰ ਰਹਾਂਗਾ : ਜਥੇਦਾਰ ਅਮਰੀਕ ਸਿੰਘ ਸ਼ਾਹਪੁਰ
. . .  about 2 hours ago
ਡੇਰਾ ਬਾਬਾ ਨਾਨਕ, 9 ਅਗਸਤ (ਅਵਤਾਰ ਸਿੰਘ ਰੰਧਾਵਾ)-ਬੀਤੇ ਦਿਨ ਬਟਾਲਾ ਨੇੜੇ ਪੈਂਦੇ ਪਿੰਡ ਧੁੱਪਸੜੀ ਦੇ ਗੁਰਦੁਆਰਾ ਸਾਹਿਬ ਵਿਖੇ ਅਕਾਲੀ ਦਲ ਡੈਮੋਕ੍ਰੇਟਿਕ ਪਾਰਟੀ ਵਲੋਂ ਇਕ ਪ੍ਰਭਾਵਸ਼ਾਲੀ ਪ੍ਰੋਗਰਾਮ ਕੀਤਾ ਗਿਆ ਸੀ ਜਿਸ ਵਿਚ ਸਾਥੀਆਂ ਸਮੇਤ ਪਹੁੰਚੇ ਆਪਣਾ ਪੰਜਾਬ ਪਾਰਟੀ ਦੇ ਸੀਨੀਅਰ ਮੀਤ ਪ੍ਰਧਾਨ...
ਦੇਸ਼ ਲਈ ਸ਼ਹੀਦ ਹੋਣ ਵਾਲਿਆਂ ਦੀ ਕੁਰਬਾਨੀ ਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ - ਰਾਣਾ ਗੁਰਮੀਤ ਸਿੰਘ ਸੋਢੀ
. . .  about 2 hours ago
ਨੱਥੂਵਾਲਾ ਗਰਬੀ (ਜ਼ਿਲ੍ਹਾ ਮੋਗਾ), 9 ਅਗਸਤ (ਸਾਧੂ ਰਾਮ ਲੰਗੇਆਣਾ) - ਬੀਤੇ ਦਿਨੀਂ ਚੀਨ ਦੀ ਸਰਹੱਦ ਉਤੇ ਦੇਸ਼ ਲਈ ਡਿਊਟੀ ਦੇਣ ਦੌਰਾਨ ਸ਼ਹੀਦ ਹੋਏ ਸਿਪਾਹੀ ਲਖਵੀਰ ਸਿੰਘ ਨਮਿਤ ਅੰਤਿਮ ਅਰਦਾਸ ਅਤੇ ਸ਼ਰਧਾਂਜਲੀ ਸਮਾਗਮ ਅੱਜ ਉਸਦੇ ਜੱਦੀ ਪਿੰਡ ਡੇਮਰੂ ਖੁਰਦ ਵਿਖੇ ਹੋਇਆ, ਜਿਸ ਵਿੱਚ ਪੰਜਾਬ ਸਰਕਾਰ...
ਟੋਲ ਪਲਾਜਾ ਨਿੱਝਰਪੁਰਾ ਵਿਖੇ ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਅਤੇ ਟੋਲ ਪਲਾਜਾ ਪ੍ਰਬੰਧਕਾਂ ਵਿਚਕਾਰ ਹੋਇਆ ਤਕਰਾਰ 
. . .  about 2 hours ago
ਜੰਡਿਆਲਾ ਗੁਰੂ, 9 ਅਗਸਤ (ਰਣਜੀਤ ਸਿੰਘ ਜੋਸਨ) - ਜੰਡਿਆਲਾ ਗੁਰੂ ਨਜਦੀਕ ਨੈਸ਼ਨਲ ਹਾਈਵੇ ਤੇ ਬਣੇ ਟੋਲ ਪਲਾਜਾ ਨਿੱਝਰਪੁਰਾ ਵਿਖੇ ਅੱਜ ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਵੱਲੋਂ ਟੋਲ ਪਲਾਜ਼ਾ ਪ੍ਰਬੰਧਕਾਂ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਗਈ ਅਤੇ ਟੋਲ ਪਲਾਜਾ ਵਾਲਿਆਂ ਵੱਲੋਂ ਕੀਤੀ ਜਾਂਦੀ ਮਨਮਰਜ਼ੀ...
ਸੰਸਦ ਮੈਂਬਰ ਔਜਲਾ ਦੀ ਕੋਰੋਨਾ ਰਿਪੋਰਟ ਆਈ ਨੈਗੇਟਿਵ
. . .  about 2 hours ago
ਅੰਮ੍ਰਿਤਸਰ, 9 ਅਗਸਤ - ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਮੈਂਬਰ ਪਾਰਲੀਮੈਂਟ ਗੁਰਜੀਤ ਸਿੰਘ ਔਜਲਾ ਦੀ ਕੋਰੋਨਾ ਰਿਪੋਰਟ ਨੈਗੇਟਿਵ...
ਜ਼ਿਲ੍ਹਾ ਪਠਾਨਕੋਟ ਵਿੱਚ 5 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  about 2 hours ago
ਪਠਾਨਕੋਟ, 9 ਅਗਸਤ (ਸੰਧੂ) - ਜ਼ਿਲ੍ਹਾ ਪਠਾਨਕੋਟ ਵਿੱਚ 5 ਹੋਰ ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਕੀਤੀ ਗਈ ਹੈ ਇਸ ਸਬੰਧੀ ਪੁਸ਼ਟੀ ਸਿਵਲ ਸਰਜਨ ਡਾਕਟਰ ਭੁਪਿੰਦਰ ਸਿੰਘ ਨੇ ਕਰਦੇ ਹੋਏ ਦੱਸਿਆ ਕਿ 5 ਵਿਅਕਤੀਆਂ ਦੀ ਐਂਟੀਜਨ ਟੈਸਟਿੰਗ...
ਸ੍ਰੀ ਮੁਕਤਸਰ ਸਾਹਿਬ ਵਿਖੇ 7 ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ
. . .  about 2 hours ago
ਸ੍ਰੀ ਮੁਕਤਸਰ ਸਾਹਿਬ, 9 ਅਗਸਤ (ਰਣਜੀਤ ਸਿੰਘ ਢਿੱਲੋਂ)-ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਅੱਜ 7 ਕੋਰੋਨਾ ਮਰੀਜ਼ਾਂ ਦੀ ਪੁਸ਼ਟੀ ਹੋਈ ਹੈ, ਜਿਨ੍ਹਾਂ ਵਿਚ 3 ਮਰੀਜ਼ ਸ੍ਰੀ ਮੁਕਤਸਰ ਸਾਹਿਬ (ਇਕ ਮਰੀਜ 29 ਸਾਲ, ਦੂਜਾ ਮਰੀਜ ਬੂੜਾ ਗੁੱਜਰ ਰੋਡ 50 ਸਾਲ ਅਤੇ ਤੀਜਾ 23 ਸਾਲਾਂ ਮਰੀਜ਼ ਆਦਰਸ਼ ਨਗਰ ਗਲੀ ਨੰਬਰ 1), ਇਕ ਮਰੀਜ਼ ਪਿੰਡ...
ਪਰਮਬੰਸ ਸਿੰਘ ਰੋਮਾਣਾ ਨੂੰ ਸਦਮਾ, ਮਾਤਾ ਦਾ ਦੇਹਾਂਤ
. . .  about 2 hours ago
ਫ਼ਰੀਦਕੋਟ, 9 ਅਗਸਤ (ਜਸਵੰਤ ਸਿਘ ਪੁਰਬਾ)-ਸ਼੍ਰੋਮਣੀ ਅਕਾਲੀ ਦਲ ਦੇ ਬੁਲਾਰੇ ਅਤੇ ਯੂਥ ਅਕਾਲੀ ਦਲ ਦੇ ਕੌਮੀ ਪ੍ਰਧਾਨ ਪਰਮਬੰਸ ਸਿੰਘ ਬੰਟੀ ਰੋਮਾਣਾ ਨੂੰ ਉਸ ਵਕਤ ਵੱਡਾ ਸਦਮਾ ਪੁੱਜਿਆ ਜਦੋਂ ਉਨ੍ਹਾਂ ਸਤਿਕਾਰਯੋਗ ਮਾਤਾ ਪਰਮਜੀਤ ਕੌਰ ਰੋਮਾਣਾ (ਪੰਮੀ ਰੋਮਾਣਾ ਧਰਮ ਪਤਨੀ ਸਵ: ਹਰਬੰਸ ਸਿੰਘ ਰੋਮਾਣਾ...
ਅੰਮ੍ਰਿਤਸਰ 'ਚ ਕੋਰੋਨਾ ਦੇ 69 ਪਾਜ਼ੀਟਿਵ ਮਰੀਜ਼ਾਂ ਦੀ ਹੋਈ ਪੁਸ਼ਟੀ, 4 ਦੀ ਮੌਤ
. . .  about 2 hours ago
ਅੰਮ੍ਰਿਤਸਰ, 9 ਅਗਸਤ (ਜਸਵੰਤ ਸਿੰਘ ਜੱਸ/ ਰਾਜੇਸ਼ ਸ਼ਰਮਾ) : ਅੰਮ੍ਰਿਤਸਰ ਚ ਅੱਜ 69 ਹੋਰ ਕੋਰੋਣਾ ਪੋਸਿਟੀਵ ਮਰੀਜਾਂ ਦੀ ਪੁਸ਼ਟੀ ਹੋਈ ਹੈ। ਇਸ ਤੋਂ ਇਲਾਵਾ 4 ਵਿਅਕਤੀ ਦੀ ਮੌਤ ਹੋ ਗਈ ਹੈ। ਇਸ ਨਾਲ ਹੀ ਹੁਣ ਅੰਮ੍ਰਿਤਸਰ ਵਿਚ ਕੋਰੋਣਾ ਪੋਸਿਟੀਵ ਮਰੀਜਾਂ ਦੀ...
ਮੋਗਾ ਵਿਚ 24 ਹੋਰ ਆਏ ਕੋਰੋਨਾ ਪਾਜ਼ੀਟਿਵ ਮਾਮਲੇ
. . .  about 2 hours ago
ਮੋਗਾ, 9 ਅਗਸਤ (ਗੁਰਤੇਜ ਸਿੰਘ ਬੱਬੀ) - ਅੱਜ ਸਿਹਤ ਵਿਭਾਗ ਮੋਗਾ ਨੂੰ ਪ੍ਰਾਪਤ ਹੋਈਆਂ ਰਿਪੋਰਟਾਂ ਵਿਚ 24 ਜਣਿਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ ਤੇ ਹੁਣ ਜ਼ਿਲ੍ਹੇ ਵਿਚ ਮਰੀਜ਼ਾਂ ਦੀ ਕੁੱਲ ਗਿਣਤੀ 600 ਤੇ ਐਕਟਿਵ ਕੇਸਾਂ ਦੀ ਗਿਣਤੀ 277 ਹੋ...
ਸੀ.ਆਈ.ਏ ਸਟਾਫ਼ ਜੈਤੋ ਵਲੋਂ 20 ਹਜ਼ਾਰ ਨਸ਼ੀਲੀਆਂ ਗੋਲੀਆਂ ਸਮੇਤ 3 ਵਿਅਕਤੀਆਂ ਨੂੰ ਕੀਤਾ ਗ੍ਰਿਫਤਾਰ
. . .  about 2 hours ago
ਜੈਤੋ, 9 ਅਗਸਤ (ਗੁਰਚਰਨ ਸਿੰਘ ਗਾਬੜੀਆ, ਨਿੱਜੀ ਪੱਤਰ ਪ੍ਰੇਰਕ)-ਸੀ.ਆਈ.ਏ. ਸਟਾਫ਼ ਜੈਤੋ ਵਲੋਂ 3 ਵਿਅਕਤੀਆਂ ਨੂੰ ਕਰੀਬ 20 ਹਜ਼ਾਰ ਨਸ਼ੀਲੀਆਂ ਗੋਲੀਆਂ ਤੇ ਦੋ ਕਾਰਾਂ ਸਮੇਤ ਗ੍ਰਿਫਤਾਰ ਕਰਨ ਦਾ ਦਾਅਵਾ ਕੀਤਾ...
ਕਾਂਗਰਸ ਦਾ ਮੈਨੀਫੈਸਟੋ ਫਰੇਮ ਕਰਵਾ ਕੇ ਕਾਂਗਰਸੀ ਵਿਧਾਇਕਾ ਨੂੰ ਵਾਪਸ ਮੋੜਨਗੇ ਸਸਅ/ਮਿਡ ਡੇ ਮੀਲ ਦਫ਼ਤਰੀ ਮੁਲਾਜ਼ਮ
. . .  about 2 hours ago
ਫ਼ਾਜ਼ਿਲਕਾ, 9 ਅਗਸਤ (ਪ੍ਰਦੀਪ ਕੁਮਾਰ)- “ਐਮ.ਐਲ.ਏ ਸਾਹਿਬ ਆਪਣਾ ਮੈਨੀਫੈਸਟੋ ਰੱਖ ਲਓ, ਸਾਡੇ ਤਾਂ ਕਿਸੇ ਕੰਮ ਨਹੀਂ ਆਇਆ” ਇਸ ਨਾਅਰੇ ਤਹਿਤ ਸਰਵ ਸਿੱਖਿਆ ਅਭਿਆਨ/ ਮਿਡ ਡੇ ਮੀਲ ਦਫ਼ਤਰੀ ਕਰਮਚਾਰੀ 13 ਅਗਸਤ ਨੂੰ ਸੂਬੇ ਭਰ ਵਿਚ ਕਾਂਗਰਸ ਦੇ ਮੰਤਰੀ ਅਤੇ ਵਿਧਾਇਕਾ ਨੂੰ ਚੋਣ ਮਨੋਰਥ...
ਘਰੇਲੂ ਕਲੇਸ਼ ਕਾਰਨ ਵਿਆਹੁਤਾ ਲੜਕੀ ਵਲੋਂ ਖ਼ੁਦਕੁਸ਼ੀ
. . .  about 3 hours ago
ਮੀਆਂਵਿੰਡ, 9 ਅਗਸਤ (ਗੁਰਪ੍ਰਤਾਪ ਸਿੰਘ ਸੰਧੂ) - ਜ਼ਿਲ੍ਹਾ ਅੰਮ੍ਰਿਤਸਰ ਦੇ ਹਲਕਾ ਬਾਬਾ ਬਕਾਲਾ ਸਾਹਿਬ ਥਾਣਾ ਵੈਰੋਵਾਲ ਅਧੀਨ ਆਉਂਦੇ ਪਿੰਡ ਸਰਾਂ ਤਲਵੰਡੀ ਵਿਖੇ ਘਰੇਲੂ ਕਲੇਸ਼ ਕਾਰਨ ਰਿੰਪਲਜੀਤ ਕੌਰ ਨਾਂਅ ਦੀ ਵਿਆਹੁਤਾ ਲੜਕੀ ਨੇ ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ ਕਰ...
ਕੋਵਿਡ19 : ਕਪੂਰਥਲਾ 'ਚ ਅੱਜ 6 ਪਾਜ਼ੀਟਿਵ ਤੇ 97 ਨੈਗੇਟਿਵ
. . .  about 3 hours ago
ਕਪੂਰਥਲਾ, 9 ਅਗਸਤ (ਅਮਰਜੀਤ ਸਿੰਘ ਸਡਾਨਾ) - ਜਿਲ੍ਹੇ ਵਿਚ ਕੋਰੋਨਾ ਨਾਲ ਸਬੰਧਤ 6 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਜਿਨ੍ਹਾਂ ਵਿਚੋਂ 3 ਸ਼ਹਿਰ ਦੇ ਮੁਹੱਲਾ ਮੱਛੀ ਚੌਕ, ਇੱਕ ਮਹੁੱਬਤ ਨਗਰ,ਇੱਕ ਪੀਰ ਚੋਧਰੀ ਰੋਡ ਤੇ ਇੱਕ ਮਰੀਜ਼ ਗੁਰੂ ਤੇਗ਼ ਬਹਾਦਰ...
ਹੋਰ ਖ਼ਬਰਾਂ..

ਬਾਲ ਸੰਸਾਰ

ਮਹਾਨ ਰਸਾਇਣ ਵਿਗਿਆਨੀ ਪ੍ਰਫੁਲ ਚੰਦਰ ਰਾਏ

ਪਿਆਰੇ ਨਿੱਕੇ ਸਾਥੀਓ, ਮਹਾਨ ਰਸਾਇਣ ਵਿਗਿਆਨੀ ਪ੍ਰਫੁਲ ਚੰਦਰ ਰਾਏ ਦਾ ਜਨਮ 2 ਅਗਸਤ 1861 ਈਸਵੀ ਨੂੰ ਪਿਤਾ ਸ੍ਰੀ ਹਰੀਸ਼ ਚੰਦਰ ਰਾਏ ਦੇ ਘਰ ਮਾਤਾ ਸ੍ਰੀਮਤੀ ਭੁਬਨਮੋਹੀਨੀ ਦੇਵੀ ਦੀ ਕੁੱਖੋਂ ਜ਼ਿਲ੍ਹਾ ਜੇਸੋਰ (ਬੰਗਲਾਦੇਸ਼) 'ਚ ਹੋਇਆ। ਮੁਢਲੀ ਸਿੱਖਿਆ ਪਿੰਡ ਤੋਂ ਪ੍ਰਾਪਤ ਕਰਨ ਉਪਰੰਤ ਇੰਗਲੈਂਡ ਦੀ ਐਡਿਨਬਰਗ ਯੂਨੀਵਰਸਿਟੀ ਤੋਂ ਬੀ. ਐਸਸੀ. ਅਤੇ ਡਾਕਟਰੇਟ ਆਫ਼ ਸਾਇੰਸ ਦੀ ਡਿਗਰੀ ਪ੍ਰਾਪਤ ਕੀਤੀ। ਉਨ੍ਹਾਂ ਇਸੇ ਯੂਨੀਵਰਸਿਟੀ ਤੋਂ 'ਦ ਹੋਪ ਪ੍ਰਾਈਜ਼' ਪ੍ਰਾਪਤ ਕੀਤਾ। ਵਿਦਿਆਰਥੀ ਜੀਵਨ 'ਚ ਐਡਿਨਬਰਗ ਯੂਨੀਵਰਸਿਟੀ ਦੀ 'ਕੈਮੀਕਲ ਸੁਸਾਇਟੀ' ਦੇ ਪ੍ਰਧਾਨ ਚੁਣੇ ਗਏ। ਪੜ੍ਹਾਈ ਪੂਰੀ ਕਰਨ ਉਪਰੰਤ ਵਾਪਸ ਭਾਰਤ ਆ ਗਏ। ਪ੍ਰਤਿਭਾਸ਼ਾਲੀ ਪ੍ਰਫੁਲ ਚੰਦਰ 1888 'ਚ 27 ਸਾਲ ਦੀ ਉਮਰ 'ਚ ਕਲਕੱਤਾ ਦੇ ਪ੍ਰਾਓਜ਼ੀਡੈਂਸੀ ਕਾਲਜ 'ਚ ਅਸਿਸਟੈਂਟ ਪ੍ਰੋਫੈਸਰ ਨਿਯੁਕਤ ਹੋ ਗਏ ਸਨ। 1896 'ਚ ਪ੍ਰਫੁਲ ਚੰਦਰ ਰਾਏ ਨੇ ਪ੍ਰਯੋਗਸ਼ਾਲਾ 'ਚ ਮਰਕੂਰਸ ਨਾਈਟ੍ਰਾਏਟ ਰਸਾਇਣ ਤਿਆਰ ਕੀਤਾ। ਭਾਰਤ 'ਚ ਵਿਗਿਆਨ ਦੇ ਪ੍ਰਸਾਰ ਲਈ ਬਹੁਤ ਕੰਮ ਕੀਤਾ। ਦੇਸ਼ 'ਚ ਮੌਜੂਦ ਮਿੱਟੀ ਤੋਂ ਚੀਨੀ ਦੇ ਬਰਤਨ ਤਿਆਰ ਕਰਨ ਦਾ ਕੰਮ ਅਰੰਭਿਆ। ਰਬੜ ਦੀਆਂ ਵਸਤਾਂ ਦੇਸ਼ 'ਚ ਹੀ ਤਿਆਰ ਕਰਵਾਉਣੀਆਂ ਸ਼ੁਰੂ ਕੀਤੀਆਂ। ਦੇਸ਼ ਦੀ ਆਰਥਿਕ ਹਾਲਤ ਸੁਧਾਰਨ ਲਈ ਉਨ੍ਹਾਂ ਨੇ ਕਾਰਖਾਨੇਦਾਰਾਂ ਨੂੰ ਕੱਚੇ ਮਾਲ ਦੀ ਜਾਣਕਾਰੀ ਦਿੱਤੀ ਤਾਂ ਕਿ ਕੱਚੇ ਮਾਲ ਨਾਲ ਭਾਰਤ 'ਚ ਰਬੜ ਤਿਆਰ ਕਰਵਾਈ ਜਾ ਸਕੇ। ਇਸ ਨਾਲ ਦੇਸ਼ 'ਚ ਦਵਾਈਆਂ ਬਣਾਉਣ ਲਈ ਬਹੁਤ ਸਹਾਇਤਾ ਮਿਲੀ।
ਪ੍ਰਫੁਲ ਚੰਦਰ ਰਾਏ ਨੇ 'ਹਿਸਟਰੀ ਆਫ਼ ਹਿੰਦੂ ਕੈਮਿਸਟਰੀ' ਨਾਮੀ ਇਕ ਪੁਸਤਕ ਲਿਖੀ, ਜਿਸ ਦਾ ਅਰਥ ਹਿੰਦੂ ਰਸਾਇਣ ਵਿਗਿਆਨ ਦਾ ਇਤਿਹਾਸ ਹੈ। ਇਹ ਪੁਸਤਕ ਅੱਜ ਵੀ ਬਹੁਮੁੱਲਾ ਖਜ਼ਾਨਾ ਹੈ। ਉਨ੍ਹਾਂ ਭਾਰਤ 'ਚ 'ਦ ਬੰਗਾਲ ਕੈਮੀਕਲ ਐਂਡ ਫਾਰਮੇਸੀਟੀਕਲ ਵਰਕਸ ਅਤੇ ਇੰਡੀਅਨ ਸਕੂਲ ਆਫ਼ ਕੈਮਿਸਟਰੀ' ਸੰਸਥਾਵਾਂ ਦੀ ਸਥਾਪਨਾ ਕੀਤੀ। ਪ੍ਰਫੁਲ ਚੰਦਰ ਰਾਏ ਉੱਘੇ ਵਿਗਿਆਨੀ ਹੋਣ ਦੇ ਨਾਲ-ਨਾਲ ਇਕ ਮਹਾਨ ਸੁਤੰਤਰਤਾ ਸਿਪਾਹੀ ਵੀ ਸਨ। ਉਨ੍ਹਾਂ ਦਾ ਵਿਚਾਰ ਸੀ ਕਿ ਖੋਜ ਦਾ ਕੰਮ ਤਾਂ ਬਾਅਦ 'ਚ ਵੀ ਕੀਤਾ ਜਾ ਸਕਦਾ ਹੈ ਅਤੇ ਦੇਸ਼ ਦੇ ਕਾਰਖਾਨੇ ਵੀ ਬਾਅਦ 'ਚ ਲਗਾਏ ਜਾ ਸਕਦੇ ਹਨ, ਪਰ ਦੇਸ਼ ਦੀ ਆਜ਼ਾਦੀ ਲੈਣ ਲਈ ਦੇਰ ਨਹੀਂ ਹੋਣੀ ਚਾਹੀਦੀ। ਸਰ ਪ੍ਰਫੁਲ ਚੰਦਰ ਰਾਏ ਦੁਆਰਾ ਲਿਖਿਆ 'ਇੰਡੀਆ ਬਿਫੋਰ ਐਂਡ ਆਫਟਰ ਮਿਊਟਨੀ' ਪੜ੍ਹ ਕੇ ਬਹੁਤ ਸਾਰੇ ਅੰਗਰੇਜ਼ ਹੈਰਾਨ ਅਤੇ ਕ੍ਰੋਧਿਤ ਹੋ ਗਏ।
1922 'ਚ ਉੱਤਰੀ ਬੰਗਾਲ 'ਚ ਆਏ ਹੜ੍ਹਾਂ ਦੌਰਾਨ ਉਨ੍ਹਾਂ ਨੇ ਪੀੜਤਾਂ ਦੀ ਬਹੁਤ ਸੇਵਾ ਕੀਤੀ। ਆਖਰ 16 ਜੂਨ 1944 ਨੂੰ 83 ਸਾਲ ਦੀ ਉਮਰ ਭੋਗ ਕੇ ਇਸ ਫਾਨੀ ਦੁਨੀਆ ਨੂੰ ਸਦਾ ਲਈ ਅਲਵਿਦਾ ਕਹਿ ਗਏ। ਅੱਜ ਸਮੁੱਚਾ ਰਾਸ਼ਟਰ ਮਹਾਨ ਵਿਗਿਆਨੀ ਪ੍ਰਫੁਲ ਚੰਦਰ ਰਾਏ ਨੂੰ ਉਨ੍ਹਾਂ ਦੁਆਰਾ ਨਿਭਾਈਆਂ ਵਿਲੱਖਣ ਸੇਵਾਵਾਂ ਲਈ ਯਾਦ ਕਰ ਰਿਹਾ ਹੈ।

ਗ੍ਰੀਨ ਬਰੋ, ਸਾਹਮਣੇ ਅੰਬੇ ਵੈਲੀ, ਹੁਸ਼ਿਆਰਪੁਰ-146001
ਮੋਬਾਈਲ 94631-62825
E-mail: jassahota04@yahoo.com


ਖ਼ਬਰ ਸ਼ੇਅਰ ਕਰੋ

ਬਾਲ ਕਹਾਣੀ

ਮੋਤੀ

ਪਿੰਡ ਦੇ ਬਾਹਰਵਾਰ ਨਹਿਰ ਵਗਦੀ ਸੀ। ਨਹਿਰ ਦੇ ਪੁਲ ਲਾਗੇ ਝੁੱਗੀਆਂ ਸਨ। ਝੁੱਗੀਆਂ ਮੂਹਰੇ ਇੱਟਾਂ ਦੇ ਬਣੇ ਚੁੱਲ੍ਹਿਆਂ ਵਿਚੋਂ ਰੋਜ਼ ਧੂੰਆਂ ਹਵਾ 'ਚ ਉੱਡਦਾ। ਕਾਲੇ ਕਲੂਟੇ ਜੁਆਕ ਨਹਿਰ ਦੇ ਪੁਲ 'ਤੇ ਚੜ੍ਹੇ ਬੈਠੇ ਹੁੰਦੇ। ਮੋਤੀ ਉਨ੍ਹਾਂ ਵਿਚ ਸਭ ਤੋਂ ਛੋਟਾ ਸੀ।
ਨਹਿਰ 'ਤੇ ਕਈ ਕਾਰਾਂ ਤੇ ਸਕੂਟਰਾਂ ਵਾਲੇ ਆਉਂਦੇ। ਕੋਈ ਨਹਿਰ 'ਚ ਨਾਰੀਅਲ ਤਾਰ ਜਾਂਦਾ, ਕੋਈ ਹੋਰ ਨਿੱਕ-ਸੁੱਕ। ਨਾਰੀਅਲ ਤੈਰਦੇ ਦੇਖ ਕੇ ਝੁੱਗੀਆਂ ਵਾਲੇ ਮੁੰਡੇ ਨਹਿਰ ਵਿਚ ਛਾਲਾਂ ਮਾਰ ਦਿੰਦੇ। ਨਾਰੀਅਲ ਬਾਹਰ ਕੱਢ ਲਿਆਉਂਦੇ। ਉਧੇੜ ਕੇ ਭੰਨ ਲੈਂਦੇ। ਗਿਰੀ ਵੰਡ ਕੇ ਖਾਂਦੇ। ਕੋਈ ਉਨ੍ਹਾਂ ਨੂੰ ਪੁੱਛਦਾ, 'ਲੋਕ ਤਾਂ ਦੁੱਖਾਂ ਤੋਂ ਛੁਟਕਾਰਾ ਪਾਉਣ ਖ਼ਾਤਰ ਨਾਰੀਅਲ ਤਾਰਦੇ ਹਨ, ਤੁਸੀਂ ਕੱਢ ਕੇ ਗਿਰੀ ਖਾਂਦੇ ਹੋ। ਤੁਹਾਨੂੰ ਪਾਪ ਨਹੀਂ ਲੱਗਦਾ?'
'ਭੁੱਖ ਅੱਗੇ ਪਾਪ ਤੇ ਪੁੰਨ ਦਾ ਕੋਈ ਅਰਥ ਨਹੀਂ ਹੁੰਦਾ', ਉਨ੍ਹਾ 'ਚੋਂ ਵੱਡੀ ਉਮਰ ਦਾ ਇਕ ਮੁੰਡਾ ਬੋਲਿਆ।
ਮੁੜ ਕੇ ਉਨ੍ਹਾ ਨੂੰ ਕੋਈ ਸਵਾਲ ਹੀ ਨਾ ਪੁੱਛਦਾ।
ਇਕ ਦਿਨ ਮੈਂ ਦੇਖਿਆ ਸ਼ਾਮੀਂ ਝੁੱਗੀਆਂ ਵਾਲੇ ਮੁੰਡੇ, ਲੰਬੀ ਸੋਟੀ ਨਾਲ ਜਾਲੀਦਾਰ ਥੈਲਾ ਬੰਨ੍ਹ ਕੇ, ਨਹਿਰ ਵਿਚ ਲਟਕਾਈ ਬੈਠੇ ਸਨ। ਮੈਂ ਉਨ੍ਹਾਂ ਦੇ ਕੋਲ ਚਲਾ ਗਿਆ। ਮੈਂ ਉਨ੍ਹਾਂ ਨੂੰ ਪੁੱਛਿਆ, 'ਅੱਜ ਕਾਹਦੀ ਝਾਕ ਵਿਚ ਬੈਠੇ ਹੋ, ਅੱਜ ਤਾਂ ਨਾਰੀਅਲ ਵੀ ਕੋਈ ਨਹੀਂ ਤਰਦਾ?'
'ਮੱਛੀ ਫੜਨ ਲਈ ਕੁੰਡੀ ਲਾਈ ਹੈ', ਉਨ੍ਹਾਂ 'ਚੋਂ ਇਕ ਬੋਲਿਆ। ਮੇਰੇ ਮਨ ਵਿਚ ਇੱਕੋ ਸਮੇਂ ਕਿੰਨੇ ਹੀ ਸਵਾਲ ਉੱਭਰ ਆਏ। ਖਾਣ ਨੂੰ ਮੱਛੀ ਮੁਫਤ ਮਿਲ ਜਾਣ ਕਰਕੇ ਹੀ ਸ਼ਾਇਦ ਇਹ ਲੋਕ ਨਹਿਰਾਂ ਕੰਢੇ ਝੁੱਗੀਆਂ ਪਾਉਂਦੇ ਹੋਣ। ਠੰਢ ਵਿਚ ਵੀ ਇਨ੍ਹਾਂ ਦੇ ਜੁਆਕ ਕਿਉਂ ਨੰਗੇ ਹੀ ਘੁੰਮਦੇ ਰਹਿੰਦੇ ਹਨ?
ਮੈਂ ਤਾਂ ਘਰ ਮੁੜ ਆਇਆ ਸਾਂ। ਰਾਤੀਂ ਜ਼ੋਰ ਦੀ ਨ੍ਹੇਰੀ ਝੁੱਲੀ ਸੀ। ਝੁੱਗੀਆਂ ਉੱਪਰਲਾ ਕੱਪੜਾ ਹਵਾ ਵਿਚ ਉੱਡ ਗਿਆ ਸੀ। ਸਵੇਰੇ ਦੇਖਿਆ ਬਾਂਸ ਦੀਆਂ ਕਮਾਨ ਬਣੀਆਂ ਸੋਟੀਆਂ ਹੀ ਦਿਖਾਈ ਦੇ ਰਹੀਆਂ ਸਨ। ਰੁੱਖਾਂ ਦੇ ਟਾਹਣ ਵੀ ਟੁੱਟੇ ਸਨ। ਨਹਿਰ ਦੇ ਪੁਲ 'ਤੇ ਲੋਕਾਂ ਦਾ ਇਕੱਠ ਸੀ। ਮੋਤੀ ਦਾ ਬਾਪੂ ਲੋਕਾਂ ਨੂੰ ਦੱਸ ਰਿਹਾ ਸੀ-'ਰਾਤੀਂ ਨਹਿਰ ਵਿਚ ਪਾਣੀ ਪਤਾ ਨਹੀਂ ਕਿੱਥੋਂ ਆ ਗਿਆ। ਮੁੰਡਿਆਂ ਨੇ ਦੇਖਿਆ ਕਿ ਕੁੰਡੀ ਵਾਲੇ ਥੈਲੇ ਵਿਚ ਮੋਟੀ ਮੱਛੀ ਡਿਗੀ ਸੀ। ਪਲਾਂ ਵਿਚ ਥੈਲਾ ਸੋਟੀ ਨਾਲੋਂ ਅਲੱਗ ਹੋ ਕੇ ਪਾਣੀ ਵਿਚ ਰੁੜ੍ਹ ਗਿਆ ਸੀ। ਬੇਸਮਝ ਮੁੰਡੇ ਨਹਿਰ 'ਚ ਛਾਲਾਂ ਮਾਰ ਗਏ। ਡੁਬਕੀਆਂ ਖਾਂਦਾ ਥੈਲਾ ਅੱਗੇ ਤੇ ਸਾਡੇ ਜੁਆਕ ਪਿੱਛੇ। ਅਗਲੇ ਪੁਲ ਤੱਕ ਚਲੇ ਗਏ। ਨਾ ਥੈਲਾ ਮਿਲਿਆ ਨਾ ਮੱਛੀ। ਕੁਝ ਵੀ ਹੱਥ ਨਾ ਆਇਆ। ਕਹਿੰਦੇ ਮੋਤੀ ਨੇ ਵੀ ਛਲਾਂਗ ਲਗਾ ਦਿੱਤੀ ਸੀ। ਨਹਿਰ ਦਾ ਪਾਣੀ ਮੋਤੀ ਨੂੰ ਰੋੜ੍ਹ ਕੇ ਲੈ ਗਿਆ ਸੀ। ਬਥੇਰਾ ਭਾਲਿਆ ਕਿਤੇ ਨਹੀਂ ਲੱਭਿਆ। ਫੇਰ ਮੋਤੀ ਦਾ ਬਾਪੂ ਰੋਣ ਲੱਗਾ। ਲੋਕ ਉਸ ਨਾਲ ਹਮਦਰਦੀ ਜਤਾ ਰਹੇ ਸਨ।
ਦਿਨ ਚੜ੍ਹਿਆ, ਸਕੂਲ ਨੂੰ ਜਾਣ ਵਾਲੀ ਬੱਘੀ, ਨਹਿਰ ਦੇ ਪੁਲ ਉੱਪਰੋਂ ਲੰਘੀ। ਲੋਕੀਂ ਗੱਲਾਂ ਕਰ ਰਹੇ ਸਨ ਕਿ ਰਾਤੀਂ ਮੋਤੀ ਨੂੰ ਨਹਿਰ ਦਾ ਪਾਣੀ ਰੋੜ੍ਹ ਕੇ ਲੈ ਗਿਆ ਸੀ।
ਬੱਚਿਆਂ ਨੂੰ ਵੀ ਪਤਾ ਲੱਗ ਗਿਆ ਸੀ। ਬੱਚਿਆਂ 'ਚ ਘੁਸਰ-ਮੁਸਰ ਹੋਣ ਲੱਗੀ।
'ਓਹੀ ਮੁੰਡਾ ਮੋਤੀ ਹੋਣਾ, ਜੋ ਹਰ ਰੋਜ਼ ਸਾਡੀ ਬੱਘੀ ਵੱਲ ਦੇਖਦਾ ਹੁੰਦਾ ਸੀ', ਇਕ ਬੱਚੇ ਨੇ ਕਿਹਾ।
ਦੂਰ ਤੱਕ ਸਾਨੂੰ ਬਾਏ-ਬਾਏ ਕਰਦਾ ਹੁੰਦਾ ਸਾਂ ਉਹ। ਦੂਜੇ ਬੱਚੇ ਨੇ ਕਿਹਾ।
ਬੱਚਿਆਂ ਨੂੰ ਸਕੂਲ ਕਿਉਂ ਨਹੀਂ ਭੇਜਦੇ ਝੁੱਗੀਆਂ ਵਾਲੇ?ਤੀਜੇ ਬੱਚੇ ਨੇ ਸਵਾਲ ਕੀਤਾ।
ਜੇ ਇਨ੍ਹਾਂ ਦੇ ਬੱਚੇ ਸਕੂਲ ਪੜ੍ਹਨ ਲੱਗ ਪੈਣ, ਤਾਂ ਇਨ੍ਹਾਂ ਦੀ ਜੂਨ ਨਾ ਸੁਧਰ ਜਾਵੇ। ਬੱਚਿਆਂ ਦੀਆਂ ਗੱਲਾਂ ਵਿਚ ਬੱਘੀ ਵਾਲਾ ਵੀ ਸ਼ਾਮਿਲ ਹੋ ਗਿਆ ਸੀ।

-398-ਵਿਕਾਸ ਨਗਰ ਗਲੀ-10 ਪੱਖੋਵਾਲ ਰੋਡ ਲੁਧਿਆਣਾ-141013 ਪੰਜਾਬ।
ਮੋਬਾਈਲ : 97806-67686.

ਸਾਡਾ ਤਿਰੰਗਾ ਝੰਡਾ ਕਿਵੇਂ ਹੋਂਦ ਵਿਚ ਆਇਆ?

ਬੱਚਿਓ, ਜਰਮਨੀ 'ਚ ਰਹਿ ਕੇ ਆਜ਼ਾਦੀ ਦੀ ਲੜਾਈ ਪ੍ਰਤੀ ਸੰਘਰਸ਼ ਕਰ ਰਹੀ ਇਕ ਕ੍ਰਾਂਤੀਕਾਰੀ ਔਰਤ ਦਾ ਨਾਂਅ ਮੈਡਮ ਕਾਮਾ ਸੀ। ਉਸ ਸਮੇਂ ਭਾਰਤ 'ਚ ਅੰਗਰੇਜ਼ਾਂ ਦਾ ਰਾਜ ਹੋਣ ਕਰਕੇ ਭਾਰਤ ਵਿਚ ਅਤੇ ਵਿਦੇਸ਼ਾਂ 'ਚ ਵਸੇ ਭਾਰਤੀ ਅੰਗਰੇਜ਼ ਸਾਮਰਾਜ ਦਾ ਝੰਡਾ ਜਿਸ ਨੂੰ ਯੂਨੀਅਨ ਜੈੱਕ ਕਿਹਾ ਜਾਂਦਾ ਸੀ, ਹੀ ਲਹਿਰਾਉਂਦੇ ਸਨ ਪਰ ਮੈਡਮ ਕਾਮਾ ਨੂੰ ਇਹ ਗੱਲ ਉੱਕਾ ਹੀ ਪਸੰਦ ਨਹੀਂ ਸੀ। ਉਸ ਨੇ ਭਾਰਤ ਦਾ ਝੰਡਾ ਤਿਆਰ ਕਰਨ ਦੀ ਸੋਚੀ। ਉਸ ਵਲੋਂ ਤਿਆਰ ਕੀਤੇ ਝੰਡੇ ਵਿਚ ਲਾਲ, ਪੀਲੀ ਅਤੇ ਹਰੇ ਰੰਗ ਦੀਆਂ ਤਿੰਨ ਧਾਰੀਆਂ ਸਨ। ਸੰਨ 1916 ਤੱਕ ਤਾਂ ਆਜ਼ਾਦੀ ਲਈ ਸੰਘਰਸ਼ ਕਰ ਰਹੇ ਭਾਰਤੀਆਂ ਨੇ ਇਸੇ ਝੰਡੇ ਨੂੰ ਰਾਸ਼ਟਰੀ ਝੰਡਾ ਮੰਨੀ ਰੱਖਿਆ। ਸੰਨ 1917 ਵਿਚ ਹੋਮ-ਰੂਲ ਅੰਦੋਲਨ ਸਮੇਂ ਭਾਰਤੀ ਝੰਡੇ ਦਾ ਇਕ ਹੋਰ ਰੂਪ ਸਾਹਮਣੇ ਆਇਆ। ਲੋਕਮਾਨਿਆ ਬਾਲ ਗੰਗਾਧਰ ਤਿਲਕ ਅਤੇ ਮੈਡਮ ਐਨੀ ਬੇਸੈਂਟ ਵਲੋਂ ਬਣਾਏ ਇਸ ਝੰਡੇ ਵਿਚ ਲਾਲ ਰੰਗ ਦੀਆਂ ਪੰਜ ਪੱਟੀਆਂ, ਹਰੇ ਰੰਗ ਦੀਆਂ ਚਾਰ ਪੱਟੀਆਂ, ਜਿਸ ਦੇ ਸੱਜੇ ਪਾਸੇ ਚੰਦ-ਤਾਰੇ, ਵਿਚਕਾਰ ਲਾਲ ਰੰਗ ਦੇ ਤਾਰੇ ਅਤੇ ਛੋਟਾ ਜਿਹਾ ਯੂਨੀਅਨ ਜੈੱਕ ਵੀ ਸੀ ਪਰ ਕੁਝ ਮਹੀਨਿਆਂ ਬਾਅਦ ਹੀ ਇਹ ਝੰਡਾ ਵੀ ਅਸਵੀਕਾਰ ਕਰ ਦਿੱਤਾ ਗਿਆ। ਸੰਨ 1931 ਵਿਚ ਸਰਬ-ਪ੍ਰਵਾਨਿਤ ਅਤੇ ਲੋਕਪ੍ਰਿਆ ਰਾਸ਼ਟਰੀ ਝੰਡੇ ਦੇ ਨਿਰਮਾਣ ਲਈ ਆਲ ਇੰਡੀਆ ਕਾਂਗਰਸ ਕਮੇਟੀ ਵਲੋਂ ਸੱਤ ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਗਿਆ, ਜਿਸ ਨੇ ਸਭ ਦੀ ਰਾਏ ਅਤੇ ਬੜੇ ਸੋਚ-ਵਿਚਾਰ ਅਨੁਸਾਰ ਝੰਡੇ ਵਿਚ ਕੇਸਰੀ (ਲਾਲ) ਰੰਗ ਬਲੀਦਾਨ ਅਤੇ ਤਿਆਗ ਦਾ, ਸਫ਼ੈਦ ਰੰਗ ਸੱਚ ਅਤੇ ਸ਼ਾਂਤੀ ਦਾ, ਹਰਾ ਰੰਗ ਹਰਿਆਲੀ, ਖ਼ੁਸ਼ਹਾਲੀ ਅਤੇ ਵੀਰਤਾ ਦਾ ਪ੍ਰਤੀਕ ਦੱਸ ਕੇ ਵਿਆਖਿਆ ਕੀਤੀ ਗਈ ਸੀ। ਇਸ 'ਚ ਚਰਖੇ ਦਾ ਨਿਸ਼ਾਨ ਪਹਿਲਾਂ ਵਾਂਗ ਹੀ ਰਹਿਣ ਦਿੱਤਾ ਗਿਆ ਅਤੇ ਕਈ ਸਾਲਾਂ ਤੱਕ ਇਹੀ ਰਾਸ਼ਟਰੀ ਝੰਡਾ ਬਣਿਆ ਰਿਹਾ। 22 ਜੁਲਾਈ ਨੂੰ ਸਾਡੇ ਨੇਤਾਵਾਂ ਨੇ ਇਕ ਵਾਰ ਫਿਰ ਇਸ ਵਿਚ ਫੇਰਬਦਲ ਕਰਦਿਆਂ ਚਰਖੇ ਦੇ ਨਿਸ਼ਾਨ ਨੂੰ ਹਟਾ ਕੇ ਉਸ ਸਥਾਨ 'ਤੇ ਸਾਰਨਾਥ ਸਥਿਤ ਅਸ਼ੋਕ ਮਹਾਨ ਦੀ ਲਾਟ ਤੋਂ ਲਿਆ ਧਰਮ ਚੱਕਰ ਅੰਕਿਤ ਕਰ ਦਿੱਤਾ। ਸਫ਼ੈਦ ਪੱਟੀ ਦੇ ਵਿਚਕਾਰ ਪੱਟੀ ਦੀ ਚੌੜਾਈ ਦੇ ਬਰਾਬਰ ਵਿਆਸ ਵਾਲੇ ਇਸ ਚੱਕਰ ਵਿਚ 24 ਡੰਡੇ ਹੁੰਦੇ ਹਨ ਜੋ 24 ਘੰਟੇ ਹੀ ਦੇਸ਼, ਸਮਾਜ ਦੇ ਵਿਕਸਿਤ ਹੋਣ ਦੀ ਨਿਸ਼ਾਨੀ ਦਾ ਪ੍ਰਤੀਕ ਹੈ। 1947 ਤੋਂ ਬਾਅਦ ਇਸੇ ਝੰਡੇ ਨੂੰ ਹੀ ਸਰਬਸੰਮਤੀ ਨਾਲ ਆਜ਼ਾਦ ਭਾਰਤ ਦੇ ਰਾਸ਼ਟਰੀ ਝੰਡੇ ਦੇ ਰੂਪ ਵਜੋਂ ਸਵੀਕਾਰ ਕਰ ਲਿਆ ਗਿਆ। ਸਾਡਾ ਤਿਰੰਗਾ ਝੰਡਾ ਖੱਦਰ ਦੇ ਕੱਪੜੇ ਦਾ ਬਣਾਇਆ ਜਾਂਦਾ ਹੈ। ਇਸ ਦੀ ਲੰਬਾਈ 3 ਫੁੱਟ ਅਤੇ ਚੌੜਾਈ 2 ਫੁੱਟ ਦੇ ਹਿਸਾਬ ਨਾਲ ਹੀ ਆਕਾਰ ਵੱਧ-ਘੱਟ ਕੀਤਾ ਜਾ ਸਕਦਾ ਹੈ।

-ਮਸੀਤਾਂ ਰੋਡ, ਕੋਟ ਈਸੇ ਖਾਂ (ਜ਼ਿਲ੍ਹਾ ਮੋਗਾ)।
ਮੋਬਾਈਲ : 70870-48140.

ਬਾਲ ਨਾਵਲ-37

ਨਾਨਕਿਆਂ ਦਾ ਪਿੰਡ

(ਲੜੀ ਜੋੜਨ ਲਈ ਪਿਛਲੇ ਸਨਿਚਰਵਾਰ ਦਾ ਅੰਕ ਦੇਖੋ)
'ਅਸੀਂ ਐਹੋ ਹੀ ਦਾਲ-ਸਬਜ਼ੀ ਰਾਤੀਂ ਵੀ ਖਾ ਲਵਾਂਗੇ। ਪਰ ਹੁਣ ਚਾਵਲ ਹੀ ਜ਼ਿਆਦਾ ਖਾਵਾਂਗੇ।'
ਸਾਰੇ ਬੱਚੇ ਥਾਲੀਆਂ ਵਿਚ ਫੁਲਕੇ ਦੇ ਨਾਲ ਹੀ ਚਾਵਲ ਪਵਾ ਕੇ ਕਮਰੇ ਵਿਚ ਪੱਖੇ ਥੱਲੇ ਚਲੇ ਗਏ। ਉਨ੍ਹਾਂ ਨੇ ਪੂਰੀ ਤਸੱਲੀ ਨਾਲ ਗੁੜ ਵਾਲੇ ਚਾਵਲ ਖਾਧੇ। ਖਾਣਾ ਖਾ ਕੇ ਸਾਰਿਆਂ ਨੇ ਆਪੋ-ਆਪਣੇ ਜੂਠੇ ਭਾਂਡੇ ਰਸੋਈ ਵਿਚ ਰੱਖ ਕੇ, ਹੱਥ ਧੋਤੇ ਅਤੇ ਦੰਦ ਸਾਫ਼ ਕੀਤੇ।
ਆਪਣਾ ਮਨਪਸੰਦ ਖਾਣਾ ਖਾਅ ਕੇ, ਬੱਚੇ ਮਸਤੀ ਦੇ ਮੂਡ ਵਿਚ ਆ ਗਏ। ਹੁਣ ਉਨ੍ਹਾਂ ਨੂੰ ਪੜ੍ਹਾਈ ਜਾਂ ਆਰਾਮ ਕਰਨਾ ਭੁੱਲ ਚੁੱਕਾ ਸੀ। ਬਾਹਰ ਭਾਵੇਂ ਕਾਫ਼ੀ ਗਰਮੀ ਸੀ ਪਰ ਉਸ ਦੇ ਬਾਵਜੂਦ ਵੀ ਉਹ ਦਰੱਖ਼ਤਾਂ ਦੇ ਝੁੰਡ ਵੱਲ ਤੁਰ ਪਏ। ਨਾਨੀ ਜੀ ਨੇ ਉਨ੍ਹਾਂ ਨੂੰ ਬਥੇਰੀਆਂ ਆਵਾਜ਼ਾਂ ਮਾਰੀਆਂ ਪਰ ਉਹ 'ਹੁਣੇ ਆਉਂਦੇ ਹਾਂ', ਕਹਿ ਕੇ ਅੱਗੇ ਵੱਲ ਤੁਰੀ ਗਏ।
ਥੋੜ੍ਹੀ ਦੇਰ ਬਾਅਦ ਨਾਨੀ ਜੀ ਉਨ੍ਹਾਂ ਨੂੰ ਬੁਲਾਉਣ ਲਈ ਵੀ ਗਏ ਪਰ ਉਹ ਉਨੀ ਦੇਰ ਨਹੀਂ ਆਏ, ਜਿੰਨੀ ਦੇਰ ਤਕ ਉਹ ਪੂਰੀ ਤਰ੍ਹਾਂ ਥੱਕ ਨਹੀਂ ਗਏ। ਥੱਕਣ ਤੋਂ ਬਾਅਦ ਉਹ ਸਿੱਧਾ ਕਮਰੇ ਵਿਚ ਆਏ ਅਤੇ ਫੁਲ ਸਪੀਡ ਪੱਖਾ ਚਲਾ ਕੇ ਲੇਟ ਗਏ। ਉਨ੍ਹਾਂ ਨੇ ਇਕ ਦਮ ਸੌਂ ਜਾਣਾ ਸੀ ਜੇ ਨਾਨੀ ਜੀ ਆ ਕੇ ਉਨ੍ਹਾਂ ਨੂੰ ਨਾ ਕਹਿੰਦੇ, 'ਬੱਚਿਓ! ਐਸ ਵਕਤ ਨਾ ਸੌਣਾ, ਜੇ ਤੁਸੀਂ ਹੁਣ ਸ਼ਾਮ ਵੇਲੇ ਸੌਂ ਗਏ ਤਾਂ ਰਾਤੀ ਉਠੋਗੇ। ਮੈਂ ਤੁਹਾਨੂੰ ਦੁੱਧ ਗਰਮ ਕਰ ਦੇਂਦੀ ਹਾਂ, ਤੁਸੀਂ ਓਨੀਂ ਦੇਰ ਮੂੰਹ-ਹੱਥ ਧੋ ਕੇ ਸੁਸਤੀ ਲਾ ਦਿਓ। ਫੇਰ ਦੁੱਧ ਪੀ ਕੇ ਤੁਸੀਂ ਪੜ੍ਹਾਈ ਸ਼ੁਰੂ ਕਰ ਦਿਓ।'
'ਦਸ ਮਿੰਟ ਤਕ ਉਠਾਂਗੇ ਨਾਨੀ ਜੀ', ਜੀਤੀ ਨੇ ਨਾਨੀ ਜੀ ਨੂੰ ਕਿਹਾ।
'ਹੁਣ ਸੁਸਤੀ ਨਹੀਂ ਪਾਉਣੀ। ਤੁਹਾਨੂੰ ਸਵੇਰੇ ਨਾਨਾ ਜੀ ਨੇ ਵੀ ਕਿਹਾ ਸੀ ਕਿ 'ਸੁਸਤੀ ਬੜੀ ਭੈੜੀ ਚੀਜ਼ ਹੈ'। ਜਲਦੀ ਜਲਦੀ ਉੱਠ ਕੇ ਗੁਸਲਖਾਨੇ ਜਾਓ ਅਤੇ ਮੂੰਹ ਹੱਥ ਧੋਵੋ। ਮੈਂ ਦੁੱਧ ਲੈ ਕੇ ਆ ਰਹੀ ਆਂ।'
ਨਾਨੀ ਜੀ ਦੀ ਗੱਲ ਸੁਣ ਕੇ ਸੁਖਮਨੀ ਮੰਜੇ ਤੋਂ ਛਾਲ ਮਾਰ ਕੇ ਉੱਠ ਪਈ। ਉਸ ਨੂੰ ਵੇਖ ਕੇ ਬਾਕੀ ਬੱਚੇ ਵੀ ਉੱਠ ਕੇ ਆਕੜਾਂ ਭੰਨਦੇ ਮੂੰਹ ਧੋਣ ਚਲੇ ਗਏ।
ਦੁੱਧ ਪੀ ਕੇ ਉਹ ਨਾਨੀ ਜੀ ਦੇ ਕਹਿਣ 'ਤੇ ਬੱਧੋ-ਰੁੱਧੀ ਪੜ੍ਹਨ ਬੈਠ ਗਏ। ਉਹ ਅਜੇ ਪੰਦਰਾਂ ਕੁ ਮਿੰਟ ਹੀ ਪੜ੍ਹੇ ਸਨ ਕਿ ਉਨ੍ਹਾਂ ਨੂੰ ਫੇਰ ਸੁਸਤੀ ਪੈਣੀ ਸ਼ੁਰੂ ਹੋ ਗਈ। ਸੁਖਮਨੀ ਨੇ ਕਿਤਾਬ ਬੰਦ ਕਰਕੇ ਲਿਖਣ ਵਾਲਾ ਕੰਮ ਸ਼ੁਰੂ ਕਰ ਦਿੱਤਾ। ਉਸ ਨੂੰ ਵੇਖ ਕੇ ਜੀਤੀ ਅਤੇ ਪੰਮੀ ਵੀ ਸਕੂਲ ਦਾ ਲਿਖਣ ਵਾਲਾ ਕੰਮ ਕਰਨ ਲੱਗੀਆਂ ਪਰ ਅੱਜ ਉਨ੍ਹਾਂ ਦਾ ਮਨ ਪੜ੍ਹਾਈ ਵਿਚ ਨਹੀਂ ਸੀ ਲੱਗ ਰਿਹਾ। ਸੋ ਉਨ੍ਹਾਂ ਨੇ ਕਾਪੀਆਂ-ਕਿਤਾਬਾਂ ਸਾਂਭ ਦਿੱਤੀਆਂ ਅਤੇ ਆਪ ਬਾਹਰ ਵਿਹੜੇ ਵਿਚ ਆ ਗਏ।
ਅੱਜ ਨਾਨਾ ਜੀ ਘਰ ਨਾ ਹੋਣ ਕਰਕੇ, ਉਨ੍ਹਾਂ ਦਾ ਦਿਲ ਨਹੀਂ ਸੀ ਲੱਗ ਰਿਹਾ। ਉਹ ਕਦੀ ਅੰਦਰ ਆਉਂਦੇ ਅਤੇ ਕਦੀ ਬਾਹਰ ਜਾਂਦੇ। ਉਹ ਦੋ ਵਾਰੀ ਗਵਾਂਢੀਆਂ ਦੇ ਘਰੋਂ ਵੀ ਹੋ ਆਏ। ਉਨ੍ਹਾਂ ਦੇ ਬੱਚੇ ਵੀ ਕਿਤੇ ਗਏ ਹੋਏ ਸਨ। ਥੋੜ੍ਹੀ ਦੇਰ ਬਾਅਦ ਉਹ ਆਪਸ ਵਿਚ ਖੇਡਣ ਲੱਗ ਪਏ। ਖੇਡਦਿਆਂ ਖੇਡਦਿਆਂ ਉਨ੍ਹਾਂ ਨੇ ਨਾਨੀ ਜੀ ਨੂੰ ਇਕ ਦੂਜੇ ਦੀਆਂ ਸ਼ਿਕਾਇਤਾਂ ਵੀ ਲਗਾਈਆਂ।
ਹਨੇਰਾ ਹੁੰਦਿਆਂ ਹੀ ਨਾਨੀ ਜੀ ਨੇ ਬੱਚਿਆਂ ਨੂੰ ਕਿਹਾ ਕਿ 'ਹੁਣੇ ਤੁਹਾਡੇ ਨਾਨਾ ਜੀ ਦਾ ਫ਼ੋਨ ਆਇਐ ਕਿ ਉਹ ਰਾਤੀਂ ਥੋੜ੍ਹਾ ਲੇਟ ਆਉਣਗੇ। ਸੋ ਤੁਸੀਂ ਅੱਜ ਰੋਟੀ ਖਾ ਕੇ ਵੇਲੇ ਸਿਰ ਸੌਂ ਜਾਣਾ।'
'ਅਸੀਂ ਅੱਜ ਕਹਾਣੀ ਕਿਸ ਕੋਲੋਂ ਸੁਣਾਂਗੇ?' ਨਵਰਾਜ ਨੇ ਹੌਲੀ ਜਿਹੀ ਕਿਹਾ।
'ਤੁਸੀਂ ਇਕ ਦਿਨ ਕਹਾਣੀ ਨਾ ਸੁਣਨੀ। ਕਹਾਣੀ ਸੁਣਨ ਤੋਂ ਬਿਨਾਂ ਹੀ ਸੌਂ ਜਾਣਾ।'
'ਨਾਨੀ ਜੀ, ਅੱਜ ਤੁਸੀਂ ਕੋਈ ਕਹਾਣੀ ਸੁਣਾ ਦਿਓ', ਸੁਖਮਨੀ ਨੇ ਕਿਹਾ।
'ਬੇਟਾ, ਕਹਾਣੀਆਂ ਤੁਹਾਡੇ ਨਾਨਾ ਜੀ ਨੂੰ ਹੀ ਆਉਂਦੀਆਂ ਹਨ, ਮੈਨੂੰ ਕੋਈ ਕਹਾਣੀ ਨਹੀਂ ਆਉਂਦੀ।' ਨਾਨੀ ਜੀ ਨੇ ਬੜੀ ਮੁਸ਼ਕਲ ਬੱਚਿਆਂ ਨੂੰ ਟਾਲਿਆ।
ਰਾਤ ਦੀ ਰੋਟੀ ਖਾ ਕੇ ਬੱਚੇ ਵੇਲੇ ਸਿਰ ਹੀ ਲੇਟ ਗਏ। ਸਾਰੇ ਦਿਨ ਦੀ ਥਕਾਵਟ ਹੋਣ ਕਰਕੇ ਬੱਚੇ ਜਲਦੀ ਹੀ ਸੌਂ ਗਏ।
ਰਾਤੀਂ ਨਾਨਾ ਜੀ ਜਦੋਂ ਘਰ ਆਏ ਤਾਂ ਬੱਚੇ ਘੋੜੇ ਵੇਚ ਕੇ ਸੁੱਤੇ ਪਏ ਸਨ।
(ਬਾਕੀ ਅਗਲੇ ਸਨਿਚਰਵਾਰ ਦੇ ਅੰਕ 'ਚ)

-ਮੋਬਾਈਲ : 98889-24664

ਬਾਲ ਕਵਿਤਾ

ਕੋਰੋਨਾ

ਕੋਰੋਨਾ ਆਇਆ ਕੋਰੋਨਾ ਆਇਆ,
ਜਨਤਾ ਨੂੰ ਹੈ ਬਹੁਤ ਸਤਾਇਆ।
ਅੰਦਰ ਰਹਿਣ ਦੀ ਕੀਤੀ ਅਪੀਲ,
ਹੋਈਆਂ ਸਾਰੀਆਂ ਸਰਹੱਦਾਂ ਸੀਲ।
ਸਾਰੇ ਕੰਮ ਧੰਦੇ ਹੋ ਗਏ ਠੱਪ,
ਜਿਵੇਂ ਸੁੰਘ ਗਿਆ ਹੋਵੇ ਕੋਈ ਸੱਪ।
ਮਰੀਜ਼ਾਂ ਦੀ ਗਿਣਤੀ ਵਿਚ ਵਾਧਾ ਹੋਇਆ,
ਕਿਸੇ ਤੋਂ ਵੀ ਇਹ ਰੋਕ ਨਾ ਹੋਇਆ।
ਬੰਦ ਹੋਈ ਆਵਾਜਾਈ,
ਕੋਈ ਵੀ ਨਹੀਂ ਕਰ ਰਿਹਾ ਕਾਰਵਾਈ।
ਕਈ ਭੁੱਲ ਗਏ ਸਾਰੇ ਸੰਸਕਾਰ,
ਇਨਸਾਨੀਅਤ ਵੀ ਹੋਈ ਸ਼ਰਮਸਾਰ।
ਢਾਡਿਆ ਰੱਬਾ ਇਹ ਕੀ ਕੀਤਾ,
ਆਪਣਿਆਂ ਨੂੰ ਆਪਣਿਆਂ ਤੋਂ ਦੂਰ ਕੀਤਾ।
ਕੋਰੋਨਾ ਦਾ ਕੋਈ ਇਲਾਜ ਨਾ ਲੱਭਿਆ,
ਸਾਰਾ ਜੱਗ ਕੋਸ਼ਿਸ਼ ਕਰ ਹੰਭਿਆ।
ਮਾਸਕ ਦੀ ਵਰਤੋਂ ਹੈ ਬਹੁਤ ਜ਼ਰੂਰੀ,
ਇਕ ਦੂਜੇ ਤੋਂ ਰੱਖੋ ਇਕ ਮੀਟਰ ਦੂਰੀ।
ਇਲਾਜ ਨਾਲੋਂ ਪ੍ਰਹੇਜ਼ ਹੀ ਚੰਗਾ,
ਸਮਝ ਲਵੇ ਜੇ ਹਰ ਬੰਦਾ।
ਕੁਦਰਤ ਐਸਾ ਖੇਲ ਰਚਾਇਆ,
ਭੁੱਲਿਆਂ ਨੂੰ ਵੀ ਰੱਬ ਚੇਤੇ ਆਇਆ।
'ਸੈਣੀ', ਰੱਬ ਅੱਗੇ ਕਰੇ ਅਰਦਾਸ,
ਐਸਾ ਕਰ ਕੋਈ ਚਮਤਕਾਰ,
ਹੱਸਦੇ-ਵੱਸਦੇ ਰਹਿਣ ਪਰਿਵਾਰ।

-ਦਲਜੀਤ ਸਿੰਘ ਸੈਣੀ
ਈ.ਟੀ.ਟੀ. ਅਧਿਆਪਕ, ਸਪ੍ਰਸ ਮੀਰਾਂਪੁਰ ਗੁਜਰਾਤਾਂ, ਬਲਾਕ ਫਗਵਾੜਾ-2, ਜ਼ਿਲ੍ਹਾ ਕਪੂਰਥਲਾ।

ਲੋਹੇ ਨੂੰ ਜੰਗਾਲ ਕਿਉਂ ਲਗਦਾ ਹੈ?

ਜੰਗ ਇਕ ਭੂਰਾ ਲਾਲ ਪਦਾਰਥ ਹੈ ਜੋ ਲੋਹੇ ਅਤੇ ਇਸਪਾਤ ਨਾਲ ਬਣੀ ਸਤ੍ਹਾ 'ਤੇ ਉਸ ਸਮੇਂ ਬਣਦਾ ਹੈ ਜਦੋਂ ਉਹ ਸਲ੍ਹਾਬਾ ਭਰਪੂਰ ਹਵਾ 'ਚ ਕਾਫ਼ੀ ਸਮਾਂ ਰਹਿੰਦੀ ਹੈ। ਜੰਗਾਲ ਆਇਰਨ ਆਕਸਾਈਡ (6e੨®੩) ਦੀ ਇਕ ਹਾਈਡ੍ਰੇਟਿਡ ਕਿਸਮ ਹੈ। ਜੰਗ ਉਦੋਂ ਲਗਦਾ ਹੈ ਜਦੋਂ ਹਵਾ 'ਚ ਮੌਜੂਦ ਆਕਸੀਜਨ ਇਕ ਪ੍ਰਕਿਰਿਆ ਦੁਆਰਾ ਲੋਹੇ ਨਾਲ ਮਿਲ ਜਾਂਦਾ ਹੈ, ਜਿਸ ਨੂੰ ਆਕਸੀਜਨ ਕਿਹਾ ਜਾਦਾ ਹੈ, ਉਸ ਨੂੰ ਕੋਰੋਜ਼ਨ ਵੀ ਕਿਹਾ ਜਾਂਦਾ ਹੈ ਪਰ ਜੰਗ ਲੱਗਣਾ ਸਿਰਫ਼ ਆਕਸੀਡੇਸ਼ਨ ਦੀ ਪ੍ਰਕਿਰਿਆ ਨਹੀਂ ਹੈ ਕਿਉਂਕਿ ਇਸ ਤਬਦੀਲੀ ਲਈ ਨਮੀ ਦਾ ਹੋਣਾ ਵੀ ਜ਼ਰੂਰੀ ਹੈ। ਜੰਗ ਦੀ ਪੇਚੀਦਾ ਪ੍ਰਕਿਰਿਆ ਇਕ ਇਲੈਕਟ੍ਰੋਕੈਮੀਕਲ ਪ੍ਰਤੀਕਿਰਿਆ ਹੈ ਜਿਸ ਨੂੰ ਸਾਲਟਸ ਅਤੇ ਐਸਿਡਾਂ ਦੀ ਮੌਜੂਦਗੀ ਕਾਰਨ ਬਲ ਮਿਲਦਾ ਹੈ। ਇਹੀ ਕਾਰਨ ਹੈ ਕਿ ਤਟੀ ਖੇਤਰਾਂ ਅਤੇ ਉਦਯੋਗਿਕ ਖੇਤਰਾਂ, ਜਿਥੇ ਹਵਾ 'ਚ ਸਲਫ਼ਰ ਡਾਇਆਕਸਾਈਡ ਦੇ ਕਣ ਮੌਜੂਦ ਹੋਣ, 'ਚ ਜੰਗ ਲੱਗਣ ਦੀ ਪ੍ਰਕਿਰਿਆ ਬਹੁਤ ਜ਼ਿਆਦਾ ਅਤੇ ਤੇਜ਼ੀ ਨਾਲ ਹੁੰਦੀ ਹੈ। ਜੰਗ ਨਾ ਸਿਰਫ਼ ਧਾਤੂ ਦੀ ਸਤ੍ਹਾ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ ਸਗੋਂ ਉਸ ਨੂੰ ਕੰਮਜ਼ੋਰ ਵੀ ਬਣਾ ਦਿੰਦਾ ਹੈ। ਨੁਕਸਾਨ ਹੋਣ ਵਾਲੀ ਧਾਤੂ 'ਚ ਛੋਟੇ-ਛੋਟੇ ਸੈੱਲ ਬਣ ਜਾਂਦੇ ਹਨ। ਇਹ ਮੁੱਖ ਤੌਰ 'ਤੇ ਧਾਤੂ ਦੇ ਕੰਢਿਆਂ 'ਤੇ ਸ਼ੁਰੂ ਹੁੰਦਾ ਹੈ। ਲੰਮੇ ਸਮੇਂ ਤਕ ਨਮੀ ਭਰਪੂਰ ਹਵਾ 'ਚ ਰਹਿਣ ਨਾਲ ਲੋਹੇ ਦੀਆਂ ਵਸਤੂਆਂ ਅਤੇ ਲੋਹੇ ਦੀਆਂ ਸ਼ੀਟਸ 'ਚ ਮੌਜੂਦ ਛੇਕਾਂ 'ਚ ਜੰਗ ਲੱਗ ਜਾਂਦਾ ਹੈ।
ਗ੍ਰਾਇੰਡਿੰਗ ਏਬ੍ਰੇਸਿਬਸ ਦਾ ਇਸਤੇਮਾਲ ਕਰ ਕੇ ਲੋਹੇ ਜਾਂ ਇਸਪਾਤ ਨੂੰ ਘਸਾਉਣ ਨਾਲ ਜੰਗ ਨੂੰ ਹਟਾਇਆ ਜਾ ਸਕਦਾ ਹੈ। ਜੰਗ ਤੋਂ ਬਚਣ ਲਈ ਦੋ ਜ਼ਰੂਰੀ ਵਿਧੀਆਂ ਹਨ। ਲੋਹੇ ਜਾਂ ਇਸਪਾਤ 'ਤੇ ਪੇਂਟ, ਪਲਾਸਟਿਕ ਜਾਂ ਕਿਸੇ ਦੂਸਰੀ ਜੰਗਰੋਧੀ ਧਾਤੂ ਦੀ ਪਰਤ ਚੜ੍ਹਾਈ ਜਾਵੇ ਜਿਵੇਂ ਕਿ ਟਿਨ (ਕਲਈ) ਜਾਂ ਜ਼ਿੰਕ (ਜਿਸਤ) ਤਾਂ ਕਿ ਆਕਸੀਜਨ ਨੂੰ ਹੇਠਾਂ ਲੋਹੇ ਜਾਂ ਇਸਪਾਤ ਤਕ ਪਹੁੰਚਣ ਤੋਂ ਰੋਕਿਆ ਜਾ ਸਕੇ। ਰਸਾਇਣਕ ਪਰਤ ਚੜ੍ਹੇ ਕਾਗਜ਼ ਨੂੰ ਵੀ ਧਾਤੂਆਂ ਨਾਲ ਬਣੀਆਂ ਵਸਤੂਆਂ ਦੇ ਆਲੇ-ਦੁਆਲੇ ਲਪੇਟਣ ਨਾਲ ਉਨ੍ਹਾਂ ਨੂੰ ਜੰਗ ਤੋਂ ਬਚਾਇਆ ਜਾ ਸਕਦਾ ਹੈ। ਧਾਤੂ ਨੂੰ ਨਿਕਲ ਅਤੇ ਕ੍ਰੋਮਿਯਮ ਵਰਗੀ ਛਿੱਜਣ ਨੂੰ ਰੋਕਣ ਵਾਲੀਆਂ ਧਾਤੂਆਂ ਦੇ ਨਾਲ ਮਿਸ਼ਰਤ ਵੀ ਕੀਤਾ ਜਾ ਸਕਦਾ ਹੈ।

-ਪਿੰਡ ਸੋਹੀਆਂ, ਡਾਕ: ਚੀਮਾਂ ਖੁੱਡੀ,
ਜ਼ਿਲ੍ਹਾ ਗੁਰਦਾਸਪੁਰ।

ਬਾਲ ਕਵਿਤਾ

ਰੁੱਖਾਂ ਦੇ ਘੇਰੇ

ਚੰਗੇ ਬੜੇ ਲੱਗਦੇ ਰੁੱਖਾਂ ਦੇ ਘੇਰੇ,
ਚਹਿਕਣ ਪੰਛੀ ਜਿਥੇ ਸੁਬਹ ਸਵੇਰੇ।
ਤੁਰੇ ਜਾਂਦੇ ਰਾਹੀ ਨੂੰ ਦਿੰਦੇ ਛਾਵਾਂ,
ਲੱਗੇ ਜਿਵੇਂ ਸਿਰ ਤੇ ਮਾਂ ਦਾ ਪਰਛਾਵਾਂ।
ਵਾਤਾਵਰਨ ਨੂੰ ਸੁਗੰਧਿਤ ਨੇ ਕਰਦੇ,
ਮਹਿਕਾਂ ਨਾਲ ਨੇ ਝੋਲੀਆਂ ਭਰਦੇ।
ਰਿਸ਼ਤਾ ਰੁੱਖਾਂ ਨਾਲ ਗੂੜ੍ਹਾ ਰੱਖੀਏ,
ਮਾੜਾ ਇਨ੍ਹਾਂ ਦਾ ਕਦੇ ਨਾ ਤੱਕੀਏ।
ਕੁਦਰਤ ਦਾ ਰੁੱਖ ਆਸ਼ੀਰਵਾਦ ਨੇ,
ਕਈ ਜੰਗਲ ਬਸਤੀਆਂ ਆਬਾਦ ਨੇ।
ਕਦੇ ਰੁੱਖਾਂ ਤੋਂ ਮੂੰਹ ਨਾ ਮੋੜੀਏ,
ਮੋਹ ਪਿਆਰ ਇਨ੍ਹਾਂ ਨਾਲ ਜੋੜੀਏ।
ਹਵਾ ਵਿਚ ਮਸਤੀ ਨਾਲ ਲਹਿਰਾਉਂਦੇ,
ਗੱਭਰੂ ਜਿਵੇਂ ਭੰਗੜੇ ਨੇ ਪਾਉਂਦੇ।
ਬਣੀਏ ਆਪਾਂ ਰੁੱਖਾਂ ਦੇ ਕਦਰਦਾਨ,
ਧਰਤੀ ਅੰਬਰ 'ਵਿਵੇਕ' ਹੋਵੇ ਮੇਹਰਬਾਨ।

-ਵਿਵੇਕ
ਕੋਟ ਈਸੇ ਖਾਂ, ਮੋਗਾ।
ਮੋਬਾਈਲ : 94633-84051.

ਗੀਤ

ਕੀ-ਕੀ ਸਿਫ਼ਤ ਸੁਣਾਈਏ ਆਪਾਂ,
ਵਤਨ ਪਿਆਰੇ ਦੀ।
ਸਵਰਗ ਤੋਂ ਸੋਹਣਾ ਦਿਸਦਾ ਜਿੱਥੇ,
ਅਜਬ ਨਜ਼ਾਰੇ ਦੀ।
ਰਹਿਣ ਰੁਮਕਦੀਆਂ ਪੌਣਾਂ ਇਥੇ,
ਖਿੜੀਆਂ ਦਿਸਣ ਬਹਾਰਾਂ।
ਦੇਸ਼ ਭਗਤੀ ਦਾ ਜਜ਼ਬਾ ਉੱਠੇ,
ਜਦ ਗਾਉਂਦੇ ਹਾਂ ਵਾਰਾਂ।
ਦਰ-ਦਰ ਤੱਕ ਫ਼ੈਲ ਗਈ ਹੈ,
ਮਹਿਕ ਕਿਆਰੇ ਦੀ।
ਕੀ-ਕੀ ਸਿਫ਼ਤ....
ਸੋਨੇ ਰੰਗੀ ਫ਼ਸਲ ਵੇਖ ਲਓ,
ਚਾਂਦੀ ਵਰਗਾ ਪਾਣੀ।
ਦੇਸ਼ ਮੇਰੇ ਦੀ ਸ਼ਾਨ ਨਿਰਾਲੀ,
ਅਨੋਖੀ ਬੜੀ ਕਹਾਣੀ।
ਮੂੰਹ ਦੇ ਬੋਲ ਪੁਗਾਵਣ ਸਾਰੇ,
ਗੱਲ ਨਾ ਲਾਰੇ ਦੀ।
ਕੀ-ਕੀ ਸਿਫ਼ਤ....
ਰੁਤਬਾ ਬੜਾ ਮਹਾਨ।
'ਭੱਟੀ' ਦੂਸਰੀ ਏ ਗੱਲ ਆਖੀ ਜਿਹੜੀ,
ਵਜ਼ਨ ਹੈ ਭਾਰੇ ਦੀ।
ਕੀ-ਕੀ ਸਿਫ਼ਤ....

-ਕੁੰਦਨ ਲਾਲ ਭੱਟੀ
ਮੋਬਾਈਲ : 94785-90189

ਬਾਲ ਕਵਿਤਾ

ਲੁਕਣਮਚਾਈ

ਚੰਦ ਸੂਰਜ ਤਾਂ ਕਹਿਣ ਲੱਗੇ,
ਗੱਲ ਸੁਣ ਲੈ ਤੂੰ ਧਰਤੀ ਮਾਈ।
ਅਸੀਂ ਤੇਰੇ ਨਾਲ ਖੇਡਣਾ ਚਾਹੁੰਦੇ,
ਦੋਨੇਂ ਜਣੇ ਹਾਂ ਲੁਕਣਮਚਾਈ।
ਧਰਤੀ ਸੁਣ ਕੇ ਗੱਲ ਦੋਨਾਂ ਦੀ,
ਮਨ ਹੀ ਮਨ ਦੇ ਵਿਚ ਮੁਸਕਾਈ,
ਜਦੋਂ ਖੇਡਣ ਸੀ ਦੋਨੋਂ ਲੱਗੇ,
ਸੂਰਜ ਛੁਪ ਗਿਆ ਰਾਤ ਸੀ ਆਈ।
ਨਿਕਲ ਆਏ ਸੀ ਚੰਦ ਤੇ ਤਾਰੇ,
ਧਰਤੀ ਵੱਲ ਨੂੰ ਤੱਕਣ ਭਾਈ।
ਸੂਰਜ ਕਿੱਥੇ ਲੱਭਣ ਲੱਗੇ,
ਕੰਨ 'ਚ ਦੱਸਦੇ ਧਰਤੀ ਮਾਈ,
ਪੁੱਛਦੇ-ਪੁਛਾਉਂਦੇ ਰਾਤ ਬੀਤ ਗਈ।
ਐਨੇ ਨੂੰ ਫੇਰ ਸੂਰਜ ਚੜ੍ਹਿਆ,
ਹੋਈ ਰੌਸ਼ਨੀ ਧਰਤੀ ਉੱਤੇ,
ਸੂਰਜ ਆ ਧਰਤੀ ਕੋਲ ਖੜ੍ਹਿਆ,
ਧਰਤੀ ਦੁਆਲੇ ਘੁੰਮਦੇ ਰਹਿੰਦੇ।
ਬੱਚਿਓ ਵੇਖੋ ਗ੍ਰਹਿ ਨੇ ਸਾਰੇ,
'ਪਰਵਿੰਦਰ' ਵੇਖੇ ਲੁਕਣਮਚਾਈ।
ਖੇਡ ਸੂਰਜ ਚੰਦ ਤੇ ਤਾਰੇ।

-ਪਰਵਿੰਦਰ ਕੌਰ ਸੁੱਖ
ਮੋਬਾਈਲ : 81960-63335.



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX