ਤਾਜਾ ਖ਼ਬਰਾਂ


ਭਾਜਪਾ 'ਚ ਸ਼ਾਮਲ ਹੋਏ ਕਰਤਾਰ ਸਿੰਘ ਭੜਾਨਾ
. . .  12 minutes ago
ਨਵੀਂ ਦਿੱਲੀ, 18 ਅਕਤੂਬਰ- ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੇ ਨੇਤਾ ਕਰਤਾਰ ਸਿੰਘ ਭੜਾਨਾ ਅੱਜ ਭਾਜਪਾ 'ਚ ਸ਼ਾਮਲ ਹੋ ਗਏ। ਉਨ੍ਹਾਂ ਨੇ ਮੁਰੈਨਾ ਸੀਟ ਤੋਂ ਕੇਂਦਰੀ...
ਅਕਾਲੀ ਆਗੂ ਜਥੇਦਾਰ ਪਰਮਜੀਤ ਸਿੰਘ ਰਾਏਪੁਰ ਨੇ ਫੜਿਆ ਕਾਂਗਰਸ ਦਾ 'ਹੱਥ'
. . .  22 minutes ago
ਫਗਵਾੜਾ, 18 ਅਕਤੂਬਰ (ਤਰਨਜੀਤ ਸਿੰਘ ਕਿੰਨੜਾ)- ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਅਤੇ ਇੰਪਰੂਵਮੈਂਟ ਟਰੱਸਟ ਜਲੰਧਰ ਦੇ ਸਾਬਕਾ ਚੇਅਰਮੈਨ ਜਥੇਦਾਰ ਪਰਮਜੀਤ ਸਿੰਘ ਰਾਏਪੁਰ...
ਧਾਲੀਵਾਲ ਦੇ ਹੱਕ 'ਚ ਕੈਪਟਨ ਵਲੋਂ ਫਗਵਾੜਾ 'ਚ ਰੋਡ ਸ਼ੋਅ
. . .  38 minutes ago
ਫਗਵਾੜਾ, 18 ਅਕਤੂਬਰ (ਹਰੀਪਾਲ ਸਿੰਘ)- ਵਿਧਾਨ ਸਭਾ ਹਲਕਾ ਫਗਵਾੜਾ ਦੀ ਜ਼ਿਮਨੀ ਚੋਣ ਨੂੰ ਲੈ ਕੇ ਅੱਜ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਕਾਂਗਰਸ...
ਹਰਿਆਣਾ 'ਚ ਸੋਨੀਆ ਗਾਂਧੀ ਦੀ ਰੈਲੀ ਰੱਦ, ਰਾਹੁਲ ਗਾਂਧੀ ਸੰਭਾਲਣਗੇ ਮੋਰਚਾ
. . .  48 minutes ago
ਨਵੀਂ ਦਿੱਲੀ, 19 ਅਕਤੂਬਰ- ਕਾਂਗਰਸ ਦੀ ਅੰਤਰਿਮ ਪ੍ਰਧਾਨ ਸੋਨੀਆ ਗਾਂਧੀ ਦਾ ਅੱਜ ਹਰਿਆਣਾ ਦੇ ਮਹਿੰਦਰਗੜ੍ਹ ਦਾ ਦੌਰਾ ਰੱਦ ਹੋ ਗਿਆ ਹੈ। ਉਨ੍ਹਾਂ ਵਲੋਂ ਇੱਥੇ ਇੱਕ ਚੋਣ ਰੈਲੀ ਨੂੰ...
ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਤੋਂ ਅਗਲੇ ਪੜਾਅ ਲਈ ਰਵਾਨਾ ਹੋਇਆ ਕੌਮਾਂਤਰੀ ਨਗਰ ਕੀਰਤਨ
. . .  about 1 hour ago
ਤਲਵੰਡੀ ਸਾਬੋ, 18 ਅਕਤੂਬਰ (ਰਣਜੀਤ ਸਿੰਘ ਰਾਜੂ)- ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਗੁਰਦੁਆਰਾ ਸ੍ਰੀ ਨਨਕਾਣਾ ਸਾਹਿਬ ਤੋਂ ਆਰੰਭ ਹੋਇਆ ਕੌਮਾਂਤਰੀ ਨਗਰ ਕੀਰਤਨ...
ਪੀ. ਐੱਮ. ਸੀ. ਬੈਂਕ ਦੇ ਖਾਤਾ ਧਾਰਕਾਂ ਨੂੰ ਝਟਕਾ, ਸੁਪਰੀਮ ਕੋਰਟ ਵਲੋਂ ਸੁਣਵਾਈ ਤੋਂ ਇਨਕਾਰ
. . .  about 1 hour ago
ਨਵੀਂ ਦਿੱਲੀ, 18 ਅਕਤੂਬਰ- ਪੰਜਾਬ ਐਂਡ ਮਹਾਰਾਸ਼ਟਰ ਕੋਆਪ੍ਰੇਟਿਵ (ਪੀ. ਐੱਮ. ਸੀ.) ਬੈਂਕ ਦੇ ਖਾਤਾ ਧਾਰਕਾਂ ਨੂੰ ਅੱਜ ਸੁਪਰੀਮ ਕੋਰਟ ਤੋਂ ਝਟਕਾ ਲੱਗਾ ਹੈ। ਸੁਪਰੀਮ ਕੋਰਟ ਨੇ ਇਸ ਸੰਬੰਧੀ ਦਾਇਰ ਪਟੀਸ਼ਨ...
ਆਸਾਮ ਐੱਨ. ਆਰ. ਸੀ. ਦੇ ਕੋਆਰਡੀਨੇਟਰ ਪ੍ਰਤੀਕ ਹੇਜਲਾ ਦਾ ਤਬਾਦਲਾ, ਸੁਪਰੀਮ ਕੋਰਟ ਨੇ ਜਾਰੀ ਕੀਤਾ ਹੁਕਮ
. . .  about 1 hour ago
ਨਵੀਂ ਦਿੱਲੀ, 18 ਅਕਤੂਬਰ- ਸੁਪਰੀਮ ਕੋਰਟ ਨੇ ਆਸਾਮ ਨੈਸ਼ਨਲ ਰਜਿਸਟਰ ਆਫ਼ ਸਿਟੀਜਨਜ਼ (ਐੱਨ. ਆਰ. ਸੀ.) ਦੇ ਕੋਆਰਡੀਨੇਟਰ ਪ੍ਰਤੀਕ ਹੇਜਲਾ ਦਾ ਮੱਧ ਪ੍ਰਦੇਸ਼ 'ਚ ਤਬਾਦਲਾ...
ਪੁਲਿਸ ਨੇ ਹਿਰਾਸਤ 'ਚ ਲਏ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ
. . .  about 1 hour ago
ਤਲਵੰਡੀ ਸਾਬੋ, 18 ਅਕਤੂਬਰ (ਰਣਜੀਤ ਸਿੰਘ ਰਾਜੂ)- ਸਰਬੱਤ ਖ਼ਾਲਸਾ ਵਲੋਂ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਥਾਪੇ ਗਏ ਭਾਈ ਬਲਜੀਤ ਸਿੰਘ ਖ਼ਾਲਸਾ ਦਾਦੂਵਾਲ ਨੂੰ ਅੱਜ ਇੱਥੇ...
ਅਗਲੇ ਚੀਫ਼ ਜਸਟਿਸ ਲਈ ਜਸਟਿਸ ਬੋਬੜੇ ਦੇ ਨਾਂ ਦੀ ਸਿਫ਼ਾਰਿਸ਼
. . .  about 2 hours ago
ਨਵੀਂ ਦਿੱਲੀ, 18 ਅਕਤੂਬਰ- ਸੁਪਰੀਮ ਕੋਰਟ ਦੇ ਮੌਜੂਦਾ ਚੀਫ਼ ਜਸਟਿਸ ਰੰਜਨ ਗੋਗੋਈ ਨੇ ਜਸਟਿਸ ਐੱਸ. ਏ. ਬੋਬੜੇ ਨੂੰ ਅਗਲਾ ਸੀ. ਜੇ. ਆਈ. ਬਣਾਉਣ ਦੀ ਕੇਂਦਰ ਸਰਕਾਰ ਕੋਲ ਸਿਫ਼ਾਰਿਸ਼...
ਵਿਅਕਤੀ ਵਲੋਂ ਰੇਲ ਗੱਡੀ ਹੇਠਾਂ ਆ ਕੇ ਖ਼ੁਦਕੁਸ਼ੀ
. . .  about 2 hours ago
ਅਬੋਹਰ, 18 ਅਕਤੂਬਰ (ਸੁਖਜਿੰਦਰ ਸਿੰਘ ਢਿੱਲੋਂ)- ਇੱਥੇ ਸੀਤੋ ਰੋਡ ਤੋਂ ਲੰਘਦੀ ਰੇਲਵੇ ਲਾਈਨ 'ਤੇ ਅੱਜ ਸਵੇਰੇ ਇੱਕ ਵਿਅਕਤੀ ਨੇ ਰੇਲ ਗੱਡੀ ਹੇਠਾਂ ਆ ਕੇ ਖ਼ੁਦਕੁਸ਼ੀ ਕਰ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਸਭ ਤੋਂ ਪਿਆਰਾ ਬੱਚਾ

ਮਦਰੱਸੇ 'ਚੋਂ ਬਾਹਰ ਆਉਂਦੇ ਬੱਚਿਆਂ ਦੀ ਭੀੜ 'ਚੋਂ ਆਪਣੇ ਪੁੱਤਰ ਨੂੰ ਦੇਖ ਕੇ ਅਕਬਰ ਨੇ ਬੀਰਬਲ ਨੂੰ ਕਿਹਾ, ਇਨ੍ਹਾਂ ਸਾਰੇ ਬੱਚਿਆਂ 'ਚੋਂ ਮੇਰਾ ਸ਼ਹਿਜ਼ਾਦਾ ਸਭ ਤੋਂ ਸੰੁਦਰ ਤੇ ਪਿਆਰਾ ਹੈ | ਬੀਰਬਲ ਨੇ ਜਵਾਬ ਦਿੱਤਾ, 'ਆਪਣਾ ਬੱਚਾ ਸਭ ਤੋਂ ਵੱਧ ਪਿਆਰਾ ਲਗਦਾ ਹੁੰਦਾ ਹੈ | ਅਗਰ ਤੁਸੀਂ ਇਹ ਗੱਲ ਦੇਖਣੀ ਹੈ ਤਾਂ ਕੱਲ੍ਹ ਮਦਰੱਸੇ ਚਲੇ ਜਾਓ | ਮੈਂ ਤੁਹਾਨੂੰ ਸਿੱਧ ਕਰਕੇ ਦਿਖਾ ਦਿਆਂਗਾ ਕਿ ਆਪਣਾ ਬੱਚਾ ਸਭ ਤੋਂ ਸੰੁਦਰ ਤੇ ਪਿਆਰ ਹੁੰਦਾ ਹੈ |
ਅਗਲੇ ਦਿਨ ਬੀਰਬਲ ਦੇ ਕਹੇ ਅਨੁਸਾਰ ਬਾਦਸ਼ਾਹ ਨੇ ਇਕ ਔਰਤ ਨੂੰ ਬੜੇ ਸਵਾਦਲੇ ਪਕਵਾਨ ਦਿੰਦਿਆਂ ਕਿਹਾ ਕਿ ਤੁਸੀਂ ਮਦਰੱਸੇ 'ਚ ਜਾਓ ਤੇ ਜਿਹੜਾ ਸਭ ਤੋਂ ਸੰੁਦਰ ਤੇ ਪਿਆਰਾ ਬੱਚਾ ਹੋਵੇ, ਉਸ ਨੂੰ ਇਹ ਸਵਾਦਲੇ ਪਕਵਾਨ ਖਵਾ ਦੇਵੋ | ਥੋੜ੍ਹੀ ਦੇਰ ਬਾਅਦ ਜਦੋਂ ਬਾਦਸ਼ਾਹ ਨੇ ਮਦਰੱਸੇ ਵਿਚ ਝਾਕ ਕੇ ਦੇਇਖਆ ਤਾਂ ਉਹ ਔਰਤ ਸਾਰੇ ਸੰੁਦਰ ਤੇ ਪਿਆਰੇ ਬੱਚਿਆਂ ਨੂੰ ਛੱਡ ਕੇ ਇਕ ਬਦਸੂਰਤ ਬੱਚੇ ਨੂੰ ਗੋਦ ਵਿਚ ਲੈ ਕੇ ਪਕਵਾਨ ਖਵਾ ਰਹੀ ਸੀ | ਅਕਬਰ ਨੂੰ ਇਹ ਦੇਖ ਕੇ ਬਹੁਤ ਗੁੱਸਾ ਆਇਆ |
ਜਦੋਂ ਉਹ ਔਰਤ ਮਦਰੱਸੇ 'ਚੋਂ ਬਾਹਰ ਆਈ ਤਾਂ ਅਕਬਰ ਨੇ ਗੁੱਸੇ 'ਚ ਉਸ ਔਰਤ ਨੂੰ ਬੋਲਿਆ ਕਿ ਤੂੰ ਮੇਰੀ ਆਗਿਆ ਦਾ ਪਾਲਣ ਨਹੀਂ ਕੀਤਾ | ਤਾਂ ਅੱਗੋਂ ਉਹ ਔਰਤ ਬੋਲੀ, 'ਮਹਾਰਾਜ ਤੁਸੀਂ ਮੈਨੂੰ ਸਭ ਤੋਂ ਸੰੁਦਰ ਤੇ ਪਿਆਰੇ ਬੱਚੇ ਨੂੰ ਪਕਵਾਨ ਖਵਾਉਣ ਨੂੰ ਕਿਹਾ ਸੀ ਤੇ ਮੈਂ ਅਜਿਹਾ ਹੀ ਕੀਤਾ ਕਿਉਂਕਿ ਜਿਸ ਬੱਚੇ ਨੂੰ ਮੈਂ ਸਭ ਤੋਂ ਸੰੁਦਰ ਤੇ ਪਿਆਰਾ ਸਮਝਦੀ ਹਾਂ, ਉਹ ਇਹ ਹੀ ਹੈ ਕਿਉਂਕਿ ਇਹ ਮੇਰਾ ਖ਼ੂਨ ਭਾਵੇਂ ਮੇਰਾ ਬੱਚਾ ਹੈ | ਸੋ, ਬਾਦਸ਼ਾਹ ਜਿਸ ਬੱਚੇ ਨੂੰ ਮਾਂ ਨੇ ਆਪ ਜਨਮ ਦਿੱਤਾ ਹੋਵੇ ਭਾਵੇਂ ਉਹ ਕਿਸ ਤਰ੍ਹਾਂ ਦਾ ਹੀ ਹੋਵੇ, ਉਹ ਬੱਚਾ ਹੀ ਦੁਨੀਆ 'ਚ ਸਭ ਤੋਂ ਸੰੁਦਰ ਤੇ ਪਿਆਰਾ ਬੱਚਾ ਹੁੰਦਾ ਹੈ ਮਾਂ ਲਈ | ਬਾਦਸ਼ਾਹ ਅਕਬਰ ਸਮਝ ਗਿਆ ਤੇ ਬੀਰਬਲ ਨੂੰ ਨਾਲ ਲੈ ਕੇ ਮਹਿਲਾਂ 'ਚ ਆ ਗਿਆ |

-511-ਖਹਿਰਾ ਇਨਕਲੇਵ, ਜਲੰਧਰ-144007.


ਖ਼ਬਰ ਸ਼ੇਅਰ ਕਰੋ

• ਸਰਵਨ ਸਿੰਘ ਪਤੰਗ •

ਜ਼ਖ਼ਮ ਸਦਾ ਨਹੀਂ ਰਹਿੰਦੇ ਦਿਲ ਦੇ,
ਭਰਦੇ ਭਰਦੇ ਭਰ ਜਾਂਦੇ ਨੇ |
ਲੋਫ਼ਰ ਪੁੱਤਰ ਨੂੰ ਸਮਝਾਉਂਦੇ,
ਮਾਪੇ ਹਰਦੇ-ਹਰਦੇ ਹਰ ਜਾਂਦੇ ਨੇ |
ਚੁਗਲਖੋਰ ਦੀ ਆਦਤ ਚੁਗਲੀ,
ਕਰਦੇ ਕਰਦੇ ਕਰ ਜਾਂਦੇ ਨੇ |
ਕੁੱਲੀਆਂ ਉਤੇ ਬੱਦਲ ਗੱਜ ਕੇ,
ਮਹਿਲਾਂ ਉਤੇ ਵਰ੍ਹ ਜਾਂਦੇ ਨੇ |
ਲੋਕਤੰਤਰ ਵਿਚ ਅਕਸਰ ਨੇਤਾ,
ਹਰੀ ਅੰਗੂਰੀ ਚਰ ਜਾਂਦੇ ਨੇ |
ਮੰਝਧਾਰ ਵਿਚ ਡੁਬਦੇ ਕਿਰਤੀ,
ਵਿਹਲੜ ਲੋਕੀਂ ਤਰ ਜਾਂਦੇ ਨੇ |
ਅੱਖੀਂ ਵੇਖੇ ਕਤਲ ਹੁੰਦੇ ਜਿਨ੍ਹਾਂ,
ਸੱਚ ਕਹਿਣ ਤੋਂ ਡਰ ਜਾਂਦੇ ਨੇ |
ਅਣਖੀ ਯੋਧੇ ਦੀਪ ਜਗਾ ਕੇ,
ਵਿਚ ਚੁਰਾਹੇ ਧਰ ਜਾਂਦੇ ਨੇ |
'ਪਤੰਗ' ਹਿੰਮਤ ਜੇ ਕਰ ਵਿਖਾਵੇ,
ਡੁਬਦੇ ਪੱਥਰ ਤਰ ਜਾਂਦੇ ਨੇ |

-ਪਿੰਡ ਮਾਣੂਕੇ, ਮੋਗਾ |
ਮੋਬਾਈਲ : 98783-28501.

ਵਾਲੀਵਾਰਿਸ ਕੌਣ?

ਅੱਜ ਘੁਸਮੁਸੇ ਜਿਹੇ ਹੋਏ, ਡੋਰ ਬੈੱਲ ਵੱਜੀ ਤਾਂ ਮੈਂ ਬਾਹਰ ਜਾ ਕੇ ਵੇਖਿਆ ਕਿ ਪੇਸ਼ੇ ਤੋਂ ਰਿਟਾਇਰਡ ਪਿੰ੍ਰਸੀਪਲ ਜੋ ਕਿ ਮੇਰੇ ਲੰਮੇ ਸਮੇਂ ਤੋਂ ਜਾਣੂ ਸਨ, ਦਰਵਾਜ਼ੇ ਦੇ ਬਾਹਰ ਖੜ੍ਹੇ ਸਨ | ਮੈਂ ਉਨ੍ਹਾਂ ਨੂੰ ਵੇਖ ਕੇ ਕੁਝ ਹੈਰਾਨ ਹੋਈ ਤੇ ਹੜਬੜੀ ਵਿਚ ਹੀ ਅੰਦਰ ਆਉਣ ਨੂੰ ਕਹਿ ਦਿੱਤਾ |
ਬੈਠੇ ਬੈਠੇ ਬੱਚਿਆਂ ਦੇ ਸਕੂਲ ਦੀਆਂ ਗੱਲਾਂ ਚੱਲ ਪਈਆਂ ਤਾਂ ਮੈਨੂੰ ਪਤਾ ਲੱਗਾ ਕਿ ਮੇਰੀ ਬੇਟੀ ਅਤੇ ਉਨ੍ਹਾਂ ਦੀ ਪੋਤੀ ਇਕ ਹੀ ਕਲਾਸ ਵਿਚ ਪੜ੍ਹਦੀਆਂ ਹਨ ਤੇ ਮੇਰੀ ਬੇਟੀ ਕਲਾਸ ਦੀ ਮਨੀਟਰ ਹੈ, ਜਦਕਿ ਕੁਝ ਸਮਾਂ ਪਹਿਲਾਂ ਉਨ੍ਹਾਂ ਦੀ ਪੋਤੀ ਮਨੀਟਰ ਸੀ |
ਖ਼ੈਰ, ਬੱਚਿਆਂ ਦੀ ਪੜ੍ਹਾਈ ਦੀਆਂ ਗੱਲਾਂ ਚਲਦੀਆਂ ਰਹੀਆਂ, ਗੱਲਾਂ-ਗੱਲਾਂ ਵਿਚ ਉਨ੍ਹਾਂ ਮੈਨੂੰ ਮੇਰੀ ਬੇਟੀ ਦੀ ਕਲਾਸ ਪੁਜੀਸ਼ਨ, ਨੰਬਰ, ਹੋਰ ਗਤੀਵਿਧੀਆਂ ਬਾਰੇ ਪੁੱਛਿਆ ਤਾਂ ਮੇਰੇ ਵਲੋਂ ਕੀਤੀ ਆਪਣੀ ਬੇਟੀ ਦੀ ਤਾਰੀਫ਼ ਉਨ੍ਹਾਂ ਨੂੰ ਹਜ਼ਮ ਨਹੀਂ ਸੀ ਹੋਈ ਜਾਪੀ ਤੇ ਫਿਰ ਹੱਸਦਿਆਂ ਹੋਇਆਂ ਕਹਿਣ ਲੱਗੇ, ਮੇਰਾ ਤਾਂ ਇਕੋ ਹੀ ਅਸੂਲ ਸੀ ਕਿ ਮੈਂ ਜਦੋਂ ਕਿਸੇ ਬੱਚੇ ਦਾ ਬੇੜਾ ਗਰਕ ਕਰਨਾ ਹੋਵੇ ਤਾਂ ਮੈਂ ਉਸ ਬੱਚੇ ਨੂੰ ਕਲਾਸ ਦਾ ਮਨੀਟਰ ਬਣਾ ਦਿੰਦਾ ਸੀ |
ਏਨਾ ਸੁਣਦਿਆਂ ਹੀ ਮੇਰੀ ਬੇਟੀ ਬੇਝਿਜਕ ਹੋ ਕੇ ਕਹਿਣ ਲੱਗੀ, 'ਮੰਮਾ... ਜੇਕਰ ਸਾਰੇ ਅਧਿਆਪਕ ਅਤੇ ਪਿੰ੍ਰਸੀਪਲ ਇਹੋ ਜਿਹੀ ਸੋਚ ਰੱਖਣ ਲੱਗ ਜਾਣ ਤਾਂ ਸਾਡੇ ਸਮਾਜ ਦਾ ਵਾਲੀਵਾਰਿਸ ਕੌਣ ਹੋਵੇਗਾ?

-ਰੁਪਿੰਦਰ ਕੌਰ
ਪੰਜਾਬੀ ਮਿਸਟ੍ਰੈੱਸ, ਸਰਕਾਰੀ ਮਿਡਲ ਸਕੂਲ, ਅਕਬਰਪੁਰਾ (ਤਰਨ ਤਾਰਨ) |

ਕਾਵਿ-ਵਿਅੰਗ: ਮਾਂ-ਬੋਲੀ

• ਨਵਰਾਹੀ ਘੁਗਿਆਣਵੀ •
ਪੱਧਰ ਸੋਚ ਦਾ ਗਿਰ ਗਿਆ ਮੂਜੀਆਂ ਦਾ,
ਵੋਟਾਂ ਲਈ ਹਰ ਫ਼ਰਜ਼ ਵਿਸਾਰ ਦਿੰਦੇ |
ਵਰਤਣ ਧਰਮ ਨੂੰ , ਜਾਤੀ ਦਾ ਲੈਣ ਲਾਹਾ,
ਮਾਂ-ਬੋਲੀ ਨੂੰ ਜੰਦਰਾ ਮਾਰ ਦਿੰਦੇ |
ਕੂੜ ਬੋਲਣ ਦੇ ਵਿਚ ਪਰਬੀਨ ਹੋ ਗਏ,
ਗੱਲਾਂ ਗੱਲਾਂ ਦੇ ਨਾਲ ਹੀ ਸਾਰ ਦਿੰਦੇ |
ਭੁੱਖੇ ਨੀਤ ਦੇ, ਸ਼ਰਮ ਹਯਾ ਤੱਜ ਕੇ,
ਜੋ ਵੀ ਲੱਭਦਾ ਝੱਟ ਡੱਕਾਰ ਦਿੰਦੇ |

-ਨਹਿਰ ਨਜ਼ਾਰਾ, ਨਵਾਂ ਹਰਿੰਦਰ ਨਗਰ, ਫਰੀਦਕੋਟ-151203.
ਮੋਬਾਈਲ : 98150-02302.

ਕਰ ਭਲਾ ਹੋ ਭਲਾ

ਦਾੜ੍ਹ ਦਾ ਦਰਦ ਬਹੁਤ ਭੈੜਾ ਹੁੰਦੈ, ਇਕ ਦਿਨ ਅਚਾਨਕ ਸ਼ਾਮ ਨੂੰ ਮੇਰੀ ਦਾੜ੍ਹ 'ਚ ਦਰਦ ਉੱਠਿਆ, ਰਾਤ ਤਾਂ ਕਿਸੇ ਢੰਗ ਨਾਲ ਗੁਜ਼ਾਰ ਲਈ, ਸਵੇਰੇ ਡਾਕਟਰ ਕੋਲ ਚਲਿਆ ਗਿਆ, ਡਾਕਟਰ ਕੋਲ ਕਾਫ਼ੀ ਭੀੜ ਸੀ, ਘੰਟੇ ਕੁ ਬਾਅਦ ਮੇਰੀ ਵਾਰੀ ਆਈ, ਮੈਂ ਡਾਕਟਰ ਕੋਲ ਅੰਦਰ ਜਾਣ ਹੀ ਲੱਗਿਆ ਸੀ, ਇਕ ਨੌਜਵਾਨ ਲੜਕੀ ਦੌੜੀ-ਦੌੜੀ ਆਈ |
'ਅੰਕਲ ਜੀ ਮੇਰੀ ਵੀ ਦਾੜ੍ਹ ਦਰਦ ਕਰਦੀ ਐ, ਪਹਿਲਾਂ ਮੈਨੂੰ ਵਿਖਾ ਲੈਣ ਦਿਓ, ਪਲੀਜ਼', ਉਸ ਲੜਕੀ ਨੇ ਵਾਸਤਾ ਪਾਇਆ | ਉਸ ਦੇ ਵਾਸਤੇ ਨੇ ਮੈਨੂੰ ਆਪਣਾ ਦਰਦ ਭੁਲਾ ਦਿੱਤਾ | ਮੈਂ ਕਿਹਾ, ਕੋਈ ਗੱਲ ਨੀ ਬੇਟਾ ਥੈਂਕ ਜੂ ਆਖ ਕੇ ਉਹ ਅੰਦਰ ਚਲੀ ਗਈ |
ਉਸ ਗੱਲ ਤੋਂ ਕਈ ਦਿਨ ਬਾਅਦ ਮੈਂ ਬੈਂਕ ਵਿਚੋਂ ਪੈਸੇ ਕਢਵਾਉਣ ਗਿਆ, ਫਾਟਕ ਬੰਦ ਹੋਣ ਕਾਰਨ ਮੈਂ ਲੇਟ ਹੋ ਗਿਆ | ਕਾਹਲੀ-ਕਾਹਲੀ ਬੈਂਕ ਪਹੁੰਚਿਆ | ਵਾਊਚਰ ਭਰ ਕੇ ਕੈਸ਼ੀਅਰ ਕੋਲ ਗਿਆ, ਅਜੇ ਦਸ ਮਿੰਟ ਬਾਕੀ ਸਨ, ਕੱਲ੍ਹ ਨੂੰ ਆਉਣਾ ਜੀ, ਜਵਾਬ ਸੁਣ ਕੇ ਮੇਰੇ ਚਿਹਰੇ 'ਤੇ ਨਿਰਾਸ਼ਤਾ ਛਾ ਗਈ | ਮੈਂ ਸ਼ਾਮ ਨੂੰ ਕਿਧਰੇ ਬਾਹਰ ਜਾਣਾ ਸੀ, ਉਦਾਸ ਮਨ ਨਾਲ ਵਾਪਸ ਮੁੜਨ ਹੀ ਲੱਗਿਆ ਸੀ ਕਿ 'ਸਤਿ ਸ੍ਰੀ ਅਕਾਲ ਅੰਕਲ ਜੀ', ਪਿੱਛੋਂ ਮੇਰੇ ਕੰਨੀਂ ਆਵਾਜ਼ ਪਈ | ਜਦ ਮੈਂ ਪਿਛੇ ਮੁੜ ਕੇ ਵੇਖਿਆ ਤਾਂ ਉਹੀ ਦਾੜ੍ਹ ਦਰਦ ਵਾਲੀ ਲੜਕੀ ਦੂਸਰੇ ਕਾਊਾਟਰ 'ਤੇ ਬੈਠੀ ਸੀ |
ਸਤਿ ਸ੍ਰੀ ਅਕਾਲ ਬੇਟਾ, ਮੈਂ ਸਾਰੀ ਵਿਥਿਆ ਉਸ ਨੂੰ ਸਮਝਾਈ, ਕੋਈ ਗੱਲ ਨੀਂ ਅੰਕਲ ਜੀ ਮੈਂ ਕਹਿ ਦਿੰਦੀ ਆਂ | ਉਹ ਉਠੀ ਤੇ ਕੈਸ਼ੀਅਰ ਨੂੰ ਆਖ ਦਿੱਤਾ, ਉਸ ਨੇ ਮੇਰਾ ਵਾਊਚਰ ਜਮ੍ਹਾਂ ਕਰਕੇ ਪੈਸੇ ਮੈਨੂੰ ਦੇ ਦਿੱਤੇ |
-138, ਵਾਰਡ ਨੰ: 1, ਰਾਮਪੁਰਾ ਮੰਡੀ, ਬਠਿੰਡਾ | ਮੋਬਾਈਲ : 98783-25307.

ਵਿਤਕਰਾ

ਮਨੁੱਖ ਦੀ ਕੋਈ ਜਾਤ-ਪਾਤ ਨਹੀਂ ਹੁੰਦੀ, ਮਨੁੱਖ ਸਾਰੇ ਇਕੋ ਜਿਹੇ ਹੀ ਹੁੰਦੇ ਹਨ | ਮਨੁੱਖ ਦਾ ਕੋਈ ਇਲਾਕਾ ਨਹੀਂ ਹੁੰਦਾ, ਕੋਈ ਬੋਲੀ ਨਹੀਂ ਹੁੰਦੀ | ਜਿਹੋ-ਜਿਹੀ ਜਗ੍ਹਾ ਉੱਤੇ ਬੱਚੇ ਦਾ ਪਾਲਣ-ਪੋਸ਼ਣ ਕੀਤਾ ਜਾਵੇ ਮਨੁੱਖ ਹਮੇਸ਼ਾ ਉਸ ਤਰ੍ਹਾਂ ਦਾ ਹੀ ਹੋ ਜਾਂਦਾ ਹੈ | ਉਸੇ ਜਗ੍ਹਾ ਨੂੰ ਆਪਣੀ ਸਮਝਣ ਲੱਗ ਜਾਂਦਾ ਹੈ | ਉਹੋ ਜਿਹਾ ਪਹਿਰਾਵਾ ਪਹਿਨਣ ਲੱਗ ਜਾਂਦਾ ਹੈ | ਬੱਚਾ ਜੰਮਦਾ ਕੋਈ ਬੋਲੀ ਨਹੀਂ ਸਿੱਖ ਕੇ ਆਉਂਦਾ | ਅਸੀਂ ਲੋਕ ਉਸ ਨੂੰ ਬੋਲੀ ਸਿਖਾਉਂਦੇ ਹਾਂ | ਜਿਹੋ-ਜਿਹੀ ਅਸੀਂ ਬੋਲੀ ਉਸ ਨੂੰ ਸਿਖਾਵਾਂਗੇ ਉਹੋ ਜਿਹੀ ਬੋਲਣ ਲੱਗ ਜਾਂਦਾ ਹੈ | ਸਾਡੇ ਵਿਚ ਰਹਿ ਕੇ ਉਹ ਸੰਸਕਾਰ ਸਿੱਖਦਾ ਹੈ | ਕੋਈ ਚੋਰ ਨਹੀਂ ਜੰਮਦਾ, ਕੋਈ ਭਗਤ ਨਹੀਂ ਜੰਮਦਾ, ਪਹਿਲਾਂ ਸਭ ਬਰਾਬਰ ਹੀ ਹੁੰਦੇ ਹਨ | ਇਹ ਭਾਸ਼ਨ ਪਰਮਪਾਲ ਸਿੰਘ ਬੜੇ ਲਹਿਜ਼ੇ ਨਾਲ ਬੋਲਦਾ ਹੋਇਆ ਲੋਕਾਂ ਦੀ ਵਾਹ-ਵਾਹ ਖੱਟ ਰਿਹਾ ਸੀ | ਲੋਕ ਨਿੱਕੇ ਜਿਹੇ ਮੂੰਹ ਵਿਚੋਂ ਵੱਡੀਆਂ-ਵੱਡੀਆਂ ਗੱਲਾਂ ਸੁਣ ਕੇ ਬੜੇ ਖੁਸ਼ ਹੋ ਕੇ ਤਾੜੀਆਂ ਨਾਲ ਉਸ ਦਾ ਹੌਸਲਾ ਵਧਾ ਰਹੇ ਸਨ | ਪਰ ਦਿੱਤੇ ਹੋਏ ਸਮੇਂ ਵਿਚ ਉਸ ਨੇ ਆਪਣੇ ਭਾਸ਼ਨ ਨੂੰ ਸਮਾਪਤ ਕਰ ਦਿੱਤਾ | ਹੁਣ ਦੂਸਰੇ ਸਾਥੀ ਬਿਕਰਮਜੀਤ ਦੀ ਵਾਰੀ ਸੀ | ਉਹ ਵੀ ਬੜੇ ਹੀ ਸੁਚੱਜੇ ਢੰਗ ਨਾਲ ਤਿਆਰੀ ਕਰਕੇ ਆਇਆ ਸੀ | ਉਸ ਨੇ ਸਟੇਜ 'ਤੇ ਖੜ੍ਹਦੇ ਸਾਰ ਸਾਰਿਆਂ ਨੂੰ ਪਿਆਰ ਭਰੀ “ਸਤਿ ਸ੍ਰੀ ਅਕਾਲ ਬੁਲਾਈ ਤੇ ਆਪਣਾ ਭਾਸ਼ਨ ਸ਼ੁਰੂ ਕਰ ਦਿੱਤਾ | ਪਹਿਲੀ ਪੰਕਤੀ ਵਿਚ ਹੀ ਉਹ ਬੋਲਿਆ “ਕੌਣ ਆਖਦਾ ਹੈ ਕਿ ਮਨੁੱਖ ਇਕ ਹੈ | ਕੌਣ ਕਹਿੰਦਾ ਹੈ ਕਿ ਇਸ ਧਰਤੀ ਉੱਤੇ ਕਿਸੇ ਦੀ ਕੋਈ ਜਾਤ-ਪਾਤ ਨਹੀਂ, ਸਭ ਝੂਠ ਹੈ | ਇੱਥੇ ਇਲਾਕੇ ਬੋਲੀਆਂ ਦੇ ਹਿਸਾਬ ਨਾਲ ਵੰਡੇ ਹੋਏ ਹਨ, ਇੱਥੇ ਮਨੁੱਖਾਂ ਦੇ ਅੰਦਰ ਕੰਮ ਨੂੰ ਲੈ ਕੇ ਜੰਗ ਯੁੱਧ ਕੀਤੇ ਜਾ ਰਹੇ ਹਨ | ਇਕ-ਦੂਜੇ ਨੂੰ ਖ਼ਤਮ ਕਰਨ ਤੇ ਦਿਨ-ਰਾਤ ਮਿਹਨਤ ਪਏ ਕਰਦੇ ਨੇ | ਸਾਇੰਸ ਨੇ ਬੜੀ ਤਰੱਕੀ ਕੀਤੀ ਹੋਈ ਹੈ | ਕਿੱਧਰੇ ਪ੍ਰਮਾਣੂ, ਕਿੱਧਰੇ ਜਹਾਜ਼, ਕਿੱਧਰੇ ਵੱਡੀਆਂ-ਵੱਡੀਆਂ ਤੋਪਾਂ, ਟੈਂਕ, ਬੰਬ ਇਹ ਸਭ ਕੁਝ ਕੀ ਹੈ | ਕੀ ਇਹ ਬੰਦਿਆਂ ਨੂੰ ਮਾਰਨ ਵਾਸਤੇ ਸਭ ਕੁਝ ਨਹੀਂ ਬਣਾਇਆ ਗਿਆ | ਫਿਰ ਕਿਵੇਂ ਕਹਿ ਰਹੇ ਹੋ ਕਿ ਮਨੁੱਖ ਇਕ ਹੈ | ਇੱਥੋਂ ਤੱਕ ਸਾਡਾ ਖੂਨ ਇਕ ਨਹੀਂ ਰਿਹਾ | ਖ਼ੂਨ ਨੂੰ ਗਰੁੱਪਾਂ ਵਿਚ ਵੰਡ ਦਿੱਤਾ ਹੈ | ਦੁਨੀਆ ਦੀ ਹਰ ਚੀਜ਼ ਦਾ ਵਿਤਕਰਾ ਹੋ ਸਕਦਾ ਹੈ | ਪਰ ਡਾਕਟਰਾਂ ਨੇ ਸਾਡੇ ਖੂਨ ਵਿਚ ਵੀ ਵਿਤਕਰਾ ਪਾ ਕੇ ਰੱਖ ਦਿੱਤਾ ਹੈ | ਹੋਰ ਬਹੁਤ ਕੁਝ ਜੋ ਮੈਂ ਸਮੇਂ ਦਾ ਧਿਆਨ ਰੱਖ ਕੇ ਦੱਸ ਨਹੀਂ ਸਕਦਾ ਤੇ ਆਪਣਾ ਭਾਸ਼ਨ ਸਮਾਪਤ ਕਰਦਾ ਹਾਂ | ਇਹ ਸੁਣ ਕੇ ਪੰਡਾਲ ਵਿਚ ਬੈਠੇ, ਸਾਰੇ ਸਰੋਤੇ ਸੋਚਣ ਉੱਤੇ ਮਜਬੂਰ ਹੋ ਗਏ | ਭਾਵੇਂ ਤਾੜੀਆਂ ਨਹੀਂ ਵੱਜੀਆਂ, ਪਰ ਫਿਰ ਵੀ ਉਸ ਦਾ ਵਿਤਕਰਾ ਸਾਨੂੰ ਸੋਚਣ ਲਈ ਮਜਬੂਰ ਜ਼ਰੂਰ ਕਰ ਰਿਹਾ, ਜੋ ਕਿ ਵਿਤਕਰਾ ਹੋਣਾ ਨਹੀਂ ਚਾਹੀਦਾ |

-ਪਿੰਡ ਤੇ ਡਾਕ: ਮਮਦੋਟ (ਫਿਰੋਜ਼ਪੁਰ)
ਸੰਪਰਕ: 75891-55501

ਤੌਖਲਾ

ਪਛੋਂ ਦੀ ਠੰਢੀ ਹਵਾ ਸਵੇਰ ਤੋਂ ਰੁਮਕ ਰਹੀ ਸੀ | ਟਿੱਬੇ ਤੋਂ ਕਿਰੇ ਚਿੱਬੜਾਂ ਦੀ ਕਿਤੇ-ਕਿਤੇ ਭਾਅ ਮਾਰ ਰਹੀ ਸੀ | ਰੇਤਲੇ ਵਾਹਣ 'ਚੋਂ ਬਾਜਰਾ ਵੱਢ ਬਿੰਦ ਘੜੀ ਆਰਾਮ ਕਰਨ ਲਈ ਕੇਹਰਾ ਬੇਰੀ ਦੀ ਛਾਵੇਂ ਬੈਠ ਗਿਆ | ਉਸ ਨੇ ਦੇਖਿਆ ਕਿ ਕੀੜੇ ਕੱਟੇ ਅਨਾਜ ਦੇ ਟੁਕੜੇ ਮੰੂਹ ਵਿਚ ਪਾਣੀ ਅਨੁਸ਼ਾਸਨਬੱਧ ਇਕ ਲਾਈਨ ਵਿਚ ਆਪਣੇ ਪੇਟ ਦੀ 'ਭਾਖੜੀ ਭੁੱਖ' ਲਈ ਲਿਆਉਣ ਦੇ ਆਹਰੇ ਲੱਗੇ ਹੋਏ ਨੇ | ਕੇਹਰੇ ਨੇ ਦਾਤੀ ਨਾਲ ਧਰਤੀ ਠੋਕਰਦਿਆਂ ਸੋਚਿਆ ਅੱਜ ਪੂਰਾ ਸਾਲ ਹੋ ਚੱਲਿਆ ਜੰਟੇ ਨੂੰ ਇਟਲੀ ਗਿਆਂ ਪਰ ਕੋਈ ਫੋਨ ਜਾਂ ਚਿੱਠੀ-ਪੱਤਰ ਨਹੀਂ ਸੀ ਆਇਆ | ਨਿਆੲੀਂ ਵਾਲੀ ਗਹਿਣੇ ਕੀਤੀ 'ਝੋਟੇ ਦੇ ਸਿਰ' ਵਰਗੀ ਪੈਲੀ ਵਿਚ ਬਿਗਾਨੇ ਟਰੈਕਟਰਾਂ ਥੱਲੇ ਬੂ ਦਹਾਈ ਪਾਉਂਦੇ ਤਿੰਨ ਕਿੱਲਿਆਂ ਦਾ ਝੋਰਾ ਉਸ ਨੂੰ ਵੱਢ-ਵੱਢ ਖਾ ਰਿਹਾ ਸੀ | ਹੁਣ ਉਸ ਨੂੰ ਜ਼ਮੀਨ ਦਾ ਘੱਟ ਜੰਟੇ ਦਾ ਵੱਧ ਖਿਆਲ ਆ ਰਿਹਾ ਸੀ ਕਿਉਂਕਿ ਟੀ.ਵੀ. ਅਖ਼ਬਾਰਾਂ 'ਤੇ ਖ਼ਬਰ ਆ ਰਹੀ ਸੀ ਅਮਰੀਕਾ ਜਾਂਦੇ ਪੰਜਾਬੀ ਮੰੁਡਿਆਂ ਦੀ ਕਿਸ਼ਤੀ ਸਮੰੁਦਰ ਵਿਚ ਡੁੱਬੀ, ਉਸ ਦਾ ਦਿਲ ਟਿਕਾਣੇ ਆ ਕੇ ਵੀ ਫਿਸੰੂ-ਫਿਸੰੂ ਕਰ ਰਿਹਾ ਸੀ ਕਿਉਂਕਿ ਵਿਦੇਸ਼ ਜਾਣ ਦਾ ਤਰੀਕਾ ਜੰਟੇ ਦਾ ਵੀ ਉਹੀ ਸੀ |

-ਪਿੰਡ ਤੇ ਡਾਕ: ਦੱਧਾਹੂਰ, ਤਹਿ: ਰਾਏਕੋਟ, ਜ਼ਿਲ੍ਹਾ ਲੁਧਿਆਣਾ |
ਮੋਬਾਈਲ : 98156-88236.

ਉੱਠੋ ਪੰਜਾਬੀ ਸੁੱਤਿਓ

ਉੱਠੋ ਪੰਜਾਬੀ ਸੁੱਤਿਓ, ਉੱਠ ਹੰਭਲਾ ਮਾਰੋ,
ਪੰਜਾਬ ਜਾਂਦਾ ਵੱਲ ਖਾਤਮੇ, ਇਸ ਨੂੰ ਸੰਭਾਲੋ |
ਇਹ ਧਰਤੀ ਗੁਰੂਆਂ ਪੀਰਾਂ ਦੀ,
ਇਹ ਯੋਧਿਆਂ ਅਤੇ ਫ਼ਕੀਰਾਂ ਦੀ,
ਇਹਨੂੰ ਲੱਗ ਗਈ ਹੈ ਨਜ਼ਰ ਜੋ,
ਉਹ ਨਜ਼ਰ ਉਤਾਰੋ,
ਉੱਠੋ ਪੰਜਾਬੀ ਸੁੱਤਿਓ... |
ਇਥੇ ਮੁੱਕਦਾ ਜਾਂਦਾ ਪਾਣੀ ਹੈ,
ਜੇ ਮੁੱਕ ਗਿਆ, ਖ਼ਤਮ ਕਹਾਣੀ ਹੈ,
ਨਾ ਕਦਰ ਲੋਕਾਂ ਨੇ ਜਾਣੀ ਹੈ,
ਲੋਕਾਂ ਨੂੰ ਕਦਰ ਸਿਖਾ ਲਓ,
ਉੱਠੋ ਪੰਜਾਬੀ ਸੁੱਤਿਓ... |
ਇਥੇ ਦਰਿਆ ਨਸ਼ਿਆਂ ਦੇ ਵਗਦੇ ਨੇ,
ਨਾ ਵੇਚਣ ਤੋਂ ਕੋਈ ਡਰਦੇ ਨੇ,
ਨੌਜਵਾਨ ਪੁੱਤ ਮਾਵਾਂ ਦੇ ਮਰਦੇ ਨੇ,
ਮਾਵਾਂ ਦੇ ਪੁੱਤ ਬਚਾ ਲਓ,
ਉੱਠੋ ਪੰਜਾਬੀ ਸੁੱਤਿਓ... |
ਕਿਸਾਨ ਖ਼ੁਦਕੁਸ਼ੀਆਂ ਨਿੱਤ ਕਰਦੇ ਨੇ,
ਸਲਫਾਸ ਖਾ ਖਾ ਮਰਦੇ ਨੇ,
ਉਹ ਬੇ-ਇੱਜ਼ਤੀਆਂ ਨਾ ਜਰਦੇ ਨੇ,
ਰਿਪੋਰਟ ਸੁਆਮੀ ਨਾਥਨ ਦੀ ਲਾਗੂ ਕਰਾ ਲਓ,
ਉੱਠੋ ਪੰਜਾਬੀ ਸੁੱਤਿਓ... |
ਕਾਨੂੰਨਾਂ ਦੀਆਂ ਉੱਡਦੀਆਂ ਧੱਜੀਆਂ ਨੂੰ ,
ਤੁਸੀਂ ਬਚਾ ਲਓ ਆਪਣੀਆਂ ਬੱਚੀਆਂ ਨੂੰ ,
ਦਰਿੰਦੇ ਖਾਂਦੇ ਇਨ੍ਹਾਂ ਕੱਚੀਆਂ ਨੂੰ ,
ਦੋਸ਼ੀ ਫਾਂਸੀ 'ਤੇ ਲਟਕਾ ਲਓ,
ਉੱਠੋ ਪੰਜਾਬੀ ਸੁੱਤਿਓ... |
ਇਥੇ ਰਿਸ਼ਵਤ, ਹੇਰਾ-ਫੇਰੀ ਹੈ,
ਹੰੁਦੀ ਕੰਮਾਂ ਦੇ ਵਿਚ ਦੇਰੀ ਹੈ,
ਪੈਸਾ ਚਲਦਾ ਵਾਂਗ ਹਨੇਰੀ ਹੈ,
ਇਸ 'ਨੇਰੀ ਨੂੰ ਠੱਲ੍ਹ ਪਾ ਲਓ,
ਉੱਠੋ ਪੰਜਾਬੀ ਸੁੱਤਿਓ... |
ਇਥੇ ਸਮੱਸਿਆਵਾਂ ਬੜੀਆਂ ਹੋਰ ਵੀ ਆ,
ਅਵਾਰਾ ਡੰਗਰ, ਡਾਕੂ, ਮਿਲਾਵਟਖ਼ੋਰ ਵੀ ਆ,
ਅਨਪੜ੍ਹਤਾ, ਬੇਰੁਜ਼ਗਾਰੀ, ਗ਼ਰੀਬੀ ਦਾ ਕੋਹੜ ਵੀ ਆ,
ਇਕ ਇਕ ਨਾਲ ਮੱਥਾ ਲਾ ਲਓ,
ਉੱਠੋ ਪੰਜਾਬੀ ਸੁੱਤਿਓ, ਉੱਠ ਹੰਭਲਾ ਮਾਰੋ |

-ਭਰਪੂਰ ਕੌਰ 'ਚੰਨੂਵਾਲਾ'
ਡੀ.ਐਸ.ਪੀ. ਵਾਲੀ ਗਲੀ, ਅਕਾਲਸਰ, ਮੋਗਾ | ਫੋਨ : 99145-38142

ਬੁਲਟ

'ਥਾਣੇਦਾਰ ਸਾਹਿਬ ਮੇਰੇ ਭਾਣਜੇ ਦਾ ਬੁਲਟ ਪੁਲ 'ਤੇ ਚੋਰਾਂ ਨੇ ਖੋਹ ਲਿਆ ਤੇ ਉਸ ਦੇ ਸੱਟਾਂ ਵੀ ਮਾਰੀਆਂ, ਇਕ ਘੰਟੇ ਵਿਚ ਬੰਦਿਆਂ ਦਾ ਪਤਾ ਲੱਗਣਾ ਚਾਹੀਦਾ ਕਿ ਕਿਹੜੇ ਗਰੁੱਪ ਦੇ ਆ, ਸਾਡੀ ਬਿੱਲੀ ਸਾਨੂੰ ਮਿਆਉਂ', ਐਮ.ਐਲ.ਏ. ਨੇ ਥਾਣੇਦਾਰ ਨੂੰ ਹੁਕਮ ਭਰੇ ਲਹਿਜ਼ੇ ਵਿਚ ਕਿਹਾ |
'ਜੀ ਹਜ਼ੂਰ' ਕਹਿੰਦਿਆਂ ਥਾਣੇਦਾਰ ਨੇ ਫੋਨ ਰੱਖਦਿਆਂ ਸਾਰ ਮੁਨਸ਼ੀ ਨੂੰ ਆਵਾਜ਼ ਦਿੱਤੀ |
ਮੁਨਸ਼ੀ ਜੱਗੇ ਨੂੰ ਫੋਨ ਲਾ, 'ਸਾਲੇ ਨੇ ਹਫਤੇ ਬਾਅਦ ਬਾਜ਼ੀ ਮਾਰੀ ਤੇ ਉਹ ਵੀ ਪੁੱਠੀ |'
ਮੁਨਸ਼ੀ ਨੇ ਫੋਨ ਲਾ ਥਾਣੇਦਾਰ ਨੂੰ ਫੜਾਇਆ |
'ਓਏ ਜੱਗਿਆ ਅੱਜ ਵਾਲਾ ਬੁਲਟ ਛੇਤੀ ਥਾਣੇ ਹਾਜ਼ਰ ਕਰ', ਥਾਣੇਦਾਰ ਚੀਕਿਆ |
'ਪਰ ਕਿਉਂ? ਉਸ ਦਾ ਹਿੱਸਾ ਮੈਂ ਤੁਹਾਨੂੰ ਉਸੇ ਵਕਤ ਦੇ ਦਿੱਤਾ ਸੀ ਤੇ ਡੀ.ਐਸ.ਪੀ. ਨੂੰ ਵੀ', ਜੱਗਾ ਬੋਲਿਆ |
'ਹਾਂ ਯਾਰ, ਪਰ ਉਹ ਬੁਲਟ ਐਮ.ਐਲ.ਏ. ਦੇ ਭਾਣਜੇ ਦਾ ਹੈ, ਤੂੰ ਆਪਣੇ ਬੰਦਿਆਂ ਸਣੇ ਹਫ਼ਤਾ ਕਿਤੇ ਬਾਹਰ ਚਲਾ ਜਾਹ, ਨਹੀਂ ਤਾਂ ਆਪਣਾ ਸਭ ਦਾ ਬਿਸਤਰਾ ਗੋਲ ਹੋ ਜਾਊ |

-ਮੋਗਾ | ਮੋਬਾਈਲ : 94656-06210.

ਜ਼ਹਿਰ

ਹਸਪਤਾਲ ਵਿਚ ਜ਼ਹਿਰੀਲੀ ਸ਼ਰਾਬ ਪੀ ਕੇ ਮਰਨ ਵਾਲਿਆਂ ਦੇ ਪਰਿਵਾਰ ਵਿਲਕ ਰਹੇ ਸਨ, ਟੀ.ਵੀ. ਚੈਨਲ ਵਾਲੇ ਉਨ੍ਹਾਂ ਨਾਲ ਗੱਲ ਕਰਦੇ-ਕਰਦੇ ਇਕ ਮਹਿਲਾ ਕੋਲ ਪਹੁੰਚੇ, ਜਿਸ ਦਾ 13-14 ਸਾਲ ਦਾ ਲੜਕਾ ਤੇ ਦੋ ਛੋਟੀਆਂ ਲੜਕੀਆਂ ਉਸ ਕੋਲ ਬੈਠੇ ਤਰਸਦੀਆਂ ਅੱਖਾਂ ਨਾਲ ਇੰਝ ਇੰਤਜ਼ਾਰ ਕਰ ਰਹੇ ਸੀ ਜਿਵੇਂ ਟੀ.ਵੀ. ਚੈਨਲ ਵਾਲੇ ਉਨ੍ਹਾਂ ਨੂੰ ਕੁਝ ਖਾਣ-ਪੀਣ ਨੂੰ ਦੇਣਗੇ | ਉਸ ਲੜਕੇ ਤੋਂ ਕੈਮਰੇ ਵਾਲੇ ਨੇ ਪੁੱਛਿਆ 'ਤੁਹਾਨੂੰ ਆਪਣੇ ਬਾਪ ਦੇ ਮਰਨ 'ਤੇ ਰੋਣ ਨਹੀਂ ਆ ਰਿਹਾ? ਕੋਈ ਦੁੱਖ ਨਹੀਂ ਥੋਨੂੰ ਬਾਪ ਦੇ ਮਰਨ ਦਾ?' 'ਸਾਬ੍ਹ ਰੋ-ਰੋ ਕੇ ਸਾਡੇ ਹੰਝੂ ਸੁੱਕ 'ਗੇ, ਕੱਲ੍ਹ ਦੇ ਰੋ ਰਹੇ ਹਾਂ...ਪਿਓ ਮਰ ਗਿਆ ਮਾਂ ਗੁੰਮ-ਸੁੰਮ ਹੈ...ਕੌਣ ਸੁਣਦੈ ਸਾਡਾ ਰੋਣਾ ਸਾਬ੍ਹ... ਅਸੀਂ ਤਾਂ ਦੁਖੀ ਰੋਜ਼ ਰੋ ਕੇ ਹੀ ਸੌਾਦੇ ਹਾਂ ਜਦੋਂ ਖਾਣ ਨੂੰ ਘਰ ਵਿਚ ਕੁਝ ਨਹੀਂ ਹੁੰਦਾ | ਮੇਰਾ ਬਾਪ ਕੱਲ੍ਹ ਮਾਂ ਦੇ ਸਿਰ ਵਿਚ ਬੂਟ ਮਾਰ ਕੇ ਪੈਸੇ ਖੋਹ ਕੇ ਲੈ ਗਿਆ, ਇਹ ਰੋਂਦੀ- ਰੋਂਦੀ ਇਕ-ਦਮ ਚੁੱਪ ਹੋ ਗਈ, ਕੁਝ ਬੋਲਦੀ ਹੀ ਨਹੀਂ ਗੁੰਮ ਹੋਗੀ |'
'ਬੂਟ ਕਿਉਂ ਮਾਰਿਆ ਸੀ ਉਹਨੇ?' 'ਮੇਰੀ ਮਾਂ ਸਵੇਰ ਤੋਂ ਸ਼ਾਮ ਤੱਕ ਲੋਕਾਂ ਦੇ ਘਰਾਂ 'ਚ ਕੰਮ ਕਰਕੇ ਘਰ ਦਾ ਖਰਚ ਚਲਾਉਂਦੀ ਹੈ , ਹਰ ਰੋਜ਼ ਸ਼ਾਮ ਨੂੰ ਮੇਰਾ ਬਾਪ ਸ਼ਰਾਬ ਲਈ ਜ਼ਿਦ ਕਰਦਾ ਸੀ...ਆਪ ਕੋਈ ਕੰਮ ਨ੍ਹੀ ਕਰਦਾ ਸੀ, ਮਾਂ ਨੂੰ ਕੁੱਟ-ਮਾਰ ਕੇ ਪੈਸੇ ਖੋਹ ਲੈਂਦਾ ਸੀ, ਕ੍ਹੱਲ ਬਹੁਤ ਦੁਖੀ ਮਨ ਨਾਲ, ਰੋ-ਰੋ ਕੇ ਗਾਲ੍ਹਾਂ ਕੱਢੀਆਂ ਇਹਨੇ, ਜ਼ਹਿਰ ਪੀਣ ਪਿੱਛੇ ਸਾਨੂੰ ਕਿਉਂ ਭੁੱਖਾ ਮਾਰਦੈਂ... ਕਮੀਨਿਆਂ ਤੇਰੇ ਕੀੜੇ ਪੈਣ... ਤੂੰ ਘਰ ਨਾ ਮੁੜ ਕੇ ਆਵੇਂ....ਕੀ ਫੂਕਣੈ ਤੇਰੇ ਵਰਗੇ ਨੂੰ ... ਵਗੈਰਾ-ਵਗੈਰਾ ਤਾਂ ਮੇਰੇ ਬਾਪ ਨੇ ਬੂਟ ਮਾਰਿਆ |' ਟੀ.ਵੀ. ਚੈਨਲ ਵਾਲੇ ਨੂੰ ਕੋਈ ਉੱਤਰ ਨਹੀਂ ਆਇਆ ਤੇ ਅੱਗੇ ਚਲਾ ਗਿਆ | ਬੱਚਾ ਫਿਰ ਭੁੱਖੀਆਂ-ਪਿਆਸੀਆਂ ਨਜ਼ਰਾਂ ਨਾਲ ਝਾਕਦਾ ਰਹਿ ਗਿਆ |

-ਪਟਿਆਲਾ | ਮੋਬਾਈਲ : 94177-38737

ਮਿੰਨੀ ਕਹਾਣੀ: ਹਾਥੀ ਦੇ ਦੰਦ

ਅੱਜ ਸ਼ਹਿਰ ਦੇ ਕਮਿਊਨਿਟੀ ਹਾਲ ਵਿਚ ਮੇਅਰ, ਕੌਾਸਲਰ ਅਤੇ ਹੋਰ ਸਿਰ, ਕੱਢ ਲੀਡਰਾਂ ਤੋਂ ਇਲਾਵਾ ਮੁੱਖ ਮਹਿਮਾਨ ਵਜੋਂ ਮੰਤਰੀ ਸਾਹਿਬ ਨੇ ਸਮਾਗਮ ਵਿਚ ਸ਼ਾਮਿਲ ਹੋਣਾ ਸੀ | ਇਸ ਲਈ ਦੋ-ਤਿੰਨ ਦਿਨਾਂ ਤੋਂ ਤਿਆਰੀਆਂ ਬੜੇ ਜ਼ੋਰ-ਸ਼ੋਰ ਨਾਲ ਚਲ ਰਹੀਆਂ ਸਨ |
ਇੰਤਜ਼ਾਰ ਦੀਆਂ ਘੜੀਆਂ ਖ਼ਤਮ ਹੋਈਆਂ | ਮੰਤਰੀ ਜੀ ਦਿੱਤੇ ਸਮੇਂ ਤੋਂ ਘੰਟਾ ਕੁ ਲੇਟ ਪਹੁੰਚੇ, ਜੋ ਪੰਡਾਲ 'ਚ ਬੈਠੇ ਲੋਕਾਂ ਨੂੰ ਬਹੁਤਾ ਨਾ ਚੱੁਭਿਆ | ਜਦੋਂ ਮੰਤਰੀ ਜੀ ਨੇ ਫ਼ਿਲਮੀ ਅੰਦਾਜ਼ ਵਿਚ ਬੂਟੇ ਨੂੰ ਪੋਲਾ ਜਿਹਾ ਹੱਥ ਪਾਇਆ ਤਾਂ ਉਥੇ ਖੜ੍ਹੇ ਵੱਖ-ਵੱਖ ਚੈਨਲਾਂ ਤੋਂ ਆਏ ਕੈਮਰੇ ਵਾਲਿਆਂ ਕਲਿੱਕ-ਕਲਿੱਕ ਕਰ ਤਸਵੀਰਾਂ ਖਿੱਚ ਲਈਆਂ | ਬੂਟੇ ਨੂੰ ਉਥੇ ਪੁੱਟੇ ਹੋਏ ਟੋਏ ਵਿਚ ਰੱਖ ਮੰਤਰੀ ਵਲੋਂ ਥੋੜ੍ਹਾ ਪਾਣੀ ਵੀ ਪਾਇਆ ਗਿਆ, ਜਿਸ ਨੂੰ ਪਾਉਣ ਲਈ ਨਾਲ ਖੜ੍ਹੇ ਤਿੰਨ-ਚਾਰ ਅਫ਼ਸਰਾਂ ਨੇ ਉਨ੍ਹਾਂ ਦੀ ਸਹਾਇਤਾ ਵੀ ਕੀਤੀ | ਇਸ ਤੋਂ ਉਪਰੰਤ ਮੰਤਰੀ ਜੀ ਨੇ ਸਟੇਜ 'ਤੇ ਚੜ੍ਹ ਲੱਛੇਦਾਰ ਭਾਸ਼ਨ ਵੀ ਕੀਤਾ | ਪਾਣੀ ਤੇ ਰੁੱਖਾਂ ਨੂੰ ਬਚਾਅ ਕੇ ਹੀ ਅਸੀਂ ਇਸ ਧਰਤੀ 'ਤੇ ਜਿਊਾਦੇ ਰਹਿ ਸਕਦੇ ਹਾਂ | ਇਸ ਗੱਲ 'ਤੇ ਪਹਿਰਾ ਦੇਣਾ ਹਰ ਇਕ ਵਿਅਕਤੀ ਦਾ ਓਨਾ ਹੀ ਫਰਜ਼ ਬਣਦਾ ਹੈ ਜਿੰਨਾ ਕਿ ਸਰਕਾਰ ਦਾ | ਆਖਰ 'ਚ ਰੁੱਖਾਂ ਦੀ ਹੋ ਰਹੀ ਬੇਸ਼ੁਮਾਰ ਕਟਾਈ 'ਤੇ ਵਾਹਵਾ ਚਿੰਤਾ ਪ੍ਰਗਟਾਈ | 'ਹਰ ਮਨੁੱਖ ਲਾਵੇ ਇਕ ਰੁੱਖ' ਦਾ ਨਾਅਰਾ ਵੀ ਦਿੱਤਾ |
ਇਸ ਤੋਂ ਪਿਛੋਂ ਮੰਤਰੀ ਜੀ ਦੀ ਕਾਰ ਉਸ ਅਣਦੱਸੀ ਥਾਂ ਲਈ ਰਵਾਨਾ ਹੋ ਗਈ ਜੋ ਮੰਤਰੀ ਮੰਡਲ 'ਚ ਸਹੰੁ ਚੁੱਕ ਸਮਾਗਮ ਤੋਂ ਅਗਲੇ ਦਿਨ ਕਬਜ਼ੇ 'ਚ ਲਈ ਦੋ ਤਿੰਨ ਏਕੜ ਸ਼ਾਮਲਾਟ ਜ਼ਮੀਨ ਸ਼ਹਿਰੋਂ ਬਾਹਰ ਬੇਟ ਏਰੀਏ 'ਚ ਪੈਂਦੀ ਸੀ | ਉਥੇ ਪਹੁੰਚਣ 'ਤੇ ਡਰਾਈਵਰ ਵਲੋਂ ਗੱਡੀ ਦੀ ਤਾਕੀ ਖੋਲ੍ਹਦਿਆਂ ਸਾਰ ਇਹ ਦੇਖ ਮੰਤਰੀ ਜੀ ਦੀਆਂ ਵਾਛਾਂ ਖਿੜ ਗਈਆਂ ਕਿ ਉਨ੍ਹਾਂ ਦੇ ਹੀ ਮਹਿਕਮੇ ਵਲੋਂ ਭੇਜੀ ਗਈ ਜੇ.ਸੀ.ਬੀ. ਮਸ਼ੀਨ ਨੇ ਵੱਡੇ-ਵੱਡੇ ਦਰੱਖਤ ਪੁੱਟ ਉਲਟਾ ਕੇ ਪੁੱਠੇ ਕਰ ਸੁੱਟੇ ਸਨ ਤੇ ਸਭ ਕੁਝ ਤਹਿਸ-ਨਹਿਸ ਹੋਇਆ ਪਿਆ ਸੀ |
ਇਸ ਤੋਂ ਵੱਡੀ ਗੱਲ ਉਨ੍ਹਾਂ ਦੇ ਇਕ ਫੋਨ ਕਰਨ ਨਾਲ ਰੇਤਾ ਤੇ ਬਜਰੀ ਦੇ ਲੱਗੇ ਅੰਬਾਰ ਦੂਰੋਂ ਹੀ ਨਜ਼ਰੀਂ ਪੈਂਦੇ ਸਨ | ਮੰਤਰੀ ਜੀ ਖ਼ੁਸ਼ੀ ਨਾਲ ਮੰੂਹ 'ਚ ਬੁੜਬੁੜਾਏ ਕਿ ਜੇ ਉਹ ਇਸੇ ਤਰ੍ਹਾਂ ਤਰੱਕੀ ਦੇ ਰਾਹ 'ਤੇ ਚਲਦਾ ਰਿਹਾ ਤਾਂ ਆਉਣ ਵਾਲੇ ਕੁਝ ਹੀ ਸਮੇਂ 'ਚ ਇਥੇ ਇਕ ਵੱਡੀ ਕਾਰ ਏਜੰਸੀ ਸਥਾਪਤ ਹੋ ਜਾਵੇਗੀ |
ਅਗਲੇ ਦਿਨ ਮੰਤਰੀ ਜੀ ਦੇ ਬੂਟਾ ਲਾਉਣ ਦੀਆਂ ਤਸਵੀਰਾਂ ਵੱਖ-ਵੱਖ ਅਖ਼ਬਾਰਾਂ ਦੇ ਪੰਨਿਆਂ 'ਤੇ ਛਪ ਚੁੱਕੀਆਂ ਸਨ |

-ਪਿੰਡ ਤੇ ਡਾਕ: ਕੋਹਾੜਾ, ਜ਼ਿਲ੍ਹਾ ਲੁਧਿਆਣਾ-141112.
ਮੋਬਾਈਲ : 84370-48523.

ਮਾਚਿਸ ਦੀ ਡੱਬੀ

ਗੁਆਂਢਣ ਨਿਹਾਲੋ ਢਲੇ ਦੁਪਹਿਰ ਸੁਰਜੀਤ ਕੁਰ ਦੇ ਘਰ ਦਾ ਬੂਹਾ ਖੜਕਾ ਦਰ ਲੰਘ ਆਉਂਦੀ ਹੈ ਤੇ ਸੁਰਜੀਤ ਕੁਰ ਦੀ ਨੂੰ ਹ ਜੀਤਾਂ ਨੂੰ ਆਵਾਜ਼ ਮਾਰਦੀ ਹੋਈ ਮਾਚਿਸ ਦੀ ਡੱਬੀ ਬਾਰੇ ਪੁੱਛਦੀ ਹੈ | ਅੱਗੋਂ ਜੀਤਾਂ ਕਹਿੰਦੀ ਹੈ ਕਿ ਨਾ ਮਾਂ ਜੀ ਮੈਨੂੰ ਤਾਂ ਨੀ ਪਤਾ ਮੰਮੀ ਨੂੰ ਪੁੱਛ ਕੇ ਦੱਸਦੀ ਹਾਂ | ਨਿਹਾਲੋ ਹੈਰਾਨ ਹੋਈ ਅੱਗੋਂ ਉਸ ਨੂੰ ਕਹਿੰਦੀ ਹੈ ਕਿ ਮੰਮੀ ਨੂੰ ਪੁੱਛਣ ਦੀ ਕੀ ਜ਼ਰੂਰਤ ਹੈਂ ਤੈਨੂੰ ਨਹੀਂ ਪਤਾ ਕਿ ਥੋਡੇ ਘਰੇ ਮਾਚਿਸ ਹੈ ਜਾਂ ਨਹੀਂ | ਗੱਲ ਨੂੰ ਵਿਚੋਂ ਹੀ ਰੋਕਦੀ ਹੋਈ ਜੀਤਾਂ ਦੀ ਸੱਸ ਸੁਰਜੀਤ ਕੁਰ ਕਮਰੇ ਦੇ ਅੰਦਰੋਂ ਨਿਕਲਦੀ ਹੋਈ ਕਹਿੰਦੀ ਹੈ ਕਿ ਜੀਤਾਂ ਨੂੰ ਭਲਾਂ ਮਾਚਿਸ ਦਾ ਕਿਵੇਂ ਪਤਾ ਹੋਊ ਨਾਲੇ ਅਸੀਂ ਤਾਂ ਮਾਚਿਸ ਵਰਤਦੇ ਹੀ ਨਹੀਂ ਪਹਿਲਾਂ ਦੀ ਕਿਤੇ ਪਈ ਹੋਵੇ ਇੱਧਰ-ਉੱਧਰ ਤਾਂ ਯਾਦ ਨਹੀਂ, ਅਸੀਂ ਤਾਂ ਲਾਈਟਰ ਵਰਤਦੇ ਹਾਂ | ਸੁਰਜੀਤ ਕੁਰ ਦਾ ਇਕ-ਟੁੱਕ ਜੁਆਬ ਸੁਣ ਨਿਹਾਲੋ ਵਿਅੰਗ ਜਿਹੇ ਲਹਿਜ਼ੇ ਵਿਚ ਇਹ ਕਹਿੰਦੀ ਹੋਈ ਦਰਵਾਜ਼ੇ ਤੱਕ ਆ ਜਾਂਦੀ ਹੈ ਕਿ ਮਾਚਿਸ ਦੀ ਡੱਬੀ ਵੀ ਰੱਖਣੀ ਚਾਹੀਦੀ ਹੈ,ਕਦੇ ਜ਼ਰੂਰਤ ਪੈ ਜਾਂਦੀ ਹੈ, ਰੱਖਿਆ ਕਰੋ | ਨਿਹਾਲੋ ਦੇ ਕਹਿਣ ਦੇ ਢੰਗ ਤੇ ਦੋਹਰੇ ਅਰਥਾਂ ਵਾਲੀ ਗੱਲ ਸੁਣ ਸੁਰਜੀਤ ਕੁਰ ਉਸ ਨੂੰ ਇਹ ਕਹਿ ਕੇ ਦਰਵਾਜ਼ਾ ਭੇੜ ਲੈਂਦੀ ਹੈ ਕਿ ਮਾਚਿਸ ਦੀ ਡੱਬੀ ਦਾ ਕੀ ਏ ਭੈਣ ਤੂੰ ਆਪਣੀ ਧੀ ਦੀ ਸੱਸ ਤੋਂ ਪੁੱਛ ਕੇ ਦੇਖ ਲੈ ਕੀ ਪਤਾ ਉਸ ਤੋਂ ਈ... |

-ਮਾਨਸਾ ਮੋਬਾਈਲ : 7009923030

ਰੰਗ ਤੇ ਵਿਅੰਗ: ਨਵੀਂ ਮੁਸੀਬਤ

'ਯਾਰ ਦੁਨੀਆ 'ਚ ਵੱਡੇ-ਵੱਡੇ ਚਾਪਲੂਸ, ਦੱਬੂ ਅਤੇ ਪਤਨੀ ਤੋਂ ਡਰਨ ਵਾਲੇ ਵੇਖੇ, ਪਰ ਤੂੰ ਸਭ ਤੋਂ ਵੱਧ ਕੇ ਐਾ, ਪਤਨੀ ਦੀ ਫੋਟੋ ਹਰ ਵੇਲੇ ਜੇਬ 'ਚ ਰੱਖਦਾ ਐਾ | '
'ਇਹ ਫੋਟੋ ਮੈਨੂੰ ਕਈ ਮੁਸੀਬਤਾਂ ਤੋਂ ਬਚਾਉਂਦੀ ਹੈ | '
'ਮੈਂ ਸਮਝਿਆ ਨਹੀਂ?'
'ਜਦੋਂ ਮੇਰੇ 'ਤੇ ਕੋਈ ਮੁਸੀਬਤ ਆਉਂਦੀ ਹੈ ਤਾਂ ਮੈਂ ਇਸ ਫੋਟੋ ਨੂੰ ਕੱਢ ਕੇ ਸੋਚਦਾ ਹਾਂ ਕਿ ਜਦੋਂ ਮੈਂ ਇੰਨੀ ਵੱਡੀ ਮੁਸੀਬਤ ਦਾ ਸਾਹਮਣਾ ਕਰ ਸਕਦਾ ਹਾਂ ਤਾਂ ਨਵੀਂ ਮੁਸੀਬਤ ਮੇਰਾ ਕੀ ਵਿਗਾੜ ਲਵੇਗੀ?'

-ਸੁਖਮੰਦਰ ਸਿੰਘ ਤੂਰ
ਪਿੰਡ ਤੇ ਡਾਕ: ਖੋਸਾ ਪਾਂਡੋ, ਜ਼ਿਲ੍ਹਾ ਮੋਗਾ-142048.
sukhmandar25@gmail.com

ਨਸੀਹਤ

ਆਪਣੇ ਮਾਮੇ ਦੀ ਕੁੜੀ ਦੀ ਵਿਦਾਈ ਸਮੇਂ ਜਗਤਾਰ ਨੇ ਉਸ ਨੂੰ ਗਲ ਨਾਲ ਲਗਾ ਕੇ ਸਮਝਾੳਾੁਦਿਆਂ ਕਿਹਾ, 'ਭੈਣੇ ਹੁਣ ਸਹੁਰਾ ਘਰ ਹੀ ਤੇਰਾ ਅਸਲੀ ਘਰ ਹੈ, ਸੋ ਸੱਸ-ਸਹੁਰੇ ਨੂੰ ਮਾਂ-ਪਿਓ ਅਤੇ ਨਣਦ ਦਿਉਰ ਨੂੰ ਭੈਣ-ਭਰਾ ਸਮਝ ਕੇ ਪਿਆਰ ਸਤਿਕਾਰ ਦੇਣਾ |' ਕੋਲ ਖੜ੍ਹੀ ਜਗਤਾਰ ਦੀ ਪਤਨੀ ਨੇ ਵੀ ਇਸ ਦੀ ਹਾਮੀ ਭਰੀ | ਉਨ੍ਹਾਂ ਦੋਵਾਂ ਦੇ ਇਹ ਬੋਲ ਰਸਤੇ 'ਚ ਜਾਂਦੇ ਸਮੇਂ ਉਸ ਦੇ ਕੰਨਾਂ ਵਿਚ ਗੂੰਜ ਰਹੇ ਸਨ ਤੇ ਉਹ ਅਤੀਤ ਵਿਚ ਚਲੀ ਗਈ ਜਿੱਥੇ ਉਸ ਦਾ ਪਰਿਵਾਰ ਜਗਤਾਰ ਨੂੰ ਸਮਝਾਉਂਦੇ ਰਹੇ ਸਨ ਕਿ ਆਪਣੇ ਮਾਪਿਆਂ ਦੀ ਅਣਦੇਖੀ ਨਾ ਕਰਿਆ ਕਰੇ | ਆਪਣੀ ਪਤਨੀ ਦੀਆਂ ਹੀ ਨਾ ਸੁਣਿਆ ਕਰੇ ਜੋ ਉਸ ਨੂੰ ਉਨ੍ਹਾਂ ਦੇ ਿਖ਼ਲਾਫ਼ ਭੜਕਾਉਂਦੀ ਸੀ | ਭੂਆ ਜਦ ਵੀ ਆੳਾੁਦੀ ਤਾਂ ਜਗਤਾਰ ਦੀਆਂ ਬੇਰੁਖ਼ੀਆਂ ਸੁਣਾ ਕੇ ਭੁੱਬਾਂ ਮਾਰ ਕੇ ਰੋਂਦੀ | ਆਪਣੇ ਰੱਬ ਸਮਾਨ ਮਾਪਿਆਂ ਨੂੰ ਠੁਕਰਾਉਣ ਵਾਲੇ ਜਗਤਾਰ ਦੀਆਂ ਨਸੀਹਤਾਂ ਅੱਜ ਉਸ ਨੂੰ ਵਿਖਾਵਾ ਜਾਪ ਰਹੀਆਂ ਸਨ | ਉਹ ਸੋਚ ਰਹੀ ਸੀ ਕਿ ਇਹ ਨਸੀਹਤ ਮੈਨੂੰ ਦੇਣ ਦੀ ਬਜਾਇ ਜਗਤਾਰ ਅਤੇ ਉਸ ਦੀ ਪਤਨੀ ਨੇ ਇਸ 'ਤੇ ਅਮਲ ਕੀਤਾ ਹੁੰਦਾ ਤਾਂ ਸ਼ਾਇਦ ਉਸ ਘਰ ਦੀ ਬਰਬਾਦੀ ਨਾ ਹੁੰਦੀ ਅਤੇ ਭੂਆ-ਫੁੱਫੜ ਤੜਫ਼ਦੇ ਹੋਏ ਇਸ ਦੁਨੀਆ ਤੋਂ ਰੁਖ਼ਸਤ ਨਾ ਹੁੰਦੇ |

-ਪਿੰਡ ਤੇ ਡਾਕ: ਚੱਕ ਬਖਤੂ, ਤਹਿ. ਤੇ ਜਿਲ੍ਹਾ ਬਠਿੰਡਾ-151101 ਸੰਪਰਕ: 94641-72783
5mail: gurtejsingh72783@gmail.com

ਕਾਵਿ-ਵਿਅੰਗ: ਕੁੰਡਲੀ

• ਨਵਰਾਹੀ ਘੁਗਿਆਣਵੀ •
ਗਧੇ ਘੋੜੇ ਦਾ ਹੋ ਗਿਆ ਮੁੱਲ ਇਕੋ,
ਮੰਡੀ ਪਸ਼ੂਆਂ ਦੀ ਬੜੀ ਅਜੀਬ ਵੇਖੀ |
ਝੋਟੀ ਚੱਜ ਦੀ ਮਿਲੇ ਨਾ ਕੋਈ ਏਥੇ,
ਹਰ ਇਕ ਮੱਝ ਮੈਂ ਪਹੁੰਚ ਕਰੀਬ ਵੇਖੀ |
ਕਈ ਖੱਲੀਆਂ ਉਂਝ ਤਾਂ ਸੁਹਣੀਆਂ ਸਨ,
ਕੁੱਤੇ ਵਾਕਰਾਂ ਲਮਕਦੀ ਜੀਭ ਵੇਖੀ |
'ਭਾਗਭਰੀ' ਸੀ ਰੱਖਿਆ ਨਾਮ ਉਸ ਦਾ,
ਕੁੰਡਲੀ ਜੋਤਸ਼ੀ ਬਦਨਸੀਬ ਵੇਖੀ |

-ਨਹਿਰ ਨਜ਼ਾਰਾ, ਨਵਾਂ ਹਰਿੰਦਰ ਨਗਰ, ਫਰੀਦਕੋਟ-151203.
ਮੋਬਾਈਲ : 98150-02302.





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX