ਤਾਜਾ ਖ਼ਬਰਾਂ


ਲੋਕ ਆਗੂ ਮਨਜੀਤ ਧਨੇਰ ਜ਼ਿਲ੍ਹਾ ਜੇਲ੍ਹ ਬਰਨਾਲਾ ਵਿਚੋਂ ਹੋਏ ਰਿਹਾਅ
. . .  1 day ago
ਬਰਨਾਲਾ, 14 ਨਵੰਬਰ (ਗੁਰਪ੍ਰੀਤ ਸਿੰਘ ਲਾਡੀ)-ਜ਼ਿਲ੍ਹਾ ਜੇਲ੍ਹ ਬਰਨਾਲਾ ਵਿਖੇ ਉਮਰ ਕੈਦ ਦੀ ਸਜ਼ਾ ਕੱਟ ਰਹੇ ਲੋਕ ਆਗੂ ਮਨਜੀਤ ਧਨੇਰ ਨੂੰ ਰਾਜਪਾਲ ਪੰਜਾਬ ਵਲੋਂ ਉਮਰ ਕੈਦ ਦੀ ਸਜ਼ਾ ਰੱਦ ਕੀਤੇ ਜਾਣ ਤੋਂ ਬਾਅਦ ਅੱਜ ਦੇਰ ਸ਼ਾਮ ...
ਅਣਪਛਾਤੇ ਵਿਅਕਤੀਆਂ ਨੇ ਕੀਤਾ ਨੌਜਵਾਨ ਦਾ ਕਤਲ
. . .  1 day ago
ਖੰਨਾ, 14 ਨਵੰਬਰ (ਹਰਜਿੰਦਰ ਸਿੰਘ ਲਾਲ)-ਅੱਜ ਦੇਰ ਸ਼ਾਮ ਸਥਾਨਕ ਮਲੇਰਕੋਟਲਾ ਰੋਡ ਤੋਂ ਮੁੜਦੀ ਇਕ ਸੜਕ 'ਤੇ ਇਕ ਨੌਜਵਾਨ ਦਾ ਅਣਪਛਾਤੇ ਵਿਅਕਤੀਆਂ ਵੱਲੋਂ ਦਾਹ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੰਦੀਪ ਸਿੰਘ...
ਕਿਸਾਨ ਜਥੇਬੰਦੀ ਵੱਲੋਂ ਕਿਸਾਨਾਂ ਖ਼ਿਲਾਫ਼ ਦਰਜ ਕੇਸਾਂ ਨੂੰ ਰੱਦ ਕਰਵਾਉਣ ਲਈ ਪੰਜਾਬ ਪੱਧਰੀ ਧਰਨਾ ਜੈਤੋ 'ਚ ਦਿੱਤਾ
. . .  1 day ago
ਜੈਤੋ, 14 ਨਵੰਬਰ (ਗੁਰਚਰਨ ਸਿੰਘ ਗਾਬੜੀਆ, ਨਿੱਜੀ ਪੱਤਰ ਪ੍ਰੇਰਕ)- ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਸਿੱਧੂਪੁਰ ਪੰਜਾਬ ਦੇ ਸੂਬਾਈ ਪ੍ਰਧਾਨ ਜਗਜੀਤ ਸਿੰਘ ਡੱਲੇਵਾਲ ਦੀ ਅਗਵਾਈ ਵਿਚ ਪੰਜਾਬ ਪੱਧਰ 'ਤੇ ਵੱਡੀ ਗਿਣਤੀ 'ਚ ਕਿਸਾਨਾਂ ...
ਖਾੜਕੂ ਸਿੰਘ ਲਾਲ ਸਿੰਘ ਦੀ ਰਿਹਾਈ ਅੱਜ ਨਾ ਹੋ ਸਕੀ ਸੰਭਵ
. . .  1 day ago
ਨਾਭਾ ,14 ਨਵੰਬਰ (ਕਰਮਜੀਤ ਸਿੰਘ ) -ਕੇਂਦਰ ਸਰਕਾਰ ਵੱਲੋਂ ਸਿੱਖ ਕੈਦੀਆ ਦੀ ਰਿਹਾਈ ਦੇ ਜਾਰੀ ਕੀਤੇ ਹੁਕਮਾਂ ਤੇ ਪੰਜਾਬ ਦੇ 8 ਸਿੱਖ ਕੈਦੀਆ ਦੇ ਨਾਮ ਸਾਹਮਣੇ ਆਏ ਜਿਨ੍ਹਾਂ ਵਿਚੋਂ ਦੋ ਸਿੱਖ ਕੈਦੀ ਮੈਕਸੀਮਮ ਸਿਕਉਰਟੀ ...
ਜ਼ਿਲ੍ਹਾ ਮੋਹਾਲੀ ਦੇ ਪਿੰਡ ਦਿਆਲਪੁਰਾ 'ਚ ਰੱਖਿਆ ਸੂਬੇ ਦੇ ਪਹਿਲੇ ਆਯੂਸ਼ ਹਸਪਤਾਲ ਦਾ ਨੀਂਹ ਪੱਥਰ
. . .  1 day ago
ਚੰਡੀਗੜ੍ਹ, 14 ਨਵੰਬਰ, {ਹੈਪੀ ਪੰਡਵਾਲਾ}-ਅੱਜ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਬਲਬੀਰ ਸਿੰਘ ਸਿੱਧੂ ਅਤੇ ਸੰਸਦ ਮੈਂਬਰ ਪ੍ਰਨੀਤ ਕੌਰ ਵੱਲੋਂ ਮੋਹਾਲੀ ਜ਼ਿਲ੍ਹੇ ਦੇ ਪਿੰਡ ਦਿਆਲਪੁਰਾ ਵਿਖੇ ਸੂਬੇ ਦੇ ਪਹਿਲੇ ਆਯੂਸ਼ ਹਸਪਤਾਲ ਦਾ ...
ਪਿੰਡ ਕਾਲੇ ਕੇ ਦੇ ਨੌਜਵਾਨ ਦੀ ਵਧੇਰੇ ਨਸ਼ੇ ਦੀ ਡੋਜ਼ ਲੈਣ ਕਾਰਣ ਮੌਤ
. . .  1 day ago
ਟਾਂਗਰਾ, 14 ਨਵੰਬਰ ( ਹਰਜਿੰਦਰ ਸਿੰਘ ਕਲੇਰ )-ਪਿੰਡ ਕਾਲੇ ਕੇ ਦੇ ਇਕ ਨੌਜਵਾਨ ਵੱਲੋਂ ਵਧੇਰੇ ਨਸ਼ੇ ਦੀ ਓਵਰ ਡੋਜ਼ ਕਾਰਣ ਮੌਤ ਹੋ ਗਈ ਹੈ। ਪਿੰਡ ਵਾਸੀਆ ਨੇ ਦੱਸਿਆ ਕਿ ਰਣਜੀਤ ਸਿੰਘ ਪੁੱਤਰ ਬਲਦੇਵ ਸਿੰਘ ਵਿਆਹਿਆ ਹੋਇਆ ਸੀ...
14 ਦਿਨਾਂ ਤੋਂ ਭੁੱਖ ਹੜਤਾਲ 'ਤੇ ਬੈਠੇ ਜਥੇਦਾਰ ਫੱਗੂਵਾਲਾ ਦੀ ਭੁੱਖ ਹੜਤਾਲ ਖ਼ਤਮ
. . .  1 day ago
ਸੰਗਰੂਰ, 14 ਨਵੰਬਰ (ਧੀਰਜ ਪਿਸ਼ੋਰੀਆ) - ਤਕਰੀਬਨ 10 ਸਾਲ ਪਹਿਲਾ ਸ੍ਰੀ ਅਕਾਲ ਤਖਤ ਤੋਂ ਜਾਰੀ ਹੋਏ ਹੁਕਮਨਾਮੇ 'ਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਜ਼ਿਲ੍ਹਾ ਸੰਗਰੂਰ ਦੇ ਮਸਤੂਆਣਾ...
ਕਾਰ ਮੋਟਰਸਾਈਕਲ ਦੀ ਟੱਕਰ ਚ ਪਤੀ-ਪਤਨੀ ਦੀ ਮੌਤ
. . .  1 day ago
ਰਾਏਕੋਟ, 14 ਨਵੰਬਰ (ਸੁਸ਼ੀਲ) ਸਥਾਨਕ ਸ਼ਹਿਰ ਚੋਂ ਲੰਘਦੇ ਲੁਧਿਆਣਾ-ਬਠਿੰਡਾ ਰਾਜ ਮਾਰਗ 'ਤੇ ਇੱਕ ਮੋਟਰਸਾਈਕਲ ਅਤੇ ਇੱਕ ਸਵਿਫ਼ਟ ਕਾਰ ਦਰਮਿਆਨ ਹੋਈ ਜ਼ਬਰਦਸਤ ਟੱਕਰ...
ਪੱਤਰਕਾਰਾਂ ਨਾਲ ਉਲਝੇ ਸਿੱਧੂ ਮੂਸੇਵਾਲਾ ਦੇ ਬਾਊਂਸਰ
. . .  1 day ago
ਅੰਮ੍ਰਿਤਸਰ, 14 ਨਵੰਬਰ (ਰਾਜੇਸ਼ ਕੁਮਾਰ) - ਵਿਵਾਦਾਂ 'ਚ ਘਿਰੇ ਗਾਇਕ ਸਿੱਧੂ ਮੂਸੇਵਾਲਾ ਦੀ ਅੰਮ੍ਰਿਤਸਰ ਫੇਰੀ ਦੌਰਾਨ ਪੱਤਰਕਾਰਾਂ ਵੱਲੋਂ ਸਵਾਲ ਪੁੱਛੇ ਜਾਣ 'ਤੇ ਸਿੱਧੂ ਮੂਸੇਵਾਲਾ ਦੇ...
ਐੱਸ.ਪੀ ਸਿੰਘ ਓਬਰਾਏ 1100 ਸ਼ਰਧਾਲੂਆਂ ਨੂੰ ਹਰ ਸਾਲ ਕਰਵਾਉਣਗੇ ਕਰਤਾਰਪੁਰ ਸਾਹਿਬ ਦੇ ਮੁਫ਼ਤ ਦਰਸ਼ਨ
. . .  1 day ago
ਅੰਮ੍ਰਿਤਸਰ, 14 ਨਵੰਬਰ (ਜਸਵੰਤ ਸਿੰਘ ਜੱਸ) - ਉੱਘੇ ਸਮਾਜ ਸੇਵੀ ਤੇ ਸਰਬੱਤ ਦਾ ਭਲਾ ਟਰੱਸਟ ਦੇ ਮੁਖੀ ਡਾ: ਐੱਸ ਪੀ ਸਿੰਘ ਓਬਰਾਏ 1100 ਲੋੜਵੰਦ ਸ਼ਰਧਾਲੂਆਂ ਨੂੰ ਇੱਕ ਸਾਲ ਦੌਰਾਨ ਆਪਣੇ ਖਰਚੇ 'ਤੇ ਪਾਕਿਸਤਾਨ ਸਥਿਤ ਗੁ: ਸ੍ਰੀ ਦਰਬਾਰ ਸਾਹਿਬ ਕਰਤਾਰਪੁਰ ਸਾਹਿਬ...
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਇੰਜ ਕਰੋ ਸਰਦੀ ਰੁੱਤ ਵਿਚ ਸਿਹਤ ਦੀ ਰੱਖਿਆ

ਸਾਡੇ ਸਰੀਰ ਅਤੇ ਸਿਹਤ 'ਤੇ ਆਹਾਰ-ਵਿਹਾਰ ਦੇ ਨਾਲ ਹੀ ਰੁੱਤ ਅਤੇ ਜਲਵਾਯੂ ਦਾ ਵੀ ਸਿੱਧਾ ਪ੍ਰਭਾਵ ਪੈਂਦਾ ਹੈ। ਤੰਦਰੁਸਤੀ ਲਈ ਸਰਦੀ ਰੁੱਤ ਨੂੰ ਸਰਵਸ੍ਰੇਸ਼ਠ ਮੰਨਿਆ ਗਿਆ ਹੈ। ਇਸ ਰੁੱਤ ਨੂੰ 'ਹੈਲਦੀ ਸੀਜ਼ਨ' ਵੀ ਕਿਹਾ ਜਾਂਦਾ ਹੈ। ਆਯੁਰਵੈਦ ਸ਼ਾਸਤਰ ਦੇ ਅਨੁਸਾਰ ਇਸ ਰੁੱਤ ਵਿਚ ਸੰਤੁਲਿਤ ਭੋਜਨ, ਸੰਯਮਿਤ ਆਹਾਰ-ਵਿਹਾਰ, ਬ੍ਰਾਹਮਚਾਰੀ, ਪੋਸ਼ਕ ਅਤੇ ਬਲ ਵਰਧਕ ਪਦਾਰਥਾਂ ਦਾ ਸੇਵਨ ਸਿਹਤ ਰੱਖਿਅਕ ਹੁੰਦਾ ਹੈ।
ਆਯੁਰਵੈਦ ਦੇ ਸਿਧਾਂਤਾਂ ਅਨੁਸਾਰ ਸਰਦੀ ਰੁੱਤ ਵਿਚ ਸਾਡਾ ਖਾਣ-ਪੀਣ, ਰਹਿਣ-ਸਹਿਣ, ਪ੍ਰਹੇਜ਼ ਅਤੇ ਰੋਜ਼ਮਰਾ ਕਿਹੋ ਜਿਹੀ ਹੋਵੇ? ਸਰਦੀ ਵਿਚ ਮਨੁੱਖ ਦੀ ਸਿਹਤ ਦੀ ਰੱਖਿਆ ਅਤੇ ਉਸ ਨੂੰ ਨਿਰੋਗ ਰੱਖਣ ਵਿਚ ਕੁਦਰਤ ਬਹੁਤ ਜ਼ਿਆਦਾ ਸਹਾਇਕ ਹੁੰਦੀ ਹੈ।
ਸਰਦੀ ਰੁੱਤ ਵਿਚ ਸੂਰਜ ਦੱਖਣਾਯਨ ਹੋ ਜਾਂਦਾ ਹੈ, ਉਥੇ ਚੰਦਰਮਾ ਦਾ ਬਲ ਪ੍ਰਬਲ ਹੋ ਜਾਂਦਾ ਹੈ, ਇਸੇ ਕਾਰਨ ਦਿਨ ਛੋਟੇ ਅਤੇ ਰਾਤਾਂ ਲੰਬੀਆਂ ਹੋ ਜਾਂਦੀਆਂ ਹਨ, ਜਿਸ ਨਾਲ ਸਰੀਰ ਨੂੰ ਲੋੜੀਂਦਾ ਆਰਾਮ ਅਤੇ ਪਾਚਣ ਸੰਸਥਾਨ ਨੂੰ ਪਾਚਣ ਲਈ ਕਾਫੀ ਸਮਾਂ ਮਿਲ ਜਾਂਦਾ ਹੈ। ਇਸ ਸਮੇਂ ਸਰੀਰਕ ਊਸ਼ਮਾ ਦੇ ਪ੍ਰਬਲ ਹੋਣ ਨਾਲ ਭਾਰੀ ਭੋਜਨ ਵੀ ਅਸਾਨੀ ਨਾਲ ਪਚ ਜਾਂਦਾ ਹੈ।
ਕੁਦਰਤੀ ਤੱਤਾਂ ਵਿਚ ਮਧੁਰ ਅਮਲ ਅਤੇ ਲਵਣ ਰਸਾਂ ਦਾ ਵਾਧਾ ਹੋ ਜਾਂਦਾ ਹੈ। ਨਤੀਜੇ ਵਜੋਂ ਪ੍ਰਾਣੀਆਂ ਵਿਚ ਨਿਮਰਤਾ ਪੈਦਾ ਹੁੰਦੀ ਹੈ। ਇਸੇ ਸ਼ਕਤੀ ਨਾਲ ਤੰਦਰੁਸਤੀ, ਧੀਰਜ, ਲਵਣ ਆਦਿ ਗੁਣ ਸਥਿਰ ਰਹਿੰਦੇ ਹਨ। ਇਸ ਸਮੇਂ ਸਰੀਰ ਵਿਚ ਮੇਧਾਸ਼ਕਤੀ, ਬਲ ਅਤੇ ਓਜ ਸ਼ਕਤੀ ਦਾ ਵੀ ਵਾਧਾ ਹੁੰਦਾ ਹੈ।
ਸਰਦੀ ਵਿਚ ਵਾਤਾਵਰਨ ਵਿਚ ਸ਼ੀਤਗੁਣ ਦਾ ਵਾਧਾ ਹੁੰਦਾ ਹੈ, ਇਸ ਲਈ ਠੰਢ ਤੋਂ ਸਰੀਰ ਦੀ ਰੱਖਿਆ ਲਈ ਗਰਮ ਕੱਪੜਿਆਂ ਅਤੇ ਖਾਧ ਪਦਾਰਥਾਂ ਦੀ ਵਰਤੋਂ ਜ਼ਰੂਰੀ ਹੁੰਦੀ ਹੈ। ਸਰੀਰ ਵਿਚ ਵਰਤਮਾਨ ਰੁੱਤ ਤੋਂ ਪਹਿਲਾਂ ਕੁਝ ਵਿਕਾਰਾਂ ਦਾ ਵਾਧਾ ਹੁੰਦਾ ਹੈ। ਮੌਸਮੀ ਚੀਜ਼ਾਂ ਦੇ ਸੇਵਨ ਨਾਲ ਵੱਡੇ ਹੋਏ ਵਿਕਾਰਾਂ ਦਾ ਸ਼ਮਨ ਖੁਦ ਹੀ ਹੋ ਜਾਂਦਾ ਹੈ।
ਠੰਢ ਵਧਣ ਦੇ ਨਾਲ ਹੀ ਜਠਰਾਗਿਨ ਵੀ ਤੇਜ਼ ਹੋ ਜਾਂਦੀ ਹੈ। ਨਤੀਜੇ ਵਜੋਂ ਭੁੱਖ ਜ਼ਿਆਦਾ ਲਗਦੀ ਹੈ। ਇਸ ਸਮੇਂ ਭੁੱਖ ਦਬਾਉਣਾ ਹਾਨੀਕਾਰਕ ਹੋ ਸਕਦਾ ਹੈ, ਕਿਉਂਕਿ ਸਰੀਰ ਦੀ ਵਧੀ ਹੋਈ ਅਗਨੀ ਇਸ ਦੇ ਨਾਲ ਧਾਤੂ, ਰਸ, ਰਕਤ, ਮਾਸ ਆਦਿ ਨੂੰ ਵੀ ਜਲਾ ਦਿੰਦੀ ਹੈ। ਇਸ ਨਾਲ ਸਰੀਰ ਨੂੰ ਨੁਕਸਾਨ ਅਤੇ ਹਵਾ ਕੁਪਿਤ ਹੋ ਜਾਂਦੀ ਹੈ।
ਵੈਸੇ ਵੀ ਇਸ ਸਮੇਂ ਪਿੱਤ ਦਾ ਸ਼ਮਨ ਅਤੇ ਹਵਾ ਅਤੇ ਕਫ ਦਾ ਸੰਚਯ ਹੁੰਦਾ ਹੈ, ਇਸ ਲਈ ਇਸ ਰੁੱਤ ਵਿਚ ਅਜਿਹੇ ਆਹਾਰ-ਵਿਹਾਰ ਤੋਂ ਪ੍ਰਹੇਜ਼ ਰੱਖਣਾ ਚਾਹੀਦਾ ਹੈ ਜਿਸ ਨਾਲ ਵਾਤ ਅਤੇ ਕਫ ਦਾ ਪ੍ਰਕੋਪ ਵਧੇ। ਇਸ ਸਮੇਂ ਬੇਸੁਆਦ, ਮਧੁਰ, ਲਵਣ ਅਤੇ ਅਮਲ ਰਸ ਵਾਲੇ ਪੌਸ਼ਟਿਕ ਅਤੇ ਬਲਵਰਧਕ ਪਦਾਰਥਾਂ ਦਾ ਨਿਯਮਿਤ ਸੇਵਨ ਕਰਨਾ ਚਾਹੀਦਾ ਹੈ। ਛੁਹਾਰਾ, ਕਾਜੂ, ਘਿਓ, ਦੁੱਧ, ਮੱਖਣ-ਮਲਾਈ, ਗੁੜ, ਮਿਸ਼ਰੀ, ਮੁਰੱਬਾ, ਗਾਜਰ ਦਾ ਹਲਵਾ, ਸਾਰੇ ਮੌਸਮੀ ਫਲ, ਸਰ੍ਹੋਂ, ਛੋਲੇ, ਬਾਥੂ, ਮੇਥੀ ਆਦਿ ਮੌਸਮੀ ਸਾਗ, ਸਬਜ਼ੀਆਂ ਦੇ ਸੇਵਨ ਨਾਲ ਸਰੀਰ ਤੰਦਰੁਸਤ ਅਤੇ ਨਿਰੋਗ ਰਹਿੰਦਾ ਹੈ। ਪੱਥਰੀ ਦੇ ਰੋਗੀ ਨੂੰ ਸਾਗ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਸਰਦੀ ਵਿਚ ਕੌੜੇ, ਬੇਸੁਆਦ ਅਤੇ ਕੁਸੈਲੇ ਭੋਜਨ ਤੋਂ ਪ੍ਰਹੇਜ਼ ਰੱਖਣਾ ਚਾਹੀਦਾ ਹੈ। ਫੁੱਲਗੋਭੀ ਦੀ ਵਰਤੋਂ ਬਹੁਤ ਘੱਟ ਕਰਨੀ ਚਾਹੀਦੀ ਹੈ, ਕਿਉਂਕਿ ਇਸ ਨਾਲ ਵਾਯੂ ਵਿਕਾਰ, ਜੋੜਾਂ ਵਿਚ ਦਰਦ, ਆਮਵਾਤ, ਸੰਧਿਵਾਤ ਅਤੇ ਗੈਸ ਦੀ ਸ਼ਿਕਾਇਤ ਵਧ ਸਕਦੀ ਹੈ। ਇਸ ਰੁੱਤ ਵਿਚ ਦੇਰ ਰਾਤ ਭੋਜਨ ਕਰਨ, ਸਵੇਰੇ ਦੇਰ ਤੱਕ ਸੁੱਤੇ ਰਹਿਣ, ਬੇਹਾ ਭੋਜਨ ਕਰਨ ਅਤੇ ਦੇਰ ਤੱਕ ਵਰਤ ਰੱਖਣ ਨਾਲ ਸਰੀਰ ਵਿਚ ਵਾਤ ਵਾਯੂ ਦਾ ਪ੍ਰਕੋਪ ਵਧ ਜਾਂਦਾ ਹੈ। ਇਨ੍ਹਾਂ ਕਾਰਨਾਂ ਨਾਲ ਸਰਦੀ ਵਿਚ ਵਾਤ ਵਿਕਾਰਾਂ ਤੋਂ ਪੀੜਤ ਲੋਕਾਂ ਦੇ ਸਰੀਰਕ ਕਸ਼ਟ ਵਧ ਜਾਂਦੇ ਹਨ। ਕਫ ਦੇ ਰੋਗੀਆਂ ਨੂੰ ਖਟਿਆਈ, ਦਹੀਂ, ਕੇਲਾ ਅਤੇ ਖੱਟੇ ਪਦਾਰਥਾਂ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਵਾਤ ਦੇ ਪ੍ਰਕੋਪ ਤੋਂ ਬਚਣ ਲਈ ਅਤੇ ਸਰੀਰ ਵਿਚ ਸਫੂਰਤੀ ਲਈ ਹਰ ਰੋਜ਼ ਪੂਰੇ ਸਰੀਰ ਵਿਚ ਸਰ੍ਹੋਂ ਦੇ ਤੇਲ ਦੀ ਮਾਲਿਸ਼ ਕਰਨੀ ਚਾਹੀਦੀ ਹੈ। ਤੇਲ ਦੀ ਮਾਲਿਸ਼ ਵਾਤ ਅਤੇ ਵਾਤ ਰੋਗ (ਆਮਵਾਤ, ਸੰਧਿਵਾਤ, ਜੋੜਾਂ ਦੇ ਦਰਦ, ਸੋਜ) ਦਾ ਸ਼ਮਨ ਕਰਦੀ ਹੈ। ਨਾਲ ਹੀ ਚਮੜੀ ਦੀ ਕੋਮਲਤਾ, ਬਲ ਅਤੇ ਚਮਕ ਅਤੇ ਕੋਮਲਤਾ ਵੀ ਬਣੀ ਰਹਿੰਦੀ ਹੈ। ਕਫ ਅਤੇ ਸਾਹ ਦੇ ਰੋਗ ਵਿਚ ਮਾਲਿਸ਼ ਲਈ ਗਾਂ ਦੇ ਪੁਰਾਣੇ ਘਿਓ ਵਿਚ ਸੇਂਧਾ ਨਮਕ, ਮੇਥੀ, ਕਪੂਰ ਮਿਲਾ ਕੇ ਪਕਾ ਲਓ। ਇਸ ਨਾਲ ਛਾਤੀ 'ਤੇ ਮਾਲਿਸ਼ ਕਰੋ। ਬਜ਼ੁਰਗਾਂ ਅਤੇ ਨਿਮੋਨੀਆ ਤੋਂ ਪੀੜਤ ਬੱਚਿਆਂ ਦੀ ਵੀ ਇਸ ਨਾਲ ਮਾਲਿਸ਼ ਕੀਤੀ ਜਾ ਸਕਦੀ ਹੈ। ਮਾਲਿਸ਼ ਦੇ ਸਮੇਂ ਧੁੱਪ ਦਾ ਸੇਵਨ ਲਾਭਦਾਇਕ ਹੁੰਦਾ ਹੈ।
ਵਾਤ ਤੋਂ ਪੀੜਤ ਰੋਗੀ ਨੂੰ ਸਰਦੀ ਰੁੱਤ ਵਿਚ ਆਟੇ ਵਿਚ ਮੇਥੀ ਦੇ ਪੱਤੇ, ਅਜ਼ਵਾਇਣ, ਪਿਆਜ਼, ਲਸਣ, ਅਦਰਕ ਮਿਲਾ ਕੇ ਉਸ ਦੀ ਰੋਟੀ ਖਾਣੀ ਚਾਹੀਦੀ ਹੈ। ਔਲੇ ਦਾ ਸੇਵਨ ਹਰ ਰੋਜ਼ ਕਿਸੇ ਨਾ ਕਿਸੇ ਰੂਪ ਵਿਚ ਜ਼ਰੂਰ ਕਰਦੇ ਰਹਿਣਾ ਚਾਹੀਦਾ ਹੈ। ਕਫ ਅਤੇ ਸਾਹ ਦੇ ਰੋਗੀ ਨੂੰ ਸੀਤੋਪਲਾਦਿ ਚੂਰਨ ਨੂੰ ਸ਼ਹਿਦ ਦੇ ਨਾਲ ਸੇਵਨ ਕਰਨਾ ਚਾਹੀਦਾ ਹੈ। ਬੱਚੇ ਨੂੰ ਆਪਣਾ ਦੁੱਧ ਪਿਲਾਉਣ ਵਾਲੀਆਂ ਮਾਵਾਂ ਹਰ ਰੋਜ਼ ਇਕ ਚਮਚ ਅਜ਼ਵਾਇਣ ਨਿਯਮਿਤ ਰੂਪ ਨਾਲ ਭੋਜਨ ਦੇ ਨਾਲ ਖਾਣ। ਇਸ ਨਾਲ ਦੁੱਧ ਪਰਿਸ਼ੋਧਨ ਹੋਵੇਗਾ ਅਤੇ ਬੱਚੇ ਨੂੰ ਵੀ ਬਦਹਜ਼ਮੀ ਨਹੀਂ ਹੋਵੇਗੀ।
ਬੁੱਲ੍ਹਾਂ ਨੂੰ ਫਟਣ ਤੋਂ ਰੋਕਣ ਲਈ ਰਾਤ ਨੂੰ ਸੌਣ ਸਮੇਂ ਨਾਭੀ ਵਿਚ ਤੇਲ (ਵਾਤ ਵਧਣ 'ਤੇ) ਜਾਂ ਘਿਓ (ਪਿੱਤ ਵਧਣ 'ਤੇ) ਲਗਾ ਲੈਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਸਾਵਧਾਨੀ ਵਰਤ ਕੇ ਸਰਦੀ ਰੁੱਤ ਦਾ ਭਰਪੂਰ ਆਨੰਦ ਲਿਆ ਜਾ ਸਕਦਾ ਹੈ।
**


ਖ਼ਬਰ ਸ਼ੇਅਰ ਕਰੋ

ਖੂਨ ਬਣਾਉਣ ਵਿਚ ਸਹਾਇਕ ਰਹਿੰਦੀ ਹੈ ਗਾਜਰ

ਗਾਜਰ ਇਕ ਚੰਗਾ ਸਲਾਦ ਹੈ, ਚੰਗੀ ਸਬਜ਼ੀ ਹੈ, ਅਨੇਕ ਖਾਧ ਪਦਾਰਥ ਬਣਾਉਣ ਦੇ ਕੰਮ ਵੀ ਆਉਂਦੀ ਹੈ। ਇਸ ਦਾ ਸੇਵਨ ਭਾਵੇਂ ਕਿਸੇ ਤਰ੍ਹਾਂ ਵੀ ਕੀਤਾ ਜਾਵੇ, ਇਹ ਸਰੀਰ ਨੂੰ ਨਿਰੋਗਤਾ ਤਾਂ ਪ੍ਰਦਾਨ ਕਰੇਗੀ ਹੀ, ਖੂਨ ਦੀ ਕਮੀ ਪੂਰੀ ਕਰਦੀ ਹੈ ਅਤੇ ਨਵਾਂ ਖੂਨ ਬਣਾਉਣ ਵਿਚ ਸਹਾਇਕ ਬਣੀ ਰਹਿੰਦੀ ਹੈ।
ਗਾਜਰ ਦੇ ਦਵਾਈ ਵਾਲੇ ਗੁਣਾਂ ਨੂੰ ਧਿਆਨ ਵਿਚ ਰੱਖ ਕੇ ਇਸ ਨਾਲ ਹੋਣ ਵਾਲੇ ਇਲਾਜਾਂ ਵਿਚੋਂ ਕੁਝ ਪੇਸ਼ ਹਨ-
* ਸਰੀਰ ਦੀ ਆਮ ਕਮਜ਼ੋਰੀ ਹੋਣ 'ਤੇ ਗਾਜਰ ਨੂੰ ਸਲਾਦ ਦੇ ਰੂਪ ਵਿਚ ਅਤੇ ਗਾਜਰ ਦਾ ਰਸ ਕੱਢ ਕੇ ਖਾਣੇ ਵਿਚ ਵਰਤੋ।
* ਸਿਹਤ ਸੁਧਾਰ ਲਈ, ਸ਼ਕਤੀ ਪਾਉਣ ਲਈ ਗਾਜਰ ਦਾ ਲਗਾਤਾਰ ਸੇਵਨ ਕਰੋ।
* ਰੋਗਾਂ ਤੋਂ ਬਚਣ ਅਤੇ ਤਾਕਤ ਪਾਉਣ ਲਈ ਗਾਜਰ ਦੇ ਪੱਤਿਆਂ ਦਾ ਸਾਗ ਬਣਾ ਕੇ ਖਾਣਾ ਚੰਗਾ ਰਹਿੰਦਾ ਹੈ।
* ਸਰਦੀ ਦੇ ਮੌਸਮ ਵਿਚ ਗਾਜਰ ਹੁੰਦੀ ਹੈ। ਸਰਦੀ ਵਿਚ ਗਾਜਰ ਦੇ ਹੋਰ ਉਪਯੋਗਾਂ ਦੇ ਨਾਲ ਇਸ ਦਾ ਹਲਵਾ, ਗਾਜਰ ਪਾਕ ਜਾਂ ਗਜਰੇਲਾ ਬਣਾ ਕੇ ਖਾਣ ਨਾਲ ਰੋਗ ਨਹੀਂ ਪਣਪਦੇ।
* ਗਾਜਰ ਦੀ ਜੜ੍ਹ ਜਿਸ ਨੂੰ ਅਸੀਂ ਗਾਜਰ ਹੀ ਕਹਿੰਦੇ ਹਾਂ ਅਤੇ ਪੱਤੇ, ਬੀਜ ਆਦਿ ਸਾਰੇ ਦਵਾਈ ਵਜੋਂ ਮਹੱਤਵ ਰੱਖਦੇ ਹਨ।
* ਸਰੀਰਕ ਕਮਜ਼ੋਰੀ ਹੋਣ 'ਤੇ ਵੀ ਗਾਜਰ ਦਾ ਸੇਵਨ ਠੀਕ ਮੰਨਿਆ ਜਾਂਦਾ ਹੈ।
* ਪਾਚਣ ਸ਼ਕਤੀ ਕਮਜ਼ੋਰ ਹੋਵੇ ਤਾਂ ਗਾਜਰ ਦੀ ਭਰਪੂਰ ਮਾਤਰਾ ਇਸ ਨੂੰ ਪੁਸ਼ਟ ਕਰ ਦਿੰਦੀ ਹੈ।
* ਜੇ ਕਿਸੇ ਦੀ ਵੱਡੀ ਅੰਤੜੀ ਵਿਚ ਸੋਜ ਆ ਜਾਵੇ ਤਾਂ ਗਾਜਰ ਦਾ ਰਸ ਪੀਓ ਅਤੇ ਗਾਜਰ ਦਾ ਰਸ ਇਕ ਗਿਲਾਸ, ਚੁਕੰਦਰ ਦਾ ਰਸ ਪੌਣਾ ਗਿਲਾਸ, ਓਨਾ ਹੀ ਖੀਰੇ ਦਾ ਰਸ, ਮਿਲਾ ਕੇ ਹਰ ਰੋਜ਼ ਸਵੇਰੇ ਪੀਣਾ ਸ਼ੁਰੂ ਕਰੋ। ਲਾਭ ਮਿਲਦਾ ਰਹੇਗਾ।
* ਜੇ ਛਾਤੀ ਦੇ ਦਰਦ ਤੋਂ ਪ੍ਰੇਸ਼ਾਨ ਹੋ ਤਾਂ ਗਾਜਰ ਨੂੰ ਉਬਾਲ ਕੇ ਉਸ ਦੇ ਰਸ ਵਿਚ ਸ਼ਹਿਦ ਮਿਲਾ ਕੇ ਪਿਲਾਓ। ਆਰਾਮ ਮਿਲੇਗਾ। * ਕੈਂਸਰ ਲਈ ਇਲਾਜ ਭਾਵੇਂ ਹੀ ਨਾ ਹੋਵੇ ਪਰ ਗਾਜਰ ਦਾ ਰਸ ਨਿਯਮਿਤ ਪੀਣ ਨਾਲ ਲਾਭ ਜ਼ਰੂਰ ਹੁੰਦਾ ਹੈ। ਨਿਯਮਿਤ ਪੀਆ ਕਰੋ।
* ਦੰਦਾਂ ਨੂੰ ਮਜ਼ਬੂਤੀ ਦੇਣ ਲਈ ਗਾਜਰ ਦਾ ਰਸ ਹੌਲੀ-ਹੌਲੀ ਬੜੇ ਸਵਾਦ ਨਾਲ, ਘੁੱਟ-ਘੁੱਟ ਪੀਣਾ ਚਾਹੀਦਾ ਹੈ।
* ਟਾਂਸਿਲਜ ਵਿਚ ਵੀ ਗਾਜਰ ਦਾ ਰਸ ਪੀਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਆਰਾਮ ਮਿਲਦਾ ਹੈ।

ਪੇਟ ਤੰਦਰੁਸਤ ਰੱਖੇ ਸੰਤਰਾ

ਸੰਤਰੇ ਵਿਚ ਭਰਪੂਰ ਮਾਤਰਾ ਵਿਚ ਵਿਟਾਮਿਨ 'ਸੀ' ਤਾਂ ਹੁੰਦਾ ਹੀ ਹੈ, 'ਬੀ' ਗਰੁੱਪ ਦੇ ਵਿਟਾਮਿਨ ਅਤੇ ਆਇਰਨ ਵੀ ਪਾਏ ਜਾਂਦੇ ਹਨ। ਇਸ ਤੋਂ ਇਲਾਵਾ ਇਸ ਨਾਲ ਅਮਲ ਦੇ ਰੂਪ ਵਿਚ ਸਾਇਟ੍ਰਿਕ ਅਮਲ ਪਾਇਆ ਜਾਂਦਾ ਹੈ, ਜੋ ਅਸਥੀਆਂ ਅਤੇ ਦੰਦਾਂ ਦੀ ਸੁਰੱਖਿਆ ਲਈ ਜ਼ਰੂਰ ਅਮਲ ਹੈ। ਆਓ ਇਸ ਦੇ ਔਸ਼ਧੀ ਗੁਣਾਂ 'ਤੇ ਇਕ ਨਜ਼ਰ ਮਾਰਦੇ ਹਾਂ।
* ਗਰਭਵਤੀ ਔਰਤ ਲਈ ਹਰ ਰੋਜ਼ ਇਕ ਸੰਤਰਾ ਲੈਣਾ ਕਾਫੀ ਲਾਭਦਾਇਕ ਹੁੰਦਾ ਹੈ। ਇਸ ਦੇ ਸੇਵਨ ਨਾਲ ਗਰਭ ਅਵਸਥਾ ਦੌਰਾਨ ਹੋਣ ਵਾਲੇ ਪ੍ਰਚੱਲਿਤ ਰੋਗ ਪੇਟ ਦਾ ਖਰਾਬ ਹੋਣਾ, ਉਲਟੀ ਆਦਿ ਤੋਂ ਛੁਟਕਾਰਾ ਮਿਲਦਾ ਹੈ।
* ਸਕਰਵੀ ਨਾਮਕ ਰੋਗ ਵਿਚ ਲਾਭ ਪਹੁੰਚਦਾ ਹੈ।
* ਗੁਰਦੇ ਦੀ ਤੰਦਰੁਸਤੀ ਵਿਚ ਸੰਤਰੇ ਦੀ ਅਹਿਮ ਭੂਮਿਕਾ ਹੈ।
* ਸਰਦੀ-ਜ਼ੁਕਾਮ ਵਿਚ ਦਵਾਈ ਦਾ ਕੰਮ ਕਰਦਾ ਹੈ ਸੰਤਰਾ।
* ਪੇਟ ਸਾਫ਼ ਨਾ ਹੋਣ ਦੀ ਹਾਲਤ ਵਿਚ ਰੋਜ਼ਾਨਾ ਸੰਤਰਾ ਖਾਓ, ਕਬਜ਼ ਤੋਂ ਛੁਟਕਾਰਾ ਪਾਓ।
* ਟਾਇਫਾਇਡ ਵਿਚ ਸੰਤਰਾ ਲਾਭਦਾਇਕ ਹੈ।
* ਸੰਤਰਿਆਂ ਦੀਆਂ ਛਿੱਲਾਂ ਨੂੰ ਸੁਕਾ ਕੇ ਪਾਊਡਰ ਬਣਾ ਕੇ ਚਾਹ ਦੇ ਨਾਲ ਉਬਾਲ ਕੇ ਪੀਓ। ਚਾਹ ਵਿਚ ਸਵਾਦ ਆਵੇਗਾ ਅਤੇ ਦਵਾਈ ਵਾਲੇ ਲਾਭ ਵੀ ਮਿਲਣਗੇ।
* ਖੂਨ ਸ਼ੁੱਧ ਹੋਣ ਦੇ ਨਾਲ-ਨਾਲ ਸੰਤਰਾ ਨਿਗ੍ਹਾ ਸਬੰਧੀ ਵਿਕਾਰਾਂ ਨੂੰ ਵੀ ਠੀਕ ਕਰਦਾ ਹੈ।
* ਚਮੜੀ ਰੋਗਾਂ ਵਿਚ ਫਾਇਦੇਮੰਦ ਹੈ। ਖਾਜ, ਖੁਜਲੀ ਅਤੇ ਦੇਰ ਨਾਲ ਠੀਕ ਹੋਣ ਵਾਲੇ ਜ਼ਖ਼ਮਾਂ ਵਿਚ ਲਾਭ ਪਹੁੰਚਾਉਂਦਾ ਹੈ।
* ਤੁਸੀਂ ਆਪਣੀ ਯਾਦਾਸ਼ਤ ਦਰੁਸਤ ਰੱਖਣੀ ਹੋਵੇ ਤਾਂ ਸੰਤਰੇ ਦਾ ਰਸ ਪੀਓ।


-ਸੁਨੀਲ ਕੁਮਾਰ ਸਜਲ

ਜ਼ਿਆਦਾ ਵਿਟਾਮਿਨ ਨੁਕਸਾਨ ਵੀ ਪਹੁੰਚਾ ਸਕਦੇ ਹਨ

ਇਹ ਇਕ ਆਮ ਧਾਰਨਾ ਹੈ ਕਿ ਵਿਟਾਮਿਨ ਹਮੇਸ਼ਾ ਲਾਭਦਾਇਕ ਹੁੰਦੇ ਹਨ ਪਰ ਡਾਕਟਰੀ ਵਿਗਿਆਨ ਨੇ ਇਹ ਸਿੱਧ ਕਰ ਦਿੱਤਾ ਹੈ ਕਿ ਵਿਟਾਮਿਨਾਂ ਦੀ ਬਹੁਤ ਜ਼ਿਆਦਾ ਵਰਤੋਂ ਸਿਹਤ ਲਈ ਨੁਕਸਾਨਦਾਇਕ ਵੀ ਸਿੱਧ ਹੋ ਸਕਦੀ ਹੈ। ਬਹੁਤੇ ਵਿਟਾਮਿਨ ਜੇ ਸਹੀ ਮਾਤਰਾ ਵਿਚ ਲਏ ਜਾਣ ਤਾਂ ਨੁਕਸਾਨਦਾਇਕ ਨਹੀਂ ਹੁੰਦੇ ਪਰ ਕੁਝ ਅਜਿਹੇ ਵਿਟਾਮਿਨ ਹਨ, ਜਿਨ੍ਹਾਂ ਦਾ ਸੇਵਨ ਜ਼ਿਆਦਾ ਮਾਤਰਾ ਵਿਚ ਕਾਫੀ ਦਿਨਾਂ ਤੱਕ ਕੀਤਾ ਜਾਵੇ ਤਾਂ ਉਨ੍ਹਾਂ ਨਾਲ ਨੁਕਸਾਨ ਵੀ ਹੋ ਸਕਦਾ ਹੈ।
ਆਮ ਲੋਕਾਂ ਨੂੰ ਇਸ ਗੱਲ ਦੀ ਜਾਣਕਾਰੀ ਨਹੀਂ ਹੈ ਕਿ ਵਿਟਾਮਿਨ 'ਸੀ' ਬਹੁਤ ਹੀ ਸ਼ਕਤੀਸ਼ਾਲੀ ਰਿਡਊਸਿੰਗ ਇਜੇਂਟ' ਵੀ ਹੈ ਅਤੇ ਇਹ ਸਰੀਰ ਵਿਚ ਮੌਜੂਦ ਹੋਰ ਪੌਸ਼ਟਿਕ ਤੱਤਾਂ ਨੂੰ ਨਸ਼ਟ ਕਰ ਸਕਦਾ ਹੈ। ਖੂਨ ਵਿਚ ਯੂਰਿਕ ਐਸਿਡ ਦੇ ਪੱਧਰ ਵਿਚ ਵਾਧਾ ਹੋ ਸਕਦਾ ਹੈ ਅਤੇ ਅਜਿਹੇ ਲੋਕ, ਜਿਨ੍ਹਾਂ ਦੇ ਵੰਸ਼ ਵਿਚ ਗਠੀਏ ਦੀ ਬਿਮਾਰੀ ਰਹੀ ਹੋਵੇ, ਗਠੀਏ ਤੋਂ ਪੀੜਤ ਹੋ ਸਕਦੇ ਹਨ। ਐਫ.ਡੀ.ਏ. ਦੀ ਰਿਪੋਰਟ ਅਨੁਸਾਰ ਵਿਟਾਮਿਨ 'ਸੀ' ਦੇ ਬਹੁਤ ਜ਼ਿਆਦਾ ਸੇਵਨ ਨਾਲ ਭੋਜਨ ਵਿਚ ਮੌਜੂਦ ਵਿਟਾਮਿਨ ਬੀ12 ਨਸ਼ਟ ਹੋ ਸਕਦਾ ਹੈ, ਗੁਰਦੇ ਵਿਚ ਪੱਥਰੀ ਬਣ ਸਕਦੀ ਹੈ, ਗਰਭਵਤੀ ਔਰਤਾਂ ਨੂੰ ਮਾਸਿਕ ਰਕਤਸ੍ਰਾਵ ਹੋ ਸਕਦਾ ਹੈ ਅਤੇ ਵਧਦੀਆਂ ਹੋਈਆਂ ਹੱਡੀਆਂ 'ਤੇ ਪ੍ਰਤੀਕੂਲ ਪ੍ਰਭਾਵ ਪੈ ਸਕਦਾ ਹੈ।
ਹੁਣ ਇਹ ਪ੍ਰਮਾਣਿਤ ਹੋ ਚੁੱਕਾ ਹੈ ਕਿ ਵਿਟਾਮਿਨ ਬੀ-ਕੰਪਲੈਕਸ ਦੀਆਂ ਗੋਲੀਆਂ ਦਾ ਹਰ ਰੋਜ਼ ਬਹੁਤ ਲੰਬੇ ਸਮੇਂ ਤੱਕ ਸੇਵਨ ਕਰਨ ਨਾਲ ਚਮੜੀ ਦੇ ਰੋਗ, ਅੰਤੜੀਆਂ ਵਿਚ ਜ਼ਖ਼ਮ, ਜਿਗਰ ਦੀਆਂ ਬਿਮਾਰੀਆਂ, ਖੂਨ ਵਿਚ ਯੂਰਿਕ ਐਸਿਡ ਦੇ ਪੱਧਰ ਵਿਚ ਵਾਧਾ ਅਤੇ ਗੁਲੂਕੋਜ਼ ਸਹਿਣ ਸ਼ਕਤੀ ਵਿਚ ਕਮੀ ਵਰਗੀਆਂ ਬਿਮਾਰੀਆਂ ਹੋ ਜਾਂਦੀਆਂ ਹਨ।
ਵਿਟਾਮਿਨ 'ਈ' ਵੀ ਇਕ ਅਜਿਹਾ ਹੀ ਵਿਟਾਮਿਨ ਹੈ, ਜਿਸ ਦੀ ਭੂਮਿਕਾ ਸਰੀਰ ਵਿਚ ਅਨਿਸ਼ਚਿਤ ਹੈ। ਇਸ ਨੂੰ ਦਿਲ ਦੇ ਰੋਗ ਤੋਂ ਰੱਖਿਆ ਲਈ ਅਤੇ ਕਾਮਉਤੇਜਨਾ ਆਦਿ ਦੇ ਰੂਪ ਵਿਚ ਜ਼ਿਆਦਾ ਮਾਤਰਾ ਵਿਚ ਦਿੱਤਾ ਜਾਂਦਾ ਹੈ। ਇਸ ਨਾਲ ਵੀ ਸਿਰਦਰਦ, ਜੀਅ ਮਿਚਲਾਉਣਾ, ਚੱਕਰ ਆਉਣਾ, ਥਕਾਵਟ, ਧੁੰਦਲਾ ਦਿਖਾਈ ਦੇਣਾ ਵਰਗੀਆਂ ਕਈ ਬਿਮਾਰੀਆਂ ਹੋ ਸਕਦੀਆਂ ਹਨ। ਇਸ ਦੇ ਸੇਵਨ ਨਾਲ ਸਰੀਰ ਵਿਚ ਵਿਟਾਮਿਨ 'ਕੇ' ਦੇ ਪੱਧਰ ਵਿਚ ਕਮੀ ਆ ਜਾਂਦੀ ਹੈ। ਸਰੀਰ ਵਿਚ ਵਿਟਾਮਿਨ 'ਕੇ' ਦੀ ਮੌਜੂਦਗੀ ਖੂਨ ਦੇ ਜੰਮਣ ਲਈ ਬਹੁਤ ਹੀ ਜ਼ਰੂਰੀ ਹੈ। ਇਸ ਗੱਲ ਦੇ ਵੀ ਸਬੂਤ ਮਿਲਦੇ ਹਨ ਕਿ ਜ਼ਿਆਦਾ ਮਾਤਰਾ ਵਿਚ ਵਿਟਾਮਿਨ 'ਈ' ਦੇ ਸੇਵਨ ਨਾਲ ਪ੍ਰਜਨਣ ਗ੍ਰੰਥੀਆਂ ਦੇ ਕਿਰਿਆ ਕਲਾਪ ਵਿਚ ਰੁਕਾਵਟ ਆਉਂਦੀ ਹੈ ਅਤੇ ਹੁਣ ਡਾਕਟਰ ਵਿਟਾਮਿਨ 'ਈ' ਦੀ ਜ਼ਿਆਦਾ ਵਰਤੋਂ ਤੋਂ ਬਚਣ ਦੀ ਸਲਾਹ ਦੇਣ ਲੱਗੇ ਹਨ।
ਵਿਟਾਮਿਨ 'ਏ' ਅਤੇ 'ਡੀ' ਅਜਿਹੇ ਵਿਟਾਮਿਨ ਹਨ, ਜੋ ਚਰਬੀ ਵਿਚ ਘੁਲ ਜਾਂਦੇ ਹਨ। ਇਹ ਵਿਟਾਮਿਨ ਸਰੀਰ ਵਿਚ ਹੀ ਬਣਦੇ ਹਨ। ਬੱਚਿਆਂ ਲਈ ਇਨ੍ਹਾਂ ਵਿਟਾਮਿਨਾਂ ਦੀ ਵਰਤੋਂ ਕਾਡ ਲਿਵਰ ਅਤੇ ਸ਼ਾਰਕ ਲਿਵਰ ਤੇਲ ਦੇ ਰੂਪ ਵਿਚ ਭਰਪੂਰਤਾ ਨਾਲ ਕੀਤੀ ਜਾਂਦੀ ਹੈ। ਭਾਰਤੀ ਸਥਿਤੀਆਂ ਵਿਚ ਇਨ੍ਹਾਂ ਦੋਵਾਂ ਹੀ ਵਿਟਾਮਿਨਾਂ ਦੀ ਵਰਤੋਂ ਬਿਲਕੁਲ ਬੇਲੋੜੀ ਹੈ। ਸੰਤੁਲਿਤ ਭੋਜਨ ਅਤੇ ਲੋੜੀਂਦੀ ਧੁੱਪ ਦੇ ਸੇਵਨ ਨਾਲ ਵਿਟਾਮਿਨ 'ਡੀ' ਸਰੀਰ ਵਿਚ ਖੁਦ ਹੀ ਪੈਦਾ ਹੋ ਜਾਂਦਾ ਹੈ। ਬਹੁਤ ਜ਼ਿਆਦਾ ਮਾਤਰਾ ਵਿਚ ਵਿਟਾਮਿਨ 'ਡੀ' ਦੇ ਸੇਵਨ ਨਾਲ ਸਰੀਰਕ ਅਤੇ ਮਾਨਸਿਕ ਵਿਕਾਸ 'ਤੇ ਪ੍ਰਤੀਕੂਲ ਪ੍ਰਭਾਵ ਪੈ ਜਾਂਦਾ ਹੈ। ਬੱਚਿਆਂ ਦੇ ਮੁਲਾਇਮ ਊਤਕਾਂ ਵਿਚ ਕੈਲਸ਼ੀਅਮ ਜਮ੍ਹਾਂ ਹੋ ਸਕਦਾ ਹੈ ਅਤੇ ਵੱਡਿਆਂ ਦੇ ਗੁਰਦਿਆਂ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ। ਜ਼ਿਆਦਾ ਮਾਤਰਾ ਵਿਚ ਵਿਟਾਮਿਨ 'ਏ' ਦਾ ਸੇਵਨ ਕਰਨ ਨਾਲ ਸਿਰਦਰਦ, ਜੀ ਘਬਰਾਉਣਾ ਅਤੇ ਦਸਤ ਹੋ ਸਕਦੇ ਹਨ। ਇਸ ਗੱਲ ਨੂੰ ਹਮੇਸ਼ਾ ਯਾਦ ਰੱਖਣਾ ਚਾਹੀਦਾ ਹੈ ਕਿ ਵਿਟਾਮਿਨ ਅਤੇ ਟਾਨਿਕ ਸੰਤੁਲਿਤ ਭੋਜਨ ਦਾ ਬਦਲ ਨਹੀਂ ਹੋ ਸਕਦੇ। ਦੁੱਧ, ਸਾਗ-ਸਬਜ਼ੀਆਂ, ਫਲਾਂ, ਆਂਡਿਆਂ, ਅਨਾਜ ਅਤੇ ਪ੍ਰੋਟੀਨ ਵਾਲੇ ਭੋਜਨਾਂ 'ਤੇ ਖਰਚ ਕੀਤਾ ਗਿਆ ਧਨ ਸਿਹਤ ਲਈ ਵਿਟਾਮਿਨਾਂ ਅਤੇ ਟਾਨਿਕਾਂ 'ਤੇ ਖਰਚ ਕੀਤੇ ਗਏ ਧਨ ਨਾਲੋਂ ਕਿਤੇ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ।

ਹਾਰਟ ਬਰਨ (ਕਲੇਜੇ 'ਚ ਸਾੜ) ਨੂੰ ਹਾਰਟ ਅਟੈਕ ਨਾ ਸਮਝੋ

ਅੱਜ ਦੇ ਦੌੜ-ਭੱਜ ਵਾਲੇ ਮਾਹੌਲ ਵਿਚ ਜ਼ਿਆਦਾਤਰ ਲੋਕ ਤਣਾਅ ਅਤੇ ਚਿੰਤਾ ਦੇ ਸ਼ਿਕਾਰ ਰਹਿੰਦੇ ਹਨ। ਬੇਵਕਤ ਅਤੇ ਛੇਤੀ-ਛੇਤੀ ਭੋਜਨ ਕਰਨ ਨਾਲ ਅਸੀਂ ਬਿਨਾਂ ਕਾਰਨ ਪੇਟ ਦੀ ਗੈਸ ਅਤੇ ਐਸੀਡਿਟੀ ਦਾ ਸ਼ਿਕਾਰ ਹੋ ਜਾਂਦੇ ਹਾਂ। ਐਸੀਡਿਟੀ ਦੀ ਤਕਲੀਫ਼ ਪੇਟ ਗੈਸ ਅਤੇ ਅਫਾਰੇ ਨਾਲੋਂ ਬਿਲਕੁਲ ਵੱਖਰੀ ਹੈ। ਕਈ ਵਾਰ ਮਰੀਜ਼ ਪੇਟ ਗੈਸ ਜਾਂ ਛਾਤੀ ਦੇ ਦਰਦ 'ਚੋਂ ਐਸੀਡਿਟੀ ਦਾ ਫਰਕ ਸਪੱਸ਼ਟ ਨਹੀਂ ਕਰ ਸਕਦਾ। ਕਈ ਵਾਰ ਦਰਦ ਛਾਤੀ ਵਿਚ ਖੱਬੇ ਪਾਸਿਓਂ ਸ਼ੁਰੂ ਹੋ ਕੇ ਧੌਣ ਵੱਲ ਜਾਂਦਾ ਹੈ ਅਤੇ ਅਜਿਹਾ ਲਗਦਾ ਹੈ ਕਿ ਜਿਵੇਂ ਹਾਰਟ ਅਟੈਕ ਹੋਵੇ। ਇਸ ਤਕਲੀਫ਼ ਨਾਲ ਮਰੀਜ਼ ਨੂੰ ਪਸੀਨਾ ਆ ਜਾਂਦਾ ਹੈ ਅਤੇ ਦਰਦ ਕਾਰਨ ਅੱਖਾਂ 'ਚੋਂ ਪਾਣੀ ਵਗਣ ਲਗਦਾ ਹੈ। ਇਸ ਤਕਲੀਫ਼ ਨੂੰ ਹਾਰਟ ਅਟੈਕ ਨਹੀਂ ਸਮਝਣਾ ਚਾਹੀਦਾ।
ਕਲੇਜੇ 'ਚ ਸਾੜ ਪੈਣਾ (ਹਾਰਟ ਬਰਨ) : ਇਸ ਵਿਚ ਮਿਹਦੇ ਦੇ ਉੱਪਰ ਅਤੇ ਖਾਣ ਵਾਲੀ ਨਾਲੀ 'ਫੂਡ ਪਾਈਪ' ਦੇ ਹੇਠਾਂ ਸਾਡੀ ਛਾਤੀ ਵਿਚਕਾਰ ਹੱਡੀ ਸਟਰਨਮ ਦੇ ਹੇਠਾਂ ਤੇਜ਼ ਸੜਨ ਵਾਲੀ ਦਰਦ ਹੁੰਦੀ ਹੈ, ਜਿਸ ਨੂੰ ਹਾਰਫ ਬਰਨ ਜਾਂ ਬਰਨਿੰਗ ਸੈਂਸੇਸ਼ਨ ਕਿਹਾ ਜਾਂਦਾ ਹੈ।
ਅਲਾਮਤਾਂ : * ਜਦੋਂ ਅਸੀਂ ਕੋਈ ਮੋਟੀ ਚੀਜ਼ ਨਿਗਲਦੇ ਹਾਂ ਜਾਂ ਗਰਮ-ਗਰਮ ਚਾਹ ਪੀਂਦੇ ਹਾਂ ਜਾਂ ਸ਼ਰਾਬ ਪੀਣ ਨਾਲ 'ਸਟਰਨਮ' ਦੇ ਥੱਲੇ ਬਹੁਤ ਤੇਜ਼ ਸਾੜ ਪੈਂਦਾ ਹੈ, ਇਸ ਕਾਰਨ ਕਈ ਵਾਰ ਅੱਖਾਂ ਵਿਚੋਂ ਪਾਣੀ ਵੀ ਨਿਕਲ ਆਉਂਦਾ ਹੈ।
* ਜੋ ਕੁਝ ਖਾਧਾ-ਪੀਤਾ ਹੁੰਦਾ, ਉਹ ਬਾਹਰ ਨੂੰ ਆਉਂਦਾ ਹੈ। ਛਾਤੀ ਭਾਰੀ-ਭਾਰੀ ਲਗਦੀ ਹੈ। ਮੂੰਹ ਵਿਚ ਹਰ ਵੇਲੇ ਪਾਣੀ ਭਰਿਆ ਰਹਿੰਦਾ ਹੈ।
* ਹੌਲੀ-ਹੌਲੀ ਮਰੀਜ਼ ਦਾ ਭਾਰ ਘਟਣਾ ਸ਼ੁਰੂ ਹੋ ਜਾਂਦਾ ਹੈ।
* ਸੜਨ ਦੀ ਤਕਲੀਫ਼ ਖਾਸ ਕਰਕੇ ਭਾਰੀ ਭੋਜਨ ਕਰਨ ਤੋਂ ਬਾਅਦ ਸ਼ੁਰੂ ਹੁੰਦੀ ਹੈ ਤੇ ਲੇਟਣ ਨਾਲ ਇਹ ਤਕਲੀਫ਼ ਕਾਫੀ ਵਧ ਜਾਂਦੀ ਹੈ।
* ਕਈ ਵਾਰੀ ਇਹ ਦਰਦ ਕਲੇਜੇ ਤੋਂ ਸ਼ੁਰੂ ਹੋ ਕੇ ਛਾਤੀ ਦੇ ਖੱਬੇ ਪਾਸੇ ਗਰਦਨ ਵੱਲ ਜਾਂਦਾ ਹੈ ਤਾਂ ਇਸ ਤਰ੍ਹਾਂ ਲਗਦਾ ਹੈ ਕਿ 'ਹਾਰਟ ਅਟੈਕ' ਹੈ, ਜਦਕਿ ਇਹ ਸਿਰਫ 'ਹਾਰਟ ਬਰਨ' ਹੁੰਦਾ ਹੈ।
* ਕਈ ਵਾਰੀ ਇਸ ਦਰਦ ਨਾਲ ਮੂੰਹ ਵਿਚ ਖੂਨ ਆਉਂਦਾ ਹੈ ਤੇ ਪਖਾਨੇ ਵਿਚ ਵੀ ਖੂਨ ਆਉਂਦਾ ਹੈ।
ਕਾਰਨ : ਹਾਰਟ ਬਰਨ ਦੇ ਦੋ ਮੁੱਖ ਕਾਰਨ ਹਨ : * ਖਾਣ ਵਾਲੀ ਨਲੀ ਦੀ ਸੋਜ਼ ਅਤੇ * ਪੇਟ ਦਾ ਸ਼ੁਰੂ ਦਾ ਹਿੱਸਾ ਕਦੇ-ਕਦੇ ਖਿਸਕ ਕੇ ਫੂਡ ਪਾਈਪ ਵਿਚ ਚਲਾ ਜਾਂਦਾ ਹੈ ਤੇ ਇਸ ਤਕਲੀਫ਼ ਦਾ ਕਾਰਨ ਬਣਦਾ ਹੈ।
ਇਲਾਜ : ਇਸ ਤਕਲੀਫ਼ ਦਾ ਪਤਾ ਮਰੀਜ਼ ਦੀਆਂ ਅਲਾਮਤਾਂ ਚੰਗੀ ਤਰ੍ਹਾਂ ਸੁਣ ਕੇ ਮਰੀਜ਼ ਦੀ ਚੰਗੀ ਤਰ੍ਹਾਂ ਜਾਂਚ ਕਰਕੇ ਲੱਗ ਜਾਂਦਾ ਹੈ। ਫਿਰ ਦਵਾਈ ਪਿਲਾ ਕੇ ਐਕਸਰੇ ਕਰ ਕੇ ਇਸ ਤਕਲੀਫ਼ ਦਾ ਇਲਾਜ ਹੋ ਜਾਂਦਾ ਹੈ। ਇਸ ਬਿਮਾਰੀ ਕਾਰਨ ਘਬਰਾਉਣ ਦੀ ਲੋੜ ਨਹੀਂ ਤੇ ਨਾ ਹੀ ਇਸ ਨੂੰ ਹਾਰਟ ਅਟੈਕ ਸਮਝਣਾ ਚਾਹੀਦਾ ਹੈ। ਪੇਟ ਦੇ ਮਾਹਿਰ ਡਾਕਟਰ ਦੀ ਸਲਾਹ ਲੈ ਕੇ ਸਮੇਂ ਸਿਰ ਇਲਾਜ ਜ਼ਰੂਰੀ ਹੈ। ਅੱਜਕਲ੍ਹ ਫਾਈਬਰ ਉਪਟੀਕ ਐਂਡੋਸਕੋਪੀ ਰਾਹੀਂ ਇਸ ਦਾ ਇਲਾਜ ਬਹੁਤ ਆਸਾਨ ਹੈ।


-ਜਸਵੰਤ ਹਸਪਤਾਲ, ਅੱਡਾ ਬਸਤੀਆਂ, ਨਾਲ ਪੈਟਰੋਲ ਪੰਪ, ਜਲੰਧਰ।

ਥਕਾਨ ਮਿਟਾਓ, ਚੁਸਤੀ ਲਿਆਓ

ਅੱਜ ਦੇ ਜੀਵਨ ਵਿਚ ਇੰਨੀ ਭੱਜ-ਦੌੜ ਹੈ ਕਿ ਸਾਰੇ ਛੇਤੀ ਤੋਂ ਛੇਤੀ ਆਪਣਾ ਕੰਮ ਪੂਰਾ ਕਰਨਾ ਚਾਹੁੰਦੇ ਹਨ। ਜਿਧਰ ਦੇਖੋ, ਉਧਰ ਲੋਕ ਕਾਹਲੀ ਵਿਚ ਰਹਿੰਦੇ ਹਨ। ਕਈ ਵਾਰ ਤਾਂ ਕਾਹਲੀ ਦੇ ਕਾਰਨ ਭਾਰੀ ਨੁਕਸਾਨ ਵੀ ਸਹਿੰਦੇ ਹਨ।
ਜੇ ਵਿਅਕਤੀ ਹਰ ਸਮੇਂ ਕਾਹਲੀ ਵਿਚ ਰਹਿੰਦਾ ਹੈ ਤਾਂ ਸੁਭਾਵਿਕ ਹੈ ਕਿ ਉਸ ਨੂੰ ਥਕਾਨ ਵੀ ਮਹਿਸੂਸ ਹੋਵੇਗੀ। ਜੇ ਥਕਾਨ ਜ਼ਿਆਦਾ ਹੋਵੇ ਤਾਂ ਵਿਅਕਤੀ ਰੋਗਾਂ ਦੀ ਜਕੜ ਵਿਚ ਵੀ ਆ ਜਾਂਦਾ ਹੈ। ਜੇ ਇਕ ਵਿਅਕਤੀ ਦਿਨ ਵਿਚ 8 ਘੰਟੇ ਦੀ ਬਜਾਏ 12 ਤੋਂ 20 ਘੰਟੇ ਲਗਾਤਾਰ ਕੰਮ ਕਰਦਾ ਰਹਿੰਦਾ ਹੈ ਤਾਂ ਉਸ ਨੂੰ ਬਹੁਤ ਜ਼ਿਆਦਾ ਥਕਾਨ ਮਹਿਸੂਸ ਹੁੰਦੀ ਹੈ, ਜਿਸ ਦੇ ਕਾਰਨ ਕਿਸੇ ਵੀ ਤਰ੍ਹਾਂ ਦਾ ਰੋਗ ਹੋਣ ਦੀ ਸੰਭਾਵਨਾ ਪ੍ਰਬਲ ਹੋ ਜਾਂਦੀ ਹੈ।
ਵੈਸੇ ਥਕਾਨ ਹਰ ਵਿਅਕਤੀ ਨੂੰ ਜ਼ਿਆਦਾ ਨਹੀਂ ਹੁੰਦੀ। ਕੁਝ ਵਿਅਕਤੀ ਤਾਂ ਜ਼ਿਆਦਾ ਕੰਮ ਕਰਨ ਤੋਂ ਬਾਅਦ ਵੀ ਤਰੋਤਾਜ਼ਾ ਰਹਿੰਦੇ ਹਨ ਜਦੋਂ ਕਿ ਕੁਝ ਤਾਂ ਥੋੜ੍ਹਾ ਜਿਹਾ ਕੰਮ ਕਰਨ ਤੋਂ ਬਾਅਦ ਹੀ ਥਕਾਨ ਮਹਿਸੂਸ ਕਰਨ ਲਗਦੇ ਹਨ। ਵੈਸੇ ਥਕਾਵਟ ਕੋਈ ਬਿਮਾਰੀ ਨਹੀਂ ਹੁੰਦੀ। ਥਕਾਵਟ ਸਾਧਾਰਨ ਤੌਰ 'ਤੇ ਆਲਸ ਨੂੰ ਪੈਦਾ ਕਰਦੀ ਹੈ, ਸਰੀਰ ਦੀ ਚੁਸਤੀ ਨੂੰ ਘੱਟ ਕਰ ਦਿੰਦੀ ਹੈ ਅਤੇ ਸੁਭਾਅ ਨੂੰ ਚਿੜਚਿੜਾ ਬਣਾ ਦਿੰਦੀ ਹੈ।
ਥਕਾਵਟ ਮਾਨਸਿਕ ਅਤੇ ਸਰੀਰਕ ਤੌਰ 'ਤੇ ਵਿਅਕਤੀ ਨੂੰ ਪ੍ਰੇਸ਼ਾਨ ਕਰਨ ਵਾਲੀ ਹੁੰਦੀ ਹੈ। ਨਿਰਾਸ਼ਾ, ਖਾਣੇ ਵਿਚ ਕਮੀ, ਪੋਸ਼ਕ ਤੱਤਾਂ ਦੀ ਕਮੀ, ਕਸਰਤ ਦੀ ਕਮੀ ਅਤੇ ਮਾਨਸਿਕ ਰੋਗ ਦੇ ਕਾਰਨ ਗੁਲੂਕੋਜ਼ ਦਾ ਨਸ਼ਟ ਹੋਣਾ ਸਰੀਰ ਵਿਚ ਥਕਾਵਟ ਪੈਦਾ ਕਰਦਾ ਹੈ। ਬਹੁਤ ਜ਼ਿਆਦਾ ਨਸ਼ੀਲੇ ਪਦਾਰਥਾਂ ਦਾ ਸੇਵਨ ਵੀ ਥਕਾਨ ਨੂੰ ਜਨਮ ਦਿੰਦਾ ਹੈ। ਨਾਲ ਹੀ ਜਦੋਂ ਵਿਅਕਤੀ ਨਿਯਮਤ ਰੂਪ ਨਾਲ ਪੈਟਰੋਲ ਦੇ ਧੂੰਏਂ ਅਤੇ ਕਾਰਬਨ ਮੋਨੋਆਕਸਾਈਡ ਦੇ ਸੰਪਰਕ ਵਿਚ ਰਹਿੰਦਾ ਹੈ ਤਾਂ ਵੀ ਥਕਾਨ ਮਹਿਸੂਸ ਹੁੰਦੀ ਹੈ। ਵਿਅਕਤੀ ਨੂੰ ਬਿਮਾਰੀ ਤੋਂ ਬਾਅਦ ਵੀ ਥਕਾਨ ਮਹਿਸੂਸ ਹੁੰਦੀ ਹੈ ਪਰ ਸਰੀਰ ਨੂੰ ਜ਼ਰੂਰੀ ਪੋਸ਼ਕ ਤੱਤ ਮਿਲਣ 'ਤੇ ਇਹ ਥਕਾਨ ਦੂਰ ਹੋ ਜਾਂਦੀ ਹੈ।
ਆਮ ਤੌਰ 'ਤੇ ਥਕਾਨ ਸਵੇਰੇ ਉੱਠਦੇ ਸਾਰ ਹੀ ਸ਼ੁਰੂ ਹੋ ਜਾਂਦੀ ਹੈ। ਕੁਝ ਕਾਰਨਾਂ ਕਰਕੇ ਜੇ ਸਰੀਰ ਵਿਚ ਲੋਹ ਤੱਤ, ਖੂਨ ਆਦਿ ਦੀ ਕਮੀ ਹੋਵੇ ਤਾਂ ਥਕਾਨ ਹੁੰਦੀ ਹੈ। ਕਿਸੇ ਗੱਲ ਦੀ ਮਨ ਵਿਚ ਚਿੰਤਾ ਦਾ ਹੋਣਾ ਵੀ ਥਕਾਨ ਪੈਦਾ ਕਰਦਾ ਹੈ। ਦਿਨ ਵਿਚ ਹੋਣ ਵਾਲੀ ਥਕਾਨ ਸਾਡੇ ਕੰਮ ਦੇ ਤਰੀਕਿਆਂ ਅਤੇ ਅਨਿਯਮਿਤਤਾਵਾਂ ਦੇ ਕਾਰਨ ਹੁੰਦੀ ਹੈ। ਜੇ ਸੌਣ ਤੋਂ ਪਹਿਲਾਂ ਚੰਗੀਆਂ ਕਿਤਾਬਾਂ ਪੜ੍ਹੀਆਂ ਜਾਣ ਤਾਂ ਵੀ ਨੀਂਦ ਚੰਗੀ ਆਉਂਦੀ ਹੈ। ਸੌਣ ਤੋਂ ਪਹਿਲਾਂ ਹਲਕੇ ਗਰਮ ਪਾਣੀ ਨਾਲ ਨਹਾ ਲੈਣ ਨਾਲ ਵੀ ਥਕਾਨ ਦੂਰ ਹੋ ਜਾਂਦੀ ਹੈ ਅਤੇ ਨੀਂਦ ਚੰਗੀ ਆਉਂਦੀ ਹੈ।
ਜੇ ਆਮ ਤਰੀਕਿਆਂ ਦੇ ਬਾਵਜੂਦ ਥਕਾਨ ਜ਼ਿਆਦਾ ਮਹਿਸੂਸ ਹੁੰਦੀ ਹੈ ਤਾਂ ਕਿਸੇ ਚੰਗੇ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ। ਜੇ ਅਸੀਂ ਥਕਾਨ ਨੂੰ ਦੂਰ ਕਰਨਾ ਹੈ ਤਾਂ ਹਰੇਕ ਕੰਮ ਨੂੰ ਠੀਕ ਢੰਗ ਨਾਲ, ਆਰਾਮ ਨਾਲ ਅਤੇ ਸੋਚ-ਸਮਝ ਕੇ ਕਰਨਾ ਚਾਹੀਦਾ ਹੈ ਅਤੇ ਕਦੇ ਵੀ ਕਿਸੇ ਕੰਮ ਨੂੰ ਪੂਰਾ ਕਰਨ ਲਈ ਭੱਜ-ਦੌੜ ਨਹੀਂ ਲਗਾਉਣੀ ਚਾਹੀਦੀ। ਅਜਿਹਾ ਕਰਨ ਨਾਲ ਨਾ ਸਿਰਫ ਥਕਾਨ ਦੂਰ ਹੋਵੇਗੀ, ਸਗੋਂ ਸਭ ਕੰਮ ਵੀ ਠੀਕ ਤਰੀਕੇ ਨਾਲ ਪੂਰਨ ਹੋ ਜਾਣਗੇ।
**

ਸਿਹਤ ਖ਼ਬਰਨਾਮਾ

ਹਰੀ ਚਾਹ ਰਾਹਤ ਦਿਵਾਉਂਦੀ ਹੈ ਗਠੀਏ ਦੇ ਦਰਦ ਵਿਚ

ਹਰੀ ਚਾਹ ਦੇ ਨਿੱਤ ਨਵੇਂ ਲਾਭ ਸਾਹਮਣੇ ਆ ਰਹੇ ਹਨ। ਹੁਣ ਤੱਕ ਇਸ ਨੂੰ ਕੈਂਸਰ ਅਤੇ ਦਿਲ ਦੇ ਰੋਗ ਦੂਰ ਕਰਨ ਵਿਚ ਲਾਭਦਾਇਕ ਮੰਨਿਆ ਜਾਂਦਾ ਰਿਹਾ ਹੈ। ਹੁਣ ਇਹ ਪਾਇਆ ਗਿਆ ਹੈ ਕਿ ਹਰੀ ਚਾਹ ਨਾਲ ਗਠੀਏ ਦੇ ਦਰਦ ਵਿਚ ਵੀ ਰਾਹਤ ਮਿਲਦੀ ਹੈ, ਕਿਉਂਕਿ ਇਹ ਸਰੀਰ ਵਿਚ ਸੋਜ਼ ਹੋਣ ਤੋਂ ਰੋਕਦੀ ਹੈ। ਇਹ ਵੀ ਪਾਇਆ ਗਿਆ ਹੈ ਕਿ ਜ਼ਿਆਦਾ ਹਰੀ ਚਾਹ ਪੀਣ ਨਾਲ ਜ਼ਿਆਦਾ ਲਾਭ ਹੋਵੇਗਾ।
ਹੁਣ ਤੁਹਾਡੇ ਦੰਦ ਦੇਣਗੇ ਤੁਹਾਡਾ ਸਾਥ ਜ਼ਿਆਦਾ ਸਮੇਂ ਤੱਕ

ਹੁਣ ਤੁਹਾਡੇ ਦੰਦ ਜ਼ਿਆਦਾ ਦੇਰ ਤੱਕ ਤੁਹਾਡਾ ਸਾਥ ਦੇ ਸਕਣਗੇ, ਕਿਉਂਕਿ ਇੰਡਿਆਨਾ ਯੂਨੀਵਰਸਿਟੀ ਸਕੂਲ ਆਫ ਡੈਂਟਿਸਟ੍ਰੀ, ਇੰਡਿਆਨਾਪੋਲਿਸ ਦੇ ਮਾਹਿਰਾਂ ਨੇ ਇਕ ਅਜਿਹੇ ਕੈਮਰੇ ਦੀ ਖੋਜ ਕੀਤੀ ਹੈ, ਜੋ ਦੰਦ ਦੀ ਸਤਹ 'ਤੇ ਫਾਸਫੇਟ ਅਤੇ ਕੈਲਸ਼ੀਅਮ ਸਬੰਧੀ ਉਨ੍ਹਾਂ ਦੇ ਐਕਸਰੇ ਵਿਚ ਦਿਖਾਈ ਦੇਣ ਤੋਂ 2-3 ਸਾਲ ਪਹਿਲਾਂ ਹੀ ਪਤਾ ਲਗਾ ਲਵੇਗਾ, ਜਿਸ ਨੂੰ ਫਲੋਰਾਈਡ ਦੀ ਵਰਤੋਂ ਨਾਲ ਠੀਕ ਕੀਤਾ ਜਾ ਸਕੇਗਾ ਅਤੇ ਤੁਹਾਡੇ ਦੰਦ ਜ਼ਿਆਦਾ ਸਮੇਂ ਤੱਕ ਤੁਹਾਡਾ ਸਾਥ ਦੇਣਗੇ।
ਇਹ ਆਦਤਾਂ ਦਿੰਦੀਆਂ ਹਨ ਲੰਬੀ ਉਮਰ
ਲੋਮਾਲਿੰਡਾ ਯੂਨੀਵਰਸਿਟੀ ਕੈਲੇਫੋਰਨੀਆ ਦੇ ਸਿਹਤ ਮਾਹਿਰਾਂ ਨੇ ਇਕ ਅਧਿਐਨ ਕੀਤਾ ਹੈ, ਜਿਸ ਅਨੁਸਾਰ ਹੇਠ ਲਿਖੀਆਂ ਆਦਤਾਂ ਤੁਹਾਨੂੰ ਲੰਮੀ ਉਮਰ ਪ੍ਰਦਾਨ ਕਰਨ ਵਿਚ ਸਹਾਇਕ ਹੋ ਸਕਦੀਆਂ ਹਨ। ਸਿਰਫ ਸ਼ਾਕਾਹਾਰੀ ਭੋਜਨ ਕਰਨ ਵਾਲੇ ਵਿਅਕਤੀ ਆਪਣੀ ਉਮਰ ਵਿਚ 2.4 ਸਾਲ ਦਾ ਵਾਧਾ ਕਰਦੇ ਹਨ। ਹਫ਼ਤੇ ਵਿਚ 3 ਵਾਰ ਕਸਰਤ ਕਰਨ ਨਾਲ 2.1 ਸਾਲ ਦਾ ਵਾਧਾ ਹੁੰਦਾ ਹੈ। ਭਾਰ ਨਾ ਵਧਣ ਦੇਣ ਵਾਲੇ ਲੋਕ ਆਪਣੀ ਉਮਰ ਵਿਚ 1.5 ਸਾਲ ਦਾ ਵਾਧਾ ਕਰਦੇ ਹਨ। ਹਫ਼ਤੇ ਵਿਚ 5 ਵਾਰ ਨਟਸ ਖਾਣ ਨਾਲ 2.9 ਸਾਲ ਦਾ ਵਾਧਾ ਹੁੰਦਾ ਹੈ। ਕਦੇ ਸਿਗਰਟਨੋਸ਼ੀ ਨਾ ਕਰਨ ਵਾਲਿਆਂ ਦੀ ਉਮਰ 1.3 ਸਾਲ ਜ਼ਿਆਦਾ ਹੁੰਦੀ ਹੈ। ਅਧਿਐਨ ਵਿਚ ਮਾਸ ਖਾਣਾ ਛੱਡਣ ਨੂੰ ਨਹੀਂ ਕਿਹਾ ਗਿਆ ਹੈ। ਮਾਸ ਦੇ ਨਾਲ ਜੇ ਫਲ, ਸਬਜ਼ੀਆਂ, ਅਨਾਜ ਅਤੇ ਦਾਲਾਂ ਖਾਂਦੇ ਰਹੋ ਤਾਂ ਉਸ ਦਾ ਮਾੜਾ ਪ੍ਰਭਾਵ ਬਰਾਬਰ ਹੋ ਜਾਂਦਾ ਹੈ।
ਕਸਰਤ ਨਾਲ ਦੂਰ ਹੁੰਦੀ ਹੈ ਚਿੰਤਾ

ਚਿੰਤਾਵਾਂ ਸਾਡੇ ਜੀਵਨ ਦਾ ਅਟੁੱਟ ਅੰਗ ਹਨ ਅਤੇ ਇਹ ਸਰੀਰ 'ਤੇ ਵੱਖ-ਵੱਖ ਤਰ੍ਹਾਂ ਦੇ ਮਾੜੇ ਪ੍ਰਭਾਵ ਪਾਉਂਦੀਆਂ ਹਨ। ਜਿਨ੍ਹਾਂ ਲੋਕਾਂ ਦੇ ਦਿਲ 'ਤੇ ਚਿੰਤਾ ਦਾ ਜ਼ਿਆਦਾ ਪ੍ਰਭਾਵ ਪੈਂਦਾ ਹੈ, ਉਨ੍ਹਾਂ ਨੂੰ ਸਮੇਂ ਦੇ ਨਾਲ ਉੱਚ ਖੂਨ ਦਬਾਅ ਅਤੇ ਦਿਲ ਦੇ ਰੋਗ ਹੋ ਸਕਦੇ ਹਨ।
ਡਿਊਕ ਯੂਨੀਵਰਸਿਟੀ ਦੇ ਮਾਹਿਰਾਂ ਨੇ ਕਸਰਤ ਦਾ ਪ੍ਰਭਾਵ ਦੇਖਣ ਲਈ ਕੁਝ ਅਜਿਹੇ ਵਿਅਕਤੀਆਂ ਨੂੰ ਚੁਣਿਆ ਜੋ ਕਸਰਤ ਨਹੀਂ ਕਰਦੇ ਸੀ ਅਤੇ ਜਿਨ੍ਹਾਂ ਦਾ ਸਰੀਰ ਮੋਟਾ ਸੀ। ਉਨ੍ਹਾਂ ਨੂੰ 3 ਸਮੂਹਾਂ ਵਿਚ ਵੰਡ ਕੇ ਉਨ੍ਹਾਂ ਦਾ ਅਧਿਐਨ ਕੀਤਾ ਗਿਆ ਅਤੇ ਪਾਇਆ ਗਿਆ ਕਿ ਜਿਸ ਸਮੂਹ ਨੂੰ ਨਿਯਮਿਤ ਕਸਰਤ ਕਰਵਾਈ ਗਈ ਸੀ, ਉਨ੍ਹਾਂ ਦੇ ਖੂਨ ਦੇ ਦਬਾਅ ਵਿਚ ਤਣਾਅ ਦੀ ਸਥਿਤੀ ਵਿਚ ਵੀ ਕਮੀ ਆਈ ਅਤੇ ਜਿਨ੍ਹਾਂ ਨੂੰ ਕਸਰਤ ਅਤੇ ਭੋਜਨ ਕੰਟਰੋਲ ਕਰਵਾਇਆ ਗਿਆ ਸੀ, ਉਨ੍ਹਾਂ ਦੇ ਖੂਨ ਦੇ ਦਬਾਅ ਵਿਚ ਜ਼ਿਆਦਾ ਕਮੀ ਆਈ। ਇਸ ਲਈ ਨਿਯਮਿਤ ਕਸਰਤ ਕਰੋ ਅਤੇ ਆਪਣੇ-ਆਪ ਨੂੰ ਖੂਨ ਦੇ ਦਬਾਅ ਅਤੇ ਦਿਲ ਦੇ ਰੋਗਾਂ ਤੋਂ ਬਚਾਓ।





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX