ਤਾਜਾ ਖ਼ਬਰਾਂ


ਅਮਰੀਕੀ ਕਮਿਸ਼ਨ ਨੇ ਅਮਿਤ ਸ਼ਾਹ 'ਤੇ ਪਾਬੰਦੀ ਲਗਾਉਣ ਦੀ ਕੀਤੀ ਮੰਗ, ਭਾਰਤ ਨੂੰ ਦੇਣਾ ਪਿਆ ਜਵਾਬ
. . .  7 minutes ago
ਵਾਸ਼ਿੰਗਟਨ, 10 ਦਸੰਬਰ - ਕੌਮਾਂਤਰੀ ਧਾਰਮਿਕ ਆਜ਼ਾਦੀ 'ਤੇ ਸੰਘੀ ਅਮਰੀਕੀ ਕਮਿਸ਼ਨ ਨੇ ਕਿਹਾ ਕਿ ਨਾਗਰਿਕਤਾ ਸੋਧ ਬਿਲ ਗਲਤ ਦਿਸ਼ਾ ਵਿਚ ਵਧਾਇਆ ਗਿਆ ਇਕ ਖ਼ਤਰਨਾਕ ਕਦਮ ਹੈ ਤੇ ਜੇ ਇਹ ਭਾਰਤ ਦੀ ਸੰਸਦ ਵਿਚ ਪਾਸ ਹੁੰਦਾ ਹੈ ਤਾਂ ਭਾਰਤ ਦੇ ਗ੍ਰਹਿ ਮੰਤਰੀ ਅਮਿਤ...
ਬੀਬਾ ਹਰਸਿਮਰਤ ਕੌਰ ਬਾਦਲ ਨੇ ਰੇਲ ਮੰਤਰੀ ਦਾ ਕੀਤਾ ਧੰਨਵਾਦ
. . .  18 minutes ago
ਅਜਨਾਲਾ, 10 ਦਸੰਬਰ (ਗੁਰਪ੍ਰੀਤ ਸਿੰਘ ਢਿੱਲੋਂ) - 9 ਫਰਵਰੀ 2020 ਨੂੰ ਆ ਰਹੇ ਗੁਰੂ ਰਵੀਦਾਸ ਜੀ ਦੇ 643ਵੇਂ ਜਨਮ ਦਿਵਸ ਸਮਾਗਮਾਂ ਲਈ ਵਾਰਾਨਸੀ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਰੇਲ ਕਿਰਾਏ ਵਿਚ 50 ਫ਼ੀਸਦੀ ਛੋਟ ਦੇਣ 'ਤੇ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਰੇਲ...
ਦਿੱਲੀ 'ਚ ਵੈਸੇ ਹੀ ਜ਼ਿੰਦਗੀ ਛੋਟੀ ਹੋ ਰਹੀ ਹੈ ਤੇ ਫਿਰ ਫਾਂਸੀ ਕਿਉਂ - ਨਿਰਭੈਆ ਸਮੂਹਿਕ ਜਬਰ ਜਨਾਹ ਮਾਮਲੇ 'ਚ ਦੋਸ਼ੀ ਨੇ ਪੁਨਰ ਵਿਚਾਰ ਪਟੀਸ਼ਨ 'ਚ ਦਿੱਤਾ ਤਰਕ
. . .  52 minutes ago
ਨਵੀਂ ਦਿੱਲੀ, 10 ਦਸੰਬਰ - ਨਿਰਭੈਆ ਸਮੂਹਿਕ ਜਬਰ ਜਨਾਹ ਤੇ ਹੱਤਿਆ ਮਾਮਲੇ 'ਚ ਮੌਤ ਦੀ ਸਜ਼ਾ ਪਾਉਣ ਵਾਲੇ ਚਾਰ ਦੋਸ਼ੀਆਂ ਵਿਚ ਅੰਤਿਮ ਦੋਸ਼ੀ ਨੇ ਅੱਜ ਸੁਪਰੀਮ ਕੋਰਟ ਵਿਚ ਪੁਨਰ ਵਿਚਾਰ ਪਟੀਸ਼ਨ ਦਾਇਰ ਕੀਤੀ। ਨਿਰਭੈਆ ਮਾਮਲੇ ਵਿਚ ਚੌਥੇ ਦੋਸ਼ੀ ਅਕਸ਼ੇ ਨੇ ਪੁਨਰ...
ਨਿਰਭੈਆ ਦੇ ਦੋਸ਼ੀ ਅਕਸ਼ੇ ਸਿੰਘ ਨੇ ਦਾਖਲ ਕੀਤੀ ਪੁਨਰ ਵਿਚਾਰ ਪਟੀਸ਼ਨ
. . .  about 1 hour ago
ਨਵੀਂ ਦਿੱਲੀ, 10 ਦਸੰਬਰ - ਨਿਰਭੈਆ ਸਮੂਹਿਕ ਜਬਰ ਜਨਾਹ ਤੇ ਹੱਤਿਆ ਮਾਮਲੇ ਵਿਚ ਤਿਹਾੜ ਜੇਲ੍ਹ ਵਿਚ ਫਾਂਸੀ ਦੀ ਸਜ਼ਾ ਕੱਟ ਰਹੇ ਦੋਸ਼ੀ ਅਕਸ਼ੇ ਕੁਮਾਰ ਸਿੰਘ ਨੇ ਸੁਪਰੀਮ ਕੋਰਟ ਵਿਚ ਪੁਨਰ ਵਿਚਾਰ ਪਟੀਸ਼ਨ ਦਾਇਰ ਕੀਤੀ ਹੈ। ਜਿਕਰਯੋਗ ਹੈ ਕਿ ਇਸ ਮਾਮਲੇ ਵਿਚ ਪਹਿਲਾ...
ਲੋਨ ਨਾ ਭਰਨ 'ਤੇ ਬੈਂਕ ਵਲੋਂ ਕਮਿਸ਼ਨ ਏਜੰਟ ਦੀਆਂ ਤਿੰਨ ਦੁਕਾਨਾਂ ਸਮਾਨ ਸਮੇਤ ਸੀਲ
. . .  about 1 hour ago
ਤਪਾ ਮੰਡੀ, 10 ਦਸੰਬਰ (ਪ੍ਰਵੀਨ ਗਰਗ)- ਸਟੇਟ ਬੈਂਕ ਆਫ਼ ਇੰਡੀਆ ਵਲੋਂ ਬੈਂਕ ਦਾ ਲੋਨ ਨਾ ਭਰਨ 'ਤੇ ਇੱਕ ਕਮਿਸ਼ਨ ਏਜੰਟ ਦੀਆਂ ਸਕੂਲ ਰੋਡ 'ਤੇ ਸਥਿਤ ਤਿੰਨ ਦੁਕਾਨਾਂ ਨੂੰ ਸਮਾਨ ਸਮੇਤ ਸੀਲ ਕਰ ਦਿੱਤੇ ਜਾਣ...
ਕਰਤਾਰਪੁਰ ਪੁਲਿਸ ਨੇ ਭਾਰੀ ਮਾਤਰਾ 'ਚ ਸ਼ਰਾਬ ਸਮੇਤ ਸਮੱਗਲਰ ਕੀਤੇ ਕਾਬੂ
. . .  about 2 hours ago
ਕਰਤਾਪੁਰ, 10 ਦਸੰਬਰ (ਜਸਵੰਤ ਵਰਮਾ, ਧੀਰਪੁਰ) - ਪੁਲਿਸ ਕਪਤਾਨ ਜਲੰਧਰ ਦਿਹਾਤੀ ਨਵਜੋਤ ਸਿੰਘ ਮਾਹਲ ਦੇ ਦਿਸ਼ਾ ਨਿਰਦੇਸ਼ਾ ਤੇ ਡੀ.ਐਸ.ਪੀ ਸੁਰਿੰਦਰ ਧੋਗੜੀ ਦੀ ਰਹਿਮਨੁਮਾਈ ਹੇਠ ਕਰਤਾਰਪੁਰ ਪੁਲਿਸ ਥਾਣਾ ਮੁਖੀ ਸਬ ਇੰਸਪੈਕਟਰ ਪੁਸ਼ਪ ਬਾਲੀ ਦੀ ਪੁਲਿਸ ਵਜੋਂ...
ਜੋ ਅਸਹਿਮਤ ਹੁੰਦੈ ਉਹ ਦੇਸ਼ਧ੍ਰੋਹੀ, ਇਹ ਭਾਜਪਾ ਦਾ ਭਰਮ - ਸ਼ਿਵ ਸੈਨਾ ਨੇ ਨਾਗਰਿਕਤਾ ਬਿਲ 'ਤੇ ਸਮਰਥਨ ਦੇਣ ਤੋਂ ਅਜੇ ਕੀਤਾ ਇਨਕਾਰ
. . .  about 2 hours ago
ਮੁੰਬਈ, 10 ਦਸੰਬਰ - ਲੋਕ ਸਭਾ ਵਿਚ ਨਾਗਰਿਕ ਸੋਧ ਬਿਲ ਦਾ ਸਮਰਥਨ ਕਰਨ ਵਾਲੀ ਸ਼ਿਵ ਸੈਨਾ ਨੇ ਮੋਦੀ ਸਰਕਾਰ ਨੂੰ ਘੇਰਿਆ ਹੈ। ਸ਼ਿਵ ਸੈਨਾ ਪ੍ਰਮੁੱਖ ਤੇ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਉਧਵ ਠਾਕਰੇ ਨੇ ਕਿਹਾ ਕਿ ਉਹ ਨਾਗਰਿਕਤਾ ਸੋਧ ਬਿਲ 'ਤੇ ਉਸ ਵੇਲੇ ਹੀ ਸਮਰਥਨ...
ਭਾਰਤ ਦੀ ਝੋਲੀ 'ਚ ਪਿਆ ਕੌਮਾਂਤਰੀ ਕਬੱਡੀ ਕੱਪ, ਫਾਈਨਲ 'ਚ ਕੈਨੇਡਾ ਨੂੰ ਦਿੱਤੀ ਮਾਤ
. . .  about 1 hour ago
ਬਟਾਲਾ, 10 ਦਸੰਬਰ (ਕਮਲ ਕਾਹਲੋਂ)- ਡੇਰਾ ਬਾਬਾ ਨਾਨਕ ਵਿਖੇ ਖੇਡੇ ਗਏ ਫਾਈਨਲ ਮੁਕਾਬਲੇ 'ਚ ਭਾਰਤ ਨੇ ਕੈਨੇਡਾ ਨੂੰ ਕੌਮਾਂਤਰੀ ਕਬੱਡੀ ਕੱਪ 'ਤੇ ਕਬਜ਼ਾ ਕਰ ਲਿਆ। ਭਾਰਤ ਨੇ ਕੈਨੇਡਾ ਨੂੰ 64-19 ਅੰਕਾਂ...
ਗੁਰਦੁਆਰਾ ਗੁਰੂ ਡਾਂਗਮਾਰ ਸਾਹਿਬ ਦੇ ਦਰਸ਼ਨ ਕਰਨ ਪਹੁੰਚੇ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ
. . .  1 minute ago
ਅੰਮ੍ਰਿਤਸਰ, 10 ਦਸੰਬਰ (ਸੁਰਿੰਦਰਪਾਲ ਸਿੰਘ ਵਰਪਾਲ)- ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਪਹਿਲੀ ਵਾਰ ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਦੇ ਚਰਨ ਛੋਹ ਪ੍ਰਾਪਤ...
ਕੌਮਾਂਤਰੀ ਕਬੱਡੀ ਕੱਪ : ਦੂਜੇ ਰਾਊਂਡ 'ਚ ਭਾਰਤ ਦੇ 51 ਅਤੇ ਕੈਨੇਡਾ ਦੇ 15 ਅੰਕ
. . .  about 2 hours ago
ਹੋਰ ਖ਼ਬਰਾਂ..

ਸਾਡੀ ਸਿਹਤ

ਚਿੰਤਾ ਨੂੰ ਕਿਨਾਰੇ ਰੱਖੋ


ਆਧੁਨਿਕ ਅਸ਼ਾਂਤੀ ਅਤੇ ਦੌੜ-ਭੱਜ ਦੇ ਜ਼ਮਾਨੇ ਵਿਚ ਕੱਲ੍ਹ ਕੀ ਹੋਵੇਗਾ, ਇਸ ਦੀ ਚਿੰਤਾ ਕਰਨੀ ਵਿਅਰਥ ਹੈ। ਸਾਨੂੰ ਇਕ ਸਮੇਂ ਵਿਚ ਇਕ ਦਿਨ ਦਾ ਹੀ ਜੀਵਨ ਬਿਤਾਉਣਾ ਚਾਹੀਦਾ ਹੈ। ਸਾਨੂੰ ਆਸ ਰੱਖਣੀ ਚਾਹੀਦੀ ਹੈ ਕਿ ਅਸੀਂ ਸਾਰੇ ਲੰਮੀ ਉਮਰ ਜੀਵਾਂਗੇ ਅਤੇ ਤੰਦਰੁਸਤ ਬਣੇ ਰਹਾਂਗੇ। ਇਸ ਲਈ ਉਚਿਤ ਸਾਵਧਾਨੀ ਅਤੇ ਢੁਕਵੇਂ ਉਪਾਅ ਕਰਨ ਤੋਂ ਬਾਅਦ ਸਾਨੂੰ ਆਪਣੇ-ਆਪ ਨੂੰ ਵਰਤਮਾਨ ਵਿਚ ਹੀ ਸੁਖੀ ਸਮਝਣਾ ਚਾਹੀਦਾ ਹੈ।
ਚਿੰਤਾਵਾਂ ਨੂੰ ਆਪਣੇ ਨਾਲ ਬਿਸਤਰੇ 'ਤੇ ਲੈ ਜਾਣਾ ਠੀਕ ਨਹੀਂ। ਤੁਸੀਂ ਉਥੇ ਚਿੰਤਾ ਦੇ ਨਾਲ ਕੀ ਕਰ ਸਕਦੇ ਹੋ? ਚਿੰਤਾ ਕਰਨ ਦਾ ਠੀਕ ਸਮਾਂ ਤਾਂ ਉਹੀ ਹੈ, ਜਦੋਂ ਤੁਸੀਂ ਅਸਲ ਵਿਚ ਉਸ ਦਾ ਮੁਕਾਬਲਾ ਕਰਦੇ ਹੋ, ਚਿੰਤਾਵਾਂ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕਰਦੇ ਹੋ। ਰਾਤ ਦਾ ਸਮਾਂ ਆਰਾਮ ਕਰਨ ਲਈ ਹੁੰਦਾ ਹੈ। ਉਸ ਵਾਸਤੇ ਅਭਿਆਸ ਅਤੇ ਸਵੈ-ਅਨੁਸ਼ਾਸਨ ਦੀ ਲੋੜ ਹੁੰਦੀ ਹੈ। ਚਿੰਤਾਵਾਂ ਦਾ ਖਿਆਲ ਨਾ ਕਰ ਕੇ ਕਿਸੇ ਹੋਰ ਗੱਲ 'ਤੇ ਵਿਚਾਰ ਕਰਨ ਦੀ ਆਦਤ ਪਾਉਣੀ ਚਾਹੀਦੀ ਹੈ।
ਸੌਣ ਸਮੇਂ ਵਿਚਾਰਪੂਰਵਕ, ਯਤਨ ਦੇ ਨਾਲ ਆਪਣੀ ਪਛਾਣ ਵਾਲੇ ਚੰਗੇ ਅਤੇ ਸੁੰਦਰ ਵਿਅਕਤੀ, ਆਪਣੀਆਂ ਅਨੰਦਪੂਰਨ ਛੁੱਟੀਆਂ ਦੇ ਦਿਨਾਂ ਨੂੰ ਜਾਂ ਆਪਣੇ ਅਤੀਤ ਦੇ ਚੰਗੇ ਦਿਨਾਂ ਨੂੰ ਯਾਦ ਕਰੋ। ਜੇ ਤੁਹਾਨੂੰ ਆਪਣਾ ਜੀਵਨ ਅੰਧਕਾਰਮਈ ਮਹਿਸੂਸ ਹੁੰਦਾ ਹੈ ਕਿ ਤੁਸੀਂ ਸੁਖੀ ਦਿਨਾਂ ਦਾ ਵਿਚਾਰ ਵੀ ਨਹੀਂ ਕਰ ਸਕਦੇ ਤਾਂ ਸ਼ਾਂਤ ਮਹਾਂਸਾਗਰ ਦੀ ਸਤਹ 'ਤੇ ਤੈਰਦੇ ਸੁੰਦਰ ਜਹਾਜ਼ ਦੇ ਦ੍ਰਿਸ਼ ਦੀ ਜਾਂ ਕਿਸੇ ਸੁੰਦਰ ਫੁੱਲ ਦੀ ਜਾਂ ਸੁੱਖ ਦੀ ਨੀਂਦ ਲੈਂਦੀ ਹੋਈ ਬਿੱਲੀ ਦੀ ਕਲਪਨਾ ਕਰੋ।
ਆਉਣ ਵਾਲਾ ਦਿਨ ਦੂਜਾ ਦਿਨ ਹੈ। ਜੇ ਤੁਹਾਨੂੰ ਚਿੰਤਾਵਾਂ ਘੇਰ ਲੈਣ ਤਾਂ ਖਰਾਬ ਪ੍ਰਸਥਿਤੀ ਦਾ ਖਿਆਲ ਕਰੋ। ਤੁਹਾਨੂੰ ਡਰ ਕਿਸ ਦਾ ਹੈ? ਬਿਮਾਰੀ? ਘਰ ਟੁੱਟਣ ਦਾ? ਦੀਵਾਲਾ ਨਿਕਲ ਜਾਣ ਦਾ ਜਾਂ ਫਿਰ ਆਪਣੀ ਮੌਤ ਦਾ? ਕੁਝ ਵੀ ਹੋਵੇ, ਕਿੰਨੀ ਹੀ ਖਰਾਬ ਸਥਿਤੀ ਕਿਉਂ ਨਾ ਹੋਵੇ, ਉਸ ਨੂੰ ਆਪਣੇ ਮਨ ਤੋਂ ਪਿੱਛੇ ਧੱਕ ਕੇ ਭੁਲਾ ਦੇਣ ਦੀ ਜਾਂ ਦੂਰ ਭੱਜਣ ਦੀ ਕੋਸ਼ਿਸ਼ ਨਾ ਕਰੋ।
ਮੁਸੀਬਤ ਇਹ ਹੈ ਕਿ ਜਦੋਂ ਅਸੀਂ ਇਕੱਲੇ, ਥੱਕੇ ਹੋਏ ਜਾਂ ਉਦਾਸ ਹੁੰਦੇ ਹਾਂ ਅਤੇ ਅੱਧੀ ਰਾਤ ਨੂੰ ਜਾਗ ਕੇ ਫਿਰ ਨੀਂਦ ਨਹੀਂ ਲੈ ਸਕਦੇ ਤਾਂ ਇਨ੍ਹਾਂ ਡਰਾਂ ਦਾ ਖਿਆਲ ਆਏ ਬਿਨਾਂ ਨਹੀਂ ਰਹਿੰਦਾ। ਸਾਡੇ ਡਰ ਉਦੋਂ ਹੀ ਆ ਕੇ ਸਾਨੂੰ ਡਰਾਉਂਦੇ ਹਨ, ਪ੍ਰੇਸ਼ਾਨ ਕਰਦੇ ਹਨ ਜਦੋਂ ਅਸੀਂ ਬਿਲਕੁਲ ਹਿੰਮਤ ਹਾਰ ਜਾਂਦੇ ਹਾਂ। ਇਸ ਲਈ ਸਿੱਧੀ ਤਰ੍ਹਾਂ ਸੁਚੇਤ ਮਨ ਦੇ ਉਜਵਲ ਪ੍ਰਕਾਸ਼ ਵਿਚ ਇਨ੍ਹਾਂ ਡਰਾਂ ਦਾ ਦ੍ਰਿੜ੍ਹਤਾ ਨਾਲ ਮੁਕਾਬਲਾ ਕਰੋ ਅਤੇ ਇਨ੍ਹਾਂ ਨੂੰ ਦੂਰ ਕਰਨ ਲਈ ਜੋ ਵੀ ਕੁਝ ਕਰ ਸਕਦੇ ਹੋ, ਉਹ ਕਰੋ।
ਆਪਣੇ ਡਾਕਟਰ ਦੀ ਸਲਾਹ ਲਓ। ਤੁਹਾਨੂੰ ਜੋ ਤਰੀਕਾ ਠੀਕ ਲਗਦਾ ਹੈ ਅਤੇ ਜਿਨ੍ਹਾਂ ਸਾਧਨਾਂ ਨਾਲ ਤੁਸੀਂ ਚਿੰਤਾਵਾਂ ਨੂੰ ਦੂਰ ਕਰ ਸਕਦੇ ਹੋ, ਉਸ ਦਾ ਅਨੁਸਰਨ ਅਤੇ ਉਪਯੋਗ ਕਰੋ ਅਤੇ ਫਿਰ ਦੇਖੋ ਕਿ ਤੁਸੀਂ ਆਪਣੀ ਕਿੰਨੀ ਮਿਹਨਤ ਬਚਾ ਸਕਦੇ ਹੋ।
ਮੌਤ ਦਾ ਡਰ ਅਸਲ ਮੌਤ ਨਾਲੋਂ ਜ਼ਿਆਦਾ ਖ਼ਤਰਨਾਕ ਹੁੰਦਾ ਹੈ। ਤੁਹਾਡੇ ਤੋਂ ਪਹਿਲਾਂ ਅਣਗਿਣਤ ਲੋਕ ਇਸ ਰਸਤੇ ਜਾ ਚੁੱਕੇ ਹਨ। ਜਿਥੇ ਉਹ ਗਏ ਹਨ, ਉਥੇ ਤੁਸੀਂ ਵੀ ਜਾ ਸਕਦੇ ਹੋ। ਇਸ ਗੱਲ ਵਿਚ ਤੁਹਾਡੀਆਂ ਧਾਰਮਿਕ ਭਾਵਨਾਵਾਂ ਜ਼ਰੂਰ ਤੁਹਾਡੀ ਮਦਦ ਕਰ ਸਕਦੀਆਂ ਹਨ। ਜੇ ਤੁਸੀਂ ਡਰਦੇ ਹੋ ਜਾਂ ਕਿਸੇ ਮੁਸੀਬਤ ਵਿਚ ਹੋ ਤਾਂ ਤੁਸੀਂ ਕਿਸੇ ਧਾਰਮਿਕ ਪੁਸਤਕ ਦਾ ਪਾਠ ਕਰੋ, ਪੂਜਾ ਅਰਚਨਾ ਕਰੋ ਅਤੇ ਰੱਬ ਨੂੰ ਯਾਦ ਕਰੋ।
ਹਮੇਸ਼ਾ ਚਿੰਤਾ ਨੂੰ ਸਮਝਣ ਦੀ ਕੋਸ਼ਿਸ਼ ਕਰੋ। ਅਸੀਂ ਅਕਸਰ ਚਿੰਤਾਵਾਂ ਨੂੰ ਆਪਣੀ ਕਲਪਨਾ ਨਾਲ ਰੰਗ ਦਿੰਦੇ ਹਾਂ, ਉਨ੍ਹਾਂ ਨੂੰ ਬਹੁਤ ਵਧਾ ਦਿੰਦੇ ਹਾਂ ਅਤੇ ਨਿਸਚਿਤ ਵਿਚਾਰ ਕਰ ਲੈਂਦੇ ਹਾਂ। ਆਪਣੀਆਂ ਅਨੇਕਾਂ ਚਿੰਤਾਵਾਂ ਤੋਂ ਕਿਨਾਰਾ ਕਰਨ ਲਈ ਕਿਸੇ ਦੋਸਤ ਨਾਲ ਜ਼ਿਕਰ ਕਰੋ ਜੋ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਸਮਝ ਸਕਦਾ ਹੈ। ਦੂਜਿਆਂ ਦੀ ਮਦਦ ਲੈਣ ਵਿਚ ਸੰਕੋਚ ਨਾ ਕਰੋ। ਸਾਡੇ ਲਈ ਜੀਵਨ ਵਿਚ ਚਿੰਤਾਵਾਂ ਨੂੰ ਕਿਨਾਰੇ ਕਰਨਾ ਸਿੱਖਣਾ ਬਹੁਤ ਜ਼ਰੂਰੀ ਹੈ। ਯਾਦ ਰੱਖੋ, ਚਿੰਤਾ ਅਤੇ ਚਿਤਾ ਵਿਚ ਕੋਈ ਫਰਕ ਨਹੀਂ ਹੁੰਦਾ। ਚਿਤਾ ਦਾ ਹੀ ਦੂਜਾ ਨਾਂਅ ਚਿੰਤਾ ਹੈ।


ਖ਼ਬਰ ਸ਼ੇਅਰ ਕਰੋ

...ਤਾਂ ਕਿ ਦੰਦ ਰਹਿਣ ਜੀਵਨ ਭਰ ਤੰਦਰੁਸਤ


ਇਹ ਸੱਚ ਹੈ ਕਿ ਖੂਬਸੂਰਤ ਅਤੇ ਚਮਕਦੇ ਦੰਦ ਨਾ ਸਿਰਫ ਸਾਡੇ ਚਿਹਰੇ ਦੀ ਸੁੰਦਰਤਾ ਨੂੰ ਚਾਰ ਚੰਨ ਲਗਾ ਦਿੰਦੇ ਹਨ ਸਗੋਂ ਸ਼ਖ਼ਸੀਅਤ ਵਿਚ ਵੀ ਖਾਸਾ ਨਿਖਾਰ ਲਿਆ ਦਿੰਦੇ ਹਨ ਪਰ ਇਨ੍ਹਾਂ ਦੀ ਕੁਦਰਤੀ ਸੁੰਦਰਤਾ ਨੂੰ ਬਰਕਰਾਰ ਰੱਖਣ ਲਈ ਜ਼ਰੂਰੀ ਹੈ ਕਿ ਤੁਸੀਂ ਇਸ ਦਾ ਵਿਸ਼ੇਸ਼ ਖਿਆਲ ਰੱਖੋ। ਜੇ ਅਜਿਹਾ ਨਹੀਂ ਕੀਤਾ ਗਿਆ ਤਾਂ ਦੰਦਾਂ ਵਿਚ ਹੋਣ ਵਾਲਾ ਅਸਹਿਣਯੋਗ ਦਰਦ ਦਿਨ ਦਾ ਚੈਨ ਅਤੇ ਰਾਤਾਂ ਦੀ ਨੀਂਦ ਖੋਹ ਲੈਂਦਾ ਹੈ ਪਰ ਉਥੇ ਦੂਜੇ ਪਾਸੇ ਜੇ ਦੰਦਾਂ ਦੀ ਸਹੀ ਢੰਗ ਨਾਲ ਸਫ਼ਾਈ ਕਰਦੇ ਹੋ ਤਾਂ ਇਸ ਨਾਲ ਦੰਦ ਬਦਬੂਦਾਰ ਅਤੇ ਬਦਸੂਰਤ ਨਹੀਂ ਹੋਣਗੇ, ਨਾਲ ਹੀ ਦੂਜੇ ਤਰ੍ਹਾਂ ਦੀਆਂ ਹੋਰ ਕਈ ਬਿਮਾਰੀਆਂ ਜਨਮ ਨਹੀਂ ਲੈਣਗੀਆਂ।
ਜ਼ਿਆਦਾ ਮਿੱਠਾ ਖਾਣ ਤੋਂ ਬਚੋ : ਬਹੁਤੇ ਦੰਦਾਂ ਦੇ ਡਾਕਟਰਾਂ ਦਾ ਖਿਆਲ ਹੈ ਕਿ ਬੱਚਿਆਂ ਅਤੇ ਬੁੱਢਿਆਂ ਨੂੰ ਹਮੇਸ਼ਾ ਮਿੱਠੀਆਂ ਚੀਜ਼ਾਂ ਤੋਂ ਪ੍ਰਹੇਜ਼ ਜਾਂ ਉਨ੍ਹਾਂ ਦਾ ਸੇਵਨ ਘੱਟ ਮਾਤਰਾ ਵਿਚ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਹ ਪੇਟ ਲਈ ਵੀ ਨੁਕਸਾਨਦੇਹ ਹੁੰਦੇ ਹਨ, ਇਸ ਲਈ ਦੂਰੀ ਬਣਾਈ ਰੱਖੋ ਤਾਂ ਹੀ ਬਿਹਤਰ ਹੋਵੇਗਾ। ਨਾਲ ਹੀ ਦੰਦਾਂ ਵਿਚ ਕੀੜਾ ਵੀ ਨਹੀਂ ਲੱਗੇਗਾ।
ਜ਼ਿਆਦਾ ਮਾਸ ਨਾ ਖਾਓ : ਕੋਸ਼ਿਸ਼ ਕਰੋ ਕਿ ਜ਼ਿਆਦਾ ਮਾਸ ਨਾ ਖਾਧਾ ਜਾਵੇ, ਕਿਉਂਕਿ ਮਾਸ ਖਾਣ ਵਾਲਿਆਂ ਨੂੰ ਆਪਣੇ ਦੰਦਾਂ ਨੂੰ ਤੰਦਰੁਸਤ ਬਣਾਈ ਰੱਖਣ ਲਈ ਸਫਾਈ 'ਤੇ ਵਿਸ਼ੇਸ਼ ਧਿਆਨ ਦੇਣਾ ਪੈਂਦਾ ਹੈ। ਜੇ ਅਜਿਹਾ ਨਹੀਂ ਕੀਤਾ ਗਿਆ ਤਾਂ ਰਾਤ ਨੂੰ ਉਸ ਦੇ ਰੇਸ਼ੇ ਦੰਦਾਂ ਵਿਚ ਹੀ ਫਸੇ ਰਹਿ ਜਾਣਗੇ ਅਤੇ ਬੈਕਟੀਰੀਆ ਪੈਦਾ ਹੋਣ ਲੱਗੇਗਾ ਜੋ ਅਖੀਰ ਤੁਹਾਨੂੰ ਦੰਦਾਂ ਦੇ ਡਾਕਟਰ ਦੇ ਕੋਲ ਪਹੁੰਚਾ ਕੇ ਹੀ ਸਾਹ ਲਵੇਗਾ।
ਚਾਹ ਅਤੇ ਕੌਫੀ ਤੋਂ ਪ੍ਰਹੇਜ਼ ਕਰੋ : ਦਫ਼ਤਰ ਵਿਚ ਬੈਠੇ-ਬੈਠੇ ਲੋਕ ਕਈ-ਕਈ ਵਾਰ ਚਾਹ ਅਤੇ ਕੌਫੀ ਦਾ ਸੇਵਨ ਕਰਦੇ ਹਨ, ਜੋ ਸਰਾਸਰ ਗ਼ਲਤ ਹੁੰਦਾ ਹੈ। ਯਾਦ ਰੱਖੋ ਕਿ ਜ਼ਿਆਦਾ ਚਾਹ ਜਾਂ ਕੌਫੀ ਪੀਣ ਨਾਲ ਵੀ ਦੰਦਾਂ ਨੂੰ ਨੁਕਸਾਨ ਪਹੁੰਚਦਾ ਹੈ। ਸੋ, ਬਹੁਤ ਜ਼ਿਆਦਾ ਚਾਹ ਅਤੇ ਕੌਫੀ ਪੀਣ ਤੋਂ ਪ੍ਰਹੇਜ਼ ਕਰੋ। ਦੰਦਾਂ ਦੀਆਂ ਬਹੁਤੀਆਂ ਸਮੱਸਿਆਵਾਂ ਆਪਣੇ-ਆਪ ਛੂਮੰਤਰ ਹੋ ਜਾਣਗੀਆਂ।
ਰੋਜ਼ਾਨਾ ਫਲ ਖਾਣ ਦੀ ਆਦਤ ਪਾਓ : ਰੋਜ਼ ਫਲ ਖਾਣ ਨਾਲ ਹਮੇਸ਼ਾ ਮਸੂੜਿਆਂ ਦੀ ਮਸਾਜ ਅਤੇ ਦੰਦਾਂ ਦੀ ਸਫ਼ਾਈ ਹੁੰਦੀ ਹੈ ਅਤੇ ਉਨ੍ਹਾਂ ਨੂੰ ਨਿਊਟ੍ਰੀਸ਼ਨ ਵੀ ਮਿਲਦਾ ਹੈ। ਸੋ, ਗਾਜਰ, ਚੁਕੰਦਰ, ਖੀਰਾ, ਮੂਲੀ, ਸੰਤਰਾ, ਮੌਸੰਮੀ, ਸੇਬ, ਨਾਸ਼ਪਾਤੀ ਅਤੇ ਤਰਬੂਜ਼ ਆਦਿ ਵਰਗੇ ਫਲਾਂ ਨੂੰ ਆਪਣੀ ਆਦਤ ਵਿਚ ਸ਼ਾਮਿਲ ਕਰੋ। ਯਕੀਨਨ ਖਾਣੇ ਤੋਂ ਬਾਅਦ ਦੰਦਾਂ ਵਿਚ ਛੁਪੀ ਗੰਦਗੀ ਦੂਰ ਹੋ ਜਾਵੇਗੀ ਅਤੇ ਇਸ ਨਾਲ ਤੁਹਾਡੇ ਦੰਦ ਵੀ ਮਜ਼ਬੂਤ ਰਹਿਣਗੇ।
ਖਾਣੇ ਤੋਂ ਬਾਅਦ ਕੁਰਲੀ ਜ਼ਰੂਰ ਕਰੋ : ਦੰਦਾਂ ਦੀਆਂ ਕਈ ਬਿਮਾਰੀਆਂ ਅਕਸਰ ਖਾਧ ਪਦਾਰਥਾਂ ਨੂੰ ਖਾਣ ਤੋਂ ਬਾਅਦ ਉਨ੍ਹਾਂ ਦੇ ਜੰਮ ਜਾਣ ਕਾਰਨ ਹੁੰਦੀਆਂ ਹਨ। ਇਸ ਲਈ ਕੋਸ਼ਿਸ਼ ਕਰੋ ਕਿ ਕੁਝ ਵੀ ਖਾਣ ਤੋਂ ਬਾਅਦ ਪਾਣੀ ਨਾਲ ਕੁਰਲੀ ਜ਼ਰੂਰ ਕਰੋ। ਖਾਸ ਤੌਰ 'ਤੇ ਚਿਪਕਣ ਵਾਲੇ ਪਦਾਰਥ ਅਰਥਾਤ ਚਾਕਲੇਟ ਅਤੇ ਮਠਿਆਈ ਆਦਿ ਖਾਣ ਤੋਂ ਬਾਅਦ ਬੁਰਸ਼ ਕਰਦੇ ਹੋ ਤਾਂ ਕਾਫੀ ਹੱਦ ਤੱਕ ਦੰਦਾਂ ਦੀ ਰੱਖਿਆ ਕਰਕੇ ਤੰਦਰੁਸਤ ਰੱਖ ਸਕਦੇ ਹੋ।

ਮਾੜਾ ਕੋਲੈਸਟ੍ਰੋਲ : ਕੀ ਲਈਏ, ਕੀ ਨਾ ਲਈਏ ਕੀ ਲਈਏ


* ਇਕ ਦਿਨ ਵਿਚ 3 ਚਮਚ ਤੇਲ ਲੈਣਾ ਚਾਹੀਦਾ ਹੈ। ਇਕ ਹੀ ਤੇਲ ਦਾ ਸੇਵਨ ਲਗਾਤਾਰ ਨਹੀਂ ਕਰਨਾ ਚਾਹੀਦਾ। ਬਦਲ-ਬਦਲ ਕੇ ਤੇਲ ਦੀ ਵਰਤੋਂ ਕਰੋ। ਕੋਲੈਸਟ੍ਰੋਲ ਨੂੰ ਕਾਬੂ ਵਿਚ ਰੱਖਣ ਲਈ ਜੈਤੂਨ ਦਾ ਤੇਲ ਅਤੇ ਸਰ੍ਹੋਂ ਦਾ ਤੇਲ ਚੰਗਾ ਹੁੰਦਾ ਹੈ। ਇਨ੍ਹਾਂ ਦੀ ਵਰਤੋਂ ਲਈ ਇਕ ਗੱਲ ਦਾ ਧਿਆਨ ਰੱਖਣਾ ਪੈਂਦਾ ਹੈ ਕਿ ਇਨ੍ਹਾਂ ਨੂੰ ਜ਼ਿਆਦਾ ਤੇਜ਼ ਗਰਮ ਨਾ ਕੀਤਾ ਜਾਵੇ।
* ਰੇਸ਼ੇਦਾਰ ਖਾਧ ਪਦਾਰਥਾਂ ਦਾ ਜ਼ਿਆਦਾ ਸੇਵਨ ਕਰੋ। ਫਾਈਬਰ ਕੋਲੈਸਟ੍ਰੋਲ ਦੀ ਮਾਤਰਾ ਘੱਟ ਕਰਨ ਵਿਚ ਮਦਦ ਕਰਦਾ ਹੈ। ਅਨਾਜ ਵਿਚ ਕਣਕ, ਜਵਾਰ, ਬਾਜਰਾ, ਜੌਂ ਆਦਿ ਦਾ ਸੇਵਨ ਕਰੋ। ਚਾਹੋ ਤਾਂ ਕਣਕ ਅਤੇ ਬਾਜਰੇ ਦੇ ਆਟੇ ਨੂੰ ਮਿਲਾ ਕੇ ਉਸ ਨਾਲ ਬਣੀ ਰੋਟੀ ਖਾ ਸਕਦੇ ਹੋ। ਦਲੀਆ, ਸਪ੍ਰਾਊਟਸ, ਓਟਸ ਅਤੇ ਦਾਲਾਂ ਵਿਚ ਵੀ ਫਾਈਬਰ ਦੀ ਮਾਤਰਾ ਕਾਫੀ ਹੁੰਦੀ ਹੈ। ਇਸ ਦਾ ਸੇਵਨ ਨਾਸ਼ਤੇ ਵਿਚ ਕਰ ਸਕਦੇ ਹੋ। ਆਟੇ ਵਿਚ ਚੋਕਰ ਮਿਲਾ ਕੇ ਉਸ ਦੀ ਰੋਟੀ ਖਾਓ। * ਮੇਥੀ, ਲਸਣ, ਪਿਆਜ਼, ਹਲਦੀ, ਸੋਇਆਬੀਨ ਦਾ ਸੇਵਨ ਕਰੋ। ਇਨ੍ਹਾਂ ਨਾਲ ਕੋਲੈਸਟ੍ਰੋਲ ਦੀ ਮਾਤਰਾ ਘੱਟ ਹੁੰਦੀ ਹੈ।
* ਐਚ.ਡੀ.ਐਲ. ਵਧੀਆ ਕੋਲੈਸਟ੍ਰੋਲ ਵਧਾਉਣ ਲਈ 5-6 ਬਦਾਮ, 1-2 ਅਖਰੋਟ ਦਾ ਨਿਯਮਤ ਸੇਵਨ ਕਰੋ। * ਬੀਨਸ, ਫਿਸ਼ ਲਿਵਰ ਆਇਲ, ਫਲੈਕਸ ਸੀਡਸ ਖਾਣੇ ਚਾਹੀਦੇ ਹਨ। ਇਨ੍ਹਾਂ ਵਿਚ ਓਮੇਗਾ-3 ਦੀ ਮਾਤਰਾ ਕਾਫੀ ਹੁੰਦੀ ਹੈ, ਜੋ ਦਿਲ ਲਈ ਲਾਭਦਾਇਕ ਹੈ। * ਹਰੀਆਂ ਸਬਜ਼ੀਆਂ, ਸ਼ਲਗਮ, ਮਟਰ, ਓਟਸ, ਸਨਫਲਾਵਰ ਸੀਡਸ ਵਿਚ ਕਾਫੀ ਮਾਤਰਾ ਵਿਚ ਕਾਲਿਕ ਐਸਿਡ ਹੁੰਦਾ ਹੈ। ਇਹ ਕੈਲੋਸਟ੍ਰੋਲ ਦਾ ਪੱਧਰ ਘਟਾਉਣ ਵਿਚ ਮਦਦ ਕਰਦੇ ਹਨ। * ਆਂਡੇ ਦੀ ਜਰਦੀ ਦਾ ਸੇਵਨ ਨਾ ਕਰੋ। ਬਸ ਚਿੱਟਾ ਹਿੱਸਾ ਖਾਓ। ਸਿਕਮਡ ਦੁੱਧ ਜਾਂ ਸੋਇਆ ਦੁੱਧ ਲਓ। ਇਨ੍ਹਾਂ ਵਿਚ ਫੈਟਸ ਦੀ ਮਾਤਰਾ ਨਹੀਂ ਹੁੰਦੀ। * ਕੋਲੈਸਟ੍ਰੋਲ ਲਿਵਰ ਦੇ ਡਿਸਆਰਡਰ ਨਾਲ ਵਧਦਾ ਹੈ। ਲਿਵਰ ਦੀ ਸਫਾਈ 'ਤੇ ਧਿਆਨ ਦਿਓ। ਔਲੇ ਦਾ ਰਸ ਅਤੇ ਸਬਜ਼ੀਆਂ ਦਾ ਰਸ ਲਾਭਦਾਇਕ ਹੈ। ਇਨ੍ਹਾਂ ਦਾ ਨਿਯਮਤ ਸੇਵਨ ਕਰੋ।
ਕੀ ਨਾ ਲਈਏ
* ਮਲਾਈ ਵਾਲਾ ਦੁੱਧ, ਰੈੱਡ ਮੀਟ, ਆਂਡੇ ਦੇ ਪੀਲੇ ਹਿੱਸੇ ਵਿਚ ਕੋਲੈਸਟ੍ਰੋਲ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਇਨ੍ਹਾਂ ਤੋਂ ਬਚੋ। * ਮਾੜਾ ਕੋਲੈਸਟ੍ਰੋਲ ਭਾਵ ਐਲ.ਡੀ.ਐਲ. ਵਧਿਆ ਹੋਵੇ ਤਾਂ ਖੰਡ, ਚੌਲ, ਮੈਦਾ ਨਾ ਖਾਓ। * ਮਿਓਨਿਜ, ਨਾਰੀਅਲ ਤੇਲ, ਬਨਸਪਤੀ, ਦੇਸੀ ਘਿਓ, ਮੱਖਣ ਵਿਚ ਸੈਚੁਰੇਟਿਡ ਫੈਟ ਹੁੰਦੇ ਹਨ। ਇਨ੍ਹਾਂ ਦੇ ਸੇਵਨ ਤੋਂ ਬਚੋ। * ਬਿਸਕੁਟ, ਨਮਕੀਨ, ਮੱਠੀ, ਬੇਕਰੀ ਉਤਪਾਦ ਨਾ ਲਓ, ਕਿਉਂਕਿ ਇਨ੍ਹਾਂ ਵਿਚ ਟਰਾਂਸਫੈਟ ਹੁੰਦਾ ਹੈ, ਜੋ ਸਿੱਧਾ ਲਿਵਰ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਇਨ੍ਹਾਂ ਨੂੰ ਨਾ ਖਾਓ। * ਪ੍ਰੋਸੈਸਡ ਅਤੇ ਜੰਕ ਫੂਡ ਤੋਂ ਬਚੋ। ਪੇਸਟਰੀ, ਕੇਕ, ਆਈਸਕ੍ਰੀਮ, ਮਠਿਆਈ ਆਦਿ ਤੋਂ ਪ੍ਰਹੇਜ਼ ਕਰੋ। * ਪੂਰੀ ਕ੍ਰੀਮ ਵਾਲਾ ਦੁੱਧ ਅਤੇ ਉਸ ਤੋਂ ਬਣਿਆ ਪਨੀਰ, ਖੋਇਆ ਖਾਣ ਤੋਂ ਪ੍ਰਹੇਜ਼ ਕਰੋ। * ਉੜਦ ਦਾਲ, ਨਮਕ, ਚੌਲ, ਕੌਫੀ ਦਾ ਸੇਵਨ ਘੱਟ ਤੋਂ ਘੱਟ ਕਰੋ। * ਨਾਰੀਅਲ ਅਤੇ ਨਾਰੀਅਲ ਦਾ ਦੁੱਧ ਨਾ ਪੀਓ।
ਕੋਲੈਸਟ੍ਰੋਲ ਦਾ ਟੈਸਟ ਕਦੋਂ ਕਰਵਾਈਏ
* ਜੇ ਖਾਨਦਾਨੀ ਵਿਚ ਕਿਸੇ ਨੂੰ ਕੋਲੈਸਟ੍ਰੋਲ ਦੀ ਸ਼ਿਕਾਇਤ ਰਹੀ ਹੋਵੇ ਤਾਂ 30 ਸਾਲ ਦੀ ਉਮਰ ਤੋਂ ਕੋਲੈਸਟ੍ਰੋਲ ਟੈਸਟ ਕਰਵਾਉਣਾ ਸ਼ੁਰੂ ਕਰ ਦਿਓ। ਜੇ ਰਿਪੋਰਟ ਠੀਕ ਹੈ ਤਾਂ 30 ਤੋਂ 40 ਸਾਲ ਤੱਕ ਦੀ ਉਮਰ ਵਿਚ 2 ਸਾਲ ਵਿਚ ਇਕ ਵਾਰ ਜ਼ਰੂਰ ਕਰਵਾਓ। ਜੇ ਰਿਪੋਰਟ ਵਿਚ ਗੜਬੜ ਹੈ ਤਾਂ ਡਾਕਟਰ ਦੀ ਸਲਾਹ ਅਨੁਸਾਰ ਟੈਸਟ ਕਰਵਾਓ। 40 ਸਾਲ ਤੋਂ ਬਾਅਦ ਸਾਲ ਵਿਚ ਇਕ ਵਾਰ ਸਾਰੇ ਟੈਸਟ ਕਰਵਾਓ। ਕੋਲੈਸਟ੍ਰੋਲ ਹੋਣ 'ਤੇ ਡਾਕਟਰ ਦੀ ਸਲਾਹ ਅਨੁਸਾਰ ਚੱਲੋ। * ਕੋਲੈਸਟ੍ਰੋਲ ਲਈ ਲਿਪਿਡ ਪ੍ਰੋਫਾਈਲ ਟੈਸਟ ਕਰਵਾਓ। ਇਸ ਵਿਚ ਐਲ.ਡੀ.ਐਲ., ਐਚ.ਡੀ.ਐਲ. ਅਤੇ ਟ੍ਰਾਈਗਲਿਸਰਾਈਡਸ ਬਾਰੇ ਵੀ ਪਤਾ ਲੱਗੇਗਾ। * ਜੇ ਬਾਕੀ ਟੈਸਟ ਦੀ ਲੋੜ ਪਵੇ ਤਾਂ ਡਾਕਟਰ ਦੇ ਅਨੁਸਾਰ ਚੱਲੋ।

ਕੀ-ਕੀ ਹੁੰਦਾ ਹੈ ਪਾਣੀ ਨਾਲ


ਆਯੁਰਵੈਦ ਵਿਚ ਪਾਣੀ ਨੂੰ ਜੀਵਨ ਅਤੇ ਅੰਮ੍ਰਿਤ ਕਿਹਾ ਗਿਆ ਹੈ। ਜੀਵਨ ਜਿਊਣ ਲਈ ਭੋਜਨ ਨਾਲੋਂ ਜ਼ਿਆਦਾ ਜ਼ਰੂਰੀ ਹੈ ਪਾਣੀ।
* ਪਾਣੀ ਦੇ ਸਬੰਧ ਵਿਚ ਵੱਖ-ਵੱਖ ਸਰੋਤਾਂ ਨੂੰ ਲੈ ਕੇ ਇਕ ਕੁਦਰਤੀ ਤਰੀਕੇ ਨਾਲ ਇਲਾਜ ਕਰਨ ਵਾਲੇ ਸਿਹਤ ਮਾਹਿਰ ਕਹਿੰਦੇ ਹਨ ਕਿ ਚਾਰ ਮਹੀਨੇ ਖੂਹ ਦਾ ਪਾਣੀ, ਚਾਰ ਮਹੀਨੇ ਨਦੀ ਦਾ ਪਾਣੀ, ਚਾਰ ਮਹੀਨੇ ਘੜੇ ਦਾ ਪਾਣੀ ਪੀਣਾ ਸਿਹਤ ਲਈ ਲਾਭਦਾਇਕ ਹੈ।
* ਪਾਣੀ ਨਾਲ ਕਈ ਰੋਗਾਂ ਦਾ ਇਲਾਜ ਸੰਭਵ ਹੈ। ਉਬਲਿਆ ਪਾਣੀ ਪਿੱਤ ਵਾਲੇ ਰੋਗੀ ਲਈ ਲਾਭਦਾਇਕ ਹੈ। ਇਹ ਦਵਾਈ ਦਾ ਕੰਮ ਕਰੇਗਾ। ਪਾਣੀ ਨਾਪ ਕੇ ਉਬਾਲੋ ਅਤੇ ਇਸ ਦਾ ਚੌਥਾ ਹਿੱਸਾ ਰਹਿ ਜਾਣ 'ਤੇ ਰੋਗੀ ਨੂੰ ਪਿਲਾਓ। ਇਹ ਪਾਣੀ ਮਿਆਦੀ ਬੁਖਾਰ ਵਾਲੇ ਰੋਗੀ ਲਈ ਵੀ ਲਾਭਦਾਇਕ ਹੁੰਦਾ ਹੈ।
* ਹਲਕਾ ਜ਼ੁਕਾਮ ਹੋਣ 'ਤੇ ਗਰਮ ਪਾਣੀ ਵਿਚ ਕਾਗਜ਼ੀ ਨਿੰਬੂ ਨਿਚੋੜ ਕੇ ਗਰਮ-ਗਰਮ ਚਾਹ ਵਾਂਗ ਪੀਓ। ਪਾਣੀ ਪੀਣ ਲਈ ਜੇ ਕੱਪ ਦੀ ਵਰਤੋਂ ਕਰੀਏ ਅਤੇ ਨਾਲ ਨਮਕ ਮਿਲਾਈਏ ਤਾਂ ਬਹੁਤ ਵਧੀਆ ਨਤੀਜਾ ਮਿਲੇਗਾ।
* ਸਰੀਰ ਦੇ ਕਿਸੇ ਅੰਗ ਦੇ ਜਲ ਜਾਣ 'ਤੇ ਉਸ ਅੰਗ ਨੂੰ ਤੁਰੰਤ ਠੰਢੇ ਪਾਣੀ ਵਿਚ ਡੁਬਾਉਣ ਨਾਲ ਫਫੋਲੇ ਨਹੀਂ ਪੈਂਦੇ, ਜਲਣ ਵੀ ਘੱਟ ਹੁੰਦੀ ਹੈ।
* ਜਿਨ੍ਹਾਂ ਵਿਅਕਤੀਆਂ ਨੂੰ ਸਖ਼ਤ ਦਸਤ ਆਉਂਦਾ ਹੋਵੇ, ਉਨ੍ਹਾਂ ਨੂੰ ਖਾਣਾ ਖਾਂਦੇ ਸਮੇਂ ਵਿਚ-ਵਿਚ ਪਾਣੀ ਪੀਣਾ ਲਾਭਦਾਇਕ ਹੁੰਦਾ ਹੈ। ਇਸ ਨਾਲ ਕਬਜ਼ ਦੀ ਸ਼ਿਕਾਇਤ ਵੀ ਦੂਰ ਹੁੰਦੀ ਹੈ।
* ਜ਼ਿਆਦਾ ਸ਼ਰਾਬ, ਭੰਗ ਜਾਂ ਜ਼ਹਿਰ ਖਾ ਲੈਣ ਦੀ ਹਾਲਤ ਵਿਚ ਜ਼ਿਆਦਾ ਪਾਣੀ ਮਿਲਾ ਕੇ ਵਮਨ ਕਰਾਉਣ ਨਾਲ ਜਾਨ ਦਾ ਖਤਰਾ ਟਲ ਜਾਂਦਾ ਹੈ।
* ਹੱਥ-ਪੈਰ ਵਿਚ ਮੋਚ ਆਉਣ ਦੀ ਸਥਿਤੀ ਵਿਚ ਮੋਚ ਵਾਲੀ ਜਗ੍ਹਾ ਨੂੰ ਗਰਮ ਪਾਣੀ ਨਾਲ ਸੇਕਣ ਨਾਲ ਲਾਭ ਹੁੰਦਾ ਹੈ।
* ਗਰਮੀ ਦੇ ਦਿਨਾਂ ਵਿਚ ਸਿਰਦਰਦ ਹੋਣ 'ਤੇ ਠੰਢੇ ਪਾਣੀ ਦੀ ਪੱਟੀ ਭਿਉਂ ਕੇ ਮੱਥੇ 'ਤੇ ਰੱਖਣ ਨਾਲ ਦਰਦ ਤੁਰੰਤ ਗਾਇਬ ਹੋ ਜਾਂਦੀ ਹੈ।
* ਜਰਮਨੀ ਦੇ ਕੁਦਰਤੀ ਤਰੀਕੇ ਨਾਲ ਇਲਾਜ ਕਰਨ ਵਾਲੇ ਡਾ: ਲੁਈ ਕੁਨੇ ਨੇ ਪਾਣੀ ਦੀ ਵਰਤੋਂ ਨਾਲ ਅਨੇਕ ਰੋਗੀਆਂ ਨੂੰ ਠੀਕ ਕੀਤਾ। ਉਨ੍ਹਾਂ ਨੇ ਇਸ ਵਾਸਤੇ ਹਿਪ ਬਾਥ ਵਿਧੀ ਨੂੰ ਅਪਣਾਇਆ।
ਪਾਣੀ ਨਾਲ ਇਲਾਜ ਤੋਂ ਇਲਾਵਾ ਨੁਕਸਾਨਦਾਇਕ ਨਤੀਜੇ ਵੀ ਮਿਲ ਸਕਦੇ ਹਨ, ਜੇ ਪਾਣੀ ਦੀ ਵਰਤੋਂ ਹੇਠ ਲਿਖੀਆਂ ਕਿਰਿਆਵਾਂ ਤੋਂ ਤੁਰੰਤ ਬਾਅਦ ਕੀਤੀ ਜਾਵੇ-
* ਗਰਮ ਖਾਣਾ ਖਾਣ ਤੋਂ ਬਾਅਦ ਠੰਢਾ ਪਾਣੀ ਪੀਣਾ।
* ਜੁਲਾਬ ਜਾਂ ਚਾਹ ਤੋਂ ਤੁਰੰਤ ਬਾਅਦ ਪਾਣੀ ਪੀਣਾ।
* ਕਸਰਤ ਤੋਂ ਬਾਅਦ ਪਾਣੀ ਪੀਣਾ।
* ਦੌੜਨ ਤੋਂ ਤੁਰੰਤ ਬਾਅਦ ਪਾਣੀ ਪੀਣਾ।
* ਦਹੀਂ ਖਾਣ ਤੋਂ ਤੁਰੰਤ ਬਾਅਦ।
* ਤਰਬੂਜ਼, ਖਰਬੂਜ਼ਾ, ਤਰ ਖਾਣ ਤੋਂ ਤੁਰੰਤ ਬਾਅਦ।
* ਗਰਮੀ ਵਿਚੋਂ ਆ ਕੇ ਠੰਢਾ ਪਾਣੀ ਪੀਣਾ।

-ਰਾਜੇਂਦਰ ਸਿੰਘ ਸੈਣੀ

ਜ਼ਿਆਦਾ ਠੰਢ ਖ਼ਤਰਨਾਕ ਹੁੰਦੀ ਹੈ ਦਿਲ ਲਈ

ਡਾਕਟਰ ਹਰ ਸਾਲ ਬਜ਼ੁਰਗਾਂ ਅਤੇ ਦਿਲ ਦੇ ਮਰੀਜ਼ਾਂ ਨੂੰ ਚਿਤਾਵਨੀ ਦਿੰਦੇ ਹਨ ਕਿ ਉਨ੍ਹਾਂ ਨੂੰ ਠੰਢ ਦੇ ਮੌਸਮ ਵਿਚ ਸਾਵਧਾਨ ਰਹਿਣਾ ਚਾਹੀਦਾ ਹੈ ਅਤੇ ਸਰੀਰ ਨੂੰ ਥੋੜ੍ਹਾ ਗਰਮ ਰੱਖਣਾ ਚਾਹੀਦਾ ਹੈ, ਕਿਉਂਕਿ ਠੰਢ ਦੇ ਮੌਸਮ ਵਿਚ ਅਕਸਰ ਖੂਨ ਦਾ ਦਬਾਅ ਵਧ ਜਾਂਦਾ ਹੈ ਅਤੇ ਦਿਲ ਦੇ ਦੌਰੇ ਪੈਣ ਦੇ ਮਾਮਲਿਆਂ ਵਿਚ ਕਾਫੀ ਵਾਧਾ ਪਾਇਆ ਜਾਂਦਾ ਹੈ।
ਪ੍ਰਸਿੱਧ ਦਿਲ ਦੇ ਰੋਗਾਂ ਦੇ ਮਾਹਿਰ ਡਾ: ਨਰੇਸ਼ ਤ੍ਰੇਹਨ ਅਨੁਸਾਰ ਠੰਢ ਵਿਚ ਖੂਨ ਦਾ ਗਾੜ੍ਹਾਪਨ ਵਧਣ ਲਗਦਾ ਹੈ, ਜਿਸ ਕਾਰਨ ਖੂਨ ਨਾੜੀਆਂ ਵਿਚ ਜੰਮ ਜਾਂਦਾ ਹੈ ਅਤੇ ਦਿਲ ਦਾ ਦੌਰਾ ਪੈਂਦਾ ਹੈ। ਇਸ ਤੋਂ ਇਲਾਵਾ ਖੂਨ ਗਾੜ੍ਹਾ ਹੋਣ 'ਤੇ ਦਿਲ 'ਤੇ ਪੰਪਿੰਗ ਦਾ ਦਬਾਅ ਵਧਣ ਲਗਦਾ ਹੈ, ਜਿਸ ਨਾਲ ਦਿਲ ਦੀ ਕਾਰਜ ਪ੍ਰਣਾਲੀ ਵਿਗੜ ਜਾਂਦੀਹੈ। ਉਨ੍ਹਾਂ ਨੇ ਬਜ਼ੁਰਗਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਸਵੇਰੇ ਛੇਤੀ ਸੈਰ 'ਤੇ ਜਾਣ ਦੀ ਬਜਾਏ ਧੁੱਪ ਨਿਕਲਣ 'ਤੇ ਹੀ ਘੁੰਮਣ ਲਈ ਨਿਕਲਣ। ਜ਼ਿਆਦਾ ਠੰਢ ਵਾਲੀਆਂ ਥਾਵਾਂ 'ਤੇ ਰਹਿਣ ਤੋਂ ਬਚਣ। ਸਵੇਰੇ-ਸਵੇਰੇ ਨਹਾਉਣ ਤੋਂ ਵੀ ਬਚਣ। ਡਾਕਟਰਾਂ ਦੀ ਸਲਾਹ ਨਾਲ ਖੂਨ ਨੂੰ ਪਤਲਾ ਕਰਨ ਵਾਲੀਆਂ ਦਵਾਈਆਂ ਅਤੇ ਸ਼ਰਾਬ ਦਾ ਸੀਮਤ ਮਾਤਰਾ ਵਿਚ ਸੇਵਨ ਕੀਤਾ ਜਾ ਸਕਦਾ ਹੈ। ਇਨ੍ਹਾਂ ਗੱਲਾਂ ਨੂੰ ਧਿਆਨ ਵਿਚ ਰੱਖੋ ਤਾਂ ਸਰਦੀਆਂ ਵਿਚ ਆਪਣੇ ਦਿਲ ਨੂੰ ਬਚਾ ਕੇ ਰੱਖ ਸਕਦੇ ਹੋ

ਘਰਾੜੇ ਹੋ ਸਕਦੇ ਹਨ ਜਾਨਲੇਵਾ

ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਲਈ ਜੋ ਦਿਲ ਦੇ ਰੋਗੀ ਹੋਣ ਜਾਂ ਖੂਨ ਦੇ ਦਬਾਅ ਦੀ ਸਮੱਸਿਆ ਹੋਵੇ, ਉਨ੍ਹਾਂ ਲਈ ਘਰਾੜੇ ਵਿਸ਼ੇਸ਼ ਰੂਪ ਨਾਲ ਹਾਨੀਕਾਰਕ ਹੋ ਸਕਦੇ ਹਨ। ਵਿਗਿਆਨੀਆਂ ਨੇ ਇਹ ਸਿੱਧ ਕਰ ਦਿੱਤਾ ਹੈ ਕਿ ਸਵੇਰੇ 5 ਅਤੇ 6 ਵਜੇ ਦੇ ਵਿਚ ਨੀਂਦ ਦੌਰਾਨ ਮਰਨ ਵਾਲਿਆਂ ਦੀ ਗਿਣਤੀ ਜ਼ਿਆਦਾ ਹੈ। ਇਸ ਦੌਰਾਨ ਮੌਤ ਦਾ ਕਾਰਨ ਜਾਂ ਤਾਂ ਘਰਾੜੇ ਹਨ ਜਾਂ ਫਿਰ ਸਾਹ ਦੀਆਂ ਹੋਰ ਸਮੱਸਿਆਵਾਂ ਜਿਸ ਦੇ ਕਾਰਨ ਖੂਨ ਵਿਚ ਆਕਸੀਜਨ ਦੀ ਮਾਤਰਾ ਵਿਚ ਕਾਫੀ ਕਮੀ ਆ ਜਾਂਦੀ ਹੈ।
ਘਰਾੜਿਆਂ ਤੋਂ ਜਾਨ ਨੂੰ ਭਿਆਨਕ ਖਤਰਾ ਹੋ ਸਕਦਾ ਹੈ। ਇਸ ਨਾਲ ਨਾ ਸਿਰਫ ਸਰੀਰਕ ਨੁਕਸਾਨ ਹੋ ਸਕਦਾ ਹੈ ਸਗੋਂ ਇਸ ਨਾਲ ਅਸਹਿਣਯੋਗ ਸਰੀਰਕ ਥਕਾਨ ਵੀ ਹੁੰਦੀ ਹੈ, ਜਿਸ ਦੇ ਨਤੀਜੇ ਵਜੋਂ ਕੰਮ ਕਰਦੇ ਸਮੇਂ ਦੁਰਘਟਨਾ ਵੀ ਸੰਭਾਵਿਤ ਹੈ।
ਅਜਿਹੇ ਲੋਕਾਂ ਦੀ ਕਮੀ ਨਹੀਂ ਹੈ ਜੋ ਇਸ ਸੱਚ ਨੂੰ ਨਕਾਰਦੇ ਹਨ ਕਿ ਉਹ ਸੁੱਤੇ ਹੋਏ ਘਰਾੜੇ ਮਾਰਦੇ ਹਨ। ਸੱਚ ਤਾਂ ਇਹ ਹੈ ਕਿ ਥੋੜ੍ਹੀ-ਬਹੁਤ ਮਾਤਰਾ ਵਿਚ ਹਰ ਵਿਅਕਤੀ ਘਰਾੜੇ ਮਾਰਦਾ ਹੈ, ਕਿਉਂਕਿ ਸੌਣ ਸਮੇਂ ਗਲੇ ਦੇ ਪਿੱਛੇ ਦੇ ਉਪਰਲੇ ਹਿੱਸੇ ਵਿਚ ਹਵਾ ਮਾਰਗ ਤੋਂ ਜੀਭ ਸਮੇਤ ਬਹੁਤ ਸਾਰੀਆਂ ਮਾਸਪੇਸ਼ੀਆਂ ਨਾਲ ਜੁੜੀ ਹੋਈ ਨਾਲੀ ਤਣਾਅਰਹਿਤ ਹੁੰਦੀ ਹੈ, ਇਸ ਲਈ ਹਵਾ ਮਾਰਗ ਸਾਹ ਦੇ ਅੰਦਰ ਜਾਣ 'ਤੇ ਖੁੱਲ੍ਹਦਾ ਹੈ।
ਜ਼ਿਆਦਾ ਘਰਾੜਿਆਂ ਨਾਲ ਗੰਭੀਰ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਕਈ ਮਾਮਲਿਆਂ ਵਿਚ ਤਾਂ ਉਪਰੀ ਹਵਾ ਮਾਰਗ ਪੂਰੀ ਤਰ੍ਹਾਂ ਕੰਮ ਕਰਨਾ ਬੰਦ ਕਰ ਸਕਦਾ ਹੈ, ਜਿਸ ਨਾਲ ਹਵਾ ਦਾ ਪ੍ਰਵਾਹ ਪੂਰੀ ਤਰ੍ਹਾਂ ਰੁਕ ਜਾਂਦਾ ਹੈ। ਅਜਿਹੀ ਹਾਲਤ ਵਿਚ ਸੁੱਤਾ ਹੋਇਆ ਵਿਅਕਤੀ ਅਗਲੇ ਸਾਹ ਲਈ ਸੰਘਰਸ਼ ਕਰਦਾ ਹੈ। ਪਸਲੀਆਂ ਅਤੇ ਡਾਇਫ੍ਰਾਮ ਦੇ ਕਾਰਨ ਫੇਫੜਿਆਂ ਵਿਚ ਹਵਾ ਦਾ ਦਬਾਅ ਬਦਲ ਜਾਂਦਾ ਹੈ, ਜਿਸ ਨਾਲ ਖਾਸ ਤਬਦੀਲੀਆਂ ਹੁੰਦੀਆਂ ਹਨ। ਦਿਲ, ਛਾਤੀ ਅਤੇ ਫੇਫੜਿਆਂ ਵਿਚ ਖੂਨ ਦਾ ਪ੍ਰਵਾਹ ਹੌਲੀ ਹੋ ਜਾਂਦਾ ਹੈ, ਜਿਸ ਨਾਲ ਦਿਲ ਦੇ ਕੰਮ ਕਰਨ ਦੀ ਗਤੀ ਹੌਲੀ ਹੋ ਜਾਂਦੀ ਹੈ।
ਤੰਦਰੁਸਤ ਲੋਕਾਂ ਵਿਚ ਸਾਹ ਘੁਟਣ ਦਾ ਸਮਾਂ ਲਗਪਗ 15 ਸਕਿੰਟ ਹੁੰਦਾ ਹੈ। ਇਸ ਦੌਰਾਨ ਸਾਹ ਨੂੰ ਕਾਬੂ ਕਰਨ ਵਾਲੇ ਤੰਤੂ ਦਿਮਾਗ ਦੇ ਦੂਜੇ ਹਿੱਸਿਆਂ ਨੂੰ ਸੁਚੇਤ ਕਰਦੇ ਹਨ ਅਤੇ ਸੌਣ ਵਾਲਾ ਵਿਅਕਤੀ ਨੀਂਦ ਵਿਚੋਂ ਜਾਗ ਜਾਂਦਾ ਹੈ। ਕੁਝ ਲੋਕ ਘੱਟ ਘਰਾੜੇ ਮਾਰਦੇ ਹਨ ਪਰ ਖੂਨ ਵਿਚ ਜਿਵੇਂ ਹੀ ਆਕਸੀਜਨ ਦੀ ਮਾਤਰਾ ਵਧ ਕੇ ਆਮ ਹੋ ਜਾਂਦੀ ਹੈ ਤਾਂ ਉਹ ਪਹਿਲਾਂ ਵਾਂਗ ਸੁੱਤੇ ਰਹਿੰਦੇ ਹਨ, ਜਿਸ ਵਿਚ 10 ਸਕਿੰਟ ਦਾ ਸਮਾਂ ਲਗਦਾ ਹੈ। ਪੂਰੀ ਪ੍ਰਕਿਰਿਆ ਵਿਚ ਸ਼ੁਰੂ ਤੋਂ ਲੈ ਕੇ ਅੰਤ ਤੱਕ ਸਿਰਫ ਅੱਧੇ ਮਿੰਟ ਦਾ ਸਮਾਂ ਲਗਦਾ ਹੈ।
ਹਰ ਤਿੰਨਾਂ ਵਿਚੋਂ ਇਕ ਵਿਅਕਤੀ ਨੂੰ ਚੰਗੀ ਨੀਂਦ ਨਾ ਆਉਣ ਦਾ ਕਾਰਨ ਘਰਾੜੇ ਹਨ। ਘਰਾੜਿਆਂ ਦੀ ਸ਼ਿਕਾਇਤ 35 ਸਾਲ ਤੋਂ ਜ਼ਿਆਦਾ ਉਮਰ ਵਾਲਿਆਂ ਦੀ ਤੁਲਨਾ ਵਿਚ ਨੌਜਵਾਨਾਂ ਵਿਚ ਜ਼ਿਆਦਾ ਹੈ।
* ਸਿਗਰਟਨੋਸ਼ੀ ਅਤੇ ਸ਼ਰਾਬ ਦੀ ਮਾਤਰਾ ਵਿਚ ਕਮੀ ਕਰੋ ਅਤੇ ਸੌਣ ਤੋਂ ਪਹਿਲਾਂ ਥੋੜ੍ਹੀ ਕਸਰਤ ਕਰੋ।
* ਸੌਣ ਤੋਂ ਪਹਿਲਾਂ ਬਿਨਾਂ ਆਪਣੇ-ਆਪ ਨੂੰ ਥਕਾਏ, ਜੇ ਥੋੜ੍ਹੀ ਦੇਰ ਤੱਕ ਤੁਸੀਂ ਤੇਜ਼ ਗਤੀ ਨਾਲ ਚੱਲੋ ਤਾਂ ਇਸ ਨਾਲ ਸਰੀਰ ਦੁਆਰਾ ਆਕਸੀਜਨ ਗ੍ਰਹਿਣ ਕਰਨ ਦੀ ਸਮਰੱਥਾ ਵਧੇਗੀ ਅਤੇ ਤੁਹਾਨੂੰ ਚੰਗੀ ਨੀਂਦ ਆਵੇਗੀ।
* ਘਰਾੜਿਆਂ ਨਾਲ 60 ਡੈਸੀਬਲਸ ਤੱਕ ਦੀ ਆਵਾਜ਼ ਨਿਕਲ ਸਕਦੀ ਹੈ ਜੋ ਸੜਕ ਨੂੰ ਡ੍ਰਿਲ ਕਰਨ ਵਾਲੀ ਮਸ਼ੀਨ ਤੋਂ ਵੀ ਜ਼ਿਆਦਾ ਹੈ ਅਤੇ ਜਿਸ ਨਾਲ ਵਿਅਕਤੀ ਪਾਗਲ ਤੱਕ ਹੋ ਸਕਦਾ ਹੈ।

ਭੋਜਨ ਦਾ ਮੂਡ 'ਤੇ ਪ੍ਰਭਾਵ

ਜੋ ਕੁਝ ਅਸੀਂ ਖਾਂਦੇ ਹਾਂ, ਉਹ ਸਾਡੀ ਸਿਹਤ 'ਤੇ ਤਾਂ ਪ੍ਰਭਾਵ ਪਾਉਂਦਾ ਹੀ ਹੈ। ਅਕਸਰ ਚਾਹ ਜਾਂ ਕੌਫੀ ਪੀਣ ਤੋਂ ਬਾਅਦ ਅਸੀਂ ਚੁਸਤੀ ਮਹਿਸੂਸ ਕਰਦੇ ਹਾਂ। ਇਨ੍ਹਾਂ ਪਦਾਰਥਾਂ ਵਿਚ ਕੈਫੀਨ ਹੁੰਦੀ ਹੈ, ਜੋ ਤਣਾਅ ਪੈਦਾ ਕਰਨ ਵਾਲੇ ਪਦਾਰਥਾਂ ਨੂੰ ਘੱਟ ਕਰਦੀ ਹੈ। ਭੋਜਨ ਵਿਚ ਕਾਰਬੋਹਾਈਡ੍ਰੇਟ ਜ਼ਿਆਦਾ ਹੋਣ ਨਾਲ ਵੀ ਤਣਾਅ ਦੂਰ ਹੁੰਦਾ ਹੈ। ਖੰਡ ਖਾਣ ਨਾਲ ਸਰੀਰ ਵਿਚ ਚੁਸਤੀ ਆਉਂਦੀ ਹੈ ਪਰ ਬਾਅਦ ਵਿਚ ਸਰੀਰ ਵਿਚ ਗਲੂਕੋਜ ਦੀ ਕਮੀ ਹੁੰਦੇ ਹੀ ਮਨੁੱਖ ਥਕਾਨ ਮਹਿਸੂਸ ਕਰਨ ਲਗਦਾ ਹੈ। ਫਲ-ਸਬਜ਼ੀਆਂ ਘੱਟ ਅਤੇ ਚਰਬੀ ਵਾਲੀਆਂ ਚੀਜ਼ਾਂ ਜ਼ਿਆਦਾ ਖਾਣ ਨਾਲ ਤਣਾਅ ਵਧਦਾ ਹੈ। ਵੈਸੇ ਪੇਟ ਭਰ ਕੇ ਖਾਣ ਨਾਲ ਵੀ ਸਰੀਰ ਵਿਚ ਚੁਸਤੀ ਆਉਂਦੀ ਹੈ ਜਦੋਂ ਕਿ ਘੱਟ ਖਾਣ ਵਾਲੇ ਵੀ ਸਰੀਰ ਵਿਚ ਚੁਸਤੀ ਮਹਿਸੂਸ ਕਰਦੇ ਹਨ।

ਸਿਹਤ ਖ਼ਬਰਨਾਮਾ

ਬਜ਼ੁਰਗਾਂ ਦੀ ਯਾਦਾਸ਼ਤ ਵਧਾਉਂਦੀ ਹੈ ਕੌਫੀ

ਕੌਫੀ ਦੇ ਸਰੀਰ 'ਤੇ ਚੰਗੇ ਅਤੇ ਮਾੜੇ ਨਤੀਜਿਆਂ ਦੇ ਵਿਸ਼ੇ ਵਿਚ ਲਗਾਤਾਰ ਖੋਜਾਂ ਚਲਦੀਆਂ ਰਹਿੰਦੀਆਂ ਹਨ। ਅਮਰੀਕਾ ਦੇ ਏਰੀਜੋਨਾ ਵਿਸ਼ਵਵਿਦਿਆਲਾ ਦੁਆਰਾ ਕੀਤੀ ਗਈ ਇਕ ਖੋਜ ਅਨੁਸਾਰ ਕੌਫੀ ਵਿਚ ਮੌਜੂਦ ਕੈਫੀਨ ਬਜ਼ੁਰਗਾਂ ਦੀ ਯਾਦਾਸ਼ਤ ਵਧਾਉਣ ਵਿਚ ਲਾਭਦਾਇਕ ਹੁੰਦੀ ਹੈ। ਖੋਜ ਕਰਤਾਵਾਂ ਅਨੁਸਾਰ ਬਜ਼ੁਰਗ ਲੋਕ ਦੁਪਹਿਰ ਦੀ ਕੌਫੀ ਤੋਂ ਬਾਅਦ ਜ਼ਿਆਦਾ ਚੁਸਤ ਅਤੇ ਤਰੋਤਾਜ਼ਾ ਮਹਿਸੂਸ ਕਰਦੇ ਹਨ। ਖੋਜ ਵਿਚ ਸ਼ਾਮਿਲ ਬਜ਼ੁਰਗਾਂ ਨੂੰ ਜਦੋਂ ਕੈਫੀਨ ਰਹਿਤ ਕੌਫੀ ਦਿੱਤੀ ਗਈ ਤਾਂ ਉਨ੍ਹਾਂ ਨੂੰ ਯਾਦਾਸ਼ਤ ਦੀ ਸਮੱਸਿਆ ਸ਼ੁਰੂ ਹੋ ਗਈ ਪਰ ਕੈਫੀਨ ਵਾਲੀ ਕੌਫੀ ਦੇਣ ਨਾਲ ਉਨ੍ਹਾਂ ਦੀ ਸਮੱਸਿਆ ਦੂਰ ਹੋ ਗਈ। ਹਾਂ, ਇਹ ਯਾਦ ਰੱਖੋ ਕਿ ਜ਼ਿਆਦਾ ਮਾਤਰਾ ਵਿਚ ਕੌਫੀ ਲੈਣ ਨਾਲ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।
ਚਰਬੀ ਰਹਿਤ ਕੇਕ ਵੀ ਦਿਲ ਲਈ ਹਾਨੀਕਾਰਕ ਹੈ
ਅਮਰੀਕਨ ਡਾਇਟਿਕ ਐਸੋਸੀਏਸ਼ਨ ਅਨੁਸਾਰ ਠੰਢੇ ਪੀਣ ਵਾਲੇ ਪਦਾਰਥ ਅਤੇ ਚਰਬੀ ਰਹਿਤ ਕੇਕ ਦਿਲ ਲਈ ਹਾਨੀਕਾਰਕ ਹੋ ਸਕਦੇ ਹਨ। ਭਾਵੇਂ ਘੱਟ ਚਰਬੀ ਵਾਲਾ ਭੋਜਨ ਸਿਹਤ ਲਈ ਚੰਗਾ ਹੈ ਪਰ ਇਸ ਨਾਲ ਸਰੀਰ ਵਿਚ ਚੰਗੇ ਕੋਲੈਸਟ੍ਰੋਲ ਦਾ ਪੱਧਰ ਘੱਟ ਹੋ ਜਾਂਦਾ ਹੈ। ਅਧਿਐਨ ਅਨੁਸਾਰ ਜੋ ਲੋਕ ਘੱਟ ਚਰਬੀ ਵਾਲਾ ਭੋਜਨ ਖਾਂਦੇ ਹਨ, ਉਹ ਅਕਸਰ ਜ਼ਿਆਦਾ ਮਿੱਠੇ ਪਦਾਰਥ ਖਾਣੇ ਸ਼ੁਰੂ ਕਰ ਦਿੰਦੇ ਹਨ, ਜਿਸ ਨਾਲ ਐਚ.ਡੀ.ਐਲ. ਦਾ ਪੱਧਰ ਘੱਟ ਹੋ ਜਾਂਦਾ ਹੈ, ਜੋ ਦਿਲ ਲਈ ਨੁਕਸਾਨਦਾਇਕ ਹੈ। ਨਤੀਜਾ ਇਹ ਨਿਕਲਿਆ ਕਿ ਕੇਕ ਚਾਹੇ ਚਰਬੀ ਵਾਲਾ ਹੋਵੇ ਜਾਂ ਚਰਬੀ ਰਹਿਤ, ਉਸ ਨੂੰ ਨਾ ਖਾਣਾ ਹੀ ਸਿਹਤ ਲਈ ਚੰਗਾ ਹੈ।
ਫਲ ਅਤੇ ਹਰੀਆਂ ਸਬਜ਼ੀਆਂ ਦੂਰ ਰੱਖਣਗੀਆਂ ਕੈਂਸਰ ਨੂੰ

ਅਮਰੀਕਾ ਦੇ ਨੈਸ਼ਨਲ ਕੈਂਸਰ ਇੰਸਟੀਚਿਊਟ ਨੇ 'ਫਾਈਵ ਏ ਡੇਅ' ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ। ਇਸ ਪ੍ਰੋਗਰਾਮ ਅਨੁਸਾਰ ਰੋਜ਼ ਘੱਟ ਤੋਂ ਘੱਟ 5 ਵਾਰ ਫਲਾਂ ਅਤੇ ਹਰੀਆਂ ਸਬਜ਼ੀਆਂ ਦਾ ਸੇਵਨ ਕਰ ਕੇ ਕੈਂਸਰ ਵਰਗੀ ਬਿਮਾਰੀ ਤੋਂ ਬਚਿਆ ਜਾ ਸਕਦਾ ਹੈ। ਉਨ੍ਹਾਂ ਅਨੁਸਾਰ ਨਾਸ਼ਤੇ ਵਿਚ ਅੱਧਾ ਗਿਲਾਸ ਫਲ ਦੇ ਰਸ ਦੇ ਨਾਲ ਇਕ ਕੇਲਾ, ਦੁਪਹਿਰ ਦੇ ਖਾਣੇ ਵਿਚ ਫਲਾਂ ਦੇ ਰਸ ਦੇ ਨਾਲ ਕੱਚੀਆਂ ਸਬਜ਼ੀਆਂ ਦਾ ਸਲਾਦ ਅਤੇ ਇਕ ਪਕਾਈ ਹੋਈ ਹਰੀ ਸਬਜ਼ੀ ਨਾਲ ਸਰੀਰ ਨੂੰ ਨਾ ਸਿਰਫ ਕੈਂਸਰ ਤੋਂ ਸੁਰੱਖਿਆ ਮਿਲੇਗੀ, ਸਗੋਂ ਦਿਲ ਦੇ ਰੋਗ, ਮੋਟਾਪਾ, ਸ਼ੂਗਰ ਅਤੇ ਕਈ ਹੋਰ ਬਿਮਾਰੀਆਂ ਤੋਂ ਵੀ ਬਚਿਆ ਜਾ ਸਕਦਾ ਹੈ। ਉਨ੍ਹਾਂ ਅਨੁਸਾਰ ਫਾਸਟ ਫੂਡ ਸਿਹਤ ਦਾ ਸਭ ਤੋਂ ਵੱਡਾ ਦੁਸ਼ਮਣ ਹੈ ਅਤੇ ਇਸ ਤੋਂ ਦੂਰ ਰਹਿਣ ਵਿਚ ਹੀ ਭਲਾਈ ਹੈ।





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX