ਤਾਜਾ ਖ਼ਬਰਾਂ


ਗੁਰੂ ਘਰਾਂ ਦੇ ਪੈਸੇ ਨਾਲ ਸੁਖਬੀਰ ਆਪਣੀਆਂ ਨਿੱਜੀ ਇਮਾਰਤਾਂ ਬਣਾ ਰਿਹਾ ਹੈ- ਭਾਈ ਰਣਜੀਤ ਸਿੰਘ
. . .  24 minutes ago
ਸੰਗਰੂਰ, 23 ਫਰਵਰੀ (ਦਮਨਜੀਤ ਸਿੰਘ)- ਭਾਈ ਰਣਜੀਤ ਸਿੰਘ ਨੇ ਕਿਹਾ ਕਿ ਸੁਖਬੀਰ ਸਿੰਘ ਬਾਦਲ ਗੁਰੂ ਘਰਾਂ ਦੇ ਪੈਸੇ ਨਾਲ ਆਪਣੀਆਂ ਇਮਾਰਤਾਂ ਬਣਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸੁਖਬੀਰ ਸਿੰਘ ਬਾਦਲ...
ਬਲਵੰਤ ਸਿੰਘ ਰਾਮੂਵਾਲੀਆ ਅਤੇ ਰਵਿੰਦਰ ਸਿੰਘ ਵੀ ਸੰਗਰੂਰ ਰੈਲੀ 'ਚ ਪਹੁੰਚੇ
. . .  25 minutes ago
'ਮਨ ਕੀ ਬਾਤ' 'ਚ ਬੋਲੇ ਪ੍ਰਧਾਨ ਮੰਤਰੀ ਮੋਦੀ- ਬੰਦਿਸ਼ਾਂ ਨੂੰ ਤੋੜ ਕੇ ਉਚਾਈਆਂ ਛੂਹ ਰਹੀਆਂ ਹਨ ਦੇਸ਼ ਦੀਆਂ ਧੀਆਂ
. . .  31 minutes ago
ਨਵੀਂ ਦਿੱਲੀ, 23 ਫਰਵਰੀ- ਪ੍ਰਧਾਨ ਮੰਤਰੀ ਮੋਦੀ ਨੇ ਅੱਜ ਆਪਣੇ ਰੇਡੀਓ ਪ੍ਰੋਗਰਾਮ 'ਮਨ ਕੀ ਬਾਤ' ਰਾਹੀਂ ਦੇਸ਼ ਨੂੰ ਸੰਬੋਧਿਤ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਹੁਨਰ ਹਾਟ, ਪੁਲਾੜ ਅਤੇ ਕਾਪ ਕਨਵੈੱਨਸ਼ਨ ਦਾ ਵੀ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ...
ਬਾਦਲਾਂ ਨੇ ਗੁਰੂ ਗ੍ਰੰਥ ਸਾਹਿਬ ਦੇ ਦੋਸ਼ੀਆਂ ਦੀ ਕੀਤੀ ਰੱਖਿਆ- ਭਾਈ ਰਣਜੀਤ ਸਿੰਘ
. . .  53 minutes ago
ਸੰਗਰੂਰ, 23 ਫਰਵਰੀ (ਦਮਨਜੀਤ ਸਿੰਘ)- ਸਾਬਕਾ ਜਥੇਦਾਰ ਭਾਈ ਰਣਜੀਤ ਸਿੰਘ ਨੇ ਕਿਹਾ ਕਿ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਕਰਨ ਵਾਲੇ ਪ੍ਰਕਾਸ਼ ਸਿੰਘ ਬਾਦਲ 3 ਸਾਲ ਮੁੱਖ ਮੰਤਰੀ ਰਹੇ...
ਸੰਗਰੂਰ ਰੈਲੀ 'ਚ ਵੱਡੀ ਗਿਣਤੀ 'ਚ ਪਹੁੰਚੇ ਆਗੂ
. . .  about 1 hour ago
ਸੰਗਰੂਰ, 23 ਫਰਵਰੀ (ਦਮਨਜੀਤ ਸਿੰਘ)- ਢੀਂਡਸਾ ਪਰਿਵਾਰ ਵਲੋਂ ਸੰਗਰੂਰ ਵਿਖੇ ਕੀਤੀ ਜਾ ਰਹੀ ਰੈਲੀ ਨੂੰ ਸਾਬਕਾ ਜਥੇਦਾਰ ਭਾਈ ਰਣਜੀਤ ਸਿੰਘ ਸੰਬੋਧਨ ਕਰ ਰਹੇ ਹਨ। ਰੈਲੀ 'ਚ ਮਨਜੀਤ ਸਿੰਘ...
ਗੋਆ 'ਚ ਜਲ ਸੈਨਾ ਦਾ ਲੜਾਕੂ ਜਹਾਜ਼ ਮਿਗ-29 ਕੇ. ਹਾਦਸਾਗ੍ਰਸਤ
. . .  58 minutes ago
ਪਣਜੀ, 23 ਫਰਵਰੀ- ਗੋਆ 'ਚ ਭਾਰਤੀ ਜਲ ਸੈਨਾ ਦੇ ਲੜਾਕੂ ਜਹਾਜ਼ ਮਿਗ-29 ਕੇ. ਦੇ ਹਾਦਸਾਗ੍ਰਸਤ ਹੋਣ ਦੀ ਖ਼ਬਰ ਮਿਲੀ ਹੈ। ਇਸ ਸੰਬੰਧੀ ਭਾਰਤੀ ਜਲ ਸੈਨਾ ਨੇ ਦੱਸਿਆ ਕਿ ਇਹ ਜਹਾਜ਼ ਆਪਣੀ ਰੁਟੀਨ ਸਿਖਲਾਈ...
ਰਾਸ਼ਟਰੀ ਸੰਤ ਮਹੰਤ ਮੋਹਨ ਗਿਰੀ ਨਹੀਂ ਰਹੇ
. . .  about 1 hour ago
ਨੂਰਪੁਰ ਬੇਦੀ, 23 ਫਰਵਰੀ (ਹਰਦੀਪ ਸਿੰਘ ਢੀਂਡਸਾ)- ਸ਼ਿਵ ਮੰਦਿਰ ਸਰਥਲੀ ਦੇ ਮੁਖੀ ਅਤੇ ਰਾਸ਼ਟਰੀ ਸੰਤ ਮਹੰਤ ਮੋਹਨ ਗਿਰੀ (57) ਨਹੀਂ ਰਹੇ ।ਉਨ੍ਹਾਂ ਦੀ ਮੌਤ ਦਿਲ ਦਾ ਦੌਰਾ ਪੈਣ ਕਾਰਨ ਦੱਸੀ ਜਾਂਦੀ...
ਢੀਂਡਸਿਆਂ ਦੀ ਸੰਗਰੂਰ ਰੈਲੀ 'ਚ ਉਮੜਿਆ ਹਜ਼ਾਰਾਂ ਦਾ ਇਕੱਠ
. . .  about 1 hour ago
ਸੰਗਰੂਰ, 23 ਫਰਵਰੀ (ਦਮਨਜੀਤ ਸਿੰਘ)- ਸੰਗਰੂਰ ਵਿਖੇ ਅੱਜ ਢੀਂਡਸਾ ਪਰਿਵਾਰ ਵਲੋਂ ਕੀਤੀ ਜਾ ਰਹੀ ਰੈਲੀ 'ਚ ਹਜ਼ਾਰਾਂ ਲੋਕਾਂ ਦਾ ਇਕੱਠ ਉਮੜ ਚੁੱਕਾ ਹੈ। ਰੈਲੀ 'ਚ ਸਾਬਕਾ...
ਕੌਮਾਂਤਰੀ ਡੇਅਰੀ ਫੈਡਰੇਸ਼ਨ ਦੀ ਡਾਇਰੈਕਟਰ ਜਨਰਲ ਨੇ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਟੇਕਿਆ ਮੱਥਾ
. . .  about 1 hour ago
ਅੰਮ੍ਰਿਤਸਰ, 23 ਫਰਵਰੀ (ਹਰਮਿੰਦਰ ਸਿੰਘ)- ਕੌਮਾਂਤਰੀ ਡੇਅਰੀ ਫੈਡਰੇਸ਼ਨ ਦੀ ਡਾਇਰੈਕਟਰ ਜਨਰਲ ਕੈਰੋਲੀਨ ਇਮਾਊਂਡ ਨੇ ਅੱਜ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕਿਆ। ਇਸ ਦੌਰਾਨ ਸ੍ਰੀ ਹਰਿਮੰਦਰ ਸਾਹਿਬ...
ਰਾਖਵੇਂਕਰਨ ਨੂੰ ਲੈ ਕੇ ਗੁਰੂਹਰਸਹਾਏ ਸ਼ਹਿਰ ਪੂਰਨ ਤੌਰ 'ਤੇ ਬੰਦ
. . .  about 2 hours ago
ਗੁਰੂਹਰਸਹਾਏ, 23 ਫਰਵਰੀ (ਕਪਿਲ ਕੰਧਾਰੀ)- ਰਾਖਵੇਂਕਰਨ ਨੂੰ ਲੈ ਕੇ ਸੁਪਰੀਮ ਕੋਰਟ ਦੇ ਫ਼ੈਸਲੇ ਦੇ ਵਿਰੋਧ 'ਚ ਅੱਜ ਗੁਰੂਹਰਸਹਾਏ ਸ਼ਹਿਰ ਪੂਰਨ ਤੌਰ 'ਤੇ ਬੰਦ ਰਿਹਾ। ਇਸ ਦੌਰਾਨ ਵਾਲਮੀਕਿ ਸਮਾਜ ਅਤੇ ਵੱਖ-ਵੱਖ ਜਥੇਬੰਦੀਆਂ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਮਾਂ ਸੰਘਣੀ ਛਾਂ

'ਮਾਪਿਆਂ ਨੇ ਕਿਹੜਾ ਹਮੇਸ਼ਾ ਬੈਠੇ ਰਹਿਣਾ ਹੁੰਦੈ, ਨਾਲੇ ਮਾਂ ਤੇ ਮਾਂ ਹੀ ਹੁੰਦੀ ਏ ਕੈਲਿਆ, ਜਿੰਨਾ ਚਿਰ ਜਿਊਾਦੀ ਰਹਿੰਦੀ ਏ ਕਿਸੇ ਪੁੱਤ-ਧੀ ਨੂੰ ਕੰਡਾ ਚੁੱਭਿਆ ਵੀ ਨਹੀਂ ਜ਼ਰਦੀ | ਸਵੇਰੇ-ਸ਼ਾਮ ਔਲਾਦ ਦੀਆਂ ਸੁੱਖਾਂ ਮੰਗਦੀ ਏ, ਫਿਰ ਤੂੰ ਕਿਉਂ ਆਪਣੀ ਮਾਂ ਨੂੰ ਦੁਖੀ ਕਰਦੈਂ |' ਮੇਰੀ ਗੱਲ ਸੁਣ ਕੇ ਕੈਲਾ ਇਕਦਮ ਖੜ੍ਹਾ ਹੋ ਗਿਆ | 'ਤੈਨੂੰ ਕਿਵੇਂ ਪਤਾ ਏ ਜੀਤਿਆ?' ਕੱਲ੍ਹ ਸ਼ਾਮੀਂ ਤੇਰੀ ਮਾਂ ਅੱਥਰੂ ਸੁੱਟਦੀ ਦੱਸ ਰਹੀ ਸੀ ਮੁਖੀਏ ਨੂੰ ਕਿ ਮੈਂ ਜਵਾਕਾਂ ਨੂੰ ਘਰ ਦਾ ਚੱਪਾ-ਚੱਪਾ ਥਾਂ ਵੰਡ ਤੇ, ਦਿਨ ਕੱਟਣ ਨੂੰ ਇਕ ਛੋਟਾ ਜਿਹਾ ਕਮਰਾ ਆਪਣੇ ਲਈ ਰੱਖਿਆ ਸੀ, ਹੁਣ ਛੋਟੇ ਨੇ ਉਹ ਵੀ ਮੈਥੋਂ ਖੋਹ ਲਿਆ ਏ |' ਮੈਂ ਇਹ ਗੱਲ ਕੈਲੇ ਨੂੰ ਦੱਸ ਹੀ ਰਿਹਾ ਸਾਂ ਕਿ ਮੁਖੀਆ ਪਿੰਡ ਦੇ ਇਕ ਹੋਰ ਮੁਹਤਬਰ ਨੂੰ ਨਾਲ ਲੈ ਕੇ ਉਥੇ ਆ ਪਹੁੰਚਿਆ | ਕਿਉਂ ਕਰਦੈਂ ਕੈਲਿਆ ਧੱਕਾ ਆਪਣੀ ਮਾਂ ਨਾਲ, ਦੱਸਦੀ ਆ ਤੂੰ ਤੇ ਤੇਰੀ ਘਰ ਵਾਲੀ ਨੇ ਉਹਦਾ ਸਾਮਾਨ ਕਮਰੇ ਤੋਂ ਬਾਹਰ ਰੱਖ ਤਾ, ਕਿੱਧਰ ਜਾਊ ਵਿਚਾਰੀ, ਤੂੰ ਏਨਾ ਵੀ ਨਹੀਂ ਸੋਚਿਆ, ਕਿੰਨੀ ਮਿਹਨਤ ਮੁਸ਼ੱਕਤ ਕਰਕੇ ਤੇਰੇ ਪਿਓ ਨੇ ਇਹ ਥਾਂ ਬਣਾਈ ਸੀ | ਇਹ ਥਾਂ ਤੁਹਾਡਾ ਈ ਏ, ਇਨ੍ਹਾਂ ਨੇ ਕਿਹੜਾ ਨਾਲ ਲੈ ਜਾਣਾ ਏਾ, ਮੁਖੀਏ ਨੇ ਬੜੇ ਠੰਢੇ ਮਤੇ ਨਾਲ ਕੈਲੇ ਦੇ ਖਾਨੇ ਗੱਲ ਪਾਉਣ ਦੀ ਕੋਸ਼ਿਸ਼ ਕੀਤੀ | ਤੁਸੀਂ ਏਸ ਕੰਨ ਸੁਣੋ ਭਾਵੇਂ ਓਸ ਕੰਨ ਸੁਣੋ, ਮੈਂ ਇਸ ਥਾਂ 'ਚੋਂ ਕਿਸੇ ਨੂੰ ਭੋਰਾ ਭਰ ਹਿੱਸਾ ਨਹੀਂ ਦੇਣਾ, ਮੇਰੇ ਵਲੋਂ ਜਾਣ ਸਾਰੇ ਢੱਠੇ ਖੂਹ 'ਚ, ਆਪੇ ਬੁੜ੍ਹੀ ਰਹਿ ਲਊ ਵਿਚਾਲੜੇ ਨਾਲ ਜੀਹਨੂੰ ਜ਼ਿਆਦਾ ਤਿਓ ਕਰਦੀ ਆ ਇਹ ਤੇ ਏਨਾ ਕਹਿੰਦਾ ਹੋਇਆ ਕੈਲਾ ਅੰਦਰ ਨੂੰ ਟੁਰ ਪਿਆ | ਇਹਨੇ ਐਾ ਸੂਤ ਨਹੀਂ ਆਉਣਾ, ਮੈਨੂੰ ਥਾਣੇ ਜਾਣਾ ਹੀ ਪੈਣੈਂ | ਏਨਾ ਕਹਿ ਕਿ ਮੁਖੀਏ ਨੇ ਅਜੇ ਦੋ ਪੈਰ ਹੀ ਪੁੱਟੇ ਸਨ ਕਿ ਕੈਲੇ ਦੀ ਮਾਂ ਨੇ ਅਗਾਂਹ ਵਧ ਕੇ ਆਪਣੇ ਕਮਜ਼ੋਰ ਜਿਹੇ ਹੋ ਚੁੱਕੇ ਹੱਥਾਂ ਨਾਲ ਮੁਖੀਏ ਦੀ ਬਾਂਹ ਘੁੱਟ ਲਈ, ਨਾ ਪੁੱਤ ਇੰਜ ਨਾ ਕਰੀਂ, ਤੈਨੂੰ ਮੇਰੀ ਸਹੁੰ | ਕਿਉਂ ਮਾਤਾ? ਉਹ ਇਹਨੂੰ ਕੁਝ ਮਾੜਾ-ਚੰਗਾ ਕਹਿਣਗੇ ਮੈਥੋਂ ਇਹ ਵੀ ਜ਼ਰਿਆ ਨਹੀਂ ਜਾਣਾ, ਮੈਂ ਮਣਾਂ-ਮੂੰਹੀਂ ਪਿਆਰ ਦੇ ਕੇ ਇਹਨੂੰ ਪਾਲਿਆ ਏ | ਮਾਤਾ ਦਾ ਕੀਤਾ ਇਹ ਤਰਲਾ ਸੁਣ ਕੇ ਮੇਰੇ ਮੂੰਹੋਂ ਆਪ-ਮੁਹਾਰੇ ਹੀ ਨਿਕਲ ਗਿਆ, ਕੈਲਿਆ ਤੇਰੀ ਕਿਸਮਤ ਚੰਗੀ ਏ, ਮਾਂ ਜਿੰਨਾ ਚਿਰ ਤੇਰੇ ਸਿਰ 'ਤੇ ਹੈ ਇਸ ਦੀ ਸੰਘਣੀ ਛਾਂ ਦਾ ਅਨੰਦ ਰੱਜ-ਰੱਜ ਮਾਣ ਲੈ, ਕਿਸੇ ਵੇਲੇ ਮਾਂ ਦਾ ਇਕ ਬੋਲ ਸੁਣਨ ਨੂੰ ਤਰਸੇਂਗਾ ਪਰ ਮਾਂ ਨਹੀਂ ਲੱਭਣੀ |

-ਮੋਬਾਈਲ : 98144-51558


ਖ਼ਬਰ ਸ਼ੇਅਰ ਕਰੋ

ਅਕ੍ਰਿਤਘਣ

ਸ਼ਾਮ ਦਾ ਸਮਾਂ ਸੀ | ਸਰਦੀਆਂ ਦਾ ਸੂਰਜ ਦੂਰ ਆਪ-ਮੁਹਾਰੇ ਉੱਗੀਆਂ ਝਾੜੀਆਂ 'ਚ ਲੁਕਣ ਦੀ ਤਿਆਰੀ ਵਿਚ ਸੀ | ਪੰਛੀ ਰਿਜਕ ਤਾਂਘ ਪੂਰੀ ਕਰ ਆਲ੍ਹਣਿਆਂ ਨੂੰ ਪਰਤ ਰਹੇ ਸਨ | ਸਰਦੀ ਜ਼ੋਰ ਫੜਨ ਲੱਗੀ ਸੀ | ਖੇਤਾਂ 'ਚ ਕਣਕਾਂ ਮੱਠੀ-ਮੱਠੀ ਹਰਿਆਵਲ ਮਾਰਨ ਲੱਗ ਪਈਆਂ ਸਨ | ਸਲਵਾੜ 'ਚ ਲੁੱਕ ਬੈਠੀਆਂ 'ਅਵਾਰਾ ਮਵੇਸ਼ੀਆ' ਫ਼ਸਲਾਂ ਦੀ ਰਖਵਾਲੀ ਵਾਸਤੇ ਪ੍ਰਤੀ ਘਰ ਇਕੱਠੀ ਹੁੰਦੀ ਬਾਛ ਦੀ ਗੱਲ ਸੁਣ ਚਿੰਤਾ 'ਚ ਡੁੱਬ ਗਈਆਂ | ਇਕ ਗੰਡਾਸੇ ਟੱਕ ਵੱਜੇ ਵਾਲੀ ਮਵੇਸ਼ੀ ਦੂਜੀ ਨੂੰ ਸੰਬੋਧਨ ਹੁੰਦੀ ਬੋਲੀ, 'ਮਨੁੱਖ ਵਿਚ ਹੁਣ ਮਨੁੱਖਤਾ ਨਹੀਂ ਰਹੀ ਅੱਜ ਮਨੁੱਖ ਆਪਣੇ ਲਾਲਚੀ ਮੰਤਵਾਂ ਵਿਚ ਏਨਾ ਗ੍ਰਸਿਆ ਪਿਆ ਹੈ ਕਿ ਉਹ ਸਾਡੇ ਘਰੇਲੂ ਜੀਵਾਂ ਦਾ ਖ਼ੂਨ ਆਪਣੇ ਨਿੱਜੀ ਸੁਆਰਥ ਲਈ ਚੂਸ 'ਪਾਲਤੂ ਤੋਂ ਅਵਾਰਾ' ਬਣਾ ਛੱਡਦਾ ਹੈ | ਦੂਜੀ ਬੋਲੀ ਭੈਣ ਸੁਣਿਆ ਉਹ ਤਾਂ ਆਪਣੇ 'ਬਜ਼ੁਰਗ ਮਾਪਿਆਂ' ਨਾਲ ਵੀ ਕੁਝ ਇਸ ਤਰ੍ਹਾਂ ਦਾ ਹੀ ਵਰਤਾਓ ਕਰਦਾ ਹੈ | ਸਭ ਜਾਨਵਰ ਆਪਣੀਆਂ ਭੁੱਖੀਆਂ ਆਂਦਰਾਂ ਨੂੰ ਧਰਵਾਸ ਦੇਣ ਲਈ ਚਾਰੇ ਦੀ ਭਾਲ 'ਚ ਨਿਕਲ ਪਏ |

-ਪਿੰਡ ਤੇ ਡਾਕ: ਦੱਧਾਹੂਰ, ਤਹਿਸੀਲ ਰਾਏਕੋਟ, ਜ਼ਿਲ੍ਹਾ ਲੁਧਿਆਣਾ |
ਮੋਬਾ : 98156-88236.

ਚਾਰ ਗੱਲਾਂ

ਕਹਿੰਦੇ ਹਨ ਕਿ ਚੰਗੀਆਂ ਕਿਤਾਬਾਂ, ਚੰਗੇ ਦੋਸਤਾਂ ਅਤੇ ਬਜ਼ੁਰਗਾਂ ਦਾ ਸਾਥ ਸਾਨੂੰ ਜੀਵਨ ਵਿੱਚ ਉਚਾਈਆਂ ਤੱਕ ਲੈ ਜਾਂਦੇ ਹਨ | ਇਹ ਤਿੰਨ ਅਜਿਹੀਆਂ ਦਾਤਾਂ ਹਨ, ਜਿਨ੍ਹਾਂ ਦਾ ਸਾਥ ਮਿਲਣਾ ਬਹੁਤ ਵੱਡਾ ਸੁਭਾਗਾ ਹੁੰਦਾ ਹੈ | ਸਾਨੂੰ ਜਦੋਂ ਵੀ ਕਦੇ ਘਰ, ਆਂਢ-ਗੁਆਂਢ, ਵਿਆਹਾਂ-ਸ਼ਾਦੀਆਂ, ਸਮਾਗਮਾਂ ਆਦਿ ਵਿਚ ਸਮਾਂ ਮਿਲੇ ਤਾਂ ਬਜ਼ੁਰਗਾਂ ਦੀ ਸੇਵਾ ਭਾਵਨਾ ਕਰਦੇ ਹੋਏ ਉਨ੍ਹਾਂ ਦੇ ਸਾਥ ਦਾ ਨਿੱਘ ਮਾਨਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਦੀ ਅਨਮੋਲ ਸਿੱਖਿਆ ਨੂੰ ਗ੍ਰਹਿਣ ਕਰਦੇ ਰਹਿਣਾ ਚਾਹੀਦਾ ਹੈ | ਦੋਸਤੋ ਬਜ਼ੁਰਗ ਅਕਸਰ ਕਹਿੰਦੇ ਹਨ ਕਿ ਸਾਨੂੰ ਜ਼ਿੰਦਗੀ ਵਿੱਚ ਚਾਰ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ | ਪਹਿਲੀ ਗੱਲ ਕਿ ਸਾਨੂੰ ਕਾਮਯਾਬ ਹੋਣ ਲਈ ਕਦੇ ਵੀ ਸ਼ਾਰਟ ਕੱਟ ਰਸਤਾ ਨਹੀਂ ਅਪਣਾਉਣਾ ਚਾਹੀਦਾ, ਜੋ ਕਿ ਸਾਨੂੰ ਬਦਤਰ ਜ਼ਿੰਦਗੀ ਜਿਊਣ ਲਈ ਮਜਬੂਰ ਕਰ ਦੇਵੇ | ਸਫ਼ਲਤਾ ਹਮੇਸ਼ਾ ਹੌਲੀ-ਹੌਲੀ ਅਤੇ ਮਿਹਨਤ ਤੇ ਸਿਦਕ-ਸਿਰੜ ਨਾਲ ਹੀ ਮਿਲਦੀ ਹੈ ਤੇ ਚੰਗੀ ਹੁੰਦੀ ਹੈ | ਬਜ਼ੁਰਗਾਂ ਦੀ ਦੱਸੀ ਦੂਸਰੀ ਗੱਲ ਮੈਨੂੰ ਯਾਦ ਹੈ ਕਿ ਸਾਨੂੰ ਆਪਣਾ ਵਧੇਰੇ ਧਿਆਨ ਆਪਣੇ-ਆਪ ਤੇ ਆਪਣੇ ਪਰਿਵਾਰ 'ਤੇ ਸੀਮਤ ਕਰਨਾ ਚਾਹੀਦਾ ਹੈ | ਦੂਸਰਿਆਂ ਬਾਰੇ ਵਧੇਰੇ ਸੋਚਣਾ, ਪੁੱਛ-ਪੜਤਾਲ ਕਰਨਾ ਵੀ ਜ਼ਿੰਦਗੀ ਦੇ ਉਸਾਰੂ ਨਜ਼ਰੀਏ ਪੱਖੋਂ ਸਹੀ ਨਹੀਂ ਹੁੰਦਾ | ਆਪਣੇ ਅਤੇ ਆਪਣੇ ਘਰ-ਪਰਿਵਾਰ ਦੀ ਖੁਸ਼ੀ ਤੇ ਖੁਸ਼ਹਾਲੀ ਲਈ ਸੋਚਣਾ ਤੇ ਸਹੀ ਕਰਮ ਕਰਨਾ ਬਿਹਤਰ ਹੁੰਦਾ ਹੈ | ਸਹੀ ਹੋਵੇਗਾ ਜੇਕਰ ਅਸੀਂ ਦੂਸਰਿਆਂ ਬਾਰੇ ਵਧੇਰੇ ਨਾ ਸੋਚੀਏ ਕਿ ਕੋਈ ਕੀ ਤੇ ਕਿਉਂ ਕਰਦਾ ਹੈ | ਬਜ਼ੁਰਗਾਂ ਦੀ ਤੀਸਰੀ ਗੱਲ ਬਿਲਕੁਲ ਸਹੀ ਹੈ ਕਿ ਸਾਨੂੰ ਬਹੁਤ ਜ਼ਿਆਦਾ ਗੁੱਸੇ ਜਾਂ ਬਹੁਤ ਜ਼ਿਆਦਾ ਖੁਸ਼ੀ ਦੇ ਸਮੇਂ ਕੋਈ ਵੀ ਫ਼ੈਸਲਾ ਤੁਰੰਤ ਕਦੇ ਵੀ ਨਹੀਂ ਲੈਣਾ ਚਾਹੀਦਾ | ਅਜਿਹੇ ਫ਼ੈਸਲੇ ਅਕਸਰ ਦੂਰਗਾਮੀ ਨਹੀਂ ਹੁੰਦੇ ਤੇ ਆਪਾ ਵਿਰੋਧੀ ਹੋ ਨਿੱਬੜਦੇ ਹਨ | ਬਜ਼ੁਰਗ ਅਕਸਰ ਇਹ ਵੀ ਸਲਾਹ ਦਿਆ ਕਰਦੇ ਹਨ ਕਿ ਜਦੋਂ ਵੀ ਸਾਨੂੰ ਭਟਕਣ ਦੀ ਸਥਿਤੀ ਦਾ ਅਨੁਭਵ ਹੋਵੇ, ਤਾਂ ਸਾਨੂੰ ਆਪਣੇ ਅੰਦਰ ਦੀ ਆਵਾਜ਼, ਆਪਣੇ ਦਿਲ ਦੀ ਆਵਾਜ਼, ਆਪਣੇ ਮਨ ਦੀ ਆਵਾਜ਼ ਸੁਣਨੀ ਚਾਹੀਦੀ ਹੈ | ਜੇਕਰ ਅਸੀਂ ਆਪਣੇ ਦਿਲ ਦੀ, ਆਪਣੇ ਅੰਦਰ ਦੀ ਆਵਾਜ਼ ਸੁਣਨ ਦੀ ਚਾਹਤ ਅਤੇ ਕੋਸ਼ਿਸ਼ ਕਰਾਂਗੇ ਤਾਂ ਸਾਨੂੰ ਜੀਵਨ ਵਿਚ ਸਹੀ ਫ਼ੈਸਲੇ ਲੈਣ ਦਾ ਮੌਕਾ ਮਿਲੇਗਾ; ਕਿਉਂਕਿ ਸਾਡਾ ਦਿਲੋ-ਦਿਮਾਗ ਸਾਨੂੰ ਹਰ ਚੰਗੀ-ਮਾੜੀ ਸਥਿਤੀ ਤੋਂ ਜਾਣੂ ਕਰਾ ਕੇ ਸਾਨੂੰ ਸਹੀ ਰਸਤੇ ਵੱਲ ਤੋਰਨ ਲਈ ਇੱਕ ਵਾਰ ਜ਼ਰੂਰ ਪ੍ਰੇਰਿਤ ਕਰਦਾ ਹੈ | ਇਸ ਲਈ ਜੇਕਰ ਅਸੀਂ ਜੀਵਨ ਵਿੱਚ ਇਨ੍ਹਾਂ ਚਾਰ ਗੱਲਾਂ ਦਾ ਧਿਆਨ ਰੱਖਾਂਗੇ ਅਤੇ ਅਪਣਾਵਾਂਗੇ ਤਾਂ ਸਾਡਾ ਜੀਵਨ ਬਿਹਤਰ ਢੰਗ ਨਾਲ ਗੁਜ਼ਰ ਸਕੇਗਾ ਅਤੇ ਸਾਡੇ ਜੀਵਨ ਦੀਆਂ ਅਨੇਕਾਂ ਅਣਚਾਹੀਆਂ ਮੁਸੀਬਤਾਂ ਤੋਂ ਸਾਨੂੰ ਸੁਖਾਲੇ ਢੰਗ ਨਾਲ ਛੁਟਕਾਰਾ ਵੀ ਮਿਲ ਸਕਦਾ ਹੈ |

-ਸ੍ਰੀ ਅਨੰਦਪੁਰ ਸਾਹਿਬ | ਮੋਬਾਈਲ : 9478561356.

ਘੁਣੱਤਰ

ਸੁਹੇਲ ਸਿੰਘ ਤੇ ਬਘੇਲ ਸਿੰਘ ਤਾਏ-ਚਾਚੇ 'ਚੋਂ ਭਰਾ ਸਨ | ਸਾਰਾ ਪਿੰਡ ਦੋਵਾਂ ਦੀ ਇੱਜ਼ਤ ਕਰਦਾ ਸੀ | ਸੁਹੇਲ ਸਿੰਘ ਨੇ ਆਪਣੇ ਬੱਚਿਆਂ ਨੂੰ ਸੈੱਟ ਕਰ ਲਿਆ ਸੀ ਬਾਹਰਲੇ ਦੇਸ਼ਾਂ 'ਚ ਭੇਜਣ ਲਈ ਤਿਆਰ ਬਰ ਤਿਆਰ ਹੋ ਗਿਆ ਸੀ | ਬਘੇਲ ਸਿੰਘ ਅਨਪੜ੍ਹ ਤੇ ਸ਼ੁਰੂ ਤੋਂ ਹੀ ਸ਼ਰਾਰਤੀ ਅਨਸਰ ਸੀ | ਅੱਜ ਆਪਣੀ ਪਸਤੋ (ਬੋਲੀ) 'ਚ ਆਪਣੇ ਪੁੱਤਰਾਂ ਨੂੰ ਸਮਝਾਇਆ ਕਿ ਝੋਨੇ ਦੀ ਪਰਾਲੀ (ਰਹਿੰਦ-ਖੰੂਹਦ) ਨੂੰ ਅੱਗ ਲਾ ਕੇ ਸਾੜ ਦੇਵੋ |
ਆਪਣੀ ਖੇਵਟ ਤਾਂ ਤੁਹਾਡੇ ਚਾਚੇ ਨਾਲ ਸਾਂਝੀ ਹੈ, ਮਾਲ ਮਹਿਕਮੇ ਮੁਤਾਬਿਕ ਪਰਚਾ ਤਾਂ ਸਾਰਿਆਂ 'ਤੇ ਦਰਜ ਹੋਵੇਗਾ | ਤੁਹਾਡੇ ਚਚੇਰੇ ਭਰਾ ਵੀ ਜਹਾਜ਼ ਨਹੀਂ ਚੜ੍ਹ ਸਕਣਗੇ |

-ਗਲੀ ਨੰ: 11, ਸੱਜੇ ਡੋਗਰ ਬਸਤੀ, ਫਰੀਦਕੋਟ | ਮੋਬਾਈਲ : 81465-93089.

ਕਾਵਿ-ਵਿਅੰਗ: ਅਲਵਿਦਾ

• ਨਵਰਾਹੀ ਘੁਗਿਆਣਵੀ •
ਰਾਤੋ-ਰਾਤ ਜੋ ਪਾਰਟੀ ਬਦਲ ਜਾਂਦੇ,
ਕੀ ਆਖੀਏ ਉਨ੍ਹਾਂ ਦੀ ਸੋਚ ਤਾੲੀਂ |
ਕਰ ਕੇ ਸਾਜ਼ਿਸ਼ਾਂ, ਨਿੱਜੀ ਸਵਾਰਥਾਂ ਹਿਤ,
ਕਹਿਣ ਅਲਵਿਦਾ ਆਪਣੀ ਹੋਸ਼ ਤਾੲੀਂ |
ਢਾਹੇ ਚੜ੍ਹ ਗਈ ਦੁਸ਼ਮਣਾਂ ਦੋਖੀਆਂ ਦੇ,
ਤਾਹਨੇ ਮਾਰਦੀ ਫਿਰੇ 'ਬਲੋਚ' ਤਾੲੀਂ |
ਆਉਂਦੀ ਸ਼ਰਮ ਨਾ ਇਨ੍ਹਾਂ ਦਲਬਦਲੂਆਂ ਨੂੰ ,
ਦੇਣ ਥਾਪੀਆਂ ਨੀਚ ਅਪਰੋਚ ਤਾੲੀਂ |

-ਨਹਿਰ ਨਜ਼ਾਰਾ, ਨਵਾਂ ਹਰਿੰਦਰ ਨਗਰ, ਫਰੀਦਕੋਟ-151203.
ਮੋਬਾਈਲ : 98150-02302.

ਕਾਵਿ-ਵਿਅੰਗ: ਗੰਢਾ ਬਨਾਮ ਮੁਸ਼ਟੰਡਾ

ਸੰਸਦ ਵਿਚ ਵੀ ਗੰਢਾ-ਗੰਢਾ ਹੋ ਗਈ ਏ,
ਮੀਡੀਆ ਵਿਚ ਵੀ ਛਾਇਆ ਅੱਜਕਲ੍ਹ ਗੰਢਾ ਹੈ |
ਗੰਢੇ ਦਾ ਭਾਅ ਇਕ ਸੌ ਵੀਹ ਤੋਂ ਟੱਪ ਚੱਲਿਆ,
ਬਾਕੀ ਕਾਰੋਬਾਰ ਤਾਂ ਸਾਰਾ ਠੰਢਾ ਹੈ |
ਸਾਲ ਕੁ ਬਾਅਦ ਗੰਢਾ ਛਾਲ ਮਾਰਦਾ ਹੈ,
ਸਾਡੀ ਸਮਝ ਤੋਂ ਬਾਹਰ ਇਹ ਫੰਡਾ ਹੈ |
ਕਿਸਾਨਾਂ ਕੋਲ ਤਾਂ ਗੰਢਾ, ਗੰਢਾ ਹੀ ਰਹਿੰਦਾ,
ਵਪਾਰੀ ਕੋਲ ਬਣਦਾ ਸੋਨੇ ਦਾ ਅੰਡਾ ਹੈ |
ਮਹਿੰਗਾਈ ਵਿਰੁੱਧ ਨਾ ਰੋਸ ਕਰਨ ਦੀ ਭੁੱਲ ਕਰਿਓ,
ਲੋਕੋ ਤਿਆਰ-ਬਰ-ਤਿਆਰ ਪੁਲਿਸ ਦਾ ਡੰਡਾ ਹੈ |
ਗੰਢੇ ਨੂੰ ਤਾਂ ਜਨਤਾ ਇਉਂ ਹੈ ਵੇਖ ਰਹੀ,
'ਭਲੂਰੀਆ' ਵਿਗੜਿਆ ਜਿਉਂ ਕੋਈ ਮੁਸ਼ਟੰਡਾ ਹੈ |

-ਜਸਵੀਰ ਸਿੰਘ ਭਲੂਰੀਆ
ਪਿੰਡ ਤੇ ਡਾਕ: ਭਲੂਰ, ਜ਼ਿਲ੍ਹਾ ਮੋਗਾ | ਮੋਬਾਈਲ : 99159-95505.

ਗੀਤ: ਹਾਏ! ਬਾਬਲਾ ਵੇ!

• ਗੁਰਭਜਨ ਗਿੱਲ •
ਹਾਏ! ਬਾਬਲਾ ਵੇ ਧੀਆਂ ਆਖੇ ਕਿਉਂ ਵਿਚਾਰੀਆਂ,
ਕਿਤੇ ਨਾਨੀ ਕਿਤੇ ਦਾਦੀ ਬਣ ਜਿਨ੍ਹਾਂ ਨੇ,
ਵੇ ਤੇਰੀਆਂ ਕੁਲਾਂ ਨੇ ਉਸਾਰੀਆਂ |

ਭੁੱਲ ਜਾਂ ਭੁਲੇਖੇ ਕਿਤੇ ਧੀ ਜੰਮੇ ਡਾਂਟਦਾ,
ਗੁੱਡੀਆਂ ਪਟੋਲਿਆਂ 'ਚੋਂ ਪੁੱਤ-ਪੁੱਤ ਛਾਂਟਦਾ,
ਭੁੱਲੇ ਨਿਰਮੋਹੀਆ ਕਾਹਨੂੰ ਘਰ ਦਾ,
ਸਲੀਕਾ ਜੀਣ ਧੀਆਂ ਭੈਣਾਂ ਸਾਰੀਆਂ,
ਹਾਏ! ਬਾਬਲਾ ਵੇ... |

ਤੇਰੇ ਪਿੰਡ ਇੱਜ਼ਤਾਂ ਤੇ ਪੱਤ ਦੀ ਜੇ ਥਾਂ ਨਹੀਂ,
ਏਸ ਦੀ ਕਸੂਰਵਾਰ ਕੱਲ੍ਹੀ ਮੇਰੀ ਮਾਂ ਨਹੀਂ,
ਬਾਬਲੇ ਦੀ ਪੱਗ ਦੀ ਦੁਹਾਈ ਦੇਵੇਂ ਸਾਨੂੰ,
ਜੋ ਨੇ ਪੁੱਤਰਾਂ ਉਤਾਰੀਆਂ,
ਹਾਏ! ਬਾਬਲਾ ਵੇ... |

ਮਾਪਿਆਂ ਦੇ ਸਿਰ ਹੁੰਦਾ ਧੀਆਂ ਦਾ ਵੀ ਮਾਣ ਵੇ,
ਸਹਿਮੇ ਜੇ ਮਲੂਕ ਜਿੰਦ, ਘਰ ਦੀ ਮਸਾਣ ਵੇ,
ਕਬਰਾਂ ਤੇ ਕੁੱਖਾਂ ਨੂੰ ਤੂੰ ਇਕੋ ਜਿਹਾ ਕੀਤਾ,
ਕਾਹਨੂੰ ਲੱਭ-ਲੱਭ ਮਾਰੀਆਂ,
ਹਾਏ! ਬਾਬਲਾ ਵੇ... |

ਧੀਆਂ ਪੁੱਤ ਰੱਖਦਾ ਜੇ ਪਹਿਲਾਂ ਇਕ ਤੋਲ ਵੇ,
ਕਦੇ ਵੀ ਨਾ ਪੁੱਤ ਫੇਰ ਬੋਲਦੇ ਕੁਬੋਲ ਵੇ,
ਧੀਆਂ ਤਾਂ ਚੰਬੇਲੀ ਤੇ ਰਵੇਲ ਵੇਲ ਵਾਂਗ,
ਸਦਾ ਮਹਿਕਾਂ ਨੇ ਖਿਲਾਰੀਆਂ,
ਹਾਏ! ਬਾਬਲਾ ਵੇ... |

ਰੰਗ ਤੇ ਵਿਆਗ: ਬਿਆਨ

ਜੱਜ (ਔਰਤ ਨੂੰ ) ਤੁਹਾਡੀ ਉਮਰ ਕੀ ਹੈ?
ਔਰਤ-ਜੀ ਕੋਈ 35 ਕੁ ਸਾਲ |
ਜੱਜ-ਪਰ ਤੁਸੀਂ ਦੋ ਸਾਲ ਪਹਿਲਾਂ ਵੀ ਇਹੀ ਉਮਰ ਦੱਸੀ ਸੀ |
ਔਰਤ-ਤੁਸੀਂ ਠੀਕ ਫਰਮਾਉਂਦੇ ਹੋ ਹਜ਼ੂਰ | ਭਲਾ ਅਦਾਲਤ ਵਿਚ ਦਿੱਤਾ ਗਿਆ ਬਿਆਨ ਮੈਂ ਕਿਵੇਂ ਬਦਲ ਸਕਦੀ ਹਾਂ |

-ਪਿੰਡ ਤੇ ਡਾਕ: ਖੋਸਾ ਪਾਂਡੋ, ਮੋਗਾ-142048.





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX