ਤਾਜਾ ਖ਼ਬਰਾਂ


ਲੌਂਗੋਵਾਲ ਵੈਨ ਹਾਦਸੇ ਦੇ ਪਰਿਵਾਰਾਂ ਨਾਲ ਦੁੱਖ ਸਾਂਝਾ ਕੀਤਾ ਸਿਮਰਜੀਤ ਬੈਂਸ ਨੇ
. . .  1 day ago
ਲੌਂਗੋਵਾਲ 19 ਫਰਵਰੀ (ਵਿਨੋਦ, ਸ.ਸ. ਖੰਨਾ) - ਲੋਕ ਇਨਸਾਫ਼ ਪਾਰਟੀ ਦੇ ਪ੍ਰਧਾਨ ਸਿਮਰਜੀਤ ਸਿੰਘ ਬੈਂਸ ਨੇ ਅੱਜ ਲੌਂਗੋਵਾਲ ਪੁੱਜ ਕੇ ਵੈਨ ਹਾਦਸੇ ਵਿਚ ਮਾਰੇ ਗਏ ਮਾਸੂਮ ਬੱਚਿਆਂ ਦੇ ਪਰਿਵਾਰਾਂ ਨਾਲ ਦੁੱਖ ਸਾਂਝਾ ਕੀਤਾ ਹੈ। ਉਨਾਂ ਪਰਿਵਾਰ ਨਾਲ ...
ਚੰਡੀਗੜ੍ਹ ਤੋਂ ਤਖ਼ਤ ਸ੍ਰੀ ਪਟਨਾ ਸਾਹਿਬ ਲਈ 5 ਮਾਰਚ ਤੋਂ ਹਵਾਈ ਉਡਾਣ ਸ਼ੁਰੂ ਹੋਵੇਗੀ-ਪ੍ਰੋ. ਚੰਦੂਮਾਜਰਾ
. . .  1 day ago
ਗੜ੍ਹਸ਼ੰਕਰ, 19 ਫਰਵਰੀ (ਧਾਲੀਵਾਲ)- ਸ਼੍ਰੋਮਣੀ ਅਕਾਲੀ ਦਲ ਦੇ ਜਨਰਲ ਸਕੱਤਰ ਅਤੇ ਸਾਬਕਾ ਮੈਂਬਰ ਪਾਰਲੀਮੈਂਟ ਪ੍ਰੋ. ਪ੍ਰੇਮ ਸਿੰਘ ਚੰਦੂਮਾਜਰਾ ਨੇ ਦੱਸਿਆ ਕਿ ਲੰਮੇ ਅਰਸੇ ਤੋਂ ਲੋਕਾਂ ਵੱਲੋਂ ਚੰਡੀਗੜ੍ਹ ਤੋਂ ਤਖ਼ਤ ਸ੍ਰੀ ਪਟਨਾ ਸਾਹਿਬ ਲਈ ਹਫਾਈ ...
ਡੇਰਾਬਸੀ ਰੇਲਵੇ ਲਾਈਨ ਤੋਂ ਨੌਜਵਾਨ ਦੀ ਬਿਨਾਂ ਸਿਰ ਮਿਲੀ ਲਾਸ਼
. . .  1 day ago
ਡੇਰਾਬਸੀ ,19 ਫਰਵਰੀ (ਸ਼ਾਮ ਸਿੰਘ ਸੰਧੂ)-ਡੇਰਾਬਸੀ ਕੈਂਟਰ ਯੂਨੀਅਨ ਨੇੜਿਉਂ ਲੰਘਦੀ ਰੇਲਵੇ ਲਾਈਨ ਤੋਂ ਇੱਕ 19 ਸਾਲਾਂ ਦੇ ਨੌਜਵਾਨ ਦੀ ਸ਼ੱਕੀ ਹਾਲਤ 'ਚ ਬਿਨਾਂ ਸਿਰ ਤੋਂ ਲਾਸ਼ ਮਿਲੀ ਹੈ। ਮ੍ਰਿਤਕ ਦੀ ਪਛਾਣ ਅਮਿਤ ਪੁੱਤਰ ਰਾਜੂ ਮੁਗ਼ਲ...
ਭਗਵੰਤ ਮਾਨ ਦੀ ਹਾਜ਼ਰੀ 'ਚ ਬਲਾਚੌਰ 'ਚ ਹੋਈ ਸਿਆਸੀ ਹਲਚਲ
. . .  1 day ago
ਬਲਾਚੌਰ, 19 ਫਰਵਰੀ (ਦੀਦਾਰ ਸਿੰਘ ਬਲਾਚੌਰੀਆ)- ਸਾਬਕਾ ਵਿਧਾਇਕ ਬਲਾਚੌਰ ਐਡਵੋਕੇਟ ਰਾਮ ਕਿਸ਼ਨ ਕਟਾਰੀਆ ਅਤੇ ਉਨ੍ਹਾਂ ਦੀ ਨੂੰਹ ਸੰਤੋਸ਼ ਕਟਾਰੀਆ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਅੱਜ ਚੰਡੀਗੜ੍ਹ ਵਿਖੇ ਆਮ ਆਦਮੀ ਪਾਰਟੀ ਦੇ ਸਿਰਮੌਰ ਆਗੂਆਂ ਹਰਪਾਲ ਸਿੰਘ...
ਸੈਸ਼ਨ ਵਧਾਉਣ ਵਿਚ ਕੋਈ ਦਿੱਕਤ ਨਹੀਂ ਹੈ ਪਰ ਅਕਾਲੀ ਦਲ ਸੈਸ਼ਨ ਵਿਚ ਆਉਂਦਾ ਹੀ ਨਹੀਂ - ਸਿਹਤ ਮੰਤਰੀ ਬਲਵੀਰ ਸਿੰਘ ਸਿੱਧੂ
. . .  1 day ago
ਫ਼ਾਜ਼ਿਲਕਾ, 19 ਫਰਵਰੀ (ਪ੍ਰਦੀਪ ਕੁਮਾਰ) - ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਵੱਲੋਂ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਨਾਲ ਮੁਲਾਕਾਤ ਕਰਕੇ ਬਜਟ ਇਜਲਾਸ ਦੇ ਸੈਸ਼ਨ ਨੂੰ ਵਧਾਉਣ ਦੀ ਮੰਗ ਤੇ ਫ਼ਾਜ਼ਿਲਕਾ ਫੇਰੀ ਦੌਰਾਨ ਆਪਣੀ ਪ੍ਰਤੀਕਿਰਿਆ ਦਿੰਦਿਆਂ ਕਾਂਗਰਸ ਪਾਰਟੀ ਤੋਂ ਪੰਜਾਬ...
ਅਕਾਲੀ ਦਲ ਬਾਦਲਾਂ ਤੋਂ ਮੁਕਤ ਤੇ ਸ਼੍ਰੋਮਣੀ ਕਮੇਟੀ ਮਸੰਦਾਂ ਤੋਂ ਮੁਕਤ ਕਰਵਾਉਣਾ ਸਾਡਾ ਮੁੱਖ ਮਕਸਦ - ਸਿਮਰਜੀਤ ਸਿੰਘ ਬੈਂਸ
. . .  1 day ago
ਲੌਂਗੋਵਾਲ,19 ਫਰਵਰੀ (ਸ.ਸ.ਖੰਨਾ,ਵਿਨੋਦ) - ਸਥਾਨਕ ਕਸਬੇ ਅੰਦਰ ਅੱਜ ਕਰਨੈਲ ਸਿੰਘ ਦੁੱਲਟ ਸੀਨੀਅਰ ਮੀਤ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਦੇ ਦਫ਼ਤਰ ਵਿਖੇ ਸਿਮਰਜੀਤ ਸਿੰਘ ਬੈਂਸ ਲੋਕ ਇਨਸਾਫ਼ ਪਾਰਟੀ ਪੰਜਾਬ ਦੇ ਪ੍ਰਧਾਨ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਉੱਥੇ ਉਨ੍ਹਾਂ ਅਜੀਤ ਨਾਲ ਗੱਲਬਾਤ...
ਭਾਰਤ ਪਾਕਿਸਤਾਨ ਸਰਹੱਦ ਤੋਂ 20 ਕਰੋੜ ਦੀ ਹੈਰੋਇਨ, ਇਕ ਪਿਸਟਲ, ਦੋ ਮੈਗਜ਼ੀਨ, 56 ਗ੍ਰਾਮ ਅਫ਼ੀਮ, 25 ਰੌਂਦ ਬਰਾਮਦ
. . .  1 day ago
ਤਰਨ ਤਾਰਨ, 19 ਫਰਵਰੀ (ਹਰਿੰਦਰ ਸਿੰਘ)—ਤਰਨ ਤਾਰਨ ਪੁਲਿਸ ਨੇ ਭਾਰਤ ਪਾਕਿਸਤਾਨ ਸਰਹੱਦ 'ਤੇ ਸਥਿਤ ਜ਼ੀਰੋ ਲਾਈਨ 'ਤੇ ਬਾਬਾ ਸ਼ੇਖ ਬ੍ਰਹਮ ਜੀ ਦੀ ਮਜ਼ਾਰ ਦੇ ਕੋਲ ਪਾਕਿਸਤਾਨੀ ਸਮਗਲਰਾਂ ਵਲੋਂ ਭਾਰਤੀ ਸਮਗਲਰਾਂ ਲਈ ਭੇਜੀ 4 ਕਿੱਲੋ ਹੈਰੋਇਨ, ਇਕ ਪਿਸਟਲ...
194 ਕਿੱਲੋ ਹੈਰੋਇਨ ਬਰਾਮਦਗੀ ਮਾਮਲੇ ਵਿਚ ਅਕਾਲੀ ਆਗੂ ਅਨਵਰ ਮਸੀਹ ਨੂੰ ਕੀਤਾ ਗ੍ਰਿਫ਼ਤਾਰ
. . .  1 day ago
ਅੰਮ੍ਰਿਤਸਰ, 19 ਫਰਵਰੀ (ਅਜੀਤ ਬਿਉਰੋ) - 194 ਕਿੱਲੋ ਹੈਰੋਇਨ ਬਰਾਮਦਗੀ ਮਾਮਲੇ ਵਿਚ ਅੱਜ ਐੱਸ.ਟੀ. ਐੱਫ ਵੱਲੋਂ ਅਕਾਲੀ ਆਗੂ ਅਨਵਰ ਮਸੀਹ ਨੂੰ ਗ੍ਰਿਫ਼ਤਾਰ ਕਰਕੇ ਮਾਣਯੋਗ ਅਦਾਲਤ ਵਿਚ ਪੇਸ਼ ਕਰਨ ਉਪਰੰਤ ਦੋ ਦਿਨ ਦਾ ਪੁਲਸ ਰਿਮਾਂਡ ਹਾਸਲ ਕੀਤਾ ਹੈ, ਦੱਸਣਯੋਗ...
ਗ੍ਰਹਿ ਮੰਤਰੀ ਨਾਲ ਸ਼ਹੀਨ ਬਾਗ 'ਤੇ ਕੋਈ ਗੱਲਬਾਤ ਨਹੀਂ ਹੋਈ - ਕੇਜਰੀਵਾਲ
. . .  1 day ago
ਨਵੀਂ ਦਿੱਲੀ, 19 ਫਰਵਰੀ - ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਜਿੱਤ ਹਾਸਲ ਕਰਨ ਤੋਂ ਬਾਅਦ ਪਹਿਲੀ ਵਾਰ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਬੁੱਧਵਾਰ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕੀਤੀ। ਉੱਥੇ ਹੀ, ਮੁਲਾਕਾਤ ਤੋਂ ਬਾਅਦ ਪ੍ਰੈਸ ਕਾਨਫ਼ਰੰਸ ਕਰਦੇ ਹੋਏ...
ਖੇਮਕਰਨ 'ਚ ਹੈਰੋਇਨ ਦੀ ਵੱਡੀ ਖੇਪ ਬਰਾਮਦ
. . .  1 day ago
ਖੇਮਕਰਨ, 19 ਫਰਵਰੀ (ਸੰਦੀਪ ਮਹਿਤਾ)- ਤਰਨਤਾਰਨ ਦੇ ਸੈਕਟਰ ਖੇਮਕਰਨ ਵਿਖੇ ਭਾਰਤੀ ਸਰਹੱਦੀ ਚੌਕੀ ਮੀਆਂਵਾਲਾ ਦੇ ਇਲਾਕੇ ਤੋਂ ਬੀ. ਐੱਸ. ਐੱਫ. ਅਤੇ ਪੁਲਿਸ ਦੇ ਸਾਂਝੇ ਸਰਚ ਆਪਰੇਸ਼ਨ ਦੌਰਾਨ...
ਹੋਰ ਖ਼ਬਰਾਂ..

ਦਿਲਚਸਪੀਆਂ

ਸੁਪਨਾ

ਦਲਬੀਰ ਸਿੰਘ ਫ਼ੌਜੀ ਨੇ ਫ਼ੌਜ ਦੀ ਨੌਕਰੀ ਪੂਰੀ ਕਰ ਕੇ ਪੈਨਸ਼ਨ ਆਉਂਦਿਆਂ ਸਾਰ ਹੀ ਪਿੰਡ ਦਿਆਂ ਕੰਮਾਂ ਵਿਚ ਦਿਲਚਸਪੀ ਲੈਣੀ ਸ਼ੁਰੂ ਕਰ ਦਿੱਤੀ ਸੀ¢ ਫ਼ੌਜ ਵਿਚ ਰਹਿੰਦਿਆਂ ਜਦ ਉਹ ਕਿਸੇ ਆਦਰਸ਼ (ਸੁਧਾਰਕ) ਪਿੰਡ ਦੀ ਬਦਲੀ ਦਿੱਖ ਦੀ ਖ਼ਬਰ ਪੜ੍ਹਦਾ ਉਸੇ ਸਮੇਂ ਹੀ ਉਹ ਆਪਣੇ ਪਿੰਡ ਦੀ ਨੁਹਾਰ ਇਸ ਤਰ੍ਹਾਂ ਬਣਾਉਣ ਦੇ ਸੁਪਨੇ ਦਿਲ ਵਿਚ ਗੁੰਦਦਾ ਰਹਿੰਦਾ ਸੀ¢
ਪੈਨਸ਼ਨ ਆਉਣ ਤੋਂ ਬਾਅਦ ਦਲਬੀਰ ਨੇ ਸਮੁੱਚੇ ਪਿੰਡ ਦੀ ਤੇ ਪੰਚਾਇਤ ਦੀ ਸਹਿਮਤੀ ਨਾਲ ਪਿੰਡ ਦੇ ਅਧੂਰੇ ਪਏ ਕੰਮਾਂ ਨੂੰ ਪੂਰੀ ਕਰਨ ਦੀ ਠਾਣ ਲਈ ਸੀ¢ ਪਿੰਡ ਦੇ ਸਰਕਾਰੀ ਅਦਾਰਿਆਂ ਜਿਵੇਂ ਕਿ ਕੋਆਪ੍ਰੇਟਿਵ ਬੈਂਕ, ਪੰਚਾਇਤ ਘਰ, ਡਿਸਪੈਂਸਰੀ ਤੇ ਆਰ. ਓ. ਆਦਿ ਦੀਆਂ ਊਣਤਾਈਆਂ ਨੋਟ ਕੀਤੀਆਂ ਤੇ ਸਬੰਧਿਤ ਮਹਿਕਮਿਆਂ ਵਿਚ ਪਹੁੰਚ ਕਰ ਕੇ ਸਰਪੰਚ ਨੂੰ ਨਾਲ ਲੈ ਕੇ ਇਕ ਸਾਲ ਦੇ ਵਿਚ ਹੀ ਪੂਰਾ ਕਰਵਾ ਦਿੱਤਾ¢ ਪਿੰਡ ਦੀਆਂ ਗਲੀਆਂ ਨਾਲੀਆਂ ਦੀਆਂ ਗ੍ਰਾਂਟਾਂ ਲੈ ਕੇ ਪੂਰੀਆਂ ਕਰਵਾਈਆਂ ,ਤੇ ਸ਼ਗਨ ਸਕੀਮ ਦੀਆਂ ਖੜੀਆਂ ਹੋਈਆਂ ਗ੍ਰਾਂਟਾਂ ਨੂੰ ਸਬੰਧਤ ਮਹਿਕਮੇ ਤੋਂ ਲੈ ਕੇ ਘਰ-ਘਰ ਪਹੁੰਚਦਾ ਕੀਤਾ¢ ਪਿੰਡ ਦੇ ਲੋਕਾਂ ਵਿਚ ਦਲਬੀਰ ਪ੍ਰਤੀ ਸਤਿਕਾਰ ਤੇ ਸ਼ਰਧਾ ਵਧਦੀ ਹੀ ਜਾ ਰਹੀ ਸੀ¢ ਕਿਉਂਕਿ ਉਸਨੇ ਆਪਣੇ ਘਰ ਦੇ ਕੰਮਾਂ ਨਾਲੋਂ ਪਿੰਡ ਦੇ ਕੰਮਾਂ ਵਿਚ ਦਿਲਚਸਪੀ ਵਿਖਾਉਣੀ ਸ਼ੁਰੂ ਕਰ ਦਿੱਤੀ ਸੀ¢ ਇਕ ਰਿਟਾਇਰ ਫ਼ੌਜੀ ਦੀ ਸਰਕਾਰੇ ਦਰਬਾਰੇ ਸੁਣੀ ਜਾਂਦੀ ਹੋਣ ਕਰਕੇ ਦਲਬੀਰ ਦੇ ਸਾਰੇ ਕੰਮ ਹੀ ਜਲਦੀ-ਜਲਦੀ ਹੋ ਜਾਂਦੇ¢
ਤਿੰਨ ਸਾਲਾਂ ਮਗਰੋਂ ਪੰਚਾਇਤੀ ਚੋਣਾਂ ਦਾ ਬਿਗੁਲ ਵੱਜਣ ਤੋਂ ਬਾਅਦ ਦਲਬੀਰ ਨੇ ਸਰਪੰਚੀ ਲਈ ਪਿੰਡ ਦੇ ਸਤਿਕਾਰਤ ਬਜ਼ੁਰਗਾਂ 'ਚੋਂ ਇਕ ਨੂੰ ਪੂਰੇ ਪਿੰਡ ਦੇ ਮੋਹਤਬਰਾਂ ਨੂੰ ਨਾਲ ਲੈ ਕੇ ਸਰਪੰਚੀ ਲਈ ਜਦ ਉਸ ਦੇ ਘਰ ਜਾ ਕੇ ਸਰਬਸੰਮਤੀ ਕਰਨ ਲਈ ਕਿਹਾ ਤਾਂ ਅੱਗੋਂ ਮਹਿੰਦਰ ਸਿੰਘ ਨੇ ਸਾਰੇ ਹੀ ਪਿੰਡ ਦੇ ਮੋਹਤਬਰਾਂ ਦੇ ਤੇ ਸਮੁੱਚੇ ਪਿੰਡ ਤੇ ਭਾਈਚਾਰੇ ਦੇ ਸਾਹਮਣੇ ਪਰ੍ਹੇ ਪੰਚਾਇਤ ਵਿਚ ਕਹਿ ਦਿੱਤਾ ਕਿ ਪੁੱਤਰਾ ਅਸੀਂ ਤਾਂ ਅੱਜ ਦਾ ਦਿਨ ਸੁੱਖਾਂ ਸੁੱਖ ਸੁੱਖ ਕੇ ਲਿਆਂਦਾ ਹੈ¢ ਅਸੀਂ ਸਮੁੱਚੇ ਪਿੰਡ ਨੇ ਤੇਰੇ ਕੰਮਾਂ ਤੋਂ ਪ੍ਰਭਾਵਿਤ ਹੋ ਕੇ ਪਹਿਲੀ ਬਣੀ ਪੰਚਾਇਤ ਨੇ ਆਪਣੇ ਕੋਰਮ ਵਿਚ ਦੋ ਸਾਲ ਪਹਿਲਾਂ ਹੀ ਤੈਨੂੰ ਸਰਬਸੰਮਤੀ ਨਾਲ ਸਰਪੰਚ ਨਾਮਜ਼ਦ ਕੀਤਾ ਹੋਇਆ ਹੈ, ਤੇ ਹੁਣ ਚੋਣਾਂ ਦਾ ਬਿਗੁਲ ਸਰਕਾਰ ਵਲੋਂ ਵੱਜ ਚੁੱਕਾ ਹੈ, ਤੇ ਸਿਰਫ਼ ਐਲਾਨ ਹੋਣਾ ਹੀ ਬਾਕੀ ਰਹਿ ਗਿਆ ਹੈ¢ ਸਾਨੂੰ ਤਾਂ ਤੇਰੇ ਵਰਗੇ ਅਣਥੱਕ ਮਿਹਨਤੀ ਸਰਪੰਚ ਦੀ ਬਹੁਤ ਦੇਰ ਤੋਂ ਲੋੜ ਸੀ, ਜੋ ਸਮੁੱਚੇ ਪਿੰਡ ਨੂੰ ਨਾਲ ਲੈ ਕੇ ਕਿਸੇ ਭੇਦ-ਭਾਵ ਤੋਂ ਬਿਨਾਂ ਪਿੰਡ ਦੇ ਸਾਂਝੇ ਕੰਮਾਂ ਨੂੰ ਕਰਵਾ ਕੇ ਇਕ ਨਮੂਨੇ ਦਾ ਪਿੰਡ ਬਣਾ ਸਕੇ¢ ਸੋ ਓਹ ਸਾਡੇ ਦਿਲ ਦੀ ਤਮੰਨਾ ਅੱਜ ਵਾਹਿਗੁਰੂ ਜੀ ਨੇ ਪੂਰੀ ਕਰ ਦਿੱਤੀ ਹੈ¢ ਅਸੀਂ ਸਮੁੱਚੇ ਪਿੰਡ ਨੇ ਹੀ ਤੈਨੂੰ ਅੱਜ ਤੋਂ ਹੀ ਸਰਪੰਚ ਮੰਨ ਲਿਆ ਹੈ¢
ਦਲਬੀਰ ਨੂੰ ਫ਼ੌਜ ਵਿਚ ਸੋਚੇ ਸੁਪਨੇ ਨੂੰ ਅੱਜ ਬੂਰ ਪੈਂਦਾ ਨਜ਼ਰੀਂ ਆਇਆ¢ ਪਿੰਡ ਦੇ ਬਾਕੀ ਰਹਿੰਦੇ ਅਧੂਰੇ ਕਾਰਜਾਂ ਦਾ ਭਾਰ ਵੀ ਉਸ ਦੇ ਮੋਢਿਆਂ ਤੇ ਆਣ ਪਿਆ | ਜਿਸ ਨੂੰ ਉਸ ਨੇ ਖਿੜੇ ਮੱਥੇ ਪ੍ਰਵਾਨ ਕਰ ਕੇ ਨੇਪਰੇ ਚਾੜ੍ਹਨ ਲਈ ਮਨ ਬਣਾ ਲਿਆ ਸੀ¢

-ਸ੍ਰੀ ਮੁਕਤਸਰ ਸਾਹਿਬ
ਮੋਬਾਈਲ : 95691-49556.


ਖ਼ਬਰ ਸ਼ੇਅਰ ਕਰੋ

ਕਲਰਕ ਪਾਸ਼ਾ

ਬਰਾਤੀਆਂ ਦੀ ਛਿੱਟ-ਛਿੱਟ ਲੱਗੀ ਹੋਈ ਸੀ | ਉਹ ਨੱਚਦੇ-ਟੱਪਦੇ ਤੇ ਭੰਗੜਾ ਪਾਉਂਦੇ ਜਾ ਰਹੇ ਸਨ | ਜਦ ਨਵੇਂ ਸਬੰਧੀਆਂ ਦੇ ਘਰ ਪੁੱਜੇ ਤਾਂ ਰਾਤ ਹੋਰ ਹੁਸੀਨ ਹੋ ਗਈ, ਸ਼ਹਿਨਾਈ ਤੇ ਵਾਜੇ ਵੱਜ ਰਹੇ ਸਨ | ਆਤਿਸ਼ਬਾਜ਼ੀ ਦੇ ਰੰਗੀਨ ਫੁਹਾਰੇ ਅਸਮਾਨ ਵੱਲ ਉੱਡ ਰਹੇ ਸਨ | ਚਾਰੇ ਪਾਸੇ ਖ਼ੁਸ਼ੀ ਦਾ ਮਾਹੌਲ 'ਤੇ ਚਹਿਲ-ਪਹਿਲ ਤੇ ਰੌਣਕ ਹੀ ਰੌਣਕ ਸੀ | ਉਨ੍ਹਾਂ ਬਰਾਤੀਆਂ ਦੀ ਬੜੀ ਟਹਿਲ ਸੇਵਾ ਕੀਤੀ | ਕਾਜ਼ੀ ਸਾਹਬ ਨਿਕਾਹ ਦੀ ਰਸਮ ਅਦਾ ਕਰਨ ਲਈ ਪੰਡਾਲ 'ਚ ਪੁੱਜੇ ਤੇ ਪੁੱਛਣ ਲੱਗੇ, 'ਬਰਖ਼ੁਰਦਾਰ... ਨਿਕਾਹ ਕਬੂਲ ਏ |' ਪੰ੍ਰਤੂ ਦੁਲ੍ਹਾ ਕੁਝ ਨਾ ਬੋਲਿਆ ਤਾਂ ਦੋਵਾਂ ਪਰਿਵਾਰਾਂ 'ਚ ਨਿਰਾਸ਼ਾ ਦੀ ਲਹਿਰ ਦੌੜ ਗਈ ਤੇ ਕਾਜ਼ੀ ਨੇ ਫਿਰ ਪੁੱਛਿਆ, 'ਬਰਖ਼ੁਰਦਾਰ... ਨਿਕਾਹ ਕਬੂਲ ਏ |'
ਦੁਲ੍ਹਾ ਫਿਰ ਵੀ ਕੁਝ ਨਾ ਬੋਲਿਆ ਤਾਂ ਉਸ ਦਾ ਇਕ ਜਿਗਰੀ ਯਾਰ ਦੌੜਦਾ-ਦੌੜਦਾ ਉਸ ਕੋਲ ਆਇਆ ਤੇ ਉਸ ਦਾ ਹੱਥ ਮਿਲਾਉਂਦਿਆਂ ਉਸ ਦੇ ਕੰਨ 'ਚ ਕੁਝ ਕਿਹਾ | ਜਦ ਕਾਜ਼ੀ ਨੇ ਤੀਸਰੀ ਵਾਰ ਦੁਲ੍ਹੇ ਕੋਲੋਂ ਪੁੱਛਿਆ, 'ਬਰਖੁਰਦਾਰ... ਨਿਕਾਹ ਕਬੂਲ ਏ' ਤਾਂ ਇਹ ਸੁਣ ਦੁਲ੍ਹਾ ਝੱਟ ਬੋਲ ਪਿਆ, 'ਜਨਾਬ! ਕਬੂਲ ਏ!! ਕਬੂਲ ਏ!!! ਕਬੂਲ ਏ!!! ਤਾਂ ਇਹ ਸੁਣ ਚਾਰੇ ਪਾਸੇ ਖ਼ੁਸ਼ੀ ਦੀ ਲਹਿਰ ਦੌੜ ਗਈ, ਤਾਂ ਇਕ ਬਰਾਤੀ ਨੇ ਦੁਲ੍ਹੇ ਦੇ ਦੋਸਤ ਤੋਂ ਪੁੱਛਿਆ, 'ਜਨਾਬ ਤੁਸਾਂ ਦੁਲ੍ਹੇ ਅਬਦੁਲ ਰਹਿਮਾਨ ਦੇ ਕੰਨ 'ਚ ਕੀ ਫੂਕ ਮਾਰੀ ਏ, ਜਦਕਿ ਕਾਜ਼ੀ ਦੇ ਵਾਰ-ਵਾਰ ਪੁੱਛਣ 'ਤੇ ਲਤਰੋਂ ਨਹੀਂ ਖੋਲ੍ਹੀ ਤੇ ਚੁੱਪ ਰਹੇ |'
ਇਹ ਸੁਣ ਦੁਲ੍ਹੇ ਦਾ ਯਾਰ ਮੁਸਕੜੀ ਹੱਸਦਾ ਕਹਿਣ ਲੱਗਾ, 'ਜਨਾਬ! ਕਹਿਣਾ ਕੀ ਸੀ, ਸ਼ਾਇਦ ਤੁਹਾਨੂੰ ਪਤਾ ਨਹੀਂ ਕਿ ਆਪਣਾ ਦੁਲ੍ਹਾ ਰਾਜਾ ਇਕ ਕਲਰਕ ਪਾਸ਼ਾ ਏ | ਜਿੰਨੀ ਦੇਰ ਇਸ ਦੀ ਮੁੱਠੀ ਗਰਮ ਨਾ ਕਰੀਏ, ਇਹ ਕੋਈ ਨੇਕ ਕੰਮ ਨਹੀਂ ਕਰਦਾ | ਮੈਂ ਤਾਂ ਸਿਰਫ਼ ਉਸ ਦੀ ਮੁੱਠੀ 'ਚ ਸੌ ਦਾ ਨਵਾਂ ਨਕੋਰ ਨੋਟ ਦਿੱਤਾ ਤੇ ਉਸ ਨੇ... |'

-ਸਟਰੀਟ ਆਰ. ਕੇ. ਸ਼ਟਰਿੰਗ ਵਾਲੀ, ਇੱਛੇ ਵਾਲਾ ਰੋਡ, ਫਿਰੋਜ਼ਪੁਰ ਸ਼ਹਿਰ |
ਮੋਬਾਈਲ : 90418-26725.

ਕਾਵਿ-ਵਿਅੰਗ: ਕਾਠੀ ਦਾ ਤੰਗ

• ਨਵਰਾਹੀ ਘੁਗਿਆਣਵੀ •
ਡਿੱਗ ਪਿਆ ਮਿਆਰ ਸਿਆਸਤਾਂ ਦਾ,
ਆਮ ਆਦਮੀ, ਜਵ੍ਹਾਂ ਬੇਬੱਸ ਹੋਇਆ |
ਸਹੀ ਸੋਚ ਹਾਲਾਤ ਤੋਂ ਦੁਖੀ ਹੋਈ,
ਘਟੀਆ ਲੀਡਰਾਂ ਦਾ ਘੜਮੱਸ ਹੋਇਆ |
ਮੱਤ ਮਾਰ ਲਈ ਬਹੁਤੀਆਂ ਮੁਸ਼ਕਿਲਾਂ ਨੇ,
ਦਿਲ ਦਾ ਹਾਲ ਨਾ ਕਿਸੇ ਤੋਂ ਦੱਸ ਹੋਇਆ |
ਘੋੜਾ ਦੌੜਿਆ ਫਿਰੇ ਆਜ਼ਾਦ ਹੋ ਕੇ,
ਕਾਠੀ-ਤੰਗ ਨਾ ਕਿਸੇ ਤੋਂ ਕੱਸ ਹੋਇਆ |
-ਨਹਿਰ ਨਜ਼ਾਰਾ, ਨਵਾਂ ਹਰਿੰਦਰ ਨਗਰ, ਫਰੀਦਕੋਟ-151203.
ਮੋਬਾਈਲ : 98150-02302.


...ਮੇਰੀ ਬੋਲੀ ਮੋੜ ਦਿਓ

ਨਵੰਬਰ 66 ਦਾ ਦਿਨ ਸੀ ਪਹਿਲਾ,
ਰਾਜਧਾਨੀ ਪੰਜਾਬੀ ਦੀ |
28 ਪਿੰਡ ਉਜਾੜ ਕੇ,
ਬਲੀ ਲੈ ਲਈ ਛੱਤ ਦੇ ਬਾਲਿਆਂ ਦੀ |
ਕੌਡੀਆਂ ਵੱਟੇ ਖੋਹ ਲਈ ਪੈਲੀ, ਵਿਲਕਦੇ ਰਹਿ ਗਏ ਮਾਂ-ਪਿਓ,
ਹਾਕਮੋਂ ਚੰਡੀਗੜ੍ਹ ਤਾਂ ਦਿੱਤਾ ਨ੍ਹੀਂ, ਮਾਂ ਬੋਲੀ ਮੋੜ ਦਿਓ...
ਚੰਗੀਗੜ੍ਹ ਤੁਸੀਂ ਦੇਣਾ ਨੲੀਂ, ਮੇਰੀ ਬੋਲੀ ਮੋੜ ਦਿਓ... |

ਮਾਂ ਜ਼ੁਬਾਨ ਨੂੰ ਘਰੋਂ ਕੱਢ ਕੇ, ਸਾਜ਼ਿਸ਼ ਤਹਿਤ ਉਜਾੜ ਦਿੱਤਾ |
ਬੜਾ ਅਮੀਰ ਸੀ ਵਿਰਸਾ ਮੇਰਾ, ਨਾਲੇ ਸੀ ਪੁਆਧ ਖਿੱਤਾ |
ਥਾਰਾ-ਮਾਰ੍ਹਾ ਕਰਦੇ ਸੀ, ਹੁਣ ਉੱਡ ਗਈ ਏ ਖ਼ੁਸ਼ਬੋ,
ਚੰਡੀਗੜ੍ਹ ਤਾਂ ਦਿੱਤਾ ਨ੍ਹੀਂ, ਮਾਂ ਬੋਲੀ ਮੋੜ ਦਿਓ... |

ਰੱਬਾ ਦਿਲ ਪੰਜਾਬ ਦਾ ਚੰਡੀਗੜ੍ਹ ਵਿਚ ਰਹਿ ਗਿਆ ਏ,
ਕਦੇ ਨਾ ਪੂਰਾ ਹੋਣਾ ਐਸਾ ਘਾਟਾ ਪੈ ਗਿਆ ਏ |
ਚਿਰਾਂ ਤੋਂ ਬੱਝੇ ਬੂਹੇ 'ਤੇ, ਬੰਦ ਤਾਲਾ ਖੋਲ੍ਹ ਦਿਓ,
ਚੰਡੀਗੜ੍ਹ ਤਾਂ ਦਿੱਤਾ ਨ੍ਹੀਂ, ਮਾਂ ਬੋਲੀ ਮੋੜ ਦਿਓ... |

ਹਉਕੇ ਲੈਂਦੇ ਬੋਹੜ ਤੇ ਬਾਬੇ,
ਐਥੋਂ ਗੁਜ਼ਰ ਗਏ ਨੇ,
ਪੰਜਾਬ ਉਜਾੜਨ ਵਾਲੇ ਆਖਰ,
ਆਪੇ ਉੱਜੜ ਗਏ ਨੇ |
ਹੋਰ ਨਾ ਪਰਖੋ ਸਾਨੂੰ, ਸਾਡੀਆਂ ਤਾਰਾਂ ਜੋੜ ਦਿਓ,
ਚੰਡੀਗੜ੍ਹ ਤਾਂ ਦਿੱਤਾ ਨ੍ਹੀਂ, ਮਾਂ ਬੋਲੀ ਮੋੜ ਦਿਓ... |

'ਪੰਡਵਾਲਾ' ਏ ਪਿੰਡ ਤੇਰਾ, ਚੰਡੀਗੜ੍ਹ ਦੇ ਨਾਲ ਜਿਹੜਾ |
ਤੂੰ ਕਰੇਂ ਸਤਿਕਾਰ ਤੇ 'ਬਾਬੂ' ਕਰਦੇ ਨੇ ਅਪਮਾਨ ਬੜਾ |
ਲੱਸੀ 'ਕੱਲੀ ਰਹਿ ਗਈ, ਵਿਚੋਂ ਕੱਢ ਲਿਆ ਖਾਲਸ ਘਿਓ,
ਹਾਕਮੋਂ ਚੰਡੀਗੜ੍ਹ ਤਾਂ ਦਿੱਤਾ ਨ੍ਹੀਂ, ਮਾਂ ਬੋਲੀ ਮੋੜ ਦਿਓ...
ਵੇ ਸੁਣ ਲਓ ਚੰਡੀਗੜ੍ਹ ਤੁਸੀਂ ਦੇਣਾ ਨੲੀਂ, ਮੇਰੀ ਬੋਲੀ ਮੋੜ ਦਿਓ... |

-ਹੈਪੀ ਪੰਡਵਾਲਾ
ਮੋਬਾਈਲ : 98140-95400.

ਜ਼ਿਮੀਂਦਾਰ ਦਾ ਹੰਕਾਰ

ਇਕ ਵਾਰ ਸੁਕਰਾਤ ਕੋਲ ਇਕ ਜ਼ਿਮੀਂਦਾਰ ਆਇਆ ਜੋ ਆਪਣੀ ਬੇਸ਼ੁਮਾਰ ਧਨ-ਦੌਲਤ ਤੇ ਜ਼ਮੀਨ ਦੇ ਨਸ਼ੇ 'ਚ ਪੂਰੀ ਤਰ੍ਹਾਂ ਹੰਕਾਰੀ ਬਣ ਚੁੱਕਾ ਸੀ |
ਸੁਕਰਾਤ ਨੇ ਪੁੱਛਿਆ, 'ਕਿਸ ਤਰ੍ਹਾਂ ਆਏ ਹੋ?'
'ਤੁਹਾਡੇ ਪਾਸੋਂ ਗਿਆਨ ਦੀਆਂ ਗੱਲਾਂ ਸੁਣਨ ਆਇਆ ਹਾਂ', ਜ਼ਿਮੀਂਦਾਰ ਬੋਲਿਆ |
ਸੁਕਰਾਤ ਨੇ ਕਿਹਾ ਅਹੁ ਸਾਹਮਣਿਓਾ ਵਿਸ਼ਵ ਦਾ ਨਕਸ਼ਾ ਲੈ ਕੇ ਆਓ ਤੇ ਸੁਕਰਾਤ ਨੇ ਉਸ ਨੂੰ ਪੁੱਛਿਆ ਇਸ ਨਕਸ਼ੇ 'ਚ ਦੱਸੋ ਕਿ ਯੂਰਪ ਕਿੱਥੇ ਹੈ ਤੇ ਯੂਨਾਨ ਕਿੱਥੇ ਹੈ?
ਜ਼ਿਮੀਂਦਾਰ ਨੇ ਇਕ ਬਿੰਦੂ 'ਤੇ ਉਂਗਲੀ ਟਿਕਾਈ ਤੇ ਕਿਹਾ ਜੀ ਇਹ ਯੂਨਾਨ ਹੈ | ਸੁਕਰਾਤ ਨੇ ਫਿਰ ਕਿਹਾ, ਅੱਛਾ ਹੁਣ ਦੱਸੋ ਕਿ ਤੇਰੀ ਜ਼ਮੀਨ ਕਿੱਥੇ ਹੈ? ਜ਼ਿਮੀਂਦਾਰ ਬੋਲਿਆ, 'ਜਦੋਂ ਯੂਨਾਨ ਹੀ ਇਕ ਬਿੰਦੂ ਜਿੰਨਾ ਹੈ ਤਾਂ ਮੇਰੀ ਜ਼ਮੀਨ ਇਸ 'ਚ ਕਿੱਥੇ ਮਿਲੇਗੀ?'
ਸੁਕਰਾਤ ਬੋਲੇ, 'ਇਸ ਵੱਡੇ ਨਕਸ਼ੇ 'ਚ ਇਕ ਬਿੰਦੂ ਜਿੰਨੀ ਵੀ ਤੇਰੀ ਜ਼ਮੀਨ ਨਹੀਂ ਹੈ ਤੇ ਤੂੰ ਫਿਰ ਹੰਕਾਰ ਕਿਸ ਗੱਲ ਦਾ ਕਰਦਾ ਹੈਾ |' ਬਸ ਮੈਂ ਤਾਂ ਇਹ ਹੀ ਗਿਆਨ ਦੇ ਸਕਦਾ ਹਾਂ ਕਿ ਹੰਕਾਰ ਨੂੰ ਛੱਡੋ ਫਿਰ ਦੇਖੋ ਜ਼ਿੰਦਗੀ ਜਿਊਣ ਦਾ ਕਿੰਨਾ ਸਵਾਦ ਆਉਂਦਾ ਹੈ | ਜ਼ਿਮੀਂਦਾਰ ਸ਼ਰਮਿੰਦਾ ਹੋ ਕੇ ਸੁਕਰਾਤ ਦੇ ਪੈਰੀਂ ਪੈ ਗਿਆ |

-511, ਖਹਿਰਾ ਇਨਕਲੇਵ, ਜਲੰਧਰ-144007.

ਪਰਖ

ਇਕ ਲੇਖਕ ਨੂੰ ਆਪਣੀ ਲਿਖਣ ਕਲਾ ਦੀ ਬੜੀ ਹਊਮੈ ਸੀ | ਉਸ ਨੇ ਕਦੀ ਕਿਸੇ ਹੋਰ ਦੀ ਰਚਨਾ ਨੂੰ ਸਲਾਹਿਆ ਤੱਕ ਨਹੀਂ ਸੀ | ਦੂਜਾ ਉਹ ਮੰਨਿਆ ਹੋਇਆ ਕਾਮਰੇਡ ਵੀ ਸੀ | ਉਹ ਆਪਣੀ ਕਵਿਤਾ ਪੜ੍ਹਨ ਵੇਲੇ ਸੱਜੇ ਹੱਥ ਦੀ ਮੁੱਠੀ ਬੰਦ ਕਰ ਕੇ ਉੱਪਰ ਹਵਾ ਵਿਚ ਇਸ ਤਰ੍ਹਾਂ ਉਲਾਰਦਾ ਜਿਵੇਂ ਇਨਕਲਾਬ ਆਉਣ ਲਈ ਹੁਣ ਬਹੁਤੀ ਦੇਰ ਨਹੀਂ ਲੱਗਣੀ | ਮੈਂ ਵੀ ਇਕ ਕਵਿਤਾ ਲਿਖ ਕੇ ਉਸ ਦੇ ਕੋਲ ਲੈ ਗਿਆ | ਉਸ ਮੈਨੂੰ ਸਲਾਹ ਦਿੱਤੀ, ਇਹ ਠੀਕ ਨਹੀਂ | ਇਸ ਨੂੰ ਹੋਰ ਸੰਵਾਰ ਕੇ ਲਿਖੋ | ਮੈਂ ਉਸ ਨੂੰ ਸੋਧ ਕੇ ਫਿਰ ਲੈ ਗਿਆ | ਉਸ ਤੋਂ ਜਵਾਬ ਮਿਲਿਆ, ਅਜੇ ਹੋਰ ਕਸਰ ਹੈ ਜ਼ਰਾ ਹੋਰ ਮਿਹਨਤ ਕਰੋ | ਤੀਜੀ ਵਾਰ ਮੈਂ ਉਹੋ ਹੀ ਕਵਿਤਾ ਕੁਝ ਅਦਲਾ-ਬਦਲੀ ਕਰਕੇ ਲੈ ਗਿਆ | ਇਸ ਵਾਰ ਵੀ ਉਸ ਨੇ ਸਿਰ ਫੇਰ ਦਿੱਤਾ | ਕੋਈ ਗੱਲ ਨਹੀਂ ਬਣੀ | ਜਦੋਂ ਮੈਂ ਉਸ ਨੂੰ ਦੱਸਿਆ ਕਿ ਇਹ ਕਵਿਤਾ ਪਾਸ਼ ਦੀ ਹੈ ਤਾਂ ਉਹ ਝੱਟ ਬੋਲ ਪਿਆ, ਇਹ ਕਵਿਤਾ ਤਾਂ ਬੜੀ ਉੱਚ ਪਾਏ ਦੀ ਰਚਨਾ ਹੈ | ਇਹ ਸੁਣ ਕੇ ਮੈਂ ਹੱਸ ਪਿਆ ਤੇ ਸਾਰੀ ਅਸਲੀਅਤ ਦੱਸੀ, 'ਜਨਾਬ ਇਹ ਕਵਿਤਾ ਤਾਂ ਮੇਰੀ ਆਪਣੀ ਲਿਖੀ ਹੈ |' ਹੁਣ ਕਾਮਰੇਡ ਲੇਖਕ ਜ਼ਰਾ ਚੁੱਪ ਜਿਹਾ ਹੋ ਗਿਆ | ਸ਼ਾਇਦ ਉਹ ਮੇਰੀ ਰਚਨਾ ਬਾਰੇ ਹੀ ਸੋਚ ਰਿਹਾ ਸੀ |

-56/9, ਮੁਹੱਲਾ ਉੱਚਾ ਵਿਹੜਾ, ਖੰਨਾ-141401, ਜ਼ਿਲ੍ਹਾ ਲੁਧਿਆਣਾ | ਮੋਬਾਈਲ : 99885-90956.

ਬੁਲਟ ਮੋਟਰਸਾਈਕਲ

ਪਿਛਲੇ ਦਿਨੀਂ ਮੈਂ ਨਿੱਜੀ ਕੰਮ ਲਈ ਬੈਂਕ ਮੈਨੇਜਰ ਦੇ ਕਮਰੇ ਵਿਚ ਬੈਠਾ ਹੋਇਆ ਸਾਂ | ਮੇਰੇ ਨਾਲ ਸੋਫ਼ੇ 'ਤੇ ਬੈਠਾ ਇਕ ਵਿਅਕਤੀ ਮੈਨੇਜਰ ਨੂੰ ਵਾਰ-ਵਾਰ ਕਹਿ ਰਿਹਾ ਸੀ, 'ਮੈਡਮ, ਕਿਸੇ ਨਾ ਕਿਸੇ ਢੰਗ ਨਾਲ ਮੇਰਾ ਕਰਜ਼ਾ ਪਾਸ ਕਰੋ | ਮੰੁਡਾ ਬਹੁਤ ਅੜੀ ਪਿਆ ਹੋਇਐ ਹੈ |' ਮੈਡਮ ਅੱਗੋਂ ਉਸ ਨੂੰ ਆਖ ਰਹੀ ਸੀ, 'ਸ੍ਰੀਮਾਨ ਜੀ, ਮੈਂ ਕਿਵੇਂ ਪਾਸ ਕਰ ਦਿਆਂ ਤੁਹਾਡਾ ਕਰਜ਼ਾ | ਤੁਹਾਡੇ ਪਹਿਲੇ ਕਰਜ਼ੇ ਦੀਆਂ ਤਾਂ ਕਿਸ਼ਤਾਂ ਟੁੱਟੀਆਂ ਹੋਈਆਂ ਹਨ |' ਉਹ ਭਲਾ ਬੰਦਾ ਬੈਂਕ ਮੈਨੈਜਰ ਨੂੰ ਤਰਕ ਦੇ ਰਿਹਾ ਸੀ, 'ਮੈਡਮ ਮੇਰੀ ਸਾਰੀ ਤਨਖ਼ਾਹ ਤੁਹਾਡੇ ਬੈਂਕ ਵਿਚ ਹੀ ਆਉਂਦੀ ਹੈ | ਮੈਂ ਕਿਥੇ ਨੂੰ ਭੱਜ ਜਾਵਾਂਗਾ, ਤੁਹਾਡਾ ਕਰਜ਼ਾ ਮਾਰ ਕੇ |' ਮੈਂ ਉਸ ਸੱਜਣ ਦੀਆਂ ਗੱਲਾਂ ਸੁਣ ਕੇ ਸੋਚ ਰਿਹਾ ਸਾਂ ਕਿ ਇਸ ਵਿਅਕਤੀ ਨੇ ਆਪਣਾ ਮੰੁਡਾ ਕਿਧਰੇ ਵਿਦੇਸ਼ ਭੇਜਣਾ ਹੋਵੇਗਾ, ਇਸ ਲਈ ਇਹ ਕਰਜ਼ਾ ਮੰਗ ਰਿਹੈ | ਮੈਂ ਉਸ ਨੂੰ ਪੁੱਛ ਹੀ ਲਿਆ ਕਿ ਉਹ ਕਿਸ ਮੰਤਵ ਲਈ ਕਰਜ਼ਾ ਮੰਗ ਰਿਹੈ? ਉਹ ਅੱਗੋਂ ਬੋਲਿਆ, 'ਸਰ, ਮੰੁਡਾ ਬੁਲਿਟ ਲੈਣ ਲਈ ਅੜਿਆ ਹੋਇਐ ਹੈ, ਮੇਰੇ ਕੋਲ ਐਨੀ ਮਾਇਆ ਨਹੀਂ ਜਿਸ ਨਾਲ ਉਸ ਦੀ ਇੱਛਾ ਪੂਰੀ ਕਰ ਦਿਆਂ |'
ਉਸ ਦੇ ਸ਼ਬਦ ਸੁਣ ਕੇ ਮੈਨੇਜਰ ਮੈਡਮ ਬੋਲੀ, 'ਚੌਧਰੀ ਸਾਹਬ, ਤੁਹਾਡੇ ਸਿਰ ਤਾਂ ਪਹਿਲਾਂ ਹੀ ਕਰਜ਼ਾ ਬਹੁਤ ਹੈ | ਮੰੁਡੇ ਨੂੰ ਸਮਝਾ ਲਓ |' ਮੈਨੇਜਰ ਦੇ ਸ਼ਬਦ ਸੁਣ ਕੇ ਉਹ ਸੱਜਣ ਬੋਲਿਆ, 'ਮੈਡਮ, ਮੈਂ ਸਾਰੇ ਹੀਲੇ ਕਰਕੇ ਵੇਖ ਲਏ, ਉਹ ਗੱਲ ਸੁਣਨ ਨੂੰ ਤਿਆਰ ਹੀ ਨਹੀਂ | ਇਕੱਲਾ ਪੁੱਤ ਹੈ | ਕਿਧਰੇ ਹੱਥੋਂ ਜਾਂਦਾ ਨਾ ਲੱਗੇ |' ਉਸ ਦਾ ਕਹਿਣਾ ਹੈ ਕਿ ਉਹ ਕਾਲਜ ਉਸ ਦਿਨ ਜਾਵੇਗਾ ਜਿਸ ਦਿਨ ਉਸ ਦੇ ਹੇਠਾਂ ਬੁਲਿਟ ਹੋਵੇਗਾ |

-ਮਾਧਵ ਨਗਰ, ਨੰਗਲ ਟਾਊਨਸ਼ਿਪ (ਰੋਪੜ) |
ਮੋਬਾਈਲ : 98726-27136.





Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX