ਤਾਜਾ ਖ਼ਬਰਾਂ


ਮੁੱਖ ਸਕੱਤਰ ਨਾਲ ਵਿਵਾਦ ਖ਼ਤਮ - ਕੈਬਨਿਟ ਮੰਤਰੀਆਂ ਨੇ ਕਿਹਾ
. . .  10 minutes ago
ਚੰਡੀਗੜ੍ਹ, 27 ਮਈ (ਸੁਰਿੰਦਰਪਾਲ) - ਪੰਜਾਬ ਕੈਬਨਿਟ ਦੀ ਬੈਠਕ ਤੋਂ ਬਾਅਦ ਕੈਬਨਿਟ ਮੰਤਰੀ ਤ੍ਰਿਪਤ ਰਜਿੰਦਰ ਸਿੰਘ ਬਾਜਵਾ ਨੇ ਜਾਣਕਾਰੀ ਦਿੱਤੀ ਕਿ ਬੈਠਕ ਚੰਗੇ ਮਾਹੌਲ 'ਚ ਹੋਈ। ਮੁੱਖ ਸਕੱਤਰ ਦੇ ਨਾਲ ਵਿਵਾਦ 'ਤੇ ਬਾਜਵਾ ਨੇ ਕਿਹਾ ਕਿ ਮਾਮਲਾ ਖ਼ਤਮ ਹੋ ਗਿਆ ਹੈ। ਮਨਪ੍ਰੀਤ...
ਸਟੇਸ਼ਨ 'ਤੇ ਭੁੱਖ ਪਿਆਸ ਕਾਰਨ ਮਾਂ ਦੀ ਮੌਤ, ਬੱਚਾ ਜਗਾਉਣ ਦੀ ਕਰਦਾ ਰਿਹੈ ਕੋਸ਼ਿਸ਼
. . .  30 minutes ago
ਮੁਜੱਫਰਪੁਰ, 27 ਮਈ - ਭਿਆਨਕ ਗਰਮੀ ਤੇ ਭੁੱਖ ਤੋਂ ਬੇਹਾਲ ਹੋ ਕੇ ਬਿਹਾਰ ਦੇ ਮੁਜੱਫਰਪੁਰ ਰੇਲਵੇ ਸਟੇਸ਼ਨ 'ਤੇ ਇਕ ਮਹਿਲਾ ਨੇ ਦਮ ਤੋੜ ਦਿੱਤਾ ਤੇ ਉਸ ਦਾ ਮਾਸੂਮ ਬੱਚਾ ਆਪਣੀ ਮਰੀ ਮਾਂ 'ਤੇ ਦਿੱਤੀ ਚਾਦਰ ਨੂੰ ਹਟਾ ਕੇ ਉਸ ਨੂੰ ਜਗਾਉਣ ਦੀ ਕੋਸ਼ਿਸ਼ ਕਰਦਾ ਰਿਹਾ। ਇਸ ਘਟਨਾ...
ਲਾਕਡਾਊਨ - 5 'ਚ 11 ਸ਼ਹਿਰਾਂ 'ਤੇ ਰਹਿ ਸਕਦੈ ਧਿਆਨ
. . .  40 minutes ago
ਨਵੀਂ ਦਿੱਲੀ, 27 ਮਈ - ਕੋਰੋਨਾ ਸੰਕਟ ਦੇ ਮੱਦੇਨਜਰ ਲਾਕਡਾਊਨ ਦੇ ਪੰਜਵੇਂ ਪੜਾਅ ਦਾ ਖਾਕਾ ਤਿਆਰ ਹੋ ਰਿਹਾ ਹੈ। ਸੂਤਰਾਂ ਮੁਤਾਬਿਕ ਲਾਕਡਾਊਨ 5.0 ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜਲਦ ਹੀ ਮਨ ਕੀ ਬਾਤ ਕਰ ਸਕਦੇ ਹਨ। ਲਾਕਡਾਊਨ ਦੇ ਪੰਜਵੇਂ ਪੜਾਅ 'ਚ ਕੋਰੋਨਾ...
ਵਾਹਗਾ ਪਹੁੰਚੇ ਪਾਕਿ ਨਾਗਰਿਕਾਂ ਨੂੰ ਕੀਤਾ ਕੁਆਰੰਟੀਨ
. . .  about 1 hour ago
ਅੰਮ੍ਰਿਤਸਰ, 27 ਮਈ (ਸੁਰਿੰਦਰ ਕੋਛੜ) - ਭਾਰਤ 'ਚ ਫਸੇ ਲਗਭਗ 179 ਪਾਕਿਸਤਾਨੀ ਨਾਗਰਿਕਾਂ ਦੇ ਅੱਜ ਆਈ. ਸੀ. ਪੀ. ਅਟਾਰੀ ਰਾਹੀਂ ਵਾਹਗਾ ਪਹੁੰਚਣ 'ਤੇ ਉਨ੍ਹਾਂ ਦੀ ਮੁੱਢਲੀ ਜਾਂਚ ਉਪਰੰਤ ਪਾਕਿਸਤਾਨੀ ਅਧਿਕਾਰੀਆਂ ਵੱਲੋਂ ਉਨ੍ਹਾਂ ਨੂੰ ਲਾਹੌਰ ਕੁਆਰੰਟੀਨ ਸੈਂਟਰ ਵਿਖੇ ਭੇਜ...
ਮੁੱਖ ਮੰਤਰੀ ਦੀ ਲੰਚ ਡਿਪਲੋਮੈਸੀ ਆਈ ਕੰਮ
. . .  about 1 hour ago
ਚੰਡੀਗੜ੍ਹ, 27 ਮਈ (ਵਿਕਰਮਜੀਤ ਸਿੰਘ ਮਾਨ) - ਮੰਤਰੀ ਮੰਡਲ ਦੀ ਮੀਟਿੰਗ 'ਚ ਮੁੱਖ ਸਕੱਤਰ ਦੇ ਸ਼ਾਮਲ ਹੋਣ 'ਤੇ ਬਣੀ ਸਹਿਮਤੀ ਪਿੱਛੇ ਪਿਛਲੇ ਦਿਨੀਂ ਮੁੱਖ ਮੰਤਰੀ ਵੱਲੋਂ ਕੀਤੀ ਲੰਚ ਡਿਪਲੋਮੇਸੀ ਨੂੰ ਵੱਡਾ ਕਾਰਨ ਦੱਸਿਆ ਜਾ ਰਿਹਾ ਹੈ। ਜਿਸ ਦੇ ਸਿੱਟੇ ਵਜੋਂ ਮੰਤਰੀ ਮੰਡਲ ਦੀ ਮੀਟਿੰਗ...
ਮੁੱਖ ਸਕੱਤਰ ਵੀ ਸ਼ਾਮਲ ਹੋਏ ਮੰਤਰੀ ਮੰਡਲ ਦੀ ਮੀਟਿੰਗ 'ਚ
. . .  about 1 hour ago
ਚੰਡੀਗੜ੍ਹ, 27 ਮਈ (ਵਿਕਰਮਜੀਤ ਮਾਨ) - ਪਿਛਲੇ ਦਿਨੀਂ ਮੰਤਰੀਆਂ ਅਤੇ ਮੁੱਖ ਸਕੱਤਰ ਵਿਚਾਲੇ ਛਿੜੇ ਵਿਵਾਦ ਮਗਰੋਂ ਅੱਜ ਹੋ ਰਹੀ ਮੰਤਰੀ ਮੰਡਲ ਦੀ ਮੀਟਿੰਗ ਵਿਚ ਮੁੱਖ ਸਕੱਤਰ ਵੀ ਸ਼ਾਮਲ ਹੋਏ ਹਨ । ਇਸ ਤੋਂ ਇਹ ਅੰਦਾਜਾ ਲਗਾਇਆ ਜਾ ਰਿਹਾ ਹੈ ਕਿ ਮੰਤਰੀ ਮੁੱਖ ਸਕੱਤਰ ਵਿਵਾਦ ਫਿਲਹਾਲ ਖ਼ਤਮ...
ਨਗਰ ਨਿਗਮ ਪਟਿਆਲਾ ਦੇ ਮੇਅਰ ਵਾਤਾਵਰਨ ਨੂੰ ਸ਼ੁੱਧ ਰੱਖਣ ਲਈ ਚਲਾ ਰਹੇ ਹਨ ਸਾਈਕਲ
. . .  about 1 hour ago
ਪਟਿਆਲਾ, 27 ਮਈ (ਗੁਰਪ੍ਰੀਤ ਸਿੰਘ ਚੱਠਾ) - ਵਾਤਾਵਰਨ ਨੂੰ ਸ਼ੁੱਧ ਰੱਖਣ ਲਈ ਨਗਰ ਨਿਗਮ ਪਟਿਆਲਾ ਦੇ ਮੇਅਰ ਸੰਜੀਵ ਸ਼ਰਮਾ ਬਿੱਟੂ ਨੇ ਆਪਣੇ ਆਪ ਨਾਲ ਵਾਅਦਾ ਕੀਤਾ ਹੈ ਕਿ ਉਹ ਰੋਜ਼ਾਨਾ ਆਪਣੇ ਘਰ ਤੋਂ ਕਾਰਪੋਰੇਸ਼ਨ ਦਫ਼ਤਰ ਤੱਕ ਸਾਈਕਲ ਤੇ ਜਾਣਗੇ। ਇਸ...
ਭਾਰਤ ਨਾਲ ਸਰਹੱਦ 'ਤੇ ਹਾਲਾਤ ਕਾਬੂ ਹੇਠ - ਚੀਨ
. . .  about 1 hour ago
ਬੀਜਿੰਗ, 27 ਮਈ - ਚੀਨ ਨੇ ਅੱਜ ਕਿਹਾ ਹੈ ਕਿ ਭਾਰਤ ਨਾਲ ਲਗਦੀ ਸਰਹੱਦ 'ਤੇ ਹਾਲਾਤ ਸਥਿਰ ਹਨ ਤੇ ਕਾਬੂ ਹੇਠ ਹਨ ਅਤੇ ਦੋਵੇਂ ਦੇਸ਼ ਢੁੱਕਵੇਂ ਤੰਤਰ ਤੇ ਸੰਚਾਰ ਰਾਹੀਂ ਮੁੱਦਿਆਂ ਨੂੰ ਗੱਲਬਾਤ ਨਾਲ ਹੱਲ ਕਰ ਰਹੇ ਹਨ। ਚੀਨ ਵਲੋਂ ਇਹ ਬਿਆਨ ਉਸ ਵਕਤ ਆਇਆ ਹੈ, ਜਦੋਂ ਦੋਵੇਂ...
ਭਾਰਤ-ਪਾਕਿਸਤਾਨ ਸਰਹੱਦ ਤੋਂ ਨਾਰਕੋਟਿਕਸ ਸੈਲ ਵਲੋਂ 10 ਕਰੋੜ ਦੀ ਹੈਰੋਇਨ ਅਤੇ 280 ਗ੍ਰਾਮ ਅਫੀਮ ਬਰਾਮਦ
. . .  about 2 hours ago
ਤਰਨ ਤਾਰਨ, 27 ਮਈ (ਹਰਿੰਦਰ ਸਿੰਘ)—ਨਾਰਕੋਟਿਕਸ ਸੈਲ ਤਰਨ ਤਾਰਨ ਦੀ ਪੁਲਿਸ ਵਲੋਂ ਗੁਪਤ ਸੂਚਨਾ ਦੇ ਅਧਾਰ ਤੇ ਭਾਰਤ-ਪਾਕਿਸਤਾਨ ਸਰਹੱਦ ਤੋਂ ਪਾਕਿਸਤਾਨੀ ਸਮੱਗਲਰਾਂ ਵਲੋਂ ਭਾਰਤੀ ਖੇਤਰ ਵਿਚ ਕਣਕ ਦੇ ਖੇਤਾਂ ਵਿਚ ਨੱਪੀ 2 ਕਿਲੋ 20 ਗ੍ਰਾਮ ਹੈਰੋਇਨ ਅਤੇ 280 ਗ੍ਰਾਮ...
ਡੀ.ਐਸ.ਪੀਜ਼ ਨੇ ਸੰਭਾਲਿਆ ਆਪਣਾ ਆਪਣਾ ਅਹੁਦਾ
. . .  about 2 hours ago
ਬਾਘਾਪੁਰਾਣਾ/ਗੁਰੂ ਹਰ ਸਹਾਏ, 27 ਮਈ (ਬਲਰਾਜ ਸਿੰਗਲਾ/ਕਪਿਲ ਕੰਧਾਰੀ, ਹਰਚਰਨ ਸਿੰਘ ਸੰਧੂ) - ਬਾਘਾ ਪੁਰਾਣਾ ਦੇ ਡੀ.ਐਸ.ਪੀ. ਰਵਿੰਦਰ ਸਿੰਘ ਦਾ ਤਬਾਦਲਾ ਹੋਣ ਜਾਣ ਕਾਰਨ ਉਨ੍ਹਾਂ ਦੀ ਥਾਂ ਬਦਲ ਕੇ ਆਏ ਡੀ.ਐਸ.ਪੀ. ਜਸਵਿੰਦਰ ਸਿੰਘ ਨੇ ਬਾਘਾ ਪੁਰਾਣਾ ਵਿਖੇ ਆਪਣੇ...
ਅਟਾਰੀ ਵਾਹਗਾ ਸਰਹੱਦ ਰਾਹੀਂ 179 ਪਾਕਿ ਨਾਗਰਿਕਾਂ ਦੀ ਹੋਈ ਵਾਪਸੀ
. . .  about 2 hours ago
ਅੰਮ੍ਰਿਤਸਰ, 27 ਮਈ (ਸੁਰਿੰਦਰ ਕੋਛੜ) - ਭਾਰਤੀ ਗ੍ਰਹਿ ਮੰਤਰਾਲੇ ਵੱਲੋਂ ਤਾਲਾਬੰਦੀ ਦੇ ਬਾਵਜੂਦ ਭਾਰਤ 'ਚ ਫਸੇ ਲਗਭਗ 179 ਹੋਰ ਪਾਕਿਸਤਾਨੀ ਨਾਗਰਿਕਾਂ ਨੂੰ ਅਟਾਰੀ-ਵਾਹਗਾ ਸਰਹੱਦ ਰਾਹੀਂ ਅੱਜ ਪਾਕਿਸਤਾਨ ਰਵਾਨਾ ਕੀਤਾ ਗਿਆ। ਇਹ ਪਾਕਿ ਨਾਗਰਿਕ ਤਾਲਾਬੰਦੀ...
ਬਿਜਲੀ ਬਿੱਲ ਤੇ ਸਕੂਲ ਫ਼ੀਸਾਂ ਦੀ ਮੁਆਫ਼ੀ ਨੂੰ ਲੈ ਕੇ 'ਆਪ' ਵੱਲੋਂ ਕੇਂਦਰ ਅਤੇ ਸੂਬਾ ਸਰਕਾਰ ਖਿਲਾਫ਼ ਰੋਸ ਪ੍ਰਦਰਸ਼ਨ
. . .  about 2 hours ago
ਟਾਂਡਾ ਉੜਮੁੜ, 27 ਮਈ ( ਦੀਪਕ ਬਹਿਲ) - ਆਮ ਆਦਮੀ ਪਾਰਟੀ ਹਲਕਾ ਟਾਂਡਾ ਵੱਲੋਂ ਹਲਕਾ ਇੰਚਾਰਜ ਟਾਂਡਾ ਹਰਮੀਤ ਸਿੰਘ ਔਲਖ ਦੀ ਅਗਵਾਈ ਹੇਠ ਟਾਂਡਾ ਚ ਬਿਜਲੀ ਬਿੱਲ ਅਤੇ ਸਕੂਲ ਫ਼ੀਸਾਂ ਦੀ ਮੁਆਫ਼ੀ ਦੀ ਮੰਗ ਨੂੰ ਲੈ ਕੇ ਅੱਜ ਕੇਂਦਰ ਅਤੇ ਸੂਬਾ ਸਰਕਾਰ ਖਿਲਾਫ...
ਜਲੰਧਰ ਦਿਹਾਤੀ ਪੁਲਿਸ ਨੇ ਭਾਰੀ ਮਾਤਰਾ 'ਚ ਅਫ਼ੀਮ ਕੀਤੀ ਬਰਾਮਦ, ਦੋ ਕਾਬੂ
. . .  about 2 hours ago
ਜਲੰਧਰ, 27 ਮਈ - ਜਲੰਧਰ ਦਿਹਾਤੀ ਪੁਲਿਸ ਨੂੰ ਵੱਡੀ ਕਾਮਯਾਬੀ ਮਿਲੀ ਹੈ। ਜਲੰਧਰ ਦਿਹਾਤੀ ਪੁਲਿਸ ਨੇ ਨਾਕੇਬੰਦੀ ਦੌਰਾਨ ਇਕ ਇਨੋਵਾ ਦੀ ਤਲਾਸ਼ੀ ਲੈਣ 'ਤੇ 6 ਕਿੱਲੋ ਅਫ਼ੀਮ ਬਰਾਮਦ ਕੀਤੀ ਹੈ। ਇਸ ਮਾਮਲੇ 'ਚ ਜਲੰਧਰ ਦਿਹਾਤੀ ਪੁਲਿਸ...
ਕਿਸਾਨੀ ਮੰਗਾਂ ਨੂੰ ਲੈ ਕੇ ਕੁਲ ਹਿੰਦ ਕਿਸਾਨ ਸਭਾ ਵਲੋਂ ਰੋਸ ਮੁਜ਼ਾਹਰਾ
. . .  about 2 hours ago
ਗੜ੍ਹਸ਼ੰਕਰ, 27 ਮਈ (ਧਾਲੀਵਾਲ)- ਕੁਲ ਹਿੰਦ ਕਿਸਾਨ ਸੰਘਰਸ਼ ਤਾਲਮੇਲ ਕਮੇਟੀ ਦੀਆਂ 234 ਕਿਸਾਨ ਜਥੇਬੰਦੀਆਂ ਦੇ ਸੱਦੇ 'ਤੇ ਕੁਲ ਹਿੰਦ ਕਿਸਾਨ ਸਭਾ ਵੱਲੋਂ ਐੱਸ.ਡੀ.ਐੱਮ. ਦਫ਼ਤਰ ਗੜ੍ਹਸ਼ੰਕਰ ਵਿਖੇ ਰੋਸ ਮੁਜ਼ਾਹਰਾ ਕਰਦਿਆਂ ਐੱਸ.ਡੀ.ਐੱਮ. ਹਰਬੰਸ ਸਿੰਘ ਨੂੰ ਮੰਗ ਪੱਤਰ...
ਕੈਨੇਡਾ 'ਚ ਮਾਪਿਆਂ ਦੇ ਇਕਲੌਤੇ ਬੇਟੇ ਦੀ ਮੌਤ
. . .  about 1 hour ago
ਭਿੰਡੀ ਸੈਦਾਂ (ਅੰਮ੍ਰਿਤਸਰ), 27 ਮਈ (ਪ੍ਰਿਤਪਾਲ ਸਿੰਘ ਸੂਫ਼ੀ) - ਰੋਜ਼ੀ ਰੋਟੀ ਖ਼ਾਤਰ ਕੈਨੇਡਾ ਦੇ ਸ਼ਹਿਰ ਟੋਰਾਂਟੋ 'ਚ ਟਰੱਕ ਡਰਾਈਵਰੀ ਕਰਦੇ ਕਸਬਾ ਭਿੰਡੀ ਸੈਦਾਂ ਦੇ ਨੌਜਵਾਨ ਸੰਗਮਪ੍ਰੀਤ ਸਿੰਘ ਗਿੱਲ (24) ਪੁੱਤਰ ਹਰਪਾਲ ਸਿੰਘ ਗਿੱਲ ਦੀ ਅੱਜ ਸਵੇਰੇ ਤੜਕਸਾਰ ਬਰਮਪਟਨ ਨਜ਼ਦੀਕ...
ਸਿੱਧੂ ਮੂਸੇਵਾਲਾ ਮਾਮਲਾ : ਚਾਰ ਪੁਲਿਸ ਮੁਲਾਜ਼ਮਾਂ ਨੂੰ ਮਿਲੀ ਅਗਾਊਂ ਜਮਾਨਤ
. . .  about 3 hours ago
ਸੰਗਰੂਰ, 27 ਮਈ (ਧੀਰਜ ਪਸ਼ੋਰੀਆ) - ਗਾਇਕ ਸਿੱਧੂ ਮੂਸੇਵਾਲਾ ਦੀ ਕੁੱਝ ਪੁਲਿਸ ਮੁਲਾਜ਼ਮਾਂ ਨਾਲ ਇਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਉਨ੍ਹਾਂ ਖਿਲਾਫ ਸਦਰ ਪੁਲਿਸ ਥਾਣਾ ਧੂਰੀ ਵਿਖੇ ਦਰਜ ਮਾਮਲੇ ਵਿਚ ਚਾਰ ਪੁਲਿਸ ਮੁਲਾਜ਼ਮਾਂ ਨੂੰ ਸੰਗਰੂਰ ਅਦਾਲਤ ਤੋਂ ਅਗਾਊਂ ਜ਼ਮਾਨਤ...
ਜ਼ਿਲ੍ਹਾ ਗੁਰਦਾਸਪੁਰ ਤੇ ਪਠਾਨਕੋਟ 'ਚ ਇਕ - ਇਕ ਮਰੀਜ਼ ਕੋਰੋਨਾ ਪਾਜ਼ੀਟਿਵ ਪਾਏ ਗਏ
. . .  about 3 hours ago
ਦੋਰਾਂਗਲਾ/ਪਠਾਨਕੋਟ 27 ਮਈ (ਲਖਵਿੰਦਰ ਸਿੰਘ ਚੱਕਰਾਜਾ/ਸੰਧੂ) - ਜ਼ਿਲ੍ਹਾ ਗੁਰਦਾਸਪੁਰ ਨਾਲ ਸਬੰਧਿਤ ਕਸਬਾ ਦੋਰਾਂਗਲਾ ਦਾ ਇਕ ਵਿਅਕਤੀ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ ਹੈ। ਉਕਤ ਵਿਅਕਤੀ ਮੁੰਬਈ ਵਿਖੇ ਕੰਮ ਕਰਦਾ ਸੀ ਜੋ ਬੀਤੇ ਦਿਨੀਂ ਹੀ ਇੱਥੇ ਵਾਪਸ ਪਰਤਿਆ ਸੀ। ਜਿਸ...
ਦਿੱਲੀ 'ਚ ਪਿਛਲੇ 24 ਘੰਟਿਆਂ 'ਚ 792 ਕੋਰੋਨਾ ਵਾਇਰਸ ਦੇ ਆਏ ਕੇਸ
. . .  about 3 hours ago
ਨਵੀਂ ਦਿੱਲੀ, 27 ਮਈ - ਦਿੱਲੀ ਵਿਚ ਕੋਰੋਨਾਵਾਰਿਸ ਦੇ ਕੇਸਾਂ ਵਿਚ ਵੱਡਾ ਵਾਧਾ ਹੁੰਦੇ ਹੋਏ ਪਿਛਲੇ 24 ਘੰਟਿਆਂ ਵਿਚ 792 ਪਾਜ਼ੀਟਿਵ ਕੇਸ ਸਾਹਮਣੇ ਆ ਗਏ ਹਨ। ਇਸ ਤਰ੍ਹਾਂ ਰਾਜਧਾਨੀ ਵਿਚ 15257 ਕੇਸ ਹੋ ਗਏ...
ਸੁਸ਼ੀਲ ਸ਼ਰਮਾ ਨੂੰ ਜਲੰਧਰ ਭਾਜਪਾ ਦਾ ਪ੍ਰਧਾਨ ਬਣਾਇਆ ਗਿਆ
. . .  about 4 hours ago
ਜਲੰਧਰ, 27 ਮਈ (ਸ਼ਿਵ) - ਕੌਂਸਲਰ ਸੁਸ਼ੀਲ ਸ਼ਰਮਾ ਨੂੰ ਜਲੰਧਰ ਭਾਜਪਾ ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ...
ਪਟਿਆਲਾ 'ਚ ਯੂਥ ਕਾਂਗਰਸੀਆਂ ਨੇ ਵੱਡੀ ਗਿਣਤੀ ਵਿਚ ਕੀਤਾ ਖ਼ੂਨਦਾਨ
. . .  about 4 hours ago
ਪਟਿਆਲਾ, 27 ਮਈ (ਅਮਰਬੀਰ ਸਿੰਘ ਆਹਲੂਵਾਲੀਆ) - ਯੂਥ ਕਾਂਗਰਸ ਪਟਿਆਲਾ ਦੇ ਪ੍ਰਧਾਨ ਸੰਜੀਵ ਕੁਮਾਰ ਕਾਲੂ ਦੀ ਅਗਵਾਈ ਵਿਚ ਵੱਡੀ ਗਿਣਤੀ ਵਿਚ ਯੂਥ ਕਾਂਗਰਸੀਆਂ ਨੇ ਖ਼ੂਨਦਾਨ ਕੀਤਾ। ਇਸ ਮੌਕੇ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਜਿਸ ਤਰ੍ਹਾਂ ਕੋਰੋਨਾ ਵਾਇਰਸ...
ਕਿਸਾਨੀ ਮੰਗਾਂ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਦੇ ਨਾਂਅ ਮੰਗ ਪੱਤਰ
. . .  about 4 hours ago
ਗੁਰੂ ਹਰ ਸਹਾਏ, 27 ਮਈ (ਹਰਚਰਨ ਸਿੰਘ ਸੰਧੂ/ਕਪਿਲ ਕੰਧਾਰੀ) - ਸਾਰੇ ਭਾਰਤ ਵਿਚ ਕਿਸਾਨ ਬਚਾਓ, ਦੇਸ਼ ਬਚਾਓ ਦਿਵਸ ਮੌਕੇ ਕੁੱਲ ਹਿੰਦ ਕਿਸਾਨ ਸੰਘਰਸ਼ 'ਚ ਸ਼ਾਮਲ 10 ਕਿਸਾਨ ਜਥੇਬੰਦੀਆਂ ਵਲੋਂ ਰੋਸ ਪ੍ਰਦਰਸ਼ਨ ਕਰਦੇ ਹੋਏ ਕਿਸਾਨਾਂ ਦੀਆਂ ਮੰਗਾਂ ਪ੍ਰਧਾਨ ਮੰਤਰੀ ਦੇ ਨਾਂਅ 'ਤੇ...
ਅੰਮ੍ਰਿਤਸਰ 'ਚ ਸ਼ਾਰਟ ਸਰਕਟ ਕਾਰਨ ਲੱਗੀ ਅੱਗ, ਨਗਰ ਨਿਗਮ ਵੱਲੋਂ ਰੱਖਿਆ ਸਾਮਾਨ ਸੜ ਕੇ ਸੁਆਹ
. . .  about 4 hours ago
ਅੰਮ੍ਰਿਤਸਰ, 27 ਮਈ (ਰਾਜੇਸ਼ ਕੁਮਾਰ ਸੰਧੂ) - ਅੱਜ ਸਵੇਰ ਤੜਕਸਾਰ ਸ਼ਾਰਟ ਸਰਕਟ ਕਾਰਨ ਨਿਗਮ ਦੀ ਜ਼ਮੀਨ 'ਤੇ ਰੱਖੇ ਸਾਮਾਨ ਨੂੰ ਭਿਆਨਕ ਅੱਗ ਲਗ ਗਈ। ਜਿਸ ਦੇ ਨਾਲ ਨਗਰ ਨਿਗਮ ਦੇ ਇਸ਼ਤਿਹਾਰ ਵਿਭਾਗ ਅਤੇ ਜ਼ਮੀਨ ਵਿਭਾਗ ਵੱਲੋਂ ਜ਼ਿਲ੍ਹੇ ਵਿਚ ਲੱਗੇ ਨਾਜਾਇਜ਼...
ਪਾਤੜਾਂ ਨੇੜ੍ਹੇ ਡਰੇਨ ਵਿਚ ਕਾਰ ਡਿੱਗ ਜਾਣ ਤੇ 2 ਨੌਜਵਾਨਾਂ ਦੀ ਮੌਤ
. . .  about 4 hours ago
ਪਾਤੜਾਂ, 27 ਮਈ (ਜਗਦੀਸ਼ ਸਿੰਘ ਕੰਬੋਜ, ਗੁਰਇਕਬਾਲ ਸਿੰਘ ਖਾਲਸਾ) - ਕੌਮੀ ਮਾਰਗ ਤੇ ਪਿੰਡ ਦੁਗਾਲ ਦੇ ਨੇੜ੍ਹੇ ਇਕ ਤੇਜ ਰਫਤਾਰ ਗੱਡੀ ਡਰੇਨ ਵਿਚ ਜਾ ਡਿੱਗੀ ਅਤੇ ਇਸ ਵਿਚ ਸਵਾਰ 2 ਨੌਜਵਾਨਾਂ ਦੀ ਮੌਤ ਹੋ ਗਈ ਅਤੇ ਜਦੋਂ ਕਿ ਗੰਭੀਰ ਹਾਲਤ ਵਿੱਚ ਜਖਮੀ ਤਿੰਨਾਂ ਨੂੰ ਪਟਿਆਲਾ ਲਈ ਰੈਫਰ ਕਰ ਦਿੱਤਾ...
ਅਕਾਲੀ ਦਲ ਸੁਤੰਤਰ ਦੇ ਕੌਮੀ ਪ੍ਰਧਾਨ ਨੂੰ ਡੀ.ਸੀ. ਪਟਿਆਲਾ ਦੇ ਦਫ਼ਤਰ ਅੱਗੇ ਧਰਨਾ ਦੇਣ ਤੋਂ ਰੋਕਿਆ
. . .  about 4 hours ago
ਨਾਭਾ, 27 ਮਈ (ਅਮਨਦੀਪ ਸਿੰਘ ਲਵਲੀ) - ਅਕਾਲੀ ਦਲ ਸੁਤੰਤਰ ਦੇ ਕੌਮੀ ਪ੍ਰਧਾਨ ਪਰਮਜੀਤ ਸਿੰਘ ਸਹੋਲੀ ਨੂੰ ਅੱਜ ਡਿਪਟੀ ਕਮਿਸ਼ਨਰ ਪਟਿਆਲਾ ਦੇ ਦਫ਼ਤਰ ਅੱਗੇ ਧਰਨਾ ਦੇਣ ਜਾਣ ਤੋਂ ਡੀਐੱਸਪੀ ਨਾਭਾ ਰਾਜੇਸ਼ ਛਿੱਬਰ ਕੋਤਵਾਲੀ ਮੁਖੀ ਸਰਬਜੀਤ ਚੀਮਾ ਅਤੇ ਪੁਲਿਸ ਫੋਰਸ ਵੱਲੋਂ ਰੋਕਿਆ ਗਿਆ। ਗੱਲਬਾਤ...
ਟੀ-20 ਵਿਸ਼ਵ ਕੱਪ ਦੇ 2022 ਤੱਕ ਮੁਲਤਵੀ ਹੋਣ ਦੀ ਸੰਭਾਵਨਾ - ਆਈ.ਸੀ.ਸੀ ਸੂਤਰ
. . .  about 5 hours ago
ਮੁੰਬਈ, 27 ਮਈ - ਆਈ.ਸੀ.ਸੀ ਸੂਤਰਾਂ ਅਨੁਸਾਰ ਕੋਰੋਨਾ ਦੇ ਚੱਲਦਿਆਂ ਟੀ-20 ਵਿਸ਼ਵ ਕੱਪ ਦੇ 2022 ਤੱਕ ਮੁਲਤਵੀ ਹੋਣ ਦੀ ਸੰਭਾਵਨਾ ਹੈ। ਹਾਲੇ ਤੱਕ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ...
ਹੋਰ ਖ਼ਬਰਾਂ..

ਫ਼ਿਲਮ ਅੰਕ

ਆ ਰਹੀ ਹੈ 'ਗੁਲਾਬੋ ਸਿਤਾਬੋ'

ਪਹਿਲਾਂ 'ਜਿਸਮ', 'ਪਾਪ', 'ਪਿੰਕ' ਆਦਿ ਫ਼ਿਲਮਾਂ ਦਾ ਨਿਰਮਾਣ ਕਰਨ ਵਾਲੇ ਨਿਰਮਾਤਾ ਸ਼ੀਲ ਕੁਮਾਰ ਹੁਣ ਅਮਿਤਾਭ ਬੱਚਨ ਅਤੇ ਆਯੂਸ਼ਮਾਨ ਖੁਰਾਣਾ ਨੂੰ ਲੈ ਕੇ 'ਗੁਲਾਬੋ ਸਿਤਾਬੋ' ਲੈ ਕੇ ਆਏ ਹਨ। ਸੁਜੀਤ ਸਰਕਾਰ ਵਲੋਂ ਨਿਰਦੇਸ਼ਿਤ ਕੀਤੀ ਗਈ ਇਹ ਫ਼ਿਲਮ ਜਦੋਂ ਬਣ ਰਹੀ ਸੀ ਉਦੋਂ ਇਸ ਦੀ ਚਰਚਾ ਇਸ ਵਿਚ ਅਮਿਤਾਭ ਦੇ ਬਜ਼ੁਰਗ ਇਨਸਾਨ ਦੀ ਦਿੱਖ ਨੂੰ ਲੈ ਕੇ ਕਾਫ਼ੀ ਹੁੰਦੀ ਰਹੀ ਸੀ।
ਲਾਕਡਾਊਨ ਤੇ ਸਮਾਜਿਕ ਦੂਰੀ ਦੇ ਚਲਦਿਆਂ ਅੱਜ ਦੇ ਮਾਹੌਲ ਵਿਚ ਜਦੋਂ ਫ਼ਿਲਮਾਂ ਦੇ ਪ੍ਰਦਰਸ਼ਨ 'ਤੇ ਕਈ ਸਵਾਲ ਖੜ੍ਹੇ ਹੋ ਗਏ ਹਨ ਤਾਂ ਇਸ ਤਰ੍ਹਾਂ ਦੇ ਮਾਹੌਲ 'ਚ ਸ਼ੀਲ ਕੁਮਾਰ ਨੇ ਆਪਣੀ ਫ਼ਿਲਮ ਨੂੰ ਓ. ਟੀ. ਟੀ. ਪਲੇਟਫਾਰਮ ਰਾਹੀਂ ਲੋਕਾਂ ਤੱਕ ਪਹੁੰਚਾਉਣ ਦਾ ਨਿਰਣਾ ਲਿਆ ਹੈ। ਇਹ ਬਾਲੀਵੁੱਡ ਦੀ ਪਹਿਲੀ ਇਸ ਤਰ੍ਹਾਂ ਦੀ ਵੱਡੇ ਬਜਟ ਵਾਲੀ ਫ਼ਿਲਮ ਹੈ, ਜੋ ਓ. ਟੀ. ਟੀ. ਹੇਠ ਰਿਲੀਜ਼ ਹੋਵੇਗੀ ਅਤੇ ਇਹ 12 ਜੂਨ ਨੂੰ ਪ੍ਰਦਰਸ਼ਿਤ ਹੋ ਰਹੀ ਹੈ। ਓ. ਟੀ. ਟੀ. ਭਾਵ 'ਓਵਰ ਦ ਟੌਪ'। ਭਾਵ ਸਿਨੇਮਾ ਘਰ ਜਾਂ ਸੈਟੇਲਾਈਟ ਚੈਨਲ ਦੇ ਮਾਧਿਅਮ ਤੋਂ ਪਰ੍ਹੇ ਰਹਿ ਕੇ ਫ਼ਿਲਮ ਨੂੰ ਲੋਕਾਂ ਤੱਕ ਪਹੁੰਚਾਉਣ ਦਾ ਮਾਧਿਅਮ। ਨੈੱਟ ਫਿਲਕਸ ਆਦਿ ਨਾਂਅ ਓ. ਟੀ. ਟੀ. ਦੀ ਦੁਨੀਆ ਵਿਚ ਵੱਡੇ ਮੰਨੇ ਜਾਂਦੇ ਹਨ ਅਤੇ 'ਗੁਲਾਬੋ ਸਿਤਾਬੋ' ਨੂੰ ਐਮਾਜ਼ੋਨ ਵਲੋਂ ਰਿਲੀਜ਼ ਕੀਤਾ ਜਾ ਰਿਹਾ ਹੈ। ਸ਼ੀਲ ਕੁਮਾਰ ਨੂੰ ਖੁਸ਼ੀ ਹੈ ਕਿ ਅਖੀਰ ਉਨ੍ਹਾਂ ਦੀ ਫ਼ਿਲਮ ਲੋਕਾਂ ਤੱਕ ਪਹੁੰਚ ਰਹੀ ਹੈ। ਉਹ ਕਹਿੰਦੇ ਹਨ, 'ਅਸੀਂ ਇਸ ਫ਼ਿਲਮ ਨੂੰ ਸਿਨੇਮਾ ਘਰਾਂ ਵਿਚ ਲਿਆਉਣ ਦੀ ਯੋਜਨਾ 'ਤੇ ਕੰਮ ਕਰ ਰਹੇ ਸੀ ਕਿ ਤਾਲਾਬੰਦੀ ਦਾ ਐਲਾਨ ਹੋ ਗਿਆ ਅਤੇ ਦੇਸ਼ ਦੇ ਸਿਨੇਮਾ ਘਰਾਂ ਦੇ ਦਰਵਾਜ਼ੇ ਬੰਦ ਕਰ ਦਿੱਤੇ ਗਏ। ਅੱਜ ਦੀ ਤਰੀਕ ਵਿਚ ਇਹ ਕਿਹਾ ਨਹੀਂ ਜਾ ਸਕਦਾ ਕਿ ਸਿਨੇਮਾ ਘਰ ਕਦੋਂ ਖੁੱਲ੍ਹਣਗੇ ਅਤੇ ਜਦੋਂ ਖੁੱਲ੍ਹਣਗੇ ਉਦੋਂ ਜਨਤਾ ਦਾ ਮੂਡ ਕੀ ਹੋਵੇਗਾ, ਇਹ ਵੀ ਪਤਾ ਨਹੀਂ ਹੈ। ਨਾਲ ਹੀ ਰਿਲੀਜ਼ ਲਈ ਤਿਆਰ ਫ਼ਿਲਮਾਂ ਦੀ ਕਤਾਰ ਦੇਖ ਕੇ ਇਹ ਵੀ ਨਹੀਂ ਕਿਹਾ ਜਾ ਸਕਦਾ ਕਿ ਫ਼ਿਲਮ ਨੂੰ ਸਹੀ ਸਿਨੇਮਾ ਘਰ ਮਿਲਣਗੇ ਜਾਂ ਨਹੀਂ। ਇਸ ਤਰ੍ਹਾਂ 'ਚ ਸਾਨੂੰ ਓ. ਟੀ. ਟੀ. ਹੇਠ ਰਿਲੀਜ਼ ਕਰਨ ਦੀ ਪੇਸ਼ਕਸ਼ ਆਈ ਅਤੇ ਸਾਡੀ ਫ਼ਿਲਮ ਦੇ ਕਾਰੋਬਾਰ ਪੋਟੈਂਸ਼ੀਅਲ ਨੂੰ ਦੇਖ ਕੇ ਸਾਨੂੰ ਪੇਸ਼ਕਸ਼ ਸਹੀ ਲੱਗੀ ਤੇ ਅਸੀਂ ਇਹ ਸਵੀਕਾਰ ਕਰ ਲਈ। ਹੁਣ ਜਦੋਂ ਫ਼ਿਲਮ ਪ੍ਰਦਰਸ਼ਨ ਦੇ ਖੇਤਰ ਵਿਚ ਕੋਰੋਨਾ ਕਾਲ ਦੀ ਵਜ੍ਹਾ ਕਰਕੇ ਕਈ ਬਦਲਾਅ ਆਉਣੇ ਸੁਭਾਵਿਕ ਹਨ ਤਾਂ ਇਸ ਤਰ੍ਹਾਂ ਸਾਨੂੰ ਖੁਸ਼ੀ ਹੈ ਕਿ ਇਸ ਬਦਲਾਅ ਦੀ ਸ਼ੁਰੂਆਤ ਸਾਡੀ ਫ਼ਿਲਮ ਤੋਂ ਹੋ ਰਹੀ ਹੈ।

-ਇੰਦਰਮੋਹਨ ਪੰਨੂੰ


ਖ਼ਬਰ ਸ਼ੇਅਰ ਕਰੋ

ਕ੍ਰਿਤੀ ਸੈਨਨ ਕਵਿੱਤਰੀ ਬਣਾ 'ਤੀ ਕੋਰੋਨਾ ਨੇ

ਦੇਸ਼ ਭਰ ਵਿਚ ਚੌਥਾ ਲਾਕਡਾਊਨ ਚਾਲੂ ਹੈ ਤੇ ਘਰੇ ਹੀ ਸਾਰਾ ਟੱਬਰ ਬੱਝੇ ਹੋਣ ਕਾਰਨ ਘਰੇਲੂ ਕੁੱਟ-ਮਾਰ ਦੇ ਮਾਮਲੇ ਦੇਸ਼ ਭਰ ਵਿਚ ਵਾਧੂ ਹੋਣ 'ਤੇ ਕ੍ਰਿਤੀ ਸੈਨਨ ਦੇ ਸੱਤੀਂ ਕੱਪੜੇ ਅੱਗ ਲੱਗਣ ਵਾਲੀ ਗੱਲ ਹੋਈ ਪਈ ਹੈ। ਉਸ ਤੋਂ ਜ਼ਰਿਆ ਨਹੀਂ ਜਾ ਰਿਹਾ ਹੈ। ਕ੍ਰਿਤੀ ਨੇ ਖ਼ਾਸ ਤੌਰ 'ਤੇ ਇਸ ਮਸਲੇ 'ਤੇ 11ਵੀਂ ਵਿਚ ਪੜ੍ਹਦਿਆਂ ਲਿਖੀ ਕਵਿਤਾ ਆਪਣੇ ਇੰਸਟਾਗ੍ਰਾਮ 'ਤੇ ਪਾਈ ਹੈ। ਨਾਲ ਹੀ ਕ੍ਰਿਤੀ ਨੇ ਕਿਹਾ ਹੈ ਕਿ ਆਪ ਅੱਗੇ ਆਉਣ ਔਰਤਾਂ, ਰਿਪੋਰਟ ਦਰਜ ਕਰਵਾਉਣ। ਪੂਰੇ 700 ਕੇਸ ਪੰਜਾਬ 'ਚ ਹੀ ਘਰੇਲੂ ਹਿੰਸਾ ਹੋਣ ਦੇ 'ਲਾਕਡਾਊਨ-4' ਤੱਕ ਆ ਜਾਣੇ ਔਰਤਾਂ ਲਈ ਹੈਰਾਨ ਕਰਨ ਵਾਲੀ ਗੱਲ ਹੈ। ਨਾਲ ਹੀ ਉਸ ਨੇ ਆਪਣੀ ਧਿਆਨ ਮੁਦਰਾ ਵਾਲੀ ਫੋਟੋ ਵੀ ਪਾਈ ਹੈ ਤੇ ਲੋਕਾਂ ਨੂੰ ਕਿਹਾ ਹੈ ਕਿ ਸਿਹਤ ਦਾ ਧਿਆਨ ਰੱਖੋ। ਇਸ ਸਮੇਂ ਉਹ 'ਮਿਮੀ' ਫ਼ਿਲਮ ਕਰ ਰਹੀ ਹੈ। 'ਲਾਕਡਾਊਨ' 'ਚ ਕ੍ਰਿਤੀ ਨੇ ਆਪਣੀਆਂ ਮੋਬਾਈਲ ਨਾਲ ਫੋਟੋਜ਼ ਖਿੱਚ ਕੇ ਪਾਈਆਂ। ਕਾਰਤਿਕ ਆਰੀਅਨ ਨੇ ਲਿਖਿਆ ਕਿ ਕਿਸੇ ਮਜਨੂੰ ਟੇਲਰ ਨੇ ਇਹ ਪਹਿਰਾਵਾ ਤਿਆਰ ਕੀਤਾ ਹੈ। ਕ੍ਰਿਤੀ ਕਿਹੜੀ ਘੱਟ ਹੈ ਫਿਰ ਮਗਰ ਹੀ ਉਸ ਲਿਖਿਆ ਕਿ ਜੀ ਹਾਂ, ਉਹੀ 'ਮਜਨੂੰ ਦਰਜੀ' ਜਿਹੜਾ ਤੇਰੇ ਵੀ ਕੱਪੜੇ ਸਿਉਂਦਾ ਹੈ। ਕ੍ਰਿਤੀ ਨੇ ਆਪਣੇ-ਆਪ ਨੂੰ ਸੈਲਫ਼ ਆਈਸੋਲੀਏਸ਼ਨ 'ਚ ਰੱਖਿਆ ਹੈ। ਗੁਆਂਢੀਆਂ ਦੇ ਘਰੇ ਉਹ ਮਾਸਕ ਪਹਿਨ ਕੇ ਜਾ ਰਹੀ ਹੈ। 'ਥਮ ਜਾ, ਰੁਕ ਜਾ, ਠਹਿਰ ਜਾ' ਇਹ ਕਵਿਤਾ ਵੀ ਉਸ ਨੇ ਲਿਖੀ ਹੈ ਤੇ ਕਿਹਾ ਹੈ ਕਿ ਦੁਨੀਆ ਤੇਜ਼ੀ ਨਾਲ ਦੌੜ ਰਹੀ ਸੀ, ਹੌਲੀ ਹੋਣਾ ਵੀ ਜ਼ਰੂਰੀ ਸੀ। ਧੰਨਵਾਦ ਰੱਬਾ! ਕਵਿੱਤਰੀ ਕ੍ਰਿਤੀ ਦੀ ਕਵਿਤਾ ਦੇ ਕੁਝ ਅੰਸ਼: 'ਭੀੜ ਮੇਂ ਗੁੰਮ ਹੋ, ਖ਼ੁਦ ਕੋ ਤਨਹਾ ਪਾਏਗਾ, ਮੇਰੀ ਪ੍ਰਵਾਹ ਬਿਨ, ਖਰੀਦਨੇ ਲਗਾ ਹੈ, ਕੁਦਰਤ ਹੂੰ ਮੈਂ, ਹਵਾ-ਪਾਨੀ ਬਿਨ, ਮਿੱਟੀ ਬਿਨ ਤੂੰ ਕੈਸੇ ਜ਼ਿੰਦਾ ਰਹੇਗਾ, ਤੂੰ ਥਮ ਜਾ, ਠਹਿਰ ਜਾ...।'

ਗੋਵਿੰਦਾ ਨੂੰ ਮਿਲਿਆ ਸੀ ਰਾਜ ਕਪੂਰ ਦਾ ਗੀਤ

ਗੋਵਿੰਦਾ ਨੇ ਜਦੋਂ ਅਭਿਨੈ ਦੀ ਦੁਨੀਆ ਵਿਚ ਕਦਮ ਰੱਖਿਆ ਸੀ ਉਦੋਂ ਰਾਜ ਕਪੂਰ ਅਭਿਨੈ ਤੋਂ ਸੰਨਿਆਸ ਲੈ ਚੁੱਕੇ ਸਨ। ਦੋਵਾਂ ਵਿਚਾਲੇ ਕਾਫ਼ੀ ਪੀੜ੍ਹੀ ਪਾੜਾ ਸੀ ਪਰ ਫਿਰ ਵੀ ਇਹ ਸੱਚ ਹੈ ਕਿ ਗੋਵਿੰਦਾ ਦੀ ਕਿਸਮਤ ਵਿਚ ਰਾਜ ਕਪੂਰ ਦਾ ਗੀਤ ਆਇਆ ਸੀ। ਰਾਜ ਕਪੂਰ ਨੂੰ ਸੰਗੀਤ ਦਾ ਬਹੁਤ ਸ਼ੌਕ ਸੀ ਅਤੇ ਜਦੋਂ ਉਹ 'ਬੌਬੀ' ਦਾ ਨਿਰਮਾਣ ਕਰ ਰਹੇ ਸਨ ਉਦੋਂ ਉਹ ਫ਼ਿਲਮ ਦੀ ਨੌਜਵਾਨ ਅਪੀਲ ਨੂੰ ਧਿਆਨ ਵਿਚ ਰੱਖ ਕੇ ਇਸ ਦੇ ਸੰਗੀਤ 'ਤੇ ਵਿਸ਼ੇਸ਼ ਤੌਰ 'ਤੇ ਧਿਆਨ ਦੇ ਰਹੇ ਸਨ। ਇਸੇ ਫ਼ਿਲਮ ਤੋਂ ਲਕਸ਼ਮੀ ਕਾਂਤ-ਪਿਆਰੇ ਲਾਲ ਤੇ ਆਨੰਦ ਬਖਸ਼ੀ ਦਾ ਵੀ ਆਰ. ਕੇ. ਕੈਂਪ ਵਿਚ ਦਾਖ਼ਲਾ ਹੋਇਆ ਸੀ। ਸੋ, ਉਹ ਵੀ ਮਧੁਰ ਸੰਗੀਤ ਨੂੰ ਲੈ ਕੇ ਆਰ. ਕੇ. ਬੈਨਰ ਦੀ ਪਰੰਪਰਾ ਨੂੰ ਅੱਗੇ ਵਧਾਉਣ ਲਈ ਬਹੁਤ ਉਤਸ਼ਾਹੀ ਸਨ। ਫ਼ਿਲਮ ਲਈ ਰਾਜ ਕਪੂਰ ਨੇ ਕਈ ਗੀਤ ਫਾਈਨਲ ਕੀਤੇ ਸਨ ਅਤੇ ਇਨ੍ਹਾਂ ਵਿਚੋਂ ਇਕ ਗੀਤ 'ਅੱਖੀਓਂ ਕੋ ਰਹਿਨੇ ਦੇ...' ਪੰਜਾਬੀ ਗੀਤ ਤੋਂ ਪ੍ਰੇਰਿਤ ਸੀ। ਰਾਜ ਕਪੂਰ ਨੇ ਗੀਤਕਾਰ ਵਿੱਠਲ ਭਾਈ ਪਟੇਲ ਤੋਂ ਵੀ ਕੁਝ ਗੀਤ ਲਿਖਵਾਏ ਸਨ। ਇਨ੍ਹਾਂ ਵਿਚੋਂ ਇਕ ਗੀਤ ਸੀ 'ਝੂਠ ਬੋਲੇ ਕਊਆ ਕਾਟੇ...' ਤੇ ਦੂਜਾ ਸੀ 'ਵੋ ਕਹਿਤੇ ਹੈਂ ਹਮਸੇ...' ਇਸ ਦੂਜੇ ਗੀਤ ਦਾ ਪੂਰਾ ਮੁਖੜਾ ਸੀ 'ਵੋ ਕਹਿਤੇ ਹੈਂ ਹਮਸੇ, ਅਭੀ ਉਮਰ ਨਹੀਂ ਹੈ ਪਿਆਰ ਕੀ...'। ਰਾਜ ਜੀ ਨੂੰ ਇਹ ਗੀਤ ਬਹੁਤ ਪਸੰਦ ਸੀ ਅਤੇ ਉਹ ਅਕਸਰ ਇਸ ਨੂੰ ਗੁਣਗੁਣਾਇਆ ਵੀ ਕਰਦੇ ਸਨ। ਬਾਅਦ ਵਿਚ ਜਦੋਂ ਫ਼ਿਲਮ ਵਿਚ ਗੀਤ ਦਾ ਮਾਹੌਲ ਬਦਲ ਦਿੱਤਾ ਗਿਆ ਤਾਂ ਨਵਾਂ ਗੀਤ ਆਨੰਦ ਬਖਸ਼ੀ ਤੋਂ ਲਿਖਵਾਇਆ ਗਿਆ ਅਤੇ ਉਹ ਸੀ 'ਹਮ ਤੁਮ ਏਕ ਕਮਰੇ ਮੇਂ ਬੰਦ ਹੋਂ...'। ਸਾਲਾਂ ਬਾਅਦ ਜਦੋਂ ਗੋਵਿੰਦਾ-ਕਿਮੀ ਕਾਟਕਰ ਨੂੰ ਲੈ ਕੇ 'ਦਰਿਆ ਦਿਲ' ਬਣਾਈ ਗਈ ਤਾਂ ਇਸ ਵਿਚ 'ਵੋ ਕਹਿਤੇ ਹੈਂ ਹਮ ਸੇ...' ਗੀਤ ਰੱਖਿਆ ਗਿਆ। ਖ਼ੁਦ ਗੋਵਿੰਦਾ ਵੀ ਇਸ ਗੱਲ ਤੋਂ ਅਣਜਾਨ ਸਨ ਕਿ ਕਦੀ ਇਹ ਗੀਤ 'ਬੌਬੀ' ਦਾ ਹਿੱਸਾ ਬਣਨ ਵਾਲਾ ਸੀ, ਜੋ ਹੁਣ ਉਨ੍ਹਾਂ ਦੇ ਨਸੀਬ ਵਿਚ ਆਇਆ ਹੈ। ਜਦੋਂ 'ਦਰਿਆ ਦਿਲ' ਪ੍ਰਦਰਸ਼ਿਤ ਹੋਈ, ਉਦੋਂ ਵਿੱਠਲ ਭਾਈ ਪਟੇਲ ਮੱਧ ਪ੍ਰਦੇਸ਼ ਦੇ ਉਦਯੋਗ ਮੰਤਰੀ ਸਨ। ਇਕ ਦਿਨ ਉਨ੍ਹਾਂ ਨੇ ਰੇਡੀਓ 'ਤੇ ਇਹ ਗੀਤ ਸੁਣਿਆ ਅਤੇ ਉਹ ਹੈਰਾਨ ਰਹਿ ਗਏ। ਜਦੋਂ ਪਤਾ ਕੀਤਾ ਤਾਂ ਇਹ ਪਤਾ ਲੱਗਾ ਕਿ ਇਸ ਗੀਤ ਦਾ ਸਿਹਰਾ ਵੀ ਉਨ੍ਹਾਂ ਨੂੰ ਨਹੀਂ ਦਿੱਤਾ ਗਿਆ ਹੈ। ਉਨ੍ਹਾਂ ਨੇ ਕੇਸ ਦਾਇਰ ਕੀਤਾ ਅਤੇ ਉਹ ਗੀਤ ਦੇ ਸਿਹਰੇ ਨੂੰ ਲੈ ਕੇ ਕੇਸ ਜਿੱਤਣ ਵਿਚ ਕਾਮਯਾਬ ਵੀ ਰਹੇ। ਜਦੋਂ ਇਸ ਕੇਸ ਬਾਰੇ ਅਖ਼ਬਾਰਾਂ ਵਿਚ ਛਪਿਆ ਉਦੋਂ ਗੋਵਿੰਦਾ ਨੂੰ ਪਤਾ ਲੱਗਿਆ ਕਿ ਇਹ ਗੀਤ 'ਬੌਬੀ' ਲਈ ਰਚਿਆ ਗਿਆ ਸੀ। ਗੀਤ ਦੇ ਨਾਲ ਰਾਜ ਕਪੂਰ ਦਾ ਨਾਂਅ ਜੁੜਿਆ ਹੋਣ ਦੀ ਵਜ੍ਹਾ ਕਰਕੇ ਇਹ ਅੱਜ ਵੀ ਗੋਵਿੰਦਾ ਦਾ ਹਰਮਨਪਿਆਰਾ ਗੀਤ ਬਣਿਆ ਹੋਇਆ ਹੈ।

-ਮੁੰਬਈ ਪ੍ਰਤੀਨਿਧ

ਸੰਗੀਤਕ ਵਿਹੜੇ ਨੂੰ ਰੁਸ਼ਨਾਉਣ ਆਈ ਮੰਨਤ ਬਾਜਵਾ

ਪੰਜਾਬੀ ਗਾਇਕੀ ਦੇ ਖੇਤਰ ਵਿਚ ਕਈ ਉੱਘੀਆਂ ਗਾਇਕਾਵਾਂ ਨੇ ਸਮਾਜ ਨੂੰ ਨਰੋਈ ਸੇਧ ਦੇਣ ਲਈ ਆਪਣੀ ਅੰਦਰਲੀ ਕਲਾ ਨੂੰ ਉਜਾਗਰ ਕਰ ਕੇ ਸੋਲੋ ਤੇ ਦੋਗਾਣੇ ਗੀਤਾਂ ਨਾਲ ਇਕ ਮਿਸਾਲ ਪੇਸ਼ ਕੀਤੀ ਹੈ ਅਤੇ ਕਰ ਰਹੀਆਂ ਹਨ। ਅਜਿਹੀ ਹੀ ਪੰਜਾਬੀ ਗਾਇਕੀ ਦੀ ਸੁਰੀਲੀ ਆਵਾਜ਼ ਦੀ ਮਲਿਕਾ ਹੈ ਮੰਨਤ ਬਾਜਵਾ। ਗਾਇਕਾ ਸਤਵਿੰਦਰ ਬਿੱਟੀ ਦੀ ਗਾਇਕੀ ਤੋਂ ਪ੍ਰਭਾਵਿਤ ਹੋ ਕੇ ਉਸ ਦਾ ਰੁਝਾਨ ਗਾਉਣ ਵੱਲ ਵਧਿਆ। ਪਰ ਗਾਉਣ ਦੀ ਕਲਾ ਨੂੰ ਚੰਗੀ ਨਾ ਸਮਝਦੇ ਹੋਏ ਮਾਪਿਆਂ ਵਲੋਂ ਇਸ ਖੇਤਰ ਵੱਲ ਆਉਣ ਤੋਂ ਕਈ ਵਾਰੀ ਰੋਕਿਆ ਜਾਂਦਾ ਰਿਹਾ, ਪਰ ਮਨ ਅੰਦਰ ਗਾਇਕਾ ਬਣਨ ਦੇ ਜਨੂੰਨ ਨਾਲ ਮੰਨਤ ਬਾਜਵਾ ਨੇ ਗਾਇਕੀ ਦੇ ਖੇਤਰ 'ਚ ਕਦਮ ਰੱਖਿਆ ਹੈ। ਗਾਉਣ ਦੀ ਕਲਾ ਨਾਲ ਮੰਨਤ ਬਾਜਵਾ ਕਾਲਜ ਸਮੇਂ ਦੇ ਕਲਚਰ ਪ੍ਰੋਗਰਾਮਾਂ ਅਤੇ ਸੱਭਿਆਚਾਰਕ ਮੇਲਿਆਂ ਦੀਆਂ ਸਟੇਜ਼ਾਂ ਦਾ ਵੀ ਸ਼ਿੰਗਾਰ ਬਣਦੀ ਰਹੀ। ਸੰਨ 2008 ਵਿਚ ਐਲਬਮ 'ਜ਼ਿੰਦ ਮੇਰੀ' ਨਾਲ ਮੰਨਤ ਬਾਜਵਾ ਨੇ ਸੰਗੀਤਕ ਵਿਹੜੇ ਕਦਮ ਰੱਖਿਆ। ਫਿਰ ਮੰਨਤ ਨੇ ਸਿੰਗਲ ਟਰੈਕ 'ਅਨ ਕੰਡੀਸ਼ਨ ਲਵ' ਨਾਲ ਹਾਜ਼ਰੀ ਲਗਾਈ। ਉਸ ਦੇ ਹਿੱਟ ਸੋਲੋ ਗੀਤਾਂ 'ਚ 'ਮੁੰਡਾ ਬਣ ਕੇ ਖੜੱਪਾ ਸੱਪ ਲੜਿਆ', 'ਜ਼ਿੰਦ ਮੇਰੀ ਤਾਂ ਬੱਚਦੀ ਲੈ ਚੱਲ ਮੁੰਡਿਆਂ ਨਾਲ ', 'ਦਿਲਵਰਾ...', 'ਸੋਹਣੀ ਡੁੱਬ ਗਈ ਨਾਲ ਦਲੇਰੀ', ਆਦਿ ਮਕਬੂਲ ਹੋਏ ਗੀਤ ਹਨ। ਦੁਆਬੇ ਦੇ ਸ਼ਹਿਰ ਬਲਾਚੌਰ ਦੀ ਜੰਮਪਲ ਮੰਨਤ ਬਾਜਵਾ ਖ਼ੁਦ ਨੂੰ ਖ਼ੁਸ਼ਕਿਸਮਤ ਸਮਝਦੀ ਹੈ ਕਿ ਸਕੂਲ ਸਮੇਂ ਤੋਂ ਗਾਉਣ ਦੇ ਪਏ ਸ਼ੌਕ ਨੂੰ ਵਿਆਹ ਤੋਂ ਬਾਅਦ ਉਸ ਦੇ ਜੀਵਨ ਸਾਥੀ ਉੱਘੇ ਗਾਇਕ ਗੁਰਿੰਦਰ ਗੈਰੀ ਨੇ ਕਦੇ ਫਿੱਕਾ ਨਹੀਂ ਪੈਣ ਦਿੱਤਾ। ਉਸ ਦਾ ਕਹਿਣਾ ਹੈ ਕਿ ਮਾਪਿਆਂ ਨੂੰ ਕੁੜੀਆਂ ਦੇ ਸੁਪਨਿਆਂ ਨੂੰ ਦਫ਼ਨਾਉਣ ਦੀ ਬਜਾਏ ਉਨ੍ਹਾਂ ਦੇ ਹੌਸਲੇ ਬੁਲੰਦ ਕਰਨੇ ਚਾਹੀਦੇ ਹਨ। ਹਾਲ ਹੀ 'ਚ ਲੰਮੇ ਸਮੇਂ ਤੋਂ ਬਾਅਦ ਸੁਰੀਲੀ ਗਾਇਕਾ ਮੰਨਤ ਬਾਜਵਾ ਆਪਣੇ ਸਿੰਗਲ ਟਰੈਕ 'ਸਪੈਸ਼ਲ ਫੋਰ ਯੂ', ਨਾਲ ਮੁੜ ਸੰਗੀਤਕ ਵਿਹੜੇ ਨੂੰ ਰੁਸ਼ਨਾਉਣ ਆਈ ਹੈ। ਮੰਨਤ ਬਾਜਵਾ ਦੀ ਆਵਾਜ਼ ਦਾ ਜਾਦੂ ਸਰੋਤਿਆਂ ਦੇ ਦਿਲਾਂ ਦੀਆਂ ਤਾਰਾਂ ਨੂੰ ਛੂਹਦਾ ਪ੍ਰਤੀਤ ਹੁੰਦਾ ਹੈ। ਗਾਉਣ ਦੀ ਕਲਾ ਨਾਲ ਕੁਝ ਕਰ-ਗੁਜ਼ਰਨ ਦੀ ਤਮੰਨਾ ਉਸ ਦੇ ਦਿਲ ਵਿਚ ਹੈ। ਮੰਨਤ ਬਾਜਵਾ ਪਿੱਠਵਰਤੀ ਗਾਇਕਾ ਵਜੋਂ ਪਛਾਣ ਬਣਾ ਕੇ ਆਪਣਾ ਸੁਪਨਾ ਸਾਕਾਰ ਕਰਨਾ ਚਾਹੁੰਦੀ ਹੈ। #56, ਸਵਰਾਜ ਨਗਰ,ਖਰੜ,ਜ਼ਿਲ੍ਹਾ ਐਸ.ਏ.ਐਸ. ਨਗਰ, ਮੋਹਾਲੀ।

ਪੰਜਾਬੀ ਸਿਨੇਮਾ ਦੀ ਨਵੀਂ ਆਸ ਆਂਚਲ ਸਿੰਘ

'ਜ਼ਖ਼ਮੀ' ਫ਼ਿਲਮ 'ਚ ਨਾਇਕ ਦੇਵ ਖਰੌੜ ਨਾਲ ਮੇਨ ਰੋਲ 'ਚ ਨਜ਼ਰ ਆਈ ਖ਼ੂਸਬਸੁਰਤ ਅਦਾਕਾਰਾ ਆਂਚਲ ਸਿੰਘ ਦੇ ਪ੍ਰੇਮਿਕਾ, ਪਤਨੀ ਅਤੇ ਮਾਂ ਦੀ ਭੂਮਿਕਾ ਵਾਲੇ ਤੀਹਰੇ ਕਿਰਦਾਰ ਦੀ ਚਰਚਾ ਬਹੁਤ ਹੋਈ। ਜ਼ਿਕਰਯੋਗ ਹੈ ਕਿ ਆਂਚਲ ਸਿੰਘ ਦੱਖਣ ਦੇ ਸਿਨੇਮੇ ਦੀ ਇਕ ਨਾਮੀ ਅਦਾਕਾਰਾ ਹੈ। ਇਹ ਉਸ ਦੀ ਪਹਿਲੀ ਪੰਜਾਬੀ ਫ਼ਿਲਮ ਸੀ।
ਪੰਜਾਬੀ ਪਰਿਵਾਰ ਨਾਲ ਸਬੰਧਿਤ ਆਂਚਲ ਸਿੰਘ ਦੇ ਪਿਤਾ ਫ਼ੌਜ 'ਚ ਸਨ। ਉਸ ਦਾ ਪਰਿਵਾਰਕ ਪਿਛੋਕੜ ਚੰਡੀਗੜ੍ਹ ਦਾ ਹੋਣ ਕਰਕੇ ਉਹ ਪੰਜਾਬੀ ਮਾਹੌਲ ਨਾਲ ਜੁੜੀ ਰਹੀ ਹੈ। ਕਲਾ ਦਾ ਸ਼ੌਕ ਉਸ ਨੂੰ ਸਕੂਲ-ਕਾਲਜ ਦੇ ਦਿਨਾਂ ਤੋਂ ਹੀ ਸੀ। ਮਾਡਲਿੰਗ ਦਾ ਸ਼ੌਕ ਉਸ ਨੂੰ ਮੁੰਬਈ ਲੈ ਗਿਆ ਜਿੱਥੇ ਉਸ ਨੂੰ 'ਫੈਮੀਨਾ ਮੈਗਜ਼ੀਨ' ਦੇ ਕਵਰ ਪੇਜ ਲਈ ਫੋਟੋ ਸ਼ੂਟ ਕਰਵਾਉਣ ਦਾ ਮੌਕਾ ਮਿਲਿਆ ਤੇ ਫ਼ਿਰ ਵੱਖ-ਵੱਖ ਪ੍ਰੋਡਕਟਸ ਦੀਆਂ ਵਿਗਿਆਪਨ ਫ਼ਿਲਮਾਂ ਵਿਚ ਕੰਮ ਕਰ ਕੇ ਵੱਡੀ ਪਛਾਣ ਬਣਾਈ। ਆਂਚਲ ਨੂੰ ਮੁੰਬਈ ਵਿਚ 'ਐਡ ਕੁਈਨ' ਦੇ ਨਾਂਅ ਨਾਲ ਜਾਣਦੇ ਹਨ ਕਿਉਂਕਿ ਉਸ ਨੇ 400 ਤੋਂ ਵੱਧ 'ਐਡ ਫ਼ਿਲਮਾਂ' ਕੀਤੀਆਂ ਤੇ ਵੱਡੀ ਗੱਲ ਇਹ ਕਿ ਉਸ ਨੇ ਪ੍ਰਿਅੰਕਾ ਚੋਪੜਾ, ਹੇਮਾ ਮਾਲਿਨੀ, ਰਣਬੀਰ ਕਪੂਰ ਅਤੇ ਰਿਤਿਕ ਰੌਸ਼ਨ ਵਰਗੇ ਵੱਡੇ ਸਿਤਾਰਿਆਂ ਨਾਲ ਇਹ ਫ਼ਿਲਮਾਂ ਕੀਤੀਆਂ। ਇਸੇ ਦੌਰਾਨ ਦੱਖਣ ਦੀਆਂ ਫ਼ਿਲਮਾਂ ਵਿਚ ਕੰਮ ਕਰਨ ਦੇ ਚੰਗੇ ਮੌਕੇ ਮਿਲੇ ਜਿਸ ਨਾਲ ਉਸ ਦੀ ਟਾਲੀਵੁੱਡ ਵਿਚ ਇਕ ਵੱਖਰੀ ਪਛਾਣ ਬਣੀ। ਉਸ ਨੇ ਇਕ ਇੰਟਰਨੈਸ਼ਨਲ ਫ਼ਿਲਮ 'ਸ੍ਰੀ ਸਿਧਾਰਥਾ ਗੌਤਮਾ' ਵਿਚ ਵੀ ਬਤੌਰ ਮੁੱਖ ਅਦਾਕਾਰਾ ਕੰਮ ਕੀਤਾ ਹੈ ਜੋ ਕਿ 22 ਦੇਸ਼ਾਂ ਵਿਚ ਰਿਲੀਜ਼ ਹੋਈ ਹੈ ਅਤੇ ਜਿਸ ਲਈ ਉਸ ਨੂੰ 'ਬੈਸਟ ਐਕਟ੍ਰੈੱਸ' ਦਾ ਐਵਾਰਡ ਵੀ ਮਿਲ ਚੁੱਕਾ ਹੈ।

-ਮਨਜੀਤ ਕੌਰ 'ਸੱਪਲ'

ਸਲਮਾਨ - ਜੈਕਲੀਨ 'ਤੇ ਫ਼ਿਲਮਾਇਆ 'ਤੇਰੇ ਬਿਨਾ'

ਉਂਝ ਤਾਂ ਤਾਲਾਬੰਦੀ ਦੀ ਵਜ੍ਹਾ ਕਰਕੇ ਫ਼ਿਲਮ ਤੇ ਲੜੀਵਾਰ ਨਿਰਮਾਣ ਨਾਲ ਸਬੰਧਿਤ ਸਰਗਰਮੀਆਂ ਠੱਪ ਹੋ ਗਈਆਂ ਹਨ। ਇਸ ਤਰ੍ਹਾਂ ਦੇ ਸਮੇਂ 'ਚ ਸ਼ੂਟਿੰਗ ਦੀ ਕੋਈ-ਕੋਈ ਖ਼ਬਰ ਦਿਲ ਨੂੰ ਸਕੂਨ ਦੇ ਦਿੰਦੀ ਹੈ। ਇਸ ਤਰ੍ਹਾਂ ਦੀ ਹੀ ਇਕ ਖ਼ਬਰ ਸਲਮਾਨ ਖਾਨ ਦੇ ਪਨਵੈੱਲ ਸਥਿਤ ਫਾਰਮ ਹਾਊਸ ਤੋਂ ਆਈ ਹੈ।
ਸਰਕਾਰ ਵਲੋਂ ਜਦੋਂ ਤਾਲਾਬੰਦੀ ਦਾ ਐਲਾਨ ਕੀਤਾ ਗਿਆ ਸੀ ਉਦੋਂ ਸਲਮਾਨ ਆਪਣੇ ਪਰਿਵਾਰ ਵਾਲਿਆਂ ਤੇ ਨੇੜਲੇ ਮਿੱਤਰਾਂ ਨਾਲ ਪਨਵੈੱਲ ਵਿਚ ਆਪਣੇ ਫਾਰਮ ਹਾਊਸ ਵਿਚ ਸੀ। ਉਥੇ ਖ਼ੁਦ ਨੂੰ ਰੁਝੇਵੇਂ 'ਚ ਰੱਖਣ ਲਈ ਸਲਮਾਨ ਨੇ ਇਕ ਗੀਤ 'ਪਿਆਰ ਕੋਰੋਨਾ' ਜਾਰੀ ਕੀਤਾ। ਖ਼ੁਦ ਸਲਮਾਨ 'ਤੇ ਫ਼ਿਲਮਾਏ ਇਸ ਗੀਤ ਵਿਚ ਕੋਰੋਨਾ ਦੀ ਬਿਮਾਰੀ ਤੋਂ ਸਾਵਧਾਨ ਰਹਿਣ ਦਾ ਸੰਦੇਸ਼ ਦਿੱਤਾ ਗਿਆ ਹੈ।
ਕਿਉਂਕਿ ਤਾਲਾਬੰਦੀ ਚੰਗੀ ਕਾਫ਼ੀ ਲੰਬੀ ਚੱਲੀ ਤਾਂ ਸਲਮਾਨ ਨੇ ਇਕ ਹੋਰ ਗੀਤ 'ਤੇਰੇ ਬਿਨਾ...' ਜਾਰੀ ਕੀਤਾ। ਇਸ ਗੀਤ ਦੀ ਜ਼ਿਆਦਾਤਰ ਸ਼ੂਟਿੰਗ ਸਲਮਾਨ ਦੇ ਫਾਰਮ ਹਾਊਸ ਵਿਚ ਕੀਤੀ ਗਈ ਹੈ ਅਤੇ ਇਸ ਦੇ ਵੀਡੀਓ ਦਾ ਫ਼ਿਲਮਾਂਕਣ ਸਲਮਾਨ ਅਤੇ ਜੈਕਲੀਨ 'ਤੇ ਕੀਤਾ ਗਿਆ ਹੈ।
ਇਸ ਗੀਤ ਦਾ ਫ਼ਿਲਮਾਂਕਣ ਜ਼ਿਆਦਾ ਤਾਮ-ਝਾਮ ਬਗ਼ੈਰ ਕੀਤਾ ਗਿਆ ਹੈ। ਸਲਮਾਨ ਦੇ ਫਾਰਮ ਹਾਊਸ ਵਿਚ ਗਾਂ-ਘੋੜਾ ਵਗੈਰਾ ਹੈ ਅਤੇ ਵੀਡੀਓ ਵਿਚ ਇਨ੍ਹਾਂ ਨੂੰ ਵੀ ਦਿਖਾਇਆ ਗਿਆ ਹੈ। ਤਾਲਾਬੰਦੀ ਦੀ ਵਜ੍ਹਾ ਨਾਲ ਭਾਰੀ ਤਕਨੀਕੀ ਸਾਮਾਨ ਤੇ ਆਧੁਨਿਕ ਕੈਮਰੇ ਦੀ ਸੁਵਿਧਾ ਉਪਲਬਧਨ ਨਹੀਂ ਸੀ, ਇਸ ਵਜ੍ਹਾ ਕਰਕੇ ਗੀਤ ਦਾ ਫ਼ਿਲਮਾਂਕਣ ਸਿੱਧੇ-ਸਾਦੇ ਢੰਗ ਨਾਲ ਕੀਤਾ ਗਿਆ ਹੈ ਅਤੇ ਤਕਨੀਕੀ ਪੱਖ ਤੋਂ ਜ਼ਿਆਦਾ ਸਜਾਏ ਨਾ ਗਏ ਇਸ ਗੀਤ ਤੋਂ ਕੁਦਰਤੀ ਅਪੀਲ ਝਲਕਦੀ ਹੈ।
ਇਹ ਗੀਤ ਅਜੈ ਭਾਟੀਆ ਵਲੋਂ ਤਿਆਰ ਕੀਤਾ ਗਿਆ ਹੈ। ਉਹ ਸਲਮਾਨ ਦਾ ਬਚਪਨ ਦਾ ਦੋਸਤ ਹੈ ਅਤੇ ਸਲਮਾਨ ਉਸ ਨੂੰ ਅੱਜੂ ਕਹਿ ਕੇ ਬੁਲਾਉਂਦਾ ਹੈ। ਅੱਜੂ ਵੀ ਸਲਮਾਨ ਦੀ ਹੀ ਬਿਲਡਿੰਗ ਗੈਲੈਕਸੀ ਅਪਾਰਟਮੈਂਟ ਵਿਚ ਰਹਿੰਦਾ ਹੈ। ਅੱਜੂ ਨੂੰ ਗਾਉਣ ਦਾ ਸ਼ੌਕ ਹੈ ਅਤੇ ਉਸ ਨੇ ਆਪਣੀ ਆਵਾਜ਼ ਵਿਚ ਕੁਝ ਗੀਤ ਰਿਕਾਰਡ ਕਰਕੇ ਸਲਮਾਨ ਨੂੰ ਦਿੱਤੇ ਸਨ। ਸਲਮਾਨ ਆਪਣੀਆਂ ਫ਼ਿਲਮਾਂ ਵਿਚ ਇਨ੍ਹਾਂ ਗੀਤਾਂ ਦੀ ਵਰਤੋਂ ਨਹੀਂ ਕਰ ਸਕਿਆ। ਸੋ, ਉਹ ਅੱਜੂ ਦਾ ਇਕ ਗੀਤ ਹੁਣ ਸੋਲੋ ਗੀਤ ਦੇ ਰੂਪ ਵਿਚ ਲੈ ਆਏ ਹਨ। ਆਪਣੇ ਗੀਤ ਨੂੰ ਲੋਕਾਂ ਤੱਕ ਪਹੁੰਚਾਉਣ ਲਈ ਅੱਜੂ ਹੁਣ ਸਲਮਾਨ ਨੂੰ ਧੰਨਵਾਦ ਤਾਂ ਕਹਿੰਦੇ ਹੀ ਹਨ, ਨਾਲ ਹੀ ਉਹ ਮਨੋਮਨ ਤਾਲਾਬੰਦੀ ਦਾ ਵੀ ਸ਼ੁਕਰੀਆ ਅਦਾ ਕਰਨਾ ਨਹੀਂ ਭੁੱਲਦੇ।

-ਮੁੰਬਈ ਪ੍ਰਤੀਨਿਧ

ਮੌਜੂਦਾ ਹਾਲਾਤ ਦੀ ਕਹਾਣੀ ਹੈ ਫ਼ਿਲਮ 'ਯੂ ਕੇ ਟੂ ਪੰਜਾਬ' ਰਾਣਾ ਸੰਧੂ

ਕੋਰੋਨਾ ਵਾਇਰਸ ਦੀ ਮਹਾਂਮਾਰੀ ਨੇ ਸਭ ਕੁਝ ਬਦਲ ਦਿੱਤਾ ਹੈ। ਕੋਰੋਨਾ ਵਾਇਰਸ ਨੂੰ ਮੁੱਖ ਰੱਖ ਕੇ ਰਾਣਾ ਸੰਧੂ ਦੀ ਕਲਮ ਨੇ ਅਜਿਹੀ ਕਹਾਣੀ ਲਿਖੀ ਹੈ ਜੋ ਯੂ.ਕੇ. 'ਚ ਹੋਈ ਤਬਾਹੀ, ਯੂ.ਕੇ. ਦੇ ਪੰਜਾਬੀਆਂ ਦੇ ਮਹਾਂਮਾਰੀ 'ਚ ਯੋਗਦਾਨ ਤੇ ਇਧਰਲੇ ਪੰਜਾਬ 'ਚ ਪ੍ਰਵਾਸੀਆਂ ਦੇ ਉਠੇ ਮੁੱਦੇ 'ਤੇ ਆਧਾਰਿਤ ਹੈ। 'ਯੂ. ਕੇ. ਟੂ ਪੰਜਾਬ' ਫ਼ਿਲਮ ਦੇ ਲੇਖਕ ਰਾਣਾ ਸੰਧੂ ਦਾ ਪਿਛੋਕੜ ਰਸੂਲਪੁਰ ਪਿੰਡ, ਪੱਟੀ ਤਹਿਸੀਲ ਤੇ ਜ਼ਿਲ੍ਹਾ ਤਰਨ ਤਾਰਨ ਨਾਲ ਹੈ। ਰੇਡੀਓ ਤੇ ਦੂਰਦਰਸ਼ਨ ਦੇ ਪ੍ਰਵਾਨਿਤ ਕਲਾਕਾਰ ਰਾਣਾ ਸੰਧੂ ਨੇ ਸਾਹਿਲ ਸ਼ਰਮਾ ਦੇ ਨਿਰਦੇਸ਼ਨ 'ਚ ਆਪਣੀ ਕਹਾਣੀ ਨੂੰ ਇਨਸਾਫ਼ ਮਿਲਣ ਦੀ ਉਮੀਦ ਪ੍ਰਗਟਾਈ ਹੈ। ਖਾਸ ਗੱਲ ਇਹ ਹੈ ਕਿ ਅੱਜ ਦੇ ਮਸ਼ਹੂਰ ਪਾਲੀਵੁੱਡ ਫ਼ਿਲਮ ਲੇਖਕ ਦੀਦਾਰ ਗਿੱਲ ਨਾਲ ਮਿਲ ਕੇ ਰਾਣਾ ਸੰਧੂ ਨੇ 'ਯੂ. ਕੇ. ਟੂ ਪੰਜਾਬ' ਦੀ ਕਥਾ-ਪਟਕਥਾ-ਸੰਵਾਦ ਤਿਆਰ ਕਰਦੇ ਸਮੇਂ ਮਨੋਰੰਜਨ, ਸਿੱਖਿਆ ਤੇ ਹਕੀਕਤ ਸਭ ਦਾ ਧਿਆਨ ਰੱਖਿਆ ਹੈ। ਅਲਫ਼ਾਜ਼, ਨੇਹਾ ਮਲਿਕ, ਵਰੁਣ ਕਪੂਰ ਤੇ ਗਿੰਨੀ ਕਪੂਰ ਨੂੰ ਲੈ ਕੇ ਬਣਨ ਵਾਲੀ 'ਯੂ. ਕੇ. ਟੂ ਪੰਜਾਬ' ਲਈ ਸੰਦੀਪ ਕੌਰ ਸੰਧੂ ਤੇ ਜਸਵੀਰ ਕੌਰ ਦੇ ਨਿਰਮਾਣ ਸਹਿਯੋਗ ਸਦਕਾ ਰਾਣਾ ਸੰਧੂ ਨੂੰ ਆਸ ਹੈ ਕਿ ਇਹ ਇਕ ਯਾਦਗਾਰ ਫ਼ਿਲਮ ਬਣੇਗੀ।

-ਅੰਮ੍ਰਿਤ ਪਵਾਰ

ਸਫ਼ਲ ਅਭਿਨੇਤਾ ਤੇ ਨੇਤਾ ਸਨ : ਸੁਨੀਲ ਦੱਤ

25 ਮਈ ਲਈ ਵਿਸ਼ੇਸ਼

'ਜਦੋਂ ਕਿਸੇ ਬੱਚੇ ਦੇ ਸਿਰ ਤੋਂ ਬਾਪ ਦਾ ਸਾਇਆ ਨਿੱਕੀ ਉਮਰ 'ਚ ਹੀ ਉੱਠ ਜਾਵੇ ਤਾਂ ਉਸ ਨੂੰ ਜ਼ਿੰਦਗੀ ਵਿਚ ਉਚੇਰਾ ਮੁਕਾਮ ਹਾਸਲ ਕਰਨ ਲਈ ਜੋ ਸੰਘਰਸ਼ ਅਤੇ ਤਕਲੀਫ਼ਾਂ ਹੰਢਾਉਣੀਆਂ ਪੈਂਦੀਆਂ ਹਨ, ਉਹ ਸਭ ਮੈਨੂੰ ਹੰਢਾਉਣੇ ਪਏ ਪਰ ਮਾਂ ਦਾ ਅਸ਼ੀਰਵਾਦ ਨਾਲ ਸੀ ਜਿਸ ਨੇ ਮੈਨੂੰ ਆਪਣੀ ਮੰਜ਼ਿਲ 'ਤੇ ਪੁੱਜਣ ਤੱਕ ਹੌਸਲਾ ਨਹੀਂ ਹਾਰਨ ਦਿੱਤਾ ਸੀ।' ਇਹ ਵਿਚਾਰ ਸੁਨੀਲ ਦੱਤ ਨੇ ਪੰਜਾਬੀ ਫ਼ਿਲਮ 'ਮਨ ਜੀਤੇ ਜਗ ਜੀਤ' ਦੀ ਸ਼ੂਟਿੰਗ ਦੌਰਾਨ ਜ਼ਿਲ੍ਹਾ ਗੁਰਦਾਸਪੁਰ ਦੇ ਪਿੰਡ ਜੁਗਿਆਲ ਵਿਖੇ ਇਕ ਗੱਲਬਾਤ ਦੌਰਾਨ ਪ੍ਰਗਟ ਕੀਤੇ ਸਨ। ਦਰਅਸਲ ਸੁਨੀਲ ਦੱਤ 6 ਜੂਨ, 1929 ਨੂੰ ਪੈਦਾ ਹੋਇਆ ਸੀ ਤੇ ਠੀਕ 5 ਸਾਲ ਬਾਅਦ ਉਸ ਦੇ ਪਿਤਾ ਦੀਵਾਨ ਰਘੁਨਾਥ ਦੱਤ ਦਾ ਦਿਹਾਂਤ ਹੋ ਗਿਆ ਸੀ ਤੇ ਮਾਂ ਕੁਲਵੰਤੀ ਦੇਵੀ ਦੀ ਘਾਲਣਾ ਅਤੇ ਆਪਣੀ ਸਖ਼ਤ ਮਿਹਨਤ ਸਦਕਾ ਸੁਨੀਲ ਦੱਤ ਬਾਲੀਵੁੱਡ ਵਿਚ ਆਪਣੇ ਨਾਂਅ ਦਾ ਸਿੱਕਾ ਜਮਾਉਣ 'ਚ ਕਾਮਯਾਬ ਰਿਹਾ ਸੀ।
ਸੰਨ 1947 ਵਿਚ ਹੋਈ ਮੁਲਕ ਵੰਡ ਪਿੱਛੋਂ ਸੁਨੀਲ ਤੇ ਉਸ ਦਾ ਬਾਕੀ ਪਰਿਵਾਰ ਉਸ ਵਕਤ ਦੇ ਪੰਜਾਬ ਅਤੇ ਹੁਣ ਹਰਿਆਣਾ 'ਚ ਪੈਂਦੇ ਪਿੰਡ ਮੰਡੋਲੀ ਵਿਖੇ ਆਣ ਵੱਸਿਆ ਸੀ। ਜਵਾਨੀ ਵੇਲੇ ਸੁਨੀਲ ਦੱਤ ਮੁੰਬਈ ਆ ਗਿਆ ਤੇ ਇੱਥੋਂ ਦੇ ਜੈ ਹਿੰਦ ਕਾਲਜ 'ਚੋਂ ਬੀ.ਏ.ਕਰਨ ਪਿੱਛੋਂ ਮੁੰਬਈ ਦੀ 'ਬੈਸਟ' ਨਾਮਕ ਬੱਸ ਕੰਪਨੀ ਵਿਚ ਕੰਡਕਟਰ ਵਜੋਂ ਨੌਕਰੀ ਕਰਨ ਲੱਗ ਪਿਆ। ਫਿਰ ਉਸ ਨੇ ਕੁਝ ਸਮਾਂ ਰੇਡੀਓ ਸਿਲੋਨ 'ਤੇ ਬਤੌਰ ਅਨਾਊਂਸਰ ਵੀ ਕੰਮ ਕੀਤਾ ਤੇ ਫਿਰ ਸੰਨ 1955 ਵਿਚ ਫ਼ਿਲਮ 'ਰੇਲਵੇ ਸਟੇਸ਼ਨ' ਰਾਹੀਂ ਫ਼ਿਲਮੀ ਦੁਨੀਆ ਵਿਚ ਵੀ ਕਦਮ ਰੱਖ ਦਿੱਤਾ। ਇਸ ਤੋਂ ਬਾਅਦ ਉਸ ਨੇ 'ਕੁੰਦਨ', 'ਰਾਜਧਾਨੀ', 'ਏਕ ਹੀ ਰਾਸਤਾ' ਨਾਮੀ ਫ਼ਿਲਮਾਂ ਵਿਚ ਵੀ ਕੰਮ ਕੀਤਾ ਪਰ ਉਸ ਨੂੰ ਆਪਣੀ ਆਸ ਅਨੁਸਾਰ ਕਾਮਯਾਬੀ ਨਾ ਮਿਲੀ। ਸੰਨ 1957 ਵਿਚ ਫ਼ਿਲਮਕਾਰ ਮਹਿਬੂਬ ਖ਼ਾਨ ਦੀ ਸ਼ਾਹਕਾਰ ਫ਼ਿਲਮ 'ਮਦਰ ਇੰਡੀਆ' ਵਿਚ ਉਸ ਵਲੋਂ ਨਿਭਾਈ ਗਈ ਅਦਾਕਾਰਾ ਨਰਗਿਸ ਦੇ ਬਿਗੜੈਲ ਪੁੱਤਰ ਦੀ ਭੂਮਿਕਾ ਨੇ ਉਸ ਦੀ ਹਰ ਪਾਸੇ ਬੱਲੇ-ਬੱਲੇ ਕਰਵਾ ਦਿੱਤੀ। ਬਸ, ਫਿਰ ਕੀ ਸੀ ਇਸ ਕਾਮਯਾਬੀ ਤੋਂ ਬਾਅਦ ਉਸ ਨੇ ਹਿੱਟ ਫ਼ਿਲਮਾਂ ਦੀ ਝੜੀ ਲਗਾ ਦਿੱਤੀ।
ਆਪਣੀ ਜ਼ਬਰਦਸਤ ਤੇ ਜਜ਼ਬਾਤਪੂਰਨ ਅਦਾਕਾਰੀ ਨਾਲ ਸੁਨੀਲ ਦੱਤ ਨੇ ਆਪਣੀ ਹਰੇਕ ਫ਼ਿਲਮ ਵਿਚਲੇ ਆਪਣੇ ਕਿਰਦਾਰ ਨੂੰ ਯਾਦਗਾਰੀ ਬਣਾ ਦਿੱਤਾ ਸੀ। ਉਸ ਦੀਆਂ ਕੁਝ ਬੇਹੱਦ ਦਿਲਕਸ਼ ਫ਼ਿਲਮਾਂ ਵਿਚ 'ਨਾਗਿਨ', 'ਪ੍ਰਾਣ ਜਾਏ ਪਰ ਵਚਨ ਨਾ ਜਾਏ', 'ਸਾਧਨਾ', 'ਸੁਜਾਤਾ', 'ਮੁਝੇ ਜੀਨੇ ਦੋ', 'ਅਮਰਪਾਲੀ', 'ਗ਼ਜ਼ਲ', 'ਜਾਨੀ ਦੁਸ਼ਮਣ', '36 ਘੰਟੇ', 'ਜ਼ਖ਼ਮੀ', 'ਦਰਿੰਦਾ', 'ਕਾਲਾ ਧੰਦਾ ਗੋਰੇ ਲੋਗ', 'ਸ਼ਾਨ', 'ਰਾਜ ਤਿਲਕ', 'ਵਤਨ ਕੇ ਰਖਵਾਲੇ', 'ਪ੍ਰੰਪਰਾ', 'ਕਸ਼ੱਤਰੀਆ' ਅਤੇ 'ਮੁੰਨਾ ਭਾਈ ਐਮ.ਬੀ.ਬੀ.ਐਸ.' ਦੇ ਨਾਂਅ ਪ੍ਰਮੁੱਖ ਤੌਰ 'ਤੇ ਲਏ ਜਾ ਸਕਦੇ ਹਨ।
ਅਦਾਕਾਰੀ ਤੋਂ ਇਲਾਵਾ ਸੁਨੀਲ ਦੱਤ ਨੇ ਫ਼ਿਲਮਾਂ ਦੇ ਨਿਰਮਾਣ ਤੇ ਨਿਰਦੇਸ਼ਨ ਵਿਚ ਵੀ ਹੱਥ ਅਜ਼ਮਾਇਆ ਸੀ। ਉਸ ਨੇ 'ਦਰਦ ਕਾ ਰਿਸ਼ਤਾ', 'ਯਾਦੇਂ', 'ਰੌਕੀ' ਅਤੇ 'ਯੇ ਆਗ ਕਬ ਬੁਝੇਗੀ' ਆਦਿ ਜਿਹੀਆਂ ਚਰਚਿਤ ਫ਼ਿਲਮਾਂ ਵੀ ਬਣਾਈਆਂ ਸਨ। 'ਰੌਕੀ' ਰਾਹੀਂ ਉਸ ਨੇ ਆਪਣੇ ਪੁੱਤਰ ਸੰਜੇ ਦੱਤ ਨੂੰ ਬਾਲੀਵੁੱਡ ਵਿਚ ਪ੍ਰਵੇਸ਼ ਕਰਵਾਇਆ ਸੀ ਤੇ ਉਸ ਲਈ ਦੁੱਖ ਦੀ ਗੱਲ ਇਹ ਸੀ ਕਿ ਇਸ ਫ਼ਿਲਮ ਦੇ ਰਿਲੀਜ਼ ਹੋਣ ਤੋਂ ਚੰਦ ਦਿਨ ਪਹਿਲਾਂ ਉਸ ਦੀ ਪਤਨੀ ਤੇ ਨਾਮਵਰ ਅਦਾਕਾਰਾ ਨਰਗਿਸ ਕੈਂਸਰ ਰੋਗ ਕਾਰਨ ਸਦੀਵੀ ਵਿਛੋੜਾ ਦੇ ਗਈ ਸੀ। 'ਯਾਦੇਂ' ਉਸ ਦੀ ਅਜਿਹੀ ਫ਼ਿਲਮ ਸੀ ਜਿਸ ਵਿਚ ਕੇਵਲ ਇਕ ਹੀ ਅਦਾਕਾਰ ਸੀ। ਇਸ ਫ਼ਿਲਮ ਲਈ ਉਸ ਨੂੰ ਬਿਹਤਰੀਨ ਫ਼ਿਲਮ ਦਾ ਕੌਮੀ ਪੁਰਸਕਾਰ ਵੀ ਹਾਸਲ ਹੋਇਆ ਸੀ। ਉਸ ਨੇ 'ਮਨ ਜੀਤੇ ਜਗ ਜੀਤ', 'ਦੁੱਖ ਭੰਜਨ ਤੇਰਾ ਨਾਮ' ਅਤੇ 'ਸਤਿ ਸ੍ਰੀ ਅਕਾਲ' ਜਿਹੀਆਂ ਉੱਚ-ਕੋਟੀ ਦੀਆਂ ਪੰਜਾਬੀ ਫ਼ਿਲਮਾਂ ਵਿਚ ਆਪਣੀ ਲਾਮਿਸਾਲ ਅਦਾਕਾਰੀ ਦੇ ਜੌਹਰ ਵੀ ਵਿਖਾਏ ਸਨ। ਸੁਨੀਲ ਦੱਤ ਦਾ ਸੁਭਾਅ ਬੜਾ ਮਿੱਠਬੋਲੜਾ ਤੇ ਮਿਲਾਪੜਾ ਸੀ। ਸੰਨ 1965 ਵਿਚ ਪਦਮਸ੍ਰੀ ਨਾਲ ਨਿਵਾਜੇ ਜਾਣ ਤੋਂ ਇਲਾਵਾ ਬਾਅਦ ਦੇ ਵਰ੍ਹਿਆਂ ਵਿਚ ਉਸ ਨੂੰ ਹੋਰ ਵੀ ਕਈ ਵਾਰ ਸਨਮਾਨਿਤ ਕੀਤਾ ਗਿਆ ਸੀ। 25 ਮਈ, 2005 ਨੂੰ ਇਸ ਮਹਾਨ ਫ਼ਨਕਾਰ ਦਾ ਦਿਹਾਂਤ ਹੋ ਗਿਆ ਸੀ।

-410, ਚੰਦਰ ਨਗਰ, ਬਟਾਲਾ (ਗੁਰਦਾਸਪੁਰ)।



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX