ਤਾਜਾ ਖ਼ਬਰਾਂ


ਵਾਹਗਾ ਪਹੁੰਚੇ ਪਾਕਿ ਨਾਗਰਿਕਾਂ ਨੂੰ ਕੀਤਾ ਕੁਆਰੰਟੀਨ
. . .  19 minutes ago
ਅੰਮ੍ਰਿਤਸਰ, 27 ਮਈ (ਸੁਰਿੰਦਰ ਕੋਛੜ) - ਭਾਰਤ 'ਚ ਫਸੇ ਲਗਭਗ 179 ਪਾਕਿਸਤਾਨੀ ਨਾਗਰਿਕਾਂ ਦੇ ਅੱਜ ਆਈ. ਸੀ. ਪੀ. ਅਟਾਰੀ ਰਾਹੀਂ ਵਾਹਗਾ ਪਹੁੰਚਣ 'ਤੇ ਉਨ੍ਹਾਂ ਦੀ ਮੁੱਢਲੀ ਜਾਂਚ ਉਪਰੰਤ ਪਾਕਿਸਤਾਨੀ ਅਧਿਕਾਰੀਆਂ ਵੱਲੋਂ ਉਨ੍ਹਾਂ ਨੂੰ ਲਾਹੌਰ ਕੁਆਰੰਟੀਨ ਸੈਂਟਰ ਵਿਖੇ ਭੇਜ...
ਮੁੱਖ ਮੰਤਰੀ ਦੀ ਲੰਚ ਡਿਪਲੋਮੈਸੀ ਆਈ ਕੰਮ
. . .  23 minutes ago
ਚੰਡੀਗੜ੍ਹ, 27 ਮਈ (ਵਿਕਰਮਜੀਤ ਸਿੰਘ ਮਾਨ) - ਮੰਤਰੀ ਮੰਡਲ ਦੀ ਮੀਟਿੰਗ 'ਚ ਮੁੱਖ ਸਕੱਤਰ ਦੇ ਸ਼ਾਮਲ ਹੋਣ 'ਤੇ ਬਣੀ ਸਹਿਮਤੀ ਪਿੱਛੇ ਪਿਛਲੇ ਦਿਨੀਂ ਮੁੱਖ ਮੰਤਰੀ ਵੱਲੋਂ ਕੀਤੀ ਲੰਚ ਡਿਪਲੋਮੇਸੀ ਨੂੰ ਵੱਡਾ ਕਾਰਨ ਦੱਸਿਆ ਜਾ ਰਿਹਾ ਹੈ। ਜਿਸ ਦੇ ਸਿੱਟੇ ਵਜੋਂ ਮੰਤਰੀ ਮੰਡਲ ਦੀ ਮੀਟਿੰਗ...
ਮੁੱਖ ਸਕੱਤਰ ਵੀ ਸ਼ਾਮਲ ਹੋਏ ਮੰਤਰੀ ਮੰਡਲ ਦੀ ਮੀਟਿੰਗ 'ਚ
. . .  41 minutes ago
ਚੰਡੀਗੜ੍ਹ, 27 ਮਈ (ਵਿਕਰਮਜੀਤ ਮਾਨ) - ਪਿਛਲੇ ਦਿਨੀਂ ਮੰਤਰੀਆਂ ਅਤੇ ਮੁੱਖ ਸਕੱਤਰ ਵਿਚਾਲੇ ਛਿੜੇ ਵਿਵਾਦ ਮਗਰੋਂ ਅੱਜ ਹੋ ਰਹੀ ਮੰਤਰੀ ਮੰਡਲ ਦੀ ਮੀਟਿੰਗ ਵਿਚ ਮੁੱਖ ਸਕੱਤਰ ਵੀ ਸ਼ਾਮਲ ਹੋਏ ਹਨ । ਇਸ ਤੋਂ ਇਹ ਅੰਦਾਜਾ ਲਗਾਇਆ ਜਾ ਰਿਹਾ ਹੈ ਕਿ ਮੰਤਰੀ ਮੁੱਖ ਸਕੱਤਰ ਵਿਵਾਦ ਫਿਲਹਾਲ ਖ਼ਤਮ...
ਨਗਰ ਨਿਗਮ ਪਟਿਆਲਾ ਦੇ ਮੇਅਰ ਵਾਤਾਵਰਨ ਨੂੰ ਸ਼ੁੱਧ ਰੱਖਣ ਲਈ ਚਲਾ ਰਹੇ ਹਨ ਸਾਈਕਲ
. . .  about 1 hour ago
ਪਟਿਆਲਾ, 27 ਮਈ (ਗੁਰਪ੍ਰੀਤ ਸਿੰਘ ਚੱਠਾ) - ਵਾਤਾਵਰਨ ਨੂੰ ਸ਼ੁੱਧ ਰੱਖਣ ਲਈ ਨਗਰ ਨਿਗਮ ਪਟਿਆਲਾ ਦੇ ਮੇਅਰ ਸੰਜੀਵ ਸ਼ਰਮਾ ਬਿੱਟੂ ਨੇ ਆਪਣੇ ਆਪ ਨਾਲ ਵਾਅਦਾ ਕੀਤਾ ਹੈ ਕਿ ਉਹ ਰੋਜ਼ਾਨਾ ਆਪਣੇ ਘਰ ਤੋਂ ਕਾਰਪੋਰੇਸ਼ਨ ਦਫ਼ਤਰ ਤੱਕ ਸਾਈਕਲ ਤੇ ਜਾਣਗੇ। ਇਸ...
ਭਾਰਤ ਨਾਲ ਸਰਹੱਦ 'ਤੇ ਹਾਲਾਤ ਕਾਬੂ ਹੇਠ - ਚੀਨ
. . .  about 1 hour ago
ਬੀਜਿੰਗ, 27 ਮਈ - ਚੀਨ ਨੇ ਅੱਜ ਕਿਹਾ ਹੈ ਕਿ ਭਾਰਤ ਨਾਲ ਲਗਦੀ ਸਰਹੱਦ 'ਤੇ ਹਾਲਾਤ ਸਥਿਰ ਹਨ ਤੇ ਕਾਬੂ ਹੇਠ ਹਨ ਅਤੇ ਦੋਵੇਂ ਦੇਸ਼ ਢੁੱਕਵੇਂ ਤੰਤਰ ਤੇ ਸੰਚਾਰ ਰਾਹੀਂ ਮੁੱਦਿਆਂ ਨੂੰ ਗੱਲਬਾਤ ਨਾਲ ਹੱਲ ਕਰ ਰਹੇ ਹਨ। ਚੀਨ ਵਲੋਂ ਇਹ ਬਿਆਨ ਉਸ ਵਕਤ ਆਇਆ ਹੈ, ਜਦੋਂ ਦੋਵੇਂ...
ਭਾਰਤ-ਪਾਕਿਸਤਾਨ ਸਰਹੱਦ ਤੋਂ ਨਾਰਕੋਟਿਕਸ ਸੈਲ ਵਲੋਂ 10 ਕਰੋੜ ਦੀ ਹੈਰੋਇਨ ਅਤੇ 280 ਗ੍ਰਾਮ ਅਫੀਮ ਬਰਾਮਦ
. . .  about 1 hour ago
ਤਰਨ ਤਾਰਨ, 27 ਮਈ (ਹਰਿੰਦਰ ਸਿੰਘ)—ਨਾਰਕੋਟਿਕਸ ਸੈਲ ਤਰਨ ਤਾਰਨ ਦੀ ਪੁਲਿਸ ਵਲੋਂ ਗੁਪਤ ਸੂਚਨਾ ਦੇ ਅਧਾਰ ਤੇ ਭਾਰਤ-ਪਾਕਿਸਤਾਨ ਸਰਹੱਦ ਤੋਂ ਪਾਕਿਸਤਾਨੀ ਸਮੱਗਲਰਾਂ ਵਲੋਂ ਭਾਰਤੀ ਖੇਤਰ ਵਿਚ ਕਣਕ ਦੇ ਖੇਤਾਂ ਵਿਚ ਨੱਪੀ 2 ਕਿਲੋ 20 ਗ੍ਰਾਮ ਹੈਰੋਇਨ ਅਤੇ 280 ਗ੍ਰਾਮ...
ਡੀ.ਐਸ.ਪੀਜ਼ ਨੇ ਸੰਭਾਲਿਆ ਆਪਣਾ ਆਪਣਾ ਅਹੁਦਾ
. . .  about 1 hour ago
ਬਾਘਾਪੁਰਾਣਾ/ਗੁਰੂ ਹਰ ਸਹਾਏ, 27 ਮਈ (ਬਲਰਾਜ ਸਿੰਗਲਾ/ਕਪਿਲ ਕੰਧਾਰੀ, ਹਰਚਰਨ ਸਿੰਘ ਸੰਧੂ) - ਬਾਘਾ ਪੁਰਾਣਾ ਦੇ ਡੀ.ਐਸ.ਪੀ. ਰਵਿੰਦਰ ਸਿੰਘ ਦਾ ਤਬਾਦਲਾ ਹੋਣ ਜਾਣ ਕਾਰਨ ਉਨ੍ਹਾਂ ਦੀ ਥਾਂ ਬਦਲ ਕੇ ਆਏ ਡੀ.ਐਸ.ਪੀ. ਜਸਵਿੰਦਰ ਸਿੰਘ ਨੇ ਬਾਘਾ ਪੁਰਾਣਾ ਵਿਖੇ ਆਪਣੇ...
ਅਟਾਰੀ ਵਾਹਗਾ ਸਰਹੱਦ ਰਾਹੀਂ 179 ਪਾਕਿ ਨਾਗਰਿਕਾਂ ਦੀ ਹੋਈ ਵਾਪਸੀ
. . .  about 1 hour ago
ਅੰਮ੍ਰਿਤਸਰ, 27 ਮਈ (ਸੁਰਿੰਦਰ ਕੋਛੜ) - ਭਾਰਤੀ ਗ੍ਰਹਿ ਮੰਤਰਾਲੇ ਵੱਲੋਂ ਤਾਲਾਬੰਦੀ ਦੇ ਬਾਵਜੂਦ ਭਾਰਤ 'ਚ ਫਸੇ ਲਗਭਗ 179 ਹੋਰ ਪਾਕਿਸਤਾਨੀ ਨਾਗਰਿਕਾਂ ਨੂੰ ਅਟਾਰੀ-ਵਾਹਗਾ ਸਰਹੱਦ ਰਾਹੀਂ ਅੱਜ ਪਾਕਿਸਤਾਨ ਰਵਾਨਾ ਕੀਤਾ ਗਿਆ। ਇਹ ਪਾਕਿ ਨਾਗਰਿਕ ਤਾਲਾਬੰਦੀ...
ਬਿਜਲੀ ਬਿੱਲ ਤੇ ਸਕੂਲ ਫ਼ੀਸਾਂ ਦੀ ਮੁਆਫ਼ੀ ਨੂੰ ਲੈ ਕੇ 'ਆਪ' ਵੱਲੋਂ ਕੇਂਦਰ ਅਤੇ ਸੂਬਾ ਸਰਕਾਰ ਖਿਲਾਫ਼ ਰੋਸ ਪ੍ਰਦਰਸ਼ਨ
. . .  1 minute ago
ਟਾਂਡਾ ਉੜਮੁੜ, 27 ਮਈ ( ਦੀਪਕ ਬਹਿਲ) - ਆਮ ਆਦਮੀ ਪਾਰਟੀ ਹਲਕਾ ਟਾਂਡਾ ਵੱਲੋਂ ਹਲਕਾ ਇੰਚਾਰਜ ਟਾਂਡਾ ਹਰਮੀਤ ਸਿੰਘ ਔਲਖ ਦੀ ਅਗਵਾਈ ਹੇਠ ਟਾਂਡਾ ਚ ਬਿਜਲੀ ਬਿੱਲ ਅਤੇ ਸਕੂਲ ਫ਼ੀਸਾਂ ਦੀ ਮੁਆਫ਼ੀ ਦੀ ਮੰਗ ਨੂੰ ਲੈ ਕੇ ਅੱਜ ਕੇਂਦਰ ਅਤੇ ਸੂਬਾ ਸਰਕਾਰ ਖਿਲਾਫ...
ਜਲੰਧਰ ਦਿਹਾਤੀ ਪੁਲਿਸ ਨੇ ਭਾਰੀ ਮਾਤਰਾ 'ਚ ਅਫ਼ੀਮ ਕੀਤੀ ਬਰਾਮਦ, ਦੋ ਕਾਬੂ
. . .  about 2 hours ago
ਜਲੰਧਰ, 27 ਮਈ - ਜਲੰਧਰ ਦਿਹਾਤੀ ਪੁਲਿਸ ਨੂੰ ਵੱਡੀ ਕਾਮਯਾਬੀ ਮਿਲੀ ਹੈ। ਜਲੰਧਰ ਦਿਹਾਤੀ ਪੁਲਿਸ ਨੇ ਨਾਕੇਬੰਦੀ ਦੌਰਾਨ ਇਕ ਇਨੋਵਾ ਦੀ ਤਲਾਸ਼ੀ ਲੈਣ 'ਤੇ 6 ਕਿੱਲੋ ਅਫ਼ੀਮ ਬਰਾਮਦ ਕੀਤੀ ਹੈ। ਇਸ ਮਾਮਲੇ 'ਚ ਜਲੰਧਰ ਦਿਹਾਤੀ ਪੁਲਿਸ...
ਕਿਸਾਨੀ ਮੰਗਾਂ ਨੂੰ ਲੈ ਕੇ ਕੁਲ ਹਿੰਦ ਕਿਸਾਨ ਸਭਾ ਵਲੋਂ ਰੋਸ ਮੁਜ਼ਾਹਰਾ
. . .  about 2 hours ago
ਗੜ੍ਹਸ਼ੰਕਰ, 27 ਮਈ (ਧਾਲੀਵਾਲ)- ਕੁਲ ਹਿੰਦ ਕਿਸਾਨ ਸੰਘਰਸ਼ ਤਾਲਮੇਲ ਕਮੇਟੀ ਦੀਆਂ 234 ਕਿਸਾਨ ਜਥੇਬੰਦੀਆਂ ਦੇ ਸੱਦੇ 'ਤੇ ਕੁਲ ਹਿੰਦ ਕਿਸਾਨ ਸਭਾ ਵੱਲੋਂ ਐੱਸ.ਡੀ.ਐੱਮ. ਦਫ਼ਤਰ ਗੜ੍ਹਸ਼ੰਕਰ ਵਿਖੇ ਰੋਸ ਮੁਜ਼ਾਹਰਾ ਕਰਦਿਆਂ ਐੱਸ.ਡੀ.ਐੱਮ. ਹਰਬੰਸ ਸਿੰਘ ਨੂੰ ਮੰਗ ਪੱਤਰ...
ਕੈਨੇਡਾ 'ਚ ਮਾਪਿਆਂ ਦੇ ਇਕਲੌਤੇ ਬੇਟੇ ਦੀ ਮੌਤ
. . .  about 1 hour ago
ਭਿੰਡੀ ਸੈਦਾਂ (ਅੰਮ੍ਰਿਤਸਰ), 27 ਮਈ (ਪ੍ਰਿਤਪਾਲ ਸਿੰਘ ਸੂਫ਼ੀ) - ਰੋਜ਼ੀ ਰੋਟੀ ਖ਼ਾਤਰ ਕੈਨੇਡਾ ਦੇ ਸ਼ਹਿਰ ਟੋਰਾਂਟੋ 'ਚ ਟਰੱਕ ਡਰਾਈਵਰੀ ਕਰਦੇ ਕਸਬਾ ਭਿੰਡੀ ਸੈਦਾਂ ਦੇ ਨੌਜਵਾਨ ਸੰਗਮਪ੍ਰੀਤ ਸਿੰਘ ਗਿੱਲ (24) ਪੁੱਤਰ ਹਰਪਾਲ ਸਿੰਘ ਗਿੱਲ ਦੀ ਅੱਜ ਸਵੇਰੇ ਤੜਕਸਾਰ ਬਰਮਪਟਨ ਨਜ਼ਦੀਕ...
ਸਿੱਧੂ ਮੂਸੇਵਾਲਾ ਮਾਮਲਾ : ਚਾਰ ਪੁਲਿਸ ਮੁਲਾਜ਼ਮਾਂ ਨੂੰ ਮਿਲੀ ਅਗਾਊਂ ਜਮਾਨਤ
. . .  about 2 hours ago
ਸੰਗਰੂਰ, 27 ਮਈ (ਧੀਰਜ ਪਸ਼ੋਰੀਆ) - ਗਾਇਕ ਸਿੱਧੂ ਮੂਸੇਵਾਲਾ ਦੀ ਕੁੱਝ ਪੁਲਿਸ ਮੁਲਾਜ਼ਮਾਂ ਨਾਲ ਇਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਉਨ੍ਹਾਂ ਖਿਲਾਫ ਸਦਰ ਪੁਲਿਸ ਥਾਣਾ ਧੂਰੀ ਵਿਖੇ ਦਰਜ ਮਾਮਲੇ ਵਿਚ ਚਾਰ ਪੁਲਿਸ ਮੁਲਾਜ਼ਮਾਂ ਨੂੰ ਸੰਗਰੂਰ ਅਦਾਲਤ ਤੋਂ ਅਗਾਊਂ ਜ਼ਮਾਨਤ...
ਜ਼ਿਲ੍ਹਾ ਗੁਰਦਾਸਪੁਰ ਤੇ ਪਠਾਨਕੋਟ 'ਚ ਇਕ - ਇਕ ਮਰੀਜ਼ ਕੋਰੋਨਾ ਪਾਜ਼ੀਟਿਵ ਪਾਏ ਗਏ
. . .  about 2 hours ago
ਦੋਰਾਂਗਲਾ/ਪਠਾਨਕੋਟ 27 ਮਈ (ਲਖਵਿੰਦਰ ਸਿੰਘ ਚੱਕਰਾਜਾ/ਸੰਧੂ) - ਜ਼ਿਲ੍ਹਾ ਗੁਰਦਾਸਪੁਰ ਨਾਲ ਸਬੰਧਿਤ ਕਸਬਾ ਦੋਰਾਂਗਲਾ ਦਾ ਇਕ ਵਿਅਕਤੀ ਕੋਰੋਨਾ ਪਾਜ਼ੀਟਿਵ ਪਾਇਆ ਗਿਆ ਹੈ। ਉਕਤ ਵਿਅਕਤੀ ਮੁੰਬਈ ਵਿਖੇ ਕੰਮ ਕਰਦਾ ਸੀ ਜੋ ਬੀਤੇ ਦਿਨੀਂ ਹੀ ਇੱਥੇ ਵਾਪਸ ਪਰਤਿਆ ਸੀ। ਜਿਸ...
ਦਿੱਲੀ 'ਚ ਪਿਛਲੇ 24 ਘੰਟਿਆਂ 'ਚ 792 ਕੋਰੋਨਾ ਵਾਇਰਸ ਦੇ ਆਏ ਕੇਸ
. . .  about 3 hours ago
ਨਵੀਂ ਦਿੱਲੀ, 27 ਮਈ - ਦਿੱਲੀ ਵਿਚ ਕੋਰੋਨਾਵਾਰਿਸ ਦੇ ਕੇਸਾਂ ਵਿਚ ਵੱਡਾ ਵਾਧਾ ਹੁੰਦੇ ਹੋਏ ਪਿਛਲੇ 24 ਘੰਟਿਆਂ ਵਿਚ 792 ਪਾਜ਼ੀਟਿਵ ਕੇਸ ਸਾਹਮਣੇ ਆ ਗਏ ਹਨ। ਇਸ ਤਰ੍ਹਾਂ ਰਾਜਧਾਨੀ ਵਿਚ 15257 ਕੇਸ ਹੋ ਗਏ...
ਸੁਸ਼ੀਲ ਸ਼ਰਮਾ ਨੂੰ ਜਲੰਧਰ ਭਾਜਪਾ ਦਾ ਪ੍ਰਧਾਨ ਬਣਾਇਆ ਗਿਆ
. . .  about 3 hours ago
ਜਲੰਧਰ, 27 ਮਈ (ਸ਼ਿਵ) - ਕੌਂਸਲਰ ਸੁਸ਼ੀਲ ਸ਼ਰਮਾ ਨੂੰ ਜਲੰਧਰ ਭਾਜਪਾ ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ...
ਪਟਿਆਲਾ 'ਚ ਯੂਥ ਕਾਂਗਰਸੀਆਂ ਨੇ ਵੱਡੀ ਗਿਣਤੀ ਵਿਚ ਕੀਤਾ ਖ਼ੂਨਦਾਨ
. . .  about 3 hours ago
ਪਟਿਆਲਾ, 27 ਮਈ (ਅਮਰਬੀਰ ਸਿੰਘ ਆਹਲੂਵਾਲੀਆ) - ਯੂਥ ਕਾਂਗਰਸ ਪਟਿਆਲਾ ਦੇ ਪ੍ਰਧਾਨ ਸੰਜੀਵ ਕੁਮਾਰ ਕਾਲੂ ਦੀ ਅਗਵਾਈ ਵਿਚ ਵੱਡੀ ਗਿਣਤੀ ਵਿਚ ਯੂਥ ਕਾਂਗਰਸੀਆਂ ਨੇ ਖ਼ੂਨਦਾਨ ਕੀਤਾ। ਇਸ ਮੌਕੇ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਜਿਸ ਤਰ੍ਹਾਂ ਕੋਰੋਨਾ ਵਾਇਰਸ...
ਕਿਸਾਨੀ ਮੰਗਾਂ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਦੇ ਨਾਂਅ ਮੰਗ ਪੱਤਰ
. . .  about 3 hours ago
ਗੁਰੂ ਹਰ ਸਹਾਏ, 27 ਮਈ (ਹਰਚਰਨ ਸਿੰਘ ਸੰਧੂ/ਕਪਿਲ ਕੰਧਾਰੀ) - ਸਾਰੇ ਭਾਰਤ ਵਿਚ ਕਿਸਾਨ ਬਚਾਓ, ਦੇਸ਼ ਬਚਾਓ ਦਿਵਸ ਮੌਕੇ ਕੁੱਲ ਹਿੰਦ ਕਿਸਾਨ ਸੰਘਰਸ਼ 'ਚ ਸ਼ਾਮਲ 10 ਕਿਸਾਨ ਜਥੇਬੰਦੀਆਂ ਵਲੋਂ ਰੋਸ ਪ੍ਰਦਰਸ਼ਨ ਕਰਦੇ ਹੋਏ ਕਿਸਾਨਾਂ ਦੀਆਂ ਮੰਗਾਂ ਪ੍ਰਧਾਨ ਮੰਤਰੀ ਦੇ ਨਾਂਅ 'ਤੇ...
ਅੰਮ੍ਰਿਤਸਰ 'ਚ ਸ਼ਾਰਟ ਸਰਕਟ ਕਾਰਨ ਲੱਗੀ ਅੱਗ, ਨਗਰ ਨਿਗਮ ਵੱਲੋਂ ਰੱਖਿਆ ਸਾਮਾਨ ਸੜ ਕੇ ਸੁਆਹ
. . .  about 3 hours ago
ਅੰਮ੍ਰਿਤਸਰ, 27 ਮਈ (ਰਾਜੇਸ਼ ਕੁਮਾਰ ਸੰਧੂ) - ਅੱਜ ਸਵੇਰ ਤੜਕਸਾਰ ਸ਼ਾਰਟ ਸਰਕਟ ਕਾਰਨ ਨਿਗਮ ਦੀ ਜ਼ਮੀਨ 'ਤੇ ਰੱਖੇ ਸਾਮਾਨ ਨੂੰ ਭਿਆਨਕ ਅੱਗ ਲਗ ਗਈ। ਜਿਸ ਦੇ ਨਾਲ ਨਗਰ ਨਿਗਮ ਦੇ ਇਸ਼ਤਿਹਾਰ ਵਿਭਾਗ ਅਤੇ ਜ਼ਮੀਨ ਵਿਭਾਗ ਵੱਲੋਂ ਜ਼ਿਲ੍ਹੇ ਵਿਚ ਲੱਗੇ ਨਾਜਾਇਜ਼...
ਪਾਤੜਾਂ ਨੇੜ੍ਹੇ ਡਰੇਨ ਵਿਚ ਕਾਰ ਡਿੱਗ ਜਾਣ ਤੇ 2 ਨੌਜਵਾਨਾਂ ਦੀ ਮੌਤ
. . .  about 4 hours ago
ਪਾਤੜਾਂ, 27 ਮਈ (ਜਗਦੀਸ਼ ਸਿੰਘ ਕੰਬੋਜ, ਗੁਰਇਕਬਾਲ ਸਿੰਘ ਖਾਲਸਾ) - ਕੌਮੀ ਮਾਰਗ ਤੇ ਪਿੰਡ ਦੁਗਾਲ ਦੇ ਨੇੜ੍ਹੇ ਇਕ ਤੇਜ ਰਫਤਾਰ ਗੱਡੀ ਡਰੇਨ ਵਿਚ ਜਾ ਡਿੱਗੀ ਅਤੇ ਇਸ ਵਿਚ ਸਵਾਰ 2 ਨੌਜਵਾਨਾਂ ਦੀ ਮੌਤ ਹੋ ਗਈ ਅਤੇ ਜਦੋਂ ਕਿ ਗੰਭੀਰ ਹਾਲਤ ਵਿੱਚ ਜਖਮੀ ਤਿੰਨਾਂ ਨੂੰ ਪਟਿਆਲਾ ਲਈ ਰੈਫਰ ਕਰ ਦਿੱਤਾ...
ਅਕਾਲੀ ਦਲ ਸੁਤੰਤਰ ਦੇ ਕੌਮੀ ਪ੍ਰਧਾਨ ਨੂੰ ਡੀ.ਸੀ. ਪਟਿਆਲਾ ਦੇ ਦਫ਼ਤਰ ਅੱਗੇ ਧਰਨਾ ਦੇਣ ਤੋਂ ਰੋਕਿਆ
. . .  about 4 hours ago
ਨਾਭਾ, 27 ਮਈ (ਅਮਨਦੀਪ ਸਿੰਘ ਲਵਲੀ) - ਅਕਾਲੀ ਦਲ ਸੁਤੰਤਰ ਦੇ ਕੌਮੀ ਪ੍ਰਧਾਨ ਪਰਮਜੀਤ ਸਿੰਘ ਸਹੋਲੀ ਨੂੰ ਅੱਜ ਡਿਪਟੀ ਕਮਿਸ਼ਨਰ ਪਟਿਆਲਾ ਦੇ ਦਫ਼ਤਰ ਅੱਗੇ ਧਰਨਾ ਦੇਣ ਜਾਣ ਤੋਂ ਡੀਐੱਸਪੀ ਨਾਭਾ ਰਾਜੇਸ਼ ਛਿੱਬਰ ਕੋਤਵਾਲੀ ਮੁਖੀ ਸਰਬਜੀਤ ਚੀਮਾ ਅਤੇ ਪੁਲਿਸ ਫੋਰਸ ਵੱਲੋਂ ਰੋਕਿਆ ਗਿਆ। ਗੱਲਬਾਤ...
ਟੀ-20 ਵਿਸ਼ਵ ਕੱਪ ਦੇ 2022 ਤੱਕ ਮੁਲਤਵੀ ਹੋਣ ਦੀ ਸੰਭਾਵਨਾ - ਆਈ.ਸੀ.ਸੀ ਸੂਤਰ
. . .  about 4 hours ago
ਮੁੰਬਈ, 27 ਮਈ - ਆਈ.ਸੀ.ਸੀ ਸੂਤਰਾਂ ਅਨੁਸਾਰ ਕੋਰੋਨਾ ਦੇ ਚੱਲਦਿਆਂ ਟੀ-20 ਵਿਸ਼ਵ ਕੱਪ ਦੇ 2022 ਤੱਕ ਮੁਲਤਵੀ ਹੋਣ ਦੀ ਸੰਭਾਵਨਾ ਹੈ। ਹਾਲੇ ਤੱਕ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ...
ਮਹਾਰਾਸ਼ਟਰ 'ਚ ਪੁਲਿਸ ਦੇ 75 ਹੋਰ ਜਵਾਨਾਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ
. . .  about 4 hours ago
ਮੁੰਬਈ, 27 ਮਈ - ਮਹਾਰਾਸ਼ਟਰ 'ਚ ਪਿਛਲੇ 24 ਘੰਟਿਆਂ ਦੌਰਾਨ ਪੁਲਿਸ ਨੇ 75 ਹੋਰ ਜਵਾਨਾਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਮਹਾਰਾਸ਼ਟਰ ਪੁਲਿਸ 'ਚ ਕੋਰੋਨਾ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 1964 ਹੋ ਗਈ ਹੈ, ਜਦਕਿ 20 ਜਵਾਨਾਂ ਦੀ ਮੌਤ ਹੋ ਚੁੱਕੀ ਹੈ ਤੇ 849 ਜਵਾਨ ਸਿਹਤਯਾਬ...
ਕਰਨਾਟਕ 'ਚ 31 ਮਈ ਤੋਂ ਬਾਅਦ ਖੁੱਲ੍ਹਣਗੇ ਧਾਰਮਿਕ ਅਸਥਾਨ - ਯੇਦੀਯੁਰੱਪਾ
. . .  about 5 hours ago
ਬੈਂਗਲੁਰੂ, 27 ਮਈ - ਕਰਨਾਟਕ ਦੇ ਮੁੱਖ ਮੰਤਰੀ ਬੀ.ਐੱਸ.ਯੇਦੀਯੁਰੱਪਾ ਦਾ ਕਹਿਣਾ ਹੈ ਕਿ ਕਰਨਾਟਕ 'ਚ 31 ਮਈ ਤੋਂ ਬਾਅਦ ਮੰਦਰ, ਮਸਜਿਦ ਅਤੇ ਚਰਚ ਖ਼ੋਲ ਦਿੱਤੇ...
ਤਬਲੀਗ਼ੀ ਜਮਾਤ ਇਕੱਠ ਮਾਮਲੇ 'ਚ ਦਿੱਲੀ ਪੁਲਿਸ ਅੱਜ ਕਰੇਗੀ ਦੋਸ਼ ਪੱਤਰ ਦਾਖਲ
. . .  about 5 hours ago
ਨਵੀਂ ਦਿੱਲੀ, 27 ਮਈ - ਤਬਲੀਗ਼ੀ ਜਮਾਤ ਇਕੱਠ ਮਾਮਲੇ 'ਚ ਦਿੱਲੀ ਪੁਲਿਸ ਵੱਲੋਂ 294 ਵਿਦੇਸ਼ੀ ਨਾਗਰਿਕਾਂ ਖ਼ਿਲਾਫ਼ ਅੱਜ 15 ਦੋਸ਼ ਪੱਤਰ ਦਾਖਲ ਕੀਤੇ...
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

ਬੇਹੇ ਖਾਣੇ ਤੋਂ ਬਣਾਓ ਲਜੀਜ਼, ਤਾਜ਼ੇ ਪਕਵਾਨ

ਖਾਣੇ ਨੂੰ ਭਾਵੇਂ ਅਸੀਂ ਕਿੰਨਾ ਨਾਪ ਤੋਲ ਕੇ ਬਣਾਈਏ, ਘਰ ਵਿਚ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਖਾਣਾ ਬਚ ਹੀ ਜਾਂਦਾ ਹੈ। ਜੇਕਰ ਜ਼ਿਆਦਾ ਖਾਣਾ ਬਚ ਜਾਂਦਾ ਹੈ ਤਾਂ ਬਚੇ ਹੋਏ ਖਾਣੇ ਨਾਲ ਦੁਬਾਰਾ ਨਵੇਂ ਪਕਵਾਨ ਵੀ ਤਿਆਰ ਕੀਤੇ ਜਾ ਸਕਦੇ ਹਨ। ਕਿਵੇਂ, ਆਓ ਜਾਣੀਏ :-
* ਰੋਟੀ ਜਾਂ ਪਰੌਂਠਿਆਂ ਦਾ ਚੂਰਮਾ ਵੀ ਬਣਾਇਆ ਜਾ ਸਕਦਾ ਹੈ। ਰੋਟੀਆਂ ਨੂੰ ਤਵੇ 'ਤੇ ਚੰਗੀ ਤਰ੍ਹਾਂ ਸੇਕ ਕੇ ਉਨ੍ਹਾਂ ਨੂੰ ਮਿਕਸੀ ਵਿਚ ਦਰਦਰਾ ਪੀਸ ਲਓ। ਕੜ੍ਹਾਈ ਵਿਚ ਥੋੜ੍ਹਾ ਘਿਓ ਪਾ ਕੇ ਪੀਸੀਆਂ ਰੋਟੀਆਂ ਨੂੰ ਚੰਗੀ ਤਰ੍ਹਾਂ ਭੁੰਨ ਕੇ ਉਸ ਵਿਚ ਪੀਸੀ ਚੀਨੀ ਮਿਲਾਓ ਅਤੇ ਖਾਓ।
* ਬੇਹੀਆਂ ਰੋਟੀਆਂ ਤੋਂ ਪੋਹਾ ਵੀ ਬਣਾਇਆ ਜਾ ਸਕਦਾ ਹੈ। ਇਸ ਲਈ ਰੋਟੀਆਂ ਨੂੰ ਸੇਕਣਾ ਨਹੀਂ ਹੁੰਦਾ, ਨਰਮ ਰੋਟੀਆਂ ਨੂੰ ਮਸਲ ਕੇ, ਕੜਾਹੀ ਵਿਚ ਮਸਾਲਾ ਭੁੰਨ ਕੇ ਉਸ ਵਿਚ ਸਬਜ਼ੀਆਂ ਅਤੇ ਮੂੰਗਫਲੀ ਦੇ ਦਾਣਿਆਂ ਦੇ ਨਾਲ ਮਿਲਾ ਕੇ ਬਣਾਇਆ ਜਾਂਦਾ ਹੈ। ਪੋਹੇ ਦੀ ਥਾਂ ਰੋਟੀਆਂ ਦੇ ਛੋਟੇ-ਛੋਟੇ ਟੁੱਕੜਿਆਂ ਦੀ ਵਰਤੋਂ ਵੀ ਕੀਤੀ ਜਾਂਦੀ ਹੈ।
* ਬੇਹੀਆਂ ਰੋਟੀਆਂ ਨੂੰ ਬ੍ਰੈੱਡ ਦੇ ਨਾਲ ਮਿਕਸ ਕਰਕੇ ਉਸ ਵਿਚ ਹਰੀ ਮਿਰਚ, ਧਨੀਆ, ਨਮਕ, ਜ਼ੀਰਾ ਆਦਿ ਪਾ ਕੇ ਉਸ ਨੂੰ ਸਨੈਕਸ ਦੇ ਰੂਪ ਵਿਚ ਖਾਓ।
ਦਾਲ : * ਦਾਲ ਅਕਸਰ ਬਚ ਜਾਂਦੀ ਹੈ, ਇਸ ਨੂੰ ਆਟੇ ਵਿਚ ਗੁੰਨ੍ਹ ਕੇ ਉਸ ਵਿਚ ਥੋੜ੍ਹਾ ਵੇਸਣ, ਬਾਰੀਕ ਪਿਆਜ਼ ਕੱਟ ਕੇ ਹਰੀ ਮਿਰਚ, ਧਨੀਆ, ਨਮਕ ਅਤੇ ਲਾਲ ਮਿਰਚ ਅਤੇ ਥੋੜ੍ਹਾ ਮੋਇਨ ਦੇ ਕੇ ਇਸ ਦਾ ਖਸਤਾ ਪਰੌਂਠਾ ਵੀ ਬਣਾਇਆ ਜਾ ਸਕਦਾ ਹੈ।
* ਬਚੀ ਹੋਈ ਦਾਲ ਦਾ ਸਾਂਭਰ ਵੀ ਬਣਾਇਆ ਜਾ ਸਕਦਾ ਹੈ। ਬਾਰੀਕ ਸਬਜ਼ੀਆਂ ਨੂੰ ਕੱਟ ਕੇ ਉਨ੍ਹਾਂ ਨੂੰ ਉਬਾਲ ਲਓ ਅਤੇ ਕੜਾਹੀ ਵਿਚ ਥੋੜ੍ਹਾ ਤੇਲ ਗਰਮ ਕਰਕੇ ਸਰ੍ਹੋਂ ਦੇ ਦਾਣੇ, ਸਾਬਤ ਲਾਲ ਮਿਰਚ, ਕੜੀ ਪੱਤਾ ਪਾ ਕੇ ਬਚੀ ਦਾਲ ਇਸ ਵਿਚ ਪਾ ਦਿਓ। ਪੱਕਣ 'ਤੇ ਇਮਲੀ ਦਾ ਘੋਲ ਅਤੇ ਸਾਂਭਰ ਮਸਾਲਾ ਪਾਓ।
ਸਬਜ਼ੀਆਂ : * ਬਚੀਆਂ ਹੋਈਆਂ ਸਬਜ਼ੀਆਂ ਨੂੰ ਦੁਬਾਰਾ ਫ੍ਰਾਈ ਕਰਕੇ ਉਨ੍ਹਾਂ ਨੂੰ ਸੈਂਡਵਿਚ ਬਣਾ ਕੇ ਖਾਧਾ ਜਾ ਸਕਦਾ ਹੈ। ਇਸ ਵਿਚ ਕੈਚਅਪ ਜਾਂ ਸ਼ੇਜਵਾਨ ਸੌਸ ਮਿਲਾ ਕੇ ਇਸ ਨੂੰ ਹੋਰ ਸਵਾਦੀ ਬਣਾ ਸਕਦੇ ਹੋ।
* ਸਬਜ਼ੀਆਂ ਨੂੰ ਚੰਗੀ ਤਰ੍ਹਾਂ ਮੈਸ਼ ਕਰੋ, ਉਨ੍ਹਾਂ ਨੂੰ ਹਿੰਗ ਅਤੇ ਜ਼ੀਰੇ ਵਿਚ ਫ੍ਰਾਈ ਕਰਕੇ ਇਸ ਨਾਲ ਭਰਵਾਂ ਪਰੌਂਠਾ ਬਣਾ ਸਕਦੇ ਹੋ।
* ਜੇਕਰ ਘਰ ਵਿਚ ਕਈ ਤਰ੍ਹਾਂ ਦੀਆਂ ਸਬਜ਼ੀਆਂ ਬਚ ਗਈਆਂ ਹਨ ਤਾਂ ਇਨ੍ਹਾਂ ਨੂੰ ਦੁਬਾਰਾ ਗਰਮ ਕਰਕੇ ਅਦਰਕ, ਲਸਣ ਨਾਲ ਫ੍ਰਾਈ ਕਰਕੇ ਮੱਖਣ ਪਾ ਕੇ ਇਸ ਦੀ ਭਾਜੀ ਤਿਆਰ ਕਰਕੇ ਇਸ ਨੂੰ ਪਾਵ ਦੇ ਨਾਲ ਖਾਧਾ ਜਾ ਸਕਦਾ ਹੈ।
* ਬਚੇ ਹੋਏ ਚੌਲਾਂ ਨਾਲ ਫ੍ਰਾਈਡ ਰਾਈਸ ਬਣਾ ਸਕਦੇ ਹੋ। ਤਾਜ਼ੀਆਂ ਸਬਜ਼ੀਆਂ ਨੂੰ ਬਾਰੀਕ ਕੱਟ ਕੇ ਕੜਾਹੀ ਵਿਚ ਤੇਲ ਗਰਮ ਕਰੋ ਅਤੇ ਉਸ ਵਿਚ ਬਾਰੀਕ ਪਿਆਜ਼ ਕੱਟ ਕੇ, ਭੁੰਨ ਕੇ ਬਾਰੀਕ ਸਬਜ਼ੀਆਂ ਪਾਓ ਅਤੇ ਬਾਅਦ ਵਿਚ ਸਵਾਦ ਅਨੁਸਾਰ ਨਮਕ ਮਿਰਚ ਮਿਲਾ ਲਓ ਤਾਂ ਸਵਾਦੀਸ਼ਟ ਫ੍ਰਾਈਡ ਚੌਲ ਤਿਆਰ ਹੋ ਜਾਂਦੇ ਹਨ।
* ਬਚੇ ਚੌਲਾਂ ਨੂੰ ਕੁੱਕਰ ਵਿਚ ਪਕਾ ਕੇ, ਠੰਢਾ ਕਰਕੇ ਉਸ ਵਿਚ ਖੱਟਾ ਦਹੀਂ ਅਤੇ ਨਮਕ ਮਿਲਾ ਕੇ ਇਡਲੀ ਦੇ ਸਾਂਚਿਆਂ ਵਿਚ ਭਰ ਕੇ ਇਸ ਤੋਂ ਇਡਲੀ ਤਿਆਰ ਕੀਤੀ ਜਾ ਸਕਦੀ ਹੈ।
* ਜੇਕਰ ਚੌਲ ਕਾਫ਼ੀ ਜ਼ਿਆਦਾ ਬਚ ਗਏ ਹੋਣ ਤਾਂ ਉਨ੍ਹਾਂ ਨੂੰ ਕਿਸੇ ਭਾਂਡੇ ਵਿਚ ਲਗਪਗ ਦੁੱਗਣਾ ਪਾਣੀ ਪਾ ਕੇ ਚੰਗੀ ਤਰ੍ਹਾਂ ਪਕਾ ਲਓ। ਉਸ ਨੂੰ ਘੋਟ ਕੇ ਪਕੌੜਿਆਂ ਵਰਗਾ ਘੋਲ ਤਿਆਰ ਕਰਕੇ ਇਸ ਦੀਆਂ ਫੁਲਵੜੀਆਂ ਬਣਾਈਆਂ ਜਾ ਸਕਦੀਆਂ ਹਨ। ਇਕ ਸੂਤੀ ਕੱਪੜੇ 'ਤੇ ਇਸ ਮਿਸ਼ਰਣ ਨੂੰ ਜਲੇਬੀ ਜਾਂ ਮਨਚਾਹੇ ਆਕਾਰ ਵਿਚ ਬਣਾ ਕੇ ਇਸ ਨੂੰ ਧੁੱਪ ਵਿਚ ਸੁਕਾਓ ਅਤੇ ਸ਼ਾਮ ਨੂੰ ਸਨੈਕਸ ਵਿਚ ਇਨ੍ਹਾਂ ਕੁਰਕੁਰੀ ਫੁਲਵੜੀਆਂ ਦਾ ਮਜ਼ਾ ਲਿਆ ਜਾ ਸਕਦਾ ਹੈ।
* ਬਚੇ ਚੌਲਾਂ 'ਚ ਅਦਰਕ, ਲਸਣ, ਪਿਆਜ਼, ਟਮਾਟਰ ਦਾ ਮਸਾਲਾ ਤਿਆਰ ਕਰਕੇ ਉਸ ਮਸਾਲੇ ਵਿਚ ਮਿਕਸ ਕਰਕੇ ਮਸਾਲਾ ਰਾਈਸ ਬਣਾ ਕੇ ਖਾਓ।
* ਬਚੇ ਚੌਲਾਂ ਨੂੰ ਦੁਬਾਰਾ ਦੁੱਗਣੇ ਪਾਣੀ ਪਾ ਕੇ ਉਸ ਮਿਸ਼ਰਨ ਵਿਚ ਜ਼ੀਰਾ, ਲਾਲ ਮਿਰਚ, ਨਮਕ, ਕਾਲੀ ਮਿਰਚ ਮਿਲਾ ਕੇ ਇਸ ਦੇ ਪਾਪੜ ਵੀ ਤਿਆਰ ਕੀਤੇ ਜਾ ਸਕਦੇ ਹਨ।
* ਬਚੇ ਚੌਲਾਂ ਤੋਂ ਦੁੱਧ ਵਿਚ ਚੀਨੀ ਮਿਲਾ ਕੇ ਇਸ ਵਿਚ ਇਲਾਇਚੀ ਪਾਊਡਰ ਪਾ ਕੇ ਇਸ ਦੀ ਸਵਾਦੀ ਖੀਰ ਵੀ ਤਿਆਰ ਕੀਤੀ ਜਾ ਸਕਦੀ ਹੈ।
* ਬੇਹੇ ਚੌਲਾਂ ਤੋਂ ਪਕੌੜੇ ਤਿਆਰ ਕੀਤੇ ਜਾ ਸਕਦੇ ਹਨ ਜਾਂ ਇਸ ਵਿਚ ਉੱਬਲੇ ਆਲੂ ਪਾ ਕੇ ਮਸਾਲੇ ਮਿਲਾ ਕੇ ਕਟਲੇਟ ਵੀ ਤਿਆਰ ਕੀਤੇ ਜਾ ਸਕਦੇ ਹਨ, ਜਿਸ ਨੂੰ ਧਨੀਆ ਪੁਦੀਨੇ ਦੀ ਚਟਨੀ ਨਾਲ ਖਾਧਾ ਜਾ ਸਕਦਾ ਹੈ।
* ਇਨ੍ਹਾਂ ਤੋਂ ਇਲਾਵਾ ਲੈਮਨ ਰਾਈਸ, ਇਮਲੀ ਵਾਲੇ ਚੌਲ, ਦਹੀਂ ਵਾਲੇ ਚਾਵਲ, ਤਵਾ ਪੁਲਾਵ, ਨਾਰੀਅਲ ਪੁਲਾਵ, ਪਨੀਰ ਫ੍ਰਾਈਡ ਰਾਈਸ ਪੁਲਾਵ, ਸਵੀਟ ਕਾਰਨ ਫ੍ਰਾਈਡ ਰਾਈਸ ਪੁਲਾਵ, ਬੰਦਗੋਭੀ ਪੁਲਾਵ, ਮਸ਼ਰੂਮ ਪੁਲਾਵ ਵੀ ਬਣਾਏ ਜਾ ਸਕਦੇ ਹਨ।


ਖ਼ਬਰ ਸ਼ੇਅਰ ਕਰੋ

ਸਫ਼ਲਤਾ ਦੀ ਕੁੰਜੀ ਤੁਹਾਡੀ ਬੁਲੰਦ ਸੋਚ

ਹਰ ਵਿਅਕਤੀ ਜ਼ਿੰਦਗੀ ਵਿਚ ਸਫ਼ਲਤਾ ਪ੍ਰਾਪਤ ਕਰਨੀ ਚਾਹੁੰਦਾ ਹੈ ਪਰ ਸਫ਼ਲਤਾ ਪ੍ਰਾਪਤ ਕਿਵੇਂ ਹੁੰਦੀ ਹੈ, ਇਸ ਦੇ ਬੁਨਿਆਦੀ ਕਾਰਨਾਂ ਨੂੰ ਬਹੁਤ ਘੱਟ ਲੋਕ ਜਾਣਦੇ ਹਨ। ਗਾਹਕ ਤਾਂ ਸਾਰੇ ਹੀ ਹਨ ਪਰ ਯੋਗ ਵਿਰਲੇ ਹੀ ਹੁੰਦੇ ਹਨ। ਸੋਚ ਪੱਖੋੋਂ ਸਮਾਜ ਵਿਚ ਅਜੇ ਅਸੀਂ ਬਹੁਤ ਸਾਰੇ ਪੜਾਵਾਂ ਨੂੰ ਤੈਅ ਕਰਨਾ ਹੈ। ਵੱਡੀ ਸਫ਼ਲਤਾ ਕਦੇ ਵੀ ਆਸਾਨੀ ਨਾਲ ਨਹੀਂ ਮਿਲਦੀ ਅਤੇ ਅਸਾਨੀ ਨਾਲ ਮਿਲਣ ਵਾਲੀ ਸਫ਼ਲਤਾ ਕਦੇ ਵੱਡੀ ਨਹੀਂ ਹੋ ਸਕਦੀ। ਘੁਮੰਡ ਜਾਂ ਹਾਊਮੈ ਦਾ ਸਭ ਤੋਂ ਵੱਡਾ ਨੁਕਸ ਇਹ ਹੈ ਕਿ ਇਸ ਨਾਲ ਤੁਹਾਡੀ ਤਾਕਤ ਟੁਕੜਿਆਂ ਵਿਚ ਵੰਡੀ ਜਾਂਦੀ ਹੈ। ਇਕ ਉਸਾਰੂ ਅਤੇ ਚੰਗੀ ਸੋਚ ਹੀ ਬੁਲੰਦ ਸੋਚ ਹੋ ਸਕਦੀ ਹੈ। ਸੋਚ, ਸਮਝ ਅਤੇ ਸਿਆਣਪ ਦੀ ਖੁਰਾਕ ਨਾਲ ਹੀ ਬੁਲੰਦੀ ਦਾ ਬੂਟਾ ਵਧਦਾ-ਫੁਲਦਾ ਅਤੇ ਫੈਲਦਾ ਹੈ। ਜੇਕਰ ਤੁਹਾਡੀ ਨਜ਼ਰ ਜ਼ਿਆਦਾਤਰ ਸਮੱਸਿਆਵਾਂ 'ਤੇ ਕੇਂਦਰ ਬਿੰਦੂ ਹੋਵੇਗੀ ਤਾਂ ਸਮੱਸਿਆਵਾਂ ਨਾਲ ਲੜਨ ਅਤੇ ਇਨ੍ਹਾਂ ਨੂੰ ਹੱਲ ਕਰਨ ਦੀ ਸਮਰੱਥਾ ਓਨੀ ਹੀ ਘੱਟ ਹੋਵੇਗੀ।
ਬੁਰੇ ਵਿਅਕਤੀ, ਬੁਰੀਆਂ ਘਟਨਾਵਾਂ ਅਤੇ ਨੀਵੇਂ ਪੱਧਰ ਦੀਆਂ ਗੱਲਾਂ ਵੱਲ ਜਿੰਨਾ ਵੱਧ ਧਿਆਨ ਦਿਓਗੇ, ਓਨੀ ਹੀ ਤੁਹਾਡੇ ਚੰਗੇ ਹੋਣ ਦੀ ਸਮਰੱਥਾ ਘਟੇਗੀ। ਦੂਜਿਆਂ ਦੀ ਸੱਚੇ ਦਿਲੋਂ ਤਾਰੀਫ਼ ਉਹੀ ਕਰ ਸਕਦੇ ਹਨ ਜਿਹੜੇ ਖ਼ੁਦ ਹੀ ਪ੍ਰਸੰਸਾ ਦੇ ਹੱਕਦਾਰ ਹੁੰਦੇ ਹਨ, ਵਰਨਾ ਜ਼ਿਆਦਾਤਰ ਦੁਨੀਆ ਦੂਜਿਆਂ ਦੇ ਔਗੁਣ ਫਰੋਲਣ ਵਿਚ ਹੀ ਲੱਗੀ ਹੋਈ ਹੈ। ਕਿਸੇ ਵੀ ਵਿਅਕਤੀ ਜਾਂ ਕਾਰਨ ਨੂੰ ਸਮਝਣਾ ਔਖਾ ਜ਼ਰੂਰ ਹੋ ਸਕਦਾ ਹੈ ਪਰ ਇਹ ਨਾਮੁਮਕਿਨ ਨਹੀਂ। ਪਿਆਰ ਮੰਗਿਆਂ ਨਹੀਂ ਮਿਲਦਾ, ਸਗੋਂ ਇਸ ਦੇ ਯੋਗ ਹੋਣਾ ਪੈੈਂਦਾ ਹੈ।
ਹੈਰਾਨੀ ਦੀ ਗੱਲ ਹੈ ਕਿ ਅਸੀਂ ਪ੍ਰਾਪਤ ਤਾਂ ਸਾਰਾ ਕੁਝ ਕਰਨਾ ਚਾਹੁੰਦੇ ਹਾਂ ਪਰ ਤਿਆਗਣਾ ਕੁਝ ਵੀ ਨਹੀਂ ਚਾਹੁੰਦੇ। ਚੰਗੀ ਸਿਹਤ ਹਰ ਕੋਈ ਚਾਹੁੰਦਾ ਹੈ ਪਰ ਕਸਰਤ ਕੋਈ ਵਿਰਲਾ ਹੀ ਕਰਦਾ ਹੈ। ਜਿੱਤਣਾ ਹਰ ਕੋਈ ਚਾਹੁੰਦਾ ਹੈ, ਪਰ ਮਿਹਨਤ ਕੋਈ ਵਿਰਲਾ ਹੀ ਕਰਦਾ ਹੈ। ਆਪਣੇ ਅੰਦਰੋਂ ਈਰਖਾ ਨੂੰ ਮਾਰਨ ਦਾ ਇਕੋ-ਇਕ ਤਰੀਕਾ ਹੈ ਕਿ ਤੁਸੀਂ ਉਸ ਵਿਅਕਤੀ ਦੀ ਮਦਦ ਕਰੋ, ਜਿਸ ਨਾਲ ਤੁਸੀਂ ਈਰਖਾ ਕਰਦੇ ਹੋ। ਮਾਨਸਿਕ ਤੰਦਰੁਸਤੀ ਚਾਹੁੰਦੇ ਹੋ ਤਾਂ ਕਿਸੇ ਲਈ ਦੁਆਵਾਂ ਕਰੋ। ਹਉਮੈ ਮਰੇਗੀ ਤਾਂ ਨਿਮਰਤਾ ਜਿਊਂਦੀ ਹੋਵੇਗੀ। ਘੁਮੰਡ ਖ਼ਤਮ ਹੋਵੇਗਾ ਤਾਂ ਸੋਝੀ ਆਵੇਗੀ।
ਅਕਸਰ ਸਮਾਜ ਵਿਚ ਆਪਣੀ ਸਫ਼ਲਤਾ ਨੂੰ ਪ੍ਰਾਪਤ ਕਰਨ ਲਈ ਉਨ੍ਹਾਂ ਲੜਕੀਆਂ ਨੂੰ ਘੱਟ ਮੁਸ਼ਕਿਲਾਂ ਆਉਂਦੀਆਂ ਹਨ ਜੋ ਸਮਾਜ ਦੀ ਸੋਚ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦੀਆਂ ਹਨ। ਉਹ ਜਾਣਦੀਆਂ ਹਨ ਕਿ ਦੂਜਿਆਂ ਦਾ ਸਹਿਯੋਗ ਕਿਵੇਂ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਬਿਨਾਂ ਸ਼ੱਕ ਤੁਹਾਡੇ ਆਪਣੇ ਨੁਕਸ ਹੀ ਡਰ ਅਤੇ ਚਿੰਤਾ ਦਾ ਕਾਰਨ ਬਣਦੇ ਹਨ। ਤੰਗ ਸੋਚ ਹੀ ਸਭ ਤੋਂ ਵੱਡੀ ਰੁਕਾਵਟ ਹੈ। ਚੰਗੇਪਣ ਨਾਲ ਹੀ ਸਵੈ-ਵਿਸ਼ਵਾਸ ਦੀ ਭਾਵਨਾ ਆਉਂਦੀ ਹੈ। ਸਿਆਣਪ ਤੋਂ ਬਗ਼ੈਰ ਦਲੇਰੀ ਅੰਨ੍ਹੀ ਹੁੰਦੀ ਹੈ। ਜਿਹੜੇ ਜ਼ਿਆਦਾ ਵਿਖਾਵਾ ਕਰਦੇ ਹਨ, ਅਕਸਰ ਉਨ੍ਹਾਂ ਕੋਲ ਅਜਿਹਾ ਕੁਝ ਨਹੀਂ ਹੁੰਦਾ ਜੋ ਵੇਖਣ ਦੇ ਯੋਗ ਹੋਵੇ। ਤੁਹਾਡੀਆਂ ਤਸੱਲੀਆਂ ਅਤੇ ਖ਼ੁਸ਼ੀਆਂ ਦਾ ਕੱਦ ਕਦੇ ਨੀਵਾਂ ਨਹੀਂ ਹੋਣਾ ਚਾਹੀਦਾ। ਅਜਿਹਾ ਕੰਮ ਕਰੋ ਕਿ ਜਿਸ ਨਾਲ ਤੁਹਾਡੇ ਮਾਣ ਵਿਚ ਵਾਧਾ ਹੋਵੇ। ਤੁਹਾਨੂੰ ਕਿਸੇ ਦੇ ਸਾਹਮਣੇ ਸ਼ਰਮਿੰਦਾ ਨਾ ਹੋਣਾ ਪਵੇ। ਅਕਸਰ ਲੋਕੀਂ ਤੁਹਾਡੀਆਂ ਕਮਜ਼ੋਰੀਆਂ 'ਤੇ ਵਾਰ ਕਰਦੇ ਹਨ। ਤੁਹਾਡੇ ਨਾਲ ਹੋਇਆ ਧੋਖਾ ਜੇਕਰ ਤੁਹਾਡੇ ਲਈ ਸਬਕ ਨਾ ਬਣੇ ਤਾਂ ਤੁਸੀਂ ਹੋਰ ਧੋਖਿਆਂ ਤੋਂ ਬਚ ਨਹੀਂ ਸਕਦੇ। ਕਹਿੰਦੇ ਹਨ ਕਿ ਗੁੱਸਾ, ਹੰਕਾਰ ਅਤੇ ਚਿੰਤਾ ਇਕ ਹੀ ਮਾਂ ਦੀ ਸੰਤਾਨ ਹਨ, ਇਨ੍ਹਾਂ ਤੋਂ ਦੂਰ ਰਹੋ। ਗੁੱਸੇ ਵੇਲੇ ਰੁਕਣਾ ਅਤੇ ਗ਼ਲਤੀ ਹੋ ਜਾਣ 'ਤੇ ਝੁਕਣਾ ਸਿਆਣਪ ਹੈ। ਹੰਝੂ ਅਨਮੋਲ ਹੁੰਦੇ ਹਨ ਪਰ ਖਰੀਦਦਾਰ ਲੋਕ ਹਾਸਿਆਂ ਦੇ ਹੀ ਹੁੰਦੇ ਹਨ। ਜਿਹੜੇ ਲੋਕ ਤੁਹਾਡੇ ਸਾਹਮਣੇ ਮਹਿਜ ਡਰਾਮਾ ਜਾਂ ਨਾਟਕ ਕਰਦੇ ਹਨ ਤਾਂ ਤੁਹਾਡੇ ਲਈ ਜ਼ਰੂਰੀ ਹੈ ਕਿ ਤੁਹਾਨੂੰ ਇਸ ਗੱਲ ਦਾ ਪਤਾ ਹੋਵੇ।
ਕਾਮਯਾਬੀ ਚਾਹੁੰਦੇ ਹੋ ਤਾਂ ਮਿਹਨਤ ਕਰੋ ਕਿਉਂਕਿ ਮਿਹਨਤ ਤੁਹਾਨੂੰ ਕਦੇ ਨਿਰਾਸ਼ ਨਹੀਂ ਕਰਦੀ। ਬੁਲੰਦ ਸੋਚ ਵਾਲੇ ਸਮਝਦਾਰ ਲੋਕ ਿਮਹਨਤੀ ਹੁੰਦੇ ਹਨ। ਜਿਹੜੇ ਯੋਗ ਨਹੀਂ ਹੁੰਦੇ, ਉਹ ਮਿਹਨਤ ਕਰਨ ਨਾਲ ਯੋਗ ਹੋ ਜਾਂਦੇ ਹਨ। ਸਫ਼ਲਤਾ ਦੇ ਕੱਪੜੇ ਬਾਜ਼ਾਰੋਂ ਨਹੀਂ ਮਿਲਦੇ, ਇਨ੍ਹਾਂ ਨੂੰ ਬਣਾਉਣ ਲਈ ਮਿਹਨਤ ਦਾ ਧਾਗਾ ਲਗਦਾ ਹੈ। ਤੁਹਾਡੀ ਚੋਣ ਦੱਸਦੀ ਹੈ ਕਿ ਤੁਸੀਂ ਕਿੰਨੇ ਸਮਝਦਾਰ ਹੋ, ਤੁਹਾਡਾ ਹੌਸਲਾ ਦਸਦਾ ਹੈ ਕਿ ਤੁਸੀਂ ਕਿਸ ਤਰ੍ਹਾਂ ਦੀ ਸੋਚ ਰੱਖਦੇ ਹੋ, ਤੁਹਾਡਾ ਤਰੀਕਾ ਦੱਸਦਾ ਹੈ ਕਿ ਤੁਸੀਂ ਕਿੰਨੇ ਹੁਨਰਮੰਦ ਹੋ। ਦੂਜਿਆਂ ਦੀਆਂ ਖੁਸ਼ੀਆਂ 'ਤੇ ਡਾਕਾ ਮਾਰਨ ਵਾਲੇ ਖ਼ੁਦ ਕਦੇ ਵੀ ਪ੍ਰਸੰਨਚਿਤ ਨਹੀਂ ਹੋ ਸਕਦੇ। ਵੱਡਾ ਬਣੋ ਪਰ ਉਸ ਦੇ ਸਾਹਮਣੇ ਨਹੀਂ, ਜਿਸ ਨੇ ਤੁਹਾਨੂੰ ਵੱਡੇ ਕੀਤਾ। ਸਾਡੀ ਸੋਚ ਉਹ ਜ਼ਮੀਨ ਹੈ, ਜਿਸ ਵਿਚੋਂ ਸਾਡੀ ਸ਼ਖ਼ਸੀਅਤ ਦਾ ਜਨਮ ਹੁੰਦਾ ਹੈ। ਆਦਤਾਂ ਦੇ ਬੀਜ ਨਾਲ ਸਾਡੇ ਚਰਿੱਤਰ ਦਾ ਨਿਰਮਾਣ ਹੁੰਦਾ ਹੈ।
ਜਾਗਦੀਆਂ ਅੱਖਾਂ ਦੇ ਸੁਪਨੇ ਖਰੀਦਣ ਲਈ ਰਾਤਾਂ ਦੀਆਂ ਨੀਦਾਂ ਨੂੰ ਵੇਚਣਾ ਪੈਂਦਾ। ਲੋਕਾਂ ਨੂੰ ਸਾਡੇ ਕੰਮ ਤਾਂ ਨਜ਼ਰ ਆਉਂਦੇ ਹਨ ਪਰ ਮਨੋਰਥ ਨਹੀਂ। ਇੱਛਾ ਨਾਲੋਂ ਉਦੇਸ਼ ਜ਼ਿਆਦਾ ਮਹੱਤਵਪੂਰਨ ਹੁੰਦਾ ਹੈ। ਸ਼ਿਕਾਇਤਾਂ ਨਿੰਦਿਆਂ ਕਰਨ ਦਾ ਹੀ ਇਕ ਢੰਗ ਹੈ। ਬਹੁਤ ਸਾਰੀਆਂ ਲੜਕੀਆਂ ਸਾਡੇ ਸਮਾਜ ਵਿਚ ਹੌਸਲੇ ਅਤੇ ਇਰਾਦੇ ਦੀ ਮਿਸਾਲ ਹਨ। ਸਿਆਣਪ ਉਨ੍ਹਾਂ ਦਾ ਸਭ ਤੋਂ ਵੱਡਾ ਹਥਿਆਰ ਹੈ। ਲਿਆਕਤ ਅਤੇ ਯੋਗਤਾ, ਜੋਸ਼ ਅਤੇ ਹੋਸ਼, ਸ਼ਕਤੀ ਅਤੇ ਭਗਤੀ ਦਾ ਸੁਮੇਲ। ਇਹ ਤਾਂ ਸਿਰਫ਼ ਸਾਡੇ ਮਨ ਦੀਆਂ ਬੇਈਮਾਨੀਆਂ ਹਨ। ਵਰਨਾ ਸਫ਼ਲਤਾ ਦੇ ਰਸਤੇ ਕੌਣ ਰੋਕਦਾ ਹੈ। ਕਈਆਂ ਲਈ ਉਨ੍ਹਾਂ ਦਾ ਸ਼ੌਕ ਹੀ ਸਿਮਰਨ ਹੁੰਦਾ ਹੈ। ਕੰਮ ਹੀ ਭਗਤੀ ਹੁੰਦਾ ਹੈ। ਲਗਨ ਹੀ ਪੂਜਾ ਹੁੰਦੀ ਹੈ।

-ਪਿੰਡ ਗੋਲੇਵਾਲਾ (ਫ਼ਰੀਦਕੋਟ)।
ਮੋਬਾਈਲ : 94179-49079

ਚੰਗੀ ਨਹੀਂ ਕੰਮ ਟਾਲਣ ਦੀ ਆਦਤ

ਹਰ ਕੰਮ ਨੂੰ ਕਰਨ ਲਈ ਇਕ ਨਿਸ਼ਚਿਤ ਯੋਜਨਾ ਅਤੇ ਸਮੇਂ ਦੀ ਸਹੀ ਵੰਡ ਜ਼ਰੂਰੀ ਹੈ, ਇਥੇ ਮੈਂ ਕੇਵਲ ਔਰਤਾਂ ਨੂੰ ਨਹੀਂ ਸਗੋਂ ਬੱਚਿਆਂ ਤੇ ਵਿਦਿਆਰਥੀਆਂ ਨੂੰ ਵੀ ਕਹਿਣਾ ਚਹਾਂਗੀ ਕਿ ਜੇਕਰ ਅਸੀਂ ਕਿਸੇ ਕੰਮ ਦੀ ਟਾਲ-ਮਟੋਲ ਕਰਦੇ ਹਾਂ ਤਾਂ ਇਹ ਆਦਤ ਸਾਡੇ ਮਾਨਸਿਕ ਤਣਾਓ ਨੂੰ ਵਧਾਉਂਦੀ ਹੈ। ਨਿਸਚਿਤ ਸਮੇਂ ਵਿਚ ਕੀਤਾ ਕੰਮ ਮਾਨਸਿਕ ਖ਼ੁਸ਼ੀਆਂ ਦੇ ਰਾਹ ਖੋਲ੍ਹਦਾ ਹੈ।
* ਕੰਮ ਵਿਚ ਹਮੇਸ਼ਾ ਪੂਰਨਤਾ ਦੀ ਤਲਾਸ਼ ਨਾ ਕਰੋ, ਕਦੇ-ਕਦੇ ਕੋਈ ਕੰਮ ਸ਼ੁਰੂ ਕਰਦਿਆਂ ਸਮਾਂ ਤੇ ਊਰਜਾ ਲਗਦੀ ਹੈ। ਘਰੇਲੂ ਕੰਮ ਹੋਣ ਜਾਂ ਦਫ਼ਤਰ ਦੇ, ਉਨ੍ਹਾਂ ਦੀ ਪ੍ਰਾਥਮਿਕਤਾ ਦੇ ਆਧਾਰ 'ਤੇ ਉਨ੍ਹਾਂ ਦੀ ਇਕ ਨਿਸਚਿਤ ਸੂਚੀ ਬਣਾ ਲਈ ਜਾਵੇ ਤਾਂ ਕੰਮ ਸਮੇਂ ਸਿਰ ਨਿਪਟ ਜਾਂਦੇ ਹਨ।
* ਜੇਕਰ ਕੁਝ ਘਰੇਲੂ ਜਾਂ ਦਫ਼ਤਰੀ ਕੰਮ ਵਿਚ ਸਾਨੂੰ ਆਪਣੇ ਕਿਸੇ ਛੋਟੇ ਜਾਂ ਵੱਡੇ ਦਾ ਸਹਿਯੋਗ ਲੈਣਾ ਪੈਂਦਾ ਹੈ ਤਾਂ ਘਬਰਾਉਣ ਦੀ ਲੋੜ ਨਹੀਂ, ਸਾਨੂੰ ਸਹਿਯੋਗ ਲੈ ਲੈਣਾ ਚਾਹੀਦਾ ਹੈ। ਇਸ ਦੇ ਦੋ ਲਾਭ ਹਨ, ਇਕ ਤਾਂ ਕੰਮ ਜਲਦੀ ਹੋ ਸਕਦਾ ਹੈ ਤੇ ਦੂਸਰੇ ਵਿਅਕਤੀ ਦੀ ਸਲਾਹ ਅਤੇ ਨਜ਼ਰੀਆ ਵੀ ਕੰਮ ਨੂੰ ਵੱਖਰੇ ਢੰਗ ਨਾਲ ਕਰਨ ਵਿਚ ਮਦਦ ਕਰੇਗਾ।
* ਕੋਈ ਵੀ ਕੰਮ ਕਰਦੇ ਵਕਤ ਆਪਣੀ ਨਿਪੁੰਨਤਾ ਅਤੇ ਪ੍ਰਾਪਤੀਆਂ ਉੱਪਰ ਮਾਣ ਕਰਨਾ ਸਿੱਖਣਾ ਚਾਹੀਦਾ ਹੈ। ਕੁਝ ਲੋਕ ਇਸ ਤਰ੍ਹਾਂ ਦੇ ਵੀ ਹੁੰਦੇ ਹਨ ਜੋ ਕਿਸੇ ਕੰਮ ਦੇ 'ਪਰਫ਼ੈਕਟ' ਹੋਣ ਦੀ ਲਾਲਸਾ ਲੱਭਦੇ ਆਪਣੀ ਸਮਰੱਥਾ ਅਤੇ ਕੰਮ ਕਰਨ ਦੇ ਆਨੰਦ ਨੂੰ ਨਹੀਂ ਜਾਣ ਸਕਦੇ।
* ਆਪਣੀ ਸੋਚ ਨੂੰ ਸਾਕਾਰਤਮਿਕ ਬਣਾ ਕੇ ਕੀਤਾ ਗਿਆ ਕੰਮ ਮਨ ਨੂੰ ਵਧੇਰੇ ਤਸੱਲੀ ਅਤੇ ਖ਼ੁਸ਼ੀ ਦਿੰਦਾ ਹੈ। ਹਮੇਸ਼ਾ ਇਹ ਸੋਚੋ ਕਿ ਤੁਸੀਂ ਕੋਈ ਕੰਮ ਅਧੂਰਾ ਨਹੀਂ ਛੱਡੋਗੇ। * ਮੁਸ਼ਕਿਲ ਜਾਪਣ ਵਾਲੇ ਕੰਮ ਨੂੰ ਕੁਝ ਹਿੱਸਿਆਂ ਵਿਚ ਵੰਡ ਕੇ ਥੋੜ੍ਹਾ-ਥੋੜ੍ਹਾ ਕਰ ਕੇ ਨਿਪਟਾਇਆ ਜਾ ਸਕਦਾ ਹੈ।
* ਕਿਸੇ ਅਕਾਊ ਕੰਮ ਕਰਨ ਵੇਲੇ ਕੰਮ ਦੇ ਵਿਚ ਥੋੜ੍ਹਾ ਆਰਾਮ ਜਾਂ ਮਨੋਰੰਜਨ ਕਰ ਕੇ ਕਿਸੇ ਮੁਸ਼ਕਿਲ ਕੰਮ ਨੂੰ ਵੀ ਦਿਲਚਸਪ ਬਣਾਇਆ ਜਾ ਸਕਦਾ ਹੈ।
* ਅਸਫ਼ਲਤਾ ਵੀ ਸਫ਼ਲਤਾ ਦੀ ਤਰ੍ਹਾਂ ਕਿਸੇ ਕੰਮ ਦਾ ਹੀ ਸਿੱਟਾ ਹੁੰਦੀ ਹੈ, ਇਸ ਡਰ ਤੋਂ ਕਿ ਕਿਧਰੇ ਅਸਫ਼ਲ ਨਾ ਹੋ ਜਾਈਏ, ਕੋਈ ਕੰਮ ਹੱਥ ਵਿਚ ਨਾ ਲੈਣਾ ਠੀਕ ਨਹੀਂ। ਇਸ ਲਈ ਕੰਮ ਕਰਦੇ ਸਮੇਂ ਸਫ਼ਲਤਾ ਅਸਫ਼ਲਤਾ ਦਾ ਡਰ ਛੱਡ ਕੇ ਆਪਣੇ ਵਲੋਂ ਬਿਹਤਰ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਣੀ ਚਾਹੀਦੀ ਹੈ।
* ਕੱਲ੍ਹ ਕਿਸ ਨੇ ਵੇਖਿਆ ਹੈ? ਸਿਆਣਿਆਂ ਦਾ ਕਥਨ ਹੈ- 'ਕੱਲ੍ਹ ਕਰੇ ਸੋ ਆਜ ਕਰ' ਅਨੁਸਾਰ ਆਪਣੇ ਜ਼ਿੰਮੇ ਲੱਗੇ ਛੋਟੇ ਵੱਡੇ ਕੰਮ ਸਮੇਂ ਸਿਰ ਨਿਪਟਾ ਕੇ ਖ਼ੁਸ਼ੀ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਵਿਦਿਆਰਥੀਆਂ ਨੇ ਕੁਝ ਯਾਦ ਕਰਨਾ ਹੈ ਜਾਂ ਸਵਾਣੀਆਂ ਨੇ ਜੇ ਕੋਈ ਨਵੀਂ ਰੈਸਿਪੀ ਜਾਂ ਕੋਈ ਨਵੀਂ ਬੁਣਾਈ, ਸਿਲਾਈ, ਕਢਾਈ ਕਰਨੀ ਹੈ ਤਾਂ ਟਾਲੋ ਨਾ। ਸਾਨੂੰ ਕੰਮ ਟਾਲਣ ਦੀ ਆਦਤ ਨੂੰ ਹੀ ਟਾਲ ਲੈਣਾ ਚਾਹੀਦਾ ਹੈ। ਸਮਾਂ ਤੇਜ਼ ਦੌੜ ਰਿਹਾ ਹੈ, ਸਾਨੂੰ ਇਕ ਇਕ ਪਲ ਦਾ ਸਾਕਾਰਤਮਿਕ ਪ੍ਰਯੋਗ ਕਰਨਾ ਚਾਹੀਦਾ ਹੈ। ਆਪਣੇ ਹੱਥੋਂ ਬਿਹਤਰ ਮੌਕੇ ਨਾ ਗੁਆਏ ਜਾਣ। ਇਸ ਲਈ ਸਹੀ ਸਮੇਂ 'ਤੇ ਸਹੀ ਕੰਮ ਅਤੇ ਫ਼ੈਸਲੇ ਲੈ ਕੇ ਹੀ ਕੰਮ ਪ੍ਰਤੀ ਸਮਰਪਿਤ ਹੋਇਆ ਜਾ ਸਕਦਾ ਹੈ। ਇਸ ਲਈ ਆਓ ਆਪਣੇ ਜ਼ਿੰਮੇ ਲੱਗੇ ਕੰਮ ਸੁਹਿਰਦਤਾ ਅਤੇ ਚੰਗੀ ਨੀਅਤ ਨਾਲ ਨਿਪਟਾਈਏ ਕਿਉਂਕਿ ਨੀਤ ਨੂੰ ਹੀ ਮੁਰਾਦਾਂ ਮਿਲਦੀਆਂ ਹਨ।

-ਐਚ. ਐਮ. ਵੀ., ਜਲੰਧਰ।

ਵਾਲਾਂ ਦੀ ਸਹੀ ਦੇਖਭਾਲ

ਹਫ਼ਤੇ ਵਿਚ ਕਿੰਨੀ ਵਾਰ ਸ਼ੈਂਪੂ ਕਰਨਾ ਚਾਹੀਦਾ ਹੈ ਇਸ ਬਾਰੇ ਕੋਈ ਸਪੱਸ਼ਟ ਨਿਯਮ ਨਹੀਂ ਹੈ ਪਰ ਔਰਤਾਂ ਲਈ ਇਹ ਇਕ ਮੁਸ਼ਕਿਲ ਅਤੇ ਜ਼ਰੂਰੀ ਸਵਾਲ ਹੈ ਕਿ ਹਰ ਰੋਜ਼ ਸ਼ੈਂਪੂ ਕਰਨਾ ਅਤੇ ਸੁਕਾਉਣਾ ਝੰਜਟ ਭਰਿਆ ਕੰਮ ਹੋ ਸਕਦਾ ਹੈ। ਆਮ ਧਾਰਨਾ ਹੈ ਕਿ ਵਾਲਾਂ ਵਿਚ ਸ਼ੈਂਪੂ ਕਰਨ ਨਾਲ ਵਾਲ ਸੁੱਕੇ ਅਤੇ ਬੇਜਾਨ ਹੋ ਜਾਂਦੇ ਹਨ, ਜਿਸ ਨਾਲ ਵਾਲਾਂ ਨੂੰ ਨੁਕਸਾਨ ਹੁੰਦਾ ਹੈ, ਜੋ ਕਿ ਪੂਰੀ ਤਰ੍ਹਾਂ ਸਹੀ ਨਹੀਂ ਹੈ। ਵਾਲਾਂ ਨੂੰ ਸ਼ੈਂਪੂ ਕਰਨਾ ਨਿੱਜੀ ਪਸੰਦ 'ਤੇ ਨਿਰਭਰ ਕਰਦਾ ਹੈ ਪਰ ਸ਼ੈਂਪੂ ਵਿਚ ਕਈ ਤਰ੍ਹਾਂ ਦੇ ਕੈਮੀਕਲ ਪਾਏ ਜਾਂਦੇ ਹਨ ਅਤੇ ਸ਼ੈਂਪੂ ਵਿਚ ਝੱਗ ਲਿਆਉਣ ਲਈ ਸੋਡੀਅਮ ਲਾਰਿਲ ਸਲਫੇਟ ਮਿਲਾਇਆ ਜਾਂਦਾ ਹੈ, ਜਿਸ ਨਾਲ ਚਮੜੀ ਵਿਚ ਜਲਣ ਹੋ ਸਕਦੀ ਹੈ। ਵਾਲਾਂ ਨੂੰ ਹਰ ਰੋਜ਼ ਸ਼ੈਂਪੂ ਕਰਨ ਨਾਲ ਵਾਲਾਂ ਦੀ ਸਿਹਤ ਖ਼ਰਾਬ ਹੁੰਦੀ ਹੈ, ਕਿਉਂਕਿ ਹਰ ਰੋਜ਼ ਵਾਲਾਂ ਨੂੰ ਸ਼ੈਂਪੂ ਕਰਨ ਨਾਲ ਵਾਲ ਸੁੱਕੇ ਹੋ ਜਾਂਦੇ ਹਨ, ਜਿਸ ਨਾਲ ਵਾਲਾਂ ਦੇ ਟੁੱਟਣ ਦਾ ਖ਼ਤਰਾ ਵਧ ਜਾਂਦਾ ਹੈ। ਵਾਲਾਂ ਵਿਚ ਹਫ਼ਤੇ ਵਿਚ ਤਿੰਨ ਦਿਨ ਸ਼ੈਂਪੂ ਕਰਨਾ ਠੀਕ ਮੰਨਿਆ ਜਾਂਦਾ ਹੈ। ਤੁਹਾਡੇ ਵਾਲਾਂ ਵਿਚ ਹਫ਼ਤੇ ਵਿਚ ਇਕ ਦਿਨ ਸ਼ੈਂਪੂ ਕਰਨ ਨਾਲ ਵਾਲ ਬਿਹਤਰ ਰਹਿੰਦੇ ਹਨ ਤਾਂ ਇਹ ਅਤਿ ਉੱਤਮ ਹੋਵੇਗਾ। ਵਾਲਾਂ ਵਿਚ ਸ਼ੈਂਪੂ ਕਰਨ ਦੀ ਜ਼ਰੂਰਤ ਵਾਲਾਂ ਦੀ ਕਿਸਮ 'ਤੇ ਨਿਰਭਰ ਕਰਦੀ ਹੈ। ਜੇਕਰ ਤੁਹਾਡੇ ਵਾਲ ਸਾਧਾਰਨ ਜਾਂ ਖ਼ੁਸ਼ਕ ਹਨ ਤਾਂ ਹਫ਼ਤੇ ਵਿਚ ਇਕ ਵਾਰ ਸ਼ੈਂਪੂ ਕਰਨਾ ਸਹੀ ਹੋਵੇਗਾ ਪਰ ਜੇਕਰ ਤੁਹਾਡੇ ਵਾਲ ਰੁੱਖੇ, ਲਹਿਰਦਾਰ, ਘੁੰਗਰਾਲੇ ਹਨ ਤਾਂ ਹਫ਼ਤੇ ਵਿਚ ਦੋ ਵਾਰ ਸ਼ੈਂਪੂ ਕਰਨਾ ਸਹੀ ਹੋਵੇਗਾ। ਪਰ ਨਮੀ ਵਾਲੇ ਮੌਸਮ ਵਿਚ ਤੁਹਾਡੀ ਚਾਹੇ ਜਿਹੜੀ ਵੀ ਕਿਸਮ ਵਾਲਾਂ ਦੀ ਹੋਵੇ ਇਸ ਨੂੰ ਤਿੰਨ ਵਾਰ ਧੋਵੋ। ਇਸ ਤਰ੍ਹਾਂ ਦੇ ਮੌਸਮ ਵਿਚ ਪਸੀਨੇ ਦੀ ਵਜ੍ਹਾ ਨਾਲ ਧੂੜ, ਗੰਦਗੀ ਤੁਹਾਡੀ ਖੋਪੜੀ ਵਿਚ ਚਿੰਬੜ ਕੇ ਵਾਲਾਂ ਨੂੰ ਕਾਫ਼ੀ ਗੰਦਾ ਕਰ ਦਿੰਦੀ ਹੈ।
ਇਸ ਤੋਂ ਇਲਾਵਾ ਜਦੋਂ ਵੀ ਤੁਸੀਂ ਆਪਣੇ ਵਾਲਾਂ ਵਿਚ ਸ਼ੈਂਪੂ ਕਰੋ ਕੁਝ ਜ਼ਰੂਰੀ ਗੱਲਾਂ ਦਾ ਧਿਆਨ ਰੱਖੋ:- ਤੁਹਾਡੇ ਵਾਲਾਂ ਦੀ ਕਿਸਮ ਤੇਲੀ ਹੋਵੇ ਜਾਂ ਖ਼ੁਸ਼ਕ, ਤੁਹਾਡੇ ਵਾਲਾਂ ਦੀ ਦੇਖਭਾਲ ਦਾ ਦਾਅਵਾ ਕਰਨ ਵਾਲੇ ਕਈ ਸ਼ੈਂਪੂ ਬਾਜ਼ਾਰ ਵਿਚ ਮਿਲ ਜਾਣਗੇ। ਪਰ ਇਨ੍ਹਾਂ ਦੀ ਨਿਯਮਿਤ ਰੂਪ ਨਾਲ ਵਰਤੋਂ ਤੁਹਾਡੇ ਵਾਲਾਂ ਦੇ ਕੁਦਰਤੀ ਤੇਲ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ। ਇਸ ਨਾਲ ਤੁਹਾਡੇ ਸਕੈਲਪ ਦਾ ਐਸਿਡ ਅਤੇ ਐਲਕਾਲਾਈਨ ਸੰਤੁਲਨ ਵਿਗੜਦਾ ਹੈ ਅਤੇ ਨਤੀਜੇ ਦੇ ਤੌਰ 'ਤੇ ਵਾਲ ਟੁੱਟ ਜਾਂਦੇ ਹਨ। ਤੇਲੀ ਵਾਲਾਂ ਲਈ ਤੁਸੀਂ ਮਹਿੰਦੀ ਅਤੇ ਰੁੱਖੇ-ਸੁੱਕੇ ਵਾਲਾਂ ਲਈ ਔਲੇ ਵਾਲੇ ਸ਼ੈਂਪੂ ਚੁਣੋ। ਤੇਲ ਵਾਲੇ ਵਾਲਾਂ ਲਈ ਹਮੇਸ਼ਾ ਹਲਕੇ ਸ਼ੈਂਪੂ ਦੀ ਵਰਤੋਂ ਕਰੋ ਤਾਂ ਕਿ ਇਸ ਦੀ ਵਾਰ-ਵਾਰ ਵਰਤੋਂ ਨਾਲ ਵਾਲਾਂ ਨੂੰ ਘੱਟ ਤੋਂ ਘੱਟ ਨੁਕਸਾਨ ਹੋਵੇ।
ਸ਼ੈਂਪੂ ਕਰਨ ਤੋਂ ਬਾਅਦ ਪੂਰੇ ਵਾਲਾਂ ਨੂੰ ਤੌਲੀਏ ਵਿਚ ਚੰਗੀ ਤਰ੍ਹਾਂ ਲਪੇਟੋ। ਇਸ ਨਾਲ ਵਾਲਾਂ ਵਿਚ ਜਮ੍ਹਾਂ ਪਾਣੀ ਤੌਲੀਏ ਨਾਲ ਸੁਕਾ ਲਵੋ। ਵਾਲਾਂ ਨੂੰ ਸੁਕਾਉਣ ਲਈ ਇਨ੍ਹਾਂ ਨੂੰ ਰਗੜਨ ਦੀ ਗ਼ਲਤੀ ਬਿਲਕੁਲ ਨਾ ਕਰੋ।
ਜਦੋਂ ਵਾਲ ਸੁੱਕ ਜਾਣ ਜਾਂ ਬਿਲਕੁਲ ਹਲਕੇ ਗਿੱਲੇ ਰਹਿਣਗੇ ਤਾਂ ਇਨ੍ਹਾਂ ਨੂੰ ਸੁਲਝਾਉਣ ਲਈ ਚੌੜੇ ਦੰਦਿਆਂ ਵਾਲੀ ਕੰਗੀ ਨਾਲ ਚੰਗੀ ਤਰ੍ਹਾਂ ਸੁਲਝਾਓ। ਇਨ੍ਹਾਂ ਨੂੰ ਸੁਲਝਾਉਣ ਲਈ ਪਤਲੇ ਦੰਦੇ ਵਾਲੀ ਕੰਘੀ ਦੀ ਵਰਤੋਂ ਕਦੀ ਵੀ ਨਾ ਕਰੋ। ਇਸ ਨਾਲ ਇਹ ਟੁੱਟ ਕੇ ਝੜਨ ਲੱਗਦੇ ਹਨ।
ਵਾਲਾਂ ਨੂੰ ਫਿਕਸ ਰੱਖਣ ਲਈ ਵਰਤੋਂ ਕੀਤੇ ਜਾਣ ਵਾਲੇ ਵਾਲਾਂ ਦੇ ਸਪਰੇਅ ਅਤੇ ਵਾਲਾਂ ਨੂੰ ਖਿੱਚ ਕੇ ਜਮਾਈ ਰੱਖਣ ਵਾਲੇ ਕਲਿੱਪ ਵਾਲਾਂ ਨੂੰ ਕਮਜ਼ੋਰ ਕਰ ਦਿੰਦੇ ਹਨ। ਵਾਲਾਂ ਨੂੰ ਸਟਾਈਲਿਸ਼ ਦਿਖਾਉਣ ਲਈ ਜੈੱਲ ਦੀ ਵਰਤੋਂ ਨਾ ਕਰੋ, ਕਿਉਂਕਿ ਇਹ ਲੰਮੇ ਸਮੇਂ ਤੱਕ ਵਾਲਾਂ ਨੂੰ ਨੁਕਸਾਨ ਪਹੁੰਚਾਏਗੀ।
ਵਾਲਾਂ ਨੂੰ ਕੈਮੀਕਲ ਭਰੇ ਸ਼ੈਂਪੂ ਤੋਂ ਛੁਟਕਾਰਾ ਦਿਵਾਉਣ ਲਈ ਵੇਸਣ ਦਾ ਆਰਗੈਨਿਕ ਸ਼ੈਂਪੂ ਲਾਭਕਾਰੀ ਹੋ ਸਕਦਾ ਹੈ। ਆਰਗੈਨਿਕ ਵੇਸਣ ਨੂੰ ਪਾਣੀ ਵਿਚ ਘੋਲ ਕੇ ਬਣੇ ਮਿਸ਼ਰਨ ਨੂੰ ਸਿਰ ਦੇ ਵਾਲਾਂ ਅਤੇ ਸਰੀਰ ਦੇ ਹੋਰ ਹਿੱਸਿਆਂ ਦੀ ਚਮੜੀ 'ਤੇ ਲਗਾਉਣ ਨਾਲ ਵਾਲਾਂ ਦੀ ਗੰਦਗੀ ਦੂਰ ਹੋ ਜਾਂਦੀ ਹੈ ਅਤੇ ਵਾਲ ਸੰਘਣੇ, ਮੁਲਾਇਮ, ਚਮਕਦਾਰ ਹੋ ਜਾਂਦੇ ਹਨ। ਇਸ ਕਿਰਿਆ ਨਾਲ ਸਿਰ ਦੀ ਖਾਰਸ਼ ਅਤੇ ਫਿਨਸੀਆਂ ਵੀ ਠੀਕ ਹੋ ਜਾਂਦੀਆਂ ਹਨ।
ਵਾਲ ਧੋਣ ਲਈ ਹਮੇਸ਼ਾ ਕੋਸੇ ਪਾਣੀ ਦੀ ਵਰਤੋਂ ਕਰੋ, ਕਿਉਂਕਿ ਕੋਸੇ ਪਾਣੀ ਦੀ ਵਰਤੋਂ ਨਾਲ ਤੁਹਾਡੇ ਵਾਲਾਂ ਦੇ ਕਿਊਟੋਕਲਸ ਖੁੱਲ੍ਹ ਜਾਂਦੇ ਹਨ, ਜਿਸ ਨਾਲ ਸ਼ੈਂਪੂ ਅਤੇ ਕੰਡੀਸ਼ਨਰ ਤੁਹਾਡੇ ਵਾਲਾਂ ਵਿਚ ਡੂੰਘਾਈ 'ਚ ਜਾ ਕੇ ਫ਼ਾਇਦਾ ਪਹੁੰਚਾਉਂਦਾ ਹੈ। ਜ਼ਿਆਦਾ ਠੰਢਾ ਜਾਂ ਗਰਮ ਪਾਣੀ ਵਾਲਾਂ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।

ਡਾਇਨਿੰਗ ਰੂਮ ਦੀ ਸ਼ੋਭਾ ਵਧਾਉਂਦਾ ਹੈ ਡਾਇਨਿੰਗ ਟੇਬਲ

ਡਾਇਨਿੰਗ ਟੇਬਲ ਦਾ ਰੱਖ-ਰਖਾਅ : ਕੋਈ ਵੀ ਫਰਨੀਚਰ ਹੋਵੇ, ਜੇਕਰ ਉਸ ਦੀ ਸੰਭਾਲ ਨਾ ਕੀਤੀ ਜਾਵੇ ਤਾਂ ਫਰਨੀਚਰ ਦੀ ਉਮਰ ਘੱਟ ਹੋ ਜਾਂਦੀ ਹੈ। ਇਨ੍ਹਾਂ ਦਾ ਸਾਥ ਸਾਲਾਂ ਭਰ ਬਣਿਆ ਰਹੇ, ਇਸ ਲਈ ਸਾਨੂੰ ਇਨ੍ਹਾਂ ਦੀ ਸਹੀ ਦੇਖਭਾਲ ਕਰਨੀ ਚਾਹੀਦੀ ਹੈ।
* ਜੇਕਰ ਤੁਹਾਡਾ ਡਾਇਨਿੰਗ ਟੇਬਲ ਲੱਕੜੀ ਜਾਂ ਬੈਂਤ ਦਾ ਹੈ ਤਾਂ ਇਸ ਨੂੰ ਹਰ ਰੋਜ਼ ਸੁੱਕੇ ਕੱਪੜੇ ਨਾਲ ਸਾਫ਼ ਕਰੋ।
* ਖਾਣਾ ਖਾਣ ਤੋਂ ਪਹਿਲਾਂ ਡਾਇਨਿੰਗ ਮੈਟਸ ਰੱਖ ਕੇ ਹੀ ਉਸ 'ਤੇ ਖਾਣੇ ਦੇ ਡੌਂਗੇ ਰੱਖੋ। * ਜੇਕਰ ਡਾਇਨਿੰਗ ਟੇਬਲ ਦਾ ਟੌਪ ਕੱਚ ਵਾਲਾ ਹੈ ਤਾਂ ਇਸ ਨੂੰ ਗਿੱਲੇ ਕੱਪੜੇ ਨਾਲ ਸਾਫ਼ ਕਰੋ।
* ਖਾਣਾ ਖਾਣ ਦੇ ਇਕਦਮ ਬਾਅਦ ਮੈਟਸ ਸਾਫ਼ ਕਰ ਕੇ ਸੰਭਾਲ ਦਿਓ ਅਤੇ ਮੇਜ਼ ਵੀ ਸਾਫ਼ ਕਰ ਦਿਓ ਤਾਂ ਕਿ ਖਾਣੇ ਦੇ ਹਿੱਸੇ ਉਸ 'ਤੇ ਜੰਮਣ ਨਾ ਸਕਣ। * ਲੱਕੜੀ ਦੇ ਡਾਇਨਿੰਗ ਟੇਬਲ 'ਤੇ ਸਾਲ ਵਿਚ ਇਕ ਵਾਰ ਵੈਕਸ ਪਾਲਿਸ਼ ਕਰਵਾਓ।
* ਪਾਣੀ ਦੇ ਗਿਲਾਸ, ਚਾਹ-ਕੌਫ਼ੀ ਦੇ ਕੱਪ ਸਿੱਧੇ ਡਾਇਨਿੰਗ ਟੇਬਲ 'ਤੇ ਨਹੀਂ ਰੱਖਣੇ ਚਾਹੀਦੇ, ਉਨ੍ਹਾਂ ਨੂੰ ਵੀ ਮੈਟਸ 'ਤੇ ਹੀ ਰੱਖਣਾ ਚਾਹੀਦਾ ਹੈ, ਤਾਂ ਕਿ ਉਨ੍ਹਾਂ ਦੇ ਨਿਸ਼ਾਨ ਮੇਜ਼ ਦੀ ਦਿੱਖ ਨੂੰ ਖਰਾਬ ਨਾ ਕਰਨ।
* ਜੇਕਰ ਡਾਇਨਿੰਗ ਰੂਮ ਗੰਦਾ ਬਣਿਆ ਰਹੇ ਅਤੇ ਡਾਇਨਿੰਗ ਟੇਬਲ ਦੇ ਆਲੇ-ਦੁਆਲੇ ਦਾ ਵਾਤਾਵਰਨ ਸਾਫ਼-ਸੁਥਰਾ ਨਾ ਹੋਵੇ ਤਾਂ ਖਾਣਾ ਖਾਣ ਦਾ ਮਜ਼ਾ ਖਰਾਬ ਹੋ ਜਾਂਦਾ ਹੈ। ਵਾਤਾਵਰਨ ਚੰਗਾ ਹੋਵੇ ਤਾਂ ਖਾਣੇ ਦਾ ਮਜ਼ਾ ਅਤੇ ਬੈਠਣ ਦਾ ਮਜ਼ਾ ਦੁੱਗਣਾ ਹੋ ਜਾਂਦਾ ਹੈ। ਇਸ ਲਈ ਡਾਇਨਿੰਗ ਰੂਮ ਦੇ ਰੱਖ-ਰਖਾਅ ਦਾ ਵੀ ਓਨਾ ਹੀ ਧਿਆਨ ਰੱਖੋ ਜਿੰਨਾ ਡਾਇਨਿੰਗ ਟੇਬਲ ਦੀ ਸੁੰਦਰਤਾ ਦਾ।
* ਡਾਇਨਿੰਗ ਰੂਮ ਹਵਾਦਾਰ ਅਤੇ ਰੌਸ਼ਨੀ ਵਾਲਾ ਹੋਣਾ ਚਾਹੀਦਾ ਹੈ।
* ਡਾਇਨਿੰਗ ਰੂਮ ਦੀਆਂ ਦੀਵਾਰਾਂ ਅਤੇ ਪਰਦਿਆਂ ਦੇ ਰੰਗ ਦੇ ਮੈਚ ਕਰਦੇ ਹੋਏ ਟੇਬਲ ਕੱਪੜਾ ਵਿਛਾਓ ਅਤੇ ਉਨ੍ਹਾਂ 'ਤੇ ਮੈਚਿੰਗ ਟੇਬਲ ਮੈਟਸ ਅਤੇ ਰਨਰ ਰੱਖੋ। ਮੈਟਸ ਅਤੇ ਰਨਰ ਦੀ ਸਫ਼ਾਈ ਦਾ ਵਿਸ਼ੇਸ਼ ਧਿਆਨ ਰੱਖੋ। * ਇਸ ਕਮਰੇ ਦੇ ਫਰਸ਼ ਇਸ ਤਰ੍ਹਾਂ ਦੇ ਹੋਣੇ ਚਾਹੀਦੇ ਹਨ ਜੋ ਸੌਖਿਆਂ ਸਾਫ਼ ਹੋ ਸਕਣ।
* ਡਾਇਨਿੰਗ ਰੂਮ ਰਸੋਈ ਦੇ ਕੋਲ ਹੋਣਾ ਚਾਹੀਦਾ ਹੈ। * ਡਾਇਨਿੰਗ ਰੂਮ ਵਿਚ ਹੈਂਗਿੰਗ ਡਿਮ ਲਾਈਟ ਵੀ ਲਗਵਾ ਲੈਣੀ ਚਾਹੀਦੀ ਹੈ ਜੋ ਕਮਰੇ ਦੀ ਸ਼ੋਭਾ ਵਧਾਏਗੀ। * ਡਾਇਨਿੰਗ ਰੂਮ ਵਿਚ ਪੇਂਟਿੰਗਜ਼ ਲਗਾਓ। ਹੋ ਸਕੇ ਤਾਂ ਇਥੇ ਕੁਦਰਤੀ ਜਾਂ ਫਲ ਸਬਜ਼ੀਆਂ ਵਾਲੀ ਹੀ ਪੇਂਟਿੰਗ ਲਗਾਓ।

-ਸੁਨੀਤਾ ਗਾਬਾ

ਛੁਟਕਾਰਾ ਪਾਓ ਘਰੇਲੂ ਕੀੜੇ-ਮਕੌੜਿਆਂ ਤੋਂ

ਘਰ 'ਚ ਜੇਕਰ ਘਰੇਲੂ ਕੀੜੇ-ਮਕੌੜੇ ਹੋਣ ਤਾਂ ਉਨ੍ਹਾਂ ਨੂੰ ਦੇਖ ਕੇ ਮਨ ਵਿਚ ਘ੍ਰਿਣਾ ਪੈਦਾ ਹੁੰਦੀ ਰਹਿੰਦੀ ਹੈ ਪਰ ਇਨ੍ਹਾਂ ਤੋਂ ਛੁਟਕਾਰਾ ਪਾਉਣਾ ਸੌਖਾ ਨਹੀਂ ਹੈ। ਇਨ੍ਹਾਂ ਨਾਲ ਕਿਸ ਤਰ੍ਹਾਂ ਨਿਪਟਿਆ ਜਾਵੇ, ਕੁਝ ਜ਼ਰੂਰੀ ਜਾਣਕਾਰੀਆਂ ਨਾਲ ਤੁਸੀਂ ਵੀ ਲਾਭ ਲੈ ਸਕਦੇ ਹੋ :
* ਰਸੋਈ 'ਚੋਂ ਮੱਖੀ, ਮੱਛਰ ਭਜਾਉਣ ਲਈ ਇਕ ਚਮਚ ਕੌਫ਼ੀ ਪਾਊਡਰ ਨੂੰ ਤਵੇ 'ਤੇ ਸਾੜੋ ਅਤੇ ਉਸ ਦੀ ਧੂਣੀ ਦਿਓ।
* ਸ਼ਹਿਦ ਨੂੰ ਕੀੜੀਆਂ ਤੋਂ ਬਚਾਉਣ ਲਈ ਉਸ 'ਚ ਦੋ-ਚਾਰ ਦਾਣੇ ਲੌਂਗ ਦੇ ਪਾਓ। ਕੀੜੀਆਂ ਸ਼ਹਿਦ 'ਤੇ ਨਹੀਂ ਆਉਣਗੀਆਂ।
* ਕੀੜੀਆਂ ਦੇ ਨਿਕਲਣ ਵਾਲੇ ਥਾਂ 'ਤੇ ਬੋਰੈਕਸ ਪਾਊਡਰ ਜਾਂ ਹਲਦੀ ਛਿੜਕੋ। ਕੀੜੀਆਂ ਆਪਣੇ ਘਰ ਤੋਂ ਬਾਹਰ ਨਹੀਂ ਨਿਕਲ ਪਾਉਣਗੀਆਂ।
* ਚੀਨੀ ਦੇ ਡੱਬੇ ਨੂੰ ਕੀੜੀਆਂ ਤੋਂ ਬਚਾਉਣ ਲਈ ਕਪੂਰ ਦੀਆਂ ਪੁੜੀਆਂ ਚੀਨੀ ਦੇ ਡੱਬੇ ਵਿਚ ਰੱਖ ਦਿਓ।
* ਮੱਛਰ ਮਾਰਨ ਦੀਆਂ ਟਿੱਕੀਆਂ ਨੂੰ ਸੁੱਟੋ ਨਾ, ਉਨ੍ਹਾਂ ਨੂੰ ਇਕੱਠਾ ਕਰਕੇ ਦਿਨ ਵਿਚ ਜਲਾ ਦਿਓ। ਉਸ ਸਮੇਂ ਪੱਖੇ ਅਤੇ ਬਿਜਲੀ ਨੂੰ ਬੰਦ ਕਰ ਦਿਓ। ਮੱਛਰ ਭੱਜ ਜਾਣਗੇ।
* ਪਲੰਘਾਂ ਦੇ ਹੇਠਾਂ ਪਿਆਜ਼ ਦਾ ਰਸ ਛਿੜਕਣ ਨਾਲ ਮੱਛਰ ਸੋਂਖਿਆਂ ਭੱਜ ਜਾਂਦਾ ਹੈ।
* ਅਲਮਾਰੀ ਵਿਚ ਤੇਜਪੱਤੇ ਦੇ ਪੱਤਿਆਂ ਦਾ ਗੁੱਛਾ ਲਟਕਾਉਣ ਨਾਲ ਉਸ ਵਿਚ ਮੱਖੀ, ਮੱਛਰ, ਕੀੜੀਆਂ ਦਾਖ਼ਲ ਨਹੀਂ ਹੁੰਦੀਆਂ।
* ਚੂਹੇਦਾਨੀ ਵਿਚ ਰੋਟੀ ਦੇ ਟੁਕੜੇ ਨੂੰ ਜੈਮ ਜਾਂ ਮੱਖਣ ਨਾਲ ਚੋਪੜ ਦਿਓ, ਚੂਹੇ ਚੂਹੇਦਾਨੀ ਵਿਚ ਰੋਟੀ ਖਾਣ ਆਉਣਗੇ ਅਤੇ ਫਸ ਜਾਣਗੇ।
* ਕਿਤਾਬਾਂ ਦੇ ਰੈਕ 'ਤੇ ਅਤੇ ਕੱਪੜਿਆਂ ਦੀਆਂ ਅਲਮਾਰੀਆਂ ਵਿਚ ਫਿਨਾਇਲ ਦੀਆਂ ਗੋਲੀਆਂ ਰੱਖ ਦੇਣ ਨਾਲ ਚੂਹੇ ਭੱਜ ਜਾਣਗੇ।
* ਬੋਰਿਕ ਐਸਿਡ ਪਾਊਡਰ ਨੂੰ ਆਟੇ ਵਿਚ ਮਿਲਾ ਕੇ ਦੁੱਧ ਨਾਲ ਗੁੰਨ੍ਹ ਕੇ ਗੋਲੀਆਂ ਬਣਾ ਲਓ। ਜਿਹੜੀ ਥਾਂ 'ਤੇ ਕਾਕਰੇਚ ਆਉਂਦੇ ਹੋਣ, ਉਥੇ ਗੋਲੀਆਂ ਚਿਪਕਾ ਦਿਓ, ਕਾਕਰੇਚ ਭੱਜ ਜਾਣਗੇ।
* ਮੱਛਰਾਂ ਨੂੰ ਭਜਾਉਣ ਵਾਲਾ ਤਰਲ ਖ਼ਤਮ ਹੋਣ 'ਤੇ ਮੱਛਰ ਵਾਲੀ ਮਸ਼ੀਨ ਦੇ ਮੂੰਹ 'ਤੇ ਮੱਛਰ ਮਾਰਨ ਵਾਲੀ ਟਿੱਕੀ ਰੱਖ ਕੇ ਮਸ਼ੀਨ ਚਲਾ ਦਿਓ। ਮੱਛਰ ਦੂਰ ਭੱਜ ਜਾਣਗੇ। ਨਾਈਟ ਲੈਂਪ 'ਤੇ ਵੀ ਟਿੱਕੀ ਰੱਖ ਕੇ ਮਸ਼ੀਨ ਦਾ ਕੰਮ ਲਿਆ ਜਾ ਸਕਦਾ ਹੈ।
* ਰਸੋਈ, ਇਸ਼ਨਾਨ ਘਰ ਅਤੇ ਟਾਇਲਟ ਦੀਆਂ ਨਾਲੀਆਂ ਦੀ ਜਾਲੀ 'ਤੇ ਮਹੀਨੇ ਵਿਚ ਇਕ ਵਾਰ ਰਾਤ ਨੂੰ ਦੋ-ਦੋ ਨੈਥਲੀਨ ਦੀਆਂ ਗੋਲੀਆਂ ਰੱਖੋ। ਸਵੇਰੇ ਨਾਲੀ ਵਿਚ ਸੁੱਟ ਦਿਓ। ਇਸ ਤਰ੍ਹਾਂ ਨਾਲੀ ਜ਼ਰੀਏ ਆਉਣ ਵਾਲੇ ਕੀੜੇ-ਮਕੌੜੇ, ਕਾਕਰੇਚ ਨਹੀਂ ਆਉਣਗੇ।
* ਮਿਕਸੀ, ਟੋਸਟਰ ਦੇ ਪੇਚ ਖੋਲ ਕੇ ਉਸ ਵਿਚ ਨੈਥਲੀਨ ਦੀਆਂ ਗੋਲੀਆਂ ਨੂੰ ਦੋ ਟੁੱਕੜਿਆਂ ਵਿਚ ਤੋੜ ਕੇ ਮੋਟਰ ਵਿਚ ਰੱਖ ਦਿਓ, ਜਿਸ ਨਾਲ ਕਾਕਰੇਚ ਉਸ ਵਿਚ ਦਾਖ਼ਲ ਨਹੀਂ ਹੋ ਸਕਦੇ ਅਤੇ ਅੰਡੇ ਦੇਣ ਲਈ ਵੀ ਉਨ੍ਹਾਂ ਨੂੰ ਸੁਰੱਖਿਅਤ ਥਾਂ ਨਹੀਂ ਮਿਲੇਗਾ।
* ਕੀੜੀਆਂ ਜ਼ਿਆਦਾ ਹੋਣ 'ਤੇ ਇਕ ਸਪੰਜ ਨੂੰ ਮਿੱਠੇ ਪਾਣੀ ਨਾਲ ਭਿਉਂ ਕੇ ਕੀੜੀਆਂ ਦੇ ਨਿਕਲਣ ਵਾਲੀ ਥਾਂ 'ਤੇ ਰੱਖ ਦਿਓ। ਕੀੜੀਆਂ ਥੋੜ੍ਹੀ ਦੇਰ ਵਿਚ ਸਪੰਜ 'ਤੇ ਚੁੰਬੜ ਜਾਣਗੀਆਂ।
* ਫਟਕਰੀ, ਫਿਨਾਇਲ ਅਤੇ ਮਿੱਟੀ ਦੇ ਤੇਲ ਨਾਲ ਫਰਸ਼ 'ਤੇ ਪੋਚਾ ਲਗਾਓ। ਮੱਖੀਆਂ ਨਹੀਂ ਆਉਣਗੀਆਂ।



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX