ਤਾਜਾ ਖ਼ਬਰਾਂ


ਰਾਜਪੁਰਾ (ਪਟਿਆਲਾ) 'ਚ 4 ਕੋਰੋਨਾ ਪਾਜ਼ੀਟਿਵ ਆਉਣ ਕਾਰਨ ਦਹਿਸ਼ਤ ਦਾ ਮਾਹੌਲ
. . .  2 minutes ago
ਰਾਜਪੁਰਾ, 5 ਜੁਲਾਈ (ਰਣਜੀਤ ਸਿੰਘ) - ਰਾਜਪੁਰਾ ਸ਼ਹਿਰ ਵਿਚ ਕੋਰੋਨਾ ਦੀ ਭਿਆਨਕ ਬਿਮਾਰੀ ਨੇ ਮੁੜ ਤੋਂ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ ਹਨ।ਇਸ ਦੇ ਚੱਲਦਿਆਂ 3 ਮਰੀਜ਼ ਸ਼ਹਿਰ ਵਿਚ ਅਤੇ ਇਕ ਔਰਤ ਨੇੜਲੇ ਪਿੰਡ ਸਾਹਲ ਵਿਚ ਕੋਰੋਨਾ ਪਾਜ਼ੀਟਿਵ ਪਾਈ ਗਈ ਹੈ । ਇਹ ਜਾਣਕਾਰੀ ਸੀ.ਐਮ.ਓ ਪਟਿਆਲਾ ਡਾ. ਹਰੀਸ਼ ਮਲਹੋਤਰਾ...
ਜੈਤੋ 'ਚ ਪੈਟਰੋਲ ਪੰਪ ਤੋਂ 7 ਹਜ਼ਾਰ ਦੀ ਲੁੱਟ, ਕੀਤੇ ਹਵਾਈ ਫਾਇਰ
. . .  31 minutes ago
ਜੈਤੋ, 5 ਜੁਲਾਈ (ਗੁਰਚਰਨ ਸਿੰਘ ਗਾਬੜੀਆ, ਨਿੱਜੀ ਪੱਤਰ ਪ੍ਰੇਰਕ) - ਜੈਤੋ-ਮੁਕਤਸਰ ਰੋਡ 'ਤੇ ਸਥਿਤ ਪਿੰਡ ਰਾਮੂੰਵਾਲਾ (ਡੇਲਿਆਂਵਾਲੀ) ਵਿਖੇ ਪ੍ਰਿੰਸ ਕਿਸਾਨ ਸੇਵਾ ਕੇਂਦਰ ਪੈਟਰੋਲ ਪੰਪ ਤੋਂ ਕਾਰ ਸਵਾਰ ਲੁਟੇਰਿਆਂ ਵੱਲੋਂ ਕਰਿੰਦੇ ਨੂੰ ਕਾਬੂ ਕਰ ਕੇ ਉਸ ਤੋਂ ਕਰੀਬ 7 ਹਜ਼ਾਰ ਰੁਪਏ ਦੀ ਲੁੱਟ ਤੋਂ ਬਾਅਦ ਦੋ ਹਵਾਈ ਫਾਇਰ ਕਰ ਕੇ ਫ਼ਰਾਰ ਹੋਣ ਜਾਣ ਦਾ ਪਤਾ ਲੱਗਿਆ ਹੈ। ਉਕਤ ਘਟਨਾ ਦੀ ਸੂਚਨਾ ਮਿਲਦਿਆ...
ਕੋਰੋਨਾ ਨੇ ਮਮਦੋਟ ਵਿਚ ਵੀ ਦਿੱਤੀ ਦਸਤਕ
. . .  37 minutes ago
ਮਮਦੋਟ, 5 ਜੁਲਾਈ (ਸੁਖਦੇਵ ਸਿੰਘ ਸੰਗਮ) - ਕੋਰੋਨਾ ਵਾਇਰਸ ਦੀ ਮਮਦੋਟ ਵਿਚ ਦਸਤਕ ਨਾਲ ਪਹਿਲਾ ਪਾਜ਼ੀਟਿਵ ਕੇਸ ਸਾਹਮਣੇ ਆਇਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੀਨੀਅਰ ਮੈਡੀਕਲ ਅਫਸਰ ਮਮਦੋਟ ਡਾਕਟਰ ਰਜਿੰਦਰ ਮਨਚੰਦਾ ਨੇ ਦੱਸਿਆ ਕਿ ਅੱਜ ਆਈਆਂ ਰਿਪੋਰਟਾਂ ਦੌਰਾਨ ਬੀ.ਐੱਸ.ਐੱਫ ਦੀ 124 ਬਟਾਲੀਅਨ...
ਲੁਧਿਆਣਾ 'ਚ ਕੋਰੋਨਾ ਵਾਇਰਸ ਦਾ ਵੱਡਾ ਧਮਾਕਾ
. . .  about 1 hour ago
ਲੁਧਿਆਣਾ, 5 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਲੁਧਿਆਣਾ ਵਿਚ ਅੱਜ ਕੋਰੋਨਾ ਵਾਇਰਸ ਦਾ ਜ਼ਬਰਦਸਤ ਧਮਾਕਾ ਹੋਇਆ ਹੈ ਜਿਸ ਨੇ ਕੇਵਲ ਲੁਧਿਆਣਾ ਹੀ ਨਹੀਂ ਬਲਕਿ ਸਮੁੱਚੇ ਪੰਜਾਬ ਨੂੰ ਕੰਬਣੀ ਛੇੜ ਕੇ ਰੱਖ ਦਿੱਤੀ ਹੈ। ਕਿਉਂਕਿ ਲੁਧਿਆਣਾ ਵਿਚ ਜਿੱਥੇ ਵੱਡੀ ਗਿਣਤੀ ਵਿਚ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ ਉੱਥੇ ਇਸ ਦੇ ਨਾਲ ਨਾਲ 2 ਕੋਰੋਨਾ ਪਾਜ਼ੀਟਿਵ...
ਪਠਾਨਕੋਟ 'ਚ 1 ਹੋਰ ਮਰੀਜ਼ ਆਇਆ ਕੋਰੋਨਾ ਪਾਜ਼ੀਟਿਵ
. . .  about 1 hour ago
ਪਠਾਨਕੋਟ, 5 ਜੁਲਾਈ (ਆਰ. ਸਿੰਘ) ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਅੱਜ ਪਠਾਨਕੋਟ ਦੇ ਇਕ ਹੋਰ ਮਰੀਜ਼ਾਂ ਦੀ ਰਿਪੋਰਟ ਕਰੋਨਾ ਪਾਜ਼ੀਟਿਵ ਆਈ ਹੈ । ਇਸ ਦੀ ਪੁਸ਼ਟੀ ਸਿਵਲ ਸਰਜਨ ਪਠਾਨਕੋਟ ਡਾਕਟਰ ਭੁਪਿੰਦਰ ਸਿੰਘ ਨੇ ਕੀਤੀ। ਉਨ੍ਹਾਂ ਦੱਸਿਆ ਕਿ 213 ਸੈਂਪਲ ਅੰਮ੍ਰਿਤਸਰ ਟੈਸਟ ਲਈ ਭੇਜੇ ਗਏ ਸਨ ਜਿਨ੍ਹਾਂ ਵਿਚੋਂ ਇਕ ਦੀ ਰਿਪੋਰਟ...
ਪਾਤੜਾਂ (ਪਟਿਆਲਾ) ਅੰਦਰ ਸਿਹਤ ਕਰਮੀ ਦੇ ਕੋਰੋਨਾ ਪਾਜ਼ੀਟਿਵ ਆਉਣ ਨਾਲ ਇਲਾਕੇ ਅੰਦਰ ਸਹਿਮ ਦਾ ਮਾਹੌਲ
. . .  about 2 hours ago
ਪਾਤੜਾਂ 5 ਜੁਲਾਈ (ਗੁਰਇਕਬਾਲ ਸਿੰਘ ਖਾਲਸਾ)- ਸਬ ਡਵੀਜ਼ਨ ਪਾਤੜਾਂ ਅਧੀਨ ਆਉਂਦੇ ਮੁੱਢਲਾ ਸਿਹਤ ਕੇਂਦਰ ਸ਼ੁਤਰਾਣਾ..
ਲੋਹੀਆਂ 'ਚ 2 ਪਾਜ਼ੀਟਿਵ ਮਰੀਜ਼ਾਂ ਨਾਲ ਕੋਰੋਨਾ ਨੇ ਮੁੜ ਦਿੱਤੀ ਦਸਤਕ
. . .  about 2 hours ago
ਲੋਹੀਆਂ ਖਾਸ, 5 ਜੁਲਾਈ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ)- ਪੰਜਾਬ 'ਚ ਭਾਵੇਂ ਲਾਕਡਾਊਨ 'ਚ ਦਿਨੋਂ ਦਿਨ ਢਿੱਲ ਦਿੱਤੀ ...
ਸ੍ਰੀ ਮੁਕਤਸਰ ਸਾਹਿਬ ਦੀ ਕੋਰੋਨਾ ਪੀੜਤ ਔਰਤ ਦੀ ਲੁਧਿਆਣਾ 'ਚ ਮੌਤ
. . .  about 2 hours ago
ਸ੍ਰੀ ਮੁਕਤਸਰ ਸਾਹਿਬ, 5 ਜੁਲਾਈ (ਰਣਜੀਤ ਸਿੰਘ ਢਿੱਲੋਂ)- ਸ੍ਰੀ ਮੁਕਤਸਰ ਸਾਹਿਬ ਦੇ ਗਾਂਧੀ ਨਗਰ ਵਾਸੀ....
ਅੰਮ੍ਰਿਤਸਰ 'ਚ ਕੋਰੋਨਾ ਦੇ 7 ਮਾਮਲਿਆਂ ਦੀ ਪੁਸ਼ਟੀ
. . .  about 2 hours ago
ਅੰਮ੍ਰਿਤਸਰ, 5 ਜੁਲਾਈ (ਰੇਸ਼ਮ ਸਿੰਘ)- ਅੰਮ੍ਰਿਤਸਰ 'ਚ ਕੋਰੋਨਾ ਦੇ 7 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ
ਸ਼ਾਹਕੋਟ ਦੇ ਪਿੰਡ ਫਾਜਲਪੁਰ 'ਚ ਦੋ ਕੋਰੋਨਾ ਮਰੀਜ਼ ਮਿਲਣ ਤੋਂ ਬਾਅਦ 25 ਲੋਕਾਂ ਨੂੰ ਕੀਤਾ ਗਿਆ ਇਕਾਂਤਵਾਸ
. . .  about 2 hours ago
ਸ਼ਾਹਕੋਟ, 5 ਜੁਲਾਈ (ਅਜ਼ਾਦ ਸਚਦੇਵਾ/ਸੁਖਦੀਪ ਸਿੰਘ) - ਕੋਰੋਨਾ ਮਹਾਂਮਾਰੀ ਦਰਮਿਆਨ ਮੁੱਢਲੀ ਕਤਾਰ 'ਚ ਲੋਕਾਂ ਦੀ ....
ਪੰਜਾਬ ਅੰਦਰ ਦਾਖਲ ਹੋਣ ਵਾਲੇ ਵਿਅਕਤੀਆਂ ਲਈ ਐਡਵਾਈਜ਼ਰੀ ਜਾਰੀ
. . .  about 2 hours ago
ਫ਼ਾਜ਼ਿਲਕਾ, 5 ਜੁਲਾਈ (ਪ੍ਰਦੀਪ ਕੁਮਾਰ)- ਕੋਰੋਨਾ ਮਹਾਂਮਾਰੀ ਨੂੰ ਲੈ ਕੇ ਪੰਜਾਬ ਸਰਕਾਰ ਨੇ ਬਾਹਰਲੇ ਰਾਜਾਂ ਤੋਂ ਯਾਤਰਾ ਕਰ ਕੇ ਸੂਬੇ ਅੰਦਰ ਦਾਖਲ...
ਫ਼ਰੀਦਕੋਟ ਜ਼ਿਲ੍ਹੇ 'ਚ ਕੋਰੋਨਾ ਦੇ 8 ਹੋਰ ਮਰੀਜ਼ਾਂ ਦੀ ਹੋਈ ਪੁਸ਼ਟੀ
. . .  about 2 hours ago
ਫ਼ਰੀਦਕੋਟ, 5 ਜੁਲਾਈ (ਜਸਵੰਤ ਸਿੰਘ ਪੁਰਬਾ)-ਸਿਵਲ ਸਰਜਨ ਡਾ. ਰਜਿੰਦਰ ਕੁਮਾਰ ਨੇ ਦੱਸਿਆ ਕਿ ਪ੍ਰਾਪਤ ਨਤੀਜਿਆਂ 'ਚ ਫ਼ਰੀਦਕੋਟ ...
ਮੋਗਾ ਵਿਖੇ 5 ਵਿਅਕਤੀਆਂ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  1 minute ago
ਮੋਗਾ, 5 ਜੁਲਾਈ(ਗੁਰਤੇਜ ਸਿੰਘ ਬੱਬੀ)- ਅੱਜ ਸਿਹਤ ਵਿਭਾਗ ਮੋਗਾ ਨੂੰ ਮਿਲੀਆਂ ਰਿਪੋਰਟਾਂ 'ਚ 5 ਜਣਿਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ...
ਪਾਵਰਕਾਮ ਵਿਭਾਗ ਦਾ ਨਕਲੀ ਜੇ.ਈ. ਬਣ ਕੇ ਵਸੂਲੀ ਕਰਦਾ ਵਿਅਕਤੀ ਕਾਬੂ
. . .  about 3 hours ago
ਸਿੱਖ ਕਤਲੇਆਮ ਨਾਲ ਸੰਬੰਧਿਤ ਮਾਮਲੇ 'ਚ ਸਜ਼ਾ ਭੁਗਤ ਰਹੇ ਮਹਿੰਦਰ ਯਾਦਵ ਦੀ ਕੋਰੋਨਾ ਕਾਰਨ ਹੋਈ ਮੌਤ
. . .  about 3 hours ago
ਨਵੀਂ ਦਿੱਲੀ, 5 ਜੁਲਾਈ(ਜਗਤਾਰ ਸਿੰਘ)- ਸਿੱਖ ਕਤਲੇਆਮ ਨਾਲ ਸਬੰਧਿਤ ਇਕ ਮਾਮਲੇ 'ਚ ਜੇਲ੍ਹ ਦੀ ਸਜ਼ਾ ਭੁਗਤ ਰਹੇ ਸਾਬਕਾ ਵਿਧਾਇਕ ....
ਕੇਂਦਰੀ ਜੇਲ੍ਹ ਲੁਧਿਆਣਾ 'ਚ 26 ਕੈਦੀ ਪਾਏ ਗਏ ਕੋਰੋਨਾ ਪਾਜ਼ੀਟਿਵ
. . .  about 4 hours ago
ਲੁਧਿਆਣਾ, 5 ਜੁਲਾਈ (ਸਿਹਤ ਪ੍ਰਤੀਨਿਧੀ) - ਅੱਜ ਜਿਉਂ ਹੀ ਕੇਂਦਰੀ ਜੇਲ੍ਹ ਲੁਧਿਆਣਾ 'ਚ ਬੰਦ ਕੈਦੀਆਂ 'ਚ ਕੋਰੋਨਾ ਬੰਬ...
ਖੇਤੀ ਆਰਡੀਨੈਂਸਾਂ ਵਿਰੁੱਧ 27 ਨੂੰ ਸੂਬੇ ਭਰ 'ਚ ਕਿਸਾਨ ਕਰਨਗੇ ਟਰੈਕਟਰ ਰੋਸ ਮਾਰਚ- ਡਾ: ਸਤਨਾਮ
. . .  about 4 hours ago
ਅਜਨਾਲਾ, 5 ਜੁਲਾਈ (ਐੱਸ. ਪ੍ਰਸ਼ੋਤਮ)- ਕੁੱਲ ਹਿੰਦ ਕਿਸਾਨ ਸੰਘਰਸ਼ ਤਾਲਮੇਲ ਕਮੇਟੀ ਦੇ ਪੰਜਾਬ ਚੈਪਟਰ 'ਚ ਸ਼ਾਮਲ ਜਮਹੂਰੀ ਕਿਸਾਨ ਸਭਾ....
7 ਜੁਲਾਈ ਨੂੰ ਕਾਂਗਰਸ ਖ਼ਿਲਾਫ਼ ਸੂਬੇ ਭਰ 'ਚ ਰੋਸ ਪ੍ਰਦਰਸ਼ਨ ਕਰੇਗੀ ਅਕਾਲੀ ਦਲ : ਕਾਕਾ ਲੌਂਗੋਵਾਲ
. . .  about 4 hours ago
ਲੌਂਗੋਵਾਲ, 5 ਜੁਲਾਈ- (ਸ.ਸ.ਖੰਨਾ/ਵਿਨੋਦ)- ਤੇਲ ਦੀਆਂ ਵਧੀਆਂ ਕੀਮਤਾਂ ਅਤੇ ਸੂਬੇ ਅੰਦਰ ਕਾਂਗਰਸੀ ਆਗੂਆਂ ਵੱਲੋਂ ਕੀਤੇ ਗਏ ...
ਫ਼ਿਰੋਜ਼ਪੁਰ 'ਚ ਕੋਰੋਨਾ ਦੇ 12 ਹੋਰ ਮਾਮਲੇ ਆਏ ਸਾਹਮਣੇ
. . .  about 4 hours ago
ਫ਼ਿਰੋਜ਼ਪੁਰ, 5 ਜੁਲਾਈ (ਜਸਵਿੰਦਰ ਸਿੰਘ ਸੰਧੂ) - ਕੋਰੋਨਾ ਮਹਾਂਮਾਰੀ ਨੂੰ ਫੈਲਣ ਤੋਂ ਰੋਕਣ ਲਈ ਸਿਹਤ ਵਿਭਾਗ ਵੱਲੋਂ ...
ਜਲੰਧਰ 'ਚ ਕੋਰੋਨਾ ਦਾ ਵੱਡਾ ਧਮਾਕਾ, 71 ਮਾਮਲਿਆਂ ਦੀ ਹੋਈ ਪੁਸ਼ਟੀ
. . .  about 4 hours ago
ਜਲੰਧਰ, 5 ਜੁਲਾਈ (ਐੱਮ.ਐੱਸ. ਲੋਹੀਆ) - ਜਲੰਧਰ ਜ਼ਿਲ੍ਹੇ 'ਚ ਕੋਰੋਨਾ ਦੇ 71 ਹੋਰ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ, ਜਿਸ ਨਾਲ ਸ਼ਹਿਰ 'ਚ ਇਕ ਵਾਰ ਫਿਰ ਦਹਿਸ਼ਤ ....
ਪਿੰਡ ਮਰਦਾਂਹੇੜੀ 'ਚ ਹੋਇਆ ਸ਼ਹੀਦ ਲਾਂਸ ਨਾਇਕ ਸਲੀਮ ਖ਼ਾਨ ਨਮਿਤ ਸ਼ਰਧਾਂਜਲੀ ਸਮਾਗਮ
. . .  about 5 hours ago
ਪਟਿਆਲਾ, 5 ਜੁਲਾਈ (ਅਮਨਦੀਪ ਸਿੰਘ)- ਦੇਸ਼ ਦੀਆਂ ਸਰਹੱਦਾਂ ਦੀ ਰੱਖਿਆ ਕਰਦੇ ਹੋਏ ਡਿਊਟੀ ਦੌਰਾਨ ਸ਼ਹੀਦ ਹੋਏ ਪਟਿਆਲਾ...
ਤਲਵੰਡੀ ਭਾਈ (ਫ਼ਿਰੋਜ਼ਪੁਰ) 'ਚ 8 ਵਿਅਕਤੀਆਂ ਦੀ ਕੋਰੋਨਾ ਰਿਪੋਰਟ ਆਈ ਪਾਜ਼ੀਟਿਵ
. . .  about 5 hours ago
ਤਲਵੰਡੀ ਭਾਈ, 5 ਜੁਲਾਈ (ਕੁਲਜਿੰਦਰ ਸਿੰਘ ਗਿੱਲ) - ਤਲਵੰਡੀ ਭਾਈ ਦੇ 8 ਵਿਅਕਤੀਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ...
ਕੋਰੋਨਾ ਵਾਇਰਸ ਕਾਰਨ ਤਰਨ ਤਾਰਨ ਜ਼ਿਲ੍ਹੇ 'ਚ ਇਕ ਵਿਅਕਤੀ ਦੀ ਹੋਈ ਮੌਤ
. . .  about 5 hours ago
ਤਰਨਤਾਰਨ, 5 ਜੁਲਾਈ (ਹਰਿੰਦਰ ਸਿੰਘ)- ਕਰੋਨਾ ਮਹਾਂਮਾਰੀ ਦੇ ਚੱਲਦਿਆਂ ਜ਼ਿਲ੍ਹੇ 'ਚ ਦਮ ਤੋੜਨ ਵਾਲੇ ਵਿਅਕਤੀਆਂ ਦੀ ਗਿਣਤੀ 5 ਹੋ ...
ਤੇਜਿੰਦਰਪਾਲ ਸਿੰਘ ਸੰਧੂ ਨੇ ਕਾਂਗਰਸ ਦਾ ਛੱਡਿਆ ਪੱਲਾ
. . .  about 5 hours ago
ਪਟਿਆਲਾ, 5 ਜੁਲਾਈ (ਗੁਰਪ੍ਰੀਤ ਸਿੰਘ ਚੱਠਾ) - ਸਵਰਗੀ ਜਸਦੇਵ ਸਿੰਘ ਸੰਧੂ ਦੇ ਪੁੱਤਰ ਐੱਸ.ਐੱਸ ਬੋਰਡ ਦੇ ਸਾਬਕਾ ਚੇਅਰਮੈਨ ਤੇਜਿੰਦਰਪਾਲ....
ਕਿਸਾਨ ਵਿਰੋਧੀ ਆਰਡੀਨੈਂਸ ਦਾ ਸਮਰਥਨ ਕਰਕੇ ਅਕਾਲੀ ਦਲ ਨੇ ਪੰਜਾਬ ਦੇ ਹਿਤਾਂ ਨਾਲ ਕੀਤਾ ਧੋਖਾ : ਕੈਪਟਨ
. . .  about 6 hours ago
ਚੰਡੀਗੜ੍ਹ, 5 ਜੁਲਾਈ (ਅ.ਬ)- ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਫੇਸਬੁਕ 'ਤੇ ਇਕ ਪੋਸਟ ਸਾਂਝੀ ਕਰਦਿਆਂ ਕਿਹਾ ...
ਹੋਰ ਖ਼ਬਰਾਂ..

ਨਾਰੀ ਸੰਸਾਰ

5 ਜੂਨ ਨੂੰ ਵਿਸ਼ਵ ਵਾਤਾਵਰਨ ਦਿਵਸ 'ਤੇ ਵਿਸ਼ੇਸ਼

ਵਾਤਾਵਰਨ ਨੂੰ ਬਚਾਉਣ ਵਿਚ ਗ੍ਰਹਿਣੀਆਂ ਵੀ ਪਾ ਸਕਦੀਆਂ ਹਨ ਵੱਡਾ ਯੋਗਦਾਨ

ਬਿਜਲੀ ਬੱਚਤ ਦੇ ਸਾਡੇ ਕੋਲ ਕਈ ਤਰੀਕੇ ਹਨ। ਸਭ ਤੋਂ ਸੌਖਾ ਤਰੀਕਾ ਇਹ ਹੈ ਕਿ ਏ.ਸੀ. ਦੀ ਥਾਂ ਪੱਖੇ ਦੀ ਹੀ ਵਰਤੋਂ ਕੀਤੀ ਜਾਵੇ। ਮਸ਼ੀਨ ਵਿਚ ਕੱਪੜੇ ਸੁਕਾਉਣ ਦੀ ਬਜਾਏ ਧੁੱਪ ਵਿਚ ਸੁਕਾਏ ਜਾ ਸਕਦੇ ਹਨ।

ਘਰ ਦੀਆਂ ਸੁਆਣੀਆਂ ਬਹੁਤ ਵੱਡਾ ਯੋਗਦਾਨ ਵਾਤਾਵਰਨ ਨੂੰ ਬਚਾਉਣ ਵਿਚ, ਉਸ ਨੂੰ ਸਾਂਭਣ ਲਈ ਪਾ ਸਕਦੀਆਂ ਹਨ | ਛੋਟੇ-ਛੋਟੇ ਕਦਮ ਚੁੱਕਣ ਅਤੇ ਸਾਰਿਆਂ ਦੇ ਸਹਿਯੋਗ ਨਾਲ ਹੀ ਇਹ ਸੰਭਵ ਹੈ |
ਬਿਜਲੀ ਦੀ ਬੱਚਤ : ਬਿਜਲੀ ਬੱਚਤ ਦੇ ਸਾਡੇ ਕੋਲ ਕਈ ਤਰੀਕੇ ਹਨ | ਸਭ ਤੋਂ ਸੌਖਾ ਤਰੀਕਾ ਇਹ ਹੈ ਕਿ ਏ.ਸੀ. ਦੀ ਥਾਂ ਪੱਖੇ ਦੀ ਹੀ ਵਰਤੋਂ ਕੀਤੀ ਜਾਵੇ | ਮਸ਼ੀਨ ਵਿਚ ਕੱਪੜੇ ਸੁਕਾਉਣ ਦੀ ਬਜਾਏ ਧੁੱਪ ਵਿਚ ਸੁਕਾਏ ਜਾ ਸਕਦੇ ਹਨ |
ਗੈਸ ਦੀ ਘੱਟ ਵਰਤੋਂ : ਗੈਸ ਦੀ ਬੱਚਤ ਕਰਨ ਲਈ ਕਾਰ ਦੀ ਘੱਟ ਵਰਤੋਂ ਕੀਤੀ ਜਾਵੇ ਅਤੇ ਕਿਸੇ ਕੰਮ 'ਤੇ ਜਾਣ ਸਮੇਂ ਆਪਣੀਆਂ ਸਹੇਲੀਆਂ ਨਾਲ ਕਾਰ ਸਾਂਝੀ ਕੀਤੀ ਜਾ ਸਕਦੀ ਹੈ | ਇਸ ਤਰ੍ਹਾਂ ਹੋਰ ਵੀ ਬਹੁਤ ਸਾਰੇ ਪ੍ਰਭਾਵਸ਼ਾਲੀ ਤਰੀਕੇ ਹਨ ਜਿਸ ਨਾਲ ਗੈਸ ਦੀ ਬੱਚਤ ਕੀਤੀ ਜਾ ਸਕਦੀ ਹੈ |
ਮੁੜ ਵਰਤੋਂ : ਬਿਜਲੀ ਦਾ ਪੁਰਾਣਾ ਸਾਮਾਨ ਸਾਨੂੰ ਸੁੱਟਣਾ ਨਹੀਂ ਚਾਹੀਦਾ ਸਗੋਂ ਸਥਾਨਕ ਮੁਫ਼ਤ ਸਹੂਲਤ ਨਾਲ ਉਸ ਨੂੰ ਮੁੜ ਵਰਤੋੋਂ ਕਰਨਯੋਗ ਬਣਾਉਣਾ ਚਾਹੀਦਾ ਹੈ | ਇਸ ਤੋਂ ਇਲਾਵਾ ਆਪਣੇ ਪਲਾਸਟਿਕ ਦੇ ਕੰਟੇਨਰ ਨੂੰ ਦੂਜੇ ਰੱਦੀ ਦੇ ਸਾਮਾਨ ਨਾਲੋਂ ਵੱਖ ਰੱਖਣਾ ਚਾਹੀਦਾ ਹੈ |
ਖਰੀਦਦਾਰੀ ਲਈ ਕੱਪੜੇ ਦੇ ਥੈਲੇ ਦੀ ਵਰਤੋਂ : ਕੱਪੜੇ ਦੇ ਬਣੇ ਥੈਲੇ ਨੂੰ ਹਫ਼ਤੇ ਵਿਚ ਇਕ ਵਾਰ ਧੋਣ ਦੀ ਲੋੜ ਪੈਂਦੀ ਹੈ ਅਤੇ ਅਸੀਂ ਇਸ ਦੀ ਵਰਤੋਂ ਕਈ ਵਾਰ ਲੰਬੇ ਸਮੇਂ ਤੱਕ ਕਰ ਸਕਦੇ ਹਾਂ | ਇਸ ਤਰ੍ਹਾਂ ਅਸੀਂ ਆਪਣੇ ਜੀਵਨ ਵਿਚੋਂ ਪਲਾਸਟਿਕ ਦੀਆਂ ਬਹੁਤ ਸਾਰੀਆਂ ਚੀਜ਼ਾਂ ਦੀ ਵਰਤੋਂ ਘਟਾ ਸਕਦੇ ਹਾਂ | ਤੁਸੀਂ ਕੱਪੜੇ ਦੇ ਥੈਲੇ ਨੂੰ ਵਾਰ ਵਾਰ ਸਾਮਾਨ ਲਈ ਵਰਤ ਸਕਦੇ ਹੋ |
ਸਥਾਨਕ ਉਤਪਾਦਾਂ ਦੀ ਖਰੀਦ : ਜੇਕਰ ਤੁਹਾਡੇ ਕੋਲ ਸਥਾਨਕ ਕਿਸਾਨਾਂ ਕੋਲੋਂ ਉਨ੍ਹਾਂ ਦੇ ਖੇਤਾਂ ਵਿਚ ਪੈਦਾ ਕੀਤੀਆਂ ਫ਼ਸਲਾਂ ਨੂੰ ਖਰੀਦਣ ਦਾ ਵੀ ਬਦਲ ਹੋਵੇ ਤਾਂ ਇਸ ਨੂੰ ਤਰਜੀਹ ਦੇਵੋ | ਡੱਬਾਬੰਦ ਚੀਜ਼ਾਂ 'ਤੇ ਬਹੁਤ ਊਰਜਾ ਦੀ ਖਪਤ ਹੁੰਦੀ ਹੈ ਤੇ ਸਥਾਨਕ ਤਾਜ਼ਾ ਚੀਜ਼ਾਂ ਦੀ ਵਰਤੋਂ ਕਰ ਕੇ ਇਹ ਊਰਜਾ ਬਚਾਈ ਜਾ ਸਕਦੀ ਹੈ |
ਪਾਣੀ ਦੀ ਬੱਚਤ : ਪੀਣਯੋਗ ਪਾਣੀ ਦੀ ਬਹੁਤ ਜ਼ਿਆਦਾ ਘਾਟ ਹੈ | ਇਸ ਸਮੱਸਿਆ ਨੂੰ ਪਾਣੀ ਦੀ ਬੱਚਤ ਕਰਕੇ ਹੱਲ ਕੀਤਾ ਜਾ ਸਕਦਾ ਹੈ | ਇਥੇ ਪਾਣੀ ਬਚਾਉਣ ਦੇ ਬਹੁਤ ਸਾਰੇ ਤਰੀਕੇ ਹਨ | ਹਰ ਰੋਜ਼ ਪਾਣੀ ਦੀ ਵਰਤੋਂ ਲੋੜ ਅਨੁਸਾਰ ਕਰਕੇ ਪਾਣੀ ਬਚਾਇਆ ਜਾ ਸਕਦਾ ਹੈ |
ਬਿਜਲਈ ਸੁਨੇਹੇ ਰਾਹੀਂ ਵਧਾਈ ਸੰਦੇਸ਼ ਭੇਜ ਕੇ : ਤੁਸੀਂ ਆਮ ਤੌਰ 'ਤੇ ਇਸ ਦੀ ਵਰਤੋਂ ਪਹਿਲਾਂ ਹੀ ਕਰਦੇ ਹੋ | ਇਸ ਨਾਲ ਤੁਸੀਂ ਕੁਦਰਤ ਦੇ ਵਾਤਾਵਰਨ ਨਾਲ ਮਿੱਤਰਤਾ ਦੇ ਨਾਲ ਨਾਲ ਸੁਨੇਹੇ ਆਪਣੇ ਮਿੱਤਰਾਂ ਤੱਕ ਪਹੁੰਚਾ ਸਕਦੇ ਹੋ |
ਮਿੱਟੀ ਦੇ ਭਾਂਡੇ ਵਰਤ ਕੇ : ਅਸਲ ਵਿਚ ਅਸੀਂ ਆਮ ਪਲਾਸਟਿਕ, ਫੋਮ, ਕਾਗਜ਼ ਦੇ ਭਾਂਡੇ ਵਰਤਣ ਦੀ ਬਜਾਏ ਵੱਧ ਤੋਂ ਵੱਧ ਮਿੱਟੀ ਦੇ ਭਾਂਡੇ ਵਰਤ ਕੇ ਵਾਤਾਵਰਨ ਨੂੰ ਬਚਾਉਣ 'ਚ ਹਿੱਸਾ ਪਾ ਸਕਦੇ ਹਾਂ |
ਘਰ ਨੂੰ ਰਿਸਾਅ ਰਹਿਤ (ਲੀਕੇਜ ਪਰੂਫ) ਬਣਾ ਕੇ : ਇਸ ਗੱਲ ਨੂੰ ਯਕੀਨੀ ਬਣਾਓ ਕਿ ਘਰ ਵਿਚ ਗਰਮੀ ਅਤੇ ਸਰਦੀ ਦੀ ਲੀਕੇਜ ਪੂਰੀ ਤਰ੍ਹਾਂ ਬੰਦ ਹੈ | ਇਸ ਤਰ੍ਹਾਂ ਤੁਸੀਂ ਬਹੁਤ ਸਾਰੀ ਊਰਜਾ ਅਤੇ ਪੈਸਾ ਬਚਾ ਸਕਦੇ ਹੋ |
ਹਵਾ ਫਿਲਟਰ ਬਦਲ ਕੇ : ਆਪਣੇ ਘਰ ਅਤੇ ਆਪਣੀ ਕਾਰ ਦੇ ਏ.ਸੀ. ਫਿਲਟਰ ਬਦਲ ਕੇ ਤੁਸੀਂ ਬਹੁਤ ਸਾਰੀ ਊਰਜਾ ਅਤੇ ਪੈਸਾ ਬਚਾਅ ਸਕਦੇ ਹੋ |
ਦਰੱਖਤ ਲਗਾ ਕੇ : ਤੁਸੀਂ ਆਪਣੇ ਬਗੀਚੇ ਅਤੇ ਘਰ ਦੀ ਬਾਲਕੋਨੀ ਜਾਂ ਕਿਸੇ ਵੀ ਥਾਂ 'ਤੇ ਜਿਥੇ ਤੁਹਾਨੂੰ ਜਗ੍ਹਾ ਵਿਹਲੀ ਮਿਲਦੀ ਹੈ, ਤੁਸੀਂ ਫੁੱਲ ਉਗਾ ਸਕਦੇ ਹੋ | ਪੌਦੇ ਲਗਾ ਸਕਦੇ ਹੋ | ਜਿਹੜੇ ਸ਼ਹਿਦ ਦੀਆਂ ਮੱਖੀਆਂ ਨੂੰ ਆਕਰਸ਼ਿਤ ਕਰਦੇ ਹਨ |
ਤੁਹਾਡੇ ਕੋਲ ਬਗ਼ੀਚੀ ਹੈ ਤਾਂ ਤੁਸੀਂ ਪੌਦੇ ਲਗਾ ਕੇ ਵਾਤਾਵਰਨ ਦੀ ਸੇਵਾ ਕਰ ਸਕਦੇ ਹੋ | ਇਹ ਤੁਹਾਡੇ ਰਹਿਣ ਲਈ ਵਧੀਆ ਸਾਫ਼-ਸੁਥਰਾ ਹਰਿਆ-ਭਰਿਆ ਥਾਂ ਬਣ ਸਕਦਾ ਹੈ |
ਪ੍ਰਦੂਸ਼ਣੀ ਤੱਤਾਂ ਨੂੰ ਕੂੜੇਦਾਨ ਵਿਚ ਸੁੱਟ ਕੇ : ਭਾਵੇਂ ਤੁਹਾਡੇ ਘਰ ਵਿਚ ਕੰਮ ਦੌਰਾਨ, ਸਥਾਨਕ ਸੁਪਰ ਮਾਰਕੀਟ ਜਾਂ ਜਦੋਂ ਤੁਸੀਂ ਦੌੜ ਰਹੇ ਹੋ | ਜੇਕਰ ਤੁਹਾਨੂੰ ਕੋਈ ਪ੍ਰਦੂਸ਼ਣੀ ਤੱਤ ਜਿਵੇਂ ਪਲਾਸਟਿਕ ਜਾਂ ਸਟੀਓਰੋਫੋਮ ਤੁਹਾਡੇ ਰਸਤੇ ਵਿਚ ਮਿਲਦਾ ਹੈ, ਇਸ ਨੂੰ ਚੁੱਕ ਕੇ ਆਪਣੇ ਨੇੜੇ ਦੇ ਕੂੜੇਦਾਨ ਵਿਚ ਸੁੱਟ ਦਿਓ |
ਘਰਾਂ ਅੰਦਰ ਪੌਦੇ ਲਗਾਓ : ਘਰਾਂ ਅੰਦਰ ਲੱਗੇ ਪੌਦੇ ਹਵਾ ਨੂੰ ਸਾਫ਼ ਕਰਨ ਤੇ ਹਵਾ ਪ੍ਰਦੂਸ਼ਣ ਨੂੰ ਸਾਫ਼ ਕਰਨ ਲਈ ਬਹੁਤ ਸਹਾਈ ਹੁੰਦੇ ਹਨ | ਬਹੁਤ ਘੱਟ ਖਰਚਾ ਕਰ ਕੇ ਆਪਣੇ ਘਰਾਂ ਨੂੰ ਹਰਿਆ ਭਰਿਆ ਬਣਾਇਆ ਜਾ ਸਕਦਾ ਹੈ | ਅਸੀਂ ਆਪਣੀ ਸਿਹਤ ਵਿਚ ਸੁਧਾਰ ਕਰ ਸਕਦੇ ਹਾਂ | ਲੰਬੇ ਸਮੇਂ ਲਈ ਇਹ ਕੋਸ਼ਿਸ਼ ਸਿਹਤ ਲਈ ਵੱਡਾ ਰੋਲ ਅਦਾ ਕਰ ਸਕਦੀਆਂ ਹਨ |


ਖ਼ਬਰ ਸ਼ੇਅਰ ਕਰੋ

ਗਰਮੀਆਂ 'ਚ ਅੱਡੀਆਂ ਦਾ ਫਟਣਾ ਆਮ ਸਮੱਸਿਆ

ਅਕਸਰ ਇਹ ਮਹਿਸੂਸ ਕੀਤਾ ਗਿਆ ਹੈ ਕਿ ਲਗਪਗ 25 ਫ਼ੀਸਦੀ ਲੋਕ ਗਰਮੀਆਂ ਵਿਚ ਇਸ ਸਮੱਸਿਆ ਦਾ ਸਾਹਮਣਾ ਕਰਦੇ ਹਨ ਤੇ ਖ਼ਾਸ ਕਰਕੇ ਔਰਤਾਂ ਇਸ ਸਮੱਸਿਆ ਨਾਲ ਮਰਦਾਂ ਨਾਲੋਂ ਜ਼ਿਆਦਾ ਪੀੜਤ ਹੁੰਦੀਆਂ ਹਨ | ਮੌਸਮ ਬਦਲਣ ਦੇ ਉਲਟ ਅਸਰ ਸਾਡੀ ਸਿਹਤ, ਚਮੜੀ ਤੋਂ ਇਲਾਵਾ ਅੱਡੀਆਂ 'ਤੇ ਵੀ ਪੈਂਦਾ ਹੈ | ਗਰਮੀਆਂ ਵਿਚ ਤਾਪਮਾਨ ਵਧਣ ਨਾਲ ਵਾਤਾਵਰਨ ਵਿਚ ਨਮੀ ਵਿਚ ਕਮੀ ਆ ਜਾਂਦੀ ਹੈ ਜਿਸ ਦੀ ਵਜ੍ਹਾ ਨਾਲ ਸਾਡੀਆਂ ਅੱਡੀਆਂ ਤੇ ਚਮੜੀ ਸੁੱਕੀ ਹੋ ਜਾਂਦੀ ਹੈ | ਜਦੋਂ ਰੁੱਖਾਪਨ ਵਧ ਜਾਂਦਾ ਹੈ ਤਾਂ ਅੱਡੀਆਂ ਫਟ ਜਾਂਦੀਆਂ ਹਨ |
ਪਰ ਤੁਸੀਂ ਕੁਝ ਕੁਦਰਤੀ ਉਪਾਅ ਕਰਕੇ ਇਨ੍ਹਾਂ ਫਟੀਆਂ ਅੱਡੀਆਂ ਤੋਂ ਛੁਟਕਾਰਾ ਪਾ ਸਕਦੇ ਹੋ :
ਆਪਣੀ ਚਮੜੀ ਵਿਚ ਤਾਜ਼ਗੀ ਲਿਆਉਣ ਲਈ ਆਪਣੇ ਪੈਰਾਂ ਨੂੰ ਹਫ਼ਤੇ ਵਿਚ ਇਕ ਵਾਰ ਘਰ 'ਚ 'ਫੁੱਟ ਟ੍ਰੀਟਮੈਂਟ' ਜ਼ਰੂਰ ਦਿਓ | ਪੈਰਾਂ ਨੂੰ ਗਰਮ ਪਾਣੀ ਵਿਚ ਡੁਬੋਣ ਨਾਲ ਅੱਡੀਆਂ ਦੀ ਚਮੜੀ ਮੁਲਾਇਮ ਹੁੰਦੀ ਹੈ, ਜਿਸ ਨਾਲ ਮਰੀਆਂ ਕੋਸ਼ਿਕਾਵਾਂ ਨੂੰ ਹਟਾਉਣ ਵਿਚ ਮਦਦ ਮਿਲਦੀ ਹੈ | ਹਰ ਰੋਜ਼ ਪੈਰ ਅਤੇ ਅੱਡੀਆਂ ਦੀ ਸਹੀ ਦੇਖਭਾਲ ਯਕੀਨੀ ਬਣਾਉਣ ਲਈ ਨਹਾਉਣ ਤੋਂ ਪਹਿਲਾਂ ਆਪਣੇ ਪੈਰਾਂ ਵਿਚ ਸ਼ੁੱਧ ਬਦਾਮ ਤੇਲ ਦੀ ਰੋਜ਼ਾਨਾ ਮਾਲਿਸ਼ ਕਰੋ | ਨਹਾਉਣ ਤੋਂ ਬਾਅਦ ਜਦੋਂ ਪੈਰ ਗਿੱਲੇ ਹੋਣ ਤਾਂ ਪੈਰਾਂ 'ਤੇ ਕ੍ਰੀਮ ਲਾਓ ਜਿਸ ਨਾਲ ਪੈਰਾਂ ਵਿਚ ਨਮੀ ਬਰਕਰਾਰ ਰੱਖਣ ਵਿਚ ਮਦਦ ਮਿਲੇਗੀ | ਫੁੱਟ ਕ੍ਰੀਮ ਨਾਲ ਪੈਰਾਂ ਦੀ ਸਰਕੁਲਰ ਮੋਸ਼ਨ ਵਿਚ ਹਲਕੀ-ਹਲਕੀ ਮਾਲਿਸ਼ ਕਰੋ ਅਤੇ ਇਸ ਨਾਲ ਤੁਹਾਡੇ ਪੈਰ ਮੁਲਾਇਮ ਬਣੇ ਰਹਿਣਗੇ ਜਿਸ ਨਾਲ ਅੱਡੀਆਂ ਫਟਣ ਦੀ ਸਮੱਸਿਆ ਨਹੀਂ ਆਵੇਗੀ |
ਪੈਰਾਂ ਦੀ ਸਮੱਸਿਆ ਲਈ ਸ਼ਹਿਦ ਕੁਦਰਤੀ ਇਲਾਜ ਮੰਨਿਆ ਜਾਂਦਾ ਹੈ | ਸ਼ਹਿਦ ਵਿਚ ਐਾਟੀ ਬੈਕਟੀਰੀਅਲ ਅਤੇ ਐਾਟੀ ਮਾਈਕ੍ਰੋਬੀਅਲ ਗੁਣ ਮੌਜੂਦ ਹੁੰਦੇ ਹਨ ਜੋ ਕਿ ਫੱਟੀਆਂ ਅੱਡੀਆਂ ਨੂੰ ਸਾਫ਼ ਕਰ ਕੇ ਇਨ੍ਹਾਂ ਦਾ ਕੁਦਰਤੀ ਇਲਾਜ ਕਰ ਸਕਦੇ ਹਨ | ਤਿੰਨ ਲੀਟਰ ਕੋਸੇ ਪਾਣੀ ਵਿਚ ਦੋ ਚਮਚ ਸ਼ਹਿਦ ਮਿਲਾ ਕੇ ਇਸ ਵਿਚ 20 ਮਿੰਟ ਤੱਕ ਪੈਰ ਡੁਬੋ ਕੇ ਰੱਖਣ ਨਾਲ ਪੈਰਾਂ ਵਿਚ ਕੋਮਲਤਾ ਆਉਂਦੀ ਹੈ | ਤੁਸੀਂ ਸ਼ਹਿਦ ਨੂੰ 'ਫੁੱਟ ਸਕਰੱਬ' ਜਾਂ ਫੁੱਟ ਮਾਸਕ ਦੇ ਤੌਰ 'ਤੇ ਵੀ ਵਰਤੋਂ ਕਰ ਸਕਦੇ ਹੋ |
ਤੁਹਾਡੀ ਰਸੋਈ ਵਿਚ ਵੀ ਫਟੀਆਂ ਅੱਡੀਆਂ ਦਾ ਕੁਦਰਤੀ ਇਲਾਜ ਦਾ ਸਮਾਨ ਹੁੰਦਾ ਹੈ | ਨਿੰਬੂ ਨੂੰ ਕੱਟ ਕੇ ਇਸ ਦਾ ਅੱਧਾ ਹਿੱਸਾ ਲੈ ਕੇ ਇਸ ਨੂੰ ਚੀਨੀ ਵਿਚ ਮਿਲਾਓ ਅਤੇ ਇਸ ਨੂੰ ਆਪਣੀਆਂ ਅੱਡੀਆਂ 'ਤੇ ਹੌਲੀ-ਹੌਲੀ ਰਗੜੋ | ਬਾਅਦ ਵਿਚ ਅੱਡੀਆਂ ਨੂੰ ਸਾਫ਼ ਤਾਜ਼ੇ ਪਾਣੀ ਨਾਲ ਧੋ ਦਿਓ | ਇਸ ਤਰ੍ਹਾਂ ਹਫ਼ਤੇ ਵਿਚ ਦੋ ਵਾਰ ਕਰਨ ਨਾਲ ਸਾਕਾਰਾਤਮਕ ਨਤੀਜੇ ਮਿਲਣਗੇ |
ਰਾਤ ਨੂੰ ਸੌਣ ਤੋਂ ਪਹਿਲਾਂ ਗਰਮ ਪਾਣੀ ਵਿਚ ਨਮਕ ਪਾ ਕੇ ਆਪਣੇ ਪੈਰਾਂ ਨੂੰ ਅੱਧਾ ਘੰਟਾ ਭਿਉਂ ਕੇ ਰੱਖੋ ਜਿਸ ਨਾਲ ਤੁਹਾਡੀਆਂ ਅੱਡੀਆਂ ਦੀ ਚਮੜੀ ਮੁਲਾਇਮ ਹੋ ਜਾਵੇਗੀ ਅਤੇ ਇਸ ਤੋਂ ਬਾਅਦ ਬਾਥਿੰਗ ਸਪੰਜ ਨਾਲ ਰਗੜ ਕੇ ਅੱਡੀਆਂ ਤੋਂ ਮਿ੍ਤ ਕੋਸ਼ਿਕਾਵਾਂ ਨੂੰ ਹੌਲੀ-ਹੌਲੀ ਹਟਾ ਦਿਓ | ਕਦੀ ਵੀ ਧਾਤੂ ਦੇ ਸਪੰਜ ਦੀ ਵਰਤੋਂ ਨਾ ਕਰੋ ਕਿਉਂਕਿ ਇਸ ਨਾਲ ਜ਼ਖ਼ਮ ਡੂੰਘੇ ਹੋ ਸਕਦੇ ਹਨ | ਪੈਰਾਂ ਨੂੰ ਧੋਣ ਤੋਂ ਬਾਅਦ ਚਮੜੀ 'ਤੇ ਕ੍ਰੀਮ ਦੀ ਮਾਲਿਸ਼ ਕਰੋ ਤਾਂ ਕਿ ਚਮੜੀ ਇਸ ਨੂੰ ਪੂਰੀ ਤਰ੍ਹਾਂ ਸੋਖ ਲਵੇ | ਨਿੰਬੂ ਅਤੇ ਹਲਦੀ ਦੇ ਗੁਣਾਂ ਵਾਲੀ ਕ੍ਰੀਮ ਸਭ ਤੋਂ ਚੰਗੀ ਹੁੰਦੀ ਹੈ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਫੱਟੀਆਂ ਅੱਡੀਆਂ ਨੂੰ ਨਰਮ ਰੂੰ ਦੇ ਕੱਪੜੇ ਦੀ ਪੱਟੀ ਬੰਨ੍ਹ ਕੇ ਸੌਣ ਨਾਲ ਫਟੀਆਂ ਅੱਡੀਆਂ ਦੇ ਜ਼ਖ਼ਮ ਭਰਨ ਵਿਚ ਮਦਦ ਮਿਲੇਗੀ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਪੈਰਾਂ 'ਤੇ 'ਫੁੱਟਕ੍ਰੀਮ' ਲਗਾ ਕੇ ਪੈਰਾਂ ਨੂੰ ਰੂੰ ਦੇ ਕੱਪੜੇ ਦੀ ਪੱਟੀ ਬੰਨ੍ਹ ਕੇ ਸੌਣ ਨਾਲ ਜ਼ਖ਼ਮ ਜਲਦੀ ਠੀਕ ਹੋਣ ਵਿਚ ਮਦਦ ਮਿਲਦੀ ਹੈ ਅਤੇ ਬਿਸਤਰਾ ਵੀ ਖਰਾਬ ਨਹੀਂ ਹੁੰਦਾ |
ਫਟੀਆਂ ਅੱਡੀਆਂ ਲਈ ਨਾਰੀਅਲ ਤੇਲ ਵਧੀਆ ਕੰਮ ਕਰਦਾ ਹੈ | ਨਾਰੀਅਲ ਤੇਲ ਵਿਚ ਮੌਜੂਦ ਐਾਟੀ ਇੰਫਲੇਮੇਟਰੀ ਅਤੇ ਐਾਟੀ ਮਾਈਕ੍ਰੋਬਾਈਲ ਗੁਣ ਮੌਜੂਦ ਹੁੰਦੇ ਹਨ, ਜਿਸ ਨਾਲ ਚਮੜੀ ਦੀ ਨਮੀ ਬਰਕਰਾਰ ਰੱਖਣ ਵਿਚ ਮਦਦ ਮਿਲਦੀ ਹੈ ਅਤੇ ਨਾਰੀਅਲ ਤੇਲ ਨੂੰ ਸੁੱਕੀ ਚਮੜੀ ਦੇ ਇਲਾਜ ਲਈ ਸਭ ਤੋਂ ਚੰਗਾ ਮੰਨਿਆ ਜਾਂਦਾ ਹੈ | ਨਾਰੀਅਲ ਤੇਲ ਚਮੜੀ 'ਚ ਨਮੀ ਬਰਕਰਾਰ ਰੱਖਣ ਤੋਂ ਇਲਾਵਾ ਚਮੜੀ ਦੀਆਂ ਮਿ੍ਤ ਕੋਸ਼ਿਕਾਵਾਂ ਨੂੰ ਹਟਾਉਣ ਵਿਚ ਵੀ ਮਦਦਗਾਰ ਸਾਬਤ ਹੁੰਦਾ ਹੈ | ਨਾਰੀਅਲ ਤੇਲ ਨੂੰ ਹਰ ਰੋਜ਼ ਵਰਤੋਂ ਵਿਚ ਲਿਆਉਣ ਨਾਲ ਫਟੀਆਂ ਅੱਡੀਆਂ ਦੀ ਸਮੱਸਿਆ ਤੋਂ ਬਚਿਆ ਜਾ ਸਕਦਾ ਹੈ ਅਤੇ ਇਹ ਪੈਰਾਂ ਦੀ ਬਾਹਰੀ ਚਮੜੀ ਦੇ ਟਿਸ਼ੂ ਨੂੰ ਮਜ਼ਬੂਤ ਕਰਦਾ ਹੈ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਨਾਰੀਅਲ ਤੇਲ ਨਾਲ ਚਮੜੀ ਦੀ ਮਾਲਿਸ਼ ਕਰਨ ਨਾਲ ਸਵੇਰੇ ਤੁਹਾਡੇ ਪੈਰ ਨਰਮ ਅਤੇ ਮੁਲਾਇਮ ਬਣ ਕੇ ਉੱਭਰਨਗੇ | ਜੇਕਰ ਤੁਸੀਂ ਫਟੀਆਂ ਅੱਡੀਆਂ ਦੀ ਸਮੱਸਿਆ ਨਾਲ ਜੂਝ ਰਹੇ ਹੋ ਤਾਂ ਦਿਨ ਵਿਚ ਦੋ ਵਾਰ ਨਾਰੀਅਲ ਤੇਲ ਨਾਲ ਆਪਣੇ ਪੈਰਾਂ ਦੀ ਮਾਲਿਸ਼ ਕਰੋ |
ਫਟੀਆਂ ਅੱਡੀਆਂ ਦੇ ਇਲਾਜ ਵਿਚ ਜੈਤੂਨ ਦਾ ਤੇਲ ਕਾਫ਼ੀ ਪ੍ਰਭਾਵੀ ਮੰਨਿਆ ਜਾਂਦਾ ਹੈ | ਹਫ਼ਤੇ ਵਿਚ ਦੋ ਵਾਰ ਜੈਤੂਨ ਦੇ ਤੇਲ ਦੀ ਟ੍ਰੀਟਮੈਂਟ, ਫਟੀਆਂ ਅੱਡੀਆਂ ਦੀ ਸਮੱਸਿਆ ਦਾ ਪ੍ਰਭਾਵੀ ਹੱਲ ਪ੍ਰਦਾਨ ਕਰਦੀ ਹੈ | ਜੈਤੂਨ ਦੇ ਗਰਮ ਤੇਲ ਨੂੰ ਕਾਟਨ ਬਾਲ ਨਾਲ ਹੌਲੀ-ਹੌਲੀ ਪੈਰਾਂ 'ਤੇ ਗੋਲਾਕਾਰ ਲਗਾਉਣ ਨਾਲ ਚਮੜੀ ਤੇਲ ਨੂੰ ਸੋਖ ਲਵੇਗੀ | ਉਸ ਤੋਂ ਬਾਅਦ ਪੈਰਾਂ ਨੂੰ ਕਾਟਨ ਦੇ ਕੱਪੜੇ ਨਾਲ ਬੰਨ੍ਹ ਲਓ ਅਤੇ ਥੋੜ੍ਹੀ ਦੇਰ ਬਾਅਦ ਕੋਸੇ ਪਾਣੀ ਨਾਲ ਧੋ ਲਓ | ਰਾਤ ਨੂੰ ਸੌਣ ਤੋਂ ਪਹਿਲਾਂ ਹਰ ਰੋਜ਼ ਜੈਤੂਨ ਦੇ ਤੇਲ ਨਾਲ ਪੈਰਾਂ ਦੀ ਮਾਲਿਸ਼ ਕਰਨ ਨਾਲ ਤੁਹਾਨੂੰ ਚੰਗੇ ਨਤੀਜੇ ਮਿਲ ਸਕਦੇ ਹਨ |
ਮੌਸਮ ਦੇ ਹਿਸਾਬ ਨਾਲ ਪੈਰਾਂ ਲਈ ਜੁੱਤੀਆਂ ਦੀ ਚੋਣ ਕਰੋ | ਹਵਾਈ ਚੱਪਲ, ਸੈਂਡਲ ਆਦਿ ਦੀ ਵਰਤੋਂ ਤੋਂ ਪਰਹੇਜ਼ ਕਰੋ ਅਤੇ ਬੰਦ ਜੁੱਤੀਆਂ ਨੂੰ ਵਰਤੋਂ ਵਿਚ ਲਿਆਓ | ਗਰਮੀਆਂ ਵਿਚ ਹਮੇਸ਼ਾ ਸੂਤੀ ਜੁਰਾਬਾਂ ਨੂੰ ਪਹਿਲ ਦਿਓ ਕਿਉਂਕਿ ਸਿੰਥੈਟਿਕਸ ਦੀਆਂ ਜੁਰਾਬਾਂ ਪੈਰਾਂ ਦੀ ਚਮੜੀ ਨੂੰ ਰੁੱਖਾ ਬਣਾ ਸਕਦੀਆਂ ਹਨ | ਕੈਮੀਕਲ ਯੁਕਤ ਸਾਬਣ, ਸ਼ੈਂਪੂ ਦੀ ਵਰਤੋਂ ਨੂੰ ਜ਼ਰੂਰਤ ਤੋਂ ਜ਼ਿਆਦਾ ਵਰਤੋਂ ਵਿਚ ਨਾ ਲੈ ਕੇ ਆਓ ਅਤੇ ਵਿਟਾਮਿਨ-ਈ, ਕੈਲਸ਼ੀਅਮ, ਜ਼ਿੰਕ, ਓਮੇਗਾ-3 ਆਦਿ ਨਾਲ ਭਰਪੂਰ ਡਾਈਟ ਲਓ |
ਇਹ ਧਿਆਨ ਰੱਖੋ ਕਿ ਜੇਕਰ ਤੁਹਾਡੀਆਂ ਫਟੀਆਂ ਅੱਡੀਆਂ ਦੀ ਸਮੱਸਿਆ ਸਰੀਰਕ ਬਿਮਾਰੀ ਜਾਂ ਜੀਵਨ ਸ਼ੈਲੀ ਨਾਲ ਜੁੜੀ ਹੈ ਤਾਂ ਤੁਸੀਂ ਕਿਸੇ ਮਾਹਿਰ ਦੀ ਸਲਾਹ ਤੋਂ ਬਿਨਾਂ ਕੋਈ ਵੀ ਇਲਾਜ ਬਿਲਕੁਲ ਨਾ ਕਰੋ | ਕਿਸੇ ਵੀ ਇਕ ਪੋਜ਼ੀਸ਼ਨ 'ਤੇ ਲੰਮੇ ਸਮੇਂ ਤੱਕ ਖੜ੍ਹੇ ਨਾ ਰਹੋ ਅਤੇ ਆਪਣੇ ਪੈਰਾਂ ਦੀ ਰੋਜ਼ਾਨਾ ਸਹੀ ਦੇਖਭਾਲ ਕਰੋ |

ਸਮਝਦਾਰ ਵਿਅਕਤੀ ਦੇ ਗੁਣ

ਇਕ ਸਮਝਦਾਰ ਵਿਅਕਤੀ ਜਿਥੇ ਜ਼ਰੂਰਤ ਹੋਵੇ, ਉਥੇ ਬੋਲਦਾ ਹੈ, ਜ਼ਿਆਦਾ ਲੋਕਾਂ ਨਾਲ ਬਹਿਸ ਨਹੀਂ ਕਰਦਾ | ਜਿਥੇ ਦੋ ਵਿਅਕਤੀ ਆਪਸ ਵਿਚ ਗੱਲਬਾਤ ਕਰਦੇ ਹਨ, ਉਨ੍ਹਾਂ ਵਿਚ ਨਹੀਂ ਬੋਲਦਾ |
ਸਮਝਦਾਰ ਵਿਅਕਤੀ ਜੇਕਰ ਕਿਸੇ ਲਈ ਕੋਈ ਚੰਗਾ ਕੰਮ ਕਰਦਾ ਹੈ ਤਾਂ ਵਾਰ-ਵਾਰ ਉਸ ਨੂੰ ਸੁਣਾਉਂਦਾ ਨਹੀਂ ਹੈ ਅਤੇ ਨਾ ਹੀ ਉਹ ਕਦੇ ਝੂਠ ਬੋਲਦਾ ਹੈ | ਜੇਕਰ ਕੋਈ ਵਿਅਕਤੀ ਉਸ ਤੋਂ ਕੋਈ ਚੀਜ਼ ਜਿਵੇਂ ਪੈਸੇ ਮੰਗਦਾ ਹੈ ਤਾਂ ਉਹ ਸੱਚ ਦੱਸ ਦੇਵੇਗਾ ਕਿ ਉਸ ਕੋਲ ਪੈਸੇ ਹੈ ਜਾਂ ਨਹੀਂ | ਉਹ ਕਿਸੇ ਨੂੰ ਝੂਠੇ ਲਾਰੇ ਨਹੀਂ ਲਗਾਏਗਾ |
ਸਮਝਦਾਰ ਵਿਅਕਤੀ ਕੋਈ ਵੀ ਕੰਮ ਕਰਨ ਲੱਗੇ ਕਦੇ ਵੀ ਰੌਲਾ ਨਹੀਂ ਪਾਵੇਗਾ | ਚੁੱਪਚਾਪ ਆਪਣੇ ਕੰਮ ਕਰਦਾ ਰਹੇਗਾ | ਜਦੋਂ ਵੀ ਕਿਸੇ ਦਾ ਚੰਗਾ ਕੰਮ ਹੋਵੇਗਾ, ਉਸ ਨੂੰ ਆਪਣੇ-ਆਪ ਪਤਾ ਲੱਗ ਜਾਵੇਗਾ | ਜਿਵੇਂ ਕਿਸੇ ਬੱਚੇ ਨੇ ਬਾਹਰ ਜਾਣਾ ਹੋਵੇ ਤਾਂ ਜ਼ਿਆਦਾ ਰੌਲਾ ਨਹੀਂ ਪਾਉਣਾ ਚਾਹੀਦਾ | ਜਦੋਂ ਕੰਮ ਬਣੇਗਾ ਉਦੋਂ ਸਭ ਨੂੰ ਪਤਾ ਲੱਗ ਜਾਵੇਗਾ |
ਸਮਝਦਾਰ ਵਿਅਕਤੀ ਕਦੀ ਵੀ ਟਾਈਮ ਖਰਾਬ ਨਹੀਂ ਕਰੇਗਾ | ਸਮੇਂ ਦਾ ਹਮੇਸ਼ਾ ਸਦਉਪਯੋਗ ਕਰੇਗਾ ਅਤੇ ਚੰਗੇ ਕੰਮਾਂ ਵੱਲ ਧਿਆਨ ਦੇਵੇਗਾ | ਇਕ ਸਮਝਦਾਰ ਵਿਅਕਤੀ ਆਪਣੀ ਜ਼ਿੰਦਗੀ ਦੀਆਂ ਚੰਗੀਆਂ ਆਦਤਾਂ, ਚੰਗੀਆਂ ਗੱਲਾਂ ਅਤੇ ਚੰਗੀ ਜਾਣਕਾਰੀ ਹਮੇਸ਼ਾ ਲੋਕਾਂ ਨਾਲ ਸਾਂਝੀਆਂ ਕਰੇਗਾ |
ਸਮਝਦਾਰ ਵਿਅਕਤੀ ਕਦੀ ਵੀ ਆਪਣੀ ਗ਼ਲਤੀ ਦੂਜਿਆਂ ਦੇ ਸਿਰ ਨਹੀਂ ਲਗਾਏਗਾ | ਜਿਥੇ ਉਸ ਦੀ ਗ਼ਲਤੀ ਹੋਵੇ, ਉਸ ਨੂੰ ਮੰਨ ਲਵੇਗਾ | ਉਹ ਆਪਣਾ ਖ਼ਰਚਾ ਵੀ ਆਪਣੇ ਬਜਟ ਦੇ ਹਿਸਾਬ ਨਾਲ ਹੀ ਕਰੇਗਾ | ਕਦੇ ਵੀ ਫਜ਼ੂਲ-ਖਰਚੀ ਨਹੀਂ ਕਰਦਾ | ਉਹ ਹਮੇਸ਼ਾ ਸੋਚ-ਸਮਝ ਕੇ ਹਰ ਕਦਮ ਪੁੱਟਦਾ ਹੈ |
ਸਮਝਦਾਰ ਵਿਅਕਤੀ ਵੱਡਿਆਂ ਦਾ ਆਦਰ-ਮਾਣ ਕਰਦਾ ਹੈ ਅਤੇ ਹਰ ਕੰਮ ਉਨ੍ਹਾਂ ਦੀ ਸਲਾਹ ਨਾਲ ਕਰਦਾ ਹੈ |

-ਸ਼ਹਾਬਦੀ ਨੰਗਲ, ਹੁਸ਼ਿਆਰਪੁਰ | ਮੋਬਾਈਲ : 97793-68243.

ਮੇਕਅਪ ਦਾ ਆਧਾਰ ਹੈ ਕੰਸੀਲਰ

ਮੇਕਅਪ ਚਾਹੇ ਲਾਈਟ ਹੋਵੇ ਜਾਂ ਹੈਵੀ, ਮੇਕਅਪ ਵਿਚ ਕੰਸੀਲਰ ਦੀ ਜ਼ਰੂਰਤ ਹੁੰਦੀ ਹੈ | ਕੰਸੀਲਰ ਚਿਹਰੇ ਦੇ ਦਾਗ਼ ਧੱਬਿਆਂ ਨੂੰ ਲੁਕਾਉਣ ਦਾ ਕੰਮ ਕਰਦਾ ਹੈ | ਅੱਖਾਂ ਦੇ ਹੇਠਾਂ ਦੇ ਕਾਲੇ ਘੇਰੇ, ਮੁਹਾਂਸੇ ਅਤੇ ਸਥਾਈ ਨਿਸ਼ਾਨਾਂ ਨੂੰ ਇਹ ਚੰਗੀ ਤਰ੍ਹਾਂ ਭਰ ਦਿੰਦਾ ਹੈ | ਕੰਸੀਲਰ ਦੀ ਵਰਤੋਂ ਸਹੀ ਤਰ੍ਹਾਂ ਨਾਲ ਕਰਨੀ ਚਾਹੀਦੀ ਹੈ ਤਦੇ ਚਿਹਰੇ ਦੇ ਮੇਕਅਪ ਵਿਚ ਨਿਖਾਰ ਆਉਂਦਾ ਹੈ | ਕੰਸੀਲਰ ਕਈ ਤਰ੍ਹਾਂ ਦੇ ਆਕਾਰ ਅਤੇ ਰੰਗਾਂ ਵਿਚ ਮਿਲਦੇ ਹਨ | ਸਟਿਕ ਕੰਸੀਲਰ, ਕ੍ਰੀਮ ਕੰਸੀਲਰ ਅਤੇ ਕੇਕ ਕੰਸੀਲਰ | ਸਟਿਕ ਕੰਸੀਲਰ ਵਰਤਣ ਵਿਚ ਜ਼ਿਆਦਾ ਚੰਗਾ ਰਹਿੰਦਾ ਹੈ | ਕੰਸੀਲਰ ਨੂੰ ਫਾਊਾਡੇਸ਼ਨ ਲਗਾਉਣ ਤੋਂ ਪਹਿਲਾਂ ਲਗਾਇਆ ਜਾਂਦਾ ਹੈ | ਮੇਕਅਪ ਕਰਨ ਤੋਂ ਪਹਿਲਾਂ ਚਿਹਰੇ ਦੀ ਸਫ਼ਾਈ ਕਰੋ, ਜੇਕਰ ਤੁਹਾਡੀ ਚਮੜੀ ਰੁੱਖੀ ਹੈ ਤਾਂ ਮਾਸਚਰਾਈਜ਼ਰ ਨਾਲ ਇਸ ਨੂੰ ਮਾਸਚਰਾਈਜ਼ ਕਰੋ | ਇਸ ਤੋਂ ਬਾਅਦ ਕੰਸੀਲਰ ਦੀ ਵਰਤੋਂ ਕਰਨੀ ਚਾਹੀਦੀ ਹੈ |
ਕਿਵੇਂ ਚੁਣੀਏ : ਜੇਕਰ ਤੁਹਾਡੇ ਚਿਹਰੇ 'ਤੇ ਕਿੱਲ ਮੁਹਾਂਸੇ ਦੇ ਦਾਗ਼ ਹਨ ਤਾਂ ਇਸ ਲਈ ਪੈਂਸਿਲ ਕੰਸੀਲਰ ਦੀ ਚੋਣ ਕਰੋ ਅਤੇ ਇਸ ਨੂੰ ਮੁਹਾਂਸੇ ਦੇ ਨਿਸ਼ਾਨ 'ਤੇ ਚਾਰੇ ਪਾਸੇ ਲਗਾਓ | ਰੰਗ ਦੀ ਚੋਣ ਆਪਣੇ ਚਿਹਰੇ ਦੀ ਚਮੜੀ ਦੇ ਅਨੁਸਾਰ ਕਰੋ | ਚਿਹਰੇ ਦੇ ਨਿਸ਼ਾਨ, ਅੱਖਾਂ ਦੇ ਹੇਠਾਂ ਦੇ ਕਾਲੇ ਘੇਰੇ ਅਤੇ ਚਮੜੀ ਦੀ ਕੁਦਰਤੀ ਟੋਨ ਨਾਲ ਇਕ ਤੋਂ ਦੋ ਸ਼ੇਡ ਹਲਕਾ ਕੰਸੀਲਰ ਚੁਣੋ | ਕੰਸੀਲਰ ਦਾ ਸਕਿਨ ਟੋਨ ਹੱਥ 'ਤੇ ਅਜ਼ਮਾਉਣ ਦੀ ਬਜਾਏ ਚਿਹਰੇ 'ਤੇ ਅਜ਼ਮਾਓ | ਅਜ਼ਮਾਉਂਦੇ ਸਮੇਂ ਚਿਹਰੇ 'ਤੇ ਕੋਈ ਮੇਕਅਪ ਨਹੀਂ ਚਾਹੀਦਾ | ਜੇਕਰ ਤੁਹਾਡੀਆਂ ਅੱਖਾਂ ਦੇ ਹੇਠਾਂ ਕਾਲੇ ਘੇਰੇ ਜ਼ਿਆਦਾ ਹਨ ਤਾਂ ਕੰਸੀਲਰ ਦਾ ਸ਼ੇਡ ਸਕਿਨ ਕਲਰ ਤੋਂ ਗਹਿਰਾ ਹੋਣਾ ਚਾਹੀਦਾ ਹੈ | ਜੇਕਰ ਤੁਸੀਂ ਕੰਸੀਲਰ ਦੇ ਬਦਲੇ ਫਾਊਾਡੇਸ਼ਨ ਦੀ ਵਰਤੋਂ ਕਰ ਰਹੇ ਹੋ ਤਾਂ ਇਸ ਨੂੰ ਸਾਵਧਾਨੀ ਨਾਲ ਲਗਾਓ |
ਕਿਵੇਂ ਲਗਾਈਏ : ਕੰਸੀਲਰ ਨੂੰ ਉਂਗਲੀ ਦੀ ਨੋਕ 'ਤੇ ਲਗਾ ਕੇ ਥਪਥਪਾਉਂਦੇ ਹੋਏ ਲਗਾਓ | ਨੱਕ ਅਤੇ ਅੱਖ ਦੇ ਕੋਲ ਵਾਲੇ ਕੋਨੇ ਤੋਂ ਲਗਾ ਕੇ ਬਾਹਰੀ ਕੋਨੇ ਤੱਕ ਲਗਾਓ | ਕੰਸੀਲਰ ਨੂੰ ਅੱਖਾਂ ਦੇ ਆਲੇ-ਦੁਆਲੇ ਨਾ ਰਗੜੋ ਸਗੋਂ ਬੁਰਸ਼ ਦੀ ਮਦਦ ਨਾਲ ਇਸ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰਕੇ ਲਗਾਓ | ਚਿਹਰੇ ਦੇ ਦਾਗ਼ ਧੱਬਿਆਂ ਦੇ ਉੱਪਰ ਕੰਸੀਲਰ ਲਗਾ ਕੇ ਉਂਗਲੀਆਂ ਨਾਲ ਇਸ ਨੂੰ ਹੌਲੀ-ਹੌਲੀ ਥਪਥਪਾਉਂਦੇ ਹੋਏ ਚਮੜੀ ਦੇ ਬਾਹਰ ਵੱਲ ਮਿਕਸ ਕਰਦੇ ਹੋਏ ਲਗਾਓ | ਮੁਹਾਂਸੇ 'ਤੇ ਕੰਸੀਲਰ ਮੇਕਅਪ ਬੁਰਸ਼ ਦੀ ਮਦਦ ਨਾਲ ਲਗਾਓ | ਮੁਹਾਂਸਿਆਂ ਅਤੇ ਅੱਖਾਂ ਦੇ ਘੇਰੇ 'ਤੇ ਲਗਾਉਣ ਤੋਂ ਬਾਅਦ ਉਸ ਨੂੰ ਮਿਕਸ ਕਰੋ ਅਤੇ ਉਸ ਦੇ ਉੱਪਰ ਫਾਊਾਡੇਸ਼ਨ ਦੀ ਇਕ ਲੇਅਰ ਲਗਾਓ | ਜੇਕਰ ਤੁਸੀਂ ਕੰਸੀਲਰ ਦੇ ਬਦਲੇ ਫਾਊਾਡੇਸ਼ਨ ਦੀ ਵਰਤੋਂ ਕਰ ਰਹੇ ਹੋ ਤਾਂ ਫਾਊਾਡੇਸ਼ਨ ਦੀ ਚੋਣ ਆਪਣੇ ਚਿਹਰੇ ਦੀ ਚਮੜੀ ਦੇ ਅਨੁਸਾਰ ਕਰੋ | ਕੰਸੀਲਰ ਪੂਰੇ ਚਿਹਰੇ 'ਤੇ ਲਗਾਉਣ ਦੀ ਬਜਾਏ ਜਿਥੇ ਜ਼ਿਆਦਾ ਨਿਸ਼ਾਨ ਹੋਣ, ਉਥੇ ਲਗਾਓ |
ਹਮੇਸ਼ਾ ਯੈਲੋ ਟੋਨ ਵਾਲਾ ਕੰਸੀਲਰ ਚੁਣੋ | ਇਸ ਦਾ ਕਵਰੇਜ ਚੰਗਾ ਹੁੰਦਾ ਹੈ ਅਤੇ ਇਸ ਤਰ੍ਹਾਂ ਦਾ ਕੰਸੀਲਰ ਲਓ ਜਿਸ ਵਿਚ ਮਿਨਰਲ ਤੇਲ ਵੀ ਹੋਵੇ | ਕੰਸੀਲਰ ਅਤੇ ਫਾਊਾਡੇਸ਼ਨ ਦੀ ਵਰਤੋਂ ਨਾਲ ਮੇਕਅਪ ਨੂੰ ਕੁਦਰਤੀ ਦਿੱਖ ਦੇ ਸਕਦੇ ਹਾਂ |

ਆਓ ਆਪਣੇ ਘਰ ਨੂੰ ਬਣਾਈਏ ਬੈਕਟੀਰੀਆ ਮੁਕਤ

ਘਰ ਸਾਫ਼ ਹੈ ਤਾਂ ਸਮਝੋ ਤੁਸੀਂ ਸਿਹਤਮੰਦ ਹੋ | ਸਾਫ਼ ਘਰ ਸਾਨੂੰ ਸਭ ਤਰ੍ਹਾਂ ਦੀਆਂ ਬਿਮਾਰੀਆਂ ਤੋਂ ਮੁਕਤ ਰੱਖਦਾ ਹੈ | ਸ਼ਾਇਦ ਇਸ ਲਈ ਕਿਉਂਕਿ ਸਾਫ਼ ਘਰ ਵਾਇਰਸ ਅਤੇ ਬੈਕਟੀਰੀਆ ਤੋਂ ਮੁਕਤ ਹੁੰਦਾ ਹੈ | ਇਸ ਸਮੇਂ ਪੂਰੀ ਦੁਨੀਆ ਵਿਚ ਹਰ ਪਾਸੇ ਕੋਰੋਨਾ ਦੇ ਚਰਚੇ ਹੋ ਰਹੇ ਹਨ | ਇੰਡੀਅਨ ਮੈਡੀਕਲ ਅਕੈਡਮੀ ਨੇ ਪਿਛਲੇ ਦਿਨੀਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ 1400 ਘਰਾਂ ਦਾ ਸਰਵੇ ਕੀਤਾ | ਇਹ ਘਰ ਬਾਹਰ ਤੋਂ ਦੇਖਣ ਨੂੰ ਖ਼ੂਬਸੂਰਤ ਅਤੇ ਕਾਫ਼ੀ ਸਾਫ਼-ਸੁਥਰੇ ਸਨ ਪਰ ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਘਰਾਂ ਦੀ ਰਸੋਈ ਵਾਇਰਸ ਨਾਲ ਸੰਕ੍ਰਮਿਤ ਪਾਈ ਗਈ | ਗਲੋਬਲ ਹਾਈਜੀਨ ਕਾਊਾਸਿਲ ਵਲੋਂ ਜਾਰੀ ਅੰਕੜਿਆਂ ਅਨੁਸਾਰ ਰਸੋਈ ਵਿਚ ਵਰਤੇ ਜਾਣ ਵਾਲੇ ਕੱਪੜੇ, ਚਾਕੂ, ਚੋਪਿੰਗ ਬੋਰਡ, ਫਰਿੱਜ ਦੇ ਅੰਦਰ ਅਤੇ ਉਸ ਦੇ ਸਾਰੇ ਹਿੱਸਿਆਂ ਵਿਚ 60 ਤੋਂ 90 ਫ਼ੀਸਦੀ ਹਿੱਸੇ ਸੰਕ੍ਰਮਿਤ ਪਾਏ ਗਏ |
ਹਾਈਜੀਨ ਦੀ ਕਮੀ ਦੇ ਚਲਦਿਆਂ ਬਦਹਜ਼ਮੀ, ਡਾਇਰੀਆ ਜਾਂ ਜਲਦੀ ਜਲਦੀ ਬਿਮਾਰ ਪੈਣ ਤੋਂ ਇਲਾਵਾ ਦਮਾ, ਜੋੜਾਂ ਦੇ ਦਰਦ ਵਰਗੀਆਂ ਦਰਜਨਾਂ ਸਮੱਸਿਆਵਾਂ ਹੋ ਸਕਦੀਆਂ ਹਨ | ਜੇਕਰ ਅਸੀਂ ਘਰ ਦੀ ਸਾਫ਼-ਸਫ਼ਾਈ ਵੱਲ ਧਿਆਨ ਰੱਖੀਏ ਤਾਂ ਹੈਰਾਨੀਜਨਕ ਢੰਗ ਨਾਲ ਇਨ੍ਹਾਂ ਵਰਗੀਆਂ ਜਾਂ ਇਸ ਤਰ੍ਹਾਂ ਦੀਆਂ ਕਈ ਦੂਜੀਆਂ ਸਿਹਤ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲ ਸਕਦਾ ਹੈ | ਕਈ ਲੋਕਾਂ ਨੂੰ ਲਗਦਾ ਹੈ ਕਿ ਸਾਫ਼-ਸਫ਼ਾਈ ਦਾ ਰਿਸ਼ਤਾ ਤੁਹਾਡੇ ਚੰਗੇ ਲੱਗਣ ਜਾਂ ਨਾ ਲੱਗਣ 'ਤੇ ਨਿਰਭਰ ਹੈ, ਇਸ ਤਰ੍ਹਾਂ ਨਹੀਂ ਹੈ | ਸਾਫ਼-ਸਫ਼ਾਈ ਦਾ ਰਿਸ਼ਤਾ ਸਾਡੀ ਸਿਹਤ ਨਾਲ ਵੀ ਹੈ | ਸਾਡੇ ਜੀਵਨ ਦੀਆਂ ਸਭ ਛੋਟੀਆਂ-ਛੋਟੀਆਂ ਗੱਲਾਂ ਸਿੱਧੇ ਤੌਰ 'ਤੇ ਸਾਡੀ ਸਿਹਤ ਨਾਲ ਜੁੜੀਆਂ ਹੋਈਆਂ ਹਨ | ਇਥੋਂ ਤੱਕ ਕਿ ਸਾਡੀ ਬੈੱਡਸ਼ੀਟ ਅਤੇ ਸਿਰਹਾਣੇ ਤੱਕ ਵੀ ਸਾਡੀ ਸਿਹਤ 'ਤੇ ਅਸਰ ਕਰਦੇ ਹਨ |
ਰਸੋਈ ਵਿਚ ਤੁਸੀਂ ਜਿਸ ਸਪੰਜ ਨਾਲ ਅਕਸਰ ਭਾਂਡੇ ਧੋਂਦੇ ਹੋ ਜਾਂ ਸਪੰਜ ਦੀ ਥਾਂ ਕੋਈ ਕੱਪੜਾ ਵਰਤਦੇ ਹੋ ਤਾਂ ਇਹ ਸਪੰਜ ਅਤੇ ਕੱਪੜਾ ਮੰਨ ਲਓ ਕਿਟਾਣੂਆਂ ਅਤੇ ਜੀਵਾਣੂਆਂ ਦੀ ਜਨਨੀ ਹੈ | ਇਨ੍ਹਾਂ ਨੂੰ ਇਨ੍ਹਾਂ ਦੀ ਜਨਨੀ ਹੋਣ ਤੋਂ ਤਦੇ ਰੋਕਿਆ ਜਾ ਸਕਦਾ ਹੈ, ਜਦੋਂ ਇਨ੍ਹਾਂ ਨੂੰ ਹਰ ਵਾਰ ਵਰਤੋਂ ਕਰਨ ਤੋਂ ਬਾਅਦ ਚੰਗੀ ਤਰ੍ਹਾਂ ਧੋਇਆ ਜਾਵੇ ਅਤੇ ਧੋਣ ਤੋਂ ਬਾਅਦ ਇਨ੍ਹਾਂ ਨੂੰ ਧੁੱਪ ਵਿਚ ਸੁਕਾਇਆ ਜਾਵੇ | ਕੋਈ 'ਕਿਚਨ ਕਲਾਥ' ਜਾਂ ਭਾਂਡੇ ਧੋਣ ਵਾਲਾ ਸਪੰਜ ਜਿੰਨਾ ਗਿੱਲਾ ਰਹੇਗਾ, ਉਹ ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਦੀ ਸਿਹਤ ਲਈ ਓਨਾ ਹੀ ਖ਼ਤਰਨਾਕ ਹੋਏਗਾ |
ਰਸੋਈ ਕਾਊਾਟਰਸ 'ਤੇ ਹਮੇਸ਼ਾ ਖਾਣੇ ਦੇ ਛੋਟੇ-ਛੋਟੇ ਟੁਕੜੇ ਡਿਗਦੇ ਰਹਿੰਦੇ ਹਨ | ਇਸ ਤਰ੍ਹਾਂ ਨਾ ਸਮਝੋ ਕਿ ਜੋ ਖਾਣੇ ਦੇ ਟੁਕੜੇ ਏਨੇ ਵੱਡੇ ਨਹੀਂ ਹਨ ਕਿ ਨੰਗੀ ਅੱਖ ਨਾਲ ਨਾ ਦਿਸ ਸਕਣ, ਉਹ ਹਮੇਸ਼ਾ ਪਰੇਸ਼ਾਨੀ ਵਿਚ ਨਹੀਂ ਪਾਉਣਗੇ | ਅਸਲ ਵਿਚ ਰਸੋਈ ਕਾਊਾਟਰ 'ਤੇ ਡਿਗਣ ਵਾਲੇ ਖਾਣ-ਪੀਣ ਦੇ ਛੋਟੇ-ਛੋਟੇ ਟੁਕੜੇ ਬੈਕਟੀਰੀਆ ਦਾ ਭੰਡਾਰ ਹੁੰਦੇ ਹਨ, ਇਨ੍ਹਾਂ ਨਾਲ ਕੀੜੇ ਮਕੌੜੇ ਪੈਦਾ ਹੁੰਦੇ ਹਨ ਅਤੇ ਇਨ੍ਹਾਂ ਸਭ ਦਾ ਅਸਰ ਸੁਆਣੀ ਤੋਂ ਲੈ ਕੇ ਉਸ ਘਰ ਦੇ ਲੋਕਾਂ ਦੀ ਸਿਹਤ 'ਤੇ ਪੈਂਦਾ ਹੈ | ਕੁੱਲ ਮਿਲਾ ਕੇ ਕਹਿਣ ਵਾਲੀ ਗੱਲ ਇਹ ਹੈ ਕਿ ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡੇ ਘਰ ਵਿਚ ਬੈਕਟੀਰੀਆ ਅਤੇ ਵਾਇਰਸ ਦਾ ਦਾਖਲਾ ਨਾ ਹੋਵੇ ਤਾਂ ਇਸ ਦਾ ਇਕ ਸਿੱਧਾ-ਸਾਧਾ ਫਾਰਮੂਲਾ ਹੈ ਕਿ ਘਰ ਵਿਚ ਗੰਦਗੀ ਬਿਲਕੁਲ ਨਾ ਰਹਿਣ ਦਿਓ |

ਤਾਲਾਬੰਦੀ 'ਚ ਘਰੇਲੂ ਨੁਸਖ਼ਿਆਂ ਨਾਲ ਸੁੰਦਰਤਾ ਇਲਾਜ

ਤੁਹਾਡੀ ਰਸੋਈ ਵਿਚ ਮੌਜੂਦ ਸਾਧਾਰਨ ਚੀਜ਼ਾਂ ਨਾਲ ਵੀ ਸੌਖਿਆਂ ਸੁੰਦਰਤਾ ਹਾਸਲ ਕੀਤੀ ਜਾ ਸਕਦੀ ਹੈ। ਬਸ ਸ਼ਰਤ ਇਹ ਹੈ ਕਿ ਤੁਸੀਂ ਹੌਸਲਾ ਰੱਖੋ ਅਤੇ ਇਨ੍ਹਾਂ ਨੁਸਖ਼ਿਆਂ ਦੀ ਲਗਾਤਾਰ ਸਹੀ ਵਰਤੋਂ ਕਰੋ। ਹਾਲਾਂਕਿ ਰੋਜ਼ਮਰ੍ਹਾ ਦੀ ਭੱਜਦੌੜ ਭਰੀ ਜ਼ਿੰਦਗੀ ਵਿਚ ਘਰੇਲੂ ਨੁਸਖ਼ੇ ਨੂੰ ਅਜ਼ਮਾਉਣਾ ਅਤੇ ਹੌਸਲੇ ਨਾਲ ਇਨ੍ਹਾਂ 'ਤੇ ਭਰੋਸਾ ਕਰਨਾ ਮੁਸ਼ਕਿਲ ਹੁੰਦਾ ਹੈ ਪਰ ਅੱਜਕਲ੍ਹ ਤਾਲਾਬੰਦੀ ਦੇ ਇਸ ਸਮੇਂ ਵਿਚ ਇਨ੍ਹਾਂ ਘਰੇਲੂ ਨੁਸਖ਼ਿਆਂ ਨੂੰ ਅਜਮਾਉਣ ਦਾ ਬਿਲਕੁਲ ਸਹੀ ਸਮਾਂ ਹੈ ਕਿਉਂਕਿ ਸੈਲੂਨ ਬੰਦ ਹਨ ਅਤੇ ਸੁੰਦਰਤਾ ਉਤਪਾਦ ਵੀ ਸੌਂਖਿਆਂ ਨਹੀਂ ਮਿਲ ਰਹੇ।
ਅਸਲੀਅਤ ਇਹ ਹੈ ਕਿ ਮਹਿੰਗੇ ਸੁੰਦਰਤਾ ਸਾਧਨਾਂ ਦੀ ਬਜਾਏ ਘਰ ਦੀ ਰਸੋਈ ਵਿਚ ਵਰਤੇ ਜਾ ਰਹੇ ਘਰੇਲੂ ਪਦਾਰਥਾਂ ਦੀ ਵਰਤੋਂ ਨਾਲ ਜ਼ਿਆਦਾ ਚੰਗੀ ਸੁੰਦਰਤਾ ਹਾਸਲ ਕੀਤੀ ਜਾ ਸਕਦੀ ਹੈ।
ਹਰੇ ਪੁਦੀਨੇ ਦੀਆਂ ਪੱਤੀਆਂ ਨੂੰ ਪੀਸ ਕੇ ਇਸ ਵਿਚ ਦੋ ਤਿੰਨ ਬੂੰਦਾਂ ਨਿੰਬੂ ਰਸ ਮਿਲਾ ਕੇ ਬਣਾਏ ਲੇਪ ਨੂੰ ਆਪਣੇ ਚਿਹਰੇ 'ਤੇ ਲਗਾ ਕੇ 15 ਮਿੰਟ ਬਾਅਦ ਠੰਢੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਤੁਹਾਡਾ ਚਿਹਰਾ ਖਿੜ ਉੱਠੇਗਾ ਅਤੇ ਕਿੱਲ ਮੁਹਾਂਸਿਆਂ ਤੋਂ ਵੀ ਛੁਟਕਾਰਾ ਮਿਲੇਗਾ। ਚਿਹਰੇ 'ਤੇ ਮੁਹਾਂਸੇ ਹਟਾਉਣ ਲਈ ਨਿੰਮ ਅਤੇ ਪੁਦੀਨੇ ਦੀਆਂ ਸੁੱਕੀਆਂ ਪੱਤੀਆਂ ਵਿਚ ਥੋੜ੍ਹੀ ਜਿਹੀ ਹਲਦੀ, ਗੁਲਾਬ ਜਲ ਅਤੇ ਕੈਲੇ ਮਾਈਨ ਪਾਊਡਰ ਮਿਲਾ ਕੇ ਬਣੇ ਪੇਸਟ ਨੂੰ ਫਰਿੱਜ ਵਿਚ ਰੱਖ ਲਓ ਅਤੇ ਰੋਜ਼ਾਨਾ ਨਹਾਉਣ ਤੋਂ ਪਹਿਲਾਂ ਚਿਹਰੇ 'ਤੇ ਲਗਾਉਣ ਤੋਂ ਬਾਅਦ ਠੰਢੇ ਤਾਜ਼ੇ ਪਾਣੀ ਨਾਲ ਧੋ ਦਿਓ। ਚਿਹਰੇ 'ਤੇ ਰੋਜ਼ਾਨਾ ਟਮਾਟਰ ਦਾ ਗੁੱਦਾ ਲਗਾਉਣ ਤੋਂ 30 ਮਿੰਟ ਬਾਅਦ ਸਾਫ਼ ਤਾਜ਼ੇ ਪਾਣੀ ਨਾਲ ਧੋਣ ਨਾਲ ਵੀ ਕਿੱਲ ਮੁਹਾਂਸੇ ਖ਼ਤਮ ਹੋ ਜਾਂਦੇ ਹਨ। ਤੇਲ ਵਾਲੀ ਅਤੇ ਕਿੱਲ ਮੁਹਾਂਸੇ ਤੋਂ ਪ੍ਰਭਾਵਿਤ ਚਮੜੀ ਲਈ ਇਕ ਚਮਚ ਸ਼ਹਿਦ ਵਿਚ ਇਕ ਚਮਚ ਨਿੰਬੂ ਰਸ ਅਤੇ ਥੋੜ੍ਹੀ ਜਿਹੀ ਹਲਦੀ ਮਿਲਾ ਕੇ ਉਸ ਦਾ ਮਿਸ਼ਰਨ ਬਣਾ ਲਓ ਅਤੇ ਇਸ ਮਿਸ਼ਰਨ ਨੂੰ ਚਿਹਰੇ ਅਤੇ ਗਰਦਨ ਦੇ ਖੁੱਲ੍ਹੇ ਹਿੱਸੇ ਵਿਚ ਲਗਾ ਕੇ ਅੱਧਾ ਘੰਟੇ ਬਾਅਦ ਸਾਫ਼ ਤਾਜ਼ੇ ਪਾਣੀ ਨਾਲ ਧੋ ਲਓ, ਚਿਹਰੇ ਦੀ ਰੰਗਤ ਵਿਚ ਨਿਖਾਰ ਆਵੇਗਾ ਅਤੇ ਕਿੱਲ ਮੁਹਾਂਸਿਆਂ ਤੋਂ ਛੁਟਕਾਰਾ ਮਿਲੇਗਾ।
ਅੱਜਕਲ੍ਹ ਦੇ ਮੌਸਮ ਵਿਚ ਹਰਾ ਪੁਦੀਨਾ ਪੀਸ ਕੇ ਬਣੇ ਲੇਪ ਨੂੰ ਵੀਹ ਮਿੰਟ ਤੱਕ ਚਿਹਰੇ 'ਤੇ ਲਗਾਉਣ ਤੋਂ ਬਾਅਦ ਸਧਾਰਨ ਪਾਣੀ ਨਾਲ ਧੋਣ ਨਾਲ ਚਮੜੀ ਦੀ ਗਰਮੀ ਨਿਕਲ ਜਾਂਦੀ ਹੈ। ਇਕ ਚਮਚ ਵੇਸਣ, ਚੁਟਕੀ ਭਰ ਹਲਦੀ, ਇਕ ਚਮਚ ਕੱਚਾ ਦੁੱਧ ਅਤੇ ਇਕ ਚਮਚ ਗੁਲਾਬ ਜਲ ਮਿਲਾ ਕੇ ਪੇਸਟ ਬਣਾ ਕੇ ਫਰਿੱਜ ਵਿਚ ਰੱਖ ਲਓ। ਹਰ ਰੋਜ਼ ਨਿਯਮਿਤ ਰੂਪ ਨਾਲ ਇਸ ਪੇਸਟ ਨੂੰ ਚਿਹਰੇ 'ਤੇ ਲਗਾਉਣ ਨਾਲ ਚਿਹਰੇ ਦੀ ਚਮੜੀ ਦੀ ਰੰਗਤ ਵਿਚ ਨਿਖਾਰ ਆਵੇਗਾ।
ਨਿੰਬੂ ਦੇ ਰਸ ਵਿਚ ਗੁਲਾਬ ਜਲ ਅਤੇ ਦੁੱਧ ਮਿਲਾ ਕੇ ਬਣੇ ਮਿਸ਼ਰਨ ਨੂੰ ਚਮੜੀ 'ਤੇ ਲਗਾਉਣ ਦੇ ਵੀਹ ਮਿੰਟ ਬਾਅਦ ਠੰਢੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਚਮੜੀ ਵਿਚ ਆਕਰਸ਼ਨ ਅਤੇ ਕੋਮਲਤਾ ਆ ਜਾਵੇਗੀ।
ਦੁੱਧ ਵਿਚ ਹਲਦੀ ਪਾ ਕੇ ਬਣੇ ਪੇਸਟ ਨੂੰ ਚਮੜੀ 'ਤੇ ਲਗਾਉਣ ਨਾਲ ਝੁਰੜੀਆਂ ਰੋਕਣ ਵਿਚ ਮਦਦ ਮਿਲਦੀ ਹੈ। ਇਸ ਮਿਸ਼ਰਨ ਨੂੰ ਚਿਹਰੇ, ਗਰਦਨ 'ਤੇ ਲਗਾਉਣ ਤੋਂ ਬਾਅਦ ਕੁਦਰਤੀ ਢੰਗ ਨਾਲ ਸੁੱਕਣ ਤੋਂ ਬਾਅਦ ਸਾਫ਼ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਚਮੜੀ ਵਿਚ ਕੋਮਲਤਾ ਅਤੇ ਸੁੰਦਰਤਾ ਆਵੇਗੀ।
ਇਕ ਚਮਚ ਮੁਲਤਾਨੀ ਮਿੱਟੀ, ਇਕ ਚਮਚ ਜੌਂ ਦੇ ਆਟੇ ਵਿਚ ਕੱਚਾ ਦੁੱਧ, ਕੁਝ ਪੁਦੀਨੇ ਦੀਆਂ ਪੱਤੀਆਂ ਅਤੇ ਥੋੜ੍ਹੀ ਜਿਹੀ ਖਸ-ਖਸ ਮਿਲਾ ਕੇ ਸਕਰੱਬ ਬਣਾ ਲਓ ਅਤੇ ਇਸ ਨੂੰ ਚਿਹਰੇ 'ਤੇ ਲਗਾਉਣ ਤੋਂ ਬਾਅਦ ਗੋਲ ਆਕਾਰ ਵਿਚ ਸਕਰੱਬ ਕਰੋ ਅਤੇ ਬਾਅਦ ਵਿਚ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਕਾਲੇ ਧੱਬਿਆਂ ਦੀ ਸਮੱਸਿਆ ਖ਼ਤਮ ਹੋ ਜਾਵੇਗੀ।
ਫੇਸ ਮਾਸਕ ਤਿਆਰ ਕਰਨ ਲਈ ਤਿੰਨ ਚਮਚ ਜੈਈ ਨੂੰ ਅੰਡੇ ਦੇ ਸਫੇਦ ਹਿੱਸੇ ਅਤੇ ਇਕ ਚਮਚ ਬਾਦਾਮ, ਦਹੀਂ ਅਤੇ ਸ਼ਹਿਦ ਵਿਚ ਮਿਲਾ ਕੇ ਮਿਸ਼ਰਨ ਤਿਆਰ ਕਰ ਲਓ। ਖ਼ੁਸ਼ਕ ਚਮੜੀ ਲਈ ਅੰਡੇ ਦੇ ਪੀਲੇ ਹਿੱਸੇ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਸ ਫੇਸ ਪੈਕ ਵਿਚ ਤੁਸੀਂ ਪੱਕੇ ਹੋਏ ਪਪੀਤੇ ਜਾਂ ਸੰਤਰੇ ਦੇ ਜੂਸ ਦੀ ਵੀ ਵਰਤੋਂ ਕਰ ਸਕਦੇ ਹੋ। ਇਸ ਪੈਕ ਨੂੰ ਅੱਖਾਂ ਅਤੇ ਬੁੱਲ੍ਹਾਂ ਦੇ ਹਿੱਸੇ ਨੂੰ ਛੱਡ ਕੇ ਬਾਕੀ ਚਿਹਰੇ 'ਤੇ ਲਗਾ ਲਓ ਅਤੇ ਇਸ ਮਿਸ਼ਰਨ ਨੂੰ 30 ਮਿੰਟ ਬਾਅਦ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਚਮੜੀ ਦੀ ਰੰਗਤ ਵਿਚ ਨਿਖਾਰ ਆਵੇਗਾ।
ਬਾਦਾਮ ਪਾਊਡਰ, ਗੁਲਾਬ ਜਲ, ਗਲਿਸਰੀਨ ਅਤੇ ਨਿੰਬੂ ਦੇ ਰਸ ਨੂੰ ਬਰਾਬਰ ਮਾਤਰਾ ਵਿਚ ਮਿਲਾ ਕੇ ਪੇਸਟ ਬਣਾ ਲਓ ਅਤੇ ਇਸ ਪੇਸਟ ਨੂੰ ਰਾਤ ਭਰ ਚਿਹਰੇ 'ਤੇ ਲੱਗਾ ਰਹਿਣ ਦੇਣ ਤੋਂ ਬਾਅਦ ਸਵੇਰੇ ਤਾਜ਼ੇ ਪਾਣੀ ਨਾਲ ਸਾਫ ਕਰ ਦਿਓ। ਇਸ ਨੂੰ ਹਫ਼ਤੇ ਵਿਚ ਦੋ ਵਾਰ ਕਰਨ ਨਾਲ ਤੁਹਾਡਾ ਚਿਹਰਾ ਮੁਲਾਇਮ ਅਤੇ ਰੰਗਤ ਵਿਚ ਨਿਖ਼ਾਰ ਆ ਜਾਵੇਗਾ।
ਵਾਲਾਂ ਦੀਆਂ ਜੜ੍ਹਾਂ ਨੂੰ ਮਜਬੂਤ ਕਰਨ ਅਤੇ ਵਾਲਾਂ ਨੂੰ ਟੁੱਟਣ ਤੋਂ ਬਚਾਉਣ ਲਈ 150 ਮਿ.ਲੀ. ਸਰ੍ਹੋਂ ਦੇ ਤੇਲ ਵਿਚ 50 ਮਹਿੰਦੀ ਦੇ ਪੱਤੇ ਪਾ ਕੇ ਉਬਾਲ ਲਓ ਅਤੇ ਠੰਢਾ ਹੋਣ ਤੋਂ ਬਾਅਦ ਇਸ ਮਿਸ਼ਰਨ ਨੂੰ ਛਾਣ ਕੇ ਇਕ ਬੋਤਲ ਵਿਚ ਭਰ ਕੇ ਠੰਢੇ ਖ਼ੁਸ਼ਕ ਥਾਂ 'ਤੇ ਰੱਖ ਲਓ। ਇਸ ਤੇਲ ਦੀ ਲਗਾਤਾਰ ਵਰਤੋਂ ਨਾਲ ਤੁਹਾਡੇ ਵਾਲ ਮਜ਼ਬੂਤ ਅਤੇ ਮੁਲਾਇਮ ਹੋ ਜਾਣਗੇ।
ਚਿਹਰੇ ਦੀ ਰੁੱਖੀ ਅਤੇ ਬੇਜਾਨ ਚਮੜੀ ਵਿਚ ਚਮਕ ਲਿਆਉਣ ਲਈ ਇਕ ਚਮਚ ਬੇਕਿੰਗ ਸੋਢਾ, ਇਕ ਚਮਚ ਜੈਤੂਨ ਦਾ ਤੇਲ ਅਤੇ ਅੱਧਾ ਚਮਚ ਸ਼ਹਿਦ ਨੂੰ ਮਿਲਾ ਕੇ ਬਣੇ ਮਿਸ਼ਰਨ ਨੂੰ ਚਿਹਰੇ 'ਤੇ ਲਗਾ ਕੇ ਅੱਧੇ ਘੰਟੇ ਬਾਅਦ ਤਾਜ਼ੇ ਠੰਢੇ ਪਾਣੀ ਨਾਲ ਧੋ ਲਓ। ਚਿਹਰੇ 'ਤੇ ਚਮਕ ਲਿਆਉਣ ਲਈ ਇਕ ਗ੍ਰੀਨ ਟੀ ਬੈਗ ਨੂੰ ਉਬਾਲ ਕੇ ਠੰਢਾ ਹੋਣ ਤੋਂ ਬਾਅਦ ਇਸ ਨੂੰ ਉਬਲੀ ਹੋਈ ਗ੍ਰੀਨ ਟੀ ਦੇ ਠੰਢੇ ਪਾਣੀ ਵਿਚ ਦੋ ਚਮਚ ਭੂਰੀ ਚੀਨੀ ਅਤੇ ਇਕ ਚਮਚ ਮਿਲਕ ਕ੍ਰੀਮ ਮਿਲਾ ਕੇ ਚਿਹਰੇ 'ਤੇ ਸਕਰੱਬ ਦੀ ਤਰ੍ਹਾਂ ਲਗਾਉਣ ਤੋਂ 20 ਮਿੰਟ ਬਾਅਦ ਚਿਹਰੇ ਨੂੰ ਤਾਜ਼ੇ ਸਧਾਰਨ ਪਾਣੀ ਨਾਲ ਧੋ ਲਓ। ਇਸ ਮਿਸ਼ਰਨ ਨੂੰ ਹਫ਼ਤੇ ਵਿਚ ਦੋ ਵਾਰ ਲਗਾਉਣ ਨਾਲ ਚਿਹਰੇ ਦੀ ਚਮੜੀ ਚਮਕ ਉੱਠੇਗੀ।
ਵਾਲਾਂ ਦੀ ਸੁੰਦਰਤਾ ਲਈ ਆਪਣੇ ਵਾਲਾਂ ਨੂੰ ਹਰ ਵਾਰ ਸ਼ੈਂਪੂ ਤੋਂ ਪਹਿਲਾਂ ਕੰਡੀਸ਼ਨਿੰਗ ਕਰੋ। ਇਕ ਚਮਚ ਗਲਿਸਰੀਨ ਅਤੇ ਅੰਡੇ ਦਾ ਮਿਸ਼ਰਨ ਬਣਾਓ। ਇਸ ਮਿਸ਼ਰਨ ਨੂੰ ਚੰਗੀ ਤਰ੍ਹਾਂ ਫੈਂਟੋ ਅਤੇ ਇਸ ਮਿਸ਼ਰਨ ਨੂੰ ਖੋਪੜੀ ਦੀ ਸਤ੍ਹਾ 'ਤੇ ਲਗਾਓ। ਇਸ ਤੋਂ ਬਾਅਦ ਖੋਪੜੀ ਨੂੰ 20 ਮਿੰਟ ਤੱਕ ਗਰਮ ਤੌਲੀਏ ਨਾਲ ਲਪੇਟ ਲਓ ਅਤੇ ਬਾਅਦ ਵਿਚ ਵਾਲਾਂ ਨੂੰ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ਨਾਲ ਤੁਹਾਡੇ ਵਾਲਾਂ ਨੂੰ ਪੌਸ਼ਟਿਕਤਾ ਮਿਲੇਗੀ ਅਤੇ ਵਾਲਾਂ ਵਿਚ ਚਮਕ ਅਤੇ ਸੁੰਦਰਤਾ ਵਿਚ ਨਿਖਾਰ ਹੋਵੇਗਾ।
ਖ਼ੁਸ਼ਕ, ਟੁੱਟੇ ਹੋਏ ਅਤੇ ਘੁੰਗਰਾਲੇ ਵਾਲਾਂ ਨੂੰ ਸੁੰਦਰਤਾ ਪ੍ਰਦਾਨ ਕਰਨ ਲਈ 2 ਬੂੰਦ ਹਲਕੇ ਬਨਸਪਤੀ ਤੇਲ ਨੂੰ ਲੈ ਕੇ ਆਪਣੀ ਹਥੇਲੀ 'ਤੇ ਰੱਖੋ ਅਤੇ ਦੋਵਾਂ ਹਥੇਲੀਆਂ ਨੂੰ ਹਲਕੇ-ਹਲਕੇ ਢੰਗ ਨਾਲ ਮਾਲਿਸ਼ ਕਰੋ ਤਾਂ ਕਿ ਤੇਲ ਦੋਵਾਂ ਹਥੇਲੀਆਂ ਤੋਂ ਖੋਪੜੀ 'ਤੇ ਬਰਾਬਰ ਰੂਪ ਨਾਲ ਸਮਾ ਜਾਵੇ। ਇਸ ਇਲਾਜ ਨਾਲ ਖ਼ੁਸ਼ਕ ਵਾਲਾਂ ਨੂੰ ਕਾਫ਼ੀ ਫਾਇਦਾ ਮਿਲਦਾ ਹੈ।

ਕਿਤੇ ਤੁਸੀਂ ਪਤੀ ਤੋਂ ਵੱਡੇ ਤਾਂ ਨਹੀਂ ਲਗਦੇ

ਇਹ ਸੱਚ ਹੈ ਕਿ ਵਿਆਹ ਤੋਂ ਬਾਅਦ ਔਰਤ 'ਤੇ ਘਰ, ਪਰਿਵਾਰ ਅਤੇ ਕਈ ਵਾਰ ਬਾਹਰ ਦੀਆਂ ਜ਼ਿੰਮੇਵਾਰੀਆਂ ਜ਼ਿਆਦਾ ਆ ਪੈਂਦੀਆਂ ਹਨ। ਕਦੀ ਬੱਚਿਆਂ ਦੀਆਂ, ਕਦੀ ਪਰਿਵਾਰ ਦੀਆਂ ਜ਼ਿੰਮੇਵਾਰੀਆਂ। ਜੇਕਰ ਆਪਣੇ ਲਈ ਵੀ ਕੁਝ ਸਮਾਂ ਕੱਢੋ ਤਾਂ ਤੁਸੀਂ ਆਪਣੇ ਪਤੀ ਦੀ ਪਿਆਰੀ ਤਾਂ ਬਣੇ ਹੀ ਰਹੋਗੇ, ਸਗੋਂ ਉਨ੍ਹਾਂ ਨੂੰ ਤੁਹਾਡੇ 'ਤੇ ਹੋਰ ਫ਼ਖਰ ਮਹਿਸੂਸ ਹੋਵੇਗਾ ਕਿ ਤੁਸੀਂ ਆਪਣੀ ਉਮਰ ਤੋਂ ਛੋਟੇ ਨਜ਼ਰ ਆਵੋ। ਜਿਵੇਂ ਕਿ ਕਹਾਵਤ ਹੈ, 'ਚਮੜੀ ਤੋਂ ਉਮਰ ਦਾ ਪਤਾ ਹੀ ਨਹੀਂ ਲਗਦਾ।'
ਪਹਿਰਾਵੇ 'ਤੇ ਪੂਰਾ ਧਿਆਨ ਦਿਓ : ਕੱਪੜੇ ਹਮੇਸ਼ਾ ਸਾਫ਼-ਸੁਥਰੇ ਤੇ ਪ੍ਰੈੱਸ ਕੀਤੇ ਪਾਓ। ਆਪਣੀ ਸਿਹਤ ਅਨੁਸਾਰ ਕੱਪੜਿਆਂ ਦੀ ਅਤੇ ਰੰਗਾਂ ਦੀ ਚੋਣ ਕਰੋ। ਇਹ ਵੀ ਜ਼ਰੂਰ ਧਿਆਨ ਰੱਖੋ ਕੱਪੜੇ ਸਵਾਉਂਦੇ ਅਤੇ ਖਰੀਦਦੇ ਸਮੇਂ ਕਿ ਅੱਜਕਲ੍ਹ ਕੀ ਫੈਸ਼ਨ ਵਿਚ ਹੈ।
ਹਲਕੀ-ਫੁਲਕੀ ਕਸਰਤ ਵੀ ਕਰੋ : ਆਪਣੇ ਸਰੀਰ ਨੂੰ ਆਕਰਸ਼ਕ ਬਣਾਈ ਰੱਖਣ ਲਈ ਕੁਝ ਸਮਾਂ ਆਪਣੇ ਲਈ ਜ਼ਰੂਰ ਕੱਢੋ। ਥੋੜ੍ਹੀ ਕਸਰਤ ਜਿਵੇਂ ਸੈਰ, ਯੋਗ ਆਸਨ, ਸਾਈਕਲਿੰਗ, ਤੈਰਾਕੀ, ਬੈਡਮਿੰਟਨ, ਐਰੋਬਿਕਸ ਕੁਝ ਵੀ ਕਰਦੇ ਰਹੋ ਤਾਂ ਕਿ ਸਰੀਰ ਬੇਡੋਲ ਨਾ ਹੋਵੇ ਅਤੇ ਮੋਟਾਪੇ 'ਤੇ ਸਮੇਂ ਰਹਿੰਦਿਆਂ ਹੀ ਕਾਬੂ ਪਾਇਆ ਜਾ ਸਕੇ।
ਸੰਤੁਲਿਤ ਭੋਜਨ ਲਓ : ਵਿਆਹ ਤੋਂ ਬਾਅਦ ਖਾਣ-ਪੀਣ 'ਤੇ ਪੂਰਾ ਧਿਆਨ ਦਿਓ। 3 ਮੁੱਖ ਭੋਜਨ ਲਓ ਅਤੇ 2 ਛੋਟੇ ਭੋਜਨ। ਔਰਤਾਂ ਘਰ ਦੀ ਧੁਰੀ ਹੁੰਦੀਆਂ ਹਨ। ਜੇਕਰ ਉਹ ਸੰਤੁਲਿਤ ਭੋਜਨ ਨਹੀਂ ਲੈਂਦੀਆਂ ਤਾਂ ਕੁਝ ਬਿਮਾਰੀਆਂ ਹੌਲੀ-ਹੌਲੀ ਆਪਣੇ ਪੈਰ ਜਮਾਉਣਾ ਸ਼ੁਰੂ ਕਰ ਦਿੰਦੀਆਂ ਹਨ। ਔਰਤਾਂ ਦਾ ਫ਼ਰਜ਼ ਹੈ ਕਿ ਖ਼ੁਦ ਵੀ ਸੰਤੁਲਿਤ ਭੋਜਨ ਲੈਣ ਅਤੇ ਪਰਿਵਾਰ ਨੂੰ ਵੀ ਸੰਤੁਲਿਤ ਭੋਜਨ ਦੇਣ। ਬਿਮਾਰੀ ਅਤੇ ਗਰਭ ਅਵਸਥਾ ਵਿਚ ਡਾਕਟਰ ਦੇ ਦੱਸੇ ਅਨੁਸਾਰ ਖੁਰਾਕ ਲਓ।
ਚਮੜੀ 'ਤੇ ਪੂਰਾ ਧਿਆਨ ਦਿਓ : ਚਿਹਰੇ ਦੀ ਚਮੜੀ 'ਤੇ ਦਾਗ਼-ਧੱਬੇ ਹੋਣ ਤਾਂ ਕਿਸੇ ਬਿਊਟੀ ਸਲਾਹਕਾਰ ਤੋਂ ਸਲਾਹ ਲੈ ਕੇ ਉਨ੍ਹਾਂ ਦਾ ਇਲਾਜ ਕਰਵਾਓ। ਅੱਖਾਂ ਦੇ ਹੇਠਾਂ ਕਾਲੇ ਘੇਰੇ ਹੋਣ 'ਤੇ ਆਪਣੀ ਖੁਰਾਕ 'ਤੇ ਧਿਆਨ ਦਿਓ ਅਤੇ ਕਾਲੇ ਘੇਰਿਆਂ 'ਤੇ ਖੀਰੇ, ਆਲੂ ਦੇ ਟੁਕੜੇ ਰੱਖੋ ਜਾਂ ਉਨ੍ਹਾਂ ਦਾ ਰਸ ਲਗਾਓ। ਅੱਜਕਲ੍ਹ ਤਾਂ ਬਲੈਕ ਸਰਕਲ ਦੂਰ ਕਰਨ ਲਈ ਕਈ ਤਰ੍ਹਾਂ ਦੀਆਂ ਕ੍ਰੀਮਾਂ ਆ ਗਈਆਂ ਹਨ, ਉਨ੍ਹਾਂ ਦੀ ਵਰਤੋਂ ਕਰੋ।
ਇਨ੍ਹਾਂ ਸਭ ਗੱਲਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਤੁਸੀਂ ਆਪਣੇ ਪਤੀ ਤੋਂ ਉਮਰ ਵਿਚ ਛੋਟੇ ਨਜ਼ਰ ਆ ਸਕਦੇ ਹੋ। ਇਨ੍ਹਾਂ ਸਭ ਦੇ ਨਾਲ-ਨਾਲ ਇਹ ਵੀ ਮਹੱਤਵਪੂਰਨ ਹੈ ਕਿ ਤੁਸੀਂ ਆਪਣੇ ਵਿਹਾਰ ਵੱਲ ਵੀ ਧਿਆਨ ਦਿਓ। ਇਸ ਤਰ੍ਹਾਂ ਦੀਆਂ ਗੱਲਾਂ ਨਾ ਦੁਹਰਾਓ ਕਿ ਹੁਣ ਤਾਂ ਅਸੀਂ ਬੁੱਢੇ ਹੋ ਗਏ ਹਾਂ, ਬਸ ਟਾਈਮ ਪਾਸ ਕਰ ਰਹੇ ਹਾਂ। ਇਸ ਤਰ੍ਹਾਂ ਦੀਆਂ ਨਾਕਾਰਾਤਮਕ ਗੱਲਾਂ ਵੱਡੀ ਉਮਰ ਦਾ ਅਹਿਸਾਸ ਕਰਾਉਂਦੀਆਂ ਹਨ ਅਤੇ ਹੀਣ ਭਾਵਨਾ ਨਾਲ ਜਕੜ ਲੈਂਦੀਆਂ ਹਨ।

ਖਾਣੇ ਦਾ ਸਵਾਦ ਵਧਾਉਣ ਦੇ ਜਾਦੂਈ ਢੰਗ

ਇਸ ਵਿਚ ਕੋਈ ਦੋ ਰਾਵਾਂ ਨਹੀਂ ਹਨ ਕਿ ਖਾਣਾ ਬਣਾਉਣਾ ਅਤੇ ਉਹ ਵੀ ਸਵਾਦੀ ਖਾਣਾ ਬਣਾਉਣਾ, ਇਕ ਕਲਾ ਹੈ। ਪਰ ਕਲਾ ਦੇ ਨਾਲ-ਨਾਲ ਇਸ ਵਿਚ ਕੁਸ਼ਲਤਾ ਦੀ ਵੀ ਆਪਣੀ ਭੂਮਿਕਾ ਹੁੰਦੀ ਹੈ। ਇਕ ਹੋਰ ਪਹਿਲੂ ਵੀ ਹੁੰਦਾ ਹੈ, ਰੋਜ਼ ਇਕ ਹੀ ਤਰ੍ਹਾਂ ਦਾ ਖਾਣਾ ਖਾ ਕੇ ਹਰ ਕੋਈ ਅੱਕ ਜਾਂਦਾ ਹੈ ਫਿਰ ਚਾਹੇ ਉਹ ਬੇਹੱਦ ਸਵਾਦੀ ਖਾਣਾ ਹੀ ਕਿਉਂ ਨਾ ਹੋਵੇ। ਕਈ ਵਾਰ ਖਾਣੇ ਵਿਚ ਭਿੰਨਤਾ ਦਾ ਹੋਣਾ ਵੀ ਉਸ ਦੇ ਸਵਾਦੀ ਹੋਣ ਦਾ ਸਬੱਬ ਹੁੰਦਾ ਹੈ। ਹੁਣ ਤੁਹਾਡਾ ਨਿਯਮਿਤ ਖਾਣਾ ਥੋੜ੍ਹਾ ਜਿਹਾ ਵੱਖਰੇ ਸਵਾਦ ਦਾ ਕਿਵੇਂ ਹਾਸਲ ਕਰੀਏ, ਆਓ! ਅਸੀਂ ਤੁਹਾਨੂੰ ਦੱਸਦੇ ਹਾਂ।
ਦੇਖੋ ਬੀਜਾਂ ਦਾ ਜਾਦੂ : ਕੱਦੂ, ਖੀਰੇ, ਹਦਵਾਣੇ ਜਾਂ ਖਰਬੂਜ਼ੇ ਦੇ ਬੀਜ ਬਾਜ਼ਾਰ ਵਿਚ ਬਹੁਤ ਮਿਲਦੇ ਹਨ। ਇਨ੍ਹਾਂ ਵਿਚ ਸਾਡੇ ਸਰੀਰ ਨੂੰ ਠੰਢਕ ਦੇਣ ਵਾਲੇ ਗੁਣ ਹੁੰਦੇ ਹਨ। ਨਾਲ ਹੀ ਇਨ੍ਹਾਂ ਵਿਚ ਜ਼ਬਰਦਸਤ ਪੌਸ਼ਟਿਕਤਾ ਵੀ ਹੁੰਦੀ ਹੈ। ਹਾਲਾਂਕਿ ਇਨ੍ਹਾਂ ਵਿਚ ਕਿਸੇ ਤਰ੍ਹਾਂ ਦੀ ਖੁਸ਼ਬੂ ਨਹੀਂ ਹੁੰਦੀ ਪਰ ਇਹ ਸੁੱਕੇ ਮੇਵੇ ਹੁੰਦੇ ਹਨ ਅਤੇ ਇਨ੍ਹਾਂ ਦਾ ਸਵਾਦ ਮਿੱਠਾ ਹੁੰਦਾ ਹੈ। ਇਨ੍ਹਾਂ ਨੂੰ ਆਪਣੇ ਖਾਣੇ ਵਿਚ ਵਰਤ ਕੇ ਭੋਜਨ ਦੇ ਸਵਾਦ ਨੂੰ ਕਈ ਗੁਣਾ ਵਧਾਇਆ ਜਾ ਸਕਦਾ ਹੈ। ਇਨ੍ਹਾਂ ਨੂੰ ਜਦੋਂ ਵੀ ਖਰੀਦੋ ਤਾਂ ਹਮੇਸ਼ਾ ਏਅਰਟਾਈਟ ਡੱਬੇ ਵਿਚ ਰੱਖੋ ਅਤੇ ਸੁੱਕੀ ਅਤੇ ਹਨੇਰੇ ਵਾਲੀ ਥਾਂ 'ਤੇ ਇਸ ਨੂੰ ਸਟੋਰ ਕਰੋ। ਖਰਬੂਜ਼ੇ ਦੇ ਬੀਜਾਂ ਨੂੰ ਸੁਕਾ ਕੇ ਇਨ੍ਹਾਂ ਦਾ ਪੇਸਟ ਬਣਾ ਕੇ ਇਨ੍ਹਾਂ ਨੂੰ ਸਬਜ਼ੀਆਂ ਦੀ ਗ੍ਰੇਵੀ ਨੂੰ ਗਾੜ੍ਹਾ ਕਰਨ ਅਤੇ ਉਸ ਦੇ ਜ਼ਾਇਕੇ ਵਿਚ ਬਦਲਾਅ ਲਿਆਉਣ ਵਰਤਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਵੱਖ-ਵੱਖ ਤਰ੍ਹਾਂ ਦੇ ਹਲਵੇ ਵਿਚ ਇਨ੍ਹਾਂ ਨੂੰ ਪਾ ਕੇ ਹਲਵੇ ਦੇ ਸਵਾਦ ਨੂੰ ਕਈ ਗੁਣਾ ਵਧਾਇਆ ਜਾ ਸਕਦਾ ਹੈ। ਇਨ੍ਹਾਂ ਨੂੰ ਸੁਕਾ ਕੇ, ਭੁੰਨ ਕੇ, ਅਤੇ ਪੀਸ ਕੇ ਇਸ ਦੀ ਵਰਤੋਂ 'ਮਾਊਥ ਫ੍ਰੈਸ਼ਰ' ਦੇ ਤੌਰ 'ਤੇ ਵੀ ਕਰ ਸਕਦੇ ਹਾਂ। ਇਨ੍ਹਾਂ ਨੂੰ ਸਲਾਦ ਅਤੇ ਬ੍ਰੈੱਡ ਦੀ ਟਾਪਿੰਗ ਲਈ ਵੀ ਵਰਤਿਆ ਜਾ ਸਕਦਾ ਹੈ।
ਗੁਲਕੰਦ : ਗੁਲਕੰਦ ਗੁਲਾਬ ਅਤੇ ਚੀਨੀ ਤੋਂ ਬਣਦਾ ਹੈ। ਇਸ ਵਿਚ ਇਲਾਇਚੀ, ਲੌਂਗ ਆਦਿ ਪਾ ਕੇ ਇਸ ਦੇ ਦਵਾਈ ਵਾਲੇ ਗੁਣਾਂ ਅਤੇ ਠੰਢਕ ਪ੍ਰਦਾਨ ਕਰਨ ਵਾਲੇ ਤੱਤਾਂ ਵਿਚ ਵਾਧਾ ਕੀਤਾ ਜਾਂਦਾ ਹੈ। ਇਸ ਨੂੰ ਫਰਿੱਜ ਵਿਚ ਏਅਰਟਾਈਟ ਡੱਬੇ ਵਿਚ ਰੱਖਣਾ ਚਾਹੀਦਾ ਹੈ। ਇਹ ਤਣਾਅ ਤੋਂ ਰਾਹਤ ਦਿਵਾਉਣ ਵਾਲਾ ਅਤੇ ਹਾਜ਼ਮੇ ਸ਼ਕਤੀ ਨੂੰ ਵਧਾਉਣ ਵਾਲਾ ਹੁੰਦਾ ਹੈ। ਇਸ ਨੂੰ ਕੁਲਫੀ ਅਤੇ ਆਈਸਕ੍ਰੀਮ ਅਤੇ ਮਠਿਆਈਆਂ ਵਿਚ ਵੀ ਮਿਲਾਇਆ ਜਾਂਦਾ ਹੈ।
ਸਿੰਘਾੜਾ : ਸਿੰਘਾੜੇ ਦੀ ਖੇਤੀ ਭਾਰਤ ਅਤੇ ਚੀਨ ਵਿਚ ਹੁੰਦੀ ਹੈ। ਪ੍ਰਾਚੀਨ ਕਾਲ ਤੋਂ ਹੀ ਇਹ ਭਾਰਤ ਵਿਚ ਭੋਜਨ ਦੇ ਤੌਰ 'ਤੇ ਵਰਤਿਆ ਜਾਂਦਾ ਹੈ। ਭੁੰਨਣ ਸਮੇਂ ਇਸ ਦਾ ਬਾਹਰੀ ਹਿੱਸਾ ਕਾਲਾ ਹੋ ਜਾਂਦਾ ਹੈ ਅਤੇ ਇਸ ਦਾ ਸਵਾਦ ਆਲੂ ਵਰਗਾ ਹੋ ਜਾਂਦਾ ਹੈ। ਇਹ ਖਾਣ ਵਿਚ ਬੇਹੱਦ ਸਵਾਦੀ ਹੁੰਦਾ ਹੈ। ਬਿਨਾਂ ਛਿੱਲੇ ਹੋਏ ਸਿੰਘਾੜੇ ਨੂੰ ਦੋ ਜਾਂ ਤਿੰਨ ਹਫ਼ਤੇ ਤੱਕ ਇਕ ਪਲਾਸਟਿਕ ਦੀ ਥੈਲੀ ਵਿਚ ਰੱਖ ਕੇ ਸਟੋਰ ਕੀਤਾ ਜਾ ਸਕਦਾ ਹੈ। ਖਾਣ ਤੋਂ ਪਹਿਲਾਂ ਇਸ ਨੂੰ ਛਿੱਲ ਲੈਣਾ ਚਾਹੀਦਾ ਹੈ। ਛਿੱਲਣ ਤੋਂ ਬਾਅਦ ਇਸ ਨੂੰ ਠੰਢੇ ਪਾਣੀ ਵਿਚ ਰੱਖਣਾ ਚਾਹੀਦਾ ਹੈ। ਸਿੰਘਾੜੇ ਨੂੰ ਸੁਕਾ ਕੇ ਪੀਸ ਕੇ ਇਸ ਨੂੰ ਆਟੇ ਵਿਚ ਮਿਕਸ ਕਰਨਾ ਚਾਹੀਦਾ ਇਸ ਨਾਲ ਬ੍ਰੈੱਡ ਵੀ ਬਣਾਈ ਜਾ ਸਕਦੀ ਹੈ ਅਤੇ ਇਸ ਦੇ ਆਟੇ ਦੀ ਵਰਤੋਂ ਵਰਤ ਰੱਖਣ ਸਮੇਂ ਖਾਣੇ ਦੌਰਾਨ ਕੀਤੀ ਜਾ ਸਕਦੀ ਹੈ। ਪੀਸੇ ਹੋਏ ਸਿੰਘਾੜੇ ਦੇ ਪਕੌੜੇ ਵੀ ਬਣਾਏ ਜਾ ਸਕਦੇ ਹਨ। ਸਿੰਘਾੜੇ ਦੀ ਵਰਤੋਂ ਫ੍ਰਾਈ ਅਤੇ ਫਿਲਿੰਗ ਵਿਚ ਵੀ ਕੀਤੀ ਜਾ ਸਕਦੀ ਹੈ।

ਫਰਿੱਜ ਦੇ ਫਲ-ਸਬਜ਼ੀਆਂ ਦੀ ਰੱਖੋ ਤਾਜ਼ਗੀ ਬਰਕਰਾਰ

* ਪਿਆਜ਼ ਨੂੰ ਸੁੱਕੀ ਤੇ ਠੰਢੇ ਥਾਂ 'ਤੇ ਰੱਖੋ ਤਾਂ ਕਿ ਇਹ 2-3 ਹਫ਼ਤੇ ਤੱਕ ਠੀਕ ਰਹਿ ਸਕਣ। * ਰੰਗਦਾਰ ਪਾਲੀਥੀਨ ਵਿਚ ਫਲ ਸਬਜ਼ੀਆਂ ਨਾ ਰੱਖੋ, ਨਾ ਹੀ ਖਰੀਦੋ। ਜੇਕਰ ਰੰਗਦਾਰ ਪਾਲੀਥੀਨ ਵਿਚ ਸਬਜ਼ੀ ਫਲ ਆਏ ਤਾਂ ਤੁਰੰਤ ਉਸ ਨੂੰ ਬਦਲ ਲਓ। ਫਰਿੱਜ ਵਿਚ ਰੰਗਦਾਰ ਪਾਲੀਥੀਨ ਵਿਚ ਰੱਖੀਆਂ ਸਬਜ਼ੀਆਂ-ਫਲ ਆਦਿ ਖ਼ਰਾਬ ਹੋ ਰਹੇ ਹੋਣ ਤਾਂ ਉਨ੍ਹਾਂ ਨੂੰ ਤੁਸੀਂ ਦੇਖ ਵੀ ਨਹੀਂ ਸਕਦੇ ਅਤੇ ਪਾਲੀਥੀਨ ਵਿਚ ਕੀ ਹੈ, ਇਸ ਦਾ ਅੰਦਾਜ਼ਾ ਵੀ ਨਹੀਂ ਲਗਾ ਸਕਦੇ। ਰੰਗਦਾਰ ਪਾਲੀਥੀਨ ਵਿਚ ਰਸਾਇਣ ਪਾਏ ਹੁੰਦੇ ਹਨ ਜੋ ਸਿਹਤ ਲਈ ਨੁਕਸਾਨਦਾਇਕ ਹੁੰਦੇ ਹਨ। * ਕੱਟੀ ਹੋਈ ਸਬਜ਼ੀ-ਫਲ ਫਰਿੱਜ ਵਿਚ ਨਾ ਰੱਖੋ। ਜੇਕਰ ਮਜਬੂਰੀ ਕਾਰਨ ਰੱਖਣਾ ਵੀ ਪਵੇ ਤਾਂ ਉਸ ਨੂੰ ਬੰਦ ਲਿਫ਼ਾਫੇ ਵਿਚ ਰੱਖੋ ਤਾਂ ਕਿ ਉਨ੍ਹਾਂ ਦੀ ਤਾਜ਼ਗੀ ਬਰਕਰਾਰ ਰਹੇ। ਸਬਜ਼ੀ ਨੂੰ ਪਕਾਉਣ ਤੋਂ ਕੁਝ ਸਮਾਂ ਪਹਿਲਾਂ ਹੀ ਕੱਢੋ। ਇਸ ਤਰ੍ਹਾਂ ਫਲ ਵੀ ਖਾਣੇ ਤੋਂ ਪਹਿਲਾਂ ਕੱਢੋ।
* ਫਰਿੱਜ ਵਿਚ ਟਮਾਟਰ ਜ਼ਿਆਦਾ ਦਿਨ ਤੱਕ ਸਟੋਰ ਨਾ ਕਰੋ। ਇਨ੍ਹਾਂ ਦਾ ਸਵਾਦ ਜਲਦੀ ਬਦਲਣ ਲਗਦਾ ਹੈ। ਉਸ ਨੂੰ ਸਟੋਰ ਕਰਨ ਲਈ ਟੋਮਾਟੋ ਕਿਊਰੀ ਬਣਾ ਕੇ ਫਰੀਜ਼ ਕਰ ਲਓ। ਜ਼ਰੂਰਤ ਅਨੁਸਾਰ ਫਰਿੱਜ ਵਿਚੋਂ ਕੱਢ ਕੇ ਰੱਖ ਲਓ। ਪੌਸ਼ਟਕਿਤਾ ਬਰਕਰਾਰ ਰਹੇਗੀ।
* ਅੰਗੂਰਾਂ ਨੂੰ ਫਰਿੱਜ ਵਿਚ ਖੁੱਲ੍ਹੇ ਬਾਊਲ ਵਿਚ ਰੱਖੋ। ਦੋ-ਤਿੰਨ ਦਿਨ ਤੱਕ ਅੰਗੂਰ ਤਾਜ਼ੇ ਰਹਿਣਗੇ।
* ਹਫ਼ਤੇ ਭਰ ਲਈ ਸਬਜ਼ੀਆਂ-ਫਲ ਸਟੋਰ ਕਰਨ ਲਈ ਉਨ੍ਹਾਂ ਨੂੰ ਸੁਕਾ ਕੇ ਜਾਂ ਪੂੰਝ ਕੇ ਵੱਖ-ਵੱਖ ਪਾਲੀਥੀਨ ਵਿਚ ਰੱਖੋ। ਗਿੱਲੇ ਫਲ ਅਤੇ ਸਬਜ਼ੀਆਂ ਫਰਿੱਜ ਵਿਚ ਜਲਦੀ ਖਰਾਬ ਹੋ ਸਕਦੀਆਂ ਹਨ।
* ਅੰਬ ਨੂੰ ਤਿੰਨ-ਚਾਰ ਦਿਨ ਤੱਕ ਸਟੋਰ ਕਰ ਸਕਦੇ ਹੋ। ਖਰੀਦਦੇ ਸਮੇਂ ਥੋੜ੍ਹੇ ਸਖ਼ਤ ਅੰਬ ਲਓ। ਫਿਰ ਇਨ੍ਹਾਂ ਨੂੰ ਲਪੇਟ ਕੇ ਪਾਲੀਬੈਗ ਵਿਚ ਰੱਖ ਦਿਓ। ਤਾਜ਼ਗੀ ਬਰਕਰਾਰ ਰਹੇਗੀ।
* ਸਾਰੇ ਸਾਗ ਬਿਨਾਂ ਧੋਤੇ ਫਰਿੱਜ ਵਿਚ ਰੱਖੋ। ਇਨ੍ਹਾਂ ਨੂੰ ਅਖ਼ਬਾਰ ਵਿਚ ਲਪੇਟ ਕੇ ਪਾਲੀਬੈਗ ਵਿਚ ਰੱਖੋ। ਤਿੰਨ ਚਾਰ ਦਿਨ ਤੱਕ ਸਾਗ ਠੀਕ ਰਹੇਗਾ। ਬਣਾਉਣ ਤੋਂ ਪਹਿਲਾਂ ਕੱਢ ਕੇ ਕੱਟੋ ਅਤੇ ਚੰਗੀ ਤਰ੍ਹਾਂ ਨਾਲ ਧੋ ਕੇ ਬਣਾਓ।
* ਫਰਿੱਜ ਵਿਚ ਧਨੀਆ ਕੱਟ ਕੇ ਟਾਈਟ ਭਾਂਡੇ ਵਿਚ ਰੱਖੋ। ਧਨੀਆ ਹਫ਼ਤਾ ਭਰ ਤਾਜ਼ਾ ਬਣਿਆ ਰਹੇਗਾ।
* ਜਲਦੀ ਖਰਾਬ ਹੋਣ ਵਾਲੇ ਫਲ-ਸਬਜ਼ੀਆਂ ਖਿਲਾਰ ਕੇ ਰੱਖੋ ਤਾਂ ਕਿ ਖਰਾਬ ਨਾ ਹੋਣ।

ਆਓ ਚਾਕਲੇਟ ਆਈਸਕ੍ਰੀਮ ਬਣਾਈਏ!

ਸਮੱਗਰੀ : ਢਾਈ ਕੱਪ ਦੁੱਧ ਪੂਰੀ ਕ੍ਰੀਮ ਵਾਲਾ, ਇਕ ਚਮਚ ਕਸਟਰਡ ਪਾਊਡਰ, 2 ਚਮਚ ਕੋਕੋ ਪਾਊਡਰ, ਇਕ ਕੱਪ ਚੀਨੀ, ਅੱਧਾ ਚਮਚ ਵਨੀਲਾ ਤੇਲ, ਡੇਢ ਕੱਪ ਮੱਖਣ, ਸਜਾਵਟ ਲਈ ਚੈਰੀ ਜਾਂ ਸੁੱਕੇ ਮੇਵੇ।
ਚਾਕਲੇਟ ਆਈਸਕ੍ਰੀਮ ਕਿਵੇਂ ਬਣਾਉਣੀ ਹੈ :ਅੱਧਾ ਕੱਪ ਦੁੱਧ ਵਿਚ ਕਸਟਰਡ, ਕੋਕਾ ਅਤੇ ਚੀਨੀ ਰਲਾ ਲਓ। ਦੁੱਧ ਨੂੰ ਗਰਮ ਰੱਖ ਦਿਓ ਅਤੇ ਜਦੋਂ ਦੁੱਧ ਨੂੰ ਉਬਾਲ ਆ ਜਾਵੇ ਤਾਂ ਕਸਟਰਡ ਮਿਸ਼ਰਨ ਮਿਲਾ ਦਿਓ ਅਤੇ ਇਕ ਵਾਰ ਦੁਬਾਰਾ ਉਬਾਲ ਲਓ ਅਤੇ ਲਗਾਤਾਰ ਹਿਲਾਉਂਦੇ ਰਹੋ। ਜਦੋਂ ਇਸ ਨੂੰ ਘੱਟ ਸੇਕ 'ਤੇ ਉਬਾਲ ਲਿਆ ਅਤੇ ਅੱਧਾ ਮਿੰਟ ਅੱਗ ਬੰਦ ਕਰਕੇ ਠੰਢਾ ਹੋਣ ਲਈ ਛੱਡ ਦਿਓ। ਜਦੋਂ ਇਹ ਕਮਰੇ ਦੇ ਤਾਪਮਾਨ ਤੱਕ ਪਹੁੰਚ ਜਾਵੇ ਤਾਂ ਇਸ ਨੂੰ ਮੱਖਣ ਤੇ ਵੈਨੀਲਾ ਨਾਲ ਮਿਲਾ ਦਿਓ ਅਤੇ ਕਿਸੇ ਭਾਂਡੇ ਵਿਚ ਉਲਦ ਦਿਓ ਅਤੇ ਚੰਗੀ ਤਰ੍ਹਾਂ ਕੱਸ ਕੇ ਢਕ ਦਿਓ। ਇਸ ਨੂੰ ਸੈੱਟ ਹੋਣ ਲਈ ਫਰਿੱਜ ਵਿਚ ਰੱਖ ਦਿਓ ਅਤੇ ਫਿਰ ਇਸ ਨੂੰ ਬਾਹਰ ਕੱਢ ਕੇ ਰਿੜਕ ਲਓ ਅਤੇ ਫਿਰ ਦੁਬਾਰਾ ਭਾਂਡੇ ਵਿਚ ਪਾ ਕੇ ਫਰਿੱਜ ਵਿਚ ਰੱਖ ਦਿਓ। ਤੁਸੀਂ ਆਖਰੀ ਰਿੜਕਣ ਤੋਂ ਬਾਅਦ ਠੰਢਕ ਸੰਤੁਲਿਤ ਕਰ ਸਕਦੇ ਹੋ। ਸੇਵਾ ਲਈ ਉਸ ਨੂੰ ਚੈਰੀ ਜਾਂ ਸੁੱਕੇ ਮੇਵੇ ਨਾਲ ਸਜਾ ਦਿਓ। ਬਦਲ ਦੇ ਤੌਰ 'ਤੇ ਇਸ ਨੂੰ ਮਸ਼ੀਨ ਵਿਚ ਵੀ ਠੰਢਾ ਕੀਤਾ ਜਾ ਸਕਦਾ ਹੈ।

ਹਮਸਫ਼ਰ ਦਾ ਸਾਥ

ਇਸ ਜ਼ਿੰਦਗੀ ਰੂਪੀ ਰੰਗਮੰਚ ਵਿਚ ਹਰੇਕ ਇਨਸਾਨ ਦੀ ਜ਼ਿੰਦਗੀ ਵਿਚ ਇਕ ਦਿਲਚਸਪ ਮੋੜ ਆਉਂਦਾ ਹੈ, ਜਿਸ ਨੂੰ ਵਿਆਹ ਦਾ ਨਾਂਅ ਦਿੱਤਾ ਜਾਂਦਾ ਹੈ। ਜ਼ਿੰਦਗੀ ਦੀ ਇਕ ਨਵੀਂ ਸ਼ੁਰੂਆਤ, ਨਵੇਂ ਰਿਸ਼ਤੇ, ਨਵਾਂ ਘਰ ਤੁਹਾਡਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੁੰਦਾ ਹੈ। ਵਿਆਹ ਤੋਂ ਪਹਿਲਾਂ ਹਰੇਕ ਦੀ ਜ਼ਿੰਦਗੀ ਉਸ ਦੀ ਆਪਣੀ ਮਲਕੀਅਤ ਹੁੰਦੀ ਹੈ ਪਰ ਵਿਆਹ ਪਿੱਛੋਂ ਜ਼ਿੰਦਗੀ ਰੂਪੀ ਗੱਡੀ ਨੇ ਇਕ ਹੋਰ ਸਵਾਰ ਨੂੰ ਵੀ ਸਫ਼ਰ ਵਿਚ ਨਾਲ ਲਿਜਾਣਾ ਹੁੰਦਾ ਹੈ। ਹਮਸਫ਼ਰ ਦੀ ਚੋਣ ਹੀ ਇਸ ਸਫ਼ਰ ਨੂੰ ਖ਼ੁਸ਼ਗਵਾਰ ਜਾਂ ਦੁਖਦਾਇਕ ਬਣਾਉਂਦੀ ਹੈ। ਇਸ ਫ਼ੈਸਲੇ ਨੂੰ ਕਦੇ ਵੀ ਕਾਹਲੀ ਜਾਂ ਲਾਲਚਵੱਸ ਹੋ ਕੇ ਨਾ ਲਵੋ, ਇਸ ਇਕ ਫ਼ੈਸਲੇ ਨਾਲ ਹਰੇਕ ਦਾ ਭਵਿੱਖ ਜੁੜਿਆ ਹੁੰਦਾ ਹੈ ਅਤੇ ਇਸ ਦਿਲਚਸਪ ਸਫ਼ਰ ਨੂੰ ਦੋ ਵੱਖ-ਵੱਖ ਪਰਿਵਾਰਕ ਮਾਹੌਲਾਂ ਦੀ ਪਰਵਰਿਸ਼ ਵਿਚ ਜੰਮੇ-ਪਲਿਆਂ, ਅਲੱਗ-ਅਲੱਗ ਸੋਚ ਦੇ ਮਾਲਕਾਂ ਨੇ ਇਕ ਛੱਤ ਥੱਲੇ ਕਿ ਦੂਜੇ ਦੇ ਪਿਆਰ ਸਤਿਕਾਰ ਅਤੇ ਸਾਥ ਨਾਲ ਰੌਚਕ ਅਤੇ ਸੁਹਾਵਣਾ ਬਣਾਉਂਦੇ ਹੋਏ ਮਾਣਨਾ ਹੁੰਦਾ ਹੈ।
ਇਹ ਸਫ਼ਰ ਸੁਆਦਲਾ ਤਾਂ ਹੀ ਬਣ ਸਕਦਾ ਹੈ ਜੇਕਰ ਦੋਵੇਂ ਧਿਰਾਂ ਆਪਣਾ ਬਣਦਾ ਯੋਗਦਾਨ ਪਾਉਣ ਕਿਉਂਕਿ ਹਾਲਾਤ ਭਾਵੇਂ ਲੱਖ ਮਾੜੇ ਹੋਣ ਪਰ ਹਮਸਫ਼ਰ ਹਰ ਹਾਲ ਵਿਚ ਸਾਥ ਦੇਣ ਵਾਲਾ ਹੋਵੇ ਤਾਂ ਨਾ ਹੀ ਕਦੇ ਹਿੰਮਤ ਟੁੱਟ ਸਕਦੀ ਹੈ ਅਤੇ ਨਾ ਹੀ ਰਿਸ਼ਤਾ। ਇਹ ਰਿਸ਼ਤਾ ਹੀ ਅਜਿਹਾ ਹੁੰਦਾ ਹੈ ਕਿ ਮਾਪਿਆਂ ਤੋਂ ਬਾਅਦ ਸਭ ਤੋਂ ਨੇੜੇ ਦਾ ਹੋ ਨਿਬੜਦਾ ਹੈ। ਇਹ ਰਿਸ਼ਤਾ ਬੜਾ ਨਿਆਰਾ ਹੁੰਦਾ ਹੈ ਕਿਉਂਕਿ ਰੂਹਾਂ ਦੇ ਹਾਣੀ ਹੋਣਾ ਹਰੇਕ ਦੇ ਹਿੱਸੇ ਨਹੀਂ ਆਉਂਦਾ। ਬੜੇ ਖ਼ੁਸ਼ਕਿਸਮਤ ਹੁੰਦੇ ਨੇ ਉਹ ਜੋ ਆਪਣੇ ਸਾਥੀ ਦੇ ਸਾਹੀਂ ਜਿਊਂਦੇ ਨੇ, ਉਹ ਇਕ ਦੂਜੇ ਨੂੰ ਬਿਨਾਂ ਕੁਝ ਕਹੇ ਹੀ ਇਕ ਦੂਜੇ ਦੀ ਗੱਲ ਸਮਝ ਜਾਂਦੇ ਨੇ। ਨਿੱਤ ਨਵਾਂ ਦਿਨ ਉਨ੍ਹਾਂ ਦੇ ਰਿਸ਼ਤੇ ਨੂੰ ਮਜਬੂਤੀ ਬਖ਼ਸ਼ਦਾ ਹੈ, ਇਸ ਅਵਸਥਾ ਵਿਚ ਇਕ ਦੂਜੇ ਦਾ ਸਦੀਵੀ ਸਾਥ ਬਹੁਤ ਦਿਲਚਸਪ ਅਤੇ ਰੌਚਕ ਹੋ ਜਾਂਦਾ ਹੈ। ਦਿਲ ਦੀ ਕਿਸੇ ਹੋਰ ਪਾਸੇ ਭਟਕਣ ਅਤੇ ਉਲਾਰ ਦੀ ਸੰਭਾਵਨਾ ਖ਼ਤਮ ਹੀ ਹੋ ਜਾਂਦੀ ਹੈ ਕਿਉਂਕਿ ਇਕ ਦੂਜੇ ਪ੍ਰਤੀ ਸੱਚੀ ਵਫ਼ਾਦਾਰੀ ਹੀ ਇਸ ਰਿਸ਼ਤੇ ਦੀ ਨੀਂਹ ਹੈ ਜੋ ਇਸ ਨੂੰ ਸਮੁੱਚਤਾ ਵਿਚ ਮਜਬੂਤੀ ਬਖ਼ਸ਼ਦੀ ਹੈ। ਮਜ਼ਾ ਤਾਂ ਇਸੇ ਵਿਚ ਹੈ ਕਿ ਸ਼ਤਰੰਜ ਰੂਪੀ ਜ਼ਿੰਦਗੀ ਦੀ ਖੇਡ ਵਿਚ ਰਾਣੀ ਹਮੇਸ਼ਾ ਰਾਜੇ ਨੂੰ ਜਿਤਾਵੇ ਅਤੇ ਅੰਤ ਤੱਕ ਸਾਥ ਨਿਭਾਵੇ।
ਔਲਾਦ ਇਕ ਅਜਿਹੀ ਨਿਆਮਤ ਹੈ ਜੋ ਬਾਬਲ ਦੇ ਵਿਹੜੇ ਬੇਫ਼ਿਕਰ ਹੱਸਦੀ ਖੇਡਦੀ ਧੀ ਨੂੰ ਸਹੁਰੇ ਘਰ ਆ ਕੇ ਕਿ ਜ਼ਿੰਮੇਵਾਰ ਮਾਂ ਬਣਾ ਦਿੰਦੀ ਹੈ ਅਤੇ ਜਵਾਨੀ ਦੇ ਨਸ਼ੇ ਵਿਚ ਮਸਤ, ਅੱਲ੍ਹੜ ਅਤੇ ਬੇਪ੍ਰਵਾਹ ਪੁੱਤ ਨੂੰ ਸੰਘਰਸ਼ਸ਼ੀਲ ਬਾਪੂ ਬਣਾ ਦਿੰਦੀ ਹੈ। ਬੀਤਦੇ ਸਮੇਂ ਦੇ ਨਾਲ ਹੀ ਦੋਵੇਂ ਜੀਅ ਔਲਾਦ ਨੂੰ ਹਰੇਕ ਖੁਸ਼ੀ ਦੇਣ ਦੇ ਚਾਅ ਵਿਚ ਆਪਾ ਕੁਰਬਾਨ ਕਰਦੇ ਹੋਏ ਜ਼ਿੰਦਗੀ ਦੇ ਸੰਘਰਸ਼ ਵਿਚ ਵਿਚਰਨ ਲਈ ਅਛੋਪਲੇ ਜਿਹੇ ਹੀ ਤਿਆਰ ਹੋ ਜਾਂਦੇ ਹਨ ਅਤੇ ਜ਼ਿੰਦਗੀ ਦਾ ਸਿਰਫ਼ ਇਕ ਹੀ ਮਕਸਦ ਰਹਿ ਜਾਂਦਾ ਹੈ ਔਲਾਦ ਦੀ ਖੁਸ਼ੀ। ਬਸ ਇਨ੍ਹਾਂ ਘੁੰਮਣਘੇਰੀਆਂ ਵਿਚ ਫਸਿਆਂ ਨੂੰ ਪਤਾ ਹੀ ਨਹੀਂ ਲਗਦਾ ਕਦੋਂ ਬੱਚੇ ਜਵਾਨ ਅਤੇ ਮਾਪੇ ਬੁੱਢੇ ਹੋ ਜਾਂਦੇ ਹਨ। ਬੱਚੇ ਮਾਪਿਆਂ ਤੋਂ ਬੜਾ ਕੁਝ ਸਿੱਖਦੇ ਹਨ। ਮਾਪਿਆਂ ਦਾ ਆਪਸੀ ਵਿਹਾਰ ਬੱਚਿਆਂ ਦੀ ਪਰਵਰਿਸ਼ 'ਤੇ ਬਹੁਤ ਡੂੰਘਾ ਅਸਰ ਪਾਉਂਦਾ ਹੈ। ਹਰ ਵੇਲੇ ਸ਼ਿਕਾਇਤਾਂ ਲਾਉਣ ਵਾਲੀ ਪਤਨੀ ਅਤੇ ਹਰ ਢੰਗ ਨਾਲ ਪਤਨੀ ਨੂੰ ਨਿੰਦਣ ਵਾਲਾ ਪਤੀ, ਚੰਗੇ ਮਾਪੇ ਨਹੀਂ ਬਣਦੇ। ਜਿਸ ਘਰ ਵਿਚ ਹਮੇਸ਼ਾ ਕਲੇਸ਼ ਰਹਿੰਦਾ ਹੈ, ਉਸ ਘਰ ਦੀ ਪਰਵਰਿਸ਼ ਵਿਚ ਪਲੇ ਬੱਚੇ ਜਾਂ ਤਾਂ ਬਿਲਕੁਲ ਚੁੱਪ ਰਹਿਣ ਲੱਗ ਪੈਂਦੇ ਹਨ ਜਾਂ ਫਿਰ ਢੀਠ ਹੋ ਜਾਂਦੇ ਹਨ। ਨਾਲ ਹੀ ਉਹ ਅਗਲੇਰੀ ਜ਼ਿੰਦਗੀ ਵਿਚ ਨਵੇਂ ਰਿਸ਼ਤੇ ਬਣਾਉਣ ਤੋਂ ਵੀ ਡਰਨ ਲੱਗ ਜਾਂਦੇ ਹਨ ਜਾਂ ਫਿਰ ਗ਼ਲਤ ਪਾਸੇ ਭਟਕ ਜਾਂਦੇ ਹਨ। ਇਸ ਲਈ ਜਿਸ ਘਰ ਵਿਚ ਪਤੀ-ਪਤਨੀ ਦੀ ਨਿੱਘੀ ਅਤੇ ਸਦੀਵੀ ਸਾਂਝ ਹੋਵੇਗੀ, ਉਸ ਮਾਹੌਲ ਵਿਚ ਵਿਚਰੀ ਔਲਾਦ ਸਮਾਜ ਵਿਚ ਵਿਚਰਦੇ ਹੋਏ ਆਪਣਾ ਵਡਮੁੱਲਾ ਯੋਗਦਾਨ ਜ਼ਰੂਰ ਪਾਵੇਗੀ।
ਜਿਨ੍ਹਾਂ ਸਮਾਜਾਂ ਵਿਚ ਤਲਾਕ ਸੌਖੇ ਹਨ, ਉਥੇ ਅਕਸਰ ਸਹਿਣਸ਼ੀਲਤਾ ਦੀ ਘਾਟ ਹੁੰਦੀ ਹੈ। ਅਕਸਰ ਨਿੱਕੀਆਂ-ਨਿੱਕੀਆਂ ਗੱਲਾਂ ਵੱਡੀਆਂ ਸਮੱਸਿਆਵਾਂ ਬਣ ਜਾਂਦੀਆਂ ਹਨ। ਜਦੋਂ ਦੋਵੇਂ ਪਾਸੇ ਹਉਮੈ ਅੱਗੇ ਆ ਜਾਵੇ ਤਾਂ ਰਿਸ਼ਤੇ ਵਿਚ ਦਰਾਰ ਆਉਣੀ ਸੁਭਾਵਿਕ ਹੀ ਹੈ ਜਾਂ ਜਦੋਂ ਕੋਈ ਤੀਜਾ, ਦੋਵਾਂ ਦੇ ਰਿਸ਼ਤੇ ਵਿਚ ਆਪਣੀ ਹੋਂਦ ਪ੍ਰਗਟਾ ਦੇਵੇ ਉਦੋਂ ਪਤੀ-ਪਤਨੀ ਦਾ ਰਿਸ਼ਤਾ ਸਿਰਫ਼ ਨਾਮ ਲਈ ਜਾਂ ਸਮਾਜ ਲਈ ਹੀ ਨਿਭਾਇਆ ਜਾਂਦਾ ਹੈ। ਅਜਿਹੇ ਬੇਰਸ ਰਿਸ਼ਤਿਆਂ ਨੂੰ ਨਿਭਾਉਣਾ ਸਿਰਫ਼ ਇਕ ਮਜਬੂਰੀ ਬਣ ਜਾਂਦੀ ਹੈ। ਅਜਿਹੇ ਰਿਸ਼ਤੇ ਸਮਾਜ ਲਈ ਨਾਸੂਰ ਹੋ ਨਿਬੜਦੇ ਹਨ ਅਤੇ ਘੁਣ ਵਾਂਗ ਅੰਦਰੋ-ਅੰਦਰੀ ਸਮਾਜ ਨੂੰ ਖੋਰਾ ਲਾਉਂਦੇ ਹਨ।
ਚੰਗੇ ਪਤੀ ਪਤਨੀ ਵੀ ਬਹਿਸ ਕਰਦੇ ਹਨ ਪਰ ਉਨ੍ਹਾਂ ਦੇ ਬਹਿਸਣ ਦਾ ਮਕਸਦ ਇਕ ਦੂਜੇ ਨੂੰ ਨੀਵਾਂ ਦਿਖਾਉਣਾ ਜਾਂ ਅਪਮਾਨ ਕਰਨਾ ਨਹੀਂ ਹੁੰਦਾ। ਕਦੇ-ਕਦੇ ਉਸਾਰੂ ਬਹਿਸ ਵੀ ਜ਼ਰੂਰੀ ਹੁੰਦੀ ਹੈ। ਜਦੋਂ ਕਿਸੇ ਤੀਜੇ ਦੇ ਸਾਹਮਣੇ ਇਕ ਦੂਜੇ ਨੂੰ ਨਿੰਦਣ ਦੀ ਮਨਸ਼ਾ ਘਰ ਕਰ ਜਾਵੇ ਉਦੋਂ ਰਿਸ਼ਤੇ ਵਿਚ ਖਟਾਸ ਆਉਣੀ ਸੁਬਾਵਿਕ ਹੈ। ਜਿਥੇ ਪਤਨੀ ਦਾ ਸਤਿਕਾਰ ਨਹੀਂ ਹੁੰਦਾ, ਉਥੇ ਜੀਵਨ ਦੀਆਂ ਤਸੱਲੀਆਂ ਅਤੇ ਖੁਸ਼ੀਆਂ ਨਹੀਂ ਹੁੰਦੀਆਂ, ਜਿਥੇ ਪਤੀ ਦਾ ਸਤਿਕਾਰ ਨਹੀਂ ਹੁੰਦਾ, ਉਥੇ ਵਸੀਲਿਆਂ ਦੀ ਅਮੀਰੀ ਅਤੇ ਖ਼ੁਸ਼ਹਾਲੀ ਨਹੀਂ ਹੁੰਦੀ।
ਨਵੇਂ ਰਿਸ਼ਤੇ ਨੂੰ ਨਿਭਾਉਂਦੇ ਹੋਏ ਪੁਰਾਣਿਆਂ ਨੂੰ ਵੀ ਨਾਲ ਲੈ ਕੇ ਚੱਲਣਾ ਪੈਂਦਾ ਹੈ ਕਿਉਂਕਿ ਇਸ ਰਿਸ਼ਤੇ ਵਿਚ ਦੋ ਪਰਿਵਾਰਾਂ ਦਾ ਵੀ ਮੇਲ ਹੁੰਦਾ ਹੈ। ਇਕ ਦੂਜੇ ਦੇ ਮਾਪਿਆਂ ਨੂੰ ਤਹਿ ਦਿਲੋਂ ਦਿੱਤਾ ਸਤਿਕਾਰ ਤੁਹਾਡੇ ਸੰਸਕਾਰਾਂ ਨੂੰ ਵੀ ਉਜਾਗਰ ਕਰਦਾ ਹੈ ਅਤੇ ਨਾਲ ਹੀ ਸਾਥੀ ਦੀਆਂ ਨਜ਼ਰਾਂ ਵਿਚ ਵੀ ਮਾਣ ਦਿਵਾਉਂਦਾ ਹੈ। ਬਜ਼ੁਰਗਾਂ ਦੀਆਂ ਦਿੱਤੀਆਂ ਅਸੀਸਾਂ ਤੁਹਾਨੂੰ ਤਣਾਅ ਮੁਕਤ ਕਰ ਦੇਣਗੀਆਂ। ਉਹ ਕੁਝ ਨਹੀਂ ਮੰਗਦੇ ਬਸ ਥੋੜ੍ਹਾ ਜਿਹਾ ਪਿਆਰ ਅਤੇ ਸਤਿਕਾਰ, ਜੋ ਅਸੀਂ ਉਨ੍ਹਾਂ ਨੂੰ ਦੇ ਸਕਦੇ ਹਾਂ।
ਅਜਿਹਾ ਸਾਥੀ ਬਣੋ ਜਿਸ ਨਾਲ ਰੂਹ ਸਾਂਝੇ ਕਰਦਿਆਂ ਇਹ ਖਿਆਲ ਹੀ ਨਾ ਆਵੇ ਕਿ ਇਸ ਤੋਂ ਕੁਝ ਲੁਕਾ ਕੇ ਰੱਖਿਆ ਜਾਵੇ, ਜਿਸ ਨਾਲ ਗੱਲ ਕਰਕੇ ਇਉਂ ਲੱਗੇ ਕਿ ਕਿਸੇ ਦੂਜੇ ਨਾਲ ਨਹੀਂ ਸਗੋਂ ਖ਼ੁਦ ਨਾਲ ਮੁਲਾਕਾਤ ਕੀਤੀ ਹੈ। ਜੇ ਤੁਸੀਂ ਉਸ ਦਾ ਦਿਲ ਵੀ ਦੁਖਾਓ ਤਾਂ ਲੱਗੇ ਕਿ ਤੁਸੀਂ ਤਾਂ ਰੱਬ ਨੂੰ ਨਾਰਾਜ਼ ਕਰ ਲਿਆ। ਜੋ ਤੁਹਾਡਾ ਉਦੋਂ ਵੀ ਸਾਥ ਦੇਵੇ ਜਦੋਂ ਤੁਹਾਡਾ ਖ਼ੁਦ ਦਾ ਪਰਛਾਵਾਂ ਵੀ ਸਾਥ ਦੇਣ ਤੋਂ ਮੁਨਕਰ ਹੋ ਜਾਵੇ। ਸ਼ਾਲਾ! ਜੇਕਰ ਅਜਿਹਾ ਜੀਵਨਸਾਥੀ ਤੁਹਾਡਾ ਹਮਸਫ਼ਰ ਹੈ ਤਾਂ ਤੁਹਾਨੂੰ ਰੱਬ ਤੋਂ ਕੁਝ ਵੀ ਮੰਗਣ ਦੀ ਲੋੜ ਨਹੀਂ ਕਿਉਂਕਿ ਰਹਿਮਤਾਂ ਖ਼ੁਦ ਬਖ਼ੁਦ ਤੁਹਾਡੀ ਝੋਲੀ ਦਾ ਸ਼ਿੰਗਾਰ ਬਣਨਾ ਲੋਚਣਗੀਆਂ, ਬਸ਼ਰਤੇ ਤੁਸੀਂ ਵੀ ਆਪਣਾ ਰੋਲ ਓਨੀ ਹੀ ਸ਼ਿੱਦਤ ਅਤੇ ਸਾਦਗੀ ਨਾਲ ਨਿਭਾਓ।

-ਸ.ਸ.ਸ. ਸਕੂਲ, ਮੁਸਤਫ਼ਾਬਾਦ, ਫ਼ਤਹਿਗੜ੍ਹ ਸਾਹਿਬ।
ਮੋਬਾਈਲ : 94643-89293



Website & Contents Copyright © Sadhu Singh Hamdard Trust, 2002-2018.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered by REFLEX