ਨਵੀਂ ਦਿੱਲੀ, 31 ਜੁਲਾਈ (ਏਜੰਸੀ)- ਸੁਪਰੀਮ ਕੋਰਟ ਨੇ ਫ਼ਿਲਹਾਲ ਭਾਰਤ ਸਟੇਜ-4 ਮਾਪਦੰਡਾਂ ਵਾਲੇ ਵਾਹਨਾਂ ਦੀ ਰਜਿਸਟ੍ਰੇਸ਼ਨ 'ਤੇ ਰੋਕ ਲਗਾ ਦਿੱਤੀ ਹੈ | ਅਦਾਲਤ ਨੇ ਸ਼ੁੱਕਰਵਾਰ ਨੂੰ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤਾ ਕਿ ਤਾਲਾਬੰਦੀ ਦੀ ਮਿਆਦ ਦੌਰਾਨ ਵਿਕੇ ਬੀ.ਐਸ.-4 'ਤੇ ਫ਼ੈਸਲੇ ਤੱਕ ਇਨ੍ਹਾਂ ਦੇ ਰਜਿਸਟ੍ਰੇਸ਼ਨ 'ਤੇ ਰੋਕ ਰਹੇਗੀ | ਇਸ ਤੋਂ ਪਹਿਲਾਂ ਸਿਖਰਲੀ ਅਦਾਲਤ ਨੇ ਆਪਣੇ ਆਦੇਸ਼ ਦੇ ਉਲੰਘਣ 'ਤੇ ਵਾਹਨ ਡੀਲਰ ਐਸੋਸੀਏਸ਼ਨ ਨਾਲ ਨਾਰਾਜ਼ਗੀ ਜਤਾਈ | ਅਦਾਲਤ ਨੇ ਕਿਹਾ ਕਿ ਅਜਿਹੇ ਵਾਹਨ ਤਾਲਾਬੰਦੀ ਦੌਰਾਨ ਮਾਰਚ ਦੇ ਆਖ਼ਰੀ ਹਫ਼ਤੇ ਅਤੇ 31 ਮਾਰਚ ਦੇ ਬਾਅਦ ਵੀ ਵੇਚੇ ਗਏ | ਜਸਟਿਸ ਅਰੁਣ ਮਿਸ਼ਰਾ ਦੀ ਅਗਵਾਈ ਵਾਲੀ ਬੈਂਚ ਨੇ ਸ਼ੁੱਕਰਵਾਰ ਨੂੰ ਵੀਡੀਓ ਕਾਨਫ਼ਰੰਸ ਰਾਹੀਂ ਸੰਖੇਪ ਸੁਣਵਾਈ ਦੌਰਾਨ ਸਪਸ਼ਟ ਕੀਤਾ ਕਿ ਇਸ ਮੁੱਦੇ 'ਤੇ ਫ਼ੈਸਲੇ ਤੱਕ ਬੀ.ਐਸ.-4 ਵਾਹਨਾਂ ਦੇ ਰਜਿਸਟ੍ਰੇਸ਼ਨ 'ਤੇ ਰੋਕ ਰਹੇਗੀ | ਬੈਂਚ 'ਚ ਜਸਟਿਸ ਬੀ.ਆਰ. ਗਵਈ ਅਤੇ ਜਸਟਿਸ ਕਿ੍ਸ਼ਨ ਮੁਰਾਰੀ ਵੀ ਸ਼ਾਮਿਲ ਹਨ | ਇਸ ਤੋਂ ਪਹਿਲਾਂ ਅਦਾਲਤ ਨੇ 8 ਜੁਲਾਈ ਨੂੰ 27 ਮਾਰਚ ਦੇ ਆਪਣੇ ਉਸ ਫ਼ੈਸਲੇ ਨੂੰ ਵਾਪਸ ਲੈ ਲਿਆ ਸੀ, ਜਿਸ 'ਚ ਕੋਵਿਡ-19 ਦੇ ਕਾਰਨ ਲਾਗੂ ਤਾਲਾਬੰਦੀ ਦੇ ਹਟਣ ਤੋਂ ਬਾਅਦ ਦਿੱਲੀ-ਐਨ.ਸੀ.ਆਰ. ਨੂੰ ਛੱਡ ਕੇ ਦੇਸ਼ ਦੇ ਹੋਰਨਾਂ ਹਿੱਸਿਆਂ 'ਚ 10 ਦਿਨ ਦੇ ਲਈ ਬੀ.ਐਸ.-4 ਵਾਹਨਾਂ ਦੀ ਵਿੱਕਰੀ ਦੀ ਮਨਜ਼ੂਰੀ ਦਿੱਤੀ ਗਈ ਸੀ | ਬਾਅਦ 'ਚ ਇਸ ਰਾਹਤ ਨੂੰ ਵਾਪਸ ਲੈ ਲਿਆ ਗਿਆ ਸੀ | ਅਦਾਲਤ ਨੇ ਡੀਲਰਾਂ ਨੂੰ ਇਹ ਰਾਹਤ ਇਸ ਤੱਥ ਨੂੰ ਧਿਆਨ 'ਚ ਰੱਖ ਕੇ ਦਿੱਤੀ ਸੀ ਕਿ ਮਾਰਚ, 2020 ਤੋਂ ਬਾਅਦ ਦੇਸ਼ 'ਚ ਇਨ੍ਹਾਂ ਵਾਹਨਾਂ ਦੀ ਵਿੱਕਰੀ ਨਹੀਂ ਹੋ ਸਕਦੀ | ਬੈਂਚ ਨੇ ਵਾਹਨ ਡੀਲਰ ਐਸੋਸੀਏਸ਼ਨ ਨੂੰ ਨਿਰਦੇਸ਼ ਦਿੱਤਾ ਕਿ ਉਹ ਮਾਰਚ ਦੇ ਆਖ਼ਰੀ ਹਫ਼ਤੇ 'ਚ ਆਨਲਾਈਨ ਜਾਂ ਪ੍ਰਤੱਖ ਤਰੀਕੇ ਨਾਲ ਵੇਚੇ ਗਏ ਵਾਹਨਾਂ ਦੀ ਡਿਟੇਲ ਪੇਸ਼ ਕਰਨ | ਬੈਂਚ ਨੇ ਕਿਹਾ ਕਿ ਉਹ ਤਾਲਾਬੰਦੀ ਦੀ ਮਿਆਦ 'ਚ ਵੇਚੇ ਗਏ ਅਤੇ ਰਜਿਸਟਰ ਹੋਏ ਬੀ.ਐਸ.-4 ਵਾਹਨਾਂ ਦੀ ਡਿਟੇਲ ਦੀ ਜਾਂਚ ਕਰਨਾ ਚਾਹੁੰਦੀ ਹੈ | ਬੈਂਚ ਨੇ ਵਿਸ਼ੇਸ਼ ਰੂਪ ਨਾਲ 29, 30 ਅਤੇ 31 ਮਾਰਚ ਨੂੰ ਅਜਿਹੇ ਵਾਹਨਾਂ ਦੀ ਵਿੱਕਰੀ 'ਚ ਵਾਧੇ ਦਾ ਵਰਣਨ ਕਰਦਿਆਂ ਕਿਹਾ ਕਿ ਅਸੀਂ ਇਨ੍ਹਾਂ ਲੋਕਾਂ ਿਖ਼ਲਾਫ਼ ਉਚਿੱਤ ਕਾਰਵਾਈ ਕਰਾਂਗੇ | ਮਾਮਲੇ ਦੇ ਅਗਲੀ ਸੁਣਵਾਈ ਹੁਣ 13 ਅਗਸਤ ਨੂੰ ਹੋਵੇਗੀ |
ਲੁਧਿਆਣਾ, 31 ਜੁਲਾਈ (ਪੁਨੀਤ ਬਾਵਾ)- ਪੰਜਾਬ ਸਰਕਾਰ ਦੇ ਤਕਨੀਕੀ ਸਿੱਖਿਆ ਵਿਭਾਗ ਵਲੋਂ ਪੰਜਾਬ ਭਰ ਦੀਆਂ ਆਈ.ਟੀ.ਆਈਜ਼. ਵਿਚ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਹੁਣ ਸਨਅਤੀ ਇਕਾਈਆਂ 'ਚ ਹੀ ਸਿਖਲਾਈ ਕਰਵਾਉਣ ਦੀ ਸ਼ੁਰੂਆਤ ਕਰ ਦਿੱਤੀ ਹੈ | ਹੁਨਰਮੰਦ ਕਾਮਿਆਂ ਦੀ ...
ਜਲੰਧਰ, 31 ਜੁਲਾਈ (ਅ.ਬ)- ਭਾਰਤੀ ਜੀਵਨ ਬੀਮਾ ਨਿਗਮ (ਐਲ.ਆਈ.ਸੀ ਆਫ਼ ਇੰਡੀਆ), ਭਾਰਤ ਦੀ ਸਭ ਤੋਂ ਵੱਡੀ ਜੀਵਨ ਬੀਮਾ ਕਰਨ ਵਾਲੀ ਕੰਪਨੀ ਨੇ ਵਿੱਤੀ ਨਤੀਜਿਆਂ ਦਾ ਐਲਾਨ ਕਰਦਿਆਂ ਮਾਰਚ 2020 ਤਕ ਦੇ ਆਡਿਟ ਅੰਕੜੇ ਜਾਰੀ ਕੀਤੇ ਹਨ | ਨਿਗਮ ਦੁਆਰਾ ਮਾਰਚ 2020 ਨੂੰ ਖ਼ਤਮ ਹੋਣ ਵਾਲੇ ...
ਨਵੀਂ ਦਿੱਲੀ, 31 ਜੁਲਾਈ (ਏਜੰਸੀ)- ਕੋਰੋਨਾ ਦੇ ਮਾਮਲੇ ਜਿਉਂ-ਜਿਉਂ ਵੱਧ ਰਹੇ ਹਨ ਨਿਵੇਸ਼ਕਾਂ ਦਾ ਭਰੋਸਾ ਕਮਜ਼ੋਰ ਹੋ ਰਿਹਾ ਹੈ ਅਤੇ ਉਹ ਸੁਰੱਖਿਅਤ ਨਿਵੇਸ਼ ਵੱਲ ਰੁਖ ਕਰ ਰਹੇ ਹਨ | ਇਹੀ ਕਾਰਨ ਹੈ ਕਿ ਸੋਨਾ-ਚਾਂਦੀ ਦਾ ਭਾਅ ਲਗਾਤਾਰ ਵੱਧ ਰਿਹਾ ਹੈ | ਸੋਨੇ ਦਾ ਭਾਅ ...
Website & Contents Copyright © Sadhu Singh Hamdard Trust, 2002-2021.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered
by REFLEX