ਨਵੀਂ ਦਿੱਲੀ, 31 ਜੁਲਾਈ (ਏਜੰਸੀ)-ਕੌਮੀ ਰਾਜਧਾਨੀ ਦੇ ਉਭਰਦੇ ਸਾਈਕਲਿਸਟ ਤੇ 9ਵੀਂ ਜਮਾਤ ਦੇ ਵਿਦਿਆਰਥੀ ਰਿਆਜ਼ ਨੂੰ ਸ਼ੁੱਕਰਵਾਰ ਨੂੰ ਉਸ ਦੀ 'ਈਦੀ' ਮਿਲ ਗਈ, ਜਦੋਂ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ ਰਿਆਜ਼ ਦੇ ਵਿਸ਼ਵ ਪੱਧਰੀ ਸਾਈਕਲਿਸਟ ਬਣਨ ਦੇ ਸੁਪਨੇ ਨੂੰ ਪੂਰਾ ਕਰਨ 'ਚ ਸਹਾਇਤਾ ਕਰਨ ਲਈ 'ਰੇਸਿੰਗ ਸਾਈਲਕ' ਤੋਹਫ਼ੇ ਵਜੋਂ ਦਿੱਤੀ | ਰਿਆਜ਼ ਨੂੰ 31 ਜੁਲਾਈ ਈਦ-ਉਲ-ਅਦਾ ਤੋਂ ਇਕ ਦਿਨ ਪਹਿਲਾਂ ਸਾਈਕਲ ਮਿਲਿਆ ਹੈ, ਜੋ ਉਸ ਲਈ 'ਈਦੀ' ਦੇ ਬਰਾਬਰ ਹੈ | 'ਈਦੀ' ਈਦ 'ਤੇ ਵੱਡਿਆਂ ਵਲੋਂ ਛੋਟੇ ਬੱਚਿਆਂ ਨੂੰ ਦਿੱਤੇ ਜਾਣ ਵਾਲੇ ਤੋਹਫ਼ੇ ਨੂੰ ਕਹਿੰਦੇ ਹਨ | ਮੂਲ ਰੂਪ 'ਚ ਬਿਹਾਰ ਦੇ ਮਧੁਬਨੀ ਦਾ ਰਹਿਣ ਵਾਲਾ ਰਿਆਜ਼ ਗਰੀਬ ਪਰਿਵਾਰ ਨਾਲ ਸਬੰਧਿਤ ਹੈ ਤੇ ਦਿੱਲੀ ਦੇ ਆਨੰਦ ਵਿਹਾਰ ਦੇ ਸਰਵੋਦਿਆ ਬਾਲ ਵਿਦਿਆਲਿਆ ਦਾ 9ਵੀਂ ਦਾ ਵਿਦਿਆਰਥੀ ਹੈ | ਉਸ ਦੇ ਮਾਤਾ-ਪਿਤਾ, ਦੋ ਭੈਣਾਂ ਤੇ ਇਕ ਭਰਾ ਉਥੇ ਹੀ ਰਹਿੰਦੇ ਹਨ ਪਰ ਰਿਆਜ਼ ਗਾਜ਼ਿਆਬਾਦ ਦੇ ਮਹਾਰਾਜਪੁਰ 'ਚ ਇਕ ਕਿਰਾਏ ਦੇ ਮਕਾਨ 'ਚ ਰਹਿੰਦਾ ਹੈ | ਉਸ ਦੇ ਪਿਤਾ ਰਸੋਈਏ ਦਾ ਕੰਮ ਕਰਦੇ ਹਨ | ਅਜਿਹੇ 'ਚ ਆਰਥਿਕ ਮਦਦ ਲਈ ਰਿਆਜ਼ ਖਾਲੀ ਸਮੇਂ 'ਚ ਗਾਜ਼ਿਆਬਾਦ ਦੀ ਇਕ ਦੁਕਾਨ 'ਤੇ ਬਰਤਨ ਧੋਣ ਦਾ ਕੰਮ ਕਰਦਾ ਹੈ | ਰਿਆਜ਼ ਨੇ 2017 'ਚ ਦਿੱਲੀ ਰਾਜ ਸਾਈਕਿਲੰਗ ਚੈਂਪੀਅਨਸ਼ਿਪ 'ਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ, ਜਦੋਂਕਿ ਕੌਮੀ ਸਕੂਲ ਖੇਡਾਂ 'ਚ ਚੌਥਾ ਸਥਾਨ ਪ੍ਰਾਪਤ ਕੀਤਾ ਸੀ |
ਸਾਊਥਹੈਪਟਨ, 31 ਜੁਲਾਈ (ਏ.ਪੀ.)- ਡੇਵਿਡ ਵਿਲੇ ਨੇ ਇੰਗਲੈਂਡ ਟੀਮ 'ਚ ਸ਼ਾਨਦਾਰ ਵਾਪਸੀ ਕਰਦਿਆਂ ਪੰਜ ਵਿਕਟਾਂ ਝਟਕਾਈਆਂ, ਜਿਸ ਦੀ ਮਦਦ ਨਾਲ ਵਿਸ਼ਵ ਚੈਂਪੀਅਨ ਟੀਮ ਨੇ ਪਹਿਲੇ ਇਕ ਦਿਨਾ ਕ੍ਰਿਕਟ ਮੈਚ 'ਚ ਆਇਰਲੈਂਡ ਨੂੰ 6 ਵਿਕਟਾਂ ਨਾਲ ਹਰਾਇਆ | ਵਿਲੇ ਨੂੰ ਪਿਛਲੇ ਸਾਲ ...
ਨਵੀਂ ਦਿੱਲੀ, 31 ਜੁਲਾਈ (ਏਜੰਸੀ) ਖੇਡ ਮੰਤਰਾਲੇ ਨੇ ਰਾਸ਼ਟਰੀ ਖੇਡ ਪੁਰਸਕਾਰ-2020 ਲਈ ਸ਼ੁੱਕਰਵਾਰ ਨੂੰ ਚੋਣ ਕਮੇਟੀ ਦਾ ਐਲਾਨ ਕੀਤਾ, ਜਿਸ 'ਚ ਸਾਬਕਾ ਕ੍ਰਿਕਟਰ ਵਰਿੰਦਰ ਸਹਿਵਾਗ ਤੇ ਸਾਬਕਾ ਹਾਕੀ ਕਪਤਾਨ ਸਰਦਾਰ ਸਿੰਘ ਨੂੰ ਸ਼ਾਮਿਲ ਕੀਤਾ ਗਿਆ ਹੈ | ਮੰਤਰਾਲੇ ਦੁਆਰਾ ...
Website & Contents Copyright © Sadhu Singh Hamdard Trust, 2002-2021.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered
by REFLEX