ਨਵੀਂ ਦਿੱਲੀ, 15 ਜਨਵਰੀ (ਏਜੰਸੀ)- ਵਿਰਾਟ ਕੋਹਲੀ ਨੇ ਟਵਿੱਟਰ 'ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਟੈਸਟ ਟੀਮ ਦੀ ਕਪਤਾਨੀ ਛੱਡਣ ਦਾ ਐਲਾਨ ਕੀਤਾ ਹੈ | ਉਨ੍ਹਾਂ ਟੀ-20 ਵਿਸ਼ਵ ਕੱਪ ਤੋਂ ਠੀਕ ਪਹਿਲਾਂ ਟੀ-20 ਟੀਮ ਦੀ ਕਪਤਾਨੀ ਛੱਡੀ ਸੀ, ਜਦੋਂ ਕਿ ਇਕ ਦਿਨਾ ਟੀਮ ਦੀ ਕਪਤਾਨੀ ਤੋਂ ਉਨ੍ਹਾਂ ਨੂੰ ਹਟਾ ਦਿੱਤਾ ਗਿਆ ਸੀ | ਦੱਖਣੀ ਅਫਰੀਕਾ ਖਿਲਾਫ਼ ਟੈਸਟ ਲੜੀ 'ਚ ਹਾਰ ਦੇ ਅਗਲੇ ਦਿਨ ਟਵਿੱਟਰ 'ਤੇ ਇਸ ਗੱਲ ਦਾ ਐਲਾਨ ਕੀਤਾ | ਕੋਹਲੀ ਨੇ ਟਵਿੱਟਰ 'ਤੇ ਲਿਖਿਆ ਕਿ ਉਸ ਨੇ 7 ਸਾਲ ਦੀ ਮਿਹਨਤ ਤੇ ਸੰਘਰਸ਼ ਨਾਲ ਟੀਮ ਨੂੰ ਸਹੀ ਦਿਸ਼ਾ 'ਚ ਲਿਜਾਣ ਦੀ ਕੋਸ਼ਿਸ਼ ਕੀਤੀ | ਮੈਂ ਆਪਣਾ ਕੰਮ ਪੂਰੀ ਇਮਾਨਦਾਰੀ ਨਾਲ ਕੀਤਾ ਹੈ ਤੇ ਆਪਣੇ ਵਲੋਂ ਕੋਈ ਕਸਰ ਨਹੀਂ ਛੱਡੀ | ਹਰ ਚੀਜ਼ ਨੇ ਕਦੇ ਨਾ ਕਦੇ ਰੁਕਣਾ ਹੁੰਦਾ ਹੈ ਅਤੇ ਮੇਰੇ ਲਈ ਭਾਰਤ ਦੀ ਟੈਸਟ ਕਪਤਾਨੀ ਨੂੰ ਛੱਡਣ ਦਾ ਇਹੋ ਵਕਤ ਹੈ | ਉਨ੍ਹਾਂ ਲਿਖਿਆ ਕਿ ਇਸ ਸਫਰ 'ਚ ਕਈ ਉਤਾਰ-ਚੜਾਅ ਆਏ ਹਨ, ਪਰ ਮੇਰੀਆਂ ਕੋਸ਼ਿਸ਼ਾਂ ਤੇ ਭਰੋਸੇ 'ਚ ਕਦੇ ਕਮੀ ਨਹੀਂ ਆਈ | ਵਿਰਾਟ ਦੇ ਟਵੀਟ 'ਤੇ ਬੀ.ਸੀ.ਸੀਆਈ. ਨੇ ਭਾਰਤੀ ਕ੍ਰਿਕਟ 'ਚ ਉਨ੍ਹਾਂ ਦੇ ਯੋਗਦਾਨ ਦਾ ਸ਼ੁਕਰੀਆ ਅਦਾ ਕੀਤਾ | ਬੋਰਡ ਨੇ ਟਵੀਟ ਕੀਤਾ ਕਿ ਬੀ.ਸੀ.ਸੀ.ਆਈ. ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੂੰ ਉਨ੍ਹਾਂ ਦੀ ਪ੍ਰੇਰਣਾਦਾਈ ਅਗਵਾਈ ਸਮਰੱਥਾ ਲਈ ਵਧਾਈ ਦਿੰਦਾ ਹੈ, ਜਿਸ ਨੇ ਟੀਮ ਨੂੰ ਉਚਾਈਆਂ ਤੱਕ ਪਹੁੰਚਾਇਆ | ਉਨ੍ਹਾਂ ਭਾਰਤ ਦੇ 68 ਟੈਸਟ ਮੈਚਾਂ 'ਚ ਕਪਤਾਨੀ ਕੀਤੀ, ਜਿਸ 'ਚ 40 ਟੀਮ ਇੰਡੀਆ ਨੇ ਜਿੱਤੇ |
ਨਵੀਂ ਦਿੱਲੀ, 15 ਜਨਵਰੀ (ਏਜੰਸੀ)- ਦੋ ਵਾਰ ਦੀ ਉਲੰਪਿਕ ਤਗਮਾ ਜੇਤੂ ਪੀ.ਵੀ. ਸਿੰਧੂ ਦਾ ਇੰਡੀਅਨ ਓਪਨ 2022 ਦਾ ਸਫਰ ਸਮਾਪਤ ਹੋ ਗਿਆ | ਚੋਟੀ ਦੀ ਭਾਰਤੀ ਖਿਡਾਰਨ ਨੂੰ ਮਹਿਲਾ ਸਿੰਗਲ ਦੇ ਸੈਮੀਫਾਈਨਲ ਮੁਕਾਬਲੇ 'ਚ ਥਾਈਲੈਂਡ ਦੀ ਸੁਪਾਨਿਦਾ ਕਾਤੇਥੋਂਗ ਹੱਥੋਂ ਹਾਰ ਦਾ ...
ਮੈਲਬੌਰਨ, 15 ਜਨਵਰੀ (ਏਜੰਸੀ)- ਕੋਰੋਨਾ ਦਾ ਟੀਕਾ ਨਾ ਲਗਵਾਉਣ ਕਾਰਨ ਵੀਜ਼ਾ ਦੂਸਰੀ ਵਾਰ ਰੱਦ ਹੋਣ ਦੇ ਬਾਅਦ ਦੁਨੀਆ ਦਾ ਨੰਬਰ ਇਕ ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਕ ਫਿਰ ਨਜ਼ਰਬੰਦੀ 'ਚ ਹੈ, ਜਦੋਂ ਕਿ ਵੀਜ਼ਾ ਰੱਦ ਹੋਣ ਦੇ ਖਿਲਾਫ਼ ਉਸ ਦੀ ਅਪੀਲ 'ਤੇ ਸੁਣਵਾਈ ਹਾਈਕੋਰਟ ...
ਨਵੀਂ ਦਿੱਲੀ, 15 ਜਨਵਰੀ (ਏਜੰਸੀ)- ਵਿਸ਼ਵ ਚੈਂਪੀਅਨਸ਼ਿਪ ਦੇ ਕਾਂਸੀ ਤਗਮਾ ਜੇਤੂ ਲਕਸ਼ੇ ਸੇਨ ਨੇ ਦਮਦਾਰ ਪ੍ਰਦਰਸ਼ਨ ਕਰਦੇ ਹੋਏ ਇੰਡੀਅਨ ਓਪਨ ਦੇ ਖਿਤਾਬੀ ਮੁਕਾਬਲੇ 'ਚ ਥਾਂ ਬਣਾਈ | ਲਕਸ਼ੇ ਨੇ ਸਨਿਚਰਵਾਰ ਨੂੰ ਅੰਤਿਮ-4 ਮੁਕਾਬਲੇ 'ਚ ਮਲੇਸ਼ੀਆ ਦੇ ਐਨਜੀ ਤਜੇ ਯੋਂਗ ...
Website & Contents Copyright © Sadhu Singh Hamdard Trust, 2002-2021.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust. Powered
by REFLEX