ਤਾਜਾ ਖ਼ਬਰਾਂ
- ਮੁੱਖ ਮੰਤਰੀ ਬਣਨ 'ਤੇ ਅੱਜ ਹੀ ਸਹੁੰ ਚੁੱਕ ਸਕਦੈ ਹਨ ਰੰਧਾਵਾ - ਮੀਡੀਆ ਰਿਪੋਰਟ
-
ਚੰਡੀਗੜ੍ਹ, 19 ਸਤੰਬਰ - ਮੀਡੀਆ ਰਿਪੋਰਟਾਂ ਮੁਤਾਬਿਕ ਮੁੱਖ ਮੰਤਰੀ ਦੇ ਲਈ ਸੁਖਜਿੰਦਰ ਸਿੰਘ ਰੰਧਾਵਾ ਦੀ ਚੋਣ ਹੋਈ ਹੈ। ਜਿਸ ਤਹਿਤ ਉਹ ਅੱਜ ਹੀ ਪੰਜਾਬ ਦੇ ਮੁੱਖ ਮੰਤਰੀ ਵਜੋਂ ਹਲਫ਼ ਲੈਣ...
- ਸੁਖਜਿੰਦਰ ਸਿੰਘ ਰੰਧਾਵਾ ਨੂੰ ਬਣਾਇਆ ਜਾ ਸਕਦੈ ਮੁੱਖ ਮੰਤਰੀ - ਮੀਡੀਆ ਰਿਪੋਰਟਾਂ
-
ਚੰਡੀਗੜ੍ਹ, 19 ਸਤੰਬਰ - ਮੀਡੀਆ ਰਿਪੋਰਟਾਂ ਮੁਤਾਬਿਕ ਸੁਖਜਿੰਦਰ ਸਿੰਘ ਰੰਧਾਵਾ ਨੂੰ ਪੰਜਾਬ ਦਾ ਅਗਲਾ ਮੁੱਖ ਮੰਤਰੀ ਬਣਾਇਆ ਜਾ ਸਕਦਾ ਹੈ...
- ਸੁਨੀਲ ਜਾਖੜ ਦੇ ਹੱਕ ਵਿਚ ਆਏ 38 ਵਿਧਾਇਕ - ਕਰੀਬੀ ਦਾ ਵੱਡਾ ਦਾਅਵਾ
-
ਚੰਡੀਗੜ੍ਹ, 19 ਸਤੰਬਰ (ਵਿਕਰਮਜੀਤ ਸਿੰਘ ਮਾਨ) - ਕਾਂਗਰਸ ਹਾਈਕਮਾਨ ਦੇ ਆਬਜ਼ਰਵਰਾਂ ਵਲੋਂ ਪਾਰਟੀ ਵਿਧਾਇਕਾਂ ਨੂੰ ਫ਼ੋਨ ਕਰਕੇ ਗੱਲਬਾਤ ਕੀਤੀ ਗਈ ਹੈ। ਜਿਸ ਵਿਚ ਕਿਸ ਨੂੰ ਮੁੱਖ ਮੰਤਰੀ ਬਣਾਇਆ ਜਾਵੇ, ਇਸ ਬਾਰੇ ਸਲਾਹ ਲਈ ਗਈ ਹੈ। ਜਾਣਕਾਰੀ ਅਨੁਸਾਰ ਸੁਨੀਲ ਜਾਖੜ ਦੇ ਹੱਕ ਵਿਚ 38 ਵਿਧਾਇਕਾਂ ਦਾ ਸਮਰਥਨ ਹੈ...
- ਪਾਕਿਸਤਾਨੀ ਡਰੋਨ ਦੀ ਭਾਰਤੀ ਖੇਤਰ ਅੰਦਰ ਘੁਸਪੈਠ
- ਖਾਲੜਾ,19 ਸਤੰਬਰ (ਜੱਜਪਾਲ ਸਿੰਘ ਜੱਜ) - ਖਾਲੜਾ ਸੈਕਟਰ ਅਧੀਨ ਆਉਂਦੀ ਬੀ.ਐਸ.ਐਫ. ਦੀ ਸਰਹੱਦੀ ਚੌਂਕੀ ਕੇ.ਐਸ. ਵਾਲਾ ਦੇ ਅਧੀਨ ਆਉਂਦੇ ਖੇਤਰ ਅੰਦਰ 18-19 ਸਤੰਬਰ ਦੀ ਦਰਮਿਆਨੀ ਰਾਤ ਨੂੰ ਪਾਕਿਸਤਾਨੀ ਡਰੋਨ ਵਲੋਂ ਭਾਰਤੀ ਖੇਤਰ ਅੰਦਰ ਘੁਸਪੈਠ ਕੀਤੀ ਗਈ, ਜਿਸ ਦੀ ਆਵਾਜ਼ ਸੁਣਨ 'ਤੇ...
- ਮੋਟਰਸਾਈਕਲ ਧਮਾਕਾ ਅਤੇ ਟਿਫ਼ਨ ਬੰਬ ਮਿਲਣ ਦੇ ਸਬੰਧ ਵਿਚ ਨਾਮਜ਼ਦ ਦੋਸ਼ੀ ਰਾਜਸਥਾਨ ਤੋਂ ਮਿਲਿਆ
-
ਜਲਾਲਾਬਾਦ, 19 ਸਤੰਬਰ (ਕਰਨ ਚੁਚਰਾ) - ਬੀਤੀ ਦਿਨੀਂ ਜਲਾਲਾਬਾਦ 'ਚ ਮੋਟਰਸਾਈਕਲ ਧਮਾਕਾ ਅਤੇ ਸਰਹੱਦੀ ਪਿੰਡ ਧਰਮੂਵਾਲਾ ਦੇ ਖੇਤਾਂ ਵਿਚੋਂ ਟਿਫ਼ਨ ਬੰਬ ਮਿਲਣ ਦੇ ਸੰਬੰਧ ਵਿਚ ਨਾਮਜ਼ਦ ਦੋਸ਼ੀ ਸੁਖਵਿੰਦਰ ਸਿੰਘ ਉਰਫ਼ ਸੁੱਖਾ ਨੂੰ ਰਾਜਸਥਾਨ ਦੇ ਲੋਕਾਂ ਨੇ ਫੜਿਆ ਹੈ। ਇਸ ਸਬੰਧ ਵਿਚ ਸੋਸ਼ਲ ਮੀਡੀਆ ਤੇ ਉਸ...
- ਕੈਪਟਨ ਨੇ ਸੋਨੀਆ ਨੂੰ ਲਿਖੀ ਚਿੱਠੀ, ਕਿਹਾ ਸਿਆਸੀ ਘਟਨਾਕ੍ਰਮ ਪੰਜਾਬ ਦੀਆਂ ਚਿੰਤਾਵਾਂ 'ਤੇ ਆਧਾਰਿਤ ਨਹੀਂ
-
ਚੰਡੀਗੜ੍ਹ, 19 ਸਤੰਬਰ (ਵਿਕਰਮਜੀਤ ਸਿੰਘ ਮਾਨ) - ਮੁੱਖ ਮੰਤਰੀ ਦਾ ਅਹੁਦਾ ਛੱਡਣ ਤੋਂ ਪਹਿਲਾ ਕੈਪਟਨ ਅਮਰਿੰਦਰ ਸਿੰਘ ਨੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਪੱਤਰ ਲਿਖਿਆ ਤੇ ਪਿਛਲੇ 5 ਮਹੀਨਿਆਂ ਤੋਂ ਚੱਲ ਰਹੇ ਸਿਆਸੀ ਘਮਸਾਣ ਤੋਂ ਦੁਖੀ ਹੋਣ ਬਾਰੇ ਲਿਖਿਆ। ਉਨ੍ਹਾਂ ਨੇ ਪੱਤਰ ਵਿਚ ਲਿਖਿਆ ਕਿ ਘਟਨਾਕ੍ਰਮ...
- ਸ਼ੁਤਰਾਣਾ ਵਿਚ ਗੁਟਕਾ ਸਾਹਿਬ ਦੀ ਬੇਅਦਬੀ
-
ਸ਼ੁਤਰਾਣਾ, 19 ਸਤੰਬਰ (ਬਲਦੇਵ ਸਿੰਘ ਮਹਿਰੋਕ) - ਪਟਿਆਲਾ ਜ਼ਿਲ੍ਹਾ ਦੇ ਵਿਧਾਨ ਸਭਾ ਹਲਕਾ ਸ਼ੁਤਰਾਣਾ ਵਿਖੇ ਗੁਟਕਾ ਸਾਹਿਬ ਨਾਲੀ ਵਿਚ ਸੁੱਟ ਕੇ ਬੇਅਦਬੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਿੰਡ ਵਾਸੀਆਂ ਦੀ ਸ਼ਿਕਾਇਤ 'ਤੇ ਪੁਲਿਸ ਨੇ ਕਥਿਤ ਦੋਸ਼ੀਆਂ ਖ਼ਿਲਾਫ਼ ਮੁਕੱਦਮਾ ਦਰਜ ਕਰਕੇ ਮਾਮਲੇ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ...
- ਪੰਜਾਬ ਦੇ ਮੁੱਖ ਮੰਤਰੀ ਦਾ ਚਿਹਰਾ ਸਿੱਖ ਹੋਵੇ - ਅੰਬਿਕਾ ਸੋਨੀ
-
ਨਵੀਂ ਦਿੱਲੀ, 19 ਸਤੰਬਰ - ਕਾਂਗਰਸੀ ਆਗੂ ਅੰਬਿਕਾ ਸੋਨੀ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਉਨ੍ਹਾਂ ਨੇ ਪੰਜਾਬ ਦਾ ਮੁੱਖ ਮੰਤਰੀ ਬਣਨ ਤੋਂ ਇਨਕਾਰ ਕਰ ਦਿੱਤਾ ਪ੍ਰੰਤੂ ਸੂਬੇ ਦਾ ਮੁੱਖ ਮੰਤਰੀ ਸਿੱਖ ਹੀ ਹੋਣਾ ਚਾਹੀਦਾ ਹੈ...
- ਪੰਜਾਬ ਵਿਚ ਬਣਾਏ ਜਾ ਸਕਦੇ ਹਨ ਦੋ ਉਪ ਮੁੱਖ ਮੰਤਰੀ
-
ਚੰਡੀਗੜ੍ਹ, 19 ਸਤੰਬਰ (ਵਿਕਰਮਜੀਤ ਸਿੰਘ ਮਾਨ) - ਪੰਜਾਬ ਵਿਚ ਨਵਾਂ ਮੁੱਖ ਮੰਤਰੀ ਬਣਾਏ ਜਾਣ ਦੇ ਨਾਲ-ਨਾਲ ਪਾਰਟੀ ਦਾ ਅੰਦਰੂਨੀ ਵਿਵਾਦ ਖ਼ਤਮ ਕਰਨ ਲਈ 2 ਉਪ ਮੁੱਖ ਮੰਤਰੀ ਬਣਾਏ ਜਾਣ 'ਤੇ ਚਰਚਾ ਚੱਲ ਰਹੀ ਹੈ...
- ਕਾਂਗਰਸੀ ਆਗੂ ਸੁਨੀਲ ਜਾਖੜ ਦੇ ਘਰ ਕਾਂਗਰਸੀ ਆਗੂਆਂ ਦਾ ਲੱਗਿਆ ਤਾਂਤਾ
-
ਚੰਡੀਗੜ੍ਹ, 19 ਸਤੰਬਰ (ਵਿਕਰਮਜੀਤ ਸਿੰਘ ਮਾਨ) - ਸਾਬਕਾ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਸੁਨੀਲ ਜਾਖੜ ਦੇ ਪੰਚਕੂਲਾ ਸਥਿਤ ਗ੍ਰਹਿ ਵਿਖੇ ਵਿਧਾਇਕਾਂ ਤੇ ਕਾਂਗਰਸੀ ਆਗੂਆਂ ਦਾ ਤਾਂਤਾ ਲੱਗਿਆ...
- ਕੁਝ ਘੰਟਿਆਂ ਅੰਦਰ ਪੰਜਾਬ ਦੇ ਮੁੱਖ ਮੰਤਰੀ ਦੇ ਨਾਂਅ ਦਾ ਹੋਵੇਗਾ ਐਲਾਨ - ਰੰਧਾਵਾ
-
ਚੰਡੀਗੜ੍ਹ, 19 ਸਤੰਬਰ - ਕਾਂਗਰਸ ਵਿਧਾਇਕ ਤੇ ਸੀਨੀਅਰ ਆਗੂ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਦੇ ਨਾਂਅ ਦਾ ਕੁਝ ਘੰਟਿਆਂ ਅੰਦਰ ਐਲਾਨ ਹੋ ਜਾਵੇਗਾ...
- ਸਿੱਧੂ ਨੇ ਕਿਹਾ ਮੈਨੂੰ ਬਣਾਓ ਮੁੱਖ ਮੰਤਰੀ ?
-
ਚੰਡੀਗੜ੍ਹ, 19 ਸਤੰਬਰ (ਵਿਕਰਮਜੀਤ ਸਿੰਘ ਮਾਨ) - ਪੰਜਾਬ ਦਾ ਮੁੱਖ ਮੰਤਰੀ ਕੌਣ ਹੋਵੇਗਾ ਇਸ ਨੂੰ ਲੈ ਕੇ ਅਜੇ ਵੀ ਪੇਚ ਫਸਿਆ ਹੋਇਆ ਚੰਡੀਗੜ੍ਹ 'ਚ ਸੁਨੀਲ ਜਾਖੜ, ਹਰੀਸ਼ ਰਾਵਤ, ਹਰੀਸ਼ ਚੌਧਰੀ ਸਮੇਤ ਹੋਰ ਆਗੂਆਂ ਦੀਆਂ ਮੀਟਿੰਗਾਂ ਦਾ ਦੌਰ ਜਾਰੀ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਨਵਜੋਤ ਸਿੰਘ ਸਿੱਧੂ...
- ਕੈਪਟਨ ਕਾਂਗਰਸ ਦੇ ਸਨਮਾਨਜਨਕ ਆਗੂ, ਪਾਰਟੀ ਨੂੰ ਨਹੀਂ ਪਹੁੰਚਾਉਣਗੇ ਨੁਕਸਾਨ - ਅਸ਼ੋਕ ਗਹਿਲੋਤ
-
ਜੈਪੁਰ, 19 ਸਤੰਬਰ - ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਟਵੀਟ ਕਰਕੇ ਲਿਖਿਆ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਕਾਂਗਰਸ ਦੇ ਸਨਮਾਨਜਨਕ ਸੀਨੀਅਰ ਲੀਡਰ ਹਨ ਅਤੇ ਉਹ ਪਾਰਟੀ ਨੂੰ ਨੁਕਸਾਨ ਪਹੁੰਚਾਉਣ ਲਈ ਕੋਈ ਵੀ ਅਜਿਹਾ ਕਦਮ ਨਹੀਂ ਚੁੱਕਣਗੇ ਤੇ ਉਹ ਹਮੇਸ਼ਾ ਪਾਰਟੀ ਦੀ ਮਜ਼ਬੂਤੀ ਲਈ ਕੰਮ ਕਰਦੇ ਰਹਿਣਗੇ...
- ਅੰਬਿਕਾ ਸੋਨੀ ਨੇ ਪੰਜਾਬ ਦਾ ਮੁੱਖ ਮੰਤਰੀ ਬਣਨ ਤੋਂ ਕੀਤਾ ਇਨਕਾਰ - ਮੀਡੀਆ ਰਿਪੋਰਟਾਂ
-
ਚੰਡੀਗੜ੍ਹ, 19 ਸਤੰਬਰ - ਪੰਜਾਬ ਵਿਚ ਨਵੇਂ ਮੁੱਖ ਮੰਤਰੀ ਦੇ ਨਾਂਅ ਦਾ ਅੱਜ ਐਲਾਨ ਹੋਵੇਗਾ। ਜਿਸ ਲਈ ਕਾਂਗਰਸੀ ਵਿਧਾਇਕਾਂ ਵਲੋਂ ਸੋਨੀਆ ਗਾਂਧੀ ਦੇ ਫ਼ੈਸਲੇ ਦੀ ਉਡੀਕ...
- ਸੜਕ ਹਾਦਸੇ ਵਿਚ 4 ਜੀਆਂ ਸਮੇਤ 5 ਲੋਕ ਜ਼ਖ਼ਮੀ
-
ਤਪਾ ਮੰਡੀ, 19 ਸਤੰਬਰ (ਪ੍ਰਵੀਨ ਗਰਗ) - ਬਰਨਾਲਾ-ਬਠਿੰਡਾ ਮੁੱਖ ਮਾਰਗ 'ਤੇ ਘੁੰਨਸ ਕੱਟ ਨੇੜੇ ਇਕ ਕਾਰ ਟਰੱਕ ਦੇ ਪਿਛਲੇ ਪਾਸੇ ਟਕਰਾਉਣ ਉਪਰੰਤ ਪਲਟ ਜਾਣ ਕਾਰਨ ਕਾਰ ਵਿਚ ਸਵਾਰ ਇਕ...
- ਇਕ ਹੋਰ ਵਿਧਾਇਕ ਦਲ ਦੀ ਮੀਟਿੰਗ ਦੀ ਨਹੀਂ ਹੈ ਲੋੜ - ਪਰਗਟ ਸਿੰਘ
-
ਚੰਡੀਗੜ੍ਹ, 19 ਸਤੰਬਰ - ਪੰਜਾਬ ਵਿਚ ਨਵੇਂ ਮੁੱਖ ਮੰਤਰੀ ਦੇ ਨਾਂਅ ਦਾ ਅੱਜ ਐਲਾਨ ਹੋਵੇਗਾ। ਜਿਸ ਲਈ ਕਾਂਗਰਸੀ ਵਿਧਾਇਕਾਂ ਵਲੋਂ ਸੋਨੀਆ ਗਾਂਧੀ ਦੇ ਫ਼ੈਸਲੇ ਦੀ ਉਡੀਕ ਕੀਤੀ ਜਾ ਰਹੀ ਹੈ। ਉੱਥੇ ਹੀ, ਕਾਂਗਰਸ ਵਿਧਾਇਕ ਪਰਗਟ ਸਿੰਘ ਨੇ ਕਿਹਾ ਕਿ ਮੁੱਖ ਮੰਤਰੀ...
- ਸੋਨੀਆ ਗਾਂਧੀ ਦੇ ਫ਼ੈਸਲੇ ਦਾ ਹੋ ਰਿਹਾ ਇੰਤਜ਼ਾਰ, ਸੁਨੀਲ ਜਾਖੜ ਦੀ ਰਿਹਾਇਸ਼ ਵਿਖੇ ਪਹੁੰਚ ਰਹੇ ਵਿਧਾਇਕ
-
ਚੰਡੀਗੜ੍ਹ, 19 ਸਤੰਬਰ - ਪੰਜਾਬ ਵਿਚ ਨਵੇਂ ਮੁੱਖ ਮੰਤਰੀ ਦੇ ਨਾਂਅ ਦਾ ਅੱਜ ਐਲਾਨ ਹੋਵੇਗਾ। ਜਿਸ ਲਈ ਕਾਂਗਰਸੀ ਵਿਧਾਇਕਾਂ ਵਲੋਂ ਸੋਨੀਆ ਗਾਂਧੀ ਦੇ ਫ਼ੈਸਲੇ ਦੀ ਉਡੀਕ ਕੀਤੀ ਜਾ ਰਹੀ ਹੈ। ਬਹੁਤ ਸਾਰੇ ਵਿਧਾਇਕ ਸੁਨੀਲ ਜਾਖੜ ਦੀ ਰਿਹਾਇਸ਼ ਵਿਖੇ ਪਹੁੰਚ ਰਹੇ ਹਨ...
- ਪੰਜਾਬ ਤੋਂ ਬਾਅਦ ਰਾਜਸਥਾਨ ਕਾਂਗਰਸ ਵਿਚ ਹਲਚਲ
-
ਜੈਪੁਰ, 19 ਸਤੰਬਰ - ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਪੰਜਾਬ ਦੇ ਮੁੱਖ ਮੰਤਰੀ ਵਜੋਂ ਦਿੱਤੇ ਗਏ ਅਸਤੀਫ਼ੇ ਤੋਂ ਬਾਅਦ ਰਾਜਸਥਾਨ ਦੀ ਅਸ਼ੋਕ ਗਹਿਲੋਤ ਦੀ ਅਗਵਾਈ ਹੇਠਲੀ ਕਾਂਗਰਸ ਸਰਕਾਰ ਵਿਚਕਾਰ ਵੀ...
- ਭਾਰਤ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ 30 ਹਜ਼ਾਰ ਤੋਂ ਵਧੇਰੇ ਆਏ ਕੋਰੋਨਾ ਕੇਸ
-
ਨਵੀਂ ਦਿੱਲੀ, 19 ਸਤੰਬਰ - ਭਾਰਤ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ ਕੋਰੋਨਾ ਦੇ 30 ਹਜ਼ਾਰ 773 ਮਾਮਲੇ ਸਾਹਮਣੇ ਆਏ ਹਨ ਅਤੇ ਇਸ ਦੌਰਾਨ 309 ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ...
- ਪੁਲਾੜ ਦੀ ਸੈਰ ਕਰਕੇ ਵਾਪਸ ਧਰਤੀ 'ਤੇ ਪਰਤੇ 4 ਆਮ ਲੋਕ
-
ਫਲੋਰੀਡਾ, 19 ਸਤੰਬਰ - ਧਰਤੀ ਦੇ ਤਿੰਨ ਦਿਨ ਤੱਕ ਚੱਕਰ ਲਗਾਉਣ ਵਾਲੇ ਚਾਰ ਲੋਕਾਂ ਨਾਲ ਰਵਾਨਾ ਹੋਇਆ ਸਪੇਸ ਐਕਸ ਧਰਤੀ ਦਾ ਚੱਕਰ ਲਗਾਉਣ ਤੋਂ ਬਾਅਦ ਸਫਲਤਾ ਨਾਲ ਉਤਰ ਗਿਆ। ਫਲੋਰੀਡਾ ਸਥਿਤ ਕੈਨੇਡੀ ਸਪੇਸ ਸੈਂਟਰ ਤੋਂ ਉਡਾਣ ਭਰਨ ਵਾਲਾ ਸਪੇਸ ਐਕਸ ਦਾ ਕ੍ਰੂ ਡ੍ਰੈਗਨ ਰਾਕਟ ਵੀ ਸਫਲਤਾ...
- ਅੱਜ ਪੰਜਾਬ ਨੂੰ ਮਿਲੇਗਾ ਨਵਾਂ ਮੁੱਖ ਮੰਤਰੀ, ਸੁਨੀਲ ਜਾਖੜ ਦਾ ਨਾਂਅ ਸਭ ਤੋਂ ਅੱਗੇ
-
ਚੰਡੀਗੜ੍ਹ, 19 ਸਤੰਬਰ - ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਪੰਜਾਬ ਦੇ ਮੁੱਖ ਮੰਤਰੀ ਵਜੋਂ ਅਸਤੀਫ਼ਾ ਦੇ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਪੰਜਾਬ ਵਿਧਾਇਕ ਦਲ ਦੀ ਮੀਟਿੰਗ ਹੋਈ, ਜਿਸ ਵਿਚ ਦੋ ਮਤੇ ਪਾਸ ਕੀਤੇ ਗਏ ਅਤੇ ਕਿਸ ਆਗੂ ਨੂੰ ਮੁੱਖ ਮੰਤਰੀ ਬਣਾਉਣਾ ਹੈ, ਇਹ ਸਾਰਾ ਫ਼ੈਸਲਾ ਆਲਾ ਹਾਈਕਮਾਨ 'ਤੇ ਛੱਡ ਦਿੱਤਾ...
- ⭐ਮਾਣਕ - ਮੋਤੀ⭐
-
- ਬੀ.ਆਰ.ਟੀ. ਬੱਸ ਨੇ ਨੌਜਵਾਨ ਕੁਚਲਿਆ
- ਸੁਲਤਾਨਵਿੰਡ (ਅੰਮ੍ਰਿਤਸਰ) , 18 ਸਤੰਬਰ (ਗੁਰਨਾਮ ਸਿੰਘ ਬੁੱਟਰ) - ਅੰਮ੍ਰਿਤਸਰ-ਜਲੰਧਰ ਰੋਡ ਨੇੜੇ ਗੋਲਡਨ ਗੇਟ ਨਿਊ ਅੰਮ੍ਰਿਤਸਰ ਵਿਖੇ ਇਕ ਨੌਜਵਾਨ ਨੂੰ ਬੀ.ਆਰ.ਟੀ. ਬੱਸ ਵਲੋਂ ਕੁਚਲ ਦਿੱਤਾ ਗਿਆ। ਜਿਸ ਦੀ ਮੌਕੇ 'ਤੇ ਮੌਤ ਹੋ ਗਈ...
- ਲੋਕ ਮੇਰੀ ਸਰਕਾਰ ਤੋਂ ਸਨ ਖ਼ੁਸ਼ - ਕੈਪਟਨ
-
ਚੰਡੀਗੜ੍ਹ, 18 ਸਤੰਬਰ - ਅਪਮਾਨਿਤ ਮਹਿਸੂਸ ਕਰ ਰਹੇ ਮੁੱਖ ਮੰਤਰੀ ਵਜੋਂ ਅਸਤੀਫ਼ਾ ਦੇ ਚੁੱਕੇ ਕੈਪਟਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰਕੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਕਾਂਗਰਸ ਪਾਰਟੀ ਦੇ ਫ਼ੈਸਲੇ ਦੀ ਸਮਝ ਨਹੀਂ ਆਈ। ਉਨ੍ਹਾਂ ਨੇ ਕਿਹਾ ਕਿ ਲੋਕ ਉਨ੍ਹਾਂ ਦੀ ਸਰਕਾਰ ਤੋਂ ਖ਼ੁਸ਼ ਸਨ ਪ੍ਰੰਤੂ ਪਾਰਟੀ ਲੀਡਰਾਂ ਦੀ ਅਤਿ ਪ੍ਰਤੀਕਿਰਿਆ...
- ਤਬਾਹੀ ਲੈ ਕੇ ਆਏਗਾ ਸਿੱਧੂ, ਪਾਕਿਸਤਾਨ ਨਾਲ ਹਨ ਨੇੜਲੇ ਸਬੰਧ, ਦੇਸ਼ ਦੀ ਸੁਰੱਖਿਆ ਲਈ ਖ਼ਤਰਾ - ਕੈਪਟਨ
-
ਚੰਡੀਗੜ੍ਹ, 18 ਸਤੰਬਰ - ਕੈਪਟਨ ਅਮਰਿੰਦਰ ਸਿੰਘ ਨੇ ਪੰਜਾਬ ਦੇ ਮੁੱਖ ਮੰਤਰੀ ਵਜੋਂ ਅਸਤੀਫ਼ਾ ਦੇਣ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਦੌਰਾਨ ਵੱਡਾ ਬਿਆਨ ਦਿੰਦੇ ਹੋਏ ਕਿਹਾ ਕਿ ਪੰਜਾਬ ਪ੍ਰਦੇਸ਼ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨਾਕਾਬਲ ਵਿਅਕਤੀ ਹਨ। ਉਹ ਤਬਾਹਕੁਨ ਸਾਬਤ ਹੋਣਗੇ। ਕੈਪਟਨ ਨੇ ਕਿਹਾ ਕਿ...
- ਹੋਰ ਖ਼ਬਰਾਂ..
ਸੰਪਾਦਕੀ
ਕੇਂਦਰ ਪਹਿਲ ਕਰੇ
ਲਗਪਗ ਮਹੀਨੇ ਭਰ ਤੋਂ ਕਿਸਾਨ ਸੜਕਾਂ ਅਤੇ ਰੇਲ ਪਟੜੀਆਂ 'ਤੇ ਆ ਕੇ ਨਵੇਂ ਖੇਤੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਹਨ ਅਤੇ ਉਨ੍ਹਾਂ ਦਾ ਸੰਘਰਸ਼ ਲਗਾਤਾਰ ਜਾਰੀ ਹੈ। ਬੀਤੀ 24 ਸਤੰਬਰ ਨੂੰ ਜਥੇਬੰਦੀਆਂ ਵਲੋਂ ਕੁਝ ਥਾਵਾਂ 'ਤੇ ਰੇਲਾਂ ਰੋਕੀਆਂ ਗਈਆਂ ਸਨ ਪਰ ਅਕਤੂਬਰ ਤੋਂ ਕਰੀਬ ...
ਅੰਦੋਲਨ ਨੂੰ ਸ਼ਾਂਤਮਈ ਰੱਖਣਾ ਬੇਹੱਦ ਜ਼ਰੂਰੀ
ਪਿਆਰੇ ਪੰਜਾਬੀਓ,
ਗੁਰੂ ਫ਼ਤਹਿ।
ਇਹ ਬਹੁਤ ਵਧੀਆ ਗੱਲ ਹੋਈ ਹੈ ਕਿ ਮੋਦੀ ਸਰਕਾਰ ਵਲੋਂ ਬਣਾਏ ਖੇਤੀ ਸਬੰਧੀ ਕਾਨੂੰਨਾਂ ਨੇ ਸਾਰੇ ਪੰਜਾਬੀਆਂ ਨੂੰ ਇਕ ਲੜੀ ਵਿਚ ਪ੍ਰੋਅ ਦਿੱਤਾ ਹੈ। ਪੰਜਾਬ ਦਾ ਹਰ ਸ਼ਹਿਰੀ ਅਤੇ ਪੇਂਡੂ ਸਪੱਸ਼ਟ ਤੌਰ 'ਤੇ ਸਮਝਣ ਲੱਗਾ ਹੈ ਕਿ ਇਨ੍ਹਾਂ ...
ਸਭ ਲਈ ਵਕਾਰ ਦਾ ਸਵਾਲ ਬਣ ਗਈ ਹੈ ਬਰੋਦਾ ਉਪ ਚੋਣ
ਅਗਲੇ ਹਫ਼ਤੇ ਹੋਣ ਜਾ ਰਹੀ ਬਰੋਦਾ ਉਪ ਚੋਣ ਹਰਿਆਣਾ ਦੇ ਸਾਰੇ ਸਿਆਸੀ ਦਲਾਂ ਲਈ ਵਕਾਰ ਦਾ ਸਵਾਲ ਬਣ ਗਈ ਹੈ। ਭਾਜਪਾ, ਜਜਪਾ, ਕਾਂਗਰਸ ਅਤੇ ਇਨੈਲੋ ਸਣੇ ਸਾਰੀਆਂ ਪਾਰਟੀਆਂ ਨੇ ਆਪੋ-ਆਪਣੀਆਂ ਪਾਰਟੀਆਂ ਦੇ ਤਮਾਮ ਦਿੱਗਜਾਂ ਨੂੰ ਚੋਣ ਪ੍ਰਚਾਰ ਲਈ ਉਤਾਰ ਦਿੱਤਾ ਹੈ। ਪੂਰੇ ...
ਪਰਾਲੀ ਦੇ ਨਿਪਟਾਰੇ ਲਈ ਅਜੇ ਤੱਕ ਨਹੀਂ ਬਣੀ ਕੋਈ ਸਪੱਸ਼ਟ ਨੀਤੀ
ਦੁਨੀਆ ਵਿਚ 60 ਕੁ ਸਾਲਾਂ ਪਹਿਲਾਂ ਵਾਤਾਵਰਨ ਦੀ ਰਾਜਨੀਤੀ ਸ਼ੁਰੂ ਹੋਈ ਪਰ ਪੰਜਾਬ ਵਿਚ ਇਹ ਰਾਜਨੀਤੀ ਪਰਾਲੀ ਦੇ ਧੂੰਏਂ ਨਾਲ ਹੀ ਮਸ਼ਹੂਰ ਹੋਈ। ਧੂੰਏਂ ਦੀ ਰਾਜਨੀਤੀ ਕਰਨ ਵਾਲੇ ਪਰਾਲੀ ਦਾ ਵਣਜ ਵੀ ਕਰ ਸਕਦੇ ਸਨ ਅਤੇ ਹਨ ਪਰ ਏਦਾਂ ਕਿਉਂ ਨਹੀਂ ਹੋਇਆ ਅਤੇ ਕਿਉਂ ਨਹੀਂ ਹੋਣਾ ਇਹ ਸਮਝਣ ਦਾ ਵਿਸ਼ਾ ਹੈ। ਖੇਤੀ ਬਾਰੇ ਮਸ਼ਹੂਰ ਨੀਤੀਵਾਨ ਸਵਾਮੀਨਾਥਨ ਅਨੇਕਾਂ ਵਾਰ ਕਹਿ ਹਟੇ ਹਨ ਕਿ ਪਰਾਲੀ ਕੂੜਾ ਨਹੀਂ ਹੈ ਪਰ ਇਹਦੀ ਸਹੀ ਵਰਤੋਂ ਇਕੱਲੇ ਕਿਸਾਨਾਂ ਵਲੋਂ ਸਰਕਾਰੀ ਨੀਤੀ ਬਿਨਾਂ ਸੰਭਵ ਨਹੀਂ ਹੈ। ਨੀਤੀ ਹਰ ਸਰਕਾਰ ਲਈ ਅਹਿਮ ਮਸਲਾ ਹੈ, ਕਿਉਂਕਿ ਦੁਨੀਆ ਵਿਚ ਸੈਂਕੜੇ ਮਿਸਾਲਾਂ ਹਨ ਜਿਥੇ ਸੁਧਾਰ ਦੇ ਨਾਂਅ ਹੇਠ ਵਿਗਾੜ ਪੈਦਾ ਹੋ ਗਏ। ਮਿਸਾਲ ਪੰਜਾਬ ਸਰਕਾਰ ਦੀ ਹੈ ਜਿਸ ਨੇ ਕੋਰੋਨਾ ਰੋਕਣ ਲਈ ਵੀ ਪੁਲਿਸ ਨੂੰ ਮੂਹਰੇ ਕਰ ਦਿੱਤਾ ਅਤੇ ਪਰਾਲੀ ਦਾ ਧੂੰਆਂ ਰੋਕਣ ਲਈ ਵੀ। ਜਿਥੇ ਚੁਣੀਆਂ ਹੋਈਆਂ ਸਰਕਾਰਾਂ ਵੀ ਪੁਲਿਸ ਦੇ ਜ਼ੋਰ ਨਾਲ ਨੀਤੀਆਂ ਲਾਗੂ ਕਰਦੀਆਂ ਹਨ ਪਰ ਬਹੁਤੀ ਵਾਰ ਸੁਧਾਰ ਅਤੇ ਵਿਕਾਸ ਦਫ਼ਤਰੀ ਕਾਗਜ਼ਾਂ ਤੋਂ ਬਿਨਾਂ ਹੋਰ ਕਿਤੇ ਲੱਭਣਾ ਔਖਾ ਹੋ ਜਾਂਦਾ ਹੈ।
ਪਰਾਲੀ ਦੇ ਰੌਲੇ ਨੂੰ ਸਮਝਣ ਲਈ ਜਾਣਨਾ ਜ਼ਰੂਰੀ ਹੈ ਕਿ ਧੂੰਆਂ ਰਾਜਨੀਤੀ ਅਤੇ ਵਪਾਰ ਦੇ ਕਿੰਨੇ ਕੰਮ ਆ ਰਿਹਾ ਹੈ ਅਤੇ ਆ ਸਕਦਾ ਹੈ। ਸਰਕਾਰਾਂ ਦੇ ਵਾਤਾਵਰਨ ਪ੍ਰੇਮ ਦਾ ਮੂਲ ਇਹੋ ਹੈ ਕਿ ਧੂੰਏ ਬਿਨਾਂ ਰਾਜਨੀਤੀ ਅਤੇ ਵਪਾਰ ਨਹੀਂ ਚਲ ਸਕਦੇ। ਪੰਜਾਬ ਵਿਚ ਪਰਾਲੀ ਨੂੰ ਅੱਗ ਲਾਉਣ ਤੋਂ ਰੋਕਣ ਦੀ ਨੀਤੀ ਅਤੇ ਅਮਲ ਨੂੰ ਇਸੇ ਨੁਕਤੇ ਤੋਂ ਵੀ ਵੇਖਿਆ ਜਾ ਸਕਦਾ ਹੈ। ਪਰਾਲੀ ਨੂੰ ਅੱਗ ਲਾਉਣ ਦੇ ਅਨੇਕਾਂ ਨੁਕਸਾਨ ਹਨ ਪਰ ਇਹਨੂੰ ਰੋਕਣ ਦੇ ਜੋ ਤਰੀਕੇ ਅਤੇ ਕਾਨੂੰਨ ਬਣਾਏ ਗਏ ਹਨ, ਉਹ ਵਿਚਾਰ ਦਾ ਮਸਲਾ ਹਨ। ਸਰਕਾਰੀ ਹੁਕਮਾਂ ਅਤੇ ਅਮਲਾਂ ਨਾਲ ਜੋ ਕੁਝ ਜ਼ਮੀਨ ਉਤੇ ਵਾਪਰ ਰਿਹਾ ਹੈ ਉਹਦੀ ਮਿਸਾਲ ਕਰੋਨਾ ਦੌਰਾਨ ਕਣਕ ਦੀ ਵਾਢੀ ਵੇਲੇ ਦੀ ਹੈ। ਕੰਬਾਈਨਾਂ ਦੇ ਮਾਲਕਾਂ ਨੂੰ ਨਿੱਜੀ ਸੁਨੇਹੇ ਮਿਲੇ ਕਿ ਉਹ ਹਰ ਰੋਜ਼ ਆਪਣੀਆਂ ਕੰਬਾਈਨਾਂ ਨੂੰ ਸ਼ੁੱਧ ਕਰਨ ਅਤੇ ਕੰਬਾਈਨਾਂ ਉਤੇ ਕੰਮ ਕਰਦੇ ਪਿੰਡੋਂ ਬਾਹਰਲੇ ਬੰਦਿਆਂ ਨੂੰ ਹਟਾਉਣ। ਪੰਜਾਬ ਸਰਕਾਰ ਵਲੋਂ 2016 ਵਿਚ ਕਿਸਾਨਾਂ ਨੂੰ 73 ਲੱਖ ਰੁਪਏ ਦੇ ਜੁਰਮਾਨੇ ਕੀਤੇ ਗਏ ਸਨ। ਪਿਛਲੇ ਸਾਲ ਰੋਪੜ ਜ਼ਿਲ੍ਹੇ ਵਿਚ ਕੰਬਾਈਨਾਂ ਉਤੇ 32 ਲੱਖ ਜੁਰਮਾਨੇ ਹੋਣ ਦੀ ਖ਼ਬਰ ਛਪੀ। ਇਹ ਜੁਰਮਾਨਾ ਕਿਸੇ ਅਧਿਕਾਰੀ ਦੀ ਇਮਾਨਦਾਰੀ ਦਾ ਸਬੂਤ ਹੋ ਸਕਦਾ ਹੈ ਪਰ ਇਹ ਅੰਦਾਜ਼ਾ ਔਖਾ ਨਹੀਂ ਹੈ ਕਿ ਜਿਥੇ ਇਮਾਨਦਾਰ ਅਧਿਕਾਰੀ ਨਹੀਂ ਗਿਆ ਉਥੇ ਕੀ ਹੋਇਆ ਅਤੇ ਸਾਰੇ ਪੰਜਾਬ ਵਿਚ ਕੰਬਾਈਨਾਂ ਦਾ ਸ਼ੁੱਧੀਕਰਨ ਕਿਵੇਂ ਹੋਇਆ। ਸਰਕਾਰ ਨੇ ਪਰਾਲੀ ਨੂੰ ਕੁਤਰਨਾ ਜ਼ਰੂਰੀ ਕੀਤਾ ਹੈ ਤਾਂ ਕਿ ਅੱਗ ਲਾਉਣਯੋਗ ਨਾ ਰਹੇ। ਜਦੋਂ ਇਹ ਨੀਤੀ ਦਾ ਅਮਲ ਸ਼ੁਰੂ ਹੋਇਆ ਤਾਂ ਸਭ ਕੰਬਾਈਨਾਂ ਬਣਾਉਣ ਵਾਲਿਆਂ ਨੂੰ ਹੁਕਮ ਹੋਇਆ ਕਿ ਉਹ ਪਰਾਲੀ ਕੁਤਰਨ ਲਈ ਦਾਤਰ ਛੱਜੇ ਜ਼ਰੂਰ ਲਾਉਣ। ਪਹਿਲਾਂ ਬਣੀਆਂ ਕੰਬਾਈਨਾਂ ਨੂੰ ਵੀ ਇਹੋ ਹੁਕਮ ਹੋਇਆ। ਖੇਤੀਬਾੜੀ ਮਹਿਕਮੇ ਅਤੇ ਯੂਨੀਵਰਸਿਟੀ ਮਾਹਰਾਂ ਦੀਆਂ ਸਲਾਹਾਂ ਨਾਲ ਕੁਝ ਹੁਨਰੀ ਮਿਸਤਰੀਆਂ ਨੂੰ ਮਾਨਤਾ ਦਿੱਤੀ ਗਈ ਅਤੇ ਪਹਿਲੇ ਸਾਲ ਕੁਝ ਰਿਆਇਤ ਵੀ ਐਲਾਨੀ ਗਈ। ਦਾਤਰ ਛੱਜੇ ਦਾ ਹੁਕਮ ਇਹ ਗੰਢ ਖੋਲ੍ਹਦਾ ਹੈ ਕਿ ਕਿਵੇਂ ਪਰਾਲੀ ਦਾ ਹੱਲ ਕਰਨ ਦੀ ਥਾਂ ਧੂੰਏਂ ਦੀ ਰਾਜਨੀਤੀ ਹੋ ਰਹੀ ਹੈ। ਇਹ ਗੱਲ ਨੂੰ ਸਮਝਣ ਦੇ ਤਿੰਨ ਪੱਖ ਬਣਦੇ ਹਨ :
ਪਹਿਲਾ ਪੱਖ ਤਕਨੀਕੀ ਘਾੜਤ ਦਾ ਹੈ। ਇਹ ਗੱਲ ਮਸ਼ੀਨਰੀ ਦੇ ਮਾਹਰਾਂ ਅਤੇ ਚਾਲਕਾਂ ਨੂੰ ਪਤਾ ਹੈ ਕਿ ਕਿਸੇ ਵੀ ਮਸ਼ੀਨ ਦੀ ਮੂਲ ਬਣਤਰ ਨਾਲ ਨਵਾਂ ਅੰਗ ਜੋੜਨ ਨਾਲ ਉਹਦੀ ਸਮਰੱਥਾ ਘਟਦੀ ਹੈ ਅਤੇ ਪ੍ਰਦੂਸ਼ਣ ਵਧਦਾ ਹੈ। ਪੰਜਾਬ ਦੀਆਂ ਕੰਬਾਈਨਾਂ ਜੁਗਾੜ ਤਕਨੀਕ 'ਤੇ ਆਧਾਰਿਤ ਹਨ ਅਤੇ ਜੁਗਾੜ ਉਤੇ ਜੁਗਾੜ ਦਾਤਰ ਛੱਜੇ ਨੂੰ ਪਹਿਲਾਂ ਬਣੀਆਂ ਕੰਬਾਈਨਾਂ ਝੱਲਣ ਦੇ ਸਮਰੱਥ ਨਹੀਂ ਹਨ। ਨਵਾਂ ਸੰਦ ਲੱਗਣ ਨਾਲ ਭਾਰ ਵੀ ਵਧਦਾ ਹੈ ਜ਼ੋਰ ਵੀ ਵੱਧ ਲਗਦਾ ਹੈ ਜਿਸ ਕਰਕੇ ਕੰਬਾਈਨਾਂ ਦੀ ਚਾਲ ਹੌਲੀ ਹੁੰਦੀ ਹੈ ਅਤੇ ਤੇਲ ਵਧੇਰੇ ਖਾਂਦੀਆਂ ਹਨ। ਵੱਧ ਸਮਾਂ ਚੱਲਣ ਅਤੇ ਵੱਧ ਧੂੰਆਂ ਕੱਢਣ ਨਾਲ ਪ੍ਰਦੂਸ਼ਣ ਵਿਚ ਕਿੰਨਾ ਵਾਧਾ ਹੁੰਦਾ ਹੈ ਇਹਦੇ ਬਾਰੇ ਕੋਈ ਖੋਜ ਨਹੀਂ ਮਿਲਦੀ, ਕਿਉਂਕਿ ਇਹ ਪੰਜਾਬ ਸਰਕਾਰ ਦੀ ਖੋਜ ਹੈ। ਕਿਸਾਨਾਂ ਦਾ ਦਾਅਵਾ ਹੈ ਕਿ ਤੇਲ ਦੀ ਲਾਗਤ ਲਗਪਗ ਡੇਢੀ ਅਤੇ ਵਢਾਈ ਦਾ ਸਮਾਂ ਸਵਾਇਆ ਹੋ ਜਾਂਦਾ ਹੈ।
ਪੁਰਾਣੀਆਂ ਕੰਬਾਈਨਾਂ ਉਤੇ ਲੱਗੇ ਦਾਤਰ ਛੱਜੇ ਅਸਲ ਵਿਚ ਕਿੰਨੇ ਅਤੇ ਕਿਵੇਂ ਚਲਦੇ ਹਨ ਇਹਦੀ ਕਿਸੇ ਨੂੰ ਪ੍ਰਵਾਹ ਨਹੀਂ ਹੈ। ਜ਼ਮੀਨੀ ਹਾਲ ਇਹ ਹੈ ਕਿ ਨਿਗਰਾਨੀ ਕਰਨ ਵਾਲੇ ਪੁਲਿਸ ਜਾਂ ਹੋਰ ਅਧਿਕਾਰੀ ਕੰਬਾਈਨ ਪਿੱਛੇ ਟੰਗਿਆ ਛੱਜਾ ਵੇਖ ਕੇ ਜਾਂ ਕਈ ਵਾਰ ਪਾਸੇ ਰੱਖਿਆ ਵੇਖ ਕੇ ਹੀ ਤਸੱਲੀ ਕਰ ਲੈਂਦੇ ਹਨ। ਦੁਨੀਆ ਵਿਚ ਜਿਥੇ ਵੀ ਸਰਕਾਰਾਂ ਨੇ ਸੱਚਮੁੱਚ ਕਿਸੇ ਚੀਜ਼ ਜਾਂ ਕੰਮ ਨੂੰ ਰੋਕਿਆ ਹੈ ਤਾਂ ਉਥੇ ਪਹਿਲਾਂ ਉਹਦਾ ਬਦਲ ਤਲਾਸ਼ਿਆ ਗਿਆ ਹੈ ਅਤੇ ਉਹਦੇ ਨਫ਼ੇ-ਨੁਕਸਾਨ ਦਾ ਅੰਦਾਜ਼ਾ ਲਾਇਆ ਜਾਂਦਾ ਹੈ ਪਰ ਇਥੇ ਰਾਜਨੀਤੀ ਕੀਤੀ ਗਈ ਹੈ ਉਥੇ ਰੋਕਣ ਦਾ ਸਖ਼ਤ ਫ਼ਰਮਾਨ ਕਰਕੇ ਲੋਕਾਂ ਨੂੰ ਉਨ੍ਹਾਂ ਦੇ ਆਪਣੇ ਹਾਲ ਉੱਤੇ ਛੱਡਿਆ ਗਿਆ ਹੈ। ਪਿਛਲੇ ਤਿੰਨ ਸਾਲਾਂ ਤੋਂ ਪੰਜਾਬ ਵਿਚ ਇਹੋ ਹਾਲ ਹੈ ਕਿ ਹਰ ਵਾਢੀ ਦੌਰਾਨ ਕੰਬਾਈਨਾਂ ਵਾਲੇ ਯੂਨੀਅਨਾਂ ਨੂੰ ਚੰਦੇ ਅਤੇ ਮਹਿਕਮੇ ਨੂੰ ਰਿਸ਼ਵਤ ਦੇ ਰਹੇ ਹਨ, ਕਿਉਂਕਿ ਪੂਰੀ ਵਾਢੀ ਦੌਰਾਨ ਕੰਬਾਈਨਾਂ ਦਾਤਰ ਛੱਜੇ ਦੀ ਝਾਲ ਨਹੀਂ ਝੱਲਦੀਆਂ ਹਨ।
ਦੂਜਾ ਪੱਖ ਪਰਾਲੀ ਦੀ ਸੰਭਾਵੀ ਵਰਤੋਂ ਦਾ ਹੈ। ਸਰਕਾਰੀ ਅਮਲ ਦਾ ਅਸਰ ਹੈ ਕਿ
1. ਕਿਸਾਨਾਂ ਨੇ ਪਰਾਲੀ ਦੀਆਂ ਗੱਠਾਂ ਬੰਨ੍ਹਣ ਵਾਲੀਆਂ ਕੰਬਾਈਨਾਂ ਤੋਂ ਮਹਿੰਗੀਆਂ ਮਸ਼ੀਨਾਂ ਖ਼ਰੀਦ ਲਈਆ ਪਰ ਦੂਜੇ ਪਾਸੇ ਸਰਕਾਰ ਨੇ ਹਰ ਕੰਬਾਈਨ ਲਈ ਦਾਤਰ ਛੱਜਾ ਜ਼ਰੂਰੀ ਕਰ ਦਿੱਤਾ। ਜਿਹੜੀ ਪਰਾਲੀ ਦਾਤਰਾਂ ਨਾਲ ਕੁਤਰੀ ਗਈ ਉਹਦੀ ਗੱਠ ਬੰਨ੍ਹਣੀ ਸੰਭਵ ਨਹੀਂ ਹੈ। ਏਨੇ ਮਹਿੰਗੇ ਸੰਦਾਂ ਦੀ ਕੋਈ ਹੋਰ ਵਰਤੋਂ ਨਹੀਂ ਹੋ ਰਹੀ।
2. ਜਿਹੜੇ ਲੋਕ ਪਰਾਲੀ ਤੋਂ ਗੈਸ ਅਤੇ ਖਾਦ ਬਣਾਉਣ ਲਈ ਆਪਣੇ ਲੱਖਾਂ ਰੁਪਏ ਲਾਈ ਬੈਠੇ ਹਨ ਉਨ੍ਹਾਂ ਦਾ ਵੀ ਨੁਕਸਾਨ ਹੈ ਕਿਉਂਕਿ ਕੁਤਰੀ ਹੋਈ ਪਰਾਲੀ ਉਨ੍ਹਾਂ ਲਈ ਬੇਕਾਰ ਹੈ।
3. ਜਿਹੜੇ ਲੋਕ ਪਰੰਪਰਾਗਤ ਤਰੀਕੇ ਨਾਲ ਪਸ਼ੂਆਂ ਨੂੰ ਚਾਰੇ ਅਤੇ ਸਿਆਲਾਂ ਵਿਚ ਨਿੱਘ ਲਈ ਪਰਾਲੀ ਵਰਤਦੇ ਆ ਰਹੇ ਹਨ, ਉਨ੍ਹਾਂ ਨੂੰ ਵੀ ਔਖ ਹੋਣੀ ਹੈ। ਜੋ ਵਸਤ ਪਸ਼ੂ ਪਾਲਣ ਲਈ ਅਤੇ ਹੋਰ ਕਈ ਤਰੀਕਿਆਂ ਨਾਲ ਲਾਹੇਵੰਦੇ ਕੰਮ ਆ ਸਕਦੀ ਹੈ ਉਹਨੂੰ ਸਿਰਫ ਜ਼ਮੀਨ ਵਿਚ ਗਾਲਣ ਲਈ ਮਜਬੂਰ ਕਰਨਾ ਧੂੰਏਂ ਦਾ ਹੱਲ ਨਹੀਂ ਹੈ ਸਗੋਂ ਧੂੰਏਂ ਦੀ ਰਾਜਨੀਤੀ ਹੈ।
ਝੋਨੇ ਦਾ ਨਾੜ ਕਣਕ ਨਾਲੋਂ ਸਖ਼ਤ ਹੁੰਦਾ ਉਹਦੀ ਵਰਤੋਂ ਵਧੇਰੇ ਢੁਕਵੀਂ ਹੋ ਸਕਦੀ ਹੈ ਪਰ ਸ਼ਾਇਦ ਸਰਕਾਰ ਬਜ਼ਿਦ ਹੈ ਕਿ ਜਿਸ ਸਖਤ ਅਤੇ ਗਿੱਲੇ ਨਾੜ ਨੂੰ ਧਰਤੀ ਵਿਚ ਗੱਡੇ ਟੋਕੇ ਮਸਾਂ ਕੁਤਰਦੇ ਹਨ ਉਹ ਨਾੜ ਕੰਬਾਈਨਾਂ ਪਿੱਛੇ ਲਮਕਦੇ ਦਾਤਰ ਛੱਜਿਆਂ ਰਾਹੀਂ ਕੁਤਰਾਉਣਾ ਹੈ।
ਤੀਜਾ ਪੱਖ ਫ਼ਸਲੀ ਬਦਲ ਦਾ ਹੈ। ਧੂੰਏਂ ਦੇ ਰੌਲੇ ਤੋਂ ਪਹਿਲਾਂ ਕਣਕ ਝੋਨੇ ਦੇ ਚੱਕਰ ਦਾ ਬਦਲ ਲੱਭਣ ਦੀ ਗੱਲ ਸ਼ੁਰੂ ਹੋਈ ਪਰ ਸਫਲ ਨਹੀਂ ਹੋਈ। ਫ਼ਸਲੀ ਭਿੰਨਤਾ ਨਾ ਅਪਣਾਉਣ ਦਾ ਦੋਸ਼ ਕਿਸਾਨਾਂ ਸਿਰ ਹੀ ਲੱਗਿਆ ਭਾਵੇਂ ਕਿ ਆਲੂ, ਟਮਾਟਰ, ਗੰਨਾ, ਕਪਾਹ, ਕਿੰਨੂ ਆਦਿ ਸਭ ਮੰਡੀਆਂ ਵਿਚ ਰੁਲੇ ਸਨ ਅਤੇ ਹੁਣ ਵੀ ਰੁਲਦੇ ਹਨ। ਜੇ ਸਰਕਾਰ ਬਦਲ ਸਫਲ ਨਹੀਂ ਕਰਨਾ ਚਾਹੁੰਦੀ ਤਾਂ ਇਸ ਹਾਲ ਵਿਚ ਕਿਸਾਨ ਕਿਹੜੀ ਫ਼ਸਲ ਬੀਜੇਗਾ?
ਯਾਦ ਰਹੇ ਕਿ ਕੰਬਾਈਨ ਚਲਾਉਣਾ ਗ਼ੈਰ-ਵਪਾਰਕ ਧੰਦਾ ਹੈ। ਕਈ ਲੱਖ ਦੀ ਕੰਬਾਈਨ ਸਾਲ ਵਿਚੋਂ ਦਸ ਮਹੀਨੇ ਖੜ੍ਹੀ ਰਹਿੰਦੀ ਹੈ। ਇਸ ਪ੍ਰਸੰਗ ਵਿਚ ਉਪਰਕਤ ਤਿੰਨੇ ਪੱਖ ਇਹ ਸਮਝਣ ਲਈ ਕਾਫੀ ਹਨ ਕਿ ਪੰਜਾਬ ਸਰਕਾਰ ਦੇ ਹੁਕਮ ਅਤੇ ਅਮਲ ਪਰਾਲੀ ਦਾ ਹੱਲ ਨਹੀਂ ਸਗੋਂ ਧੂੰਏਂ ਦੀ ਰਾਜਨੀਤੀ ਦਾ ਹਿੱਸਾ ਹਨ। ਇਸ ਸਬੰਧੀ ਹੁਣ ਤੱਕ ਸਰਬ ਪ੍ਰਵਾਨਿਤ ਤੇ ਸਪੱਸ਼ਟ ਨੀਤੀ ਨਹੀਂ ਬਣਾਈ ਗਈ।
ਖ਼ਬਰ ਸ਼ੇਅਰ ਕਰੋ
